\id JOS 
\ide UTF-8
\h Iehosoa
\toc1 Iehosoa
\toc2 Iehosoa
\toc3 Ieh
\mt1 Iehosoa
\c 1
\p
\v 1 Ie añe te nihomake t’i Mosè mpitoro’ \nd Iehovà\nd*, le nitsara am’ Iehosoa\f + \fr 1:1 \fr*\ft Iehosoa: Mpandrombake\ft*\f* ana’ i None\f + \fr 1:1 \fr*\ft None: tariratse; fia; nainaie tsy modo\ft*\f*, mpitoro’ i Mosè, t’\nd Iehovà\nd*, ami’ty hoe: 
\v 2 Fa vilasy t’i Mosè mpitoroko; aa le miongaha, itsaho Iardeney\f + \fr 1:2 \fr*\ft Iardene: Sakam-pizakañe\ft*\f*, ihe naho ze hene ondaty retiañe, mb’ an-tane atoloko iareo, toe ho amo ana’ Israeleo; 
\v 3 fa natoloko anahareo ze toetse lian-delam-pandia’ areo, ty amy asako amy Mosèy. 
\v 4 Mifototse am-patrambey añe miharo amy Lebanone\f + \fr 1:4 \fr*\ft Lebanone: rame foty\ft*\f* etia, pak’ amy saka beiy, i Peratey\f + \fr 1:4 \fr*\ft Perate: Sakabey: mahavokatse; mitotsake\ft*\f*, naho ze hene tanen-te-Kète\f + \fr 1:4 \fr*\ft Kete: i folakey; i mirevendreveñey\ft*\f*, pak’ amy Riake beiy, mb’ amy firoña’ i àndroy añey ty ho efe-tane’ areo.
\p
\v 5 Leo raike t’indaty tsy hiongake hiatrek’ azo amo hene andro hiveloma’oo; manahake ty nindrezako amy Mosè ty hindrezako ama’o; tsy hilesa ama’o iraho, tsy haforintseko ka. 
\v 6 Mihafatrara vaho mahasibeha; fa ihe ty hampandova ondaty retoañe i tane nifantàko aman-droae’ iareo hatoloko iareoy. 
\v 7 Aa le mihaozara naho mahavania, hañambeñe naho hañorike i Tsara iaby linili’ i Mosè mpitoroko azoy; ko mitolike mb’ am-pitàn-kavana ndra havia, soa te hiraorao ndra aia’ aia ty homba’o. 
\v 8 Tsy hienga am-palie’o ty Boke Hake toy, ie haereñere’o handro naho haleñe, hañambeñe naho hanao ze hene misokitse ao; le hiraorao o sata’oo, vaho haharongatse. 
\v 9 Aa vaho tsy liniliko hao? Mihafatrara naho mahasibeha; ko hemban-drehe ko miroreke: fa ama’o t’\nd Iehovà\nd* Andrianañahare’o ndra aia’aia ty homba’o.
\p
\v 10 Aa le linili’ Iehosoa o mpiaolo’ ondatio ami’ty hoe: 
\v 11 Mirangà anteñateña’ i tobey mb’eo le afantoho ondatio ami’ty hoe: Maña­lankaña fivatiañe, fa hitsake Iardeney nahareo añate’ ty telo andro, himoak’ amy taney, hitavañe ze natolo’ \nd Iehovà\nd* Andrianañahare’ areo ho fanañañe.
\p
\v 12 Le nisaontsy amo nte-Reobeneo\f + \fr 1:12 \fr*\ft Reobene: ty fahaoniñañe i anakey\ft*\f* naho amo nte-Gadeo naho amo vakin-te Menasèo t’Iehosoa ami’ty hoe: 
\v 13 Tiahio i tsara linili’ i Mosè mpitoro’ \nd Iehovà\nd* anahareoy, ami’ty hoe: Manolotse fitofàñe ama’ areo t’\nd Iehovà\nd* Andrianañahare’ areo vaho hatolo’e ama’ areo o tane atoio. 
\v 14 Hitobok’ an-tane natolo’ i Mosè anahareo alafe’ Iardeney atoy o vali’ areoo naho o keleia’ areoo naho o añombe’ areoo, f’ie hitsak’ aolo’ o rahalahi’ areoo reke-pialiañe, songa fanalolahy maozatse hañolo­rañe iareo; 
\v 15 ampara’ te hampitofà’ \nd Iehovà\nd* o rahalahi’ areoo, manahake ty nanoa’e anahareo, ie fa tinava’ iareo ka i tane nitolora’ \nd Iehovà\nd* Andrianañahare’ areo; le himpoly an-tane fanaña’ areo atoa nahareo vaho ho tavane’ areo i natolo’ i Mosè mpitoro’ \nd Iehovà\nd* anahareo alafe’ Iardeney atoa mb’am-panjirihan’ andro añe. 
\v 16 Tinoi’ iareo ami’ty hoe t’Iehosoa: Hene hanoe’ay ze nandilia’o anay vaho hañaveloa’ay ndra aia aia ty añiraha’o. 
\v 17 Manahake ty nañaoña’ay amy Mosè amy ze he’e, ty hañaoña’ay azo naho indreza’ \nd Iehovà\nd* Andrianañahare’o hambañe amy nindreza’e amy Mo­sèy. 
\v 18 Aa ndra ia’ia ty hiola amy an­dilia’oy, tsy hañaoñe ze hene saontsy amantoha’o aze, le havetrake, f’ihe mihaozara vaho mahasibeha.
\c 2
\p
\v 1 Nirahe’Iehosoa ana’ i None, boake Sitime aman’ etake ty mpi­tingañe, ami’ty hoe: Akia, tiliho i taney naho Ierikò. Aa le nienga mb’eo iereo naho nivo­trak’ añ’ anjomba’ ty karapilo atao Rakabe, vaho nandre ao. 
\v 2 Sinaontsy amy mpanjaka’ Ierikooy, ty hoe: Inao pok’ atoy amo haleñe zao ty boak’ amo ana’ Israeleo hitsoetsoek’ an-tane atoy. 
\v 3 Aa le nañirak’ amy Rakabe ty mpanjaka’ Ieriko, nanao ty hoe: Akaro ondaty nimb’ama’o mb’eoo, o nimoak’ an-traño’oo, ie te hifilo an-tane atoy ty niziliha’ iareo atoa. 
\v 4 Fe nendese’ i rakembay indaty roe rey naho naeta’e, aa le nanoe’e ty hoe: Eka, nimb’ amako atoy ondatio, fa nofiko ty nihirifa’ iareo; 
\v 5 ie amy fandrindriñañe i lalam-beiy naho fa nimaieñe, le niavotse indaty rey; fe tsy apotako ty nomba’ indaty rey; horidaño aniany le ho trà’ areo. 
\v 6 Toe nendese’e an-tafo traño vaho naeta’e an-tahon-dène ao, o fa nalafi’e an-tafoo. 
\v 7 Aa le hinorida’ ondatio mb’an-dala’ Iardeney mb’eo pak’amo fitsahañeo añe; ie vata’e niènga o nañoridañeo, le narindriñe i lalam-beiy. 
\v 8 Aa ie mbe tsy nandre iareo le nanganike mb’ am’ iereo an-tafo mb’eo; 
\v 9 le hoe re am’indaty rey: Fantako te natolo’ \nd Iehovà\nd* ama’ areo o taneo, fa nidok’ ama’ay ty firevendreveñañe ama’areo vaho mitsolofìñe aolo’ areo ze fonga mpimoneñe an-tane atoy. 
\v 10 Fa jinanji’ay te nimaihe’ \nd Iehovà\nd* aolo’ areo i Ria-Binday, amy niavota’ areo amy Mitsaraimey; naho i nanoe’ areo amy mpanjaka roe nte-Amore\f + \fr 2:10 \fr*\ft Amore: mafaitse; mpiola; mpidabadoa\ft*\f*, alafe’ Iardeney añe reiy, i Sihone naho i Oge, ie vata’e na­rotsa’ areo. 
\v 11 Ie nahajanjiñe izay le nitranake o tro’aio, leo ondaty raike tsy aman-joton’ arofo ty ama’ areo amy te toe Andrianañahare andikerañe ambone ao naho an-tane ambane atoy t’\nd Iehovà\nd* Andrianañahare’ areo. 
\v 12 Aa le miambane ama’ areo, mifantà amako añam’ \nd Iehovà\nd*, kanao nitretrèzeko, le ho tretreze’ areo ka ty akiban-draeko—ehe anoloro antoke-to— 
\v 13 te havotso’ areo ho veloñe ty raeko naho i reneko naho o rahalahikoo naho o rahavavekoo naho o vara’ iareo iabio vaho ho hahà’ areo ty fiai’ay tsy hivetrake. 
\v 14 Le hoe indaty rey ama’e, Hasolo ty fiai’areo ty anay, naho tsy talilie’ areo o fitoloña’aio; ie amy zao, naho atolo’ \nd Iehovà\nd* anay o taneo, le hatarik’ ama’o an-kavañonan-jahay. 
\v 15 Aa le nazotso’e an-taly amy lafinetiy iereo; amy te añate’ i kijoliy ty anjomba’e, fa ambone’ i rindriñey ty nitoboha’e. 
\v 16 Le hoe re am’ iereo, Akia mb’ an-kaboam-b’eo, tsy mone hifanalaka ama’ areo o mpañoridañeo, naho mietaha añe telo andro, ampara’ te mitampoly o mpañotrokeo; izay vaho hañavelo mb’eo nahareo. 
\v 17 Aa hoe ondatio ama’e, Ho haha amy fanta nampifantà’o anaiy zahay, 
\v 18 naho tsy arohi’o amy lafinety nanjotsoa’o anaiy ty fole mena toy, t’ie mimoak’ an-tane atoy; le hendese’o añ’akiba’o ao ty rae’o naho i rene’o naho o longo’oo vaho o anjomban-drae’o iabio. 
\v 19 Ie amy zao, ze hiakatse o lalan’ anjomba’oo mb’ an-damoke mb’eo, le ho an-doha’e ty lio’e, vaho ho afa-kakeo zahay; f’ie hitraok’ ama’o amy akibay ao, le ho an-doha’ay ty lio ze paohem-pitàñe. 
\v 20 Aa naho saontsie’o o fitoloña’ay zao, le halio-tahin-jahay amy fanta nampititihe’o anaiy. 
\v 21 Le hoe re: O saontsi’ areoo ro ie. Nirahe’e mb’eo le niavotse iereo vaho narohi’e amy lafineti’ey i fole menay. 
\v 22 Ie nañavelo, le nipok’ am-bohitsey vaho nañialo ao telo andro, ampara’ te nitampoly o mpañotrokeo; tsinoetsoe’ o mpañoridañeo mb’eo mb’eo amy lalañey fe tsy nahaisake. 
\v 23 Aa le niavotse indaty rey, nizotso boak’ am-bohibohitse ao, le nitsake, naho niheo mb’am’ Iehosoa ana’ i None mb’eo, vaho nitali­ly i nifetsak’ ama’ iareoy. 
\v 24 Le hoe ty asa’ iareo am’ Iehosoa: Toe natolo’ \nd Iehovà\nd* am-pitàn-tikañe i tane iabiy vaho mitsolofiñe aolon-tikañe ze hene mpimoneñe amy taney.
\c 3
\p
\v 1 Nañaleñale t’Iehosoa te nitroatse, le nienga i Sitime rekets’ o ana’ Israele iabio naho niheo mb’am’ Iardeney mb’eo, vaho nitobe eo aolo’ t’ie hitsake. 
\v 2 Ie nimodo ty telo andro, le nimb’eo mb’eo amy tobey o mpiaoloo; 
\v 3 naho linili’ iareo ondatio ami’ty hoe: Naho oni’ areo i vatam-pañina’ \nd Iehovà\nd* Andrianañahare’ areoy, naho o mpisoroñe nte-Levy mitarazo azeo, le miavota an-toe’o, vaho oriho. 
\v 4 Fe engao heba’e mizehe kiho ro’arivo varañe añivo’ areo naho ie, ko harinea’ areo, soa te ho fohi’ areo ty lalan-komba’ areo; fa mboe tsy niary mb’ atoy nahareo. 
\v 5 Le hoe t’Iehosoa am’ ondatio: Miefera fa hanao raha tsitantane añivo’ areo ao t’\nd Iehovà\nd* hamaray. 
\v 6 Nisaontsy amo mpisoroñeo t’Iehosoa ami’ty hoe: Rambeso i vatam-pañinay le mitsàha aolo ondatio. Rinambe’ iereo i vatam-pañinay vaho nimb’ aolo ondatio mb’eo.
\p
\v 7 Le hoe t’\nd Iehovà\nd* am’ Iehosoa, Hiorotse hampionjoñe azo ampahaoniña’ Israele iaby iraho te anito, hahafohina’ iareo te, manahake ty nindrezako amy Mosè ty hindrezako ama’o. 
\v 8 Aa le afantoho o mpisoroñe mitarazo i vatam-pañinaio, ami’ty hoe: Ie tsatok’ añ’olon-drano’ Iardeney le mijohaña am’ Iardeney. 
\v 9 Le hoe t’Iehosoa amo ana’ Israeleo: Mb’etoa hijanjiñe ty tsara’ \nd Iehovà\nd* Andrianañahare’ areo. 
\v 10 Le hoe t’Iehosoa: Ho fohi’ areo henane zao te añivo’ areo ao t’i Andrianañahare veloñe le tsy mete tsy roahe’e aolo’ areo mb’eo o nte-Kanàneo, naho o nte Kiteo, naho o nte-Kiveo, naho o nte-Perizeo, naho o nte-Girgasio, naho o nte-Amoreo vaho o nte-Iebosio. 
\v 11 Hehe te mitsak’ aolo’ areo mb’ am’ Iardeney ty vatam-pañina’ i Talè’ ty tane toy iaby. 
\v 12 Aa le joboño ondaty folo-ro’ amby boak’ amy fifokoa’ Israele rey, songa ondaty raike i fifokoañe rey. 
\v 13 Amy te, ie mijohañe an-drano’ Iardeney ty lelam-pandia’ o mpisoroñe mitarazo i vatam-pañina’ \nd Iehovà\nd*, Talè’ ty tane bey toiio, le ho tampake ty rano’ Iardeney vaho hivotry ho haboañe o rano mikararake boak’ ambone añeo. 
\v 14 Aa naho niavotse an-kiboho’e ondatio hitsake Iardeney, le aolo ondatio o mpisoroñe nitarazo i vatam-pañinaio, 
\v 15 le vata’e nivotrak’ añ’ olo-drano’ Iardeney ty fandia’ o mpitarazo i vatam-pañinaio—toe manganahana añ’olo’ Iardeney iaby o rano’ Iardeneio amo hene andro an-tsam-pamokarañeo— 
\v 16 le nijihetse o rano nizotso boak’ ambone eio naho nionjoñe ho haboañe nitakatse ty atao Adame añe, i rova marine’ i Tsaretàne; le vata’e nitampake o ho nizotso mb’an-dRiak-Arabà naho mb’amy Riake Siray mb’eoo, vaho nitsake tandrife Ierikò ey ondatio. 
\v 17 Nijohañe an-tane maik’ anteñateña’ Iardeney o mpisoroñe nitarazo i vatam-pañina’ \nd Iehovà\nd*io, le hene nitsak’ an-tane maike t’Israele, ampara’ te tafatsàke Iardeney iaby i valobohòkey.
\c 4
\p
\v 1 Naho fa hene tafatsàke Iardeney i valobohòkey, le nitsara ty hoe am’ Iehosoa t’\nd Iehovà\nd*: 
\v 2 Rambeso ondaty folo-ro’ amby boak’ am’ ondatioo; songa ondaty raike ze fifokoañe, 
\v 3 le ifantoho ty hoe: Mandrambesa vato folo-ro’amby boak’ am’ Iardeney ao, amy ijohañam-pandia’ i mpisoroñe reiy, naho endeso hitsake mindre ama’ areo vaho apoho amy tobe hialeña’ areo te anitoy. 
\v 4 Aa le kinanji’ Iehosoa indaty folo-ro’amby nedre’e amo ana’ Israeleo rey; sin­dre ondaty raike ze fifokoa’e. 
\v 5 Le hoe t’Iehosoa am’ iereo, Mitsàha aolo’ i vatam-pañina’ \nd Iehovà\nd* Andria­nañahare’ areoy an-teñateña’ Iardeney vaho songa mandrambesa vato raik’ an-tsoro’e ty ami’ ty ia’ o fifokoa’ o ana’ Israeleoo; 
\v 6 ho viloñe ama’ areo, aa naho mañontane anahareo o ana’ areoo amy añey, ty hoe: Inoñ’ ama’ areo o vato retoañeo? 
\v 7 Le ty hoe ty hatalili’ areo: Amy te nitampak’ aolo’ i vatam-pañina’ \nd Iehovà\nd*y o rano Iardeneio; ie nitsake Iardeney, le nitampake o rano’ Iardeneio; vaho ho faniahiañe o ana’ Israeleo nainai’e o vato retoañe. 
\v 8 Aa le nanoe’ o ana’ Israeleo i namantoha’ Iehosoay, naho rinambe’ iereo ty vato folo-ro’ amby boak’ anteñateña’ Iardeney ao, ty amy tsinara’ \nd Iehovà\nd* am’ Iehosoay, ty ami’ty ia’ o fifokoa’ o ana’ Israeleo, naho nen­dese’ iereo nitsake mindre am’ iereo mb’ an-tobe mb’eo vaho napo’ iereo ey. 
\v 9 Natroa’ Iehosoa añivo’ Iardeney ka ty vato folo-ro’ amby amy nijohañam-pandia’ i mpisoroñe nitarazo i vatam-pañinay rey vaho mbe eo izay henaneo. 
\v 10 Aa le nijohañe añivo’ Iardeney o mpisoroñe nitarazo i vataio ampara’ te niheneke i nampitaroñe’ \nd Iehovà\nd* Iehosoa am’ ondatioy ty amy nandilia’ i Mosè Iehosoa iabiy; vaho nalisa nitsake mb’eo ondatio. 
\v 11 Naho fa tafatsàke ondaty iabio, le nitsake ka i vatam-pañinan’ Añaharey naho i mpisoroñe rey añatrefa’ ondatio. 
\v 12 Nitsake reke-pialiañe aolo’ o ana’ Israeleo o ana’ i Reobeneo naho o ana’ i Gadeo naho i vakim-pifokoa’ i Menasèy ty amy nisaontsie’ i Mosè am’ iereoy; 
\v 13 va’e efats’ ale reke-pialiañe veka’e hialy ty nionjoñe mb’an-kotakotak’ añatrefa’ \nd Iehovà\nd*, mb’a monto’ Ieriko mb’eo. 
\v 14 Naonjo’ \nd Iehovà\nd* ampahaoniña’ Israele iaby t’Iehosoa amy andro zay; vaho nañeveñe ama’e manahake ty nañeveña’ iareo amy Mosè amo hene andro niveloma’eo.
\p
\v 15 Nitsara amy Iehosoa t’\nd Iehovà\nd*, ami’ty hoe: 
\v 16 Ampitroaro boak’ am’ Iardeney o mpisoroñe mitarazo i vatam-pañinaio. 
\v 17 Aa le nandily amy mpisoroñe rey t’Iehosoa, nanao ty hoe: Mitroara amo Iardeneio. 
\v 18 Naho nia­katse boak’ an-teñateña’ Iardene ao i mpisoroñe rey nitarazo i vatam-pañina’ ­\nd Iehovà\nd*y, vata’e nitroatse an-tam­boho eo o lelam-pandia’ i mpisoroñe reio le nimpoly an-toe’e o rano’ Iardeneio, nanginahina añ’olo’e iabio manahake te taolo. 
\v 19 Nitroatse Iardeney amy andro faha-folo’ i volam-baloha’eiy ondatio vaho nitobe e Gilgale an-dafe atiñana’ Ieriko eo. 
\v 20 Le natroa’ Iehosoa e Gilgale eo i vato folo-ro’amby nakare’ iareo am’ Iardeney rey; 
\v 21 vaho nitaroñe’e amo ana’ Israeleo ty hoe: Aa naho añontanea’ o ana’ areoo an-droae’e añ’ andro añe ty hoe: Ino o vato retoañe? 
\v 22 le hampandrendrehe’ areo o ana’ areoo ty hoe: Nitsake Iardeney an-tane mipintampintañe t’Israele. 
\v 23 Amy te nimaihe’ \nd Iehovà\nd* Andrianañahare’ areo aolo’ areo ty rano Iardene ampara’ t’ie tafatsàke, manahake ty nanoe’ \nd Iehovà\nd* Andrianañahare’ areo i Ria-Binday, ie nimaihe’e añatrefan-tikañe ampara’ te tafatsake, 
\v 24 hahafohina’ ze kila ondati’ ty tane toy te maozatse ty fità’ \nd Iehovà\nd*, hañeveña’e am’ \nd Iehovà\nd* Andrianañahare’ areo nainai’e.
\c 5
\p
\v 1 Aa naho jinanji’ o hene mpanjaka’ o nte-Amore alafe’ Iardeney mañandrefañeo, naho ze hene mpanjaka’ o nte Kanàne marine i riakey te nimaihe’ \nd Iehovà\nd* aolo’ o ana’ Israeleo o rano’ Iardeneo ampara’ t’ie tafatsàke, le nitronake ty arofo’ iareo vaho tsy naha­kofòke ty amo ana’ Israeleo. 
\v 2 Ie henane zay, hoe t’\nd Iehovà\nd* am’ Iehosoa: Tse­neo meso am-bato pìlake vaho savaro indraike o ana’ Israeleo ho fañindroe’e. 
\v 3 Aa le nitsene mesom-bato pilake t’Iehosoa, vaho nisavare’e e Gibeate-ha-aralote eo o ana’ Israeleo. 
\v 4 Zao ty talim-panavara’ Iehosoa iareo: toe nihomak’ am-patrambey an-dalañe eo ze hene ondaty niakatse i Mitsraimeo; o lahilahio, o lahindefoñeo, ie fa niavotse i Mitsraime. 
\v 5 Fa nivotso-boy ondaty iaby niakatse boak’aoo, fe tsy nisavareñe ze hene ondaty nasamak’ am-patrambey amy lalañe niakara’ iareo i Mitsraimey, 
\v 6 amy te efa-polo taoñe ty nañaveloa’ o ana’ Israeleo am-patrambey añe, ampara’ te nihomake i fifeheañe iabiy, o lahindefoñe niavotse i Mitsraimeo, ie tsy nañaoñe ty fiarañanaña’ \nd Iehovà\nd*; i nifantà’ \nd Iehovà\nd* te tsy hapò’e hahaoniñe i tane nifantà’ \nd Iehovà\nd* aman-droae’ iareo te hatolo’e antikañey, tane orikorihen-dronono naho tanteley. 
\v 7 Aa le nibeize’e o ana’ iareoo handimbe iareo, ie ty nisavare’ Iehosoa, tinampake kanao tsy nivo­tso-boy amy lalañey. 
\v 8 Naho niheneke ty fanavarañe i valobohòke iabiy le nitofa an-tobe’e ao ampara’ te nimelañe.
\p
\v 9 Hoe ty tsara’\nd Iehovà\nd* am’Iehosoa: Anindroany t’ie namarimbariñe ty inje’ i Mitsraime tsy ho ama’ areo. Aa le nitokaveñe ty hoe Gilgale i toetsey, ampara’ te henane. 
\v 10 Ie nitobe e Gilgale ao o ana’ Israeleo le nambena’ iareo i Fihelañ’ amboney ami’ty hariva’ i andro faha folo-efats’ ambi’ i volañeiy amonto’ Ieriko ey. 
\v 11 Nikamà’ iareo ty voka’ ela’ i taney amy loak’ andro’ i Fihelañ’ Amboney: mofo po-dalivay naho tsako tono amy àndroy. 
\v 12 Nijihetse amy andro naño­rike i nikamà’ iareo ty voka’ i taneiy i maney vaho tsy nahazo mane ka o ana’ Israeleo, f’ie nikama ty vokan-tane Kanàne amy taoñe zay.
\p
\v 13 Narine’ Ieriko t’Iehosoa t’ie nampiandra fihaino naho nahaisake te inge t’indaty aolo’e, am-pi­tà’e ty fibara tsinoake; vaho nimb’ ama’e mb’eo t’Iehosoa, nanao ty hoe: Ama’ay v’iheo ke amo rafe­lahi’aio? 
\v 14 Le hoe re, Aiy! Izaho mpifehe o lahindefo’ \nd Iehovà\nd*o ty nivotrahako etoa. Aa le nibabok’ an-daha­ra’e an-tane eo t’Iehosoa le niam­bane nanao ty hoe: Ino o ho saontsie’ ty talèko amy mpitoro’eio? 
\v 15 Le hoe ty mpifehen-dahindefo’ \nd Iehovà\nd*o tam’ Iehosoa: Afaho am-pandia’o o hana’oo; amy te miavake o toetse johañe’oo. Le nanoe’ Iehosoa.
\c 6
\p
\v 1 Ie amy zao, nigabeñe fatratse t’Ie­riko ty amo ana’ Israeleo: leo raike tsy niakatse, ndra raike tsy nimoak’ ao— 
\v 2 Le hoe t’\nd Iehovà\nd* amy Iehosoa: Inao te natoloko am-pità’o t’Ieriko, naho i mpanjaka’ey vaho o fanalolahio. 
\v 3 Hiarikatoha’ areo i rovay; ze hene lahindefoñe ty hiariari’ i rovay indraike. Andro eneñe ty hanoa’o Izay. 
\v 4 Hitintiñe tsifan’ añondrilahy fito ty mpisoroñe fito aolo’ i vatam-pañinay; ie ami’ty andro faha-fito le hiaria’ areo im-pito i rovay vaho hampipopò o tsifan’ añondrio i mpisoroñe rey. 
\v 5 Ie amy zao, naho tiofe’ iareo ela i tsifan’ añondry rey, naho janji’ areo ty feo’ i antsivay, le sindre hampipoñake ty pazake ondatio naho hikoromake ho pisake ty kijoli’ i rovay vaho songa hiranga an-kahiti’e miaolo mb’eo t’indaty.
\p
\v 6 Kinanji’ Iehosoa ana’ i None o mpisoroñeo, le hoe ty asa’e tama’e: Ongaho i vatam-pañinay vaho mpisoroñe fito ty hinday tsifan’ añondrilahy fito aolo’ i vatam-pañina’ \nd Iehovà\nd*y. 
\v 7 Le hoe ty asa’e am’ ondatio: Mionjona mb’eo le arikatoho i rovay vaho ampiaolò o lahin-defoñeo i vatam-pañina’ \nd Iehovà\nd*y. 
\v 8 Ie amy zao: nisaontsy am’ ondatio t’Iehosoa, le nionjom-beo i mpisoroñe fito nitañe tsifan’ añondrilahy fito añatrefa’ \nd Iehovà\nd* rey, le nitiofe’ iereo o tsifao vaho nanonjohy iareo i vatam-pañina’ \nd Iehovà\nd*y. 
\v 9 Niaolo o mpisoroñe nitiok’ antsivao amy zao ondaty nitam-pialiañeo, le nanonjohy i vatam-pañinay o mpivolio; vaho nitolom-pipopò avao o tsifao. 
\v 10 Linili’ Iehosoa amy zao ondatio ami’ty hoe: Ko mikoràke, ee te tsy ho janjiñeñe hey ty fiarañanaña’ areo, vaho tsy hiakatse am-palie’ areo ndra saontsy raike ampara’ ty andro koiheko te hipazake; le hene hipozak’ amy zay. 
\v 11 Aa le nampiariarie’e i vatam-pañina’ \nd Iehovà\nd*y i rovay, indraike t’ie niarikatoheñe naho nibalik’ an-tobe iareo vaho nialeñe an-tobe ao. 
\v 12 Nitroatse marain-tsi-kiake t’Iehosoa vaho rinambe’ o mpisoroñeo i vatam-pañina’ \nd Iehovà\nd*y. 
\v 13 Aa le nainai’e nimb’eo nampipopò o tsifao i mpisoroñe fito ninday tsifan’ añondry fito añatrefa’ i vatam-pañina’ \nd Iehovà\nd*y rey; niaolo iareo o lahindefoñeo vaho nanonjohy i vatam-pañina’ \nd Iehovà\nd*y o nivolio, nainai’e am-pipopòeñe o antsivao. 
\v 14 Ie amy andro faharoey le nañariari’ i rovay indraike iereo vaho nimpoly an-tobe ao; nanoe’ iereo andro eneñe izay. 
\v 15 Ie amy andro faha­fitoy le nitroatse te manjirik’ andro naho narierie’ iareo i rovay vaho nitoloña’ iareo im-pito; amy àndroy avao ty nañariaria’ iareo i rovay im-pito. 
\v 16 Aa ie amy faha-fitoy naho nampipopò i tsifa rey o mpisoroñeo le nanao ty hoe am’ ondatio t’Iehosoa: Mipoñafa, fa natolo’ \nd Iehovà\nd* ama’ areo i rovay.
\p
\v 17 Hatokañe amy \nd Iehovà\nd* i rovay, ie naho ze kolotoin-draha ama’e ao; i Rakabe karapilo avao ty ho veloñe naho ze mitraok’ ama’e añ’anjomba’e ao amy te naeta’e o ìrake nampihitrifen-tikañeo. 
\v 18 Ie amy zao ifoneño o raha navìkeo tsy mone mamà-batañe, fa naho rambese’ areo ho fanañañe o raha navikeo, le hafà’ areo ho am-poheke ka ty tobe’ Israele. 
\v 19 Kila miavake am’ \nd Iehovà\nd* i volafotiy, i volamenay vaho o fanake torisìke naho viñeo; ie hazilik’ an-driha’ \nd Iehovà\nd* ao.
\p
\v 20 Aa le nampipoñake ty koike ondatio, nitiofeñe o tsifao. Naho nahajanjiñe ty feo’ o tsifao ondatio, le pinaza’ ondatio ty koke, naho nikoromake ho pisake i kijoliy vaho nitoañe mb’ an-drova ao ondatio, sindre gaon-dahy niaolo mb’eo nitavañe i rovay. 
\v 21 Ie fonga nandrotsake an-dela-pibara ze tan-drova ao, ndra lahilahy ndra rakemba, o tora’eo naho o beio, o añombeo naho o añondrio vaho o borìkeo. 
\v 22 Le hoe t’Iehosoa am’ indaty roe nipiapia amy taney rey: Akia mb’ añ’ anjomba’ i kara­piloy vaho akaro i rakembay naho ze hene aze ty amy nifantà’ areo. 
\v 23 Aa le nimoak’ ao i ajalahy nitampoñe rey naho nakare’ iereo t’i Ra­kabe naho ty rae’e naho i rene’e naho o rahalahi’eo naho ze vara’e iaby; nakare’ iareo ze hene longo’e vaho nampitobèñe alafe’ i tobe’ Israeley. 
\v 24 Finorototo’ iereo afo i rovay naho ze he’e ama’e ao; naho tsy ty volafoty, ty volamena naho o fanake torisìke naho viñeo avao ze napò’ iareo am-panontoñam-baran-kiboho’ ­\nd Iehovà\nd* ao. 
\v 25 Le rinomba’ Iehosoa veloñe t’i Rakabe karapilo naho o añ’an­jomban-drae’eo vaho o aze iabio; ie mimoneñe añivo’ Israele ao ampara’ te henane; ami’te naeta’e i nampihitrife’ Iehosoa hanampoñe Ieriko rey. 
\v 26 Aa le nampifantà’ Iehosoa ondatio henane zay ami’ty hoe: Voa-fàtse añatrefa’ \nd Iehovà\nd* t’indaty miongake hañamboatse ty rova Ieriko toy; ami’ty fihomahan-tañoloñoloña’e ty hampi­poha’e o manan­ta’eo vaho ami’ty fivetraha’ i tsitso’ey ty hampijadoña’e o lalam-bei’eo. 
\v 27 Aa le nitahie’ \nd Iehovà\nd* t’Iehosoa; vaho nanitsike i taney ty enge’e.
\c 7
\p
\v 1 Fe nandilatse amo raha navikeo o ana’ Israeleo; amy te nandrambe raha navike t’i Akane, ana’i Karmý, ana’ i Zabdý, ana’i Zerake, fifokoa’ Iehodà; vaho nisolebatse amo ana’ Israeleo ty haviñera’ \nd Iehovà\nd*. 
\v 2 Nañirake ondaty boake Ieriko mb’amy Ày marine i Bete-avene, atiñana’ i Betele\f + \fr 7:2 \fr*\ft Betele: Anjomban’Añahare\ft*\f* mb’eo t’Iehosoa, le hoe ty nanoe’e: Akia, tampono i taney. Aa le nionjoñe mb’eo ondatio nanampoñe i Ày. 
\v 3 Ie nibalike mb’amy Iehosoa mb’eo le nitalily ty hoe: Ko ampionjoneñe mb’eo iaby ondatio; fe añiraho ondaty telo arivo ndra ro’ arivo hionjoñe mb’eo handafa i Ày; ko votsora’o hifanehake mb’eo i maro iabiy, amy t’ie tsy ampeampe. 
\v 4 Va’e lahilahy telo-arivo amy màroy ty nionjomb’eo; f’ie nitriban-day añatrefa’ ondati’ i Àio, 
\v 5 naho nañohofa’ ondati’ i Àio loza t’indaty telopolo eneñ’ amby; le hinorida’e boak’amy lalam-beiy pake Sebarime añe, naho linafa’ iareo amy fizotso­añey mb’ eo vaho nalorè aman’ arofo ondatio, nitranake hoe rano. 
\v 6 Rinia’ Iehosoa i saro’ey naho nibabok’ an-tane an-dahara’e añatrefa’ i vatam-pañina’ ­\nd Iehovà\nd*y ampara’ te haleñe, ie naho o androanavi’ ­Israeleo songa nampibobò deboke añam­bone’e. 
\v 7 Le hoe t’Ieho­soa: Hoke! ry Rañandria \nd Iehovà\nd*, aa vaho akore ty nampi­tsaha’o Iardeney ondaty retoañe hanesea’o am-pità’ o nte-Amoreo, hampihomaha’o anay? Hamake t’ie nilesa naho nitobok’ alafe’ Iardeney añe! 
\v 8 O Rañandria, ino ty ho asako, kanao niambohoa’ Israele o rafelahi’eo! 
\v 9 Ie maha­janjiñe izay o nte-Kanàneo naho o hene mpimoneñe an-tane atoio, le hiarise­ho anay, vaho hapitso’ iareo an-tane atoy ty tahina’ay, le hatao’o akore i Tahina’o jabahinakey? 
\v 10 Le hoe t’\nd Iehovà\nd* am’ Iehosoa: Miongaha, ino ty iba­boha’o an-dahara’o? 
\v 11 Toe nanao hakeo t’Israele; nilila­re’ iareo i fañinako nandiliako am’iareoy; nangalake amo raha navikeo; naho nampikametse naho nañetake vaho napoke amo harao’eo. 
\v 12 Aa le tsy nahafitroatse añatrefan-dra­felahi’e o ana’ Israeleo; niambohoa’ iareo o rafe­lahi’eo amy t’ie ninjare fokom-patse; tsy hindre ama’ areo iraho naho tsy mongore’ areo hey o nozoñeñe ama’ areoo. 
\v 13 Miongaha, ampiavaho ondatio, ano ty hoe: Miefera ho ami’ty maray; fa hoe ty tsara’ \nd Iehovà\nd* Andrianañahare’ Israele: Aman’ onjitse ty añivo’o ao, ry Israele; tsy mahafijohañe añatrefa’ o rafelahi’oo irehe ampara’ te akareñe ama’ areo hey i natokañey. 
\v 14 Aa ie marain­dray, miheova mb’eo am-pifokoañe; vaho ze fifokoa rambese’ \nd Iehovà\nd* ro hañarine an-kasavereña’e; le ty hasavereñañe edrè’ \nd Iehovà\nd* ro hañarine mb’eo ki-anjom­ba’e; le ty anjomba edrè’ \nd Iehovà\nd* ro hitotoke ki’ ondaty. 
\v 15 Ie amy zay, ho forototoeñe añ’afo ao ty nandrambe o raha navikeo rekets’ o fanaña’e iabio; amy te nililare’e ty fañina’ \nd Iehovà\nd*, vaho nanao ha­tsivokarañe e Israele ao. 
\v 16 Aa le nañaleñàleñe amy maraiñey t’Iehosoa vaho nampitotohe’e t’Israele am-pifo­koa’e le nivoa ty fifokoa’ Iehoda. 
\v 17 Nam­pi­totohe’e ty fifokoa’ Iehoda, le voa ty hasavereña’ i Zerake; nampi­totohe’e ty hasavereña’ i Zerake, lahilahy an-dahilahy le voa ty Zabdý. 
\v 18 Nampi­totohe’e ki’ ondaty ki’ondaty i an­jomba’ey le voa t’i Akane, ana’ i Karmi, ana’ i Zabdy, ana’ i Ze­rake, fifokoa’ Iehoda. 
\v 19 Aa le hoe t’Iehosoa amy Akane, O anako, ehe toloro engeñe t’\nd Iehovà\nd* Andrianañahare’ Israele, vaho andriaño; atalilio ahy henaneo i nanoe’oy; le ko aetake. 
\v 20 Le hoe ty natoi’ i Akane am’ Iehosoa: Toe nandilatse am’ \nd Iehovà\nd* Andrianañahare’ Israele iraho vaho zao naho zao ty nanoeko. 
\v 21 Naho nitreako amo fikopahañeo ty sarimbo soa boake Sinare naho ty volafoty sekele roanjato, naho ty tseram-bolamena milan­ja sekele limampolo, le nihañeko, naho rinambeko; vaho ingo, mikafitse an-tane añivon-kibohoko ao, ambane ao i volafotiy. 
\v 22 Aa le nampañitrike irake t’Ie­hosoa, naho nilay mb’ amy kibohotsey iereo, le ingo t’ie nikafitse an-kiboho’e ao, vaho ambane’e ao i volafotiy. 
\v 23 Rinambe’ iereo boak’ an-kibohotse ao izay le nendese’e mb’ amy Iehosoa, naho mb’amo hene ana’ Israeleo mb’eo vaho napo’ iereo añatrefa’ \nd Iehovà\nd*. 
\v 24 Rinambe’ Iehosoa naho Israele iaby t’i Akane ana’ i Ze­rake naho i volafotiy, i sarimboy naho i tseram-bolamenay naho o ana-dahi’eo, o anak’ ampela’eo naho o añombe’eo naho o borìke’eo naho o añondri’eo naho i kiboho’ey naho ze ama’e iaby; le nampionjone’ iereo mb’ am-ba­vatane’ Akore mb’eo. 
\v 25 Le hoe t’Iehosoa: Ino ty nanolora’o sotry anay? \nd Iehovà\nd* ty hanolo-sotry ama’o te anito. Aa le nametsaha’ Israele vato, naho namorototo iareo an’ afo vaho nametsa-bato ama’e. 
\v 26 Nampitoabora’ iareo votrim-bato jabajaba ty ambone’ iereo, ze mbe eo henaneo, le nitolik’ amy havi­ñera’ey t’\nd Iehovà\nd*. Aa le natao Vavatane’ i Akore ty añara’ i toetsey, pake henane.
\c 8
\p
\v 1 Le hoe t’\nd Iehovà\nd* am’Iehosoa: Ko hemban-drehe, ko manahelo; miavota naho endeso mindre ama’o mb’e Ày mb’eo ze hene lahin-defoñe, Inao fa natoloko am-pità’o ty mpanjaka’ i Ày naho on­dati’eo naho i rova’ey vaho i tane’ey. 
\v 2 Hanoe’o amy Ày naho amy mpan­jaka’ey hambañe amy nanoa’o am’ Ieriko naho i mpan­jaka’eiy; fe ho tana’ areo ho tsindro’ areo o vara’eo, naho o añom­be’eo, Vandroño boak’ am-boho’e ao i rovay.
\p
\v 3 Aa le niongake t’Iehosoa rekets’ o hene’ lahin-defoñeo, hionjoñe mb’e Ày mb’eo; jinobo’ Iehosoa ty lahilahy telo-ale, fanalolahy mahavany, vaho nirahe’e mb’eo haleñe. 
\v 4 Na­fanto’e ami’ty hoe: Inao! hiampitse amboho’ i rovay nahareo hamandroñe i rovay, ko halavira’ areo i rovay, vaho fonga mihentseña. 
\v 5 Izaho reketse ze hene’ ondaty amako ro higodañe mb’ amy rovay mb’eo; ie amy zao, naho miakatse hañoridañe anay iereo manahake i teoy, le handripak’ an-day añatrefa’ iareo zahay. 
\v 6 Ie miakatse hañoridañe anay, naho fa tinari’ay hisitak’ amy rovay le hanao ty hoe: Hehe t’ie milay an-tikañe manahake tam-pifotora’ey. Izay ty hilaisa’ay aolo’ iareo mb’eo. 
\v 7 Hiongak’ am-piampirañe amy zao nahareo hitavañe i rovay; fa hatolo’ \nd Iehovà\nd* Andrianañahare’ areo am-pità’ areo. 
\v 8 Ie nivotrake amy rovay, le ampiforeheto añ’ afo i rovay; i tsinara’ \nd Iehovà\nd*y ty hanoa’ areo aze; inay, fa liniliko. 
\v 9 Aa le nampionjone’ Iehosa; le nimb’eo iereo niampitse, naho nitobe añivo’ i Betele naho i Ày ahandrefa’ i Ày ao; nialeñe am’ on­datio avao t’Iehosoa. 
\v 10 Nañampitso amy loak’ àndroy t’Iehosoa, le nitehafe’e ondatio vaho nionjoñe mb’eo, ie naho o mpiaolo’ Israeleo ty niaolo ondatio mb’e Ày añe. 
\v 11 Aa le nionjom’ beo iaby ondaty nindre ama’eo, o lahindefoñeo, naho nañarine mb’eo, le nijohañe tandrife i rovay, vaho nitobe avara’ i Ày ey; toe añivo’e naho i Ày eo ty vavatane. 
\v 12 Nandrambe lahilahy va’e lime-arivo re vaho nampiampire’e añivo’ i Betele naho i Ày ahandrefa’ i rovay. 
\v 13 Aa le nisalahàñe i maroiy: i lahialeñe avara’ i rovaiy naho o nivolio am-piampirañe ahandrefa’ i rovay ao; le nimb’ añ’ ivo’ i vavataney hialeñe t’Iehosoa. 
\v 14 Ie amy zao, naho nahaoniñe izay ty mpanjaka’ i Ay le nalisa niongake maraindray o lahilahi’ i rovaio vaho niakatse hiambotrak’ am’ Israele an-kotakotake, ie naho ondati’e iabio, mb’ amy namotoañañey, aolo’ i Arabày; fe tsy napota’e te amboho’ i rovay ty nivoñoñe aze. 
\v 15 Nanao sare gioke aolo’ iareo t’Iehosoa naho Israele iaby, le nan­dripàke mb’ an-dala’ i fatrambeiy mb’eo. 
\v 16 Aa le kinoike iaby ondati’ i Aio hifanontoñe, hañoridàñe; le nihoridà’ iareo t’Iehosoa, nisitake amy rovay. 
\v 17 Tsy nengaeñe ondaty ty e Ay ndra e Betele ao ze tsy niakatse hañotroke Israele; napo’ iareo nisokake i rovay le nañoridañe Israele. 
\v 18 Aa le hoe t’\nd Iehovà\nd* am’ Iehosoa: Atora-kitsio mb’amy Ay i lefoñe am-pità’oy; fa hatoloko am-pità’o. Aa le nahiti’ Iehosoa mb’ amy rovay i lefoñe am-pità’ey. 
\v 19 Nivora­tsake boak’ an-toe’e ao amy zao o niam­pitseo; namorehetse ty lay mb’eo ty amy nañitia’e i fità’eiy naho nimoak’ amy rovay ao, nitavañe aze, vaho namiañe afo amy rovay. 
\v 20 Aa ie nitolike naho niisake mañamboho o lahilahi’ i Aio, ingo nañatoeñe mb’ an-dikeramb’eo i rovay, le tsy nioniñe ty hipota­tsaha’ iareo ke mb’ atia he mb’ etia amy te nibalike mb’ amo nañoridañe iareoo mb’eo o nilay mb’ ampatrambeio. 
\v 21 Naho nioni’ Iehosoa naho Israele iaby te tinava’ o nanàmpokeo i rovay naho te nionjoñe mañambone ty hatoe’ i rovay, le nibalike, vaho zinama’ iareo o lahilahi’ i Aio. 
\v 22 Niakatse i rovay ka o ila’eo hifañatrek’ am’ iareo; aa le niarikoboña’ Israele, etia ty ila’e, atia ty ila’e, vaho binaibai’e iereo ampara’ t’ie po-sehanga’e leo raike tsy nahapoliotse.
\p
\v 23 Nenga’ iereo veloñe ty mpanjaka’ i Ay vaho nasese mb’ am’ Ieho­soa mb’eo. 
\v 24 Ie nihenefe’ Israele zamañe o mpimone’ i Ay an-kivoke eio naho i ampatrañe ey nañoridañe iareo rezay, toe nampitsingori­triem-pibara ampara’ t’ie nimongotse, le hene nitolike mb’e Ay mb’eo t’Israele, nanjevoñ’ aze an-dela-pibara. 
\v 25 Ty hamaro nikorovok’ amy andro zay amo lahilahy naho rakembao, le rai-ale-tsi-ro’arivo—ze hene’ondati’ i Ay. 
\v 26 Tsy nafore’ Iehosoa ty fità’e nañity i lefoñey ampara’ te nimongore’e ze fonga mpimone’ i Ay. 
\v 27 O añombeo naho i vara-fikopa’ i rovay avao ty tinava’ Israele ho fitsindro’e ty amy tsara linili’ \nd Iehovà\nd* am’Iehosoay. 
\v 28 Aa le finorototo’ Iehosoa ty Ay naho nanoe’e tamboho tsy modo, toe hoake ampara’ henane. 
\v 29 Naradorado’e an-katae ty mpanjaka’ i Ay ampara’ te hariva; ie tsofots’ andro le nandily t’Iehosoa naho nazotso’ iareo amy hataey i lolo’ey, naho navokovoko an-dalam-bei’ i rovay vaho naonjoñe ama’e ty votrim-bato jabajaba mbe eo henanekeo.
\p
\v 30 Le namboara’ Iehosoa kitrely t’\nd Iehovà\nd*, Andrianañahare’ Israele, am-bohi’ Ebale eo 
\v 31 ty amy nandilia’ i Mosè mpitoro’ \nd Iehovà\nd* o ana’ Israeleoy, manahake i sinokitse amy boke Hà’ i Mosèiy, kitrely vato tsy pinèke, tsy nañonjonañe viñe; naho nibanabanae’ iareo soroñe am’ \nd Iehovà\nd*, vaho nandenta engan-kanintsiñe. 
\v 32 Sinoki’e amo vatoo ty hambañe amy Tsara’ i Mosèy, nisokire’e añatrefa’ o ana’ Israeleo. 
\v 33 Hene nijohañe añ’ila’ i vatam-pañinay etoy naho añ’ ila’e eroy añatrefa’ o mpisoroñe nte-Levy nitarazo i vatam-pañina’ \nd Iehovà\nd*io t’Israele naho o mpiaolo’eo naho o mpifehe’eo vaho o mpizaka’eo sindre tao ty renetane naho t’indaty; ty ila’e aolo’ i vohi-Gerizimey naho ty ila’e aolo’ i vohi-Ebaley; ty amy nandilia’ i Mosè mpitoro’ \nd Iehovà\nd* am-baloha’ey, hitatàñe o ana’ Israeleo.
\p
\v 34 Modo izay le vinaki’e o enta’ i Hake iabio, o tatao naho o fatseo, ze hene sinokitse amy boke’ i Hake ao. 
\v 35 Ndra raik’ amo tsara linili’ i Mosèo tsy nado’ Iehosoa fa hene nivakie añatrefam-pivori-bei’ Israele, naho amo rakembao, naho amo keleiañeo vaho amo renetane niharo am’ iereoo.
\c 9
\p
\v 1 Ie añe, naho fa jinanji’ o mpanjaka iaby alafe’ Iardeney, am-bohibohitse naho am-bavatane ey naho añolo’ i Riake Jabajabay pak’ e Lebanone añeo; i nte-Kete naho i nte-Amore, i nte-Kanàne, i nte-Perizý, i nte-Kivý, vaho i nte-Iebosý; 
\v 2 le nikabija, nifañosoñe hialy amy Iehosoa naho am’Israele.
\p
\v 3 Fe jinanji’ o mpimone’ i Giboneo ty nanoe’ Iehosoa am’ Ieriko naho amy Ay, 
\v 4 le nikilily famañahiañe: nimb’eo iereo nisare sorotà; ninday voro-gony am-borìke naho kontran-divay toro naho rota nitakefeñe; 
\v 5 naho tsoron-kana sinosok’ am-pan­dia’e naho sikiñe voroboro’e ho saro’ iareo; mbore nimaike vaho ni­voravora ty mofo iaby fivati’ iareo. 
\v 6 Niheo mb’ amy Iehosoa an-tobe e Gilgale ao iereo, nanao ty hoe ama’e naho amo lahilahi’ Israeleo; Boake tsietoitane añe zahay; aa ehe ifañinào. 
\v 7 Le hoe ondaty ana’ Israeleo amo nte-Kiveo: Hera t’ie mpimo­neñe ama’ay atoy; aa le aia ty hifañinà’ay. 
\v 8 Le hoe ty asa’ iareo am’ Iehosoa: Mpitoro’ areo zahay. Le hoe ty nanoe’ Iehosoa: Ia v’inahareo naho boak’aia? 
\v 9 Le hoe ty asa’ iareo ama’e: Boake tsietoitane añe o mpitoro’oo t’ie nivotrak’ atoy ty tahina’ \nd Iehovà\nd* An­drianañahare’ areoy; fa jinanji’ay ty enge’e naho ze hene fitoloña’e e Mitsraime ao, 
\v 10 naho ze he’e nanoe’e amy mpanjaka roe nte-Amore alafe’ Iardeney añe rey, toe amy Sihone mpanjaka i Khesbone naho amy Oge mpanjaka’ i Basane e Astarote añe. 
\v 11 Aa le nisaontsy ama’ay o mpiaolo’aio naho o fonga mpimoneñe an-tane’aio, nanao ty hoe: Mindesa vaty amy liay, le akia mifañaoña am’ iereo vaho ano am’ iereo ty hoe: Mpitoro’ areo zahay; ie amy zao, ehe ifañinao. 
\v 12 Intoy ty mofo nendese’ay ho vaty ie mbe nimae boak’ añ’ aki­ba’ay amy andro nion­jona’ay hihitrifa’ay mb’ama’ areo mb’ etoay, hehe t’ie maike vaho demodemoke. 
\v 13 Le nivao o kontran-divay retoa t’ie fineno’ay, ingo te mikoneatse; hehe ka o siki’aio naho o hana’aio, ie fa modo iaby ty amy halavi’ i liay. 
\v 14 Nangala’ o lahilahio ty vati’ iareo, f’ie tsy nihalaly fanoroañe am-palie’ \nd Iehovà\nd*.
\p
\v 15 Aa le nifampilongo am’ iereo t’Ie­hosoa vaho nifañina t’ie hengañe ho veloñe le nifanta ama’e ka o roandria’ i valobohòkeio. 
\v 16 Ie telo andro añe te nifañina le jinanji’ iareo t’ie mpañohoke naho mpimoneñe añivo’ iareo ao avao. 
\v 17 Ie nañavelo le nivotrak’ amo rova’ iareoo amy andro faha-teloy o ana’ Israeleo. Ty rova’ iareo: i Gibone, le i Kefirà, i Birote vaho i Kiriate-iearime. 
\v 18 Tsy pinao’ o ana’ Israeleo iereo, ty amy nifantà’ o roandria’ i valobohòkeio amy \nd Iehovà\nd* Andrianañahare’ Israele. Aa le niñeoñeoñe amo roandriañeo i valobohòkey. 
\v 19 Fe hoe o roandriañeo amy valobohòkey: Fa nifanta’ay amy \nd Iehovà\nd* Andrianañahare’ Israele; aa le ko paoheñe. 
\v 20 Zao ty hanoan-tika: hadoñe ho veloñe; tsy mone ho aman-tika ty haviñerañe, ty amy fanta nifantà’ay am’ iereoy. 
\v 21 Le hoe o roandriañeo ty am’ iereo: Angao ho veloñe; le nanoeñe mpamatsi-katae naho mpitari-drano ho a i valobohòkey, ty amy nitaroña’ o roandriañeo.
\p
\v 22 Kinoi’ Iehosoa, vaho nisaon­tsie’e ty hoe: Akore ty namañahia’ areo anay ami’ty hoe: Boa-davitse anahareo zahay, ie mpimo­neñe añivo’ay atoy avao? 
\v 23 Aa le fokom-patse nahareo; nainai’e tsy ho modo t’ie ho mpitoroñe, mpamatsike hatae vaho mpitari-drano ho añ’ anjomban’ Añahareko. 
\v 24 Nanoiñe Iehosoa ami’ty hoe iereo; Amy te toe natalily amo mpitoro’oo te linili’ \nd Iehovà\nd* Andrianañahare’o i mpitoro’e Mosèy te hatolo’e anahareo i tane iabiy le ho mongoreñe aolo’ areo ze fonga mpimone’ i taney, aa le nampirevendreveñe anay o fiai’aio ty ama’ areo; izay ty nanoe’ay o raha zao. 
\v 25 Ie henane zao, ingo, am-pità’o zahay: aa le ano ama’ay ze atao’o soa naho to am-pi­vazohoa’ areo. 
\v 26 Aa le izay ty nanoe’e am’ iereo, vaho rinomba’e am-pità’ o ana’ Israeleo, fa tsy vinono; 
\v 27 ie nanoe’ Iehosoa mpama­tsi-katae naho mpitari-drano amy andro zay ho amy valobohòkey naho ho a i kitreli’ \nd Iehovà\nd*y ampara henaneo, amy toetse ho joboñe’ey.
\c 10
\p
\v 1 Aa ie jinanji’ i Adoni-tsedeke mpanjaka’ Ierosa­laime te rinambe’ i Iehosoa ty Ay naho nandrotsak’ aze; le manahake ty nanoe’e Ieriko rekets’ i mpanjaka’ey, ty nanoe’e i Ay rekets’ i mpan­jaka’ey; naho nifampilongo amy Israele o mpimone’ i Giboneo vaho fa aivo’ iereo ao. 
\v 2 Le nangebahebake iereo kanao posetse jabajaba ty Gibone, rovam-panjaka mandikoats’ i Ay, vaho fanalolahy iaby o lahilahi’eo. 
\v 3 Aa le nahitri’ i Adoni-tsedeke mpanjaka’ Ierosalaime amy Hohame, mpanjaka’ i Kebrone naho amy Pirame, mpanjaka’ Iarmote naho am’ Iafia, mpanjaka’ i Lakise vaho amy Debire\f + \fr 10:3 \fr*\ft Debire: mpanao lañonañe; entam-bolañe\ft*\f*, mpanjaka’ i Eglone, ty hoe: 
\v 4 Mionjona mb’ amako mb’etoa; antao tika handafa i Gibone amy t’ie nifampilongo amy Iehosoa naho amo ana’ Israeleo. 
\v 5 Aa le nifañosoñe i mpanjaka lime’ o nte-Amoreo rey, ty mpanjaka’ Ierosalaime, ty mpanjaka’ i Kebrone, ty mpanjaka’ Iarmote, ty mpanjaka’ i Lakise vaho ty mpanjaka’ i Eglone rekets’ o valobohò’ iareo iabio, nitobe tandrife i Gibone ey vaho nialia’e. 
\v 6 Aa le nañitrik’ am’ Iehosoa e Gilgale añe ondati’ i Giboneo nanao ty hoe: Ko ageba’o amo mpitoro’oo o fità’oo; malisà! mionjona mb’ ama’ay mb’etoy, rombaho vaho oloro; amy te nifanontoñe haname anay ze hene mpanjaka nte-Amore mpimoneñe am-bohibohitse ao. 
\v 7 Aa le niavotse i Gilgale t’Iehosoa reketse ze hene lahindefo’e, toe o fanalo­lahi’e iabio. 
\v 8 Le hoe t’\nd Iehovà\nd* amy Iehosoa, Ko hembañe, ie fa natoloko am-pità’o; leo raik’ am’ondati’eo tsy hahafijohañe ama’o. 
\v 9 Aa le nivovo am’ iereo t’Iehosoa fa nikatsakatsake haleñe boake Gilgale añe, 
\v 10 vaho navalitsi­kota’ \nd Iehovà\nd* añatrefa’ Israele eo, le binaibai’e e Gibone am-pizamanam-bey; naho hinorida’e mb’ amy fitroara’ i Bete-koroney mb’ eo, vaho finofo’e pak’ Azekà naho Makedà añe. 
\v 11 Aa ie nandripàke ty lay am’ Israele, amy fizotsoa’ i Bete-koroney le nahirirì’ \nd Iehovà\nd* ama’ iereo ty vato gada­boñe boak’ an-dikerañey pak’ Azekà, vaho nikoromake; maro ty nampivetrahe’ i havandra gada­boñey te amo vinono’ o ana’ Israeleo am-pibarao. 
\v 12 Le hoe t’Iehosoa am’ \nd Iehovà\nd* amy andro nanolora’ \nd Iehovà\nd* o nte-Amo­reo añatrefa’ o ana’ Israeleoy; hoe re ampahaisaha’ Israele, Ry andro, mijihera amy Gibone ey, naho ry volañe, am-bavatane’ i Aialone ey. 
\v 13 Aa le nijihetse i àndroy vaho ni­tsan­gañe i volañey, ampara’ te niheneke ty fañondroha’ iareo amo rafelahi’ iareoo. Tsy fa sinokitse amy boke Iasarey hao? Nijohañe an-teñateñan-dikerañe ey i àndroy, va’e andro raike t’ie tsy nalisa niroñe. 
\v 14 Mboe lia’e tsy teo ty andro taolo ndra nanonjohy ty nanahake aze, te nihaoñe’ \nd Iehovà\nd* ty feo’ ondaty raike; amy te nialy ho a Israele t’\nd Iehovà\nd*.
\p
\v 15 Nimpoly amy zao t’Iehosoa, naho Israele iaby nindre ama’e mb’an-tobe e Gilgale añe. 
\v 16 Fe nipoliotse i mpanjaka lime rey nietak’ an-dakato’ i Makedà\f + \fr 10:16 \fr*\ft Makedà: mitalaho; mirehetse; mionjo; mengoke; fiandrazan’ añondry\ft*\f* ao. 
\v 17 Aa le nitaro­ñeñe am’ Iehosoa ty hoe: Nioniñe mietak’ an-dakato’ i Makedà ao i mpan­jaka lime rey. 
\v 18 Le hoe t’Iehosoa: Amariño vato jabajaba am-bava’ i lakatoy le ajadoño eo t’indaty hañambeñe iareo 
\v 19 le ko tambatse eo, fa horidaño o rafelahi’ areoo vaho lafao o amboli’eoo; ko engañe hizilik’ amo rova’eo; amy t’ie natolo’ \nd Iehovà\nd* Andrianañahare’ areo am-pità’ areo. 
\v 20 Naho nihenefe’ Iehosoa naho o ana’ Israeleo ty fanjamanañe iareo am-pañohofan-doza ra’elahy, ampara’ t’ie fonga nimongotse vaho fa nimoak’ amo rova fatratseo o sehanga’eo, 
\v 21 le nimpoly mb’an-tobe mb’eo am-panintsiñañe ondaty iabio mb’ amy Iehosoa e Makedà mb’eo; tsy teo ka ty naniom-pameleke hitreatre ndra iaia amo ana’ Israeleo. 
\v 22 Le hoe t’Iehosoa, Sokafo ty vava’ i lakatoy vaho aseseo amako boak’ an-dakato ao i mpanjaka lime rey. 
\v 23 Aa le nanoe’ iereo; nakare’ iareo boak’ an-dakato ao i mpanjaka lime rey: ty mpanjaka’ Ierosalaime, ty mpanjaka’ i Kebrone, ty mpanjaka’ Iarmote, ty mpanjaka’ i Lakise, ty mpanjaka’ i Eglone. 
\v 24 Le nakare’ iareo mb’ am’ Iehosoa i mpanjaka rey, naho kinanji’ Iehosoa o lahindefo’ Israele iabio, le nanao ty hoe amo mpifelen-dahin-defo mpindre ama’eo: Mañarinea; apetaho am-pititia’ o mpanjakao o fandia’ areoo. Nañarine amy zao iereo vaho nanoe’ iereo am-pititia’ i mpanjaka rey o fandia’ iereoo. 
\v 25 Le hoe t’Iehosoa am’ iereo: Ko hembañe, ko mihakahaka, mihaozara naho mahavania; fa zao ty hanoa’ \nd Iehovà\nd* ze rafelahy iaby hialia’ areo. 
\v 26 Linafa’ Iehosoa amy zao iereo, vinono’e vaho nampandradoradoe’e an-katae lime; niradorado amy hatae rey am-para’ te haleñe. 
\v 27 Ie nitsofots’ andro, le nandily t’Iehosoa, naho nazotso amo hataeo, naho navokovoko amy lakato nietaha’ iareoy, vaho nampipohañe vato jabajaba maro am-bava’ i lakatoy—pak’ami’ty andro toy. 
\v 28 Ie amy àndroy, rinambe’ Iehosoa ka t’i Makedà naho linafa’e an-dela-pibara naho nimongore’e i mpanjaka’ey, naho ze fonga ondaty ao; leo raike tsy nisisa; vaho nanoe’e amy mpanjaka’ i Makedày hambañe amy nanoa’e i mpanjaka’ Ierikoy. 
\v 29 Nienga’ i Makedà t’Iehosoa rekets’ Israele iaby naho nimb’e Libnà mb’eo vaho nialy amy Libnà; 
\v 30 natolo’ \nd Iehovà\nd* am-pità’ Israele ka izay naho i mpanjaka’ey le linafa’e an-dela-pibara naho ze fonga ondaty ao; tsy nampipoke sengaha’e, le nanoe’e amy mpanjaka’ey hambañe amy nanoe’e amy mpanjaka’ Ierikoy. 
\v 31 Nienga i Libnà t’Iehosoa naho Israele iaby, nomb’e Lakise mb’eo naho nitobe marine aze vaho nialia’e; 
\v 32 le natolo’ \nd Iehovà\nd* am-pità’ Israele t’i Lakise; rinambe’e amy andro faha roey vaho linafa’e an-dela-pibara naho ze fonga ondaty ao, hambañe amy nanoe’e i Libnày. 
\v 33 Aa le nionjoñe mb’e Lakise mb’eo t’i Korame mpanjaka’ i Gezere hañolots’ aze, le linafa’ Iehosoa ka naho ondati’eo am-para te tsy aman-tsehanga’e. 
\v 34 Nienga i Lakise t’Iehosoa rekets’ Israele iaby le nimb’e Eglone mb’eo naho nitobe eo vaho nialia’e. 
\v 35 Rinambe’ iereo amy àndroy avao, vaho linafa’e an-dela-pibara; ie naho o fonga ondati’eo ro zina­ma’e amy àndroy, hambañe amy nanoe’e i Lakisey. 
\v 36 Nienga i Eglone t’Iehosoa naho nindre ama’e t’Israele iaby, nimb’e Kebrone mb’ eo le nialia’e. 
\v 37 Rinambe izay naho linafa’e an-dela-pibara rekets’ i mpanjaka’ey naho ze hene rova’e naho ondati’e iabio; leo sehanga’e tsy napo’e, hambañe amy nanoe’e i Egloney, ie vata’e narotsa’e reketse ze fonga ondaty ama’e ao. 
\v 38 Nibalike mb’e Debire mb’eo t’Iehosoa naho nindre ama’e t’Israele iaby vaho nialia’e; 
\v 39 ri­nambe’e rekets’ i mpanjaka’ey naho o ro­va’eo le linafa’ iareo an-dela-pibara naho namongotse ze fonga ondaty ao; leo sehanga’e tsy napo’e; manahake ty nanoe’e Amy Kebrone ty nanoa’e Amy Debire naho i mpan­jaka’ey, hambañe amy nanoe’e amy Libnày naho i mpan­jaka’eiy. 
\v 40 Aa le hene finofo’ Iehosoa o am-bohibohitseo naho i Atimoy naho i vavatanen-drano manganahanay naho o mpanjaka’e iabio; tsy napo’e sehanga’e fa fonga nimongore’e ze raha nikofòke, ty amy linili’ ­\nd Iehovà\nd* Andrianañahare’ Israeley. 
\v 41 Fonga linafa’ Iehosoa boake Kadese-barnea pak’ Aza naho an-tane Go­sene iaby pake Gibone. 
\v 42 Rinambe’ Ieho­soa indrai-mipaoke i mpanjaka rey naho o tane’eo amy te nialy ho a Israele t’\nd Iehovà\nd* Andrianañahare’ Israele. 
\v 43 Aa le nimpoly mb’an-tobe’ i Gilgale mb’eo t’Iehosoa naho Israele iaby.
\c 11
\p
\v 1 Naho nahajanjiñe izay t’Iabene mpan­jaka’ i Katsore le nampi­sangitrife’e t’ Iobabe, mpanjaka’i Madone, naho i mpanjaka’ i Simroney, naho i mpanjaka’ i Aksafey, 
\v 2 naho o mpanjaka avara’ o vohibohitseo naho o e Ara­bà atimo’ i Kinerote naho an-tane Dore ahandrefañ’ añeo 
\v 3 naho o nte-Kanàne atiñanañe naho ahandrefañ’ añeo naho i nte-Amorey naho i nte-Ketey naho i nte-Periziy, naho i nte-Iebosý ambohibohitsey naho i nte-Kive am-poto’ i Kermone an-tane’ i Mitspày. 
\v 4 Nionjomb’eo iereo rekets’ o hamaro’eo, ondaty mitozantozañe! valobohòke mira ami’ty faseñe añ’ olo-driake ey miharo soavala naho sarete tsifotofoto. 
\v 5 Nifamantañe i mpanjaka rey le nitrao-pitobe an-drano Merome, hialy am’ Israele. 
\v 6 Le hoe ty tsara’ \nd Iehovà\nd* am’ Iehosoa: Ko ihembañañe; ie hamaray, amo ora zao, te hatoloko zamañe añatrefa’ Israele iereo; hatao fira-sintake o tombon-tsoavala’eo le ho forototoe’ areo an’ afo o sarete’eo. 
\v 7 Aa le nomb’eo t’Iehosoa rekets’ o lahin-defo’e iabio haname iareo le nivovoa’e marine’ o rano’ i Merome eio vaho niambotraha’e. 
\v 8 Le natolo’ \nd Iehovà\nd* am-pità’ Israele, zinevo’ iareo, nihoridàñeñe mb’e Tsidone Ra’elahy mb’eo naho pake Misrepote-maime naho pak’ am-bavatane’ i Mizpè maniñanañe; zinama’ iareo am-para’ t’ie tsy nenga’e honka’e.
\p
\v 9 Aa le nihenefe’ Iehosoa am’ iereo ze natoro’ \nd Iehovà\nd*; finirasinta’e ty tombo’ o soavala’eo naho finorototo’e an’ afo o sareteo. 
\v 10 Nibalik’ amy zao t’Iehosoa le rinambe’e ty Hazore vaho vinono’e am-pibara’ i mpanjakay: amy te ni-lohà’ i fifeheañe rey ty Hazore te taolo. 
\v 11 Fonga zinama’e am-pibara ze fonga ondaty ao, vata’e nimongore’e; leo raike tsy nengañe hikofòke; le nihotomomohen’ afo ty Hazore. 
\v 12 Fonga tinava’ Iehosoa ze rova’ i mpanjaka rey naho o mpanjaka’e iabio; linafa’e an-dela-pibara vaho nimongore’e; amy nandilia’ i Mosè mpitoro’ \nd Iehovà\nd*y. 
\v 13 Fe ty amo rova nitobok’ an-kaboañe eio le tsy ama’e ty noroa’ Israele naho tsy i Hazore sinodo’ Iehosoay. 
\v 14 Nendese’ o ana’ Israeleo ze hene vara’ i rova rey naho o añ­om­be’eo ho tsindro’e; fe hene linafa’ iareo an-dela-pibara ondatio, ampara’ t’ie nimongotse, tsy napo’ iareo ndra raike ty nikofòke.
\p
\v 15 Ze nandilia’ \nd Iehovà\nd* amy Mosè mpi­toro’ey, ty nafepè’ i Mosè am’ Iehosoa; le nanoe’ Iehosoa; tsy ao ty tsy nihe­nefe’e amy ze hene nandilia’ \nd Iehovà\nd* i Mosé. 
\v 16 Aa le fonga rinambe’ Iehosoa i taney naho i ambohibohitse eiy naho i atimoy naho o hene tane’ i Gose­neo naho i vavataney naho i Arabày naho o haboa’ Israeleo vaho o vava­tane’eo; 
\v 17 boak’ amy haboañe peakey mañambone mb’e Seire mb’eo pake Baal-gade am-bavatane’ i Lebanone ambane’ i Kermone; le rinambe’e o mpanjaka’e iabio naho linafa’e vaho navetra’e. 
\v 18 Nitolom-pifandraparapak’ amo mpanjakao andro maro t’Iehosoa. 
\v 19 Leo raik’ amy rova rey tsy nipay hifampilongo am’ Israele, naho tsy o nte-Kive mpimone’ i Giboneo avao, kila pinao’ iareo an-kotakotake. 
\v 20 Sata’ \nd Iehovà\nd* ty nampigañe ty arofo’ iareo, hañotakotake am’ Israele, soa te ho vata’e mongoreñe, tsy mone ho tretrezeñe fa ho fongoreñe iaby ami’ ty nandilia’ \nd Iehovà\nd* i Mosè. 
\v 21 Ie henane zay, nimb’eo t’Iehosoa le naitoa’e am-bohibohits’ey o nte-Anàkeo, boake Kebrone, boake Debire, boak’ Anabe, naho boak’ am-bohibohi’ Iehodà ao iaby vaho am-bohibohi’ Israele ao iaby; nimongore’e naho o rova’eo. 
\v 22 Leo raik’ amo nte-Anakeo tsy nengañe an-tane’ o ana’ Israeleo, naho tsy o sehanga’e e Gaza naho e Gate vaho e Asdodeo avao. 
\v 23 Aa le tinava’ Iehosoa i hene taney, ty amy tsi­nara’ \nd Iehovà\nd* amy Mosèy; natolo’ Iehosoa amy Israele izay ho lova ty amo vilo’eo naho o fifokoa’eo. Vaho nitofa amy aliy i taney.
\c 12
\p
\v 1 Irezao o mpanjaka’ o tane linafa’ o ana’ Israeleo te tinava’ iareo o tane’eo alafe’ Iardeneio mb’amy fanjiriha’ i àndroy añe; boak’ am-bavatane’ i Arnone pak’am-bohi’ i Kermone, naho i Arabà maniñanañe mb’eoo: 
\v 2 I Sihone mpanjaka’ o nte-Amore nimoneñe e Khesboneo naho nifehe boak’e Aroere, añ’ olom-bavatane’ i Arnone an-teñateña’ i vavataney, naho ty vaki’ i Gilade\f + \fr 12:2 \fr*\ft Gilade: ty antontan-talily\ft*\f* pak’ an-tsaka’ Iabok’ añ’ efe’ o nte-Amoneo; 
\v 3 naho i Arabà pak’ an-dRia-Kinerote, maniñanañe, naho mb’ an-dRiak’ Arabá, i Riake Siray maniñanañe, mb’ am-Bete-Iesimote naho atimo ambane’ o hereretsa’ i Pisgào; 
\v 4 naho ty fari’ i Oge mpanjaka’ i Basane, ty sehanga’ o nte-Refà\f + \fr 12:4 \fr*\ft Refà: Gen. 6:2,4 fitraofa’ondaty & anjely\ft*\f* nimoneñe e Asta­rote naho e Edreio, 
\v 5 naho nifehe ty vohi-Kermone, naho i Salkà, naho i Basane iaby pak’ am-pari’ o nte-Gesoreo naho o nte-Maakateo, naho ty vaki’ i Gilade pak’ añ’ efe tane’ i Sihone mpanjaka’ i Khesbone. 
\v 6 Linafa’ i Mosè mpitoro’ \nd Iehovà\nd* naho o ana’ Israeleo iereo; le natolo’ i Mosè mpitoro’ \nd Iehovà\nd* amo nte-Reobeneo naho amo nte-Gadeo vaho amy vakim-pifokoa’ i Menasèy i taney ho fanañañe.
\p
\v 7 Intoy ka o mpanjaka’ ty tane linafa’ Iehosoa naho o ana’ Israeleo alafe’ Iardeney mañandrefañeo, boake Baal-Gade am-bavatane’ i Lebanone pak’ amo haboañe peakeo, i mionjomb’e Seire mb’eoy; natolo’ Iehosoa amo fifokoa’ Isra­eleo izay ho fanañañe ty amo firimboña’eo; 
\v 8 Ambohibohitsey, naho an-tane kolemake naho amy Arabà añe naho am-panongam-bohitseo naho am-patrambey añe, naho atimo añe; i nte-Khetey, i nte-Amorey, i nte-Kanàney, i nte-Kivey, vaho i nte-Iebosiý; 
\v 9 i mpanjaka’ Ierikoy, raike; ty mpanjaka’ i Ay añ’ ila’ i Betele eo, raike; 
\v 10 ty mpanjaka’ Ierosalaime, raike; ty mpanjaka’ i Kebrone, raike; 
\v 11 ty mpanjaka’ Iaremote, raike; ty mpanjaka’ i Lakise, raike; 
\v 12 ty mpanjaka’ i Eglone, raike; ty mpanjaka’ i Gezere, raike; 
\v 13 ty mpanjaka’ i Debire, raike; ty mpanjaka’ i Gedere, raike; 
\v 14 ty mpanjaka’ i Kormà, raike; ty mpanjaka’ i Arade, raike; 
\v 15 ty mpanjaka’ i Libnà, raike; ty mpanjaka’ i Ado­lame, raike; 
\v 16 ty mpanjaka’ i Makedà, raike; ty mpanjaka’ i Betele, raike; 
\v 17 ty mpanjaka’ i Tapoà raike; ty mpanjaka’ i Hefere, raike; 
\v 18 ty mpanjaka’ i Afeke, raike; ty mpanjaka’ i Lesarone, raike; 
\v 19 ty mpanjaka’ i Madone, raike; ty mpanjaka’ i Katsore, raike; 
\v 20 ty mpanjaka’ i Simeron-merone, raike; ty mpanjaka’ i Aksafe, raike; 
\v 21 ty mpanjaka’ i Tànake, raike; ty mpanjaka’ i Megido, raike; 
\v 22 ty mpanjaka’ i Kedese, raike; ty mpanjaka’ Iokneame e Karmele, raike; 
\v 23 ty mpanjaka’ i Dore am-pari’ i Dore, raike; ty mpanjaka’ i Goìme e Gilgale, raike; 
\v 24 ty mpanjaka’ i Tirzà, raike. I mpanjaka rey: telo-polo-raik’amby.
\c 13
\p
\v 1 Naho fa nigain-kantetse t’Iehosoa ie fa nanjo taoñe maro; le hoe ty nitsarae’ \nd Iehovà\nd* ama’e: Fa bey irehe, naho maro taoñe, vaho mbe bey o tane mbe ho tavaneñeo. 
\v 2 Inao ty tane mbe sisa: ze hene efe-tane’ o nte Pilistio naho o nte-Gesore iabio; 
\v 3 boak’e Sihore aolo’ i Mitsraime pak’añ’efe-tane Ekrone mañavaratse, i volilieñe amo nte-Kanàneo; i mpifeleke lime’ o nte-Pilistio: i nte Gazay, i nte-Asdodey naho i nte-Askeloney, i nte-Gitiy, vaho i nte-Ekroney; tovo’e i nte-Avý 
\v 4 atimoy; ty hene tane’ o nte-Kanàneo, naho i Mearà a’ o nte-Tsidoneo, pak’ Afeke, pak’ añ’ efe-tane’ o nte-Amoreo; 
\v 5 naho ty tane’ o nte-Gebaleo, naho i Lebanone iaby mb’amy fanjirihan’ àndroy mb’eo, boake Baal-gade ambane’ i Vohi-Kermoney pak’ am-pimoahañe mb’e Kamate; 
\v 6 ze hene mpimoneñe ambohibohitse boake Lebanone pake Misrefote-maime, o nte Tsidone iabio; ho roaheko aolo’ o ana’ Israeleo; f’ie zarao amy Israele hey, ho lova, amy nandiliako azoy.
\p
\v 7 Ie amy zao, zarao ho lova amy fifokoa sive rey naho amy vakim-pifokoa’ i Menasèy i tane zay. 
\v 8 Miharo amy vaki’e ila’ey ka ty nandrambesa’ o nte-Reobeneo naho o nte-Gadeo ty lova’ iareo, i natolo’ i Mosè iareo alafe’ Iardeney maniñanam-b’eoy, i natolo’ i Mosè mpitoro’ \nd Iehovà\nd* am’ iareoy; 
\v 9 boak’ Aroere, añ’olo’ i vavatane Arnoney naho i rova añivo’ i vava­taneiy naho i haboañe pisake boake Medebày pake Dibone añe; 
\v 10 ze hene rova’ i Sihone mpanjaka’ o nte-Amore nifehe e Khesboneoy, pak’ añ’ efe-tane’ o ana’Amoneo; 
\v 11 naho i Gilade naho ty ampari’ o nte-Gergosio miharo amo nte-Maakatio naho ty vohi-Kermone iaby, naho i Basane iaby pake Salkà; 
\v 12 ze fonga’ fifehea’ i Oge e Basane ao, ie nifeleke e Astarote naho Edrey—i sehanga’ o nte-Refàoy—o linafa’i Mosè vaho rinoa’eo. 
\v 13 Fe tsy rinoa’ o ana’ Israeleo o nte-Gesoreo naho o nte-Màkatio; toe mitrao-pimoneñe am’ Israele pake henaneo t’i Gesore naho i Màkaty. 
\v 14 I fifokoa’ i Leviy avao ty tsy nitolora’e lova; fa lova’e o engaeñe añ’ afo am’ \nd Iehovà\nd* Andrianañahare’ Israele, ty amy nitsara’ey. 
\v 15 Nanolotse amy fifokoa’ o ana’ i Reobeneoy ty amo hasavereña’eo t’i Mosè. 
\v 16 Nifototse e Aroere ty efe-tane’ iareo, añ’ olo’ i vavatane’ i Armoney, naho i rova añivo’ i vavataneiy, naho ze hene haboam-petrak’ añ’ ila’ i Medebà añe; 
\v 17 i Khesbone naho ze hene rova’e an-kaboa-petrakeo; i Dibone naho i Bamote-Baale, naho i Bet-baal-meone; 
\v 18 naho Iahatse, naho i Kedemote naho i Mepaate; 
\v 19 naho i Kiriataime naho i Sibmà, naho i Zeretsahare an-kaboa’ i vavataney; 
\v 20 naho i Bete-peore, naho o firoroña’ i Pisgào naho i Bete-iesimote; 
\v 21 naho o hene rova’ i haboam-petrakeio naho o fonga fifehea’ i Sihone mpanjaka’ o nte-Amoreo nifehe e Khesboneo, ie linafa’ i Mosè, naho o mpiaolo’ i Midianeo, i Evý, naho i Rekeme, naho i Zore, naho i Hore, naho i Reba, o roandria’ i Sihone nimoneñe amy taneio. 
\v 22 Vinono o ana’ Israeleo am-pibara añivo’ o ila’e zinamañe am’ iareoo ka t’i Balame mpisi­kily ana’ i Beore. 
\v 23 Aa naho i efe-tane’ o ana’ i Reobeneoy, le Iardeney ty efe’e. Izay ty lova o ana’ i Reobeneo ty amo hasavereña’eo, o rova naho tanà’eo. 
\v 24 Le nitolora’ i Mosè ka ty fifokoa’ i Gade, amo ana’ i Gadeo, ty amo hasavereña’eo. 
\v 25 Ty tane’ iareo, le Iazere, naho ze hene rova’ i Gilade naho ty vaki’ i tanen-te-Amone pak’ Aroere aolo’ i Rabà; 
\v 26 naho boake Khesbone pake Ramate-hamitsepè naho i Betonime; vaho boake Makanaime pak’ an-tane Debire; 
\v 27 naho am-bavatane ao: i Betarame naho i Betenimrà naho i Sokote, naho i Tsafone, ty sisa’ i tane’ i Sihone, mpanjaka’ i Khesbone, vaho Iardeney ro efe’e pak’ añ’ olon-driake e Kinerete alafe’ Iardeney maniñanañe. 
\v 28 Izay ty lova’ o ana’ i Gadeo ty amo hasavereña’eo, i rova rey naho o tanà’eo.
\p
\v 29 Nanolotse amy vakim-pifokoa’ i Menasèy ka t’i Mosè, ho amy vakim-pifokoa’ o ana’ i Menasèoy ty amo hasavereña’eo. 
\v 30 Zao ty tane’ iareo: Boak’e Mahanaime le i Basane iaby, o hene fifehea’ i Oge mpanjaka’ i Basaneo, naho ze fonga tana’ Iaire, rova enem-polo; 
\v 31 naho ty vaki’ i Gilade, naho i Astarote, naho i Edrey; o rovam-pifehea’ i Oge e Basaneo le ho a o ana’ i Makire\f + \fr 13:31 \fr*\ft Makire: ana’ i Menasè: mamarotse:\ft*\f* ana’ i Menasèo; ty vaki’ o ana’ i Makireo ty amo hasavereña’eo.
\p
\v 32 Izay o lova zinara’ i Mosè a monto’ i Moabeo\f + \fr 13:32 \fr*\ft Moabe: an-drae’e\ft*\f*, alafe’ Iardene e Ieriko, maniñanañe. 
\v 33 Fe tsy tinolo’ i Mosè lova ty fifokoa’ i Levy; fa \nd Iehovà\nd* Andria­nañahare’ Israele ro lova’e, ty amy tsinara’e am’ iereo.
\c 14
\p
\v 1 Irezao o linova’ o ana’ Israeleo an-tane Kanàneo, o zinara’ i Ele­azare mpisoroñe naho Iehosoa ana’ i None naho o talèn’ anjomban-droaem-pifokoan’ ana’ Israeleo am’ iereo ho fanañañe; 
\v 2 an-tsapake ty nahazoañe o lovao, ty amy linili’ \nd Iehovà\nd* am-pità’ i Mosèy ho a i fifokoañe sive rey naho i vaki’eiy— 
\v 3 amy te natolo’ i Mosè ty lova’ i fifokoa roe naho vaki’e rey alafe’ Iardeney añe; fe tsy nanolora’e anjara am’ iareo ao o nte-Levio. 
\v 4 Roe ‘nio ty fifokoa’ i ana’ Iosefe rey, i Menasè naho i Efraime; vaho tsy nimea’ iareo anjara o nte-Levio naho tsy o rova fimo­neña’ iareoo naho ty tane fiandrazañe mañohoke iareo ho amo hare’eo naho ho famahanañe iareo; 
\v 5 ze nandilia’ \nd Iehovà\nd* i Mosèy, le nanoe’ o ana’ Israeleo, amy fanjarañe i taneiy.
\p
\v 6 Nifanontoñe am’ Iehosoa amy zao o ana’ Iehoda e Gilgaleo; le hoe t’i Kalebe ana’ Iefonè nte-Kenize ama’e: Fohi’o i entañe tsi­nara’ \nd Iehovà\nd* amy Mosè ondatin’ Añahare ty amako naho ama’o e Kadese-barnea añey. 
\v 7 Ni-efa-polo taon-draho te nirahe’ i Mosè mpitoro’ \nd Iehovà\nd* boake Kadese-barnea hitampoñe amy taney ao; vaho nimpoly ninday ty entan-troko. 
\v 8 Toe nampitronake ty arofo’ ondatio o rahalahy nindre lia amakoo; fe \nd Iehovà\nd* Andrianañahareko avao ty noriheko. 
\v 9 Nifanta amy andro zay t’i Mosè, ami’ty hoe: Toe ho lovae’o naho o ana’oo nainai’e o tane liniam-pandia’oo, amy te norihe’o ami’ty halifora’e t’\nd Iehovà\nd* Andrianañahareko. 
\v 10 Ie amy zao, hehe te nitana’ \nd Iehovà\nd* velon-draho, amy tsara’ey, i efa-polo-lim’ amby taoñe boak’ amy andro nitsarà’ \nd Iehovà\nd* amy Mosè i entañe zaiy, ie nirererere am-patrambey añe t’Israele; aa le an-taom-balo-polo-lim’ amby iraho henaneo. 
\v 11 Fe mira amy andro nañiraha’ i Mosè ahiy ty hafatrarako androany; manahake ty haozarako henane zay ty haozarako henane zao, hahafialiako naho hiavotako vaho himoahako. 
\v 12 Aa ie henaneo, atoloro ahy ty vohitse toy, i tsinara’ \nd Iehovà\nd* amy andro zaiy, ie jinanji’o amy andro zay te ao o nte-Anàkeo, aman-drova jabajaba naho fatratse; hera hañimb’ ahy t’\nd Iehovà\nd* vaho ho roaheko, ty amy tsara’ \nd Iehovà\nd*y. 
\v 13 Aa le tinata’ Iehosoa; vaho natolo’e amy Kalebe ana’ Iefonè ty Kebrone ho lova. 
\v 14 Aa le ninjare lova’ i Kalebe ana’ Iefonè nte-Kenize t’i Kebrone, ampara o andro zao; amy te norihe’e an-kaliforan-troke t’\nd Iehovà\nd* Andrianañahare’ Israele. 
\v 15 Kiriate-arbà ty añara’ i Kebrone taolo, fa nifanalolahy amo nte-Anàke iabio t’i Arbà. Nitofa amy aliy i taney henane zay.
\c 15
\p
\v 1 Ty anjara’ i fifokoan’ ana’ Iehoda ty amo hasavereña’eo an-tsapake le pak’ an-tane’ i Edome naho ty fatrambei’ i Tsine mb’ amy Negeve\f + \fr 15:1 \fr*\ft Negeve: Atimo\ft*\f* mb’eo ho efe’e atimo. 
\v 2 Ty efe-tane’ iareo atimo, le boak’ añ’ olo’ i Riake Siray hirik’ amy fitolian-dakañe mitolike mañatimoy; 
\v 3 le mb’e Negeve mb’eo pak’amy fitroara’ i Akrabime sikal’ amy Tsine naho mionjomb’ ami’ty ila atimo’ i Kadese-barnea an-kalo’ i Ketsrone naho mionjoñe mb’e Adare vaho mitolike mb’e Karkà mb’eo, 
\v 4 ie boak’ ao le miary mb’e Atsmone vaho miakatse mb’ amy oñe’ i Mitsraimey, le mitakatse i riak’ ahan­drefañey i efe’ey. Izay ty efe’o atimo. 
\v 5 I Riake Siray ty efe’e atiñanañe pak’ am’ Iardeney. Le ty efe’e avaratse boak’ am-pitolian-daka’ i riakey, am-binàñe’ Iardeney, 
\v 6 le mitohy mb’e Betehoglà naho miary avara’ i Bete’ arabà; ie boak’ ao mionjomb’ am-bato’ i Bohane, ana’ i Reobene mb’eo i efetsey. 
\v 7 Mibalike mb’e Debire boak’ am-bava­tane’ i Akore i efetsey le mañavaratse, mitolike mb’e Gilgale, aolo’ ty fitroara’ i Adomime, atimo i sakay; miary amo rano’ i Ensemeseo i efetsey vaho miakatse amy rano migoangoa’ i Rogeley, 
\v 8 le mionjomb’ amy vavatanen’ ana’ i Hinome añ’ ila’ i nte-Iebosiý mañatimo; izay t’Iero­salaime, naho manganike mb’ an-dengom-bohitse aolo’ i vavatane’ i Hinomey mañandrefa ami’ty figadoña’ i vavatanen-dRafày, mañavaratse; 
\v 9 miary ambone’ i vohitsey i efetsey pak’ amy rano migoangoa’ i Neftoà\f + \fr 15:9 \fr*\ft Neftoà: misokake\ft*\f* naho miakatse mb’ amo rova’ am-bohi’ i Efroneo\f + \fr 15:9 \fr*\ft Efrone: deboke\ft*\f* mb’eo; le miary Efrone i efetsey pake Baalà; ie i Kiriat-iearime\f + \fr 15:9 \fr*\ft Kiriat-iearime: rova bey ala\ft*\f*. 
\v 10 Ie amy zay miolake boake Baalà mañandrefa pak’ am-bohi-Seire naho miary mb’ añila’ avara’ i vohi’ Iearimey mb’eo—i Kesalone zay, le mizotso mb’e Bete-Semese mb’eo vaho miary mb’e Timnà mb’eo. 
\v 11 Le miary añ’ ila’ i Ekrone mañavaratse i efetsey; le miary mb’e Sikrone mb’eo ty efe’e naho mb’ amy Baalà naho miakatse mb’e Iabnile; vaho miakatse mb’ an-driak’ añe i efe’ey. 
\v 12 Ty efe’e ahandrefa, le i olon-driake jabajabay. Ie ty efe-tane’ o ana’ Iehodao mb’eo mb’eo ty amo hasavereña’eo.
\p
\v 13 Natolo’e amy Kalebe’ ana’ Iefonè ty ila’ o anjara’ o ana’ Iehodaoo, ty amy nandilia’ \nd Iehovà\nd* Iehosoay, rekets’ i Kiriate-Arbà, toe rae’ i Anàke t’i Arbà; ty rova atao Kebrone. 
\v 14 Natao i Kalebe soike i ana-dahi’ telo’ i Anàke rey: i Sesay\f + \fr 15:14 \fr*\ft Sesay: eneñe; fitretrezañe\ft*\f* naho i Ahimane\f + \fr 15:14 \fr*\ft Ahimane: rahalahim-pitàn-kavana\ft*\f* naho i Talmay\f + \fr 15:14 \fr*\ft Talimay: rano mitoabotse;\ft*\f*, i ana’ i Anàke rey. 
\v 15 Ie boak’ ao le nionjomb’ amo mpimone’ i Debireo mb’eo; natao Kiriate-sefere\f + \fr 15:15 \fr*\ft Kiriate-sefere: Rovan-taratasy\ft*\f* ty añara’ i Debire taolo. 
\v 16 Le hoe t’i Kalebe, Hatoloko amy ze manjevoñe i Kiriate-sefere vaho mahata­vañe aze t’i Aksàe\f + \fr 15:16 \fr*\ft Aksae: ravak’ an-tsokose; mihamiñe\ft*\f* anak’ ampelako ho vali’e. 
\v 17 Aa le tinava’ i Otniele\f + \fr 15:17 \fr*\ft Otniele; ty fotoam-pitsatohan’Añahare\ft*\f* ana’i Kenaze\f + \fr 15:17 \fr*\ft Kenaze: ty fikaloañe toy; ty firovetañe\ft*\f* rahalahi’ i Kalebe vaho natolo’e aze t’i Aksae anak’ ampela’e ho tañanjomba’e. 
\v 18 Ie amy zao, naho nasese ama’e i ampelay, le nosihe’e ty hihalaly tetek’ aman-drae’e; aa ie nizotso amy borìke’ey, le hoe ty asa’ i Kalebe ama’e: Ino o paia’oo? 
\v 19 Hoe re: Tatao iraho, kanao tinolo’o tane atimo ao, ehe itoloro rano manganahana. Aa le natolo’e aze i Rano Manganahana Amboney naho i Rano Manganahana Ambaney.
\p
\v 20 Zao ty lova ty fifokoa’ Iehoda ty amo hasavereña’eo. 
\v 21 O rovam-pifokoa’ o ana’ Iehodao mañatimo mb’ añ’efe-tane’ Edome\f + \fr 15:21 \fr*\ft Edome; mena, hoe lio ndra tane\ft*\f* mb’eoo le i Kab-tseel naho i Eder naho Iagore 
\v 22 naho i Kinà naho i Dimonà naho i Adadà 
\v 23 naho i Kedese naho i Katsore naho Iitnàne; 
\v 24 i Zife naho i Teleme naho i Bealote 
\v 25 naho i Katsore-kadatà naho i Keriote naho i Ketsrone ze toe Ka­tsore, 
\v 26 i Amame naho i Semà naho i Moladà, 
\v 27 naho i Katsar-gadà naho i Kesmone naho i Betepalete 
\v 28 naho i Katsar-soale naho i Beersevà naho i Beziotià, 
\v 29 i Baalà naho Iime naho i Etseme 
\v 30 naho i Eltolade naho i Kesile naho i Kormà 
\v 31 naho i Tsiklage naho i Madmanà naho i Sansanà 
\v 32 naho i Lebaote naho i Silehime naho i Aine vaho i Rimone; rova roapolo-sive’ amby rekets’ o tanà’eo. 
\v 33 Aa naho an-tane pisake, i Estaole naho i Tsoreà naho i Asnà, 
\v 34 naho i Tsanoà naho i Enganime, i Tapoà naho i Ename, 
\v 35 Iarmote naho i Adolame, i Sokò naho i Azekà, 
\v 36 naho i Saraime naho i Aitaime naho i Gederà vaho i Gederotaime: rova folo-efats’ amby rekets’ o tanà’eo. 
\v 37 I Tsenane naho i Kadasà naho i Migdal-gade 
\v 38 naho i Dileane naho i Mitspe naho Ioktile, 
\v 39 i Lakise naho i Bots-kate naho i Eglone 
\v 40 naho i Kabone naho i Lamame naho i Kitlise 
\v 41 naho i Gede­rote, i Bete-dagone, naho i Naamà vaho i Màkedà; rova folo-eneñ’ amby rekets’ o tanà’eo. 
\v 42 I Libnà, naho i Etere naho i Asane 
\v 43 naho Iptà, naho i Asnà naho i Netsibe, 
\v 44 naho i Keilà naho i Akzeebe vaho i Maresà: rova sive rekets’ o ta­nà’eo. 
\v 45 I Ekrone, rekets’ o rova’eo naho o tanà’eo. 
\v 46 Le boak’ Ekrone pak’ an-driakey mañohoke i Asdode naho o tanà’e iabio. 
\v 47 I Asdode rekets’ o rova’eo naho o tanà’eo naho i Aza rekets’ o rova’eo naho o tanà’eo pak’ an-tsaka’ i Mitsraime añe, i riake jabajabay ro efe-tane’e. 
\v 48 Le amo vohitseo: i Samire, Iatire naho i Sokò, naho 
\v 49 i Danà, naho i Kiriate-sanà (i Debire izay), 
\v 50 i Anabe naho i Estemò naho i Enime, 
\v 51 naho i Gosene naho i Kolone vaho i Gilò; rova folo-raik’ amby rekets’ o tanà’eo. 
\v 52 I Arabe naho i Doma naho i Eseane, 
\v 53 naho Ianome naho i Bete-tapoà naho i Afekà, 
\v 54 naho i Kamotà naho i Kiriate-arbà (i Kebrone izay) vaho i Tsiore: rova sive naho o tanà’eo; 
\v 55 i Maone, i Karmele naho i Zife naho Iotà 
\v 56 naho Iezreele naho Iokdeame naho i Zanoàke, 
\v 57 i Kaine, i Gibà vaho i Timnà: rova folo rekets’ o tanà’eo. 
\v 58 I Kalkole, i Bete-tsore naho i Gedore 
\v 59 naho i Maarate naho i Betanote vaho i Eltekone: rova eneñe rekets’ o tanà’eo. 
\v 60 I Kiriabat-baale, toe Kiriate-Iearime naho i Rabà: rova roe rekets’ o tanà’eo; 
\v 61 aa naho am-patrambey añe: i Bete-arabà, i Midine, naho i Sekakà, 
\v 62 i Nisbane, naho i rovan-tSiray, vaho i Engedý: rova eneñe rekets’ o tanà’eo. 
\v 63 Aa naho o nte-Iebosý mpimo­neñe e Ierosalaime ao, tsy naharoake iareo o nte’ Iehodao, fa mbe tambatse e Ierosalaime ao miharo amo ana’ Iehodao pak’ androany o nte-Iebosio.
\c 16
\p
\v 1 Nitsatok’ am’ Iardene’ Ieriko le boak’amo rano’ Ierikoo maniñanañe mb’ am-patrambey miakatse boak’ Ieriko ao pak’ am-bohitse Betele mb’eo ty tsapake niazo’ Iosefe\f + \fr 16:1 \fr*\ft Iosefe: Fitomboañe; fitompeañe;\ft*\f*, 
\v 2 le boake Betele mb’e Loze\f + \fr 16:2 \fr*\ft Loze: fifampiriàñe, fiengañe; mahabibo\ft*\f* miary amy efe’ i Arký e Ata­rotey, 
\v 3 le miotake mizotso mb’ an-driake mb’ añ’efe’ Iafletý mb’eo, mb’ añ’efe’ i Bete-korone ambane, le mb’e Gezere mb’eo vaho mandoak’ an-driak’ añe. 
\v 4 Aa le nandrambe ty lova’ iareo i ana’ Iosefe rey: i Menasè naho i Efraime. 
\v 5 Zao ty efe’ o ana’ Efra­imeo ty amo hasavereña’ iareoo; ty efe’ i lova’ iareo ami’ty ila’e atiñana boak’ Ata­rote-kadare, pake Bete-korone amboney; 
\v 6 le nimb’ ahandrefam-b’eo i efetse zay; i Mikmetà ty añ’ ila’e avaratse; maniñanañe amy zao i efetsey pake Taanate-silò añe, le milikoatse aze mb’ atiñana mb’e Ianoake mb’eo: 
\v 7 le boake Ianoake re mizotso mb’e Atarote naho mb’e Naarate naho mioza am’ Ieriko vaho mandoak’ am’ Iardeney mb’eo. 
\v 8 Ie boake Tapoà eo, le miotake mañandrefa mb’an-driake mb’amy saka Kanày vaho mipotìtse amy riakey. Izay ty lovam-pifokoa’ o ana’ i Efraimeo ty amo hasavereña’eo, 
\v 9 naho o rova navaheñe ho a’ o ana’ i Efraimeo amo ana’ i Menasèo, i rova iaby rey rekets’ o tanà’eo. 
\v 10 Tsy rinoa’ iareo o nte-Kanàne nimoneñe e Gezereo, fa tambatse añivo’ o nte-Efraimeo pake henaneo o nte-Kanàneo mitoroñe aman-kàba.
\c 17
\p
\v 1 Nahazo anjara an-tsapake ka ty fifokoa’ i Menasè; toe ie ty tañoloñoloña’ Iosefe; I Makire ty tañoloñoloña’ i Menasè naho ty rae’ i Gilade, aa kanao nilahin-defoñe, ie ty nahazo i Gilade naho i Basane\f + \fr 17:1 \fr*\ft Basane: ama nife ao; fonitse aman-tsifa\ft*\f*. 
\v 2 Nahazo tane an-tsapake ka o ana’ i Menasè ila’eo ty amo hasavereña’eo; ho amo ana’ i Abi­ezereo\f + \fr 17:2 \fr*\ft Abiezere: Raen-imba\ft*\f*, naho o ana’ i Kelekeo\f + \fr 17:2 \fr*\ft Keleke: anjara\ft*\f*, naho o ana’ i Asrieleo\f + \fr 17:2 \fr*\ft Asriele: Imban’Añahare\ft*\f*, naho o ana’ i Sekemeo\f + \fr 17:2 \fr*\ft Sekeme: anjara; nimpoly maraindray\ft*\f*, naho o ana’ i Hefereo\f + \fr 17:2 \fr*\ft Hefere: mpihaly\ft*\f*, vaho o ana’ i Semidao\f + \fr 17:2 \fr*\ft Semidà: tahina’ i mahilala\ft*\f*; ie ro ana-dahi’ i Menasè, ana’ Iosefe, ty amo hasavereña’eo. 
\v 3 Fe tsy nanañ’ ana-dahy t’i Tselofekhade\f + \fr 17:3 \fr*\ft Tselof-kade: ty talinjom-pititititike\ft*\f*, ana’ i Hefere, ana’ i Gilade, ana’ i Makire, ana’ i Menasè, fa anak’ ampela avao, inao ty añara’ o anak’ ampela’eo: i Maklae\f + \fr 17:3 \fr*\ft Maklae: kepeke; marovany; soloho\ft*\f*, i Noae\f + \fr 17:3 \fr*\ft Noae: fitofàñe; fañohòñe\ft*\f*, i Koglae\f + \fr 17:3 \fr*\ft Koglae: ty fitsinjaha’e\ft*\f*, i Milkae\f + \fr 17:3 \fr*\ft Milkae: mpanjaka ampela\ft*\f* naho i Tirtsae\f + \fr 17:3 \fr*\ft Tirtsae: matarike, tso-po\ft*\f*. 
\v 4 Nimb’ añatrefa’ i Ele­atsare\f + \fr 17:4 \fr*\ft Eleatsare: toem-pizakàn’Añahare\ft*\f* mpisoroñe mb’eo iereo naho añatrefa’ Iehosoa ana’ i None, naho añatrefa’ o roandriañeo nanao ty hoe: Linili’ \nd Iehovà\nd* t’i Mosè t’ie hitoloran-dova amo rahalahi’aio. Aa le amy lili’ \nd Iehovà\nd*y, nitolora’e lova amo longon-droae’eo. 
\v 5 Anjara folo ty nitsatoke ho a i Menasè mandikoatse i tane Gilade naho i Basaney, alafe’ Iardeney añe; 
\v 6 amy te nanañ’ anjara amo ana-dahi’eo i anak’ ampela’ i Menasè rey; nahazo ty tane Gilade o ana’ i Menasè ila’eo.
\p
\v 7 Boak’ Asere\f + \fr 17:7 \fr*\ft Asere: Hafaleañe\ft*\f* pake Mikemetà\f + \fr 17:7 \fr*\ft Mikemetà: Tambem-pamaoke;\ft*\f* aolo’ i Sekeme ty efe’ i Menasè; mion­jomb’eo i efetsey añ’ila’e ankavana mb’ an-kiboho’ i En-Tapoà\f + \fr 17:7 \fr*\ft En-tapoà: ondaty siloke; amoeañ’ ay;\ft*\f* mb’eo. 
\v 8 A i Menasè ty tane’ i Tapoà’ fe a o ana’ i Efraimeo ty ila’ i Tapoà mifañefetse amy Menasè. 
\v 9 Mizotso mb’ an-tsaka Kanà mb’eo i efetsey, atimo’ i sakay, (a i Efraime añivo’ i Menasè ao i rova rey), mañolotse ty avara’ i sakay ty efe’ i Menasè vaho mandoak’ an-driakey. 
\v 10 Mañatimo ty a’ i Efraime naho mañavaratse ty a’ i Menasè, le i riakey ro efe’e; mahatakatse i Asere t’ie avaratse naho Isakhare te atiñanañe. 
\v 11 Hoe zao o rova’ i Menasè e Isakhare naho e Asereo: i Beteseane\f + \fr 17:11 \fr*\ft Beteseane: Anjomba nife; ndra firotañe.\ft*\f* naho o tanà’eo naho Ibleame\f + \fr 17:11 \fr*\ft Ibleame: ondaty haehae; i nifotsake\ft*\f* naho o tanà’eo naho o mpimone’ i Dore\f + \fr 17:11 \fr*\ft Dore: tariratse; akiba\ft*\f* naho o tanà’eo naho o mpimone’ i Endore\f + \fr 17:11 \fr*\ft Endore: rano manganahana’ i Dore\ft*\f* rekets’ o tanà’eo, naho o mpimone’ i Taanàke\f + \fr 17:11 \fr*\ft Taanake: ty mampireke azo\ft*\f* rekets’ o tanà’eo vaho o mpimone’ i Megido\f + \fr 17:11 \fr*\ft Megiddo: ty voka’e sarotse: mitaroñe\ft*\f* rekets’ o tanà’eo, fifeheañe telo. 
\v 12 Tsy nahafandroake o mpimone’ i rova reio t’i Menasè; fe nifonem-pitobok’ amy taney o nte-Kanàneo. 
\v 13 Aa naho nitombo ty haozara’ o ana’ Isra­eleo le nametsaha’ iareo haba o nte-Kanàneo, fa tsy fonga rinoake.
\p
\v 14 Ninday saontsy am’ Iehosoa ka o ana’ Iosefeo nanao ty hoe: Aa vaho akore te tinolo’o anjara raike naho vaki’e ho lovako, ie oniñe te ondaty jabajaba ami’ty fitahia’ \nd Iehovà\nd* ahy? 
\v 15 Le hoe ty natoi’ Iehosoa: Aa kanao ondaty ra’elahy irehe, akia mb’ añ’ala mb’eo vaho hatsafo ho azo ty tanen-te Perize\f + \fr 17:15 \fr*\ft Perize: mpimoneñe an-tanà-kede\ft*\f* naho ty a o Rafào, ie maifitse ama’o o vohibohi’ i Efraimeo. 
\v 16 Le hoe o ana’ Iosefeo: Tsy mahatsak’ anay o vohibohitseo, naho songa manan-tsarete viñe o nte-Kanàne mimoneñe am-bavataneo, o e Beteseane naho amo tanà’eo vaho o amy vavatane’ Iizreeleio. 
\v 17 Tinoi’ Iehosoa i anjomba’ Iosefey, i Efraime naho i Menasè, ty hoe: Kanao ondaty jabajaba irehe, lifots-aozarañe; tsy ho anjara raik’ avao ty ho azo; 
\v 18 fe ho azo i vohibohitsey, fa ndra t’ie ala, ho hatsafe’o, le ho azo pak’añ’ efe’e lavitse añe; fa ho roahe’o o nte-Kanàneo ndra t’ie aman-tsarete viñe, ndra te maozatse.
\c 18
\p
\v 1 Nifanontoñe e Silò\f + \fr 18:1 \fr*\ft Silò: niraheñe\ft*\f* i valobohò’ o ana’Israeleoy vaho natroa’ iereo i kibohom-pamantañañey, naho fa niambaneañe i taney. 
\v 2 Fifokoañe fito amo ana’ Israeleo ty nisisa mboe tsy nandrambe o lova’eo. 
\v 3 Le hoe t’Iehosoa amo ana’ Israeleo, Pak’ ombia t’ie mbe hihànkañe, tsy hizilike hitavañe i tane nitolora’ \nd Iehovà\nd* Andrianañaharen-droae’ areoy? 
\v 4 Anoloro ondaty telo ia’ o fifokoa’ areoo, hañirahako; hionjoñe mb’eo mb’eo amy taney hanokitse aze ty amo lovao; vaho himpoly amako. 
\v 5 Ho zarae’ iereo fito; himoneñe an-tane’e atimo ey t’Iehodà, vaho himoneñe an-tane’ iareo avaratse ey ty anjomba’ Iosefe. 
\v 6 Sokire’ areo fito i taney vaho handese’ areo atoy le ho zaraeko an-tsapak’ añatrefa’ \nd Iehovà\nd* Andrianañaharen-tika. 
\v 7 Toe tsy hanañ’ anjara ama’ areo o nte-Levio, amy te lova’ iareo ty fisoroña’ \nd Iehovà\nd*; naho rinambe’ i Gade naho i Reobene vaho ty vakim-pifokoa’ i Menasè i lova natolo’ i Mosè mpitoro’ \nd Iehovà\nd* iareo alafe’ Iardene atiñanañey. 
\v 8 Aa le niongake indaty rey vaho nionjoñe mb’eo; toe nafanto’ Iehosoa i nimb’eo hamolily i taney rey ami’ty hoe, Akia, tsitsifo fañaveloañe i taney hamoliliañe aze naho mibaliha amako hanjaràko aze an-tsapake ho anahareo añatrefa’ \nd Iehovà\nd* e Silò etoa. 
\v 9 Aa le nienga nanitsike i taney i lahilahy rey; sinoki’ iareo am-boke ty ho anjara fito ty amo rova’eo naho nibalike mb’ am’ Iehosoa an-tobe e Silò mb’eo. 
\v 10 Le nanao tsatopiso ho a iareo añatrefa’ \nd Iehovà\nd* e Silò ao t’Iehosoa; vaho zinara’ Iehosoa amo ana’ Israeleo i taney ty amo fifokoa’ iareoo.
\p
\v 11 Niazo’ i fifokoa’ o ana’ i Beniamineoy ty amo hasavereña’eo an-tsapake ty anjara tane’ iareo añivo’ o ana’ Iehodao naho o ana’ Iosefeo. 
\v 12 Nifototse am’ Iardeney ty efe’ iareo avaratse, le mioza ami’ty avara’ Ieriko i efetsey, mañambone’ o vohibohitseo mañandrefa vaho mandoak’ am-patrambei’ i Beitavene\f + \fr 18:12 \fr*\ft Beitavene: anjomban-kakeo\ft*\f*; 
\v 13 boak’ao, miranga mb’e Loze i efetsey, mioza ami’ty ila’ i Loze atao Betele mañatimo. Mizotso mb’e Atarotadare\f + \fr 18:13 \fr*\ft Atarotadore: sabakan-kaozarañe\ft*\f* i efetsey mañarine i vohitse atimo’ i Bete-korone ambaney\f + \fr 18:13 \fr*\ft Beterone: anjomban-dakato, fitretrezañe\ft*\f* mb’eo. 
\v 14 Miolak’ amy zao i efetsey miary mañatimo ahandrefa’ i vohitse añatrefa’ ty atimo’ i Bete-koroney vaho mandoake e Kiriate-baale\f + \fr 18:14 \fr*\ft Kiriate-baale: Rova’ i Baale\ft*\f*, atao Kiriat-iarime, rova’ o ana’ Iehodao. Izay ty efe’e ahandrefa. 
\v 15 Añ’ila’ i Kiriat-iarime ey ty efe’e atimo, mañandrefa amy zao i efetsey mandoak’ an-drano manganahana’ i Nefotoà\f + \fr 18:15 \fr*\ft Nefotoà: misokake; fisokafañe\ft*\f*; 
\v 16 mizo­tso mb’añ’olo’ i vohitse aolo’ ty vavatane’ i ana’ i Hinomey\f + \fr 18:16 \fr*\ft Hinome: Heheke iereo; o vara’eo\ft*\f* mb’eo i efetsey, ie i vavatane’ o nte-Refao, mañavaratse, naho mizotso mb’am-bavatane’ i Hinome mb’ añ’ olo’ ty tazoa’ i nte-Iebosiý mañatimo, vaho mizotso mb’e En-Rogele\f + \fr 18:16 \fr*\ft En: rano manganahana; Rogele: fandia:\ft*\f* mb’eo; 
\v 17 le sinokitse mañavaratse le nimb’ En-semese\f + \fr 18:17 \fr*\ft En-semese: fipororoahan-drano’ i àndroy\ft*\f*, naho nitohy mb’e Geliote\f + \fr 18:17 \fr*\ft Geliote: fivarimbariñañe; votre\ft*\f* tandrife ty fitroara’ i Adomime\f + \fr 18:17 \fr*\ft Adomime: mena, ankamena; maleon-dio\ft*\f* vaho mizotso mb’amy vato’ i Bohane\f + \fr 18:17 \fr*\ft Bohane: am’ iereo ao; tondro-bey\ft*\f*, ana’ i Reobeney mb’eo, 
\v 18 le mb’añ’ila avara’ i Bete-Arabày\f + \fr 18:18 \fr*\ft Bete-arabà: anjomba’ an-diolio\ft*\f* naho mizotso mb’añ’Arabà mb’eo; 
\v 19 naho mb’ añ’ila’ i Bete-koglà mañavaratse mb’eo i efe­tsey vaho mandoak’ am-pitolihañe avara’ i riake Siray, am-binañe’ Iardene atimoy; izay ty efe’e atimo. 
\v 20 Iardeney ka ty efe’e atiñanañe, izay ty lova’ o ana’ i Beniamineo, ty amo efe’e miarikatok’ azeo, ty amo hasavereña’eo. 
\v 21 O rova’ i fifokoa’ o ana’ i Beniamineo ty amo hasavereña’eo: Ieriko, i Bete-koglà naho ty vavatane Kezize\f + \fr 18:21 \fr*\ft Kezize: figadoña’e\ft*\f*, 
\v 22 i Bete-Arabà naho i Zemaraime\f + \fr 18:22 \fr*\ft Zemaraime: volon’Añondry\ft*\f* naho i Betele 
\v 23 naho i Avime\f + \fr 18:23 \fr*\ft Tanàn-koake\ft*\f* naho i Parà\f + \fr 18:23 \fr*\ft Parà: rovan-tamàna\ft*\f* naho i Oprà\f + \fr 18:23 \fr*\ft Oprà: deboke; ana-panaloke\ft*\f* 
\v 24 naho i Kefar-kaamonay\f + \fr 18:24 \fr*\ft Kefarkaamonay: Fipalira’ o nte-Amoneo\ft*\f* naho i Ofný\f + \fr 18:24 \fr*\ft Ofný: mahamokotse; tromambotrambo\ft*\f* vaho i Gabà\f + \fr 18:24 \fr*\ft Geba: tamboho; fitovy\ft*\f*; rova folo-ro’ amby rekets’ o tanà’eo. 
\v 25 I Gibone naho Ramà\f + \fr 18:25 \fr*\ft Ramà: ambone eo; miereñereñe\ft*\f* naho i Birote\f + \fr 18:25 \fr*\ft Birote: vovoñe; mampidodea\ft*\f* 
\v 26 naho i Mitspè\f + \fr 18:26 \fr*\ft Mitspè: fitalakesañ’abo; anjoanjo\ft*\f* naho i Kefirà\f + \fr 18:26 \fr*\ft Kefirà: ana-diona vave’e\ft*\f* naho i Motsà\f + \fr 18:26 \fr*\ft Motsà: tsy aman-dalivae\ft*\f* 
\v 27 naho i Rekeme\f + \fr 18:27 \fr*\ft Rekeme: sare tsy manjofake;\ft*\f* naho Irpile\f + \fr 18:27 \fr*\ft Irpile: ty fampijangana’e, ty aoli’e;\ft*\f* naho i Taralà\f + \fr 18:27 \fr*\ft Taralà: mitsoeke inje, ndra haozarañe\ft*\f* 
\v 28 naho i Tselà\f + \fr 18:28 \fr*\ft Tselà: pake; leme; mijihejihetse\ft*\f* naho i Elefe\f + \fr 18:28 \fr*\ft Elefe: fiohañe\ft*\f* naho Iebosý\f + \fr 18:28 \fr*\ft Iebosý: hinitsakitsake; lokaloka\ft*\f*, toe Ierosalaime, i Gibeate\f + \fr 18:28 \fr*\ft Gibeate: haboañe\ft*\f* naho i Kiriate\f + \fr 18:28 \fr*\ft Kiriate: rova; tolon-draha; fivory\ft*\f*: rova folo-efats’amby rekets’ o tanà’eo. Ie o rovan’ ana’ i Beniamineo ty amo hasavereña’eo.
\c 19
\p
\v 1 Nitsatok’ amy Simone\f + \fr 19:1 \fr*\ft Simone: i mahajanjiñey; i janjiñañey\ft*\f* ty tsapake faha-roe ho a i fifokoa’ i Simoney ty amo hasavereña’eo; le añivo’ ty lova’ o ana’ Iehodao ty lova’ iareo. 
\v 2 Aa le ty lova’ iareo: i Beer-seva, naho i Sebà, naho i Moladà; 
\v 3 naho i Hatsar-soale, naho i Balà naho i Atseme, 
\v 4 naho i Eltolade, naho i Betole, naho i Kormà, 
\v 5 naho i Tsiklage, naho i Bete-markabote, naho i Katsàre-sosà, 
\v 6 naho i Bete-lebaote, vaho i Sarohene: rova folo-telo’ amby rekets’ o tanà’eo. 
\v 7 I Aine, i Remone, naho i Etere vaho i Asane; rova efatse rekets’ o tanà’eo, 
\v 8 naho ze tanàñe mañohoke i rova rey pake Baal-atbeere, i Ramate’ i Atimoy. Ie ty lovam-pifokoan’ ana’ i Simoneo ty amo hasavereña’eo.
\p
\v 9 Nandivàñe amy anjara’ o ana’ Iehodao ty lova’ o ana’ i Simoneo; amy te niloho bey ama’e ty anjara’ Iehoda; aa le tañivo’ ty lova’ iareo ao ty lova’ o ana’ i Simoneo.
\p
\v 10 Nitsatok’ amo ana’ i Zeboloneo\f + \fr 19:10 \fr*\ft Zebolone: akiba; kivoho; fimoneñañe\ft*\f* ty tsapake faha-telo ty amo hasavereña’eo, le nahatakatse i Saride ty efe’ i lova’ iareoy. 
\v 11 Mionjoñe mb’amy riakey naho mb’e Maralà mb’eo i efetsey pake Dabasete vaho mitakatse i saka aolo’ Iok­neamey; 
\v 12 miolake boake Saride re maniñanañe mb’ amy fanjiriha’ i àndroy mb’eo pak’ amy efe’ i Kislotabore vaho miakatse mb’e Daberate naho mañambone mb’e Iafià, 
\v 13 boak’ao re manonjohy maniñana pake Gita-kefere naho i Eta-katsine mb’eo vaho miakatse mb’e Remone-metoare mb’e Neà añe; 
\v 14 miary avara’e eo i efetsey pake Kanatone vaho mandoak’ am-bavatane’ Iiftakèle eo; 
\v 15 mitraok’ ao ty Katàte naho i Nahalàle, naho i Simrone, naho Idalà vaho i Betlekheme\f + \fr 19:15 \fr*\ft Bet-lekeme; anjomba-mofo\ft*\f*: rova folo-ro’ amby naho o tanà’eo. 
\v 16 Izay ty lova’ o ana’ i Zeboloneo ty amo hasavereña’eo, i rova rey naho o tanà’eo.
\p
\v 17 Nitsatok’ amy Isakhare\f + \fr 19:17 \fr*\ft Isakhare: tambe; ondroke\ft*\f* ty tsapake fah’ efetsee, ho a o ana’ Isakhareo ty amo hasavereña’eo. 
\v 18 Ty efe’ iareo le pake Iizreele, naho i Kesolote naho i Soneme, 
\v 19 naho i Kafaraime, naho i Sione, naho i Anakarate, 
\v 20 naho i Rabite, naho i Kisione, naho i Ebetse, 
\v 21 naho i Remete, naho i En-ganime, naho i En-kadà, vaho i Bete-pats’tsatese; 
\v 22 mahatakatse i Tabore i efetsey naho i Sakatsome naho i Bete-semese; le mandoak’ am’ Iardeney i efe’ iareoy; rova folo-eneñ’ amby rekets’ o tanà’eo. 
\v 23 Ie ty lovam-pifokoa’ o ana’ Isakhareo ty amo hasavereña’eo; i rova rey rekets’ o tanà’eo.
\p
\v 24 Nitsatok’ amy fifokoa’ o ana’ i Asereoy i tsapake faha-limey ty amo hasavereña’eo. 
\v 25 Ty efe’ iareo le i Kelkate, naho i Kalý, naho i Betene, naho i Aksafe, 
\v 26 naho i Alame­leke, naho i Amade, naho i Miseale, naho mitakatse i Karmele ahandrefa’e añe vaho mb’e Sikore-libnate mb’eo; 
\v 27 miolake mb’amy fanjiriha’ i àndroy re pake Bete-dagone le mahatakatse i Zebolone naho i vava­tane’ Iiftakèy le mañavaratse, mb’e Bete-meke, naho i Neiele vaho mandoake e Kabole am-pitàn-kavia eo, 
\v 28 naho i Abrane, naho i Rekobe, naho i Kamone vaho i Kanà, pake Tsidone bey; 
\v 29 miolake mb’amy Kormà amy zao i efetsey naho mb’an-drova fatratse atao Tsore; miolake mb’ amy Kosà amy zao i efetsey vaho mandoak’ amy riakey; boake Hebel pak’ Akzibe, 
\v 30 naho i Omà, naho i Afeke, vaho i Rehobe: rova roa-polo-ro’ amby rekets’ o tanà’eo. 
\v 31 Ie ty lovam-pifokoan’ ana’ i Asere ty amo hasavereña’eo, i rova rey vaho o tanà’eo.
\p
\v 32 Nitsatok’ amo ana’ i Naftalio i tsapake faha-eneñey, ho a o ana’ i Naftalio ty amo hasavereña’eo. 
\v 33 Ty efe-tane’ iareo le boake Kelefe amy sarongaza’ i Tsànanimey, naho i Adamý, i Nekebe, naho Iagnile, pake Lakome le mandoak’ am’ Iardeney 
\v 34 miolake mañandrefa amy zao i efetsey mb’ Aznote-tabore naho miranga mb’e Kokoke le mahatakatse i Zebolone atimo’e naho mitakatse i Asere ahandrefañe añe vaho am’ Iehodà mb’am-panjiriha’ i àndroy mb’ am’ Iardeney mb’eo. 
\v 35 O rova’ iareo fatratseo le i Tsidime, i Tsare, naho i Kamate, i Rakate, vaho i Kinerete, 
\v 36 naho i Adamà naho i Ramà, naho i Katsore, 
\v 37 naho i Kedese, naho i Edreý, naho i En-katsore, 
\v 38 naho Irone, naho i Migdal’El, naho i Koreme, naho i Betanate vaho i Bete-semese: rova folo-sive’ amby rekets’ o tanà’eo. 
\v 39 Ie ty lovam-pifokoan’ ana’ i Naftaliy ty amo hasavereña’eo; i rova rey rekets’ o tanà’eo.
\p
\v 40 Nitsatok’ am-pifokoan’ ana’ i Dane ty tsapake faha-fito ty amo hasavereña’eo. 
\v 41 Ty efe-tane’ iareo le i Tsorà, naho i Estaole, naho Ire-semese, 
\v 42 naho i Saal-bine, naho i Aialone, naho Ietelà, 
\v 43 naho i Elone, naho i Timnatà, naho i Ekrone, 
\v 44 naho i Eltekè, naho i Gibetone, naho i Baalate, 
\v 45 naho Iehoda, naho i Bene-berake, naho i Gatrimone, 
\v 46 naho i Me-iarkone, vaho i Rakone, rekets’ i tane aolo’ Iafòy. 
\v 47 Tsy niampe ty nitakara’ ty efe-tane’ i Dane; aa le nionjoñe haname i Leseme\f + \fr 19:47 \fr*\ft Leseme: tahinañe; vatosoa\ft*\f* o ana’ i Daneo le tinava’ iereo naho linafa’ iareo an-dela-pibara naho nanoe’ iereo fanañañe vaho nimoneñe ao; natao iereo Dane ty Leseme ty amy Dane rae’ iareoy. 
\v 48 Ie ty lova’ o ana’ i Dane ty amo hasavereña’eoo, i rova’e rey naho o tanà’eo.
\p
\v 49 Aa ie nihenefe’ iareo ty fizarañe i taney ho lova ty amo efe’eo, le tinolo’ o ana’ Israeleo lova añivo’ iareo ao t’Iehosoa ana’ i None; 
\v 50 le natolo’ iareo aze i rova niha­lalie’ey ty amy tsara’ \nd Iehovà\nd*y; i Timna­tserà\f + \fr 19:50 \fr*\ft Timnatsera: sare’ i àndroy;\ft*\f* am-bohi’ i Efraime ey; le namboare’e i rovay vaho nimoneña’e. 
\v 51 Izay o lova zinara’ i Ela­zare\f + \fr 19:51 \fr*\ft Elazare: Imban’Añahare;\ft*\f* mpisoroñe naho Iehosoa ana’ i Noneo naho o talem-pifokoa’ o ana’ Israeleoo, ho lova an-tsapake e Silò añatrefa’ \nd Iehovà\nd*, an-dala’i kibohom-pamantañañey. Aa le nihenefe’ iareo i zara-taney.
\c 20
\p
\v 1 Nitsara am’ Iehosoa t’\nd Iehovà\nd* ami’ty hoe: 
\v 2 Saontsio amo ana’ Israeleo ty hoe: Tendreo o rovam-pitsolohañe nita­roñeko ama’ areo am-pità’ i Mosèo; 
\v 3 ie amy zay, i mañoho-doza ama’ ondaty tsy nitsatrie’ey, ty hilay mb’eo, toe ho fitsoloham-pamale-fate. 
\v 4 Ie hitriban-day mb’ ami’ty raik’ amy rova rezay, naho hijohañe an-dalambei’ i rovay, naho hitaroñe ty aze an-dravembia’ o androanavi’ i rovaio; le hampihovae’ iareo amy rovay vaho ho tolora’ iareo toetse himoneña’e am’ iareo. 
\v 5 Naho mañoridañe aze i mpamale-fatey le tsy hasese’ iereo am-pità’e i namonoy amy te tsy ni-satrie’e ty nanjevoñe i rañe’ey ie tsy niheje’e taolo. 
\v 6 Himoneña’e i rovay ampara’ te mijohañe añatrefa’ ty fivory ty hizaka aze; am-para’ ty fihomaha’ ty mpisorom-bey henane zay; himpoly amy zao i mpamonoy mb’ an-drova’e naho mb’añ’akiba’e, mb’ amy rova nihirifa’e an-daiy.
\p
\v 7 Aa le navì’ iareo ty Kedese e Ga­lilà\f + \fr 20:7 \fr*\ft Galilà: laro; mivarimbariñe\ft*\f* am-bohibohi’ i Naftalý\f + \fr 20:7 \fr*\ft Naftalý: manao ringa\ft*\f* ao naho i Sekeme am-bohibohi’ i Efraime ao, vaho i Kiriate-arbà\f + \fr 20:7 \fr*\ft Kiriate-arbà: rova efatse; rova fah-efatse\ft*\f* (i Ke­brone\f + \fr 20:7 \fr*\ft Kebrone: fifampilongoañe; firañetañe\ft*\f* Izay), am-bohibohi’ Iehoda ao. 
\v 8 Naho alafe’ Iardeney, atiñana’ Ieriko, le tinoro’ iereo i Betsere\f + \fr 20:8 \fr*\ft Betsere: tsampam-bahe\ft*\f* am-patrambey an-tane pisakey boak’ am-pifokoa’ i Reobene ao, naho i Ramote\f + \fr 20:8 \fr*\ft Ramote: miereñereñe an-kaboañe\ft*\f* e Gilade amy fifokoa’ i Gadey, vaho i Golane\f + \fr 20:8 \fr*\ft Golane: areare, bontoly, fivariña’e\ft*\f* e Basane amy fifokoa’ i Menasè. 
\v 9 Ie o rova natoro amo hene ana’ Israeleo naho amo renetane mañialo am’ iareoo, te eo ty mañoho-doza ama’ ondaty tsy nitsatrie’e le añe ty itribaha’e an-day tsy hivetrake am-pità’ i mpamale-fatey am-para’ ty ijohaña’e añatrefam-pivory.
\c 21
\p
\v 1 Nañarine amy Elatsare mpisoroñe naho amy Iehosoa ana’ i None, naho amo talèm-pifokoa’ o ana’ Israeleo o talen-droaen-te-Levio; 
\v 2 le nisaontsy am’ iereo e Silò an-tane Kenaàne ao ami’ty hoe: Nandilia’ \nd Iehovà\nd* am-pità’ i Mosè ty hanolorañe anay rova himoneña’ay rekets’ o fiandrazañe mañohok’ aze ho amo hare’aio. 
\v 3 Aa le natolo’ o ana’ Israeleo amo nte-Levio, boak’ amo fanaña’ iareoo ty amy tsara’ \nd Iehovà\nd*y, o rova retoa naho o fiandraza’eo. 
\v 4 Aa le niboak’ an-tsapake ty ho a o hasavereña’ o nte-Kehàteo: Le niazo’ o ana’ i Aharone\f + \fr 21:4 \fr*\ft Arone: mpañoke; haozarañe mitoabotse\ft*\f* mpi­soroñe, nte-Levio, an-tsapake, am-pifokoa’ Iehodà naho am-pifokoa’ i Simone, naho am-pifokoa’ i Beniamine, ty rova folo-telo amby. 
\v 5 Ty ila’ o ana’ i Kehàteo ro nandrambe an-tsapake boak’ an-kasavereñam-pifokoa’ i Efraime naho am-pifokoa’ i Dane, naho amy vakim-pifokoa’ i Menasèy: rova folo. 
\v 6 Le niazo’ o ana’ i Gersoneo\f + \fr 21:6 \fr*\ft Gersone: fañitoañe; Fiova’ i fitaveañañey\ft*\f* an-tsapake boak’ an-kasavereñam-pifokoa’ Isakhare naho boak’ am-pifokoa’ i Asere, naho boak’ am-pifokoa’ i Naftalý, vaho boak’ ami’ty vakim-pifokoa’ i Menasè e Basane, ty rova folo-telo’ amby. 
\v 7 Le niazo o ana’ i Merarìo ty amo hasavereña’eo, an-tsapake, tam-pifokoa’ i Reobene, naho tam-pifokoa’ i Gade, naho tam-pifokoa’ i Zebolone, ty rova folo-ro’ amby. 
\v 8 Aa le natolo’ o ana’ Israeleo amo nte-Levio an-tsapake i rova rey reketse ty tane fiandrazañe mañohoke iareo, ty amy lili’ \nd Iehovà\nd* am-pità’ i Mosèy.
\p
\v 9 Aa le natolotse boak’ am-pifokoa’ o ana’ Iehodao naho am-pifokoa’ o ana’ i Simoneo o rova toñoneñe ami’ty añara’e rezao: 
\v 10 Ho amo ana’ i Aharoneo, raik’ amo hasavereñan-te-Kehàte ana’ i Levio; fa a’ iareo i kitsapake valoha’ey, 
\v 11 natolotse iareo ty Kiriate-Arba, (ana’ i Anàke t’i Arba)—i Kebrone izay—am-bohibohi’ Iehoda ao, rekets’ o tane fiandrazañe mañohok’ azeo. 
\v 12 Fe natolo’ iareo amy Kalebe ana’ Iefonè ho fanaña’e ka o teteke naho tanà’ i rovaio. 
\v 13 Natolo’ iareo amo ana’ i Aharone mpisoroñeo t’i Kebrone naho o fiandraza’eo ho fitsoloham-pamono, naho i Libnà reke-piandrazañe; 
\v 14 naho Iatire reke-piandrazañe naho i Estemoa reke-piandrazañe 
\v 15 naho i Kolone reke-piandrazañe naho i Debire reke-piandrazañe; 
\v 16 naho i Aine reke-piandrazañe naho Iotà reke-piandrazañe naho i Bete-semese reke-piandrazañe; rova sive boak’ amy fifokoa roe rey. 
\v 17 Naho boak’ am-pifokoa’ i Beniamine, i Gibone reke-piandrazañe naho i Gebà reke-piandrazañe, 
\v 18 naho i Anatote reke-piandrazañe naho i Almone reke-piandrazañe: rova efatse. 
\v 19 I hene rovan’ ana’ i Aharone mpisoroñe rey: rova folo-telo’ amby reke-piandrazañe. 
\v 20 Aa le o hasavereñan’ ana’ i Kehàte, nte-Levio, o ilan’ ana’ i Kehàteo: i rova niazo’ iareo an-tsapake boak’ am-pifokoa’ i Efraime rey: 
\v 21 natolotse iareo ty Sekeme am-bohibohi’ i Efraime ao reke-piandrazañe ho rovam-pitsoloha’ ty namono naho i Gezere reke-piandrazañe 
\v 22 naho i Kib’ tsaime reke-piandrazañe, naho i Bete-korone reke-piandrazañe: rova efatse. 
\v 23 Le boak’ am-pifokoa’ i Dane, i Eltekè reke-piandrazañe, naho i Gibetone reke-piandrazañe 
\v 24 naho i Ai’ialone reke-piandrazañe naho i Gat-rimòne reke-piandrazañe: rova efatse. 
\v 25 Le boak’ami’ ty vakim-pifokoa’ i Menasè, i Tanake reke-piandrazañe, naho i Gat’rimòne reke-piandrazañe: rova roe. 
\v 26 I hene rova’ o ana’ i Kehàte ila’eo le folo reke-piandrazañe. 
\v 27 Le boak’ amy vakim-pifokoa’ ila’ i Menasèy ka ty nanolorañe o ana’ i Gersone amo hasavereña’ i Levioo, i Golane e Basane ao reke-piandrazañe, ho rovam-pitsoloha’ ty namono ondaty naho i Bisterà reke-piandrazañe: rova roe. 
\v 28 Le boak’ am-pifokoa’ Isakhare, i Kisone reke-piandrazañe naho i Dabarè reke-piandrazañe, 
\v 29 Iarmote reke-pian­drazañe, i Enganime reke-piandrazañe, rova efatse. 
\v 30 Le boak’ am-pifokoa’ i Asere: i Misale reke-piandrazañe naho i Abdone reke-piandrazañe, 
\v 31 i Kel­kate reke-piandrazañe, naho i Rekobe reke-piandrazañe: rova efatse. 
\v 32 Le tam-pifokoa’ i Naftalý, i Kedese e Galilà reke-piandrazañe ho rovam-pitsoloha’ ty namono ondaty naho i Kamote’ dore reke-piandrazañe naho i Kartane reke-piandrazañe: rova telo. 
\v 33 Ze hene rova’ o nte-Gersoneo ty amo hasavereña’eo: rova folo-telo’ amby reke-piandrazañe.
\p
\v 34 Le ho amo hasavereñan’ ana’ i Merario, ty sisa’ amo nte-Levio: Boak’ am-pifokoa’ i Zebolone, Iok’neame reke-piandrazañe, naho i Kartà reke-piandrazañe, 
\v 35 i Dimnà reke-piandrazañe, vaho i Nahalale reke-piandrazañe: rova efatse. 
\v 36 Le boak’ am-pifokoa Reobene: i Betsere reke-piandrazañe, naho Iatsà reke-piandrazañe, 
\v 37 i Kedemote reke-piandrazañe, naho i Mefa­ate reke-piandrazañe: rova efatse; 
\v 38 le tam-pifokoa’ i Gade, i Ramote e Gilade ao reke-piandrazañe, ho rovam-pitsoloha’ ty namono ondaty, naho i Mahanaime reke-piandrazañe, 
\v 39 naho i Khesbone reke-piandrazañe, ­Iaazere reke-piandrazañe: rova efatse ty tonto’e. 
\v 40 Aa le o rova natolotse amo ana’ i Merario iabio, sisa’ o nte Levio ty amo hasavereña’eo: rova folo-ro’ amby ty niazo’ iareo an-tsapake. 
\v 41 Ze hene rova’ o nte-Levio: rova efa-polo-valo’ amby reke-piandrazañe, añivom-panaña’ o ana’ Israeleo ao; 
\v 42 I rova rezay ro songa reke-piandrazañe; le izay ty ie amy fonga rova rey.
\p
\v 43 Aa le hene natolo’ \nd Iehovà\nd* am’ Israele i tane nifantà’e hatolotse an-droae’ iareoy le nitavane’ iereo vaho nimo­neñañe. 
\v 44 Le nampitofà’ \nd Iehovà\nd* o nañohoke iareoo ty amo hene nifantà’e aman-droae’ iareoo; vaho leo raik’ amo rafelahi’eo tsy nitroatse am’ iereo, fa natolo’ \nd Iehovà\nd* am-pità’ iareo ze fonga rafelahi’ iareo. 
\v 45 Tsy teo ty hasoa nipoke ze nampitama’ \nd Iehovà\nd* amy anjomba’ Israeley, songa nitendreke.
\c 22
\p
\v 1 Aa le kinanji’ Iehosoa o nte-Reobeneo naho o nte Gadeo, naho i vakim-pifokoa’ i Menasèy, 
\v 2 le hoe re am’ iereo: Fa hene nambena’ areo ze nandilia’ i Mosè mpitoro’ \nd Iehovà\nd* anahareo, naho hinao’ areo ty feoko amy ze hene nandili­ako; 
\v 3 tsy naforintse’ areo o rahalahi’ areoo amy hene andro rezay pake henanekeo, fa nitana’ areo ty namantoha’ \nd Iehovà\nd* Andrianañahare’ areo. 
\v 4 Aa ie henane zao, fa tinolo’ \nd Iehovà\nd* Andrianañahare’ areo fitofàñe o rahalahi’ areoo hambañe amy tsinara’e am’ iereoy; aa le mimpolia, naho mionjona mb’ an-kiboho’ areo añe, mb’an-tane fanaña’ areo, i natolo’ i Mosè mpitoro’ \nd Iehovà\nd* alafe’ Iardene añey. 
\v 5 Ehe mitomira hañoriha’ areo o fepè­tseo naho i Hake namantoha’ i Mosè mpitoro’ \nd Iehovà\nd*\nd y\nd*, ty hikoko \nd Iehovà\nd* Andrianañahare’ areo naho hañavelo amo lala’e iabio, hañambeñe o fepè’eo naho hivontititse ama’e, hitoroñe aze an-kaampon’ arofo naho an-kaliforam-pañova. 
\v 6 Izay ty nitatà’ Iehosoa iareo, le nam­polie’e, vaho noly an-kiboho’ iareo añe. 
\v 7 Ie amy zao, fa natolo’ i Mosè amy vakim-pifokoa’ i Menasèy ty lova’e e Basane ao; fa ami’ty vaky ila’ey ka ty nanolora’ Iehosoa añivon-droahalahi’ iareo, alafe’ Iardeney ahandrefañe añe. Le nitata iareo t’Iehosoa, naho nampolie’e mb’ an-kiboho’ iareo añe, 
\v 8 le hoe ty asa’e tam’ iereo: Mimpolia mb’ an-kiboho’ areo mb’eo reketse vara bey naho añombe maro naho volafoty naho volamena naho torisìke naho viñe vaho milogologoa sikiñe tsi-efa; le ifanjarao amo longo’ areoo i nikopahe’ areo amo rafelahi’ areoo. 
\v 9 Aa le nienga amo ana’ Israele e Silò an-tane Kanàneo o ana’ i Reobeneo naho o ana’ i Gadeo naho ty vakim-pifokoa’ i Menasè nimb’an-tane Gilade, mb’ an-tane’ iareo mb’eo, i tane nitavane’ iereo ty amy lili’ \nd Iehovà\nd* am-pità’ i Mosèiy.
\p
\v 10 Aa ie nivotrak’ an-toetse marine Iardeney, an-tane’ i Kanàne eo, le rinanji’ o ana’ i Reobeneo, naho o ana’ i Gadeo, naho ty vakim-pifokoa’ i Menasè kitrely marine Iardeney, ty kitrely jabajaba ho sambaeñe. 
\v 11 Jinanji’ o ana’ Israeleo amy zao ty hoe: Hehe te namboatse kitrely añ’efe-tane’ i Kanàne, marine Iardene, ami’ty lafi’ o ana’ Israeleo o ana’i Reobeneo naho o ana’ i Gadeo, naho ty vakim-pifokoa’ i Menasè. 
\v 12 Naho nahajanjiñe izay o ana’ Israeleo, le nifanontoñe e Silò eo i hene valobohòn’ ana’ Israeley haname iareo añ’ aly. 
\v 13 Aa le nirahe’ o ana’ Israeleo mb’ amo ana’ i Reobeneo naho o ana’ i Gadeo vaho i vakim-pifokoa’ i Menasèy, mb’an-tane Gilade mb’eo t’i Pinekase ana’ i Elazare mpisoroñe, 
\v 14 reketse roandria folo, songa raik’ amo mpiaolon’ anjomba’ o fifokoa’ Israeleoo; hene talen’ anjomban-droae’e amo Israele añ’ arivo’eo. 
\v 15 Niheo mb’ amo ana’ i Reobeneo naho o ana’ i Gadeo naho i vakim-pifokoa’ i Menasèy an-tane Gilade mb’eo iereo, vaho nilañoñe ty hoe ama’e: 
\v 16 Hoe i valobohò’ \nd Iehovà\nd*y: Ino ze o fikitrohañe nanoe’ areo aman’ Añahare’ Israele zao kanao niambohoa’ areo anindroany ty fañorihañe \nd Iehovà\nd* ie nandranjy kitrely hiolà’ areo am’ \nd Iehovà\nd* henane zao? 
\v 17 Tsy nahaeneñe antika hao i hakeo e Peorey, ie mb’e tsy neferan-tika pake henane, ndra te nifetsak’ amy valobohò’ \nd Iehovà\nd*y ty angorosy? 
\v 18 te hitsambolitio’ areo anito ty fañorihañe \nd Iehovà\nd*? Aa kanao miola am’ \nd Iehovà\nd* henaneo, le ho viñera’e te maray ty valobohò’ Israele. 
\v 19 Akore arè t’ie niota-faly an-tanem-panaña’ areo, te tsy hitsaha’ areo mb’an-tanem-panaña’ \nd Iehovà\nd*\nd ,\nd* mb’ am-pimoneñan-kivoho’ \nd Iehovà\nd* mb’eo vaho mangala-panaña ama’ay ao, fa ko miola am’ \nd Iehovà\nd* ndra ama’ay handranjia’ areo kitrely tovo’ i kitreli’ \nd Iehovà\nd* Andria­nañaharen-tikañey. 
\v 20 Tsy nandilatse hao t’i Akane ana’ i Tserà amo raha navaheñeo ie nifetsahan-kaviñerañe ty valobohò’ Israele iaby? vaho tsy indatiy avao ty nikoromake ty amy tahi’ey.
\p
\v 21 Nanoiñe amy zao o ana’ i Reobeneo naho o ana’ i Gadeo, naho i vakim-pifokoa’ i Menasèy, nanao ty hoe amo mpifelek’ arivo’ Isra­eleo. 
\v 22 \nd Iehovà\nd* Andrianañahare Andrianamboatse! \nd Iehovà\nd* Andrianañahare Andrianamboatse ro maharofoanañe, naho ho fohi’ Israele; naho fiola ndra fiki­trohan-draty am’ \nd Iehovà\nd*—le ko rombahen-jahay te anito— 
\v 23 ty nandranjia’ay ty kitrely toy hiambohoa’ay am’ \nd Iehovà\nd*; hisoroñe ama’e ndra enga-mahakama, ndra engan-kanintsiñe, le ee t’ie ho tsoehe’ \nd Iehovà\nd*; 
\v 24 hera nanoe’ay ami’ty fivazobazora’ay t’ie amy ze añe mete hivolañe amo ana’aio o ana’ areoo hanao ty hoe: Ino ama’ areo hao t’\nd Iehovà\nd*, Andrianañahare’ Israele, 
\v 25 ie nampañefere’ \nd Iehovà\nd* an-tika Iardeney? Aa le tsy manañ’ anjara amy \nd Iehovà\nd* nahareo ana’ i Reobene naho ana’ i Gade; ke izay ty hampanjehara’ o ana’ areoo o ana’aio tsy hañeveña’ iareo amy \nd Iehovà\nd*? 
\v 26 Aa le hoe ty asa’ay: handranjy kitrely, tsy hisoroñañe, tsy hañengàñe; 
\v 27 f’ie valolombeloñe añivo anahareo naho zahay naho o tariratse manonjohy antikañeo, hahazoa’ay mitolom-pitoroñe añatrefa’ \nd Iehovà\nd* amy fisoroña’aio naho amo engae’aio, naho amo engam-pañanintsi’aio; vaho tsy hanao ty hoe amo ana’aio o ana’ areoo amy ze añe izay, ty hoe: Tsy aman’ anjara am’ \nd Iehovà\nd* nahareo. 
\v 28 Aa le hoe ty asa’ ay: Ie manao i hoe zay aman-tika ndra amo tarira’aio amy ze añe zay, le hanao ty hoe tika: hehe te nitsikombea’ay i kitreli’ \nd Iehovà\nd* rinanjin-droaen-tikañey, tsy ho fisoroñañe fa ho valolombeloñe añivo inahareo naho zahay. 
\v 29 Lavitse anay ty hiola am’ \nd Iehovà\nd* naho ty hiambohoa’ay am’ \nd Iehovà\nd* tsy hañoriha’ay aze te anito, handranjia’ay kitrely hisoroña’ay ndra engan-koroañe naho tsy amy kitreli’ \nd Iehovà\nd* Andrianañaharen-tika añatrefa’ i kivoho’ey avao.
\p
\v 30 Ie jinanji’i Pinekase mpisoroñe naho o roandria’ i valobohòkey naho o mpifelek’ arivo’ o ana’ Isra­ele nindre ama’eo i lañona’ o ana’ i Reobeneo naho o ana’ i Gadeo naho o ana’ i Menasèo Izay, le ni-no’ iereo. 
\v 31 Le hoe t’i Pinekase ana’ i Elazare, mpisoroñe amo ana’ i Reobeneo naho amo ana’ i Gadeo vaho amo ana’ i Menasèo, Oni’ay androany te amantika t’\nd Iehovà\nd* amy te tsy nanoe’ areo ze o fiolàñe am’ \nd Iehovà\nd* zao, vaho navotso’ areo am-pità’ \nd Iehovà\nd* o ana’ Israeleo. 
\v 32 Aa le nibalike boak’ amo ana’ i Reobene naho amo ana’ i Gade an-tane Giladeo, mb’ an-tane Kanàne mb’amo ana’ Israeleo mb’eo t’i Pinekase ana’ i Elazare mpisoroñe naho o roandriañeo, ninday i saontsiy am’ iereo. 
\v 33 Nino’ o ana’ Israeleo i entañe zay, le nañandriañe an’ Andrianañahare o ana’ Israeleo naho tsy natao’ iereo ka ty hionjon-kialy naho hanjevoñe i tane imoneña’ o ana’ i Reobeneo naho o ana’ i Gadeoy. 
\v 34 Aa le nitokave’ o ana’ i Reobeneo naho o ana’ i Gadeo ty hoe Ede\f + \fr 22:34 \fr*\ft Ede: valolombeloñe\ft*\f* i kitreliy: fa valolombelo añivontika, te \nd Iehovà\nd* ro Andrianañahare.
\c 23
\p
\v 1 Ie andro maro añe, naho fa nampitofà’ \nd Iehovà\nd* amo rafelahi’e iaby mañohoke iareoo t’Israele vaho nigain-kantetse t’Ieho­soa, nisilofen-kàanterañe, 
\v 2 le fonga kinoi’ Ieho­soa t’Israele naho o talè’eo naho o mpiaolo’eo naho o mpizaka’eo naho o mpifehe’eo le nanoe’e ty hoe: Fa bey iraho, mihaantetse; 
\v 3 fa nioni’ areo ze hene nanoe’ \nd Iehovà\nd* Andrianañahare’ areo amo kilakila’ ndatio ty ama’ areo; te nialy ho anahareo t’\nd Iehovà\nd* Andrianañahare’ areo. 
\v 4 Ingo fa nizarako lova nahareo ty amo fifokoa’ areoo, o fifeheañe sisao, boak’ am’ Iardeney, mitraok’ amo fifeheañe fa naitoakoo, ampara’ i Riake Jabajaba mb’ am-pitsofora’ i àndroy añey. 
\v 5 \nd Iehovà\nd* Andria­nañahare’ areo, ie ty handronje iareo añatrefa’ areo mb’eo vaho ho roahe’e tsy ho ampaha­isaha’ areo; le ho fanaña’ areo i tane’ iareoy, amy tsinara’ \nd Iehovà\nd* Andrianañahare’ areo ama’ areoy. 
\v 6 Aa le mihafatra­ra hahavontititse ami’ty fañorihañe ze hene misokitse amy boke Hà’ i Mosèy ao, tsy hitsileañe ndra mb’ am-pitàn-kavana ndra havia; 
\v 7 tsy hitraofa’ areo o kilakila’ ndatio, o sisa ama’ areoo; naho tsy ho toñoneñe ty añaran’ ndrahare’ iareoo\f + \fr 23:7 \fr*\ft Avo 23:13\ft*\f*, ko ampifantàñe, ko itoroñañe, vaho ko iambaneañe; 
\v 8 fe tambozoro t’\nd Iehovà\nd* Andrianañahare’ areo, manahake ty nanoe’ areo ampara’ henaneo, 
\v 9 ie fa nandroake fifeheañe ra’elahy naho maozatse añatrefa’ areo t’\nd Iehovà\nd*; le inahareo, toe leo ondaty raike tsy nitroatse ama’ areo ampara’ henane. 
\v 10 Mañoridañe arivo t’indaty raik’ ama’ areo, kanao \nd Iehovà\nd* Andrianañahare’ areo ty mialy ho anahareo, ty amy nitsara’ey. 
\v 11 Aa le mitaoa am-pilozohañe ty hikoko \nd Iehovà\nd* Andrianañahare’ areo. 
\v 12 F’ie hibalintoa, hipitek’ amo sisa’ o fifeheañeo, o honka’e ama’ areoo, hañenga valy, himoaha’ areo, vaho iereo ama’ areo, 
\v 13 le maharendreha an-katò te tsy ho roahe’ \nd Iehovà\nd* Andria­nañahare’ areo am-pahaisaha’ areo ka o fifeheañe retiañeo; f’ie ho fandrike naho koboñe ama’ areo, naho fifiake an-deme’ areo, vaho fatik’ am-pihaino’ areo, ampara’ t’ie mihomak’ amy tane soa natolo’ \nd Iehovà\nd* Andrianañahare’ areoy. 
\v 14 Hehe, te mb’ amy fañaveloa’ ty tane bey toy iraho henaneo; le fohi’ areo an-kaliforam-pañova naho an-kaampon’ arofo te tsy eo ty nilesa amo hene saon­tsy soa tsinara’ \nd Iehovà\nd* Andria­nañahare’ areo ty ama’ areoo; songa nitendreke, tsy ama’e ty nipoke. 
\v 15 Ho tondroke te, manahake te sindre nitendrek’ ama’ areo o entan-tsoa tsi­nara’ \nd Iehovà\nd* Andrianañahare’ areo ama’ areoo, le songa hampifetsahe’ \nd Iehovà\nd* ama’ areo ka o nahatahata’eo ampara’ te rinotsa’e an-tane soa natolo’ \nd Iehovà\nd* Andrianañahare’ areo atoy. 
\v 16 Ie andilara’ areo i fañina’ \nd Iehovà\nd* Andria­nañahare’ areo linili’ey naho miveve hitoroñe ndrahare ila’e vaho hita­laho ama’e le hisolebotse ama’ areo ty haviñera’ \nd Iehovà\nd* vaho hivetrake aniany an-tane soa natolo’e anahareo atoy.
\c 24
\p
\v 1 Aa le natonto’ Iehosoa e Sekeme ao o fifokoa’ Israele iabio, le kinoi’e o talè’ Israeleo naho o mpiaolo’eo naho o mpizaka’eo, naho o mpifehe’ iareoo; vaho niatrek’ añatrefan’ Añahare. 
\v 2 Le hoe t’Iehosoa am’ondaty iabio: Hoe ty tsara’ \nd Iehovà\nd*, i Andria­nañahare’ Israele: Nimoneñe alafe’ i Sakay añe o rae’ areoo taolo; i Teràke rae’ i Avrahame naho ty rae’ i Nakore; songa nitoron-drahare ila’e. 
\v 3 Rinambeko amy zao t’i Avrahame rae’ areo boak’ alafe’ i Sakay le niaoloako nanitsike i tane Kanàne naho nampitomboeko o tiri’eo vaho natoloko aze t’Ietsake. 
\v 4 Natoloko am’ Ietsake t’Iakobe naho i Esave, natoloko amy Esave ty Vohi-Seire\f + \fr 24:4 \fr*\ft Seire: volovoloe; ose; anga-draty; tio-bey\ft*\f* ho fanaña’e; nañavelo mb’e Mitsraime mb’eo ka t’Iakobe naho o ana’eo. 
\v 5 Niraheko t’i Mosè naho i Aharone vaho name­tsahako angorosy ty Mitsraime amo fonga raha nanoako am’iareoo; ie modo izay le naka­reko boak’ ao nahareo. 
\v 6 Eka navotako boake Mitsraime ao o roae’ areoo; aa ie nipok’ amy sakay, le nañoridañe o roae’ areoo an-tsarete naho mpi­ningi-tsoavala mb’ amy Ria-Binday ao o nte-Mitsraimeo. 
\v 7 Aa le nitoreo am’ \nd Iehovà\nd* iereo naho nampivotraha’e ieñe ty añivo’ areo naho o nte-Mitsraimeo, le nendese’e ama’e i riakey, nañopo iareo; le nahaisake o fitoloñako e Mitsraime añeo o fihaino’ areoo; vaho nimoneñe sa lava an-dratraratra ao. 
\v 8 Nendeseko mb’an-tanen-te-Amore mb’eo nahareo, mb’amo mpimoneñe alafe’ Iardeneio; nialia’ iareo, fe natoloko am-pità’ areo ho fanañañe o tane’ iareoo i zinevoko añatrefa’ areoy. 
\v 9 Nitroatse amy zao t’i Bala­ke\f + \fr 24:9 \fr*\ft Balake: ty mpandrotsake\ft*\f* ana’ i Tsipore\f + \fr 24:9 \fr*\ft Tsipore: voroñe; foly; sabaka; liolio\ft*\f*, mpanjaka’ o nte-Moabeo, nialy am’ Israele, le nañirake naho kinanji’e t’i Balame ana’ i Beore, hañozoñe anahareo, 
\v 10 fe nifoneñako tsy hañaoñe i Balame; te mone nitolom-pitata anahareo re vaho nivotsorako am-pità’e. 
\v 11 Nitsaha’ areo Iardeney naho nivotrake e Ierikò eo; le nialy ama’ areo o nte-Ierikoo, naho o nte-Amoreo, naho o nte Perizìo, naho o nte Kanàneo, naho o nte-Kiteo, naho o nte Girgasio, naho o nte-Kivìo vaho o nte-Iebosìo; f’ie natoloko am-pità’ areo ao. 
\v 12 Nampiaoloeko anahareo ty fanenetse nandroake iereo aolo’ areo mb’eo naho ty mpanjaka roe’ o nte Amoreo, fa tsy ami’ty fibara’o, tsy ami’ty fàle’o. 
\v 13 Le natoloko anahareo ty tane tsy nimokora’ areo, naho rova tsy naore’ areo, vaho fa imoneña’ areo; songa mikama an-tanem-bahe naho an-tonda olive tsy nambole’e. 
\v 14 Ie amy zao añeveño t’\nd Iehovà\nd* le toroño an-kavañonañe naho an-katò; aitò o ‘ndrahare nitoroñen-droae’ areo alafe’ i Sakay naho e Mits­ra­ime añeo; le toroño t’\nd Iehovà\nd*.
\p
\v 15 Aa naho raty am-pahaisaha’ areo ty mitoroñe \nd Iehovà\nd*, le joboño anito te ia ty ho toroñe’ areo; ke o ndrahare nitoroñen-droae’ areo alafe’ i Sakaio ndra o ndrahare’ o nte-Amore an-tane imoneña’ areoo; fa naho izaho rekets’ i akibakoy, le \nd Iehovà\nd* ro itoroña’ay. 
\v 16 Natoi’ ondatio ami’ty hoe: Lavitse anay ty hifary \nd Iehovà\nd*, hitoron-drahare ila’e; 
\v 17 \nd Iehovà\nd* Andrianañahare, ie ty nanese antika naho o roaen-tikañeo niakatse an-tane Mitsraime, boak’ an-trañom-pañondevozañe ao, naho nanao o fitoloñañe ra’elahio ampahaisa­han-tika naho nañaro antika amo hene lia nañaveloan-tikañeo vaho añivo’ ondaty nirangan-tikañeo; 
\v 18 \nd Iehovà\nd* ty nandroake o kilakila’ ondatio aolon-tika mb’eo, o nte-Amore nimoneñe an-tane atoio; aa le hitoroñe \nd Iehovà\nd* ka zahay; amy te ie t’i Andrianañahare’ay. 
\v 19 Le hoe t’Iehosoa am’ondatio: Tsy mahafitoroñe \nd Iehovà\nd* nahareo; Andria­nañahare masin-dRe; Andrianañahare mpamarahy; tsy hapo’e o hakeo naho tahi’ areoo 
\v 20 naho farie’ areo t’\nd Iehovà\nd*, hitoron-drahare ankafankafa, fa hitolike hañoho-doza ama’ areo, ho mongore’e, ie fa nañasoa’e. 
\v 21 Le hoe ondatio am’ Iehosoa: Aiy avao! toe ho toroñe’ay t’\nd Iehovà\nd*. 
\v 22 Aa hoe t’Iehosoa am’ondatio: Valolombeloñe ama’ areo nahareo te jinobo’ areo t’\nd Iehovà\nd* hitoroñe aze. Le hoe iereo: Toe valolombelon-jahay. 
\v 23 Aa le apoho o ndrahare ankafankafa añivo’ areoo, le ampirampio am’\nd Iehovà\nd* Andria­nañahare’ Israele ty arofo’ areo.
\p
\v 24 Le hoe ondatio am’ Iehosoa: Hitoroñe \nd Iehovà\nd* Andria­nañahare’ay zahay, le ho haoñe’ay i fiaraña­na­ña’ey. 
\v 25 Aa le nifañina am’ondatio t’Iehosoa amy andro zay vaho nampijadoña’e fañè naho fèpètse e Sekeme ao. 
\v 26 Sinoki’ Iehosoa amy boke’ i Han’ Añaharey i saontsiy, naho rinambe’e ty vato jabajaba vaho natroa’e ambane’ ty kile an-toe-miava’ \nd Iehovà\nd* ao. 
\v 27 Le hoe t’Ie­hosoa am’ondaty iabio, Ingo, ho valolombeloñe aman-tika ty vato tiañe, fa tsinano’e i hene lañonañe tsinara’ \nd Iehovà\nd* aman-tikañey, aa le ho valolombeloñe ama’ areo re soa t’ie tsy hitety an’ Andrianañahare’ areo. 
\v 28 Aa le nampolie’ Iehosoa ondatio songa mb’ an-dova’e mb’eo. 
\v 29 Ie añe, le nivilasy t’Iehosoa ana’ i None, mpitoro’ \nd Iehovà\nd*, ie aman-taon-jato tsy folo. 
\v 30 Le naleve’ iareo an-tane linova’e e Timnatserà, am-bohi’ i Efraime, avara’ i Vohi-Gaase eo. 
\v 31 Nitoroñe \nd Iehovà\nd* t’Israele amy ze hene andro’ Iehosoa naho amo fonga andro’ o androanavy nenga’ Iehosoao, o nahafohiñe ze hene fitoloña’ \nd Iehovà\nd* am’ Israeleo.
\p
\v 32 Le naleve’ iereo e Sekeme añ’ ila’ i teteke vinili’ Iakobe amo ana’ i Kamore, rae’ i Sekemeoy ami’ty volafoty zato o taola’ Iosefe nitakone’ o ana’Israeleo boake Mitsraimeo le nandov’ aze o ana’ Iosefeo. 
\v 33 Nihomake ka t’i Elea­zare, ana’ i Aharone vaho naleve’ iareo an-tamboho i Pinekase, ana’e, amy natolots’ aze am-bohibohi’ i Efraimey.