\id NUM 
\ide UTF-8
\h Volily
\toc1 Volily
\toc2 Volily
\toc3 Vol
\mt1 Volily
\c 1
\s1 Ty Famoliliañe Valoha’ Israele
\r 2 Sam 24.1-9;1 Its 21.1-6
\p
\v 1 Ty tsara’ \nd Iehovà\nd* amy Mosè an-dratraratra’ i Sinay añe, amy kibohom-pamantañañey ao, am-baloham-bolam-paharoe’ i taom-paharoe niavota’ iareo an-tane Mitsraimey, ami’ty hoe, 
\v 2 Tsitsiho vali-boke i valobohòn’ ana’ Israeley, amo fifokoa’ iareoo, naho amo anjomban-droae’eo hamoliliañe o tahina’eo, ze hene lahilahy ki-loha’e ki-loha’e, 
\v 3 roapolo taoñe mañambone mahafionjo hialy ho a Israele. Ihe naho i Aharone ty hañiake iareo ty amo mpirai-lian-defo’eo. 
\v 4 Le hindre ama’ areo t’indaty boak’ amy ze hene fifokoa’e, songa talèn’ anjom­ban-droae’e. 
\v 5 Le zao ty tahina’ ondaty hifanehak’ ama’ areo: amy Reòbene: i Elitsore ana’ i Sedeore; 
\v 6 amy Simone, i Selomiele ana’ i Tsorisaday; 
\v 7 am’ Iehodà: i Nakesone ana’ i Aminadabe; 
\v 8 am’ Isakàre: i Netanale ana’ i Tsoare; 
\v 9 amy Zebolone: i Eliabe ana’ i Kelone; 
\v 10 amy ana’ Iosefe rey: amy Efraime, i Elisama ana’ i Amihode; amy Menasè, i Gamaliele ana’ i Pedatsore; 
\v 11 amy Beniamène, i Abidane ana’ i Gedoný; 
\v 12 amy Dane: i Akièzere, ana’ i Amisedahy; 
\v 13 amy Asere: i Pejiele ana’i Okrane; 
\v 14 amy Gade: i Eliasafe ana’ i Dehoele; 
\v 15 amy Naftaly, i Akirà ana’ i Ainane; 
\v 16 Ie ro jinoboñe amy valobohòkey, ie mpiaolo o fifokoan-droae’eo, mpifelek’ arivo’ Israele.
\p
\v 17 Aa le rinambe’ i Mosè naho i Aharone indaty tinoñon-tahinañe rey, 
\v 18 naho natonto’ iareo i hene valobohòkey ami’ty andro valoha’ i volam-paharoey vaho niantoñoñe an-tariratse añ’ anjomban-droae’e, naho nisokiran-tahinañe vaho nivolileñe mifototse ami’ty roapolo taoñe mañambone, ki-loha ki-loha, 
\v 19 ami’ty nandilia’ \nd Iehovà\nd* amy Mosè ty nanoe’e valiboke an-dratraratra’ i Sinay añe.
\p
\v 20 Le amo tarira’ i Reòbene tañolo­ño­loña’ Israeleo, ty fiantoño’e, amo fifokoa’eo, amo anjomban-droae’eo, ty ia’ o tahina’eo, ze lahilahy ki-loha ki-loha, niaheñe roapolo taoñe mañambone, ze hene nahafionjom-bañ’aly; 
\v 21 ty vinolily am-pifokoa’ i Reòbene, efats’ ale tsi-eneñ’ arivo-tsi-liman-jato.
\p
\v 22 Amo tarira’ i Simoneo, ty fiantoño’e amo fifokoa’eo, amo anjomban-droae’eo, ze niaheñe ama’e ty ia’ o tahina’eo, ze lahilahy ami’ty añambone’e roapolo taoñe mañambone, ze nahafionjom-bañ’ aly iaby; 
\v 23 ty vinolily am-pifokoa’ i Simone: lime ale-tsi-sive-arivo-tsi-telon-jato.
\p
\v 24 Amo tarira’ i Gadeo, ty fiantoño’e amo fifokoa’eo amo anjomban-droae’eo ty ia’ o tahina’eo, ze lahilahy ami’ty añambone’e roapolo taoñe mañambone, ze hene nahafionjom-bañ’aly; 
\v 25 ty vinolily am-pifokoa’ i Gade, efats’ ale-tsi-lime-arivo-tsi-enen-jato-tsi-limampolo.
\p
\v 26 Amo tarira’ Iehodào, ty fiantoño’e, amo fifokoa’eo amo anjom­ban-droae’eo ty ia’ o tahina’eo, ze roapolo taoñe mañambone, ze hene nahafionjom-bañ’aly; 
\v 27 ty vinolily am-pifokoa’ Iehodà, fito-ale-tsi-efats’ arivo-tsi-enen-jato.
\p
\v 28 Amo tarira’ Isakàreo, ty fiantoño’e, amo fifokoa’eo amo anjom­ban-droae’eo ty ia’ o tahina’eo, ze roapolo taoñe mañambone, ze hene nahafionjom-bañ’aly; 
\v 29 ty vinolily am-pifokoa’ Isakhare, le lime-ale-tsi-efats’ arivo-tsi-efa-jato.
\p
\v 30 Amo tarira’ i Zeboloneo ty fian­toño’e, am-pifokoa’e, amo anjom­ban-droae’eo, ty ia’ o tahina’eo, ze roapolo taoñe mañambone, ze hene nahafionjom-bañ’aly; 
\v 31 ty vinolily am-pifokoa’i Zebolone, lime-ale-tsi-fito-arivo-tsi-efa-jato.
\p
\v 32 Amo tarira’ Iosefeo, amo ana’ i Efraimeo, ty fiantoño’e, amo fifokoa’eo, amo anjomban-droae’eo ty ia’ o tahina’eo, ze roapolo taoñe mañambone nahafionjom-bañ’aly; 
\v 33 ty vinolily am-pifokoa’ i Efraime le efats’ ale-tsi-liman-jato.
\p
\v 34 Amo tarira’i Menaseo, ty fiantoño’e, amo fifokoa’eo amo anjomban-droae’eo ty ia’ o tahina’eo, ze roapolo taoñe mañambone, ze nahafionjom-bañ’ aly iaby; 
\v 35 ty vinolily am-pifokoa’i Menasè, telo-ale-tsi-ro-arivo-tsi-roan-jato.
\p
\v 36 Amo tarira’i Beniamèneo, ty fiantoño’e, am-pifokoa’e, amo anjomban-droae’eo, ty ia’ o tahina’eo, ze roapolo taoñe mañambone, ze hene nahafionjom-bañ’aly; 
\v 37 ty vinolily am-pifokoa’ i Beniamène, telo-ale-tsi-lime-arivo-tsi-efa-jato.
\p
\v 38 Amo tarira’ i Daneo, ty fian­toño’e, am-pifokoa’e amo anjom­ban-droae’eo ty ia’ o tahina’eo, ze roapolo taoñe mañambone, ze hene nahafionjom-bañ’aly; 
\v 39 ze vinolily am-pifokoa’ i Dane ao le eneñ’ ale-tsi-ro-arivo-tsi-fiton-jato.
\p
\v 40 Amo tarira’ i Asereo, ty fian­toño’e, am-pifokoa’e amo an­jom­ban-droae’eo ty ia’ o tahina’eo, ze roapolo taoñe mañambone, ze hene nahafionjom-bañ’ aly; 
\v 41 ze vinolily am-pifokoa’ i Asere, efats’ale-tsi-arivo-tsi-liman-jato.
\p
\v 42 Amo tarira’ i Naftalio, ty fiantoño’e, ampifokoa’e amo anjomban-droae’eo ty ia’ o tahina’eo, ze roapolo taoñe mañambone, ze hene nahafionjom-bañ’aly; 
\v 43 ze vinolily am-pifokoa’ i Naftaly, lime-ale-tsi-telo-arivo-tsi-efa-jato.
\p
\v 44 Ie o vinolilio, o niahe’ i Mosè naho i Aharone, naho o mpiaolo’ Israeleoo, ondaty folo ro’ amby, songa sorotàn’ anjomban-droae’e. 
\v 45 Aa le ze niaheñe amo ana’ Israeleo, amo anjomban-droae’eo, ie niroapolo taoñe mañambone, o nahafionjom-bañ’aly ho a Israeleo; 
\v 46 ze hene vinolily, le enen-ketse-tsi-telo arivo-tsi-liman-jato-tsi-limampolo. 
\v 47 Tsy niaheñe am’ iereo ami’ty fifokoan-droae’ iareo o nte-Levio. 
\v 48 Fa hoe ty nitsarae’ \nd Iehovà\nd* amy Mosè: 
\v 49 Ko iahe’o ty fifokoa’ i Levy, le tsy ho volilie’o amo ana’ Israeleo, 
\v 50 f’ie ho tendrè’o amy kibohom-pañinay, amo harao’e iabio naho amy ze he’e ama’e, hitarazo i kivohoy naho o harao’e iabio; ho vandroñe’ iereo vaho hitobe hiarikoboñe aze. 
\v 51 Aa ie hionjom-beo i kivohoy le o nte-Levio ro hampikatrak’ aze; ie haoreñe ka i kivohoy le o nte-Levio ty hampitroatse aze. Havetrake t’indaty ila’e mañarivo ama’e. 
\v 52 Hañoreñe o kiboho’ iareoo o ana’ Israeleo songa an-kitòbe’e; sindre aman-tsai’e, amo mpirai-lia’eo; 
\v 53 fe hitobe añariari’ i kibohom-pañinay o nte-Levio, tsy hifetsahan-kaviñerañe i valobohò’ Israeley; le ho mpamandroñe i kibohom-pañinay o nte-Levio. 
\v 54 Nanoe’ o ana’ Israeleo izay; ze hene nandilia’ \nd Iehovà\nd* i Mosè ty nanoe’ iereo.
\c 2
\s1 Ty Filahara’ i Fitobeañey
\p
\v 1 Hoe ty nitsara’ \nd Iehovà\nd* amy Mosè naho i Aharone: 
\v 2 songa hitobe am-pijadoña’ i sai’ey marine’ ty vilon-droae’e o ana’ Israeleo. Añ’ariari’ i kibohom-pamantañañey ty hitobea’ iareo. 
\v 3 Atiñana’e, mb’ am-panjiriha’ i àndroy, ty hitobea’ o mpañonjoñe ty sai’ Iehodào amo mpirai-lia’eo; i Naksone, ana’i Aminadabe ty mpiaolo’ o ana’ Iehodao. 
\v 4 Ty mpirai-lia’e, o niaheñe ama’eo, le fito-ale-tsi-efats’ arivo-tsi-enen-jato. 
\v 5 Hanonjohy toetse ama’e ty fifokoa’ Isakhare; i Netanela ana’ i Tsoare ty mpiaolo’ o ana’ Isakhareo. 
\v 6 Ty mpirai-lia’e, o niaheñe ama’eo, le lime ale-tsi-efats’ arivo-tsi-efa-jato. 
\v 7 Le ty fifokoa’ i Zebolone; Eliabe ana’ i Kelone ty mpiaolo’ o ana’ i Zeboloneo; 
\v 8 ty mpirai-lia’e, o niaheñe ama’eo, le lime-ale-tsi-fito-arivo-tsi-efa-jato. 
\v 9 O vinolily an-tobe’ Iehodao nitontoñe ho rai-hetse-tsi-valo-ale-tsi-eneñ’ arivo-tsi-efa-jato amo mpirai-lia’eo; hionjoñe valoha’e iereo.
\p
\v 10 Ami’ty ila’e atimo ty hijadoña’ ty sain-tobe’ i Reòbene ty amo mpirai-lia’eo; i Elitsore ana’ i Sedeore ty mpiaolo’ o ana’ i Reòbeneo. 
\v 11 Ty mpirai-lia’e, o niaheñe ama’eo, le efats’ ale-tsi-eneñ’ arivo-tsi-liman-jato. 
\v 12 Ty fifokoa’i Simone ty hitobe marine iareo; i Semoliale ana’ i Tsorisadahy ty mpiaolo’ o ana’ i Simoneo. 
\v 13 Ty mpirai-lia’e, o niaheñe ama’eo, le lime-ale-tsi-sive-arivo-tsi-telon-jato. 
\v 14 Manonjohy iereo ty fifokoa’ i Gade, i Eliasafe ana’ i Rehoele ty mpiaolo’ o ana’ i Gadeo. 
\v 15 Ty mpirai-lia’e, o niaheñe ama’eo le efats’ ale-tsi-lime-arivo-tsi-enen-jato-tsi-limampolo. 
\v 16 O vinolily an-tobe’ i Reòbeneio le rai-hetse-tsi-lime-ale-tsi-arivo-tsi-efa-jato-tsi-limampolo amo mpirai-lia’eo; faharoe te mienga iereo.
\p
\v 17 Hionjoñe amy zao i kibohom-pamantañañey mindre amo kitoben-te-Levio, añivo’ o kitobeo; le amo fitobea’eo ty hiavota’ iareo, songa ondaty ami’ty filahara’e ty amo sai’eo.
\p
\v 18 Añ’ila’e ahandrefañe ty hijadoña’ ty sain-tobe’ i Efraime ty amo mpirai-lia’eo, i Elisama ana’ i Amihode ty mpiaolo’ o ana’ i Efraimeo, 
\v 19 naho i mpirai-lia’ey, o niaheñe ama’eo le efats’ ale-tsi-liman-jato. 
\v 20 Marine aze ty fifokoa’ i Menasè le i Gamliele ana’ i Pedatsore ty mpiaolo’ o ana’ i Menaseo; 
\v 21 ty mpirai-lia’e, o niaheñe ama’eo, telo ale-tsi-ro’ arivo-tsi-roan-jato. 
\v 22 Le ty fifokoa’ i Beniamène; i Abidane ana’ i Gedoný ty ho mpiaolo’ o ana’i Beniamèneo; 
\v 23 ty mpirai-lia’e, o niaheñe ama’eo, telo-ale-tsi-lime-arivo-tsi-efa-jato. 
\v 24 O vinolily an-tobe’ i Efraimeo amo mpirai-lia’eo le rai-hetse-tsi-valo-arivo-tsi-zato; fahatelo te mienga iereo.
\p
\v 25 Añ’ila’e avaratse ty hijadoña’ ty sain-tobe’ i Dane ty amo mpirai-lia’eo, le i Akièzere, ana’ i Amisedahy ty mpiaolo’e; 
\v 26 ty mpirai-lia’e, o niaheñe ama’eo, eneñ’ ale-tsi-ro’ arivo-tsi-fiton-jato. 
\v 27 Ty fifokoa’ i Asere ty hitobe marine aze, le i Pejiele ana’ i Okrane ty mpiaolo’ o ana’ i Asereo; 
\v 28 ty mpirai-lia’e, o niaheñe ama’eo, efats’ ale-tsi-arivo-tsi-liman-jato o lahindefo’eo. 
\v 29 Le ty fifokoa’ i Naftaly, i Akirà ana’ i Ainane ty mpiaolo’ o ana’ i Naftalio; 
\v 30 ty mpirai-lia’e, o niaheñe ama’eo, lime-ale-tsi-telo-arivo-tsi-efa-jato. 
\v 31 O vinolily an-tobe’ i Daneo le rai-hetse-tsi-lime-ale-tsi-fito-arivo-tsi-enen-jato; miavotse am-boli’e iereo, am-pañoriheñe ty sai’ iareoo.
\p
\v 32 O niaheñe amo ana’ Israeleo ty amo anjomban-droae’eo, ze vinolily kitobe-kitobeo ty amo mpirai-lia’eo, enen-ketse-tsi-telo-arivo-tsi-liman-jato-tsi-limampolo. 
\v 33 Tsy niaheñe amo ana’ Israeleo o nte-Levio, ami’ty nandilia’ \nd Iehovà\nd* i Mosè.
\p
\v 34 Nanoe’ o ana’ Israeleo ze hene nandilia’ \nd Iehovà\nd* i Mosè; ie ty nitobea’ iareo amo sai’eo le ie ty nionjona’ iareo, songa am-pifokoa’e añ’anjomban-droae’e.
\c 3
\s1 O Ana’ i Aharoneo
\p
\v 1 Zao o tarira’ i Aharone naho i Mosè tamy andro nitsarae’ \nd Iehovà\nd* amy Mosè am-bohi-Sinaiy. 
\v 2 Iretoy o tahinan’ ana’ i Aharoneo: Tañoloñoloña’e t’i Nadabe naho i Abiho, i Elazare, vaho Itamare. 
\v 3 Ie ro tahina’ i ana’ i Aharone rey, o mpisoroñe norizañeo, i noriza’e hitoroñe ho mpisoroñe rey. 
\v 4 Fe nihomak’ añatrefa’ \nd Iehovà\nd* t’i Nadabe naho i Abiho, ie nañenga afo tsie aolo’ \nd Iehovà\nd* ampatram-bei’ i Sinay añe, ie tsy nanañ’ anake. Aa le nitoroñe ho mpisoroñe añatrefa’ i Aharone rae’e t’i Elazare naho Itamare.
\s1 Ty Fitoloña’ o nte-Levio
\p
\v 5 Le nanao ty hoe amy Mosè t’\nd Iehovà\nd*: 
\v 6 Ampañarineo ty fifokoa’ i Levy, vaho ampiatrefo i Aharone mpisoroñe, hitoroña’ iareo. 
\v 7 Ho henefe’ iareo o fitoloña’eo naho ty fitoloña’ i valobohòke aolo’ i kibohom-pamantañañey hitoloñe amy kivohoy. 
\v 8 Ho vandroñe’ iereo ty harao’ i kibohom-pamantañañey le ho henefe’ iareo ty fiatrahañe o ana’ Israele mioza amy fitoroñañe i kivohoy. 
\v 9 Le tendreo ho amy Aharone naho o ana’eo o nte-Levio; ie hene nitolorañe boak’ amo ana’ Israeleo. 
\v 10 Aa le tendreo t’i Aharone naho o ana’eo hitolon-ko mpisoroñe; fe havetrake ze ondaty ila’e miharine eo.
\p
\v 11 Le hoe t’\nd Iehovà\nd* amy Mosè: 
\v 12 Ingo, izaho ty nandrambe o nte-Levio amo ana’ Israeleo hisolo ze tañoloñoloña’ o ana’ Israele manoka-koviñeo. Aa le ahiko o nte-Levio, 
\v 13 amy te fonga ahiko ze valohan’ anake: Mifototse amy andro nipaohako ze hene valohan’ anak’ an-tane Mitsraimey le songa navìko ho ahiko ze valohan’ ana’ o ana’ Israeleo, ke ondaty he hare. Ahy iereo, Izaho \nd Iehovà\nd*.
\p
\v 14 Le nanao ty hoe amy Mosè an-dratraratra’ i Sinay añe t’\nd Iehovà\nd*, 
\v 15 Volilio o ana’ i Levio, amo anjomban-droae’eo, naho amo hasavereña’eo; fonga iaho ze lahilahy vola’e raike mañambone. 
\v 16 Aa le niahe’ i Mosè amy tsara’ \nd Iehovà\nd*y, amy nandiliañe azey. 
\v 17 Intoañe o ana’ i Levio ty amo tahina’eo: i Geresone naho i Kehàte vaho i Merarý. 
\v 18 Intoañe o tahinan’ ana’ i Geresone amo hasavereña’eoo: i Libný naho i Simý. 
\v 19 Naho o ana’ i Kehàteo amo hasavereña’eo: i Amrame, naho Izehare, i Khebrone vaho i Oziele. 
\v 20 Naho o ana’ i Merario amo hasa­ve­re­ña’eo: i Maklý naho i Mosý. Ie ro hasavereña’ i Levy amo anjomban-droae’eo.
\p
\v 21 I Geresone ty niboaha’ o hasavereña’ i Libnio naho o hasavereña’ i Simio; Ie o amori’ i Geresoneo. 
\v 22 Ty niaheñe am’ iereo, ami’ty ia’ ze hene lahilahy vola’e raike mañambone le fito-arivo-tsi-liman-jato. 
\v 23 Natobe amboho’ i kivohoy ahan­drefañe ey o amori’ o nte-Geresoneo. 
\v 24 I Elisafe ana’ i Laede ty mpiaolo’ ty an­jom­ban-droae’ o amori’ i Geresoneo. 
\v 25 Ty fitoloña’ o amori’ i Geresoneo le amy kibohom-pamantañañey, le i kivohoy naho i kibohotsey, i tako’ey naho i lamba-pañefe’ i lalan-kibohom-pamantañañeiy, 
\v 26 naho o lamba miradorado an-kiririsa eio, naho o lamba fañefe’ i lalam-bein-kiririsaio, i miarikatoke i kivohoiy naho i kitreliy naho o tali’eo: vaho ze fitoloñañe amy rezay.
\p
\v 27 I Kehàte ty niboaha’ o hasavereña’ i Amrameo, naho o hasavereña’ Izehareo, naho o hasavereña’ i Khebroneo vaho o hasavereña’ i Ozieleo: ie o amori’ i Kehàteo; 
\v 28 am’ iereo ty niaheñe ze fonga lahi­lahy vola’e raike mañambone, aa le valo-arivo-tsi-enen-jato ty mpitoloñe amy famandroñañe i efe-miavakeiy. 
\v 29 Atimo’ i kivohoy ty fitobea’ o amori’ i Kehàteo, 
\v 30 i Elitsafane ana’ i Oziele ty mpiaolo’ ty anjomban-droae’ o amori’ i Kehàteo. 
\v 31 Ty lili’ iareo, le i vatay, naho i rairaiy, naho i fitàn-jiroy, naho o kitrelio, naho o fanake itoroñañe amy efe-miavakeo, naho i lamba fañefetsey vaho ze fampikasokasohañe irezay. 
\v 32 I Elazare ana’ i Aharone mpisoroñe, ro talè’ o mpi­aolo nte-Levio, ie ty mpi­sari’ o mpamandroñe amy efe-miavakeio.
\p
\v 33 I Merarý ty niboaha’ ty hasavereña’ i Makly naho ty hasavereña’ i Mosy: ie o amori’i Merario. 
\v 34 Ty ia’ iareo, ie niaheñe ze hene lahilahy vola’e raike mañambone le eneñ’ arivo-tsi-roan-jato. 
\v 35 I Tsoriele ana’ i Abikaile ty talèn’ anjomban-droae’ o amori’ i Merario; avara’ i kivohoy ty fitobea’ iereo. 
\v 36 Zao ty fitoroñañe nafantok’ amo amori’ i Merario: o varamba i kivohoio, o sàka’eo, o anakòre’eo, o tombo’eo, o harao’eo, naho ze hene fitoloñañe amy rezay, 
\v 37 naho o ana-kòreñe miarikatoke i kiririsaio rekets’ o tombo’eo naho o tsato’eo vaho o tali’eo.
\p
\v 38 Aolo’ i kivohoy atiñanañe ey, aolo’ i kibohom-pamantañañey mb’amy fanjirihan’androy—ty fitobea’ i Mosè naho i Aharone naho o ana’ i Aharoneo, hañambeñe i toetse miavakey, vaho ty fiatrafañe o ana’ Israeleo, le havetrake ze ila’e miharine eo. 
\v 39 Ty ia’ o niaheñe amo nte-Levio; o niahe’ i Mosè naho i Aharone ami’ty lili’ \nd Iehovà\nd* amo hasavereña’eoo, ze lahilahy vola’e raike mañambone, le ro’ale-tsi-ro’arivo.
\s1 Vilin’ai o Valohan’Anakeo
\p
\v 40 Le hoe t’\nd Iehovà\nd* amy Mosè: Volilio ze hene tañoloñoloña’ o ana’ Israele vola’e raike mañamboneo, songa iaheñe ami’ty tahina’e. 
\v 41 Le rambeso ho ahy, \nd Iehovà\nd*, o nte-Levio hasolo ze hene tañoloñoloña’ o ana’Israeleo; le ty hare’ o nte-Levio ty hasolo ze hene valohan’ anan-kare’ o ana’ Israeleo. 
\v 42 Aa le fonga niahe’ i Mosè o ana’ Israeleo ami’ty nandilia’ \nd Iehovà\nd*. 
\v 43 Ty nañiahañe o hene tañoloñoloñan-dahilahy vola’e raike mañamboneo, am-pañiahañe o tahina’eo, le niro’ ale-tsi-ro’ arivo-tsi-roan-jato-tsi-fitompolo-telo’ amby.
\p
\v 44 Le hoe ty tsara’ \nd Iehovà\nd* amy Mosè: 
\v 45 Rambeso ho ahiko o nte-Levio hasolo ze hene tañoloñoloña’ o ana’ Israeleo naho ty hare’ o nte-Levio hasolo ty hare’ iareo. Ho ahiko o nte-Levio, Izaho \nd Iehovà\nd*. 
\v 46 Aa ty hijebañañe i roan-jato-tsi-fitompolo-telo-ambi’ o tañoloñoloñan’ ana’ Israele nandikoatse ty ia’ o nte-Levioo rey, 
\v 47 le songa handrambesa’o \f + \fr 3:47 \fr*\ft sekele raike = 10 grama\ft*\f*sekele lime ho vili-loha’e; ami’ty vili’ i sekelen’ efe-miavakey, roapolo gerà ty sekele raike. 
\v 48 Le hatolo’o amy Aharone naho amo ana’eo i drala nijebañañe o ila’e nandikoatseoy. 
\v 49 Aa le rinambe’ i Mosè i dralam-pijebañañey amo nandikoatse ze nijebañe’ o nte-Levio; 
\v 50 amo tañoloñoloña’ o ana’ Israeleo ty nandrambesa’e ty drala arivo-tsi-telon-jato-tsi-enempolo-lime amby amo sekelen-toe-miavakeo; 
\v 51 vaho natolo’ i Mosè amy Aharone naho amo ana’eo i dralay, amy nitsara’ \nd Iehovà\nd*y, amy nandilia’ \nd Iehovà\nd* i Mosèy.
\c 4
\s1 O nte-Kehàteo
\p
\v 1 Hoe ty nitsara\nd ’\nd* \nd Iehovà\nd* amy Mosè naho i Aharone: 
\v 2 Volilio o ana’ i Kehàte boak’ amo nte-Levioo, amo hasavereña’eo naho amo anjomban-droae’eo, 
\v 3 ze telopolo taoñe pake limampolo taoñe; ze hene hizilik’ amy firimboñañey, hitoloñe amy kibohom-pamantañañey. 
\v 4 Zao ty ho fitoloña’ o ana’ i Kehàteo amy kibohom-pamantañañeio amo miava-do’eo: 
\v 5 Naho hionjoñe i tobey, le homb’eo t’i Aharone naho o ana’eo hanjetse i lamba fañefe­tsey, hanaroña’e i vatam-pañinay 
\v 6 naho ho rakofa’ iareo holin-trozofisoitse naho ho lamahe’ iereo lamba manga ki’e ty ambone’e vaho hatsorofo’ iareo ama’e o bao’eo. 
\v 7 Ho lamahe’ iereo lamba manga i rairai’ i mofom-piatrefañey, le hapoke ama’e o fanakeo naho o sadròo naho o soakazoo, o fitovy fañiliñañeo; hidoñe ama’e avao i mofo tsi-modoy. 
\v 8 Hilafiha’ iareo lamba mena mañabara vaho hirakofa’ iareo holin-trozofisoitse; le hatsorofo’ iareo ama’e o bao’eo. 
\v 9 Ho rambese’ iareo ty lamba manga hanaroñañe i fitàn-jiron-kazavàñey, naho i jiro’e rey, o fiharatan-tsokotsoko’eo, o sadrom-baen’ afo’eo, naho o fitavona-menake famahanañ’ azeo. 
\v 10 Le haholonkolo’ iereo an-kolin-trozofisoitse ie naho o harao’e iabio, vaho hasampe ambone o bao-pitarazoañeo. 
\v 11 Ho lamahe’ iareo lamba manga ka i kitrely volamenay naho ho rakofañe holin-trozofisoitse vaho hatsorofotse ama’e o bao’eo. 
\v 12 Ho rambese’ iareo ze hene harao-pitoloñañe, o fitoloña’ iareo amy miavakeio, le ho kolopofañe añate lamba manga naho ho rakofañe holi-trozofisoitse vaho hajò ambone’ o bao fitarazoañeo. 
\v 13 Haveve’ iareo añe o lavenok’ amy kitreliio vaho handamiha’ iareo lamba malo-mavo. 
\v 14 Hapo’ iereo ambone’e ze hene haraotse fitoloña’ iareo ama’e: o endraendrao, o fitsipokeo, o sadròo, o fitovio, naho o hene harao’ i kitreliio: le ho rakofa’ iareo holi-trozofisoitse, vaho hatso­rofotse ama’e o bao’eo. 
\v 15 Aa ie nihenefa’ i Aharone naho o ana’eo ty fandrakofañe o fanake miavakeo naho o finga miavake iabio, naho fa hionjoñe mb’eo i tobey le homb’eo o ana-dahi’ i Kehàteo hitarazo o rahao; fe tsy ho tsapae’ iereo o raha miavakeo tsy mone hivetrake. Irezay ro enta’ o ana’ i Kehàteo an-kibohom-pamantañañe ao.
\p
\v 16 Nafantok’ amy Elazare ana’ i Aharone mpisoroñe ty mena’ i jiroy, naho i emboke mañitsey, naho i enga-mahakama boak’ àndroy, naho i mena-pañorizañey; aze ka ty lily amy kivohoy, ze am-po’e ao iaby, naho amy toe-miavakey rekets’ o hene fana’eo.
\p
\v 17 Le hoe ty nitsara’ \nd Iehovà\nd* amy Mosè naho i Aharone, 
\v 18 Asoao tsy haitoañe amo nte-Levio ty fifokoa’ o hasavereña’ o nte-Kehàteoo. 
\v 19 Zao ty hanoe’ areo ty am’ iereo soa te ho veloñe fa tsy hivetrake naho harinea’ iareo o raha miavakeo: Homb’eo t’i Aharone naho o ana’eo vaho ho tendrè’ iareo songa ami’ty fitoroña’e naho ty kilanka’e. 
\v 20 Fe tsy hizilik’ ao o nte-Kehàteo hisamba ty fandrakofañe o raha miavakeo tsy mone hihomake.
\s1 O nte-Geresone naho nte-Merario
\p
\v 21 Le hoe ty nitsara\nd ’\nd* \nd Iehovà\nd* amy Mosè: 
\v 22 volilio ka o ana’ i Geresoneo ami’ty anjomban-droae’e naho o hasavereña’eo; 
\v 23 ie telopolo taoñe mañambone pake limampolo taoñe ty añiaha’o, ze hizilike hitoroñe, hitoloñe amy kibohom-pamantañañey ao. 
\v 24 Zao ty fitoloña’ o hasavereña’ i Geresoneo ami’ty fitoroñañe naho fijinian-kilankañe. 
\v 25 Hendese’ iereo o lamba fañefe’ i kibohom-pamantañañeio rekets’ i rako’ey, naho i rako’e holin-trozofisoitse ambone’ey, naho ty lamba fañefe’ i lalan-kibohom-pamantañañey, 
\v 26 le o lamba miradorado an-kiririsao naho o lamba fañefe’ i lalam-bein-kiririsaio, i miarikatoke i kivohoy naho i kitreliiy naho o tali’eo naho ze hene haraom-pitoloña’ iareo vaho ze raha mioza amy rezay; izay ty ho fitoroña’e. 
\v 27 Am-palie’ i Aharone naho o ana’eo ze hene fitoroña’ o ana’ i Geresoneo, amy kilanka’ iareo iabiy naho amo fitoloña’ iareo iabio, vaho hene hitendrea’ areo o fitoloña’iareoo naho o kilanka’ iareoo. 
\v 28 Ie ro fitoroña’ o nte-Geresoneo amy kibohom-pamantañañey, le ambanem-pità’ Itamare ana’ i Aharone mpisoroñe ty fitoloña’ iareo.
\p
\v 29 Aa ty amo ana-dahi’ i Merario, le ho volilie’o iereo amo hasavereña’eo naho o anjomban-droae’eo; 
\v 30 ze telopolo taoñe mañambone pake limampolo taoñe ty hañiaha’o, ze hizilike amy fitoroñañey hifanehak’ amy kibohom-pamantañañey. 
\v 31 Le inao ty hafantok’ am’ iereo ho kilanka’ iareo amy fitoroña’ iareo i kibohom-pamantañañeiy: o varamba i kivohoio naho o saka’eo, o anakòre’eo naho o vave’eo 
\v 32 naho o anakòreñe miarikatoke i kiririsaio rekets’ o vave’eo, o tsato’eo naho o tali’eo naho o hene harao’eo vaho ze harao-pitoloña’e iaby, le ho tolora’o ami’ty tahina’ ondaty ty anjara kilanka’e. 
\v 33 Ie ro fitoroña’ o nte-Merario amy kibohom-pamantañañey; ambanem-pità’ Itamare ana’ i Aharone mpisoroñey ty fitoloña’ iareo.
\s1 Famoliliañe o nte-Levio
\p
\v 34 Aa le vinolili’ i Mosè naho i Aharone vaho o talèm-balobohòkeo o nte-Kehàteo, an-kasavereñañe naho añ’anjomban-droae, 
\v 35 mifototse amo telopolo taoñeo pak’ amo limam-polo taoñeo, ze mizilik’ am-pitoroñañe ao, am-pitoloñañe amy kibohom-pamantañañey, 
\v 36 le ro’arivo-tsi-fiton-jato-tsi-limampolo o niaheñe amo hasavereña’eoo. 
\v 37 Ie ro niaheñe amo hasavereña’ o nte-Kehàteo, o mpitoroñe amy kibohom-pamantañañeio ze nivolilie’ i Mosè naho i Aharone ami’ty lili’ \nd Iehovà\nd* am-pità’ i Mosè.
\p
\v 38 Aa ty nivolilieñe o nte-Geresoneo, amo hasavereña’e naho anjomban-droae’eo, 
\v 39 mifototse amy ze telopolo taoñe mañambone pak’ amy ze limampolo taoñe, o hizilik’ am-pitoroñañe i kibohom-pamantañañeio— 
\v 40 o niaheñe amo hasavereña’eo naho amo anjomban-droae’eoo le ro’arivo-tsi-enen-jato-tsi-telopolo. 
\v 41 Ie ro niaheñe amo nte-Geresoneo amo hasavereña’eo, ze mitoroñe an-kibohom-pamantañañe ao; o nivolilie’ i Mosè naho i Aharone ami’ty lili’ \nd Iehovà\nd*o.
\p
\v 42 Le o nivolilieñe an-kasavereña’ o nte-Merario ty amo hasavereña’eo naho o anjomban-droae’eo, 
\v 43 ie telopolo taoñe am-para’ te limampolo taoñe ze mizilik’ am-pitoroñañe hitoloñe an-kibohom-pamantañañe ao— 
\v 44 o niaheñe amo hasavereña’eoo le ni-telo-arivo-tsi-roan-jato. 
\v 45 Ie ro niaheñe amo hasavereña’ o nte-Merario, ze nivolilie’ i Mosè naho i Aharone ami’ty lili’ \nd Iehovà\nd* am-pità’ i Mosè.
\p
\v 46 Ze niaheñe amo nte-Levio, o nivolilie’ i Mosè naho i Aharone naho o talè’ Israeleo amo hasavereña’eo naho o anjomban-droae’eo, 
\v 47 amo telopolo taoñeo pak’ amo limampolo taoñeo, ze mizilik’ ao mifanehak’ am-pitoloñañe naho am-pitarazoañe kilankañe amy kibohom-pamantañañey ao; 
\v 48 valo-arivo-tsi-liman-jato-tsi-valompolo ty niaheñe 
\v 49 ami’ty lili’ \nd Iehovà\nd* am-pità’ i Mosè ty nanendreañe iareo, songa am-pitoroña’e naho an-kilanka’e; vinolily ami’ty nandilia’ \nd Iehovà\nd* i Mosè.
\c 5
\s1 Ondaty Tsy Malio
\r Sor 15.1-33
\p
\v 1 Hoe ty nitsara’ \nd Iehovà\nd* amy Mosè: 
\v 2 Lilio o ana’ Israeleo te hasese alafe’ i tobey ze angamae, naho ze mañaka-dranoke vaho ze nileora’ ty havilasy; 
\v 3 sambe hasese ze lahilahy ndra ampela; alafe’ i tobey ty hampipohañe iareo, tsy handeotse ty tobe’ iareo, izaho mpimo­neñe añivo’e ao. 
\v 4 Aa le nanoe’ o ana’ Israeleo izay, ie nasese alafe’ i tobey ey; amy nandilia’ \nd Iehovà\nd* amy Mosèy ty nanoe’ o ana’Israeleo.
\s1 Soloho naho Avake
\p
\v 5 Le hoe ty nitsara’ \nd Iehovà\nd* amy Mosè, 
\v 6 Misaontsia amo ana’ Israeleo: Naho eo ty lahilahy ndra ampela manao ze atao fandilara’ ondaty, am-pijeharañe am’ \nd Iehovà\nd*\nd ,\nd* mampanan-tahiñe indatiy; 
\v 7 le hisolohoa’e i hakeo nanoe’e, naho ho henefa’e avake i tahi’ey naho ho tovoña’e ty ampaha-lime’e vaho hatolo’e amy nandilara’ey. 
\v 8 Aa naho tsy aman-dongo hañavahañe i sata ratiy indatiy, le hengae’e am’ \nd Iehovà\nd* ho a i mpisoroñey ty ava’ i hakeoy ho tovo’ i añondrilahi-pijebañañe hijebañe aze. 
\v 9 Ho aze ka o engan-kavoañe atoka’ o ana’ Israeleoo, ze atolo’ iareo amy mpisoroñey. 
\v 10 Aze ze hene engae’ ondatio, ze atolo’ ondaty amy mpisoroñey ro aze.
\s1 Ke Nifotetse ami’ty Vali’e
\p
\v 11 Hoe ty nitsara\nd ’\nd* \nd Iehovà\nd* amy Mosè: 
\v 12 Saontsio amo ana’ Israeleo ty hoe: ie mandifike ty tañanjomba’ ondaty naho mitomaly ama’e, 
\v 13 naho iolora’ ondaty, ie nietak’ am-pihaino’ i vali’ey, naho tsy nionin-dre ke te nandeo-batañ’ an-kafitse, vaho tsy vinamba, tsy tsinepake te nanoe’e; 
\v 14 f’ie angara’ ty famarahiañe, naho farahie’e i vali’e nandeo-batañey, he t’ie nangara’ ty famarahiañe, le fara­hie’e ty tañan­jomba’e tsy nandeo-batañe; 
\v 15 le hasese’ indatiy mb’ amy mpisoroñey mb’eo i tañan­jomba’ey. Hendese’e ka ty enga ty ama’e: ty bom-bare hordea fahafolo’ ty efà; tsy hañiliña’e menake ndra hamitseza’e emboke amy t’ie enga-mahakamam-pama­rahiañe, enga-paniahiañe, fampatiahian-kamengohañe.
\p
\v 16 Le hampiharinè’ i mpisoroñey i rakembay vaho hampiatrefe’e am’ \nd Iehovà\nd*. 
\v 17 Hendese’ i mpisoroñey ty rano miavake am-pitovi-tane, le han­dram­besa’e debok’ an-tane’ i kibohotsey vaho hafitse’e amy ranoy. 
\v 18 Le hajoha’ i mpisoroney añatrefa’ \nd Iehovà\nd* i rakembay, le habala’e ty maroi’e, le hapo’e an-taña’ i rakembay i engam-pitiahiañey, i enga-mahakama-pamarahiañey, ie am-pità’ i mpisoroñey i rano mafaitse minday fàtsey. 
\v 19 Le hampifantà’ i mpisoroñey i rakembay, ami’ty hoe, Naho tsy niharo tihy ama’ ondaty irehe, naho tsy nivio mb’an-kaleorañe, ie fehè’ i vali’oy, le mihahà ami’ty rano mafaitse minday fatse toy. 
\v 20 F’ie mone nandrike ambane’ ty lilim-bali’o, nandeo-batañe, amy te nahazoan-dro-pilahiañe ty ‘ndaty tsy vali’o. 
\v 21 Ie amy zao hampititihe’ i mpisoroñey am-patse i rakembay: Le hanao ty hoe amy rakembay i mpisoroñey: Hanoe’ \nd Iehovà\nd* titse naho fatse am’ ondati’oo, le ampivorohe’ \nd Iehovà\nd* ty vania’o vaho hampientare’e ty tro’o, 
\v 22 ami’ty rano minday i fatsey toy, ie hijoñe an-kovi’o ao hampivoroke ty vania naho hampienatse ty troke. Le hanao ty hoe i rakembay: Amena, Ie izay.
\p
\v 23 Le ho sokire’ i mpisoroñey am-boke peleke ao i fatsey vaho ho fao­paohe’e amy rano mafaitsey ao. 
\v 24 Le hampinome’e i rakembay i rano mafaitse minday fatsey le hafaitse ama’e i rano minday fatse migologodrañ’ aoy. 
\v 25 Le ho rambese’ i mpi­soroñey am-pità’e amy zao i engam-pamarahiañey, naho hahela­hela’e añatrefa’ \nd Iehovà\nd*, vaho hasese’e mb’amy kitreliy mb’eo; 
\v 26 le handrambesa’ i mpisoroñey ty mahàtsa-pitàñe ho enga-tiahy, le hampañatoe’e amy kitreliy, heneke izay le hampikamae’e i rakembay i ranoy. 
\v 27 Ie nampikamaeñe i ranoy, le ho tendreke, naho toe nandeo-batañe naho nivalik’ amy vali’ey, te hafaitse i rano minday fatse nigodrañe ama’ey, naho hienatse i fisafoa’ey naho ho voroke i vania’ey vaho ho injè’ ondati’eo i rakembay. 
\v 28 Fe naho tsy nandeo-batañe i rakembay naho malio, le ho votsotse vaho hiaren-tiry.
\p
\v 29 Izay ty fetsem-pamarahiañe, ie zehare’ ty tañanjomba’e ty lilim-bali’e vaho mivio mb’am-pandeorañe, 
\v 30 hera añangara’ ty famarahiañe t’indaty naho farahie’e ty tañanjomba’e; le hampijohañe’e añatrefa’ \nd Iehovà\nd* vaho hanoe’ i mpisoroñey ama’e o hene Hake zao. 
\v 31 Le halio tahiñe indatiy, fe hivave hakeo i rakembay.
\c 6
\s1 O Nazireo
\p
\v 1 Hoe ty nitsara’ \nd Iehovà\nd* amy Mosè: 
\v 2 Misaontsia amo ana’Israeleo le ano ty hoe: Naho mitangèñe, manao ty fanta’ o Nazireo, ndra ty lahilahy ndra ampela, hiambake ho am’ \nd Iehovà\nd*, 
\v 3 le hifoneña’e ty divay naho ze rano mahery; tsy hikama vinegran-divay ndra vinegran-toake, vaho tsy ho kamae’e ty ranom-baloboke, ndra ty voam-baloboke ke te mandrano he maike. 
\v 4 Tsy ho kamae’e ndra inoñe boak’ ami’ty vahem-baloboke ndra o àta’eo ndra o holi’eo amo hene andro maha Nazire azeo.
\p
\v 5 Amo hene andro maha Nazire azeo, tsy hiozam-piharatse i añambone’ey; ampara’ te heneke o andro niambaha’e ho a \nd Iehovà\nd*o; hiavake re; le henga’e hitombo avao o ori-maroin’añambone’eo.
\p
\v 6 Tsy hiharine lolo re amy ze hene ­andro hiambaha’e ho a’ ­\nd Iehovà\nd*. 
\v 7 Tsy handeo-batan-dre ndra aman-drae’e ndra rene’e, ndra aman-drahalahi’e ndra rahavave’e t’ie mihomake, amy te añam­bone’e eo ty fiambaha’e ho aman’ Añahare. 
\v 8 Hiavake am’ \nd Iehovà\nd* re amo hene andro fiambaha’eo.
\p
\v 9 Ie mitojeha te mihomake marine aze t’indaty, naho leore’e i añambone’e norizañey, le ho harate’e i añambone’ey ami’ty andro fañeferañe aze; hiharata’e ami’ty andro fahafito’e. 
\v 10 Amy andro fahavaloy re ro handay deho roe ndra ana-boromahilala roe mb’amy mpisoroñe an-dalan-kibohom-pamantañañey mb’eo, 
\v 11 le ho hentseñe’ i mpisoroñey ty raike ho engan-kakeo, le hisoroña’e ty raike hijebañañe i nandilatse amy fateiy, vaho havahe’e amy àndroy ty añambone’e. 
\v 12 Havì’e am’ \nd Iehovà\nd* o andro fiambaha’eo vaho ho banabanae’e ty vik’ añondrilahy engan-dilatse; fe ho modo o andro taoloo kanao nileoreñe i fiambaha’ey.
\p
\v 13 Inao ty fetse’ o Nazireo: Ie heneke o andro fiambaha’eo le hasese mb’an-dalan-kibohom-pamantañam-beo, 
\v 14 le ho banabanae’e am’ \nd Iehovà\nd* o enga’eo: ty vik’ añondrilahy tsy aman-kandra hisoroñañe naho ty vik’ añondri-vave tsy aman-kila ho engan-kakeo, naho ty añondrilahy tsy aman-kandra ho engan-kanintsiñe, 
\v 15 naho mofo po-dalivay an-karoñe, mofo vonga’e ami’ty mona linaro menake, naho mofo pisake nihosorañe menake, naho o enga-maha­kama’eo vaho o enga-rano’eo. 
\v 16 Le hasese’ i mpisoroñey añatrefa’ \nd Iehovà\nd* izay vaho hengae’e i engan-kakeoy naho i enga hisoroñañey, 
\v 17 le hengae’e ho engam-pañanintsiñe am’ \nd Iehovà\nd* i añondrilahiy miharo amy haro-mofo po-dalivaiy; hengae’ i mpisoroñey ka i enga-maha­kama’ey naho i enga-rano’ey. 
\v 18 Le ho harate’ i Nazirey an-dalan-kibohom-pamantañañ’ ao i añambone’e norizañey le ho rambese’e o maroi’eo vaho hapo’e amy afo ambane’ i soron-kanintsiñeiy. 
\v 19 Le ho rambese’ i mpisoroñey ty soro’ i añondrilahy nahandroeñey naho ty vonga mofo po-dalivay raike naho ty mofo pisake po-dalivay boak’ amy haroñey vaho hatolo’e am-pità’ i Nazirey, ie fa niharate’e i añambone’e norizañey, 
\v 20 le hahelahela’ i mpisoroñey irezay ho enga-kelahela añatrefa’ \nd Iehovà\nd*; ie avaheñe ho a i mpisoroñey, mitraok’ ami’ty tratra’ i engan-kelahelay naho ty tso’ i engan-kavoañey. Heneke izay le mete mikama divay i Nazirey.
\p
\v 21 Izay ty fetse’ ty Nazire mifanta, ie mañenga am’ \nd Iehovà\nd*o amy ha-Nazire’ey, ambone’ ze satrie’e amy hanaña’ey; i nifanta’ey ro hanoe’e i lilim-piambaha’ey.
\s1 Tatam-Pisoroñe
\p
\v 22 Hoe ty nitsara’ \nd Iehovà\nd* amy Mosè: 
\v 23 Misaontsia amy Aharone naho o ana’eo le ano ty hoe: Zao ty fitatà’ areo o ana’ Israeleo. Ano ty hoe am’ iereo:
\p
\v 24 Hitahy azo t’\nd Iehovà\nd*,
\p naho hañaro azo;
\p
\v 25 Hampireandreàñe’ \nd Iehovà\nd* ama’o ty vinta’e, naho hatarik’ ama’o;
\p
\v 26 Hampiandrà’ \nd Iehovà\nd* ama’o ty lahara’e vaho hampanintsiñe azo.
\p
\v 27 Izay ty hampipetaha’e amo ana’ Israeleo ty añarako hitahiako iareo.
\c 7
\s1 Fañenga o Talèo
\p
\v 1 Tamy andro nahafonira’ i Mosè ty fampitroarañe i kivohoy, le noriza’e naho nefera’e rekets’ o harao’e iabio, naho i kitreliy vaho o harao’e iabio; ie fa noriza’e naho neferañe 
\v 2 le nañenga ka o mpiaolo’ Israeleo, o talèn’ anjomban-droae’eo, o mpiaolom-pifokoa’eo, o nijohañ’ ambone’ o niaheñeoo; 
\v 3 binanabana’ iereo añatrefa’ \nd Iehovà\nd* o enga’ iareoo, ty sarete milomboke eneñe naho katràka folo-ro’ amby, ty sarete raike boak’ am-piaolo roe, naho songa ninday ty añombe vaho nengae’ iereo aolo’ i kivohoy eo. 
\v 4 Le hoe ty nitsara’ \nd Iehovà\nd* amy Mosè: 
\v 5 Rambeso am’ iereo o raha zao, hitoloñe am-pitoroñañe i kibohom-pamantañañey vaho atolo­ro amo nte-Levio, songa amy fitoroña’ey. 
\v 6 Aa le rinambe’ i Mosè i sarete rey naho i katraka rey vaho natolo’e amo nte-Levio. 
\v 7 Natolo’e amo ana’ i Geresoneo ty sarete roe naho ty añombe efatse ty amo fitoroña’ iareoo, 
\v 8 le natolo’e amo ana’ i Merario ty sarete efatse rekets’ añombe valo ty amo fitoroña’ iareo ambane’ ty fehe’ Itamare ana’ i Aharone mpisoroñeo. 
\v 9 Tsy nimea’e ka o ana’ i Kehàteo, amy t’ie mpitoroñe amo raha miavakeo, le tarazoeñe ty a iareo.
\p
\v 10 Nañenga amy fanokanañe i kitreliy i mpiaolo rey amy andro nañorizañ’ azey, binanabana’ o mpiaoloo mb’aolo’ i kitreliy mb’eo o enga’ iareoo. 
\v 11 Le hoe t’\nd Iehovà\nd* amy Mosè: Hengae’ iareo, songa añ’ andro’e o enga’eo amy fanokanañe i kitreliiy.
\p
\v 12 I Naksone ana’ i Aminadabe talèm-pifokoa’ Iehodà, ty nañenga i enga’ey ami’ty andro valoha’e; 
\v 13 o nengae’eo: ty antova volafoty nilanja sekele zato-tsi-telo-polo naho soakazo volafoty fitompolo sekele an-tsekelen-toe-miavake songa pea ty mona linaro menake ho enga-mahakama; 
\v 14 naho ty antova volamena folo sekele pea ty emboke; 
\v 15 ty bania naho ty añondrilahy vaho vik’ añondrilahy hisoroñañe; 
\v 16 ty oselahy ho engan-kakeo; 
\v 17 ty añombe roe naho añondrilahy lime, oselahy lime, vaho vik’ añondri­lahy lime ho engan-kanintsiñe. Izay ty nengae’ i Naksone ana’ i Aminadabe.
\p
\v 18 Zao ty nengae’ i Netanele, ana’ i Tsoare, talè’ ty fifokoa’ Isakhare amy andro faharoey: 
\v 19 nañenga ty antova volafoty nilanja zato-tsi-telopolo sekele, naho ty soakazo volafoty fitompolo sekele an-tsekelen-toetse miavake, songa pea ty mona linaro menake ho enga-mahakama; 
\v 20 ty fanake volamena folo sekele, pea ty emboke; 
\v 21 ty bania naho ty añondrilahy naho vik’añondrilahy hisoroñañe 
\v 22 vaho ty vik’ ose ho engan-kakeo; 
\v 23 le ho engan-kanintsiñe: ty añombe roe, ty añondrilahy lime, ty oselahy lime vaho vik’ añondrilahy lime. Izay ty nengae’ i Netanele ana’ i Tsoare.
\p
\v 24 I Eliabe ana’i Kelone talèm-pifokoa’ i Zebolone ty nañenga amy andro fahateloy: 
\v 25 nengae’e ty antova volafoty nilanja zato-tsi-telopolo sekele, naho ty soakazo volafoty fitompolo sekele an-tsekelen-toe-miavake, songa pea ty mona linaro menake ho enga-mahakama; 
\v 26 ty fanake volamena folo sekele, pea ty emboke; 
\v 27 ty bania, naho ty añondrilahy vaho vik’añondrilahy hisoroñañe; 
\v 28 vaho ty vik’ ose ho engan-kakeo; 
\v 29 le ho engan-kanintsiñe: ty añombe roe, ty añondrilahy lime, ty oselahy lime, vaho ty vik’ añondrilahy lime. Izay ty nengae’ i Eliabe ana’ i Kelone.
\p
\v 30 I Elitsore ana’ i Sedeore, talèm-pifokoa’ i Reòbene ty nañenga amy andro fah’ efatsey: 
\v 31 Nengae’e ty antova volafoty nilanja zato-tsi-telopolo sekele, naho ty soakazo volafoty fitompolo sekele an-tsekelen-toe-miavake, songa pea ty mona linaro menake ho enga-mahakama; 
\v 32 ty fanake volamena folo sekele, pea ty emboke; 
\v 33 ty bania naho ty añondrilahy vaho vik’añondrilahy hisoroñañe; 
\v 34 vaho ty vik’ ose ho engan-kakeo; 
\v 35 le ho engan-kanintsiñe: ty añombe roe, ty añondrilahy lime, ty oselahy lime vaho vik’ añondrilahy lime. Izay ty nengae’ i Elitsore ana’ i Sedeore.
\p
\v 36 I Selomiele ana’ i Tsorisadahy talè’ ty fifokoa’ i Simone ty nañenga amy andro faha limey. 
\v 37 Nengae’e ty antova volafoty nilanja zato-tsi-telopolo sekele, naho ty soakazo volafoty fitompolo sekele an-tsekelen-toe-miavake, songa pea ty mona linaro menake ho enga-mahakama; 
\v 38 ty fanake volamena folo sekele, pea ty emboke; 
\v 39 ty bania, naho ty añondrilahy vaho vik’ añondrilahy hisoroñañe; 
\v 40 vaho ty vik’ose ho engan-kakeo; 
\v 41 le ho engan-kanintsiñe: ty añombe roe, ty añondrilahy lime, ty oselahy lime vaho vik’ añondrilahy lime. Izay ty nengae’ i Selomiele ana’ i Tsorisadahy.
\p
\v 42 I Eliasafe ana’ i Dehoele talèm-pifokoa’ i Gade ty nañenga amy andro fah’eneñey. 
\v 43 Nengae’e ty antova volafoty nilanja zato-tsi-telopolo sekele, naho ty soakazo volafoty fitompolo sekele an-tsekelen-toe-miavake, songa pea ty mona linaro menake ho enga-mahakama; 
\v 44 ty fanake volamena folo sekele, pea ty emboke; 
\v 45 ty bania naho ty añondrilahy vaho vik’ añondrilahy hisoroñañe; 
\v 46 vaho ty vik’ ose ho engan-kakeo; 
\v 47 le ho engan-kanintsiñe: ty añombe roe, ty añondrilahy lime, ty oselahy lime vaho vik’ añondrilahy lime. Izay ty nengae’ i Eliasafe ana’ i Dehoele.
\p
\v 48 I Elisama ana’ i Amihode talèm-pifokoa’ i Efraime ty nañenga amy andro faha-fitoy. 
\v 49 Nengae’e ty antova volafoty nilanja zato-tsi-telopolo sekele, naho ty soakazo volafoty fitompolo sekele an-tsekelen-toe-miavake, songa pea ty mona linaro menake ho enga-mahakama; 
\v 50 ty fanake volamena folo sekele, pea ty emboke; 
\v 51 ty bania, naho ty añondrilahy vaho vik’ añondrilahy hisoroñañe; 
\v 52 vaho ty vik’ ose ho engan-kakeo; 
\v 53 le ho engan-kanintsiñe: ty añombe roe, ty añondrilahy lime, ty oselahy lime vaho vik’ añondrilahy lime. Izay ty nengae’ i Elisama ana’ i Amihode.
\p
\v 54 I Gamliele ana’ i Pedatsore talè’ ty fifokoa’ i Menasè ty nañenga amy andro fahavaloy. 
\v 55 Nengae’e ty antova volafoty nilanja zato-tsi-telopolo sekele, naho ty soakazo volafoty fitompolo sekele an-tsekelen-toe-miavake, songa pea ty mona linaro menake ho enga-mahakama; 
\v 56 ty fanake volamena folo sekele, pea ty emboke; 
\v 57 ty bania naho ty añondrilahy vaho vik’ añondrilahy hisoroñañe; 
\v 58 vaho ty vik’ osen’ engan-kakeo; 
\v 59 le ho engan-kanintsiñe: ty añombe roe naho ty añondri­lahy lime, ty oselahy lime vaho vik’ añondrilahy lime. Ie o nengae’ i Gamliele ana’ i Pedatsoreo.
\p
\v 60 I Abidane ana’ i Gedoný talè’ ty fifokoa’ i Beniamène ty nañenga amy andro fahasivey. 
\v 61 Nengae’e ty antova volafoty nilanja zato-tsi-telopolo sekele, naho ty soakazo volafoty fitompolo sekele an-tsekelen-toe-miavake, songa pea ty mona linaro menake ho enga-mahakama; 
\v 62 ty fanake volamena folo sekele, pea’ ty emboke; 
\v 63 ty bania naho añondrilahy vaho vik’ añondrilahy hisoroñañe 
\v 64 vaho ty vik’ose ho engan-kakeo; 
\v 65 le ho engan-kanintsiñe: ty añombe roe, ty añondrilahy lime, ty oselahy lime vaho vik’ añondrilahy lime. Izay ty nengae’ i Abidane ana’ i Gedoný.
\p
\v 66 I Akièzere, ana’i Amisedahy talèm-pifokoa’ i Dane ty nañenga amy andro faha-foloy. 
\v 67 Nengae’e ty antova volafoty nilanja zato-tsi-telopolo sekele, naho ty soakazo volafoty fitompolo sekele an-tsekelen-toe-miavake, songa pea ty mona linaro menake ho enga-mahakama; 
\v 68 ty fanake volamena folo sekele, pea’ ty emboke; 
\v 69 ty bania, naho ty añondrilahy vaho vik’ añondrilahy hisoroñañe; 
\v 70 vaho ty vik’ ose ho engan-kakeo; 
\v 71 le ho engan-kanintsiñe: ty añombe roe, ty añondrilahy lime, ty oselahy lime vaho vik’ añondrilahy lime. Izay ty nengae’ i Akièzere, ana’ i Amisedahy.
\p
\v 72 I Pejiele ana’ i Okrane talè’ ty fifokoa’ i Asere ty nañenga amy andro folo-raik’ ambiy. 
\v 73 Nengae’e ty antova volafoty nilanja zato-tsi-telopolo sekele, naho ty soakazo volafoty fitompolo sekele an-tsekelen-toe-miavake, songa pea ty mona linaro menake ho enga-mahakama; 
\v 74 ty fanake vola­mena folo sekele, pea’ ty emboke; 
\v 75 ty bania, naho ty añondrilahy naho vik’ añondrilahy hisoroñañe; 
\v 76 vaho ty vik’ose ho engan-kakeo; 
\v 77 le ho engan-kanintsiñe: ty añombe roe, ty añondrilahy lime, ty oselahy lime vaho vik’ añondrilahy lime. Izay ty nengae’ i Pejiele ana’ i Okrane.
\p
\v 78 I Akirà ana’ i Ainane talè’ ty fifokoa’ i Naftaly ty nañenga amy andro faha folo-roe-ambiy. 
\v 79 Nengae’e ty antova volafoty nilanja zato-tsi-telopolo sekele, naho ty soakazo volafoty fitompolo sekele an-tsekelen-toe-miavake, songa pea ty mona linaro menake ho enga-mahakama; 
\v 80 ty fanake volamena folo sekele, pea ty emboke; 
\v 81 ty bania naho ty añondrilahy vaho vik’ añondrilahy hisoroñañe; 
\v 82 vaho ty vik’ose ho engan-kakeo; 
\v 83 le ho engan-kanintsiñe: ty añombe roe, ty añondrilahy lime, ty oselahy lime vaho vik’ añondrilahy lime. Izay ty nengae’i Akirà ana’ i Ainane.
\p
\v 84 Zao ty engam-panokanañe i kitreliy boak’ amo mpiaolo’ Israeleo, tamy nañorizañe azey: ty antova volafoty folo-ro’amby le soakazo folo-ro’ amby le fanake volamena folo-ro’amby. 
\v 85 Songa nilanja zato-tsi-telo-polo sekele i antova rey, sindre fitom-polo sekele i soakazo rey, ty tontom-bolafoty amy fanake rey le ro’arivo-tsi-efa-jato sekele an-tsekelen-toe-miavake; 
\v 86 i fanake vo­lamena pea ty emboke folo-ro’ amby rey songa nilanja folo sekele an-tsekelen-toetse miavake, le zato-tsi-roapolo sekele ty tontom-bolamena amy fanake rey; 
\v 87 le nitonto ho bania folo-ro’ amby i añombe nengaen-kisoroñañe rey, le folo-ro’ amby i añondrilahy rey, le folo-ro’ amby ty vik’ añondrilahy naho o enga-mahakama’eo vaho folo-ro’amby ty vik’ose nanoeñe engan-kakeo. 
\v 88 Roa­polo-efats’ amby ty tontoñan’ añombelahy nengaen-ko soron-kanintsiñe, enem-polo ty añondrilahy, enem-polo ty oselahy vaho enem-polo ty vik’ añondry. Izay o engam-panokanañe i kitreliio, ie orizañe.
\p
\v 89 Aa naho nizilik’ amy kibohom-pamantañañey t’i Mosè hifanaontsia’e, le jinanji’e i fiarañanañañe nitsara ama’e boak’ ambone’ i toem-pijebañañe mikapeke i vatam-pañinay añivo’ i kerobe roe reiy; izay ty fitsara’e ama’e.
\c 8
\s1 I Jiro Fito Rey
\r Avo. 25.31-40
\p
\v 1 Le hoe ty nitsara’ \nd Iehovà\nd* amy Mosè: 
\v 2 Saontsio amy Aharone vaho ano ty hoe: Ie hañajary o jiroo, le ampañazavao mb’aolo mb’eo i fitàn-jiroy i jiro fito rey. 
\v 3 Le nanoe’ i Aharone izay; nalaha’e i jiro rey hañazava’e mañaolo i fitàn-jiroy amy nandilia’ \nd Iehovà\nd* i Mosè. 
\v 4 Inao ty nanoeñe i fitàn-jiroy: volamena pinepeke i taho’ey pak’ amboñe’e eo; toe satam-pipepehañe, amy sare natoro’ \nd Iehovà\nd* amy Mosèy, izay ty nanoe’e i fitàn-jiroy.
\s1 Ty Fañorizañe o nte-Levio
\p
\v 5 Le hoe ty nitsara’ \nd Iehovà\nd* amy Mosè: 
\v 6 Aviho amo ana’ Israeleo o nte-Levio vaho efero. 
\v 7 Zao ty hañefera’o iareo: amitsezo am’ iereo ty ranon’ enga-kakeo, le ampiozàñem-piharatse ty fañòva’ ia­reo iaby, naho ampanasao sikiñe vaho ampiliovo. 
\v 8 Le ampangalao iareo ty bania rekets’ i enga-maha­kama’ey, i mona linaro menakey, vaho ampangalao bania raike ho engan-kakeo. 
\v 9 Le aseseo mb’ añatrefa’ i kibohom-pamantañañey mb’eo o nte-Levio vaho atontono ty valobohò’ Israele; 
\v 10 Aa naho fa navori’o añatrefa’ \nd Iehovà\nd* o nte-Levio le hanampe fitàñe amo nte-Levio o ana’ Israeleo; 
\v 11 le hengae’ i Aharone ho engan-kelahela am’ \nd Iehovà\nd* o nte-Levy boak’ amo ana’ Israeleoo hitoroñe \nd Iehovà\nd*. 
\v 12 Le hanampeza’ o nte-Levio fitàñe i bania rey, naho hengae’o ho engan-kakeo ty raike vaho ho soroñañe am’ \nd Iehovà\nd* ty raike, hijebaña’o o nte-Levio. 
\v 13 Aa le ajohaño añatrefa’ i Aharone naho o ana’eo o nte-Levio vaho engao am’ \nd Iehovà\nd* ho engan-kelahela.
\p
\v 14 Izay ty hañambaha’o amo ana’ Israeleo o nte-Levio le ho ahiko o nte-Levio. 
\v 15 Henane zay, himoake hitoroñe amy kibohom-pamantañañey o nte-Levio, ie fa neferañe naho nengaeñe ho engan-kelahela. 
\v 16 Songa natolotse ahiko boak’ amo ana’ Israeleo; fa rinambeko ho amako ho solo’ ze hene manoka-koviñe; ze fonga tañoloñoloñan’ ana’ Israele. 
\v 17 Toe anjarako ze hene valohan’ ana’ o ana’ Israeleo, ondaty naho hare; tamy andro nipaohako ze fonga valohan’ ana’ i Mitsraimey ty nañambahako iareo ho ahy. 
\v 18 Le rinambeko ho soloe’ o nte-Levio o tañoloñoloñan’ ana’ Israeleo; 
\v 19 vaho natoloko amy Aharone naho amo ana’eo aivo o ana’ Israeleo ho ravoravo o nte-Levio, hitoloñe ami’ty fitoloña’ o ana’ Israeleo amy kibohom-pamantañañey, naho hanao fijebañañe ho amo ana’ Israeleo tsy mone hiboak’ amo ana’ Israeleo ty angorosy naho harinea’ o ana’ Israeleo i efe-miavakey.
\p
\v 20 Izay ty nanoe’ i Mosè naho i Aharone vaho ty valobohò’ Israele amo nte-Levio; ze hene nandilia’ \nd Iehovà\nd* i Mosè ty amo nte-Levio ty nanoe’ o ana’ Israeleo. 
\v 21 Le nañalio vatañe o nte-Levio naho nanasa’ o siki’eo iareo, naho nengae’ i Aharone am’ \nd Iehovà\nd* ho ravoravo miavake, vaho nanao fijebañañe hañaliova’e iareo. 
\v 22 Ie henane zay nimoak’ an-kibohom-pamantañañe ao o nte-Levio hitoloñe añatrefa’ i Aharone naho o ana’eo; i nandilia’ \nd Iehovà\nd* amy Mosè ty amo nte-Levio ty nanoañe am’iareo.
\p
\v 23 Le hoe ty nitsara’ \nd Iehovà\nd* amy Mosè: 
\v 24 Inao ty amo nte-Levio: ie roapolo-taoñe lim’ amby mañambone ro hizilike hitoloñe an-kibohom-pamantañañe ao; 
\v 25 ie limampolo taoñe ro hitroatse amo fitoroña’eo, le tsy hitoloñe ao ka. 
\v 26 F’ie mete hañimba o rahalahi’eo an-kibohom-pamantañañe ao, hisary o tolon-draha’eo fe tsy hitromake. Izay ty hanoe’o amo nte-Levio amo fitoloña’eo.
\c 9
\s1 Ty Fihelañ’Ambone e Sinay Añe
\r Avo.12.1-20
\p
\v 1 Nitsara amy Mosè t’\nd Iehovà\nd* an-dratraratra’ i Sinay añe ami’ty volam-balohan-taom-paharoe’ nienga’ iareo an-tane Mitsraime, ami’ty hoe: 
\v 2 Hambena’ o ana’ Israeleo i Fihelañey amy namotoañañe azey, 
\v 3 ami’ty andro faha-folo-efats’ ambi’ ty volañe toy naho hariva ty hambena’ areo aze amy namantañañe azey; o fañè’e iabio naho ze hene fepe’e ty hambena’ areo. 
\v 4 Aa le sinaontsi’ i Mosè amo ana’ Israeleo ty hiambeñe i Fihelañey. 
\v 5 Le nambena’ iareo te folakandro-miroñe amy andro faha-folo-efats’ ambi’ i volam-baloha’ey am-patrambei’ i Sinay i Fihelañey; amy nandilia’ \nd Iehovà\nd* i Mosèy ty nanoe’ o ana’ Israeleo. 
\v 6 Ie amy zao teo t’indaty nandeo-batañe ami’ ty lolo vaho tsy nete niatreke i Fihelañey amy andro zay; aa le nimb’ amy Mosè naho i Aharone amy àndroy, 
\v 7 le nanoe’ indaty rey ty hoe, Maleotse ami’ty fate’ ondaty zahay. Aa vaho ho sebañeñe tsy hitraok’ amo ana’ Israeleo hibanabana i enga’ \nd Iehovà\nd*y amy namantañañe azey hao? 
\v 8 Le hoe t’i Mosè am’ iereo, Mahaliñisa heike hitsa­noñako ty ho lilie’ \nd Iehovà\nd* ty ama’ areo.
\p
\v 9 Le hoe t’\nd Iehovà\nd* amy Mosè, 
\v 10 Misaontsia amo ana’ Israeleo, ty hoe: Ndra iaia t’indaty ama’ areo ndra amo tarira’ areoo maleotse ami’ty lolo, ndra t’ie am-pitaveañañe añe, le mbe hambena’e i Fihelañ’Ambone’ \nd Iehovà\nd*y; 
\v 11 ami’ty andro miroñe’ i faha-folo-efats’ ambi’ i volam-paharoey ty hañambena’e aze. Ho kamae’ iareo ama’e ty mofo po-dalivay mitraok’ aña-mafaitse. 
\v 12 Ie tsy hanisa ami’ty maraiñe, le tsy ho pozaheñe o taola’eo. Amo fañè’ i Fihelañey iabio ty hañambena’ iareo aze. 
\v 13 Fe t’indaty malio, tsy am-pañaveloañe añe, ie ado’e i Fihelañey tsy ambena’e; toe haitoeñe am’ondati’eo indatiy, amy t’ie tsy nibanabana i enga’ \nd Iehovà\nd*y amy namantañañe azey; ho vavè’ indatiy ty hakeo’e. 
\v 14 Aa naho mañialo ama’ areo ao ty ambahiny, ie te hañambeñe i Fihelañe am’ \nd Iehovà\nd*y, le i fañèm-Pèsakey naho o fepè’eo ty anoañe aze, ho raike ty fañè’ areo naho i ambahiniy vaho i nisamak’ amy taney.
\s1 I Rahoñey naho i Afoy
\r Avo. 13.21-22; 40.34-38
\p
\v 15 Amy andro nampitroareñe i kivohoiy le nakopo’ i rahoñey i kivohoy, i kibohom-pañinay; amy harivay pak’ ami’ ty maraiñe, ie ambone’ i kivohoy hoe afo. 
\v 16 Izay ty nilili’e: nikolopofe’ i rahoñey te antoandro vaho nihoe afo te haleñe. 
\v 17 Naho nonjoneñe tsy ho ambone’ i kivohoy i rahoñey, le nionjomb’eo o ana’ Israeleo; Aa naho nitsangañe i rahoñey le nitobe eo o ana’ Israeleo. 
\v 18 Nandily t’\nd Iehovà\nd*\nd ,\nd* le nienga o ana’ Israeleo, le nandily t’\nd Iehovà\nd* vaho nitobe iereo; naho nijohañe ambone’ i kivohoy i rahoñey, le mbe nitobe eo avao. 
\v 19 Ndra te nitolom-pijohañe ambone’ i kivohoy andro maro i rahoñey le nambena’ o ana’ Israeleo ty hatoro’ \nd Iehovà\nd*\nd ,\nd* vaho tsy nañavelo. 
\v 20 Ie amy zay, he nipetake ambone’ i kivohoy andro tsy ampeampe i rahoñey, le ami’ty lili’ \nd Iehovà\nd*, nijohañe amy tobey iareo, vaho ami’ty lili’ \nd Iehovà\nd*\nd ,\nd* nañavelo. 
\v 21 Teo i rahoñey te nitoboke hariva pak’ ami’ty maraiñe, naho nionjoñe i rahoñey le nienga iereo, ke te tambatse ey andro raike naho haleñe raike i rahoñey vaho nionjoñe, le nienga iereo. 
\v 22 Ke roe andro, he volañe raike, kera taoñe raike ty nijohaña’ i rahoñey ambone’ i kivohoy, le nitolon-kitobe ey avao o ana’ Israeleo, tsy nañavelo; ie naonjoñe, vaho nañavelo. 
\v 23 Am-palie’ \nd Iehovà\nd*, le nitobe iereo, vaho am-palie’ \nd Iehovà\nd*, nañavelo iereo; nambena’ iareo ze nafanto’ \nd Iehovà\nd*, ze nitsarae’ \nd Iehovà\nd* am-pità’ i Mosèy.
\c 10
\s1 Antsiva Volafoty
\p
\v 1 Hoe ty nitsara’ \nd Iehovà\nd* amy Mosè: 
\v 2 Tseneo trompetra volafoty roe am-pipepèhañe; hanontonañe i valobohokey naho hikoihañe ty fiavotañe amy tobey. 
\v 3 Ie tiofeñe in-droe le fonga hifanontoñe ama’o an-dalan-kibohom-pamantañañe eo i valobohòkey. 
\v 4 F’ie tiofeñe in-draike, le o mpiaoloo, o talèm-pifokoa’ Israeleo, ty hiropak’ ama’o. 
\v 5 Ie itiofan-koike le hiavotse o mpitobe atiñanañe eio. 
\v 6 Ie tiofen-koike fañindroe’e le o mpitobe atimoo ro hienga; mionjoñe iereo te itiofan-koike. 
\v 7 Naho hatontoñe i valobohòkey, le mitiofa fe tsy an-koike. 
\v 8 O ana’ i Aharoneo, o mpisoroñeo, ro hitioke i trompetray; ho fañè’ areo hanitsike o hene tarira’ areo mifandimbeo. 
\v 9 Ie mionjoñe mb’ añ’aly an-tane’ areo ao mb’ ami’ty rafelahy mañembetse anahareo, le hitiofan-koike amo trompetrao, vaho ho tiahy añatrefa’ \nd Iehovà\nd* Andrianañahare’ areo vaho ho rombaheñe amo rafelahi’areoo. 
\v 10 Ie amo andro firebeha’ areoo, naho amo andro nifantañeñeo, naho amo jiri-bolañeo le ho tiofe’ areo ambone’ o fisoroña’ areoo naho ambone’ o engam-pañanintsi’ areoo o trompetrao, ho faniahiañe anahareo añatrefan’ Andrianañahare’ areo.
\p Izaho \nd Iehovà\nd* Andrianañahare’ areo.
\s1 Mienga’ i Sinay
\p
\v 11 Ie amy andro faha roapolo’ ty volam-paharoe’ i taom-paharoeiy, le naonjoñe ambone’ i kibohom-pañinay i rahoñey. 
\v 12 Le nionjom-beo an-kifange’e o ana’ Israeleo, nienga i fatram-bei’ i Sinaiy vaho nitsangañe am-patrambei’ i Parane eo i rahoñey. 
\v 13 Izay ty fienga’ iareo valoha’e ami’ty nandilia’ \nd Iehovà\nd* am-pità’ i Mosè. 
\v 14 Ty sain-tobe’ Iehodà ty niavotse valoha’e, an-ki-lia’ ki-lian-dahin-defoñe, talè’ i firimboñan-dahindefo’ey t’i Nakesone ana’ i Aminadabe, 
\v 15 naho talè’ i firimboñan-dahin-defom-pifokoa’ o ana’ Isakhareoy t’i Netanele ana’ i Tsoare, 
\v 16 vaho talè’ o lahindefom-pifokoa’ o nte-Zeboloneo t’i Eliabe ana’ i Kelone.
\p
\v 17 Nazotso amy zao i kivohoy vaho nionjoñe o ana’ i Geresoneo naho o ana’ i Merario, ninday i kivohoy. 
\v 18 Nionjom-beo ka ty sain-tobe’ i Reòbene, naho nitalèm-pirimboñam-pifokoa’e t’i Elitsore ana’ i Sedeore, ty amo lian-dahin-defo’eo, 
\v 19 naho talè’ o lahin­defom-pifokoan’ ana’ i Simoneo t’i Selomiele ana’ i Tsorisadahy, 
\v 20 vaho talè’ o lahindefom-pifokoan’ ana’ i Gadeo t’i Eliasafe ana’ i Rehoele.
\p
\v 21 Nionjoñe amy zao o nte-Kehàteo ninday o raha miavakeo, fa naoreñe aolo’ ty fiavi’ iareo i kivohoy. 
\v 22 Nionjoñe amy zao ty sain-tobe’ o ana’ i Efraimeo ty amo lian-dahin-defo’eo, i Elisama ana’i Amihode ty talèm-pirimboña’e, 
\v 23 naho talèn-dahin-defom-pifokoan’ ana’ i Menase t’i Gamliele ana’ i Pedatsore, 
\v 24 vaho talèn-dahin-defom-pifokoa’ o nte-Beniamèneo t’i Abidane ana’ i Gedoný.
\p
\v 25 Nionjoñe ami’ty naha-mpivoli’ i tobey ty sain-tobe’ o ana’ i Daneo ty amo lian-dahin-defo’eo; talè’ i firimboña’ey t’i Akièzere, ana’ i Amisedahy, 
\v 26 naho talèn-dahin-defom-pifokoan’ ana’ i Asere t’i Pejiele ana’ i Okrane, 
\v 27 vaho talèn-dahin-defom-pifokoan’ ana’ i Naftaly t’i Akirà ana’ i Ainane. 
\v 28 Izay ty nionjona’ o ana’ Israeleo, ty amo lia-rain-dahin-defo’eo—ie nionjoñe.
\p
\v 29 Le hoe t’i Mosè amy Kobabe ana’ i Reoele nte-Midiane, rafoza’ i Mosè, Mionjoñe mb’an-tane’ nitsa­rae’ \nd Iehovà\nd* ty hoe: Hatoloko azo. Min­dreza ama’ay, le hanoe’ay soa; amy te nitsara soa ho am’ Israele t’\nd Iehovà\nd*. 
\v 30 Le hoe ty natoi’e, Tsy homb’eo iraho, fa hienga mb’an-taneko naho mb’an-drolongoko añe. 
\v 31 Aa hoe re, Miambane ama’o, ko mienga kanao fohi’o te hitobe ampatrambey añe vaho ho solom-pihaino’ay irehe. 
\v 32 Ie amy zao, naho indreza’o lia, le ze hasoa hanoe’ \nd Iehovà\nd* ama’ay ro hanoe’ay ama’o.
\p
\v 33 Aa le nenga’ iareo telo andro ty vohi’ \nd Iehovà\nd* le niaolo iareo telo andro ty vatam-pañina’ \nd Iehovà\nd* hipay fitobeañe. 
\v 34 Tambone’ iereo ey i raho’ \nd Iehovà\nd*y amy antoandro niengà’ iereo i tobeiy. 
\v 35 Aa ndra mbia’ mbia ty nionjona’ i vatam-pañinay le niongake t’i Mosè nanao ty ti-hoe: Miongaha, ry \nd Iehovà\nd*, abaibaio o rafelahi’oo vaho ampitribaho an-day añatrefa’o o malaiñe Azoo. 
\v 36 Ie nitsangañe, le ty hoe ka ty nanoe’e: Mimpolia ry \nd Iehovà\nd* amo alealem-pifokoa’ Israeleo.
\c 11
\s1 Mitoreo an-Dratraratra ao
\p
\v 1 Ie añe, le niñeoñeoñe hoe mpitoreo an-kasotriañe, an-dravembia’ \nd Iehovà\nd* ondatio, aa ie jinanji’ \nd Iehovà\nd*, le niviañe ty haviñera’e, naho nisolebotse am’ iareo ty afo’ \nd Iehovà\nd*, namorototo ty añ’ olo’ i tobey. 
\v 2 Aa le nikaikaik’ amy Mosè ondatio naho nihalaly am’ \nd Iehovà\nd* t’i Mosè vaho nakipeke i afoy. 
\v 3 Aa le natao’e ty hoe Taberà\f + \fr 11:3 \fr*\ft taberà: miforehetse\ft*\f* i taney amy te niforehetse am’iareo ty afo’ \nd Iehovà\nd*.
\p
\v 4 Teo te nivariñe an-kasijý o piaroteñe am’iareoo; mbore nibabababa ka o ana’ Israeleo ami’ty hoe: Ia ty hanjotso hena ama’ay? 
\v 5 Tiahi’ay o fiañe nikamae’ay tsy amam-bili’e e Mitsraime añeo naho ty kiseny, ty vazavo, ty foti-voly, ty tangolo vaho o tangolo-laio; 
\v 6 fe mifoezapoezake henaneo; tsy ino ty aolom-pihaino’ay, naho tsy ty màne tiañ’ avao!
\p
\v 7 Nanahake voan’ ahepoty i maney fe nimena hoe vañemba. 
\v 8 Namory aze mbeo’ mbeo ondatio, le ke dinemodemo’e am-bato fandisañañe, he nilisane’e an-deoñe, naho nahandroeñe am-balàñe vaho namboareñe mofo-vonga’e; ty hafiri’e le hoe mofo natoñak’ ami’ty menake. 
\v 9 Nivotrak’ amy tobey ty zono te haleñe le nindre nihintsañe ama’e i maney.
\p
\v 10 Ie jinanji’ i Mosè ty fangoihoi’ ondatio, nanitsike o hasavereña’eo, songa lahilahy an-dalan-kiboho’e eo, le nisolebotse ty haviñera’ \nd Iehovà\nd*; toe niboseke ka t’i Mosè. 
\v 11 Aa le hoe t’i Mosè am’ \nd Iehovà\nd*, Ino ty nanotria’o i mpitoro’oy? Le manao akore t’ie tsy nahaonim-pañisohañe am-pivazohoa’o, kanao nampijinia’o o kilanka’ ondaty iaby retiañe? 
\v 12 Izaho hao ty nampi­tson­kèreñe ondatio? Izaho hao ty rae’ iareo, kanao anoa’o ty hoe: Otroño añ’araña’o ao manahake ty fiotroña’ ty mpiatrak’ ajaja, pak’an-tane nifanta’o aman-droae’ iareo? 
\v 13 Aia ty hahatreavako hena hazotsoko am’ ondatio? Ami’ty fitoreova’ iareo ty hoe, Meo hena ho kamae’ay! 
\v 14 Tsy leoko vavèñe ondaty retia, izaho raike, fa loho mavesatse amako. 
\v 15 Aa naho zao ty anoa’o ahy le ehe avetraho am-pañohofan-doza, naho toe nahatrea fañisohañe am-pivazohoa’o, fa ko apo’o ho treako o faloviloviakoo!
\s1 Ty Roandriañe Fitompolo
\p
\v 16 Aa le hoe t’\nd Iehovà\nd* amy Mosè: Anontoño ondaty fitompolo amo roandria’ Israeleo, ze fohi’o te mpiaolo’ ondatio naho mpameleke iareo; le ampihovao mb’ an-kibohom-pamantañam-beo, hitrao-pijohañe ama’o. 
\v 17 Le hizotso mb’eo iraho hifanaontsy ama’o, le handivako am’ iereo i Arofo ama’oy vaho hitrao-pivave ama’o ondatio, soa te tsy ihe avao ty hivave. 
\v 18 Le ano ty hoe amy màroy, Miefera vatañe ho ami’ ty hamaray, fa hikama hena amy niroveta’ areo am-pijanjiña’ \nd Iehovà\nd* ami’ty hoe, Ia ty hanjotso hena ama’ay? Ie nierañerañe’ e Mitsraime añe. Aa le hanjotsoa’ \nd Iehovà\nd* hena, vaho hikama nahareo. 
\v 19 Tsy indraik’ andro ty hikama’areo, tsy roe andro, tsy lime andro, tsy folo andro, tsy roapolo andro, 
\v 20 fa volañe raike, ampara’ te miakatse am-piantsona’ areo vaho hampangorý anahareo, amy te nisirikae’ areo t’\nd Iehovà\nd* añivo’ areo ao, ie nangololoike añatrefa’e ami’ty hoe, Ino ty niavotan-tika amy Mitsraime? 
\v 21 Aa hoe t’i Mosè, Lahin-defo enen-ketse o mañariseho ahio; Ihe manao amako ty hoe, Hanjotsoako hena hikama’ iareo volañe raike. 
\v 22 Handentàñe añondry naho añombe hao, hahatsake iareo? Ke hanontonañe ze hene fiañe an-driak’ ao? 
\v 23 Le hoe t’\nd Iehovà\nd* amy Mosè, Nitomoreñe hao ty fità’ \nd Iehovà\nd*? Mbe ho oni’o aniany ke ho tafetetse i rehakoy ke tsie.
\p
\v 24 Aa le niakatse añe t’i Mosè naho sinaontsi’e am’ iereo i tsara’ \nd Iehovà\nd*y, le natonto’e t’indaty fitompolo amo roandria’ ondatio vaho najado’e añariari’ i kivohoy. 
\v 25 Le nizotso amy rahoñey t’\nd Iehovà\nd* nangalak’ amy Arofo ama’ey vaho natolo’e amy roandriañe fitompolo rey; ie nivotraha’ i Arofoy le nitoky, fe tsy ho nainai’e.
\p
\v 26 Toe mbe nitambatse an-tobe ao t’indaty roe ama’e: i Eldade ty tahina ty raike naho i Medade ty tahina’ ty raike, vaho nivotrak’ am’iereo i Arofoy. Toe sinokitse iereo fe tsy nañavelo mb’ amy kivohoy mb’eo, fa nitoky an-tobe ao. 
\v 27 Le nihitrihitry mb’amy Mosè mb’eo ty ajalahy nitalily ama’e ty hoe: Mitoky an-tobe ao t’i Eldade naho i Medade. 
\v 28 Aa le hoe ty natoi’ Iehosoa ana’ i None, mpiamy Mosè ampara’ ty nahaajalahy aze: O talèko, rarao iereo! 
\v 29 Le hoe t’i Mosè ama’e, Mamarahy ahy v-iheo? Ee te songa nimpitoky ondati’ \nd Iehovà\nd*o, naho sindre nampivotraha’ \nd Iehovà\nd* i Arofo’ey! 
\v 30 Aa le nimpoly mb’an-tobe mb’eo t’i Mosè naho o roandria’ Israeleo.
\s1 O Hatrakatrakeo
\p
\v 31 Aa le boak’ am’ \nd Iehovà\nd* ty tioke ninday hatrakatrake hirik’ an-driak’ añe, le nampipoha’e marine i tobey ie nahatakatse lia’ andro raike mb’atia vaho lia’andro raike mb’eroa añariari’ i tobey; ni-roe kiho ambone’ i taney varañe ty fitoabo’e. 
\v 32 Aa le nifanehak’ amy àndroy naho amy haleñey naho amy loakandroy ondatio nijohañe ey nanontoñe o hatrakatrakeo le ze nanontoñe tsy ampe mbe nahatsake folo homere; vaho songa nandafike ty aze marine i tobey. 
\v 33 Fe mbe añivom-pamotsi’e ao i henay ie mbe tsy nitotoe’e, le nisolebotse am’ iereo ty haviñera’ \nd Iehovà\nd* vaho pinao’ \nd Iehovà\nd* ami’ty angorosy loza. 
\v 34 Aa le natao’e \f + \fr 11:34 \fr*\ft Kibrate Hatàava: kiborin-kadrao\ft*\f*Kibrate Hata’avà i taney amy te eo ty nandentehañe ondaty aman-kadrao. 
\v 35 Boake Kibrate Hata’avà ao ondatio ro nangovovòke imb’e Katserote mb’eo vaho nitobe e Katserote añe.
\c 12
\s1 Farahi’ i Aharone naho i Miriame
\p
\v 1 Ie amy zao, nifosae’ i Miriame naho i Aharone t’i Mosè amy nte-Kose nengae’ey; ie nañenga ampela nte-Kose ho tañanjomba’e. 
\v 2 Le hoe iereo, I Mosè avao hao ty nampi­tsara’ \nd Iehovà\nd*? Tsy itika ka hao ty nilañonà’e. Jinanji’ \nd Iehovà\nd* izay. 
\v 3 Toe ondaty nimpirè-batañe t’i Mosè, lombolombo ze hene ondaty ambone ty tane toy. 
\v 4 Aa le nanao ty hoe amy Mosè naho i Aharone vaho i Miriame amy zao t’\nd Iehovà\nd*, Akia nahareo telo, mb’ an-kibohom-pamantañañe mb’eo! Aa le niavotse mb’eo i telo rey. 
\v 5 Nizotso amy rahoñe nijoalay t’\nd Iehovà\nd* naho nijohañe an-dalambei’ i kivohoy vaho kinanji’e t’i Aharone naho i Miriame le niheo mb’eo iereo roe. 
\v 6 Le hoe re, Janjiño o entakoo: naho ama’ \nd Iehovà\nd* ty mpitoky le anoñonako vatañe añ’ aroñaroñe vaho itaroñako ami’ty nofy. 
\v 7 Fe tsy izay amy Mosè mpitoroko; Ie matoe amy hene trañokoy. 
\v 8 Ie ty taroñako falie am-palie, an-kazavàñe fa tsy aman-drazan-tsara; ie ty mahaisake ty talinjo’ \nd Iehovà\nd*. Tsy nahahembañe anahareo hao ty nañinje i Mosè mpitorokoy? 
\v 9 Aa le nisolebotse am’ iereo ty haviñera’ \nd Iehovà\nd*, le nienga re.
\p
\v 10 Aa naho nienga boak’ ambone’ i kivohoy i rahoñey le nizoeñe te angamae t’i Miriame, foty mika­tsatsaoke. Ie nitolik’ amy Miriame t’i Aharone, nizoe’e te angamae. 
\v 11 Le hoe t’i Aharone amy Mosè, O ry talèko! miambane ama’o, ko apo’o ama’ay i fandilara’aiy, i hakeo nanoe’ay an-kagegeañey. 
\v 12 Ehe ko ampi­hambañe’o ami’ty lolo niboloañe boak’ an-tron-drene’e ao, ie fa voroke ty antsasa’ o nofo’eo. 
\v 13 Aa le nitoreo am’ \nd Iehovà\nd* t’i Mosè nanao ty hoe, Ry Andrianañahare, mihalaly ama’o: Jangaño re! 
\v 14 Le hoe t’i \nd Iehovà\nd* amy Mosè, Naho nitsorihan-drae’e an-tarehe’e, tsy ho nivavè’e fito andro hao ty hasalara’e? Aa le adono re hagabeñe alafe’ i tobey fito andro; ie modo le rambeseñe indraike. 
\v 15 Aa le narindriñe alafe’ i tobey fito andro t’i Miriame; le tsy nionjoñe ka ondatio am-para’ te nampihovaeñe ao indraike t’i Miriame.
\p
\v 16 Añe izay le nienga i Katserote ondatio nitobe am-patrambei’ i Parane añe.
\c 13
\s1 Namantoke Mpitingañe
\r Its 1.19-33
\p
\v 1 Hoe ty nitsara’ \nd Iehovà\nd* amy Mosè, 
\v 2 Añiraho ondaty hitingañe an-tane Kanàne añe, ie hatoloko amo ana’ Israeleo, songa amantoho ondaty raike o fifoko­an-droae’eo, fonga mpamelek’ am’ iereo. 
\v 3 Aa le nampionjone’ i Mosè boak’ am-patrambei’ i Parane ao iereo ami’ ty nandilia’ \nd Iehovà\nd*, songa mpiaolo’ o ana’ Israeleo indaty rey. 
\v 4 Aa le zao o tahina’ iareoo: tam-pifokoa’ i Reòbene, t’i Samoà ana’ i Zakore; 
\v 5 tam-pifokoa’ i Simone t’i Safate ana’ i Horý; 
\v 6 tam-pifokoa’ Iehodà t’i Kalebe ana’ Iefonè; 
\v 7 tam-pifokoa’ Isakhare t’Igale ana’ Iosefe; 
\v 8 tam-pifokoa’i Efraime t’i \f + \fr 13:8 \fr*\ft Hosea: fandrombaha\ft*\f*Hoseà ana’ i None; 
\v 9 tam-pifokoa’ i Beniamène t’i Paltý ana’i Rafò; 
\v 10 tam-pifokoa’ i Zebolone t’i Gadiele ana’i Sodý; 
\v 11 tam-pifokoa’ Iosefe, tam-pifokoa’ i Menasè: t’i Gadý ana’ i Sosý; 
\v 12 tam-pifokoa’ i Dane, t’i Amiele ana’ i Gemalý; 
\v 13 tam-pifokoa’ i Asere t’i Setore ana’ i Mikhaele; 
\v 14 tam-pifokoa’ i Naftalý t’i Nakhbý ana’ i Vofsý; 
\v 15 tam-pifokoa’i Gade, t’i Geoele ana’ i Makhý; 
\v 16 Ie ro tahina’ ondaty nafanto’ i Mosè hitingañe i taneio, le novae’ i Mosè ty tahina’ i Hoseà ho \f + \fr 13:16 \fr*\ft Iehosoa: Fandrombahan’ Añahare\ft*\f*Iehosòa.
\p
\v 17 Aa le nirahe’ i Mosè iereo hitin­gañe an-tane Kanàne añe naho nafanto’e ty hoe: Mionjona mb’ amo Negeveo mb’eo vaho mañambonea mb’ am-bohibohitse añe, 
\v 18 le isaho te inoñe i taney naho ondaty mimo­neñe aoo ke maozatse ke maifoifo, he tsy ampeampe he maro; 
\v 19 le i tane imoneña’ iareoy, ke soa he raty; naho o rova itoboha’ iareoo ke t’ie tobe he arikoboñen-kijoly; 
\v 20 le i taney ke kobokara he tsy mamokatse; ke mitiry hatae he tsie. Aa le mahasibeha vaho añandeso ty voka’ i taney. Toe san-doha-voam-balòboke henane zay.
\p
\v 21 Aa le nienga iereo nijoko boak’ am-patrambei’ i Tsine mb’e Rekhobe\f + \fr 13:21 \fr*\ft Rekhobe: fatrambey\ft*\f* am-pimoaha’ i Hamate\f + \fr 13:21 \fr*\ft Hamate: aman-kijoly fatratse\ft*\f* mb’eo. 
\v 22 Le nion­joñe mañatimo naho nigodam-b’e Kebrone naho Akimane naho e Sesaý vaho e Talmaý, mb’amo ana’ i Anàkeo mb’eo. (Naoreñe fito taoñe taolo’ i Tsoane e Mitsraime añe ty Kebrone.) 
\v 23 Le nivotrak’ am-bavatane’ Eskole eo iereo vaho nibira tsampam-baloboke rekets’ angaroza’e raike nampitarazoeñe ondaty roe am-baoñe, naho nangalak’ ampongabeindañitse vaho aviavy. 
\v 24 Natao Vavatane’ i Eskole\f + \fr 13:24 \fr*\ft Eskole: vavatane ndra torahañe\ft*\f* i taney amy angaroza nihitsife’ o ana’ Israeleoy.
\s1 Ty Talily o Mpitingañeo
\p
\v 25 Ie efa-polo andro añe le nimpoly i nitampoñe i taney rey, 
\v 26 le niheo mb’amy Mosè naho i Aharone vaho i valobohò’ Israeley am-patram-bei’ i Parane e Kadese mb’eo ninday saontsy ama’e naho amy valobohò’ Israele iabiy, vaho naboa’ iereo ty voka’ i taney. 
\v 27 Le hoe ty natalili’ iareo ama’e, Nigodañe’ay i tane’ nañiraha’o anaiy. Toe iorikorihan-dronono naho tantele, hehe ty voka’e. 
\v 28 Fe misañatse ondaty mimo­neñe amo taneo; le fahe­ran-kijoly fatratse o rova’eo vaho jaba­jaba; mbore nioni’ay ao o ana’ i Anàkeo. 
\v 29 Mimo­neñe an-tane atimo ao o nte-Amalekeo; le mimoneñe am-bohibohitse ao o nte-Kheteo\f + \fr 13:29 \fr*\ft Khete: tsololoke, hetraketrake\ft*\f* naho o nte-Ie­bosèo vaho o nte-Amareo; le mimo­neñe añ’ olo’ i riakey naho añ’ olo’ i saka Iardeney o nte-Kanàneo.
\p
\v 30 Nampianjiñe’ i Kalebe añatrefa’ i Mosè ondatio, nanao ty hoe: Antao hionjoñe mb’eo amy zao hitavañe i taney, tsy kalafo te mahagiok’ aze tika. 
\v 31 Fe nanao ty hoe ondaty niharo-lia ama’eo: Tsy lefen-tika ty hionjoñe haname ondatio amy t’ie maozatse te aman-tika. 
\v 32 Le naboele’ iereo ty talily nahatsonevotse o ana’ Israeleo amy tane nitingane’ iereoy, ami’ty hoe: I tane niranga’ay mpitingañey, le tane mampibotseke o mpimone’eo, vaho mijoalajoala ze hene ondaty niisa’ay ama’e. 
\v 33 Nioni’ay ondaty \f + \fr 13:33 \fr*\ft Heb: nte-Nefile\ft*\f*joakeo (toe tarira’ ondaty joake o nte-Anàkeo); le nihoe valala am-pañentea’ay zahay vaho zahay am-pahaisaha’ iareo.
\c 14
\s1 Miola Ondatio
\p
\v 1 Aa le nañonjom-peo am-pangolalaihañe i valobohòkey, naho nangololoike ty rovetse amy haleñey ondatio, 
\v 2 vaho nitoreo amy Mosè naho amy Aharone o ana’ Israele iabio; le nanoe’ i valobohòkey ty hoe, Ee t’ie nivetrak’ an-tane Mitsraime ao! Ndra kitra’e nikoromak’ am-patrambey atoa! 
\v 3 Ino ty nandesa’ \nd Iehovà\nd* mb’an-tane atoy ho tsingoritrìem-pibara reke-keleiañe ho tsindroke; tsy hàmake t’ie himpoly mb’e Mitsraime mb’eo? 
\v 4 Aa le hoe ty fivesoveso’ iareo, Antao hijoboñe mpiaolo vaho himpoly mb’e Mitsraime añe.
\p
\v 5 Nibabok’ an-daharañe añatrefa’ i fivorim-balobohò’ o ana’ Israeleoy amy zao t’i Mosè naho i Aharone. 
\v 6 le nandriatse sarim­bo t’Iehosoa ana’ i None naho i Kalebe ana’ Iefonè, i nimpiamo nitingañe i taneio rey; 
\v 7 le hoe ty enta’ iareo amy valobohò’ Israeley, I tane nirangà’ay mpitingañeo le tane loho fanjaka. 
\v 8 Aa naho noro’ \nd Iehovà\nd* tika, le ie ty hanese naho hanolotse antika i taney, toe tane orikorihen-dronono naho tantele. 
\v 9 Aa ko miola am’ \nd Iehovà\nd*, ko mireven­dreveñe am’ondati’ i taneio, ie fitsin­drohan-tika; toe nisitak’ am’ iereo ty fañarova’e vaho amantika t’\nd Iehovà\nd*. Ko ihembañañe. 
\v 10 Fe vinola’ i fivoribey iabiy t’ie haretsam-bato, vaho niboak’ amo ana’ Israele iabio, an-kibohom-pamantañañe ey, ty enge’ \nd Iehovà\nd*.
\p
\v 11 Le hoe t’\nd Iehovà\nd* amy Mosè, Pak’ ombia ty mbe hañinjea’ ondaty retiañe ahy? Ampara’ ombia t’ie mbe tsy hahafiato amako ty amo hene viloñe nanoeko añivo’ iereoo. 
\v 12 Ho paoheko angorosy naho harotsako, vaho ihe ty hanoeko foko ra’elahy mandikoatse naho maozatse te ama’e.
\s1 Mañalañalañe t’i Mosè
\p
\v 13 Aa hoe t’i Mosè am’ \nd Iehovà\nd*, Le ho tsanòñe’ o nte-Mitsraimeo, te i hao­zara’oy ty nañavota’o ondaty retiañe boak’ añivo’ iareo ao, 
\v 14 le hatao’ iareo amo mpimone’ ty tane toio, te tsi­nano’ iereo te ihe ry \nd Iehovà\nd* ro añivo’ ondaty retoañe, amy te Ihe ry \nd Iehovà\nd* ro ifañatrefan-daharañe naho mitroatse ambone’ iereo i raho’oy, vaho ihe ro Fiaolo’ iareo amy rahoñe mijoalay te handro naho añ’afo mitiotiotse te haleñe. 
\v 15 Aa naho zamane’o hoe ondaty raike ondaty retiañe, le hanao ty hoe o tane iaby nahajanjiñe ty hara’elahi’oo, 
\v 16 Kanao tsy nahafanese ondaty retiañe mb’an-tane nitolora’e am-panta mb’eo t’\nd Iehovà\nd*, le nimongore’e an-dratraratra añe. 
\v 17 Aa le ihalaliako, ehe ho ra’elahy ty haozara’ i Talè amy nitsarae’o ty hoe, 
\v 18 Malaon-kaviñerañe t’\nd Iehovà\nd* naho lifo-pikokoa-migahiñe, mpampipoke hila naho fiòla, fe tsy apo’e ty manao hakeo\f + \fr 14:18 \fr*\ft Avo 34:7, Iir 30:11\ft*\f*, fa afetsa’e amo anakeo o tahin-droae’eo ami’ty tariratse faha-telo naho fahefatse. 
\v 19 Miambane ama’o, apoho ty hakeo’ ondaty retiañe amy hara’ elahin-kafatraram-pikokoa’oy, manahake ty nampidòna’o ty hakeo’ ondaty retiañe e Mitsraime añe pake henane.
\p
\v 20 Aa le hoe t’\nd Iehovà\nd*, Fa napoko ty amy enta’oy; 
\v 21 fe kanao velon-dRaho, ho lifore’ ty enge’ \nd Iehovà\nd* ty tane toy, 
\v 22 le ze hene ondaty nahaisake o engekoo naho o viloñe nanoeko e Mitsraime naho am-patram-beio, ie fa nitso-pañahy ahiko fañimpolo’e henaneo, vaho tsy nañaoñe ty feoko, 
\v 23 toe tsy ho isa’ iareo i tane nifantàko aman-droae’ iareoy, toe tsy ho isa’ o nañinje Ahio, 
\v 24 naho tsy i Kalebe mpitorokoy amy te hafa ty arofo ama’e le niventè’e t’ie mpañorik’ ahiko, aa le hendeseko mb’ an-tane nañaveloa’e mb’eo vaho ho lovae’ o tarira’eo. 
\v 25 Aa kanao mimo­neñe am-bavatane ao o nte-Amalekeo naho o nte-Kanàneo, le mivioña nahareo te hamaray, vaho mionjona mb’ am-patrambey mb’amy lalañe migodañe mb’an-dRia-Binda mb’eoy.
\s1 Nikalañañe i Fanameañey
\r Fts 1.41-45
\p
\v 26 Le hoe ty nitsara’ \nd Iehovà\nd* amy Mosè naho amy Aharone: 
\v 27 Pak’ombia ty hivaveako ty valobohòke lo-tsereke mañinje ahiko tia? Fa tsinanoko ty fiñeo­ñeo’ o ana’ Israeleo, ty fañinjea’ iareo ahiko. 
\v 28 Saontsio am’ iereo, Kanao velon-dRaho, hoe t’\nd Iehovà\nd*, le hanoeko ama’ areo i sinaontsi’ areo an-tsofikoy; 
\v 29 toe hipopok’ am-patram-bey atoa ty lolo’ areo, ze fonga nivolilieñe ama’ areo, ze hene niaheñe ama’ areo mifototse ami’ty roapolo taoñe mañambone amo nañinje Ahikoo. 
\v 30 Leo raike tsy himoak’ amy tane natoloko anahareo am-panta himoneña’ areoy, naho tsy i Kalebe ana’ Iefonè naho Iehosoa ana’ i None, 
\v 31 le o amori’ areo kedekedeke natao’ areo ho tsindroheñeo; hendeseko ao iereo le ho fohi’ iareo i tane niheje’ areoy. 
\v 32 Inahareo ka, hifitak’ am-patrambey ao ty lolo’ areo, 
\v 33 le hire­rerere am-patrambey ao efapolo taoñe o ana’ areoo, hivave ty hakarapiloa’ areo, ampara’ te vorok’ am-patrambey ao ty lolo’ areo. 
\v 34 Mira ami’ty ia’ o andro nitingane’ areo i taneio, i efa-polo andro rezay, te songa havale taoñe raike i andro rey, ho vave’ areo ty tahi’ areo, aa le efa-polo taoñe ty hahafohina’ areo ty habosehako. 
\v 35 Izaho \nd Iehovà\nd* ty nitaro­ñe. Tsy mete tsy henefeko ami’ty valobohòke lo-tsereke nihipoke hiatreatre amako tia, ie habotse’ ty fatram-bey toy naho toe hihomak’ ao.
\p
\v 36 Le ondaty nirahe’ i Mosè hitin­gañe i taneio, o nimpoly ninday saontsy nampitoreo i valobohòkey amy talily raty nendese’ iereo i taneiio, 
\v 37 le navetra’ ty angorosy añatrefa’ \nd Iehovà\nd* ondaty ninday i talily raty ty amy taneio. 
\v 38 Iehosoa ana’ i None naho i Kalebe ana’ Iefonè avao ty mbe niveloñe amo nitingañe i taneio.
\p
\v 39 Aa le akore ty fihonto’ o ana’ Israeleo amy nitaroña’ i Mosè i entañe zaiy, 
\v 40 kanao nivañoñe marain-tsikiake iereo niañambone’ i vohitsey, ami’ty hoe: Itoan-jahay, hanganike i nampitama’ \nd Iehovà\nd* anaiy, fa nanao hakeo zahay. 
\v 41 Hoe ka t’i Mosè, Aa vaho akore te lilare’ areo ty lili’ \nd Iehovà\nd* henaneo? Toe tsy ho tafetetse. 
\v 42 Ko mionjoñe mb’eo tsy mone ho rotsaheñe añatrefan-drafelahi’ areo fa tsy mindre ama’ areo t’\nd Iehovà\nd*. 
\v 43 Aolo’ areo o nte-Amalekeo naho o nte-Kanàneo, le hampitsingoroem-pibara nahareo; amy te niambohoa’ areo t’\nd Iehovà\nd*, vaho tsy hindreza’ \nd Iehovà\nd* lia. 
\v 44 F’ie nionjoñe tsinahy mb’an-tiotio’ i vohitsey mb’eo; fe tsy niakatse i tobey ka i vatam-pañina’ \nd Iehovà\nd*y ndra i Mosè. 
\v 45 Aa le nizotso hiatreatre am’iareo o nte-Amalekeo naho o nte-Kanàne mpimo­neñe amy vohitseio, nandafa naho nandronje iareo sikala e Khormà añe.
\c 15
\s1 Enga Ila’e
\p
\v 1 Hhoe ty nitsara’ \nd Iehovà\nd* amy Mosè: 
\v 2 Misaontsia amo ana’ Israeleo, le ano ty hoe: Naho mimoak’ an-tane himoneña’ areo, i hatoloko anahareoy, 
\v 3 ie manao soroñe am’ \nd Iehovà\nd*, ke enga ho lorañe he enga-ava-panta ke enga-tsatrin’ arofo he amo andro namantañañeo, le ho hàñin-kanintsiñe am’ \nd Iehovà\nd*, he boak’ an-tro-raik’ ao ke boak’ an-dia-raike ao, 
\v 4 le ze mibanabana enga añatrefa’ \nd Iehovà\nd* ty hinday enga-mahakama, mona fahafolo’ ty efà linaro menake hine fahèfa’e, 
\v 5 naho divay fahèfa’ ty hine ho enga-rano ihentseñañe, le ke amy soroñey, he amy engay, ho ami’ty vik’ añondry. 
\v 6 Aa naho añondrilahy, le ho hajarie’o ty mona roe ampahafolo’ ty efà linaro menak’ ampaha-telo’ ty hine ho enga-mahakama; 
\v 7 le ho enga-rano: ibanabanao divay hine ampahatelo’e ho hàñin-kanintsiñe am’ \nd Iehovà\nd*. 
\v 8 Aa naho mañenga bania hisoroñañe ke hañenek’ ava-panta, he ho fañanintsiñe am’ \nd Iehovà\nd*, 
\v 9 le hengaeñe mitraok’ amy baniay ty enga-mahakama: telo ampahafolo’ ty efà mona linaro menake hine vaki’e, 
\v 10 le hengae’o ty divay hine vaki’e ho enga rano hisoroñañe, hàñin-kanintsiñe am’ \nd Iehovà\nd*.
\p
\v 11 I hoe zay ty ho sata amy ze añombe ndra añondrilahy, naho ze vik’ añondri­lahy ndra vik’ose. 
\v 12 Ty ami’ty hamaro ihentseñañe, le sindre anoeñe ty ami’ty ia’e. 
\v 13 Songa hanao izay ze samak’ amy taney, ie mañenga soroñe ho hàñin-kanintsiñe am’ \nd Iehovà\nd*. 
\v 14 Aa naho mitaveañe ama’ areo ty renetane, ke ia ia hom’bama’ areo amo tarira’ areo iabio, ie te hañenga soroñe ho hàñin-kanintsiñe am’ \nd Iehovà\nd*; le mira ami’ty fanoe’ areo ty hanoe’e. 
\v 15 Amy valobohòkey, fañè raike ty hifehe anahareo naho i renetane mpimoneñe aoy, fañè nainai’e tsy modo amo hene tarira’ areo mifandimbeo; manahak’ anahareo avao ze renetane añatrefa’ \nd Iehovà\nd*. 
\v 16 Fetse raike naho fepetse raike ty anahareo naho ze renetane mpitaveañe ama’ areo ao.
\p
\v 17 Hoe ty nitsara’ \nd Iehovà\nd* amy Mosè: 
\v 18 Saontsio ty hoe amo ana’ Israeleo: Ie mimoak’ amy tane aneseako anahareoy ao, 
\v 19 naho mikama amy mahakama’ i taney le mañengà engan-kavoañe am’ \nd Iehovà\nd*. 
\v 20 Ami’ty valohan-koba’ areo ty hañengà’ areo mofo ho engan-kavoañe; hambañe ami’ty engan-toem-pifofohañe ty hañengà’ areo. 
\v 21 Hatolo’ areo ho enga am’ \nd Iehovà\nd* ty lengon-koba valoha’e, hengae’ o hene tarira’ areo mifandimbeo izay.
\p
\v 22 Aa ie mandilatse\f + \fr 15:22 \fr*\ft Vol 15:22-31, Sor 4:1-35\ft*\f* tsy mahambeñe o lily retiañe, o nitsarae’ \nd Iehovà\nd* amy Mosèo— 
\v 23 toe ze hene tsara linili’ \nd Iehovà\nd* am-pità’ i Mosè, ampara’ i andro nitaroña’ \nd Iehovà\nd* i liliy pak’ amo hene tarira’ areoo— 
\v 24 ie amy zao, naho mandilatse tsy satrie’e i valobohòkey, ie nietak’ am-pihaino’e, le hengae’ i valobohòkey ty ana’ ty tro’e raike, ty bania hisoroñañe ho hàñin-kanintsiñe am’ \nd Iehovà\nd* rekets’ i enga-mahakama’ey naho i enga-rano’ey, am-pañè, vaho ty vik’oselahy ho engan-kakeo. 
\v 25 Le hijebaña’ i mpisoroñey i valobohò’ Israeley vaho ho haha iereo kanao tsy nisatrieñe, naho fa nasese’ iereo i enga’ iareoy; enga nisoroñañe am’ \nd Iehovà\nd*, naho i engan-kakeo nengaeñe añatrefa’ \nd Iehovà\nd*y, amy fandilara’ iareoy. 
\v 26 Aa le hapoke t’ie tsy ho ami’ty valobohò’ Israele naho tsy ho amo renetane mpimoneñe ama’eo, amy te songa añate’ i lilatse tsy nisatrieñey i màroy.
\p
\v 27 Aa naho ondaty raike ty mandilatse tsy satrie’e, le hengae’e ty vik’ose vave’e ho engan-kakeo, 
\v 28 le hanao fijebañañe i mpisoroñey ho am’ indaty nandilatse tsy an-tsatrie’ey, ie toe nandilatse fe tsy nitsatrie’e, añatrefa’ \nd Iehovà\nd*, hañeferañe aze, le halio-tahiñe. 
\v 29 Ho raike ty fetse mifehe ze mandilatse tsy satrie’e, ke tarira’ o ana’ Israeleo, he renetane mpitaveañe am’ iereo ao. 
\v 30 Fe t’indaty mañonjo haoke handilatse, ke ie samak’ amy taney ao, ke renetane, ie manirika \nd Iehovà\nd*, le haitoañe am’ on­dati’eo indatiy, 
\v 31 amy te ninjè’e ty tsara’ \nd Iehovà\nd* naho niotà’e i lili’ey, toe haitoañe za­fezanake indatiy vaho ho vavè’e i hakeo’ey.
\s1 Lilatse ami’ty Sabata
\r Avo 31.12-17
\p
\v 32 Ie tam-patrambey añe o ana’ Israeleo le nahaisake ondaty nanontoñe hatae ami’ty andro Sabotse. 
\v 33 Aa le nasese’ o nahaisak’ aze nanontoñe hataeo mb’ amy Mosè naho i Aharone vaho i valobohòkey mb’eo; 
\v 34 le najo’ iareo an-drohy ao heike fa mbe tsy nitsaraeñe ty hanoañe aze. 
\v 35 Le hoe t’\nd Iehovà\nd* amy Mosè, tsy mete tsy havetrake indatiy; songa handretsake vat o ama’e alafe’ i tobey i valobohòkey. 
\v 36 Aa le amy nandilia’ \nd Iehovà\nd* i Mosèy: nasese’ i valobohòkey alafe’ i tobey re naho rinetsam-bato vaho nihomake.
\s1 Riran-Tsarimbo
\p
\v 37 Le hoe ty nitsara’ \nd Iehovà\nd* amy Mosè: 
\v 38 Misaontsia amo ana’Israeleo ty hanoa’ iereo fole mirandrañe an-kotson-tsaro’ iareo nainai’e amo hene tarira’ iareo mifandimbeo, songa haharo’ iareo amo fole mirandrañe an-kotson-tsaroñeo ty fole manga. 
\v 39 Ty sata’ o boram-poleo ama’ areo, le ie isa’ areo ro hahatiahy o lili’ \nd Iehovà\nd* iabio vaho hanoe’ areo, soa tsy horihe’ areo ty arofo’ areo naho o fihaino’ areo mampandrì­keo, 
\v 40 fa ho tiahi’ areo le hene hanoe’ areo o lilikoo, vaho hiavake ho aman’ Añahare’ areo\f + \fr 15:40 \fr*\ft Avo 20:6, Its 7:9, 11:1, 30:16, Nek 1:5, Dan 9:4, Jn I 5:2-3, Jn II 1:6\ft*\f*. 
\v 41 Izaho \nd Iehovà\nd* Andrianañahare’ areo ninday anahareo nienga an-tane Mitsraime añe ho Andrianañahare’ areo: Izaho \nd Iehovà\nd* Andrianañahare’ areo.
\c 16
\s1 Ty Fiola’ i Korahke
\p
\v 1 Ie amy zao, niavotse t’i Korahk’ ana’ Itsare ana’ i Kehàte fifokoa’ i Levy reketse i Datane naho i Abirame songa ana’ i Eliabe vaho i One, ana’ i Pelete tarira’ i Reòbene, 
\v 2 le nijohañe aolo’ i Mosè eo mindre ami’ty ila’ o ana’ Israeleo, mpiaolo’ i valobohòkey, roanjato-tsi-limampolo, jinoboñe am-pivory, aman-kasy; 
\v 3 nifanontoñe hiatrek’ amy Mosè naho i Aharone vaho nanoe’ iareo ty hoe, Loho bey ty vavea’ areo, amy te fonga miavake i valobohòkey naho am’ iareo iaby t’\nd Iehovà\nd*. Aa ino ty irengevoha’ areo ambone’ ty fivori’ \nd Iehovà\nd*? 
\v 4 Ie jinanji’ i Mosè, le nibabok’ an-dahara’e, 
\v 5 nanao ty hoe amy Korahke naho o mpiama’e iabio: Hamaray ty hampiboaha’ \nd Iehovà\nd* o azeo, ty miavake, le ie ty hampañarinea’e; toe i ho joboñe’ey ty hampitotofa’e. 
\v 6 Ano zao: ry Korahke naho o mpiama’o iabio, andrambeso sadron’ afo, 
\v 7 le apoho ama’e ty afo naho andafiho embok’ añatrefa’ \nd Iehovà\nd* hamaray vaho t’indaty joboñe’ \nd Iehovà\nd*, ie ty hiavake. Fa loho maro ty vavea’ areo ry nte-Levio! 
\v 8 Le hoe t’i Mosè amy Korahke, Mitsendreña henaneo ry ana’ i Levio: 
\v 9 Loho kede ama’ areo hao t’ie nampiambahen’ Añahare’ Israele amo valobohò’ Israeleo hampañarinea’e, hitoloñe amy kivoho’ \nd Iehovà\nd*y ao, hijohañe añatrefa’ i valobohòkey hiatrak’ iareo, 
\v 10 ie nampañarivoe’e ama’e mitraok’ amo rahalahi’o ana’ i Levio? Aa mbe hipay ho mpisoroñe ka v’iheo? 
\v 11 kanao mifanontoñe hiatreatre am’ \nd Iehovà\nd*\nd ,\nd* ihe naho o mpiama’o iabio. Le i Aharone, inon-dre te injè’ areo?
\p
\v 12 Nampañitrife’ i Mosè amy zao t’i Datane naho i Abirame ana’ i Eliabe, fa hoe iereo: Tsy homb’eo zahay! 
\v 13 raha kede ama’o hao te nakare’o an-tane orikorihen-dronono naho tantele ao hanjamana’o am-patrambey atoy, mbore manao ho mpifehe anay? 
\v 14 Ie amy zao tsy nendese’o amy ze o tane orikorihen-dronono naho tantele zao, tsy nampandovae’o anay ty teteke naho tetem-bahe. Aa vaho havitso’o am’ondaty retiañe o fihaino’ iareoo? Zahay tsy homb’eo!
\p
\v 15 Niforoforo t’i Mosè le hoe re am’ \nd Iehovà\nd*, Amoeo ty enga’ iareo. Mbe liako tsy nandrambe borìke raik’ am’ iereo vaho leo raik’ am’iereo tsy jinoiko. 
\v 16 Le hoe t’i Mosè amy Korahke, Miatrefa am’ \nd Iehovà\nd*\nd ,\nd* ihe naho o mpiama’oo—ihe naho iereo vaho i Aharone te maray; 
\v 17 songa mindesa sadron’ afo vaho apoho ama’e ty emboke, sindre hinday ty sadròn’ afo’e añatrefa’ \nd Iehovà\nd*, sadron’ afo roanjato-tsi-limampolo; ihe naho i Aharone ka, sambe aman-tsadron’ afo.
\p
\v 18 Aa le fonga nandrambe ty sadron’ afo’e t’indaty, naho napo’e ama’e ty afo naho nandafihan’ emboke vaho nijohañe an-dalan-kibohom-pamantañañe eo mindre amy Mosè naho i Aharone. 
\v 19 Le navori’ i Korahk’ an-dalan-kibohom-pamantañañe ey i valobohòkey hiatreatre iareo. Nisodehañe amy màroy amy zao ty enge’ \nd Iehovà\nd*.
\p
\v 20 Le hoe ty nitsara’ \nd Iehovà\nd* amy Mosè naho i Aharone: 
\v 21 Mivevea amo valobohòkeo fa hampangotomomoheko aniany. 
\v 22 Nibabok’ an-dahara’e amy zao iereo nihalaly ty hoe, O Andrianañahare, Andrianañaharen’ arofo’ ze hene atao nofotse; hiviñera’o ami’ty lila’ ondaty raike hao i valobohòkey?
\p
\v 23 Aa le hoe ty nitsara’ \nd Iehovà\nd* amy Mosè, 
\v 24 Saontsio amo valobohòkeo ty hoe: Iengao o kiboho’ i Korahke naho i Datane vaho i Abirameo. 
\v 25 Le niongake t’i Mosè nimb’amy Datane naho i Abirame mb’eo; nanonjohy aze o roandria’ Israeleo. 
\v 26 Le sinaontsi’e amy valobohòkey ty hoe, Isitaho henaneo o kiboho’ ondaty lo-tsereke reroañe! Ko mitsapa ty raha’ iareo tsy mone ho faoheñe añe amo hakeo’ iareoo. 
\v 27 Aa le niviha’ iereo o kiboho’ i Korahke naho i Datane naho i Abirameo; le niakatse t’i Datane naho i Abirame vaho nijohañe an-dalan-kiboho’e eo rekets’ o tañanjomba’eo naho o ana’eo naho o amori’eo. 
\v 28 Le hoe t’i Mosè: Inao ty hahafohina’ areo t’ie nirahe’ \nd Iehovà\nd* hanao o tolon-draha rezao, tsy te nisatriko: 
\v 29 Aa naho mikoromake manahake ze hene ondaty, ondaty retiañe, naho ho tiliheñe hambañe ami’ ty fitilihañe ze kila ondaty, le tsy nirahe’ \nd Iehovà\nd* iraho. 
\v 30 Fa naho manao raha vao t’\nd Iehovà\nd*\nd ,\nd* naho sokafe’ o taneo ty vava’e, hampibotseke iareo naho ze hene a’ iareo vaho hivarigodam-beloñe mb’ an-tsikeokeok’ ao, le ho fohi’ areo te ninjè’ ondatio t’\nd Iehovà\nd*.
\p
\v 31 Ie vaho nimodo i saontsi’ey le nivalaetrake ambane’ iereo i taney, 
\v 32 vaho sinoka’ i taney ty vava’e le fonga na­bea’e rekets’ o hasavereña’ iareoo, ze lahilahy mpiamy Korahke naho o vara’e iabio. 
\v 33 Aa le nigodam-beloñe mb’ an-tsikeokeok’ ao iereo reke-panañañ’ iaby; nikitek’ ambone’e i taney, naho fa nimongoreñe amy valobohokey iereo. 
\v 34 Le nitriban-day iaby ze ana’ Israele narine eo, naman­tsiñe ty hoe, Ke hatele’ i taney ka zahay! 
\v 35 Niboak’ am’ \nd Iehovà\nd* amy zao ty afo nahaforototo ‘indaty roanjato-tsi-limampolo nañemboke rey.
\p
\v 36 Le natoro’ \nd Iehovà\nd* amy Mosè ty hoe: 
\v 37 Misaontsia amy Elazare ana’ i Aharone Mpisoroñe handrambesa’e o sadron’ afo boak’ amy afoio, le hampiparatsahe’e ey i afoy, fa miavake irezay. 
\v 38 Ampipeho ho endraendra hanaroñe i kitreliy o sadron’ afo’ ondaty rinotsan-kakeo ty fiai’iareoo, fa miavake amy te nengaeñe am’ \nd Iehovà\nd*, le ho viloñe amo ana’ Israeleo. 
\v 39 Aa le rinambe’ i Elazare mpisoroñe o sadron’ afo torisìke nengae’ i niforototoeñe reio, vaho nipepeheñe ho kape’ i kitreliy, 
\v 40 ho faniahiañe o ana’ Israeleo te tsy hitotoke mb’eo ty ondaty sotra tsy tarira’ i Aharone hañembok’ am’ \nd Iehovà\nd*, tsy mone hanahake i Korahke naho o mpiama’eo, amy nitsara’ \nd Iehovà\nd* am-pità’ i Mosèy.
\p
\v 41 Ie amy loakandroy le fonga niñeoñeoñe amy Mosè naho i Aharone i valobohòn’ ana’ Israeley ami’ty hoe, Fa zinama’ areo ondati’ \nd Iehovà\nd*o. 
\v 42 Aa naho nifanontoñe i valobohòkey hiatreatre amy Mosè naho amy Aharone, f’ie nitolike mb’ an-kibohom-pamantañam-b’eo le hehe te nisaroña’ i rahoñey vaho niboake ty enge’ \nd Iehovà\nd*. 
\v 43 Aa le niheo mb’ aolo’ i kibohom-pamantañañey mb’eo t’i Mosè naho i Aharone. 
\v 44 Le nitsara amy Mosè t’\nd Iehovà\nd* nanao ty hoe: 
\v 45 Isitaho o valobohòkeo hamorototoako aniany. Ie nibabok’ an-daharañe, 
\v 46 le hoe t’i Mosè amy Aharone, Angalao sadron’ afo le apoho ama’e ty afo boak’ amy kitreliy, le ampipoho emboke naho mihitrifa masìka mb’amy valobohòkey ho fijebañañe iareo amy te niboak’ am’ \nd Iehovà\nd* ty fombo vaho fa namototse i angorosiy. 
\v 47 Aa ie mbe nisaontsy t’i Mosè, le rinambe’ i Aharone izay le nipitsik’ an-day naneñateña i valobohòkey; naho tendreke te niorotse am’ ondatio i angorosiy; Napo’e ama’e ty emboke vaho nijebañe ondatio. 
\v 48 Aa ie nijohañe añivo’ o mateo naho o veloñeo le nijihetse i angorosiy. 
\v 49 Rai-ale-tsi-efats’ arivo-tsi-fitonjato ty nivetrak’ amy andro zay mandikoatse o nikoromak’ amy Korahkeio. 
\v 50 Ie nijihetse i angorosiy le nibalike mb’ amy Mosè t’i Aharone mb’an-dalan-kibohom-pamantañañe mb’eo.
\c 17
\s1 Nitaroke ty Kobai’ i Aharone
\p
\v 1 Le hoe ty nitsara’ \nd Iehovà\nd* amy Mosè: 
\v 2 Misaontsia amo ana’ Israeleo naho mangala kobay amo anjomban-droae iabio, ze talèn’ anjomban-droae—kobay folo-ro’amby, ie songa hanokitse ty tahina’e amy kobai’ey. 
\v 3 Le sokiro an-kobai’ i Levy eo ty tahina’ i Aharone. Sindre kobain-droae raike ami’ty talèn’ anjomban-droae’ey, vaho 
\v 4 apoho an-kibohom-pamantañañe aolo’ i fañina fifampikaoñan-tikañey. 
\v 5 Ie amy zao, hitaroke ty kobai’ ondaty ho joboñeko; le hijihetse ty fitoreo’ o ana’ Israeleo amako, i fiñeo­ñeoñe ama’o lomoñandroy. 
\v 6 Aa le nisaontsy amo ana’ Israeleo t’i Mosè vaho songa nanolotse kobay raike o talèo, ty aman-talèn’ anjomban-droae’e; kobay folo-ro’ amby; le nitraok’ amo kobai’ iareoo ty kobai’ i Aharone 
\v 7 vaho napo’ i Mosè añatrefa’ \nd Iehovà\nd* amy kibohom-pañinay i kobaiñe rey.
\p
\v 8 Aa naho nimoak’ amy kibohom-pañinay t’i Mosè te loak’andro, hehe te nitaroke naho namotiboty naho namòñe vaho namoa mahabibo àñoñe ty kobai’ i Aharone añ’anjomba’ i Levy. 
\v 9 Le naaka’ i Mosè boak’ añatrefa’ \nd Iehovà\nd* mb’ amo ana’ Israele iabio i kobay rey; nahaisake iereo vaho sambe nandrambe ty kobai’e. 
\v 10 Le hoe t’\nd Iehovà\nd* amy Mosè, Ampolio aolo’ i fañinay ty kobai’ i Aharone ho viloñe amo manjehatseo, hampigadoñe ty fañinjea’ iareo ahy tsy mone hikenkañe. 
\v 11 Aa le nanoe’ i Mosè izay; i nandilia’ \nd Iehovà\nd* azey ty nanoe’e.
\p
\v 12 Le hoe o ana’Israeleo amy Mosè, Mihamomoke zahay, motso, fonga mongotse! 
\v 13 Ndra iaia mitotoke mb’eo, naho mañarine i kivoho’ \nd Iehovà\nd*y le havetrake. Kila hibanìtse hao zahay?
\c 18
\s1 Ty Lili’ o Mpisoroñe nte-Levio
\p
\v 1 Hoe ty nitsara’ \nd Iehovà\nd* amy Aharone: Ihe naho o anadahi’oo miharo amo anjomban-droae’oo ro hivave o hakeo’ i efe-miavakey, le ihe rekets’ o anadahi’oo ro hivave o tahi’ i fisoroñañeio. 
\v 2 Aa le endeso mb’ etoa ka o rahalahi’oo, i fifokoa’ i Leviy, i fifokoan-droae’oy, hireketse ama’o, hitoroñe azo, ihe naho o ana’oo, añatrefa’ i kibohom-pañinay. 
\v 3 Hiatrak’ azo iereo vaho hañambeñe i kivoho iabiy, fe tsy harinea’ iareo o fana’ i efe-miavakeio naho i kitreliy tsy mone hivetrake, ie naho inahareo. 
\v 4 Hampireketeñe ama’o iereo hamandroñe i kibohom-pamantañañey amy ze hene fitoloñañe amy kivohoy fe tsy hiharinea’ t’indaty tsotra. 
\v 5 Le ho toloñe’ areo o raha miavakeo, hatrafe’ areo i kitreliy, tsy hifetsahan-kaviñerañe o ana’ Israeleo. 
\v 6 Le Izaho, toe Izaho ty nandrambe o nte-Levy rahalahi’ areoo boak’amo ana’ Israeleo, ie nengaeñe ho ravoravo am’ \nd Iehovà\nd* ho anahareo, hanoe’e o fitoroñañe an-kibohom-pamantañañeo. 
\v 7 Le ihe naho o ana’o rekets’ ama’oo ro hañambeñe o fisoroña’ areoo amy ze hene mioza amy kitreliy, le ho toroñe’ areo ze ankalo’ i lamba fañefetsey ao. Atoloko azo ho fitoroñan-karavòañe i fisoroñañey, fe havetrake ze ondaty tsotra miharine eo.
\s1 Ty Anjara’ i Mpisoroñey
\p
\v 8 Hoe ty nitsara’ \nd Iehovà\nd* amy Aharone: Izaho, toe Izaho ty nanolots’ azo o engan-kavoakoo, le navìko ho azo naho o ana’oo ho amy fañorizañey ze hene navi’ o ana’ Israeleo. Natoloko ami’ty fañorizañe naho amo o ana’oo ho fañè nainai’e. 
\v 9 Ho azo amo raha miava-do’e navotso­tse amy afoio; ze hene enga’ iareo: ze enga-mahakama iaby, ze soron-kakeo iaby; ze hene engan-dilatse mete ho banabanae’ iereo amako, ho miava-do’e ama’o naho amo ana’oo. 
\v 10 Ho kamae’ areo an-toetse miavake ao, ze lahilahy iaby ty hikama ama’e, fa navaheñe ho ama’o. 
\v 11 Ho azo ty enga-kavoañe amo engae’ iareoo, naho ze enga ahelahela’ o ana’ Israeleo, le fa natoloko azo naho amo ana-dahi’oo naho amo anak’ ampela’o mindre ama’oo ho fañè nainai’e, ie mete kamae’ ze malio añ’ anjomba’o ao. 
\v 12 Fa natoloko azo ze hene soa amo menakeo naho ze fonga soa amo divai-vaoo naho amy ampembay: ty loha-voñe engae’ iereo am’ \nd Iehovà\nd*. 
\v 13 Azo ze hene lengom-boa an-tane’e añe engae’ iereo am’ \nd Iehovà\nd*o, songa mete mikama ama’e ze malio añ’anjomba’o ao. 
\v 14 Hene azo ze atokañe e Israele ao. 
\v 15 Azo ka ze manoka-koviñe valoha’e, ze engaeñe am’ \nd Iehovà\nd*, he ondaty ke hare; fe toe ho jebañeñe o tañoloñoloña’ ondatio, vaho havahañe ka ze valohan’ ana’ o biby tsy malioo. 
\v 16 Le ty vilin’ ai’e, mifototse amy valò­ham-bola’ey ty ijebañañe aze; ze anjoanjoa’ o azey, sekele lime ty vili’e an-tseke­len-toe-miavake (gerà roapolo izay). 
\v 17 Fe tsy havaha’ areo ze valohan’ anak’ añombe naho valohan’ anak’ añondry naho ty valohan’ anak’ ose, fa miavake. Hadasi’ areo añariari’ i kitreliy ty lio vaho hisoroña’o ty safo’e ho enga olorañe, hàñin-kanintsiñe am’ \nd Iehovà\nd*. 
\v 18 Le ho azo o hena’eo, ho azo hambañe amy tratran-kelahelay naho i tso’e havanay. 
\v 19 Ze enga avoañe amo raha miavake engae’ o ana’ Israeleo am’ \nd Iehovà\nd*o le fa natoloko azo naho amo ana-dahi’oo naho amo anak’ ampela’o mindre ama’oo ho fañè tsy modo, ho fañinan-tsira nainai’e ama’o naho amo tarira’oo añatrefa’ \nd Iehovà\nd*.
\p
\v 20 Le hoe t’\nd Iehovà\nd* amy Aharone: tsy hanan-dova an-tane’ iareo irehe, naho tsy hanañ’ anjara am’ iereo ao; Izaho ro anjara’o naho lova’o amo ana’ Israeleo.
\p
\v 21 Naho o nte-Levio, toe nitolorako ze fonga fahafolo’ Israele ho fanañañe hasolo ty fitoroñañe itoroña’ iareo, ty fitoloñañe an-kibohom-pamantañañe ao. 
\v 22 Tsy ho harinè’ o ana’ Israeleo ka i kibohom-pamantañañey henane zao tsy mone hivave hakeo vaho hivetrake. 
\v 23 O nte-Levio avao ty hifanehak’ amo tolon-draha’ i kibohom-pamantañañeio, le ho vavè’ iereo o hakeo’eo; ho fañè nainai’e amo hene tarira’ areo mifandimbeo, f’ie tsy hanan-dova añivo o ana’ Israeleo, 
\v 24 amy te nitolorako ty faha­folo avì’ o ana’ Israeleo ho engan-kavoañe am’ \nd Iehovà\nd*, ie ty lova natoloko amo nte-Levio, toe vinolako t’ie tsy hanan-dova amo ana’ Israeleo.
\p
\v 25 Le nitsara amy Mosè t’\nd Iehovà\nd* nanao ty hoe: 
\v 26 Saontsio amo nte-Levio ty hoe: Naho rambese’ areo amo ana’ Israeleo i fahafolo natoloko anahareo ho lova’areoy, le añengào enga-kavoañe am’ \nd Iehovà\nd* ty fahafolo’ i fahafoloy. 
\v 27 Le ho volili­eñe ama’ areo hambañe amy t’ie i mahakama boak’ an-toe-pamofohañey; naho te boak’ ami’ty hapea’ i fipi­ritan-divaiy i enga havi’ areoy. 
\v 28 Aa le havi’ areo ho am’ \nd Iehovà\nd* ty enga-kavoañe boak’ amo fahafolo rambese’ areo amo ana’ Israeleo le i enga-kavoañe navike ho am’ \nd Iehovà\nd*y ty hatolo’ areo amy Aharone mpisoroñe. 
\v 29 Amo hene enga atolotse ama’ areoo, le havi’ areo ze havìke am’ \nd Iehovà\nd*; ze hene soa ama’e naho ty miavake ama’e. 
\v 30 Aa le ano ty hoe: Naho avi’ areo ty soa ama’e, le ho volilieñe amo nte-Levio ho mahakama nasisa an-toe-pamofohañe ey naho ty fitomboa’ i fipiritan-divaiy. 
\v 31 Azo’ areo kamaeñe ndra aia aia izay, inahareo naho o keleia’ areoo amy te tambe’ areo amy fito­loña’ areo amy kibohom-pamantañañeiy. 
\v 32 Aa kanao avi’ areo ty soa ama’e le tsy hivavea’ areo hakeo, vaho ko leore’ areo o enga’ miava’ o ana’ Israeleoo tsy mone hivetrake.
\c 19
\s1 Ty Kiloa-mena
\p
\v 1 Hoe ty nitsara’ \nd Iehovà\nd* amy Mosè naho i Aharone: 
\v 2 Intoy ty fañèm-pètse linili’ \nd Iehovà\nd*: Misaontsia amo ana’ Israeleo ty hindesa’ iareo kiloa mena tsy aman-kandra ndra hila mbe lia’e tsy nanampezan-joka. 
\v 3 Atoloro i Elazare mpisoroñe, le hasese’e alafe’ i tobey ho lentaeñe añatrefa’e; 
\v 4 le hangala’ i Elazare an-drambo-pità’e ty lio’e, vaho hafitse’e impito aolo’ i Kibohom-pa­man­tañañey. 
\v 5 Le horoañe am-paha­isaha’e i kiloay: Fonga foro­totoeñe ty holi’e, ty nofo’e, ty lio’e vaho ty tai’e. 
\v 6 Le handrambe mendorave naho seva naho fole mena mañabarà i mpisoroñey vaho hatora’e añate’ i afo mamorototo i kiloaiy. 
\v 7 Ho sasà’ i mpisoroñey amy zao o saro’eo, le hampiandroe’e an-drano i sandri’ey, vaho himoak’ an-tobe ao; fa haleotse am-para’ te hariva i mpisoroñey. 
\v 8 Hanasa o siki’eo naho hiandro an-drano ka i nañoro azey, ie tsy halio am-para’ te hariva. 
\v 9 Le havori’ t’indaty malio ty laveno’ i kiloay vaho hahaja’e an-toetse malio alafe’ i tobey ey, naho havandroñe ey ho amy valobohò’ o ana’ Israeleoy, ho ami’ty ranom-pandeorañe, toe fañeferan-kakeo. 
\v 10 Hanasa ty siki’e i namory o lavenokeoy le tsy halio ampara’ te haleñe: ho fañè nainai’e tsy modo amo ana’ Israeleo naho amo renetane mpimo­neñe am’ iereoo. 
\v 11 Ze mitsapa lolo, ndra t’ie fate’ ia’ia, ro haleotse fito andro. 
\v 12 Hañefe’ batañe amy ranoy re ami’ty tsy haliova’e ami’ty andro fahatelo naho ami’ty andro faha-fito vaho halio; f’ie tsy mañefe-batañe amy andro fahateloy naho amy andro fahafitoy le tsy halio. 
\v 13 Ze mitsapa lolo, ty fañova’ ondaty mate, vaho tsy mañefe-batañe, le mandeotse ty kivoho’ \nd Iehovà\nd*. Haitoañe am’ Israele indatiy. Tsy halio re amy te tsy nafitse ama’e i rano-piambahañey, tambats’ ama’e i haleora’ey. 
\v 14 Zao ty fetse te mivetrak’ añ’akiba ao t’indaty: ze mizilik’ añ’akiba ao naho ze am-po’e ao ro songa maleotse fito andro, 
\v 15 maleotse ka ze fanake tsy mitakoñe soa. 
\v 16 Ze mitsapa ondaty vinonom-pibara an-kivoke ey ke ondaty mate avao, he taola’ ondaty, hera kibory, le haleotse fito andro. 
\v 17 Aa naho i maleo­tsey: hangalañe ty laveno’ i namoroto­to­añe ho fañeferan-kakeoiy, vaho añi­liñan-drano malio ty fitovy; 
\v 18 ho rambese’ t’indaty malio ty seva le halò’e amy ranoy vaho hafitse’e amy akibay naho amo fanake iabio naho am’ ondaty nizoeñeo naho amy nitsapa o taolañeo ndra i vinonoy ndra i loloy ndra i kiboriiy. 
\v 19 Hafitse’ i malioy amy tsy malioy ami’ty andro fahatelo naho ami’ty andro faha-fito; ie amy andro faha-fitoy ro hiefetse, le ho sasà’e o siki’eo vaho hiandro an-drano, le halio te harivay. 
\v 20 Fe t’indaty maleotse tsy miefetse amy haleora’ey, le haitoeñe amy valobohòkey indatiy, amy te nileore’e ty efe-miava’ \nd Iehovà\nd*. Tsy nafitse ama’e i rano-kaleorañey; maleotse re. 
\v 21 Fañè nainai’e ho a iareo izay. Hanasa ty siki’e i namitse i rano-kaleorañey, vaho haleotse am-para’ te hariva ze mitsapa i rano-kaleorañey. 
\v 22 Haleotse ze raha tsinapa’ i maleotsey, le haleotse am-para’ te haleñe t’indaty nitsapa aze.
\c 20
\s1 Ty Rano i Meribà
\r Avo 17.1-7
\p
\v 1 Nimoak’ am-patram-bei’ i \f + \fr 20:1 \fr*\ft Tsine: pisake\ft*\f*Tsine eo o ana’ Israeleo, i valobohòkey, amy volañe valoha’ey le nitobe e Kadese; nihomake eo t’i Miriame vaho nalenteke.
\p
\v 2 Tsy nanan-drano i valobohòkey le nifanontoñe hiatreatre amy Mosè naho i Aharone. 
\v 3 Le nifandietse amy Mosè ondatio, ami’ty hoe, Hamake t’ie nivetrak’ amy nikoromaha’ o longo’aio añatrefa’ \nd Iehovà\nd*y! 
\v 4 Aa vaho ino ty nanesea’o mb’ am-patrambey mb’etoy ty fivori’ \nd Iehovà\nd*, hibanitse etoañe, zahay naho o hare’aio? 
\v 5 Le ino ty nañakara’o anay an-tane Mitsraime añe, hanese anay an-toetse raty atoy? ie tsy mahalefe ampemba ndra sakoañe ndra vahe ndra dagoa\f + \fr 20:5 \fr*\ft Dagoa: ampongabeindañitse\ft*\f*, mbore tsy aman-drano hinomañe. 
\v 6 Aa le nienga i valobohòkey t’i Mosè naho i Aharone niheo mb’amy lalan-kibohom-pamantañañey mb’eo; le nibabok’ an-daharañe vaho nisodehañe am’ iereo ty enge’ \nd Iehovà\nd*. 
\v 7 Le nitsara amy Mosè t’\nd Iehovà\nd* nanao ty hoe: 
\v 8 Rambeso i kobaiñey; le atontono i valobohòkey, ihe naho i Aharone rahalahi’o. Saontsio añatrefam-pihaino’ iareo i vatoy haña­katse ty rano’e, hamahana’o rano boak’ amy vatoy, hampi­noma’o iareo naho o hare’ iareoo.
\p
\v 9 Aa le rinambe’ i Mosè i kobay añatrefa’ \nd Iehovà\nd*y, amy nandiliañe azey. 
\v 10 Le navori’ i Mosè naho i Aharone añatrefa’ i vatoy i fivoriy, le nanoe’e ty hoe, Mitsen­dreña, ry mpiolao. Hañakara’ay rano boak’ ami’ty vato tia hao? 
\v 11 Aa le naonjo’ i Mosè ty fità’e naho finofo’e indroe amy kobai’ey i vatoy, vaho nidoandoañe boak’ ao ty rano bey le ninon-drano i valobohòkey naho o hare’eo. 
\v 12 Fe hoe t’\nd Iehovà\nd* amy Mosè naho i Aharone, amy te tsy nonjone’ areo hampiboak’ amo ana’ Israeleo o hamasiñakoo, le tsy hendese’ areo hizilik’ an-tane natoloko iareo ao ty fivory tia. 
\v 13 Ie o Ranom-\f + \fr 20:13 \fr*\ft Heb: Rano’ i Meribà\ft*\f*Piolañeo amy te nikotreke am’ \nd Iehovà\nd* o ana’ Israeleo, ie fa nivente’e am’ iareo ty hamasiña’e.
\p
\v 14 Aa le nañitrik’ ami’ty mpanjaka’ i Edome boake Kadese t’i Mosè. Hoe ty rahalahi’o Israele: Fohi’o o hasotriañe iaby nifetsak’ ama’aio: 
\v 15 ty nizo­tsoa’ o rae’aio mbe Mitsraime mb’eo, ty nimo­neña’e añe andro maro, vaho te namorekeke anay naho o rae’aio o nte-Mitsraimeo. 
\v 16 Aa ie nikaike \nd Iehovà\nd* le jinan­ji’e o fiarañanaña’aio vaho nirahe’e i Anjeli’ey ninday anay niavotse i Mitsraime; le ingo t’ie e Kadese atoy henaneo, ty rova añ’ olon’ efe-tane’o atoy. 
\v 17 Aa ehe meo lalan-jahay hitoañe o tane’oo. Tsy hiranga teteke ndra tanem-bahe, le tsy ho kamae’ay ty rano boak’ am-bovo’ areo ao; fa horihe’ay i Karanan­gam-Panjakay, vaho tsy hivio mañavia ndra mañavana ampara’ te losore’ay o fehe’oo.
\p
\v 18 Aa hoe ty asa’ i Edome ama’e, Tsy hiranga ty tane’ay nahareo, tsy mone hiavota’ay am-pibara. 
\v 19 Le hoe o ana’ Israeleo tama’e, I Karanangay avao ty handenako, aa naho hinome’ay o rano’oo, izaho ndra o harekoo, le havahako ty vili’e; adono hirangàko an-tomboke tsy hampianto. 
\v 20 Fe hoe re, Tsy hiranga nahareo. Le niavotse mb’am’ iareo mb’eo ty Edome an-dahin-defo maro vaho am-pitàñe maozatse. 
\v 21 Aa le nifoneñe t’i Edome tsy nanolora’ o fehe’eo lalañe hitsake t’Israele; aa le nivioñe añe t’Israele.
\s1 Ty Havilasi’ i Aharone
\p
\v 22 Niavotse i Kadese iereo, le niporopotìtse e Vohi-Hore o ana’Israeleo—i valobohòke iabiy. 
\v 23 Le nanao ty hoe amy Mosè naho amy Aharone t’\nd Iehovà\nd* e Vohi-Hore ey, añ’efe-tane’ i Edome eo: 
\v 24 Hatontoñe am’ ondati’eo t’i Aharone, ie tsy hizilike amy tane natoloko amo ana’ Israeleoy, amy te niola amy volakoy nahareo an-drano’ i Meribà añe. 
\v 25 Endeso t’i Aharone naho i ana’e Elazare vaho aseseo mañambone’ i Vohi-Horey mb’eo, 
\v 26 le abolio amy Aharone o saro’eo naho asaroño amy Elazare ana-dahi’e fa hatontoñe t’i Aharone toe hivetrake. 
\v 27 Aa le nanoe’ i Mosè i linili’ \nd Iehovà\nd*y vaho niañambone ty Vohi-Hore ampahaisaha’ i valobohòke iabiy. 
\v 28 Nafaha’ i Mosè o saro’ i Aharoneo naho nasaro’e amy Elazare ana’e, le nihomake andengo’ i vohitsey t’i Aharone, vaho nizotso amy vohitsey t’i Mosè naho i Elazare. 
\v 29 Aa ie nirendre’ i valobohòke iabiy te nivilasy t’i Aharone, le fonga nandala aze telopolo andro ty anjomba’ Israele.
\c 21
\s1 Ty Mereñe Torisìke
\p
\v 1 Ie jinanji’ i Arade Mpanjaka nte-Kanàne nimoneñe Atimo añe te niary mb’e Atarime mb’eo t’Israele, le nia­ly am’ Israele re vaho nendese’e am-bahotse ty ila’e. 
\v 2 Aa le nifanta am’ \nd Iehovà\nd* t’Israele nanao ty hoe, Naho toe hasese’o am-pità’ay ondaty rezao le fonga harotsa’ay o rova’eo. 
\v 3 Nihaoñe’ \nd Iehovà\nd* ty fiarañanaña’ Israele le nasese’e ama’e o nte-Kanàneo; fonga finongo’ iareo o rova’eo; vaho natao \f + \fr 21:3 \fr*\ft Kormà: kila fongotse\ft*\f*Kormà i taney. 
\v 4 Niavotse boak’ am-Bohi-Hore eo le nionjoñe mb’ an-dalañe migo­dañe mb’amy Ria-Binday mb’ eo, hiariañe i tane’ Edomey; fe nahangoae ondatio i liay. 
\v 5 Le nañinje an’ Andrianañahare naho i Mosè ondatio ami’ ty hoe: Aa vaho akore t’ie nin­desa’o niakatse i Mitsraime hive­trake am-patrambey atoy, ie tsy ama’ mahakama ndra rano naho mampangorý anay ty mofo maivañe toy. 
\v 6 Aa le nañiraha’ \nd Iehovà\nd* merem-boreke ty añivo’ ondatio ze nañehetse ondaty vaho maro amo ana’ Israeleo ty nifitake. 
\v 7 Aa le nimb’ amy Mosè mb’eo ondatio nanao ty hoe: Nandilatse ami’ ty nañinjea’ay azo naho \nd Iehovà\nd*; ihalalio am’\nd Iehovà\nd* ty hanintaha’e o mereñeo. Aa le nihalaly ho a ondatio t’i Mosè. 
\v 8 Le hoe t’\nd Iehovà\nd* amy Mosè, Itseneo sare merem-boreke le asampezo ami’ty bodan-katae; le ho veloñe ze hene ondaty nihehereñe, mitalahatse ama’e. 
\v 9 Aa le namboare’ i Mosè an-torisìke i mereñey naho nasampe’e an-katae, aa naho nihehetse ondaty ty mereñe, ie nañente i mereñe torisìkey le niveloñe. 
\v 10 Nionjoñe amy zao o ana’ Israeleo le nitobe e Obote. 
\v 11 Niavota’ iareo ty Obote vaho nitobe e Iai’haabarime, am-patrambey atiñana’ i Moabe mb’ am-panjirihan’ andro mb’eo. 
\v 12 Nionjoñe boak’ ao iereo le nitobe am-Bavatane’ i Zerede ao. 
\v 13 Hirik’ ao iereo niavotse vaho nitobe alafe’ i Arnone amy fatrambey mifototse an-tane’ o nte-Emoreoy; amy te efe-tane’ i Moabe i Arnoney, mañefetse i Moabe amo nte-Emoreo. 
\v 14 Izay ty nanoeñe amo Boke’ o Ali’ \nd Iehovà\nd*oo ty hoe: Oahebe e Sofà, o toraha’ i Arnoneo, 
\v 15 naho ty teva’ o torahañeo ze mivariñe mb’an toe’ i Are, naho miefetse amy Moabe. 
\v 16 Ie hirik’ ao nimb’e Bire mb’eo, i vovoñe nitsarae’ \nd Iehovà\nd* amy Mosèy ty hoe, Atontono ondatio hanjotsoako rano. 
\v 17 Le hoe ty nisaboe’ Israele:
\q1 Mivoaña ry vovoñeo, isabo!
\q1
\v 18 ty vovo nalente’ o talèo,
\q1 hinali’ ty roandria’ ondatio,
\q1 an-kobaiñe, an-tsara’ i Mpandily.
\p Ie boak’am-patrambey ao le nañavelo pak’e Matanà, 
\v 19 le boake Matanà mbe Mahaliele mb’eo, le hirike Mahaliele mb’e Bamote mb’eo, 
\v 20 vaho boake Bamote am-bavatane’ i Moabe mb’ an-dengo’ i Pisgà mitolike mb’amy ratraratray añe.
\s1 Gioke t’i Sihone
\r Its 2.26-37
\p
\v 21 Le nañitrike mb’amy Sihone mpanjaka’ o nte-Emoreo t’Israele, nanao ty hoe: 
\v 22 Adono hiranga ty tane’o zahay. Tsy hivìke mb’ an-teteke ndra mb’ an-tane-bahe; tsy hikama rano am-bovoñe. Hañorike i Karanan­gam-Panjakay avao ampara’ te losore’ay ty efe-tane’o. 
\v 23 F’ie tsy napo’ i Sihone hiranga i efe’ey. Aa le natonto’ i Sihone ondati’e iabio vaho niavotse haname Israele am-patram-bey ey, le nivotrake e Iàhatse re naialy am’ Israele. 
\v 24 Zinevo’ Israele an-delam-pibara vaho tinava’e i tane’ey boak’ amy Arnoney pak’ ami’ ty Iaboke naho pak’ amo nte-Amoneo amy te fatratse ty efe-tane’ o ana’ i Amoneo. 
\v 25 Aa le fonga rinambe’ Israele o rova’eo vaho songa nimo­neña’ Israele o rova’ o nte-Emoreo, e Khesbone naho o hene ana-drova’eo. 
\v 26 Nirova’ i Sihone mpanjaka’ o nte-Emoreo ty Khesbone; niazo’e te nialy amy mpanjaka’ i Moabey taoloy vaho fonga rinambe’e i tane’e pak’amy Arnoney. 
\v 27 Aa le hoe ty onin-tsaontsin-droae:
\q1 Antao mb’e Khesbone mb’eo, hamboatse naho hañafatratse ty rova’ i Sihone
\q1
\v 28 Fa niakatse i Kesobone ty afo,
\q1 lel’ afo boak’ an-drova’ i Sihone,
\q1 nagodra’e i Are’ i Moabey
\q1 o talen-kaboa’ i Arnoneo.
\q1
\v 29 Hekoheko ama’o ry Moabe,
\q1 Rinotsake nahareo nte-Kemose:
\q1 napo’e ho gike o ana-dahi’eo,
\q1 naho o anak’ampela’eo ho mpirohi’
\q1 i Sihone, mpanjaka’ i Emorey.
\q1
\v 30 Linihi’ay ambane iereo:
\q1 Nihomake t’i Khesbone pak’e Dibone,
\q1 le natsafe’ay pak’e Nofà,
\q1 naho pak’e \f + \fr 21:30 \fr*\ft Medebà: hadeongaritse\ft*\f*Medebà.
\p
\v 31 Aa le nimoneñe an-tane’ Emore ao t’Israele. 
\v 32 Nampihitrife’ i Mosè ty hitingañe Ia’azere le rinambe’e o tanà’eo vaho nanoe’e soike ze nte-Emore tao.
\s1 Gioke t’i Oge
\r Its 3.1-22
\p
\v 33 Nitsile iereo, nañavelo an-dalañe mb’e Basane mb’eo; le niavotse hifanalaka am’iareo t’i Oge mpanjaka’ i Basane rekets’ ondati’e iabio, hañotakotake e \f + \fr 21:33 \fr*\ft Edrey: fiandrazañe\ft*\f*Edrey. 
\v 34 Aa hoe t’\nd Iehovà\nd* amy Mosè, Ko ihembaña’o, fa natoloko am-pità’o rekets’ ondati’e iabio naho i tane’ey. Ano ama’e hambañe amy nanoa’o amy Sihone mpanjaka’ o nte-Emore nimpifehe’ i Khesboneoy. 
\v 35 Aa le zinevo’ iareo naho o ana-dahi’eo naho ondati’eo, ampara t’ie tsy aman-tsengaha’e vaho rinambe’iereo i tane’ey.
\c 22
\s1 Kinoi’ i Balake t’i Balame
\p
\v 1 Nionjom-beo o ana’Israeleo nitobe an-tanemira’ i Moabe alafe’ Iardene tandrife Ierikò ey. 
\v 2 Ie amy zao hene nioni’ i Balak’ ana’ i Tsipore i nanoe’ Israele amo nte-Emoreoy. 
\v 3 Aa le nirevendreveñe am’ondatio t’i Moabe kanao ninihanìha ty hamaro’e; le nanembetse i Moabe o ana’ Israeleo. 
\v 4 Aa le hoe ty Moabe amo roandria’ i Midianeo, Fonga ho tselà’ i lahialeñey ze mañohoke an-tika manahake ty famelehan’ añombe o ahetse an-kivok’ ey. Mpanjaka’ o nte-Moabeo henane zay t’i Balak’ ana’ i Tsipore. 
\v 5 Le nampisangitrife’e mb’amy Balame ana’ i Beore e Petore añolon-tsaka’ an-tanen-te-\f + \fr 22:5 \fr*\ft Arame: ondati’e\ft*\f*Arame añe ty irake hikanjiy aze ami’ty hoe: Inao, nivotrake boake Mitsraime añe t’indaty; hehe t’ie manitsike ty ambone’ ty tane toy vaho mitobe marine ahiko etoa. 
\v 6 Mb’etoa aniany koahe, ozoño ho ahy ondatio, ie manjofake te amako. Hera ho gioheko le ho soiheñe hiakatse an-tane atoy, fa apotako te soa tata o tatae’oo vaho fatran-tane o ozoñe’oo.
\p
\v 7 Aa le niavotse mb’eo o roandria’ i Moabeo naho o roandria’ i Midianeo reketse ty saram-pamorehañe am-pitàñe vaho niheo mb’amy Balame mb’eo ninday ty nisaontsia’ i Balake. 
\v 8 Le hoe re tam’ iereo, mialeña atoy te anito, le hañerem-bolañ’ ama’ areo iraho, ze ho tsarae\nd ’\nd* \nd Iehovà\nd* amako. Aa le nialeñe amy Balame ao o roandria’ i Moabeo. 
\v 9 Niheo mb’amy Balame t’i Andrianañahare nanao ty hoe: Ia ondaty mitraok’ ama’oo? 
\v 10 Le hoe t’i Balame aman’ Añahare, Nampañitrike ty saontsy toy amako t’i Balak’ ana’ i Tsipore: 
\v 11 Heheke ondaty hirike Mitsraime añeo: tsitsihe’ iareo ty ambone’ ty tane toy; aa le mb’etoa irehe, ozoño ho ahiko; hera hahalefeako aly vaho haronjeko añe. 
\v 12 Le hoe t’i Andrianañahare amy Balame, Tsy hindreza’o fañaveloañe; tsy hozoñe’o ondatio fa soa-tata. 
\v 13 Aa le nitroatse maraiñe t’i Balame nanao ty hoe amo roandria’ i Balàkeo, Mimpolia mb’ an-tane’ areo añe, amy te nifoneñe t’\nd Iehovà\nd* tsy nañomey ahy lily hindrezako. 
\v 14 Aa le niongake o roandria’ i Moabeo nimpoly mb’ amy Balàke mb’eo, nanao ty hoe: Tsy nimete nindre ama’ay t’i Balame.
\p
\v 15 Nañitrik’ ana-donake indraike t’i Ba­lake, ondaty maro naho ambone’ lohàñe te amo teoo. 
\v 16 Aa le niheo mb’ amy Balame mb’eo indaty rey nanao ty hoe, Hoe t’i Balak’ ana’ i Tsi­pore, Ko anga’o ndra inoñ’ inoñe ty hisebañe azo tsy homb’ amako mb’etoa; 
\v 17 toe ho rengèko vaho hanoeko ze saon­tsia’o. Aa le miambane ama’o t’ie homb’etoa hañozoñe ondatio ho ahiko. 
\v 18 Le hoe ty natoi’ i Balame amo mpitoro’ i Balakeo, Ndra te natolo’ i Ba­lak’ amako ty anjomba’e pea volafoty naho volamena le tsy mete handilatse ty tsara’ \nd Iehovà\nd* Andrianañahareko iraho hanao ndra inoñ’ inoñe ke t’ie bey he kede. 
\v 19 Aa le mialeña amako etoa manahake ty nanoe’ o ila’eo haharendrehako ze tsara hatovo’ \nd Iehovà\nd* amako. 
\v 20 Le niheo mb’ amy Balame amy haleñey t’i Andrianañahare nanao ty hoe ama’e, Aa naho nimb’ama’o mb’ atoy ondatio hikanjy azo, miavota naho indrezo; fe ze entañe hatoloko azo avao ty hanoe’o. 
\v 21 Aa le nañaleñaleñe t’i Balame nanampe fitobohañe amy borìke’ey, vaho nitrao-dia amo androanavi’ i Moabeo.
\s1 I Balame, i Borìkey naho i Anjeliy
\p
\v 22 Fe nampamiañe ty haviñeran’ Añahare i fañavelo’ey, vaho nijohañe hikalañe i lala’ey ty Anjeli’ \nd Iehovà\nd*\nd ,\nd* hiatreatrea’e hoe rafelahy. Ie amy zao ninin­gitse borìke naho nindre ama’e ty mpitoro’e roe. 
\v 23 Nahatrea i Anjeli’ \nd Iehovà\nd*\nd y\nd* nijohañe an-dalañe ey reketse fibara natsoak’ am-pità’e i borìkey, le nivioñe amy lalañey i borìkey nitsile mb’an-tetek’ ao, le finofo’ i Balame ty lafa hampibalik’ aze mb’amy lalañey. 
\v 24 Le nijohañe ami’ ty zitse añivo’ ty tanem-bahe roe ey i Anjeli’ \nd Iehovà\nd*y, ty kijoly etia naho ty kijoly etia. 
\v 25 Ie nitrea’ i borìkey i Anjeli’ \nd Iehovà\nd*y le nioza amy rindriñey, vaho nanindry ty kitso’ i Balame amy rindriñey, aa le linafa’e indraike. 
\v 26 Nihànkañe aolo ey amy zao i Anjeli’ \nd Iehovà\nd*y nijohañe añ’ oloñoloñe ey, le tsy eo ty hivioñañe ndra mañavana ndra mañavia. 
\v 27 Naho nizoe’ i borìkey i Anjeli’ \nd Iehovà\nd*y le nibabok’ ambane’ i Balame eo; tsekak’ amy zao ty haboseha’ i Balame le finofo’e an-kobai’e i borìkey. 
\v 28 Aa le sinoka’ \nd Iehovà\nd* ty vava’ i borìkey, vaho hoe re amy Ba­lame, Ino ty nanoeko ama’o kanao linafa’o intelo aniany? 
\v 29 Le hoe t’i Balame amy borìkey, Amy t’ie nanalatse ahy, le nainako te ni-reke-pibara ty tañako henaneo hamonoako azo! 
\v 30 Aa le hoe i borìkey amy Balame, Tsy izaho hao o borìke’oo, i niningira’o amo hene tao’o pake henaneoy? Liliko hao ty manao zao ama’o? Aiy, hoe re.
\p
\v 31 Aa le nampibeahe’ \nd Iehovà\nd* ty fihaino’ i Balame naho niisa’e nijohañe amy lalañey i anjeliy, am-pibara napontsoañe am-pità’e; le nibotreke re nibabok’ an-dahara’e. 
\v 32 Le hoe i Anjeli’ \nd Iehovà\nd*y ama’e, Inoñe ty nijerà’o i borìke’oy in-telo? Nimb’ atoy iraho am-pirafelahiañe, amy te ihe manao hajangaringaria añatrefako. 
\v 33 Nitrea’ i borìkey iraho le nivioña’e intelo. Aa naho tsy niholiara’e le toe ho nañe-doza ama’o iraho anianikey vaho ho nengako velon-dre. 
\v 34 Le hoe t’i Balame amy Anjeli’ \nd Iehovà\nd*y, Nanao hakeo iraho fa tsy napotako te nijohañe an-dalañe ey irehe hiatreatre ahy. Aa naho joy ty am-pihano’o le himpoly iraho. 
\v 35 Aa le hoe i Anjeli’ \nd Iehovà\nd*y amy Bala­me, Akia, mindreza am’ondaty reo, fe ze entañe volañeko ama’o avao ty ho taroñe’o. Aa le nañavelo nindre lia amy androanavi’ i Balàke rey t’i Balame.
\p
\v 36 Ie jinanji’ i Balake te fa tsatoke t’i Balame le niavotse mb’e Ire\f + \fr 22:36 \fr*\ft Ir: Fijilojilovañe\ft*\f*-Moabe mb’amy efe-tane efera’ i Arnoney, ty efe’e lavitse ama’e mb’eo hifanalaka ama’e. 
\v 37 Le hoe t’i Balak’ amy Balame, Aa vaho tsy nimaneako hitrike naho kanjy v’iheo? Ino ty tsy nañaveloa’o mb’amako. Tsy haiko hao ty hiasy azo? 
\v 38 Le hoe t’i Ba­lame amy Balake, Intoy fa ama’o! meteko hao ty hanao ndra inoñ’ inoñe? Tsy mahay tsy ze tsara apon’ Añahare am-bavako ao avao ty ho taroñeko. 
\v 39 Aa le nindre lia amy Balake t’i Balame vaho nipotìtse e \f + \fr 22:39 \fr*\ft Kiriat-kozote: rova aman-dalambey\ft*\f*Keriat-kozote eo. 
\v 40 Nisoroñe añombe naho añondry amy zao t’i Balake vaho nañitrifa’e t’i Balame naho o androanavy nindre ama’eo. 
\v 41 Ie amy maraiñey le nendese’ i Balake nañambone’ i \f + \fr 22:41 \fr*\ft Bamà-Baale: haboan-drahare Baale\ft*\f*Bamà-Baale t’i Balame, le eo re ro nahatalake ty indra’ ondatio.
\c 23
\p
\v 1 Le hoe t’i Balame amy Balake, mandrafeta kitrely fito etoañe vaho hajario ho ahy ty añombelahy fito naho añondrilahy fito. 
\v 2 Le nihenefa’ i Balake i sinaontsi’ i Balamey; le songa nisoroña’ i Balake naho i Balame amy kitrely rey ty añombelahy naho ty añondrilahy. 
\v 3 Le hoe t’i Balame amy Balake, Mijohaña marine o isoroña’oo le hivìke iraho hera hifampikaoñe amako t’\nd Iehovà\nd*, le hataliliko azo ze hatoro’e ahiko. Aa le nimb’ an-kaboa mb’eo re. 
\v 4 Le nifañaoñe amy Balame t’i Andrianañahare, vaho hoe t’i Balame ama’e. Fa hinajariko ty kitrely fito naho songa nisoroñako añombelahy naho añondrilahy amy kitreli’e rey. 
\v 5 Napo’ \nd Iehovà\nd* am-palie’ i Balame ao ty tsara, ami’ty hoe, Mibaliha mb’ amy Balake mb’eo le inao ty ho saontsie’o. 
\v 6 Le nibalike mb’ama’e mb’eo re nanjo aze nijohañe marine o nisoroña’eo, ie naho ze hene roandria’ i Moabe. 
\v 7 Le nonjone’e ami’ ty hoe i fandrazaña’ey:
\q1 Fa ninday ahy boak’ Arame
\q1 t’i Balake mpanjaka’ i Moabe;
\q1 hirik’ amo vohitse atiñanañ’eñeo.
\q1 Mahavia, Ozoño ho ahiko t’Iakòbe,
\q1 Mb’etoa onjiro t’Israele!
\q1
\v 8 Aa vaho akore ty hamàrako
\q1 ty tsy nafàn’ Añahare?
\q1 Vaho akore ty hañonjirako
\q1 i tsy nonjira’ \nd Iehovà\nd*y?
\q1
\v 9 Ie talakeko boak’ ambone’ vato ey,
\q1 sinambako hirik’ ankaboañey;
\q1 Hehe t’indaty mizoizoy,
\q1 tsy ho volilieñe amo kilakila ‘ndatio!
\q1
\v 10 Ia ty mahaiake ty debo’ Iakòbe
\q1 ndra hamolily ty fah’ efa’ Israele?
\q1 Apoho iraho hikenkañe
\q1 am-pihomaha’ o vantañeo,
\q1 Ehe ampanahafo amy firompoa’ey ty ahiko.
\p
\v 11 Le hoe t’i Balak’ amy Balame, Ino ty nanoe’o amako? Nendeseko mb’ etoan-drehe hañozoñe o rafelahikoo te mone nitatae’o avao. 
\v 12 Le ti­noi’e ami’ty hoe, Tsy hambenako hao ty hivolañe ze apo’ \nd Iehovà\nd* am-bavako ao?
\s1 Fetse’ i Balame faharoe
\p
\v 13 Le hoe t’i Balake tama’e, Antao mb’ an-toetse raike ey hahatalakesa’o aze; ty ila’e avao ro ho oni’o fa tsy ie iaby, le ozoño boak’ ao ho ahiko. 
\v 14 Aa le nendese’e mb’an-tete’ i \f + \fr 23:14 \fr*\ft Tsofime: Mpijilo\ft*\f*Tsofime mb’eo re ankaboa’ i Pisgà ey naho nañoreñe kitrely fito, vaho nisoroñe añombelahy naho añondrilahy amy kitreli’e rey. 
\v 15 Le hoe re amy Balake, Mijohaña etoa marivo o isoroña’oo, le homb’ aroan-draho, hifañaoñe. 
\v 16 Nifampi­kaoñe amy Balame t’\nd Iehovà\nd* le nampipoke ty tsara am-pa­lie’e naho nanao ty hoe: Mibaliha mb’amy Balake mb’eo vaho isaontsio izay. 
\v 17 Aa le nimb’ ama’e mb’eo vaho nizoe’e nijohañe amy ni­soroña’ey rekets’ o roandria’ i Moabeo. Le hoe t’i Balak’ ama’e, Inoñe ty nitsarae’ \nd Iehovà\nd*? 
\v 18 Aa le nonjone’e ami’ty hoe i razan-tsaontsi’ey:
\q1 Miongaha ry Balake, mijanjiña!
\q1 Anokilaño ravembia ry ana’ i Tsipore.
\q1
\v 19 Tsy ondaty t’i Andrianañahare t’ie handañitse,
\q1 naho tsy ana’ondaty t’ie haneñeñe.
\q1 Aa vaho tsy hanoe’e i nitsarae’ey?
\q1 tsy ho henefe’e hao i nitaroñe’ey?
\q1
\v 20 Ingo nanoloran-dily hitata iraho;
\q1 aa kanao ie ro nitata tsy meteko afotetse.
\q1
\v 21 Tsy nahaoniña’e hakeo t’Iakòbe
\q1 tsy nahaisaha’e tahiñe t’Israele.
\q1 Ama’e t’\nd Iehovà\nd* Andrianañahare’e,
\q1 naho ama’e ao ty koim-panjaka.
\q1
\v 22 I Andrianañahare nampienga aze
\q1 amy Mitsraimey,
\q1 ro tsifan-drimo abo ama’e.
\q1
\v 23 Toe tsy atreatrem-boreke amy Iakòbe
\q1 vaho tsy trean-tsikily amy ’Israele,
\q1 Ie henaneo ro tsaraeñe
\q1 ty am’ Iakòbe naho am’Israele, ty hoe:
\q1 Heheke ty nanoen’Añahare.
\q1
\v 24 Hitroatse hoe liona vave’e ondatio,
\q1 hiongake hoe liona lahi’e:
\q1 Tsy handre am-para’ t’ie
\q1 mihinan-tsindroke
\q1 vaho minoñe ty lio’ i vinonoy.
\p
\v 25 Le hoe t’i Balak’ amy Balame, Ko ozoñe‘o ka, naho ko itata’o. 
\v 26 Fe hoe ty navale’ i Balame i Balake, Tsy vinolako hao te ze tsarae\nd ’\nd* \nd Iehovà\nd*\nd ,\nd* le tsy mete tsy izay ty hanoeko? 
\v 27 Le hoe t’i Balak’ amy Balame, Antao, fa hendeseko mb’an-toetse raike ka irehe hera ho non’ Añahare ty hañozoñe iareo ho ahiko boake ey. 
\v 28 Le nendese’ i Balake mb’ an-dengo’ i Peore, ahatalakesañe mb’ am-patrambey eñe, t’i Balame. 
\v 29 Le hoe t’i Balame amy Balake, Añoreño kitrely fito ty etoy vaho añajario añombelahy fito naho añondrilahy fito. 
\v 30 Le nanoe’ i Balake i sinaontsi’ i Balamey vaho songa nisoroña’e an-kitrely ty añombelahy naho ty añondrilahy.
\c 24
\p
\v 1 Aa kanao nioni’ i Balame te ninò’ \nd Iehovà\nd* ty hitata Israele le tsy nisikilie’e nanahake i lili’ey fe nampitolihe’e mb’ am-patrambey eñe ty lahara’e. 
\v 2 Aa naho niandra t’i Balame le nioni’e t’Israele nimoneñe an-kiboho’e ey nilahatse amo fifokoa’eo; le nivotrak’ ama’e ty arofon’ Andrianañahare; 
\v 3 vaho nonjone’e ami’ty hoe ty razan-drehake,
\q1 Hoe ty fetse’ i Balame ana’ i Beore,
\q1 naho ty lañona’ ondaty
\q1 am-pihaino misokake.
\q1
\v 4 Ty enta’ ondaty mahajanjiñe
\q1 ty tsaran’Añahare,
\q1 naho mahaisake ty aroñaro’ i El-Sadai\f + \fr 24:4 \fr*\ft Andriampañotroñe, kila lefe’e\ft*\f*, mibaboke
\q1 fe am-pihaino mibolanake:
\q1
\v 5 Fanjaka o kiboho’oo ry Iakòbe
\q1 naho o kivoho’oo ry Israele.
\q1
\v 6 Mivelatse hoe vavatane,
\q1 hoe kodobo añ’olon-tsaka,
\q1 hoe vahoñe nambole’ \nd Iehovà\nd*
\q1 hoe mendoraveñe añ’olon-drano.
\q1
\v 7 Hidoandoan-drano o sihoa’eo
\q1 naho ho an-drano maro o tabiri’eo.
\q1 Mitoabotse ambone’ i Agage ty mpanjaka’e
\q1 vaho onjoneñe i fifehea’ey.
\q1
\v 8 Manahake ty tsifan-drimo mitiotiotse
\q1 t’i Andrianañahare nampiavotse aze amy Mitsraime.
\q1 Hampibotseke ze tane malaiñe aze
\q1 hampipozapozake o taola’eo,
\q1 hampitrofahe’e amo ana-pale’eo.
\q1
\v 9 Nitsakononòke re,
\q1 nanao fandrean-diona
\q1 naho hoe liona rene’e, ia ty hampitsekak’ aze?
\q1 Hene soa tata ze mitat’azo
\q1 Fonga ozoñeñe o mañozoñ’azoo.
\p
\v 10 Nisolebotse amy Balame amy zao ty habose’ i Balake, le nifampitrabohe’e o fità’eo, naho hoe t’i Balak’ amy Bala­me, Nikanjiako haño­zoñe o rafelahikoo, vaho hehe te nitsitsihe’o tata in-telo. 
\v 11 Mibioña arè mb’ an-toe’o añe, ie ho nonjoneko andi­kerañe eñe ty asi’o; te mone kinala’ \nd Iehovà\nd* i ho ni-enge’oy. 
\v 12 Le hoe t’i Balame amy Balake, Tsy vinolako hao o ìra’o nampihitrife’o amakoo ty hoe, 
\v 13 Ndra te hatolo’ i Balak’ ahiko ty volafoty naho volamena mahaatseke i anjomba’ey, tsy ho likoareko ty falie’ \nd Iehovà\nd*, hanoako ty soa ndra ty raty boak’ an-troko, fa ze nitsarae\nd ’\nd* \nd Iehovà\nd* ty ho taroñeko? 
\v 14 Aa le himpoliako ondatikoo henaneo, fe adono hey hitoroako ty hanoe’ ondaty reroañe am’ondati’oo amo andro ampara’e añeo.
\s1 Fitokia’ i Balame Fahefatse
\p
\v 15 Aa le nonjone’e ami’ty hoe i fandrazaña’ey:
\q1 Ty lañona’ i Balame ana’ i Beore,
\q1 ty taro’ ondaty am-pihaino nabeake.
\q1
\v 16 Ty kora’ i mpijanjiñe
\q1 o tsaran’ Añahareoy,
\q1 vaho ama’e ty fahafohinañe
\q1 i Andindimoneñey,
\q1 Oni’e ty aroñaro’ i El-Sadai
\q1 mibaboke fe am-pihaino mibeake:
\q1
\v 17 Treako fa tsy henaneo;
\q1 misamb’ aze iraho fe tsy mitotoke;
\q1 hiboak’ am’ Iakòbe ty vasiañe;
\q1 hionjoñe hirik’am’ Israele ty kobaiñe,
\q1 ho demohe’e o olon-tane’ i Moabeo
\q1 le fonga ho rotsahe’e o anam-pifandrakarakañeo.
\q1
\v 18 Ho fanañañe t’i Edome,
\q1 ho hanaña’ o rafelahi’eo t’i Seire,
\q1 le hitoloñ’ an-kafatrarañe t’Israele.
\q1
\v 19 Hiboak’ am’ Iakòbe ty hifehe,
\q1 handrotsake ty sehanga’ i Are.
\p
\v 20 Ie nitalakese’e t’i Amaleke le nonjone’e ty fetse’e ami’ty hoe:
\q1 Nilohà’ o kilakila taneo t’i Amaleke,
\q1 Fe hamongorañe ty ho figadoña’e.
\p
\v 21 Nisambae’e amy zao o nte-Keineo, vaho nañonjona’e fetse ami’ ty hoe:
\q1 Fatratse o fimoneña’oo
\q1 naho mioreñe an-damilamy eo ty akiba’o;
\q1
\v 22 fe ho forototoeñe t’i Kàine;
\q1 ampara’ mbia te ho tana’ i Asore an-drohy?
\p
\v 23 Le nonjone’e ty fetse’e nanao ty hoe:
\q1 Hedey! Ia ty ho veloñe
\q1 naho akipen’ Añahare?
\q1
\v 24 Hitotsak’ eo o lakambey hirik’
\q1 añ’olo’ i Ketio,
\q1 ho silofe’ iareo t’i Asore
\q1 naho hampiambane’e t’i Aibere,
\q1 ampara’ t’ie mongotse nainai’e.
\p
\v 25 Aa le niongake t’i Balame, nienga, naho nimpoly mb’an-toe’e añe; vaho nimb’ amy lia’e mb’eo ka t’i Balake.
\c 25
\s1 Fiambaneañe amy Baale’ i Peore
\p
\v 1i Nitobe e Setime eo t’Israele le niorotse nanao hakarapiloañe amo ampela’ i Moabeo ondatio. 
\v 2 Nambarañe ondatio hiatreke ty fisoroña’ iareo amo ndrahare’ iareoo, le nikama ao ondatio vaho nibokoboko amo ndrahareo. 
\v 3 Aa kanao niharo baoñe amy Baale t’Israele le nisolebotse am’ Israele t’\nd Iehovà\nd*. 
\v 4 Aa le hoe t’\nd Iehovà\nd* amy Mosè, Endeso o talè’ ondatioo vaho aradoradò an-tariñandroke eo añatrefa’ \nd Iehovà\nd* o nandilatseo hisitaha’ ty haviñerañe miforoforo’ \nd Iehovà\nd* am’ Israele. 
\v 5 Aa le hoe t’i Mosè amo mpizaka’ Israeleo, Songa mamonoa ze ondati’e nitrao-baoñe amy Baale’ i Peoreo.
\p
\v 6 Inge henane zay, te nimb’eo ty ana’ Israele ninday ty ampela nte-Midi­ane mb’ amo longo’eo ampahaisaha’ i Mosè, naho am-pahaisaha’ i valobohò’ Israeley, ie nirovetse an-dalam-pimoahañe an-kibohom-pamantañañe eo. 
\v 7 Aa naho niisa’ i Pinekase ana’i Elazare ana’ i Aharone mpisoroñe, le niongake nienga i valobohòkey ninday lefoñe am-pità’e; 
\v 8 le norihe’e pak’ an-kiboho’e ao indati’ Israeley vaho tinombo’e i roroey; tineñateña’e indati’ Israeley naho i ampelay, le nitsa­mantak’ am-pisafoañe. Aa le nijihetse ty angorosy añivo’ o ana’Israeleo. 
\v 9 Ro’ale-tsi-efats’ arivo ty navetra’ i angorosiy.
\p
\v 10 Le hoe ty nitsara’ \nd Iehovà\nd* amy Mosè: 
\v 11 Fa nampihankañe’ i Pinekase ana’ i Elazare, ana’i Aharone Mpisoroñe amo ana’ Israeleo ty haboseko amy t’ie nahimbañe amo fahimbañako añivo’ iareo ao, le tsy nampangotomomoheko o ana’ Israeleo amy famarahiakoy. 
\v 12 Le hoe iraho: Atoloko aze ty fañinam-panintsiñako, 
\v 13 naho ty fañinam-pisoroñañe tsy modo, ho aze naho o tarira’e manonjohy azeo; amy t’ie nimpamarahy aman’ Añahare’e le nijebaña’e o ana’ Israeleo.
\p
\v 14 Ty tahina’ indati’ Israele tinomboke nindre amy ampela nte-Midianeiy, i Zimrý ana’ i Salò, mpiaolo’ ty anjom­ban-droae’ o nte-Simoneo. 
\v 15 Le ty añara’ i ampela nte-Midiane vinonoy, i Kozbý ana’ i Tsore mpiaolo’ ty anjomban-droae’e e Midiane ao.
\p
\v 16 Aa hoe t’\nd Iehovà\nd* amy Mosè, 
\v 17 Hehero o nte-Midianeo le rotsaho; 
\v 18 amy te nihehera’ iereo ami’ty fikiniàm-pamañahia’ iareo amy Peore naho amy Kozbý, ana’ i mpiaolo nte-Midianey, rahavave’ iareo tinomboke tañ’andro’ i angorosy e Peorey.
\c 26
\s1 Famoliliañe o Mpirai-nono Vaoo
\p
\v 1 Ie añe i angorosiy le nitsara amy Mosè naho i Elazare ana’ i Aharone mpisoroñe t’\nd Iehovà\nd* nanao ty hoe: 
\v 2 Volilio o valobohò’ Israeleo, ze roapolo taoñe mañambone, amo anjomban-droae’ iareoo, ze hene mahafiatrek’ aly e Israele ao. 
\v 3 Aa le nisaontsy am’ iereo t’i Mosè naho i Elazare a montom-bei’ i Moabe marine’ Iardeney tandrife Ierikò, ami’ ty hoe: 
\v 4 Volilio ondatio, ze roapolo taoñe mañambone, ami’ty nandilia’ \nd Iehovà\nd* i Mosè, naho o ana’ Israele niavotse an-tane Mitsraimeo:
\p
\v 5 I Reòbene ty tañoloñoloña’ Israele. O tarira’ i Reòbeneo: boak’ amy Hanoke, o nte-Hanokeo; boak’ amy Palò o nte-Palòo, 
\v 6 boak’ amy Ketsrone o nte-Ketsroneo, boak’ amy Karmý o nte-Karmio. 
\v 7 Zao o hasavereña’ o nte-Reòbeneoo: ze niaheñe ama’e ni-efats’ ale-tsi-telo-arivo-tsi-fiton-jato-tsi-telopolo. 
\v 8 Le o tarira’ i Palòo: i Eliabe, 
\v 9 o ana’i Eliabeo: i Nemoele, i Datane, i Abirame nisolom-bata’ i valobohòkeiy nirekets’ amy Korahke, ie niola amy Mosè naho i Aharone vaho niola am’ \nd Iehovà\nd*y, 
\v 10 ie nanokafa’ i taney vava, nampigedrañ’e i Korahke naho nañomake i màroy, vaho namorototo indaty roanjato-tsi-limampolo rey añ’afo, hanjaria’ iareo hatahata. 
\v 11 Fe tsy nihomake o ana’ i Korahkeo.
\p
\v 12 O tarira’ i Simone amo hasave­reña’eoo boak’amy Nemoele o nte-Nemoeleo, boak’ am’ Iamine o nte-Iamineo, boak’ am’ Iakine o nte-Iakineo, 
\v 13 boak’amy Zerake o nte-Zerakeo, boak’ amy Saòle o nte-Saòleo; 
\v 14 zao o hasavereña’ i Simoneo: ro’ ale-tsi-ro’ arivo-tsi-roan-jato.
\p
\v 15 O tarira’ i Gade amo hasavereña’eoo: boak’ amy Tsefone o nte-Tsefoneo, boak’ amy Kagý o nte-Kagio; boak’ amy Soný o nte-Sonìo; 
\v 16 boak’ amy Ozný o nte-Oznio, boak’ amy Airý o nte-Airio; 
\v 17 boak’ amy Arode o nte-Arodeo, boak’ amy Arelý o nte-Arelio; 
\v 18 zao o hasavereña’ i Gadeo, amo niaheñe ama’eo, efats’ale-tsi-liman-jato.
\p
\v 19 Ty ana’ Iehodà, i Ere naho i Onane; fe nihomak’ an-tane Kanàne añe t’i Ere naho i Onane, 
\v 20 le o tarira’ Iehodà an-kasavereña’eo: boak’amy Selà o nte-Selao; boak’ amy Peretse o nte-Peretseo; boak’ amy Zèrake o nte-Zèrakeo. 
\v 21 Le ty ana’ i Peretse: boak’ amy Ketsròne o nte-Ketsroneo; le boak’ amy Kamòle o nte-Kamoleo. 
\v 22 Zao o hasavereña’ Iehodà amo niaheñeoo: fito-ale-tsi-eneñ’arivo-tsi-liman-jato.
\p
\v 23 O tarira’ Isakhare amo hasave­reña’eoo: boak’ amy Tolà o nte-Tolào; boak’ amy Poà o nte-Poao; 
\v 24 boak’am’ Iasòbe o nte-Iasobeo; boak’ amy Simrone o nte-Simroneo; 
\v 25 zao o hasave­reña’ Isakhare amo niaheñeoo: eneñ’ale-tsi-efats’ arivo-tsi-telonjato.
\p
\v 26 O tarira’ i Zebolone amo hasave­reña’eoo: boak’ amy Serede o nte-Seredeo; boak’amy Elone o nte-Eloneo; boak’am’ Iakleèle o nte-Iakleeleo; 
\v 27 zao o hasavereña’ i Zeboloneo amo niaheñeo: eneñ’ ale-tsi-liman-jato.
\p
\v 28 Ty ana’ Iosèfe amo tarira’ i Menasè naho i Efraimeo: O tarira’ i Menasè amo hasavereña’eoo: 
\v 29 boak’amy Makìre o nte-Makireo, le nasama’ i Makìre t’i Gilàde, o hasavereña’ Gilàdeo; 
\v 30 zao ro ana’ i Gilade: boak’ am’ Ièzere o nte-Iezereo; boak’ amy Kàileke o nte-Kailekeo; 
\v 31 boak’ amy Asrièle o nte-Asrieleo; boak’ amy Sèkeme o nte-Sèkemeo; boak’ 
\v 32 amy Semidà o nte-Semidao; boak’ amy Kàifere o nte-Kaifereo; 
\v 33 tsy nanañ’ anadahy t’i Tselofekhàde ana’ i Kàifere; ty añara’ o anak’ ampela’eo le Maklà, i Noà, i Koglà, i Milkà, vaho i Tirtsà. 
\v 34 O niaheñe amo hasavereña’ i Menasèo: lime-ale-tsi-ro’arivo-tsi-fitonjato.
\p
\v 35 O tarira’ i Efraime amo hasavereña’eoo: boak’ amy Sotèlake o nte-Sotèlakeo; boak’ amy Bèkere o nte-Bekereo; boak’ amy Tàkane o nte-Takaneo; 
\v 36 le amo ana’ i Sotèlakeo: boak’ amy Eràne o nte-Eraneo. 
\v 37 Aa o niaheñe amo hasavereña’ i Efra­imeoo: telo-ale-tsi-ro’ arivo-tsi-liman-jato. Izay o tarira’ Iosèfe amo hasavereña’eoo.
\p
\v 38 O tarira’ i Beniamène amo hasavereña’eoo: boak’ amy Bèla o nte-Belao; boak’ amy Asbèle o nte-Asbeleo; boak’ amy Akiràme o nte-Akirameo; 
\v 39 boak’ amy Sefofàme o nte-Sefofameo; boak’ amy Kofàme o nte-Kofameo. 
\v 40 O ana’ i Belao: i Arde naho i Naamàne: boak’ amy Arde o nte-Ardeo; boak’ amy Naamane o nte-Naamaneo. 
\v 41 Aa o niaheñe amo hasavereña’ i Beniamèneoo: efats’ ale-tsi-lime-arivo-tsi-enenjato.
\p
\v 42 O tarira’ i Dane amo hasavereña’eoo: boak’ amy Sokàme o nte-Sokameo; Zao o tarira’ i Dane amo hasavereña’eoo; 
\v 43 le ty ia’ o nte-Sokàmeo amo niaheñeo: eneñ’ ale-tsi-efats’ arivo-tsi-efa-jato.
\p
\v 44 O tarira’ i Asere amo hasave­reña’eoo: boak’ am’ Imnà o nte-Imnao; boak’am’ Isvý o nte-Isvìo; boak’ amy Berìa o nte-Beriao. 
\v 45 Aa naho o ana’ i Beriao: boak’ amy Kèbere o nte-Kèbereo; boak’ amy Malkièle o nte-Malkieleo; 
\v 46 le Sèrake ty tahina’ ty anak’ ampela’ i Asere. 
\v 47 Zao o tarira’i Asere amo hasavereña’e niaheñeoo lime-ale-tsi-telo-arivo-tsi-efa-jato.
\p
\v 48 O tarira’i Naftalý an-kasavereña’eo: boak’ am’ Iaktseèle o nte-Iaktseèleo; boak’ amy Goný o nte-Gonio; 
\v 49 boak’ am’ Iètsere o nte-Iètsereo; boak’ amy Silème o nte-Silemeo; 
\v 50 Zao o tarira’ i Asere amo hasavereña’e niaheñeo: efats’ ale-tsi-lime-arivo-tsy efa-jato.
\p
\v 51 Aa le ty ia’ o ana’ Israele niaheñeo: enen-ketse-tsi-arivo-tsi-fitonjato-tsi-telopolo.
\p
\v 52 Le hoe ty nitsara’ \nd Iehovà\nd* amy Mosè: 
\v 53 Amo retiañe ty anjaràñe i taney ho lova ty ami’ty ia’ o tahinañeo. 
\v 54 Ho tolora’o lova bey ty maro le hanjarà’o lova kede ty tsy ampeampe; songa hanoloran-dova ami’ty hamaro’ o vinolily ama’eo. 
\v 55 Le an-tsapake ty hanjarañe i taney; ami’ty tahinan-droae’ o fifokoañeo ty handovà’ iareo aze. 
\v 56 Tsato-piso ty hanjarañe i lovay añivo’ ty maro naho ty tsy ampeampe.
\p
\v 57 Le zao ty famoliliañe o nte-Levio amo amori’eo: boak’ amy Geresòne o nte-Geresoneo, boak’ amy Kehàte o nte-Kehàteo; boak’amy Merarý o nte-Merario; 
\v 58 le zao ty hasavereña’ o nte-Levio: ty hasavereña’ o nte-Libnìo, ty hasavereña’ o nte-Kebronio, ty hasavereña’ o nte-Maklìo; ty hasavereña’ o nte-Mosìo; vaho ty hasavereña’ o nte-Korahkìo. Le nisamake i Amrame t’i Kehate; 
\v 59 Iokèbede ana’ i Levy ty tahina’ ty vali’ i Amrame, nasama’ i Amrame t’i Aharone naho i Mosè vaho i Miriame rahavave’ iareo. 
\v 60 Nasama’ i Aharone t’i Nadàbe naho i Abihò naho i Elazare vaho Itamare; 
\v 61 sambe nihomake t’i Nadabe naho i Abiho, ie nañenga afo tsie am’ \nd Iehovà\nd*. 
\v 62 Ty ia’ o niaheñe am’ iereoo: ro’ale-tsi-telo-arivo, songa lahilahy vola’e raike mañambone; ie tsy niaheñe amo ana’ Israeleo, amy te tsy nanoloran-dova amo ana’Israeleo.
\p
\v 63 Irezay ty namolilia’ i Mosè naho i Elazare mpisoroñe, ie namolily o ana’ Israeleo an-tanemira’ i Moabe añ’olo’ Iardeney tandrife’ Ierikò eo. 
\v 64 Le amo vinolilio, leo raike tsy niahe’ i Mosè naho i Aharone mpisoroñe tamy famoliliañe o ana’ Israeleo am-patrambey Sinaiy. 
\v 65 Amy tsinara’ \nd Iehovà\nd* am’ iareo ty hoe: Toe hivetrak’ am-patrambey ao iereo, aa le tsy nengàn-dahilahy naho tsy i Kalebe ana’ Iefone naho Iehosoa ana’ i None avao.
\c 27
\s1 O Anak’Ampela’ i Tselofekàdeo
\p
\v 1 Niheo mb’eo amy zao o anak’ ampela’ i Tselofekhàde ana’ i Kèfere, ana’ i Gilàde, ana’i Makìre, ana’i Menasè ana’ Iosefeo; le zao ty tahina’ o anak’ ampela’eo: i Maklà, i Noae, Kog­làe, i Milka, vaho i Tirtsà, 
\v 2 naho nijohañe añatrefa’ i Mosè naho i Elazare mpisoroñe naho o roandriañeo naho i hene valobohòkey an-dalan-kibohom-pamantañañe eo, nanao ty hoe: 
\v 3 Nivilasy am-patrambey añe ty rae’ay, f’ie tsy ni-mpiamo nifanontoñe niatreatre am’ \nd Iehovà\nd*o, tsy ni-mpiamy Kòrahke, fa nihomak’ amo hakeo’eo avao vaho tsy nanañ’ ana-dahy. 
\v 4 Aa vaho hasintak’ aman-drolongo’e hao ty tahinan-drae’ay amy te tsy aman’ anadahy? Ehe anoloro lova amo longon-droae’aio.
\p
\v 5 Nente’ i Mosè añatrefa’ \nd Iehovà\nd* i saontsy zay. 
\v 6 Le nitsara amy Mosè t’\nd Iehovà\nd* nanao ty hoe: 
\v 7 Mivolan-tò o anak’ ampela’ i Tselofekàdeo; toe hitolora’o lova amo lovan-drahalahin-drae’eo, vaho hampandovae’o ty lovan-drae’e. 
\v 8 Le saontsio amo ana’ Israeleo ty hoe: Naho vilasy t’indaty tsy nampipok’ ana-dahy, le hampandovae’ areo o anak’ ampela’eo ty lova’e. 
\v 9 Aa ie tsy aman’ anak’ampela le hatolo’o an-droahalahi’e ty lova’e. 
\v 10 Aa ie tsy aman-drahalahy, le hatolo’o an-droahalahin-drae’e ty lova’e. 
\v 11 Aa naho tsy aman-drahalahy ty rae’e le hatolo’o amy ze longo marine aze amy fifokoa’ey i lova’ey, vaho ie ty handova aze; ho fañè-jaka amo ana’ Israeleo izay amy nandilia’ \nd Iehovà\nd* i Mosèy.
\s1 Norizañe handimbe i Mosè t’Iehosoa
\p
\v 12 Aa le hoe t’\nd Iehovà\nd* amy Mosè: Mañambonea am-bohi’ Abarìme mb’ atoy, le oniño i tane atoloko amo ana’ Israeleoy. 
\v 13 Aa ihe mahaisak’ aze, le hatontoñe amo longo’oo manahake ty nanontoñañe i Aharone amo raha­lahi’eo. 
\v 14 Amy te niola’o i lilikoy amy nifandiera’ i valobohòkey am-patrambei’ i Tsiney, ihe tsy nañonjoñe ty engeko añatrefa’ iereo amy ranoy. (Ie i rano natao Meribà e Kadese am-pa­tram-bei’ i Tsiney.)
\p
\v 15 Le nisaontsy am’ \nd Iehovà\nd* t’i Mosè nanao ty hoe, 
\v 16 Ee te hanendre ondaty hifehe i valobohòkey t’\nd Iehovà\nd* Andrianañaharen’ arofo’ ze hene nofotse, 
\v 17 ie ty hiakatse naho hizilik’ añatrefa’ iareo, naho hiaolo iareo te mionjoñe, vaho hampipoly iareo, tsy mone hanao lian’ añondry tsy amam-piarake ty valobohò’ \nd Iehovà\nd*.
\p
\v 18 Le hoe t’\nd Iehovà\nd* amy Mosè: Rambeso t’Iehosoa, ana’ i None, ondaty aman’ arofo, le anampezo fitàñe; 
\v 19 avotraho aolo’ i Elazare naho añatrefa’ i valobohòkey re le orizo am-pahaoniña’ iareo. 
\v 20 Le andivao ama’e ty lili’o, hivohora’ ty valobohò’ Israele. 
\v 21 Hijohañe añatrefa’ i Elazare mpisoroñe re, le ie ty hañontane ho aze ami’ ty fizakà’ i Orime añatrefan’ Añahare. Amy saontsi’ey ty hiavota’ iareo vaho amy saontsi’ey ty hiziliha’ iareo; ie naho o ana’ Israele mindre ama’eo, i valobohòkey. 
\v 22 Aa le nanoe’ i Mosè i nandilia’ \nd Iehovà\nd* azey. Rinambe’e t’Ie­ho­soa vaho nampiheove’e añatrefa’ i Elazare mpisoroñe naho i valobohòkey; 
\v 23 le nanongoa’e fitàñe vaho namantok’ aze, amy natoro’ \nd Iehovà\nd* am-pità’ i Mosey.
\c 28
\s1 O Enga Boak’Androo
\r Avo. 29.38-46
\p
\v 1 Hoe ty nitsara’ \nd Iehovà\nd* amy Mosè: 
\v 2 Lilio o Ana’ Israeleo naho ano ty hoe: Ambeno’ areo amy andro famantañañ’ azey ty hañengàñe amako i hanekoy, i soroñañe amako ho hàñin-kanintsiñe amakoy. 
\v 3 Le ano ty hoe iereo: Zao ty hisoroñañe am’ \nd Iehovà\nd* andro am-pohatse ho lilim-pisoroñañe: vik’ añondrilahy roe tsy aman-kandra. 
\v 4 Hengae’o maraindray ty vik’ añondry vaho hengae’o folakandro ty faharoe, 
\v 5 reketse mona fahafolo’ ty efà linaro mena-piniritse fahèfa’ ty hine ho enga-mahakama. 
\v 6 Ie lilim-pisoroñañe norizañe ambohi-Sinay añe ho hàñin-kanintsiñe, fisoroñañe am’ \nd Iehovà\nd*. 
\v 7 Le songa añengañe enga-rano fahèfa’ ty hine i añondry roe rey; ailiñe am’ \nd Iehovà\nd* amy toe-miavakey i divay soay ho enga-rano. 
\v 8 Engae’o ami’ ty folakandro i vik’ añondry ila’ey rekets’ i enga-maha­kama’ey naho i enga-rano’ey, hambañe amy nañengañe amy maraiñeiy ty hañenga’o aze: soroñe ho hàñin-kanintsiñe am’ \nd Iehovà\nd*.
\s1 Enga-t\nd Sabata\nd*
\p
\v 9 Ie ami’ty andro Sabotse, le vik’ añondrilahy roe tsy aman-kandra, naho mona fahafolo’ ty efa roe ho enga-mahakama, linaro menake naho i enga-rano’ey: 
\v 10 zay ty hisoroñañe boa-t\nd Sabata\nd* ambone’ i enga hisoroñañe boak’ àndroy rekets’ i enga-rano’ey.
\s1 Engam-Pea-bolañe
\p
\v 11 Mañengà soroñe am’ \nd Iehovà\nd* amo jiri-bola’ areoo: bania roe, añon­drilahy raike, vik’ añondrilahy fito tsy aman-kandra; 
\v 12 naho songa mona fahafolo’ ty efà telo linaro menake ty bania; naho fahafolo’ ty efà roe linaro menake ho enga-mahakama, i añondri­lahiy; 
\v 13 le sindre mona fahafolo’ ty efà linaro menake ho enga-mahakama ty vik’ añondry, enga olorañe, hàñin-kanintsiñe, soroñañe am’ \nd Iehovà\nd*. 
\v 14 songa ho divay vaki’ ty hine ty bania, sindre fahatelo’ ty hine i añondrilahiy vaho fonga fah’efa’ ty hine ty vik’ añondry. Izay ty hisoroñañe an-jiri-bola’ ze hene volañe amo taoñeo. 
\v 15 Le forototò ho engan-kakeo am’ \nd Iehovà\nd* ty oselahy; ho tovo’ i soroñe boak’ andro rekets’ i enga-rano’eiy.
\s1 Enga amy Fihelañey
\r Its 23.5-14
\p
\v 16 Ami’ty andro faha-folo-efats’ambi’ i volam-baloha’ey ty Pèsa’ \nd Iehovà\nd*. 
\v 17 Le hanoeñe sabadidake amy andro faha folo-lime-ambi’ i volañeiy; ho kamaeñe fito andro ty mofo po-dalivay. 
\v 18 Hanao fañohara-miavake nahareo amy andro valoha’ey; tsy itolonan-draha. 
\v 19 Le mibanabanà enga hisoroñañe am’ \nd Iehovà\nd*: bania roe, ty añondrilahy, naho ty vik’ añondrilahy fito, asoao te tsy aman-kandra. 
\v 20 Mona linaro menake ty enga-maha­kama’ iareo, songa fahafolo’ ty efà telo ty bania, naho fahafolo’ ty efà roe i añondrilahiy; 
\v 21 le sindre fahafolo’ ty efà ty vik’ añondry, ho a i vi’e fito rey; 
\v 22 vaho oselahy ty ho engan-kakeo hijebañañe anahareo. 
\v 23 Halankañe’ areo ho tovo’ i enga marain­draiñey, i enga boak’ androy. 
\v 24 Izay ty fañengañe boak’ andro, fito andro, ty mahakama’ i enga fisoroñañey, hàñin-kanintsiñe am’\nd Iehovà\nd*, engaeñe ho tovo’ i enga boak’ àndroy naho i enga-rano’ey. 
\v 25 le hanao fañohara-miavake nahareo ami’ty andro fahafito. Tsy itoloñan-draha.
\s1 Enga ami’ty Takatakan-Kereñandro
\r Its 23.15-22
\p
\v 26 Ie amy andron-dengom-boay, le mibanabanà enga-mahakama vao am’ \nd Iehovà\nd* amy sabadida-kereñandro’ areoy, le ano fañohara-miavake vaho ko mitolon-draha. 
\v 27 Mibanabanà enga hisoroñañe ho hàñin-kanintsiñe am’ \nd Iehovà\nd*: bania roe, ty añondri­lahy raike vaho ty vik’añondrilahy fito, 
\v 28 mitraok’ ami’ty mona linaro menake ho enga-mahakama’e: songa fahafolo’ ty efà telo ty bania, naho fahafolo’ ty efà roe i añondrilahiy 
\v 29 sindre fahafolo’ ty efà ty vik’ añondry ho amy vi’e fito rey; 
\v 30 vaho ty vik’ oselahy hijebañañe anahareo. 
\v 31 Hengae’ areo ho tovo’ i soroñañe nainai’ey rezay, naho o enga mahakama’e naho enga-rano’e. Asoao t’ie tsy ho aman-kandra.
\c 29
\s1 Enga amy Sabadidak’ Antsivay
\r Its 23.23-25
\p
\v 1 Amy andro valoha’ i volam-pahafitoy, le hanao fañohara-miavake nahareo. Tsy hitolon-draha, fa andro fipoñafam-peo ho anahareo. 
\v 2 Mañengà soroñe, hàñin-kanintsiñe am’ \nd Iehovà\nd*: ty bania, ty añondrilahy vaho ty vik’ añondrilahy fito tsy aman-kandra. 
\v 3 Ty enga-mahakama’e le mona linaro menake: telo am-pahafolo’ ty efà ho amy baniay, le roe am-pahafolo’ ty efà ho amy añondrilahiy, 
\v 4 le songa fahafolo’ ty efà ty vik’ añondrilahy amy fito rey; 
\v 5 vaho ty vik’ oselahy ho engan-kakeo hañeferañe anahareo, 
\v 6 ho tovo’ i enga hisoroñañe amy pea-bolañeiy, rekets’ i enga-mahakama’ey naho i soroñe boak’ àndroy rekets’ o enga-mahakama’eo naho o enga-rano’eo miomba ty fañè’ iareo, ho hàñin-kanintsiñe soroñañe am’\nd Iehovà\nd*.
\s1 Enga amy Andro Fañeferañey
\r Its 23.26-32
\p
\v 7 Amy andro faha-folo’ i volam-paha-fitoy ty hanoa’ areo fañohara-miavake, le hilie-batañe tsy hifanehak’ amo tolon-draha’ areoo. 
\v 8 Hañenga soroñe am’ \nd Iehovà\nd* nahareo; hàñin-kanintsiñe: bania raike, añondrilahy raike, naho vik’ añondrilahy fito, songa tsy aman-kandra. 
\v 9 Ty enga-mahakama ama’e le mona linaro menake: fahafolo’ ty efà telo i baniay, fahafolo’ ty efà roe i añondrilahiy, 
\v 10 naho sindre fahafolo’ ty efà ty vik’ añondry amy vi’e fito rey; 
\v 11 vaho ty vik’oselahy ho engan-kakeo, ho tovo’ i engan-kakeo ho ,fijebañañey naho i soroñe boak’ àndroy rekets’ o enga-mahakama’eo naho o enga-rano’eo.
\s1 Enga amo Sabadida-Kibohotseo
\r Its 23.33-44
\p
\v 12 Amy andro faha folo-lime-ambi’ i volam-paha-fitoy, manoa fañohara-miavake le ko mitolon-draha, vaho ano sabadidak’ am’ \nd Iehovà\nd* fito andro. 
\v 13 Mañengà soroñe, engan-koroañe ho hàñin-kanintsiñe am’ \nd Iehovà\nd*: bania folo-telo’ amby, añondrilahy roe naho vik’ añondrilahy folo-efats’ amby, songa tsy aman-kandra. 
\v 14 Ty enga-mahakama’ iareo, le mona linaro menake: songa ty faha­folo’e telo i bania folo-telo’amby rey, sindre ty faha­folo’e roe i añondrilahy roe rey, 
\v 15 vaho sambe ty fahafolo’e i vik’ añondrilahy folo-efats’ amby rey 
\v 16 le ty vik’ose ho engan-kakeo, tovo’ i soroñe boak’ andro rey, naho i enga-mahakama’ey naho i enga-rano’ey.
\p
\v 17 Amy andro faha-roey: bania folo-ro’ amby; añondrilahy roe, vik’ añondry folo-efats’ amby tsy aman-kandra, 
\v 18 naho ty enga-mahakama naho enga-rano amy bania rey naho amy añondrilahy rey vaho amy vik’ añondrilahy rey, ty amy ia’ iareo naho i fañè’ey; le ty vik’oselahy ho engan-kakeo, 
\v 19 tovo’ i soroñe boak’ àndroy naho i enga-mahakama’ey vaho i enga-rano’ey.
\p
\v 20 Amy andro faha teloy: bania folo-raik’amby; añondrilahy roe, vik’ añondry folo-efats’amby tsy aman-kandra, 
\v 21 naho ty enga-mahakama naho enga-rano amy bania rey naho amy añondrilahy rey vaho amy vik’ añondrilahy rey, ty amy ia’ iareo naho i fañè’ey; 
\v 22 le vik’ oselahy raike ho engan-kakeo, tovo’ i soroñe boak’ àndroy naho i enga-mahakama’ey naho i enga-rano’ey.
\p
\v 23 Amy andro fahefatsey: bania folo, añondrilahy roe, vik’añondry folo-efats’ amby tsy aman-kandra, 
\v 24 naho ty enga-mahakama naho enga-rano amy bania rey naho amy añondrilahy rey vaho amy vik’ añondrilahy rey, ty amy ia’ iareo naho i fañè’ey; 
\v 25 le ty vik’oselahy ho engan-kakeo, tovo’ i soroñe boak’ àndroy naho i enga-mahakama’ey vaho i enga-rano’ey.
\p
\v 26 Amy andro fahalimey: bania sive, añondrilahy roe, vik’ añondry folo-efats’amby tsy aman-kandra, 
\v 27 naho ty enga-mahakama naho enga-rano amy bania rey naho amy añondrilahy rey vaho amy vik’ añondrilahy rey, ty amy ia’ iareo naho i fañè’ey; 
\v 28 le ty vik’ oselahy ho engan-kakeo tovo’ i soroñe boak’ àndroy naho i enga-mahakama’ey vaho i enga-rano’ey.
\p
\v 29 Amy andro faheneñey: bania valo, añondrilahy roe, vik’ añondry folo-efats’amby tsy aman-kandra, 
\v 30 naho ty enga-mahakama naho enga-rano amy bania rey naho amy añondrilahy rey vaho amy vik’ añondrilahy rey, ty amy ia’ iareo naho i fañè’ey; 
\v 31 le ty vik’ oselahy ho engan-kakeo tovo’ i soroñe boak’ àndroy naho i enga-mahakama’ey vaho i enga-rano’ey.
\p
\v 32 Amy andro faha-fitoy: bania fito, añondrilahy roe, vik’ añondry folo-efats’amby tsy aman-kandra, 
\v 33 naho ty enga-mahakama naho enga-rano amy bania rey naho amy añondrilahy rey vaho amy vik’ añondrilahy rey, ty amy ia’ iareo naho i fañè’ey; 
\v 34 le ty vik’ oselahy ho engan-kakeo, tovo’ i soroñe boak’ àndroy naho i enga-mahakama’ey vaho i enga-rano’ey.
\p
\v 35 Amy andro faha-valoy le manoa fifanontoñañe miavake naho ko mitolon-draha. 
\v 36 Mañengà soroñe, banabana oroañe, hàñin-kanintsiñe am’ \nd Iehovà\nd*: ty bania, le ty añondrilahy naho vik’ añondrilahy fito tsy aman-kandra, 
\v 37 naho ty enga-mahakama naho enga-rano amy baniay naho amy añondrilahy rey vaho amy vik’ añondrilahy rey, ty amy ia’ iareo naho i fañè’ey; 
\v 38 le vik’oselahy raike ho engan-kakeo, tovo’ i soroñe boak’ àndroy naho i enga-mahakama’ey vaho i enga-rano’ey.
\p
\v 39 Ie ty hengae’ areo am’ \nd Iehovà\nd* amo andro namantañañeo, (mandikoatse ze enga-ava-panta ndra engan-tsatrin’ arofo’ areo) ho fisoroña’ areo naho ho enga-rano’ areo vaho ho engam-pañanintsi’ areoo.
\p
\v 40 Aa le nitaroñe’ i Mosè amo ana’ Israeleo, ze hene nafanto’ \nd Iehovà\nd* amy Mosèy.
\s1 O Fantao
\p
\c 30
\p  
\v 1 Le nanao ty hoe amo talèm-pifokoa’ o ana’ Israeleoo t’i Mosè: Zao ty nandilia’ \nd Iehovà\nd*: 
\v 2 Naho mifanta am’ \nd Iehovà\nd* t’indaty, ndra mitangèñe hifahara’ ty arofo’e ami’ty lahatse, le tsy hivalik’ amy saontsi’ey re, fa hanoe’e ze hene miakatse am-palie’e.
\p
\v 3 Aa naho mifanta am’ \nd Iehovà\nd* ty ampela, ke mitan-ty vata’e aman-titike, ie añ’anjom­ban-drae’e ao naho mbe somondrara, 
\v 4 fa naho mahajanjiñe i nifantà’ey ty rae’e naho i titike namahora’e ty tro’ey vaho mianjiñe avao ty rae’e, le fonga hijadoñe o nifantà’eo, le hifahatse ze titike namahora’e troke. 
\v 5 F’ie lieren-drae’e amy andro naha­janjiña’e azey, le tsy hijadoñe i nifantà’ey ndra ze titike namahora’e troke vaho hapo’ \nd Iehovà\nd* ty aze, ty amy lien-drae’ey.
\p
\v 6 Aa ie nengaen-dahy te vahoram-panta, ke t’ie finehe’ ze volañe naakan-tsoñi’e tsy nisatrie’e, 
\v 7 le ie janji’ ty vali’e fe tsy mañaoñe amy andro nijanjiña’e azey, le hijadoñe i nifantà’ey vaho hifahatse ze titike nama­hora’e troke. 
\v 8 F’ie liere’ ty vali’e amy andro nijanjiña’e azey le hapo’e i fanta nifehe azey, ndra i volan-tsoñi’e tsy nisatrie’e namahora’e trokey; toe hado’ \nd Iehovà\nd*. 
\v 9 (Fe ze nifantà’ ty vantotse ndra ty nariam-baly, ie namahotse ty arofo’e, le hijadoñe hifehe aze izay.) 
\v 10 Aa naho nifanta añ’an­jom­bam-bali’e ao, ke namaho-batañe aman-titike 
\v 11 naho nahajanjiñe aze i vali’ey ie tsy nandietse, le hijadoñe iaby o nifantà’eo vaho hifahatse ama’e ze titike namahora’e arofo. 
\v 12 F’ie avali’ ty vali’e amy andro naha­janjiña’ey, le tsy hijadoñe ndra inoñ’ inoñe niakats’ an-tsoñi’e amo ni­fantà’eo ndra amy titike namahora’e trokey; fa navali’ ty vali’e, le hapo’ \nd Iehovà\nd* re ty ama’e. 
\v 13 Ze fanta ndra titike famahoram-batañe, le azo ty vali’e ajadoñe ndra faoheñe. 
\v 14 Fe naho tsy mañaoñe aze handro am-pohatse i vali’ey, le hene hampijadoñe’e o nifantà’eo, naho ze mamahotse ty tro’e; toe niventese’e, kanao tsy nisaontsie’e amy andro nahajanjiña’e azey. 
\v 15 Aa naho avali’e t’ie añe i nijanjiña’e azey le hivave i tahi’ey i lahilahiy.
\p
\v 16 Ie o fañè linili’ \nd Iehovà\nd* añamy Mosèo amy t’indaty naho i vali’ey, naho aman-drae naho ty anak’ ampela’e mbe kede añ’ anjomban-drae’e ao.
\c 31
\s1 Hotakotak’ amy Midiane
\p
\v 1 Hoe ty nitsara’ \nd Iehovà\nd* amy Mosè, 
\v 2 Ampamaleo fate amo nte-Midianeo o ana’ Israeleo. Ie heneke izay le hatontoñe am’ondati’oo irehe. 
\v 3 Aa le nisaontsy am’ ondatio t’i Mosè nanao ty hoe: Ampidiaño ty ila’e ama’ areo hialy, vaho iraho haname o nte-Midianeo hamale i Midiane ty am’ \nd Iehovà\nd*. 
\v 4 Songa hañitrik’ arivo mb’amy aliy mb’eo ze fifokoa’ Israele. 
\v 5 Aa le hene nanolotse arivo boak’ amy lahiale’ Israeley o fifokoañeo, rai-ale-tsi-ro’arivo reke-pialiañe. 
\v 6 Le nampionjone’ i Mosè mb’ añ’aly mb’eo kiarivo-kiarivo’ o fifokoañeo; le nampindreze’e am’ iereo t’i Pinekàse ana’ i Elazàre ninday o fanake miavakeo naho o antsiva fikoihañeo am-pità’e. 
\v 7 Tiname’ iareo t’i Midiane ami’ty nandilia’ \nd Iehovà\nd* i Mosè vaho vinono ze hene atao lahilahy. 
\v 8 Fonga naharo vono am’ iereo o mpanjaka’ i Midianeo: i Evý, naho i Rèkeme naho i Tsore naho i Kòre vaho i Rèba; i mpanjaka’ i Midiane lime rey vaho vinono am-pibara ka t’i Balame ana’i Beore. 
\v 9 Le kinopa’ o ana’ Israeleo ze hene rakemba naho o keleia’ o nte-Midianeoo, naho hene kinopa’ iareo o añombeo naho o mpirai-lia’eo naho o vara’eo; 
\v 10 fonga finorototo añ’ afo o rova nimoneña’ iareoo naho ze hene tobe’ iareo, 
\v 11 le rinambe’ iareo ze dinohitse iaby naho ze fonga kinopake: ondaty naho hare. 
\v 12 Nendese’ iareo mb’ amy Mosè naho i Elazare mpisoroñe naho i valobohò’ Israeley mb’eo ondaty iabio naho o varao vaho ze raha kinopake mb’ an-tobe a montombei’ i Moabe aolo’ Iardeney tandrife Ieriko mb’eo.
\s1 Fimpoliañe boak’ amy Aliy
\p
\v 13 Niavotse amy zao t’i Mosè naho i Elazare mpisoroñe naho o talè’ i valobohòkeio hifanalaka am’ iereo alafe’ i tobey. 
\v 14 Fe niviñera’ i Mosè o mpiaolo’ o lahindefoñeoo, naho i mpifelek’ arivo rey, naho i mpifehe ki-zato rey, o niboak’ amy hotakotakeio. 
\v 15 Le hoe t’i Mosè am’ iereo: Hene nenga’ areo ho veloñe hao o ampelao? 
\v 16 Inao, ie ty nampiola o ana’ Israeleo amy \nd Iehovà\nd* ie nikililie’ i Balame amy raha e Peorey, vaho nametsahañe angorosy ty valobohò’ \nd Iehovà\nd*. 
\v 17 Aa le fonga vonò ze lahilahy amo keleia’eo naho ze ampela fa niolots’ ama’ ondaty. 
\v 18 Fe tano ho anahareo ze ampela mbe tsy niharo sarimbo ama’ ondaty. 
\v 19 Le ie namono ondaty ndra nitsapa ty vinono ro mitoboha alafe’ i tobey fito andro; miefera vatañe ami’ty andro faha-telo naho ami’ ty andro faha-fito; inahareo naho o finao’ areoo. 
\v 20 Le liovo iaby ze sikiñe naho ze nanoeñe an’ angozy naho ze ri­nare am-bolon’ ose vaho ze raha an-katae.
\p
\v 21 Le hoe t’i Elazare mpisoroñe amo lahin-defo niatreke i aliio: Zao ty fañèmpètse linili’ \nd Iehovà\nd* i Mosè: 
\v 22 ze volamena naho volafoty naho torisìke naho viñe naho endraendra vaho firake— 
\v 23 ze raha mete asitrik’ añ’afo avao—ro hampisorohe’ areo añ’afo, le halio, f’ie mbe heferañe an-dranom-pañeferañe. Le ze raha tsy mahaleo afo ro hampisoroheñe rano. 
\v 24 Le ho sasà’ areo ami’ ty andro faha-fito ty siki’ areo vaho halio, ie heneke izay le mahazo mizilik’ an-tobe ao.
\s1 Ty Ondaty naho Vara Kinopakeo
\p
\v 25 Le hoe ty nitsara\nd ’\nd* \nd Iehovà\nd* amy Mosè: 
\v 26 Volilio, ihe naho i Elazare mpisoroñe naho o talèn-droae’eo ze fonga raha kinopake: ondaty naho hare. 
\v 27 Zarao roe o kinopakeo: ty raike ho amo nañavelo niatrek’ i aliio le ty raike ho amy valobohòkey. 
\v 28 Le ampandivao o lahindefoñe niatre-kotakotakeo ty raik’ ami’ ty liman-jato ho enga am’ \nd Iehovà\nd*, ke t’ie ondaty, he te añombe, ke borìke he añondry, hera ose. 
\v 29 Rambeso ami’ty vaki’ iareo, vaho atoloro amy Elazare mpisoroñe ho engan-kavoañe am’ \nd Iehovà\nd*. 
\v 30 Le ampandivao ami’ty anjara’ o ana’ Israeleo ka ty raik’ ami’ty limampolo’ ze ondaty naho añombe naho borìke naho añondry naho ze hare iaby vaho atoloro amo nte-Levy mpiatrake i kivoho’ \nd Iehovà\nd*io. 
\v 31 Le nanoe’ i Mosè naho i Elazare mpisoroñe i nandilia’ \nd Iehovà\nd* i Mosey.
\p
\v 32 Ty vara nisisa amy nikopahe’ o lahindefoñeoy le añondry enen-ketse-tsi-fito-ale-tsi-lime-arivo, 
\v 33 naho añombe fito-ale-tsi-ro’arivo, 
\v 34 naho borìke eneñ’ ale-tsi-arivo, 
\v 35 naho ondaty telo-ale-tsi-ro’ arivo: hene somondrara mboe tsy niolots’ ama’ ondaty.
\p
\v 36 Ty vaki’e raike, ty anjara’ o niatre-kotakotakeo, le añondry naho ose telo-hetse-tsi-telo-ale-tsi-fito-arivo-tsi-liman-jato, 
\v 37 le o añondry naho ose nengaeñe am’\nd Iehovà\nd*o enenjato tsy-fitompolo-lim’ amby. 
\v 38 Le telo-ale-tsi-eneñ’ arivo ty añombe, aa le fitom-polo-ro’ amby ty nengaeñe am’\nd Iehovà\nd*; 
\v 39 telo-ale-tsi-liman-jato ty borìke vaho enempolo-raik’ amby ty nengaeñe am’ \nd Iehovà\nd*; 
\v 40 rai-ale-tsi-eneñ’ arivo ty ia’ondatio vaho telopolo-ro’amby ty nengaeñe am’ \nd Iehovà\nd*. 
\v 41 Aa le natolo’ i Mosè amy Elazare mpisoroñe ty anjara’ \nd Iehovà\nd*, ami’ty nandilia’ \nd Iehovà\nd* i Mosè.
\p
\v 42 Aa naho ty vaki’ i valobohòke navi’ i Mosè ami’ty anjara’ o lahin­defoñeoy; 
\v 43 ty vaki’ i valobohòkey telo-hetse-tsi-telo-ale-tsi-fito-arivo-tsi-liman-jato añondry naho ose, 
\v 44 le telo-ale-tsi-eneñ’arivo ty añombe, 
\v 45 naho telo-ale-tsi-liman-jato ty borìke, 
\v 46 vaho rai-ale-tsi-eneñ’ arivo ty ia’ondatio. 
\v 47 Amy vaki’ o ana’ Israeleo, le nangala’ i Mosè raik’ ami’ty limampolo, ondaty naho hare, le natolo’e amo nte-Levio—o mpiatrake i kivoho’ \nd Iehovà\nd*o amy nandilia’ \nd Iehovà\nd* i Mosèy.
\p
\v 48 Niheo amy Mosè mb’eo amy zao o mpiaolo nifehe o arivo nialio, toe o mpifelek’ arivoo naho o mpifehe zatoo; 
\v 49 le nanao ty hoe amy Mosè: Fa niahe’ o mpitoro’oo o lahindefo nifelehe’aio, leo raike tsy nipoke. 
\v 50 Aa le mañenga ravoravo am’ \nd Iehovà\nd* zahay, ze niazo’ ondatio ke ravake volamena ke vangovango ke tsiandetse ke bange fitomboke ke kiviro he ètse, ho fijebañañe añatrefa’ \nd Iehovà\nd*. 
\v 51 Ri­nambe’ i Mosè naho i Elazare mpisoroñe am’ iereo o volamenao naho o bangeo vaho ze hene bijo, 
\v 52 le ty ton­tom-bolamena nengae’ iareo ho am’ \nd Iehovà\nd*, boak’ amo mpifelek’ arivoo vaho o mpifehe zatoo: rai-ale-tsi-eneñ’ arivo-tsi-fitonjato-tsi-limampolo sekele, 
\v 53 amy te songa nikopake ho am-bata’e o lahindefoñeo. 
\v 54 Aa le rinambe’ i Mosè naho i Elazare mpisoroñe amo mpifelek’ arivo naho zatoo i volamenay, vaho nendese’ iereo am-po’ i kibohom-pamantañañey ho fitiahiañe o ana’ Israeleo añatrefa’ \nd Iehovà\nd*.
\c 32
\s1 Ty Fizarañe ty atiñana’ Iardeney
\r Its 3.12-22
\p
\v 1 Ie amy zao ni-tsifotofoto ty añombe’ i fifokoa’ i Reòbene naho i Gade rey; aa ie nahaisake ty tane’ Ia’azère naho ty tane’ i Gilade, t’ie toe tane fiandrazañe añombe, 
\v 2 le nimb’amy Mosè naho i Elazare mpisoroñe naho mb’amo talè’ i valobohòkeio mb’eo o ana’ i Gadeo naho o ana’ i Reòbeneo ninday ty saontsy ty hoe: 
\v 3 I Ataròte naho i Dibone, naho Iaazère, naho i Nimrà, naho i Kesbòne, naho i Elalè, naho i Sebàme, naho i Nebò vaho i Beòne; 
\v 4 i tane ginio’ \nd Iehovà\nd* añatrefa’ i valobohò’ Israeleiy, le tane fiandrazañe añombe, vaho aman’ añombe o mpitoro’oo. 
\v 5 Tinovo’ iereo ty hoe: Aa naho nisoheñe am-pahaisaha’o, le atoloro amo mpi­toro’oo i tane zay ho fanaña’e, fa ko minday anay hitsake Iardeney.
\p
\v 6 Aa hoe ty navale’i Mosè o ana’i Gadeo naho o ana’ i Reobeneo, Aa vaho hiatrek’ aly o rahalahi’ areoo, le hihànitse atoy avao nahareo? 
\v 7 Ino ty hampimamoa’ areo ty arofo’ o ana’ Israeleo tsy hitsaha’e mb’an-tane nitolora’ \nd Iehovà\nd* mb’eo? 
\v 8 Izay ty nanoen-droae’ areo te niraheko boak’e Kadese-Barnea hitilike i taney. 
\v 9 Amy t’ie nionjoñe mb’ am-bavatane’ i Eskòle mb’eo vaho nahaoniñe i taney le nahamohake ty arofo’ o ana’ Israeleo tsy hizilik’ an-tane natolo’ \nd Iehovà\nd* iareo. 
\v 10 Aa le nisolebotse amy andro zay ty haviñera’ \nd Iehovà\nd* vaho nifanta ty hoe: 
\v 11 Toe tsy amo lahilahy roapolo taoñe mañambone niavotse i Mitsraimeo ty hahaisake ty tane nifantàko amy Avrahame naho am’ Ietsàke naho am’ Iakòbe, amy t’ie tsy nañorik’ ahiko añ-kaàmpon-troke, 
\v 12 naho tsy i Kalebe ana’ Iefonè nte-Kenàze naho Iehosoa, ana’ i None, amy te norihe’ iareo an-kaliforan’ arofo t’\nd Iehovà\nd*. 
\v 13 Aa le niforoforo am’ Israele ty haviñera’ ­\nd Iehovà\nd* vaho nampirerererè’e am-patrambey añe efa-polo taoñe, am-para’ te nimodo iaby i tariratse nanao raty am-pivazohoa’ \nd Iehovà\nd*y. 
\v 14 Le heheke! t’ie nitroatse handimbe an-droae’ areo nifirimboñan-kalòn-tsere­keo, hanitrà’ areo ty haviñerañe mitrotrofiak’ \nd Iehovà\nd* am’ Israele. 
\v 15 Aa ie miamboho, tsy mañorik’ aze, le ho farie’e am-patrambey ao indraike iereo, toly ndra harotsa’ areo ondaty retiañe.
\p
\v 16 Aa le niharivoa’ iareo nanao ty hoe: Hañamboara’ay goloboñe atoy o hare’aio vaho rova ho a o keleia’aio, 
\v 17 fe hitan-defon-jahay hiaolo o ana’ Israeleo ampara’ te nasese’ay an-toe’ iareo añe. Ie amy zay himoneñe an-drova iarikatohan-kijoly ao ty amo mpimoneñe amy taneio o keleia’aio. 
\v 18 Tsy himpoly mb’ añ’ anjomba’ay mb’eo zahay naho tsy songa nandrambe ty lova’e o ana’ Israeleo. 
\v 19 Tsy hitrao-dova am’ iereo alafe’ Iardeney añe zahay, amy te nitsatoke ho anay atiña­na’ Iardeney atoy ty lova’ay.
\p
\v 20 Hoe t’i Mosè am’ iereo: Aa naho toe hanoe’ areo izay, t’ie hitan-defoñe aolo’ \nd Iehovà\nd* veka’e hialy, 
\v 21 naho songa hitsake Iardaney añatrefa’ \nd Iehovà\nd* o lahin-defo’ areoo, ampara’ te fonga hanoe’e soike aolo’e eo o rafelahi’eo, 
\v 22 naho hene vinahotse añatrefa’ \nd Iehovà\nd* i taney; izay vaho himpoly nahareo, le ho afa-tahiñe añatrefa’ \nd Iehovà\nd* naho aolo’ Israele, vaho ho fanaña’ areo añatrefa’ \nd Iehovà\nd* ty tane atoy. 
\v 23 F’ie tsy hanoe’ areo, le inao! hanan-kakeo am’ \nd Iehovà\nd*; le iantofo te hifanojo ama’ areo ty tahi’ areo. 
\v 24 Añoreño rova o keleia’ areoo vaho goloboño o añondri’ areoo, le ano o nakarem-palie’ areo iabio.
\p
\v 25 Aa le nanao ty hoe amy Mosè o nte-Gadeo naho o nte-Reòbeneo: Hanoe’ o mpitoro’oo ze andilian-talè’ay. 
\v 26 Hitobe amo rova’ i Giladeo o keleia’aio naho o vali’aio vaho o hare’ay iabio, 
\v 27 fe hitsake mb’eo o mpitoro’oo, songa lahilahy aman-defoñe veka’e hialy hihotakotake ho a \nd Iehovà\nd*, amy nandilia’ i talèkoiy.
\p
\v 28 Aa le linili’i Mosè t’i Elazare mpisoroñe naho Iehosoa ana’ i None vaho o talèn’ anjombam-pifokoa’ Israeleo ty am’ iereo, 
\v 29 le nanoe’ i Mosè ty hoe: Naho mindre ama’ areo mitsake Iardeney añatrefa’ \nd Iehovà\nd* ze hene mpitan-defo veka’e hialy amo ana’ i Gadeo naho amo ana’ i Reòbeneo, naho ampiambanèñe aolo’ areo i taney, le atoloro iareo ty tane’ i Gilade ho fanaña’e. 
\v 30 F’ie tsy mitsake reke-pialiañe mindre ama’ areo le hanam-panañañe miharo ama’ areo an-tane Kanàne ao. 
\v 31 Le hoe ty natoi’ o nte-Gadeo naho o nte-Reòbeneo, Ze nitsara’ \nd Iehovà\nd* amo mpitoro’oo ro hanoe’ay. 
\v 32 Hitsake reke-pialiañe añatrefa’ \nd Iehovà\nd* zahay mb’ an-tane Kanàne mb’ eo fe hitobok’ atiñana’ Iardeney atoy ty hanañañe nilovà’aiy.
\p
\v 33 Aa le natolo’ i Mosè amo nte-Gadeo naho amo nte-Reòbeneo vaho ami’ty vakim-pifokoa’ i Menasè ana’ Iosefe, ty fehe’ i Sihone mpanjaka’ o nte-Amoreo naho ty fehe’ i Oge mpanjaka’ i Basàne, i taney rekets’ o rova’eo naho o tanàñe mañohokeo rekets’ o tane’eo. 
\v 34 Le namboare’ o nte-Gadeo ty Dibòne, naho i Ataròte, naho i Aroère, 
\v 35 naho i Atròte-sofàne, naho Ia’azère, naho Iogbehà, 
\v 36 naho i Bète Nimrà, vaho i Bete Haràne, songa rova aman-kijoly naho golobon’ añondry. 
\v 37 Le namboare’ o nte-Reòbeneo ty Kesbòne, naho i Elalè, vaho i Kiriatàime, 
\v 38 naho i Nibò, naho i Baal­meòne, (ie novaeñe o añara’ iareoo) vaho i Sebàme, le nomeañe añarañe ze rova namboare’ iereo. 
\v 39 Le nomb’e Gilade mb’eo o tarira’ i Makire ana’ i Menasèo le tinava’ iereo vaho nanoe’ iereo soike o nte-Amore tama’eo. 
\v 40 Aa le natolo’ i Mosè amy Makire ana’ i Menasè ty Gilade le nimoneña’e. 
\v 41 Rinambe’ Iaìre ka o tanà’eo vaho nitokave’e Kavòte Iaìre. 
\v 42 Nomb’eo ka t’i Nòbake nitavañe i Kenàte naho o tanà’eo, le nitokave’e ty hoe Nobake, i tahina’ey avao.
\c 33
\s1 O Fangen-dia boake Mitsraimeo
\p
\v 1 Zao o fangem-pañaveloa’ o ana’ Israeleo te niavotse an-tane Mitsraime añe am-pivovoran-dahindefoñe ambane’ ty fehe’ i Mosè naho i Aharoneo. 
\v 2 Sinoki’ i Mosè o fiorotan-dia’ iareo ki-fange-fange’e ami’ ty lili’ \nd Iehovà\nd*o; le zao o fange’eo ty amo toe-piengà’eo. 
\v 3 Nenga’ iareo ty Ramesèse ami’ ty volam-baloha’e, ami’ty andro faha folo-lime’ ambi’ i volam-baloha’ey; ami’ty andro nanonjohy i Fihelañ’ Ambone’ o ana’ Israeleoy ty niavota’ iareo an-kavokavoke am-pahaisaha’ o nte-Mitsraime iabio, 
\v 4 naho nandeveñe o tañoloñoloña’e iabio o nte-Mitsraimeo, o nipaohe’ \nd Iehovà\nd* añivo’ iereoo, vaho nametsaha’ \nd Iehovà\nd* zaka o ndrahare’ iareoo.
\p
\v 5 Aa le nienga i Ramesese o ana’ Israeleo naho nitobe e Sokòte; 
\v 6 nienga i Sokòte vaho nitobe Etàme añ’olo’ i fatrambeiy. 
\v 7 Nionjoñe boak’ Etàme le niolake mb’e Pihakiròte atiñana’ i Baale-Tsefòne mb’eo vaho nitobe marine i Migdòle. 
\v 8 Ie nenga i Pihakirote, le nisoroke i riakey naho nañavelo telo andro am-patrambey Etame vaho nitobe e Marà. 
\v 9 Nenga’ iareo ty Marà le nipotìtse e Elime ao; aman-drano manganahana folo roe-ambi’ ty Elime naho satrañe fitompolo vaho nitobeañe. 
\v 10 Ie nienga i Elime le nitobe añ’ olo’ i Ria-Binday, 
\v 11 nienga i Ria-Binday le nitobe ampatrambei’ i Sine, 
\v 12 niavotse i fatrambei’ i Siney le nitobe e Dofkà, 
\v 13 nienga i Dofkà le nitobe e Alòse, 
\v 14 nienga i Alòse vaho nitobe e Refidìme, f’ie tsy aman-drano ho kamae’ ondatio. 
\v 15 Ie nienga i Refidime le nitobe am-patrambei’ i Sinay, 
\v 16 ni­enga i Fatrambey Sinay vaho nitobe e Kibròtatahavà. 
\v 17 Ie nienga i Kib­ròtatahavà le nitobe e Katseròte, 
\v 18 nienga i Katseròte le nitobe e Ritmà, 
\v 19 nienga i Ritmà le nitobe e Rimòne Pèretse, 
\v 20 nienga i Rimòne Pèretse le nitobe e Libnà, 
\v 21 nienga i Libnà le nitobe e Risà, 
\v 22 nienga i Risà le nitobe e Kehelàta, 
\v 23 nienga i Kehelàta le nitobe e Vohi-Sèfere, 
\v 24 nienga i Vohi-Sè­fere le nitobe e Karadà, 
\v 25 nienga i Karadà le nitobe e Makelòte, 
\v 26 nienga i Makelòte le nitobe e Tàkate, 
\v 27 nienga i Tàkate le nitobe e Tèrake. 
\v 28 nienga i Tèrake le nitobe e Mitkà, 
\v 29 nienga i Mitkà le nitobe e Khasmonà, 
\v 30 nienga i Khasmonà le nitobe e Moserà, 
\v 31 nienga i Moserà le nitobe e Benè’ià’akàne, 
\v 32 nienga i Benè’ià’akàne le nitobe e Kore Hagid’gàde, 
\v 33 nienga i Kore Ha­gidgàde le nitobe e Iotbàta, 
\v 34 nienga i Iotbàta le nitobe e Ebranà 
\v 35 nienga i Ebranà le nitobe e Etsiòne Gèbere, 
\v 36 nienga i Etsiòne Gèbere vaho nitobe am-patrambei’ i Tsine, atao ty hoe Kadàse. 
\v 37 Ie nienga i Kadàse le nitobe e Vohi-Hore añ’olon-tane’ i Edome.
\p
\v 38 Niañambone’ i Vohi-Hore mb’eo t’i Aharone mpisoroñe ami’ty lili’ \nd Iehovà\nd* vaho nihomake eo ami’ty taoñe fah’efa-polo’ niavota’ o ana’ Israeleo an-tane Mitsraime ami’ty andro valoha’ i volam-pahalimey. 
\v 39 Ni-zato-tsi-roapolo taoñe telo’ amby t’i Aharone te nivilasy ambone’ i Vohi-Hore eo.
\p
\v 40 Jinanji’ ty mpanjaka’ i Arade nte-Kanàne mpimoneñe atimo an-tane Kanàne ao te nomb’ ama’e mb’eo o ana’ Israeleo.
\p
\v 41 Aa le niavotse nitobe e Tsalmonà añe iereo. 
\v 42 Ie nienga i Tsalmonà le nitobe e Ponòne. 
\v 43 Ie nienga i Ponòne le nitobe e Obòte. 
\v 44 Ie nienga i Obòte le nitobe e Ièha Aba­rìme añ’efe-tane’ i Moabe. 
\v 45 Nenga’ iareo t’Iìme vaho nitobe e Dibone-Gade. 
\v 46 Ie nienga i Dibone-Gade le nitobe e Almone-Diblataième. 
\v 47 Ie nienga i Almone-Diblataième le nitobe amo vohi’ i Abarìmeo aolo’ i Nebò. 
\v 48 Ie nienga i am-bohi’ Abarìmeo le nitobe a montombei’ i Moabe añ’olo’ Iardeney tandrife Ierikò. 
\v 49 Nitobe marine Iardeney iereo, mifototse e Bete’ ha’ Iesimòte pak’añ’Ala-Roi’ i Abele a montombei’ i Moabe añe.
\s1 Toro-lalañe t’ie Haname i Kanàne
\p
\v 50 Aa le nitsara amy Mosè t’\nd Iehovà\nd* a montombei’ i Moabe añ’ olo’ Iardeney tandrife’ Ierikò eo, nanao ty hoe: 
\v 51 Taroño amo ana’ Israeleo ty hoe: Ie mitsake Iardeney mb’an-tane Kanàne mb’eo, 
\v 52 le fonga hanoe’ areo soike ze mpimoneñe amy tane aolo’ areoy, arotsaho o vato-sinoki’e iabio, ampiantò o sare tineno’ iareo iabio le demoho o tamboho’ iareo iabio; 
\v 53 ho tavane’ areo i taney vaho himoneñe ao, amy te natoloko anahareo i taney ho fanañañe. 
\v 54 Le ho zarae’ areo an-tsapake i taney ho lova’ o hasa­vereña’ areoo; ty maro ho tolora’ areo lova bey, le ty tsy ampe ho tolora’ areo lova kede; ze nitsatoha’ i tsapakey ty ho fanaña’ indatiy ho lova’e; ty amo fifokoañeo ty anjarañe aze. 
\v 55 Fa naho tsy hatao soike aolo’ areo mb’eo o mpimoneñe an-taneo le ho fatik’ am-pihaino’ areo, naho fitsipok’ an-deme’ areo o nisisa’ areo ama’eo, vaho hitsibore anahareo an-tane himoneña’ areo ao. 
\v 56 Le hanoeko ama’ areo i sinafiriko hanoeñe am’ iareoy.
\c 34
\s1 Ty Efe’ i Taney
\p
\v 1 Hoe ty nitsara’ \nd Iehovà\nd* amy Mosè: 
\v 2 Afantoho o ana’Israeleo ami’ty hoe: Ie mivotrak’ an-tane Kanàne ao (amy t’ie ty tane hitsa­toke ho anahareo ho lova: i tane Kanàney, pak’ amo efe-tane’eo), 
\v 3 le mifototse am-patrambei’ i Tsiney añe ty efe’ areo atimo le hañorike ty efe’ i Edome; aa le hianiñànañe mb’ am-boli’ i Riake Matey mb’eo i efe’ areo atimoy; 
\v 4 hiolake mb’atimo’ ty fionjona’ i Akrabime ty efe’ areo atimo, le homb’e Tsine mb’eo le hañorike ty atimo’ i Kadèse Barnèa le hionjom-b’an-Katsàradàre mb’eo; le hitohy mb’e Atsmòne mb’eo; 
\v 5 hiolake e Atsmòne i efetsey le hiranga mb’añ’ oñe’ i Mitsraime añe vaho higadoñe amy Riakey.
\p
\v 6 Le i efetse ahandrefañey: ho efe’ areo ahandrefañe i olon-dRiake Ra’elahiy.
\p
\v 7 Le ty efe’ areo avaratse: mifototse amy Riake Ra’elahiy le tandrifeo ty Vohi-Hore ho efe’ areo; 
\v 8 boak’ am-bohi-Hore tandrifeo pak’ e Lebò-Ka­màte; hitohy mb’e Tsedàde i efetsey; 
\v 9 hionjomb’ e Zifròne i efetsey vaho higadoñe e Katsàre-Enàne. Izay ty efe’ areo avaratse.
\p
\v 10 Aa le sokiro ka ty efe’ areo atiñanañe, boake Katsàre-Enàne pake Sefàme; 
\v 11 hitohy boake Sefame le pake Riblà atiñana’ i Aine añe i efetsey; le hizotso pak’ añ’ olotse atiñana’ ty Riake Kinerote ey i efetsey; 
\v 12 horihe’ i efetsey ty olo’ Iardeney am-para’ i Riake Matey. Izay ty ho tane’ areo naho ty fiarikatoha’ i efe-tane’ey. 
\v 13 Aa linili’ i Mosè o ana’ Israeleo ami’ty hoe: Zao ty tane ho lovae’ areo an-tsapake, i nandilia’ \nd Iehovà\nd* hatolotse amy fifokoa sive rey naho amy vakim-pifokoay. 
\v 14 Fe sindre nandrambe ty lova’ iareo ty fifokoa’ i Reòbene ty aman’ an­jomban-droae’e naho ty fifokoa’ i Gade ty aman’ an­jomban-droae’e vaho nandrambe i lova’ey ka ty vakim-pifokoa’ i Menasè. 
\v 15 Songa nandrambe ty lova’e i fifokoa roe rey naho i vakim-pifokoay mifototse an-dafe’ Iardene e Ieriko eo maniñanañe mb’ am-panjiriha’ i àndroy mb’eo.
\p
\v 16 Le hoe ty nitsarae’ \nd Iehovà\nd* amy Mosè: 
\v 17 Zao o tahina’ ondaty hizara i taney ama’ areo ho fanañañeo: i Elazare mpisoroñe naho Iehosoa ana’ i Nòne. 
\v 18 Le handrambesa’ areo mpiaolo kiraikiraike o fifokoañe hanjarañe i taneio ho lova. 
\v 19 Zao ty tahina’ ondatio: boak’ am-pifokoa’ Iehodà: i Kalèbe ana’ Iefonè; 
\v 20 boak’ am-pifokoa’ o nte-Simoneo: i Semoàle ana’ i Amihòde; 
\v 21 boak’ am-pifokoa’ i Beniamène: i Elidàde ana’ i Kislòne; 
\v 22 ty mpiaolo boak’ am-pifokoa’ i Dane: i Boký ana’ Ioglý; 
\v 23 boak’ amo ana’ Iosefeo: ty mpiaolo boak’ amy fifokoa’ o nte-Menasèoy: i Kanièle ana’ i Efode; 
\v 24 le ty mpiaolo boak’ am-pifokoa’ o nte-Efraimeo: i Kemoele ana’ i Seftàne; 
\v 25 ty mpiaolo boak’ am-pifokoa’ o nte-Zeboloneo: i Elitsafàne, ana’ i Parnàke; 
\v 26 ty mpiaolo boak’ am-pifokoa’ o nte-Isakhareo: i Paltiele ana’ i Atsane; 
\v 27 ty mpiaolo boak’ am-pifokoa’ o nte-Asereo: i Akihòde ana’ i Selomý; 
\v 28 ty mpiaolo boak’ am-pifokoa’ o nte-Naftalio, i Pedahele ana’ i Amihode; 
\v 29 ie ondaty nandilia’ \nd Iehovà\nd* hizara ty tane’ o ana’ Israeleo an-tane Kanàne ao.
\c 35
\s1 Rova’ o nte-Levio
\p
\v 1 Le nitsara amy Mosè t’\nd Iehovà\nd* a montombei’ i Moabe añ’ olo’ Iardeney tandrife Ierikò eo, ami’ty hoe: 
\v 2 Lilio o ana’ Israeleo ty hanolotse rova amo nte-Levio himoneña’e boak’ amo lova fanaña’ iareoo, vaho toloro tane mañohoke o rova’ iareoo ho fiandraza’ o nte-Levio. 
\v 3 Ho fimoneña’ iareo o rovao naho ho fiandrazañe o añombe’eo naho o mpirai-lia’eo vaho o hare’ iareo iabio i tane mañohokey. 
\v 4 Hifototse an-kijoli’ o rova’e eo vaho hitakatse arivo kiho añ’ areare i rovay o tane fiandraza’eo. 
\v 5 Le ho zehè’ areo alafe’ o rovao ty ro’arivo kiho ami’ty ila’e atiñanañe, le ro’arivo kiho ami’ty ila’e atimo, le ro’arivo kiho ami’ty lafe’e ahandrefañe, le ro’arivo kiho an-dafe’e avaratse. Añivo’e ao i rovay. Izay ty ho fanaña’ iareo ho fiandraza’ i rovay.
\p
\v 6 Le ho rovam-pitsolohañe o rova eneñe hatolo’ areo amo nte-Levioo, ie henga’ areo ho fitribahan-dai’ ze mamono ondaty, mandikoatse izay le ho tolora’ areo rova efapolo-ro’amby iereo. 
\v 7 Aa le mitraoke ho rova efapolo-valo’ amby ty hatolo’ areo amo nte-Levio rekets’ o tane fiandraza’eo. 
\v 8 Le boak’ ami’ty fanaña’ o ana’ Israeleo ty hano­lora’o i rova rey, hanolotse maro ty fifokoañe bey, naho tsy ampeampe ka ty boak’ ami’ty kede. Songa hanolotse rova amo nte-Levio boak’ amo rova’eo ty amy habei’ i lova ho rambese’ey.
\s1 Rovam-Pipalirañe
\r Its 19.1-13; Ieho 20.1-9
\p
\v 9 Le hoe ty nitsara’ \nd Iehovà\nd* amy Mosè: 
\v 10 Misaontsia amo ana’Israeleo, le ano ty hoe: ie mitsake Iardeney mb’an-tane Kanàne mb’eo, 
\v 11 le mijoboña rova ho rovam-pitsolohañe, hivoratsa­ha’ ty namono ondaty tsy an-tsatri’e. 
\v 12 Rova ho fitsolohañe, hipalira’ areo ami’ty mpamale fate, soa tsy hohofan-doza ty namono ondaty ampara’ t’ie miatre-jaka añatrefa’ i valobohòkey.
\p
\v 13 Aa le amo rova atolo’ areoo ty hanolora’ areo rovam-pitsolohañe eneñe. 
\v 14 Ho tolora’ areo rova telo ty alafe’ Iardeney atoy naho ho tolora’ areo rova telo ty an-tane Kanàne ao ho rovam-pitsolohañe. 
\v 15 Ho rovam-pitsoloha’ o ana’ Israeleo i rova eneñe rey, naho ho a o ambahinio naho o renetane añivo’ iereoo, soa t’ie ty hivongarita’ ze mamono ondaty tsy an-tsatri’e.
\p
\v 16 Aa naho lafae’e ami’ty viñe t’indaty vaho mivetrake indatiy, le mpamono ondaty re, toe ho vonoeñe ty mpamono. 
\v 17 Aa naho fofohe’e ami’ty vato am-pità’eo, ze mahavetrak’ ondaty vaho mihomake indatiy le mpamono re; toe havetrake i mpamonoy. 
\v 18 Aa ie vinango’e an-kataem-pialiañe am-pità’e ao, ze maha­vetrak’ ondaty, naho mate indatiy, le mpamono re, vaho toe ho vonoeñe i mpamonoy. 
\v 19 Toe i mpamale fatey ty hañoho-doza amy mpamonoy; ie mifanojo ama’e le ho vonoe’e. 
\v 20 Aa ie maniotse aze mafe ami’ ty falai’e aze, ke mivoñoñe aze, he andretsaha’e raha, vaho mate, 
\v 21 he ami’ty fandrafea’e ro mampitrabotrabok’ am-pità’e hampi­vetrak’ aze, le toe ho vonoeñe i nampitrabotrabokey. Mpamono re, ho vonoe’ ty mpamale fate te ifanojoa’e.
\p
\v 22 F’ie mandronje am-pifanojeha’e fa tsy am-palaiñañe, ke mametsa-draha ama’e fa tsy am-pivoñonañe, 
\v 23 hera am-bato mete mahafate ondaty, ie ahiriri’e mb’eo fe tsy nioni’e indatiy, le mate indatiy, ie tsy nirafelahi’e vaho tsy nikilily te hañe-doza ama’e, 
\v 24 le ho zakae’ i valobohòkey añivo’ i namonoy naho i mpamale fatey amy fañè rezay. 
\v 25 Aa le havotso’ i valobohòkey boak’ am-pità’ i mpamale fatey i namono ondatiy, le hampolie’ i valobohòkey mb’ amy rova fitsolohañe nivoratsaha’ey, ao ty hipalira’e am-para’ te vilasy ty mpisorom-bei’ norizañe amy menake miavakey. 
\v 26 Aa naho eo ty andro añaveloa’ i namonoy alafe’ ty efe’ i rovam-pitsolohañe nivotitsiha’ey, 
\v 27 le mahaisak’ aze alafe’ ty efe’ i rovam-pitsolohañey i mpamale fatey, vaho vonoe’ i mpamale fatey, le tsy hanan-tahiñe amy lio’ey re, 
\v 28 amy t’ie tsy mete tsy midok’ am-po’ i rovam-pitsolohañey am-para’ te mihomake ty mpisorom-bey, le ie vilasy i mpisorom-beiy vaho mete mimpoly an-tanem-panaña’e añe i namonoy.
\p
\v 29 Ho fañè naho fepètse ho anahareo izay amo hene tarira’ areo mifandimbeo ndra aia’aia ty imoneña’ areo.
\p
\v 30 Ze mamono ondaty, le ho vonoeñe i mpamonoy ami’ty taro’ o nahaisakeo; fa tsy azo amonoañe ondaty ami’ty taro’ ondaty raike; 
\v 31 vaho tsy azo jebañeñe ty fiai’ ondaty namono, ie fa voa zaka ami’ ty vono-ondaty; toe tsy mahai-tsy vonoeñe ty mpamono ondaty. 
\v 32 Le tsy azo vilieñ’ ay t’indaty nivoratsake mb’an-drovam-pitsolohañe mb’eo, hampipoliañe aze mb’an-tane’e añe aolo’ ty havilasi’ i Mpisorom-beiy. 
\v 33 Ko mandeotse ty tanen’ akiba’ areo; fa mandeotse tane ty lio, vaho tsy mete mijeba i taney ami’ty lio nadoañe ama’e naho tsy ami’ ty lio’ i nampidoañe azey. 
\v 34 Aa le ko maniva ty tane’ imoneña’ areo, fa fimoneñako, amy te mitoboke añivo’ o ana’ Israeleo ao, izaho \nd Iehovà\nd*.
\c 36
\s1 Ie Engaeñe ho Valy o Mpandova Ampelao
\p
\v 1 Niharine mb’eo o mpiaolon’ an­jomban-droaem-pifokoan-tarira’ i Gilade ana’ i Makire, ana’ i Menasè, hasavereña’ o ana’ Iosefeoo vaho nilañoñe añatrefa’ i Mosè naho o talèo naho o talèn’ anjomban-droae’ o ana’ Israeleoo, 
\v 2 nanao ty hoe: Linili’ \nd Iehovà\nd* i talèkoy ty hanolotse i tane lovaeñey an-tsapake; vaho linili’ \nd Iehovà\nd* i talèkoy ty hanolotse i lovan-drahalahi’ay Tselofekhàdey amo anak’ ampela’eo. 
\v 3 Aa naho ivalia’ ty anam-pifokoa ila’e amo ana’ Israeleo, le ho rambeseñe ami’ty lovan-droae’ay ty lova’ iareo vaho ho tovoñañe ami’ty lova’ i fifokoañe nivalie’ey; aa le ho liniva amy lova niazo’ay an-tsapakey. 
\v 4 Le ie avy i Jobili’ o ana’ Israeleio, ho tovoñañe ami’ ty lova’ i fifokoañe nañeng’ azey i lova’ey; le ho livaeñe ami’ ty lovam-pifokoan-droae’ay i lova’ey.
\p
\v 5 Le hoe ty linili’ i Mosè amo ana’ Israeleo ty amy tsara’ \nd Iehovà\nd*y, To ty saontsi’ o tariram-pifokoa’ Iosefeo. 
\v 6 Aa hoe ty linili’ \nd Iehovà\nd* omba o anak’ ampela’ i Tselofekhàdeo: angao hifanam­baly amy ze tea’e fe tsy mete tsy amo tariram-pifo­koan-droae’eo avao ty anambalia’ iareo. 
\v 7 Aa le tsy hafindra am-pifokoañe raike ho ami’ty fifokoañe ila’e o lovao; fa songa hitañe ty lovam-pifokoan-droae’e o ana’ Israeleo. 
\v 8 Le hanambaly ami’ty fifokoan-droae’e ze anak’ ampela mitan-dova ami’ty fifokoañe raik’ amo ana’ Israeleo, soa te songa hitan-dovan-droae’e o ana’ Israeleo. 
\v 9 Aa le tsy hafindra ho ami’ty fifokoañe ila’e ty lova fa sambe mitan-ty lova’e o fifokoan’ ana’ Israeleo. 
\v 10 Nanoe’ o anak’ampela’ i Tse­lofekadeo ty nandilia’ \nd Iehovà\nd* i Mosè. 
\v 11 Le nifanambaly ami’ty anan-drahalahin-drae’e t’i Maklà, i Tirtsà, naho i Koglà vaho i Noà ana’ i Tselofekade. 
\v 12 Nifanambaly amo tarira’ o nte-Menasè ana’ Iosefeo iereo vaho mireketse am-pifokoan-droae’e ao ty lova’ iareo.
\p
\v 13 Irezay ro lily naho fepetse linili’ \nd Iehovà\nd* amo ana’ Israeleo am-pità’ i Mosè a montom-bei’ i Moabe añ’ olo’ Iordaney tandrife Ierikò eo.