\id JUD 
\ide UTF-8
\h Joda
\toc1 Joda
\toc2 Joda
\toc3 Jod
\mt1 Joda
\c 1
\p
\v 1 I Joda, fetrek’oro’ \nd Iesoà\nd* Norizañey naho rahalahi’ Iakobe, Ho amo nikanjieñe, navahen’ Añahare Rae naho tambozoreñe am’ \nd Iesoà\nd* Norizañeio. 
\v 2 Ampitoaboreñe ama’ areo ty fitretrezañe naho ty fañanintsiñe vaho ty fikokoañe.
\p
\v 3 Ry roañetse, nilozoheko sokitse i fandrombahañe itraofañey, fe inao ty nataoko: hàmake hañosik’ anahareo himane i fatokisañe natoro amo noro’eo indraike nahahenekey. 
\v 4 Amy te ao t’indaty nitsifitse añetake, ie nipatereñe haehae ty fàtse hizò iareo, ie tsy mañaon-Kake\f + \fr 1:4 \fr*\ft Mat 13:1-58, 1Te 2:1-17\ft*\f*, mamotetse ty hasoan’ Añaharen-tika ho an-kaloloañe vaho mitety \nd Iehovà\nd* Andrianañahare tsi-roe-tsi-telo naho i Talèntika, \nd Iesoà\nd* Norizañey.
\p
\v 5 Te haniahy anahareo iraho, toe hene nifohi’ areo hey, te ie rinomba’ i \nd Talè\nd* ondaty an-tane’ Egipte añeo, le nimongore’e o tsi-niatoo, 
\v 6 naho nitambozore’e an-drohy tsy modo am-pimoromoroñañe ao ampara’ i zaka amy andro jabajabaiy o anjely tsy nitañe ty nañorizañe iareo naho nifary i toe’ iareo do’ey; 
\v 7 hambañe amy Sodoma naho i Gomora naho o rova nañohokeo, ie nivalijere an-karapiloañe nipay nofotse faly, vaho nanoeñe fandrazañañe, nafàtse ho lovilovieñe añ’afo ao kitro katroke.
\p
\v 8 Toe manahake izay iretiañe, ie mame­taveta sandriñe amo anofisa’ iareoo, mañarinje mpanandily, vaho mañinje o amam-bolonahetseo. 
\v 9 Fa ndra i Mikaela, talèn’ anjely, ie nifañotak’ amy mpañìnjey t’ie nifandietse amy fañòva’ i Mosèy, tsy nahavany hanisý aze añ’ endake, fa nanao ty hoe: Hitrevoha’ t‘i \nd Talè\nd*\f + \fr 1:9 \fr*\ft Zek 3:2\ft*\f*! 
\v 10 Fe mañìnje o raha tsy apota’e ondaty retiañe, naho o raha nifohi’e boak’ an-trokeo, hoe biby tsy mi­tsakore, izay ty mahamomoke iareo. 
\v 11 Hankàñe am’iareo! Ie nitsile an-dala’ i Kaina naho nifatrifatry nipay tambe ami’ty fandilara’ i Balama vaho miro­tsak’ ami’ty fiola’ i Kòra\f + \fr 1:11 \fr*\ft Mpz 1:7-11, Pe II 2:6-15\ft*\f*. 
\v 12 Ie vato-haran-driake mietak’ amo sabadidam-pikokoa’ areoo mitrao-pikama tsy aman-kembañe; tea haneñe avao; rahoñe tsy aman-drano, ahofahofan-tioke; hatae an-tsaramanty tsy mamoa, indroe mate, nombotañe reke-bahatse; 
\v 13 onjan-driake mivalitaboake mandoa voren-kameñarañe; vasiañe mirererere nañajàñe ieñe mimoromoroñe zafezanake.
\p
\v 14 Nitokie’ i Enoka, faha-fiton-tarira’ i Dame, ka, ondatiy rey, nitaroñe ty hoe: Heheke, mitotsak’ etoa t’i \nd Talè\nd* aman’ aleale’ o noro’eo, 
\v 15 hametsake zaka amy ze he’e, hañameloke ze tsi-aman-Kàke ty amo sata tsi-aman-Kàke nitoloñe’ iareoo an-kaloloañeo, naho o tambaimbaiñe nanoe’ i mpanan-kakeo tsi-aman-Kàke rezay ama’eo\f + \fr 1:15 \fr*\ft Enoka 1:9\ft*\f*. 
\v 16 Mpiñeoñeoñe iereo, mpaniñetiñe; mañorike o drao tsi-voka’eo; mivolam-pirengevohañe o vava’eo, mitsiriry laharañe, hañaramamoa’e.
\p
\v 17 Ie amy zao, ry rañetse, tiahio i saon­tsy nente’ o Firàhe’ i Talèntika \nd Iesoà\nd* Norizañeio taoloy; 
\v 18 ie nitaroñe ty hoe: An-tsà honka’e, le hitoandratoandra an-kadrao tsy aman-Kàke o mpanivetìveo. 
\v 19 Ie mpampiriaria—mpaño­rike ty draon-troke, tsy amañ’Arofo.
\p
\v 20 F’inahareo, ry rañetse, ie mitomambao am-patokisañe miavake do’e naho mitalaho añamy Arofo-Masiñey, 
\v 21 tambozoro i fikokoan’ Añaharey, itamao ty fiferenaiña’ i Talèntika \nd Iesoà\nd* Norizañey minday haveloñe nainai’ey. 
\v 22 Rambeso an-tretrè o ila’e mihañahañao. 
\v 23 Rombaho ty ila’e, isintono boak’ añ’ afo ao, ferenaiño an-kahembañañe ka o ila’eo, le hejeo ndra ty sikiñe nileore’ o nofotseo.
\p
\v 24 Aa le ho amy mahatañ’ anahareo tsy hitsikapy naho mahafitroatse anahareo ho tsy aman-kandra, an-kafaleam-bey mb’ añatrefan’ enge’e mb’eo, 
\v 25 Ho aman’ Añahare tokañe mahihitse, Mpandrombak’ antikañe\f + \fr 1:25 \fr*\ft Tovoño: añam’ Iesoà Talèntika Norizañey,\ft*\f*, ty engeñe naho volonahetse, fifeheañe vaho haozarañe, taolo’ ze sa, henaneo vaho nainai’e donia. Amena.