\id LUK 
\ide UTF-8
\h Lioke
\toc1 Lioke
\toc2 Lioke
\toc3 Lke
\mt1 Lioke
\c 1
\s1 Ty Fitaroña’ i Lioke
\p
\v 1 Kanao maro ty nandrambe am-pitàñe han­dahatse talily amo raha atokisantikañeo 
\v 2 manahake ty nitaro­ña’ iareo ama’ay, ie nivalolombeloñe boak’am-baloha’e nimpitoroñe i tsaray ama’ay, 
\v 3 le satriko ka, ie hinotsohotsoko boak’ am-ba­loha’e i hene rezay, ty hanokitse talily soa filahatse ho azo, ry roandria Teofilo, 
\v 4 haha­fohina’o ty hatò’ i tsara nañohañe azoy.
\s1 Mañemboke t’i Zakaria
\p
\v 5 Teo tañ’andro’ i Heroda mpanjaka’ Iehodà, ty mpisoroñe atao Zakaria, am-pirimboña’ i Abia\f + \fr 1:5 \fr*\ft Abia : (Fi I 24:10) firimboñañe faha-valo, ami’ty fifandimbezam-pisoroñe boa-tSabotse\ft*\f*; boak’ amo anak’ ampela’ i Aroneo ty tañanjomba’e, i Elizabeta ty tahina’e. 
\v 6 Songa vantañe añatrefan’ Añahare iereo roroe; tsy amam-pitsikoañe ty fañaveloa’iareo amo lily naho fepè’ \nd Iehovà\nd*o. 
\v 7 Tsy nanañ’ anake fa betsiterake t’i Elizabeta vaho sambe nigain-kantetse ie roroe.
\p
\v 8 Aa ie nitoroñe ami’ty naham-pisoroñe aze añatrefan’Añahare ami’ty fifandimbezam-pirimboña’e t’i Zakaria; 
\v 9 le amy lilim-pisoroñañey, nitsatok’ ama’e ty hañemboke, le nimoak’ an-kibohon’ Añahare ao, 
\v 10 vaho hene nilolok’ alafe’e ao i màroy amy fotoam-pañembohañey.
\s1 Ty Lañona’ ty Anjely
\p
\v 11 Nisodeha ama’e amy zao ty anjeli’ i Talè, nijohañe an-kavana’ i kitrelim-pañembohañey. 
\v 12 Nianifañe t’i Zakaria te nahaoniñe, nihohokòhoke, vaho nidoiña’ ty firevendreveñañe. 
\v 13 Le hoe ty asa’ i anjeliy tama’e; Ko hemban-drehe Zakaria fa jinanjiñe i halali’oy le hisama-dahy ama’o t’i Eliza­beta tañanjomba’o vaho toñono ty hoe Jaona ty añara’e. 
\v 14 Ho fale naho ehake irehe vaho maro ty hirebek’ amy hisa­maha’ey, 
\v 15 amy t’ie ho ra’elahy añatrefa’ \nd Iehovà\nd*, naho tsy hinon-divay ndra toake, vaho ie mbe an-kovin-drene’e ao ro ho lifore’ i Arofo Masiñey. 
\v 16 Maro amo ana’ Israeleo ty hampitolihe’e amy \nd Iehovà\nd* Andria­nañahare’ey. 
\v 17 Ie hañavelo aña­trefa’eo ami’ty arofo naho haozara’ i Elia, hampitolihe’e amo anakeo ty tron-droae naho mb’ami’ty fahihira’ o vantañeo o manjehatseo, hampihentseñe ondaty veka’e ho a \nd Iehovà\nd*.\f + \fr 1:17 \fr*\ft Mal 3:23,24\ft*\f*
\s1 Moañe t’i Zaaria
\p
\v 18 Aa hoe t’i Zakaria tamy anjeliy; Aia ty haharendrehako t’ie to? Bey iraho naho migain-kantetse ka ty valiko. 
\v 19 Tinoi’ i anjeliy ty hoe, Izaho n’o Gabriele mpijohañe añatrefan’ Añahareo; niraheñe hivolañ’ ama’o, hitaroñe o talili-soa zao. 
\v 20 Fe inao! ho moan-drehe, tsy hahasaontsy ampara’ t’ie tafetetse, ami’te tsy natokisa’o o volakoo, ie ho heneke amy nifantañañey.
\p
\v 21 Nandiñe i Zakaria ondatio, nilatsa t’ie tambatse amy toetse miavakey ao. 
\v 22 Ie niavotse, le tsy nahasaontsy am’ iereo naho nioni’ iereo te niboahan-draha añ’ anjomba miavak’ ao, ie nanondrotondro am’iareo, fa le lia’e nimoañe.
\p
\v 23 Ie amy zao, naho niheneke o andro fitoroña’eo, le nimpoly mb’añ’ an­jomba’e añe. 
\v 24 Añe i andro rezay le niareñe t’i Elizabeta, vali’e, vaho nipalitse lime volañe, fa hoe ty asa’e: 
\v 25 Zao ty nanoe’ \nd Iehovà\nd* amako amy andro niva­zoho’ey, hañafaha’e amako ty sirika’ondatio.
\s1 Fampitama’ i Gabriela
\p
\v 26 Ie amy fah’enembola’ey le niraheñe boak’ aman’Añahare ao t’i Gabriela anjely homb’an-drova atao Nazareta e Galilia añe, 
\v 27 mb’ami’ty somondrara nifofoe’ t’indaty atao Iosefe, anjomba’ i Davide, Marie ty añara’ i somondraray. 
\v 28 Niheo ama’e i anjeliy nanao ty hoe;
\q1 Akore ry isoheñe! mitahy azo t’\nd Iehovà\nd*.
\p
\v 29 Nitsonevotse amy zao re amy tsara’ey, le nitsakore i fañontanea’ey. 
\v 30 Ko hemban-drehe, Marie, hoe i anjeliy fa nanjò fañisohañe aman’ Añahare.
\q1
\v 31 Oniño t’ie hiareñ’ an-koviñ’ ao
\q1 le hisama-dahy,
\q1 vaho hatao’o \nd Iesoà\nd* ty añara’e
\q1
\v 32 Ho fanalolahy re,
\q1 le ho toñoneñe ty hoe:
\q1 Ana’ i Andindimo­neñey
\q1 naho hatolo’ \nd Iehovà\nd* Andrianañahare aze ty fiambesa’ i Davide rae’e;
\q1
\v 33 le ho fehe’e nainae’e ty anjomba’ Iakobe
\q1 vaho tsy ho modo i fifehea’ey.
\s1 Ty Nivesara’ i Marie
\p
\v 34 Le hoe t’i Marie tamy anjeliy; Akore ty hahamete’ izay, izaho tsy mahavany lahy? 
\v 35 Aa le hoe ty natoi’ i anjeliy aze;
\q1 Hitotsak’ ama’o i Arofo Masiñey,
\q1 hañalok’ azo ty haozara’ i Andindimoneñey;
\q1 le ho toñoneñe ty hoe, Anan’ Añahare,
\q1 i Masiñe hasama’oy.
\q1
\v 36 Inao te niaren-dahy ka
\q1 t’i Elizabeta longo’o ndra te bey;
\q1 fa enem-bolañe henaneo
\q1 i natao betsiterakey,
\q1
\v 37 Toe tsy eo ty tsy lefen’ Añahare.
\p
\v 38 Hoe t’i Marie; Intoy ty anak’ ampata’ \nd Iehovà\nd*; lonike te ho amako i sinaon­tsi’oy. Le nienga aze i anjeliy.
\s1 Nitilike i Elizabeta t’i Marie
\p
\v 39 Niongake amy andro rezay t’i Marie, nikapikapike mb’an-tanàñe ambohibohi’ Iehodà mb’eo; 
\v 40 le nimoak’ añ’ an­jomba’ i Zakaria ao vaho nañontane i Elizabeta. 
\v 41 Ie jinanji’ i Elizabeta i fañontanea’ i Mariey, le nivoañe ty ajaja an-tro’e ao; mbore nilifore’ i Arofo Masiñey t’i Elizabeta. 
\v 42 Le ty hoe ty napaza’e; Haha amy ze atao ampela irehe vaho soatata ty anake hasama’o. 
\v 43 Ia ka iraho, te nitilihe’ ty rene’ i \nd Talè\nd*koy? 
\v 44 Hete! ie nimoak’ an-tsofiko ao i feom-pañontanea’oy le nisondrakak’an-kaehake ty ajaja an-troko ato. 
\v 45 En-droa, haha i niantoke te ho henefeñe ama’e o raha nitsarae’ \nd Iehovà\nd*y. 
\v 46 Aa le nanao ty ti-hoe t’i Marie:
\q1 Mañonjoñe \nd Iehovà\nd* ty fiaiko,
\q1
\v 47 vaho mirebek’ aman’Añahare
\q1 mpandrombak’ ahy ty troko;
\q1
\v 48 Nivazohoe’e ty hasotria’ i anak’
\q1 am-pata’ey, Oniño te hanao ahy
\q1 haha ze hene tariratse henane zao.
\q1
\v 49 Nanao raha fiain-tane amako i Maozatsey—masiñe ty tahina’e.
\q1
\v 50 Ferenaiña’e pak’an-tariratse an-tariratse o mañeveñe ama’eo.
\q1
\v 51 Nampiboaha’e haozarañe ty fità’e;
\q1 naparatsia’e o mpiebotsebotse am-pitsakorean-tro’eo.
\q1
\v 52 Nafotsa’e amo fiambesam-bolo- nahe’eo o fanalolahio, vaho naonjo’e o mpirèkeo.
\q1
\v 53 Nanjàñe’e raha soa o nisalikoo,
\q1 fe nampolie’e hara’e o mpañalealeo.
\q1
\v 54 Nimbae’e t’Israele mpitoro’e, hahatiahia’e i fiferenaiñañe
\q1
\v 55 nitsarae’e amy Abraàme naho amo
\q1 tarira’e nainai’eoy,
\q1 i nampitamà’e an-droaen-tikañey.
\p
\v 56 Telo volañe varàñe ty nitoboha’ i Marie ama’e ao vaho nimpoly mb’añ’anjomba’e añe.
\s1 Ty Nisamahañe i Jaona
\p
\v 57 Henek’ amy zao o andro naha­toly i Elizabetao, le nisama-dahy. 
\v 58 Jinanji’ ondaty mpitrao-tanàñe ama’eo naho o longo’eo t’ie niferenaiña’ \nd Iehovà\nd*, le nitrao-kafaleañe ama’e.
\p
\v 59 Ie ami’ty andro faha-valo, le nasese ho savareñe i ajajay, vaho ho natao’ iereo Zakaria ty añara’e amy te izay ty tahinan-drae’e, 
\v 60 fa hoe ka ty natoin-drene’e; Aiy! hatao ty hoe Jaona re. 
\v 61 Aa hoe ty asa’ iareo tama’e; Leo raik’ aman-drolongo’o tsy nitoñoneñe amy tahinañe zay. 
\v 62 Le nañatsikatsik’ an-drae’e iereo, ami’ty hoe: Ia ty satri’o hitokavañ’ aze. 
\v 63 Nipay fanokiran-dre vaho nanokitse ty hoe: I Jaona ty añara’e. Aa le hene nidaba. 
\v 64 Nisokak’ ami’ty manao zao ty falie’e naho nibalake i famele’ey vaho nisaontsy am-pandrengeañe an’ Andrianañahare.
\p
\v 65 Hene nangebahebake o mpimoneñe nañohoke iareoo, vaho nirehafeñe mb’eo mb’eo ambohibohi’ Iehodà ao irezay. 
\v 66 Songa nitsakore ty hoe añ’ arofo ao ze nahaoniñe: Ty ajaja ho akore v’itoio? Le nitahy aze ty fità’ \nd Iehovà\nd*.
\s1 Ty Fitokia’ i Zakaria
\p
\v 67 Lifotse i Arofo Masiñey amy zao t’i Zakaria rae’e vaho nitoky ty ti-hoe:
\q1
\v 68 Andriañeñe t’\nd Iehovà\nd* Andrianañahare’
\q1 Israele, fa nitilihe’e
\q1 vaho jineba’e ondati’eo.
\q1
\v 69 Nampitroara’e
\q1 tsifam-pandrombahañe tika
\q1 añ’anjomba’ i Davide mpitoro’e ao,
\q1
\v 70 Nitsara am-palie’ o mpitoky miavakeo
\q1 i teo nainai’e am-pifotora’ ty voatse toiy,
\q1
\v 71 t’ie ho rombaheñe amo rafelahin-
\q1 tikañeo,
\q1 naho am-pità’ o malaiñe an-tikañeo,
\q1
\v 72 Hiferenaiña’e o roazan-tikañeo, naho ho tiahi’e i fañina’e miavakey,
\q1
\v 73 i fanta nifantà’e amy Abraàme
\q1 raentikañey,
\q1
\v 74 t’ie hatolo’e amantikañe, ie fa vinotso’e amo rafelahintikañeo,
\q1 hitoroñ’ aze tsy an-kahembañañe,
\q1
\v 75 am-piavahañe naho
\q1 an-kavantañañe añatrefa’e
\q1 amo hene andro iveloman-tikañeo.
\q1
\v 76 Le ihe, anako, ty hatao Mpitoki’
\q1 i Andindimoneñey,
\q1 amy te Ihe ty hiaolo i \nd Talè\nd* hañajary
\q1 ty lala homba’e,
\q1
\v 77 hampahaoniñe ondati’eo ty fandrombahañe
\q1 ie hinahan-kakeo,
\q1
\v 78 ami’ty fiferenaiñan’ Añaharen-tika—
\q1 ie nampitilihe’e an-tika
\q1 i fanjiriha’e boak’ añ’aboy,
\q1
\v 79 Hanolora’e hazavàñe
\q1 o mpitoboke añ’ieñe ao
\q1 naho an-talinjon-kavilasio, hiaoloa’e
\q1 mb’an-dalan-kanintsiñe mb’eo
\q1 o fandian-tikañeo.
\p
\v 80 Nitombo i ajajay le nihaozatse an-troke vaho nitoets’am-babangoañe añe ampara’ ty andro niboaha’e am’Israele.
\c 2
\s1 Ty Nisamahañe \nd Iesoà\nd*
\p
\v 1 Nitsatok’ amy andro rezay te niboele mb’eo ty koi-dava’ i Aogosto Kaisara hanoeñe vali-boke amy ze kila ondaty. 
\v 2 Izay ty vali-boke valoha’e nifototse ami’ty naha-bei’ i Siria i Kirenio. 
\v 3 Aa le nañavelo hisokitse amy rova nihirifa’ey ze hene pato-razañe.
\p
\v 4 Niavotse ka t’Iosefe boake Galilia añe hirik’ an-drova Nazareta, le nimoake e Iehodà, an-drova’ i Davide atao Betleheme ao, amy t’ie tarira naho hasavereña’ i Davide, 
\v 5 hisokitse; mindre ama’e t’i Marie valy fofo’e, ie fa bey troke.
\p
\v 6 Ie añe le tendreke ty andro hitolia’e, 
\v 7 le nahatoly ty lahilahy tañoloñoloña’e naho nifoloñose’e bandy vaho nampandre’e an-tsoke­mitrahañ’ ao, amy te tsy nahaeneñe i traño fanjoàn’ambahiniy.
\s1 Nitsey amo Mpiarak’Añondrio ty Anjely
\p
\v 8 Teo amy tane zay ty mpiarake nañialo am-piandrazañ’añe, niarake o lia-rai’eo haleñe. 
\v 9 Tojo te nijohañe añatrefa’ iereo eo ty anjeli’ \nd Iehovà\nd*, naho niarisehoa’e ami’ ty fireandream-bolonahe’ \nd Iehovà\nd*, le hene nirevendreveñe. 
\v 10 Aa le hoe i Anjeliy tam’iereo: Ko hembañe, Inao ty talili-soan-kafaleam-bey endeseko ama’areo, ho amy ze kila ondaty, 
\v 11 t’ie nisamake ho anahareo anindroany androva’ i Davide ao ty Mpandrombake, i \nd Talè\nd* Norizañey\f + \fr 2:11 \fr*\ft Mpañefe-hakeo amy lio’ey; naho ho Mpanjaka: ­Kristos (Gr); Mesiakh (Heb)\ft*\f*. 
\v 12 Le zao ty viloñe ho anahareo: ho zoe’ areo nifoloñoseñe bandi-leny ty ajajamena mandre an-tsokemitrahañ’ao.
\p
\v 13 Tsipaepae’ izay nisodehañe mindre amy anjeliy i lahialen-dikerañey, nandrenge an’Andrianañahare, nanao rodo-bey ty hoe:
\p
\v 14 Rengèñe t’i Andrianañahare andindimoneñe añe, naho fañanintsiñe am’ ondaty soa-satry an-tane atoio.
\s1 Itiliha’ o Mpiarak’ añondrio
\p
\v 15 Ie nienga mb’andindìñe mb’eo o anjelio le hoe ty nilahara’ o mpiarakeo: Antao ry kiahe mb’e Betleheme mb’eo hiisake i nitendrekey, i nampahafohine’ \nd Iehovà\nd* an-tikañey. 
\v 16 Nirapirapy mb’eo iereo, le nahaoniñe i Marie naho Iosefe vaho i ajajamena mandre an-tsokemitrahañey.
\p
\v 17 Ie nahaoniñe aze, le nampaharendrehe’ iereo sikal’aia sikal’aia i natalily am’iereo ty amy ajajamenaiy. 
\v 18 Le nilatsa iaby ze ondaty nahajanjiñe o nitalilia’ i mpiarake rey. 
\v 19 F’ie hene nahaja’ i Marie, ie ninekonekoa’e añ’arofo’e ao. 
\v 20 Nibalike o mpiarakeo, nañonjoñe naho nandrenge an’ Andria­nañahare, ty amo hene jinanji’ iereo naho nioni’iereoo, amy nitaliliañey.
\s1 Ty Nanavarañe \nd Iesoà\nd*
\p
\v 21 Ie nilomoñe ty valo andro le nisavàreñe i Ajajay, vaho nitoñoneñe ty hoe \nd Iesoà\nd* ty añara’e, i tahinañe natolo’ i anjeliy taolo ty nampiareñañ’ aze an-koviñe aoy. 
\v 22 Ie heneke o androm-pieferañe aze ty amy Ha’ i Mosèio, le nindese’ iareo mb’e Ierosaleme mb’eo, hatolotse amy \nd Iehovà\nd*, 
\v 23 amy te pinatetse amy Ha’ \nd Iehovà\nd*y ao ty hoe,
\q1 Ze hene lahy tañoloñoloñan’ anake ro avaheñe ho amy \nd Iehovà\nd*\f + \fr 2:23 \fr*\ft Avo 13:2\ft*\f*
\p
\v 24 vaho t’ie hañenga soroñe ty amy pinatetse amy Ha’ \nd Iehovà\nd*iy ty hoe:
\q1 Deho roe ndra ana-boromahilala roe.\f + \fr 2:24 \fr*\ft Sor 12:8\ft*\f*
\s1 Ty Toki’ i Simeona
\p
\v 25 Le teo ty androanavy nte Ierosaleme atao Simeona; vantañe naho mpitalaho. Nitamà ty fañohòañe Israele naho tama’e i Arofo Masiñey. 
\v 26 Nentoe’ i Arofo Masiñey t’ie tsy ho liàn-kavi­lasy ampara’ te isa’e i Noriza’ i \nd Talè\nd*y. 
\v 27 Nimoak’ añ’ Anjomban’ Añahare ao re añamy Arofoy. Aa ie nindesen-droae’e t’\nd Iesoà\nd* anak’ ajaja, hanoeñe ama’e ty nafè’ i Hake, 
\v 28 le notrotroe’e am-pità’e naho nisalale aman’ Añahare nanao ty ti-hoe:
\q1
\v 29 Ry \nd Iehovà\nd*, avotsoro hiavotse an-kazavàn’ arofo henaneo o mpitoro’oo
\q1 ty amy saontsi’oy; 
\v 30 fa nahatrea ty fandrombaha’o o masokoo,
\q1
\v 31 i nihajarie’o añatrefa’ ze kila ondatiy,
\q1
\v 32 Failo fañazavàñe amo fifeheañeo, naho ty enge’ Israele, ondati’oo.
\p
\v 33 Latsa amy zao ty rae’ i ajajay naho i rene’e amy nisaontsieñey; 
\v 34 le nitata iareo t’i Simeona, vaho hoe re amy Marie rene’ i ajajay: Ingo, fa norizañe ho fihotrahañe naho fionjonañe ty maro e Israele ao ty ana’o toy, vaho ho viloñe liereñe; 
\v 35 (eka ho trofahem-pibara ka ty tro’o), hampibentatse ty vetsevetsen’ arofo’ ty maro.
\s1 Ty Toki’ i Anae
\p
\v 36 Teo ka ty atao Ana mpitoky, anak-ampela’ i Fanoela, fifokoa’ i Asera; ie antetse, fito taoñe avao te nanambaly ami’ty naha somondrara aze; 
\v 37 fa vantotse valompolo taoñe efats’ amby i rakembay le lia’e tsy nisitak’ amy anjomban’ Añaharey, fa nitoroñ’aze an-dili­tse, nitalaho handro an-kaleñe. 
\v 38 Ie nizilik’ ao amy oray le nandrenge \nd Iehovà\nd*, vaho nitalily aze amy ze hene nitamà ty fijebañañe Ierosaleme.
\s1 Nimpoly mb’e Nazareta Mat 2.19-23
\p
\v 39 Ie nihenefe’iereo ze nafè’ ty Ha’ \nd Iehovà\nd*, le nimpoly mb’e Galilia mb’e Nazareta tanà’ iareo añe.
\p
\v 40 Nitombo i Ajajay, nihaozatse naho niliforen-kihitse vaho ama’e ty falalàn’ Añahare.
\s1 E Ierosalaime ao Amy Fihelañey
\p
\v 41 Nomb’e Ierosaleme boa-taoñe o roae’eo amy sabadidam-Pihelañey. 
\v 42 Aa ie ni-folo taoñe ro’ amby t’\nd Iesoà\nd* le nionjomb’e Ierosaleme mb’eo iereo ami’ty lili’ i sandalam-beiy. 
\v 43 Naho niheneke i andro rezay le nimpoly iereo; fe mbe nitambatse e Ierosaleme ao t’\nd Iesoà\nd* anak’ajalahy, le tsy nifohi’ Iosefe naho i rene’e; 
\v 44 natao’ iereo t’ie nindre lia amo mpitrao-liao le nañavelo andro raike hey vaho nipay aze amo longo’eo naho am’ondaty fohiñeo. 
\v 45 Ie tsy nioni’ iereo le nibalike mb’e Ierosaleme mb’eo nipay aze. 
\v 46 Aa toe nitongoa’ ty herone t’ie tendrek’ añ’ Anjomban’Añahare ao nitoboke añivo’ o mpañokeo, nijanjiñe naho nañontane iareo. 
\v 47 Daban-draha iaby ze nahajanjiñe aze ami’ty hilala’e naho amo fanoiña’eo. 
\v 48 Ie nioni’ iereo le niva­ranehake, fe hoe ty nanoan-drene’e: O Anake, akore ty nanoa’o zao? Hehe te nioremèn-jahay naho i rae’o nipay Azo! 
\v 49 Tinoi’e ty hoe, Akore t’ie nitsoek’ ahy? Tsy fohi’ areo hao t’ie tsi-mahay tsy hitoloñe an-dRaeko? 
\v 50 Fe nañalike iereo i entañe tinaro’ey. 
\v 51 F’ie nindreza’e fimpoly mb’e Nazareta mb’eo vaho niasia’e. Fonga nifaharan-drene’e añ’ arofo’e ao i saontsy zay. 
\v 52 Nitombo an-tsandriñe naho hilala t’\nd Iesoà\nd* vaho nisohen’ Añahare naho ondatio.
\s1 ty Mpañajary Lalañe Mat 3.1-12; 14.3-5; Mar 1.1-8; 6.17-20
\c 3
\p
\v 1 Tamy taom-paha folo-lime-ambi’ ty naha mpanjaka i Tiberio Kaisara, ie niragova e Iehodà t’i Pontio Pilato naho mpifeleke e Galilia t’i Heroda, naho mpifeleke e Itoria miharo am-pari’ i Trakonitisy t’i Filipo rahalahi’e, naho mpifeleke e Abilena t’i Lisania 
\v 2 vaho tami’ty naha-talèm-pisoroñe i Anasy naho i Kaiafa, le nivotrake amy Jaona ana’ i Zakaria am-babangoañe añe ty saontsin’ Añahare. 
\v 3 Nitsitsihe’e i tane fiaria’ i saka Iordaneiy nitalily ty filiporam-pisolohoañe ho ami’ty fañahàn-kakeo; 
\v 4 ie pinatetse amy boken-tsara’ Isaia mpitokiy ty ti-hoe:
\q1 Ty fiarañànaña’ i mikoike am-patram-bey añey: Hajario ty lala’ i \nd Talè\nd*,
\q1 Avantaño o oloñolo’eo,
\q1
\v 5 Lembefañe ze hene goledoñe,
\q1 aketrake ze atao vohitse naho tamboho, ho vantañeñe o mikelokelokeo,
\q1 naho fonga hareneñe
\q1 o lalañe tomoantoañeo;
\q1
\v 6 Vaho ho oni’ ze kila nofotse
\q1 ty fandrombahan’ Añahare.\f + \fr 3:6 \fr*\ft Ies 40:3-5\ft*\f*
\p
\v 7 Le hoe re tamy lahialeñe nivovotse mb’ ama’e mb’eo halipotsey: O ry Tariran-dapetake! Ia ty nanoro anahareo hibotitsike amy haviñerañe mitotokey? 
\v 8 Ampiboaho vokatse mañeva soloho; le ko mamototse mitsakore an-troke ao ty hoe, Rae’ay t’i Abraàme. Itaroñako te mahafitroatse anake ho a i Abraàme amo vato retoañe t’i Andrianañahare. 
\v 9 Fa ampoto-katae eo henaneo i fekoñey; le ho firaeñe vaho hafetsak’ añ’afo ao ze hatae tsy mamoa voa soa.
\p
\v 10 Aa hoe ty ontane’ i lahialeñey ama’e: Ino ty hanoe’ay? 
\v 11 Hoe ty natoi’e: Ze aman-tsaroñe roe, soa re te handiva ami’ty tsy ama’e; le hoe izay ka ze manañe mahakama.
\p
\v 12 Pok’eo ka o mpamory vili-lohao halipotse, nanao ama’e ty hoe: O Mpañoke, ino ty hanoe’ay? 
\v 13 Le hoe re tam’iereo: Ko mangalake mandikoatse ty linily ho anahareo.
\p
\v 14 Le hoe ty ontane’ o lahin-defoñeo: Izahay ka! Ino ty hanoe’ay? Le hoe re tam’iereo: Ko misenge hery ama’ ondaty, le ko manao talily vìlañe, vaho mimoneña amo karama’areoo.
\p
\v 15 Amy fitamà’ ondatioy, le hene niereñere i Jaona añ’arofo te hera ie i Norizañey, ke tsy ie, 
\v 16 le hoe ty natoi’ i Jaona am’iareo iaby: Toe alìpoko an-drano ao nahareo, fa homb’eo ty maozatse te amako; tsy mañeva ahy ty hañaha o tomin-kana’eo. Ie ty handipotse anahareo an-Tio Masiñe naho añ-Afo. 
\v 17 Am-pità’e ty tsikelo’e, le hahoro’e an-tihy famofohañe ao o vokatseo vaho hatonto’e an-driha o mahakamao, fa ho sodora’e añ’afo tsy hay vonoeñe ty kafo’e. 
\v 18 Mbe maro ty fañosihañe nanoe’e te nitaroñe am’ondatio.
\p
\v 19 Aa ie nitrevoke i Heroda mpanjaka ty amy Herodiasie valin-drahalahi’e naho ze fonga sata raty nanoe’ i Heroda, 
\v 20 le mbore nahili’e am-balabey ao t’i Jaona, ho tovo’ iaby rezay.
\s1 Milipotse t’\nd Iesoà\nd* Mat 3.13-17; Mar 1.9-11
\p
\v 21 Ie fonga nalipotse ondatio, nilipotse ka t’\nd Iesoà\nd*, niloloke naho nisokake i likerañey 
\v 22 vaho nizotso ama’e am-batañe manahake ty deho i Arofo Masiñey, le hoe ty fiarañanañañe hirik’andindìñe ao: Anako irehe, kokoako; Ihe ro mahafale ahiko\f + \fr 3:22 \fr*\ft Sab 2:7; Fot 22:2; Ies 42:1; Rzs 8:30\ft*\f*.
\s1 Ty Toñon-droae’e aman-dRene’e Mat 1.1-17
\p
\v 23 Va’e telopolo taoñe t’\nd Iesoà\nd* te namototse i fitoloña’ey; ie natao ana’ Iosefe, toe ana’ i Hely, 
\v 24 ana’ i Matate, ana’ i Levy, ana’ i Melky, ana’ Ianà, ana’ Iosefe, 
\v 25 ana’ i Matatìase, ana’ i Amose, ana’ i Naome, ana’ i Esly, ana’ i Nangay, 
\v 26 ana’ i Maàte, ana’ i Matatìase, ana’ i Semey, ana’ Iosefe, ana’ Iodase, 
\v 27 ana’ Ioanase, ana’ i Resà, ana’ i Zorobabele, ana’ i Salatiele, ana’ i Nery, 
\v 28 ana’ i Melky, ana’ i Ady, ana’ i Kosame, ana’ i Elmaodame, ana’ i Ere, 
\v 29 ana’ Iosè, ana’ i Eliezere, ana’ Ioreime, ana’ i Matate, ana’ i Levy, 
\v 30 ana’ i Someone, ana’ Iodase, ana’ Iosefe, ana’ Ionane, ana’ i Eliakime, 
\v 31 ana’ i Melease, ana’ i Mainane, ana’ i Matatae, ana’ i Natane, ana’ i Davide, 
\v 32 ana’ Iesày, ana’ i Obede, ana’ i Boze, ana’ i Salmone, ana’ i Naasone, 
\v 33 ana’ i Aminadabe, ana’ i Arame, ana’ i Esrome, ana’ i Farese, ana’ Iodase, 
\v 34 ana’ Iakobe, ana’ Isaake, ana’ i Abraàme, ana’ i Tera, ana’ i Nakore, 
\v 35 ana’ i Saroke, ana’ i Ragao, ana’ i Paleke, ana’ i Evre, ana’ i Salà, 
\v 36 \f + \fr 3:36 \fr*\ft Nasosoke ty hoe: ana’ i Kainane\ft*\f*ana’ i Arfaksade, ana’ i Seme, ana’ i Noe, ana’ i Lameke, 
\v 37 ana’ i Matosalà, ana’ i Enoke, ana’ Iàrede, ana’ i Malelaele, ana’ i Kainane, 
\v 38 ana’ i Enose, ana’ i Sete ana’ i Dame, anak’ Andrianañahare.
\s1 Nanjizieñe Mat 4.1-11; Mar 1.12-13
\c 4
\p
\v 1 Ie niliforeñe amy Arofo Masiñey t’\nd Iesoà\nd* le nibalike boak’ am’ Iordaney, vaho niaoloa’ i Arofoy mb’am-baban­goañ’ añe, 
\v 2 efapolo andro te nanjizia’ i mpañìnjey ie tsy nikama ndra inoñ’ inoñe amy andro rezay. Modo izay le nisaliko, 
\v 3 vaho hoe i mpañìnjey tama’e: Naho toe Anan’ Añahare irehe, ampinjareo mofo o vatoo. 
\v 4 Hoe ty natoi’ \nd Iesoà\nd* aze: Pinatetse ty hoe:
\q1 Tsy mofo avao ty mahaveloñe ondaty\f + \fr 4:4 \fr*\ft Its 8:3\ft*\f*,
\p
\v 5 Le nendese’ i mpañìnjey niañambone vohitse mitiotiotse eñe vaho natoro’e aze amy zao ze kila fifeheañe an-tane atoy. 
\v 6 Le hoe i Ratiy tama’e: Hatoloko Azo o haozarañe iaby zao naho o enge’ iareoo, fa natolots’ ahy, vaho hatoloko amy ze satriko; 
\v 7 le kila ho Azo t’ie hiambane amako etoañe. 
\v 8 Hoe ty natoi’ \nd Iesoà\nd*: Hoe ty pinatetse:
\q1 \nd Iehovà\nd* Andrianañahare’o ro hitalahoa’o, ie avao ty hitoroña’o.\f + \fr 4:8 \fr*\ft Its 6:13, Its 10:20\ft*\f*
\p
\v 9 Le nendese’e mb’e Ierosaleme mb’eo naho nampiningire’e an-dengom-pita­lakesan’ abo’ i Anjomban’Añaharey vaho nanoa’e ty hoe: Naho toe Anan’ Añahare irehe, miponaha ambane ey, 
\v 10 ty amy pinatetse ty hoe:
\q1 Ho lilie’e amo Anjeli’eo irehe,
\q1 ty hañaro azo; 
\v 11 vaho, Ho tanatanà’ iereo,
\q1 tsy ho dasirem-bato o fandia’oo.’\f + \fr 4:11 \fr*\ft Sab 91:11,12\ft*\f*
\p
\v 12 Tinoi’ \nd Iesoà\nd* ty hoe: Hoe ty tsara:
\q1 Asoao tsy ho tsohe’o t’\nd Iehovà\nd*
\q1 Andrianañahare’o.\f + \fr 4:12 \fr*\ft Its 6:16\ft*\f*
\p
\v 13 Ie nagado’ i mpañìnjey i fanjizi­añe iaby zay, le nidisak’aze heike.
\s1 To Tsara e Galilia ao Mat 4.12; Mar 1.14
\p
\v 14 Aa le nibalike mb’e Galilia mb’eo t’\nd Iesoà\nd* ami’ty haozara’ i Arofoy; le niboele tok’aia tok’aia amy tane nañohokey ty enge’e. 
\v 15 Nañoke amo fitontonañeo re le hene nañonjoñ’ aze.
\s1 Fañorizañe \nd Iesoà\nd*
\p
\v 16 Nimb’e Nazareta mb’eo re, i rova nahabey azey, le ami’ty lili’e, nizilik’ am-pitontonañe ao ami’ty andro \nd Sabotse\nd*, vaho niongake hamaky. 
\v 17 Natolotse aze ty boke’ Isaia mpitoky; vinela’e i bokey, vaho nioni’e ao ty nisokirañe ty hoe:
\q1
\v 18 Amako t’i Arofo’ \nd Iehovà\nd*,
\q1 Fa noriza’e hitsey i talili-soay amo rarakeo,
\q1 Nafanto’e hikoike famotsorañe amo mpirohio,
\q1 naho fampaha-isahañe amo feio, vaho fampidadàñe amo dinemokeo,
\q1
\v 19 hitsey ty taon-joba’ \nd Iehovà\nd*.\f + \fr 4:19 \fr*\ft Ies 61:1,2\ft*\f*
\p
\v 20 Napele’ \nd Iesoà\nd* amy zao i bokey le nahere’e amy mpamandroñey le niambesatse; vaho hene nitalatse aze ty fihaino o am-pitontonañeo.
\p
\v 21 Le hoe t’\nd Iesoà\nd* tam’ iereo: Fa nihenek’ anindroany an-dravembia’ areo i Sokitse Masiñe zay. 
\v 22 Aa le sindre nitalily soa aze vaho nidaba amo tsara soa naakam-palie’eo, fe hoe iareo: Tsy ana’ Iosefe v’itoio?
\p
\v 23 Aa le hoe re tam’iereo: Va’e hatao’ areo amako ze oha-drehake zao : O mpanaha, afaho ty vata’o, vaho anò an-tane’o etoan-ka o raha jinanji’ay te nanoe’o e Kapernaomy añeo. 
\v 24 Le tinovo’e ty hoe: Eka! to t’Itaroñako te tsy eo ty mpitoky to-saontsy an-tane’e ao; 
\v 25 To ty volako ama’areo te: Maro ty vantotse e Israele ao tañandro’ i Elia, ie nagabeñe telo taoñe tsy enem-bolañe i likerañey vaho nandrambañe i Taney ty kerè; 
\v 26 fe leo raik’ ama’e tsy nañirahañe i Elia naho tsy i rakemba vantotse nte Zarefata e Sidona añey. 
\v 27 Maro ka ty niazo’ ty angamàe e Israele ao tañandro’ i Elisa mpitoky, fe tsy ama’e ty nafahañe naho tsy i Namana nte-Sore.
\p
\v 28 Ie nahajanjiñe izay o am-pitontonañeo, le fonga nilifo-kabosehañe, 
\v 29 naho niongake nanafasiotse aze mb’ alafe’ i rovay añe, vaho nendese’ iereo mb’an-tevam-bohi’ i rovay mb’eo hampitsirikoàk’ aze an-kere­retsak’ ao, 
\v 30 f’ie nienga, niranga iareo mb’eo.
\s1 Mañakatse Kokolampa Mat 4.13-14; Mar 1.21-23
\p
\v 31 Nizotso mb’e Kapernaomy, rova e Galilia añe re naho nañanatse amo \nd Sabotse\nd*o. 
\v 32 Le nidaba iereo amy fañòha’ey amy te ninday lily o tsara’eo.
\p
\v 33 Teo ty lahilahy am-pitontonañe ao nangara’ ty kokolampa, nitazataza 
\v 34 ty hoe: Hete! Ino ty itraofan-tikañe, ry \nd Iesoà\nd* nte Nazareta? Niavy hanjamañ’ anay v’ Iheo? Fantako irehe; Ihe i Masin’Añaharey. 
\v 35 Trinevo’ \nd Iesoà\nd* ami’ty hoe: Mamantsy, iakaro! Aa le nafetsa’ i koko­lampay añivo eo re, vaho nifaok’ añe fe tsy nijoia’e. 
\v 36 Fonga nilatsa, le hoe ty vesoveso’ iareo: Aa vaho akore i tsara zay t’ie aman-dily naho hao­zarañe ro mañendake koko­lampa hifaoke. 
\v 37 Le niboele nanitsike i fariparitsey ty enge’e.
\s1 ty Rafoza’ i Simona Mat 8.14-17; Mar 1.29-34
\p
\v 38 Ie nienga i fitontonañey t’\nd Iesoà\nd*, le nizilik’ añ’anjomba’ i Simona ao. Niremboremboe’ ty hamae-sandriñe ty rene’ i vali’ i Simonay le nihalalia’ iareo ty ama’e. 
\v 39 Aa le nijohañe ambone’e eo re nitrevoke i hasilokey, vaho nisitak’amy rekambay zay; tsipaepae’e nitroatse re niatrake iareo.
\s1 Nanitsike i Galilia Mat 4.23-25; 8.16, 17; Mar 1.32-39
\p
\v 40 Ie nimotak’àndro, le nen­deseñe ze nanañe marare nisilofe’ndra inoñ’ inoñe mb’ ama’e mb’eo, naho songa nanampeza’e fitàñe vaho nampi­jangañe’e. 
\v 41 Niakatse ami’ty maro ka o kokolampao nikoiake ty hoe: Ihe i Norizañe, Anan’Añaharey! Le nendaha’e vaho nafanto’e tsy hivolañe amy te napota’ iareo t’ie i Norizañey.
\p
\v 42 Ie manjirik’ andro le nienga mb’ an-tane bangìñe mb’eo fe ni­tsoeha’ i lahialeñey, ie nomb’ ama’e mb’eo vaho ho nanjitse aze tsy hienga; 
\v 43 fe hoe re am’iereo: Tsy mahay tsy mitaroñe i Talili-soam-Pifehean’Añaharey an-drova ila’e ka iraho fa izay ty nañirahañ’ ahy. 
\v 44 Le nita­roñe amo fitontonañe e Galiliao re.
\s1 Vokatse Fiañe Mat 4.18-22; Mar 1.16-20
\c 5
\p
\v 1 Teo te nifanihisihy ama’e ondatio hijanjiñe ty tsaran’ Añahare añ’ olo’ i oñe Genesaretay\f + \fr 5:1 \fr*\ft Genesareta: ndra ty hoe ­Galilia, oñe bey tsy ritse\ft*\f* 
\v 2 le nivazoho’e ty lakañe roe añ’ olon-drano ey, ie fa niakatse hanasa harato o tompo’eo. 
\v 3 Nijoñe an-daka’ i Simona ao re nihalaly te hisitake amy olotsey. Aa le niambesatse an-dakañe ey re nañoke ondatio.
\p
\v 4 Ie modo i fañoha’ey, le hoe re amy Simona: Mivevea mb’an-daleke mb’eo vaho ajoño ao o harato’ areoo hanarike. 
\v 5 Le hoe ty natoi’ i Simona aze: O Rañandria, nifanehak’ avao zahay aniankale le tsy nahazo leo raike; fe amo saontsi’oo, hajoko ao i haratoy. 
\v 6 Ie nanoe’ iereo izay, le nivokatse fiañe nifamorohotse nahariatañe i harato’ iareoy. 
\v 7 Aa le nitsikaore’e o rañe’ iareo amy lakañe ila’e eiio ty hañolotse iareo; nimb’eo iereo, le nipeae’iereo fiañe i lakañe roe rey, vaho ho nilempotse.
\p
\v 8 Ie nahaoniñe izay t’i Simona Petera, le nihotrak’ am-pandia’ \nd Iesoà\nd* eo nihalaly ty hoe: O Rañandria, misitaha amako fa ondaty bey hakeo. 
\v 9 Toe niveren-draha t’i Simona naho o rañe’eo ami’ty hamarom-piañe niazo. 
\v 10 Nihoe izay ka t’i Jaona naho Iakobe, ana’ i Zebedio mpitrao-pitoloñe amy Simona. Hoe t’\nd Iesoà\nd* tamy Simona: Ko mahimahiñe fa ondaty ka ty ho tsepahe’o henane zao. 
\v 11 Ie toly an-tamboho ey i lakañe rey, le fonga nafoe’ iereo vaho nañorik’ aze.
\s1 Nañafake Angamae Mat 8.1-4, Mar 1.40-45
\p
\v 12 Ie tan-drova raike t’\nd Iesoà\nd*, intoy ty lahilahy atseke ty angamae; ie nahaisake \nd Iesoà\nd*, le nihohok’ an-dahara’e nitoreo ama’e ty hoe: O Rañandria naho satri’o, mahalio ahy irehe. 
\v 13 Nahiti’ \nd Iesoà\nd* ty fità’e, nitsa­pa aze le nanao ty hoe: Satriko ‘nio, maliova; naho niafak’ amy zao i haangamae’ey 
\v 14 vaho hinatahata’e tsy hitalily am’ondaty, am’ty hoe: Akia miboaha amy mpisoroñey, le ibanabanào i linili’ i Mosèy ami’ty fahaliova’o ho fitaliliañe. 
\v 15 Fe àntsake te niboele ty enge’e, le niropak’ ama’e i lahialeñey hijanjiñe naho ho jangañeñe amo arete’eo. 
\v 16 F’ie nivike mb’ am-babangoañe añe, niloloke.
\s1 I Kepekey Mat 9.1-8; Mar 2.1-12
\p
\v 17 Teo te niam­besatse eo ty fariseo naho mpañoke Hake hirik’ an-drova e Galilia naho e Iehodà iaby naho boake Ierosaleme añe, le naò’e, vaho tama’e ty haozara’ i Talè hampijangañe.
\p
\v 18 Ie amy zao, nendese’ ondaty an-tihy ty lahilahy kepeke, nipay ty hanjilihañe aze ao, hampandreañe aze añatrefa’e eo. 
\v 19 Aa ie tsy naharendreke ty hampi­tsifirañe aze amy lahialeñey, le nanganik’ ambone’ i anjombay vaho nazotso’ iareo an-tihy, boak’an-tafo mb’ añatrefa’ \nd Iesoà,\nd* añivo eo i mararey. 
\v 20 Ie nioni’e ty fatokisa’ iareo, le hoe re ama’e: O koahe, afa-tahin-drehe. 
\v 21 Fe nitsakore ty hoe o mpanoki-dilio naho o fariseoo: Ia o miteraterao? Ia ty mahafa-kakeo naho tsy i Andria­nañahare avao? 
\v 22 Fe nifohi’ \nd Iesoà\nd* ty ereñeren-tro’ iareo le tinoi’e ty hoe: Ino o fitsa­korean’ arofo’ areoo? 
\v 23 Ty aia ty mora, ty manao ty hoe: Afa­ke o hakeo’oo? ke ty hoe: Miongaha, mañaveloa? 
\v 24 Aa soa te hampahafohineñe anahareo te aman-dily an-tane atoy i Ana’ ondatiy hañaha hakeo, le hoe re amy nisilofe’ i hakepehañeiy: Inao! Miongaha, tintino o tihi’oo, akia mb’ añ’ akiba’o añe. 
\v 25 Aa le nitroatse añatrefa’ iereo amy zao re, nandrambe i nandrea’ey vaho nimpoly, nandrenge an’ Andrianañahare. 
\v 26 Nilatsa iaby iereo naho nibango an’ Andrianañahare, vaho nanao ty hoe am-pañeveñañe: Nahaoniñe raha tsitantane tika anindroany.
\s1 I Levy (Matio) Mat 9.9, Mar 2.13, 14
\p
\v 27 Añe zay, le nienga t’\nd Iesoà\nd* naho nahavazoho ty mpamory vili-loha atao Levy, niambesatse am-pandroroñañe ao, le hoe re tama’e: Oriho iraho. 
\v 28 Aa le nifarie’e ze he’e naho niongake vaho nañorik’ aze.
\s1 Fitraofa’e ty Mpanan-tahy Mat 9.10-13; Mar 2.15-17
\p
\v 29 Nanao sandalam-bey ho aze añ’ anjomba’e ao t’i Levy, le maro ty mpamory vili-loha naho ondaty ila’e nitrao-piambesatse am’iereo. 
\v 30 Fe niñeoñeoñe amo mpiama’eo o Fariseoo naho o mpanoki-dili’ iareoo ami’ty hoe: Ino ty itraofa’ areo fikama naho finoñe amo mpamory vili-lohao naho amo bey hakeoo? 
\v 31 Tinoi’ \nd Iesoà\nd* ty hoe: Tsy o jangañeo ro mipay mpanaha fa o marareo; 
\v 32 Tsy avy hikoike o vantañeo iraho fa o mpandilatseo, hisoloho.
\s1 O Fililirañeo Mat 9.14, 15; Mar 2.18-20.
\p
\v 33 Le hoe ty asa’iareo tama’e: Akore te mililitse naho miloloke o mpiana’ i Jaonao, manao izay ka o mpiamo Fariseoo, fe mitolo-pihinañe naho minoñ’ avao o Azoo? 
\v 34 Hoe ty natoi’ \nd Iesoà\nd*: Lefe’ areo hao ty hampililitse ty longo’ i mpañengay ie mbe am’ iereo i mpañengay? 
\v 35 Mbe ho avy ty andro hanintahañe i mpañengay; hililitse amy andro zay iereo.
\s1 Ty Hambo’e naho ty Vao Mat 9.16; Mar 2.21, 22
\p
\v 36 Hoe ka ty nirazaña’e: Tsy ia ty manakeke lamba vao ami’ty tsirodea, fa ho riate’ i vaoy, naho tsy mete hivitrañe amy tsirodeay ty tampa’ i vaoy. 
\v 37 Tsy eo ka ty hañiliñe divay vao an-jonjon-kolitse hambo’e ao, kera ho tosire’ i divay vaoy i zonjon-kolitse hambo’ey vaho hianto i zonjoñey. 
\v 38 Tsy mete tsy ailiñ’ an-jonjoñe vao ao ty divay vao. 
\v 39 Tsy eo ty minoñe amy elay ty hipay ty vao aniany; fa hoe re: I elay ro soa.\f + \fr 5:39 \fr*\ft Irm 6:16; Mar 7:7-13\ft*\f*
\s1 Nitifo te \nd Sabotse\nd* Mat 12.1-8; 2.23-28
\c 6
\p
\v 1 Ie tamy Sabotse valoha’e faharoey\f + \fr 6:1 \fr*\ft mamototse an-tSaramañits’ indraik’ i firim­bo­ñam-pisoroñe 24 mpifandimbe rey. (Fi I 24)\ft*\f*, le niranga teteke naho nitifo loham-bare o mpiama’eo naho nanosokosoke aze am-pitàñe vaho nikama. 
\v 2 Aa le hoe ty Fariseo ila’e: Mañino nahareo ro mañota faly ami’ty Sabata?
\p
\v 3 Le natoi’ Iesoà ty hoe: Mbe tsy vinaki’areo hao ty nanoe’ i Davide te nisaliko—ie naho o mindre ama’eo: 
\v 4 ie nizilik’ añ’ Anjom­ban’ Añahare ao nandrambe mofo-fiatreke naho nikama vaho nandiva amo nindre ama’eo, ze faly tsy kamaeñe naho tsy o mpisoroñeo avao. 
\v 5 Hoe re tam’iereo, Toe Talè’ o Sabatao i Ana’ondatiy.
\s1 Mañafake te \nd Sabotse\nd* Mat 12.9-14; Mar 3.1-6
\p
\v 6 Teo ty Sabata t’ie niheo am-piton­tonañ’ ao hañoke, le inge ty lahilahy mate-fitàn-kavana. 
\v 7 Aa le nikirok’ aze o mpanoki-dilio naho o Fariseoo ke hañafak’ amy Sabotsey, ho talin-kitombok’ aze. 
\v 8 Fe niarofoana’ Iesoà ty fitsakorea’ iareo, le hoe re am’ indaty mate-fitañey: Miongaha, mijohaña añivo etoa. Niongake re naho nijohañe. 
\v 9 Le hoe t’Iesoà tam’ iereo: Inao ty ontaneko: ty fanoan-tsoa\f + \fr 6:9 \fr*\ft Its 5:15\ft*\f* hao ke ty fanoan-draty ro mete ami’ty Sabata; ty handrombahañ’ aiñe, he ty hañohofan-doza? 
\v 10 Jinilojilo’e iaby, le hoe re am’ indatiy: Ahitio o fità’oo. Nahiti’e le nijangañe amy zao i fità’ey. 
\v 11 Aa le niloroloro iereo, nikilily hañoho-doza amy Iesoà.
\s1 I Firàheñe Rey Mar 3.13-19
\p
\v 12 Tamy andro zay, nomb’ ambohitse mb’eo t’Iesoà nitalaho, le nitolom-pilolok’ aman’Añahare ampara’ te niporea’ ty maraindray. 
\v 13 Ie terak’ andro, le kinanji’e o mpiama’eo vaho nijoboñe ty folo ro’amby ze nanoe’e ty hoe: Firàheñe: 
\v 14 i Simona ze natovo’e ty hoe Petera, naho i Andrea rahalahi’e, Iakobe naho i Jaona; i Filipo naho i Bartolomeo, 
\v 15 i Matio naho i Tomasy; Iakobe ana’ i Alfeo; naho i Simona natao Zelota, 
\v 16 i Jodasy ana’ Iakobe vaho i Jodasy nte-K’riote nifotetse azey.
\p
\v 17 Nindre nizotso am’iereo t’Iesoà, le nijohañe an-tane mira amo mpiama’e nivorigidiñeo, le nimb’eo ka ty lahialeñe hirike e Iehodà naho e Ierosaleme naho o rova añ’olon-dria’ i Tiro naho i Sidona añeo, 
\v 18 songa pok’eo hijanjiñe aze naho ho janganeñe amo areteñeo vaho nafaha’e o vinolevo­lem-pañahy maleotseo. 
\v 19 Fonga te hitsapa aze i màroy, amy te nitolom-piboak’ ama’e ty haozarañe nampijangañe ie iaby.
\s1 Ty Fitatañe Mat 5.1-12
\p
\v 20 Nampiandra fihaino amo mpiama’eo t’\nd Iesoà\nd* le nanao ty hoe:
\q1 Haha nahareo rarakeo Fa anahareo i Fifehean’Añaharey
\q1
\v 21 Haha o limpoañe henanekeo
\q1 fa hanjañeñe.
\q1 Haha o mirovetse henanekeo
\q1 fa hiankahake.
\q1
\v 22 Haha nahareo, naho heje’ondaty, naho aitoa’e, naho onjire’e,
\q1 vaho homosokoso’e o tahina’ areoo
\q1 ty amy Ana’ondatiy.
\q1
\v 23 Mirebeha amy andro zay, vaho mivoàña an-kaehake! Inao, jabajaba o tambe’areo andindìñeo; manahake izay ka ty nanoan-droae’iareo amo mpitokio.
\q1
\v 24 Hankàñe ama’areo mpañalealeo!
\q1 fa niazo’areo ty fañohòañe.
\q1
\v 25 Hankàñe amo anjañe henanekeo!
\q1 fa ho saliko.
\q1 Hankàñe amo mpiankahake
\q1 henanekeo,
\q1 fa hirovetse naho handala.
\q1
\v 26 Hankàñe ama’areo naho tsiririe’ondaty,
\q1 Amy t’ie ty nanoen-droae’ iareo amo nieva ho mpitokio.
\s1 Lily Nivaoe’e Avo 23.4; Mat 5.39-48; 7.1, 2, 12
\p
\v 27 Hoe ka iraho amo mahajanjiñeo: Kokò o rafelahi’ areoo; hasoào o malaiñe anahareoo. 
\v 28 Tatao ze mamatse anahareo le mihalalia ho amo mijoy anahareoo. 
\v 29 Ie manampify azo ami’ty fiambina’o t’indaty, atoloro ama’e ka ty haila’e; ie gaoñe’e ty saravi’o, ko tambozoreñ’ ama’e ty saro’o. 
\v 30 Meo ze mihalaly ama’o; le ko ampipolieñe ze rinambe’e ama’o. 
\v 31 Ty tea’areo hanoe’ ondaty ama’areo, anò am’iareo ka.
\p
\v 32 Naho ze mpikoko anahareo avao ty ikokoa’areo, Ino ty ho tambe’ areo? Fa tea’ ty mpanan-kakeo ka ty te aze. 
\v 33 Aa naho ze mañasoa anahareo avao ro añasoañe, Ino ty ho tambe’ areo? Amy te manao izay ka ty bey hakeo. 
\v 34 Naho mampisongo amy ze tamae’ areo hahavake avao, ino ty ho tambe’areo? Fa mampisongo amo bey hakeoo o mpanan-kakeoo, hañavaha’iareo mira. 
\v 35 Fe kokò ty rafelahi’ areo, hasoao, ampisongò, le ko mitamà avake naho ho ra’elahy ty tambe’ areo, vaho ho ana’ i Andindimoneñey, ie matarik’ amo tsivokatseo naho amo tsereheñeo. 
\v 36 Mitretreza manahake ty fiferenaiñan-dRae’ areo. 
\v 37 Ko manìñe, le tsy ho tiñeañe. Ko mamàtse le tsy hafàtse. Mihevea le hiheveañe. 
\v 38 Mañomea le ho meañe; ho tolorañe am-pañaranañe pea, nikobakobaheñe naho nihotsokotsòfeñe vaho mipopoke; ami’ty fañaranañe añarana’ areo ro añaranañe ama’areo.
\s1 Ty Goa miaolo ty Fey Mat 7.3-5; 16-18
\p
\v 39 Tinovo’ \nd Iesoà\nd* ami’ty ohatse toy: Mahay miaolo ty goa hao ty fey? Tsy sindre higodoñe an-kadaha ao v’iereon-droroe? 
\v 40 Tsy ambone’ ty mpiana’e hao ty talè? fe ze añoñe ro hanahake an-talè’e.
\p
\v 41 Aa vaho ino ty angarefa’o ty alìfe am-pihainon-drahalahi’o ao, fe tsy isa’o ty varamba am-pihaino’o ao? 
\v 42 Akore ty anoa’o aman-drahalahi’o ty hoe: O koahe hafàhako o alìfe am-pihaino’oo. Fe tsy oni’o i varamba am-pihaino’oy? Soamiatreke! Ahi­fiho añe hey ty varamba am-pihaino’o ao hahafibiribira’o ty hañafake i alìfe am-pihainon-drahalahi’oy.
\s1 O Voa’eo
\p
\v 43 Tsy mamoa voa raty ty hatae soa, vaho tsy mamoa soa ty hatae raty. 
\v 44 Sindre rendrek’ ami’ty voa’e ty hatae; tsy hampipotorañe voan-tsakoa ami’ty fatike, ndra filomboke ami’ty lombiry. 
\v 45 Mañakatse ty soa ami’ty fañajàm-bara an-tro’e ao t’indaty soa vaho aboa’ i lo-tserekey am-pañajam-bara an-tro’e ao ty hativàñe; fa ty haliforañ’ arofo ro fisaontsiam-palie.
\s1 ty Fahañe Roe Mat 7.24-27
\p
\v 46 Ino ty tokava’ areo ahy Talè, Talè; fe tsy manao ze itaroñako? 
\v 47 Ze mb’ amako, naho mijanjiñe o volakoo, vaho anoe’e, le itoroako ty ihambaña’e: 
\v 48 Manahake t’indaty nañoreñ’ anjomba re; nihaly laleke vaho naore’e an-damilamy eo o faha’eo. Ie nisorotombaheñe le naronje’ i rano-vohitsey mafe i anjombay, f” ie tsy naha-ozoñozoñ’ aze, kanao nioreñe am-bato. 
\v 49 Ty mijanjiñe fe tsy manao, ro sarèñe amy t’indaty nañoren-traño am-paseñe tsy amam-pahañe; tinorotosi’ i rano vohitsey; le niforetrake, vaho bey-fianto’ i trañoy.
\s1 ty Mpitoro’ i Mpifehey Mat 8.5-13
\c 7
\p
\v 1 Ie nifonitse i nilañone’e añatrefa’ i màroy le niheo mbe Kapernaomy mb’eo, 
\v 2 le teo ty mpitorom-pifehen-dahin-defon-jato nisoheñe, narare, toe heta’e. 
\v 3 Ie nijanjiñe’e \nd Iesoà\nd*, le nirahe’e homb’ ama’e ty androanavi’ o Jiosio hihalaly ama’e ty homb’eo hampijangañe i mpitoro’ey. 
\v 4 Aa ie nifanampe amy \nd Iesoà\nd*, le nimanea’ iareo toreo ami’ty hoe: Evae’e te hanoe’o, 
\v 5 amy t’ie mpitea ty tanen-tika naho namboatse anjombam-pitontoñañe. 
\v 6 Aa le niongake vaho nindre lia am’iereo t’\nd Iesoà\nd*. Ie narine i anjombay, le nampanala­kà’ i mpifelekey aze o rañe’eo hinday o entañe zao: O Rañandria, ko mañolañ’ ay fa tsy sazò ahy te ihe hiheo ambane’ ty tafo-trañoko. 
\v 7 Mbore ataoko tsy mañeva azo te izaho ro homb’ ama’o, fe mitsarà le ho jangañe i mpitorokoy. 
\v 8 Izaho ka fehèn-dily vaho mamehe lahindefoñe. Ie ataoko Akia ty raike le mandeha, naho ami’ty raike: Mb’etoa, le avy, vaho amy mpitorokoy: Anò zao, le anoe’e. 
\v 9 Ie jinanji’ \nd Iesoà\nd*, le nilatsa, naho nitolike, nanao ty hoe am’ ondaty nañorik’ azeo: Itaroñako te mbe lia tsy nahatrea fatokisam-bey hoe izay ndra e Israele atoy! 
\v 10 Ie pok’ añ’ anjomba ao o nafanto’eo, le nizoe’ iereo jangañe i mpitoroñe natindriy.
\s1 Ty Bako-Toka’ i Vantotse nte-Nàinay
\p
\v 11 Ie amy loak’androy, nigodañe mb’ an-drova atao Naina mb’eo t’\nd Iesoà\nd*; le nañorik’ aze ty maro amo mpiama’eo naho i lahialeñey. 
\v 12 Ie nitotoke i lalambein-drovay, intoy ty takon-dolo boak’ao, ty ana-dahy bako tokan-drene’e, vantotse; le nañorik’ aze ty valobohòke boak’ an-drova ao. 
\v 13 Ie nivazoho’ i Talè i rakembay le niferenaiña’e naho nanoe’e ty hoe: Ko mirovetse! 
\v 14 Ni­mb’eo re nitsapa i horantsañey vaho nitsangañe o mpitakoñeo le hoe re: O kirahe, hoe iraho ama’o: Mivañòna! 
\v 15 Nitroatse amy zao i nivetrakey naho nisaontsy vaho natolo’e aman-drene’e.
\p
\v 16 Hene niazo’ ty anifañe ondatio le nañomey engeñe an’ Andria­nañahare ami’ty hoe: Mpitoky ra’e­lahy ty nitroatse amantika\f + \fr 7:16 \fr*\ft Its 18:15\ft*\f*; vaho ty hoe: Nitilike ondati’eo t’i Andrianañahare. 
\v 17 Nanitsike Iehodà naho o rova mañohok’ aze iabio ty fiboelea’ i talily ty ama’ey.
\s1 Ty Ontane’ i Jaona Mat 11.2-6
\p
\v 18 Natalili’ o mpiana’ i Jaonao ama’e i hene rezay. 
\v 19 Aa le kinanji’ i Jaona ty mpiana’e roe le nampihitrife’e mb’amy Talè mb’eo hañontane aze ty hoe: Ihe hao i ho aviy, ke hafa ty ho tamàe’ay? 
\v 20 Ie nivotraha’ indaty rey le hoe ty asa’ iareo: Nirahe’ i Jaona Mpandipotse mb’ama’o mb’etoan-jahay hañon­tàne ty hoe: Ihe hao i Ho aviy, kera mbe añe i tamaen-tikañey?
\p
\v 21 Amy oray avao ty nañafaha’e ondaty maro amo areteñeo naho amo hasilofañeo naho amo anga-dratio vaho nampañisake ty goa maro. 
\v 22 Le hoe ty natoi’ \nd Iesoà\nd*: Akia, atalilio amy Jaona o raha niisa’areo naho nijanjiñeñeo; te maha­oniñe o feio, minokitse o komboo, malio o angamaeo, mijanjiñe o giñeo, miheren-ko veloñe o vilasio vaho taroñeñe amo rarakeo i Talili-soay. 
\v 23 Haha ze tsy mitorifike amako.
\s1 Mitsiriry i Jaona t’\nd Iesoà\nd* Mat 11.7-15
\p
\v 24 Ie niavotse i mpiana’ i Jaona rey, le nitalily i Jaona amy lahialeñey t’\nd Iesoà\nd*, ami’ty hoe: Hisamba ino­ñe ty lia’areo mb’am-babangoañe añe? Ty Ba­ra­rata atroetroen-tioke hao? 
\v 25 ke ino ty niakara’ areo ho isaheñe? Ondaty misikin-tsoa hao? Toe añ’ anjombam-pifehe ao o mpisaroñe lamba marerarerao naho o miaiñ’ añolèñañeo; 
\v 26 he ino ty niavota’ areo ho sambaeñe? Mpitoky hao? Eka! hoe iraho ama’areo : lombolombom-pitoky re. 
\v 27 Ie nipatereñe ty hoe:
\q1 Ingo, iraheko aolon-dahara’o eo
\q1 ty hañajary ty lala’o aolo’o.
\p
\v 28 Aa hoe ty entako ama’areo: Amy ze sinaman-droakemba tsy teo ty mpitoky bey te amy Jaona Mpandipotse; fe jabajaba te ama’e ze minjilìte’e amy Fifehean’Añaharey. 
\v 29 Songa nañomey to an’ Andrianañahare ondaty nahajanjiñeo naho o mpamory vili-lohao, amy t’ie niliporeñe ami’ty filipora’ i Jaona, 
\v 30 fe nifarie’o Fariseoo naho o mpanoki-dilio ty nisafirien’ Añahare ho a iareo amy t’ie tsy nimete nilipotse ama’e.
\s1 o Tarira’eo
\p
\v 31 Inoñe arè ty handrazañako ondati’ ty tariratse toio, isareañe ami’ty ino? 
\v 32 Ie hambañe ami’ty ajaja mitobok’ an-tsena ao mifampikoike ty hoe:
\q1 fa nitiofa’ay soly fe tsy nitsinjaha’areo;
\q1 nibekoa’ay fandalañe, fe tsy niroveta’areo.
\p
\v 33 Aa ie niloneake t’i Jaona Mpandipotse, tsy nikama mofo, tsy ninon-divay le hoe ty asa’ areo: Aman-kokolampa re. 
\v 34 Ie nivotrake eo ka i Ana’ ondatiy mihinañe naho minoñe, le hoe ka nahareo: Hehe! milonja naho migenoke divay ty rañem-pamory vili-loha naho bey hakeo tia. 
\v 35 Fe mahazo to amo ana’eo ty hihitse.
\s1 Ty Nañosorañe o Fandia’eo
\p
\v 36 Ie amy zay, nañambara \nd Iesoà\nd* ty Fariseo hitrao-pikama. Aa le niheo mb’añ’anjomba’e ao re, niam­besatse. 
\v 37 Le teo ty ampela beihakeo an-drova ao, ie naharendreke t’ie nandrenàndre nikama añ’anjomba’ i Fariseoy, le nandesa’e ­solike mañitse ami’ty anan-tsinihara. 
\v 38 Nijohañe amboho’e eo re nirovetse am-pan­dia’e, nandè o fandia’eo an-drano­maso’e naho nifòra’e amo volo’eo; le nitolom-pañoroke o fandia’eo vaho nihosora’e solike mañitse. 
\v 39 Ie nioni’ i fariseo nañambara aze le hoe ty tsakore’e: Naho toe nimpitoky ondatio, le ho nifohi’e te ia izay naho ty sata’ o ampela mitsapatsapa azeo; t’ie bei-hakeo.
\s1 Ty Mpisongo Roe
\p
\v 40 Aa le natoi’ \nd Iesoà\nd* ty hoe: O Simona, Inao ty ivolañako. Le hoe re: Isaontsio, Talè.
\p
\v 41 Teo ty mpampisongo amam-pisongo roe. Ty raike nitsepake bogady liman-jato, ty raike limam-polo. 
\v 42 Aa kanao tsy eo ty hahavaha’ iareo, sindre nihevea’e. Toiño iraho, ia am’ iereo ty ho lako fitea aze? 
\v 43 Hoe ty natoi’ i Simona: Va’e i nihevea’e beiy. Hoe t’\nd Iesoà\nd* tama’e: To i saontsi’oy.
\p
\v 44 Nitolik’ amy ampelay re le nisaon­tsy amy Simona ty hoe: Hehek’ o rakembao? Nizilik’ añ’ an­jomba’o atoan-draho le tsy nanjotsoa’o rano hanasàko tomboke, fe o rano-pihaino’eo ro nanasa o tombokoo vaho namaoke aze o maroi’eo. 
\v 45 Tsy nondrohe’o; fe boak’ ami’ty nimoahako atoañe le lia’e tsy napo’e ty oroke o tombokoo. 
\v 46 Tsy nañiliña’o menake ty lohako, fe hinoso’ ty rakemba tia solike mañitse o tombokoo. 
\v 47 Aa hoe ty taroko ama’o, O tahi’e nimaroo, fonga nimeatse, amy t’ie bey fikokoañe. Aa ze niheveañe kede, kede ka ty fitea’e. 
\v 48 Le hoe re tamy rakembay: Hene nilioveñe o hakeo’oo. 
\v 49 Aa hoe ty fiñeoñeo’ o nitrao-pikama ama’eo: Ia ka ty mbore mañaha hakeo tia? 
\v 50 Hoe t’\nd Iesoà\nd* tamy ampelay: Nandrombak’ azo ty fatokisa’o; akia an-kanintsiñe.
\c 8
\s1 O Roakemba Mpiatrakeo
\p
\v 1 Ie añe, le nitsitsihe’ \nd Iesoà\nd* ze tanañe naho rova, nitaro­ñe naho ninday ty talili-soa’ i Fife­hean’ Añaharey. Nindre ama’e i folo ro’ amby rey 
\v 2 naho o rakemba ila’e nafahañe kokolampa naho hasilofañeo—toe i Marie atao Mag­dalenae, i nitsamoahan-kokolampa fitoy, 
\v 3 naho i Johanae vali’ i Kozae, mpamandro’ i Heroda, naho i Sosanae vaho ty maro ila’e mpiatrak’ aze am-panaña’ iareo.
\s1 Ty Karazan-Tane Mat 13.1-23; Mar 4.1-25
\p
\v 4 Ie nifanontoñe i lahialeñey naho nikovovòke mb’ama’e o boak’ amo rovao, le hoe ty nandrazaña’e: 
\v 5 Niavotse handrarake tabiry ty mpambole, nafitse’e i doriay, le nipok’ añ’olon-dalañe eo ty ila’e fe nandialiañe vaho nitsimok’ aze o voron-dikerañeo. 
\v 6 Ty ila’e nipok’ an-damilamy eo, ie vaho nitiry le niheatse amy te tsy ni-lèñe. 
\v 7 Nipok’ am-po fatik’ ao ka ty ila’e naho nitrao-fitiry amo fatikeo fe nida­geañe. 
\v 8 Nipok’ an-tane hoba ka ty ila’e, le nitiry vaho namoa in-jato. Ie tsinara’e izay, le nipoñafa’e ty hoe: Ze aman-dravembia hijanjiñe, Mijanjiña !
\p
\v 9 Aa le nañontanea’ o mpiama’eo: Akore i ohatse zay. 
\v 10 Hoe re: Toe natolotse anahareo ty haharendreke o raha mietak’ amy Fifehean’ Añahareio; f’ie razañeñe amo ila’eo, soa te
\q1 ndra miisake iereo tsy hahavazoho,
\q1 ndra mijanjiñe, tsy hahafohiñe.\f + \fr 8:10 \fr*\ft Ies 6:9\ft*\f*
\p
\v 11 Inao koahe ty ampibejañañe i oha­tsey: Tsaran’Añahare i tabiriy. 
\v 12 O añ’ olon-dalañeo, o nahajanjiñeo; fe mivotrake eo i mpañìnjey manintake i tsaray añ’arofo’ iareo tsy mone hiantoke vaho ho rombaheñe. 
\v 13 O an-damilamio, le o mahajanjiñe naho mandrambe i tsaray an-kafaleañeo, f’ie tsy amam-bahatse, miantok’ aniany avao vaho misitak’ an-tsam-panjiziañe. 
\v 14 O tabiry nipok’ amo fatikeoo, ro mahajanjiñe, fa ie mionjon-dre ro dageañe’ o halonjerañeo naho o varao naho o hafalean-kaveloñe atoio vaho tsy mahavañom-boa. 
\v 15 O an-tane soao ka, ro añ’ arofo vaño naho vantañeie mijanjiñe o tsarao le tambozore’e vaho mahavañom-boa am-pahaliñisañe.
\s1 Ty Jiro-Kapoake Mar 4.21-25
\p
\v 16 Tsy eo ty mamelon-jiro vaho mampikapek’ aze am-panake ndra mampizilik’ aze ambane fandreañe ao; fe apo’e ambone’ ty fasian-jiro ey ho isa’ ze mimoak’ ao i hazavàñey. 
\v 17 Toe tsy ao ty mihaja ze tsy haakatse, naho ty mikopoke ze tsy ho rendreke vaho haboake. 
\v 18 Ambeno arè ty fijanjiña’areo, fa ze manañe ho tolorañe fe rambeseñe amo tsy manañeo o ihaboha’eo.
\s1 Ty Toe Longo’e Mat 12.46-50; Mar 3.31-35
\p
\v 19 Le niheo mb’ama’e ty rene’e naho o rahalahi’eo, fe tsy nahafitotok’ aze amy te nialin-drètse. 
\v 20 Le hoe ty nanohinañ’ aze: Mijohañe alafe’e ao i rene’o naho o roa­halahi’oo mipay hahaoniñe Azo. 
\v 21 Tinoi’e ty hoe: Heheke ty reneko naho o rahalahikoo, o mijanjiñe ty tsaran’ Añahare vaho mañorik’ azeo.
\s1 Nipendreñe ty Tioby Mat 8.23-27; Mar 4.35-41
\p
\v 22 Teo ty andro t’ie nijon-dakañe mindre amo mpiama’eo le nanoa’e ty hoe: Antao hitsake mb’andafe’ o riakeo eñe, le nimb’eo iereo. 
\v 23 Ie niondrañe mb’eo le ginaon-drotse, naho nizotso amy oñey ty tio-baratse ho nandipotse iereo vaho didý tsy nivarata. 
\v 24 Niheo mb’ ama’e iereo nampi­tsekak’ aze ami’ty hoe: O Talè, Talè, mate zahay! Nitroatse re nitrevoke i tiokey naho ty fitabohaza’ i riakey, le nijihetse vaho nipendreñe. 
\v 25 Le hoe re tam’ iereo: Aia ty fatokisa’ areo? Nianifañe iereo naho nañeveñe, le nifanao ty hoe: Ia itoio, kanao aman-dily hampivohore’e o tiokeo naho o ranoo!
\s1 Angatse nitsamoak’an-Dambo Mat 8.28-34; Mar 5.1-20
\p
\v 26 Nitoly an-tane Gerasenay tandrife’ i Galilia eñe iereo. 
\v 27 Ie nizotso an-tamboho eo, le nisalakae’ t’indaty hirik’ an-drova ao niazo’ ty koko­lampa, tsy nisafotse hatrela’e, mbore tsy nitobok’ an-traño fa an-donak’ ey avao. 
\v 28 Ie nahaisake \nd Iesoà\nd*, le nikoaikoaike naho nibabok’ aolo’e eo nitazataza ty hoe: Ino ty itraofako ama’o r’\nd Iesoà\nd* Anan’ Añahare Andindimoneñe? Mihalaly ama’o: ko ampisoañe’o. 
\v 29 Foto’e, linili’ \nd Iesoà\nd* o kokolampao ty hiakatse am’indatiy; fa beteke nifihiñe’e—ie ni­tambozoreñe naho nirohizen-tsilisily naho labaro fe rinafadrafa’e o vahotseo, vaho nasiotsio’ o koko­lampao mb’am-babangoañ’ añe.
\p
\v 30 Le hoe ty nañontanea’ \nd Iesoà\nd*: Ia ty añara’o? Tozantoza; hoe re, amy te nitsamoahan’ angatse maro. 
\v 31 Nihalalia’ iareo te tsy ho lilie’e hijoroboñe an-tsikeokeok’ ao. 
\v 32 Nan­drazeñe ambone vohitse ey ty lambo maro troke raike. Aa le hinalali’ iereo te hado’e himoak’ am’ iareo ao. Le napo’e. 
\v 33 Aa le nifaok’ amy lahilahiy o kokolampao naho nitsa­moak’ amo lamboo. Le nivongaritse mb’amy herere­tsakey naho nijoro­boñe an-drano ao i troke raikey vaho niopo. 
\v 34 Ie nitrea’ o mpiarakeo le nibijo’ ty lay mb’ an-drova mb’eo naho mb’ an-kalok’ añe, nitalily. 
\v 35 Aa le nangovovòke mb’eo o hioniñe i nanoeñeio, nivotrak’ amy \nd Iesoà\nd* eo, naho nitendreke indaty niakara’ o kokolampaoy, ie niambesatse am-pandia’ \nd Iesoà\nd* eo nisafonoke naho vory hilala, nampañeveñe iereo. 
\v 36 Natalili’ o naharen­drekeo ty namotsorañe i niazon-kokolampay. 
\v 37 Aa le nihalalie’ o valobohòke an-tane’ Gerasena iabio t’\nd Iesoà\nd* ty hisitake, amy t’ie niazo’ ty anifañe. Aa le nijon-dakan-dRe, nimpoly. 
\v 38 Nihalaly te ho mpiama’e indaty niakara’ o kokolampaoy, fe hoe ty nañitrifa’ \nd Iesoà\nd* aze: 
\v 39 Mimpolia mb’ añ’ akiba’o mb’eo vaho atalilio o raha ra’elahy nanoen’ Añahareo. Niavotse re nanitsike i rovay nitalily i raha fanjàka nanoa’ \nd Iesoà\nd* rezay.
\s1 Ty Rakemba Nijangañe Mat 9.18-22; Mar 5.21-34
\p
\v 40 Ie toly eñe t’\nd Iesoà\nd*, le rinambe’ i lahialeñey soa, fa songa nandiñe aze.
\p
\v 41 Niheo mb’eo amy zao ty androa­navy atao Jairo, beim-pitontonañe, nihotrak’ am-pandia’ \nd Iesoà\nd* eo nihalaly aze hi­hova mb’añ’ an­jom­ba’e ao 
\v 42 fa heta’e i anak’ ampela toka’e miha folo taoñe ro’ amby zay.
\p Aa ie nionjom-b’eo, nitamboemboeñe ama’e i lahialeñey; 
\v 43 teo ty rakemba niazo’ ty retsilà folo taoñe ro’amby, le fonga naleta’e amo mpanahao ze fiveloma’e, fe tsy teo ty nahafake. 
\v 44 Nimb’ amboho’e ao re nitsapa ty lifin-damba’e\f + \fr 8:44 \fr*\ft Vol 15:37; Mal 4:2\ft*\f*, vaho nitsintañe amy zao i lio-lava’ey. 
\v 45 Le hoe t’\nd Iesoà\nd*: Ia ty ni­tsapa ahy? Songa nandietse vaho hoe t’i Petera naho o mpiama’eo: O Rañandria, miharombontake naho mañifitse azo i lahialeñey. 
\v 46 Le hoe t’\nd Iesoà\nd*: Ao ty nipaok’ ahy; apotako te niakaran-kaozarañe. 
\v 47 Aa ie nirendre’ i rakembay te tsy lefe ty fietaha’e, le nivorombeloñe, fe niheova’e nihohok’ am-pandia’eo nitalily añatrefa’ ze hene’ ondaty ty foto’ i nitsapa’e azey naho t’ie nijangañe ami’ty manao zao. 
\v 48 Aa hoe t’\nd Iesoà\nd* tama’e: O anake, o fatokisa’oo ro nahajangañ’ azo; akia, manintsiña.
\s1 ty Anak’Ampela’ i Jairo
\p
\v 49 Ie mbe nisaontsy t’\nd Iesoà\nd* le pok’eo ty hirik’ amy beim-pitontonañey añe nanao ama’e ty hoe: Fa simba i anak’ ampela’oy; ko olañe’o ka t’i Talè. 
\v 50 Ie jinanji’ \nd Iesoà,\nd* le hoe ty natoi’e: Ko hembañe, mato­kisa avao, le ho jangañen-dre. 
\v 51 Ie tsatok’ añ’ anjomba’e ao, tsy napo’e hizilik’ ao naho tsy i Petera naho i Jaona naho Iakobe vaho ty rae naho i rene’ i ajajampelay. 
\v 52 Hene nirovetse naho nandala aze ondatio, fa hoe re tama’e: Ko mirovetse, tsy simba re fa miroro. 
\v 53 Aa le nonjira’ iareo an-kehe kanao nioniñe t’ie simba. 
\v 54 Fonga nakare’e, le rinambe’e ty taña’ i ajajampelay vaho nikanjia’e ami’ty hoe: O ajajampelao, Mitroara. 
\v 55 Nibalike ty fiai’e le nitroatse amy zao, vaho nampamahana’e. 
\v 56 Nilatsa o roae’eo, fe nafantopanto’e tsy hitalily ndra ama’ iaia i nanoeñey.
\s1 Nahitri’e i Folo-Roe’Amby rey Mat 10.1-14; 14.1-14; Mar 6.6-16, 30-34
\c 9
\p
\v 1 Kinanji’e hirimboñe eo i folo ro’ amby rey, le tinolo’e haozarañe naho lily handroake ze atao koko­lampa naho hañaha ze hasilofañe; 
\v 2 le nirahe’e hitaroñe i Fifehean’ Añaharey vaho hampijangañe o marareo. 
\v 3 Hoe re am’ iareo: Ko minday inoñ’ inoñe ami’ty lia’areo, ndra kobaiñe ndra kotrañe ndra vaty ndra drala vaho ko minday saron-droe. 
\v 4 Mañialoa amy ze anjomba iziliha’ areo le hirik’ao ka ro hienga. 
\v 5 Naho tsy mampiantraño anahareo ty ao, le ie miakatse i rovay, ahintsankintsaño ty lembok’ am-pandia’areo hanjehazehàñe iareo.
\p
\v 6 Aa le niavotse iereo nanitsike rova, nitsey i talili-soay vaho nampijangañe tok’aia tok’aia.
\p
\v 7 Ie jinanji’ i Heroda mpizaka o nanoe’e iabio, le nitsimboetse, fa inao nitroatse t’i Jaona, 
\v 8 hoe ka ty ila’e te, i Elia ty niboake; ty ila’e ka nanao ty hoe: raik’ amo mpitoky haehaeo ro niheren-ko veloñe. 
\v 9 Fa hoe ka t’i Heroda: Nampikitsìheko ty loha’ i Jaona, aa ia arè i andrendrehañ’ ahy te manao i raha rezay? le nipay ty hahaoniñe aze.
\p
\v 10 Ie nimpoly i Firàheñe rey le nitalilia’ iareo ze hene nanoeñe, vaho natola’e mb’am-patrambei’ i rova atao Betsaida ao. 
\v 11 Aa ie nifohi’ i lahialeñey le norihe’iereo, fe rinambe’e soa naho nitaroñe i Fifehean’ Añaharey vaho hene jinanga’e ze nitaha.
\s1 Ty Lime Arivo Lahy Mat 14.15-21; Mar 6.35-44; Jao 6.1-14
\p
\v 12 Ie niròñe i àndroy, niheo mb’ ama’e i folo ro’amby rey, nanao ty hoe: Ampiavoto o lahialeñeo homb’ amo rovao naho mb’ am-pariparitse atoy hañialo naho hivaty; fa loho an-kazihazin-tane atoy tika. 
\v 13 Hoe ty natoi’e: Anjotsò hikama’e. Natoi’ iereo ty hoe: Tsy ama’e zahay naho tsy mofo lime vaho fiañe roe, naho tsy hiavotse hey hivily mahakama ho a ondaty iabio. 
\v 14 Va’e lime arivo ty lahilahy teo. Aa hoe re amo mpiama’eo: Ampiambesaro kilimampolo. 
\v 15 Nanoe’ iareo, vaho songa nampiambesareñe. 
\v 16 Rinambe’ \nd Iesoà\nd* i mofo lime rey naho i fiañe roe rey le niandra mb’ andikerañe ey naho nañandriañe, le finola’e vaho natolo’e amo mpiama’eo hazotso amy lahialeñey. 
\v 17 Nikama iereo le sindre nianjañe vaho natontoñe an-karoñe folo ro’amby ze sisa nifitafita.
\s1 Nitalily ty Hatò Mat 16.13-21; Mar 8.27-31
\p
\v 18 Teo t’ie nilolok’ am-bangiñe ao rekets’ o mpiama’eo le nañontanea’e ty hoe: Atao’ ondatio ho ia v’o ahoo? 
\v 19 Tinoi’ iereo ty hoe: I Jaona Mpandipotse, fa ty ila’e ka manao ty hoe, i Elia, vaho ty ila’e te niheren-ko veloñe ty mpitoky haehae. 
\v 20 Hoe re: Aa inahareo? Atao’ areo ho ia iraho? Tinoi’ i Petera ty hoe: I Norizan’ Añaharey.
\p
\v 21 Hinatahata’e t’ie tsy hivolañe am’ ondaty, 
\v 22 le hoe re: Tsy mahay tsy hanilofeñe raha maro i Ana’ ondatiy, le harinjèñe’ o roandriañeo naho o mpisorom-beio naho o mpanoki-dilio vaho ho vonoeñe, fe hampitroareñe ami’ty andro fahatelo.
\s1 Ty Mahamokotse Mat 16.24-27; Mar 9.34-38
\p
\v 23 Aa le hoe re tam’ iereo iaby: Naho eo ty te hanonjohy ahy, soa re te hihi­rim­beloñe naho hitarazo ty hatae ajale’e lomoñandro vaho hañorik’ ahy, 
\v 24 fa ndra iaia ro te handrombak’ ay ro hahamotso aze, le ndra iaia ty mamoe arofo ty amako, ho rombaheñe. 
\v 25 Ino ty tombo’e ho a t’indaty te fonga azo’e ty voatse toy, fe, ke t’ie motso, he haitoañe. 
\v 26 Aa ndra iaia ty ho meñatse ahy ndra amo entakoo, ty ho meñare’ i Ana’ ondatiy t’ie mito­tsak’ ami’ty enge’e naho ty an-dRae’e vaho ty amo Anjely masiñeo. 
\v 27 Eka! to t’itaroñako te, amo mijohañe etoañeo ty tsy ho lian-kavilasy ampara’ te oni’e i Fifehean’Añaharey.
\s1 Ty Niovà’ \nd Iesoà\nd* Mat 16.28-17.9; Mar 9.1-9; 2 Pet 1.17, 18
\p
\v 28 Ie modo ty valo andro te nitsara izay, le nampindreze’e ama’e t’i Petera naho i Jaona naho Iakobe vaho nitroa-bohitse hitalaho. 
\v 29 Ie niloloke le niova ty vinta’e naho nihafoty nitsipela­tsipelatse ty sarimbo’e. 
\v 30 Le heheke, te nifanaontsy ama’e ty androanavy roe, i Mosè naho i Elia, 
\v 31 niboak’ am-bolonahetse vaho nisaontsieñe i fivetrahañe ho henefa’e e Ierosaleme añey. 
\v 32 Fe nikonkòñe te hirotse t’i Petera naho i rañe’e rey, f’ie nañente le naha­oniñe ty enge’e naho i roe-lahy niharo fijohañe ama’e rey.
\p
\v 33 Ie nienga’ aze iereo le hoe t’i Petera ama’e : O Rañandria, soa ‘nio te etoan-tikañe; angao hañoreñe kijà telo: Ty ho Azo naho ty ho a i Mosè vaho ty ho a i Elia, fa tsy napota’e i linaño’e. 
\v 34 Aa ie mbe nisaontsy, teo ty rahoñe niforoñe nandron­goñe iareo, naharevendreveñe te nisafora’ i rahoñey. 
\v 35 Hirik’amy rahoñey amy zao ty fiarañanañañe nanao ty hoe: Anako kokoako toy. Ijanjiño! 
\v 36 Ie nianjiñe i fiarañanañañey, le \nd Iesoà\nd* avao ty nizoeñe eo. Aa le nidìñe iereo tsy nahabeok’ am’ondaty amy andro rezay ndra inoñe amy nioni’ iareo rezay.
\s1 Ty Ajalahy Nangarañe Mat 17.14-18; Mar 9.14-27
\p
\v 37 Amy loakandroy, ie nizotso i vohitsey le nifanalaka ami’ty lahialeñe. 
\v 38 Le hoe ty napazapaza’ t’indaty boak’ amy lahialeñey ao: O Rañandria, mitoreo ama’o vazohò ty anako bako-tokañe toy. 
\v 39 Inao! ie azin-draha le mikoriak’ amy zao; avokovoko’e an-tsintosintoñe reke-bore; le fiain-drifi’e te ifaoha’e, toe joie’e. 
\v 40 Aa le nihalalieko o mpiama’oo ty handroak’ aze fe tsy nilefe.
\p
\v 41 Hoe ty natoi’ \nd Iesoà\nd*: Ty tariratse tsy mañaoñe naho mitangingìñe toy, ombiam-bao ty mbe hitraofako naho hifeahako? Endeso mb’etoa i ana’oy. 
\v 42 Ie niharine mb’eo i ajajay le nigore’ i kokolampay naho sinintotsinto’e. Trinevo’ \nd Iesoà\nd* i anga-maleotsey le nihaha’e i ajalahiy vaho nahere’e aman-drae’e. 
\v 43 Aa le hene nivereñe ty amy hara’ elahin-kaozaran’ Añaharey.
\s1 Mitoky Havilasy Mat 17.22-23; Mar 9.30-32
\p Ie mbe nilatsa amy ze hene fanoe’ \nd Iesoà\nd*, le hoe re amo mpiama’eo: 
\v 44 Ajoño an-dravembia ao o tsara zao, te hafotetse am-pità’ ondaty i Ana’ ondatiy; 
\v 45 Fe namoea’ iereo i saon­tsiy, amy te nampietahañe, tsy ho rendreke, le nihembañe tsy te hañontane aze ty amy tsaraeñey.
\s1 Ty ho Ra’elahy Mat 18.1-5; Mar 9.33-40
\p
\v 46 Le nitsakoreñe am ‘iereo ao te ia ty zoke’e. 
\v 47 Niarofoana’ \nd Iesoà\nd* i fivetsevetsen-tro’ iareoy le nandrambe ajaja naho navotra’e añ’ila’e eo, 
\v 48 le hoe re am’ iereo: Ndra iaia mandrambe ty ajaja toy ami’ty añarako ro mandrambe ahiko, vaho ndra iaia mampihova ahy ro mampihova i nañirak’ ahiy; aa le ty tsitso’areo ty ho zoke.
\p
\v 49 Hoe ty natoi’ i Jaona, O Rañandria, nitrea’ay ty nandroake kokolampa amy tahina’oy le nen­daha’ay amy te tsy mpitrao-pañorik’ ama’ay. 
\v 50 Hoe t’\nd Iesoà\nd* tama’e: Ko sebaña’o, fa ze tsy mandietse antika ro mone mañimba.
\s1 Nañarinjeñe \nd Iesoà\nd* t’i Samaria
\p
\v 51 Ie an-titotse ty andro hañonjonañe aze le nionjoñe mb’ Ierosaleme mb’eo 
\v 52 naho nañitrike ty hiaolo aze, vaho nimoak’ ami’ty rova e Samaria ao iereo hañalankañe ho aze. 
\v 53 Fe tsy nampihovaeñe, amy t’ie nitolin-daharañe mb’e Ierosaleme.
\p
\v 54 Aa ie nioni’ Iakobe naho i Jaona, mpiama’e rey, le hoe iareo: O Rañandria, satri’o hao te handilia’ay afo boak’ andindìñe añe hidoiñe ey hampangotomomoke iareo? 
\v 55 Tinoli’e iereo le nitrevoha’e \f + \fr 9:55 \fr*\ft Tsy apota’areo t’ie amam-pañahy inoñe.\ft*\f* 
\v 56 vaho nionjomb’ an-tanañe ila’e mb’eo.
\s1 Ty maha Firàheñe Mat 8.18-22
\p
\v 57 Ie nañavelo amy lalañey, le nanoañe ty hoe: O Talè horiheko ndra aia aia ty homba’o. 
\v 58 Hoe t’\nd Iesoà\nd* tama’e: Manan-davake o farasio naho amam-pipetaha’e o voron-dike­rañeo; fe tsy amy Ana’ ondatiy ty fanjoàn’ añambone’e. 
\v 59 Hoe ka re ami’ty raike: Mañoriha ahy; fe hoe re: O Talè, angao hey handentek’ an-draeko. 
\v 60 Hoe t’\nd Iesoà\nd* tama’e: Adono o vilasio handeveñe ty vilasi’ iareo, fa ihe ka, akia, taroño i Fifehean’ Añaharey.
\p
\v 61 Hoe ka ty raike: O Talè, hañorik’ Azo iraho, fe adono hey hitalily an-trañoko ao. 
\v 62 Aa hoe t’\nd Iesoà\nd* tama’e: Tsy eo ty mitan-dasary t’ie mitolike, ro mañeva i Fifehean’Añaharey.
\c 10
\s1 Nahitri’e ty 70
\p
\v 1 Ie modo izay, le nijoboñe ondaty fitompolo ila’e ka t’i Talè, vaho nirahe’e kiroe-kiroe hiaolo mb’amy ze hene rova naho tane homba’e. 
\v 2 Le hoe re tam’ iereo: Tombo ty vokatse fe tsy ampe ty mpandrofotse; aa le halalio i Talèm-bokatsey ty hañeke ho amy fanatahañey; 
\v 3 Akia, iraheko hoe vik’añondry mitoam-parasy. 
\v 4 Ko mitintin-koro ndra kontrañe ndra hana vaho ko mifañinoñe an-dalañe eo. 
\v 5 Ze traño iziliha’ areo, anò hey ty hoe: Hanitsiñe ty anjomba toy. 
\v 6 Aa naho ao ty anan-kanintsiñe, le hitoetse ao i fañanintsi’ areoy; fe naho tsy izay le himpolia’e. 
\v 7 Mañialoa amy trañoy; mikama naho minoma amy ze azotso amy te mañeva ty rima’e ty mpanatake. Ko mitsatsàk’ anjomba.
\p
\v 8 Ze tanañe omba’ areo, naho ampiho­vae’e: ikamao ze azotso’e. 
\v 9 Jangaño ze marare, le anò ty hoe: Fa totok’ anahareo i Fifehean’ Añaharey. 
\v 10 Ze rova anjoà’ areo tsy mampihova, le miheovà mb’an-dàmoke mb’ eo vaho anò ty hoe: 
\v 11 Ndra ty lembo’ ty rova’ areo manditek’ ama’ay ho piohe’ay hanjehazeha anahareo. Fe mahafohina te nitotoha’ i Fifehean’ Añaharey. 
\v 12 Itaroñako te haivañe ty hifetsak’ amy Sodoma amy andro zay ta ty hizò i rovay.
\p
\v 13 Hankàñe ama’o, Korazina! Hankàñe ama’o Betsaida! Fa naho nanoeñe e Tirò naho e Sidona añe o raha jabajaba nitoloñeñe ama’areoo le ho nisoloho haehae vaho ho nitobok’ an-gony naho lavenoke. 
\v 14 Haivañe ho amy Tirò naho i Sidona amy zakay ta ty ama’ areo. 
\v 15 Ihe ka, ry Kapernaomy, haonjomb’ andindìñe añe v’ iheo? Te mone hatotse an-tsikeokeok’ao!
\p
\v 16 Ze mijanjiñe anahareo mijanjiñe ahy, naho ze malaiñ’ anahareo malaiñ’ ahy, vaho ze malaiñ’ ahy, malaiñe i Nañirak’ ahiy.
\s1 Ty Fipolia’ i 70oy
\p
\v 17 Nimpoly an-kaehake i fitom-polo rey, le hoe ty asa’iareo: O Rañandria, ndra o kokolampao miambane ama’ay ty amy tahina’oy. 
\v 18 Le hoe t’\nd Iesoà\nd* tam’ iereo: Nitreako nidoindoiñe boak’ andin­dìñey hoe helatse i mpañìnjey. 
\v 19 Inao! fa tinoloko lily ambone’ ty haozara’ i rafelahiy nahareo handialia mereñe naho kalengo fa ndra inoñ’ inoñe tsy hijoy. 
\v 20 Aa ko irebeha’ areo te itsolofìña’ o koko­lampao, fe mandià-taroba te pinatetse andindìñe ao o tahina’ areoo.
\p
\v 21 Ie amy ora izay, nilifon-kaehak’ añ’ arofo t’\nd Iesoà\nd* nanao ty hoe: Mandrenge Azo iraho ry Aba, Talèn-dikerañe naho ty tane toy, te naeta’o amo mahihitseo naho amo mahilalao o raha zao vaho nampalangese’o amo anak-ajajao; Eka, Aba, zay ty ninò’o am-pivazohoa’o. 
\v 22 Kila natolon-dRaeko ahy, le tsy eo ty mahafohiñe te ia i Anakey naho tsy t’i Rae, naho te ia t’i Rae lehe tsy i Anakey vaho ze ampahafohiñe’ i Anakey.
\p
\v 23 Nitolik’amo mpiama’eo avao le nanao ty hoe: Haha ty fihaino mahaisake o raha isa’ areoo; 
\v 24 Itaroñako te maro ty mpitoky naho ty mpanjaka nisalala hahaoniñe o oni’ areoo fe tsy nahaoniñe, vaho hahajanjiñe o janji’ areoo fe tsy nahajanjiñe.
\s1 Ty Havelo Nainai’e:
\p
\v 25 Teo te niongake ty mpahay lily ni­tsoke \nd Iesoà\nd* ami’ty hoe: O Talè, ino ty hanoeko handovàko haveloñe nainai’e? 
\v 26 Le hoe re tama’e, Ino ty pinatetse amy Hake ao? Akore ty vaki’o aze? 
\v 27 Hoe ty natoi’e:
\q1 Kokò t’\nd Iehovà\nd* Andrianañahare’o an-kaampon’arofo’o,
\q1 naho an-kaliforam-pañova’o
\q1 naho amy ze hene haozara’o
\q1 naho am-pitsa­korea’o iaby,\f + \fr 10:27 \fr*\ft Its 6:5\ft*\f*
\q1 vaho ondatio mira ami’ty vata’o.\f + \fr 10:27 \fr*\ft Sor 19:18\ft*\f*
\p
\v 28 Le hoe re tama’e: To i natoi’oy, anò, vaho ho veloñe.
\s1 Ty nte-Samaria Matarike
\p
\v 29 Aa ie te haniom-batañe, nanao ty hoe am’ \nd Iesoà\nd*: Ia v’indaty zay? 
\v 30 Hoe ty natoi’ \nd Iesoà\nd*: Teo t’indaty nizotso boake Ierosaleme homb’e Hie­rikò mb’eo nizò malaso nañolits’ o siki’eo, nitrabotrabok’ aze vaho nampidoñ’ aze fiai-drifi’e; 
\v 31 tojo te nizotso mb’eo amy zao ty mpisoroñe; nizoe’e fe niriràña’e. 
\v 32 Nanao izay ka t’i nte-Levy, ie pok’eo, nahaisake fe nanoe’e riom-paoke. 
\v 33 Nivotrak’ eo ka ty nte Samaria amy lia’ey, ie niisa’e le niferenaiña’e, 
\v 34 nitotok’ aze naho namoloñosa” e o fere’eo naho nañiliña’e solike vaho divay; le nampiningire’e amy borìke’ey, naho ninday aze mb’ami’ty anjom­ba fanjoàn’ambahiny mb’eo vaho natrahe’e. 
\v 35 Ie maraindray, nañakatse bogady roe, le natolo’e amy tompon’ anjombay ami’ty hoe: Itahao; ndra firefire ty lany mandikoatse zao le havahako ami’ty fimpoliko. 
\v 36 Aa vaho ia amy telo rey ty atao’o nifampilongo amy nizo mpitavañey? 
\v 37 Hoe ty natoi’e: I nilem-po ama’ey. Le hoe t’\nd Iesoà\nd* tama’e: Akia, itsikombeo.
\s1 I Marta naho i Marie
\p
\v 38 Nañavelo iereo, le nizilik’ an-tanañe ao t’\nd Iesoà\nd* naho nampihova aze añ’anjomba ty rakemba atao Martae, 
\v 39 niambesatse am-pandia’ i Talè nitsendreñe o tsara’eo ty rahavave’e Marie. 
\v 40 Fe niembetse’amy fitoroña’ey t’i Martae le niheo mb’amy Talè mb’eo nanao ty hoe: O Rañandria, tsy ahoa’o hao te nieng’ ahy hikotepe irery ty rahavaveko? Ampañoloro ahy. 
\v 41 Hoe ty natoi’ \nd Iesoà\nd*: O Martae, Martae, ihe tsotseke naho tsimboetse ami’ty raha maro, 
\v 42 raha raike ty paiaeñe; nijoboñe ty soa t’i Marie, le tsy hasintak’ ama’e izay.
\s1 Ty Filolohañe Mat 6.9-13; 7.7-11
\c 11
\p
\v 1 Teo te nitroatse amy fitaloha’e an-toetse zay t’\nd Iesoà\nd* le hoe ty nanoa’ ty mpiama’e: O Rañandria, añohò anay ty hiloloke manahake ty naô’ i Jaona o mpiana’eo. 
\v 2 Le hoe re am’ iereo: Naho miloloke nahareo, anò ty hoe:
\q1 O Aba,
\q1 Havaheñe abey ty tahina’o;
\q1 Hitotsak’ abey ty fifehea’o,
\q1
\v 3 Azotsò lomoñandro ty mahakama mahatsàk’ anay.
\q1
\v 4 Le adono o hakeo’aio, Fa apo’ay ka ty tahi’ ze anaña’ay hakeo.
\q1 Le ko minday anay mb’am-panjiziañe,
\s1 ty Rañetse Mahaheve
\p
\v 5 Le nitovoña’e ty hoe: Ia ama’ areo ro aman-drañetse miheo mb’ ama’e vakimiraleñe mihalaly ty hoe: O koahe, ampitsepaho mofo telo, 
\v 6 fa pok’ amako ao aniany ty rañeko amy lia’ey vaho tsy eo ty hafahako aze? 
\v 7 Le hanoiñe ty hoe i añ’anjombay: Ko mañembets’ ahy, fa migabeñe o lalañeo, naho miharo fandreañe amako o keleìakoo, vaho tsy mahafitroatse iraho hañomeako azo ndra inoñe. 
\v 8 Itaroñako te, ndra t’ie tsy hiongake hañomey ty amy firañetañey, i hatsotseha’ey ty hiongaha’e hañomey ze hene paia’e.
\p
\v 9 Aa le hoe ty volako ama’areo: mihalalia, le ho meañe; mitsoeha le ho tendreke, mañonkòña le ho sokafeñe. 
\v 10 Fa ze mihalaly mahazo, ze mikodebe mahatendreke vaho ze mañonkòñe ro sokafañe.
\s1 ty Rae Soa Mat 7.7-11
\p
\v 11 Aa naho mangatake mofo ama’ iaia ama’areo roae ty ana’e, ho tolora’e vato hao? ke angataha’e fiañe, ho tolora’e mereñe hao hasolo’ i fiañey? 
\v 12 He ihalalia’e atoly, ho sozoa’e kalengo hao? 
\v 13 Aa ndra t’ie raty ro maha­fañome raha soa amo keleia’ areoo, mentsake te hatolon-dRae’areo an-dikerañe ao amy ze mihalaly ama’e i Arofo Masiñey.
\s1 i mpañìnjey Mat 12.25-30; 43-45; Mar 3.22-27
\p
\v 14 Rinoa’e ty kokolampa moañe le ie nifaok’ añe i angatsey, nisaontsy i moañey vaho nilatsa i lahialeñey. 
\v 15 Aa hoe ty asa’ o ila’eo: I belzeboba, talè’ o kokolampao ro androaha’e koko­lampa. 
\v 16 Ty ila’e ka, nipay viloñe ama’e boak’ andindìñe ao hanjiziañ’ aze.
\p
\v 17 Aa kanao niarofoana’ \nd Iesoà\nd* ty vetsevetse’ iareo, le nanoa’e ty hoe: Hangoakoake ze fifeheañe mifañito; le hikoromake ze anjomba mifañavake. 
\v 18 Aa lehe mizara i mpañìnjey, hanao akore ty hijadoña’ i fifehea’ey? ie atao’ areo te i belzeboba ro añariako koko­lampa. 
\v 19 Aa naho i belzeboba ty androahako kokolampa, ia ka ty androaha’ o ana’ areoo ty a iareo? Ie ro hizaka anahareo. 
\v 20 Aa naho ty rambo-pitàn’ Añahare ro androahako kokolampa, le fa tendrek’ ama’areo i Fifehean’ Añaharey.
\p
\v 21 Ie ambena’ ty fanalolahy vory fialiañe ty akiba’e, le hanintsiñe o vara’eo. 
\v 22 Fa ie iambotraha’ ty maozatse te ama’e, mahagiok’ aze, le hene ho tavane’e o fialiañe niatoa’eo vaho ho zarae’e o finao’eo.
\p
\v 23 Manjehatse ahy ze tsy ­mitraok’ amako; le mampiparaitake ze tsy mindre manontoñe amako. 
\v 24 Ie miakatse am’ ondatio ty koko­lampa, manalio mb’an-tane tsi-an-drano mipay ty hitofà’e, fe tsy manjò le manao ty hoe: himpoliako i traño niboahakoy. 
\v 25 Ie avy ao, zoe’e pinioke vaho soa hamiñe. 
\v 26 Aa le miavotse re minday koko­lampa fito raty te ama’e, le mitsa­moake manozìtse ao; raty te amy nifotora’ey ty higadoña’ indatiy.
\p
\v 27 Ie mbe nisaontsy, le nampipoña-peo ty rakemba amy lahialeñey, nanao ty hoe ama’e: Haha ty fisafoañe nivesatse azo naho o fatroa ninonoa’oo. 
\v 28 Hoe ty natoi’e: Lombolombo’ ty haha ze mijanjiñe ty tsaran’ Añahare vaho mañambeñe aze.
\s1 Ty Vilo’ i Jonà Mat 12.39-42
\p
\v 29 Ie niha-famoeboetse eo i màroy le hoe re: Lo-tsereke ty tariratse mipay viloñe toy, fe tsy eo ty viloñe hatolotse naho tsy ty vilo’ i Jonà, 
\v 30 fa hambañe ami’ty naha-viloñe amo nte-Niniveo t’i Jonà, i Ana’ondatiy ami’ ty tariratse toy. 
\v 31 Hiongake amy fizakañe ty tariratse toiy i mpanjaka-ampela atimoy handrabioñe aze, fa niboak’añ’ olon-tane añe re hitsen­dreñe ty hihi’ i Solomona; fe hehe te lombolombo’ i Solomona ty etoy. 
\v 32 Hindre hiongak’ ami’ty tariratse toy amy andron-jakay t’i Ninive hañinje aze amy t’ie nisoloho amy koi-dava’ i Jonày; fe zoke’ i Jonà ty etoañe.
\s1 Ty Jiro
\p
\v 33 Tsy eo ty nandrehetse jiro, ze mbore hampikafitse aze ndra hampikolopok’ aze ami’ty tsikotòke, fa hapo’e ambone’ fasian-jiro ey, ho isa’ ze mimoak’ ao i hazavàñey. 
\v 34 Failom-pañova ty fihaino, ie vantañe ty fihaino’o le lifo-kazavàñe ty sandri’o, fa naho mengoke, le mimoromoroñe iaby ty sandri’o. 
\v 35 Aa le mitaoa, he maieñe ty zava ama’o ao. 
\v 36 Ie amy zao, naho lifo-kazavàñe ty sandri’o naho tsy maieñe ty ao, le ho lifo-kazavañe, manahake ty añazavam-pailo azo amy fireandrea’ey.
\s1 Hankàñe Eneñe
\p
\v 37 Ie mbe nisaontsy, le nañambara aze ty Fariseo, hikama; aa le nizilik’ ao re, nidegañe am-pandambaña eo. 
\v 38 Fe nilatsa’ i Farise­oy naho nioni’e t’ie tsy nanasa hey aolo’ te nikama. 
\v 39 Aa le hoe t’i Talè tama’e: Hehe ty fanoe’ areo Fariseo, liove’ areo ty voho’ o fitovio naho o fingao, fe miboboke tity naho haloloañe ty an-trok’ ao. 
\v 40 Ry gege bey! Tsy i nanao ty voho’ey hao ty nanao i am-po’aoy? 
\v 41 Hàmake te anoloran-ko falalàñe o ama’areoo, le ho kila halio ty ama’areo.
\p
\v 42 Hankàñe ama’areo Fariseo! fa ampahafoloe’ areo ty sakaviro naho ty sakay vaho ze karaza añañe; fe rioña’ areo ty hatò naho ty fikokoan’ Añahare; mbe ho nanoe’areo irezay, fe tsy ho nado’areo ka ty ila’e.
\p
\v 43 Hankàñe ama’areo ­Fariseo! Tea’ areo ty fiambesatse aolo am-pitontonañe ao naho ty añonta­nea’ ondaty an-tsena ey, 
\v 44 Hankàñe ama’ areo fa manahak’ o kibory tsy amam-pamantarañeo, ie lia­lià’ ondaty avao kanao tsy fohiñe.
\p
\v 45 Tinoi’ ty mpahay lily ty hoe: O Talè, mañinje anay ka ‘n-Iheo amy saontsi’oy. 
\v 46 Hoe ty natoi’e: Hekoheko ama’ areo mpahay Hake ka! Amy te ampijinie’areo kilankañe midogìñe t’indaty, le ndra ty anakiky tsy apao’ areo amy kilankañey.
\p
\v 47 Hankàñe ama’areo! fa amboara’ areo kibory o mpitoky vinonon-droae’ areoo. 
\v 48 Toe iantofa’ areo ty satan-droae’ areo, ie ro toe namono, naho inahareo ro namboatse o kibori’eo. 
\v 49 Izay ty nataon’ Añahare ty hoe ami’ty hilala’e, Hañitrifako Mpitoky naho Firàheñe, ho vonoeñe ty ila’e vaho hanilofeñe ty ila’e. 
\v 50 Aa le hampañavahañe ami’ty tariratse toy ty lio’ o mpitoky naorikori’e faha’ ty fifotora’ ty voatse toio, 
\v 51 mifototse ami’ty lio’ i Abela pak’ ami’ ty lio’ i Zakaria vinono añivo’ i kitreliy naho ty Anjomban’ Añahare eo. Eka! Itaroñako te hampañavahañe ami’ty tariratse toy izay.
\p
\v 52 Hankàñe ama’areo mpahay lily! Tinava’areo ty lahin-dakilen-kihitse. Tsy nimoaha’areo, fe sebañe’ areo ze mañaly lalañe hizilik’ ao.
\p
\v 53 Ie nanao izay, le nanoe’ o mpanoki-dilio naho o Fariseoo tsi­kony naho nimanea’ iereo ontane, 
\v 54 nandiñe hitsepake aze amy ze hiakatse am-palie’e.
\c 12
\s1 o SoamañatrekeoMat 10.26-33
\p
\v 1 Ie amy zao, naho nivorigidiñe añ’aleale t’indaty vaho nifandialia, le nanoe’ \nd Iesoà\nd* ty hoe hey o mpiama’eo: Itaò ty lalivai’ o Fariseoo, amy t’ie hasoa-fiatreke. 
\v 2 Toe tsy ao ty linomboke ze tsy haboake ndra ty nakafitse ze tsy haborake; 
\v 3 aa ndra inoñ’ inoñe volañe’ areo añ’ieñe ao, ty ho janjiñeñe an-kazavàñe ey; vaho ze tsikoe’ areo an-dravembia añ’an­jomba ao ho tseizeñe an-tampenake ey.
\p
\v 4 Taroñeko ama’areo roàñeko ty hoe, ko marimarihañe ze mahay mamono ty sandriñe, fe tsy mahalefe mandi­koatse. 
\v 5 Hatahataeko ty hañeveña’ areo: irevendreveño i fa namonoy ro mbe aman-dily hampijoroboñ’ azo an-tsi­keokeok’ ao; eka hoe iraho, Añeveño! 
\v 6 Tsy drala roe hao ty vili’ ty tsikisoisoy lime? Fa ndra raik’ ama’e tsy andikòfan’ Añahare. 
\v 7 Ndra ty maroi’ ty añambone’areo, fa fonga niaheñe. Aa le ko mahimahiñe, fa mandikoatse ty tsikisoisoy maro nahareo.
\p
\v 8 Itaroñako: Ndra iaia mian­tok’ ahy añatrefa’ ondatio, ro hiantofa’ i Ana’ondatiy añatrefa’ o anjelin’Añahareo. 
\v 9 Fe ze mitety ahy añatrefa’ ondatio, ro hitetiako añatrefa’ o anjelin’Añahareo.
\p
\v 10 Ndra iaia mitsiko i Ana’ondatiy ro mbe hiheveañe; fe tsy hiheveañe ka ze miteratera i Arofo Masiñey.
\p
\v 11 Lehe asese’ iereo am-pitontonañ’ ao nahareo naho amo zizio ndra amo mpifeheo, ko tsòtsek’ ami’ty hatoi’ areo naho amy ze ho saontsie’areo; 
\v 12 Fa hanare’ i Arofon-kamasiñañey ze ho saontsie’areo amy ora zay.
\s1 I Fatitimenay
\p
\v 13 Tamy lahialeñey ty nanao ama’e ty hoe: O Talè, saontsio ty rahalahiko ty hifanjara i lovay amako. 
\v 14 Tinoi’e ty hoe: O korahe, ia ty nanendre ahy ho mpizaka ndra mpizara ama’areo? 
\v 15 Le hoe re tam’ iereo: Mitaoa naho mitomira tsy ho azo’ ty fihañañe, fa tsy miato ami’ty fanaña’e ty havelo’ ondaty.
\p
\v 16 Le hoe ty nirazañe’e: Namokatse soa ty tetem-pañaleale. 
\v 17 Le hoe ty safirin-tro’e: Hanao akore iraho henaneo, tsy eo ty hanontonako o hanekoo. 
\v 18 Aa le hoe ty asa’e: Zao arè ty hanoeko: Ho rotsaheko o rihakoo naho ho tratrañàheko, vaho ho tamirieko ao ze hene haneko naho varako. 
\v 19 Le hatàko ty hoe ty troko: O ry troko, nivandroñe’o vara tsifotofoto an-driha ao, ie tsy ho ritse an-taoñ’ an-taoñe; aa le mitofà, mikamà, migenoha, vaho mifalea. 
\v 20 Fe hoe ty nitsaran’ Añahare aze: Ty dagola tia! ampañavaheñe azo anito haleñe ty tro’o, aa le ho an’ ia v’o nahaja’oo?’ 
\v 21 Hambañe amy zay ty ho amy ze mitamiry vara ho am-bata’e, f’ie tsy mpañaleale aman’ Añahare.
\s1 Borizan’ Añahare Mat 6.25-33
\p
\v 22 Le nanao ty hoe re amo mpia­ma’eo: Zao ty volako ama’areo: ko tsimboetse ami’ty haveloñe toy, ty ho kamae’ areo; ndra ami’ty sandriñe, ze hisaroña’areo. 
\v 23 Zoke’ ty mahakama ty haveloñe, naho ty saroñe i sandriñey. 
\v 24 Haraharao o koàkeo: tsy mitongy, tsy mandrofotse, tsy aman-jahetse, tsy aman-driha, fe fahanan’ Añahare; tsy ambone’ o voroñeo hao ty fiai’areo? 
\v 25 Aa vaho ia ama’areo te mahimahiñe ro mahatovoñe ty andro hiveloma’e ndra kede? 
\v 26 Aa naho tsy mete’ areo i raha kedekedey inoñe ty iveobeoha’ areo o raha ila’eo? 
\v 27 Rendreho o voñeo, ty fitiri’e; ie tsy mitoroñe, tsy manenoñe; Eka, itaroñako te, ndra i Solomona amy ze hene enge’e tsy nañirinkiriñe ty fisafora’ ty raik’ ama’e. 
\v 28 Aa naho izay ty ampi­sikinan’ Añahare o ahetseo, ie amoka añe androany vaho ahifik’ an-toñak’ ao te hamaray, àntsake ty hanafora’e anahareo, ry kede fatokisañe! 
\v 29 Ko mi­tsoeke ty ho kamae’areo ndra hinome’ areo, le ko marimarike. 
\v 30 Fonga paiae’ o kilakila’ondatio irezay vaho arofoanan-dRae’areo te ipaia’areo ka. 
\v 31 Fe hotsohotsò heik’ i Fifehea’ey le hatovoñe ama’areo ze he’e.
\p
\v 32 Ko hembañe, ry mpirai-lia kedeo fa non-dRae’areo ty hanolotse anahareo i Fifeheañey. 
\v 33 Aletaho ty vara’ areo le añomeo o rarakeo. Añentseño horoñe tsy mete voroke naho vara andindìñe ao tsy ho ritse, tsy harivoa’ ty malaso, tsy ho vorohe’ ty oletse. 
\v 34 Fa ami’ty nampipohañe o fanaña’ areoo, le ao ka ty arofo’areo.
\s1 Mitaoà
\p
\v 35 Midiaña vania, le ampireheto o failo’ areoo, 
\v 36 vaho mihambaña am’ ondaty mandiñe ty talè’e him­poly boak’ añ’ engavao añeo: ie pok’ eo naho mitrehentreheñe, le ho sokafe’ iereo ami’ ty manao zao. 
\v 37 Haha o mpitoroñe ho zoe’ i talè’ iareoy mitao amy fiavi’eio! Eka! to t’itaroñako t’ie hidiañe vaho hampiambesatse iareo hikama, le homb’eo re hitoroñe iareo. 
\v 38 He t’ie avy petsakaleñe ke mieli­zava, vaho zoe’e manahake izay, le ho haha i mpitoroñe rezay. 
\v 39 Arendreho zao te, ie napota’ ty tompon-traño ty ora ho niloneahe’ o malasoo, tsy ho nado’e ho foieñe i akiba’ey. 
\v 40 Aa le mitaoa, fa ami’ty ora mahatondreñe anahareo ty hitotsaha’ i Ana’ondatiy.
\s1 Ho Tojeha Mat 24.45-51
\p
\v 41 Hoe t’i Petera: O Talè, tsinara’o ama’ay v’i ohatsey, ke amy màroy? 
\v 42 Le hoe t’i Talè: Ia arè ty mpamandroñe migahiñe naho mahihitse, tinendre’ ty bei’e hifeleke o añ’an­jomba’eo hanonkantsonkañe mahakama ami’ty andro’e? 
\v 43 Haha ty mpitoroñe, t’ie zoe’ i talè’ey mifanehake hoe izay amy fibali’ey. 
\v 44 Eka! to t’itaroñako t’ie horiza’e ho mpamandroñe o vara’e iabio. 
\v 45 Fe naho zao ka ty fitsakorea’ i mpitoroñey, te: Tambatse añe i talèkoy. Ie miorotse mamangovango o mpitoroñeo, ndra lahy ndra ampela naho mitolon-tsorake vaho mitríke ho jike, 
\v 46 ie pok’ao i talèm-pitoroñey ami’ty andro tsy itama’e naho ami’ty ora tsy apota’e; le ho trabotrabohe’e i mpamandroñey vaho hatrao’e fitobohañe amo tsereheñeo. 
\v 47 I mpitoroñe nahafohiñe ty satrin’arofo’ i bei’ey, fe tsy nañalankañe, naho tsy nanao i satri’eiy ro ho kimokimohen-doda. 
\v 48 Fa ze tsy naharendreke, ndra t’ie nanao ty mañeva fofoke, ro mone ho filopiloreñe. Ze nimeam-bey, bey ka ty ipaiañe; ze nampañajarieñe bey le bey ka ty hampañondrohañe aze.
\s1 Te mone Harotsake
\p
\v 49 Ty hametsahako afo an-tane atoy ty nivotrahako, le hàmake t’ie niviàñeñe! 
\v 50 fe am-piliporañe hiliporako, aa le malovilovy ampara’ t’ie tondroke. 
\v 51 Atao’ areo ho ninday fifampilongoañe amy Taney hao ty fiaviko? Tsie, hoe iraho, te mone fifampiriàñe. 
\v 52 Henane zao, hifandietse ty lime mpitraok’ anjomba, ho liere’ ty telo ty roe naho ho liere’ ty roe ty telo. 
\v 53 Hifampiria aman-drae’e ty anadahy naho i anadahiy aman-drae’e; ty rene am’ty anak-ampela’e naho i anak-ampelay aman-drene’e; ty rafozan’ ampela ami’ty vinanto’e ampela, le i vinantoy aman-drafoza’e.
\s1 o San’ androo
\p
\v 54 Hoe re amy lahialeñey: Ie tendreke rahoñe mionjoñe boak’ ahandrefañe añe, ro manao ty hoe: Ho avy ty orañe; le toe avy. 
\v 55 Ie mitiok’ atimo, le hoe ty asa’areo: Hatrovoke te anito, le eo izay. 
\v 56 O soamiatrekeo! Mahafitsikarake ty tarehe’ i likerañey naho ty tane toy nahareo; fe manao akore te tsy mahatsikarake ty vinta’ o sa zao?
\p
\v 57 Akore te tsy safirie’areo ty lala-mahity horiheñe. 
\v 58 Ie indreza’o lia i rafelahi’oy mb’ amy ziziy mb’eo, ihe mbe an-dalañey, imaneo filongoañe, tsy mone ho kororohe’e mb’an-jizy mb’eo naho hatolo’ i ziziy amo mpandrohio, vaho hafetsa’ i mpandrohiy am-balabey ao. 
\v 59 Ataliliko azo te tsy hiboak’ ao irehe ampara-pandroroña’o ze drala honka’e.
\c 13
\s1 ty Fisolohoañe
\p
\v 1 Teo amy andro zay, te nitalilieñe amy \nd Iesoà\nd* ty raha nizò o nte Galilia natrao’ i Pilato amy nisoroña’ iareoy ty lio’ iareoo. 
\v 2 Tinoi’ \nd Iesoà\nd* ty hoe: Atao’ areo te bey hakeo te amo nte Galilia ila’e iabio hao i nte Galilia nizò i raha zay? 
\v 3 Tsie, fa inao ty hatoiko, Hibaibay ka nahareo naho tsy misoloho. 
\v 4 Aa ty amy folo-valo’ amby nideboña’ i fitilik-ambo’ i Siloama rey, ie fonga nizamañe; atao’areo t’ie bey tahiñe te amy ze hene ondaty ila’e mpimo­neñe e Ierosaleme ao hao? 
\v 5 Aiy! fa inao: Toe hivetrake hambañ’ amy zay ka nahareo naho tsy mibaboke.
\p
\v 6 Le hoe re te nandrazañe: Teo t’indaty nampambole sakoañe an-tetem-bahe’e ao. Ie nimb’eo hipay voa, tsy nahatendreke. 
\v 7 Aa hoe ty asa’e amy mpañalahala tetem-bahe’ey: Hete! fa telo taoñe ty nombako mb’etoa nipay voa amo sakoañeo, fe tsy nanjò. Firao añe, ino ty ampiantoa’e o taneo? 
\v 8 Hoe ty natoi’e aze: O Roandria, Adono hey re ami’ty taoñe toy fa harikoboñeko haly vaho hasian-ditsake; 
\v 9 hera hamoa, ie tsy lefe, izay vaho ho firae’o.
\s1 ty Rakemba Vokoke
\p
\v 10 Ie nañoke am-pitontonañe ao te \nd Sabotse\nd* t’\nd Iesoà\nd*, 
\v 11 le indroy ty rakemba nikomboe’ ty angatse folo tao-valo’ amby; akore ty fibokofa’e kanao tsy nimete niatatse. 
\v 12 Ie nivazoho’ \nd Iesoà\nd*, le kinanji’e ami’ty hoe: O Rakembao, Fa hinaha amo favozoa’oo irehe. 
\v 13 Le nampitongoa’e fitàñe vaho niatatse amy zao re nandrenge an’ Andrianañahare.
\p
\v 14 Akore ty haboseha’ i talèm-pitontonañey amy nampijangaña’ \nd Iesoà\nd* amy \nd Sabotse\nd*iy kanao linaño’e ty hoe amy màroy: Eneñ’andro ty fitoloña’ ondatio, mb’etoa amy zay nahareo ho tahàñe; fa tsy ami’ty andro Sabata. 
\v 15 Natoi’ i Talè ty hoe: O ty soamañatreke! Tsy songa mañaha ty añombe’e ndra ty borìke an-golobo’e ao ami’ty Sabotse hao nahareo vaho miroak’ aze mb’ an-drano hinoma’e? 
\v 16 Hehe ty rakemba tia! ana’ i Abraàme, ie rinohy i mpañinjey folo taoñe valo’ amby; tsy ho hahàñe amo fandrohizañeo hao re ami’ty andro Sabata? 
\v 17 Amy saontsi’ey, fonga nisalatse o nanointoiñe azeo; fe niehak’ amo hene fanoe’e fanjàkao i màroy.
\s1 ty Voam-baro Mat 13.31,32; Mar 4.30-32
\p
\v 18 Le hoe re: Ampanahafeñe ami’ty inoñ’ i Fifehean’Añaharey? Ino ty hañirinkiriñako aze? 
\v 19 Ie ro hambañe ami’ty voam-baro rinao’ ondaty naho nafitse’e an-tete’e ao, ie nitiry le nitombo ho hatae bey, vaho nitobe amo tsampa’eo o voron-tiokeo.
\s1 Ty Lalivay Mat 13.33-35
\p
\v 20 Hoe ka re: Inon-ty añoharako i Fifehean’ Añaharey? 
\v 21 Ie ro hambañe ami’ty lalivay rinambe’ ty rakemba naho na­laro’e ami’ty mona telo fañaranañe ampara’ ty nitraofa’ i lalivaiy.
\s1 Ty Lalañe Maifitse Mat 7.13-14; 21-23
\p
\v 22 Nañoke amo rovao naho amo tanàñeo erike t’\nd Iesoà\nd* ami’ty naña­veloa’e mb’e Ierosaleme mb’eo. 
\v 23 Le teo ty nañontane aze: O Rañandria, he tsy ampeampe ty ho rombaheñe? Le hoe re: 
\v 24 Imaneo fizilike amy lala-maifi­tsey, amy te maro, hoe iraho ama’areo, ty hipay himoak’ ao fe tsy hahalefe. 
\v 25 Ie miongake mampigaben-dalañe i talèn’an­jombay le hijagarodoñe alafe’e ao nahareo hañonkòñe amy lalañey hanao ty hoe: O Talè, sokafo izahay, le hanao ty hoe re: Tsy fantako te hirik’ aia nahareo! 
\v 26 Le hanao ty hoe iereo: Nikama naho ninoñe añatrefa’o eo zahay, ihe nañoke an-dalam-bei’ay ey. 
\v 27 Fe inao ty ho asa’e, Amoeako t’ie boak’ aia! songa midisoa ahy ty lo-tsereke retia! 
\v 28 Fangololoihañe naho fikodrita-nife ty ao, ie talakese’ areo t’i Abraàme naho Isake naho Iakobe vaho ze hene mpitoky amy Fifehean’Añaharey, f’ie sinoike alafe’e ao. 
\v 29 Hipotèake hirik’ atiñanañe naho ahandrefañe añe t’indaty naho boak’avaratse vaho atimo añe hiambesatse amy Fifehean’ Añaharey. 
\v 30 Toe amo am-bohoo ty ho aolo, naho amo lohàñe eio ty ho fara-gidro’e.
\s1 Mandala Ierosaleme Mat 23.37-39
\p
\v 31 Tamy àndro zay, niheo mb’ama’e mb’eo ty Fariseo ila’e nanao ty hoe: Miengà! mihankàña! fa hañohofa’ i Heroda loza. 
\v 32 Le hoe ty natoi’e: Akia, misaontsia amy fanalokey ty hoe: Inao! hañary kokolampa naho hanaha hey te anito naho hamaray, vaho hitsatok’ amy fitalifirakoy te he­rone. 
\v 33 Aa le hijelanjelañe te anito naho hamaray vaho herone; fa toe tsy mivetrak’ alafe’ Ierosaleme ty mpitoky.
\p
\v 34 Ry Ierosaleme, Ierosaleme, mpamono mpitoky naho mpame­tsa-bato amo niraheñe ama’oo, im-pire hao te ho natontoko o keleia’oo, manahake ty anontona’ ty rene-akoho o ana’eo ambane’ o ela’eo? f’ie tsy nipaoke. 
\v 35 Inge! fa nadoñe ama’areo kòake ty anjomba’ areo. Itaroñako te: toe tsy hahaisak’ ahy ka nahareo ampara’ te avy ty hatao’areo ty hoe:
\q1 Haha ty mitotsak’ ami’ty tahina’ \nd Iehovà\nd*.\f + \fr 13:35 \fr*\ft Sab 118:26\ft*\f*
\c 14
\s1 O \nd Sabata\nd*o
\p
\v 1 Teo t’ie nizilik’ añ’anjomba’ ty mpiamo beim-Pariseoo hikama ami’ty \nd Sabotse\nd*, le fonga nikirok’ aze. 
\v 2 Aa hehe te añatrefa’e eo t’indaty voa ty trinike. 
\v 3 Le hoe ty ontane’ \nd Iesoà\nd* amo mpahay Hàkeo naho amo Fariseoo: No’ i Hake hao ty mampijangañe ami’ty \nd Sabotse\nd*? 
\v 4 Nianjiñe avao iereo, aa le rinambe’e naho jinanga’e, vaho nampiavote’e. 
\v 5 Le hoe re tam’ iereo: Ia ama’ areo naho tafajoroboñ’ an-kadaha ao ty birì’e ndra ty añombe’e, ro tsy hañakatse aze aniany ami’ty andro Sabata? 
\v 6 Aa le tampets’ eñoeño iereo amy hoe zay.
\s1 Ty Ambahiny Mandribariba
\p
\v 7 Ie nirendre’e o nambarañe nifatri­fatry hitsotsèfotse aolo eio, le nirazañe’e ty hoe: 
\v 8 Naho eo ty mañambara azo homb’ añ’enga vao añe, ko mi­tso­retak’ aolo ey, ke ampihovae’e ty aman-kasy mandikoatse azo; 
\v 9 ie amy zay, ho saon­tsie’ i nampihova anahareo roey ty hoe: Ampiambesaro t’indaty toy, le an-tsalatse ty hinankanankaña’o mb’ am-boho ao. 
\v 10 Aa naho ambaràñe, miambesara amo èpakeo, ie avy i nitaoñe azoy, le hanoa’e ty hoe: O rañetse, mionjona mb’aolo ey; le hanan-kasin-drehe añatrefa’ o miharo fiambesatse mikama ama’oo. 
\v 11 Harèke ty mitrotroaboke, vaho haonjoñe ty mirèke.
\p
\v 12 Hoe ka re amy nañambara azey: Ie mañalankañe fikama antoandro ndra hariva, ko mikanjy o rañe’oo, ndra o roahalahi’oo, ndra o longo’oo, ndra o mpañaleale marine azoo, tsy mone hambara’ iereo ka, le ho vinale i azoy. 
\v 13 F’ ihe manao takataka, koiho o rarakeo, o komboo, o kepekeo vaho o goao. 
\v 14 Le ho soatata irehe amy t’ie tsy hahavale. Hondroheñe ami’ty fivañon-ko velo’ o vantañeo i azoy.
\s1 ty Sabadidake Bey
\p
\v 15 Ie nahajanjiñe izay ty niambesatse nitrao-pikama ama’e le hoe ty asa’e ama’e: Soatata ze hikama amy Fifehean’ Añaharey. 
\v 16 Le hoe ty natoi’e: Teo t’indaty nañalankañe sabadidake naho nikoike maro, 
\v 17 ie tendreke i sabadidakey le nampihitrife’e mpitoroñe hanao ty hoe amo nañambarà’eo: Antao fa hene hinalankañe. 
\v 18 Fe, songa nihalaly fihankañañe. Hoe ty valoha’e: Fa nivily tane iraho le tsi-mete tsy homb’eo hañente aze, aa le mihalaly t’ie hitotse ama’o hey. 
\v 19 Hoe ka ty raike: Nikalo katràka folo iraho le hihitrike hibiribiry iareo. Iantofo koahe o halalikoo. 
\v 20 Hoe ka ty raike: Nañenga-vao iraho, le tsy eo ty hombako mb’eo. 
\v 21 Aa le nimpoly i mpito­roñey vaho hene natalili’e amy talè’ey. Viñetse amy zao i talen’ anjombay le hoe ty asa’e amy mpitoroñey: Masikà, akia mb’an-damoke mb’eo naho mb’ añ’ oloñolo’ o tanàñeo mb’eo le ampihovao mb’etoa o rarakeo, o kepekeo, o feio vaho o komboo. 
\v 22 Le hoe i mpitoroñey: O Rañandria, kila heneke i nandilia’oy, fa mbe malalake. 
\v 23 Le hoe i beiy amy mpitoro’ey: Akia mb’an-dalañe mb’eo, naho mb’amo lalan-tsilekeo vaho fonga aziro himoake hahàtseke ty trañoko. 
\v 24 Taroñeko te ndra raik’ am’ ondaty nikoihekoo tsy hitsòpek’ amo ahandrokoo.
\s1 Ty Sata o Mpiama’eo
\p
\v 25 Havorontsan-dahialeñe ty nindre fañavelo am’ \nd Iesoà\nd*. Ie nitolike, le nanoa’e ty hoe: 
\v 26 Naho eo ty miheo amako fa tsy mahafary rae naho rene naho valy naho anake naho raha­lahy naho rahavave, eka, toe ty fiai’e, le tsy mete ho mpiamako. 
\v 27 Tsy noko ho mpiamako ka ze tsy mitarazo ty hatae ajale’e naho manonjohy ahy. 
\v 28 Aa vaho ia ama’ areo, naho mañoreñe fitalakesañ’ abo, ro tsy hitoboke hey hañereñere ty ho vili’e, hahaoniñe ke ho fonitse, 
\v 29 ke, ie napeta’e o mananta’eo naho tsy nahafonitse, le ho kizahe’ ze hisamba, 
\v 30 ami’ty hoe: Namototse nañoreñe indatiy fe tsy nahafonitse.
\p
\v 31 Ia ka ty mpanjaka, hialy ami’ty mpanjaka hafa, ro tsy hitoboke hey hisafiry, hera, ami’ty rai-ale re ro haharebake ty aman-droe-ale? 
\v 32 Aa naho tsie, ie mbe añe ro hañitrifeñe ty hipay filongoañe ama’e. 
\v 33 Aa le tsy lefe ho mpiamako ka t’ie tsy songa mahafoe ze hene fanaña’e.
\p
\v 34 Soa o sirao; f’ie nàmoñe, inon-ka ty hahareizan-tave aze? 
\v 35 Tsy mañeva o taneo ndra i zolokey izay, fa hariañe avao. Ze aman-dravembia hijanjiñe, Mijanjiña.
\s1 Ty Añondry Motso Mat 18.12-14
\c 15
\p
\v 1 Hene niropak’ am’ \nd Iesoà\nd* amy zao o mpamory vili-lohao rekets’ o bey hakeoo hijanjiñe aze. 
\v 2 Le hoe ty fitreontreo’ o Fariseoo naho o mpanoki-dilio: Mandrambe mpanan-tahiñe t’indaty tia vaho mitrao-pilintseñe ama’e.
\p
\v 3 Aa le nirazaña’e ty hoe: 
\v 4 Ia ama’ areo aman’ añondry zato, ie ­rere­ke ty raike, ty tsy hienga i sivampolo sive’ amby rey an-tameañe ey heike, hihitrihitry hitsoeke i motsoy ampara’ te tendreke? 
\v 5 Ie isa’e, le anoe’e ega vaho ifalea’e, 
\v 6 le ie pok’ añ’ anjomba’e ao, atonto’e o rañe’eo naho o marineo vaho anoe’e ty hoe: Antao hitrao-kaehak’ amako, fa nitreako i añondriko nimo­tsoy. 
\v 7 Itaroñako te hirebeke ty andindiñe ao ami’ty bei-hakeo misoloho te ami’ty maren-tane sivampolo sive’ amby tsy aman-kisolohoa’e.
\s1 Ty Tsanganolo Motso
\p
\v 8 Ia ka ty rakemba aman-tsanganolo folo, ie motso ty raike ro tsy handrehetse jiro, hipio anjomba hikodebe ampara’ te isa’e? 
\v 9 Ie zoe’e ro mamory o rañe’eo naho o mpifankarine ama’eo hanao ty hoe: Antao hitrao pinembanembañ’ amako; fa nitreako i tsanganolo nimotsoy. 
\v 10 Itaroñako te firebehañe ty añatrefa’ o anjelin’ Añahareo ami’ty fiba­boha’ ty mpanan-tahiñe raike.
\s1 Ty Anadahy Rereke
\p
\v 11 Tinovo’e ty hoe: Teo t’indaty aman’anadahy roe. 
\v 12 Le hoe ty zai’e aman-drae’e: O aba, atoloro ahy ty anjara lovako. Le zinara’e am’ iereo ty fiveloma’e. 
\v 13 Ie modo ty andro tsy ampeampe le hene natonton-jai’e naho nifokofoko mb’an-tsietoitane añe vaho nirite’e ami’ty hatsivokarañe o fanaña’eo. 
\v 14 Ie nikapioke, nitondroke ty san-kerè mena amy taney vaho nirota. 
\v 15 Aa le nia­vo­tse re, noly amy t’indaty tompo-tane nañirak’ aze hiara-dambo an-tete’e añe. 
\v 16 Le naìna’e te ho naña­tseke ty tro’e amo hara’e fihanen-damboo, fe tsy eo ty namahañe aze.
\p
\v 17 Ie nitombalin-dre, le hoe ty fisafiri’e: Firefire amo mpikarama aman-draeko añeo ro tsy enen-kaneñe, izaho mifeake ty kerè atoy! 
\v 18 Hiavotse iraho himpoly mb’ aman-draeko añe, le hanoeko ty hoe: Ry aba, aman-kakeo andindìñey naho ama’o raho 
\v 19 le tsy mañev’ ahy te hatao ana’o, ehe apoho ho mpiamo tsimañaja’oo. 
\v 20 Aa le niongake re nimpoly mb’ aman-drae’e añe. Ie mbe eñe te nitalaken-drae’e naho niferenaiña’e; vaho nihitrihitry mb’ ama’e mb’eo nametreke ty fititia’e naho norofa’e. 
\v 21 Fa hoe ty nanoa’ i ana’ey: O aba, aman-tahiñe andin­dìñey naho ama’o iraho, tsy mañeva ahy ty hatao ty hoe ana’o ka. 
\v 22 Fe hoe ty rae’e amo mpitoro’eo: Hitrifo masika kirahe i sarimbo soay le isaroño; añombeo bange o taña’eo naho hana o tombo’eo 
\v 23 le endeso atoy i ana-bosy vinondrakey, lentao; naho antao hikama vaho hifale. 
\v 24 Amy te nihomake ty anako toy naho nivañom-beloñe, nimotso vaho nitrea. Aa le nifale iereo.
\p
\v 25 Tan-tetek’ añe i zoke’ey; aa ie nañarine i anjombay, le naha­tsa­nom-peon-kafaleañe naho tsinjake. 
\v 26 Le tsinikao’e ty mpitoroñe, naho nañontane ty foto’ o raha zao. 
\v 27 Le hoe ty nanoa’ i mpitoroñey: Nivotrak’ atoy i rahalahi’oy; aa kanao nijaranjaiñe i anadahi’ey, le vinonon-drae’o i ana-bosy vinondrakey. 
\v 28 Nioroñoroñe amy zao re nifoneñe tsy hizilik’ ao; aa le niakatse ty rae’e hañohò aze. 
\v 29 Fe hoe re aman-drae’e: Hete, fa haehae ty nitoroñako azo, le tsy nililareko ndra mbia’ mbia o lili’oo; fe mbe lia’e tsy nitolara’o ndra ty vi’e hifalefaleako amo rañekoo. 
\v 30 Ie niloneake eo i ana-dahi’o nampianto ty harea’o amo tsimirirañeoy, le linenta’o i temboay vinondrakey. 
\v 31 Aa hoe ty saontsin-drae’e tama’e: O anake, toe amako etoañe nainai’e irehe; fonga azo o hanañakoo. 
\v 32 Fe evàe’e t’ie mifale naho mirebeke; amy te nihomake i rahalahi’oy f’ie nibodañe, nirereke fe nitendreke.
\c 16
\s1 Ty Mpamandroñe tsy Jefa’e
\p
\v 1 Tinovo’e ty hoe amo mpiama’eo: Teo ty mpañaleale nitalilieñe te nandritse ty vara’e ty mpa­mandro-pa­naña’e. 
\v 2 Aa le kinanji’e naho nanoa’e ty hoe: Akore ze o tsinanoko ty ama’o zao? Volilio o faman­droña’oo, fa tsy ho mpamandroñe ka. 
\v 3 Le hoe ty fitsakorea’ i mpamandroñey: Inom-barè ty hanoeko kanao hafaha’ i talekoy amy famandroñakoy? Tsy lefeko ty miava, naho manalats’ ahy ty mangatake. 
\v 4 Inao arè ty hanoeko, soa te, ie navìk’ ami’ty maha mpamandroñe ahy, le mbe ho rambese’ iereo añ’ anjomba ao. 
\v 5 Aa le songa kinanji’e homb’ama’e ze nisongo amy talè’ey, le hoe ty asa’e amy valoha’ey: Fire ty songo’o amy talèko? 
\v 6 Le hoe re: Solike zato fañaranañe. Le hoe re ama’e: Masika! rambeso o takelan-tsongo’oo le miambesara, sokiro ty hoe: limampolo. 
\v 7 Le hoe ka re ami’ty raike: Fire ty songo’o? le hoe re: Ampemba zato gony. Hoe ka ty asa’e: Ingo, rambeso o takela’oo, le valom-polo ty isorata’o. 
\v 8 Aa le rinenge’ i bei’ey i mpamandroñe tsy jefa’ey, amy t’ie nampiboake hilala; toe mahilala amy tarira’ey o ana’ ty voatse toio te amo anan-kazavañeo. 
\v 9 Le hoe iraho ama’ areo: Paiao rañetse arè amo vara tsy vokatseo, soa te ie milesa, ro mbe ho rambeseñe amo anjomba nainai’eo amy hamodoañey. 
\v 10 Ze vañom-po ami’ty kede, ho vañom-po ami’ty bey; ze tsy to ami’ty kede tsy ho to ami’ty bey. 
\v 11 Aa naho tsy malili-po amo vara tsy vokatseo nahareo, ia ty hampamandroñe anahareo o vente’eo. 
\v 12 Le ie tsy vañoñe ami’ty vara’ ondaty, ia ty hanolots’ anahareo ty anahareo? 
\v 13 Tsy eo ty mpitoroñe maha-fitoron-droe; ho heje’e ty raike vaho hikokoa’e ty raike; ke ho rañete’e ty raike vaho ho rihie’e ty raike. Tsy mahafitoroñe an’ Andria­nañahare naho o varao nahareo. 
\v 14 Ie nahajanjiñe i hoe zay o Fariseoo, kanao mpitea-drala, le nikizak’ aze. 
\v 15 Aa hoe ty nanoa’e: Mpaniom-batañe am’ ondatio nahareo; fe arofoanan’ Añahare ty arofo’ areo, amy te ze atao’ ondatio ho vara ro tiva am-pivazohoan’ Añahare.
\p
\v 16 Pak’ amy Jaona naho o Mpitokio t’i Hake; namototse henane zay le tseizeñe i Fifehean’Añaharey, vaho fonga mifanisike hizilik’ ao; 
\v 17 haivañe ty hihelaña’ i likerañey naho ty tane toy ta ty hamaohañe ndra ty pininìten-tsokitse amy Hake ao.
\s1 Sara-baly
\p
\v 18 Ze mañary valy hañenga ty hafa ro mañarapilo; vaho mañarapilo ka ty mañenga rakemba narian-dahy.
\s1 Ty Mpañaleale naho i Lazarosy
\p
\v 19 Teo ty mpañaleale, mpisaron-tsa­rimbo malò-mavo naho leny matify, niaiñañoleñañe an-kafalefaleañe handro an-kandro. 
\v 20 Teo ka ty rarake atao Lazarosy, atseke bae, nakonenak’ añ’ila’ ty lalambei’e eo, 
\v 21 le naina’e te hitsimoke ty nifitafita am-pandambaña’ i mpañalealey, te mone o amboao ro nomb’ ama’e nitsela o bae’eo. 
\v 22 Ie nihomake i rarakey, le nente’ ty anjely mb’añ’araña’ i Abraàme añe; nihomake ka i mpañalealey, le nalenteke. 
\v 23 Ie nanoen-tsamporerak’ an-tanen-dolo ao i mpañalealey le niandra vaho nahatalake i Abraàme rekets’ i Laza­rosy añ’araña’e eo, 
\v 24 vaho nikoiha’e ty hoe: O aba, Abraàme, tretrezo, ehe ampihitrifo t’i Lazarosy handò ty lengon-drambo-pità’e an-drano hampanintsiñe ty lelako; fa loho malovilovy iraho añ’afo mirebareba atoy. 
\v 25 Fa hoe ty natoi’ i Abraàme: O anake, tiahio te hene niazo’o o raha fanjakao ihe mbe niveloñe, fa raty ka ty niazo’ i Lazarosy; ohoñen-dre henaneo te ihe malovilovy. 
\v 26 Likoare’ i hoe zay, najadoñe añivon-tikañ’ ey ty herakerake jabajaba tsy lefe ty atoy tsaheñe mb’ama’areo ao vaho tsy hahatsake mb’ama’ay mb’e­toy ka ty boak’ ey. 
\v 27 Le hoe re: Aa naho izay ry raeko, mihalaly ama’o: ampihitrifo mb’ añ’ anjomban-draeko mb’eo, 
\v 28 fa lime ty rahalahiko hitaroñañe, tsy mone ho avy am-peh’ ohatse atoy. 
\v 29 Aa hoe t’i Abraàme tama’e: Am’ iareo t’i Mosè naho o Mpitokio; ampitsendreño. 
\v 30 Le hoe ka re: Aiy! ry aba Abraàme; fa naho mb’ am’ iereo mb’eo ty mivañom-beloñe, le tsi-mete tsy hisoloho. 
\v 31 Hoe re tama’e: Naho tsy haoñe’ iereo t’i Mosè naho o Mpitokio, le tsy hahafiato ka ndra te eo ty mivañom-beloñe boak’ an-kavilasiy.
\c 17
\p
\v 1 Le hoe re amo mpiama’eo: Tsi-mahay tsy ho avy avao ty mampitsikapy fa hankàñe ami’ty ‘ndaty namalañe aze! 
\v 2 Hamake te anampezam-bato fandisa­nañe ty fititia’e vaho ajoroboñe an-driak’ ao, ta t’ie hanirìka ty raik’ amo kedekede retoa.
\p
\v 3 Mitaòa! Ie anaña’o hakeo ty rahalahi’o, endaho, le iheveo t’ie misoloho. 
\v 4 Ie mandilatse ama’o im-pito ami’ty andro raike, fe mibalike impito hihalaly ama’o manao ty hoe: Misoloho iraho. Le iheveo. 
\v 5 Le hoe ty asa’ o Firaheñeo amy Talè: Tompeo o fatokisa’aio. 
\v 6 Tinoi’ i Talè ty hoe: Ndra te kede manahake ty voam-baro ty fatokisa’ areo le ho saontsie’ areo o lamonty eroañeo ty hoe: Miromata le mike­tsà an-driak’ añe, le hanoe’e.
\p
\v 7 Ia ama’areo, te amam-pitoroñe miava ndra miarak’ añondry, ie mimpoly boak’ an-tetek’ añe ro hanoa’e ty hoe: Mb’etoa, miambesara, mikamà? 
\v 8 Te mone, inao ty hanoa’o: Halankaño o hanekoo, midiaña, le atrao iraho ampara’ te nihinañe naho ninoñe; izay irehe vaho hihinañe naho hinoñe. 
\v 9 Handriañe’e hao i mpitoroñe nanao i nandilia’eiy? 
\v 10 Aa inahareo ka, ie fa nañeneke ze hene nandiliañe, anò ty hoe: Mpito­roñe tsy jefa’e zahay, ty nan­di­liañ’ anay avao ty nanoe’ay.
\s1 Ty Angamae Folo.
\p
\v 11 Ie nionjoñe mb’e Ierosaleme mb’eo, le nioza añ’efe-tane’ i Samaria naho i Galilia naho 
\v 12 nizilik’ an-drova ao vaho nifanalaka’ ty angamae folo lahy, nijohañe ey 
\v 13 nampipozake ty hoe: Ry \nd Iesoà\nd*, Tale, ferenaiño zahay. 
\v 14 Nivazoho’e le nanoa’e ty hoe: Akia, miboaha amo mpisoroñeo. Aa ie mbe nihitrike mb’eo le nijangañe. 
\v 15 Aa naho nirendre’ ty raik’ ama’e t’ie nalio le nibalike nampipoñake renge aman’ Añahare, 
\v 16 naho nihohoke, laharañ’ am-pandia, nañandriañe; nte-Samaria indatiy. 
\v 17 Le hoe ty ontane’ \nd Iesoà\nd*: Tsy songa nilioveñe hao i folo lahy rey? Aia ty sive? 
\v 18 Tsy nahatendreke raike hao ty hibalike handrenge an’ Andrianañahare naho tsy ty ambahiny toy? 
\v 19 Le hoe re tama’e: Mitroara, mañaveloa, fa nahajangañe azo o fatokisa’oo.
\s1 Ty Fitotsaha’e Indraike Mat 24.23-28, 37-41
\p
\v 20 Teo te, nañontane aze o Fari­seoo ty hitotsaha’ i Fifehean’ Añaharey; le hoe ty natoi’e: Tsy tendre-biribiry ty hivotraha’ i Fifehean’ Añaharey; 
\v 21 tsy eo ty hanao ty hoe: Indroke ie! ndra, Intiañe! Fa toe ama’areo ao i Fifehean’ Añaharey.
\p
\v 22 Le hoe re amo mpiama’eo: Ho tondroke ty andro hisalalà’ areo hahaisake ty raik’ amo andro’ i Ana’ ondatiio, fe tsy hahaoniñe. 
\v 23 Hoe ty hanoe’ iareo. Indrok’ ie! ndra Intiañe! ko mandeha, ko mañorike iareo. 
\v 24 Ho hambañe ami’ty helatse mitso­pe­latse añ’ila’ i likerañey naho mireandreañe pak’ añ’ ilan-dikerañe eñe ka i Ana’ ondatiy amy andro’ey. 
\v 25 F’ie tsi-mahay tsy holàñeñe raha maro hey vaho ho tsambolitio’ ty tariratse toy.
\p
\v 26 Hambañe ami’ty andro’ i Noe ty ho oniñe añ’andro’ i Ana’ondatiy: 
\v 27 nikama iereo, ninoñe iereo, nañenga valy iereo, le natolotse ho engaeñe iereo pak’ amy andro niziliha’ i Noe am-po’ i samboiy; tojeha amy zao i haempoempoañe nañopo iareo iabiy. 
\v 28 Hanahake tañandro’ i Lota ka: nikama iereo, ninoñe iereo, nivily naho nandetake iereo, nitongy iereo, nañoreñe iereo; 
\v 29 fe tamy andro niavota’ i Lota i Sodo­ma, le nidoindoiñ’ afo aman-tsolifara boak’ andindìñe añe, nampangotomomoke iareo iaby. 
\v 30 Ho hambañe amy zay ty andro hisodeha’ i Ana’ondatiy.
\p
\v 31 Amy andro zay, asoao tsy hizotso hangalake ty vara’e añ’anjomba ao ty an-tafo’e ey; izay ka ty an-tetek’ao, Ee te tsy himpolia’e ze raha ao. 
\v 32 Tiahio ty vali’ i Lota, 
\v 33 Ndra iaia mipay handromba-piay ro hamoe aze; fe ndra iaia hamoe-piaiñe ro handrombak’ aze. 
\v 34 Itaroñako te, Roe ty hitrao-tihy amy haleñey le ho rambeseñe ty raike naho hadoke ty ila’e. 
\v 35 Hitrao-pandisañe ty roe: ho rambeseñe ty raike naho hapoke ty ila’e.\f + \fr 17:35 \fr*\ft 36 Roe ty ho an-tetek’ao, ho rambeseñe ty raike le hapoke ty ila’e. (Mat 24:40)\ft*\f* 
\v 37 Le natoi’ iareo ty hoe: Aia, Rañandria? Le hoe ty natoi’e: Ami’ty fate ey ty ivoria’ o koàkeo.
\c 18
\s1 ty Rakemba naho ty Zizy
\p
\v 1 Aa le nirazaña’e te tsi-mahay tsy mihalaly nainai’e ondatio fa tsy hilesa; 
\v 2 ami’ty hoe: Teo ty mpizaka an-drova tsy nañeveñe aman’ Añahare naho tsy nañaoñe ondaty. 
\v 3 Tamy rovay ty vantotse nitolom-pihose aze ami’ty hoe: Ehe meo to amy rafelahikoy. 
\v 4 Tsy ni­paoke hey re, fe an-kaela’e, hoe ty fitsakorean-tro’e: Ndra te tsy mampiholibalà ahy t’i Andrianañahare mbore tsy mpanoiñ’ ondaty, 
\v 5 fe ami’ty fitsoborea’ i vantotsey ro hitolorako to tsy mone hamono hakeo ahy ty fibelobelo’e mb’etoa boak’andro!
\p
\v 6 Tinovo’ i Talè ty hoe: Janjiño i saontsim-pizaka kofofoakey. 
\v 7 Aa tsy ho mean’ Añahare to hao ondaty jinobo’eo, ie mitoreo ama’e handro an-kaleñe? Hampandiñisa’e ela hao? 
\v 8 Itaroñako te homea’e to masìka. Fa ie amy zao, naho to­tsake etoañ’ i Ana’ Ondatiy, mbe hahatendreke fatokisañe an-tane atoy hao?
\s1 ty Fariseo naho ty Mpamory Vili-loha
\p
\v 9 Hoe ty nirazañe’e ty amo mpihaboke ho malio tahiñe fe mpañofoke ondatio avao: 
\v 10 Teo te nionjom-b’añ’ Anjom­ban’ Añahare mb’eo ty roe hiloloke; ty Fariseo vaho ty mpamory vili-loha. 
\v 11 Nijagarodoñe eo i Fariseoy nañosi-batañe ami’ty hoe: O Andrianañahare, mañandriañ’ Azo iraho te tsy manahake ondaty ila’eo—o mpi­senge herio, o tsivokatseo, o karapiloo, antsa­ke o mpamory vili-loha roañe. 
\v 12 Mililitse in-droe ami’ty hereñandro vaho fonga ajoko ao ty fahafolo’ ze azoko. 
\v 13 Nifimpìñe ey ka i mpamory vili-lohay, tsy nahafiandra-pihaino mb’ andikerañey, fa namangovango aràñañe, nanao ty hoe: Ry Andrianañahare itretrezo fa bei-hakeo. 
\v 14 Itaroñako te, nanjò to indatiy te nizotso mb’ an-kiboho’e mb’eo te amy raikey; amy te hareke ze mirengevoke vaho haonjoñe ty mirèke.
\s1 Mitata Ajaja Mat 19.13-15; Mar 10.13-16
\p
\v 15 Teo ty ninday anak’ajaja mb’ama’e ho tsapà’e; f’ie niisa’ o mpi­ama’eo le nendahe’ iereo. 
\v 16 F’ie kinanji’ \nd Iesoà\nd* homb’ ama’e le nanoa’e ty hoe: Adono homb’ amako mb’etoa o anak’ ajajao, le ko sebañeñe; fa ho amy ze hambañ’ ama’e i Fifehean’ Añaharey. 
\v 17 Eka! to t’itaroñako te tsy hizilik’ ao ze tsy mandrambe i Fifehean’ Añaharey manahake ty anak’ajaja.
\s1 Ty Mpañarivo Tòra’e Mat 19.16-30; Mar 10.17-31
\p
\v 18 Teo ty roandriañe nañontane aze ty hoe: O Talè soa, Ino ty hanoeko handovàko haveloñe nainai’e? 
\v 19 Le hoe t’\nd Iesoà\nd* tama’e: Manao akore te izaho ro atao’o Soa? Tsy eo ty soa naho tsy Raik’ avao, i Andrianañahare. 
\v 20 Fohi’o o lilio:
\q1 Ko mañarapilo, ko mañoho-doza,
\q1 ko mikizo, ko manao talily vilañe, miasia an-drae’o naho an-drene’o\f + \fr 18:20 \fr*\ft Avo 20:12-16\ft*\f*?
\p
\v 21 Hoe ty natoi’ indatiy: Fa nambenako iaby irezay boak’ ami’ty nahakedekedek’ ahiko. 
\v 22 Ie jinanji’ \nd Iesoà\nd* le hoe re ama’e: Mbe poke raha raike irehe: Aletaho iaby o hanaña’oo le manjarà amo rarakeo, naho hanam-bara andindìñe ao irehe, vaho antao hañorik’ ahy. 
\v 23 Ie jinanji’ indatiy le nimoremoretse amy te mpañaleale.
\p
\v 24 Aa ie nioni’ \nd Iesoà\nd* i fiotsora’ey le hoe re: Hatsembohañe ty hiziliham-pañaleale amy Fifehean’ Añaharey! 
\v 25 Eka, toe mora ty hampipotitse ty tali-randra\f + \fr 18:25 \fr*\ft Gr: rameva fa niota am-pandikañe\ft*\f* an-kirim-pitrebek’ao ta ty hiloaha’ ty mpañaleale am-Pifehean’ Añaharey. 
\v 26 Aa le hoe o nahajanjiñeo: Aa vaho ia ka ty mete rombaheñe? 
\v 27 Hoe ty natoi’e: Ze tsy lefe’ ondaty, lefen’ Añahare.
\s1 Valesoa t’ie Mitifà-bi-mae Mat 6:33, 19.27-29; Mar 10.28-30
\p
\v 28 Hoe t’i Petera: Vazohò! hene nafoe’ay naho nanonjohy Azo. 
\v 29 Le hoe re am’ iereo: Eka! to t’itaroñako te, tsy eo ty nampidoñ’ anjomba ndra roae ndra roahalahy ndra valy ndra keleiañe ty amy Fifehean’ Añaharey, 
\v 30 ty tsy handrambe mandikoatse an-tsà zao vaho haveloñe nainai’e amy sa tsy ho modoy.
\s1 ty Mafaitse naho ty Mamy Mat 20.17-19; Mar 10.32-34
\p
\v 31 Natola’e amy zao i folo ro’ amby rey vaho nanoa’e ty hoe: Inao, mionjomb’e Ierosaleme mb’eo tika le ho henefeñe amy Ana’ondatiy ze pinate’ o mpitokio. 
\v 32 T’ie hafotetse am-pità’ o kilakila ondatio ho kobiheñe, ho tera­teraeñe naho handroràñe, 
\v 33 le ho lafaen-karavantsy vaho havetrake. F’ie hivañom-beloñe ami’ty andro fahatelo. 
\v 34 Tsy napota’ iareo i hoe zay, ndra loli’e, fa naetake am’ iareo i saontsy zay le tsy nifohiñe i enta’ey.
\s1 I Goay Mat 20.29-34; Mar 10.46-52
\p
\v 35 Aa ie nitotoke i Hieriko, teo t’indaty fey nitozòk’ añ’olon-dalañe ey nangatake. 
\v 36 Tsinano’e ty fandrioña’ i lahialeñey, le nañontanea’e ty lengo’e, 
\v 37 vaho nanoañe ty hoe: Miary ey t’\nd Iesoà\nd* nte-Nazareta. 
\v 38 Le nikoiha’e ty hoe: Ry \nd Iesoà\nd*, ana’ i Davide, tretrezo iraho. 
\v 39 Nendaha’ o mpiaoloo re hampianjiñ’ aze, fe antsake t’ie nikoike ty hoe: Ry ana’ i Davide, Iferenaiño! 
\v 40 Le nijohañe t’\nd Iesoà\nd* vaho nampindese’e mb’ ama’e. Ie narine, le nañon­tanea’e 
\v 41 ty hoe, Ino ty tea’o hanoeko? Le hoe re: O Rañandria, ty hahatreavako. 
\v 42 Hoe t’\nd Iesoà\nd* tama’e, Mahaisaha, fa nampibeak’ azo ty fatokisa’o. 
\v 43 Nahatrea amy zao re vaho nañorik’ aze nañonjoñe an’ Andrianañahare, ie hene nahaisake izay i màroy le nandrenge i Abo-Tìañe.
\c 19
\s1 I Zakaiosy
\p
\v 1 Ie tafazilike t’\nd Iesoà\nd* le ho niranga Ieriko, 
\v 2 fe inge t’indaty atao Zakaiosy, bei’ o mpamory vili-lohao, toe mpañaleale, 
\v 3 nipay handrendreke \nd Iesoà\nd*, fa aia te ho nimete amy lahialeñey, ie nibory. 
\v 4 Aa le nihitrihitry mb’aolo ey re nanganike sakoañe hahaisake, ie hiary mb’eo. 
\v 5 Aa naho nitandrifea’ \nd Iesoà\nd*, le niandra naho niisa’e vaho nanoa’e ty hoe, O Zakaiosy, masikà! mizo­tsoa, fa tsi-mahay tsy hiantraño ama’o iraho te anito. 
\v 6 Nihavoa re, nizotso naho nampihovae’e añ’ anjomba’e ao an-kaehake.
\p
\v 7 Ie nahaisake, le niñeoñeoñe ty hoe i maroy: Nizilike ao re hiambahiny ami’ty ondaty beihakeo. 
\v 8 Fe niongake t’i Zakaiosy nanao ty hoe amy Talè: Intoa, Rañandria, hatoloko amo rarakeo ty an-tsasa’ o fanañakoo; aa naho eo t’ indaty nidramoteko le havahako in-empatse. 
\v 9 Le hoe t’\nd Iesoà\nd* tama’e: Anindroany te nizilik’ ami’ty anjomba toy ty famotsorañe, amy t’ie ka ro amori’ i Abraàme. 
\v 10 Ty hi­tsoeke naho hañaha o rerekeo ty nivotraha’ i Ana’ondatiy atoy.
\s1 ty Tsanganolo Folo Mat 25.14-30
\p
\v 11 Ie nahajanjiñe izay iereo, le nitovoña’ \nd Iesoà\nd* fandrazañañe amy te nitotoke Ierosaleme naho natao’ iereo te hatsatoke aniany i Fifehean’ Añaharey, 
\v 12 hoe re, Teo ty ana-donake nañavelo mb’ an-tane añe, handrambe fifeheañe, vaho himpoly. 
\v 13 Aa le kinanji’e ty mpitoro’e folo, nitinolora’e tsanganolo folo vaho nanoa’e ty hoe, Manoa balike ampara’ ty fimpoliko. 
\v 14 Ie amy zay, nalaiñe aze o boriza’eo vaho nampihitrife’ iereo ty hañorik’ aze mb’eo hanao ty hoe: Tsy no’ay itìañe te hifehe. 
\v 15 Aa ie tafampoly, naho fa ama’e i fifeheañey, le nampikanjie’e i mpitoroñe nitolora’e i volay rey hahafohiñe ty niazo’ iereo an-takinake. 
\v 16 Avy ty valoha’e nanao ty hoe: O Rañandria, fa nitovoñe tsanganolo folo i tsanganolo’oy. 
\v 17 Le hoe re tama’e: Fanjaka, ry mpitorom-bañoñeo, kanao nalili-po ami’ ty pini­nio’e irehe, mifeleha rova folo. 
\v 18 Avy ka ty faharoe nanao ty hoe: O Rañandria, nitovoñe tsanganolo lime i tsan­ga­nolo’o rey. 
\v 19 Le hoe re tama’e: Mamehea rova lime ka. 
\v 20 Pok’eo ka ty raike, nanao ty hoe: O Rañandria, intia i tsanganolo’oy fa nakafiko ami’ty masoara. 
\v 21 Toe nañeveñako fa ondaty sarots’arofo: Mandrambe ty tsy nado’o, naho manifo ty tsy nitongise’o. 
\v 22 Aa hoe re ama’e: O vava’oo ty hizakako azo, ty mpitoroñe tembo tia, toe napota’o t’ie mpidiby, mandrambe ty tsy napoko, naho mitatake ty tsy nandrarahako; 
\v 23 Aa vaho akore te tsy napo’o amy bankey i dralakoy, hangalako rekets’ ana’e amy fibalikoy? 
\v 24 Le hoe re amo nijohañeo: Rambeso ama’e i tsanganoloy le atoloro amy aman-tsanganolo foloy. 
\v 25 (Aa hoe ty lie’ iareo: O Rañandria, ie amam-bogady folo!) 
\v 26 Itaroñako te mbe ho tolorañe ty manañe; fe hapontañ’ amy tsy manañey ndra ze ama’e. 
\v 27 Aa naho i rafelahiko nalaiñe ty hameheako rey, endeso mb’etoa, zamano añatrefako eo.
\s1 Ty Figodañañe an-dRebeke Mat 21.1-9; Mar 11.1-10; Jao 12.12-19
\p
\v 28 Ie fa nitsara, le niaolo am-pionjonañe mb’e Ierosaleme mb’eo. 
\v 29 Aa naho nitotoke i Beit-Pagè naho i Betania ami’ty vohitse atao Oliva eo re, le nirahe’e ty mpiama’e roe 
\v 30 ami’ty hoe: Akia mb’ an-tanañe ey hoek’ey; ie mimoak’ ao, le hahaisake ty ana-borìke mirohy, mbe tsy niningira’ ondaty; idraito le endeso mb’atoa. 
\v 31 Lehe eo ty mañontane ty hoe: Ino o añaha’ areo azeo? Le anò ty hoe ama’e: Ipaia’ i Talè. 
\v 32 Niongak’ amy zao i nampihitrifeñe rey vaho nizoe’ iereo hambañe amy sinaontsi’ey. 
\v 33 Aa ie nañaha i ana-borìkey, le hoe o tompo’eo: Inoñe ty ampidraita’ areo o ana-borìkeo? 
\v 34 Ipaia’ i Talè, hoe iereo. 
\v 35 Le nase­se’ iereo mb’ amy \nd Iesoà\nd* mb’eo, naho nalama’ iereo amy ana-borìkey o lamba’ iareoo, vaho niningira’ \nd Iesoà\nd*. 
\v 36 Ie nañavelo le nandafike saroñe an-dalañe ey iereo. 
\v 37 Aa naho nitotoke, toe fa am-pizo­tsoa’ i vohitse olivay, le fonga nirebeke o mpiama’e maroo, nandrenge an’ Andrianañahare, nipoña-peo ty amo hene raha tsitantane niisa’ iareoo 
\v 38 ami’ty hoe:
\q1 Andriañeñe ty Mpanjaka ­mito­tsak’ ami’ty tahina’ \nd Iehovà\nd*!
\q1 Fierañerañañe abey ty andindìñe ao, vaho
\q1 engeñe Andindimoneñe ey!\f + \fr 19:38 \fr*\ft Sab 118:26; Mat 23:39\ft*\f*
\p
\v 39 Aa le hoe ty nanoa’ o Fariseo ila’e boak’ amy valobohòkeio: O Talè, endaho o mpiama’oo. 
\v 40 Fe hoe ty natoi’e: Itaroñako t’ie mianjiñe, le o vatoo ty hikoikoike.
\p
\v 41 Ie nañarine naho nahatalake i rovay, le niroveta’e, 
\v 42 ami’ty hoe: Aa naho nahafohin-drehe, ndra androany, ty hampanintsiñe azo! f’ie mietak’ am-pihaino’o henaneo. 
\v 43 Fa hihavia’ ty andro hampitroara’ o rafelahi’oo fefe-tane hamalavala azo naho hiarikatok’ ama’o, vaho havoeboe’e mb’etia mb’atia. 
\v 44 Le hadasi’ iareo an-taneo, ihe naho o keleia’o ama’oo, le tsy hengàñe ama’o ty vato raike ambone’ ty ila’e, amy te tsy nirendre’o ty andro nitilihañ’ azo.
\s1 Nampimisomisoa’e i Anjomba’ey Mat 21.12; Mar 11.15-17
\p
\v 45 Ie nimoak’ an-Toe Masiñ’ ao le nata’e soike o mpanao balikeo naho o mpikaloo 
\v 46 nanoa’e ty hoe: Inay ty pinatetse:
\q1 Anjombam-pitalahoañe ty anjombako toy,\f + \fr 19:46 \fr*\ft Ies 56:7\ft*\f*
\p f’ie nanoe’ areo
\q1 lakato fietaha’ ty malaso\f + \fr 19:46 \fr*\ft Irm 7:11\ft*\f*.
\p
\v 47 Ie nañoke boak’ andro añ’ Anjomban’ Añahare ao, le nikilily hañè-doza ama’e o mpisorom-beio naho o mpanoki-dilio vaho o roandriañeo; 
\v 48 f’ie tsy nahaoniñe ty hanoeñe, fa ama’e iaby ondatio nitsa­tsike o saontsi’eo.
\s1 Ty Filoloha’e naho ty Lili’e Mat 21.23-27; Mar 11.27-33
\c 20
\p
\v 1 Teo amy andro rezay, ie nañoke ondatio añ’Anjomban’ Añahare ao naho nitaroñe i talili-soay, te nimb’ ama’e mb’eo o mpisorom-beio naho o mpanoki-dilio mitraoke amo roandriañeo, 
\v 2 nañontane aze ty hoe: Isaontsio: Lily hirik’ aia ty anoe’o o raha zao? ke Ia ty nanolots’ Azo o lily zao?
\p
\v 3 Aa le hoe ty natoi’ \nd Iesoà\nd*: Hañontaneako raha raike hey, le isaontsio: 
\v 4 ty filipora’ i Jaona—boak’ andin­dìñe añe hao ke hirik’ am’ ondaty? 
\v 5 Aa hoe ty vesoveso’ iareo: Naho ataontika t’ie nihirik’ andin­diñ’ao, le hatoi’e ty hoe: Aa manao akore t’ie tsy niantofa’ areo? 
\v 6 Fe naho ataontika ty hoe: Boak’ am’ondatio: le hene hametsa-bato aman-tika ondatio ie miantoke te nimpitoky t’i Jaona. 
\v 7 Aa le tinoi’ iereo te tsy fohi’ iareo ty nihirifa’e. 
\v 8 Le hoe t’\nd Iesoà\nd* tam’iereo, Tsy hitaroñako ka ty lily anoeko o raha zao.
\s1 Ty Tompo’ ty Tonda Fandeorañe
\p
\v 9 Namototse nandrazañe talily raike ka re am’ ondatio, Teo t’indaty nañalahala tetem-bahe le nafondro’e ami’ty mpiava; le nañavelo mb’eo vaho nitambatse añe. 
\v 10 Ie an-tsa’e, nirahe’e ty mpitoroñe homb’ amo mpiavao hitolora’e amy voka’ i tetem-bahey, f’ie trinabotrabo’ o mpiavao vaho nampolie’ iereo mañomaño. 
\v 11 Nañiraha’e mpitoroñe raike ka, f’ie linafa’ iereo naho nampisilofeñe vaho nampolie’ iereo hara’e. 
\v 12 Mbe nañirake ty faha­telo’e: f’ie namonotrobo’ iereo vaho nanao soike aze. 
\v 13 Le hoe ty tompo’ i tanem-bahey: Inoñ’ arè ty hanoeko? Hiraheko mb’eo ty anak’ isoko; ie oni’ iereo, le va’e himeñara’ iareo maso. 
\v 14 Fa ie nitalake’ o mpiavao, le nikinia ty hoe, Intike i mpandovay antao hañè-doza ama’e, le ho antika i lovay. 
\v 15 Aa le nafetsa’ iereo alafe’ i tondam-bahey re vaho vinono’ iereo. Inoñe henaneo ty hanoa’ i tompo-tetem-bahey? 
\v 16 Ho mb’eo re hanjamañe o mpiavao vaho hatolo’e am’ ondaty ila’eo i tetem-bahey. Ie nirendre’ ondatio izay le hoe ty asa’ iareo: Hete! Sondia’e any! 
\v 17 Nitolik’ am’iareo t’\nd Iesoà\nd* le nanao ty hoe: Abejaño arè i pinatetse ami’ty hoey:
\q1 I vato nado’ o mpamboatseoy ty ninjare fehe-kotsoke.\f + \fr 20:17 \fr*\ft Sab 118:22\ft*\f*
\q1
\v 18 Dorodòro ze mideboñe amy vato zay; le ho demohe’e ze igodoiña’e.
\s1 Nandietse Haba Mat 21.45, 46; 22.15-22; Mar 12.12-17
\p
\v 19 Te ho nitsepak’ aze amy ora zay o mpisorom-beio naho o mpanoki-dilio, fe napota’iareo t’ie ty nitalifira’e i ohatsey fe nimarimariheñe i lahialeñey; 
\v 20 Aa le nivoñone’iereo naho nañirake mpitampoñe hihaboke havañonañe, hitsepak’ aze ami’ty tsara’e hanesea’ iereo ami’ty hery naho ty lili’ i ragovay. 
\v 21 Le hoe ty nañontanea’ iareo: O Talè, fohi’ay te to o saontsi’oo naho ty fanoroa’o, naho tsy eo ty irihia’o, vaho mahity ty fitaroña’o i satan’ Aña­harey. 
\v 22 Aa vaho Hake hao ty androroña’ay amy Kaisara ke tsie?
\p
\v 23 Niarofoana’ \nd Iesoà\nd* ty hakalitaha’ iareo vaho nanoa’e ty hoe: Ino ty itsoha’ areo ahy? 
\v 24 Itoloro drala raike, Sare’ ia naho tahina’ ia ro ama’e eo? A i Kaisara, hoe iereo. 
\v 25 Le hoe t’\nd Iesoà\nd* am’ iereo: Atoloro amy Kaisara arè ze a i Kaisara vaho an’ Andrianañahare ze an’ Andrianañahare. 
\v 26 Aa le tsy eo ty nahatsepak’ aze amo saontsi’eo añatrefa’ ondatio. Toe nahavereñe iereo i toi’ey, vaho nianjiñe.
\s1 Mpandietse amy Fivañom-beloñey Mat 22.23-32; Mar 12.18-27
\p
\v 27 Niheo mb’ama’e o Tsa­doke ila’eo; o tsy miantoke o fiva­ño­nan-ko velo­­ñeoo, le hoe ty nañontanea’ iareo: 
\v 28 O Talè, sinoki’ i Mosè aman-tika te, naho vilasy ty rahalahi’ ondaty amam-baly, ie mivetrake tsy aman’ anake, le soa te hengae’ i rahalahi’ey i ramavoiñey, hisamake, hameloñe tabiry ho a i rahalahi’ey.\f + \fr 20:28 \fr*\ft Its 25:5\ft*\f* 
\v 29 Aa le teo ty fito miroahalahy. Ty va­loha’e nañenga valy fe nikoromake tsy aman-tiry, 
\v 30 naho ty faharoe; 
\v 31 vaho nengae’ ty fahatelo ka; manahake izay, songa nihomake i roahalahy fito rey fe tsy nampipoke anake. 
\v 32 Honka’e, nivilasy ka i rakembay. 
\v 33 Aa vaho ia ty ho vali’ i rakembay amy fivañonan-ko veloñey kanao songa nañenga aze ho vali’e i fito rey?
\p
\v 34 Hoe ty natoi’ \nd Iesoà\nd*: Mañenga valy naho engaen-dahy o ana’ ty tane toio. 
\v 35 F’ie volilien-ko mañeva hitakatse i haveloñey naho i fivañonam-beloñey, le tsy hañenga valy naho tsy hanoloram-baly, 
\v 36 vaho tsy hihomake ka, fa hanahake o anjelio, mbore ho anan’ Añahare kanao ana’ i fivañonan-ko veloñey. 
\v 37 Le i fivañonam-beloñey, ie i natoro’ i Mosè amy talili’ i rongo­ñey, te nikanjia’ \nd Iehovà\nd* ami’ty hoe :
\q1 Andrianañahare’ i Abraàme, naho
\q1 Andrianañahare’ Isaka, vaho
\q1 Andrianañahare’ Iakobe.\f + \fr 20:37 \fr*\ft Avo 3:6\ft*\f*
\p
\v 38 Ie tsy Andrianañahare’ o vilasio fa a o veloñeo, amy t’ie kila veloñe ama’e.
\s1 Ty Ontane’e amo Mpanoki-dilio Mat 22.41-46; 23.14; Mar 12.35-40
\p
\v 39 Aa le tinoi’ o mpanoki-dily ila’eo ty hoe: O Talè, vantañe o saontsi’oo. 
\v 40 Nifototse amy zay, tsy eo ty nahavany ontane ama’e ka. 
\v 41 Le hoe t’\nd Iesoà\nd* am’iereo: Aa vaho akore te saontsieñe te tiri’ i Davide i Norizañey? 
\v 42 Amy te toe sinaontsi’ i Davide amy boken-Tsaboy ty hoe:
\q1 Hoe t’ \nd Iehovà\nd* amy \nd Talè\nd*koy:
\q1 Mitoboha an-kavanako etoañe,
\q1
\v 43 Ampara-panoako fitongoam-
\q1 pandia’o o rafelahi’oo.\f + \fr 20:43 \fr*\ft Sab 110:1\ft*\f*
\p
\v 44 Aa kanao natao’ i Davide, \nd Talè\nd*, re, ino ty maha-tiri’e aze?
\p
\v 45 Hoe t’\nd Iesoà\nd* amo mpiama’eo añtrefa’ i lahialeñey: 
\v 46 Itaò o mpanoki-dilio, ie mpidraidraitse an-tsarimbo mireba­rebao, mpipay ty hañontanea’ ondaty an-tsena ao, mpitea ty fiambesa-tsoa am-pitontonañe ao hiagaregañe, naho ty tihy aolo amo sabadidakeo 
\v 47 mbore mpitavañe o trañom-bantotseo vaho loho mpipay tsiriry amo filolofa’ iareo mitoitoio. Hekoheko ty fatse am’iereo.
\c 21
\s1 Ty Enga’ i VantotseyMar 12.41-44
\p
\v 1 Aa ie niandra, nahavazoho mpañaleale nampigodrom-bola amy fanontonan-dralay; 
\v 2 nioni’e ka ty vantotse rarake nampijoñe drala roe. 
\v 3 Le hoe re: Eka! to t’itaroñako te bey ty nengae’ ty vantotse misotry tia te am’ iabikey; 
\v 4 fa ami’ty habeim-panaña’ iareo ty nampijoña’ iareo am-panontonam-baran’ Añahare ao; fe ami’ty harotà’e ty nampibiroña’e ty sehangam-piveloma’e.
\s1 Ty Ontane RoeMat 24.1-3; Mar 13.1-4
\p
\v 5 Teo te nivesovesoe’ ty ila’e i Anjom­ban’ Añaharey, t’ie nihamineñe vato soa naho ravoravo; le hoe re: 
\v 6 Ty amo raha isa’ areoo, mbe ho tondroke ty andro tsy hampidonañe vato raike ambone’ ty ila’e ze tsy haretsak’ ambane. 
\v 7 Le nañontanea’ iareo ty hoe: O Talè, mbia t’ie ho tendreke? Le inoñe ty ho viloñe hiaolo ty hifetsaha’e?
\s1 Ty Fiavi’ \nd Iesoà\nd* Mat 24.4-13; Mar 13.5-13
\p
\v 8 Le hoe re: Asoao tsy hampandridriheñe. Fa maro ty ho pok’eo hieva ty añarako, hanao ty hoe: Izaho ty ie, naho ty hoe: Fa antitotse i àndroy. Ko oriheñe. 
\v 9 Ie mitsanoñ’ aly ndra fivalitaboahañe, ko vorombelo; fa tsi-mete tsy ho avy hey izay, fe mbe tsy aniany i hamodoañey. 
\v 10 Le hoe re am’iereo: Fifelehañe ty hitroatse hiatre-pifelehañe naho fifeheañe ty hiatre-pifeheañe. 
\v 11 Ho an-koe an-koe ty ezeñezen-tane jabajaba naho san-kasalikoañe vaho hiboake eo ty raha mampirevendreveñe naho ty viloñe ra’elahy hirik’ andindìñe añe.
\p
\v 12 Fe aolo’ irezay, ho tsepahem-pità’ iareo nahareo, hanoeñe sampore­rake naho hasese am-pitontonañe naho ambalabey ao vaho hampiatrefeñe mpanjaka naho roandriañe ty ami’ty añarako. 
\v 13 F’ie hivalike ho fitaroña’ areo. 
\v 14 Aa le ampifahàro añ’ arofo’areo te tsy hisafiry miaolo ze hatoi’ areo, 
\v 15 amy te homeiko falie naho hihitse tsy ho lefe’ ty rafelahi’ areo toiñeñe ndra rebaheñe. 
\v 16 Le hifotetse ama’ areo o raeo naho o rahalahio naho o longoo vaho o rañetseo le havetrake ty ila’areo. 
\v 17 Ho heje’ ze kila ondaty nahareo ty ami’ty añarako. 
\v 18 Fe tsy ho po-maròy raike o añambone’areoo. 
\v 19 Ty fahaliñisa’areo ro fandrombaham-piaiñe.
\s1 Ty Hangotomomohañe Ierosaleme Mat 24.15-21; Mar 13.14-19
\p
\v 20 Aa naho isa’ areo te arikoboñen-dahin-defoñe t’Ierosaleme; le maharendreha te an-titotse ty hampangoakoaheñ’ aze 
\v 21 Ee te hivo­ratsake mb’am-bohitse eñe o e Iehodào, naho hitriban-day ze e Ierosaleme ao vaho tsy hizilik’ ao o am-pariparits’ añeo. 
\v 22 Izay o andro fandilovañeo hañenefañe ze hene pinatetse. 
\v 23 Hekoheko ho ami’ty mivesatse naho ty mampinono amy andro rezay! Fa haoream-bey ty hizò amy Taney vaho haviñerañe am’ondaty retoa, 
\v 24 ie hatsingoron-delam-pibara naho ho tantalieñe am-bozo-tali-am-baniañe mb’ amy ze kila tane añe vaho ho lialià’ o kilakila ‘ndatio t’Ierosaleme ampara’ te heneke ty sa’ o kilakila ondatio.
\s1 Ty Fiavy Faharoe Mat 24.29-31; Mar 13.24-27
\p
\v 25 Le hiboak’ amy androy naho amy volañey naho amo vasiañeo ty viloñe vaho halovilovy am-pioremèñañe o fifeheañeo ty amy fitroña’ i riakey naho ty fivalitaboaha’e; 
\v 26 ho tsipike ty anifañe ondatio ami’ty faha­oniña’e o hifetsak’ an-tane atoio; le hampihendrahendraeñe o haozaran-dikerañeo.\f + \fr 21:26 \fr*\ft Kag 2:6, 21\ft*\f* 
\v 27 Ho oni’ iereo mitotsake mb’eo amy zao amo rahoñeo eñe an-kaozarañe naho engeñe ra’elahy i Ana’ondatiy. 
\v 28 Ie mamototse hiboake, le mijohaña naho miandradrà, fa an-titotse ty fijebañañe anahareo.
\s1 Famantarañe Mat 24.32-35; Mar 13.28-31
\p
\v 29 Le hoe ty nandrazaña’e: Hehe o sakoañeo naho ze hene hatae. 
\v 30 Ie mibotiboty le inao te an-titotse ty lohataoñe. 
\v 31 Hoe izay ka te isa’areo ty fifetsaha’ o tsa­raeñeo le fohino te mitotoke i Fifehean’ Añaharey. 
\v 32 Eka! to t’itaroñako te tsy ho kapioke ty tariratse toy naho tsy heneke hey irezay. 
\v 33 Himiañe añe o likerañeo naho ty tane toy, fe tsy ho modo o volakoo.
\s1 Mihalalia Nainai’e Mat 24.36-44; Mar 13.32-37
\p
\v 34 Mitaoa, tsy mone ho lifore’ ty hatea-haneñe naho ty hajìke vaho ty hasosorañe amo haveloñe zao ty arofo, hera hitojeha ama’ areo i andro zay, 
\v 35 toe hanahake fandri-bò ty hivovoa’e amy ze hene mpimoneñe an-tane atoy amy andro zay. 
\v 36 Aa le mitaòa naho mihalalia nainai’e t’ie hañeva handrife amo fonga hifetsakeo vaho hijohañe añatrefa’ i Ana’ondatiy.
\p
\v 37 Nañoke an-kiririsan’Anjomban’ Añahare eo re boak’andro; f’ie haleñe, nienga mb’eo niam­besatse am-bohi’ Oliva ey. 
\v 38 Naho mbe nangararak’ atiñanañe le nitontoñe hijanjiñe aze añ’ Anjom­ban’ Añahare ao i lahialeñey.
\c 22
\s1 Nifotereñe
\r Mat 26. 1-5; Mar 14.1-11
\p
\v 1 Ie fa antitotse ty Sabadida-Mofo-tsy-aman-dalivay, i atao Fihelañey le 
\v 2 nipay hanao afero mamitak’ ate amy \nd Iesoà\nd* o mpisorom-beio naho o mpanoki-dilio, fe nimarimariheñe i lahialeñey.
\p
\v 3 Ie amy zao, nitsamoahe’ i mpañìnjey ty tro’ i Jodasy (ty atao nte-Kariota), mpiamy folo ro’ amby rey. 
\v 4 Aa le nimb’ amo mpisorom-beio naho o kapite­nio re nikilily ty hanolora’e \nd Iesoà\nd*. 
\v 5 Niehake iereo, naho nisafiry t’ie hitoloran-drala. 
\v 6 Le niantofa’e, vaho nandiñe ty hamotets’ aze am’ iereo, ie tsy amy lahialeñey.
\s1 NañalankañeMat 26.17-19; Mar 14.12-16
\p
\v 7 Tondrok’ amy zao ty Sabadida-Mofo tsy aman-dalivay, ty andro fandentàñe i Fihelañey. 
\v 8 Le nirahe’e t’i Petera naho i Jaona ami’ty hoe: Akia, halankaño i Fihelañey ho kamaen-tikañe. 
\v 9 Hoe iereo tama’e: Aia ty zoto’o hañajariañe aze? 
\v 10 Hoe ty natoi’e: Ie mizilik’ an-drova ao nahareo le hifanojo ami’ t’indaty minday siny pea rano; oriho mb’an-traño imoaha’e ao. 
\v 11 Le anò ty hoe amy tompon’ anjombay: Hoe t’i Talè ama’o: Aia ty trañon’ ambahiny hitraofako fikama ty Fihelañe toy amo mpiamakoo? 
\v 12 le ho toroa’e traño mitratrañàka am-batsa vory haraotse; halankaño ao. 
\v 13 Nienga iereo, nahaoniñe hambañ’ amy tsinara’ey vaho nañalankañe i Fihelañey.
\s1 Mitrao-Pikama Mat 26.20, 29; Mar 14.17-25
\p
\v 14 Ie tondroke i oray, le niambesatse re naho o Firàhe’eo. 
\v 15 Le nanoa’e ty hoe: Nisalala hikama ty Fihelañe toy iraho mindre ama’ areo aolo’ ty haoreako. 
\v 16 Itaroñako te, tsy ihinanako ka, ampara’ ty hifonira’e am-Pifehean’ Añahare ao. 
\v 17 Rinambe’e ty fitovy le nañandriañe nanao ty hoe: Rambeso toy, ifanjotsò, 
\v 18 Itaroñako te tsy hinomako ka ty voa’ i vahey henàne zao ampara’ te tendreke i Fifehean’ Añaharey.
\s1 Fañina Nivaoeñe Mat 26.26-28; Mar 14.22-24
\p
\v 19 Nandrambe mofo re le nañandriañe naho nifolahe’e vaho nazotso’e am’iereo ami’ty hoe: Intoy ty vatako banabanaeñe ho anahareo, anò zao ho fitiahiañe ahy. 
\v 20 Hoe izay ka i fitoviy, ie fa nikama, nanao ty hoe: Ty fitovy toy ro fañina nivaoeñe ami’ ty lioko nadoañe ho anahareo.
\s1 Mitoky i Hifotetse azey
\p
\v 21 Le hehe te mindre an-tañako am-pandambañañe etoañe ty fitañe hifotetse ahiko. 
\v 22 Toe hitoronjo amy nilaharañey i Ana’ondatiy; fe hankàñe am’ indaty mifotetse azey! 
\v 23 Aa le hene nifañontàne te ia am’ iereo ty hanao izay.
\s1 Mialy Habey
\p
\v 24 Mbore nialy vava te ia am’ iereo ty atao loha’e. 
\v 25 Le hoe t’\nd Iesoà\nd* am’ iereo: Manindritindry o kilakila’ ondatio ty mpanjaka’ iareo, mbore tokaveñe ty hoe matarike o mpifele’ iareoo. 
\v 26 F’ie tsy hanahake izay, fa hisare te zai’areo ty zoke’areo, naho teu mpito­roñe ty mpifehe. 
\v 27 Aa ia ty bey, i miambesatse am-pandambaña eoy, ke ty manjotso? Tsy i miambesatse mikamay hao? Fe mitraoke ama’ areo iraho hoe te mpitoroñe. 
\v 28 F’inahareo ro nipitek’ amako amo fañolañ’ay nizoeñeo, 
\v 29 le hifañinako manahake ty fifeheañe nifañinan-dRaeko amako, 
\v 30 soa te hikama naho hinoñe am-pandambañako am-pifeheako ao nahareo vaho hiambesatse am-piambesan-droandriañe eo hizaka i fifokoa’ Israele folo ro’ amby rey.
\s1 Hanao Jebe aze t’i Petera Mat 26.31-35; Mar 14.27-31; Jao 13.36-38
\p
\v 31 O Simona, Simona, toe nangatahe’ i Ratiy amako irehe ho tsara­rahe’e hoe lilañe, 
\v 32 fe ihalaliako, te tsy hilesa ty fatokisa’o; le ihe mitam­poly, ampahozaro o rahalahi’oo. 
\v 33 Le hoe ty natoi’e aze: O Talè, veka’e hindre ama’o iraho ndra ho am-balabey ndra ho an-kibory ao. 
\v 34 Hoe t’\nd Iesoà\nd*: Taroñeko ama’o, Petera, Mbe tsy hikoike i akoholahiy\f + \fr 22:34 \fr*\ft akoholahy: ty fipopon’antsiva maraindray\ft*\f* te anito t’ie fa nanao jebe ahy in-telo.
\s1 ty Aly ho Avy
\p
\v 35 Le hoe re am’ iereo: Ie niraheko tsy aman-koro tsy aman-kotrañe tsy aman-kana; ino ty tsy niheneke ama’ areo? Leo raike, hoe iereo. 
\v 36 Aa le hoe re tam’ iereo: Henaneo, ze aman-koroñe, endeso, izay ka ty kotrañe; le ze tsy amam-pibara ro handetake ty sarimbo’e hikaloa’e. 
\v 37 Itaroñako te tsi-mete tsy henefañe amako ze pinatetse ty hoe,
\q1 Nivolilieñe amo tsereheñeo re;\f + \fr 22:37 \fr*\ft Ies 53:12\ft*\f*
\p eka, amam-pirefea’e ka ze hifetsak’ amako. 
\v 38 Hoe o mpiama’eo, O Talè, intoa ty mesolava roe. Soa izay, hoe re.
\s1 Niloloke e Getsemane Mat 26.36-46; Mar 14.32-42
\p
\v 39 Le nienga mb’am-bohitse Oliva mb’eo re ami’ty lili’e naho nañorik’aze o mpiama’eo. 
\v 40 Ie an-toetse eo, le hoe re tam’iereo: Mihalalia tsy hivariñe am-panjiziañe ao.
\p
\v 41 Nihankaña’e va’e tra-torake, nitafatongaleke naho nihalaly 
\v 42 ty hoe: O Aba, naho satri’o, asitak’ amako ty fitovy toy, fe tsy ty satriko fa ty Azo ro hanoeñe. 
\v 43 Le nisodehañe ama’e ty anjely hirik’ andindìñe ao nampaozatse aze. 
\v 44 Kanao nalovolovy, nimanea’e i halali’ey, le hoe fitsopan-dio jabajaba ty liñe’e nipopok’ an-tane eo. 
\v 45 Ie nitroatse amy halali’ey le nimb’ amo mpiama’eo mb’eo vaho nizoe’e nirotse ty hontoke. 
\v 46 Hoe re am’iereo: Ino ty irota’ areo? Miongaha, le milolofa tsy mone hijoñe am-panjizieñe ao.
\s1 Nifotere’ i Jodasy Mat 26.47-56; Mar 14.43-50; Jao 18.2-11
\p
\v 47 Ie mbe nisaontsy, hehek’ i màroy naho i atao Jodasy, mpiamy folo ro’ amby rey, niaolo iareo naho nitotoke \nd Iesoà\nd* vaho nañorok’ aze. 
\v 48 Aa hoe t’\nd Iesoà\nd* tama’e, O Jodasy, ondroke hao ty ifotera’o i Ana’ondatiy?
\p
\v 49 Ie nirendre’ o mpiama’eo ty hizò, le hoe iereo ama’e: O Rañandria, ho lafà’ay am-pibara hao? 
\v 50 Le kinitsi’ ty raik’ ama’e ty ravembia havana’ ty mpitoro’ i talèm-pisoroñey. 
\v 51 Fe tinoi’ \nd Iesoà\nd* ty hoe: Adono amy zao. Le tsinapa’e i ravembia’ey vaho nampijangañe’e.
\p
\v 52 Le hoe t’\nd Iesoà\nd* amo nimb’ama’e mb’eoo, o mpisorom-beio naho o mpifelek’ Anjomban’ Añahareo vaho o roandriañeo: Ia ty nihofiha’ areo boak’ ao reke-pibara naho doda hoe mañoridañe malaso? 
\v 53 Nifamoem­boeñe ama’areo añ’ Anjomban’ Añahare ao boak’ andro iraho, fa tsy na­ñitiam-pitàñe. Fe henaneo ty ora’ areo naho ty haozara’ i ìeñey.
\s1 Nanao Jebe aze t’i Petera Mat 26.57-75; Mar 14.53-72 Jao 18.15—27
\p
\v 54 Rinambe’iereo re, le nikozozòteñe mb’eo vaho nazilik’ añ’an­jomba’ i mpisorom-beiy. Nanonjohy ey t’i Petera. 
\v 55 Teo ty namiañ’ afo an-kiririsa ey naho nitoboke, le niambesatse am’ iereo eo t’i Petera. 
\v 56 Nitrea’ ty mpitoroñ’ ampela namindro amy afoy re naho niharefe’e, le hoe re: Nimpiama’e ka t’indaty tìañe. 
\v 57 Fe hoe ty lie’e: O Rampela, jebe ahy izay. 
\v 58 Ie añe, nahaoniñe aze ka ty raike, le hoe re: Mpiam’ iareo ka irehe. Hoe t’i Petera: O koahe, tsy izaho zay! 
\v 59 Ie ho ora raik’ añe le eo ty nisikisiky namente ami’ty hoe: Toe nimpindre ama’e re fa nte-Galilia. 
\v 60 Aa hoe t’i Petera: O korahe nofiko z’o saontsie’o zao! Tsipaepae izay, ie mbe nisaontsy, le nikoike i akoholahiy, 
\v 61 le nitolike t’i Talè nitalahatse amy Petera. Aa le nitiahi’ i Petera i tsinara’ i Talè ama’ey ty hoe: Aolo’ ty koihe’ i mpikoikey, le hanao jebe ahy in-telo irehe. 
\v 62 Niakatse amy zao t’i Petera nangololoike ty rovetse.
\s1 Trinabotraboke Mat 26.67; Mar 14.65
\p
\v 63 Nikobìke naho namofoke \nd Iesoà\nd* o lahilahy namontititse azeo. 
\v 64 Kinàpe’ iereo o fihaino’eo vaho rinarateha’ iareo ty lahara’e, le nañontane aze: Mitokia! Ia o nandafa Azoo? 
\v 65 Maro ka ty fiteraterà’ iereo ama’e.
\s1 Añatrefa’ o Tehodao Mat 27.1; Mar 15.1
\p
\v 66 Naho nanjirike àndro, nivory o roandriañeo, o talem-pisoroñeo reketse mpanoki-dily; le nasese am-pivori’iareo ao re, vaho nanoañe ty hoe: 
\v 67 Naho ihe i Norizañey, atalilio. Aa le hoe t’\nd Iesoà\nd* am’iereo: Ndra te itaroñako, toe tsy hiantoke 
\v 68 le ndra t’ie añontaneako tsy hanoiñe ka. 
\v 69 Henane zao te hiambesatse\f + \fr 22:69 \fr*\ft Sab 110:1\ft*\f* an-kavanan-kaozaran’ Añahare eo i Ana’ ondatiy. 
\v 70 Aa le hoe ty rodo-bei’ iareo: Anan’ Añahare arè v’Iheo? Hoe ty natoi’e: Ie saontsie’ areo. 
\v 71 Le hoe iereo: Inoñe ka ty ipaian-tika valolombeloñe? kanao sambe nahajanjiñe am-bava’e.
\c 23
\s1 Zinaka’ i PilatoMat 27.2; 11-14; Mar 15.1-15; Jao 18.28-38
\p
\v 1 Aa le niongake i fifañosoñañey ninday aze mb’amy Pilato mb’eo, 
\v 2 vaho nanisý aze ami’ty hoe: Nitrea’ay nitrobo ty tane’ay ondatio mbore rinara’e ty fandroroñam-bili-loha amy Kaisara, ie nihàboke t’ie i Norizan-ko mpanjakay. 
\v 3 Le hoe ty ontane’ i Pilato tama’e: Mpanjaka’ o Jiosio v’Iheo? Hoe ty natoi’e aze: Ie saontsie’o.
\p
\v 4 Aa le hoe t’i Pilato amo mpisorom-beio naho i firimboñañey: Tsy mahatrea hakeo amo lahio iraho. 
\v 5 Fe nindrae’ iereo seseke ami’ty hoe: Ie mamalitsikotake ondatio, mbore nitsitsihe’e oke t’Iehodà hirike Galilia añe pak’ etoa. 
\v 6 Ie jinanji’ i Pilato izay le nañontane hera nte Galilia ondatio. 
\v 7 Ie nifohi’e t’ie borizà’ i Heroda, le nampanesefe’e mb’amy Heroda mb’eo, amy te ie ka e Ierosaleme ao henane zay.
\s1 Zinaka’ i Heroda
\p
\v 8 Akore ty haeha’ i Heroda te nahaoniñe \nd Iesoà\nd*; fa haehae ty nisalalà’e te hahaisak’ aze ty amo hene raha nijan­jiñe’e ty ama’eo vaho naina’e te ho nisamba ze viloñe fanoe’e. 
\v 9 Aa le nimanea’e ontane, fe leo raike tsy natoi’e. 
\v 10 Nijohañe ey avao o mpisorom-beio naho o mpanoki-dilio nitolon-tsisý ama’e. 
\v 11 Aa ie fa nikobike aze t’i Heroda naho o lahin-defo’eo, naho nikizahe’ iereo ami’ty nampiombeañe lamba marerarera, le nampolieñe mb’amy Pilato mb’eo. 
\v 12 Amy àndroy, le lia’e nimpirañetse t’i Heroda naho i Pilato, ie mpifandrafe taolo.
\s1 Nahereñ’ amy Pilato Mat 27.15-26; Mar 15.6-15; Jao 18.39-19.16
\p
\v 13 Natonto’ i Pilato o mpisorom-beio, naho o mpifehe ondatio, vaho i màroy, 
\v 14 le hoe re tam’iereo: Nandesa’ areo amako t’indaty toy hoe mpanigike ondatio hiola. Aa ndra t’ie nimaneako ontane añatrefa’areo, tsy mahatrea tahiñe am’ondatio amo anisìa’ areo azeo. 
\v 15 Aiy, ndra i Heroda, kanao nampolie’e mb’aman-tika; ndra loli’e tsy nanoe’e hañohofan-doza ama’e. 
\v 16 Aa le ho liloveko re vaho havotsoko. 
\v 17 (Toe lili’e ty namotsotse am’ iareo ty mpirohy raik’ amy Sabadidakey). 
\v 18 F’ie nikoik’ an-kapindre ty hoe: Aseseo añe ondatio, le hahao ama’ay t’i Barabasy — 
\v 19 i najòñe ambalabey ao ami’ty fiolà’e an-drova ao naho ami’ty vono-ondatiy.
\p
\v 20 Aa ie te hañaha \nd Iesoà\nd* t’i Pilato le nindrai’e i linaño’ey. 
\v 21 Fe kinorà’ iareo ty hoe: Peho, Peho re! 
\v 22 Le hoe re fañin-telo’e am’iereo: Fa akore! Inoñe ty raty nanoe’e? Tsy treako ty talim-pamonoañe aze, ho liloveko vaho hahako. 
\v 23 Fe nitolom-pitazataza iereo, nangatake t’ie ho peheñe. Aa le nahareketse aze ty feo’ ondatireo naho o mpisorom-beio 
\v 24 vaho linili’ i Pilato te hanoeñe t’y ipaia’ iareoy. 
\v 25 Le vinotso’e i rinohy ty amy fiòla naho vono’ ondaty pinai’ iereoy; vaho natolo’e ami’ty satri’ iareo t’\nd Iesoà\nd*.
\s1 Pinèk’ an-Katae Ajale Mat 27.31-56; Mar 15.20-41; Joa 19.16-30
\p
\v 26 Ie nindese’iereo, le tsinepa’ iereo ty atao Simona nte Kirenia, ie niloneake hirik’ am-patrambey añe vaho nampitarazoeñe aze i hatae ajaley, le nañorike t’\nd Iesoà\nd*.
\p
\v 27 Tsifotofoto t’indaty nañorike naho o roakemba nandala naho nirovetse azeo. 
\v 28 Nitolik’ am’ iereo t’\nd Iesoà\nd* nanao ty hoe: Ry anak’ ampela’ Ierosaleme ko mirovetse ahy fa roveto o vata’ areoo naho o ana’areoo. 
\v 29 Mahaoniña te ho tendreke ty andro hanoeñe ty hoe: Haha ty beitsiterake naho ty hòviñe tsy nahatoly vaho ty fatroa tsy ninonoeñe. 
\v 30 Ie amy zay, hanoe’ iereo ty hoe o vohitseo: Mihotraha ama’ay, naho amo haboañeo ty hoe: Rongono zahay.\f + \fr 23:30 \fr*\ft Ies 2:19-20; Hos 10:8; Ben 6:16\ft*\f* 
\v 31 Aa naho zao ty anoañe an-katae leñe, hanoeñe akore t’ie maike? 
\v 32 Teo ka ty tsy vokatse roe nendeseñe hiharo vonoeñe ama’e. 
\v 33 Ie niavy ami’ty toetse atao Ikarandoha eo, le teo ty nipehañe aze naho indaty raty rey, ty raike am-pità’e havana naho ty raike an-kavia’e. 
\v 34 Le hoe t’\nd Iesoà\nd*: O Aba, iheveo, fa amoea’ iareo o anoe’ iereoo. Nifanjara’ iereo ty saro’e vaho na­nao tsato-piso\f + \fr 23:34 \fr*\ft Sab 22:18\ft*\f*. 
\v 35 Fonga nijohañe ey i màroy nisamba; nitrao-panìtse aze, ie naho o roandriañeo ami’ty hoe: Ie naharombake o ila’eo, soa re te handrombake ty vata’e naho toe ie i Norizañe jinobon’ Añaharey. 
\v 36 Nanitra aze ka o lahin-defoñeo, le nimb’eo ty nanolotse divay maseñe\f + \fr 23:36 \fr*\ft Sab 69:21\ft*\f* ama’e, 
\v 37 ami’ty hoe: Naho toe Mpanjaka’ o Jiosio irehe, rombaho ty vata’o. 
\v 38 Pinatetse ambone eo ty sokitse manao ty hoe:
\q1 Itoy ty Mpanjaka’ o Jiosio.
\p
\v 39 Nikobìk’ aze ty raik’ amy tsivokatse naradorado rey, ami’ty hoe: Naho ihe i Norizañey, rombaho ty vata’o naho izahay. 
\v 40 Fe tinoi’ i raikey an-trevoke, ami’ty hoe: Ndra i Andria­nañahare hao tsy añeveña’o kanao itraofa’o fàtse? 
\v 41 Toe mañeva i an-tikañey le rinamben-tika ty vale’ o satan-tikañeo; fe tsy nandilatse ondatio. 
\v 42 Le hoe re am’ \nd Iesoà\nd*, O Rañandria, mahatiahia ahy te miheo am-pifehea’o ao, 
\v 43 Hoe t’\nd Iesoà\nd* tama’e: Eka! to t’itaroñako te, hindre mb’an-tanen-kaveloñ’\f + \fr 23:43 \fr*\ft Paradisa (Gr): tane fanjaka manahake i Edena\ft*\f* ao tika te anito.
\s1 Ty Havilasi’ \nd Iesoà\nd*
\p
\v 44 I ora faheneñey henane zay, le hene nihohofa’ ty ieñe i Taney sikal’ ami’ ty ora faha-sive. 
\v 45 Nimoromoroñe i àndroy vaho nitori-anjake i lamba fañefetse añ’ Anjomban’ Añaharey.
\p
\v 46 Le nikanjy am-piarañanañañe mafe t’\nd Iesoà\nd* ami’ty hoe:
\q1 O Aba, apoko am-pità’o ao ty troko,\f + \fr 23:46 \fr*\ft Sab 31:5\ft*\f*
\p ie nitsara, le nafoe’e ty arofo’e. 
\v 47 Nioni’ i mpifele-jatoy o raha nanjò eio le nandrenge an’ Andria­nañahare ami’ty hoe: Toe ondaty vantañe toy. 
\v 48 Ie nahaisake zay i maro nivorigidiñe eiy nisamba o raha nitendrekeo, le nifiotse añe namango arañañe. 
\v 49 Hene nijohanjohañe eñe o rañe’eo naho o roakemba nanonjohy aze boake Galilia añeo nitalake.
\s1 Nalenteke Mat 27.57-61; Mar 15.42-47; Jao 19.38-42
\p
\v 50 Teo t’indaty atao Iosefe, mpiamy Sanhedrio, ondaty vantañe naho vañoñe; 
\v 51 tsy ninò’ indatiy ty safiry naho ty raha nanoe’ iareo. Nte-Armatia tanà’ Iehodà re vaho mpitamà i Fifehean’ Añaharey. 
\v 52 Nimb’amy Pilato mb’eo re nihalaly ty fañòva’ \nd Iesoà\nd*. 
\v 53 Ie nazotso’e, le pinelepele’e an-damba leny, vaho nirohote’e an-donake hinaly an-damilamy mbe tsy nandrohotan-dolo. 
\v 54 Ie ty andro Fañalankañañe\f + \fr 23:54 \fr*\ft aolo’ i sabadidake P’Sake izay (Sor 23:6)\ft*\f*, le fa ho tondroke i Sabatay. 
\v 55 Norihe’ o roakemba nanonjohy \nd Iesoà\nd* boak’ e Galilia añeo re le niisa’ iereo i lonakey naho ty nandrohotañe i fañòvay. 
\v 56 Tafampoly iereo le nañalankañe raha mandrifondrifoñe naho solike, vaho nitofa amy \nd Sabata\nd*y ty amy liliy\f + \fr 23:56 \fr*\ft Sor 23:7\ft*\f*.
\c 24
\s1 NivañombeloMat 28.1-8; Mar 16.1-8; Jao 20.1-10
\p
\v 1 Ie amy loak’andro’ i \nd Sabotse\nd*y, nañaleñaleñe mb’an-donake mb’eo ninday o raha mandrifondrifoñe nihajarie’ iereoo. 
\v 2 Zoe’ iareo te nidogeratse i vato-pikalañe i lonakeiy. 
\v 3 Nizilik’ ao iereo fe tsy nahaisake ty fañòva’ \nd Iesoà\nd* Talè. 
\v 4 Ie mbe nidaba amy raha zay, inge nisodehañe añ’ila’iareo eo ty ndaty roe an-tsaroñe mipelapelatse. 
\v 5 Nianifañe iereo vaho nampiondre-daharam-ban-tane, fe nanoa’ iereo ty hoe. Ino ty paia’areo i veloñey an-tanen-dolo atoy? 
\v 6 Tsy ato re fa natroatse! Tiahio i nanoa’e ie mbe e Galilia añey 
\v 7 t’ie, Tsy mahay tsy hatolotse am-pità’ o bei-hakeoo i Ana’ondatiy, le ho peheñe an-katae ajale vaho hivañom-beloñe ami’ty andro fahatelo.
\p
\v 8 Le nitiahi’ iereo i saontsi’ey. 
\v 9 Ie nibalike boak’ an-donake ao le nitalily irezay amy folo-raik’ amby rey naho amo ila’e iabio. 
\v 10 I Miriame nte-Magdalà, naho i Johana, naho i Marie rene’ Iakoba, vaho ty ila’ iereo ro nitalily amo Firàheñeo. 
\v 11 Fe nihoe kanifonifok’ am’iereo i saontsi’ iareoy, le tsy niantofa’ iareo; 
\v 12 fe niongake t’i Petera nihitrihitry ty lay mb’ an-donake mb’eo; ie nibokoboko, le i lamban-doloy avao ty nioni’e eo hoek’eo; vaho nimpoly, latsa amy nifetsakey.
\s1 an-Dala’ i EmaosyMar 16.12, 13
\p
\v 13 Inao! nigodañe mb’ an-drova atao Emaosy mb’eo ty roe am’ iereo amy àndro zay, eva’e ho enem-polo stadia\f + \fr 24:13 \fr*\ft Gr. 60 stadia: 11 kilometatse\ft*\f* hirike e Ierosaleme añe, 
\v 14 nifa­naontsy ze hene nitendreke izay. 
\v 15 Aa, ie nivesoveso naho nitsakore, le niharinea’ \nd Iesoà\nd* vaho nitraofa’e fañavelo. 
\v 16 F’ie nitakonam-pihaino tsy hahafohiñ’ aze. 
\v 17 Le nanoa’e ty hoe: Inoñe o ifanaontsia’ areo te mañavelo, kanao manahelo? 
\v 18 le hoe ty natoi’ ty atao Kleopasy: Ihe avao hao ty ambahiny e Ierosaleme ao tsy mahafohiñe o raha nifetsak’ atoa amo andro rezaoo? 
\v 19 Ino? hoe re. Le hoe ty natoi’ iareo: \nd Iesoà\nd* nte-Nazareta, nimpitoky fatratse am-pitoloñañe naho tsara añatrefan’ Añahare naho ondaty iabio; 
\v 20 ie nasese’ o mpisorom-beio naho o roandrian-tikañeo hafàtse ho vonoeñe, vaho pinè’ iereo. 
\v 21 Fe ie ‘nio ty nitamà’ay hijebañe Israele; fa tovo’ iaby izay, androany ty andro faha-telo sikal’ amy nitendreha’ i he’e rezay. 
\v 22 Eka! nahadaba anay ka ty roakemba’ay ila’e, ie nitsatok’ an-donak’ añe marain-tsikiake, 
\v 23 fe tsy nioni’ iereo ao i fañòva’ey, vaho nibalike nitalily te nahaisake ty fisodehan’ anjely nita­lily am’ iereo t’ie veloñe. 
\v 24 Niavotse mb’an-donake mb’eo ty ila’e ama’ay, le nanjo hambañe amy nitalilie’ i roakemba reiy, fe tsy nahaisak’ aze. 
\v 25 Aa le hoe ty natao’e am’iereo: O ry bahimo malaon-troke, tsy mahafiantoke ze hene saontsi’ o mpitokio. 
\v 26 Tsy linahatse hao te tsi-mete tsy nifeake irezay i Norizañey vaho hizilik’ amy enge’ey? 
\v 27 Aa le mifototse amy Mosè naho o mpitoky iabio, le nam­palangese’e ama’e o Sokitse Masiñe iabio, ze mioza ama’e ao.
\p
\v 28 Ie niharine amy rova homba’ iareoy, le mitse hionjomb’eo t’\nd Iesoà\nd*. 
\v 29 Fe hoe ty nañosiha’iareo aze: Mañialoa ama’ay; ie ho haleñe naho fa miròñe i àndroy. Aa le nimoak’ ao re hialeñe am’iereo. 
\v 30 Ie niambesatse am-pandambañañe mindre am’ iereo, le nandrambe mofo naho nitata naho namolake vaho nazotso’e am’ iereo. 
\v 31 Nibarababeak’ amy zao ty fihaino’iareo nahafohiñe aze; f’ie nimosaoñe tsy niisake ka.
\p
\v 32 Aa le nifanaontsy ty hoe iereo: Tsy nimae an-trok’ ao hao tika t’ie nilañoñe amy lalañey vaho nampiborake o Sokitse Masiñeo?
\s1 Tsy Angatse Mar 16.4; Jao 20.19-23; I Kor 15.5
\p
\v 33 Niongak’ amy oray avao iereo, nibalike mb’e Ierosaleme mb’eo, le nifanjo amy folo lahy raik’ amby rey tafatontoñe ao miharo amo mpiam’ iereo, 
\v 34 ze nanao ty hoe: Toe natroatse t’i Talè! mbore nisodehañe amy Simona. 
\v 35 Le natalili’ iareo i tan-dalañe ey rezay, naho t’ie nifohi’ iareo amy namolaha’e mofoy.
\p
\v 36 Mbe nitalily iereo te niloneak’ añivo’ iereo eo t’\nd Iesoà\nd*, nanao ty hoe: Fañanintsiñe ama’areo. 
\v 37 Nitsekake naho nirevendreveñe iereo, hoe te nahaisak’ angatse. 
\v 38 Fe hoe re tam’iereo: Inoñ’ o mampihohokòhok’ anahareoo? naho inoñe ty mampiva­zobazotse ty tro’areo? 
\v 39 Hehe o tañakoo naho o tombokoo, izaho ‘nio; itsapao vaho mahaonìña, toe tsy ama’ nofotse naho taolañe o anga­tseo manahake o isa’areo amakoo. 
\v 40 Ie nagado’e i saontsy zay, le natoro’e iareo o fità’eo naho o fandia’eo. 
\v 41 F’ie mbe tsy nahafiantok’ avao fa loho ehake naho latsa; le hoe re: Aman-kaneñe hao nahareo? 
\v 42 Le nanjotsoa’ iareo sale-fiañe naho papin-tantele. 
\v 43 Rinambe’e vaho nikama añatrefa’iereo.
\s1 Ty Fañirahañe Asa 1.3-8
\p
\v 44 Le hoe re am’iereo: O entañe zao ty nitaroñako t’ie mbe nitraoke, te tsi-mahay tsy ho heneke i pinatetse ty amako amy Ha’ i Mosèy ao naho amo Mpitokio vaho amo Saboo rezay. 
\v 45 Sinoka’e amy zao ty fivetsevetse’ iareo haharendreke o Sokitse Masiñeo. 
\v 46 Le hoe re tam’iereo: Hoe ty pinatetse, te tsi-mete tsy holañeñe naho hivañon-ko veloñe amy andro fahateloy i Norizañey 
\v 47 vaho ho taroñeñe amy tahina’ey ty fisolohoañe naho ty fañahan-kakeo amo kilakila ondatio mifototse e Ierosaleme ao. 
\v 48 Valolombeloñe amy raha rezay nahareo.
\p
\v 49 Inao, hahitriko ama’ areo i nampitaman-dRaekoy; aa le mandiñisa an-drova Ierosaleme ao ampara’ te isaroman-kaozarañe hirik’ añ’ abo.\f + \fr 24:49 \fr*\ft Top 1:4-8\ft*\f*
\s1 Ty Fionjona’e Mar 16.19; Asa 1.9
\p
\v 50 Aa le niaoloa’e pak’ e Betania Anià vaho nañonjom-pitañe, nitata iareo. 
\v 51 Ie nitatae’e, le navik’ am’ iereo vaho naonjoñe mb’ andindiñe añe. 
\v 52 Nitalahoa’ iareo naho nimpoly mb’e Ierosaleme mb’eo an-kafaleam-bey, 
\v 53 vaho nitolom-pandrenge naho nañandriañe an’Andrianañahare añ’ Anjomban’ Añahare ao. Amena.