\id COL  
\h Kolose 
\toc1 Paulus nakerek bodik ema makfiar sia iha kota Kolose 
\toc2 Kolose 
\toc3 Kol 
\mt2 Paulus nakerek  
\mt2 bodik ema makfiar sia iha kota  
\mt1 Kolose  
\c 1  
\s1 Paulus nahuu nakerek  
\p
\v 1 Tabe nosi haꞌu, Paulus. Naꞌi Maromak duꞌuk mak boi haꞌu dadi baa Yesus Kristus klosan. Itakaan maluk Timotius iha neꞌe moos solok tabe.   
\p
\v 2 Haꞌu kakerek bodik emi mak Naꞌi Maromak eman sia iha kota Kolose. Emi neꞌe, amikaan mamaluk mak fiar metin baa Yesus Kristus tiꞌan.  
\p Ami hakroꞌan nebee Ama Maromak natudu laran diꞌak baa emi, nebee bele moris manek no dame.   
\s1 Paulus namulak bodik ema makfiar sia iha Kolose  
\p
\v 3 Sura oras ami hamulak bodik emi, ami sera dodan baa Naꞌi Maromak, itakaan Naꞌin Yesus Kristus Aman,  
\v 4 tan ami rona lia waꞌin tiꞌan nosi emikaan fiar baa Yesus Kristus, no emikaan dadomin baa ema makfiar sia hotu-hotu.  
\v 5 Emi halo nunia, tan emi hatene tiꞌan Naꞌi Maromak rai nein lia diꞌak sia bodik emi iha laleꞌan. Emi hatene lia nia, tan emi rona hosi Maromak Manfatin Diꞌak. Manfatin nia, tebes no loos.  
\v 6 Manfatin nia keke lema tiꞌan iha raiklaran neꞌe, toꞌo netan folin boot. Manfatin nia bele filas ema neon, dadi diꞌak. Emikaan neon nahuu nakfilas diꞌak nunia, baa oras emi foin rona Manfatin Diꞌak no baa oras emi foin hatene Naꞌi Maromak laran diꞌak.   
\p
\v 7 Mau Epafras mak nanorin lia neꞌe sia baa emi. Nia, amikaan maluk serwisu mak ami hadomi. Nia madinas nalaꞌo Kristus Niakaan serwisu iha emikaan klaran.\x + \xo 1:7 \xt Kolose 4:12; Filemon 23\x*  
\v 8 Nia mak katak baa ami iha neꞌe, nosi emikaan dadomin mak Maromak Kmalar Lulik natuun baa emi tiꞌan.   
\p
\v 9 Tan baa nia, ami la hanawa hamulak bodik emi. Nahuu baa oras ami foin rona hosi emi, ami hakroꞌan nebee emi bele hatene tebe-tebes Naꞌi Maromak hakaran, no emi bele hatene lia hotu-hotu mak Niakaan Kmalar Lulik beer nanorin baa emi.  
\v 10 Hodi nunia, emi bele moris fatan nuꞌu Naꞌi Maromak eman, no bele halo diꞌak Niakaan neon iha lia hotu-hotu. Kalo emi halaꞌok serwisu nunia, Naꞌi Maromak foo folin boot baa emi. Emi moos hetak hatene Nia.   
\p
\v 11-14 Ami moos hamulak hodi hakroꞌan nebee Naꞌi Maromak natuun Niakaan beran makaꞌas, nebee emi bele hatiu lia hotu-hotu hodi heti neon. Nebee emikaan neon diꞌak bei-beik, toꞌo emi sera dodan baa Ama Maromak, tan Nia loke dalan atu sori emi nosi beran aat mak moris iha kukun laran. Nia latan Oan Yesus Kristus nebee selu nola emi, no kasu mohu emikaan salan. Hotu, Nia foti Oan dadobe nia, dadi baa emikaan Naꞌin, nebee emi bele simu fafaꞌek hosi sasoin iha laleꞌan. Sasoin nia, Naꞌi Maromak atu foo baa ema mak natene Yesus Kristus no ema mak moris iha kroman laran.\x + \xo 1:11-14 \xt Efesus 1:7\x*   
\s1 Kristus aas liu hotu-hotu  
\q1
\v 15 Masik ita ema raiklaran la bele titu-haree Naꞌi Maromak,  
\q2 mais ita titu-haree tiꞌan Kristus mak ilas ida no Naꞌi Maromak.  
\q1 Laleꞌan no raiklaran la iha dauk, Kristus iha kedan tiꞌan.  
\q2 Nia, Ulun nosi hotu-hotu mak Naꞌi Maromak naseꞌi.   
\q1
\v 16 Naꞌi Maromak nodi Nia  
\q2 naseꞌi sasoin hotu-hotu iha laleꞌan no raiklaran.  
\q1 Naseꞌi hotu-hotu mak ema raiklaran bele titu-naree,  
\q2 no hotu-hotu mak ema raiklaran la bele titu-naree.  
\q3 Makaer ukun sia ka, makaer beran sia ka,  
\q3 naꞌi sia ka, ulun sia ka, Nia mak naseꞌi hotu-hotu.  
\q1 Hotu-hotu mak Naꞌi Maromak naseꞌi nia,  
\q2 naseꞌi nodi Yesus Kristus,  
\q3 no naseꞌi bodik Yesus Kristus.   
\q1
\v 17 Hotu-hotu sei la iha dauk,  
\q2 Kristus iha kedan tiꞌan.  
\q1 Hotu-hotu mak iha,  
\q2 Nia mak babilan.   
\q1
\v 18 Nia mak Ulun bodik ita ema sarani,  
\q2 no ita dadi baa Niakaan isin.  
\q1 Nia mak moris huun.  
\q1 Nia mak uluk fohon mate no moris nikar.  
\q2 Nia mak aas kaliuk.\x + \xo 1:18 \xt Efesus 1:22-23\x*   
\q1
\v 19 Naꞌi Maromak Niakaan makaꞌas hotu-hotu moos,  
\q2 iha Yesus Kristus.  
\q3 Tan lia nia, Naꞌi Maromak neon diꞌak.   
\q1
\v 20 Naꞌi Maromak nodi Yesus Kristus,  
\q2 nalo dame no hotu-hotu mak Nia naseꞌi tiꞌan.  
\q1 Nia latan Niakaan Oan,  
\q2 dadi baa sera, nodi naduar raan,  
\q2 toꞌo mate iha ai karuus,  
\q3 nebee hotu-hotu iha laleꞌan no raiklaran,  
\q3 bele dame nikar no Naꞌi Maromak.\x + \xo 1:20 \xt Efesus 2:16\x*   
\p
\v 21 Uluk, emi duꞌuk moris salin aan hosi Naꞌi Maromak. Emi funu Nia hodi emikaan neon dois no emikaan hahalok aat.  
\v 22 Masik nunia moos, oras neꞌe Nia loke dalan tiꞌan nebee emi bele dame hikar ho Nia. Nia solok Niakaan Oan Yesus Kristus, dadi ema raiklaran. Nia moos latan Oan nia, dadi baa sera toꞌo mate iha ai karuus. Yesus Kristus simu mate nunia, nebee Nia bele nodi emi baa hariik iha Naꞌi Maromak oin, tan emi dadi ema moos tiꞌan, no ema neon loos mak la hoo sala.  
\v 23 Surak emi haterus aan ho emikaan fiar. Kaer metis fiar nia, nebee keta nawae. Keta hakiduk hosi Manfatin Diꞌak mak emi simu tiꞌan nia. Ema nalore tiꞌan Manfatin Diꞌak nia iha raiklaran tomak. Naꞌi Maromak moos solok haꞌu, Paulus neꞌe, nebee haꞌu moos baa kalore Manfatin Diꞌak nia.   
\s1 Paulus serwisu nodi naliku Naꞌi Maromak eman sia  
\p
\v 24 Baa oras Kristus moris iha raiklaran, nia netan susar waꞌin. Oras neꞌe haꞌu moos katiu susar oi-oik. Masik nunia moos, haꞌukaan neon diꞌak bei-beik, tan haꞌu katiu susar nia bodik emi, hanesan Kristus natiu susar bodik ema sarani sia mak dadi baa Niakaan isin.  
\v 25 Naꞌi Maromak latan serwisu baa haꞌu, nebee kaliku Niakaan ema sia. Nia moos naruka haꞌu atu kanorin Niakaan Manfatin toꞌo lotu-lotuk baa emi mak lahoos ema Yahudi.  
\v 26-27 Hori uluk fohon, ema rona tiꞌan Maromak Manfatin, mais sia la natene malorek dauk Manfatin nia isin, tan Manfatin isin sei lia subar. Mais oras neꞌe, Naꞌi Maromak nakotu tiꞌan atu loke fore Manfatin nia isin bodik Niakaan ema. Manfatin nia, folin boot kaliuk bodik ema klubun hotu-hotu iha raiklaran neꞌe. Manfatin nia, mak neꞌe:  
\q1 Naꞌi Maromak nakara nebee, Kristus moris iha emikaan neon.  
\q2 Lia nia mak nalo emi fiar nohuun haꞌak,  
\q3 Nia atu nalo lia diꞌak bodik emi iha laleꞌan.  
\q2 Lia neꞌe mak ita ema raiklaran hein hori uluk aan.   
\p
\v 28 Tan baa nia, ami katak lia Kristus baa ema hotu-hotu. Ami moos hanorin ema hotu-hotu no foo hatene baa ema hotu-hotu tuir matenek hotu-hotu mak Naꞌi Maromak foo baa ami. Hodi nunia, ami bele hakbiit tuꞌan ema hotu-hotu mak tuir Kristus, toꞌo sia la moe iha Niakaan oin, tan sia moris loos nohuun.  
\v 29 Haꞌu kserwisu susi ruin kalaꞌo lia nia sia. Haꞌu kbele katerus aan, tan Kristus beran makaꞌas mak nakbiit haꞌu.   
\c 2  
\p
\v 1 Haꞌu kakara nebee emi hatene haꞌak, haꞌu moos serwisu susi ruin bodik emi iha kota Kolose, no ema iha kota Laodikia, no ema mak sei la nasoru haꞌu dauk.  
\v 2 Haꞌu kakara kakbiit emikaan neon, nebee emi bele talin malu dadi mesak, hodi moris hadomi malu. Hodi nunia, emi bele hatene tebes Naꞌi Maromak hakaran nosi lia Kristus mak uluk Nia sei la dale loke fore dauk baa ema raiklaran.  
\v 3 Kalo emi talin malu toꞌo neon ida ho Kristus, Nia foo matenek hotu-hotu mak emi buka. Nia nanorin emi nodi Niakaan matenek, nebee emi bele halo lia diꞌak sia. Matenek nia, hanesan sasoin mak folin todan.   
\p
\v 4 Haꞌu katak baa emi lia neꞌe sia hotu-hotu, nebee ema keta mai dale namina aan toꞌo tolek nola emi.  
\v 5 Oras neꞌe, ita dook baa malu. Masik nunia moos, haꞌu kanoin emi bei-beik, tan haꞌukaan neon talin malu tiꞌan no emi. Haꞌu neon diꞌak, tan haꞌu katene emi moris fatan, no emi sei kaer metin emikaan fiar baa Kristus.   
\s1 Ita mak talin malu ho Kristus, la kona ukun-badu ona  
\p
\v 6 Uluk, emi simu Yesus Kristus dadi baa emikaan Ulun. Oras neꞌe, emi musti hanono bei-beik baa Nia, tan Nia sei dadi baa emikaan Ulun.  
\v 7 Kalo emi moris talin malu ho Nia, emi hanesan ai huun mak hetak biit, tan abut tama leꞌan. Emi moos hanesan uma mak biit, tan nariik iha tatuur mak biit. Kalo emi moris tuir hanorin loos, emikaan fiar hetak biit, no emikaan neon no laran nakonu dodan tan lia diꞌak mak Naꞌi Maromak nalo tiꞌan bodik emi.   
\p
\v 8 Sintidu! Keta tuir ema seluk mak nodi matenek raiklaran namaus nola emi, toꞌo emi sees hosi dalan loos. Siakaan hanorin nia la noo tatuur, tan hanorin nia la mai nosi Kristus, mais mai nosi kakutak ema raiklaran dei.   
\p
\v 9 Masik Kristus dadi ema raiklaran hanesan ita, mais Naꞌi Maromak Niakaan makaꞌas hotu-hotu iha Kristus.  
\v 10 Tan emi talin malu ho Kristus, Nia nalo emi biit toꞌo emi la hakiduk kois. Nia mak aas liu, mak noo beran, no makaer ukun hotu-hotu. Diꞌak ka, aat ka, Nia aas liu hotu-hotu.  
\v 11 Baa oras ema Yahudi sia namane aan, sia koꞌa nasai isin kulit atu dadi tadak naꞌak, sia, Naꞌi Maromak eman. Baa oras emi dadi baa Kristus eman, nuꞌu emi moos ‘hamane aan’. Lia nia nuneꞌe: Hamane aan neꞌe lahoos ema mak koꞌa nasai emikaan isin kulit, mais Kristus mak foti nasai aꞌaat nosi emikaan neon. Aꞌaat nia, neꞌe mak aꞌaat hotu-hotu mak ita ema raiklaran hakara halo.   
\p
\v 12 Baa oras sia sarani emi nodi wee, nuꞌu emi kona hakoi hamutuk ho Kristus. Hotu, emi hetan moris foun, hanesan Nia. Emi hetan nunia, tan fiar baa Naꞌi Maromak mak nodi Niakaan beran makaꞌas nalo Kristus moris nikar nosi mate. Nia moos nodi beran nia serwisu iha emikaan neon.\x + \xo 2:12 \xt Roma 6:4\x*   
\p
\v 13 Uluk, nuꞌu emi mate tiꞌan, tan emi halo sala no emi sei la dadi dauk baa Naꞌi Maromak eman. Masik nunia moos, Nia kasu mohu emikaan salan hotu-hotu, nodi foo moris foun baa emi, hanesan Nia moos foo moris foun baa Kristus baa oras nalo Nia moris nikar.\x + \xo 2:13 \xt Efesus 2:1-8\x*  
\v 14 Tuir loos, ita musti kona kastikar tan hakur Naꞌi Maromak ukun. Mais baa oras ema nedi noꞌo Kristus baa ai karuus, oras nia moos Naꞌi Maromak kasu mohu itakaan kastikar.\f + \fr 2:14 \ft Hakerek Moon lia Yunani naꞌak, “Mais Naꞌi Maromak kasu mohu itakaan kastikar sia, tan Nia nedi noꞌo itakaan kastikar sia iha Kristus Niakaan ai karuus.”\f* \x + \xo 2:14 \xt Efesus 2:15\x*  
\v 15 Baa oras nia moos, Nia natoba nola beran kukun no ukun aat hotu-hotu. Hotu, Nia namoe sia iha ema lear oin, nuꞌu sondadu natoba nola funu, hotu fila mai nadahur nodi lalore funu mak loꞌu baa sia tiꞌan.   
\p
\v 16 Mamaluk sia! Noo ema mak nakara seten emi atu nalo tuir siakaan ukun-badu. Kalo sia nalo lia no emi nosi lia ukun-badu haa-hemu, lalika titu sia. Kalo sia nalo lia no emi nosi lia loron diꞌak ka, dahur fulan foun ka, ukun-badu loron hanawa serwisu ka, keta rona baa sia.\x + \xo 2:16 \xt Roma 14:1-6\x*  
\v 17 Lia oin nunia sia la noo folin. Lalatak dei! Lia malolok, mak Kristus.   
\p
\v 18 Kalo ema nalo lia no emi tan emi la tuir ukun-badu mak sia naseꞌi duꞌuk, keta rona. Tan kalo emi halo tuir, emi la bele simu lia diꞌak mak Naꞌi Maromak atu foo baa emi. Sintidu! Noo ema mak buka atu nahonu emi. Sia nakara nebee emi haraik aan, hodi loꞌu baa Naꞌi Maromak Niakaan makbukar laleꞌan sia, tan sia naneo naꞌak, noo meꞌi mak nalore baa sia nunia tiꞌan. Sia nafolin aan diꞌak liu ema seluk. Mais lia nia la makonak, tan siakaan kakutak nia, kakutak raiklaran dei.  
\v 19 Sia la talin malu no Kristus. Tuir loos, Nia mak Ulun. Niakaan ema sia, dadi baa Niakaan Isin, mak Nia babilan. Nia nalo Niakaan ema sia hetak biit nodi Naꞌi Maromak beran. Hodi nunia, sia dadi hanesan isin uat no ruin mak talin malu metin, nebee bele tulun malu metin, toꞌo isin tomak serwisu diꞌak.\x + \xo 2:19 \xt Efesus 4:16\x*   
\s1 Ita mak talin malu ho Kristus, hetan moris foun  
\p
\v 20 Emi nuꞌu mate hamutuk ho Kristus tiꞌan. Lia nia naꞌak, emi la talin malu ho beran aat sia iha raiklaran neꞌe ona. Dadi, tan saa emi sei tuir ema raiklaran ukun-badu mak naꞌak,  
\v 21 “Keta kaer neꞌe; keta haa nia; keta kebit neꞌe.”  
\v 22 Ema raiklaran naseꞌi ukun-badu nia sia atu nodi nanorin ema. Mais tuir loos, ukun-badu nia sia babilan loos lia mak atu lakon mohu dei.  
\v 23 Ema mak nalo tuir ukun-badu, sia nakara nebee ema mose sia naꞌak, sia ema matenek, sia ema moon, sia ema mak naraik aan, no sia ema mak nasusar isin lolon duꞌuk. Mais tuir loos, la nunia. Ukun-badu nia sia la bele babilan nola ema raiklaran kakutak no ema raiklaran neon mak beer nalo aat nohuun.   
\c 3  
\p
\v 1 Naꞌi Maromak foo moris foun baa emi tiꞌan, nuꞌu Nia nalo emi moris hikar hamutuk ho Kristus. Oras neꞌe, Kristus nabesi aan baa fatin kneter kaliuk iha Naꞌi Maromak sorin kwana. Etuk, emi musti hanoin lia mak fatan no Kristus neon.\x + \xo 3:1 \xt Kananuk Sia 110:1\x*  
\v 2 Keta halau aan baa lia mak nadiꞌak ema raiklaran neon, mais halau aan baa lia mak Kristus nakara.  
\v 3 Baa oras Kristus mate, nuꞌu emi moos tuir mate tiꞌan. Neꞌe naꞌak, emikaan moris foun nia atu nafati, tan emi talin malu ho Kristus mak namutuk no Naꞌi Maromak iha laleꞌan.  
\v 4 Kristus moris iha emikaan neon laran, nodi nalo emi moris loos. Baa oras Nia namaan aan mai nikar, emi moos atu mosu mai hamutuk ho Nia. Lia neꞌe sia, makaꞌas tebes!   
\s1 Moris ilas tuan no moris ilas foun  
\p
\v 5 Tan lia nia, emi musti foti soe emikaan beer halo aat sia. Nuꞌu beer makur biti kluni; malo lia kfoꞌer; malo lia sasobo; malo tuir nawan aat; malo aat oi-oik; no rotus ema sasoin. (Kalo o malo tuir lia nia sia, neꞌe hanesan o loꞌu-sudur baa ai no fatuk, modi sesu sai Naꞌi Maromak nosi okaan neon.)  
\v 6 Lia nia sia nalo Naꞌi Maromak nahibu toꞌo atu kastikar ema mak la noꞌuk rona baa Nia.  
\v 7 Uluk, emi moris nunia, tan emi talin malu ho lia aat nia sia.   
\p
\v 8 Mais oras neꞌe, emi musti soe emikaan beer halo aat hotu-hotu. Nuꞌu nawan saꞌe; laran manas; rai hirus; dale hahaat ema naran; no ibun kadoor.  
\v 9-10 Keta tolek malu, tan emi soe tiꞌan emikaan beer aat nia, hodi laꞌo hela emikaan moris tuan ona.\x + \xo 3:9-10 \xt Efesus 4:22\x*  
\p Oras neꞌe, emi seluk emikaan moris tuan hodi neon foun, nuꞌu ema soe tais tuan mak kadoor, seluk nodi tais foun mak moos. Uluk, Naꞌi Maromak naseꞌi emi. Oras neꞌe, Nia nalo emi hetak hatene Nia, toꞌo emi dadi ilas ida ho Nia.\x + \xo 3:9-10 \xt Lia Uluk Fohon 1:26; Efesus 4:24\x*  
\v 11 Iha moris foun neꞌe, ita la tau marak baa, haꞌak, ema sia ema Yahudi ka, ema lahoos Yahudi ka; ema mak namane aan ka, ema mak la namane aan ka; ema matak ka, ema notar lalek ka;\f + \fr 3:11 \ft Hakerek Moon lia Yunani naꞌak, “ema Barbar no ema Skutia”. Uluk ema nafoli ema Barbar nia naꞌak, ema matak mak la tama ukunrai Roma renun. Sia nafoli ema Skutia nia naꞌak, ema notar lalek.\f* ata ka, lahoos ata ka. Lia nia sia la noo folin. Lia mak noo folin, neꞌe mak, ema talin malu no Kristus, tan Nia moris iha siakaan neon.   
\p
\v 12 Naꞌi Maromak boi emi tiꞌan, tan Nia nadomi emi. Nia nakara nebee emi dadi baa Niakaan ema moos. Tan lia nia, emi musti dadi ema mak laran maluak, ema mak laran diꞌak, ema mak laran mamar, ema mak naraik aan no ema mak neti aan.  
\v 13 Emi musti heti neon hodi hatene malu. Kalo noo ema ida nosi emi buka lia no belun, keta rai hirus. Mais emi musti haluꞌa lakon sala nia, hanesan Naꞌi Maromak naluꞌa lakon emikaan salan.\x + \xo 3:13 \xt Efesus 4:2,32\x*  
\v 14 Lia dadomin, mak folin liu lia hotu-hotu. Dadi emi musti hodi dadomin mak iha emikaan neon atu kesi kabuar malu dadi baa mesak, hanesan ema nodi kabas lahon waꞌin, soru, dadi baa tais furak ida.   
\p
\v 15 Emi musti foo leet nebee Kristus Niakaan dame babilan emikaan neon, tan Naꞌi Maromak nakara nebee emi moris dame malu hodi neon ida. Emikaan neon moos musti nakonu dodan, tan Nia boi nola emi tiꞌan.   
\p
\v 16 Kristus Manfatin moos musti babilan emikaan neon no emikaan moris. Manfatin nia hanesan sasoin folin todan mak Nia foo baa emi. Manfatin nia natudu dalan nebee emi bele hatene lia waꞌin, tuir Naꞌi Maromak hanoin. Emi bele hodi Manfatin nia atu hanorin no foo hatene baa malu. Kalo hanorin emikaan ema sia, keta hodi makaꞌas, mais hodi laran mamar. Sera dodan baa Naꞌi Maromak nohuun. Foti-hahaas Nia hodi kananuk tonun, hodi kananuk mak Niakaan Kmalar Lulik foo baa emi, no kananuk seluk sia.  
\v 17 Emi neꞌe, Naꞌi Yesus Kristus sasiꞌan. Iha emikaan dalen no emikaan hahalok hotu-hotu, keta haluꞌa hodi Niakaan naran. Ita moos hodi Niakaan naran atu sera dodan baa Ama Maromak.\x + \xo 3:17 \xt Efesus 5:19-20\x*   
\s1 Oin nunabee ema sarani sia moris talin malu  
\p
\v 18 Feto mak noo laꞌen sia! Hanono baa emikaan laꞌen, tan lia nia fatan bodik ema mak tuir Yesus Kristus.\x + \xo 3:18 \xt Efesus 5:22; 1 Petrus 3:1\x*   
\p
\v 19 Mane mak noo feen sia! Hadomi emikaan feen. Keta halo sia laran moras.\x + \xo 3:19 \xt Efesus 5:25; 1 Petrus 3:7\x*   
\p
\v 20 Oa sia! Hanono baa emikaan inan-aman iha lia hotu-hotu, tan lia nia mak kona baa Naꞌi Maromak neon.\x + \xo 3:20 \xt Efesus 6:1\x*   
\p
\v 21 Ina-ama sia! Keta tonan oan sia hodi makaꞌas, nebee sia keta neon kiꞌik baa emi.\x + \xo 3:21 \xt Efesus 6:4\x*   
\p
\v 22 Ema makserwisu sia! Iha raiklaran neꞌe, emi musti halo tuir emikaan ulun iha lia hotu-hotu. Keta serwisu madinas baa oras sia iha dei. Mais harui aan nebee emi halo sia neon diꞌak nohuun. Serwisu tuir loos, tan Naꞌi Maromak titu-naree emi.  
\v 23-24 Kalo halo saa dei, serwisu tuir loos hodi laran maluak, hanesan emi serwisu bodik emikaan Ulun Yesus Kristus, lahoos bodik ema raiklaran. Nosi ikus, Nia mak atu selu emikaan kansera nodi foo sasoin baa emi iha laleꞌan.  
\v 25 Mais kalo emi la serwisu tuir loos, Nia atu kastikar emi, tan Nia la fihir oin.\x + \xo 3:25 \xt Efesus 6:5-8; Hanoin Hikar Dalan Moris 10:17; Efesus 6:9\x*   
\c 4  
\p
\v 1 Ulun sia! Babilan emikaan ain-liman sia hodi loos no moon, tan emi moos hoo Ulun iha laleꞌan mak babilan emi.\x + \xo 4:1 \xt Efesus 6:9\x*   
\s1 Paulus foo lia tateꞌan  
\p
\v 2 Emi musti harui aan hamulak bei-beik no madinas sera dodan baa Naꞌi Maromak.  
\v 3 Keta haluꞌa hamulak bodik ami, hodi hakroꞌan nebee Naꞌi Maromak loke dalan baa ami atu bele katak baa ema hosi lia Kristus mak uluk sei lia subar. Hanoin! Haꞌu ktama bui neꞌe, tan haꞌu katak lia Kristus baa ema.  
\v 4 Hamulak nebee haꞌu kbele kalore tebe-tebes lia Kristus nia, toꞌo ema bele natene diꞌa-diꞌak lia isin.   
\p
\v 5 Moris diꞌa-diꞌak ho ema mak la fiar baa Kristus. Babilan diꞌa-diꞌak leet mak Nia foo baa emi.\x + \xo 4:5 \xt Efesus 5:16\x*  
\v 6 Kalo emi dale, dale mamamar hodi lia mak kona baa ema neon. Keta dale halekan sia, mais hodi lia fuan malolok, nebee, kalo ema nusu nikar emi, emi bele hataa fila sia.   
\s1 Paulus narohan hakerek  
\p
\v 7 La kleur ona, Tikikus atu tone nasara baa emi nosi haꞌukaan tuur-hariik. Tikikus nia, maluk mak ita hadomi. Nia babilan diꞌa-diꞌak Naꞌi Maromak eman sia. Uluk, nia nalaꞌo Naꞌi Maromak Niakaan serwisu namutuk no haꞌu.\x + \xo 4:7 \xt Kristus Klosan Lian 20:4; 2 Timotius 4:12\x*  
\v 8 Haꞌu ksolok nia tone atu nakbiit emikaan neon, no nasara baa emi nosi amikaan moris iha neꞌe.\x + \xo 4:8 \xt Efesus 6:21-22\x*  
\v 9 Haꞌu moos solok fila Onesimus. Onesimus nia, maluk mak ita hadomi. Nia serwisu bodik Naꞌi Maromak diꞌak basuk. Nia moos, emikaan ema duꞌuk. Sia rua atu nasara baa emi nosi lia hotu-hotu mak dadi tiꞌan iha neꞌe.\x + \xo 4:9 \xt Filemon 10-12\x*   
\p
\v 10 Aristarkus solok tabe baa emi. Ema neti natoos nia iha bui namutuk no haꞌu. Barnabas niakaan feton oan Markus moos, solok tabe. Uluk, haꞌu kameno kedan baa emi kaꞌak, kalo Markus mai naree emi, simu nia diꞌa-diꞌak.\x + \xo 4:10 \xt Kristus Klosan Lian 19:29, 27:2; Filemon 24; Kristus Klosan Lian 12:12, 25, 13:13, 15:37-39\x*  
\v 11 Yesus (ema ida seluk mak ema nanaran naꞌak, “Yustus”), nia moos solok tabe baa emi. Nosi belu hotu-hotu mak nalaꞌo Naꞌi Maromak ukun, sia naꞌin tolu dei nosi ema klubun Yahudi. Sia neꞌe, mak nakbiit haꞌukaan neon.   
\p
\v 12 Emikaan belun Epafras iha neꞌe moos solok tabe baa emi. Nia moos dadi Yesus Kristus ain-liman. Nia namulak biit bodik emi. Nia nakroꞌan nebee Naꞌi Maromak nakbiit emi, toꞌo emi fiar tebe-tebes hodi tuir Niakaan hakaran hotu-hotu.\x + \xo 4:12 \xt Kolose 1:7; Filemon 23\x*  
\v 13 Haꞌu karee kodi matan duꞌuk, Epafras serwisu susi ruin bodik emi no bodik ema makfiar sia iha kota Laodikia no kota Herapolis.   
\p
\v 14 Tabe nosi Demas no makdook Lukas mak ita hadomi.\x + \xo 4:14 \xt 2 Timotius 4:10,11; Filemon 24\x*   
\p
\v 15 Haꞌu moos solok tabe baa mamaluk makfiar sia iha kota Laodikia. Keta haluꞌa solok haꞌukaan tabe baa Ina Nimfa no mamaluk makfiar sia mak libur aan iha niakaan uma.   
\p
\v 16 Kalo emi iha Kolose leno hotu hakerek neꞌe tiꞌan, solok liu baa ema makfiar sia iha kota Laodikia, nebee sia moos bele leno. Emi moos musti leno hakerek mak uluk haꞌu ksolok tiꞌan baa sia.   
\p
\v 17 Foo hatene baa Arkipus haꞌak, “Keta maluꞌa serwisu mak uluk o simu tiꞌan hosi Naꞌi Maromak. Malaꞌo serwisu nia toꞌo mohu.”\x + \xo 4:17 \xt Filemon 2\x*   
\p
\v 18 Keta haluꞌa haꞌak, ema sei neti natoos haꞌu iha bui neꞌe.  
\p Haꞌu kakroꞌan nebee, Naꞌi Maromak natudu laran diꞌak baa emi.  
\p \it Haree dei! Hakerek neꞌe, haꞌu kteken kodi haꞌukaan liman duꞌuk\it*.  
\q2 \it Tabe nosi haꞌu\it*,  
\q2 \it Paulus\it*