\id JAS  
\h Yakobus 
\toc1 Hakerek nosi ema sarani ulun ida naran Yakobus mak foin laꞌo nela siakaan bei uluk hanorin nodi fiar naꞌak, Yesu 
\toc2 Yakobus 
\toc3 Yak 
\mt2 Hakerek nosi ema sarani ulun ida naran  
\mt1 Yakobus  
\c 1  
\s1 Tabe  
\p
\v 1 Tabe nosi haꞌu, Yakobus. Haꞌu neꞌe, Naꞌi Maromak no Naꞌi Yesus Kristus siakaan ain-liman.  
\p Haꞌu kakerek neꞌe bodik emi, ema Yahudi mak tuir Naꞌi Yesus tiꞌan, mak nein iha fatin hotu-hotu iha ema rain.\f + \fr 1:1 \ft Lia Yunani naꞌak “bodik ema klubun sanulu resin rua mak moris lema rai.” Hodi nunia, Yakobus nakerek bodik ema Yahudi sia mak simu sarani tiꞌan.\f* \x + \xo 1:1 \xt Mateus 13:55; Markus 6:3; Kristus Klosan Lian 15:13; Galatia 1:19\x*   
\s1 Kalo hetan susar, haterus aan hodi fiar baa Naꞌi Maromak  
\p
\v 2 Haꞌukaan mamaluk sia! Haꞌu kakara katak lia nuneꞌe: kalo hetan susar oi-oik, keta neon kiꞌik. Simu hodi neon boot, tan noo folin.  
\v 3 Tan ita hatene haꞌak, kalo ita terus susar hodi fiar baa Naꞌi Maromak bei-beik, itakaan neon nanis hetak biit.  
\v 4 Tan baa nia, ita lalika halai hela susar. Mais ita terus susar, toꞌo mohu. Hodi nunia, itakaan fiar dadi tetuk, no ita la mukit kois.   
\s1 Kalo husu lia ida baa Naꞌi Maromak, keta neon ruak  
\p
\v 5 Kalo ita horan benar no la hatene dalan nabee mak diꞌak bodik ita, ita bele husu matenek hosi Naꞌi Maromak. Nia nanis foo nodi laran maluak, tan Nia nakara ita husu baa Nia nunia.  
\v 6 Mais keta husu hodi neon ruak. Fiar tebe-tebes haꞌak, Naꞌi Maromak bele foo saa mak ita husu. Kalo ita husu hodi neon ruak, itakaan fiar dadi hanesan laloran mak anin nuu nakdiuk saꞌe-tuun, la tuir dalan.  
\v 7-8 Ema mak maus nawae nunia, la kaer metin lia loos iha siakaan moris. Keta haneo Naꞌi Maromak atu tulun ema oin nunia.   
\s1 Ema mukit no ema maksoin  
\p
\v 9 Ema mukit mak fiar baa Naꞌi Yesus musti neon boot, tan Naꞌi Maromak foti sia tiꞌan dadi baa Niakaan ema.  
\v 10-11 Ema maksoin mak fiar baa Naꞌi Yesus moos musti neon boot, tan Naꞌi Maromak nanorin sia nebee keta loko aan. Oras neꞌe, sia natene siakaan sasoin iha la oras dei, hanesan ai funan fuik mak nafuna kabaas. Mais la oras loro tunu, maran mohu. Nunia moos, maksoin siakaan sasoin.\x + \xo 1:10-11 \xt Yesaya 40:6-7\x*   
\s1 Lia diꞌak mai nosi Naꞌi Maromak lahoos lia aat  
\p
\v 12 Ema mak terus susar toꞌo nakbois, sia sotir, tan nosi ikus, sia simu saseban mak Naꞌi Maromak nameno tiꞌan bodik ema mak nadomi Nia. Sia atu simu moris nima-nimak nosi Naꞌi Maromak, hanesan ema mak netan nola fafaꞌek sita malu, simu sabeo sita malu.   
\p
\v 13 Hanoin! Kalo emi kona sokur toꞌo beer halo sala, keta dale haꞌak, “Naꞌi Maromak mak koko haꞌu.” Tan Naꞌi Maromak la dala ida beer nalo sala. Nia moos la koko ema atu nalo sala.  
\v 14 Tan sala sai nosi ema neon duꞌuk. Ema beer nalo aat, hotu sia feur kakutak baa lia aat.  
\v 15 Sia nakotu atu nalo aat, hotu nalo tuir kakotun aat nia. Mais nosi ikus, Naꞌi Maromak natuun ukun mate baa ema mak nalo aat nunia.   
\p
\v 16 Mamaluk sia mak haꞌu kadomi! Keta kona beꞌur tan lia neꞌe sia.   
\p
\v 17 Lia aat sia la mai nosi Naꞌi Maromak. Mais matak-malirin no lia diꞌak hotu-hotu tuun mai nosi Nia. Nia mak naseꞌi loro no fulan no fitun sia. Buat nia sia lori baa-mai iha laleꞌan, no siakaan lalatak seluk aan nohuun. Naꞌi Maromak mesan mak la seluk aan.  
\v 18 Naꞌi Maromak lia kakotun bodik ita nuneꞌe: Nia foo Niakaan Manfatin loos baa ita. Nia moos nodi Manfatin nia, foo moris baa ita. Nosi hotu-hotu mak Nia naseꞌi iha raiklaran neꞌe, Nia boi nola ita dadi baa Niakaan liman rasan ulun.   
\s1 Rona hodi halo tuir Maromak Manfatin  
\p
\v 19 Mamaluk sia mak haꞌu kadomi! Haꞌu katak lia nuneꞌe: keta dale, surak dale. Diꞌak liu, hanono ema seluk diꞌa-diꞌak. Keta kanarak karin.  
\v 20 Tan ema mak kanarak la bele moris loos tuir Naꞌi Maromak hakaran.   
\p
\v 21 Tan baa nia, emi musti sunu mohu sala hotu-hotu nosi emikaan moris, nuꞌu ema nafaho toꞌos, hotu sunu krehut sia. Hakraik aan simu Maromak Manfatin, tan Manfatin nuꞌu fini mak Nia furi baa emikaan neon. Kalo emi simu nunia, Nia sori emi nosi sala, no foo moris nima-nimak baa emi.   
\p
\v 22 Kalo emi hatene Maromak Manfatin tiꞌan, emi musti halo tuir. Keta rona loos dei! Kalo emi rona mais la halo tuir, emi tolek aan duꞌuk.  
\v 23-24 Tan ema mak rona Maromak Manfatin mais la nalo tuir, nia nuꞌu ema mak leno oin baa lalenok, hotu seꞌi kotuk baa lalenok nia, naluꞌa kedas ilas.  
\v 25 Keta nunia! Emi musti leno diꞌa-diꞌak Maromak Manfatin, tan Manfatin nia tetuk. Kalo emi hanono hodi halaꞌok hotu Manfatin nia, Naꞌi Maromak nanis natuun matak-malirin baa emikaan hahalok hotu-hotu. Keta toꞌo Manfatin nia tama tilun karuk, borut tilun kwana!   
\p
\v 26 Kalo ema ida nafolin aan ema moon, mais nia la natene daka ibun, ema nia beꞌur duꞌuk aan! Niakaan moris moon nia, butan dei.  
\v 27 Ema mak tebe-tebes moris moon, nia moris loos no moon iha Ama Maromak oin. Nia tulun ina faluk no lawarik kiak sia. Nia la nanono baa ema raiklaran sasuꞌat.   
\c 2  
\s1 Keta fihir oin haꞌak see mak boot, see mak kiꞌik  
\p
\v 1 Mamaluk sia! Ema mak fiar baa itakaan Naꞌin makaꞌas Yesus Kristus, nia la fihir oin.  
\v 2 Lia hatetek nuneꞌe: noo ema naꞌin rua tama baa emikaan uma hamulak. Ida tau faru maksinak. Kadeli mean moos nakonu liman fuan. Mais ida seluk tau faru kadoor.  
\v 3 Hotu emi halau aan simu ema mak tau faru maksinak, hodi hatuur nia baa fatin diꞌak iha oin. Mais ema mak tau faru kadoor, emi haruka haꞌak, “O mariik iha kotuk baa!” Lale emi haruka haꞌak, “Tuur baa rai dei!”  
\v 4 Keta nunia! Tan kalo emi fihir oin nunia, emi nuꞌu makotu lia mak la moon. Kakutak aat dada nola emi tiꞌan.   
\p
\v 5 Mamaluk sia mak haꞌu kadomi! Naꞌi Maromak boi ema mukit iha raiklaran neꞌe, nebee siakaan fiar bele dadi hanesan sasoin. Nia moos boi sia tama baa Niakaan hutun-renu, tuir saa mak Nia nameno bodik ema mak nadomi Nia.  
\v 6 Mais kalo emi fihir oin nunia, emi hahaat ema mukit sia, masik sia la nalo aat baa emi. Emi haluꞌa tiꞌan see mak tonan emi? Lahoos ema mukit, mais maksoin mak naseꞌi lia, hotu dada nakdiuk emi baa moon-metan. Sia mak netan midar, emi hetan mamuk.  
\v 7 Emi neꞌe, Naꞌi Yesus eman. Mais maksoin sia nahaat Niakaan naran. Tan saa emi haniꞌis aan ho sia?   
\p
\v 8 Diꞌak liu, tuir ukun-badu kabaas iha Hakerek Moon mak naꞌak, “Hadomi ema seluk, nudaar hadomi isin lolon duꞌuk.”\x + \xo 2:8 \xt Ukun-badu Naꞌilulik 19:18\x*  
\v 9 Hanoin! Kalo emi fihir oin no hola loos maksoin neon, emi hakur ukun-badu nia tiꞌan.  
\v 10 Ema mak moris nalo tuir hotu Naꞌi Maromak Ukun-badu, mais nakur ukun-badu ida neꞌe, nia nakur nola Ukun-badu hotu-hotu.  
\v 11 Tan Naꞌi Maromak naruka naꞌak, “Keta hakur biti-kluni.” Nia moos naꞌak, “Keta hoꞌo ema.” Neꞌe naꞌak, kalo emi la hakur biti-kluni, mais emi hoꞌo ema, emi hakur hola Ukun-badu hotu-hotu.\x + \xo 2:11 \xt Ema Israꞌel Sai Nosi Mesir 20:13, 14; Hanoin Hikar Dalan Moris 5:17, 18\x*   
\p
\v 12 Tan lia nia, kalo emi hakara dale lia ida, musti hanoin uluk nuneꞌe: Naꞌi Maromak mak atu nakotu naꞌak, ita tuir Niakaan Ukun-badu ka, lale. Niakaan Ukun-badu bele sori ita nosi Niakaan hahibun, surak ita tuir hotu.  
\v 13 Naꞌi Maromak la titu ema mak dadomin lalek. Mais kalo ita hadomi ema seluk, Nia moos nadomi ita. Ita lalika hataꞌuk Niakaan kastikar, tan Nia sura hotu tiꞌan.   
\s1 Kalo ita fiar tebe-tebes baa Naꞌi Maromak, ita halo lia diꞌak  
\p
\v 14 Mamaluk sia! Kalo ema ida dale naꞌak, nia fiar baa Naꞌi Maromak, mais nia la nalo lia diꞌak, niakaan fiar nia la noo folin. Fiar oin nunia, la bele sori nia.  
\v 15 Lia hatetek nuneꞌe: Noo maun mak mukit, lale, biin mak mukit. Sia la noo tais, la noo haan bodik haa.  
\v 16 Mais emi la tulun sia. Emi dale loos haꞌak, “Laꞌo diꞌa-diꞌak, lale anin tama! Keta mate salaen! Nebee Naꞌi Maromak natuun matak-malirin baa o!” Kalo emi dale nunia mais la tulun sia, folin saa? La noo!   
\p
\v 17 Kalo emi dale haꞌak emi fiar, mais emi la halo tuir emikaan fiar nia, lia nia la toꞌo dauk. Fiar oin nunia, lahoos ‘fiar’. Tan fiar nunia la noo folin, nuꞌu fiar mak mate tiꞌan.   
\p
\v 18 Noo ema foti lia naꞌak, “Ema balu fiar baa Naꞌi Maromak, mais sia la nalo diꞌak. Balu tenik, nalo diꞌak, mais sia la nodi Maromak.” La bele nunia! Tan hahalok diꞌak natudu itakaan fiar isin. Kalo o la malo hahalok diꞌak, haꞌu la kbele karee okaan fiar isin. Tan ita hatudu itakaan fiar isin hodi itakaan hahalok diꞌak.  
\v 19 Emi fiar hanorin mak naꞌak, “Naꞌi Maromak, ida dei. Seluk la iha.” Tebes! Hanorin nia loos! Mais diabu sia moos fiar hanorin nia, toꞌo sia kiki no nataꞌuk. Mais siakaan fiar la no isin, tan sia la nalo diꞌak kois. Dadi keta haneo haꞌak, fiar hodi kakutak dei toꞌo tiꞌan.  
\v 20 Lale! Fiar mak la noo isin, la noo folin. Lia nia malorek tiꞌan!   
\p
\v 21 Hola knaninuk hosi itakaan bei uluk Abraham. Naꞌi Maromak naruka nia atu sera oan duꞌuk. Bei Abraham moos tuir haruka nia, toꞌo nodi oan Isak sera iha taroman leten. Tan baa nia, Naꞌi Maromak nafoli naꞌak, “Abraham nia, ema loos.”\x + \xo 2:21 \xt Lia Uluk Fohon 22:1-14\x*  
\v 22 Abraham fiar baa Naꞌi Maromak toꞌo nalaꞌok haruka nia. Hodi lia kakaer nia, ita hatene niakaan fiar nia tetuk no nesan.  
\v 23 Lia neꞌe sia hotu-hotu natoꞌo lia iha Hakerek Moon mak naꞌak, “Abraham fiar baa Naꞌi Maromak. Hotu Naꞌi Maromak nafoli nia naꞌak, ema loos.” Noo tenik hakerek naꞌak, “Abraham nia, Naꞌi Maromak belun.”\x + \xo 2:23 \xt Lia Uluk Fohon 15:6; 2 Lia Rai Israꞌel no Rai Yahuda 20:7; Yesaya 41:8\x*   
\p
\v 24 Lia neꞌe malorek tiꞌan. Naꞌi Maromak nafoli ema naꞌak, ema loos, kalo noo halaꞌok diꞌak mak natudu siakaan fiar isin. Tan fiar loos dei, la toꞌo.   
\p
\v 25 Knaninuk seluk nosi Ina Rahab, mak uluk feto aat. Baa oras ema Yeriko sia buka ema Israꞌel siakaan ema mak nateke sia, Rahab subar sia. Nia naruka sia nalai sai nosi kota tuir dalan seluk, nebee ema keta kohi sia. Tan Rahab niakaan hahalok diꞌak nia, Naꞌi Maromak nafoli nia naꞌak, ema loos.\x + \xo 2:25 \xt Yosua 2:1-21\x*   
\p
\v 26 Hanoin! Kalo ita dale haꞌak ita fiar baa Naꞌi Maromak, mais ita la halo lia diꞌak, itakaan fiar nia la no folin. Fiar nia, nuꞌu isin lolon mak la no nawan, tan mate tiꞌan.   
\c 3  
\s1 Hetu ibun diꞌa-diꞌak  
\p
\v 1 Mamaluk sia! Ema waꞌin nakara dadi ema manorik bodik ema makfiar sia. Diꞌak dei! Mais hanoin diꞌa-diꞌak, tan Naꞌi Maromak atu leno ema manorik todan liu ema seluk sia. Dadi keta foti karin ema atu dadi manorik.   
\p
\v 2 Ita hotu-hotu maus monu baa sala oi-oik. Mais kalo ema bele netu nola ibun, ema nia bele babilan niakaan moris tomak.  
\v 3 Hola hatetek hosi kuda. Ita babilan kuda boot atu tuir itakaan hakara, hodi fareꞌu loos dei.  
\v 4 Hatetek seluk nosi roo. Anin makaꞌas nuu nakdiuk roo boot, tuir anin nakara. Mais hodi ai fafofen kiꞌik oan ida, ema roo bele babilan nola roo tuir niakaan hakara.  
\v 5 Nunia moos itakaan ibun. Ibun kiꞌik, mais bele naseꞌi lia boot basuk!  
\p Haꞌi lutan oan bele sunu mohu alas boot ida.  
\v 6 Nunia moos, itakaan ibun. Ita bele hodi itakaan ibun nahaat lia waꞌin, toꞌo nadodok itakaan moris tomak. Lia aat lear iha raiklaran neꞌe sai nosi ema ibun. Diabu ulun moos nodi ema ibun nalaꞌok niakaan aꞌaat.   
\p
\v 7 Ema bele namaus nola buat fuik sia nuꞌu asu fuik, samea, manu fuik, no naꞌan tasi.  
\v 8 Mais la noo ema ida mak bele namaus nola ibun. Tan ibun nia, buat madaꞌek aat ida. Nia nuꞌu raso mak naneꞌe lema isin lolon tomak, toꞌo noꞌo ema.   
\p
\v 9-10 Hodi ibun mesak ida, ita tonu ema no ita hahaat ema. Lia nia la fatan! Ita hodi ibun tonu Ama Maromak. Hotu ita hodi ibun nia hahaat ema mak Maromak naseꞌi tuir Niakaan ilas. Tan saa halo nunia?\x + \xo 3:9-10 \xt Lia Uluk Fohon 1:26\x*   
\p
\v 11 Wee matan ida la bele nasai wee miis bele-bele no wee meer.  
\v 12 Hudi la bele nafua batar. Batar la bele nafuli anggor fuan. Tan ai horis ida-idak nafua tuir niakaan oik duꞌuk.\f + \fr 3:12 \ft Hakerek Moon lia Yunani naꞌak, ema la bele kuꞌu ai fuan συκῆ (sukei) hosi ai huun ἐλαία (elaia). No ema la bele kuꞌu fuan ἄμπελος (ampelos) hosi ai huun συκῆ (sukei).\f* Ita la bele kuru wee miis hosi debu wee meer.   
\s1 Matenek mak mai nosi Naꞌi Maromak  
\p
\v 13 Ema mak hanoin naruk no ema mak kakutak matenek, siakaan lisan nuꞌu saa? Lisan nuneꞌe. Sia la naksaꞌek aan, tan sia natene naꞌak, siakaan matenek nia mai nosi Naꞌi Maromak. Sia natudu matenek nia nodi lisan diꞌak.  
\v 14-15 Mais ema mak hirus ema no ema mak buka nahonu ema, sia keta loko aan dale naꞌak, sia matenek, tan sia dale tolek. Lisan nunia la tuun mai nosi Naꞌi Maromak, mais mai nosi ema raiklaran beer duꞌuk no nosi diabu.  
\v 16 Ema mak hirus ema no nakaat ema, nanis sia moos tokar lauk no nalo aat oi-oik.   
\p
\v 17 Kalo ita simu matenek mak tuun nosi Naꞌi Maromak, dala uluk, ita moris moon. Hotu lisan nia nahoris kakutak malirin, neon naruk, laran luan, no hahalok diꞌak. Lisan nia moos nalo ita la kliꞌis no la oin-kotuk. Ita hakneter ema no moris mamatek.  
\v 18 Kalo ita halo ema dame malu, neꞌe naꞌak ita furi fini dame mak atu nahoris lia diꞌak oi-oik.   
\c 4  
\s1 Keta tuir raiklaran beer  
\p
\v 1 Haꞌu krona emi toe malu no hakaat malu. Lia nia sia mosu mai nosi nabee? Lia nia sia mosu mai, tan noo ema iha emikaan klaran mak buka nafurak aan duꞌuk.  
\v 2 Emi harui aan atu hetan buat ida, mais liman la toꞌo. Hotu emi hirus malu, toe malu no hakaat malu, toꞌo la hataꞌuk hoꞌo ema.  
\p Hanoin! Emi la hetan mak emi buka, tan emi la hamulak hodi husu baa Naꞌi Maromak.  
\v 3 Mais kalo emi husu tuir emikaan beer aat duꞌuk, emi nanis la hetan. Masik hamulak hakotu ai no fatuk moos, emi la hetan.   
\p
\v 4 Emi huun, ema mahalo lia kfoꞌer, nuꞌu feen-laꞌen mak nahaat uma kain duꞌuk. Kalo hametis aan ho raiklaran beer, emi funu Naꞌi Maromak.  
\v 5 Hakerek Moon naꞌak, “Naꞌi Maromak rai Kmalar Lulik baa itakaan neon. Kmalar Lulik beer nebee ita rai tomak neon baa Naꞌi Maromak.”  
\v 6 Naꞌi Maromak moos nakara foo tuꞌan Niakaan laran diꞌak baa ita. Tan Hakerek Moon naꞌak:  
\q1 “Naꞌi Maromak sakar ema mak naksaꞌek aan,  
\q2 mais Nia natudu laran diꞌak baa ema mak naraik aan.”\x + \xo 4:6 \xt Lia Fuan Tateꞌan 3:34\x*   
\p
\v 7 Tan Naꞌi Maromak mak itakaan Ulun, ita musti sera isin lolon baa Nia hodi tuir Niakaan beer. Keta tuir diabu ulun beer, mais musti sakar nia makaꞌas, nebee nia nalai nela emi.  
\v 8 Harui aan atu moris neon mesak ho Naꞌi Maromak. Hodi nunia, Nia kreꞌis baa emi.  
\p Emi mak moris kadoor, musti hamoos emikaan moris. Emi mak neon ruak, musti tuir lo-loos Naꞌi Maromak dalan. Keta sees karuk-kwana.  
\v 9 Kleur tiꞌan emi moris hafurak aan hodi hanasa hahaek. Oras neꞌe hanawa ona! Diꞌak liu halo neon aat hodi tanis, tan emi neon ruak no emi halo sala tiꞌan.  
\v 10 Kalo emi hatene aan haꞌak, emi la fatan hariik iha Naꞌi Maromak oin, Nia atu foti emi dadi ema mak fatan iha Niakaan oin.   
\s1 Keta dale hadois ema  
\p
\v 11 Mamaluk sia! Keta dale hahaat malu naran. Kalo dale hahaat malu naran no sasuꞌat malu, emi hakur Naꞌi Maromak ukun-badu mak naꞌak, “Hadomi maluk nudaar hadomi isin lolon duꞌuk.” Kalo emi hakur ukun-badu nia, emi haksaꞌek aan aas liu Naꞌi Maromak ukun.  
\v 12 Naꞌi Maromak duꞌuk mak nakadak ukun nia. Nia mak noo beran atu nakotu itakaan lia. Nia noo beran atu sori ita. Nia moos noo beran taa ukun mate baa ita. Mais emi la hoo beran atu hakotu ema lian. Neꞌe naꞌak, emi moos la hoo beran atu dale hahaat malu naran.   
\s1 Keta hameno karin  
\p
\v 13 Keta hameno karin haꞌak, “Ohin loron, lale awan, ami baa kota nebaa atu hein tinan ida iha nia. Ami atu baa buka moris iha nebaa!”  
\v 14 Keta hameno kedan nunia, tan emi la hatene saa mak atu dadi baa awan. Ema raiklaran moris la oras dei, nuꞌu ababun tubu, hotu lakon.\x + \xo 4:14 \xt Lia Fuan Tateꞌan 27:1\x*  
\v 15 Diꞌak liu emi dale haꞌak, “Kalo Naꞌi Maromak nadomi, ita bele moris. Kalo Naꞌi Maromak nakara, ita bele halo nuneꞌe.”  
\v 16 Kalo emi la dale nunia, emi ibun boot loos dei. Emi sala tiꞌan, tan haluꞌa lakon Naꞌi Maromak.   
\p
\v 17 Hanoin diꞌa-diꞌak! Ema mak natene lia loos, mais la nalo tuir, nia nalo sala tiꞌan.   
\c 5  
\s1 Ema maksoin tonan ema mukit  
\p
\v 1-6 Emi, ema maksoin sia! Hanoin diꞌa-diꞌak! Emi hatoos kansera baa ema mak serwisu susi ruin bodik emi. Oras neꞌe siakaan kosar ween folin, nahii nasee emikaan tolek nia. Naꞌi Maromak Mak Boot Kaliuk moos rona tiꞌan.\x + \xo 5:1-6 \xt Hanoin Hikar Dalan Moris 24:14-15\x*  
\p Emi moris iha raiklaran neꞌe, hafurak aan hodi tuir emikaan beer dei, toꞌo emi nuꞌu karau bokur mak ema atu noꞌo ona. Tan emi taa ukun tiꞌan hodi hoꞌo ema diꞌak mak la bele sakar emi.  
\p Emi, ema maksoin sia! Hadiꞌa aan tanis ona, tan susar oi-oik atu kona emi. Emikaan naha sia, atu dodok mohu ona. Emikaan tais kabaas sia, fuhuk atu naa ona. Emikaan mean no mutin sia, atu la noo folin ona. Sia naa fila emi, nuꞌu haꞌi naa ai maran. Raiklaran atu falu fila ona, mais emi sei halau aan libur naha mamuk sia. Tan saa emi beik nunia? Naha mamuk nia sia dadi lia kakaer naꞌak, emi la hatene saa mak noo folin iha Naꞌi Maromak oin!\x + \xo 5:1-6 \xt Mateus 6:19\x*   
\s1 Haterus aan iha susar laran  
\p
\v 7 Mamaluk sia! Daka diꞌa-diꞌak hodi hein itakaan Naꞌin namaan aan tuun mai nikar, hanesan ema mafaho rai nein diꞌa-diꞌak toꞌos isin. Udan uluk fohon tuun, nia furi. Hotu, nia nein udan tau tenik nabokur niakaan ai horis. Kleu-leur ai horis nafua. Oras toꞌo, nia baa kuꞌu.  
\v 8 Hakaꞌas aan hein nunia. Tan la kleur ona, itakaan Naꞌin atu namaan aan mai tiꞌan.   
\p
\v 9 Mamaluk sia! Keta hakmuuk malu. Tan ema mak nakmuuk malu nohuun, Naꞌi Maromak atu taa ukun baa sia! Haree dei, tan Makotu Lia nosi leten, nariik iha odamatan tiꞌan.   
\p
\v 10 Mamaluk sia! Tuir knaninuk nosi Maromak makoꞌan sia. Masik sia netan susar oi-oik, sia terus bei-beik.  
\v 11 Ita mose ema mak terus susar. Knaninuk nuꞌu Bei Ayub! Nia netan susar oi-oik, mais naterus aan dei. Naꞌi Maromak neon monu baa nia, toꞌo Nia babilan nadiꞌak hotu-hotu bodik nia. Naꞌi Maromak nalo nunia, tan Nia laran diꞌak no nadomi nia.\x + \xo 5:11 \xt Ayub 1:21-22, 2:10; Kananuk Sia 103:8; Yakobus 1:2-3,12\x*   
\s1 Lia harai aan  
\p
\v 12 Mamaluk sia! Keta harai aan, tan lia nia, lia boot. Kalo hakara hatebes mamenon ida, lalika harai aan. Kalo mamenon nia tebes, haꞌak “tebes”. Kalo lale, haꞌak “lale”. Nunia toꞌo tiꞌan! Keta tuꞌan tenik, hodi harai aan temi ema raiklaran naran. Saa tenik, harai aan hodi temi Naꞌi Maromak iha laleꞌan naran. Keta nunia, nebee emi keta kona kastikar.\x + \xo 5:12 \xt Mateus 5:34-37\x*   
\s1 Hamulak mak mak noo beran  
\p
\v 13 Kalo noo ema nosi ita mak neon susar, diꞌak liu namulak. Kalo noo ema nosi ita mak neon diꞌak, diꞌak liu nananu nodi tonu Naꞌi Maromak.  
\v 14 Kalo noo ema nosi ita mak moras, diꞌak liu bolu ema sarani ulun sia. Husu sia tau mina nodi namulak, nebee Naꞌi Maromak beran nadiꞌak nola ema moras nia.\x + \xo 5:14 \xt Markus 6:13\x*  
\v 15 Kalo hamulak bodik ema moras hodi fiar tebe-tebes baa Naꞌi Maromak, Naꞌi Maromak nanis nadiꞌak nola ema nia. Kalo ema nia nalo sala, Naꞌi Maromak moos kasu niakaan salan.  
\v 16 Kalo ita katak hasai itakaan salan baa malu no hamulak baa malu, ita bele dadi diꞌak.  
\p Hanoin! Kalo ema moon namulak, niakaan hamulak nia noo beran. Naꞌi Maromak nanis simu.  
\v 17 Hola knaninuk hosi Bei Elia. Nia, ema raiklaran nuꞌu ita. Mais baa oras nia namulak nebee keta udan, udan moos nanawa toꞌo tinan tolu no balun.\x + \xo 5:17 \xt 1 Naꞌi Israꞌel Sia 17:1, 18:1\x*  
\v 18 Nunia hotu, nia namulak tenik nebee udan tau nikar. Udan moos tau kedas. Hae nakmatak, toꞌos moos noo isin nikar.\x + \xo 5:18 \xt 1 Naꞌi Israꞌel Sia 18:42-45\x*   
\p
\v 19 Mamaluk sia! Kalo ema ida nosi ita nalo sala toꞌo laꞌo nela Naꞌi Maromak dalan loos, diꞌak liu, mamaluk ida nodi nikar nia baa Naꞌi Maromak.  
\v 20 Hanoin! Kalo ita tulun ema mak nalo sala nebee nia mai nikar baa Naꞌi Maromak, hotu nia la nalo sala tenik, ita sori ema nia, nebee nia bele moris no Naꞌi Maromak nohuun. Tan hodi nunia, Naꞌi Maromak kasu mohu niakaan salan lear.\x + \xo 5:20 \xt Lia Fuan Tateꞌan 10:12; 1 Petrus 4:8\x*  
\p Haꞌukaan hakerek narohan baa neꞌe!  
\q2 Yakobus