\id MAT - Rana Tharu
\ide UTF-8
\h मत्ती
\toc3 मत्ती
\toc2 मत्ती
\toc1 मत्ती को लिखो भौ ईसु मसीह को सुसमाचार
\mt2 मत्ती का लिखा हुआ ईसु मसीह का सुसमाचार
\mt1 मत्ती को लिखो भौ ईसु मसीह को सुसमाचार
\imt परिचय
\ip मत्ती का सुसमाचार नये नियम की चार सुसमाचार कि किताबन मैं से एक है जो ईसु मसीह की जिंदगी के बारे मैं बताथै। उनमैं से सबन कै “सुसमाचार” कहो जाथै, जोको मतलब है “सुसमाचार।”
\ip बे मत्ती, मरकुस, लूका और यूहन्ना के जरिया ईसु की मौत के बाद लिखी गई रहैं। मत्ती के जरिये लिखी गई सुसमाचार की किताब की लिखन की पक्की तारीक बाईबिल ग्यातन कै पक्को पता ना है। पर जे लमसम मसीह के जनम के साठ साल बाद लिखे जाने की संभावना है। जहे के संग जौ किताब जहाँ लिखी गई बौ जघा भी पता ना है पर भौत से मानथैं कि जौ फिलिस्तीन मैं और हुई सकथै यरूसलेम सहर मैं भी लिखी गई होबै।
\ip लेखक मत्ती है, जो ईसु के जरिये चेला बनान के ताहीं बुलान के पहले जौ कर बसूलन बारो रहै। जौ लेवी नाओं से भी जानो जात रहै। मत्ती बहारै प्रेरितन मैं से एक रहै और जौ किताब बौ यहूदि पाठकन के ताहीं लिखी। जाकै पुराने नियम के पवित्र सास्त्र के 60 से जद्धे सन्दर्भों के जरिया सपा तरीका से देखो जाए सकथै। बौ जौ दिखानो चात रहै कि ईसु ही मसीहा रहै, परमेस्वर को चुनो भौ उद्धारकर्ता, जोके बारे मैं भविस्यवाँड़ी करी गई रहै। मत्ती परमेस्वर के राज्य के बारे मैं भी भौत कछु लिखी। यहूदियन कै उमीद रहै कि मसीहा एक राजनीतिक राज्य को राजा बनैगो। मत्ती परमेस्वर के आध्यात्मिक राज्य के बारे मैं बताए कै बौ बिस्वास कै चुनौती देन के ताहीं भौत चहाचीते रहथै।
\ip मत्ती के जरिये सुसमाचार नये नियम की सुरुवात करन के ताहीं एक अच्छी किताब है। काहैकि पुरानो नियम के सन्दर्भ से जोड़थै। जे दोनों नये नियम और पुराने नियम कै जोड़थैं। विद्वान जहो सुझाव दईं हैं, हुई सकथै मत्ती मूसा की किताबन की नकल करन की कोसिस करी है, जो पुराने नियम की पहली पाँच किताब हैं। पहाड़ मैं ईसु के उपदेस (5-7) की बराबरी परमेस्वर के जरिया मूसा कै नियम देन से करी जाए सकथै \xt व्यवस्थाविवरन 19:3–23:25\xt*।
\iot रूपरेखा:
\io1 1. मत्ती सुसमाचार कै ईसु मसीह के जनम और बाकी सेवकाई की सुरुवात के बारे मैं बताए कै सुरू करथै। \ior 1:4\ior*
\io1 2. जाके बाद मत्ती ईसु की सेवकाई और बाके तमान सिक्छन को वर्ड़न करथै। \ior 5:25 \ior*
\io1 3. मत्ती को आखरी भाग ईसु की मौत और पुनरुत्थान की सेवकाई कै सिखर मैं रखी। \ior 26:28 \ior*
\c 1
\s ईसु मसीह की वंसावली
\r (लूका 3:23-38)
\p
\v 1 अब्राहम को बंस दाऊद के लौड़ा ईसु मसीह की बंसावली किताब मैं जौ तरह से है।
\p
\v 2 अब्राहम इसहाक को दऊवा रहै, और इसहाक याकूब को दऊवा, और याकूब यहूदा और बाके भईय्यन को दऊवा, 
\v 3 यहूदा को लौड़ा पेरेस और जरह रहैं उनकी अईय्या को नाओं तामार रहै। पेरेस हेस्रोन को दऊवा रहै, हेज्रोन आराम को दऊवा रहै, 
\v 4 आराम अम्मीनादाब को दऊवा, और अम्मीनादाब नहसोन को दऊवा, और नहसोन सलमोन को दऊवा, 
\v 5 सलमोन से बोअज को जनम भौ, बोअज की अईय्या को नाओं राहाब रहै, बोअज और रूत से ओबेद को जनम भौ और ओबेद यिसै को दऊवा रहै।
\p
\v 6 और यिसै से राजा दाऊद पैदा भौ। सुलैमान दाऊद को लौड़ा रहै जो बौ बईय्यर से पैदा भौ जो पहले ऊरिय्याह की बईय्यर रहै। 
\v 7 और सुलैमान रेहोबाम को दऊवा, और रेहोबाम अबिजा को दऊवा, और अबिजा आसा को दऊवा, 
\v 8 यहोसापात को दऊवा आसा, और जोराम को दऊवा यहोसापात, और उज्जियाह को दऊवा जोराम; 
\v 9 और उज्जियाह योताम को दऊवा, और योताम आहाज को दऊवा, और हिजकिय्याह को दऊवा आहाज, 
\v 10 और हिजकिय्याह मनस्से को दऊवा, और मनस्से आमोन को दऊवा, और आमोन योसिय्याह को दऊवा, 
\v 11 फिर इस्राएल के लोगन कै बंधी बनाएकै बेबीलोन लै जात समय योसिय्याह से यकुन्याह और बाके भईय्या पैदा भै।
\p
\v 12 बेबीलोन मैं जान के बाद यकुन्याह सालतियेल को दऊवा बनो, सालतियेल से जरूब्बाबेल पैदा भौ, 
\v 13 और जरूब्बाबेल से अबीहूद पैदा भौ, और अबीहूद को लौड़ा एलयाकीम, और एलयाकीम को लौड़ा अजोर, 
\v 14 और अजोर को दऊवा सादोक, और अखीम को दऊवा एलीहूद, 
\v 15 और एलियाजर के दऊवा एलीहूद और मत्तान को दऊवा एलीयाजर, और मत्तान याकूब के दऊवा, 
\v 16 और याकूब, यूसुफ को दऊवा, जो मरियम को दऊवा रहै, मरियम से ईसु जनम भौ, जो मसीह कहलाओ।
\p
\v 17 तौ, अब्राहम से लैकै राजा दाऊद तक चौदह पीढ़ी रहैं, और दाऊद से लैकै बंधी बनाएकै बाबुल पहुँचाए जाने तक चौदह पीढ़ी, और बंधी बनाएकै बेबीलोन पहुँचाए जाने से मसीह को जनम तक चौदह पीढ़ी और भईं।
\s ईसु मसीह को जनम
\r (लूका 2:1-7)
\p
\v 18 \x + \xo 1:18 \xo*\xt लूका 1:27\xt*\x* ईसु मसीह को जनम ऐसे करकै भौ। बाकी अईय्या मरियम की दिखनौरी यूसुफ से हुई गई रहै, लेकिन जासे पहले कि बे बिहा करते, बाकै पता चल गौ कि बौ पवित्र आत्मा की सक्ति से गर्भवती है। 
\v 19 लेकिन बाको होन बारो लोगा यूसुफ एक अच्छो और धर्मी आदमी रहै, बौ नाय चाहत रहै कि बाकै लोगन के सामने बदनाम करै, तभई बौ तै करी कि चुप्पे से बौ मंगनी तोड़ देबै। 
\v 20 जब बौ जौ बारे मैं सोचतै रहै, प्रभु को एक स्वर्गदूत बाकै सपने मैं दिखाई दई और कही, “हे यूसुफ दाऊद के लौड़ा, मरियम कै अपनी बईय्यर बनान के ताहीं मत डराबै। काहैकि जो बच्चा बाके गरब मैं है बौ पवित्र आत्मा की घाँईं से है। 
\v 21 \x + \xo 1:21 \xo*\xt लूका 1:31 \xt*\x*बाको एक लौड़ा होगो, और तुम बाको नाओं ईसु रखियो, काहैकि बौ अपने लोगन कै उनके पापन से बचागो।”
\p
\v 22 जब प्रभु भविस्यवक्ता के जरिया कही भइ बात कै पूरो करन के ताहीं जौ सब करी, 
\v 23 \x + \xo 1:23 \xo*\xt यसायाह 7:14\xt*\x* देखौ “एक कुवाँरी लौड़िया गर्भवती हुईकै एक लौड़ा कै जनम देगी, और बाको नाओं इम्मानुएल रखो जागो” जोको मतलब है, “परमेस्वर हमरे संग है।”
\p
\v 24 जब यूसुफ नींद से उठो, तब बौ बहे करी जो प्रभु को स्वर्गदूत करन के ताहीं आग्या दई रहै बौ मरियम से बिहा करी, जैसी कि प्रभु के दूत बाकै आग्या दई रहै। 
\v 25 \x + \xo 1:25 \xo*\xt लूका 2:21\xt*\x*लेकिन अपने लौड़ा कै पैदा होन से पहले बाके संग कोई गलत संबंध नाय रहै। और युसुफ अपने लौड़ा को नाओं ईसु रखी।
\c 2
\s अगार के लोगन की भेंट
\p
\v 1 ईसु को जनम यहूदिया के बैतलहम सहर मैं बौ समय भौ जब हेरोदस राजा रहै। जाके तुरंत बाद, कुछ विद्वान लोग जो तारन को अध्ययन करत रहैं, अगार से यरूसलेम आए 
\v 2 बे पूँछीं, “यहूदियन को नया जन्मों भौ राजा कहाँ है? हम बाके तारा कै आसमान मैं देखे, तभई हम पूँछ रै हैं, और हम बाकी आराधना करन कै आए हैं।”
\p
\v 3 जब राजा हेरोदस जौ बारे मैं सुनी, तौ बौ भौत परेसान भौ, और ऐसोई यरूसलेम मैं सबै कोई रहै। 
\v 4 बौ सब यहूदि सब बड़े पुजारिन और यहूदि नियम के सिक्छक कै बुलबाए कै उनसे पूँछी, “मसीहा को जनम कहाँ होने है?”
\p
\v 5 बे जबाब दईं, “यहूदिया के बैतलहम सहर मैं, जाके बारे मैं भविस्यवक्ता लिखी हैं:
\q1
\v 6 \x + \xo 2:6 \xo*\xt मीका 5:2 \xt*\x*‘लेकिन तैं यहूदा की धरती की सीमा स्थित बैतलहम,
\q2 तैं यहूदा अधिकारिन मैं कोई से छोटो नाय है;
\q1 काहैकि तेरे मैं से एक सासक आगो
\q2 जो मेरे लोग और इस्राएल को मार्गदर्सन करैगो।’”
\p
\v 7 तभई राजा हेरोदस अगार से ज्योतिसियन कै चुप्पे से बैठक मैं बुलाई और उनसे पता लगाई कि तारा कौन से समय दिखो रहै। 
\v 8 तब बौ उनकै जौ हुकम दैकै बैतलहम पनारी: “जाबौ बौ बालका के बारे मैं अच्छी तरह से पता लगाबौ, और जब तुम्हैं बौ मिल जाबै, तौ मोकै बताओ, जोसे महुँ जाएकै बाकी आराधना कर सकौं।” 
\v 9 और बे राजा की आग्या सुनकै चले गै, और उनकै राह मैं बहे तारा दिखो जो बे अगार मैं देखीं रहैं। 
\v 10 जब बे बौ तारा देखीं, तौ बे भौत खुस भै! 
\v 11 बे घर मैं गै, और जब बे बालक कै बाकी अईय्या मरियम के संग देखीं, तौ झुककै घूँटो टेक बाकै दन्डवत करीं। और बे अपनो कीमती चीज को पिटारो खोलीं और अपनो सोनो, लोबान और मुर को भेंट लायकै, बाके सामने भेंट करीं।\fig लोहबान, धूपदानी और धूप बेदी|alt="Frankincense branch, censer and incense altar" src="bk00116b.tif" size="col" copy="Horace Knowles ©" ref="2:11"\fig*
\p
\v 12 फिर बे दुसरी रस्ता से अपने देस कै लौट गै, काहैकि परमेस्वर उनकै सपने मैं चिताई रहै कि हेरोदस के झोने फिर मत जईयो।
\s मिस्र देस कै भाजनो
\p
\v 13 जब बे चले गै, तब प्रभु को एक स्वर्गदूत यूसुफ के सपने मैं दिखाई दई और कही, “राजा हेरोदस बालक कै मारन के ताहीं ढूँड़ैगो। सो उठ, बालक और बाकी अईय्या कै लै जा और मिस्र देस कै भाज जा, और जब तक मैं तुमकै देस छोड़न के ताहीं ना कहमौं, तब तक हूँनै रहियो।”
\p
\v 14 तौ युसुफ उठो, और बालक और बाकी अईय्या कै लैकै रातै कै मिस्र कै चले गौ, 
\v 15 \x + \xo 2:15 \xo*\xt होसे 11:1 \xt*\x*जहाँ बौ राजा हेरोदस के मरन ले रहो। ऐसो तभई भौ जौ प्रभु भविस्यवक्ता के जरिये कही रहै, बौ पूरो हुई जाबै “मैं अपने बालक कै मिस्र से बाहर बुलाओ।”
\s बालकन की हत्या
\p
\v 16 राजा हेरोदस जब जौ देखी कि सितारन को अध्ययन करन बारे विद्वान बाके संग चाल चली हैं, तब बौ भौत गुस्सा हुई गौ और बौ आग्या दई कि बैतलहम और बाके आसपास मैं दुई साल या बासे छोटे सबै बालकन की हत्या कर दई जाबै! सितारन को अध्ययन करन बारे विद्वान के बताए भै समय को आधार बनाएकै जौ करी। 
\v 17 ऐसे करकै यिर्मयाह भविस्यवक्ता जो कही रहै, बौ सच मैं पूरो भौ:
\q1
\v 18 “रामा नगर मैं एक अबाज सुनाई देथै,
\q2 जो दर्दीली रोन की अबाज है।
\q1 राहेल अपने बालकन के ताहीं रोय रइ है;
\q2 ना चाहत रहै कि बौ समय बाकै कोई सांति दियै,
\q2 काहैकि बाके तौ सबै बालका मर चुके रहैं।”
\s मिस्र देस कै लौटनो
\p
\v 19 जब राजा हेरोदस की मौत हुई गई, तब प्रभु को एक स्वर्गदूत मिस्र मैं यूसुफ कै एक सपने मैं दिखाई दई। 
\v 20 बौ कही, “उठ, बालका और बाकी अईय्या कै लै जा, और इस्राएल देस की जमीन मैं तुम बापस लौट जाबौ, काहैकि जो आदमी बालकन की ज्यान लेन बारो रहै बौ मर चुको है।” 
\v 21 तभई यूसुफ उठो, बालक और बाकी अईय्या कै लैकै इस्राएल देस चले गौ।
\p
\v 22 लेकिन जब यूसुफ सुनी कि हेरोदस अपने लौड़ा अर्खलास कै यहूदिया को राजा बनाई है, तौ बौ हूँना जान से डरो। बाकै एक सपने मैं निरे निर्देस मिले रहैं, तभई बे गलील परदेस मैं चले गै। 
\v 23 \x + \xo 2:23 \xo*\xt मरकुस 1:24; लूका 2:39; यूहन्ना 1:45 \xt*\x*और नासरत नाओं के एक सहर मैं अपनो घर बनाईं। और तभई भविस्यवक्ता जो कहीं रहैं बौ बात सच मैं पूरी भइ: “बाकै नासरी कहो जाबैगो।”
\c 3
\s यूहन्ना बपतिस्मा देनबारे को प्रचार
\r (मरकुस 1:1-8; लूका 3:1-18; यूहन्ना 1:19-28)
\p
\v 1 बौ समय यूहन्ना बपतिस्मा देन बारो यहूदिया के रेगिस्तान मैं आओ और प्रचार करनो सुरु करी। 
\v 2 \x + \xo 3:2 \xo*\xt मत्ती 4:17; मरकुस 1:15 \xt*\x* बौ कही: “पापन से मन फिराबौ, काहैकि स्वर्ग को राज्य झोने है!” 
\v 3 \x + \xo 3:3 \xo*\xt यसायाह 40:3 \xt*\x*यूहन्ना बहे आदमी है, जोके बारे मैं यसायाह भविस्यवक्ता चर्चा करत भै कही रहै,
\q1 “कोई रेगिस्तान से चिल्लाए रौ है,
\q2 कि प्रभु के ताहीं रस्ता तैयार करौ;
\q2 बाके ताहीं राह सीधी बनाबौ!”
\p
\v 4 \x + \xo 3:4 \xo*\xt 2 राजा 1:8 \xt*\x*यूहन्ना के लत्ता ऊँट के बारन से बने रहैं; बौ अपने करिहाँओं मैं एक चमड़ा की कमरबंद पहने रहै, और बाको खानु टींड़ा और बन को सहद रहै। 
\v 5 बौ समय यरूसलेम, और पूरो यहूदिया छेत्र और यरदन नदिया के आसपास के लोग बाके झोने आयकै जुराए गै। 
\v 6 बे अपने पापन कै मान लेते, और बौ उनकै यरदन नदिया मैं बपतिस्मा दई।
\p
\v 7 \x + \xo 3:7 \xo*\xt मत्ती 12:34; 23:33 \xt*\x*जब यूहन्ना निरे फरीसियन और सदूकियन कै बपतिस्मा लेन के ताहीं बाके झोने आत देखी, तौ बौ उनसे कही, “साँप के बालकौ, जो तुमकै कौन बताई कि तुम प्रभु के भावी क्रोध से बच सकथौ? 
\v 8 तुमकै सबूत देनो होगो कि तुम बास्तव मैं मन फिराए भै हौ। 
\v 9 \x + \xo 3:9 \xo*\xt यूहन्ना 8:33 \xt*\x*और जौ मत सोचौ कि तुम जौ कहकै सजा से बच जागे कि अब्राहम तुमरो पुरखा है। मैं तुमसे कहथौं कि परमेस्वर जे चट्टान से अब्राहम के ताहीं बंस बनाये सकथै! 
\v 10 \x + \xo 3:10 \xo*\xt मत्ती 7:19\xt*\x* कुल्हाड़ी पेंड़न की जड़न कै काटन के ताहीं तैयार है; अच्छो फरा ना देनबारे सब पेंड़ कै काटकै आगी मैं झोंक दौ जागो। 
\v 11 मैं तौ तुम्हैं पानी से मन फिराव के ताहीं पानी से बपतिस्मा देथौं, लेकिन जो मेरे बाद आगो बौ तुमकै पवित्र आत्मा और आगी से बपतिस्मा देगो। बौ मोसे भौत बड़ो है; और मैं इत्तो अच्छो नाय हौं कि बाकी जूता की तनी खोलन के काबिल हौं। 
\v 12 \x + \xo 3:12 \xo*\xt 5:14,23\xt*\x* बाके हात मैं बाको सूपो है, जोसे बौ गेंहूँ छान कै भूसा से अलग करथै अपने खेत कै साफ करकै पूरो अनाज कै इखट्टो कर कुठियन मैं भरैगो, पर भुसा कै ऐसी आगी मैं डार देगो जो कभी बुझन से न बुझैगी।”
\s ईसु को बपतिस्मा
\r (मरकुस 1:9-11; लूका 3:21,22)
\p
\v 13 बौ समय ईसु गलील परदेस से चलकै यरदन नदिया के किनारे यूहन्ना के झोने बासे बपतिस्मा लई। 
\v 14 लेकिन यूहन्ना जौ कहकै बाकै रोकन लगो कि, “मोकै तेरे हातन से बपतिस्मा लेन की जरूरत है और तहुँओं तैं मेरे झोने आओ है!” 
\v 15 लेकिन ईसु बाकै जबाब दई, “हबै ऐसिये होन दे। हमसे जो परमेस्वर चाहथै बाकै पूरो करन के ताहीं धार्मिकता जहे तरहन से ठीक है।” फिर यूहन्ना मान गौ। 
\v 16 ईसु के बपतिस्मा लेन के तुरंत बाद, बौ पानी से बहार आओ, तौ बाके ताहीं स्वर्ग खोलो गौ, और बौ परमेस्वर की आत्मा को एक कबूतर के हानी नीचे उतरत और अपने ऊपर आत भौ देखी और बाके ऊपर उजीतो हुई गौ। 
\v 17 \x + \xo 3:17 \xo*\xt उत्पत्ति 22:2; भजन संहिता 2:7; यसायाह 42:1; मत्ती 12:18; 17:5; मरकुस 1:11; लूका 9:35\xt*\x*तौ स्वर्ग से एक अबाज आई, “जौ मेरो अपनो प्रिय लौड़ा है, जोसे मैं भौत खुस हौं।”
\c 4
\s ईसु की परिक्छा
\r (मरकुस 1:12,13; लूका 4:1-13)
\p
\v 1 फिर आत्मा ईसु कै सैतान के जरिया परिक्छा करन के ताहीं मरुसथल मैं लै गई। 
\v 2 चालीस दिन और चालीस रात बर्त रहन के बाद ईसु कै भूंक लगी। 
\v 3 तब सैतान बाके झोने आओ और लालच देत भै कही, “अगर तैं परमेस्वर को लौड़ा है, तौ जे पथरन कै रोटी बनान के तहीं कह।” 
\v 4 \x + \xo 4:4 \xo*\xt व्यवस्थाविवरन 8:3 \xt*\x*पर ईसु जबाब दई, “सास्त्र कहथै, ‘इंसान सिरफ रोटी से ही जिंदो नाय रह सकथै,’ लेकिन हर बौ सब्द से जीथै जो परमेस्वर बोलथै।”
\p
\v 5 फिर सैतान ईसु कै यरूसलेम के पवित्र सहर मैं लै जाएकै, बौ बाकै मंदिर के सबसे ऊँची जघा मैं खड़ो करकै। 
\v 6 \x + \xo 4:6 \xo*\xt भजन संहिता 91:11,12 \xt*\x*और बासे कही, “अगर तैं परमेस्वर को लौड़ा है, तौ अपने आपकै नीचे फेंक दे, काहैकि सास्त्र कहथै,
\q1 ‘परमेस्वर तेरी देखभार करन के ताहीं स्वर्गदूतन कै आग्या देगो
\q2 ताकी तोकै हातौ हात उठाए लेंगे,
\q2 ताकी तेरे पैर मैं पथरा से चोट ना लगै।’”
\p
\v 7 \x + \xo 4:7 \xo*\xt व्यवस्थाविवरन 6:16 \xt*\x*ईसु जबाब दई, “लेकिन सास्त्र जौ भी कहथै, ‘अपने प्रभु परमेस्वर की परिक्छा मत कर।’” 
\v 8 जब सैतान ईसु कै भौत ऊँचे पहाड़ मैं लैगौ और बाकै दुनिया के सबै राज्यन कै अपनी महानता मैं दिखाई। 
\v 9 “सैतान कही, जौ सब मैं तोकै देंगो, अगर तैं झुककै मेरी आराधना करैगो।”
\p
\v 10 \x + \xo 4:10 \xo*\xt व्यवस्थाविवरन 6:13\xt*\x*तौ ईसु जबाब दई, “सैतान चले जा! सास्त्र कहथै, ‘प्रभु अपने परमेस्वर की आराधना कर और सिरफ बहे की सेवा कर!’”
\p
\v 11 तौ सैतान ईसु के छोड़ दई; और स्वर्गदूत आयकै बाकी सेवा और मदत करीं।
\s ईसु गलील मैं अपनी सेवकाई सुरु करथै
\r (मरकुस 1:14,15; लूका 4:14,15)
\p
\v 12 \x + \xo 4:12 \xo*\xt मत्ती 14:3; मरकुस 6:17; लूका 3:19,20\xt*\x*जब ईसु सुनी कि यूहन्ना कै कैदखाना मैं डार दौ गौ है, तौ बौ गलील लौट आओ। 
\v 13 \x + \xo 4:13 \xo*\xt यूहन्ना 2:12 \xt*\x*लेकिन बौ नासरत मैं नाय ठहरो, लेकिन जबूलून और नप्ताली के इलाका मैं गलील झील के एक सहर कफरनहूम मैं रहन लगो। 
\v 14 ऐसो तभई भौ कि परमेस्वर यसायाह भविस्यवक्ता के जरिया जो कही रहै बौ पूरो हो।
\q1
\v 15 \x + \xo 4:15 \xo*\xt यसायाह 9:1,2\xt*\x*“जबूलून की जमीन और नप्ताली के देस,
\q2 समुंदर के रस्ता मैं, यरदन नदिया के पछार मैं
\q2 गैर यहूदिन के देस गलील मैं!
\q1
\v 16 जो आदमी अंधियारे मैं जीथैं ,
\q2 बे एक महान जोती देखीं।
\q1 जो मौत की छाया के देस मैं रहत रहैं उनके ऊपर
\q2 जोती उनके ऊपर चमकी।”
\p
\v 17 \x + \xo 4:17 \xo*\xt मत्ती 3:2\xt*\x*बौ समय से ईसु अपनो प्रचार सुनानो सुरु करी: “अपने पापन से मन फिराबौ काहैकि स्वर्ग को राज्य झोने है!”
\s चार चेलन कै बुलानो
\r (मरकुस 1:16-20; लूका 5:1-11)
\p
\v 18 जैसे ईसु गलील झील के किनारे कै गौ, बौ दुई भईय्यन कै देखी, जो मछरेया रहैं, सिमौन पतरस और बाको भईय्या अन्द्रियास, एक संग जार से झील मैं मच्छी मारत रहैं। 
\v 19 ईसु उनसे कही, “मेरे पच्छू चले आबौ, मैं तुमकै सिखांगो मच्छी पकड़न के बजाय इंसानी रूपी मच्छी कैसे पकड़ी जाथैं।” 
\v 20 बे तुरंतै अपनो जार छोड़कै बाके संग चले गै।
\p
\v 21 फिर बौ हुँआँ से अग्गु चल पड़ो और बौ देखी कि, जब्दी को लौड़ा याकूब और बाको भईय्या यूहन्ना कै देखी। बे अपने दऊवा के संग नईंयाँ मैं जार सुरजात रहैं, ईसु उनकै बुलाई। 
\v 22 और बे तुरंत नईंयाँ और अपने दऊवा कै छोड़कै बाके पच्छू चले गै।
\s ईसु सिखाथै, उपदेस देथै, और चंगो करथै
\r (लूका 6:17-19)
\p
\v 23 \x + \xo 4:23 \xo*\xt मत्ती 9:35; मरकुस 1:39\xt*\x*ईसु गलील परदेस मैं यहूदि सभाघरन मैं स्वर्ग के राज्य को सुसमाचार को उपदेस देतो और सब तरह के रोग और बिमारन कै चंगो करत भै घूमन लगो। 
\v 24 बाके बारे मैं पूरे सीरिया तक खबर फैल गई, तभई लोग जो बिमार रहैं और तरह-तरह के रोग और दुखन से दुखी रहैं, जिनमैं प्रेत आत्मा सवार रहैं, जिन्हैं मिर्गी आत रहै और जो फालिस के मारे रहैं बाके झोने लान लगे, और ईसु उन्हैं चंगो करी। 
\v 25 तभई गलील दिकापुलिस जोके दस सहर कहो जाथै, यरूसलेम, यहूदिया, और यरदन नदिया के पार लोगन की बड़ी-बड़ी भीड़ बको अनुसरँड़ करन लगी।
\c 5
\s पहाड़ मैं उपदेस देनो
\p
\v 1 ईसु भीड़ कै देखी और एक पहाड़ मैं चढ़गौ, जितै बौ बैठगौ, और बाके चेला बाके झोने आए गै, 
\v 2 और बौ उनकै सिखान लगो:
\s अच्छो वचन
\r (लूका 6:20-23)
\q1
\v 3 “धन्य बे हैं, जो मन के दीन हैं;
\q2 स्वर्ग को राज्य उन्हईं को है!”
\q1
\v 4 \x + \xo 5:4 \xo*\xt यसायाह 61:2 \xt*\x*“धन्य बे हैं जो दुख मनाथैं;
\q2 परमेस्वर उनकै सांति देगो!”
\q1
\v 5 \x + \xo 5:5 \xo*\xt भजन संहिता 37:11 \xt*\x*“धन्य बे हैं जो विनम्र हैं;
\q2 बे धरती के वारिस होंगे!”
\q1
\v 6 \x + \xo 5:6 \xo*\xt यसायाह 55:1,2; 24:21 \xt*\x*“धन्य बे हैं, जो धार्मिकता के भूंके और प्यासे हैं,
\q2 बे तृप्त करे जांगे!”
\q1
\v 7 “धन्य बे हैं, जो दुसरेन ऊपर दया करथैं;
\q2 परमेस्वर उनके ऊपर दया करैगो!”
\q1
\v 8 \x + \xo 5:8 \xo*\xt भजन संहिता 24:3 \xt*\x*“धन्य बे हैं जिनके मन सुद्ध हैं;
\q2 बे परमेस्वर कै देखंगे!”
\q1
\v 9 “धन्य बे हैं जो सांति के ताहीं काम करथैं;
\q2 परमेस्वर उनकै अपनो लौड़ा बनागो!”
\q1
\v 10 \x + \xo 5:10 \xo*\xt 1 पतरस 3:14 \xt*\x*“धन्य बे हैं जिनकै धार्मिकता के बजह से सताओ जाथै,
\q2 काहैकि स्वर्ग को राज्य उन्हईं को है!”
\p
\v 11 \x + \xo 5:11 \xo*\xt 1 पतरस 4:14\xt*\x*“धन्य तुम हौ, जब लोग तुमरी बुराई करथैं और तुमकै सताथैं और तुमरे खिलाप सबै तरह के झूठ बोलथैं काहैकि तुम मेरे अनुयायी हौ। 
\v 12 \x + \xo 5:12 \xo*\xt 2 इतिहास 36:16; 2:8; प्रेरितो 7:52\xt*\x*धन्य और रहबौ काहैकि स्वर्ग मैं तुमरे ताहीं एक बड़ो इनाम रखो गौ है, बे तारन को अध्ययन करन बारे भविस्यवक्तन कै जो तुमसे पहले एसेई सताव गौ रहै।”
\s नून और उजीतो
\r (मरकुस 9:50; लूका 14:34,35)
\p
\v 13 \x + \xo 5:13 \xo*\xt मरकुस 9:50; लूका 14:34,35\xt*\x*“तुम, पूरी इंसान जाति के ताहीं पृथ्वी के नमक के तरह हौ। लेकिन अगर नमक अपने नुनियानपन कै खाए देथै, तौ बाकै दुबारा से नुनियान बनान को कोई तरीका नाय है; जौ पक्का बेकार हुई गौ है, तभई जाकै बहार फेंक दौ जाथै और लोग बाकै रौंद देथैं।”
\p
\v 14 \x + \xo 5:14 \xo*\xt यूहन्ना 8:12; 9:5\xt*\x*“तुम पूरी दुनिया के ताहीं उजियारो के हानी हौ। पहाड़ मैं बनो सहर छिप नाय सकथै। 
\v 15 \x + \xo 5:15 \xo*\xt मरकुस 4:21; लूका 8:16; 11:33\xt*\x*और लोग दिया जलायकै छपरिया के तरे नाय रखथैं लेकिन डीट मैं रखथैं, तौ बाके उजीते से घर के सब लोगन कै उजियारो मिलथै। 
\v 16 \x + \xo 5:16 \xo*\xt 1 पतरस 2:12 \xt*\x*बैसिये लोगन के सामने तुमरो उजियारो ऐसे चमकै कि तुमरे अच्छे कामन कै देख तुमरे स्वर्गिय, दऊवा की बड़ाँईं होबै।”
\s नियम के बारे मैं पढ़ानो
\p
\v 17 “जौ मत सोचौ कि मैं मूसा के नियम और भविस्यवक्तन के लिखे भै नियम कै खतम करन आओ हौं बल्कि उन्हैं पूरो करन के ताहीं आओ हौं। 
\v 18 \f + \fr 5:18 \fr*\ft सबै चीजन को अंत; या जाके सबै उपदेस सच हैं।\ft*\f*मैं सच कहथौं कि जब तक धरती और आसमान मिट न जामैं, तब तक मूसा के नियम की एक ंमात्रा या बिन्दु भी बिना पूरो भौ खतम नाय होगो। 
\v 19 तौ जो कोई जे छोटी से छोटी आग्यन मैं से कोई एक कै तोड़ै, और बैसिये लोगन कै सिखाबै, बौ स्वर्ग के राज्य मैं सबसे छोटो मानो जागो; लेकिन जो कोई उनको पालन करैगो और उनकै सिखागो, बहे स्वर्ग के राज्य मैं महान मानो जागो। 
\v 20 मैं तुमकै सच कहथौं, तुम स्वर्ग के राज्य मैं तभई जाए पागे, जब तुम्हारी धार्मिकता यहूदि नियम के सिक्छन की तुलना मैं और फरीसियन की तुलना मैं जाधे बिस्वास के काबिल होगे।”
\s गुस्सा के बारे मैं सिखानो
\p
\v 21 \x + \xo 5:21 \xo*\xt निर्गमन 20:13; व्यवस्थाविवरन 5:17 \xt*\x*“तुम जानत हौ कि हमरे पुरखन से कहो गौ रहै कि हत्या मत करियो, ‘जो कोई भी कोई कै मारैगो बाकै कचहरी मैं न्याय के ताहीं ले जाओ जागो।’ 
\v 22 लेकिन मैं तुमसे कहथौं कि जो कोई आदमी अपने भईय्या से गुस्सा करथै बाकै भी न्याय के अदालत मैं बाके ताहीं जबाब देनो होगो और जो कोई अपने भईय्या कै ‘तैं कोई काम नाय करथै है तौ बाकै महासभा मैं लाओ जागो। और अगर कोई अपने भईय्या कै हे मूर्ख कहेगो तौ बाकै नरक की आगी मैं जान को खतरा रैहगो।’ 
\v 23 तौ अगर तैं बेदी मैं अपनो भेंट चढ़ाय रहो है और हूँना तोकै याद है कि तेरे भईय्या के मन तेरे ताहीं तेरे खिलाप मैं कुछ है, 
\v 24 तौ तैं बेदी के सामने अपनी भेंट हूँनै धर दे, पहले जाएकै अपने भईय्या के संग मेल कर, और फिरौंकी बापस आयकै अपनी भेंट परमेस्वर कै चढ़ा।”
\p
\v 25 “अगर तुमरे खिलाप कोई मुकदमा चलाथै और तोकै अदालत मैं लै जाथै, तौ अदालत मैं पहोंचन से पहले जौ बात कै बाकै सुलझा, नाय तौ एक बार अगर तुम हूँना पौहौंच गै, तौ तुमकै न्यायधीस कै सौंप दौ जागो, जो तोकै सिपईय्यन कै सौंप देगो, और बौ तुमकै कैदखाना मैं डार देगो। 
\v 26 मैं तुमसे सच कहथौं, तैं जेल से तब तक छूट नाय पागो जबले तैं पैसा पाई-पाई नाय चुकाए देगो तौले हूँना से छुट ना पायगो।”
\s व्यभिचार के बारे मैं सिखानो
\p
\v 27 \x + \xo 5:27 \xo*\xt निर्गमन 20:14; व्यवस्थाविवरन 5:18 \xt*\x*“तुम सुने हौ कि जौ कहो गौ रहै, ‘व्यभिचार मत करीये।’ 
\v 28 लेकिन मैं तुमसे कहथौं: अगर जो कोई की बईय्यर कै वासना की नजर से देखथै तौ बौ अपने मन मैं पहले से ही व्यभिचार कर चुको है। 
\v 29 \x + \xo 5:29 \xo*\xt मत्ती 18:9; मरकुस 9:47\xt*\x* तौ अगर तुमरी दहनी आँखी तुमकै पाप की बजह बनाथै, तौ बाकै निकारकै फेंक दे! तुमरे सरीर के एक हिस्सा कै खाए देन से अच्छो है कि तुम अपने पूरे सरीर कै नरक मैं जान से बचाए लेगे। 
\v 30 \x + \xo 5:30 \xo*\xt मत्ती 18:8; मरकुस 9:43\xt*\x* और अगर तुमरो दहनो हात पाप करबाय, तौ बाकै काटकै फेंक दे! काहैकि तुमरे ताहीं अच्छो है कि तेरो सरीर को एक अंग नास होन के बजाय जासे कि तेरो पूरो सरीर नरक मैं जान से बच जाबै।”
\s तलाक के बारे मैं सिक्छा
\r (मत्ती 19:9; मरकुस 10:11,12; लूका 16:18)
\p
\v 31 \x + \xo 5:31 \xo*\xt मरकुस 10:4 \xt*\x*“जौ भी कहो गौ रहै, ‘जो कोई भी अपनी बईय्यर कै तलाक देथै, बाकै तलाक को लिखत रूप मैं तलाक देनो चहाईये।’ 
\v 32 \x + \xo 5:32 \xo*\xt मत्ती 19:9; मरकुस 10:11,12; लूका 16:18; 1 कुरिन्थियों 7:10,11 \xt*\x*लेकिन मैं तुमसे कहथौं: हर बौ आदमी अपनी बईय्यर कै तलाक देथै, अगर बौ जौ तलाक बाके व्यभिचारी आचरड़ के बजह से नाय दियो गौ है तौ जब बौ दुसरो बिहा करथै तौ बौ आदमी बासे व्यभिचार करवाथै। और जो कोई बौ छोड़ी भइ बईय्यर से बिहा करथै तौ बौ भी व्यभिचार करथै।”
\s सपथ के बारे मैं सिक्छा
\p
\v 33 \x + \xo 5:33 \xo*\xt लैव्यवस्था 19:12; व्यवस्थाविवरन 23:21 \xt*\x* “तुम जहो सुने हौ कि हमरे पुरखन से कहो गौ रहै, ‘अपनो वादा मत तोड़िये, लेकिन बौ करीये जो प्रभु से करन की कसम खाए हौ।’ 
\v 34 \x + \xo 5:34 \xo*\xt 5:12; यसायाह 66:1; मत्ती 23:22 \xt*\x*लेकिन मैं तुमसे कहथौं: कि कसम मत खाबौ हिंयाँ तक की स्वर्ग की कसम मत खाबौ, काहैकि जौ परमेस्वर को सिंहासन है; 
\v 35 \x + \xo 5:35 \xo*\xt यसायाह 66:1; भजन संहिता 48:2 \xt*\x*और ना धरती, काहैकि जौ बाके पाँव के चौकी की जघा है; ना यरूसलेम की, जरिया, काहैकि जौ महान राजा को सहर है। 
\v 36 ना तौ तैं अपने मूड़ की कसम खईयो, काहैकि तू एक भी बार सफेद या कारो नाय कर सकथौ। 
\v 37 लेकिन तुमरी बात ‘हाँ’ कि ‘हाँ’ और ‘ना’ कि ‘ना’ होबै; काहैकि जो कुछ जासे जाधे होथै बौ दुस्ट के घाँईं से होथै।”
\s बदला लेन के बारे मैं पढ़ानो
\r (लूका 6:29-30)
\p
\v 38 \x + \xo 5:38 \xo*\xt निर्गमन 21:24; लैव्यवस्था 24:20; व्यवस्थाविवरन 19:21\xt*\x*“तुम सुने हौ कि जौ कहो गौ रहै, ‘एक आँखी के बदले एक आँखी, और दाँत के बदले दाँत।’ 
\v 39 लेकिन अब मैं तुमसे कहथौं: बुरे आदमी को बिरोध मत करौ। अगर कोई तुमरे दहने गलऊवा मैं चाँटा मारै तौ बाकै अपने बाँए गलऊवा मैं भी चाँटा मारन दे। 
\v 40 और अगर कोई तेरे ऊपर तुमकै अपनो कुरता को फैसला के ताहीं मुकदमा करकै अदालत मैं लै जाथै, तौ बाकै अपनो झगिया भी दैदे। 
\v 41 अगर तुम मैं से कोई एक तोकै कोस भर बेगार मैं लै जाबै तौ बाके संग दुई कोस चलो जा। 
\v 42 जब कोई तोसे कछु माँगै, तौ बाकै दैदे; जब कोई कुछ उधार लेनो चाहबै, तौ बाकै उधार दैदे।”
\s दुस्मनन से प्यार
\r (लूका 6:27,28,32-36)
\p
\v 43 \x + \xo 5:43 \xo*\xt 12:4-7\xt*\x*“तुम सुने हौ कि जौ कहो गौ रहै, ‘अपने दोस्तन से प्यार करौ, और अपने बैरियन से बैर करौ।’ 
\v 44 लेकिन मैं तुमसे कहथौं: अपने बैरियों से प्यार करौ और बे आदमिन के ताहीं प्रार्थना करौ जो तुमकै सताथैं, 
\v 45 \x + \xo 5:45 \xo*\xt 4:10\xt*\x*ताकी स्वर्ग मैं तुम अपने परम दऊवा के बालका बन सकौ। काहैकि बौ भले और बुरे दोनों के ऊपर अपनो सूरज चमकाथै, और जो धर्मी और अधर्मी के ऊपर मेंहें बरसाथै। 
\v 46 अगर सिरफ तुम बे आदमिन से प्यार करथौ, जो तुमकै प्यार करथैं, तौ परमेस्वर काहे तुमकै इनाम देगो? हिंयाँ ले कि लगान लेन बारे ऐसोई नाय करथैं! 
\v 47 अगर तुम अपने भईय्या बन्धू कै ही नमस्ते करैगे तौ तैं औरौ से जाधे का जाधे का कर रहो है? ऐसो तौ गैर यहूदि भी करथैं! 
\v 48 \x + \xo 5:48 \xo*\xt लैव्यवस्था 19:2; व्यवस्थाविवरन 18:13\xt*\x*तुम सिद्ध बनौ जैसे कि तुमरो स्वर्गिय दऊवा सिद्ध है।”
\c 6
\s दान के बारे मैं सिक्छा
\p
\v 1 \x + \xo 6:1 \xo*\xt मत्ती 23:5\xt*\x*सावधान रहबौ, “परमेस्वर चाहथै कि धार्मिकता के काम लोगन सामने दिखाबा के ताहीं मत करौ न तौ तुम स्वर्गिय दऊवा से बाको प्रतिफल नाय पागे।”
\p
\v 2 “तभई जब तुम कोई दीन दुखी कै दान देथौ तौ बाको ढिंढोरा मत पीटौ जैसो कि यहूदि सभाघर मैं और गलियन मैं कपटी लोग औरन से बड़ाँईं पान के ताहीं करथैं। मैं तुमसे सच कहथौं उन्हैं तौ बाको पूरो फल पहलिये ही दौ चुको है। 
\v 3 लेकिन जब तुम कोई जरूरतमंद आदमी की मदत करथौ, और दीन दुखी कै देथौ, तौ तुमरो बाँया हात नाय जान पाबै कि तेरो दहने हात का करथै। 
\v 4 ताकी तेरो दान छिपो रहबै; और तेरो परम दऊवा जो छिपो भौ देखथै, तोकै इनाम देगो।”
\s प्रार्थना के बारे मैं सिक्छा
\r (लूका 11:2-4)
\p
\v 5 \x + \xo 6:5 \xo*\xt लूका 18:10-14\xt*\x* “जब तुम प्रार्थना करथौ, तौ कपटियन के तराहनी दिखाबा मत करौ! काहैकि उन्हैं यहूदि सभाघरन मैं और सड़कन के चौहराय मैं ठाड़कै प्रार्थना करनो अच्छो लगथै। ताकी लोग उन्हैं खास लोग के भेस मैं जानै। मैं तुम्हैं सच कहथौं, बे पहलिये सब प्रतिफल पाये लईं हैं। 
\v 6 लेकिन जब तैं प्रार्थना करै, तौ अपने कमरा मैं जा, मोहोंट लगा और गुप्त रूप से अपने परम दऊवा से प्रार्थना कर और फिर तेरो परम दऊवा जो छिपकै तेरे कामन कै देखथै बाको तोकै प्रतिफल देगो।”
\p
\v 7 \x + \xo 6:7 \xo*\xt 7:14\xt*\x*“जब तुम प्रार्थना करथौ, तौ गैर यहूदि कि तरह बेकार बातन कै बार-बार मत दोहराते रहबै तौ जौ सोचथौ कि भौत बोलन से उनकी सुनी जाबैगी। 
\v 8 तौ तुम उनके हानी मत बनौ, काहैकि तुमरो परम दऊवा तुमरे माँगन से पहलिये जानथै, कि तुमकै का जरुरत है। 
\v 9 तभई जौ तरह तुमकै प्रार्थना करनो चहाईये:
\q1 ‘हे हमरे स्वर्गिय पिता,
\q2 तेरो नाओं पवित्र मानो जाबै।
\q1
\v 10 तेरो राज्य आबै,
\q2 तेरी इच्छा जैसी स्वर्ग मैं पूरी होथै, बैसिये धरती मैं भी होबै।
\q1
\v 11 हमरे दिन भर की रोटी आज हमकै दे।
\q1
\v 12 और जैसी हम अपने अपराधियन कै माफ करे हैं,
\q2 बैसिये तहूँ हमरे अपराधन कै माफ कर।
\q1
\v 13 हमैं परिक्छा मैं न ला,
\q2 और बुराई से बचा।’”
\p
\v 14 \x + \xo 6:14 \xo*\xt मरकुस 11:25,26\xt*\x*“अगर तुम दुसरेन की गलतियन कै माफ करैगे, तौ तुमरो स्वर्गिय दऊवा तुमकै माफ कर देगो। 
\v 15 लेकिन अगर तुम दुसरेन कै माफ नाय करैगे, तौ तुमरो दऊवा परमेस्वर तुमरे करे भै गलत कामन कै माफ नाय करैगो।”
\s बर्त के बारे मैं सिक्छा
\p
\v 16 “और जब तुम बर्त रखथौ, तौ पाखंडी के तराहनी मोहों मत बनाबौ बे तरह-तरह से मोहों बनाथैं ताकी लोग उनकै जानै कि जे बर्त रखी हैं, मैं तुमसे सच्ची कहथौं कि बे अपनो इनाम पाय चुके हैं। 
\v 17 लेकिन जब तुम बर्त रखथौ तौ अपनो मोहों धो और अपने बार मैं तेल लगाये कै उन्हैं अभिसेक कर। 
\v 18 ताकी दुसरे जान सकैं कि तुम बर्त कर रहै हौ, ऐसो करकै तेरो परम दऊवा जो लुककै करे भै कामन कै देखथै, तोकै इनाम देगो।”
\s स्वर्ग मैं धन
\r (लूका 12:33,34)
\p
\v 19 \x + \xo 6:19 \xo*\xt 5:2,3\xt*\x*“धरती मैं अपने ताहीं धन मत जोरौ, जहाँ कीरा और काई खतम कर देथैं, और चुट्टा चुराय लै जाथैं। 
\v 20 \x + \xo 6:20 \xo*\xt मत्ती 19:21\xt*\x*बल्कि स्वर्ग मैं अपने ताहीं धन जोरौ, जहाँ ना कीरा और ना काई नास कर पाबै, और चुट्टा भी हुँआँ सेंध लगाये कै चुराय न सकथैं। 
\v 21 काहैकि जितै तेरो धन उतै तेरो मनौ भी लगो रैहगो।”
\s सरीर की जोती
\r (लूका 11:34-36)
\p
\v 22 “सरीर को दिया आँखी है। अगर तेरी आँखी ठीक है तौ तेरो पूरो सरीर उजियारो मैं रैहगो; 
\v 23 लेकिन अगर तेरी आँखी खराब है, तौ तेरो सरीर अंधियारे मैं होगो। तभई सिरफ जो उजियारो जो तेरे भीतर है अगर अंधियारो हुई जाए तौ अंधियारो कित्तो गहरो होगो!”
\s परमेस्वर और सम्पत्ति
\r (लूका 16:13; 12:22-31)
\p
\v 24 “कोई भी एक संग दुई मालिक की सेवा नाय हुई सकथै; काहैकि बौ एक से नफरत करैगो, और दुसरे से प्यार करैगे; एक के प्रति बफादार रैहगो और दुसरे को तिरस्कार करैगो। तुम धन की और परमेस्वर की सेवा नाय कर सकथौ।”
\p
\v 25 “तभई मैं तुमसे कहथौं: जिंदो रहन के ताहीं, चिंता मत करीये कि हम खांगे, और का पीमंगे, और ना अपने सरीर के ताहीं कि का पहनंगे, सबन के बाद, का ज्यान रोटी से जद्धे जरूरी नाय है? और सरीर लत्तन से बढ़कै नाय है? 
\v 26 आसमान के पक्छिन कै देखौ! बे ना तौ बीज बोथैं, नाय काटथैं, और कुठियन मैं जोड़थैं; तहुँओं तुमरो स्वर्गिय दऊवा उनकै खबाथै! का तुम बे पक्छिन से बढ़कै नाय हौ? 
\v 27 का तुम मैं से कोई ऐसो है जो चिंता करकै अपने जिंदगी काल को एक घड़ी भी बढ़ाये सकथै?” 
\v 28 “और लत्तन के ताहीं काहे सोचथौ? देखौ बन के फूला कैसे बढ़थैं: बे ना तौ काम करथैं और ना अपने ताहीं लत्ता बनाथैं। 
\v 29 \x + \xo 6:29 \xo*\xt 1 राजा 10:4-7; 2 इतिहास 9:3-6\xt*\x*लेकिन मैं तुमसे सच कहथौं कि महान सुलैमान राजा अपनी पूरी वैभव मैं से कोईये के तराहनी नाय सज सको। 
\v 30 तौ जब परमेस्वर मैदान की घाँस कै, जो आज है, और कल भट्टी मैं झोंकी जागी, ऐसो लत्ता पहनाथै, तौ ओ कम बिस्वास करन बारे! का बौ तुमकै और भी जाधे ना पहनागो?” 
\v 31 “तौ चिंता मत करियो: ‘कि हम का खांगे? या का पींगे? और या का पहनंगे?’ 
\v 32 गैर यहूदि लोग जे सब चीजन के पच्छू दौड़त रहथैं लेकिन स्वर्ग मैं रहन बारो तुमरो स्वर्गिय दऊवा जानथै कि तुमकै जे सब चीजन की जरूरत है। 
\v 33 तभई जाके अलावा पहले तुम परमेस्वर के राज्य और धार्मिकता कै ढूँड़ौ तौ जे सब चीजैं तुमकै मिल जांगी। 
\v 34 तौ कल के बारे मैं चिंता मत करौ; काहैकि कल को दिन अपनी चिंता अपने आप कर लेगो; आज के ताहीं आजै को दुख भौत है।”
\c 7
\s दुसरेन कै आँकनो
\r (लूका 6:37,38,41,42)
\p
\v 1 “दुसरेन को न्याय मत करौ, ताकी परमेस्वर तुमरो न्याय ना करै, 
\v 2 \x + \xo 7:2 \xo*\xt मरकुस 4:24\xt*\x*काहैकि तुमरो न्याय बहे फैसला के आधार होगो और जो नपना से तुम नापथौ, बहे से तुमरे ताहीं नापो जागो। 
\v 3 तैं काहे अपने भईय्या की आँखी के कूरा कै देखथै, और अपनी आँखी को लट्ठा तोकै नाय दिखथै? 
\v 4 तैं अपने भईय्या से कैसे कह सकथै, ‘ला मैं तेरी आँखी से कूरा निकार दियौं,’ जब तेरिये आँखी मैं लट्ठा है? 
\v 5 अरे पाखंडी! पहले अपनी आँखी मैं से लट्ठा निकार ले, तौ तैं अपने भईय्या की आँखी को कूरा अच्छे से निकार पाएगो।”
\p
\v 6 “पवित्र चीज कुत्तन कै मत दियौ, और अपने मोती सोरा के अग्गु मत डारौ; ऐसो ना होबै कि बे उनकै टाँग तरे रौंद डारैं और कुत्ता तुम्हैं पलटकर फाड़ डारैं।”
\s माँगनों, ढूँड़नो, खटखटानो
\r (लूका 11:9-13)
\p
\v 7 “माँगौ तौ तुमकै दौ जागो, ढूँड़ौ तौ तुम पागे; खटखटाबौ, तौ तुमरे ताहीं खोलो जागो। 
\v 8 काहैकि जो कोई मांगथै, बाकै मिलथै; और जो ढूँड़थै, बौ पाथै; और जो खटखटाथै, बाके ताहीं मोहोंट खोलो जागो। 
\v 9 तुम मैं से कौन इंसान है, कि अगर बाको लौड़ा बासे रोटी माँगै, तौ बौ बाकै पथरा पकड़ाबै? 
\v 10 या मच्छी माँगै तौ, बाकै साँप देबै? 
\v 11 अगर तुम बुरे हुईकै अपने बालकन कै अच्छी चीज देनो जानथौ, तौ तुमरो स्वर्गिय दऊवा अपने माँगन बारे कै अच्छी चीज काहे ना देगो?”
\p
\v 12 “तभई जैसो व्यवहार तुम अपने ताहीं दुसरेन से चाहथौ बैसो ही व्यवहार तू दुसरन से करौ; जौ मूसा की नियम विधि और भविस्यवक्ता को जहे सार है।”
\s सकरो रस्ता और चौंहड़ो दुआर
\r (लूका 13:24)
\p
\v 13 \x + \xo 7:13 \xo*\xt 15:17 \xt*\x*“सकरे रस्ता से भीतर जाबौ, काहैकि चौंहड़ो फाटक से जानो सरल है बौ रस्ता जो बिनास के घाँईं लै जाथै; और भौत सारे लोग हैं जो बासे घुसथैं। 
\v 14 लेकिन जिंदगी को फाटक सकरो है और हुँआँ तक जान बारो रस्ता कठिन है, और भौत कम लोग हैं जो जाकै पाथैं।”
\s एक रूखा और बाको फल
\r (लूका 6:43,44)
\p
\v 15 “झूठे भविस्यवक्तन से चहाचीते रहबौ, जो भेंड़ के सकल मैं लत्ता पहने तुमरे झोने आथैं, लेकिन भीतर से फाड़न बारे भेंड़िया हैं। 
\v 16 \x + \xo 7:16 \xo*\xt 27:6\xt*\x*तुम उनके फलन से उनकै जान जाबैगे। का झाड़ियन से अंगूर तोड़थैं, या चिरचिरा से अंजीर इखट्टो करथैं? 
\v 17 ऐसिये हर एक अच्छो पेंड़ अच्छो फल देथै और बुरो पेंड़ बुरो फल देथै। 
\v 18 अच्छो रूखा बुरो फल नाय दै सकथै, और ना ही बुरो पेंड़ अच्छो फल लाय सकथै। 
\v 19 \x + \xo 7:19 \xo*\xt मत्ती 3:10; लूका 3:9 \xt*\x*और जो पेंड़ अच्छो फल ना देथै, बौ काटो और आगी मैं डारो जागो। 
\v 20 \x + \xo 7:20 \xo*\xt मत्ती 12:33\xt*\x*तभई तुम उनके कामन के परीड़ामो के जरिया बे भविस्यवक्तन कै पहचानैगे।”
\s मैं तोकै नाय जानथौं
\r (लूका 13:25-27)
\p
\v 21 “हर कोई जो मोकै, ‘प्रभु, प्रभु’ कहथै, स्वर्ग के राज्य मैं ना जाए सकैगो, लेकिन सिरफ बेईं जो मेरे परम दऊवा स्वर्ग मैं है, बाकी इच्छा मैं चलथैं। 
\v 22 जब न्याय को दिन आगो, तौ निरे मोसे कहंगे, ‘प्रभु, प्रभु! तुमरे नाओं से हम भविस्यवाँड़ी करे, तेरे नाओं से हम निरे प्रेत आत्मा कै निकारे और कित्ते अचम्मे काम करे!’ 
\v 23 \x + \xo 7:23 \xo*\xt भजन संहिता 6:8 \xt*\x*तौ ‘मैं उनसे खुलकै कहेंगो, देखौ मैं तुमकै कभी नाय जानो। अरे अधर्मियौ मोसे दूर हुई जाबौ!’”
\s मूर्ख और बुद्धिमान घर बनान बारे दुई मिस्त्री
\r (लूका 6:47-49)
\p
\v 24 “तभई, जो कोई मेरी जे बातन कै सुनथै और आग्या पालन करथै, बौ, बौ बुद्धिमान इंसान के जैसो है जो अपनो घर चट्टान मैं बनाई है।” 
\v 25 मेंहें आओ और नदिया मैं बाढ़ आई, और आँधी चली, घर मैं से टक्कर खाईं, लेकिन बौ नाय गिरो, काहैकि बाकी बुनियाद चट्टान मैं पड़ी रहैं।
\p
\v 26 “लेकिन जो कोई मेरी बातन कै सुनथै और उनको पालन नाय करथै बौ एक मूर्ख आदमी के तराहनी है जो रेता मैं अपनो घर बनाई है। 
\v 27 मेंहें आओ, बाढ़ आई, आँधी चली बौ घर से टक्कर खाई और बौ बुरी तरह से ढह गौ!”
\s ईसु को अधिकार
\p
\v 28 \x + \xo 7:28 \xo*\xt मरकुस 1:22; लूका 4:32\xt*\x*जब ईसु जे बातन कै कह चुको, तौ भीड़ बाके सिक्छा से अचम्भित भइ। 
\v 29 काहैकि बौ उन्हैं यहूदि नियम के सिक्छक के तराहनी नाय; बल्कि एक अधिकारी के तराहनी सिक्छा देत रहै।
\c 8
\s एक कोहढ़ी आदमी
\r (मरकुस 1:40-45; लूका 5:12-16)
\p
\v 1 जब ईसु पहाड़ से नीचे आओ, तौ भारी भीड़ बाके पच्छू हुई लई। 
\v 2 तौ एक आदमी जोकै कोहोढ़ रोग रहै बाके झोने आओ, बाके अग्गु झुकी और घुटनो टेक दई, और कही, “गुरुजी, अगर तैं चाहबै, तौ मोकै सुद्ध कर सकथै।” 
\v 3 तौ ईसु अपनो हात बढ़ाये कै कोहोढ़ रोगी कै छुइ और कही, “जरूर मैं चाहथौं कि तू सुद्ध हुई जा और तुरंत कोढ़ रोग ठीक हुई गौ।” 
\v 4 \x + \xo 8:4 \xo*\xt लैव्यवस्था 14:1-32\xt*\x*तौ ईसु बासे कही, “सुन! कोई कै मत बतइये, लेकिन सीधे पुजारी के झोने जा और अपने आपकै दिखा; तौ सबन कै जौ साबित करन के ताहीं कि तैं ठीक हुई गौ है, और जो भेंट मूसा चढ़ान कै कही है; चढ़ा ताकी उनके ताहीं गभाई होबै।”
\s रोमन सेनापति को बिस्वास
\r (लूका 7:1-10)
\p
\v 5 जब ईसु कफरनहूम मैं आओ, तौ एक रोमन सेनापति बासे मिलो और मदत के ताहीं नहोरे करी: 
\v 6 “प्रभु, मेरो एक सेवक घर मैं बिमार पड़ो है, बाकै फालिस मार गौ है, बाकै भौत पीड़ा हुई रइ है।” 
\v 7 “तब ईसु सेनापति से कही मैं आयकै बाकै अच्छो करंगो” 
\v 8 अधिकारी जबाब दई “अरे नाय, प्रभु, मैं जाके लायक ना हौं कि तू मेरे घर के छत तरे आबै, लेकिन तू सिरफ बचन दैदे बस मेरो सेवक ठीक हुई जागो। 
\v 9 काहैकि महुँ दुसरेन के अधिकार मैं रहन बारो एक आदमी हौं, और सैनिक मेरे हात मैं हैं, और जब एक से कहथौं, ‘जा!’ तौ बौ जाथै; और दुसरे से कहथौं कि ‘आ!’ तौ बौ आथै; और अपने सेवक से कहथौं, कि जौ कर, तौ बौ करथै।” 
\v 10 जब ईसु जौ सुनी तौ बौ चकित हुई गौ, और जो बाके पच्छू आत रहैं उनसे कही, “मैं तुमसे सच कहथौं, कि मैं इस्राएल मैं कोईये मैं भी ऐसो बिस्वास नाय देखो। 
\v 11 \x + \xo 8:11 \xo*\xt लूका 13:29\xt*\x*मैं तुमकै बिस्वास दिबाथौं कि निरे आदमी अगार और पछार से आंगे और स्वर्ग के राज्य मैं दावत मैं अब्राहम, इसहाक और याकूब के संग बैठंगे। 
\v 12 \x + \xo 8:12 \xo*\xt मत्ती 22:13; 25:30; लूका 13:28\xt*\x*लेकिन जो आदमिन कै राज्य मैं होनो चहाईये उनकै अंधियारे मैं फेंक दौ जागो, जितै बे रोंगे और अपने दाँतन कै पीसंगे।” 
\v 13 तौ ईसु सेनापति से कही, “जा, बैसो ही तेरे ताहीं होबै जैसो तेरो बिस्वास है,” और अधिकारी को सेवक बहे समय ठीक हुई गौ।
\s ईसु निरे आदमिन कै चंगो करी
\r (मरकुस 1:29-34; लूका 4:38-41)
\p
\v 14 जब ईसु पतरस के घर पहुँचो, बौ पतरस की सास कै बुखार से बिमार बिस्तर मैं पाई, 
\v 15 तभई ईसु बाकै अपने हात से छुइ और बुखार उतर गौ। फिर बौ उठी और ईसु की सेवा करन लगी। 
\v 16 जब संजा खिन हुई गई, तौ आदमी ईसु के झोने आए, जिनके अंदर प्रेत आत्मा रहैं अपनी एक आग्या से बौ प्रेत आत्मा कै निकार दई जौ तरह से बौ सब रोगी कै चंगो कर दई। 
\v 17 \x + \xo 8:17 \xo*\xt यसायाह 53:4\xt*\x* जौ तभई भौ ताकी परमेस्वर यसायाह भविस्यवक्ता के जरिया जो कही रहै पूरो होबै, “बौ खुद हमरी बिमारी कै लै लई और हमारी बिमारियन कै ठीक करी।”
\s ईसु के चेला बननो
\r (लूका 9:57-62)
\p
\v 18 जब ईसु अपने आस-पास की भीड़ कै देखी, तौ बौ अपने चेलन कै झील के दुसरे पाँजर जान की आग्या दई। 
\v 19 और एक यहूदि नियम को सिक्छक बाके झोने आओ। बौ कही, “प्रभु,” जहाँ कहूँ तैं जागो “मैं तेरे संग जान के ताहीं तैयार हौं।”
\p
\v 20 ईसु बाकै जबाब दई, “लोमड़ियन की माद और आसमान के पक्छी के घोसला होथैं, लेकिन इंसान के लौड़ा के पास मूड़ धरन के ताहीं जघा तक नाय है।” 
\v 21 \x + \xo 8:21 \xo*\xt 4:3,4\xt*\x*और बाको एक चेला बासे कही, “प्रभु, मोकै पहले जान दे, कि मेरे दऊवा कै दफनाए दियौं।” 
\v 22 लेकिन ईसु जबाब दई, “तैं मेरे पच्छू हुई ले; और मरे भैन कै अपने मुर्दा खुद गाड़न दे।”
\s ईसु को तूफान कै सांत करनो
\r (मरकुस 4:35-41; लूका 8:22-25)
\p
\v 23 तभई ईसु एक नईंयाँ मैं चढ़गौ, और बाके चेला बाके संग गै। 
\v 24 और झील मैं एक ऐसो तूफान उठो कि नईंयाँ लहरन से ढकन लगी; लेकिन ईसु सोत रहै। 
\v 25 तौ चेला झोने आयकै बाकै जगाईं, और कहीं, “प्रभु हमैं बचा! हम मरे जाए रै हैं!”
\p
\v 26 तभई ईसु उनसे कही, “अरे कम बिस्वास के आदमियौ! काहे डराथौ?” तौ बौ ठाड़कै तूफान और आँधी कै झुकाइ, और सब सांत हुई गई। 
\v 27 और आदमी अचम्मो करकै कहेन लगे, “जौ कैसो इंसान है? कि आँधी और लहरैं जाकी आग्या मानथैं!”
\s दुस्टआत्मा बारे आदमी कै ईसु के जरिया चंगो करनो
\r (मरकुस 5:1-20; लूका 8:26-39)
\p
\v 28 जब ईसु झील के बौ पाँजर गदरेनियो के सीमा मैं पहुँचो, तौ दुई इंसान जिनके अंदर प्रेत आत्मा रहैं कबरन से निकरत भै उनकै मिले, जो इत्ते सक्तिसाली और भयानक रहैं कि कोई बौ रस्ता से छिर नाय पात रहै। 
\v 29 और बे चिल्लाए कै कहीं, “हे परमेस्वर को लौड़ा, तैं हमसे का चाहथै? का तैं समय से पहले हमकै दुख देन कै आओ है?”
\p
\v 30 थोड़ी दूरी मैं सोरन को झुंड चुगत रहै। 
\v 31 प्रेत आत्मा बासे जौ कहकै नहोरे करीं, “अगर तैं हमैं निकारथै, तौ सोरन के झुंड मैं भेज दे।”
\p
\v 32 ईसु उनसे कही, “जाबौ,” तभई बे लोगन से निकरकै बे सोरन मैं जा घुसे और पूरो झुंड टीला से झपटकै नदिया मैं जाए गिरे और डूबकै मर गै।
\p
\v 33 सोरन के रखबरिया हुँआँ से नगर मैं आए और सोरन के संग और प्रेत आत्मा से बिमार आदमी के संग जो कुछ भौ रहै नगर मैं जाएकै कह सुनाईं। 
\v 34 तौ पूरे नगर के लोग ईसु से भेंटा करन कै निकर आए और बाकै देखकै नहोरे करीं, कि हमरे इलाका से बाहर निकर जा।
\c 9
\s ईसु एक फालिस के मारे आदमी कै चंगो करी
\r (मरकुस 2:1-12; लूका 5:17-26)
\p
\v 1 फिर ईसु नईंयाँ से झील के जौ पाँजर अपने नगर बापस आओ, 
\v 2 हूँना कुछ आदमी फालिस के मारे भै कै, खटिया मैं लाद कै बाके झोने लाईं। फिर ईसु बाको बिस्वास देखकै, बौ फालिस के मारे भै से कही खुसी मना, “मेरे लौड़ा! तेरे पाप माफ हुई गै।”
\p
\v 3 तौ कुछ नियम के यहूदि नियम के सिक्छक आपस मैं कहीं, “जौ इंसान तौ परमेस्वर की बुराई करथै!”
\p
\v 4 ईसु उनके मन की बात जानकै कही, “तुम काहे अपने मन मैं बुरो सोच रै हौ? 
\v 5 जौ कहनो सरल है, ‘कि तेरे पाप माफ करे गै हैं,’ या जौ कहनो, ‘उठ और नेंग?’ 
\v 6 तौ तुमकै मालुम हुई जाबै, कि इंसान के लौड़ा कै पाप माफ करन के ताहीं पृथ्वी मैं अधिकार है।” तभई बौ फालिस के मारे भौ आदमी से कही, “उठ, अपनी खटिया उठा, और घरै चले जा!”
\p
\v 7 आदमी उठकै घरै चलो गौ। 
\v 8 जब आदमी जौ सब देखीं, तौ बे डराय गै, और आदमिन कै ऐसो अधिकार देन के ताहीं परमेस्वर की बड़ाँईं करीं।
\s ईसु मत्ती कै बुलानो
\r (मरकुस 2:13-17; लूका 5:27-32)
\p
\v 9 ईसु जब हुँआँ से जात रहै, तौ बौ लगान की चौकी मैं बैठौ एक आदमी कै देखी बाको नाओं मत्ती रहै। बौ बासे कही, “मेरे पच्छू आ।” और मत्ती उठकै बाके पच्छू हुई लई।
\p
\v 10 \x + \xo 9:10 \xo*\xt लूका 15:1,2 \xt*\x*जब ईसु मत्ती के घरै खानु खात रहै, तौ निरे लगान लेन बारे और पापी आदमी आए और मेज मैं ईसु और बाके चेलन के संग खान कै बैठे। 
\v 11 कुछ फरीसी जौ देखीं और चेलन से पूँछीं, “तुमरो गुरुजी लगान बसूलन बारे पापी लोगन के संग खानु काहे खाथै?”
\p
\v 12 ईसु सुनी और जबाब दई, “जो आदमी अच्छे भले हैं उनकै बैध की जरूरत नाय होथै, लेकिन सिरफ उन्हईं कै जो बिमार हैं। 
\v 13 \x + \xo 9:13 \xo*\xt मत्ती 12:7; होसे 6:6\xt*\x*लेकिन तुम लोग जाबौ और समझौ कि सास्त्र के जौ बचन को मतलब का है: कि ‘मैं जानवर को बलिदान नाय पर दया चाहथौं।’ मैं आदर के संग धर्मिन कै नाय बल्कि पापियन कै बुलान कै आओ हौं।”
\s बर्त के बारे मैं सबाल
\r (मरकुस 2:18-22; लूका 5:33-39)
\p
\v 14 फिर बपतिस्मा देनबारे यूहन्ना के चेला के झोने आयकै पूँछीं, “ऐसो काहे है कि हम और फरीसी जद्धेतर बर्त रखथैं, पर तेरे चेला बर्त बिलकुल नाय करथैं?”
\p
\v 15 फिर ईसु जबाब दई, “का बरैतिया, जब तक दुल्हा उनके संग है दुखी रह सकथैं? बिलकुल नाय! पर बौ दिन आगो कि दुल्हा उनसे अलग करो जागो, और बे दुखी होंगे बर्त रखंगे।”
\p
\v 16 “नये लत्ता को थिगरा पुराने थिगरा मैं कोई नाय लगाथै, काहैकि बौ थिगरा लत्ता से और कुछ खींच लेथै, और बौ जद्धे फट जाथै। 
\v 17 और नई दाखरस पुराने मसकन मैं नाय भरथैं; काहैकि ऐसो करन से मसका फट जाथै, और दाखरस बहे जाथै और मसका खराब हुई जाथैं, पर नया दाखरस नये मसकन मैं भरथैं और बे दोनों बची रैहथैं।”
\s अधिकारी की लौड़िया और बईय्यर ईसु के चोंगा कै छुइं
\r (मरकुस 5:21-43; लूका 8:40-56)
\p
\v 18 जब ईसु कहतै रहै, एक यहूदि अधिकारी बाके झोने आओ, बाके अग्गु घूँटेन मैं झुककै बिनती करन लागो, “मेरी लौड़िया हबइ खतम भइ है; पर तैं आयकै अपनो हात बाके ऊपर धर, और बौ जिंदी ही जागी।”
\p
\v 19 तभई ईसु उठकै बाके पच्छू गौ, और बाके चेला बाके संग हुई लईं।
\p
\v 20 एक बईय्यर जोको बहारै साल से खून बहेत रहै, बाके पच्छू से आयकै बाके लत्ता के कुंछ कै छुइ लई। 
\v 21 बौ खुद से बोलत रहै, “अगर मैं सिरफ बाके लत्ता कै छुइ लेंगो, तौ अच्छी हुई जांगो।”
\p
\v 22 ईसु मुड़ कै देखी और कही, “हिम्मत धर और खुसी मना मेरी लौड़िया! तेरो बिस्वास तोकै अच्छो करी है।” बहे समय बौ बईय्यर अच्छी हुई गई।
\p
\v 23 जब ईसु बौ अधिकारी के घरै पुगो तौ बौ देखी कि सोक धुन बुसली बजान बारो और हुँआँ हल्ला मचात भै लोग लौड़िया की मौत मैं सोक कर रै हैं, 
\v 24 तभई ईसु लोगन से कही, “दुआरे जाबौ, सब लोग! लौड़िया मरी नाय, पर सोए रइ है।” फिरौंकी जौ बात मैं बे सब बाको मजाक बनान लगे। 
\v 25 पर जैसिये लोगन कै दुआरे कर दौ गौ, ईसु लौड़िया के कमरा मैं गौ और बाको हात पकड़ी, और बौ उठ गई। 
\v 26 और जौ बात की खबर पूरे देस मैं फैल गई।
\s ईसु को दुई अंधरन कै चंगो करनो
\p
\v 27 जब ईसु हूँना से अग्गु बढ़ो, और जब बौ चलो, तौ दुई अंधरा बाके पच्छू जौ चिल्लात भै पीछा करन लगे, “ओ दाऊद के लौड़ा!” हमरे ऊपर दया कर।
\p
\v 28 जब ईसु घरै पुगो, तौ बे अंधरा बाके झोने आए, और बौ उनसे पूँछी, “का तुम बिस्वास करथौ कि मैं तुमकै अच्छो कर सकथौं?” बे जबाब दईं “हाँ प्रभु!”
\p
\v 29 तौ ईसु उनकी आँखी छुइ कै कही, “जैसो तुम बिस्वास करथौ बैसिये तुमरे ताहीं होबै!” 
\v 30 और उनकी आँखी की नजर खुल गईं ईसु उनकै चितौनी देत भै कही, “चौकन्नो रहियो कोई जौ बात कै नाय जान पाबै!”
\p
\v 31 पर बे निकरकै पूरे देस मैं चारौ तरफ ईसु के सुसमाचार को ढिंढोरा पीट दईं।
\s ईसु एक गूँगा आदमी कै चंगो करी
\p
\v 32 जब बे बहार जात रहैं, तौ कुछ आदमी एक गूँगा कै जोके भीतर प्रेत आत्मा रहै ईसु के झोने लाईं। 
\v 33 पर जैसिये प्रेत आत्मा निकरे, तौ गूँगा बोलन लगो और भीड़ चकित हुईकै चिल्लाई, “इस्राएल! मैं ऐसो कहु नाय देखन मैं आओ।” 
\v 34 \x + \xo 9:34 \xo*\xt मत्ती 10:25; 12:24; मरकुस 3:22; लूका 11:15\xt*\x*पर फरीसी कहीं, “जौ तौ प्रेत आत्मा के मुखिया से प्रेत आत्मा कै निकारथै।”
\s ईसु आदमिन के ताहीं तरस
\p
\v 35 \x + \xo 9:35 \xo*\xt मत्ती 4:23; मरकुस 1:39; लूका 4:44\xt*\x*ईसु यहूदि सभाघरन मैं उपदेस देतो, परमेस्वर के राज्य को सुसमाचार को प्रचार करतो, लोगन के रोग और हर तरह की बिमारिन से अच्छो करतो बौ गाँव-गाँव और नगर-नगर घूमत रहै। 
\v 36 \x + \xo 9:36 \xo*\xt गिनती 27:17; 1 राजा 22:17; 2 इतिहास 18:16; यहेजकेल 34:5; मरकुस 6:34 \xt*\x*जैसी ही बौ भीड़ कै देखी, बाको दिल उनके ताहीं दया से भरगौ, काहैकि बे लोग बैसिये ही सताए भै और बिन सहारा के रहैं जैसे बिना बरदिया के भेंड़। 
\v 37 \x + \xo 9:37 \xo*\xt लूका 10:2\xt*\x*तौ बौ अपने चेलन से कही, “फसल तौ भौत हैं पर मजदूरी करन बारे थोड़ी से हैं। 
\v 38 तभई फसल के मालिक से बिनती करौ कि बौ अपने खेत मैं काम करन के ताहीं मजदूरी करन बारेन के भेज दियै।”
\c 10
\s बारह प्रेरित
\r (मरकुस 3:13-19; लूका 6:12-16)
\p
\v 1 फिरौंकी ईसु अपने बारह चेलन कै झोने बुलाएकै, उनकै असुद्ध आत्मा कै बाहर निकारन और सब बिमारिन कै ठीक करन को अधिकार दई। 
\v 2 जे बारह प्रेरितन के नाओं हैं: पहलो सिमौन, जो पतरस कहो जाथै, और बाको भईय्या अन्द्रियास; जब्दी को लौड़ा याकूब और बाको भईय्या यूहन्ना; 
\v 3 फिलिप्पुस, बरतुल्मै, थोमा, और लगान लेन बारो मत्ती, हलफई को लौड़ा याकूब और तद्दै। 
\v 4 सिमौन कनानी, और यहूदा इस्करियोती, जो ईसु कै पकड़बाई रहै।
\s बारह चेलन कै आग्या देनो
\r (मरकुस 6:7-13; लूका 9:1-6)
\p
\v 5 जे बारहन कै ईसु जौ निर्देस दैकै भेजी, “कोई भी गैर यहूदि के इलाका या कोई सामरी सहर मैं मत जाबौ। 
\v 6 बल्कि इस्राएल के परिवार की खोई भइ भेंड़न के झोने जाबौ। 
\v 7 और नेंगत-नेंगत प्रचार करकै कहबौ कि ‘स्वर्ग को राज्य झोने आए गौ है!’ 
\v 8 बिमारन कै अच्छो करौ; मरे भैन कै जिंदो करौ, कोहोढ़ बारेन कै सुद्ध करौ, प्रेत आत्मा कै निकारौ, तुम सेंत-मेंत मैं पाए हौ, बिना कुछ लिये मुफ्त मैं बाँटो। 
\v 9 अपने बटुआ मैं ना तौ सोनो, चाँदी, और न तांबा के सिक्का कमरबंद मैं रखियो। 
\v 10 रस्ता के ताहीं ना झोला, ना दुई जोड़ी कुरता, ना जूता और ना लठिया लियो, काहैकि मजदूर कै बाकी रोटी मिलनो चाहिए।”
\p
\v 11 “जो कोई नगर या गाँव मैं जाबौ तौ मालुम करौ कि हूँना कौन काबिल है? और जब तक हूँना से ना निकरौ, उन्हईं के हूँना रहबौ। 
\v 12 जब तुम कोई के घर मैं जाबौ तौ परिवार के लोगन को आदर सत्कार करत भै कहबौ, ‘तुम्हैं सांति मिलै।’ 
\v 13 अगर बौ घर के आदमी काबिल होंगे तौ तुम्हारी सांति उनके संग रहबैगी, और बे काबिल नाय होंगे तौ तुम्हारी सांति बापस लौट जाबैगी। 
\v 14 \x + \xo 10:14 \xo*\xt प्रेरितो 13:51 \xt*\x*और जो कोई तुमकै नाय अपनाबै, और तुमरी बात ना सुनै, बौ घर या बौ नगर से निकरत भै अपने टाँगन से धूदर झार डारौ। 
\v 15 \x + \xo 10:15 \xo*\xt मत्ती 11:24; उत्पत्ति 19:24-28 \xt*\x*मैं तुमसे सच कहथौं, कि जब न्याय होगो बौ दिन बौ देस की हालत सदोम और अमोरा के नगर की हालत से भी जद्धे सहन के काबिल होगी।”
\s आनबारो कठिन समय
\r (मरकुस 13:9-13; लूका 21:12-17)
\p
\v 16 \x + \xo 10:16 \xo*\xt लूका 10:3\xt*\x*“सुनौ! मैं तुमकै भेंड़न के हानी भेंड़ियन के बीच मैं भेजथौं तभई साँपन के हानी अकलदार और कबूतरन के हानी भोले बनौ। 
\v 17 \x + \xo 10:17 \xo*\xt मरकुस 13:9-11; लूका 12:11,12; 21:12-15\xt*\x*लोगन से सावधान रहियो काहैकि बे तुम्हैं बंधी बनाएकै यहूदि सभाघरन मैं सौंप देंगे, और बे तुम्हैं अपने यहूदि सभाघरन मैं कोड़ा से पिटबांगे। 
\v 18 तुम राजन और सासकन के अग्गु पेस करे जागे, काहैकि तुम मेरे अनुयायी हौ तुमकै मौका दियो जागो कि उनकी और गैर यहूदिन के बारे मैं गभाई देबौ। 
\v 19 जब बे तुमकै पकड़बांगे तौ जौ चिंता मत करियो, कि तुम कैसे बोलैगे और का कहबैगे; काहैकि जो कछु तुमकै कहने होगो, बौ बहे समय बताए दौ जागो। 
\v 20 काहैकि बोलन बारे तुम नाय हौ पर तुमरे परम दऊवा की आत्मा तुमरे जरिया बोलैगी।”
\p
\v 21 \x + \xo 10:21 \xo*\xt मरकुस 13:12; लूका 21:16 \xt*\x*“भईय्या अपने भईय्या कै पकड़वाए कै मरबाए डारंगे, अईय्या दऊवा अपने कै पकड़बांगे, और बालका अपने अईय्या दऊवा के खिलाप ही जांगे और बे उन्हैं मरबाए डारंगे। 
\v 22 \x + \xo 10:22 \xo*\xt मत्ती 24:9; मरकुस 13:13; लूका 21:17; मत्ती 24:13; मरकुस 13:13\xt*\x*मेरे नाओं के बजह से सब तुमसे बैर करंगे, पर जो अंत तक धीरज धरैगो बहे को उद्धार होगो। 
\v 23 जब बे तुमकै एक नगर मैं सतामै, तौ दुसरे नगर कै भाज जईयो। मैं तुमसे सच कहथौं, तुम इंसान के लौड़ा के आन से पहले इस्राएल के सब नगरन मैं से गै भी ना होगे इंसान को लौड़ा आए जागो।”
\p
\v 24 \x + \xo 10:24 \xo*\xt लूका 6:40; यूहन्ना 13:16; 15:20\xt*\x*“कोई भी चेला अपने गुरु से बड़ो नाय होथै; कोई भी सेवक अपने स्वामी से बड़ो नाय होथै। 
\v 25 चेला कै गुरु के बराबर होन मैं, और सेवक स्वामी के बराबर होन मैं ही संतोस करनो चाहिए। जब बे घर के स्वामी कै बालजबूल मतलब दुस्टआत्मा को अगुवा कहथैं तौ बाके घर के दुसरे लोगन संग और बुरो बर्ताव करंगे!”
\s कौन से डरामैं
\r (लूका 12:2-7)
\p
\v 26 “तौ लोगन से मत डरईयो, काहैकि जो कछु लुको भौ है, बाकै उजागर करो जागो, और सब चीजन को भेद बताओ जागो। 
\v 27 मैं अंधियारे मैं जो कुछ कहथौं, बाकै तुम उजीते मैं कहबौ; और जो कानौ कान सुनथौ, बाकै छत के ऊपर से प्रचार करौ। 
\v 28 जो सरीर कै मार सकथैं, पर आत्मा कै नाय मार सकथैं, उनसे मत डरौ; पर बहे से डराबौ, जो भीतरी आत्मा और सरीर दोनों कै नरक मैं खतम कर सकथै। 
\v 29 का एक पैसा की दुई गौरैया नाय बेंची जाथै? तौभी तुमरे दऊवा की मरजी के बिना उनमैं से एक भी जमीन मैं नाय गिर सकथै। 
\v 30 और तुमरे मूड़ के एक बार तक भी सब गिने भै हैं। 
\v 31 तभई डराबौ मत; तुम निरे गौरैयन से बढ़कै कीमती हौ।”\fig सपाट छत, पुराने समय को इस्राएल मैं घर|alt="Flat-roofed, olden house in Israel" src="lb00234b.tif" size="col" copy="Horace Knowles ©" ref="10:27"\fig*
\s मसीह कै अपनानो या ना अपनानो
\r (लूका 12:8,9)
\p
\v 32 “जो कोई इंसान के सामने मोकै मान लेगो, बाकै महुँ अपने स्वर्गिय दऊवा के अग्गु मान लेंगो। 
\v 33 \x + \xo 10:33 \xo*\xt 2 तीमुथियुस 2:12\xt*\x*पर जो कोई इंसान के अग्गु मेरो इंकार करैगो बाकै महुँ अपने स्वर्गिय दऊवा के अग्गु इंकार करंगो।”
\s सांति नाय बल्किन तलवार है
\r (लूका 12:51-53; 14:26,27)
\p
\v 34 “जौ मत समझौ, कि मैं दुनिया मैं सांति लान के ताहीं आओ हौं। नाय, मैं सांति लान नाय आओ हौं, पर एक तलवार चलवान आओ हौं। 
\v 35 मैं जौ करन आओ हौं, बेटा अपने दऊवा के खिलाप मैं बेटी अपनी अईय्या के खिलाप और बहु अपनी सास के खिलाप मैं होंगी, 
\v 36 इंसान के बैरी बाके घरै के लोग होंगे।”
\p
\v 37 “जो अपने अईय्या या दऊवा कै मोसे जाधे प्यार करथै, बे मेरे चेला बनन के काबिल नाय हैं। और जो अपने लौड़ा या लौड़िया कै मोसे जाधे प्यार करथै, बे मेरे चेला बनन के काबिल नाय हैं। 
\v 38 \x + \xo 10:38 \xo*\xt मत्ती 16:24; मरकुस 8:34; लूका 9:23 \xt*\x*बौ जो राहगीर को अपनो क्रूस खुद उठाएकै मेरे पच्छू नाय हुई लेथै बौ मेरो चेला बनन के काबिल नाय है। 
\v 39 \x + \xo 10:39 \xo*\xt मत्ती 16:25; मरकुस 8:35; लूका 9:24; 17:33; यूहन्ना 12:25\xt*\x*जो अपनी ज्यान बचाथै, बौ बाकै गबागो; पर जो मेरे बजह से अपनी ज्यान खोथै, बौ जिंदगी पाएगो।”
\s प्रतिफल
\r (मरकुस 9:41)
\p
\v 40 \x + \xo 10:40 \xo*\xt लूका 10:16; यूहन्ना 13:20; मरकुस 9:37; लूका 9:48\xt*\x*“जो तुमकै अपनाथै, बौ मोकै अपनाथै; और जो मोकै अपनाथै, बौ परमेस्वर कै अपनाथै जो मोकै पनारी। 
\v 41 जो कोई भविस्यवक्ता कै तभई अपनाथै कि बौ भविस्यवक्ता है, बाकै बहे प्रतिफल मिलैगो जो भविस्यवक्ता कै मिलथै, और अगर कोई भले आदमी को तभईये स्वागत करथौ कि बौ भलो आदमी है बाकै सच मैं बहे प्रतिफल मिलैगो जो कोई धर्मी आदमी कै मिलनो चाहिए। 
\v 42 जो कोई जे छोटे मैं से एक कै चेला मानकै सिरफ एक गिलास ठंडो पानी पिबाबै, मैं तुमसे सच कहथौं, बाको प्रतिफल सच मैं मिलैगो।”
\c 11
\s यूहन्ना बपतिस्मा देनबारे को संदेस
\r (लूका 7:18-35)
\p
\v 1 जब ईसु अपने बारह चेलन कै निर्देस देन के बाद, ईसु हुँआँ से चल पड़ो और गलील परदेस के नगर मैं उपदेस देत घूमन लगो। 
\v 2 यूहन्ना जब कैदखाना मैं ईसु मसीह के बारे मैं सुनी तौ बौ अपने चेलन कै बासे जौ पूँछन पनारी, 
\v 3 “का आनबारो तहीं है, या हम दुसरे को इंतजार करैं?” 
\v 4 ईसु जबाब दई, “जो कछु तुम सुनथौ और देखथौ, बौ सब जाएकै यूहन्ना से कह दियौ: 
\v 5 \x + \xo 11:5 \xo*\xt यसायाह 35:5,6; यसायाह 61:1\xt*\x*कि अंधरन कै आँखी मिल रइ है, लंगड़ा चल फिर रै हैं, कोहढ़ी सुद्ध करे जाए रै हैं, और बैहरा सुन रै हैं, और मुर्दा जिंदे करे जाए रै हैं, और दीन दुखियन कै सुसमाचार सुनाते जाए रै हैं। 
\v 6 और धन्य है बौ जो मेरे बजह से ठोकर ना खामैं।”
\p
\v 7 जब यूहन्ना के चेला हुँआँ से जात रहैं तौ ईसु यूहन्ना के बारे मैं लोगन से कही, “तुम लोग बन मैं का देखन आए हौ? का कोई सरकंडा जो ब्यार से हिल रहो है? 
\v 8 तौ फिर तुम का देखन आए हौ? का एक आदमी जो भौत अच्छे लत्ता पहने है, देखौ जो अच्छे लत्ता पहनथैं बे राजमहल मैं ही पाए जाथैं। 
\v 9 तौ फिर तुम का देखन आए हौ? का कोई भविस्यवक्ता कै देखन कै? हाँ, मैं तुमसे कहथौं, जोकै तुम देखे हौ बौ कोई भविस्यवक्ता से कहीं जाधा बड़ो है। 
\v 10 \x + \xo 11:10 \xo*\xt मलाकी 3:1 \xt*\x*जौ बहे है, जोके बारे मैं लिखो है, कि ‘देखौ, मैं अपने दूत कै तेरे अग्गु भेजथौं, जो तेरे अग्गु तेरो रस्ता बनाबैगो।’ 
\v 11 मैं तुमसे सच कहथौं, कि जो बईय्यर से जनमें हैं, उनमैं से यूहन्ना बपतिस्मा देनबारे से कोई बड़ो नाय भौ; पर जो स्वर्ग के राज्य मैं छोटो से छोटो इंसान भी बासे बड़ो है। 
\v 12 \x + \xo 11:12 \xo*\xt लूका 16:16\xt*\x* बपतिस्मा देनबारे के यूहन्ना से आज तक स्वर्ग को राज्य भयानक आघातन कै झेलत आओ और हिंसा के बल पर जाकै छीनन की कोसिस कियो जाए रहो है। 
\v 13 यूहन्ना के समय तक सबै भविस्यवक्ता और मूसा की नियम भविस्यवाँड़ी करी रहै; 
\v 14 \x + \xo 11:14 \xo*\xt मलाकी 4:5; मत्ती 17:10-13; मरकुस 9:11-13\xt*\x*और अगर तुम उनके संदेसो मैं बिस्वास करन कै तैयार हौ, तौ यूहन्ना ही एलिय्याह है, जोके आन की भविस्यवाँड़ी करी गई रहै। 
\v 15 फिरौंकी सुनौ, अगर तुमरे पास कान हैं!”
\p
\v 16 “अब, आज के पीढ़ी की तुलना मैं कौन से करौं? बे बजार मैं बैठे बालकन के हानी हैं। जो एक दुसरे से पुकारत भै कह रै हैं, 
\v 17 ‘हम तुमरे ताहीं बिहा मैं बुसली बजाय, पर तुम ना नाचे! हम आखरी संस्कार गीत गाये, पर तुम ना रोए!’ 
\v 18 जब बपतिस्मा देन बारो यूहन्ना आओ, बौ बर्त रखी और कोई दाखरस नाय पी, और सब कहीं, कि ‘बामै प्रेत आत्मा है!’ 
\v 19 फिरौंकी इंसान को लौड़ा आओ जो औरन के तराहनी खात-पीत है लेकिन लोग कहथैं, ‘जौ आदमी कै देखौ जौ पेटू और पिबक्कड़ है, जौ लगान बसूलन बारेन और पापियन को दोस्त है।’ लेकिन बुद्धि बाके काम से सई ठहरथै।”
\s अविस्वासी सहर
\r (लूका 10:13-15)
\p
\v 20 जो गाँव मैं ईसु अपने जद्धेतर चमत्कार करी रहै, बे आदमी अपने पापन से मन ना फिराईं, तभई बौ बे सहर की निंदा करी। 
\v 21 “हे खुराजीन जौ तुमरे ताहीं कित्तो भयानक है, हे बैतसैदा! तुमरे ताहीं कित्तो भयानक है, तुम्हारे जो चमत्कार करे गै अगर बहे चमत्कार सूर और सैदा मैं करे जाते तौ हूँना के लोग भौत पहले से ही टाट दुख के लत्ता ओढ़कै अपने सरीर मैं राख मलकै खेद करते और मन फिराए चुके होते। 
\v 22 मैं तुम्हैं बिस्वास दिलाथौं कि न्याय के दिन परमेस्वर तुमसे जाधे सूर और सैदा के लोगन ऊपर दया करैगो। 
\v 23 \x + \xo 11:23 \xo*\xt यसायाह 14:13-15; उत्पत्ति 19:24-28 \xt*\x*और हे कफरनहूम, का तैं स्वर्ग ले ऊँचो करो जागो? तैं तौ नरक ले नीचे जागो; काहैकि जो अचम्मे काम तेरे मैं करे गै हैं, अगर सदोम मैं करे जाते, तौ बौ सहर आज ले बनो रहतो! 
\v 24 \x + \xo 11:24 \xo*\xt मत्ती 10:15; लूका 10:12\xt*\x*पर मैं तुम्हैं बताथौं, कि न्याय के दिन तेरे लोगन की हालत सदोम देस के लोगन के हालात से जाधे बेकार होगी!”
\s मेरे झोने आबौ और आराम करौ
\r (लूका 10:21,22)
\p
\v 25 बहे समय ईसु कही, “हे दऊवा, स्वर्ग और पृथ्वी के प्रभु! मैं तेरो धन्यवाद करथौं, कि तैं जे बातन कै ग्यानियन और समझदारन से लुकाएकै रखो है, और जो भोले भाले हैं उनके ऊपर प्रकट करो। 
\v 26 हाँ, दऊवा, काहैकि तोकै जहे अच्छो लगो।”
\p
\v 27 \x + \xo 11:27 \xo*\xt यूहन्ना 3:35; यूहन्ना 1:18; 10:15 \xt*\x*“मेरो परमपिता मोकै सब कछु दई है। और कोई लौड़ा कै ना जानथै, सिरफ दऊवा; और कोई भी दऊवा कै नाय जानथै, सिरफ लौड़ा कै और जिन्हैं लौड़ा प्रकट करनो चाहथै।”
\p
\v 28 “हे थके मांदे बोझ से दबे लोग मेरे झोने आबौ; मैं तुम्हैं विसराम दुंगो। 
\v 29 मेरे जुआ उठाएकै अपने ऊपर लै लेबौ; और मोसे सीखौ; काहैकि मैं नम्र और मन को दीन हौं: और तुम विसराम पागे। 
\v 30 काहैकि जोमैं तोकै दुंगो बौ आसान है, जुआ और मेरो बोझ हलको है।”
\c 12
\s साबत के बारे मैं सबाल
\r (मरकुस 2:23-28; लूका 6:1-5)
\p
\v 1 बौ समय ईसु साबत के दिन खेतन से हुईकै जात रहै, और बाके चेलन कै भूंक लगी, और बे बाली तोड़-तोड़कै खान लगे। 
\v 2 जब जौ सब फरीसी देखीं तौ बे ईसु से कहीं, “देख, तेरे चेलन कै साबत के दिन ऐसो करनो मूसा के नियम से सई नाय है!” 
\v 3 ईसु जबाब दई, “का तुम कभी ना पढ़े, कि दाऊद बौ समय का करी जब बौ और बाके संग के भूंके रहैं? 
\v 4 बौ परमेस्वर के घर मैं गौ, और बाके संग के भेंट करी भइ रोटी खाईं, मूसा के नियम के खिलाप रहै, लेकिन बौ रोटी कै सिरफ पुजारी कै खान की अनुमति रहै। 
\v 5 \x + \xo 12:5 \xo*\xt गिनती 28:9,10 \xt*\x*और का तुम मूसा के नियम मैं ना पढ़े, कि साबत के दिन मंदिर के पुजारी साबत की व्यवस्था को अपमान करथैं, तौभी बे दोसी नाय ठहरथैं? 
\v 6 मैं तुम्हैं बताथौं कि कोई है जो मंदिर से भी महान है। 
\v 7 \x + \xo 12:7 \xo*\xt मत्ती 9:13; होसे 6:6\xt*\x*सास्त्र कहथै, ‘मैं दया चाहथौं, पसु बलि नाय।’ अगर तुम सच मैं जानत रहौ कि जाको का मतलब है, तौ तुम बे लोगन की बुराई न करैगे जो दोसी हैं; 
\v 8 काहैकि इंसान को लौड़ा साबत के दिन को भी प्रभु है।”
\s फालिस को मारो आदमी
\r (मरकुस 3:1-6; लूका 6:6-11)
\p
\v 9 ईसु बौ जघा कै छोड़कै फिर यहूदि सभाघर मैं गौ। 
\v 10 हूँना एक इंसान रहै, जोको हात फालिस को मारो रहै; हूँना कुछ लोग रहैं जो ईसु के ऊपर दोस लगानो चाहत रहैं, तौ बे बासे पूँछीं, “का साबत के दिन चंगो करनो मूसा के नियम के जरिया ठीक है?” 
\v 11 \x + \xo 12:11 \xo*\xt लूका 14:5 \xt*\x*ईसु जबाब दई, “अगर तुम मैं से कोई झोने सौ भेंड़ होमैं, और बौ साबत के दिन एक गड्डा मैं गिर जाबै तौ का होगो, तौ बाकै पकड़कै दुआरे ना निकारैगे? 
\v 12 फिर एक इंसान तौ एक भेंड़ से तौ कहीं जाधे कीमती है! तौ फिर, मूसा के नियम हमैं साबत के दिन कोई की भी मदत करन की अनुमति देथै।” 
\v 13 तब ईसु फालिस के मारे भै आदमी से कही, “अपनो हात बड़ा।” और बौ दुसरे जैसी फिर ठीक हुई गौ। 
\v 14 तौ फरीसी बहार जाएकै ईसु के बिरोध मैं सलाह जोड़ीं, कि बाकै कैसे करकै मार डारैं?
\s परमेस्वर को चुनो भौ सेवक
\p
\v 15 जब ईसु अपने खिलाप साजिस को समाचार सुनी, तौ ईसु बौ जघा से चले गौ; और बड़ी भीड़ बाके संग हुई लई। बौ सब बिमारन कै चंगो करी। 
\v 16 और उन्हैं जाके बारे मैं दूसरेन कै न बतान की चितौनी दई। 
\v 17 जौ बौ बचन कै पूरो करन कै ताहीं रहै जो यसायाह भविस्यवक्ता के जरिया कहो गौ रहै:
\q1
\v 18 \x + \xo 12:18 \xo*\xt यसायाह 42:1-4\xt*\x*“जौ मेरो सेवक है, जोकै मैं चुनो हौं;
\q2 मेरो प्रिय, और जोसे मेरो मन खुस है।
\q1 मैं अपनी आत्मा बाके ऊपर भेजंगो;
\q2 और बौ सब देस के सब गैर यहूदि के न्याय की घोसड़ाँ करैगो।
\q1
\v 19 बौ ना लड़ैगो, और नाय चिल्लागो;
\q2 सड़क मैं बाकी अबाज कोई ना सुनैगो।
\q1
\v 20 बौ कुचले भै सरकंडा कै नाय तोड़ैगो;
\q2 और न जलत भै दीया की लपट कै बुझागो।
\q1 बौ तब तक बनो रैहगो जब तक कि बौ न्याय की जीत न हुई जाए।
\q2
\v 21 तौ फिर रास्ट्र के गैर यहूदि लोग बहे के नाओं के ऊपर अपनी आसा रखंगे।”
\s ईसु और बालजबूल
\r (मरकुस 3:20-30; लूका 11:14-23)
\p
\v 22 तब कुछ लोग ईसु के झोने एक ऐसे आदमी कै लै आए जो एक अंधरा रहै बात नाय कर पात रहै काहैकि बामै प्रेत आत्मा रहै। ईसु बाकै चंगो करी, और तभई बौ गूँगा देखन और बात करन लगो। 
\v 23 ईसु जो कुछ करी रहै, बासे सबै लोग चकित रहैं। “का जौ दाऊद को बालका हुई सकथै?” बे पूँछीं। 
\v 24 जब फरीसी जौ सुनी, तौ बे जबाब दई “बौ प्रेत आत्मा कै सिरफ तभई निकार पाथै काहैकि उनको अधिकारी बालजबूल बाकै ऐसो करन की ताकत देथै।” 
\v 25 ईसु जानत रहै कि बे मन मैं का सोच रहै हैं, और तभई बौ उनसे कही, “जो राज्य मैं फूट पड़ जाथै तौ नास हुई जाथै बैसिये हर नगर या घर परिवार मैं जोमैं फूट पड़ जाबै बौ टिको नाय रह सकथै। 
\v 26 तौ अगर एक समूह सैतान के राज्य मैं दुसरे से लड़ रहो है, तौ जाको मतलब है कि जौ पहले से ही समूह मैं बटो भौ है और जल्दी ही अलग हुई जागो। 
\v 27 और अगर जौ सच है कि मैं बालजबूल के सहारे से प्रेत आत्मा कै बाहर निकारथौं तौ तुमरे अनुयायी कौनकी सहारे से उन्हैं बाहर निकारथैं? तौ तुमरे अनुयायी न्याय करंगे! 
\v 28 लेकिन अगर प्रेत आत्मा कै मैं परमेस्वर की आत्मा की मदत से निकारथौं, तौ जासे जौ सिद्ध है कि परमेस्वर को राज्य तुमरे झोने आए पहोंचो है।”
\p
\v 29 “कोई किसी बलवन्त आदमी के घर मैं घुसकै बाको माल नाय लूट सकथै, जब तक कि बौ पहले बौ बलवन्त कै नाय भाँद लियै? और फिर बौ बाको घर लूट सकथै।”
\p
\v 30 \x + \xo 12:30 \xo*\xt मरकुस 9:40 \xt*\x*“जो मेरे पक्छ मैं नाय है, बौ मेरे बिरोध मैं है; और जो मेरे संग नाय बटोरथै, बौ बिखेरथै। 
\v 31 तभई मैं तुम सच कहथौं, कि हर एक पाप निंदा माफ करो जागो, लेकिन जो कोई पवित्र आत्मा की बुराई करथै बाकै माफ ना करी जागी। 
\v 32 जो कोई इंसान के लौड़ा के खिलाप मैं कोई बात कहेगो, बाको अपराध माफ करो जागो, पर जो कोई पवित्र आत्मा के खिलाप मैं बुरी बात कहथै, बौ माफ नाय करी जागी। न जौ युग मैं और न आनबारे युग मैं।”
\s एक पेंड़ और बाके फल
\r (लूका 6:43-45)
\p
\v 33 “अच्छो फल पान के ताहीं तुमरे झोने एक अच्छो पेंड़ होनो चाहिए; अगर तुमरे झोने खराब पेंड़ है, तौ तुमरे झोने खराब फल होंगे। काहैकि पेंड़ अपने फल से पहचानो जाथै। 
\v 34 अरे साँप के बालकौ, जब तुम बुरे होत भै अच्छी बात कैसे कह सकथौ? काहैकि जो मन मैं भरो होथै, बहे मोहों से निकरथै। 
\v 35 एक अच्छे इंसान के मन के भंडार मैं से अच्छाई इखट्टी है बहे मैं से अच्छी बात निकरथै, जबकी एक बुरो इंसान जो बुराई बाके मन मैं है बहे मैं से बुरी बात निकरथैं।
\p
\v 36 लेकिन मैं तुमसे सच कहथौं, कि इंसान को न्याय के दिन अपनी हर एक बेकार निकम्मी बातन को लेखा देने होगो। 
\v 37 काहैकि तैं अपनी बातन के बजह से निर्दोस और अपनी बातन के बजह से दोसी मानो जाबैगो।”
\s चमत्कार की माँग
\r (मरकुस 8:11,12; लूका 11:29-32)
\p
\v 38 तब व्यवस्था के कुछ यहूदि नियम के सिक्छक और फरीसी कहीं। “गुरुजी, हम तोसे एक चिन्ह चमत्कार देखनो चाहथैं।” 
\v 39 बौ जबाब दई, “जौ युग के दुस्ट और व्यभिचार करन बारे लोग चिन्ह ढूँड़थै!” लेकिन योना भविस्यवक्ता के चिन्ह कै छोड़कै कोई और चिन्ह उनकै ना दौ जागो। 
\v 40 जैसी करकै योना बड़ी मच्छी मैं तीन और तीन रात बिताई, बैसिये इंसान को लौड़ा तीन दिन और तीन रात धरती के भीतर की गहराई मैं बितागो। 
\v 41 न्याय के दिन नीनवे के लोग ठाड़कै तुमरे ऊपर दोस लगांगे, काहैकि बे योना के उपदेस से अपनो मन फिराई रहैं, और अब हिंयाँ योना से भी बड़ो है! 
\v 42 न्याय के दिन दक्खिन सेबा की रानी तुमरे ऊपर दोस लगाबैगी, काहैकि बौ राजा सुलैमान को ग्यान सुनन के ताहीं पृथ्वी के छोर से आई, और अब हिंयाँ तौ बौ सुलैमान से भी एक बड़ो है!
\s दुस्टआत्मा की बापसी
\r (लूका 11:24-26)
\p
\v 43 “जब कोई असुद्ध आत्मा कोई आदमी मैं से बाहर निकरथै, तौ बौ सूखी जघा मैं आराम की खोज मैं निकर जाथै। और बाकै नाय पाथै, 
\v 44 तौ फिर बौ कहथै, ‘मैं बहे घर मैं लौट जांगो जोमैं छोड़ो रहों।’ जब बौ आथै, तौ बौ घर कै खाली साफ सुथरो और सजो-सजाओ पाथै। 
\v 45 तब बौ निकरकै अपने से भी सात प्रेत आत्मा कै अपने संग लै आथै, और बे आयकै हूँनै रहथैं। और बौ इंसान की हालत पहले से भी बत्तर ही जाथै। आज की बुरी पीढ़ी के संग ऐसोई होगो।”
\s ईसु के अईय्या और भईय्या
\r (मरकुस 3:31-35; लूका 8:19-21)
\p
\v 46 ईसु हबै भी लोगन से बात करत रहै, तौ बाकी अईय्या और भईय्या हूँना पहुँचे। बे बाहर ठाड़कै बासे बात करनो चाहत रहैं। 
\v 47 कोई बासे कही, “देख तेरी अईय्या और तेरे भईय्या बाहर ठाड़े हैं, और तोसे बात करनो चाहथैं।” 
\v 48 ईसु जबाब दई, “मेरी अईय्या और भईय्या कौन हैं?” 
\v 49 फिर बौ अपने चेलन के घाँईं इसारा करत भै कही, “देखौ! जे मेरी अईय्या और मेरी भईय्या हैं। 
\v 50 काहैकि जो कोई मेरे स्वर्ग मैं दऊवा की इच्छा मैं चलथैं, बहे मेरो भईय्या और बहेनिया, और अईय्या हैं।”
\c 13
\s बोन बारे की कहानी
\r (मरकुस 4:1-9; लूका 8:4-8)
\p
\v 1 बहे दिन ईसु घर से निकरो और झील के किनारे चले गौ, जहाँ बौ उपदेस देन बैठो। 
\v 2 \x + \xo 13:2 \xo*\xt लूका 5:1-3\xt*\x*बाके चारौ तरफ इत्ती भीड़ जुराए गई कि बौ नईंयाँ मैं चढ़कै बैठगौ, और सब लोग किनारे मैं ठाड़े रहैं। 
\v 3 फिर बौ उन्हैं कहानी मैं भौत सी बात बताई, और कही: एक किसान बीज बोन निकरो। 
\v 4 जब बौ बीज कै खेत मैं बिखेरी, तौ बाको कुछ भाग रस्ता के किनारे गिरे, और पक्छी आयकै उनकै खाए गै। 
\v 5 बाको कुछ भाग पथरीली जमीन मैं गिरे, जहाँ थोड़ी सी मट्टी रहै। बीज जल्दिये ही अंकुरित ही गै, काहैकि मट्टी गहरी नाय रहै। 
\v 6 पर जब सूरज निकरो, बौ अंकुरित पौधन कै जलाए दई; काहैकि जड़ गहरी नाय रहैं, पौधा जल्दिये सूख गै। 
\v 7 कुछ बीज कटीली झाड़िन के बीच गिरे, जो बड़े भै और पौधन कै दबाय दई। 
\v 8 पर कुछ बीज अच्छी जघा मैं गिरे, और फल लाईं, कोई सौ गुना, कोई साठ गुना, कोई तीस गुना। 
\v 9 और ईसु हल निकारी, “सुनौ, जोके कान होमैं बौ सुन लियौ।”\fig ईसु समुंदर के किनारे भीड़ कै उपदेस देत भइ|alt="Jesus teaching the crowd by the sea" src="lb00299b.tif" size="span" copy="Horace Knowles ©" ref="13:2"\fig*
\s कहानियन को उद्देस्य
\r (मरकुस 4:10-12; लूका 8:9,10)
\p
\v 10 तब चेला ईसु के झोने आयकै बासे पूँछीं, “तैं लोगन से बात करत समय कहानियन को इस्तमाल करथैं?” 
\v 11 ईसु जबाब दई, “तुमकै स्वर्ग के राज्य के भेदन की समझ दई गई है, पर उनकै नाय। 
\v 12 \x + \xo 13:12 \xo*\xt मत्ती 25:29; मरकुस 4:25; लूका 8:18; 19:26\xt*\x*काहैकि जिनके झोने कुछ है, बाकै और जाधे दौ जागो; लेकिन जिनके झोने कुछ नाय हे, बौ बासे जो कुछ है बासे और बाके झोने है बौ भी लै लेगो। 
\v 13 तभई मैं उनसे कहानियन मैं बात करथौं काहैकि बे देखथैं लेकिन बास्तव मैं उन्हैं कुछ दिखाई नाय देथै। और बे सुनथैं लेकिन बास्तव मैं उन्हैं सुनाई नाय देथै, और नाय समझथैं। 
\v 14 तभई यसायाह की भविस्यवाँड़ी उन पर लागू होथै:
\q1 ‘तुम सुनैगे और सुनतै रैहगे, पर तुम्हारी समझ मैं कुछ नाय आगो;
\q2 तुम बस देखतै रैहगे, पर तुम्हारी समझ मैं कुछ न आगो,
\q1
\v 15 काहैकि उनको मन सुस्त है,
\q2 और बे अपने कान कै बंद कर लईं हैं,
\q2 और अपनी आँखी मूंद लईं हैं।
\q1 ना तौ उनकी आँखी देखती,
\q2 उनके कान सुनते,
\q2 उनकी बुद्धि समझती,
\q1 और बे मेरी तरफ फिरंगे, परमेस्वर जहे कहथै,
\q2 और मैं उनकै चंगो करंगो।’”
\p
\v 16 “पर तुमरी आँखी और कान धन्य हैं, काहैकि बे देख और सुन सकथैं। मैं तुमसे सच कहथौं कि भौत से भविस्यवक्ता और परमेस्वर के भौत से लोग चाहत रहैं कि जो कुछ तुम देखथौ बाकै देखौ, पर बे नाय सुनत रहैं, और जो बातैं तुम सुनथौ, सुनौ, लेकिन बे नाय करीं।\x + \xo 13:16 \xo*\xt लूका 10:23,24\xt*\x* 
\v 17 काहैकि मैं तुमसे सच-सच कहथौं, कि भौत से भविस्यवक्ता और धर्मी लोग जौ देखन की लालसा रखथैं कि तुम का देखथौ, लेकिन नाय देख पाथैं, और जो बात तुम सुनथौ, सुनकै, पर नाय सुनी।”
\s ईसु बोन बारे की कहानी के बारे मैं बताई
\r (मरकुस 4:13-20; लूका 8:11-15)
\p
\v 18 “तौ, सुनौ, और सीखौ कि बोन बारे की कहानी को मतलब का है। 
\v 19 जो लोग राज्य बारे संदेस सुनथैं, लेकिन जाकै नाय समझथैं, बे बीज जो रस्ता के किनारे गिरे भै रहैं बाको मतलब जौ है कि जब कोई राज्य के सुसमाचार सुनथै। और बाकै समझत नाय है तौ दुस्ट आयकै जो बाके मन मैं उगो रहै बौ उठाए लै जाथै। 
\v 20 बे बीज जो पथरीली जमीन मैं गिरे रहैं उनको मतलब जौ है कि बौ आदमी जो संदेस सुनथै बाकै खुसी से तुरंत अपनाय लेथैं। 
\v 21 पर उनमैं कोईये जड़ नाय है, और तभई लम्बे समय तक नाय टिक पाथैं। तभई जब संदेस के बजह से परेसानी या दुख आथै, तौ बे तुरंतै हार मान लेथैं। 
\v 22 जो बीज कटीली झाड़िन मैं गिरे रहैं, बाको मतलब जौ है बौ आदमी जो सुभ संदेस सुनथै तौ युग की चिंताए और धन को लोभ सुभ संदेस कै दबाय देथै, और बौ आदमी फल न लाय पाथै। 
\v 23 अच्छी जमीन मैं गिरे भै बीज को मतलब जौ है कि बौ आदमी जो सुभ संदेस कै सुनथै और समझथै बौ कामयाब होथै बौ सफलता से बोए बीज से तीस गुना, साठ गुना, या सौ गुना तक होथै।”
\s गेंहूँ और बीज की कहानी
\p
\v 24 ईसु उनकै एक और कहानी सुनाई, “स्वर्ग को राज्य बौ इंसान के हानी है जो अपने खेत मैं अच्छो बीज बोई। 
\v 25 पर जब आदमी सोत रहैं, तौ बौ आदमी को दुस्मन आओ और गेंहूँ के बीच मैं जंगली पौधा के बीज बोई और चले गौ। 
\v 26 जब गेंहूँ मैं अंकुर निकरे और बामै बाली आई, तौ घाँस के जंगली पौधा भी दिखाई देन लगे। 
\v 27 तब खेत के मालिक के सेवक बाके झोने आयकै कहीं, ‘मालिक, तैं तौ अच्छो बीज बौ रहै, फिर जंगली पौधा कहाँ से आए?’ 
\v 28 ‘तब मालिक उनसे कही, जौ कोई दुस्मन को काम है।’ सेवक बासे पूँछी, ‘का तैं चाहथै कि हम जाएकै जंगली पौधन कै उखाड़ फेकैं?’ 
\v 29 बौ कही, ‘नाय,’ काहैकि जब तुम जंगली पौधन कै उखाड़ेगे तौ बाके संग गेंहूँ भी उखड़ सकथैं। 
\v 30 कटनी तक गेंहूँ और जंगली पौधा दोनों कै एक संग बढ़न दे। तभई मैं फसल काटन बारेन से कहेंगो, कि जंगली पौधन कै हटाय दे, उन्हैं गट्ठा भाँदकै जलाए दे, और फिर गेंहूँ बटोरकै अपने कुठियन मैं रख दे।”
\s राया के दाने की कहानी
\r (मरकुस 4:30-32; लूका 13:18,19)
\p
\v 31 ईसु उनकै एक और कहानी सुनाई, “स्वर्ग को राज्य राया के छोटो बीज के तराहनी होथै, जोकै कोई लैकै खेत मैं बोई होबै। 
\v 32 बौ सब बीजन मैं सबसे छोटो होथै, तौ सब बाग के पौधन से बढ़ो हुई जाथै। बौ पेंड़ बन जाथै, जामैं आसमान के पक्छी आयकै बाकी हँगईय्या मैं अपनो घोसला बनाथैं।”
\s खमीर की कहानी
\r (लूका 13:20,21)
\p
\v 33 ईसु एक और कहानी उनकै सुनाई, “स्वर्ग को राज्य खमीर के तराहनी है, जोकै कोई बईय्यर तीन बार चून मैं मिलाई और तब तक बाकै रख छोड़ी जब तक सबको सब खमीर नाय बन गौ।”
\s ईसु के जरिया कहानियन को प्रयोग
\r (मरकुस 4:33,34)
\p
\v 34 जे सब बात भीड़ कै बतान के ताहीं ईसु कहानी को प्रयोग करी, बौ कहानी को उपयोग करे बिना कुछ नाय कहतो। 
\v 35 \x + \xo 13:35 \xo*\xt भजन संहिता 78:2\xt*\x*ऐसो जहेमारे रहै कि परमेस्वर भविस्यवक्ता के जरिया कहो गौ रहै, बौ पूरो होबै: परमेस्वर कही,
\q1 मैं कहानी के जरिया अपनो मोहों खोलंगो;
\q2 दुनिया के सुरुवात से जो बात छिपी रहीं हैं मैं उनकै उजागर करंगो।
\s ईसु गेंहूँ के बीज की कहानी बताथै
\p
\v 36 जब ईसु भीड़ कै छोड़कै घर के भीतर चले गौ, तौ बाके चेला बाके झोने आयकै कहन लगे, “हमैं कहानियाँ बता कि जंगली पौधन के बारेन को मतलब का है।” 
\v 37 ईसु जबाब दई, “जो अच्छो बीज बोई बौ इंसान को लौड़ा है। 
\v 38 खेत दुनिया है; अच्छो बीज को मतलब है स्वर्ग के राज्य के लोग, और जंगली पौध के बीज को जौ मतलब है बे लोग जो दुस्ट सैतान की संतान हैं। 
\v 39 और जंगली बीज बोन बारो बैरी सैतान है; और कटनी के समय जौ दुनिया को अंत है: और कटाई करन बारे मजदूर स्वर्गदूत हैं। 
\v 40 जैसी जंगली पौधा आगी मैं इखट्टे हुईकै जल जाथैं, बैसिये दुनिया के अंत मैं ऐसो ही होगो। 
\v 41 इंसान को लौड़ा अपने स्वर्गदूतन कै भेजकै, और बे बाके राज्य मैं से सब ठोकर के बजह के और अधर्मियन कै इखट्टो करैगो। 
\v 42 और बौ उनकै धधकत भइ भट्टी मैं डार देगो, जहाँ बे रोमंगे और दाँत पीसंगे। 
\v 43 बौ समय धर्मी लोग अपने दऊवा परमेस्वर के राज्य मैं सूरज के हानी चमकंगे। जोके कान हैं बौ सुन लियै।”
\s छिपे भै खजाना की कहानी
\p
\v 44 “स्वर्ग को राज्य ऐसो है। एक आदमी कै खेत मैं छिपो खजाना मिल जाथै। बौ बाकै फिर ढोंक देथै, और इत्तो खुस होथै कि बौ जाथै और अपनो सब कछु बेंच देथै, और बापस जाएकै बौ खेत कै खरीद लेथै।”
\s मोती की कहानी
\p
\v 45 “फिर स्वर्ग को राज्य एक ब्यापारी के हानी है जो अच्छे मोती कै ढूँड़त रहै। 
\v 46 जब बाकै एक कीमती मोती मिलो तौ बौ जाएकै अपनो सब कछु बेंच डारी और बौ मोती कै खरीद लई।”
\s जार की कहानी
\p
\v 47 “फिर स्वर्ग को राज्य ऐसो है, कुछ मछरेया समुंदर मैं जार फेंक देथैं, और सब जैसी की मच्छिन कै समेट लेथैं। 
\v 48 और जब जार भरगौ, तौ मछरेया किनारे खींच लाईं, और बैठकै मच्छी बाँटन के ताहीं बैठ जाथैं, जो अच्छी उन्हैं अपने बर्तन मैं भर लेथैं, और जो खराब हैं बे फेंक दई जाथैं। 
\v 49 दुनिया के अंत मैं असोई होगो; स्वर्गदूत आयकै दुस्टन कै धर्मियन से अलग करंगे, 
\v 50 और उनकै आगी की भट्टी मैं झोकंगे, हूँना रोनो और दाँत पीसनो होगो।”
\s पुराने और नया सच
\p
\v 51 “का तुम जे सब बात समझ गै?” ईसु उनसे पूँछी चेला जबाब दईं, “हाँ।” 
\v 52 फिर ईसु अपने चेलन से कही, “तभई यहूदि नियम के सिक्छक जो परमेस्वर के स्वर्गिय राज्य कै जानथै बौ घर के मालिक के जैसे है जो अपनी भंडार की कुठरिया से नई और पुरानी चीजन कै बाहर निकारथै।”
\s ईसु को नासरत मैं अस्विकार
\r (मरकुस 6:1-6; लूका 4:16-30)
\p
\v 53 जब ईसु जे सब कहानी कह चुको, तौ हूँना से बे चले गै। 
\v 54 और अपने नगर मैं आयकै उनके यहूदि सभाघरन मैं ऐसो उपदेस देन लगो; कि बे अचम्मे हुईकै कहन लागे, “जाकै जौ ग्यान और सामर्थ्य के काम कहाँ से मिले? 
\v 55 का जौ बहे बढ़ई को लौड़ा ना है? और का जाकी अईय्या को नाओं मरियम और जाके भईय्यन के नाओं याकूब, युसुफ, सिमौन और यहूदा ना हैं? 
\v 56 और का जाकी सब बहेनिया हमरे बीच मैं ना रहथैं? फिर जाकै जौ सब कहाँ से मिलो?” 
\v 57 और तभई बाकै नापसंद करथै। ईसु उनसे कही, “एक भविस्यवक्ता को सिरफ अपने गाँव और घर के अलावा हर जघा आदर करो जाथै।” 
\v 58 और उनके अविस्वास के बजह से बौ हूँना जाधे अचम्मे काम नाय कर पाई।
\c 14
\s यूहन्ना बपतिस्मा देनबारे की मौत
\r (मरकुस 6:14-29; लूका 9:7-9)
\p
\v 1 बौ समय गलील के सासक हेरोदस ईसु के बारे मैं सुनी। 
\v 2 “तौ बौ अपने सेवकन से कही जौ बपतिस्मा देन बारो यूहन्ना जो मरे भै मैं से जी उठो है, तभई बाके पास अचम्मे काम करन की सक्ति हैं।” 
\v 3 \x + \xo 14:3 \xo*\xt लूका 3:19,20\xt*\x* काहैकि हेरोदस पहले यूहन्ना कै पकड़वान को आदेस दई रहै, और बौ बाकै भाँदकै कैदखाना मैं डरबाई रहै, जौ बौ हेरोदियास के कहने मैं करी रहै जो पहले बाके भईय्या फिलिप्पुस की बईय्यर रहै। 
\v 4 \x + \xo 14:4 \xo*\xt लैव्यवस्था 18:16; 20:21\xt*\x*हेरोदस यूहन्ना कै मार डारनो चाहत रहै, “कि बाकै रखनो तेरे ताहीं नियम के जरिया से ठीक नाय है!” 
\v 5 हेरोदस यूहन्ना कै मार डारनो चहात रहै, लेकिन बौ यहूदि आदमिन से डरात रहै, काहैकि बे यूहन्ना कै भविस्यवक्ता मानत रहैं।
\p
\v 6 हेरोदस के जनम दिन मैं हेरोदियास की लौड़िया पूरे हितुअन के सामने नाची। हेरोद इत्तो खुस भौ 
\v 7 कि बौ बासे वादा करी, “मैं कसम खाथौं कि मैं सब कुछ दुंगो जो तू माँगैगी!”
\p
\v 8 बाकी अईय्या के सिखाने मैं आयकै बासे कही, “मोकै एक थरिया मैं यूहन्ना बपतिस्मा देनबारे की मुड़िया मंगवाए दे!”
\p
\v 9 तौ राजा भौत दुखी भौ, पर बौ अपने सब हितुअन के अग्गु जो वादा करी रहै, बाके बजह से आग्या दई कि बाकी इच्छा पूरी होबै। 
\v 10 तभई बौ कैदखाना मैं यूहन्ना की मुड़िया कलम करबाय दई। 
\v 11 फिर बाको मूड़ थरिया मैं लाओ गौ, और लौड़िया कै दै दौ गौ; और बौ बाकै अपनी अईय्या के झोने लै गई। 
\v 12 तब यूहन्ना के चेला आए और बे बाके लास कै दफनाईं और जाएकै ईसु कै बताईं।
\s ईसु पाँच हजारन कै खबाई
\r (मरकुस 6:30-44; लूका 9:10-17; यूहन्ना 6:1-14)
\p
\v 13 जब ईसु जौ सुनी, तौ नईंयाँ मैं चढ़कै हूँना से अकेलो कोई सुनसान जघा के, एकांत मैं चले गौ; और लोग जौ सुनकै नगर-नगर से पैदल बाके पच्छू हुई लईं। 
\v 14 ईसु जब बाहर नईंयाँ से निकरकै किनारे मैं आओ तौ बौ एक बड़ी भीड़ देखी, बाकै उनके ऊपर तरस आई और बौ उनकी बिमारिन कै अच्छो करी।
\p
\v 15 जब संजा भइ, तौ बाके चेला बाके झोने आयकै कहीं, “जौ तौ सुनसान जघा है और देर हुई रइ है, लोगन कै पनार देनो चहाईये कि बे गाँव मैं जाएकै अपने ताहीं खानु खरीदैं।”
\p
\v 16 लेकिन ईसु उनसे कही, “इन्हैं कहीं जान की जरूरत ना है! तुम्हईं इन्हैं खान कै दियौ।”
\p
\v 17 बे ईसु से कहीं, “हिंयाँ हमरे झोने पाँच रोटी और दुई मच्छी के अलावा और कुछ ना है।”
\p
\v 18 ईसु कही, “उनकै हींना मेरे झोने लाबौ।” 
\v 19 तौ बौ आदमिन कै घाँस मैं बैठन कै कही, और बे पाँच रोटियन कै और दुई मच्छियन कै लईं; और स्वर्ग के घाँईं देखकै आसीस माँगी और परमेस्वर कै धन्यवाद दईं और रोटियन कै तोड़-तोड़कै चेलन कै दई, और चेला बे टुकड़ा लोगन मैं बाँट दईं। 
\v 20 और सब पेट भरकै खाईं बाके बाद बचे टुकड़न से बाके चेला बारह छपरिया भरीं। 
\v 21 और खानबारी बईंय्यरैं और बालकन कै छोड़कै पाँच हजार लोग के लमसम रहैं।
\s ईसु पानी ऊपर नेंगी
\r (मरकुस 6:45-52; यूहन्ना 6:15-21)
\p
\v 22 और ईसु तुरंतै अपने चेलन कै नईंयाँ मैं चढ़ाई, कि बे बासे पहले झील के बौ पाँजर चले जामैं, जबले कि बौ लोगन कै बिदा कर लेबै। 
\v 23 बौ लोगन कै पनारकै, प्रार्थना करन कै अलग पहाड़ मैं चढ़गौ; और संजा कै बौ हूँना अकेलो रहै। 
\v 24 तब तक नईंयाँ जमीन के किनारे से काफी दूर जाए चुकी रहै और लहरन मैं लपेटा खाती डगमगात रहै, काहैकि ब्यार बाके खिलाप मैं चलत रहै। 
\v 25 सुबेरे के लमसम तीन से छ: बजे के बीच ईसु पानी मैं नेंगत भौ आओ। 
\v 26 चेला बाकै झील के ऊपर नेंगत भै देखकै घबराय गै, और कहेन लगे, “बौ भूत है,” डर के मारे चिल्लाए पड़े। 
\v 27 ईसु तुरंत उनसे बात करी, और कही, “हिम्मत रखौ, मैं हौं; डराबौ मत।” 
\v 28 पतरस बाकै जबाब दई, “हे प्रभु, अगर तू ही है, तौ मोकै अपने झोने पानी मैं नेंग कै आन कै कह।” 
\v 29 ईसु कही, “आ!” तौ पतरस नईंयाँ मैं से उतरकै ईसु के झोने जान ताहीं पानी मैं नेंगन लगो। 
\v 30 पर जब तेज ब्यार कै देखी तौ डराय गौ, और जब डूबन लगो तौ चिल्लाए कै कही, “हे प्रभु, मोकै बचा।” 
\v 31 ईसु तुरंत हात बढ़ाये कै बाकै थाम लई, और बासे कही, “हे कम बिस्वास बारे, तैं काहे सन्देह करो?” 
\v 32 जब बे नईंयाँ मैं चढ़ गै तौ, तूफान रुक गौ। 
\v 33 नईंयाँ के पार लोग ईसु की आराधना करीं और कहीं, “तू सच मैं परमेस्वर को लौड़ा है।”
\s गन्नेसरत परदेस मैं ईसु को बिमारन कै अच्छो करनो
\r (मरकुस 6:53-56)
\p
\v 34 बे बौ पाँजर उतरकै गन्नेसरत तट की धरती मैं पुगे। 
\v 35 और हूँना के रहन बारे ईसु कै पहचानी तौ बाके आन को समाचार आसपास के सब जघा मैं पनार दईं, जोसे लोग बिमार रहैं बे सबन कै हुँआँ लै आए। 
\v 36 बासे नहोरे करन लगे कि बे उनकै अपने लत्ता के कुंछ कै छून दे ताकी बच सकैं; और जित्ते बाकै छुइं, बे अच्छे हुईगै।
\c 15
\s पुरखन की सिक्छा
\r (मरकुस 7:1-13)
\p
\v 1 “जब कुछ फरीसी और यहूदि नियम के सिक्छक यरूसलेम से ईसु के झोने आए और बासे पूँछी, 
\v 2 ऐसो काहे है कि तेरे चेला हमरे पुरखन के जरिया दै गै रीति-रिवाजन कै टालथैं? खान से पहले बे अपने हातन कै नाय धोथैं!”\x + \xo 15:2 \xo*\xt व्यवस्थाविवरन 4:2; लूका 11:38 \xt*\x*\fig यहूदियन की हात धोन की रीत|alt="Ceremonial washing" src="lb00280b.tif" size="col" copy="Horace Knowles ©" ref="15:2"\fig*
\p
\v 3 ईसु जबाब दई, “अपने रीति-रिवाजन की बजह से तुम परमेस्वर की आग्या कै काहे तोड़थौ? 
\v 4 काहैकि परमेस्वर कही, ‘अपनी अईय्या और दऊवा को आदर करौ,’ और ‘अगर तुम अपने अईय्या या दऊवा कै बुरो भलो कहबैगे, तौ तुमकै सच मैं मार दौ जागो।’\x + \xo 15:4 \xo*\xt निर्गमन 20:12; 21:17; व्यवस्थाविवरन 5:16 \xt*\x* 
\v 5 पर तुम कहथौ, कि अगर कोई अपनी अईय्या या दऊवा से कहबै, ‘काहैकि मैं अपनो सब कछु परमेस्वर कै दान कर चुको हौं, तभईये तुम्हारी सहायता नाय कर सकथौं।’ 
\v 6 ऐसिये बाकै अपने अईय्या और दऊवा को आदर करन की जरूरत नाय, जौ तरीका से तुम अपने रीति-रिवाजन की बजह से परमेस्वर की आग्या कै नकारत हौ। 
\v 7 अरे! कपटियो, यसायाह तुमरे बारे मैं ठीकै भविस्यवाँड़ी करी रहै, बौ कही रहै\x + \xo 15:7 \xo*\xt यसायाह 29:13 \xt*\x*:
\q1
\v 8 ‘जे आदमी होटन से तौ मेरो आदर करथैं, पर उनको मन मोसे दूर रैहथै।
\q1
\v 9 मेरे ताहीं उनकी आराधना बेकार है, काहैकि बे आदमी के बनाए भै सिध्दांतन मैं है!’”
\s बे चीज जो आदमियन कै असुद्ध करथैं
\r (मरकुस 7:14-23)
\p
\v 10 और बौ आदमिन कै अपने झोने बुलाई और उनसे कही, “सुनौ, और समझौ! 
\v 11 जो मोहों मैं जाथै, बौ इंसान कै असुद्ध नाय करथै, पर जो मोहों से निकरथै, बहे इंसान कै असुद्ध करथै।”\x + \xo 15:11 \xo*\xt मत्ती 12:34; 1 तीमुथियुस 4:4\xt*\x* 
\v 12 तौ ईसु के चेला बाके झोने आए और बासे कहीं, “का तोकै पता है तेरी बात कै सुनकै फरीसियन कै बड़ा बुरो लगो है?”
\p
\v 13 “बौ जबाब दई, सब पौधा जो मेरो स्वर्गिय दऊवा नाय लगाई, उनकै उखाड़ दौ जागो। 
\v 14 उनकै जान दियौ; बे अंधी रहा दिखान बारे हैं और अगर एक अंधरा दुसरे अंधरा कै रहा दिखाबै, तौ दोनों गड्डा मैं गिरंगे।” 
\v 15 जौ सुनकै पतरस बासे कही, “जौ कहानी हमैं समझाए दे।”
\p
\v 16 ईसु कही, “का तुम्हऊँ हबै ले ना समझे हौ? 
\v 17 का तुम नाय समझथौ, कि जो कछु मोहों मैं जाथै, बौ पेट मैं जाथै, और सरीर से मल निकर जाथै? 
\v 18 पर जो कछु मोहों से निकरथै, बौ मन से निकरथै, और बहे इंसान कै असुद्ध करथै। 
\v 19 काहैकि बुरे बिचार, मार डारनो, दुसरेन की बईय्यर कै अपनो बनानो, व्यभिचार, चोरी करनो, झूठी गभाई और बुराई सबै बुराई मनै से आथै। 
\v 20 जेईं हैं जो इंसान कै असुद्ध करथैं, पर बिना हात धोए खानु खानो इंसान कै असुद्ध नाय करथै।”
\s एक कनानी बईय्यर को बिस्वास
\r (मरकुस 7:24-30)
\p
\v 21 ईसु बौ जघा कै छोड़कै सूर और सैदा सहर के घाँईं चल दई। 
\v 22 और देखौ, बौ परदेस से एक कनानी बईय्यर निकरी, और चिल्लाए कै कहन लगी, “हे प्रभु! दाऊद की संतान, मेरे ऊपर दया कर, मेरी लौड़िया कै प्रेत आत्मा बुरी तरहन से पकड़े पड़े है।” 
\v 23 पर ईसु बाकै कछु जबाब ना दई, और चेला आयकै बासे नहोरे करकै कहीं, “जाकै पनार दे; काहैकि बौ हमरे पच्छू चिल्लात भई आए रई है।” 
\v 24 ईसु जबाब दई, “खाली इस्राएल के घराने की हरानी भइ भेंड़न कै छोड़कै मैं कोई के झोने नाय भेजो गौ हौं।” 
\v 25 तौ बौ बईय्यर ईसु के अग्गु झुककै नहोरे करी, “हे प्रभु मेरी मदत कर।” 
\v 26 ईसु जबाब दई, “लौड़न की रोटी लैकै कुत्तन के अग्गु डारनो अच्छो नाय है।” 
\v 27 बौ बोली, “सैंदे प्रभु, पर कुत्तौ बौ करकूना खाथैं, जो उनके स्वामियन की मेज से गिरथै।” 
\v 28 जौ बात से ईसु बाकै जबाब दैकै कही, “हे बईय्यर, तेरो बिस्वास बड़ो है; जैसो तैं चाहथैं, तेरे ताहीं बैसोई होबै” और बाकी लौड़िया बहे समय अच्छी हुई गई।\x + \xo 15:28 \xo*\xt मत्ती 8:10,13\xt*\x*
\s ईसु निरे आदमिन कै अच्छो करी
\p
\v 29 ईसु हूँना से जाएकै, गलील की झील के झोने आओ, और पहाड़ मैं चढ़कै हूँना उपदेस देनकै बैठगौ।\x + \xo 15:29 \xo*\xt मरकुस 7:31 \xt*\x* 
\v 30 और खूब भीड़ बाके झोने आई, बे अपने संग लंगड़ा, अंधरा, गूँगा, टुन्डा और निरे बिमारन कै लैकै बाके झोने आए; और बे लोग उनकै बाकी टाँग मैं डार दईं, और ईसु उनकै अच्छो करी। 
\v 31 जब आदमी देखीं, कि गूँगा बोलथैं और टुन्डा अच्छे होत भै और लंगड़ा नेंगत और अंधरा देखथैं, तौ जाकै अचम्मो मानकै इस्राएल के परमेस्वर की बड़ाँईं करीं।\x + \xo 15:31 \xo*\xt मरकुस 7:37\xt*\x*
\s ईसु चार हजारन कै खबाई
\r (मरकुस 8:1-10)
\p
\v 32 तौ ईसु अपने चेलन कै बुलाएकै कही, “मोकै जौ भीड़ के ऊपर तरस आथै; काहैकि बे तीन दिन से मेरे संग हैं और उनके झोने कछु खान कै ना है; और मैं उनकै भूंको पनारनो नाय चाहथौं; कहीं ऐसो नाय होबै कि थक हार कै रहामैं चक्कर आयकै गिर पड़ै।”\x + \xo 15:32 \xo*\xt मत्ती 14:14\xt*\x* 
\v 33 चेला बासे कहीं, “हमकै जौ सूनी जघा मैं कहाँ से इत्ती रोटी मिलंगी कि हम इत्ती बड़ी भीड़ कै खानु खबाए सकैं?” 
\v 34 ईसु उनसे पूँछी, “तुमरे झोने कित्ती रोटी हैं?” बे कहीं, “सात और थोड़ी सी छोटी मच्छी है।” 
\v 35 तौ बौ भीड़ कै जमीन मैं बैठन कै कही। 
\v 36 और बे सात रोटी और मच्छी कै लैकै बौ परमेस्वर को धन्यवाद करी। फिर बौ रोटी तोड़ी और अपने चेलन कै दई फिर बाके चेला आदमियन कै बाँट दई। 
\v 37 और आदमी खाएकै तृप्त भै फिर बाके चेला बचे भै टुकड़न से भरे भै सात टोकरा उठाईं। 
\v 38 और खान बारेन मैं बईंय्यरन और बालकन कै छोड़कै चार हजार इंसान रहैं। 
\v 39 तौ ईसु भीड़ कै पनारकै नईंयाँ मैं चढ़गौ, और मगदन की सीमा मैं चलो गौ।
\c 16
\s चमत्कार की माँग\x + \xo 16:1 \xo*\xt मरकुस 8:11-21 \xt*\x*
\r (मरकुस 8:11-13; लूका 12:54-56)
\p
\v 1 कुछ फरीसी और सदूकी ईसु के झोने आए बे बाकै परखनो चाहत रहैं, तौ बे बासे कोई स्वर्गिय चिन्ह चमत्कार करन कै कहीं, ताकी पता लग सकै कि बाकै परमेस्वर कि अनुमति मिली है।\x + \xo 16:1 \xo*\xt मत्ती 12:38\xt*\x* 
\v 2 ईसु उनकै जबाब दई, “दिन मुदथै तौ तुम कहथौ, कि मौसम अच्छो रैहगो, काहैकि आसमान लाल है।\x + \xo 16:2 \xo*\xt लूका 12:54-56 \xt*\x* 
\v 3 और दिन निकरथै तौ तुम कहथौ, कि आज आँधी आगी काहैकि आसमान लाल और धुंधरो है; तुम आसमान के लक्छड़ देखकै भेद जानथौ, पर अपने समय के चिन्ह लक्छड़न कै नाय पढ़ सकथौ? 
\v 4 बुरे और व्यभिचार करन बारी पीढ़ी के आदमी कोई चिन्ह देखनो चाहथै, पर उनकै योना के चिन्ह कै छोड़कै और कोई चिन्ह ना दौ जागो।” और बौ उनकै छोड़कै चलो गौ।
\s फरीसियन और सदूकियन को खमीर
\r (मरकुस 8:14-21)
\p
\v 5 और चेला झील के बौ पाँजर जात पोती रोटी लेनो भूल गै रहैं। 
\v 6 तौ ईसु उनसे कही, “देखौ, फरीसियन और सदूकियन के खमीर से बचे रहियो।” 
\v 7 बे आपस मैं सोच-बिचार करत भै बोलीं, “हुई सकथै बौ जहे ताहीं कही काहैकि हम कोई रोटी संग नाय लाए।” 
\v 8 बे का सोच रै हैं जौ जानकै, ईसु उनसे कहीं, “ओ कम बिस्वास बारेयौ, तुम आपस मैं काहे बतकाथौ कि हमरे झोने रोटी नाय हैं? 
\v 9 का तुम अब नाय समझे? और बे पाँच हजार की पाँच रोटी याद नाय करथौ, और ना जहो कि कितनी छपरिया उठाए रहौ? 
\v 10 और का तुमकै याद नाय बे चार हजार के ताहीं सात रोटी, और फिर कितनी टोकरी भरकै तुम जमा करे रहौ? 
\v 11 तुम काहे ना समझथौ कि मैं तुमसे रोटिन के बारे मैं नाय कहो? पर फरीसियन और सदूकियन के खमीर से बचन कै कहो।” 
\v 12 तौ चेलन कै समझ मैं आओ, कि बौ रोटी के खमीर से नाय, पर फरीसियन और सदूकियन की सिक्छा से बचे रहन कै कहेत रहै।
\s ईसु के बारे मैं पतरस की घोसड़ाँ
\r (मरकुस 8:27-30; लूका 9:18-21)
\p
\v 13 जब ईसु कैसरिया फिलिप्पी के परदेस मैं आओ और अपने चेलन से पूँछन लगो, “आदमी इंसान के लौड़ा कै का कहथैं?” 
\v 14 बे कहीं, “कुछ तौ कहथै तू यूहन्ना बपतिस्मा देन बारो है और दूसरे कहथै कि तू एलिय्याह है और एक काद आदमी कहथै कि तू यिर्मयाह या भविस्यवक्तन मैं से कोई एक है।” 
\v 15 ईसु जबाब मैं उनसे कही, “हे यूहन्ना के लौड़ा सिमौन तू धन्य है काहैकि तोकै जे बात कोई इंसान नाय बल्कि स्वर्ग मैं रहेन बारो मेरो परम पिता दिखाई है?” 
\v 16 सिमौन पतरस जबाब दई, “तैं जिंदे परमेस्वर को लौड़ा मसीह है।” 
\v 17 ईसु बाकै जबाब दई, “हे सिमौन, योना के लौड़ा, तैं धन्य है, काहैकि मास और खून नाय, पर मेरो दऊवा स्वर्ग मैं है, जौ बात तेरे ऊपर दिखाई है। 
\v 18 और महुँ तोसे कहथौं, कि तैं पतरस है, और मैं जहे चट्टान मैं कलीसिया बनांगो, और नरक की सक्ति बाके ऊपर परबल ना होगी। 
\v 19 \x + \xo 16:19 \xo*\xt मत्ती 18:18; यूहन्ना 20:23 \xt*\x*मैं तोकै स्वर्ग के राज्य की चाबी दुंगो: ताकी जो कछु तैं पृथ्वी मैं भाँदैगो, बौ स्वर्ग मैं भंदैगो; और जो कछु तैं पृथ्वी मैं खोलैगो, बौ स्वर्ग मैं खुलैगो।”
\p
\v 20 तौ बौ चेलन कै चितौनी दई, “कोई से मत कहियो कि मैं मसीह हौं।”
\s ईसु अपने दुख और मौत के बारे मैं बताथै
\r (मरकुस 8:31-33; लूका 9:22)
\p
\v 21 बौ समय ईसु चेलन कै बतान लगो, “मोकै जरूरी है, कि यरूसलेम जामौं और यहूदि नियम के सिक्छक, बड़े-बूढ़े यहूदि नेतन और प्रमुख पुजारियन के जरिये बड़ा दुख उठामौं; और मार डारो जामौं; फिर तिसरे दिन जी उठौं।” 
\v 22 जौ बात मैं पतरस बाकै अलग्याँओं लै जाएकै झुकान लगो, “हे प्रभु, परमेस्वर ना करै! तेरे संग ऐसो कहु ना होगो।” 
\v 23 ईसु मुड़ कै पतरस से कही, “सैतान, मेरे अग्गु से दूर हुई जा! तैं मेरे ताहीं ठोकर को बजह है; काहैकि तैं परमेस्वर के तराहनी नाय, इंसानन के तराहनी सोचरौ है।”
\s ईसु के पच्छू चलन को मतलब
\p
\v 24 \x + \xo 16:24 \xo*\xt मत्ती 10:38; लूका 14:27\xt*\x*तौ ईसु अपने चेलन से कही, “अगर कोई मेरे पच्छू आनो चाहबै, तौ अपने आपकै इंकार करै और अपनो क्रूस उठाबै, और मेरे पच्छू हुई लेबै। 
\v 25 काहैकि जो कोई अपनी ज्यान बचानो चाहगो, बौ बाकै गबागो; और जो कोई मेरे ताहीं अपनी ज्यान गबागो, बौ बाकै पायगो।\x + \xo 16:25 \xo*\xt मत्ती 10:39; लूका 17:33\xt*\x* 
\v 26 अगर इंसान पूरी दुनिया कै पाय लियै, और अपनी ज्यान की हानी उठाबै, तौ बाकै का फायदा? या इंसान अपनी ज्यान पान के बदले मैं का देगो? 
\v 27 इंसान को लौड़ा अपने स्वर्गदूत के संग अपने दऊवा की महिमा मैं आगो, और बौ समय ‘बौ सबन कै उनके कामन के हिसाब से फल देगो।’ 
\v 28 मैं तुमसे सच कहथौं, कि जो हींना ठाड़े हैं, उनमैं से कित्ते ऐसे हैं, कि जबले इंसान के लौड़ा कै बाके राज्य समेत आत भै नाय देखलेमैं, तौले मौत को स्वाद कहु नाय चखंगे।”
\c 17
\s रूप परिवर्तन
\r (मरकुस 9:2-13; लूका 9:28-36)
\p
\v 1 छै दिन बाद ईसु पतरस और याकूब और बाके भईय्या यूहन्ना कै संग लई, उनकै एकांत मैं कोई ऊँचे पहाड़ मैं लैगौ। 
\v 2 और हूँना उनके अग्गु बाको रूप बदल गौ बाको मोहों सूरज के हानी चमकन लगो और बाके लत्ता उजीते के हानी उजले हुईगै। 
\v 3 तभई मूसा और एलिय्याह ईसु के संग बतकात भै चेलन कै दिखाई दईं। 
\v 4 तौ पतरस ईसु से कही, “प्रभु, हमरे हींना रहनो अच्छो है; अगर तेरी इच्छा होबै तौ मैं हींना तम्बु बनामौं; एक तेरे ताहीं, एक मूसा ताहीं, और एक एलिय्याह के ताहीं।”
\p
\v 5 बौ बोलतै रहै, कि एक उजलो बादर बाकै ढोंक लई, और बौ बादर मैं से जौ अबाज निकरी, “जौ मेरो प्रिय लौड़ा है, जासे मैं खुस हौं: जाकी सुनौ।”
\p
\v 6 चेला जौ सुनकै मोहों के बल गिर गै और बड़ा डराय गै। 
\v 7 पर ईसु झोने आयकै उनकै छुइ, और कही, “उठौ, डराबौ मत्ती।” 
\v 8 तौ बे अपनी आँखी उठाएकै ईसु कै छोड़ और कोई कै ना देखीं।
\p
\v 9 जब बे पहाड़ से उतरत रहैं तौ ईसु उनकै आग्या दई, “जबले इंसान को लौड़ा मरे भैन मैं से जिंदो ना हुई जागो, तौले जो कछु तुम देखे हौ कोई से मत कहियो।”
\p
\v 10 और बाके चेला बासे पूँछी, “तौ यहूदि नियम के सिक्छक काहे कहथैं, कि एलिय्याह को पहले आनो जरूरी है?”
\p
\v 11 ईसु जबाब दई, “एलिय्याह तौ जरूर आगो और सब कछु सुधारैगो। 
\v 12 लेकिन मैं तुमसे कहथौं, कि एलिय्याह आए चुको है; और बे बाकै नाय पैहचानीं; पर जैसो चाँहीं बैसोई बाके संग करीं। जहे बजह से इंसान को लौड़ा भी उनके हात से दुख उठाबैगो।”
\p
\v 13 तौ चेला समझीं कि बौ हमसे यूहन्ना बपतिस्मा देनबारे के बारे मैं कही रहै।
\s भूत पकड़े भै लौड़ा कै ईसु अच्छो करी
\r (मरकुस 9:14-29; लूका 9:37-43)
\p
\v 14 जब बे भीड़ झोने पुगे, तौ एक इंसान ईसु के झोने आओ, और घुपटियाय कै कहेन लागो। 
\v 15 “प्रभु मेरे लौड़ा ऊपर दया कर! काहैकि बाकै मिर्गी आथै, और बौ भौत दुख उठाथै; और बार-बार आगी, पानी मैं गिर पड़थै। 
\v 16 और मैं बाकै तेरे चेलन के झोने लाओ रहौं, पर बे बाकै अच्छो नाय कर पाईं।”
\p
\v 17 ईसु जबाब दई, “अरे अविस्वासियौ और हठीले आदमियौं, मैं कबले तुमरे संग रहांगो? कबले तुमरी सहमंगो? बाकै मेरे झोने लाबौ।” 
\v 18 तौ ईसु प्रेत आत्मा कै झुकाएकै आग्या दई और बौ बाके अंदर से निकर गौ, और बालका बहे समय अच्छो हुई गौ।
\p
\v 19 तौ चेला एकांत मैं ईसु से आए कै कहीं, “हम जाकै काहे ना निकार पाए?”
\p
\v 20 ईसु जबाब दई, “तुमरे बिस्वास की कमताई के बजह: काहैकि मैं तुमसे सच कहथौं, अगर तुमरो बिस्वास राया के दाने के बीज के बराबर भी होतो, तौ जौ पहाड़ से कहते, ‘तौ हींना से खिसक्कै हूँना चलो जा,’ तौ बौ चलो जातो और कोई बात तुमरे ताहीं असम्भव नाय होगी। 
\v 21 पर जौ तरहन से कि दुस्टात्मन कै बिना प्रार्थना और उपवास के नाय निकार सकथै!” पर सिरफ प्रार्थना और उपवास के जरिये ही निकार सकथै। \f + \fr 17:21 \fr*\ft जौ बचन प्राचीन ग्रीक मैं ना पाओ जाथै\ft*\f*
\s ईसु को फिर से अपने मरन के बारे मैं बतानो
\r (मरकुस 9:30-32; लूका 9:43-45)
\p
\v 22 जब ईसु के चेला आए और बाके संग गलील मैं मिले, तौ ईसु बासे कही, “इंसान को लौड़ा इंसान के हात मैं पकड़बाओ जागो। 
\v 23 और बे बाकै मार डारंगे, फिर बौ तिसरे दिन जिंदो हुई जागो।”
\p जौ बात मैं चेला भौत उदास भै।
\s मंदिर को कर लेनो
\p
\v 24 \x + \xo 17:24 \xo*\xt निर्गमन 30:13; 38:2\xt*\x*जब ईसु और बाके चेला कफरनहूम मैं आए, तौ मंदिर के ताहीं कर लेन बारे पतरस के झोने आए कै पूँछीं, “का तुमरो गुरुजी मंदिर को कर नाय देथै?”
\p
\v 25 पतरस जबाब दई, “हाँ, देथै।” जब बौ घरै आओ, तौ ईसु बाके पूँछन से पहले बासे कही, “सिमौन तैं का समझथै? पृथ्वी के राजा लगान या कर कौन से बसूलथैं? अपने लौड़न से या परायन से?”
\p
\v 26 पतरस जबाब दई, “परायन से।” ईसु बासे कही, “तौ लौड़ा बच गै। 
\v 27 पर हम उन आदमिन कै गुस्सा नाय करैं तभईये तैं झील मैं जा अपनो मच्छी पकड़नबारी बन्छी और फिर जो मच्छी पहले पकड़ मैं आबै बाको मोहों खोलिये, तोकै जितनी जरुरत है उतने सिक्का तोकै मिलैगो बाकै लैकै मेरे और अपने ताहीं उनकै दैदे।”
\c 18
\s कौन बड़ो है?
\r (मरकुस 9:33-37; लूका 9:46-48)
\p
\v 1 \x + \xo 18:1 \xo*\xt लूका 22:24 \xt*\x*बहे समय चेला ईसु के झोने आयकै पूँछन लगे, “स्वर्ग के राज्य मैं बड़ो कौन है?” 
\v 2 तभई ईसु एक बालका कै झोने बुलाएकै उनके बीच खड़ो करकै कही, 
\v 3 \x + \xo 18:3 \xo*\xt मरकुस 10:15; लूका 18:17\xt*\x* “मैं तुमसे सच कहथौं, और तुम मन ना बदले और बालकन के हानी नाय बने, तौ स्वर्ग के राज्य मैं घुस ना पाबैगे। 
\v 4 जो कोई अपने आपकै जौ बालका के हानी नम्र रहगो, बौ स्वर्ग के राज्य मैं बड़ो होगो। 
\v 5 और जो कोई मेरे नाओं से एक ऐसे बालका कै अपनाथै बौ मोकै अपनाथै।”
\s पाप के ताहीं लालच
\r (मरकुस 9:42-48; लूका 17:1,2)
\p
\v 6 “पर जोमैं मैं बिस्वास करन बारे कोई ऐसे छोटे अनुयायी के रस्ता मैं बाधा बनथै, अच्छो होबै कि बाकी गरजन मैं चक्की को पथरा लटकाए कै बाकै समुंदर मैं गहरोरी मैं डुबाय दौ जाबै। 
\v 7 भयानक बाँधन की बजह से मोकै दुनिया के आदमिन पर तरस है पर बाधाएँ तौ आमंगी पर हाय तौ मोकै बाके ऊपर है जोके बजह से बाधा आथै।”
\p
\v 8 \x + \xo 18:8 \xo*\xt मत्ती 5:30\xt*\x*“अगर तेरो हात या तेरी टाँग तोकै बाधा डारै, तौ काटकै फेंक दे; काहैकि स्वर्ग मैं बिना हात या टाँग के अनंत जिंदगी मैं घुसनों तेरे ताहीं जाधे अच्छो है बजाय जाके कि दोनों हात और दोनों टाँग सुंदा तोकै अनंत आगी मैं डार दौ जाबै। 
\v 9 काहैकि स्वर्ग मैं एक आँखी के होत भै अनंत जिंदगी मैं प्रवेस करनो तेरे ताहीं जाधे अच्छो है, बजाय जाके कि दोनों आँखी सुंदा खोन को तोकै नरक की आगी मैं डारो जाबै।”
\s हरानी भइ भेंड़ की कहानी
\r (लूका 15:3-7)
\p
\v 10 “देखौ, मेरे जे मासूम अनुयायी मैं से कोई कै तुच्छ मत समझियो; काहैकि मैं तुमकै बताथौं उनके रक्छक स्वर्गदूतन की पौहौंच स्वर्ग मैं मेरे परम दऊवा के झोने हमेसा रहथै। 
\v 11 काहैकि इंसान को लौड़ा हराने भै कै बचान आओ है।”
\p
\v 12 “तुम का समझथौ? अगर कोई इंसान की सौ भेंड़ होमैं, और उनमैं से एक हराए जाबै, तौ का निन्यानवे कै छोड़कै, और पहाड़न मैं जाएकै, बौ हरानी भइ कै ना ढूँड़ैगे? 
\v 13 बौ सच्ची को जाबैगो, और जब बाकै मिल जागी, मैं तुमसे सच्ची कहथौं, कि बौ बे निन्यानवे भेंड़न के ताहीं जो हराई नाय रहैं भौत खुस नाय होगो, जित्तो की हरानी भइ भेंड़ के ताहीं होगो। 
\v 14 ऐसोई तुमरे परम दऊवा की जो स्वर्ग मैं है जौ इच्छा ना है, कि जे छोटे मैं से एक भी ना भटकै।”
\s जब कोई पाप करथै
\p
\v 15 “अगर तेरो भईय्या तेरे बिरोध मैं पाप करै, तौ जा और अकेले मैं जाएकै बाकै समझा; अगर बौ तेरी सुनै तौ तैं अपने भईय्या कै जीत लेगो। 
\v 16 और अगर बौ नाय सुनै, तौ और एक दुई जनी कै अपने संग लै कै जा, कि हर एक बात के ताहीं दुई, तीन गभा ही सकै। 
\v 17 अगर बौ उन्हऊँ कि ना मानै, तौ कलीसिया से कहदे, पर अगर बौ कलीसिया की भी ना मानै, तौ फिर तू बासे ऐसो व्यवहार कर जैसे बौ गैर यहूदि होबै या लगान बसूलन बारो होबै।”
\s अनुमति ना देनो और अनुमति देनो
\p
\v 18 “मैं तुमसे सच कहथौं, जो कछु तुम पृथ्वी मैं भाँदैगे, बौ स्वर्ग मैं भंदैगो और जो कछु तुम पृथ्वी मैं खोलैगे, बौ स्वर्ग मैं खुलैगो। 
\v 19 फिरौंकी मैं तुमसे सच मैं कहथौं, अगर तुम मैं से दुई जनी पृथ्वी मैं कोई बात के ताहीं जोकै बे माँगैं, एक मन के होमैं, तौ बौ मेरे परम दऊवा के घाँईं से जो स्वर्ग मैं है उनके ताहीं हुई जागी। 
\v 20 काहैकि जहाँ दुई या तीन मेरे नाओं से जुरांगे हूँना मैं उनके बीच मैं होथौं।”
\s माफ नाय करन बारेन की कहानी
\p
\v 21 तौ फिर पतरस ईसु के झोने आयकै कही, “प्रभु, अगर मेरो भईय्या पाप करथै, तौ मैं कित्ती बार बाकै माफ करौं, का सात बार ले?”
\p
\v 22 ईसु जबाब दई, “मैं तोसे जौ नाय कहथौं, कि खाली सात बार, बल्किन सात बार के सत्तर गुना ले माफ करीये। 
\v 23 तभई स्वर्ग के राज्य कि बराबरी बौ राजा से करी जाए सकथै, जो अपने सेवकन से हिसाब चुकता करन की सोची। 
\v 24 जब बौ लेखा लेन लगो, तौ एक जनी बाके सामने लाओ गौ जो दस हजार तोड़ा को कर्जदार रहै। 
\v 25 जब कि चुकान कै बाके पास कछु ना रहै, तौ बाको मालिक कही, कि जौ और जाकी बईय्यर और बाल-बच्चे और जो कछु जाको है सब बेचो जाबै, और बौ कर्जा चुकाए दौ जाबै। 
\v 26 तौ बौ दास बाके पाँव मैं झुककै गिर गिड़गिड़ान लगो, ‘धीरज धरौ मैं सब कछु चुकाए दूँगो।’ 
\v 27 तौ बौ दास को मालिक तरस खाएकै बाकै छोड़ दई, और बाको कर्जा माफ करी।”
\p
\v 28 “फिर जब बौ सेवक हुँआँ से जात रहै, तौ बाकै बाको साथी सेवक मिलो, जोकै बासे कुछ पैसा लेने रहै, बौ बाको गिल्चुआ पकड़ लई और बाको गला दबात भइ बोलो जो तोकै मेरो देने है बाकै लौटाय दे। 
\v 29 जौ बात मैं बाको संग बारो दास बाके पाओ मैं गिर पड़ो और नहोरे करत भै कहेन लगो, ‘धीरज धर मैं चुकाए दुंगो।’ 
\v 30 पर बौ ना मानो, जाएकै बाकै कैदखाना मैं डरबाए दई; कि जबले कर्जा ना भरै तौले हूँनै रैहबै। 
\v 31 जहे मैं दुसरे दास जौ सारी घटना कै देखकै बड़ा दुखी भै और हूँना जो कछु भौ रहै बे जाएकै अपने मालिक कै बताईं। 
\v 32 तौ बाको मालिक बाकै बुलाएकै बासे कही, ‘दुस्ट दास, तैं जो मोसे नहोरे करो, तौ मैं तेरो पूरो कर्जा माफ करो। 
\v 33 तभईये जैसी मैं तेरे ऊपर दया करो, बैसिये का तहूँ कै अपने संग बारे दास कै माफ ना करनो चहाईये रहै?’ 
\v 34 और बाको मालिक गुस्सा मैं आयकै बाकै सजा देन बारेन के हातन मैं सौंप दई, कि जबले बौ सब कर्जा भर ना दियै, तौले उनके हात मैं रहबै।”
\p
\v 35 और ईसु जे बातन कै खतम करत भै कही, “जबले अपने भाई बन्धुअन कै अपने मन से माफ नाय कर दियौ मेरो स्वर्गिय दऊवा भी तुमरे संग ऐसिये व्यवहार करैगो।”
\c 19
\s ईसु तलाक के बारे मैं
\r (मरकुस 10:1-12)
\p
\v 1 जब ईसु जे बातन कै कहेन के बाद, बौ गलील से लौटकै यहूदिया के छेत्र मैं यरदन नदिया के पार चलो गौ। 
\v 2 और बड़ी भीड़ बाके पच्छू हुई लई, और बौ हूँना उनकै अच्छो करी।
\p
\v 3 बाकै परखन ताहीं कुछ फरीसी बाके झोने आए और बोले, “का जौ सई है कि कोई भी अपनी बईय्यर कै नियम के जरिया से तलाक दै सकथै?”
\p
\v 4 ईसु जबाब दई, “का तुम ना पढ़े, कि दुनिया कै बनानबारो सुरुए मैं एक आदमी और बईय्यर के रूप मैं रची रहै? 
\v 5 और कही रहै ‘जौ बजह से इंसान अपने अईय्या-दऊवा कै छोड़कै आदमी अपनी बईय्यर के संग दुई होत भै भी एक सरीर हीकै रहेंगे।’ 
\v 6 तभई बे अब दुई नाय, पर एक तन हैं जोकै परमेस्वर जोड़ी है, बाकै इंसान अलग ना करै।”
\p
\v 7 बे बोले, “फिर मूसा आग्या देत भै जाकै काहे निर्धारित करी है कि कोई आदमी अपनी बईय्यर कै व्यवस्था की किताब के अनुसार तलाक दै सकथै, सर्त जौ है कि बौ बाकै तलाकनामा लिखकै देबै?”
\p
\v 8 ईसु जबाब दई, “मूसा तुमरे मन के कर्‌रेपन के बजह से तुमकै अपनी बईय्यर कै छोड़न कै कही रहै, पर पहले ऐसो नाय रहैं। 
\v 9 मैं तुमसे कहथौं, कि जो कोई छिनरइ कै छोड़ और कोई बजह से अपनी बईय्यर कै छोड़कै दुसरी से बिहा करै, बौ छिनरइ करथै।”
\p
\v 10 चेला बासे कहीं, “अगर आदमी को बईय्यर के संग ऐसो संबंध है, तौ बिहा करनो अच्छो नाय है।”
\p
\v 11 फिर ईसु उनसे कही, “हर कोई तौ जौ उपदेस कै नाय अपनाय सकथै। जाकै सब बे ही अपनाय सकथै जिनकै जाकी छमता दई गई है। 
\v 12 काहैकि कुछ नपुंसक ऐसे हैं जो अईय्या के गरब से ऐसे पैदा भै; जो स्वर्ग के राज्य ताहीं अपने आप नपुंसक बनाई है, और आखरी मैं कुछ ऐसे है जो स्वर्ग के राज कि बजह से बिहा नाय करन को निस्चय करीं है जो जौ उपदेस कै अपनाय सकथै अपनाबै।”
\s ईसु छोटे बालकन कै आसीस दई
\r (मरकुस 10:13-16; लूका 18:15-17)
\p
\v 13 तौ कुछ आदमी बालकन कै ईसु के झोने लाईं, कि ईसु उनके ऊपर हात धरकै आर्सिवाद देबै और प्रार्थना करै; पर चेला उनकै झुकाईं। 
\v 14 ईसु कही, “बालकन कै मेरे झोने आन दियौ, और उनकै मना मत करौ, काहैकि स्वर्ग को राज्य ऐसियनै को है।”
\p
\v 15 और बौ उनके ऊपर हात रखकै हूँना से चलो गौ।
\s सेठ ज्वान आदमी
\r (मरकुस 10:17-31; लूका 18:18-30)
\p
\v 16 एक इंसान झोने आयकै ईसु से कही, “गुरुजी,” मैं कौन सो भलो काम करौं, “कि अनंत जिंदगी पामौ?”
\p
\v 17 ईसु बासे कही, “अच्छो का है जाके बारे मैं तैं मोसे काहे पूँछ रहो है काहैकि अच्छो तौ सिरफ ऐकै है फिर भी अगर तू अनंत जिंदगी पानो चाहथै तौ तू आग्यन को पालन कर।”
\p
\v 18 बौ ईसु से पूँछीं, “कौन सी आग्या?” ईसु कही, “जौ कि कोई कै मारिये मति, व्यभिचार मत करियो, चोरी मत करियो, झूठी गभाई मत दियो; 
\v 19 \x + \xo 19:19 \xo*\xt निर्गमन 20:12; व्यवस्थाविवरन 5:16; लैव्यवस्था 19:18\xt*\x*अपने दऊवा और अईय्या को आदर करीये, और अपने पड़ोसी से अपने हानी प्यार करीये।”
\p
\v 20 “बौ ज्वान आदमी ईसु से कही, जे सब बात तौ मैं मानो हौं अब मेरे मैं कौन सी बात की कमी है?”
\p
\v 21 ईसु बासे कही, “अगर तैं हर बात मैं बढ़िया होनो चाहथै; तौ जा, अपनो सब कुछ बेंच कै गरीबन मैं बाँट दे; और तोकै स्वर्ग मैं धन मिलैगो; और आयकै मेरे पच्छू हुई ले।”
\p
\v 22 पर बौ ज्वान आदमी जौ बात कै सुनकै उदास हुईकै चलो गौ, काहैकि बौ भौत सेठ रहै।
\p
\v 23 तौ ईसु अपने चेलन से कही, “मैं तुमसे सच कहथौं, कि सेठन को स्वर्ग के राज्य मैं जाए पानो कठिन है। 
\v 24 हाँ तुमसे कहथौं कि कोई सेठ आदमी कै परमेस्वर राज्य मैं जानो आसान नाय है जैसी कि ऊँट को सुईं के भार से निकर जानो।”
\p
\v 25 जौ सुनकै, चेला भौत चकित हुईकै कहीं, “फिर कौन को उद्धार हुई सकथै?”
\p
\v 26 ईसु उनके घाँईं देखकै कही, “इंसान से तौ जौ नाय हुई सकथै, पर परमेस्वर से सब कछु हुई सकथै।”
\p
\v 27 जौ बात मैं पतरस बासे कही, “देख, हम तौ सब कछु छोड़कै तेरे पच्छू हुई लै हैं तौ हमकै का मिलैगो?”
\p
\v 28 ईसु उनसे कही, “मैं तुमसे सच कहथौं, कि नई उत्पत्ति मैं जब इंसान को लौड़ा अपनी महिमा के सिंहासन मैं बैठैगो, तौ तुम्हऊँ जो मेरे पच्छू हुई लै हौ, बहारै सिंहासन के राज्य मैं बैठकै इस्राएल के बहारै गोत्रन को न्याय करैगे। 
\v 29 और जो कोई घरन या भईय्यन या बहेनियन या दऊवा या अईय्या या बाल-बच्चन या खेतन कै मेरे नाओं के ताहीं छोड़ दई है, बाकै सौ गुना मिलैगो, और बौ अनंत जिंदगी को अधिकारी होगो। 
\v 30 पर भौत से जो पहले हैं, पिछले होंगे; और जो पिछले हैं, पहले होंगे।”
\c 20
\s अंगूर की बारी मैं मजदूर
\p
\v 1 “स्वर्ग को राज्य एक जमीनदार के हानी है जो सुबेरे अपनी अंगूर की बारी के ताहीं मजदूर लान कै निकरो। 
\v 2 बौ उनकै रोज की मजदूरी देन कै मान गौ, एक दिन को एक चाँदी को सिक्का, और उनकै अपनी अंगूर की बारी मैं काम करन कै भेजी। 
\v 3 लमसम नौ बजे के आस-पास जमीनदार फिर से घर से निकरो और बौ देखी कि कुछ आदमी बजार मैं बेकार ठाड़े है। 
\v 4 तौ बौ उनसे कही, ‘तुम्हऊँ मेरी अंगूर की बारी मैं जाबौ, और जो ठीक मजदूरी है बौ ठीक मजदूरी दूँगो।’ 
\v 5 सो बे भी बगिया मैं काम करन कै चले गै फिर लमसम बहारै बजे के आस-पास और दुबारा तीन बजे के आस-पास बौ बैसोई करी। 
\v 6 फिर से लमसम पाँच बजे घर से बाहर गौ और कुछ आदमिन कै बजार मैं इतै-उतै देखी, बौ उनसे पूँछीं तुम सब आदमी हिंयाँ बेकार मैं काहे ठाड़े रहथौ? 
\v 7 बे बासे कही, काहैकि कोई हमकै मजदूरी मैं नाय रखथै फिर बौ उनसे कही, ‘तुम्हऊँ मेरी अंगूर की बारी चले जाबौ।’”
\p
\v 8 “जब संजा भइ तौ अंगूर की बारी को मालिक अपने मजदूर के पधान से कही, ‘मजदूरन कै बुलबाए कै आखरी मजदूर से सुरु करकै जो पहले लगाए गै रहैं बे सबन कि मजदूरी दैदे।’ 
\v 9 पाँच बजे काम करन बारे आदमिन कै सिक्का दौ जात रहै। 
\v 10 फिर जो पहले लगाए गै रहैं बे सोचीं हमकै कुछ जद्धा मिलैगो पर उनमैं से हर एक कै एक-एक ही चाँदी को सिक्का मिलो। 
\v 11 सिक्का तौ बे लै लईं और जमीनदार से सिकायत करत भै। 
\v 12 ‘बे कहीं जो बाद मैं लगे रहैं बे बस एक घंटा काम करीं और तू हमकै भी उतकै मजदूरी दौ जित्ती उनकै दौ। जबकी हम पूरे दिन बड़े घामो मैं मेहनत करे?’
\p
\v 13 ‘मालिक उनमैं से एक कै जबाब दई, सुन दोस्त, मैं तेरे संग कोई अन्याय नाय करो हौं। का तैं एक चाँदी के सिक्का ताहीं एक दिन को काम करन के ताहीं राजी नाय भौ रहै। 
\v 14 अब अपनी मजदूरी लियौ और घरै जाबौ। अब मैं जहो कै उतनोई दुंगो जित्तो मैं तोकै दौ। 
\v 15 का मोकै अपनी रुपईया से अपनी जरुरत के इच्छा के अनुसार देन को अधिकार ना है? या का तुम जलथौ काहैकि मैं अच्छो हौं?’”
\p
\v 16 और ईसु जौ तरीका से खतम करी, “कि जो आखरी हैं बे पहले होंगे, और जो पहले हैं बे आखरी होंगे।”
\s ईसु को तिसरे बार अपनी मौत के बारे मैं बतानो
\r (मरकुस 10:32-34; लूका 18:31-34)
\p
\v 17 जब ईसु यरूसलेम कै जात भौ बहारै चेलन कै एकांत मैं लैगौ, और रहामैं उनसे कहन लगो। 
\v 18 “देखौ, हम यरूसलेम कै जाए रै हैं; और इंसान को लौड़ा बड़ो पुजारी और यहूदि नियम के सिक्छकन के हात पकड़बाओ जागो और बे बाकै मौत की सजा देंगे। 
\v 19 और फिर बे बाको मजाक उड़ान को, और कोड़ा लगबान कै, बाकै गैर यहूदियन कै सौंप देमंगे, और बाकै क्रूस मैं चढ़ाओ जागो पर बौ तिसरे दिन जिंदो करो जागो।”
\s एक अईय्या की गुहार
\r (मरकुस 10:35-45)
\p
\v 20 जब जब्दी के लौड़न की अईय्या अपने लौड़न के संग बाके झोने आयकै झुककै नमस्ते करी, और नहोरे करत भै कुछ माँगी।
\p
\v 21 ईसु उनसे पूँछी, “तैं का चाहथै?” बौ जबाब दई, “मोकै बचन दे कि मेरे जे दोनों लौड़ा तेरे राज्य मैं एक तेरे दहने और एक तेरे बाँए बैठै।”
\p
\v 22 ईसु जबाब दई, “तुम नाय जानथौ कि का माँग रै हौ।” का तुम दुख को बौ प्याला पी सकथौ जोकै मैं पीन बारो हौं? बौ ईसु से कही, “हाँ हम पी सकथैं।”
\p
\v 23 ईसु कही, “तुम मेरो कटोरा तौ पीबैगे पर अपने दहने और बाँए बैठान को अधिकार मेरे पास नाय है, हिंयाँ बैठन को अधिकार उनको है जिनके ताहीं मेरे दऊवा के घाँईं से तैयार करो गौ है।”
\p
\v 24 जब बाके चेला जौ सुनी, तौ दसौ चेला बे दोनों भईय्यन ऊपर गुस्सा भै। 
\v 25 ईसु उनकै झोने मस्काए कै कही, “तुम जानथौ, कि गैर यहूदि राजा लोगन के ऊपर राज करथैं, और उनके बड़े अधिकारी लोगन के ऊपर अपनो अधिकार जतानो चाहथैं। 
\v 26 पर तुमरे बीच मैं ऐसो नाय होनो चाहिए; पर तुम मैं जो कोई पहलो बननो चाहबै बाकै तुमरो सेवक बननो होगो। 
\v 27 और जो तुम मैं पधान होनो चाहबै बौ तुमरो दास बनै; 
\v 28 तुमकै इंसान के लौड़ा के हानी होनो चाहिए, जो सेवा करान कै नाय सेवा करन और भौतन के छुड़ौती के ताहीं अपनी ज्यान देन कै आओ है।”
\s ईसु दुई अंधरा आदमी कै अच्छो करी
\r (मरकुस 10:46-52; लूका 18:35-43)
\p
\v 29 जब ईसु और बाके चेला यरीहो से जात रहैं, तौ एक भारी भीड़ बाके पच्छू हुई लई। 
\v 30 और दुई अंधरा आदमी जो सड़क के किनारे बैठे रहैं, जौ सुनकै कि ईसु जाएरौ है, चिल्लाए कै कहेन लगे, “प्रभु, दाऊद के बालक हमरे ऊपर दया कर।”
\p
\v 31 आदमी उनकै झुकाइ, कि चुप्पा रहाबौ, पर बे औरौ चिल्लाए कै कहीं, “प्रभु दाऊद के बालक हमरे ऊपर दया कर।”
\p
\v 32 तौ ईसु ठाड़कै उनकै बुलाई और कही, “तुम का चाहथौं कि मैं तुमरे ताहीं करौं?”
\p
\v 33 बे जबाब दईं, “गुरुजी, हम चाहथैं कि तैं हमैं आँखी कि जोती दे!”
\p
\v 34 ईसु तरस खाएकै उनकी आँखी छुइ और बे तुरंतै देखन लगे, और बाके पच्छू हुई लईं।
\c 21
\s यरूसलेम मैं विजई प्रवेस
\r (मरकुस 11:1-11; लूका 19:28-40; यूहन्ना 12:12-19)
\p
\v 1 ईसु और बाके चेला यरूसलेम के झोने, बे जैतून के पहाड़ मैं बैतनिय्याह आए। तौ ईसु दुई चेलन से कही: 
\v 2 और आग्या दैकै भेजी: “तुम सामने के गाँव मैं जाबौ, हूँना पहौंचतै एक गधी भँदी भइ, और बाके संग बच्चा तुमकै मिलैगो; उनकै खोलकै मेरे झोने लैयाबौ। 
\v 3 और कोई कछु भी कहथै, तौ बाकै बतईयो, ‘कि प्रभु कै इनकी जरूरत है।’ और फिर बौ तुमकै जान देगो।”
\p
\v 4 ऐसो जहे ताहीं भौ कि, भविस्यवक्ता को जौ बचन पूरो होबै:
\q1
\v 5 \x + \xo 21:5 \xo*\xt जकर्याह 9:9\xt*\x*“सिय्योन सहर से कहबौ,
\q1 देखौ, तुमरो राजा तुमरे झोने आए रौ है!
\q1 बौ विनम्र है और एक गधा मैं बैठो है हाँ जौ एक गधा को बच्चा है।”
\p
\v 6 चेला चले गै और बे बहे करीं जो ईसु उनसे करन कै कही रहै: 
\v 7 बे गधा और बाके बच्चा कै लैयाए, उनके ऊपर अपने लत्ता डारीं, और ईसु बाके ऊपर बैठगौ। 
\v 8 और भौत सारे आदमी अपने लत्ता राह मैं बिछाईं और आदमी पेंड़न से हँगईय्या काटकै राह मैं बिछाईं। 
\v 9 और जो भीड़ अग्गु-अग्गु जात और पच्छू-पच्छू चली आत रहै, चिल्लाए-चिल्लाए कै कहेत रहै, “दाऊद के बालक की होसन्ना; धन्य है बौ जो प्रभु के नाओं से आथै, परम प्रभु होसन्ना!”
\p
\v 10 जब बौ यरूसलेम मैं आओ, तौ पूरे नगर मैं हलचल मच गई; और आदमी कहेन लगे, “जौ कौन है?”
\p
\v 11 आदमी कहीं, “जौ गलील के नासरत को भविस्यवक्ता ईसु है।”
\s ईसु को मंदिर मैं जानो
\r (मरकुस 11:15-19; लूका 19:45-48; यूहन्ना 2:13-22)
\p
\v 12 फिर ईसु परमेस्वर के मंदिर के आँगन मैं आओ, बे सबै जो मंदिर मैं खरीदत और बेंचत रहै, बे सबन कै खदेड़ दई; और ब्यापारियन कि मेज और कबूतरन कै बेचन बारेन के तखता पलट दई। 
\v 13 और उनसे कही, “सास्त्र मैं लिखो है, ‘मेरो घर प्रार्थना को घर मानो जागो।’ पर तुम बाकै लुटेरन को अड्डा बनाथौ!”
\p
\v 14 और अंधरा और लंगड़ा मंदिर मैं बाके झोने आए और बौ उनकै अच्छो करी। 
\v 15 पर जब मुखिया पुजारी और यहूदि नियम के सिक्छक जे निराले कामन कै जो बौ करी, और लौड़न कै मंदिर मैं दाऊद के बालक की होसन्ना चिल्लात भै देखीं, तौ गुस्सा भै, 
\v 16 तौ बे ईसु से पूँछीं, “का तैं सुनथै कि जे का कह रै हैं?” ईसु उनसे कही, “हाँ सुनथौं का धर्मसास्त्र मैं ‘तुम जौ नाय पढ़े तू बालकन और दूत पीत भै बालकन से आराधना करबाओ है।’” 
\v 17 तौ ईसु उनकै छोड़कै यरूसलेम के बहार बैतनिय्याह कै गौ, और हूँना रात काटी।
\s अंजीर के रूखा कै स्राप
\r (मरकुस 11:12-14,20-24)
\p
\v 18 अगले दिन जब भोर भौ तौ ईसु नगर से लौटत रहै, तौ बाकै भूंक लगी। 
\v 19 जब अंजीर के रूखा कै सड़क के किनारे देखकै बौ बाके झोने गौ, और पत्तन कै छोड़ बामै कछु नाय पाय कै रूखा से कही, “अब से तेरे मैं कहु फरा ना लगै।” और अंजीर को रूखा तुरंतै सूख गौ। 
\v 20 जौ देखकै चेला चकाय गै और पूँछीं, “जौ अंजीर को रूखा तुरंतै कैसे सूख गौ?” 
\v 21 ईसु जबाब दई, “मैं तुमसे सच कहथौं; अगर तुम बिस्वास रखौ, और संका ना करौ; तौ ना सिरफ जौ करैगे, जो जौ अंजीर के रूखा से करो गौ है; पर अगर जौ पहाड़ से भी कहगे, कि उखड़ जा, और समुंदर मैं जाए गिर, तौ जौ हुई जागो। 
\v 22 और जो कछु तुम प्रार्थना मैं बिस्वास से माँगैगे बौ सब तुमकै मिलैगो।”
\s ईसु के अधिकार ऊपर सक
\r (मरकुस 11:27-33; लूका 20:1-8)
\p
\v 23 जब ईसु मंदिर मैं जाएकै उपदेस देत रहै; तौ प्रमुख पुजारी और यहूदि बड़े-बूढ़े के पास आए कै पूँछीं, “ऐसी बात तू कोनछे अधिकार से करथै, और जौ अधिकार तोकै कौन दौ है?” 
\v 24 ईसु जबाब दई, “महुँ तुमसे एक सवाल पूछथौं, और तुम मोकै जबाब देबौ, तौ महुँ तुमकै बतांगो कि कौन से अधिकार से करथौं। 
\v 25 बताबौ यूहन्ना कै बपतिस्मा कहाँ से मिलो? परमेस्वर से या इंसान से?” बे आपस मैं बिचार करकै कहेन लगे, “अगर हम कहमैं ‘स्वर्गिय परमेस्वर के घाँईं से,’ तौ बौ हमसे कहेगो कि, ‘फिर तुम बाको बिस्वास कहे नाय करे?’ 
\v 26 और अगर हम कहमैं ‘इंसान के घाँईं से’ तौ हमैं भीड़ को डर है, काहैकि बे सब यूहन्ना कै भविस्यवक्ता मानथैं।” 
\v 27 तभई बे ईसु कै जबाब दईं, “हम नाय जानथैं।” बहो उनसे कही, “तौ महुँ तुमकै नाय बताथौं, कि जे काम कौन से अधिकार से करथौं।”
\s दुई लौड़न की कहानी
\p
\v 28 “अच्छा बताबौ तुम जाके बारे मैं का सोचत हौ? एक इंसान के दुई लौड़ा रहैं; बौ बड़े के झोने जाएकै कही, ‘अंगूर की बारी मैं काम करन जा।’ 
\v 29 पर लौड़ा जबाब दई, ‘मैं ना जांगो,’ पर बाद मैं बौ अपनो मन बदल दई और चलो गौ। 
\v 30 फिर बौ दऊवा दुसरे के झोने गौ, बौ जबाब दई, हाँ प्रभु जाथौं, पर बौ नाय गौ। 
\v 31 बताबौ जे दोनों मैं से जो दऊवा चाहत रहै कौन करो, बे कहीं बड़े करी, ईसु उनसे कही मैं तुमसे सच्ची कहथौं, लगान बासूलन बारे और बैस्या तुमसे पहले परमेस्वर के राज्य मैं जाथैं।”
\p
\v 32 \x + \xo 21:32 \xo*\xt लूका 3:12; 7:29,30\xt*\x*काहैकि यूहन्ना बपतिस्मा देन बारो धार्मिकता के रस्ता से तुमरे झोने आओ, और तुम बाके ऊपर बिस्वास नाय करे: पर लगान लेन बारे और बैस्या बाको बिस्वास करकै मन बदलीं: और तुम जौ देखकै बादौ मैं नाय पछताए कि बाको बिस्वास कर लेते।
\s दाख की बारी मैं किराय दारन की कहानी
\r (मरकुस 12:1-12; लूका 20:9-19)
\p
\v 33 \x + \xo 21:33 \xo*\xt यसायाह 5:1,2 \xt*\x* ईसु कही, “दुसरी कहानी कै सुनौ। एक बार एक जमीनदार रहै जो एक अंगूर की बारी लगाई, बाके चारौ तरफ एक बेहड़ा लगाई, फिर दाखरस निकारन ताहीं एक गड्डा खोदी और रखबारी ताहीं एक मिनार बनाईं, और कुछ किसानन कै किराय मैं दैकै सफर कै चलो गौ। 
\v 34 जब अंगूरन कै समेटन को समय आओ तौ, बौ अपने सेवकन कै फसल को हिस्सा लेन के ताहीं भेजी। 
\v 35 पर किसान बाके दासन कै पकड़कै कोई कै पीटीं, और कोई कै मारडारीं; और कोई कै पथरन से मारीं। 
\v 36 एक बार फिर बौ पहले से जद्धा सेवकन कै भेजी, और बे उन्हऊँ के संग बैसोई करीं। 
\v 37 आखरी मैं बौ अपने लौड़ा कै उनके झोने जौ कहकै भेजी, कि बे मेरे लौड़ा को आदर करंगे। 
\v 38 लेकिन किसान लौड़ा कै देखकै आपस मैं कहीं, ‘जहे तौ वारिस है, आबौ, जाकै मार डारैं: और बाकी बिरासत लै लियैं।’ 
\v 39 और बे बाकै पकड़ीं और अंगूर की बारी से निकारकै मारडारीं। 
\v 40 तुम का सोचथौ, जब बौ अंगूर की बारी को मालिक आबैगो, तौ बे किसानन के संग का करैगो?”\fig अंगूर की बारी मैं आंटी|alt="Watchtower in a vineyard" src="hk00105b.tif" size="col" copy="Horace Knowles ©" ref="21:33"\fig*
\p
\v 41 बे उत्तर दईं, “बौ बे बुरे आदमिन कै मार देगो; और अंगूर की बारी कै कोई और ठेका औरै किसानन कै देगो, जो बाकै सई समय मैं फसल को हिस्सा दे करंगे।” 
\v 42 \x + \xo 21:42 \xo*\xt भजन संहिता 118:22,23 \xt*\x*ईसु उनसे कही, “का तुम कहु पवित्र सास्त्र मैं जौ नाय पढ़े?
\q1 ‘जो पथरा कै राजमिस्त्री बेकार जानी रहैं,
\q1 बहे कोहने के सिरा को पथरा हुई गौ।
\q1 जौ प्रभु के घाँईं से भौ, और हमरे देखन मैं निरालो है!’”
\p
\v 43 “तभई मैं तुमसे कहथौं, कि परमेस्वर को राज्य तुमसे लै लौ जागो; और बे लोगन कै दै दौ जागो जो फल लामंगे। 
\v 44 जो जौ पथरा मैं गिरैगो, बौ चकनाचूर हुई जागो: और जौ चट्टान जोके ऊपर गिरैगी, बौ बाकै पीस डारैगी।” 
\v 45 प्रधान पुजारी और फरीसी बाकी कहानी कै सुनकै समझ गै, कि बौ हमरे बारे मैं कहरौ है। 
\v 46 तौ बे बाकै पकड़नो चाँहीं, पर आदमिन से डराय गै काहैकि बे बाकै भविस्यवक्ता जानत रहैं।
\c 22
\s बिहा के दाबत की कहानी
\r (लूका 14:15-24)
\p
\v 1 एक बार फिर ईसु लोगन से बात करन ताहीं कहानियाँ कै लई। 
\v 2 “स्वर्ग को राज्य ऐसो है, एक बार एक राजा रहै जो अपने लौड़ा के ताहीं बिहा मैं दावत दई। 
\v 3 राजा अपने सेवकन कै भेजी कि बे लोगन कै बुलाए लाबौ जिनकै बिहा के खानौ को न्युतो दौ गौ है पर बे आदमी नाय आए। 
\v 4 फिर बौ अपने सेवकन कै जौ कहकै भेजी, ‘जिनकै न्युतो दौ गौ है उनसे कहियो: देखौ, मैं खानु तैयार कर चुको हौं, और मेरे बरधा और पले भै डंगर काट दै गै हैं और सब कछु तैयार है; बिहा को खानु खान आबौ।’ 
\v 5 पर बुलाए भै हितुआ कोई ध्यान नाय दईं और अपने काम कै चले गै: कोई अपने खेत मैं गौ, कोई अपने ब्यापार कै, 
\v 6 जबकी कुछ आदमी सेवकन कै पकड़कै उनके संग मारपीट करीं और औरन कै मारडारीं 
\v 7 राजा भौत गुस्सा मैं रहै; तभई बौ सैनिकन कै भेजी; बे उन मारन बारेन कै मारडारीं और उनके सहर कै जलाए दईं। 
\v 8 तौ बौ अपने सेवकन कै बुलाई और उनसे कही, ‘मेरे बिहा को खानु तौ तैयार है, पर जिनकै न्युतो दौ बे आदमी जाके लायक नाय रहैं। 
\v 9 अब चौराहे की सड़कन मैं जाबौ और जित्ते आदमी तुमकै मिलैं उनकै दाबत के ताहीं न्युतो दियौ।’ 
\v 10 तभई सेवक सड़कन मैं निकर गै और जो-जो अच्छे-बुरे उनकै मिले बे सबै आदमिन कै इखट्टो करीं; और बिहा की डेहरी आदमिन से भर गई।”
\p
\v 11 “जब राजा हितुअन कै देखन भीतर आओ; तौ बौ हूँना एक इंसान कै देखी, जो बिहा के लत्ता नाय पहने रहै। 
\v 12 बौ बासे पूँछी, ‘दोस्त तैं बिहा के लत्ता बिना पहने हींना काहे आए गौ?’ और बौ इंसान चुप हुई गौ। 
\v 13 \x + \xo 22:13 \xo*\xt मत्ती 8:12; 25:30; लूका 13:28\xt*\x*तौ राजा सेवक से कही, ‘जाके हात-टाँग भाँदकै बहार अंधियारे मैं खेंप दियौ, हूँना रोनो, और दाँत पीसनो होगो।’”
\p
\v 14 और ईसु कहानी के आखरी मैं कही, “बुलाए भै तौ भौतेरे हैं, पर चुने भै थोड़ी से हैं।”
\s लगान देन के बारे मैं सबाल
\r (मरकुस 12:13-17; लूका 20:20-26)
\p
\v 15 फिर फरीसी सभा बुलाईं और ईसु कै सबाल पूँछ कै फसान की सोची। 
\v 16 बे अपने चेलन कै हेरोदियन के संग बाके झोने जौ कहेन कै भेजीं, “गुरुजी, हम जानथैं, कि तैं सच्चो है और परमेस्वर की रहा सच्चाई से सिखाथै, और कोई की परबा नाय करथै, काहैकि तैं इंसानन को मोहों देखकै बात नाय करथै। 
\v 17 तौ, हमैं बताबौ, तुम का सोचथौ? का रोमन सम्राट कैसर कै लगान देनो हमरे नियम के खिलाप है या नाय?”
\p
\v 18 हालाकि, ईसु उनकी बुरी योजना कै जानत रहै, और तभई बौ कही, “तुम पाखंडी हौ! मोकै काहेकै फसान की कोसिस कर रहे हौ? 
\v 19 मोकै लगान देन को सिक्का दिखाबौ!” बे बाकै सिक्का दिखाईं, 
\v 20 और बौ उनसे पूँछी, “जौ सिक्का मैं कौनकी छाप और सकल को नाओं है?” 
\v 21 बे बाकै जबाब दईं, “कैसर को,” तौ ईसु कही, “ठीक है, जो कैसर को है बौ कैसर कै; और जो परमेस्वर को है, बौ परमेस्वर कै दियौ।” 
\v 22 जब बे जौ सुनीं, तौ हैरान रहगै; और बे बाकै छोड़कै चले गै।
\s जी उठन के बारे मैं सबाल
\r (मरकुस 12:18-27; लूका 20:27-40)
\p
\v 23 \x + \xo 22:23 \xo*\xt प्रेरितो 23:8 \xt*\x*बहे दिन कुछ सदूकी जो मौत से फिर से जी उठन मैं बिस्वास नाय करत रहैं ईसु के झोने आए और बासे कहीं। 
\v 24 \x + \xo 22:24 \xo*\xt व्यवस्थाविवरन 25:5 \xt*\x* “गुरुजी, मूसा के अनुसार अगर कोई बिना बाले-बच्चे के मर जाए तौ का बाको भईय्या बाकी बिधवा से बिहा करै और अपनो बंस बड़ान कै कही रहै कि एक आदमी जोकी कोई औलाद ना है, बाको भईय्या मर जाथै, तौ बाके भईय्या कै बिधवा से बिहा कर लेनो चहाईये ताकी उनके बालका हुई सकैं जिनकै मरे भै आदमी के बालका मानो जागो। 
\v 25 अब सोचौ मत सात भईय्या हैं पहले को बिहा भौ फिर बौ मर गौ, काहैकि बौ अपनी बिधवा बईय्यर कै अपने भईय्या के झोने छोड़ दई। 
\v 26 ऐसोई दुसरे भईय्या के संग, तिसरे भईय्या के संग और आखिरकार सबै सातन के संग ऐसोई भौ। 
\v 27 आखरी मैं बईंय्यरौं मर गई। 
\v 28 अब हमरो कहनो जौ है कि जब बौ जी उठैगी तौ कौन कि बईय्यर होगी काहैकि बाकै सातौ अपनाईं रहैं।”
\p
\v 29 ईसु जबाब दई, “तुम कित्ते गलत हौ! ऐसो तभईये है काहैकि तुम सास्त्र या परमेस्वर की सक्ति कै नाय जानथौ। 
\v 30 \x + \xo 22:30 \xo*\xt 5:5 \xt*\x*तुमकै समझनो चाहिए कि दुबारा जी उठन मैं ना तौ लोग बिहा करंगे और ना कोई बिहा मैं दौ जागो बलकिन बे स्वर्गदूतन के हानी होंगे। 
\v 31 अब, मरे भैन के जी उठन के बारे मैं का तुम जौ बचन नये पढ़े जो परमेस्वर तुमसे कही: 
\v 32 \x + \xo 22:32 \xo*\xt निर्गमन 3:6 \xt*\x*‘मैं अब्राहम को परमेस्वर, इसहाक को परमेस्वर, और याकूब को परमेस्वर हौं।’ बौ तौ मरे भैन को नाय, पर जिंदो को परमेस्वर है।” 
\v 33 जब भीड़ जौ सुनी, तौ बे बाके उपदेस से चकित हुईगै।
\s महान आग्या
\r (मरकुस 12:28-34; लूका 10:25-28)
\p
\v 34 जब फरीसी सुनीं कि ईसु सदूकिन कै चुप कर दई है, तौ बे एक संग आए, 
\v 35 \x + \xo 22:35 \xo*\xt लूका 10:25-28 \xt*\x*और उनमैं से एक नियम को सिक्छक, बाकै एक सबाल के संग फसान की कोसिस करी। 
\v 36 बे पूँछीं, “गुरुजी, नियम मैं सबसे बड़ी आग्या कौन सी है?”
\p
\v 37 \x + \xo 22:37 \xo*\xt व्यवस्थाविवरन 6:5\xt*\x*ईसु जबाब दई, “‘तैं अपने पूरे मन और पूरी आत्मा, और पूरे दिमाक के संग अपने प्रभु परमेस्वर से प्यार कर।’ 
\v 38 जौ सबसे पहली और बड़ी आग्या है। 
\v 39 \x + \xo 22:39 \xo*\xt लैव्यवस्था 19:18 \xt*\x*फिर ऐसिये दुसरी आग्या जौ है: ‘अपने परोसी से बैसिये प्यार कर जैसे तुम अपने आप से करथौ।’ 
\v 40 पुरो नियम और भविस्यवक्ता की सिक्छा जे दुई आग्यन ऊपर निर्भर करथैं।”
\s मसीहा के बारे मैं सबाल
\r (मरकुस 12:35-37; लूका 20:41-44)
\p
\v 41 जब कुछ फरीसी जुराने तौ, ईसु उनसे एक सबाल पूँछीं, 
\v 42 “मसीहा के बारे मैं तुम का सोचथौ? बौ कौन को लौड़ा है?” बे जबाब दईं, “बौ दाऊद को बंसज” है। 
\v 43 बौ उनसे पूँछी, “तौ दाऊद आत्मा मैं हुईकै बाकै प्रभु काहे कहथै? 
\v 44 \x + \xo 22:44 \xo*\xt भजन संहिता 110:1\xt*\x*‘प्रभु, मेरे प्रभु से कही, मेरे दहने बैठ, जबले कि मैं तेरे बैरियन कै तेरी टाँग के नीचे की चौकी ना कर दियौं।’ 
\v 45 तौ अगर, दाऊद बाकै प्रभु कही, तौ मसीहा दाऊद को लौड़ा कैसे हुई सकथै?” 
\v 46 कोई भी ईसु को कोई सो भी जबाब देन के काबिल ना रहैं, और बहे दिन से कोईये कोई सो सबाल पूँछन की हिम्मत नाय रखीं।
\c 23
\s ईसु सास्त्रियन और फरीसिन कै चितौनी दई
\r (मरकुस 12:38,39; लूका 11:43,46; 20:45,46)
\p
\v 1 तौ ईसु भीड़ और अपने चेलन से कही, 
\v 2 “यहूदि नियम के सिक्छक और फरीसी खुदकै मूसा के नियमन कि ब्याख्या करन के आसन के अधिकार मैं रखीं हैं; 
\v 3 तभई बे जो कछु तुमसे कहमैं बहे करियो, और मानियो, पर उनके जैसो काम मत करियो; काहैकि बे कहेत तौ हैं पर करत नाय हैं। 
\v 4 बे एक ऐसो भारी बोझ देथैं कि बे बाकै उठाएकै चल नाय सकथैं, बे लोगन के ऊपर दबाब डारथैं कि बे बाकै लैकै चलैं। पर बे खुदै बामै कोई पाओ तक नाय डारथैं। 
\v 5 \x + \xo 23:5 \xo*\xt मत्ती 6:1; व्यवस्थाविवरन 6:8; गिनती 15:38 \xt*\x*बे अपने सब काम आदमिन कै दिखान के ताहीं करथैं बे अपनी ताबीजन कै चौहोंड़ी करथैं, और अपने लत्तन की झालरन कै बढ़ाथैं। 
\v 6 बे न्युतो के खानु मैं अच्छी जघा पानो चाहथैं और यहूदि सभाघरन मैं खास आसन पानो चाहथैं। 
\v 7 और बजारन मैं नमस्ते और इंसानन मैं रब्बी कहबानो उनकै अच्छो लगथै। 
\v 8 पर तुम लोगन से अपने आपकै रब्बी मत कहबईयो, काहैकि सच्चो गुरु तौ एकै है और तुम सब भईय्या-बहेनिया हौ। 
\v 9 और पृथ्वी मैं कोई कै अपनो दऊवा मत कहियो, काहैकि तुमरो एकै दऊवा है, जो स्वर्ग मैं है। 
\v 10 और मालिक भी मत कहबईयो, काहैकि तुमरो एकै मालिक है, मतलब मसीह। 
\v 11 \x + \xo 23:11 \xo*\xt मत्ती 20:26,27; मरकुस 9:35; 10:43,44; लूका 22:26\xt*\x*जो तुम मैं बड़ो होबै, बौ तुमरो सेवक बनै। 
\v 12 \x + \xo 23:12 \xo*\xt लूका 14:11; 18:14 \xt*\x*जो कोई अपने आपकै बड़ो बनागो, बौ छोटो करो जागो: और जो कोई अपने आपकै छोटो बनागो, बौ बड़ो करो जागो।”
\s उनके पाखंड मैं ईसु को दोस
\r (मरकुस 12:40; लूका 11:39-42,44,52; 20:47)
\p
\v 13 “तुम पाखंडी हौ, यहूदि नियम के सिक्छक और फरीसी तुमरे ऊपर भयानक हाय! तुमरे मोहों के अग्गु स्वर्ग राज्य को फाटक बंद है, जो जान की कोसिस करथैं, उनकै नाय तौ अंदर जान देथौ और ना खुद जाथौ! 
\v 14 पाखंडी यहूदि नियम के सिक्छक और फरीसी, तुम बिधवन के घरन कै खाए जाथौ, और दिखान के ताहीं बड़ा देर ले प्रार्थना करत रहाथौ: तभई तुमकै भौत सजा मिलैगी।”
\p
\v 15 “तुम पाखंडी हौ! तेरे ऊपर हाय है, यहूदि नियम के सिक्छक और फरीसी! तुम एक जनी कै अपने मत मैं मिलान के ताहीं पूरे पानी और जघन मैं घूँमथौ, और जब बौ तुमरे मत मैं मिल जाथै, तौ बाकै अपने से दुगने नरक मैं जान बारे बनाये देथौ।”
\p
\v 16 “अंधे अगुवौ तुमरे ताहीं कितनो भयानक है! तुम पाखंडी हौ, ‘जो कहथैं कि अगर कोई मंदिर की कसम खाबै तौ कुछ नाय, पर अगर कोई मंदिर के सोने की कसम खाबै तौ बासे बौ भंद जागो।’ 
\v 17 अरे बेअकलियौ और अंधौ, कौन बड़ो है, सोनो या बौ मंदिर जोसे सोनो पवित्र होथै? 
\v 18 फिरौंकी कहथौ कि अगर कोई बेदी की कसम खाबै तौ कछु नाय, पर जो भेंट बामै है, अगर कोई बाकी कसम खाबै तौ भंद जागो। 
\v 19 अरे अंधौ, कौन बड़ो है, भेंट या बेदी जोसे भेंट पवित्र होथै? 
\v 20 तभईये जो बेदी की कसम खाथै, बौ बाकी, और जो कछु बामै है, बाकी भी सपथ खाथै। 
\v 21 और जो मंदिर की कसम खाथै, बौ बाकी और बामै रहन बारेन की भी कसम खाथै। 
\v 22 और जो स्वर्ग की कसम खाथै, बौ परमेस्वर के सिंहासन की और बाके ऊपर बैठन बारे की भी कसम खाथै।”
\p
\v 23 \x + \xo 23:23 \xo*\xt लैव्यवस्था 27:30 \xt*\x*“तुम पाखंडी हौ! और तुमरे ताहीं कितनो भयानक है, यहूदि नियम के सिक्छक और फरीसीयौ! तुम पुदीना, सौंफ और जीरा को दसमों अंस देथौ, पर तुम नियम की हकीकत मैं जरूरी सिक्छन को पालन ना करन कै कहथौ, जैसे कि न्याय, दया और इमानदारी। तुमकै दुसरेन कै गलत नाय बताए कै ऐसो करनो चहाईये।” 
\v 24 अंधे अगुवौ! तुम अपने पीन मैं से मक्खी तौ निकारथौ, पर ऊँट कै लील जाथौ।
\p
\v 25 “तुम पाखंडी हौ! तुमरे ताहीं कितनो भयानक है, यहूदि नियम के सिक्छक और फरीसियौ! तुम अपने गिलास और थरियन कै बहार से साफ करकै माँजथौ, जबकी अंदर से तुम हिंसा और लालच से भरे हौ।” 
\v 26 अंधे फरीसी! पहले कटोरा और थरिया कै भीतर से माँज कि बे बहार सेऊ साफ होमैं।
\p
\v 27 \x + \xo 23:27 \xo*\xt प्रेरितो 23:3 \xt*\x*“तुम पाखंडी हौ! तुमरे ताहीं कितनो भयानक है, यहूदि नियम के सिक्छक और फरीसी! तुम चूना पोती भइ कबरन के हानी हौ जो ऊपर से तौ सुगड़ दिखथैं, पर भीतर मरे भैन की हड्डी और सब तरहन की असुद्धता से भरी हैं। 
\v 28 जहे तरीका से तुम्हऊँ ऊपर से इंसानन कै धर्मी दिखाई देथौ, पर भीतर कपट और अधर्म से भरे भै हौ।”
\s ईसु उनके ताहीं सजा की तैयारी करी है
\r (लूका 11:47-51)
\p
\v 29 “तुम पाखंडी हौ! तुमरे ताहीं कितनो भयानक है, यहूदि नियम के सिक्छक और फरीसीयौ! तुम भविस्यवक्तन की कबरन कै समारथौ और धर्मियन की कबरन कै बनाथौ। 
\v 30 और तुम कहथौ, ‘कि अगर हम अपने पुरखन के दिनन मैं होते तौ भविस्यवक्तन को खून बहान मैं उनके सहभागी ना होते।’ 
\v 31 जासे तौ तुम खुदै गभाई देथौ, कि तुम भविस्यवक्ता के मारन बारेन के बालका हौ! 
\v 32 तुम अपने पुरखन के पाप को घड़ा भर दियौ। 
\v 33 \x + \xo 23:33 \xo*\xt मत्ती 3:7; 12:34; लूका 3:7\xt*\x*तुम साँप और साँप के बालका हौ! तुम नरक के न्याय से बचन की उमीद कैसे कर सकथौ? 
\v 34 तभईये देखौ, मैं तुमरे झोने भविस्यवक्ता और दिमाकदारन और यहूदि नियम के सिक्छकन कै भेजथौं; और तुम उनमैं से कुछ कै मार डारैगे, और क्रूस मैं चढ़ागे; और कुछ कै अपनी सभाघरन मैं कोड़े मारैगे, और एक नगर से दुसरे नगर मैं खदेड़त फिरैगे। 
\v 35 \x + \xo 23:35 \xo*\xt उत्पत्ति 4:8; 2 इतिहास 24:20,21\xt*\x*फलस्वरूप, ऐसे करकै धर्मी हाबिल के खून से लैकै बेरेक्याह को लौड़ा जकर्याह के खून तक, जोकै तू मंदिर की बेदी के बीच मैं घात करो रहै, निर्दोस खून जो पृथ्वी मैं बहाओ गौ रहै, बौ सब तुमरे ऊपर पड़ेगो। 
\v 36 मैं तुमसे सच कहथौं, जे सब बातैं जहे पीढ़ी के लोगन ऊपर आए पड़ंगी।”
\s यरूसलेम के ताहीं ईसु को प्यार
\r (लूका 13:34,35)
\p
\v 37 “यरूसलेम, यरूसलेम! तैं जो भविस्यवक्तन कै मार डारथै, और जो तेरे झोने भेजे गै, उनके ऊपर पथरवाह करथै, कित्ते बार मैं चाहो कि जैसी मुर्गिया अपने बच्चन कै अपने पखमा तरे इखट्टो करथै, बैसिये महुँ तेरे बालकन कै इखट्टो कर लियौं, पर तुम ना चाहे। 
\v 38 देखौ, तुमरो घर तुमरे ताहीं उजाड़ छोड़ो जाथै। 
\v 39 काहैकि मैं तुमसे कहथौं, कि अब से जबले तुम ना कहबैगे, ‘धन्य है बौ, जो प्रभु के नाओं से आथै’ तौले तुम मोकै फिर कहु ना देखैगे।”
\c 24
\s ईसु मंदिर के बिनास की बात करथै
\r (मरकुस 13:1,2; लूका 21:5,6)
\p
\v 1 जब ईसु मंदिर से निकरकै जात रहै, तौ बाके चेला बाकै मंदिर की इमारत की बनावट दिखान के ताहीं बाके झोने आए। 
\v 2 “बौ कही,” हाँ, “का तुम जौ सब नाय देखथौ? मैं तुमसे सच कहथौं, हींना पथरा से पथरा भी ना छुटैगो, जो गिराओ ना जागो।”
\s मुसीबत और परेसानी
\r (मरकुस 13:3-13; लूका 21:7-19)
\p
\v 3 जब ईसु जैतून के पहाड़ मैं बैठो, तौ चेला बाके झोने अलग आयकै कहीं, “हमैं बता कि जौ सब कब होगो, और तेरे आन को और दुनिया के अंत को का चिन्ह होगो?” 
\v 4 ईसु उनकै जबाब दई, “चहाचीते रैहबौ! कोई तुमकै ना बैहकाबै। 
\v 5 काहैकि भौत से ऐसे होंगे जो मेरे नाओं से आयकै कहमंगे, ‘मैं मसीह हौं,’ और भौतन कै बैहकाए देंगे। 
\v 6 तुम लड़ाईयन और लड़ाईयन की चर्चा सुनैगे; देखौ घबरईयो मति काहैकि इनको होनो जरूरी है, पर बौ समय अंत ना होगो। 
\v 7 काहैकि जाति ऊपर जाति, और राज्य ऊपर राज्य चढ़ाई करैगो, और जघा-जघा अकाल पड़ंगे, और भूकंप होंगे। 
\v 8 जे सब बात दुखन की सुरुवात होंगी।”
\p
\v 9 तौ बे कलेस दिबान के ताहीं तुमकै पकड़बांगे, और मार डारंगे और मेरे नाओं के बजह से सब जाति के लोग तुमसे बैर रखांगे। 
\v 10 तौ भौत से ठोकर खांगे, और एक दुसरे कै पकड़बांगे और एक दुसरे से बैर रखांगे। 
\v 11 भौत से झूठे भविस्यवक्ता उठ खड़े होंगे, और भौतन कै बैहकांगे। 
\v 12 और अधर्म के बढ़न से भौतन को प्यार ठंडो हुई जागो। 
\v 13 पर जो आखरी ले धीर धरंगे, उन्हईं को उद्धार होगो। 
\v 14 और राज्य को जौ सुसमाचार पूरे देस दुनिया मैं प्रचार करो जागो, कि सब जाति मैं गभाई होबै, तौ अंत हुई जागो।
\s बड़ी मुसीबत की सुरुवात
\r (मरकुस 13:14-23; लूका 21:20-24)
\p
\v 15 \x + \xo 24:15 \xo*\xt दानिय्येल 9:27 \xt*\x*“बौ दिन आए रौ है जब तुम देखैगे कि दानिय्येल भविस्यवक्ता के बारे मैं बुरी बात करी रहै, पवित्र जघा मैं निर्बलता को कारड़ बनन बारी पवित्र चीज।” पाठक ध्यान देमैं! 
\v 16 “तौ जो यहूदिया मैं होमैं बे पहाड़न मैं भाज जामैं। 
\v 17 जो छत मैं होमैं, बे अपने घर मैं से सामान लेन कै ना उतरैं। 
\v 18 और जो खेत मैं होमैं, बौ अपनो लत्ता लेन कै पच्छू ना लौटै। 
\v 19 बे दिनन मैं जो गर्भवती और दूद पिबात होंगी, उनके ताहीं भौत भयानक होगो! 
\v 20 और प्रार्थना करौ; कि तुमकै जाड़े मैं या साबत के दिन भाजन ना पड़ै। 
\v 21 \x + \xo 24:21 \xo*\xt दानिय्येल 12:1; प्रकासितवाक्य 7:14 \xt*\x*बौ समय की परेसानी के ताहीं दुनिया की सुरुवात से लैकै आज ले कहूँ भी इत्तो भयानक ना भौ ना कहु ऐसो कुछ होगो। 
\v 22 लेकिन परमेस्वर पहलिये दिनन की संख्या कम कर दई है; अगर बौ ऐसो ना करतो तौ कोई ना बचतो। हालाकि, अपने चुने भै लोगन के खातिर दिन कम हुई जांगे।”
\p
\v 23 “तौ, अगर कोई तुमसे कहबै, ‘कि देखौ, मसीह हींना है!’ या ‘हूँना है!’ तौ बिस्वास मत करियो। 
\v 24 झूठे मसीह और झूठे भविस्यवक्ता दिखाई देंगे; जितनो हुई सकैगो बे परमेस्वर के चुने भै लोगन कै धोका देन के ताहीं महान चमत्कार के ऊपर चिन्ह चमत्कार करंगे। 
\v 25 सुनौ! जौ बात मैं तुमकै समय से पहले बताओ हौं।”
\p
\v 26 \x + \xo 24:26 \xo*\xt लूका 17:23,24\xt*\x*“तभई अगर बे तुमसे कहमैं, ‘देखौ, बौ बन मैं है,’ तौ हूँनै मत चले जईयो, ‘देखौ, बौ भीतर के कमरा मैं लुको है!’ तौ बिस्वास मत करियो।” 
\v 27 काहैकि इंसान को लौड़ा बौ बिजली के हानी आगो जो अगार से पछार ले पूरे आसमान मैं चमकथै।
\p
\v 28 \x + \xo 24:28 \xo*\xt लूका 17:37 \xt*\x*“जितै लास होगी, हूँनै गिद्धा जुरांगे।”
\s इंसान के लौड़ा को आनो
\r (मरकुस 13:24-27; लूका 21:25-28)
\p
\v 29 \x + \xo 24:29 \xo*\xt यसायाह 34:4; प्रकासितवाक्य 6:13\xt*\x*“जल्दियै बे दिनन की परेसानीयो के बाद, सूरज अंधियारो हुई जागो, जोनी अब नाय चमकैगी, तारा स्वर्ग से गिराय जांगे, और आसमान की सक्ति हिलाई जांगी। 
\v 30 \x + \xo 24:30 \xo*\xt दानिय्येल 7:13; जकर्याह 12:10-14; प्रकासितवाक्य 1:7 \xt*\x*तौ इंसान के लौड़ा को चिन्ह आसमान मैं दिखाई देगो; और पृथ्वी के सबै जाति के लोग रोमंगे काहैकि बे इंसान के लौड़ा कै स्वर्ग के बादरन ऊपर सक्ति और महान महिमा के संग आत भै देखंगे। 
\v 31 बौ महान तुरहई अबाज करैगी, और बौ अपने स्वर्गदूतन कै पृथ्वी के चारौ कोहने मैं भेज देगो, और बे अपने चुने भै लोगन कै दुनिया के एक छोर से दुसरे छोर ले इखट्टो करंगे।”
\s अंजीर के रूखा से सीख
\r (मरकुस 13:28-31; लूका 21:29-33)
\p
\v 32 “अंजीर के रूखा से जौ कहानी सीखौ जब बाकी हँगईय्या कोमल हुई जाथैं और पत्ता निकरत रहाथैं, तौ तुम जान लेथौ, कि गर्मी झोने है। 
\v 33 जहे तरीका से जब तुम जे सब बातन कै देखौ, तौ जान लियौ, कि बौ दिन झोने है, बल्किन ठीक मोहोंट के अग्गु है। 
\v 34 मैं तुमसे सच कहथौं, कि जबले जे सब बातैं पूरी ना हुई लेमैं, तौले जौ पीढ़ी को अंत ना होगो। 
\v 35 आसमान और पृथ्वी टल जांगी, पर मेरे सब्द कहु नाय टलंगे।”
\s कोई भी दिन और घंटा नाय जानथै
\r (मरकुस 13:32-37; लूका 17:26-30,34-36)
\p
\v 36 “हालाकि, कोई ना जानथै, बौ दिन और घंटा कब आगो, ना तौ स्वर्ग मैं स्वर्गदूत, और ना लौड़ा, पर सिरफ परम दऊवा। 
\v 37 \x + \xo 24:37 \xo*\xt उत्पत्ति 6:5-8 \xt*\x*जैसी नूह के दिन रहैं, बैसिये इंसान के लौड़ा को भी आनो होगो। 
\v 38 बहाड़ से पहले के दिनन मैं आदमी खाईं-पीं, लोग और बईय्यर बिहा करीं, बहे दिन नूह बड़ी नईंय्याँ मैं गौ; 
\v 39 \x + \xo 24:39 \xo*\xt उत्पत्ति 7:6-24 \xt*\x*तहुँओं पतै नाय चलो कि बहाड़ आन ले का हुई रौ है और सबै पुही गै। ऐसोई होगो जब इंसान को लौड़ा आगो। 
\v 40 बौ समय दुई जनी खेत मैं होंगे, एक कै लै लौ जागो और दुसरे कै छोड़ दौ जागो। 
\v 41 दुई बईंय्यरैं चक्की पीसत रहांगी, एक लै लई जागी, और दुसरी छोड़ दई जागी। 
\v 42 तभई जगत रहाबौ, काहैकि तुम नाय जानथौ कि तुमरो प्रभु कौनसे दिन आगो। 
\v 43 \x + \xo 24:43 \xo*\xt लूका 12:39,40 \xt*\x*पर जौ जान लियौ कि अगर घर को मालिक जानत होतो कि चुट्टा कित्ते बजे की बेरा आगो, तौ जगत रहातो; और अपने घर मैं चोरी नाय होन देतो। 
\v 44 तभई तुम्हऊँ तैयार रैहबौ, काहैकि जो समय के बारे मैं तुम सोचतौ ना हौ, बहे समय इंसान को लौड़ा आए जागो।”
\s बिस्वास के काबिल और बिना बिस्वास के काबिल सेवक
\r (लूका 12:41-48)
\p
\v 45 “फिरौंकी, एक भरोसेमंद और दिमाकदार सेवक कौन है? जौ बौ है जोकै बाको मालिक अपने सेवकन को सरदार बनाई, कि समय से उनकै खानु देबै? 
\v 46 धन्य है, बौ सेवक जोकै बाको मालिक आयकै ऐसोई करत भै पाबै! 
\v 47 मैं तुमसे सच कहथौं; बौ बाकै अपनी पूरी सम्पत्ति ऊपर अधिकारी बनागो। 
\v 48 पर अगर बौ दुस्ट सेवक अपने मन मैं सोचन लगै, कि मेरे मालिक के आन मैं देरी है। 
\v 49 और अपने सेवकन कै पीटन लगै, और पिबक्कड़न के संग खाबै-पीबै। 
\v 50 तौ बौ सेवक को मालिक ऐसे दिन आगो, जब बौ बाकै असियात नाय होगो, और ऐसी घड़ी कि जोकै बौ ना जानत होगो, 
\v 51 और बाकै तगड़ी सजा दैकै, बाको भाग कपटियन के संग ठहरागो: हूँना रोनो और दाँत पीसनो होगो।”
\c 25
\s दस कुवाँरी बईंय्यरन की कहानी
\p
\v 1 \x + \xo 25:1 \xo*\xt लूका 12:35\xt*\x*“बौ समय स्वर्ग को राज्य ऐसो होगो। एक बार दस कुवाँरी बईंय्यरैं रहैं, जो अपनी तेल की दिया लैकै दुल्हा से मिलन के ताहीं निकरीं। 
\v 2 उनमैं से पाँच बेअकलन और दुसरी पाँच दिमाकदार रहैं। 
\v 3 बेअकलन अपनी दिया तौ लईं, पर अपने संग तेल नाय लईं। 
\v 4 पर समझदार अपनी दिया के संग अपनी कुप्पियन मैं तेलौ भर लईं। 
\v 5 जब दुल्हा कै आन मैं देर हुई गई, तौ बे सब उँघान लगी और सोए गईं।”
\p
\v 6 “आधी रात मैं चहैल-पहैल भइ, कि देखौ, दुल्हा आए रौ है, बासे मिलन कै दुआरे चलौ। 
\v 7 बहे समय बे सब कुवाँरी उठकै अपनी दिया ठीक करन लगी। 
\v 8 और बेअकलन समझदारन से कहीं, ‘अपने तेल मैं से थोड़ी हमउँ कै दियौ, काहैकि हमरी दिया बुत रईं हैं।’ 
\v 9 पर जो समझदार रहैं बे जबाब दईं और कहीं कि हमरे और तुमरे ताहीं पूरा ना होगो; भलो तौ जौ है कि, तुम बेचन बारेन के झोने जाएकै अपने ताहीं मोल लै लियौ। 
\v 10 जब बे मोल लेन कै जात रहैं, तौ दुल्हा आए गै, और जो समरी रहैं, बे बाके संग बिहाए कै घरै चली गईं और फाटक बंद कर दौ गौ।”
\p
\v 11 \x + \xo 25:11 \xo*\xt लूका 13:25\xt*\x*“जाके बाद बे दुसरी कुवाँरीयौ आयकै कहेन लगी, ‘गुरुजी, गुरुजी, हमरे ताहीं फाटक खोल दे।’ 
\v 12 बौ जबाब दई, कि मैं तुमसे सच कहथौं, मैं तुमकै नाय जानथौं।”
\p
\v 13 और ईसु तोड़ निकारी, “देखौ, काहैकि तुम ना बौ दिन कै जानथौ, ना बौ समय कै।”
\s तीन सिक्का की कहानी
\r (लूका 19:11-27)
\p
\v 14 \x + \xo 25:14 \xo*\xt लूका 19:11-27 \xt*\x*“बौ समय स्वर्ग को राज्य ऐसो होगो। एक बार एक आदमी रहै जो एक सफर के ताहीं घर छोड़न बारो रहै; बौ अपने सेवकन कै मस्काई और उनकै अपनी सम्पत्ति सौंप दई। 
\v 15 बौ अपनी सामर्थ्य के हिसाब से सबन कै दई: एक कै बौ पाँच हजार सोने के सिक्का दई, दुसरे कै बौ दुई हजार दई, और तिसरे कै बौ एक हजार दई। फिरौंकी बौ अपने सफर मैं निकर गौ। 
\v 16 जो सेवक कै पाँच हजार सिक्का मिले रहैं, बौ एकै बार मैं पाँच हजार पैसा लगाई और पाँच हजार कमाई। 
\v 17 बैसिये जो सेवक कै दुई हजार सिक्का मिले रहैं, बौ दुई हजार और कमाई। 
\v 18 पर जो सेवक कै एक हजार सिक्का मिले रहैं, बौ चलो गौ, और जमीन मैं एक गड्डा खोदी और अपने मालिक के पैसा लुकाए दई।”\fig सोने को सिक्का|alt="Talents" src="hk00168b.tif" size="col" copy="Horace Knowles ©" ref="25:15"\fig*
\p
\v 19 “लंबे समय के बाद बे सेवकन को मालिक बापस लौटो और बौ उनसे हिसाब लेन लगो। 
\v 20 जोकै पाँच हजार मिले रहैं, बौ पाँच हजार और लायकै कही, ‘मालिक, तैं मोकै पाँच हजार सिक्का सौंपो रहै, देख मैं पाँच हजार सिक्का और कमाओ हौं।’ 
\v 21 बाको मालिक बासे कही, ‘धन्य है अच्छो और बिस्वास के काबिल सेवक, तैं थोड़ी मैं बिस्वास के काबिल रहो; मैं तोकै तमान चीजन को हकदार बनांगो। अपने मालिक की खुसी मैं मिल जा।’
\p
\v 22 फिरौंकी जो सेवक कै दुई हजार सिक्का दै गै रहैं, बौ आओ और कही, ‘मालिक तैं मोकै दुई हजार के सिक्का दौ रहै, देख! हींना एक और दुई हजार हैं जोमैं कमाओ हौं।’ 
\v 23 बाको मालिक बासे कही, ‘धन्य है अच्छो और बिस्वास के काबिल सेवक, तैं थोड़ी मैं बिस्वास के काबिल रहो, मैं तोकै तमान चीजन को हकदार बनांगो अपने मालिक की खुसी मैं मिल जा।’ 
\v 24 तौ एक हजार सिक्का जोकै मिले रहैं, बौ आए कै कही, ‘मालिक, मैं तोकै जानथौं कि तैं कड़क आदमी है; जब तैं पौधा ना लगाथै तहुँओं फसल काटथै, और तैं बौ फसल कै इखट्टो करथै जितै तैं बीज ना बखेरो रहै। 
\v 25 तभई मैं डराय गौ और जाएकै तेरे सिक्का जमीन मैं लुकाए दौ; देख, जो तेरो है, बौ जौ है।’ 
\v 26 बाको मालिक बाकै जबाब दई, कि तैं बुरो और आलसी सेवक; जब तैं जौ जानत रहै, कि जितै मैं नाय बोथौं हूँना से काटथौं; और जितै मैं नाय बखेरो हूँना से बटोरथौं। 
\v 27 तौ फिर ठीक है, तोकै मेरो पैसा बैंक मैं जमा करनो चहाईये रहै, और मोकै जौ सब ब्याज समेत बापस मिल जातो। 
\v 28 अब, बे सिक्का बासे छीन लियौ, और बाके झोने दस सिक्का हैं, बाकै दै दियौ। 
\v 29 \x + \xo 25:29 \xo*\xt मत्ती 13:12; मरकुस 4:25; लूका 8:18\xt*\x*जो कोई के पास है बाकै और दौ जागो; और बाके पास भौत हुई जागो: पर जोके पास नाय है, बासे बहो जो बाके पास है छीन लौ जागो। 
\v 30 \x + \xo 25:30 \xo*\xt मत्ती 8:12; 22:13; लूका 13:28 \xt*\x*जौ निकम्मो सेवक कै बहार के अंधियारे मैं डार दियौ, जितै रोनो और दाँत पीसनो होगो।”
\s आखरी न्याय
\p
\v 31 \x + \xo 25:31 \xo*\xt मत्ती 16:27; मत्ती 19:28 \xt*\x*“जब इंसान को लौड़ा अपनी महिमा मैं आगो, और बाके संग सब स्वर्गदूत आंगे तौ बौ अपनी महिमा के सिंहासन मैं बैठैगो। 
\v 32 और सब जाति बाके अग्गु जुरांगी; और जैसी बरदिया भेंड़न कै बकरियन के बच्चा से अलग कर देथै, बैसिये बौ उनकै एक दुसरे से अलग करैगो। 
\v 33 बौ भेंड़न कै अपने दहने और बकरियन कै अपने बाँए रखैगो। 
\v 34 तौ राजा अपने दहने घाँईं बारेन से कहैगो, ‘मेरे परम दऊवा के धन्य आदमियौ, तुम आबौ, बौ राज्य के हकदार हुई जाबौ, जो दुनिया के सुरु से तुमरे ताहीं समारो गौ है। 
\v 35 मोकै भूंक लगी रहै, तुम मोकै खानु खबाए; मोकै प्यास लगी रहै, तुम मोकै पानी पिबाए, मैं परदेसी रहौं, तुम मोकै अपने घरै रखाए। 
\v 36 मैं नंगो रहौं, तुम मोकै लत्ता पैंहदाए; मैं बिमार रहौं, तुम मेरी खबर लै, मैं कैदखाना मैं रहौं, तुम मोसे मिलन आए।’ 
\v 37 तौ धर्मी बाकै जबाब देंगे, ‘प्रभु हम कब तोकै भूंको देखे और खबाए? या प्यासो देखे और पानी पिबाए? 
\v 38 हम कब तोकै परदेसी देखे और अपने घर मैं रखाए या नंगो देखे, और लत्ता पैंहदाए? 
\v 39 हम कब तोकै बिमार या कैदखाना मैं देखे और तोसे मिलन आए?’ 
\v 40 तौ राजा उनकै जबाब देगो, ‘मैं तुमसे सच कहथौं, कि तुम जो मेरे जे छोटे से छोटे भईय्यन मैं से कोई एक के संग करे, बौ मेरिये संग करे!’”
\p
\v 41 “तौ बौ बाँए घाँईं बारेन से कहैगो, ‘स्रापित आदमियौं मेरे अग्गु से बौ अनंत आगी मैं चले जाबौ, जो सैतान और बाके दूतन के ताहीं तैयार करी गई हैं। 
\v 42 काहैकि मैं भूंको रहौं, और तुम मोकै खान कै ना दै, मैं प्यासो रहौं, तुम मोकै पानी ना पिबाए; 
\v 43 मैं परदेसी रहौं, तुम मोकै अपने घरै ना रुकन दै; मैं नंगो रहौं, तुम मोकै लत्ता ना पैंहदाए; मैं बिमार और कैदखाना मैं रहौं, तुम कब मेरी खबर लै।’”
\p
\v 44 “तौ बे जबाब देंगे, ‘प्रभु, हम तोकै कब भूंको, या प्यासो, या परदेसी, या नंगो, या बिमार, या कैदखाना मैं देखे, और तेरी मदत ना करे?’ 
\v 45 तौ राजा उनकै जबाब देगो, ‘मैं तुमसे सच कहथौं कि तुम जो जे छोटे से छोटे मैं से कोई एक कै संग नाय करे, बौ मेरे भी संग नाय करे।’ 
\v 46 \x + \xo 25:46 \xo*\xt दानिय्येल 12:2 \xt*\x*फिरौंकी इनकै अनंत सजा भोगने पड़ैगो पर धर्मी हमेसा की जिंदगी पांगे।”
\c 26
\s ईसु कै मारन की योजना
\r (मरकुस 14:1,2; लूका 22:1,2; यूहन्ना 11:45-53)
\p
\v 1 जब ईसु जे सब बात कह चुको, तौ अपने चेलन से कहेन लगो, 
\v 2 \x + \xo 26:2 \xo*\xt निर्गमन 12:1-27\xt*\x*“तुम जानथौ, कि दुई दिन के बाद फसह को त्योहार होबैगो; और इंसान को लौड़ा क्रूस मैं चढ़ाओ जान के ताहीं पकड़बाओ जागो।”
\p
\v 3 तौ मुखिया पुजारी और परजा के बड़े-बूढ़े कैफा नाओं के मुखिया पुजारी के आँगन मैं जुराने, 
\v 4 और आपस मैं बतकान लागे कि ईसु कै धोका से पकड़वाए कै मार डारैं। 
\v 5 “पर बे कहेत रहैं, त्योहार के समय नाय; कहीं ऐसो ना होबै कि आदमिन मैं हुल्लड़ मच जाबै।”
\s ईसु के ऊपर बैतनिय्याह मैं कीमती इत्तर छींची
\r (मरकुस 14:3-9; यूहन्ना 12:1-8)
\p
\v 6 जब ईसु बैतनिय्याह मैं सिमौन कोहढ़ी के घरै रहै। 
\v 7 \x + \xo 26:7 \xo*\xt लूका 7:37,38\xt*\x*तौ एक बईय्यर संगमरमर के बर्तन मैं कीमती इत्तर लैकै बाके झोने आई, और जब बौ खानु खान बैठो रहै, तौ बाके मूड़ मैं अखनाए दई। 
\v 8 जौ देखकै, बाके चेला गुस्सा भै और कहेन लगे, “जौ चीज काहे बरबाद करो?” 
\v 9 “जौ अच्छे रुपईया मैं बेचकै गरीबन कै बाँटो जाए सकथै!”
\p
\v 10 जौ देखकै ईसु उनसे कही, “जौ बईय्यर कै काहे परेसान कर्‌रै हौ? बौ मेरे संग भलाई करी है। 
\v 11 \x + \xo 26:11 \xo*\xt व्यवस्थाविवरन 15:11\xt*\x*गरीब तुमरे संग हमेसा रैहथैं, पर मैं तुमरे संग हमेसा नाय रैहंगो। 
\v 12 बौ मेरी सरीर मैं जो इत्तर उड़ेली है, बौ मेरे गाड़े जान के ताहीं करी है। 
\v 13 अब, मैं तुमसे सच कहथौं, कि पूरी दुनिया मैं जितै कहीं जौ सुसमाचार प्रचार करो जागो, हूँना बाके जौ काम की बात बाकै याद करन के ताहीं करो जागो।”
\s यहूदा ईसु कै धोका देन के ताहीं मान गौ
\r (मरकुस 14:10,11; लूका 22:3-6)
\p
\v 14 तौ यहूदा इस्करियोती जो बहारै चेलन मैं से एक रहै, मुखिया पुजारी के झोने जाएकै कही, 
\v 15 \x + \xo 26:15 \xo*\xt जकर्याह 11:12 \xt*\x*“अगर मैं बाकै तेरे हात पकड़वाए दियौं, तौ मोकै का देगो?” बौ बाकै तीस चाँदी के सिक्का तौल कै दै दई। 
\v 16 तौ से यहूदा ईसु कै उनके हवाले करन कै एक अच्छो मौका ढूँड़त रहै।
\s ईसु अपने चेलन के संग फसह को खानु खाईं
\r (मरकुस 14:12-21; लूका 22:7-13,21-23; यूहन्ना 13:21-30)
\p
\v 17 अखमीरी रोटी के त्योहार के पहले दिन चेला ईसु के झोने आयकै बासे पूँछीं, “तैं कहाँ चाहथै कि हम तेरे ताहीं फसह को खानु की तैयारी करैं?”
\p
\v 18 “बौ कही, नगर मैं फलाने के झोने जाएकै बासे कह, कि गुरु कहथै, कि मेरो समय झोने है, मैं अपने चेलन के संग तेरे हींना फसह मनांगो।”
\p
\v 19 ईसु जैसी बताई रहै, चेला फसह के खानु की तैयारी करीं।
\p
\v 20 जब संजा खिन भइ, तौ बौ बहारै चेलन के संग खानु खान के ताहीं बैठो। 
\v 21 जब बे खात रहैं, तौ ईसु कही, “मैं तुमसे सच कहथौं, कि तुम मैं से एक मोकै पकड़बागो।” 
\v 22 जौ बात से बे बड़ा उदास भै, और बासे पूँछन लागे, “गुरुजी, का बौ मैं हौं?” 
\v 23 ईसु जबाब दई, “जो मेरे संग थरिया मैं हात डारी है, बहे मोकै पकड़बागो। 
\v 24 जैसी इंसान के लौड़ा के बारे मैं लिखो है, बौ जौ दुनिया से जाथै; पर बौ इंसान के ताहीं भयानक है जोके जरिया इंसान को लौड़ा पकड़बाओ जाथै: अगर बौ इंसान को जनम ना होतो, तौ बाके ताहीं भलो होतो!”
\p
\v 25 तौ बाको पकड़वान बारो यहूदा पूँछी, “हे रब्बी, का बौ मैं हौं?” ईसु जबाब दई, “तैं कह लौ।”
\s प्रभु को खानु
\r (मरकुस 14:22-26; लूका 22:14-20; 1 कुरिन्थियों 11:23-25)
\p
\v 26 जब बे खात रहैं, तौ ईसु रोटी लई, और आसीस माँग कै तोड़ी, और चेलन कै दैकै कही, “लियौ, खाबौ; जहे मेरी सरीर है।”
\p
\v 27 फिर बौ कटोरा लई और धन्यवाद करी, और उनकै दैकै कही, “तुम सब जामैं से पीबौ, 
\v 28 काहैकि जौ मेरो वाचा को खून है, जो निरेन के ताहीं पापन की माफी के ताहीं बहाओ जाथै। 
\v 29 मैं तुमसे कहथौं, कि जौ दाखरस बौ दिन ले कहु ना पींगो, जबले तुमरे संग अपने दऊवा के राज्य मैं नया ना पीमौं।”
\p
\v 30 फिरौंकी बे गाना गायकै जैतून के पहाड़ मैं गै।
\s ईसु पतरस के इंकार की भविस्यवाँड़ी करी
\r (मरकुस 14:27-31; लूका 22:31-34; यूहन्ना 13:36-38)
\p
\v 31 \x + \xo 26:31 \xo*\xt जकर्याह 13:7 \xt*\x*तौ ईसु उनसे कही, “आज की रात तुम सब भाज जाबैगे, और मोकै छोड़ देगे, काहैकि सास्त्र कहथै, ‘परमेस्वर बरदिया कै मार देगो और झुंड की भेंड़ैं बिगद जांगी।’ 
\v 32 \x + \xo 26:32 \xo*\xt मत्ती 28:16 \xt*\x*लेकिन जब मैं जिंदो हुई जांगो, तौ तुमसे पहले गलील जांगो।”
\p
\v 33 पर पतरस बासे कही, “अगर सब तोकै छोड़ैं तौ छोड़ैं, पर मैं कहु ना छोड़ंगो।”
\p
\v 34 ईसु पतरस से कही, “मैं तोसे सच कहथौं की आज रात मुर्गा बोलन से पहले तैं तीन बारो कहैगो कि मैं जाकै ना जानथौं।”
\p
\v 35 पतरस जबाब दई, “जौ मैं कहु ना कहेंगो, भलेई मोकै तेरे संग मरन पड़ै!”
\p और बाकी के चेलौ जहे कहीं।
\s ईसु गतसमनी की बगिया मैं प्रार्थना करी
\r (मरकुस 14:32-42; लूका 22:39-46)
\p
\v 36 तौ ईसु अपने चेलन के संग गतसमनी नाओं की जघा मैं गौ, और बौ उनसे कही, “मैं हींना बैठकै प्रार्थना कर रौ हौं।” 
\v 37 बौ अपने संग पतरस और जब्दी के लौड़ा कै लैगौ, दुखी और परेसान होन लगो। 
\v 38 और बौ उनसे कही, “मेरो मन भौत उदास है, हिंयाँ ले कि मेरी ज्यान निकरी जाए रई है। तुम हीनैं रुकौ, और मेरे संग जगत रहाबौ।”
\p
\v 39 फिर बौ थोड़ी और अग्गु बढ़कै मोखरा गिरो, और ऐसे प्रार्थना करन लगो, “मेरे दऊवा, अगर हुई सकै, तौ जौ कटोरा मोसे टल जाबै, फिर भी जैसी मैं चाहथौं बैसो नाय, पर जैसी तैं चाहथै बैसो होबै।”
\p
\v 40 फिर चेलन के झोने आयकै उनकै सोत भौ पाई, और पतरस से कही, “का तुम मेरे संग घंटा भर ना जग सके? 
\v 41 जगत रहाबौ, और प्रार्थना करत रहाबौ, कि तुम परिक्छा मैं ना पड़ो! आत्मा तौ तैयार है, पर सरीर कमजोर है।”
\p
\v 42 फिरौंकी बौ दुसरी बार जाएकै प्रार्थना करी, “मेरे दऊवा, अगर जौ मेरे पिये बगैर ना हट सकथै तौ तेरी इच्छा पूरी होबै।” 
\v 43 तौ बौ आयकै उनकै फिरौंकी सोत पाई, काहैकि उनकी आँखी निंधानि रहैं।
\p
\v 44 और उनकै छोड़कै फिरौंकी चलो गौ, और बहे बात कहकै, तिसरी बार प्रार्थना करी। 
\v 45 तौ बौ चेलन के झोने आयकै उनसे कही, “अब सोत रहाबौ, और आराम करौ: देखौ, समय आए पहोंचो है, और इंसान को लौड़ा पापिन के हात से पकड़बाओ जाथै। 
\v 46 उठौ, चलैं; देखौ, मेरो पकड़वान बारो झोने आए पहोंचो है।”
\s ईसु की गिरफ्तारी
\r (मरकुस 14:43-50; लूका 22:47-53; यूहन्ना 18:3-12)
\p
\v 47 बौ जौ कहतै रहै कि, यहूदा जो बहारैयन मैं से एक रहै, आओ, और बाके संग मुखिया पुजारिन और आदमिन के बड़े-बूढ़ेन के घाँईं से बड़ी भीड़, तलवारन और लठियन कै लै भै आए। 
\v 48 बाको पकड़वान बारो उनकै जौ चिन्ह बताए दई रहै: “जोकै मैं चूम लियौं बहे है; बाकै पकड़ लियो!”
\p
\v 49 यहूदा तुरंतै ईसु के झोने आयकै कही, “रब्बी, नमस्ते!” और बाकै चुम्मी लई।
\p
\v 50 ईसु जबाब दई, “दोस्त, जो काम के ताहीं तैं आओ है, बाकै कर ले।”
\p तौ बे झोने आयकै ईसु के ऊपर हात डारी और बाकै पकड़ लईं। 
\v 51 तौ ईसु के संग बारेन मैं से एक हात बढ़ायकै अपनी तलवार खींची और बड़े पुजारी के सेवक ऊपर चलाय कै बाको कान काट दई। 
\v 52 तौ ईसु बासे कही, “अपनी तलवार हूँनै रख ले काहैकि जो तलवार चलाथैं, बे सब तलवार से नास करे जांगे। 
\v 53 का तैं ना समझथै, कि मैं अपने दऊवा से नहोरे कर सकथौं, और बौ स्वर्गदूतन की बहारै सेना दल से जद्धे मेरे झोने हबइ भेज देगो? 
\v 54 पर पवित्र सास्त्र की बे बातैं कि ऐसोई होनो जरूरी है, कैसे पूरी होंगी?”
\p
\v 55 बहे समय ईसु भीड़ से कही, “का तुम तलवार और लठिया लैकै मोकै डाँकुअन के हानी पकड़न के ताहीं निकरे हौ? मैं सब दिन मंदिर मैं बैठकै उपदेस देत रहौं, और तुम मोकै ना पकड़े। 
\v 56 पर जौ सब तभई भौ है, कि भविस्यवक्ता पवित्र सास्त्र मैं जो कुछ लिखो है बौ पूरो होबै।”
\p तौ सब चेला बाकै छोड़कै भाज गै।
\s परिसद के अग्गु ईसु
\r (मरकुस 14:53-65; लूका 22:54,55,63-71; यूहन्ना 18:13,14,19-24)
\p
\v 57 जो आदमी ईसु कै गिरफ्तार करीं रहैं, बे बाकै कैफा के घरै, बड़े पुजारी के झोने लैगै जितै यहूदि नियम के सिक्छक और बड़े-बूढ़े जुराने रहैं। 
\v 58 पतरस दूर से बाको पीछा करी जितै ले बड़े पुजारी को आँगन रहै बौ आँगन मैं गौ और सिपईय्यन संग बैठकै जौ देखन लागो कि अब बौ कैसे निकरैगो। 
\v 59 मुखिया पुजारी और पूरे बड़े सभा के ईसु कै मार डारन के ताहीं बाके बिरोध मैं झूठे सबूत ढूँड़न लगे। 
\v 60 पर भौत से झूठे गभन के आन मैं भी ना पाई, आखरी मैं दुई जनी आए, 
\v 61 \x + \xo 26:61 \xo*\xt यूहन्ना 2:19\xt*\x*और कही, “जौ कही कि मैं परमेस्वर के मंदिर कै ढ़ाय सकथौं और बाकै फिर से तीन दिन मैं बनाये सकथौं।”
\p
\v 62 बड़ो पुजारी ठाड़कै ईसु से कही, “का तेरे पास जौ आरोप को कोई जबाब ना है?” 
\v 63 पर ईसु चुप्पा रहो। तौ बड़ो पुजारी बासे कही “मैं तोकै जिंदे परमेस्वर की कसम देथौं, कि अगर तैं परमेस्वर को लौड़ा मसीह है, तौ हमसे कहदे।”
\p
\v 64 ईसु बासे कही, “तैं खुदै कह दौ; बल्किन मैं तुमसे जहो कहथौं, कि अब से तुम इंसान के लौड़ा कै सर्वसक्तिमान के दहने घाँईं बैठे, और आसमान के बादर मैं आत देखैगे।”
\p
\v 65 तौ बड़ो पुजारी अपने लत्ता फाड़कै कही, “जौ परमेस्वर की बुराई करी है, अब हमकै गभा की कोई जरूरत ना है! देखौ, तुम हबै जौ बुराई सुने हौ! 
\v 66 तुम का समझथौ?” बे जबाब दई, “जौ मौत की सजा पान के काबिल है।”
\p
\v 67 \x + \xo 26:67 \xo*\xt यसायाह 50:6 \xt*\x*तौ बे बाके मोहों मैं थूकीं और बाकै घूँसा मारी, दुसरे चाँटा मारकै 
\v 68 कहीं, “मसीह! हमरे ताहीं भविस्यवाँड़ी करकै कह कि कौन तोकै मारी!”
\s पतरस के जरिया ईसु कै नकारनो
\r (मरकुस 14:66-72; लूका 22:56-62; यूहन्ना 18:15-18,25-27)
\p
\v 69 पतरस बहार आँगन मैं बैठो रहै कि बड़े पुजारी की एक सेविका बाके झोने आयकै कही, “तहूँ ईसु गलीली के संग रहै।”
\p
\v 70 बौ सबके सामने जौ कहकै मना करी और कही, “मैं ना जानथौं तू का कह रइ है।” 
\v 71 और जब बौ बहार फाटक के मोहोंट झोने गौ, तौ दुसरी बईय्यर बाकै देखकै उनसे जो हूँना रहैं कही, “जहो तौ ईसु नासरी के संग रहै।”
\p
\v 72 पतरस फिरौंकी जबाब दई, “मैं कसम खाथौं कि जौ इंसान कै नाय जानथौं!”
\p
\v 73 थोड़ी देर बाद हूँना ठाड़े भै पतरस के झोने आए। “बे कहीं, सच मैं तैं उनमैं से एक है। काहैकि तेरे बोलन के ढंग से पता चल रौ है!”
\p
\v 74 पतरस कही, “मैं कसम खाथौं कि मैं सच्ची कहरौ हौं! अगर मैं नाय हौं तौ परमेस्वर मोकै सजा देमैं! मैं बौ आदमी कै नाय जानथौं!”
\p तभईये एक मुर्गा बास दई, 
\v 75 पतरस कै याद आओ कि ईसु बासे का कही रहै: “मुर्गा बासन से पहले, तैं तीन बार कहैगो कि मोए ना जानथै।” बौ बहार गौ और बिलक-बिलक कै रोन लगो।
\c 27
\s ईसु कै पिलातुस के झोने लैजाओ गौ
\r (मरकुस 15:1; लूका 23:1,2; यूहन्ना 18:28-32)
\p
\v 1 सुबेरे-सुबेरे सबै मुखिया पुजारी और बड़े-बूढ़े ईसु कै मौत के घाट उतारन के ताहीं तरकीब सोचीं। 
\v 2 बे बाकै जंजीरन से भाँद दईं, और रोमन राज्यपाल पिलातुस कै सौंप दईं।
\s यहूदा की मौत
\r (प्रेरितो 1:18-19)
\p
\v 3 \x + \xo 27:3 \xo*\xt प्रेरितो 1:18,19 \xt*\x*जब धोकेबाज, यहूदा कै मालुम भौ कि ईसु की बुराई करी गई है, तौ बौ पछताई और मुखिया पुजारिन और बड़े-बूढ़ेन के तीस चाँदी के सिक्का बापस लौटाय दई। 
\v 4 बौ कही, “मैं एक निर्दोस आदमी के खून कै धोका दैकै पाप करो हौं!” बे जबाब दईं। “हमैं जासे का? जौ तौ तेरो काम है!”
\p
\v 5 यहूदा सिक्कन कै मंदिर मैं खेंप कै हूँनै छोड़ दई; फिरौंकी बौ हूँना से चले गौ और फाँसी खाएकै लटक गौ।
\p
\v 6 मुखिया पुजारी सिक्कन कै उठाईं और कहीं, “जौ खून को पैसा है, और जाकै मंदिर मैं रखनो नियम के खिलाप है।” 
\v 7 तभई बे विदेसियन के ताहीं दफनान बारी जघा के रूप मैं कुम्हरा के खेत कै खरीदन ताहीं पैसा कै इस्तमाल करन को फैसला करीं। 
\v 8 जहे के बजह से जौ जघा कै, जहे दिन से “खून को खेत” कहो जाथै।
\p
\v 9 \x + \xo 27:9 \xo*\xt जकर्याह 11:12,13\xt*\x* तौ भविस्यवक्ता यिर्मयाह जो कही रहै, बौ सच मैं पूरो भौ: “बे तीस चाँदी के सिक्का के ताहीं, इस्राएल के आदमी बाके ताहीं भुगतान करन के ताहीं मान गै, 
\v 10 और जैसी प्रभु मोकै आग्या दई रहै बैसिये उनकै कुम्हरा के खेत कै मोल दै दईं।”
\s पिलातुस ईसु से सबाल पूँछी
\r (मरकुस 15:2-5; लूका 23:3-5; यूहन्ना 18:33-38)
\p
\v 11 ईसु रोमन हाकीम के अग्गु ठाड़ो रहै, जो बासे पूँछी। “का तैं यहूदियन को राजा है? ईसु जबाब दई, तैं खुदै कहरौ है।” 
\v 12 लेकिन बौ मुखिया पुजारिन और बड़े-बूढ़ेन के दोस लगान पर भी कछु नाय कही।
\p
\v 13 तौ पिलातुस बासे कही, “का तैं जे सब बातन कै नाय सुनथै जो बे तेरे ऊपर दोस लगाथैं?”
\p
\v 14 लेकिन ईसु एक भी सब्द को जबाब देन से मना कर दई, जोके फलस्वरूप हाकिम भौत चकित भौ।
\s ईसु कै मौत की सजा दई गई
\r (मरकुस 15:6-15; लूका 23:13-25; यूहन्ना 18:39; 19:16)
\p
\v 15 हर फसह के त्योहार मैं रोमन हाकिम कोई भी एक कैदी कै भीड़ के ताहीं छोंड़े करत रहै। 
\v 16 बौ समय ईसु बरअब्बा नाओं को एक नामी कैदी रहै। 
\v 17 जब भीड़ जुरानी तौ पिलातुस उनसे पूँछी, “तुम कौनकै चाहथौ कि मैं तुमरे ताहीं छोड़ो? बरअब्बा कै या ईसु जो मसीहा कहो जाथै?” 
\v 18 बौ अच्छी तरहन से जानत रहै कि यहूदि नेता ईसु कै बाकै सौंप दईं रहैं काहैकि बे जले करत रहैं।
\p
\v 19 जब पिलातुस न्याय की सभा मैं बैठो रहै, तौ बाकी बईय्यर बाकै एक खबर भेजी: “बौ बेकसूर आदमी से मतलब मत रखै, काहैकि कल रात एक सपने मैं, मैं बाके बारे मैं भौत कछु सोचो रहौं।”
\p
\v 20 मुखिया पुजारी और बड़े-बूढ़े भीड़ कै राजी करीं ताकी पिलातुस बरअब्बा कै छोड़ देबै, और ईसु के मार डारैं। 
\v 21 पर पिलातुस भीड़ से पूँछी, “तुम कौनकै चाहथौं कि मैं बाकै तुमरे ताहीं छोड़ो?” बे जबाब दईं। “बरअब्बा!”
\p
\v 22 “पिलातुस उनसे पूँछी, तौ मैं ईसु के संग का करौं जो मसीह कहबाओ जाथै?” बे सब जबाब दईं। “बाकै क्रूस मैं टाँगौ!”
\p
\v 23 पर पिलातुस पूँछी, “बौ का गुनाह करी है?”
\p तौ बे अपनी अबाज ऊँची करीं और चिल्लान लगे: “बाकै क्रूस मैं टाँग!”
\p
\v 24 \x + \xo 27:24 \xo*\xt व्यवस्थाविवरन 21:6-9 \xt*\x*जब पिलातुस देखी कि कुछ हुइये नाय रौ है, पर हुड़दंग मच सकथै, तौ बौ भीड़ के अग्गु पानी लैकै अपने हात धोई, और कही, “मैं जौ आदमी के खून को दोसी ना हौं! तुम्हईं जानौ!”
\p
\v 25 पूरी भीड़ जबाब दई, “बाके खून को जिम्मेदार हम पर और हमरे बालकन ऊपर है!”
\p
\v 26 फिर पिलातुस बरअब्बा कै खाली-मूली छोड़ दई; और ईसु कै कोड़े लगबाए कै सौंप दईं, कि क्रूस मैं चढ़ाओ जाबै।
\s सिपईय्या ईसु को मजाक उड़ाथैं
\r (मरकुस 15:16-20; यूहन्ना 19:2,3)
\p
\v 27 तौ पिलातुस के सिपईय्या ईसु कै हाकीम के महल मैं लैगै, और पूरो झुंड बाके चारौ तरफ जुराए गौ। 
\v 28 बे बाके लत्ता उतार दईं, और लाल रंग को चोंगा पैंधाय दईं। 
\v 29 तौ बे कांटेदार झाड़ी की हँगईय्या से एक मुकुट बनाईं और बाके मूड़ मैं रख दईं, और बाके दहने हात मैं सरकंडा की छड़ी रख दईं; तौ बे बाके अग्गु घुपटियाय कै बाको मजाक उड़ाईं। “बे कहीं यहूदियन के राजा!” जीते रह। 
\v 30 बे बाके ऊपर थूकीं, और बहे सरकंडा की छड़ी से बाके मूड़ मैं मारीं। 
\v 31 जब बे बाको मजाक उड़ाईं, बे चोंगा उतार दईं और बहे के लत्ता फिरौंकी से बाकै पैंधाय दईं। तौ बे बाकै क्रूस मैं टाँगीं।
\s ईसु क्रूस मैं चढ़ो है
\r (मरकुस 15:21-32; लूका 23:26-43; यूहन्ना 19:17-27)
\p
\v 32 जब बे बहार जात रहैं, सिमौन नाओं को एक कुरेनी इंसान मिलो, और सिपईय्या जबरजत्ती ईसु को क्रूस उठान कै कहीं। 
\v 33 बे गुलगुता नाओं की जघा मैं आए, जोको मतलब है, “खुपड़िया की जघा।” 
\v 34 \x + \xo 27:34 \xo*\xt भजन संहिता 22:18\xt*\x*हूँना बे ईसु कै करवान बारी चीज के संग दाखरस पिबाईं; पर बौ जाकै चीखन के बाद नाय पी।
\p
\v 35 \x + \xo 27:35 \xo*\xt भजन संहिता 22:18 \xt*\x*बे बाकै क्रूस मैं चढ़ाईं और फिरौंकी पासो खेंप कै आपस मैं लत्ता बाँट लईं। 
\v 36 जाके बाद बे कितउ बैठकै बाँए देखत रहै। 
\v 37 बाके मूड़ के ऊपर बे बाके खिलाप इल्जाम को लिखो भौ परचा लगाईं: “जौ ईसु यहूदियन को राजा है।” 
\v 38 तौ बे ईसु के संग दुई डकैतन कै क्रूस मैं चढ़ाईं, एक बाके दहने और दुसरो बाके बाँए।
\p
\v 39 \x + \xo 27:39 \xo*\xt भजन संहिता 22:7; 109:25 \xt*\x*झोने से गुजरन बारे आदमी अपनो मूड़ हिलाय और बुराई करत भै ईसु की बेजती करीं: 
\v 40 \x + \xo 27:40 \xo*\xt मत्ती 26:61; यूहन्ना 2:19\xt*\x*“तैं मंदिर कै तोड़न और बाकै तीन दिन मैं बनान जात रहै! अगर तैं परमेस्वर को लौड़ा है तौ खुदकै बचा! और क्रूस से उतरेया!”
\p
\v 41 ऐसियै मुखिया पुजारी और यहूदि नियम के सिक्छक और बड़े-बूढ़े बाको मजाक उड़ाईं: 
\v 42 “बौ दुसरेन कै बचाई, पर खुदकै नाय बचाए सकथै! का बौ इस्राएल को राजा नाय है? अगर अब बौ क्रूस मैं से तरे उतर आगो, तौ हम बाके ऊपर बिस्वास करंगे! 
\v 43 \x + \xo 27:43 \xo*\xt भजन संहिता 22:8\xt*\x*बौ परमेस्वर के ऊपर भरोसो करथै, और परमेस्वर को लौड़ा होन को दाबा करथै। ठीक है, तौ हम देखथैं की परमेस्वर बाकै बचाथै कि नाय!”
\p
\v 44 हिंयाँ ले कि बाके संग क्रूस मैं चढ़े भै डकैतौ बैसिये बाकी बुराई करीं।
\s ईसु की मौत
\r (मरकुस 15:33-41; लूका 23:44-49; यूहन्ना 19:28-30)
\p
\v 45 दुपारी कै पूरे देस मैं कुप्प अंधियारो छाए गौ, जो तीन घंटा ले चलत रहो। 
\v 46 \x + \xo 27:46 \xo*\xt भजन संहिता 22:1\xt*\x*लमसम तीन बजे ईसु जोड़ से चिल्लायकै कही, “एली, एली, लीमा सबकत्तनी?” जोको मतलब है, “मेरे परमेस्वर, मेरे परमेस्वर, तैं मोए काहे छोड़ दौ?” 
\v 47 “हूँना ठाड़े कुछ आदमी बाकै सुनीं और कहीं, बौ एलिय्याह कै बुलाए रौ है!” 
\v 48 \x + \xo 27:48 \xo*\xt भजन संहिता 69:21\xt*\x*उनमैं से एक तुरंत भाजो, एक सोकता लई, दाखरस मैं डुबाई, सरकंडा की छड़ी के कोने मैं रखी, और बाके पीन ताहीं बनान की कोसिस करी। 
\v 49 लेकिन दुसरे कहीं, “रुक जा, हम देखथैं कि का एलिय्याह बाकै बचान कै आए रौ है!” 
\v 50 ईसु फिर जोड़ से चिल्लाई और अपनी जान छोड़ दई।
\p
\v 51 \x + \xo 27:51 \xo*\xt निर्गमन 26:31-33\xt*\x*तौ मंदिर मैं लटको भौ परदा ऊपर से तरे ले दुई हिस्सन मैं फट गौ। धरती हिल गई, चट्टानैं अलग हुई गईं, 
\v 52 कबरैं खुल गईं, और परमेस्वर के तमान पवित्र आदमी जो सरीर मैं मर गै रहैं जिंदगी जीन के ताहीं उठ गै। 
\v 53 बे कबरन कै छोड़ दईं, और ईसु मरन के बाद उठे, बे पवित्र सहर मैं गै, जितै निरे आदमी उनकै देखीं।
\p
\v 54 जब ईसु कै देखत पोती सेना को अधिकारी और बाके संग आए सिपईय्या भूकंप और बाकी सब कछु देखीं, बे डराय गै और कहीं, “बौ सचमुच मैं परमेस्वर को लौड़ा रहै!”
\p
\v 55 \x + \xo 27:55 \xo*\xt लूका 8:2,3\xt*\x*हूँना निरी बईंय्यरैं दूर से देखत रहैं, जो गलील से ईसु को पीछा करी रहैं, और बाकी मदत करी रहैं। 
\v 56 उनमैं मरियम मगदलीनी, याकूब और यूसुफ की अईय्या मरियम और जब्दी की बईय्यर रहैं।
\s ईसु कै दफनानो
\r (मरकुस 15:42-47; लूका 23:50-56; यूहन्ना 19:38-42)
\p
\v 57 जब संजा हुई गई, अरिमतियाह को एक सेठ आदमी आओ; बाको नाओं यूसुफ रहै, और बहे ईसु को चेला रहै। 
\v 58 बौ पिलातुस के झोने गौ, और ईसु की मृत सरीर कै माँगी। पिलातुस सरीर कै देन की आग्या दई। 
\v 59 तौ यूसुफ बाकै सरीर कै एक साफ चद्दर मैं लपटे कै लैगौ, 
\v 60 और बाकै नई कबर मैं धर दई, जोकै बे हबइ कुछ दिन पहले ठोस चट्टान मैं खोदी रहैं। फिरौंकी बौ कबर के मोहोंट मैं एक बड़ो सो पथरा लुढ़काई और चले गौ। 
\v 61 मरियम मगदलीनी और दुसरी मरियम हूँना, कबर के अग्गु बैठी रहैं।
\s कबर मैं पैहरुआ
\p
\v 62 अगले दिन, साबत को दिन रहै, मुखिया पुजारी और फरीसी पिलातुस से मिले 
\v 63 \x + \xo 27:63 \xo*\xt मत्ती 16:21; 17:23; 20:19; मरकुस 8:31; 9:31; 10:33,34; लूका 9:22; 18:31-33 \xt*\x*और कहीं, “गुरुजी, हमैं याद है कि जब बौ झूठो जिंदो रहै तहुँओं बौ कही रहै, ‘मैं तीन दिन बाद जी उठंगो।’ 
\v 64 आग्या दे, फिरौंकी से तिसरे दिन ले बाकी कबर की ध्यान से रखबारी करन के ताहीं, ताकी बाके चेला सरीर कै चुराय कै ना लै जाए सकैं, और फिरौंकी आदमिन से कहमैं कि बौ जी उठो है। जौ आखरी झूठ पहले बारे सेऊ बत्तर होगो।” 
\v 65 पिलातुस उनकै बताई “एक सिपईय्या लेबौ,” और “जाबौ जित्तो हुई सकै कबर की रखबारी करौ।” 
\v 66 तभई बे पथरा मैं एक मुहर लगाएकै और पहरेदारन कै ध्यान से कबर की रखबारी करन कै छोड़ीं।
\c 28
\s जी उठनो
\r (मरकुस 16:1-10; लूका 24:1-12; यूहन्ना 20:1-10)
\p
\v 1 साबत के बाद, जैसो की इतवार सप्ताह को पहलो दिन रहै, मरियम मगदलीनी और दुसरी मरियम कबर कै देखन गईं। 
\v 2 अनकाचीति से एक खतरनाक भूकंप आओ; स्वर्ग से उतरो प्रभु को एक दूत, पथरा कै हटाय दई, और बाके ऊपर बैठगौ। 
\v 3 बाको रूप बिजली के हानी रहै, और बाके लत्ता बरफ के हानी सफेद रहैं। 
\v 4 रखबरेया इत्ते डराने भै रहैं कि बे कप-कपाय गै और बेजान आदमी से हुईगै।
\p
\v 5 स्वर्गदूत बईंय्यरन से बतकाईं। बे कहीं, “तुम डराबौ मत्ती, मोए पता है कि तुम ईसु कै ढूँड़ रै हौ, जोकै क्रूस मैं चढ़ाय दौ गौ रहै। 
\v 6 बौ हिंयाँ नाय है; और बे कहीं, पर अपने बचन के अनुसार जी उठो है। हिंयाँ आयकै देख लियौ, जितै बौ लेटो रहै। 
\v 7 अब जल्दी जाबौ, और बे चेलन से कहबौ, ‘कि बौ मरे भैन मैं से जी उठो है, और अब बौ तुमसे पहले गलील जाएरौ है; हूँना तुम बाकै देखैगे!’ याद रैहबै कि मैं तुमकै का बताओ हौं।”
\p
\v 8 तभई बे जल्दी बाजी मैं कबर से चले गईं, डरानि और खुसी से भरी चेलन कै बतान कै भाज पड़ीं।
\p
\v 9 अनकाचीति ईसु उनसे मिलो और कही, “तुमकै सांति मिलै।” बे बाके झोने आए, और घुपटियाय कै, बाकी आराधना करीं। 
\v 10 ईसु उनसे कही “डराबौ मत्ती, जाबौ और मेरे भईय्यन कै गलील मैं जानकै कहबौ, और हूँना तुम मोकै देखैगे।”
\s रखबरेयन की खबर
\p
\v 11 जब बईंय्यरैं अपनी रहा कै चली गईं, कबर की रखबारी करन बारे कुछ सिपईय्या सहर बापस चले गै और मुखिया पुजारिन कै जो हूँना भौ रहै सब कछु बताए दईं जो भौ रहै। 
\v 12 मुखिया पुजारी बड़े-बूढ़ेन से मिले और योजना बनाईं; बे सिपईय्यन कै भौत रुपईया दईं 
\v 13 और कही, “तुम कहियो कि बाके चेला रात के समय आए रहैं और जब तुम सोत रहौ तौ बे बाको सरीर चुराय लैगै रहैं। 
\v 14 और अगर राज्यपाल कै सुननो चहाईये, हम बाकै समझाए देंगे कि तैं निर्दोस है, और तुमकै चिंता करन की कोई जरूरत नाय होगी।”
\p
\v 15 रखबरेया पैसा लई और बहे करी जो बाकै करन कै कहो गौ रहै। और तभई जौ बात यहूदियन के जरिया आज ले मानी जाए रइ है।
\s ईसु चेलन कै देखी
\r (मरकुस 16:14-18; लूका 24:36-49; यूहन्ना 20:19-23; प्रेरितो 1:6-8)
\p
\v 16 \x + \xo 28:16 \xo*\xt मत्ती 26:32; मरकुस 14:28 \xt*\x*ईसु के ग्यारह चेला गलील के बौ पहाड़ मैं गै जितै जान के ताहीं बौ कही रहै। 
\v 17 जब बे बाकै देखीं, बे बाकी आराधना करीं, हालाकि उनमैं से कुछन कै संका रहै। 
\v 18 ईसु झोने जाएकै उनसे कही, “मोकै स्वर्ग और पृथ्वी मैं सबै अधिकार दै गै हैं। 
\v 19 \x + \xo 28:19 \xo*\xt प्रेरितो 1:8\xt*\x*तौ, सब जघा सब आदमिन के झोने जाबौ और उनकै मेरे चेला बनाबौ: दऊवा, लौड़ा और पवित्र आत्मा के नाओं से बपतिस्मा देबौ, 
\v 20 और जो कछु मैं आग्या दौ हौं बाकै मानन कै सिखाबौ। और मैं दुनिया के अंत ले हमेसा तुमरे संग रहांगो।”