\id REV - Kwamera Translation (after typesetting 0613) 
\h Revelesen 
\toc1 Revelesen 
\toc2 Revelesen 
\toc3 Rev 
\mt1 Revelesen  
\imt1 Nəɡkiariien sə rani mə nəfe i nəkukuə  
\ip Jon in aposol riti səvəi Iesu Kristo. Nəpɨn kɨnərhi irapw in revən fwe tənə əmwerɨs riti nəɡhɨn nə Patmos nənə mɨrai nəkukuə i Revelesen. Jon rokeikei mə truvehi utə nətərɨɡien səvəi nakalasia me səməme kamo nəmisəien mɨnraha tɨ nahatətəien səvənraha ia Iesu Kristo. Jon rokeikei mə nakalasia me tuhəukurən mə Kumwesən ramərɨmənu ia nəfe kamo ia tɨprənə i. Ia nəkukuə i Nənɨmwɨn raməɡkiari mamo səukurən mə Iesu Kristo in Iərɨmənu. In ramərɨmənu ia nərmama me pam mɨne narimnari me pam, mamərɨmənu mwi ia nərmama səməme haməuvehi nɨskaiien asori ia tɨprənə i. Kumwesən trərpwɨn noien ərəha me səvəi nərmama mɨne Setan ia kwopun napw rauək ikɨn. Kumwesən tro nɨtətə sə in ramərɨmənu irə trier irapw. In tro mwi neiai vi riti mɨne tɨprənə vi riti.  
\c 1  
\s1 Nəɡkiariien sə rakupwən  
\p
\v 1 \x - \xo 1:1 \xt Dan 2:28-29, Rev 1:19, 22:6\x*Nəkukuə i raməɡkiari ia nari m nari me səməme Iesu Kristo rɨno pui. Kumwesən rɨməuvei pen narimnari me i min mə in trahatən səvənhi iotukwininari me irə pwəh irəha hətoni mhəukurən narimnari me nəha rɨpko mhə tui tuhaməkeikei mhəier pehe. Iesu rərhi pen aɡelo səvənhi revən məvisau pen narimnari me i m səvənhi iotukwininari riti nəɡhɨn nə Jon.  
\v 2 Jon nə rɨrai pen ia nəkukuə i narimnari me pam sə in rɨnətoni. In i nəɡkiariien səvəi Kumwesən mɨne nəɡkiariien sə Iesu Kristo rɨni mə ro nɨpərhienien.  
\v 3 \x - \xo 1:3 \xt Rev 22:7,10\x*Pwəh Kumwesən rəkwein amasan ia iərmama sə trəvsini irapw nəɡkiariien me ia nəkukuə i. Pwəh in rəkwein amasan mwi ia səməme tuhəreɡi mhesi pen nəfe kɨmərai pen ia nəkukuə i. Iakani iamɨnhi irə tɨ nəri nə mə nəpɨn sə narimnari me i tuhəier pehe irə ruvəuvehe ipaka.   
\s1 Jon rɨrai nəkukuə i revən tɨ nakalasia me ia taon me nəha sefen ia profens Esia  
\p
\v 4 \x - \xo 1:4 \xt Eks 3:14-15, Rev 1:8, 3:1, Rev 4:5,8, 5:6, Rev 11:17, 16:5, Aes 11:2\x*Iou Jon iakamrai nəkukuə i rauvehe tukumiaha nakalasia me ia taon me nəha sefen ia profens Esia. Iakəfwaki mə Kumwesən sə rɨnarə fwe kupwən, marə ipwet mɨne, mamevən meste trɨpkiwən mhə, in truvei pehe namasanien mɨne nəmərinuien m kɨmiaha. Iakəfwaki mə nənɨmwɨn me nəha sefen kupwən ia jea sə in raməkure irə mamərɨmənu,  
\v 5 \x - \xo 1:5 \xt Jon 18:37, Kol 1:18, Sam 89:27, Rev 3:14, 17:14, 1Jon 1:7, 4:10\x*mɨne Iesu Kristo irəha mwi tuho iamɨnhi irə. Iesu Kristo in iərmama i rɨməni irapw nəfe in rɨnətoni mɨreɡi nərmama həukurən nətɨɡiteien ia nəɡkiariien səvənhi. In iərmama i rɨməkupwən mətui ia nərmama me səməme həuvamhə. In iərmama i ramərɨmənu ia kiɡ me səvəi tɨprənə i. In ramokeikei kɨtaha, muvi nɨten meivinari ia kɨtaha irə mə noien ərəha me səkɨtaha ko həpkəkwtəmhiri mhə mwi kɨtaha.  
\v 6 \x - \xo 1:6 \xt 1Tes 2:5,9, Rev 5:10, 20:6\x*In ro kɨtaha səmwhen ia kiɡ me mɨne pris me ia nəmri Tata Kumwesən səvənhi. Pwəh nasoriien mɨne nərɨmənuien krauevən tukwe in ia nuk nuk me. Ouəh pwəh ro iamɨnhi.   
\q1
\v 7 \x - \xo 1:7 \xt Mat 24:30, Jon 19:34-37\x*Hətə ro. In rauvehe ia reri nəpuə me.  
\q2 Nərmama me pam tuhətoni in ia nənimenraha.  
\q1 Irəha səməme hənəpi in ia nitei,  
\q2 mɨne nərmama ia kwənəkwus me pam ia təkure tɨprənə i tuhətoni,  
\q2 rerɨnraha rəpou hasək tukwe.  
\q1 Ouəh pwəh ro iamɨnhi.   
\p
\v 8 \x - \xo 1:8 \xt Rev 1:4, 15:3, Rev 21:6, 22:13\x*Kumwesən səkɨtaha rani iamɨnhi irə mə, “Iou i Alfa mɨne Omeka.\f + \fr 1:8 \ft Alfa in leta sə rukupwən ia alfapet səvəi nəkur Kris. Omeka in leta sampam. Nahaɡ i kaməkwein Kumwesən irə nɨpwran mə in nukunen mɨne nəkrəkwerɨn. Əvsini mwi Rev 21:6, 22:13.\f* Iakɨnarə fwe kupwən, marə ipwet mɨne, mamevən meste tapkiwən mhə. Iakauvehi nɨskaiien me pam.”   
\s1 Jon rətoni Iəməti Iərmama  
\p
\v 9 \x - \xo 1:9 \xt Rev 6:9\x*Iou Jon piəvmiaha riti. Kɨtaha miou samarə pəri ia nəkwai nɨtətə Iesu ramərɨmənu irə. Iakamərer əknekɨn kɨtaha m kɨmiaha ia nəmisəien me səməme kamo m kɨtaha tɨ nəɡhɨn. Nəpɨn riti fwe kupwən kəmri pen iou iakarə ia tənə əmwerɨs riti nəɡhɨn nə Patmos.\f + \fr 1:9 \ft Patmos in tənə əmwerɨs riti kəmri pen Jon fwe ikɨn rəmwhen mə in ramarə ia kalapus.\f* Irəha həmri pen iou fwe ikɨn tɨ nəri nə mə iakaməvisau irapw nəɡkiariien səvəi Kumwesən mɨne nəɡkiariien sə Iesu rɨni mə ro nɨpərhienien.  
\v 10 Ia nəpɨn səvəi Iərɨmənu səkɨtaha iakətoni vison riti Nənɨmwɨn rəriari miou. Ia vison nəha iakreɡi iərmama riti raməɡkiari ia təkutak rerɨn rasori rəmwhen ia kisɨpw,  
\v 11 mɨni mə, “Rai pen ia nəkukuə nəfe ikamətoni, nənə mərhi pen nəkukuə nəha revən tɨ nakalasia me səməme kamharə ia taon me nəha sefen. Nəɡhi taon me nəha Efesas mɨne Smana mɨne Pekamam mɨne Tuatira mɨne Satis mɨne Filatelfia mɨne Laotisia.”   
\p
\v 12 \fig Nəri laet raməkure utə irə irəha pam sefen|alt="Lamp stands" src="BK00154B.TIF" size="span" loc="Riɡht after verse if possible prominant on paɡe" copy="Horace Knowles" ref="Rev 1:13" \fig*Iakuvsini iou mə takətoni mə sin nəha raməɡkiari pehe miou. Nəpɨn ikuvsini iou mətoni nəri laet raməkure utə irə irəha pam sefen kɨno ia kol.  
\v 13 \x - \xo 1:13 \xt Dan 7:13, 10:5\x*Ia kurkwanraha iərmama riti rəmwhen ia iəməti iərmama riti. Tɨnari səvənhi rəpwəmwɨs. Rəkwani nari kɨno ia kol rukurau ia kwənpwenhɨn.  
\v 14 \x - \xo 1:14 \xt Dan 7:9, 10:6, Rev 2:18, 19:12, Rev 14:2\x*Nɨmwai nukwənen rəpsan rəmwhen ia nɨmwheri sipsip. Rəpsan pɨk rəmwhen ia nɨsəkwai təsi.\f + \fr 1:14 \ft Nəɡkiariien səvəi nəkur Kris ramɨni iamɨnhi irə mɨnuə “Rəpsan pɨk rəmwhen ia sno.”\f* Nənimen mi krouəmwhen ia nərami napw.  
\v 15 Nɨsun mi krauser rouəmwhen ia aean nəha prons sə kuvani ia napw mə sə rərəha traiu raka. Rerɨn rəmwhen ia nui asori sə ramivə mamierɨɡ.  
\v 16 \x - \xo 1:16 \xt Hip 4:12, Rev 1:20, Rev 2:12,16, Rev 19:15,21\x*In rauvehi kəməhau me sefen ia rəɡɨn mwatuk. Nau səvəi naruaɡənien rəhiə ia nɨkaren mi ruku pen ia nɨpəɡi nəkwan mier. Nənimen rəmwhen ia meri sə raməhiapw ia rukwəsikər.   
\p
\v 17 Nəpɨn iakətoni iəmə nəha iakmwei irapw ia nɨsun mi rəmwhen iakemhə. Mətə in rəmri pehe rəɡɨn mwatuk ia nirak, mɨni mə, “Tikəpwəh nehekɨrien. Iou iərmama i iakɨnarə raka kupwən, nənə takarə mwi kurirə.  
\v 18 \x - \xo 1:18 \xt Aes 44:6, 48:12, Rev 2:8, 22:13\x*Iou iərmama i iakamɨru. Fwe kupwən iakɨmamhə, mətə ətə ro təkwtəkwuni iakuvəmɨru takɨmɨru ia nuk nuk me. Iou iakasori ia Noien Iərmama Remhə, masori mwi ia Imwei Nəkur Həuvamhə.\f + \fr 1:18 \ft Nəɡkiariien səvəi nəkur Kris ramɨni iamɨnhi irə mɨnuə “Iou iakauvehi ki me səvəi Noien Iərmama Remhə mɨne Imwei Nəkur Həuvamhə.”\f*   
\p
\v 19 \x - \xo 1:19 \xt Rev 1:1\x*Ro pen tikaməkeikei mɨrai pen ia nəkukuə narimnari me i ikamətoni, səməme kamo ipwet mɨne, mɨne səməme tuhəuvehe kurirə.  
\v 20 \x - \xo 1:20 \xt Rev 1:16, 2:1, Rev 3:1\x*Takɨni pehe tukw ik i nɨpwrai kəməhau me i irəha pam sefen ikamətə ia rəɡɨk mwatuk mɨne nɨpwrai nəri laet raməkure utə irə irəha pam sefen kɨno ia kol. Kəməhau me nəha sefen irəha nəha naɡelo me səvəi nakalasia me səməme kamharə ia taon me nəha sefen. Nənə nəri laet raməkure utə irə irəha pam sefen kɨno ia kol irəha nəha nakalasia me səməme kamharə ia taon me nəha sefen.”   
\c 2  
\s1 Nəɡkiariien ramevən tɨ nakalasia me fwe Efesas  
\p
\v 1 \x - \xo 2:1 \xt Rev 1:16; 20\x*“Rai nəkukuə riti revən tɨ aɡelo səvəi nakalasia me ia taon nəha Efesas, mɨni pen mɨnuə:\fig Nakalasia me ia taon me nəha sefen|alt="The seven churches" src="7 churches [S Tanna].tif" size="col" loc="Rev 2:1" copy="SIL" ref="Rev 1:11" \fig*  
\pi1 Nəɡkiariien i səvəi iərmama sə rauvehi kəməhau sefen ia rəɡɨn mwatuk, nənə, mamavən ia kurkwai nəri laet raməkure utə irə irəha pam sefen kɨno ia kol.  
\v 2 \x - \xo 2:2 \xt Rev 2:19, Rev 3:1,8,15, 1Jon 4:1\x*Iou iakukurən noien me səkɨmiaha. Iakukurən mə hiaməmwur pɨk mamhərer əknekɨn ia nəpɨn me. Iakukurən mə hiamərəpinhə ia nəkur ərəha. Hiənəkiri noien səvəi nərmama me nəha kamhəni mə irəha aposol me mətə rɨpko mhə irəha pərhien, nənə, hiənətoni raka mə irəha kamheikuə.  
\v 3 Iakukurən mə ia nəpɨn me kamo nəmisəien m kɨmiaha tɨ nəɡhɨk, mətə hiamərer əknekɨn ia nahatətəien səkɨmiaha mhəpwəh nəpouien.   
\pi1
\v 4 Mətə nari riti nəha ikɨn hiamo rɨpkatukwatukw mhə ia nənimek. Kɨmiaha hiənəpwəh nokeikeiien kupwən səkɨmiaha.  
\v 5 \x - \xo 2:5 \xt Rev 2:16,22, Rev 3:3,19\x*Ro iamɨnhi irə rerɨmiaha tramrhi nərerien sə hiənərer irə fwe kupwən kurirə hiəmwei. Tihərərɨɡ ia noien ərəha me səkɨmiaha, mho narimnari me nəha sə hiənamo fwe kupwən. Trɨni mɨnuə hiəpwəh nɨrərɨɡien ia noien ərəha me səkɨmiaha, nənə takuvehe tukumiaha muvehi raka səkɨmiaha nəri laet raməkure utə irə ia təmwhekɨn.  
\v 6 \x - \xo 2:6 \xt Sam 139:21\x*Mətə nari kuatia nəha ikɨn hiamo ramasan. Kɨmiaha hiəmwəki noien me nəha nərmama səvəi Nikolas kamho rəmwhen iou mwi iakəmwəki.   
\pi1
\v 7 \x - \xo 2:7 \xt Jen 2:9, Rev 22:2,14,19\x*Iərmama sə nəkwəreɡɨn rarə traməkeikei mətərɨɡ amasan ia nəɡkiariien me səməme Nənɨmwɨn Ikinan rani pen tɨ nakalasia me. Iərmama sə trɨskai meste naruaɡənien rukurau, iou takəseni in rəni nukwai nei kauvehi nɨmɨruien irə ramərer ia kwopun nəha Parataes səvəi Kumwesən.”   
\s1 Nəɡkiariien ramevən tɨ nakalasia me fwe Smana  
\p
\v 8 \x - \xo 2:8 \xt Rev 1:17\x*“Rai nəkukuə riti revən tɨ aɡelo səvəi nakalasia me ia taon nəha Smana, mɨni pen mɨnuə:  
\pi1 Nəɡkiariien i səvəi iərmama sə rɨnarə raka kupwən, nənə trarə mwi kurirə. In remhə mətui mwi.  
\v 9 \x - \xo 2:9 \xt 2Kor 11:14-15, Jem 2:5, Rev 3:9\x*Iou iakukurən nəmisəien səkɨmiaha. Iakukurən mə səkɨmiaha nautə riwən. (Mətə ia nənimek nautə səkɨmiaha rasori anan.) Iakukurən nəɡkiariien ərəha me nəha nərmama nepwɨn kamhəni ia kɨmiaha. Irəha kamhəni mə irəha nəkur Isrel, mətə rekəm. Nousəsɨmwɨnien səvənraha səvəi Setan.  
\v 10 \x - \xo 2:10 \xt Mat 10:28, 2Tim 4:8, Jem 1:12, Rev 3:11\x*Tihəpwəh nehekɨrien nəmisəien i trɨpko mhə tui reste kɨmiaha. Həreɡi ro. Setan trɨpkosə pen kɨmiaha nepwɨn ia kalapus mə tro mətə sas ia nahatətəien səkɨmiaha. Tihəreɡi nəmisəien ia nəpɨn me i irəha pam ten. Kɨmiaha tihaməkeikei mhərer əknekɨn nəri auər a trɨni mɨnuə kousi əpune kɨmiaha, nənə iou takuvei pehe nɨmɨruien m kɨmiaha rəmwhen kəfəfau pen kəfəfau amasan ia kənkapwə iərmama sə rəvtənhi nərmama ia naiuien.   
\pi1
\v 11 \x - \xo 2:11 \xt Rev 20:14, 21:8\x*Iərmama sə nəkwəreɡɨn rarə traməkeikei mətərɨɡ amasan ia nəɡkiariien me səməme Nənɨmwɨn Ikinan rani pen tɨ nakalasia me. Iərmama sə trɨskai meste naruaɡənien rukurau in trəpwəh nemhəien ia nemhəien sə ro kəru irə.”   
\s1 Nəɡkiariien ramevən tɨ nakalasia me fwe Pekamam  
\p
\v 12 \x - \xo 2:12 \xt Aes 49:2, Rev 1:16\x*“Rai nəkukuə riti revən tɨ aɡelo səvəi nakalasia me ia taon nəha Pekamam, mɨni pen mɨnuə:  
\pi1 Nəɡkiariien i səvəi iərmama sə rauvehi nau səvəi naruaɡənien rəhiə ia nɨkaren pəri mi.  
\v 13 \x - \xo 2:13 \xt Rev 3:8\x*Iou iakukurən kwopun hiamarə ikɨn. Jea sə Setan raməkure irə mamərɨmənu in nəha ia kwopun nəha, mətə kɨmiaha hiamuvehi əknekɨn nəɡhɨk ia nəpɨn me, mhəpwəh nərkwafəien i mə hiamahatətə ia nirak. Pərhien hiəpwəh mwi nərkwafəien i fwe kupwən nəpɨn Antipas ramarə ihi. In iərmama riti səiou iakukurən nətɨɡiteien irə. Rɨnərer irapw məɡkiari ia nirak kousi əpune in ia taon səkɨmiaha, kwopun Setan ramarə ikɨn.  
\v 14 \x - \xo 2:14 \xt Nam 22-24, Nam 25:1-2, Nam 31:16, 2Tes 2:15\x*Mətə narimnari me nepwɨn nəha ikɨn hiamo həpkatukwatukw mhə ia nənimek. Kɨmiaha me nepwɨn kamhəkurirə nahatənien səvəi Palam. Palam nəha in rɨnahatən Kiɡ Palak mə in trərhiərhi nəkur Isrel pwəh irəha ho noien ərəha, mhani nəveɡɨnien sə kɨməuvei pen m nənɨmwi nari me sə kaməfwaki pen mɨnraha, nənə, mhəiri əpnapen irəha me.  
\v 15 Ia noien nəha kɨmiaha nepwɨn mwi kamhəkurirə nahatənien səvəi nərmama me səvəi Nikolas.  
\v 16 Ro iamɨnhi irə tihərərɨɡ ia noien ərəha me səkɨmiaha. Mə hiəpwəh, trɨpko mhə tui iakuvehe tukumiaha, mousi nərmama me nəha, mərai irəha ia nau səvəi naruaɡənien sə ruku pen ia nɨpəɡi nəkwak mier.   
\pi1
\v 17 \x - \xo 2:17 \xt Eks 16:4,14-15, Jon 6:48-50, Aes 62:2, Rev 3:12, 19:12\x*Iərmama sə nəkwəreɡɨn rarə traməkeikei mətərɨɡ amasan ia nəɡkiariien me səməme Nənɨmwɨn Ikinan rani pen tɨ nakalasia me. Iərmama sə trɨskai meste naruaɡənien rukurau takuvehi nəveɡɨnien i ramərkwafə, nəɡhɨn nə mana, muvehi muvei pen min. Nənə takuvei pen mwi kəpwier əpsan riti min sə kɨmərai pen nəhaɡ vi irə. Nəhaɡ vi nəha nərmama həreirei. Iərmama sə truvehi kəpwier nəha in əpa trukurən.”   
\s1 Nəɡkiariien ramevən tɨ nakalasia me ia Tuatira  
\p
\v 18 \x - \xo 2:18 \xt Rev 1:14-15\x*“Rai nəkukuə riti revən tɨ aɡelo səvəi nakalasia me ia taon nəha Tuatira, mɨni pen mɨnuə:  
\pi1 Nəɡkiariien i nəɡkiariien səvəi Tɨni Kumwesən sə nənimen mi krauəhiapw rəmwhen ia napw, nənə nɨsun mi krouəmwhen ia aean i pras sə kɨnahakwi kahakwi amasan.  
\v 19 Iou iakukurən noien me səkɨmiaha. Iakukurən nokeikeiien səkɨmiaha, mɨne nahatətəien səkɨmiaha, mɨne nasituien sə hiamo m nərmama. Iakukurən mə hiamərer əknekɨn ia nəpɨn me. Iakukurən mə noien amasan me hiamo ipwet mɨne irəha həpɨk mhəpi raka noien amasan me hiənamo fwe kupwən.   
\pi1
\v 20 \x - \xo 2:20 \xt 1Kinɡ 16:31, 2Kinɡ 9:22, Rev 2:14\x*Mətə nari riti nəha ikɨn hiamo rɨpkatukwatukw mhə ia nənimek. Kɨmiaha hiaməseni noien səvəi pran nəha Jesepel. In rani mə in profet riti, mətə nahatənien səvənhi rameikuə ia iotukwininari me səiou, mamo irəha nərman mɨne nɨpran kamhəiri əpnapen irəha me, nənə mamhani nəveɡɨnien sə kɨməuvei pen m nənɨmwi nari me səməme kaməfwaki pen mɨnraha.  
\v 21 Iakeitenhi pran nəha mə in trɨrərɨɡ ia noien ərəha səvənhi, mətə in rəpwəh nokeikeiien mə tro iamɨnha irə.  
\v 22 Ro pen, hətoni ro, takuvei pen nemhəien skai riti min, mərarki irapw in raməmisə a ia nɨməhan səvənhi. Nərmama me nəha kamho əpnapen nari irəha min takərarki pen irəha ia nəmisəien asori. Tako iamɨnha irə trɨni mɨnuə irəha həpwəh nɨrərɨɡien ia noien ərəha me səvəi prən nəha.  
\v 23 \x - \xo 2:23 \xt Sam 7:9, Jer 11:20, Jer 17:10, 2Tim 4:14, Rev 20:12-13\x*Nənə nɨpwnəti prən nəha takousi əpune irəha. Ro iamɨnhi irə nakalasia me pam tuhəukurən mə iou i iərmama iakamətə pui nətərɨɡien səvəi nərmama mɨne rerɨnraha me, nənə takərpwɨn pehe nərəkuien m kɨmiaha kuatia kuatia resi pen a noien me səkɨmiaha.  
\v 24 Mətə iakukurən mə kɨmiaha me nepwɨn fwe Tuatira hiəpkukurirə mhə nəɡkiariien səvəi Jesepel. Hiəreirei nəɡkiariien me nəha kamɨni mə, ‘Nəɡkiariien anan me səvəi Setan in ramərkwafə ia təkutan.’ Iakani pehe tukumiaha i mə nari pam riti mwi riwən sə takəmri pehe ia kɨmiaha mə tiho,  
\v 25 \x - \xo 2:25 \xt Rev 3:11\x*mətə tihaməkeikei mhəkwtəmhiri əknekɨn nəri sə hiəuvəuvehi raka meste takuvehe.   
\pi1
\v 26 Iərmama sə trɨskai meste naruaɡənien rukurau, mamo mwi nəfe iakɨməni mə tro mevən meste nəpɨn sampam, iərmama nəha takuvei pen nasoriien min, in trasori ia nərmama ia tənəmtənə me.   
\q1
\v 27 \x - \xo 2:27 \xt Rev 12:5\x*‘In truvehi nəri skai riti sə rəmwhen ia nep ramahatən pen nasoriien səvəi kiɡ. In tramərɨmənu ia nirəha, maməteftefi irəha rəmwhen kamousi testesi tekinari me i kɨno ia nɨse tɨprənə.’   
\mi
\v 28 \x - \xo 2:28 \xt Rev 22:16\x*Nɨpərhienien iou takuvei pen nasoriien min rəmwhen Tata səiou rɨməuvei pehe miou. Nənə takuvei pen mwi kəməhau i kofətəteia min.  
\v 29 Iərmama sə nəkwəreɡɨn rarə traməkeikei mətərɨɡ amasan ia nəɡkiariien me səməme Nənɨmwɨn Ikinan rani pen tɨ nakalasia me.”   
\c 3  
\s1 Nəɡkiariien ramevən tɨ nakalasia me fwe Satis  
\p
\v 1 \x - \xo 3:1 \xt Rev 1:4,16, 2:2\x*“Rai nəkukuə riti revən tɨ aɡelo səvəi nakalasia me ia taon nəha Satis, mɨni pen mɨnuə:  
\pi1 Nəɡkiariien i səvəi iərmama sə rauvehi nənɨmwɨn me səvəi Kumwesən irəha pam sefen, nənə mauvehi mwi kəməhau me irəha pam sefen. Iou iakukurən noien me səkɨmiaha. Iakukurən mə kani nəɡhɨmiaha mə kɨmiaha hiaməmɨru, mətə rekəm. Kɨmiaha hiəuvamhə raka.  
\v 2 Hətui rə! Trɨpko mhə tui noien amasan me səkɨmiaha hiənamo fwe kupwən tuhəiwən anan. Mətə tihaməkeikei mhousari mə tihəuvehi utə mwi noien me səkɨmiaha mho həuvehe mhəskai, tɨ nəri nə mə iakəpwəh ihi nətoniien noien amasan riti sə hiəno mhəuvən mho sampam irə nənə ratukwatukw ia nəmri Kumwesən səiou.  
\v 3 \x - \xo 3:3 \xt Rev 2:5, 1Tes 5:2\x*Ro pen rerɨmiaha tramrhi nəɡkiariien sə hiəuvəuvehi raka mhəreɡi kɨnahatən kɨmiaha irə fwe kupwən. Tiho nəɡkiariien nəha, mhərərɨɡ ia noien ərəha me səkɨmiaha. Trɨni mɨnuə hiəpwəh nətuiien, takuvehe tukumiaha rəmwhen ia rakres, nənə tihəreirei nəfe nəpɨn takuvehe tukumiaha irə.   
\pi1
\v 4 \x - \xo 3:4 \xt Jut 23\x*Mətə kɨmiaha nepwɨn a nə ia Satis tɨnari səvənraha rɨpkəmkemɨk mhə ia noien ərəha. Irəha tuhavən irəha miou ia tɨnari əpsan tɨ nəri nə mə irəha hatukwatukw.  
\v 5 \x - \xo 3:5 \xt Mat 10:32, Luk 10:20\x*Iərmama sə trɨskai meste naruaɡənien rukurau in trarkahu ia tɨnari əpsan, nənə ko iapkuvehi raka mhə nəɡhɨn ia nəkukuə səvəi nɨmɨruien. Ia nəmri Tata səiou mɨne nəmri naɡelo me takɨni irapw nəɡhɨn mə in iərmama riti səiou.  
\v 6 Iərmama sə nəkwəreɡɨn rarə traməkeikei mətərɨɡ amasan ia nəɡkiariien me səməme Nənɨmwɨn Ikinan rani pen tɨ nakalasia me.”   
\s1 Nəɡkiariien ramevən tɨ nakalasia me fwe Filatelfia  
\p
\v 7 \x - \xo 3:7 \xt Aes 22:22\x*“Rai nəkukuə riti revən tɨ aɡelo səvəi nakalasia me ia taon nəha Filatelfia, mɨni pen mɨnuə:  
\pi1 Nəɡkiariien me i səvəi Iəmə Ikinan, Iəmə sə rani nɨpərhienien. In rauvehi ki səvəi Kiɡ Tevɨt. Trɨni mɨnuə rəsevər ia təpinhə riti, iərmama riti ko rɨpkərəpinhə mhə. Nənə trɨni mɨnuə in rərəpinhə ia təpinhə riti, iərmama riti ko rɨpkəsevər mhə.  
\v 8 \x - \xo 3:8 \xt 1Kor 16:9, Rev 2:2\x*Iou iakukurən noien me səkɨmiaha. Hətoni ro. Iakɨnəsevər ia təpinhə riti tukumiaha, təpinhə i iərmama riti ko rɨpkərəpinhə mhə. Iakukurən mə nɨskaiien səkɨmiaha rouihi a, mətə hiaməkwtəmhiri nəɡkiariien səiou, mhəpwəh nərkwafəien mə kɨmiaha nərmama me səiou.  
\v 9 \x - \xo 3:9 \xt Rev 2:9, Aes 45:14, Aes 49:23, Aes 60:14\x*Həreɡi ro. Nərmama me nəha ia nousəsɨmwɨnien səvəi Setan həni mə irəha nəkur Isrel (mətə rekəm irəha ieikuə me) iou tako irəha həuvehe mhənɨmwi nukurhunraha ia nɨsumiaha, mhəsiai kɨmiaha, nənə mhəukurən mə iou iakokeikei kɨmiaha.  
\v 10 \x - \xo 3:10 \xt Luk 21:19, 2Tim 2:12\x*Nənə tɨ nəri nə mə kɨmiaha hiaməkwtəmhiri nəɡkiariien səiou, mamhərer əknekɨn ia nəpɨn me, iou mwi takəkwtəmhiri kɨmiaha, mamarə tukumiaha ia nəpɨn sə rɨpko mhə tui ruvehe nərmama me pam ia təkure tɨprənə tuhəreɡi nəmisəien irə mə trətə sas ia nahatətəien səvənraha.\f + \fr 3:10 \ft Suatuk riti mwi tɨ nɨniien nəɡkiariien ia vas ten rɨni iamɨnhi irə mɨnuə: “Nənə tɨ nəri nə mə kɨmiaha hiaməkwtəmhiri nəɡkiariien səiou, mamhərer əknekɨn ia nəpɨn me, iou mwi takəkwtəmhiri kɨmiaha, məpwəh nəseniien hiətoni nəpɨn sə rɨpko mhə tui ruvehe nərmama me pam ia təkure tɨprənə tuhəreɡi nəmisəien irə mə trətə sas ia nahatətəien səvənraha.”\f*   
\pi1
\v 11 \x - \xo 3:11 \xt Rev 2:10,16\x*Trɨpko mhə tui iakuvehe. Tihəkwtəmhiri əknekɨn narimnari me səməme hiəuvəuvehi raka mə iərmama riti trəpwəh nakresien nərəkuien səkɨmiaha sə hiamaiu tukwe.  
\v 12 \x - \xo 3:12 \xt Aes 62:2, 65:15, Esik 48:35, Rev 14:1, 21:2\x*Iərmama sə trɨskai meste naruaɡənien rukurau, iou tako in rəmwhen ia nei skai riti krɨpesu nimwə səvəi Kumwesən səiou irə. Nənə in trɨpkier mhə ia nimwə nəha ia nəpɨn riti. Nənə takrai pen nəɡhi Kumwesən səiou irə, mɨne nəɡhi taon səvəi Kumwesən səiou irə. Taon nəha in Jerusalem vi sə truku pen ia neiai meiwaiu pehe. Nənə takrai pen mwi nəɡhɨk vi ia iərmama nəha.  
\v 13 Iərmama sə nəkwəreɡɨn rarə traməkeikei mətərɨɡ amasan ia nəɡkiariien me səməme Nənɨmwɨn Ikinan rani pen tɨ nakalasia me.”   
\s1 Nəɡkiariien ramevən tɨ nakalasia me fwe Laotisia  
\p
\v 14 \x - \xo 3:14 \xt Rev 1:5, 19:11, Kol 1:15\x*“Rai nəkukuə riti revən tɨ aɡelo səvəi nakalasia me ia taon nəha Laotisia, mɨni pen mɨnuə:  
\pi1 Nəɡkiariien i səvəi iərmama i kani nɨpərhienien irə. In iərmama sə rɨməni irapw nəfe in rɨnətoni mɨreɡi nərmama həukurən nətɨɡiteien ia nəɡkiariien səvənhi mə ro nɨpərhienien, nənə in nukune narimnari me pam səməme Kumwesən rɨno.  
\v 15 \x - \xo 3:15 \xt Rom 12:11, Rev 2:2\x*Iou iakukurən noien me səkɨmiaha. Iakukurən mə kɨmiaha hiəmwhen ia nui əreuən. Hiəpwəh nəkwieiien mhəpwəh nəpnəpanien. Iakuə ko hiəkwiei uə hiəpnəpan ramasan.  
\v 16 Mətə kɨmiaha hiəreuən a, mhəpwəh nəpnəpanien, mhəpwəh nəkwieiien. Ro pen takərɡavəs raka ia kɨmiaha,  
\v 17 \x - \xo 3:17 \xt Hos 12:8, 1Kor 4:8, Luk 12:21\x*tɨ nəri nə mə hiaməni mə nautə səkɨmiaha rasori, narimnari me pam rarə tukumiaha, tihətui nari riti mwi tɨ nəfe. Mətə hiəreirei mə ia nənimek kɨmiaha nautə səvənraha riwən, nənimemiaha rɨfwə, tɨnari riwən ia nɨpwramiaha, nɨmapwmapw me ro kɨmiaha, nərmama hətoni kɨmiaha rerɨnraha raməpou.  
\v 18 \x - \xo 3:18 \xt Aes 55:1, Jem 2:5, Rev 3:5, 4:4, Rev 16:15\x*Ro iamɨnhi irə iakaməvəhaɡ m kɨmiaha mə tihaməkeikei mhəuvehi nəmri aean i kol tukw iou, kol i kosə pen ia napw rahi raka sə rərəha məpwəh sə rəmher. Tiho iamɨnhi irə mə nautə səkɨmiaha trasori. Nənə tihaməkeikei mhəuvehi nəmri tɨnari əpsan me tukw iou, mharkahu irə, pwəh ruveɡi nɨpwramiaha sə ramo naurɨsien ia nəmri nərmama. Nənə tihaməkeikei mhəuvehi mwi nəmri nari i ramomasan nəkwai nəmri iərmama, mahakwi nəmrɨmiaha irə, pwəh nəmrɨmiaha rətui hiətoni amasan nari.   
\pi1
\v 19 \x - \xo 3:19 \xt 1Kor 11:32, Rev 2:5\x*Nərmama səməme iakokeikei irəha, iakaməɡkiari skai mɨnraha, mamərpwi atukwatukw irəha. Ro iamɨnhi irə tiho rerɨmiaha pwəh ruvehe məpnəpan, mapwor, nənə mhərərɨɡ ia noien ərəha me səkɨmiaha.  
\v 20 \x - \xo 3:20 \xt Jon 14:23, 1Jon 2:24\x*Həreɡi ro! Iakamərer ia kwəruə, makunkun təpinhə tɨ nuvnimwəien. Trɨni mɨnuə iərmama riti rɨreɡi rerɨk, nənə məsevər ia təpinhə, iou takuvnimwə pehe kɨmrau min trouəni pəri nari.   
\pi1
\v 21 \x - \xo 3:21 \xt Mat 19:28\x*Iərmama sə trɨskai meste naruaɡənien rukurau, takəseni in rəkure kɨmrau min ia jea səiou rouərɨmənu. Tako irə rəmwhen kɨno ia nirak. Iakuvəskai raka ia naruaɡənien meste rukurau, nənə təkwtəkwuni iakaməkure kɨmrau səiou Tata ia jea səvənhi rouərɨmənu.  
\v 22 Iərmama sə nəkwəreɡɨn rarə traməkeikei mətərɨɡ amasan ia nəɡkiariien me səməme Nənɨmwɨn Ikinan rani pen tɨ nakalasia me.”   
\c 4  
\s1 Jea riti fwe ia neiai Kumwesən raməkure irə mamərɨmənu  
\p
\v 1 \x - \xo 4:1 \xt Rev 1:1,10\x*Iakɨnətə pam narimnari me i, nənə məti pen mətoni təpinhə riti ia neiai raməkwaɡ. Nənə iərmama nəha iakuvəreɡi raka rerɨn fwe kupwən rəɡkiari pehe mwi miou, rerɨn rupwinari rəmwhen ia reri kisɨpw, mɨni mə, “Utə pehe ia kwopun i. Iakuə takahatən narimnari me səməme tuhəuvehe kurirə pwəh ikətoni.”  
\v 2 \x - \xo 4:2 \xt Sam 47:8, Aes 6:1, Rev 4:9\x*Təkwtəkwuni mwi iakətoni vison riti Nənɨmwɨn rəriari miou. Jea riti kərpwi ramərer ia neiai, Iəmə iti raməkure irə mamərɨmənu.  
\v 3 \x - \xo 4:3 \xt Esik 1:28\x*Iəmə nəha raməkure irə ramser rəmwhen ia kəpwier amasan mi kəru jaspa mɨne kanilian. Nənə mərarən riti rukuraukurau ia jea səvənhi makuraan rəmwhen ia kəpwier amasan riti emeral.  
\v 4 \x - \xo 4:4 \xt Aes 24:23, Rev 3:18, 6:11\x*Jea me nepwɨn mwi irəha pam twenti-fo hərer kuraukurau jea nəha. Nəmə asori me irəha pam twenti-fo kamhəkure ia jea me nəha. Tɨnari me səvənraha həpsan. Ia kənkapwənraha kəfəfau me səvəi nɨsiaiien kɨno ia kol.  
\v 5 \x - \xo 4:5 \xt Esik 1:13, Rev 1:4, 8:5, Rev 11:19, 16:18\x*Iəmə nəha raməkure ia kurkwan mamərɨmənu, nouapɨrien mɨne karuəruə mɨne nərkərɨkien kamharuku pen ia jea səvənhi. Kupwən ia jea səvənhi nərami napw irəha pam sefen kamhəuək. Nərami napw me nəha irəha nənɨmwɨn me səvəi Kumwesən irəha pam sefen.  
\v 6 \x - \xo 4:6 \xt Esik 1:5-10,22, Esik 10:14\x*Nənə kupwən ia jea səvənhi nari riti mwi fwe ikɨn rəmwhen ia təsi, mətə rəmwhen ia klas sə rəriri məmher. Nərimɨru me nepwɨn irəha pam kefə kamhərer kuraukurau jea səvənhi nukwai nənimenraha həpɨk ia nɨpwranraha kupwən mɨne kurirə.  
\v 7 Nərimɨru me nəha sə kupwən irə rəmwhen ia laeon, sə ro kəru irə rəmwhen ia kau, sə ro kahar irə kənkapwə rəmwhen ia kənkapwə iərmama, nənə sə ro kefə irə rəmwhen ia mɨrup sə ramivə.  
\v 8 \x - \xo 4:8 \xt Aes 6:2,3, Esik 1:18, 10:12, Rev 1:4,8\x*Nərimɨru me nəha kefə kuatia kuatia tərəɡɨnraha me sikis, nənə ia reri tərəɡɨnraha me mɨne təkurenraha nukwai nənimenraha həpɨk. Nəpɨn me pam, ia nəpɨn mɨne ia ran, irəha həpkapwɨs mhə tɨ noskafəien i mə,  
\q1 “Iəmə ikinan, Iəmə ikinan, Iəmə ikinan,  
\q2 Iərɨmənu Kumwesən sə rauvehi nɨskaiien me pam!  
\q1 In rɨnarə fwe kupwən, marə ipwet mɨne, mamevən meste trɨpkiwən mhə.”   
\p
\v 9 \x - \xo 4:9 \xt Dan 4:34, 6:26, Dan 12:7, Rev 4:2,10\x*Ia nɨpu nəha, nərimɨru me nəha kamhəɡnəɡɨni Iəmə sə raməkure ia jea səvənhi mamərɨmənu. Irəha kamhəsiai in, mamhəni vivi Iəmə sə ramarə ia nuk nuk me. Nəpɨn irəha kamho iamɨnhi irə,  
\v 10 \x - \xo 4:10 \xt Rev 4:9, Rev 5:1,7,13, Rev 6:16, Rev 7:10,15, Rev 19:4, 21:5\x*nənə nəmə asori me nəha twenti-fo heiwaiu mhənɨmwi nukurhunraha ia nəmri Iəmə sə raməkure ia jea səvənhi mamərɨmənu. Irəha kamhəsiai Iəmə sə ramarə ia nuk nuk me, mamhərki pen səvənraha kəfəfau me səvəi nɨsiaiien kupwən ia jea səvənhi, mamhoskafə iamɨnhi irə mə,   
\q1
\v 11 “Iərɨmənu mɨne Kumwesən səkɨmaha ikamasan pɨk.  
\q1 Ikɨno narimnari me pam,  
\q2 mesi pen nətərɨɡien səim mo irəha kamharə.  
\q1 Pwəh nəɡnəɡɨniien mɨne nɨsiaiien mɨne nɨskaiien haruvehe tukw ik ia nəpɨn me.”   
\c 5  
\s1 Kwəti sipsip mɨne nɨmwai nəkukuə kɨnərfe  
\p
\v 1 \fig Nɨmwai nəkukuə kərfe kuvi tərini m sefen|alt="Unopened book sealed with seven wax seals" src="Scroll_d.tif" size="col" loc="Near verse" copy="Urs Weɡmann" ref="Rev 5:1" \fig*\x - \xo 5:1 \xt Rev 4:2,10, Aes 29:11, Esik 2:9-10\x*Nənə iakətoni Iəmə sə raməkure ia jea səvənhi mamərɨmənu in rauvehi nɨmwai nəkukuə riti ia rəɡɨn mwatuk. Nɨmwai nəkukuə nəha kɨmərai pen nari ia nɨkaren pəri mi, nənə kərfe kuvi tərini m sefen.  
\v 2 Nənə iakətoni aɡelo riti nəɡsen rasori raməɡkiari asori mamɨni irapw mə, “Sin ratukwatukw mə treitehi raka nəri me nəha sefen kɨməvi tərini nɨmwai nəkukuə irə nənə məsevər ia nɨmwai nəkukuə?”  
\v 3 Mətə iərmama riti riwən ia neiai, uə ia tɨprənə, uə ia reri tɨprənə, in ratukwatukw mə ko rəsevər ia nɨmwai nəkukuə i kɨnərfe məti pen irə.  
\v 4 Nənə rerɨk rərkwəpɨr iakasək tɨ nəri nə mə kɨpkətoni mhə iərmama riti ratukwatukw mə ko rəsevər ia nɨmwai nəkukuə kɨnərfe məti pen irə.  
\v 5 \x - \xo 5:5 \xt Jen 49:9, Aes 11:1,10, Rev 22:16\x*Mɨreɡi nəmə asori me nəha irəha riti rɨni pehe tukw iou mə, “Əpwəh nasəkien. Mətoni ro. Iərmama sə rɨməkupwən ia kwənəkwus səvəi Kiɡ Tevɨt, kani nəɡhɨn mə ‘Laeon səvəi Juta,’ in ruvəskai raka meste naruaɡənien rukurau. Ro pen in rukurən nuvehiien nɨmwai nəkukuə nəha kɨnərfe kuvi tərini m sefen məsevər irə.”   
\p
\v 6 \x - \xo 5:6 \xt Sek 4:10, Jon 1:36, Rev 1:4, 5:12, Rev 13:8\x*Nənə iakəti pen mətoni kwəti sipsip riti ramərer ipaka tɨ jea səvəi Iəmə nəha raməkure mamərɨmənu ia kurkwai nərimɨru me nəha kefə mɨne nəmə asori me nəha twenti-fo. Kwəti sipsip nəha iakətə rəmwhen mə kɨnousi əpune raka. Kənkəpati sefen, nənə, nukwai nənimen sefen. Nukwai nənimen me nəha irəha nəha nənɨmwɨn me nəha sefen səvəi Kumwesən in rɨnərhi pen irəha həuvən ia kwopun me ia təkure tɨprənə.  
\v 7 \x - \xo 5:7 \xt Rev 4:2,10\x*Nənə kwəti sipsip nəha revən tɨ Iəmə sə raməkure ia jea səvənhi mamərɨmənu, muvehi raka nɨmwai nəkukuə nəha kɨnərfe ia rəɡɨn mwatuk.  
\v 8 \x - \xo 5:8 \xt Rev 8:3-4, 14:2, Rev 15:2, Sam 141:2\x*Nəpɨn ruvehi nɨmwai nəkukuə nəha kɨnərfe, nənə nərimɨru me nəha kefə mɨne nəmə asori me nəha twenti-fo hənɨmwi nukurhunraha mheiwaiu ia nəmri kwəti sipsip. Irəha pam kamhəuvehi nəri kauəsi kaməni nɨpu irə, mamhəuvehi mwi pesɨn me kɨno ia kol. Pesɨn me nəha kamhəuvehi həukuər ia nɨmwəkmwəki nari kauvani nɨpekɨn rapein amasan. Nɨse napw irə rəmwhen ia nəfwakiien me səvəi nərmama me səvəi Kumwesən.  
\v 9 \x - \xo 5:9 \xt Sam 33:3, 40:3, Sam 96:1, 98:1, Sam 144:9, Rev 14:3\x*Irəha kamhoskafə ia nɨpu vi riti, mamhəni mə,  
\q1 “Ratukwatukw mə ik tikuvehi nɨmwai nəkukuə i kɨnərfe,  
\q2 nənə məsevər irə.  
\q1 Ik ikəmwhen tɨ nəri nə mə kɨnousi əpune ik,  
\q2 nənə nɨtem sə rɨnaiu ikuvehi nəmri nərmama me irə, irəha səvəi Kumwesən.  
\q1 Irəha nərmama səməme haməuku pen ia kwənəkwus me pam, mɨne nəɡkiariien me pam, mɨne teki nərmama me pam, mɨne tənəmtənə me pam.   
\q1
\v 10 \x - \xo 5:10 \xt Eks 19:6, Aes 61:6, Rev 1:6, 20:6, Rev 22:5\x*Ik ikɨno irəha həuvehe mhəmwhen ia kiɡ me mɨne pris me ia nəmri Kumwesən səkɨmaha,  
\q2 nənə irəha tuhərɨmənu ia tɨprənə.”   
\p
\v 11 \x - \xo 5:11 \xt Dan 7:10, Hip 12:22\x*Nənə iakəti pen mɨreɡi reri naɡelo me həpɨk həpɨk. Irəha kamhərer kuraukurau ia Iəmə sə raməkure ia jea səvənhi mamərɨmənu, mɨne nərimɨru me, mɨne nəmə asori me. Naɡelo me nəha irəha taosen m taosen uə ten-taosen m ten-taosen,  
\v 12 \x - \xo 5:12 \xt 1Kron 29:11, Rev 5:6\x*kamhoskafə əpwəmwɨs, mamhəni mə,  
\q1 “Kwəti sipsip sə kɨnousi əpune, in ramasan pɨk.  
\q2 Pwəh nɨskaiien, mɨne nautə, mɨne nukurənien, mɨne nərɨmənuien, mɨne nɨsiaiien, mɨne nasoriien, mɨne nəɡnəɡɨniien həuvən tukwe in ia nəpɨn me.”   
\p
\v 13 \x - \xo 5:13 \xt Rev 4:2,10\x*Nənə iakreɡi narimnari me pam səməme Kumwesən rɨno ia neiai, ia təkure tɨprənə, ia reri tɨprənə, ia reri təsi, iakreɡi narimnari me pam səməme kamharə ia kwopun me nəha kamhoskafə, mamhani nɨpu mə,  
\q1 “Iəmə sə raməkure ia jea səvənhi mamərɨmənu mɨne kwəti sipsip,  
\q2 pwəh nəɡnəɡɨniien, mɨne nɨsiaiien, mɨne nasoriien, mɨne nɨskaiien, həuvən tɨ nirau ia nuk nuk me.”   
\p
\v 14 Nənə nərimɨru me nəha kefə həni mə, “Pwəh ro iamɨnhi!” Nənə nəmə asori me hənɨmwi nukurhunraha mheiwaiu, mhəuvei pen nɨsiaiien səvənraha mɨnrau.   
\c 6  
\s1 Kwəti sipsip rəsevər ia nɨmwai nəkukuə sə kɨnərfe  
\p
\v 1 \x - \xo 6:1 \xt Rev 4:6, 5:1\x*Ia nəpɨn nəha iakəti pen mətoni kwəti sipsip reitehi raka nəri nəha riti sə kɨməvi tərini nɨmwai nəkukuə irə. Meitehi raka pam, nənə iakreɡi nərimɨru me nəha kefə riti rəɡkiari rerɨn rupwinari rəmwhen ia karuəruə mɨni mə, “Uvehe!”  
\v 2 \x - \xo 6:2 \xt Sek 1:8, 6:1-6\x*Nənə iakəti pen mətoni hos əpsan riti. Iəmə sə raməkure irə rauvehi nɨfaɡə. Kuvei pen kəfəfau səvəi nɨsiaiien min. In rier mamevən rəmwhen iərmama riti sə rɨnaruaɡən pam, nənə traruaɡən mwi muvehi irapw nɨskaiien səvəi nərməpə.   
\p
\v 3 Nənə kwəti sipsip reitehi raka nəri sə ro kəru irə kɨməvi tərini nɨmwai nəkukuə irə. Meitehi raka pam, nənə iakreɡi nərimɨru me nəha kefə sə ro kəru irə rɨni mə, “Uvehe!”  
\v 4 Nənə hos riti mwi ruvehe hos əruerəv. Iərmama sə raməkure irə kuvei pen nau asori riti səvəi naruaɡənien min. Kɨnəseni in mə trevən mo nərmama ia təkure tɨprənə haruaɡən mhousi əpune irəha me.   
\p
\v 5 Nənə kwəti sipsip reitehi raka nəri sə ro kahar irə kɨməvi tərini nɨmwai nəkukuə irə. Meitehi raka pam, nənə iakreɡi nərimɨru me nəha kefə sə ro kahar irə rɨni mə, “Uvehe!” Nənə iakəti pen mətoni hos pitəv riti. Iərmama sə raməkure irə rauvehi nəri sə kaməkiri nari irə.  
\v 6 Nənə iakreɡi reri iərmama riti ruku pen ia kurkwai nərimɨru me nəha kefə, mamɨni mə, “Evən. Kɨnəseni ik mə tiko nukumhə ravən ia tənəmtənə me. Nərmama tuhərarki mane asori tɨ nuvehiien nəveɡɨnien rouihi a. Mətə tikəpwəh nourahaien nukune nei me nəha olif kamo oel ia nukwan mɨne nukune nəkwus me nəha krep kamo waen irə.”   
\p
\v 7 Nənə kwəti sipsip reitehi raka nəri sə ro kefə irə kɨməvi tərini nɨmwai nəkukuə irə. Meitehi raka pam, nənə iakreɡi nərimɨru me nəha kefə sə ro kefə irə rɨni mə, “Uvehe!”  
\v 8 \x - \xo 6:8 \xt Jer 15:1-3, Esik 5:12,17, Esik 14:21, Esik 33:27\x*Nənə iakəti pen mətoni hos əmrakw riti. Iərmama sə raməkure irə nəɡhɨn nə Noien Iərmama Remhə. In riti nəɡhɨn nə Imwei Nəkur Həuvamhə rakurirə irə rauevən. Kɨnəseni pen nərmama pam ia təkure tɨprənə ia rəɡɨnrau. Irau troueven rouəvsini irəha kefə kefə, rouo kuatia remhə rouəpwəh kahar kamharɨmɨru. Nepwɨn tuhemhə ia naruaɡənien. Nepwɨn nəveɡɨnien triwən tɨ nirəha hemhə. Nepwɨn nemhəien truvehi irəha hemhə. Nepwɨn nəri əprmɨn me tuhahi əpune irəha.   
\p
\v 9 Nənə kwəti sipsip reitehi raka nəri sə ro krirum irə kɨməvi tərini nɨmwai nəkukuə irə. Meitehi raka pam, nənə iakəti pen fwe nɨsui nɨfatə pirapw mətoni nərmama səməme kɨnousi əpune irəha tɨ nəri nə mə kamhəni irapw nəɡkiariien səvəi Kumwesən, mamhəni mə in ro nɨpərhienien.  
\v 10 \x - \xo 6:10 \xt Rev 16:7, Dut 32:43, Sam 79:10\x*Irəha kamhəkwein əpwəmwɨs mə, “Iərɨmənu asori. Ik Iəmə ikinan. Ik nɨpərhienien. Nərmama ia təkure tɨprənə hənousi əpune kɨmaha. Ikafwini mə tɨnesən ikərpwɨn pen noien ərəha səvənraha?”  
\v 11 \x - \xo 6:11 \xt Rev 3:18, 7:9,13, Rev 19:14\x*Irəha həni iamɨnha irə, nənə kuvei pen tɨnari əpsan mɨnraha kuatia kuatia, kɨni pen tɨ nirəha i mə tuhapwɨs ouihi a mwi meste tukukupwən kousi əpune pam piəvnraha me nepwɨn mwi səməme hənamo tukwini pəri nari irəha mɨnraha fwe kupwən.   
\p
\v 12 \x - \xo 6:12 \xt Mat 24:29, Wok Me 2:20, Rev 8:12\x*Nənə kwəti sipsip reitehi raka nəri sə ro sikis irə kɨməvi tərini nəkukuə irə. Meitehi raka pam, nənə iakəti pen mətoni nɨmwnɨmwien asori riti ravən. Meri ruvehe mɨpitəv mɨpitəv. Məkwə ruvehe məruerəv rəmwhen ia netə.  
\v 13 \x - \xo 6:13 \xt Aes 34:4\x*Nənə kəməhau me fwe irənhə ia neiai həsas mheiwaiu ia tɨprənə rəmwhen ia nei riti nɨmətaɡi asori rɨkiukiu irə nukwan me həsas.  
\v 14 \x - \xo 6:14 \xt Aes 34:4, Rev 16:20\x*Kəpuapen ruvehe miwən məmwhen ia nɨmwai nəkukuə iərmama ruvehi mərfe raka i. Nənə təkuər me mɨne tənə əmwerɨs me haraka ia təmwhekɨnraha me.   
\p
\v 15 \x - \xo 6:15 \xt Aes 2:10,19,21\x*Nənə kiɡ me ia tɨprənə, mɨne ieni me, mɨne nəmə asori me səvəi naruaɡən me, mɨne nərmama nautə səvənraha rasori, mɨne nərmama nəɡsenraha rasori, irəha mɨne nərmama pam nəri auər a mə irəha slef uə həpko mhə irəha slef, həuvən ia təkuər me mhərkwafə ia nɨpəɡi kəpwier me mɨne reri kəpwier me,  
\v 16 \x - \xo 6:16 \xt Luk 23:30, Rev 4:2,10\x*mamhəkwein pen təkuər me mɨne kəpwier me mamhəni mə, “Tiho mhəsas mhəkure tərini kɨmaha, mhərkwafə kɨmaha, pwəh iəmə nəha raməkure ia jea səvənhi mamərɨmənu rəpwəh nətoniien kɨmaha, pwəh niemaha səvəi kwəti sipsip rəpwəh nesteien kɨmaha.  
\v 17 \x - \xo 6:17 \xt Joel 2:11, Neham 1:6, Mal 3:2\x*Kwa nəpɨn asori səvəi niemaha səvənrau ruvəuvehe. Sin nəɡhɨn ko rərer irapw?”   
\c 7  
\s1 Aɡelo rəmri pen mak səvəi Kumwesən ia nəkur Isrel irəha pam 144,000  
\p
\v 1 \x - \xo 7:1 \xt Jer 49:36, Dan 7:2\x*Kurirə ia narimnari me i iakətoni naɡelo me kefə kamhərer ia təkure tɨprənə i riti ia nɨkaren pesu, riti ia nɨkaren parei, riti ia nɨkaren prehi, riti ia nɨkaren peraha. Irəha kamhəkwtəmhiri nɨmətaɡi me pam nəha kefə mə nɨmətaɡi triwən ia təkure tɨprənə mɨne təsi mɨne nei me.  
\v 2 Nənə iakəti pen mətoni aɡelo riti mwi ruku peraha mauvehi nari riti tromak ia nərmama irə trahatən pen mə Kumwesən sə ramɨru səvənhi me nərmama me nə irəha. Aɡelo i rəkwein əpwəmwɨs naɡelo me nəha kefə səməme kɨnəseni irəha mə tuhouraha tɨprənə mɨne təsi.  
\v 3 \x - \xo 7:3 \xt Esik 9:4,6, Rev 9:4\x*In rɨni pen tɨ nirəha i mə, “Həpəpɨm narakaien nɨmətaɡi pwəh rəpwəh nourahaien tɨprənə mɨne təsi mɨne nei me. Pwəh iako pen raka mak səvəi Kumwesən səkɨtaha ia nɨpwənai iotukwininari me səvənhi me.”  
\v 4 \x - \xo 7:4 \xt Rev 14:1,3\x*Nənə iakreɡi kɨni nərmama me nəha səməme həuvehi mak səvəi Kumwesən irəha pam wan-hantret-foti-fo-taosen. Nərmama me nəha komak ia nirəha həuku pen pam ia kwənəkwus me səvəi nəkur Isrel.   
\q1
\v 5 Ia kwənəkwus səvəi Juta, nərmama irəha pam twelef-taosen.  
\q1 Ia kwənəkwus səvəi Rupen, nərmama irəha pam twelef-taosen.  
\q1 Ia kwənəkwus səvəi Kat, nərmama irəha pam twelef-taosen.   
\q1
\v 6 Ia kwənəkwus səvəi Aser, nərmama irəha pam twelef-taosen.  
\q1 Ia kwənəkwus səvəi Naftali, nərmama irəha pam twelef-taosen.  
\q1 Ia kwənəkwus səvəi Manase, nərmama irəha pam twelef-taosen.   
\q1
\v 7 Ia kwənəkwus səvəi Simeon, nərmama irəha pam twelef-taosen.  
\q1 Ia kwənəkwus səvəi Livae, nərmama irəha pam twelef-taosen.  
\q1 Ia kwənəkwus səvəi Isakar, nərmama irəha pam twelef-taosen.   
\q1
\v 8 Ia kwənəkwus səvəi Sepulun, nərmama irəha pam twelef-taosen.  
\q1 Ia kwənəkwus səvəi Josef, nərmama irəha pam twelef-taosen.  
\q1 Nənə, ia kwənəkwus səvəi Penjamin, nərmama irəha pam twelef-taosen.   
\s1 Nərmama həpɨk tɨnari səvənraha rəpsan  
\p
\v 9 \x - \xo 7:9 \xt Rev 3:18\x*Kurirə ia narimnari me i iakəti pen mətoni nərmama həpɨk ko kɨpkəvsini pam mhə irəha. Irəha haməuku pen ia tənəmtənə me pam, mɨne kwənəkwus me pam, mɨne teki nərmama me pam, mɨne nəɡkiariien me pam. Kamhərer ia nəmri Iəmə sə raməkure ia jea səvənhi mamərɨmənu mɨne ia nəmri kwəti sipsip. Irəha kamharkahu tɨnari əpsan me, mamhəuvehi nɨmwai nəmwɨr me ia rəɡɨnraha,  
\v 10 \x - \xo 7:10 \xt Rev 4:2,10\x*mamhəkwein əpwəmwɨs mamhəni mə,  
\q1 “Kumwesən səkɨmaha sə raməkure ia jea səvənhi mamərɨmənu  
\q1 irau kwəti sipsip, irau nəha krɨno suatuk tɨ nuvehimɨruien kɨtaha!”   
\p
\v 11 Naɡelo me pam hərer kuraukurau ia jea Kumwesən raməkure irə mamərɨmənu, nənə, mhərer kuraukurau mwi ia nəmə asori me, mɨne nərimɨru me nəha kefə. Nənə irəha hənɨmwi nukurhunraha kupwən ia jea səvəi Kumwesən, mheiwaiu nənimenraha rɨrapi tɨprənə, nənə, mamhəsiai in,  
\v 12 \x - \xo 7:12 \xt Rev 5:12, 11:17\x*mamhəni mə,  
\q1 “Pwəh ro iamɨnhi!  
\q1 Pwəh nɨni viviien, mɨne nəɡnəɡɨniien,  
\q1 mɨne nukurənien, mɨne tanak, mɨne nɨsiaiien,  
\q1 mɨne nərɨmənuien, mɨne nɨskaiien,  
\q1 həuvən tɨ Kumwesən səkɨtaha ia nuk nuk me.  
\q1 Pwəh ro iamɨnhi!”   
\p
\v 13 \x - \xo 7:13 \xt Rev 3:18\x*Nənə nəmə asori me nəha riti ia nirəha rəres iou mə, “Nɨsɨmə nəha kamharkahu ia tɨnari əpsan me? Irəha haməuku pəku?”   
\p
\v 14 \x - \xo 7:14 \xt Mat 24:21\x*Mɨreɡi iakɨni mə, “Iəmə asori. Ik a ikukurən.”  
\p Mɨreɡi rɨni mə, “Irəha nərmama me nəha səməme kamhəier ia nəpɨn nəha kɨməni mə truvehe nərmama tuhəreɡi nəmisəien irə rasori pɨk anan. Irəha hənaikuas ia tɨnari me səvənraha mho həpsan ia nɨte kwəti sipsip.  
\v 15 \x - \xo 7:15 \xt Rev 4:2,10\x*Ro pen irəha kamhərer ia nəmri Kumwesən sə raməkure ia jea səvənhi mamərɨmənu. Irəha həmwhen ia pris me səməme kamho tukwini pen nari min ia nəpɨn mɨne ia ran ia nəkwai nimwə səvənhi. Nənə Kumwesən sə raməkure ia jea səvənhi mamərɨmənu in trəuiui irəha nəpɨn me pam.   
\q1
\v 16 \x - \xo 7:16 \xt Aes 49:10\x*‘Nukumhə trɨpkahi mhə mwi irəha.  
\q2 Irəha tuhəpkəkwakwa mhə mwi.  
\q1 Nukwəsikər trɨpkənhi mhə irəha,  
\q2 uə nəpnəpanien asori səvəi meri trɨpkənhi mhə irəha,   
\q1
\v 17 \x - \xo 7:17 \xt Sam 23:2, Aes 25:8, Jon 10:11, Rev 5:6, 21:4\x*tɨ nəri nə mə kwəti sipsip nəha ia kurkwai jea sə Kumwesən raməkure irə mamərɨmənu in trətui amasan tɨ nirəha rəmwhen iərmama riti sə ramətui amasan tɨ sipsip me səvənhi.  
\q2 In triri irəha mhəuvən tɨ nəmri nuimɨru me.  
\q1 Nənə Kumwesən trɨrai raka pam nɨse nəmrɨnraha.’”   
\c 8  
\s1 Kwəti sipsip reitehi raka nəri sə ro sefen irə kɨməvi tərini nɨmwai nəkukuə irə  
\p
\v 1 \x - \xo 8:1 \xt Hab 2:20\x*Nəpɨn kwəti sipsip reitehi raka nəri sə ro sefen irə kɨməvi tərini nɨmwai nəkukuə irə, nənə kwənamrɨɡ fwe ia neiai meste nɨpəri aoa riti.   
\p
\v 2 Nənə iakətoni naɡelo me nəha sefen səməme kamhərer ia nəmri Kumwesən ia nəpɨn me kɨməpeki pen kisɨpw kuatia kuatia mɨnraha.   
\p
\v 3-4 \x - \xo 8:3-4 \xt Rev 5:8, Eks 30:1-3, Rev 9:13\x* \x - \xo 8:3-4 \xt Rev 5:8\x*Aɡelo riti mwi nəha ikɨn rauvehi nari riti kɨno ia kol. Nəri nəha rukuər ia nɨmwəkmwəki nari kauvani nɨpekɨn rapein amasan. Kuvei pen nɨmwəkmwəki nari nəha min mə truvani ia təkure nɨfatə nəha kɨno ia kol ramərer kupwən ia jea sə Kumwesən raməkure irə mamərɨmənu pwəh nɨse napw irə rousəsɨmwɨn irəha nəfwakiien me səvəi nərmama me pam səvənhi. Ro iamɨnhi irə aɡelo nəha ruvehe mərer pen ia nɨfatə nəha, muvani nɨmwəkmwəki nari nəha rɨpɨk, nənə nɨse napw irə rousəsɨmwɨn irəha nəfwakiien me səvəi nərmama me səvəi Kumwesən, həutə ia nəmri Kumwesən.  
\v 5 \x - \xo 8:5 \xt Lev 16:12, Eks 19:16-19, Rev 4:5, 11:19, Rev 16:18\x*Nənə aɡelo nəha ruvehi nukumheəv rauək ia təkure nɨfatə, mərki pen i ia nəri nəha in rauvehi rukuər, mərarki irapw ia təkure tɨprənə i, nənə nouapɨrien rəhiapw, karuəruə rərkwəpahar, kreɡi nərkərɨkien, nɨmwnɨmwien ravən.   
\s1 Kisɨpw me irəha pam sefen  
\p
\v 6 Nənə naɡelo me nəha sefen səməme kamhəuvehi kisɨpw kamhəpnəpenə tɨ nəseien kisɨpw.  
\v 7 \x - \xo 8:7 \xt Eks 9:23-26, Esik 38:22, Joel 2:30\x*Naɡelo me nəha sə kupwən rəse kisɨpw səvənhi, nənə aes mɨne napw mɨne netə ho a kərapi irə kətəɡi irapw ia tɨprənə i. Ruək mahi nɨpəri tɨprənə, məpwəh nɨpərɨn kəru, nənə mahi nei me nɨpərɨnraha kuatia, məpwəh nɨpərɨnraha kəru, nənə mahi pam nurhi merə me.   
\p
\v 8 \x - \xo 8:8 \xt Eks 7:20-21\x*Aɡelo sə ro kəru irə rəse kisɨpw səvənhi, nənə nari riti rəmwhen ia təkuər asori rauək kərarki pen ia təmwei təsi. Nənə nɨpəri təsi kwatia ruvehe mo netə irə, nɨpərɨn kəru krouamasan.  
\v 9 Nərimɨru me ia təmwei təsi nɨpərɨnraha kuatia hemhə, nɨpərɨnraha kəru kamhəmɨru, nənə nɨtətə me səməme kamhaiu ia təsi ko koeite irəha pam kuai irəha ia kusen kahar harəmnəmwhen a kusen kuatia ruvehe mərəha kəru krouamasan.   
\p
\v 10 Aɡelo sə ro kahar irə rəse kisɨpw səvənhi, nənə kəməhau asori riti rauək rəmwhen ia kwənhiə rier raka ia neiai, meiwaiu məsas pen ia nui arɨs me mɨne nəmri nui me, mouraha nɨpərɨn riti məpwəh kəru krouamasan a.  
\v 11 \x - \xo 8:11 \xt Jer 9:15\x*Kəməhau nəha nəɡhɨn nə Nəfiəien. Nui me nəha reste irəha həuvehe mhəfiə. Nənə nərmama həpɨk hemhə tɨ nəri nə mə hənɨmwi nui əfiə.   
\p
\v 12 \x - \xo 8:12 \xt Rev 6:12-13\x*Aɡelo sə ro kefə irə rəse kisɨpw səvənhi, nənə nari riti ro meri mɨne məkwə mɨne kəməhau me ro pen həpwəh nuəkien ia nəpɨn pekɨn. Ia ran meri rauək ia nɨpərɨn kəru, məpwəh nuəkien ia nɨpərɨn kuatia. Ia nəpɨn məkwə mɨne kəməhau me kamhəuək ia nɨpərɨn kəru, məpwəh nuəkien ia nɨpərɨn kuatia.   
\p
\v 13 \x - \xo 8:13 \xt Rev 9:12, 11:14\x*Nənə iakəti pen mətoni mɨrup riti ramivə irənhə ia nɨmaɡouaɡou. Iakreɡi ramasək əpwəmwɨs, mamɨni mə, “Aueh! Aueh! Aueh! Naɡelo mirəhar nəha na tuharəse kisɨpw me səvənrahar. Trərəha anan tukumiaha nərmama səməme hiamarə ia təkure tɨprənə.”   
\c 9  
\p
\v 1 \x - \xo 9:1 \xt Rev 20:1\x*Aɡelo sə ro krirum irə raməse kisɨpw səvənhi, nənə iakətoni kəməhau riti rukrutə ia neiai mɨmwei irapw ia təkure tɨprənə. Kɨməuvei pen ki riti min. Ki nəha səvəi nəsevərien ia nɨpəɡ sə rameiwaiu nukunen riwən.  
\v 2 \x - \xo 9:2 \xt Jen 19:28, Eks 19:18, Joel 2:2,10\x*Kəməhau nəha rəsevər ia nɨpəɡ nəha nənə nɨse napw ruku pen fwe ikɨn mutə rəmwhen ia nɨse napw sə rasori pɨk anan. Meri mɨne nɨmaɡouaɡou kroupitəv ia nɨse napw sə ruku pen ia nɨpəɡ nəha.  
\v 3 \x - \xo 9:3 \xt Eks 10:12,15\x*Nənə kəmnhəvt me həier raka ia nɨse napw nəha mheiwaiu ia tɨprənə. Kɨməuvei pen nɨskaiien mɨnraha mə tuhəpi nərmama ia nɨpikɨnraha, mho nəmisəien mɨnraha rəmwhen ia mimi nəha skopion sə ramərkou ia tɨprənə.\fig Mimi nəha skopion|alt="The insect scorpion" src="BK00058B.TIF" size="col" loc="Rev 9:3" copy="Horace Knowles" ref="Rev 9:3" \fig*  
\v 4 \x - \xo 9:4 \xt Rev 7:3\x*Kɨməni pen tɨ kəmnhəvt me i mɨnuə tuhəpwəh nourahaien nurhi mɨne nei me mɨne narimnari me səməme kamhəuverə ia təkure tɨprənə, mətə tuhouraha əpa nərmama me nəha səməme mak səvəi Kumwesən riwən ia nɨpwənanraha.  
\v 5 Kɨnəseni irəha mə tuhəpi nərmama mho nəmisəien mɨnraha meste məkwə krirum, mətə tuhəpwəh nəpi əpuneien irəha. Nəmisəien nəha tuhəreɡi rərəha irə rəmwhen ia nəmisəien səvəi mimi nəha skopion nəpɨn rəpi iərmama riti.  
\v 6 \x - \xo 9:6 \xt Job 3:21, Jer 8:3, Rev 6:16\x*Ia nəpɨn me nəha nərmama tuhətui suatuk tɨ nemhəien, mətə ko həpkətoni mhə. Tuhokeikei mə tuhemhə, mətə ko həpkemhə mhə.   
\p
\v 7 \x - \xo 9:7 \xt Joel 2:4\x*Kəmnhəvt me nəha, iakətə irəha həmwhen ia hos me kamhərer mwatuk tɨ naruaɡənien. Ia nukwənenraha kəfəfau me həmwhen ia kəfəfau səvəi nɨsiaiien kɨno ia kol. Nənimenraha rəmwhen ia nəmri nərmama.  
\v 8 \x - \xo 9:8 \xt Joel 1:6\x*Nukwənenraha rəpwəmwɨs rəmwhen ia nukwəne pran. Revɨnraha rəhiə rəmwhen ia revi laeon.  
\v 9 \x - \xo 9:9 \xt Joel 2:5\x*Səvənraha karkahu kɨno ia aean kamhəveɡi kwənpwenhɨnraha irə səvəi naruaɡənien. Tərəɡɨnraha kamhəpuk pɨk rəmwhen hos me səməme kamhəvkəkini kat me mamhaiu mamhəuvən tɨ naruaɡənien.  
\v 10 Nɨpikɨnraha ro revɨn irə rəmwhen ia nɨpiki mimi nəha skopion. Nɨskaiien səvənraha tuho nəmisəien m nərmama irə meste məkwə krirum raməmak ia nɨpikɨnraha.  
\v 11 Səvənraha riti nəha ikɨn iəmə asori ramərɨmənu ia nirəha. In nə aɡelo səvəi nɨpəɡ sə rameiwaiu nukunen riwən. Ia nəɡkiariien Hipru nəɡhi aɡelo nəha Apoton. Ia nəɡkiariien Krik nəɡhɨn nə Apolion (nɨpwran mə Kərietaha).   
\p
\v 12 \x - \xo 9:12 \xt Rev 8:13\x*Aueh! Nərəhaien kupwən ruvehe muvavən. Mətə aueh, aueh, hətə ro! Nərəhaien kəru mi nəha ikɨn troupkuvehe mwi.   
\p
\v 13 \x - \xo 9:13 \xt Rev 8:3\x*Aɡelo sə ro sikis irə rəse kisɨpw səvənhi, nənə iakreɡi reri iərmama riti ruku pen ia nɨpəseɡi nɨfatə nəha kefə sə kɨno ia kol ramərer kupwən ia Kumwesən.  
\v 14 \x - \xo 9:14 \xt Rev 16:12\x*Reri iərmama nəha rəɡkiari m aɡelo i ro sikis irə sə rauvehi kisɨpw nəha, mɨni pen tukwe in mə, “Fi nari ia naɡelo me nəha kefə səməme kɨnərihi irəha fwe kupwən kamharə fwe nui arɨs asori nəha Iufretes.”  
\v 15 \x - \xo 9:15 \xt Rev 8:7-12\x*Ro iamɨnhi irə kɨfi nari ia naɡelo me nəha kefə. Kɨnəpnəpenə raka ia naɡelo me nəha kamheitenhi aoa nəha, nəpɨn nəha, məkwə nəha, mɨne nuk nəha, mə tukɨfi nari ia nirəha həuvən mhəvsini pam nərmama ia təkure tɨprənə, mhəuai irəha ia kusen kahar harəmnəmwhen a, mhousi əpune riti mhəpwəh kəru.  
\v 16 Nənə iakreɡi kɨni mə naruaɡən me səvənraha səməme kamhəkure ia hos irəha pam tu-hantret-milian.   
\p
\v 17 Ia vison səiou iakətoni hos me nəha mɨne nərmama səməme kamhəkure ia hos me. Irəha harkahu ia tɨnari səvəi naruaɡənien kɨno ia aean, mhəveɡi kwənpwenhɨnraha irə. Tɨnari me nəha rəruerəv, mo plu, makwes. Kənkapwə hos me nəha həmwhen ia kənkapwə laeon me. Napw mɨne nɨse napw mɨne təpisi ərəha kamharuku pen ia nɨpəɡi nəkwanraha mamharier  
\v 18 mharousi əpune pam nərmama ia tənəmtənə me ia kusen kuatia mharəpwəh kusen kəru.  
\v 19 Nɨskaiien səvəi hos me nəha in nəha ia nɨpəɡi nəkwanraha mɨne nɨpikɨnraha, tɨ nəri nə mə nɨpikɨnraha rəmwhen ia snek sə ro kənkapwə ia nusvenhɨn. Ia nɨpikɨnraha me ho nəmisəien m nərmama.   
\p
\v 20 \x - \xo 9:20 \xt Rev 16:9,11, Aes 2:8,20, 1Kor 10:19-20, Sam 115:4-7, Sam 135:15-17, Dan 5:23\x*Mətə nərmama me i səməme nərpwɨnien mirəhar nəha harəpwəh nousi əpuneien irəha, irəha həpkəpwəh mhə kumwesən eikuə me nəha həno ia rəɡɨnraha. Irəha kamhəmwur pen a mamhəfwaki pen m nəremhə me mɨne nənɨmwi nari me səməme kɨno ia kəruəterei mɨne nei, kɨno mwi ia aean me i kol, silva, mɨne pras. Irəha nənɨmwi nari me a. Həpkətoni mhə nari, mhəpkreɡi mhə nari, mhəpkavən mhə.  
\v 21 Nərmama me i həpkəpwəh mhə noien ərəha me nepwɨn mwi səvənraha. Mətə kamhəmwur pen a mamhousi əpune nərmama, mamho nahak mɨne noien səvəi klepa, mamhakres, irəha nərman mɨne nɨpran kamhəiri əpnapen irəha me.   
\c 10  
\s1 Aɡelo sə rauvehi kwəti nɨmwai nəkukuə riti kɨnərfe  
\p
\v 1 Nənə iakətoni aɡelo riti mwi nəɡsen rasori rukrutə ia neiai meiwaiu pehe. Nəpuə riti ruveɡi nɨpwran. Mərarən riti rukuraukurau ia kənkapwə. Nənimen raməhiapw rəmwhen ia meri. Nɨsun mi krouəmwhen ia pos asori mi krauuək.  
\v 2 Kwəti nɨmwai nəkukuə riti sə kɨnərfe raməmak ia rəɡɨn. In ruvi atukw i, mərpwi pəri nɨsun mi mwatuk ia təsi nənə nɨkaren mour ia tɨprənə,  
\v 3 marə məkwein əpwəmwɨs, rerɨn rəmwhen ia laeon sə ramasək asori. Nəpɨn rəkwein iamɨnhi, karuəruə rərkwəpahar m sefen.  
\v 4 \x - \xo 10:4 \xt Dan 8:26, Dan 12:4,9\x*Karuəruə rərkwəpahar raka m sefen, iakəpnəpenə mə takrai pen ia nəkukuə nəɡkiariien sə rani, mətə iakreɡi reri iərmama riti rukrutə ia neiai mamɨni mə, “Ərkwafə ia nəɡkiariien i karuəruə rani, məpwəh nɨrai penien ia nəkukuə.”   
\p
\v 5 \x - \xo 10:5 \xt Dut 32:40, Dan 12:7\x*Nənə aɡelo sə iakətoni ramərer pen ia təsi mɨne tɨprənə ruvehi utə rəɡɨn mwatuk mahatən pen fwe ia neiai,  
\v 6 \x - \xo 10:6 \xt Neh 9:6, Sam 146:6\x*mɨni mə, “Kumwesən ramarə ia nuk nuk me. In rɨno neiai, tɨprənə, təsi, mɨne narimnari me pam səməme kamharə ia nirəhar. Iakani kwəsuahi ia nəɡhɨn mə nəpɨn ruvəkwakwa. Kumwesən ko rɨpkəfwini mhə mwi,  
\v 7 \x - \xo 10:7 \xt Dan 9:6,10, Amos 3:7\x*mətə nəpɨn aɡelo sə ro sefen irə trəse kisɨpw səvənhi, nəɡkiariien nəha Kumwesən rɨnərkwafə nɨpwran truvehe mukuə rosi in rɨməni pen tɨ iotukwininari me səvənhi profet kupwən me.”   
\p
\v 8 Nənə iakreɡi mwi reri iərmama nəha ruku pen ia neiai mani pehe tukw iou i mə, “Evən muvehi nɨmwai nəkukuə nəha sə kɨnərfe raməmak ia rəɡi aɡelo nəha ramərer pen ia təsi mɨne tɨprənə.”   
\p
\v 9 \x - \xo 10:9 \xt Esik 2:8; 3:1-3\x*Ro iamɨnhi irə iakevən məres pen aɡelo nəha mə truvei pehe miou nɨmwai nəkukuə ouihi nəha sə kɨnərfe. In rɨni pehe tukw iou i mə, “Tikuvehi məni. Trouraha tɨpwɨm, mətə ia nəkwam tikreɡi rəsien rəmwhen ia sukapak.”  
\v 10 Nənə iakuvehi raka nɨmwai nəkukuə ouihi nəha sə kɨnərfe ia rəɡi aɡelo, məni. Iakaməni mɨreɡi ia nəkwak rəsien rəmwhen ia sukapak, mətə nəpɨn iakətɨɡai pam, nənə iakreɡi tɨpwɨk ruvehe mərəha.  
\v 11 Nənə kɨni pehe tukw iou i mə, “Tikaməkeikei məɡkiari mwi rəmwhen ia profet, mɨni irapw nəfe treste nərmama həpɨk, nərmama ia teki nərmama səpəmsəpə, mɨne kwənəkwus me səpəmsəpə, mɨne nəɡkiariien me səpəmsəpə, mɨne kiɡ me.”   
\c 11  
\s1 Iəmə mi kəru krouərer irapw tɨ nəɡkiariien pərhien  
\p
\v 1 \x - \xo 11:1 \xt Esik 40:3, Sek 2:1-2\x*Ia nəpɨn nəha kuvei pehe nari riti miou rəmwhen ia niɡ kauvehi mak səvəi nari irə, nənə kɨni pehe tukw iou i mə, “Evən muvehi mak səvəi nimwə səvəi Kumwesən mɨne nɨfatə səvənhi, məvsini nərmama səməme kamhəfwaki fwe ikɨn.  
\v 2 \x - \xo 11:2 \xt Luk 21:24, Rev 12:6, 13:5\x*Mətə tikəpwəh nuvehiien mak ia nɨkare nimwə nəha iruə. Tikəpwəh nuvehiien mak səvənhi, tɨ nəri nə mə kuvəuvei pen raka kwopun nəha m nərmama həreirei Kumwesən,\f + \fr 11:2 \ft Nərmama həreirei Kumwesən. Suatuk riti mwi tɨ nɨniien nəɡkiariien nəha in i mə “Nərmama ia tənəmtənə me” uə “Nərmama rɨpko mhə irəha nəkur Isrel.”\f* nənə irəha tuheivə testesi taon ikinan səvənhi meste məkwə foti-tu.”  
\v 3 Iou takərhi pen iərman mi kəru səiou səməmi krouərer irapw tukw iou. Iəmə mi nəha trouarkahu tɨnari sə rahatən pen mə krauasək tɨ nərəhaien, nənə rouarə rouəvisau irapw nəɡkiariien sə takuvei pen mɨnrau meste nəpɨn irəha pam wan-taosen tu-hantret-sikisti.  
\v 4 \x - \xo 11:4 \xt Sek 4:3,11-14\x*Irau nəha nukune nei mi olif, mɨne nəri mi laet raməkure utə ia nirau səməmi krouərer ia nəmri Kumwesən Iərɨmənu səvəi tɨprənə.  
\v 5 \x - \xo 11:5 \xt 2Saml 22:9, 2Kinɡ 1:10, Sam 97:3, Jer 5:14\x*Trɨni mɨnuə iərmama riti raməmwur mə trouraha irau, nənə nərami napw truku pen ia nɨpəɡi nəkwanrau mier mahi əpune nərmama səməme haməmwəki irau. Iərmama sə raməmwur mə trouraha irau traməkeikei memhə iamɨnha irə.  
\v 6 \x - \xo 11:6 \xt 1Kinɡ 17:1, Eks 7:17-20, 1Saml 4:8\x*Iəmə mi nəha krauvehi nɨskaiien tɨ nəsisəɡien ia nəpuə mə nesən trəpwəh nauərien nəpɨn irau krauni irapw nəɡkiariien me səvəi Kumwesən. Irau krauvehi mwi nɨskaiien tɨ nuvsiniien nui me həuvehe mho netə ia nirəha, nənə rouukurən mwi nuvehi peheien nemhəien me səpəmsəpə həuvehe mhouraha nərmama ia təkure tɨprənə i. Irau krouukurən noien narimnari me nəha ia nəpɨn me a rəmwhen mə irau krauokeikei.   
\p
\v 7 \x - \xo 11:7 \xt Dan 7:21, Rev 12:17, Rev 13:1,7, 17:8\x*Nəpɨn irau krouni irapw pam raka nəɡkiariien səvənrau, nənə nərimɨru fwe ia nɨpəɡ sə rameiwaiu nukunen riwən, in trukrirapw mutə maruaɡən mɨnrau, muvehi irapw nɨskaiien səvənrau, mousi əpune irau.  
\v 8 \x - \xo 11:8 \xt Luk 13:34\x*Nɨpwranrau mi trouəmak ia suatuk səvəi taon asori nəha, kwopun nəha kɨnərui tərini pen Iərɨmənu səvənrau ia nei kamarkuaui ikɨn. Kɨməuvsini nəɡhi taon nəha kɨni mə “Sotom” uə “Ijip” ramahatən pen nərəhaien ia kwopun nəha.  
\v 9 Nənə nərmama səməme haməuku pen ia teki nərmama me səpəmsəpə, mɨne nəɡkiariien me səpəmsəpə, mɨne kwənəkwus me səpəmsəpə, tuhəspau ia nɨpwranrau meste nəpɨn kahar mɨne nɨpərɨn, nənə, kɨpkəseni mhə nɨpwranrau mə tukɨnɨmwi.  
\v 10 Nərmama me ia təkure tɨprənə tuhaɡien pəri, mho lafet, mhəriari pen narimnari amasan me mɨnraha me, tɨ nəri nə mə profet kəru nəha səməmi krɨno nəmisəien asori m nərmama ia təkure tɨprənə krouvamhə.   
\p
\v 11 \x - \xo 11:11 \xt Esik 37:5,10\x*Mətə nəpɨn kahar mɨne nɨpərɨn ruvehe mukurau, nənə iakətoni Kumwesən ruvei pen nɨmɨruien mɨnrau kroueiahaɡ mwi rouərer ia nɨsunrau. Nənə nərmama me pam səməme hətoni irau həhekɨr asori.  
\v 12 \x - \xo 11:12 \xt 2Kinɡ 2:11\x*Nənə irəha həreɡi reri iərmama riti rupwinari ruku pen ia neiai mɨni pen tɨ nirau i mə, “Rouutə pehe i.” Nənə nəpuə riti ruvehi irau mutə mevən ia neiai. Nərmama səməme kamhəmwəki irau kamhərer mamhətoni irau krauutə.   
\p
\v 13 \x - \xo 11:13 \xt Rev 8:5, 16:18\x*Ia nəpɨn nəha təkwtəkwuni a mwi nɨmwnɨmwien asori riti ravən, makiə fifi nari ia kwopun kuatia ia taon nəha, məpwəh kwopun naen hamasan. Nɨmwnɨmwien ravən nərmama sefen taosen hemhə. Nərmama me pam səməme həpkemhə mhə həhekɨr mhətəmnɨmwɨn, mhəuvehi utə nəɡhi Kumwesən sə ramarə ia neiai.   
\p
\v 14 \x - \xo 11:14 \xt Rev 9:12\x*Aueh, nərəhaien sə ro kəru irə ruvehe muvavən! Mətə aueh, hətə ro, nərəhaien sə ro kahar irə trɨpko mhə tui ruvehe!   
\s1 Aɡelo sə ro sefen irə rəse kisɨpw səvənhi  
\p
\v 15 \x - \xo 11:15 \xt Eks 15:18, Sam 10:16, Dan 2:44, Obad 21\x*Aɡelo sə ro sefen irə rəse kisɨpw səvənhi, nənə iakreɡi nərmama nepwɨn fwe ia neiai kamhəɡkiari rerɨnraha rupwinari mamhəni mə,  
\q1 “Nərɨmənuien kamərɨmənu irə ia təkure tɨprənə i təkwtəkwuni ruvehe məmak ia rəɡi Kumwesən səkɨtaha mɨne Kristo səvənhi.  
\q2 Nənə in trərɨmənu ia nuk nuk me.”   
\m
\v 16 \x - \xo 11:16 \xt Rev 4:4,10\x*Nənə nəmə asori me nəha twenti-fo səməme kamhəkure ia jea me səvənraha ia nəmri Kumwesən hənɨmwi nukurhunraha mheiwaiu, mhəuvei pen nɨsiaiien səvənraha revən tukwe,  
\v 17 \x - \xo 11:17 \xt Rev 1:4,8, 15:3\x*mamhəni mə,  
\q1 “Iərɨmənu Kumwesən sə rauvehi nɨskaiien me pam.  
\q2 Ik ikɨnarə fwe kupwən muvehe meste mwi ipwet mɨne.  
\q1 Kɨmaha iahaməni tanak tukw ik,  
\q2 tɨ nəri nə mə ikɨməuvehi nɨskaiien asori səim,  
\q2 nənə mɨnamərɨmənu nəha təkwtəkwuni.   
\q1
\v 18 \x - \xo 11:18 \xt Sam 2:1, 46:6, Rom 2:5, Rev 10:7, 19:5, Sam 115:13\x*Nərmama ia tənəmtənə me niemaha rəpi pɨk irəha,  
\q2 mətə niemaha asori səim ruvəuvehe.  
\q1 Rɨno nəpɨn səim tikəkiri nərmama səməme həuvamhə,  
\q2 mərəku pen səim iotukwininari me, profet me mɨne nəkur ikinan me, mɨne nərmama me pam səməme kamhəsiai nəɡhɨm,  
\q2 nəri auər a mə irəha kamhəuvehi nasoriien uə həpkuvehi mhə nasoriien.  
\q1 Nənə rɨno nəpɨn səim tikouraha nərmama me nəha səməme kamhouraha nari ia təkure tɨprənə.”   
\p
\v 19 \x - \xo 11:19 \xt Hip 9:4, Rev 8:5, 15:5, Rev 16:21\x*Ia nəpɨn nəha kəsevər ia nimwə səvəi Kumwesən fwe irənhə ia neiai. Ia nəkwai nimwə nəha kətoni pokis səvəi nəɡkiariien i Kumwesən rɨnərihi tərini əknekɨn. Nənə nouapɨrien rəhiapw, karuəruə rərkwəpahar, kreɡi nərkərɨkien, nɨmwnɨmwien ravən, aes rəsas rəmwhen ia nesən asori.   
\c 12  
\s1 Pran riti mɨne snek asori riti  
\p
\v 1 Nənə kətoni nɨmtətien asori riti rier irapw fwe ia nɨmaɡouaɡou. Pran riti rarkahu ia meri rəmwhen ia tɨnari səvənhi, mərpwi utə nɨsun mi ia məkwə, nənə məfəfau ia kəfəfau riti səvəi nɨsiaiien kɨno pen kəməhau twelef irə.  
\v 2 \x - \xo 12:2 \xt Maeka 4:10\x*Prən nəha ramreɡi nəmisəien mamasək əpwəmwɨs tɨ nəri nə mə rɨno tɨpwɨn na trərəhi tɨni.  
\v 3 \x - \xo 12:3 \xt Dan 7:7\x*Nənə nɨmtətien riti mwi rier irapw ia nɨmaɡouaɡou. Iakətə snek asori riti rəruerəv. Kənkapwə irəha pam sefen. Kənkəpati irəha pam ten. Nənə kəfəfau pen kəfəfau səvəi nɨsiaiien ia kənkapwə me.  
\v 4 Nɨpikɨn reiesi raka kuse kəməhau riti məpwəh kusen kəru. Səməme nəha nɨpikɨn reiesi raka irəha həsas ia təkure tɨprənə. Nənə snek asori nəha revən mərer kupwən ia pran nəha na trərəhi iəkunouihi mə nəpɨn tɨni trətui snek asori nəha trəni.  
\v 5 \x - \xo 12:5 \xt Sam 2:9, Rev 19:15\x*Prən nəha rərəhi tɨni iərman. In iərman sə truvehi nəri skai rəmwhen ia nep ramahatən pen nasoriien səvəi kiɡ, rauvehi mamərɨmənu ia nərmama ia tənəmtənə me pam. Nəpɨn tɨni prən nəha rɨnətui raka, nənə Kumwesən ruvehi in, muvehi utə irənhə ia jea səvənhi mə trərɨmənu.  
\v 6 \x - \xo 12:6 \xt Rev 11:2-3\x*Nənə prən nəha rap mevən fwe kwopun akwesakwes. Kwopun riti fwe ikɨn Kumwesən rɨnəpnəpenə raka tɨ prən nəha mə trarə ikɨn. Tukətui amasan tukwe ia kwopun nəha keste nəpɨn wan-taosen tu-hantret-sikisti.   
\p
\v 7 \x - \xo 12:7 \xt Jut 9\x*Nənə naruaɡənien riti rɨskəmter fwe ia neiai. Mikael mɨne naɡelo me səvənhi kənamhousi snek asori, nənə snek asori mɨne naɡelo me səvənhi kənamhousi mwi irəha.  
\v 8 Mətə Mikael mɨne naɡelo me səvənhi həuvehi irapw nɨskaiien səvəi snek asori. Kwopun riti səvənraha riwən mwi fwe ia neiai.  
\v 9 \x - \xo 12:9 \xt Jen 3:1,14, Luk 10:18, 22:31, Rev 20:2\x*Kuvehi snek asori nəha kərarki irapw pehe ia təkure tɨprənə. In snek tui kani mə Iəremhə uə Setan sə rameikuə ia nərmama ia tənəmtənə me pam. Kərarki irapw in irəha naɡelo me səvənhi heiwaiu ia təkure tɨprənə.   
\p
\v 10 \x - \xo 12:10 \xt Job 1:11, Sek 3:1\x*Nənə iakreɡi iərmama riti fwe ia neiai rerɨn rupwinari, mɨni mə,  
\q1 “Təkwtəkwuni nəha Kumwesən səkɨtaha truvehimɨru kɨtaha!  
\q1 Təkwtəkwuni nəha in tro sətoni mə in rauvehi nɨskaiien, nənə, təkwtəkwuni nəha in ramərɨmənu!  
\q1 Nənə təkwtəkwuni nəha Kristo səvənhi tro sətoni mə in rasori ia narimnari me pam!  
\q1 Ro iamɨnhi irə tɨ nəri nə mə Setan sə rani ərəha piəvtaha me ia nəpɨn mɨne ia ran ia nəmri Kumwesən,  
\q2 kɨnərarki irapw in ia neiai.   
\q1
\v 11 Piəvtaha me hənaruaɡən raka irəha min,  
\q2 mhəuvehi irapw nɨskaiien səvənhi ia nɨte kwəti sipsip,  
\q2 mhəuvehi irapw mwi nɨskaiien səvənhi tɨ nəri nə mə həni irapw nəɡkiariien pərhien.  
\q2 Irəha həpkokeikei pɨk mhə nɨmɨruien səvənraha,  
\q2 mətə hənərer mwatuk a tɨ nemhəien.   
\q1
\v 12 \x - \xo 12:12 \xt Aes 44:23, Aes 49:13\x*Ro iamɨnhi irə, ik neiai mɨne nərmama səməme kamharə ia niram tiho mhaɡien!  
\q1 Mətə aueh ik tɨprənə mɨne təsi! Tiroureɡi rərəha anan tɨ nəri nə mə Setan rɨneiwaiu pehe tukumirau!  
\q1 Niemaha raməpi pɨk in tɨ nəri nə mə rukurən mə nəpɨn səvənhi ruvəkwakwa.”   
\p
\v 13 Nəpɨn snek asori nəha rətoni mə kɨnərarki irapw in ia təkure tɨprənə, nənə rɨnarɨpwi prən nəha sə rɨnərəhi tɨni iərman.  
\v 14 \x - \xo 12:14 \xt Dan 7:25, 12:7\x*Mətə kuvei pen tərəɡi mɨrup kəru m prən nəha mə trivə irə mevən fwe imwəni ia kwopun akwesakwes. Tukamətui amasan tukwe ia kwopun nəha keste nuk kahar mɨne nɨpərɨn mə snek asori trəpwəh nourahaien in.  
\v 15 Snek asori nəha rɨruai nui asori riti ia tərhun rəmwhen ia iapiwən mə trukurirə pen prən nəha, muvehi map.  
\v 16 Mətə tɨprənə rasitu ia pran nəha, meitehi, mətɨɡai pam nui sə snek asori ruvəruai irə ia tərhun.  
\v 17 \x - \xo 12:17 \xt Rev 11:7, 14:12\x*Ro pen snek asori niemaha rəpi anan tɨ pran nəha. In rəpwəh in mevən mə traruaɡən irəha kwənəkwus me nepwɨn səvənhi. Irəha nəha nərmama səməme kamho nəɡkiariien me səvəi Kumwesən mɨne nəɡkiariien Iesu rɨməni irapw mə ro nɨpərhienien.  
\v 18 In revən mərer ia nɨkare təsi.   
\c 13  
\s1 Nərimɨru riti sə rukrirapw ia reri təsi mutə  
\p
\v 1 \x - \xo 13:1 \xt Rev 12:3, Rev 17:3,7-12\x*Iakətoni nərimɨru riti rukrirapw ia reri təsi mutə. Kənkəpati me irəha pam ten. Kənkapwə me irəha pam sefen. Nənə kəfəfau pen kəfəfau səvəi nɨsiaiien ia kənkəpati me. Kɨmərai pen nəhaɡ me ia kənkapwə me kuatia kuatia, nəhaɡ me səməme kamhəni ərəha Kumwesən.  
\v 2 \x - \xo 13:2 \xt Dan 7:4-6\x*Nərimɨru nəha rəmwhen ia pusi asori nəha kani mə lepet. Nɨsun me həmwhen ia nərimɨru nəha kani mə pea. Nɨpəɡi nəkwan rəmwhen ia nɨpəɡi nəkwai laeon. Nənə snek asori nəha ruvei pen nɨskaiien səvənhi min. In ruvei pen mwi jea sə in raməkure irə mamərɨmənu mɨne nasoriien sə rasori m nərimɨru nəha.  
\v 3 \x - \xo 13:3 \xt Rev 17:8\x*Kənkapwə nərimɨru nəha riti iakətoni mə kɨnəpi əpune raka, mətə rarə mɨmɨru mwi təmwki nau ruvehe mɨnamə. Nərmama me pam ia təkure tɨprənə nənimenraha rier tukwe, nənə həkurirə nərimɨru nəha.  
\v 4 Irəha pam hənɨmwi nukurhunraha ia nəmri snek asori, mhəsiai in, tɨ nəri nə mə in ruvei pen nasoriien səvənhi m nərimɨru nəha. Irəha hənɨmwi mwi nukurhunraha ia nəmri nərimɨru nəha, mhəsiai in, mhəni mə, “Sin rəmwhen ia nərimɨru nəha? Sin rukurən naruaɡənien irau min?”   
\p
\v 5 \x - \xo 13:5 \xt Dan 7:8,25, Dan 11:36, Rev 11:2\x*Kɨnəseni nərimɨru nəha mɨnuə trəɡkiari ərpwi mɨni ərəha Kumwesən. Kɨməuvei pen nasoriien min in rukurən noien nəfe nəɡhɨn in rokeikei mə tro meste məkwə foti-tu.  
\v 6 In rani ərəha pɨk Kumwesən, mɨne nəɡhɨn, mɨne imwəni fwe ia neiai, mɨne nərmama səməme kamharə ikɨn.  
\v 7 \x - \xo 13:7 \xt Rev 11:7\x*Kɨnəseni in mə traruaɡən irəha nərmama me səvəi Kumwesən muvehi irapw nɨskaiien səvənraha. Nənə kɨməuvei pen mwi nasoriien min mə trərɨmənu ia nərmama me pam, nərmama səvəi kwənəkwus me pam, mɨne teki nərmama me pam, mɨne nəɡkiariien me pam, mɨne tənəmtənə me pam.   
\p
\v 8 \x - \xo 13:8 \xt Sam 69:28, Rev 3:5, 5:6, Rev 17:8, Rev 20:12,15, Rev 21:27\x*Nərmama me pam ia təkure tɨprənə səməme nəɡhɨnraha riwən ia nəkukuə səvəi nɨmɨruien tuhənɨmwi nukurhunraha ia nəmri nərimɨru nəha mhəsiai in. Fwe tui nəpɨn tɨprənə ramiwən ihi kuvərai pen raka nəɡhi nərmama ia nəkukuə nəha səvəi kwəti sipsip sə kɨnousi əpune.   
\p
\v 9 Iərmama sə nəkwəreɡɨn rarə traməkeikei mətərɨɡ amasan.   
\q1
\v 10 \x - \xo 13:10 \xt Jer 15:2, 43:11, Mat 26:52, Rev 14:12\x*Iərmama sə kɨmərfi mə trevən ia kalapus  
\q2 traməkeikei mevən.  
\q1 Iərmama sə kɨmərfi mə tukərai əpune ia nau səvəi naruaɡənien,  
\q2 tukaməkeikei kərai əpune.  
\m Tɨ nəri nə mə tro iamɨnhi irə mɨne ro pen nərmama me səvəi Kumwesən tuhaməkeikei mhərer əknekɨn ia nahatətəien səvənraha ia nəpɨn me.   
\s1 Nərimɨru riti sə rukrirapw ia reri tɨprənə mutə  
\p
\v 11 Nənə iakətoni mwi nərimɨru riti mwi rukrirapw ia reri tɨprənə mutə. Kənkəpati kəru krouəmwhen ia kwəti sipsip riti. Rəɡkiari rerɨn rəmwhen ia snek asori riti.  
\v 12 Nərimɨru sə rɨməkupwən muvehe ruvei pen nasoriien me pam səvənhi min. Ramərer ia nəmri nərimɨru sə rɨməkupwən muvehe, maməkeikei m nərmama me pam ia təkure tɨprənə mə tuhənɨmwi nukurhunraha ia nənimen mhəsiai nərimɨru sə rɨməkupwən muvehe kɨnəpi əpune kənkapwə riti mətə rarə mɨmɨru mwi təmwki nau ruvehe mɨnamə.  
\v 13 \x - \xo 13:13 \xt Mat 24:24, 1Kinɡ 18:24-39\x*Nərimɨru sə rɨməkurirə muvehe ramo nɨmtətien asori me, mɨni napw rukrutə ia neiai meiwaiu pehe ia tɨprənə ia nəmri nərmama.  
\v 14 \x - \xo 13:14 \xt Dut 13:1,4, Rev 19:20\x*In ramərer ia nəmri nərimɨru sə rɨməkupwən muvehe mamo nɨmtətien me kɨnəseni pen in mə tro. Ia noien nəha in reikuə ia nərmama me səməme kamharə ia təkure tɨprənə mamɨni pen tɨ nirəha i mɨnuə tuhaməkeikei mhəuvrhəkɨn nari riti mhəuvnhi nərimɨru sə kɨnəpi əpune in ia nau mətə rarə mɨmɨru mwi.  
\v 15 \x - \xo 13:15 \xt Dan 3:4-6\x*Nənə nəri nəha kɨməuvnhi nərimɨru nəha irə kəseni nərimɨru sə rɨməkurirə muvehe mə treiahaɡ pen irə pwəh rəɡkiari. Nənə nənɨmwi nari nəha rəɡkiari skai mɨni mə tukaməkeikei kousi əpune nərmama me pam səməme həpkɨnɨmwi mhə nukurhunraha ia nənimen mhəsiai in.  
\v 16 Nənə in raməkeikei m nərmama me pam, nərmama kamhəuvehi nasoriien mɨne nərmama həpkuvehi mhə nasoriien, nərmama nautə səvənraha rasori mɨne nərmama nautə səvənraha riwən, nərmama kamoslef ia nirəha mɨne nərmama kɨpko mhə slef ia nirəha. In raməkeikei mɨnraha mə tuhəuvehi mak riti ia rəɡɨnraha mwatuk uə ia nɨpwənanraha.  
\v 17 \x - \xo 13:17 \xt Rev 14:9,11, Rev 16:2, 19:20, Rev 20:4\x*Mak nəha in nəha nəɡhi nərimɨru nəha uə nampa sə ramahatən nəɡhɨn. Trɨni mɨnuə iərmama riti mak nəha riwən irə, ko rɨpkuvehi mhə nəmri nari riti, məpwəh nəmri penien nəmri nari ia nari riti.   
\p
\v 18 Ro iamɨnhi irə tikaməkeikei mo nukurənien səim rəpwəmwɨs mwi tɨ nukurənien nampa səvəi nərimɨru nəha. Nənə trɨni mɨnuə nukurənien səim rəmwhen tikukurən nɨniien nɨpwran. Nampa nəha sikis-hantret-sikisti-sikis, ramahatən iərmama riti.   
\c 14  
\s1 Kwəti sipsip mɨne səvənhi nərmama me irəha pam 144,000  
\p
\v 1 \x - \xo 14:1 \xt Rev 3:12, 7:3,4\x*Nənə iakəti pen fwe ia təkuər Saeon, mətoni kwəti sipsip ramərer ia təkuren, nərmama wan-hantret-foti-fo-taosen kamhərer irəha min. Kɨmərai pen nəɡhi kwəti sipsip mɨne Tata səvənhi ia nɨpwənanraha.  
\v 2 \x - \xo 14:2 \xt Esik 1:24, 43:2, Rev 1:15, 19:6\x*Nənə iakreɡi reri iərmama riti fwe ia neiai raməɡkiari, rerɨn rəmwhen ia nui sə ramivə mamierɨɡ, məmwhen mwi ia karuəruə ramərkwəpahar asori. Reri iərmama nəha iakreɡi rəmwhen ia nərmama me i kamhəuəsi nəri kauəsi kaməni nɨpu irə.\fig Nəri kauəsi kaməni nɨpu irə|alt="Strinɡed instruments in their hands" src="BK00176B.TIF" size="col" loc="Rev 15:2" copy="Horace Knowles" ref="Rev 14:2" \fig*  
\v 3 \x - \xo 14:3 \xt Sam 149:1, Aes 42:10, Rev 5:9, 7:4\x*Irəha kamhərer kupwən ia jea sə Kumwesən raməkure irə mamərɨmənu ipaka tɨ nərimɨru me nəha kefə mɨne nəmə asori me nəha twenti-fo, mamhani nɨpu vi riti. Iərmama riti rɨpkukurən mhə nɨpu nəha, nərmama me a nəha irəha wan-hantret-foti-fo-taosen səməme Kumwesən rɨfi nari ia nirəha mɨpeki raka irəha ia təkure tɨprənə, irəha həukurən.  
\v 4 \x - \xo 14:4 \xt Efes 5:27\x*Irəha i nərmama me i səməme hənatuakəm amasan, mhəmher, tɨ nəri nə mə həpkiri raka mhə pran. Irəha nərmama vi a. Irəha kamhəkurirə kwəti sipsip mamhəuvən ia kwopun me pam in ramevən ikɨn. Nərmama me pam, mətə kɨfi nari ia nirəha i, kɨpeki raka irəha həmwhen ia kwənkwai nei kukupwən kesi kuvehi pen m Kumwesən mɨne kwəti sipsip.  
\v 5 \x - \xo 14:5 \xt Sam 32:2, Sef 3:13\x*Nənə ia tərhunraha kɨpkətə mhə neikuəien riti tɨ nəri nə mə irəha hatukwatukw pam.   
\s1 Naɡelo me kahar  
\p
\v 6 Nənə iakətoni mwi aɡelo riti mwi ramivə irənhə ia nɨmaɡouaɡou mauvehi nəɡkiariien amasan riti sə ramarə rerɨn trəvisau irapw i m nərmama səməme kamharə ia təkure tɨprənə, nərmama səvəi tənəmtənə me pam, mɨne kwənəkwus me pam, mɨne nəɡkiariien me pam, mɨne teki nərmama me pam.  
\v 7 \x - \xo 14:7 \xt Rev 10:6\x*In rəɡkiari rerɨn rupwinari mɨni mə, “Həsiai Kumwesən, mhəɡnəɡɨni in, tɨ nəri nə mə nəpɨn atukwatukw səvənhi ruvəuvehe mə trərpwɨn noien me səvəi nərmama. In rɨno neiai mɨne tɨprənə mɨne təsi mɨne nəmri nui me. Kɨmiaha tihaməkeikei mhənɨmwi nukurhumiaha me ia nənimen mhəsiai in.”   
\p
\v 8 \x - \xo 14:8 \xt Aes 21:9, Jer 51:7,8, Rev 17:2, 18:2,3\x*Aɡelo riti sə ro kəru irə rukurirə mwi aɡelo nəha, muvehe, mamɨni mə, “In ruvəmwei! Taon asori nəha Papilon ruvəmwei! Taon nəha rəmwhen ia pran riti səvəi suatuk rɨvi nərmama ia tənəmtənə me pam həuvehe mhənɨmwi waen irəha min. Waen nəha sənmwɨn in nə noien ərəha sə nərman me kamho irəha min.”   
\p
\v 9 \x - \xo 14:9 \xt Rev 13:12-17\x*Nənə aɡelo riti mwi sə ro kahar irə, rukurirə pen mwi irau, rɨni nəɡkiariien i rerɨn rupwinari mə, “Trɨni mɨnuə iərmama riti rɨnɨmwi nukurhun mi ia nəmri nərimɨru mɨne nəri kuvrhəkɨn kuvnhi nərimɨru irə, mɨsiai in, muvehi mak səvənhi ia nɨpwənan uə rəɡɨn,  
\v 10 \x - \xo 14:10 \xt Jen 19:24, Sam 11:6, 75:8, Aes 51:17,22, Jer 25:15, Esik 38:22, Rev 15:7, 16:19, Rev 19:20, 20:10, Rev 21:8\x*niemaha səvəi Kumwesən treste in. Niemaha nəha rəmwhen ia waen riti sə rɨskai pɨk Kumwesən ruvi pen ia kap səvənhi muvehi pen m iərmama nəha rənɨmwi. Nənə in trɨreɡi nəmisəien ia napw mɨne təpisi ərəha, trouahi in ia nəmri naɡelo ikinan me mɨne kwəti sipsip.  
\v 11 \x - \xo 14:11 \xt Aes 34:10, Rev 13:12-17, Rev 19:3\x*Nɨse napw sə ramo nəmisəien mɨnraha rautə ia nuk nuk me. Nərmama me i səməme hənɨmwi nukurhunraha ia nəmri nərimɨru, mhənɨmwi mwi nukurhunraha ia nəmri nəri kuvrhəkɨn kuvnhi nərimɨru irə, mhəsiai in, uə sin nəɡhɨn ruvehi mak sə rahatən nəɡhi nərimɨru, irəha tuhəreɡi nəmisəien ia nəpɨn mɨne ia ran mhəpwəh napwɨsien.”  
\v 12 \x - \xo 14:12 \xt Rev 12:17, 13:10\x*Tɨ nəri nə mə tro iamɨnhi irə mɨne ro pen nərmama me i səvəi Kumwesən kamho nəɡkiariien me səvənhi, nənə mamhahatətə ia Iesu, tuhaməkeikei mhərer əknekɨn ia nəpɨn me.   
\p
\v 13 \x - \xo 14:13 \xt 1Kor 15:58, Hip 4:10\x*Nənə iakreɡi reri iərmama riti ruku pen ia neiai mɨni mə, “Rai pen nəɡkiariien i ia nəkukuə: Ipwet mɨne mamevən trɨni mɨnuə nərmama me səvəi Iərɨmənu hemhə rerɨnraha traɡien.”  
\p Nənə Nənɨmwɨn Ikinan rɨni mə, “Ouəh pərhien. Irəha tuhapwɨs mhəpwəh mwi nəmwurien tɨ nəri nə mə noien amasan me səvənraha tuhəkurirə pen irəha.”   
\s1 Kumwesən treivə testesi nərmama rəmwhen kamo ia tɨpwe krep sə rɨmarei  
\p
\v 14 \x - \xo 14:14 \xt Dan 7:13\x*Iakəti pen mətoni mwi nəpuə riti rəpsan nənə iərmama riti raməkure utə ia nəpuə nəha. Iərmama nəha rəmwhen ia iəməti iərmama riti. In raməfəfau ia kəfəfau səvəi nɨsiaiien kɨno ia kol, mauvehi nau ikou riti rəhiə.  
\v 15 \x - \xo 14:15 \xt Joel 3:13\x*Nənə aɡelo riti mwi rier ia nimwə səvəi Kumwesən, maməkwein əpwəmwɨs iərmama nəha raməkure utə ia nəpuə mamɨni mə, “Uvehi nau ikou səim, mərai raka nərmama ia təkure tɨprənə. Nəpɨn tukərai raka irəha irə ruvəuvehe tɨ nəri nə mə irəha həmwhen ia nəveɡɨnien sə ruvəmruə ia nəmhien.”  
\v 16 Ro iamɨnhi irə iərmama sə raməkure utə ia nəpuə ruini pen nau ikou səvənhi ia təkure tɨprənə, mərai raka nərmama ia təkure tɨprənə rəmwhen kamo ia nəveɡɨnien sə ruvəmruə ia nəmhien.  
\v 17 Aɡelo riti mwi rier ia nimwə səvəi Kumwesən fwe ia neiai, mauvehi mwi nau ikou riti səvənhi rəhiə.  
\v 18 \x - \xo 14:18 \xt Joel 3:13\x*Nənə aɡelo riti mwi rier, in aɡelo sə ramətui tɨ napw ia təkure nɨfatə. In rier məkwein əpwəmwɨs aɡelo sə rauvehi nau ikou mɨni mə, “Uvehi nau ikou səim, mərai raka nərmama ia təkure tɨprənə rəmwhen kamo ia tɨpwe krep sə rɨmarei.”  
\v 19 Ro iamɨnhi irə aɡelo nəha ruini pen nau ikou səvənhi ia təkure tɨprənə, mərai raka nərmama ia təkure tɨprənə rəmwhen kamo ia tɨpwe krep sə rɨmarei, nənə mərarki pen irəha ia kwopun asori riti. Tukeivə testesi irəha ikɨn rəmwhen kamo ia tɨpwe krep sə rɨmarei mə nɨsen trarɨs. Kwopun nəha iruə ia taon, kwopun sə Kumwesən truvehi irapw niemaha səvənhi ikɨn.  
\v 20 \x - \xo 14:20 \xt Aes 63:3, Krae 1:15, Rev 19:15\x*Nənə keivə testesi nərmama me nəha rəmwhen kamo ia tɨpwe krep sə rɨmarei mə nɨsen trarɨs. Nɨtenraha rier ia kwopun nəha maiu meste nari fwe tri-hantret kilometa. Ko hos ravən irə netə nəha rutə meste tərhun.   
\c 15  
\s1 Naɡelo irəha sefen kamhəuvehi nərpwɨnien irəha sefen  
\p
\v 1 \x - \xo 15:1 \xt Lev 26:21, Rev 15:6-7\x*Iakəti pen fwe ia neiai mətoni mwi nɨmtətien riti mwi rasori iakərkərinari irə. Naɡelo irəha sefen kamhəuvehi nərpwɨnien me irəha sefen. Nərpwɨnien me nəha irəha sampam tɨ nəri nə mə nəpɨn tuhəier pam nənə niemaha səvəi Kumwesən riwən.  
\v 2 \x - \xo 15:2 \xt Rev 4:6, 5:8\x*Nənə iakətoni nari riti rəmwhen ia təsi kɨno ia klas ko kərapi irə irau napw. Iakətoni mwi nərmama nepwɨn kamhərer ia nɨkarkare təsi nəha. Nərmama me nəha hənəpwəh nəseniien nərimɨru mɨne nəri kuvrhəkɨn kuvnhi nərimɨru irə mɨne nampa sə ramahatən nəɡhɨn mə trasori ia nirəha. Irəha kamhərer ia nɨkarkare təsi kɨno ia klas. Ia rəɡɨnraha kamhəuvehi nəri kauəsi kaməni nɨpu irə Kumwesən rɨməuvei pen mɨnraha.  
\v 3 \x - \xo 15:3 \xt Eks 15:1, Rev 11:17, 16:7, Sam 92:5, Sam 139:14, Sam 145:17\x*Irəha kamhani nɨpu səvəi Moses iərmama sə ro tukwini nari m Kumwesən, mɨne nɨpu səvəi kwəti sipsip, mamhani mə,  
\q1 “Iərɨmənu Kumwesən sə ikauvehi nɨskaiien me pam,  
\q2 narimnari me səməme ikamo hasori kətoni kamərkərinari irə!  
\q1 Ik kiɡ sə ikamərɨmənu ia tənəmtənə me,  
\q2 suatuk me səim ikamesi pen suatuk me səvəi natukwatukwien mɨne nɨpərhienien!   
\q1
\v 4 \x - \xo 15:4 \xt Jer 10:6-7, Sam 86:9\x*Nərmama me pam tuhaməkeikei mhəsiai ik, mhəuvehi utə nəɡhɨm,  
\q2 tɨ nəri nə mə ik əpa Iəmə ikinan.  
\q1 Nərmama ia tənəmtənə me pam tuhəuvehe mhənɨmwi nukurhunraha ia nənimem mhəsiai ik  
\q2 tɨ nəri nə mə ikɨno raka noien atukwatukw me səim nərmama hənətoni.”   
\p
\v 5 \x - \xo 15:5 \xt Eks 38:21\x*Irəha hani raka nɨpu nəha, nənə iakəti pen mətoni kəsevər ia kwopun ikinan anan ia nəkwai nimwə tapolen fwe ia neiai.  
\v 6 \x - \xo 15:6 \xt Rev 15:1\x*Naɡelo me nəha irəha sefen həier ia nimwə tapolen nəha, mamhəpeki nərpwɨnien me nəha sefen. Tɨnari səvənraha kɨno ia linen sə rəpsan mamser. Həkwani nari kɨno ia kol rukurau ia kwənpwenhɨnraha.  
\v 7 \x - \xo 15:7 \xt Rev 14:10\x*Nənə nərimɨru me nəha kefə riti rɨpeki pen pesɨn me səməme kɨno ia kol muvei pen kuatia kuatia m naɡelo me nəha sefen. Pesɨn me nəha həukuər ia niemaha səvəi Kumwesən, Kumwesən sə ramarə ia nuk nuk me.  
\v 8 \x - \xo 15:8 \xt 1Kinɡ 8:10-11, Aes 6:4, Esik 44:4\x*Ia nəpɨn nəha nimwə tapolen ruvehe mukuər ia nɨse napw, tɨ nəri nə mə Kumwesən ramarə ikɨn, mamser, mamo nəɡsen. Iərmama riti ko rɨpkuvnimwə mhə ia nimwə nəha meste nərpwɨnien me sefen səməme naɡelo sefen kamhəpeki tuho sampam irə.   
\c 16  
\s1 Pesɨn me irəha sefen həukuər ia niemaha səvəi Kumwesən  
\p
\v 1 \x - \xo 16:1 \xt Aes 66:6, Rev 16:17, Sam 69:24, Jer 10:25, Sef 3:8\x*Nənə iakreɡi reri iərmama riti raməɡkiari asori fwe ia nimwə səvəi Kumwesən, mamɨni pen tɨ naɡelo me nəha sefen mə, “Həuvən mətəɡi irapw ia təkure tɨprənə pesɨn me nəha sefen həukuər ia niemaha səvəi Kumwesən.”  
\v 2 \x - \xo 16:2 \xt Eks 9:10, Dut 28:35, Rev 13:12-17\x*Aɡelo sə rakupwən revən mətəɡi irapw pesɨn səvənhi ia təkure tɨprənə. Nənə nərmama me nəha səməme mak səvəi nərimɨru ramarə ia nirəha, mɨne səməme kamhənɨmwi nukurhunraha ia nəmri nəri kɨməuvrhəkɨn kuvnhi nərimɨru irə, mamhəsiai in, nɨpwranraha ruvehe mukuər ia nɨmwapw me. Nɨmwapw me nəha hərəha mamho nəmisəien mɨnraha.   
\p
\v 3 \x - \xo 16:3 \xt Eks 7:17-21\x*Aɡelo sə ro kəru irə rətəɡi irapw pesɨn səvənhi ia təsi, nənə təsi ruvehe mo netə irə rəmwhen ia nɨte iərmama ruvamhə, narimnari me kamhəmɨru ia reri təsi hemhə pam.   
\p
\v 4 \x - \xo 16:4 \xt Sam 78:44\x*Aɡelo sə ro kahar irə rətəɡi irapw pesɨn səvənhi ia nui arɨs me mɨne nəmri nui me, nənə irəha həuvehe mho netə ia nirəha.  
\v 5-6 \x - \xo 16:5-6 \xt Sam 79:3, Sam 119:137, Aes 49:26, Rev 1:4\x*Nənə iakreɡi aɡelo sə ramərɨmənu ia nui me rɨni mə,  
\q1 “Kumwesən Ikinan. Ik ikɨnarə fwe kupwən muvehe meste mwi ipwet mɨne.  
\q1 Təkwtəkwuni ikamo noien atukwatukw,  
\q2 mamərpwɨn noien ərəha me i,  
\q2 mauvei pen netə mɨnraha hamənɨmwi.  
\q1 In i nərəkuien atukwatukw səvənraha,  
\q2 tɨ nəri nə mə irəha hənousi əpune nərmama me səim mɨne profet me səim nɨtenraha raiu.”   
\p
\v 7 \x - \xo 16:7 \xt Sam 19:9, Rev 15:3, 16:14, Rev 19:2\x*Nənə iakreɡi reri iərmama riti ruku pen ia nɨfatə ramɨni mə,  
\q1 “Ouəh pərhien Iərɨmənu Kumwesən sə ikauvehi nɨskaiien me pam,  
\q2 nəkiriien me səim hatukwatukw mho nɨpərhienien!”   
\p
\v 8 Nənə aɡelo sə ro kefə irə rətəɡi irapw pesɨn səvənhi ia meri, nənə Kumwesən rəseni nukwəsikər mə trənhi nərmama rəmwhen ia napw.  
\v 9 \x - \xo 16:9 \xt Rev 9:20-21, Rev 16:21\x*Nəpnəpanien səvəi nukwəsikər rahi irəha, nənə irəha həni ərəha nəɡhi Kumwesən sə ramərɨmənu ia nərpwɨnien me nəha. Irəha həpwəh nɨrərɨɡien ia noien ərəha me səvənraha, mhəpwəh nuvehi utəien nəɡhɨn.   
\p
\v 10 \x - \xo 16:10 \xt Eks 10:22, Aes 8:22\x*Aɡelo sə ro krirum irə rətəɡi irapw pesɨn səvənhi ia jea sə nərimɨru raməkure irə mamərɨmənu, nənə kwopun me pam ia nəkwai nɨtətə sə nərimɨru ramərɨmənu irə həuvehe mhəpitəv pam. Nərmama kamhəreɡi nəmisəien, mamhahi nəramɨnraha tukwe.  
\v 11 \x - \xo 16:11 \xt Rev 9:20-21, Rev 16:21\x*Irəha kamhəni ərəha Kumwesən fwe ia neiai tɨ nəmisəien me mɨne nɨmwapw me səvənraha, mhəpwəh nɨrərɨɡien ia noien ərəha me səvənraha.   
\p
\v 12 \x - \xo 16:12 \xt Aes 11:15, Jer 50:38\x*Nənə aɡelo sə ro sikis irə rətəɡi irapw pesɨn səvənhi ia nui arɨs asori nəha nəɡhɨn nə Iufretes, nənə nui arɨs nəha ramə, mo suatuk səvəi kiɡ me havən irə mhəuku peraha.  
\v 13 Ia nəpɨn nəha iakətoni nənɨmwɨn əmkemɨk kahar harəmwhen ia frok. Riti rier ia nɨpəɡi nəkwai snek asori, riti rier ia nɨpəɡi nəkwai nərimɨru, nənə riti rier ia nɨpəɡi nəkwai profet eikuə.  
\v 14 \x - \xo 16:14 \xt Rev 16:7, Rev 19:6,15,19\x*Nənɨmwɨn mirəhar nəha irəhar nəremhə me kamharo nɨmtətien me. Irəhar harier, mharevən tɨ kiɡ me ia tənəmtənə me pam, mharousəsɨmwɨn irəha mə tuharuaɡən ia nəpɨn asori səvəi Kumwesən, Kumwesən sə rauvehi nɨskaiien me pam.   
\p
\v 15 \x - \xo 16:15 \xt Rev 3:3,18\x*“Həreɡi ro! Iou iakauvehe rəmwhen ia rakres! Iərmama sə ramətui a məpwəh napriien rerɨn traɡien. Rərəha in rɨpeki raka tɨnari səvənhi tɨ napriien kətoni in ramavən auər a nənə in raurɨs tukwe.”   
\p
\v 16 \x - \xo 16:16 \xt Jaj 5:19, Sek 12:11\x*Nəremhə mirəhar nəha harousəsɨmwɨn pen kiɡ me nəha ia kwopun riti nəɡkiariien Hipru rani mə, “Amaketon.”   
\p
\v 17 \x - \xo 16:17 \xt Rev 16:1\x*Aɡelo sə ro sefen irə rətəɡi pen pesɨn səvənhi ia nɨmaɡouaɡou, nənə iakreɡi Kumwesən raməɡkiari fwe ia nəkwai nimwə səvənhi. Rerɨn ruku pen ia jea sə in raməkure irə mamərɨmənu, mamɨni mə, “In i sampam!”  
\v 18 \x - \xo 16:18 \xt Rev 4:5\x*Nənə nouapɨrien rəhiapw, karuəruə rərkwəpahar, kreɡi nərkərɨkien, nɨmwnɨmwien asori riti ravən. Nɨmwnɨmwien nəha rasori pɨk anan. Fwe Kumwesən rɨno iərmama ia təkure tɨprənə meste pehe nəpɨn nəha kɨpkətoni raka mhə nɨmwnɨmwien riti ro iamɨnhi irə ia nəpɨn riti.  
\v 19 \x - \xo 16:19 \xt Rev 14:10\x*Nɨmwnɨmwien nəha ravən meitehi taon asori nɨpərɨn kahar, nənə taon me ia tənəmtənə me həsas pam. Kumwesən rerɨn rɨrhi taon asori nəha Papilon, nənə in ruvehi pen kap riti rukuər ia waen maməkeikei min mə trənɨmwi pam. Waen nəha in niemaha səvəi Kumwesən rəpi pɨk in tɨ taon nəha.  
\v 20 \x - \xo 16:20 \xt Rev 6:14\x*Tənə əmwerɨs me pam hap mhəiwən. Kɨpkətoni mhə mwi təkuər me.  
\v 21 \x - \xo 16:21 \xt Eks 9:24, Rev 11:19, Rev 16:9,11\x*Aes me səməme həmwhen ia kəpwier asori həukrutə ia nɨmaɡouaɡou mhəsas pen ia nərmama. Ko kəkiri kəpwier me nəha kuatia kuatia nɨpamien səvənhi rəmwhen ia fifti kilo. Nəpɨn nərmama hətoni aes me nəha kamhəsas pen ia nirəha iamɨnhi irə, irəha həni ərəha Kumwesən, tɨ nəri nə mə nərpwɨnien nəha in ramo mɨnraha rɨskai pɨk anan.   
\c 17  
\s1 Taon asori Papilon rəmwhen ia pran səvəi suatuk  
\p
\v 1 \x - \xo 17:1 \xt Jer 51:12-13, Rev 17:15\x*Nənə naɡelo me nəha sefen kamhəuvehi pesɨn me nəha sefen riti ia nirəha ruvehe mɨni pehe tukw iou i mə, “Uvehe ro. Prən asori fwe raməkure ia nui me həpɨk, iakuə takahatən nərpwɨnien səvənhi pwəh ikətoni. Prən nəha in pran səvəi suatuk.  
\v 2 \x - \xo 17:2 \xt Aes 23:17, Rev 14:8\x*Kiɡ me ia təkure tɨprənə həno əpnapen raka nari irəha min. Noien ərəha sə prən nəha ramo irəha nərman me rəmwhen ia waen riti. Nərmama ia təkure tɨprənə hənənɨmwi raka waen nəha mamhakonə irə.”   
\p
\v 3 \x - \xo 17:3 \xt Rev 13:1\x*Nənə ia vison nəha Nənɨmwɨn rəriari miou, iakətə aɡelo nəha ruvehi iou iarouevən fwe ia kwopun akwesakwes ikɨn. Ia kwopun nəha iakətoni pran riti raməkure utə ia nərimɨru riti. Nərimɨru nəha rəruerəv pɨk kɨrai pen nəhaɡ me ia nɨpwran me pam. Nəhaɡ me nəha kamhəni ərəha Kumwesən. Nərimɨru nəha kənkapwə sefen, kənkəpati ten.  
\v 4 \x - \xo 17:4 \xt Jer 51:7, Rev 18:16\x*Pran nəha tɨnari səvənhi rəmwhen ia tihi natis, məruerəv pɨk. In ramo pen marəmarə me ia nɨpwran, marəmarə me nənimen rutə pɨk kɨno ia kol mɨne kəpwier amasan me mɨne perel me. In rauvehi kap riti ia rəɡɨn kɨno ia kol. Kap nəha rukuər ia noien me nərman me kamho irəha min hərəha pɨk mhəmkemɨk ia nəmri Kumwesən.  
\v 5 \x - \xo 17:5 \xt Rev 14:8\x*Ia nɨpwənan kɨrai pen nəɡhɨn riti sə nɨpwran rərkwafə. Rani mə,  
\pc TAON ASORI PAPILON  
\pc MAMA SƏVƏI NƗPRAN ME PAM SƏVƏI SUATUK  
\pc NUKUNE NOIEN ME PAM SƏMƏME HƏRƏHA PƗK IA TƏKURE TƗPRƏNƏ   
\p
\v 6 \x - \xo 17:6 \xt Rev 18:24, 19:2\x*Nənə iakətoni mə prən nəha rɨnousi əpune nərmama me səvəi Kumwesən mɨne irəha səməme həməni irapw Iesu. Rəmwhen in rɨnənɨmwi nɨtenraha mamakonə irə. Nəpɨn iakətoni prən nəha iakərkəri asori nari irə.  
\v 7 \x - \xo 17:7 \xt Rev 13:1\x*Mətə aɡelo rɨni pehe tukw iou i mə, “Ikamərkərinari iamɨnhi irə tɨ nəfe? Iou takəusiəre pui pehe nɨpwrai nəri nəha ikamətoni, mo nukurənien i mə sin nəha prən nəha mɨne nəfe nəha nərimɨru nəha in raməkure irə kənkapwə sefen kənkəpati ten.  
\v 8 \x - \xo 17:8 \xt Dan 12:1, Rev 11:7, 13:8\x*Nərimɨru nəha ikətoni ramɨru fwe kupwən, mətə təkwtəkwuni ruvamhə, trɨpko mhə tui rukrirapw ia nɨpəɡ sə rameiwaiu nukunen riwən mutə mier mevən kousi əpune. Nərmama kamharə ia təkure tɨprənə səməme kɨpkrai pen raka mhə nəɡhɨnraha fwe tui nəpɨn tɨprənə ramiwən ihi ia nəkukuə səvəi nɨmɨruien, irəha tuhətoni nərimɨru nəha, nənə hərkərinari irə tɨ nəri nə mə ramɨru fwe kupwən, mətə təkwtəkwuni ruvamhə, nənə trɨpkuvehe mwi.  
\v 9 Iərmama traməkeikei mukurən nari tɨ nukurənien nɨpwrai nəɡkiariien i. Kənkapwə nərimɨru nəha irəha sefen irəha nə təkuər me səməme pran nəha raməkure utə ia nirəha. Irəha mwi kiɡ me.  
\v 10 Kiɡ me irəha krirum həuvəmwei raka, kuatia ramɨru nəha təkwtəkwuni mɨne, nənə riti mwi rəpwəh ihi nuveheien. Nəpɨn truvehe traməkeikei marə ouihi a.  
\v 11 Nərimɨru i sə ramɨru fwe kupwən, mətə təkwtəkwuni ruvamhə, in mwi in kiɡ riti sə ramo eit irə, mətə in mwi in kiɡ riti səvəi kiɡ me nəha sefen. In trevən kousi əpune in.  
\v 12 \x - \xo 17:12 \xt Dan 7:24\x*Kənkəpati me nəha ten ikətoni, irəha kiɡ me ten həpwəh ihi nərɨmənuien, mətə irəha tuhəpkuvehi nasoriien mhərɨmənu ia nəpɨn ouihi a irəha nərimɨru nəha.  
\v 13 Nətərɨɡien səvənraha kuatia, nənə irəha tuhəuvei pen nɨskaiien səvənraha mɨne nasoriien səvənraha m nərimɨru nəha.  
\v 14 \x - \xo 17:14 \xt 1Tim 6:15\x*Irəha tuharuaɡən irəha kwəti sipsip, mətə kwəti sipsip truvehi irapw nɨskaiien səvənraha tɨ nəri nə mə in Iərɨmənu sə rasori ia nərɨmənu me pam, nənə, in Kiɡ sə rasori ia kiɡ me pam. Nərmama me nəha kamhərer irəha min irəha nəha nərmama səməme in rɨnəkwein irəha, mərpwi rəɡɨn ia nirəha, nərmama səməme in rukurən nətɨɡiteien ia nirəha.”   
\p
\v 15 \x - \xo 17:15 \xt Aes 8:7, Jer 47:2\x*Nənə aɡelo rɨni pehe mwi tukw iou i mə, “Ikətoni nui me nəha pran səvəi suatuk raməkure ia nirəha. Nui me nəha irəha nərmama həpɨk tekɨnraha səpəmsəpə, nəɡkiariien me səvənraha səpəmsəpə, həuku pen ia kwənəkwus me səpəmsəpə.  
\v 16 \x - \xo 17:16 \xt Rev 18:8\x*Nərimɨru nəha mɨne kənkəpati me nəha ten səməme ikətoni, irəha tuhəmwəki pran səvəi suatuk, mhəpeki raka pam narimnari me səvənhi, mhəpwəh in ramaiu auər a. Irəha tuhani nusan mhəuvani əmwesi in ia napw.  
\v 17 Irəha tuho iamɨnhi irə tɨ nəri nə mə Kumwesən rɨnəmri ia nətərɨɡien səvənraha mə tuho rəmwhen sə in rokeikei. Nətərɨɡien səvənraha truvehe mo kuatia i, nənə irəha tuhəuvei pen nɨskaiien səvənraha m nərimɨru mə trərɨmənu meste nəɡkiariien səvəi Kumwesən ruvehe mukuə.  
\v 18 Prən nəha ikətoni in taon asori nəha sə ramərɨmənu ia kiɡ me pam ia təkure tɨprənə.”   
\c 18  
\p
\v 1 Kurirə ia narimnari me i, iakətoni aɡelo riti mwi rukrutə ia neiai mameiwaiu pehe. In rauvehi nasoriien sə rasori. Nukuraanien sə ruku pen irə raməhiəpwɨn pam tɨprənə.  
\v 2 \x - \xo 18:2 \xt Rev 14:8, Aes 13:21, Aes 34:11, Jer 50:39\x*Rəkwein əpwəmwɨs mɨni mə,  
\q1 “In ruvəmwei! Taon asori nə Papilon ruvəmwei!  
\q2 Təkwtəkwuni nəha nəremhə me kamharə ikɨn.  
\q1 In kwopun nənɨmwɨn ərəha me mɨne menu me səməme həmkemɨk kaməmwəki irəha kamhərkwafə ikɨn.   
\q2
\v 3 \x - \xo 18:3 \xt Rev 14:8\x*Taon nəha rəmwhen ia pran riti səvəi suatuk.  
\q1 Nərmama me pam ia tənəmtənə me hənənɨmwi raka waen sənmwɨn.  
\q2 Waen nəha in noien ərəha sə nərman me kamho irəha min.  
\q1 Kiɡ me ia təkure tɨprənə həno əpnapen raka nari irəha prən nəha.  
\q2 Nərmama ia təkure tɨprənə səməme kamhəmri pen nəmri nari ia narimnari  
\q2 irəha nautə səvənraha ruvəuvehe mɨnasori ruku pen tɨ noien ərəha me səvəi prən nəha.”   
\p
\v 4 \x - \xo 18:4 \xt Aes 48:20, Jer 50:8, Jer 51:6,45, 2Kor 6:17\x*Nənə iakreɡi mwi reri iərmama riti fwe ia neiai rɨni mə,  
\q1 “Həier irə nərmama me səiou  
\q2 mɨnuə noien ərəha səvənhi trəpwəh nuvehi pekɨnien kɨmiaha,  
\q2 nənə kɨmiaha tihəpwəh nuvehiien nərpwɨnien riti səvənhi.   
\q1
\v 5 \x - \xo 18:5 \xt Jen 18:20-21, Jer 51:9\x*Noien ərəha me səvənhi rasori rutə ipaka rɨrapi neiai,  
\q2 ro pen Kumwesən rəpwəh nenouenouien nərəhaien me səvənhi.   
\q1
\v 6 \x - \xo 18:6 \xt Sam 137:8, Jer 50:15,29, 2Tes 1:6\x*Kɨmiaha tiho irə rəmwhen rɨno ia kɨmiaha.  
\q1 Narimnari me səməme in rɨno ia kɨmiaha,  
\q2 kɨmiaha tihaməkeikei mhərpwɨn pen m kəru min.  
\q1 In rɨməvi pen nənɨmwiien skai kuatia ia kap səkɨmiaha,  
\q2 kɨmiaha tihaməkeikei mhəvi pen nənɨmwien skai ia kap səvənhi m kəru.   
\q1
\v 7 \x - \xo 18:7 \xt Aes 47:7-9\x*Taon nəha rəmwhen ia pran riti sə rauvehi utə atukw a in,  
\q2 mamarə ia narəien sə rukuər ia narimnari amasan me.  
\q1 Ro iamɨnhi irə kɨmiaha tihaməkeikei mhəuvei pen nəmisəien mɨne nasəkien min rəmwhen irə.  
\q1 In rani ia rerɨn mə,  
\q2 ‘Iou prən asori iakaməkure ia kwopun i mamərɨmənu.  
\q2 Rɨpko mhə iou pran sə iərman səvənhi ruvamhə.  
\q2 Ko iapkasək mhə ia nəpɨn riti.’   
\q1
\v 8 \x - \xo 18:8 \xt Jer 50:34, Rev 17:16\x*Prən nəha ramərpwi atukw a in iamɨnhi irə ro pen nərpwɨnien me səvənhi tuhəuvehe ia nəpɨn kuatia a:  
\q2 nemhəien, nasəkien, mɨne nukumhə.  
\q1 Napw trahi prən nəha,  
\q2 tɨ nəri nə mə Iərɨmənu Kumwesən sə rauvei pen nərpwɨnien min nɨskaiien səvənhi rasori.”   
\p
\v 9 \x - \xo 18:9 \xt Rev 17:2, Esik 27:30-35\x*Nəpɨn kiɡ me səvəi tɨprənə səməme həno əpnapen raka nari irəha prən nəha nənə mharə irəha min ia narəien sə rukuər ia narimnari amasan me tuhətoni nɨse napw sə ramahi in, nənə rerɨnraha trəpou hasək tukwe.  
\v 10 \x - \xo 18:10 \xt Esik 26:17, Dan 4:30\x*Nəmisəien səvənhi tro irəha həhekɨr, nənə mhərer pen a isipwɨn mə,  
\q1 “Aueh taon asori!  
\q1 Aueh Papilon taon sə nəɡsem rasori!  
\q2 Nərpwɨnien səim ruvəuvehe ia aoa kuatia a.”   
\p
\v 11 \x - \xo 18:11 \xt Esik 27:36\x*Nərmama me ia təkure tɨprənə kamhəmri pen nəmri nari ia narimnari tuhasək tɨ prən nəha tɨ nəri nə mə iərmama riti mwi riwən truvehi nəmri narimnari me səvənraha.  
\v 12 \x - \xo 18:12 \xt Esik 27:12,13,22\x*Narimnari me səvənraha rəmwhen ia aean mi nəha kol mɨne silva, mɨne kəpwier amasan me, mɨne perel me, mɨne tɨnari amasan nəha linen, mɨne tɨnari sə ro tihi natis irə, mɨne tɨnari nəha silik, mɨne tɨnari sə rəruerəv pɨk, mɨne nei me səpəmsəpə nɨpekɨnraha rapein amasan, mɨne narimnari me səpəmsəpə kɨno ia kənkəpati elefen, mɨne narimnari me səpəmsəpə kɨno ia nei nənimen rutə pɨk, mɨne aean me nepwɨn rəmwhen ia prons, mɨne kəpwier amasan nəha mapil,  
\v 13 mɨne teki nei sinamon, mɨne nɨmwai nari kavi rərəɡi pen ia nəveɡɨnien, mɨne nɨmwəkmwəki nari kuvani nɨpekɨn rapein amasan, mɨne nɨse nei mi nəha fraɡkinsens mɨne mɨr, mɨne waen, mɨne oel, mɨne flaoa, mɨne kwənuni wit, mɨne kau me mɨne sipsip me, mɨne hos me mɨne kat me hos me kamhəvi, mɨne slef me, slef me nə irəha nərmama.   
\q1
\v 14 “Narimnari amasan me pam səməme nətərɨɡien səim ramevən ia nirəha,  
\q2 hənəpwəh ik mhəuvavən.  
\q1 Nautə me pam səim mɨne marəmarə me pam səim ikɨnətə wau raka ia nirəha,  
\q2 nənə ko ipkətoni mhə mwi irəha ia nəpɨn riti.”   
\p
\v 15 \x - \xo 18:15 \xt Esik 27:31,36\x*Nərmama me nəha səməme kamhəmri pen nəmri nari ia narimnari me nəha həpeki nautə rɨpɨk ruku pen tɨ prən nəha. Irəha tuhəhekɨr nəmisəien səvəi prən nəha, mhərer pen a isipwɨn tukwe in, mamhasək əpwəmwɨs  
\v 16 \x - \xo 18:16 \xt Rev 17:4\x*mə,  
\q1 “Aueh! Aueh taon asori!  
\q1 In rəmwhen ia pran ramarkahu ia tɨnari amasan i kani mə linen  
\q2 sə ro tihi natis irə raməruerəv pɨk.  
\q1 In ramo pen marəmarə me ia nɨpwran,  
\q2 marəmarə me nənimen rutə pɨk kɨno ia kol, mɨne kəpwier amasan me, mɨne perel me.   
\q1
\v 17-18 \x - \xo 18:17-18 \xt Esik 27:27-29,32\x*Mətə kouraha pam nautə me səvənhi ia aoa kuatia a.”  
\p Nənə nəmə səməme kamhəkəkini nɨtətə ia təsi, mɨne nərmama səməme kamhərəku nɨtətə mamhəputə, mɨne nəmə səməme kamhowok ia nəkwai nɨtətə, mɨne nərmama səməme nɨtətə rapeki narimnari səvənraha muvehe mɨpeki parei kamhəmri pen nəmri nari ia nirəha, mamhəuvehi mane irə, irəha pam hətoni nɨse napw sə ramahi prən nəha, mhərer pen a isipwɨn tukwe in, mamhasək əpwəmwɨs, mamhəni mə,  
\q1 “Taon asori riti riwən rəmwhen ia taon nəha!”   
\p
\v 19 \x - \xo 18:19 \xt Esik 27:30-34\x*Irəha hərki pen nɨməkwrur ia kənkapwənraha, rerɨnraha rəpou, kamhasək, mamhəni mə,  
\q1 “Aueh! Aueh taon asori!  
\q1 Nərmama me pam səməme nɨtətə səvənraha ramaiu ia təsi,  
\q2 irəha nautə səvənraha ruvehe masori ia narimnari me səim!  
\q1 Mətə kouraha pam narimnari me səim ia aoa kuatia a.”   
\p
\v 20 \x - \xo 18:20 \xt Aes 44:23, Dut 32:43, Jer 51:48\x*Mətə nɨpu riti mwi rani iamɨnhi irə mɨnuə,  
\q1 “Kɨmiaha ia nɨtətə ia neiai, kɨmiaha nərmama me səvəi Kumwesən, mɨne aposol me mɨne profet me,  
\q2 rerɨmiaha traməkeikei maɡien,  
\q2 tɨ nəri nə mə Kumwesən rɨnərpwɨn noien ərəha prən nəha rɨno ia kɨmiaha!”   
\p
\v 21 \x - \xo 18:21 \xt Jer 51:63-64, Esik 26:21\x*Nənə aɡelo riti nəɡsen rasori ruvehi kəruəterei asori riti mərarki pen i ia nəkwai təsi mɨni mə,  
\q1 “Tukəraki irapw akwauakw taon asori nəha Papilon iamɨnhi irə,  
\q2 nənə tukəpwəh nətoniien mwi in ia nəpɨn riti.   
\q1
\v 22 \x - \xo 18:22 \xt Aes 24:8, Esik 26:13\x*Ia niram taon Papilon tɨpkreɡi mhə mwi nərmama səməme kamhəuəsi nəri kauəsi kaməni nɨpu irə,  
\q2 uə nərmama səməme kamhəse tərhe nau mɨne kisɨpw.  
\q1 Ia niram tɨpkətoni mhə mwi iərmama sə ramarpəkau amasan narimnari me.  
\q2 Tɨpkreɡi mhə mwi kəpwier ramərari maməkwai ətestesi kwənuni wit kamo flaoa i.   
\q1
\v 23 \x - \xo 18:23 \xt Jer 7:34, 16:9, Jer 25:10, Aes 47:9\x*Nukuraanien səvəi laet trɨpkəhiapw mhə mwi ia niram,  
\q2 nənə tɨpkreɡi mhə mwi reri iərman mɨne pran səməmi krauni sɨmwɨn tɨ narəien vi səvənrau.  
\q1 Tro iamɨnhi irə tɨ nəri nə mə fwe kupwən nərmama me səim səməme kamhəmri pen nəmri nari ia narimnari irəha kamhəuvehi nasoriien ia təkure tɨprənə.  
\q2 Nərmama ia tənəmtənə me pam hətoni nɨmtətien me nəha ikɨno ia nɨskaiien səvəi iəremhə reikuə ia nirəha.   
\q1
\v 24 \x - \xo 18:24 \xt Jer 51:49, Mat 23:35, Rev 17:6\x*Ia taon nəha Papilon Kumwesən rətoni nɨte profet me mɨne nərmama me səvənhi.  
\q2 Nərmama me pam ia təkure tɨprənə səməme kɨnousi əpune irəha Kumwesən rətoni nɨtenraha ia taon nəha.”   
\c 19  
\s1 Nərmama fwe ia neiai həɡnəɡɨni Kumwesən  
\p
\v 1 Kurirə ia narimnari me i iakreɡi reri nari riti rəmwhen ia nərmama həpɨk fwe ia neiai, kamhəɡkiari rerɨnraha rupwinari mamhəni mə,  
\q1 “Pwəh səɡnəɡɨni Iərɨmənu Kumwesən səkɨtaha!  
\q1 In rauvehimɨru kɨtaha. Nasoriien mɨne nɨskaiien səvənhi əpa.   
\q1
\v 2 \x - \xo 19:2 \xt Rev 6:10, 16:7\x*Nəkiriien me səvənhi ho nɨpərhienien, mhatukwatukw.  
\q1 In rɨnərpwɨn raka noien ərəha səvəi taon asori nəha Papilon,  
\q2 tɨ nəri nə mə taon nəha rəmwhen ia pran səvəi suatuk  
\q2 rouraha nərmama ia təkure tɨprənə i ia noien ərəha səvənhi.  
\q1 Kumwesən ruvəuvei pen raka nərpwɨnien min,  
\q2 tɨ nəri nə mə kousi əpune səvənhi iotukwininari me ia taon nəha.”   
\p
\v 3 \x - \xo 19:3 \xt Rev 14:11\x*Nənə irəha həɡkiari asori mwi mə,  
\q1 “Pwəh səɡnəɡɨni Iərɨmənu!  
\q1 Nɨse napw sə ramahi taon nəha rautə ia nuk nuk me ko rɨpkiwən mhə.”   
\p
\v 4 \x - \xo 19:4 \xt Rev 4:2,10\x*Ia nəpɨn nəha nəmə asori me nəha twenti-fo mɨne nərimɨru me nəha kefə hənɨmwi nukurhunraha ia nəmri Kumwesən sə raməkure ia jea səvənhi mamərɨmənu, mhəsiai in, mhəni mə,  
\q1 “Ouəh! Pwəh səɡnəɡɨni Iərɨmənu!”   
\p
\v 5 \x - \xo 19:5 \xt Sam 22:23, Sam 134:1, Sam 135:1, Rev 11:18\x*Nənə reri iərmama riti ruku pen ia jea Kumwesən raməkure irə mamərɨmənu, mɨni mə,  
\q1 “Kɨmiaha nərmama hiamo tukwini nari m Kumwesən, mamhəsiai in,  
\q2 nəri auər a mə hiaməuvehi nasoriien uə hiəpkuvehi mhə nasoriien,  
\q2 kɨmiaha pam tihaməkeikei mhəɡnəɡɨni Kumwesən səkɨtaha!”   
\p
\v 6 \x - \xo 19:6 \xt Rev 11:15, 14:2, Rev 15:3, 21:2\x*Nənə iakreɡi nari riti rəmwhen ia nərmama həpɨk kamhəɡkiari, rerɨnraha rəmwhen ia nui sə ramivə mamierɨɡ, mɨne karuəruə ramərkwəpahar. Irəha həni mə,  
\q1 “Pwəh səɡnəɡɨni Iərɨmənu Kumwesən səkɨtaha  
\q2 tɨ nəri nə mə in rauvehi nɨskaiien me pam, mamərɨmənu!   
\q1
\v 7 Pwəh saɡien, mhaɡien pɨk, mhəuvehi utə nəɡhɨn,  
\q2 tɨ nəri nə mə nəpɨn ruvəuvehe tukiri pen vi a pran m kwəti sipsip!  
\q1 Pran səvənhi rɨnəpnəpenə pam raka,   
\q2
\v 8 \x - \xo 19:8 \xt Aes 61:10\x*mamarkahu ia tɨnari amasan nəha linen kuvei pen min rəpsan məmher.”  
\m (Tɨnari amasan nəha linen ramahatən pen noien atukwatukw me səvəi nərmama me səvəi Kumwesən.)   
\p
\v 9 \x - \xo 19:9 \xt Mat 22:2-3, Wok Me 10:25-26, Rev 22:8-9\x*Nənə aɡelo nəha rɨni pehe tukw iou i mə, “Rai pen nəɡkiariien i ia nəkukuə. ‘Nərmama səməme kɨnəkwein ia nirəha mɨnuə tuhəuvən ia nəveɡɨnien asori səvəi kwəti sipsip irəha rerɨnraha traɡien.’” Nənə aɡelo nəha rarə mɨni mwi tukw iou i mə, “Nəɡkiariien me i nəɡkiariien pərhien səvəi Kumwesən.”  
\v 10 In rɨni iamɨnhi irə, nənə iakɨnɨmwi nukurhuk mi ia nɨsun mə takɨsiai in, mətə in rɨni pehe tukw iou mə, “Tikəpwəh noien iamɨnhi irə! Krau iotukwininari mi a, kɨtaha piam me səməme kamhəuvehi nəɡkiariien i Iesu rɨni mə ro nɨpərhienien. Tikaməkeikei mɨnɨmwi nukurhum mi ia nəmri Kumwesən əpa, mɨsiai in, tɨ nəri nə mə nəɡkiariien i Iesu rɨni mə ro nɨpərhienien in nukune nəɡkiariien me səvəi profet me.”   
\s1 Iərmama sə raməkure ia hos əpsan  
\p
\v 11 \x - \xo 19:11 \xt Rev 1:5, 6:2, Sam 96:13, Aes 11:4\x*Nənə iakətoni kəsevər ia neiai. Iakəti pen mətoni hos əpsan riti. Iəmə sə raməkure irə nəɡhɨn nə “Iəmə sə Kamətɨɡite Irə. In rani nɨpərhienien.” Nəpɨn in rəkiri nərmama uə raruaɡən, mətə in ramo ia noien sə ratukwatukw a.  
\v 12 \x - \xo 19:12 \xt Rev 1:14, 2:17\x*Nənimen mi krouəmwhen ia nərami napw. Ia təkure kənkapwə kəfəfau səvəi nɨsiaiien me həpɨk. Kɨrai pen nəhaɡ riti irə, mətə iərmama riti rɨpkukurən mhə nahaɡ nəha, in əpa in rukurən.  
\v 13 \x - \xo 19:13 \xt Aes 63:1-3, Jon 1:1,14\x*In ramarkahu ia tɨnari riti kɨneitesi ia netə. Nəɡhɨn sə kaməkwein in irə in nə “Nəɡkiariien səvəi Kumwesən.”  
\v 14 Naruaɡən me ia neiai kamhəkure ia hos əpsan me mamhəkurirə in, mamharkahu ia tɨnari amasan nəha linen rəpsan məmher.  
\v 15 \x - \xo 19:15 \xt Rev 1:16, 12:5, Rev 14:20, 4:8, Rev 21:22\x*Iərmama nəha nau riti səvəi naruaɡənien rəhiə ruku pen ia nɨpəɡi nəkwan mamier. Ia nau nəha in truvehi irapw nɨskaiien səvəi nərmama ia tənəmtənə me, nənə muvehi nəri skai riti sə rəmwhen ia nep ramahatən pen nasoriien səvəi kiɡ, rauvehi mamərɨmənu ia nirəha. In tro rɨskai anan ia nirəha rəmwhen kamo ia tɨpwei krep sə rɨmarei nərmama kamheivə testesi mə nɨsenraha trarɨs. Noien nəha in nəha Kumwesən i rauvehi nɨskaiien me pam truvehi irapw niemaha asori səvənhi irə.  
\v 16 \x - \xo 19:16 \xt Rev 17:14\x*Kɨmərai pen nəɡhɨn ia tɨnari səvənhi mɨne nuvan mə:  
\p KIG SƏ RASORI IA KIG ME. IƏRƗMƏNU SƏ RASORI IA NƏRƗMƏNU ME.   
\p
\v 17 \x - \xo 19:17 \xt Esik 39:17-20\x*Nənə iakəti pen mətoni aɡelo riti ramərer pen ia meri. In raməkwein əpwəmwɨs mani pen tɨ menu me səməme kamhəivə ia nɨmaɡouaɡou mə, “Həuvehe mhousəsɨmwɨn kɨmiaha me tɨ nəveɡɨnien asori səvəi Kumwesən.  
\v 18 Həuvehe mhani nɨpwrai kiɡ me, mɨne nəmə asori me səvəi naruaɡən me, mɨne nərmama nəɡsenraha rasori, mɨne hos me, mɨne nərmama səməme kamhəkure ia hos me. Həuvehe mhani nɨpwrai nərmama me pam: irəha səməme ko slef ia nirəha mɨne səməme kɨpko mhə slef ia nirəha, irəha səməme kamhəuvehi nasoriien mɨne səməme həpkuvehi mhə nasoriien.”   
\p
\v 19 \x - \xo 19:19 \xt Sam 2:2\x*Nənə iakətoni nərimɨru nəha, mɨne kiɡ me səvəi tɨprənə, mɨne naruaɡən me səvənraha housəsɨmwɨn irəha me mə tuharuaɡən irəha Iəmə sə raməkure ia hos mɨne naruaɡən me səvənhi.  
\v 20 \x - \xo 19:20 \xt Rev 13:12-17, Rev 20:10,15, Aes 30:33\x*Nənə naruaɡən me səvəi Iəmə nəha həuvən mhəkwtəmhiri nərimɨru nəha, mɨne profet eikuə nəha sə rɨnamo nɨmtətien me fwe kupwən nəpɨn rɨnamərer irau nərimɨru nəha. (In rɨnamo nɨmtətien me nəha, mameikuə ia nərmama səməme kamhəuvehi mak səvəi nərimɨru nəha, mɨne səməme kamhənɨmwi nukurhunraha ia nəmri nəri kuvrhəkɨn kuvnhi nərimɨru irə mhəsiai in.) Irəha həkwtəmhiri irau, mhərarki pen mɨru a irau ia kwopun əmwhenɨmw nəha napw mɨne təpisi ərəha krauuək ikɨn.  
\v 21 \x - \xo 19:21 \xt Rev 19:17-18\x*Nənə kiɡ me mɨne naruaɡən me səvənraha, Iəmə sə raməkure ia hos rərai əpune irəha ia nau səvəi naruaɡənien sə ruku pen ia nɨpəɡi nəkwan mamier. Nənə menu me pam hani nɨpwranraha tɨpwɨnraha rəsisi amasan.   
\c 20  
\s1 Nuk wan-taosen  
\p
\v 1 \x - \xo 20:1 \xt Rev 9:1\x*Nənə iakətoni aɡelo riti rukrutə ia neiai mameiwaiu pehe, mauvehi ki riti ia rəɡɨn, ki səvəi nɨpəɡ sə rameiwaiu nukunen riwən. In rauvehi mwi jen asori riti.  
\v 2 \x - \xo 20:2 \xt Rev 12:9\x*In rəkwtəmhiri snek asori, snek sə rɨnarə raka tui nəɡhɨn nə Iəremhə uə Setan. Aɡelo nəha rəkwtəmhiri, mərihi səvəi nuk wan-taosen,  
\v 3 \x - \xo 20:3 \xt Jut 6\x*mərarki pen ia nɨpəɡ sə rameiwaiu nukunen riwən, nənə məsisəɡ əknekɨn irə mɨnuə snek asori nəha trəpwəh mwi neikuəien ia nərmama ia tənəmtənə me meste nuk wan-taosen ro sampam. Nəpɨn nuk wan-taosen ro sampam, tukaməkeikei kɨfi nari irə səvəi nəpɨn ouihi a.   
\p
\v 4 \x - \xo 20:4 \xt Dan 7:9,22,27, 1Kor 6:2, Rev 13:17\x*Nənə iakətoni jea me nepwɨn səvəi nəmə asori me. Nəmə asori me səməme kamhəkure ia jea me nəha, kuvei pen nasoriien mɨnraha tuhaməkiri noien me mamhərpwɨn. Nənə iakətoni nənɨmwi nərmama səməme kɨnərai əmwesi kənkapwənraha tɨ nəri nə mə irəha kamhərer irapw tɨ nɨni irapwien nəɡkiariien amasan səvəi Iesu mɨne nəɡkiariien səvəi Kumwesən. Irəha həpwəh nɨnɨmwiien nukurhunraha ia nɨsiaiien ia nəmri nərimɨru uə ia nəmri nəri kuvrhəkɨn kuvnhi nərimɨru irə, mhəpwəh nuvehiien mak səvənhi ia nɨpwənanraha mɨne rəɡɨnraha. Iakətoni irəha həuvehe mhəmɨru mwi, nənə mamhərɨmənu irəha Kristo meste nuk wan-taosen.  
\v 5 In i nəpɨn sə Kumwesən rɨməkupwən mo nərmama irə hətui mwi ia nemhəien. Mətə nərmama həuvamhə səməme in rɨpko mhə irəha hətui mwi ia nəpɨn nəha tuhəpkətui mhə mwi ia nemhəien meste nuk wan-taosen ro sampam.  
\v 6 \x - \xo 20:6 \xt Rev 1:6\x*Nərmama me i səməme Kumwesən rɨməkupwən mo irəha hətui mwi ia nemhəien, irəha rerɨnraha traɡien, tɨ nəri nə mə irəha nəkur ikinan me səvənhi. Irəha tuhəpkemhə mhə mwi ia nemhəien sə ro kəru i, mətə irəha tuho pris me ia nirəha, pris me səvəi Kumwesən mɨne Kristo, nənə mhərɨmənu irəha min ia nuk wan-taosen.   
\s1 Setan trevən ia napw  
\p
\v 7 Nənə nəpɨn nuk wan-taosen ro sampam, tukɨfi nari ia Setan rier irapw ia kwopun kɨnəsisəɡ əknekɨn in ikɨn.  
\v 8 \x - \xo 20:8 \xt Esik 38:2,9, Esik 38:15-16\x*In trier irapw, mevən meikuə ia kwənəkwus me nəha səməme kamharə ia nɨkare təkure tɨprənə i kefə, nəɡhɨnraha Kauk mɨne Makauk, nənə mousəsɨmwɨn irəha mə tuharuaɡən. Nərmama me nəha tuhəpɨk məmwhen ia nɨpəkɨr ia təsi.  
\v 9 \x - \xo 20:9 \xt 2Kinɡ 1:10, Esik 39:6\x*Iakətoni mə irəha həuvən ia kwopun me pam ia tɨprənə, mhərer kuraukurau kwopun nərmama me səvəi Kumwesən kamharə ikɨn mɨne taon sə Kumwesən rokeikei pɨk. Mətə napw riti rukrutə ia neiai meiwaiu pehe mahi irəha.  
\v 10 \x - \xo 20:10 \xt Jen 19:24, Sam 11:6, Rev 19:20, 21:8\x*Nənə kuvehi Setan, iəremhə sə rɨneikuə ia nirəha, kuvehi, kərarki pen ia kwopun əmwhenɨmw nəha napw mɨne təpisi ərəha krauuək ikɨn. In nəha kwopun nəha kɨnərarki pen raka nərimɨru ikɨn mɨne profet eikuə. Nənə tuko nəmisəien mɨnrahar ia nəpɨn mɨne ia ran ia nuk nuk me.   
\s1 Kumwesən rəkiri nərmama səməme həuvamhə, mərpwɨn noien me səvənraha  
\p
\v 11 Ia nəpɨn nəha iakətoni jea asori riti rəpsan mɨne Iəmə sə raməkure irə mamərɨmənu. Tɨprənə mɨne neiai krouap tɨ nənimen kɨpkətoni mhə mwi irau.  
\v 12 \x - \xo 20:12 \xt Dan 7:9-10, Mat 25:31-46, Wok Me 17:31, 2Kor 5:10, Rev 13:8\x*Nənə iakətoni nərmama həuvamhə səməme fwe kupwən kamhəuvehi nasoriien mɨne səməme həpkuvehi mhə nasoriien, irəha pam kamhərer ia nəmri Iəmə sə raməkure ia jea səvənhi mamərɨmənu. Nənə krɨpweɡi nəkukuə me nepwɨn. Krɨpweɡi mwi nəkukuə riti mwi, nəkukuə səvəi nɨmɨruien. Nənə Iəmə nəha rəkiri nərmama həuvamhə mesi pen nəɡkiariien kɨmərai pen ia nəkukuə me nəha, mərpwɨn atukwatukw noien me irəha həno fwe kupwən.  
\v 13 \x - \xo 20:13 \xt Rom 2:6, 1Pit 1:17, Rev 2:23, 22:12\x*Təsi raraka ia nərmama həuvamhə səməme kamharə irə. Noien Iərmama Remhə mɨne Imwei Nəkur Həuvamhə irau mwi krouaraka ia nərmama səməme kamharə ia nirau. Irəha pam hətui mwi ia nemhəien səvənraha, nənə Iəmə nəha rəkiri irəha kuatia kuatia, mərpwɨn atukwatukw noien me irəha həno fwe kupwən.  
\v 14 \x - \xo 20:14 \xt 1Kor 15:26,55\x*Nənə kuvehi Noien Iərmama Remhə mɨne Imwei Nəkur Həuvamhə kərarki pen irau ia kwopun əmwhenɨmw nəha napw rauək ikɨn. Nəri nəha in nəha nemhəien sə ro kəru i.  
\v 15 \x - \xo 20:15 \xt Rev 13:8, 19:20\x*Nərmama me pam səməme kɨpkətoni mhə nəɡhɨnraha ia nəkukuə səvəi nɨmɨruien kərarki pen irəha ia kwopun əmwhenɨmw nəha napw rauək ikɨn.   
\c 21  
\s1 Jerusalem vi  
\p
\v 1 \x - \xo 21:1 \xt 2Tes 3:13\x*Nənə iakətoni neiai vi mɨne tɨprənə vi, tɨ nəri nə mə neiai akuas mɨne tɨprənə akuas krouvehe rouiwən. Nənə təsi riwən mwi.  
\v 2 \x - \xo 21:2 \xt Aes 52:1, 61:10, Hip 11:16, 12:22, Rev 3:12\x*Nənə iakətoni taon ikinan səvəi Kumwesən, in nə Jerusalem vi, rukrutə tɨ Kumwesən ia neiai mameiwaiu pehe. Taon ikinan nəha ramser rəmwhen ia tɨnari sə pran rarkahu irə ia nəpɨn tukiri pen vi a in kuvei pen m iərman səvənhi.  
\v 3 \x - \xo 21:3 \xt 2Kron 6:18, Sek 2:10, 2Kor 6:16, Rev 7:17\x*Nənə iakreɡi reri iərmama riti rupwinari ruku pen ia jea sə Kumwesən raməkure irə mamərɨmənu, rɨni mə, “Hətə ro! Təkwtəkwuni nəha Kumwesən rɨno rukwənu səvənhi irəha nərmama. In tramarə irəha mɨnraha, nənə irəha tuhəuvehe nərmama me səvənhi. Kumwesən in tramarə tɨ nirəha, nənə muvehe Kumwesən səvənraha.  
\v 4 \x - \xo 21:4 \xt Aes 35:10, Aes 65:19\x*In trɨrai raka pam nɨse nənimenraha. Noien iərmama remhə mɨne nasəkien mɨne nəmisəien triwən, tɨ nəri nə mə narimnari tui me həuvehe mhəuvəiwən.”   
\p
\v 5 \x - \xo 21:5 \xt 2Kor 5:17, Rev 4:2,10\x*Nənə Iəmə sə raməkure ia jea mamərɨmənu rɨni mə, “Hətə ro! Iakamo narimnari me pam həuvehe mhərməvi.” Nənə in rarə mɨni mwi mə, “Rai pen nəɡkiariien i ia nəkukuə, tɨ nəri nə mə nəɡkiariien me i ho nɨpərhienien nərmama həukurən nətɨɡiteien ia nirəha.”   
\p
\v 6 \x - \xo 21:6 \xt Sam 36:9, Jer 2:13, Jon 7:37, Rev 1:8,17; 22:17\x*Nənə in rərari mɨni pehe tukw iou i mə, “Təkwtəkwuni nəha kɨno sampam ia narimnari me pam! Iou i Alfa mɨne Omeka,\f + \fr 21:6 \ft Alfa in leta sə rukupwən ia alfapet səvəi nəkur Kris. Omeka in leta sampam. Nəhaɡ i kaməkwein Kumwesən irə nɨpwran mə in nukunen mɨne nəkrəkwerɨn. Əvsini mwi Rev 21:6; 22:13.\f* nukunen mɨne nəkrəkwerɨn. Nərmama səməme həkwakwa iou takuvei pen nui mɨnraha. Nui nəha kɨpkuvehi mhə nənimen. Nəmri nui nəha rauvei pehe nui kauvehi nɨmɨruien irə.  
\v 7 \x - \xo 21:7 \xt 2Saml 7:14\x*Iərmama sə trɨskai meste naruaɡənien rukurau, iou takuvei pen narimnari me səməme iakuvəni pen raka tukwe in. Iou takuvehe Kumwesən səvənhi, nənə in truvehe nərɨk.  
\v 8 \x - \xo 21:8 \xt Mat 25:41, Hip 10:38-39, Rev 19:20; 21:27; 22:15\x*Mətə nərmama səməme kamhəhekɨr ia nərmama, mhəpwəh nahatətəien, mamho noien əmkemɨk, mamhousi əpune nərmama, mamhakres pran, mamho klepa, mamhəuvehi nahak, mamhəfwaki m nənɨmwi nari me, mɨne ieikuə me pam, imwənraha atukwatukw fwe ia kwopun əmwhenɨmw nəha napw mɨne təpisi ərəha krauuək ikɨn. Nəri nəha in nemhəien sə ro kəru irə.”   
\p
\v 9 \x - \xo 21:9 \xt Rev 15:1\x*Nənə naɡelo me nəha sefen kamhəpeki pesɨn me nəha sefen həukuər ia nərpwɨnien irəha sefen (nənə nərpwɨnien me nəha irəha nərpwɨnien sampam Kumwesən tro m nərmama), riti ia naɡelo me nəha rɨni pehe tukw iou i mə, “Uvehe ro. Iakuə takahatən prən nəha, in pran səvəi kwəti sipsip, pwəh ikətoni.”  
\v 10 \x - \xo 21:10 \xt Esik 40:2, Rev 21:2\x*Nənə ia vison nəha Nənɨmwɨn rəriari miou iakətoni aɡelo nəha ruvehi iou iarouevən fwe ia təkuər riti rasori məpwəmwɨs. Nənə in rahatən taon ikinan nəha Jerusalem iakətoni ruku pen tɨ Kumwesən ia neiai mameiwaiu pehe.  
\v 11 \x - \xo 21:11 \xt Aes 60:1-2,19\x*Taon ikinan nəha rukuraan ia nukuraanien səvəi Kumwesən. Ramserser rəmwhen ia kəpwier amasan riti kani mə tiaspa rəmher rəmwhen ia klas.  
\v 12 \x - \xo 21:12 \xt Esik 48:30-35\x*Nəpai riti rasori məpwəmwɨs rukuraukurau irə. Ia nəpai nəha kwəruə me irəha twelef. Naɡelo me twelef kamhərer ia kwəruə me nəha. Ia kwəruə me nəha kɨmərai pen nəɡhi kwənəkwus me səvəi nəkur Isrel irəha twelef.  
\v 13 Kwəruə me nəha kahar ia nɨkare taon nəha peraha, kahar mwi ia nɨkaren prehi, kahar ia nɨkaren pesu, nənə kahar ia nɨkaren parei.  
\v 14 Kəpwier asori me irəha twelef kamhəkwtəmhiri əknekɨn nukune nəpai nəha səvəi taon nəha. Nənə kɨmərai pen nəɡhi aposol me twelef səvəi kwəti sipsip ia kəpwier me nəha.   
\p
\v 15 \x - \xo 21:15 \xt Rev 11:1\x*Aɡelo sə raməɡkiari miou rauvehi nari riti kɨno ia kol truvehi mak səvəi taon irə mɨne nəpai səvənhi mɨne kwəruə me ia nəpai nəha.  
\v 16 Nɨkare taon nəha irəha kefə. Nasoriien səvəi nɨkarkaren me mɨne nəpwəmwɨsien səvənraha rutə həmnəmwhen a. Aɡelo nəha ruvehi nəri nəha rauvehi ia rəɡɨn, muvehi mak səvəi nɨkarkaren me, mətoni irəha kuatia kuatia nasoriien səvənhi mɨne nəpwəmwɨsien səvənhi rutə tu-taosen-fo-hantret kilometa.  
\v 17 In ruvehi mwi nɨkɨmkɨmien səvəi nəpai nəha mətoni rəmwhen ia sikisti-sikis mita. Mita nəha sə aɡelo nəha rauvehi mak səvəi nari irə rəmwhen a mwi ia mita nəha nərmama kamhəuvehi mak səvəi nari irə.  
\v 18 Nəpai nəha kɨno ia kəpwier amasan i tiaspa, nənə kuvrhəkɨn taon ia kol atukwatukw, kol sə rəmher məmwhen ia klas.  
\v 19 \x - \xo 21:19 \xt Aes 54:11-12\x*Kəpwier asori me səməme kamhəkwtəmhiri əknekɨn nukune nəpai səvəi taon nəha kəfəri pen irəha ia kəpwier amasan me səpəmsəpə. Kɨməkupwən kəmri pen kəpwier amasan i tiaspa, sə ro kəru irə kəmri pen kəpwier amasan i safaia, sə ro kahar irə kəmri pen kəpwier amasan i akat, sə ro kefə irə kəmri pen kəpwier amasan i emeral,  
\v 20 sə ro krirum irə kəmri pen kəpwier amasan i onikis, sə ro sikis irə kəmri pen kəpwier amasan i kanilian, sə ro sefen irə kəmri pen kəpwier amasan i krisolaet, sə ro eit irə kəmri pen kəpwier amasan i malakait, sə ro naen irə kəmri pen kəpwier amasan i topas, sə ro ten irə kəmri pen kəpwier amasan i kalsetoni, sə ro eleven irə kəmri pen kəpwier amasan i takwoes, nənə sə ro twelef irə kəmri pen kəpwier amasan i ametis.  
\v 21 Kwəruə me nəha twelef təpinhə me səvənraha kɨno ia perel irəha twelef. Təpinhə kwatia kwatia ko ia perel kwatia kwatia. Nənə suatuk me fwe imwə ia taon nəha kɨno ia kol atukwatukw, kol sə rəmher məmwhen ia klas.   
\p
\v 22 \x - \xo 21:22 \xt Rev 15:3\x*Nənə iapkətoni mhə nimwə riti kaməfwaki ikɨn ia nəkwai taon nəha, tɨ nəri nə mə nimwəfwaki səvənhi in nə Iərɨmənu Kumwesən sə rauvehi nɨskaiien me pam mɨne kwəti sipsip.  
\v 23 \x - \xo 21:23 \xt Aes 60:19-20, Rev 22:5\x*Ia taon nəha irəha tuhəpkətui mhə mwi meri mɨne məkwə mə trouəhiəpwɨn irəha tɨ nəri nə mə nukuraanien səvəi Kumwesən raməhiəpwɨn pam taon nəha, nənə kwəti sipsip in nə laet səvənhi.  
\v 24 \x - \xo 21:24 \xt Aes 60:3,5\x*Nərmama ia tənəmtənə me tuhavən ia nukuraanien səvənhi, nənə kiɡ me ia təkure tɨprənə tuhəpeki nautə amasan me səvənraha mhəuvnimwə ia taon nəha.  
\v 25 \x - \xo 21:25 \xt Aes 60:11\x*Kwəruə me səvəi taon nəha tukəpwəh nərəpinhəien irəha ia nəpɨn riti, tɨ nəri nə mə nəpɨn ia nəpɨn triwən ia kwopun nəha.  
\v 26 \x - \xo 21:26 \xt Sek 14:7, Rev 22:5\x*Nərmama ia tənəmtənə me tuhəpeki nautə amasan me səvənraha mɨne narimnari me nərmama həməuvei pen mɨnraha ia nɨsiaiien, nənə mhəpeki mhəuvnimwə ia taon nəha.  
\v 27 \x - \xo 21:27 \xt Aes 52:1, 1Kor 6:9-10, Rev 13:8, 21:8\x*Narimnari me səməme həmkemɨk ia nəmri Kumwesən, mɨne nərmama səməme kamho narimnari səvəi naurɨsien, mɨne nərmama səməme kamheikuə, irəha tuhəpwəh nuvnimwəien ia taon nəha ia nəpɨn riti. Mətə nərmama me a i səməme kɨmərai pen nəɡhɨnraha ia nəkukuə səvəi nɨmɨruien sə kwəti sipsip rauvehi irəha əpa nəha tuhəuvnimwə ia taon nəha.   
\c 22  
\s1 Nui arɨs kauvehi nɨmɨruien irə  
\p
\v 1 \x - \xo 22:1 \xt Esik 47:1\x*Nənə aɡelo rarə mahatən mwi nui arɨs riti iakətoni. Nui ia nui arɨs nəha nui kauvehi nɨmɨruien irə. Nui nəha rəmher rəmwhen ia klas, raiu maku pen fwe ia jea sə Kumwesən mɨne kwəti sipsip krauəkure irə rouərɨmənu,  
\v 2 \x - \xo 22:2 \xt Joel 3:18, Sek 14:8, Jen 2:9, Esik 47:12, Rev 22:14,19\x*mamesi pen suatuk ia kurkwai taon nəha. Nənə iakətoni nei kauvehi nɨmɨruien irə ramərer ia nɨkarkare nui nəha, maukuə m twelef ia nuk me pam ia məkwə me pam. Nənə nərmama ia tənəmtənə me pam kamhətɨmwi nɨmwan tɨ nomasanien nemhəien me.  
\v 3 Ia nəkwai taon nəha tukəpwəh mwi nətoniien nari riti sə Kumwesən raməkwein ərəha irə. Jea sə Kumwesən mɨne kwəti sipsip krauəkure irə rouərɨmənu trərer ikɨn. Nənə iotukwininari me səvənhi tuhamo nəkwan.  
\v 4 \x - \xo 22:4 \xt Sam 42:2, Mat 5:8, Rev 3:12\x*Irəha tuhətoni nənimen, nənə tukrai pen nəɡhɨn ia nɨpwənanraha.  
\v 5 \x - \xo 22:5 \xt Dan 7:18,27, Rev 5:10, 20:6, Rev 21:23,25\x*Nəpɨn ia nəpɨn triwən. Irəha tuhəpkətui mhə meri uə nari riti mwi truvei pen nukuraanien mɨnraha, tɨ nəri nə mə Iərɨmənu Kumwesən səvənraha in trukuraan muvei pen nukuraanien mɨnraha, nənə irəha tuhərɨmənu ia nuk nuk me.  
\v 6 \x - \xo 22:6 \xt Rev 1:1\x*Nənə aɡelo nəha rɨni pehe tukw iou i mə, “Nəɡkiariien me i ho nɨpərhienien nərmama həukurən nətɨɡiteien ia nirəha. Iərɨmənu Kumwesən səvəi nənɨmwi profet kupwən me rɨnərhi pehe iou aɡelo səvənhi mə takuvehe mahatən narimnari me trɨpko mhə tui həier pehe pwəh səvənhi iotukwininari me hətoni.”   
\s1 Trɨpko mhə tui Iesu ruvehe  
\p
\v 7 \x - \xo 22:7 \xt Rev 1:3, 2:16\x*“Həreɡi ro! Trɨpko mhə tui iakuvehe. Iərmama sə ramo nəɡkiariien me səməme Kumwesən ruvei pehe, kamhəmak ia nəkukuə i, in rerɨn traɡien.”   
\p
\v 8 \x - \xo 22:8 \xt Rev 19:10\x*Iou Jon, iou iakɨməreɡi mətoni narimnari me i. Nəpɨn iakreɡi mətoni raka narimnari me i, nənə iakɨnɨmwi nukurhuk mi ia nəmri aɡelo sə rahatən iou irə mə takɨsiai in.  
\v 9 Mətə in rɨni pehe tukw iou i mə, “Əpwəh noien iamɨnha irə! Krau iotukwininari mi a səvəi Kumwesən kɨtaha piam me i profet me mɨne nərmama me səməme kamho nəɡkiariien me ia nəkukuə i. Nɨmwi nukurhum mi ia nəmri Kumwesən, mɨsiai in!”   
\p
\v 10 \x - \xo 22:10 \xt Rev 1:3, 10:4\x*Nənə in rarə mɨni mwi tukw iou i mə, “Tikəpwəh nərkwafəien ia nəɡkiariien me i Kumwesən ruvei pehe mik kamhəmak ia nəkukuə i tɨ nəri nə mə narimnari me i trɨpko mhə tui həier pehe.  
\v 11 \x - \xo 22:11 \xt Dan 12:10\x*Nərmama səməme kamho noien ərəha pwəh kamhəmwur pen ia noien ərəha. Nərmama səməme kamho noien əmkemɨk pwəh kamhəmwur pen ia noien əmkemɨk. Nərmama səməme kamho noien atukwatukw pwəh kamhəmwur pen ia noien atukwatukw. Nərmama səməme kamho noien əmher pwəh kamhəmwur pen ia noien əmher.   
\p
\v 12 \x - \xo 22:12 \xt Aes 40:10, 2Kor 11:15, Rev 2:16,23\x*Həreɡi ro! Trɨpko mhə tui iakuvehe! Takuvehi nərəkuien səiou, muvehe, muvei pen m nərmama me pam resi pen narimnari me irəha həno.  
\v 13 \x - \xo 22:13 \xt Rev 1:8,17; 21:6\x*Iou i Alfa mɨne Omeka,\f + \fr 22:13 \ft Alfa in leta sə rukupwən ia alfapet səvəi nəkur Kris. Omeka in leta sampam. Nahaɡ i kaməkwein Kumwesən irə nɨpwran mə in nukunen mɨne nəkrəkwerɨn. Əvsini mwi Rev 21:6; 22:13.\f* nukunen mɨne nəkrəkwerɨn. Iakɨnarə raka kupwən, nənə takarə mwi kurirə.   
\p
\v 14 \x - \xo 22:14 \xt Rev 22:2\x*Nərmama səməme haikuas tɨnari səvənraha rəpsan, irəha rerɨnraha traɡien. Takəseni irəha hani nukwai nei kauvehi nɨmɨruien irə, nənə mhəukurau ia kwəruə me səvəi taon nəha mhəuvnimwə.  
\v 15 \x - \xo 22:15 \xt Rev 21:17\x*Mətə nərmama nepwɨn nəha ikɨn ko həpkuvnimwə mhə. Irəha nəha nərmama səməme həmkemɨk rəmwhen ia kuri me, mamho klepa, mamho nahak. Nərman mɨne nɨpran səməme kamhəiri əpnapen irəha me irəha nəha ko həpkuvnimwə mhə. Nərmama me pam səməme kamhousi əpune nərmama, mamhəfwaki m nənɨmwi nari me, mamhokeikei pɨk noien səvəi neikuəien tuharə fwe iruə.   
\p
\v 16 \x - \xo 22:16 \xt Nam 24:17, Rom 1:3, Rev 2:28, 5:5\x*Iou, Iesu, iakɨnərhi pehe aɡelo səiou mə truvehe mɨni irapw narimnari me i tukumiaha nakalasia me. Iou i kiɡ sə iakɨməuku pen ia kwənəkwus səvəi Kiɡ Tevɨt. Iou iakəmwhen ia kəməhau kofətəteia sə rukuraan.”   
\p
\v 17 \x - \xo 22:17 \xt Sinɡ 8:14, Rev 21:6\x*Nənɨmwɨn Ikinan mɨne pran səvəi kwəti sipsip krauni mə, “Uvehe!” Nənə pwəh iərmama sə ramreɡi nəɡkiariien i, in mwi rɨni mə, “Uvehe!” Nənə pwəh iərmama sə rəkwakwa ruvehe. Iərmama sə rokeikei pwəh in rənɨmwi auər a nui sə kauvehi nɨmɨruien irə.   
\p
\v 18 \x - \xo 22:18 \xt Dut 4:2, 12:32, Rev 15:1,6\x*Iou, Jon, iakaməɡkiari skai m nərmama səməme kamhəreɡi nəɡkiariien me Kumwesən ruvei pehe miou kamhəmak ia nəkukuə i. Trɨni mɨnuə iərmama riti rakutan pen atukw nəɡkiariien riti səvənhi ia nəɡkiariien me i, Kumwesən truvei pen min nərpwɨnien me i nəkukuə i raməɡkiari irə makutan pen mwi.  
\v 19 \x - \xo 22:19 \xt Rev 22:2\x*Trɨni mɨnuə iərmama riti rɨpeki raka nəɡkiariien me nepwɨn ia nəkukuə i, Kumwesən trɨpeki raka namasanien me i nəkukuə i raməɡkiari irə iərmama nəha trɨpkuvehi mhə riti. Namasanien me nəha nukwai nei kauvehi nɨmɨruien irə mɨne kwopun riti ia taon ikinan nəha.   
\p
\v 20 \x - \xo 22:20 \xt Rev 2:16\x*Iərmama sə rani irapw narimnari me i rɨni mə, “Pərhien trɨpko mhə tui iakuvehe!”  
\m Ouəh, pwəh ro iamɨnhi! Uvehe rə Iərɨmənu Iesu!   
\p
\v 21 Pwəh namasanien səvəi Iərɨmənu səkɨtaha Iesu tramarə tɨ nərmama me pam. Ouəh, pwəh ro iamɨnhi!