\id JOL 
\ide UTF-8
\h Ioèle
\toc1 Ioèle
\toc2 Ioèle
\toc3 Ioe
\mt1 Ioèle
\c 1
\p
\v 1 Ty tsara’ \nd Iehovà\nd* niheo am’ Ioèle\f + \fr 1:1 \fr*\ft Ioèle: manatry; mandily\ft*\f* ana’ i Petoele\f + \fr 1:1 \fr*\ft Petoele: Falien’Añahare; nosihe’e\ft*\f*: 
\v 2 Janjiño ry androanavio, toloro ravembia
\q1 ry hene mpimone’ o taneo,
\q1 he t’ie nizoeñe añ’andro’ areo,
\q1 ndra tañ’andron-droae’ areo hao? 
\v 3 Atalilio amo ana’ areoo,
\q1 le ampitalilio o ana’ areoo amo ana’ iareoo,
\q1 vaho o ana’ iereoo amo tariratse añeo.
\q1
\v 4 Nabotse’ ty kijeja
\q1 ze nenga’ ty marambolo,
\q1 nihane’ ty voantane ze nenga i kijeja,
\q1 vaho nikapaihe’ ty beañe
\q1 ze nenga’ ty lambotane. 
\v 5 Mitsekafa ry jike le miroveta;
\q1 mangololoiha ry mpinon-divaio,
\q1 ty amy divai-vao napitsoke
\q1 am-palie’ areo. 
\v 6 Fa nivotrak’ an-taneko atoy ty fòko maozatse, mitozantozañe;
\q1 hoe nifen-diona o famotsi’eo,
\q1 vazan-diona ra’elahy 
\v 7 Fa napo’e ho forompotse o vahekoo,
\q1 nikorendahe’e ty sakoako;
\q1 niholira’e malio naho nahifi’e añe,
\q1 le foty iaby o ra’eo. 
\v 8 Mangoihoia manahake ty somondrara
\q1 misikin-gony ty amy valin-katòra’ey. 
\v 9 Fa naitoañe amy anjomba’ \nd Iehovà\nd*y
\q1 i enga-mahakamay, naho i engan-dranoy;
\q1 mandala o mpisoroñe mitoroñe \nd Iehovà\nd*o. 
\v 10 Finaoke i tetekey, mitañy ty tane;
\q1 finongotse i ampembay;
\q1 nimaiheñe i divay vaoy,
\q1 kapaike i menakey.
\q1
\v 11 Mioremeña ry mpihare,
\q1 mangololoiha ry mpañalahala vahe,
\q1 ty amy ampembay naho i tsakoy;
\q1 amy te mikirikintàñe i tetekey. 
\v 12 Fa maike i vahey,
\q1 mongotse i sakoañey;
\q1 niforejeje ka i raketay\f + \fr 1:12 \fr*\ft Heb: mimone: ampongabeindañitse\ft*\f*, i sasaviy,
\q1 i takokoy, naho ze hene hatae
\q1 an-kivoke ey;
\q1 aa le niheatse amo ana’ondatio
\q1 ty hafaleañe.
\q1
\v 13 Midiaña vaho mandalà ry mpisoroñeo;
\q1 mangololoiha ry mpitoron-kitrely;
\q1 antao hialeñe an-gony ry mpitoron’
\q1 Añahareko;
\q1 fa napitsok’ amy anjomban’
\q1 Añahare’ areoy ty enga-mahakama
\q1 naho ty enga rano. 
\v 14 Añamasiño lilitse,
\q1 koiho ty fivory miavake,
\q1 atontono o androanavio,
\q1 naho ze kila mpimone’ ty tane toy,
\q1 mb’ añ’anjomba’ \nd Iehovà\nd*
\q1 Andrianañahare’ areo,
\q1 vaho mitoreova am’ \nd Iehovà\nd*. 
\v 15 Hankàñe ty andro!
\q1 fa tondroke ty andro’ \nd Iehovà\nd*,
\q1 le hoe firotsahañe boak’ amy
\q1 El-Sadai ty hivovoa’e. 
\v 16 Tsy fa naitoañe aolom-
\q1 pihaino’ areo hao ty mahakama?
\q1 ty haehake naho ty firebehañe boak’
\q1 añ’anjomban’Añaharen-tikañe ao? 
\v 17 Nimomok’ am-bokon-tane ao
\q1 ty tabiry, nikapaiheñe o rihao,
\q1 nikoromake o kiboho-mahakamao;
\q1 fonga niheatse i ampembay. 
\v 18 Akore ty fañaoloa’ o hareo!
\q1 lonjetse o mpirai-tron’añombeo
\q1 kanao tsy amam-piandrazañe;
\q1 eka, malorè o lia-rain-añondrio. 
\v 19 Ry \nd Iehovà\nd*, ihe ro itoreovako
\q1 fa finorototo’ ty afo o fiandrazañe
\q1 am-patrambeio;
\q1 vaho nampangotomomohe’ i lel’afoy
\q1 ze kila hatae an-kivok’ ao. 
\v 20 Ihe ro isehasehà’
\q1 o biby am-patrañeo,
\q1 fa maike iaby o sakao,
\q1 vaho fa hinotomomo’ i afoy
\q1 o fiandrazañe an-dratraratrao.
\c 2
\q1
\v 1 Popòho e Tsione ao ty antsiva,
\q1 koiho an-kaboako miavake ey ty hazolava;
\q1 ee te hihondrahondra iaby
\q1 ondaty an-tane atoio,
\q1 fa hitsatoke ty andro’ \nd Iehovà\nd*;
\q1 toe fa an-titotse; 
\v 2 Andro maieñe naho mimoromoroñe,
\q1 andro mandrahoñe naho aman-talinjo
\q1 mihanake am-bohitsey
\q1 manahake t’ie manjirik’andro;
\q1 ondaty mifamorohotse naho ­fàtratse;
\q1 mboe lia’e tsy niañ’ohatse;
\q1 vaho le lia’e tsy ho limbezañe,
\q1 ampara’ ty taon-tariratse maro añe. 
\v 3 Mamorototo aolo’e eo ty afo,
\q1 vaho mivoly ama’e ty soba miforehetse,
\q1 ie hoe golobo’ i Edene\f + \fr 2:3 \fr*\ft Edene: Hafalea; Finembanembañe\ft*\f* ty aolo’e eo
\q1 le liolio, mangoakoake ty amboho’e;
\q1 tsy eo ty mahaborifitse ama’e. 
\v 4 Manahake o soavalao iereo,
\q1 naho o mpiningi-tsoavalao,
\q1 izay ty fitsondemboha’ iareo. 
\v 5 Manahake ty fitrakotrakon-tsarete mitrantràñe an-dengom-bohitse ey,
\q1 hoe ty fikosisiha’ ty lel’afo
\q1 mipilotse ahetse,
\q1 naho ondaty maozatse miriritse hialy. 
\v 6 Mampalorè ondatio te zoeñe;
\q1 fonga mikò-foty o laharañeo.
\q1
\v 7 Manahake o fanalolahio ty filaisa’ iareo,
\q1 anganiha’ iareo o kijolio hoe lahin-defoñe,
\q1 songa mandrodo amy lala’ey,
\q1 tsy eo ty mivitsok’ am-pidadaña’e. 
\v 8 Tsy mifampikititse iereo
\q1 fa songa mitrokotroko amy lala’ey;
\q1 aa ndra te mipenkañe ty singa
\q1 ipaoha’e, ie tsy fere. 
\v 9 Herereafe’ ty rova,
\q1 mirimatse an-drindriñe,
\q1 manganike mb’anjomba ao;
\q1 mitsoropoke an-dalan-kede hoe malaso. 
\v 10 Manginikinik’ aolo’e eo ty tane,
\q1 miozoñozoñe o likerañeo;
\q1 mikò-mainte i àndroy naho i volañey,
\q1 le asita’ o vasiañeo o fimilemile’eo. 
\v 11 Mampipoña-piarañanañañe añatrefa’
\q1 o lahindefo’eo t’\nd Iehovà\nd*;
\q1 amy te ra’elahy o lahindefo’eo,
\q1 fatratse o mañorike o tsara’eoo;
\q1 toe jabajaba ty andro’ \nd Iehovà\nd*
\q1 vaho mampangebahebake,
\q1 Ia ty mahafifeak’ ama’e? 
\v 12 Ie amy zao, hoe t’\nd Iehovà\nd*,
\q1 itoliho an-kaliforan’arofo,
\q1 naho am-pililarañe, am-pirovetañe,
\q1 vaho am-pangololoihañe. 
\v 13 Mandrovita arofo fa tsy sikiñe,
\q1 le mitoliha am’ \nd Iehovà\nd*
\q1 Andrianañahare’ areo,
\q1 fa matarike naho miferenaiñe,
\q1 malaon-kaviñerañe naho ra’elahy
\q1 an-kafatraram-pikokoañe,
\q1 vaho teñene’e ty fametsahan-kankàñe. 
\v 14 Ia ty mahafohiñe, hera hibalike re
\q1 naho hiheve, vaho hamopoke fañanintsiñe am-boho’e eo,
\q1 añengao mahakama naho enga-rano
\q1 am’\nd Iehovà\nd* Andrianañahare’ areo. 
\v 15 Popoho e Tsione ao i antsivay,
\q1 añamasiño lilitse, koiho ty fivory miavake; 
\v 16 Atontono ondatio; hamasiño ty fivory,
\q1 arokandrokaño o androanavio,
\q1 atolaho o ajajao
\q1 rekets’ o milomolomo am-patroao,
\q1 ampiakaro an-kivoho’e i mpañengay,
\q1 boak’ an-kiboho’e ao i enga-vaoy. 
\v 17 Ehe te hiharovetse añivo’ i fizilihañey
\q1 naho i kitreliy o mpisoroñe
\q1 mpitoro’ \nd Iehovà\nd*o, hanao ty hoe:
\q1 Ferenaiño ondati’oo, ry \nd Iehovà\nd*,
\q1 le ko atolo’o ho arinjeñeñe
\q1 o lova’oo hamokafoka’ o kilakila’ ndatio;
\q1 aa vaho akore t’ie hampiboele
\q1 am’ondatio ty hoe:
\q1 Aia t’i Andrianañahare’ iareo? 
\v 18 Nikirañe i tane’ey amy zao
\q1 t’\nd Iehovà\nd*, vaho ferenaiña’e ondati’eo, 
\v 19 Hanoiñe t’\nd Iehovà\nd*
\q1 hanao ty hoe am’ondati’eo:
\q1 Ingo te hampañitrifeko ampemba vao
\q1 naho divay vao vaho menake,
\q1 haha-anjañe anahareo,
\q1 le tsy hanoeko ho fañinjea’
\q1 o kilakila’ ondatio ka. 
\v 20 Fa hasitako lavitse anahareo
\q1 o ‘ntavaratseo,
\q1 naho haronjeko mb’an-tane
\q1 harake naho bangìñe añe;
\q1 hitolike mb’amy riak’ atiñanañey o mpiaolo’eo, naho o am-boli’eo mb’an-driak’ ahandrefañey,
\q1 le hionjoñe ty imbo’e
\q1 vaho hiambone ty fitrotrora’e,
\q1 amy te ra’elahy o nanoe’eo. 
\v 21 Ko hemban-drehe ry tane;
\q1 mifalea naho mandià taroba;
\q1 amy te fanjàka o fitoloña’ \nd Iehovà\nd*o. 
\v 22 Ko matahotse ry bibin-kivokeo;
\q1 fa mbe haindoñindoñe
\q1 o fiandrazañe am-patrambeio,
\q1 mbe hamoa ty voa’e o hatae’eo,
\q1 songa hamokatse
\q1 ty sakoa naho ty vahe. 
\v 23 Mirebeha ry ana’ i Tsioneo,
\q1 mifalea am’ ­\nd Iehovà\nd* Andrianañahare’ areo,
\q1 fa havantañañe ty mampahavy
\q1 i ora-mafaitsey,
\q1 toe hampahavia’e orañe,
\q1 i aoloy naho i orañ’asotriy
\q1 manahake te taolo. 
\v 24 Ho lifotse ampemba o rihao,
\q1 vaho handopatse divay
\q1 naho menake o sajoao. 
\v 25 Havahako ama’ areo o taoñe nabotse’
\q1 o valalao, naho o maramboloo,
\q1 naho o beañeo vaho o voan-taneo,
\q1 i mpirai-lian-dahin-defoñe
\q1 niraheko ama’ areoy. 
\v 26 Ho eneñe mahakama nahareo,
\q1 toe ho anjañe, naho ho rengè’ areo
\q1 ty tahina’ \nd Iehovà\nd*
\q1 Andrianañahare’ areo,
\q1 amy hasoa tsitantane nitoloña’ey;
\q1 vaho tsy ho salatse ka ondatikoo. 
\v 27 Le ho fohi’ areo te añivo’ Israele
\q1 ao iraho\f + \fr 2:27 \fr*\ft Ies 24:23\ft*\f*,
\q1 le te Izaho, \nd Iehovà\nd* Andrianañahare’ areo
\q1 ro tsy aman-tovo’e,
\q1 vaho tsy ho salatse ka ondatikoo.
\q1
\v 28 Ie heneke zao, hadoako amy ze atao nofotse ty Troko;
\q1 le hitoky o ana-dahio
\q1 naho o anak’ampela’ areoo,
\q1 naho hañinofy o androanavi’ areoo,
\q1 vaho hahaoniñe aroñaroñe
\q1 o ajalahi’ areoo; 
\v 29 Le hailiko amo mpitoroñeo,
\q1 naho amo anak’ ampatañeo
\q1 ty Troko amy andro rezay. 
\v 30 Hampiboahako raha tsitantane
\q1 an-dindiñe ey, naho an-tane atoy,
\q1 lio naho afo, vaho hatoeñe mijoala. 
\v 31 Hafotetse ho ieñe i àndroy,
\q1 naho ho lio i volañey,
\q1 aolo ty fitotsaha’ i andro’ \nd Iehovà\nd* jabajaba
\q1 naho mampangebahebakey. 
\v 32 Ie amy zay, ho rombaheñe ze mikanjy ty tahina’ \nd Iehovà\nd*;
\q1 fa hipolititse an-kaboa’ i Tsione ao naho e Ierosalaime ao ty ila’e amy nafè’ \nd Iehovà\nd*y, vaho ho kanjie’ \nd Iehovà\nd* o sehanga’eo.
\c 3
\p
\v 1 Inao, hampoliko amy andro rezay, naho amy sa zay, ty fandrohiza’ Iehodà naho Ierosalaime, 
\v 2 naho hatontoko boak’ amy ze hene fifeheañe, naho hampizotsoeko mb’am-bavatane’ Iehosafate\f + \fr 4:2 \fr*\ft Iehosafate: \+nd Iehovà\+nd* \ft*\ft ro Mpizaka\ft*\f* mb’eo, vaho eo ty himoahako an-jaka ty am’ ondatikoo naho i lovako Israeley, ie nampiba­ra­tsaheñe amo kilakila’ ondatio añe naho nanjarañe i tanekoy. 
\v 3 Vinili’ iareo aman-kitsapake ondatikoo, kinalo’ iareo tsimirira ty ajalahy naho navaro’ iareo ty somondrara ho divay hinoma’ iareo. 
\v 4 Inoñ’amako irehe Tsore naho Tsidone, naho ze hene toe’ i Pilisty? Hañavak’ amako hao? Aa naho Hañavake le hafoteko aniany naho masìka an-doha’ areo i ondro’ areoy, 
\v 5 amy te tinava’ areo o volafotiko naho volamenakoo, naho nendese’ areo an-kibohon’drahare’ areo mb’eo o fànako sarotseo, 
\v 6 naho naleta’ areo amo nte-Ievanio o ana’ Iehodào naho o ana’ Ierosalaimeo haneseañe iareo lavitse ty tane’ iareo añe. 
\v 7 Inao fa hampionjoneko boak’ an-tane nandetahañe iareo, vaho havàhako an-doha’ areo o sata’ areoo, 
\v 8 fa haletako am-pità’ o ana’ Iehodào o ana-dahi’ areoo naho o anak’ ampela’ areoo, vaho haleta’ iereo amo nte-Sevào, ondaty tsietoitane añeo, fa izay ty tsinara’ \nd Iehovà\nd*. 
\v 9 Tseizo ty hoe amo kilakila’ondatio:
\q1 Mihentseña hialy;
\q1 tsekafo o fanalolahio,
\q1 ampañarineo ze hene lahindefoñe;
\q1 ampionjono mb’etoa; 
\v 10 Tefeo ho fibara o lelan-dasarì’ areoo,
\q1 naho ho lefoñe o fibira’ areoo,
\q1 ampanò ty hoe o mavozoo:
\q1 Maozatse iraho; 
\v 11 Malisà! mb’etoy
\q1 ry kilakila’ ondaty mañohokeo;
\q1 ampizotsò o fanalolahi’oo ry \nd Iehovà\nd*. 
\v 12 Mitrobotroboa ry kilakila ondatio,
\q1 mionjona mb’am-bavatane’ Iehosefate eo.
\q1 fa eo ty hitobohako hizaka
\q1 o kilakila ondaty miarisehoo. 
\v 13 Sonjono ty fitatahañe,
\q1 fa matoe i vokatsey,
\q1 miziliha, mandialià, fa pea i fipiritañey,
\q1 naho mandopatse o sajoao,
\q1 fa bey ty haloloa’ iareo. 
\v 14 Rehoreho, fikorakorahañe
\q1 ty am-bavatanem-panàmpan-kevetse,
\q1 fa mitotoke ty andro’ \nd Iehovà\nd*
\q1 am-bavatanem-panàmpan-kevetse. 
\v 15 Hampaieñeñe i àndroy naho i volañey,
\q1 vaho hasinta’ o vasiañeo o filoeloea’eo. 
\v 16 Le hitroñe boak’e Tsione ao t’\nd Iehovà\nd*,
\q1 hampipoña-piarañanañañe
\q1 boak’e Ierosalaime ao;
\q1 le hihondrahondra o likerañeo
\q1 naho ty tane toy;
\q1 fa fitamà’ ondati’eo t’\nd Iehovà\nd*
\q1 naho ty fipalira-maoza’ o ana’ Israeleo. 
\v 17 Aa le ho fohi’ areo te Izaho \nd Iehovà\nd*
\q1 Andrianañahare’ areo,
\q1 mpimoneñe e Tsione, vohi-masiko,\f + \fr 4:17 \fr*\ft Ies 12:6, Iek 48:35, Mik 4:7, Tsf 3:14-16\ft*\f* ao,
\q1 aa le hiavake t’Ierosalaime,
\q1 vaho tsy hiranga ama’e ka o ambahinio. 
\v 18 Ie amy andro zay,
\q1 hampitsopatsopake divay vao o vohitseo,
\q1 le horikorihen-dronono o haboañeo,
\q1 naho hene hikararahan-drano
\q1 o saka’ Iehodào, le higoangoañe boak’ añ’anjomba’ \nd Iehovà\nd* ao ty rano
\q1 hanondrake ty vavatane’ i Sitime. 
\v 19 Ho babangoañe t’i Mitsraime,
\q1 naho ho ratrotratro bangý t’i Edome,
\q1 ty amy hasiaha’ iareo amo ana’Iehodào,
\q1 ie nampiorike lio-màliñe
\q1 an-tane’ iareo eo. 
\v 20 Fa himoneñe nainai’e t’Iehodà;
\q1 naho tariratse an-tariratse t’Ierosalaime 
\v 21 Le ho lioveko ty lio’iareo mboe tsy nilioveko
\q1 fa himoneñe e Tsione ao t’\nd Iehovà\nd*.