\id PHP 
\ide UTF-8
\h Filipy
\toc1 Filipy
\toc2 Filipy
\toc3 Fil
\mt1 Filipy
\c 1
\p
\v 1 I Paoly naho i Timoty, fetrek’ oro’ \nd Iesoà\nd* Norizañey, ho amo hene noro’e am’ \nd Iesoà\nd* Norizañey e Filipio, naho o mpiaolo vaho mpitoroñeo.
\p
\v 2 Hasoa ama’ areo naho Fañanin­tsiñe boak’ aman’ Añahare Raentika naho \nd Iesoà Talè\nd* Norizañey.
\s1 Fañandriañañe naho Filolofañe
\p
\v 3 Andriañeñe t’i Andria­nañahareko amy ze hene fitiahiako anahareo, 
\v 4 nainai’e ihalaliako an-kaehake amo filolofako ho anahareo iabio, 
\v 5 amy fitraofan-tika amy talili-soay boak’ amy andro valoha’ey pake henaneo, 
\v 6 le atokisako te i namototse ty fitoloñan-tsoa ama’ areoy ro hañeneke\f + \fr 1:6 \fr*\ft Fot 17:1, Its 18:13, Mp I 8:61, Sab 119:80, Mat 5:48\ft*\f* aze ampara’ ty andro’ \nd Iesoà\nd* Norizañey. 
\v 7 Toe mañeva ahy te inahareo ro iereñereñako an-troke, ie itraofan-tika o fañasoañ’ ahio ke te an-tsilisily he am-pañarovako naho famenteako i talili-soaiy. 
\v 8 Valolombeloko t’i Andrianañahare te hene itamàko ami’ty halèn’ arofo’ \nd Iesoà\nd* Norizañeiy; 
\v 9 le inao ty halaliko, te hitolom-piraorao an-kahilala naho fitsikarahañe ty fikokoa’ areo, 
\v 10 hahafijoboña’areo ty hasoa, hikotritriake tsy aman-tiñe ampara’ ty andro’ i Norizañey 
\v 11 hiegoègo am-pamokaran-kavantañañe\f + \fr 1:11 \fr*\ft Mat 3:8-10, Rom 6:22, 14:17, Ko II 9:10, Efe 5:9, Gal 5:22, Col 1:10, Heb 12:11, Jak 3:18\ft*\f* añam’ \nd Iesoà\nd* Norizañey, ho ami’ty engeñe naho fibangoañe an’Andrianañahare.
\s1 Mampiraorao i Talili-soay ty Sotry
\p
\v 12 Aa, teako ho fohi’ areo ry longo, o raha nizò ahiko fe nañonjoñe ty fiboelea’ i talili-soaio, 
\v 13 ie nanitsike i anjombam-pifeheañey naho o ila’e iabio ty fahafohinañe te i Norizañey ro maha an-drohy ahy, 
\v 14 le nosihe’ o silisilikoo ty maro amo rolongo mpiato amy Talèo nampi­tombo ty fahasibeha’ iareo hitaroñe o tsaran’ Añahareo tsy an-kahembañañe.
\p
\v 15 Toe eo avao ty mitsey i Norizañey an-kirañe naho lietse; fe eo ka ty an-tsatry soa; 
\v 16 iretoa an-koko, ie fohi’e te tinendre ho atoan-draho hañarovako i talili-soay, 
\v 17 ireroa ka mitaroñe an-kazavan-troke, mbore mikinia hañembets’ ahy amo silisily retoa. 
\v 18 Atao akore? Tsinoñe, fa amy ze hene sata, ke mieva he an-katò, kanao taroñeñe i Norizañey le hafaleako; eka! toe hirebehako, 
\v 19 amy te apotako t’ie hifotetse ho fañahàñe\f + \fr 1:19 \fr*\ft Iob 13:16\ft*\f* ahy o fihalalia’ areoo naho ty famahàna’ i Arofo’ \nd Iesoà\nd* Norizañey, 
\v 20 ie ilozohako fitamàñe naho fisalalañe te tsy ho salatse ka, ie an-tsibeke fonitse, fa liliko, le antsake henaneo, te honjoneko an-tsandriko i Norizañey ke izaho veloñe he vilasy. 
\v 21 Aa naho amako, haveloñe i Norizañey vaho tombo’e te hikenkañe. 
\v 22 Ie veloñe ro mbe hahavokatse te mitromake an-tsandriñe, aa le mañalik’ ahy ty hijoboñe! 
\v 23 Mampikitìtse ahiko: sinda te hiavotse mb’eo hindrezako amy Norizañey, izay ty soa hatò; 
\v 24 fe mahasoa anahareo t’ie hitoboke an-tsandriñe atoa. 
\v 25 Eka, iantofako, toe apotako t’ie hitoboke naho ho tambatse ama’ areo iaby atoa, hampibodobodoeko i fatokisañey hifalea’ areo, 
\v 26 soa te hionjoñe ty fandrengea’ areo \nd Iesoà\nd* Norizañey te iti­lihako indraike.
\p
\v 27 Ie amy zao: mañaveloa mañeva ty talili-soa’ i Norizañey, ke t’ie hitilike, ke tsy avy, le mbe hitsanoñako te mifahatse añ’ arofo raike, mifanehake an-tokan-troke am-patokisañe i talili-soay, 
\v 28 tsy hembañe ndra loli’e amo mandietseo, ie mamente am’iareo t’ie fandrotsahañe, naho ama’areo t’ie famotsorañe—satan’ Añahare izay, 
\v 29 toe natolotse ama’areo ho fañasoañe, ty amy Norizañey, te tsy vaho iatoañe fa isotriañe, 
\v 30 ie mihotakotake hambañe amy niisa’ areo amakoy, naho janjiñe’ areo amako.
\s1 Itsikombeo ty hatrentram-po’ i Norizañey
\c 2
\p
\v 1 Aa naho eo ty fañosihañe amy Norizañey, ke eo ty fañohòañe an-koko, ke eo ty fitraofan-kina amy Arofoy, he eo ty halèm-po naho fiferenaiñañe, 
\v 2 le henefo’ ty haehako am-piharoan-drehake naho am-pikokoañe raike vaho mifampipiteha arofo naho fivetsevetse. 
\v 3 Ko manao inoñe am-patitiañe naho firengeañe kòake, fe mifampiasia an-trentram-po; 
\v 4 Ko sindre mañambeñe o azeo avao, fe ampiraoraò ondatio. 
\v 5 Itsakoreo an-troke ao i tam’ \nd Iesoà\nd* Norizañeiy, te
\q1
\v 6 Ie nihambam-bintañ’ aman’ Añahare,
\q1 tsy naereñere’e te hitavane
\q1 ty fihambañañe aman’ Añahare,
\q1
\v 7 fe finao’e ty fañòva’e,
\q1 le nandrambe ty vinta' ondaty,
\q1 vaho nampihambañeñe ami'ty mpitoroñe.
\q1
\v 8 Ie tendreke te hambam-bintañe ama’ ondaty, le nirè-batañe,
\q1 nivohotse an-kavilasy—
\q1 eka navetrake amy hatae ajaley!
\q1
\v 9 Toly ndra nonjonen’ Añahare,
\q1 vaho tinolo’e ty tahinañe ambone’ ze kila añarañe,
\q1
\v 10 soa te hitongaleke amy \nd Iesoà\nd*
\q1 ze kila ongotse
\q1 an-dikerañe añe
\q1 naho an-tane atoy
\q1 vaho ambane’ tane ao,
\q1
\v 11 vaho hiantoke
\q1 te \nd Iesoà\nd* Norizañe ro \nd Talè\nd* ze hene fameleke
\q1 handrenge an’Andrianañahare Rae.\f + \fr 2:11 \fr*\ft Ies 45:23\ft*\f*
\p
\v 12 Ie amy zao, ry rañe­tseo, ie mivohotse nainai’e, tsy ami’ty fiatrefako avao, fa àntsake henane te tsy eo, le mifanehafa ami’ty fandrombahañe anahareo, am-pañeveñañe naho fineveneverañe\f + \fr 2:12 \fr*\ft Sab 2:11\ft*\f*; 
\v 13 toe mitoloñe ama’ areo t’i Andrianañahare hilozoha’areo toloñe amy ze satri’e soa. 
\v 14 Hene ano, tsy miñeoñeoñe tsy mandietse,
\p
\v 15 soa tsy hanan-kakeo, tsy hanan-tahiñe, fa ho anan’ Añahare tsy aman-kandra añivo’ ty tariratse mengoke naho miola toy\f + \fr 2:15 \fr*\ft Its 32:5\ft*\f*, mipelatse hoe failo ami’ty voatse toy, 
\v 16 mivontititse amy tsaran-kaveloñey, hampirebeke ahy an-tsa’ i Norizañey t’ie tsy nilay tsi-vente’e vaho tsy nilesa te nifanehake. 
\v 17 Eka, ndra t’ie ampidoañeñe hoe ènga-rano ami’ty fisoroñañe naho fitoloñañe amo fatokisa’ areoo, le mbe mifale naho mitrao-pirebeke ama’ areo iaby. 
\v 18 Aa le mifalea ka vaho miharoa firebeke amako.
\s1 ty Amy Timoty
\p
\v 19 Misalala am’ \nd Iesoà\nd* \nd Talè\nd* ao iraho, te hampihitrifeñe mb’ama’ areo mb’eo aniany t’i Timoty, hampanitsiñe ahy t’ie mitsanoñe ty ama’areo. 
\v 20 Fa tsy amako ty mañirinkiriñe aze ami’ty fahimbaña’e miatrake anahareo, 
\v 21 toe mipay ty aze avao i maroy, fa tsy ty a’ \nd Iesoà\nd* Norizañey. 
\v 22 Fohi’ areo ty namentea’e vatañe, ie hoe anake aman-drae’e te nitraoke amako amy fitoroñañe i talili-soaiy. 
\v 23 Aa le salalaeko ty hañitrike aze aniany naho fa fantako ty amako. 
\v 24 Le iantofako amy \nd Talè\nd* te homb’eo aniany ka iraho.
\s1 Ty Amy Epafrodito
\p
\v 25 Toe sinafiriko ty hampihitrike i Epafrodito rahalahiko mb’ama’ areo mb’eo, mpifanehake naho lahindefo mpiamako, ie toe ìra’ areo naho mpiatrak’ ahiko, 
\v 26 ie nijagobo ty ama’areo, naho nalovilovy te jinanji’ areo ty amy fatindri’ey. 
\v 27 Toe niheta’e re ho nivetrake, fe niferenaiñan’ Añahare, le tsy ie avao fa izaho, hera ho nanahelo an-kontoke. 
\v 28 Aa le nihavoa iraho te nampolieñe ama’areo, soa t’ie isa’ areo indraike ro handia taroba, vaho hampanintsiñe ahy ka. 
\v 29 Aa le rambeso amy \nd Talè\nd* an-kaehake vaho onjono ondaty hoe zaio; 
\v 30 amy te ho nametrake aze i fitoloña’e amy Norizañeiy, ie namoy-ay hañeneke i tsy nilefe’ areo amy fiatrahañe ahikoy.
\c 3
\s1 Tsy Iatoañe o Nofotseo
\p
\v 1 Figadoña’e, ry longo: mirebeha amy \nd Talè\nd*! Tsy mahatsimboetse ahiko te isokirako indraike, fa fañarovañe anahareo. 
\v 2 Itaò o amboao, itaò o mpanao ratio, itaò o mpanao savatse tsieo. 
\v 3 Fa itikañe o fisavarañeo, t’ie mitoloñe amy Arofon’ Añahare naho mirenge am’ \nd Iesoà\nd* Norizañey, vaho tsy miato-nofotse— 
\v 4 ie ho nanam-piatoako amy nofotsey. He eo ty mihevetse t’ie ro mpiato amy nofotsey, lombolombo’e iraho: 
\v 5 sinavatse ami’ty andro faha-valo, foko’ Israele, tarira’ i Benjamina, Hebreo’ o Heb­reoo; Fariseo ty amy Hake; 
\v 6 nampisoañe o Fivorio an-joton-troke; tsy aman-tahiñe ami’ty fañorihañe Hake. 
\v 7 Le ndra inoñ’ inoñe ty ho nitombo’e ho ahiko, nadoko ho sira-an-tane ty amy Norizañey. 
\v 8 Tsy izay avao, fe ataoko ho fonga tsy vente’e te ampanahafeñe ami’ty hajabahina’ ty faharendrehañe i Talèko \nd Iesoà\nd* Norizañey, aa le hene nifarieko naho nanoeko forompotse, hahazoako i Norizañey 
\v 9 hahatendreke te ama’e, tsy t’ie nivañone’ ty fimanemaneañe Hake, fa ty figahiña’ i Norizañey, ty toe havantañan’ Añahare mioreñe am-patokisañe. 
\v 10 Eka, te ho fohiko re naho ty faozara’ i fivañom-belo’ey naho ty fitraofan-kina amy fijalea’ey, hihambañako amy havilasi’ey, 
\v 11 hahatakarako ty fitroarañe an-kavilasy.
\s1 Fimaneañe i Firefeañey
\p
\v 12 Tsy t’ie nitàkako, toe tsy añon-draho, fe itoañako t’ie handrambe i nandrambesa’ \nd Iesoà\nd* Norizañey ahikoy. 
\v 13 O ry longo, tsy t’ie rinambeko. Fe, Amoeako ze amboho ao naho ilozohako takatse o añeo 
\v 14 eka imaneako talifitse ty tambem-pikanjiañ’ abon’ Añahare am’ \nd Iesoà\nd* Norizañey. 
\v 15 Antao arè hiharo rehake, ze hene matoe aman-tikañe, fa naho hafa ty ereñeren-tro’areo, mbe hampalangesen’ Añahare avao. 
\v 16 Fe soa t’ie hañavelo mañeva o fa nitakàren-tikañeo.
\p
\v 17 O ry longo, mitraofa ami’ty fañorihañ’ ahy, naho rendreho o mpañavelo am-pitsikombeañe anay. 
\v 18 Fe maro—ie beteke nitalilieko naho mbe taroñeko an-tañy henaneo—ty mañavelo hoe rafelahi’ i hatae ajale’ i Norizañeiy. 
\v 19 Ie hijoroboñe an-karotsa­hañe ao, ty fisafoa’e ro ndrañahare’e naho ty hameñara’e ro fisengea’e. Mifahatse an-draha an-tane atoy o vetsevetse’ iareoo. 
\v 20 Boriza’ ty andindìñe añe tika, añe ty itamañe mpandrombake, toe \nd Iesoà\nd* \nd Talè\nd* Norizañey, 
\v 21 ie ty hañova o sandrin-tikañe mirèkeo, hampihambaña’e amy fañòva’e aman’ engeñey amy haozara’e hampiambane ze he’e ama’ey.
\c 4
\s1 Fifampilongoañe
\p
\v 1 Ie amy zay, ry longo-sarotse tamaekoo! ty haehako naho sabakan-drengeko, mijohaña amy \nd Talè\nd*, ry rañeko. 
\v 2 Mihalaly amy Eodiae iraho naho mihalaly amy Sintikee t’ie hiharo-rehake amy \nd Talè\nd*. 
\v 3 Eka, ry longo-sarotse, ehe imbao i nindre nifanehake amako amy talili-soay rey, naho i Klementa, naho o mpitrao-toroñe amako ila’eo, ie fa misokitse am-boken-kaveloñe ao o tahina’eo.
\s1 Fierañerañañe amy \nd Talè\nd*
\p
\v 4 Mirebeha nainai’e amy \nd Talè\nd*. Indraeko ty hoe: mañonjona kobaiñe!
\p
\v 5 Ee te ho rendre’ ze kila ondaty ty hatsò-tro’areo. Fa marine t’i \nd Talè\nd*.
\p
\v 6 Ko emberen’ inoñ’ inoñe fe amy ze he’e, am-pilolofañe naho halaly mitraofa fañandriañañe, le ampahafohino an’ Andrianañahare o fisalalà’ areoo, 
\v 7 le ty fañanintsin’ Añahare milikoatse ze hene fohiñe abey ro hañambeñe o arofo naho fitsa­korea’ areoo am’ \nd Iesoà\nd* Norizañey.
\p
\v 8 Honka’e ry longo, ze atao hatò, ze hene havañonañe, ze ma­hity, ze hiringiri’e, ze fanjàka, vaho ze soa talily; naho eo ty talango’e, naho eo ty mañeva renge—imoneño. 
\v 9 Le anò o nirendreke naho rinambe naho jinanjy vaho nioni’ areo amakoo, aa lonike te ho ama’ areo t’i Andrianañaharen-kanintsiñe.
\s1 Hazavan’Arofo ndra te Aia aia
\p
\v 10 Akore ty firebehako amy \nd Talè\nd* kanao nivaòeñe indraike ty fiatraha’ areo ahy henaneo, toe fa ela, ie ho nanoe’ areo avao, fe tsy nahatafetetse heike. 
\v 11 Tsy te mipay t’ie nitaroñeñe, fe nioke tsy hieren-draho ndra inoñe ty mizo; 
\v 12 Mahazats’ ahy te poie’e, haiko t’ie anjañe. Aa ndra aia’ aia, naho aman’ inoñ’ inoñe le fa niòke, ke te vontsy he saliko, ke mpañarivo he rarake, 
\v 13 ho tafetereko ze he’e añamy Mpampaozatse\f + \fr 4:13 \fr*\ft Jao 15:5, Ko II 3:5-6, 12:9, Efe 3:10, Fil 2:13, Heb 13:20-21, Jn I 4:4\ft*\f* ahikoy.
\p
\v 14 Fe, soa i nanoe’ areoy, t’ie nitraoke amy faloviloviakoy, 
\v 15 le fohi’ areo ka, ry nte-Fili­pio, t’ie niakatse i Makedonia añe naho namototse nitaroñe i talili-soaiy, le tsy eo ty Fivory namahañ’ ahy ndra an-tolo­tse ndra rambe, naho tsy inahareo avao. 
\v 16 Eka ie te Tesaloni­ka añe, tsy in­draike avao ty nañitrifa’ areo o nipaiakoo. 
\v 17 Tsy t’ie mipay falalàñe, fa i vokatse haroroñe amy rake’ areoiy. 
\v 18 Le hene rinambeko ami’ty hapea’e, toe nahaeneñe vaho nahaàtseke, toe rinambeko amy Epafrodito o nahitri’ areoo; hañitse marifondrifoñe\f + \fr 4:18 \fr*\ft Avo 29:18; Ko II 2:14-15, Efe 5:2\ft*\f*, soroñe mañeva naho sitran’ Añahare. 
\v 19 Aa le hatsafen’ Añahareko ama’areo abey ze hene ipaiañe amy vara’e lifots’ engeñe am’ \nd Iesoà\nd* Norizañeiy.
\s1 Figadoñañe
\p
\v 20 Aa ie henaneo, aman’ Añahare Raentika ty engeñe nainai’e donia, Amena. 
\v 21 Añontaneo ze hene noro’e am’ Iesoà Norizañey. Mañontane anahareo o rolongo amako atoio. 
\v 22 Salamae’ o noro’e iabio, àntsake o añ’anjomba’ i Kaisarao. 
\v 23 Ho ami’ty arofo’ areo abey ty hasoa’ Iesoà Talè Norizañey.