\id 1PE Tagin: Bible Translation 1st Edition
\ide UTF-8
\ide Unicode (UTF8)
\h 1 Pitar
\toc1 PITAR lokv Siti jichonam
\toc2 1 Pitar
\toc3 1Pit
\mt1 PITAR
\mt2 lokv Siti Jichonam
\imt Mintamchonam
\ip \bk Pitar gv lvkchonam siti\bk* si yordampeelv gv Asia mooku mvnwng lo dookadoya karnv “Pwknvyarnv gv nyi darkunam vdwv,” vla minam kristan vdw sum lvkdumlvjvla lvktoku. Soogv siti gv lvkdung jvngv si purila rinv vdw sum oogv bunugv mvngjwng nam lvgabv hirukaya am hila okv mvdwkmvkunam am paala rinv um mintvmiru jila mintoku. Lvknv vdwsi Jisu Kristo gv alvnv yunying lvkwng lo ninyigv purinv vdwa mimpa jila mintoku, oogv sila rikunam, turkur kunam okv aakur kujinam gaam am bunua mvngtin dukubv milvpvvkunam um jito. Soogv lvyingbv bunu vdwka hirukaya am laarwk sila saktv rungdubv rirungdo, vbvrinam si bunugv mvngtin sinam sum adwng gvnv bv rika rungdunv vla chirung dubv ridu okv “vdwlo Jisu Kristo gv kaatam rikunyi bunugv amin paadw Alu bv rireku.”
\ip Hirukaya hindw am ninyigv mintvmiru la rinam lo, oogv bunugv siti sum purinv vdw sum Jisu Kristo gvbv rinv nyi bv rirungdubv ridu vla lvknv ngv lvktoku.
\iot Arwng lokv darlinnam
\io1 Mintamchonam \ior (1:1-2) \ior*
\io1 Pwknvyarnv gv ringlinbaalin kunam am mvngpanam \ior (1:3-12) \ior*
\io1 Darwk bv singnamrinam am mintvmirunam \ior (1:13—2:10) \ior*
\io1 Hirukaya hiri lo Kristan vdwgv kudungkua rigv sv \ior (2:11—4:19) \ior*
\io1 Kristan bv rvnyaknam okv kudungkua rinam \ior (5:1-11) \ior*
\io1 Minyungminyanam \ior (5:12-14) \ior*
\c 1
\p
\v 1 Jisu Kristo gv Apostol akobv rinv, Pitar lokv—
\p Pwknvyarnv gv darlin kunam nyebunyi bv tloblobv doosik sikunv, Pontus, Galasia, Kapadosia, Asia okv Bithynia lo doonv vdwa kumrwklvtaksinam siti am lvkdunv. 
\v 2 Nonua Pwknvyarnv Abu gv mvngnam lokv darlin pvnv okv ninyigv Dow lokv nonua darwknv nyi bv ridukubv mvtoku, vv Jisu Kristo gvlo nonua mingku lo vngmu dokubv okv ninyigv oyi lokv sarkak modu kubv vla ritoku.
\p Anyuaya okv sarsopoyo ngv nonugvlo akomaring bv doolwk yilaka.
\s Turnam akonyi mvngtinnam
\p
\v 3 Klai ngonu Ahtu Jisu Kristo gv Abu okv Pwknvyarnvnyi umbonyikv vlaju! Vkvlvgavbolo ninyigv kairungnv ayanam lokv Jisu Kristonyi sikunvnga turkur mokunam lokv hv ngonua anwnv turnam am jila ritoku. Si ngonua turnv mvngtinam lokv pwlwk jidu, 
\v 4 okv vbvrinamv ngonu Pwknvyarnv gv nyi vdwa nyitvrungbv boktalwkji pvvnama laarwk sidubv kaaya dunv. Vkvnv vdw sum ninyi nonugv lvgabv nyidomooku lo, ogolo bunu vdwloka yaaka nyomadudw, vbvmajvka nyeka madudw, vbvmajvka kaapa nyomadudw hoka pvvching jidu. 
\v 5 Oogv boktalwkjinam vdwv nonu gvngv, nonu mvngjwngla Pwknvyarnv gv Jwkrw lo kaachingkaamu dukunv, so si ringlinbaalinam gv lvgabv vvpv pvkunv vv ataranya alu lo kaatam dukubv mvpvripv duku.
\p
\v 6 Vbvrijvka vjvgv so nonuno lvgabv mvngru rungdubv ridu nvpv vkvlvgavbolo hirukaya nam nvgwngnv adwkaku vv nonuno enduku, vbvrijvka nonuno ho lvkwnglo sum himpu sitoka. 
\v 7 Bunugv svbv rinam si nonugv mvngjwng nama jvjv dunvdw um kaabwkrwsik nvnvbv ridu. Ain aka, mvyakmvchak dunv umka vmv lokv ramkwrampak la ridu; okv oogv apiabv nonugv mvngjwng aka, oogv ain aka arv doyanv umka, hingkw rungto, vbvribolo vv hirukaaya hinjvka chetamrvnam gvlareku. Vbvribolo Jisu Kristo gv kaatam sidw alu am Pwknvyarnv gvlo nonuno hartvnama paareku okv paknam gorungbo mvngdv rungnam gobv laarwk sireku. 
\v 8 Nonuno ninyia kaapa makwng jvka, ninyia nonuno pakdu, okv nonuno ninyia vjv kaapa majvka, nonuno ninyia jvjvrungnv ngv vla mvngdu. Vbvrinamv oogv gaam lokv minji lamanam achialvbv kairungnv gobv mvngpunam okv Yunglit kunv um nonugv haapok lo mvngpu mola ridu, 
\v 9 vkvlvgavbolo nonugv ninyia mvngjwng sijo am nonu yalu gv turku nama laarwk sitv duku.
\p
\v 10 Ringbaalinnam soogv lvgabv nyijwk vdwgv kaachartayarla makimaidu okv tvcharkayar la ritoku, okv bunu vdwv nonua oogv Pwknvyarnv gv jisv amin lvkwng lo mincho jitoku. 
\v 11 Vdw nyibvdw okv oguaingbv aaredw \f + \fr 1:11 \fr*\fqa Vdwnyibvdw okv ogu aingbv aaredw; \fqa*\ft Vmalo \ft*\fqa Yvvdw oogv aajinv okv vdwnyi aaredw. \fqa*\f* um bunu vdwv malin nvpv vla rikwto. Soogv dw sum kvvlo Kristo gv yaluv bunu gvlo doolwkla, Kristo gv hindarkaso hinsv nga okv yunglit kusv nga kaatamla riku nama um bunu mincho pvvtoku. 
\v 12 Pwknvyarnv nyijwk vdwgv bunugv oogv kudungkua rinamv bunugv atubogv pwbinpaabin yanam lvga bvma, vbvritola nonugv lvgabv vla kaatam toku, oogv nyido lokv imunam Darwknv Dow gv jwkrw lokv oogv alvnv yunying go gindungpingko vdwgv lokv bunugv vbv oogv lvkwnglo japji kunama um vjak nonuno tvvduku. Svkvnv jvjvnv oguogu soka Nyidogindung vdwvka chinwngla ritoku.
\s Darwk bv singnam lvgabv goknam
\p
\v 13 Vkvlvgabv, nonugv mongrumara lo kudungkua ridubv doya tvka. Nonu chvrv rungbv doya laka, vdwlo nonua Jisu Kristo gv kaatam rekudw oogv boktalwkji jitv kunam um nonugv mvngtin sinam mvnwng nga tinlwk laka. 
\v 14 Pwknvyarnv gvlo tvnvrinv gobv ritoka, okv vdwlo nonu gvlo chingkupaaku mabv ribvdw um nonugv mvngnam lokv rigvdagvnv um nonugv singnam lo rimu koyoka. 
\v 15 Vbvmabvya, nonua goklinnv Pwknvyarnv gv darwknv aingbv, nonugv rinam mvnwng lo darwk nvbv rito laka. 
\v 16 \x - \xo 1:16 \xo*\xt Leb 11:44,45; 19:2 \xt*\x* Darwknv kitap vv mindu, “Darwk tvlaka ogulvgavbolo ngo darwk nvngvla.”
\p
\v 17 Vdwlo nonu Pwknvyarnvnyi kumyidw, nonuno ninyia Abu vla mindu, akin akingv ogubv ripvdw vbvrinam lokv, nyi mvnwng nga lvyinakin bv jwngkadaka dunv; Vkvlvgabv nonugv sichingmooku so turdunam soogv lvvnv tungv sum ninyigv lvgabv busu la mvngdv kaadvla rilaka. 
\v 18 Holvgavbolo nonu abuapa vdwgv lokv arv kaama bv rigv nam lokv ogugo jila rvvlin kubvdw um nonu chindu. Vkvnv vv bunu ain vmalo raaji aingbv rinv ogu mvyakmvchak dubv rila jinv yikimora mago; 
\v 19 so si ungnvtarv kaamanv vmalo tarintatv kaamanv svlarkuu aingbv, Kristo gv erinpeelwk sunamv maatar alvbv arv doyachoknv gobv rikunamv. 
\v 20 Hv Pwknvyarnv gv nyiamooku am pwklinyarlin madvyilo gvngv gaklin chonamv okv ataranya alua nonu lvgabv kaatam la ritoku. 
\v 21 Ninyigv lokv nonu Pwknvyarnvnyi mvngjwng do, yvvdw ninyia sinam loka turkur molaku yunglit dubv jikunv; okv vkvlvgabv nonugv mvngjwng okv mvngtinv Pwknvyarnv gvlo mvnggap lwkdu.
\p
\v 22 Vjak nonugv jvjv am tvvlapala rinam lokv nonu atubonga darkw dubv mvsu duku okv nonugv kvvbi ajin vdwgv lvgabv dinchikochi bv aya minsu duku, vbvrinam \f + \fr 1:22 \fr*\fqa Nonugv haapok mvnwng; \fqa*\ft Kitap Kvvgonv doomadu \ft*\fqa Darwkchongjornv haapok lokv. \fqa*\f* lokv ajin anyingnga dinchi rungbv aya minsudu. 
\v 23 Holvgabv vbvrinam lokv turdunv okv Pwknvyarnv gv gamchar doobvnv lokv nonuno anw bv kuu bvngdw kunam, Sikamajinv abu gv umvuu gobv ridukunv. 
\v 24 \x - \xo 1:24 \xo*\xt Aij 40:6-8 \xt*\x* Darwknv kitap vbv mindu,
\q1 “Nyia mvnwng ngv Nvsingnvmwng aingbv ridu,
\q2 okv bunugv yunglit namv mootum gv apungana aingbv ridu.
\q1 Nvsingnvmwng ngv singkup duku, okv apungana ngv holu duku,
\q2
\v 25 Vbvritola Ahtu gv gamchar ngv dvbvdwkibv doobvdu.”
\m So gamchar si Alvnv Yunying ngv um nonua japgo jitoku.
\c 2
\s Turnv lvngtung okv Darwknv diringmooku
\p
\v 1 Vbvrikunamv, alvmanv mvnwng lokv; mvvnam lokv vmajvka kaadutadubv rinam lokv vmajvka kaanektanek nam lokv vmajvka miyimimbong nam gaam lokv nonu vdwv vkvnv rinam um kayu tokuka. 
\v 2 Anga ajwng bvnglin sonam aingbv ritoka, darwknv dowjwklo gv achu mvngchik lo tvngnwng dvdvla ritoka, vbv tvngla rinam lokv nonuno singcharicha reku okv ringnam bvka reyiku. 
\v 3 \x - \xo 2:3 \xo*\xt Miri 34:8 \xt*\x* Darwknv kitap vbv mindu, “nonu vdwv atubongv chinsudu Ahtu ninyi vdwgo alvdu vla.”
\p
\v 4 Nyi vdwgv anyung kaamanv dara kunam bv rijvka, Pwknvyarnv gvlo anyung doonv turnv vlwng darnambv, Ahtu gvlo aatoka. 
\v 5 Turnv vlwng vdwgv aingbv ritola aatoka, okv nonuno atubongv Dowjwklo pwknvyarnvnaam gobv mvnvrinv kotoka, nonuno ogolo darwknv nyibu gobv dowjwklo jilwk la okv Jisu Kristo gv lokv Pwknvyarnv gvlo erinpeelwkla laarwk sinam am riya nvgobv rire. 
\v 6 \x - \xo 2:6 \xo*\xt Aij 28:16 \xt*\x* Vkvlvgabv Darwknv kitap vbv mindu
\q1 “Ngo alam doyachoknv vlwng am dardunv,
\q2 um ngo Jayon gv chenyung agumai lo lvngtung gobv tunglwk jidu;
\q2 Okv yvvdw ninyia mvngjwng dudw vv vdwloka mvngjung sula rimare.”
\m
\v 7 \x - \xo 2:7 \xo*\xt Miri 118:22 \xt*\x* Alvjvbv nonu mvngjwng sinv vdwgv lvgabv soogv vlwng si kairungnv anyung doyachoknv gobv ridu; Vbvritola oogv yvvdw mvngjwng madudw:
\q1 “Naam mvnv vdwgv vlwng darpak la dara kunam anyung kaama nvgobv
\q2 ora kunamv mvnwng dvdvgv lokv alvyachok nvgobv ritoku.”
\m
\v 8 \x - \xo 2:8 \xo*\xt Aij 8:14,15 \xt*\x* Okv darwknv kitap so akonvlo mindu,
\q1 “Soogv vlwng si nyi mvnwng nga dwktup pukmap modubv mvre,
\q2 Oogv lvngtv pvngv vv bunua gimup lodubv mvre.”
\m Ogulvgabv bunu gamchar minji nvnga mvngjwng mabv ritola bunu dwktupla ritoku; Vbvching ridubv vla Pwknvyarnv gv bunugv lvgabv mvngrung namv. 
\v 9 \x - \xo 2:9 \xo*\xt Mog 19:5,6; Aij 43:20; Mog 19:5; Det 4:20; 7:6; 14:2; Tai 2:14; Aij 43:21; Aij 9:2 \xt*\x* Vbvritola nonuno darlin kunam opi ngv, Dvbv gv nyibu bv rinv vdwv, darwknv nyitwng ngv, Pwknvyarnv gv awgv nyiv, Pwknvyarnv gv kaasartabo dubv rinam am japgo kardubv darnamv, oogv kanvparam lokv nonua atubogv angusinv kaasartabo jvnv loung lo goklin toku. 
\v 10 \x - \xo 2:10 \xo*\xt Hos 2:23 \xt*\x* Kvvlo nonu Pwknvyarnv gv nyi bv rimato, vbvritola vjak nonuno vkvgv nyi bv riduku; kvvlo nonuno Pwknvyarnv gv aya nga chima bv rito, vbvritola vjak nonuno vkvgv aya nga laarwk siduku.
\s Pwknvyarnv gv nyira
\p
\v 11 Ngoogv ajin vdwa, nyiamooku soogv nyebunyi gobv okv nyen kelwk la rinvgobv vla minchumire bv minjvka! oogv adwnamar gv yalu am nyiru kibv gvnv maatar alvbv mvngjimvngro namlo jilwk suma bvka, vla ngo nonua mindunv. 
\v 12 Vdwlo Pwknvyarnvnyi chimanv vdwv nonua alvmanv gobv minjvka, nonugv gwngdunggwngpa nga bunugv pingkolo alvnvbv kaatam sito laka, vbvribolo bunu Pwknvyarnv gv ninyigv aakur dw alua nonugv alvnv kudungkua rinam am kaachin silai ikula okv Pwknvyarnvnyi hartvbamtv la rireku.
\p
\v 13 Vkvlvgabv Ahtu gv lvgabv nyi vdwgv tujupkunam arwng lo aw am tulwk sutoka: oogv kai yabv rigvdubv tujupkunam Dvbvyachok gvloka, 
\v 14 okv oogv gobunor vdwv, oogv alvmanv kudungkua rinv nga mvrit dubv okv alvbv kudungkua rinv um hartvla ninyigv parlin kunam um gobv tulwk sutoka. 
\v 15 Holvgabv Pwknvyarnv nonua alvnv kudungkua riku lokv ridula oogv pvchaaria bv japsingjabanv nyi gaam minv um mintor jitoka vla mvngdu. 
\v 16 Ajarabinv nyi gobv singto ritoka; ogubv rikwngjvka, noogv ajarabi bv ridunv um rimur bv rinvla rigv nvyoka, vbvritola Pwknvyarnv gv nyira aingbv singtolaka. 
\v 17 Mvnwng nga mvngdv tvlaka, kvvbi mvngjwngnv vdwa paktoka, Pwknvyarnvnyi ayum tvlaka, okv Dvbvyachoknyi mvngdv tvlaka.
\s Kristo gv hirukaya hinam lo minchi sinvnam
\p
\v 18 Pakbu vdwv nonuno awgv atu gvlo atubonga tulwksula okv mvngdv kaadvla rinam am bunua kaatam sula ritoka, yvvdw ayala okv tulwkla rinv um mvngchik tikmabv, vbvritola yvvdw hirukaya mola ridunv umka mvngdv laka. 
\v 19 Nonugv hirukaya paamasvgo paamu jvka um saktvla ribolo, Pwknvyarnv gv aya nga boktalwkjire ogulvgavbolo nonu ninyigv mvnglwk ka chindu. 
\v 20 Holvgabv nonugv rigakpanam riku lvgabv dvngsv go doola dvngku dula um chetamrvnam la ribolo nonu ogugo paare? Vbvritola nonu alvnv kudungkua lvgabv hirukaya am hinla ridubolo, Pwknvyarnv oogv vbvrinam lvgabv nonua aya nga boktalwkjire. 
\v 21 Svkvnv um lvgabvdv nonua Pwknvyarnv goktoku, ogulvgavbolo Kristo ninyi awv nonu lvgabv erit am hintoku okv vkvlvgavbolo nonuno ninyigv lvchu kurpv kolo kurpv minggv dubv vla nonua kaaring sidubv rijitoku. 
\v 22 \x - \xo 2:22 \xo*\xt Aij 53:9 \xt*\x* Hv rimur namgo rima, okv yvvka ninyigv riu lokv mvvnamrunam gaam go vdwloka aadu bv tvvpamato. 
\v 23 \x - \xo 2:23 \xo*\xt Aij 53:7 \xt*\x* Vdwlo ninyia minjimiyo kubvdw, vbvrijvka Hv minjimiyo nam gaam minamgo mirwk simato, vdwlo ninyia hirukaya dubv mvrit bvdw, vbvrijvka hv alvmabv ritv ngurv mato, vbvritola takdamvra bv jwngkadaka jinv, Pwknvyarnv gvlo mvngtin sila ritoku. 
\v 24 \x - \xo 2:24,25 \xo*\xt Aij 53:5,6 \xt*\x* Kristo ngonu rimur am gvvla ninyigv adwnamar lokv daapolo gvvlwk jito, vkvlvgavbolo ngonu rimur lo sirung reku okv darwkchonjor nvlo turreku. Vbv ninyigv ungvtarv gvvnam lokv ngonugv lvvma nga pomu pvkunv. 
\v 25 Nonu ho gv svlar go ninyigv lamtv vngtung nga nyemu tvla ngakramnv aingbv ridu, vbvritola vjak nonu Svlarkayanv okv yalua Kaachingyanv gv vngkulo vngming gvdubv vjak laakur kunamv.
\c 3
\s Nywng vdwv okv Nyilu vdwv
\p
\v 1 \x - \xo 3:1 \xo*\xt Epe 5:22; Kol 3:18 \xt*\x* Oogv aingbv nywng vdwv nonu nyilu lo tulwk sirung laka, vkvlvgavbolo bunu vdwv ako gvlo Pwknvyarnv gv gaam mvngjwng manam go doojvka, nonugv alvbv rinam lokv bunua mvngjwng dubv riya yareku. Vbvribolo nonugv ogu gaam mingkwng svgo kaamare. 
\v 2 Ogulvgavbolo bunu vdwv nonua vdwgo darwk bv okv mvngdvla rigvnam am bunu kaare. 
\v 3 \x - \xo 3:3 \xo*\xt 1Tim 2:9 \xt*\x* Nonu awgv adwnamar gv agumai mvngchika kaapu mvngchik dubv oogv dwmw tuklap simwngnam vmajvka tasinglaktv gvvnam lo, vmajvka vjivbe gvjegvpak mvngchik la rimabvka. 
\v 4 Vbv kaaputain dubv vla rimum svnga, nonu kaaputain am nonugv jvjvrungnv mongrumara arwng lo kaaputain am rito laka, arwnglo kaaputain bv doobvnv rvniak okv sarsopoyonv dowv, Pwknvyarnv gv kaagelo kairungnv anyung doyachoknv gobv ridu. 
\v 5 Holvgabv kvvlo lokv rungrwngnv nyimv Pwknvyarnv gvlo mvngtinla ribu vdwv bunugv nyilu vdwgv lo tulwksudu la kaaputain nvgobv mvsu nyatoku. 
\v 6 \x - \xo 3:6 \xo*\xt Atk 18:12 \xt*\x* Sara ka vbvrinv nyimv gobv rito; Hv Abraham gv gaam mingkulo vngnv gobv rito okv ninyia atubogv nyilu atuv vla minto. Vjak nonu vdwv ogu guka busukano kaamabv okv nonu alvnv kudungkua ridubolo nonu vkvgv kuunyimv bv ridukunv.
\p
\v 7 \x - \xo 3:7 \xo*\xt Epe 5:25; Kol 3:19 \xt*\x* Oogv aingbv nonu nyilu vdwka nonugv nywng ngv lvvkumaya nvgo vla chindula lvkobv doobam tvlaka. Bunua mvngdv gvrila paktoka, ogulvgavbolo Pwknvyarnv gv turnam amin jinam am, vv bunuka nonua lvkin gobv doobamdakbamla laarwk sire. Vkvlvgabv svbvching ritoka ho nonugv kumnam lo oguguka risiriyak kaamare.
\s Tarwkbak kudungkua rikulo hiruhinam
\p
\v 8 Minyungminya: bvku, nonu mvnwng gv mvngnam okv hinamkaanamv lvyinakin runglaka; ajin anyingnga pakmi silaka, okv aya la, okv ajin anyingnga angamai minsu laka. 
\v 9 Alvmanv nga alvmanv bv rirwk siyoka vmajvka, beenv nga beerwk siyoka; Vbvrimabvya, boktalwkji nama jikur jiya tvkuka, vkvlvgavbolo boktalwkjinam si vdwlo Pwknvyarnv gv nonua gokyilo jidubv vla milvpvvkunamv. 
\v 10 \x - \xo 3:10-12 \xo*\xt Miri 34:12-16 \xt*\x* Darwknv kitap vbv mindu,
\q1 “Nonu himpu bv singnwng dubolo
\q2 okv alvnv alu am kaanwng dubolo
\q2 nonu alvmanv japdunam lokv kayu tokuka
\q2 okv alvmanv mvvdung dunam am kayu tokuka.
\q1
\v 11 Nonu alvmanv lokv linto kulaka okv alvnv rito kulaka;
\q2 Nonugv haapok mvnwng lokv sarsopoyonam lvgabv rito laka.
\q1
\v 12 Holvgabv Ahtu darwkchongjor nvnga kaaya dunv
\q2 okv bunugv kumnam am tvvdunv;
\q2 vbvritola yvvdw alvmanv ridunv um hv kaanwng madunv.”
\p
\v 13 Nonu alvnv kudungkua ngv ogudw um ridubolo yvvla nonuam alvmabv rijinv? 
\v 14 \x - \xo 3:14 \xo*\xt Mt 5:10 \xt*\x*\x - \xo 3:14,15 \xo*\xt Aij 8:12,13 \xt*\x* Vbvritola alvnv ogudw um rinam lvgabv hindarkaso go hindubolo, vv vdwgo nonu lvgabv mvngpu nambv ridukunv! Yvvnyika busu mabvka okv mvngdwk mabvka. 
\v 15 Vbvritola nonugv haapok arwng lokv Kristo lvgabv mvngdv namgobv rilaka, okv ninyia Ahtu gobv mvngdv tvlaka. Nonugv arwnglo mvngtin nama yvvdw tvka dunv um minchar jila mirwk sila dubv mvngkimvngak pvla dw mvnwng nga doya kilaka, 
\v 16 vbvritola damdv gvrila okv mvngdv gvrila ritolaka. Nonugv mvngnam am mvngbwkchirwk tvlaka, vkvlvgavbolo nam minvkmirwk la, Jisu Kristo gvlo riming gvvnam am yvvdw alvmabv minjvka nonugv alvbv rigvnam lokv kokwng lo ogugo bunu mimpvdw hinying lakula rireku. 
\v 17 Holvgabv Pwknvyarnv gv mvnglwk bv ridu mvngdubolo, alvmanv kudungkua rimum svnga alvbv rinam lvgabv hiruhinam si alvyachok nambv ridu, 
\v 18 Holvgabv Pwknvyarnv gvlo nonua aalwk gvvji nam lvgabv Kristo mvnwng rimur lvgabv, alvnv nyi akobv ritola rimurnv vdwgv sidubv lvkin lo, okv sijitoku. \f + \fr 3:18 \fr*\fqa Siijitoku; \fqa*\ft Achialv kitap lo si doodu \ft*\fqa Hinchingto. \fqa*\f* Jisunyi adwnamar bv simuto, vbvrijvka Dowjwklo lokv turkur motoku, 
\v 19 okv ninyigv Dowjwklo lokv doodula, patwk lo apv kunam dowjwklo vdwa Jisu aala doin japgo karji toku. 
\v 20 \x - \xo 3:20 \xo*\xt Atk 6:1—7:24 \xt*\x* Soogv dowjwklo vdwsi vdwlo Noah gv ninyigv svpwa pwkla riyi alu lo Pwknvyarnv saktvla doyanam vdwv Pwknvyarnv gv gaam minama tvvmabv ribu vdw vmabv. Svpw lo nyi twngchingto— piinw mvngchikgo— isigv lokv ringlin kunamv, 
\v 21 oogv nonugv baptisma laala ringlin kunam am paadukunv, oogv kaarwsinv nvnv am kaatam sinv dukunv. Si adwn awgv takit am sukak sunam lvga bvma, vbvritola alvbv mvngdvr kunam lokv Pwknvyarnv gvlo milv kunamv. Si Jisu Kristo gv turkur kunam lokv ringlin kunam am paamuduku, 
\v 22 oogv nyidomooku bv chaatoku okv Pwknvyarnv gv lakbik lo doodu kula, nyidogindung vdwa okv nyidomooku gv rigvnvnv tujupkunam okv jwkrw mvnwng am rigvdogv duku.
\c 4
\s Singdinridin Kunam
\p
\v 1 Kristo adwnayak lo hirukaya am hinjito, oogv vbvrinam aingbv nonuka atubongv maatar alvbv vbv vngdwng rungbv mvngla dootoka; Ogulvgavbolo yvvdw adwnamar lo hirukaya hindunv vv rimur lo rima dunv. 
\v 2 Vbvrikunamv, vjak lokv, nonuno sichingmooku soogv singdung nga ridv svnga Pwknvyarnv gv mvnglwk bv ritoka okv nyia mvngdung bv mvngjimvngro yoka. 
\v 3 Nonuno kvvlo gv richodocho lo Pwknvyarnvnyi chimabv ogubv mvngpvdw vbv nonuno awgo ritoku. Nonugv rinamdaknamv hinyinghirunam, yonwngnam, tvngkiumnam, apamara lo rimisinam, vsiopo lo tvngkamdvkam nam okv kaanwngtanwng manam murti kunam vkvnv singdunglo ritoku. 
\v 4 Okv vdwlo nonu Pwknvyarnvnyi chimanv vdwgv rikulo lvkinbv rikumabv aachiaak la okv kaami sila rikunamv bunu lamka singak la ridu, okv nonua minvmirvla bunu alvmabv riduku. 
\v 5 Vbvrijvka oogv turnv okv sinv vdwgv jwngkadakala ridukubv doyala ririkunyi vv bunu Pwknvyarnv gvlo bunu awv kiikahaka la jilwk jireku. 
\v 6 Vkvlvgabvdv siku loka alvnv yunying nga japgo kardunv, oogv yvvdw bunugv adwnamar lo rinamdaknam am jwngkadaka la rinam aingbv, vbv mvnwng nga jwngkadaka dukunv; vkvlvgabv bunu dowjwklo gv rinamdaknam lo Pwknvyarnv gvlo vbv alvbv dooladakla dubv bunu gvlo sum japgo kartoku.
\s Pwknvyarnv gv Amin gvnv alvbv Rungriaparianv
\p
\v 7 Ogumvnwng gv ataranya ngv nvchi duku. Nonu atubongv kumla sinam lvgabv saktv sula okv hingusula dooto laka. 
\v 8 \x - \xo 4:8 \xo*\xt Nyit 10:12 \xt*\x* Ogumvnwng am lvyabv, ajin anying am alvbv pakmi sitoka, ogulvgavbolo pakmi sinamv rimur achialvgo mamlup la ridu. 
\v 9 Purmi sinam kaamabv nonugv naam riapgu am kvvbi lvgabv chikuk pvjila rito laka. 
\v 10 Pwknvyarnv gv angu angusinv amin jinam am alvbv rungriaparia nvgobv, nyichar dvdv ngv bunu Pwknvyarnv gvlo angusibv amin paanam am kvvbi ajin vdwgv alvnam lvgabv rinvvngnv rungtoka. 
\v 11 Yvvdw japgo kardudw vv, Pwknvyarnv gv doin am japgo karto laka; yvvdw kudungkua ridunv, Pwknvyarnv gv jinam kudungkua lokv gwlwkrungbv rito laka, vbv riku lokv mvnwng yikungyira lvgabv Pwknvyarnvnyi Jisu gv lokv umbonyikv vla hartv nvla dubv, hartvnamv okv jwkrwv Jisu Kristo gvlo doobv yilaka. Amen.
\s Kristan akobv rinam lokv Hirukaya hinam
\p
\v 12 Ngoogv ajin vdw, vbv nonugv achiapik hindung dunv um, nonu vdwloka hinkw manam ogugo ridunvgo vla lamyoka. 
\v 13 Kristo gv hirukaya hingkulo nonugv himing gvdunam am mvngpu yala riya tvlaka, ogulvgavbolo vdwlo ninyigv kairungnv turnamv yunglit lwkri kudw um nonu gvlo himpuv akomaring lwkreku. 
\v 14 Nonua minjimio dubolo nonu mvngpu laka, ogulvgavbolo nonu Kristo gv rikulo riming gvnv ngv; soogv si Pwknvyarnv gv Dowv, yunglitnv Dowv, nonu gvlo doolwkdu. 
\v 15 Nonu gvlo hirukaya namgo hindu bolo vv nonugv minvlvnv gobv vmajvka dvchonv akobv, vbvmajvka dvgiolagionv, vmajvka nyi kvvbigv ritung nga rigoripen jinam lokv bvma. 
\v 16 Vbvrijvka nonugv Kristan akobv riku lokv hirukaya hindubolo, um nonu hinyinghiru mabvka vbvritola nonu kristo gv amin am gvvnam lvgabv Pwknvyarnvnyi umbonyikv vya tvka.
\p
\v 17 Jwngkadaka rirap dwv aaduku, okv Pwknvyarnv gv atubogv nyi am jwngkadaka chori nvpv. Ngonu gvlo rirap chobolo, Pwknvyarnv gv alvnv yunying am tvvla mvngjwng simanv vdwv anyunganya nyiku ogunvbv riyikudw? 
\v 18 \x - \xo 4:18 \xo*\xt Nyit 11:31 \xt*\x* Darwknv kitap vbv mindu,
\q1 “Alvnv nyi am ringnam lvgabv si achialvgo adwkaku namgo;
\q2 vbvrikubolo Pwknvyarnvnyi chimabv rimurnv vdwv kokwng lo ogubv rireku?”
\m
\v 19 Vbvrinamv, yvvdw hirukaya hindudw vv bunu Pwknvyarnv gv mvnglwk bv ridubv bunu atubonga Pwklinyarlinv gvlo mvngtin sinam am jilwk sidula alvnv kudungkua ridubv rirung tvlaka.
\c 5
\s Pwknvyarnv gv Svlarlartwng ngv
\p
\v 1 Ngo gvrja gv nyigagatv akobv, nonugv gvrja nyigagatv vdwgv aralo lvbu dunv. Ngooka Kristo gv hirukaya hinam am kaayanv akobv rinv ngv, okv oogv kaatamritam la ririkunyi ngo ka hoka yunglit am paaming gvvreku. Ngo nonua lvbu dunv, 
\v 2 \x - \xo 5:2 \xo*\xt Jn 21:15-17 \xt*\x* oogv Pwknvyarnv svlarlartwng nga kaaya dubv jinam am kaaya nwngdula kaaya tvka, vbv Pwknvyarnv gv nonua ritoka vla mvngnama, okv kaaya nwngmanv aingbv rimabvka. Nonugv kudungkua ritoka, rijo lvgabv mvngla rimabv, vbvritola alvjvbv mvngla rinwng dula ritoka. 
\v 3 Nonugv aralo yvvnyi ringchumriai dubv apvpvdw um nonuno vkvgv aolo chatinkurbo dubv gwngyoka, vbvritola svlarlartwng nga rigvnv kaagv sinvgobv ritoka. 
\v 4 Okv vdwlo svlarkaayanv Kaiyachoknv aaredw, nonu vdwloka nyeeka majinv oogv unglitnv biotung nga laarwk sireku.
\p
\v 5 \x - \xo 5:5 \xo*\xt Nyit 3:34 \xt*\x* Oogv apiabv boruya nyi vdw nonu awv abwng yanv vdwgv aralo tulwk sila ritoka. Okv nonu mvnwng ngv ajin anyingnga nyanyak minsula riji minsu la rirungtoka; holvgabv Darwknv Kitap vbv mindu “Pwknvyarnv kai mvngsu nvnga kaanwng madu, vbvritola rvnyak nvnga aya nga kaatam la ridu” 
\v 6 \x - \xo 5:6 \xo*\xt Mt 23:12; Lk 14:11; 18:14 \xt*\x* Vbvrikunamv nonuno awv Pwknvyarnv gv kairungnv lak aralo rvnyak sunv gobv rito laka, vbvribolo ninyigv atubogv alvnv alu lo nonua kairungnv paknam gobv svvdungsvrap chaareku. 
\v 7 Nonugv lamnambunam am Pwknvyarnv gvlo apak jito laka ogulvgavbolo Pwknvyarnv nonugv lvgabv ringchamriai la ridu.
\p
\v 8 Chvrvsopa tvlaka, hinggu suto laka! Nonugv nyimakv, Uyudvbv ngv, abvngapa gv gamla dvsv godaka vla harhar la ngago karnam aingbv, nyi gonyi mvki dubv mago karla ridu. 
\v 9 Nonugv mvngjwng am hvngdwng rungto laka, okv ninyia charpak minsu tvlaka, ogulvgavbolo nonu chindu nyiamooku mvnwng so mvngjwngnv vdwv nonugv hirukaya hinam lvyinakin bv hindu. 
\v 10 Vbvrijvka nonugv hirukaya hironam kokwng bv, Pwknvyarnv gv anyuaya mvngwng ngv, oogv nonuam Kristo gvlo akin gobv ridula ninyigv turbwngnv anyuaya nga paaming gvmu dubv goklin pvkunv, ninyi atubongv nonua rvbwngching more okv adwngchingnam, gwlwknam okv alvrungnv lvngtung bv dwlwk jirungre. 
\v 11 Ninyigv jwkrwv dubv yilaka! Amen.
\s Minyungminya bv Kumrwksinam
\p
\v 12 \x - \xo 5:12 \xo*\xt Nyim 15:22,40 \xt*\x* Ngoogv Kristan jwkjwkvrwknv boru gobv mvngnam Silas gv ridurnam lokv soogv siti burching go ngo nonuam lvkdunv. Sum ngo nonuam mintvmiru nvso mvngla okv si Pwknvyarnv gv jvjvrungnv anyuaya ngv vla mintam sidunv. Vdwloka dvlobak yoka. 
\v 13 \x - \xo 5:13 \xo*\xt Nyim 12:12,25; 13:13; 15:37-39; Kol 4:10; Pilem 24 \xt*\x* Pwknvyarnv gv darlin nam, nonugv anyibormv gvrja Bebilon, \f + \fr 5:13 \fr*\fk Bebilon \fk*\ft Nyikrwkaatamnam gv kitap lo vbv doodu, si Rom am mimpala mindu.\ft*\f* ngv nonua kumrwklvtak gaam am jilwkdu, okv ngoogv kuunyilo mark ka nonuam kumrwksinam am jilwkdu. 
\v 14 Ajin anyingnga Kristan pakmi sinam bv mopopdvtak nam am jimisidu.
\p Kristo gvbv doonv mvnwng gvlo sarsopoyo namv lvkingobv nonu gvlo doolwk minggv yilaka.