\id JHN – Tsakhur
\ide UTF-8
\toc1 Yəhyee yuşan hav'una yugna xabar
\toc2 Yəhye
\toc3 Yəh.
\mt1 Yəhyee yuşan hav'una yugna xabar
\ip Uvhuybışis sik'ı in kitab Yəhyee otk'un. Mana I'says geer ıkkana yits'ıq'vəne telebayna sa ıxhava otk'un. Aalimaaşine uvhiyn in kitab Yəhyee Efes eyhene şaharee 90-niyiy 95-esde senbışe otk'un ixhesva eyhe. Geeb insanaaşisse qətqəs əxecenva, mang'vee in kitab yunanne mizel otk'un.
\ip Yəhyee man kitab otk'unin I'sa Masih vorva hagvas. Mang'us insanaaşe mançil inyam hı'ı ikkiykın. İne kitabee Allahne hək'eedın dağamın geed fıkırbı vod. Yəhyee I'sayne vuk'lelqa qadıyn gırgın otk'un deş. Mang'vee mane kitabee I'see haguyn yighılle əlaamat otk'un. Mane əlaamatbışed I'sa Masih ıxhay hagva.
\ip Yəhyee mane kitabee inekke geed I'see yuşan hı'iynbı otk'un. Yəhyee otk'unne karbışin geedınbı I'see k'anene telebabışis yuşan hı'iynbı vod.
\c 1
\s I'sa dyunyelqa Allahın Cuvab xhinne qarı
\q1
\v 1 Ts'etta Cuvab ıxha.
\q2 Cuvab Allahıka sacigee ıxha.
\q2 Cuvabcad Allah ıxha.
\q1
\v 2 Man Cuvab ts'ettacad Allahıka ıxha.
\q1
\v 3 Gırgın kar
\q2 Mançile ğana itxhın,
\q1 itxhınne karbışin
\q2 nencad Man dena itxhın deş.
\q1
\v 4 I'mı'r Mançeeniy vob,
\q2 mane ı'mı'rınıb insanaaşis Nurniy hele.
\q1
\v 5 Nurun miç'axiyvalee işixniy gyayhe,
\q2 man miç'axiyvalisse höğəs əxə deş.
\p
\v 6 Allahee Yəhye donana insan g'ıxele. 
\v 7 Mana şahad xhinne qarı, Nurune hək'ee yuşan ha'asva, gırgıng'veeyib mang'ule ğana inyam he'ecenva. 
\v 8 Mana vuc Nur deş ıxha, Nurune hək'ee yuşan ha'as qarı.
\q1
\v 9 Hək'en Nur dyunyelqa qadı.
\q2 Mane Nuren gırgıne insanaaşilqa işixniy gyayhe.
\q1
\v 10 Nurun in dyunye itxhın.
\q2 Man Nur ine dyunyelqa qadeeyid,
\q2 ine dyunyeyk'le Man qıvaats'a deş.
\q1
\v 11 Mana Cunbışisqar qareene,
\q2 manbışe Mana k'ane qı'ı deş.
\q1
\v 12 Mana k'ane qı'ıyne gırgınbışis,
\q2 Mang'une doyulqa inyam hı'iynbışis,
\q2 Manbışis Mang'vee Allahın uşaxar vuxhes vəvxüy huvu.
\q1
\v 13 Manbı insanıke,
\q2 insanne xuruşuke
\q2 vuxhaynbı deş vob.
\q2 Manbı Allahıke vuxhaynbı vob.
\q1
\v 14 Cuvabıke İnsan qıxha,
\q2 Mang'un xav yişde yı'q'nee ıxha.
\q1 Şak'le Mang'un Nur g'acuyn,
\q2 Mane vorne-deşde Dixes Dekkee man Nur huvu.
\q2 Mana Dix hək'ene yugvalin gyatsts'ı ıxha.
\p
\v 15 Yəhyee Mang'une hək'ee axtıda yuşan ha'a ıxha:
\p – Zı Mang'une hək'ee eyhe ıxha: «Zale qiyğa Qalesda, zaler ögee ıxha. Mançil-allar Mana zaler xərna vor».
\q1
\v 16 Yişde gırgıng'vee, Mang'une g'ıdyabat'ane yugvalil-alla
\q2 çiçiqad qihna xayir-düəbı alyaat'u.
\q1
\v 17 Q'aanun Mısayle ğana huvu,
\q2 hək'ena yugvallab I'sa Masihıle\f + \fr 1:17 \fr*\fq Masih: \fq*\ft man cuvab «q'ış qadğuna» eyhen vodun. Avaala İzrailil məxdın ədat ıxha, kaahinaaşine, paççahaaşineyiy peyğambaraaşine vuk'lelqa q'ış qadağva ıxha. Man q'öd'esın I'sayn do Allahee Mana g'əyxı'nava eyhen vod. İzrailybışik'le peyğambaraaşe uvhuynbı ats'a ıxhal-alla, manbışe Masih qarı cun millet duşmanaaşike g'attixhan hı'ı, dyunyeys xəbvalla hav'uy gozet ha'a ıxha.\ft*\f* ğana qabı.
\q1
\v 18 Allah neng'uk'lecar, mısacar g'acu deş.
\q2 Mana saccu şak'le vorne-deşde Cune Dixee hagu.
\q2 Mana Dix Dekkıne yik'eesnee vor.
\s Xhineeqa k'yooq'ane Yəhyeyna I'sayne hək'eena şahaadat
\p
\v 19 İna Yəhyeyna I'sayne hək'eena şahaadat vobna. Yahudeeşine ç'ak'ınbışe Yəhyeyke «Ğu vuşuneva?» qidghın ha'asdemee İyerusalimğançe kaahinariy Leviyke g'abıynbı\f + \fr 1:19 \fr*\fq Leviyke g'abıynbı: \fq*\ft İzrailyne yits'ıq'vəne (12) nasılen sabı vooxhe. Allahee manbı Cune Xaa kaahinaaşis kumag he'ecenva g'əvxü.\ft*\f* mang'une k'anyaqa g'uxoole. 
\v 20 Mane gahıl Yəhyee manbışike dyugul hidi'ı, qotkun uvhuyn:
\p – Zı Masih deş vorna.
\p
\v 21 Manbışe Yəhyeyke qiyghınin:
\p – Manke ğu vuşune vor? Deşxhee İlyas peyğambarne?
\p Yəhyee, «De'eş, zı mana deş vornava» eyhe.
\p – Manke ğu Mısee eyhena peyğambarne?
\p Yəhyee «De'eşva» eyhe.
\p
\v 22 – Manke ğu vuşune? Şi g'axuvuynbışik'le şi hucoovana eyhe? Ğu yiğne hək'ee şas hucoona yuşan ha'as?
\p
\v 23 Yəhyee manbışis alidghıniy qele:
\p – Yeşaya peyğambaree in yizde hək'ee uvhu:
\q1 \it «„Rəbbis yəq qopku qee'eva“\it*
\q2 \it Zı sahree ts'ir haa'ang'un ses vod\it*.»
\p
\v 24 G'axuvuynbı fariseyaaşinbı\f + \fr 1:24 \fr*\fq Fariseyar: \fq*\ft Manbı I'sayne gahılin dindarar vuxha. Manbışik'le Allahna Q'aanun yugba vaats'a vuxhal-alla, manbı milletın ç'ak'ınbı vuxha.\ft*\f* vuxha. 
\v 25 Manbışe Yəhyeyke qiyghanan:
\p – Ğu Masihır deşxhee, İlyasır deşxhee, qalesda peyğambarır deşxhee, nya'a ğu xhineeqa k'yooq'u, gicərxı'ybı alyaat'a'a?
\p
\v 26 Yəhyee manbışis inəxdın alidghıniy qele:
\p – Zı xhinekacad gicərxı'y alyaat'a'a. Vuşdeme yı'q'nee Sa vor, şok'le dyats'ana, 
\v 27 Mana zale qiyğa qalesda vor. Zı Mang'une çarıxbışin baağarıd aaqas kara idyayle.
\p
\v 28 İn yuşan ha'an gırgın kar, İordanne damayne şene aq'val, Bet-Anyee ıxha. Maab Yəhyee xhineeqa k'yooq'u, gicəpxı'ybı alyaat'a'a ıxha.
\s Allahna Urg
\p
\v 29 Qinne yiğıl Yəhyeyk'le I'sa cune suralqana qöö g'acu, eyhen:
\p – Dyunyeyna bınah Culqa alyapt'asda Allahna Urg\f + \fr 1:29 \fr*\fq Allahna Urg: \fq*\ft Peesax bayram ixhesnang'a, cühüt'yaaşe sa seniyn urgbıniy q'urbanna allya'anbı. Mane q'urbanbışe Allahee g'attivxhan hav'u vuxhay yik'el qalya'a ıxha. \ft*\f* haane! 
\v 30 Zı Mang'une hək'eeniy eyhe: «Zale qiyğa qööna zaler xərna vor, Mana zaler ögee ıxhal-alla». 
\v 31 Zak'ler Mana ıxhay ats'a deşdiy. Mana İzrailyne milletık'le qıvaats'ecenva, zı insanar xhineeqa k'yooq'u gicəpxı'ybıniy alyaat'a'as qarı.
\p
\v 32 Yəhyee I'sayne hək'ee şahaadatiyvalla hav'u, eyhen:
\p – Zak'le, Allahın Rı'h xəənçe qı'nerke xhinne qadı, Mang'ulqa gixu, axva g'acuyn. 
\v 33 Zak'ler Mana ıxhay ats'a deşdiy. Zı xhineeqa k'yooq'u gicəpxı'ıybı alyaat'as G'axuvuyng'vee Vucee zak'le uvhu: «Rı'h şavulqayiy gexa, Mang'ulyud axu vak'le g'acveene, ats'axhxhe, Muq'addasne Rı'hı'ka gicəpxı'ybı alyaat'a'ana Mana vor». 
\v 34 Zak'led man g'acu «Allahna Dix Mana vorva» şahaadat hav'u.
\s I'sayn ts'eppiyn telebabı
\p
\v 35 Qinne yiğıl Yəhye meer cune q'öne telebayka ulyorzuliy. 
\v 36 I'sa yəqqı'le ı'lğəəmee, Yəhye Mang'uqa ilyakkı, eyhen:
\p – Allahna Urg haane!
\p
\v 37 Mane q'öne telebayk'le, man eyhen g'ayxhı, I'sayqa qihna avayk'an. 
\v 38 I'sayk'le manbı Cuqab qihna qöö g'avcu, qiyghanan:
\p – Şos hucoona ıkkan?
\p Manbışe I'sayke qiyghanan:
\p – Ravvi, Ğu nyaane axva?
\p (Ravvi mə'əllim eyhen vodun.) 
\v 39 I'see manbışik'le eyhen:
\p – Zaqab qihna qudoora, şok'lecad g'acesın.
\p Manbıb hapk'ın Mana nyaayiy axvava ilyaakanbı. Manke sə'ət yoq'uble vuxha. Mane yiğıl manbı exhalqamee Mang'usne giviy'ar.
\p
\v 40 Yəhyee eyhenbı g'ayxhı, I'sayne qihna apk'ınne q'öng'una sa Andrey ıxha. Mana Şimon-Pyoturna çoc eyxhe ıxha. 
\v 41 Qiyğa mang'vee cuna çoc Şimon t'abal hı'ı, «Şak'le Masih avaykınava» eyhe. (Masih g'əyxı'nava, q'ış qadğunava eyhen vodun.)
\p
\v 42 Andreyee Şimon I'sayne k'anyaqa ıkkekka. I'sa Şimonuqa ilyakkı, eyhen:
\p – Ğu Yuhanna dix Şimonur, yic vak'le g'iyniyke şaqa Kefa eyhes.
\p (Kefa ganz eyhen vodun. Ganzıd yunanne mizel Pyotur eyhen vodun.)
\p
\v 43 Qinne yiğıl I'says Galileyeeqa ı'qqəs ıkkiykan. Mang'vee Filip t'abal hı'ı, «Zaqar qihna qorava» eyhe. 
\v 44 Filipır Andreyiy Pyotur xhinne Bet-Tsayda eyhene şahareençe eyxhe. 
\v 45 Filipeeyir Natanael t'abal hı'ı, mang'uk'le uvhuyn:
\p – Şak'le Mısayne Q'aanune ork'unna, peyğambaraaşer uvhuna İnsan, Yusufna dix Nazaretğançena I'sa aveykı.
\p
\v 46 Natanaelee eyhen:
\p – Nazaretğançe yugun kar qığeç'eye?
\p Filipeeme mang'uk'le eyhen:
\p – Arı ğucar ilekke.
\p
\v 47 I'sayk'le Natanael Cune suralqana qöö g'acu, eyhen:
\p – İna hək'erar yik'ee bicvalla deşda İzrailyğançenavur.
\p
\v 48 Natanaelee Mang'uk'le eyhen:
\p – Vak'le zı nençena ats'a?
\p I'see mang'us inəxdın alidghıniy qele:
\p – Filipee ğu qot'alassecar, Zak'le ğu inciliyne yivek avurniy g'acu.
\p
\v 49 Natanaelee Mang'uk'le eyhen:
\p – Mə'əllim, Ğu hək'erar Allahna Dixır\f + \fr 1:49 \fr*\fq Allahna Dix: \fq*\ft Avaala Allahna dixva, İzrailyne paççahaaşik'le eyhe ıxha (Davud, Sıleyman). Sayid manva insanar g'attivxhan haa'asva qalesde paççah Masihık'le eyhe ıxha. Natanaelee I'sa Allahna Dixva eyheng'a, Mana Allahee g'əyxı'na, Allahıs nekke k'anena vorva hagvasdemee eyhe.\ft*\f*, İzrailynar Paççahır!
\p
\v 50 I'see eyhen:
\p – Zak'le ğu inciliyne yivek avur g'acuva, uvhuvane ğu Zas inyam hı'ı? Vak'le mançiled ç'ak'ın karbı g'aces. 
\v 51 Zı şok'le hək'edacad eyhe, xəybı q'öna qeedaxhe, Allahın malaaikar İnsanne Dixesqa\f + \fr 1:51 \fr*\fq İnsanna Dix: \fq*\ft I'see geedne nəqqee Cuk'le İnsanna Dixva uvhu. Məxür Daniyal peyğambaree qalesde Paççah Masihık'le eyhe. Yəhye peyğambarık'le malaaikar gəə-ı'lqəən nyak' ögiylycadniy g'acu. Mane cigayk'le mang'vee Allahın Xavva uvhu. I'says Vuc Allahın Xav xhinee vorva eyhes ıkkan.\ft*\f* gəə-ı'lqəə şok'le g'aces.
\c 2
\s I'see xhyan çaxırelqa sak'al ha'a
\p
\v 1 Mançine xhebıd'esde yiğıl Galileyayne Kana eyhene şaharee davatbı eyxhe. I'sayna yedir maa yeexhe. 
\v 2 I'sayka sacigee Cun telebabıb davatbışeeqa qopt'ul vooxhe. 
\v 3 Məxüd eyxhe otxhan-ulyoğane gahıl çaxır g'aat'an. I'sayne yedee Mang'uk'le eyhen:
\p – Manbışiqa çaxır axu deş.
\p
\v 4 I'see eyhen:
\p – Yed, mançike şas hucoone? Yizda gah qabı deş.
\p
\v 5 I'sayne yedee nukaraaşik'le eyhen:
\p – Mang'vee şok'le hucooyiy uvhu, şu man he'e.
\p
\v 6 K'anya'ad Yahudeeşe gicəpxı'ybı alyaat'an g'ayeyke hı'iyn yixhılle xədın g'ab eyxhe. Mane g'abbışde sançeeqa molyts'al-vəşşe g'alle (80-120) litra xhyanın əə eyxhe. 
\v 7 I'see nukaraaşik'le eyhen:
\p – Man g'abbı xhinen gyatsts'e'e.
\p Manbışe g'abbı ghalelqamee gyatsts'a'anbı. 
\v 8 Mang'vee nukaraaşik'le meed eyhen:
\p – Həşdiyle sık'ınin alyaat'u, tamadaysqa ıkkee.
\p Manbışed ıkkekkan. 
\v 9 Tamadar çaxırelqa sak'al hı'iyne xhinene dadıqa ilyakkana. Mang'uk'le man nençe adıvacad ats'a deşdiy. Man saccu xhyan alyaat'uyne nukaraaşik'leniy ats'a. Tamadee tsuma qort'ul eyhen:
\p
\v 10 – Gırgıng'vee ts'etta yugun çaxırxhe helen. Qiyğa mihmanar yugba qeepxhamee, pisınxhe çaxır qadayle. Ğumee yugun çaxır həşdilqamee havacıyn.
\p
\v 11 I'see Galileyayne Kana şaharee man ts'ettiyn əlaamat hagu, Cuna axtıvalla haagva. Telebabışed Mang'ulqa inyam ha'a. 
\v 12 Mançile qiyğa Mana yedikayiy çocaaşika, telebabışika sacigee Kefernahumqa ark'ın, sa-q'ölle yiğna maa axva.
\s I'see kar massa helenbı Allahne Xaane hiqiy-allançe g'ee'ebaşenbı
\p
\v 13 Yahudeeşin Peesax\f + \fr 2:13 \fr*\fq Peesax: \fq*\ft Allah qıdet'u ılğeç'uva alğayhen bayram. Man bayramnang'a, cühüt'yaaşe co Allahee nəxübiy Mısa peyğambarıleğana Misirğançe g'attivxhan hav'iy yik'el qalya'a. Man bayram nişil-allayiy alğayheva, nəxüdiy alğahas ıkkanva, Mısa peyğambarne q'öd'esde kitabee otk'un (Qığ. 11-12).\ft*\f* bayram k'ane qexhemee, I'sa İyerusalimqa ayk'an. 
\v 14 Mang'uk'le Allahne Xaane hiqiy-alla boğabı, vəq'əbı, qı'nerker massa helenbıyiy pılbı badal haa'anbı g'ooce. 
\v 15 Mang'vee bağaaşike çümky hav'u, maabın gırgınbı cone vəq'əbışikayiy boğabışika sacigee Allahne Xaane hiqiy-allançe g'ee'ebaşenbı. Pılbı badal ha'anbışinıd iskambı alytik'al hı'ı, pılbı ç'iyelqa ot'al ha'a. 
\v 16 Qı'nerker massa helenbışik'led eyhen:
\p – Manbı inençe aleet'e, Yizde Dekkın Xav bazarılqa sak'al hıma'a.
\p
\v 17 Mang'une telebabışde yik'el Muq'addasne kitabee otk'unin qadayle: «\qt Zas Yiğın Xav geed ıkkan. Mane ıkkiykıniyn Zı gyoxhxhan ha'a\qt*». 
\v 18 Manke Yahudeeşine ç'ak'ınbışe Mang'uke qiyghanan:
\p – Vasse in karbı ha'as əxəva, Vasse nene əlaamatıka hagvas əxəyee?
\p
\v 19 I'see manbışis inəxdın alidghıniy qele:
\p – Şu in Allahın Xav hı'ğəkkar he'e, Zımee man xhebne yiğee q'omançe alya'asın.
\p
\v 20 Yahudeeşine ç'ak'ınbışe Mang'une cuvabıs eyhen:
\p – İn Allahın Xav yoq'ts'ale yixhne (46) senee ali'ı, Ğu man xhebne yiğee alya'asvane eyhe?
\p
\v 21 I'see, Allahın Xav eyheng'a, Cun tanva eyhe ıxha. 
\v 22 Qiyğa, I'sa hapt'ıynbışde yı'q'neençe üç'ür qıxhane gahıl, telebabışis Mang'un man cuvab yik'el qayle. Manbışe manke Muq'addasne Otk'uniysiy I'see uvhuyne cuvabıs inyam ha'a.
\s I'sayna Nikodimıkana gaf
\p
\v 23 I'sa Peesaxın bayramnang'a, İyerusalim haguyn əlaamatbı g'acuyne gellesde insanaaşe Mang'ulqa inyam ha'a. 
\v 24 I'sayk'le gırgıncab insanar yugba vaats'ava, Mang'vee manbışilqa yı'q' qiyzaran deşdiy. 
\v 25 Mang'us, nenemecad insanne hək'ee ats'a ixhes ıkkanmee, Mang'vee şavuk'lemecad mane insanne hək'ee yuşan he'eva eyhen deşdiy. Mang'uk'le Cuk'lecad insanaaşine yik'eençe ı'lğəəmbı ats'a ıxha.
\c 3
\p
\v 1 Fariseyaaşine\f + \fr 3:1 \fr*\fq Fariseyar: \fq*\ft Manbı I'sayne gahılin dindarar vuxha. Manbışik'le Allahna Q'aanun yugba vaats'a vuxhal-alla, manbı milletın ç'ak'ınbı vuxha.\ft*\f* yı'q'nee sa Nikodim donana insan eyxhe. Mana Yahudeeşine ç'ak'ınbışda sa eyxhe. 
\v 2 Mana xəmde I'saysqa arı, eyhen:
\p – Mə'əllim, şak'le ats'an Ğu Allahne k'anençe qarına sa mə'əllim vor. Şavussecad Vasse hagvas əxən əlaamatbı hagvas əxə deş. Allah Vaka dexhanaxhiy, Vasse məxdın əlaamatbı hagvas əxəs deşdiy.
\p
\v 3 I'see mang'us inəxdın alidghıniy qele:
\p – Zı vak'le hək'en eyhe, sa insan dyunyeelqa meer qidyareene, Allahna Paççahiyvalla g'avces vəəxəs deş.
\p
\v 4 Nikodimee Mang'uke qiyghanan:
\p – Q'əs qıxhane insanısse nəxı'r meer yedike ixhes əxəyiy? Mang'usse yedine vuxhneeqa k'iç'u, meer yedike ixhes əxəyee?
\p
\v 5 I'see inəxdın alidghıniy qele:
\p – Zı vak'le hək'en eyhe, xhinekeyiy Allahne Rı'hı'ke dexhayng'usse Allahne Paççahiyvaleeqa ikkeç'es əxəs deş. 
\v 6 Tanıke ıxhana tan eyxhe, Rı'hı'ke ıxhanar rı'h. 
\v 7 Ğu mançile matmexhe: şu meeb dyunyeelqa qavales vukkan. 
\v 8 Mıts\f + \fr 3:8 \fr*\fq Mıts: \fq*\ft ine cuvabıqa yunanne mizel (in kitab otk'unne mizel) q'öble mə'na vob: «mıts» sayid «rı'h». \ft*\f* çis vukkanne cigee aa'a. Vak'le mançin ses g'ayxheeyid, nençe qabı nyaqa apk'ıniy ats'a deş. Həməxürır Rı'hı'ke ıxhane insanıqa eyxhe.
\p
\v 9 Nikodimee qiyghan:
\p – Man karbı nəxüdne ixhes?
\p
\v 10 I'see mang'us inəxdın cuvab qele:
\p – Ğu İzrailyna mə'əllim vor. Man karbı vak'le ats'a dişde? 
\v 11 Zı vak'le hək'en eyhe, şi şak'le ats'an eyhe, g'acuynçusub şahaadat haa'a, şume yişda şahaadat şos k'ane qaa'a deş. 
\v 12 Zı şos ç'iyelyne karbışike yuşan ha'amee, şu mançilqa inyam ha'a deş, xəybışeene karbışike yuşan ha'axhee, şu inyam ha'ayee?
\p
\v 13 İnsanne Dixele ğayrı vuşucar xəybışeeqa ılqeç'u deş. Xəənçer giç'una Mana vor. 
\v 14 Mısee sahree yezake hav'una xoçe ooqa qav'uyn xhinne\f + \fr 3:14 \fr*\fq Mısee sahree yezake hav'una xoçe ooqa qav'uyn xhinne: \fq*\ft I'see Allahee İzrailybı Misirğançe qığav'una gah yik'el qavalyaa'a. Manbı sahreenang'a giviyğalanbı Allahılena haa'a. Mançil-alla Allahee manbışilqa xoçebı salat'a'a. Maa'ab geeb İzrailybı habat'a. Manke Mısee Allahılqa düə haa'a. Allahee mang'uk'le yezake xoçe hav'u, t'at'alqa qüvxhu, ooqa qee'eva eyhe. Mane xoçeyqa ılyakkına üç'ürra axva ıxha.\ft*\f*, İnsanna Dixır\f + \fr 3:14 \fr*\fq İnsanna Dix: \fq*\ft I'see geedne nəqqee Cuk'le İnsanna Dixva uvhu. Məxür Daniyal peyğambaree qalesde Paççah Masihık'le eyhe. Mana Paççah gırgıne milletbışda xərna ixhes.\ft*\f* məxür ooqa qa'as ıkkan. 
\v 15 Man ixhesın, Mang'ulqa inyam ha'ane gırgınbışis gırgıne gahbışisda ı'mı'r vuxhecenva. 
\v 16 Allahıs dyunye manimee ıkkiykan, Mang'vee vorna-deşda Cuna sa Dix huvu. Manıd mançil-alla ha'a, Mang'ulqa inyam ha'an nenbıcab hımabat'acenva, manbışiqa gırgıne gahbışisda ı'mı'r vuxhecenva. 
\v 17 Allahee dyunye muhaakima ha'asva deş Dix g'axuvu, Mang'vee Dix dyunye g'attixhan ha'asva g'axuvu. 
\v 18 Mang'ulqa inyam hı'ına muhaakima ha'as deş. İnyam hidyı'ınar muhaakima hı'ınacar, Allahne vorne-deşde Dixelqa inyam hidi'inçil-alla. 
\v 19 Dyunyelqa Nur qadı ixheeyid, insanaaşe pisın ha'ava, manbışis miç'axiyvalla Nurule geeb vukkiykan. Mançil-allab manbı muhaakima haa'as. 
\v 20 Pisın ha'ane gırgıng'uk'le Nur g'ımece eyxhe. Vuce hı'inbı aq'valqa qığmeç'ecenva, Nurnane suralqa qarayle deş. 
\v 21 Qotkuyn ha'aname Nurnane suralqa qarayle, vuce hı'inbı aq'valqa qığeeç'ecenva Allahnemee hı'ıva.
\s Yəhyee I'sayne hək'ee eyhe
\p
\v 22 Mançile qiyğa I'sayiy Cun telebabı Yahudayne cigabışeeqa qabayle. I'sa manbışika maa'ar sabara gahna axu, maabınbışis xhineeqa k'yooq'u gicəpxı'ybı alyaat'a'a ıxha. 
\v 23 Yəhyeeyib Salim eyhene şaharne k'anene Aynon eyhene cigee geed xhyanva, gicəpxı'ybı maa'ad alyaat'a'a ıxha. 
\v 24 Yəhye manke zindaneeqa arçu deşdiy. 
\v 25 Mane gahıl Yəhyeyne telebabışdeyiy sa Yahudiyne əree, gicəpxı'yne hək'eena gaf gyooxha. 
\v 26 Telebabı Yəhyeysqa qabı, eyhen:
\p – Mə'əllim, İordan damayne şene aq'vayl vaka sacigeene, ğu Cune hək'ee şahaadat hav'une İnsanee, həşde Vucee gicəpxı'ybı alyaat'a'a. Gırgınbıb Mang'usqavub abayle!
\p
\v 27 Yəhyee manbışde cuvabıs eyhen:
\p – İnsanısqa Xəənçe hucooyiy ha'as hassır, mang'usse saccu man ha'as əxə. 
\v 28 Şu zı uvhuyne cuvabın şahadar vobınbı: «Zı Masih deş vorna. Zı Mang'ule ögiyl g'axuvu».
\p
\v 29 İstağ tsumayna vor. Tsumayna hambazme mang'une k'ane ulyorzul, mang'un şadexhen ses g'ayxhı vucur şadexhena. Məxürur zı şadexhe. 
\v 30 Həşdiyle Mana axtı qixhes ıkkan, zıme k'ıl.
\p
\v 31 Ooğançe Qarına gırgıng'ule xərna vor. Ç'iyene aq'valyna ç'iyena vorna, mana ç'iyene karbışde hək'ee yuşan ha'a. Xəənçe Qarıname gırgıng'ule xərna vor. 
\v 32 Mang'vee Cuk'le hucooyiy g'acu-g'ayxhı, mançis şahaadat haa'a, şavaacabıb Mang'una şahaadat k'anyaqacab qaa'a deş. 
\v 33 Mang'una şahaadat k'anyaqa qaa'ane insanee, Allah qorkunavad peçat giyxən. 
\v 34 Allahee G'axuvung'vee, Allahın cuvabxhe hixhar ha'an. Allahee Məxrıng'us Cun Rı'h qidiykkın hele. 
\v 35 Dekkıs Dix ıkkanva, gırgın kar Mang'une xılyaqa quvu. 
\v 36 Dixelqa inyam hı'ına gırgıne gahbışisde ı'mrena ixhes. Dixel k'ırı ilydiyxhing'uk'leme ı'mı'r g'avces deş. Allahna qəlıb mang'ul ooğacab vuxhes.
\c 4
\s I'sayiy Samariyeençena zəiyfa
\p
\v 1 Fariseyaaşik'le\f + \fr 4:1 \fr*\fq Fariseyar: \fq*\ft Manbı I'sayne gahılin dindarar vuxha. Manbışik'le Allahna Q'aanun yugba vaats'a vuxhal-alla, manbı milletın ç'ak'ınbı vuxha.\ft*\f* I'see, Cus Yəhyeyle geeb telebabı sav'u, gicərxı'iybı alyat'a'ava g'ayxhiyn. 
\v 2 Yic gicərxı'iybı I'see deş, Cune telebabışe alyat'a'a ıxha. 
\v 3 I'sayk'le, Cune hək'ee yuşan haa'ava g'ayxhımee, Yahudeyayeençe qığeç'u Galileyeeqa meer ayk'an. 
\v 4 Mang'una yəq Samariyeençe ı'lğəə vuxha. 
\v 5 Mana, Yaaq'ubee cune dixes Yusufus huvuyne cigabışis k'anene Samariyeyne Sixar eyhene şahareeqa qarayle. 
\v 6 Yaaq'ubna kahrızıb mane cigabışe vob. Yəqqı'n I'sa ozar hı'ıva, Mana mane kahrızısne giy'ar. Mana yı'q'ı'hiyna gah vuxha.
\p
\v 7 Kahrızısqa xhyan alqahasva sa Samariyeençena xhunaşşe ayreele. I'see məng'ı'k'le, «Hucoona ixhes, Zas ulyoğasın xhyan heleva» eyhe.
\p
\v 8 Mane gahıl, Mang'un telebabı oxhanasın kar alişşesva şahareeqa apk'ın vooxhe. 
\v 9 Samariyeeğançena xhunaşşee Mang'uke qiyghanan:
\p – Ğu Yahudiy vorna, zımee Samariyeençena zəiyfa. Nəxüd Ğu zake xhyan heqqayiy?
\p (Yahudeeşeyiy Samariyebışe sana-sang'uka işbı g'ece ıxha deş.\f + \fr 4:9 \fr*\fq Yahudeeşeyiy Samariyeebışe sana-sang'uka işbı g'ece ıxha deş: \fq*\ft Samariyebıyiy cühüt'yar sana-sang'us k'anen, sa eban millet ıxha. Sa eban milletbıd ixheene, manbışik'le sana-sanbı g'umooceniy vooxhe. Cühüt'yaaşe eyhenniy, samariyabışe din badal hı'ı, mançil-allab manbı sana-sang'uka yugba vooxhenbı deşdiy.\ft*\f*)
\p
\v 10 I'see məng'ı's inəxdın alidghıniy qele:
\p – Vak'le Allahna payiy «Zas ulyoğas xhyan heleva» Uvhuna vuşu ıxhay ats'a deş. Vak'le Zı vuşu ıxhay ats'axhaynxhiy, ğucadniy Zake xhyan heqqas. Zınad vas ı'mı'r hoolen xhyanniy heles.
\p
\v 11 Zəiyfee Mang'uk'le eyhen:
\p – Xərna, Vaqa xhyan alqahasın g'abıd deşin, kahrızıb k'oraba vob. Vas nençene ı'mı'r hoolen xhyan ixhes? 
\v 12 Nya'a Ğu, ina kahrız şas g'alepçiyne yişde dekkaaşina eyxhene Yaaq'ubıler ooqanane vor? Mang'veeyid cune dixbışed, cune çavra-vəq'əynıd inençe xhyan ulyodğu.
\p
\v 13 I'see məng'ı's inəxdın alidghıniy qele:
\p – İne xhineke ulyodğuyng'us meed xhyan ıkkiykanan. 
\v 14 Zıme helesde xhineke şavaa ulyodğveene, mang'us sayid xhyan mısacad ıkkiykanas deş. Zı huvuyn xhyan mang'une ad gırgıne gahbışis ı'mı'r hoolene xhyan ı'lqəəne cigalqa sak'alas.
\p
\v 15 Zəiyfee Mang'uk'le eyhen:
\p – Xərna, zas məxdın xhyan hele, zas sayid xhyan ıkmiykancen, zınar xhyan alqahasva inyaqa ayres gimeexhacen.
\p
\v 16 I'see zəiyfayk'le eyhen:
\p – Yeera, adamiyır qort'ul, inyaqa qeera.
\p
\v 17 Zəiyfee Mang'uk'le eyhen:
\p – Zaqa adamiy deşda.
\p I'see məng'ı'k'le eyhen:
\p – «Adamiy deşdava» ğu qotkuda eyhe. 
\v 18 Vaqa xhoyre adamiy ıxha, həşder vaka sa xaa eyxhenar, yiğna adamiy eyxhe deş, ğu man qotkuda eyhe.
\p
\v 19 Zəiyfee Mang'uk'le eyhen:
\p – Xərna, zak'le g'ecen Ğu peyğambarır. 
\v 20 Yişde dekkaaşe ine suval ı'bəədatniy ha'an. Şumee, Yahudeebışe, eyhen, ı'bəədat ha'asın ciga İyerusalim vodun.
\p
\v 21 I'see məng'ı'k'le eyhen:
\p – Zəiyfa, Zal k'ırı alixhxhe, məxbına gah qavaales, Yizde Dekkıs ı'bəədat ine suvaylid İyerusalimıd ha'as deş. 
\v 22 Şu, Samariyebışe nişismecad ı'bəədat ha'ava şok'le ats'a deş. Şak'leme şi nişisiy ı'bəədat ha'ava, ats'an. Yic, g'attipxhıniyıd şaken, Yahudeeşiken vod. 
\v 23 Gah qavaalesda, mana qabınab, yik'eençe ı'bəədat ha'anbışe, Dekkis hək'eda Mang'une Rı'hı's sik'ı ı'bəədat ha'as. Dekkeeyib Cus məxüd ı'bəədat ha'anbı t'abal haa'a. 
\v 24 Allah Rı'h vorna. Mang'us ı'bəədat ha'anbışe hək'eda Rı'hı's sik'ı ı'bəədat ha'as ıkkan.
\p
\v 25 Zəiyfee Mang'uk'le eyhen:
\p – Zak'le ats'an, Masihva eyhena qales. («Masih» q'ış Qadğuna eyhen vod.) Mana qarımee, Mang'vee şas gırgın yuşan ha'asın.
\p
\v 26 I'see məng'ı'k'le eyhen:
\p – Zı Mana vor, vaka yuşan ha'ana.
\p
\v 27 Mane gahıl I'sayn telebabı siviyk'al. Manbışik'le Mana zəiyfayka yuşan ha'a g'acu, mançile mateepxheeyıb, Mang'uke neng'vecad «Hucoona Vas məngı'ke ıkkan?» «Nya'a mane zəiyfayka yuşan ha'ava?» qiyghan deş. 
\v 28 Manke zəiyfee xıledın parç ç'iyelqa gixhxhı, şahareeqa qarı, insanaaşik'le eyhen:
\p
\v 29 – Qudoora, zı hı'iyn gırgın zas yuşan hı'ına, İnsan g'ace. Deşxhee, Masih Mananiyxan vor?
\p
\v 30 İnsanar şahareençe qığeepç'ı I'saysqa qavayle. 
\v 31 Mane gahıl Mang'une telebabışe «Hucoona ixhes, Mə'əllim, sık'ınin kar oxhneva» eyhe.
\p
\v 32 I'seeme manbışik'le eyhen:
\p – Zaqa məxdın otxhuniy vod, şok'le man ats'a deş.
\p
\v 33 Manke telebabışe sana-sang'uke «Şavamecad Mang'us otxhanan adıyniyxanva?» qiyghan.
\p
\v 34 I'see manbışik'le eyhen:
\p – Yizın otxhuniy, Zı G'axuvuyng'vee uvhuyn hı'iyiy Mang'una iş bə'əttam hav'uy vodun. 
\v 35 Şu «Yoq'ne vuzale qiyşalasınbıva» eyhe. Zıme şok'le eyhen, vuk'ulybı ooqa qı'ı, çolbışiqa ilyaake, manbı hitxhırıd, qiyşalasınbı xhinnevud qeetxha! 
\v 36 Qiviyşalang'vee cuna hək' alyabat'a, mang'vee şagav sa'a. Man şagav gırgıne gahbışisda ı'mı'r alyapt'ıyn insanar vob. Oozunar, qiviyşalnar sacigee şadepxhesınbı. 
\v 37 Manke mane işis sik'ı uvhuyn cuvab «Sang'vee oozanaxhe, mansang'veeyib qiviyşalnaxheva» qotkun vodun. 
\v 38 Zı şu, şu əq'üba idyopxhuniyn, şagav qiyşalas g'axuvu. Mebınbışe əq'üba opxhun, şume manbışe əq'übayka ezuynçin şagav alyaat'u.
\s Samariyebışe I'salqa inyam ha'a
\p
\v 39 Mane zəiyfee «Mang'vee, zı hı'iyn gırgın işbı zak'le uvhuynbıva» Samariyebışik'le uvhu. Manke mane şaharee vooxhene geebne insanaaşe I'salqa inyam ha'a.
\p
\v 40 Qiyğa Samariyebı I'sayne k'anyaqa abı, Mang'us miz k'yaa'a, sik'ırra cone k'ane axveceva. Manar maa'ar q'ölle yiğna axvana. 
\v 41 I'see eyhenbı g'ayxhı, Mang'ulqa inyam ha'anbı sık'ılbab geeb qeepxha. 
\v 42 Samariyebışe zəiyfayk'le eyhe ıxha:
\p – Şi saccu ğu uvhuyne cuvabıl-allacad deş Mang'ulqa inyam ha'a. Həşde şak'led g'ayxhiyn, ats'axhxhaynıd hək'erar İna dyunye g'attixhan ha'asda vor.
\s I'see paççahıs k'anene insanna dix yug qa'a
\p
\v 43 Q'öne yiğıle, I'sa mançe Galileyayne suralqa ayk'an. 
\v 44 Mang'vee Vucecadniy uvhu, peyğambarıqa vuc yedike ıxhayne cigabışee hı'rmat voxhena deşva. 
\v 45 I'sa Galileyeeqa qarımee, Galileyğançenbışe Mana q'abıl ha'ana. Manbışik'le İyerusalim bayramnang'a Mang'vee hı'iyn gırgın kar g'acuyn.
\p
\v 46 I'sa xhyan çaxırelqa sak'al hı'iyne Galileyayne Kana eyhene xiveeqa sayır araylena. Kefernahumeene paççahne insanıqa sa dix eyxhe, vucur ık'ar eyxhe. 
\v 47 Mang'uk'le, I'sa Yahudeyayeençe Galileyeeqa arıva g'ayxhımee, mana I'saysqa arı, Mang'us miz k'yaa'a, cong'əə arı, cuna qek'ana dix yug qe'eva.
\p
\v 48 I'see mang'uk'le eyhen:
\p – Şok'le əlaamatbıyiy gorsatmabı g'acesmee, şu inyam ha'as deş.
\p
\v 49 Paççahne insanee Mang'uk'le eyhen:
\p – Xərna, yizda dix qik'asse ayre!
\p
\v 50 I'see mang'uk'le eyhen:
\p – Hoora, yiğna dix axvasda.
\p Mane insaneeyid I'sayne cuvabılqa inyam hı'ı ayk'anna. 
\v 51 G'ulluxçer mang'une ögiylqa abı, yiğna dix üç'ür vorva eyheng'a, Mana yəqqəniy vor. 
\v 52 Mang'vee manbışike «Yizda dix mısane yug qexhe girğılyva» qiyghan. Manbışe eyhen:
\p – Sanıxha sə'ət sançil mang'un gyorxhuniy k'ıl qıxha.
\p
\v 53 Dekkılqa hiyxharan, I'see mane gahılyniy «Hoora, yiğna dix axvasdava» uvhu.
\p Manke vuceeyid, cune xaane gırgınbışeb I'salqa inyam ha'a. 
\v 54 Man I'see Yahudeyeençe Galileyeeqa arıyle qiyğa haguyn q'öd'esın əlaamatniy vod.
\c 5
\s I'see hovuzne k'anena yug qa'a
\p
\v 1 Sabara gah ılğevç'uyle qiyğa, I'sa Yahudeeşine bayramısva İyerusalimqa hayk'an. 
\v 2 İyerusalimeene Vəq'əbışin akkava eyhene cigee, cühüt'yaaşine mizel Bet-Zata donana hovuzniy vobna. Mançine hiqiy-alla xholle oad daxanan dirakbışilin ciganiy vod. 
\v 3 Mane cigabışee vuk'aranbı, bı'rq'ı'nbı, k'aanbıyiy paralic ı'xı'yn geeb insanar g'alyapk'ı vuxha. Manbışe xhinen ı'ğiykıriy gozet ha'a ıxha. 
\v 4 [Rəbbin malaaik gahıle-gahılqa avqa giç'u, xhyan ı'ğiykar ha'a ıxha. Mane gahıl xhineeqa ts'erra ikkeç'uyng'un gırgın ık'arbı yug qeedaxhe ıxha.]\f + \fr 5:4 \fr*\ft İn ciga qiyğiyne aalimaaşe hexxı'ı. Manbışis nya'asiy vuk'aranbı hovuzne k'ane galyapk'ıva eyhes ıkkiykın.\ft*\f* 
\v 5 Maa'ar manbışde k'ane xhebts'ale molyulle (38) senna ık'arna insan ıxha. 
\v 6 I'sayk'le mana g'alirxhu g'acu ats'axhxhen, mana ık'arna geeb gahıbva. I'see mang'uke qiyghanan:
\p – Yug qixhes ıkkannane?
\p
\v 7 Ik'arang'vee Mang'us inəxdın alidghıniy qele:
\p – Xərna, yizde k'ane, xhyan ı'ğı'ykırmee, zı xhineeqa k'erçesda insan deşda. Zı xhinesqa hixharasse, merna zale ögee qıxha k'eç'e.
\p
\v 8 I'see mang'uk'le eyhen:
\p – Oza qıxhe, ğu galirxhuyn karıd alyaat'u, hoora!
\p
\v 9 Mana insan mankecar yug qexhena. Vuc galirxhuyn karıd alyaat'u, ayk'anna.
\p Man Şabbatın yiğ\f + \fr 5:9 \fr*\fq Şabbatın yiğ: \fq*\ft Cühüt'yaaşine ülycümün yighıd'esın yiğ eyxhe. Q'aanunee man Muq'addasın yiğ Allahıs cura'as ıkkanva otk'un. Mane yiğıl nenacab iş haa'as vukkan deşva otk'un. I'sayne gahılyne dindaraaşe mane yiğıl ha'as dexhesde işbışin ispisok'niy aqqı. Manbı ilyaaka vuxha, gırgınbışe co eyhenbı he'ecenva.\ft*\f* eyxhe. 
\v 10 Mançil-allad Yahudeeşine ç'ak'ınbışe yug qıxhayne insanık'le eyhen:
\p – G'iyna Şabbatın yiğ vod, ğu galirxhuyn kar g'iyna haqqas ıkkan deş.
\p
\v 11 Mane insanee eyhen:
\p – Zı yug qı'iyne İnsanee, zak'le «Ğu galirxhuyn karıd alyaat'u hoorava» uvhu.
\p
\v 12 Manbışe qiyghanan:
\p – Vak'le «Alyapt'ı hoorava» eyhena İnsan vuşuyiy?
\p
\v 13 Mang'uk'le Mana vuşu ıxhaycad ats'a deşdiy. I'see mana yug qı'iyle qiyğa, maane insanaaşil alikkı ayk'anna. 
\v 14 Sahavule I'see mana insan Allahne Xaasne t'abal hı'ı, eyhen:
\p – Həşde ğu yug qıxhana. Ğu sayıb bınah hımaa'a, vuk'lelqa mançiled pisın kar qımaylecenva.
\p
\v 15 Manke mana insan ark'ın, Yahudeeşine ç'ak'ınbışik'le, vuc yug qı'ına İnsan I'sava eyhe.
\s I'sa Yahudeeşine ç'ak'ınbışika cuvabılqa arı
\p
\v 16 I'see man Şabbatne yiğıl hı'ıva, Yahudeeşine ç'ak'ınbışe Mang'une vuk'lelqa yiğbı alya'a. 
\v 17 I'seeme manbışik'le eyhen:
\p – Yizde Dekkee həşde iş g'ooceva, Zınab haa'ana.
\p
\v 18 Mançile qiyğa Yahudeeşine ç'ak'ınbışis Mana sık'ırar geer gik'as ıkkiykan. Mang'vee Şabbatne yiğıl iş hav'uy k'ıldanan xhinnee, Allahık'le Cuna Dekva uvhu, Mang'uka Vuc sa aqqı.
\p
\v 19 I'seeme manbışik'le eyhen:
\p – Zı şok'le hək'en eyhe, Dixek'le Dekkee hucooyiy ha'ava g'ıdecveene, Cuked ğana vuççud ha'as deş. Dekkee hucooyiy ha'a, Dixeeyid man ha'a. 
\v 20 Dekkis Dix ıkkanva, Vucee ha'an gırgın kar Mang'uk'le hagvan. Şu ghalybı aaqı aaxvecenva Dekkee Mang'uk'le mançiled ç'ak'ın işbı hagvas. 
\v 21 Dekkee hapt'ıynbı üç'üb qav'u, manbışis ı'mı'r hoolen xhinne, Dixeeyib Cus vukkananbışis ı'mı'r hoole. 
\v 22 Dekkee vuşucar muhaakima ha'a deş. Mang'vee məhkama Dixelqa g'aleççu, 
\v 23 Dekkis hı'rmat giviyxhena xhinne, Dixesıb hı'rmat gyuvxhecenva. Dixes hı'rmat givdiyxheng'vee, Mana g'axuvuyne Dekkisıb hı'rmat giviyxhe deş.
\p
\v 24 Zı şok'le hək'en eyhe, Yizde cuvabıl k'ırı alixhxhı, Zı G'axuvuyng'ulqa inyam hı'iyne insanıqa gırgıne gahbışisda ı'm'ır vob. Məhrıng'uqa məhkamad ilyakkas deş. Mana qik'uyke g'attirxhın, üç'ür qıxha. 
\v 25 Zı şok'le hək'en eyhe, Allahne Dixen ses hapt'ıynbışik'le g'iyxhena gah qavaalesda, qabıcab vob. Man g'ayxhiynbı üç'üb qeepxhes. 
\v 26 Dekkıne ab ı'mı'r vobnan xhinnee, Dixesıb Cune ab ı'mı'r Mang'vee hoole. 
\v 27 Mana İnsanna Dixva, məhkama hı'iyid Mang'unecad xılyaqa quvu.
\p
\v 28 Mançile ghalybı aaqı ımaaxva, məxbına gah qöö vob, nyuq'vnee g'alyapk'ıynbışde gırgıng'uk'le Mang'un ses g'ayxhes. 
\v 29 Nyuq'vneençe qığeepç'esınbı, yugvalla hav'uynbı ı'mrenbı vuxhesva üç'üb qeepxhes. Pisvalla hav'uynbımee Allahee məhkamee eyhenbı g'ayxhes üç'üb qeepxhes. 
\v 30 Zasse Zaled-alqa vuççud ha'as əxə deş. Zı Zak'le Dekkee uvhuyn xhinnee muhaakima haa'a, Zı alğavhuyn məhkamad qotkuyn vod. Zı Zas ıkkanan deş ha'a, Zı G'axuvuyng'vee uvhuyn ha'a.
\s I'see Vucee eyhene karbışda qopkuvalla haagva
\p
\v 31 – Zı Yizdecab hək'ee şahaadat haa'anaxhiy, Yizda şahaadat qopkuna vuxhes deşdiy. 
\v 32 Yizde hək'ee şahaadat haa'ana Merna vor. Yizde hək'ee haa'ana mana şahaadat qopkuna vuxhay Zak'le ats'an. 
\v 33 Şu Yəhyeyne k'anyaqa insanar g'axuvu, mang'veeyib qopkuna şahaadat hav'u. 
\v 34 Zas insanna şahaadat vukkanıb deş, şu g'attivxhnecenva Zı man şok'le eyhe. 
\v 35 Yəhye gyopxhannayiy işix helena çirax vuxha. Şos sabara gahna mançine işixee şadepxhes vukkiykın.
\p
\v 36 Yizde hək'ee sayib şahaadat vob. Mana şahaadat Yəhyeyne şahaadatıleb ooqana vob. Zı Dekkee Zak'le uvhuyn işbı ha'a. Mane işbışed Yizde hək'ee şahaadat haa'a Dekkee Zı g'axuvuva. 
\v 37 Zı g'axuvuyne Dekkeyib Yizde hək'ee şahaadat haa'a. Şok'le mısacad Mang'un sesıd g'ayxhı deş, Mang'un aq'vad g'acu deş. 
\v 38 Mang'un cuvabıd vuşde yik'bışee axva deş, Mang'vee G'axuvuyng'ulqa şu inyam hidya'ava. 
\v 39 Şos Muq'addasın Otk'uniybı xət qeedaxhe. Şosqa həməxüd qöö, mançile ğana şu gırgıne gahbışisde ı'mrenbıme vuxhes. Yic, Mançinıb Yizde hək'ee şahaadat haa'a. 
\v 40 Şosmee gırgıne gahbışisde ı'mrenbı vuxhesdemee Zasqa qavaales vukkan deş.
\p
\v 41 İnsanaaşine axtı qı'ilqa, Zı axucar deş. 
\v 42 Zak'le şu vaats'anbı, vuşde yik'ee Allah ıkkiykıniy deşin. 
\v 43 Zı Yizde Dekkıne doyule qareeyir, şu Zı k'ane qa'a deş. Sa merna cune doyule qareene, şos mana ıkkiykanasda. 
\v 44 Şos sana-sang'vee şu axtı qav'u vukkan. Vorne sa Allahee şu axtı qav'iy şu t'abalcab ha'a deş. Məxüd, şosse nəxüd inyam ha'as əxəyee? 
\v 45 Şosqa həməxüd qımaylecen, Zı Dekkıne ögiyl şolqa taxsirniyxan gixhxhes. Şolqa taxsir gixhxhesda, şu umud haa'ana Mısa vorna. 
\v 46 Şu Mısal inyam hı'iynxhiy, Zalid ha'asınniy. Mang'veeyid Yizde hək'ee otk'uninniy. 
\v 47 Şu Mısee otk'uninçilqad inyam hidya'axhee, Zı eyhençilqa nəxüd inyam ha'aye?
\c 6
\s I'see xəppa insanar ats'yaa'a
\p
\v 1 Mançile qiyğa I'sa Galileyne (Tiberiyayne) eyhene golyune şene aq'valqa ılğeç'e. 
\v 2 Mang'vee vuk'aranbışik'le haguyn əlaamatbı g'acu, Mang'uqab qihna geeb insanar qöö vuxha. 
\v 3 I'sa suvalqa ılqeç'u, Cune telebabışika giy'ar. 
\v 4 Yahudeeşin Peesax\f + \fr 6:4 \fr*\fq Peesax: \fq*\ft Allah qıdet'u ılğeç'uva alğayhen bayram. Man bayramnang'a, cühüt'yaaşe co Allahee nəxübiy Mısa peyğambarıleğana Misirğançe g'attivxhan hav'iy yik'el qalya'a. Man bayram nişil-allayiy alğayheva, nəxüdiy alğahas ıkkanva, Mısa peyğambarne q'öd'esde kitabee otk'un (Qığ. 11-12).\ft*\f* bayram k'ane qexhe ıxha.
\p
\v 5 I'see vuk'ul ooqa qav'umee, Cusqa geeb insanar qöö g'avcu, Filipık'le eyhen:
\p – İne insanaaşe oxhanasın gıney, nençene şi alişşes?
\p
\v 6 I'see manva Filip siliys ı'xəsdemeevacad uvhu, deşxheene Mang'uk'le Vucee ha'asın ögiylycad ats'a ıxha. 
\v 7 Filipee alidghıniy qele:
\p – Manbışde gırgıng'vee sa ghaledın gıney oxhnecenva, q'öd vəş (200) dinarısın\f + \fr 6:7 \fr*\fq Dinar: \fq*\ft nuk'rayke hı'iyn pıl. Sa dinar sa yiğısde işis hoole vuxha.\ft*\f* gıneyıd alişvee, g'idiyxhar!
\p
\v 8 Telebabışde sang'vee Şimon-Pyoturne çocee Andreyee I'sayk'le eyhen:
\p
\v 9 – İnyaa'ar xhoble xhıt'ayna gıneynanayiy q'ölle baluğnana sa gade vor. Nya'a, inimeene insanıs man giyxharee?
\p
\v 10 I'see eyhen:
\p – Millet gyu'ar he'e.
\p Maa'ab geeb ok' vuxhayke, insanar çilycab giviy'ar. Maa'ar xhod aazırılqa (5 000) ələəna adamiycar eyxhe. 
\v 11 I'see maadın gıneybı alyaat'u, Allahıs şukur haa'a. Sahavuled maane insanaaşis man gıney bit'al ha'a. Gırgıng'vee cus nimeeniy ıkkan manimeenıd alyaat'a ıxha. I'see baluğaaşikıd mancad ha'a. 
\v 12 Gırgınbı otxhun avts'uyle qiyğa, I'see Cune telebabışik'le eyhen:
\p – Hexxada axuyn gırgın se'e, vuççud xarab mexhecen.
\p
\v 13 Manbışe, insanaaşine ögiyle xhone xhıt'ayne gıneyke otxhun hexxada axuyn sı'ımee, yits'ıq'vəble (12) ghalilqamee gyavts'una ç'emç'e vooxhe. 
\v 14 Mane gahıl I'see haguyn əlaamat g'acuyne insanaaşe eyhen:
\p – Hək'erar dyunyelqa qalesda peyğambar İna vor.
\p
\v 15 I'sayk'le insanar abı, Cuke gucuncar paççah ha'asva ats'axhxhen. Mançil-allar Mana Vuccar suvalqa ayk'an.
\s I'sa xhinel iykar
\p
\v 16 Exha qıxhamee, I'sayn telebabı golyusqa geepç'ı, 
\v 17 lotk'eeqa giviy'ar. Manbı golene şene aq'valyne Kefernahumqa vüqqə vuxha. Miç'axıd qıxha eyxhe, I'sa qarı eyxhe deş. 
\v 18 İt'umna mıts aa vuxhayke, goleedın xhyan ı'ğiykar eyxhe. 
\v 19 Manbı lotk'ee yoq'ulle-xholle kilometırmee apk'ıniyle qiyğa, g'ecen I'sa xhinel iykar-iykar cone lotk'aysqana vor qöö. Mançile telebabı qəvəyq'ənanbı.
\p
\v 20 I'see manbışik'le eyhen:
\p – Qı'məəq'ən, Zı vorna.
\p
\v 21 Manbışis Mana lotk'eeqa alyart'as ıkkiykan. Ul aaqı gyapxasse, manbı xhinene mıgleqqa, cos ıkkanne cigeeqa qabı hipxhıriynbı.
\s I'mı'r hoolen gıney
\p
\v 22 Qinne yiğıl golyune şene surak axuyne milletıs, maa saccu sa lotk'a ıxhay yik'el qayle. Manbışik'le I'sa mane lotk'eeqa Cune telebabışika gyudyu'urvar, telebabı cocab apk'ınvab ats'anniy. 
\v 23 Yişde Xərıng'vee I'see şukur hav'uyle qiyğa gıney otxhunne cigayne k'anyaqa Tiberiya şahareençe medın lotk'abı qadayle. 
\v 24 İnsanaaşik'le I'sayiy Cun telebabıb maa'ab g'idevcumee, lotk'abışeeqa gyuv'ur I'sa t'abal haa'asva Kefernahumqa avayk'an. 
\v 25 Golyune şene aq'val manbışik'le I'sa aveykımee, qiyghanan:
\p – Mə'əllim, Ğu inyaqa mısane qarı?
\p
\v 26 I'see manbışis inəxdın alidghıniy qele:
\p – Zı şok'le hək'en eyhe, şu Zı əlaamatbı haguva deş, avts'esınmeen gıney otxhunva t'abal ha'a. 
\v 27 Sık'ınne gahıle qı'çı əlyhəəsde otxhuniyna hımaa'a. Gırgıne gahbışis ı'mı'r hevlesde otxhuniyna hee'e. Man şos İnsanne Dixee\f + \fr 6:27 \fr*\fq İnsanna Dix: \fq*\ft I'see geedne nəqqee Cuk'le İnsanna Dixva uvhu. Məxür Daniyal peyğambaree qalesde Paççah Masihık'le eyhe. Mana Paççah gırgıne milletbışda xərna ixhes.\ft*\f* heles. Mang'ul Dekkın Allahın peçat vod.
\p
\v 28 Manbışe I'sayke qiyghanan:
\p – Allahıs ıkkanan işbı g'acesdemee, şi hucoona ha'as?
\p
\v 29 I'see eyhen:
\p – Allahıs vukkanna iş ina vob: Mang'vee G'axuvuyng'ulqa inyam he'e.
\p
\v 30 Manbışe I'sayk'le eyhen:
\p – Vasse nəxdın əlaamat hagvas əxəyee, şi mançiqa ilyaakı Valqa inyam ha'as? Vasse hucoo ha'as əxəyee? 
\v 31 Yişde dekkaaşe sahree manna\f + \fr 6:31 \fr*\fq manna: \fq*\ft Mısa peyğambarne gahıl, Allahee man otxhuniy İzrailybışis sahree gıney xhinnee huvu.\ft*\f* opxhun, mançine hək'ee Muq'addasne Otk'unee inəxüd otk'un vod: «\qt Manbışis oxhanas xəybışeençe gıney huvu\qt*»\f + \fr 6:31 \fr*\ft İnəxüd Zaburee otk'un (77:24, 104:40).\ft*\f*.
\p
\v 32 I'see manbışik'le eyhen:
\p – Zı şok'le hək'en eyhe, şos xəənçe gıney huvuna Mısa deşdiy vor. Xəənçe şos hək'en gıney həşde helena Yizda Dek vor. 
\v 33 Xəənçe qadıyn Allahın gıney dyunyeys ı'mı'r hoolen vod.
\p
\v 34 Manbışe Mang'uk'le eyhen:
\p – Xərna, Ğu şas hammaşe man gıney hele.
\p
\v 35 I'see manbışik'le eyhen:
\p – I'mren gıney Zı vorna. Zasqa arına mısacar mıs qıxhes deş, Zalqa inyam hı'iyng'unud mısacad ghal qeqvas deş. 
\v 36 Zı şok'le ögee uvhiyn xhinnee, şok'le Zı həşde g'acveeyir, şu inyam ha'a deş. 
\v 37 Dekkee Zas huvuyn gırgın insanar Zasqa ables. Zasqa abıynbıb, Zı mısacab g'ee'epşes deş. 
\v 38 Zı, Zas ıkkanan ha'as deş, Zı G'axuvuyng'us ıkkanan ha'as xəənçe qarı. 
\v 39 Zı G'axuvuyng'us ıkkanan, Zasqa quvuyne insanaaşina, Zı nenacar agval hıma'acen, nekke qiyğiyne yiğılib Zı manbı üç'üb qee'ecen. 
\v 40 Yizde Dekkıs ıkkanan, Dix g'acu inyam hı'iyne gırgıng'uqa gırgıne gahbışisda ı'mı'r vuxhecen. Zınab manbı nekke qiyğiyne yiğıl üç'üb qee'ecen.
\p
\v 41 Maane Yahudeeşine ç'ak'ınbışe I'sayne cuvabıke «Zı xəənçe qadıyn gıney vodva» əəq'ənbı. 
\v 42 Manbışe eyhen:
\p – Nya'a, Mana Yusufna dix I'sa dişee? Şak'le Mang'una dekkır yedir vaats'anbı! Nəxüd mançile qiyğa Mang'usse eyhes əxəyee «Zı xəənçe qarına vorva»?
\p
\v 43 I'see manbışis inəxdın alidghıniy qele:
\p – I'məəq'ə. 
\v 44 Zı g'axuvuyne Dekkee, insan Zasqa ts'ıts'de'eene, mane insanısse Zasqa ayres əxəs deş. Zasqa arınamee, Zı nekke qiyğiyne yiğıl üç'ür qa'as. 
\v 45 Peyğambaraaşine kitabbışee otk'un vod: «\qt Manbışde gırgıng'us Allahee xət qa'as\qt*»\f + \fr 6:45 \fr*\ft İnəxüd Yeşaya peyğambarne kitabee otk'un (54:13).\ft*\f*. Dekkıke g'ayxhı, xət qepxhaynbı gırgınbı Zasqa abayle. 
\v 46 Allahısse Qarıyng'ule ğayrı, menne şavuk'lecar Dek g'acu deş. Dek saccu Mang'uk'le g'acu. 
\v 47 Zı şok'le hək'en eyhe, inyam hı'iyne insanıqa gırgıne gahbışisda ı'mı'r vuxhes. 
\v 48 I'mren gıney Zı vorna. 
\v 49 Vuşde dekkaaşe sahree manna opxhuneeyib, hapt'ıynbı. 
\v 50 İnmee xəənçe qadıyn məxdın gıney vod, mançike otxhunna insan mısacar qik'as deş. 
\v 51 Xəənçe qadıyn ı'mı'r hoolen gıney Zı vorna. Şavaamecad ine gıneyke otxhunee, gırgıne gahbışisde ı'mrena ixhes. Dyunyeyne ı'mrenemee helesın gıney Yizın tan vodun.
\p
\v 52 Manke Yahudeeşin ç'ak'ınbı cuvabılqa abayle:
\p – Şi oxhnecenva, Mang'usse nəxüd Cun tan şas heles əxəyee?
\p
\v 53 I'see manbışik'le eyhen:
\p – Zı şok'le hək'en eyhe, şu İnsanne Dixene tanıke idyotxhun, ebıke ulydyodğvee, vuşde ab ı'mı'r vuxhes deş. 
\v 54 Yizde çurunuke otxhun, ebake ulyodğuyng'uqa gırgıne gahbışisda ı'mı'r vuxhes. ZI məxrına nekke qiyğiyne yiğıl üç'ür qa'as, 
\v 55 Yizın tan hək'en otxhuniyva, Yizda ebıb hək'en ulyodğuyva. 
\v 56 Yizde tanıke otxhun, ebake ulyodğuna Yizde ar axva, Zınar mang'une ar axva. 
\v 57 Üç'ürne Dekkee Zı g'axuvu. Dekkeeyib Zas ı'mı'r huvu. Məxbıb Zı, Zı orxhuniyng'us ı'mı'r hevles. 
\v 58 İn gıney xəənçe qadıyn vod. Man otxhuning'uqame gırgıne gahbışisda ı'mı'r vuxhes. İn gıney vuşde dekkaaşe otxhuniyn xhinnen deş vod. Manbışe man otxhuneeyid, hapt'ıynbı.
\p
\v 59 Manva I'see, Kefernahumne sinagogee\f + \fr 6:59 \fr*\fq sinagoga: \fq*\ft Cühüt'yar maa Muq'addasın Otk'uniybı qətqəsiy ı'bəədatbı ha'as savayle vuxha. Cühüt'yar vooxhene gırgıne şaharbışee sinagogbı ıxhaynbı.\ft*\f* xət qa'amee uvhu.
\s Telebabışde sabaranbışe I'sa g'alerçu, avayk'ananbı
\p
\v 60 Man eyhen g'ayxhımee telebabışde sabaranbışe eyhen:
\p – İn nimee dağamın cuvabıy. Şavusse mançil k'ırı alixhxhes əxəyee?
\p
\v 61 I'sayk'le telebabı əəqə g'avcu, eyhen:
\p – Mane cuvabılyne şu qaçapxır? 
\v 62 Şok'le İnsanna Dix şenke Vuc eyxhene cigeeqa ı'lqəə g'acveene, manke hucoone eyhes? 
\v 63 I'mı'r hoolena Allahın Rı'h vod, insanısse man ha'as əxə deş. Zı şok'le eyhen cuvab Rı'hiy ı'mı'r vob. 
\v 64 Şoqa inyam hidya'anbıb vobunbı.
\p I'sayk'le inyam hidya'asınbıb, Vuc merıng'une xılyaqa qelesdar ögeecarniy ats'a.
\p
\v 65 Mang'vee eyhen:
\p – Zı mançil-allaniy şok'le eyhe, Dekkee vuşumecar hidyaysarxhee, mang'usse Zasqa qıxhes əxəs deş.
\p
\v 66 Mançile qiyğa geeb telebabı I'sayke cureepxha, Mang'uka iviykar deş. 
\v 67 Manke I'see yits'ıq'vəne (12) telebayk'le eyhen:
\p – Deşxhee şosubne Zake cureepxhes vukkan?
\p
\v 68 Şimon-Pyoturee Mang'us cuvab qele:
\p – Xərna, şi şavne k'anyaqane əlyhəəs? Yiğne cuvabın gırgıne gahbışisda ı'mı'r hoole. 
\v 69 Şi inyamıd hı'iyn, şak'le ats'anıd, Allahna Muq'addas Ğu vorna.
\p
\v 70 I'see manbışik'le eyhen:
\p – Zı şu, yits'ıq'vəyre (12) teleba, g'əvxü. Vuşda same iblis vorna.
\p
\v 71 Mang'vee manva Kariotğançene Şimonne dixıne, Yahudayne hək'ee uvhu. Mana yits'ıq'vəne telebayna sa ixheeyir, mang'us I'sa merıng'une xılyaqa qeles ıkkiykan.
\c 7
\s I'sayne çocaaşe Mang'ulqa inyam ha'a deş
\p
\v 1 Mançile qiyğa I'sa Galileyee ı'ğiykar. Yahudeeşine ç'ak'ınbışis I'sa gik'as ıkkanva, Mana Yahudeyayeeqa hayk'an deş. 
\v 2 Yahudeeşin K'odiybışin bayram\f + \fr 7:2 \fr*\fq Yahudeeşin K'odiybışin bayram: \fq*\ft man Allahee İzrailybışis huvuyn bayram vodun. Man ts'uvuliqa şagavbı sa'ane gahıl eyxhe. Man bayramnang'a cühüt'yar k'odiybışee, çadırbışee aaxva vuxha. Məxüd manbışe co Allahee Misirğançe nəxübiy g'attivxhan hav'uva yik'el qalya'a. Cühüt'yar Misirğançe qığeepç'iyle qiyğa, sabara gahna sahree çadırbışee avxu. Allahee maa'ad manbışis gırgın hele ıxha. \ft*\f* k'ane qıxha ıxha. 
\v 3 Çocaaşe I'sayk'le eyhen:
\p – İnyaa ımaxva, Yahudeyayeeqa hoora. Ğu ha'an karbı Yiğne telebabışik'led g'acecen. 
\v 4 Vuc qıvaats'as ıkkanne insanee karbı dyugulenda ha'anbı deşxhe. Ğu in karbı ha'axhee, Ğucar Ğu dyunyeys qıvaats'e'e.
\p
\v 5 Mang'une çocaaşed Mang'ulqa inyam ha'a ıxha deş. 
\v 6 Manke I'see manbışik'le eyhen:
\p – Yizda gah qabı deş, şosme mısa qadiy ha'as eyxhen. 
\v 7 Dyunyeys şu g'umooce qeepxhes deş. Zıme g'ımece qıxha, Zı mançin işbı pisınbı ıxhay aq'val aqqaqqava. 
\v 8 Şu bayrameeqa havak'ne, Zıme, Yizda gah qidyabıynçil-alla, maqa ı'qqəs deş.
\p
\v 9 I'see manıd uvhu, Galileyee axva.
\s I'sa İyerusalimeeqa hayk'an
\p
\v 10 Mang'un çocar bayrameeqa hapk'ıniyle qiyğa, Manar şavuk'lecar g'ıdecesın xhinne, dyugulenra bayrameeqa hayk'an. 
\v 11 Yahudeeşine ç'ak'ınbışe I'sa t'abal ha'a-ha'a, «Mana nyaane vorva?» qidghın ha'a ıxha.
\p
\v 12 I'sa milletne ghalecar ıxha. Sassanbışee «Yugna insan vorva», mansanbışed «De'eş, milletıs horbı ha'ava» eyhe ıxha. 
\v 13 Yahudeeşine ç'ak'ınbışile qəvəyq'ənva, Mang'une hək'eena gaf, gırgıng'uk'le g'avxhesın xhinne, neng'ussecab haa'as vəəxə vuxha deş.
\s I'see Allahne Xaasne xət qa'a
\p
\v 14 Bayramın sura ıxhayle qiyğa, I'sa Allahne Xaasqa arı, xət qa'a giyğal. 
\v 15 Yahudeeşin ç'ak'ınbı mançile ghalybı aaqı avxu, eyhen:
\p – Mang'vee nyaacad qətqı' deş! Nençene Mang'uk'le manimeen kar ats'a?
\p
\v 16 I'see manbışis alidghıniy qele:
\p – Zı helen ats'al Zaken deş vod, Zı G'axuvuyng'uken vod. 
\v 17 Şavusiy Allahee eyhen ha'as ıkkan, Zı helen ats'al Mang'uken, Zaken deş ıxhay ats'axhxhesın. 
\v 18 Cukedğana eyheng'us, vuc axtı qa'as ıkkan. Vuc G'axuvuname axtı qa'as ıkkanna qorkuna vor, Mang'uqa horud eyxhen deş. 
\v 19 Mısee şos Q'aanun huvu. Vuşde neng'veecad Q'aanunun eyhen ha'a deş. Nya'a şos Zı gik'as ıkkan?
\p
\v 20 Milletın alidghıniy qele:
\p – Yiğne ad cinıd. Şavusiy Ğu gik'as ıkkan?
\p
\v 21 I'see manbışik'le eyhen:
\p – Zı sa iş hav'u, vuşun gırgınbı ghalybı aaqı avxu. 
\v 22 Mısee şok'le sunnat ha'as vukkanva uvhu. Yic man ha'a, Mısayle ögiylyne dideeşecad gibğıl. Şu Şabbatne yiğılib sunnat haa'a. 
\v 23 Mısayne Q'aanunun eyhen ixhecenva, şu insan Şabbatıl sunnat ha'a. Nişil-allane Zı Şabbatıl insan bıkırra yug qı'ıva, şu Zalqa qəl haa'a? 
\v 24 Şu aq'vale g'ecen xhinnee muhaakima haa'a. Qopkuvalika ilyaakı, muhaakima hee'e.
\s I'sa Masihne?
\p
\v 25 Manke İyerusalimne milletın eyhen:
\p – Gik'as ıkkanna mana dişde vor? 
\v 26 Haane, Mang'vee gırgıng'uk'le g'iyxhe-g'iyxhe gırgın yuşan he'eeyid, Mang'uk'le vuççud eyhe deş. Mıts'an, ç'ak'ınbışik'le Mana hək'erar Masih\f + \fr 7:26 \fr*\fq Masih: \fq*\ft man cuvab «q'ış qadğuna» eyhen vodun. Avaala İzrailil məxdın ədat ıxha, kaahinaaşine, paççahaaşineyiy peyğambaraaşine vuk'lelqa q'ış qadağva ıxha. Man q'öd'esın I'sayn do Allahee Mana g'əyxı'nava eyhen vod. İzrailybışik'le peyğambaraaşe uvhuynbı ats'a ıxhal-alla, manbışe Masih qarı cun millet duşmanaaşike g'attixhan hı'ı, dyunyeys xəbvalla hav'uy gozet ha'a ıxha.\ft*\f* ıxhay ats'axhxha ixhes. 
\v 27 Yic mana İnsan nençe ıxhay şak'le ats'an. Masih qöömeeme, Mana nençe ıxhay şavuk'lecad ats'a ixhes deş\f + \fr 7:27 \fr*\fq Mana nençe ıxhay şavuk'lecad ats'a ixhes deş: \fq*\ft Mane gahıl sassanbışe eyhe ıxha: «Masih, peyğambaraaşine kitabbışee otk'uniyn xhinnee, Bet-Lexemeençe qales». Mansanbışemee, Masih qalesın ciga şavuk'lecad ats'a ixhes deşva, eyhe ıxha. İnsanaaşe, I'sa Galileyeençe vorva ats'axhxha, Mana Masih deşva eyhe ıxha.\ft*\f*.
\p
\v 28 Allahne Xaasne xət qa'amee, I'see axtıda eyhen:
\p – Şok'le hək'erar Zı ats'anane, nençe qariyid ats'anne? Zı Zakecar deş arı, Zı G'axuvuna qorkuna vor. Şok'le Mana ats'a deş, 
\v 29 Zı Mang'usse qariyl-alla, Zak'le Mana ats'a. Mang'vee Zı g'axuvu.
\p
\v 30 Manbışis I'sa aqqas ıkkiykan. Mang'una gah qidyabıva, şavaacadıd Mang'ulqa xıl g'oyt'al deş. 
\v 31 Milletıkene geebınbışe Mang'ulqa inyam hı'ı, eyhen:
\p – Masih qarımee, əlaamatbı İng'uled geed deş hagvas.
\s Yahudeeşine ç'ak'ınbışis I'sa aqqas ikkiykan
\p
\v 32 Fariseyaaşik'le\f + \fr 7:32 \fr*\fq Fariseyar: \fq*\ft Manbı I'sayne gahılin dindarar vuxha. Manbışik'le Allahna Q'aanun yugba vaats'a vuxhal-alla, manbı milletın ç'ak'ınbı vuxha.\ft*\f* milletın I'sayne hək'ee eyhen g'iyxhen. Kaahinaaşin ç'ak'ınbışeyiy fariseyaaşe Mana aqqasva g'aravulyçer g'uxoole.
\p
\v 33 I'see eyhen:
\p – Zı şoka geer ixhes deş. Mançile qiyğa Zı G'axuvuyng'une k'anyaqa əlyhəəs. 
\v 34 Şu Zı t'abala'asda, aveekes deş. Zı ark'ınne cigeeqar şosse ables vəəxəs deş.
\p
\v 35 Maane Yahudeeşine ç'ak'ınbışe sana-sang'uke qidghın ha'a:
\p – Şak'le ivdeekesde cigeeqa nyaqaniyxan Mana ı'qqəs? Yunanaaşine yı'q'nee vooxhene cühüt'yaaşine k'anyaqa hark'ın, Yunanaaşisniyxan xət qa'as? 
\v 36 «Şu Zı t'abala'asda, aveekes deş. Zı ark'ınne cigeeqar şosse ables vəəxəs deş» mane cuvabıka hucooniyxan eyhes ıkkan?
\s I'mı'r hoolene xhinen damabı
\p
\v 37 Bayramne nekke qiyğiyne yiğıl I'sa oza qıxha, axtıda eyhen:
\p – Şavuniy ghal qeqqu, Zasqa qarı ulyoğecen. 
\v 38 Muq'addasne Otk'uniybışee otk'unin xhinnee, Zalqa inyam hı'iyng'une yik'eençe, ı'mı'r hoolene xhinen damabı gyotstses.
\p
\v 39 Mang'vee manva, Cul inyam ha'anbışe alyaat'asde Allahne Rı'hı'ne hək'ee eyhe ıxha. Allahee I'sayna xəbvalla mankilqame hidyag'uynçil-alla, inyam ha'anbışis man Rı'h huvu ıxha deş.
\s İnsanar I'sayl-alla cuvabılqa abayle
\p
\v 40 Milletıkene sabaranbışik'le man eyhenbı g'ayxhımee, «İna hək'erar qalesda peyğambar ooxhurva» eyhe. 
\v 41 Sabaranbışemee «İna Masihır» eyhe, samebınbışemee eyhen:
\p – Masih Galileyeençe'e qales deş. 
\v 42 Nya'a Muq'addasne Otk'uniybışee otk'un dişde, Masih Davudne nasılençena, Davud eyxhene Bet-Lexemne xiveençe qales\f + \fr 7:42 \fr*\ft Mançine hək'ee Mika peyğambarne kitabee otk'un (5:2).\ft*\f*?
\p
\v 43 İnsanar I'sayl-alla cuvabılqa abayle. 
\v 44 Sabaranbışis Mana aqqas ıkkiykıneeyir, nenacar Mang'uk set'a deş.
\s Yahudeeşine ç'ak'ınbışe I'salqa inyam haa'a deş
\p
\v 45 G'aravulyçer kaahinaaşine ç'ak'ınbışisqayiy fariseeyaaşine k'anyaqa sapk'ılmee, manbışe g'aravulyçeeşike qiyghanan:
\p – Nya'a şu Mana qidyarı?
\p
\v 46 G'aravulyçeeşe eyhen:
\p – Həşdilyqamee sacar insan məxür yuşan hı'ı deş.
\p
\v 47 Fariseyaaşe manbışik'le eyhen:
\p – Deşxhee Mang'vee şunabne yəqqı'le qığavhu? 
\v 48 Sa xərıng'veexheyid sa fariseyexheyid Mang'ulqa inyam hı'ıye? 
\v 49 İne milletık'le Q'aanunne hək'ee hucoona ats'a? Manbı gulyoptulıynbı!
\p
\v 50 Ögilycar I'sayne k'anyaqa arıyne Nikodim donane fariseyee manbışik'le eyhen:
\p
\v 51 – Yişde Q'aanunus sik'ı, insanıl k'ırı ilydiyxhı, mang'vee hucooyiy ha'ava dyats'axhxha, mana muhaakima hı'iy qotkuda deş.
\p
\v 52 Manbışe Nikodimık'le eyhen:
\p – Deşxhee, ğunar Galileyeençene vor? Otk'uneeqa ilekke, vak'lecad g'acesın, sacar peyğambar Galileyeençe qöö deş.
\s [I'sayiy zina hı'ına zəiyfa
\p
\v 53 Mançile qiyğa gırgınbı cone xaaqa avayk'an.
\c 8
\p
\v 1 I'same Zeytunne suvalqa ayk'an. 
\v 2 Miç'eer Mana çakra meer Allahne Xaasqa arayle. Gırgın millet Mang'une k'anyaqa sadayle, Manar gyu'ur milletıs xət qa'a giyğal. 
\v 3 Q'aanunne mə'əllimaaşeyiy fariseyaaşe\f + \fr 8:3 \fr*\fq Q'aanunun mə'əllimariy fariseyar: \fq*\ft manbı dindarar vuxha. Manbışik'le Allahee Mısa peyğambarıle ğana huvuna Q'aanun yugba vaats'a vuxha. Manbışe mana Q'aanun mebınbışisıb xəp qaa'a vuxha.\ft*\f* zina ha'ang'a ayqına zəiyfa maqa ayreele. Mana yı'q'neeqa qığeyhı, 
\v 4 I'sayk'le eyhen:
\p – Mə'əllim, ina zəiyfa zina ha'ane cigee ayqı. 
\v 5 Q'aanunee Mısee şalqa əmr hav'u, məxbınbı g'ayeqqa hevleva. Ğu mançik'le hucoona eyhe?
\p
\v 6 Man I'sa siliys ı'xəsdemee eyhe ıxha, Mang'une gardanaqa taxsir gixhesdemee ha'a ıxha. I'same k'yorzul t'ubeka ç'iyel oyk'an giyğal. 
\v 7 Mang'uke meed qidghın ha'amee, I'sa qorku qıxha, manbışik'le eyhen:
\p – Vuşde neng'uqayiy bınah deş, hasre mang'vee ts'eppa zəiyfalqa g'aye eehecen.
\p
\v 8 Qiyğa meer k'yorzul, ç'iyel oyk'an.
\p
\v 9 Man eyhen g'ayxhımee, ç'ak'ınbışile otçu k'ıninbışilqamee sassabna mançe qığeepç'ı avayk'ananbı. Nekke qiyğa I'sayiy zəiyfacab aaxva. 
\v 10 I'sa qorku qıxha, eyhen:
\p – Zəiyfa, şenbı nyaqane apk'ın? Nya'a şavaacab yiğne gardanaqa bınah givxhu dişde?
\p
\v 11 Zəiyfee eyhen:
\p – Şavaacab, Xərna.
\p Manke I'see eyhen:
\p – Zınab yiğne gardanaqa bınah giviyxhe deş. Yeera, sayıb bınah hımaa'a.]\f + \fr 8:11 \fr*\ft İna zina hı'ına zəiyfayne hək'eena xabar qiyğiyne aalimaaşe hexxav'u.\ft*\f*
\s I'sa dyunyeyn Nur
\p
\v 12 Qiyğa I'see milletık'le eyhen:
\p – Dyunyeyn Nur Zı vorna. Zaqar qihna qööna mısacar miç'axiyvalee iykaras deş, mang'uqa ı'mı'r hoolen Nur ixhes.
\p
\v 13 Fariseyaaşe Mang'uk'le eyhen:
\p – Yiğne hək'ee Ğucab şahaadat haa'a, mançil-allab Yiğna şahaadat qopkuba deş vob.
\p
\v 14 I'see manbışis alidghıniy qele:
\p – Zı Yizde hək'ee şahaadat hav'eeyib, Yizda şahaadat qopkuba vob, Zak'le Zı nençe qarı nyaqayiy əlyhəəsva ats'ançil-alla. Şok'leme Zı nençe qarı, nyaqame əlyhəəs ats'a deş. 
\v 15 Şu aq'vale g'ecen xhinnee muhaakima haa'a. Zıme vuşucar muhaakima ha'a deş. 
\v 16 Zı muhaakima haa'axhee, Zı Zaler-alqa deş vor, Zı g'axuvuna Dek Zaka vor. Mançil-allad Yizın məhkama qotkuyn vod. 
\v 17 Vuşde Q'aanuneeyid otk'un vod, q'öng'una şahaadat qopkuba vob. 
\v 18 Zı Yizde hək'ee şahaadat haa'a, Zı g'axuvuyne Dekkeeyib Yizde hək'ee şahaadat haa'a.
\p
\v 19 Manke I'sayke qiyghanan:
\p – Yiğna Dek nyaane vor?
\p I'see alidghıniy qele:
\p – Şok'le Zınar, Yizda Dekkır ats'a deş. Şok'le Zı ats'a ıxhanaxhiy, Yizda Dekkır ats'axhxhesdaniy.
\p
\v 20 I'see manva nezirna q'utyenane cigee Allahne Xaasne xət qa'amee eyhe. Mang'una gah qabı hidipxhırva, şavaacarır Mana aqaqqa deş.
\s I'sa ooğançe qarı
\p
\v 21 Qiyğa meed I'see manbışik'le eyhen:
\p – Zı əlyhəəna, şu Zı t'abal ha'asda. Şu vuşdecab bınahee hapt'as. Şosse Zı əlyhəəsde cigeeqa qavaales vəəxəs deş.
\p
\v 22 Manke Yahudeeşine ç'ak'ınbışe eyhen:
\p – Nya'a Vuc əlyhəəsde cigeeqa şasse qavaales vəəxəs deşva eyhe? Mang'us Vucecar Vucne gik'as ıkkan?
\p
\v 23 I'see manbışik'le eyhen:
\p – Şu avğançe vob, Zı ooğançe, şu ine dyunyeençe vob, Zı ine dyunyeençe deş vor. 
\v 24 Zı mançil-allad şok'le «Şu vuşde bınahbışee hapt'asınbıva» uvhu. Şu, Zı Yizde hək'ee eyhençilqa inyam hide'eene, şu vuşde bınahbışee hapt'as.
\p
\v 25 Manbışe I'sayke «Ğu vuşuneva?» qiyghan.
\p I'see manbışik'le eyhen:
\p – Zı şok'le q'omançecad uvhuyn Zı Vuşuyiyva. 
\v 26 Vuşde hək'ee eyhesınıd, şu muhaakima haa'asınıd geed kar ixheeyid, Zı man ha'as deş. Zı G'axuvuna qorkuna vor. Zınad Mang'uke g'ayxhin dyunyeyk'le eyhe.
\p
\v 27 I'see manbışik'le Mang'une Dekkıne hək'ee eyhen manbışilqa hiyxhar deş. 
\v 28 Manke I'see manbışik'le eyhen:
\p – İnsanna Dix\f + \fr 8:28 \fr*\fq İnsanna Dix: \fq*\ft I'see geedne nəqqee Cuk'le İnsanna Dixva uvhu. Məxür Daniyal peyğambaree qalesde Paççah Masihık'le eyhe. Mana Paççah gırgıne milletbışda xərna ixhes.\ft*\f* şu ooqa qa'amee, şok'le Zı vuşuy ıxhay ats'axhxhes. Zı Zaled-alqad vuççud ha'a deş. Dekke Zas nəxüdiy xət qı'ı, Zı man eyhe. 
\v 29 Zı G'axuvuna Zaka vor. Zı gırgıne gahbışil Mang'us ıkkanan ha'ava, Mang'vee Zı Zaler-alqa g'alerçu deş.
\p
\v 30 I'see man cuvab uvhuyle qiyğa, geebbışe Mang'ulqa inyam ha'a.
\s Hək'ençin insanar g'attivxhanaa'as
\p
\v 31 Mane gahıl I'see Culqa inyam hı'iyne Yahudeeşik'le eyhen:
\p – Şu Yizde cuvabıka gyuv'ur oza qeepxheene, şu hək'ebab Yizın telebabı vob. 
\v 32 Manke şok'le hək'enbı ats'a ixhes, mane hək'ençinıb şu g'attivxhanaa'as.
\p
\v 33 Yahudeeşe I'says alidghıniy qele:
\p – Şi İbrıhımne nasıleençe vob, mısacabıb neng'uscab nukariyvalla hav'u deş. Ğu nya'a «Şu g'attivxhanaa'asva» eyhe?
\p
\v 34 I'see manbışik'le eyhen:
\p – Zı şok'le hək'en eyhe, neng'veeyiy bınah hav'u, bınahnar nukar vorna. 
\v 35 Nukar xizanee gırgıne gahbışil deş axva, dixme gırgıne gahbışil axva. 
\v 36 Mançil-allab Dixee şu g'attivxhan hav'ee, şu hək'ebab g'attivxhanasınbı. 
\v 37 Zak'le şu İbrıhımne nasıleençeva ats'a. Şu Yizın cuvab k'ane qidya'ava, şos Zı gik'as ıkkan. 
\v 38 Zı Dekkıne k'ane g'acuyn şok'le eyhe, şumee vuşde dekkıke g'ayxhiyn ha'a.
\p
\v 39 Manbışe I'sayne cuvabıs «Yişda dek İbrıhımva» eyhe. I'see manbışik'le eyhen:
\p – İbrıhımin uşaxar vuxhaynbıxhiy, İbrıhımee ha'anniy ha'as. 
\v 40 Şosme həşde Zı, Allahıke g'ayxhiyn hək'enbı yuşan ha'ana İnsan, gik'as ıkkan. İbrıhımee məxüd hı'ı deşdiy. 
\v 41 Şumee, vuşde dekkee ha'an ha'a.
\p Manbışee Mang'uk'le eyhen:
\p – Şi zinayke vuxhaynbı deş vob, şaqa sa dek vor. Manar Allah vor.
\p
\v 42 I'see manbışik'le eyhen:
\p – Allah vuşda dek ıxhaynxiy, şos Zı ıkkiykanasdaniy, Zı Allahısse qarına vorva. Zı Zaler-alqa deş qarı, Mang'vee g'axuvu, Zı qarı. 
\v 43 Şos Zı eyhençil k'ırı alixhxhes dəxəva, Zı eyhen şolqa hidiyxhar. 
\v 44 Şu vuşde dekkıkenbı – iblisıkenbı vob, şos vuşde dekkee eyhen ha'as ıkkan. Mang'uqa hək'en kar deşva, mana q'omançecar insan gek'ana ıxha, hək'ençilir mana ulyorzul deş. Mang'vee horbı ha'amee, cuk avaak'an ha'a. Mana horalay vor, gırgın horbıd mang'ukenbı vod. 
\v 45 Zı şok'le hək'enbı eyhençil-alla, şu Zal inyam ha'a deş. 
\v 46 Vuşde neng'usse aq'val aqqas əxəyee, Zı bınah hav'uva? Zı hək'enbı eyhexhee, nya'a şu Zal inyam hidya'a? 
\v 47 Allahne insanee, Allahee eyhençil k'ırıxhe iliyxhen. Allahın insanar devxhal-alla, şume Zal k'ırı iliyxhe deş.
\s I'sayiy İbrıhım
\p
\v 48 Yahudeeşe I'says inəxdın alidghıniy qele:
\p – Ğu Samariyeğançena\f + \fr 8:48 \fr*\fq Samariyeğançena: \fq*\ft cühüt'yuk'le mane gahıl Samariyeğançenava uvhiy, hokiyk akaran karniy vod.\ft*\f* vor, Yiğne adıd cinıd. Nya'a şi qotkuyn dişee eyhe?
\p
\v 49 I'see alidghıniy qele:
\p – Yizde ad cin deşin, Zı Yizde Dekkıs hı'rmat haa'a, şume Zı k'apik'ıle avqa qa'a. 
\v 50 Zıcar Zı axtı qa'a deş, Zı axtı qa'ana Sa vor. Mang'veeyib muhaakima haa'a. 
\v 51 Zı şok'le hək'en eyhe, şavaayiy Zı uvhuyn hı'ı, mısacar qik'as deş.
\p
\v 52 Yahudeeşe Mang'uk'le eyhen:
\p – Şak'le həşde ats'axhxhayn, Yiğne ad cinıd. İbrıhımır qik'una, mansa peyğambararıb. Ğumee «Şavaayiy Zı uvhuyn ha'a, mısacar qik'as deşva» eyhe. 
\v 53 Deşxhee, Ğu yişda dek eyxhena İbrıhımıler xərnane vor? Manar qik'una, mansa peyğambararıb. Ğucar Vasqa vuşu xhinneyiy qöö?
\p
\v 54 I'see alidghıniy qele:
\p – Zıcar Zı axtı qa'anxhiy, Yizda axtıvalla vuççud deşin karniy ixhes. Zı axtı qa'ana Dek vor. Şu Mang'une hək'ee «yişda Allahvad» uvheene, 
\v 55 şok'le Mana ats'a deş. Zak'leme Mana ats'ana. Zak'le Mana dyats'ava uvhuynxhiy, şunaxhineena Zınar horalayniy ixhes. Zak'le Mana ats'anar, Zı Mang'vee eyhenıd ha'an. 
\v 56 Vuşda dek eyxhene İbrıhımık'le Yizın yiğ g'acesva uvhumee, mana şadxhana. Mang'uk'le man yiğıd g'acuyn, şadxhanar.
\p
\v 57 Mançil-allad Yahudeeşe Mang'uk'le eyhen:
\p – Vaqa xhots'al (50) sen deşin, nəxürne vak'le İbrıhım g'acu?
\p
\v 58 I'see manbışik'le eyhen:
\p – Zı şok'le hək'en eyhe, İbrıhım yedike ixhessecar ögiyl, «Zı Vorna»\f + \fr 8:58 \fr*\fq «Zı Vorna»: \fq*\ft I'see inyaa Cune hək'ee muq'addasne Allahne doyuka eyhe. Man muq'addasın do Allahee Mısa peyğambarıs gyotxhanne ğı'ç'iyne k'ane ağmiş hı'ı. İnsanaaşisqa məxüd qayle Mang'vee kufurniyxhan hı'ı. Mançil-allar manbışis Mana gik'as ıkkiykan.\ft*\f*.
\p
\v 59 Mane gahıl I'sa g'ayeqqa helesva manbışe ç'iyele g'ayebı alyaat'a. I'samee dyugulenra Allahne Xaasse ayk'anna.
\c 9
\s I'see bı'rq'ı'na yug qa'a
\p
\v 1 I'sa yəqqı'le k'ena əlyhəəmee, bı'rq'ı'ra yedike ıxhana insan qızaxxa. 
\v 2 Telebabışe Mang'uke qiyghanan:
\p – Mə'əllim, şavaane bınah hav'u, insan bı'rq'ı'ra yedike ıxha, vuceene, deşxhee dekkeeyiy yedeene?
\p
\v 3 I'see alidghıniy qele:
\p – Man, mang'uneyiy mang'une dekkıneyiy yedine bınahıl-alla deş məxüd ıxha. Allahın işbı mang'une ı'mree g'acecenva məxüd ıxha. 
\v 4 Yiğne yiğın şi, Zı G'axuvuyng'un işbı ha'as ıkkan. Xəm qooxhe, manke şavussecad vuççud ha'as əxə deş. 
\v 5 Zı dyunyel ıxhaylette, Zı dyunyeyn Nur vodun.
\p
\v 6 Manva uvhuyle qiyğa, I'see ç'iyelqa tyu g'a'adaççe, tyuyuke battağ hı'ı, bı'rq'ı'ne insanne ulelqa qadağva. 
\v 7 Qiyğa mang'uk'le eyhen:
\p – Hark'ın, Şiloah eyhene hovuzee əyxre.
\p (Şiloah «g'axuvuna» eyhen vodun.) Bı'rq'ı'nar hark'ın əyxərna. Ules işix qadı, mana yı'q'əlqa siyk'al. 
\v 8 Delesınbışeyiy, mana kar sa'ana xhinne ats'anbışe eyhen:
\p – Mana şenke gyu'ur kar sa'ana dişee?
\p
\v 9 Sabaranbışe «Mana vor», mansanbışe «De'eş, mang'uk akarırva» eyhe. Vuceeme «Zı vornava» eyhe.
\p
\v 10 Manbışee qiyghan:
\p – Nəxüdne yiğne ules işix qadı?
\p
\v 11 Mang'vee eyhen:
\p – I'sava eyhene sang'vee battağ hı'ı, yizde ulelqa qadğu, qiyğar zak'le «Şiloah eyhene hovuzeeqa hak'ne, əyxreva» uvhu. Zınar hark'ın əyxı'rna, ulesıd işix qadı.
\p
\v 12 Manke manbışe «I'sa nyaane vorva?» qiyghan. Mang'veeme «Ats'a deşva» eyhe.
\s Fariseyaaşe yug qıxhayg'us qidghınbı ha'a
\p
\v 13 İnsanaaşe uleppı yug qıxhana fariseyaaşine\f + \fr 9:13 \fr*\fq fariseyar: \fq*\ft Manbı I'sayne gahılin dindarar vuxha. Manbışik'le Allahna Q'aanun yugba vaats'a vuxhal-alla, manbı milletın ç'ak'ınbı vuxha.\ft*\f* k'anyaqa arayle. 
\v 14 I'see battağ hı'ı ulelqa qadğuyn yiğ Şabbatın yiğ\f + \fr 9:14 \fr*\fq Şabbatın yiğ: \fq*\ft Cühüt'yaaşine ülycümün yighıd'esın yiğ eyxhe. Q'aanunee man Muq'addasın yiğ Allahıs cura'as ıkkanvaniy otk'un. Mane yiğıl nenacab iş haa'as vukkan deşvaniy otk'un. I'sayne gahılyne fariseyaaşe mane yiğıl ha'as dexhesde işbışin ispisok'niy aqqı. Manbı ilyaaka vuxha, gırgınbışe co eyhenbı he'ecenva.\ft*\f* ıxha. 
\v 15 Fariseyaaşe mane insanıke nəxüdiy ules işix qadıva meed qiyghan. Mane insaneeyid manbışik'le eyhen:
\p – Mang'vee yizde ulelqa battağ qadğu, qiyğa zı əyxı'r ules işix qadı.
\p
\v 16 Manke fariseyaaşine sabarabışe eyhen:
\p – İna Allahıke deşur qarı, Şabbatne yiğıl hidya'asınbı vod ha'a.
\p Mebınbışe eyhen:
\p – Bınahnang'usse məxdın əlaamatbı nəxüd hagvas əxəyee?
\p Manbı məxüb cuvabılqa abayle.
\p
\v 17 Manke manbışe meed yug qıxhayng'uke qiyghanan:
\p – Vasse Mang'une hək'ee hucoo eyhes əxəyee? Mang'vee dişde yiğın uleppı qı'ı.
\p Mang'vee alidghıniy qele:
\p – Mana peyğambar vor.
\p
\v 18 Yahudeeşin ç'ak'ınbı mana bı'rq'ı'ra ıxha qiyğa uleppı qeetxhalqa hayeebaxhe deş. Mançil-alla manbışe mang'un dekkiy-yed qoot'al. 
\v 19 Mang'une dekkıkeyiy-yedike qiyghanan:
\p – Şos bı'rq'ı'ra ıxhana dix inane vor? Nəxüdne mang'uk'le həşde g'ece?
\p
\v 20 Dekkeeyiy-yedee eyhen:
\p – Şak'le ats'an mana yişda dix vor, vucur bı'rq'ı'ra yedike ıxha. 
\v 21 Həşde nəxüdme mang'uk'le g'ece, şavaame mang'un uleppı qı'ı, şak'le ats'a deş, cuke qiyghne. Mana həşde xər qıxha, cul-allan cuvab cusse qeles əxəsın.
\p
\v 22 Mang'une dekkeeyiy yedee Yahudeeşine ç'ak'ınbışile qəvəyq'ənva məxüd uvhu. Yahudeeşine ç'ak'ınbışe I'sa Masihva\f + \fr 9:22 \fr*\fq Masih: \fq*\ft man cuvab «q'ış qadğuna» eyhen vodun. Avaala İzrailil məxdın ədat ıxha, kaahinaaşine, paççahaaşineyiy peyğambaraaşine vuk'lelqa q'ış qadağva ıxha. Man q'öd'esın I'sayn do Allahee Mana g'əyxı'nava eyhen vod. İzrailybışik'le peyğambaraaşe uvhuynbı ats'a ıxhal-alla, manbışe Masih qarı cun millet duşmanaaşike g'attixhan hı'ı, dyunyeys xəbvalla hav'uy gozet ha'a ıxha.\ft*\f* gardanaqa alyaat'uyn gırgınbı sinagogeençe\f + \fr 9:22 \fr*\fq sinagoga: \fq*\ft Cühüt'yaaşe ı'bəədat ha'an ciga.\ft*\f* g'e'epşesınbıva q'arar huvu vuxha. 
\v 23 Mançil-allad mane insanne dekkeeyiy yedee «Mana xər qıxha, cuke qiyghneva» eyhe.
\p
\v 24 Fariseyaaşe uleppı qıxhana insan q'ör'es qort'ul, eyhen:
\p – Qotkuyn eyhesva Allahılqa k'ın g'aysre. Şak'le Mang'uqa bınah vuxhay ats'an.
\p
\v 25 Mang'vee alidghıniy qele:
\p – Zak'le Mang'uqa bınah vuxhay-devxhay ats'a deş. Zak'le sa kar ats'a: zı şenke bı'rq'ı'raniy vor, həşdeme zak'le g'ecen.
\p
\v 26 Fariseyaaşe meed mang'uke qiyghanan:
\p – Mang'vee vak hucoona hı'ı? Uleppı nəxüdne qı'ı?
\p
\v 27 Mang'vee alidghıniy qele:
\p – Həşde xhinne dişde şok'le uvhu, şume k'ırı alixhxhı deş. Nya'a şos mançil q'öd'es k'ırı alixhxhes ıkkan? Şosubne deşxhene Mang'un telebabı vuxhes vukkan?
\p
\v 28 Mang'uqa hokiybı hı'ı, eyhen:
\p – Mang'una teleba ğu vorna, şi Mısayn telebabı vobınbı. 
\v 29 Şak'le Allah Mısayka yuşan hı'ı ıxhay ats'an, İname nençe qariy ats'a deş.
\p
\v 30 Mane insanee manbışik'le eyhen:
\p – Ghalybı aaqı ilyaakasın karıd, şok'le Mana nençe ıxhay ats'a deş, Mang'veeme yizın uleppı qı'iynbı. 
\v 31 Şak'le ats'an Allahee bınahnanbışil k'ırı iliyxhe deş. Mang'vee Cus ı'bəədat ha'ang'uliy Cus ıkkanan ha'ang'ul k'ırı iliyxhe. 
\v 32 Yedike bı'rq'ı'ra ıxhayng'un şavaame uleppı qı'ıva, şak'le mısacad g'ayxhiyn deş. 
\v 33 Mana Allahıke qarı dexhaynxhiy, Mang'usse vuççud ha'as əxəs deşdiy.
\p
\v 34 Manbışe mane insanıs alidghıniy qele:
\p – Q'omançe-k'anyaqqamee bınahbışin gyatsts'ı ğu yedike ıxha. Həşde ğune şas xət qa'a?
\p Manıd uvhu, mana mançe g'e'eşşena.
\s Fariseyaaşina bı'rq'ı'valla
\p
\v 35 Mana insan g'aqa g'e'eşşuynçina ats'axhxha, I'see mana t'abal hı'ı eyhen:
\p – Ğu İnsanne Dixelqa inyam ha'anne?
\p
\v 36 Mang'vee qiyghanan:
\p – Xərna, Mana vuşune vor, Mang'ulqa inyam ha'as?
\p
\v 37 I'see mang'uk'le eyhen:
\p – Həşde vak'le g'ecena, vaka yuşan ha'ana Mana vor.
\p
\v 38 Mang'veeyid «Yizda Xərna, inyam ha'anva» uvhu, I'sayne ögiyl k'yoyzarna.
\p
\v 39 I'see eyhen:
\p – Muhaakima ha'asva Zı ine dyunyelqa qarı, hasre g'ıdecenbışik'le g'acecen, g'ecenbıb bı'rq' qeepxhecen.
\p
\v 40 Mang'une k'ane ulyobzurne fariseyaaşik'le Mang'vee eyhenbı g'ayxhı, Mang'uke qiyghanan:
\p – Deşxheene, şinabne bı'rq'ı'ba?
\p
\v 41 I'see manbışik'le eyhen:
\p – Bı'rq'ı'ba vuxhaynxhiy, şoqa bınahıb vuxhes deşdiy. Şu «G'eceva» eyheva, vuşda bınah şolycab aaxva.
\c 10
\s Yugna Çoban
\p
\v 1 I'see meed eyhen:
\p – Zı şok'le hək'en eyhe, vəq'əbışde ağleeqa akkayle deş, menne cigeençe ikkeç'una sixnariyiy g'uldur vorna. 
\v 2 Akkayle ikkeç'uname vəq'əbışda çoban vor. 
\v 3 G'aravulyçee mang'us akka aaqa, vəq'əbışik'le mang'un ses g'iyxhe. Mang'vee cun vəq'əbı dobışka qott'ul g'aqa qığa'a. 
\v 4 Mang'vee cun vəq'əbı gırgınbı g'aqa qığı'iyle qiyğa, mançine ögiyl ayk'an. Vəq'əbıd mang'un ses ats'ava mang'uqad qihna qayle. 
\v 5 Manbı mısacad qıdyvats'ane insanın ses dyats'ançil-alla, mang'uqa qihna əlyhəəs deş, mang'uke heedxvasınbı.
\p
\v 6 I'see manbışis mana misaala qavalyaa'a, Mang'vee hucoovayiy eyhe manbışilqa hiyxhar deş.
\p
\v 7 I'see meed manbışik'le eyhen:
\p – Zı şok'le hək'en eyhe, vəq'əbışin akka Zı vorna. 
\v 8 Zale ögiyl qabıynbışin gırgınbı sixnareriy g'uldurar vuxha, vəq'əbışe manbışil k'ırı alixhxhı deş. 
\v 9 Akka Zı vorna, Zale k'ena ikkeç'una g'attixhanasda. Mang'usse ikkeç'esır, qığeç'esır əxəsda, cusun uxhiyxhanasın cigad aveykesın. 
\v 10 Sixnariy saccu qöqəsiy gyapt'asva, haq'var-hiyxvər ha'as arayle. Zıme qarına ı'mı'r hevles, gyavts'u güvxhuna ı'mı'r.
\p
\v 11 Yugna çoban Zı vorna. Yugne çobanee vəq'əbışil-alla cun can q'urbanna hele. 
\v 12 Pılıke aqqıyne çobanınbı deş eyxhe vəq'əbı. Mang'uk'le vəq'əbışilqa umul abı g'avcumee, mana vəq'əbı g'ali'ı hexvana. Manke umulyun manbı aqqı ot'al-oxal ha'a. 
\v 13 Pılıke aqqına çoban hexvana, pılıke aqqı ıxhayke, mang'vee vəq'əbışda haa'a deş.
\p
\v 14-15 Yugna çoban Zı vorna. Nəxüriy Dekkık'le Zı ats'a, Zak'ler Dek ats'a, Zak'le həməxübıb yizınbı vaats'a, yizınbışik'ler Zı ats'a. Zı vəq'əbışil-alla Yizın can q'urbanna hele. 
\v 16 Zaqa menne ağıleençenıd vəq'əbı vodınbı. Zas manbıd qales ıkkan. Mançik'led Yizın ses g'ayxhes. Manke sa syuriyiy sa Çoban ixhes. 
\v 17 Zı Yizın can q'urbanna hele, qiyğa yı'q'əlqa alyaat'asva. Mançil-allar Dekkis Zı ıkkanna. 
\v 18 Şavaacad Yizın can ileşşe deş, man Zıcad hele. Man helesıd, yı'q'əlqa alyat'asıd Zasse əxən. Zak'le məxüd he'eva Yizde Dekkee uvhu.
\p
\v 19 Yahuder mane gafıl-alla cuvabılqa abayle. 
\v 20 Manbışde gellesıng'vee eyhen:
\p – Mang'une ad cinıd, Mana bəç'ərır. Nya'a Mang'ul k'ırı iliyxhe?
\p
\v 21 Mebınbışeme eyhen:
\p – Cinaaşe aqqıyne insanee məxüd eyhes deşdiy. Nya'a cinısse bı'rq'ı'ne insanın uleppı qa'as əxəyee?
\s Yahudeeşine ç'ak'ınbışin I'sayka uğoodiy
\p
\v 22 Q'ı'dim ıxha. Mane gahıl İyerusalimee Allahın Xav Ts'ed Qı'ı bayram\f + \fr 10:22 \fr*\fq Allahın Xav Ts'ed Qı'ı bayram: \fq*\ft man bayram alğayhe gibğılıynbı 165-de senıle yişde eerayle ögiyl. Mane sen Allahın Xav mətta'a, ts'ed qa'a. Mançile ögiyl Allahın Xav duşmanaaşine g'oşunen aqqaqqa. Mane Allahne Xaa byutbışis ı'bəədat ha'a ıxha.\ft*\f* alğayhe ıxha. 
\v 23 I'sa Allahne Xaane məhlee, paççah Sıleymanne doyulyne dirakbışil ooab daxanane cigee iykar ıxha. 
\v 24 Yahudeeşin ç'ak'ınbı I'sayne hiqiy-alla sabı, Mang'uk'le eyhen:
\p – Mısılqameene Ğu yişin sabır siliys ı'xəs? Ğu Masihee, şak'le dyugul hidi'ı, eyhe.
\p
\v 25 I'see manbışis alidghıniy qele:
\p – Zı şok'le uvhuyn, şume mançilqa hayeebaxhe deş. Zı, Dekkıne doyule ha'anecad işbışe Zı vuşu ıxhay eyhen. 
\v 26 Şume mançilqa hayeebaxhe deş, Yizde vəq'əbışinbı devxhal-alla. 
\v 27 Yizde vəq'əbışik'le Yizın ses g'iyxhen, Zak'led manbı ats'anbı, manbıd Zaqad qihna qöö. 
\v 28 Zı mançis gırgıne gahbışisda ı'mı'r hoole. Manbı mısacad hat'as deş, şavaacadıd manbı Yizde xılençe g'ayşes deş. 
\v 29 Manbı Zas huvuna Dek gırgıng'ule xərna vor. Manbı şavussecad Dekkıne xılençe g'ayşes əxəs deş. 
\v 30 Zınayiy Dek sa vobınbı.
\p
\v 31 Yahudeeşine ç'ak'ınbışe meed I'sa g'ayeqqa helesva ç'iyele g'ayebı alyaat'a. 
\v 32 I'see manbışik'le eyhen:
\p – Dekkıke qadıyn geed yugun işbı Zı şok'le hagu. Şos mançine nençil-allane Zı g'ayeqqa heles ıkkan?
\p
\v 33 Yahudeeşine ç'ak'ınbışe Mang'us alidghıniy qele:
\p – Ğu yugne işil-alla deş şas g'ayeqqa heles ıkkan. Ğu insan ixheeyir, Ğucar Vake Allah ha'a, məxüd Ğu kufur ha'a. Mançil-allar şas Ğu g'ayeqqa heles ıkkan.
\p
\v 34 I'see manbışik'le eyhen:
\p – Nya'a vuşde Q'aanune otk'un dişde, «\it Zı uvhuyn: „Şu allaharıb“\it*»\f + \fr 10:34 \fr*\ft Man Zaburee otk'un vod (81:6).\ft*\f*? 
\v 35 Allahee Cun cuvab g'axuvuyne insanaaşik'le «\qt allaharıbva\qt*» eyhe. Muq'addasne Otk'unee otk'unin hakkalas deş. 
\v 36 Şu nişil-allane «Zı Allahna Dixva» uvhuva Zak'le «kufur ha'ava» eyhe? Yizde Dekkee Zı g'əyxı', dyunyelqa G'axuvu. 
\v 37 Zı, Yizde Dekkee ha'an hidya'axheene, Zalqa haymeebaxhe. 
\v 38 Zı, Yizde Dekkee ha'an ha'axheene, Zı eyhençil haydebaxheene, Zı ha'ançil hayeepxhe. Manke şok'lecad yugda ats'axhxhesınniy Dek Yizde, Zınar Dekkıne ar ıxhay.
\p
\v 39 Manbışis meer I'sa aqqas ıkkiykan, I'same manbışde xılençe iygvalyna. 
\v 40 Qiyğa I'sa İordanne şene suralqa, Yəhyee ögiyl gicəpxı'ybı alyaat'a'ane cigeeqa ark'ın, maa'ar axva. 
\v 41 Mang'une k'anyaqa geeb insanar abı eyhen:
\p – Yəhyee sacad əlaamat hidyagveened, mang'vee İng'une hək'ee uvhuyn gırgın qotkuda qığeç'u.
\p
\v 42 Geeb insanaaşe maa'ad I'salqa inyam ha'a.
\c 11
\s I'see qik'una Lazar üç'ür qa'a
\p
\v 1 Lazar donana sa insan ık'iyk'arna. Mana, Mayramiy cena yiçu Marta yeexhene Bet-Anya eyhene xiveençe ıxha. 
\v 2 Yişde Xərıng'ulqa yugun evanan q'ış qadğu, Mang'un g'elybı ç'ərbışika qeqqu'una, mana Mayram yic yixha. Məng'ı'na çoc Lazar ık'ar ıxha. 
\v 3 Mançil-alla q'öne yiçvee «Xərna, Vas ıkkanna insan ık'ar vorva» I'salqa xabar g'uxoole.
\p
\v 4 I'sayk'le man g'ayxhı, eyhen:
\p – Mane ık'arın hapt'ıy deş heles. Allahna axtıvallayiy Allahne Dixena axtıvalla mane ık'aarıle ğana geeb qaa'as.
\p
\v 5 I'says Martar, cena yiçur Mayramır, Lazarır geeb vukkan vuxha. 
\v 6 Lazar ık'arva g'ayxhımee, Mana maqa hayk'an deş. I'sa Vuc arıyne cigee q'ölle yiğnar axvana. 
\v 7 Qiyğa Mang'vee Cune telebabışik'le eyhen:
\p – Meeb yı'q'əlqa Yahudeyayeeqa əlyhəəs.
\p
\v 8 Telebabışe Mang'uk'le eyhen:
\p – Mə'əllim, şaane Yahudeeşin ç'akı'nbışis Ğu sık'ırra ögiyl g'ayeqqa helesiy ıkkan. Vas maqa sak'alasne ıkkan?
\p
\v 9 I'see alidghıniy qele:
\p – Yiğ yits'ıq'vəble (12) sə'ətna dişde eyxhe? Yiğniyiğın iykarna qaçayxar deş, mang'uk'le ine dyunyeyn işix g'ece. 
\v 10 Xəmde iykarname, miç'axdava qaçayxarna.
\p
\v 11 Man uvhu ç'əvxhayle qiyğa, I'see manbışik'le eyhen:
\p – Yişda hambaz Lazar nik'ee vor ark'ın. Zı mana oza qa'as ı'qqə.
\p
\v 12 Manke telebabışe Mang'uk'le eyhen:
\p – Xərna, mana nik'eexheene, yug qixhesda.
\p
\v 13 I'see mana qik'u ıxhay uvheeyid, manbışisqa həməxüd qayle, mana nik'eeqa ark'ınvaniyxan uvhu. 
\v 14 I'see manbışike vuççud dyugul hidi'ı eyhen:
\p – Lazar qik'una. 
\v 15 Vuşdemeeyiy, şu inyam hı'iynemee, Zı şadra vor, maa dexhava. Qudora, mang'usqa vüqqəs.
\p
\v 16 Q'ömkale donane Tomasee mansa telebabışik'le eyhen:
\p – Vüqqəs, şinab yişde Mə'əlimıka hapt'as.
\p
\v 17 Maqa arımee, I'sayk'le Lazar nyuq'vneerın yoq'ulle yiğva ats'axhxhe. 
\v 18 (Bet-Anya İyerusalimıs k'ane vuxha. Mane şaharbışde yı'q'nee xhebne kilometırılqa ələəna yəq vuxha.) 
\v 19 Geeb Yahuder Martaysiy Mayramıs çoc qik'uva baş-sağlığıyvalla hevles abayle. 
\v 20 Martayk'le I'sa arıva g'ayxhımee, Mang'une ögiylqa qığeeç'e. Mayramme xaa eexva.
\p
\v 21 Martee I'sayk'le eyhen:
\p – Xərna, Ğu inyaa ıxhanaxhiy, yizda çoc qik'as deşdiy. 
\v 22 Zak'le həşded ats'an, Ğu Allahıke hucoo heqqiy, Mang'vee Vas helesın.
\p
\v 23 I'see məng'ı'k'le eyhen:
\p – Yiğna çoc üç'ür qixhesda.
\p
\v 24 Martee Mang'uk'le eyhen:
\p – Zak'le ats'an, üç'üb qeebaxhene gahıl, nekke qiyğiyne yiğıl manar üç'ür qixhesda.
\p
\v 25 I'see məng'ı'k'le eyhen:
\p – Üç'üb qeepxhayiy I'mı'r Zı vorna. Zalqa inyam hı'ına qik'veeyir, üç'ür qixhesda. 
\v 26 Gırgın üç'übınbı, Zalqa inyam ha'anbı mısacab hapt'as deş. Ğu mançilqa inyam ha'anne?
\p
\v 27 Martee Mang'us alidghıniy qele:
\p – Ho'o, Xərna, zı inyam ha'an, dyunyelqa qalesda Allahna Dix, Masih\f + \fr 11:27 \fr*\fq Masih: \fq*\ft man cuvab «q'ış qadğuna» eyhen vodun. Avaala İzrailil məxdın ədat ıxha, kaahinaaşine, paççahaaşineyiy peyğambaraaşine vuk'lelqa q'ış qadağva ıxha. Man q'öd'esın I'sayn do Allahee Mana g'əyxı'nava eyhen vod. İzrailybışik'le peyğambaraaşe uvhuynbı ats'a ıxhal-alla, manbışe Masih qarı cun millet duşmanaaşike g'attixhan hı'ı, dyunyeys xəbvalla hav'uy gozet ha'a ıxha.\ft*\f* Ğu vorna.
\p
\v 28 Martee manva uvhuyle qiyğa, ark'ın dyugulenra yiçu Mayram qort'ul, eyhen:
\p – Mə'əllim inyaa vor, ğu vor qeet'al.
\p
\v 29 Mayramık'le man g'ayxhımee, zaara oza qiyxha, I'sayne k'anyaqa qiyeele. 
\v 30 I'sa xiveeqa ikkideç'u, Marta Cune ögiylqa arıyne cigee axva. 
\v 31 Mayramıka sacıgeene xaane məng'ı's baş-sağlığıyvalla hoolene Yahudeeşik'le mana zaara g'aqa qı'ğəə g'aycumee, manbışik'le məxüd ats'axhxhe mana geeşesva nyuq'vnesqa yı'qqə yixhes. Mançil-allab manbı məng'ı'qab qihna avayk'an.
\p
\v 32 Mayram I'sanane cigeeqa qarı, Mana g'acu, g'elybışeeqa qık'york'ul, eyhen:
\p – Xərna, Ğu inyaa ıxhanaxhiy, yizda çoc qik'as deşdiy.
\p
\v 33 I'sayk'le manayiy məng'ı'ka abıyn Yahuder gyaaşe g'avcumee, Mang'vee it'umda aq'va qa'a. 
\v 34 I'see manbışike qiyghanan:
\p – Qik'una nyaqane gixhxhı?
\p Manbışe eyhen:
\p – Xərna, qora ilekke.
\p
\v 35 I'sa geşşena. 
\v 36 Manke Yahudeeşe eyhen:
\p – İlyaakende, Mang'us mana nimeeyiy ıkkan ıxha!
\p
\v 37 Manbışde sassang'vee eyhen:
\p – Mang'vee bı'rq'ı'ng'un uleppı qı'ı. Nya'a, Mang'usse mana insan qidek'asın kar ha'as dəxəyee?
\p
\v 38 Mane gahıl I'see meed aq'va qı'ı, nyuq'vnene k'anyaqa ayk'an. Lazarna nyaq'v mağaree vuxha. Mançine ghaleeqab g'aye gyuvxhu vuxha. 
\v 39 I'see eyhen:
\p – G'aye g'avşe.
\p Qik'uyng'une yiçvee Martee Mang'uk'le eyhen:
\p – Xərna, eva ıxha ixhes, mana qik'uyn yoq'ulle yiğ vod.
\p
\v 40 I'see eyhen:
\p – Nya'a Zı vak'le uvhu dişde, inyam he'ee, Allahna axtıvalla g'avcesda?
\p
\v 41 Məxüb g'aye g'ooşena. I'sa xəəqə ilyaakı, eyhen:
\p – Dek, Zı uvhuyn Vak'le g'ayxhıva, Zı Vas şukur haa'a. 
\v 42 Zak'le ats'an, Vak'le gırgıne gahbışilycad Zı uvhuyn g'iyxhen. Zı man uvhuyn, Yizde hiqiy-allane milletın Ğu Zı g'axuvuva inyam he'ecenva.
\p
\v 43 Manıd uvhu, I'see axtıda eyhen:
\p – Lazar, g'aqa qığeç'e!
\p
\v 44 Qik'unar g'aqa qığeç'ena. Mang'une g'elybışil xıleppışil kafan alipk'ır, aq'vad desmalee hitk'ır eyxhe.
\p I'see manbışik'le eyhen:
\p – Mang'un g'elybı-xıleppı eeqe, hooracen.
\s Yahudeeşde ç'ak'ınbışis I'sa gik'as ıkkiykan
\p
\v 45 Mayramne k'anyaqa abıyne, I'see ha'an g'acuyne Yahudeeşine geebınbışe Mang'ulqa inyam ha'a. 
\v 46 Manbışin sabarabı fariseyaaşisqa\f + \fr 11:46 \fr*\fq fariseyar: \fq*\ft Manbı I'sayne gahılin dindarar vuxha. Manbışik'le Allahna Q'aanun yugba vaats'a vuxhal-alla, manbı milletın ç'ak'ınbı vuxha.\ft*\f* hapk'ın, I'see hı'iyn manbışis yuşan ha'a.
\p
\v 47 Manke kaahinaaşin ç'ak'ınbışeyiy fariseyaaşe Aali Şuura\f + \fr 11:47 \fr*\fq Aali Şuura: \fq*\ft mane gahıl cühüt'yaaşine Ali Şuuree yights'al (70) insan ıxha. Manbı kaahinar, Q'aanunun mə'əllimar, fariseyar, qıvaats'ıyn insanar vuxha.\ft*\f* sav'u, eyhen:
\p – Hucoona ha'as? İng'vee geed əlaamat hagva. 
\v 48 Şi Mang'usqa man ha'as hassıree, gırgıng'vee Mang'ulqa inyam ha'as. Roomeençen g'oşunbı adı, Allahne Xaakıniy yişde milletıkın ha'asın.
\p
\v 49 Maane sang'vee, mane seniyne xərne kaahinee Kayafee manbışik'le eyhen:
\p – Şok'le vuççud ats'a deş. 
\v 50 Şolqa hiyxhar dişde? Gırgıne ine milletıkın ixhesse, sa İnsanın ine milletnemee qik'uy, vuşdemee nimeexheeyid yugda eyxhe.
\p
\v 51 Mang'vee man cuvab culed-alqa deş uvhu. Mane seniyna xərna kaahin ıxhayke peyğambariyvalla hav'u eyhen, I'sa ine milletnemee qik'as. 
\v 52 Mana saccu ine milletnemeecar deş, Allahın gırgınəəng'ə ehevkuyn uşaxar sacigeeqa saa'asdemee qik'as.
\p
\v 53 Mane yiğıle manbışe fıkır ooxhan giviyğal I'sa nəxüriy gik'asva. 
\v 54 Mançil-allar I'sa Yahudeeşine yı'q'nee şenbışik'le g'acesın xhinne iykar ıxha deş. Mançer sahrays k'anene cigeeqa, Efrayim eyhene şahareeqa ark'ın, telebabışika maa'ar axva.
\p
\v 55 Yahudeeşin Peesax\f + \fr 11:55 \fr*\fq Peesax: \fq*\ft Allah qıdet'u ılğeç'uva alğayhen bayram. Man bayramnang'a, cühüt'yaaşe co Allahee nəxübiy Mısa peyğambarıleğana Misirğançe g'attivxhan hav'iy yik'el qalya'a. Man bayram nişil-allayiy alğayheva, nəxüdiy alğahas ıkkanva, Mısa peyğambarne q'öd'esde kitabee otk'un (Qığ. 11-12).\ft*\f* bayram k'ane qıxha eyxhe. Gellesın insanar məttepxhesva Peesaxıle ögiyl xivaaşençe İyerusalimeeqa avayk'an. 
\v 56 Manbışe I'sa t'abal ha'a, Allahne Xaasne ulyobzur sana-sang'uk'le eyhen:
\p – Şosqa nəxüdiy qöö? Mana bayrameeqa ayrescar dişdiyxan?
\p
\v 57 Kaahinaaşin ç'ak'ınbışeyiy fariseyaaşe Mana aqqasva «Nyaa ıxhay şavuk'leyiy ats'a, hagvecenva» əmr huvu vuxha.
\c 12
\s Mayramee I'sayne g'elybışilqa gıranın q'ış qadağva
\p
\v 1 Peesaxıle yixhılle yiğna ögiyl I'sa Bet-Anyeeqa, Vuce hapt'ıynbışde yı'q'neençe üç'ür qı'ına Lazar eyxhene cigeeqa qarayle. 
\v 2 Maa'ad I'saynemee otxhuniy hele ıxha. Marteeyid sufranılqa otxhanan haqqa ıxha. Lazarır I'sayka sacigee sufrayne hiqiy-allanbışde yı'q'nee eyxhe. 
\v 3 Mayramee mane gahıl sura litralqa ələən, geed gıranın, yugun evanan q'ış alyaat'u, I'sayne g'elybışilqa k'ya'a. Qiyğa məng'ee cene ç'ərbışika Mang'un g'elybı mətta'a. Xavcad q'ışşıne evayn alyaat'a. 
\v 4 I'sayne telebabışde sang'vee, Mana merıng'une xılyaqa qelesde Kariotğançena Yahudee eyhen:
\p
\v 5 – Nya'a man q'ış xhebıd vəş (300) dinarıs\f + \fr 12:5 \fr*\fq Dinar: \fq*\ft nuk'rayke hı'iyn pıl. Sa dinar sa yiğısde işis hoole vuxha.\ft*\f* massa huvu, kar deşinbışis bit'al hidi'ı?
\p
\v 6 Mang'vee man cuvab kar deşinbışda haa'ava deş eyhe, sixnariy ıxhayke eyhe. Mang'usqa pılnana q'utye quvu vooxhe, mang'veeyid cus ıkkanne karas mançe pıl alyaat'a ıxha.
\p
\v 7 I'see eyhen:
\p – Mana ı'ğiykar himee'e! Məng'ee man q'ış g'iyniyne yiğıs havacı ıxha. Məxür məng'ee Zı k'eyxhas ixhesın xhinnee qı'ı. 
\v 8 Kar deşinbı gırgıne gahbışilycab şoka vuxhes, Zımee gırgıne gahbışil şoka ixhes deş.
\p
\v 9 Gellesde Yahudeeşik'le I'sa maa'ar ıxhay ats'axhxhe. Manbı maqa I'sa g'acesvacar deş, Vucee hapt'ıynbışde yı'q'neençe üç'ür qı'ına Lazar g'aces abı. 
\v 10-11 Lazarır-alla gellesde Yahudeeşe hapk'ın, I'says inyam hı'ı. Mançil-alla kaahinaaşin ç'ak'ınbışis Lazar gik'as ıkkiykan.
\s I'sa İyerusalimeeqa paççah xhinne ikkeç'e
\p
\v 12 Qinne yiğıl bayrameeqa abıyne gellesde insanaaşik'le I'sa İyerusalimeeqa ayresva g'ayxhı. 
\v 13 Manbışe xurmayn bıtağbı alyaat'u ts'irbı ha'a, Mang'une ögiylqa qığeebaç'e. Manbışe eyhen:
\q1 – \qt Hosanna!\qt*\f + \fr 12:13 \fr*\fq Hosanna: \fq*\ft cühüt'yaaşine mizel «Şi g'attivxhan hee'eva» eyhen vodun. Məxür Allah axtı qa'a ıxha.\ft*\f*
\q2 \qt Rəbbine doyuka Qarıyng'us şukur vuxhena!\qt*
\q1 \qt İzrailyne Paççahıs şukur vuxhena!\qt*
\p
\v 14 I'see q'udux t'abal hav'u, çil ilexa. Mane karbışde hək'ee Muq'addasne Otk'unee inəxüd otk'un:
\q1
\v 15 «\qt Sionna yiş,\qt*\f + \fr 12:15 \fr*\fq Sionna yiş: \fq*\ft man İyerusalimva eyhen vodun. Sion İyerusalim alyaav'una tepa vobna.\ft*\f* \qt qimeeqən!\qt*
\q2 \qt İleeke, yiğna Paççah\qt*
\q2 \qt sa q'uduxul alixı vor qöö!\qt*»\f + \fr 12:15 \fr*\ft İnəxüd Zakariy peyğambarne kitabee otk'un (9:9).\ft*\f*
\p
\v 16 Ts'etta telebabışilqa vuççud hiyxhar deş. Allahee I'sa axtı qı'iyle qiyğa, Mang'une vuk'lelqa qadıynbı, telebabışe yik'el qalya'a. Mançine hək'ee ögiylycadniy Muq'addasne Otk'uniybışee otk'un. 
\v 17 I'see Lazar nyuq'vneençe qort'ul hapt'ıynbışde yı'q'neençe üç'ür qı'iyne gahıl, Mang'une hiqiy-alla sadıyne milletın mançina gaf haa'a. 
\v 18 Milletık'le I'see man əlaamat haguva g'ayxhı ıxha, mançil-allad millet Mang'une ögiylqa adayle. 
\v 19 Mançil-alla Fariseyaaşe\f + \fr 12:19 \fr*\fq Fariseyar: \fq*\ft Manbı I'sayne gahılin dindarar vuxha. Manbışik'le Allahna Q'aanun yugba vaats'a vuxhal-alla, manbı milletın ç'ak'ınbı vuxha.\ft*\f* sana-sang'uk'le eyhen:
\p – Vuççud yişde xılençe qöö deş. Gırgınbı Mang'uqab qihna əlyhəə!
\s I'see Vuc qik'asva eyhe
\p
\v 20 Bayramıs İyerusalimqa ı'bəədatısva abıynbışde yı'q'nee Yunanarıb vuxhaynbı. 
\v 21 Manbı Galileyayne Bet-Tsayda şahareençe eyxhene Filipne k'anyaqa hapk'ın, miz k'yaa'a:
\p – Xərna, şak'le I'sa g'aces ıkkan.
\p
\v 22 Filip arı, Andreyk'le eyhen. Andreyir Filipır hapk'ın, mana gaf I'says haa'a. 
\v 23 I'see alidghıniy qele:
\p – İnsanne Dixena axtı qexhena gah qabı. 
\v 24 Zı şok'le hək'en eyhe, sa suk ç'iyelqa g'a'aypxhı qidevk'eene, vuccab aaxva. Mana qivk'veeme, geed şagav hele. 
\v 25 Cuna ı'mı'r vukkanang'vee, mana avaak'an haa'as. İne dyunyel cune ı'mrena hidyaa'ang'veeme, mana gırgıne gahbışis havaces. 
\v 26 Şavusiy Zas g'ullux haa'as vukkan, Zaqar qihna qoracen. Zı nyaa ixhee, Yizda nukarır maa'ar ixhes. Şavaayiy Zas g'ullux hav'u, Yizde Dekkeeyib mang'us hı'rmat haa'as.
\p
\v 27 Həşde Yizın yik' ulyoyk'al vod. Hucoo Zasse eyhes əxəyee? Deşxheene, «Dek, Zı ine gahıke g'attixhan he'evane!» eyhes? Zı ine gahınemeecar qarı. 
\v 28 Dek, Yiğın do axtı qe'e!
\p Manke xəənçe ses qayle:
\p – Yizın do axtı qı'iyn, meedıd axtı qa'asın!
\p
\v 29 Maa'ab ulyobzurne sabaranbışe eyhen:
\p – Xəybı g'əhətqı'.
\p Mansanbışed eyhen:
\p – Mang'uka malaaik yuşan hı'ı.
\p
\v 30 I'see manbışis alidghıniy qele:
\p – Man ses Yizdemee deş, vuşdemee qadı. 
\v 31 İne dyunyeys məhkama alğahasda gah hipxhırna, in dyunye vuk'lek ıkkekkan iblis g'eheşşesda. 
\v 32 Zı ooqa qa'amee, Zı gırgınbı Zalqa ts'ıts'a'as.
\p
\v 33 I'see mane cuvabıka Vuc nəxüriy qik'asva eyhe. 
\v 34 Milletın Mang'us alidghıniy qele:
\p – Şak'le Q'aanune g'ayxhiyn, Masih\f + \fr 12:34 \fr*\fq Masih: \fq*\ft man cuvab «q'ış qadğuna» eyhen vodun. Avaala İzrailil məxdın ədat ıxha, kaahinaaşine, paççahaaşineyiy peyğambaraaşine vuk'lelqa q'ış qadağva ıxha. Man q'öd'esın I'sayn do Allahee Mana g'əyxı'nava eyhen vod. İzrailybışik'le peyğambaraaşe uvhuynbı ats'a ıxhal-alla, manbışe Masih qarı cun millet duşmanaaşike g'attixhan hı'ı, dyunyeys xəbvalla hav'uy gozet ha'a ıxha.\ft*\f* gırgıne gahbışis axvas. Nya'a Ğu manke «İnsanna Dix ooqa qa'asva» eyhe? İna İnsanna Dix vuşune?
\p
\v 35 Manke I'see manbışik'le eyhen:
\p – Sık'ınna gahnad Nur şol oğa ixhes. Nur vodnang'a iviykre, miç'axiyvalin şu uvqumaaqacen. Miç'axiyvalee iykarang'uk'le vuc nyaqa ark'ıniy ats'a eyxhen deş. 
\v 36 Nur vodnang'a Nurus inyam he'e, şu Nurun dixbı vuxhecenva.
\p I'see manva uvhuyle qiyğa, mançe ark'ın dyugulexhena.
\s Geebınbışe I'salqa inyam ha'a deş
\p
\v 37 I'see manbışde ögiyl manimeen əlaamatbı hagveeyid, manbışe Mang'ulqa inyam ha'a deş. 
\v 38 Man karbı, Yeşaya peyğambaree uvhiynbı xhinne, eyxhe:
\q1 «\it Rəbb, şi uvhuynçilqa şavaane inyam hı'ı? \it*
\q2 \it Şavusne Rəbbina guc gyaagu?\it*»\f + \fr 12:38 \fr*\ft İnəxüd Yeşaya peyğambarne kitabee otk'un (53:1).\ft*\f*
\p
\v 39 Manbışisse inyam ha'as əxə deşdiy, Yeşaya peyğambaree menne cigee inəxüd uvhuva:
\q1
\v 40 «\it Allahee manbışin uleppı bı'rq' qı'ı, \it*
\q2 \it yik'bıd g'ayelqa sak'al hı'ı, \it*
\q1 \it uleppışika g'ımececenva, \it*
\q2 \it yik'bışisıd haymeexhecenva, \it*
\q1 \it Mang'ulqab sivmiyk'alcen manbı yug qee'eva\it*».\f + \fr 12:40 \fr*\ft İnəxüd Yeşaya peyğambarne kitabee otk'un (6:10).\ft*\f*
\p
\v 41 Yeşayayk'le I'sayna axtıvalla g'avcuynçil-alla, man cuvab uvhu Mang'une hək'ee yuşan hı'ı.
\p
\v 42 Ç'ak'ınbışde geebınbışe I'salqa inyam he'eeyid, man manbışe ats'axhya'a deş. Fariseyaaşe co sinagogeençe\f + \fr 12:42 \fr*\fq sinagoga: \fq*\ft Cühüt'yaaşe ı'bəədat ha'an ciga.\ft*\f* g'e'eebaşeva, manbı qəvəyq'ən vooxhe. 
\v 43 Manbışis Allahee deş, insanaaşe cos q'iymat huvu vukkiykan.
\s I'sa insanar g'attivxhan haa'as qarı
\p
\v 44 I'see axtıda eyhen:
\p – Zalqa inyam ha'ang'vee Zalqa deş, Zı G'axuvuyng'ulqa inyam ha'a. 
\v 45 Zı g'eceng'uk'le Zı G'axuvuna g'ece. 
\v 46 Zalqa inyam ha'ana vuşucar miç'axiyvalee ımaxvacenva, Zı dyunyelqa Nur xhinnee qarı.
\p
\v 47 Şavuk'leyiy Zı uvhuyn g'ayxhı man hidi'ı, Zı mana muhaakima ha'as deş. Zı dyunye muhaakima ha'asva deş, man g'attixhana'asva qarı. 
\v 48 Zı əq'əna qı'ına, Yizın cuvab k'ane qıdya'ana sa karan muhaakima ha'as. Manıd Zı uvhuyn cuvab vod. Nekke qiyğiyne yiğıl mana mançin muhaakima ha'as. 
\v 49 Zı Zaled-alqa deş uvhu, Zı g'axuvuyne Dekkee hucooyiy eyhesva, nəxüdiy eyhesva Zalqa əmr hav'u. 
\v 50 Zak'le ats'an, Mang'una əmr gırgıne gahbışisda ı'mı'r vobna. Mançil-allad Dekkee Zak'le nəxüdiy uvhu, Zı həməxüdud eyhen.
\c 13
\s I'see telebabışin g'elybı hoyğal
\p
\v 1 Peesaxın bayram k'ane qıxha ıxha. I'sayk'le ats'a ıxha, Cuna ine dyunyeyle Dekkısqa əlyhəəsda gah hipxhır vuxhay. Mang'us ine dyunyeylin Cun telebabı vukkiykıninbı. Mang'us manbı qik'asmee vukkiykananbı.
\p
\v 2 Exhalin otxhuniy oxhanasde gahıl, iblisın, I'sa mebınbışde xılyaqa qeleva Kariotğançene Şimonne dixene Yahudayne vuk'leeqa k'eççu ıxha. 
\v 3 I'sayk'le, Dekkee gırgın Cune xılyaqa quvu ıxhay ats'anniy, Allahısse qarı Allahne k'anyaqa əlyhəəs ıxhayid ats'anniy. 
\v 4 Mana sufranıle oza qıxha, tanalin kar g'eşşe. Qiyğab desmal alyapt'ı, yı'q'eeqa iviyt'al. 
\v 5 Qiyğa Mang'vee lyagameeqa xhyan k'yı'ı, Cune telebabışin g'elybı hodğul, yı'q'eeqa avt'ulne desmalıqa manbışin g'elybı mətta'a. 
\v 6 I'sa, Şimon-Pyoturusqana qıxhamee, mang'vee I'sayk'le eyhen:
\p – Xərna, Ğune yizın g'elybı hoğalas?
\p
\v 7 I'see mang'uk'le eyhen:
\p – Zı həşde ha'an valqa hiyxhar deş, qiyğa man valqa hixharas.
\p
\v 8 Pyoturee Mang'uk'le eyhen:
\p – Ğu yizın g'elybı mısacad hoğalas deş!
\p I'see mang'us alidghıniy qele:
\p – Zı ğu hudyorğuleene, vasse Yizde k'ane ixhes əxəs deş.
\p
\v 9 Şimon-Pyoturee Mang'us alidghıniy qele:
\p – Xərna, saccu yizın g'elybıcad deş, xıleppıd, vuk'ulyub hooğle.
\p
\v 10 I'see mang'us alidghıniy qele:
\p – Əyxı'rne insanın g'elybı hodğulee ç'əv, mana ooğançe-avqamee məttıra vor. Şunab məttıba vob, saccu gırgınbı deş.
\p
\v 11 I'sayk'le Vuc şavaa merıng'une xılyaqa qelesva ats'ava, mançil-allad «Vuşun gırgınbı məttıba deş vobunbıva» eyhe.
\p
\v 12 Manbışin g'elybı hodğuliyle qiyğa, I'see tanalqan kar ali'ı, Cune cigee sufranne k'ane g'alirxhu, eyhen:
\p – Zı şok hı'iyn, şok'le ats'anne? 
\v 13 Şu Zalqa Mə'əllim, Xərnava ona'a. Şu man qotkuda ha'a, Zı Mana Vuc vorna. 
\v 14 Zı Mə'əllimiy Xərnanang'a vuşun g'elybı hoyğalxhee, manke şunad sana-sang'un g'elybı hoğalas ıkkan. 
\v 15 Zı şok'le şu ha'as ıkkanan haguyn. Zı şok ha'an, şunad he'e. 
\v 16 Zı şok'le hək'en eyhe, nukar cune iyesiyle, arınar vuc g'axuvuyng'ule xərna deş vor. 
\v 17 Həşde şok'le man karbı ats'anbı. Şu manbı ha'axhee, şu baxtivararıb.
\p
\v 18 Zı man vuşde gırgıng'une hək'ee deş eyhe. Zak'le Zı g'əvxüynbı vaats'anbı. Hasre həşde Muq'addasne Otk'unee otk'uniyn ixhecen:
\q1 «\qt Yizın gıney otxhuning'vee\qt*
\q2 \qt Zalqa g'el g'ott'ul\qt*».\f + \fr 13:18 \fr*\ft İnəxüd Zaburee otk'un (40:10).\ft*\f*
\p
\v 19 Man karbı gırgınbı ögiylycad ixhesse, Zı man şok'le eyhe. Qiyğa man ıxhamee, şok'le Zı Mana vorva ats'axhxhes. 
\v 20 Zı şok'le hək'en eyhe, Zı g'axuvuyn insanar k'ane qa'ang'vee Zınar k'ane qa'asda, Zı k'ane qa'ang'eyir Zı G'axuvunar k'ane qa'asda.
\s I'see Vuc şavaayiy merıng'une xılyaqa qelesva eyhe
\p
\v 21 Manıd uvhuyle qiyğa, I'see aq'va qı'ı meed eyhen:
\p – Zı şok'le hək'en eyhe, vuşde sang'vee Zı merıng'une xılyaqa qeles.
\p
\v 22 Telebabışik'le I'see şavne hək'eeyiy eyheva dyats'axhxha, sana-sang'uqa ilyaaka. 
\v 23 I'says telebabışike sa geer ıkkanna teleba Mang'une k'ane g'ılexha. 
\v 24 Şimon-Pyoturee mane telebayk'le avğançe-alla hagvan, qiyghnecenva şavne hək'eeyiy I'see eyhe. 
\v 25 Mana teleba I'says inekke k'ane g'alirxhu ıxha. Mang'vee I'sayke qiyghanan:
\p – Yizda Xərna, mana vuşune?
\p
\v 26 I'see alidghıniy qele:
\p – İn gıneyn tika k'yooq'u şavusqa quviy, mana vor.
\p Manke I'see gıney qotxu k'yooq'u, Şimon Kariotğançene dixesqa Yahudaysqa qele. 
\v 27 Yahudee gıneyn tika alyaat'umee, iblis mang'une aqa ikkeç'e. I'see mang'uk'le eyhen:
\p – Hucooyiy ha'a, zarada he'e!
\p
\v 28 I'see man nya'asiy uvhuva sufranılne şavulqacad hiyxhar deş. 
\v 29 Pılnana q'utye Yahudaysne vuxhal-alla, sassang'usqa məxüd qayle: I'see mang'uk'le «Bayramısın şasın karbı alişşeva» eyhe ixhes. Sayib manbışiqa inəxübna fıkır vuxha: Mang'vee «Kar deşinbış pıl bit'al he'eva» eyhe. 
\v 30 Gıneyna xüvə alyapt'ı, Yahuda zarara g'aqa qığeç'e. Manke xəmniy vob.
\s «Sana-sang'us vukkiykne»
\p
\v 31 Mana qığeç'uyle qiyğa, I'see eyhen:
\p – Həşde İnsanna Dix\f + \fr 13:31 \fr*\fq İnsanna Dix: \fq*\ft I'see geedne nəqqee Cuk'le İnsanna Dixva uvhu. Məxür Daniyal peyğambaree qalesde Paççah Masihık'le eyhe. Mana Paççah gırgıne milletbışda xərna ixhes.\ft*\f* axtı qıxha, Mang'une arna Allahır axtı qıxha. 
\v 32 Mang'une arna Allah axtı qıxheene, Allaheeyir Cune arna Mana axtı qa'as. Xıliy qidi'ı axtı qa'as. 
\v 33 Yizın kulyfatbı, Zı sık'ırra gahnar şoka ixhes. Şu Zı t'abal ha'as. Yahudeeşin ç'ak'ınbışik'le «Zı ark'ınne cigeeqa, şosse qavaales vəəxəs deş» uvhuyn xhinne, həşded şok'le manva eyhe.
\p
\v 34 Zı şolqa ts'ebna əmr haa'a: sana-sang'us vukkiykne, Zas şu vukkanan xhinne, şunab sana-sang'us vukkiykne. 
\v 35 Şu sana-sang'us vukkiykınee, gırgıng'uk'le şu Yizın telebabı vuxhay ats'axhxhesın.
\s I'see Pyoturee ha'asın eyhe
\p
\v 36 Şimon-Pyoturee I'sayke qiyghanan:
\p – Xərna, nyaqane ı'qqə?
\p I'see alidghıniy qele:
\p – Zı həşde əlyhəəsde cigeeqa vasse Zaqar qihna qales əxəs deş, qiyğame ğu maqa qales.
\p
\v 37 Pyoturee Mang'uk'le eyhen:
\p – Xərna, nya'a zasse həşde Vaqar qihna qales dəxə? Yiğnemee, zı yizde canıle ılyheç'e.
\p
\v 38 I'see mang'uk'le eyhen:
\p – Yizdemee, ğu canıle ılyheç'eye? Zı vak'le hək'en eyhe, g'iyna dadal hook'asse, ğu xhebne yəqqees Zı ats'a deşva eyhes.
\c 14
\s I'sa Dekkısqa vukkekana yəq vob
\p
\v 1 – Hasre vuşun yik'bı g'ı'madak'vacen. Allahılqad, Zalqad inyam he'e. 
\v 2 Yizde Dekkıne xaa geeb ciga vob. Ciga devxhanaxhiy, Zı şok'le eyhesınniy, Zı vuşdemee ciga qaa'as ı'qqə. 
\v 3 Hark'ın şos ciga qav'uyle qiyğa, meer arı, şu Yizde k'anyaqa vukkee'es. Manke şu Yizde k'ane vuxhes. 
\v 4 Zı əlyhəəsde cigeeqana yəq şok'le vaats'ana.
\p
\v 5 Tomasee I'sayk'le eyhen:
\p – Xərna, Ğu nyaqa ark'ıniycar şak'le dyats'a, nençe maqana yəq vaats'a vooxheyiy?
\p
\v 6 I'see mang'uk'le eyhen:
\p – Hək'ena yəq, ı'mı'r Zı vorna. Şavussecar Dekkısqa, Zale ğayre menne yəqqı'n əlyhəəs əxəs deş. 
\v 7 Şok'le Zı ats'ava, Dekkır ats'a ixhesda. Həşdiyle şok'le Mana ats'ana, Mana g'acuna.
\p
\v 8 Filipee Mang'uk'le eyhen:
\p – Xərna, Ğu Dek şak'le hagve, man yişdemee ç'əv.
\p
\v 9 I'see mang'uk'le eyhen:
\p – Filip, hək'erar vak'le Zı ats'a dişde? Nya'a, nimeena gahne vob Zı şoka eyxhena! Zı g'acuyng'uk'le Dekkır g'acuna. Vasse nəxüd eyhes əxəyee: «Şak'le Dek hagveva»? 
\v 10 Zı Dekkıne ar, Dekkır Yizde ar vorva ğu inyam ha'a dişde? Zı şok'le eyhenbı Zı Zaled-alqa deş eyhe, Yizde arne Dekkee Cun işbı g'ece. 
\v 11 Zı Dekkıne, Dekkır Yizde arva eyhençilqa şu inyam he'e. Yizde işbışil-allaxheeyid inyam he'e. 
\v 12 Zı şok'le hək'en eyhe, Zalqa inyam hı'iyng'vee, Zı ha'an işbı vuceeyid ha'asınbı. Zı Dekkıne k'anyaqa əlyhəəva, mang'usse mançil-allad sık'ıldad geed işbı g'aces əxəs. 
\v 13 Dek Dixele ğana axtı qe'ecenva, şu Yizde doyule hucoo heqqee, Zı man gırgın ha'asın. 
\v 14 Şu Yizde doyule Zake hucoomecad heqqee, Zı man ha'asın.
\s I'see Muq'addasın Rı'h g'axılesva eyhe
\p
\v 15 – Şos Zı ıkkanxhee, Yizın əmrbı he'e. 
\v 16 Zınad Dekkıke heqqasın, vuşun sura Aqqasda Mang'vee şos merna g'axılece. Mana gırgıne gahbışil şoka ixhes. 
\v 17 Mana hək'en karbı xət qa'an Rı'h vodun. Dyunyeyk'le Man g'acu deş, ats'a deş. Mançil-allad Man q'abıl ha'as əxə deş. Man şoka eyxheva, vuşde ad eyxheva şok'le Man ats'an. 
\v 18 Zı şu dek-yed dena g'alyaa'as deş, şosqa qalesda. 
\v 19 Sa sık'ınne gahıle dyunyeyk'le Zı g'aces deş, şok'leme Zı g'acesda. Zaqa ı'mı'r vodva, şoqab vuxhesda. 
\v 20 Mane yiğıl şok'le ats'axhxhesın Zı Dekkıne, şu Yizde, Zınar vuşde ar vor. 
\v 21 Şavaayiy Yizın əmrbı yik'el aqqı, manbı ha'a, Zı ıkkanna mana vor. Zı ıkkanna, Dekkısır ikkiykanasda. Zasır mana ıkkiykanasda, Zınar mang'uk'le Zı hagvasda.
\p
\v 22 Kariotğançene deş, manisa Yahudee I'sayk'le eyhen:
\p – Xərna, nya'a Vas Ğucar Ğu dyunyeys deş, şak'lecar hagvas ıkkan?
\p
\v 23 I'see mang'us alidghıniy qele:
\p – Şavusiy Zı ıkkan, mang'vee Zı eyhen ha'asın. Dekkısır mana ıkkiykanasda. Şi mang'usqa abı, mang'usnee aaxvas. 
\v 24 Zı dekkanang'veeme Zı eyhen ha'a deş. Şok'le g'iyxhenbı Zı eyhenbı deş vod, Zı g'axuvuyne Dekkee eyhenbı vod.
\p
\v 25 Zı vuşde k'anenang'acadniy manva uvhu. 
\v 26 Dekkee Yizde doyule g'axılesıng'vee vuşun sura Aqqasıng'vee, Muq'addasne Rı'hı'n şos gırgın xət qa'asın. Man Zı uvhuyn gırgın kar şos yik'el qalya'asın. 
\v 27 Zı vuşde yik'bışeençe şu abğançe opxhanan fıkırbı alyaata. Mançine cigeeyid Zı şos Yizın qəpq'ı'niy deşin fıkırbı hele, dyunyeyn helenbı xhinnee deş hele. Hasre vuşun yik'bı g'ı'madak'vacen. Qı'məəq'ən! 
\v 28 Zı şok'le «Həşde əlyhəəna, qiyğa meer vuşde k'anyaqa sak'alasdava» eyhen g'ayxhiyn. Şos Zı ıkkan ıxhaynxhiy, Zı Dekkıne k'anyaqa əlyhəəva şu şadeepxhesınbıniy, Dek Zaler xərnava. 
\v 29 Zı şok'le man gırgın həşdecad eyhe, qiyğa man gırgın ıxhamee, şu inyam he'ecenva. 
\v 30 Zasse şoka geer yuşan ha'as əxəs deş, ine dyunyeyna xərna, iblis, qöö. Mang'vee Zas xəbvalla haa'as deş. 
\v 31 Dyunyeyk'le in ats'axhxhes ıkkan: Zas Dek ıkkanna, Mang'vee Zak'le uvhuyn gırgın Zı ha'an. Həşde inçe əlyhəəs, oza qeepxhe.
\c 15
\s I'sa hək'ena tayang vor
\p
\v 1 – Zı hək'ena tayang vor, Yizda Dekkır bağban. 
\v 2 Zal alyadıyn şagav hidelen gırgın bıtağbı Dekkee gyadaxanbı. Şagav helen bıtağbıme sık'ıldad geed şagav helecenva Mang'vee mətta'anbı. 
\v 3 Zı uvhuyne cuvabıncab şu məttav'uynbı. 
\v 4 Yizde ab aaxve, Zınar vuşde ar axvas. Bıtağ tayangıl idyaxveene, mançisse çiled-alqa şagav heles əxə deş. Şunab Yizde ab idyavxvee, şossed şagav heles əxəs deş.
\p
\v 5 Tayang Zı vorna, şumee bıtağbı vobunbı. Vuşuyiy Yizde ar, Zınar mang'une ar axu, məxrıng'vee geed şagav heles. Şosse Zı dena vuççud ha'as əxəs deş. 
\v 6 Vuşuyiy Yizde ar idyaxu, qotxu dağeççuyn bıtağ xhinne qeqqvasda. Məxdın bıtağbı sı'ı, ts'ayeeqa dağa'a, manbıd yı'qqı'lqa siyk'al. 
\v 7 Şu Yizde ab axveene, Zı eyhenbıd vuşde ad axveene, şos ıkkanan heqqe, man şos helesın. 
\v 8 Şu geed şagav huveene, Yizın telebabı vuxheene, məxür Yizda Dekkır axtı qa'as.
\p
\v 9 Dekkıs Zı nəxüriy ıkkan, Zasıb şu həməxüb vukkan. Yizde mühübee aaxve. 
\v 10 Nəxüdiy Zı Dekkın əmrbı ha'a, Mang'une mühübee axva, şunad Yizın əmrbı he'eene, Yizde mühübee aaxvas. 
\v 11 Yizda şadvalla şoqab vuxhecenva in Zı şok'le uvhu. Məxüb şunab şadvalin gyavts'ecen. 
\v 12 Yizda əmr ina vob: Zas şu vukkanan xhinne, şosıb sana-sanbı vukkiykne. 
\v 13 Cuna ı'mı'r hambazaaşinemee huvuyng'ule geeb, şavussecab vukkiykanas vəəxəs deş. 
\v 14 Şu Yizın əmrbı he'eene, manke şu Yizın hambazar vob. 
\v 15 Zı şok'le həmbalarva eyhe deş. Həmbalık'le cune iyesee hucoo ha'a ıxhaycad ats'a deş. Zı şok'le hambazarva eyhe, Dekkıke g'ayxhiyn gırgın Zı şok'le uvhuyn. 
\v 16 Şu Zı g'əyxı' deş, Zı şu g'əvxü gyuvxhu, şu yugun şagav helecenva, vuşun şagav geed axvecenva. Manke şu Yizde doyule Dekkıke hucoo heqqee, Mang'vee şos helesın. 
\v 17 Zı şos ina əmr hoole: sana-sang'us vukkiykne.
\s «Dyunyeys şu g'ımeebace qeepxhes»
\p
\v 18 – Dyunyeys şu g'ımeebace qeepxhee, şu manke yik'el qale'e, mançile ögiylir Zıniy g'ımece qıxhava. 
\v 19 Şu ine dyunyeynbı vuxhaynbıxhiy, dyunyeys şu çinbıva vukkiykanasınbıniy. Şume ine dyunyeynbı deş vob. Zı şu dyunyeyke g'əvxü. Mançil-allab dyunyeys şu g'ımeebace qeepxha. 
\v 20 Zı şok'le uvhuyn cuvab həşde yik'el qale'e: «Həmbal iyesiyle xərna deş vor». Zalqa yiğbı alli'ıxhee, şolqad allya'asınbı. Zı uvhuyn hı'iynxhiy, şu uvhuynıd ha'asınniy. 
\v 21 Manbışik'le Zı G'axuvuna dyats'ava, man gırgın şok Zal-alla ha'as. 
\v 22 Zı arı manbışik'le ittevhuynxhiy, manbışil bınah vuxhes deşdiy. Həşdeme manbışiqa bınahbışike heepxasın ghal deşin. 
\v 23 Şavuk'leyiy Zı g'ımece, mang'uk'le Yizda Dekkır g'ımece vor. 
\v 24 Zı, mankilqamee manbışde yı'q'nee hı'iyn əlaamatbı hidi'iynxhiy, manbışiqa bınah vuxhes deşdiy. Həşdemee manbışik'le Zı hı'iyn g'acu, Zınar, Yizda Dekkır manbışik'le g'ımeebace qeepxha. 
\v 25 Məxüd cone Q'aanune otk'un: «\qt Manbışis Zı nişilycar-alla g'ımece qıxha\qt*»\f + \fr 15:25 \fr*\ft İnəxüd Zaburee otk'un (34:19).\ft*\f*. Məxüdud ıxhayn.
\p
\v 26 Şosqa vuşun sura Aqqasda qales. Zı Mana Dekkısse g'axıles. Man Dekkıke qöön, hək'en xət qa'an Rı'h vod. Mançin Yizde hək'ee şahaadat haa'as. 
\v 27 Şu q'omançecab Zaka vuxhal-alla, şunab şahaadat ha'as.
\c 16
\p
\v 1 – Yəqqı'le qığmeebaç'ecenva in Zı şok'le eyhe. 
\v 2 Şu sinagogbışeençe\f + \fr 16:2 \fr*\fq sinagoga: \fq*\ft Cühüt'yaaşe ı'bəədat ha'an ciga.\ft*\f* g'eepşesınbı. Man k'ıldanan xhinnee, məxbına gah qöö, şu gyapt'ıynbışisqa məxüd qales, co Allahıs g'ulluxniy haa'a. 
\v 3 Zınar, Dekkır manbışik'le qıvdyaats'ıva, manbışe man ha'asın. 
\v 4 Zı man şok'le ögiykecad eyhe, qiyğa mana gah qabımee, şosse yik'el himiyxacenva. Zı şoka ıxhaynçil-alla, man Zı şok'le ögiyl eyhe deşdiy.
\s Muq'addasne Rı'hı'na iş
\p
\v 5 – Həşdeme Zı, Zı G'axuvuyng'une k'anyaqa əlyhəəng'a, vuşde neng'veecad Zake «Nyaqane əlyhəəva?» qiyghan deş. 
\v 6 Zı şok'le manva uvhuva, şu aq'vabı qı'ı. 
\v 7 Zı şok'le hək'en eyhe, Zı vuşde yugvalinemeecar əlyhəə. Zı idyark'ınee, vuşun sura Aqqaqqana şosqa ayres deş. Zı ark'ınee, Man, hək'en xət qa'an Rı'h, Zı şosqa g'axılesın. 
\v 8 Man qadımee, insanaaşina bınah aq'valqa qığaahas. Mançin sayid qopkuvallayiy məhkama hagvas. 
\v 9 Manbışda bınah Zalqa inyam hidi'iy vob. 
\v 10 Mançin Yizda qopkuvalla haagvas – Zı Dekkisqa əlyhəə, şok'le Zı sayir g'aces deş. 
\v 11 Mançin məhkamayne hək'ee yuşan ha'as – in dyunye vuk'lek ıkkekkane iblisın məhkama ıxhay.
\p
\v 12 Zaqa şok'le eyhesın geed kar vod, həşde man şolqa hixharas deş. 
\v 13 Hək'en xət qa'an Rı'h qadımee, Mançis şos bıkırna hək'ena yəq haagvas. Mançin Çiled-alqan kar eyhes deş. Hucooyiy g'iyxhe, man eyhes, şok'le vuk'lelqa qalesınbı eyhes. 
\v 14 Mançin Zı axtı qa'as, Yizınçike alyaat'u, şos yuşan ha'asva. 
\v 15 Dekkıqa vodun, gırgın Yizın vod. Mançil-allad ine Rı'hın Yizınçike alyaat'u, şos yuşan ha'asva Zı uvhu.
\s Telebabışin aq'vabı qı'iy şadvalilqa sak'alas
\p
\v 16 – Sık'ınne gahıle şok'le Zı g'aces deş, sık'ınne gahıleme şok'le meer Zı g'acesda.
\p
\v 17 Mane gahıl I'sayne sabara telebabışe sana-sang'uk'le eyhen:
\p – «Sık'ınne gahıle şok'le Zı g'aces deş, sık'ınne gahıleme şok'le meer Zı g'acesda», «Zı Dekkıne k'anyaqa əlyhəə» man hucoova eyhenniyxan?
\p
\v 18 Manbışe sana-sang'uke qiyghanan:
\p – Mang'vee eyhen «sık'ınna gah» hucoo eyhenne? Mang'vee eyhen şalqa hiyxhar deş.
\p
\v 19 I'sayk'le manbışe qiyghanas ıkkanan ats'axhxha, manbışik'le eyhen:
\p – «Sık'ınne gahıle Zı g'aces deş, sık'ınne gahıleme meer g'acesda» manniy sana-sang'uke qiyghan? 
\v 20 Zı şok'le hək'en eyhe, şu gyaaşesınbı, nağbı k'ya'as, dyunyeme şadxhesın. Şu aq'vabı qa'as, man vuşun aq'vabı qı'iyme şadvalilqa sak'alas. 
\v 21 Zəiyfee uşax ixhesda gah qabımee, aq'va qa'a. Uşax ıxhameeme ts'ıtsı'iyn ık'ar məng'ı'sse yik'eliyxanan. Dyunyelqa insan qarıva, mana şadeexhena. 
\v 22 Həməxüdıd şu həşde aq'vabı qa'a. Zak'le şu meeb g'avcesınbıcab, manke vuşun yik'bı şadxhesınbı. Şavaacabıb vuşda şadvalla g'avşes deş. 
\v 23 Mane yiğıl şu Zake vuççud qiyghanas deş. Zı şok'le hək'en eyhe, Yizde doyule şu Dekkıke hucoo heqqee, Mang'vee şos helesın. 
\v 24 Həşdilqamee şu Yizde doyule vuççud heqqı deş. Şu heqqee, Dekkee helesın, vuşun yik'bıd şadvalin gyatsts'esınbı.
\s I'sa dyunyeyle ğamxhana
\p
\v 25 – Ögilycad Zı misaalabı ts'ıts'a'a-ts'ıts'a'a şos karbı xət qı'ı. Həşde məxbına gah qöö, Zı şoka misaalabı ts'ıts'a'a-ts'ıts'a'a yuşan ha'as deş. Zı Dekkıne hək'ee şoka vuççud dyugul hidi'ı yuşan ha'as. 
\v 26 Mane gahıl şu Yizde doyule heqqas. Zı şok'le Dekkıke vuşdemee hucoomecad heqqasva deş eyhe. 
\v 27 Dekkıs Cus şu vukkan, şos Zı ıkkiykınva, Zı Allahısse qarıva şu inyam hı'ıva. 
\v 28 Zı Dekkıne k'anençe ine dyunyelqa qarı, ine dyunyeyler meer Dekkıne k'anyaqa əlyhəəs.
\p
\v 29 Telebabışe eyhen:
\p – Haane, həşde Ğu vuççud dyugul hidi'ı yuşan hı'ı, misaalabı ts'ıts'ı'ı deş. 
\v 30 Həşde şalqa hitxhır, Vak'le gırgıncad ats'avud. Vake qiyghanassecad, Vaqa qelesın alidghıniy eyxhevud. Şi mançil-allad inyam ha'an Ğu Allahısse qarına vorva.
\p
\v 31 I'see manbışike qiyghanan:
\p – Həşde inyam ha'anne? 
\v 32 Vuşun gırgınbı vuşde xaybışeeqa ehevkasda, Zı Zaler-alqa g'alerçesda gah qööna, hipxhırna. Zı Zıcar deş vor, Yizda Dekır Zaka vor. 
\v 33 İn gırgın Zı şok'le eyhen, şu Yizde abnang'a, şoqa şu abğançe opxhanan fıkırbı mexhecenva. İne dyunyee dağamiyvallabı ixhes. Yik'eka vuxhe! Zı dyunyeyle ğamxhana.
\c 17
\s I'sayna düə
\p
\v 1 I'see man uvhuyle qiyğa, xəəqə ilyakkı, eyhen:
\p – Dek, gah qabına. Yiğna Dix axtı qe'e, Dixeeyir Ğu axtı qe'ecen. 
\v 2 Ğu gırgıng'ul oona Mang'us xəbvalla huvu, Mang'veeyib Ğu Cus huvuynbışis gırgıne gahbışisda ı'mı'r hevlecenva. 
\v 3 Gırgıne gahbışisda ı'mı'r mana vob: hasre ats'axhxhecen saccu Ğu hək'ena Allah ıxhay, sayır Ğu g'axuvuna I'sa Masih\f + \fr 17:3 \fr*\fq Masih: \fq*\ft man cuvab «q'ış qadğuna» eyhen vodun. Avaala İzrailil məxdın ədat ıxha, kaahinaaşine, paççahaaşineyiy peyğambaraaşine vuk'lelqa q'ış qadağva ıxha. Man q'öd'esın I'sayn do Allahee Mana g'əyxı'nava eyhen vod. İzrailybışik'le peyğambaraaşe uvhuynbı ats'a ıxhal-alla, manbışe Masih qarı cun millet duşmanaaşike g'attixhan hı'ı, dyunyeys xəbvalla hav'uy gozet ha'a ıxha.\ft*\f* qıvaats'ecen. 
\v 4 Zı Ğu Zas huvuna iş hav'u, Zı Ğu ç'iyene aq'val axtı qı'ı. 
\v 5 Dek, dyunye ixhanassecad, Zı Yiğne k'ane eyxheng'ana axtıvalla Zas həşde Yiğne k'ane hevle.
\p
\v 6 Dyunyel Ğu Zas huvuyne insanaaşis Zı Ğu vuşu ıxhay xət qı'ı. Manbı Yiğınbı vuxha, Ğu manbı Zas huvu, manbışed Ğu eyhenbı hı'ı. 
\v 7 Manbışik'le həşde ats'an, Zas huvuyn gırgın kar Vaken vodun. 
\v 8 Ğu Zas xət qı'iyn Zı manbışisıd xət qı'ı, manbışed yik'eeqa ıkkiyn. Zı hək'erar Yiğne k'anençe qarı ıxhay, manbışik'le ats'an, Ğu Zı g'axuvuvad manbışe inyam ha'an. 
\v 9 Zı dyunyeynemee deş, manbışil-alla düə haa'a. Manbı Yiğınbı vob, Ğume Zas manbı huvu. 
\v 10 Yizın gırgın kar Yiğın vod, Yiğınıd Yizın vod. Zı manbışile ğana axtı qıxha. 
\v 11 Zı həşde dyunyel deş vor, manbıme dyunyel vob. Zınar Vasqa qöö. Muq'addasna Dek, manbı Ğu Yiğne doyuka havaace. Man do Ğu Zas huvu. Hasre manbıb, Zınayiy Ğu xhinnee, sa vuxhecen. 
\v 12 Zı manbışikanang'a, Zas huvuynbı Yiğne doyukaniy Zı havaace. Zı manbışda nenacar agval hı'ı deş. Manbışda saccu sa Zı havacı deş, manar aguna. Muq'addasne Otk'unee məxüdıd otk'un.
\p
\v 13 Həşdeme Zı Vasqa qöö. Dyunyelynang'a Zı in eyhe, Yizda şadvalla bıkırba manbışika vuxhecenva. 
\v 14 Ğu Zak'le uvhiyn, Zı manbışis xət qı'ı. Zı ine dyunyeyna deşda xhinnee, manbıb ine dyunyeynbı deş vobunbı, dyunyeys manbı g'umooce qeepxha. 
\v 15 Zı Vas düə manbı ine dyunyeyle alept'ecenva deş haa'a, Ğu manbı pisınçike havaacecenva haa'a. 
\v 16 Zı ine dyunyeyna deşda xhinnee, manbıb ine dyunyeynbı deş vobınbı. 
\v 17 Yiğın cuvab hək'en vodun. Manbı mane hək'ene cuvabıka Yiğneme curee'e. 
\v 18 Ğu Zı dyunyelqa g'axuvuyn xhinne, Zınab manbı dyunyelqa g'axuvu. 
\v 19 Manbı Yiğne hək'ene cuvabıka Yiğneme curepxhecenva, manbışdemee, Zıcar Zı Yiğne xılyaqa qele.
\p
\v 20 Saccu manbışdemee deş, manbışde cuvabıka Zalqa inyam ha'anbışdemeeyib düə haa'a. 
\v 21 Nəxüriy Ğu, Dek, Yizde, Zınar Yiğne ar, hasre manbıb, məxüb Yişde ab vuxhecen. Manke dyunyeyn inyam ha'asın, Ğu Zı g'axuvuva. 
\v 22 Ğu Zas huvuna axtıvalla, Zınab manbışis huvu, Şi sanab xhinnee, manbıb sa vuxhecenva. 
\v 23 Zı manbışde ar, Ğunar Yizde ar vor. Havaasre manbı bıkırba sa vuxhecen. Dyunyeyk'led ats'axhxhecen, Ğu Zı g'axuvu, manbıb Vas Zı xhinnee vukkan.
\p
\v 24 Dek, Zas ıkkanan, Zas huvuynbı Zınane cigee Zaka sacigee vuxha, Ğu Zı axtı qı'iy g'acecen. Vas dyunye ixhessecad Zı ıkkanva, mana axtıvalla Ğu Zas huvu. 
\v 25 Qorkuna Dek, dyunyeyk'le Ğu qıvaats'ı deş, Zak'leme Ğu ats'ana. Manbışik'led Ğu Zı g'axuvu ıxhay ats'axhxhayn. 
\v 26 Ğu vuşu ıxhay Zı manbışik'le haguyn, meedıd hagvasın. Hasre Yiğın Zı ıkkiykıniy manbışiqad ixhecen, Zınar manbışde ar axvacen.
\c 18
\s I'sa aqqaqqa
\p
\v 1 I'see manva uvhuyle qiyğa telebabışika sacigee Qidronne q'adaaline manisa suralqa ılğeç'e. Maa sa bağ eyxhe. I'sayiy telebabı maqa ikkeebaç'e. 
\v 2 I'sa hımva eyhesse telebabışika maqa arayle ıxha. I'sa merıng'une xılyaqa qelesde Yahudayk'led mançil-alla man ciga ats'anniy. 
\v 3 Məxür Yahuda maqa sa deste eskeraaşika, sayib kaahinaaşine ç'ak'ınbışeyiy fariseyaaşe\f + \fr 18:3 \fr*\fq fariseyar: \fq*\ft Manbı I'sayne gahılin dindarar vuxha.\ft*\f* g'axuvuyne g'aravulyçeeşika arayle. Manbışde xıle bazirbı, ts'abı, silahbı eyxhe. 
\v 4 I'sayk'le vuk'lelqa qalesın ats'ava, Mana ögiylqa qığeç'u, manbışike qiyghan:
\p – Vuşune t'abala'a?
\p
\v 5 Mang'us alidghıniy qele:
\p – Nazaretğançena I'sa.
\p I'see manbışik'le eyhen:
\p – Zı vorna.
\p Mana merıng'une xılyaqa qelena Yahuder manbışika ıxha. 
\v 6 I'see manbışik'le «Zı vornava» uvhumee, manbı yı'q'əlqa qeepxha, ç'iyelqa gizyabaççe.\f + \fr 18:6 \fr*\ft I'see «Zı vorva» uvhu, Mang'vee muq'addasın Allahın do alyaat'u. Man muq'addasın do Allahee Mısa peyğambarıs gyotxhanne ğı'ç'iyne k'ane ağmiş hı'ı.\ft*\f*
\p
\v 7 I'see meed manbışike qiyghanan:
\p – Vuşune t'abal ha'a?
\p Manbışe eyhen:
\p – Nazaretğançena I'sa.
\p
\v 8 I'see alidghıniy qele:
\p – Zı şok'le uvhuyn, Zı vornava. Zı t'abal ha'axhee, Zakanbı g'avkke, hudooracen.
\p
\v 9 I'see ögiyl uvhuyn cuvab ixhecenva, man eyxhe. Mang'vee ögiylycadniy uvhu: «Zas huvuynbışda nenacar agvales harsıl deş».
\p
\v 10 Şimon-Pyoturuqa g'ılınc ıxha. Man qığayşu xənne kaahinne nukarıle k'ena ı'xı', mang'un sağın k'ırı g'a'adaççen. Mane nukarın do Malx ıxha. 
\v 11 Manke I'see Pyoturık'le eyhen:
\p – G'ılınc cigeeqa gixhxhe! Dekkee Zas huvuyn əq'übayn k'ola ulymoğane?
\p
\v 12 Məxür eskeraaşeyiy desteyne xərıng'vee Yahudeeşine g'aravulyçeeşika sacigee I'sa aqqı, g'el-xıl iyt'alan. 
\v 13 Mana ts'erre Hannanne k'anyaqa qıkkekka. Hannan Kayafayna abattey ıxha. Mane sen Kayafa xərna kaahiniy vor. 
\v 14 «Milletnemee sa İnsanın qik'uy yugdava» Yahudeeşine ç'ak'ınbışik'le uvhuna Kayafa ina vuc vor.
\s Pyoturee ts'etta I'sa dyats'ava eyhe
\p
\v 15 Şimon-Pyoturiy sa merna teleba I'sayne qihna əlyhəə vuxha. Xərne kaahinık'le mana teleba ats'ava, mana I'sayka sacigee xərne kaahinne məhleeqa ikkeç'e. 
\v 16 Pyoturmee g'ar akkayne k'ane ulyorzul ıxha. Mane gahıl xərne kaahinık'le ats'ana mana teleba g'aqa qığeç'u akkee ileezarne içiyka yuşan hı'ı, Pyotur aqa akkyayhe. 
\v 17 Akkee ileezarne içee Pyoturuke qiyghanan:
\p – Deşxhee, ğunar mane İnsanne telebabışkenane vor?
\p Pyoturee «De'eşva» eyhe. 
\v 18 Mık'adava nukaraaşeyiy g'aravulyçeeşe maa'ab ts'a halyaqqı, hiqiy-alla ulyobzur g'ümə abak'a vuxha. Pyoturur manbışde k'ane ulyorzul g'ümə arak'va ıxha.
\s Hannanee I'sayke qidghınbı ha'a
\p
\v 19 Mane gahıl Hannanee, kaahinaaşine ç'ak'ınbışde sang'vee, I'sayke telebabışdeyiy Vucee xət qa'ançine hək'ee qiyghan. 
\v 20 I'see mang'us alidghıniy qele:
\p – Zı dyunyeyk'le dyugul hidi'ı uvhu, Yahudeeşin gırgınbı sabıyne sinagogbışeeyiy\f + \fr 18:20 \fr*\fq sinagoga: \fq*\ft Cühüt'yaaşe ı'bəədat ha'an ciga.\ft*\f* Allahne Xaasne xət qı'ı. Vuççud Zı dyugulenda uvhu deş. 
\v 21 Nya'a Zake qiyghan? Zı uvhuyn g'ayxhiyne insanaaşike qiyghne. Manbışik'le Zı uvhuyn karbı ats'anbı.
\p
\v 22 I'sa cuvab uvhu ç'əvxhayle qiyğa, maa ulyobzurne g'aravulyçeeşine sang'vee Mang'une aq'vays ı'xiyxə. G'aravulyçee qiyghanan:
\p – Xərne kaahinıs məxüdne cuvab qelen?
\p
\v 23 I'see mang'us alidghıniy qele:
\p – Zı qorkura yuşan hidi'ıxhee, eyhe, neniy qotkuda ittevhu? Qotkuda uvhuxheeyid, nya'a Zas ı'xiyxə?
\p
\v 24 Qiyğa Hannanee I'sa g'el-xıl ayt'ılcar, xənne kaahinne Kayafayne k'anyaqa g'ıxele.
\s Pyoturee q'od'esiy xhebıd'es I'sa dyats'ava eyhe
\p
\v 25 Şimon-Pyotur g'ar ts'ayısnee ulyorzul g'ümə arak'va ıxha. Mang'uke qiyghanan:
\p – Deşxheene, ğunar Mang'une telebabışdane vor?
\p Mang'vee «De'eşva» alidghıniy qele.
\p
\v 26 Xərne kaahinne nukaraaşina sa, Pyoturee ı'xı' k'ırı g'a'aççuyne insanna xını, maa'ar ıxha. Mane nukaree Pyoturuke qiyghan:
\p – Mang'uka sacigee zak'le ğu dişdiy bağee g'acu?
\p
\v 27 Pyoturee meed gardanaqa alyaat'a deş. Mane gahıl dadal hook'a.
\s I'sa Pilatısne
\p
\v 28 Qiyğa Yahudeeşine ç'ak'ınbışe I'sa Kayafayne k'anençe Pilatne\f + \fr 18:28 \fr*\fq Pilat: \fq*\ft Pontiy Pilat Roma imperiyeyn gixhxhına Yahudeyayna xərna ıxha. Mang'vee Yahudeyays 26-36 senbışil xəbvalla hav'u.\ft*\f* sarayeeqa qıkkekka. Miç'eed qexhe. Allahne ögiyl mı'q'ı' qimeebaxhecenva, Peesaxıne otxhuniyked oxhanas əxecenva, manbı co sarayeeqa ikkeebaç'e deş. 
\v 29 Mançil-allar Pilat g'aqa manbışde k'anyaqa qığeç'u, eyhen:
\p – Nena bınahne İng'ulqa g'iviyxhe?
\p
\v 30 Manbışe Pilatıs alidghıniy qele:
\p – Mang'ul bınah devxhaynxhiy, Mana vasqa qeles deşdiy.
\p
\v 31 Pilatee manbışik'le eyhen:
\p – Mana şosqa alyart'u, vuşde q'aanunbışis sik'ı Mang'us cazaa g'ats'aak'vne.
\p Yahudeeşine ç'ak'ınbışe Pilatık'le eyhen:
\p – Şaqa vuşumecar gik'asda icaaza deşda.
\p
\v 32 Məxüd I'see Vuc nəxüriy q'ik'asva uvhuyn ixhecenva eyxhe\f + \fr 18:32 \fr*\ft I'see ögiylycad Vuc çarmıxıl qik'asva eyhe (ilyaake \+xt 3:14; 8:28; 12:32\+xt*). Roma imperiyee çarmıxıl givapxınniyxhe gyabat'anbı. Mana nekke yı'q'na cazaa vuxha. Məxüd g'elil qeepxhayne, cuvabıl k'ırı ilydiyxhene nukaraaşik ha'a ıxha. Roma imperiyeyn hassırınxhiy, Yahudeeşe I'sa g'ayeqqa huvuniy gik'as.\ft*\f*. 
\v 33 Pilat meer cune sarayeeqa ikkeç'u, I'sa qort'ul eyhen:
\p – Yahudeeşina Paççah Ğune?
\p
\v 34 I'see alidghıniy qele:
\p – Ğu man valed-alqanane eyhe, deşxhee mebınbışene vak'le Yizde hək'ee uvhu?
\p
\v 35 Pilatee eyhen:
\p – Zı Yahudeençe deş vor. Ğu yizde xılyaqa yiğne milletıniy kaahinaaşine ç'ak'ınbışe quvu. Eyhe, Ğu hucooyiy hı'ı?
\p
\v 36 I'see mang'us alidghıniy qele:
\p – Yizda Paççahiyvalla ine dyunyeykena deş vob. Yizda Paççahiyvalla ine dyunyeykena vuxhanaxhiy, Yizde yəqqı'linbı Yahudeeşine ç'ak'ınbışde xılyaqa qımelecenva saç'ivkasınbıniy. Yizda Paççahiyvallame inçena deş vob.
\p
\v 37 Pilatee Mang'uk'le eyhen:
\p – Ğu manke Paççahne?
\p I'see alidghıniy qele:
\p – Ğu qotkuda eyhe. Zı hək'ene karbışda şahaadat haa'asva uxu, ine dyunyelqa qarı. Vuşuyiy hək'ene sural Zal k'ırı alixhxhesın.
\p
\v 38 Pilatee Mang'uke qiyghan:
\p – Hək'en sura vodunne?
\p Man qiyghıniyle qiyğa, mana meer Yahudeeşisqa qığeç'u, manbışik'le eyhen:
\p – Zak'le Mang'ul nəxbınacab bınah g'ooce deş. 
\v 39 Şoqa ədat vod, Peesaxnang'a zı vuşdemee sa insan g'ekkan. Həşder şos ıkkanxhee, vuşdemee «Yahudeeşina Paççah» g'aykkas?
\p
\v 40 Manbışe alidghıniy qeleng'a, ts'irbı hı'ı eyhen:
\p – Mana deş, Barabba g'aykke!
\p Barabbamee g'uldur ıxha.
\c 19
\s Pilatee I'sa çarmıxılqa qıkkeeva eyhe
\p
\v 1 Manke Pilatee I'sa qıkkı, çümqüqqa heles ilekka. 
\v 2 Eskeraaşed zazaake tac hı'ı, Mang'une vuk'lelqa giyxhe, paççahılqa xhineeyid, tanalqa ç'əran tanalinbı alya'a. 
\v 3 Manbı I'saysqana qabı «Yahudeeşina Paççah, geer qa'ana!» uvhu Mang'une aq'vays ı'xiyxə ıxha.
\p
\v 4 Pilat meer g'aqa qığeç'u, Yahudeeşik'le eyhen:
\p – Haane, zak'le Mang'ul taxsir idveykıva sayid şok'le g'acecenva, Mana zı şosqa g'aqa qığayhe.
\p
\v 5 Mane gahıl I'sa vuk'lel zazaakene tacıka, tanalyne ç'ərane tanalinçika g'aqa qığeç'e. Pilatee manbışik'le eyhen:
\p – Mana İnsan haane!
\p
\v 6 Kaahinaaşine ç'ak'ınbışik'le, g'aravulyçeeşik'le Mana g'acumee, «Çarmıxıqqa ts'ıts'e'e, çarmıxıqqa ts'ıts'e'eva!» ts'irbı ha'a.
\p Pilatee manbışik'le eyhen:
\p – Mana şucar çarmıxıqqa ts'ıts'e'e, zak'le Mang'ul taxsir g'ece deş.
\p
\v 7 Yahudeeşine ç'ak'ınbışe mang'us alidghıniy qele:
\p – Şaqa sa q'aanun vob, mane q'aanunus sik'ı Mana qik'as ıkkan, Mang'vee Cuk'le Allahna Dix eyheva.
\p
\v 8 Pilatık'le man g'ayxhımee, mana sık'ırar qəyq'ən giyğal. 
\v 9 Meer mana cune sarayeeqa ikkeç'u, I'sayke qiyghanan:
\p – Ğu nençene vor?
\p I'see mançis alidghıniy qele deş. 
\v 10 Pilatee Mang'uk'le eyhen:
\p – Zasne alidghıniy qidele? Vak'le ats'a dişde, Ğu g'aykkasır, çarmıxılqa ts'ıts'a'asır zasse əxə?
\p
\v 11 I'see mang'us alidghıniy qele:
\p – Vas xəənçe huvu dexhaynxhiy, Zak vuççud vasse ha'as əxəs deşdiy. Mançil-allad Zı yiğne xılyaqa quvuyng'ulqa valeb geeb bınah gyooxha.
\p
\v 12 Mançile qiyğar Pilatıs Mana g'aykkas ıkkiykan, Yahudeeşeme ts'irıka eyhen:
\p – Ğu Mana g'aykkee, ğu imperatorna hambaz deşurne. Şavaayiy cuk'le paççahva eyhe, imperatorılqa g'elil qıxhay eyxhe.
\p
\v 13 Pilatık'le manva g'ayxhımee, I'sa g'aqa qıkkı, g'ayeyke hav'uyne yəqqə haakimne cigee giy'ar. (Mane yəqqı'k'le cühüt'yaaşine mizel Gabbatava eyhe ıxha.) 
\v 14 Peesaxayle ögiylin man yiğ ülycümən yiğ ıxha. Yı'q'ı'hiyna gah vuxha. Pilatee Yahudeeşik'le «Vuşda Paççah haaneva!» eyhe. 
\v 15 Manbışe ts'irbı ha'a, eyhen:
\p – De'eş, ak'an he'e, ak'an he'e! Mana çarmıxılqa ts'ıts'e'e!
\p Pilatee manbışike qiyghanan:
\p – Vuşda Paççahne çarmıxılqa ts'ıts'e'e?
\p Kaahinaaşine ç'ak'ınbışe alidghıniy qele:
\p – İmperatorule ğayrı şaqa paççah deşda!
\p
\v 16 Manke Pilatee I'sa çarmıxılqa ts'ıts'e'eva manbışisqa qele.
\p Eskeraaşe I'sa aqqı, qıkkekkana. 
\v 17 I'see çarmıx Vuceecad alyaat'u, Vuk'lena Bark'va eyhene cigeeqa ılqeç'e. (Cühüt'yaaşine mizel mane cigayk'le Golgotava eyhe.)
\s I'sa çarmıxılqa ts'ıts'a'a
\p
\v 18 Maa'ar I'sayle ğayrı q'öyre insanır çarmıxılqa ts'ıts'a'ana. Manbışda sa I'sayne sağıl, manasar solul ıxha. I'sa Vuc manbışde yı'q'nee ıxha. 
\v 19 Pilatee q'uval ooad «Yahudeeşina Paççah Nazaretğançena I'sava» ok'an hı'ı, çarmıxıl ooqa givaxana'a. 
\v 20 I'sa çarmıxılqa ts'ıts'ıiyn ciga şaharıs k'ane ıxhayke, Yahudeeşine geebınbışe man otk'uniynbı qətq'ı'ynbı. Q'uval ooyud cühüt'yaaşine, latınne, yunanne mizyaaşil otk'un ıxha. 
\v 21 Man g'acu, kaahinaaşine ç'ak'ınbışe Pilatık'le eyhen:
\p – «Yahudeeşina Paççah» deş, «Cuk'lecad Vucee Yahudeeşina paççahva, eyhenava» ok'ne.
\p
\v 22 Pilatee alidghıniy qele:
\p – Zı ok'anasın otk'uniyn.
\p
\v 23 I'sa çarmıxılqa ts'ıts'ıyne gahıl, Mang'un tanalinbı alyaat'u, yoq'ne eskerıs cone yı'q'nee qa'a. Sayid q'omançe k'anyaqqame iyxhuyn ciga deşin, sa bıkırne parçeykecad hı'iyn gurt ıxha. 
\v 24 Manbışe sana-sang'uk'le eyhen:
\p – İn qit'dyaxxas, çöp k'eççes, şavus gitxhuy gexha.
\p Məxüd Muq'addasne Otk'unee otk'uniyn eyxhe:
\q1 «\qt Yizın tanalinbı cos bit'al ha'as, \qt*
\q2 \qt yizde tanalinçinemee çöp k'eççes\qt*».\f + \fr 19:24 \fr*\ft İnəxüd Zaburee otk'un (21:19).\ft*\f*
\p
\v 25 I'sayne çarmıxne k'ane yed, yedina yiçu, Klopasna xhunaşşe Mayram, sayır Magdaleençena Mayram ulyobzur vuxha. 
\v 26 I'sayk'le Cune yedine k'ane, Cus geer ıkkanna teleba g'acu, Mang'vee yedik'le eyhen:
\p – Yed, ina yiğna dix vor!
\p
\v 27 Qiyğa telebayk'led eyhen:
\p – İna yiğna yed vor!
\p Mançile qiyğa telebee mana cune xaaqa qiykekka.
\s I'sayn qik'uy
\p
\v 28 Qiyğa I'sayk'le, gırgın bıkırxha g'acu, eyhen:
\p – Xhyan ıkkan!
\p Məxüd Muq'addasne Otk'unee otk'uniyn eyxhe.
\p
\v 29 Maa'ad ç'ürç'ümən çaxırnan g'ab ıxha. Eskeraaşine sang'vee ç'ürç'üməne çaxıreeqa gupk'a k'yooq'a. Qiyğa züfa eyhene alayne q'ı'şilqa gupk'a qı'xı', I'sayne ghalesqa qa'a. 
\v 30 I'see ç'ürç'ümən çaxır ghalyaqa ıkkekkan. Qiyğa «Bıkırxhaynva» uvhu, vuk'ul g'a'abaççena, rı'hı'd qığeç'en.
\p
\v 31 Ülcümən yiğ ıxha. Ögiyle Şabbat qööva Yahudeeşine ç'ak'ınbışe Pilatıke «Çarmıxılqa ts'ıts'av'uynbışin g'elin barkv'bı haq'var hı'ı\f + \fr 19:31 \fr*\fq G'elin barkv'bı haq'var hı'ı: \fq*\ft Mısayne Q'aanune givapxın gyapt'ıynbı verığ ky'ooçesse yivele g'avşes vukkanva otk'un. Çarmıxılqa ts'ıts'av'uynbımee mankecab habat'a vuxha deş. Manbışde sabaranbışin hapt'ıy xılece yiğbına ts'ıts'exhe ıxha. Manbı çarmıxıl xıleppışike givapxın vuxhayke, manbışisse avts'esınmeen nafas alişşes əxə ıxha deş. Mançil-allab manbı sık'ılbaxheeyib g'elilqa suğootsasniy vukkan. Givapxınne cigee g'elybı haq'var hı'iynbımee, g'elybışe uvqıdyaaqava, nafas haxıles dəxı' zaraba habat'a vuxha.\ft*\f*, qüvxüynbı çarmıxıle gyaaqqeva» eyhe. Manbışis qüvxüynbı Şabbatne yiğıl çarmıxıl avxu vukkan deşdiy. Mane ögiyle qööne Şabbatne yiğıl xədın bayram ıxha. 
\v 32 Manke eskerar abı, I'sayka çarmıxılqa ts'ıts'av'uyne insanaaşin ts'etta sang'un, qiyğad mansang'un g'elybı haq'var ha'a. 
\v 33 I'sayne k'anyaqa qeepxhayng'a, Mana qik'u g'acu. Mang'un g'elybı haq'var ha'a deş. 
\v 34 Eskeraaşine sang'vee Mang'une ak'vaayk nizeyka q'əç' haa'a, mançe xhyaniy eb gyobatstse.
\p
\v 35 Man g'acuyng'vee vucee şahaadat haa'a, şunad mançilqa inyam he'ecenva. Mang'una şahaadat hək'ena vob, mang'uk'le cuk'led vucee hək'en eyheva ats'an. 
\v 36 Man gırgın Muq'addasne Otk'unee otk'uniyn xhinne, eyxhe: «\qt Mang'una sacab bark'v havaaq'aras deş\qt*»\f + \fr 19:36 \fr*\ft İnəxüd Mısa peyğambarne q'öd'esde kitabee otk'un (Qığ. 12:46). Maad Peesaxne bayramıs gyuvk'iyne urgne hək'ee otk'un. \ft*\f*. 
\v 37 Sa menne Otk'unee otk'un vod: «\qt Manbışe mang'une tanak ciga ha'as, mang'uqa ilyaakas\qt*»\f + \fr 19:37 \fr*\ft İnəxüd Zakariye peyğambarne kitabee (12:10).\ft*\f*.
\s I'sayn k'eyxhiy
\p
\v 38 Mançile qiyğa Arimateeğançena Yusuf Pilatısqa arı, I'sayn mayit qeqqa. Yusuf I'sayna teleba ıxha. Mana Yahudeeşine ç'ak'ınbışile qəyq'ənva, man şavuk'lecad eyhe ıxha deş. Pilatee I'sayn mayit alyaat'as Yusufusqa haysaran. Mang'veeyid I'sayn mayit arı, alyaat'an. 
\v 39 Yusufukasana Nikodimır ıxhana, manar mısamecar I'saysqa xəmde arınaniy. Nikodimee xhebts'al (30) kilolqa ələən alikkıyn yugun evanan gətraniy aloye adayle. 
\v 40 I'sayn mayit çarmıxıle gyaqqı, Yahudeeşine ədatbışis sik'ı, ətirbışika katanıke hı'iyne kafaneeqa hiyk'ar. 
\v 41 I'sa çarmıxılqa ts'ıts'ıiyne cigee bağ ıxha. Mane bağeeyib mankilqamee vuşucar k'ideyxhına sa mağara vuxha. 
\v 42 Ögiyle cühüt'yaaşin Şabbatın yiğ qööva, I'sayn mayit mane k'anene mağareeqa giyxhe.
\c 20
\s I'sa üç'ür qexhe
\p
\v 1 Ülycümne ts'ettiyne yiğıl, vacarıl, çakra miç'eer, Magdaleençena Mayram mağareene nyuq'vnesqa ayreele. Məng'ı'k'le g'aye mağarayne ghalençe g'avşu g'ooce. 
\v 2 Mana zaara g'adarxhun, Şimon-Pyoturneyiy I'says geer ıkkanne şene telebayne k'anyaqa qarı, manbışik'le eyhen:
\p – Yişda Xərna mağareençe qıkkıvur, nyaqa qıkkiyid şak'le ats'a deş.
\p
\v 3 Pyoturiy manasa teleba g'aqa qığeepç'ı, mağaraysqana avayk'an. 
\v 4 Mana q'öyürsana sacigee g'adaaxhvan vooxhe. Şena teleba Pyoturele sik'ırra zaara ı'ğiykır, mağaraysqa ögiyl hiyxhar. 
\v 5 Mana k'yorzul aqa ilyakkımee katanıke hav'una kafan ab g'ooce, vucme aqa ikkeç'e deş. 
\v 6 Mang'uqar qihna Şimon-Pyotur qarı, mağareeqa ikkeç'e. Mang'uk'le avxuna kafaniy 
\v 7 I'sayne vuk'lelqa gyuvxhuna desmal g'ooce. Desmal sav'u kafanıke curayba gyuvxhu vuxha. 
\v 8 Manke mağaraysqa ögiyl qarına şena telebar aqa ikkeç'e. Mang'uk'le man g'acu, inyam ha'a. 
\v 9 Manbışe I'sa hapt'ıynbışde yı'q'neençe oza qixhesva, Muq'addasne Otk'unee otk'unin ciga yugda vuk'leeqa k'eççu ıxha deş. 
\v 10 Qiyğa telebabı xaybışeeqa siviyk'al.
\s I'sa Magdaleençene Mayramısqa arayle
\p
\v 11 Mayram mağareene nyuq'vnesne geeşe ulyorzul yixha. Mana geeşe-geeşe kyorzul mağarayne aqa ileeka. 
\v 12 Maa'ar cagvaran karbı ali'ına q'öyre malaaik g'ece. Manbışda sa I'sayn mayit gixhxhiyne cigayne vuk'ulynane cigee, manasar g'elybınane cigee gyu'ur ıxha.
\p
\v 13 Manbışe qiyghan:
\p – Zəiyfa, nya'a geeşe?
\p Mayrameeyid manbışik'le eyhen:
\p – Yizda Xərna nyuq'vneençe qıkkıvur, nyaqa gixhxhıyid ats'a deş.
\p
\v 14 Man uvhu yı'q'əlqa ileekıyle qiyğa, I'sa maa ulyorzul g'ece. Yic mana I'sa ıxhay cek'le ats'axhxhe deş.
\p
\v 15 I'see məng'ı'ke qiyghanan:
\p – Zəiyfa, nya'a geeşe? Vuşune t'abal ha'a?
\p Mayramık'le Mana bağban ıxhay ats'axhxha, eyhen:
\p – Xərna, ğu Mana qıkkıxheene, nyaqayiy gixhxhı zak'le eyhe, zınar hark'ın Mana alyart'as.
\p
\v 16 I'see məng'ı'k'le eyhen:
\p – Mayram!
\p Manar sayk'ı, I'sayk'le cühüt'yaaşine mizel eyhen:
\p – Ravvuni!
\p (Mə'əllimva eyhen vodun.)
\p
\v 17 I'see məng'ı'k'le eyhen:
\p – Zı ıqmaqqa, Zas Dekkısqa ılqeç'es ıkkan. Yizde çocaaşisqa hark'ın, manbışik'le eyhe: «Yizde Dekkıne – vuşde Dekkıne, Yizde Allahne – vuşde Allahne k'anyaqa ılqəə».
\p
\v 18 Magdaleençena Mayram telebabışde k'anyaqa qarı, manbışik'le eyhen:
\p – Zak'le yişda Xərna g'acu!
\p Mang'vee cek'le hucoovayiy uvhu, man yuşan ha'an.
\s I'sa telebabışisqa arayle
\p
\v 19 Ülycümne ts'ettiyne yiğıne, vacarne exhal, Yahudeeşine ç'ak'ınbışile qəvəyq'ənva, telebabınane cigayn akka qı'ı eyxhe. Sayır sayangara maqa I'sa arayle. Mana yı'q'nee ulyorzul eyhen:
\p – Şos salam vuxhena!
\p
\v 20 Manıd uvhu, telebabışik'le Cun xıleppıyiy ak'vaa hagva. Telebabışik'ler yişda Xərna g'acu, şadeebaxhenbı. 
\v 21 I'see manbışik'le meed eyhen:
\p – Şos salam vuxhena! Dekkee Zı g'axuvuyn xhinne, Zınab şu g'uxoole.
\p
\v 22 Manıd uvhuyle qiyğa, I'see manbışilqa uf av'u, eyhen:
\p – Muq'addasın Rı'h aleet'e! 
\v 23 Şavneyiy şu bınahıle ılğeepç'ı, manbışda bınah havaakalasda, şavneyiy bınahıle şu ılyhıdeepç'ı, manbışda bınah havaakalas deş.
\s I'sa Tomasısqa arayle
\p
\v 24 Yıts'ıq'vəne (12) telebayna sa eyxhena Q'ömkale donana Tomas, I'sa arımee, manbışde k'ane ıxha deş. 
\v 25 Manesa telebabışe Tomasık'le «Yişda Xərna g'acuva» uvhumee, mang'vee eyhen:
\p – G'adaxbışe Mang'une xılepbışik hı'iyn cigabı g'ıdecu, mançik zı t'ub sidyoot'eene, ak'vaaykıd xıl qidet'veene, şu eyhençilqa zı hayexhe deş.
\p
\v 26 Molyne yiğıle I'sayn telebabı meeb xaa sacigeeqa sabımee, Tomasır manbışika eyxhe. Akkabı qı'ı ıxheeyid, I'sa aqa ikkeç'ena. Mana yı'q'nee ulyorzul eyhen:
\p – Şos salam vuxhena!
\p
\v 27 Mançile qiyğa Tomasık'le eyhen:
\p – T'ub inyaqa hopke, Yizde xıleppışiqa ilekke. Xılid hotku, Yizde ak'vaalqa gixhxhe. İnyam deşda mexhe, inyamnana ixhe!
\p
\v 28 Tomasee Mang'us alidghıniy qele:
\p – Ğu yizda Rəbb, yizda Allah vor!
\p
\v 29 I'see mang'uk'le eyhen:
\p – Vak'le Zı g'acuynçil-allane inyam hı'ı? G'ıdecu inyam ha'anbı nimee baxtivarariy!
\p
\v 30 I'see telebabışde ulene ögiyl medın geed əlaamatbı hagu, manbı ine kitabee otk'un deş. 
\v 31 İnyaa otk'uninbı, mançil-alla otk'un, I'sa Masih\f + \fr 20:31 \fr*\fq Masih: \fq*\ft man cuvab «q'ış qadğuna» eyhen vodun. Avaala İzrailil məxdın ədat ıxha, kaahinaaşine, paççahaaşineyiy peyğambaraaşine vuk'lelqa q'ış qadağva ıxha. Man q'öd'esın I'sayn do Allahee Mana g'əyxı'nava eyhen vod. İzrailybışik'le peyğambaraaşe uvhuynbı ats'a ıxhal-alla, manbışe Masih qarı cun millet duşmanaaşike g'attixhan hı'ı, dyunyeys xəbvalla hav'uy gozet ha'a ıxha.\ft*\f* ıxhalqa, Allahna Dix ıxhalqa şu inyam he'ecen. Mang'une doyulqa inyam he'ee, şoqa gırgıne gahbışisda ı'mı'r vuxhes.
\c 21
\s I'sa telebabışisqa golyune k'aneqa arayle
\p
\v 1 Sabara gahıle I'sa Tiberiyayne (Galileyne) golyune k'aneqa meer telebabışisqa arayle. Man inəxüd ıxha: 
\v 2 Şimon-Pyotur, Q'ömkale donana Tomas, Galileyayne Kana xiveençena Natanael, Zavdayn dixbıyiy I'sayna q'öyre merna teleba sacigeeqa savayle. 
\v 3 Şimon-Pyoturee manbışik'le eyhen:
\p – Zı baluğ aqqas ı'qqə.
\p Mansanbışed mang'uk'le eyhen:
\p – Şinab vaka vüqqə.
\p Manbıb apk'ın, sanab lotk'eeqa giviy'ar. Mane xəmde manbışisse vuççud aqqas əxə deş.
\p
\v 4 Çakra miç'eer I'sa golyune mıglek ulyorzul eyxhe, telebabışik'leme Mana I'sa ıxhay ats'axhxhe deş.
\p
\v 5 I'see manbışik'le eyhen:
\p – Uşaxar, oxhanasın hucoomecad aqqıyne?
\p Mang'us alidghıniy qele:
\p – De'eş.
\p
\v 6 I'see meed eyhen:
\p – Tor lotk'ayne sağne surale k'eçvee, aqqasın.
\p Manbışed tor k'yadaççen. Toreeqa manimeen baluğ qadayle, manbışisse yı'q'valike tor qığaççes dəxə aaxva. 
\v 7 Manke I'says geer ıkkanne telebee Pyoturuk'le eyhen:
\p – İna yişda Xərna vor.
\p Şimon-Pyoturuk'le mana yişda Xərna ıxhay g'ayxhımee, mang'vee nootsacad tanale g'ayşuyn tanalinbı culqa alitk'ır, xhineeqa ayhe. 
\v 8 Mansa telebabımee, mang'uqab qihna lotk'eecab baluğnan torud hadağva qabayle. Manbı geeb əq'əna apk'ın vuxha deş, q'öd vəş (200) xılekkumnacab xhineeqa ikkeepç'ı vuxha. 
\v 9 Manbı lotk'eençe qığeepç'ımee, maa'ad gyotxhanan ts'a, çilqa gixhxhiyn baluğiy çine k'anedın gıney g'ece. 
\v 10 I'see manbışik'le eyhen:
\p – Həşde şu aqqıyne baluğaaşike qale.
\p
\v 11 Şimon-Pyotur lotk'eeqa ılqeç'u, vəşşe xhots'ale xhebılle (153) xədın baluğnan tor ts'ıts'ı'ı, golyune mıgleqqa qadayle. Baluğar geed ıxheeyid, tor qıt'axxa deş. 
\v 12 I'see manbışik'le eyhen:
\p – Qudoora, miç'eediyn otxhuniy oxhne.
\p Telebabışde neng'veecad «Ğu vuşuneva?» qiyghanas yik' ha'a deşdiy. Manbışik'le Mana yişda Xərna ıxhay ats'anniy. 
\v 13 I'sa k'anyaqa qarı, manbışis gıneyiy baluğ hele. 
\v 14 I'sa üç'ür qıxhayle qiyğa, xhebır'es telebabışisqa arayle.
\s I'sayna Pyoturukana gaf
\p
\v 15 Miç'eediyne otxhuniyle qiyğa, I'see Şimon-Pyoturuk'le eyhen:
\p – Yuhanna dix Şimon, vas Zı, manbışis Zı ıkkanançile, geerne ıkkan?
\p Pyoturee Mang'uk'le eyhen:
\p – Ho'o, yizda Xərna, Vak'lecad zas Ğu ıkkiykıniy ats'an.
\p I'see mang'uk'le eyhen:
\p – Hark'ın, Yizın urgbı uxhiyxhne.
\p
\v 16 Q'öd'es meed Pyoturuk'le eyhen:
\p – Yuhanna dix Şimon, vas Zı ıkkannane?
\p Mang'veeyid I'sayk'le eyhen:
\p – Ho'o, yizda Xərna, Vak'le zas Ğu ıkkiykıniy ats'an.
\p I'see mang'uk'le eyhen:
\p – Yizde vəq'əbışda hee'e.
\p
\v 17 Xhebıd'es Pyoturuk'le eyhen:
\p – Yuhanna dix Şimon, vas Zı ıkkannane?
\p Pyoturee xhebıd'es I'see cuke «Zı ıkkannaneva?» qiyghıniys aq'va qı'ı, Mang'uk'le eyhen:
\p – Yizda Xərna, Vak'le gırgın ats'an, zas Ğu ıkkiykıniyid ats'an.
\p I'see mang'uk'le eyhen:
\p – Hark'ın, Yizın vəq'əbı uxhiyxhne. 
\v 18 Zı vak'le hək'en eyhe, ğu mek'vranang'a ğucad valqa tanalinbı ali'ı, vas ıkkanne cigeeqa hayk'annaniy. Q'əs qıxhameeme, ğu xıleppı hotk'es, merıng'veeyid valqa tanalinbı alya'as, vas dekkanecar cigeeqa ıkkees.
\p
\v 19 Məxüd Mang'vee Pyotur nəxüriy qik'asva, cune qik'uykar mang'vee nəxüriy Allah axtı qa'asva eyhe ıxha. Manıd uvhuyle qiyğa, Mang'vee Pyoturuk'le eyhen:
\p – Zaqar qihna qora.
\p
\v 20 Pyotur yı'q'əlqa ilyakkımee, I'says geer ıkkanna teleba coqar qihna qöö g'ece. Exhaliyn kar otxhanang'a I'says inekke k'ane g'alirxhu «Yizda Xərna, Ğu merıng'une xılyaqa qelesda insan vuşuneva?» qiyghınna teleba mana ıxha. 
\v 21 Pyoturuk'le mana teleba g'acu, I'sayk'le eyhen:
\p – Yizda Xərna, mang'uk hucoona ixhes?
\p
\v 22 I'see mang'uk'le eyhen:
\p – Zı qalesmee mang'un üç'ürra axuy Zas ıkkiykıninxhiy, mançike vas hucoona? Ğu Zaqar qihna qora.
\p
\v 23 Mana gaf vuxhayle qiyğa, telebabışde yı'q'nee mana teleba qik'as deşva gaf gyooxha. I'see mana qik'as deşva uvhu deşdiy. Mang'vee saccu «Zı qalesmee mang'un üç'ürra axuy Zas ıkkiykıninxhiy, mançike vas hucoonevaniy?» uvhu.
\p
\v 24 Manbı otk'unna mana teleba vor. İn karbı ıxhavad şahaadat mang'vee hav'u. Şak'led ats'an mang'una şahaadat hək'ena vob.
\p
\v 25 I'see hı'iyn geed medın karbıd vodunbı. Yizde uvhuyn, Mang'vee hı'iynmeen gırgın karbı sassadna otk'uniynxhiy, otk'uniynmeen kitabbı ine dyunyeeqa oharas deşdiy.