\id REV 
\ide UTF-8
\h Bentatse
\toc1 Bentatse
\toc2 Bentatse
\toc3 Ben
\mt1 Bentatse
\c 1
\s1 Nañitrifan’Anjely
\p
\v 1 Ty namentabentara’ \nd Iesoà\nd* Norizañey, ie nitoloran’ Añahare, hanoroa’e o mpitoro’eo o tsy mahay tsy ho tendrek’ anianio, le nampihitrife’e aman-An­jeli’e ty hampahafohiñe i Jaona mpitoro’e. 
\v 2 Ie nitaroñe ze hene nioni’e amy tsaran’ Añaharey naho amy taro’ \nd Iesoà\nd* Norizañey. 
\v 3 Haha ty mamaky ty tsaram-pitokiañe toy am-palie naho o mitsendreñe vaho mañambeñe o miso­kitseo, fa an-titotse ty andro.
\s1 Jaona naho Iesoa fa hitotsake
\p
\v 4 I Jaona,
\p Ho ami’ty Fivory fito e Asia ao.
\p Hasoa ama’areo naho hanintsiñe boak’ amy Ao, naho i Tao, vaho i Hitotsake eo naho boak’ amo arofo fito aolo i fiambesa’eio, 
\v 5 naho boak’ am’ \nd Iesoà\nd* Norizañey, i valolombeloñe migahiñey, ty valoha’e nasamak’ amy havilasiy, toe i Talèm-panjaka’ ty tane toiy\f + \fr 1:5 \fr*\ft Its 10:17, Sabo 136:3\ft*\f*.
\p Ho amy Mpikoko naho nañaha antikañe amo hakeon-tikañeo amy lio’eiy, 
\v 6 vaho nanoe’e mpanjaka naho mpisoroñe aman’ Añahare, Rae’e. Aze ty engeñe naho ty haozarañe nainai’e donia! Amena. 
\v 7 Hehe, t’ie mitotsake eo
\q1 mindre amo rahoñeo\f + \fr 1:7 \fr*\ft Dan 7:13\ft*\f*;
\q1 kila fihaino ro hahaisak’ aze,
\q1 naho o nitombok’ azeo,
\q1 vaho hangoihoia’ ze hene foko’ i Taney\f + \fr 1:7 \fr*\ft Zek 12:10\ft*\f*. Ie izay! Amena. 
\v 8 Izaho ty A naho Z\f + \fr 1:8 \fr*\ft A naho Zede : Gr: Alfa naho Omega; Heb: Alef naho Tav (Gen 1:1)\ft*\f*, hoe t’i \nd Talè\nd* Andrianañahare, i Eo naho i Teo vaho i ho Aviy, i Tsitongerèñey.
\s1 Mitaroñe amy Fivory rey t’Iesoa
\p
\v 9 Izaho, toe rahalahi’ areo, Jaona, mpitraoke amy haloviloviañey naho amy fifeahañe vaho fahaliñisañe amy \nd Iesoà\nd* ao, ro tan-tokonose atao Patmo, ty amy tsaran’ Añaharey naho ty amy taro’ i \nd Iesoày\nd*. 
\v 10 Ie tañ’ Arofo ao amy andro ra’elahy zay vaho nahatsanoñe ty fiarañanañañe nipazake hoe antsiva\f + \fr 1:10 \fr*\ft Grika: trompetra (le hoe izay iaby)\ft*\f* ambohoko ao 
\v 11 nanao ty hoe, Patero am-boke ao ze isa’o le ahitrifo mb’amo Fivory fito rezao: mb’amy Efesosy naho mb’amy Smirna naho mb’amy Pergamosy naho mb’amy Tiatira naho mb’amy Sardisy naho mb’amy Filadelfia vaho mb’amy Laodikia. 
\v 12 Nitolike iraho hahatreavako i fiarañanañañe nisaontsy amakoy; aa naho nitolike le nahatrea menorà\f + \fr 1:12 \fr*\ft Menorà: fitongoàn-jiro, fito ty jiro’e\ft*\f* volamena fito\f + \fr 1:12 \fr*\ft Zek 4.2-3\ft*\f*, 
\v 13 naho an-teñateña’ i fitongoàn-jiro rey ey ty nanahake i Ana’ Ondatiy\f + \fr 1:13 \fr*\ft Dan 7:13\ft*\f* nisikiñe lamba nahatakatse o fandia’eo vaho nisadiam-bolamena añ’araña’e eo\f + \fr 1:13 \fr*\ft Dan 10:5\ft*\f*. 
\v 14 Nifoty hoe volon’ añondry foty o maroin’ añambone’eo, vaho hoe afo miroborobo o fihaino’eo. 
\v 15 Nihoe torisìke nikotriñeñe, natranak’ an-toñake ao, o fandia’eo\f + \fr 1:15 \fr*\ft Dan 10:6\ft*\f*, le nanahake ty fitromoron-drano maro i fiarañanaña’ey\f + \fr 1:15 \fr*\ft Iek 1:24, 43:2\ft*\f*; 
\v 16 naho am-pità’e havana ao ty vasiañe fito, le niboake am-palie’e ao ty fibara masioñe sambe-lela’e\f + \fr 1:16 \fr*\ft Ben 2:16; Ies 49:2, Heb 4:12\ft*\f*, vaho nanahake ty fireandrea’ i àndroy te tsipinde mena ty lahara’e. 
\v 17 Ie nitreako, le nibabok’ am-pandia’e eo hoe mate, vaho natongoa’e amako ty fità’e havana, nanao ty hoe: Ko hemban-drehe. Izaho ro Valoha’e naho ty Fara’e\f + \fr 1:17 \fr*\ft Ies 44:6, 48:12\ft*\f*, 
\v 18 vaho i Veloñey; toe nikenkan-draho, fe heheke, veloñe nainai’e donia! Amena. Vaho amako o lahin-dakilè’ i Tsikeokeokey naho i Havilasio. 
\v 19 Aa le sokiro o niisa’oo, o eoo, vaho o mbe hifetsakeo. 
\v 20 Ty tafatoño’ i vasiañe fito nioni’o an-kavanako eo rey, naho i fitongoàn-jiro volamena fito rey: toe anjeli’ i Fivory fito rey i vasiam-pito rey, vaho Fivory fito i fitongoàn-jiro fito rey.
\c 2
\s1 Taratasy amity Fivory Fito Valoha’e; Efesosy
\p
\v 1 Ho amy anjelim\f + \fr 2:1 \fr*\ft Ndra irake, (and. 8, 12, 18 ka)\ft*\f*-Pivorin-te Efesosiy, sokiro: Inao! ty tsarae’ i mitañe i vasiañe fito rey am-pitàn-kavana’e, ie midrai­draitse anteñateña’ i fitongoàn-jiro fito reiy. 
\v 2 Fantako o sata’oo, ty fitromaha’o naho ty fifeaha’o, naho te tsy leo’o o tsereheñeo, naho nitsohe’o o mieva ho Firàheñe fa tsieo vaho nioni’o te remborake. 
\v 3 Toe nivave’o naho nifeake, naho nitoroñe’o i añarakoy vaho tsy nikolempa. 
\v 4 Fe inao ty andierako azo: nifarie’o ty fikokoa’o valoha’e. 
\v 5 Tiahio arè ty ha’abo nikapotraha’o! Misolohoa, naho anò o nanoe’o am-baloha’eo, tsy mone homb’ama’o aniany iraho hanintake i fitongoàn-jiro’oy amy toe’ey, naho tsy ibaboha’o. 
\v 6 Fe zao ty ama’o, t’ie malaiñe ty sata’ o Nikolaitao\f + \fr 2:6 \fr*\ft Nikolaita: sata’ i Balame: fañarapiloañe, fitalahoañe ami’ty andro tsie.\ft*\f*, toe hejeko ka. 
\v 7 Ze aman-dravembia, mijanjiña ty taro’ i Arofoy amo Fivorio, le ze maharebake, ro hitolorako hikama amy hataen-kaveloñe anteñateñan-tanen-kavelon’ Añaharey\f + \fr 2:7 \fr*\ft Fot 2:9, 3:22,24; Ben 22:2,14\ft*\f*.
\s1 Smirna
\p
\v 8 Ho amy anjeli’ i Fivorin-te Smirnay, sokiro: Inao ty tsarae’ t’i Valoha’e naho i Fara’ey\f + \fr 2:8 \fr*\ft Ies 44:6, 48:12\ft*\f*, i nivilasy fa nibodan-ko veloñey:
\p
\v 9 Apotako o fitoloña’oo naho i faloviloviañey vaho ty hararaha’o, (toe mpañaleale irehe); naho ty fiteratera’ o mieva ho mpitan-Kake fa tsie, te mone fivori’ i mpañìnjeio. 
\v 10 Ko hembañe amo hampisoañañ’ azoo. Ingo, fa hajo’ i mpañijey am-pandrohizañ’ ao nahareo hitsohañe; naho ho sareraheñe folo andro. Migahiña pak’an-kavilasy vaho hatoloko azo ty sabakan-kaveloñe.\f + \fr 2:10 \fr*\ft Ies 63:16, 64:8, Rom 9:25-26\ft*\f* 
\v 11 Ze aman-dravembia, mijanjiña ty taro’ i Arofoy amo Fivorio. Tsy hizò voiñe amy havilasy faha-roey\f + \fr 2:11 \fr*\ft Ben 20:6,14\ft*\f* ze maharebake.
\s1 Pergamosy
\p
\v 12 Ho amy anjeli’ i Fivory e Pergamo aoy, sokiro: Hoe ty taro’ i amam-pibara sambe-lela’e masioñey.
\p
\v 13 Apotako o fitoloña’o naho ty fimoneña’o am-pitoboham-pifehea’ i mpañìnjey ao; fe tambozòre’o ty añarako vaho tsy napo’o i fatokisañ’ ahiy ndra tañ’ andro’ i Antipasy valolombeloko migahiñey, ie vinono añ’ila’ areo am-pimoneña’ i mpañìnjey ao. 
\v 14 Fe inao ty tsy ampe hilierako: te ama’o ao ty mitañe ty fañòha’ i Balama nañoke i Balaka hampipoke vato fitsikapiañe aolo’ o nte-Israeleo hikamà’ iareo o nisoroñañe aman-tsamposampoo vaho hañarapilo. 
\v 15 Toe ama’o ka o mitañe ty fañòha’ o Nikolaitaoo—ie hejeko. 
\v 16 Misolohoa! Tsy mone hivovò ama’o, naho hialy am’iereo amy fibara am-bavakoy. 
\v 17 Ze aman-dravembia, mijanjiña ty taro’ i Arofoy amo Fivorio. Ze maharebake, ty hanjotsoako amo mana mietakeo, naho hatoloko aze ty vato foty, vaho nisokireñe amy vatoy ty tahinañe vao tsy fohiñe naho tsy i mandrambe azey.
\s1 Tiatira
\p
\v 18 Ho amy anjeli’ i Fivory e Tiatira aoy, sokiro: Hoe ty tsara’ i Anan’ Añahare, i amam-pihaino mirebareba hoe afo naho amam-pandia hoe torisìke nikotriñeñe\f + \fr 2:18 \fr*\ft Dan 10:5-6\ft*\f*. 
\v 19 Fantako o sata’oo, naho i fikokoañey naho i fiatrafañey, naho i fatokisañey naho o fitoroña’oo, vaho te soa ta o tam-baloha’eo o am-para’eo. 
\v 20 Fe inao ty tsy ampeampe atreatreko azo, t’ie mitrao-drehake amy Jezebela, rakemba; ie mieva ho mpitoky naho mañoke naho mampitsile o mpitorokoo hañarapilo vaho hikama o nisoroñañe aman-tsamposampoo. 
\v 21 Ie nampalalaheko hisoloho amo hakarapiloa’eo, fe nifoneña’e tsy hibaboke. 
\v 22 Ingo arè t’ie hafetsako an-tihy, naho mb’ an-kaloviloviam-bey o mpifandia-tihy ama’eo, naho tsy isolohoañe o sata’iareoo, 
\v 23 vaho havetrako ami’ty angorosy o ana’eo, hahafohina’ o hene Fivorio te izaho ro mpitsikarak’ arofo naho vetsevetse, vaho songa hitolorako ty amo sata’eo.
\p
\v 24 Fe hoe iraho ama’areo naho amo sehanga’e e Tiatirao, o tsy mitañe i fañòhañe zay, naho tsy mahafohiñe ze o atao raha miheotse amy mpañinjey zao, ty amy isaontsia’ iareoy: tsy hampijinieko kilankañe hafa nahareo, 
\v 25 fe tambozoro o hanaña’ areoo ampara’ te avy iraho. 
\v 26 Ze maharebake naho mahambeñe o fitoloñakoo pak’am-pigadoña’e, ty hitolorako lily amo kilakila’ ndatio\f + \fr 2:26 \fr*\ft Sab 2:8\ft*\f*, 
\v 27 le ie ty hañarak’ iareo an-kobay viñe, (ho demodemoheñe hoe valàñe tane iereo\f + \fr 2:27 \fr*\ft Sab 2.9\ft*\f*) manahak’ i rinambeko aman-dRaekoy, 
\v 28 vaho hatoloko aze i Fanjirik’ àndroy. 
\v 29 Ze aman-dravembia, mijanjiña ty taro’ i Arofoy amo Fivorio.
\c 3
\s1 Sardisy
\p
\v 1 Ho amy anjeli’ i Fivory e Sardisy aoy, sokiro: Hoe ty taro’ i aman’ arofon’ Añahare fito rey naho i vasiañe fito reiy. Apotako o sata’oo, te aman-tahinañe t’ie veloñe te mone nibanìtse. 
\v 2 Mijilova! Haozaro o raha sisao, ie antitotse ho momoke, amy te tsy nirendreko te heneke am-pivazohoan’ Añahareko o sata’oo. 
\v 3 Tiahio arè o rinambe’o naho jinanji’oo, le ambeno vaho isolohò. Inao ho pok’eo hoe mpamaoke iraho! Haha ty mitao naho mañambeñe o saro’eo tsy mone mihalo am-pañaveloa’e, hahaisahañe ty fimeñara’e\f + \fr 3:3 \fr*\ft Boak’amy Ben 16:15\ft*\f*. Aa naho tsy mijilo irehe le hisodehañako hoe malaso vaho tsy ho fohi’o ty ora hivotrahako. 
\v 4 Toe ama’o ka ty tahinañe tsy ampe e Sardisy ao ze tsy nandeotse o saro’eo. Ie hitrao-dia amako hisarom-poty fa mañeva.
\p
\v 5 Aa le ze maharebake, ie ro haombe sarom-poty, le tsy ho fòrako amy boken-kaveloñey ty tahina’e, fe hiantofako añatrefan-dRaeko naho aolo’ o anjeli’eo i tahina’ey. 
\v 6 Ze aman-dravembia, mijanjiña ty taro’ i Arofoy amo Fivorio.
\s1 Filadelfia\f + \fr 3:7 \fr*\ft Ies 56: 1-7\ft*\f*
\p
\v 7 Ho amy anjeli’ i Fivory e Filadelfia aoy, sokiro: Hoe ty enta’ i Masiñey, i vantañey, i aman-dahin-dakile’ i Davidey; i manokake le tsy eo ty handrindriñe, naho mandrindriñe vaho tsy eo ty hanokake\f + \fr 3:7 \fr*\ft Ies 22:22\ft*\f*. 
\v 8 Fantako o sata’oo. Hehe, nampijadoñeko añatrefa’o ty lalañe misokake, tsy eo ty haharindriñe aze; toe aman-kaozarañe kede irehe, fe nambena’o o volakoo vaho tsy nitety ty añarako. 
\v 9 Heheke, hengaeko boak’ am-pivori’ i mpañìnjey, o mieva ho mpitan-Kake fa tsieo, te mone mpandañitse—hampiatrefako azo, hibàbok’ am-pandia’o eo, le ho fohi’ iereo te ihe ty nikokoako. 
\v 10 Aa kanao nitana’o i taroko ty amy fahaliñisañey, le ho tanako irehe tsy hiatreke i oram-pisombeañe hifetsake ami’ty voatse toiy, hitsoke o mpimo­neñ’ an-tane atoio. 
\v 11 Heheke! ho avy aniany iraho, vontitiro ze ama’o, tsy mone ho tavaneñe i sabakam-bolonahe’oy.
\p
\v 12 Hanoeko fahañe añ’anjomban’ Añahareko ao ze maharebake, ie tsy hiakatse ao ka, naho hisokirako ty tahinan’ Añahareko\f + \fr 3:12 \fr*\ft Ies 56:5\ft*\f* naho ty añara’ i rovan’ Añaharekoy, Ierosaleme vao hizotso hirik’ andindìñe eñe boak’ aman’ Andrianañahareko añe; vaho ty añarako vao. 
\v 13 Ze aman-dravembia, mijanjiña ty taro’ i Arofoy amo Fivorio.
\s1 Laodikia
\p
\v 14 Ho amy anjeli’ i Fivori’ i Laodikiay, sokiro: Hoe ty enta’ i Amena\f + \fr 3:14 \fr*\ft amena: ie izay\ft*\f*, ty valolombeloñe migahiñe naho tò, ty Fifotoram-pamboaran’ Añahare\f + \fr 3:14 \fr*\ft Kol 1:15; Heb 1:6, Rzs 8: 22-32\ft*\f*. 
\v 15 Apotako o sata’oo, te tsy manintsiñe, tsy mae. Ninoko t’ie nanintsiñe he te nimae! 
\v 16 f’ie kanao boka, tsy manintsy tsy mae, le haporitsako boak’ am-bavako ao, 
\v 17 ami’ty atao’o ty hoe: Mpañaleale iraho; nitoabo­ram-bara\f + \fr 3:17 \fr*\ft Hos 12:8\ft*\f* vaho tsy mipay inoñ’inoñe; fe tsy apota’o te mavoivoy naho voretra naho rarake naho goa vaho miboridañe. 
\v 18 Itoroako te hivily amako ty vola-mena nitsohañ’afo\f + \fr 3:18 \fr*\ft Sab 19:10, 119:72, 127, Rzs 30:5\ft*\f*, hampañaleale azo, naho lamba foty hanikinañe azo, soa tsy haboake ty hameñaram-piboridaña’o, vaho aoli-maso hatevo o fihaino’oo, hahaisake. 
\v 19 Hene endahako naho lafaeko o kokoakoo, aa le mahimbaña vaho misolohoa\f + \fr 3:19 \fr*\ft Rzs\ft*\f*. 
\v 20 Intoy iraho! Mijohañe an-dalañe eo mitrehentrehe. Ndra ia’ia mahajanjiñe ty feoko naho manokake i lalañey, le hizilike mb’ama’e ao iraho hitrao-pikama ama’e, vaho ie amako.
\p
\v 21 Hatoloko amy ze maharebake t’ie hitrao-piambesatse amako amy fiam­besam-pifeheakoy, manahake te izaho naharebake ro mindre fiambesatse aman-dRaeko am-piambesam-pifehea’e ao. 
\v 22 Ze aman-dravembia, mijanjiña ty tsara’ i Arofoy amo Fivorio.
\c 4
\s1 Fitalahoañe Andindìñe ao
\r (Isa 6.1-3)
\p
\v 1 Ie añe, le nañente, vaho naheoko ty lalañe nisokake andindìñe ey, vaho nanao ty hoe amako i fiarañanañañe hoe antsiva\f + \fr 4:1 \fr*\ft Ben 1:10, Mat 24: 31, Te 4:16, Ko 15:52\ft*\f* tsinanoko am-baloha’e nitsara amakoy: Mañambonea mb’etoa, hitoroako ze tsy mahay tsy ho avy henane zao.
\p
\v 2 Nitojo amako t’ie añ’arofo, naho inge te nijadoñe an-dikerañe ey ty fiam­besatse, vaho eo t’i ni­am­besatse amy fiambesatsey. 
\v 3 Hoe vato jaspy\f + \fr 4:3 \fr*\ft Jaspy: vatosoa mena, ndra mavo tanora\ft*\f* naho karneola5 i niambe­sa­tsey naho niarikatoke i fiam­besatsey ty àvañe hoe emarode6 te isaheñe. 
\v 4 Niariseho i fiambesa­tsey ty fiambesam-pifeheañe roapolo efats’amby naho amy fiambesatse rey ty androanavy roapolo efats’ amby misaroñe lamba foty, le añambone’ iareo eo songa an-tsabaka volamena. 
\v 5 Niboak’ amy fiambesatsey ty helatse nitsipelatse naho fikorokodoiñañe naho fiparapapiahan-kotroke; vaho nirebareba añatrefa’ i fiambesatsey eo ty jiro fito, i tio-fiton’Añaharey. 
\v 6 Añatrefa’ i fiambesatsey eo ty riake fitaratse, hoe kristaly, naho añivo eo vaho mañohoke i fiambesatsey ty raha veloñe efatse atse-pihaino aolo’e naho amboho’e.
\p
\v 7 Manahake ty liona i raha veloñe valoha’ey\f + \fr 4:7 \fr*\ft Dan 7:4\ft*\f*, le manahake ty bania ty raha veloñe faha-roe le hoe amam-binta’ ondaty i raha veloñe faha-teloy vaho hoe vantio miti­liñe i raha veloñe fah’efatsey\f + \fr 4:7 \fr*\ft Iek 1:10\ft*\f*. 
\v 8 Songa aman’ elatse eneñe\f + \fr 4:8 \fr*\ft Ies 6:2\ft*\f* i raha veloñe efatse rey, atse-pihaino añ’ariseho aze naho añate’e ao, ie tsy mitroatse handro an-kaleñe manao ty hoe:
\q1 Masiñe, masiñe, masiñe
\q1 t’i \nd Talè\nd* Andrianañahare Tsitongerèñey\f + \fr 4:8 \fr*\ft Ies 6:3\ft*\f*,
\q1 i teo, naho eo, vaho ho aviy.
\p
\v 9 Ndra mbia’ mbia te mandrenge naho miasy vaho mañandriañe i miambesatse amy fiambesatseiy—i veloñe nainai’e doniay—i raha veloñe rey, 
\v 10 le mibabok’ añatrefa’ i miambesatse amy fiambesatseiy i androanavy roapolo efats’ amby rey mitalaho amy veloñe nainai’e doniay, vaho mañifike o sabakam-bolonahe’ iareoo añatrefa’ i fiambesam-bolonahetsey, manao ty hoe:
\q1
\v 11 Mañeva irehe, ry \nd Talè\nd*,
\q1 ty handrambe engeñe,
\q1 naho hasiñe, naho haozarañe\f + \fr 4:11 \fr*\ft Fi I 29:11\ft*\f*,
\q1 amy te Ihe ro namboatse ze halifora’e,
\q1 naho an-tsatri’o ty maha-eo iareo vaho t’ie namboareñe.
\c 5
\s1 Ty Boke-peleke naho ty Vik’añondry
\p
\v 1 Le nitreako an-kavana’ i miambesatse amy fiambesatseiy ty boke-peleke misokitse añ’ate’e naho alafe’e\f + \fr 5:1 \fr*\ft Iek 2:10\ft*\f*, linite fitomboke fito. 
\v 2 Nitreako ka ty anjely fanalolahy, nitsey am-piarañanañañe mafe ty hoe: Ia ty mañeva hanokake i boke-pelekey naho hampipoñake o fitombo’eo? 
\v 3 Fe leo raik’ andindìñe ey tsy nahasokake i boke-pelekey ndra hahaisake aze, ndra an-tane, ndra ambane tane ao. 
\v 4 Aa le nangoihoy ty tañy iraho amy te tsy tendreke ty mañeva hanokake naho ty hamaky i bokey ndra ty hahaisake aze. 
\v 5 Le nanao ty hoe amako ty raik’ amy androanavy rey: Ko mirovetse! Hehe, te i Liona, tarira’ i Joda Vaha’ i Davidey\f + \fr 5:5 \fr*\ft Fot 49:9-10, Heb 7:14\ft*\f* ty nandreketse\f + \fr 5:5 \fr*\ft Ies 11:1, 10\ft*\f* naho mahasokake i boke-pelekey naho i fitombo’e fito rey. 
\v 6 Le naheoko te ingo nijohañe an-teñateña’ i fiambesatsey naho i raha veloñe efatse rey vaho i androanavy rey eo ty vik’ añondry hoe linenta, aman-tsifa fito vaho maso fito, i Arofon’ Añahare fito niraheñe hanitsike ty tane toiy. 
\v 7 Nimb’eo re nandrambe i boke-pelekey am-pitàn-kavana’ i miambesatse amy fiambesa­tseiy. 
\v 8 Aa ie nandrambe i boke pelekey, le nibabok’ añatrefa’ i Añondriy i raha veloñe efatse rey naho i androanavy roapolo efats’ amby rey, songa nitañe marovany naho fitavonañe volamena pea ty emboke—o halali’ o noro’eoo. 
\v 9 Le nitakasy sabo vao ami’ty hoe:
\q1 Mañeva azo ty mandrambe i boke-pelekey
\q1 naho hampipoñake o fitombo’eo,
\q1 amy t’ie linenta,
\q1 vaho ty lio’o ro nahavili’ aiñe
\q1 anay ho an’Andrianañahare,
\q1 boak’ amy ze hene foko naho fameleke
\q1 naho tariratse vaho fifeheañe; 
\v 10 naho nanoe’o fifeheañe naho mpisoroñe
\q1 ho an’Andrianañahare’ay zahay,
\q1 hifehe an-tane atoy\f + \fr 5:10 \fr*\ft Dan 7:18-27\ft*\f*. 
\v 11 Le nitreako, naho tsinanoko amy zao ty fiarañanañan’ anjely maro niarikoboñe i fiambesatsey naho i raha veloñe rey naho i androanavy rey, ale añ’ale naho arivo añ’arivo ty ia’e, 
\v 12 songa nampipoña-peo ami’ty hoe:
\q1 Mañeva i Añondry linentay,
\q1 ty handrambe lily
\q1 naho vara naho hihitse
\q1 naho ozatse naho hasiñe
\q1 naho engeñe vaho sitra! 
\v 13 Le tsinanoko ze hene namboareñe andindìñe ey naho an-tane atoy naho ambane’ ty tane toy ao, naho an-driak’ añe, vaho ze he’e am’iereo ao nanao ty hoe amy miambesatse amy fiambesatseiy naho amy Vik’ añondriy:
\q1 Tata naho hasiñe naho engeñe
\q1 vaho fifeheañe nainai’e donia! 
\v 14 Le tinoi’ i raha veloñe efatse rey ty hoe: Amena! vaho niba­boke eo i androanavy rey, nitalaho.
\c 6
\s1 O Fitombokeo
\p
\v 1 Nitreako te pinoña’ i Vik’ añondriy ty raik’ amy fitomboke fito rey, le tsinanoko ty raik’ amy raha veloñe efatse rey nanao am-peon’ àmpiñe ty hoe: Akia! 
\v 2 Nañente le naheoko te inge ty soavala foty\f + \fr 6:2 \fr*\ft Zek 6:3\ft*\f*! le nitàm-pale ty mpiningitse ama’e naho nitoloran-tsabaka vaho nionjom-beo hoe mpandrebake handrebake.
\p
\v 3 Ie nampipoñake i fitomboke faharoey, le inay ty raha veloñe faha roe, nanao ty hoe: Akia! 
\v 4 le niakatse ka ty soavala mena\f + \fr 6:4 \fr*\ft Zek 1:8, 6:2\ft*\f*, naho nitoloran-dily i mpiningitse ama’ey hañakatse ze atao hanintsiñe an-tane atoy, hifanjamañe, vaho nitolorañe fibara jabajaba.
\p
\v 5 Ie nampipoñake i fitomboke fahateloy, le tsinanoko i raha veloñe fahateloy nikoike ty hoe: Akia! Naheoko te, ingo ty soavala mainte\f + \fr 6:5 \fr*\ft Zek 6:2\ft*\f*. Nitintiñe balan­tsy am-pità’e\f + \fr 6:5 \fr*\ft Iek 4:16\ft*\f* i mpiningitse ama’ey. 
\v 6 Le tsinanoko ty fiarañanañañe añivo’ i raha veloñe efatse rey nanao ty hoe: Bogady\f + \fr 6:6 \fr*\ft Denariosy: karama andro raike\ft*\f* raike ty \f + \fr 6:6 \fr*\ft Kapoake: Litatse: Kopy Bey\ft*\f*kapoa-barem-bazaha, naho bogady raike\f + \fr 6:6 \fr*\ft Karama andro raike\ft*\f* ty vare hordea telo kapoake, vaho ko joieñe ty menak’ oliva naho ty divay. 
\v 7 Ie nampipoñake i fitomboke fah’efatsey, le inao, nikoike ty hoe i raha veloñe fah’ efatsey: Akia! 
\v 8 Naheoko te inge ty soavala fosaposatse\f + \fr 6:8 \fr*\ft Iek 6:3\ft*\f*, naho Havilasy\f + \fr 6:8 \fr*\ft Hos 13:14\ft*\f* ty añara’ i mpiningitse ama’ey, vaho nañorik’ aze t’i Tsikeokeoke. Le nomean-dily ami’ty fahaefa’ ty tane toy iereo hanjamañe am-pibara, naho an-kasalikoañe naho am-pamongorañe, vaho amo biby hako’ ty tane toio\f + \fr 6:8 \fr*\ft Iek 5:12, 17, 14:13-19\ft*\f*.
\p
\v 9 Ie nampipoñake i fitomboke faha limey, le nitreako ambane’ i kitreliy ty arofo’ o vinono ty amy tsaran’ Añaharey naho i entañe nitaroñe’ iereoio. 
\v 10 Le nipazake am-piarañanañañe mafe ty hoe: Pak’ ombia? ry \nd Talè\nd* masiñe naho to, t’ie hifoneñe tsy hizaka o mpimoneñe an-tane atoio hamale-fate ty lio’ay? 
\v 11 Le songa nitolorañe saroñe mireparepa foty, naho nitaroñañe t’ie hitofa heike, ampara’ te heneke o ho vonoeñe manahake iereo amo mpitrao-pitoroñeo vaho amo longo’ iareoo.
\p
\v 12 Le naheoko t’ie nampipoñake i fitomboke fah’ eneñey, heheke ty ozoñozon-tane jabajaba, naho nikò-mainte hoe lamba-gony am-bolon-ose i àndroy, naho nivalike hoe lio i volan-dorisay, 
\v 13 vaho niponaponak’ an-tane o vasian-dikerañeo, hambañe ami’ty fihintsaña’ o sakoañe loaseñeo t’ie hozongozoñen-tiobey. 
\v 14 Nifampiria hoe boke-peleke nipelepeleheñe i likerañey, vaho naveve boak’ amo toe’e iabio o vohitseo naho o tokonoseo. 
\v 15 Le songa nietak’ am-po lakato naho am-bato ambohits’ao, o mpanjaka’ ty tane toio naho o ana-donakeo naho o mpañalealeo, naho o mpifeheo naho o maoza­tseo naho ze hene ondevo naho midada, 
\v 16 nanao ty hoe amo vohitseo naho amo vatoo: Miambotraha ama’ay naho ampietaho\f + \fr 6:16 \fr*\ft Hos 10:8\ft*\f* ami’ty lahara’ i miambesatse am-piambesatsey naho amy fifomboa’ i Vik’ añondriy, 
\v 17 amy te tondroke ty sa ra’elahin-kaviñera’ iareo vaho ia ty hahafijohañe?
\c 7
\s1 Jiosy 144.000
\p
\v 1 Ie añe, le nitreako ty anjely efatse nijohañe an-kotso efa’ ty tane toy, nikalañe ty tiok’ efa’ ty tane toy, tsy hitiofa’ i tiokey ty an-tane atoy ndra amy riakey ndra amy ze hatae. 
\v 2 Nitreako ka ty anjely nionjoñe hirik’ am-panjiriha’ i àndroy eñe ninday ty fitombon’ Añahare-veloñe. Kinoi’e am-piarañanañañe mafe i anjely efatse nitoloran-dily hijoy ty tane toy naho i riakey rey, ami’ty hoe: 
\v 3 Ko joie’ areo hey ty tane toy naho i riakey naho o hataeo ampara’ te vinoli-fitombo’ay am-pelahandry\f + \fr 7:3 \fr*\ft Ben 9:4, 14:1, 22:4\ft*\f* o mpitoron’ Añahareo. 
\v 4 Le tsinanoko ty ia’ o viniloñe amy voli-fitombokeio, boak’ amy ze hene fifokoa’ o ana’ Israeleo le rai-hetse-tsi-efats’ale-tsi-efats’ arivo. 
\v 5 O vinoli-tombok’ am-poko’ i Jodao, 12 000
\p vinilo am-poko’ i ­Robene: 12 000
\p vinilo am-poko’ i Gade: 12 000 
\v 6 vinilo am-poko’ i Asere: 12 000
\p vinilo am-poko’ i Naftaly: 12 000
\p vinilo am-poko’ i Manasè: 12 000 
\v 7 vinilo am-poko’ i Simeone: 12 000
\p vinilo am-poko’ i Levy: 12 000
\p vinilo am-poko’ ­Itsakare: 12 000 
\v 8 vinilo am-poko’ i ­Zebolone: 12 000
\p vinilo’ am-poko’ ­Iosefe: 12 000
\p vinilo am-poko’i ­Beniamine: 12 000
\s1 ty Valobohóke boak’amy ze hene tane
\p
\v 9 Ie añe, le naheoko te inge nizorazora aolo’ i fiambesam-pifeheañey naho aolo’ i Vik’ añondriy ty valobohòke mitozantozañe tsy lefe iaheñe, boak’ amy ze hene fifeheañe naho foko naho ondaty vaho fameleke, an-damba-foty mireparepa reketse ran-tsatrañe am-pità’e, 
\v 10 nirihoñe am-piarañanañañe mafe ty hoe:
\q1 An’Andrianañaharen-tika
\q1 miambesatse amy fiambesatsey
\q1 naho amy Vik’ añondriy ty fandrombahañe. 
\v 11 Le hene nizorazora, niariseho i fiambesatsey naho i androanavy rey naho i raha veloñe efatse rey o anjelio, vaho nibabok’ an-daharañe añatrefa’ i fiambesatsey iereo nitalaho aman’ Añahare, 
\v 12 ami’ty hoe:
\q1 Ie Izay! Sitra naho engeñe naho
\q1 hihitse naho fañandriañañe
\q1 naho hasiñe naho ozatse vaho hafatrarañe
\q1 aman’Andrianañaharen-tikañe
\q1 nainai’e donia. Amena! 
\v 13 Le hoe ty nañontanea’ ty raik’ amy androanavy rey: O misaron-damba foty mireparepao, ia iereo, vaho boak’aia? 
\v 14 Hoe ty natoiko, O androanavio, ihe ro mahafohiñe. Le hoe re tamako: O retoañe i niboak’amy haloviloviam-bey heneheney rezay, le fa sinasa’ iareo o saro-mireparepa’ iareoo vaho nampangotritriaheñe ami’ty lio’ i Vik’ añondriy. 
\v 15 Aa le:
\q1 Miatreke i fiambesan’ Añaharey iereo,
\q1 mitoroñe aze añ’anjomba’e ao
\q1 handro an-kaleñe;
\q1 vaho halàma’ i miambesatse
\q1 amy fiambesatseiy am’iereo
\q1 i kivoho’ey. 
\v 16 Tsy ho saliko ka naho
\q1 tsy mb’ia ho taliñiereñe, vaho
\q1 tsy hipisañe am’iereo i àndroy,
\q1 ndra ze hatrovohañe,\f + \fr 7:16 \fr*\ft Ies 49:10\ft*\f* 
\v 17 amy te ho mpiarak’ iareo\f + \fr 7:17 \fr*\ft Iak 34:23\ft*\f* i Vik’ añondry
\q1 añivo’ i fiambesam-pifeheañeiy;
\q1 naho hiaoloa’e mb’an-drano veloñe
\q1 manganahana\f + \fr 7:17 \fr*\ft Iir 2:13, 17:13\ft*\f* mb’eo,
\q1 vaho fonga ho faopaohen’ Añahare am-pihaino’iareo
\q1 ze ranom-pihaino.\f + \fr 7:17 \fr*\ft Ies 25.8\ft*\f*
\c 8
\s1 I Fitomboke faha fitoy
\p
\v 1 Ie pinoña’ i Vik’ añondriy i fitomboke faha-fitoy, le nianjiñe an-tsasak’ ora i andindìñey.
\p
\v 2 Le nitreako i anjely fito mpijohañe añatrefan’ Añahare rey t’ie nitolorañe antsiva fito.
\p
\v 3 Pok’ eo ty anjely tovo’e nijohañe amy kitreliy eo nitañe ty fañembohañe volamena, naho nitolorañ’ emboke maro hengae’e mitraok’ amo halali’ o noro’e iabioo amy kitrely volamena añatrefa’ i fiambesatseiy, 
\v 4 vaho nionjoñe añatrefan’ Añahare boak’ am-pità’ i anjeliy ty hatoe’ i embokey, rekets’ o halali’ o noro’eoo. 
\v 5 Le rinambe’ i anjeliy i fañembohañey, naho natsafe’e afo boak’ amy kitreliy, naho nafetsa’e an-tane atoy; le niparapapiahen’ àmpiñe reketse figorogodoiñe, naho fibilobilon-kelatse vaho fanginikinihan-tane.
\s1 O Antsivao
\p
\v 6 Le nihentseñe hitioke i anjely fito nitintiñe i antsiva fito reiy.
\p
\v 7 Nitioke i anjely valoha’ey le pok’eo ty havandra naho afo miharo lio, ze nafetsak’ an-tane atoy, naho niforehetse ty faha-telo’ ty tane toy naho niforototo ty faha-telo’ o hataeo vaho fonga nipiloreñe ze ahetse maindoñe.
\p
\v 8 Nitioke i anjely faharoey, le navokovoko an-driak’ ao ty raha jabajaba hoe vohitse niroborobo’ ty afo, naho niova ho lio ty faha-telo’ i riakey 
\v 9 le nimate ty faha­telo’ o raha veloñe an-driakeo, vaho nirotsake ty fahatelo’ o samboo.
\p
\v 10 Nitioke i anjely fahateloy naho niponake boak’ andindìñ’ ey ty vasiañe jabajaba niforehetse hoe faìlo naho nidoñe ami’ty fahatelo’ o sakao vaho amo rano manganahanao: 
\v 11 Le tsaraeñe te mañendrake ty añara’ i vasiañey, naho nivorehe’ i mañendrakey ty faha-telo’ o ranoo vaho maro t’indaty binaibai’ i ranoy ty amy hafai’ey.
\p
\v 12 Nitioke i anjely fa’ hefatsey, le pinaoke ty fahatelo’ i àndroy, naho ty fahatelo’ i volañey, naho ty fahatelo’ o vasiañeo, vaho naieñe ty faha-telo’ iareo; tsy nipisañe ty andro ami’ty faha-telo’e, le nanao izay ka i haleñey\f + \fr 8:12 \fr*\ft Avo 10:21, Ies 50:3, Iir 4:23-29, Zek 13:8, Ioe 2:10, 3:4, 4:15\ft*\f*.
\p
\v 13 Le nitreako naho tsinanoko ty vantio nitiliñe an-teñateña’ i likerañey eñe nikoik’ am-peo mafe ty hoe: Hankàñe! Hankàñe! Hankàñe amo mpimoneñe an-tane atoio, ie ho poñafe’ i antsiva ila’e ho tiofe’ i anjely telo reiy!
\c 9
\p
\v 1 Nitioke i anjely faha limey, le nitreako ty vasiañe nigodoiñe an-tane eo hirik’ andindìñe ey, vaho natolotse aze ty lahin-dakilè’ i vovon-tsikeokeokey. 
\v 2 Sinoka’e i tsikeokeokey, le niforoake hirik’ an-koboñ’ao ty hatoeñe hoe boak’ an-toñake jabajaba. Nimaie’ i hatoeñe naporoa’ i Tsikeokeokeiy i àndroy naho i tiokey. 
\v 3 Le niboak’ amy hatoeñey mb’an-tane atoy ty valala vaho nitoloran-dily hambañe ami’ty lily amo halafia’ ty tane toio. 
\v 4 Nitsaraeñe te tsy ho joieñe ty ahets’ an-tane atoy, ndra ze raha antsetra naho ze hatae, fa ondaty tsy minday i vilon’ Añaharey an-dahara’e eo avao. 
\v 5 Le nimean-dily iereo tsy hanjamañe iareo, fa t’ie hampisoañeñe lime volañe. Ty fanaintaiña’ iareo le ty fanaintaiña’ ty kalengo mamantike ondaty. 
\v 6 Hipay hikenkañe ondatio amy andro rezay, fe tsy hahaoniñe; hisalala hibanìtse, fe handifiha’ ty havilasy.
\p
\v 7 Nanahake soavala veka’e hialy ty vinta’ i valala rey, naho hoe sabakam-bolamena ty an-doha’ iareo vaho nanahake tarehe ondaty ty tarehe’ iareo. 
\v 8 Nanahake maroin-drakemba ty volo’ iareo, vaho hoe nifen-diona ty nife’ iareo. 
\v 9 Hoe fikalañan’ arañañe viñe o fikala’ iareoo, le nanahake ty fikorokodoin-tsoavalan-tsarete maro mioratse mb’añ’aly ty fikofaokofaon’ ela’ iareo. 
\v 10 Hambañe amo kalengoo ty solo’ iareo naho minipoke; toe aman-dily hañehetse ondaty añate’ ty lime volañe o solo’ iareoo. 
\v 11 Amam-panjaka mifehe iereo, ty anjeli’ i Tsikeokeokey: i Abadona ty añara’e ami’ty Hebreo, naho Apoliona\f + \fr 9:11 \fr*\ft Apoliona, Abadona: Mpandrotsake\ft*\f* ty añara’e ami’ty Grika.
\p
\v 12 Heneke i hankàñe raikey, Inao! fa hizo hankàñe roe henane zao.
\p
\v 13 Nitioke i anjely fah’ eneñey, le tsinanoko ty feo boak’ an-tsifa efa’ i kitrely volamena añatrefan’ Añaharey 
\v 14 nanao ty hoe amy anjely fah’ eneñe nitintiñe i antsivaiy, Hahao i anjely efatse mirohy amy saka jabajaba Eofratay rey. 
\v 15 Le navotsotse ty anjely efatse nihentseñeñe ho ami’ty ora naho àndro naho volañe vaho taoñe, hanjamañe ty faha-telo’ ondatio. 
\v 16 Ro’arivo-hetse ty iam-piningi-tsoavala nirimboñe. Tsinanoko ty ia’ iareo. 
\v 17 Zao ty vinta’ o soavalao naho o mpiningitse ama’e nitreako amy aroñaroñeio: amañ’afo naho manga antetse vaho vaton-tsolifara o fikalañ’ araña’ iareoo; naho hoe lohan-diona ty loha’ o soavalao, naho miforoak’ am-bava’ iareo ty afo naho hatoeñe vaho solifara. 
\v 18 Nanjamañe ty faha-telo’ ondaty an-tane atoy i telo rezay, i afoy naho i hatoeñey vaho i solifara niforoake boak’ am-bava’ iareoy. 
\v 19 Amy te am-bava’ o soavalao naho amo ohi’eo ty haozara’ iareo; fa hoe mereñe aman-doha’e, ty ohi’ iareo le irezay ty fijoia’ iareo.
\p
\v 20 Mbe tsy nisoloho amo satan-taña’ iareoo o sehanga’ ondaty tsy nizamane’ i angorosy rezaio; tsy nijihetse ami’ty filokolokoañe amo kokolampao naho amo samposampo volamena naho volafoty naho torisìke naho vato vaho hataeo, ie tsy mahatrea naho tsy mahatsanoñe vaho tsy mahilala\f + \fr 9:20 \fr*\ft Sab 115:4-7, 135:15-17, Dan 5:23\ft*\f*; 
\v 21 vaho tsy nibaboha’ iareo o fañohofan-dozao ndra o famorehañeo ndra o hakarapiloañeo ndra o fampikamerañeo.
\p Fa amo andro’ i fiarañanaña’ i anjely faha-fitoio, ie vaho hitioke i ­antsivaiy, le ho heneke i tafatoñon’ Añahare nitaroñe’e amo mpitoky mpitoro’eoy.\f + \fr 9:21 \fr*\ft Nafindra boak’ amy 10:7\ft*\f*
\c 10
\s1 Ty Anjely naho ty Boke-peleke Kede
\p
\v 1 Nitreako ka ty anjely fanalolahy nizotso boak’ andindìñe ey, nisaron-drahoñe, naho añambone’e eo ty hàvañe, naho nanahake i àndroy ty vinta’e, vaho hoe bodan’ afo o fandia’eo; 
\v 2 nitintiñe boke-peleke kedekedeke nisokake am-pità’e. Natroa’e ambone’ i riakey ty fandia’e havana, naho an-tane eo ty fandia’e havia, 
\v 3 vaho nipazak’ am-piarañanañañe manahake ty fitroñan-diona. Ie nikoike le nivolañe ka ty feon-kotroke fito. 
\v 4 Aa naho nivolañe i àmpiñe fito rey, le ho nanokitse iraho, fe tsinanoko ty fiarañanañañe boak’ andindìñe ey nanao ty hoe: Liteo i vinola’ i àmpiñe fito reiy, le ko sokireñe. 
\v 5 Ie amy zay, nañonjom-pitàn-kavana mb’ andindìñe ey\f + \fr 10:5 \fr*\ft Fot 14:22, Its 32:40\ft*\f* i anjely nitreako nijohañe ambone’ i riakey naho an-taney, 
\v 6 nifanta amy veloñe nainai’e doniay\f + \fr 10:6 \fr*\ft Dan 12:7\ft*\f*, amy namboatse o likerañeo naho ze am’ iereo ao naho ty tane toy rekets’ o ama’eo naho i riakey vaho ze ama’ey\f + \fr 10:6 \fr*\ft Neh 9:6; Avo 20:11, Sab 146:6, Ben 4:11\ft*\f*, ty hoe: Tsy ho roñoñe ka ty ora! 
\v 7
\p  
\v 8 Le nisaontsy amako indraike i fiarañanañañe tsinanoko boak’ andindìñey, ami’ty hoe: Akia, rambeso i boke-peleke misokak’ am-pità’ i anjely mijohañe an-driake ey naho an-taney. 
\v 9 Aa le niheo mb’amy anjeliy mb’eo iraho le nivolañako, hitolora’e i boke kedey. Le hoe re tamako: Intoy, kamao\f + \fr 10:9 \fr*\ft Iek 2:1-10, 3:1-27\ft*\f*. Hampafaire’e ty fisafoa’o, f’ie ho mamy hoe tantele am-palie’o ao. 
\v 10 Rinambeko am-pità’ i anjeliy i boke kedekedekey vaho nihaneko. Nireiko tave amy t’ie nimamy hoe tantele am-bavako ao\f + \fr 10:10 \fr*\ft Iek 3:3\ft*\f*, f’ie nateleko le nafaitse ty troko. 
\v 11 Le hoe ty nitsara’e: Tsy mete tsy mitoky indraike irehe añatrefa’ ondatio naho fifeheañe naho fisaontsy vaho mpanjaka maro.
\c 11
\p
\v 1 Tinolotse bararata hoe kobay fanjehean-draho, vaho nisaontsieñe ty hoe: Miongaha, zeheo i kivohon’ Añaharey naho i kitreliy vaho o mpitalaho aoo, 
\v 2 fe apoho ty kiririsa’ i anjombay, ko zehè’o fa natolotse amo kilakila ondatio. Ho lialiàñe efa-polo ro’ amby volañe i rova miavakey.
\s1 Ty Valolombeloñe Roe
\p
\v 3 Le ho tolorako lily ty valolombeloko roe, hitoky arivo tsy roan-jato tsy enem-polo andro misikin-gony. 
\v 4 Ie i hatae oliva roe\f + \fr 11:4 \fr*\ft Zek 4:3\ft*\f* naho i fitongoàn-jiro roe mijohañe añatrefa’ i \nd Talè\nd*’ ty tane toy rey. 
\v 5 Naho eo ty te hijoy iareo, le miporoak’ afo ty falie’ iareo hamo­rototo o rafelahi’eo. Aa ndra iaia ty te hanjevoñe iareo le tsy mete tsy izay ty hampibanirañe aze. 
\v 6 Aman-dily hampikiteke i likerañey iereo tsy hahavia’ ty orañe amo andro hitokia’ iareoo; vaho aman-dily amo ranoo hañova aze ho lio, naho ty hampipaoke an-tane atoy ze fonga angorosy ndra mbia ‘mbia satrie’ iareo.
\p
\v 7 Ie heneke ty fitalilia’ iareo, le hialia’ i biby miakats’ an-tsikeokeokey le handrebake naho hañè-doza am’ iereo, 
\v 8 vaho hapok’ an-dala’ i rova jabajaba razañeñe ty hoe Sodo­ma naho Egipte amy nipehañe i \nd Talè\nd*’ iareoy ty fañòva’ iareo. 
\v 9 Aa le handritse telo andro naho tampa’e ty ila’ ondaty naho rofoko naho fameleke vaho fifeheañe hisamba i fañòva’ iareo reio ie hifoneñe tsy handenteke iareo an-kibory. 
\v 10 Le hitohàfa’ ze fonga mpimoneñe an-tane atoy naho hifale vaho hifampitsaloke falalàñe amy te nisamporerahe’ i mpitoky roe rey o mpimoneñe an-tane atoio.
\p
\v 11 Ie ritse ty telo andro naho tampa’e, le nizilik’ am’ iereo ao ty Kofò-belon’ Añahare le nitroatse am-pandia, vaho nitsipike ty anifañe ze nahaisake iareo. 
\v 12 Nahajanjiñe ty fiarañanañañe nipazake boak’ andindìñe ey i roroey nanao ty hoe am’ iereo: Miambonea mb’etoy. Aa le nionjomb’ andindìmb’eo mb’amy rahoñey iereo am-pisamba’ o rafelahi’eo. 
\v 13 Tamy oray avao ty fanginikinihañe jabajaba nampihotrake ty faha-folo’ i rovay. Ondaty fito-arivo ty nikoromak’ amy fanginikinihañey le nangebahebake o ila’eo, nañomey engeñe an’Andrianañaharen-dikerañey.
\p
\v 14 Añe i hankàñe faha-roey; Inao, fa ho tondroke ty faha-telo.
\s1 Ty Antsiva faha Fito
\p
\v 15 Nitioke i anjely faha-fitoy le hoe ty fipoñam-piarañanañañe maro andindìñe ey:
\q1 Fa a’ i Talèn-tikañey, toe i Noriza’ey
\q1 o fifehea’ ty voatse toio henane zao,
\q1 ie ho fehe’e nainai’e donia\f + \fr 11:15 \fr*\ft Ben 12:10, Sab 2:8, 22:28 mbe mitohy\ft*\f*.
\p
\v 16 Aa le nibabok’ an-daharañ’ eo i androanavy roapolo-efats’amby mpiambesatse am-piambesam-pifehea’ iareo añatrefan’ Añahare rey, vaho nitalaho aman’ Andrianañahare, 
\v 17 nisabo ti-hoe:
\q1 Mañandriañe Azo zahay,
\q1 ry \nd Talè\nd* Andrianañahare,
\q1 Tsitongerèñe,
\q1 I eo, naho teo,
\q1 amy te rinambe’o
\q1 o haozara’o jabahinakeo
\q1 vaho fa mifehe.\f + \fr 11:17 \fr*\ft Tohi’e; Dan 2:44, 7:13-14, Oba 1:15-21, Kag 2:22, Zek 14:9\ft*\f*
\q1
\v 18 Nidabadoa o kilakila ondatio;\f + \fr 11:18 \fr*\ft Sab 2:1\ft*\f*
\q1 Fe tondroke ty haviñera’o,
\q1 naho ty androm-pizakañe o nivilasio naho ty androm-panambezañe
\q1 o mpitoro’o mitokio,
\q1 naho o noro’oo vaho
\q1 ze hene ondaty miasy ty tahina’o,
\q1 ndra ty bey ndra ty kede—
\q1 vaho ty handrotsake
\q1 o mpandrotsa’ ty tane toio.
\p
\v 19 Sinokak’ amy zao i kivohon’ Añahare andindìñey le tendrek’ amy kibohotsey i vatam-pañina’ey, naho eo ty fibilobiloan-kelatse am-piparapapiahañe naho fikorokodoiñan-kotroke naho ty fanginikinihan-tane vaho ty fañavandrañan-gadaboñe.
\c 12
\s1 Ty Rakemba naho i Fañaneñey
\p
\v 1 Tendrek’ andindìñe eñe amy zao ty viloñe jabajaba: ty rakemba misaroñe i àndroy, naho ambanem-pandia’eo i volañey vaho añambone’e eo ty sabaka amam-basiañe folo ro’amby. 
\v 2 Nivesatse re le nikoiakoiak’ ami’ty fanaintaiñam-pitsongoa’e vaho nañèñe te hisamake. 
\v 3 Le nisodehañe andindìñe eñe ty viloñe tovo’e: Inge ty fañaneñe mena ra’elahy, aman-doha fito naho tsifa folo\f + \fr 12:3 \fr*\ft Dan 7:7,8,20,24\ft*\f* vaho sabakam-pifeheañe fito amy loha’e rey. 
\v 4 Piniopio’ ty ohi’e ty faha­telo’ o vasian-dikerañeo vaho nahirirì’e mb’an-tane atoy. Le nijaga­rodoñe aolo’ i rakemba hisamakey i fañaneñey, hampibotseke i ana’ey vata’e toly. 
\v 5 Le nisamak’ anadahy re\f + \fr 12:5 \fr*\ft Ies 26:17, 66:7; Mik 4:9-10\ft*\f*, ty lahi­lahy hifehe ze hene tane an-kobay viñe\f + \fr 12:5 \fr*\ft Sab 2:9\ft*\f*; fe hinaoke mb’aman’ Añahare naho mb’amy fiambesa’ey añe i Ana’ey. 
\v 6 Nibotatsake mb’am-babangoañe añe amy zao i rakembay mb’ami’ty toetse hinalankan’ Añahare ho aze; le hatraheñe ao ampara’ te ritse ty andro arivo-tsi-roanjato-tsi-enempolo.
\p
\v 7 Nipoak’ amy zao ty hotakotak’ an­din­dìñe ey: nifandrapak’ amy fañaneñey t’i Mikaele naho o anjeli’eo; namale amañ’aly ka i fañaneñey naho o anjeli’eo, 
\v 8 f’ie tsy nahagioke, mbore tsy nanjoañe toetse andin­dìñe ao. 
\v 9 Nahifik’ ambane i fañaneñe jabajabay—i fañaneñe haehae atao: devoly naho mpañìnjey, ie mampandridrìke ty voatse toy iaby. Rinoake mb’an-tane atoy re, le nindre siniots’ ama’e o anjeli’eo. 
\v 10 Le tsinanoko ty fiarañanañañe mafe andindìñe ao nanao ty hoe:
\q1 Fa totsake henaneo ty fandrebahañe
\q1 naho ty haozarañe
\q1 naho ty fifehean’ Añaharen-tikañe\f + \fr 12:10 \fr*\ft Ben 11:15\ft*\f*,
\q1 vaho ty lili’ i Noriza’ey.
\q1 Amy te navokovoko ambane
\q1 ty mpanisý o roahalahin-tikañeo,
\q1 ie nanisia’e añatrefan’Añaharen-tika eo handro an-kaleñey,
\q1
\v 11 Rineba’ iareo ami’ty lio’ i Vik’añondriy
\q1 naho ami’ty tsaram-pitaroña’ iareo;
\q1 tsy nikokoa’ iareo ty fiai’iareo
\q1 ndra te niatre-kavilasy.
\q1
\v 12 Mirebeha arè ry likerañeo naho o mpimoneñe am’ iereoo!
\q1 Feh’ohatse an-tane atoy naho amy riakey,
\q1 fa nimb’ama’ areo ao i mpañìnjey!
\q1 lifo-pifombo, amy te apota’e
\q1 te tomotse o andro’eo.
\p
\v 13 Ie niisa’ i fañaneñey te tafa-toke an-tane, le nisamporerahe’e i rakemba nisamake i lahilahiy. 
\v 14 Fe tinolotse elatse roe boak’ amy bantio ra’elahiy i rakembay, hitiliña’e hisitak’ an-tarehe’ i fañaneñey mb’ an-dratraratra añe mb’amy toe’e mb’eo; añe re ro hatraheñe taoñe raike naho taoñe roe vaho vaki-taoñe\f + \fr 12:14 \fr*\ft Dan 7:25, 12:7\ft*\f*. 
\v 15 Le nafotroa’ i fañaneñey ty rano boak’ amy montsili’ey hoe sorotombake hañori­dañe i rakembay hasio’e amy fisorotombahañey. 
\v 16 Fe nañolotse i rakembay ty tane toy naho sinoka’ i taney ty vava’e niteleñe i saka nafotroa’ i fañaneñey hirik’am-bava’ey. 
\v 17 Akore ty fidabadoà’ i fañaneñey amy rakembay, kanao nionjoñe amy zao re hialy amo ana’e sisao—o mañambeñe o lilin’ Añahareo naho ama’e ty taro’ \nd Iesoà\nd* Norizañey. 
\v 18 Le nijagarodoñe amy faseñe añ’olon-driakey re.
\c 13
\s1 Ty Biby boak’An-Driak’ ao
\p
\v 1 Treako amy zao ty biby nitroatse boak’an-driak’ ao, aman-tsifa folo naho loha fito, naho nisampe amy tsifa’e rey ty sabakan’enge folo, vaho ninday añaran-katerateràñe i loha’e rey. 
\v 2 Nanahake ty farasy i biby nanteakoy, naho hoe aman-tombom-bera vaho hoe vavan-diona ty vava’e. Natolo’ i fañaneñey aze ty haozara’e naho ty fiambesam-pifehea’e vaho ty lily mitiotiotse, 
\v 3 le hoe pinaratsake ty loha’e raike ho naha-valaenkañe aze, fe nijangañe i fere ho nahafatey, vaho fonga nañorike i bibiy an-dàtsa ty voatse toy, 
\v 4 nitalaho amy fañaneñe nañomey lily i bibiy, mbore niambane amy bibiy le nanao ty hoe: Ia ty mañirin­kiriñe i bibiy? Ia ty hahafialy ama’e?
\p
\v 5 Nomeam-bava re hivolambolañe firengeañe naho titse, vaho nomean-dily hifehea’e volañe efa-polo-ro’amby; 
\v 6 aa le sinoka’e ty montsili’e niteratera an’ Andrianañahare, nañìnje ty tahina’e naho i kivoho’ey vaho o mpimoneñe andin­dìñeo. 
\v 7 Natolots’aze ty hialy amo noro’eo naho handrebake, naho ty lily hifehea’e ze hene foko naho ondaty naho fameleke vaho fifelehañe. 
\v 8 Hene hiambane amy bibiy ze mpimoneñe an-tane atoy, ze tsy misokitse amy boken-kavelo’ i Vik’ añondry vinono am-pifotora’ ty voatse toiy i tahina’ey. 
\v 9 Ze aman-dravembia, mijanjiña:
\q1
\v 10 Ze hasese an-drohy
\q1 le mb’am-bahorañe añe ty haneseañe aze,
\q1 ze ho vonoe’ ty fibara,
\q1 le am-pibara ty hampivetrahañe aze\f + \fr 13:10 \fr*\ft Iir 15:2, 43:11; Fot 9:6; Dan 7:1-28 = Ben 13:1-13\ft*\f*.
\q1 Inao ty fahaliñisañe
\q1 naho ty fatokisa’ o noro’eo.
\s1 Ty Biby Boak’an-Tane ao
\p
\v 11 Naheoko te indroke ty biby tovo’e nidagarìtse boak’ an-tane ao, aman-tsifa roe hoe añondry f’ie nivolañe hoe fañaneñe. 
\v 12 Toloñe’e iaby o lili’ i biby valoha’e añatrefa’eio; fonga ampitalahoe’e amy biby valoha’e nanam-père ho nahafate nimelañey ty tane toy naho o mpimoneñe ama’eo. 
\v 13 Le anoa’e viloñe jabajaba, ie mampanjotso afo boak’ andindìñe ey pak’an-tane atoy añ’atrefa’ ondatio; 
\v 14 le fitahe’e o mpimoneñe an-tane atoio amo viloñe natolots’ aze hanoe’e añatrefa’ i bibiy, hanjizy o mpimoneñe an-tane atoio handranjy ty sare’ i biby amam-perem-pibara nibodan-ko veloñey. 
\v 15 Le nitoloran-dily hampikofòke ty sare’ i bibiy, hampivolañe i sarem-bibiy vaho hañohofa’e loza amy ze fonga mifoneñe tsy hiambane amy sarem-bibiy. 
\v 16 Le hene ampitombohe’e viloñe am-pitàn-kavana’e eo ndra an-dahara’e eo ty kede naho ty bey, o mpañalealeo naho o rarakeo, o fokonontsoao vaho ondevoo, 
\v 17 tsy haha­vily ndra hahaletake naho tsy ama’e i viloñey, ndra ty añara’ i bibiy, ndra ty ia’ i añara’ey. 
\v 18 Inao ty hihitse. Soa re te hamolily ty ia’ i bibiy ty mahilala, amy t’ie ty ia’ ondaty, toe Enen-jato-tsi-enem-polo-eneñ’ amby i ia’ey.
\c 14
\s1 I Añondry naho i 144.000 rey
\p
\v 1 Le naheoko te indroy i Vik’ añondriy mijohañe am-bohi’ i Tsione ey, vaho ama’e i rai-hetse-tsi-efats’ale-tsi-efats’ arivo minday i tahina’ey naho i tahinan-dRae’ey an-dahara’e rey. 
\v 2 Le tsina­noko boak’ andindìñe añe ty feo hoe fitroñan-drano maro, naho ty fivolan-kotroke mikorokodoiñe, vaho hoe feom-pititike mititike o marovani’ iareoo ka i feo tsinanokoy; 
\v 3 le nitakasie’ iereo ty sabo vao añatrefa’ i fiambesam-pifeheañey naho añatrefa’ i raha veloñe efatse rey naho i androanavy rey, vaho tsy eo ty nahafianatse i saboy naho tsy i rai-hetse-tsi-efats’ ale-tsi-efats’ arivo vinili-aiñe an-tane atoy rey. 
\v 4 Tsy nandeo-batañe ami’ty ampela irezay, fa hahiringiri’e. Mañorike i Vik’ añondriy iereo ndra aia aia ty ombà’e, ie jinebañe am’ondatio ho loha-voa aman’ Añahare naho ho amy Vik’ añondriy. 
\v 5 Ie tsy nahaoniñam-bande am-palie, vaho tsy aman-kila.
\s1 Ty Anjely Telo
\p
\v 6 Nitreako amy zao ty anjely tovo’e niti­liñe an-teñateñan-dikerañe eñe minday i talili-soa tsy modoy, hi­tsey amo mpimo­neñe an-tane atoio naho amy ze kila fifeheañe naho foko naho fameleke vaho ondaty, 
\v 7 le hoe re am-piarañanañañe mafe, Mañeveña aman’ Añahare vaho toloro engeñe, amy te tsatoke ty oram-pizakà’e. Mitalahoa amy namboatse i likerañey naho ty tane toy naho i riakey vaho o rano midoandoañeoy.\f + \fr 14:7 \fr*\ft Avo 20:11, 31:13,17 Viloñe\ft*\f*
\p
\v 8 Nanonjohy i anjeliy ty faharoe, nanao ty hoe: Rotsake! Ro­tsake i Babolone\f + \fr 14:8 \fr*\ft Ies 21:9, Oni: Iir 51:8\ft*\f* foloaingitrokey, i nampinoñe o kilakila’ ndatio ami’ ty divain-kadraon-kakarapiloa’ey.
\p
\v 9 Nanonjohy iareo ty anjely tovo’e, ty fahatelo, nipoña-peo ami’ty hoe: Ndra ia ia mitalaho amy bibiy naho amy sare’ey vaho mandrambe viloñe ke an-kandri’e he an-taña’e eo, 
\v 10 le ie ka ty hinoñe ami’ty divaim-pifombon’ Añahare an-keri’e do’e amy fitovin-kaviñera’ey vaho ho samporeraheñe añ’ afo aman-tsolifara añatrefa’ o anjely masiñeo naho aolo’ i Vik’ añondriy. 
\v 11 Le hionjoñe nainai’e kitro katroke ty hatoe’ i fampisoañañ’ iareoy; tsy ho amam-pitofàñe ndra handro ndra haleñe o mitalaho amy bibiy naho amy sare’eio, vaho ze mandrambe i vilo’ i añara’eiy. 
\v 12 Inay ty hifeaha’ o noro’e \f + \fr 14:12 \fr*\ft Ben 12:17\ft*\f* am-patokisa’ \nd Iesoào\nd*; ie mpañambeñe o lilin’ Añahareo.
\p
\v 13 Le tsinanoko boak’ andindìñe ey ty fiarañanañañe nanao ty hoe: Sokiro: Haha ze vilasy mivetrak’ amy \nd Talè\nd* ao henane zao. Eka! hoe i Arofoy, hitofa amo fitoloña’eo iereo, amy te mañorike iareo o fitoloña’ iareoo.
\s1 Ty Fanatahañe
\p
\v 14 Nañente iraho le indroke ty rahoñe foty, naho niambesatse amy rahoñey ty manahake i Ana’ Ondatiy\f + \fr 14:14 \fr*\ft Dan 7.14\ft*\f*, añambone’e eo ty sabakam-bolonahetse volamena, vaho am-pità’e eo ty fanatahañe masioñe. 
\v 15 Niavotse i kibohotsey ty anjely raike nikoike am-peo mafe amy niambesatse amy rahoñeiy, ty hoe: Mamatsiha amo fanataha’oo vaho manataha fa tondroke ty sam-panatahañe, amy t’ie matoe, veka’e ho tataheñe ty voka’ ty tane toy. 
\v 16 Aa le nafatsi’ i niambesatse amy rahoñeiy mb’an-tane atoy i fanataha’ey le tinatake ty tane toy.
\p
\v 17 Niavotse i kibohotse andindìñe eñey ty anjely tovo’e ninday fanatahañe masioñe ka. 
\v 18 Niakatse boak’amy kitreliy ka ty anjely nanan-dily ami’ty afo, le kinanji’e am-piarañanañañe mafe i amam-pana­tahañe masioñey, ty hoe: Mamatsiha amo fanataha’o masioñeo vaho atontono o voaloboke mirokoroko am-bahe’ ty tane toio, fa ginoke o valobo’eo. 
\v 19 Aa le navio’ i anjeliy mb’ an-tane atoy i fanataha’ey le natonto’e o am-bahe’ ty tane toio vaho nafetsa’e amy fipiritan-divain-kaviñeran’ Añahare jabajabay. 
\v 20 Le linialia alafen-drova ao i fipiritan-divaiy vaho nidoandoañe boak’ amy fipiritan-divaiy ty lio nahafionjoñe pak’ an-daboridi’ o soavalao sikal’ ami’ty arivo-tsi-enen-jato stadione\f + \fr 14:20 \fr*\ft Henteo amy Jaona no. 6 eo\ft*\f* añe.\f + \fr 14:20 \fr*\ft Nafindra amy toko’e itoboha’e, aolo’ i 17 eo ty 14.\ft*\f*
\c 15
\p
\v 1 Le naheoko andindìñe ey ty viloñe tovo’e, ra’elahy naho nampañeveñe: ty anjely fito minday ty feh’ ohatse fito honka’e, ie ro mahaheneke ty haviñeran’ Añahare.
\p
\v 2 Le nitreako ty raha hoe riake fitaratse miharo afo, le niriñariña amy riake fitaratsey o naharebake i bibiy naho i sare’ey vaho ty ia’ i añara’eio, mitañe o marovanin’ Añahareo, 
\v 3 misabo i sabo’ i Mosè mpitoron’ Añaharey naho ty sabo’ i Vik’ añondriy ami’ty hoe:
\q1 Foloaingitroke naho mahalatsa o sata’oo
\q1 ry \nd Talè\nd* Andrianañahare, Tsitongerèñe.
\q1 To naho mahity o lala’oo,
\q1 ry Mpanjaka’ o noro’oo.
\q1
\v 4 Ia ty tsy hañeveñe ama’o, ry \nd Talè\nd*,
\q1 naho hibango ty tahina’o?
\q1 Amy te Ihe avao ro masiñe. Le homb’ama’o mb’eo ze hene
\q1 fifeheañe hitalaho añatrefa’o eo,
\q1 fa midodea o havantaña’oo\f + \fr 15:4 \fr*\ft Iir 10:6-7, 86:9\ft*\f*.
\s1 Ty Anjely Fito ­ Minday Feh’Ohatse Fito
\p
\v 5 Ie añe le naheoko te nisokafeñe i kivoho an-kiboho’ i Taroñe andindìñeiy. 
\v 6 Niakatse i anjombay amy zao i anjely fito ninday feh’ ohatse fito rey; misaroñe leny mikotritriake, miloeloe naho nidian-tsikim-bolamena añ’araña, 
\v 7 vaho natolo’ ty raik’ amy raha veloñe efatse rey amy anjely fito rey ty finga volamena fito pea’ ty haviñera’ i Andrinañahare veloñe nainai’e doniay. 
\v 8 Le nampoe’ ty hatoe’ i engen’ Añaharey naho i haozara’ey i kiboho­tsey, vaho tsy eo ty nahafizilik’ amy kibohotsey ampara’ te niheneke i feh’ ohatse fito’ i anjely fito reiy.
\c 16
\s1 Ty Fitovin-kaviñeran’Añahare
\p
\v 1 Le tsinanoko ty fiarañanañañe mafe boak’ amy kibohotsey nanao ty hoe amy anjely fito rey: Akia, adoaño amy taney i finga mitañe ty haviñeran’ Añahare fito rey. 
\v 2 Aa le nimb’eo i anjely valoha’ey, nandoveve i finga’ey an-tane atoy, vaho nifetsake am’ondatio ty bae mangirifiry, mamolevole ze ninday ty vilo’ i bibiy naho nitalaho amy sare’ey. 
\v 3 Nañiliñe i finga’ey amy riakey ty anjely faharoe le niova ho lio, hoe lion-dolo, vaho fonga nizamañe ze raha veloñe an-driak’ ao. 
\v 4 Nampidoàla i finga’ey amo sakao naho amo rano manganaha­nao ty anjely fahatelo, vaho nivalike ho lio irezay. 
\v 5 Le tsinanoko i anjeli’ o ranooy nanao ty hoe:
\q1 Vantan-dRehe, ry eo naho teo,
\q1 Ry Masiñey ami’ty fizakà’o
\q1 o raha rezao, 
\v 6 fa nampiorihe’ iereo ty lio’ o noro’oo naho o mpitokio,
\q1 vaho nanjotsoa’o lio hinome’ iereo
\q1 fa izay ty mañeva. 
\v 7 Le inay boak’amy kitreliy ty hoe:
\q1 Eka, ry \nd Talè\nd* Andrianañahare,
\q1 Tsitongerèñey, vantañe naho to o fizakà’oo. 
\v 8 Nadoveve’ i anjely fah’ efatsey amy àndroy i finga’ey, le nitoloran-dily hanodotse ondatio añ’afo. 
\v 9 Sinòda’ ty hatrovohañe ondatio fe hinotohoto’ iereo ty tahinan’ Añahare aman-dily amy feh’ ohatse rey; mbore tsy nisoloho hitolora’ iareo engeñe. 
\v 10 Nadoa’ i anjely faha limey ami’ty fitoboha’ i bibiy i finga’ey, le najoroboñe an-kamoromoroñañe ao i fifehea’ey, ie nihota-lela an-kaloviloviañe, 
\v 11 vaho namatse an’ Andrianañaharen-dikerañe ty amy fangirifiria’ iareo naho o baeo, f’ie tsy nisoloho amo sata’eo 
\v 12 Nadoandoa’ i anjely fah’ eneñey amy saka jabajaba Eofratay i finga’ey, le nimaiheñe o rano’eo hañajariañe lalañe hombà’ o mpanjaka boak’ am-panjiriha’ i àndroy añeo. 
\v 13 Le nitreako niboak’ am-bava’ i fañaneñey naho am-bava’ i bibiy vaho am-bava’ i mpitoky sare’ey ao ty fañahy raty telo hoe sahoñe, 
\v 14 fañahin-kokolampa mpanao viloñe tsitantane; mionjoñe mb’ amo mpanjaka’ ty tane-bey toio iereo, hanontoñe iareo hialy amy andro jabajaban’ Añahare Tsitongerèñeiy. 
\v 15 \f + \fr 16:15 \fr*\ft Nampolieñe amy 3:3 ao toy.\ft*\f* 
\v 16 Le natonto’ iareo an-tane atao an-tsaontsy Hebreo ty hoe: Har’magedòñe\f + \fr 16:16 \fr*\ft Vohi-pizamanañe; ty nandreketa’ i Debora i Sisera naho i valobohò’ey\ft*\f* eo. 
\v 17 Naili’ i faha-fitoy amo tiokeo i finga’ey, le niboak’an-kibohotse ao ty fiarañanañañe mafe hirik’amy fiambesatsey nipazake ty hoe: Fonitse zay! 
\v 18 le inay ty fibilobilon-kelatse naho feo naho fikorokodoiñan-kotroke, vaho ty fanginikinihan-tane jabajaba naho ra’elahy kanao tsy teo ty nanahak’ aze boak’ am-pifotora’ ondaty an-tane atoy. 
\v 19 Nivaki-telo i rova ra’elahiy, naho nirotsake o rova’ o fifeheañeo, naho nitiahieñe añatrefan’ Añahare i Babolone Jabajabay hanjotsoa’e ty fitovy pea’ i divain-kalevelevean-kaviñera’ey. 
\v 20 Songa nirimatse añe o tokonoseo naho tsy nioniñe ka o vo­hi­tseo. 
\v 21 Le nihorodoboke boak’ andindìñe ey ty havandra gadaboñe sindre ­talen­ta raike nilantsidantsiñe am’ondatio, kanao namàtse an’ Andrianañahare ty amy hankàn-kavandray ondatio ami’ty halosora’ i feh’ ohatsey.
\c 17
\s1 Ty Rakemba Miningitse ami’ty Biby
\p
\v 1 Nomb’ amako mb’eo ty raik’ amy anjely fito amam-pinga fito rey nanao ty hoe: Mb’ etoañe, hitoroako ty zaka hifetsak’ amy tsimirirañe folo-ay mitobok’ amo rano marooy, 
\v 2 i nanoa’ o mpanjaka’ ty tane toio hakarapiloañe naho nahamamo o mpimone’ ty tane toio amy divain-kakarapiloa’eiy\f + \fr 17:2 \fr*\ft Iir 51:7\ft*\f*. 
\v 3 Le nindese’ i anjeliy añ’ arofo mb’an-dratra­ratra añe iraho. Le nitreako ty rakemba ninin­gitse ami’ty biby mena mañabasà, àtseke ty añaram-piterateràñe, aman-doha fito naho tsifa folo. 
\v 4 Nisaroñe lamba malò-mavo naho mena mañabarà i rakembay vaho nihamineñe volamena naho vatosoa naho hange, vaho an-taña’e ao ty fitovy volamena pea hativañe milaro ty haleoran-katsimirira’e\f + \fr 17:4 \fr*\ft Iek 23:33\ft*\f*. 
\v 5 Nipatereñe am-pela-handri’e eo ty añarañe, toe tafatoño:
\q1 Babolone Jabajaba, Renen-Tsimirirañe naho o raha tiva’ ty tane toio. 
\v 6 Le naheoko i rakembay te jike ami’ty lio’ o noro’eo naho ami’ty lio’ o ninday ty taro’ I\nd esoào\nd*, aa ie nisambaeko, le niloho latsa. 
\v 7 Le hoe i anjeliy tamako: Inoñ’ o ilatsà’oo? Hatoroko azo ty raha mietak’ amy rakembay naho ty amy biby aman-doha fito naho tsifa folo minday azey. 
\v 8 I biby nitrea’oy le teo, fa tsy eo, vaho fa hiakatse boak’ an-tsikeokeok’ ao mb’ am-pirotsaha’e mb’eo. Hahalatsa o mpimoneñe an-tane atoy tsy pinatetse amy boken-kaveloñe tam-pifotora’ ty voatse toio, \f + \fr 17:8 \fr*\ft Dan 12:1\ft*\f*t’ie hahaisake i biby teo naho tsy eo vaho mbe ho aviy. 
\v 9 Inao ty itsakoreañe an-kihitse: I loha fito rey ro vohitse fito \f + \fr 17:9 \fr*\ft amam-bohitse fito: Roma\ft*\f* iambesara’ i rakembay, 
\v 10 naho mpanjaka fito, fa nihotrake ty lime, eo ty raike, mbe tsy niavy ty raike; fa ie avy, le tsy mahay tsy ho eo betebeteke. 
\v 11 I biby teo, fa tsy eoy; ie ty mpanjaka faha valo, mireketse amy fito rey, vaho mb’am-pirotsahañe ao. 
\v 12 I tsifa folo niisa’o rey, le mpanjaka folo mboe tsy nandrambe fifeheañe, f’ie mahazo lily ho mpanjaka mindre amy bibiy ora raike. 
\v 13 Raike ty firefea’ iareo vaho hatolo’ iareo amy bibiy ty haozarañe naho ty lili’ iareo. 
\v 14 Hialy amy Vik’ añondriy iareo, fa ho rebahe’ i Vik’ añondriy, amy te Ie ro Talèn-drotompo\f + \fr 17:14 \fr*\ft Its 10:17\ft*\f* naho Mpifehem-panjaka, le kinanjy naho jinoboñe vaho migahiñe o mpiama’eo. 
\v 15 Le hoe re tamako: O rano niisa’o itoboha’ i tsimirirañeio, le ondaty naho valobohòke naho fifeheañe vaho fameleke. 
\v 16 Le i tsifa folo niisa’o amy bibiy rey ro halaiñe i tsimirirañey, hampidoñ’ aze ho vahiny naho miboridañe; habotse’ iereo ty nofo’e vaho hamorototo aze añ’afo. 
\v 17 Fa nentoen’ Añahare añ’ arofo’ iareo ty hañeneke i satri’ey, naho hitrao-drehake vaho hanolotse ty fifehea’ iareo amy bibiy ampara’ te heneke o saontsin’ Añahareo. 
\v 18 I rakemba niisa’oy, le i rova jabajaba mifehe o mpanjaka’ ty tane toio.
\c 18
\s1 Ty Firotsaha’i Babolone
\p
\v 1 Añe izay le nahatrea anjely tovo’e nizotso boak’ andindìñe añe aman-dily ra’elahy vaho nihazavae’ ty enge’e ty tane toy. 
\v 2 Le nikoihe’e am-piara­ñanañañe mafe ty hoe:
\q1 Rotsake! Rotsake t’i Babolone Jabajaba\f + \fr 18:2 \fr*\ft Ies 21:9\ft*\f*!
\q1 ie fa akiban-kokolampa henaneo, naho
\q1 lakato’ ze fonga anga-draty, vaho
\q1 zoho’ ze hene voroñe maleotse naho mampangorý. 
\v 3 Fa hene ninoñe amy divain-kadraon-
\q1 kakarapiloa’ey ze kilakila ondaty.
\q1 naho fonga niolots’ ama’e
\q1 o mpanjaka’ ty tane toio,
\q1 vaho nitampe-draha irieñe
\q1 o mpanao balibali’ ty tane toio
\q1 amy halosoran-katea-mena’ey. 
\v 4 Tsinanoko ka ty fiarañanañañe boak’ andindìñe ey nanao ty hoe:
\q1 Miengà ama’e ry ondatiko, tsy
\q1 hitraok’ amo hakeo’eo,
\q1 naho tsy handrambe o angorosi’eo\f + \fr 18:4 \fr*\ft Iir 51:6, 9, 45; Iir 50:8, 13, 28\ft*\f*; 
\v 5 fa mitoabotse pak’andindìñe ey o tahi’eo vaho tiahin’ Añahare o sata-rati’eo. 
\v 6 Ondroho ama’e mira ami’ty natolo’e;
\q1 le avaho ama’e in-droe’ o fitoloña’eo;
\q1 vaho trobotrobò in-droe
\q1 i fitovy nilaroe’ey. 
\v 7 Ampanahafo ami’ty nienge’e naho ty
\q1 fierañerañan-tro niaiña’e,
\q1 ty samporerahañe naho anahelo
\q1 hatolotse aze.
\q1 Inao ty fisengean-tro’e :
\q1 Miambesatse raho
\q1 fa mpanjaka-rakemba,
\q1 Tsy vantotse,
\q1 vaho tsy hahatrea fioremeñañe. 
\v 8 Aa le hivovo ama’e añ’ andro raike o hankà’eo: ty angorosy, ty hòntoke, vaho ty kerè,
\q1 le ho hotomomohe’ ty afo;
\q1 amy te maozatse i \nd Talè\nd* Andrianañahare
\q1 mizaka azey. 
\v 9 Ie isa’ o mpanjaka’ ty tane toio, ie nifandia-tihy ama’e naho ni-mpitrao­k’ amy fiagaregaña’ey, ty hatoe’ i fanodo­rañ’ azey, le hangololoike ty tañy naho handala, 
\v 10 hizorazora eroan-koe am-pirevendreveñañe i sarerahañ’ aze, hanao ty hoe:
\q1 Hoy hoy abey, Ry rova jabajaba! I Babolone rovan-kaozarañey!
\q2 Ie ora raik’ avao te pok’eo ty fizakañ’azo. 
\v 11 Mirovetse naho mandala aze o mpampibalibali’ ty tane toio, amy te tsy eo ka ty hikalo o kilanka’ iareoo: 
\v 12 entañe volamena naho volafoty naho vatosoa naho hange, le leny marerarera naho malo-mavo, le lande naho mena mañabarà, naho ze karazan-katae malàñe, naho ze fanake aman-tsifan-drimo\f + \fr 18:12 \fr*\ft toe tsifa’ ty elefanta (biby jabajaba)\ft*\f*, naho ze fanake aman-katae sarotse, le torisìke naho viñe naho vato sanga; 
\v 13 le kanely\f + \fr 18:13 \fr*\ft kanely: holi-katae mañitse fampifiriañe\ft*\f* naho fampafiriañe naho soli-pañosorañe naho rame le divay naho solik’ oliva, le mona’e naho vare-bolè le añombe naho añondry; le soavala naho sarete le ondevo vaho fiai’ ondaty. 
\v 14 Nisitak’ azo o voka-tsoa nirìen-tro’oo, naho nihànkañe ama’o, tsy ho isa’o ka ze atao tave naho o raha fiain-taneo. 
\v 15 Hañarafiake eñe o nanao balibalike amy raha rezaio, o nimpañaleale ty ama’eo, am-pirevendreveñañe amy halovilovia’ey, le hangoihoy ty rovetse vaho handala 
\v 16 ty hoe:
\q1 Hoy! Hoy! i rova ni-ra’elahiy,
\q1 nisaron-deny marerarera malo-mavo
\q1 naho mena mañabarañe,
\q1 vaho niragorago volamena
\q1 naho vatosoa vaho hange! 
\v 17 fa ora raik’ avao ty nahakafoake
\q1 o vara beio!
\p Nitrobàke eñe ze fonga mpinjon-dakañe naho ze hene mpañavelo an-tsambo naho o mpiandriakeo naho ze fonga mitoloñe amy riakey, 
\v 18 songa nipazapazake ty hoe t’ie nanjò ty hatoe’ i sinodotsey:
\q1 Aia ka ty hañirinkiriñe i rova jabajaba zay? 
\v 19 le nampibobò deboke añambone’e, naho nangoihoy ty rovetse vaho nitoreo ty hoe:
\q1 Hoy! Hoy, I rova foloaingitrokey!
\q1 ze nampañaleale ze nanan-tsambo
\q1 an-driak’ añe añamy vara’ey!
\q1 amy te ora raik’ avao
\q1 ty nampikoahañ’ aze! 
\v 20 Irebeho ry likerañeo!
\q1 naho ry noro’e naho Firàheñe
\q1 vaho mpitokio!
\q1 Inahareo ro nizakàn’ Añahare aze. 
\v 21 Ie amy zao, rinambe’ ty anjely fanalolahy ty vato bey hoe vato-fandi­sanañe jabajaba, le navokovoko’e an-driake eñe nanao ty hoe:
\q1 Izay ro handretsahañe i Babolone
\q1 rova jabajabay ambane tsy ho oniñe ka. 
\v 22 Le tsy ho janjiñeñe ama’o ao ka
\q1 ty feo’ o mpititike marovanio,
\q1 naho o sairio,
\q1 naho o mpitioke soly naho antsivao,
\q1 naho tsy ho trea ama’o ka
\q1 ze mpitsene an-satam-pitàñ’inoñ’inoñe,
\q1 vaho tsy ho janjiñeñe ama’o ao ka
\q1 ty fikosaokosaom-bato fandisañe. 
\v 23 le tsy hiiloilo ama’o ao ka
\q1 ty hazavàm-pailo,
\q1 mbore tsy ho janjiñeñe ama’o ao ka
\q1 ty fifañòhahohà’ i engavaoy
\q1 naho i mañengay;
\q1 ni-fanalolahy an-tane-bey atoy
\q1 o mpanao balibalik’ ama’oo,
\q1 amy te nampikalitahe’ o famoreha’oo
\q1 o fifeheañeo,
\q1
\v 24 naho ama’e ao ty nahatendrehañe
\q1 ty lio’ o mpitokio naho o noro’eo,
\q1 vaho ze hene vinono an-tane atoy\f + \fr 18:24 \fr*\ft Mat 23:30, Lke 11:50\ft*\f*.
\c 19
\s1 Haleloia
\p
\v 1 Añe irezay le tsinanoko ty fipoñafam-peom-balobohòke andindìñe ao, nirihoñe ty hoe:
\q1 Haleloia\f + \fr 19:1 \fr*\ft Heb: aleloia: jejò t’\+nd Iehovà\+nd*\ft*\f*!
\q1 Fandrombahañe naho enge,
\q1 naho haozarañe
\q1 ho an’Andrianañaharen-tikañe 
\v 2 amy te mahity naho vantañe o fizakà’eo\f + \fr 19:2 \fr*\ft Sab 19:9\ft*\f*,
\q1 le fa nafà’e i tsimirirañe jabajaba
\q1 nandeotse ty tane toy
\q1 amo hakarapiloa’eoy
\q1 vaho navale’e ama’e
\q1 ty lio’ o mpitoro’eo\f + \fr 19:2 \fr*\ft Its 32:43\ft*\f*. 
\v 3 Nindrai’ iereo ty hoe:
\q1 Halelo-Ia!
\q1 Hihobobòke nainai’e donia o hatoe’eo. 
\v 4 Songa nibaboke naho nitalaho aman’ Andrianañahare mpiambesatse amy fiambesa’ey i androanavy roapolo-efats’ amby rey naho i raha veloñe efatse rey, nanao ty hoe:
\p Amena, Haleloia! 
\v 5 Le niboak’ amy fiambesatsey ty fiarañanañañe nanao ty hoe:
\q1 Rengeo t’i Andrianañaharen-tikañe
\q1 ry mpitoro’e iabio, naho o mañeveñe ama’eo, ndra ty kede ndra ty bey!\f + \fr 19:5 \fr*\ft Sab 115:13\ft*\f* 
\v 6 Tsinanoko amy zao ty nanahake feom-balobohòke, nanahake ty fitroña’ ty rano misorotombake naho nanahake ty fiparapapiahan’ àmpiñe ra’elahy, nanao ty hoe:
\q1 Haleloia! Fa mifehe t’i \nd Talè\nd*
\q1 Andrianañahare, Tsitongerèñe. 
\v 7 Antao hifale naho hirebeke vaho hanolots’ engeñe ama’e!
\q1 Fa tsatoke ty enga-vao’ i Vik’añondriy,\f + \fr 19:7 \fr*\ft Mat 22:1-12 Toe an-Tane\ft*\f*
\q1 vaho fa nihamiñe i enga-vao’ey,\f + \fr 19:7 \fr*\ft Ies 61:10\ft*\f* 
\v 8 le natolotse aze ty hiombea’e leny marerarera mikinokinoke mitoratsike.
\p Toe o satan-kavañona’ o noro’eoo i leny marerareray.\f + \fr 19:8 \fr*\ft Mat 22:11-14\ft*\f* 
\v 9 Le hoe re tamako: Patero: Haha o ambarañe ho mb’amy sabadidam-panambalia’ i Vik’ añondriio! Le hoe re amako: Tsara ton’ Añahare izay. 
\v 10 Le nibabok’ am-pandia’eo iraho niambane. Fe hoe re: Mitaoa! Mpitrao-pitoroñe ama’o naho amo longo’o mitañe ty taro’ \nd Iesoào\nd* iraho. Mitalahoa aman’ Añahare! Amy te arofom-pitokiañe ty fitaroñañe \nd Iesoà\nd*.
\s1 Ty Mpiningitse Soavala Foty
\p
\v 11 Le naheoko te nisokake i likerañey naho niheo mb’etoa ty soavala foty, naho kanjieñe ty hoe Migahiñe naho To i mpiningitse ama’ey naho an-kavantañañe ty fizaka’e vaho fialia’e\f + \fr 19:11 \fr*\ft Top 10:42\ft*\f*. 
\v 12 Hoe afo misotratràke o fihaino’eo, naho sabakam-bolonahetse maro ty añambone’e eo. Sinokitse ama’e ty tahinañe tsy fohi’ ondaty naho tsy ie\f + \fr 19:12 \fr*\ft Ben 2:17\ft*\f*. 
\v 13 Misikin-damba mireparepa nalipotse an-dio re, le atao Tsaran’ Añahare i tahina’ey\f + \fr 19:13 \fr*\ft Jao 1:1, 14\ft*\f*. 
\v 14 Nañorik’ aze an-tsoavala foty o lahin-defon-dikerañeo nisaron-deny marerarera mitoratsike mikinokinoke.\f + \fr 19:14 \fr*\ft Ben 19:7 8\ft*\f* 
\v 15 Miakats’am-palie’e ty fibara masioñe\f + \fr 19:15 \fr*\ft Ies 49:2\ft*\f* hañatsake o kilakila ondatio, le ho fehè’e an-kobay viñe.\f + \fr 19:15 \fr*\ft Sab 2:9\ft*\f*
\q1 naho ie ty mandialia ty fipiritan-divaim-piforoforon-kaviñeran’ Añahare, Tsitongerèñey. 
\v 16 Misokitse an-tsaro’e eo naho am-pe’e eo ty hoe:
\q1 Mpanjakam-panjaka naho Talèn-talè.
\s1 Ierosaleme Vao Ikz 48.30-35
\p
\v 17 Le naheoko ty anjely nijohañe amy àndroy nikoike am-piarañanañañe mafe amy ze hene voroñe mitiliñe an-teñanteñan-dikerañe ty hoe: Mb’ etoy, mitontona amy sabadidake jabajaban’ Añaharey, 
\v 18 hitimpoñe ty nofom-panjaka, naho ty nofo’ o mpifehen-dahin-defoñeo naho ty nofo’ o fanalolahio naho ty nofon-tsoavala naho o mpiningitse ama’eo naho ty nofo’ ze hene ondaty, ty ondevo naho ty midada, ty kede vaho ty bey.\f + \fr 19:18 \fr*\ft Isa 56:9; Eze 39:4; Mat 24:28; Lke 17:37\ft*\f* 
\v 19 Le nitreako te nifanontoñe hialy amy miningitse soa­valay naho amy firimboña’ey i bibiy naho o mpanjaka’ ty tane toio naho o fifañosoña’ iareoo. 
\v 20 Le tsinepake i bibiy naho nindre ama’e i mpitoky sare’e nanao viloñe tsitantane añatrefa’e naho namañahy o nandrambe ty vilo’ i bibiy vaho nitalaho amy sare’ eioy. Navokovoko veloñe amy antara mirebareba afo manodotse solifaray ao ie roe, 
\v 21 le vinono amy fibara miakatse am-palie’ i mpiningitse soavalaiy o ila’eo, vaho nahaetsake o voroñe iabio ty nofo’ iareo.
\c 20
\s1 Arivo Taoñe
\p
\v 1 Le naheoko ty anjely nizotso boak’ andindìñe ey nitañe ty lahin-dakilen-tsikeokeoke naho am-pità’e ty silisily jabajaba. 
\v 2 Tsinepa’e i fañaneñey, i mereñe jabajaba haehaey, i atao devoly naho mpañìnjey, vaho rino­hi’e arivo taoñe. 
\v 3 Najorobo’e an-tsikeokeok’ ao re le vinarindri’e naho vinoli-tom­bohe’e, tsy hamañahy o kilakila ondatio ampara’ te heneke i arivo taoñey. Ie añe le tsy mahay tsy hahàñe betebeteke. 
\v 4 Le nahatrea fiambesatse maro\f + \fr 20:4 \fr*\ft Ben 19:14\ft*\f* iraho, naho niambesarañe, vaho nomean-dily hizaka; nitreako ka ty arofo’ o kinitsike ty amy fitaliliañe \nd Iesoà\nd* naho i tsaran’ Añahareio, ie tsy nitalaho amy bibiy ndra amy sare’ey vaho tsy nandrambe i vilo’ey an-dahara’e ndra am-pità’e, le nibodan-ko veloñe vaho niharo nifehe amy Norizañey arivo taoñe. 
\v 5 (Fe tsy nitroatse ho veloñe hey o nivilasy ila’eo naho tsy nipeake i arivo taoñey.) Ie ty fivañonan-ko veloñe valoha’e. 
\v 6 Haha naho masiñe ze aman’ anjara amy fivañonan-ko veloñe valoha’ey, toe tsy anaña’ i havilasy faharoey lily, fa ho mpisoron’ Añahare naho i Norizañey, hitrao-pifehe ama’e arivo taoñe.
\s1 Hankà’ i mpañìnjey
\p
\v 7 Ie modo i arivo taoñe zay, le ho hahàñe boak’an-drohy ao i mpañìnjey 
\v 8 vaho hiakatse hamañahy ze fifeheañe an-joro-efa’ ty tane toy—i Goga naho i Magoga\f + \fr 20:8 \fr*\ft Iek 38:2\ft*\f*—hanontona’e hialy. Mira amo faseñe añ’olon-driakeo ty ia’iareo. 
\v 9 Nionjoñe mb’ambone’ ty treha’ i Taney iereo nañarikoboñe ty tobe’ o noro’eo naho i rova kokoañey. Fe nidoiñe boak’ andindìñe ey ty afo nampibotseke iareo. 
\v 10 Le navokovoko amy antara-afo aman-tsolifaray i mpañìnje namañahy iareoy, hatraoke amy bibiy naho i mpitoky sare’eiy, vaho halovilovy handro an-kaleñe nainai’e kitro-katroke.
\s1 Fizakañe o Nihomakeo
\p
\v 11 Le nahatrea fiambesam-pifeheañe foty jabajaba naho i Mpiambesatse ama’ey iraho. Nibotatsake nisitak’ i lahara’ey ty tane toy naho i likerañey, ie tsy nanjoañe toetse ka. 
\v 12 Le nahatrea o nikoromakeo, ty bey naho ty kede, nizorazora añatrefa’ i fiambesa­tsey, vaho sinokake o bokeo; sinokake ka ty boke raike, i boken-kaveloñey, vaho zinaka ty amo sinokitse amo bokeoo ty amo sata’eo o nivilasio.
\p
\v 13 Nafoe’ i riakey o vilasy ama’eo, le naloa’ i Havilasy naho i Tsikeokeokey o vilasy am’iereoo, vaho zinaka, songa ty amo fitoloña’eo. 
\v 14 Navokovoko amy antara afoy ao ty Havilasy naho i Tsikeokeokey. Ie i havilasy faharoey\f + \fr 20:14 \fr*\ft Ben 2:11, 20:6, 21:8\ft*\f*: i antara-afoy. 
\v 15 Le nafetsak’ amy antara afoy ze tsy nioniñe sinokitse amy boken-kaveloñey ao.
\c 21
\p
\v 1 Le nahatrea likerañe vao naho tane vao\f + \fr 21:1 \fr*\ft Ies 65:17, Oni: Ies 66:22; Iir 31:33, Iek 37:27, Fi 6:18\ft*\f* iraho, fa songa nimosaoñe añe i likerañe valoha’ey naho ty tane valoha’e toy, ie tsy aman-driake. 
\v 2 Le nahatrea i Rova Miavakey, Ierosaleme vao, nizotso hirik’ andindìñe añe boak’ aman’ Añahare, hinalankañe hoe enga vao soa hamiñe, ho a i vali’ey. 
\v 3 Le tsinanoko ty fiarañanañañe mafe boak’ amy fiambesatsey nanao ty hoe: Ingo te am’ondatio ty kivohon’ Añahare, ie hitrao-pimoneñe am’ iereo; ho ondati’e iereo naho ho am’ iareo ao t’i Andrianañahare ho Andrianañahare’ iareo\f + \fr 21:3 \fr*\ft Sor 26:11-12; Oni: Ies 7:14, 8:8,10, Iir 31:33, Iek 37:27, Fi II 6:18\ft*\f*, 
\v 4 naho ho faopaohe’e am-pihaino’ iareo ze atao ranomaso, naho tsy ho aman-kavilasy ka, ndra fandalàñe, ndra firovetañe ndra fangirifiriañe, fa nimosaoñe añe o raha taoloo.
\p
\v 5 Le hoe i Mpiambesatse amy fiambesatseiy: Heheke, kila vaoeko. Hoe ka re: Patero, fa añoñe naho to o tsara zao. 
\v 6 Le hoe re tamako: Fa heneke! Izaho i A naho i Zedey, i Fifotorañey naho i Figadoñañey. Hazotsoko tsy amam-bili’e boak’ amy ranon-kaveloñe migoangoañey ze taliñiereñe. 
\v 7 Ho lovae’ ty maharebake irezay, le ho Andrianañahare’e iraho vaho ho anako re. 
\v 8 Fe o mahimahiñeo naho o tsi-miatoo naho o lo-tserekeo naho o mpañoho-dozao naho o mañarapiloo naho o mpamorekeo naho o mpiato am-pahasiveo vaho ze hene haremborake ro hanañ’ anjara amy antara manodotse an-tsolifaray ao. Izay ty havilasy faharoe.
\p
\v 9 Le nimb’eo ty raik’ amy anjely fito nitam-pinga fito pea i hankàñe fito honka’e rey nisaontsy amako, nanao ty hoe: Mb’etoa, hatoroko azo ty enga vao, ty vali’ i Vik’ añondriy. 
\v 10 Le nendese’e añ’arofo mb’am-bohitse jabajaba naho mitiotiotse añe, naho natoro’e ahy i rova miavakey, Ierosaleme mivotrake hirik’ andindìñe ao boak’ aman’ Añahare, 
\v 11 aman’ engen’ Añahare, vaho hoe vato saro-bily, hoe vato jaspy nikantsokan­tsoñe hoe kristaly ty hazava’e. 
\v 12 Ama’e ty kijoly ra’elahy naho abo reketse lalam-bey folo ro’amby, naho anjely folo ro’amby amy lalam-bey rey, vaho pinatetse am’ iereo ty tahina’ i foko folo-ro’ambi’ i ana’ Israele reiy\f + \fr 21:12 \fr*\ft Iek 47:22-23, 48:31-34\ft*\f*. 
\v 13 Telo ty lalam-bey atiñanañe, naho telo ty lalam-bey avaratse, naho telo ty lalam-bey atimo, vaho telo ty lalam-bey ahan­drefa. 
\v 14 Le fahañe folo ro’amby ty ioreña’ i kijoli’ i rovaiy, naho am’iereo i tahinañe folo-ro’ambi’ i Firàheñe folo-ro’ ambi’ i Vik’ añondriy reiy.
\p
\v 15 Le amy nisaontsy amakoy ty kobay fanjeheañe volamena, hanjehe i rovay naho o lalam-bei’eo vaho i kijoli’ey. 
\v 16 Nalahatse ho efa-mira i rovay vaho mira ty andava’e naho ty am-pohe’e. Zinehe’e amy kobaiy i rovay le 12 000 stadione, mira ty andava’e naho ty am-pohe’e vaho ty haabo’e. 
\v 17 Le zinehe’e i kijoliy, kiho zato tsy efapolo efats’ amby am-panjehea’ ondaty—fa izay ty norihe’ i anjeliy. 
\v 18 Le vato jaspy ty firafi’ i kijoliy naho volamena ki’e hoe fitaratse mikantsonkantsoñe i rovay. 
\v 19 Le nihamine’ ze hene karazam-bato soa ty faha’ i kijoli’ i rovaiy. Jaspy ty faha’ i valoha’ey, safira ty faharoe, kalkedona ty fahatelo, emerode ty fah’ efatse, 
\v 20 sardoniksa ty faha lime, karnelia ty fah’ eneñe, krisolita ty faha-fito, berila ty faha valo, topaze ty faha sive, krisopraso ty fahafolo, jakinta ty fahafolo-raik’ amby, ametista ty fahafolo-ro’ amby. 
\v 21 Le hange folo-ro’amby i lalam-bey folo ro’amby rey, sindre hange raike i lalam-bey rey, vaho volamena ki’e hoe fitaratse mangarahara o lalan-drovao.
\p
\v 22 Tsy nahatrea toetse miavake ao iraho, amy te i \nd Talè\nd* Andrianañahare, Tsitongerèñey, naho i Vik’ añondriy ro kiboho’e. 
\v 23 Le tsy paia’ i rovay hipisañe ama’e i àndroy ndra i volañey, fa hazavae’ ty engen’ Añahare; vaho i Vik’ añondriy ro failo’e. 
\v 24 I hazavà’ey ro hañaveloa’ o rinombake amo fifeheañeo\f + \fr 21:24 \fr*\ft Ies 60:3\ft*\f*, vaho hinday o volonahe’eo mb’ama’e o mpanjaka’ ty tane toio. 
\v 25 Tsy harindriñe ka o lalam-beio te antoandro, amy te tsy ho aman-kaleñe ty ao, 
\v 26 vaho hindeseñe mb’ama’e mb’eo ty engeñe naho ty asi’ o fifeheañeo, 
\v 27 le tsy mb’ia hizilik’ ao ndra inoñ’ inoñe maleotse ndra o mpanao hativàñeo ndra o mpandañitseo\f + \fr 21:27 \fr*\ft Ben 22:15, Te 2 2:11\ft*\f*, fa o misokitse am-boken-kavelo’ i Vik’ añondrio\f + \fr 21:27 \fr*\ft Dan 12:1\ft*\f* avao.
\c 22
\s1 I Sakan-Kaveloñey
\p
\v 1 Le natoro’e ahy i saka aman-dranon-kaveloñey, mikantsokantsoñe hoe kristaly mikararake boak’ am-piambesan’ Añahare naho amy Vik’ añondriy, 
\v 2 añivo’ i damokey naho añ’olotse roe’ i sakay ty hataen-kaveloñe mamoa karazam-boa folo ro’amby, naho mamoa am-bolañ’ am-bolañe, vaho aoly mahajangañe o kilakila’ ondatio o rave’ i hataeio. 
\v 3 Le tsy ho amam-pàtse ka, naho ama’e ao i fiambesan’ Añahare naho a i Vik’ añondriy, vaho hitoroñe aze o mpitoro’eo, 
\v 4 ho isa’ iereo ty lahara’e vaho ho am-panda’ iareo i tahina’ey 
\v 5 Toe tsy ho aman-kaleñe ty ao, naho tsy ho paiaeñe ty jiro ndra ty hazavà’ i àndroy, amy te hireandreaña’ i \nd Talè\nd* Andrianañahare, vaho hifehe nainai’e donia iereo.
\p
\v 6 Le hoe re tamako: Migahiñe naho to o tsara zao. Fa nañitrik’ i anjeli’ey t’i \nd Talè\nd* Andrianañahare’ o arofom-pitokio, hanoro o mpitoro’eo o raha an-titotse ho tendrekeo. 
\v 7 Inao! ho avy aniany iraho! Haha ty mañambeñe o entam-pitokia’ ty boke toio.
\s1 Figado’e naho Tata
\p
\v 8 Izaho Jaona, ty nitsanoñe naho nahatrea irezay; aa ie nahatsanoñe naho nahatrea, le nibaboke hitalaho am-pandia’ i anjely nanoro ahy irezaiy. 
\v 9 Fa hoe re tamako: Ko manao zao! mpitrao-pitoroñe ama’o naho amo rolongo mpitokio vaho amo mañambeñe o tsara’ ty boke toio iraho. Mitalahoa aman’ Añahare!
\p
\v 10 Le hoe re tamako: Ko litèa’o ty tsaram-pitokiañe ami’ty boke toy\f + \fr 22:10 \fr*\ft Dan 12:4\ft*\f*, fa an-titotse ty àndro. 
\v 11 Adono hitolon-kakeo ty mpanao hakeo naho hitoloñe an-kaleora’e ty maleotse, naho mbe hanao ty hahiti’e o mahitio; vaho hitàn-ty fiavaha’e o noro’eo.
\p
\v 12 Inao! ho avy aniany iraho! vaho amako o tambekoo, hañavahako ondatio, songa ty amo sata’eo\f + \fr 22:12 \fr*\ft Mat 16:27, Jao 5:29\ft*\f*. 
\v 13 Izaho i A naho Zedey, ty valoha’e naho ty fara’e, i fifotorañey naho i figadoñañey. 
\v 14 Haha o mañambeñe o lili’eo\f + \fr 22:14 \fr*\ft Mat 19:17\ft*\f*, fa hanan-dily amy hataen-kaveloñey, naho hahazilike amo lalam-bein-drovao.\f + \fr 22:14 \fr*\ft Ie taolo te natambatse o boke ami’ty Heneke toy, le ie ty andine’e toy ty amy Tertoliane (CE 208) naho i Sipriane (CE 251)\ft*\f* 
\v 15 Alafe ao o amboao naho o mpamorekeo naho o karapiloo naho o mpamonoo naho o mpilolok’ an-tsamposampoo vaho ze mikoko vande naho o bodiakeo\f + \fr 22:15 \fr*\ft Ben 21:27, Te II 2:11\ft*\f*.
\p
\v 16 Izaho, \nd Iesoà\nd*, ty nañitrike i anjelikoy hitaroñe irezay ama’areo, ho amo Fivorio. Izaho i vahatse naho tarira’ i Davidey\f + \fr 22:16 \fr*\ft Ies 11:1, 10, Ben 5:5\ft*\f*, i Mpitarik’ andro mireandreañey.
\p
\v 17 Manao ty hoe i Arofoy naho i Enga Vaoy: Mb’etoa! Le ano ty hoe ry mijanjiñeo: Mb’etoa! le ampombao mb’etoa ty taliñiereñe; vaho adono hanovy amy ranon-kaveloñe tsy amam-bili’ey ze manàtry.
\p
\v 18 Inao ty hatahata'ay amy ze mijanjiñe o tsaram-pitokiañe ami’ty boke toio, ie anovoñañe, le hatovon’ Añahare ama’e o feh’ ohatse misokitse ami’ty boke toio, 
\v 19 naho anintoñañe ty tsara’ ty bokem-pitokiañe toy, le ho sintonen’ Añahare ama’e ty anjara’e amy hataen-kaveloñey naho amy rova miavakey, ty amo sinokitse ami’ty boke toio.
\p
\v 20 Hoe ty mitaroñe iretoañe: Eka! homb’eo masìka iraho. Amena.
\p Mb’etoa ry \nd Iesoà\nd* \nd Talè\nd*. 
\v 21 Ty hasoa’ \nd Iesoà\nd* \nd Talè\nd* ho ama’areo iaby. Amena.