\id 2PE  
\h 2 Petrus 
\toc1 2 Petrus Hakerek dala rua nosi Petrus mak foin laꞌo nela siakaan bei uluk hanorin nodi fiar naꞌak, Yesu 
\toc2 2 Petrus 
\toc3 2Pet 
\mt1 2 Petrus  
\mt2 Hakerek dala rua nosi Petrus  
\c 1  
\s1 Tabe  
\p
\v 1 Hakerek neꞌe nosi haꞌu, Simon Petrus. Haꞌu neꞌe,\f + \fr 1:1 \ft Hakerek Moon lia Yunani balu nakerek naꞌak, “Simon Petrus”, Balu tenik nakerek naꞌak, “Simeon Petrus”. Naran Simeon nia, naran nosi lia Ibrani. Naran nosi lia Yunani naꞌak Simon. Ema matenek Hakerek Moon hotu-hotu naꞌak, Simon Petrus no Simeon Petrus nia, ema ida.\f* Yesus Kristus ain-liman. Haꞌu moos Niakaan klosan mak Nia solok atu baa katak Niakaan lia baa ema iha nabee dei.  
\p Haꞌu kakerek neꞌe bodik emi mak fiar baa Yesus Kristus tiꞌan. Tan Naꞌi Maromak neon loos, Nia loke dalan nebee emi bele fiar baa Kristus hanesan ami. Fiar nia folin kaliuk bodik ita, tan Kristus nia, mak itakaan Maromak no itakaan Maksorin.   
\p
\v 2 Haꞌu kusu, nebee emi bele kreꞌis ho Naꞌi Maromak no kreꞌis ho itakaan Naꞌin Yesus. Nebee Sia natudu laran diꞌak baa emi, nalo emi moris manek no dame.   
\s1 Naꞌi Maromak boi ita, hotu bolu nola ita mai baa Nia  
\p
\v 3 Naꞌi Maromak bolu nola ita dadi baa Niakaan ema mak moris tuir Niakaan hakara. Kalo ita kreꞌis ho Nia, Nia nodi Niakaan beran makaꞌas, foo lia hotu-hotu mak ita buka atu moris loos tuir Niakaan hakara nia.  
\v 4 Lia mak Nia foo baa ita, lia folin kaliuk. Tan hori uluk, Nia nameno kedan atu foo lia kabaas kaliuk baa ita, nebee ita bele moris hodi haninu Niakaan lisan. Hodi nunia, ita sasin hosi lia aat hotu-hotu mak ema raiklaran nalo, tan sia moris tuir siakaan hakara dei.   
\p
\v 5 Ita musti harui aan nuneꞌe:  
\q1 Ita fiar Naꞌi Maromak tiꞌan, mais keta tuka baa nia dei,  
\q2 tan ita moos musti serwisu bodik Nia.  
\q2 Ita serwisu bodik Nia, mais keta tuka baa nia dei,  
\q2 tan ita moos musti hetak kreꞌis ho Nia.   
\q1
\v 6 Ita hetak kreꞌis ho Nia, mais keta tuka baa nia dei,  
\q1 tan ita moos musti babilan aan toꞌo moris hetu aan.  
\q2 Ita moris hetu aan, mais keta tuka baa nia dei,  
\q1 tan ita moos musti haterus aan iha susar laran.  
\q2 Ita haterus aan iha susar laran, mais keta tuka baa nia dei,  
\q1 tan ita moos musti halo lia hotu-hotu tuir Naꞌi Maromak hakaran.   
\q1
\v 7 Ita halo lia hotu-hotu tuir Naꞌi Maromak hakaran, neꞌe naꞌak,  
\q2 ita hadomi mamaluk makfiar sia.  
\q1 Mais keta tuka baa nia dei,  
\q2 tan ita moos musti hadomi ema hotu-hotu.   
\p
\v 8 Kalo ita harui aan halo nunia, ita la soe lakon leet, tan lisan nunia noo folin. Kalo lisan nunia hetak tuꞌan iha itakaan moris, neꞌe naꞌak, ita kreꞌis tiꞌan ho itakaan Naꞌin Yesus Kristus.  
\v 9 Mais, kalo ema la noꞌuk nalo nunia, nia nanoin la toꞌo. Nia neon makukun, hanesan ema delek. Tuir loos, Naꞌi Maromak kasu mohu niakaan salan, nebee nia bele moris moos. Mais, nia naluꞌa tiꞌan!   
\p
\v 10 Mamaluk sia! Oras neꞌe emi musti hetak harui aan tenik. Naꞌi Maromak boi nola emi nebee emi mai baa Nia. Oras neꞌe emi musti hatudu haꞌak, emi dadi tiꞌan baa Niakaan ema. Kalo lia diꞌak mak haꞌu kfoti ohin nia sia hetak tuꞌan iha emikaan moris, emi la hakloti.  
\v 11 Hodi nunia, Naꞌi Maromak foo lia kabaas baa emi, nebee emi bele tama Yesus Kristus hutun-renun no moris nima-nimak ho Nia. Lia neꞌe, kabaas tebes, tan Nia, itakaan Naꞌin. Nia moos, itakaan Maksorin.   
\s1 Tan saa Petrus nakerek nunia?  
\p
\v 12 Emi hatene tiꞌan lia nia sia mak haꞌu katak ohin nia. Emi moos haterus aan biit, tan fiar hanorin loos. Masik nunia moos, haꞌu kfoo katene bei-beik, nebee emi keta haluꞌa.  
\v 13 Tebes. Tosak haꞌu ksei moris, haꞌu atu kfoo katene lia neꞌe sia baa emi nohuun.  
\v 14 Mais la kleur ona, haꞌu atu kmate. Itakaan Naꞌin Yesus Kristus natudu tiꞌan lia nia baa haꞌu.  
\v 15 Masik nunia moos, haꞌu karui aan baa oras neꞌe, nebee, kalo haꞌu kmate tiꞌan, emi bele hanoin nohuun lia neꞌe sia.   
\s1 Yesus Niakaan makaꞌas  
\p
\v 16 Uluk, haꞌu ko haꞌukaan mamaluk sia katak baa emi hosi itakaan Naꞌin Yesus Kristus. Ami moos katak haꞌak, nosi ikus, baa oras Nia namaan aan mai nikar, Nia atu mai nodi beran makaꞌas kaliuk. Saa mak ami katak nia, ami hatene tan ami haree hodi matan duꞌuk baa oras Yesus sei namutuk no ami. Lia nia, lahoos lia aikanoik.  
\v 17-18 Baa loron nia, ami hamutuk ho Yesus iha Naꞌi Maromak Niakaan foho lulik leten. Hotu Ama Maromak duꞌuk katak nosi Yesus Niakaan makaꞌas baa ami. Iha foho lulik leten nia, ami rona lia maliak ida mak kabaas kaliuk. Lia maliak nia sai nosi laleꞌan nodi naꞌak,  
\q1 “Ema neꞌe, Haꞌukaan Oan mak Haꞌu kadomi.  
\q2 Nia nalo Haꞌu neon diꞌak.”\x + \xo 1:17-18 \xt Mateus 17:1-5; Markus 9:2-7; Lukas 9:28-35\x*   
\p
\v 19 Lia fuan nia sia nalo ami hetak fiar baa lia mamenon mak ami simu hola hosi Maromak makoꞌan uluk aan sia. Diꞌak liu, emi moos hanono baa siakaan lia mamenon, tan lia nia sia nuꞌu badut mak laka iha fatin makukun. Hanono baa sia, toꞌo Yesus namaan aan mai nikar. Oras nia, foin emi hatene malorek lia nia sia, hanesan ema ida mak uluk titu-naree fitun naꞌin dei, mais oras neꞌe, loro saꞌe tiꞌan, naroma hotu-hotu.   
\p
\v 20 Hanoin! Maromak makoꞌan sia katak kedan lia waꞌin. Lia mak sia katak nia, lahoos tuir siakaan hakara duꞌuk.\f + \fr 1:20 \ft Lia fuan Yunani iha neꞌe noo lia isin oik tolu. 1) Maromak makoꞌan ida dale lahoos tuir niakaan hakara duꞌuk; 2) La noo ema ida mak bele natene Maromak makoꞌan lia mamenon isin hotu-hotu; 3) Kalo ita hakara hatene Maromak makoꞌan ida lia mamenon, niakaan lia isin la nakrai aan baa niakaan mamenon mesan duꞌuk, mais musti hanesa baa Maromak Manfatin tomak.\f*  
\v 21 Tan lia nia sia, la nahabut baa siakaan hanoin, mais nahabut baa Naꞌi Maromak hanoin, tuir saa mak Niakaan Kmalar Lulik natudu baa sia.   
\c 2  
\s1 Ema manorik kaleꞌuk sia  
\p
\v 1 Uluk, ema Israꞌel balu naꞌak, sia dadi baa Maromak makoꞌan. Mais tuir loos, sia naktolek. Oras neꞌe, emi moos atu hasoru ema nunia iha emikaan klaran. Sia atu dale naꞌak, sia nanorin nosi Naꞌi Maromak, mais lia nia lia tolek. Sia nanorin kaleꞌuk nodi taka siakaan kakutak dois. Hodi nunia, sia nadodok ema mak tuir sia. Sia neli naꞌak, Naꞌi Yesus lahoos siakaan Naꞌin. Tuir loos, Nia sori nola sia nodi folin todan. Mais la kleur, sia atu dodok, tan siakaan hahalok duꞌuk.   
\p
\v 2 Masik nunia moos, ema waꞌin tuir sia. Sia moris nalo aat nodi neok, toꞌo ema seluk sia dale nahaat Kristus no Niakaan hanorin loos.  
\v 3 Sia rotus teen. Sia naseꞌi oi-oik nebee sia bele beꞌur nola emikaan osan. Mais keta haluꞌa, tan Naꞌi Maromak dadi baa Makotu Lia. Nia la toba kois. Hori uluk, Nia nadiꞌa aan tiꞌan atu kastikar sia. Sia nanis dodok.   
\p
\v 4 Nunia moos, Naꞌi Maromak Niakaan makbukar laleꞌan balu. Uluk, baa oras sia nalo sala, Naꞌi Maromak la nabusik. Nia soe tama sia baa haꞌi naraka, nodi neti natoos sia iha rai kuak makukun. Sia musti nein iha nia toꞌo oras Naꞌi Maromak nakotu siakaan lia.   
\p
\v 5 Nunia moos, ema uluk aan sia. Baa oras nia, ema moris aat, seꞌi kotuk baa Naꞌi Maromak. Mais noo ema loos ida, naran Noh. Naꞌi Maromak babilan, nebee Noh natudu dalan bodik ema seluk sia, nebee sia moos bele moris loos. Mais sia la nanono kois baa Noh. Etuk, Naꞌi Maromak solok motasaꞌe boot nadodok nola sia. Mais Nia sori Noh no niakaan famili. Sura sia hotu-hotu, ema naꞌin walu.\x + \xo 2:5 \xt Lia Uluk Fohon 6:1—7:24\x*   
\p
\v 6 Nunia moos, ema kota Sodom no kota Gomora uluk aan sia. Sia moris aat basuk, toꞌo Naꞌi Maromak kastikar sia. Nia sunu mohu kota rua nia, toꞌo sa-saa hotu-hotu dadi rai ahun. Ema hotu-hotu moos mate bele. Lia nia dadi knaninuk bodik ema seluk mak moris aat nodi taliꞌur baa Naꞌi Maromak, nebee natene kedan siakaan sotir kalo sia la noꞌuk nalo neon aat.\x + \xo 2:6 \xt Lia Uluk Fohon 19:24\x*  
\v 7 Baa oras nia, noo ema ida naran Lot. Nia moris loos. Mais nia neon susar baa ema mak aat liu resik, mak la noꞌuk nanono baa Naꞌi Maromak. Hotu Naꞌi Maromak sori nola Lot nosi kota nia.\x + \xo 2:7 \xt Lia Uluk Fohon 19:1-6\x*  
\v 8 Lot duꞌuk nakara nalo lia loos, mais nia moris iha ema kota Sodom klaran. Sura loron nia naree no rona sia nakur Naꞌi Maromak ukun. Etuk, nia neon susar.   
\p
\v 9 Knaninuk nia sia natudu naꞌak, kalo ema nanono baa Naꞌi Maromak, Naꞌi Maromak nakara sori nola sia nosi sokur oi-oik. Mais Nia moos nakara taa ukun todan baa ema mak moris kaleꞌuk. Nia atu nalo bei-beik nunia toꞌo oras Nia nabesi aan leno ema hotu-hotu moris.  
\v 10 Nia nanis atu natuun kastikar todan baa ema mak moris sasobo, baa ema mak tuir hakaran duꞌuk, baa ema mak la rona ema, baa ema mak naleuk makaer ukun sia. Naꞌi Maromak nanis kastikar sia.  
\p Ema manorik kaleꞌuk ohin nia sia, sia loko aan no naksakar aan liu resik. Sia la nakneter Naꞌi Maromak no la nataꞌuk dale nahaat Nia no Niakaan makbukar laleꞌan sia.  
\v 11 Tuir loos, Maromak Niakaan makbukar laleꞌan sia biit liu manorik kaleꞌuk nia sia. Mais sia la dumar manorik kaleꞌuk sia iha Naꞌi Maromak oin.   
\p
\v 12 Manorik kaleꞌuk nia sia dale nadois lia mak sia duꞌuk la natene. Sia nuꞌu karau neon lalek. Diꞌak liu, kohi hola, hoꞌo mohu! Tebes! Siakaan sotir mak nia. Sia nanis dodok, tan siakaan hahalok aat.  
\v 13 Sia nasusar ema waꞌin. Mais nosi ikus, Naꞌi Maromak atu nasusar sia. Sia naseꞌi dahur moe lalek. Sia tokar lauk baa oras loron iha ema waꞌin oin. Kalo sia naa namutuk no emi, sia tuir siakaan beer halo aat dei.  
\v 14 Sia matan laka baa feto aat sia. Sia moris nalo aat nohuun. Sia buka ema mak fiar la biit baa Naꞌi Maromak, hotu sia nakair nebee ema sia tuir nalo aat. Sia rotus teen! Nanis Naꞌi Maromak kastikar sia!\x + \xo 2:14 \xt Lia Uluk Fohon 6:5\x*   
\p
\v 15-16 Uluk, sia tuir dalan loos, mais kleu-leur sia laꞌo sees. Hodi nunia, sia hanesan ema uluk aan ida, naran Balam. Niakaan ama naran Bosor.\f + \fr 2:15-16 \ft Hakerek lia Yunani mak tuan kaliuk naꞌak, \ft \+it Bosor\+it*. Hakerek balu tenik naꞌak, \+it Beor\+it*. Hakerek lia Yunani hotu-hotu, nakerek naꞌak, \+it Balaam\+it*. Hakerek Moon lia Indonesia nakerek naꞌak, \+it Bileam\+it*.\f* Balam nia, Maromak makoꞌan. Mais nia rotus osan, toꞌo nalo lia kaleꞌuk. Loron ida, nia saꞌe kuda keledai. Tuir loos, kuda la bele dale. Mais baa oras nia, Naꞌi Maromak nalo kuda nia dale nuꞌu ema! Kuda nia nasee Balam, tan niakaan hahalok aat. Kuda nakara nebee Balam nalo tuir Naꞌi Maromak hakaran, nodi nanawa nalo hahalok kaleꞌuk hanesan ema bulak.\x + \xo 2:15-16 \xt Sura Renu Israꞌel 22:4-35\x*   
\p
\v 17 Manorik kaleꞌuk nia sia, hanesan wee matan mak folin lalek, tan maran karin tiꞌan. Sia moos hanesan ababun mak folin lalek, tan anin nuu mohu. Naꞌi Maromak nadiꞌa kedan fatin ida mak nakukun luri atu sena sia.  
\v 18 Sia ibun boot, mais la noo isin. Sia nakair ema atu tuir nalo lia mak la makonak. Sia namaus ema mak foin fila nikar baa dalan loos, nebee nalo sala tenik.  
\v 19 Sia nameno naꞌak, “Kalo hanono baa ami, emi bele halo hodi neok dei!” Mais ema mak dale nunia, sia dadi ata baa lia aat. Tan kalo ema ida nabusik lia ida babilan nola nia, ema nia dadi ata baa lia nia tiꞌan.  
\v 20 Kalo ema nakara sasin hosi lia aat mak nalo ita sasobo iha raiklaran, sia musti kreꞌis ho itakaan Naꞌin no itakaan Maksorin Yesus Kristus. Mais kalo ema nakiduk nosi Kristus, hotu tatalik nikar baa lia aat, neꞌe naꞌak, sia dadi ata baa lia aat. Hotu, sia moris susar todan tenik!  
\v 21 Kalo ema ida natene tiꞌan dalan moris mak loos, hotu nia nakiduk, lia nia la diꞌak. Diꞌak liu, nia sei la natene dauk.  
\v 22 Noo lia fuan tateꞌan mak kona baa manorik kaleꞌuk nia sia naꞌak, “Asu muta, naa nikar mutan.” Seluk tenik naꞌak, “Masik hariis fahi tiꞌan, nia baa noku nikar taꞌu.”\x + \xo 2:22 \xt Lia Fuan Tateꞌan 26:11\x*   
\c 3  
\s1 Itakaan Naꞌin atu namaan aan mai nikar  
\p
\v 1 Mamaluk sia mak haꞌu kadomi! Neꞌe, haꞌukaan hakerek dala rua bodik emi. Iha hakerek rua-rua, haꞌu kfoo katene baa emi, nebee emi bele hanoin lia loos sia.  
\v 2 Hanoin lia mamenon nosi Maromak makoꞌan uluk aan sia mak moris moos. Hanoin no lia mak itakaan Naꞌin no itakaan Maksorin naruka baa ita tuir Niakaan klosan sia.  
\v 3 Hanoin no lia nuneꞌe: oras rai kreꞌis falu fila ona, ema maleꞌuk teen sia nalo benar nodi neok. Sia dale nahaat lia diꞌak hotu-hotu.\x + \xo 3:3 \xt Yudas 1:18\x*  
\v 4 Sia katak naꞌak, “Lei haree! Yesus nameno naꞌak, Nia atu mai nikar. Mais Nia iha nabee? Nahuu hori itakaan bei uluk sia mate, toꞌo baa oras neꞌe moos, la noo lia maseluk. Hotu-hotu nafati bei-beik, nahuu hori Naꞌi Maromak naseꞌi laleꞌan no raiklaran.”   
\p
\v 5-7 Sia dale nunia tebes, mais noo lia ida mak sia nodi fudi la nanoin. Lia nia mak neꞌe: hori uluk fohon Naꞌi Maromak dale loos dei, hotu laleꞌan dadi kedas. Nia moos naseꞌi raiklaran nosi wee. Hotu, Nia naketak rai maran no wee.\x + \xo 3:5-7 \xt Lia Uluk Fohon 1:6-9\x* Kleu-leur, baa bei Noh niakaan oras, Naꞌi Maromak moos nodi wee nalo motasaꞌe nadodok nola ema hotu-hotu.\x + \xo 3:5-7 \xt Lia Uluk Fohon 7:11\x* Naꞌi Maromak nakotu kedan saa mak Nia atu nalo baa laleꞌan no raiklaran. Oras neꞌe Nia sei la nalo dauk, tan Nia netu aan. Mais toꞌo baa niakaan oras, Nia atu sunu mohu laleꞌan no raiklaran. Nia moos atu natuun kastikar nodi nadodok mohu ema mak taliꞌur baa Nia.   
\p
\v 8 Mamaluk sia mak haꞌu kadomi! Keta haluꞌa lia neꞌe. Itakaan Naꞌin la sura oras nuꞌu ita. Tuir Nia, loron ida manesak no tinan rihun ida. Tinan rihun ida moos bele manesak no loron ida dei.\x + \xo 3:8 \xt Kananuk Sia 90:5\x*  
\v 9 Kalo itakaan Naꞌin nameno atu nalo lia ida, Nia nanis nalo kona fukur baa niakaan oras. Nia la nein tenik. Ema balu naneo naꞌak, Nia serwisu nai-naik dei. Mais lale! Nia naterus aan nodi nein niakaan oras, tan Nia nakara ema hotu-hotu nalo neon aat nodi laꞌo nela siakaan salan, hotu fila baa Nia. Nia la nakara, ema naksasa nosi Nia.   
\p
\v 10 La noo ema ida kois mak natene oras nabee itakaan Naꞌin atu namaan aan mai nikar. Tan Nia atu mai teki-tekis, nuꞌu ema naꞌok tama uma. Baa oras nia, sasoin hotu-hotu iha laleꞌan namotuk mohu. Loro, fulan no fitun hotu-hotu lakon! Nunia moos, raiklaran no sasoin sia hotu-hotu. Namotuk bele-bele!\x + \xo 3:10 \xt Mateus 24:43; Lukas 12:39; 1 Tesalonika 5:2; Lia Raiklaran Falu Fila 16:15\x*   
\p
\v 11 Kalo hotu-hotu atu namotuk bele-bele nunia, ita musti moris oin nunabee? Ita musti moris moos hodi tuir Naꞌi Maromak hakaran.  
\v 12 Ita musti hei-hein Naꞌi Maromak namaan aan mai. Hakaꞌas aan nebee loron nia toꞌo lai-lais. Baa oras nia, laleꞌan namotuk mohu. Sasoin hotu-hotu iha laleꞌan moos namotuk toꞌo nawee karin.   
\p
\v 13 Mais Naꞌi Maromak nameno tiꞌan naꞌak, nosi ikus atu noo laleꞌan ilas foun no raiklaran ilas foun. Lia nia mak ita hei-hein. Tan iha nia noo mesan ema mak moris loos.\x + \xo 3:13 \xt Yesaya 65:17, 66:22; Lia Raiklaran Falu Fila 21:1\x*   
\p
\v 14 Mamaluk sia mak haꞌu kadomi! Baa oras emi hei-hein lia neꞌe sia, emi musti hakaꞌas aan atu dadi ema diꞌak mak kona baa Naꞌi Maromak neon. Hodi nunia, la noo ema ida mak bele tula sala baa emi. Hakaꞌas aan moris dame malu.   
\p
\v 15a Itakaan Naꞌin naterus aan, tan Nia nakara sori emi nosi sala.   
\s1 Petrus narohan hakerek  
\p
\v 15b Itakaan maluk Paulus nakerek tiꞌan lia waꞌin baa emi mak manesak no lia mak haꞌu kakerek neꞌe. Naꞌi Maromak moos nalore lia nia sia baa nia, etuk nia nakerek nunia.  
\v 16 Sura Paulus nalo hakerek, nia moos dale lia neꞌe sia. Nosi niakaan hakerek sia, noo lia isin balu mak susar ita hatene. Noo ema mak feur seluk Paulus hanorin. Sia moos feur seluk lia isin balu iha Hakerek Moon. Sia neꞌe, ema baruk teen, no ema mak la fiar biit sia. Mais ema oin nunia sia atu dodok mohu.   
\p
\v 17 Mamaluk sia mak haꞌu kadomi! Emi hatene tiꞌan manorik kaleꞌuk siakaan moris dalan. Dadi sintidu diꞌa-diꞌak! Sia la noꞌuk nanono ukun sa-saa. Sia nakara naktolek emi, nebee emi sees hela hanorin loos. Mais keta habusik sia feur nola emi nunia. Emi musti hakaꞌas aan biit.  
\v 18 Diꞌak liu, emikaan fiar hetak naktubu. Nebee emi hetak kreꞌis ho itakaan Naꞌin no itakaan Maksorin, Yesus Kristus. Nebee Nia hetak natudu laran diꞌak baa emi.  
\p Nebee ema hotu-hotu foti-nahaas Nia, baa oras neꞌe toꞌo nima-nimak!\f + \fr 3:18 \ft Hakerek lia Yunani balu tuꞌan “Amen!” iha neꞌe.\f*  
\q2 Dame,  
\q2 Petrus