\id 1JN  
\h 1 JON 
\toc1 1 Jon 
\toc2 1 Jon 
\mt1 1 Jon  
\mt2 Naoa itəm Jon təmaupən məte  
\imt1 Nəghatən əkuəkɨr rəha naoa u 1 Jon  
\ip \bd ?Pah təməte naoa u?\bd* Aposol Jon təməte naoa u. In pia Jemes, kən ilau nətɨ Sepeti mil. In kit rəha netəm tuelef rəha Iesu. Kən in etəm u itəm Iesu tolkeike pɨk. In təməte naoa mɨn u: Namnusən Təwɨr Itəm Jon Təməte, 1 Jon, 2 Jon, 3 Jon, ne Nol Əpən.  
\ip \bd ?Təməte tatuwɨn kəm pah?\bd* Təməte naoa u tatuwɨn kəm netəmim rəha niməfak mɨn ikɨn mɨn rafin. In tolkeike məmə netəmim ikɨn kitiəh-kitiəh okotafin, kən motahl-ipən naoa u tatuwɨn e niməfak mɨn ikɨn pɨsɨn pɨsɨn mɨn.  
\ip \bd ?Nəmegəhən tahro nulan nian təməte?\bd* Netəmim neen kotəmə Iesu Kristo sənəmə in Nətɨ Uhgɨn pahrien itəm təmuwa etəmim pahrien kit. Koatən məmə narmɨn rəha Kristo təmuwa e nɨpətɨ suah əh Iesu nian Jon Baptaes təmol baptaes lan. Kən narmɨn rəha Kristo tiet e nɨpətɨ Iesu, uarisɨg tɨmɨs e nɨg kəməluau. Məto nəgətunən əh in neiuəən. Kən moatəgətun məmə nolən rat in tɨkə. Ilat neen kotəmə təwɨr əm məmə netəmin okotol əpnapɨn əm nolən rat məto-inu e rəhalat nəgətunən, nɨpətɨ etəmim in nat əpnapɨn əm. Nərgɨ nəgətunən mɨn əh, kətaun-in məmə “Nostisisɨm.”  
\ip \bd ?Təməte naoa u o naka?\bd* Təməte naoa u məmə otəgətun mɨn nəghatən itəm tətuatɨp, kən məmə otən-iarəp neiueiuə mɨnən rəha iəgətun eiuə mɨn. Kən təməgətun məmə nolkeikeən in nat asol. Kən molkeike məmə otasitu, kən mol nahatətəən rəha iəfak mɨn tuwa məskasɨk kən motɨtun wɨr məmə Uhgɨn təmosmegəh pahrien ilat, kən ilat moatos nəmegəhən lilin.  
\c 1  
\s1 Nəghatən Megəh  
\m
\v 1 Nəghatən rəha nəmegəhən\f + \fr 1:1 \ft Jon 14:6\f* təmaupən matɨg e nətuounən nian,\f + \fr 1:1 \ft Jon 1:1,3\f* inun, itɨmat\f + \fr 1:1 \ft Naoa u, Aposol Jon in təməte. Kitat kotəruru təməte kəm pah. Nat əpnapɨn məmə in tatən pɨk “itɨmat,” məto Jon pɨsɨn əm təməte. Tatən itɨmat, matəghat-in atɨp in ne aposol mɨn neen.\f* emotəto kən motəplan e nɨganəmtɨtɨmat ətuatɨp.\f + \fr 1:1 \ft Luk 24:48; Jon 1:14; 19:35; 2 Pita 1:16; 1 Jon 4:14\f* Emotehm, kən motek e nelmɨtɨmat ətuatɨp.\f + \fr 1:1 \ft Jon 20:27\f* In un, in nəghatən rəha nəmegəhən itəm ekoatəghat-in, moatən-iarəp.  
\v 2 Nəmegəhən əh təmiet-arəpa;\f + \fr 1:2 \ft Jon 1:1-4; 11:25; 14:6\f* emotehm kən moatətul-arəp o nən-iarəpən,\f + \fr 1:2 \ft Jon 15:27\f* kən moatən-ipɨnə kəm itəmat məmə in nəmegəhən lilɨn, in təmətatɨg ilau Tata Uhgɨn kən təmiet-arəpa otɨmat.\f + \fr 1:2 \ft Jon 1:1-4\f*  
\v 3 Ekoatən-iarəp kəm itəmat natɨmnat mɨn itəm emotehm kən motəto rəkɨs, məmə itəmat mɨn onəkotuwa kol kitiəh kitat min itəmat. Okotuwa kitiəh kitat Tata Uhgɨn ne Nətɨn, Iesu Kristo.\f + \fr 1:3 \ft 1 Kor 1:9\f*  
\v 4 Ekoatəte natɨmnat mɨn u məmə otol nagienən e nɨkitat tər mərioah.   
\s1 Okotaliwək e nəhag-əhagən  
\p
\v 5 Nəghatən u inu, itɨmat emotəto ron kən ioatən-ipɨnə kəm itəmat, məmə Uhgɨn in nəhag-əhagən,\f + \fr 1:5 \ft 1 Tim 6:16\f* kən napinəpən tɨkə agɨn lan.  
\v 6 Okəmə kitat kotəmə kɨnoatol kitiəh kitat min, məto kitat kotaliwək e napinəpən,\f + \fr 1:6 \ft Jon 3:19-21; 8:12; Efes 5:8; 1 Jon 2:11\f* kən koateiuə, kən məsotatɨgən e nɨpahrienən.\f + \fr 1:6 \ft 1 Jon 2:4; 4:20\f*  
\v 7 Məto in tətatɨg e nəhag-əhagən, kən okəmə kotaliwək e nəhag-əhagən tahmen lan,\f + \fr 1:7 \ft Aes 2:5\f* kən kitat koatol kitiəh kitat min, kən kitat okotaruətuəh\f + \fr 1:7 \ft Okəmə kotaruətuəh e nɨganəmtɨ Uhgɨn, okotən-iarəp əm təfagə rat mɨn kəmotol kəsotahmenən e nɨganəmtɨ Uhgɨn. Məto sənəmə tahmen e naruətuəhən itəm kətaig e nien o nos-irəkɨsən nətuakəmən kit e nɨpətɨtəm. Kitat okotəkəike motaruətuəh e nɨta Iesu, məmə in otos-irəkɨs nolən rat mɨn rəhatat. Tol nəhlan, kitat kotətuatɨp, motaruətuəh e nɨganəmtɨ Uhgɨn, in təsəplanən nolən rat rəhatat, məto-inu nɨta Iesu təmafəl rəkɨs.\f* \f + \fr 1:7 \ft Hip 9:14; Nol Əpən 7:14\f* e nolən rat mɨn rafin e nɨta Nətɨn, Iesu.   
\p
\v 8 Okəmə kitat kotəmə sənəmə kitat nol təfagə rat,\f + \fr 1:8 \ft Jer 2:35; Rom 3:9,19; Jem 3:2\f* kitat koateiuə-in atɨp əm kitat mɨn, kən nɨpahrienən tɨkə etat.\f + \fr 1:8 \ft 1 Jon 2:4\f*  
\v 9 Uhgɨn in etəm kɨtun nagɨleən lan, kən rəhan nolən in tətuatɨp əm.\f + \fr 1:9 \ft E naluinən nolən rat rəha nol təfagə mɨn, Uhgɨn in tatol e nətuatɨpən, məto-inu nɨmɨsən rəha Iesu in təmətou rəkɨs nolən rat mɨn. Tol nəhlan, tətuatɨp məmə Uhgɨn otaluin nolən rat mɨn rəhatat mətafəl rəkɨs.\f* Tol nəhlan, okəmə kitat kotən-ipən nolən rat mɨn rəhatat kəm Uhgɨn,\f + \fr 1:9 \ft Sam 32:3-5; 51:2; Prov 28:13\f* kən in otafəl kitat kən maluin rəhatat nolən rat mɨn, kən maruətuəh rəkɨs in nolən rat mɨn rafin rəhatat mə okotətuatɨp e nɨganəmtɨn.\f + \fr 1:9 \ft Jer 31:34; Maeka 7:18-20; Hip 10:22\f*  
\v 10 Okəmə kitat kotəmə kəsotol agɨn-əhən nolən rat, kən kitat koatən neiuəən e Uhgɨn, kən rəhan nəghatən təsatɨg agɨn-əhən e nəmegəhən rəhatat.\f + \fr 1:10 \ft Jon 5:38\f*   
\c 2  
\s1 Iesu Kristo in etəmim rəha nasituən etat  
\m
\v 1 Rəhak nɨsualkələh mɨn,\f + \fr 2:1 \ft 1 Tes 2:11\f* iatəte natɨmnat mɨn u kəm itəmat, matən-iəhau itəmat məmə onəsotolən nat tərat. Məto okəmə suah kit otol nolən rat, rəhatat kit əh-ikɨn etəm tatəghat rəhatat lan kəm Tata Uhgɨn,\f + \fr 2:1 \ft Rom 8:34; 1 Tim 2:5; Hip 7:25\f* inu Iesu Kristo in Etəm Tətuatɨp.  
\v 2 In un, itəm təmol sakrifais atɨp e rəhan nəmegəhən o rəhatat nolən rat mɨn, kən o nat u, neməha otəsol mɨnən Uhgɨn.\f + \fr 2:2 \ft Rom 3:25; 1 Jon 4:10\f*\f + \fr 2:2 \ft Iesu in təmol sakrifais atɨp e nəmegəhən rəhan o rəhatat nolən rat mɨn, kən o nat əh, neməha təsol mɨnən Uhgɨn. Iesu in sakrifais, kən in pris mɨn itəm təmol sakrifais u. Iesu təsətapəhən o Uhgɨn məmə otən məmə kitat kəməsotolən nolən rat kit, məto tətapəh o Uhgɨn məmə otəplan kitat məmə kitat netəm rəhatat nolən rat mɨn kəmotos rəkɨs nalpɨnən. Neməha rəha Uhgɨn, Kristo in təmos, təmol sakrifais atɨp e rəhan nəmegəhən. Kən nat u, in tɨnahmen.\f* Kən təməsolən o rəhatat pɨsɨn əm nolən rat mɨn, məto rəha netəmim rafin agɨn-əh e nətueintən.\f + \fr 2:2 \ft Jon 3:17\f*   
\p
\v 3 Kitat okotɨtun əsas məmə kotɨtun Uhgɨn\f + \fr 2:3 \ft 1 Jon 4:13; 5:2\f* okəmə kitat koatol nəwian.\f + \fr 2:3 \ft Nolən nəwian un, təsolən kitat kotətuatɨp, məto tatəgətun əm məmə kitat kotɨtun Uhgɨn.\f* \f + \fr 2:3 \ft Jon 14:15\f*  
\v 4 Etəm u tatən mə “Ekɨtun Uhgɨn,”\f + \fr 2:4 \ft Taet 1:16; 1 Jon 3:6; 4:7,8\f* məto təsolən nəwian, in ieiuə, kən nɨpahrienən tɨkə lan.\f + \fr 2:4 \ft 1 Jon 1:6,8\f*  
\v 5-6 Məto etəm un tatol rəhan nəghatən,\f + \fr 2:5-6 \ft Jon 14:15\f* nolkeikeən rəha Uhgɨn təmatɨg mɨnɨp wɨr pahrien e nɨkin.\f + \fr 2:5-6 \ft 1 Jon 4:12\f* Etəm u itəm tatən məmə tatəper-ipən lan,\f + \fr 2:5-6 \ft Nian tatən məmə suah kit tatəper-ipən e Iesu, nɨpətɨn u məmə in tətatɨg lan məsietən, tatɨsɨ-pən lan, tatətul-pən ron, tatos rafin nəsanənən rəhan ron, tatagɨle lan, tatɨlpɨn ilau min.\f* otəkəike mətəp suatɨp kitiəh əm itəm Iesu təmɨtəp.\f + \fr 2:5-6 \ft Mat 11:29\f* Nolən u tatəgətun əsas\f + \fr 2:5-6 \ft 1 Jon 2:3\f* məmə kitat koatatɨg lan.\f + \fr 2:5-6 \ft Jon 15\f*   
\s1 Kitat kotəkəike motol nolkeikeən kəm kitat mɨn  
\p
\v 7 Nɨkik keike mɨn, io esəteən nəghatən wi kit kəm itəmat məmə onəkotol, kən məto iatəte in oas\f + \fr 2:7 \ft Dut 6:5; Lev 19:18\f* itəm nəmotos rəkɨs e nətuounən, nian nəmotəto namnusən təwɨr;\f + \fr 2:7 \ft 1 Jon 2:24; 3:11,23; 4:21; 2 Jon 5,6\f* nəghatən oas u in nəghatən nɨnəmotɨtun.  
\v 8 Məto e nehmən kit mɨn, nəghatən u itəm iatəte tatɨmnə otəmat məmə onəkotol, in tatəuhlin məmə nəghatən wi,\f + \fr 2:8 \ft Jon 13:34\f* məto-inu kɨnəplan e suatɨp wi kit e nəmegəhən rəha Iesu ne rəhatəmat. Məto-inu roiu, napinəpən tɨnatagɨm,\f + \fr 2:8 \ft Rom 13:12\f* kənu nəhag-əhagən pahrien\f + \fr 2:8 \ft Jon 1:9\f* tɨnatasiə rəkɨs.\f + \fr 2:8 \ft Efes 5:8; 1 Tes 5:5\f*   
\p
\v 9 Kən etəm u tatən mə in tətatɨg e nəhag-əhagən məto tatetəhau pian,\f + \fr 2:9 \ft 1 Jon 3:10,15,16; 4:20,21\f* in tətatɨg əh e napinəpən.\f + \fr 2:9 \ft 1 Jon 1:5\f*  
\v 10 Etəmim u itəm tolkeike pian, in tatətul e nəhag-əhagən,\f + \fr 2:10 \ft 1 Jon 3:14\f* kən nat kit tɨkə e nɨkin məmə otapitətəl lan, morin.\f + \fr 2:10 \ft Sam 119:165\f*  
\v 11 Məto etəmim u itəm tetəhau pian, in tətatɨg e napinəpən,\f + \fr 2:11 \ft 1 Jon 1:6\f* kən mətan e napinəpən, kən məruru ikɨn tatuwɨn-pən ikɨn, məto-inu napinəpən tatohamɨs nɨganəmtɨn.\f + \fr 2:11 \ft Jon 11:9; 12:35\f*   
\q1
\v 12 Rəhak nɨsualkələh mɨn, iatəte naoa u kəm itəmat,  
\q1 məto-inu Uhgɨn təmafəl rəkɨs nolən rat mɨn rəhatəmat o nat u itəm Iesu təmol.   
\q1
\v 13 Tata mɨn, iatəte nat u kəm itəmat,  
\q1 məto-inu itəmat nəmotɨtun in, itəm təmaupən matɨg e nətuounən.\f + \fr 2:13 \ft Jon 1:1\f*  
\q1 Netəm aluə mɨn, iatəte nat u kəm itəmat,  
\q1 məto-inu itəmat nəmotol win\f + \fr 2:13 \ft Jon 16:33\f* e etəm rat, Setan.   
\q1
\v 14 Nɨsualkələh, eməte nat u kəm itəmat,  
\q1 məto-inun nəmotɨtun Tata Uhgɨn.  
\q1 Tata mɨn, eməte nat u kəm itəmat,  
\q1 məto-inu itəmat nəmotɨtun in, itəm təmaupən matɨg e nətuounən.\f + \fr 2:14 \ft Jon 1:1\f*  
\q1 Netəm aluə mɨn, eməte nat u kəm itəmat,  
\q1 məto-inu itəmat nakotəsanən,\f + \fr 2:14 \ft Efes 6:10\f* kən nəghatən rəha Uhgɨn tətatɨg e nɨkitəmat, kən nəmotol win e etəm rat, Setan.\f + \fr 2:14 \ft 1 Jon 2:13; Sam 119:9-11; Jon 5:38; Hip 4:12; 1 Jon 1:10\f*   
\s1 Sotolkeikeən natɨmnat rəha nətueintən  
\p
\v 15 Sotolkeikeən nətueintən\f + \fr 2:15 \ft Rom 12:2\f* o natɨmnat mɨn rəha nətueintən. Okəmə suah kit tatolkeike nətueintən, kən nolkeikeən rəha Tata Uhgɨn təsatɨgən e nɨkin.\f + \fr 2:15 \ft Jem 4:4\f*  
\v 16 Məto-inu natɨmnat rafin e nətueintən u, təsɨsɨ-pənən o Tata Uhgɨn, məto rəha nətueintən əm. Natɨmnat u rafin rəha nətueintən, ilat u, naumɨsən o natɨmnat rəha nɨpətɨtəm əm,\f + \fr 2:16 \ft Jen 3:6; Rom 13:14; Efes 2:3\f* kən naumɨsən o natɨmnat itəm tatiuw rəkɨs nɨganəmtɨtəm,\f + \fr 2:16 \ft Prov 27:20\f* ne nausitən o rəhan nautə mɨn ne nepətən.  
\v 17 Kən nətueintən u otəpanɨkə. Kən naumɨsən o nautə mɨn otəpanɨkə. Kən naumɨsən o nolən mɨn rəha nətueintən itəm koatiuw nətəlɨgən rəha netəmim otəpanotɨkə.\f + \fr 2:17 \ft Hip 12:27\f* Məto etəmim itəm tatol nəwia Tata Uhgɨn,\f + \fr 2:17 \ft Mat 12:50\f* in otətatɨg lilɨn.   
\s1 Tɨkɨmɨr mɨn rəha Kristo kɨnotuwa rəkɨs  
\p
\v 18 Nɨsualkələh, kotegu-pən e namnun nian.\f + \fr 2:18 \ft Rom 13:11\f* Nəmoatəto məmə tɨkɨmɨr kit rəha Kristo\f + \fr 2:18 \ft Tɨkɨmɨr rəha Kristo in ‘antichrist’ e Inglis.\f* otuwa.\f + \fr 2:18 \ft 1 Jon 2:22; 4:3; 2 Jon 1:7\f* Kən roiu tɨkɨmɨr mɨn rəha Kristo tepət, kɨnotuwa rəkɨs.\f + \fr 2:18 \ft 1 Jon 4:1\f* Tol nəhlan, kitat kotɨtun məmə inu, kɨnoategu-pən e namnun nian.  
\v 19 Netəm mɨn u, kəmotapəs rəhatat niməfak mɨn\f + \fr 2:19 \ft Wək 20:30\f* məto-inun ilat sənəmə rəhatat agɨn-əh mɨn. Okəmə rəhatat agɨn-əh mɨn, kəməsotietən etat. Məto ilat kəmotiet etat, məmə otəgətun məmə ilat sənəmə rəhatat mɨn.   
\p
\v 20 Məto itəmat un, Etəm Tətuatɨp, in təmətəfiə\f + \fr 2:20 \ft Netəm Isrel kotətəfiə-pən e rəhn-kapə pris mɨn e oel, moatol kən tatəgətun məmə ilat u, sənəmə netəmim əpnapɨn əm, məto ilat u, netəmim rəha Uhgɨn əm, itəm in təmɨtəpun o nolən wək u. Kən e nolən kitiəh əm, Iesu in tatos-ipa Narmɨn Rəha Uhgɨn kəm netəm mɨn un itəm koatən nɨpahrienən lan, matəgətun məmə Kristo təmɨtəpun ilat mə rəhan əm. Netəm mɨn u itəm koatos nətəfiəən e Narmɨn Rəha Uhgɨn, in tahmen e nəmtətin kit məmə ilat u, rəhan mɨn netəmim. Tatətəfiə-in-pən Narmɨn Rəha Uhgɨn elat məmə ilat kotahmen-in nolən wək rəhan.\f* kəm itəmat e Narmɨn Rəha Uhgɨn,\f + \fr 2:20 \ft 1 Jon 2:27; 2 Kor 1:21-22\f* kən itəmat rafin nəkotɨtun nat u.  
\v 21 Iatəte nat u kəm itəmat, sənəmə nəkotəruru nɨpahrienən, məto itəmat nɨnotɨtun rəkɨs nɨpahrienən, kən motɨtun məmə nɨpahrienən təsoe-inən neiuəən.\f + \fr 2:21 \ft 2 Pita 1:12\f*  
\v 22 ?Pah u in ieiuə? Etəmim u itəm tatən məmə Iesu sənəmə in Kristo itəm Uhgɨn təmən məmə otahl-ipa. Etəmim u inu, in tɨkɨmɨr rəha Kristo. In təsənən nɨpahrienən e Tata Uhgɨn ne Nətɨn.\f + \fr 2:22 \ft 1 Jon 4:3; 2 Jon 1:7\f*  
\v 23 Etəm təsənən nɨpahrienən e Nətɨn təruru nosən Tata. Etəm tatən nɨpahrienən e Nətɨn, in tatos mɨn Tata Uhgɨn.\f + \fr 2:23 \ft Jon 8:19; 14:7; 1 Jon 4:15; 5:1; 2 Jon 1:9\f*   
\p
\v 24 Pəs nat naka nəmotəto e nətuounən, nian nəmotəto namnusən təwɨr, otatəper-ipən əh etəmat tiəkɨs. Okəmə nat naka nəmotəto e nətuounən otatəper-ipən etəmat, kən itəmat onakoatəper-ipən e Nətɨn, ne Tata Uhgɨn.\f + \fr 2:24 \ft Jon 14:23; 15:4; 1 Jon 1:3; 2 Jon 9\f*  
\v 25 Kən nat u inu, nəmegəhən itulɨn, in təmən-iəkɨs məmə otos-ipa kəm kitat.   
\p
\v 26 Iatəte nəghatən mɨn u kəm itəmat matən-iarəp netəm mɨn u itəm okotiuw rəkɨs itəmat.\f + \fr 2:26 \ft 1 Jon 3:7\f*  
\v 27 Məto itəmat u, nətəfiəən rəha Narmɨn Rəha Uhgɨn itəm nəmotos e Kristo,\f + \fr 2:27 \ft 1 Jon 2:20\f* in tətatɨg əh e nɨkitəmat. ?Tol nəhlan, pah mɨn tɨtun nəgətunən nat wi kit kəm itəmat? Narmɨn Rəha Uhgɨn tatəgətun natɨmnat rafin kəm itəmat,\f + \fr 2:27 \ft 1 Kor 2:12\f* kən nətəfiəən əh rəhan, in nɨpahrienən, sənəmə neiuəən. Tol nəhlan, otəper-ipən əskasɨk lan,\f + \fr 2:27 \ft Jon 15:4\f* tahmen-pən əm məmə in təməgətun itəmat məmə nəkotol.   
\p
\v 28 Kən roiu əh, nɨsualkələh, otəper-ipən lan, məmə nian in otuwa\f + \fr 2:28 \ft 1 Jon 3:2; Kol 3:4\f* kən kitat kəsotəgɨnən məsotaulɨs-inən nɨganəmtɨn\f + \fr 2:28 \ft Efes 3:12\f* e rəhan nuwamən.   
\p
\v 29 Okəmə nəkotɨtun məmə in tətuatɨp,\f + \fr 2:29 \ft 1 Jon 3:7\f* onəkotɨtun əsas məmə netəmim rafin itəm koatol nolən ətuatɨp, ilat u, nenətɨn mɨn.\f + \fr 2:29 \ft Jon 1:13\f*   
\c 3  
\s1 Itəmat u nenətɨ Uhgɨn mɨn  
\m
\v 1 !Oteplan-tu! !Nolkeikeən itəm tepət mahgoau kəm kitat,\f + \fr 3:1 \ft Jon 3:16\f* itəm Tata Uhgɨn təmos-ipa, inun, məmə tətaun-in kitat məmə nenətɨn mɨn!\f + \fr 3:1 \ft Jon 1:12\f* Kən nɨpahrienən məmə kitat əh. Netəmim rəha nətueintən kəsotɨtunən kitat, məto-inun ilat kotəruru Uhgɨn.\f + \fr 3:1 \ft Jon 15:21; 16:2,3\f*  
\v 2 Nɨkik mɨn, kitat nenətɨ Uhgɨn mɨn u-roiu. Kitat kəsotɨtunən məmə okotəhrol nulan motol pɨsɨn nian Kristo otɨtəlɨg-pa. Məto kitat kotɨtun məmə nian otɨtəlɨg-pa,\f + \fr 3:2 \ft Kol 3:4; 1 Jon 2:28\f* kitat okotahmen lan,\f + \fr 3:2 \ft Rom 8:29; 2 Pita 1:4\f* məto-inu e nian əh, okotəplan əsas məmə in tol nəhlan.\f + \fr 3:2 \ft Jon 17:24; 2 Kor 3:18\f*  
\v 3 Kən etəmim itəm tatagɨle məmə otahmen e Kristo, in tətaruətuəh rəkɨs\f + \fr 3:3 \ft Tətaruətuəh, nɨpətɨn u, tɨtafəl rəkɨs.\f* in atɨp nolən mɨn rəhan,\f + \fr 3:3 \ft 2 Kor 7:1; 1 Jon 1:7; 2 Pita 3:13,14\f* məto-inu Kristo in mɨn in tətuatɨp wɨr agɨn.   
\p
\v 4 Etəmim itəm tatol nolən rat, in tatətgəhl mɨn lou rəha Uhgɨn, məto-inu nəghatən u nolən rat, nɨpətɨn u, nətgəhlən lou rəha Uhgɨn.  
\v 5 Kən itəmat nəkotɨtun məmə Kristo təmuwa məmə otos-irəkɨs rəhatat nolən rat mɨn,\f + \fr 3:5 \ft 1 Jon 3:8\f* məto-inu nolən rat tɨkə lan.\f + \fr 3:5 \ft 2 Kor 5:21\f*  
\v 6 Tol nəhlan, okəmə kitat koatəper-ipən lan, tol-pən okol kəsotəkəikeən e nolən rat mɨn. Məto netəm mɨn un itəm koatəkəike əh e nolən rat mɨn, tol-pən kotəruru agɨn-əh in, məsotəplanən in.\f + \fr 3:6 \ft 1 Jon 3:9; 2:4; 5:18; 3 Jon 1:11\f*   
\p
\v 7 Nɨsualkələh, sotətəlɨg-inən suah kit teiuə-in itəmat o nat u. Etəm tatol nat ətuatɨp, nɨpətɨn u məmə in etəm ətuatɨp, tahmen əm e Kristo in etəm ətuatɨp.  
\v 8 Məto etəmim itəm tatəkəike əh e nolən rat mɨn, tatəgətun məmə in rəha Setan u, etəm təmatol nolən rat e nətuounən.\f + \fr 3:8 \ft Jon 8:44\f* Məto Nətɨ Uhgɨn təmuwa o nərəkɨnən wək mɨn əh rəha Setan.\f + \fr 3:8 \ft Hip 2:14\f*  
\v 9 Netəm mɨn u itəm kəmotaiir wi mɨn motuwa nenətɨ Uhgɨn mɨn,\f + \fr 3:9 \ft Jon 1:13\f* ilat okol kəsotəkəikeən e nolən rat,\f + \fr 3:9 \ft 1 Jon 5:18\f* məto-inu ilat koatos niamɨtə rəha Uhgɨn. Kən o nat u, okol ilat kəsotəkəikeən e nolən rat, məto-inu ilat nenətɨ Uhgɨn mɨn.\f + \fr 3:9 \ft Nɨkuti nat tatəwiə noe-in atɨpən noan. E suatɨp kitiəh əm, Uhgɨn tatələhəu-pən rəhan niamɨtə e suah kit, kən in tatəwiə tahmen e nɨkuti nat itəm kəməfe e nəmegəhən rəha etəmim un, kən matoe in noan e nolən mɨn rəha Uhgɨn. Tol nəhlan, netəmim mɨn u itəm kəmotaiir wi mɨn motuwa nenətɨ Uhgɨn mɨn, ilat kəsotəkəikeən e nolən rat.\f*  
\v 10 Tol mə, kotɨtun nənən məmə pah mɨn u nenətɨ Uhgɨn,\f + \fr 3:10 \ft 1 Jon 3:1,2; Jon 1:12\f* kənu pah mɨn u nenətɨ Setan.\f + \fr 3:10 \ft 1 Jon 3:8\f* Etəmim u itəm təsol ətuatɨpən, kən in məsolkeikeən pian kit,\f + \fr 3:10 \ft 1 Jon 2:9; 4:8\f* in sənəmə nətɨ Uhgɨn kit.   
\s1 Kitat kotəike motolkeike kitat mɨn  
\p
\v 11 Nəghatən u inu, nəmotəto e nətuounən e namnusən təwɨr,\f + \fr 3:11 \ft 1 Jon 2:7\f* məmə kitat okotəike motolkeike itat mɨn.\f + \fr 3:11 \ft Jon 13:34-35; 15:12; 1 Jon 4:7,11,21; 2 Jon 1:5\f*  
\v 12 Sotolən tɨkɨrɨ Ken, itəm in etəmim rəha Setan kən tohamnu pian.\f + \fr 3:12 \ft Jen 4:8\f* ?Kən təmohamnu pian o naka? Təmohamnu məto-inun rəhan nolən mɨn tərat kənu rəha pian, nolən mɨn in tətuatɨp.\f + \fr 3:12 \ft Prov 29:10\f*  
\v 13 Piak mɨn, narmɨtəmat təsiwɨg pɨkən okəmə netəmim rəha nətueintən u koatetəhau itəmat.\f + \fr 3:13 \ft Jon 15:18,19; 17:14\f*  
\v 14 Okəmə kitat kotolkeike piatat mɨn, tatəgətun məmə kitat kɨnotaprəkɨs-in rəkɨs nɨmɨsən, mɨnotegu-pən e nəmegəhən.\f + \fr 3:14 \ft Jon 5:24\f* Məto etəm un nolkeikeən tɨkə lan, in tətatɨg əh e nɨmɨsən.\f + \fr 3:14 \ft 1 Jon 2:9\f*  
\v 15 Etəmim un itəm tatetəhau pian\f + \fr 3:15 \ft 1 Jon 2:9\f* in tahmen e etəm tatohamnu itəm,\f + \fr 3:15 \ft Mat 5:21,22; Jon 8:44\f* kən itəmat nəkotɨtun məmə iohamnu itəm, in təsosən nəmegəhən lilɨn.\f + \fr 3:15 \ft Kal 5:20,21\f*   
\p
\v 16 O nat u kitat kotɨtun wɨr məmə nolkeikeən in tol nulan, məto-inun Iesu təmos-ipa rəhan nəmegəhən otat.\f + \fr 3:16 \ft Jon 10:11\f* Kən e nolən kitiəh əm, təwɨr mə kitat mɨn kotos-ipən nəmegəhən rəhatat o piatat mɨn.\f + \fr 3:16 \ft Jon 15:13; 1 Tes 2:8\f*  
\v 17 ?Okəmə suah kit rəhan natɨmnat tepət kən pian kit rəhan nat kit tɨkə, məto in təsasəkitunən pian,\f + \fr 3:17 \ft Dut 15:7,8; Jem 2:15,16\f* məsolən nat agɨn lan, nolkeikeən rəha Uhgɨn otəhrol nulan matɨg e suah u?\f + \fr 3:17 \ft 1 Jon 4:20\f*  
\v 18 Nenətɨk mɨn, pəs kitat kəsotənən nolkeikeən e nohlɨtat əm, məto okotol əp nolkeikeən pahrien e nolən mɨn rəhatat.\f + \fr 3:18 \ft Esik 33:31; Rom 12:9\f*  
\v 19-20 Okəmə kotol nəhlan, kən nat əpnapɨn okəmə kotəto-pən e nɨkitat məmə okotos nalpɨnən, məto kitat okotɨtun məmə kotatɨg e nɨpahrienən, kən mem məha-məha nɨkitat e nɨganəmtɨn. Məto-inu Uhgɨn in ilɨs maprəkɨs-in nɨkitat, kən in tɨtun natɨmnat rafin.   
\p
\v 21 Piak mɨn, okəmə kotəto-pən e nɨkitat məmə okəsotosən nalpɨnən, kitat okəsotagɨnən e nɨganəmtɨ Uhgɨn,\f + \fr 3:21 \ft Efes 3:12; 1 Jon 5:14\f*  
\v 22 kən motos natɨmnat rafin ron itəm koatətapəhin-pən,\f + \fr 3:22 \ft Mat 7:7\f* məto-inu kitat koatol nəwian\f + \fr 3:22 \ft Jon 14:15\f* kən moatol nolən itəm in tolkeike.\f + \fr 3:22 \ft Hip 13:21\f*  
\v 23 Kənu nəghatən u rəhan tatən məmə kotəkəike motahatətə e Nətɨn,\f + \fr 3:23 \ft Jon 6:29\f* Iesu Kristo,\f + \fr 3:23 \ft Jon 1:12; 3:18; 20:31\f* kən motolkeike kitat mɨn, tahmen məmə inu in təmən mihin kəm itat.\f + \fr 3:23 \ft Jon 13:34\f*  
\v 24 Netəm mɨn u itəm koatol nəwian,\f + \fr 3:24 \ft 1 Jon 2:3\f* ilat koatəper-ipən lan,\f + \fr 3:24 \ft 1 Jon 2:6; 4:15\f* kən in tatəper-ipən elat. Kən kitat kotɨtun məmə in tətatɨg e nɨkitat, məto-inun Narmɨn Rəha Uhgɨn itəm in təmos-ipa, in tatəgətun kəm kitat.\f + \fr 3:24 \ft 1 Jon 4:13\f*   
\c 4  
\s1 Onakakil mehm mətɨg narmɨn mɨn  
\m
\v 1 Nɨkik mɨn, okəmə etəmim kit tatən məmə Narmɨn Rəha Uhgɨn tətatɨg lan, matol in tatən-iarəp rəhan nəghatən, kən təwɨr pɨk məmə onəkotehm wɨr motakil mətɨg məmə narmɨn əh tətatɨg lan, in rəha Uhgɨn pahrien, o sənəmə rəha Uhgɨn.\f + \fr 4:1 \ft Jer 29:8\f* Kitat okotəkəike motəplan wɨr məto-inun ien eiueiuə mɨn tepət kɨnotiet rəkɨs moatəghat e nətueintən.\f + \fr 4:1 \ft Mat 7:15; 1 Jon 2:18\f*  
\v 2 O nat u, itəmat onəkotɨtun əsas məmə in Narmɨn Rəha Uhgɨn itəm tətatɨg e etəmim kit, inun, Narmɨn itəm tatən-iarəp məmə Iesu in Kristo itəm Uhgɨn təmən məmə otahl-ipa, kən in təmuwa e nɨpətɨn,\f + \fr 4:2 \ft Jon 1:14; 1 Jon 2:23\f* narmɨn əh in Narmɨn ətuatɨp rəha Uhgɨn.\f + \fr 4:2 \ft 1 Kor 12:3\f*  
\v 3 Məto etəmim kit itəm təsən-iarəpən məmə Iesu in Kristo itəm Uhgɨn təmən məmə otahl-ipa, narmɨn rəha etəmim əh, sənəmə rəha Uhgɨn. Inəh, in narmɨn rəha tɨkɨmɨr rəha Kristo,\f + \fr 4:3 \ft 1 Jon 2:22; 2 Jon 1:7\f*\f + \fr 4:3 \ft E Inglis, katən əm ‘antichrist,’ kən nɨpətɨn u məmə in tɨkɨmɨr rəha Kristo.\f* itəm nɨnəmotəto rəkɨs məmə in otəpanuwa, kən roiu tɨnətatɨg rəkɨs e nətueintən.\f + \fr 4:3 \ft 1 Jon 2:18\f*   
\p
\v 4 Nɨsualkələh, itəmat netəmim rəha Uhgɨn mɨn, kən nəmotəhg-irəkɨs ien eiueiuə mɨn əh,\f + \fr 4:4 \ft Jon 16:33\f* məto-inu Narmɨn itəm tətatɨg e nɨkitəmat in taprəkɨs-in narmɨn itəm tətatɨg e nətueintən u.\f + \fr 4:4 \ft 2 King 6:16; Rom 8:31\f*  
\v 5 Ilat netəm rəha nətueintən,\f + \fr 4:5 \ft Jon 15:19; 17:14,16\f* tol nəhlan, nəghatən mɨn rəhalat koatən, in rəha nətueintən əm, kən netəm koatətəlɨg-in ilat, ilat mɨn netəm rəha nətueintən u.  
\v 6 Məto itɨmat nenətɨ Uhgɨn mɨn. Tol nəhlan, netəmim itəm kotɨtun Uhgɨn, ilat kotətəlɨg-in itɨmat. Məto netəmim itəm ilat sənəmə nenətɨ Uhgɨn mɨn, ilat kəsotətəlɨg-inən itɨmat.\f + \fr 4:6 \ft Jon 8:47\f* O nat u, kitat okotɨtun əsas Narmɨn itəm tatən pahrien,\f + \fr 4:6 \ft Jon 14:17\f* ne narmɨn itəm tateiuə.\f + \fr 4:6 \ft Mak 13:5\f*   
\s1 Nolkeikeən rəha Uhgɨn ne rəhatat  
\p
\v 7 Nɨkik mɨn, pəs kitat kotolkeike kitat mɨn,\f + \fr 4:7 \ft 1 Jon 3:11\f* məto-inu nolkeikeən in tatɨsɨ-pən o Uhgɨn, kən etəm tatol nolkeikeən, in təmaiir wi mɨn muwa nətɨ Uhgɨn kit,\f + \fr 4:7 \ft Jon 1:15\f* kən tɨtun Uhgɨn.\f + \fr 4:7 \ft 1 Jon 2:4\f*  
\v 8 Məto etəm u, rəhan nolkeikeən tɨkə, in təruru Uhgɨn, məto-inu Uhgɨn, in nəukətɨ nolkeikeən.  
\v 9 Uhgɨn təmol əp rəhan nolkeikeən kəm kitat nulan, məmə in təmahl-ipa Nətɨn noan kitiəh əm,\f + \fr 4:9 \ft Jon 1:18\f* tuwa e nətueintən, məmə kitat okotos nəmegəhən ron.\f + \fr 4:9 \ft Jon 3:16,17; 1 Jon 5:11\f*  
\v 10 Nat u in nolkeikeən pahrien, sənəmə kitat kəmotolkeike Uhgɨn, məto in təmolkeike kitat.\f + \fr 4:10 \ft Rom 5:8,10\f* Uhgɨn təmahl-ipa Nətɨn tuwa, kən in təmol sakrifais atɨp e rəhan nəmegəhən o rəhatat nolən rat mɨn, məmə neməha otəsol mɨnən Uhgɨn.\f + \fr 4:10 \ft Rom 3:25\f*   
\p
\v 11 Piak mɨn, Uhgɨn təmolkeike pɨk kitat nulan,\f + \fr 4:11 \ft Jon 3:16\f* kən tol nəhlan, kitat mɨn okotəkəike motol mihin nolkeikeən əh kəm itat mɨn.\f + \fr 4:11 \ft Jon 15:12; 1 Jon 3:11\f*  
\v 12 Suah kit təsehmən Uhgɨn nian kit ne.\f + \fr 4:12 \ft Jon 1:18\f* Məto okəmə kitat kotolkeike itat mɨn, kən Uhgɨn tatəper-ipən e nɨkitat, kən nolkeikeən rəhan tɨnatoe-in nolkeikeən e nɨkitat.\f + \fr 4:12 \ft 1 Jon 4:17; 2:5\f*   
\p
\v 13 Kitat kotɨtun\f + \fr 4:13 \ft 1 Jon 2:3\f* məmə kitat kotəper-ipən lan, kən in tətatɨg etat, məto-inun tɨnos-ipa rəkɨs rəhan Narmɨn kəm kitat.\f + \fr 4:13 \ft 1 Jon 3:24\f*   
\p
\v 14 Kənu itɨmat emotəplan rəkɨs kənu moatən-iarəp\f + \fr 4:14 \ft Jon 15:27\f* məmə Tata Uhgɨn in təmahl-ipa Nətɨn məmə in Iosmegəh rəha nətueintən.\f + \fr 4:14 \ft Luk 2:11; Jon 3:17\f*  
\v 15 Etəmim itəm tatən-iarəp məmə Iesu in Nətɨ Uhgɨn, kən Uhgɨn tətatɨg lan, kən in mɨn tətatɨg-pən e Uhgɨn.\f + \fr 4:15 \ft 1 Jon 3:24\f*  
\v 16 Kən tol nəhlan, kitat kotɨtun nolkeikeən rəha Uhgɨn kəm kitat, kən motagɨle lan.  
\p Uhgɨn in nolkeikeən.\f + \fr 4:16 \ft 1 Jon 4:8\f* Etəm tətatɨg e nolkeikeən, tətatɨg-pən e Uhgɨn, kən Uhgɨn mɨn tətatɨg lan.\f + \fr 4:16 \ft 1 Jon 3:24\f*  
\v 17 Nian kotatɨg nəhlan e Uhgɨn, kən nolkeikeən rəhan tɨnatoe-in nolkeikeən e nɨkitat,\f + \fr 4:17 \ft 1 Jon 4:12; 2:5\f* məmə kitat kəsotəgɨnən\f + \fr 4:17 \ft Efes 3:12\f* e nian Uhgɨn otətakil itəm, məto-inu e nətueintən u rəhatat nolən tahmen e Kristo.  
\v 18 Etəm u tərioah e nolkeikeən, okol təsəginən Uhgɨn. Məto nolkeikeən pahrien u, itəm tɨnatoe rəkɨs e nɨkitat, tatəhg-irəkɨs nəgɨnən,\f + \fr 4:18 \ft Rom 8:15\f* məto-inu nətəlɨgən rəha nosən nalpɨnən tatol kitat koatəgɨn, kən nat u tatəgətun məmə rəhan nolkeikeən təsoe-inən əh e nɨkitat.  
\v 19 Kitat kotolkeike itat mɨn məto-inun Uhgɨn təmaupən molkeike itat.  
\v 20 Məto okəmə suah kit təmə, “Io ekolkeike Uhgɨn,” məto tatetəhau əh pian,\f + \fr 4:20 \ft 1 Jon 2:9\f* in ieiuə.\f + \fr 4:20 \ft 1 Jon 1:6; 2:4\f* Məto-inu etəm təsolkeikeən pian u in tatehm e nɨganəmtɨn,\f + \fr 4:20 \ft 1 Jon 3:17\f* okol təsolkeikeən Uhgɨn, itəm in təsehmən.\f + \fr 4:20 \ft 1 Jon 4:12; Jon 1:18\f*  
\v 21 Kən in təmos-ipa rəhan nəghatən kəm itat məmə etəmim pah tolkeike Uhgɨn in otəkəike molkeike mɨn pian.\f + \fr 4:21 \ft 1 Jon 2:7,9\f*   
\c 5  
\s1 Kitat koatol win məto-inu kitat koatahatətə e Iesu  
\m
\v 1 Etəmim itəm tətahatətə\f + \fr 5:1 \ft Jon 3:15\f* e Iesu məmə in Kristo itəm Uhgɨn təmən məmə otahl-ipa, suah u inu, in nətɨ Uhgɨn,\f + \fr 5:1 \ft Jon 1:13; 1 Jon 2:22; 1 Jon 2:23\f* kən etəmim itəm in tolkeike tata kit, in tolkeike mɨn nenətɨn mɨn.\f + \fr 5:1 \ft 1 Jon 2:23\f*  
\v 2 Kən kitat kotɨtun məmə okəmə kotolkeike Uhgɨn kənu moatol nəwian,\f + \fr 5:2 \ft 1 Jon 2:3\f* kənu okotolkeike mɨn nenətɨn mɨn.\f + \fr 5:2 \ft 1 Jon 3:14\f*  
\v 3 Məto-inu okəmə kotolkeike Uhgɨn, nɨpətɨn un, okotol noan,\f + \fr 5:3 \ft Jon 14:15\f* kən rəhan nəghatən otahmen e katipa itəm taluk-aluk əm.\f + \fr 5:3 \ft Mat 11:30\f*  
\v 4 Netəm kotaiir e Uhgɨn,\f + \fr 5:4 \ft Jon 1:13\f* ilat koatol win e nolən mɨn rəha nətueintən. Kənu nahatətəən rəhatat in tatos-ipa nəsanənən o nolə win e nolən mɨn rəha nətueintən.  
\v 5 ?Pah mɨn un ilat koatətul əskasɨk motol win e nəluagɨnən rəha nətueintən u? Ilat əm un, netəm kotatahatətə məmə Iesu in Nətɨ Uhgɨn.   
\s1 Iaruəsan kɨsɨl kətəhalol əp  //  Iesu Kristo kəm kitat  
\p
\v 6 Iesu Kristo, in etəm u itəm təmuwa, kən nəhau ne nɨtan\f + \fr 5:6 \ft Jon 19:34,35\f* kətioal əp in kəm itat. Sənəmə nəhau əm itəm tatol əp in, məto nəhau ne nɨtan.  
\v 7 Narmɨn Rəha Uhgɨn in tətaruəsan nəghatən mil u rəha nəhau ne nɨta, matən-iarəp məto-inu Narmɨn Rəha Uhgɨn in nɨpahrienən.\f + \fr 5:7 \ft Jon 14:17\f*  
\v 8 Kən nuəfɨmɨnən kɨsɨl kətəhalaruəsan iləhal mɨn. Iləhal un, Narmɨn Rəha Uhgɨn, ne nəhau, ne nɨta. Kən iləhal u, kətəhalegəhan-in mətəhalol əp nəghatən rəhaləhal mɨn.  
\v 9 Nian mɨn, kitat koatəto nəghatən mɨn itəm netəmim koatən-iarəp, motahatətə elat.\f + \fr 5:9 \ft Jon 5:33,34\f* Məto nian Uhgɨn tatən-iarəp nat kit, in iahgin taprəkɨs, kən kitat okotɨtun nahatətəən təhmɨn mɨn e rəhan nəghatən, məto-inu in Uhgɨn,\f + \fr 5:9 \ft Mat 3:16,17; Jon 5:32,37; 8:17,18\f* kən in tatətul-arəp o Nətɨn.   
\p
\v 10 Etəmim itəm tətahatətə e Nətɨ Uhgɨn, in tatən nɨpahrienən e nɨkin o nəghatən rəha Uhgɨn. Məto etəmim itəm təsahatətəən e nəghatən u rəha Uhgɨn, tahmen əm məmə in tatən məmə Uhgɨn in ieiueiuə əm,\f + \fr 5:10 \ft Jon 3:33; 1 Jon 1:10\f* məto-inu Uhgɨn təmətul-arəp o Nətɨn, mən-iarəp kəm in, məto in təsənən nɨpahrienən lan.  
\v 11 Kənu nəghatən itəm Uhgɨn təmən-iarəp o Nətɨn, in tol nulan. Uhgɨn təmos-ipən nəmegəhən lilɨn\f + \fr 5:11 \ft Mat 25:46\f* kəm itat, kənu nəmegəhən u, katos o Nətɨn.\f + \fr 5:11 \ft Jon 1:4\f*  
\v 12 Etəm tatos Nətɨn, in tatos nəmegəhən. Məto etəm təsosən Nətɨ Uhgɨn, in təsosən nəmegəhən.\f + \fr 5:12 \ft Jon 3:15,16,36\f*   
\s1 Namnun nəghatən  
\p
\v 13 Iatəte nəghatən mɨn u kəm itəmat netəm kotahatətə e Nətɨ Uhgɨn, məmə onəkotɨtun məmə itəmat nakotos nəmegəhən lilɨn.\f + \fr 5:13 \ft 1 Jon 5:11\f*  
\v 14 Pəs kəsotəgɨnən,\f + \fr 5:14 \ft Efes 3:12; 1 Jon 3:21\f* məto kotəskasɨk o nətapəh-inən nat kit e nɨganəmtɨ Uhgɨn, məto-inu kotɨtun məmə nəghatən u inu, tatem əskasɨk itat. Nian okotətapəh-in nat kit kəm in itəm təwɨr e rəhan nətəlɨgən, kən in otəto rəhatat nəfakən.\f + \fr 5:14 \ft Mat 7:7\f*  
\v 15 Kən okəmə kotɨtun məmə in otəto itat, kən nat naka okoteasiə-in-pən, kən kɨnotɨtun rəkɨs məmə okotos.\f + \fr 5:15 \ft 1 King 3:12\f*   
\p
\v 16 Okəmə kotehm piatat kit tatol nolən rat, məto sənəmə nolən rat itəm tɨtun nit-ipənən e nɨmɨsən, ik onakəfak ron, kən Uhgɨn otos-ipən nəmegəhən kəm suah u.\f + \fr 5:16 \ft Jem 5:15\f* Məto nolən rat kit əh-ikɨn itəm tatit-ipən itəm e nɨmɨsən,\f + \fr 5:16 \ft Hip 6:4-6; 10:26\f* kən io esənən məmə onəkotəfak o netəm mɨn itəm koatol nolən əh.\f + \fr 5:16 \ft Jer 7:16; 14:11\f*\f + \fr 5:16 \ft E ves u, ne ves 17, Jon tatəghat-in təfagə rat itəm tatit-ipən itəm e nɨmɨsən. Jon tatəghat-in təfagə rat itəm kətəuhlin məntaatəm o Kristo ne netəhauən rəhan netəmim. Nolən rat mɨn əh, tatəgətun məmə netəm koatol ilat kəsotosən nəmegəhən lilɨn, kənu məsɨn mɨn u məmə narmɨlat tɨnɨmɨs. Nat u inu, Jon tatən əhag-əhag kəm itat e 1 Jon 5:12 ne 1 Jon 3:14.  //  E Mat 12:31-32 tatəghat-in təfagə rat u, nən ratən Narmɨn Rəha Uhgɨn.\f*  
\v 17 Nolən rat mɨn rafin un, in təfagə rat,\f + \fr 5:17 \ft 1 Jon 3:4\f* kən məto təfagə rat mɨn əh-ikɨn itəm kəsotit-ipənən itəm e nɨmɨsən.\f + \fr 5:17 \ft 1 Jon 5:16; 1 Jon 2:1\f*   
\p
\v 18 Kitat kotɨtun məmə etəm tətaiir e Uhgɨn\f + \fr 5:18 \ft Jon 1:13\f* təsəkəikeən e təfagə rat, məto-inu Nətɨ Uhgɨn tatəmɨk ətain wɨr in, kən etəm rat u Setan, təruru nekən.\f + \fr 5:18 \ft Jon 14:30\f*  
\v 19 Kitat kotɨtun məmə kitat nenətɨ Uhgɨn mɨn,\f + \fr 5:19 \ft 1 Jon 4:6\f* məto netəmim rəha nətueintən rafin, ilat u kotatɨg e nelmɨ Setan.\f + \fr 5:19 \ft Jon 12:31; 14:30; 17:15\f*  
\v 20 Kitat kotɨtun mɨn məmə Nətɨ Uhgɨn təmuwa kən mos-ipa nenatɨgən kəm itat,\f + \fr 5:20 \ft Luk 24:45\f* məmə kitat okotɨtun in, u in nɨpahrienən.\f + \fr 5:20 \ft Jon 17:3\f* Kənu kitat koatətul-pən e Uhgɨn u in nɨpahrienən, məto-inu kitat koatətul-pən e Nətɨn Iesu Kristo. In un, in Uhgɨn pahrien, kən in nəukətɨ nəmegəhən lilɨn.\f + \fr 5:20 \ft 1 Jon 5:11\f*   
\p
\v 21 Nenətɨk mɨn, otagɨm rəkɨs o natɨmnat mɨn itəm okotos nəme Uhgɨn e nɨkitəmat.\f + \fr 5:21 \ft 1 Kor 10:14; 1 Tes 1:9\f*\f + \fr 5:21 \ft Nəghatən Kris ətuatɨp tatən məmə, “onakagɨm o narmɨ nat mɨn,” məto Jon tatəghat-in təfagə rat, məmə in tahmen e narmɨ nat, məto okəmə kotolkeike rəhatat təfagə rat mɨn taprəkɨs-in Uhgɨn, kən təfagə rat in tatos nəme Uhgɨn e nɨkitat.\f*