\id 2TI – Tangoa \h 2 Timothy \toc1 Harua Leta Paul Mo Ulia Isan Timothy \toc2 2 Timothy \mt3 Harua Leta \mt3 Paul Mo Ulia Isan \mt2 Timothy \imt3 Leta Nike \im Harua leta nike isan Timothy, mo lo reti sohena vara enia taman Timothy, mo lo r̃omr̃omia na nona usiusi (1.2–3) matan mo opoia vara Timothy i mai tamlohi vuro r̃uhu matea non Kr̃isto ale i tatamahu mata lavi na rani r̃ilangi (2.1, 3). \ip Paul mo verea mara tamlohi rasua hai la jovi na hehe, ale matana, Tiapolo mo lo taurilatira na nona vuna, ale mo retir̃oar̃oahai Timothy vara i rovo na vaihite sei uluvou la lo tia hinira (2.20–26; 3.1–9). Mo verea vara i retivujavujangi na retisohai non God, hina purongo vara tamlohi la opoia teni mo vono (4.2). I pa lo kilau mata tamlohi vujangi haluhalu. \ip Paul mo levosahia vara i pa sopo tuai i pa mate, mo levosahia vara i pa lavi otori mata mauri sei God i pa silea mata nona turu r̃ilangi (4.6–8), ale mo mele verea vara Timothy i levosahi retivarar̃uhu akerihi: \imi Harihi enia retivarar̃uhu: \imi Vara r̃a mate peresia, \imi r̃a pa mauri peresia; \imi vara r̃a turu r̃ilangi, \imi r̃a pa tauri na suiha peresia; \imi vara r̃a vunvunia, \imi i pa vunvunir̃a, \imi vara hina purongo vara r̃a sopo r̃omturu r̃ilangi, \imi enia mo lo r̃omturu r̃ilangi, \imi matan enia i sopo er̃i posi na r̃omina. (2.11–13) \iot Hin Leta Nike \io1 1. Retioloolo (1.1–2) \io1 2. Ha sopo mahanuhanu hin Moli (1.3–18) \io1 3. Mauri tamlohi vuro r̃uhu (2.1–26) \io1 4. Posi tamlohi na pongi hitahu (3.1–9) \io1 5. Ha turu r̃ilangi tarea (3.10–4.8) \io1 6. Retituetueni peresi na isoiso retioloolo (4.9–22) \c 1 \s1 Reti Tiroma \p \v 1 Enau Paul, vahar̃ule non Kr̃isto Iesu usuri na masalon God mo usuri na retitauhi mata mauri sei mo lo toho hin Kr̃isto Iesu. \p \v 2 Na lo uliuli isam Timothy natuku r̃uhur̃uhu; God Tama peresi Kr̃isto Iesu nor̃a Moli la sile na nora r̃omr̃uhu, r̃omopoia peresi na tamata isam tarea. \s1 Paul Mo Vere Meje Isan God \p \v 3 Timothy, na vere meje isan God matam. Enia God sei na lo volitusi isana sohen piku tuai la lo vaia, na vaia, ale r̃omiku mo sopo tuvaiau hin te hinau, ale tarea na lo r̃omr̃omiho na noku usiusi vara na rani teni na vutepongi. \v 4 Na opoia mo tavera vara a mele hiteho, matan na lo r̃omr̃omi rani atu ko lo tangisiau, ale a pa avulahi tavera hin rani atu vara r̃a mele tapatapair̃a. \v 5 Na levosahi na nom rasua varar̃uhu, mo lo usuri na rasua non nom pua Lois peresi non nom nana Eunice. \v 6 Matan haratu, na lo mele vereho hin pa silesilea atu God mo lo silea isam hin rani atu na tau na limaku hiniho\f + \fr 1:6 \fq hin rani atu na tau na limaku hiniho: \ft Patu tamlohi mata vao kalesia, la tau na limara hin la haratu la pa lavi te vavahinau non Moli matea. Hite 1 Tim 4.14.\f* na lo verea vara o iriiria vara i lo pepe, \v 7 matan tanume atu God mo siler̃a hinia mo sopo mata matahu, pani mata suiha, opoia peresi na posposi mata hase taurilatiho. \v 8 Ale matana, o sopo mahanuhanu na vereulia non nor̃a Moli, teni hiniau, matan na lo toho na ima r̃ilangi, pani o pa tatamahu vara o lavi na rani r̃ilangi mata Retir̃uhu hin suiha atu God mo silea. \p \v 9 Enia mo jurir̃a moiso, mo vir̃onir̃a vara r̃a hahau na mauri tapu tarea. Mo sopo mata nor̃a vavahinau, pani mata masalona peresi na nona r̃omr̃uhu mo silea isar̃a hin Kr̃isto Iesu tiroma moiso, varama mo pa tapulo, \v 10 pani nake masalon God atu, mo mera na maurin nor̃a Jujuri, Kr̃isto Iesu, enia mo komo na suihan mateia, ale mo vuhesi mauri atu i pa sopo er̃i tihai hin te rani, sohena Retir̃uhu mo verea, \v 11 God mo vir̃oniau matan vara a mai tamlohi retivujavujangi matea, a vahar̃ule, ale a tamlohi vujangi matan Retir̃uhu atu. \p \v 12 Matana, na lo lavi na rani r̃ilangi nike na ima r̃ilangi. Pani enau na sopo mahanuhanu matana, matan na levosahi haratu na lo rasua, ale na levosahi mamahunia vara enia i pa er̃i tau mamahuni na sava mo retitauhi vara a pa lavia, i tikeli rani tavera atu a pa lavia. \v 13 O usuri mamahuni tovongi r̃uhu atu mata noku vujangi sei ko lo rongora isaku, mo usuri na tovongi mata rasua peresi na opoia hin Kr̃isto Iesu. \v 14 na suihan Tanume Tapu atu mo lo toho hinir̃a, o matahi mamahuni retivarar̃uhu r̃uhur̃uhu atu God mo silea isam. \p \v 15 Timothy ko levosahia moiso vara tamlohi tari nike na province matan Asia la vahar̃i hiniau, ale Phygelus peresi Hermogenes enira tatuara. \v 16 Na lo usi God vara i pa r̃omopoi na vao iman Onesiphorus, matan tarea mo lo vai na r̃omiku mo avulahi, ale matan mo sopo matahu vara i mai isaku na ima r̃ilangi, \v 17 ale hin rani atu mo pala Rome mo lo aleau vavano mo pa tapaiau, \v 18 na lo usi Moli vara i r̃omopoia hin rani tavera atu. Ale ko levosahi mamahuni na nona vavahinau tari sei mo lo vaira mataku sei Ephesus. \c 2 \s1 Tamlohi Vuro Non Iesu Kr̃isto \p \v 1 Natuku Timothy, r̃omr̃uhu sei mo lo toho isan Kr̃isto Iesu, i pa tueniho na nona suiha, \v 2 ale sava vujangi ko rongoa isaku moiso na naho tamlohi matuvana, o mele silea isana tamlohi sei, la taurilati na nora retitauhi tarea, ale la er̃i vujangi mamahunia na tinapua hinia, \v 3 o tatamahu mata lavi na nom rani r̃ilangi sohena tamlohi vuro r̃uhu matea non Kr̃isto Iesu. \v 4 Mo sopo te tamlohi vuro i lo usuri na mauri tamlohi purongo matan nona r̃omr̃omi enia vara i vai haratu mo vir̃onia i avulahi. \v 5 Tamlohi roro matea i pa sopo er̃i lavi na otori mata roro vara mo sopo usuri na leu mata roro. \v 6 Mo tataholo vara tamlohi r̃ilar̃ilangi mata voko na isa i lavi na vua asitauni tiroma. \fig |alt="2Ti 2 soldier" src="hk00194b.tif" size="col" copy="hk" ref="2 Timothy 2:6" \fig* \v 7 O lo r̃omr̃omi na sava na lo verea, matan Moli i pa sileho na lelevosahi matan la hinau tari atu. \p \v 8 O tau na r̃omim hin Iesu Kr̃isto, tahisan Supe David tuai, enia mo mele turu na mateia sohen na lo retivujavujangi hinia na noku Retir̃uhu, \v 9 matan na lo retivujavujangi hin Retir̃uhu sei, na lo lavi na rani r̃ilangi, la pesiau na jen sohena tamlohi sasati matea. Pani tea i sopo er̃i taurilati na reti non God! \v 10 Ale matana, na lo turu r̃ilangi hin la hinau atu matan vara la haratu God mo vir̃onira la pa er̃i juri, ale la lavi mauri atu hin Kr̃isto Iesu peresi na hasohasona tavera sei mo sopo te isoisona. \v 11 Harihi enia retivarar̃uhu: \q1 Vara r̃a mate peresia, \q2 r̃a pa mauri peresia; \q1 \v 12 vara r̃a turu r̃ilangi, \q2 r̃a pa tauri na suiha peresia; \q1 vara r̃a vunvunia, \q2 i pa vunvunir̃a; \q1 \v 13 vara hina purongo vara r̃a sopo r̃omturu r̃ilangi, \q2 enia mo lo r̃omturu r̃ilangi, \q2 matan enia i sopo er̃i posi na r̃omina. \s1 Tamlohi R̃uhu Mata Voko \p \v 14 O mele verera hin la hinau nike, ale o retileu isara na nahon God vara la sopo vauriuri mata retireti, matan posposi sei mo sopo vai te hinau i r̃uhu, pani i pa komo na rasua non la haratu la lo tapurongo hinira. \v 15 O lo kilau mamahu vara o lo hahau tataholo na nahon God na posposi mo opoia, sohena tamlohi voko matea mo sopo te hinau vara i pa mahanuhanu matan enia mo vujangi mamahuni na retivarar̃uhu. \v 16 Pani o toho asau na retireti vono nona tamlohi varama purongo, matan enia i pa vai la haratu la lo usuria la mele sati jea na posposi varama, \v 17 ale nora retireti la pa varhasahi sohena r̃anga sola sohen Hymenaeus peresi Philetus, \v 18 enira la lo jalio na malele mata retivarar̃uhu la vujangia lara rani sauteterahi mo pete masese moiso, retireti sohena mo komo na rasua nona tamlohi hai. \p \v 19 Pani retivarar̃uhu non God mo sohena pulo vatu matea mo lo turu r̃ilangi, ale uliuli hinia mo verea vara, ‘Moli mo levosahi na nona tamlohi’ ale ‘la haratu la lo verea lara enira la tamlohi non Moli, la pa vahar̃i na posposi sasati tari’. \rq Num 16.5\rq* \p \v 20 Na iman tamlohi tavera matea, o pa sopo hite na pesin la vaia na gold teni silver purongo, pani o pa hite te pesin la vaia na pahai teni lepa. Hai la tauhasehira mata hanhani tavera purongo, hai mata hanhani purongo. \p \v 21 Matana, vara tea mo lo toho asau na posposi sasati, i pa sohena pesin la tauhasehia mata vavahinau r̃uhu purongo, la tapuhia mata vavahinau r̃uhu non tamlohi tavera matan ima atu, mo lo tatamahu mata vavahinau r̃uhu tari. \v 22 Ale matana, o rovo na masalo uluvou, ale o tutungui na posposi tataholo, rasua, opoia peresi na tamata peresi la haratu sei la lo tovi Moli la haratu mapura la vokevoke. \p \v 23 O toho asau na r̃omr̃omi sei la rongorongo vono, ale sorasora vono, ko levosahia vara vuan hinau atu enia vasvas purongo. \v 24 Ale volitusi non Moli i pa sopo tamlohi vasvas, pani posina i pa r̃uhu na tamlohi tari, i pa er̃i vujangi, i pa r̃omperavu, \v 25 i pa vaitataholoi la haratu la turuposi hinia na r̃ommalum. Korong God i pa silera na masapa teni i vono vara la er̃i vahar̃i na nora hehe, ale la levosahi na retivarar̃uhu, \v 26 ale vara r̃omira la mele mai, la er̃i rovo na vuna non Tiapolo, matan tiroma enia mo taurilatira matan vara la pa vai na masalona. \c 3 \s1 Na Pongi Hitahu \p \v 1 Pani o lo levosahi harihi: na pongi hitahu, rani r̃ilangi sasati la pa mai. \v 2 Matan tamlohi la pa hase opoira, la pa opoi na mania, la pa hase taura aulu, la pa hapahapa, la pa retiretileji, la pa sopo oloolo na tamara teni tinara, la pa sopo vere meje matan te hinau, la pa sopo sile na oloolo isan te hinau mata oloolo, \v 3 mo sopo te r̃omopoia hinira, r̃omira la pa sopo jovi matan te hina r̃uhu tea mo vaia isara, la pa verelejileji na hija tamlohi tinapua, la pa usuri na masalora purongo, la pa r̃ompurongo na mauri, la pa r̃ohu na hina r̃uhu, \v 4 la pa tamlohi turuposi, la rongorongo vono, la r̃omvono, la r̃omaulu, la pa opoia vara la rongo i r̃uhu purongo, pani la pa r̃ohu vara la opoi God, \v 5 o pa hitera la vaia sohena la lo usuri na posposi God mo opoia, pani la pa sopo levosahi na suiha matan mauri sei God mo lo silea. Ale o sopo tapala peresi na tamlohi sohen haratu, \v 6 matan vonara hai la lo unu na ima tamlohi vara la haluhalu na har̃ai rongorongo vono sei hehe nona har̃ai la puhonira, ale masalora sasati tinatinapua la lo revera, \v 7 tarea la har̃ai atu la opoia vara la lavi na lelevosahi, pani la pa sopo er̃i tikeli na levosahi mata retivarar̃uhu. \v 8 Mo sohen Jannes enia Jambres sei la turuleji hin Moses tuai, ale la tamlohi nike sohena la turuposi na retivarar̃uhu, ale la lo vaikomokomo na r̃omira, ale na mauri rasua, God mo tipahira. \rq Exo 7.11 \rq* \v 9 Pani la pa sopo er̃i turu i tuai, matan tamlohi la pa hitevosahia vara nora rongorongo vono mo sohen la tamlohi tupra rua atu tuai. \p \v 10 Pani engko, ko lo usuri na noku vujangi, posiku, r̃omiku mata mauri, noku rasua, noku r̃omperavu, noku opoia, posiku mata turu r̃ilangi, \v 11 ale ko levosahia sohena sava tamlohi la pa tipahiau, ale rani r̃ilangi sei tamlohi la lo silea isaku hin la jara sei Antioch, Iconium peresi Lystra, la rani tipahi atu la sati jea, pani noku Moli mo juriau hin la hinau tari atu! \v 12 Varar̃uhu, na lo verea vara tamlohi la pa tipahi na tamlohi tari sei la opoia vara la usuri mauri atu God mo opoia hin Kr̃isto Iesu. \v 13 Pani tamlohi sasati peresi na tamlohi halu la pa mai la mele sasati jea, la pa lo halu, ale tamlohi la pa halura. \p \v 14 Pani engko o lo turu r̃ilangi na hinau tari ko lavira moiso, ale ko levosahia mo r̃uhu vara enira retivarar̃uhu, matan ko levosahi hare mo vujangiho hinira, \v 15 ale mo tapulo na rani engko ko pa lo natirihi ko pa levosahi na Retiulia tapu, enira natu purongo la er̃i vaiho o lelevosahi mata juri na malele rasua hin Kr̃isto Iesu. \v 16 God mo mangovi na Retitapu tari, enira la r̃uhu mata vujangi, mo r̃uhu mata i vaitataholoi na r̃omr̃omi mo sopo tataholo, mo r̃uhu mata i mele vaitataholoi na posposi tamlohi, ale mo r̃uhu mata vujangi na malele matan mauri atu mo tataholo, \v 17 matan vara tamlohi non God i mai tamlohi er̃ier̃i matea matan mo tatamahu moiso mata vavahinau r̃uhu tari. \c 4 \p \v 1 Na nahon God peresi Kr̃isto Iesu, enia haratu sei i pa ari la haratu la lo mauri peresi la haratu la mate hin rani tavera atu i pa pala, ale i pa Supe na varama, enau na lo vere harihi isam, \v 2 o retivujavujangi na Reti non God; o tatamahu tarea vara o vaia, hina purongo vara tamlohi la opoia teni la r̃ohu hinia, o pisuhi na hehe nona tamlohi, o vere mamahunia na posposi lejileji, o retituetueni, ale o r̃omr̃omi peravu hin la hinau sei. \p \v 3 Matan rani mo lo mai vara tamlohi la pa sopo tapurongo na vujangi r̃uhu, pani la pa takonahi la tija atu sei la lo vujangi la hinau sei mo lo usuri na masalora purongo. La pa usuri na vujangi purongo sei mo memeje na perora. \v 4 La pa pelati na perora la vahar̃i na retivarar̃uhu, ale la pa usuri na sorasora halu mata hinau matan tuai. \p \v 5 Pani engko, tarea r̃omim i lo mera, o turu r̃ilangi na rani r̃ilangi, o vai na vavahinau nona evangelist, o vai vevuhi na nom vavahinau. \v 6 Matan nake mauriku la sureia mo sohena wai silesilea matea isan God, noku rani mate mo mai moiso. \v 7 Na pete vai na valum r̃uhu peresi na maromaro moiso, matan na turu r̃ilangi hin retivarar̃uhu atu na lo vujangia mo tikeli nake. \v 8 Ale nake, God mo tau mamahuni na r̃ongor̃ongo nona supe mataku mata noku mauri tataholo. Moli sei enia haratu mo lo ari tataholo, i pa silea isaku hin rani tavera atu, ale mo sopo isaku haseku, pani isan la haratu r̃omira mo tavera la lo kilau mata nona mele pala na varama. \s1 Retireti Mata Tueni Timothy \p \v 9 Timothy, o vaihitea vara o mai isaku vila. \v 10 Matan Demas mo opoi varama nike, ale mo rovo hiniau mo vano Thessalonica, ale Crescens mo vano Galatia, ale Titus mo vano Dalmatia. \v 11 Luke hasena mo lo toho peresiau. \p Mo r̃uhu vara o lavi Mark i mai matan i pa er̃i tueniau tavera na vavahinau non Moli. \v 12 Na r̃ule Tychicus mo vano Ephesus. \v 13 Vara ko mai, o lavi na noku ruru hamariri sei na taua na iman Carpus na vanua Troas. O lo r̃omr̃omia vara o pa lavi na puku atu, ale o sopo r̃omaliho na viriviri pepa.\f + \fr 4:13 \fq viriviri pepa: \ft Hijan hinau sei tuai la lo uli na Retiulia non God hinia la vaia na huri nani, teni pepa.\f* \v 14 Alexander tamlohi atu mo lo voko na aen kopa, enia mo vaisatihiau, pani Moli i pa volia i tataholo na sava mo vaia. \v 15 O lo kilauho hasem matan Alexander, matan enia mo lo turuleji r̃ilangi na nor̃a retisohai. \v 16 Tiroma na noku vaihite na nahon Supe matan Rome, tea mo sopo turu peresiau, pani enira mo isoiso la rovo hiniau, i pa r̃uhu vara God i r̃omira matana. \v 17 Pani Moli mo lo turu na pahisaku, mo sileau na suiha matan vara a er̃i retivujavujangi vevuhi na nona retisohai isana tamlohi r̃or̃oha, matan vara la er̃i rongovosahia. Pani Moli mo juriau, vara i vono, la viliau moiso. \v 18 Moli i pa juriau na vavahinau sasati tari vara la pa sopo komoau, ale i pa laviau a unu hin mauri atu mo supe hinia na tuka. Isana, hasohaso tavera i vano mata rani tui tui, tarea. Amen. \s1 Isoiso Reti \p \v 19 O sile na noku retioloolo isan Priscilla enia Aquila peresi na vao iman Onesiphorus. \v 20 Erastus mo lo toho Corinth, Trophimus na taua mo rojo na taon Miletus. \v 21 O to vaihitea vara o mai tiroma moiso i pa taro hamariri. Eubulus, Pudens, Linus, Claudia peresi na vorai tari na rasua la sohai na nora retioloolo isam. \p \v 22 Noku usiusi vara Moli i pa lo toho na maurim, nona r̃omr̃uhu i pa lo toho isamim. \fig |alt="logging" src="hk00127b.tif" size="span" copy="Hk" ref="2 Timothy 4:22" \fig*