\id 2TI Tagin: Bible Translation 1st Edition
\ide UTF-8
\ide Unicode (UTF8)
\h 2 Timoti
\toc1 TIMOTINYI Paul gv Siti Lvnyinvbv jinam
\toc2 2 Timoti
\toc3 2Tim
\mt1 TIMOTINYI
\mt2 Paul gv Siti Lvnyinvbv Jinam
\imt Mintamchonam
\ip \bk Paul gv Timotinyi siti jidvnam \bk* si ninyia ridornv boru gubv mvngla minsarnam gaamv achialv yadu. Gaam gv alo jvngv saktv svnga mindu. Timotinyi hirukaya nga hinjeka okv nyi vdwv nyiru bv rijeka tamsarnvbv okv ebenjelist akobv ninyigv ridung nga rila Jisu Kristo gv kaalwkbv rila Alvnv Yunying gvla okv Aku Pvbv gv jvjv nga minbvribv tvvlaka vla mintvmiru namgo.
\ip Timotinyi vbv akusubv gamrw toku “Pvcha okv chimapamubv lardar minsu kolo” remingdakming gvyoka vla vkv nvngv nyi gv lvgabv alvnvgobv rima, vbvritola bunua tvyakayanv nyi vdwv ngooyare.
\ip So mvnwng sokv, Timotinyi siti sum lvknv gv rinamdaknam ha kaagv sila ka vtoku— ninyigv mvngjwng nga, saktv nga, paknam ha, okv mvdwkmvku kolo hirukaya hinam a kaagv sitoka vla akusubv gamrw toku.
\iot Arwng lokv darlinnam
\io1 Mintamchonam \ior (1:1-2)\ior*
\io1 Hartv okv mintvmiru \ior (1:3—2:13)\ior*
\io1 Tamsar okv gamrw \ior (2:14—4:5)\ior*
\io1 Paul gv atubogv rinamdaknam \ior (4:6-18) \ior*
\io1 Minyakunam \ior (4:19-22) \ior*
\c 1
\p
\v 1 Jisu Kristonyi akin laikula milv kunam turnama ngonu paareku vla japgo modukubv Kristo Jisu gvlo apostol gubv rikunv Paul gvlokv sum siti sum lvkdunv—
\p
\v 2 \x - \xo 1:2 \xo*\xt Nyim 16:1\xt*\x* Ngoogv aya kunam kuunyilo, Timotinyi:
\p Ngonugv Abu Pwknvyarnv okv Jisu Kristo ngonugv Ahtu nonua anyubv paknam ha, aya nga, okv sarsopoyo nga jigv yika.
\s Umbonyikv vnam okv mintvmirunam
\p
\v 3 Ngoogv abuapa vdwgv rinam apiabv, ngoogv mongrumara lokv mvngdarsakdarla rijivngji kunam Pwknvyarnvnyi ngo umbonyikv vdunv. Ngo aluayu bv kumku lo nam mvngpala ngo ninyi umbonyikv vdunv. 
\v 4 Ngo no gv nyikla sarnam ha mvngpa dunv okv ngo nam kaanwng dukunv himpu hv ngoogvlo doolwk dukubv. 
\v 5 \x - \xo 1:5 \xo*\xt Nyim 16:1\xt*\x* Ngo no gv alvbv mvngjwng nama mvngpa dukunv, no gv ayu Lois okv no gv anv Eunis ka vbv mvngjwng dootoku. No ka vbvridu vla ngo mvngjwkjwrwk dukunv. 
\v 6 Vkvlvgabv ngo nam minpa jidunv vdwlo ngoogv laak kv nam lakpo bvdw Pwknvyarnv nam anyubv amin jitoku ho jinam ha no turbwng molaka. 
\v 7 Vkvlvga Pwknvyarnv gv ngonua Dow jinamv ngonua busu gvdubv jima; vmabvya ninyigv Dow ngv ngonua jwkrw dubv, pakdubv okv atuv saktv sidubv mvya dunv.
\p
\v 8 Ngonugv Ahtu gv lvgabv ogu minse rise nga no hinyinghiru mabvka; okv Kristo gv lvkwngbv patwk doonv ngoogv lvkwng bvka ogu minse rise ngaaka hinying mabvka. Pwknvyarnv nam gwlwk ka jipv, vbvrila no Alvnv Yunying lvgabv hirukaya nga hindula no gv rise nga rilaka. 
\v 9 Hv ngonua ringtoku okv ninyigv nyi vdwbv goktoku, ngonugv rinam lokvma, vbvritola ninyigv mvngnam lokv okv anyubv aya lokv sum ritoku. Dw gv aatv madvbv Kristo Jisu gv lokv Pwknvyarnv ngonua ninyigv so anyubv aya nga jitoku, 
\v 10 vbvritola ngonua Ringjikunv Kristo Jisu gv aanam lokv um kaapa mopvku, hv sinam gv jwkrw nga ngoomu pvku okv gamlv ngv turnama kaatam duku.
\p
\v 11 \x - \xo 1:11 \xo*\xt 1Tim 2:7\xt*\x*Pwknvyarnv nga Alvnv Yunying nga japgo kardu kubv apostol okv tamsarnv akobv tolwk pvkunv, 
\v 12 okv vkvlvkwngbv ngo svkvnv hirukaya nga hindukunv. Vbvritola ngo vjaklodvbv mvngtin bwdunv, ogulvgavbolo ngo yvvnyi mvngjwng dudw um ngo chindu, okv ngo jvjvbv mvngdu hv ngam ogugo ridubv minpvdw ho Alu lobv nga ringla doolin more.\f + \fr 1:12 \fr*\fqa nw ngam ogugo ridubv mimpv kudw; \fqa*\ft Vmalo \ft*\fqa ngo ninyia ogugo ridubv mimpv kudw\fqa*\f* 
\v 13 No gv kaaring sila riming gvnam lvgabv, ngoogv naa jvjvnv gaam tamsarnam vdwa rwkrwkbv gakbwng laka, okv Kristo Jisunyi akin laikula ngonu gvbv rikunv mvngjwng okv paknam lo doobwng laka. 
\v 14 Ngonu gvlo doonv, Darwknv Dow gv jwkrw lokv nonua ogunvgo minpvkudw hoogv alvnvnga vvpv laka.
\p
\v 15 Pigelus okv Hermogenes bunyia mintala, Asia mookugv nyi mvnwngngv, ngam topak kunam ha no chindu. 
\v 16 Pwknvyarnv Onesiporus gv vpin ha aya kaatam runglaka, ogulvgavbolo hv ngam awgo mvngpu dubv mvtoku. Hv ngam patwklo doopv vla hinying mato, 
\v 17 vbvritola vdwlo nw Rom lo aachi tokudw, nw ngam mapama lodvbv makar toku. 
\v 18 Pwknvyarnv ho Alu lo ninyia aya jilaka! Okv no alvbv chindu Epesus lo hv ngoogv lvgabv achialvgo riji toku.
\c 2
\s Jisu Kristo gvlo bivmanv Sipai
\p
\v 1 Kristo Jisu nyi akin gubv rilaikula anyubv aya paanam lo, ngoogv kuunyilo nga, no gwlwk rungbvka. 
\v 2 Ngoogv nyi tvyakayanv vdwgv kaagialo tamsarla japgo jiku nama no tvvpv kunv, ho tamsar nama no naalaka, okv ho vdwa nyi mvngging kunam yvvbunudw kvvbi vdwaka tamsar nyula dunv ho vdwgvlo tolwk jilaka.
\p
\v 3 Kristo Jisu gvlo no bivmanv sipai bv rila, hirukaya nga hindubv mvngto laka. 
\v 4 Sipai akonv alvbv kudungkua rikulo orto jiyanv nyigam ha mvngpu dubv ridubv mvngla sipai rimanv kvvbinyi vdwgv kudungkua rinam apiabv rila riorichi madunv. 
\v 5 Jokkwsinv ngv ho gv pvbv nga tvvma bongv amina paanyu madunv 
\v 6 Rongo rinv yvvdw rongo nga raaibv rilwk dunv hv nvvkum rikunyi paatupaake bv baak go paarung dukunv 
\v 7 Ngo ogunvgo mindudw no mvngdi kaatoka, ogulvgavbolo Ahtu nam ho mvnwngnga chindu kubv mvre.
\p
\v 8 Ngoogv Alvnv Yunying japji kunamv si, Dabid gv husi bv rikunv, sinam lokv turkurla gudung kunvngv Jisu Kristo, um no mvnggap tvvlaka. 
\v 9 Ogulvgavbolo ngo Alvnv Yunying nga japgo dunv, ngo hirukaya dunv, okv ngo minggiolegionv nyi aingbv lvpia ngaaka gvdunv. Vbvritola Pwknvyarnv gv gamchar vdwa lvpia lwkla vvpvma, 
\v 10 okv vkvlvgabv ngo Pwknvyarnv gv darkunam nyi vdwgv lvgabv ngo saktv dukunv, vkvlvgavbolo bunuka Kristo Jisu gvlo aanv ringlinbaalin nama paamu dukubv okv hv ngemanv yunglit ha naalwk duku. 
\v 11 Si jvjvbv minamv:
\q1 “Ngonu ninyia lvkobv sikubolo,
\q2 ngonuka ninyia lvkobv turming gvreku.
\q1
\v 12 \x - \xo 2:12 \xo*\xt Mt 10:33; Lk 12:9\xt*\x* Ngonu saktv nama ribwng bolo,
\q2 ngonuka ninyia lvkobv rigvdogv minggv reku.
\q1 Ngonu ninyia toa kubolo,
\q2 hv ka ngonua toa tareku.
\q1
\v 13 Ngonu jwkjwkvrwk bv rima jeka
\q2 hv jwkjwkvrwkbv ribwngnv,
\q2 ogulvgavbolo hv atubongv mvvnyu lamadunv.”
\s Mvnglwkkaalwk bv kudungkua rinv
\p
\v 14 Sum noogv nyi vdwa minpa jilaka, okv Pwknvyarnv gv kaagialo bunua gaam gv lvkwngbv padar minsu mabvka vla gamrw tolaka. Vbvrinamv ogu alvnvgobv rima, tvvnvkaanv vdwa alvmoma mvngdu. 
\v 15 No noogv lvgvlvma bv Pwknvyarnv gv kaalwk bv ridubv mvngla rilaka, kudungkua rinv gv ninyigv kudungkua nga hinying manv aingbv rilaka, Pwknvyarnv gv jvjvnv doin a lodataka bv japnv gobv rilaka. 
\v 16 Minyingmiru okv pvcha gaam raakulo adu tvvlaka, hvkvnvngv nyi vdwa Pwknvyarnv gvlokv adu yaya modunv. 
\v 17 Vkvnv tamsar hv vbvridu ungv kaapanv ayakka dvmechekenv aingbv ridunv. Nyi anyigo hvbv tamsar bongv Haimenias okv Piletus bunyi. 
\v 18 Bunu jvjvgv lamtv nga kiyu lakula vbv mindu ngonugv turkurkunam mv riro pvkunv vla minla, mvngjwngnv nyi vdwgv mvngjwng nga mvngrugoya modu. 
\v 19 \x - \xo 2:19 \xo*\xt Num 16:5\xt*\x*Vbvritola Pwknvyarnv gv hvngdwngnv lvngtung ngv vdwloka biv nyumare; okv hoka gamchar vdwa svbv lvkpv: “Ahtu chindu yvvbunudw ninyi gvbvrinv nga” okv “Yvv bunu Ahtu gv nyi bv ridunv vla mindunv bunu rigakpanam a topak lakuka.”
\p
\v 20 Naam namtv kolo pvchwng odung nvgwngnv achialvdu: kvgonv raaji okv ain lokv mvnam go, kvvbi vdwv vsing okv takam lokv mvnam go; kvgonv dinchinv kudungkua lo rinv dubv okv kvgonv dinchimanv lo rinv nvdubv. 
\v 21 Yvvbunudw darwkbv risudaksu dunv, bunua alvnvlo rinv nvre, ogulvgavbolo bunu Ahtu gvlo tolwk sila okv ninyigv dinchinv nyi bv rila alvnv kudungkua mvnwnglo rinv nvdubv ridunv. 
\v 22 Singchanvgv mvngnamsaknam ha topu tokuka, okv tarwkbaak, jwkjwkvrwk, mvngjwngnam, paknam, okv sarsopoyo nga ho vdwa paadubv rikw laka, yvvbunudw haapok sin v darwk dunv ho lvkobv Ahtunyi ridurkoodubv kooto laka. 
\v 23 Vbvritola pvchabv okv chimapamubv larmi sunam lo adu tvlaka; no chindu vkvnv yalung dunam lo gomwng dunv. 
\v 24 Ahtu gv pakbu bv rinv, no yalung durung mabvka. No mvnwngnga aya nvgobv rito laka, alvnvgobv okv saktvnv tamsar nvgobv, 
\v 25 nam nyirunv vdwa minbwkmilo jitv rinyi damdv bv rilaka lvkonyika Pwknvyarnv bunua alvnv dw nga jila mvngdin mola okv jvjv nga chimunam guka doolare. 
\v 26 Okv vbvrikubolo mvngbwk laikula bunua naatungla mvngwngbv riminnv Uyu gv amin mvnamlo aaku mareku.
\c 3
\s Ataranya Alu vdwv
\p
\v 1 Mvnggap tvvlaka ataranya alu vdwlo hirukaya yayabv rire 
\v 2 Nyi vdwv nabung nyareku, dvgum nyareku, goolingua reku, okv hartvbamtv sure; bunu nyarjitari re, bunugv anvabu minam ha tvvmare, nyi nga umbonyikv mvngnam kaaku mare, dormo rimanvbv rire; 
\v 3 bunu aya mvngpa kumare, hilok minsi namgo kaaku mare, meyem minsire, paminaami sireku, okv byokchare; bunu alvnvnga kaanwng mareku; 
\v 4 Bunu gwngkup nvgobv rire, ritormintor nyuma nambv rire, okv goolinguala kaimvngsure; bunu Pwknvyarnvnyi svnga himpukain yanga pakyare; 
\v 5 Bunu ngonugv dormo so gv jwkrw jvjv yanga toa gvrila, agumlo alvbv rinv aingjvbv rila kaatamre. Vkvnv nyi vdwlokv adu tvlaka. 
\v 6 Bunu kvgonv nyi vdwgv naam lo vngre okv yvv nyimv vdwv atubogv rimur gv vge nga gvvdudw okv nvgwngnv mvngnamsaknam mv ninyia pula vnggvdukudw vkvnv lvvkumanv nyimv nga chaatinkorbo nyadu. 
\v 7 Nyimv vdwv alu gv dwkia chindubv rikwdu vbvritola bunu vdwloka jvjv nga chinyu mato 
\v 8 \x - \xo 3:8 \xo*\xt Mog 7:11\xt*\x*Jannes okv Jambres bunyigv Mosesnyi rinyingriru nam aingbv, so nyi vdwsi jvjv nga rinyingrirudu—nyi vdwgv dumpo ngv adarapa kuma okv mvngjwnglo ajwkalak kuma nyanv. 
\v 9 Vbvritola bunu achialvbv adu jego vngyo mare, oguglvgavbolo mvnwngngv bunua achialvbv pvcha nvgobv kaareku. Jannes nyila okv Jambresnyi vbvdvdv ritoku.
\s Minyabv Minsarkunam
\p
\v 10 Vbvritola no ngoogv tamsar kolo, ngoogv rekordokor, okv ngoogv turnam gv lvkwngbv mvngnamsaknam um no tvvmikaami gvdu; ngoogv mvngjwng nga, ngoogv saktv nama, ngoogv paknam ha, ngoogv himv nama, 
\v 11 ngoogv mvdwkmvku hinam ha,\x - \xo 3:11 \xo*\xt Nyim 13:14-52; Nyim 14:1-7; Nyim 14:8-20\xt*\x* okv ngoogv hinching chingnam ha no kaakitao pvkunv. No chindu vbv nga rikuv Antiok lo, Ikonium lo, okv Listra lo, hilvkumanam mvdwkmvku vdwa ngo himv pvkunv! Vbvritola Ahtu ngam bunugv lokv ringya pvkunv. 
\v 12 Nyichar mvnwngngv yvvbunudw Jisu Kristonyi akingobv rinv daknvpv vla Pwknvyarnv jvbv turdubv mvngnv vdwv mvdwkmvku nama paarung dunv; 
\v 13 alvmanv nyi vdwv okv kupnv riapnv vdwv abuyayabv alvmabv ribwng dvdvre, kvvbia kuplariapla rire okv atubongvka kupsu nyare. 
\v 14 Vbvritola nonua jvjv nga tamsarkinu pvkunv okv hvngdwngbv mvngjwng mopvkunv, ho doobwng dvdv laka, okv nam tamsarnv vdwv yvvbunudw um no chindu, 
\v 15 okv no mvngpadu noogv vmi anga rilokv rila, no Darwknv kitap ha chimpvkunv, hv nam mvngkimvnglak ha jila nvngv okv Jisu Kristonyi mvngjwng lokv ringlinbaalin lo vnggvnv. 
\v 16 Darwknv kitap mvnwng si Pwknvyarnv gv saklwknamv\f + \fr 3:16 \fr*\fqa Darwknv kitap mvnwng si Pwknvyarnv gv saklwknamv okv si rinvnvdubv ridunv; \fqa*\ft Vmalo \ft*\fqa Darwknv kitap Pwknvyarnv gv saklwknam si rinvnvdubv ridunv.\fqa*\f* okv si jvjv nga tamsar sarnvnv, rimur ha yamnvnv, rigakpanam a rijwk nvnv, okv tarwkbaakbv rinamdoonam lvgabv tamsarkinunv, 
\v 17 vkvlvgavbolo yvvdw Pwknvyarnvnyi rijivngjinv hv alvnv ogugumvnwng nga rinam lvgabv mvpvripv sila riyin nvgobv ridukubv.
\c 4
\p
\v 1 Pwknvyarnv gvla okv Kristo Jisu gv kaagialo, yvvkudw sinv ngala okv turnv vdwa jwngkadaka kujinv, okv oguglvgavbolo nw Dvbv gubvrila rigvdogv tvbv aariku, ngo nonua dinchirungbv mintvmiru dunv 
\v 2 doin a japji laka, (japdw hv aadu lo aama dvlo) um no japbwng laka, miayadubv, yamdin dubv, okv mintvmiru dubv, noogv ogumvnwng nga kvnwkrvkwk mabv tamsarnam jvbv japbwng jilaka. 
\v 3 Vkvnv dw hv aariku nyi vdwv alvnv doin ha tvvnwng kumare, vbvritola bunu atubogv mvngkulo vngya reku okv bunu atubogv lvgabv tamsarnv kai yayago naakum reku hv bunu nwbunugv tvvnwng ngv aakbriak nama minji moreku. 
\v 4 Bunu jvjv yanga tvvmabv mookor reku okv krim gv higuhirak yanga dinchi yabv tvvriare. 
\v 5 Vbvritola no atubongv svkvnv adwkaku himpukain mvnwng lokv naatung sulaka; hinching nga himv sulaka, Alvnv Yunying nga japjinv gubv ribvla kudungkua nga ritolaka, okv Pwknvyarnv gv pakbu gubv noogv risevngse mvnwngnga rito laka.
\p
\v 6 Ngo gvbvdv, siring jidubv dwv aaduku; nyiamooku so turla singnam sum topudw ngv si aapvku. 
\v 7 Ngoogv jokkwsise ngam ngo alvyachokbv jokpv kunv, ngoogv jokse mvnwngnga \f + \fr 4:7 \fr*\fqa mvngjing dvdvaka; \fqa*\ft Vmalo \ft*\fqa ngogv milv naamv jvje vrong.\fqa*\f*joknya pvkunv, okv ngo mvngjwng nga topak mato. 
\v 8 Rigumyala Pwknvyarnv gvlo tarwkbak kunamgv aminv ngam kaayadu, Ahtu, jvjvbv jwngkadaka yanv gv ngam ho Alu lo jiji kunamv—okv ngam mwngma, yvvbunudw paknam gv lvkobv ninyigv aaku jinam ha kaayala doonv mvnwng ngaaka.
\s Atubogv Gamchar vdwv
\p
\v 9 No ngoogv soka baapubv aagornam lvgabv lvgvlvma bv gwngto laka. 
\v 10 Demas nw vjakgv nyiamooku sum mvngbiu yalakula ngam topak roku, \x - \xo 4:10 \xo*\xt Kol 4:14; Pilem 24; 2Kor 8:23; Tai 1:4\xt*\x*Tesalonika vngyu roku. Kresens Galatia bv vngroku, okv Taitas Dalmatia bv. 
\v 11 \x - \xo 4:11 \xo*\xt Kol 4:14; Pilem 24; Nyim 12:12,25; 13:13; 15:37-39; Kol 4:10; Pilem 24\xt*\x* Luk mvngchik ngam lvkobv doodu. Marknyi paamisilayila no lvkobv aagvlaka, ogulvgavbolo nw ngam kudungkua lo ridur nyure. 
\v 12 \x - \xo 4:12 \xo*\xt Nyim 20:4; Epe 6:21,22; Kol 4:7,8\xt*\x* Taikikasnyi ngo Epesus bv vngmupvnv. 
\v 13 \x - \xo 4:13 \xo*\xt Nyim 20:6\xt*\x*Vdwlo no aarikudw Karpasnyi lvkobv Troas lo ngoogv vngyu kunam vji laklwk ha bvnglwk jilabv; kitap vdwaka bvnglwk jilabv, okv apin lokv mvnam kitap anga dinchi yabvka.
\p
\v 14 \x - \xo 4:14 \xo*\xt 1Tim 1:20; Miri 62:12; Rom 2:6\xt*\x* Alekjendar riokdar kudungkua rinv angv ngam hinchap namgo ripv; Nw ogugo ripv kudw Ahtu ninyia rirwk sire. 
\v 15 No ninyia atubongv hima sulaka, ogulvgavbolo hv ngonugv doin japrinyi mintor ritor dubv achialvbv yalungyachung bv ridunv.
\p
\v 16 Atuake ho yvvka ngam ridummindumnv kaamato ngo atubongv mvnging sula risupvnv; mvnwngngv ngam toapagga nyato. Pwknvyarnv vkvnv hum kila bunua rinying mabvka vla kumdunv! 
\v 17 Vbvritola Ahtu ngam lvkobv dootoku okv ngam gwlwk a jitoku, vkvlvgabv ngo doin ha kairungbv Jentail vdwa tvvdubv japgo nyulato; okv ngam sidukubv minbwk kunam a ringtoku. 
\v 18 Okv Ahtu ngam alvmanv mvnwng loka ringre okv ninyigv nyido Karv lo ngam ringchumriaila vnggvreku. Dvbvsingtambv yunglit namv ninyi gvbv doobwng yilaka! Amen.
\s Minyabv Kumrwklvtak kunam
\p
\v 19 \x - \xo 4:19 \xo*\xt Nyim 18:2; 2Tim 1:16,17\xt*\x*Ngo Prisila nyila Akuilanyi okv Onisiporas gv vpin ha ngoogv kumrwklvtak ha jidunv. 
\v 20 \x - \xo 4:20 \xo*\xt Nyim 19:22; Rom 16:23; Nyim 20:4; 21:29\xt*\x*Erastus Korinth lo doolwkro, okv Tropimusnyi ngo Miletus lo vngyu tvbv, ogulvgavbolo nw lvvmato. 
\v 21 Noogv lvgvlvma lokv rila svkar poolu hv kartv madvbv aadu bv rilaka. Eubulus, Pudens, Linus, okv Klaudia bunu kumrwklvtak ha jilwk nyapv, okv Kristan kvvbi vdwvka vbvdvdvbv jilwknyapv.
\p
\v 22 Ahtu nonugv dow a lvkobv rilaka.
\p Pwknvyarnv gv aya ngv nonu mvnwngnga lvkobv reming gvlaka.