\id MRK 
\ide UTF-8
\h Marka
\toc1 Marka
\toc2 Marka
\toc3 Mar
\mt1 Marka
\c 1
\s1 Fiaolo
\r Mat 3.1-11; Lke 3.1-16; Jao 1.19-20
\p
\v 1 Ty namotorañe ty talili-soa’ \nd Iesoà\nd* Norizañey, Anak’ Andrianañahare.
\p
\v 2 Pinatetse am’ Isaia Mpitoky ao ty hoe:
\q1 Ingo mañitrike ty irako mb’añ’aolon-dahara’o mb’eo,
\q1 ie ty hañajary ty lalañe añatrefa’o eo;\f + \fr 1:2 \fr*\ft Mal 3:1\ft*\f*
\q1
\v 3 Ty fiarañanaña’ i mikoikey:
\q1 Hajario am-patrambey añe ty fombà’ \nd Iehovà\nd*,
\q1 Avantaño o lala’eo.\f + \fr 1:3 \fr*\ft Isa 40:3\ft*\f*
\p
\v 4 Izay ty niboaha’ i Jaona Mpandipotse am-babangoañe añe nitsey ty filiporam-pisolohoañe ho ami’ty fañafahan-kakeo. 
\v 5 Le niakatse mb’ ama’e mb’eo ty an-tane’ Iehodà iaby naho o nte-Ierosalemeo; vaho nilipotse añama’e an-tsaka Iordane ao, songa nibaboke amo hakeo’eo.
\p
\v 6 Nisafotse volon-drameva t’i Jaona, naho nidiañe kitamben-kolitse an-toha’e, naho nikama bekapàke naho ron-tsý, 
\v 7 vaho nitaroñe ty hoe: Manonjohy ahy ty fatratse te amako; tsy mañeva ahy ty hibotreke ambane hampidraitse i talin-kana’ey. 
\v 8 Toe mandipotse anahareo an-drano iraho, fa ie ty handipotse anahareo amy Arofo Masiñey.
\s1 Filipora’e
\r Mat 3.13-17, Lke 3.21-22
\p
\v 9 Ie amy andro rezay, nihirike Nazareta e Galilia añe t’\nd Iesoà\nd*, vaho nampi­lipore’ i Jaona am’ Iordaney. 
\v 10 Ie vaho nitroatse amy ranoy, le nivazoho’e te nikodriatse i like­rañey, naho nizotso hoe deho ama’e i Arofoy 
\v 11 vaho niboak’andin­dìñe ao ty fiarañanañañe nanao ty hoe: Anako kokoako irehe, toe ampokòako.
\s1 I Mpanjiziy
\r Mat 4.1-11; Lke 4.1-13
\p
\v 12 Tineha’ i Arofoy amy zao re mb’ an-jerezere tane añe, 
\v 13 le tan-tane bangiñe añe efa-polo andro re, nizizie’ i mpañìnjey\f + \fr 1:13 \fr*\ft mpañinje: satana ndra devoly\ft*\f* naho nindre amo bibi-lìo, vaho nitoroña’ o Anjelio.
\s1 Niorotse Nitoroñe
\r Mat 4:12-17; Lke 4.14-15; 5.1-11; Jao 1.35;42
\p
\v 14 Ie najòñ’ an-drohy ao t’i Jaona; le nimb’e Galilia mb’eo t’\nd Iesoà\nd* nitaro­ñe i talili-soan’ Añaharey; 
\v 15 ami’ty hoe: Fa heneke ty sa; mitotoke i Fifehean’ Añaharey; misolohoa naho atokiso i talili-soay.
\s1 Nikanjy Mpiama’e
\r Mat 4.18-22, Lke 5.1-11
\p
\v 16 Ie nidraidraitse añ’olon-dria’ i Gali­lia, le nahavazoho i Simona naho i Andrea rahalahi’ i Simona nañifike harato an-driake ao fa mpañarato. 
\v 17 Le hoe t’\nd Iesoà\nd* tam’ iereo: Mañoriha ahy, vaho hanoeko mpañarato ondaty. 
\v 18 Nado’ iereo amy zao o harato’ iareoo vaho nañorik’ aze. 
\v 19 Ie nisi­tsitse mb’eo, le nivazoho’e t’Iakobe Ana’ i Zebedio naho i Jaona rahalahi’e, an-dakañe ao nanosoke harato. 
\v 20 Kinanji’e amy zao; le nenga’ iereo an-dakañe ao t’i Zebedio rae’ iareo naho o mpikaramao, vaho nanonjohy aze.
\s1 Nandroake Angadraty
\r Lke 4.31-37
\p
\v 21 Nigodañe mb’e Kapernaome iereo le nizilike am-pitontonañ’ ao te \nd Sabotse\nd* vaho nañòke. 
\v 22 Nahajagòñe iareo i fañoha’ey, foto’e nanare’e manahake t’ie aman-dily, fe tsy manahake o mpanoki-dilio.
\p
\v 23 Tam-pitontona’ iareo ao t’indaty amam-pañahi-maleotse, nikoikoike 
\v 24 ty hoe: Inoñe ty itraofan-tika, ry \nd Iesoà\nd* nte-Nazareta? hanjaman’ anay v’o talin-dia’oo? Apotako irehe, t’i Masin’ Añahare. 
\v 25 Nitrevoke aze t’\nd Iesoà\nd* ami’ty hoe: Mamantsy, iakaro! 
\v 26 Nagibigibi’ i kokolampay re naho nikontsiañe am-peo, vaho niakatse ama’e.
\p
\v 27 Akore ty halatsà’ ie iaby kanao nifañontàne ty hoe: Raha akore v’itoio? Toe fañòhañe vao naho aman-dily! Ie ami’ty halàko lilitse ro mandily o anga-dratio, le ivohora’ iareo. 
\v 28 Aa le niboele nanitsike i tane mañohoke i Galiliay ty enge’e.
\s1 Nañaha Maro
\r Mat 8.14-17; Lke 4.38-41
\p
\v 29 Niakatse i fitontonañey iereo, le nizilike añ’an-jomba’ i Simona naho i Andrea ao rekets’ Iakobe naho i Jaona. 
\v 30 Natindri’ ty hamae sandriñe ty rafoza’ i Simona ampela le nisaontsiañe amy zao ty ama’e. 
\v 31 Nimb’eo re nandrambe ty fità’e naho nongaha’e naho nisitake ama’e i firemporempo’ey, vaho nitoroñe iareo.
\p
\v 32 Ie hariva, naho fa nimotake i àndroy, le nendeseñe mb’ama’e o marare iabio vaho o nangaran-kokolampao, 
\v 33 naho nivorigidiñe an-dalambey eo i rova iabiy, 
\v 34 naho nahajangañe ty maro nisilofe’ ty areteñe ankafa­nkafa re naho nañary kokolampa maro vaho tsy nenga’e hibeoke o anga-dratio; foto’e napota’ iereo.
\p
\v 35 Ie maraindrain-tsikiake naho mbe nangararak’ atiñana, le nitroatse, nienga mb’an-toetse bangiñe añe nitalaho. 
\v 36 Tsinoe’ i Simona naho o mpiama’eo; 
\v 37 Naho nitendreke, le hoe iereo ama’e: Hene mipay Azo. 
\v 38 Hoe re tam’ iereo: Antao hiveve mb’ an-tane ila’e, mb’amo tanàñe mañohokeo, hitaroñe añe ka; amy te izay ty talin-diako. 
\v 39 Aa le nitsitsife’e ty Galilia nitaroñe am-pitontona’ iareo ao, vaho nañary kokolampa.
\s1 Ty Angamae
\r Mat 8.2-4; Lke 5.12-16
\p
\v 40 Niheo mb’ama’e mb’eo ty angamae, nitongaleke le nitoreova’e ty hoe: Naho satri’o, mahalio ahy. 
\v 41 Nitretreza’ \nd Iesoà\nd*, le nañitia’e fitàñe, nitsapa aze vaho nanao ty hoe: Satriko, maliova. 
\v 42 Nisitake aze amy zao i haangamàe’ey vaho nalio. 
\v 43 Hinatahata’e, naho nampombà’e mb’eo, 
\v 44 le nanoa’e ty hoe: Asoao tsy hitalily ama’ia ia; akia, miboaha amy mpisoroñey, le engao i fiefera’oy ty amy linili’ i Mosèy, ho fitaliliañe iareo. 
\v 45 F’ie niavotse, le namototse nitsey am-pidadàñe naho naboele’e mbeo’ mbeo i entañey, naho tsy nimete nizilike am-palangesañe an-tanañe ao ka t’\nd Iesoà\nd*; f’ie nitoetse am-bangiñe ao vaho niropake ama’e tok’aia tok’aia i màroy.
\c 2
\s1 Nañafake ty Kepeke
\r Mat 9.1-8; Lke 5.18-26
\p
\v 1 Ie herone bey, nimpoly mb’e Kapernaomy mb’eo, le nijanjiñeñe t’ie añ’anjomba’e ao, 
\v 2 aa akore ty firopaha’ i màroy kanao ninìtse tsy am-pitsifirañe ndra an-dalañe eo, ie nitaroñe i tsaray.
\p
\v 3 Niheo mb’ama’e mb’eo ty efatse nitarazo t’y kepeke. 
\v 4 Aa ie tsy nahafitotoke ama’e fa nialindretse, le nahimpa’ iereo ty tafo ambone’ aze; pinoñapoña’ iereo, le nazè’ iereo ao ty tihy nandrea’ i kepekey. 
\v 5 Nioni’ \nd Iesoà\nd* ty fatokisa’ iareo, le nanoe’e ty hoe i kepekey: O anake, fa hinaha o tahi’oo.
\p
\v 6 Niambesatse eo ty mpanoki-dily ila’e nitsakore añ’arofo ty hoe: 
\v 7 Akore ty reha’ ondatio? Ie mitera­tera! ia ty mahalio tahiñe naho tsy Raike avao, i Andrianañahare?
\p
\v 8 Napota’ \nd Iesoà\nd* añ’arofo’e amy zao ty fivetsevetse’ iareo, le hoe re am’ iereo: Akore te aereñere’ areo an-troke ao o raha zao? 
\v 9 Ty aia ty mora volañeñe amy kepekey: ke ty hoe: Hinaha o hakeo’oo, he ty hoe: Mitroara, rambeso o tihi’oo le mañaveloa? 
\v 10 Aa soa te ho fohi’ areo te aman-dily an-tane atoy i Ana’ ondatiy hañalio tahiñe,—Le hoe re amy kepekey: 
\v 11 O toke: Mitroara, rambeso o tihi’oo le akia mb’añ’akiba’o añe. 
\v 12 Niongake amy zao re, nandrambe i tihi’ey, vaho nienga añatrefa’ iereo iaby; le hene nilatsa naho nandrenge an’ Andrianañahare ami’ty hoe: Mbe lia’ay tsy nahatrea ty manahake itoa-hoe.
\s1 Tsinikao’e t’i Matio
\r Mat 9.9-13 Lke 5.27-32
\p
\v 13 Nienga mb’añ’olon-driake mb’eo indraike re; le hene niropak’ ama’e i valobohokey, vaho nanare’e.
\p
\v 14 Aa ie nimb’eo, nivazoho’e t’i Levy, ana’ i Alfeo, niambesatse am-panontonan-kaba ao, le hoe re ama’e: Oriho iraho. Le niongake re nañorike aze.
\p
\v 15 Ie nidegañe añ’anjomba’e ao, le nimaro ty mpanontoñe vili-loha naho bei-hakeo nitrao-pikama amy \nd Iesoà\nd* naho amo mpiama’eo, amy te maro am’ irezay ty nañorike aze. 
\v 16 Aa naho nioni’ o mpanoki-dilio naho o Fariseoo t’ie nitrao-pikama amo mpanan-tahiñeo naho amo mpamory vili-lohao, le nanao ty hoe amo mpiama’eo: Inoñe ty iharoa’e fikama naho finoñe amo mpamory vili-lohao naho amo bey hakeoo? 
\v 17 Naho jinanji’ \nd Iesoà\nd* izay, le hoe re am’iereo: Tsy o jangañeo ro mipay mpanaha fa o marareo. Tsy pok’eo iraho hikanjy ty vañoñe hisoloho, fa o aman-kakeoo.
\s1 Lilitse
\r Mat 9.14-17; Lke 5.33-39
\p
\v 18 Mpililitse o mpiana’ i Jaonao naho o Fariseoo, le nimb’eo iereo nanao ty hoe ama’e: Aa vaho akore te mililitse o mpiana’ i Jaonao naho o mpiamo Fariseoo, fe tsy mililitse o mpiama’oo? 
\v 19 Le hoe t’\nd Iesoà\nd* tam’iereo: Mete mililitse hao o rañem-pañengao ie mbe am’ iereo i mpañengay? Kanao am’ iereo i mpañengay, tsy mililitse iereo. 
\v 20 Toe ho tondroke ty andro hanintahañe i mpañengay am’iereo; hililitse amy andro zay iereo. 
\v 21 Tsy eo ty manakeke lamba tsy nahanañe ami’ty saron-kambo’e tsy mone hisitake amy saroñey i takekey, vaho hiindra i nikodreatsey. 
\v 22 Le tsy añiliñan-divay vao ty zonjòn-kolitse hambo’e, tsy mone hampitòsitse ty divay amy holitse hambo’ey, vaho hianto i zonjòñey. Fa ailiñe an-jonjòñe vao ao ty divay vao.
\s1 Mitoloñe ami’ty Sabotse
\r Mat 12.1-8; Lke 6.1-5
\p
\v 23 Teo te indraike, niranga teteke re ami’ty \nd Sabotse\nd* naho nanifo ampemba amy lia’ iareoy o mpiama’eo. 
\v 24 Le hoe o Fariseoo tama’e: Henhe: akore t’ie manao raha faly ami’ty \nd Sabata\nd*? 
\v 25 Aa hoe ty natoi’e: Mbe tsy vinaki’ areo hao ty nanoe’ i Davide, ie nidobo naho nisaliko, ie naho o mpiama’eo: 
\v 26 nimoak’ añ’ Anjomban’ Añahare ao faha’ i Abiatara Mpisorom-bey le nikama ty mofo miatreke\f + \fr 2:26 \fr*\ft mofo 12 an-drairay aolo’ i toe-miavakey\ft*\f*—ze faly tsy kamaeñe naho tsy o mpisoroñeo avao, vaho nandiva amo mpiama’eo? 
\v 27 Hoe re tam’ iereo: Ondatio ty nanoañe i \nd Sabata\nd*y, fa tsy i \nd Sabata\nd*y ondatio; 
\v 28 Aa le Talè’ o \nd Sabata\nd*o ka i Ana’ ondatiy\f + \fr 2:28 \fr*\ft Fot 2:2-3\ft*\f*.
\c 3
\s1 Mañaha te Sabotse
\r Mat 12.9-14; Lke 6-11
\p
\v 1 Nizilike am-pitontonañ’ao indrai­ke re le nanjo ty lahilahy kenge-fitàñe. 
\v 2 Hinare’ iereo ke hañafake ami’ty \nd Sabata\nd*, hanisìa’ iareo. 
\v 3 Aa le hoe re amy lahilahy kenge-fitañey: Miongaha mb’etoa. 
\v 4 Le hoe re tam’ iereo: Ty aia ty Hake, ty manao raty, he ty manao soa naho \nd Sabotse\nd*\f + \fr 3:4 \fr*\ft Its 5:15\ft*\f*; ty mamono, ke ty mañaha fiaiñe? F’ie tsy nahabeoke. 
\v 5 Jinilojilo’e an-keloke, le nana­helo ami’ty hagàn-tro’ iareo, vaho nanao ty hoe am’ indatiy: Ahitio ty fità’o. Le nahiti’e, vaho niareñe ho janga manahake ty ila’e i fità’ey. 
\v 6 Niavotse o Fari­seoo naho niharo fikaoñe amy zao amo mpiamy Herodao nikilily ty hañè-doza ama’e.
\s1 Nañorike aze i Lahialeñey
\r Mat 12.15-16; Lke 6.17-19
\p
\v 7 Nisitake mb’an-driake ey t’\nd Iesoà\nd* rekets’ o mpiama’eo; le naño­rike aze ty lahialeñe hirike e Galilia naho boak’ Iehodà añe, 
\v 8 naho hirike Ierosaleme; naho hirik’ Edoma naho alafe’ Iordaney vaho amparipari’ i Tirò naho i Sidona añe—ondaty mitozantozañe, hene nahajanjiñe o hene fitoloña’eo naho nimb’ ama’e mb’eo.
\p
\v 9 Le sinaontsi’e amo mpiama’eo ty hañajary lakañe ho aze ty amy valobohòkey tsy mone hifanamboen­tamboeñe. 
\v 10 Akore ty hamaro ty nafaha’e kanao nifanindry ama’e hitsap’ aze ze nisilofe’ ty areteñe. 
\v 11 Ndra mb’ia mb’ia nahatrea aze o anga-maleotseo le niankotrake aolo’e eo nikoràke ty hoe: Ihe i Anan’ Añaharey, 
\v 12 fa hinatahata’e tsy hampahafohiñe aze.
\s1 Ie Nijoboñe i Folo Roe Amby Rey
\r Mat 10.1-4; Lke 6.12-16
\p
\v 13 Niañambone vohitse mb’eo re le tsinikao’e ze satri’e vaho niheova’ iereo. 
\v 14 Tinendre’e ty folo ro’amby ho mpiama’e, hahitri’e hitaroñe, 
\v 15 ie ho aman-dily hañary kokola­mpa: 
\v 16 Le natovo’e amy Simona ty tahinañe ty hoe: Petera; 
\v 17 naho am’Iakobe ana’ i Zebedio naho i Jaona rahalahi’ Iakobe ty nanovoña’e añaran-tsole ty hoe Boanerjesy, toe Anañ’ àmpiñe; 
\v 18 naho i Andrea naho i Filipo naho i Bartolomeo naho i Matio naho i Tomasy naho Iakobe ana’ i Alfeo naho i Tadeo naho i Simona mahimbañe, 
\v 19 vaho i Jodasy nte-Keriote nifotetse azey.
\s1 ty Bei’o Kokolampao
\r Mat 12.22-32; Lke 11.14-23
\p
\v 20 Nizilike añ’anjomba ao re naho nivorigidiñe indraike i lahialeñey, kanao tsy nilefe ty hikama. 
\v 21 Ie nahajanjiñe izay o longo’eo, le niheo mb’eo hamihim-pitañe aze, ami’ty asa’ iareo ty hoe: Tondren-dre.
\p
\v 22 Nizotso boake Ierosaleme añe o mpanoki-dilio, nanao ty hoe: Angara’ ty belzeboba re, vaho i bein-kokolampay ty añaria’e kokolampa. 
\v 23 Tsinikao’e hitotok’ aze iereo vaho nirazaña’e ty hoe: Aia ty hañaria’ i mpañìnjey i mpañìnjey? 
\v 24 Naho mifampiria ty fifeheañe, tsy hijadoñe i fifeheañey. 
\v 25 Ie mifamotetse ty anjomba, tsy hahafitroatse i anjombay. 
\v 26 Ie miongake hiatreatre vatañe ty mpañìnje naho mifañambake, le tsy hitoetse, fa higadoñe. 
\v 27 Tsy eo ty hahazilike añ’ anjombam-panalolahy ao hañaoke o vara’eo, naho tsy vahora’e hey i fanalolahiy, izay vaho ho volose’e i anjomba’ey.
\r Mat 12.31-33; Lke 12.10; 1 Jao 5.16
\p
\v 28 Eka! to t’itaroñako te hahañe amo ana’ ondatio ze atao hakeo naho ze hateràñe iterà’ iareo, 
\v 29 fe tsy ho hahañe ka ze mitera i Arofo Masiñey, fa ho amam-patse kitro-katroke; 
\v 30 ami’ty fivola’ iareo t’ie aman’ anga-draty.
\s1 Ty Filongoan-To
\r Mat 12.46-50; Lke 8.19-21
\p
\v 31 Nipoteake eo o rahalahi’eo naho i rene’e, nijohañe alafe ao, le nañitrike ama’e vaho nitok’ aze. 
\v 32 Niambesatse añariseho aze i maroy; le hoe ty nitsaraeñe ama’e: Inao, alafe ao ty rene’o naho o rahalahi’oo; ie mipay azo. 
\v 33 Hoe ty natoi’e am’ iareo: Ia ty reneko naho o rahalahikoo? 
\v 34 Narendre’e amy zao o niambesatse niarikoboñ’ azeo, le nanao ty hoe: Hehe ty reneko naho o rahalahikoo! 
\v 35 Ndra ia ia manao ty satrin’ Añahare, ie ty rahalahiko naho rahavaveko vaho reneko.
\c 4
\s1 ty Fandrarahan-Tabiry
\r Mat 13.1-23; Lke 8.4-8
\p
\v 1 Ie niorotse nañoke añ’olon-driake eo indraike le akore ty hamaron-dahialeñe nihipoke ama’ey kanao nijon-dakañe le niambesatse an-driake ey, vaho tañ’ olotse, an-tamboho ey i màroy.
\p
\v 2 Le nitaroña’e raha maro am-pandrazàñañe, vaho hoe re te nañoke: 
\v 3 Inao: Teo te niavotse mb’eo ty mpandrara-tabiry handrarake. 
\v 4 Ie nandrarake, le nipoke añ’ olon-dalañe eo ty ila’e vaho nimb’eo o voroñeo nitsimok’ aze. 
\v 5 Ty ila’e nipoke ami’ty lamilamy marivo tane, fe nitiry aniany, amy te tsy nilaleke i taney, 
\v 6 ie nanjirike i àndroy, fe nimae, vaho niforejeje amy te tsy niam-bahatse. 
\v 7 Nipoke am-patike ao ka ty ila’e, fe nitiram-patike nampida­geañe aze vaho tsy namoa. 
\v 8 Ty ila’e nipoke an-tane hoba, le nitiry naho nandrevake vaho namokatse, teo ty telo-polo, teo ty enem-polo, vaho teo ty zato. 
\v 9 Le hoe re: Ze aman-dravembia mahajanjiñe, Le mijanjiña.
\r Mat 13.10-17; Lke 8.9-10
\p
\v 10 Ie nitolake, le nañontanea’ o mpiama’eo naho i folo ro’amby rey i nirazañe’ey, 
\v 11 vaho nanoa’e ty hoe: Inahareo ro nitolorañe ty tafatoño’ i Fifehean’ Añaharey, fe hene razañeñe o alafe’eo 
\v 12 soa te:
\q1 ie miisake, ro hañisake
\q1 fe tsy hahaoniñe;
\q1 ie mitsendreñe, ro hijanjiñe, fe tsy haharendreke;
\q1 ke hitolike, vaho ho hahàñe o tahi’iareoo.\f + \fr 4:12 \fr*\ft Isa 6:9,10\ft*\f*
\r Mat 13.18-23; Lke 8.11-15
\p
\v 13 Le hoe re tam’ iereo: Tsy nirendre’ areo hao i ohatse zay? aa le akore ty haharendreha’ areo o fandrazañañe iabio? 
\v 14 Mandrarake o tsarao i mpandrarakey. 
\v 15 O añ’olon-dalañeo, amy nandrarahañe i tsaraiy, ie mijanjiñe, pok’eo aniany i mpañìnjey manoitse i tsara nararake am’ iareoy. 
\v 16 Manahake izay o nararake am-batovatoeñeo, ie mahatsendreñe i tsaray le mandrambe aze an-kaehake amy zao; 
\v 17 f’ie tsy amam-bahatse, le aniany avao te mitojeha ty hasilofañe ndra ty fampisoañañe ty amy tsaray le torifike iareo. 
\v 18 I nararake am-patike ao rezay, le o mijanjiñe i tsaraio, 
\v 19 fe mitsamoake ao ty fihakahaka’ ty tane toy, naho ty hakalitaha’ o varao, naho ty hatea-raha ila’e, ze mahadageañe i tsaray tsy hamokatse. 
\v 20 O retoañe nararake an-tane soao, le mijanjiñe i tsaray naho mandrambe aze vaho mamokatse: eo ty telo-polo, eo ty enem-polo, vaho eo ty zato.
\s1 ty Jiro Kapoake
\r Mat 5.15; Lke 8.16-18
\p
\v 21 Le hoe re tam’ iereo: Endeseñe ho rongonan-karoñe hao ty jiro? ke hazilike ambane fandreañe ao? tsy hàmake t’ie apoke am-panampezan-jiro ey hao? 
\v 22 Toe tsy ao ty naetake ze tsy ho bentare­ñe, vaho tsy ao ty nitsikoeñe ze tsy ho boraheñe. 
\v 23 Ze aman-dravembia hijanjiñe, Mijanjiña.
\p
\v 24 Le hoe re tam’ iereo: Ereñereo o janjiñe’ areoo; fa ami’ty fañarànañe añaràna’ areo ro añarànañe ama’ areo vaho ho tompeañe ama’areo mijanjiñe. 
\v 25 Ho tovoñeñe ze manañe, fa ami’ty tsy manañe ndra ty kedekedek’ ama’e ro sintoneñe.
\s1 Mandrazañe amo Tabirio
\p
\v 26 Le hoe re: Razañeñe amy t’indaty mandrarake tabiry an-tane eo i Fifehean’ Añaharey, 
\v 27 mirotse re te haleñe naho mitroatse boak’ andro; mitiry naho mitombo i tabiriy, fe tsy apota’e te manao akore. 
\v 28 Mampitiry ho aze i taney: i losoy aolo, le i toka-tsofi’ey, vaho izay o voa’e matoe an-doha’eo. 
\v 29 Ie rifo le ahitri’e i mesoy fa tondroke ty fitatahañe.
\s1 O Voa Nonokeo
\r Mat. 13.31-32; Lke 13.18-19
\p
\v 30 Hoe ka re: Inoñe ty handrazañan-tika i Fifehean’ Añaharey? Ohatse manao akore ty ampidodean-tika aze? 
\v 31 Ampanahafeñe ami’ty voa-nonoke, ie amboleañ’ an-tane ro kede amy ze tabiry an-tane atoy; 
\v 32 f’ie tongisañe, le mitiry naho midorenake mandikoatse ze hatae an-tetek’ao vaho ampandrevahe’e tsampañe\f + \fr 4:32 \fr*\ft Eze 17:22\ft*\f* hanoa’ o voron-dikerañeo traño añ’alo’e ao.
\p
\v 33 Maro ty fandrazañañe nitsarae’e hoe izay ty amy nahafijanjiña’ iareo. 
\v 34 Le tsy nitaroña’e naho tsy am-pandrazañañe avao; ie nitolake vaho nampa­lange ze he’e amo mpiama’eo.
\s1 i Riake Nivalitaboakey
\r Mat 8.23-27; Lke 8.22-25
\p
\v 35 Ie niroñe ho hariva i àndroy, le hoe re am’iereo: Antao hitsake mb’andafe eñe. 
\v 36 Nienga i lahialeñey iereo naho nendesen-dre, ie tan-dakañe ao avao. Nindre lia ama’e ka ty lakañe ila’e.
\p
\v 37 Nikofaok’ amy zao ty tio-bey, le trinabotrabo’ o onjao i lakañey, vaho nañaly ho pea. 
\v 38 Tam-boli’ i lakañey re nirotse añ-akalañe, le nampivañoneñe ami’ty hoe: O Talè, tsy ahoa’o hao t’ie òpo? 
\v 39 Nitroatse re nitrevoke i tiokey naho nanao ty hoe amy riakey, Manintsiña, mipendreña. Le nijihetse i tiokey vaho nipendreñe ami’ty do’e. 
\v 40 Le hoe re tam’ iereo: Ino ty ihembaña’ areo? Mboe tsy am-patokisañe hao? 
\v 41 F’ie nianifañe, nifanao ty hoe: Ondaty manao akore v’itoio, te ivohora’ i tiokey naho i riakey!
\c 5
\s1 i Nitokoen-drahay
\r Mat 8.28-34; Lke 8.26-39
\p
\v 1 Ie nitoly alafe’ i riakey an-tanen-te Gadarene ao 
\v 2 vaho niakatse i lakañey, le nifanojo ami’ t’indaty boak’ an-kibory ao niazo’ ty anga-maleotse, 
\v 3 ie mpañialo añivon-kibory ao vaho tsy teo ty naharohy aze ndra am-biñe, 
\v 4 beteke narohy an-dabaro naho an-tsili­sily fe pinotopoto’e o silisilio naho pinozapoza’e i labaroy vaho tsy teo ty nahafamere aze. 
\v 5 Tan-kaboañe ey re naho an-kibory ao handro am-pohatse nikontsiañe naho nandritarita sandriñe am-bato. 
\v 6 Ie tinalake’e eñe t’\nd Iesoà\nd*, le nibiririña’e naho nitogalefa’e, 
\v 7 nipoña-peo ami’ty hoe: Ino ty itraofan-tika, ry \nd Iesoà\nd*, Anan’ Añahare Andindimoneñeo? Ampifantàko aman’ Añahare t’ie tsy hampisoañe ahy, 
\v 8 ie nanoa’e ty hoe: Miakara am’ondatio ty anga-maleotse tia. 
\v 9 Hoe ty nañontanea’e; Ia ty añara’o? Tozantoza\f + \fr 5:9 \fr*\ft Legiona: lahin-defo 6000 mirimbo\ft*\f* ty añarako, hoe re, foto’e maro zahay. 
\v 10 Nitolom-pitoreo ama’e re t’ie tsy handroak’ aze hiakatse i taney.
\p
\v 11 Tey hoeke ey ty lia-rain-dambo jabajaba nandrazeñe amy vohitsey, 
\v 12 le hoe ty fikoikoia’ iareo: Ampihitrifo mb’ amo lamboo zahay hitsamoaha’ay. 
\v 13 Le napo’ \nd Iesoà\nd* naho nivorake vaho nitso­ròpoke amo lamboo i anga-draty rey; naho nivarimbariñe amo tazoa beio mb’an-driake ao i mpirai-trokey; va’e ro’ arivo ty niopo an-driake ao. 
\v 14 Nitson­demboke ty lay o mpiara-damboo, nitalily an-drova naho an-teteke añe, le nimb’eo iereo handrendreke. 
\v 15 Nivo­trake amy \nd Iesoà\nd* iereo nisamba i niazo’ o kokolampaoy, t’ie nitoboke soa, toe nisaroñe naho niareñe i nangara’ i tozantozañey, vaho nirevendreveñe. 
\v 16 Natalili’ o nahaisakeo am’iereo ty nanjò i niazon-kokolampay, naho ty amy lambo rey, 
\v 17 vaho nitoreo amy \nd Iesoà\nd* iereo t’ie hienga i tane’ iareoy. 
\v 18 Aa ie nijon-dakañe, le nihalalia’ i nangara’ i kokolampaiy ty hireketa’e. 
\v 19 Fe tsy nimetea’e, hoe re: Mimpolia mb’ aman-drolongo’o mb’eo, le italilio o raha ra’elahy nanoe’ i T\nd alè\nd* ama’oo, vaho ty niferenaiña’e. 
\v 20 Le nimb’eo re nitalily e Dekapolisy ao i hene raha fanjàka nanoe’ \nd Iesoà\nd* ama’ey; vaho fonga nilatsa.
\s1 I Jairo
\r Mat 9.18-19; Lke 8.41-42
\p
\v 21 Ie nitsake an-dakañe in­draike t’\nd Iesoà\nd* nitoly an-dafe eroy, le nihipoke ama’e i lahialeñey, ie tañ’ olon-driake ey. 
\v 22 Niheo mb’eo ty raike amo beim-pitontonañeo, i Jairo ty tahina’e; ie nitendreke aze, le nibokoke am-pandia’e 
\v 23 nihalaly ty hoe: Matindry fa heta’e i anak’ ampelakoy, Ehe antao, hanampeza’o fitàñe, hijangaña’e ho veloñe. 
\v 24 Aa le nindreza’e lia vaho nanonjohy aze i lahialeñey naho nifanisike ama’e.
\s1 Ty Ampela Niazo’ ty Lke Lava
\r Mat 9.20-22; Lke 8.43-48
\p
\v 25 Teo ty rakemba niazo’ ty lio-lava folo taoñe ro’amby; 
\v 26 ie nisotry raha tsiefa ami’ty mpanaha maro, ze fonga nampikapioke ty vara’e, f’ie tsy nimbaeñe, te mone niindra; 
\v 27 ie nahatsanoñe ty am’ \nd Iesoà\nd*, le nitsifitse amy lahialeñey mb’am-boho’e ao vaho nitsapa i saro’ey. 
\v 28 Fa hoe re: Ndra te i saro’ey avao ty tsapaeko, ho jangan-draho. 
\v 29 Aa le nimaike amy zao i hila-tsimeivohi’ey, naho napota’e añova’e ao te nijangañe amy hasilo’ey.
\p
\v 30 Niarofoana’ \nd Iesoà\nd* amy zao te niakaran-kaozarañe, le nitolike amy lahialeñey, nanao ty hoe: Ia ty nipaoke o sarokoo? 
\v 31 Hoe ty natoi’ o mpiama’eo aze: Vazoho’o o lahialeñe mifanihisihy ama’oo, mbore anoe’o ty hoe: Ia ty nitsapa Ahy? 
\v 32 Nitolike re, nahavazoho i nanao zay. 
\v 33 Nivorombeloñe amy zao i rakembay naho nititititike, ie nifohi’e i nifonitse ama’ey, le nimb’eo nibaboke añatrefa’e eo vaho hene natalili’e aze ami’ty hatò. 
\v 34 Aa hoe re tama’e; O anake, nahahaha azo o fatokisa’oo: akia an-kanitsiñe, le mijangàña amy hasilofa’oy.
\s1 Natroatse ty Anak’Ampela’i Jairo
\r Mat 9.23-26 Lke 8.49-56
\p
\v 35 Ie mbe nitsara, pok’eo o hirik’ amy beim-pitontonañeio nanao ty hoe: Fa simba i anak’ ampela’oy; inoñe ka ty hitsoborea’o i Talè? 
\v 36 Jinanji’ \nd Iesoà\nd* i entañe zay, le hoe re amy beim-pitontonañey: Ko hembañe, matokisa avao. 
\v 37 Le tsy nimetea’e t’ie horiheñe naho tsy i Petera naho Iakobe vaho i Jaona rahalahi’ Iakobe.
\p
\v 38 Ie niloak’ añ’anjomba’ i beim-pitontonañey, nivazoho’e o fihoren­tseañeo, o nandalao, vaho o nangoihoio. 
\v 39 Nizilike ao re, le nanoa’e ty hoe: Akore o fikorahañe naho lako-tañio? Tsy simba i ajajampelay, fa miroro. 
\v 40 Nikakakaka aze iereo, fe fonga nasita’e le nendese’e ty rae naho rene’ i ajajampelay vaho i mpiama’e rey, mb’amy ajajampelay. 
\v 41 Rinambe’e ty taña’ i ajajampelay, le nanoe’e ty hoe: Talita komy, (ze adika ty hoe: O ajajampelao, hoe iraho ama’o, mitroara). 
\v 42 Nitroatse amy zao i ajajampelay, le nandeha—ie nifolo taoñe ro’amby, vaho nijagòñe an-datsa iereo. 
\v 43 Fe hinatahata’e tsy hampahafohiñe ndra ia ia; le nampamahàne’e hàneñe.
\c 6
\s1 Tsy Nañaoñe o nte Nazaretao
\r Mat 13.53-58; Lke 4.16-30
\p
\v 1 Niakatse re, nimpoly mb’an-tane’e añe, le norihe’ o mpiama’eo. 
\v 2 Ie \nd Sabotse\nd* le nañoke am-pitontonañe ao vaho nilatsa i maro nahajanjiñe azey, nanao ty hoe: Taia ty nahazoa’ t’in­daty tia o raha zao? Akore o hihitse natolots’ azeo vaho o raha ra’e­lahy fonirem-pità’eo? 
\v 3 Tsy ie i mpandrafits’ ana’ i Marie naho rahalahi’ Iakobe naho i Josesy naho i Jodasy vaho i Simonay? Tsy aman-tikañe etoañe hao o rahavave’eo? Le nisirikae’ iereo. 
\v 4 Aa hoe ty nanoa’ \nd Iesoà\nd*: Tsy pok’ asy ty mpitoky naho tsy an-tane’e ao, naho amo foko’eo, vaho añ’anjomba’e ao. 
\v 5 Aa le tsy nahata­fete-draha ra’elahy ao re, naho tsy t’ie nahajangañe ty narare tsy ampeampe am-panampezam-pitàñe, 
\v 6 ie nilatsa ami’ty tsy fatokisa’ iareo.
\s1 Ty Namantohañe ty Folo Ro’amby
\r Mat 10.1, 5-15; Lke 9.1-6
\p Aa le nañariary amo tanañeo re, nañoke. 
\v 7 Le tsinikao’e i folo ro’amby rey, naho namototse nañitrike iareo kiroeroe, naho nomea’e lily amo anga-dratio, 
\v 8 vaho nitoroa’e ty tsy hinday amy liay naho tsy kobaiñe avao; tsy mofo tsy kotrañe naho tsy drala an-tsandrife. 
\v 9 Mihanà, fa ko misikin-tsaron-droe. 
\v 10 Le hoe re am’iereo: Ndra mbia’ mbia t’ie himoak’ añ’anjomba, mitoboha ao ampara’ te hiakatse i rovay, 
\v 11 naho eo ty toetse tsy mampihova anahareo, naho tsy mijanjiñe, ie mienga ao, le aboño am-pandia’ areo ty deboke ho fanesehañe iareo.
\p
\v 12 Niavotse iereo nitaroñe ty fisolohoañe, 
\v 13 naho nañary kokolampa maro naho nañiliñe solike ami’ty natindry tsifotofoto vaho nampijangañe.
\s1 Navetrake t’i Jaona
\r Mat 14.1-12; Lke 9.7-9
\p
\v 14 Ie nioni’ i Heroda (toe niboele mb’eo mb’eo ty tahina’ \nd Iesoà\nd*) le hoe re: Toe nivañoñe an-kavilasy t’i Jaona Mpandipotse; izay ty itoloñan-kaozarañe tsitantane ama’e. 
\v 15 Hoe ty ila’e: I Elia zay, hoe ka o ila’eo: Mpitoky re, manahake o mpitoky taoloo. 
\v 16 F’ie jinanji’ i Heroda, le nifahara’e ty hoe : I Jaona kinitsiko-lohay ty nivañombelo.
\p
\v 17 Toe nampihitrife’ i Heroda ty nitse­pak’ i Jaona, le rinohi’e am-porozò ao, ty amy Herodiasy, vali’ i Filipo rahalahi’e, 
\v 18 ie nanoe’ i Jaona amy Heroday ty hoe: Tsy Hake ty hanaña’o i valin-drahalahi’oy. 
\v 19 Nitan-kabò ama’e t’i Herodiasy, le ho nañe-doza ama’e, fe tsy nahalefe; 
\v 20 amy te nañalike i Heroda t’i Jaona, ie nioni’e te ondaty vaño naho aman-kasy; le nambena’e, vaho niembetse te nijanjiña’e, fe nitea’e ty nitsendreñe aze.
\p
\v 21 Tondroke amy zao ty andro nahaheneke izay: i fitiahiañe ty andro nisamahañe i Heroday, le nanoa’e sabadidake o roandriañeo naho o mpandilio vaho o androanavi’ i Galiliao; 
\v 22 Nimoake ao ty anak’ ampela’ i Herodiasy, nitsin­jake, nahaehake i Heroda naho o nambarañeo. Le hoe i mpanjakay amy somondraray: Halalio amako ze tea’o le hatoloko, 
\v 23 mbore nitangea’e ty hoe: Ndra inoñ’ inoñe ihalalia’o, le hatoloko azo, pak’ami’ty vaki’ i fehekoy. 
\v 24 Niakatse re, nañontane an-drene’e: Inoñe ty hangataheko? le hoe re: Ty loha’ i Jaona Mpandipotse! 
\v 25 Nihitrike mb’amy mpanjakay mb’eo re, le hoe ty hàta’e: Ehe atoloro’o ahy añ’akala aniany ty añambone’ i Jaona Mpandipotse. 
\v 26 Akore ty fioremeña’ i mpanjakay; fe i fanta natao’ey, naho o nambarañeo, le tsy nimete ifoneñañe. 
\v 27 Nañitrike ty lahindefoñe amy zao re, le linili’e ty handesañe i añambone’ey; le nimb’eo re nampiki­tsike aze am-porozò ao 
\v 28 naho nindese’e añ’akalañe ty añambone’e naho natolo’e amy somondraray vaho natolo’ i ampelay aman-drene’e. 
\v 29 Ie nirendre’o mpiama’eo, le nimb’eo nitakoñe i fañòva’ey vaho nandrohots’aze an-kibory ao.
\s1 Nibalike i Folo Roe-amby rey
\r Lke 9.10
\p
\v 30 Nifanontoñe amy \nd Iesoà\nd* o nirahe’eo le hene natalili’ iereo o nanoeñe naho nanare’ iereoo. 
\v 31 Le hoe re tam’ iereo: Antao hitolake, hitofa am-bangiñe ao heike. (Amy te maro ty ni-helohelo teo vaho ndra ty fikamañe tsy nilefe.) 
\v 32 Aa le nienga an-dakañe mb’am-bangiñe añe iereo, nitolake.
\s1 Namahañe ty Lime-arivo
\r Mat 14.13-21; Lke 9.11-17; Jao 6.1-14
\p
\v 33 Fe nitalakeseñe ty fiengà’ iareo le napota’ i màroy naho nihitrihitry am-pandia mb’eo hirik’amo rova iabio, naho niavy aolo vaho niropake ama’e. 
\v 34 Ie toly añ’olotse eo t’\nd Iesoà\nd* le naheo’e i lahialeñey, naho niferenaiña’e, amy te nanahake añondry tsy amam-piarake vaho niorotse nañoke raha maro ama’e. 
\v 35 Ie roñoñe añe le nimb’ama’e i mpiama’e rey nanao ty hoe: Paipaiñe ty atoy, fa miròñe i àndroy, 
\v 36 ampiavoto iereo hihitrike mb’an-tane mañohoke ey, naho mb’amo tanàñeo mb’eo hikalo mahakama. 
\v 37 Fe natoi’e ty hoe: Anjotsò mahakama. Fa hoe iereo ama’e: Hitoha hao zahay hikalo mofo denaria roan-jato hazotso’ay hitsopeha’e? 
\v 38 Le hoe re tam’ iereo: Fire ty mofo\f + \fr 6:38 \fr*\ft Mofo: oniño Iek 4:9\ft*\f* ama’areo? Akia, oniño. Namolily iereo, le nanao ty hoe: Lime naho fiañe roe.
\p
\v 39 Le hene nampiambesare’ \nd Iesoà\nd* an-dròkandrokañe añ’ahetse maindoñe ey; 
\v 40 vaho ni-ikeike niambesatse ki-zato naho ki-limam-polo. 
\v 41 Rinambe’e i mofo lime rey naho i fiañe roe zay, le niandra mb’an-dikerañe ey, nitata, vaho namolake i mofo rey, le nitolom-panolotse amo mpiama’eo hanjotsoa’ iareo, vaho zinara am’ iereo iaby i fiañe roe rey. 
\v 42 Sindre nikama, le nianjañe, 
\v 43 vaho nahoro’ iareo ami’ ty mozete folo ro’amby pea ze nifitafita amy maha­kamay naho amo fiañeo. 
\v 44 Lime arivo ty lahilahy nikama amy mofoy.
\s1 Nidraidraitse Ambone Riake eo
\r Mat 14.22-23; Jao 6.15-21
\p
\v 45 Nirahe’ \nd Iesoà\nd* amy zao o mpi­ama’eo hijon-dakañe hitsake aolo mb’e Betsaida mb’eo, ie hampoly i lahialeñey, 
\v 46 le nampiavote’e an-kanintsiñe i màroy, vaho nienga mb’am-bohitse ey nitalaho. 
\v 47 Aa ie hariva, le tañivon-driake eñe i lakañey, vaho niereñèreñe an-tane ey re. 
\v 48 Nivazoho’e t’ie nilozoke am-pivè fa niatre-tioke; aa ie amy fijilovan-kale fah’ èfatsey le nimb’am’iereo mb’eo nidrai­draitse ambone’ i riakey vaho ho nilosora’e; 
\v 49 aa ie nioni’ iereo nanjenge ambone’ i riakey le nikoràke fa natao’ iereo ho angatse, 
\v 50 amy te hene nahaoniñe aze vaho nianifañe. Fe hoe ty nisaontsia’e: Mihafatrara, Izaho ‘nio, ko hembañe. 
\v 51 Le nijon-dakañe mindre am’iereo re, naho nipendreñe i tiokey, vaho niloho latsa iareo, 
\v 52 amy t’ie tsy nahatsikarake i mofoy, fa mbe nigañ’arofo.
\s1 Nañafake e Genesareta
\r Mat 14.34-56
\p
\v 53 Ie tafatsàke le nitoly an-tane’ Genesareta vaho nigaoñe añ’olotse eo. 
\v 54 Ie vaho niakatse i lakañey, le nifohi’ ondatio, 
\v 55 naho nirimatse mbeo’mbeo amy taney ninday marare an-tihy, mb’amy naharendreha’ iereo aze mb’eo. 
\v 56 Aa ndra aia aia niheova’e, ke an-tanañe, ke an-drova, he an-kaloke, le nampàndre’ iereo an-tameañe ey o natindrio vaho nihalaly t’ie ho tsa­paeñe ndra ty añ’ ìndran-tsaro’e eo. Le hene nijangañe ze nitsapa aze.
\c 7
\s1 Imaneo ty Hazavañ’Arofo
\r Mat 15.1-20
\p
\v 1 Nihimpoke ama’e o Fariseo naho mpanoki-dily ila’eo, ie nihitrike boak’e Ierosaleme añe; 
\v 2 le nahaisake te nikama mofo am-pitàñe maleotse o mpiama’e ila’eo, 
\v 3 (Toe tsy mikama hey o Fariseoo naho o Jiosy iabio naho tsy manasa an-dili’e am-pañambenañe o satan-droaeo, 
\v 4 le tsy mikama iereo te boak’an-tsena naho tsy mañalio vatañe, vaho tsiefa o raha rinambe’ iereo hambenañe, manahake ty sasa-fitovy naho valàñe vaho gorogoro torisìke) 
\v 5 le hoe ty nañontanea’ o Fariseoo naho o mpanoki-dilio aze: Akore te tsy orihe’ o mpiama’oo o lilin-droaeo, ie mihinan-kaneñe an-taña maleotse? 
\v 6 Tinoi’ \nd Iesoà\nd* ty hoe: To ty nitokia’ Isaia ty ama’ areo soamiatrekeo, ami’ty pinatetse ty hoe:
\q1 Miasy ahy am-pivi­mby ondaty retoa,
\q1 Fe lavits’ ahy ty arofo’ iareo,
\q1
\v 7 Borosode ty italahoa’iareo, ie mañanatse fañè’ondaty hoe hatòm-bolañe.\f + \fr 7:7 \fr*\ft Isa 29:13\ft*\f*
\p
\v 8 Nado’areo o lilin’Añahareo hivontititse amo lilin-droaeo. 
\v 9 Tinovo’e ty hoe: Eka, soa avao te nadò’areo ty lilin’Añahare hañambenañe o lilin-droaeo. 
\v 10 Fa hoe t’i Mosè:
\q1 Miasia an-drae’o naho i rene’o,\f + \fr 7:10 \fr*\ft Avo 20:12\ft*\f* naho
\q1 Havetrake ze mamatse rae ndra rene.
\p
\v 11 Fe hoe nahareo: Naho anoe’ ondaty aman-drae ndra rene ty hoe: Ze amako ho nañimba anahareo ro Korbane (toe: Enga aman’ Añahare); 
\v 12 le tsy apo’ areo hanao ndra inoñ’ inoñe re ho aman-drae’e ndra rene’e, 
\v 13 aa le mivalike amy tsaran’ Añaharey nahareo an-dilin-droae’areo ze mbore taroñe’ areo; toe maro ty fanoe’ areo hambañe amy zay.
\p
\v 14 Aa le kinanji’e hitotok’ aze i maroy naho nanoa’e ty hoe: 
\v 15 Tsy eo ty alafe’ ondaty, ie mimoake ama’e ao, ty mahativa aze, fa o miakatse ama’eo ty mahativa ondaty.\f + \fr 7:15 \fr*\ft HN:16 Ze aman-dravembia hijanjy.\ft*\f*
\p
\v 17 Nienga i lahialeñey re le nizilike añ’ anjomba ao, naho nañontanea’ o mpiama’eo i fandrazañañey. 
\v 18 Le hoe re tam’ iereo: Tsy maharendreke ka v’inahareoo? Tsy apota’ areo hao te tsy mahativa ondaty ze mizilike ama’e ao boak’ alafe’e, 
\v 19 amy t’ie tsy mijoñe añ’arofo’e fa am-pisafoañe ao, vaho amontoñeñe.\f + \fr 7:19 \fr*\ft Toe mahakama, fa tsy o raha falio\ft*\f* 
\v 20 Le hoe re: Ze miakatse ama’ ondaty ro maniva indatiy. 
\v 21 Amy te boak’ao, hirike an-tro’ ondaty ao ty iakaran-kilily, hakarapiloañe, fikamerañe, fañohofan-doza, havambàñe, 
\v 22 fihàñañe, hatserehañe, famañahiañe, hadrao, fikirofañe, fañinjeañe, fiebo­tseborañe vaho ty hadagolàñe. 
\v 23 Boak’ ao i hene raty mahativa ondaty rezay.
\s1 I Rakemba Grikay
\r Mat 15.21-28
\p
\v 24 Niongake re, niavotse mb’ an-tane Tirò naho i Sidona añe, vaho nizilike añ’anjomba ao, toe laha’e te tsy ho fohi’ ondaty, f’ie tsy nahafietake. 
\v 25 Nahajanjiñe ty ama’e ty rakemba, ie nangare’ ty anga-draty i anak’ ampela’ey, le niheo mb’ama’e niankotrake am-pandia’e eo. 
\v 26 Nte Grika i rakembay, Siro-foinika ty famosora’e; nihalalia’e ty handroake i kokolampa amy anak’ ampela’eiy; 
\v 27 fe hoe ty natoi’ \nd Iesoà\nd*: Soa re te vontsiñe hey o ajajao, fa tsy mete te rambeseñe ty mofo’ o ajajao hahifike amo anak’ amboao. 
\v 28 Tinoi’e ty hoe: Eka, Rañandria, fe ndra o anak’ amboa añ’ ilam-pandambañañeo ro milintseñe ze afitafita’ o ajajao. 
\v 29 Le hoe re ama’e: Ty amy enta’oy, akia, fa niakats’ amy anak’ ampela’oy i anga-dratiy. 
\v 30 Ie nimpoly añ’anjomba’e ao, zoe’e nàndre an-tihy eo i anak’ ampela’ey, fa nimaotse añe i kokolampay.
\s1 Mañafake ty Giñe naho Moañe
\r Mat 15.29-31
\p
\v 31 Nienga an-tane’ i Tirò re niranga i Sidona mb’an-driake Galilia mb’eo amparipari’ ty atao Dekapo­lisy. 
\v 32 Le nandesañe ty giñe naho saro-drehake, le nihalaliañe te hampitongoà’e fitañe. 
\v 33 Natola’e amy lahialeñey, naho nazili’e an-dravembia’e ao o rambom-pità’eo, le nañakatse ranom-pañere vaho napotsapotsa’e am-pamele’e eo, 
\v 34 le niandra mb’ an-dike­rañe ey naho niselekaiñe vaho nanoa’e ty hoe: Ef’fata, ze midika ty hoe: Misokafa. 
\v 35 Nisokake amy zao o ravembia’eo naho nihaha i handram-pamele’ey vaho nalange i saontsi’ey.
\p
\v 36 Le linili’e tsy hitalily ama’ia ia, fa ndra te nonjone’e i hatahatay, àntsake te naboele’ iereo i taliliy. 
\v 37 Tsy aman’ ohatse ty hadabà’ iareo kanao nanao ty hoe: Hene fonitse ze anoe’e, ampijanjiñe’e ty giñe, vaho ampisaontsie’e ty moañe.
\c 8
\s1 I Efats’Arivoy
\r Mat 15.32-39; Mar 6.32-44
\p
\v 1 Tamy andro zay, ie nialindretse i lahialeñey, naho tsy ama’ mahakama, kinanji’ \nd Iesoà\nd* o mpiama’eo le nanoa’e ty hoe: 
\v 2 Ferenaiñako ondaty retoa fa telo andro te niharo amako vaho tsy aman-ko kamaeñe; 
\v 3 aa naho ampolieko mb’añ’akiba’e añe, t’ie mifeake, le hitoirañe an-dalañe ey, fa boa-davitse o ila’eo. 
\v 4 Le hoe ty natoi’ o mpiama’eo: Aia ty mofo an-jerezere tane atoy hahaeneñe ondatio? 
\v 5 Nañontanea’e ty hoe: Fire ty mofo ama’ areo? Fito, hoe iereo.
\p
\v 6 Nampiambesare’e an-tane eo i màroy, le nandrambe i mofo fito rey naho nañandriañe, le finola’e, naho natolo’e amo mpiama’eo hanjotsoa’ iareo, vaho nazotso’ iereo am’ ondatio. 
\v 7 Aman’ ana-piañe tsiampeampe ka iareo; tinata’e izay le nampanjo­tsoa’e. 
\v 8 Nikama iereo le nianjañe; vaho nahoroñe an-karon-kisetse fito i nisisa amo nifitafitaoy. 
\v 9 Va’e efats’ arivo ty teo; le nampolie’e.
\p
\v 10 Nijon-dakañe amy zao re nindre amo mpiama’eo niondrañe mb’ an-tane Dalmanota añe.
\s1 Mipay Viloñe o Fariseoo
\r Mat 15.39—16.4; Lke 11.16, 29; Jao 6.30
\p
\v 11 Pok’ eo o Fariseoo nifandietse ama’e, nipay viloñe boak’ andindìñe ao hisombeañ’ aze. 
\v 12 Niselekaiñe añ’arofo’e re nanao ty hoe: Ino ty paia’ ty tariratse toy viloñe? Eka! to t’itaroñako te tsy ho toloram-biloñe ty tariratse toy. 
\v 13 Nisitaha’e naho nijon-dakañe indraike, nitsake mb’an-dafe eroke.
\s1 Ty Lalivai’ o Fariseoo
\r Mat 16.5-12
\p
\v 14 Nihaliño’ iareo ty mivaty mofo, ie tsy ama’e naho tsy ty vonga’e raike an-dakañ’ ao. 
\v 15 Le nafantopanto’e ami’ty hoe: Mijilova! itaò ty lalivai’ o Fariseoo naho ty lalivai’ i Heroda. 
\v 16 Le hoe ty vesoveso’ iareo: Va’e te tika tsy ama’ mofo. 
\v 17 Niarofoana’ Iesoà, le hoe re ama’e: Inoñe ty aereñerè’ areo te tsy ama’ mofo? Mbe tsy mahaisake ndra mahafohiñe hao? Mbe aman-troke mijadiriñe hao?
\q1
\v 18 Ry amam-pihaino, tsy mahaisake hao?
\q1 Ry aman-dravembia, tsy mahajanjiñe hao?\f + \fr 8:18 \fr*\ft Iir 5:21; Eze 12:2\ft*\f*
\p tsy tiahi’areo hao, 
\v 19 ie namolahañe mofo lime i lime arivoy rey, fire ty mozete pea ty nifitafita natonto’ areo? Folo ro’amby, hoe iereo. 
\v 20 Aa naho nifolaheko i fito ho a i efats’ arivoy rey, fire ty haron-kisetse nipeà’ i nifitafitay ty rinambe’ areo? Hoe iereo ama’e, Fito. 
\v 21 Le hoe re tam’ iereo: Mbe tsy mahafohiñe hao?
\s1 Jinanga’e t’i Fey
\p
\v 22 Toly e Betsaida ao iereo, le nase­se ama’e ty goa vaho nihalaliañe t’ie hitsapa aze. 
\v 23 Rinambe’e ty fità’ i feiy le nindese’e niakatse i rovay, naho nañakatse fañère am-pihaino’e ao vaho nañontane aze he nahaisake. 
\v 24 Ie niandra le nanao ty hoe: Mahatrea ondaty iraho, aheoko t’ie hoe hatae misitsitse. 
\v 25 Napeta’e am-pihaino’e indraike o fità’eo, nihìren-dre le niareñe ty fañentea’e, vaho kila niisa’e malange. 
\v 26 Nampolie’e mb’an-kiboho’e mb’eo ami’ty hoe: Ko mimoake an-drova ao.
\s1 Mitalily t’i Petera
\r Mat 16.13-20; Lke 9.18-20; Jao 6.67-71
\p
\v 27 Nienga mb’ amo tanañe mañohoke i Kaisaria-Filipoo mb’eo t’\nd Iesoà\nd* naho o mpiama’eo; ie nañavelo le hoe ty ontane’e amo mpiama’eo: Atao’ ondatio ho ia iraho? 
\v 28 Natoi’ iareo ty hoe: I Jaona Mpandipotse, le ty ila’e: I Elia, vaho o ila’eo: raike amo mpitokio. 
\v 29 Le hoe re tam’ iereo: Inahareo ka, atao’ areo ho ia iraho? Tinoi’ i Petera ty hoe: I Norizañey ‘n-Iheo! 
\v 30 Le nafanto’e am’iareo ty tsy hitalily am’ ondatio ty ama’e.
\s1 Mitoky ty Hivilasia’e
\r Mat 16.21-23; Lke 9.22
\p
\v 31 Le namototse nañoke iareo re, te tsy mahay tsy ho silofen-draha maro i Ana’ ondatiy, ho arinjeñe’ o roandriañeo naho o mpisorom-beio naho o mpanoki-dilio, le hañohofan-doza, ie añe ty hateloañe vaho hitroatse in­draike. 
\v 32 Nabeja’e malange i tsaray, fe natola’ i Petera le nitrevoha’e. 
\v 33 Nitolike re nijilo o mpiama’eo le nendaha’e ami’ty hoe t’i Petera: Mb’am-bohoko ao ty mpañìnje tia! tsy o rahan’ Añahareo ty ereñerea’o, fa a’ ondatio.
\s1 Ty Hasarota’o Fitaliliañeo
\r Mat 16.24-27; Lke 9.22-26
\p
\v 34 Tsinikao’e i màroy naho o mpi­ama’eo, le nanoe’e ty hoe: Ze te haño­rike ahy, ee t’ie hilie-batañe, handrambe i hatae ajale’ey vaho hanonjohy ahy. 
\v 35 Ze te handrombake ty fiai’e ro hamoe aze, vaho ze mitono-vatañe ty amako naho ty amy talili-soay, ty handrombake aze. 
\v 36 Ino ty hahasoa ondaty te kila azo’e ty tane toy, te mone ampiantoe’e ty fiai’e? 
\v 37 Ino ty hampitsaloha’ ondaty ty fiai’e? 
\v 38 Aa ndra iaia ty meñatse ahy naho o fivolako ami’ty tariratse vamba naho bey hakeo toio, ty himeñara’ i Ana’ Ondatiy t’ie mivotrak’ etoa aman-drengen-dRae’e rekets’ o anjely masiñeo.
\c 9
\p
\v 1 Tinovo’e am’iereo ty hoe: Eka! to t’itaroñako te amo mijohañe etoañeo o tsy hitsope-kavilasy ampara’ te isa’e mitotsake ami’ty haozara’e i Fifehean’ Añahareio.
\s1 Ty Niova’e
\r Mat 17.1-9; Lke 9.28-36; 2 Pet 1.17-18
\p
\v 2 Ie añe ty eneñ’ andro, le nente’ \nd Iesoà\nd* t’i Petera naho Iakobe vaho i Jaona nañambone vohitse abo mb’eo, nitolake, ie novaeñe aolo’ iereo eo. 
\v 3 Nireandreañe ty saro’e; nifoty mangotritriake hoe volovaso, hafotiañe tsy lefem-pikotriñe an-tane atoy. 
\v 4 Nisodehañe am’iereo t’i Elia naho i Mosè, vaho nifanaontsy am’ \nd Iesoà\nd*.
\p
\v 5 Hoe t’i Petera tamy \nd Iesoà\nd*: O Raby\f + \fr 9:5 \fr*\ft Raby: Talè\ft*\f*, fanjaka ty maha etoañe itika; apoho hamboara’ay kivoho telo: ty ho Azo, ty ho a i Mosè, vaho ty ho a i Elia; 
\v 6 fe tsy napota’e i nisaontsie’ey, fa nirevendreveñe. 
\v 7 Le niboake eo ty rahoñe nañaloke iareo, vaho niboak’ amy rahoñey ty fiarañanañañe, nanao ty hoe: Anako kokoako itoy: Ijanjiño. 
\v 8 Tsipaepae izay, nañente iereo fe tsy nahaisake ia’ia am’iereo naho tsy \nd Iesoà\nd* avao.
\p
\v 9 Ie nizotso i vohitsey, le hinata­hata’e tsy hitalily aman-dra ia’ia i niisa’ iareoy ampara’ te vañom-beloñe i Ana’ Ondatiy. 
\v 10 Nahaja’ iereo an-troke ao i tsara zay vaho nifañontane i tsaraeñe hoe: Fivañonam-beloñey.
\r Mat 17.10-12
\p
\v 11 Le nañontanea’ iareo ty hoe: Akore ty fisaontsi’ o mpanoki-dilio te tsy mahay tsy ho avy aolo t’i Elia? 
\v 12 Hoe ty natoi’e: Toe avy aolo t’i Elia hañavao ze he’e; fe akore i nipatereñe i Ana’ Ondatiy t’ie tsy mete tsy silofen-draha maro vaho sirikaeñe? 
\v 13 Fe itaroñako, toe niavy t’i Elia, le nanoeñe ama’e ze nisatrie’ iereo, hambañe amy nipaterañey.
\s1 Nañafake Anga-dRaty
\r Mat 17.14-21; Lke 9.37-42
\p
\v 14 Nimpoly mb’amo mpi­ama’eo mb’eo iereo le nahaisake t’ie niarikoboña’ i lahialeñey, naho nanoa’ o mpanoki-dilio lie-drokoñe. 
\v 15 Ie hene nahaisak’ aze i valobohokey le nilatsa vaho nivavatse mb’ama’e mb’eo hifañontane. 
\v 16 Le hoe ty ontane’e am’iereo: Inoñe o ifandiera’ areoo? 
\v 17 Hoe ty natoi’ ty boak’ amy màroy ao: O Rañandria, nenteko mb’ama’o ty anako niazo’ ty kokolampa mahagiñe aze. 
\v 18 Ie azi’e, le roterotè’e naho ampamore’e ty vava’e, ie mivazakota vaho mifimpìñe, aa naho nivolañeko o mpiama’oo ty hañary aze, tsy nilefe’e.
\p
\v 19 Natoi’ \nd Iesoà\nd* ty hoe: Ry tariratse po-fatokisañeo, pak’ ombia ty mbe hindrezako? Sikal’ ombia ty mbe hifeahako? Ampombao mb’amako re.
\p
\v 20 Aa le nasese’ iereo mb’ama’e, ie nivazoho’e, le nifetsaha’ i kokolampay an-tambioñe i ajalahiy; nikorovoke an-tane eo nitamborokoseke vaho namore. 
\v 21 Le nañon­tanea’e an-drae’e ty hoe: Ombia ty nifotora’ i fanjeke’ey? Le hoe ty natoi’e: Ampara’ ty naha-kede aze. 
\v 22 Beteke ahifi’e añ’afo ao naho an-drano ao hañohofa’e loza; aa naho mete’o ty hanao ndra inoñ’ inoñe, iferenaiño vaho imbao! 
\v 23 Hoe t’\nd Iesoà\nd* tama’e, Naho mete! Toe hene mete ami’ty mpiato. 
\v 24 Nitoreo amy zao ty rae’ i ajalahiy ami’ty hoe: Miantoke iraho, imbao o tsy fatokisakoo.
\p
\v 25 Naheo’ \nd Iesoà\nd* te hihipoke ama’e i lahialeñey le nendaha’e i anga-dratiy ami’ty hoe: Ty kokolampa giñe naho moañe tìañe, lili­eko irehe, Iakaro le ko itsamoaha’o ka. 
\v 26 Nikontsiañe amy zao re le nagibigibi’e mafe, naho niakatse vaho ni-hoe lolo i ajajalahiy kanao natao’ i màroy te simba. 
\v 27 Fe rinambe’ \nd Iesoà\nd* ty taña’e le sinotra’e vaho nitroatse re.
\p
\v 28 Ie nizilike añ’anjomba ao le natola’ o mpiama’eo, nañontane aze ty hoe: Akore te tsy nilefe’ay firoake i rahay? 
\v 29 Hoe re tam’iareo: Tsy mete mifaoke i karazañe zay naho tsy aman-kalaly.
\s1 Mitoky ty Hivilasia’e
\r Mat 17.22-23; Lke 9.43-45
\p
\v 30 Nienga iereo re le niranga i Gali­lia, fa laha’e te tsy ho fohi’ ondaty, 
\v 31 amy t’ie nañoke o mpiama’eo, naho nitaroña’e ty hoe: Fa nase­se am-pità’ ondaty i Ana’ Ondatiy hañohofan-doza; ie vinono le hitroatse naho fa modo ty telo andro. 
\v 32 Fe tsy napota’ iereo i saontsy zay, naho tsy nahavany nañontane aze.
\s1 Ty Loha’e amy Fifeheañey
\r Mat 18.1-5; Lke 9.46-48
\p
\v 33 Nigodañe e Kapernaome ao iereo, le ie añ’anjomba ao, nañon­tanea’e o mpiama’eo ty hoe: Inoñe i nisafirie’ areo an-dalañey? 
\v 34 Nianjiñe iereo, amy te nialy habey amy lalañey. 
\v 35 Ni­ambesatse re le kinanji’e i folo ro’amby rey naho nanoa’e ty hoe: Naho eo ty te ho valoha’e, ie ty ho tsitso’e vaho ho mpitoro’ ie iabiy. 
\v 36 Nandrambe ajaja re le navotra’e aolo’ iareo eo naho nisazoha’e, vaho nanoe’e ty hoe iereo: 
\v 37 Ndra ia ia mandrambe ty ajaja hoe toke ami’ty añarako mandrambe ahy, le ndra ia ia mandrambe ahy, tsy izaho ty rambese’e fa i Nañitrike Ahiy.
\s1 Ty Fanoñonañe ty Tahina’ Iesoà
\r Nom 11.26-29; Lke 9.49-50
\p
\v 38 Hoe t’i Jaona tama’e: O Rañandria, nitrea’ay ty nañary kokolampa ami’ty tahina’o, le nendaha’ay amy t’ie tsy mpañorike an-tika. 
\v 39 Le hoe t’\nd Iesoà\nd*: Ko sebañe’o, fa tsy eo ty hahaboa-kaozarañe ami’ty añarako ze mora hanirìka ahy. 
\v 40 Ze tsy mirafelahy aman-tikañe ro mpiaman-tika. 
\v 41 Aa ndra iaia manjotso rano am-pitovy hinoma’ areo amy te a’ i Norizañey, Eka! to t’itaroñako t’ie tsy ho motso-tambe.
\s1 Ty Fampitaoañe amo Afo-beio
\r Mat 18.6-9; Lke 17.1-2
\p
\v 42 Fe ndra ia ia mampitsikapy ty raike amo mpiato kede retoa, hàmake t’ie androhizan-deom-bato am-pititia vaho avokovoko an-driake ao. 
\v 43 Naho mamingañe azo ty fità’o, kitsiho añe, fa kitra’e hizilike an-kaveloñe ao dom-pitàñe ta t’ie havokovoko reke-tañan-droe mb’ an-tsikeokeoke\f + \fr 9:43 \fr*\ft helo: afo-bey figadoña’ ty mpañinje\ft*\f* ao, amo afo tsy hay vonoeñeo—\f + \fr 9:43 \fr*\ft 9:44 aman’ oletse tsy mete mate, vaho amo afo tsy mete vonoeñeo.\ft*\f* 
\v 45 Lehe mahatsikapy azo ty fandia’o, aitò, fa hàmake hizilike an-kaveloñ’ ao doñe irehe ta te hajoroboñe an-tsikeokeoke ao reke-pandia roe—\f + \fr 9:45 \fr*\ft 9:46 manahake ty tovo i 9:44.\ft*\f* 
\v 47 Naho mañakeo azo ty fihaino’o, apolitiro, kitra’e himoak’ am-Pifehean’ Añahare ao tofa-pihaino raike irehe ta te hafe­tsake an-tsikeokeok’ ao amam-pihaino roe, 
\v 48 amo oletse tsy mateo naho amo afo tsy hay vonoeñeo—\f + \fr 9:48 \fr*\ft 9:48 manahake ty tovo i 9:44.\ft*\f* 
\v 49 Toe kila ho siraeñ’ afo, 
\v 50 Soa o sirao, f’ie botsake i siray, inoñe ty hanirañ’ aze? Manàña sira ama’ areo ao, vaho mifampilongoa.
\c 10
\s1 Ty Fañengam-baly naho ty Fañitoam-baly
\r Mat 19.1-12
\p
\v 1 Niongake re le nienga vaho nandoake am-paripari’ Iehodà alafe’ Iordaney añe, naho nihipoke ama’e indraike i lahialeñey, fe ami’ ty lili’e, nanare’e avao. 
\v 2 Nomb’ama’e mb’eo o Fariseoo hi­tsoke aze ami’ty hoe: Metea’ i Hake hao ty hañaria’ ondaty valy? 
\v 3 Tinoi’e ty hoe: Inoñe ty nandilia’ i Mosè? 
\v 4 Le hoe iereo: Nampanokire’ i Mosè takelan-­tsei-valy, izay vaho hitsey.\f + \fr 10:4 \fr*\ft Its 24:1\ft*\f* 
\v 5 Natoi’ \nd Iesoà\nd* ty hoe: Ami’ ty hagàñ’ arofo’ areo ro nanokira’e i lily zay. 
\v 6 Fe boak’ am-pifotora’ ty voatse toy,
\q1 nanoe’e lahilahy naho ampela iereo.\f + \fr 10:6 \fr*\ft Fot 1:27\ft*\f*
\q1
\v 7 Izay ty talim-pisitaha’ ondaty
\q1 aman-drae’e naho rene’e,
\q1 hireketse amy vali’ey;
\q1
\v 8 vaho ho nofotse raike ie roe,\f + \fr 10:8 \fr*\ft Fot 2:24\ft*\f*
\p ie tsy roe ka, fa nofotse raike. 
\v 9 Aa le ze navi­tran’ Añahare, ee te tsy havitso’ ondaty.
\p
\v 10 Ie tañ’anjomba ao, nindrae’ o mpiama’eo ontane amy hoe zay. 
\v 11 Le hoe re tam’ iereo: Ze mañary valy naho mañenga ampela hafa ro mampañarapilo aze. 
\v 12 Le ze rakemba misitake ami’ty vali’e naho mifanambaly ami’ty hafa ro mañarapilo.
\s1 Mitata Ajaja
\r Mat 19.13-15; Lke 18.15-17
\p
\v 13 Ninday ajaja ama’e iereo ho tsapae’e, fe nendaha’ o mpiama’eo. 
\v 14 Ie nivazoho’ \nd Iesoà\nd*, le niviñetse vaho nanoa’e ty hoe: Adono homb’ amako mb’etoañ’ o ajajao, ko sebañeñe fa a o hambañe ama’eo i Fifehean’ Añaharey. 
\v 15 Eka! to t’itaroñako te tsy hizilike ao, ndra ia ia tsy mandrambe i Fifehean’ Añaharey manahake o ajajao. 
\v 16 Aa le notroñe’e iereo naho nanampeza’e fitàñe vaho nitatae’e.
\s1 Ty Mpañaleale
\r Mat 19.16.30; Lke 18.18-30
\p
\v 17 Ie vaho nionjoñe mb’amy lia’ey, le nilay mb’ama’e mb’eo t’indaty nitongaleke añatrefa’e eo nañontane aze ty hoe: O Talè-soa, Inoñe ty hanoeko handovàko haveloñe nainai’e? 
\v 18 Le hoe t’\nd Iesoà\nd* tama’e: Inoñ’ ty anoa’o ahy: Soa? Tsy eo ty soa naho tsy Raike : i Andrianañahare. 
\v 19 Fohi’o o lilio:
\q1 Ko mañoho-doza,
\q1 Ko mañarapilo,
\q1 Ko mampikametse,
\q1 Ko manao talily vilañe,
\q1 Ko midramotse, vaho
\q1 Miasìa an-drae’o naho an-drene’o.\f + \fr 10:19 \fr*\ft Avo 20:12-17; Its 5:16-20\ft*\f*
\p
\v 20 Le nanoa’e ty hoe: O Talè, hene noriheko ampara’ ty naha ajalahy ahy. 
\v 21 Nitalatse aze t’\nd Iesoà\nd* le nikokoa’e, vaho nanoa’e ty hoe: Poke raha raike irehe: akia, aletaho ze hanaña’o, le añomezo o rarakeo hanaña’o vara andindiñe ao vaho antao hañorik’ ahy. 
\v 22 Nanahelo re ty amy tsara zay le ninankañe mb’eo an-kamonjerañe amy te bey ty vara’e.
\s1 Mampiara-Draha ty Fanañan-Draha
\r Mat 19.23, 26; Lke 18.24.27
\p
\v 23 Ie nitolike t’\nd Iesoà\nd*, le nanoe’e ty hoe amo mpiama’eo: Akore ty hasaro’ ty himoaha’ o mpañefoefoo am-Pifehean’ Añahare! 
\v 24 Nilatsà’ o mpiama’eo i tsara’ey, le nindrai’ \nd Iesoà\nd* ty hoe: Ry anake, fihirimbeloñe ty fizilihañe amy Fifehean’ Añaharey ao! 
\v 25 Mora ty hampandoahañe rameva\f + \fr 10:25 \fr*\ft Aramaika : gamia: taly ndra rameva\ft*\f* an-kirim-pitrebeke ao ta ty hiziliha’ o mpañalealeo amy Fifehean’ Añaharey. 
\v 26 Le tsy añ’ ohatse ty hadabà’ iareo kanao nifanao ty hoe: Ia arè ty ho rombaheñe? 
\v 27 Nitalaha’ \nd Iesoà\nd*, le nanoa’e ty hoe: Toe tsy lefe’ ondaty, fa tsy izay ty aman’ Añahare: Kila mete aman’ Andrianañahare.
\p
\v 28 Vaho hoe t’i Petera: Hehe, fonga nifarie’ay vaho nanonjohy Azo. 
\v 29 Hoe t’\nd Iesoà\nd*: Eka! to t’itaroñako te tsy eo ty nienga akiba, ndra rahalahy ndra rahavave, ndra rae ndra rene, ndra valy ndra anake ndra tane ty amako naho ty amy talili-soay 
\v 30 ty tsy handrambe in-jato ami’ty sa toy: anjomba, rahalahy naho rahavave, rene naho anake naho tane, naho fampisoañañe; vaho haveloñe nainai’e amy sa ho aviy. 
\v 31 Maro ty aolo t’ie ho fara’e; naho ty tsitso’e t’ie ho lohà’e.
\s1 Mitoky ty Hivilasi’e Fañintelo’e
\r Mat 20.17-19; Lke 18.31-34
\p
\v 32 Ie tan-dalañe mbe Ierosaleme mb’eo, le niaolo t’\nd Iesoà\nd* naho ninevenevetse iereo, vaho nihembankembañe o ambohoo; natola’e indraike i folo ro’amby rey vaho nitalilia’e o hifetsake ama’eo, ami’ty hoe: 
\v 33 Inao! mb’e Ierosaleme mb’eo tikañe; le hasese amo mpisorom-beio naho amo mpanoki-dilio i Ana’ Ondatiy, le hafàtse ho vonoeñe, vaho hatolotse amo kilakila ondatio, 
\v 34 honjira’ iereo le handroràñe naho ho lafàñe vaho ho vonoeñe f’ie modo ty telo andro le hitroatse indraike.
\s1 Firehañe
\r Mat 20.20-28
\p
\v 35 Niheo mb’ama’e mb’eo t’Iakobe naho i Jaona ana’ i Zebedio, nanao ty hoe: O Talè, Ehe, ano ama’ay o ihalalia’aio. 
\v 36 Hoe re am’ iereo: Ino ty paia’ areo hanoañe? 
\v 37 Le hoe iareo tama’e: Iantofo te, ihe an-drenge’o ao, ehe t’ie hitrao-piambesatse ama’o, ankavana’o eo ty raike naho ankavia’o eo ty raike. 
\v 38 Le hoe t’\nd Iesoà\nd* tam’iereo: Amoea’ areo o halali’ areoo: lefe’ areo hao ty hinoñe amy fitovy hinomakoy? naho hilipotse amy filiporañe handiporañe ahiy? 
\v 39 Le hoe iereo tama’e: Lefe’ay. Le hoe t’\nd Iesoà\nd*: Toe hinoma’ areo i fitovy hinomakoy, vaho hilipora’ areo i lipotse handiporañe Ahiy, 
\v 40 fe ty hiambesatse ankavanako eo naho ankaviako eo, tsy ahiko hatolotse; fa ho a’ o nañalankañañe azeo.
\p
\v 41 Ie jinanji’ i folo rey, le nitorifike am’ Iakobe naho i Jaona. 
\v 42 Aa le tsinikao’ \nd Iesoà\nd* iereo hitotok’ aze, vaho nanoa’e ty hoe: Fohi’ areo te misenge hery amo kilakila ondatio o atao ho mpanjaka’eo, le mifehe iareo an-keloke o bei’eo. 
\v 43 Fa tsy izay ka ty ama’ areo; ze te ho lahitsiay ama’ areo, ie ty ho mpitoro’ areo 
\v 44 le ze te ho lohà’e ama’ areo, ie ty ho fetrek’ oro’ ie iabiy, 
\v 45 amy te tsy pok’eo ho toroñeñe i Ana’ Ondatiy, fa ty hitoroñe vaho hanolotse ty fiai’e hijebañe ty maro.
\s1 i Bartimeo Fey
\r Mat 20.29-34; Lke 18.35-43
\p
\v 46 Nandoake e Jerikò ao iereo, aa ie nienga i Jeriko rekets’ o mpiama’eo naho i lahialeñey, le teo t’i mpangatake fey atao Bartimeo, toe ana’ i Timeo, nikonenake añ’ olon-dalañe eo. 
\v 47 Ie jinanji’e te inay t\nd ’Iesoà\nd* nte Nazareta, vaho nikoike ty hoe: Ry \nd Iesoà\nd* Ana’ i Davide, tretrezo iraho. 
\v 48 Tsiefa ty nañendak’aze hianjiña’e fe àntsake te nipoñafe’e ty hoe: Ry Ana’ i Davide iferenaiño. 
\v 49 Nijohañe t’\nd Iesoà\nd* le nampikanjie’e, aa le kinanji’ iereo i feiy ami’ty hoe: Mahasibeha, miongaha fa kanjie’e. 
\v 50 Nahifi’e añe i saro’ey le niongake nimb’amy \nd Iesoà\nd* mb’eo. 
\v 51 Le hoe ty natoi’ \nd Iesoà\nd* aze. Inoñe ty paia’o ahy hanoañe? O Rabòny hoe ty asa’e: Ty hahatreavako. 
\v 52 Hoe t’\nd Iesoà\nd* tama’e, Akia, naharombake azo o fatokisa’oo. Nahaisake amy zao re vaho nañorike \nd Iesoà\nd* amy lia’ey.
\c 11
\s1 Misorogodañ’ an-dRebeke
\r Mat 21.1-9; Lke 19.28-38; Jao 12.12-19
\p
\v 1 Ie nañarine Ierosaleme e Beit-Pagè naho Betania am-bohi-Oliva eo iereo, le nahitri’e ty roe amo mpiama’eo 
\v 2 ami’ty hoe: Akia mb’an-tanañe ey hoekey, le ie mizilike ao ro hahaisake ana-borìke mirohy mbe tsy nitongoàñe: draito le tantalio mb’amako mb’etoa. 
\v 3 Aa naho eo ty manao ama’ areo ty hoe: Akore ty anoe’ areo zao? toiño te ipaia’ i Talè, fa hahitri’e mb’etoañe aniany. 
\v 4 Niavotse iereo, le nahaoniñe ty ana-borìke an-dalañe ey nirohy ami’ty lalam-bey, vaho binala’ iereo. 
\v 5 Aa hoe o nijohanjohañeo am’ iereo: Ino o anoe’ areoo, t’ie mañaha o borìkeo? 
\v 6 Le tinoi’ iereo amy nampanoa’ \nd Iesoày\nd*; aa le nampionjoneñe. 
\v 7 Nendese’ iereo mb’amy \nd Iesoà\nd* mb’eo i ana-borìkey le nalafike ama’e o saro’ iareoo, vaho niningira’e. 
\v 8 Nandamake ty sarimbo’e amy lalañey ty maro, naho nandafike ran-katae binira’e an-teteke ao ty ila’e. 
\v 9 Nikoikoike ty hoe o niaoloo naho o am-bohoo:
\q1 Hosana! andriañeñe ty ­mitotsake ami’ty tahina’ i T\nd alè\nd*! 
\v 10 Andriañeñe ty fifehea’i Davide
\q1 raen-tika hitotsak’ eo. Ehe rombaho\f + \fr 11:10 \fr*\ft Hosana\ft*\f*, ry Andindimoneñeo.\f + \fr 11:10 \fr*\ft Sab 118:26\ft*\f*
\p
\v 11 Nizilike e Ierosaleme ao t’\nd Iesoà\nd*, naho niheo mb’ añ’ Anjomban’ Añahare ao, ie hene nisambae\nd ’\nd*e le nienga mb\nd ’\nd*e Betania mb\nd ’\nd*eo rekets\nd ’\nd* i folo ro\nd ’\nd*amby rey amy te niròñe ty àndro.
\s1 i Sakoañey
\r Mat 21.18-19
\p
\v 12 Amy loak’androy, naho fa niakatse i Betania iereo le nisaliko re, 
\v 13 le tinalake’e ey hoek’ey ty sakoañe nandraveñe le nomb’ ama’e mb’eo ke hahaisake raha ama’e, fa ie avy eo, tsy nanjò naho tsy raveñe avao, amy te tsy san-tsakoañe. 
\v 14 Le hoe re tama’e: Ee te tsy hikamañe ka. Jinanji’ o mpiama’eo izay.
\s1 Ty Nañaliova’e i Anjombay
\r Mat 21.12-17; Lke 19.45-48; Jao 2.13-22
\p
\v 15 Ie nivotrake e Ierosaleme ao, le nizilike añ’anjomban’ Añahare ao vaho nandroake o mpanao balikeo naho o mpipeake añ’An­jomban’ Añahareo le navalitsingore’e ty fan­dambaña’ o mpanakalo volao naho ty fiambesa’ o mpandetake dehoo; 
\v 16 vaho linili’e te tsy hendeseñe hiranga i Anjombay o kilankañeo. 
\v 17 Le nendaha’e ami’ty hoe: Tsy pinatetse hao te
\q1 Hatao anjombam-pitalahoa’ ze kilakila ondaty ty anjombako?\f + \fr 11:17 \fr*\ft Isa 56:7\ft*\f*
\q1 F’ie nanoe’areo lakato-malaso.\f + \fr 11:17 \fr*\ft Irm. 7:11\ft*\f*
\p
\v 18 Nahajanjiñe izay o mpisorom-beio naho o mpanoki-dilio, vaho nikinia hañoho-doza ama’e, fe nimarimarihañe i lahialeñey ami’ty halatsà’ iareo amo fañohà’eo. 
\v 19 Ie hariva ro niakatse i rovay.
\s1 Ty Haozara’o Fatokisañeo
\r Mat 21.20-22
\p
\v 20 Niary mb’eo iereo te maraindray, le niisa’iareo i sakoañey niheatse boak’ am-baha’e. 
\v 21 Nahatiahy t’i Petera, le hoe re tama’e: O Rañandria, hehe te niheatse i sakoañe nafà’oy. 
\v 22 Le hoe ty natoi’ \nd Iesoà\nd*: Atokiso t’i Andrianañahare. 
\v 23 Eka! to t’itaroñako te ndra iaia hanao ami’ty vohitse toy ty hoe: Miombota! mivokovokoa an-driake ao, lehe tsy mifejofejo an-troke, fe atokisa’e te ho tendreke i natao’ey; le hanoeñe ho aze izay. 
\v 24 Aa le hoe ty ivolañako: ze hene ihalalia’ areo naho isaboa’areo, matokisa t’ie fa azo’ areo, le ho ama’ areo. 
\v 25 Ie mijohañe eo hihalaly, iheveo hey ze anañan-kakeo, soa te hahan-dRae’ areo andindìñe ao ka o tahi’ areoo.\f + \fr 11:25 \fr*\ft 26: F’ie tsy miheve le tsy hapon-dRae an-dindiñe ao ka o tahi’areoo.\ft*\f*
\s1 Nampanandili’ Iesoà
\r Mat 21.23-27; Lke 20.1-8
\p
\v 27 Nigodañe mb’e Ierosaleme mb’eo indraike iereo; le nidrai­draitse añ’Anjomban’ Añahare ao, vaho nomb’ ama’e mb’eo o mpisorom-beio naho o mpanoki-dilio naho o roandriañeo, 
\v 28 nanao ty hoe ama’e: Lily manao akore, ty anoe’o o raha toañeo? Ia ty nanolotse Azo lily hanao o raha zao? 
\v 29 Hoe t’\nd Iesoà\nd* tam’ iereo: Inao ty ontaneko ama’ areo, ie mahatoiñe ahy le hitaroñako ty lily anoeko o raha rezao. 
\v 30 I filipora’ i Jaonay: hirike andindìñe ao hao, ke boak’am’ondatio? Itoiño hey.
\p
\v 31 Aa hoe ty vesoveso’ iareo: Ie ataon-tika ty hoe: Hirike andindìñe ao, le hatoi’e ty hoe: Akore arè t’ie tsy niantofa’ areo? 
\v 32 fa naho manao ty hoe ka tikañe: Boak’ama’ ondaty—fe nimarimariheñe on­datio amy te fonga nitañe i Jaona ho toe mpitoky. 
\v 33 Aa le hoe ty natoi’ iareo am’\nd Iesoà\nd*: Tsy fohi’ay. Le hoe ty navale’ \nd Iesoà\nd*: Aa le tsy haborako ka ty lily anoeko irezao.
\c 12
\s1 Ty Mpambole Raty Tsereke
\r Mat 21.33-46; Lke 20.9-19
\p
\v 1 Aa le niorotse nisaontsy am-pan­dra­zañañan-dre: Teo t’indaty nañalahala tanem-bahe: nañarikatoha’e kijoly, naho nihalia’e fipiritan-divay, mbore nandrafeta’e fitalakesañ’ abo, le nafondro’e am-pañalahala valòboke, vaho nitaveañe añe. 
\v 2 Ie sam-pamaramanta, le namantoke mpito­roñe hangalake amo mpañalahalao ty voka’ i tanem-bahe’ey. 
\v 3 F’ie rinambe’ iereo naho nifofoheñe vaho nampipolie’ iereo mañomaño. 
\v 4 Aa le nañitrifa’e mpitoroñe indraike; fe trinabotrabo’ iereo ty añambone’e, vaho nampisalareñe. 
\v 5 Nañitrifa’e indraike, fe navetrake ty raike; le mbe nimaro ka, vinangovango ty ila’e, nohofan-doza ty ila’e. 
\v 6 Mbe ama’e ty honka’e, ty ana’e kokoa’e, ie ty sehangam-pirahe’e, fa hoe re: Hiasy i anakoy iereo. 
\v 7 Fe nikilily ty hoe i mpamondro rey: Intoy i mpandovay, antao hañè-doza ama’e vaho ho antika i lovay. 
\v 8 Aa le rinambe’ iereo naho namono aze, vaho navokovoko’ iereo alafe’ i tetem-bahey. 
\v 9 Aa vaho inoñe ty hanoe’ i Talèn-tetem-bahey? Hiheo mb’eo re hanjamañe o mpañalahalao, le hatolo’e ami’ty ila’e i tetem-bahey. 
\v 10 Mbe tsy vinaki’ areo hao ty Sokitse Masiñe manao ty hoe:
\q1 I vato nikihoe’ o mpandrafitseoy ie ty talen-kotsoke henaneo.
\q1
\v 11 Sata’ i \nd Talè\nd* iza.
\q1 le fiain-tane am-pihainon-tikañ’ ao.\f + \fr 12:11 \fr*\ft Sab 118:22,23\ft*\f*?
\p
\v 12 Aa le nipay ty hitsepake aze iereo, f’ie nihembañe amy lahialeñey; nifohi’iereo te nanoa’e jera-fotots’aila am’iereo amy ohatsey, aa le nisitake aze vaho niavotse.
\s1 Ondroho amy Kaisara
\r Mat 22.15-22; Lke 20.20-26
\p
\v 13 Le nahitri’ iereo mb’ama’e o Fari­seo naho o nte Heroda ila’eo hi­tsepake aze amo tsara’eo. 
\v 14 Pok’eo iereo, nanao ty hoe: O Talè, fohi’ay te vañon-dRehe, tsy mañaon-keve’ ondaty, vaho tsy amam-pirihiañe, fa mañoke ty satan’ Añahare an-katò; Aa vaho Hake hao ty androroñañe vili-loha amy Kaisara\f + \fr 12:14 \fr*\ft Mpanjaka’ ty Fifeheam-bei’ i Roma\ft*\f*, ke tsie? 
\v 15 Handroroñe hao zahay ke tsy handroroñe?
\p Fe niarofoana’e ty famañahia’ iareo, le hoe re ama’e: Ino ty itsoha’ areo ahy? Añandeso drala henteako. 
\v 16 Nañandesañe, le nanoa’e ty hoe, Sare naho soki’ ia v’itoio? A i Kaisara, hoe ty asa’ iareo: 
\v 17 Aa le natoi’ \nd Iesoà\nd* ty hoe: Atoloro amy Kaisara o a i Kaisarao, naho aman’ Añahare o an’ Andrianañahareo. Le nidaba ama’e iereo.
\s1 i Fivañonan-koveloñey
\r Mat 22.23-33; Lke 20.27-40; Asa 23.8
\p
\v 18 Nimb’ama’e ka o Tsadoke ila’eo, ie tsy miantoke i fivañonam-beloñey, vaho nitsok’ aze, ami’ty hoe: 
\v 19 O Talè, sinoki’ i Mosè aman-tika te ie vilasy ty rahalahi’ ondaty, naho mienga valy tsy aman’ anake, le ampañengàeñe i rahalahi’ey i vali’ey hameloma’e doria ho amy rahalahi’ey.\f + \fr 12:19 \fr*\ft Its 25:5\ft*\f* 
\v 20 Aa le teo ty mpirahalahy fito; nañenga valy ty valoha’e, f’ie nivetrake tsy nampipoke tiry. 
\v 21 Le vinali’ ty faharoe, f’ie ka nihomake tsy nampipoke tiry. Manahake izay ty fahatelo. 
\v 22 Leo raike amy mirahalahy fito rey tsy nampipoke doria. Fara’e nihomake ka i rakembay. 
\v 23 Aa ie amy fivañonam-beloñey, naho mitroatse iereo, ia ama’e ty ho vali’e, kanao songa nanambaly aze i fito rey?
\p
\v 24 Hoe t’\nd Iesoà\nd* am’iereo: Inay ie, ty mampandilatse anahareo, te tsy fohi’ areo i Sokitse Masiñey ndra ty haozaran’ Añahare. 
\v 25 Ie mitroatse ami’ty havilasy, tsy mañenga, tsy engaeñe; fa manahake o anjelin-dindìñeo. 
\v 26 Le o vilasio, t’ie mitroatse, tsy vinaki’ areo hao amy boke’ i Mosèy ao te tsinaran’ Añahare boak’ amy rongoñey ty hoe:
\q1 Andrianañahare’ i Abraàme iraho,
\q1 naho t’i Andrianañahare’ Isaka, vaho t’i Andrianañahare’ Iakobe.\f + \fr 12:26 \fr*\ft Avo 3:6\ft*\f*
\p
\v 27 Ie tsy Andrianañahare’o vilasio, fa Andrianañahare’o veloñeo, toe mañota nahareo.
\s1 Ty Lily Ambone
\r Mat 22.34-40; Lke 10.25-28
\p
\v 28 Nimb’eo ty mpanoki-dily, nahajanjiñe ty fifandiera’ iareoy naho nahaoniñe te vinale’e soa vaho nañontanea’e ty hoe: Ino ty lily ra’elahi’ ama’e? 
\v 29 Natoi’ \nd Iesoà\nd* ty hoe: Zao ty lohà’e:
\q1 Mijanjiña ry Israele;
\q1 Raike t’i T\nd alè\nd*
\q1 Andria­nañaharen-tikañe,
\q1
\v 30 Tsy mete tsy kokoa’o
\q1 an-kaliforan’ arofo,
\q1 naho an-kaàtsam-piaiñe,
\q1 naho an-kaampom-pitsakoreañe
\q1 vaho an-kaozara’o iaby t’i T\nd alè\nd*,
\q1 Andrianañahare’o\f + \fr 12:30 \fr*\ft Its 6:4,5\ft*\f*.
\p
\v 31 Hoe ty faharoe:
\q1 Ampirao fikoko ami’ty vata’o ondatio.\f + \fr 12:31 \fr*\ft Sor 19:8\ft*\f*
\p Tsy eo ty lily ambone’ irezay.
\p
\v 32 Aa hoe ty asa’ i mpanoki-diliy tama’e: To i azoy, Talè, mahity i enta’oy te raike t’i Andrianañahare, tsy aman-tovo’e, 
\v 33 le ambone’ ze hene engan-koroañe naho soroñe ty fikokoañ’ aze an-kaampon’arofo naho an-kaàtsam-paha­rendrehañe naho an-kaliforan-kaozarañe vaho ty fikokoañe ondatio mira aman-teña. 
\v 34 Nifohi’ \nd Iesoà\nd* t’ie nanoiñe an-kihitse, le hoe re ama’e: Tsy lavits’ azo i Fifehean’Añaharey. Aa le tsy eo ty nahavany ontane aze ka.
\s1 Ana’ Ia i Norizañey?
\r Mat 22.41-46; Lke 20:41-44
\p
\v 35 Hoe t’\nd Iesoà\nd* te nañoke añ’An­jom­ban’ Añahare ao: Akore te atao’ o mpanoki-dilio te ana’ i Davide i Norizañey? 
\v 36 Toe asa’ i Davide añamy Arofo Masiñey ty hoe:
\q1 Hoe t’i Talè amy Talèkoy:
\q1 Miambesara an-tañan-kavanako etoañe,
\q1 ampara’ te anoeko fitongoàm-pandia’o o rafelahi’oo.\f + \fr 12:36 \fr*\ft Sab 110:1\ft*\f*
\p
\v 37 Aa ie natao’ i Davide, Talèko, ino ty maha ana’e aze? Le nahafale i lahialeñey ty nijanjiñe aze.
\s1 Nampiboraha’e
\r Mat 23.1-36; Lke 11.37-52; 20.45-47
\p
\v 38 Hoe re amo fañoha’eo: Itaò o mpanoki-dily mpitea ty fijelanjelañañe an-tsaroñe mireparepa naho o fañontaneañe an-tsenao 
\v 39 naho ty fiambesatse lohà’e am-pitontonañ’ao naho ty toem-piasiañe amo sabadidakeo, 
\v 40 o mitamboavokake kibohom-banto­tse naho mikoralava hañamahia’eo: ho mafe ty fandilovañe iareo.
\s1 Banabanà’ i Vantotsey
\r Lke 21.1-4
\p
\v 41 Teo re te niambesatse tandrife’ ty fampipoham-banabana eo nisamba ty satam-pampipoha’ ondatio drala ama’e, le maro ty mpañaleale nampi­poke bey. 
\v 42 Nimb’eo ka ty vantotse rarake, nampipoke drala roe miha-fah’efa’e. 
\v 43 Aa le tsinikao’e ho mb’ama’e o mpiama’eo, le nanoa’e ty hoe: Eka! to t’itaroñako te nampipoke maro am-panontonan-drala ao ty vantotse rarake toy te amy ze hene ila’e nañifike amy fanontonañey; 
\v 44 amy te boak’ ami’ty ambim-bara’e ty nampipoha’ iareo, fe amy hararaha’ey ro nampipoha’e ze fonga hanaña’e, ze hene fiveloma’e.
\c 13
\s1 Mitoky t’\nd Iesoà\nd*
\r Mat 24.1-35; Lke 21.5-36
\p
\v 1 Ie niavotse i Anjomban’ Añaharey, le hoe ty mpiama’e raike: O Rañandria, anh’a anh’a! hehek’ o vato jabajabao, o anjomba fanjàkao! 
\v 2 Tinoi’ \nd Iesoà\nd* ty hoe: Isa’o hao o anjomba fanjàka roañeo? Leo vato’e raike tsy hapoke ambone’ ty ila’e ze tsy hafetsake ambane.
\p
\v 3 Ie niambesatse am-bohi-Oliva, tandrife i Anjomban’ Añaharey, le natola’ i Petera naho Iakobe naho i Jaona naho i Andrea vaho nañontanea’ iareo ty hoe: 
\v 4 Atalilio: ombia te ho tondroke o raha zao? Inoñe ty ho viloñe t’ie ho heneke?
\p
\v 5 Le namototse nitalily am’iareo ty hoe t’\nd Iesoà\nd*: Mitaoa tsy ho verevereñe; 
\v 6 maro ty hiboak’ ami’ty añarako hanao ty hoe, Izaho ro ie, hampandifike ty maro. 
\v 7 Le ie janji’ areo amo ali-taneo naho o talilin’ alio, ko mahimahiñe, amy t’ie tsy mete tsy ho avy, fe mbe tsy ie i figadoñañey. 
\v 8 Hiongake hifañatreatre ami’ty fifelehañe ty fifelehañe, naho ami’ty fifeheañe ty fifeheañe, naho hiezeñezeñe ty tane ila’e añe, vaho ho paohe’ ty hasalikoañe; ty fifotoram-pitsongoan’ ampela avao irezay.
\r Mat 10.17-22; Lke 21.12-16
\p
\v 9 Aa le mitaoa, fa hasese’ iereo am-pivory ao, naho ho fofoheñe am-pitontonañ’ ao, vaho hajohañe añatrefam-pandily naho mpanjaka eo ty amako ho fitaliliañe ama’e. 
\v 10 Fa tsy mete tsy taroñeñe amy ze kilakila ondaty hey i talili-soay. 
\v 11 Aa ie tantalieñe naho seseheñe, ko mimenomenoñe amy ze ho saontsie’ areo, le ko mañereñere aolo; fe saontsio ze hatolotse amy ora zay, amy te tsy inahareo ty hisaontsy, fa i Arofo Masiñey.
\p
\v 12 Hasesen-drahalahy ty rahalahi’e havetrake, le ty rae i ana’e, naho hiongake aman-droae’e o ana’eo hañoho-doza ama’e. 
\v 13 Kila halaiñe anahareo ty ami’ty añarako, fe ho rombaheñe ty mahafeake pak’ am-para’e.
\p
\v 14 Aa naho vazoho’ areo mijagaro­doñe amy tsy mete ijohañañey ty Hativà’ o Fandrotsahañeo,\f + \fr 13:14 \fr*\ft Dan 12:11\ft*\f* (ehe te mahaoniñe ty mpamaky); le mihere­reaha an-day mb’ am-bohitse mb’eo ze hene e Iehodà ao; 
\v 15 Asoao tsy hizotso ty ambone’ anjomba eo himoake añ’akiba ao hañakatse raha. 
\v 16 Asoao tsy hibalike handrambe ty sarimbo’e ze an-teteke añe.
\p
\v 17 Feh’ ohatse ho amo mivesatse naho mampinono amy andro rezaio! 
\v 18 Le mihalalia te tsy ho ami’ty asotry ty hifetsaha’e. 
\v 19 Fa ho sam-poheke mboe tsy nizoeñe an-tane atoy sikal’ ami’ty fifotora’ ty voatse namboaren’ Añahare toy pake henane vaho tsy ho ama’e ka—i andro rezay. 
\v 20 Aa naho tsy nampitomots’ andro t’i T\nd alè\nd*, le tsy ho nitendreke nofotse ho rombaheñe; fe o noro’e jinobo’eo ro naña­tomora’e i andro rey. 
\v 21 Ie amy zao, naho eo ty hanao ama’ areo ty hoe: Hehe, ingo i Norizañey; naho, Hehe, inge! Ko miantoke, 
\v 22 amy te hiongake o norizam-bìlañeo, naho o mpitoky sare’eo, hampiboake viloñe vaho halatsàñe han­drantoa’e o jinoboñeo naho ho nimete. 
\v 23 Aa le itaò: Ingo fa hene nataliliko ama’areo aolo.
\p
\v 24 Ie amy andro rezay, naho fa añe i san-kaemberañey, le
\q1 hampaieñeñe i àndroy,
\q1 naho tsy hañomey ty hazavà’e i volañey,
\q1
\v 25 naho hirarake o vasian-dikerañeo,
\q1 vaho ho ozoñozòñeñe
\q1 o haozarañe andindìñeo.\f + \fr 13:25 \fr*\ft Isa 34:4\ft*\f*
\p
\v 26 Vaho ho isa’ iereo mitotsake amo rahoñeo ey an-kaozarañe naho engeñe ra’elahy i Ana’ Ondatiy. 
\v 27 Le hahitri’e mb’eo o anjeli’eo, hanontoñe o jinobo’eo boak’ami’ty fihirifa’ o tiok’ efatseo, sikala añ’ olo’ ty tane toy añe pak’ añ’ indran-dikerañe añe.
\p
\v 28 Rendreho ty razañe’ o sakoañeo: Ie fa maleme ty lengo’e, naho mibotiboty o rave’eo, le fohi’ areo te miha-asara ty taoñe. 
\v 29 Hoe izay ka nahareo, ie maharendreke ty fifetsaha’ irezay; fohino te mitotoke, vaho fa an-dalam-bey eo. 
\v 30 Eka! to t’itaroñako te tsy himosaoñe añe ty fifokoañe toy naho tsy tendreke hey irezay. 
\v 31 Hisaok’ añe i likerañey naho ty tane toy, fa tsy hihelañe ka o volakoo.
\r Mat 25.13-14; Lke 12.35-40; Rom 13.11;
\r Ef 6.17-18; Kol 4.2; 1 Tes 5.6
\p
\v 32 Aa ty amy àndroy naho i ora zay, tsy ia ty mahafohiñe ndra o anjely andindìñeo ndra i Anakey, fa t’i Rae avao.
\p
\v 33 Mitaoa, mijilova; amy te tsy fohi’ areo ty hitondroha’ i àndroy. 
\v 34 Razañeñe amy t’indaty nañavelo añe; ie nienga ty anjomba’e, naho tinolo’e lily o mpitoro’eo, naho songa nizarae’e fitoloñañe, vaho namantok’ amy mpigarin-dalambeiy te hijilojilo. 
\v 35 Aa le mitaòa, amy te tsy fohi’ areo ty hibaliha’ i talèn’ anjombay, ke hariva, he antets’ale, kera amy kekeon-akohoy, hera maraindray; 
\v 36 tsy mone hitojeha re hanjò anahareo mirotse. 
\v 37 O itaroñakoo ro taroñeko amy ze hene ondaty: Mitaoa!
\c 14
\s1 Fikililiañe:
\r Mat 26.1-5; Lke 22.1-2; Jao 11.55-57
\p
\v 1 Ie henane zay, roe andro taolo’ i Fihelañey naho i Sabadidake-Mofo-po-Dalivaiy, le nipay ty hitsepake \nd Iesoà\nd* am-pamañahiañe o mpisorom-beio naho o mpanoki-dilio hañoho-doza ama’e. 
\v 2 Fe hoe iereo: Tsy amy sabadidakey, kera hikoràke i màroy.
\r Fañorizañe: Mat 26.6-13; Jao 12.1-8
\p
\v 3 Ie te Betania añ’anjomba’ i Simona angamae ao, nidegañe am-pandambaña eo, le niheo mb’ama’e mb’eo ty rakemba ninday rame\f + \fr 14:3 \fr*\ft Miora: lite mañitse fañosoran-dolo,\ft*\f* saro-bily am-pitavonañe sinihara; nipoñafe’e i fitavonañey vaho nadoa’e añambone’e eo. 
\v 4 Fe hoe ty nifamondromondroa’ ty ila’e: Akore ty fiànton-drano-mañitse toy? 
\v 5 Ie mete ho naletake denaria\f + \fr 14:5 \fr*\ft Denaria: Talenta raike: volafoty 3,9 gm: tamben’andro\ft*\f* telon-jato vaho natolotse amo rarakeo. Le nendaha’ iareo i ampelay.
\p
\v 6 Aa hoe t’\nd Iesoà\nd* tama’e: Adono, inoñe ty anirika’ areo aze? Ie nañasoa ahy. 
\v 7 Fa mitraoke ama’ areo nainai’e o rarakeo vaho mete hasoàñe ndra mbia mbia tea’ areo, fe tsy ho nainai’e ama’ areo iraho. 
\v 8 Nanoe’e ze taka’e; nihosora’e aolo’ i leveñey ty sandriko. 
\v 9 Eka! to t’itaroñako te ndra aia aia an-tane atoy ro italili­añe ty talili-soa toy, le ho talilieñe ka i nanoe’ i rakembaiy ho fitiahiañe aze.
\s1 Mikabo-draha t’i Jodasy
\r Mat 26.14-16; Lke 22.3-6
\p
\v 10 Niavotse mb’amo mpisorom-beio mb’eo amy zao t’i Jodasy, mpiamy folo ro’amby rey, hamotera’e aze. 
\v 11 Niehake iereo te nahajanjiñe, naho nampitamae’ iareo drala. Aa le namototse nipay ty hamotera’e aze re.
\s1 Ty Fañalankañañe i Sabadidakey
\r Mat 26.17-19; Lke 22.7-13
\p
\v 12 Ie ami’ty andro valoha’ i Mofo-po-dalivaiy, ie nisoroña’ o mpiama’eo i Fihelañey le hoe ty ontane’ iareo ama’e: Aia ty tea’o handenà’ay hañalankañe ty hikama’o i Fihelañey? 
\v 13 Aa le nirahe’e ty roe amo mpiama’eo ami’ty hoe: Miziliha an-drova ao, le hifanampea’ ty lahilahy milolohe sihoan-drano: oriho. 
\v 14 Le ndra aia’ aia imoaha’ey, misaontsia amy tompon’ anjombay, ty hoe: Hoe t’i Talè: Aia ty trañon’ ambahiny hitraofako fikama i Fihelañey amo mpiamakoo? 
\v 15 Le hitoroa’e traño bey reke-bara nihajarieñe, le fa veka’e am-batsa ao, halankaño ao ty antika. 
\v 16 Aa le niavotse o mpiama’eo, nimb’an-drova mb’eo, le nizoe’ iereo hambañe amy nitalilia’ey, vaho hinajari’ iareo i Fihelañey.
\r Fifoterañe Mat 26; Lke 22; Jao 13.21-30
\p
\v 17 Ie hariva le nizilike ao mindre amy folo ro’amby rey. 
\v 18 Aa ie nidegañe eo nikama, le hoe t’\nd Iesoà\nd*: Eka! to t’itaroñako te hifotetse ahy ty raike ama’ areo, ty mitrao-pikama amako. 
\v 19 Le nangoae iereo nifandimbe nanao ty hoe ama’e: Izaho hao? naho ty raike: Izaho hao? 
\v 20 Tinoi’e ty hoe: Raike amy folo ro’ ambiy. I miharo mandò am-pingakoy. 
\v 21 Toe hienga amy pinatetse ty ama’ey i Ana’ Ondatiy; fe hankàñe ami’t’indaty mifotetse amy Ana’ Ondatiy! Hàmake te tsy nasamake indatiy!
\s1 ty Sabadidak’ i Talèy
\r Mat 26.26-69; Lke 22.15-20; 1 Kor 11.23-25
\p
\v 22 Naho nikama iereo le nandrambe mofo re naho nitatae’e, naho nifolahe’e vaho nazotso’e ami’ty hoe: Intoy, sandriko toy.
\p
\v 23 Ie nandrambe i fitoviy le nañandriañe naho nazotso’e vaho songa nikama ama’e, 
\v 24 vaho nanoa’e ty hoe: Intoy ty lioko amy fañinay, ze adobañe ho ami’ty maro. 
\v 25 Eka! to t’itaroñako te, tsy hinoñe ty voka’ o vaheo ka iraho ampara’ ty andro hinomako aze vao am-Pifehean’ Añahare ao. 
\v 26 Ie nitakasy sabo raike le niavotse mb’am-bohits’ Oliva mb’eo.
\s1 Mitoky ty Hañovoha’ i Petera aze
\r Mat 26.31-35; Lke 22.31-39; Jao 13.36-38
\p
\v 27 Hoe t’\nd Iesoà\nd* tam’iereo: Hene hi­tsi­kapy nahareo te hariva; hoe ty pinatetse:
\q1 Ho zevoñeko ty mpiarake,
\q1 le hivarakaike o añondrio.\f + \fr 14:27 \fr*\ft Zek 13.7\ft*\f*
\p
\v 28 Izaho fa nivañon-ko veloñe, le hiaoloako nahareo mb’e Galilia añe.
\p
\v 29 Hoe t’i Petera tama’e: Ndra te fonga hitsikapy, tsy izaho! 
\v 30 Le hoe t’\nd Iesoà\nd* tama’e: Eka! to t’itaroñako, t’ie anito haleñe, aolo’ i kekeon’ akoholahy faha-roey, ro hitety ahy in-telo. 
\v 31 Fe nindrai’e ty hoe: Ndra te itraofako havilasy tsy hitety Azo. Le fonga nanao i hoe zay.
\s1 Getsemone
\r Mat 26.36-46; Lke 22.39-46; Jao 18.1
\p
\v 32 Nandoake an-toetse atao Getsemone ao iereo, le hoe re amo mpiama’eo: Miambesara etoañe, fa hihalaly iraho. 
\v 33 Le nampindreze’e ama’e t’i Petera naho Iakobe naho i Jaona, naho niorotse nangovin-dre vaho nalovilovy; 
\v 34 le hoe re tam’ iereo: Loho ore ty fiaiko, hoe te hikenkañe; eo hey, mijilova. 
\v 35 Nivike re naho nitoke an-tane eo, le nihalaly te, naho nimete ho narirañe ama’e i oray. 
\v 36 Hoe re: O Aba\f + \fr 14:36 \fr*\ft Aba: Hebreo: Àv; Abý, Raeko\ft*\f* Rae, kila mete ama’o; ehe ahankaño amako ty fitovy toy; fe tsy ty satriko, fa o satri’oo.
\p
\v 37 Nimb’eo re, le zoe’e nirotse iereo, vaho hoe re amy Petera: O Simona, miroro v’iheo? Tsy naha­tan-droro ora raike hao? 
\v 38 Mijilova naho mihalalia, tsy mone hijoñe am-panjiziañe ao. Toe veka’e ty arofo, fe maifoifo ty nofotse. 
\v 39 Nisitake indraike re, nihalaly, naho nahere’e i tsaray. 
\v 40 Ie nibalike nizoe’e nidefoke eo iereo (amy te nigibeñe o fihaino’eo), le tsy nahatoiñe aze. 
\v 41 Nimb’eo fañintelo’e re, le nanoa’e ty hoe: Miròta hey, mitofà; soa izay, fa tendreke i oray; ingo fa nifotereñe am-pità’ o mpanan-kakeoo i Ana’ Ondatiy. 
\v 42 Miongaha, antao; hehe fa eo ty mifotetse ahy.
\s1 Nifotereñe
\r Mat 26.47-56; Lke 22.47-53; Jao 18.1-12
\p
\v 43 Ie mbe nisaontsy, pok’eo t’i Jodasy, mpiamy folo ro’amby rey, nindre ami’ty firimboñañe boak’amo mpisorom-beio naho o mpanoki-dilio vaho o roandriañeo ninday fibara naho kobaiñe. 
\v 44 Ie amy zao, fa tinolo’ i mifotetse azey am’iareo ty famantarañe, ty hoe: Ty ondrofako, ro ie, Tsepaho, le tantalio mb’eo am-pañambeñe. 
\v 45 Aa ie pok’eo, ro nimb’ama’e mb’eo, nanao ty hoe: O Raby, Talè! le norofa’e. 
\v 46 Nipao-pitàñe ama’e iereo, le namahots’ aze. 
\v 47 Napontsoa’ ty raike amo nijohanjohañeo ty fibara’e le binira’e ty mpitoro’ i talèm-pisoroñey, nañitsike i ravembia’ey.
\p
\v 48 Le hoe t’\nd Iesoà\nd* tam’ iereo: Niakatse mb’etoa hoe mañoridañe mpikizo hao nahareo minday fibara naho kobaiñe hi­tsepake ahy? 
\v 49 Boak’ andro iraho ro tama’ areo añ’ Anjomban’ Añahare ao nañoke, fa tsy nitsepahe’ areo; fe tsy mahay tsy ho heneke o Sokitse Masiñeo. 
\v 50 Nienga aze iereo, vaho nibioñe. 
\v 51 Mpanonjohy aze ty ajalahy nisikin-damba-leny nanaroñe i haboridaña’ey, fe tsinepa’ o ajalahio, 
\v 52 f’ie nipolititse amy siki’ey, nirimatse añe am-pihaloa’e.
\s1 Añatrefa’ ty Fivory
\r Mat 26.57-68; Lke 22.54-55, 63-71; Jao 18.12-14
\p
\v 53 Kinororo’ iereo mb’amy talèm-pisoroñey mb’eo t’\nd Iesoà\nd*; le hene nifanontoñe ao o mpisorom-beio naho o roandriañeo vaho o mpanoki-dilio. 
\v 54 Norihe’ i Petera ey re mb’ an-kiririsam-pisorom-bey ao, le nitrao-piambesatse amo mpitoroñe namindro añ’afoo.
\p
\v 55 Nimanea’ o mpisorom-beio naho o mpivory iabio pay ty mpitaroñe hahaseseke \nd Iesoà\nd*, hañohofan-doza ama’e—fe tsy nahaisake. 
\v 56 Maro ty nanao kitomboke aze f’ie tsy niharo-sisý. 
\v 57 Le teo ty niongake nanao kipetake aze ami’ty hoe:
\p
\v 58 Tsinano’ay ty asa’e ty hoe: Ho rotsaheko ty kivoho rinafi-pitàñe toy, le harafiko añate’ ty telo andro ty tsy nanoem-pitàñe. 
\v 59 Ie amy zay, tsy niharo saontsy avao iereo.
\p
\v 60 Aa le niongake añivo eo i talèm-pisoroñey nañontane \nd Iesoà\nd* ty hoe: Akore te Ihe tsy manoiñe o anisìa’ iretoañeo? 
\v 61 Nianjin-dre, tsy nanoiñe. Nañontanea’ i talèm-pisoroñey indraike ami’ty hoe: Ihe hao i Norizañey, ty Ana’ i Rengèñey? 
\v 62 Hoe t’\nd Iesoà\nd*: Ie iraho, le ho isa’ areo miambesatse am-pitàn-kavanan-kaozarañe ey i Ana’ Ondatiy\f + \fr 14:62 \fr*\ft Sab 110:1\ft*\f*, mito­tsake amo rahon-dikerañeo\f + \fr 14:62 \fr*\ft Dan 7:13\ft*\f*. 
\v 63 Rinia’ i talèm-pisoroñey o saro’eo le nanao ty hoe: Inoñe ty mbe ipaian-tika valolombeloñe? 
\v 64 Fa jinanji’ areo i teratera’ey; akore arè? Le songa namira-vava t’ie mañeva ho vonoeñe, 
\v 65 vaho nandrora’ ty ila’e, le nitakonañe ty lahara’e naho nikomondroeñe, naho nanoeñe ty hoe: Mitokia! le rinambe’ o mpigaritseo vaho rinarateha’iareo.
\s1 Nitety t’i Petera
\r Mat 26.69-75; Lke 22.56-62; Jao 18.15-18, 25-27
\p
\v 66 Ie tan-kiririsa ambane ey t’i Petera, le nimb’eo ty raike amo ampela mpitoro’ i talèm-pisoroñeio, 
\v 67 le nahatrea i Petera namindro; hinente’e vaho nanoe’e ty hoe: Toe nimpiamy \nd Iesoà\nd* nte Nazareta ka irehe. 
\v 68 Fe hoe ty lie’e: Alike amako izay, tsy apotako o enta’o zao, le niakatse mb’an-davaranga mb’eo vaho inay ty kekeon-akoholahiy. 
\v 69 Ie niisa’ i mpitoroñ’ ampelay, le hoe re am’ondaty nijohanjohañeo: Toe mpiama’ iareo itìañe. 
\v 70 Fe nandiera’e. Tsi-paepae’ izay, nanao ty hoe amy Petera o nizorazorao: Mpiam’ iareo vata’e n’iheo fa nte-Galilia. 
\v 71 Fe ndra nifàtse naho nifànta t’i Petera ami’ty hoe: Amoeako ze ondaty saontsie’ areo zao. 
\v 72 Inay ty kekeo faharoe; le nitiahi’ i Petera i nisaontsia’ \nd Iesoà\nd* ty hoe: Aolo’ te mikekeo fañindroe’e i akoholahiy, le hitety ahy in-telo irehe; nitsakorea’e vaho nangoihoy ty rovetse.
\c 15
\s1 Ty Varin-Jaka’ i Pilato
\r Mat 27; Lke 23.1-23; Jao 18.28-19.15
\p
\v 1 Ie maraindrain-tsikiake, nivory hisafiry o roandriañeo naho o mpanoki-dilio naho i sinedriona\f + \fr 15:1 \fr*\ft Sinedriona: Roaem-pitala­hoañe\ft*\f* iabiy vaho o mpisorom-beio, le rinohi’ iereo t’\nd Iesoà\nd*, naho nase­se vaho natolo’ iareo amy Pilato. 
\v 2 Aa le nañontanea’ i Pilato: Ihe hao ty Mpanjaka’ o Jiosio? Tinoi’e ty hoe: Ie i saontsi’oy. 
\v 3 Nitolon-kitomboke aze ami’ty raha tsiefa o mpisorom-beio. 
\v 4 Nañontane aze indraike t’i Pilato ami’ty hoe: Tsy manoiñe v’Iheo? Inao o raha maro anisia’ iareoo? 
\v 5 Tsy nanoiñe avao t’\nd Iesoà\nd*; le niveren-draha t’i Pilato.
\p
\v 6 Ie amy zao lili’e amy sabadidakey ty hamotsotse am’iereo ty mpirohy raike, ze tea’ iereo. 
\v 7 Aa le teo ty atao Barabasy, nitrao-pirohy amo mpiolao, namono ondaty amy kidý zay. 
\v 8 Le nionjom-beo i màroy nihalaly ama’e hanao i fanoe’ey. 
\v 9 Natoi’ i Pilato ami’ty hoe: Satri’ areo hao ty hamotsorako i Mpanjaka’ o Jiosioy? 
\v 10 Tali’e, nifohi’e te nasese’ o mpisorom-beio ama’e am-parahy. 
\v 11 Fe trinobo’ o mpisorom-beio i màroy, hampañaha’e ho am’iareo t’i Barabasy. 
\v 12 Nindrai’ i Pilato am’iereo ty hoe: Hataoko akore arè i atao’ areo Mpanjaka’o Jiosioy? 
\v 13 Le kinorà’ iereo, ty hoe: Peho amy hatae ajaley. 
\v 14 Hoe ty nanoa’ i Pilato: Manao akore! Ino ty sata-rati’e? fe nindrai’ iereo am-pidabadoàñe ty hoe: Peho re! 
\v 15 Aa ie te hampanintsiñe i màroy t’i Pilato, le navotso’e am’iereo t’i Barabasy naho nampandafae’e t’\nd Iesoà\nd* vaho nasese’e ho peheñe añe.
\s1 Nampisoañe aze o Lahin-Defoñeo
\r Mat 27.26-31; Lke 23.24-25; Jao 19.16-22
\p
\v 16 Nendese’o lahin-defoñeo mb’ amy kijàm-pivoriy\f + \fr 15:16 \fr*\ft Pretroioma: kijam-pivory, tiribonaly\ft*\f* ao re, le nikoihe’ iereo ze hene mpirai-liao. 
\v 17 Sinaro’ iereo malòmavo, naho nandrandrañe halam-patike ze nisabakañ’ aze, 
\v 18 vaho nañontane aze ty hoe: Talilio ry Mpanjaka’ o Jiosio! 
\v 19 Linihi’ iereo am-bararata ty añambone’e naho nandrorañe naho nitongalefañe vaho nibokobokoañe. 
\v 20 Aa ie fa nikobìheñe le nafaha’ iereo ama’e i saro malo-mavoy, naho naombe ama’e o saro’eo, vaho nakare’ iereo ho peheñe añe.
\s1 Pinèke amy Hatae Ajaley
\r Mat 27.32-44; Lke 23.26-43; Jao 19.17-27
\p
\v 21 Le nazi’iereo ty niary eo hirike an-kàloke añe, i Simona nte-Kirenia\f + \fr 15:21 \fr*\ft Kirenia: Rova e Afrika avaratse\ft*\f* (rae’ i Aleksandro naho i Rofosy); hitarazo i hatae ajale’ I\nd esoày\nd*.
\p
\v 22 Le nasese’ iereo mb’amy toetse atao Golgotay mb’eo re (ze adika ty hoe: an-karandoha). 
\v 23 Nasozo’ iereo ama’e ty divay linaro rame\f + \fr 15:23 \fr*\ft Nardose: rame boak’an-dengon-katae atao valeriana;\ft*\f*, fe tsy rinambe’e.
\p
\v 24 Le pinè’ iereo; naho zinara’ iareo an-tsato-piso o saro’eo, handrendreke ty hahazo. 
\v 25 Amy ora faha-teloy ty nipehañe aze ambone’ i hatae ajaley. 
\v 26 Pinatetse ambone’e eo ty nanisiañ’ aze ami’ty hoe:
\p Ty Mpanjaka’ o Jiosio. 
\v 27 Nitrao-piradorado ama’e ty malaso roe, ty raike an-kavana’e naho ty raike an-kavia’e.\f + \fr 15:27 \fr*\fv \fv*\ft 28\ft*\ft Hañeneke i pinatetse amy Boke Masiñeiy ty hoe: Hiaheñe amo bey hakeoo re, Ies 53:9\ft*\f*
\p
\v 29 Songa nanirìka aze ze niary eo, nañekotseko-doha nanao ty hoe: Hoke! Ihe ho nandrotsake i Anjomban’ Añaharey naho handrafits’ aze añate’ ty telo andro, 
\v 30 rombaho ty vata’o vaho mizotsoa amo hatae ajaleo. 
\v 31 Hoe ka ty tsikìke nifanoa’ o mpisorom-beio naho o mpanoki-dilio: Ie nandrombake ty ila’e ro tsy maha­romba-batañe. 
\v 32 Adono hizotso amo hatae ajaleo henaneo o Norizañe Mpanjaka’ Israeleo ho isake, hiantofan-tika. Nitety aze ka o naharo nipeheñe ama’eo.
\s1 Ty Havilasi’ Iesoà
\r Mat 27.45-56; Lke 23.44-49; Jao 19.28-30
\p
\v 33 Ie amy ora fah’ eneñey, nivotrake amy Tane iabiy ty fimoromoroñañe sikal’ ami’ty ora faha-sive. 
\v 34 Ie amy ora fahasivey le nipazake ty hoe t’\nd Iesoà\nd*: Eloy, Eloy, lamà sabaktany, ze adika ty hoe: Andrianañahareko, Andrianañahareko, akore ty namorintseña’o ahy?\f + \fr 15:34 \fr*\ft Sab 22:2\ft*\f*
\p
\v 35 Ie nahajanjiñe izay o ila’e nisambao, le hoe ty asa’ iareo: Inay ie, mitoka i Elia. 
\v 36 Teo ty nilay naho nampipea vinegra ami’ty eponjy, le nasindri’e ami’ty bararata vaho naonjo’e ho si­tsihe’ \nd Iesoà\nd*, le hoe re: Adono, ho isa-tika hera homb’eo t’i Elia hanjotso aze.
\p
\v 37 Le nampipoña-piarañanañañe t’\nd Iesoà\nd* naho nirofotse ty arofo’e,
\p
\v 38 vaho nitori-anjake ty lamba fañefe’ i Anjomban’ Añaharey, nivaki-roe boak’ ambone pak’ ambane. 
\v 39 Ie nioni’ ty mpifele-jato nijohañe aolo aze eo ty fikaiha’e naho ty fidrohota’e, le hoe ty asa’e: Toe Anan’ Añahare ondatio.
\r Lke 8.2-3
\p
\v 40 Ey hoek’ ey o roakemba nisambao; ama’e t’i Miriame nte-Magdalà naho i Marie rene’ Iakobe Zai’e naho i Josese vaho i Saloma; 
\v 41 ie nañorike naho nitoroñe aze e Galilia añe; mbore maro ty rakemba ila’e nindre-lia ama’e t’ie nigodañe mb’e Ierosaleme ao.
\s1 Ty Nandentehañe Iesoà
\r Mat 27.57-61; Lke 23.50-56; Jao 19.38-42
\p
\v 42 Ie fa hiròñe i androy, te andro fañalankañañe (ty andro aolo’ i \nd Sabata\nd*y), 
\v 43 le nimb’eo t’Iosefe nte Arimatea, asiñeñe amy Fivori-beiy naho mpitamà i Fifehean’ Añaharey, nitoañe mb’amy Pilato ao nihalaly ty fañòva’ \nd Iesoà\nd*. 
\v 44 Nilatsa t’i Pilato te inao fa nivilasy re, le kinanji’e i mpifele-jatoy, vaho nañontane he t’ie toe nivilasy. 
\v 45 Ie nirendre’e amy mpifele-jatoy, le natolo’e am’ Iosefe i fañòvay. 
\v 46 Nikaloa’e lamba leny, le nazotso’e, naho sinafo’e amy leniy, naho nirohota’e an-donake hinaly an-damilamy, vaho namarimbarìña’e vato ty lala’ i lonakey. 
\v 47 Nisambae’ i Miriame nte-Magdalà naho i Marie rene’ i Josese i nandrohotañ’ azey.
\c 16
\s1 I Fitroara’e ho Veloñey
\r Mat 28.1-8; Lke 24.1-10; Jao 20.1-8
\p
\v 1 Ie añe i \nd Sabotsey\nd*, le ninday hatae mañitse hañosorañe aze t’i Miriame nte-Magdalà, naho i Marie rene’ Iakoba, vaho i Salome 
\v 2 ie nimarain-tsi-kia’ i loak’ andro’ i \nd Sabotsei\nd*y le nivotrak’ an-donake eo iereo te manjirik’ andro 
\v 3 nifañontàne ty hoe: Ia ty hamarimbariñe i vato an-dala’ i lonakeiy ho antikañe? 
\v 4 Aa ie niandra, nahaisake te fa nivariñe i vatoy ndra te nijabajaba. 
\v 5 Le nizilike an-donake ao iereo naho nahaisake ty ajalahy an-tsaroñe foty mireparepa niambesatse an-kavana eo nampañeveñe iareo. 
\v 6 Le hoe re tam’ iereo: Ko hembañe: ie mipay \nd Iesoà\nd* nte-Nazareta nipeheñey. Fa nitroatse re, tsy ato: Heheke, intia ty nandrohotañ’ aze. 
\v 7 Aa le akia, atalilio amo mpiama’eo naho amy Petera te hiaoloa’e mb’e Galilia mb’eo, vaho ho isa’ areo añe ty amy nisaontsia’ey. 
\v 8 Niavotse naho nipitsike boak’amy lonakey iereo fa nirevendreveñe naho nivaranehake, fe tsy nita­lily ama ondaty fa nihembañe.
\s1 Figadoña’e lava
\r Mat 28.1-10; Jao 20.11-18
\p
\v 9 Ie fa nitroatse, le amy marain­dray loak’ andro’ i Sabotsey ro nisodehañe hey amy Miriame nte-Magdalà nandroaha’e koko­lam­pa fitoy. 
\v 10 Niongake re nitalily amo mpiama’eo, ie niòje naho nirovetse. 
\v 11 Ie jinanji’ iereo te veloñe naho nahaisake, mbe tsy niantok’ avao.
\r Lke 24.13-43; Jao 20.19-23
\p
\v 12 Ie añe, le an-tsata hafa ty niboaha’e ami’ty roe am’iereo nañavelo mb’ am-pariparitse añe. 
\v 13 Nihitrike mb’eo iereo nitalily amo ila’eo, f’ie mboe tsy niantok’ avao.
\r Mat 28.16-20; Lke 24.44-49; Jn 20.19-23; Fof 1.6-8
\p
\v 14 Ie añe, le nipoteak’ amy folo raik’ amby rey nidegañe am-pandambañañe eo, le nendaha’e ami’ty tsy nipaoha’ iareo naho ami’ty hagàn-tro’ iareo tsy niantoke o nahaisake aze t’ie nitroa­tseo. 
\v 15 Le hoe re tam’ iereo: Akia, tsitsiho ty tane toy, taroño ami’ty voatse bey toy i talili-soay. 
\v 16 Ho rombaheñe ze miantoke vaho alipotse; fa hafàtse ka ze tsi-miato. 
\v 17 Le hanonjohy o mpiatoo o viloñe zao: ie ami’ty añarako ro hañary koko­lampa; hisaontsy am-pameleke vao; 
\v 18 handrambe mereñe; hikama ranom-boreke tsy an-joy vaho hampijangañe o matindrio am-panampèzam-pitàñe.
\r Lke 24.50-53; Asa 1.9-11
\p
\v 19 Ie fa nisaontsy am’iereo t’i Talè, le nirambeseñe mb’ andin­dì-mb’ eo vaho miambesatse am-pitàn-kavanan’ Añahare eo. 
\v 20 Le nionjomb’eo iereo, nita­lily sikal’aia sikal’aia, ie nifanehake am’iereo t’i T\nd alè\nd* namente o tsarao am-biloñe nanonjohy. Amena.