\id 1CO  
\h 1 Korintus 
\toc1 1 Korintus Paulus nakerek dala uluk bodik hutun sarani iha kota Korintus 
\toc2 1 Korintus 
\toc3 1Kor 
\mt1 1 Korintus  
\mt2 Paulus nakerek dala uluk  
\mt2 bodik hutun sarani iha kota Korintus  
\c 1  
\s1 Tabe  
\p
\v 1 Hakerek neꞌe nosi haꞌu, Paulus, mak Naꞌi Maromak boi nola baa Yesus Kristus klosan. Itakaan mau Sostenes moos namutuk no haꞌu iha neꞌe. Ami rua solok tabe.  
\v 2 Haꞌu kalo hakerek neꞌe bodik emi iha hutun sarani iha kota Korintus. Naꞌi Maromak boi nola emi atu dadi baa ema moos, tan emi fiar baa Yesus Kristus. Nia namoos emi hanesan Nia namoos ema makfiar sia iha fatin hotu-hotu, tan ita hotu-hotu haloon baa itakaan Naꞌin Yesus Kristus. Nia, mak Naꞌin bodik ita ho sia bele-bele.\x + \xo 1:2 \xt Kristus Klosan Lian 18:1; Yoel 2:32\x*   
\p
\v 3 Haꞌu kaloon baa itakaan Ama Maromak no itakaan Naꞌi Yesus Kristus, nebee natudu laran diꞌak baa emi, nebee emi bele moris manek no dame.   
\s1 Paulus tonu-naboot Naꞌi Maromak tan ema Korintus siakaan fiar  
\p
\v 4 Loron-kalan haꞌu tonu haꞌukaan Maromak tan emikaan fiar! Tebes! Naꞌi Maromak natudu laran diꞌak baa emi, tan emi fiar baa Yesus Kristus mak Nia solok mai tiꞌan nia.  
\v 5 Tan emi talin malu ho Kristus, Nia foo babelen oi-oik bodik emi atu hodi halaꞌok Niakaan serwisu. Hodi nunia, Nia nasoi emi toꞌo emi matenek hatutan lia Kristus baa ema, no matenek halore Niakaan dalan moris.  
\v 6 Lia nia sia foo tadak naꞌak, hanorin nosi Kristus mak ami hatoꞌo tiꞌan baa emi, nahabut leꞌan iha emikaan neon, tan emi fiar haꞌak, hanorin nia, tebes no loos.  
\v 7 Emi moos simu tiꞌan babelen no matak-malirin nosi Naꞌi Maromak. Neꞌe naꞌak, emi nakonu no matak-malirin tiꞌan, oras emi hei-hein itakaan Naꞌin Yesus Kristus, natadu aan mai nikar.  
\v 8 Nia nakbiit emi atu bele haterus aan, toꞌo oras Nia mai nikar raiklaran neꞌe, emi bele hariik iha Niakaan oin hodi neon moos.  
\v 9 Naꞌi Maromak nanis nalaꞌok lia mak Nia nameno, tan Nia loke dalan tiꞌan baa emi nebee bele moris kreꞌis ho Niakaan Oan Yesus Kristus, itakaan Naꞌin.   
\s1 Hutun sarani musti neon mesak  
\p
\v 10 Mamaluk sia! Oras neꞌe, haꞌu kusu emi tebe-tebes kodi itakaan Naꞌin Yesus Kristus naran, nebee hanawa toe malu ona. Harui aan, nebee moris neon mesak. Keta sasa karin malu. Hanoin halo naruk bele-bele nebee emikaan lalaꞌok, oin mesak.   
\p
\v 11 Haꞌu kdale nunia, tan ketan lia kosi Bii Kloe eman mak mai nosi kota Korintus. Sia nasaꞌe lia baa haꞌu naꞌak, emi toe malu nohuun.  
\v 12 Emi balu haꞌak, “Haꞌu neꞌe, Paulus eman!” Balu naꞌak, “Haꞌu neꞌe, Apolos eman!” Balu moos naꞌak, “Haꞌu neꞌe, tuir Petrus!”\f + \fr 1:12 \ft Hakerek Moon lia Yunani naꞌak, “Kefas”. Kefas nia, Petrus naran seluk.\f* Balu tenik naꞌak, “Haꞌu neꞌe, rona baa Kristus dei!”\x + \xo 1:12 \xt Kristus Klosan Lian 18:24\x*   
\p
\v 13 Mamaluk sarani bele nunia ka? Kristus familin bele sasa karin malu ka? Arumak, emi haneo haꞌak, haꞌu mak mate iha ai karuus bodik emi ka? Arumak, baa oras emi simu sarani ema nodi haꞌukaan naran natama emi dadi baa haꞌukaan ema ka? Lale!  
\v 14 Haꞌu ktonu Naꞌi Maromak tan oras haꞌu ksei ko emi, haꞌu la ksarani ema. Haꞌu ksarani mau Krispus no mau Gayus mesan.\x + \xo 1:14 \xt Kristus Klosan Lian 18:8, 19:29; Roma 16:23\x*  
\v 15 Hodi nunia, la noo ema ida mak bele naꞌak, “Paulus sarani haꞌu nodi niakaan naran, nebee haꞌu kdadi baa niakaan ema.”  
\v 16 (Hoi tebes! Haꞌu kfoin kanoin kaꞌak, uluk haꞌu moos sarani ema balu nosi Stefanus familin. Mais kaluꞌa tiꞌan arumak haꞌu moos sarani ema seluk.)\x + \xo 1:16 \xt 1 Korintus 16:15\x*   
\p
\v 17 Kristus solok haꞌu lahoos atu sarani ema, mais atu katoꞌo Niakaan Lia Diꞌak baa ema. Nia la nakara haꞌu kalaꞌok serwisu nia kodi haꞌukaan matenek duꞌuk. Tan kalo kodi matenek duꞌuk, haꞌu kamamuk beran nosi lia Kristus mate iha ai karuus.   
\s1 Maromak Niakaan matenek liu nosi ema raiklaran siakaan matenek  
\p
\v 18 Oras ami dale hosi Kristus mate iha ai karuus, ema balu naneo naꞌak, lia nia momok lian dei. Mais ema oin nunia, siakaan moris dalan nodi sia baa haꞌi naraka. Oras ita rona lia Kristus mate nia, ita duꞌuk haneo haꞌak, lia nia nalore Maromak beran atu sori ita.  
\v 19 Neꞌe, hanesan lia mak uluk Maromak dale nodi makoꞌan Yesaya naꞌak,  
\q1 “Lia hotu-hotu mak ema raiklaran natene,  
\q2 Haꞌu atu ksobu karin hotu,  
\q3 dadi baa lia mak la noo isin.  
\q1 Siakaan matenek oin nunabee moos,  
\q2 Haꞌu atu kfoti soe hotu,  
\q3 dadi baa lia mak la noo folin.”\x + \xo 1:19 \xt Yesaya 29:14\x*   
\p
\v 20 Tebes. Masik ema raiklaran siakaan matenek oin nunabee moos, Maromak filak naꞌak, momok. Nia fokit mohu siakaan kakutak mak nahabut baa raiklaran, toꞌo la folin.\x + \xo 1:20 \xt Ayub 12:17; Yesaya 19:12, 33:18, 44:25\x*   
\p
\v 21-22 Mais Maromak Niakaan matenek, makaꞌas kaliuk. Masik ema raiklaran siakaan matenek oin nunabee moos, sia la bele nodi sukat Maromak. Maromak nodi Niakaan matenek foo dalan bodik ema raiklaran no sori sia nosi sala. Hori uluk, Nia nakotu tiꞌan atu solok Niakaan ema sia atu natoꞌo lia nia baa ema hotu-hotu, nebee sia bele fiar baa Nia. Nia nanoin naꞌak, “Masik ema raiklaran filak Haꞌukaan ema sia naꞌak, momok moos, Haꞌu ksolok sia bei-beik atu baa keke Haꞌukaan lia loos.”  
\p Tebes. Ema raiklaran sia la simu Naꞌi Maromak eman neꞌe sia. Sia moos nafolin Maromak dalan naꞌak, momok basuk. Ema Yahudi waꞌin la simu, tan sia nakara loos tadak blaar atu naree Maromak beran. Ema Yunani waꞌin la simu, tan sia nakara rona loos lia matenek mak tama baa siakaan kakutak duꞌuk.  
\v 23 Masik nunia moos, ami baa katak bei-beik haꞌak, “Naꞌi Maromak solok Kristus tiꞌan. Hotu ema nedi noꞌo Nia baa ai karuus.” Oras ema Yahudi sia rona lia nia, sia la simu, tan sia naneo naꞌak, kalo Naꞌi Maromak solok tebes Ema ida mai, Ema nia la bele mate. Oras ema Yunani sia rona lia nia, sia moos la simu, tan sia naneo naꞌak, “Lia neꞌe, momok!”  
\v 24 Mais ita lahoos nuꞌu sia. Naꞌi Maromak boi kedan ita dadi baa Niakaan ema. Ita balu ema Yahudi, balu ema Yunani. Ita fiar baa Kristus tan hatene haꞌak, Nia natudu Maromak beran boot no Maromak Niakaan matenek mak makaꞌas kaliuk.  
\v 25 Dadi, masik ema raiklaran naꞌak Maromak dalan nia momok moos, Maromak matenek liu sia. Masik sia naꞌak, Nia la noo beran moos, Niakaan beran boot liu sia.   
\p
\v 26 Mamaluk sia! Nebee emi bele hatene haꞌu kdale neꞌe, emi ida-idak hanoin duꞌuk niakaan tuur-hariik uluk, baa oras Naꞌi Maromak boi emi nalo baa Niakaan ema. Tuir ema raiklaran hanoin, iha emikaan leet la noo ema boot waꞌin, la noo ema maksoin waꞌin, la noo ema mahoo naran waꞌin.  
\v 27 Mais Naꞌi Maromak boi ema mak ema raiklaran nafolin naꞌak momok, atu nodi namoe ema mak nafolin aan matenek. Nia boi ema mak ema raiklaran nafolin naꞌak beran lalek, atu nodi namoe ema mak nafolin aan noo beran boot.  
\v 28 Nia boi ema kiꞌik mak la noo naran, atu nodi naraik ema raiklaran mak naboot aan.  
\v 29 Nosi ikus, baa oras ema hotu-hotu nariik nodi nataa baa Naꞌi Maromak, la noo ema ida kois mak basa karas naꞌak, “Naꞌi Maromak boi haꞌu, tan haꞌukaan makaꞌas.”   
\p
\v 30 Naꞌi Maromak loke dalan nebee ita bele talin malu ho Yesus Kristus. Tan baa nia, ita bele diꞌak hikar ho Naꞌi Maromak. Ita bele hatene Niakaan matenek. Ita bele moris moos no loos. Ita moos bele hakbois hosi sala.  
\v 31 Hakerek Moon naꞌak,  
\q1 “See mak foti tonun,  
\q2 diꞌak liu foti tonun baa itakaan Naꞌin.  
\q2 Keta tonun aan duꞌuk!”\x + \xo 1:31 \xt Yeremia 9:24\x*   
\c 2  
\s1 Paulus la nanorin nodi matenek raiklaran  
\p
\v 1 Mamaluk sia! Uluk, oras haꞌu kmai baa emi, haꞌu kanorin kodi katak kalore Naꞌi Maromak Niakaan lia subar mak uluk ema raiklaran sei la natene dauk. Mais haꞌu la kodi haꞌukaan dalen nia atu kamina aan. Haꞌu moos la kodi katudu matenek duꞌuk.  
\v 2 Oras nia haꞌu kanorin emi kodi lia ida dei, neꞌe mak, lia Yesus Kristus. Naꞌi Maromak solok Nia mai tiꞌan, mais ema nedi noꞌo Nia baa ai karuus. Haꞌu katene loos lia neꞌe dei.   
\p
\v 3 Oras haꞌu kanorin emi, koran la kbele, toꞌo kataꞌuk no kiki.\x + \xo 2:3 \xt Kristus Klosan Lian 18:9\x*  
\v 4 Haꞌu kanorin emi hodi lia fuan loron-loron dei. Haꞌu la kodi lia fuan oi-oik atu kamaus emi. Oras nia, Kmalar Lulik mak babilan haꞌu. Niakaan beran moos tuun baa haꞌu.  
\v 5 Hodi nunia, emi fiar baa Kristus, lahoos tan rona baa ema raiklaran matenek, mais tan Naꞌi Maromak duꞌuk natudu Niakaan beran baa emi.   
\s1 Paulus nanorin lia matenek nosi Naꞌi Maromak  
\p
\v 6 Masik ami hanorin emi hodi dalan nunia, baa oras ami dale baa ema mak fiar biit tiꞌan sia, ami hanorin hodi lia matenek. Mais lahoos matenek nosi raiklaran no makaer ukun sia. Tan sia la oras lakon mohu.  
\v 7 Ami hanorin hodi matenek nosi Naꞌi Maromak. Uluk, lia nia sei subar. Mais oras neꞌe, Naꞌi Maromak nakotu tiꞌan atu nalore baa ita, tan hori uluk aan, Nia nakotu kedan naꞌak, ita moos simu fafaꞌek hosi Niakaan makaꞌas.  
\v 8 Makaer ukun oras neꞌe sia la natene Naꞌi Maromak Niakaan matenek. Kalo sia natene, nanis sia la nedi noꞌo itakaan Naꞌin makaꞌas nia baa ai karuus.   
\p
\v 9 Iha Hakerek Moon, noo hakerek nosi Naꞌi Maromak Niakaan matenek mak uluk sei lia subar naꞌak,  
\q1 “Noo lia sia mak ema raiklaran matan sei la naree dauk.  
\q2 Noo lia sia mak ema raiklaran tilun sei la rona dauk.  
\q2 Noo lia sia mak ema raiklaran kakutak sei la nanoin dauk.  
\q1 Mais Naꞌi Maromak nadiꞌa kedan lia nia sia  
\q2 bodik ema mak nadomi Nia.”\x + \xo 2:9 \xt Yesaya 64:4\x*   
\p
\v 10 Tebes. Uluk, ema la natene lia nia sia, mais oras neꞌe Naꞌi Maromak nodi Niakaan Kmalar nalore tiꞌan baa ita.  
\p Naꞌi Maromak Kmalar natene lia hotu-hotu. Nia moos natene Naꞌi Maromak neon laran toꞌo neon ain.  
\v 11 Tebes! See mak natene fukur ema ida neon laran? Ema nia mesan. Nunia moos Naꞌi Maromak Kmalar natene fukur Naꞌi Maromak neon laran.   
\p
\v 12 Naꞌi Maromak foo Niakaan Kmalar nia baa ita tiꞌan. Etuk ita la moris tuir raiklaran ona. Tan Niakaan Kmalar moris iha itakaan neon, ita bele hatene lia diꞌak hotu-hotu mak Naꞌi Maromak nalo bodik ita.   
\p
\v 13 Naꞌi Maromak Kmalar nalore tiꞌan lia nia sia baa ami, hotu ami hanorin hatutan baa emi. Lia nia sia la mai nosi matenek raiklaran. Mais mai nosi Naꞌi Maromak Kmalar, bodik ema mak talin aan no Nia.  
\v 14 Ema mak la talin aan no Nia, sia la simu amikaan dalen. Sia naꞌak, “Dalen nia la tama baa kakutak!” Mais tuir loos, sia duꞌuk la natene lia nia sia, tan la talin aan ho Naꞌi Maromak Kmalar.  
\v 15 Ema musti talin aan no Naꞌi Maromak Kmalar lai, foin bele natene lia nia sia. Ema seluk sia nanis benar, tan la bele natene itakaan neon.  
\v 16 Atu bele nunabee? Hakerek Moon naꞌak:  
\q1 “See mak bele natene Maromak Niakaan hanoin?  
\q2 See mak bele foo tateꞌan baa Maromak?”\x + \xo 2:16 \xt Yesaya 40:13\x*  
\p Ema raiklaran nanis la bele natene Maromak Niakaan hanoin. Mais ita bele, tan Kristus nalo ita hatene hanoin tuir Kristus hanoin.   
\c 3  
\s1 Ema sarani keta toe malu  
\p
\v 1 Mamaluk sia! Oras haꞌu ksei kamutuk ko emi, emi hanesan ema mak sei la kreꞌis dauk baa Maromak Kmalar. Emi sei moris tuir raiklaran beer. Haꞌu la kbele kanorin emi hanesan kanorin ema matas, tan emi sei nuꞌu lawarik oan.  
\v 2 Haꞌu kanorin lia kmaan dei baa emi, tan emi sei la bele simu lia todan dauk, nuꞌu lawarik mak sei la bele naa naꞌan dauk. Tuir loos, emi musti biit tiꞌan, nuꞌu ema matas mak naa naꞌan ona. Mais emi nuꞌu kau mea oan mak sei nemu susu.\x + \xo 3:2 \xt Ibrani 5:12-13\x*  
\v 3 Emi sei moris tuir emikaan hakara duꞌuk. Kalo ema liu emi, emi hirus hodi toe oi-oik! Malolok tiꞌan emi neꞌe, ema mak tuir raiklaran beer.  
\v 4 Emi balu haꞌak, “Haꞌu neꞌe, Paulus eman.” Balu tenik naꞌak, “Haꞌu neꞌe, Apolos eman.” Sura emi dale nunia, emi hatudu duꞌuk haꞌak, emi tuir tebes raiklaran beer.\x + \xo 3:4 \xt 1 Korintus 1:12\x*   
\s1 Emi ahan Naꞌi Maromak Niakaan toꞌos  
\p
\v 5 Tuir loos, Apolos nia see? Haꞌu, Paulus neꞌe moos see? Ami rua dadi ema ain-liman loos dei. Ami mak hatudu dalan nebee emi bele fiar baa Kristus. Apolos nalaꞌo serwisu tuir Naꞌin ukun. Haꞌu moos nunia!  
\v 6 Haꞌu mak katak uluk lia Kristus baa emi, nuꞌu kuda fini. Hotu Apolos mai nanorin emi, nuꞌu tolo fini nia. Mais Naꞌi Maromak mak nalo fini nia tubu toꞌo boot.\x + \xo 3:6 \xt Kristus Klosan Lian 18:4-11,24-28\x*   
\p
\v 7 Ema mak kuda fini no ema mak tolo fini, la noo folin. Ida mesan mak noo folin. Neꞌe mak, Naꞌi Maromak. Tan Nia mak nalo fini tubu no moris toꞌo boot.  
\v 8 Ema mak kuda no ema mak tolo, sia rua serwisu bele-bele. Nanis Naꞌin atu selu baa ema hotu-hotu mak nalaꞌo Niakaan serwisu.  
\v 9a Ami rua, mak Naꞌi Maromak eman serwisu. Emi, mak Niakaan toꞌos.   
\s1 Emi ahan uma mak Naꞌi Maromak nariik  
\p
\v 9b Emi moos hanesan uma ida mak Naꞌi Maromak foin nariik nola.  
\v 10 Nia natudu laran diꞌak baa haꞌu, nalo haꞌu dadi nuꞌu badaen ulun. Nia moos tulun haꞌu, nebee kanorin uluk lia tatuur baa emi, hanesan kariik uma tatuur. Hotu, ema seluk mai nanorin tuꞌan baa emi, hanesan nariik uma baa tatuur nia leten. Badaen ida-idak musti serwisu diꞌa-diꞌak atu nariik tuir loos.  
\v 11 Lia tatuur neꞌe, mak Yesus Kristus. Naꞌi Maromak rai tiꞌan lia tatuur neꞌe baa emikaan neon. Tan lia nia, ema seluk la bele rai tatuur seluk baa emikaan neon.   
\p
\v 12 Badaen sia nariik uma baa uma tatuur leten nodi uma ruin oi-oik. Balu nodi uma ruin mak noo folin, nuꞌu mean, mutin, no fatuk maksinak. Balu tenik nodi uma ruin folin lalek, nuꞌu ai, au no bebak.  
\v 13 Mais nosi ikus, badaen ida-idak niakaan serwisu isin atu naksain toꞌo ema hotu-hotu bele natene niakaan serwisu nia, diꞌak ka, lale. Baa oras nia, Naꞌi Maromak atu sukat badaen ida-idak niakaan serwisu, nuꞌu nodi haꞌi sunu, atu natene serwisu nia sei nafati ka, lale.  
\v 14 Kalo Naꞌi Maromak sukat nodi haꞌi, hotu uma ruin sei nafati, Naꞌi Maromak atu foo saseban baa badaen nia iha laleꞌan.  
\v 15 Mais kalo uma ruin namotuk mohu, Naꞌi Maromak la foo saseban baa badaen nia. Badaen nia sei netan moris, mais la simu saseban sa-saa. Sia nuꞌu ema ida mak haꞌi naa uman, toꞌo sasoin hotu-hotu namotuk mohu. Nia kreꞌis mate, foin nalai sai.   
\s1 Emi ahan uma hamulak  
\p
\v 16 Emi moos hanesan uma hamulak bodik Maromak, tan Niakaan Kmalar nabesi aan iha emikaan leet. Emi hatene tebes ka?\x + \xo 3:16 \xt 1 Korintus 6:19; 2 Korintus 6:16\x*  
\v 17 Kalo ema ida nahaat Naꞌi Maromak uman nia, sintidu! Keta toꞌo ikus, Naꞌi Maromak moos nahaat ema nia! Naꞌi Maromak Niakaan hein fatik musti moos. Tan lia nia, emi musti moris moos, tan emi dadi baa Niakaan hein fatin.   
\p
\v 18 Keta beꞌur aan! Kalo ema ida nafolin aan naꞌak nia matenek toꞌo natene lia hotu-hotu tuir matenek raiklaran oras neꞌe, neꞌe naꞌak, ema nia la natene kois saa ida. Mais kalo ema ida noran la natene kois sa-saa, foin bele dadi matenek.  
\v 19 Naꞌi Maromak nafoli ema raiklaran siakaan matenek naꞌak, momok dei. Hakerek Moon naꞌak:  
\q1 “Noo ema mak nafolin aan matenek,  
\q2 mais Naꞌi Maromak nodi siakaan kakutak dois duꞌuk,  
\q3 atu kesi nahaat fila sia!”\x + \xo 3:19 \xt Ayub 5:13\x*   
\p
\v 20 Hakerek tenik naꞌak,  
\q1 “Itakaan Naꞌin natene nola  
\q2 saa mak ema matenek nanoin.  
\q1 Nia natene naꞌak, siakaan hanoin nia, butan dei.”\x + \xo 3:20 \xt Kananuk Sia 94:11\x*   
\p
\v 21-22 Naꞌi Maromak foti ema sia atu naliku emi. Dadi keta tonun ida haꞌak, nia makaꞌas liu. Tan Naꞌi Maromak latan hotu-hotu baa emi. Haꞌu, mau Apolos, no mau Petrus,\f + \fr 3:21-22 \ft Hakerek Moon lia Yunani nakerek naꞌak, Kefas. Kefas nia, Petrus naran seluk.\f* Naꞌi Maromak latan ami baa emi. Nia moos foo lia hotu-hotu iha raiklaran atu tulun emi, masik emi moris ka, emi mate ka. Nia latan hotu-hotu mak iha baa oras neꞌe no hotu-hotu mak iha baa ikus atu dadi baa emikaan.  
\v 23 Emi duꞌuk, Kristus Niakaan. No Kristus, Naꞌi Maromak Niakaan.   
\c 4  
\s1 Tan Paulus Kristus klosan, Kristus mak tetu niakaan serwisu  
\p
\v 1 Dadi, emi musti halo baa ami nuneꞌe: keta mose ami, tan ami neꞌe, Kristus ain-liman dei. Naꞌi Maromak fiar ami atu daka diꞌa-diꞌak Niakaan lia mak uluk sei lia subar.  
\v 2 Ema mak serwisu bodik naꞌin, musti serwisu tuir naꞌin hakaran,  
\v 3 tan naꞌin mak tetu niakaan serwisu, lahoos ema seluk. Dadi, kalo emi hakara tetu haꞌukaan serwisu, neꞌe loos emi. Nunia moos kalo ema seluk nakara tetu haꞌukaan serwisu, haꞌu la ktitu. Haꞌu la ktetu haꞌukaan serwisu duꞌuk.  
\v 4 Masik haꞌu duꞌuk koran haꞌu kserwisu loos tiꞌan, sei la nanis dauk nunia. Tan Naꞌi Yesus Kristus duꞌuk mak tetu haꞌukaan serwisu.  
\v 5 Tan lia nia, emi keta halo aan nuꞌu ema makotu lia atu tetu ema lian. Hein toꞌo itakaan Naꞌin namaan aan mai nikar lai, foin Nia keke nalore lia hotu-hotu. Nia atu nalore lia aat oi-oik mak ema subar iha makukun. Nia moos nalore lia hotu-hotu mak ema naneo iha neon laran. Foin, Naꞌi Maromak mose ema mak nalo lia diꞌak sia.   
\p
\v 6 Mamaluk sia! Haꞌukaan dalen neꞌe, kona baa haꞌu ko mau Apolos. Haꞌu kfoo knaninuk kosi ami rua kodi kanorin emi nosi lia ida nuneꞌe: \it Halo tuir lia mak hakerek iha Hakerek Moon laran dei. Keta tuir seluk\it*. Kalo emi halo nunia, emi la boi oin hodi hasaꞌek ida no haraik ida, tan ami rua manesak.  
\v 7 Nunabee? Emi hafolin aan liu ema makfiar seluk sia ka? Keta! Hotu-hotu mak emi simu, emi hetan hosi Naꞌi Maromak. Dadi tan saa emi loko aan nuꞌu emi duꞌuk mak harui aan hola?  
\v 8 Emi halo aan nuꞌu lia hotu-hotu mak emi hetan nia, emi mak buka duꞌuk. Nuꞌu la noo saa ida mak Naꞌi Maromak foo baa emi. Nuꞌu emi hoo folin boot tiꞌan hanesan naꞌi boot iha Naꞌi Maromak oin, mais ami Kristus klosan folin lalek. Mais arumak emi dadi naꞌi tebes, ami bele kaer ukun bele-bele ho emi ka?   
\p
\v 9 Isin ida-idak haꞌu koran ahan Naꞌi Maromak nalo ami mak Kristus klosan hanesan ema folin lalek. Ami nuꞌu ema bui mak nein simu ukun mate. Ema hotu-hotu iha raiklaran neꞌe, no Naꞌi Maromak Niakaan makbukar laleꞌan sia moos, nobun nodi naleꞌuk ami.  
\v 10 Mais, emi lale. Emi makaꞌas liu ami! Emi halo aan matenek lia Kristus tiꞌan. Mais ema naraik ami naꞌak, momok basuk, tan ami serwisu bodik Kristus. Sia nafoli emi biit basuk, mais ami, lale. Sia foti-nahaas emi, mais la nakneter ami kois. Nunia tebes!  
\v 11 Toꞌo oras neꞌe moos, ami horan salaen no hanroo. Amikaan tais moos, aat hotu. Ema taꞌe nakdiuk ami. Ami dadi ema tablaun mak la noo uma.  
\v 12 Ami serwisu kole tiꞌan hodi liman duꞌuk. Kalo ema dale ami oi-oik, ami hataa loos haꞌak, “Ami haloon nebee Naꞌi Maromak nalo lia diꞌak sia bodik emi.” Kalo ema nasusar ami, ami boi haterus aan dei.\x + \xo 4:12 \xt Kristus Klosan Lian 18:3\x*  
\v 13 Kalo ema dale nahaat amikaan naran, ami boi hataa hodi dale kabaas dei. Masik nunia moos, ema sei nalo ami nuꞌu krehut.\x + \xo 4:13 \xt Ibrani 11:38\x*   
\p
\v 14 Haꞌu kakerek lia neꞌe sia, lahoos atu kodi kamoe emi. Mais atu kanorin emi, tan kadomi emi hanesan haꞌukaan oan duꞌuk. Etuk, haꞌu katak baa emi, nebee emi fila hikar mai dalan loos.  
\v 15 Masik ema rihun-rihun bele nanorin dalan Kristus baa emi moos, haꞌu kmesan mak emikaan ama, tan haꞌu neꞌe, ema uluk fohon mak nanorin Kristus Niakaan Lia Diꞌak baa emi, toꞌo emi fiar baa Nia.  
\v 16 Tan lia nia, haꞌu kusu nebee emi tuir diꞌa-diꞌak haꞌukaan knaninuk.\x + \xo 4:16 \xt 1 Korintus 11:1; Filipi 3:17\x*   
\p
\v 17 Tan haꞌu kakara nunia, haꞌu ksolok tiꞌan Timotius baa emi. Haꞌu kdodan nia hanesan haꞌukaan oan duꞌuk. Haꞌu kfiar nia, tan nia talin aan no itakaan Naꞌin. Nia bele tulun emi nodi nalore haꞌukaan moris dalan mak talin malu no Yesus Kristus. Lia neꞌe mak haꞌu kanorin baa hutun sarani sia iha fatin hotu-hotu.   
\p
\v 18 Emi balu loko aan tan haneo haꞌak, haꞌu la kaksakar aan kmai tenik kota Korintus.  
\v 19 Mais kalo itakaan Naꞌin nakara, la kleur ona haꞌu kmai. Foin haꞌu katene sia atu nalo saa. Sia ibun boot loos dei ka, sia noo beran tebes.  
\v 20 Naꞌi Maromak, Naꞌi mak noo beran. Niakaan renu keta ibun boot dei, mais musti natudu Naꞌi Maromak beran iha siakaan moris.  
\v 21 Nunabee? Haꞌu kmai, haꞌu kdale makaꞌas kodi ktonan emi ka? Haꞌu kmai, katudu dodan no laran diꞌak baa emi?   
\c 5  
\s1 Paulus deꞌan ema Korintus sia tan ida nalo lia kfoꞌer  
\p
\v 1 Haꞌu krona emi ida nalo lia kfoꞌer. Ema nia niakaan aꞌaat liu tan ema mak la natene Maromak, tan nia nalo foꞌer nikar no aman feen.\x + \xo 5:1 \xt Hanoin Hikar Dalan Moris 22:30\x*  
\v 2 Masik nunia moos, emi sei loko aan no la horan moe! Tuir loos, emi musti moe aan hodi lelen lakon ema oin nunia.   
\p
\v 3 Masik ita dook baa malu, haꞌukaan neon namutuk no emi. Haꞌu kakotu kedan musti taa ukun baa ema aat nia.  
\v 4 Haꞌu koo beran kakotu lia nunia, tan haꞌu neꞌe, Naꞌi Yesus klosan. Haꞌu kakara nebee emi libur malu, hakotu lia nia hodi itakaan Naꞌin naran. Haꞌukaan neon tuir namutuk bele no emi.  
\v 5 Hotu latan ema nia baa diabu ulun, nebee kleu-leur nia duꞌuk soe lakon aꞌaat nia. Hodi nunia, baa oras itakaan Naꞌin namaan aan mai nikar, Nia bele sori nola ema nia.   
\p
\v 6 Keta toꞌo emi loko aan. Keta haluꞌa haꞌak, tua teen oan ida dei bele nasaꞌe tubi tomak boot ida. Ema hahalok aat nia, hanesan tua teen nia. Kalo habusik nalo aat bei-beik iha emikaan leet, nia kahur nola mamaluk sarani seluk sia toꞌo tuir nalo aat!\x + \xo 5:6 \xt Galatia 5:9\x*  
\v 7 Tan lia nia, emi musti lelen lakon ema aat nia, foin emi bele moris moos hikar. Ema Yahudi uluk aan noꞌo bibi malae oan sala lalek, nalo baa sera Paska atu nodi namoos aan. Nosi ikus, ema noꞌo Kristus, Ema Moon nia. Nia moos dadi baa sera atu namoos itakaan neon.\x + \xo 5:7 \xt Ema Israꞌel Sai Nosi Mesir 12:5\x*  
\v 8 Uluk, ema Yahudi naa tubi bakae mak tua teen lalek atu nadahur Paska. Oras neꞌe, ita nuꞌu tubi nia. Ita musti daka aan, nebee keta halo lia aat, no keta halo ema seluk laran moras. Ita musti dale loos. Hodi nunia, ema naree itakaan lalaꞌok hotu-hotu, tuir itakaan laran diꞌak.\x + \xo 5:8 \xt Ema Israꞌel Sai Nosi Mesir 13:7; Hanoin Hikar Dalan Moris 16:3\x*   
\p
\v 9 Uluk, haꞌu kakerek tiꞌan kaꞌak, “Keta kahur ho ema mak nakur biti-kluni no ema mak nalo lia kfoꞌer.”  
\v 10 Mais haꞌukaan hakara nia, keta kahur ho ema sarani mak nalo sala nunia. Lahoos keta kahur ho ema mak la fiar baa Naꞌi Maromak, hanesan ema rotus teen, ema tolek teen mak beꞌur nola ema siakaan naha, no ema mak loꞌu-sudur baa aiꞌoi lulik. Tan kalo emi halo nunia, emi musti hakfaꞌek aan hosi ema hotu-hotu iha raiklaran neꞌe.  
\v 11 Haꞌukaan hakara nuneꞌe: keta kahur ho ema mak naꞌak, “Haꞌu neꞌe, ema sarani.” Mais tuir loos, ema nia nalo sala nuꞌu nakur biti-kluni, rotus teen, loꞌu-sudur baa aiꞌoi lulik, nahaat ema naran, lanuk todan, no tolek atu nola ema niakaan naha. Keta kahur ho ema oin nunia sia. Tuur haa ho sia moos, keta!   
\p
\v 12 Emi musti tetu emikaan maluk sarani mak nalo sala nia. Haꞌu la koo beran atu tetu ema mak la fiar baa Naꞌi Maromak,  
\v 13 tan Naꞌi Maromak duꞌuk mak atu tetu sia. Mais keta haluꞌa Hakerek Moon naꞌak, “Kalo ema ida iha emikaan klaran nalo sala, musti lelen lakon nia!”\x + \xo 5:13 \xt Hanoin Hikar Dalan Moris 13:5, 17:7, 19:19, 22:21,24, 24:7\x*   
\c 6  
\s1 Keta halo lia ho maluk sarani toꞌo tama moon-metan  
\p
\v 1 Kalo ema sarani ida nalo lia no niakaan mamaluk sarani, tan saa emi hasaꞌe lia nia baa makotu lia mak la fiar baa Kristus? Keta nunia. Diꞌak liu, mai hariik iha fukun sarani oin, nebee sia mak nakotu emikaan lia nia!  
\v 2 Emi ahan la hatene dauk haꞌak, baa oras rai falu fila, ita ema sarani mak atu hakotu lia bodik ema hotu-hotu iha raiklaran neꞌe. Kalo ita bele hakotu nunia, tan saa emi la bele hakotu hola duꞌuk lia kiꞌik oan nunia sia?  
\v 3 Tuir loos, ita ema sarani moos atu hakotu lia bodik Naꞌi Maromak Niakaan makbukar laleꞌan sia. Tan lia nia, emi musti hatene babilan duꞌuk lia loron-loron nia sia.  
\v 4 Dadi, kalo ema sarani nalo lia no mamaluk sarani, emi keta husu makotu lia mak la fiar Kristus, tan nia la noo naran iha hutun sarani.   
\p
\v 5 Haꞌukaan dalen neꞌe musti namoe emi. Iha emikaan leet, ahan nuꞌu la noo ema ida kois mak matenek babilan lia kiꞌik oan sia mak moris iha hutun sarani leet,  
\v 6 toꞌo ema sarani kona lia, dada malu baa ema makotu lia mak la fiar baa Kristus.   
\p
\v 7 Lia nia la loos. Kalo emi hodi malu baa moon-metan, neꞌe naꞌak, emi monu tiꞌan. Kalo okaan maluk nalo sala baa o, diꞌak liu, mabusik baa dei. Kalo nia nanaꞌo nola okaan naha, diꞌak liu mabusik baa dei!  
\v 8 Mais emi duꞌuk halo sala baa malu. Emi hanaꞌo malu duꞌuk. La bele nunia. Emi neꞌe, ema sarani bele-bele!   
\p
\v 9 Emi ahan nuꞌu la hatene lia nia sia! Tuir loos, ema mak la nakara nalo loos, nia la bele tama dadi baa Naꞌi Maromak renun. Keta habusik emi naꞌin duꞌuk kona beꞌur, toꞌo halo sala! Ema mak nalo lia kfoꞌer, ema mak loꞌu-sudur baa aiꞌoi lulik no buat sia mak seluk Naꞌi Maromak, ema mak nakur biti-kluni, mane mak toba no mane,  
\v 10 ema mak nanaꞌo, ema mak rotus teen, ema mak nemu tua lanuk, ema mak dale nahaat ema naran, ema mak tolek nola ema nahan, ema oin nunia sia la bele dadi baa Naꞌi Maromak renun!   
\p
\v 11 Uluk, emi balu nanis nunia! Mais Naꞌi Maromak kasu mohu emikaan salan sia nodi namoos emi. Hodi nunia, Nia loke dalan nebee emi bele diꞌa-diꞌak hikar ho Nia. Nia nalo lia nia sia hotu-hotu, tan emi talin malu ho itakaan Naꞌin Yesus Kristus no Maromak Kmalar.   
\s1 Moris diꞌa-diꞌak hodi babilan isin lolon, neꞌe naꞌak, ita hakneter Naꞌi Maromak  
\p
\v 12 Noo ema balu naꞌak, “Ita bele halo hotu-hotu mak ita hakara.” Tebes. Mais tuir haꞌu duꞌuk, lia malolok nuneꞌe: Hahalok hotu-hotu sei la nanis diꞌak bodik ita. Haꞌu kbele kalo lia hotu-hotu mak kakara, mais la koꞌuk dadi ata baa lia mak la diꞌak sia.\x + \xo 6:12 \xt 1 Korintus 10:23\x*  
\v 13 Knaninuk nuneꞌe: “Hahaak buka kabun. Kabun buka hahaak.” Mais keta haluꞌa haꞌak, nosi ikus Naꞌi Maromak atu nadodok lia kabun no hahaak nia. Knaninuk seluk, itakaan isin lolon duꞌuk. Naꞌi Maromak la nalo itakaan isin lolon nebee ita hodi hakur biti-kluni, mais nebee ita hodi serwisu bodik Nia. Tan Nia mak itakaan Naꞌin. Nia noo beran atu babilan itakaan isin lolon.  
\v 14 Itakaan Naꞌin Yesus Kristus mate, mais Naꞌi Maromak nalo Nia moris nikar. Dadi, nosi ikus kalo ita mate, Nia moos noo beran atu nalo ita moris hikar.   
\p
\v 15 Itakaan isin lolon dadi baa Kristus Niakaan, tan ita nuꞌu isin rohan hosi Kristus isin lolon. Nanis emi hatene tiꞌan lia nia! Dadi, kalo haꞌu ktau isin rohan nosi Kristus isin, hotu baa kahur ko feto aat isin, nunabee? La bele! Hahalok nia la fatan.  
\v 16 Emi nanis hatene tiꞌan, kalo ema nakur biti-kluni no feto aat nunia, sia naꞌin rua talin malu dadi mesak. Hakerek Moon naꞌak, “Sia naꞌin rua talin malu, dadi mesak tiꞌan.”\x + \xo 6:16 \xt Lia Uluk Fohon 2:24\x*  
\v 17 Mais ema mak moris neon ida no itakaan Naꞌin, dadi mesak no Nia tiꞌan, nuꞌu sia naꞌin rua talin malu nodi kmalar mesak.   
\p
\v 18 Kalo o metan leet atu malo lia kfoꞌer, malai mela nia! Sala waꞌin nahaat ema mahalo duꞌuk, no nahaat ema seluk. Mais ema mak nalo lia kfoꞌer, nahaat isin lolon duꞌuk.  
\v 19 Kmalar Lulik moris iha okaan neon, tan Naꞌi Maromak duꞌuk mak foo. Neꞌe naꞌak, okaan isin lolon dadi Kmalar Lulik uman hamulak. O la moo beran ona atu dadi ulun baa okaan isin lolon duꞌuk. Tan saa o moris ahan nuꞌu o la matene lia neꞌe?\x + \xo 6:19 \xt 1 Korintus 3:16; 2 Korintus 6:16\x*  
\v 20 Kristus selu kotu ita nodi folin todan. Tan lia nia, ita musti moris hodi hakneter itakaan isin lolon duꞌuk, atu hatudu haꞌak, ita moos hakneter Naꞌi Maromak.   
\c 7  
\s1 Lia feen-laꞌen  
\p
\v 1 Oras neꞌe, haꞌu kakerek lia mak emi husu iha emikaan hakerek haꞌak, “Nunabee? Ema balu naꞌak, diꞌak liu mane lalika noo feen. Lia nia loos ka lale?”   
\p
\v 2 Lia nuneꞌe maluk sia: Tan ema maus kona sokur baa lia neꞌe, diꞌak liu mane noo feen duꞌuk. Feto moos noo laꞌen duꞌuk. Hodi nunia, sia la monu baa sala.   
\p
\v 3 Mane mak noo feen sia, keta dudu emikaan feen no la toba ho nia. Feto mak noo laꞌen siam keta dudu emikaan laꞌen no la toba ho nia.  
\v 4 Kalo feen-laꞌen nola malu tiꞌan, neꞌe naꞌak feen latan tiꞌan isin lolon bodik laꞌen. Laꞌen moos latan tiꞌan isin lolon bodik feen.  
\v 5 Dadi, keta dudu malu. Kalo hakara hamulak nebee hamulak tebe-tebes, feen-laꞌen bele hola lia hamutuk atu faꞌe heik malu lai. Kalo hamulak nia hotu tiꞌan, hamutuk hikar lai-lais nebee keta monu baa sala, tan diabu ulun buka leet atu sokur ema mak la netu aan.  
\v 6 Lia neꞌe, haꞌu kasara loos dei. Lahoos Naꞌi Maromak ukun.  
\v 7 Tuir haꞌu, diꞌak liu ema la nola malu, nuꞌu haꞌu neꞌe. Mais Naꞌi Maromak faꞌe babelen mak fatan baa ema ida-idak. Nia foo ema balu bele noo feen-laꞌen, balu lale.   
\p
\v 8 Oras neꞌe, haꞌu atu katak baa ema klalon sia no feto faluk sia, lia nuneꞌe: Diꞌak liu emi la hoo feen-laꞌen, nuꞌu haꞌu neꞌe.  
\v 9 Mais kalo emi la bele hetu aan, diꞌak liu hoo feen-laꞌen dei. Tan kalo lale, emikaan nawan aat duꞌuk bele nahaat nikar emi.   
\p
\v 10 Oras neꞌe, haꞌu atu katak lia soe malu. Itakaan Naꞌin duꞌuk naruka tiꞌan naꞌak, feen la bele soe laꞌen.  
\v 11 Mais kalo feen laꞌo nela laꞌen, feen la bele nalaꞌe seluk mane. Diꞌak liu, fila nikar atu dame malu no laꞌen. Nunia moos laꞌen, la bele soe feen.\x + \xo 7:11 \xt Mateus 5:32, 19:9; Markus 10:11-12; Lukas 16:18\x*   
\p
\v 12 Oras neꞌe, haꞌu atu katak baa ema seluk sia. Lia neꞌe nosi haꞌu duꞌuk, lahoos nosi itakaan Naꞌin. Lia nuneꞌe: kalo mane ida fiar baa Naꞌi Maromak, mais feen la fiar, mane nia la bele soe feen, kalo feen sei nakara moris namutuk no nia.  
\v 13 Nunia moos, kalo feto ida fiar baa Naꞌi Maromak, mais laꞌen la fiar. Feto nia la bele soe laꞌen kalo laꞌen sei nakara moris namutuk no nia.  
\v 14 Hodi nunia, laꞌen mak la fiar baa Naꞌi Maromak bele dadi moos, tan talin malu no feen mak fiar. Feen mak la fiar, bele dadi moos, tan talin malu no laꞌen mak fiar. Hotu, siakaan oan sia moos dadi moos iha Naꞌi Maromak oin. Kalo lale, oan sia la dadi moos.  
\v 15 Mais kalo mane mak la fiar laꞌo nela feen mak fiar, habusik baa. Kalo feto mak la fiar laꞌo nela laꞌen mak fiar, habusik baa. Naꞌi Maromak bolu ita atu dadi Niakaan ema mak moris manek no dame. Ita lalika talin aan ho ema mak la fiar sia.  
\v 16 Feto mak fiar baa Naꞌi Maromak sia, arumak emi bele sori hola laꞌen. Mane mak fiar sia, arumak emi bele sori hola feen. Arumak bele, arumak la bele. Emi moos la hatene.   
\s1 Tuir Kristus dalan moris hodi tuur-hariik mak uluk Nia foo baa emi  
\p
\v 17 Uluk, baa oras Naꞌi Maromak bolu nola emi dadi baa Kristus eman, emi ida-idak ho tuur-hariik duꞌuk. Oras neꞌe, ida-idak musti tuir Kristus dalan moris hodi emikaan tuur-hariik uluk nia, tan Naꞌi Maromak mak babilan kedan moris nunia. Hanorin neꞌe, haꞌu kanorin baa hutun sarani sia iha fatin hotu-hotu.   
\p
\v 18 Haꞌu kfoo knaninuk nuneꞌe: noo ema Yahudi mak uluk namane aan tuir siakaan adat, foin rona Naꞌi Maromak bolu atu dadi baa Kristus eman. Ema nunia, lalika heli adat hamane aan nia. Nunia moos, ema lahoos Yahudi mak uluk la namane aan, foin rona Naꞌi Maromak bolu sia. Sia lalika namane aan ona.  
\v 19 Ita hamane aan ka, la hamane aan ka, lia nia la noo folin. Lia mak noo folin mak neꞌe: ita halo tuir Naꞌi Maromak ukun.  
\v 20 Oras Naꞌi Maromak bolu o, Nia la naruka tenik sa-saa nosi lia hamane aan. Dadi, emi ida-idak hafati baa emikaan tuur-hariik uluk.   
\p
\v 21 Haꞌu kfoo knaninuk ida tenik. Uluk, baa oras Naꞌi Maromak bolu o, kalo o dadi ata baa ema ida, mafati nunia dei. La saa ida. Kalo bele sai mosi ata, sai ona! Mais kalo la bele, la saa ida.  
\v 22 Kalo Naꞌi Maromak bolu nola ata ida, Kristus dadi Naꞌin bodik ata nia. Kalo Naꞌi Maromak bolu nola ema boot ida, ema boot nia dadi baa Kristus atan.  
\v 23 Kristus selu kotu emi nodi folin mak boot basuk! Dadi hanaꞌi baa Kristus dei. Keta hanaꞌi baa ema.   
\p
\v 24 Mamaluk sia! Uluk, baa oras Naꞌi Maromak bolu nola ita, ita ida-idak ho itakaan tuur-hariik duꞌuk. Oras neꞌe, ita musti tuir Naꞌi Maromak hodi hafati baa itakaan tuur-hariik uluk nia.   
\s1 Lia ema klalon  
\p
\v 25 Emi moos husu baa haꞌu hosi lia ema mak sei klalon. Naꞌi Maromak la katak haꞌu nosi lia neꞌe. Mais emi bele fiar saa mak haꞌu kdale, tan Naꞌi Maromak natudu dodan baa haꞌu tiꞌan. Haꞌu kanoin nuneꞌe:  
\v 26 Oras neꞌe ita hasoru susar oi-oik. Dadi, kalo ema moris nunabee tiꞌan, moris nunia ona. Nuneꞌe:  
\v 27 Kalo hoo feen tiꞌan, keta soe nia. Kalo la hoo feen dauk, keta buka ona.  
\v 28 Mais kalo hoo feen, la sala. Nunia moos feto nurak sia. Kalo hoo laꞌen, la sala. Mais hanoin! Ema mak nola malu, nanis nasoru maufinu oi-oik iha raiklaran neꞌe. Haꞌu kfoo katene baa emi kaꞌak, kalo emi la hola malu, emi la hasoru maufinu nia sia.   
\p
\v 29 Haꞌu kanoin nuneꞌe mamaluk sia! Oras rai falu fila kreꞌis mai ona. Dadi, ema mak noo feen, keta tau neon baa feen dei, mais nia musti rai neon baa Naꞌi Maromak no.  
\v 30 Nunia moos, ema mak tanis tan susar. Diꞌak liu nakbiit aan nanawa tanis nodi naluꞌa susar nia, nebee nia bele rai neon baa Naꞌi Maromak. Ema mak neon boot, diꞌak liu naluꞌa neon boot nia, nebee nia bele rai neon baa Naꞌi Maromak. Ema mak bele sosa waꞌin, diꞌak liu moris nuꞌu ema mak la noo sa-saa, nebee nia bele rai neon baa Naꞌi Maromak.  
\v 31 Ema mak buka sasoin raiklaran, diꞌak liu moris nuꞌu ema mak la rai neon baa sasoin raiklaran, nebee nia bele rai neon baa Naꞌi Maromak. Tan la kleur ona, moris raiklaran neꞌe atu lakon mohu.   
\p
\v 32 Haꞌu kakara nebee emi lalika halau aan hodi neo-neon. Ema mak la noo feen, noo leet waꞌin atu rai neon baa Naꞌi Maromak beer. Nia bele buka dalan atu serwisu bodik nalo Naꞌi Maromak neon diꞌak.  
\v 33-34 Mais ema mak noo feen, musti rai neon baa raiklaran beer. Masik nakara rai neon baa Naꞌi Maromak beer moos, nia moos musti buka dalan atu nalo feen neon diꞌak. Tan lia nia, ema mak noo feen, niakaan neon nakfaꞌek rua.  
\p Nunia moos, feto faluk, no feto mak sei la noo laꞌen dauk. Sia bele rai neon baa Naꞌi Maromak beer, nebee neon no isin lolon dadi moos. Mais feto mak noo laꞌen, niakaan neon nakfaꞌek rua. Masik nakara rai neon baa Naꞌi Maromak beer moos, nia moos musti buka dalan atu nalo laꞌen neon diꞌak.  
\v 35 Haꞌu katak lia neꞌe sia baa emi, nebee emi bele hetan sotir. Lahoos atu kodi katodan emi. Kakara nebee emi halo mak loos hodi rai neon baa Naꞌi Maromak beer, nebee emikaan neon la nakfaꞌek aan.   
\p
\v 36 Kalo mane ida noo sasudin mak otas toꞌo tiꞌan, habusik sia nola malu ona. Saa tenik, kalo mane nia la bele netu aan. Hodi nunia, sia la nalo sala. Keta hein leꞌu-leꞌur, toꞌo mane nia nalo lia mak la loos.  
\v 37 Mais kalo nia bele netu aan, nia lalika lai-lais noo feen. Surak nia duꞌuk mak nakotu nunia. Masik netu aan kleur moos, diꞌak.  
\v 38 Mane mak nola feto, nia nalo diꞌak. Mais mane mak la nola feto moos, nia nalo diꞌak liu tenik.   
\s1 Lia feto faluk  
\p
\v 39 Feto feen talin malu no laꞌen toꞌo mate. Mais kalo laꞌen mate tiꞌan, nia bele nalaꞌe seluk mane, surak laꞌen foun nia moos fiar baa Kristus.  
\v 40 Tuir haꞌu, feto faluk nia hetak sotir kalo nia la noo laꞌen tenik. Haꞌu koran kaꞌak, lia tateꞌan neꞌe mai nosi Naꞌi Maromak Kmalar mak moris iha haꞌukaan neon.   
\c 8  
\s1 Lia hahaak mak ema sera baa aiꞌoi lulik  
\r (Hanoin Hikar Dalan Moris 4:35,39, 6:4)  
\p
\v 1 Oras neꞌe, haꞌu kdale kosi lia naꞌan mak ema nodi loꞌu-sudur baa aiꞌoi lulik. Emi hatene waꞌin tiꞌan hosi lia neꞌe. Mais lia nuneꞌe: kalo ita hatene waꞌin, ita maus loko aan, tan ita hanoin haꞌak, ita matenek liu ema seluk sia. Diꞌak liu, ita hadomi ema seluk. Tan lia nia mak nakbiit ema toꞌo bele naterus aan.   
\p
\v 2 Kalo ema ida naꞌak nia matenek tiꞌan, neꞌe naꞌak, niakaan matenek nia sei la toꞌo dauk.  
\v 3 Mais kalo ema ida nadomi Naꞌi Maromak, Naꞌi Maromak nanis nadomi nia. Lia nia mak noo folin.   
\p
\v 4 Lia naꞌan mak ema sera baa aiꞌoi lulik nuneꞌe. Ita hotu-hotu hatene aiꞌoi lulik mak ema loꞌu-sudur baa, lahoos Maromak. Noo hakerek naꞌak, “Maromak, mesak ida dei.” No “aiꞌoi lulik mak ema loꞌu-sudur baa, la noo folin kois.”  
\v 5 Noo buat waꞌin iha laleꞌan no raiklaran mak ema loꞌu-sudur baa nodi temi naꞌak, siakaan ‘lulik’ no siakaan ‘naꞌi’.   
\q1
\v 6 Mais bodik ita, Maromak mesak dei.  
\q2 Nia, itakaan Ama.  
\q1 Lia hotu-hotu nahabut baa Nia.  
\q2 Ita halo hotu-hotu bodik Nia.  
\q1 Itakaan Naꞌin moos, mesak dei.  
\q2 Neꞌe mak, Yesus Kristus.  
\q1 Naꞌi Maromak nodi Nia  
\q2 atu naseꞌi hotu-hotu.  
\q1 Ita moris,  
\q2 tan Nia mak foo moris baa ita.   
\p
\v 7 Tebes! Mais ema balu la natene lia nia sia. Uluk, oras sia sei la fiar baa Kristus dauk, sia loꞌu-sudur baa aiꞌoi lulik. Oras neꞌe, kalo sia naa naꞌan lulik, sia naneo naꞌak “Hahaak neꞌe, dadi baa sera atu loꞌu-sudur baa aiꞌoi lulik. Kalo haꞌu kaa, haꞌu ksei talin aan ko lia aat nia!” Lia nia natodan siakaan kakutak toꞌo sia noran la fatan, tan neon la biit.  
\v 8 Tuir loos, sia lalika nunia, tan hahaak la bele nodi ita kreꞌis baa Naꞌi Maromak. Hahaak moos la bele faꞌe ita nosi Nia. Kalo ita haa, ita la sotir. Kalo ita la haa, ita moos la lakon.   
\p
\v 9 Sintidu! Masik ita duꞌuk hatene haꞌak, ita bele halo lia ida, ita lalika halo kalo itakaan maluk sarani ida neon la biit. Keta toꞌo nia moos nalo tuir, hotu sidi ain tan noran lia nia la fatan bodik nia.  
\v 10 Knaninuk nuneꞌe: o matene tiꞌan maꞌak, maa naꞌan lulik, la saa ida. Mais arumak o baa maa iha aiꞌoi lulik fatin. Hotu, maluk sarani ida naree o tuur maa iha nia. Maluk nia dadi neon ruak, tan sei la natene dauk lia nia fatan ka, lale. Mais tan o malo, nia moos nalo tuir.  
\v 11 O matene lia waꞌin tebes. Mais kalo o malo nunia, o mahaat okaan maluk sarani mak neon la biit. Manoin, tan Kristus moos mate bodik nia!  
\v 12 Diꞌak liu nuneꞌe: kalo o malo okaan maluk nalo lia mak nia noran sala, o malo sala baa nia tiꞌan. O moos malo sala baa Kristus.  
\v 13 Tan lia nia, kalo haꞌu kaa hahaan mak nalo haꞌukaan maluk sarani monu baa sala, diꞌak liu haꞌu la kaa. Masik toꞌo wainhira moos, haꞌu la kaa. Tan haꞌu la koꞌuk haꞌukaan maluk monu baa sala.   
\c 9  
\s1 Paulus nia, Kristus klosan tebes  
\p
\v 1 Arumak emi haꞌak, haꞌu la koo beran kakerek nuneꞌe. Keta nunia, tan Yesus Kristus duꞌuk mak boi haꞌu dadi baa klosan. Haꞌu karee duꞌuk itakaan Naꞌin nia. Haꞌu kreꞌis baa Nia tiꞌan. Emi hotu-hotu moos fiar baa Nia, tan haꞌukaan serwisu.  
\v 2 Masik ema seluk naꞌak, haꞌu lahoos Kristus klosan moos, emi hatene duꞌuk haꞌak, Nia mak solok haꞌu baa emi. Kalo emi sei buka lia kakaer tenik, haree baa emikaan tuur-hariik duꞌuk. Emi kreꞌis baa itakaan Naꞌin tiꞌan. Dadi malorek ona, haꞌu neꞌe, Niakaan klosan tebes.   
\p
\v 3 Bodik ema mak la simu haꞌu hanesan Kristus klosan, haꞌu atu kataa sia nuneꞌe:  
\v 4 Arumak emi haneo haꞌak, haꞌu ko Barnabas la bele simu haa-hemu hosi ema mak ami hanorin ka?  
\v 5 Arumak emi hanoin haꞌak, ami la bele hola feto hosi feto sarani sia, nebee tuir haliku bele-bele ho sia ka? Tuir loos, Naꞌi Yesus klosan seluk sia baa naliku bele-bele no siakaan feen. Petrus no Naꞌi Yesus alin sia moos nunia.\f + \fr 9:5 \ft Hakerek Moon lia Yunani nakerek naꞌak, ‘Kefas’. Kefas nia, Petrus naran seluk.\f*  
\v 6 Arumak emi haneo haꞌak, haꞌu ko Barnabas dei mak la bele buka moris hosi ema mak ami hanorin ka?  
\v 7 Keta haneo nunia. Mana dei baa sondadu sia. Sia bele simu hahaak no tais nosi ulun. Mana dei baa ema makserwisu iha toꞌos anggor sia. Sia bele naa nosi toꞌos isin. Mana dei baa makbalin sia. Sia bele nola susu ween nosi bibi malae mak sia naliku.   
\p
\v 8 Haꞌu kdale nunia, lahoos tuir ema raiklaran hanoin. Naꞌi Maromak Ukun-badu duꞌuk mak katak nunia.  
\v 9 Iha Ukun-badu mak Nia natuun baa bei Musa, noo hakerek naꞌak, “Karau baka mak serwisu sama hare, keta futu hatoos nunun nebee nia bele naa.” Arumak emi haneo haꞌak, Naꞌi Maromak nakara karau baka loos dei mak bele naa ka?\x + \xo 9:9 \xt Hanoin Hikar Dalan Moris 25:4; 1 Timotius 5:18\x*  
\v 10-11 Lale! Nia moos katak naꞌak Nia rai matan baa ami! Noo hakerek naꞌak, “Oras ema makfila rai no maksama hare serwisu, sia natene kedan sia atu simu fafaꞌek.” Dadi, la sala, kalo ema mak naliku hutun sarani moos simu fafaꞌek nosi siakaan serwisu. Baa oras ami hanorin emi lia nosi Maromak Kmalar, lia nia hanesan ema mahalo toꞌos ida kuda fini. Hanorin hotu, fatan basuk kalo ami simu saseban hosi emi!\x + \xo 9:10-11 \xt Roma 15:27\x*  
\v 12 Ema seluk mak nanorin emi, sia bele simu saseban nosi emi. Kalo ema seluk sia bele simu saseban nunia, ami hoo beran liu tan sia!  
\p Mais emi hatene lia neꞌe tiꞌan. Ami la dala ida dauk hodi beran nia haseten emi. Ami hetu aan baa lia oi-oik, nebee keta hatodan emi. Hodi nunia, emi hakara hanono baa Kristus Niakaan Lia Diꞌak mak ami hanorin baa emi.  
\v 13 Hanoin kokon! Naꞌilulik mak naliku ema Yahudi iha siakaan Uma Hamulak Huun, sia moris nosi sera mak ema nodi. Ema mak naliku osan sera fatin, sia naa naꞌan sera nia.\x + \xo 9:13 \xt Hanoin Hikar Dalan Moris 18:1\x*  
\v 14 Nunia moos, Naꞌi Maromak naruka naꞌak, ema mak serwisu nodi nanorin Kristus Niakaan Lia Diꞌak, sia moris nosi serwisu nia folin.\x + \xo 9:14 \xt Mateus 10:10; Lukas 10:7\x*   
\p
\v 15 Tebes. Haꞌu kbele kalo nunia, mais la kakara. Lahoos haꞌu kalo hakerek neꞌe, nebee emi atu foo saseban baa haꞌu. Lale. Haꞌu kaliku emi kleur tiꞌan kodi la kusu saa ida. Diꞌak liu haꞌu kmate nosi ema dale haꞌu naꞌak, haꞌu ema madiduk.  
\v 16 Masik haꞌu kanorin nohuun Kristus Niakaan Lia Diꞌak moos, haꞌu la kbele loko aan. Haꞌu kmusti kanorin kosi Kristus, tan Nia mak solok haꞌu. Kalo la kalo tuir, haꞌu ksusar ona! Nanis haꞌu kona kastikar.  
\v 17 Kalo haꞌu kalaꞌok serwisu neꞌe, tan haꞌukaan beer duꞌuk, haꞌu kfatan simu kansera. Mais haꞌu kalaꞌok serwisu neꞌe, tan Kristus mak solok haꞌu. Haꞌu kmusti serwisu tan Nia fiar naꞌak haꞌu kbele kalaꞌok serwisu mak folin todan neꞌe.  
\v 18 Kalo nunia, haꞌu ksimu saa? Haꞌu la kbuka kansera, mais kanorin Kristus Niakaan Lia Diꞌak kodi la kusu sa-saa. Serwisu nia nalo haꞌu neon diꞌak, toꞌo koran hanesan simu tiꞌan kansera. Dadi, masik haꞌu koo beran hanesan ema seluk mak serwisu nanorin Lia Diꞌak, haꞌu duꞌuk la koꞌuk tau haꞌukaan beran hotu-hotu.   
\p
\v 19 Haꞌu neꞌe, lahoos ema atan. Masik nunia moos, haꞌu kalo aan nuꞌu ata, nebee ema hotu-hotu bele naruka haꞌu. Kodi nunia, haꞌu hetak kbele tulun ema waꞌin nebee tuir Kristus.  
\v 20 Oras haꞌu kodi Lia Diꞌak baa ema Yahudi, haꞌu kalo aan nuꞌu ema Yahudi nebee haꞌu kbele kodi sia kreꞌis baa Kristus. Oras haꞌu kodi Lia Diꞌak baa ema mak kaer metin Naꞌi Maromak Ukun-badu, haꞌu kalaꞌok Ukun-badu nia sia, nebee haꞌu kbele kodi sia kreꞌis baa Kristus. (Haꞌu kalo nunia, masik katene kaꞌak, kalo ita tuir Ukun-badu, lia nia la nalo ita diꞌa-diꞌak ho Naꞌi Maromak.)  
\v 21 Oras haꞌu kodi Lia Diꞌak baa ema mak la natene Naꞌi Maromak Ukun-badu, haꞌu kdadi nuꞌu sia, nebee kalaꞌo kodi sia baa Kristus. (Keta toꞌo ema dale naꞌak, haꞌu ksoe kela Naꞌi Maromak Ukun-badu mak Nia natuun baa Bei Musa, tan ktuir Kristus Ukun-badu.)\x + \xo 9:21 \xt Mateus 22:34-40; Markus 12:28-34; Lukas 10:25-28; 1 Korintus 13:1-8\x*  
\v 22 Oras haꞌu kodi Lia Diꞌak baa ema mak neon la biit, haꞌu kalo aan neon la biit, nebee haꞌu kbele tulun sia mai baa Kristus. Bodik ema hotu-hotu, haꞌu kalo aan nuꞌu sia, nebee nunabee moos, haꞌu kbele sori kola balu.  
\v 23 Haꞌu kalo nunia, nebee ema hotu-hotu bele fiar baa Kristus Niakaan Lia Diꞌak. Hodi nunia, haꞌu moos bele simu matak-malirin mak Nia nakara foo baa Niakaan ema.   
\p
\v 24 Haꞌu kfoo lia hatetek hosi halai sita malu. Ema waꞌin tuir nalai sita, mais ema naꞌin ida dei mak netan nola. Nunia moos, o musti marui aan tuir Naꞌi Maromak beer, toꞌo metan mola.  
\v 25 Ema mak tuir sita malu musti rona baa manorik nodi tuir niakaan ukun. Sia narui aan makaꞌas nebee netan sabeo sita malu, masik sabeo nia, la oras naklaik mohu. Mais ita harui aan atu hetan lia mak nafati nima-nimak.  
\v 26 Oras kalai, haꞌu la kalai karin, mais karui aan makaꞌas kalai katutuk kladik baa. Kalo hanesa haꞌu ko ema maktukuk, haꞌu la ktuku karin, mais tuku fukur.  
\v 27 Haꞌu ktuir ukun kodi karui aan makaꞌas, nebee bele katerus aan. Keta toꞌo haꞌu katak Naꞌi Maromak baa ema seluk, mais haꞌu duꞌuk kakur ukun, hotu Naꞌi Maromak nasai haꞌu.   
\c 10  
\s1 Sintidu baa naha lulik raiklaran sia  
\p
\v 1 Mamaluk sia! Keta haluꞌa lia uluk nosi amikaan bei uluk sia, baa oras sia laꞌo lori baa-mai iha rai fuik. Naꞌi Maromak nodi kaloꞌan laꞌo uluk natudu dalan baa sia. Nia moos taa faꞌe tasi ween, hotu nalaꞌo sia toꞌo tasi balu no manek.\x + \xo 10:1 \xt Ema Israꞌel Sai Nosi Mesir 13:21-22, 14:22-29\x*  
\v 2 Kaloꞌan no tasi nia, dadi lia hatetek. Bei uluk sia fiar Musa atu lituk sia. Hotu, sia tuir kaloꞌan nia, no tama baa tasi ween bele-bele no Musa. Nunia moos, ita mak fiar baa Kristus no simu sarani atu dadi tadak haꞌak, ita dadi Niakaan ema hodi hanono baa Nia.  
\v 3 Bei uluk sia hotu-hotu naa hahaak mak Naꞌi Maromak nadiꞌa bodik sia.\x + \xo 10:3 \xt Ema Israꞌel Sai Nosi Mesir 16:35\x*  
\v 4 Sia hotu-hotu moos nemu wee mak Nia nadiꞌa bodik sia. Wee nia, sai nosi fatuk boot mak Nia natudu baa sia. Sia toꞌo fatin nabee dei, fatuk nia moos iha. Fatuk nia, mak Kristus.\x + \xo 10:4 \xt Ema Israꞌel Sai Nosi Mesir 17:6; Sura Renu Israꞌel 20:11\x*  
\v 5 Mais oras nia, Naꞌi Maromak la nakara ema lear hahalok aat. Tan lia nia, baa oras sia laꞌo satan leur fatin fuik luan, sia mate waꞌin. Hotu hakoi hela iha fatin lear.\x + \xo 10:5 \xt Sura Renu Israꞌel 14:29-30\x*   
\p
\v 6 Lia nia sia dadi knaninuk, nebee ita keta beer halo aat nuꞌu sia.\x + \xo 10:6 \xt Sura Renu Israꞌel 11:4\x*  
\v 7 Ita keta loꞌu-sudur baa aiꞌoi lulik nuꞌu sia. Hakerek Moon naꞌak, “Ema Israꞌel sia tuur naa-nemu bele-bele nodi loꞌu-sudur baa aiꞌoi lulik karau baka.”\x + \xo 10:7 \xt Ema Israꞌel Sai Nosi Mesir 32:6\x*  
\v 8 Ita keta hakur biti-kluni nuꞌu sia. Tan sia nalo lia kfoꞌer hori hirak nia, ema naꞌin rihun rua nulu resin tolu mate mohu baa loron ida dei.\x + \xo 10:8 \xt Sura Renu Israꞌel 25:1-18\x*  
\v 9 Ita keta halo aat oi-oik hodi koko Kristus atu hatene haꞌak, Nia kastikar ita ka, lale. Ema Israꞌel balu koko Naꞌi Maromak nunia. Hotu Nia solok samea mak noo raso lear mai, tutu noꞌo sia.\x + \xo 10:9 \xt Sura Renu Israꞌel 21:5-6\x*  
\v 10 Ita moos keta haksuhuk nuꞌu sia. Tan ema Israꞌel balu naksuhuk nohuun, Naꞌi Maromak solok makbukar laleꞌan mai noꞌo hotu sia.\x + \xo 10:10 \xt Sura Renu Israꞌel 16:41-49\x*   
\p
\v 11 Lia nia kona baa ema Israꞌel sia, atu dadi knaninuk bodik ita. Makoꞌan sia nakerek nela lia nia hotu-hotu, nebee ita bele simu hanorin no keta halo tuir siakaan salan. Tan loron rai falu fila kreꞌis mai ona.   
\p
\v 12 Hanoin diꞌa-diꞌak! Kalo o manoin maꞌak, o bele materus aan biit, sintidu! Keta toꞌo o monu.  
\v 13 Kalo o kona sokur, manoin, tan ema seluk moos kona sokur nunia tiꞌan. Mais o bele fiar baa Naꞌi Maromak nebee Nia nalaꞌok saa mak Nia dale. Nia la nabusik o kona sokur liu nosi okaan babelen, tan Nia atu foo dalan sasin baa o. Nia beer nalo o materus aan, nebee o keta monu.   
\p
\v 14 Mamaluk sia! Kalo ema nokbiit baa emi atu loꞌu-sudur baa aiꞌoi lulik sia no se-seluk sia mak nadook emi nosi Naꞌi Maromak, halai sai hosi nia! Keta maktaman iha nia tenik!   
\p
\v 15 Haꞌu kdale baa emi mak hatene hanoin naruk sia, nebee emi tetu duꞌuk saa mak haꞌu kdale neꞌe loos ka, lale.  
\v 16 Lia nuneꞌe: Oras ita hamutuk atu hodi hanoin Kristus Niakaan mate, ita sera dodan baa Naꞌi Maromak, hotu hemu hosi hemu fatik nia. Lia neꞌe naꞌak, ita talin aan ho Kristus tan Nia nakduar raan bodik ita. Oras ita tohi faꞌe tubi nia, hotu haa, neꞌe moos naꞌak, ita talin aan ho Kristus mak mate bodik ita.\x + \xo 10:16 \xt Mateus 26:27-28; Markus 14:22-24; Lukas 22:19-20\x*  
\v 17 Ita hotu-hotu simu tubi faꞌek hosi tubi ida. Lia neꞌe naꞌak, ita dadi mesak tiꞌan. Masik ita ema lear, ahan ita isin lolon ida, tan hotu-hotu talin malu ho Kristus.  
\v 18 Hanoin ema Israꞌel uluk aan sia. Baa oras sia nodi sera tunun atu natetu baa Naꞌi Maromak, naꞌilulik babilan sera nia. Naꞌilulik nia mak naa naꞌan sera nia. Lia nia isin naꞌak, naꞌilulik nia talin malu no Naꞌi Maromak. Nia moos talin malu no ema mak nodi sera nia.\x + \xo 10:18 \xt Ukun-badu Naꞌilulik 7:6\x*   
\p
\v 19-20 Haꞌukaan dalen neꞌe, naꞌak saa? Ema mak la natene Maromak natetu sera tunun baa siakaan aiꞌoi lulik. Emi haneo haꞌak, hahalok nia la saa ida ka? Keta. Tan hodi nunia sia la loꞌu-sudur baa Naꞌi Maromak, mais loꞌu-sudur baa kukun aat sia. Haꞌu la koꞌuk emi talin aan ho kukun aat sia nunia.\x + \xo 10:19-20 \xt Hanoin Hikar Dalan Moris 32:17\x*  
\v 21 Kalo emi talin malu ho Kristus, hotu hemu hosi Niakaan hemu fatik tiꞌan, emi la bele tuir hemu hosi kukun aat siakaan hemu fatik ona, tan neꞌe naꞌak, emi talin malu ho kukun aat sia. Nunia moos, kalo emi haa iha Kristus Niakaan hadak lulik, emi la bele tuir haa iha kukun aat siakaan hadak ona, tan neꞌe naꞌak, emi talin malu ho kukun aat sia.  
\v 22 Nunabee? Emi hakara halo itakaan Naꞌin laran moras tan emi loꞌu baa seluk ka? Keta haneo haꞌak, emi biit liu Nia.\x + \xo 10:22 \xt Hanoin Hikar Dalan Moris 32:21\x*   
\s1 Halo hotu-hotu hodi hamorin Naꞌi Maromak naran  
\p
\v 23 Arumak emi ida haꞌak, “Haꞌu kakara kalo saa dei, haꞌu kbele, tan la noo mak badu.” Tebes. Mais hanoin, tan lahoos lia hotu-hotu mak foo diꞌak bodik o. Nunia moos, lahoos lia hotu-hotu mak bele nakbiit okaan neon.\x + \xo 10:23 \xt 1 Korintus 6:12\x*  
\v 24 Keta buka sotir bodik aan dei. Diꞌak liu, buka sotir bodik ema seluk.   
\p
\v 25 Haꞌu katak nuneꞌe: kalo sosa naꞌan iha luan, maa baa dei. Lalika musu maꞌak, “Naꞌan neꞌe, naꞌan lulik ka?” Lalika neo-neon maꞌak, “Haꞌu kbele kaa naꞌan neꞌe ka, lale?”  
\v 26 Tan Hakerek Moon naꞌak, “Raiklaran no sasoin hotu-hotu nia, itakaan Naꞌin Niakaan.”\x + \xo 10:26 \xt Kananuk Sia 24:1\x*   
\p
\v 27 Kalo ema mak la fiar baa Kristus dauk bolu emi baa haa iha siakaan uma, baa dei. Emi bele haa sa-saa mak sia foo. Lalika neo-neon baa hahaak nia naꞌak, hahaak lulik ka, lale.  
\v 28 (Mais kalo ema mai namaas o naꞌak, “Keta maa neꞌe, tan neꞌe naꞌan lulik,” diꞌak liu o keta maa. O musti manoin ema nia, keta arumak nia laran moras tan okaan hahalok mak nia noran la fatan nia.  
\v 29 Haꞌukaan lia isin nuneꞌe: musti hanoin ema seluk, masik itakaan neon duꞌuk horan hahalok nia la sala.)  
\p Mais arumak emi ida hataa haꞌak, “Haꞌu kbele kalo sa-saa dei, tuir haꞌu kakara. Kalo ema seluk naneo lia nia sala, tan saa haꞌu la kbele kalo?  
\v 30 Kalo haꞌu ksera dodan baa Naꞌi Maromak, hotu haꞌu kaa, tan saa ema dale nahaat haꞌu?”   
\p
\v 31 Nuneꞌe. Emi hakara haa ka, hemu ka, halo sa-saa dei, musti halo hodi hamorin Naꞌi Maromak naran.  
\v 32 Keta halo ema laran moras tan okaan hahalok. Masik sia ema Yahudi ka, lahoos ema Yahudi ka, ema sarani ka, keta.  
\v 33 Tuir haꞌukaan knaninuk, tan haꞌu kalo hotu-hotu nebee ema seluk sia diꞌa-diꞌak no haꞌu. Haꞌu la kbuka sotir bodik haꞌu kmesan, mais bodik ema waꞌin, nebee sia moos netan moris.   
\c 11  
\p
\v 1 Haninu baa haꞌu, hodi halo tuir haꞌukaan moris dalan, tan haꞌu kaninu baa Kristus kodi kalo tuir Nia.\x + \xo 11:1 \xt 1 Korintus 4:16; Filipi 3:17\x*   
\s1 Iha uma hamulak, feto no mane musti foo hakneter halo loos  
\p
\v 2 Haꞌu ktonun emi, tan masik nunabee moos, emi sei hanoin haꞌu nohuun. Emi sei halaꞌo lia hotu-hotu mak haꞌu kanorin tiꞌan. Diꞌak tebes!  
\v 3 Mais haꞌu ksei koo lia ida atu katak baa emi. Lia nia nuneꞌe: keta haluꞌa emikaan huun-abut. Mane nahabut baa Kristus. Feto nahabut baa mane. No Kristus nahabut baa Naꞌi Maromak.\f + \fr 11:3 \ft Ema matenek lia Yunani sia naꞌak, \ft \+it kefale\+it* noo lia isin rua. 1) naꞌak isin lolon ulun. 2) naꞌak huun, abut (inuk). Mais iha lia Yunani, \+it kefal\+it*e lia isin lahoos “ema makaer ukun”.\f*   
\p
\v 4 Mane lalika taka ulun baa oras namulak, no baa oras natoꞌo Naꞌi Maromak mamenon. Kalo taka ulun, hahalok nia, ahan nia namoe Kristus, tan nia la nalaꞌok tuir itakaan adat kneter.  
\v 5 Mais feto musti taka ulun baa oras namulak, no baa oras natoꞌo Naꞌi Maromak mamenon. Kalo la taka ulun, hahalok nia ahan nia namoe niakaan laꞌen, tan la nalaꞌok tuir itakaan adat kneter. Nia moos namoe aan duꞌuk, ahan feto ulun koi molik.  
\v 6 Tebes. Kalo feto la noꞌuk taka ulun atu dadi tadak nia nakneter laꞌen, diꞌak liu, nia koi molik ulun. Mais kalo nia noran moe tan ulun koi molik, diꞌak liu, taka ulun dei.   
\p
\v 7 Haneo kokon nuneꞌe: mane lalika taka ulun, tan Naꞌi Maromak naseꞌi mane tuir Niakaan ilas. Hodi nunia, mane dadi Naꞌi Maromak liman rasan mak nalore Naꞌi Maromak Niakaan makaꞌas. Mais feto dadi baa liman rasan mak nalore mane niakaan makaꞌas.\x + \xo 11:7 \xt Lia Uluk Fohon 1:26-27\x*  
\v 8 Naꞌi Maromak la naseꞌi mane nosi feto. Mais naseꞌi feto nosi mane.  
\v 9 Nia moos la naseꞌi mane bodik feto. Mais naseꞌi feto bodik mane.\x + \xo 11:9 \xt Lia Uluk Fohon 2:18-19\x*  
\v 10 Tan lia nia, diꞌak liu, feto taka ulun nebee ema hotu-hotu bele naree naꞌak, oras nia nariik atu namulak no natoꞌo Naꞌi Maromak mamenon, nia foo hakneter tuir loos. Makbukar laleꞌan moos bele naree nia nalo nunia.  
\v 11 Mais ita mak talin aan ho Kristus, ita hatene haꞌak, feto no mane la ida-idak moris duꞌuk.  
\v 12 Dala uluk, feto dadi nosi mane. Hotu nunia, mane moris nosi feto. Mais Naꞌi Maromak mak naseꞌi sia hotu-hotu.   
\p
\v 13 Haneo duꞌuk! Kalo feto namulak baa Naꞌi Maromak nodi la taka ulun, emi horan hahalok nia diꞌak ka, lale?  
\v 14 Tuir emikaan adat iha Korintus, kalo mane fuuk naruk, nia namoe aan.  
\v 15 Mais kalo feto fuuk naruk, nia kabaas basuk. Nia netan niakaan fuuk naruk nia, nebee bele taka nola ulun.   
\p
\v 16 Kalo ema sakar haꞌukaan dalen neꞌe, haꞌu kataa nuneꞌe: ami malikuk hutun sarani la natene adat seluk. Iha hutun sarani fatin hotu-hotu, sia nalaꞌok nuneꞌe dei.   
\s1 Keta oi-oik baa oras hamutuk hodi hanoin Yesus mate  
\p
\v 17 Oras neꞌe, haꞌu kdale lia ida tenik. Iha lia neꞌe, haꞌu la kbele mose emi, tan baa oras emi haklibur, emi la halo tuir loos, mais emi hetak hahutan aan.   
\p
\v 18 Haꞌu krona ema dale naꞌak, baa oras emi haklibur atu hamulak, emi hakfaꞌek aan. Lia mak haꞌu krona nia, arumak tebes.  
\v 19 (Tan emi hakbelan malu nunia, nosi ikus ita bele hatene malorek see mak tebe-tebes nanono baa itakaan Naꞌin, no see mak lale.)   
\p
\v 20 Baa oras emi haklibur atu naa tubi no nemu anggor ween nodi nanoin Naꞌi Yesus mate, emikaan hahalok la fatan.  
\v 21 Lia kakaer mak neꞌe: oras emi haa-hemu nia, emi la hein malu. Emi balu haa rotus. Balu tenik hemu lanu. Mais rumak sia salaen, tan la netan fafaꞌek.  
\v 22 Nunabee? Emi la haa iha emikaan uma ka? Emi hakara hahaat hutun sarani naran diꞌak ka? Emi hakara hamoe ema mukit sia ka? Emi hakara haꞌu kdale oin nunabee? Hakara haꞌu kmose emi tan lia neꞌe ka? Keta kedan!   
\s1 Tubi no anggor ween nia, dadi tadak baa ita hodi hanoin Yesus mate  
\r (Mateus 26:26-29; Markus 14:22-25; Lukas 22:14-20)  
\p
\v 23 Itakaan Naꞌin duꞌuk katak kedan lia neꞌe baa haꞌu. Oras neꞌe, haꞌu katutan tenik baa emi nuneꞌe: Baa kalan ema atu faꞌan Naꞌi Yesus, Nia foti nola tubi baluk ida.  
\v 24 Hotu namulak nodi sera dodan baa Naꞌi Maromak. Namulak notu, Nia katak baa Niakaan maktuir sia naꞌak, “Haa tubi neꞌe, tan tubi neꞌe, Haꞌukaan isin lolon duꞌuk. Ema atu nadodok Haꞌukaan isin lolon bodik emi. Haa hodi hanoin Haꞌu.”  
\v 25 Nunia tenik, baa oras sia naa notu. Nia nola hemu fatik mak noo anggor ween, nodi katak naꞌak, “Anggor ween neꞌe, dadi lia tadak naꞌak, Naꞌi Maromak nakara namate menon foun no emi nodi Haꞌukaan raan. Sura oras emi hemu anggor ween neꞌe, emi musti hanoin baa Haꞌukaan mamaten.”\x + \xo 11:25 \xt Ema Israꞌel Sai Nosi Mesir 24:6-8; Yeremia 31:31-34\x*  
\v 26 Tebes. Tan Yesus dale nunia, sura oras ita halo lahan neꞌe hodi haa tubi no hemu hosi hemu fatik neꞌe, ahan ita katak hikar lia nosi itakaan Naꞌin mamaten toꞌo Nia namaan aan mai nikar.   
\s1 Kalo neon la loos, keta tuur hamutuk atu hanoin Yesus mate  
\p
\v 27 Kalo ema ida naa tubi nia no nemu nosi hemu fatik nia atu nanoin itakaan Naꞌin, mais ema nia neon la loos, Naꞌi Maromak nanis kastikar nia. Tan tubi no anggor ween nia mak Naꞌi Yesus isin lolon no Naꞌi Yesus raan. Kalo ema neon la loos, nia la fatan tuir naa no tuir nemu, tan niakaan hahalok nia nahaat Naꞌi Yesus.  
\v 28 Diꞌak liu, ema ida-idak leno duꞌuk aan lai. Kalo noran neon loos, foin bele naa tubi no nemu anggor ween nia.  
\v 29 Mais noo ema mak naa-nemu nodi neon la loos. Sia naneo naꞌak, “Yesus mate nia, la noo folin. Niakaan isin lolon la noo folin bodik haꞌu.” Ema oin nunia natiu nola siakaan susar duꞌuk, tan sia atu kona kastikar.  
\v 30 Mais tan emi halo hahalok nunia, emi balu la biit, balu moras, no balu mate tiꞌan iha emikaan klaran.   
\p
\v 31 Mais kalo ita leno diꞌa-diꞌak itakaan neon uluk lai, ita la kona kastikar nunia.  
\v 32 Kalo itakaan Naꞌin kastikar ita, Nia nalo nunia atu nanorin ita baa dalan loos, nebee ita keta kona kastikar toꞌo welon bele-bele no ema mak seꞌi kotuk baa Nia.   
\p
\v 33 Mamaluk sia mak haꞌu kadomi! Kalo emi haklibur atu haa-hemu hodi hanoin Naꞌi Yesus mate, emi musti hein malu.  
\v 34 Kalo salaen basuk, diꞌak liu haa uluk iha uma lai. Hotu, oras emi haklibur bele-bele, emi keta kona kastikar.  
\p Sei noo lia seluk sia mak emi husu baa haꞌu. Mais hein haꞌu kmai lai, foin kahulin diꞌa-diꞌak.   
\c 12  
\s1 Kmalar Lulik latan babelen baa ita ida-idak atu halo serwisu oi-oik  
\p
\v 1 Mamaluk sia! Haꞌu kakara nebee emi hatene hosi lia babelen mak Naꞌi Maromak Kmalar Lulik latan baa ita.  
\v 2 Emi hatene haꞌak, oras emi sei la dadi dauk Kristus eman, emi loꞌu-sudur baa aiꞌoi lulik nunuk sia. Emi tuir sia nuꞌu karau tuu inun.  
\v 3 Nebee emi hatene, ema mak talin malu no Maromak Kmalar, sia la dala ida dale nahaat Yesus naꞌak, “Kaloꞌan naa!” Nunia moos, ema mak la talin malu no Maromak Kmalar la dala ida dale tonun Yesus naꞌak, “Haꞌukaan Naꞌin!”   
\p
\v 4 Ita ida-idak simu babelen hodi halaꞌok serwisu oi-oik. Masik babelen oi-oik moos, huun ida dei. Neꞌe mak, Maromak Kmalar.  
\v 5 Ita hotu-hotu hetan babelen oi-oik atu hodi haliku ema seluk, mais ita hanono baa Naꞌin ida dei.  
\v 6 Nia foo ita serwisu oi-oik, mais Nia mesan mak tulun ita bele halaꞌok serwisu nia sia.  
\v 7 Nia latan Niakaan Kmalar Lulik baa ita ida-idak tuir dalan oi-oik, tan Nia nakara nebee ita hotu-hotu hetan sotir bele-bele.  
\v 8 Oras Nia latan Kmalar Lulik beran baa ita ida-idak, balu simu babelen atu hanoin naruk, hodi foo tateꞌan makonak. Balu simu babelen atu katak malorek lia mak sia simu nosi Nia.  
\v 9 Balu simu babelen atu fiar metin, tan sia kreꞌis no Maromak Kmalar. Balu simu babelen atu nadiꞌak nola ema moras.  
\v 10 Balu simu babelen atu nalo tadak blaar oi-oik mak natudu Naꞌi Maromak makaꞌas. Balu simu babelen atu katak Naꞌi Maromak mamenon baa ema sia. Balu simu babelen atu natene naꞌak, lia saa mak nahabut baa Naꞌi Maromak, no lia saa mak lale. Balu simu babelen atu dale nodi lia oi-oik. Balu tenik, simu babelen atu nodi nalore lia nia sia isin.  
\v 11 Babelen oi-oik nia nahabut baa Maromak Kmalar mesak dei. Nia foo baa ita ida-idak, tuir Niakaan beer.\x + \xo 12:11 \xt Roma 12:6-8\x*   
\s1 Masik ita waꞌin, ita nuꞌu isin lolon ida, tan talin malu ho Kristus  
\p
\v 12 Haꞌu atu kanesa ita hotu-hotu mak simu babelen oi-oik nia sia, baa ema ida isin lolon. Isin lolon ida noo isin rohan oi-oik. Mais rohan oi-oik nia talin aan baa malu dadi baa isin lolon mesak.\x + \xo 12:12 \xt Roma 12:4-5\x*  
\p Nunia moos ita mak dadi baa Kristus eman sia.  
\v 13 Ita hotu-hotu talin malu tan ita simu Maromak Kmalar mak mesak dei. Baa oras ita simu sarani, ita dadi nuꞌu ema klubun ida. Masik ita ema Yahudi ka, lahoos ema Yahudi ka, ata ka, lahoos ata ka, Naꞌi Maromak latan Niakaan Kmalar mesak dei bodik ita hotu-hotu. Lia nia nuꞌu ita hotu-hotu hemu wee mak foo moris nosi wee knuuk mesak dei.   
\p
\v 14 Tebes. Isin lolon ida noo rohan waꞌin, lahoos rohan ida dei.  
\v 15 Kalo ain naꞌak, “Haꞌu neꞌe, lahoos liman. Haꞌu la ksoman ko isin lolon,” bele nunia ka? La bele. Masik ain dale nunia moos, nia soman bei-beik no isin lolon.  
\v 16 Kalo tilun naꞌak, “Haꞌu neꞌe, lahoos matan. Haꞌu la ksoman ko isin lolon,” bele nunia ka? La bele. Masik tilun dale nunia moos, nia soman bei-beik no isin lolon.  
\v 17 Manoin lai! Kalo isin lolon dadi loos matan dei, oin nunabee ita bele rona? Kalo isin lolon dadi loos tilun dei, oin nunabee ita bele horan nuhar?   
\p
\v 18 Mais emi hatene tiꞌan haꞌak, Naꞌi Maromak naseꞌi ita atu dadi nuꞌu isin lolon ida no rohan oi-oik. Nia babilan isin lolon rohan oi-oik nia, tuir Niakaan beer.  
\v 19 Kalo itakaan isin lolon dadi loos rohan oik ida dei, nia lahoos ‘isin lolon’ ona.  
\v 20 Isin lolon ida noo rohan oi-oik. Rohan oi-oik nia soman malu dadi isin lolon tomak ida.   
\p
\v 21 Ema ida matan la bele naraik liman, nodi naꞌak, “Haꞌu la kbuka o!” Nunia moos ulun la bele naraik ain naꞌak, “Haꞌu la kbuka o!”  
\v 22 La bele. Mais nuneꞌe. Noo isin lolon rohan sia mak ita la hafolin. Masik nunia moos, ita buka sia.  
\v 23 Isin lolon rohan nia sia mak ita hafolin la kabaas, ita haliku hodi tais kabaas. Isin lolon rohan mak ita moe hasai, ita taka diꞌa-diꞌak.  
\v 24 Mais isin lolon rohan mak la namoe ita, ita la titu resik.  
\p Naꞌi Maromak nalo rohan nia sia dadi baa isin lolon ida. Hotu Nia babilan nebee rohan mak ita hafolin la kabaas, ita haliku diꞌa-diꞌak.  
\v 25 Nia la nakara isin lolon rohan sia sasa faꞌe malu, mais nakara nebee naliku malu.  
\v 26 Kalo rohan ida netan susar, rohan seluk sia tuir susar bele-bele. Kalo rohan ida netan kneter, rohan seluk sia tuir neon diꞌak bele-bele.   
\p
\v 27 Nunia moos ita. Ita nuꞌu Kristus isin lolon. Ita ida-idak nuꞌu rohan ida nosi Niakaan isin lolon nia.  
\v 28 Naꞌi Maromak foo babelen baa ita ida-idak iha hutun sarani laran atu hodi serwisu oi-oik.  
\q2 Dala uluk, Nia solok ema balu dadi baa Niakaan klosan.  
\q2 Dala rua, Nia nalo ema balu dadi baa Niakaan makoꞌan atu natoꞌo Niakaan mamenon.  
\q2 Dala tolu, Nia nalo ema balu dadi baa ema manorik mak matenek nanorin nosi Nia.  
\q2 Nia moos foo beran baa ema balu atu nalo tadak blaar oi-oik nodi natudu Niakaan makaꞌas.  
\q2 Balu netan beran atu nadiꞌak nola ema moras.  
\q2 Balu netan babelen atu tulun ema.  
\q2 Balu netan babelen atu babilan ema makserwisu diꞌa-diꞌak.  
\q2 Nia foo beran baa balu tenik, nebee bele dale nodi lia oi-oik.\x + \xo 12:28 \xt Efesus 4:11\x*   
\p
\v 29 Dadi, nunabee? Naꞌi Maromak solok Niakaan ema hotu-hotu atu dadi baa klosan ka? Nia nalo hotu-hotu baa makoꞌan ka? Nia nalo hotu-hotu baa manorik ka? Nia foo beran baa hotu-hotu atu nalo tadak blaar ka?  
\v 30 Nia foo beran baa hotu-hotu atu nadiꞌak nola ema moras ka? Nia nalo hotu-hotu dale nodi Kmalar lian ka? Nia nalo hotu-hotu bele natene lia isin nosi Kmalar lian ka? Lale.   
\p
\v 31 Lia nuneꞌe! Kalo emi buka atu simu babelen nosi Naꞌi Maromak, buka babelen sia mak bele tulun ema waꞌin. Tan babelen nia sia, mak folin liu.  
\p Mais noo lia ida mak diꞌak kaliuk. Oras neꞌe, haꞌu atu kalore lia nia baa emi.   
\c 13  
\s1 Lia dadomin  
\p
\v 1 Masik ita simu babelen atu dale hodi ema raiklaran lian hotu-hotu no makbukar laleꞌan lian moos, mais ita la hadomi ema seluk, itakaan babelen nia la noo folin. Itakaan dale nia mamuk, hanesan tala lian no ton lian mak la noo isin.  
\v 2 Masik ita simu babelen atu dadi Maromak makoꞌan hodi hatoꞌo Niakaan mamenon, mais ita la hadomi ema seluk, itakaan babelen nia la noo folin. Masik ita simu matenek toꞌo hatene lia subar hotu-hotu no lia seluk hotu-hotu moos, mais ita la hadomi ema seluk, itakaan matenek nia la noo folin. Masik ita fiar biit baa Naꞌi Maromak toꞌo bele lori foho sia moos, mais ita la hadomi ema seluk, itakaan fiar nia la noo folin.\x + \xo 13:2 \xt Mateus 17:20, 21:21; Markus 11:23\x*  
\v 3 Masik ita faꞌan mohu itakaan sasoin, hotu faꞌe osan hotu-hotu hodi hahaan ema mukit sia moos, mais ita la hadomi ema seluk, itakaan hahalok nia la noo folin. Masik ita latan itakaan isin lolon dadi baa sera toꞌo mate moos,\f + \fr 13:3 \ft Hakerek Moon lia Yunani balu nakerek tuꞌan iha neꞌe naꞌak, “latan isin lolon dadi baa sera tunun”.\f* mais ita la hadomi ema seluk, itakaan moris nia la noo folin. Ita la bele foti aan kedan, tan butan dei.   
\q2
\v 4 Ita hadomi ema seluk, neꞌe naꞌak, ita halo lia kabaas bodik sia.  
\q2 Ita hetu aan.  
\q2 Ita la tinu.  
\q2 Ita la haksaꞌek aan.  
\q2 Ita la loko aan.   
\q2
\v 5 Ita foo kneter.  
\q2 Ita la buka tuir itakaan beer duꞌuk.  
\q2 Ita la nawan aat.  
\q2 Ita la rai hirus.   
\q2
\v 6 Ita la simu hahalok kliꞌis,  
\q3 mais ita neon diꞌak baa hahalok moon.   
\q2
\v 7 Masik ema nalo ita nunabee moos, ita simu hodi hadomi sia.  
\q2 Ita fiar sia nohuun.  
\q2 Ita haloon bodik sia nohuun.  
\q2 Ita hadomi sia nohuun.   
\q2
\v 8 Tan lia dadomin mak nafati nohuun.  
\p Mais kalo ita simu babelen atu hatoꞌo Naꞌi Maromak mamenon, kleu-leur babelen nia la noo folin ona. Kalo ita simu babelen atu dale hodi lia oi-oik, kleu-leur babelen nia la noo folin ona. Kalo ita simu matenek, kleu-leur lia nia la noo folin ona.  
\v 9 Oras neꞌe, itakaan matenek oan ida dei. Itakaan babelen atu hatoꞌo Naꞌi Maromak mamenon moos oan ida dei.  
\v 10 Nosi ikus, oras Naꞌi Maromak natetu hotu-hotu, lia mak kiꞌik oan nunia, la noo folin ona.   
\p
\v 11 Haꞌu katete nuneꞌe: oras haꞌu ksei lawarik oan, haꞌu kaneo ahan lawarik oan. Haꞌu moos dale ahan lawarik oan. Mais oras neꞌe, haꞌu kdadi matas tiꞌan. Etuk, haꞌu la kalo aan ahan lawarik oan tenik.   
\p
\v 12 Haꞌu katete seluk tenik nuneꞌe: oras neꞌe, ita ahan ema mak haree hodi lalenok kadoor, tan saa mak ita haree sei la malorek dauk. Mais kleu-leur, hotu-hotu atu dadi malorek, toꞌo ita haree hanesan haree besik oin. Oras neꞌe, saa mak haꞌu katene, oan ida dei. Mais kleu-leur, haꞌu kbele katene mohu, hanesan Naꞌi Maromak moos natene mohu haꞌu.   
\p
\v 13 Oras neꞌe, noo lia oik tolu mak nafati nohuun. Lia nia sia mak neꞌe:  
\q2 Ita musti fiar nohuun.  
\q2 Ita musti haloon nohuun.  
\q2 Ita musti hadomi malu nohuun.  
\p Nosi lia oik tolu neꞌe, lia dadomin mak folin kaliuk.   
\c 14  
\s1 Naꞌi Maromak Kmalar Lulik foo serwisu oi-oik baa Niakaan ema sia  
\p
\v 1 Ita musti harui aan hadomi malu, tan lia nia mak folin kaliuk. Nunia hotu, foin buka babelen sia nosi Maromak Kmalar. Babelen mak folin liu, neꞌe mak, babelen atu dadi Maromak makoꞌan hodi hatoꞌo Niakaan mamenon.  
\v 2 Kalo ema ida simu babelen atu dale nodi Kmalar lian, ema nia katak lia mak la malorek. Nia la dale no ema seluk, tan nia dale no Naꞌi Maromak dei. Niakaan mamaluk sia mak naklibur bele-bele no nia, la natene saa mak nia dale nia.  
\v 3 Mais kalo ema ida simu babelen atu natoꞌo Naꞌi Maromak mamenon, nia bele natoꞌo mamenon nia bodik ema hotu-hotu iha nia. Hodi nunia, nia nakbiit siakaan fiar, nakbiit siakaan neon, no nalo ema susar neon diꞌak.  
\v 4 Ema mak dale nodi Kmalar lian, nia nakbiit neon duꞌuk dei. Mais ema mak natoꞌo Naꞌi Maromak mamenon, nia nakbiit ema hotu-hotu mak naklibur iha nia. Hodi nunia, hutun sarani tomak bele hetak biit.   
\p
\v 5 Haꞌu kakara nebee emi hotu-hotu bele dale hodi Kmalar lian. Mais kakara liu tenik, nebee emi bele hatoꞌo Naꞌi Maromak mamenon, tan ema mak natoꞌo Naꞌi Maromak mamenon, ema nia noo folin liu nosi ema mak dale nodi Kmalar lian. Kalo dale hodi Kmalar lian, lia nia moos diꞌak, surak noo ema mak bele nalore lia nia isin, nebee ema hotu-hotu bele natene. Hodi nunia, nia bele nakbiit ema hotu-hotu neon iha hutun sarani laran.   
\p
\v 6 Mamaluk sia! Hanoin kokon lia nuneꞌe. Kalo haꞌu kaklibur ko emi, hotu haꞌu kdale kodi Kmalar lian mak emi la hatene, lia nia noo folin saa? La noo. Diꞌak liu, haꞌu kfoo katene baa emi Naꞌi Maromak hakaran. Diꞌak liu, haꞌu kalore lia nosi Nia mak emi sei la hatene. Diꞌak liu, haꞌu katoꞌo Niakaan mamenon baa emi. Diꞌak liu, haꞌu kanorin Niakaan Manfatin baa emi. Haꞌu kalo nunia, foin noo folin bodik emi.   
\p
\v 7 Haꞌu katete nosi bareka no kfui. Sia la noo nawan, mais bele nalia oi-oik. Nuꞌu ita huu kfui, hakdiuk bareka, mais kalo ita hakdiuk karin, ema nanis la natene hakdiuk hananu saa.  
\v 8 Nunia moos, kalo sondadu nuu karin toꞌis, oin nunabee sondadu seluk sia bele netan tadak atu mai natuda? La bele.  
\v 9 Nunia moos emi. Kalo emi dale baa ema hodi lia mak sia la natene, nuꞌu emi dale baa anin. Butan dei, tan sia la bele kohi okaan hakara!  
\v 10 Ema lian oik waꞌin iha raiklaran neꞌe. Ida-idak noo niakaan lia isin duꞌuk.  
\v 11 Kalo haꞌu la katene ema seluk lian, niakaan dale la noo folin bodik haꞌu. Ami rua la hatene malu hanesan ema matak.   
\p
\v 12 Mamaluk sia! Emi hakara tebes hetan babelen hosi Naꞌi Maromak. Mais diꞌak liu emi harui aan atu hetan babelen mak bele nakbiit ema waꞌin iha hutun sarani laran.   
\p
\v 13 Ema mak dale nodi Kmalar lian, diꞌak liu nia namulak nodi nusu nebee Naꞌi Maromak moos foo babelen baa nia, nebee nia bele nalore lia nia isin bodik niakaan maluk sia.  
\v 14 Kalo haꞌu kamulak kodi Kmalar lian, hamulak nia sai nosi haꞌukaan neon laran, mais haꞌu la katene saa mak haꞌu kamulak nia.  
\v 15 Dadi nabee mak diꞌak? Haꞌu kamulak kodi Kmalar lian hosi haꞌukaan neon laran ka, kamulak kodi lia fuan mak haꞌu katene? Tuir loos, rua-rua diꞌak, mais ida-idak noo niakaan oras duꞌuk. Oras ida, haꞌu kamulak kodi Kmalar lian hosi haꞌukaan neon laran. Oras balu tenik, haꞌu kamulak kodi lia fuan mak haꞌu katene. Oras ida, haꞌu kananu tonu-kaboot Naꞌi Maromak kodi Kmalar lian hosi haꞌukaan neon laran. Oras balu tenik, haꞌu kananu kodi lia fuan mak haꞌu katene.  
\v 16 Kalo ita tonu-haboot Naꞌi Maromak hodi Kmalar lian hosi itakaan neon laran, ema seluk la natene lia nia isin. Oin nunabee sia bele neon ida no ita? Kalo ita sera dodan baa Naꞌi Maromak hodi Kmalar lian hosi itakaan neon laran, oin nunabee ema seluk bele nataa naꞌak, “Nunia tebes!” La bele, tan sia la natene lia nia isin.  
\v 17 Tebes. Ita bele tonu Naꞌi Maromak hodi Kmalar lian nunia, mais lia nia la nakbiit ema seluk neon.   
\p
\v 18 Arumak emi la hatene haꞌu kbele dale kodi Kmalar lian liu emi. Haꞌu ktonu Naꞌi Maromak, tan Nia nalo haꞌu kbele kdale nunia.  
\v 19 Mais kalo ema makfiar sia naklibur, diꞌak liu haꞌu kanorin sia kodi loos lia fuan tohar hira dei mak sia natene, nosi haꞌu kdale naruk baa-mai kodi lia mak sia la natene.   
\p
\v 20 Mamaluk sia! Kalo emi beer hatene lia waꞌin, emi musti hanorin aan haneo hanesan ema matas. Keta haneo hanesan lawarik oan! Mais kalo baa lia aat sia, emi musti hanesan lawarik mak la natene lia tan sia neon moos.  
\v 21 Hakerek Moon naꞌak:  
\q1 “Itakaan Naꞌin dale naꞌak,  
\q2 ‘Haꞌu kodi ema mak lahoos Yahudi sia atu natoꞌo Haꞌukaan Manfatin baa ema Yahudi.  
\q3 Haꞌu kodi ema mak dale nodi lia seluk sia atu natoꞌo Haꞌukaan Manfatin baa Haꞌukaan ema neꞌe.  
\q1 Masik nunia moos,  
\q2 sia la noꞌuk nanono baa Haꞌu.’ ”\x + \xo 14:21 \xt Yesaya 28:11-12\x*   
\p
\v 22 Tan lia nia, ita bele hatene, kalo ema dale nodi Kmalar lian, lia nia bele tulun ema mak sei la fiar dauk, nebee sia fiar baa Naꞌi Maromak tan sia naree Niakaan beran nunia tiꞌan. Mais kalo ema natoꞌo Naꞌi Maromak mamenon, lia nia bele tulun ema mak fiar tiꞌan sia.  
\v 23 Mais hanoin! Oras emi haklibur, kalo ema mak la fiar dauk moos tuir naklibur, hotu emi hotu-hotu dale hodi Kmalar lian, ema nia atu dale naꞌak saa? Nanis nia dale naꞌak, “Ema neꞌe sia bula tiꞌan!”   
\p
\v 24 Mais kalo emi hotu-hotu hatoꞌo Naꞌi Maromak mamenon, hotu ema ida mak la fiar tama mai, nia bele simu emikaan dale nia, tan nalore niakaan salan. Hodi nunia, nia bele leno aan duꞌuk,  
\v 25 toꞌo lia aat mak sei subar iha neon laran dadi lia loren. Hotu, nia nakniꞌa loꞌu-sudur baa Naꞌi Maromak nodi naꞌak, “Tebes. Naꞌi Maromak iha emikaan klaran tebes.”   
\s1 Oras haklibur, musti halo lia hotu-hotu tuir taek no kneter  
\p
\v 26 Mamaluk sia! Oras emi haklibur, emi ida-idak noo niakaan babelen. Emi balu hananu kananuk tonu-haboot Naꞌi Maromak. Balu nanorin lia nosi Naꞌi Maromak. Balu nalore lia foun mak sia simu nosi Naꞌi Maromak. Balu dale nodi lia Kmalar lian. Balu nalore Kmalar lian isin. Lia nia sia hotu-hotu, emi musti halaꞌok atu hakbiit ema seluk fiar.   
\p
\v 27 Oras emi haklibur, kalo noo ema mak nakara dale hodi lia Kmalar lian, bele. Mais lalika ema waꞌin. Ema rua-tolu dei toꞌo tiꞌan. Ida dale notu lai, foin ida. Musti noo ema mak bele nalore siakaan lia nia isin.  
\v 28 Kalo la noo mak bele nalore, sia lalika dale nunia iha ema waꞌin oin. Habusik sia dale no Naꞌi Maromak iha neon duꞌuk.   
\p
\v 29 Oras emi haklibur, habusik makoꞌan rua tolu dei mak natoꞌo Naꞌi Maromak mamenon. Emi rumak sia musti nanono hodi tetu diꞌa-diꞌak saa mak sia dale nia.  
\v 30 Kalo Naꞌi Maromak natudu lia foun baa emi ida, nia musti nalore lia nia baa ema hotu-hotu iha nia. Ema mak dale uluk musti no-nook, nodi foo leet baa ema nia mak foin rona nosi Naꞌi Maromak, nebee nia moos bele dale.  
\v 31 Lia loos naꞌak, emi hotu-hotu bele hatoꞌo Naꞌi Maromak mamenon. Mais habusik ema ida dale notu lai, foin maluk rumak sia. Hodi nunia, ema hotu-hotu bele rona, bele nanorin aan, no bele noran naꞌak, neon hetak biit.  
\v 32 Hanoin diꞌa-diꞌak. Ema mak natoꞌo Naꞌi Maromak mamenon, sia musti natene babilan aan. Hodi nunia, sia bele seluk malu, tan sia natene netu aan.  
\v 33 Oras emi haklibur, la bele tokar malu. Tan Naꞌi Maromak nakara hotu-hotu tetuk no nesan.  
\p Ema makfiar sia naklibur malu iha fatin seluk sia, siakaan hahalok nuneꞌe:  
\v 34 Feto sia musti tuur mamatek. Sia keta dale waꞌin. Sia nanono baa malikuk sia. Tan Naꞌi Maromak Ukun-badu naꞌak nunia.  
\v 35 Kalo feto ida nakara nusu lia ida, nia musti nein fila uma lai, foin nusu baa laꞌen. Tan kalo feto sia lia oi-oik iha uma hamulak, sia namoe laꞌen.   
\p
\v 36 Mais tan saa emi iha Korintus la halo tuir nunia? Emi hanoin Maromak Manfatin nahabut nosi emi ka? Emi hanoin Manfatin nia loos bodik emi ka? Keta! Hanoin diꞌa-diꞌak lai!  
\v 37 Kalo ema ida dale naꞌak, nia simu babelen atu natoꞌo Naꞌi Maromak mamenon, lale, dale naꞌak nia simu beran nosi Naꞌi Maromak Kmalar, bele. Mais, kalo tebe-tebes nunia, sia musti simu naꞌak, saa mak haꞌu kdale neꞌe lahoos nosi haꞌu duꞌuk, mais nosi Yesus, itakaan Naꞌin.  
\v 38 Kalo sia la noꞌuk simu, emi keta rona sia.   
\p
\v 39 Mamaluk sia! Hariik metin nebee emi hetan babelen atu hatoꞌo Naꞌi Maromak mamenon. Keta badu ema mak dale nodi Kmalar lian.  
\v 40 Kalo emi haklibur, halaꞌo hotu-hotu tuir loos no fatan. Lia ida liu lai, foin ida seluk. Halaꞌo hotu-hotu tuir taek no kneter. Keta tokar lauk.   
\c 15  
\s1 Kristus moris nikar nosi mate  
\p
\v 1 Mamaluk sia! Haꞌu kakara nebee emi hanoin hikar Lia Diꞌak mak haꞌu katak baa emi hori uluk nia. Emi simu diꞌa-diꞌak Lia nia. Toꞌo baa oras neꞌe moos, emi haterus aan tuir bei-beik.  
\v 2 Lia Diꞌak nia bele sori emi, surak emi kaer metin bei-beik. Tan kalo la fiar bei-beik, emikaan fiar nia, butan dei.   
\p
\v 3 Haꞌu kanorin emi tiꞌan nosi lia folin kaliuk, mak uluk ema nanorin baa haꞌu. Lia nia mak neꞌe: Naꞌi Maromak solok Kristus mai tiꞌan. Hotu, Kristus mate atu sori ita nosi itakaan salan sia. Lia nia natebes saa mak Maromak makoꞌan sia nakerek kedan hori uluk iha Hakerek Moon.\x + \xo 15:3 \xt Yesaya 53:5-12\x*  
\v 4 Kristus mate, hotu ema nakoi Nia. Baa wainrua, Naꞌi Maromak nalo Nia moris nikar. Lia nia moos natebes saa mak makoꞌan nakerek kedan hori uluk iha Hakerek Moon.\x + \xo 15:4 \xt Kananuk Sia 16:8-10; Mateus 12:40; Kristus Klosan Lian 2:24-32\x*  
\v 5 Nunia hotu, Kristus natadu aan baa mau Petrus\f + \fr 15:5 \ft Hakerek Moon lia Yunani nakerek naꞌak, “Kefas”. Kefas nia, Petrus naran seluk.\f* no baa Niakaan maktuir seluk sia hotu-hotu.\x + \xo 15:5 \xt Mateus 28:16-17; Markus 16:14; Lukas 24:34,36; Yohanis 20:19\x*  
\v 6 Hotu, dala ida, Nia natadu aan tenik baa ema makfiar naꞌin atus lima resin. Sia hotu-hotu naree Nia. Nosi ema nia sia, naꞌin hira mate tiꞌan, mais waꞌin sei moris.  
\v 7 Nunia hotu, Nia natadu aan baa mau Yakobus. Nunia hotu, natadu aan baa Niakaan klosan sia hotu-hotu.   
\p
\v 8 Toꞌo ikus basuk, haꞌu moos karee Nia. Haꞌu hanesan oa ikun mak moris ikus basuk.\x + \xo 15:8 \xt Kristus Klosan Lian 9:3-6\x*  
\v 9 Kristus klosan uluk sia hotu-hotu boot liu haꞌu. Haꞌu la kfatan dadi baa klosan, tan uluk haꞌu mak kasusar no ktonan Kristus eman sia iha fatin hotu-hotu.\x + \xo 15:9 \xt Kristus Klosan Lian 8:3\x*  
\v 10 Mais Naꞌi Maromak natudu laran diꞌak baa haꞌu nodi nalo haꞌu toꞌo dadi nuneꞌe. Nia tulun haꞌu nunia, noo folin. Tan baa ikus, haꞌu mak serwisu liu klosan sia hotu-hotu! Lahoos tan haꞌu kbiit duꞌuk. Mais tan Naꞌi Maromak mak natudu laran diꞌak baa haꞌu.   
\p
\v 11 Dadi, kalo haꞌu mak kanorin ema ka, ema seluk mak nanorin, la saa ida. Ami hotu-hotu hanorin Lia Diꞌak mesak ida. Lia Diꞌak nia, mak emi simu tiꞌan nia.   
\s1 Ema mak mate tiꞌan atu moris nikar nodi isin foun  
\p
\v 12 Ami hanorin tiꞌan haꞌak, Naꞌi Maromak solok Kristus mai tiꞌan, hotu Kristus mate, mais Naꞌi Maromak nalo Nia moris nikar. Tan lia nia, tan saa emi balu haꞌak, “Ema mak mate tiꞌan la moris nikar”? Niakaan lia tatuur saa?  
\v 13 Kalo ema mak mate tiꞌan la moris nikar, Kristus moos la moris nikar!  
\v 14 Kalo Kristus la moris nikar, lia hotu-hotu mak ami hanorin tiꞌan la noo folin. Emikaan fiar baa Kristus moos, butan dei!  
\v 15-16 Kalo ema mak mate tiꞌan la moris nikar, ami neꞌe, saksiin mak dale bosok hosi Naꞌi Maromak. Tan ami hanorin loron-loron haꞌak, “Naꞌi Maromak nalo Kristus moris nikar!” Tebes. Amikaan hanorin nunia tebes. Mais nosi ikus kalo ema mak mate tiꞌan la moris nikar, neꞌe naꞌak, Naꞌi Maromak la nalo Kristus moris nikar.  
\v 17 Hanoin kokon lia neꞌe: Kalo Kristus la moris nikar, emikaan fiar butan dei! Tan emi sei hatiu emikaan salan sia!  
\v 18 Mais lahoos emi mesan dei, tan ema uluk mak mate tiꞌan sia moos talin aan no Kristus. Kalo Kristus la moris nikar, sia moos mate no kona lelen nosi Naꞌi Maromak.  
\v 19 Ita hakrai aan baa Kristus hodi haloon nebee Nia tulun ita. Mais kalo Nia tulun ita baa oras ita sei iha raiklaran dei, ita haloon butan! Ita moos ema mak susar kaliuk nosi ema hotu-hotu!   
\s1 Tan Kristus moris nikar tiꞌan, lia saa mak atu dadi  
\p
\v 20 Mais lahoos nunia. Lia loos, nuneꞌe: Naꞌi Maromak solok Kristus mai tiꞌan, hotu Kristus mate, mais Naꞌi Maromak nalo Nia moris nikar. Tebes. Mais lahoos Kristus mesan dei mak moris nikar, tan nosi ikus ema makfiar hotu-hotu mak mate tiꞌan, sia moos atu moris nikar. Kristus hanesan fuan ulun, tan Nia loke dalan bodik ita moris hikar hosi mate, hanesan Nia.  
\v 21 Uluk aan, ema naꞌin ida dei mak Adam, nakur Naꞌi Maromak ukun, hotu kona kastikar mate. Kastikar nia tuun baa ita hotu-hotu. Mais oras neꞌe, noo ema ida seluk, mak Kristus. Nia moris tuir Naꞌi Maromak ukun. Tan Niakaan dadiꞌak, ema mak mate tiꞌan bele moris nikar!  
\v 22 Ema hotu-hotu mak tuir Adam nodi nakur Naꞌi Maromak ukun, sia moos kona kastikar mate hanesan Adam. Nunia moos, ema hotu-hotu mak tuir Kristus. Nosi ikus Naꞌi Maromak nalo sia moris nikar hanesan Kristus.   
\p
\v 23 Mais ida-idak no niakaan oras. Kristus dadi ema uluk fohon mak moris nikar, nia hanesan dalan ulun. Nia namaan aan mai nikar iha raiklaran neꞌe lai, foin Niakaan ema sia moris nikar.  
\v 24 Nunia hotu, foin rai falu fila toꞌo mai. Baa oras nia, Kristus atu dadi Naꞌin mak nadodok beran hotu-hotu, makaer ukun hotu-hotu, no matenek hotu-hotu mak sakar Naꞌi Maromak. Hotu nunia, Nia latan nikar Niakaan beran nia baa Maromak, Niakaan Ama.   
\p
\v 25 Kristus musti kaer ukun toꞌo Naꞌi Maromak natoba nola hotu-hotu mak sakar Kristus, nebee sia loꞌu baa Nia.\x + \xo 15:25 \xt Kananuk Sia 110:1\x*  
\v 26 Noo lia ida tenik mak sakar ita ema raiklaran. Neꞌe mak, ita musti mate. Mais ikus basuk, Naꞌi Maromak moos natoba nola beran mak nalo ema mate. Nunia hotu, ema la mate ona.  
\v 27 Hakerek Moon naꞌak, “Naꞌi Maromak atu nalo funu hotu-hotu foti liman baa Ema mak Nia nameno atu solok mai nia.” Malorek tiꞌan baa ita naꞌak, Naꞌi Maromak la foti liman. Tan Nia mak foti Kristus dadi Naꞌin bodik ema hotu-hotu.\x + \xo 15:27 \xt Kananuk Sia 8:6\x*  
\v 28 Hotu-hotu foti liman baa Naꞌi Maromak Oan lai, foin Oa nia latan nikar hotu-hotu baa Niakaan Ama mak foti Nia. Nunia hotu, Naꞌi Maromak kaer ukun toꞌo nima-nimak. Nia ukun ema hotu-hotu iha lia hotu-hotu.   
\s1 Kalo ema mak mate tiꞌan la moris nikar, ita kole butan  
\p
\v 29 Noo ema mak nakara simu sarani atu seluk ema mak mate tiꞌan mak sei la simu sarani dauk. Mais kalo ema mak mate tiꞌan la bele moris nikar, siakaan hahalok butan dei.\f + \fr 15:29 \ft Tohar neꞌe lia isin la malorek. Adat “simu sarani atu seluk ema mak mate tiꞌan,” ita la hetan adat nia iha tohar seluk iha Naꞌi Maromak Mamenon Foun tomak.\f*  
\v 30 Ami duꞌuk hetan susar waꞌin toꞌo kreꞌis mate, tan keke lema Lia Diꞌak. Mais kalo ema mak mate tiꞌan la moris nikar, tan saa ami haksakar aan halo nunia? Butan dei!  
\v 31 Sura loron haꞌu kreꞌis mate tan serwisu neꞌe. Mais kalo haꞌu kmate, la saa ida. Tebes. Mamaluk sia mak haꞌu kadomi, masik haꞌu kmate moos, haꞌu kbele kfoti oin, tan emi talin malu ho itakaan Naꞌin Yesus Kristus mak Naꞌi Maromak solok mai tiꞌan nia.  
\v 32 Hori hirak nia, baa oras haꞌu ksei iha kota Efesus, ema mak aat nuꞌu asu fuik, sia mai lisuk haꞌu. Kalo haꞌu kterus susar nunia bodik haꞌu duꞌuk, lahoos bodik Kristus, haꞌukaan susar nia butan dei. Kalo ema mak mate tiꞌan la moris nikar, diꞌak liu ita kalolon tuir ema mak dale naꞌak,  
\q1 “Mai ita hadahur bele-bele,  
\q2 hodi haa-hemu hamidar aan dei,  
\q3 tan awan ita mate!”\x + \xo 15:32 \xt Yesaya 22:13\x*   
\p
\v 33 Keta kona beꞌur toꞌo tuir dale nia. Noo lia fuan seluk mak naꞌak,  
\q1 “Kalo ita hadulur ho ema aat,  
\q2 ita sees hosi dalan moris loos.”   
\p
\v 34 Tan lia nia, keta halo aat ona! Bali aan, halo lia loos! Emi musti horan moe, tan noo ema iha emikaan klaran mak sei la natene Naꞌi Maromak dauk.   
\s1 Oras ita moris hikar, itakaan isin lolon atu dadi nunabee?  
\p
\v 35 Noo ema mak nusu naꞌak, “Oin nunabee toꞌo ema mak mate tiꞌan bele moris nikar? Siakaan isin lolon atu dadi nunabee?”   
\p
\v 36 Hoi momok sia! Lia nuneꞌe. Kalo kuda fini, fini nia musti dodok iha rai laran lai, foin bele tubu, bele moris, no bele nadikin.  
\v 37 Fini mak ita kuda, niakaan ilas la manesak no ai horis mak nadikin no nataha. Fini nia, fini maran nuꞌu fini tora, fini hare, no fini seluk sia.  
\v 38 Kuda hotu, ida-idak tubu no moris tuir Naꞌi Maromak hakaran. Tan Nia mak nakotu tiꞌan ai horis ida-idak niakaan ilas.   
\p
\v 39 Buat horis sia moos nunia. Ida-idak noo niakaan ilas tuir Naꞌi Maromak hakaran. Ema raiklaran isin lolon, tuir ema raiklaran niakaan ilas. Osa no lotuk isin, ida-idak noo niakaan ilas. Manu ai leten, ida-idak noo niakaan ilas. Naꞌan tasi, ida-idak noo niakaan ilas. Seluk tenik moos noo siakaan ilas duꞌuk.   
\p
\v 40 Noo buat iha laleꞌan, noo buat iha raiklaran. Buat laleꞌan noo siakaan kabaas duꞌuk, tan siakaan kabaas nia, seluk nosi buat raiklaran. Buat raiklaran moos noo siakaan kabaas duꞌuk, tan siakaan kabaas nia, seluk nosi buat laleꞌan.  
\v 41 Iha laleꞌan, loro matan kabaas seluk; fulan kabaas seluk; fitun kabaas moos seluk. Ida-idak noo niakaan ilas duꞌuk. Ida-idak noo niakaan kabaas duꞌuk.   
\p
\v 42 Lia nuneꞌe. Ema mak mate tiꞌan atu moris nikar nuꞌu fini ohin nia. Kalo hakoi ema maten, niakaan maten aat karin. Mais nosi ikus baa oras rai falu fila, ema nia atu moris nikar nodi isin foun. Nia seluk, tan la mate tenik ona.  
\v 43 Oras ita hakoi ema maten, ita horan maten nia sasobo. Mais oras rai falu fila ema nia moris nikar nodi isin foun, nia kabaas, tan dadi moos tiꞌan! Tebes! Oras neꞌe itakaan isin lolon la biit, tan ita atu mate. Mais oras rai falu fila ita moris hikar hodi isin foun, lahoos nunia ona, tan ita atu simu isin lolon foun mak biit tebes.  
\v 44 Oras ita sei moris, itakaan isin lolon hatene haneo no horan, nebee ita bele moris iha raiklaran neꞌe. Mais oras ita moris hikar, Maromak Kmalar atu foo isin foun baa ita, nebee ita bele moris iha laleꞌan.   
\p
\v 45 Ema raiklaran dala uluk mak manesak no ita, neꞌe mak Adam. Hakerek Moon naꞌak, “nia dadi ema mak moris nodi natene naneo no noran.” Mais noo ema ida ilas nuꞌu Adam mak beran boot kaliuk. Neꞌe mak Kristus. Niakaan Kmalar bele foo moris loos baa ema raiklaran.\x + \xo 15:45 \xt Lia Uluk Fohon 2:7\x*  
\v 46 Oras ita moris iha raiklaran hodi ilas dala uluk nia, ita hatene haneo no horan, hotu ita mate. Mais oras ita moris hikar, ita hetan ilas foun nebee ita bele moris iha laleꞌan.  
\v 47 Ilas dala uluk, ilas ema mak haseꞌi hosi rai isin atu moris iha raiklaran. Mais ilas dala rua, ilas Kristus mak moris iha laleꞌan.  
\v 48 Ita hotu-hotu, ilas manesak no ema dala uluk nia mak Naꞌi Maromak naseꞌi nosi rai isin atu moris iha raiklaran. Mais ita hotu-hotu mak talin malu ho Kristus, itakaan ilas manesak no Kristus mak moris iha laleꞌan.  
\v 49 Oras neꞌe itakaan ilas manesak no Adam mak Naꞌi Maromak naseꞌi nosi rai isin nia atu moris iha raiklaran. Mais kleu-leur, ita atu seluk hodi ilas foun mak manesak no Kristus mak moris iha laleꞌan.   
\p
\v 50 Mamaluk sia! Oras neꞌe, haꞌu katak baa emi lia nuneꞌe: iha raiklaran neꞌe, itakaan isin lolon dadi nosi raan no ruin, tan tuir ilas dala uluk. Hodi ilas nunia, ita la bele moris iha laleꞌan no la bele simu sasoin mak Naꞌi Maromak rai hein bodik Niakaan renu. La bele! Tan ilas nunia, atu mate, hotu aat karin. La bele simu sasoin mak nafati nohuun.   
\p
\v 51 Hanono diꞌa-diꞌak, tan haꞌu atu kalore lia subar ida baa emi. Oras rai falu fila, ema makfiar balu la mate. Mais ita hotu-hotu dadi seluk hodi ilas foun.  
\v 52 Oras toꞌis nalia dala ikus basuk, lia hotu-hotu neꞌe laku matan dadi. Oras nia, ema mak mate tiꞌan sia moris nikar. Nunia hotu, sia la mate tenik no la aat karin tenik. Nunia moos ita mak sei moris. Ita hotu-hotu dadi ilas foun.\x + \xo 15:52 \xt 1 Tesalonika 4:15-17\x*  
\v 53-54 Itakaan isin lolon mak oras neꞌe bele aat, atu dadi seluk baa ilas mak la bele aat! Ita mak oras neꞌe bele mate, atu dadi seluk baa ilas mak la bele mate! Lia nia natebes lia iha Hakerek Moon naꞌak,  
\q1 “Ita la mate tenik ona,  
\q2 tan Naꞌi Maromak nadodok tiꞌan beran mak nalo ema mate.”\x + \xo 15:53-54 \xt Yesaya 25:8\x*   
\q1
\v 55 “Hoi, Maten!  
\q2 Okaan beran iha nabee?  
\q1 Hoi, Maten!  
\q2 Okaan raroꞌat iha nabee tenik?”\x + \xo 15:55 \xt Hosea 13:14\x*   
\p
\v 56 Tebes nunia. Mais tan saa mamaten beran lisuk ita ema raiklaran? Tan ita halo sala. Tan saa itakaan salan bele lisuk ita nunia? Tan ita sakar Naꞌi Maromak Ukun-badu.  
\v 57 Mais oras neꞌe, seluk tiꞌan! Ita tonu Naꞌi Maromak, tan Nia nodi itakaan Naꞌin Yesus Kristus, nalo ita hatoba hola lia aat sia hotu-hotu. Tan hotu-hotu foti liman baa Kristus.   
\p
\v 58 Lia nuneꞌe, mamaluk sia! Haterus aan biit! Keta kakoen! Serwisu bodik Naꞌi Maromak hodi laran maluak, tan emi hatene tiꞌan emikaan serwisu nia, la butan.   
\c 16  
\s1 Osan mak ema foo atu nodi tulun Kristus eman sia iha Yerusalem  
\p
\v 1 Oras neꞌe, haꞌu atu kakerek kosi osan mak emi atu libur hodi tulun Kristus eman susar sia iha Yerusalem. Haꞌu kalore tiꞌan baa hutun sarani sia iha rai Galilea kaꞌak, sia musti libur osan nia oin nunabee. Oras neꞌe emi moos musti halo tuir nuneꞌe:\x + \xo 16:1 \xt Roma 15:25-26\x*  
\v 2 Sura loron boot, emi ida-idak musti rai osan oan ida nosi serwisu isin. Keta hein haꞌu kmai lai, foin hahuu libur osan.  
\v 3 Kalo haꞌu kmai tiꞌan, emi boi hola ema naꞌin hira mak emi fiar, nebee sia nodi osan nia baa Kristus eman sia iha Yerusalem. Haꞌu kbele kalo hakerek atu kodi katak maklituk hutun sarani sia iha nebaa.  
\v 4 Mais kalo emi haꞌak, diꞌak liu haꞌu moos tuir, haꞌu moos kakara. Ami bele baa ho emi.   
\s1 Paulus nakara baa kota Korintus  
\p
\v 5 Haꞌu kbeer baa karee emi, mais haꞌu ksei baa uluk Makedonia. Haꞌu kakara laꞌo kasirin rai Makedonia lai,\x + \xo 16:5 \xt Kristus Klosan Lian 19:21\x*  
\v 6 foin haꞌu kmai emi, nebee kein kleur oda ko emi. Arumak haꞌu kein toꞌo oras rai udan siku. Hotu, emi bele tulun haꞌu baa fatin ida seluk.  
\v 7 Haꞌu kakara kein ko emi, lahoos oras dei, mais kleur oda, kalo Naꞌi Maromak nakara.  
\v 8 Mais sei kakara kein iha kota Efesus neꞌe, toꞌo loron boot Pentakosta. Loron boot nia, loron lima nulu siku loron boot Paska.\x + \xo 16:8 \xt Ukun-badu Naꞌilulik 23:15-21; Hanoin Hikar Dalan Moris 16:9-11\x*  
\v 9 Masik ema waꞌin sakar Kristus iha neꞌe moos, sei noo leet waꞌin mak furak basuk, bodik haꞌu kserwisu bodik Nia iha neꞌe.\x + \xo 16:9 \xt Kristus Klosan Lian 19:8-10\x*   
\p
\v 10 Kalo Timotius mai baa emi tiꞌan, simu nia diꞌa-diꞌak, nebee nia lalika naneo oi-oik. Nia moos itakaan Naꞌin eman serwisu nuꞌu haꞌu.\x + \xo 16:10 \xt 1 Korintus 4:17\x*  
\v 11 Keta foo leet ema naraik nia. Tulun nia, toꞌo nia fila nikar mai diꞌa-diꞌak. Tan haꞌu ko mamaluk rumak sia hein nia.   
\p
\v 12 Noo lia ida tenik. Haꞌu kamaus itakaan maluk Apolos, nebee nia baa matan emi no mamaluk rumak sia. Mais toꞌo baa oras neꞌe, nia sei la noꞌuk baa. Hein baa dei, toꞌo noo leet diꞌak, foin nia tone.   
\s1 Hanono baa malikuk ema sarani sia  
\p
\v 13 Daka aan diꞌa-diꞌak! Haterus aan hodi fiar bei-beik baa Naꞌi Maromak! Keta hataꞌuk! Hakbiit aan!  
\v 14 Halo sa-saa dei, musti hatudu emikaan dadomin.   
\p
\v 15 Mamaluk sia! Emi hotu-hotu hatene haꞌak, mau Stefanus no niakaan uma kain dadi ema dala uluk mak fiar baa Kristus iha emikaan rai Akaya nebaa. Sia serwisu susi ruin atu naliku ema makfiar hotu-hotu iha nebaa. Tan baa nia, haꞌu kusu nebee\x + \xo 16:15 \xt 1 Korintus 1:16\x*  
\v 16 emi hanono baa sia no ema seluk mak serwisu bele-bele no sia atu naliku emi.   
\p
\v 17 Haꞌu neon boot, tan mau Stefanus, mau Fortunatus, no mau Akaikus mai iha neꞌe. Haꞌu kbeer basuk atu karee emi, mais oras sia mai, nuꞌu sia seluk emi.  
\v 18 Sia nakbiit haꞌukaan neon, nuꞌu sia moos nakbiit emikaan neon. Ita musti hakneter ema oin nunia sia.   
\s1 Paulus solok tabe  
\p
\v 19 Hutun sarani sia iha rai Asia solok tabe baa emi. Maꞌu Akila no feen bii Priskila,\f + \fr 16:19 \ft Hakerek Moon lia Yunani nakerek naꞌak, “Priska”. Priska no Priskila nia, naran ida dei.\f* no ema hotu-hotu mak naklibur iha siakaan uma moos solok tabe baa emi. Sia no ita talin malu bele ho itakaan Naꞌin.\x + \xo 16:19 \xt Kristus Klosan Lian 18:2\x*  
\v 20 Ema makfiar hotu-hotu iha neꞌe moos solok tabe.  
\p Oras emi haklibur, foo tabe baa malu hodi deꞌi kabaas mak fatan bodik ema makfiar sia.   
\p
\v 21 Haree kokon lai! Haꞌu, Paulus kodi liman duꞌuk kakerek lia tohar rohan neꞌe: \it Dame!\it*   
\p
\v 22 See mak la nadomi itakaan Naꞌin, Naꞌi Maromak kastikar nia.  
\p Haꞌu kakara foo tabe baa ema kodi ami ema Yahudi lian, lia Aram kaꞌak, \it “Marana ta!”\it* Lia isin naꞌak, “Naꞌi Yesus! Ita Boot mai ona!”   
\p
\v 23 Haꞌu kakroꞌan nebee Yesus, itakaan Naꞌin, natudu laran diꞌak baa emi.   
\p
\v 24 Haꞌu kadomi emi hotu-hotu, tan ita bele-bele talin malu ho Kristus mak Naꞌi Maromak solok mai tiꞌan nia.  
\p Toꞌo neꞌe dei.  
\q2 Nosi haꞌu,  
\q2 Paulus