\id 1TI  
\h 1 Timotius 
\toc1 1 Timotius Paulus nakerek dala uluk bodik belun Timotius 
\toc2 1 Timotius 
\toc3 1Tim 
\mt1 1 Timotius  
\mt2 Paulus nakerek dala uluk  
\mt2 bodik belun Timotius  
\c 1  
\s1 Paulus foo tabe  
\p
\v 1-2 Timotius mak diꞌak!  
\p Tabe nosi haꞌu, Paulus. Haꞌu neꞌe Yesus Kristus klosan, tuir Naꞌi Maromak hakaran no Yesus Kristus hakaran. Ita haloon baa Yesus Kristus, tan Naꞌi Maromak sori nola ita nosi itakaan salan.  
\p Timo! Tuir haꞌu, o nuꞌu haꞌukaan oan duꞌuk, tan haꞌu mak katudu dalan, toꞌo o fiar Kristus. Haꞌu kamulak baa itakaan Ama Maromak no itakaan Naꞌin Yesus Kristus, nebee natudu laran diꞌak nodi foo moris dame no manek baa o.\x + \xo 1:1-2 \xt Kristus Klosan Lian 16:1\x*   
\s1 Sintidu baa ema mak nanorin kaleꞌuk  
\p
\v 3 Hori hirak nia, ita rua hamutuk iha kota Efesus. Oras haꞌu atu kbaa rai Makedonia, haꞌu kamaus o mein iha Efesus, tan noo ema balu mak nanorin ema sarani sia nodi hanorin kaleꞌuk. Haꞌu karuka o matuka mola ema mak nanorin kaleꞌuk nia.  
\v 4 Sia soe butan leet nodi toe malu baa lia aikanoik bosok teen no lia husar-binan sia. Lia nunia soran ema dei, toꞌo sia la fiar baa Naꞌi Maromak.   
\p
\v 5 Haꞌu kfoo lia tateꞌan neꞌe atu kanorin ema makfiar sia, nebee sia bele moris hadomi malu. Ita bele moris hadomi malu, kalo dadomin nia sai nosi itakaan neon moos, itakaan kakutak moon, no ita fiar tebe-tebes, la oin-kotuk.  
\v 6 Mais noo ema manorik balu mak sees nela haꞌukaan tateꞌan neꞌe. Sia toe malu baa lia mak la noo folin.  
\v 7 Sia nalo aan nuꞌu ema mak matenek nanorin Ukun-badu Bei Musa, mais sia duꞌuk la natene Ukun-badu nia isin.   
\p
\v 8 Ita hotu-hotu hatene Ukun-Badu nia, diꞌak. Surak ita halaꞌok tuir Naꞌi Maromak hakaran.  
\v 9 Naꞌi Maromak foo Ukun-Badu nia, lahoos bodik ema mak moris loos tiꞌan. Nia foo bodik ema mak sakar ukun, ema mak tokar lauk, ema mak seꞌi kotuk baa Maromak, ema mak nalo aat, ema mak la titu Maromak, ema mak naraik lia moon, ema mak noꞌo ema, no ema mak noꞌo inan-aman duꞌuk.  
\v 10 Nia moos foo Ukun-Badu nia bodik ema mak nalo lia kfoꞌer, mane mak toba no mane, feto mak toba no feto, ema mak nanaꞌo ema nodi buka osan, ema mak tokar lauk, ema mak narai aan bosok, no ema hotu-hotu mak sakar hanorin loos.  
\v 11 Hanorin loos mai nosi Naꞌi Maromak Manfatin Diꞌak mak Nia latan baa haꞌu. Naꞌi Maromak nia, Beran Kaliuk. Etuk ita foti-hahaas Nia.   
\s1 Paulus namulak nodi sera dodan baa Naꞌi Maromak  
\p
\v 12 Haꞌu kamulak kodi sera dodan baa itakaan Naꞌin Yesus Kristus, tan Nia fiar haꞌu no nakbiit haꞌu toꞌo bele kalaꞌok Niakaan serwisu.  
\v 13-14 Tuir loos, uluk haꞌu lahoos nunia. Haꞌu kakara kahonu Yesus naran kodi kasusar ema mak tuir Nia, toꞌo haꞌu ktonan kadodok sia. Haꞌu kalo aat nunia, tan sei la katene dauk itakaan Naꞌin Yesus Kristus, no sei la fiar dauk baa Nia. Mais Nia la naluꞌa haꞌu. Nia nadomi haꞌu, toꞌo natudu laran diꞌak baa haꞌu. Nia fakar matak-malirin baa haꞌu, toꞌo haꞌu kbele fiar biit baa Nia, no kadomi ema hanesan Nia nadomi haꞌu.\x + \xo 1:13-14 \xt Kristus Klosan Lian 8:3, 9:4-5\x*   
\p
\v 15 Noo ema mak dale naꞌak, “Yesus Kristus mai raiklaran neꞌe atu sori ema maksalan.” Tebes! Nosi ema maksalan hotu-hotu, haꞌu neꞌe mak aat kaliuk.  
\v 16 Masik haꞌu aat nunia moos, Naꞌi Maromak la kastikar haꞌu, tan Nia nakara nalo haꞌu baa knaninuk atu natudu naꞌak, Yesus Kristus neon naruk baa ema aat nuꞌu haꞌu neꞌe. Hodi nunia, ema seluk sia moos bele fiar baa Nia no simu moris nima-nimak no Nia.   
\q1
\v 17 Tonu Naꞌi Maromak!  
\q2 Nia mesan dei, mak Maromak.  
\q3 La noo ida seluk!  
\q1 Nia kaer ukun hori nima-nimak toꞌo nima-nimak.  
\q1 Nia moris hori nima-nimak toꞌo nima-nimak.  
\q2 Nia la natene mate.  
\q2 Ema raiklaran la bele titu nola Nia.  
\q1 Kneter no tonun hotu-hotu, sera baa Nia!  
\q1 Kneter no mose hotu-hotu, latan baa Nia! Tebes.   
\p
\v 18 Oa Timo! Haꞌu katak lia neꞌe sia baa o, nebee o malaꞌok iha okaan serwisu. Lia neꞌe sia tuir saa mak Maromak makoꞌan sia dale kedan kona baa o. Kalo o malo tuir makoꞌan sia lian malo moon, o hanesan sondadu mak natene natuda sakar aꞌaat.  
\v 19 Fiar metis baa Kristus. Daka okaan neon, nebee moon nohuun. Noo ema mak la rona siakaan neon ain botu, toꞌo nadodok siakaan fiar, hanesan roo saꞌe tan fatuk moris.  
\v 20 Himeneus no Aleksander siakaan fiar, nunia tiꞌan! Tan baa nia, haꞌu klatan sia baa diabu ulun, atu kanorin sia nebee keta nahaat Naꞌi Maromak naran.   
\c 2  
\s1 Hamulak lalaꞌok  
\p
\v 1 Oras neꞌe, haꞌu atu kahuu foo lia tateꞌan nuneꞌe: Hamulak bodik ema hotu-hotu. Kalo emi seꞌi oin baa Naꞌi Maromak, hakroꞌan nebee Nia tulun ema susar sia. Hamulak hodi sera dodan baa Nia, tan Nia laran diꞌak.  
\v 2 Hamulak bodik naꞌin no ulun sia. Hodi nunia, ita hotu-hotu bele moris mamatek no dame, tuir Naꞌi Maromak hakaran. Tan moris nunia, fatan bodik ema mak loꞌu-sudur baa Nia.  
\v 3 Hamulak nunia moos kona baa Maromak neon. Nia, itakaan Maksorin  
\v 4 mak nakara sori ema hotu-hotu. Nia moos nakara ema hotu-hotu natene hanorin loos. Hanorin nia, nuneꞌe:   
\q1
\v 5 Naꞌi Maromak, ida dei.  
\q2 Ailalete moos, ida dei. Ailalete nia, mak Yesus Kristus. Yesus Kristus mak nalo Naꞌi Maromak laran malirin baa ita ema raiklaran.  
\q2 Yesus, ema raiklaran nodi aan.   
\q1
\v 6 Nia latan isin lolon atu sori ita nosi itakaan salan.  
\p Maromak Niakaan oras toꞌo tiꞌan atu nalore hanorin nia baa ema hotu-hotu.  
\v 7 Tan baa nia, Nia boi nola haꞌu kdadi klosan atu kbaa katak ema mak lahoos Yahudi sia iha fatin hotu-hotu, kodi kanorin sia nebee sia fiar baa Naꞌi Yesus no moris tuir dalan mak loos. Saa mak haꞌu katak neꞌe, tebes no loos.\x + \xo 2:7 \xt 2 Timotius 1:11\x*   
\p
\v 8 Haꞌu kakara nuneꞌe: Kalo emi libur malu atu hamulak, emi musti diꞌa-diꞌak ho malu. Keta hirus malu. Keta toe malu. Kalo foti liman atu hamulak, emikaan neon musti moos.   
\p
\v 9-10 Nunia moos, feto sia. Haꞌu kakara nebee sia nahulin isin lolon nalo fatan. Tau faru mak noo kneter. Sia keta natudu lisan nebee ema natutuk matan baa sia tan siakaan fuuk ilas oi-oik, lale, siakaan faru folin todan mak la noo kneter, lale, sia nafutar aan liu resik nodi mean-mutin no morteen. Lia mak nalo feto kabaas, lahoos nunia. Lia mak nalo feto kabaas, mak neꞌe: siakaan hahalok diꞌak no siakaan neon moon. Lia nia mak fatan bodik feto mak loꞌu-sudur baa Naꞌi Maromak.\x + \xo 2:9-10 \xt 1 Petrus 3:3\x*  
\v 11 Kalo emi ema sarani libur malu atu rona hanorin, feto sia musti tuir ukun nodi rona hanorin nia diꞌa-diꞌak. Sia keta mu-muun.  
\v 12 Tuir haꞌu, la kona, kalo feto sia nasaꞌek aan toꞌo ukun mane no nanorin mane. Diꞌak liu, feto sia mamatek dei.  
\v 13 Tan Naꞌi Maromak naseꞌi uluk Adam, foin naseꞌi Efa.\x + \xo 2:13 \xt Lia Uluk Fohon 2:7,21-22\x*  
\v 14 Lahoos Adam mak kona beꞌur uluk nosi diabu ulun, mais feto. Nahuu hori oras nia, ema raiklaran nakur Naꞌi Maromak ukun.\x + \xo 2:14 \xt Lia Uluk Fohon 3:1-6\x*  
\v 15 Masik nunia moos, feto bele netan moris, tan nahoris oan.\f + \fr 2:15 \ft Ema matenek lia Hakerek Moon naꞌak ‘feto bele netan moris tan nahoris oan’ noo lia isin hira mak neꞌe: 1) Noo Oan ida, mak Yesus. Nia buka dalan nebee ema hotu-hotu bele netan moris. 2) Efa mak kona beꞌur toꞌo nalo sala, mais nia moos dadi bei uluk bodik ema raiklaran hotu-hotu. 3) Feto mak moris fatan la mate baa oras nahoris (mais lia isin neꞌe la biit).\f* Surak sia fiar baa Yesus Kristus, sia moris nadomi malu, sia moris fatan bodik Kristus eman nodi neon moon.   
\c 3  
\s1 Klalaꞌok boi ema sarani ulun  
\p
\v 1 Noo ema mak dale naꞌak, “Kalo ema ida nakara dadi ema sarani ulun, ema nia boi serwisu mak diꞌak basuk.” Tebes.  
\v 2 Mais ema sarani ulun lalaꞌok musti nuneꞌe: Nia naran morin. Nia moris moon no feen ida dei. Nia natene netu aan. Nia mamatek. Ema nakneter nia. Nia simu bainaka nodi laran maluak. Nia natene nanorin ema seluk.  
\v 3 Nia lahoos tua lanuk teen. Nia lahoos maktaꞌe ema. Makonak liu basuk, kalo nia ema mak laran diꞌak, mak nakara dame, no la rotus osan.  
\v 4 Nia musti bali uma kain duꞌuk. Niakaan oan musti nakneter no nanono baa nia.  
\v 5 Tan kalo ema la bele bali uma kain duꞌuk, oin nunabee bele bali Naꞌi Maromak eman sarani sia?   
\p
\v 6 Kalo boi ulun, boi ema mak tuir Kristus kleur tiꞌan. Keta boi ema mak foin fiar. Tan ema oin nunia maus loko aan. Keta toꞌo Naꞌi Maromak deku nia, hanesan Naꞌi Maromak deku diabu ulun.  
\v 7 Ema seluk moos musti nakneter sarani ulun. Hodi nunia, nia la moe aan. Diabu ulun moos la bele foꞌat naloti nia.\x + \xo 3:7 \xt Titus 1:6-9\x*   
\s1 Ema sarani ulun sasiꞌan  
\p
\v 8 Nunia moos ema sarani ulun sasiꞌan musti nuneꞌe: Nia naran morin. Nia nanaan la karuak. Nia lahoos tua lanuk teen. Nia la naa sotir liu resik.  
\v 9 Nia neon moon. Nia kaer metin hanorin mak Naꞌi Maromak nalore tiꞌan baa ita ema makfiar sia.  
\v 10 Kalo emi atu boi ema sarani ulun sasiꞌan, leno diꞌa-diꞌak uluk niakaan moris no niakaan serwisu. Kalo la noo sala, foin foti nia baa sarani ulun sasiꞌan.   
\p
\v 11 Ema sasiꞌan feen\f + \fr 3:11 \ft Lia fuan Yunani iha neꞌe, noo lia isin tolu: 1) “ema sasiꞌan feen”, 2) “feto” (feto hotu-hotu) no 3) sasiꞌan feto.\f* moos musti moris fatan no diꞌak. Musti moris la nahaat ema naran. Musti netu aan. Musti ema fiar nia.   
\p
\v 12 Sasiꞌan mane musti moris moon no feen ida dei. Musti natene bali uma kain duꞌuk. Musti naliku oan sia.  
\v 13 Kalo sarani ulun sasiꞌan naliku ema sarani diꞌa-diꞌak, nanis ema hetak nakneter nia. Nia moos hetak naberan aan katak nosi niakaan fiar baa Yesus Kristus.   
\s1 Lia tatuur nosi itakaan fiar  
\p
\v 14-15 Timo! Haꞌu kaloon, la kleur ona, haꞌu kbele maꞌi karee o. Mais kalo noo sasenin, haꞌukaan hakerek neꞌe bele toꞌo uluk baa o. Kakerek neꞌe atu foo katene baa o nosi lia Naꞌi Maromak ema uma laran siakaan moris lalaꞌok. Keta maluꞌa maꞌak, Naꞌi Maromak mak sia fiar nia, Maromak mak moris. Sia hanesan uma mak noo tatuur no kakuluk biit, mak tane Naꞌi Maromak hanorin loos.   
\p
\v 16 Naꞌi Maromak loke tiꞌan lia funin boot nosi itakaan fiar. Itakaan fiar tatuur nia, nuneꞌe:  
\q1 Kristus namaan aan mai iha raiklaran neꞌe,  
\q2 nola ema raiklaran ilas hanesan ita.  
\q2 Maromak Kmalar dadi saksiin naꞌak,  
\q2 Yesus neꞌe, Ema Moon.  
\q1 Maromak Niakaan makbukar laleꞌan sia naree Nia tiꞌan.  
\q1 Niakaan Lia keke lema tiꞌan, toꞌo baa ema iha fatin hotu-hotu.  
\q2 Iha rai hotu-hotu ema fiar Nia tiꞌan.  
\q1 Naꞌi Maromak foti saꞌe Nia baa laleꞌan, hotu Nia nabesi aan iha fatin kneter.  
\p Itakaan fiar tatuur mak nia.   
\c 4  
\s1 Sintidu baa ema mak nanorin kaleꞌuk  
\p
\v 1 Oras neꞌe, Maromak Kmalar katak malorek tiꞌan naꞌak, nosi ikus ema sarani balu atu dudu itakaan fiar. Hotu sia tuir kukun mak beꞌur ema raiklaran, toꞌo sia laꞌo sala no tuir diabu hanorin.  
\v 2 Ema mak nanorin nunia, dale seluk, nalo seluk. Sia huun tolek teen no neon tomak.  
\v 3 Sia nanorin naꞌak, ema keta hola malu. Sia moos naluli hahaak oi-oik. Tuir loos, Naꞌi Maromak naseꞌi hahaak, nebee ita mak fiar baa Kristus no hatene hanorin loos, bele haa hodi sera dodan baa Nia.  
\v 4 Hotu-hotu mak Naꞌi Maromak naseꞌi nia, diꞌak. Keta haluli oi-oik. Simu dei hodi hamulak sera dodan baa Nia.  
\v 5 Tan Maromak Manfatin no itakaan hamulak, naloos hahaak hotu-hotu.   
\s1 Yesus Kristus eman serwisu mak diꞌak  
\p
\v 6 Timo! Foo matene lia neꞌe sia hotu-hotu baa mamaluk makfiar sia. Kalo o malo nunia, o dadi Yesus Kristus eman serwisu mak diꞌak. Maromak Manfatin natudu dalan baa ita, nebee ita bele fiar baa Nia. Manfatin nia moos nalore hanorin mak loos no hanorin mak kaleꞌuk. Tan lia nia, o musti kaer metin Manfatin nia hanesan haan mak nakbiit okaan isin.  
\v 7 Keta soe haat leet hodi dale karin mak la kona baa Naꞌi Maromak neon. Keta hanono ferik lekan dalen mak la noo huun dikin. Diꞌak liu, bali isin lolon, nebee moris diꞌak tuir Naꞌi Maromak beer.   
\q1
\v 8 Hatoman aan hakbiit itakaan isin, neꞌe diꞌak,  
\q2 mais folin oan ida dei.  
\q1 Hatoman aan moris tuir Naꞌi Maromak beer,  
\q2 neꞌe mak folin kaliuk.  
\q1 Folin nia  
\q2 lahoos baa moris raiklaran oras neꞌe dei,  
\q3 mais toꞌo no moris ikus baa.   
\p
\v 9 Tebes! Lia neꞌe sia, tebes no loos! Rai baa neon, nebee keta maluꞌa.  
\v 10 Ita haloon baa Maromak mak moris. Nia, maksorin bodik ema hotu-hotu, kaliuk bodik ita makfiar. Etuk, ita serwisu harui aan makaꞌas bodik Nia.   
\p
\v 11 Timo, manorin lia neꞌe sia hotu-hotu modi maruka ema nalaꞌok tuir.  
\v 12 Keta foo leet baa ema naraik o, tan o sei nurak. O musti dadi knaninuk bodik ema makfiar sia, nebee sia tuir okaan dale, okaan hahalok, okaan lalaꞌok hadomi ema, okaan fiar baa Yesus Kristus, no okaan moris moon.  
\v 13 Oras emi sei hein haꞌu kmai, keta maluꞌa leno Hakerek Moon bodik ema makfiar sia. Makbiit sia modi manorin sia diꞌa-diꞌak.   
\p
\v 14 Malaꞌok diꞌa-diꞌak okaan babelen mak Naꞌi Maromak foo baa o, baa oras ema sarani ulun sia namulak nodi nasaꞌe liman baa o ulun. Baa oras nia, sia natoꞌo Naꞌi Maromak lia mamenon kona baa okaan moris no okaan serwisu.  
\v 15 O musti madinas malaꞌok lia nia sia! Nebee ema hotu-hotu bele naree okaan moris no okaan serwisu mak hetak diꞌak.  
\v 16 Daka aan, nebee o moris loos no manorin loos nohuun. Kalo o moris nunia, Naꞌi Maromak atu loke dalan baa o mo ema sia mak nanono baa o. Hodi nunia, emi bele moris nima-nimak ho Naꞌi Maromak.   
\c 5  
\s1 Klalaꞌok haliku ema sarani sia  
\p
\v 1 Timo! Keta deꞌan katuas sia modi makaꞌas. Mais dale baa sia modi kneter, hanesan o dale baa o aman duꞌuk. Foo babiit baa mane nurak sia, hanesan mane malun duꞌuk.  
\v 2 Dale baa ferik sia, hanesan dale baa o inan duꞌuk. Dale baa feto nurak sia, hanesan dale baa o feton duꞌuk. Okaan neon musti moos baa sia.   
\s1 Lia feto faluk  
\p
\v 3-5 Ema sarani musti tulun feto faluk mak ema lalek. Mais feto faluk mak noo oan no bein oan, oan no bein oan sia mak musti naliku feto faluk nia. O musti manorin ema sarani sia, nebee sia natene selu siakaan feto faluk kolen. Tan hahalok nunia, kona baa Naꞌi Maromak neon. Mais feto faluk ema lalek, la noo ema naliku. Loron-kalan nia naloon loos baa Naꞌi Maromak nodi nusu tulun baa Nia dei. Feto faluk oin nunia, ema sarani sia musti naliku.   
\p
\v 6 Mais feto faluk mak moris nafurak aan, masik nia sei moris moos, nia la noo folin.   
\p
\v 7 Manorin lia nia sia hotu-hotu baa ema sarani sia, nebee ema seluk la dale nahaat siakaan naran.   
\p
\v 8 Kalo ema ida la noꞌuk naliku familin duꞌuk, kaliuk ema uma laran duꞌuk, nia soe lakon niakaan fiar baa Naꞌi Maromak. Ema nia aat liu tan ema mak la natene Maromak.   
\p
\v 9 Kalo boi feto faluk atu dadi sarani ulun sasiꞌan, niakaan lalaꞌok musti nuneꞌe: niakaan otas la bele tuun nosi tinan neen nulu. Uluk, nia moris loos no laꞌen ida dei.  
\v 10 Ema natene nia laran diꞌak. Nia naliku oan sia diꞌa-diꞌak. Nia laran maluak. Nia tulun makfiar sia nodi serwisu kiꞌik sia. Nia nakara tulun ema susar. Nia nodi liman rua tulun bei-beik ema mak nalo lia diꞌak.   
\p
\v 11 Keta boi feto faluk nurak atu dadi sarani ulun sasiꞌan. Keta toꞌo sia nakara noo laꞌen tenik. Hodi nunia, sia la noo leet naliku ema sarani.  
\v 12 Tan sia la noo leet nunia, sia nahaat siakaan mamenon mak uluk sia nameno iha Naꞌi Maromak oin. Ema moos atu nasalak sia.  
\v 13 Keta toꞌo sia nahuu baruk, hotu nalau aan tama-sai uma, dale nahaat ema naran. Aat liu tenik, kalo sia baa kahur ema seluk lian, no dale lia mak la makonak.  
\v 14 Diꞌak liu, feto faluk nurak sia noo laꞌen tenik ona, nebee nahoris oan no naliku uma kain duꞌuk. Hodi nunia, ema mak funu ita, la netan lia krarain atu nadois itakaan naran.  
\v 15 Tuir loos, noo feto faluk nurak balu mak laꞌo sala dalan, tuir diabu ulun dalan.   
\p
\v 16 Bodik feto makfiar sia, kalo noo feto faluk, sia mak musti naliku feto faluk nia. Keta habusik ema sarani seluk mak naliku. Hodi nunia, ema sarani seluk bele naliku feto faluk ema lalek sia.   
\s1 Lia ema sarani ulun  
\p
\v 17 Ema musti hakneter ema sarani ulun mak naliku diꞌa-diꞌak hutun sarani. Kaliuk, ulun mak narui aan nalore Maromak Manfatin, no ulun mak manorik.  
\v 18 Hakerek Moon naꞌak, “Kalo hodi karau sama hare, keta hatoos nunun nebee bele naa.” Hakerek Moon moos naꞌak, “Ema mak serwisu fatan netan kansera.”\x + \xo 5:18 \xt Hanoin Hikar Dalan Moris 25:4; Mateus 10:10; Lukas 10:7\x*   
\p
\v 19 Kalo ema tula sala baa sarani ulun, keta simu nunia dei! Musti noo saksiin naꞌin rua-tolu lian manesak, foin tetu lia nia.\x + \xo 5:19 \xt Hanoin Hikar Dalan Moris 17:6, 19:15\x*  
\v 20 Tetu hotu tiꞌan, kalo ulun nia sala, deꞌan nia. Kalo nia sei nalo sala nunia bei-beik, deꞌan tenik nia iha hutun sarani oin. Hodi nunia, ema rumak sia la tuir niakaan lalaꞌok la makonak nia.   
\p
\v 21 Matoꞌo lia lalaꞌok neꞌe baa ema sarani sia. Keta fihir oin no keta kliꞌis. Naꞌi Maromak no Yesus Kristus dadi saksiin naꞌak, oras neꞌe haꞌu karuka o tiꞌan atu matoꞌo lia lalaꞌok neꞌe. Makbukar laleꞌan mak Naꞌi Maromak boi tiꞌan moos, dadi saksiin.   
\p
\v 22 Keta lai-lais foti sarani ulun. Leno uluk niakaan moris. Kalo ema foti ulun mak la moon, hotu nia nalo sala, ema mak foti ulun nia moos, natiu nola sala nia. Tan lia nia, o musti daka aan nebee moris moon.   
\p
\v 23 Haꞌu krona o kabun moras bei-beik. Diꞌak liu, kahur wee no anggor ween oan ida, malo baa aitahan. Keta memu wee moon dei.   
\p
\v 24 Manoin! Ema balu salan malorek tiꞌan. Masik sia la toꞌo dauk makotu lia oin, ema hotu-hotu natene siakaan salan tiꞌan. Mais balu tenik salan, kleu-leur foin naksain.  
\v 25 Nunia moos, ema mak nalo lia diꞌak sia. Ema balu nalo lia diꞌak mak naksain kedas. Balu tenik nalo lia diꞌak, mak sei la naksain dauk. Mais kleu-leur, lia diꞌak nia moos nanis naksain.   
\c 6  
\s1 Lia ata no naꞌin  
\p
\v 1 Ata mak fiar baa Naꞌi Yesus musti nakneter naꞌin. Hodi nunia, ema seluk la netan lia krarain atu dale nahaat Naꞌi Maromak naran no itakaan hanorin.  
\v 2a Naꞌin mak fiar baa Naꞌi Yesus, niakaan ata sia musti nakneter nia bei-beik, masik sia hotu-hotu manesak iha Naꞌi Maromak oin. Ata sia musti naliku naꞌin nia diꞌak liu tenik, tan sia hotu-hotu fiar bele-bele baa Kristus. Sia hotu-hotu moos musti moris nadomi malu.   
\s1 Ema mak nanorin kaleꞌuk no ema mak rotus osan  
\p
\v 2b Timo! Manorin lia neꞌe sia hotu-hotu modi makbiit ema sarani sia, nebee sia nalo tuir.  
\v 3 Itakaan hanorin loos neꞌe, dadi tatuur baa moris dalan mak tuir Naꞌi Maromak hakaran hotu-hotu. Ema mak nanorin seluk, dudu sees Naꞌi Yesus Kristus hanorin loos.  
\v 4 Sia loko aan, mais mamuk! Sia toe mamuk. Siakaan hahalok nunia nalo ema hirus malu, ema nakaat malu, ema dale nahaat ema seluk naran, no ema naneo aat baa ema seluk.  
\v 5 Sia tokar lauk bei-beik. Siakaan kakutak dois. Sia la titu lia loos. Sia naneo sala naꞌak, kalo sia madinas tuir Naꞌi Maromak hakaran, sia bele soi.   
\p
\v 6 Tebes! Kalo ita moris tuir Naꞌi Maromak hakaran hodi horan toꞌo no saa mak iha, ita hetan sotir boot hanesan ema maksoin.   
\p
\v 7 Oras ita moris, ita mai mamuk. Oras ita mate, ita moos fila mamuk.  
\v 8 Surak, noo haan no tais, toꞌo tiꞌan!   
\p
\v 9 Ema mak nakara soi, maus kona sokur, toꞌo monu baa kuak oi-oik, tan naneo soi dei. Hanoin oin nunia nahoris dinu no nadodok moris.  
\v 10 Aꞌaat oi-oik moris tan ema rotus osan. Ema balu nabuꞌa osan nunia, toꞌo sia sees nela siakaan fiar mak loos no nadodok siakaan moris duꞌuk.   
\s1 Kaer metin hanorin mak o simu tiꞌan  
\p
\v 11 Timo! O neꞌe, Naꞌi Maromak niakaan. Tan baa nia, o musti moris nuneꞌe: Moris moon, dook mosi lia aat hotu-hotu. Tuir Naꞌi Maromak hakaran hotu-hotu. Fiar baa Yesus Kristus bei-beik. Madomi ema hotu-hotu. Materus aan mo susar. Moris furak mo ema hotu-hotu.  
\v 12 Marui aan tebe-tebes atu malaꞌok hanorin hotu-hotu mak ita fiar. Naꞌi Maromak foo moris nima-nimak baa o tiꞌan. O katak sain tiꞌan okaan fiar nunia iha ema lear oin. Dadi kaer metin moris nima-nimak nia.  
\v 13-14 Oras neꞌe, haꞌu kusu o mamate menon maꞌak, o tuir Naꞌi Yesus ukun hotu-hotu. Keta makur ukun ida moos, nebee ema la netan okaan salan. Tuir tebe-tebes, toꞌo loron itakaan Naꞌi Yesus Kristus namaan aan mai nikar. Haꞌu kusu o mamate menon nunia iha Naꞌi Maromak oin. Tan Nia mak foo kmalar bodik makmoris hotu-hotu. Haꞌu kusu o moos mamate menon nia iha Yesus Kristus oin. Tan Nia moos katak lia loos iha Gubernur Pontius Pilatus oin.\x + \xo 6:13-14 \xt Yohanis 18:37\x*   
\q1
\v 15 Naꞌi Yesus boot kaliuk, beran kaliuk!  
\q2 Naꞌin baa naꞌin hotu-hotu.  
\q2 Ulun baa ulun hotu-hotu.  
\q1 Toꞌo niakaan oras,  
\q2 lia neꞌe sia hotu-hotu naksain.   
\q1
\v 16 Nia mesan mak la mate.  
\q2 Nia moris iha kroman mak ema raiklaran la bele terus.  
\q3 La noo ema raiklaran ida kois mak bele titu nola Nia.  
\q1 Sera kneter hotu-hotu baa Nia nima-nimak!  
\q2 Nia kaer beran hotu-hotu iha liman nima-nimak!  
\q3 Nunia tebes!   
\s1 Lia ema maksoin  
\p
\v 17 Timo, katak baa maksoin raiklaran neꞌe maꞌak, keta loko aan no keta hakrai aan baa sasoin. Tan sasoin hotu-hotu atu lakon mohu. Diꞌak liu, hakrai aan baa Naꞌi Maromak mak moris. Tan Nia mak fakar tuun hotu-hotu bodik ita, nebee ita bele horan moris furak.  
\v 18 Katak baa sia nebee sia nodi sasoin nalo lia diꞌak. Nebee, sia madinas natudu hahalok diꞌak. Nebee, sia laran maluak baa ema. Nebee, sia faꞌe matak-malirin mak Naꞌi Maromak foo baa sia.  
\v 19 Hodi nunia, sia nariik moris mak folin, tan sia babilan kedan bodik moris baa awan-wainrua.   
\s1 Paulus narohan hakerek  
\p
\v 20-21 Timo! Daka diꞌa-diꞌak Manfatin hotu-hotu mak Naꞌi Maromak rai baa o. Ema balu naneo naꞌak sia mesan mak matenek. Mais siakaan ‘matenek’ nia, la noo tatuur, tan sia fiar hanorin kaleꞌuk. Keta manesa lia fuan mo sia. Keta kahur ho bosok teen sia. Keta dale lia mak la tuir Naꞌi Maromak beer.  
\p Haꞌu kakroꞌan nebee, Naꞌi Maromak natudu laran diꞌak baa o.  
\p Nunia dei.  
\q2 Dame,  
\q2 Paulus