\id LAM 
\ide UTF-8
\h Firovetañe
\toc1 Firovetañe
\toc2 Firovetañe
\toc3 Frv
\mt1 Firovetañe
\c 1
\q1
\v 1 א Akore ty habangìñem-pitoboha’
\q1 o rova nilifots’ ondatio!
\q1 Heheke te hoe ramavoiñe henaneo,
\q1 ie nijabajaba amo fifeheañeo!
\q1 Ie nianak’ampelam-panjaka añivo’
\q1 o faritseo le fa foreke­keñe henane zao.
\q1
\v 2 ב Mafaitse ty fangoihoia’e te haleñe;
\q1 ranomaso avao ty am-pifi’eo;
\q1 ie añivo’ o fonga sakeza’eo
\q1 ro po-mpañohò;
\q1 sindre namitak’ate aze o rañe’eo
\q1 songa rafelahi’e henaneo.
\q1
\v 3 ג Nasese an-kaloviloviañe t’Iehodà,
\q1 naho ampañondevozañe losotse;
\q1 amo kilakila ondatio ty imoneña’e
\q1 henane zao,
\q1 tsy mahaisake fitofañe ;
\q1 fa nahatratse aze iaby
\q1 o mpañoridañ’ azeo,
\q1 añivo’ o halovilovia’eo.
\q1
\v 4 ד Hene mandala o lala’ i Tsioneo
\q1 amy te tsy ama’e ty mamonje
\q1 o sabadidake namantañañeo\f + \fr 1:4 \fr*\ft Sor 23\ft*\f*;
\q1 songa vahiny o lalam-bei’eo,
\q1 miselekaiñ’ avao o mpisoro’eo;
\q1 mihontoke o somondrara’eo,
\q1 fa finaha manahin-ka.
\q1
\v 5 ה Fa nanoeñe talè’e henaneo o rafelahi’eo, miraorao henane zao o malaiñe azeo,
\q1 f’ie nampisotrie’ \nd Iehovà\nd*
\q1 ty amo fiolà’e tsifotofotoo;
\q1 fa nasese mb’an-drohy mb’eo
\q1 aolo’ o rafelahi’eo o keleia’eo.
\q1
\v 6 ו Fonga napo’ i anak’ampela’ i Tsioney
\q1 ty volonahe’e;
\q1 ie hoe bakaralahy, tsy manjo
\q1 fiandrazañe o roandria’eo;
\q1 nibotafotse po-kaozarañe
\q1 aolo’ i mpañoridañey.
\q1
\v 7 ז Tiahi’ Ierosalaime,
\q1 ze hene vara’e añ’andro taolo,
\q1 ie nisotry naho nirererere,
\q1 ie mijoñe am-pitan-drafelahi’e ao,
\q1 ie pitsom-pañolotse,
\q1 vaho nisamba i fihotraha’ey
\q1 o malaiñ’azeo,
\q1 nikizake i harotsaha’ey.
\q1
\v 8 ח Niota faly t’Ierosalaime,
\q1 aa le ìnjen-dre henaneo;
\q1 mavoe’ o niasy aze iabio,
\q1 fa niisa’ iareo ty fimeñara’e;
\q1 miselekain-dre vaho miamboho.
\q1
\v 9 ט An-tsiki’e leny ao ty haleora’e;
\q1 tsy hinao’e t’ie ho figadoña’e;
\q1 nahalatsa ty nihotraha’e,
\q1 ie tsy amam-pañohò.
\q1 O ry \nd Iehovà\nd*, vazohò ty fisotriako,
\q1 ie ireñeta’ ty rafelahy!
\q1
\v 10 י Fa natorakitsi’ o mpalaiñe azeo ambone’ o vara’e iabio o fità’eo;
\q1 niisa’e iaby ty fipoñafa’
\q1 o kilakila’ ndatio i toe’e miavakey,
\q1 o nirarà’o tsy himoake
\q1 am-pivori’oo.
\q1
\v 11 כ Songa mitoreo ondati’eo,
\q1 mitsoeke mofo;
\q1 natsalo’ iareo mahakama ty vara’ iareo
\q1 ho famelomam-piaiñe.
\q1 Vazoho ry \nd Iehovà\nd*, mahaoniña
\q1 ty tsy fanjofahako henaneo.
\q1
\v 12 ל Tsy ahoa’ areo hao zao,
\q1 ry mpiary mb’eo?
\q1 Paiao naho oniño, he ao ty hontoke
\q1 manahake o fihontoke
\q1 nafetsak’ amakoo,
\q1 ie naretsa’ \nd Iehovà\nd* amako
\q1 amy andron-kaviñera’e
\q1 miforoforo zao.
\q1
\v 13 מ Nampihitrifa’e afo boak’ andikerañey,
\q1 le niteveke lalek’ an-taolako ao;
\q1 nandafiha’e harato o tombokoo;
\q1 nampolie’e mb’eo naho
\q1 nenga’e fiain-drifi’e,
\q1 vaho mitoirañe lomoñandro iraho.
\q1
\v 14 נ Hoe vinahotse an-joka o fiolàkoo,
\q1 mirohy am-pità’eo,
\q1 mivandibanditse
\q1 pak’am-bozoko eo;
\q1 mampinike ty haozarako;
\q1 natolo’ i Talè am-pita’ o tsy lefeko ijohañañeo.
\q1
\v 15 ס Hene naforintse’ i Talè
\q1 o lahindefoko añivoo;
\q1 nitaroñe’e amako ty andro
\q1 ho demohe’e o ajalahikoo;
\q1 fa linialia’ i Talè hoe
\q1 am-pipiritan-divay i anak-ampela mieha’ Iehodày.
\q1
\v 16 ץ Rovetako i raha rezay;
\q1 midoandoan-drano-maso avao
\q1 o masokoo;
\q1 fa lavits’ahy ty mpañohò,
\q1 ty hampitsekake ty fahavaniako;
\q1 bangiñe o anakoo,
\q1 ty amy nandreketa’ i rafelahiy.
\q1
\v 17 פ Mañity tañañe t’i Tsione,
\q1 fa tsy eo ty hañohò aze;
\q1 fa nandilia’ \nd Iehovà\nd*
\q1 ty am’Iakobe o mpañohok’ azeo
\q1 ty hifandrafelahy ama’e;
\q1 ninjare raha maleotse añivo’ iareo
\q1 ao t’Ierosalaime.
\q1
\v 18 צ To ty a \nd Iehovà\nd*,
\q1 amy te niolàko o entam-palie’eo;
\q1 mijanjiña arè ry kilakila’ ondatio
\q1 vaho isao o halovilovikoo;
\q1 te nisese mb’am-pandrohizamb’eo
\q1 o somondrarakoo naho o ajalahikoo.
\q1
\v 19 ק Kinaiko o sakezakoo
\q1 fe nifañahie’ iareo;
\q1 namoe’aiñe an-drova ao o mpisoroko
\q1 naho o androanavikoo
\q1 ie nitsoeke mahakama
\q1 hameloma’e fiaiñe.
\q1
\v 20 ר Hehe, ry \nd Iehovà\nd* t’ie
\q1 an-koheke;
\q1 mikoreokoreoke ty troko,
\q1 mifihiñe amako ao ty foko,
\q1 amy hafairañe nilosotsey.
\q1 Mampandala an-dalañe eo ty fibara;
\q1 hoe fihomahañe ty añ’anjomba ao.
\q1
\v 21 ש Jinanji’ iereo ty fitoreovako,
\q1 izaho pitso-pañohò;
\q1 jinanji’ o rafelahiko iabio
\q1 o feh’ohakoo;
\q1 ehake iereo te nanoe’o izay.
\q1 Ampitsatoho i andro nitseize’oy,
\q1 le hanahak’ ahy iereo.
\q1
\v 22 ת Ampombao aolo’o eo ze fonga
\q1 fitoloñan-drati’ iareo;
\q1 le ano am’ iereo o nanoe’o amakoo,
\q1 ty amo fiolàñe iabio;
\q1 amy te lako toreo iraho vaho
\q1 midazidazìtse ty troko.
\c 2
\q1
\v 1 א Hedèy te nakopo’ i Talè an-drahoñe ao t’i Tsione amy haviñera’ey!
\q1 Naretsa’e boak’ an-dikerañey
\q1 pak’ an-tane eo
\q1 ty hatsomerentsere’ Israele,
\q1 vaho nandikofa’e ty fatimpaha’e
\q1 amy androm-pifomboa’ey.
\q1
\v 2 ב Fa nagedra’ i Talè
\q1 tsy aman-tsehanga’e o kiboho’ Iakobeo,
\q1 vaho tsy niferenaiña’e;
\q1 fa nafetsa’e ambane eo o kijoly fatrats’
\q1 i anak’ ampela’ Iehodàio;
\q1 ie nafotsa’e an-tane;
\q1 tiniva’e i fifeheañey
\q1 naho o roandria’eo.
\q1
\v 3 ג Fa naitoa’e an-kaviñerañe
\q1 mena ty tsifa’ Israele;
\q1 nasita’e aolo’ i rafelahiy
\q1 ty fità’e havana;
\q1 vaho finorototo’e hoe
\q1 afo misolebatse t’Iakobe,
\q1 afo mangotomomoke mb’eo mb’eo.
\q1
\v 4 ך Nabitso’e hoe rafelahy ty fale’e,
\q1 najado’e hoe ravetro ty fità’e,
\q1 vaho zinama’e iaby ze nisoa am-pihaino;
\q1 an-kivoho’ i anak’ampela’ i Tsioney
\q1 ty nampidoandoaña’e
\q1 ty haviñera’e hoe afo.
\q1
\v 5 ה Fa ninjare rafelahy t’i Talè henanekeo,
\q1 fa nigenohe’e t’Israele;
\q1 hene nabea’e o sokemitraha’eo,
\q1 rinotsa’e o fipalirañe fatratseo;
\q1 vaho nampitomboe’e amy
\q1 anak’ampela’ Iehodày
\q1 ty fangololoihañe naho fandalàñe.
\q1
\v 6 ו Hinatsakatsa’e i kivoho’ey
\q1 hoe t’ie nigoloboñe;
\q1 nampiantoe’e i toem-pivori’e namotoañañey;
\q1 nampahaliñoe’ \nd Iehovà\nd* e Tsione ao
\q1 o Famantañañeo naho o \nd Sabata\nd*o,
\q1 vaho ninjè’e ami’ty fitorifiha’
\q1 i fifomboa’ey i mpanjakay
\q1 naho o mpisoroñeo.
\q1
\v 7 ז Navokovoko’ i Talè i kitreli’ey,
\q1 nampangorìñe Aze i toe’e niavakey;
\q1 napo’e am-pitan-drafelahy
\q1 o rindrin’ anjombao:
\q1 ie nikorake añ’anjomba’
\q1 \nd Iehovà\nd* ao, manahake
\q1 te añ’androm-pivory miavake.
\q1
\v 8 ח Sinafiri’ \nd Iehovà\nd* ty handrotsake
\q1 ty kijoli’ i anak’ ampela’ i Tsioney;
\q1 fa kinazazà’e ty taly,
\q1 tsy nampoli’e ty fità’e
\q1 tsy handrotsake;
\q1 nampirovete’e iaby ty fahañe
\q1 naho ty rindriñe;
\q1 mitrao-pinìke iereo.
\q1
\v 9 ט Nalentek’ an-tane ao
\q1 o lalam-bei’eo;
\q1 fa rinotsa’e vaho pinoza’e
\q1 o sikada’eo;
\q1 songa an-tane tsy mitan-Kàke
\q1 i mpanjaka’ey naho o roandria’eo;
\q1 eka tsy manjo aroñaroñe boak’
\q1 am’ \nd Iehovà\nd* o mpitoki’eo.
\q1
\v 10 י Mitozòke an-tane eo
\q1 ty androanavi’ i Tsione,
\q1 mijomohoñe,
\q1 nampibobò deboke añ’ambone’eo;
\q1 midian-gony am-baniañe;
\q1 miondre-doha’ mb’an-tane
\q1 o somondrara mieha’ i Tsioneo.
\q1
\v 11 כ Milesa o masokoo ty amo ranomasoo, mioremeñe ty troko;
\q1 fa nadoañe an-tane ty ateko,
\q1 ty amy fandrotsahañe
\q1 i anak’ampela’ ondatikoy,
\q1 ty amo anak’ajajao naho o mpinono
\q1 mitoirañe an-dalan-drovao;
\q1
\v 12 ל Hoe iereo aman-drene,
\q1 aia ty tsako naho ty divay?
\q1 ie tsipike hoe mate an-dala’ i rovay ey
\q1 ie midoañe añ’arañan-drene’e ao
\q1 ty fiai’ iareo.
\q1
\v 13 מ Akore ty havereko azo?
\q1 Añoharako ami’ty inon-drehe
\q1 ry anak’ ampela’ Ierosalaime?
\q1 Ino ty hañirinkiriñako ama’o
\q1 hañohòako azo,
\q1 ry anak’ampela’ i Tsione?
\q1 Fa mienene manahake i riakey
\q1 ty fere’o, ia ty hahamelañe azo?
\q1
\v 14 נ Nahaisak’ aroñarom-bande
\q1 naho hagegeañe ho azo o mpitoki’oo;
\q1 vaho tsy nabora’ iareo o tahi’oo,
\q1 hampipoliañe azo boak’an-drohy ao,
\q1 fa fetsen-dremborake ty niisa’ iareo,
\q1 toe talim-pandroahañe.
\q1
\v 15 ס Songa miteha-pitañe ama’o
\q1 ze miary eo;
\q1 sindre mikosake naho mikofikofi-doha amy
\q1 anak’ampela’ Ierosalaimey
\q1 manao ty hoe:
\q1 Itoy hao i rova nitokaveñe ty hoe:
\q1 Fahafoniran-Kasoa Vintañe,
\q1 ty firebeha’ ty tane-bey toiy?
\q1
\v 16 פ Nampidañadaña falie ama’o
\q1 o fonga malaiñe azoo;
\q1 mikosasàke naho mikodrìtse nife
\q1 manao ty hoe:
\q1 Fa nabean-tika;
\q1 itoy ‘nio i andro nitaman-tikañey,
\q1 fa tendreke, le isake.
\q1
\v 17 ע Fa nanoe’ \nd Iehovà\nd* i naereñere’ey;
\q1 fa nihenefa’e i fetse najado’e
\q1 añ’andro taoloy;
\q1 fa naretsa’e ambane eo le tsy niferenaiña’e;
\q1 vaho nampirebehe’e ama’o o rafelahi’oo;
\q1 naonjo’e ty tsifa’ o malaiñ’azoo.
\q1
\v 18 צ Mitoreo añ’arofo amy Talè iereo:
\q1 O ry kijoli’ i anak’ampela’ i Tsioney,
\q1 ampikararaho ranomaso hoe
\q1 sorotombake handro an-kaleñe;
\q1 ko ampahazoe’o fiaiñe ty fañova’o;
\q1 ko ampitofa’o o fihaino’oo.
\q1
\v 19 ק Miongaha, mikoeaha te haleñe,
\q1 ami’ty fiorota’ o fijilovañeo;
\q1 adoaño ty arofo’o hoe
\q1 rano añatrefan-dahara’ i Talè;
\q1 añonjono fitañe ama’e ho ami’ty fiai’
\q1 o keleia’o mitoirañe ami’ty kerè
\q1 an-doha o lalañeo iabio.
\q1
\v 20 ר Hehe ry \nd Iehovà\nd* biribirio:
\q1 ia o nanoa’o o raha zaoo?
\q1 Habotse’ o rakembao hao
\q1 o tolin-tsabo’eo?
\q1 o ajaja otroñe’e am-pitàñeo?
\q1 Ho zamaneñe an-toe’ i Talè miavak’ ao hao
\q1 ty mpisoroñe naho ty mpitoky?
\q1
\v 21 ש Ty tora’e naho ty androanavi-bey,
\q1 songa màndre an-tane an-dalañe eo;
\q1 o somondrarakoo naho o ajalahikoo,
\q1 fonga zinevo’ i fibaray;
\q1 binaibai’o amy andron-kaviñera’oy
\q1 zinama’o fa tsy niferenaiña’o.
\q1
\v 22 ת Kinoi’o hoe añ’androm-
\q1 pivory miavake,
\q1 o hekoheko miariseho ahikoo;
\q1 vaho leo raike tsy nahabotatsake,
\q1 tsy nanisañe amy andron-kaviñera’
\q1 \nd Iehovà\nd*y;
\q1 o notroñekoo naho nibeizekoo
\q1 ro fonga nabea’ i rafelahiy.
\c 3
\q1
\v 1 א Ondaty nahatrea hasotrian-draho
\q1 amy kobain-kaviñera’ey.
\q1
\v 2 Niaoloa’e naho nampomba’e
\q1 mb’an-kamoromoroñañe ao
\q1 fa tsy mb’an-kazavàñe.
\q1
\v 3 Toe nafote’e amako lomoñandro
\q1 lomoñandro ty fità’e.
\q1
\v 4 ב Nanoe’e hambo’e o nofokoo
\q1 naho o holikoo;
\q1 sindre pinekapeka’e o taolakoo.
\q1
\v 5 Nanoa’e hàlañe, nañarikatoha’e afero
\q1 naho haloviloviañe.
\q1
\v 6 Nampitobohe’e an-toetse maieñe
\q1 ao iraho, hoe lolo-ela.
\q1
\v 7 ג Narindri’e ao tsy hahafionjoñe;
\q1 nanoe’e mavesatse o silisilikoo.
\q1
\v 8 Aa naho mikoikoike hipay imba,
\q1 le sikadaña’e alafe ao i halalikoy.
\q1
\v 9 Nikalaña’e am-bato vinañe o liakoo,
\q1 nampikelokelofe’e o oloñolokoo.
\q1
\v 10 ד Hoe amboa romotse mamandroñe
\q1 ahy, hoe liona añ’etaketak’ ao.
\q1
\v 11 Natsile’e iaby o fombàkoo,
\q1 naho nirimidrimite’e ty sandriko;
\q1 nanoe’e babangoañe.
\q1
\v 12 Fa nabitso’e ty fale’e, le nohara’e amako ty ana-pale.
\q1
\v 13 ה Nampitrofahe’e ambaniako ao
\q1 o ana-tsotsòke boak’ an-trañon’
\q1 ana-pale’eo.
\q1
\v 14 Fa injè’ondatikoo iraho,
\q1 bekobekoa’ iareo lomoñandro.
\q1
\v 15 Finaha’e hafairañe
\q1 vaho natsafe’e vahon-tsoy.
\q1
\v 16 ו Finoifoi’e am-bato o nifekoo;
\q1 nalembe’e an-davenok’ ao iraho.
\q1
\v 17 Nampihankàñe’o
\q1 lavi-panintsiñañe ty haveloko;
\q1 nihaliñoko ze o hasoa zao.
\q1
\v 18 Le hoe iraho, Fa modo ty
\q1 haozarako, ty fitamàko am’ \nd Iehovà\nd*.
\q1
\v 19 ז Tiahio ty haloviloviako
\q1 naho ty hasotriako,
\q1 ty vahon-tsoy naho afero.
\q1
\v 20 Toe tiahi’ ty fiaiko,
\q1 vaho mibotrek’ amako ao.
\q1
\v 21 Ty hoe ty apotam-pitsakoreako,
\q1 mampitamà ahiko, te
\q1
\v 22 ח le lia’e tsy mijihetse ty fiferenaiña’ \nd Iehovà\nd*
\q1 tsy mb’ia hilesa o fiferenaiña’eo.
\q1
\v 23 Vao boak’andro;
\q1 ra’elahy ty figahiña’o.
\q1
\v 24 \nd Iehovà\nd* ty anjarako, hoe ty troko,
\q1 aa le ie ty fitamàko.
\q1
\v 25 ט Soa t’\nd Iehovà\nd* amo mahaliñe azeo;
\q1 amy arofo mipay Azey.
\q1
\v 26 Mahasoa ondatio te mitama,
\q1 t’ie handiñe am-pianjiñañe
\q1 ty fandrombaha’ \nd Iehovà\nd*.
\q1
\v 27 Hasoa am’ondatio ty mivave
\q1 ty jokan-katora’e.
\q1
\v 28 י Angao re hiambesatse am-bangiñe
\q1 ao, hianjiñe,
\q1 amy te ie ty nandafik’ aze.
\q1
\v 29 Hatoho’e an-debok’ ao ty falie’e,
\q1 hera ama’e ty fitamañe.
\q1
\v 30 Soa re te hatolo’e amy mandrara-
\q1 tehak’ azey ty fiambina’e;
\q1 angao ampiliporeñ’ inje.
\q1
\v 31 כ Fa tsy hañito nainai’e t’i Talè.
\q1
\v 32 Aa ndra t’ie ty mampioremeñe,
\q1 mbe hiferenaiña’e
\q1 amy hafatraram-pikokoa’ey.
\q1
\v 33 Tsy mora ama’e ty mandafa,
\q1 ndra ty mandilo o ana’ondatio;
\q1
\v 34 ל Ie ampidemoheñe am-pandia,
\q1 ze mpirohi’ ty tane toy;
\q1
\v 35 ie tsy omen-to ondatio añatrefa’
\q1 i Andindimoneñey,
\q1
\v 36 ie ampikeloheñe ty enta’ ondatio—
\q1 tsy arofoana’ i Talè hao?
\q1
\v 37 מ Ia ty nitaroñe naho nahafetsake zao,
\q1 naho tsy i Talè ty nametse?
\q1
\v 38 Tsy boak’am-palie’ i Abo Tiañey hao ty hankàñe naho ty soa?
\q1
\v 39 Akore ty itoreova’ondaty veloñeo,
\q1 o lahilahio ty amo tahi’eo?
\q1
\v 40 נ Antao hañotsohotso hitsoke
\q1 o lalan-tikañeo,
\q1 vaho himpoly mb’am’ \nd Iehovà\nd* mb’eo.
\q1
\v 41 Antao hañonjoñ’ arofo am-pitàñe mb’aman’Añahare an-digiligy añe.
\q1
\v 42 Toe nandilatse zahay naho niola;
\q1 toly ndra tsy napo’o.
\q1
\v 43 ס Nikolopok’ an-kaviñeran-drehe
\q1 te nañoridañe anay;
\q1 tsy niferenaiña’o t’ie nanjamañe.
\q1
\v 44 Nisaron-drahon-dRehe,
\q1 tsy himoahan-kalaly.
\q1
\v 45 Nanoe’o romoromo’e naho forompotse zahay
\q1 añivo’ o kilakila’ndatio.
\q1
\v 46 פ Songa midañadaña falie ama’ay
\q1 o malaiñ’anaio.
\q1
\v 47 Fa nifetsak’ ama’ay ty hebakebake
\q1 naho i koboñey,
\q1 ty famongorañe naho fandrotsahañe.
\q1
\v 48 Mitsiritsioke rano o masokoo,
\q1 amy fandrotsahañe
\q1 i anak’ampela’ ondatikoy.
\q1
\v 49 ע Midoandoañe mañambane
\q1 o masokoo,
\q1 vaho tsy mijihetse, tsy mitroatse,
\q1
\v 50 Ampara’ te mivazoho mañambane
\q1 t’\nd Iehovà\nd*,
\q1 mitalake boak’ an-dikerañe añe.
\q1
\v 51 Mampihontoke ty troko o masokoo
\q1 ty amo hene anak’ampelan-drovakoo.
\q1
\v 52 צ Fa nikehe ahy hoe kibo,
\q1 tsy amam-poto’e o malaiñ’ahio.
\q1
\v 53 Naitoa’ iareo an-koboñe ao ty fiaiko,
\q1 vaho nandretsa-bato amako.
\q1
\v 54 Nandipotse ty lohako o ranoo
\q1 vaho nanoeko ty hoe: Opo iraho!
\q1
\v 55 ק Kinanjiko ty tahina’o ry \nd Iehovà\nd*,
\q1 boak’ an-koboñe loho lalek’ ao.
\q1
\v 56 Jinanji’o ty feoko;
\q1 ko aeta’o amy ravembia’oy
\q1 i fitoreokoy hahafikofohako.
\q1
\v 57 Nitotok’ ahy irehe amy andro
\q1 nikanjiako azoy; le hoe irehe:
\q1 Ko hemban-drehe.
\q1
\v 58 ר Ry Talè, nañalañalañe’o
\q1 o entan’ aikoo;
\q1 fa jineba’o ty fiaiko.
\q1
\v 59 Ry \nd Iehovà\nd*, fa nivazoho’o
\q1 ty nasarañ’ ahy; ehe izakao.
\q1
\v 60 Fa nioni’o ty fitrotrofiaha’ iareo
\q1 naho ty fikitroha’ iareo amako.
\q1
\v 61 ש Fa jinanji’o ty inje’ iareo, ry \nd Iehovà\nd*,
\q1 naho o fikililia’ iareo ahy iabio,
\q1
\v 62 Ty fivimbi’ o nitroatse amakoo,
\q1 ty fikinià’ iareo ahy lomoñandro,
\q1
\v 63 Vazohò iereo te miambesatse,
\q1 naho t’ie miongake;
\q1 izaho bekobekoa’ iareo.
\q1
\v 64 ת Mbe hondroha’o, ry \nd Iehovà\nd*,
\q1 ty amo satam-pità’ iareoo.
\q1
\v 65 Kolopofo ty arofo’ iareo,
\q1 ametsaho fatse!
\q1
\v 66 Horidaño an-kaviñerañe
\q1 vaho mongoro
\q1 ambanen-dikera’ \nd Iehovà\nd* eo.
\c 4
\q1
\v 1 א Akore te nikomavo o volamenao,
\q1 hete! niova o volamena ki’eo!
\q1 Hene nadoandoañe aolo’ ze lalan-drova eo o vato soao.
\q1
\v 2 ב Mañeva volamena hiringiri’e
\q1 mira amo lanja’eo
\q1 o ajaja’ sarots’ i Tsioneo;
\q1 akore t’ie oharañe am-balàñe-tane
\q1 henaneo,
\q1 asam-pitàm-panao valàñe-tane!
\q1
\v 3 ג Ndra o fanalokeo ro manolotse nono, hampinono o ana’eo,
\q1 fe ampisoañeñe manahake
\q1 o voron-tsatrañe am-patrañ’añeo
\q1 ondatikoo henane zao.
\q1
\v 4 ד Mipitek’ an-dañilañi’e
\q1 ty lela’ o anak’ajajao
\q1 amy harandrano’ey;
\q1 mangata-kaneñe o ajajao,
\q1 fe tsy amam-panisa.
\q1
\v 5 ה Mikoromak’ an-dalañeo
\q1 o nitakataka raha mafirio;
\q1 mitam­bozòtse votren-davenoke
\q1 o nibeizeñe an-tsikiñe malo-mavoo,
\q1
\v 6 ו Fa lombolombo’ ty nandilovañe
\q1 i Sedome ty nandafañe ondatikoo,
\q1 ie aniany te narotsake,
\q1 ie fitàn-draike tsy zinonjoñ’ ama’e.
\q1
\v 7 ז Nikotritriake hoe fanala o roandria’eo,
\q1 foty te aman-dronono;
\q1 nilikoatse o safira
\q1 pinilak’ amo vonga’eoo,
\q1 ty filoeloem-binta’ iareo.
\q1
\v 8 Mainten-geroke hoe molale
\q1 o tareheo henaneo;
\q1 tsy fohiñe an-dalañey iereo,
\q1 fa niforejeje amo taola’eo ty holi’ iareo,
\q1 mipipìke hoe hatae maike.
\q1
\v 9 ט Falefale i tinombom-pibaray
\q1 te amo trinofan-kasalikoañeo,
\q1 ie mitike avao ty fiai’ iretoañe,
\q1 ie tsy taka-tsindroheñe o tondao.
\q1
\v 10 י O fitan-drakemba mpitretre’eo
\q1 fa nahandro o ana’eo;
\q1 ninjare filintse’e,
\q1 ami’ty famongorañe
\q1 o anak’ ampela’ ondatikoo.
\q1
\v 11 כ Nihenefa’ \nd Iehovà\nd* i fifombo’ey;
\q1 fa nadoa’e i haviñera’e miforoforoy,
\q1 vaho namiañe afo e Tsione ao
\q1 ze namorototo o mananta’eo.
\q1
\v 12 ל Tsy nahafiantoke
\q1 o mpifehe’ ty tane toio,
\q1 ndra o mpimone’ ty voatse toio,
\q1 t’ie hahafimoak’ an-dalambei’
\q1 Ierosalaime ao,
\q1 ty rafelahy ndra ty sadia-vahe.
\q1
\v 13 מ Ie iaby izay
\q1 le ty amo hakeom-pitoki’eo
\q1 naho o tahim-pisoro’eo,
\q1 ie nampiorihe’ iareo lio-màliñe.
\q1
\v 14 נ Ie nirererere hoe goa
\q1 an-dalan-drova ao;
\q1 tsy teo ty nahavany hitsapa o siki’eo
\q1 ami’ty hativa’e.
\q1
\v 15 ס Soike! Veta!
\q1 ty nitazataza’ ondatio am’ iareo;
\q1 Soike! Añe! ko mitsapa!
\q1 aa le gike naho mpirererere iereo;
\q1 le hoe ty natao’ o kilakila’ ndatio:
\q1 Tsy hitobok’ atoy ka iereo.
\q1
\v 16 פ Nampivarakaihe’ ty haviñera’ \nd Iehovà\nd*,
\q1 tsy ho haoñe’e ka;
\q1 tsy niasia’ iareo o mpisoroñeo,
\q1 tsy nisohe’ iareo o androanavio.
\q1
\v 17 ע Fa milesa o fihaino’aio,
\q1 mitolom-pijilojilo imba tsy vente’e;
\q1 nitalake avao zahay
\q1 nitama fifeheañe tsy maharombake;
\q1
\v 18 צ Ie nitinoñe o lia’aio,
\q1 zahay tsy naha-jelanjelañe amo lala’aio;
\q1 mitotoke ty figadoña’ay,
\q1 voa-iake o andro’aio,
\q1 vaho an-titotse ty fimodoa’ay.
\q1
\v 19 ק Nasika te amo tsimalahoo
\q1 o nihofik’ ama’aio;
\q1 linafa’ iareo am-bohitsey,
\q1 vinandro’ iareo an-dratraratra ao.
\q1
\v 20 ר O kofòn’ai’aio, o noriza’\nd Iehovà\nd*o
\q1 le fa tinavañe an-kobo’ iareo ao—
\q1 ie nataon-tika ty hoe: Ambanen’alo’e ao
\q1 ty himoneñan-tika
\q1 añivo’ o kilakila’ ndatioy.
\q1
\v 21 ש Mirebeha, mifalea
\q1 ry anak’ampela Edome,
\q1 ihe mimoneñe an-tane Oze ao;
\q1 fe hiary ama’o ka i fitoviy;
\q1 ho jike irehe vaho hañalo-batañe, hiboridañe.
\q1
\v 22 ת Fa heneke ty ­hijebañañe o hakeo’oo, ry anak’ampela’ i Tsiòneo,
\q1 tsy hasese’e mb’an-drohy añe ka;
\q1 fe ho lilove’e o tahi’oo
\q1 ry anak’ampela Edomeo,
\q1 fonga habora’e o hakeo’oo.
\c 5
\q1
\v 1 Tiahio, ry \nd Iehovà\nd*,
\q1 i nifetsak’ ama’ay zay;
\q1 vazohò vaho oniño ty fisalara’ay!
\q1
\v 2 Natolotse amo ambahinio ty lova’ay,
\q1 amo rene-taneo o akiba’aio.
\q1
\v 3 Bode zahay henaneo, toe bode rae;
\q1 remavoiñe o rene’aio.
\q1
\v 4 Tsy mete tsy vilie’ay ty rano hinome’ay; kaloeñe o hatae avori’aio.
\q1
\v 5 Ampisoañeñe o hatò’aio;
\q1 màmake zahay tsy maharendre-pitofàñe.
\q1
\v 6 Fa nanolo-pitàñe amy Mitsraime zahay
\q1 naho amy Asore,
\q1 hitakara’ay mofo mahàtsake.
\q1
\v 7 Nandilatse o roae’aio; tsy eo ka iereo;
\q1 zahay avao ty mivave o hakeo’eo.
\q1
\v 8 Fehe’ o ondevoo, fe tsy eo
\q1 ty hamotsots’anay am-pità’ iareo.
\q1
\v 9 Mampamoe’ aiñe
\q1 ty ahazoa’ay haneñe,
\q1 amy fibara an-dratraratray.
\q1
\v 10 Mahamainte ty holi’ay hoe toñake
\q1 I kerè matrovokey. 
\v 11 Vahorañe e Tsione ao o rakemba’aio, naho amo rova’ Iehodào o somondrara’aio.
\q1
\v 12 Aradorado am-pità’e o roandriañeo;
\q1 tsy iasiañe ty lahara’ o androanavio.
\q1
\v 13 Azitse handisañe ty ajalahy
\q1 naho midaleandaleañe o jolingao te
\q1 mijiny hatae.
\q1
\v 14 Napo’ o androanavio ty lalam-bey,
\q1 nado o ajalahio ty bekobeko.
\q1
\v 15 Nijihetse ty hafalean’ arofo’ay;
\q1 nifotetse ho fandalàñe o tsinja’aio.
\q1
\v 16 Po-tsabaka zahay; feh’ohatse fa niota!
\q1
\v 17 Izay ty mahasiloke o tro’aio,
\q1 izay ty mahalopelope o fihaino’aio;
\q1
\v 18 toe i Vohi-Tsione mangoakoakey;
\q1 mitingañ’ ao o farasio.
\q1
\v 19 Fa Ihe ry \nd Iehovà\nd*,
\q1 nainai’e tsy modo ty fifehea’o;
\q1 pak’amo tariratse fara-mandimbeo
\q1 ty fiambesa’o.
\q1
\v 20 Akore t’ie naforintse’o?
\q1 Amoea’o andro maro hao zahay?
\q1
\v 21 Ampolio ama’o, ry \nd Iehovà\nd*,
\q1 hibodaña’ay; vaò manahake o andro taoloo o andro’aio—
\q1
\v 22 Fa naitoa’o zafezanake,
\q1 naho loho niviñera’o.