\id PRO 
\ide UTF-8
\h Razan-tSaontsy
\toc1 Razan-tSaontsy
\toc2 Razan-tSaontsy
\toc3 Rts
\mt1 Razan-tSaontsy
\c 1
\s1 Fiaolo
\q1
\v 1 O razan-tsaontsi’ i Selomò ana’ i Davide, mpanjaka’ Israeleo :
\q1
\v 2 Haharendrehañe ty hihitse
\q1 naho ty anatse;
\q1 hahafohinañe o saontsy minday hilàlao,
\q1
\v 3 hañanarañe filieram-batañe,
\q1 havañonañe, zaka-to, naho tsy firihiañe,
\q1
\v 4 haringatañe amy trentrañey,
\q1 hampahihitse naho hampahilala
\q1 o tora’eo;
\q1
\v 5 hijanjiña’e ty mahihitse hanompea’e hilala,
\q1 le ho verèñe an-kihitse ty maharendreke,
\q1
\v 6 hahavaky o hatòm-bolañeo,
\q1 naho o fandrazañañeo,
\q1 ty enta’ o mahihitseo vaho
\q1 o razan-tsaontsi’eo.
\q1
\v 7 Ty fañeveñañ’am’ \nd Iehovà\nd* ro fifotoran-kilala\f + \fr 1:7 \fr*\ft Rzs 9:10, Sab 111:10\ft*\f*,
\q1 fe malain-kihitse naho anatse ty gege.
\s1 Hatahata ty amo Rañetse Tsivokatseo
\q1
\v 8 O anake, tsendreño, ty fameren-drae’o,
\q1 naho ko ado’o ty fañòhan-drene’o;
\q1
\v 9 Ie firavahañe soa an-doha’o eo
\q1 vaho hareañe am-bozo’o eo.
\q1
\v 10 O anake, ihe edrè’ o tsivokatseo, ko miantoke.
\q1
\v 11 Ie manao ty hoe :
\q1 Antao hindre ama’ay;
\q1 antao hivoñon-dio,
\q1 hiambotrak’ am’ondaty mahitio tsy aman-tali’ey;
\q1
\v 12 hagodran-tika veloñe iareo
\q1 manahake i kiboriy, ty vata’e iaby,
\q1 hambañe amo mivariñe an-kòak’ aoo;
\q1
\v 13 Hahaisake ze atao vara soa,
\q1 hañatsafan-draha kinopake
\q1 amo akiban-tikañeo;
\q1
\v 14 Mipiteha ama’ay arè, sindre hitraok’ an-koroñe raike.—
\q1
\v 15 O anake, tsy iharoan-dia iereo,
\q1 kalaño ty tombo’o
\q1 tsy ho ami’ty lala’ iareo;
\q1
\v 16 fa milay mb’an-katsivokaram-b’eo
\q1 o tombo’ iareo
\q1 malisa hampiori-dioo.
\q1
\v 17 Toe tsy vente’e ty amohàm-pandrike\f + \fr 1:17 \fr*\ft Heb: andamahan-karato\ft*\f*
\q1 ambane’ ty masom-boroñe eo !
\q1
\v 18 fe o liom-bata’eo ty iampira’ iareo,
\q1 ty fiai’iareo avao ty amandroña’iareo.
\q1
\v 19 Izay ty sata’ o mpitavam-bara
\q1 am-patiti’eo,
\q1 asinta’e ty fiai’ i mitañ’ aze’ey.
\s1 Mikaike t’i Hihitse
\q1
\v 20 Mikok’ an-dalambey eo t’i Hihitse;
\q1 poñafe’e an-tameañe ey i fiarañanaña’ey.
\q1
\v 21 Mikaik’ ami’ty fangovovoha’ondatio,
\q1 mametse saontsy
\q1 an-dalam-pizilihañ’an-drova eo:
\q1
\v 22 Pak’ombia ry seretseo ty mbe
\q1 ho tea’o ty firoerano’o?
\q1 naho mbe hifale ami’ty famokafoka’e o mpanivetiveo,
\q1 vaho mbe halain-kilala o gegeo?
\q1
\v 23 Mibaliha ty amy fañendahakoy,
\q1 Hadoako ama’ areo ty añ’ovako ao; hampahafohineko anahareo o entakoo.
\q1
\v 24 Amy te nikoike iraho, f’ie nifoneñe;
\q1 nahitiko ty tañako,
\q1 fe leo raike tsy nañaoñe,
\q1
\v 25 fonga nifarie’ areo o fañerekoo,
\q1 vaho niambohoa’ areo o endakoo,
\q1
\v 26 Aa le izaho ka ty hiankahake
\q1 ami’ty hankà’areo,
\q1 vaho ho kizaheko t’ie mianifañe,
\q1
\v 27 ie vovoa’ ty havoro­mbeloñe
\q1 hoe te tiobey,
\q1 naho iambovoa’ ty hankàñe
\q1 manahake te talio,
\q1 ie iambotraha’ ty haloviloviañe
\q1 naho ty halonjerañe,
\q1
\v 28 Hikaik’ ahy amy zao iereo
\q1 fe hamoeako
\q1 hitsoek’ ahy fa tsy hahaoniñe.
\q1
\v 29 Amy t’ie nalain-kilala, tsy nijoboñe
\q1 ty fañeveñañe am’ \nd Iehovà\nd*,
\q1
\v 30 nitambolitritrie’ iereo ty fañerèko,
\q1 vaho tsinambolitio’ iereo o fitrevokoo,
\q1
\v 31 Aa le hagedra’ iareo
\q1 ty voka’ o sata’ iareoo,
\q1 naho ho etsa-kilily,
\q1
\v 32 Ie mañoho-doza amo tren­trañeo
\q1 t’ie miamboho, naho
\q1 mandrotsake o dagolao t’ie midada.
\q1
\v 33 Fe ho soa fimoneñe
\q1 ty mitsendreñe ahiko
\q1 vaho hiaiñ’añ’oleñañe,
\q1 tsy ho hemban-kankàñe.
\c 2
\s1 Ty Hasoa o Hihitseo
\q1
\v 1 O anake, naho iantofa’o
\q1 o fivolakoo vaho akafi’o añ’ova’o ao o lilikoo,
\q1
\v 2 naho añilaña’o sofiñe ty hihitse,
\q1 naho anokilaña’o troke ty hilala,
\q1
\v 3 naho kaihe’o ty fitsikarahañe,
\q1 naho pazahe’o ty faharendrehañe
\q1
\v 4 naho itsoeha’o hoe volafoty
\q1 ikodebea’o hoe vara mikafitse :
\q1
\v 5 Le ho rendre’o
\q1 ty fañeveñañ’ am’ \nd Iehovà\nd*
\q1 vaho hitendreke ty fahafohinañe an’Andrianañahare.
\q1
\v 6 Fa manolo-kihitse t’\nd Iehovà\nd*
\q1 boak’am-palie’e ao ty hilala
\q1 naho ty faharendrehañe.
\q1
\v 7 Añaja’e hihitse maharongatse
\q1 amo vantañeo,
\q1 fikalan-dRe amo mpañavelo
\q1 an-kahitiañeo,
\q1
\v 8 arova’e o lalan-katòo,
\q1 naho ambena’e ty lala’ o noro’eo.
\q1
\v 9 Le ho fohi’o ty havantañañe
\q1 naho ty hatò, naho ty hamiràñe,
\q1 vaho ze lalañe soa;
\q1
\v 10 Hizilik’ añ’ova’o ao ty hihitse,
\q1 naho hahafale ty tro’o ty hilala;
\q1
\v 11 Hañambeñ’ azo ty filieram-batañe,
\q1 hijilova’ ty faharendrehañe;
\q1
\v 12 hasita’e ami’ty lalan-karatiañe,
\q1 amy t’indaty mivolam-bìlañe,
\q1
\v 13 amo miveve boak’ amo lalan-kahitiañeoo, hijarabajaraba
\q1 amo lalan-kaieñeo,
\q1
\v 14 amo mirebek’ ami’ty hatsivokarañeo,
\q1 naho mifale ami’ty hamengohan-
\q1 karatiañeo,
\q1
\v 15 ie mikelokeloke an-dia,
\q1 vaho miridrike an-dalañe;
\q1
\v 16 Hamotsots’azo ami’ty tsimirirañe,
\q1 ami’ty karapilo mitsiriry an-drehake,
\q1
\v 17 i namorintseñe ty valin-katorà’ey,
\q1 vaho mandikoke i fañinan’ Añahare’ey.
\q1
\v 18 Migodroñe mb’am-pihomahañe ao ty akiba’e,
\q1 minday mb’an-kavilasy ao o lala’eo;
\q1
\v 19 Le lia’e tsy mimpoly
\q1 ze miheo mb’ama’e ao,
\q1 tsy ho taka’e ka o lalan-kaveloñeo.
\q1
\v 20 Aa le handenà’o ty lala’ o soao,
\q1 naho hifahara’o o lala’ o vantañeoo.
\q1
\v 21 Fa hitoboke amy taney o vañoñeo,
\q1 vaho himoneñe ao o malio-tahiñeo;
\q1
\v 22 Fe haitoañe amy taney o lo-tserekeo,
\q1 vaho ho voroteñe o mpamañahio.
\c 3
\s1 Miatoa am’ \nd Iehovà\nd*
\q1
\v 1 O anake, ko haliño o entakoo
\q1 le ampañambeno ty tro’o o lilikoo,
\q1
\v 2 Le halavan’andro naho taon-kavelo
\q1 vaho fierañerañañe ty hatovoñ’ ama’o.
\q1
\v 3 Ko ado’o hieng’azo ty fatarihañe
\q1 naho ty hatò;
\q1 rohizo am-bozo’o eo,
\q1 sokiro an-takelan-tro’o ao,
\q1
\v 4 hahaoniña’o hamaràm-bintañe
\q1 vaho tahinañe soa
\q1 ampivazohoan’ Añahare naho ondatio.
\q1
\v 5 Miatoa am’ \nd Iehovà\nd*
\q1 an-kaampon-tro’o
\q1 vaho ko iatoa’o ty hilala’o;
\q1
\v 6 Iantofo amy ze hene lia’o,
\q1 le ho vantañe’e o lala’oo.
\q1
\v 7 Ko manao mahihitse a maso’o;
\q1 mirevendreveña am’ \nd Iehovà\nd*
\q1 vaho ihankaño ty hatsivokarañe,
\q1
\v 8 ie ho fijangañan-tsandri’o,
\q1 vaho fameloman-taola’o.
\q1
\v 9 Iasio t’\nd Iehovà\nd* amo vara’oo,
\q1 naho ami’ty lohavoa’ o nampitomboe’oo;
\q1
\v 10 Le handopolopo, hamopòke
\q1 ty an-driha’o ao
\q1 vaho handopatse divay vao o sajoa’oo.
\q1
\v 11 O anake, ko sirikae’o
\q1 ty fandilova’ \nd Iehovà\nd*
\q1 ko heje’o o fañendaha’eo,
\q1
\v 12 fa lilove’ \nd Iehovà\nd* ty kokoa’e,
\q1 hambañe ami’ty rae
\q1 i anadahy ampokofe’ey\f + \fr 3:12 \fr*\ft Iob 3:11-12, Heb 12:5-6\ft*\f*.
\s1 Toe Vara
\q1
\v 13 Haha t’ indaty mahaonin-kihitse,
\q1 naho t’indaty itomboan-kilala,
\q1
\v 14 fa lombolombo ty fitomboam-bolafoty
\q1 ty fibodobodoa’e,
\q1 vaho ambonem-bolamena ty havokara’e.
\q1
\v 15 Sarotse te amo safirao\f + \fr 3:15 \fr*\ft ze vatosoa\ft*\f*
\q1 vaho tsy amo salalae’oo
\q1 ty mañirinkiriñ’aze.
\q1
\v 16 Lava-havelo ty am-pitàn-kavana’e
\q1 vara naho asiñe ro am-pitàn-kavia’e.
\q1
\v 17 Lalam-panintsiñañe o lala’eo,
\q1 vaho fierañerañañe
\q1 o lalam-pandia’eo.
\q1
\v 18 Hataen-kavelon-dre
\q1 amo mivontititse ama’eo;
\q1 naho hene haha ze mamejañe aze.
\s1 Ty Hihin-Añahare amo Voatseo
\q1
\v 19 Hihitse ty nañoriza’ \nd Iehovà\nd*
\q1 ty tane toy;
\q1 Hilala ty nampijadoña’e
\q1 o likerañeo;
\q1
\v 20 O hilala’eo ro ampiborahañe o lalekeo, vaho ampi­tsopaha’ o rahoñeo mika.
\s1 Fiarovañe To
\q1
\v 21 O anake, asoao tsy hisitake
\q1 am-pahatreava’o ao o raha zao :
\q1 vontitiro ty hihitse to
\q1 naho ty filieram-batañe,
\q1
\v 22 hamelombeloñe ty tro’o,
\q1 naho handravake ty vozo’o.
\q1
\v 23 Le handena’o an-kanintsiñe
\q1 ty lia’o, vaho tsy hikotrofotse ty tombo’o.
\q1
\v 24 Tsy ho hembañe te mandre;
\q1 eka ie mihitsy, ho mamy ty firoro’o.
\q1
\v 25 Ko mianifañe te ivotraha’ ty mampangebahebake,
\q1 ndra ty fampiantoañe o lo-tserekeo
\q1 te mifetsake.
\q1
\v 26 fa \nd Iehovà\nd* ro hatokisa’o
\q1 naho hitañe ty tombo’o
\q1 tsy ho fandriheñe.
\q1
\v 27 Ko tana’o ami’ty mañeva ty soa,
\q1 naho an-taña’o ty mahaeneñe aze.
\q1
\v 28 Ko manao ty hoe am’ondatio: Akia hey, le mibaliha, vaho hamaray
\q1 ty hanolorako azo— ie ama’o ao avao.
\q1
\v 29 Ko mikitro-draty am’ ondatio,
\q1 ie mimoneñe am-patokisañe
\q1 marine’ azo.
\q1
\v 30 Ko liera’o tsi-aman-tali’e ty ondaty
\q1 tsy nanjoam-boiñe.
\q1
\v 31 Ko tsikirihe’o t’indaty piaroteñe
\q1 vaho ko joboñe’o o sata’eo;
\q1
\v 32 tiva am’ \nd Iehovà\nd* ty mengoke;
\q1 fe itraofa’e safiry ty vantañe.
\q1
\v 33 Nafà’ \nd Iehovà\nd* ty akiba’ o lo-tserekeo,
\q1 fe tahie’e ty kivoho’ o vantañeo.
\q1
\v 34 Toe ati’e o mpanitseo,
\q1 fe isohe’e ty mpireke.
\q1
\v 35 Handova hasiñe o mahihitseo, fa onjone’ o seretseo ka ty mahasalatse.
\c 4
\s1 Fañòhan-dRoae
\q1
\v 1 Tsanoño ry anake, ty fanoroan-drae, itsendreño hahazoa’ areo hilala;
\q1
\v 2 fa nanolorako fiohan-tsoa:
\q1 aa le ko apo’ areo ty Fañòhako
\q1
\v 3 Izaho anadahin-draeko, nitrotrotrotro, bako tokañe ampahaisahan-dreneko,
\q1
\v 4 le nanareñe ahy ty hoe:
\q1 ampifaharo an-tro’o ao o entakoo;
\q1 tambozoro o lilikoo hiveloma’o
\q1
\v 5 Manaña hihitse; mitohà hilala:
\q1 ko mañaliño,
\q1 vaho ko miamboho
\q1 amo volam-bavakoo;
\q1
\v 6 Ko apo’o, le harova’e;
\q1 ikokò, le hambena’e.
\q1
\v 7 Hihitse ty lohà’e,
\q1 aa le manàña hihitse,
\q1 eka, mangalà hilala
\q1 amy ze hene famoria’o.
\q1
\v 8 Onjono re le honjone’e irehe;
\q1 hiasia’e te fihine’o.
\q1
\v 9 Hampihamine’e voñe vinanditse
\q1 an-doha’o,
\q1 ho tolora’e sabaka fanjàka.
\s1 Ko Enga’o ty Lalan-kato
\q1
\v 10 Mitsanoña ahy, anake,
\q1 vaho iantofo o entakoo,
\q1 hañamaroañe ty taon-kavelo’o.
\q1
\v 11 Fa nitalifirako mb’an-dalan-kihitse; naho nitehafeko
\q1 mb’amo lalan-kavantañañeo.
\q1
\v 12 Ie mitsontike,
\q1 tsy ho sebañeñe o lia’oo;
\q1 ihe milay, tsy hitsikapy.
\q1
\v 13 Vontitiro ty anatse le ko apo’o, ambeno amy t’ie ro havelo’o.
\q1
\v 14 Ko mitsile mb’añ’oloñolo’ o lo-tserekeo vaho ko andenà’o ty lala’ o tsivokatseo.
\q1
\v 15 Ihankaño, ko miary eo,
\q1 iholiaro vaho mihelaña.
\q1
\v 16 Ie tsy miroro hey
\q1 naho tsy mandilatse;
\q1 tinavañ’ am’iereo ty firotse
\q1 ampara’ te mitsikapy.
\q1
\v 17 Fihina’ iereo ty lintsen-karatiañe
\q1 vaho genohe’ iereo ty divain-kasiahañe.
\q1
\v 18 Manahake ty hazavà’
\q1 i manjirik’ àndroy
\q1 ty lala’ o vantañeo,
\q1 ie mihamazava erike ampara’
\q1 te mipisañe.
\q1
\v 19 Hoe fimoromoroñañe
\q1 ty lala’ o lo-tserekeo,
\q1 ie tsy maharendreke te mahatsikapy.
\q1
\v 20 O anake, tsendreño o fivolakoo;
\q1 anokilaño sofy o lañonakoo.
\q1
\v 21 Ko enga’o hihake amo maso’oo; f’ie ahajao an-tro’o ao.
\q1
\v 22 Amy t’ie haveloñe amo maharendrekeo,
\q1 toe fijanganañe ho an-tsandri’iareo iaby.
\q1
\v 23 Ambeno am-pilozohañe ty tro’o,
\q1 fa boak’ama’e
\q1 o fanganahanan-dranon-kaveloñeo.
\q1
\v 24 Asioro ama’o ty vava mengoke,
\q1 vaho ihankaño o soñy mikelokeo.
\q1
\v 25 Ampañenteo mahity o maso’oo,
\q1 vaho ampivantaño mañaolo
\q1 o holi-maso’oo.
\q1
\v 26 Jilovo ty fombàn-tombo’o, le hijadoñe soa o lia’oo.
\q1
\v 27 Ko mivio mb’an-kavana
\q1 ndra mb’ankavia;
\q1 fa ampandifiho ty raty o tombo’oo.
\c 5
\s1 Hatahata amo Haleorañeo
\q1
\v 1 O anake, tsendreño ty hihiko;
\q1 atokilaño mb’am-pahilalako ty sofi’o,
\q1
\v 2 hifejaña’o ty filie-batañe, naho hañaja hilala o soñi’oo.
\q1
\v 3 Mitsopa-tantele ty soñin-tsimirirañe,
\q1 vaho malama te amo solikeo ty vava’e;
\q1
\v 4 f’ie mafaitse te amo vahon-tsoiñeo am-para’e,
\q1 masioñe hoe fibara sambe-lela’e.
\q1
\v 5 Mizotso mb’am-pikoromaham-beo
\q1 o tombo’eo,
\q1 mitalifitse mb’an-tsikeokeok’ ao ty lia’e.
\q1
\v 6 Tsy haraharae’e i lalan-kaveloñey; mihelahela o lala’eo, fe amoea’e.
\q1
\v 7 Aa le mitsanoña ahy henaneo ry anake, vaho ko mivike amo entam-bavakoo.
\q1
\v 8 Ahankaño lavits’ aze ty lala’o,
\q1 vaho ko itotofa’o ty sariran-akiba’e;
\q1
\v 9 tsy mone hatolo’o ami’ty ila’e ty enge’o,
\q1 naho o tao’oo amy mifajifajiy,
\q1
\v 10 mbore hampibo­boke ty ambahiny
\q1 ty haozara’o,
\q1 vaho mb’añ’akiba’ ty alik’ama’o
\q1 o nimokora’oo;
\q1
\v 11 Hiñeoñeon-drehe
\q1 añ’andron-kònka’o,
\q1 ie mihomake ty nofo’o naho ty sandri’o,
\q1
\v 12 ami’ty hoe:
\q1 Akore te nalaim-pandilovan-draho,
\q1 naho niheje’ ty troko o endakeo!
\q1
\v 13 Tsy nitsendreñeko ty fiarañanaña’
\q1 o mpañanakoo,
\q1 tsy nanokilañako sofiñe
\q1 o mpañoke ahikoo.
\q1
\v 14 Fa an-titotse ho nianto iraho,
\q1 añivo’ ty fivory naho i valobohòkey.
\q1
\v 15 Minoma rano an-kadaha’o avao
\q1 rano midoañe boak’an-tatefatse’o ao.
\q1
\v 16 Hienene mb’an-dalambey mb’eo hao
\q1 ty rano’o migoangoañeo?
\q1 rano hitsiritsiok’ an-damoke eo?
\q1
\v 17 Ehe t’ie azo,
\q1 fa ko andiva’o ami’ty ambahiny.
\q1
\v 18 Ho soa-tata ty fipotitiaha’o,
\q1 vaho irebeho ty valin-katora’o.
\q1
\v 19 Hirañe mikoko re,
\q1 renen-kira maintelèñe—
\q1 hampaheneñe azo nainai’e o fatroa’eo,
\q1 i fikokoa’ey avao ty hilosora’o.
\q1
\v 20 Akore, anake, t’ie tsepahe’ ty karapilo?
\q1 naho fihine’ ty arañan’ ambahiny?
\q1
\v 21 Sindre añatrefam-pihaino’ \nd Iehovà\nd*
\q1 o lala’ ondatio,
\q1 Songa tsikarahe’e o lalan-tsile’eo.
\q1
\v 22 Ho fandrihe’ ty hatsivokara’e
\q1 ty lo-tsereke,
\q1 vaho hamihiñe aze am-bahotse
\q1 o hakeo’eo.
\q1
\v 23 Hikenkan-dre fa po-hilala,
\q1 ty halosoran-kagegea’e ty hampivike aze.
\c 6
\s1 Hatahata amo Hagegeañeo
\q1
\v 1 O anake, ie nampipok’ antoke am’ondatio,
\q1 lehe nañoho-pitàñe hitsoake
\q1 ty ambahiny,
\q1
\v 2 ie finandri’ ty entan-tsoñi’o, vinandibandi’ ty fireham-bava’o,
\q1
\v 3 Ano zao, ty anake toke: Mivotsora, ie fa nihotrak’ am-pità’ ondatio: akia, mireha ama’e,
\q1 imaneo halaly indatiy!
\q1
\v 4 Ampifoneño roro o maso’oo, tsy hidrodreke o vohomaso’oo.
\q1
\v 5 Mibolitira hoe hirañe an-tañañe,
\q1 naho hoe kibo am-pitàm-pikehe.
\q1
\v 6 Akia mb’ami’ty vitike, ry tembo,
\q1 haraharao o sata’eo vaho mahihira!
\q1
\v 7 Ie tsy amam-pifehe, tsy amam-pisary,
\q1 tsy amam-pandily,
\q1
\v 8 fe kotepè’e ami’ty asara ty hane’e,
\q1 vaho atonto’e am-pitatahañe
\q1 o lintse’eo.
\q1
\v 9 Pak’ ombia irehe te mbe hitozoke,
\q1 ty mpitsorotake tia?
\q1 Ombia t’ie hitroatse amy firoroa’o?
\q1
\v 10 Mikonkòñe kedeke, miroro tsi-ampe, mifehefare hitofa’o heike:
\q1
\v 11 le hiambotraha’ ty hararahañe
\q1 hoe malaso,
\q1 vaho ty hapoiañe hoe lahifihaty.
\q1
\v 12 Ty lahi-tembo naho i lahiaga:
\q1 i mpañariok’ am-bava vìlañey,
\q1
\v 13 ami’ty maso mipie,
\q1 an-tomboke mitsao tane,
\q1 an-drambo-taña manondrotondro,
\q1
\v 14 ie am-pikitrohan-draty an-tro’e nainai’e, ro mbore mikilily,
\q1 mitolom-pamitse fifalaiñañe;
\q1
\v 15 Aa le, hiambotraha’ ty hankàñe
\q1 ami’ty manao zao le ho demoke
\q1 tsy lefe jangañeñe.
\q1
\v 16 Eneñe ty raha heje’ \nd Iehovà\nd*, Eka, fito ro tiva ama’e:
\q1
\v 17 ty fihaino mievoñevoñe,
\q1 ty fameleke mandañitse,
\q1 ty fitàñe mampiori-dio-maly,
\q1
\v 18 ty troke mikitro-karatiañe, ty fandia mifajifajy mb’an-katsivokarañe,
\q1
\v 19 ty mpitalily vilañe, mikofòke lañitse, naho ty mampiboele fifankalaiñañe an-drolongo’e.
\q1
\v 20 O anake, ambeno ty lilin-drae’o,
\q1 vaho ko apo’o ty fañòhan-drene’o.
\q1
\v 21 Ifeheo an-tro’o ao nainai’e; rohizo am-bozo’o eo.
\q1
\v 22 Hiaoloa’e te mijelanjelañe, ie màndre, hambena’e;
\q1 tsekake le ivesovesoa’e.
\q1
\v 23 Toe failo o lilio,
\q1 naho hazavàñe t’i Hake\f + \fr 6:23 \fr*\ft Sab 119:105\ft*\f*, vaho lalan-kaveloñe o endake fanoroañeo.
\q1
\v 24 Hikalañe azo tsy homb’ amy tsimirirañey, ami’ty lela-malama’ i karapiloy.
\q1
\v 25 Ko irie’o an-troke
\q1 ty hamontramontra’e,
\q1 asoao tsy ho tsepahe’ ty vohomaso’e.
\q1
\v 26 Vonga-mofo ty tamben-tsimirirañe,
\q1 fa naho vali’ ondaty,
\q1 le i fiaiñe sarotsey ty itsindroha’e.
\q1
\v 27 Naho otroñe’ ondaty añ’araña’e ao ty afo,
\q1 tsy hirehetse hao ty saro’e ?
\q1
\v 28 Mete lia’ondaty hao ty vae mirekake,
\q1 tsy hahamae’ o fandia’eo?
\q1
\v 29 Izay ty fifandian-tihy
\q1 ami’ty vali’ ondaty:
\q1 tsy mete tsy liloveñe ty mitsapa aze.
\q1
\v 30 Tsy injè’ ondatio ty mpampikametse
\q1 te mikizo hampahaeneñe ty fiai’e saliko,
\q1
\v 31 fa ndra ie, naho tsepake,
\q1 ro hañavake im-pito,
\q1 fonga hondroha’e ze vara añ’akiba’e ao.
\q1
\v 32 Akore ty hagegea’ ty mañarapilo
\q1 an-drakemba:
\q1 fa sata’ ty handrotsa-batañe.
\q1
\v 33 Vono-troboke naho hasalarañe ty ho zoe’e, vaho tsy ho faopaoheñe ka i inje’ey.
\q1
\v 34 Mampiforoforo ondaty ty famarahiañe, tsy hapo’e amy andro hamalea’e fatey.
\q1
\v 35 Tsy handrambesa’e ondroke,
\q1 tsy mahatèke aze
\q1 t’ie ampitoboroñan-dravoravo.
\c 7
\s1 Fisarihan-tsie Kanao Vali’Ondaty
\q1
\v 1 O anake, ambeno o entakoo,
\q1 vaho akafiro ama’o ao o fepèkoo;
\q1
\v 2 Fejaño o lilikoo vaho miveloma,
\q1 naho i Fañòhakoy
\q1 manahake ty sainte maso’o;
\q1
\v 3 Arohizo an-drambon-taña’o, sokiro an-takelan-tro’o.
\q1
\v 4 Anò ty hoe ty hihitse;
\q1 Rahavaveko irehe; vaho tokavo ty hoe:
\q1 Rañetse, ty hilala,
\q1
\v 5 hikalaña’ iareo azo
\q1 tsy ho ami’ty tsimirirañe,
\q1 tsy ho amy ambahiny malama firehakey.
\q1
\v 6 Izaho an-dalan-keden-akibako ao nitilihitse an-tsingarakarake,
\q1
\v 7 naho nisamba añivo’ o trentrañeo,
\q1 nijiloveko an-­teñateña’ o gaon-dahio,
\q1 ty ajalahy tsy aman-dron-doha,
\q1
\v 8 nitsake ty lalañe mioza an-kotso’e mb’eo,
\q1 vaho nikopile mb’an-dalan-tsileke mb’añ’akiba’e mb’eo,
\q1
\v 9 am-palipalitsieñe, ie ni-hariva ty andro,
\q1 amy haien-kaleñe nimoromoroñey.
\q1
\v 10 Le heheke ty rakemba mifanalaka ama’e, mihamiñe hoe tsimirirañe,
\q1 hakalitahañe ty an-tro’e ao.
\q1
\v 11 Ie mitazataza naho miola,
\q1 tsy mimoneñe añ’akiba’e ao o tombo’eo;
\q1
\v 12 mbore an-dalañey, mbore an-kiririsa,
\q1 mijeke amy ze atao fitsileañe.
\q1
\v 13 Fejañe’e i lahiy naho orofa’e
\q1 vaho anoe’e ty hoe an-tarehe miriñake:
\q1
\v 14 Amako ty soron-kanintsiñe vaho navahako anindroany o nifantàkoo;
\q1
\v 15 aa le niakatse iraho hifañaoñan-tika,
\q1 hitsoehako ty tarehe’o;
\q1 heheke te tendreke.
\q1
\v 16 Fa nilafihako i tihikoy, an-deny maviabiake boak’ e Mitsraime.
\q1
\v 17 Fa namitsezako rame\f + \fr 7:17 \fr*\ft Heb: more, boak’ ami’ty hoe mire\ft*\f* ty fandreako,
\q1 voñem-bahoñe naho romba\f + \fr 7:17 \fr*\ft Heb: kinamone\ft*\f*.
\q1
\v 18 Antao ito higenoke ty hatea
\q1 ampara’ te porea’ ty maraindray;
\q1 antato hifalefale an-katea.
\q1
\v 19 Tsy añ’anjomba ao ty valiko,
\q1 fa nifokofoko añe,
\q1
\v 20 Ninday drala an-koroñe, vaho tsy himpoly naho tsy zava-volañe.
\q1
\v 21 An-tsiriry maro ty anigiha’e;
\q1 an-tsoñi’e mamolavola
\q1 ty anjira’e aze.
\q1
\v 22 Orihe’ i ajalahiy amy zao,
\q1 misìtse mb’eo hoe añombe ho lentañe,
\q1 hoe ty gege an-dongòke ho liloveñe,
\q1
\v 23 ampara’ te trofahañ’ ana-pale ty ate’e;
\q1 hoe kibo mibororoñe
\q1 mb’am-palàñe mb’eo,
\q1 amoea’e t’ie famoeam-piay.
\q1
\v 24 Ie amy zao ry anakoo, tsanoño iraho, vaho tsendreño ty entam-bavako.
\q1
\v 25 Ko ado’o hivio mb’an-dala’e mb’eo ty tro’o;
\q1 ko mandifike mb’añ’oloñolo’e mb’eo;
\q1
\v 26 amy te maro ty tsinipo’e nifotsake,
\q1 vaho tsifotofoto o navetra’eo.
\q1
\v 27 Minday mb’an-Tsikeokeoke mb’eo
\q1 ty akiba’e,
\q1 mizotso mb’añ’ akiban-kavilasy ao.
\c 8
\s1 Ty Falalà’ i Hihitse
\q1
\v 1 Tsy mikoike hao ty hihitse,
\q1 tsy mañonjom-piarañanañañe hao
\q1 ty hilala?
\q1
\v 2 An-kaboañe ey, añ’olon-dalañe eo, am-pitsileañe eo ty ijohaña’e;
\q1
\v 3 añ’ilan-dalam-bein-tsariran-drova eo
\q1 ami’ty fiziliha’ o lalam-beio
\q1 ty ikoha’e ty hoe:
\q1
\v 4 Ry ondatio, ikanjiako,
\q1 ty feoko mb’amo ana’ ondatio.
\q1
\v 5 Ry trentrañeo, mioha hakarafitoañe;
\q1 naho, ry seretseo, mandrendreha an-troke.
\q1
\v 6 Mitsanoña hitaroñako raha
\q1 aman-kasiñe;
\q1 vaho hañakatse volam-bantañe
\q1 kanao misokake o soñikoo;
\q1
\v 7 Hivolan-katò ty vavako;
\q1 fa tiva amo soñikoo o haratiañeo.
\q1
\v 8 Songa mahity o entam-bavakoo,
\q1 tsy ama’e ty mikeloke
\q1 ndra mengoke.
\q1
\v 9 Ie vantañe amy mahihitsey vaho mahity ami’ty maha-onin-kilala.
\q1
\v 10 Rambeso o fañòhakoo, fa tsy volafoty; naho ty hilala fa tsy volamena nitsoheñe;
\q1
\v 11 Fa lombolombo’ o hangeo ty hihitse,
\q1 vaho tsy eo ty salalaeñe mañirinkiriñ’aze.
\q1
\v 12 Izaho, hihitse, ro miharo-toboke
\q1 ami’ty filieram-batañe,
\q1 vaho manjo hilala naho fitalifirañe.
\q1
\v 13 Malain-karatiañe ty fañeveñañe am’ \nd Iehovà\nd*.
\q1 hejeko ty firengeañe, ty fibohabohañe,
\q1 ty satan-karatiañe, naho ty vava mitera.
\q1
\v 14 Amako ty fanoroañe,
\q1 naho ty hihitse do’e,
\q1 Izaho o hilalao; ahy o haozarañeo.
\q1
\v 15 Izaho ty ifehea’ o mpanjakao,
\q1 naho anoa’ o mpifeheo lily vantañe.
\q1
\v 16 Izaho ty ifeleha’ o mpifelekeo
\q1 naho o roandriañeo,
\q1 ze hene mpizaka-to.
\q1
\v 17 Kokoako ze mikoko ahiko, naho
\q1 handrèndrek’ ahy ze mitsoek’ ahy.
\q1
\v 18 Rekets’ amako ty vara naho ty asiñe;
\q1 hanàñañe tsy modo naho havañonañe.
\q1
\v 19 Soa te amo volamenao ty havokarako
\q1 eka ndra volamena ki’e,
\q1 vaho ambone’ ty volafoty jinoboñe
\q1 o firegoregoakoo.
\q1
\v 20 Manjotik’ an-dalam-bantan-draho,
\q1 añivo o oloñolon-kavantañañeo,
\q1
\v 21 hampandovàko vara o mpikoko ahio, naho hatseheko o kipondi’ iareoo.
\s1 I Hihitse tam-Pifotorañe añe\f + \fr 8:22 \fr*\ft Jaona 1.1-3; Its 30:4; Ko I 1:24,30\ft*\f*
\q1
\v 22 Tsinene’ \nd Iehovà\nd* raho
\q1 ho fifotoran-dala’e,
\q1 ty valoham-pitoloña’e haehae zay.
\q1
\v 23 Tsietoimoneke izay ty nañorizañ’ ahiko,
\q1 tam-baloha’ey,
\q1 taolo te nioreñe ty tane toy.
\q1
\v 24 Ie mboe tsy teo o lalekeo ty niterahañ’ ahy,
\q1 ie mboe tsy nidoadoañan-drano
\q1 o loharanoo.
\q1
\v 25 Ie mboe tsy nipetake o vohitseo,
\q1 taolo o tambohoo, te naterake;
\q1
\v 26 Ie mboe tsy niforoñe’e ty tane toy
\q1 naho o hivokeo,
\q1 ndra ty deboke valoha’ ty tane toy.
\q1
\v 27 Ie nampijadoñe o likerañeo,
\q1 teo iraho,
\q1 Ie nanokitse ty bontoly
\q1 ami’ty tarehe’ i lalekey eñe,
\q1
\v 28 Ie natobe’e an-toe’e ey o likerañ’ amboneo,
\q1 naho nampitosire’e o loha-rano’ i làlekeio.
\q1
\v 29 Ie nifahera’e i riakey,
\q1 tsy handilara’ o ranoo i nandilia’ey;
\q1 ie tinendre’e o faha-ty tane toio,
\q1
\v 30 Le nirekets’ ama’e iraho fa natokisañe, naho nampifaleako lomoñandro,
\q1 nainai’e nirebek’ aolo’e.
\q1
\v 31 Nihisa an-tanem-pimoneña’e
\q1 vaho nahaehak’ ahy o ana’ ondatio.
\q1
\v 32 Ie amy zao, ry anake, mitsendreña ahy:
\q1 Haha ze mañorike o lalakoo.
\q1
\v 33 Mitsanoña fañòhañe
\q1 naho mahihira, vaho ko mifoneñe.
\q1
\v 34 Haha t’indaty mitsendreñe ahy,
\q1 ty misary nainai’e an-dalam-beiko eo
\q1 mandiñe an-dahin-dalako eo.
\q1
\v 35 Ze tendrek’ ahiko tendre-kaveloñe,
\q1 vaho tolora’ \nd Iehovà\nd* fañisohañe;
\q1
\v 36 Fe ze losotse ahy mijoy vatañe;
\q1 fonga mikoko havilasy ze malaiñe ahy.
\c 9
\s1 Ty Sabadidak’ i Hihitse
\q1
\v 1 Fa nandranjy i akiba’ey
\q1 t’i Hihitse, fa rinamerame’e i faha’e fito rey.
\q1
\v 2 Fa nandenta, fa linaro’e ty divai’e,
\q1 fa hinalanka’e i fandambaña’ey.
\q1
\v 3 Fa nirahe’e o anak’ampata’eo,
\q1 hikaike boak’ an-digiligin-kaboa’
\q1 i rovay ey.
\q1
\v 4 O ry tahitahiñe, mitsilea mb’etoa!
\q1 le hoe re amy seretsey,
\q1
\v 5 Mb’etoa ikamao o hanekoo
\q1 naho inomo i divay linarokoy,
\q1
\v 6 Apoho ty hagegeañe naho miveloma,
\q1 mañaveloa an-dalan-kilala.
\s1 Anatse Ankababa’e
\q1
\v 7 Mizò inje ty mañendake mpanivetive;
\q1 tendreke joy ty mitrevoke ty lo-tsereke.
\q1
\v 8 Ko mañendake ty mpamokafoka
\q1 hera halaiñ’azo;
\q1 Trevohe’o ty mahihitse le hikokoa’e.
\q1
\v 9 Anaro o mahihitseo
\q1 le hiha-mahihitse avao;
\q1 ampandrendreho ty vantañe
\q1 le hitombo an-kilala.
\q1
\v 10 Ty fañeveñañe am’ \nd Iehovà\nd*
\q1 ro fifotoran-kihitse,
\q1 vaho ty fahafohinañe i Masiñey
\q1 ro faharendrehañe\f + \fr 9:10 \fr*\ft Rzs 1:7\ft*\f*.
\q1
\v 11 Izaho ty fampitomboañe o andro’oo, fampitompeañe taoñe o havelo’oo.
\q1
\v 12 Ie mahihitse, hañimbañ’ azo i hihitsey;
\q1 Ihe manivetive ty hivave izay.
\s1 Ty Fañambara’ i Dagola naho ty Fampitama’e
\q1
\v 13 Mamantsiñe ty rakemba gege,
\q1 ie tsotra tsy mahafohin-draha,
\q1
\v 14 Mitobok’ an-dalam-bein-akiba’e eo,
\q1 am-pitobohañe amo haboa’ i rovaio,
\q1
\v 15 mikaike ze miary eo,
\q1 amo mañavelo an-kavantañañeo:
\q1
\v 16 O ry trentrañeo, mitsilea mb’etoa!
\q1 le hoe re amy tsy aman-kilalay:
\q1
\v 17 Mamy ty rano nikamereñe,
\q1 vaho mafiry ty mofo kamaeñe
\q1 añ’etak’ ao.
\q1
\v 18 Fe tsy apota’e te lolo ty ao, te an-tsikeokeok’ ao o nampihovae’eo.
\c 10
\s1 Taron-Kilala’ i Selomò
\q1
\v 1 O razan-dreha’ i Selomòo.
\q1 Mahaehak’ an-drae ty anake karafito,
\q1 fe mañore an-drene’e ty anadahy gege.
\q1
\v 2 Tsy manjofake ty vara niazo
\q1 an-kalo-tsere’e,
\q1 fa mañaha an-kavilasy ty havantañañe.
\q1
\v 3 Tsy apo’ \nd Iehovà\nd* ho saliko ty vañoñe,
\q1 fe aveve’e ty hadrao’ o lo-tserekeo.
\q1
\v 4 Minday hararahañe ty satan-taña migebañe, fe mampañaleale
\q1 ty fità’ i mavitrikey.
\q1
\v 5 Anake mahihitse ty manontoñe ami’ty asara, fe minday hasalarañe ty anake
\q1 miroro am-pitatahañe.
\q1
\v 6 Fitahiañe ro añambone’ o vantañeo,
\q1 fe mañeta-piaroteñe
\q1 ty vava’ o lo-tserekeo.
\q1
\v 7 Mahahaha ty fitiahiañe o vantañeo,
\q1 fe hihomake ty añara’ o lo-tserekeo.
\q1
\v 8 Mañaon-dily ty arofo’ o mahihitseo\f + \fr 10:8 \fr*\ft Hos 14:9\ft*\f*,
\q1 fe hianto ty gege mitolom-bolañe.
\q1
\v 9 Midraidraitse am-panintsiñañe
\q1 ty mpañavelo an-kavañonañe,
\q1 fe ho fohiñe ty mitsontike
\q1 an-dala mikelokeloke.
\q1
\v 10 Mampioremeñe ty mañieke,
\q1 vaho ho gorèñe ty gege mivolambolañe.
\q1
\v 11 Tsiritsiriohen-kaveloñe ty falie’ o vañoñeo, fe mañeta-piaroteñe
\q1 ty vava’ o lo-tserekeo,
\q1
\v 12 Mitrobo fifandierañe ty falaiñañe,
\q1 fe mandembeke ze atao fiolàñe
\q1 ty fikokoañe.
\q1
\v 13 Tendrek’ am-pivimbi’ o mahilalao
\q1 ty hihitse,
\q1 fe mañeva ty lambosi’
\q1 i po-hilalay ty kobaiñe.
\q1
\v 14 Mañaja hilala o mahihitseo,
\q1 fe antitotse ty fiantoañe ty vava’ o dagolao.
\q1
\v 15 Kijoly maozatse ty varam-pañaleale; fampiantoañe o rarakeo ty hapoia’iareo.
\q1
\v 16 Havelo ty tambe’ o vantañeo,
\q1 vaho fandilovañe
\q1 ty karama’ o lo-tserekeo.
\q1
\v 17 Mañori-dàlan-kaveloñe
\q1 ty mañaoñ’ anatse,
\q1 fe mandridrike ty tsy mipaok’endake.
\q1
\v 18 Aman-tsoñy mandañitse
\q1 ty mañetake falaiñañe,
\q1 vaho gege ty mampiboele dramotse.
\q1
\v 19 Tsy po-tahiñe ty maro rehake,
\q1 mahihitse ka ty maha-tam-pivimby.
\q1
\v 20 Volafoty hiringiri’e
\q1 ty famele’ o vantañeo;
\q1 fe tsy vente’e ty tro’ o lo-tserekeo.
\q1
\v 21 Mamahañe maro ty fivimbi’
\q1 o vantañeo,
\q1 fe mampivetrake ty dagola
\q1 te tsy aman-kilala.
\q1
\v 22 Ty fitahia’ \nd Iehovà\nd* ro mampañaleale,
\q1 vaho tsy tovoña’e anahelo.
\q1
\v 23 Fihisà’ ty seretse ty mikilily,
\q1 fe hihitse ty ho amy t’indaty mahilala.
\q1
\v 24 Hifetsak’ amy lo-tserekey
\q1 ty ihembaña’e, fe hatolotse amy vantañey ty fisalalà’e.
\q1
\v 25 Ie misaok’ añe ty talio,
\q1 tsy eo ka i lo-tserekey,
\q1 fe mijadoñe nainai’e o vañoñeo.
\q1
\v 26 Hoe kile\f + \fr 10:26 \fr*\ft Khomtse: vinegra\ft*\f* amo fihitsikeo,
\q1 naho hatoeñe amo fihainoo,
\q1 ty tembo amo mpañirak’ azeo.
\q1
\v 27 Fañalavañe andro
\q1 ty fañeveñañe am’ \nd Iehovà\nd*,
\q1 fe ho tomoreñe ty tao’o lo-tserekeo.
\q1
\v 28 Hafaleañe ty fisalala’o vantañeo,
\q1 fe ho modo ty fitamà’ o lo-tserekeo.
\q1
\v 29 Rova maozats’ amo mahitio
\q1 ty làla’ \nd Iehovà\nd*,
\q1 f’ie firotsahañe amo mpanao ratio.
\q1
\v 30 Le lia’e tsy hasiotse o vantañeo,
\q1 fe tsy himoneña’ o tsereheñeo i taney.
\q1
\v 31 Mamoa hihitse ty falie’ o vañoñeo,
\q1 fe haitoañe ty lela mitera.
\q1
\v 32 Apota’ ty fivimbi’ o mahitio
\q1 ze mete akareñe,
\q1 fe mengoke ty vava’ o lo-tserekeo.
\c 11
\q1
\v 1 Tiva am’ \nd Iehovà\nd* ty fandanjàñe vìlañe,
\q1 fe no’e ty vato to.
\q1
\v 2 Ie avy ty firengeañe,
\q1 pok’eo ka ty hasalarañe;
\q1 fe mpiamo mpirekeo ty hihitse.
\q1
\v 3 Miaolo o vantañeo ty havañona’e,
\q1 fe mampianto i lahiaga
\q1 ty fikelokeloha’e.
\q1
\v 4 Tsy vente’e añ’andron-kankàñe ty vara,
\q1 fe mamotsotse an-kavilasy
\q1 ty havantañañe.
\q1
\v 5 Mampahity ty lala’ o malio tahiñeo
\q1 ty havantaña’e,
\q1 fe mikorovok’ ami’ty haratia’e
\q1 o lo-tserekeo.
\q1
\v 6 Mañaha ty vañoñe i havantaña’ey,
\q1 fe hamahotse o piaroteñeo
\q1 ty fatiti’iareo.
\q1
\v 7 Ie mate ty lo-tsereke,
\q1 momoke o fañiria’eo,
\q1 vaho voroke ty fitamà’ i tsy mahitiy.
\q1
\v 8 Votsorañe amy falovilovia’ey ty vantañe,
\q1 le mb’eo handimbe aze ty lo-tsereke.
\q1
\v 9 Mijoy ty rañe’e am-bava’e ty tsi-aman-Kàke,
\q1 fe hilala ty mañaha o vañoñeo.
\q1
\v 10 Ie miraorao o vantañeo,
\q1 mirebeke ty rova;
\q1 ie momoke ty lo-tsereke,
\q1 inay ty firiñariñan-kobaiñe.
\q1
\v 11 Mionjoñe ty rova tatae’ o vañoñeo,
\q1 fe rotsahe’ ty vava’ o lo-tserekeo.
\q1
\v 12 Po-hilala ty maniva ondaty,
\q1 fe mianjiñe t’indaty mahilala.
\q1
\v 13 Mb’eo mb’eo i mpitolom-bolañey
\q1 mampiborake ty nitangogoeñe,
\q1 fe mahakafi-draha ty migahiñe.
\q1
\v 14 Ie po-panoroañe, mihotrake o borizañeo,
\q1 fe fandreketañe t’ie mitolom-pisafiry.
\q1
\v 15 Toe hisotry ty miantoke
\q1 songon’ ambahiny,
\q1 fe soa fiaro ty malai-mañoho-pitàñe.
\q1
\v 16 Asieñe ty rakemba matarike,
\q1 vaho manontom-bara ty fanalolahy.
\q1
\v 17 Mañasoa ty tro’e t’indaty matarike,
\q1 fe mijoy ty vata’e ty mpampisoañe.
\q1
\v 18 Mikarama hakoahañe ty lo-tsereke,
\q1 fe ho soa tambe
\q1 ty mitongy havantañañe.
\q1
\v 19 Ho veloñe ty mifahatse
\q1 an-kavañonañe,
\q1 fe hihomake ty mañean-karatiañe.
\q1
\v 20 Tiva am’ \nd Iehovà\nd*
\q1 ty mengok’ an-troke,
\q1 fe ifalea’e ty mañavelo an-kahiti’e.
\q1
\v 21 Tsy mikalafo te\f + \fr 11:21 \fr*\ft Heb: ama’e ty tañako!\ft*\f* tsy ho po-lafa
\q1 ty lo-tsereke,
\q1 fe ho haha ty tiri’ o vantañeo.
\q1
\v 22 Hoe bange volamena
\q1 ami’ty oron-dambo
\q1 ty ampela montramontra
\q1 tsy mahalie-batañe.
\q1
\v 23 Ty hasoa avao ty fisalala’ o vañoñeo;
\q1 fe haviñerañe ty fitamà’ i lahiaga.
\q1
\v 24 Eo ty fampiparaitahañe
\q1 mbe mampitombo avao;
\q1 eo ty matity ami’ty mañeva,
\q1 f’ie ho rarake.
\q1
\v 25 Hiraorao t’indaty matarike,
\q1 vaho ho tondrahañe ka ty manondrake.
\q1
\v 26 Honjire’ ondatio ty matity ampemba,
\q1 fe fitahiañe ty ho añambone’
\q1 i mandetak’ azey.
\q1
\v 27 Osiheñe ty mitsoe-kasoa,
\q1 fe ami’ty mipay haratiañe,
\q1 izay ty ho zoe’e.
\q1
\v 28 Hihotrake ty miato vara,
\q1 fe handrevake hoe ravets-atae
\q1 maindoñe o vantañeo.
\q1
\v 29 Handova tioke ty mpanolo-tsotry
\q1 añ’anjomba’e,
\q1 le hitoroñe ty mahihi-troke ty dagola.
\q1
\v 30 Hataen-kaveloñe ty vokare’ o vantañeo,
\q1 vaho mpandrekets’arofo ty mahihitse.
\q1
\v 31 Kanao ho tambezeñe an-tane atoy
\q1 o vantañeo,
\q1 àntsake ty tsereheñe naho o piaroteñeo.
\c 12
\q1
\v 1 Mikoko hilala ty mpitea lafa,
\q1 fe gege ty malaiñ-endake;
\q1
\v 2 Hanjo fañisohañe am’ \nd Iehovà\nd*
\q1 ty matarike, fe hafà’e ty mpikinia.
\q1
\v 3 Tsy mahafioreñe ondaty ty halo-tserehañe,
\q1 fe tsy hasiotse ty vaha’o vañoñeo.
\q1
\v 4 Sabakan-engem-bali’e ty rakemba soa,
\q1 fe hoe hamomohañe an-taola’e ao
\q1 ty mahasalatse.
\q1
\v 5 To ty fivetsevetse’ o vantañeo;
\q1 fe mitarik’ an-dama ty fanoroa’
\q1 o lo-tserekeo.
\q1
\v 6 Famandroñan-dio ty entam-bola’
\q1 o raty tserekeo,
\q1 fe hañaha ty vañoñe o saontsi’eo.
\q1
\v 7 Rotsaheñe o lo-tserekeo le tsy eo,
\q1 fe hijadoñe ty anjomba’ o mahitio.
\q1
\v 8 O hihi’eo ty anambezañe ondatio,
\q1 fe ho sirikaeñe ty mengok’ an-troke.
\q1
\v 9 Hàmake t’ie mirè-batañe,
\q1 naho manaña mpitoroñe raike,
\q1 ta t’ie mieva ho bey fe tsy aman-kaneñe.
\q1
\v 10 Haoñe’ ty vantañe ty fiai’ i bibi’ey,
\q1 fe fampisoañañe avao
\q1 ty tretre’ i rati-tserekey.
\q1
\v 11 Ho enen-kaneñe ty mpiava’ i tane’ey,
\q1 fe po-hilala ty mañeañe ty tsy vente’e.
\q1
\v 12 Tsikirihe’ o rati-tserekeo
\q1 ty fikopahan-karatiañe,
\q1 fe mamokatse ty vaha’ o vantañeo.
\q1
\v 13 Fandrihe’ ty fiolàn-tsoñi’e ty lahiaga,
\q1 fe hibolititse amy haloviloviañey ty vañoñe.
\q1
\v 14 Mahaenen-kasoa t’indaty
\q1 ty vokam-palie’e,
\q1 vaho himpoly ama’ ondaty
\q1 o fitoloñam-pità’eo.
\q1
\v 15 Mahity amo maso’eo ty gege,
\q1 fe mijanjim-panoroañe ty mahihitse.
\q1
\v 16 Fohiñe aniany ty filoa-tiña’ i dagola,
\q1 fe lembefe’ i mahihitse ty mahasalatse.
\q1
\v 17 Mampiboake havantañañe
\q1 ty mikofòke hatò,
\q1 fe famañahiañe ty manara-bande.
\q1
\v 18 Eo ty manoantoañe an-drehake,
\q1 hoe fitomboham-pibara,
\q1 fe minday fijanganañe
\q1 ty famele’ o mahihitseo.
\q1
\v 19 Hijadoñe nainai’e ty fivimbin-katò,
\q1 fe aniany avao ty lelan-dremborake.
\q1
\v 20 Famañahiañe ty an-tro’ o mpikililio,
\q1 fe haehake t’ie mpifampilongo.
\q1
\v 21 Tsy mizò raty ty vantañe,
\q1 fe lifo-kasotriañe ty tsereheñe.
\q1
\v 22 Tiva am’ \nd Iehovà\nd* ty soñy mandañitse,
\q1 fe no’e o mitoloñe am-pigahiñañeo.
\q1
\v 23 Mañaja hihitse ty hendre,
\q1 fe mitazataza hagegeañe ty tron-dagola.
\q1
\v 24 Hifeleke ty fità’ o mahimbañeo, vaho hondevozeñe ty taña migebañe.
\q1
\v 25 Mampidrodretse ty arofo’ ondaty
\q1 ty fivazobazorañe ama’e ao,
\q1 fe mampanintsiñe aze ty talily soa.
\q1
\v 26 Manoro an-drañe’e ty vantañe,
\q1 fe mampivike o lo-tsere­keo ty lala’iareo.
\q1
\v 27 Tsy atono’ i tembo ty nitsatsà’e;
\q1 fe vara ami’ty mpifanehake o hanaña’eo.
\q1
\v 28 Tendrek’ an-dalam-bantañe
\q1 ty haveloñe,
\q1 vaho tsy aman-kavetrahañe i oloñolo’ey.
\c 13
\q1
\v 1 Miantoke ty lafan-drae’e
\q1 ty ajaja karafito,
\q1 fe tsy mañaon-trevoke ty mpiteratera.
\q1
\v 2 Ty havokaran-tsaontsi’ ondatio
\q1 ro ikama’e raha mafiry,
\q1 fe tsihavokarañe ty fañiria’
\q1 o mpitroboo.
\q1
\v 3 Mahatan-kavelo ty mahambeñe
\q1 ty falie’e;
\q1 mianto ka ty mampidañadaña fivimby.
\q1
\v 4 Tea-haneñe ty votroo, fe tsy mahazo;
\q1 ho anjañeñe ka ty mavitrike.
\q1
\v 5 Malain-dremborake ty vañoñe,
\q1 fe manao ty hameñarañe naho hasalarañe ty lahiaga.
\q1
\v 6 Mahambeñe i an-dalam-bantañey
\q1 ty havañonañe,
\q1 fe mamotsake ty mpanan-kakeo
\q1 o hatsivokarañeo.
\q1
\v 7 Eo ty miamoke ho mpañefoefo
\q1 fe poi’e;
\q1 eo ka ty manao ho rarake
\q1 f’ie mpañaleale.
\q1
\v 8 Mahajebañe ty fiai’ ondaty o vara’eo,
\q1 fe tsy mañaom-pañembàñañe
\q1 ty rarake.
\q1
\v 9 Mirebeke ty failo’ o vantañeo, fe hakipeke ty jiro’ i lahiaga.
\q1
\v 10 Fifandierañe avao ty ente’
\q1 ty fibohabohañe,
\q1 fe hihitse ty rambese’
\q1 ty mañaom-bere.
\q1
\v 11 Mikepake ty vara niazo
\q1 an-tsata koake,
\q1 fa mampitombo ka ty mitromake hanontoña’e.
\q1
\v 12 Mampikoretse arofo
\q1 ty fitamañe nihànkañe,
\q1 fe hataen-kaveloñe ty salala niheneke.
\q1
\v 13 Hanaña’ i tsaray songo ty manirìka aze,
\q1 fe ho tambezeñe
\q1 ty mañeveñe amo lilio.
\q1
\v 14 Figoangoañan-kavelo
\q1 ty Fañòha’ o mahihitseo
\q1 hiholiara’e o fandrin-kavilasio.
\q1
\v 15 Tendreke fañisohañe ty hilala soa,
\q1 fe tomoantoañe ty lala’
\q1 o manao bodongeroo.
\q1
\v 16 Hene mitoloñe an-kilala ze hendre,
\q1 fe hagegeañe ty aboa’ i dagolay.
\q1
\v 17 Mivariñ’an-dama ty irake vìlañe,
\q1 fe fijanganañe ty mpihitrike migahiñe.
\q1
\v 18 Hararahañe naho hasalarañe
\q1 ty hizò ty tsi-mañaon-dafa,
\q1 iasiañe ka ty miantok’ endake.
\q1
\v 19 Mamy an-troke ty fisalalàñe heneke,
\q1 fe mamparitsike i dagola
\q1 ty isitaha’e ty raty.
\q1
\v 20 Miha-mahihitse te miharo lia
\q1 ami’ty mahihitse,
\q1 f’ie halovilovy te mpiami’ty gege.
\q1
\v 21 Tokoen-kasotriañe ty aman-kakeo,
\q1 fe firaoraoañe ty anambezañe
\q1 o vantañeo.
\q1
\v 22 Mampandova amo anan’ ana’eo
\q1 ty vañoñe,
\q1 fe mihaja ho a o vantañeo
\q1 ty vara’ o piaroteñeo.
\q1
\v 23 Bey ty havokarañe an-tane-hoba’ i rarakey,
\q1 fe ifaopaoha’ ty tsy-hatò.
\q1
\v 24 Malaiñ-anake ty mampipoke fikiso,
\q1 fe mikoko aze ty mipiso
\q1 am-pahimbañañe.
\q1
\v 25 Mahaeneñe ty tro’e
\q1 ty mahakama’ i vantañey,
\q1 fe kefoke ty fisafoa’ i lahiaga.
\c 14
\q1
\v 1 Mandranjy ty akiba’e
\q1 ty rakemba mahihitse,
\q1 fe arotsa’ ty minè an-taña’e ty aze.
\q1
\v 2 Mañeveñe am’ \nd Iehovà\nd*
\q1 ty mañavelo an-kahiti’e,
\q1 fe manirika aze ty mengok’ amo lala’eo.
\q1
\v 3 Am-bava’ i dagola ty kobay
\q1 ho an-dambosi’e,
\q1 fe mañaro ty mahihitse o fivimbi’eo.
\q1
\v 4 Ie tsy eo añombe, koake ty riha’e;
\q1 Toe mahavokatse ty haozaran’ añombe.
\q1
\v 5 Tsy mandañitse ty mpitalily migahiñe,
\q1 fe mikofòke habodiake
\q1 ty mpitarom-bande.
\q1
\v 6 Mipay hihitse ty mpanivetive
\q1 fa tsy mahatrea,
\q1 fe mora ami’ty mahafohiñe
\q1 ty hitendreke hilala.
\q1
\v 7 Mihankaña ami’ty fiatrefañe i minèñey,
\q1 fa tsy ho oni’o eo ty soñy mahilala.
\q1
\v 8 Ty hihi’ i mahilalay :
\q1 le t’ie mahatsikarake ty lia’e,
\q1 fe hakalitahañe ty hagegean-dagola.
\q1
\v 9 Sirikae’ ty minèñe ty fisolohoañe,
\q1 fe amo vañoñeo ty fiharoan-drehake.
\q1
\v 10 Fohi’ ty troke ty hafaim-piai’e,
\q1 vaho tsy itraofa’ ty ambahiny
\q1 ty firebeha’e.
\q1
\v 11 Harotsake ty akiba’ i rati-tserekey,
\q1 fe hiraorao ty kivoho’ o vañoñeo.
\q1
\v 12 Eo ty làlañe atao’ ondaty ho vantañe,
\q1 f’ie migodañe mb’an-kavilasy ao\f + \fr 14:12 \fr*\ft Rzs 16:25\ft*\f*.
\q1
\v 13 Mikoretse ty arofo
\q1 ndra t’ie miankahake,
\q1 vaho migadoñ’ an-kontoke ty rebeke.
\q1
\v 14 Atsake o sata’eo ty midisa-voly,
\q1 fe mahaeneñe t’indaty soa i azey.
\q1
\v 15 Kila iantofa’ ty seretse,
\q1 fe tsakorè’ ty hendre o lia’eo.
\q1
\v 16 Mihilotse ty mahihitse
\q1 vaho iholiara’e ty raty,
\q1 fe mijikajika naho mitsidaredare
\q1 ty dagola.
\q1
\v 17 Manao raha tsi-roe-tafa-toe
\q1 ty mora boseke,
\q1 vaho tsambolitioheñe ty mikinia.
\q1
\v 18 Mandova hagegeañe ty seretse,
\q1 fe sabakaen-kilala ty hendre.
\q1
\v 19 Hidrakadrakak’ anatrefa’ ty soa ty raty,
\q1 naho an-dalambei’ o vantañeo ty tsereheñe.
\q1
\v 20 Heje’ ty rañe’e i rarakey,
\q1 fe maro ty mikoko i mpañalealey.
\q1
\v 21 Aman-tahiñe ty manirìka ondaty,
\q1 haha ka ty matarike amo poi’eo.
\q1
\v 22 Tsy hidridrike hao ty mpikilily?
\q1 Fe fiferenaiñañe naho hatò
\q1 ro amo misafiry hasoao.
\q1
\v 23 Amam-bokatse ze hene fitoloñañe,
\q1 fe mahararake ty soñy mikofofoake.
\q1
\v 24 Sabaka’ o mahihitseo ty vara’e;
\q1 fe hagegeañe ty hanè’ o dagolao.
\q1
\v 25 Mpañaha aiñe ty mpitaroñe mahity,
\q1 fe mpikitro-draha ty mikofò-bande.
\q1
\v 26 Fañarovañe fatratse ty fañeveñañe
\q1 am’ \nd Iehovà\nd*,
\q1 vaho amam-pipalirañe o ana’eo.
\q1
\v 27 Havelo ­migoangoañe ty fañeveñañe
\q1 am’ \nd Iehovà\nd*,
\q1 toe fampiariañe o fandri-kakoromahañeo.
\q1
\v 28 Enge’ i mpanjakay ty borizañe maro;
\q1 ampoheke ka ty ana-donake
\q1 tsy ama’ ondaty.
\q1
\v 29 Àmpon-kilala ty malaon-kaviñerañe;
\q1 fe mpañonjo hagegeañe ty mora boseke.
\q1
\v 30 Mahavelon-tsandriñe ty arofo hendre,
\q1 fe mahavoroke taolañe ty farahy.
\q1
\v 31 Mitera i Andrianamboatse aze
\q1 ty mamorekeke o rarakeo,
\q1 fe miasy Aze ty mitretre mahatra.
\q1
\v 32 Arotsa’ ty fandilara’e ty rati-tsereke,
\q1 fe am-pitsalohañe ty vañoñe te mivetrake.
\q1
\v 33 Mimoneñe añ’arofo’ i mahilalay
\q1 ty hihitse,
\q1 fe abentabenta’ o dagolao ty antrok’ ao.
\q1
\v 34 Mañonjom-pifeheañe ty havañonañe,
\q1 fe mañìnje o borizañeo ty hakeo.
\q1
\v 35 Osihe’ ty mpanjaka ty mpitoroñe
\q1 mitoloñe an-kihitse,
\q1 fe atretrè’e an-kaviñerañe
\q1 ty manao hasalarañe.
\c 15
\q1
\v 1 Mampitolike habosehañe
\q1 ty rehake malea,
\q1 fe mitrobo haviñerañe ty volam-peha’e.
\q1
\v 2 Mitolon-kilala an-katò ty famele’ i mahihitse,
\q1 fe mipororoake hagegeañe
\q1 ty vava’ i dagola.
\q1
\v 3 Manitsike ze hene toetse
\q1 o fihaino’ \nd Iehovà\nd*o,
\q1 misary ty raty naho ty soa.
\q1
\v 4 Hataen-kaveloñe ty fameleke mamere,
\q1 fe mampikoritoke troke
\q1 naho ama’e ty hamengohañe.
\q1
\v 5 mañìnje ty fañòhan-drae’e ty dagola,
\q1 fe mahilala ty mañaoñ’ anatse.
\q1
\v 6 Vara bey ty añ’anjomba’ o vañoñeo,
\q1 fe manolo-tsotry
\q1 ty tombom-baro’ i lahiaga.
\q1
\v 7 Mampiboele hilala
\q1 ty fivimbi’ o mahihitseo;
\q1 fe tsy izay ty tro’ i dagola.
\q1
\v 8 Veta am’ \nd Iehovà\nd*
\q1 ty fisoroña’ o lo-tserekeo,
\q1 fe ifalea’e ty halali’ o vantañeo.
\q1
\v 9 Tiva am’ \nd Iehovà\nd* ty taro’ i lahiaga,
\q1 fe kokoa’e ty mañean-kavantañañe.
\q1
\v 10 Mampalovilovy
\q1 ty mandrìke amy lalañey te lafaeñe,
\q1 mikoromake ty malaiñ’ endake.
\q1
\v 11 Mivañavaña añatrefa’ \nd Iehovà\nd*
\q1 ty tanen-dolo naho i tsikeokeoke,
\q1 sandrake ty arofo’ ondaty!
\q1
\v 12 Tsy kokoa’ ty mpanive­tive te ereteñe;
\q1 tsy tilihe’e ty mahihitse.
\q1
\v 13 Mampaviake vintañe ty arofo misomobotsòboke,
\q1 fe mahafola-paiañe ty troke ngoma.
\q1
\v 14 Mpitsoeke hilala ty troke maharendreke,
\q1 fe mampibotseke hagegeañe
\q1 ty vava’ i dagola.
\q1
\v 15 Fonga mavoiñe ty andro’ o misotrio,
\q1 fe mitolon-tsabadidake ty arofo minembanembañe.
\q1
\v 16 Hàmake ty kedeke mitrao-pañeveñañe
\q1 am’ \nd Iehovà\nd*,
\q1 ta ty vara-bey reketse hekoheko.
\q1
\v 17 Kitra’e anjotsoañe añañe
\q1 am-pikokoañe,
\q1 ta te anozoañe temboay vinondrake am-palaiñañe.
\q1
\v 18 Mitrobo hotakotake ty mpiloa-tiñake,
\q1 fe mampipendreñe fifandierañe
\q1 ty malaon-kaviñerañe.
\q1
\v 19 Iremberembeam-patike
\q1 te añ’oloñolo’ i votro,
\q1 fe dinamoke ty lala’ i vañoñey.
\q1
\v 20 Mahafale an-drae ty anake mahihitse,
\q1 fe mañìnje rene t’indaty gege.
\q1
\v 21 Hagegeañe ty mahaehake i seretse,
\q1 fe vantan-dia t’indaty mahilala.
\q1
\v 22 Milesa ty safiry po-panolo-kevetse,
\q1 fe mahaeneke te maro mpanoro.
\q1
\v 23 Mahafale ondaty te mahafanoiñe
\q1 ty falie’e,
\q1 akore ty hasoa’ ty saontsy tandrife.
\q1
\v 24 Mañambone ty lala’ o mahihitseo,
\q1 iholiara’e i tsikeokeoke ambane ao.
\q1
\v 25 Hombota’ \nd Iehovà\nd* ty akiba’
\q1 o mpirengevokeo,
\q1 fe ajado’e ty efe-tane’ i vantotsey.
\q1
\v 26 Tiva am’ \nd Iehovà\nd* o fikitrofañeo,
\q1 fe hiringiry ty saontsy mampanintsy.
\q1
\v 27 Manolo-tsotry ty akiba’e
\q1 ty mamory an-katramo,
\q1 fe ho veloñe ty malaim-bokàñe.
\q1
\v 28 Mañereñere ty hanoiña’e
\q1 ty arofo’ i vantañey,
\q1 fe mampipororoake haratiañe
\q1 ty falie’ i lahiaga.
\q1
\v 29 Lavitse o raty tserekeo t’\nd Iehovà\nd*,
\q1 fe janji’e ty halali’ o vañoñeo\f + \fr 15:29 \fr*\ft Rzs 28:9\ft*\f*.
\q1
\v 30 Mahafale arofo ty fihaino miloeloe,
\q1 vaho solik’ an-taolañe ty talily soa.
\q1
\v 31 Amo mahihitseo ty himoneña’ ty aman-dravembia mitsendreñe
\q1 anatse mahaveloñe.
\q1
\v 32 Mañìnje ty vata’e ty malaiñ’ endake,
\q1 fe manonton-kilala
\q1 ty mitsatsike fanoroañe.
\q1
\v 33 Fañòhañe hihitse ty fañeveñañe
\q1 am’ \nd Iehovà\nd*,
\q1 miaolo ty asiñe te mireke.
\c 16
\q1
\v 1 A ondatio ty fisafirin-arofo,
\q1 fe a \nd Iehovà\nd* ty famaleam-pameleke.
\q1
\v 2 Malio am-pihaino’ ondaty
\q1 ze hene sata’e,
\q1 fa mpandanja arofo t’\nd Iehovà\nd*.
\q1
\v 3 Apoho am’ \nd Iehovà\nd* o fitoloña’oo,
\q1 le hijadoñe o safiri’oo.
\q1
\v 4 Kila tsinene’ \nd Iehovà\nd*
\q1 ho ami’ty fanoa’e,
\q1 ndra o lo-tserekeo ho an-tsan-kòheke.
\q1
\v 5 Fonga tiva am’ \nd Iehovà\nd* o mpibohabohao,
\q1 tsy kalafo t’ie tsy ho po-lafa.
\q1
\v 6 Mampijebañe fiolañe
\q1 ty fiferenaiñañe naho ty hatò,
\q1 Fisitahañe ami’ty raty ty fañeveñañe am’ \nd Iehovà\nd*.
\q1
\v 7 Ie no’ \nd Iehovà\nd* ty sata’ ondaty,
\q1 le hampanintsiñe’e o rafelahi’eo.
\q1
\v 8 Hàmake ty kedekede an-kavañonañe,
\q1 ta ty tambe bey tsy an-kahiti’e.
\q1
\v 9 Misafiry ty lala’e ty tro’ ondaty,
\q1 fe tehafe’ \nd Iehovà\nd* o lia’eo.
\q1
\v 10 Fañentoan’ Añahare
\q1 ty am-pivimbi’ i mpanjakay;
\q1 tsy hiota ty falie’e te mizaka.
\q1
\v 11 A \nd Iehovà\nd* o vatom-pandanja
\q1 naho balantsio;
\q1 hene sata’e o vato an-koroñeo.
\q1
\v 12 Tiva amo mpanjakao ty mpanao raty,
\q1 fa norizañe an-kahiti’e i fiambesa’ey.
\q1
\v 13 Mahafale o mpanjakao
\q1 ty fivimby mahity,
\q1 vaho isohe’e ty misaontsy
\q1 an-kavantañañe.
\q1
\v 14 Mpisangitrike fikoromahañe
\q1 ty haviñeram-panjaka,
\q1 fe hampanintsiñe aze
\q1 t’indaty mahihitse.
\q1
\v 15 Haveloñe ty filoeloean-daharam-panjaka,
\q1 naho hoe rahoñe minday oran-dohataoñe
\q1 ty fañisoha’e.
\q1
\v 16 Soa hatò ty ahazoan-kihitse
\q1 ta ty volamena! naho ty hijobon-kilala
\q1 te ami’ty volafoty.
\q1
\v 17 Ty ihankaña’e haratiañe
\q1 ro lala’ o vantañeo,
\q1 vaho mahavontitits’ aiñe
\q1 ty mahambeñe i lia’ey.
\q1
\v 18 Miaolo ty firotsahañe
\q1 ty firengevohañe,
\q1 vaho iaoloa’ ty troke miebotsebotse
\q1 ty fihotrahañe.
\q1
\v 19 Hàmake te mpiamo rarake
\q1 an-troke mirekeo,
\q1 ta te mitraok’ amo mifanjara
\q1 o kinopake am-pibohabohañeo.
\q1
\v 20 Hene hanjo hasoa ze mañaoñe i tsaray,
\q1 haha ty miato am’ \nd Iehovà\nd*.
\q1
\v 21 Atao mahatsikarake ty mahihitse añ’arofo;
\q1 mahafañosike fañòhañe ty saontsy malea.
\q1
\v 22 Ranon-kavelo migoangoañe ty hilala
\q1 amy ze manañ’aze;
\q1 fe hagegeañe ty fandafàñe i dagola.
\q1
\v 23 Mañòke ty falie’ i mahihitsey ty tro’e,
\q1 vaho tompea’e fañòhañe o fivimbi’eo.
\q1
\v 24 Hoe papy tantele
\q1 ty saontsy mampanintsy,
\q1 mamy añ’arofo naho
\q1 mampijangan-taolañe.
\q1
\v 25 Eo ty lalañe atao’ t’indaty ho vantañe,
\q1 fe fikoromahañe ty figadoña’e\f + \fr 16:25 \fr*\ft Rzs 14:12\ft*\f*.
\q1
\v 26 Mifanehake ho aze ty fiai’ ondaty,
\q1 vaho azim-palie’e.
\q1
\v 27 Mikabo-draha t’i Beliale1, afo misolebotse ty am-pivimbi’e ao.
\q1
\v 28 Mampiboele hotakotake
\q1 t’indaty mengoke,
\q1 mampifanarake mpiatehena ty bisibisike.
\q1
\v 29 Risihe’ t’indaty piaroteñe ty rañe’e,
\q1 vaho kozozote’e mb’an-dalan-tsy soa.
\q1
\v 30 Mikinia raha mengoke
\q1 ty mpipie maso,
\q1 vaho mampifetsake haratiañe
\q1 ty mpimontso.
\q1
\v 31 Sabakan-engeñe ty maroi-foty;
\q1 oniñe an-dalan-kavañonañe eo.
\q1
\v 32 Lombolombo ty fanalolahy
\q1 ty malaon-kaviñerañe,
\q1 vaho ambone’ ty mpitavañe rova ty mahafeleke ty tro’e.
\q1
\v 33 Tora-tsato-piso am-pe,
\q1 \nd Iehovà\nd* avao ro Mpanampake.
\c 17
\q1
\v 1 Hàmake ty pilipito’e maike
\q1 am-pianjiñañe,
\q1 ta ty anjomba lifo-takataka mitraoke
\q1 falaiñañe.
\q1
\v 2 Ty ondevo mitoloñ’ an-kahiti’e
\q1 ty hifehe ty anake mahasalatse,
\q1 ie hifanjara lova aman-droahalahy.
\q1
\v 3 Tranaheñe an-tsinihara ty volafoty
\q1 naho an-daforo ty volamena,
\q1 vaho \nd Iehovà\nd* ro mpitsòk’ arofo.
\q1
\v 4 Mañaon-tsoñin-tsereheñe ty lo-tsereke,
\q1 tsatsihe’ i remborake ty lela manivetive.
\q1
\v 5 Mañìnje i Andrianamboatse aze
\q1 t’ie mañinje o rarakeo;
\q1 tsy ho po-lafa ty mitohàke
\q1 ami’ty hankàñe.
\q1
\v 6 Sabakan-engen-droanjia o afe’eo,
\q1 vaho enge’ o anakeo o rae’eo.
\q1
\v 7 Tsy mañeva i dagola ty enta-soa-fehe;
\q1 lombolombo izay ty soñy vìlañe
\q1 an-droandriañe.
\q1
\v 8 Vatosoa am-pihainom-pahazo aze
\q1 ty falalàñe,
\q1 mampitombo mb’atia mb’aroa.
\q1
\v 9 Mpipay hatea ty mpanaroñe fiolàñe,
\q1 fe mampiria rañetse
\q1 te mamereñ’ indroe.
\q1
\v 10 Laleke ty itrofaha’ ty endake
\q1 ami’ty mahihitse,
\q1 ta ty lafa zato ami’ty dagola.
\q1
\v 11 Mipay fiodiañe avao ty mpiola,
\q1 aa le hañitrifañe irake masiake.
\q1
\v 12 Hàmake hifanampe ami’ty lambon’ala nalàeñ-anake,
\q1 te ami’ty dagola aman-kagegea’e.
\q1
\v 13 Tsy ho po-hekoheko ty akiba’
\q1 ty mamereñe raty ami’ty soa.
\q1
\v 14 Hoe mampipororoake rano
\q1 ty fifotoram-pifandierañe,
\q1 aa le apoho i lietsey
\q1 tsy hiforehetse ho aly.
\q1
\v 15 Songa tiva am’ \nd Iehovà\nd*
\q1 ty mañatò ty lo-tsereke naho
\q1 ty mamàtse ty vantañe.
\q1
\v 16 Aia ty dagola te hinday drala
\q1 an-taña’e hikaloa’e hihitse
\q1 kanao tsy an-tro’e ao ty hilala.
\q1
\v 17 Mikoko nainai’e ty rañetse,
\q1 fe nasamake ho an-tsam-poheke ty rahalahy.
\q1
\v 18 Miroe-rano ty manò-taña
\q1 hiantofa’e ty songon-drañetse.
\q1
\v 19 Mpitea fiolàñe ty mpikoko lietse,
\q1 vaho mikai-rotsake ty mandranjy
\q1 lalambey abo.
\q1
\v 20 Tsy mahatrea hasoa
\q1 ty mengok’ an-troke;
\q1 vaho mihotrak’ an-kaloviloviañe ao
\q1 ty aman-dela mamañahy.
\q1
\v 21 Ho aman’anahelo
\q1 ty misamake ty minè;
\q1 vaho tsy aman-kaehake ty rae’ i gegey.
\q1
\v 22 Aoly soa ty arofo mifale,
\q1 fe mahamain-taolañe ty hafola-po.
\q1
\v 23 Mandrambe vokañe boak’am-pisafoa
\q1 ty lahiaga,
\q1 hampikelokeloke ty lalam-bantañe.
\q1
\v 24 Añatrefa’ ty mahatsikarake
\q1 ty hihitse,
\q1 fe mihilohilo mb’añ’olo-tane añe
\q1 ty maso’ i dagola.
\q1
\v 25 Mañembetse an-drae
\q1 ty hagegean’ana-dahy,
\q1 vaho hafairañe amy nitoly azey.
\q1
\v 26 Tsy mahasoa te liloveñe ty malio-tahiñe,
\q1 naho ty andafañe roandriañe
\q1 ty amy havañona’ey.
\q1
\v 27 Malea fisaontsy ty mahilala,
\q1 mahalie-troke t’indaty maharendreke.
\q1
\v 28 Ndra i seretsey ro atao mahihitse
\q1 naho mahafianjiñe,
\q1 mbore atao hendre
\q1 t’ie mahatan-tsoñy.
\c 18
\q1
\v 1 Mañean-drao ty mirery,
\q1 tsambolitio’e ze atao vere-to.
\q1
\v 2 Tsy no’ i dagolay ty faharendrehañe,
\q1 fa ty mampiboake ty heve’e avao.
\q1
\v 3 Ie pok’eo ty tsivokatse,
\q1 mipotìtse eo ka ty teratera,
\q1 vaho indrezan-kasalarañe ty inje.
\q1
\v 4 Rano laleke ty fisaontsim-palie’ ondaty, torahañe mibobobobo
\q1 ty figoangoañan-kihitse.
\q1
\v 5 Tsy mahasoa te osiheñe ty raty,
\q1 hikihoañe ty vañoñe an-jaka.
\q1
\v 6 Mikaidraha o soñi’ i dagolao,
\q1 naho mikai-tampify ty vava’e.
\q1
\v 7 Fiantoa’ i seretsey ty vava’e,
\q1 vaho mpamandrike ty fiai’e o soñi’eo.
\q1
\v 8 Kenoke mafiry
\q1 ty fivolam-pitolom-boetse,
\q1 migodoñe mb’añ’ova’ ondaty ao.
\q1
\v 9 Rahalahi’ ty mpijoy,
\q1 ty mpilesa am-pitoloña’e.
\q1
\v 10 Fitalakesañ’abo fatratse
\q1 ty tahina’ \nd Iehovà\nd*,
\q1 milay mb’ama’e ao ty vantañe
\q1 vaho onjoneñe tsy takatse.
\q1
\v 11 Rova fatratse ty varam-pañaleale,
\q1 naho hoe kijoly abo añ’ereñere’e ao.
\q1
\v 12 Aolo’ ty ikorovoha’ ondaty
\q1 ty fiebotseboran-tro’e,
\q1 fe miaolo’ ty hasiñe ty firehañe.
\q1
\v 13 Ie manoiñe aolo’ t’ie mitsanoñe:
\q1 le hagegea’e naho hasalara’e.
\q1
\v 14 Mahafeake hasilofañe ty tro’ ondaty,
\q1 fa ia ka ty mahaleo ty fikoretan’ arofo.
\q1
\v 15 Mitoha hilala ty tro’ i mahatsikarake,
\q1 vaho mañotsohotso hihitse
\q1 an-dravembia’e ty mahilala.
\q1
\v 16 Anokafan-dalañe
\q1 ty ravoravo’ ondaty,
\q1 manese aze hiatreke ty bey.
\q1
\v 17 Heveren-ko to ty mitalily valoha’e,
\q1 ampara’ te pok’eo ty mañody aze.
\q1
\v 18 Abala’ ty tora-tsato-piso
\q1 ty fifandierañe,
\q1 ie mampivike ty mpifanjomotse.
\q1
\v 19 Mora ty mandreketse rova fatratse,
\q1 ta ty rañetse torifike,
\q1 vaho hoe tsotso-bim-pitilik’abo
\q1 ty fifanjomorañe.
\q1
\v 20 Ty havokaram-palie’ ondaty
\q1 ro mahaenem-pisafoa,
\q1 o vokam-pivimbi’eo ro maha-anjañe.
\q1
\v 21 Manandily ami’ ty haveloñe naho ami’ty havilasy ty fameleke,
\q1 hikama amo vokare’eo ze mikoko aze.
\q1
\v 22 Mahaonin-kasoa ty tendreke valy,
\q1 vaho isohe’ \nd Iehovà\nd*.
\q1
\v 23 Mihalaly tretrè ty rarake,
\q1 fe sotrafe’ ty mpitsikafo.
\q1
\v 24 Mianto t’indaty lako rañetse,
\q1 fe ao ty ate-hena mipiteke soa
\q1 te ami’ty rahalahy.
\c 19
\q1
\v 1 Ambone’ ty dagola
\q1 aman-tsoñy mengoke,
\q1 ty rarake mañavelo an-kahiti’e.
\q1
\v 2 Tsy mahasoa ty fiaiñe
\q1 te tsy aman-kilala,
\q1 mandilatse ty malisa am-pandia.
\q1
\v 3 Mampianto ty lia’e ty hanè’ ondaty,
\q1 ie mitrevok’ \nd Iehovà\nd* an-tro’e.
\q1
\v 4 Mpanovon-drañetse o varao,
\q1 fe pitso-drañetse t’ie rarake.
\q1
\v 5 Tsy ho po-lafa ty mpitalily vilañe,
\q1 vaho tsy himolaotse ty mavande.
\q1
\v 6 Amam-pandomboke maro ty matarike,
\q1 kila mifandrañetse ami’ty mpanolo-ravoravo.
\q1
\v 7 Falai’ o rahalahi’e iabio ty rarake—
\q1 sandrake t’ie farien-drañe’e!
\q1 Heañe’e fe tsy eo.
\q1
\v 8 Mpikoko ty tro’e ze mitoha hihitse,
\q1 ho tendreke hasoa ty mpangazon-kilala.
\q1
\v 9 Tsy ho po-lilo ty mpanao kitomboke,
\q1 le hihomake ty mpandañitse.
\q1
\v 10 Tsy mañeva ty seretse
\q1 ty miaiñ’ añoleñañe,
\q1 naho ty ondevo
\q1 ty hifehe ana-donake.
\q1
\v 11 Mampalaon-kaviñerañe
\q1 ty fitsikaraha’ ondatio,
\q1 vaho enge’e ty miheve fiolàñe.
\q1
\v 12 Manahake ty fitreñan-diona
\q1 ty haviñeram-panjaka,
\q1 fe hoe mìka añ’ahetse eo ty fañisoha’e.
\q1
\v 13 Fianto aman-drae’e ty ajaja votro,
\q1 vaho fitsopatsopahañe nainai’e
\q1 ty fitreontreon-drakemba.
\q1
\v 14 Lovaeñe aman-droae ty vara
\q1 naho anjomba,
\q1 fe boak’am’ \nd Iehovà\nd* ty valy hendre.
\q1
\v 15 Mampilañak’ an-droro ty havotroañe,
\q1 vaho ho silofen-kerè ty tro’ i tembo.
\q1
\v 16 Mahatam-piay ty mahatan-dily,
\q1 fe hihomake ty mitsidaredare
\q1 ami’ty lia’e.
\q1
\v 17 Mampisongo am’ \nd Iehovà\nd*
\q1 ty mitretre i rarake,
\q1 le ho tambeze’e i fatariha’ey.
\q1
\v 18 Lilovo o ana’o, kanao mb’e
\q1 amam-pitamàñe;
\q1 fe ko ilosoran-dafa.
\q1
\v 19 Tsy mete tsy liloveñe ty midabadoa;
\q1 f’ie haha’o, tsy mahay tsy indrai’o.
\q1
\v 20 Mijanjiña fanoroañe,
\q1 le miantofa endake,
\q1 vaho hahihitse irehe am-para’e.
\q1
\v 21 Maro ty safirin-tro’ ondaty,
\q1 fe hijadoñe ty famerea’ \nd Iehovà\nd*.
\q1
\v 22 Ty paiañe ama’ondaty le ty fiferenaiña’e;
\q1 Hàmake t’ie rarake ta te remborake.
\q1
\v 23 Minday mb’an-kaveloñe
\q1 ty fañeveñañe am’ \nd Iehovà\nd*;
\q1 hiaiñ’añoleñan-dre, tsy ho zoem-boiñe.
\q1
\v 24 Alipo’ ty votro am-pinga ao ty taña’e,
\q1 fe tsy ahere’e mb’am-bava.
\q1
\v 25 Lafao ty mpiteratera,
\q1 hianara’ ty seretse fañahy,
\q1 fe endaho ty maharendreke,
\q1 hitovoñañe ty hilala’e.
\q1
\v 26 Ty mampianto rae,
\q1 naho ty manao soike aman-drene,
\q1 le anadahy manalatse naho mahameñatse.
\q1
\v 27 Mijihera tsy hañaoñ’ endake, anake,
\q1 le handifihe’o ty tsaran-kilala.
\q1
\v 28 Maneratera ty hatò ty mpitalily votro,
\q1 vaho lifo-karatiañe ty vava’ o lo-tserekeo.
\q1
\v 29 Ampihentseñen-dilo ty mpandrabioñe
\q1 naho lafa ty lambosin-dagola.
\c 20
\q1
\v 1 Mpamerevere ty divay,
\q1 mpañotakotake ty toake,
\q1 vaho tsy mahihitse i nampivìhe’ey.
\q1
\v 2 Ty fampangebaheban-kaviñera’
\q1 i mpanjakaiy,
\q1 le manahake ty firohafan-diona;
\q1 mamoe aiñe ty mitrabik’ aze hiboseha’e.
\q1
\v 3 Havañona’ ondaty te miholiatse
\q1 añ-ali-drokoñe,
\q1 fe manjehatse avao o dagolao.
\q1
\v 4 Tsy mitrabak’ asotry ty tembo;
\q1 ie famara-manta,
\q1 mangatake tsy mahazo.
\q1
\v 5 Rano laleke ty fisafirian’ arofo’ ondaty,
\q1 fe mampiboak’ aze ty mahihitse.
\q1
\v 6 Maro ty mihaboke ho mpiferenaiñe,
\q1 fa ia ty mahatendreke ondaty migahiñe.
\q1
\v 7 Mañavelo an-kahiti’e ty vantañe;
\q1 haha o ana’e manonjohy azeo!
\q1
\v 8 Tsongàe’ ty mpanjaka
\q1 miambesatse an-jaka ao am-pihaino’e
\q1 ze atao haratiañe iaby.
\q1
\v 9 Ia ty mahafisaontsy ty hoe:
\q1 Fa nampikanitsoheko ty troko;
\q1 vaho malio tahin-draho?
\q1
\v 10 Songa tiva am’ \nd Iehovà\nd*
\q1 ty vato-pandanja vìlañe
\q1 naho ty kapoake vàlañe.
\q1
\v 11 O sata’eo ro andrendrehañe i zatovo,
\q1 hera mikasokàsoke naho to i fitoloña’ey.
\q1
\v 12 Ty ravembia mahajanjiñe,
\q1 naho ty fihaino mahaoniñe,
\q1 songa namboare’ \nd Iehovà\nd*.
\q1
\v 13 Ko manao hatea rotse,
\q1 tsy mone ho rarake;
\q1 Avotiriho o fihaino’oo
\q1 le ho eneñe mahakama.
\q1
\v 14 Raty, raty, hoe ty mpivily;
\q1 ie mienga le isengea’e.
\q1
\v 15 Eo ty volamena
\q1 naho ty vatosoa tsifotofoto;
\q1 fe safira ty fivimby nahatendreke hilala.
\q1
\v 16 Rambeso ty saro’ ty nitsoak’ ambahiny, tambozoro ho antoke t’ie tsy fohiñe.
\q1
\v 17 Mamy ty mofo niazo t’ie namañahy,
\q1 fa ho atseke faseñe aniany ty vava’e.
\q1
\v 18 Tolo-kevetse ro mahajadoñe safiry,
\q1 Mañolots’ añ’aly ty fanoroan-kihitse.
\q1
\v 19 Mampiborake tangogo
\q1 ty mpikanifoke mitsatsà;
\q1 aa le ko mirekets’ami’ty mpangaradadake.
\q1
\v 20 Ze mamatse rae naho rene,
\q1 hikipeke an-kaieñe ao ty failo’e.
\q1
\v 21 Ty lova tinaentaeñe am-baloha’e,
\q1 tsy ho tahieñe am-para’e.
\q1
\v 22 Ko manao ty hoe: Ho valeko i ratiy; mahaliñisa \nd Iehovà\nd*,
\q1 Ie ty handrombak’ azo.
\q1
\v 23 Tiva am’ \nd Iehovà\nd* ty vato-lanja tsy mira; vaho tsy vokatse o fandanjàñe vìlañeo.
\q1
\v 24 Alaha’ \nd Iehovà\nd* o lia’ ondatio; aia arè ty haharendreha’ ondaty i lala’ey?
\q1
\v 25 Fandrike ty ikofofoaha’ t’indaty,
\q1 ty hoe: Masiñe! ie añe i fantay
\q1 vaho añontanea’e.
\q1
\v 26 Manònga o lo-tserekeo
\q1 ty mpanjaka mahihitse;
\q1 le ampivarimbariñe’e ama’e ty larò.
\q1
\v 27 Failo’ \nd Iehovà\nd* ty arofo’ ondaty,
\q1 Fonga karaofe’e o añova’eo.
\q1
\v 28 Mahafijadoñe ty fiferenaiñañe
\q1 naho ty hatò i mpanjakay;
\q1 tohaña’e am-patarihañe i fiambesa’ey.
\q1
\v 29 Enge’ o ajalahio o haozara’ iareoo;
\q1 maroi-foty ty volonahe’ o androanavio.
\q1
\v 30 Mamaopao-karatiañe
\q1 ty fofoke mamonotroboke,
\q1 naho mañalio o añova’eo ty lafa.
\c 21
\q1
\v 1 Hoe kadahan-drano am-pità’ \nd Iehovà\nd*
\q1 ty arofo’ i mpanjakay; tehafe’e an-tsatri’e.
\q1
\v 2 Mahity am-pihaino’ ondaty o sata’eo;
\q1 fe Mpandanja arofo t’\nd Iehovà\nd*.
\q1
\v 3 No’ \nd Iehovà\nd* ambone’ ty soroñe
\q1 ty havañonañe naho ty hatò.
\q1
\v 4 Fihaino mievoñevoñe
\q1 naho arofo miebotse:
\q1 ro failo’ o lo-tserekeo—hakeo izay.
\q1
\v 5 Minday havokarañe ty fisafiri’
\q1 o mavitrikeo;
\q1 fe mitarike mb’am-pilàñe
\q1 ty fanaentàeñañe.
\q1
\v 6 Ty ahazoam-bara am-pamelem-pandañitse
\q1 le evoñe mihelañe mb’am-pikoromahañe.
\q1
\v 7 Ho kozozoteñe añe o lo-tserekeo
\q1 ty amo fijoia’eo,
\q1 fa ifoneña’ iareo ty tsy hanao ty hiti’e.
\q1
\v 8 Mikelokeloke ty lala’ ondaty mengoke;
\q1 fe mahity ty fitoloña’ ty malio añ’arofo.
\q1
\v 9 Hàmake te mitoboke
\q1 an-kotson-tapenak’ ao,
\q1 ta te miharo akiba aman-drakemba
\q1 tea-trabike.
\q1
\v 10 Mipay haratiañe ty tro’ i tsivokatsey,
\q1 fa tsy mahaonin-tretrè
\q1 am-pihaino’e ty rañe’e.
\q1
\v 11 Ie lafañe ty mpañìnje,
\q1 mihamahihitse t’ie trentrañe,
\q1 ie anareñe ty mahihitse,
\q1 mitombo ty hilala’e.
\q1
\v 12 Misamba ty akiba’ i lo-tserekey
\q1 ty vantañe;
\q1 avari’e mb’am-piantoañe i tsivokatsey.
\q1
\v 13 I manjenjen-dravembia
\q1 ami’ty fitoreo’ o rarakeo,
\q1 ty mbe hikaike fe tsy ho toiñeñe.
\q1
\v 14 Fañanintsin-kaviñerañe
\q1 ty ravoravo añ’etake,
\q1 naho filoa-tiñake ty vokàñe añ’araña ao.
\q1
\v 15 Ie anoeñe ty hatò, ehake o vañoñeo,
\q1 fe mangebahebake o mpikitroke haratiañeo.
\q1
\v 16 Hitofa am-pivorian-dolo ao t’indaty mandrike amy lalan-kilalay.
\q1
\v 17 H’ondaty poi’e ty mpitea haravoañe;
\q1 tsy ho mpañaleale ty mpikoko divay
\q1 naho menake.
\q1
\v 18 Vilin’ai’ ty vantañe ty tsivokatse,
\q1 le tsoa’ ty vañoñe ty mpamañahy.
\q1
\v 19 Hàmake t’ie mimoneñe
\q1 an-dratraratra añe,
\q1 ta t’ie miharo aman-drakemba
\q1 mandietse naho mora boseke.
\q1
\v 20 Mihaja añ’anjomba’ o mahihitseo
\q1 ty vara sarotse naho ty menake;
\q1 fe abotse’ ty dagola o azeo.
\q1
\v 21 Manjo haveloñe naho havañonañe
\q1 vaho hasiñe
\q1 ty mitoha havantañañe naho fiferenaiñañe.
\q1
\v 22 Mitroatse an-drovam-panalolahy
\q1 ty mahihitse, vaho arotsa’e
\q1 ty hafatrarañe niatoa’e.
\q1
\v 23 Mitan-ty fiai’e tsy ho am-poheke
\q1 ty mahambeñe falie naho fameleke.
\q1
\v 24 Manivetive ty añara’e avao ty mpirohake naho mpievoñevoñe ;
\q1 ie mitoloñe am-pitrotroaboha’e.
\q1
\v 25 Mañe-doza amy tembo ty fañiria’e,
\q1 amy te tsy mete mitoloñe o taña’eo.
\q1
\v 26 Hadrao lomoñandro ty lahiaga,
\q1 fe matarike ty vantañe, tsy mangazoñe.
\q1
\v 27 Tiva ty fisoroña’ o tsivokatseo;
\q1 àntsake te engae’e miharo kinia.
\q1
\v 28 Hikenkañe ty mpitalily vìlañe,
\q1 fe mitolom-pitaroñe ty mañaoñe.
\q1
\v 29 Manao tarehe mahavany ty rati-tsereke,
\q1 fe itsakorea’ ty vantañe ty hombà’e.
\q1
\v 30 Tsy eo ty hihitse,
\q1 ndra ty faharendrehañe,
\q1 ndra ty safiry mahafiatreatre am’\nd Iehovà\nd*.
\q1
\v 31 Hentseñeñe ho ami’ty androm-pihotakotahañe ty soavala,
\q1 fe a \nd Iehovà\nd* ty fandrebahañe.
\c 22
\q1
\v 1 Paiaeñe mandikoatse ty vara jabajaba
\q1 ty añarañe soa,
\q1 vaho ambone’ ty volafoty
\q1 naho ty volamena ty fañisohañe.
\q1
\v 2 Ty ihambaña’ ty mpañefoefo
\q1 naho ty rarake:
\q1 songa sata’ \nd Iehovà\nd* Andrianamboatse.
\q1
\v 3 Mizò hankañe ty maharendreke
\q1 vaho mipalitse,
\q1 fe misorok’ avao ty seretse
\q1 vaho liloveñe.
\q1
\v 4 Ty tambem-piambaneañe
\q1 naho ty fañeveñañe am’ \nd Iehovà\nd*,
\q1 ro vara naho hasiñe vaho haveloñe.
\q1
\v 5 An-dala’ ty mengoke
\q1 ty fatike naho ty fandrike;
\q1 ihankaña’ ty mahambem-piaiñe.
\q1
\v 6 Anaro ty ajaja ty lala’ homba’e,
\q1 le tsy handriha’e te bey.
\q1
\v 7 Fehè’ ty mpañaleale ty rarake,
\q1 ondevo’ ty mampisongo ty mpisongo.
\q1
\v 8 Handrofotse haemberañe
\q1 ty mitongy hatsivokarañe,
\q1 vaho hipoke ty kobain-kaboseha’e.
\q1
\v 9 Soa tata ty matarike,
\q1 amy te andiva’e mahakama ty rarake.
\q1
\v 10 Soiho añe o mpañìnjeo,
\q1 le hibioñe ty mah’ankoheke;
\q1 hijihetse ka ty sotasota naho inje.
\q1
\v 11 Rañe’ ty mpanjàka
\q1 ty mpikoko arofo-malio
\q1 vaho rei-tave ty saontsi’e.
\q1
\v 12 Mihaja hilala o fihaino’ \nd Iehovà\nd*o,
\q1 fe havalintsingora’e
\q1 ty fivola’ o mpamañahio.
\q1
\v 13 Hoe ty votro: Liona ty alafe ao!
\q1 havetra’e an-dalañe ey iraho.
\q1
\v 14 Kadaha laleke ty vava’ i tsimirirañey;
\q1 mihotrak’ ao ze iviñera’ \nd Iehovà\nd*.
\q1
\v 15 Mifehefehe an-tro’ ty ajalahy ao
\q1 ty hagegeañe,
\q1 f’ie anoe’ ty kobaim-pandilovañe soike.
\q1
\v 16 Songa mahararake ty famorekekeañe
\q1 o rarakeo hanontonan-teña,
\q1 naho ty fanolorañe ami’ty mpañaleale.
\q1
\v 17 Atokilaño ty ravembia’o
\q1 naho janjiño ty fitaro’ o mahihitseo;
\q1 vaho itsakoreo o fañòhakoo,
\q1
\v 18 Toe mahasoa azo te hampireketa’o,
\q1 soa t’ie ho veka’e am-pivimbi’o.
\q1
\v 19 Soa te hatokisa’o t’\nd Iehovà\nd*,
\q1 ty nampaharendrehako azo anindroany,
\q1 eka ihe ‘nio!
\q1
\v 20 Tsy fa nanokirako famereañe
\q1 naho fampandrendrehañe telopolo?
\q1
\v 21 hampalangesañe ama’o ty hiti’e
\q1 naho ty hatò,
\q1 hahatoiña’o an-katò ty nañirak’azo.
\q1
\v 22 Ko kamere’o o rarakeo amy te poie,
\q1 ko demohe’o an-dalambey eo
\q1 ty mpisotry;
\q1
\v 23 fa mihalaly ho a iareo t’\nd Iehovà\nd*;
\q1 vaho ho tavane’e ty fiai’
\q1 ze mitavañe am’iereo.
\q1
\v 24 Ko mirañetse amo mandoviakeo,
\q1 vaho ko mirekets’amy t’indaty miforoforo.
\q1
\v 25 kera ho zatse o sata’eo,
\q1 vaho hifehefehe am-pandrik’ ao ty fiai’o.
\q1
\v 26 Ko mpiamo mpanò-tañañe
\q1 ndra miantoke mpisongoo.
\q1
\v 27 Naho tsy ama’o ty hañavaha’o aze,
\q1 akore te hasinto’e i tihy ambane’oy?
\q1
\v 28 Ko avi’o ty vorovoro haehae
\q1 najadon-droae’oo,
\q1
\v 29 Mahaoniñe ondaty mavitrike
\q1 am-pitoloña’e hao irehe?
\q1 ho mpitorom-panjàka re,
\q1 tsy hijohañe aolo’ o tsotrao.
\c 23
\q1
\v 1 Ie miambesatse hitrao-pikama
\q1 ami’ty mpifehe,
\q1 biribirio ty añatrefa’o eo,
\q1
\v 2 vaho tohoro meso ty tretra’o
\q1 naho mpanao avetse irehe.
\q1
\v 3 Ko lelalelae’o o raha mafiri’eo,
\q1 fa mahakama mahatsikapy.
\q1
\v 4 Ko mamokotse vatañe ho mpañaleale,
\q1 ijihero am-pisafiri’o.
\q1
\v 5 Ampihelañe’o fihaino hao ty tsy eo?
\q1 fa toe mitsene elatse
\q1 manahake ty vantio ty vara
\q1 mitiliñe mb’an-dindiñe eñe.
\q1
\v 6 Ko kamae’o ty hàne’ o matitio,
\q1 ko irie’o o aze mafirio;
\q1
\v 7 Fa hambañe ami’ty fañereñere’e
\q1 añ’ova’e ao ty ie: hoe re ama’o;
\q1 Mikamà naho minoma!
\q1 fe tsy ama’o ty tro’e.
\q1
\v 8 Hilañe’o i pilipito’e nitsopehe’oy,
\q1 vaho hianto i fañandriaña’oy.
\q1
\v 9 Ko misaontsy am-pitsa­noña’ ty seretse,
\q1 fa ho sirikae’e ty hihi’ o enta’oo.
\q1
\v 10 Ko avi’o ty nifaritsohañe haehae,
\q1 vaho ko miaribañe ty tanem-bode-rae,
\q1
\v 11 amy te maozatse ty mpijeba’ iareo;
\q1 hitohaña’e ty ama’o.
\q1
\v 12 Ampiantofo filie-batañe ty arofo’o,
\q1 vaho volan-kilàla o ravembia’oo.
\q1
\v 13 Ko ahànkañe ami’ty ana’o ty lilo;
\q1 fa tsy mahavetrake ty lafan-kobaiñe.
\q1
\v 14 Ie pisoe’o an-kobaiñe,
\q1 ho haha’o an tsikeokeok’ ao ty tro’e.
\q1
\v 15 O anako, naho mahihitse ty tro’o,
\q1 ho ehake ty troko,
\q1
\v 16 vaho hirebeke ty añ’ovako ao
\q1 naho mahafivolañe ty hiti’e o soñi’oo.
\q1
\v 17 Ko apo’o ho tsikirihen-tro’o
\q1 ty mpandilatse,
\q1 fe imaneo lomoñandro
\q1 ty fañeveñañe am’ \nd Iehovà\nd*.
\q1
\v 18 Toe ey ty ho avy,
\q1 vaho tsy haitoañe ty fisalalà’o.
\q1
\v 19 O anako, mitsanoña naho mahihira,
\q1 vaho avantaño mb’amy lalañey ty tro’o.
\q1
\v 20 Ko mitraok’ amo
\q1 mpitolom-pitrini-divaio,
\q1 ndra amo mpamotseke henao;
\q1
\v 21 fa songa hivarin-ko rarake
\q1 ty mahake naho i jike;
\q1 vaho hisikin-tsirodea ty poie.
\q1
\v 22 Tsendreño ty rae nisamak’ azo,
\q1 vaho ko injè’o ty rene’o t’ie bey.
\q1
\v 23 Vilio ty hatò le ko aletake;
\q1 ikalò hihitse naho anatse vaho hilala.
\q1
\v 24 Handia taroba ty rae’ i mahitiy;
\q1 vaho hifalea’e i ana-dahy karafito nampiareñe’ey.
\q1
\v 25 Ampiehafo ty rae’o naho i rene’o;
\q1 hampinembanembañ’ i nisamak’ azoy.
\q1
\v 26 O anake, atoloro ahiko ty tro’o,
\q1 le ampifaleo amo satakoo o maso’oo.
\q1
\v 27 Kadaha laleke ty tsimirirañe,
\q1 vaho vovoñe maifitse ty karapilo.
\q1
\v 28 Mivoñoñe ao re hoe malaso,
\q1 vaho ampitomboe’e am’ondatio
\q1 ty hatsivokarañe.
\q1
\v 29 Ia ty mioremèñe, ia ty mihontoke?
\q1 Ia ty ampoheke? Ia ty mitoreo?
\q1 Ia ty vinonotroboke tsy amam-poto’e;
\q1 Ia ty ama-maso mandofiry?
\q1
\v 30 O mihenekeneke an-divaio,
\q1 o mitolom-pitsopeke divay linaroo.
\q1
\v 31 Ko hentea’o ty hamena’ ty divay,
\q1 ty fimilomilo’e am-pitovy ao,
\q1 ty falamam-pioriha’e.
\q1
\v 32 Ie am-para’e mitifatse hoe lapetake
\q1 vaho mihehetse hoe fandrefeala.
\q1
\v 33 Hahaoniñe sahàtse o maso’oo,
\q1 vaho hivolan-kamengohañe
\q1 ty ron-doha’o.
\q1
\v 34 Le hanahake ty mitsalalampatse
\q1 aivo’ i riakey irehe,
\q1 naho ty mandre ambone’
\q1 ty bodan-dain-dakañe eo.
\q1
\v 35 Namofok’ ahy iereo,
\q1 fe tsy manaintaiñe;
\q1 linafa’e fe tsy nireiko!
\q1 Ombia te ho tsekake hipaiako indraike?
\c 24
\q1
\v 1 Ko kirañe’o o lo-tserekeo,
\q1 ko mañiry ho mpiam’ iareo.
\q1
\v 2 Fa mikitroke hapiaroteñe
\q1 ty ron-doha’iareo,
\q1 vaho mivolan-tsiroe-tafatoe o soñi’eo.
\q1
\v 3 Hihitse ty mahafonitse anjomba,
\q1 vaho hilàla ty añorizañe aze;
\q1
\v 4 Fahafohinañe ty mahapea o efe’eo
\q1 amy ze hene vara soa naho mahafale.
\q1
\v 5 Maozatse t’indaty mahihitse,
\q1 manovon-kafatrarañe ty mahilala;
\q1
\v 6 amy te fiaoloañe mahihitse
\q1 ty ifanehafa’o amo ali’oo,
\q1 vaho minday fandrebahañe
\q1 ty hamarom-piaolo.
\q1
\v 7 Loho ambone’ i seretsey ty hihitse;
\q1 ie tsy manoka-palie an-dalam-bey eo.
\q1
\v 8 Hatao mpikitro-draha
\q1 ty mikilily hanao raty.
\q1
\v 9 Hakeo ty mikitro-kagegeañe,
\q1 vaho tiva am’ondatio ty mpañinje.
\q1
\v 10 Vata’e tsy an-kaozaran-drehe t’ie mitoirañe añ’andron-kaemberañe.
\q1
\v 11 Hahao o kozozotem-
\q1 bam-pandentañe mb’eoo,
\q1 ie midaliendalieñe
\q1 mb’am-panjamanañe mb’eo,
\q1 Ehe, kalaño!
\q1
\v 12 Aa naho manao ty hoe irehe,
\q1 Inao! tsy napota’ay ‘nio!—
\q1 Tsy mahatsikarake izay hao
\q1 i Mpandanja arofoy?
\q1 tsy arofoana’ i Mpañambem-piai’oy hao?
\q1 Tsy havaha’e am’ondatio hao o sata’eo?
\q1
\v 13 O anako, mihinana tantele, amy te soa,
\q1 eka, mamy an-dañilañy ao
\q1 ty tantele boak’ am-papi’ey.
\q1
\v 14 Maharendreha te izay ty hihitse
\q1 ami’ty fiai’o; ie trea’o
\q1 le ho tendrek’ ama’o ty ho avi’o,
\q1 vaho tsy haitoañe ty fisalalà’o.
\q1
\v 15 Ko vandroñe’o, ty tsereheñe tia,
\q1 ty anjomba’ i vañoñey;
\q1 ko joie’o ty akiba imoneña’e;
\q1
\v 16 fa mikorovoke im-pito ty vantañe,
\q1 le mbe mitroatse avao;
\q1 fe mivembeñe añ’andron-kankàñe
\q1 o lo-tserekeo.
\q1
\v 17 Ko irebeha’o ty fihotraha’ o rafelahi’oo,
\q1 vaho ko ado’o hifalea’ ty tro’o
\q1 i fitsikapia’ey.
\q1
\v 18 fa ho vazoho’ \nd Iehovà\nd*
\q1 naho ho alihe’e
\q1 vaho havì’e tsy ho ama’e i haviñera’ey.
\q1
\v 19 Ko angovita’o o tsivokatseo,
\q1 le ko itsikiriha’o o lo-tserekeo;
\q1
\v 20 fa tsy aman-ko tamae’e ty tsereheñe;
\q1 le hakipe ty failo’ i borololoy.
\q1
\v 21 O anake, mañeveña
\q1 am’ \nd Iehovà\nd* naho amy mpanjakay,
\q1 le ko mitraok’ amo mpiolao,
\q1
\v 22 fa hivovoa’ ty feh’ ohatse,
\q1 vaho ia ty hahafohiñe
\q1 ty fifetsaham-piantoañe
\q1 hanoe’ i roroey?
\q1
\v 23 Manoly o tsara retoañe ka
\q1 o mahihitseo:
\q1 Tsy mete an-jaka ao ty firihiañe.
\q1
\v 24 Ze manao ty hoe amo aman-kakeoo:
\q1 ‘Vantan-drehe,’ ro honjira’ i màroy;
\q1 vaho ho heje’ o fifeheañeo;
\q1
\v 25 fe ho ehake o mahafañendakeo
\q1 vaho ho soa tata.
\q1
\v 26 Orofeñe o fivimby mahatoiñe
\q1 an-kahiti’eo.
\q1
\v 27 Henefo heike ty fitromaha’o alafe’e ao
\q1 naho halahalao o tete’oo,
\q1 vaho ranjio amy zao ty akiba’o.
\q1
\v 28 Ko sesehe’o, tsy amam-poto’e t’indaty;
\q1 vaho ko mamañahy am-pivimby.
\q1
\v 29 Ko manao ty hoe:
\q1 Hanoako hambañe amy nanoa’e ahikoy;
\q1 sindre havahako ty amy sata’ey.
\q1
\v 30 Niozàko ty tete’ i tembo,
\q1 niariako ty tanem-balobo’ i seretse;
\q1
\v 31 hehe t’ie nioboñobom-patike;
\q1 nilafihan-kisatse i taney,
\q1 vaho narobake ty kijolim-bato’e.
\q1
\v 32 Ie nitreako le naereñereko,
\q1 nenteako vaho nitendrek’ anatse.
\q1
\v 33 Firotse kede, mandre betebeteke,
\q1 mañohom-pitañe hiroro,
\q1
\v 34 le hikovovoke mb’ama’o ty hararahañe,
\q1 vaho hoe lahin-defoñe ty hapoia’o.
\c 25
\q1
\v 1 Tovo’ ty razan-tsaontsi’
\q1 i Selomò iretiañe,
\q1 o nitsikombean-droandria’
\q1 i Kez’kia, mpanjaka’ Iehodao.
\q1
\v 2 Engen’Añahare ty mampikafi-draha,
\q1 naho volonahe’ o mpanjakao
\q1 ty mañotsohotso.
\q1
\v 3 Ty haabo’ i likerañey,
\q1 ty halale’ ty tane toy,
\q1 izay ty hasaro-pitsikarahañe
\q1 ty arofom-panjaka.
\q1
\v 4 Afaho amo volafotio ty taim-pira’e,
\q1 le ho amam-panefea’e finga ty mpanefe;
\q1
\v 5 asitaho añatrefa’ i mpanjakay
\q1 o tsereheñeo,
\q1 le hijadoñe an-kavantañañe
\q1 ty fiambesa’e.
\q1
\v 6 Ko mañonjom-bata
\q1 añatrefa’ i mpanjakay,
\q1 ndra mijohañe an-toe’ o aman-kasiñeo;
\q1
\v 7 Hàmake te anoeñe ama’o ty hoe:
\q1 Miheova mb’aolo atoa,
\q1 ta t’ie hareke añatrefa’ o roandriañe
\q1 niisam-pihaino’oo,
\q1
\v 8 ko malisa hanese sisy;
\q1 fa inoñe ty hanoe’o ampara’e,
\q1 t’ie ampisalara’ indatiy?
\q1
\v 9 Mifandahara hey am’indatiy
\q1 le ko borahe’o ty tsikenta’ ondaty;
\q1
\v 10 tsy mone hinje’e te mahajanjiñe,
\q1 vaho tsy ho modo ty halolo-lahi’o.
\q1
\v 11 Hoe raketa volamena
\q1 niravaheñe volafoty
\q1 ty saontsy soa mañeva.
\q1
\v 12 Hoe bange volamena naho
\q1 ravake volamena ki’e,
\q1 ty endake an-kihitse
\q1 an-dravembia mahafijanjiñe.
\q1
\v 13 Hambañe ami’ty hanintsim-panala
\q1 am-bolam-binta
\q1 ty ìrake lili-po amo mpañirak’ azeo;
\q1 ie ampanintsiñe’e ty arofo’ o talè’eo.
\q1
\v 14 Hoe rahoñe miharo tioke
\q1 tsy amañ’orañe
\q1 ty misenge ravoravo tsy atolo’e.
\q1
\v 15 Mete handreketse ty mpifehe
\q1 ty fahaliñisañe,
\q1 naho mahafipoza-taolañe
\q1 ty fisaontsy malea.
\q1
\v 16 Ihe tendreke tantele,
\q1 mikama ze mahaeneñe,
\q1 kera habodàja’o te mitipak’ eratse.
\q1
\v 17 Soa re te tsy siak’ añ’akiban-drañe’o ao o fandia’oo,
\q1 tsy mone ho etsak’ azo, vaho ho heje’e.
\q1
\v 18 Hoe kobaiñe, naho fibara,
\q1 vaho ana-pale masioñe
\q1 ty manara-bande ama’ ondaty.
\q1
\v 19 Hoe nife folake ndra fandia mikoletra
\q1 ty fiatoañe ami’ty mpamañahy
\q1 an-tsam-poheke.
\q1
\v 20 Hoe mañafa-tsaroñe
\q1 añ’andro manintsy,
\q1 ndra ty vinegra nalaro sokay
\q1 ty mibeko ami’ty milendèñe.
\q1
\v 21 Ie saliko ty rafelahi’o,
\q1 anjotso mahakama;
\q1 ie taliñiereñe, fahano rano;
\q1
\v 22 zay ty hamotria’o foroha mirekake
\q1 añ’ambone’e eo,
\q1 vaho hanambe azo t’\nd Iehovà\nd*.
\q1
\v 23 Minday orañe ty tiok’ avaratse,
\q1 naho minday laharañe miloroloro
\q1 ty lela manao tsikony.
\q1
\v 24 Hàmake himoneñe
\q1 añ’ilan-tampenak’ ao,
\q1 ta te añ’anjomba mitraoke
\q1 aman-drakemba mpitrabike.
\q1
\v 25 Hoe rano manintsy
\q1 ami’ty maran-drano,
\q1 ty talily soa boak’an-tsietoitàne añe.
\q1
\v 26 Hoe rano manganahana
\q1 nileoren-ditsake,
\q1 naho vovoñe nitivaeñe,
\q1 ty vantañe miheve ty lo-tsereke.
\q1
\v 27 Tsy mahasoa te mikama tantele maro,
\q1 vaho tsy enge’o t’ie mandrenge vatañe.
\q1
\v 28 Hoe ty fiboroboñafañe an-drova
\q1 tsy aman-kijoly,
\q1 t’indaty tsy maha-lie-batañe
\c 26
\q1
\v 1 Hoe fanala añ’asara,
\q1 ndra orañe an-tsam-pitatahañe,
\q1 ty tsy fañevà’ i dagolay fiasiañe.
\q1
\v 2 Hoe ty fikepakepaha’ ty hitikitike
\q1 naho ty fitiliñam-polinjà,
\q1 ty tsy ipetaham-patse
\q1 te tsy amam-bente’e.
\q1
\v 3 Ty fikiso ho ami’ty soavala,
\q1 naho ty laboridy ho ami’ty borìke,
\q1 vaho ty kobaiñe ho an-dambosi’ i dagola.
\q1
\v 4 Ko toiñe’o ami’ty hanè’e i seretse,
\q1 hera hanahak’ aze.
\q1
\v 5 Valeo mañeva’ i hagegea’ey ty dagola,
\q1 tsy mone hahihitse ami’ty maso’e.
\q1
\v 6 Hoe mañitsike tomboke
\q1 naho migenoke voreke,
\q1 ty mampisangitrike taratasy
\q1 am-pitàn-dagola.
\q1
\v 7 Maletraletra ty fandia’ i kepeke,
\q1 naho ty razan-drehak’ am-bava’
\q1 o seretseo.
\q1
\v 8 Hoe mañombe vato am-piletse,
\q1 ty miasy i gegegege.
\q1
\v 9 Hoe fatike mipok’ an-taña’ i jike,
\q1 ty razan-drehak’ am-bava’ i dagola.
\q1
\v 10 Ie mampitoloñe ty seretse,
\q1 le manahake te mañeke mpandrioñe.
\q1
\v 11 Hoe amboa mimpoly ami’ty loa’e,
\q1 ty dagola mamereñe ty hagegea’e.
\q1
\v 12 Tsy fa nahaisake ondaty mahihitse
\q1 am-pihaino’e hao irehe?
\q1 bey ty fitamà’ i seretsey ta ty aze.
\q1
\v 13 Hoe ty votro,
\q1 Inao liona ty an-damoke eo!
\q1 Midada an-dalañe ey ty liona!
\q1
\v 14 Manahake ty figavingavin-dalañe
\q1 amo soavili’eo,
\q1 ty tembo am-pandrea’e eo.
\q1
\v 15 Ajo’ i votro am-po finga ao ty taña’e,
\q1 fe tsy lefe’e ty minday aze mb’am-bava’e.
\q1
\v 16 Mahihitse ami’ty maso’e ty tembo,
\q1 te ami’ty fito-lahy manoiñe
\q1 an-kavantañañe.
\q1
\v 17 Hambañ’ ami’ty mitsepak’ amboa an-tsofi’e,
\q1 ty mpandrioñe mihilintsioñe
\q1 ami’ty aly tsy aze.
\q1
\v 18 Hoe ty derendereñe mañiririñe
\q1 raha mibelañe, naho ana-pale,
\q1 vaho fampihomahañe,
\q1
\v 19 ty mamitake ondaty ami’ty hoe:
\q1 Nisolesole avao iraho.
\q1
\v 20 Mate ty afo tsy aman-katae,
\q1 modo ka ty dabasida tsy aman-tsikotsiko.
\q1
\v 21 Hoe sarebò ami’ty foroha mirekake,
\q1 naho hatae ami’ty afo,
\q1 ty famiaña’ i mpanao tsikoniy
\q1 hañolaña’e aiñe.
\q1
\v 22 Hoe kenoke mafiry
\q1 ty fivolam-pitàngogo,
\q1 ie migodoñe mb’añ’ova lalek’ ao.
\q1
\v 23 Hoe valàñe-tane nihamineñe
\q1 taim-piram-bolafoty
\q1 ty fameleke ampirehetan-
\q1 kelok’ an-troke ao.
\q1
\v 24 Añonohonoa’ ty famele’e i falaiña’ey,
\q1 fe añaja’e famañahiañe ty an-tro’e ao.
\q1
\v 25 Ndra t’ie mirehake fañisohañe,
\q1 ko iantofa’o,
\q1 fa pea tiva fito ty an-tro’e ao.
\q1
\v 26 Aeta’e am-pitake ty halò-tsere’e,
\q1 fe hiboak’ am-pivory ao ty haloloa’e.
\q1
\v 27 Higodoñe an-koboñe ao ty nihaly aze,
\q1 himpoly ama’e ty vato navarimbari’e.
\q1
\v 28 Heje ty famele’ i remborake o jinoi’eo,
\q1 mampianto ka ty falie manao kabeake.
\c 27
\q1
\v 1 Ko irengevoha’o ty hamaray,
\q1 fa tsy fohi’o ze mete haboa’ ty andro.
\q1
\v 2 Angao ho tsiririe’ ty ila’e
\q1 fa tsy ty falie’o,
\q1 ty alik’ama’o fa tsy o fivimbi’oo.
\q1
\v 3 Mavesatse ty vato; midogìñe ty faseñe,
\q1 fe mavesatse te am’iereo
\q1 ty haembera’ i dagola.
\q1
\v 4 Toe masiake ty habosehañe,
\q1 sorotombake ty loa-tiñake,
\q1 fa ia ka ty mahafiatreke ty famarahiañe.
\q1
\v 5 Hàmake ty endak’ am-batraike,
\q1 ta ty hatea mietake.
\q1
\v 6 Vente’e ty fikobokoboan-drañetse,
\q1 ta ty oroke maro’ i rafelahiy.
\q1
\v 7 Malay tantele ty ànjañe,
\q1 fe mamy ami’ty saliko ze atao mafaitse.
\q1
\v 8 Hoe foly mandifik’ ami’ty traño’e,
\q1 t’indaty mandridrike ami’ty akiba’e.
\q1
\v 9 Mampinembanembañ’ arofo
\q1 ty rano mañitse naho ty rame,
\q1 vaho mahasaro-tron-drañetse
\q1 ty famerea’ondaty.
\q1
\v 10 Ko aforintse’o ty rañe’o
\q1 naho ty rañen-drae’o,
\q1 vaho ko mamonje ty anjomban-drahalahi’o
\q1 naho mivovò ama’o ty hankàñe;
\q1 kitra’e ty mpitrao-tanàñe marine eo,
\q1 ta ty rahalahy añe.
\q1
\v 11 Mahihira irehe anake,
\q1 naho ampiehafo ty troko,
\q1 hahavaleako ze mitombok’ ahy.
\q1
\v 12 Mahaonin-kankàñe ty mahilala
\q1 le miampitse,
\q1 fe misibeke mb’eo ty forom-po,
\q1 vaho mijale.
\q1
\v 13 Rambeso ty sarimbo’ i
\q1 nitsoake ambahiniy,
\q1 le ifihino ho antoke ty amy ampela tsy fohiñey.
\q1
\v 14 Ty mitata rañetse am-pazake
\q1 te terak’ andro,
\q1 hatao ho fatse ama’e.
\q1
\v 15 Hambañe ami’ty fitsopatsopan’
\q1 andro avy,
\q1 ty rakemba mitribahatse;
\q1
\v 16 hamejan-tioke t’ie hamejañ’aze,
\q1 hoe mamihiñe menak’ am-pitàn-kavana.
\q1
\v 17 Maniom-by ty vy,
\q1 vaho andrañita’ ondaty ty vintan-drañe’e.
\q1
\v 18 Hikama ty voa’e
\q1 ty mañalahala sakoañe,
\q1 vaho hasiñeñe ty miatrake i talè’ey.
\q1
\v 19 Manahake ty tarehen-drano hetsoroen-daharañe,
\q1 ty hetsoroen’ arofo’ ondaty t’ondaty.
\q1
\v 20 Tsimbia tsy etsake ty tsikeokeoke
\q1 naho ty hankàñe,
\q1 le liae tsy eneñe ty fihaino’ ondaty.
\q1
\v 21 Am-patañe ty volafoty
\q1 vaho an-toñake ty volamena,
\q1 fitsoehañe ondaty ty engeñe atolots’aze.
\q1
\v 22 Ndra te demoheñe amañ’ana-deo
\q1 an-deoñe mitraoke tsako lisaneñe
\q1 ty dagola,
\q1 mbe tsy hisitak’ ama’e ty hanè’e.
\q1
\v 23 Rendreho soa o hare’oo,
\q1 vaho dareo o lia-rai’oo,
\q1
\v 24 fa tsy nainai’e ty vara,
\q1 naho tsy ho añ’afe’afe’e
\q1 ty sabakam-bolonahetse.
\q1
\v 25 Ie fa tinatake i ahetsey,
\q1 naho mitiry o tiritiri’eo,
\q1 vaho natontoñe ty ahetse am-bohitse ey;
\q1
\v 26 ho siki’o o anak-añondrio,
\q1 vaho ho vilin-teteke o ose-lahio;
\q1
\v 27 mahaeneñe ty fikama’o i rononon’ osey,
\q1 naho ho hane’ o keleia’oo,
\q1 vaho ho famahanañe o anak-ampata’oo.
\c 28
\q1
\v 1 Mibotatsake ty tsivokatse,
\q1 ndra te tsy horidañeñe,
\q1 fe mahafiato hoe liona tora’e
\q1 o vañoñeo.
\q1
\v 2 Kanao miola ty tane, maro ty mpifele’e
\q1 fe mahatam-pahendre’e
\q1 t’indaty mahilala naho maharendreke,
\q1
\v 3 T’indaty rarake mamorekeke ty poi’e,
\q1 le hoe oram-bey tsy manisa hane.
\q1
\v 4 Tsiririe’ o tsereheñeo ty mifary Hàke,
\q1 f’ie atreatrè’ ty mahatàn-Kake.
\q1
\v 5 Tsy apota’ o ratio ty hatò,
\q1 f’ie kila fohi’ ty mitsoeke \nd Iehovà\nd*.
\q1
\v 6 Hàmake te rarake
\q1 mañavelo an-kavantañañe,
\q1 ta te mpañefoefo mengok’ an-tsata.
\q1
\v 7 Mahatan-Kàke ty anake mahihitse,
\q1 fe manalatse an-drae’e
\q1 ty mirañetse amy mahake.
\q1
\v 8 Ty mampitombo vara ami’ty fañonjona’e ty anam-bola angala’e
\q1 ro manontoñe aze
\q1 ho ami’ty miferenaiñe amo rarakeo.
\q1
\v 9 I mitan-tsofy tsy hitsanoña’e Hake,
\q1 tiva ka ty fisolohoa’e\f + \fr 28:9 \fr*\ft Iob 15:29, Ies 59:1-2, Jao 9:31, Jn I 3:22\ft*\f*.
\q1
\v 10 Hijoñe an-davake hinali’e ao avao
\q1 ty mampandifike o vantañeo
\q1 mb’an-dalan-karatiam-beo,
\q1 fe ho soa lova o vañoñeo.
\q1
\v 11 Mahihitse am-pihaino’e ty mpañaleale,
\q1 fe mahatsikarak’ aze ty rarake mahilala.
\q1
\v 12 Ipoñafen-drebeke te mandreketse ty vañoñe,
\q1 fe mikafikafitse ondatio
\q1 naho miongake ty lo-tsereke.
\q1
\v 13 Tsy hiraorao ty mañetake ty fiolà’e,
\q1 fe ho tretrèzeñe ty misoloho
\q1 naho mifoneñe.
\q1
\v 14 Haha t’indaty mitampompotse,
\q1 fa hihotrak’ an-karatiañe
\q1 ty gañe añ’arofo.
\q1
\v 15 Manahake ty fitrè’ i lionay
\q1 naho i dobe mihitrihitry,
\q1 ty mpifehe lo-tserek’ am’ondaty rarakeo.
\q1
\v 16 Po-hilala ty mpifehe mamorekeke,
\q1 fe ho lava-havelo
\q1 ty malaim-bara tsy mahity.
\q1
\v 17 Hahitrike mb’an-koboñe ao
\q1 ty mivave lio-màliñe,
\q1 tsy eo ty hañimb’aze.
\q1
\v 18 Ho rombaheñe
\q1 ty mañavelo an-kalio-tahiñe,
\q1 fe hikorovoke aniany
\q1 ty mañorike lala-mengoke.
\q1
\v 19 Ho enen-kaneñe ty miava ty tane’e,
\q1 fe hizò hararahañe
\q1 ty mpañeañe hakoahañe.
\q1
\v 20 Ho soa tata t’indaty migahiñe,
\q1 fe tsy ho po-lafa ty mihepakepake
\q1 ho mpitsikafo.
\q1
\v 21 Tsy soa ty mirihy,
\q1 naho mete hampandilatse ondaty
\q1 ty mofo pila’e.
\q1
\v 22 Mpañeam-bara ty ama’ maso-migioke,
\q1 fe tsy rendre’e te hiambotraha’
\q1 ty hararahañe.
\q1
\v 23 Hanjo fañisohañe am-para’e
\q1 ty mañendake ondaty,
\q1 mandikoatse ty mpanao kabeake
\q1 am-pameleke.
\q1
\v 24 Ze mampikametse aman-drae’e
\q1 ndra aman-drene’e
\q1 vaho manao ty hoe: Tsy fiolàñe izay;
\q1 ro mpiami’ ty mpijoy.
\q1
\v 25 Mpitrobo fitrabihañe ty mpitrotroaboke,
\q1 fe miraorao ze miato am’ \nd Iehovà\nd*.
\q1
\v 26 Minè ty miato aman-tro’e,
\q1 fe haha ty mañavelo an-kihitse.
\q1
\v 27 Ho tampe-draha-irieñe
\q1 ty mamahañe o rarakeo,
\q1 fe hizò fatse maro ty mikipe maso.
\q1
\v 28 Ie mitroatse o lo-tserekeo,
\q1 mietake ondatio;
\q1 fa ie mihomake,
\q1 le mihavelo o vañoñeo.
\c 29
\q1
\v 1 Haitoañe aniany, tsy amañ’aoly,
\q1 ty gan-katoke beteke endahañe.
\q1
\v 2 Ie miraorao o vantañeo,
\q1 mirebeke ondatio,
\q1 fa ie mifehe ty lo-tsereke,
\q1 miñeoñeoñe ondatio.
\q1
\v 3 Mahaehak’ an-drae
\q1 t’indaty mikoko hihitse,
\q1 fe mampianto vara
\q1 ty mpiaman-tsimirirañe.
\q1
\v 4 Ampijadoña’ i mpanjakay an-katò
\q1 ty tane’e,
\q1 fe mihotrake t’ie mandrambe vokàñe.
\q1
\v 5 Mandafike harato ho am-pandia’e eo
\q1 t’indaty mitsiriry rañetse.
\q1
\v 6 Fiolàñe ty mamandrike i lo-tserekey,
\q1 fe misabo naho mirebeke ty mahity.
\q1
\v 7 Haoñe’ ty vantañe ty zo’ o rarakeo,
\q1 fe tsy apota’ i lo-tserekey
\q1 i hilala zay.
\q1
\v 8 Mamofotse ty rova,
\q1 ondaty mañivañivao,
\q1 fe mampivio-kabosehañe o mahihitseo.
\q1
\v 9 Ie mifandietse ami’ty dagola
\q1 ty mahihitse,
\q1 le ifanampea’ ty filoroloroañe naho fanivetiveañe tsy mijihetse.
\q1
\v 10 Heje’ o mpampiori-dioo ty vañoñe;
\q1 le i vantañey, paia’ iareo ty fiai’e.
\q1
\v 11 Fonga abora’ i dagolay ty tro’e,
\q1 fe kalaña’ i mahihitsey
\q1 am-pianjiñañe ao ty aze.
\q1
\v 12 Ie mañaom-bande ty mpifehe,
\q1 miha raty iaby o roandria’eo.
\q1
\v 13 Ty fihambaña’ i rarakey
\q1 naho o mpamorekekeo:
\q1 \nd Iehovà\nd* ty mañazava
\q1 ty fihaino’ i roe rey.
\q1
\v 14 Ie mizaka o rarakeo an-kahiti’e
\q1 ty mpanjaka,
\q1 le hijadoñe kitro añ’afe’e i fiambesa’ey.
\q1
\v 15 Mpanolo-hihitse ty kobay
\q1 naho ty endake,
\q1 fe manalatse rene
\q1 ty anake manao tsidaredare.
\q1
\v 16 Ie mionjoñe o tsivokatseo,
\q1 mitombo ty fiolàñe,
\q1 fe ho sambae’ i vañoñey
\q1 ty fifotsaha’ iareo.
\q1
\v 17 Lilovo ty ana’o, le hampanintsiña’e,
\q1 vaho hampinembanembae’e ty arofo’o.
\q1
\v 18 Ie po-aroñarom-pitokiañe,
\q1 le hahifi’ ondatio añe
\q1 ty filieram-batañe,
\q1 haha ka ze mahatan-Kàke.
\q1
\v 19 Tsy mahafanoro ty ondevo
\q1 t’ie saontsieñe avao,
\q1 ndra te azo’e tsy haoñe’e.
\q1
\v 20 Inao t’indaty taentaeneñe
\q1 am-pisaontsi’e,
\q1 bey fitamàñe ty dagola te ama’e.
\q1
\v 21 I mañaonkaom-pitoroñe
\q1 boak’amy faha-ajaja’eiy,
\q1 ro hanjo aze mpandova am-para’e.
\q1
\v 22 Mpitrobo fitribahañe ty boseke,
\q1 vaho lako fiolàñe ty mpidabadoa.
\q1
\v 23 Mamotsake ondaty ty habohaboha’e,
\q1 fe asiñeñe ty mpireke añ’arofo.
\q1
\v 24 Malaim-batañe ty mpireketse
\q1 ami’ty mpampikametse,
\q1 tsanoña’e i sisìy, f’ie tsy mitalily.
\q1
\v 25 Miafara ho fandrike
\q1 ty fihembañañe ama’ ondaty;
\q1 fe honjoneñe ty miato am’ \nd Iehovà\nd*.
\q1
\v 26 Maro ty mipay ty fañisoham-pifehe,
\q1 fa \nd Iehovà\nd* ro ahazoa’ t’indaty to.
\q1
\v 27 Tiva amo vañoñeo t’indaty tsy to;
\q1 fe veta amy lo-tserekey
\q1 ty vantañe am-pañaveloa’e.
\c 30
\s1 Fitaro’ i Agore
\q1
\v 1 Ty fitaro’ i Agore, ana’ Ieake :
\q1 onin-drehake,
\q1 tinaro’ indatiy am’ Itiele,
\q1 \f + \fr 30:1 \fr*\ft ndra ty hoe: Mokotse iraho ry A’hare, vaho midazidazìtse\ft*\f*am’ Itiele naho i Okale :
\q1
\v 2 Derendereñe te am’ondaty iabio iraho;
\q1 tsy amako ty hilala’ ondaty,
\q1
\v 3 mbore tsy nianarako ty hihitse,
\q1 vaho tsy amako ty fahafohinañe
\q1 i Masiñey.
\q1
\v 4 Ia ty nionjom-b’an-dikerañe mb’eo
\q1 vaho nizotso?
\q1 Ia ty nahatontoñe o tiokeo
\q1 an-taña’e mivokeñe?
\q1 Ia ty nañolonkoloñe o ranoo
\q1 an-tsaro’e ao?
\q1 Ia ty nampijadoñe o hene olon-taneo?
\q1 Ia ty tahina’e,
\q1 naho ty tahinan’ana’e? Naho fohi’o!
\q1
\v 5 Fonga niventeñe o tsaran’ Añahareo;\f + \fr 30:5 \fr*\ft Sab 12:6, 18:30\ft*\f*
\q1 ie fikalañe amo mitsolok’ ama’eo.
\q1
\v 6 Ko tovoña’o o tsara’eo\f + \fr 30:6 \fr*\ft Its 4:2 12:32, Ben 22:18-19\ft*\f*,
\q1 fa ho trevohe’e,
\q1 vaho ho zoeñe t’ie bodiake.
\q1
\v 7 Roe ty raha ihalaliako ama’o;
\q1 ko ifoneña’o ampara’ ty hivetrahako:
\q1
\v 8 Ahankaño amako ze vande
\q1 naho haremborake,
\q1 le ko atolots’ahy ndra hararahañe
\q1 ndra varabey,
\q1 fahano ahy ty anjarako,
\q1
\v 9 tsy mone ho vontsin-draho
\q1 vaho hitety Azo, ami’ty hoe:
\q1 Ia ze o \nd Iehovà\nd* zao?
\q1 ke ho rarake iraho naho hampikametse,
\q1 vaho hitera ty tahinan’ Añahareko.
\q1
\v 10 Ko fosà’o ami’ty tompo’e
\q1 ty mpitoroñe,
\q1 kera hamatse azo re,
\q1 vaho ho voa-hakeo irehe.
\q1
\v 11 Eo ty tariratse mitety an-drae,
\q1 naho tsy mitata rene;
\q1
\v 12 ty taminga malio amo maso’eo
\q1 fe mboe tsy nisasa ami’ty haleora’e,
\q1
\v 13 ty tariratse mievoñevoñe amo maso’eo
\q1 —akore ty fiandra’ o holi-maso’eo!
\q1
\v 14 Eo ty taminga hanam-pibara ho famotsi’e
\q1 naho meso ho vaza’e,
\q1 hampibotsek’ o misotry an-tane atoio,
\q1 naho o rarake am’ondatio.
\q1
\v 15 Roe ty anake vave’ ty oletse,
\q1 ‘meo, meo.’
\q1 Telo ty raha mitolom-piereñe:
\q1 efatse ty tsy mahafivola ty hoe:
\q1 ‘eneñe izay!’
\q1
\v 16 Tsy mahafivola ty hoe: ‘Soa izay’
\q1 ty tsikeokeoke, i beitsiterake,
\q1 i tane tsy enen-dranoy,
\q1 vaho ty afo
\q1
\v 17 Ty maso miteratera rae,
\q1 tsy mete avoho-drene,
\q1 ho tsimohe’ o koàke am-bavataneo,
\q1 vaho habotse’ ty tsimalaho tora’e.
\q1
\v 18 Telo ty raha loho mahalatsa ahy,
\q1 efatse ty tsy rendreko;
\q1
\v 19 ty liam-bantio an-dindiñe eñe,
\q1 ty lia’ ty mereñe an-damilamy eo,
\q1 ty lala’ o sambo añivo riakeo,
\q1 vaho ty sata’ ondaty ami’ty somondrara.
\q1
\v 20 Zao ty satan-karapilo:
\q1 Mihinañe re naho mamò-bava
\q1 vaho manao ty hoe:
\q1 ‘Izaho tsy nanao raty.’
\q1
\v 21 Ambane’ raha telo
\q1 ty mampañezeñezeñe i taney,
\q1 ambane’ ty efatse re tsy mahaleo:
\q1
\v 22 ambane’ i trètreke
\q1 t’ie ty mpanjaka,
\q1 vaho ty dagola, t’ie etsa-kaneñe,
\q1
\v 23 ambane’ ty rakemba tsy kokoañe
\q1 t’ie engaen-dahy,
\q1 vaho ty anak-ampatañe
\q1 mandova aman-drakemba’e.
\q1
\v 24 Efatse ty raha kede’ ty tane toy,
\q1 songa mahihitse:
\q1
\v 25 Foko tsy maozatse o vitikeo,
\q1 fe halankañe’e ami’ty asara ty haneñe;
\q1
\v 26 fifokoa tsy fatratse o trandrakeo,
\q1 fe mpandranjy traño am-bato ao;
\q1
\v 27 tsy amam-panjàka o valalao,
\q1 fe mirodo ki-pirimbo-ki-pirimboñe.
\q1
\v 28 Mete tsepahem-pitàñe ty tsàtsake,
\q1 f’ie añ’anjombam-panjaka ao.
\q1
\v 29 Telo ty raha midoegadoega:
\q1 efatse ty mitoandratoandra:
\q1
\v 30 ty liona, ie maozatse amo biby iabio,
\q1 tsy eo ty itsolofiña’e;
\q1
\v 31 i akoholahiy\f + \fr 30:31 \fr*\ft Heb: midiañe am-bania.\ft*\f*, naho ty oselahy,
\q1 vaho ty mpanjaka miatreke
\q1 i valobohòn-dahindefo’ey.
\q1
\v 32 Naho nanao hagegean-drehe
\q1 nañonjom-batañe, ke nikilily,
\q1 le tehafo am-pitàñe ty falie’o.
\q1
\v 33 Toe miova ho dibera
\q1 ty ronono trobotroboeñe,
\q1 naho mahatontom-piantsonañe
\q1 te komondroeñe,
\q1 vaho mampiforoforo haviñerañe
\q1 t’ie troboeñe.
\c 31
\q1
\v 1 Ty enta’ i Lemoela Mpanjaka,
\q1 ty onin-drehake ­nanaren-drene’e aze:
\q1
\v 2 Anhan ry anako!
\q1 Anhan ry anake tañ’ ovako ao!
\q1 Anhan ry anako nafantoko!
\q1
\v 3 Ko atolo’o aman’ ampela ty haozara’o,
\q1 ndra amo mpandrotsake mpanjakao o sata’oo.
\q1
\v 4 Tsy mañeva ty mpanjaka, ry Lemoela,
\q1 tsy sazo’ i mpanjakay ty mikama divay,
\q1 ndra o mpamelek’ arivoo
\q1 ty hilelalela toake;
\q1
\v 5 kera hinoñe naho handikoke i liliy
\q1 vaho hañamengoke
\q1 ty zo’ o anan-kasotriañeo.
\q1
\v 6 Anjotsò toake ty heta’e,
\q1 vaho divay ty voretra añ’arofo,
\q1
\v 7 angao hinon-dre
\q1 hañaliñoa’e ty hararaha’e,
\q1 tsy ho tiahy ka o hasotria’eo.
\q1
\v 8 Manokafa falie hisolo ty moañe,
\q1 ho ami’ty zo’ o anam-pamàrañe iabio.
\q1
\v 9 Manokafa falie
\q1 vaho mizakà an-kahiti’e;
\q1 ambeno ty zo’ o rarake naho mavomavoo.
\s1 Figadoña’e: Tolorañ’Asy ty Rakemba\f + \fr 31:10 \fr*\ft milahatse ami’ty abode hebreo ty 10-31.\ft*\f*
\q1
\v 10 Ia ty mahaonin-drakemba mañeva?
\q1 Ie sarotse te amo safirao.
\q1
\v 11 Atokisa’ ty trom-bali’e,
\q1 ie tsy ho po-vara.
\q1
\v 12 Hasoa’e fa tsy mañànto,
\q1 amy ze hene andro fiveloma’e.
\q1
\v 13 Paia’e ty volon-añondry
\q1 naho ty vinda,
\q1 vaho an-kafaleañe ty ifanehafa’e am-pitàñe.
\q1
\v 14 Manahake o lakam-pañondrañeo,
\q1 boak’añe ty añandesa’e mahakama.
\q1
\v 15 Mitroatse te mbe haleñe,
\q1 hamahañe o keleia’eo,
\q1 vaho handiva amo anak’ ampata’eo.
\q1
\v 16 Ereñerè’e ty teteke vaho vilie’e;
\q1 ambolea’e tanem-­bahe ami’ty vokam-pità’e.
\q1
\v 17 Midian-kafatrarañe,
\q1 naho ampaozare’e o sira’eo.
\q1
\v 18 Oni’e te soa o balibalie’eo,
\q1 tsy mikipe haleñe i failo’ey.
\q1
\v 19 An-dravem-pità’e ty fañareta’e,
\q1 le tana’e an-delam-pità’e ty antsòli’e.
\q1
\v 20 Velare’e amo rarakeo ty sira’e,
\q1 vaho ahiti’e amo mavomavoo o fita’eo.
\q1
\v 21 Tsy hembaña’e i fanalay
\q1 amo keleia’eo;
\q1 fa songa misiki-mañabasà o ana’eo.
\q1
\v 22 Anjaira’e saroñe ty vata’e,
\q1 hene leny naho malòmavo o siki’eo.
\q1
\v 23 Fohiñe an-dalam-bey eo ty vali’e,
\q1 ie mitrao-piambesatse
\q1 amo androanavi’ i taneio.
\q1
\v 24 Mitenoñe lamba leny re vaho aleta’e,
\q1 tolora’e sokotry o mpanao takinakeo.
\q1
\v 25 Haozarañe naho havantañañe
\q1 ro fisiki’e, itohafa’e ty ho avy.
\q1
\v 26 Sokafe’e an-kihitse ty falie’e,
\q1 le fañòham-patarihañe
\q1 ty am-pivimbi’e eo.
\q1
\v 27 Halahalae’e soa o satan-keleia’eo,
\q1 vaho tsy kamae’e ty mofon-kavotroañe.
\q1
\v 28 Miongake o ana’eo ­mañandriañ’ aze,
\q1 naho mandrenge aze i valie’ey.
\q1
\v 29 Maro ty ampela manao soa,
\q1 fe fonga ilikoara’o.
\q1
\v 30 Mpamañahy ty hasoa vintañe,
\q1 kòake ty hamotramotràñe,
\q1 fe rengèñe ty rakemba mañeveñe
\q1 am’ \nd Iehovà\nd*.
\q1
\v 31 Atoloro aze ty havokaram-pità’e!
\q1 le handrenge aze an-dalam-bey eo
\q1 o sata’eo.
\b