\id PHM 
\ide UTF-8
\h Filemona
\toc1 Filemona
\toc2 Filemona
\toc3 Flm
\mt1 Filemona
\c 1
\p
\v 1 I Paoly, mpirohi’ \nd Iesoà\nd* Norizañey, naho i Timoty rahalahintika: Ho a i Filemona rañetse naho mpifanehake ama’ay, 
\v 2 naho i Apiae rahavaventika, naho i Arkipo lahin-defon-tika, vaho i Fivory añ’ anjomba’oy: 
\v 3 Hasoa naho ­fañanintsiñe ama’areo boak’ aman’ Añahare Raentika naho i \nd Talè\nd* \nd Iesoà\nd* Norizañey.
\s1 Fañandriañañe naho Filolofañe
\p
\v 4 Mañandriañe an’Andria­nañahare nainai’e naho manoñoñe azo amo filolofakoo­— 
\v 5 amy te tsinanoko ty fato­kisa’o amy \nd Talè\nd* \nd Iesoà\nd* naho ty fi­kokoa’o o noro’e iabio — 
\v 6 soa te hamokatse ho ami’ ty faha­rendrehañe ze hasoa ama’o amy Norizañey ty fi­taro­ña’o am-patokisañe. 
\v 7 Toe mahafale naho mañohò ahy ty fikokoa’o, amy nampanintsiñe’o ty arofo’ o noro’eoy, ry rahalahy.
\s1 Ty Halalie’e i Onesimosy
\p
\v 8 Ie amy zao, ndra hoe mirearea amy Norizañey iraho handily azo hanao ze mañeva, 
\v 9 fe o fikokoañeo ty ihalaliako, izaho Paoly migain-kantetse naho mpirohi’ \nd Iesoà\nd* Norizañey henaneo, 
\v 10 ie idrakadrakafako i Onesimosy anako nampiareñeko, izaho an-tsilisily, 
\v 11 ie tsy nahasoa azo te taolo, fa mahasoa azo naho ahy henaneo. 
\v 12 Ahitriko mb’eo am-bata’e re, ty troko ‘nio, 
\v 13 ie ho nitanako atoa hitoroñe ahy ty ama’o amo rohy toañe ty amy talili-soay, 
\v 14 f’ie tsy ho nanao inoñ’ inoñe naho tsy niera ama’o hey soa tsy ho nazitse ty hasoa ho nanoe’o an-tsatri’o. 
\v 15 Va’e izay ty nifampirià’e ama’o betebeteke handrambesa’o aze indraike ho pak’ añ’afeafe’e añe, 
\v 16 tsy ho ondevo ka, fa lombolombo’ ty ondevo, toe rahalahy ìsoke, men­tsake amako, fa somandrake ama’o an-tsandriñe naho amy \nd Talè\nd* ao.
\s1 Ty Fampitama’i Paoly i Filemona
\p
\v 17 Aa naho atao’o rañe’o iraho, le ampihovao re manahake te izaho. 
\v 18 Fe naho eo ty nandilara’e azo ndra anaña’o songo ndra fire-fire, le ampisongò amako. 
\v 19 Izaho Paoly ty manoratse toy an-tañako. Izaho ty hañavake—tsy hataoko ty hoe te nisongoe’o amako ty fiai’o. 
\v 20 Eka, ry rahalahy, hasoao iraho amy \nd Talè\nd* ao; ampanintsiño amy Norizañey ty troko. 
\v 21 Ihe atokisako te hiantoke, ty anokirako, amy te apotako te ho likoare’o i asakoy.
\p
\v 22 Tovo’e, añalankaño trañon’ ambahiny hitobohako, fa o halali’ areoo ty itamako te hatolots’ ama’areo. 
\v 23 Mañontane azo t’i Epafra, mpindre-pirohy amako am’ \nd Iesoà\nd* Norizañey, 
\v 24 naho i Marka, i Aristarko, i Demasy, i Lioke, mpifanehake amako.
\p
\v 25 Ty hasoa’ i Talè Iesoà Norizañey amo arofo’ areoo. Amena.