\id TIT 
\ide UTF-8
\h Titosy
\toc1 Titosy
\toc2 Titosy
\toc3 Tit
\mt1 Titosy
\c 1
\s1 Fiaolon-dRehake
\p
\v 1 I Paoly, fetrek’ oron’ Añahare naho Firàhe’ \nd Iesoà\nd* Norizañey, ho ami’ty fatokisa’ o jinobon’ Añahareo naho ty faharendrehañe ty hatò amy fañorihañe Hake, 
\v 2 misalala i haveloñe nainai’e nampitaman’ Añahare tsy mandañitsey, taolo’ ty fifotora’ o saao, 
\v 3 ie naboake an-tsà mañeva i tsara’ey añamy fitaroñañe nafantok’ amako ami’ty lilin’ Añahare Mpandrombak’ antikañey.
\p
\v 4 Ho a i Titosy, toe anake amy fatokisañe itraofañey: hasoa, naho fañanintsiñe boak’ aman’ Añahare Rae naho \nd Iesoà\nd* Norizañe Mpandrombak’ antikañey.
\s1 Orizo ty Mpifehe Mañeva
\p
\v 5 Ty talim-pañengako azo homb’e Kreta añe, le ty hañity o raha tsy nihènekeo, naho ty hampijadoñe roandriañe amo hene rovao, amy nafantoko ama’oy, 
\v 6 ie tsy aman-kila, migahiñe amy tañanjomba’ey, naho aman’ anake mpiato, tsy mitangingìñe, tsy mañarinjeñe. 
\v 7 Toe tsy mahay tsy malio tahiñe ty mpifehe amy te mpamandron’ Añahare, tsy mpitea-teña, tsy mora viñetse, tsy loho mpinon-divay, tsy mpandafa, tsy mikiram-bokàñe, 
\v 8 f’ie mpanao antalatalasaba, mpitea ty soa, mahalie-batañe, malili-po, miavake naho migahiñe; 
\v 9 mpifahatse ami’ty fañòhañe to milahatse amy tsara atokisañey, haha­fitaroña’e ty entan-tsoa-fehe naho hañitia’e o mpandietseo.
\p
\v 10 Maro ty te hiola, mpivolambolañe naho mpamañahy, somandrake o mpiamo savatseo. 
\v 11 Ie tsy mahay tsy hampitsiñeñe, fa mandrotsake hasavereñañe heneke, mañoke raha tsy mañeva, hahazoañe tambe vìlañe. 
\v 12 Fa hoe ty mpitoky am’ iereo ao: Mpandañitse avao o nte-Kretao, biby raty, vòtro màhake. 
\v 13 To i tali­lieñey. Aa le itrevoho, hampatoe’ ty fatokisa’ iareo, 
\v 14 tsy hiantofa’e o lantom-bolañe Tehodao naho ty fandi­lia’ ondaty mpiamboho ami’ty hatòo. 
\v 15 Toe hene hiringiry amo hiringiriñeo, fe tsy eo ty malio amo malotoo naho amo tsi-miatoo, ie sambe maleotse an-troke naho am-pitsa­koreañe. 
\v 16 Ie mieva mahafohiñe an’ Andrianañahare te mone tetize’ o sata’eo, mpitangingìñe naho mpiola, milesa amy ze atao asa soa.\f + \fr 1:16 \fr*\ft Mat 7:21-23, Pe 2:1-22, Jn I 2:4, Jod 1:4\ft*\f*
\c 2
\s1 Ty Fañòhañe Vañoñe
\p
\v 1 F’ihe, Taroño ze mañeva atao enta-mahity, 
\v 2 hahapendreñe o androanavio ho vañoñe, hilie-batañe, higahiñe am-patokisañe, an-koko naho am-pahaliñisañe; 
\v 3 manahake izay o rakemba beio, t’ie ho vañon-dia mpañeveñe aman-Kake, tsy mpikanifoke, tsy ondevozen-divay, fa mpañoke havañonañe; 
\v 4 mpanoro o ampelao ho hendre, mpikoko valy naho mpitea anake; 
\v 5 ie mahalie-troke, tsy aman-kila, mahay mañalahala anjomba, matarike, mpiandaly ami’ty vali’e; soa tsy honjirañe ty tsaran’ Añahare.
\p
\v 6 Osiho ka o ajalahio te hilie-batañe. 
\v 7 Le an-tsata’o iaby, mañaveloa ho fitsikombeam-pitoloñan-tsoa\f + \fr 2:7 \fr*\ft Mat 16:27\ft*\f*, ho mpañoke vantañe vaho migahiñe, 
\v 8 añ’enta mifehe, tsy itiñeañe, hanalarañe ty mandietse, tsy hinjeañe.
\p
\v 9 Osiho ondevoo hiambàne amo tompo’eo, hampifalea’e an-tsata’e iaby, vaho tsy hanointoiñe; 
\v 10 tsy hampikametse, te mone hitoloñe am-patokisañe do’e, soa te ho bangoe’e amy ze he’e ty fañòhan’ Añahare Mpandrombake antikañe.
\p
\v 11 Fa niboake ty hasoan’ Añahare minday fandrombahañe ho a ze kila ondaty, 
\v 12 mañoke antika halaiñe ty hatsi-an-Kake naho o hadrao’ ty voatse toio; naho ty hilie-batañe an-kavañonañe, vaho hañori-Kake ami’ty sà toy, 
\v 13 ie liñisantika i fitamàñe andriañañey—i fiboaham-bolonahen’ Añahare jabahinakey, \nd Iesoà\nd* Mpandrombake Norizañey, 
\v 14 i namoe’ay hijebañe antika amy ze fonga fandilaran-Kakey\f + \fr 2:14 \fr*\ft Jn I 3:4, Mat 1:21, Top 3:19, 3:26, 26:18, Rom 6:1-22, Efe 2:1-10, Jn I 3:8, Tit 3:5\ft*\f*, hañefera’e ho aze ondaty mahimbañe am-pitoloñan-tsoao\f + \fr 2:14 \fr*\ft Mat 16:27\ft*\f*.
\p
\v 15 Itaroño naho añosiho naho añereto an-dily fonitse vaho ko apo’o honjiren-drehe.
\c 3
\s1 Anò ze Mahasoa
\p
\v 1 Atorò iareo ty hiambane amo mpifeheo, naho amo bei’eo, tsy hanjehatse, vaho halisa amy ze hene fitoloñan-tsoa, 
\v 2 le tsy hañìnje ndra ia’ia, tsy hitrobo, fa ho lèm-po, hiasy ze hene ondaty. 
\v 3 Toe ni-seretse ka tika taolo, nanjehatse, finitake, nondevozen-kadrao naho fañiriañe, nañavelo an-ka-lo-tserehañe naho fihàñañe, nirihy, vaho nifankalaiñe. 
\v 4 Fe niboake ty fatarihan’ Añahare Mpandrombak’ antika naho mpikoko ondatio. 
\v 5 Le rinomba’e, tsy ty amo sata soa nanoen-tika an-kavañonañeo, fa i fiferenaiña’ey, am-pandroañe i fisamaham-baoy naho ami’ty fañavaoa’ i Arofo Masiñey 
\v 6 ze nadoba’e aman-tikañe añam’ \nd Iesoà\nd* Norizañe Mpandrombak’ antikañey, 
\v 7 le itika nivantañeñe amy hasoa’ey, ro nanoeñe mpandova ty amy fitamàñe o haveloñe nainai’eo.
\p
\v 8 Tsara-to izay, aa ty amy tsaraeñe, le noko te isaontsia’o am-patokisañe, soa te himanea’ o mpiato aman’ Añahareo ty hitomitse, hitoloñe sata soa. Mete izay, toe mahasoa ze hene ondaty. 
\v 9 Fe iholiaro o ontane gegeo, o toñon-droaeo, o ali-vavao, naho ty sotasota amy Hake, ie hatsivokarañe naho hakoahañe. 
\v 10 Aitò t’indaty mampiriaria ie fa nierete’o in-droe ndra in-draike, 
\v 11 ampahafohino t’ie mengoke naho mpandilatse vaho mamà-batañe.
\s1 Figadoña’e
\p
\v 12 Naho hahitriko mb’ama’o mb’eo t’i Artema ndra i Tikiko le milozoha lia mb’amako e Nikopolia mb’eo, fa sinafiriko ty hitoboke ao te asotry.
\p
\v 13 Maringata hampionjone’o mb’ eo t’i Zena mpañoke Hake naho i Apolosy soa tsy eo ty ho paiae’iareo. 
\v 14 Hàmake te hizatse sata soa o mpiaman-tikañeo, hañeneke o raha paiañeo, tsy mone tsy hahavokatse.
\p
\v 15 Mañontane azo ze hene amako atoa. Salamao ze mikoko antika amy fatokisañey ao. Hasoa ama’ areo iaby.