\id SNG 
\ide UTF-8
\h Sabo Talango’e
\toc1 Sabo Talango’e
\toc2 Sabo Talango’e
\toc3 Sbt
\mt1 Sabo Talango’e
\c 1
\q1
\v 1 Ty Sabo talango’ i Selomò.
\s1 Kokoa’e
\q1
\v 2 Apoho hañorok’ahy re
\q1 amo orok’ am-palie’eo!
\q1 Fa soa te amo divaio ty fikokoa’o.
\q1
\v 3 Mandrifondrifoñe
\q1 o mena-pañosora’oo,
\q1 rano máñitse nailiñe ty tahina’o,
\q1 izay ty ikokoa’ o somondrarao azo.
\q1
\v 4 Kozozoto iraho, antao halisa;
\q1 Nandese’ i mpanjakay mb’añ’efets’
\q1 efen’anjomba’e ao.
\s1 Rañe’eo
\q1 Hañonjoñ’ azo zahay naho hirebeke, honjone’ay ambone’ ty hamañin-divay.
\q1 An-kahiti’e ty fikokoa’ iareo azo.
\s1 Kokoa’e
\q1
\v 5 Mainte iraho, naho ginoke,
\q1 ry anak’ampela’ Ierosalaimeo,
\q1 manahake o kiboho’ i Kedareo,
\q1 hambañe amo lamba’ fañefe’ i Selomoo.
\q1
\v 6 Ko mangarek’ ahy ami’ty hamaintelèñeko,
\q1 ie nisamb’ ahy i àndroy.
\q1 Niboseha’ o ana-dahin-drenekoo iraho,
\q1 nampañalahala’ iareo
\q1 o tanem-baheo,
\q1 vaho namoeako ka
\q1 i tanem-bahekoy!
\q1
\v 7 Saontsio amako,
\q1 ry fikokoam-piaiko,
\q1 Aia ty fiandraza’o,
\q1 i fampandrea’ o an’tsingilingilieñey?
\q1 Amy te ino ty hitsikombeako ty mpisaron’ tarehe marine’ o lia-rain-drañe’oo?
\s1 Rañe’eo
\q1
\v 8 Aa naho tsy fohi’o,
\q1 ry hatsomerentseren’ampelao,
\q1 le tinoño ty lia’ i lia-raikey
\q1 vaho andrazo marine’ o kibohom-
\q1 piarakeo o vik’ose’oo.
\s1 Mpikoko
\q1
\v 9 Ry kokoako, Ampanahafeko ami’ty renen-tsoavala amo sarete’ i Paròo,
\q1
\v 10 Fanjaka o fifi’oo ty amo hangehangeo,
\q1 ty vozo’o miravake vatosoa.
\q1
\v 11 Hitsenea’ay bangem-bolamena
\q1 nihamineñe volafoty.
\s1 Kokoa’e
\q1
\v 12 Ie nandre an-tihi’e eo i mpanjakay,
\q1 ro nañakara’ i ramekoy i hañi’ey.
\q1
\v 13 Hoe sandrifen-drame mandre añivo’
\q1 o nonokoo i kokoakoy.
\q1
\v 14 Fitoborom-boñen-tseva
\q1 an-tanem-balobo’ i En-Gedy ao
\q1 i kokoakoy.
\s1 Mpikoko
\q1
\v 15 Akore ty hamozohozo’o, o kokoakoo,
\q1 Hen! ty hatrenotreno’o;
\q1 deho o maso’oo.
\s1 Kokoa’e
\q1
\v 16 Toe tsomerentseren-drehe kokoakoo, vata’e miehañe;
\q1 maindoñe ty fandrean-tikañe;
\q1
\v 17 Mendoraveñe o fahan-trañon-tikañeo,
\q1 akao o tapena’eo.
\c 2
\s1 Mpikoko
\q1
\v 1 Somontsoin-tSaròne iraho,
\q1 vare-mañim-bavatàne.
\q1
\v 2 Manahake o mañidè am-po’ fatikeo
\q1 i kokoakoy amo somondrarao.
\s1 Kokoa’e
\q1
\v 3 Manahake ty takoko\f + \fr 2:3 \fr*\ft Poma\ft*\f* amo hatae añ’alao
\q1 ty kokoako amo ajalahio.
\q1 Tsy nahay avao iraho te nitoboke
\q1 an-talinjo’e eo,
\q1 nimamy an-pitsopehañ’aze o voa’eo.
\q1
\v 4 Nasese’e mb’añ’anjomban-
\q1 tsabadidake mb’eo raho
\q1 le nampialofe’e ambanen’
\q1 alokalom-pikokoa’e ao.
\q1
\v 5 Fahano zizimo\f + \fr 2:5 \fr*\ft Valòboke\ft*\f* iraho,
\q1 ampanintsiño an-takoko,
\q1 fa nampitoiram-pikokoan-draho.
\q1
\v 6 Iondanan-dohako ty fità’e havia,
\q1 mamelek’ ahy ty fitàn-kavana’e.
\q1
\v 7 Afantoko ama’ areo
\q1 ry anak’ampela’ Ierosalaimeo,
\q1 ty amo farasio naho o tsakan-kivokeo;
\q1 ko tsekafe’ areo
\q1 ndra ampibarakaohe’ areo
\q1 o fikokoañeo am-para’ te irie’e!
\s1 Ambara’ t’i Mpikoko i Kokoa’ey,
\s1 Kokoa’e
\q1
\v 8 Inao i kokoakoy!
\q1 Heheke, mb’ etoan-dre,
\q1 mitsamboatsamboañe amo vohitseo,
\q1 mbore vokone’e o tambohoo.
\s1 Mpikoko
\q1
\v 9 Manahake o farasio ndra ty fanaloke tora’e i kokoakoy;
\q1 hehe t’ie mijohañe an-kalo’
\q1 o kijolin-tikañeo,
\q1 mitangirik’ amo lalan-kedeo,
\q1 mitilihitse amo tsingarakarakeo.
\q1
\v 10 Tinoi’ i kokoakoy iraho ami’ty hoe: Miongaha ry kokoako,
\q1 i hatsomerentserekoy, antao:
\q1
\v 11 fa nihak’ añe i asotriy,
\q1 fa tampetse i orañey, le añe.
\q1
\v 12 Misodeha an-tane ey o voñeo,
\q1 le fa totsake ty sam-pañetefañe,
\q1 vaho fa mivolañe an-tanen-tika atoy
\q1 i lovey.
\q1
\v 13 Fa somaraveñe o voa’ i sakoañeio,
\q1 naho mibotiboty iaby o vaheo,
\q1 vaho mampiboele o harifondrifo’eo;
\q1 miavota ry kokoako,
\q1 ry tsaratseake, misitaha mb’etoa.
\s1 Mpikoko
\q1
\v 14 O dehoko, an-tseram-batoo:
\q1 an-tsifitsifi’ o tevañeo,
\q1 ee te ho treako ty tarehe’o,
\q1 lonike te hitsanoñe ty feo’o,
\q1 ry talango am-peo naho soa vintañeo.
\q1
\v 15 Tsepaho ho antika o fanalokeo,
\q1 o fanaloke bory mampianto
\q1 tanem-baheo,
\q1 fa mamòñe i tanem-bahen-tikañey.
\s1 Kokoa’e
\q1
\v 16 Ahiko i kokoakoy, aze ka iraho:
\q1 ie mampiandrazeñe amo vindao.
\q1
\v 17 Ampara’ te mitiotioke i àndroy
\q1 vaho misomarike o talinjoo, ry kokoako, mitoliha, tsikombeo i farasiy
\q1 ndra i fanaloke tora’e
\q1 an-tevam-bohitsey.
\c 3
\s1 Ipaia’ i Kokoa’e Haleñe
\q1
\v 1 Ie haleñe an-tihiko atoy,
\q1 nipaiako i kokoam’ piaikoy,
\q1 nisalala aze iraho fa tsy tendreke;
\q1
\v 2 Hitroatse henaneo
\q1 hikariokariok’ an-drova ao,
\q1 amo lala’eo naho an-kiririsa’e eo;
\q1 ho tsoeheko i kokoan’ aikoy.
\q1 Pinaiko fa tsy nitrea.
\q1
\v 3 Nizoe’ o mpañambeñeo iraho,
\q1 ie nañariofa’ iereo fisamba i rovay.
\q1 Nioni’ areo hao i kokoam-piaikoy?
\q1
\v 4 Ie vaho nihelañako,
\q1 le nitendrek’ amy kokoam-piaikoy;
\q1 nivihineko le tsy navotsoko ampara’ t’ie naseseko mb’añ’anjomban-dreneko mb’eo, mb’añ’efe’ i nampiareñ’ ahikoy.
\q1
\v 5 Afantoko ama’ areo
\q1 ry anak’ampela’ Ierosalaimeo,
\q1 ty amo farasio ndra o fanaloke
\q1 an-kivokeo:
\q1 ko tsekafe’ areo ndra barakakaofe’ areo
\q1 o fikokoañeo ampara’ te irie’e.
\s1 Androm-Pañambaliañe Ty Fañotroñañe i Enga Vaoy
\q1
\v 6 Iam-bao o mionjo’ mb’etoa
\q1 hirik’am-patrambeio,
\q1 hoe hatoeñe mihorondemboke,
\q1 nembohe’ ty tsotse naho mañidè
\q1 vaho ze hene hamañim-bom-pibalibalike?
\q1
\v 7 Hehe t’ie i horantsa’ i Selomoy,
\q1 iaoloa’ ty fanalolahy enem-polo
\q1 amo lahitsiai’ Israeleo.
\q1
\v 8 Songa mpitam-pibara, vañoñ’añ’aly,
\q1 fonga ama-mesolava am-pe’e eo
\q1 ty amo fangebahebahan-kàleñeo.
\q1
\v 9 Nitsenè’ i Selomò ho aze
\q1 ty horantsa’e an-katae’ i Libanone.
\q1
\v 10 Nanoe’e volafoty o anakore’eo,
\q1 volamena i voho’ey,
\q1 malo-mavo i fiambesa’ey,
\q1 fikokoañe ty nihamina’ o anak’ ampela’ Ierosalaimeo ty añ’ate’e ao.
\q1
\v 11 Mionjona, ry anak’ ampela’ i Tsioneo, sambao i Selomò mpanjaka misabaka
\q1 i nampisabakaen-drene’e
\q1 amy androm-pañengam-bali’eiy,
\q1 amy andro nahafale i arofo’eiy.
\c 4
\s1 Mpikoko
\q1
\v 1 Akore ty hahomozohozo’o,
\q1 ry kokoakoo, toe tsomerentsereñe;
\q1 deho am-boho’ o marerarera’oo
\q1 o fihaino’oo;
\q1 hoe lia-rain-ose mivovotse
\q1 am-pizotsoa’ i Gilade o maròi’oo.
\q1
\v 2 Hoe ty rene’añondry hinitsike mitroatse
\q1 am-panasañe o famotsi’oo,
\q1 songa aman-drahamba’e,
\q1 leo raik’ ama’e tsy doñ-anake.
\q1
\v 3 Hoe fole-mena o fivimbi’oo
\q1 vaho fanjaka o falie’oo.
\q1 Hoe vakim-boan-draketamena roe
\q1 o fitendrean’ aoli’oo an-kalo
\q1 o marerarera’oo.
\q1
\v 4 Manahake ty fitilik’abo’ i Davide
\q1 ty fititia’o, rinanjy am-bato miriritse,
\q1 iradoradoa’ ty fikalan-defoñe arivo,
\q1 songa fikalam-panalolahy.
\q1
\v 5 Hoe fanaloke tora’e o fatroa’oo,
\q1 sarake hambañe mihota am-binda ao.
\q1
\v 6 Ampara’ ty fanintsiñañ’ andro,
\q1 an-kalavaen-talinjo,
\q1 homb’am-bohin-tsotse mb’eo iraho,
\q1 mb’an-kaboan-drame mb’eo.
\q1
\v 7 Solanto’e irehe, ry mami’ ty troko,
\q1 tsy aman-kila.
\q1
\v 8 Mindreza lia amako
\q1 boake Libanone añe
\q1 ry enga-vaoko,
\q1 ehe itraofo hirike Libanone añe;
\q1 mizotsoa boak’an-dengo’ i Amane ey,
\q1 boak’an-kaboa’ i Senire,
\q1 an-digiligi’ i Kermone eñe,
\q1 boak’amo fipaliram-parasio,
\q1 o vohim-panalokeo.
\q1
\v 9 Fa tinava’o ty troko, ry rahavaveko,
\q1 enga-vaoko;
\q1 kinizo’o an-driom-paom-pihaino’o,
\q1 ami’ty bange’o raik’ am-pititia’o eo.
\q1
\v 10 Fanjaka ty fikokoa’o,
\q1 rahavaveko, enga-vaoko!
\q1 loho soa te amo divaio ty fikokoa’o,
\q1 naho ty harifondrifon-drano mañi’o
\q1 te amy ze atao emboke!
\q1
\v 11 Mitsopatsopake
\q1 ty hamamim-papy tantele
\q1 o fivimbi’oo, ry enga-vaokoo,
\q1 habobo naho tantele
\q1 ty ambane’ famele’o ao.
\q1 Manahake ty harifondrifo’ i Libanone
\q1 ty hamañin-tsaro’o.
\q1
\v 12 Goloboñe mihily ty zaiko, enga-vaoko.
\q1 Loha rano mifahetse,
\q1 figoangoan-drano mikapeke.
\q1
\v 13 Raketa miregorego soa
\q1 o hataen-golobo’oo,
\q1 naho voan-katae fanjaka,
\q1 mañi-dè mitrao-tseva:
\q1
\v 14 Rame miharo ahemañitse,
\q1 hazomañitse naho somoroñe,
\q1 naho ze hene hatae marifondrifoñe,
\q1 mitraoke tsotse naho vahoñe
\q1 vaho ze atao hafiriañe.
\q1
\v 15 Rano migoangoañe
\q1 an-goloboñe ao irehe,
\q1 vovon-drano mamy mitsiritsioke
\q1 boake Libanone añe.
\s1 Kokoa’e
\q1
\v 16 Mitsekafa ry avaratse, mb’etoy ry atimo! Tiofo i golobokoy,
\q1 hampiboeleañe o hamañi’eo.
\q1 Ee te hizilik’ an-golobo’e ao i kokoakoy hitsopeke o voa’e mafirio.
\c 5
\s1 Mpikoko
\q1
\v 1 Fa nimoak’ amy golobokoy iraho,
\q1 ry zaiko, enga-vaoko;
\q1 fa natontoko ty rameko
\q1 naho o mañi-dèkoo;
\q1 fa nihaneko ty papi-tanteleko
\q1 naho ty tanteleko;
\q1 fa ninomeko ty divaiko
\q1 naho ty rononoko.
\s1 Mpirañetse
\q1 Mikamà, ry rañetseo, naho minoma;
\q1 minoma am-pidadañe, ry mpikokoo.
\s1 Ipaia’ i Kokoa’e Haleñe
\q1
\v 2 Niroro iraho fe nañente ty troko.
\q1 Inay! Mañonkòñe i kokoakoy:
\q1 Sokafo iraho ry zaiko, mami’ty fiaiko,
\q1 ty dehoko, ginoke tsy aman-kila.
\q1 Kotsa’ ty zono ty lohako,
\q1 ty voloko ami’ty hamandoa’ i haleñey.
\q1
\v 3 Fa nafahako ty saroko—
\q1 mbe haombeko hao?
\q1 Fa sinasako o tombokoo—
\q1 mbe ho lotoeko hao?
\q1
\v 4 Nazili’ i kokoakoy ami’ty hiri’
\q1 i sikadañey ty fità’e;
\q1 vaho nampiponaponake o añ’ovako ao.
\q1
\v 5 Niongake iraho hanokàfako i kokoakoy,
\q1 nitsopatsopake rame o tañakoo,
\q1 rame mitsiritsioke o rambo-tañakoo,
\q1 amo fitanañ’ i sikadañeio.
\q1
\v 6 Nisokafeko i kokoakoy,
\q1 fe nitolik’ ane i kokoakoy, fa nienga;
\q1 toe nilesa ty troko amy saontsi’ey;
\q1 pinaiko fe tsy nahatrea,
\q1 kinoiko fe tsy nanoiñe.
\q1
\v 7 Nitendrek’ ahy o mpigaritseo,
\q1 ie nañariofe’ iereo i rovay;
\q1 linafa’ iereo, vinonotrobo’ iereo;
\q1 tinava’ o mpigari-kijolio i sarokoy!
\q1
\v 8 Ry anak’ ampela’ Ierosalaimeo,
\q1 ifantako, naho isa’ areo i kokoakoy,
\q1 ino ty hisaontsia’ areo?
\q1 Izaho toiram-pikokoañe.
\s1 Rañe’eo
\q1
\v 9 Mpikoko manao akore i mpikoko azoy,
\q1 ry hatrenotrenon’ ampelao?
\q1 Mpikoko manao akore i mpikoko azoy,
\q1 ie namantok’ anay.
\s1 Kokoa’e
\q1
\v 10 Miloeloe i kokoakoy
\q1 mbore volovoloeñe,
\q1 miambak’ ami’ty alen-dahy.
\q1
\v 11 Volamena hiringiri’e ty añambone’e;
\q1 mitaporetaporetse o maroi’eo,
\q1 hamaintem-bolon-drelove.
\q1
\v 12 Hoe deho añ’olon-torahañe eo
\q1 o fihaino’eo,
\q1 sinasa an-dronono,
\q1 soa fimoneñe am-pitoboha’eo.
\q1
\v 13 Hoe tihin-ahemañitse,
\q1 kijolin-kamañirañe, o fiambina’eo;
\q1 vinda mitsopake rame o soñi’eo.
\q1
\v 14 Bodam-bolamena o fità’eo,
\q1 ibangoan’ \f + \fr 5:14 \fr*\ft Tarsise: beryle: vato soa\ft*\f*tarsise,
\q1 hoe te nifen-drimo nivàñeñe, niravahañe safira ty fañòva’e.
\q1
\v 15 Bodan-tsinihara nandreketam-bolamena ki’e o fandia’eo.
\q1 Manahak’ i Libanone ty vinta’e, ami’ ty hasoa’ o mendorave’eo.
\q1
\v 16 Loho mamy ty falie’e;
\q1 vata’e mahasinda;
\q1 ie i kokoakoy naho i rañekoy,
\q1 ry anak’ampela’ Ierosalaimeo.
\c 6
\s1 Rañe’eo
\q1
\v 1 Nimb’aia i kokoa’oy,
\q1 ry maintelèn’ampelao?
\q1 Nitsile mb’aia i kokoa’oy,
\q1 hindreza’ay fipay?
\q1
\v 2 Nizotso mb’an-golobo’e mb’eo
\q1 i kokoakoy,
\q1 mb’am-pilafiham-pahafiriañe mb’eo, hiarake an-golobo’e ao,
\q1 naho hanontoñe o voñem-bindao.
\q1
\v 3 A i kokoakoy iraho, vaho ahiko re,
\q1 ie miarak’ am-baremañitse ao.
\s1 Mpikoko
\q1
\v 4 Hamotsontane irehe, kokoako,
\q1 manahak’ i Tirzà,
\q1 naho ty hasoa’ Ierosalaime,
\q1 amam-bolonahetse hoe lahialen-defoñe
\q1 mañonjom-borovoro.
\q1
\v 5 Atoliho mb’eo hoekeo o maso’oo,
\q1 fa mampivalitaboak’ ahy; manahake ty lia-rain’ose mikararake mañambane i Gilade mb’eo o volo’oo.
\q1
\v 6 Lia-rain’ añondri-vave mionjoñe boak’ ampanasañe ao o nife’oo,
\q1 songa reke-pihambañe,
\q1 ndra raike tsy jeña.
\q1
\v 7 Hoe vakim-boan-draketamena
\q1 ty fitendrean’ aoli’o
\q1 an-kalo’ o marerarera’oo.
\q1
\v 8 Mete ho enempolo ty valim-panjaka,
\q1 naho valompolo o sakeza’eo
\q1 vaho somondrara tsy fotofoto;
\q1
\v 9 fa ihe ry dehoko, ry homozohozo’e,
\q1 tsy amañ’ohatse, bako tokan-drene’e,
\q1 mitoratsik’ amy nisamak’ azey.
\q1 Ie nizoe’ o somondrarao
\q1 le natao’ iareo soa-tata,
\q1 nandrenge aze ka o valim-panjakao
\q1 naho o sakezao.
\s1 Rañe’eo
\q1
\v 10 Ia o miboake hoe t’ie andro manjirikeo? motsotsore
\q1 hoe i volan-dorisay,
\q1 mikotritriake hoe i àndroy,
\q1 mahalatsa hoe valobohòke
\q1 mirañoraño an-kobaiñe?
\s1 Kokoa’e
\q1
\v 11 Nizotso mb’añ’ala-vondron-tsakoa
\q1 mb’eo raho
\q1 hisary o fitirim-bao am-bavataneo,
\q1 hañenteako ke mibotiboty o vaheo,
\q1 he mamòñe o raketao.
\q1
\v 12 Niambovo amako te
\q1 navotra’ ty troko an-tsarete ao,
\q1 hehe te añ’ilako eo ty roandria.
\s1 Rañe’eo
\q1
\v 13 Mibaliha, mibaliha, ry nte-Solàme; mimpolia, mimpolia, hisamba’ay azo.
\s1 Mpikoko
\q1 Inom-bao ty angarefa’ areo
\q1 i nte-Solamey
\q1 hoe te itsinjaha’e i \f + \fr 7:1 \fr*\ft Mahanaime: toben-dahindefoñe, he mpitsinjake\ft*\f*Mahanaime?
\c 7
\q1
\v 1 Fanjaka o fandia’o mihànao,
\q1 ry anak’ ampelan-droandria!
\q1 hoe hange nitoloñem-pitàm-pitsene mahimbañe
\q1 ty hahomozohozom-pe’o.
\q1
\v 2 Fitovy bontoly ty foe’o,
\q1 ie le lia’e tsy po-divay milaro;
\q1 fitoboron’ ampemba iarikatoham-binda
\q1 o araña’oo.
\q1
\v 3 Fanaloke tora’e o fatroa’oo,
\q1 ana-kambam-panalon-drene’e.
\q1
\v 4 Hoe fitilik’abo aman-tsifan-drimo
\q1 ty fititia’o.
\q1 O antara’ i Kesbone marine’ i lalam-bei’
\q1 i Bate-Rabimeio o fihaino’oo.
\q1 I fitilik’abo’ i Libanoney mitolike
\q1 mbe Damesèke ty fiantsona’o.
\q1
\v 5 Misabaka azo manahake
\q1 i vohi-Karmeley ty añambone’o,
\q1 le mahasinda i mpanjakay o firandra’eo.
\q1
\v 6 Akore ty hatsomerentsere’o
\q1 naho ty hatrenotreno’o ry kokoako,
\q1 toe mahafale!
\q1
\v 7 Mitroatse hoe voanio ty sandri’o,
\q1 le mitoboro hoe o voa’eo o fatroa’oo.
\q1
\v 8 Aa hoe iraho: Hanganiheko i voanioy,
\q1 naho ho rambeseko o voa’eo;
\q1 fa hanahake ty voam-bahe o fatroa’oo,
\q1 naho minday ty harifondrifom-boasare
\q1 ty sehaseha’o,
\q1
\v 9 Hoe divay fanjaka ty lañilañi’o;
\q1 malama ty fisorogoda’e ho a i kokoakoy,
\q1 hoe mitsiritsioke mora
\q1 am-pivimbim-pirotse.
\s1 Kokoa’e
\q1
\v 10 A i kokoakoy raho
\q1 naho amako ty fañiria’e.
\s1 Ambara’ i Kokoa’e t’i Mpikoko
\q1
\v 11 Antao, kokoako, homb’ an-kaloke
\q1 mb’eo, hialeñe amo kialoo.
\q1
\v 12 Antao hañaleñaleñe
\q1 mb’an-tanem-bahe mb’eo
\q1 handrèndreke ty fibotibotia’ o vaheo,
\q1 ke te miborake o voñe’eo,
\q1 hera mamolera o raketao;
\q1 ao ty hanjotsoako ama’o ty hateako,
\q1 ry kokoako.
\q1
\v 13 Mañakatse ty hañi’e o vahenamaloo,
\q1 hene raha mafiry ty an-tsariran-tikañe eo,
\q1 ty vao naho ty haehae,
\q1 songa nahajako ho azo, ry kokoako.
\c 8
\q1
\v 1 Ho ni-soa naho ni-rahalahiko irehe,
\q1 i ninono am-patroan-drenekoy!
\q1 Ie amy zay, naho nitendrek’ ama’o alafe’e ao iraho vaho nañorok’ azo,
\q1 le tsy ho nifosae’ ondatio.
\q1
\v 2 Ho nikozozoteko mb’añ’ anjomban-
\q1 dreneko mb’eo,
\q1 mb’amy nañoke ahikoy.
\q1 ho nampinomeko divay mandrove,
\q1 naho ty ron-draketako.
\q1
\v 3 Iondana’ ty lohako ty fità’e havia,
\q1 vaho mañohoñ’ ahy ty fità’e havana.
\q1
\v 4 Afantoko ama’ areo,
\q1 ry anak’ ampela’ Ierosalaimeo;
\q1 ko mampitsekake fikokoañe
\q1 am-para’ te irie’e.
\s1 Figadoña’e: Saontsim-pifampikokoañe Rañe’eo
\q1
\v 5 Ia o mionjomb’etoy
\q1 mi­sazok’ amy fikokoa’eio?
\s1 Mpikoko
\q1 Nampivañoneko ambane’ i takokoy irehe; amy nampitsongoa’o i rene’o;
\q1 teo ty nitsongoa’ i nahatoly azoy.
\s1 Kokoa’e
\q1
\v 6 Apetaho hoe voli-fitomboke
\q1 añ’arofo’o ao iraho,
\q1 hoe alama am-pità’o eo;
\q1 fa mira ami’ty haozaran-kavilasy
\q1 ty fikokoañe,
\q1 manahake ty hagàñe i tsikeokeokey
\q1 ty famarahiañe;
\q1 misolebotse o lel’afo’eo,
\q1 toe lel’afo milebaleba.
\q1
\v 7 Rano tsifotofoto tsy mahasaoke ty fikokoañe; naho
\q1 tsy mahaopo aze ty fisorotombahañe;
\q1 ie hatolo’ t’indaty ze hene vara
\q1 añ’anjomba’e ao hahazoa’e
\q1 fikokoañe, le ho vata’e onjirañe.
\s1 Rañe’eo
\q1
\v 8 Manan-jay ampela zahay
\q1 f’ie mbe tomoe-nono,
\q1 hanoe’ay akore i zai’aiy amy andro
\q1 fifofoañe azey?
\q1
\v 9 Naho kijoly re le handranjia’ay
\q1 fitilik’abo volafoty;
\q1 ie lalambey, le harikatoha’ay
\q1 varamba-mendoraveñe.
\s1 Kokoa’e
\q1
\v 10 Kijoly iraho,
\q1 hoe fitilik’abo o nonokoo;
\q1 hoe t’ie minday fañanintsiñe
\q1 am-pihaino.
\q1
\v 11 Nanan-tondam-bahe
\q1 e Baale-Kamone ao t’i Selomò;
\q1 nafondro’e ama’ ondaty.
\q1 Songa mañondroke volafoty arivo
\q1 ama’e ty amo voka’eo.
\q1
\v 12 Aoloko eo i tanem-bahekoy,
\q1 azo ry Selomò i arivoy,
\q1 roan-jato ty a o mpañalahala
\q1 i voka’eio.
\s1 Mpikoko
\q1
\v 13 O ry mpimoneñe an-goloboñe ao,
\q1 te hijanjiñe ty fiarañanaña’o
\q1 o mpiamakoo,
\q1 ehe ampitsanoño ahy!
\s1 Kokoa’e
\q1
\v 14 Mipitsiha ry kokoakoo,
\q1 manahake o fanalokeo naho o farasy
\q1 ambone vohitse iregoregoan-kafirio.