\id 1JN - Whitesands Tanna 
\h 1 JON 
\toc1 Nauəuə iətəm Jon təmaupən mətei 
\toc2 1 Jon 
\toc3 1Jon 
\mt1 1 Jon  
\mt2 Nauəuə iətəm Jon təmaupən mətei  
\imt1 Nəghatiən əkuəkɨr rəha nauəuə u 1 Jon  
\ip \bd ?Pəh təmətei nauəuə u?\bd* Aposɨl Jon təmətei nauəuə u. In pia Jemɨs, kəni ilau nətɨ Səpəti mil. In kəti rəha nətəmi tueləf rəha Iesu. Kəni in iətəmi u iətəm Iesu tolkeikei pɨk. In təmətei nauəuə mɨn u: Nanusiən Təuvɨr Iətəm Jon Təmətei, 1 Jon, 2 Jon, 3 Jon, mɨne Nol Əpuiən.  
\ip \bd ?Təmətei tatuvən kəm pəh?\bd* Təmətei nauəuə u tatuvən kəm nətəmimi rəha niməfaki mɨn ikɨn mɨn rəfin. In tolkeikei məmə nətəmimi ikɨn kətiəh kətiəh okotafin, kəni motahli=pən nauəuə u tatuvən e niməfaki mɨn ikɨn pɨsɨn pɨsɨn mɨn.  
\ip \bd ?Natɨgiən təhro lanu nian təmətei?\bd* Nətəmimi nəuvein kotəni məmə Iesu Krɨsto səniəmə in Nətɨ Uhgɨn pəhriən iətəm təmuva iətəmimi pəhriən kəti. Kəutəni məmə narmɨn rəha Krɨsto təmuva e nɨpətɨ suah kəha Iesu nian Jon Bəptais təmol bəptais lan. Kəni narmɨn rəha Krɨsto tiet e nɨpətɨ Iesu, uərisɨg tɨmɨs e nɨgi kəməluau. Mətəu nəgətuniən əha in neiuəiən. Kəni mautəgətun məmə noliən tərah in tɨkə. Ilah nəuvein kotəni məmə təuvɨr əmə məmə nətəmimi okotol əpnapɨn əmə noliən tərah mətəu-inu e rəhalah nəgətuniən, nɨpətɨ iətəmimi in nati əpnapɨn əmə. Nərgɨ nəgətuniən mɨn əha, kətəni məmə “Nostisisɨm.”  
\ip \bd ?Təmətei nauəuə u o nak?\bd* Təmətei nauəuə u məmə otəgətun mɨn nəghatiən iətəm təhruahru, kəni məmə otəni pətɨgəm neiuə mɨniən rəha nəgətun eiuə mɨn. Kəni təməgətun məmə nolkeikeiən in nati asoli. Kəni molkeikei məmə otasiru, kəni mol nəhatətəiən rəha nəfaki mɨn tuva məskasɨk kəni motəhrun vivi məmə Uhgɨn təmosmiəgəh pəhriən ilah, kəni ilah mautos nəmiəgəhiən itulɨn.  
\c 1  
\s1 Nəghatiən Miəgəh  
\p
\v 1 Nəghatiən iətəm in Nəukətɨ Nəmiəgəhiən\f + \fr 1:1  \ft Jon 14:6\f* təmaupən matɨg e nətuəuiniən nian,\f + \fr 1:1  \ft Jon 1:1,3\f* inu, itɨmah\f + \fr 1:1  \ft Nauəuə u, Aposɨl Jon in təmətei. Nati əpnapɨn məmə in tətəni pɨk “itɨmah,” mətəu Jon pɨsɨn əmə təmətei. Nian təmətei nəghatiən u “itɨmah,” nian nəuvein tətəghati aru əmə lan, kəni nian nəuvein tətəghati aru lan mɨne aposɨl mɨn nəuvein.\f* iəmotətəu kəni moteruh e nəhmtɨtɨmah əhruahru.\f + \fr 1:1  \ft Luk 24:48; Jon 1:14; 19:35; 2Pitə 1:16; 1Jon 4:14\f* Iəmoteh, kəni motek e nəhlmɨtɨmah əhruahru.\f + \fr 1:1  \ft Jon 20:27\f* Inu u, in Nəghatiən iətəm in Nəukətɨ Nəmiəgəhiən iətəm iəutəghati lan, məutəni pətɨgəm.  
\v 2 Nəukətɨ Nəmiəgəhiən əha təmietɨgəm=pa;\f + \fr 1:2  \ft Jon 1:1-4; 11:25; 14:6\f* iəmoteruh kəni mautəhtul pətɨgəm o nəni pətɨgəmiən,\f + \fr 1:2  \ft Jon 15:27\f* kəni məutəni=pɨnə kəm təmah məmə in nəmiəgəhiən itulɨn, in təmətatɨg ilau Tatə Uhgɨn kəni təmiet=pa o tɨmah.\f + \fr 1:2  \ft Jon 1:1-4\f*  
\v 3 Iəutəni pətɨgəm kəm təmah natimnati mɨn iətəm iəmoteh kəni motətəu rəkɨs, məmə itəmah mɨn onəkəhuva motol kətiəh kitah min itəmah. Okəhuva kətiəh kitah Tatə Uhgɨn mɨne Nətɨn, Iesu Krɨsto.\f + \fr 1:3  \ft 1Kor 1:9\f*  
\v 4 Iautətei natimnati mɨn u məmə otol nagiəniən e nɨkitɨmah təri məriauəh.   
\s1 Okotaliuək e nəhagəhagiən  
\p
\v 5 Nəghatiən u inu, itɨmah iəmotətəu ohni kəni iəutəni=pɨnə kəm təmah, məmə Uhgɨn in nəhagəhagiən,\f + \fr 1:5  \ft 1Tim 6:16\f* kəni napinəpuiən tɨkə agɨn lan.  
\v 6 Nəmə kitah kotəni məmə kɨnautol kətiəh kitah min, mətəu kitah kəutaliuək əhanəh e napinəpuiən,\f + \fr 1:6  \ft Jon 3:19-21; 8:12; Efəs 5:8; 1Jon 2:11\f* kəni kitah kəuteiuə, kəni məsotatɨgiən e nɨpəhriəniən.\f + \fr 1:6  \ft 1Jon 2:4; 4:20\f*  
\v 7 Mətəu in tətatɨg e nəhagəhagiən, kəni nəmə kotaliuək e nəhagəhagiən təhmen lan,\f + \fr 1:7  \ft Aes 2:5\f* kəni kitah kautol kətiəh kitah min, kəni nɨra Nətɨn, Iesu, tətaruətuəh e tah o noliən tərah mɨn rəfin.\f + \fr 1:7  \ft Nəmə kəutəhlan vivi e nəhmtɨ Uhgɨn, okotəni pətɨgəm əmə təfagə tərah mɨn kəmautol kəsotəhmeniən e nəhmtɨ Uhgɨn. Mətəu səniəmə təhmen e naruətuəhiən iətəm kətaig e nien o nos rəkɨsiən nətuakəmiən kəti e nɨpətɨtəmi. Nɨra Iesu otəkeikei maruətuəh e tah, məmə in otos rəkɨs noliən tərah mɨn rəhatah. (Nɨpətɨ nəghatiən u “nɨra Iesu” tətəni məmə Iesu təmɨmɨs təhmen e sakrifais kəti təmol o təfagə tərah mɨn.) Tol lanəha, kitah kəutəhlan vivi, motəhruahru e nəhmtɨ Uhgɨn, kəni in təseruhiən noliən tərah rəhatah, mətəu-inu nɨra Iesu təmafəl rəkɨs.\f*\f + \fr 1:7  \ft Hip 9:14; Nəh 7:14\f*   
\p
\v 8 Nəmə kitah kotəni məmə səniəmə kitah nol təfagə tərah,\f + \fr 1:8  \ft Jer 2:35; Rom 3:9,19; Jem 3:2\f* kitah kauteiuə aru əmə e tah mɨn, kəni nɨpəhriəniən tɨkə e tah.\f + \fr 1:8  \ft 1Jon 2:4\f*  
\v 9 Uhgɨn in iətəm kitah kotəhrun narəriən lan, kəni rəhan noliən in təhruahru əmə.\f + \fr 1:9  \ft Uhgɨn tətalu təfagə tərah mɨn rəha nol təfagə mɨn, mətəu in tatol e nəhruahruiən, mətəu-inu nɨmɨsiən rəha Iesu in təmətəou rəkɨs noliən tərah mɨn. Tol lanəha, təhruahru məmə Uhgɨn otalu noliən tərah mɨn rəhatah mətafəl rəkɨs.\f* Tol lanəha, nəmə kitah kotəni=pən noliən tərah mɨn rəhatah kəm Uhgɨn,\f + \fr 1:9  \ft Sam 32:3-5; 51:2; Prov 28:13\f* kəni in otafəl itah kəni malu e rəhatah noliən tərah mɨn, kəni maruətuəh rəkɨs e noliən tərah mɨn rəfin rəhatah məmə okotəhruahru e nəhmtɨn.\f + \fr 1:9  \ft Jer 31:34; Maeka 7:18-20; Hip 10:22\f*  
\v 10 Mətəu nəmə kitah kotəni məmə kəsotol agɨniən noliən tərah, kəni kitah kəutəni məmə Uhgɨn tateiuə, kəni rəhan nəghatiən təsatɨg agɨniən e nəmiəgəhiən rəhatah.\f + \fr 1:10  \ft Jon 5:38\f*   
\c 2  
\s1 Iesu Krɨsto in iətəmi rəha nasiruiən e tah  
\m
\v 1 Rəhak mɨn kəlkələh mɨn,\f + \fr 2:1  \ft 1Təs 2:11\f* iətətei natimnati mɨn u kəm təmah, mətəniəhu itəmah məmə onəsotoliən təfagə tərah. Mətəu nəmə iətəmi kəti otol təfagə tərah, rəhatah kəti əha ikɨn iətəm tətəghati rəhatah lan kəm Tatə Uhgɨn,\f + \fr 2:1  \ft Rom 8:34; 1Tim 2:5; Hip 7:25\f* inu Iesu Krɨsto in Iətəmi Təhruahru.  
\v 2 In ko, iətəm təmol sakrifais aru e rəhan nəmiəgəhiən o rəhatah noliən tərah mɨn, kəni o nati u, niəməha otəsol mɨniən Uhgɨn.\f + \fr 2:2  \ft Rom 3:25; 1Jon 4:10\f*\f + \fr 2:2  \ft Iesu in təmol sakrifais aru e nəmiəgəhiən rəhan o rəhatah noliən tərah mɨn, kəni nati əha, niəməha təsoliən mɨniən Uhgɨn. Iesu in sakrifais, kəni in pris mɨn iətəm təmol sakrifais u. Iesu təsətapuəhiən o Uhgɨn məmə otəni məmə kitah kəməsotoliən noliən tərah kəti, mətəu təmətapuəh o Uhgɨn məmə oteruh itah məmə kitah nətəmimi rəhalah noliən tərah mɨn kəmotos rəkɨs nalpɨniən. Inu nətəlɨgiən mɨn rəfin rəha Uhgɨn, kəni nati u, in təməhmen.\f* Kəni təməsoliən o rəhatah pɨsɨn əmə noliən tərah mɨn, mətəu rəha nətəmimi mɨn rəfin agɨn e nəhue nɨftəni.\f + \fr 2:2  \ft Jon 3:17\f*   
\p
\v 3 Kitah okotəhrun əsas məmə kotəhrun Uhgɨn\f + \fr 2:3  \ft 1Jon 4:13; 5:2\f* nəmə kitah kautol nəuian.\f + \fr 2:3  \ft Noliən nəuian u, təsoliən itah kotəhruahru, mətəu tətəgətun əmə məmə kitah kotəhrun Uhgɨn.\f*\f + \fr 2:3  \ft Jon 14:15\f*  
\v 4 Iətəmi u tətəni məmə “Iəkəhrun Uhgɨn,”\f + \fr 2:4  \ft Tait 1:16; 1Jon 3:6; 4:7,8\f* mətəu təsoliən nəuian, in ieiuə, kəni nɨpəhriəniən tɨkə lan.\f + \fr 2:4  \ft Nətəmimi nətəm kəutohtəu=pən Nostisisɨm, kəutəni məmə ilah kəutəhrun vivi Uhgɨn, mətəu noliən rəhalah təsəhruahruiən. Afin-to e Nəghatiən Əkuəkɨr Rəha Nauəuə u 1 Jon məmə nəkəhrun nətəlɨgiən rəha Nostisisɨm.\f*\f + \fr 2:4  \ft 1Jon 1:6,8\f*  
\v 5-6 Mətəu iətəmi u tatol rəhan nəghatiən,\f + \fr 2:5-6  \ft Jon 14:15\f* nolkeikeiən rəha Uhgɨn təmatɨg mɨnpi vivi pəhriən e nɨkin.\f + \fr 2:5-6  \ft 1Jon 4:12\f* Iətəmi u tətəni məmə tətəhtul=pən lan,\f + \fr 2:5-6  \ft Nian tətəni məmə suah iətəmi kəti tətəhtul=pən e Iesu, nɨpətɨn u məmə in tətatɨg lan məsietiən, tatsɨpən lan, tatos rəfin nəsanəniən rəhan ohni, tətahgəl lan, tatɨlpɨn ilau min.\f* otəkeikei mɨtəu suaru kətiəh əmə iətəm Iesu təmɨtəu.\f + \fr 2:5-6  \ft Mat 11:29\f* Noliən u tətəgətun əsas\f + \fr 2:5-6  \ft 1Jon 2:3\f* məmə kitah kautatɨg lan.\f + \fr 2:5-6  \ft Jon 15\f*   
\s1 Kitah kotəkeikei motol nolkeikeiən kəm tah mɨn  
\p
\v 7 Nɨkik keikei mɨn, iəu iəsəteiən nəghatiən vi kəti kəm təmah məmə onəkotol, kəni mətəu iətətei in əuas\f + \fr 2:7  \ft Dut 6:5; Lev 19:18\f* iətəm nəmotos rəkɨs e nətuəuiniən, nian nəmotətəu nanusiən təuvɨr;\f + \fr 2:7  \ft 1Jon 2:24; 3:11,23; 4:21; 2Jon 5,6\f* nəghatiən əuas u in nəghatiən nɨnotəhrun rəkɨs məmə nəkotolkeikei itəmah mɨn.  
\v 8 Mətəu e neruhiən kəti mɨn, nəghatiən u iətəm iətətei tatuvnə o təmah məmə onəkotol, in tətəuhlin məmə nəghatiən vi,\f + \fr 2:8  \ft Jon 13:34\f* mətəu-inu kɨneruh e suaru vi kəti e nəmiəgəhiən rəha Iesu mɨne rəhatəmah. Mətəu-inu rəueiu, napinəpuiən tɨnətagɨm,\f + \fr 2:8  \ft Rom 13:12\f* konu nəhagəhagiən pəhriən\f + \fr 2:8  \ft Jon 1:9\f* tɨnətasiə rəkɨs.\f + \fr 2:8  \ft Efəs 5:8; 1Təs 5:5\f*   
\p
\v 9 Kəni iətəmi u tətəni məmə in tətatɨg e nəhagəhagiən mətəu tətəməki e pian,\f + \fr 2:9  \ft 1Jon 3:10,15,16; 4:20,21\f* in tətatɨg əhanəh e napinəpuiən.\f + \fr 2:9  \ft 1Jon 1:5\f*  
\v 10 Iətəmi u iətəm tolkeikei pian, in tətəhtul e nəhagəhagiən,\f + \fr 2:10  \ft 1Jon 3:14\f* kəni nati kəti tɨkə e nɨkin məmə otapitətəl lan, morin.\f + \fr 2:10  \ft Sam 119:165\f*  
\v 11 Mətəu iətəmimi u iətəm tətəməki e pian, in tətatɨg e napinəpuiən,\f + \fr 2:11  \ft 1Jon 1:6\f* kəni mətan e napinəpuiən, kəni məruru ikɨn tatuvən=pən ikɨn, mətəu-inu napinəpuiən tətəuveg nəhmtɨn.\f + \fr 2:11  \ft Jon 11:9; 12:35\f*   
\q1
\v 12 Rəhak kəlkələh mɨn, iətətei nauəuə u kəm təmah,  
\q1 mətəu-inu Uhgɨn təmafəl rəkɨs noliən tərah mɨn rəhatəmah e nati u iətəm Iesu təmol.   
\q1
\v 13 Tatə mɨn, iətətei nati u kəm təmah,  
\q1 mətəu-inu itəmah nəkotəhrun in, iətəm təmaupən matɨg e nətuəuiniən.\f + \fr 2:13  \ft Jon 1:1\f*  
\q1 Nətəm aluə mɨn, iətətei nati u kəm təmah,  
\q1 mətəu-inu itəmah nəmotehpahu rəkɨs\f + \fr 2:13  \ft Jon 16:33\f* iətəmi tərah, Setən.   
\q1
\v 14 Kəlkələh mɨn, iətətei nati u kəm təmah,  
\q1 mətəu-inu nəkotəhrun Tatə Uhgɨn.  
\q1 Tatə mɨn, iətətei nati u kəm təmah,  
\q1 mətəu-inu itəmah nəkotəhrun in, iətəm təmaupən matɨg e nətuəuiniən.\f + \fr 2:14  \ft Jon 1:1\f*  
\q1 Nətəm-aluə mɨn, iətətei nati u kəm təmah, mətəu-inu itəmah nəkotəsanən,\f + \fr 2:14  \ft Efəs 6:10\f*  
\q1 kəni nəghatiən rəha Uhgɨn tətatɨg e nɨkitəmah,  
\q1 kəni nəmotol win e iətəmi tərah, Setən.\f + \fr 2:14  \ft 1Jon 2:13; Sam 119:9-11; Jon 5:38; Hip 4:12; 1Jon 1:10\f*   
\s1 Sotolkeikeiən natimnati rəha nəhue nɨftəni  
\p
\v 15 Sotolkeikeiən nəhue nɨftəni\f + \fr 2:15  \ft Rom 12:2\f* uə natimnati mɨn rəha nəhue nɨftəni. Nəmə iətəmi kəti tatolkeikei nəhue nɨftəni, kəni nolkeikeiən rəha Tatə Uhgɨn təsatɨgiən e nɨkin.\f + \fr 2:15  \ft Jem 4:4\f*  
\v 16 Mətəu-inu natimnati rəfin u rəha nəhue nɨftəni, ilah u, kəsotsɨpəniən o Tatə Uhgɨn, mətəu kautsɨpən e nəhue nɨftəni əmə. Natimnati rəfin u rəha nəhue nɨftəni, ilah u, nolkeikei pɨkiən natimnati rəha nəhuvegɨn əmə,\f + \fr 2:16  \ft Jen 3:6; Rom 13:14; Efəs 2:3\f* kəni nolkeikeiən natimnati iətəm tatiuvirəkɨs nəhmtɨtəmi,\f + \fr 2:16  \ft Prov 27:20\f* mɨne nəfəriən o rəhalah nautə, mɨne nepətiən.  
\v 17 Kəni nəhue nɨftəni u otəpanɨkə. Kəni nolkeikei pɨkiən nautə mɨn otəpanɨkə. Kəni nolkeikei pɨkiən o noliən mɨn rəha nəhue nɨftəni iətəm kautiuvi nətəlɨgiən rəha nətəmimi otəpanɨkə.\f + \fr 2:17  \ft Hip 12:27\f* Mətəu iətəmimi iətəm tatol nəuia Tatə Uhgɨn,\f + \fr 2:17  \ft Mat 12:50\f* in otətatɨg itulɨn.   
\s1 Tɨkɨmɨr mɨn rəha Krɨsto kɨnəhuva rəkɨs  
\p
\v 18 Kəlkələh mɨn, kɨnotevɨg=pən e naunun nian.\f + \fr 2:18  \ft Rom 13:11\f* Nəmotətəu məmə Tɨkɨmɨr rəha Krɨsto\f + \fr 2:18  \ft Tɨkɨmɨr rəha Krɨsto in “antichrist” e Inglɨs.\f* otuva.\f + \fr 2:18  \ft 1Jon 2:22; 4:3; 2Jon 1:7\f* Kəni rəueiu tɨkɨmɨr mɨn rəha Krɨsto tepət, kɨnəhuva rəkɨs.\f + \fr 2:18  \ft 1Jon 4:1\f* Tol lanəha, kitah kotəhrun məmə, kɨnotevɨg=pən e naunun nian.  
\v 19 Nətəmi mɨn u, kəmotəpəh rəhatah niməfaki mɨn\f + \fr 2:19  \ft Uək 20:30\f* mətəu ilah səniəmə rəhatah agɨn mɨn, aupən agɨn mətəuarus=pa u rəueiu mɨne. Nəmə rəhatah agɨn mɨn, kəməsohietiən e tah. Mətəu ilah kəmohiet e tah, kəni tətəgətun məmə ilah səniəmə rəhatah mɨn əhruahru.   
\p
\v 20 Mətəu itəmah ko, Iətəmi Əhruahru, in təmalɨku=pɨnə\f + \fr 2:20  \ft Nətəm Isrel kəutalɨku=pən e rəhn-kapə pris mɨn e oiel, mautol kəni tətəgətun məmə ilah u, səniəmə nətəmimi əpnapɨn əmə, mətəu ilah u, nətəmimi rəha Uhgɨn əmə, nətəm in təmɨtəpɨn o noliən uək u. Kəni e noliən əhmen əmə, Iesu in tətəfa Narmɨn Rəha Uhgɨn kəm nətəmimi mɨn əha nətəm kəutəni nɨpəhriəniən lan, mətəgətun məmə Krɨsto təmɨtəpɨn ilah məmə rəhan əmə. Nətəmimi mɨn u nətəm kautos nalɨkuiən e Narmɨn Rəha Uhgɨn, in təhmen e nəmtətiən kəti məmə ilah u, rəhan mɨn nətəmimi. Tətalɨku=pən e Narmɨn Rəha Uhgɨn e lah məmə ilah kotəhmen o noliən uək rəhan.\f* kəm təmah e Narmɨn Rəha Uhgɨn,\f + \fr 2:20  \ft 1Jon 2:27; 2Kor 1:21-22\f* kəni itəmah rəfin nəkotəhrun nati u.  
\v 21 Iətətei nati u kəm təmah, səniəmə nəkotəruru nɨpəhriəniən, mətəu itəmah nɨnotəhrun rəkɨs nɨpəhriəniən, kəni motəhrun məmə nɨpəhriəniən təsəuəiən e neiuəiən.\f + \fr 2:21  \ft 2Pitə 1:12\f*  
\v 22 ?Pəh u in ieiuə? Iətəmimi u iətəm tətəni məmə Iesu səniəmə in Krɨsto iətəm Uhgɨn təməni məmə otahli=pa. Iətəmimi u inu, tɨkɨmɨr rəha Krɨsto. In təsəniən nɨpəhriəniən e Tatə Uhgɨn mɨne Nətɨn.\f + \fr 2:22  \ft 1Jon 4:3; 2Jon 1:7\f*  
\v 23 Iətəmi təsəniən nɨpəhriəniən e Nətɨn təruru nosiən Tatə. Iətəmi tətəni nɨpəhriəniən e Nətɨn, in tatos mɨn Tatə Uhgɨn.\f + \fr 2:23  \ft Jon 8:19; 14:7; 1Jon 4:15; 5:1; 2Jon 1:9\f*   
\p
\v 24 Otaskəlɨm tiəkɨs mautol nati nak nəmotətəu e nətuəuiniən, nian nəmotətəu nanusiən təuvɨr. Nəmə nautol, kəni itəmah onəkotəhtul=pən e Nətɨn, mɨne Tatə Uhgɨn.\f + \fr 2:24  \ft Jon 14:23; 15:4; 1Jon 1:3; 2Jon 9\f*  
\v 25 Kəni nati u inu, nəmiəgəhiən itulɨn, in təməni əskasɨk məmə otəfa kəm tah.   
\p
\v 26 Iətətei nəghatiən mɨn u kəm təmah mətəni pətɨgəm nətəmimi mɨn u nətəm okotiuvi rəkɨs itəmah.\f + \fr 2:26  \ft 1Jon 3:7\f*  
\v 27 Mətəu Narmɨn Rəha Uhgɨn iətəm nəmotos e Krɨsto,\f + \fr 2:27  \ft 1Jon 2:20\f* in tətatɨg əhanəh e nɨkitəmah. ?Tol lanəha, pəh mɨn təhrun nəgətuniən nati vi kəti kəm təmah? Narmɨn Rəha Uhgɨn tətəgətun natimnati rəfin kəm təmah,\f + \fr 2:27  \ft 1Kor 2:12\f* kəni nəgətuniən əha rəhan, in nɨpəhriəniən, səniəmə neiuəiən. Tol lanəha, otəhtul=pən əskasɨk e Krɨsto,\f + \fr 2:27  \ft Jon 15:4\f* təhmen=pən əmə məmə Narmɨn rəhan təməgətun itəmah məmə nəkotol.   
\p
\v 28 Kəni rəueiu əha, kəlkələh mɨn, otəhtul=pən lan, məmə nian in otuva\f + \fr 2:28  \ft 1Jon 3:2; Kol 3:4\f* kəni kitah kəsotəgɨniən məsotaulɨsiən e nəhmtɨn\f + \fr 2:28  \ft Efəs 3:12\f* e rəhan nuvaiən.   
\p
\v 29 Nəmə nəkotəhrun məmə in təhruahru,\f + \fr 2:29  \ft 1Jon 3:7\f* onəkotəhrun əsas məmə nətəmimi rəfin nətəm kautol noliən əhruahru, ilah u, nenətɨn mɨn.\f + \fr 2:29  \ft Jon 1:13\f*   
\c 3  
\s1 Kitah u nenətɨ Uhgɨn mɨn  
\m
\v 1 !Oteh-to! !Nolkeikeiən asoli agɨn Tatə Uhgɨn təmolkeikei itah lan,\f + \fr 3:1  \ft Jon 3:16\f* məmə tətauɨn e tah məmə nenətɨn mɨn!\f + \fr 3:1  \ft Jon 1:12\f* Kəni nɨpəhriəniən məmə kitah əha. Nətəmimi rəha nəhue nɨftəni kəsotəhruniən məmə kitah nenətɨn mɨn,\f + \fr 3:1  \ft Jon 15:21; 16:2,3\f* mətəu-inu ilah kotəruru Uhgɨn.\f + \fr 3:1  \ft Jon 15:21; 16:2,3\f*  
\v 2 Nɨkik mɨn, kitah nenətɨ Uhgɨn mɨn u rəueiu. Kitah kəsotəhruniən məmə okotəhro lanu motol pɨsɨn nian Krɨsto otɨtəlɨg=pa. Mətəu kitah kotəhrun məmə nian otɨtəlɨg=pa,\f + \fr 3:2  \ft Kol 3:4; 1Jon 2:28\f* kitah okotəhmen lan,\f + \fr 3:2  \ft Rom 8:29; 2Pitə 1:4\f* mətəu-inu e nian əha, okoteruh əhruahru məmə in tol lanəha.\f + \fr 3:2  \ft Jon 17:24; 2Kor 3:18\f*  
\v 3 Kəni iətəmimi iətəm tatuhuin məmə otəhmen e Krɨsto, in otəkeikei mol nəmiəgəhiən rəhan təhlan məuvɨr\f + \fr 3:3  \ft Təhlan məuvɨr, nɨpətɨn u, tətafəl rəkɨs.\f* aru noliən mɨn rəhan,\f + \fr 3:3  \ft 2Kor 7:1; 1Jon 1:7; 2Pitə 3:13,14\f* mətəu-inu Krɨsto in mɨn in təhruahru vivi agɨn.   
\p
\v 4 Iətəmimi iətəm tatol noliən tərah, in tətatgəhli mɨn lou rəha Uhgɨn, mətəu-inu nəghatiən u noliən tərah, nɨpətɨn u, natgəhliən lou rəha Uhgɨn.  
\v 5 Kəni itəmah nəkotəhrun məmə Krɨsto təmuva məmə otos rəkɨs rəhatəmah noliən tərah mɨn,\f + \fr 3:5  \ft 1Jon 3:8\f* kəni noliən tərah tɨkə lan.\f + \fr 3:5  \ft 2Kor 5:21\f*  
\v 6 Tol lanəha, nəmə kitah kəutəhtul=pən lan, tol=pən ko kəsotəkeikeiən e noliən tərah mɨn. Mətəu nətəmimi mɨn u nətəm kautəkeikei e noliən tərah mɨn, tol=pən kotəruru agɨn in, məsoteruhiən in.\f + \fr 3:6  \ft 1Jon 3:9; 2:4; 5:18; 3Jon 1:11\f*   
\p
\v 7 Kəlkələh mɨn, sotoliən iətəmi kəti teiuə e təmah e nati u. Iətəmi tatol nati əhruahru, nɨpətɨn u məmə in iətəmi əhruahru təhmen e Krɨsto məmə in iətəmi əhruahru.  
\v 8 Mətəu iətəmimi iətəm tatəkeikei əhanəh e noliən tərah mɨn, tətəgətun məmə in rəha Setən, u iətəm təmatol noliən tərah e nətuəuiniən mətəuarus=pa u rəueiu mɨne.\f + \fr 3:8  \ft Jon 8:44\f* Mətəu Nətɨ Uhgɨn təmuva o nərəkɨniən uək mɨn əha rəha Setən.\f + \fr 3:8  \ft Hip 2:14\f*  
\v 9 Nətəmimi mɨn u nətəm kəmotair vi mɨn məhuva nenətɨ Uhgɨn mɨn,\f + \fr 3:9  \ft Jon 1:13\f* ilah ko kəsotəkeikeiən e noliən tərah,\f + \fr 3:9  \ft 1Jon 5:18\f* mətəu-inu ilah kautos nian mɨtə rəha Uhgɨn. Kəni o nati u, ko ilah kəsotəkeikeiən e noliən tərah, mətəu-inu ilah nenətɨ Uhgɨn mɨn.\f + \fr 3:9  \ft Nɨkɨtɨ nati tateviə mətəuə e nəuan. E suaru əhmen əmə, Uhgɨn tatələhu=pən rəhan nian mɨtə e iətəmi kəti, kəni in tateviə təhmen e nɨkɨtɨ nati iətəm kəmərfei e nəmiəgəhiən rəha iətəmimi u, kəni mətəuə e nəuan e noliən mɨn rəha Uhgɨn. Tol lanəha, nətəmimi mɨn u nətəm kəmotair vi mɨn motuva nenətɨ Uhgɨn mɨn, ilah kəsotəkeikeiən e noliən tərah.\f*  
\v 10 Tol mə, kotəhrun nəniən məmə pəh mɨn u nenətɨ Uhgɨn,\f + \fr 3:10  \ft 1Jon 3:1,2; Jon 1:12\f* kəni pəh mɨn u nenətɨ Setən.\f + \fr 3:10  \ft 1Jon 3:8\f* Iətəmimi u iətəm təsol əhruahruiən, kəni in məsolkeikeiən pian kəti,\f + \fr 3:10  \ft 1Jon 2:9; 4:8\f* in səniəmə nətɨ Uhgɨn kəti.   
\s1 Kitah kotəkeikei motolkeikei itah mɨn  
\p
\v 11 Nəghatiən u inu, nəmotətəu e nətuəuiniən e nanusiən təuvɨr,\f + \fr 3:11  \ft 1Jon 2:7\f* məmə kitah okotəkeikei motolkeikei itah mɨn.\f + \fr 3:11  \ft Jon 13:34-35; 15:12; 1Jon 4:7,11,21; 2Jon 1:5\f*  
\v 12 Sotoliən nɨtai Ken, iətəm in iətəmimi rəha Setən kəni təhuamu pian.\f + \fr 3:12  \ft Jen 4:8\f* ?Kəni təmohamu pian o nak? Təmohamu mətəu-inu rəhan noliən mɨn tərah, konu rəha pian, noliən mɨn in təhruahru.\f + \fr 3:12  \ft Prov 29:10\f*  
\v 13 Piak mɨn, narmɨtəmah təsiuvɨg pɨkiən nəmə nətəmimi rəha nəhue nɨftəni u kəutəməki e təmah.\f + \fr 3:13  \ft Jon 15:18,19; 17:14\f*  
\v 14 Nəmə kitah kotolkeikei piatah mɨn, tətəgətun məmə kitah kinotapirəkɨs rəkɨs nɨmɨsiən, mɨnotevɨg=pən e nəmiəgəhiən.\f + \fr 3:14  \ft Jon 5:24\f* Mətəu iətəmi u nolkeikeiən tɨkə lan, in tətatɨg əhanəh e nɨmɨsiən.\f + \fr 3:14  \ft 1Jon 2:9\f*  
\v 15 Iətəmimi u iətəm tətəməki e pian\f + \fr 3:15  \ft 1Jon 2:9\f* in təhmen e iətəm tətəhuamu iətəmi,\f + \fr 3:15  \ft Mat 5:21,22; Jon 8:44\f* kəni itəmah nəkotəhrun məmə iətəm tətəhuamu itəmi, in təsosiən nəmiəgəhiən itulɨn.\f + \fr 3:15  \ft Kəl 5:20,21\f*   
\p
\v 16 Kitah kotəhrun vivi məmə nolkeikeiən in tol lanu, mətəu-inu Iesu təməfa rəhan nəmiəgəhiən o tah.\f + \fr 3:16  \ft Jon 10:11\f* Kəni təhmen əmə lanəha, təuvɨr məmə kitah mɨn kotəfən nəmiəgəhiən rəhatah o piatah mɨn.\f + \fr 3:16  \ft Jon 15:13; 1Təs 2:8\f*  
\v 17 ?Nəmə iətəmi kəti rəhan natimnati tepət kəni pian kəti rəhan nati kəti tɨkə, mətəu in təsolkeikeiən məmə təhrun e pian,\f + \fr 3:17  \ft Dut 15:7,8; Jem 2:15,16\f* məsoliən nati agɨn lan, nolkeikeiən rəha Uhgɨn otəhro lanu matɨg e iətəmi u?\f + \fr 3:17  \ft 1Jon 4:20\f*  
\v 18 Nenətɨk mɨn, pəh kitah kəsotəniən nolkeikeiən e nohlɨtah əmə, mətəu okotol əpu nolkeikeiən pəhriən e noliən mɨn rəhatah.\f + \fr 3:18  \ft Esik 33:31; Rom 12:9\f*  
\v 19 Noliən mɨn rəhatah kautəgətun məmə kitah nətəmimi rəha nɨpəhriəniən, kəni tol lanəha, nian okotəhtul e nəhmtɨ Uhgɨn, kəni kəsotəgɨniən.  
\v 20 Kəni nati əpnapɨn nəmə kotətəu=pən e nɨkitah məmə okotos nalpɨniən o natimnati nəuvein, mətəu Uhgɨn in ilɨs tapirəkɨs nɨkitah, kəni in təhrun natimnati rəfin, kəni otəni məmə kitah kotəhruahru uə kəpə.   
\p
\v 21 Piak mɨn, nəmə kotətəu=pən e nɨkitah məmə okəsotosiən nalpɨniən, kitah okəsotəgɨniən e nəhmtɨ Uhgɨn,\f + \fr 3:21  \ft Efəs 3:12; 1Jon 5:14\f*  
\v 22 kəni motos natimnati rəfin ohni iətəm kəutətapuəh=pən ohni,\f + \fr 3:22  \ft Mat 7:7\f* mətəu inu kitah kautol nəuian\f + \fr 3:22  \ft Jon 14:15\f* kəni mautol noliən iətəm in tolkeikei.\f + \fr 3:22  \ft Hip 13:21\f*  
\v 23 Konu nəghatiən u rəhan tətəni məmə kotəkeikei motəhatətə e Nətɨn,\f + \fr 3:23  \ft Jon 6:29\f* Iesu Krɨsto,\f + \fr 3:23  \ft Jon 1:12; 3:18; 20:31\f* kəni motolkeikei itah mɨn, təhmen məmə inu in təməni kəm tah.\f + \fr 3:23  \ft Jon 13:34\f*  
\v 24 Nətəmimi mɨn u nətəm kautol nəuian,\f + \fr 3:24  \ft 1Jon 2:3\f* ilah kautəhtul=pən vivi lan,\f + \fr 3:24  \ft 1Jon 2:6; 4:15\f* kəni in tətəhtul=pən vivi e lah. Kəni kitah kotəhrun məmə in tətatɨg e nɨkitah, mətəu-inu Narmɨn Rəha Uhgɨn iətəm in təməfa, in tətəgətun kəm tah.\f + \fr 3:24  \ft 1Jon 4:13\f*   
\c 4  
\s1 Onəkakil meruh mətɨg narmɨn mɨn  
\m
\v 1 Nɨkik mɨn, nəmə iətəmimi kəti tətəni məmə Narmɨn rəha Uhgɨn tətatɨg lan, matol in tətəni pətɨgəm rəhan nəghatiən, kəni təuvɨr pɨk məmə onəkoteruh vivi motakil mətɨg məmə narmɨn əha tətatɨg lan, in rəha Uhgɨn pəhriən, uə səniəmə rəha Uhgɨn.\f + \fr 4:1  \ft Jer 29:8\f* Kitah okotəkeikei moteh vivi mətəu-inu iəni eiuə mɨn tepət kɨnohiet rəkɨs məutəghati e nəhue nɨftəni.\f + \fr 4:1  \ft Mat 7:15; 1Jon 2:18\f*  
\v 2 Tol lanəha, itəmah onəkotəhrun vivi məmə in Narmɨn Rəha Uhgɨn iətəm tətatɨg e iətəmimi kəti, inu, Narmɨn iətəm tətəni pətɨgəm məmə Iesu in Krɨsto iətəm Uhgɨn təməni məmə otahli=pa, kəni in təmuva e nɨpətɨn,\f + \fr 4:2  \ft Jon 1:14; 1Jon 2:23\f* narmɨn əha in Narmɨn əhruahru rəha Uhgɨn.\f + \fr 4:2  \ft Jon təməni tol lanu mətəu-inu nətəmimi nətəm kəməutohtəu=pən Nostisisɨm, nəgətuniən rəhalah tətəni məmə Iesu, nɨpətɨn pəhriən tɨkə, mətəu in narmɨn əmə, kəni in təmos narmɨ iətəmi kəti. Mətəu nɨpəhriəniən, nɨpətɨn əha ikɨn. Nɨpəhriəniən, Iesu Krɨsto in iətəmimi pəhriən, kəni in mɨn Uhgɨn pəhriən.\f*\f + \fr 4:2  \ft 1Kor 12:3\f*  
\v 3 Mətəu iətəmimi kəti iətəm təsəni pətɨgəmiən məmə Iesu in Krɨsto iətəm Uhgɨn təməni məmə otahli=pa, narmɨn rəha iətəmimi əha, səniəmə rəha Uhgɨn. Inəha, in narmɨn rəha tɨkɨmɨr rəha Krɨsto,\f + \fr 4:3  \ft 1Jon 2:22; 2Jon 1:7\f*\f + \fr 4:3  \ft E Inglɨs, kətəni məmə “antichrist,” kəni nɨpətɨn u məmə in tɨkɨmɨr rəha Krɨsto.\f* iətəm nəmotətəu rəkɨs məmə in otəpanuva, kəni rəueiu tɨnətatɨg rəkɨs e nəhue nɨftəni.\f + \fr 4:3  \ft 1Jon 2:18\f*   
\p
\v 4 Kəlkələh mɨn, itəmah nətəmimi rəha Uhgɨn mɨn, kəni nəmotəhgi rəkɨs iəni eiuə mɨn əha,\f + \fr 4:4  \ft Jon 16:33\f* mətəu-inu Narmɨn iətəm tətatɨg e nɨkitəmah in tapirəkɨs narmɨn iətəm tətatɨg e nəhue nɨftəni u.\f + \fr 4:4  \ft 2King 6:16; Rom 8:31\f*  
\v 5 Ilah nətəmimi rəha nəhue nɨftəni u,\f + \fr 4:5  \ft Jon 15:19; 17:14,16\f* tol lanəha, nəghatiən mɨn rəhalah kəutəni, ilah rəha nəhue nɨftəni əmə, kəni nətəm kəutətəlɨg e lah, ilah mɨn nətəmi rəha nəhue nɨftəni u.  
\v 6 Mətəu itɨmah rəha Uhgɨn. Tol lanəha, nətəmimi nətəm kotəhrun Uhgɨn, ilah kotətəlɨg e tɨmah. Mətəu nətəmimi nətəm ilah səniəmə rəha Uhgɨn, ilah kəsotətəlɨgiən e təmah.\f + \fr 4:6  \ft Jon 8:47\f* Kəni tol lanəha rəueiu, kitah okotəhrun əhruahru nətəmimi nətəm Narmɨn rəha nɨpəhriəniən tətatɨg e lah,\f + \fr 4:6  \ft Jon 14:17\f* mɨne nətəmimi nətəm narmɨn rəha neiuəiən tətatɨg e lah.\f + \fr 4:6  \ft Mak 13:5\f*   
\s1 Nolkeikeiən rəha Uhgɨn mɨne rəhatah  
\p
\v 7 Nɨkik mɨn, pəh kitah kotəkeikei mautolkeikei itah mɨn,\f + \fr 4:7  \ft 1Jon 3:11\f* mətəu-inu nolkeikeiən in tatsɨpən e Uhgɨn, kəni iətəm tatol nolkeikeiən, in təmair vi mɨn muva nati Uhgɨn kəti,\f + \fr 4:7  \ft Jon 1:15\f* kəni təhrun Uhgɨn.\f + \fr 4:7  \ft 1Jon 2:4\f*  
\v 8 Mətəu iətəmi u rəhan nolkeikeiən tɨkə, in təruru Uhgɨn, mətəu-inu Uhgɨn in nəukətɨ nolkeikeiən.  
\v 9 Uhgɨn təmol əpu rəhan nolkeikeiən kəm tah lanu, məmə in təmahli=pa Nətɨn nəuan kətiəh əmə,\f + \fr 4:9  \ft Jon 1:18\f* tuva e nəhue nɨftəni, məmə kitah okotos nəmiəgəhiən ohni.\f + \fr 4:9  \ft Jon 3:16,17; 1Jon 5:11\f*  
\v 10 Nati u in nolkeikeiən pəhriən, səniəmə kitah kəmotolkeikei Uhgɨn, mətəu in təmolkeikei itah.\f + \fr 4:10  \ft Rom 5:8,10\f* Uhgɨn təmahli=pa Nətɨn tuva, kəni in təmol sakrifais aru e rəhan nəmiəgəhiən o rəhatah noliən tərah mɨn, məmə niəməha otəsol mɨniən Uhgɨn.\f + \fr 4:10  \ft Rom 3:25\f*   
\p
\v 11 Piak mɨn, Uhgɨn təmolkeikei pɨk itah lanu,\f + \fr 4:11  \ft Jon 3:16\f* kəni tol lanu lan, kitah mɨn okotəkeikei motol mɨn nolkeikeiən əha kəm tah mɨn.\f + \fr 4:11  \ft Jon 15:12; 1Jon 3:11\f*  
\v 12 Iətəmi kəti təsehiən Uhgɨn nian kəti mɨne.\f + \fr 4:12  \ft Jon 1:18\f* Mətəu nəmə kitah kotolkeikei itah mɨn, kəni Uhgɨn tatɨg e nɨkitah, kəni nolkeikeiən rəhan təmatɨg mɨnpi vivi pəhriən e nɨkitah.\f + \fr 4:12  \ft 1Jon 4:17; 2:5\f*   
\p
\v 13 Kitah kotəhrun\f + \fr 4:13  \ft 1Jon 2:3\f* məmə kitah kotatɨg lan, kəni in tətatɨg e tah, mətəu-inu tɨnəfa rəkɨs rəhan Narmɨn kəm tah.\f + \fr 4:13  \ft 1Jon 3:24\f*  
\v 14 Kəni itɨmah iəmoteruh rəkɨs məutəni pətɨgəm\f + \fr 4:14  \ft Jon 15:27\f* məmə Tatə Uhgɨn in təmahli=pa Nətɨn məmə in Iosmiəgəh rəha nəhue nɨftəni.\f + \fr 4:14  \ft Luk 2:11; Jon 3:17\f*  
\v 15 Iətəmimi iətəm tətəni pətɨgəm məmə Iesu in Nətɨ Uhgɨn, kəni Uhgɨn tətatɨg lan, kəni in mɨn tətatɨg=pən e Uhgɨn.\f + \fr 4:15  \ft 1Jon 3:24\f*  
\v 16 Kəni tol lanəha, kitah kotəhrun nolkeikeiən rəha Uhgɨn o tah, kəni məutarəriə lan.  
\p Uhgɨn in nolkeikeiən.\f + \fr 4:16  \ft 1Jon 4:8\f* Iətəmi tətatɨg e nolkeikeiən, tətatɨg=pən e Uhgɨn, kəni Uhgɨn mɨn tətatɨg lan.\f + \fr 4:16  \ft 1Jon 3:24\f*  
\v 17 Nian kəutatɨg lanəha e Uhgɨn, kəni nolkeikeiən rəhan təmatɨg mɨnpi vivi pəhriən e nɨkitah,\f + \fr 4:17  \ft 1Jon 4:12; 2:5\f* məmə kitah kəsotəgɨniən\f + \fr 4:17  \ft Efəs 3:12\f* e nian Uhgɨn otakil itəmi, mətəu-inu e nəhue nɨftəni u rəhatah noliən təhmen e Krɨsto.  
\v 18 Iətəmi u təriauəh e nolkeikeiən, ko təsəgɨniən e Uhgɨn. Mətəu-inu nolkeikeiən pəhriən u, iətəm tɨnatəuə rəkɨs e nɨkitah, tətəhgi rəkɨs nəgɨniən.\f + \fr 4:18  \ft Rom 8:15\f* Nətəlɨgiən rəha nosiən nalpɨniən tatol itah kəutəgɨn, kəni nati u tətəgətun məmə rəhan nolkeikeiən pəhriən təsəuə əhanəhiən e nɨkitah.   
\p
\v 19 Kitah kotolkeikei itah mɨn mɨne Uhgɨn mətəu-inu Uhgɨn təmaupən molkeikei itah.  
\v 20 Mətəu nəmə iətəmi kəti təni məmə, “Iəu iəkolkeikei Uhgɨn,” mətəu tətəməki əhanəh e pian u tətəhatətə mɨn e Krɨsto,\f + \fr 4:20  \ft 1Jon 2:9\f* in ieiuə,\f + \fr 4:20  \ft 1Jon 1:6; 2:4\f* mətəu-inu iətəmi təsolkeikeiən pian u in tateh e nəhmtɨn,\f + \fr 4:20  \ft 1Jon 3:17\f* ko təsolkeikeiən Uhgɨn, iətəm in təsehiən.\f + \fr 4:20  \ft Rəhatah noliən tətəgətun əhruahru nati nak tətatɨg e nɨkitah. Nəmə iətəmimi kəti in tolkeikei pɨk Uhgɨn, nolkeikeiən rəha Uhgɨn tatɨg e nɨkin, kəni ko in otolkeikei mɨn nətəmimi, kəni in otol noliən təuvɨr mɨn əmə kəm lah. Mətəu nəmə kitah kəsotolkeikeiən Uhgɨn, kəni ko kitah kəsotolkeikeiən mɨniən nətəmimi. Kəni nəmə kitah kəsotolkeikeiən nətəmimi, tətəgətun məmə kəsotolkeikeiən Uhgɨn\f*\f + \fr 4:20  \ft 1Jon 4:12; Jon 1:18\f*  
\v 21 Kəni in təməfa rəhan nəghatiən kəm tah məmə: iətəmimi pəh tolkeikei Uhgɨn in otəkeikei molkeikei mɨn pian.\f + \fr 4:21  \ft 1Jon 2:7,9\f*   
\c 5  
\s1 Kitah kautol win mətəu-inu kitah kəutəhatətə e Iesu  
\m
\v 1 Iətəmimi iətəm tətəhatətə\f + \fr 5:1  \ft Jon 3:15\f* e Iesu məmə in Krɨsto iətəm Uhgɨn təməni məmə otahli=pa, iətəmi inu, in nətɨ Uhgɨn,\f + \fr 5:1  \ft Jon 1:13; 1Jon 2:22; 1Jon 2:23\f* kəni iətəmimi iətəm in tolkeikei Tatə Uhgɨn, in tolkeikei mɨn nenətɨn mɨn.\f + \fr 5:1  \ft 1Jon 2:23\f*  
\v 2 Kəni nəmə kotolkeikei Uhgɨn kəni mautol nəuian,\f + \fr 5:2  \ft 1Jon 2:3\f* konu kitah kotəhrun məmə kotolkeikei mɨn nenətɨn mɨn.\f + \fr 5:2  \ft 1Jon 3:14\f*  
\v 3 Mətəu-inu nəmə kotolkeikei Uhgɨn, nɨpətɨn u məmə, okotol nəuian.\f + \fr 5:3  \ft Jon 14:15\f* Kəni rəhan nəghatiən otəhmen e katipə iətəm təhvevɨg əmə.\f + \fr 5:3  \ft Mat 11:30\f*  
\v 4 Nətəmi mɨn u ilah nenətɨ Uhgɨn mɨn,\f + \fr 5:4  \ft Jon 1:13\f* ilah kautol win e noliən mɨn rəha nəhue nɨftəni. Konu nəhatətəiən rəhatah in tətəfa nəsanəniən o noliən win e noliən mɨn rəha nəhue nɨftəni.  
\v 5 ?Pəh mɨn u ilah kəutəhtul əskasɨk motol win e noliən mɨn rəha nəhue nɨftəni u? Ilah əmə əha, nətəm kəutəhatətə məmə Iesu in Nətɨ Uhgɨn.   
\s1 Iəruəsan kɨsɨl kahlol əpu Iesu Krɨsto kəm tah  
\p
\v 6 Iesu Krɨsto, in iətəmi u iətəm təmuva, kəni nəhu mɨne nɨran\f + \fr 5:6  \ft Jon 19:34,35\f* katuol əpu in kəm tah məmə in Nətɨ Uhgɨn. Səniəmə nəhu əmə iətəm tatol əpu in, mətəu nəhu mɨne nɨran. Narmɨn Rəha Uhgɨn in tətəruəsan nəghatiən mil u rəha nəhu mɨne nɨrə, mətəni pətɨgəm, kəni rəhan nəghatiən in nɨpəhriəniən mətəu-inu Narmɨn Rəha Uhgɨn in nɨpəhriəniən.  
\v 7 Kəni nuhapumɨniən kɨsɨl kəhləruəsan ilahal mɨn.\f + \fr 5:7  \ft Jon 14:17\f*  
\v 8 Ilahal u, Narmɨn Rəha Uhgɨn, mɨne nəhu, mɨne nɨrə. Kəni ilahal u, kəhlegəhan lan mahlol əpu nəghatiən rəhalahal mɨn.  
\v 9 Nian mɨn, kitah kautətəu nəghatiən mɨn iətəm nətəmimi kəutəni pətɨgəm, məutəhatətə e lah.\f + \fr 5:9  \ft Jon 5:33,34\f* Mətəu nian Uhgɨn tətəni pətɨgəm nati kəti, in iahgin tapirəkɨs, kəni kitah okotəhrun nəhatətə təhmɨn mɨn e rəhan nəghatiən, mətəu-inu in Uhgɨn,\f + \fr 5:9  \ft Mat 3:16,17; Jon 5:32,37; 8:17,18\f* kəni in tətəhtul pətɨgəm o Nətɨn.   
\p
\v 10 Iətəmimi iətəm tətəhatətə e Nətɨ Uhgɨn, in tətəni nɨpəhriəniən e nɨkin o nəghatiən u rəha Uhgɨn. Mətəu iətəmimi iətəm təsəhatətəiən e nəghatiən u rəha Uhgɨn, təhmen əmə məmə in tətəni məmə Uhgɨn in ieiuə əmə,\f + \fr 5:10  \ft Jon 3:33; 1Jon 1:10\f* mətəu-inu Uhgɨn təməhtul pətɨgəm o Nətɨn, məni pətɨgəm Nətɨn kəm in, mətəu in təsəniən nɨpəhriəniən lan.  
\v 11 Konu nəghatiən iətəm Uhgɨn təməni pətɨgəm o Nətɨn, in tol lanu. Uhgɨn təməfən nəmiəgəhiən itulɨn\f + \fr 5:11  \ft Mat 25:46\f* kəm tah, konu nəmiəgəhiən u, katos o Nətɨn.\f + \fr 5:11  \ft Jon 1:4\f*  
\v 12 Iətəm tatos Nətɨ Uhgɨn, in tatos nəmiəgəhiən. Mətəu iətəm təsosiən Nətɨ Uhgɨn, in təsosiən nəmiəgəhiən.\f + \fr 5:12  \ft Jon 3:15,16,36\f*   
\s1 Naunun nəghatiən  
\p
\v 13 Iətətei nəghatiən mɨn u kəm təmah nətəm nəutəhatətə e Nətɨ Uhgɨn, məmə onəkotəhrun məmə itəmah nəkotos nəmiəgəhiən itulɨn.\f + \fr 5:13  \ft 1Jon 5:11\f*  
\v 14 Pəh kəsotəgɨniən,\f + \fr 5:14  \ft Efəs 3:12; 1Jon 3:21\f* mətəu kotəskasɨk o nətapuəhiən o nati kəti e nəhmtɨ Uhgɨn. Nian okotətapuəh o nati kəti kəm in iətəm təuvɨr e rəhan nətəlɨgiən, kəni kitah kotəhrun vivi məmə in otətəu rəhatah nəfakiən.\f + \fr 5:14  \ft Mat 7:7\f*  
\v 15 Kəni nəmə kotəhrun məmə in otətəu itah, kəni nati nak okoteasiə=pən ohni, kəni kɨnotəhrun rəkɨs məmə okotos.\f + \fr 5:15  \ft 1King 3:12\f*   
\p
\v 16 Nəmə koteh piatah kəti tatol noliən tərah, mətəu səniəmə noliən tərah iətəm təhrun niti-pəniən e nɨmɨsiən, ik onəkəfaki ohni, kəni Uhgɨn otəfən nəmiəgəhiən kəm iətəmi u.\f + \fr 5:16  \ft Jem 5:15\f* Mətəu noliən tərah kəti əha ikɨn iətəm tatiti=pən iətəmi e nɨmɨsiən,\f + \fr 5:16  \ft Hip 6:4-6; 10:26\f* kəni iəu iəsəniən məmə onəkotəfaki o nətəmi mɨn iətəm kautol noliən əha.\f + \fr 5:16  \ft Jer 7:16; 14:11\f*\f + \fr 5:16  \ft E fes u, mɨne fes 17, Jon tətəghati e təfagə tərah iətəm tatiti=pən itəmi e nɨmɨsiən. Jon tətəghati e təfagə tərah iətəm kətəuhlin nəmtahtəmi o Krɨsto. Noliən tərah əha, tətəgətun məmə nətəmimi kautol ilah kəsotosən nəmiəgəhiən itulɨn, konu nəuvetɨn mɨn u məmə narmɨlah tɨnɨmɨs. Nati u inu, Jon tətəni əhagəhag kəm tah e 1Jon 5:12 mɨne 1Jon 3:14. E Mat 12:31-32 kitah kəutafin nəuvetɨn mɨn e nol təfagə u, nəni rahiən Narmɨn Rəha Uhgɨn.\f*  
\v 17 Noliən tərah mɨn rəfin, ilah təfagə tərah,\f + \fr 5:17  \ft 1Jon 3:4\f* kəni mətəu təfagə tərah mɨn əha ikɨn iətəm kəsotiti-pəniən iətəmi e nɨmɨsiən.\f + \fr 5:17  \ft 1Jon 5:16; 1Jon 2:1\f*   
\p
\v 18 Kitah kotəhrun məmə iətəm tətair e Uhgɨn\f + \fr 5:18  \ft Jon 1:13\f* təsəkeikeiən e təfagə tərah, mətəu-inu Nətɨ Uhgɨn tətaskəlɨm-ərain vivi in, kəni iətəmi tərah u Setən, təruru nekiən.\f + \fr 5:18  \ft Jon 14:30\f*  
\v 19 Kitah kotəhrun məmə kitah nenətɨ Uhgɨn mɨn,\f + \fr 5:19  \ft 1Jon 4:6\f* mətəu nətəmimi rəha nəhue nɨftəni rəfin, ilah u kəutatɨg e nəhlmɨ Setən.\f + \fr 5:19  \ft Jon 12:31; 14:30; 17:15\f*  
\v 20 Kitah kotəhrun mɨn məmə Nətɨ Uhgɨn təmuva kəni məfa neinatɨgiən kəm tah,\f + \fr 5:20  \ft Luk 24:45\f* məmə kitah okotəhrun in, u in nɨpəhriəniən.\f + \fr 5:20  \ft Jon 17:3\f* Konu kitah kautəhtul=pən e Uhgɨn u in nɨpəhriəniən, mətəu-inu kitah kautəhtul=pən e Nətɨn Iesu Krɨsto. In u, in Uhgɨn pəhriən, kəni in nəukətɨ nəmiəgəhiən itulɨn.\f + \fr 5:20  \ft 1Jon 5:11\f*   
\p
\v 21 Nenətɨk mɨn, otagɨm rəkɨs e natimnati mɨn iətəm okotos nɨmei Uhgɨn e nɨkitəmah.\f + \fr 5:21  \ft 1Kor 10:14; 1Təs 1:9\f*\f + \fr 5:21  \ft Nəghatiən Kris əhruahru tətəni məmə, “onəkagɨm e narmɨn nati mɨn.” Mətəu Jon tətəghati e təfagə tərah, məmə in təhmen e narmɨ nati. Nəmə kotolkeikei rəhatah təfagə tərah, kəni in təhmen e narmɨ nati. In tatos nɨmei Uhgɨn e nɨkitah.\f*