\id JOB 
\ide UTF-8
\h Iobe
\toc1 Iobe
\toc2 Iobe
\toc3 Iob
\mt1 Iobe
\c 1
\s1 Fiaolo
\p
\v 1 Teo t’indaty an-tane Otse añe, Iobe ty tahina’e, ondaty vañoñe naho vantañe, mpañeveñe aman’ Añahare, mpa­lain-karatiañe. 
\v 2 Nisamake fito lahy re, telo ty anak’ampela’e. 
\v 3 I vara’ey: fito arivo ty mpirai-lia’e naho telo arivo ty rameva’e; liman-jato ty katraka’e mpitrao-baoñe naho borìke liman-jato vaho nitozantozañe ty añ’anjomba’e ao. Ie t’indaty ni-lohà’ ze hene nta-tiñanañe. 
\v 4 Lili’ i ana-dahi’e rey ty nanao takataka añ’anjomba’e, sindre ami’ty andro’e vaho nampañitrike naho nañambara amy rahavave’ iareo telo rey ty hitrao-pikama naho rano ama’e. 
\v 5 Aa ie nimodo ty san-tsabadida’ iareo le nitokave’ Iobe vaho nefera’e. Nañaleñalen-dre nañenga soroñe ty ami’ty ia’iareo iaby, fa hoe t’Iobe, Ke nandilatse o anakoo vaho niteratera an’ Andrianañahare an-tro’e ao. Izay ty nilili’ Iobe.
\s1 Fitsohañe Iobe Valoha’e
\p
\v 6 Nitsatok’ ami’ty andro niheova’ o anak’ Andrianañahareo añatrefa’ \nd Iehovà\nd* te nivotrak’ am’ iereo ka i mpañinjey. 
\v 7 Le hoe t’\nd Iehovà\nd* amy mpañinjey: Hirik’ aia v’iheo? Le hoe ty natoi’ i mpañinjey am’ \nd Iehovà\nd*, Nimbeo’ mbeo an-tane ey iraho, nijelanjelañe ama’e.
\p
\v 8 Aa hoe t’\nd Iehovà\nd* amy mpañinjey: Hinarahara’o hao t’Iobe mpitoroko? Te tsitantane ty mañirinkiriñe aze; vañon-dre naho ondaty vantañe mpañeveñe aman’ Añahare vaho malain-ty raty.
\p
\v 9 Nanoiñe \nd Iehovà\nd* ami’ty hoe i mpañinjey: Aa vaho an-tsi-vente’e hao ty añeveña’ Iobe aman’ Añahare? 
\v 10 Tsy Ihe hao ty nañarikatok’ aze am-pahetse, ie naho ty an­jom­ba’e naho ze hene ama’e miariseho aze? Nita­­hie’o ty satam-pità’e vaho manitsike i taney ty vara’e.
\p
\v 11 Ahitio ty fità’o henaneo, paoho o fanaña’e iabio, le toe ho teraterae’e añatrefan-dahara’o. 
\v 12 Aa hoe t’\nd Iehovà\nd* amy mpañinjey, Ingo, fa ambane fehe’o eo o fanaña’e iabio, fe adono tsy hahiti’o ama’e ty taña’o. Aa le nisitak’ ami’ty fiatrefa’ \nd Iehovà\nd* i mpañinjey.
\p
\v 13 Ie te indraik’ andro, nanao takataka naho ninon-divay añ’ anjomba’ i zoke-lahi’ey i ana’e rey, 
\v 14 le ingo ty nihitrike mb’am’ Iobe mb’eo nanao ty hoe: Nitari-dasary o katrakao le nihinañe marine eo o borìkeo, 
\v 15 le nañotroke mb’eo o nte-Sabeo naho tinonga’ iereo. Zinama’ iareo am-pibara o mpiarakeo vaho izaho avao ty nahabotitsike hivolañe ama’o! 
\v 16 Ie mbe nitalily, avy ka ty raike nanao ty hoe: Nidoiñe boak’ an-dikerañe ey ty afon’ Añahare namorototo o lia raikeo naho o mpiarakeo vaho nimongoreñe, izaho avao ty nivoratsake hitalily ama’o.
\p
\v 17 Ie mbe nisaontsy, nimb’eo ka ty raike nanao ty hoe: Nizara ho firimboñañe telo o nte-Kaldeao, le hinao’ iareo o rameva iabio. Fonga binaibai’ iareo ami’ty meso-lava o mpiarakeo le izaho avao ty nipoliotse hitaroñ’ ama’o.
\p
\v 18 Ie mbe nisaontsy, le nimb’eo ka ty raike ninday ty hoe: Nikama naho ninon-divay añ’anjomba’ i zoke-lahi’eo o ana-dahi’o naho anak’ ampela’oo, 
\v 19 le ingo niavy ty tio-bey boak’ am-patrambey añe, nikabo­kaboke i anjombay ami’ty hotso’e efatse naho nihotrak’ am’ondaty tora’eo; fonga nihomake. Izaho avao ty nirombake hitalily ama’o.
\p
\v 20 Niongak’ amy zao t’Iobe nandriatse ty saro’e naho nañaratse ty añambone’e naho nibabok’ an-tane eo nisoloho, 
\v 21 vaho hoe re:
\q1 Niboridan-draho te niboak’
\q1 an-kovin-dreneko ao,
\q1 le hijangeajangeañe ka t’ie
\q1 himpoliako ao.
\q1 Nanolotse t’\nd Iehovà\nd*,
\q1 vaho nañombotse t’\nd Iehovà\nd*;
\q1 bangoeñe ty tahina’ \nd Iehovà\nd*.
\p
\v 22 Ie amy ze iaby, tsy nandilatse t’Iobe, tsy nanisý raha tsy mañeva aman’ Andrianañahare.
\c 2
\p
\v 1 Tendreke indraike te ie nitotsak’eo o anan’ Añahareo hiatrek’ am’ \nd Iehovà\nd*, le nitsatok’ am’ iareo ao ka i mpañinjey hiatrefa’e am’ \nd Iehovà\nd*.
\p
\v 2 Le hoe t’\nd Iehovà\nd* amy mpañinjey, Boak’ aia v’iheo? Le hoe ty natoi’ i mpañinjey am’ \nd Iehovà\nd*, Boak’ ami’ty fihelahelàko an-tane añe naho ty fijelanjelañako ama’e. 
\v 3 Le hoe t’\nd Iehovà\nd* amy mpañinjey, Fa hinarahara’o hao Iobe mpitorokoy? t’ie tsy añirinkiriñañe an-tane atoy, fa ondaty vañoñe tsy aman-kila; añeveña’e t’i Andrianañahare naho ambohoa’e ty raty; vaho mbe tana’e ty havantaña’e ndra te ihe nañosik’ Ahy ama’e, handrotsak’ aze tsy aman-tali’e. 
\v 4 Le hoe ty natoi’ i mpañinjey am’\nd Iehovà\nd*, Holitse hasolo holitse, eka, hatolo’ ondaty ze hene fanaña’e ty amy fiai’e. 
\v 5 Fe ahitio henaneo o fità’oo naho gineo ty taola’e naho ty nofo’e vaho honjira’e an-dahara’o. 
\v 6 Le hoe t’\nd Iehovà\nd* amy mpañinjey, Ingo an-taña’o re; fe arovo ty fiai’e. 
\v 7 Aa le nienga boak’ añ’atrefa’ \nd Iehovà\nd* i mpañinjey vaho zinevo’e am-bae-tovoañe t’Iobe mifotots’ an-dela-pandia’e pak’an-dengo’ i añambone’ey. 
\v 8 Nandrambe tseram-balàñe re hangaotse ty sandri’e, ie niambesatse an-davenoke ao.
\p
\v 9 Le hoe ty vali’e tama’e: Mbe ifahara’o hao ty havañona’o? Injeo t’i Andrianañahare vaho mihomaha.
\p
\v 10 Fa hoe re tama’e, Manao tambaimbain-drakemba deren-drehe. Ty soa avao hao ty ho rambesentika am-pitàn’Añahare? Tsy hirambesañe ka hao ty raty? Amy ie iaby zay, tsy nandilatse am-pivimby t’Iobe.
\p
\v 11 Aa naho nahajanjiñe i fonga feh’ohatse nifetsak’ ama’ey ty rañe’ Iobe telo, le songa nienga an-toe’e t’i Elifatse\f + \fr 2:11 \fr*\ft Elifatse: Andrianañahare ty haozara’e\ft*\f* nte-Temane naho i Bildade\f + \fr 2:11 \fr*\ft Bildade: Anam-pifandierañe\ft*\f* nte Sohe vaho i Tsofare\f + \fr 2:11 \fr*\ft Tsofare: Tsikisoisoy\ft*\f* nte Naamate, ie fa nifamotoañe te hiheo mb’ama’e hiferenaiñe vaho hañohò’ aze. 
\v 12 Aa ie nampiandram-pihaino eñe le tsy nahafohiñe aze vaho nipoñafe’ iereo ty fangoihoy; songa nandriatse ty saro’e naho nampibobo debok’ ambone’ ty añambone’e mb’ an-dikerañe ey. 
\v 13 Aa le nindre niambesatse ama’e an-tane eo fito andro naho fito haleñe iereo, sindre tsy nahakofòke volan-draik’ ama’e: amy t’ie nahaoniñe ty halozan-kaorea’e.
\c 3
\p
\v 1 Modo Izay le nanoka-palie t’Iobe namatse i andro’ey, 
\v 2 hoe ty nilañone’ Iobe:
\q1
\v 3 Ehe te ho mongoreñe
\q1 ty andro nahatoly ahiko,
\q1 naho ty haleñe nanoeñe ty hoe:
\q1 Inao, niareñe lahilahy.
\q1
\v 4 Ehe te ho ieñe i andro zay;
\q1 lonike te tsy ho vazohon’ Añahare
\q1 boak’ ambone ao,
\q1 vaho tsy hipisaña’ ty hazavàñe.
\q1
\v 5 Ehe t’ie ho tsepahe’ ty hamoromoroñañe naho ty talinjon-kavilasy;
\q1 lonike te hitozòhan-drahoñe;
\q1 ee te hampirevendreveñe aze
\q1 ze fonga mahamainten-gero’ i àndroy
\q1
\v 6 Le i haleñe zay:
\q1 hiambotrahan-kamoromoroñañe,
\q1 tsy hitrao-pirebeke
\q1 amo andro’ i taoñeio;
\q1 tsy hizilik’ ami’ty ia’ o volañeo.
\q1
\v 7 Hete! ehe ho beitsiterake i haleñe zay,
\q1 tsy himoaham-peon-kafaleañe.
\q1
\v 8 Ee te hamatse aze
\q1 o mpamoiñ’ androo,
\q1 o veka’e hampibarakaoke i fañaneñeio,
\q1
\v 9 Ho maieñe abey o vasiañe am-palipalitsieñeo:
\q1 angao re hipay hazavàñe fa tsy hahatrea;
\q1 ee t’ie tsy ho sambae’ ty holimaso’ i maraiñey;
\q1
\v 10 amy te tsy narindri’e i lalan-koviñey,
\q1 naho tsy nakafi’e amo masokoo
\q1 ty hasotriañe.
\q1
\v 11 Ino ty tsy nahasimb’ ahy an-koviñe ao? Akore te tsy namoeako fiay
\q1 te niboloañe?
\q1
\v 12 Ino ty nandrambesa’ o ongotseo ahiko? naho o fatroa ninonoakoo?
\q1
\v 13 Ie ho nihity ampitsiñañe ao;
\q1 ho niroro naho nitofa avao,
\q1
\v 14 mindre amo mpanjakao
\q1 naho o mpisafiri’ ty tane toio,
\q1 o mamboatse hakoahañe ho am-bata’eo;
\q1
\v 15 naho o ana-donak’
\q1 amam-bolamenao,
\q1 o mameno akiba am-bolafotio:
\q1
\v 16 hera ho nanahake ty tsi-ambolañe naetake,
\q1 anak’ ajaja niboloañe
\q1 mboe lia’e tsy nahatrea hazavàñe.
\q1
\v 17 Ao ty fitroara’ o lo-tserekeo
\q1 amo firohandroha’eo;
\q1 ao ka ty fitofà’ o màmakeo.
\q1
\v 18 Mitraok’ am-pierañerañañe
\q1 o mpirohio,
\q1 tsy mahajanjiñe ty fiarañanaña’
\q1 i mpamorekekey.
\q1
\v 19 Ao ty bey naho ty kede:
\q1 vaho votsotse amy talè’ey ty ondevo.
\q1
\v 20 Ino ty añomezan-kazavàñe ty misotry,
\q1 naho ty haveloñe amo mafaitse añ’ova’eo?
\q1
\v 21 ze mitama hihomake, fe tsy avy,
\q1 ie tsikaraheñe mandikoatse o vara mietakeo;
\q1
\v 22 o mandia taroba naho mirebeke
\q1 t’ie nahatendreke kiborio?
\q1
\v 23 [Ino ty anoloran-kazavàñe]
\q1 amy t’indaty nietahan-dalañe,
\q1 ie nigoloboñen’Añahare?
\q1
\v 24 Misolo ty fihinanako ty fiselekaiñako,
\q1 vaho midoañe hoe rano ty fitoreoko.
\q1
\v 25 Amy te mifetsak’ amako
\q1 o mampangebahebak’ ahikoo,
\q1 naho mivovo amako i ihembañakoy,
\q1
\v 26 tsy mierañeran-draho, tsy mipendreñe, tsy mitsiñe
\q1 fa pok’eo ty hekoheko.
\c 4
\p
\v 1 Le hoe ty natoi’ i Elifaze nte-Temane :
\q1
\v 2 Hampihivivioke azo hao
\q1 ty fimanea’ay rehak’ ama’o?
\q1 fa Ia ty maha-lie-batañe tsy hivolañe?
\q1
\v 3 Ingo te maro ty nanare’o,
\q1 fa nampaozare’o ty fitañe mavozo.
\q1
\v 4 Fiatoa’ o mitsikapio o saontsi’oo;
\q1 nampifatrare’o o ongotse mikoletrao;
\q1
\v 5 F’ie nizò azo henaneo,
\q1 ihe ka ty midazidazìtse; nioza ama’o, le minevenevetse;
\q1
\v 6 Tsy o havañona’oo hao ty fatokisa’o
\q1 vaho fitamà’o ty fahitin-dala’o?
\q1
\v 7 Ehe, tiahio hey:
\q1 Ia ty nikoromake te nalio-tahiñe?
\q1 Aia ty vañoñe naitoeñe?
\q1
\v 8 Aa naho o nitreakoo:
\q1 hambañe ty tatahe’ ty mpitraba-karatiañe,
\q1 naho ty mpitongy kilily.
\q1
\v 9 Ie mihomak’ ami’ty kofòn’ Añahare,
\q1 mikoromak’ ami’ty
\q1 fiforoaham-pifombo’e.
\q1
\v 10 Mitromoro ty liona
\q1 mireñetse ty liona romotse,
\q1 fe poñafeñe o nifem-parasy tora’eo,
\q1
\v 11 Mate ty liona-lahi’e te po-tsindroke,
\q1 mibarakaike ty anan-diona rene’e,
\q1
\v 12 Nasese amako añ’etake ty volañe,
\q1 nitsepahen-tsòfiko ty nitangongoe’e.
\q1
\v 13 Nitsakoreñe añ’aroñaron-kaleñe,
\q1 ie lampon-drotse ondatio,
\q1
\v 14 Niazo ty anifan-draho, nirevendreveñe, nampititititihe’e o taolako iabio.
\q1
\v 15 Nihelañe añatrefan-tareheko eo
\q1 ty angatse,
\q1 niriñariña o volon-tsandrikoo.
\q1
\v 16 Nijohan-dre,
\q1 fe tsy nirendreko ty vinta’e;
\q1 nitroatse aolo’ o masokoo ty vente’e,
\q1 nianjiñe, le inao ty fiarañanañañe
\q1 nanao ty hoe :
\q1
\v 17 Ho to añatrefan’ Añahare hao
\q1 t’i raolombelo?
\q1 halio te amy Namboatse azey hao ondatio?
\q1
\v 18 Heheke ndra o mpitoro’eo tsy atokisa’e,
\q1 mbore anisia’e lilatse o anjeli’eo,
\q1
\v 19 Àntsake o mpimoneñe an-traño taneo,
\q1 O faha’eo an-debok’ ao, ie ho pìneke aolo’ ty fizara!
\q1
\v 20 Ie demok’ añivo’ ty manjirik’andro naho ty haleñe;
\q1 modo kitro-katroke tsy ihaoñañe.
\q1
\v 21 Tsy nombotañe an-tro’e ao
\q1 hao o talin-kivoho’eo?
\q1 Ie mihomak’ avao, tsy aman-kilala!
\c 5
\q1
\v 1 Mikoiha arè! ia ty ao t’ie hanoiñe azo!
\q1 Ia amo masiñeo ty hitoliha’o?
\q1
\v 2 Mañe-doza ami’ty minè ty hasosora’e,
\q1 zevoñe’ i famarahia’ey ty derendereñe.
\q1
\v 3 Fa nitreako te nivahatse ty dagola,
\q1 fe nozoñeko amy zao ty akiba’e.
\q1
\v 4 Lavi-pipalirañe o tiri’eo,
\q1 demoheñe an-dalambey ey,
\q1 vaho tsy eo ty mpandrombake.
\q1
\v 5 Kamae’ o salikoeñeo ty nitatahe’e,
\q1 tsindrohe’ iereo boak’am-patik’ao;
\q1 midañadaña amo vara’eo ty kòboñe
\q1
\v 6 Tsy miboak’ an-debok’ ao ty hasotriañe,
\q1 naho tsy mitiry an-tane ao ty hankàñe;
\q1
\v 7 Fe ampoheke t’indaty te samake
\q1 manahake ty fionjona’ ty fipitsin’afo.
\q1
\v 8 Izaho ho nipay an’Andrianañahare
\q1 vaho i Andrianamboatse
\q1 ty nitaroñako o entakoo—
\q1
\v 9 amy Mpanao raha mampañeveñe
\q1 tsy taka-tsikaraheñey,
\q1 raha tsitantane tsivatse.
\q1
\v 10 I mampahavy orañe an-tane atoy,
\q1 vaho mañirake rano an-teteke ey;
\q1
\v 11 Hampitongoà’e ambone o mirèkeo,
\q1 le honjonem-b’am-pipalirañe o mandalao.
\q1
\v 12 Avorembore’e ty kilili’ o kalitakeo, soa tsy hahapi-draha o taña’eo.
\q1
\v 13 Tsepahe’e ami’ty fikitrofa’e
\q1 o kanteo,
\q1 vaho misaok’ añe ty fikinià’o mengokeo.
\q1
\v 14 Ie manjo ieñe te antoandro,
\q1 mijimenjimè hoe an-kaleñe
\q1 te tsipinde-mena.
\q1
\v 15 Fe rombahe’e am-pibara am-bava’iareo, ty rarake am-pità’ o maozatseo.
\q1
\v 16 Aa le aman-ko tamae’e o rarakeo,
\q1 fe mampikite-bava ty haratiañe.
\q1
\v 17 Haha t’indaty endahan’ Añahare;
\q1 le ko tsambolitio’o\f + \fr 5:17 \fr*\ft Rzs 3:12, Heb 12:6-8\ft*\f* ty fandilova’ i El-Sadai.
\q1
\v 18 Ie mandafa, le bandie’e;
\q1 mitrabake, le melañe’ o fità’eo.\f + \fr 5:18 \fr*\ft Iir 32:42, Frv 3:31-32, Hos 6:1\ft*\f*
\q1
\v 19 Ho haha’e irehe
\q1 am-peh’ohatse eneñe;
\q1 Eka, im-pito tsy hipaok’ azo ty hankàñe.
\q1
\v 20 Ho jebañe’e ami’ty havilasy irehe
\q1 an-tsan-kerè,
\q1 naho ami’ty haozara’ i fibaray
\q1 an-tsàn’aly.
\q1
\v 21 Harovan-drehe ami’ty fifiaham-pameleke, f’ie tsy ho hembañe
\q1 te itsatohan-kekoheko.
\q1
\v 22 Hiankahafa’o ty hankàñe naho ty kerè,
\q1 le tsy hatahora’o ze bibi’ ty tane toy.
\q1
\v 23 Ie hirai-lia amo vato an-tetekeo
\q1 vaho hiharo-rehak’ ama’o
\q1 o biby an-kivokeo.
\q1
\v 24 Ho rendre’o te mierañerañe ty akiba’o,
\q1 ho tilihe’o ty golobo’o
\q1 le tsy ho motso ze ama’e ao.
\q1
\v 25 Ho fohi’o te maro o ana’oo,
\q1 ho mira ami’ty hatsifotofoto’ o ahetse
\q1 an-tane atoio o tarira’oo.
\q1
\v 26 Homb’an-kibori’o ao irehe
\q1 ami’ty haañon-kaantera’o,
\q1 manahake ty fitroara’ o toboron’
\q1 ampembao an-tsa’e.
\q1
\v 27 Heheke! fa nitsikarahe’ay, le ie Izay.
\q1 Inao! irendreho, ho ami’ty hasoa’o.
\c 6
\p
\v 1 Nanoiñe amy zao t’Iobe:
\q1
\v 2 Ee te linanja o ha’emberakoo,
\q1 vaho natrao-fipoke am-balantsy ao
\q1 o ha’ampohekoo!
\q1
\v 3 Fa ho nandikoatse ty lanja’
\q1 ze kila faseñe an-driak’ ao:
\q1 Aa le nitsoretoke t’ie nivolañe.
\q1
\v 4 Fa amako ao o ana-pale’
\q1 i El-Sadaio;
\q1 inome’ ty troko ty vore’e;
\q1 miatreatre ahiko o harevendreveñan’
\q1 Añahareo.
\q1
\v 5 Mitreñe hao ty borìke ly
\q1 t’ie amañ’ahetse,
\q1 ke mirohake hao ty añombe
\q1 ambone’ i hane’ey?
\q1
\v 6 Ho kamaeñe tsy aman-tsira hao
\q1 t’ie nàmoñe?
\q1 mafiry hao ty tapotin’atoly?
\q1
\v 7 Ifoneñan-troko ty hitsopeke;
\q1 hoe lintseñe t’ie siloke.
\q1
\v 8 Ehe te niazoko i halalikoy; te hatolon’Añahare i salalaekoy,
\q1
\v 9 ee te ho non’ Añahare
\q1 ty handemok’ ahiko,
\q1 te ho hahà’e ty fità’e hañitoa’e ahy!
\q1
\v 10 Zao ty ho nañohò ahiko; hahavontitirako tsy aman-tretrè ty fanaintaiñañe;
\q1 te tsy niliereko ty nafè’ i Masiñey.
\q1
\v 11 Aia ty haozarako te hitamà?
\q1 Inoñe ty ho figadoñako, t’ie hahaliñe?
\q1
\v 12 Haozaram-bato hao ty hafatrarako?
\q1 Torisike hao ty sandriko?
\q1
\v 13 Hera tsy amako ty fañimbàñe ahiko,
\q1 ke nasiotse amako ty famotsorañe?
\q1
\v 14 Mañeva ho ferenaiñan-drañe’e
\q1 ty mpisotry,
\q1 ndra te napo’e ty fañeveñañe
\q1 amy El-Sadai.
\q1
\v 15 Manao hakalitahan-torahañe
\q1 amako o rañekoo,
\q1 hoe saka misorotombake
\q1 vaho mimosaoñe,
\q1
\v 16 ie angonkòña’ i ranon-kavandray,
\q1 naho am-pietaham-panala.
\q1
\v 17 Ie matrovoke le mianjiñe,
\q1 ie faosa vaho mimiañe an-toe’e.
\q1
\v 18 Miolakolak’ am-pañaveloañe iereo,
\q1 mb’an-kakoahañe mb’eo vaho mimeatse.
\q1
\v 19 Nipaia’ o mpivovotse boak’ i Temào,
\q1 nitamà’ o mpitavea’ i Sebào.
\q1
\v 20 Nilonjetse t’ie nahatoky;
\q1 nitangòke te nipok’eo.
\q1
\v 21 Toe manahake Izay nahareo henaneo;
\q1 oni’ areo ty hekoheko le miriatsandriñe.
\q1
\v 22 Nanao ty hoe vi’raho?
\q1 Añendeso, ndra,
\q1 Itambezo am-bokàñe
\q1 amo vara’ areoo
\q1
\v 23 Ehe, ampipolitiro am-pitàn-drafelahy,
\q1 ke: Jebaño am-pità’ o fanalolahio ty fiaiko?
\q1
\v 24 Anaro iraho, le hitsiñe; atoro ahy ty nandilarako.
\q1
\v 25 Toe mahasibeke ty saontsy to !
\q1 Fe inoñe ty ho toiñe’
\q1 ty fifanoitoi’areo?
\q1
\v 26 Ke te o reha’oo ro vente’e
\q1 vaho tioke avao ty lañonam-pamoe’ piaiñe?
\q1
\v 27 Eka, ndra iambotraha’ areo
\q1 ty bode-rae vaho haletake ty rañetse.
\q1
\v 28 Ehe henteo henaneo,
\q1 hera mpandañitse añ’atrefa’ areo iraho.
\q1
\v 29 Mibalintoàña, le ko mandilatse;
\q1 Eka mifosera, fa vantañe o ahikoo.
\q1
\v 30 Manan-tahy hao ty lelako?
\q1 Tsy apota’ ty lañilañiko hao ty hankàñe?
\c 7
\q1
\v 1 Tsy lily hao ty fitromaha’ ondaty
\q1 an-tane atoy?
\q1 Tsy mira ami’ty androm-pièke hao
\q1 o andro’eo?
\q1
\v 2 Manahake ty filelalela’ ondevo ty aloke naho ty fitamam-pièke ty rima’e,
\q1
\v 3 ty anolorañ’ ahy volan-kafoake,
\q1 ie nitendreñe halen-kaemberañe.
\q1
\v 4 Izaho mandre, manao ty hoe:
\q1 Ombia ty hitroarako, fa lava i haleñey,
\q1 le mivoamboañe avao
\q1 ampara’ te manjirike.
\q1
\v 5 Misikiñ’oletse naho pakoram-potake
\q1 ty sandriko,
\q1 mijiri-gañe ty holiko vaho mandrano.
\q1
\v 6 Masika te amy sozom-panenoñey
\q1 o androkoo,
\q1 ie mihelañe añe po-pitamàñe.
\q1
\v 7 Ehe tiahio te kofòke avao ty haveloko:
\q1 toe tsy hahatrea hasoa ka o masokoo.
\q1
\v 8 Tsy ho onim-pihaino’ i mahaisak’ ahikoy: amako o fihaino’oo fe tsy eo iraho.
\q1
\v 9 Ie misaoke ty rahoñe, le añe:
\q1 Izay ty igodaña’ ty an-kibory ao,
\q1 tsy hiboaha’e ka.
\q1
\v 10 Tsy himpolia’e i anjomba’ey,
\q1 ie tsy hapota’ i akiba’ey.
\q1
\v 11 Aa le tsy hijomohòn-draho;
\q1 hivolañe ami’ty falorean-troko,
\q1 hitoreo ami’ty hafairañe añ’ovako ao.
\q1
\v 12 I riakey hao iraho, ke i fañaneñey
\q1 kanao nampijilovañe?
\q1
\v 13 Ie anoeko ty hoe
\q1 te ho hohòe’ i tihikoy,
\q1 te hampanintsiñe ty toreoko
\q1 i fandreakoy,
\q1
\v 14 le ampihembaña’o ami’ty nofy naho ampirevendreveña’o añ’aroñaroñe,
\q1
\v 15 le joboñe’ ty fiaiko t’ie dageañeñe,
\q1 hamake hikenkañe ty amo taolakoo,
\q1
\v 16 f’ie minike, tsy ho veloñe nainai’e:
\q1 apoho, fa kafoak’ avao o androkoo.
\q1
\v 17 Inoñ’ ondatio te honjone’o?
\q1 te hapite’o ama’e ty arofo’o?
\q1
\v 18 T’ie tilihe’o boak’andro,
\q1 vaho tsohe’o lomoñandro?
\q1
\v 19 Ombia t’ie hitolike tsy hisamb’ahy,
\q1 apoho ho bangìñe hey raho
\q1 hahateleñako ty iveko?
\q1
\v 20 Nanao hakeo hao iraho,
\q1 ino o nanoekoo, ry Mpijilo ondatio?
\q1 ino ty nanoe’o ahy fanolarañe,
\q1 hañavesatse ty sandriko?
\q1
\v 21 Akore te tsy apo’o o tahikoo,
\q1 te tsy haha’o o hakeokoo?
\q1 f’ie hiroro an-debok’ ao te aniany;
\q1 ho paia’o, fa tsy ho eo.
\c 8
\p
\v 1 Nanoiñe amy zao t’i Bildade nte-Sohy:
\q1
\v 2 Pak’ombia te ho saontsie’o o raha zao?
\q1 Ampara ombia te ho tio-bey avao
\q1 o entam-palie’oo?
\q1
\v 3 Mengohen’ Añahare hao ty zaka?
\q1 Ampiolahe’ i El-Sadai
\q1 hao ty hatò?
\q1
\v 4 Ie nandilats’ azo o ana’oo,
\q1 le nasese’e ami’ty haozara’
\q1 o fiodia’eo.
\q1
\v 5 Aa naho nitsoehe’o t’i Andrianañahare vaho ty fiferenaiña’ i El-Sadai,
\q1
\v 6 naho malio naho vantan-drehe,
\q1 le hivañona’e
\q1 hampipoly i akiban-kavantaña’oy.
\q1
\v 7 Le ndra te nikede ty fifotora’o,
\q1 hitombo ho ra’elahy ty figadoña’o.
\q1
\v 8 Ehe añontaneo i sà’ taoloy vaho imaneo
\q1 o nitsikarahen-droae’eo,
\q1
\v 9 Bahimo tika fa toly omale avao,
\q1 mbore talinjo ambone’ ty tane toy o andron-tikañeo.
\q1
\v 10 Aa vaho tsy ho toroa’ iareo hao, hisaontsy ama’o, hañakatse entañe
\q1 boak’ añ’arofo’ iareo ao?
\q1
\v 11 Mahafitiry hao ty vinda
\q1 lehe tsy an-tane hinake?
\q1 Hitiry tsy aman-drano hao ty vondro?
\q1
\v 12 Ie maindoñe, tsy nibiraeñe,
\q1 le mbe miheatse aolo’ ze hene rongoñe.
\q1
\v 13 Izay ty lala’ o mañaliño
\q1 an’ Andrianañahareo;
\q1 toe modo fitamàñe ty tsy aman-Kake.
\q1
\v 14 Ie maràntsañe ty fiatoa’e;
\q1 naho fararotse ty fatokisa’e.
\q1
\v 15 Hiatoa’e ty anjomba’e
\q1 fe tsy hahafijadoñe;
\q1 vontitire’e fe tsy leo’e.
\q1
\v 16 Maindoñindoñe re añatrefa’ i àndroy andrevaha’ o tsampa’eo i golobo’ey,
\q1
\v 17 vandindire’ o vaha’eo ty votrim-bato, i traño-vatoo nitsifira’ iareoy.
\q1
\v 18 Ie ombotañe amy toe’ey, le ho lañe’e, ami’ty hoe,
\q1 Mbe lia tsy nahatrea azo iraho.
\q1
\v 19 Eka, Izay ty haeha’ i lia’ey,
\q1 mbe hitiry amo debokeo ka ty ila’e.
\q1
\v 20 Oniño te tsy ho farien’ Añahare ty vañoñe vaho tsy ho tohaña’e
\q1 o lo-tserekeo.
\q1
\v 21 Mbe ho lifore’e fiankahafañe ty falie’o naho o fivimbi’oo am-pazake.
\q1
\v 22 Ho saroñen-kasalarañe
\q1 ze malaiñe azo,
\q1 ho modo ty kivoho’ o tsivokatseo.
\c 9
\p
\v 1 Aa hoe ty natoi’ Iobe :
\q1
\v 2 Toe apotako ty hatò izay: fe aia te ho to añatrefan’ Añahare ondatio?
\q1
\v 3 Naho teo ty nipay hifandietse ama’e,
\q1 tsy ho toiñe’e indraik’ ami’ty arivo.
\q1
\v 4 Mahihitse añ’Arofo,
\q1 fatratse an-kaozarañe,
\q1 ia ty nanjehatse ama’e tsy aman-joy?
\q1
\v 5 Aveve’e o vohitseo, tsy apota’ iareo
\q1 te avali-hoho’e an-kaviñerañe.
\q1
\v 6 Akofikofi’e tsy an-toe’e ty tane toy, le mitroetroe o faha’eo;
\q1
\v 7 Lilie’e tsy hanjirike i àndroy,
\q1 agobo’e o vasiañeo;
\q1
\v 8 Ie avao ty namelatse o likerañeo,
\q1 naho mandialia o onjan-driakeo;
\q1
\v 9 Ie ty nañoreñe i Arktorose
\q1 naho i Telo-milahatsey,
\q1 i Bode naho i Koto-kede atimoy.
\q1
\v 10 Ie i manao halatsàñe tsy onim-biribiriy,
\q1 raha tsitantane tsy taka-voliliy.
\q1
\v 11 Ie miary amako, tsy ho treako:
\q1 Naho ihelaña’e tsy ho rendreko.
\q1
\v 12 Ie mandrirotse, ia ty hisebañe.
\q1 Hanoa’ ia ty hoe, Ino o anoe’oo?
\q1
\v 13 Tsy hampolin’ Añahare ty haviñera’e;
\q1 mitsolofìñe ama’e ka
\q1 o mpañimba’ i Rahabeo.\f + \fr 9:13 \fr*\ft Rahabe: i Ndrimon-driakey, i Mitsraime\ft*\f*
\q1
\v 14 Akore arè ty hahatoiñako aze,
\q1 ty hijoboñe o volañe hitaroñakoo;
\q1
\v 15 Ndra te to i ahikoy, tsy ho nahatoiñe; ho nihalalieko tretre
\q1 i Mpizakakoy.
\q1
\v 16 Naho nikanjy iraho vaho nanoiñe ahiko re, tsy ho niantofako te nihaoñe’e ty feoko.
\q1
\v 17 Vinonotrobo’e an-tio-bey iraho,
\q1 indrae’e tsy amam-poto’e o ferekoo.
\q1
\v 18 Tsy hapo’e hikofòke iraho,
\q1 te mone atsafe’e afero;
\q1
\v 19 Ty amo haozarañeo,
\q1 Inao! Ie ty Maozatse!
\q1 Le ty hatò :
\q1 Ia ty hifamotoañe ama’e?
\q1
\v 20 Naho naniom-batan-draho,
\q1 ho nanisý ahy ty vavako;
\q1 ndra t’ie tsy an-kila,
\q1 ho tsarae’e te mengoke.
\q1
\v 21 Malio tahin-draho, tsy haoñe’ ty troko,
\q1 ho farieko ty fiaiko;
\q1
\v 22 Toe raike iaby avao: aa hoe iraho:
\q1 Songa rotsahe’e ty mahity
\q1 naho ty lo-tsereke.
\q1
\v 23 Naho manjamañe aniany ty angorosy,
\q1 le kizahe’e ty famoeañ’ay o vañoñeo.
\q1
\v 24 Ie atolots’an-taña’ o lo-tserekeo
\q1 ty tane,
\q1 le takone’e ty lahara’ o mpizakao;
\q1 aa naho tsy ie, le ia ka?
\q1
\v 25 Masìka te amo mpanao tsikiaviavio o androkoo,
\q1 mihelañe tsy ahaisahan-kasoa.
\q1
\v 26 Mitsiritsioke hoe lakam-bezo\f + \fr 9:26 \fr*\ft Heb: lakañe nirareañe vinda\ft*\f*,
\q1 hoe tsimalaho mañao-tsindroke.
\q1
\v 27 Aa naho nanao ty hoe iraho,
\q1 handikofako i halalikoy,
\q1 hapoko ty tareheko lonjetse toy,
\q1 vaho hisomilake;
\q1
\v 28 Ihembañako o fanaintaiñakoo,
\q1 apotako t’ie tsy ho haha’o;
\q1
\v 29 Aa kanao atao lo-tsereke iraho;
\q1 ino ty ifanehafako tsy vente’e?
\q1
\v 30 Naho miandro an-dranom-panala,
\q1 naho kotriñeko an-tsokay o tañakoo;
\q1
\v 31 Mbe hagodo’o an-davak’ ao,
\q1 vaho halaim-bintañe ahy o sikikoo.
\q1
\v 32 Toe tsy ondaty manahak’ ahy re
\q1 hahatoiñako,
\q1 t’ie hifañatrek’ an-jaka.
\q1
\v 33 Tsy amam-pañalañalañe ty añivo’ay ao,
\q1 ze mete ho nanazok’ anay roroe.
\q1
\v 34 Ehe te hasita’e amako i kobai’ey,
\q1 vaho tsy hampangebahebak’ ahy
\q1 i fañeveñañe ama’ey;
\q1
\v 35 Le ho nivolan-draho,
\q1 vaho tsy ho nianifañe ama’e;
\q1 fa toe tsy Izay ty an-troko ao.
\c 10
\q1
\v 1 Hejeko ty haveloko;
\q1 hampidadaeko ty fitoreoko
\q1 hivolañe ami’ty hafairan-troko.
\q1
\v 2 Hoe ty ataoko aman’Añahare,
\q1 Ko ozoñe’o;
\q1 ampahafohino ahiko ty lie’o amako.
\q1
\v 3 Mahasoa azo hao te ihe mamorekeke,
\q1 te mavoe’o ty satam-pità’o
\q1 vaho ampiloeloea’o ty fikinià’
\q1 o lo-tserekeo?
\q1
\v 4 Amam-pihaino nofotse v’iheo?
\q1 Mahavazoho manahake ty fañentea’ ondatio hao?
\q1
\v 5 Hambañe ami’ty andro’ o olombeloñeo hao o andro’oo,
\q1 mira ami’ty tao’ ondatio hao o tao’oo,
\q1
\v 6 t’ie tsoehe’o o tahikoo,
\q1 vaho kodebe’o o hakeokoo,
\q1
\v 7 ndra t’ie arofoana’o te
\q1 tsy tsereheñe,
\q1 tsy eo ty haharombake am-pità’o.
\q1
\v 8 Nitsenèm-pità’o iraho,
\q1 nifonire’o ho raike;
\q1 aa vaho ho rotsahe’o?
\q1
\v 9 Tiahio te lietse ty nitsenea’o ahy;
\q1 hampoli’o ho deboke hao?
\q1
\v 10 Tsy nadoa’o hoe ronono hao raho
\q1 vaho nampamoae’o hoe habobo?
\q1
\v 11 Nanikina’o holitse naho nofotse,
\q1 namahera’o an-taolañe
\q1 naho talin’ozatse.
\q1
\v 12 Tinolo’o havelo an-koko migahiñe,
\q1 vaho nampitambeloñe ty troko
\q1 ty fiatraha’o.
\q1
\v 13 Fe naeta’o añ’arofo’o ao o raha zao;
\q1 apotako t’ie ama’o:
\q1
\v 14 Ie mandilatse iraho, tendre’o,
\q1 vaho tsy apo’o i hakeokoy.
\q1
\v 15 Ie manao hakeo: hankàñe amako!
\q1 Ie mahity, tsy vaniko ty miandra,
\q1 amy te lifo-kasalarañe,
\q1 tsapako o hasotriakoo.
\q1
\v 16 Aa naho niandrandra:
\q1 Le hoe liona ty hangoroña’o ahy;
\q1 vaho havale’o ahy an-kalatsàñe.
\q1
\v 17 Vaoe’o amako o mpanisý ahikoo,
\q1 vaho indrae’o amako ty haviñera’o;
\q1 hasosorañe mitovon-kaemberañe
\q1 ty amako.
\q1
\v 18 Ino ty nañakara’o ahy an-koviñe ao?
\q1 Nainako te ho nisimba
\q1 tsy ho niisam-pihaino,
\q1
\v 19 Hàmake t’ie hoe tsy nitoly,
\q1 fa boak’an-koviñe mb’an-kibory
\q1
\v 20 Tsy ho napo’e hao o androko
\q1 tsy ampeampeo?
\q1 Misitaha hey irehe,
\q1 hahatreavako fañanintsin-kedeke,
\q1
\v 21 aolo’ te hiampaneñako;
\q1 mb’amy tsy hahafibaliham-beoy,
\q1 mb’an-tane mimoromoroñe,
\q1 mb’an-talinjon-kavilasy ao;
\q1
\v 22 Tane migobogoboñ’ ieñe,
\q1 toe fimoromoroñañe,
\q1 an-tane an-kalon-kavilasy,
\q1 tsy mipendreñe,
\q1 miloeloe hoe ieñe.
\c 11
\p
\v 1 Le hoe ty natoi’ i Tsofare
\p nte Naamate:
\q1
\v 2 Hapoke tsy ho valeañe hao
\q1 i entan-tsy fotofoto rezay,
\q1 hahazo to hao ondaty lifo-dañonañeo?
\q1
\v 3 Hampijomohòn-ty lahilahy hao
\q1 ty fangaradadaha’o,
\q1 tsy hendaha’ ondaty hao
\q1 t’ie manivetive?
\q1
\v 4 ami’ty nanoa’o ty hoe:
\q1 Ki’e o fañòhakoo,
\q1 naho malio-tahin-draho
\q1 am-pivazohoa’o.
\q1
\v 5 Aa ehe te hitsara t’i Andrianañahare,
\q1 naho hanokake fivimby ama’o,
\q1
\v 6 hitaroña’e hihitse miheotse! Toe aman’ ila roe ty hilala to.
\q1 Aa le mahafohina te apon’ Añahare
\q1 ty ila’ o hakeo’oo.
\q1
\v 7 Mahafitsikarake o raha miheotse aman’ Añahareo v’iheo?
\q1 Mahafañitsokitsoke o efe’ efe’
\q1 i El-Sadai hao?
\q1
\v 8 Sikal’ an-dindìñe eñe iereo?
\q1 —ino ty ho mete’o?
\q1 laleke ta i Tsikeokeokey
\q1 —ino ty ho fohi’o?
\q1
\v 9 Lava te ami’ty tane toy ty andava’e,
\q1 mihenehene te amy riakey.
\q1
\v 10 Ke miary re, ke mampigabeñe,
\q1 he manontoñe, ia ty hanebañe aze?
\q1
\v 11 Toe arofoana’e ty votro;
\q1 naho vazoho’e ty hakeo,
\q1 ndra t’ie tsy mandohy.
\q1
\v 12 Kanao hahilala ty dagola,
\q1 le mahaterak’ ondaty ty borìke-ly.
\q1
\v 13 Avantaño arè ty arofo’o,
\q1 vaho avelaro ama’e o fità’oo,
\q1
\v 14 apoho añe ze hakeo am-pità’o;
\q1 ko ado’o hitobok’ añ’akiba’o ao ty tahiñe,
\q1
\v 15 Ie amy zao, hampiandrae’o laharañe tsy aman-kila;
\q1 hijohan-drehe tsy an-kahembañañe.
\q1
\v 16 Ho haliño’o ty fisotria’o;
\q1 ho tiahi’o hoe rano fa nisaok’ añe.
\q1
\v 17 Le hazava te amy tsipinde-menay
\q1 ty havelo’o;
\q1 naho manahake ty maraindray i haìe’ey.
\q1
\v 18 Le hahatoky irehe kanao am-pitamàñe;
\q1 mijilojilova añ’ariari’o,
\q1 le màndrea an-kanintsiñe.
\q1
\v 19 Ho nihity tsy an-kahembañañe
\q1 vaho maro ty hipay imba ama’o.
\q1
\v 20 Fe ho tofake ty maso’ o lo-tserekeo;
\q1 le tsy aia ty hivoratsaha’e,
\q1 vaho ty fipetro’e avao ty hisalala’e.
\c 12
\p
\v 1 Nanoiñe ami’ty hoe t’Iobe:
\q1
\v 2 Toe inahareo avao ro ondaty,
\q1 vaho hitrao-pihomak’
\q1 ama’ areo ty hihitse.
\q1
\v 3 Fa toe mahilala ka iraho,
\q1 tsy inahareo avao;
\q1 Tsy zai’ areo iraho.
\q1 Ia ty tsy mahafohiñe o raha rezao?
\q1
\v 4 Fiankahafa’ o rañekoo iraho:
\q1 Kanjie’e t’i Andrianañahare,
\q1 vaho toiñe’e,
\q1 Fitohafañe i vañoñe tsy aman-kilay.
\q1
\v 5 Tsambolitio’ ty miagaregañe ty failo,
\q1 ie nihentseñañe ho a
\q1 o mipolititse am-pandiao.
\q1
\v 6 Mierañerañe ty kiboho-malaso,
\q1 le tsi-añoleñañe ty manigìk’ an’Andrianañahare,
\q1 o mitintiñe ty ndrahare’e am-pità’eo.
\q1
\v 7 Fe añontaneo o bibio,
\q1 hampandrendreha’ iareo;
\q1 naho o voro-mitiliñeo,
\q1 hitalilia’ iareo;
\q1
\v 8 ke misaontsia ami’ty tane toy,
\q1 hañòha’e azo,
\q1 apoho hitaroña’ o fian-driakeo.
\q1
\v 9 Ia amy rezay ro tsy mahafohiñe t’ie
\q1 nanoem-pità’ \nd Iehovà\nd*?
\q1
\v 10 Kila am-pità’e ao ty fiai’ ze veloñe,
\q1 naho ty kofò’ ze hene ondaty.
\q1
\v 11 Tsy mpitsò-bolañe hao ty ravembia, manahake ty fitsopehan-dañilañy
\q1 ty mahakama?
\q1
\v 12 Amo antetseo hao ty hihitse,
\q1 amo lava’ androo hao ty hilala?
\q1
\v 13 Aman’Añahare o hihitse naho haozarañeo; ama’e o fanoroañe naho hilalao.
\q1
\v 14 Heheke, mandrotsake re,
\q1 le tsy hamboareñe ka;
\q1 agabe’e ao t’indaty,
\q1 vaho tsy ho hahañe ka.
\q1
\v 15 Hehe te kalaña’e o ranoo, le maike;
\q1 irahe’e ka iereo, le añinahinà’e ty tane.
\q1
\v 16 Ama’e ty hafatrarañe naho ty hilala;
\q1 aze ty finitake naho ty mpamitake
\q1
\v 17 Ampañaveloa’e tsy aman-kana
\q1 o mpanoroo,
\q1 vaho ampigege’e o mpizakao.
\q1
\v 18 Abala’e ty kitambem-panjaka
\q1 vaho diaña’e sokotry ty vania’e.
\q1
\v 19 Asese’e tsy aman-kana o mpisoroñeo naho gorè’e ty fanalolahy.
\q1
\v 20 Ampitsiñe’e ty lañona’ o matoeo, naho afaha’e ty hilala’o antetseo.
\q1
\v 21 Ampidoaña’e inje o ana-donakeo naho abala’e ty sadia’ o maozatseo.
\q1
\v 22 Ventabentare’e o raha mietak’ añ’ieñeo, aboa’e an-kazavàñe o talinjon-kavilasio.
\q1
\v 23 Onjone’e o fifeheañeo naho rotsahe’e; atratrañahe’e o fifelehañeo
\q1 vaho asese’e an-drohy añe.
\q1
\v 24 Ampimotsoe’e arofo
\q1 o mpiaolo’ ty tane toio,
\q1 vaho ampirerererè’e an-dratraratra
\q1 tsy aman-dalañe añe.
\q1
\v 25 Ie mijimejime añ’ ieñe ao
\q1 tsy an-kazavàñe;
\q1 midaleandaleañe hoe jike.
\c 13
\q1
\v 1 Inao! fa nitreako iaby zao,
\q1 tsinano’ ty sofiko vaho maharendreke.
\q1
\v 2 Ze fohi’areo, apotako ka;
\q1 Izaho tsy zai’ areo.
\q1
\v 3 Fe te hivolañe amy El-Sadai iraho,
\q1 te hifanointoiñe aman’ Añahare.
\q1
\v 4 Mpanosoke vande nahareo,
\q1 songa mpanaha tsy manjofake.
\q1
\v 5 Ehe t’ie vata’e nianjiñe,
\q1 le ho natao hihitse!
\q1
\v 6 Ehe janjiño ty havereko,
\q1 vaho janjiño ty fanoroan-tsoñiko
\q1
\v 7 Hisaontsy hamengohañ’ aman’Añahare hao,
\q1 hilañona’areo famañahiañe?
\q1
\v 8 Handombok’ aze v’inahareoo?
\q1 h’ondati-aivo, mpihalaly ho an’Andrianañahare hao?
\q1
\v 9 Hahasoa anahareo hao te itsikaraha’e?
\q1 Hamañahy Aze hao nahareo
\q1 manahake ty famañahiañe ondaty?
\q1
\v 10 Ie ho trevohe’e
\q1 te mirihy añ’etake.
\q1
\v 11 Tsy hampangebahebak’ anahareo hao ty enge’e?
\q1 naho hivotrak’ ama’ areo ty fañeveñañe.
\q1
\v 12 Oha-drehan-davenoke
\q1 ty onin-taro’ areo,
\q1 fiaron-dietse ty fikala’ areo.
\q1
\v 13 Mianjiña, apoho iraho hivolañe
\q1 le adono ho amako ty toly.
\q1
\v 14 Ino ty andrambesako?
\q1 ami’ty nifeko ty nofoko,
\q1 vaho apoko an-tañako ty fiaiko.
\q1
\v 15 Ndra te havetra’e, ie ty fatokisako
\q1 fe hiverok’ añ’atrefa’e raho
\q1 ty amo satakoo,
\q1
\v 16 Vaho zao ty ho fandrombahañe ahy:
\q1 te tsy hiatrek’aze ty tsy aman-Kake
\q1
\v 17 Tsendreño o entakoo,
\q1 naho ty lañonako an-dravembia’ areo.
\q1
\v 18 Ingo, fa nalahako i tarokoy,
\q1 apotako te hahazo to.
\q1
\v 19 Ia ty hifanjomotse amako?
\q1 le ho nitsiñe amy zao raho
\q1 vaho nikenkañe.
\q1
\v 20 Ehe ty raha roe avao
\q1 ty tsy hanoa’o ahy,
\q1 le tsy hietahako o lahara’oo.
\q1
\v 21 Ahankaño amako ty fità’o,
\q1 le ehe tsy hampianifañe ahy
\q1 ty fañeveñako ama’o
\q1
\v 22 Ie amy zao koiho, le hanoiñe iraho,
\q1 ke angao hivolan-draho vaho toiño.
\q1
\v 23 Fire o fandilarako naho hakeokoo?
\q1 Ampahafohino ahy ty fiolako
\q1 naho o tahikoo,
\q1
\v 24 Akore te añetaha’o laharañe,
\q1 vaho manao ahy ho rafelahi’o?
\q1
\v 25 Hampititititihe’o hao ty ravets-atae
\q1 asiotsion-tioke,
\q1 ho heañe’o hao ty kafo maike?
\q1
\v 26 Fa anokira’o raha mafaitse iraho,
\q1 vaho ampandova’o ahy
\q1 o hakeoko te niajalahy.
\q1
\v 27 Añombea’o longòke o tombokoo,
\q1 naho efera’o ty ho nilian-tombokoo.
\q1
\v 28 ie mihamomoke hoe raha lo iraho,
\q1 hoe saroñe nihanem-bararaoke.
\c 14
\q1
\v 1 Ondaty nasaman’ ampelao,
\q1 tsy lava-ohatse vaho lifo-kasotriañe,
\q1
\v 2 hoe voñen-katae ty fionjona’e
\q1 le miheatse, mihelañe hoe talinjo
\q1 fa tsy mitoetse.
\q1
\v 3 Harefa’o vaho hasese’o an-jaka ama’o ao?
\q1
\v 4 Ia ty mahaakatse ty malio
\q1 ami’ty maleotse? Leo raike.
\q1
\v 5 Kanao fa nalahatse o andro’eo,
\q1 fa ama’o ty ia’ o vola’eo vaho fa najado’o
\q1 o efetse tsy handilara’eo,
\q1
\v 6 ampitoliho añe ty fijilova’o, hitofa’e,
\q1 ampara’ te henefe’e o andro’eo,
\q1 manahake ty mpièke
\q1
\v 7 Manan-ko tamae’e ty hatae,
\q1 ie firaeñe ro mbe mitiry avao,
\q1 vaho tsy milesa o tora’eo.
\q1
\v 8 Ndra te mihaantetse an-tane ao
\q1 o vaha’eo,
\q1 naho mate an-debok’ ao i foto’ey,
\q1
\v 9 fa ie mañantson-drano ro hibotiboty
\q1 vaho handrevake hoe ana-katae.
\q1
\v 10 Fe mihomake t’i Raolombelo
\q1 vaho mitsalalampatse;
\q1 mipetroke t’indaty, le aia?
\q1
\v 11 Hambañe ami’ty fisiha’ o sihanakeo
\q1 naho ty fimaiha’ o sakao
\q1 ampara’ te kapaike,
\q1
\v 12 ty fandrea’ ondaty tsy hitroatse,
\q1 tsy hivañone ampara’ te
\q1 mihelañe o likerañeo,
\q1 vaho tsy ho barakaofeñe amy firota’ey.
\q1
\v 13 Ehe t’ie haeta’o an-tsikeokeok’ao,
\q1 le hakafi’o ampara’ te mimpoly ty
\q1 haviñera’o, vaho hampitsatoha’o
\q1 andro hahatiahia’o ahy!
\q1
\v 14 Ie vilasy ondatio, mbe ho veloñe hao?
\q1 Fe ho liñisako amo hene androm-pitoroñakoo ampara’ te tondroke ty fañovàñe ahiko.
\q1
\v 15 Hikanjy irehe le hanoiñe iraho;
\q1 ho maniña’o ty satam-pità’o.
\q1
\v 16 Fe henaneo, tinoñe’o o liakoo,
\q1 ie mbe tsy vazoho’o ty fandilarako;
\q1
\v 17 rinohy an-karoñe ao o tahikoo,
\q1 vaho lombofa’o o hakeokoo.
\q1
\v 18 Mivoravora i vohitse mihotrakey,
\q1 naho misitse an-toe’e ty vato;
\q1
\v 19 mivañen-drano o vongam-batoo;
\q1 saohe’ o rano-vohitseo ty mena’ i taney;
\q1 Izay ty androtsaha’o
\q1 ty fitama’ ondatio.
\q1
\v 20 Iambotraha’o nainai’e, le mihelañe añe;
\q1 ovae’o ty tarehe’e vaho irahe’o mb’eo.
\q1
\v 21 Asiñeñe o ana’eo, fa tsy apota’e; mifotsake, fa tsy fohi’e.
\q1
\v 22 O marare amy nofo’eio avao ro tsapa’e,
\q1 ty tro’e avao ro iroveta’e.
\c 15
\p
\v 1 Le hoe ty natoi’ i Elifatse
\p nte-Temane:
\q1
\v 2 Hanoiñe an-kilala-kafoake hao
\q1 t’indaty mahihitse,
\q1 ho lifora’e tiok’atiñanañe hao ty fisafoa’e?
\q1
\v 3 Hisafiry an-drehake tsy vente’e hao,
\q1 ndra an-dañonañe tsy hahasoa?
\q1
\v 4 Eka, apo’o ty fañeveñañe,
\q1 sebaña’o ty fiambaneañe aman’ Añahare.
\q1
\v 5 Anare’ o hakeo’oo ty falie’o,
\q1 joboñe’o ty famelen-kalitake.
\q1
\v 6 Mamatse azo o falie’oo, fa tsy izaho;
\q1 eka talilie’ o fivimbi’oo.
\q1
\v 7 Ihe hao t’indaty nisamaheñe valoha’e?
\q1 Nitoly aolo’ o vohitseo v’iheo?
\q1
\v 8 Janji’o hao o safirin’ Añahare
\q1 miheotseo?
\q1 Haramamoe’o hao ty hihitse?
\q1
\v 9 Ino ty fohi’o tsy fohi’ay?
\q1 Ino ty rendre’o tsy ama’ay?
\q1
\v 10 Songa ama’ay ty maròy foty
\q1 naho ty androanavy bey taoñe
\q1 te aman-drae’o.
\q1
\v 11 Maivañe ama’o hao ty fañohòan’ Añahare,
\q1 naho o navere’e mora ama’oo?
\q1
\v 12 Ino ty mampihelañe ty arofo’o?
\q1 vaho mampandofiry o fihaino’oo?
\q1
\v 13 T’ie tsambolitioe’o aman’Añahare
\q1 ty arofo’o,
\q1 ie anga’o hiakatse am-palie’o
\q1 i saontsy zay.
\q1
\v 14 Ino t’indaty, t’ie halio?
\q1 I nasaman’ampelay, t’ie ho vañoñe?
\q1
\v 15 Ingo, ndra o masi’eo tsy iatoa’e
\q1 mbore tsy malio am-pivazohoa’e
\q1 o likerañeo.
\q1
\v 16 Àntsake ty lo-tsereke naho ty maleotse,
\q1 ie mpitohoke tahiñe hoe rano!
\q1
\v 17 Hataliliko azo, janjiño;
\q1 vaho ho taroñeko o nitreakoo—
\q1
\v 18 O saontsi’ ondaty mahihitseo,
\q1 ty tsy naeta’e boak’ aman droae’ iareo;
\q1
\v 19 Ie am’ iereo avao
\q1 ty nitolorañe i taney,
\q1 ndra ty renetane tsy nihelañe
\q1 am’iereo ao.
\q1
\v 20 Ampikoretohe’
\q1 ty farare’e lomoñandro
\q1 ty lo-tsereke,
\q1 voaiake o taoñe nahaja
\q1 ho a’ o mpisenge-herio.
\q1
\v 21 Feo mañebake
\q1 ty an-dravembia’e ao;
\q1 ie manintsin-dre,
\q1 te ivotraha’ ty malaso.
\q1
\v 22 Tsy iantofa’e
\q1 te hibalike boak’amy ieñey,
\q1 toli’e i fibaray.
\q1
\v 23 Mirererere mipay hanen-dre ami’ty hoe; Aia Izay? Apota’e te am-pità’e
\q1 i andro mimoromoroñey.
\q1
\v 24 Ampangebahebahe’
\q1 ty haloviloviañe naho hasotriañe,
\q1 miambotrak’ ama’e hoe mpanjaka
\q1 veka’e hihotakotake.
\q1
\v 25 Amy te natora-kitsi’e aman’Añahare ty fità’e,
\q1 mitoandratoandra amy El-Sadai.
\q1
\v 26 Horidaña’e ami’ty hagàn-kàto’e,
\q1 amy hateven’ angozim-pikalan-defo’e.
\q1
\v 27 Amy te kinope’e solike i tarehe’ey,
\q1 vaho pinako’e havondrahañe ty leme’e;
\q1
\v 28 Itoboha’e o rova mangoakoakeo, añ’anjomba tsy fimoneñañe,
\q1 ie veka’e ho votre.
\q1
\v 29 Tsy ho mpañaleale re,
\q1 tsy ho nainai’e ty fijangaña’e,
\q1 tsy midrodretse mb’an-tane o ampemba’eo.
\q1
\v 30 Tsy hibolitira’e i ieñey;
\q1 haforejeje’ i lelan’ afoy o tora’eo,
\q1 vaho hampihelaña’ ty kofòm-palie’e.
\q1
\v 31 Ee te tsy hiatoa’e ty hakoahañe,
\q1 hamañahia’e vatañe;
\q1 fa hanambezañe aze ty tsy vente’e.
\q1
\v 32 Ho henek’ aolo’ ty andro’e Izay,
\q1 vaho tsy handrevake ty tsampa’e.
\q1
\v 33 Hahifi’e i valobo’e mantay
\q1 manahak’ i vahey,
\q1 vaho hahintsa’e i voñe’ey
\q1 hambañ’ amo oliveo.
\q1
\v 34 Fa hangoakoake ty fivavea’
\q1 ty tsy aman-Kake,
\q1 vaho ho forototoe’ ty afo
\q1 ty kijà’ o mpanao vokàñeo.
\q1
\v 35 Ie mampiareñe hakalitahañe,
\q1 naho mampiboloañe hakeo,
\q1 vaho famañahiañe
\q1 ty ihentseñan-tro’e.
\c 16
\p
\v 1 Le hoe ty natoi’ Iobe:
\q1
\v 2 Fa maro ty entañe tsinanoko hoe Izay,
\q1 songa mpañohò mahamonjetse.
\q1
\v 3 Tsy higadom-bao o reha-kafoakeo?
\q1 ke inoñe ty manigik’azo hanoiñe?
\q1
\v 4 Mete ho nivolambolañe manahake
\q1 anahareo iraho,
\q1 naho nifandimbe toetse o tron-tikañeo,
\q1 mete ho nanoitoim-bolañe ama’ areo,
\q1 vaho nikofikofihako loha.
\q1
\v 5 Ho nampahaozare’
\q1 ty vavako nahareo,
\q1 vaho nampanintsiña’
\q1 ty fihetsen-tsoñiko.
\q1
\v 6 Fe ndra te mivolan-draho,
\q1 tsy mikepake ty hasotriako,
\q1 hahamaivañ’ ahy hao te mifoneñe.
\q1
\v 7 Fe nimokore’e iraho henaneo,
\q1 fa nahabangý o mpiamako iabio irehe,
\q1
\v 8 Nampiforejeje ahiko irehe, valolombelo amako izay;
\q1 Mionjoñe amako ato ty faifoifoko,
\q1 ie oniñe an-tareheko.
\q1
\v 9 Nirimita’ ty haviñera’e, mitan-kabò amako, nialia’e vazañe; nabohiri’ i Rafelahikoy amako o fihaino’eo.
\q1
\v 10 Nampibolobea-palie amako,
\q1 tinakapi’ iareo amañ’inje ty fifiko,
\q1 le nihimpok’ amako.
\q1
\v 11 Toe nasesen’Añahare
\q1 amo raty tserekeo iraho,
\q1 mbore navokovoko’e am-pità’
\q1 o tsy vokatseo.
\q1
\v 12 Nierañeran-draho,
\q1 fe nampivaletrahe’e.
\q1 Ginore’e am-bozoko vaho hinotohoto’e,
\q1 mbore najado’e ho fanolarañe.
\q1
\v 13 Miarikoboñe ahy o mpitàm-pale’eo, tseratserahe’e, abenta’e tsy aman-tretre
\q1 o tsapa-voakoo,
\q1 vaho adoandoa’e
\q1 an-tane eo o aferokoo.
\q1
\v 14 Boroboñake atovom-boroboñake
\q1 ty niboroboñaha’e ahy;
\q1 hoe fanalohaly t’ie mañoridañe.
\q1
\v 15 Nitrebehako gony ty holiko,
\q1 vaho napoko an-deboke ao ty tsifako.
\q1
\v 16 Nampandofiry
\q1 ty tareheko o tañikoo,
\q1 an-koli-masoko eo
\q1 ty talinjon-kavilasy;
\q1
\v 17 ndra te tsy aman-tsenge hery
\q1 o tañakoo,
\q1 mbore malio o halalikoo.
\q1
\v 18 O ry tane; ko lembefa’o ty lioko,
\q1 le ko mea’o fitofàñe o toreokoo.
\q1
\v 19 Ie amy zao hehe te an-dikerañe ao
\q1 i valolombelokoy, ambone ao i Mpañalañalakoy.
\q1
\v 20 Mikizak’ahy o rañekoo,
\q1 i Andrianañahare
\q1 ty fitsopaha’ o masokoo.
\q1
\v 21 Ehe t’ie nimpañalañalañe añivo’ ondatio naho i Andrianañahare,
\q1 manahake ty ana’ondaty aman-drañe’e.
\q1
\v 22 Aa ie añe ty taoñe tsy ampeampe,
\q1 le hionjomb’an-dalañe
\q1 tsy impolian-draho.
\c 17
\q1
\v 1 Fa demoke ty troko,
\q1 le modo o androkoo; vaho veka’e amako ty kibory.
\q1
\v 2 Toe amako atoa o mañinje ahikoo;
\q1 naho harefe’ o masokoo
\q1 ty fanigiha’ iareo?
\q1
\v 3 Toloro antoke henaneo, Ihe ro tsoake, ia ka ty hifampipao-pitàñe amako?
\q1
\v 4 Fa nakite’o ty tro’ iareo tsy hahilala,
\q1 aa le tsy honjone’o.
\q1
\v 5 Ie mifosa rañetse hahazoa’e raha,
\q1 le hilesa ka o mason’ ana’eo.
\q1
\v 6 Fe nanoa’e mpitolom-bola’ ondaty;
\q1 firorà’ o lahilahio ty tareheko.
\q1
\v 7 Nampaieñe ty fioremeñako o masokoo,
\q1 hoe talinjo avao o fangefangekoo.
\q1
\v 8 Ilatsa’ ondaty vantañeo, hitrobo-vatañe ty vaño
\q1 hatreatre’e ty tsy aman-kake.
\q1
\v 9 Mitan-ty lala’e ty marentane,
\q1 naho mihaozatse vaho mihafatratse
\q1 ty malio fitàñe.
\q1
\v 10 Aa inahareo iaby,
\q1 mibaliha mb’etoa indraike,
\q1 f’ie tsy hahatrea ondaty mahilala ama’ areo.
\q1
\v 11 Fa modo o androkoo,
\q1 nipeñapeñake o safirikoo;
\q1 naho o fisalalan-trokoo!
\q1
\v 12 Afote’ iereo ho andro ty haleñe
\q1 [ami’ty hoe]:
\q1 Mitotoke añatrefa’ i ieñey ty hazavàñe,
\q1
\v 13 Ie andiñisako ho akibako
\q1 ty tsikeokeoke, naho añ’ieñe ao
\q1 ty andafihako i tihikoy,
\q1
\v 14 Aa naho tokaveko i koboñey, [ty hoe:] Raeko irehe, naho i oletsey:
\q1 Ihe ty Reneko naho rahavaveko;
\q1
\v 15 Aia arè o fitamakoo?
\q1 I fisalalàkoy, ia ty mahaisak’ aze?
\q1
\v 16 Hilenteke mb’an-tsikeokeoke ao hao re?
\q1 hitrao-pitofàñe an-debok’ ao hao zahay.
\c 18
\p
\v 1 Aa le hoe ty natoi’
\p i Bildade nte-Sohy :
\q1
\v 2 Pak’ ombia vaho hagado’o o volañeo? Mañaraharà heike, le hirehake zahay.
\q1
\v 3 Aa vaho akore t’ie atao biby?
\q1 te kàboke am-pihaino’o eo?
\q1
\v 4 Ihe mandrimi-batañe ami’ty hasosora’o,
\q1 haforintseñe ty ama’o hao ty tane toy?
\q1 ke havik’ amy toe’ey ty vato?
\q1
\v 5 Eka, hakipeke ty jiro’ o tsereheñeo, vaho tsy haviake ty fibela’ i afo’ey.
\q1
\v 6 Haieñe ty hazavàñe an-kivoho’e ao, vaho hakipeke ty jiro’e ambone’e eo.
\q1
\v 7 Ho tomoreñe ty lian-kaozara’e
\q1 naho hamotsak’ aze o kilili’eo.
\q1
\v 8 O fandia’eo ty hampijòñ’ aze
\q1 an-karato ao, minday aze
\q1 mb’an-tsikarakara mb’eo o lià’eo.
\q1
\v 9 Tsepahe’ ty fandrim-bikoviko ty tomi’e, mibitsok’ ama’e ty bitsoke
\q1
\v 10 Linembeke ho asa’e an-tane ao ty tsingere naho ty fandrik’ an-dalañe eo.
\q1
\v 11 Mañembañ’aze mb’atia mb’etia
\q1 o mampangetraketrakeo,
\q1 mañoridañ’ aze am-pandia’e.
\q1
\v 12 Te hampibotsek’ aze ty haemberañe,
\q1 salahàñe’ ty hankàñe hikorovoha’e.
\q1
\v 13 Hatao’e tsipeake ty holi’e,
\q1 habotse’ ty tañoloñoloñan-kavilasy
\q1 o fangefange’eo.
\q1
\v 14 Hombotañe an-kiboho’e ao
\q1 i niatoa’ey,
\q1 le hasese aolo’ ty mpanjakam- pangetraketrahañe eo.
\q1
\v 15 Leo raik’ amo azeo
\q1 tsy mimoneñe an-kiboho’e ao,
\q1 famitsezam-ponde i akiba’ey.
\q1
\v 16 Maike o vaha’e ambane ao,
\q1 vaho binira ambone ey ty tsampa’e
\q1
\v 17 Modo an-tane atoy ty fitiahiañe aze;
\q1 tsy aman-tahinañe re an-koe añe.
\q1
\v 18 Aronje boak’an-kazavàñe ao re
\q1 mb’an-kamoromoroñañe ao,
\q1 vaho atao soike ami’ty voatse fimoneñañe toy.
\q1
\v 19 Ie tsy hanañ’anake ndra anan’anake
\q1 am’ondati’eo,
\q1 ho po-sehanga’e ty an-kijà’e ao.
\q1
\v 20 Hilatsà’ o mpanonjohy azeo i andro’ey, hambañe ami’ty firia-tsandri’ o niaoloo.
\q1
\v 21 Toe Izay o akiban-tsereheñeo;
\q1 ty toe’ o tsy mahafohiñe
\q1 an’Andrianañahareo.
\c 19
\p
\v 1 Aa le hoe ty natoi’ Iobe :
\q1
\v 2 Pak’ombia nahareo
\q1 ro mbe hampiojeoje ty troko naho hampipinepinek’ahy an-tsaontsy?
\q1
\v 3 Im-polo ty nañonjira’ areo ahiko
\q1 vaho tsy mahasalats’ anahareo
\q1 ty mañaraty ahy.
\q1
\v 4 Aa naho nitò t’ie nandilatse, le midoñ’ amako avao i tahiñey.
\q1
\v 5 Naho mivongevòngek’ amako nahareo manisý ahy amo injekoo,
\q1
\v 6 Le mahafohina te nifotetse amako,
\q1 t’i Andrianañahare
\q1 vaho narikato’e amako ty harato’e.
\q1
\v 7 Mitoreo iraho fa nikatramoeñe
\q1 fe tsy amam-pañaoñe;
\q1 mikanjy, fe tsy añomean-to.
\q1
\v 8 Finahepahe’e ty lalako tsy handenàko,
\q1 naho napo’e añ’oloñoloko ao ty ieñe.
\q1
\v 9 Nampikorendahe’e amako ty engeko,
\q1 vaho nafaha’e an-dohako ao
\q1 i sabakam-bolonahetsey.
\q1
\v 10 Narotsa’e mb’etia mb’atia,
\q1 le fa añe iraho:
\q1 ombota’e hoe hatae ty fitamàko.
\q1
\v 11 Nasoleba’e amako ka ty haviñera’e
\q1 vaho atao’e ho rafelahi’e.
\q1
\v 12 Mitotoke amako o lahindefo’eo,
\q1 mitoañe mb’amako
\q1 le mitobe añariary i kibohokoy.
\q1
\v 13 Napo’e lavitse ahy o rahalahikoo,
\q1 vaho fonga alik’amako o nimpiamakoo.
\q1
\v 14 Namorintseñe ahy o longokoo,
\q1 nañaliño ahy o rañekoo.
\q1
\v 15 O mitobok’ añ’anjombakoo,
\q1 naho o anak’ampatakoo,
\q1 songa manao ahy ho ambahiny,
\q1 toe renetane am-pahaisaha’e.
\q1
\v 16 Tokaveko ty mpitoroko, fe tsy manoiñe,
\q1 ndra te itoreovam-bavako.
\q1
\v 17 Mampangorý i valiko ty kofòko,
\q1 vaho heje’ ty amorin-dreneko.
\q1
\v 18 Manirìk’ahy o anak’ajalahio,
\q1 ie miongake iraho, onjira’ iareo.
\q1
\v 19 Malaiñ’ahy iaby o atehenakoo;
\q1 tsambolitio’ o nikokoakoo.
\q1
\v 20 Mipitek’ ami’ty holiko naho
\q1 ami’ty nofoko o taolakoo,
\q1 vaho an-tain-tsìko avao ty nimolaoreko.
\q1
\v 21 Tretrezo iraho, iferenaiño, ry rañeko;
\q1 fa nipaok’ ahy ty fitàn’Añahare.
\q1
\v 22 Ino ty ampisoaña’ areo ahy hoe t’ie Andrianañahare?
\q1 Tsy mahaeneñ’ anahareo hao o holikoo?
\q1
\v 23 Ee te nisokireñe o volako zao!
\q1 Lonike t’ie nipatereñe am-boke ao!
\q1
\v 24 Ee any t’ie sokirañe
\q1 an-tsantilò viñe naho firake
\q1 am-bato tsy ho modo!
\q1
\v 25 Fa naho izaho, apotako te veloñe
\q1 i Mpijebañ’ahikoy,
\q1 ie hijohañe ambone’
\q1 o lembokeo an-tsengaha’e añe.
\q1
\v 26 Le ie fa momoke ty holiko—
\q1 ty mianto toy, ho treako boak’ ami’ty nofoko t’i Andrianañahare;
\q1
\v 27 Eka, hahatrea Aze iraho;
\q1 o masokoo ro hahaisak’ aze fa tsy ty ila’e.
\q1 Momoke o añ’ovakoo!
\q1
\v 28 Hera hanao ty hoe nahareo:
\q1 Akore ty hampisoañan-tikañ’ aze?
\q1 Ino ty lengo’e ho tendreke
\q1 hanesehañ’ aze?
\q1
\v 29 Mihembaña amy fibaray; amy te minday falilovam-pibara o haviñerañeo,
\q1 hahafohina’ areo te eo ty zaka.
\c 20
\s1 Tsofare
\p
\v 1 Aa le hoe ty natoi’ i Tsofare
\p nte-Naamate:
\q1
\v 2 Mañetsek’ ahy hanao o fitsakoreakoo, naho
\q1 tokoen-draha ty am-pisafoañ’ ao.
\q1
\v 3 Fa tsinanoko i endake fañinjeañ’ ahiy, fe manoiñe ahy
\q1 ty arofo tsy takam-pahilàlako.
\q1
\v 4 Tsy fohi’o hao boake haehae zay,
\q1 hirik ami’ty nampipohañe ondaty
\q1 an-tane atoy?
\q1
\v 5 T’ie anianik’ avao ty hafalea’
\q1 o tsereheñeo,
\q1 mihelañe ty firebeha’ ty tsy aman-Kàke.
\q1
\v 6 Ndra te mitakatse andikerañe eñe
\q1 ty fitoabora’e,
\q1 naho mioza rahoñe i añambone’ey,
\q1
\v 7 mbe hihomake manahake o fiamonto’eo kitro-katroke;
\q1 hanao ty hoe o mpahatrea’ azeo:
\q1 Aia re?
\q1
\v 8 Himosaoñe hoe nofy re,
\q1 tsy ho isake ka,
\q1 hasiotse hoe aroñaron-kaleñe.
\q1
\v 9 Tsy ho isa’
\q1 ty fihaino nahaoniñe aze;
\q1 tsy hahatrea aze ka i akiba’ey.
\q1
\v 10 Mipay tretre amo rarakeo o ana’eo;
\q1 le soloem-pità’e o vara’eo.
\q1
\v 11 Lifotse ty havitrihan-katora’e
\q1 o taola’eo,
\q1 fe hitrao fidok’ ama’e an-debok’ ao.
\q1
\v 12 Ndra te mamy am-palie’e ao
\q1 ty halò-tsere’e
\q1 vaho aeta’e ambane famele’e ao,
\q1
\v 13 ndra te tea’e, tsy foe’e, tambozore’e am-palie’e ao,
\q1
\v 14 le hiova hafaitse am-pisafoa’e ao
\q1 o mahakama’eo;
\q1 hoe vorehe’ o mereñeo ty ao.
\q1
\v 15 Agedra’e o varao fe haloa’e;
\q1 ampañiliñan’ Añahare
\q1 boak’ am-pisafoa’e ao.
\q1
\v 16 Sihe’e ty vorem-pañàneñe;
\q1 avetra’ ty fitsipom-pandrefeala.
\q1
\v 17 Tsy ho sambae’e o torahañeo,
\q1 o saka midoandoan-tantele
\q1 naho hendron-drononoo.
\q1
\v 18 Havaha’e i nifanehafa’ey, fa tsy hatele’e;
\q1 i vara niazo’e an-takinakey
\q1 tsy hahafale aze,
\q1
\v 19 Amy te finorekeke’e o rarakeo
\q1 vaho nado’e ho poie’e;
\q1 nitavane’e ty anjomba tsy rinanji’e.
\q1
\v 20 Ty amy tsy fipendreñañe an-tro’e ao,
\q1 tsy apo’ i fihaña’e
\q1 te eo ty himolaotse ama’e.
\q1
\v 21 Po-draha sisa hagodrañe;
\q1 toly ndra hihelañe añe ty firaorao’e.
\q1
\v 22 Ami’ty haliforan-kavokara’e
\q1 ty hanjoa’e fanjirañe;
\q1 fonga atreatre’e ze fità’ o misotrio.
\q1
\v 23 Ie boboke ty fisafoa’e le hafetsa’e ama’e
\q1 ty fiforoforoan-kaviñera’e,
\q1 hakojojoa’e ama’e t’ie mihinañe.
\q1
\v 24 Ndra te hivoratsaha’e
\q1 ty fialiam-bý, hampitrofak’ aze
\q1 ty fale torisìke.
\q1
\v 25 Sitoneñe, le miakatse an-dambosi’e,
\q1 i masioñe milimolimotsey
\q1 boak’ añ’afero’e ao;
\q1 vaho vovoem-pirevendreveñañe.
\q1
\v 26 Fimoromoroñañe ty vandroñeñe
\q1 ho amo vara’eo.
\q1 Afo tsy rarafeñe ty hamorototo aze vaho hangotomomoke ty honka’e
\q1 añ’akiba’e ao.
\q1
\v 27 Ho borahe’ o likerañeo o hakeo’eo;
\q1 hitroatse hiatreatrea’ ty tane toy.
\q1
\v 28 Ho kopaheñe ty vokatse
\q1 an-kivoho’e ao, ie hasoik’ añe amy andron-kaviñera’ey.
\q1
\v 29 Izay ty toly havalen’ Añahare
\q1 amy lo-tserekey,
\q1 ty ampandovaen’ Añahare aze.
\c 21
\p
\v 1 Le hoe ty natoi’ Iobe:
\q1
\v 2 Tsatsiho o entakoo;
\q1 ehe t’ie ro hamere anahareo.
\q1
\v 3 Iheveo hey hivolañe,
\q1 ie fa nivolañe, le mañinjea.
\q1
\v 4 Aa naho izaho,
\q1 ondaty hao ty itoreovako?
\q1 Ino ty tsy hahatsimboetse ahy?
\q1
\v 5 Isaho iraho vaho ilatsao:
\q1 akapefo am-pitàñe ty falie.
\q1
\v 6 Ie mahatiahy iraho, le embetse;
\q1 fitititihañe ty mangazoñe ty vatako.
\q1
\v 7 Akore te mbe veloñe o tsereheñeo,
\q1 miha-bey,
\q1 vaho mitombo an-kaozarañe\f + \fr 21:7 \fr*\ft Sab 73:3,17, Iir 12:1-2\ft*\f*?
\q1
\v 8 Mitrao-pimoneñe am’iareo,
\q1 am-pahaisaha’ iareo o ana’eo,
\q1 añatrefam-pihaino’ iareo
\q1 o tarira’eo.
\q1
\v 9 Soa-aro tsy an-kahembañañe
\q1 o akiba’eo;
\q1 tsy am’ iereo ty kobain’Añahare.
\q1
\v 10 Mitongoñe o añombelahi’eo fa tsy milesa;
\q1 miterake o añombe vave’eo fa tsy mandoly.
\q1
\v 11 Ampidadà’ iereo
\q1 hoe lia raike o ana’eo;
\q1 mitrekatreka o keleia’eo.
\q1
\v 12 Kantsáñe naho marovany
\q1 ty arahe’ iareo takasy,
\q1 vaho mifale ami’ty feon-tsoly.
\q1
\v 13 Gadoñe’ iereo am-pibodobodoañe o andro’eo vaho mizotso mb’an-kibory ao am-pierañerañañe.
\q1
\v 14 Ie nanao ty hoe aman’ Añahare:
\q1 Adono zahay!
\q1 Tsy fañiria’ay ty hahafohiñe o sata’oo.
\q1
\v 15 Ia ze o El-Sadai zao, hitoroña’ay?
\q1 Ino ty ho tombo’e ho anay
\q1 te ihalalia’ay?
\q1
\v 16 Heheke, tsy am-pità’ iareo ty hasoa, lavits’ahy
\q1 ty famerea’ o lo-tserekeo.
\q1
\v 17 Im-pire hao te akipeke
\q1 ty failo’ o tsivokatseo?
\q1 Im-pire t’ie ivovoa’ ty hankàñe?
\q1 Ie anjarà’e ty tivontivoñe
\q1 ty amy haviñera’ey.
\q1
\v 18 Boka-maike miatre-tioke iereo,
\q1 hoe kafo’e aboelen-tio-bey?
\q1
\v 19 [Hoe nahareo:] Ahajan’ Añahare
\q1 ho amo ana’eo o tahi’eo.
\q1 Ehe te hañondroke ama’e
\q1 t’i Andrianañahare, hahafohina’e.
\q1
\v 20 Apoho ho oni-pihaino’e ty firotsaha’e, hitohofa’e ty haviñera’ i El-Sadai.
\q1
\v 21 Haoñe’e hao i hasavereña’e
\q1 hanonjohy azey,
\q1 apota’e hao te voaiake o vola’eo?
\q1
\v 22 Ia ty hañoke hilala aman’Añahare
\q1 kanao Ie ro mizaka o an-dikerañeo?
\q1
\v 23 Mihomak’ ami’ty haañoña’e ty raike,
\q1 ie miaiñañoleñañe am-panintsiñañe.
\q1
\v 24 Pea ronono o korobo’eo,
\q1 lendeñe o betron-taola’eo.
\q1
\v 25 Mivetrake ka ty aman-kafairan-troke,
\q1 le lia’e tsy nitsopeke raha mafiry.
\q1
\v 26 Songa mandre andebok’ ao,
\q1 sindre saroñan-oletse.
\q1
\v 27 Eka, fantako ty fikitroha’ areo,
\q1 ty fikililia’ areo hañaraty ahy.
\q1
\v 28 Fa hoe nahareo:
\q1 Aia ty anjomba’ i roandriañey?
\q1 Aia ty kivoho, ty fimoneña’ o lo-tserekeo?
\q1
\v 29 Mboe tsy nañontanea’ areo hao
\q1 o mpañaveloo,
\q1 tsy apota’ areo hao o talili’ iareoo?
\q1
\v 30 te arovañe ho an-tsan-kankàñe
\q1 i tsereheñey, ho kozozoteñe mb’eo añ’androm-piforoforoañe.
\q1
\v 31 Ia ty hiatreatre aze ty amo lala’eo,
\q1 ia ty hañondrok’ ama’e o nanoe’eo?
\q1
\v 32 Ie takoneñe mb’an-kibory mb’eo,
\q1 vaho ambenañe i lona’ey.
\q1
\v 33 Mamy ama’e o vongan-tane
\q1 am-bavataneo;
\q1 vaho fonga hañorik’ aze ondatio,
\q1 ie mitozantozañe ka ty niaolo.
\q1
\v 34 Aia arè ty añohòa’ areo
\q1 amañ’entan-kòake,
\q1 le o hatoi’ areoo,
\q1 manao hakalitahañe avao.
\c 22
\p
\v 1 Le hoe ty natoi’ i Elifaze nte-Temane:
\q1
\v 2 Mahasoa an’Andrianañahare hao t’indaty?
\q1 mahafitoloñ’aze hao t’ie bey moko?
\q1
\v 3 Mahafale i El-Sadai hao
\q1 t’ie vantañe?
\q1 aman-tambe’e hao te
\q1 fonire’o tsy aman-kila o sata’oo?
\q1
\v 4 Ty fañeveña’o ama’e hao
\q1 ty añendaha’e azo hizaka’e?
\q1
\v 5 Tsy mitoabotse hao o tahi’oo?
\q1 Tsi-vatse o hakeo’oo!
\q1
\v 6 Nangala’o tsoake ami’ty tsy
\q1 vente’e i rahalahi’oy,
\q1 vaho hinoli’o hiboridañe.
\q1
\v 7 Tsy nanjotsoa’o rano ty taliñiereñe hinoma’e,
\q1 vaho nitana’o amy salikoeñey
\q1 ty mahakama.
\q1
\v 8 Tompo’ ty tane toy ty fanalolahy;
\q1 vaho mpioneñe ao ty aman-kasy.
\q1
\v 9 Nampolie’o hara’e o vantotseo,
\q1 vaho navitso’o ty taña’ o bode-raeo.
\q1
\v 10 Toly t’ie arikoboñem-pandrike, naho itsoborean-ka’endrahañe;
\q1
\v 11 an-kamoromoroñañe tsy hahaisaha’o,
\q1 vaho mandipots’azo ty rano bey.
\q1
\v 12 Tsy andindin-dikerañe ao hao
\q1 t’i Andrianañahare?
\q1 Isaho ka ty haabo’ o vasiañeo,
\q1 t’ie an-tiotiots’ eñe.
\q1
\v 13 Hoe irehe: Ino ty arofoanan’ Añahare? hahafiranga
\q1 o ieñe milodolodoo hao ty fizakà’e?
\q1
\v 14 Mañibok’ aze o rahoñe mikopokeo
\q1 tsy hahavazohoa’e,
\q1 vaho an-kivoho’ i likerañey ty fidraidraita’e.
\q1
\v 15 Horihe’o hao i lalañe haehae
\q1 nilià’ ondaty tsereheñeoy?
\q1
\v 16 O sinintoñe aolo’ ty andro’eo;
\q1 ie sinaon-drano-vohitse o faha’eo,
\q1
\v 17 ie nanao ty hoe aman’ Añahare:
\q1 Ihankaño zahay; naho,
\q1 Ino ty mete hanoa’ i El-Sadai?
\q1
\v 18 Mbe natsafe’e hasoa avao
\q1 ty anjomba’e.
\q1 Fe lavits’ ahy ty famerea’ o tsivokatseo.
\q1
\v 19 Oni’ o vañoñeo Izay, le fale,
\q1 iankahafa’ o malioo añ’ inje,
\q1
\v 20 [ami’ty hoe]:
\q1 Toe naitoeñe o malaiñe anaio,
\q1 niforototoe’ ty afo
\q1 o vara’ iareoo.
\q1
\v 21 Aa le mifampilongoa ama’e,
\q1 hanintsiña’o, hitotsaha’ ty soa.
\q1
\v 22 Ehe, rambeso am-palie’e
\q1 ty Hake,
\q1 vaho ahajao añ’arofo’o ao
\q1 o tsara’eo.
\q1
\v 23 Mimpolia amy El-Sadai
\q1 le ho vaoen-drehe,
\q1 ampisitaho lavitse
\q1 i kiboho’oy ty tsy to.
\q1
\v 24 Ahajao an-debok’ ao ty vara,
\q1 ty volamena’ i Ofire
\q1 amo vato an-torahañeo.
\q1
\v 25 Le i El-Sadai ty ho vara’o,
\q1 ie ty volafoty ki’e ama’o,
\q1
\v 26 vaho hifalea’o t’i El-Sadai,
\q1 le hampiandrae’o aman’ Añahare
\q1 ty lahara’o.
\q1
\v 27 Hihalaly ama’e irehe, le hijanjiña’e,
\q1 ie havaha’o o nifantà’oo.
\q1
\v 28 Hisafiry irehe, le ho tafetetse vaho hireandreañe
\q1 amo lala’oo ty hazavàñe.
\q1
\v 29 Naho eo ty areke,
\q1 le hanoa’o ty hoe: tsiringèvotse!
\q1 ty mirè-batañe ro haha.
\q1
\v 30 Havotso’e hao ty tsy malio tahiñe,
\q1 hañaha azo ty faliom-pità’o.
\c 23
\p
\v 1 Hoe ty natoi’ Iobe:
\q1
\v 2 Mafaitse ty toreoko henaneo,
\q1 taña-miletraletra ty amy hatreontreoko.
\q1
\v 3 Ehe te napotako ty hahatreavako Aze,
\q1 hiheovako mb’am-piambesa’e mb’eo.
\q1
\v 4 Halahako aolo’e eo ty amako,
\q1 vaho hatsafeko veroke ty vavako.
\q1
\v 5 Ho azoko ty entañe havale’e ahy,
\q1 vaho ho rendreko ty hitsara’e.
\q1
\v 6 Hatreatré’e ami’ty hara’elahin-kaozara’e hao?
\q1 Aiy, f’ie ho haoñe’e.
\q1
\v 7 Mete hilahatse ama’e ty vañoñe,
\q1 hamotsorañe ahy nainai’e
\q1 amy Mpizakakoy.
\q1
\v 8 Hehe te mionjon-draho, f’ie tsy eo,
\q1 midisa-voly, fa tsy isako,
\q1
\v 9 ie mitoloñ’an-kavia, tsy treako,
\q1 ie mitolike mb’àn-kavana,
\q1 tsy rendreko.
\q1
\v 10 Fe arofoana’e ty lala fombàko,
\q1 ie fa nitsoeha’e le hiboake hoe volamena.
\q1
\v 11 Nahafitinoñe i lia’ey ty tomboko,
\q1 nifaharako i lala’ey vaho tsy nitsile.
\q1
\v 12 Tsy nisitahako o nafèm-pivimbi’eo;
\q1 nahajako o tsaram-palie’eo
\q1 mandikoatse ty anjara rimako.
\q1
\v 13 F’ie tsy roe tsy telo,
\q1 ia ty hampitolik’ aze?
\q1 anoe’e iaby ze satrin’arofo’e.
\q1
\v 14 Ie ro mañeneke o atolots’ ahikoo:
\q1 maro ty fanoe’e hoe Izay.
\q1
\v 15 Aa le hirevendreven-draho
\q1 añ’atrefa’e eo;
\q1 izaho mitsakore, le añeveñako.
\q1
\v 16 Ampianifan’ Añahare ty troko,
\q1 ampangebahebae’ i El-Sadai,
\q1
\v 17 Toe tsy naitoañ’ añatrefa’ i ieñey iraho,
\q1 naho nisaroña’e an-tareheko i fimoromoroñañey.
\c 24
\q1
\v 1 Tsy mikafitse amy El-Sadai
\q1 o sa-o,
\q1 Akore te tsy mahaoniñe o andro’eo
\q1 o mahafohiñe azeo?
\q1
\v 2 Ao ty mameve vorovoro:
\q1 ie mitavañe naho mampibotseke
\q1 lia-raike.
\q1
\v 3 Roahe’ iareo añe ty borìkem-bode-rae,
\q1 vaho rambese’ iereo ho tsoake
\q1 ty vosi’ i vantotsey.
\q1
\v 4 Ampisitahe’ iereo amy lalañey ty poie’e;
\q1 mitrao-pietake o rarake an-tane atoio.
\q1
\v 5 Hehe te hoe borìke-ly
\q1 an-dratraratra añe
\q1 ty irembea’ iareo mitsindroke;
\q1 hera hamahan-kaneñe amo ana’eo
\q1 ty fatrambey.
\q1
\v 6 Tatahe’ iereo ze haneñe an-kivok’ ao,
\q1 vaho timpone’ iereo
\q1 ty an-tanem-bahen-do-tserek’ ao.
\q1
\v 7 Miboridañe t’ie mialeñe,
\q1 tsy aman-tsaroñe,
\q1 tsy amam-bodo amy hanintsiñey.
\q1
\v 8 Len-oram-bohitse iereo,
\q1 vihineñe ty lamilamy
\q1 amy t’ie tsy amam-pipalirañe.
\q1
\v 9 Eo ty mitavam-bode-rae am-patroa
\q1 vaho andrambesan-tsoak’ ty rarake.
\q1
\v 10 Ampandenàñe tsy aman-tsikiñe
\q1 ty miboridañe,
\q1 tavane’ iareo ty taho’ o salikoeñeo,
\q1
\v 11 ie mamboatse menake an-kijoly ao;
\q1 mandia am-piriritan-divay,
\q1 f’ie maran-drano.
\q1
\v 12 Miñeoñeoñe an-drova ao ondatio,
\q1 mikoiake ty fiai’ o fereo;
\q1 f’ie tsy anesehan’ Añahare hagegeañe.
\q1
\v 13 Mpiamo mpiola amo hazavàñeo,
\q1 tsy fohi’ iareo o sata’eo,
\q1 tsy imoneña’ iareo o lala’eo.
\q1
\v 14 Mitroatse te mazava i mpañoho-dozay, hanjevoa’e o rarakeo
\q1 naho o poie’eo,
\q1 ie haleñe manao malaso.
\q1
\v 15 Mandiñe mielizava
\q1 ty masom-panao havambañe,
\q1 hoe re: tsy honiñam-pihaino,
\q1 mbore honohonoe’e ty tarehe’e.
\q1
\v 16 Ie añ’ieñe ro mampigorabak’ anjomba, antoandro migabeñe ao:
\q1 tsy fohi’ iereo ty hazavàñe.
\q1
\v 17 Talinjom-piantantiritse ama’e
\q1 ty maraindray:
\q1 mahazats’ aze ty fampangebahebahan-
\q1 kamoromoroñañe.
\q1
\v 18 Vore mikafo an-drano eo iereo;
\q1 fatra an-tane ty anjara’e,
\q1 tsy itsileañe ty mb’an-tanem-bahe’e.
\q1
\v 19 Mamotseke ranom-panala
\q1 ty tariñandroke naho ty hain-tane:
\q1 Izay ka ty kibory amo manan-tahiñeo.
\q1
\v 20 Handikok’ aze i hoviñey;
\q1 an-kaehake ty fihinanan’ oletse aze
\q1 ampara’ te tsy tiahy ka:
\q1 ie pozaheñe hoe hatae i lo-tserekey.
\q1
\v 21 Joie’e i betsiterakey,
\q1 tsy soa’e ty vantotse.
\q1
\v 22 Kozozote’e amañ-ozatse ty fanalolahy;
\q1 mitroatse re le iatoa’ ia ty havelo’e.
\q1
\v 23 Tolora’e fañarovañe, le iatoa’iareo;
\q1 mbore jilove’e o lala’iareoo.
\q1
\v 24 Onjoneñe betebeteke iereo,
\q1 naho mifiotse añe;
\q1 afotsake naho atontoñe ao
\q1 manahake o ila’e iabio;
\q1 vaho miheatse hoe
\q1 t’ie lengom-boto-tsako.
\q1
\v 25 Aa naho tsy Izay,
\q1 ia ty hamente t’ie mavande
\q1 hampikoake i entakoy?
\c 25
\p
\v 1 Nanoiñe amy zao t’i Bildade
\p nte-Sohy:
\q1
\v 2 Aze ty fifeheañe naho ty fañeveñañe;
\q1 ampanintsiña’e ty andindi’e ao.
\q1
\v 3 Tsi-vatse o lahin-defo’eo!
\q1 ama’ia ty tsy anjiriha’ i hazavà’ey?
\q1
\v 4 Aia te ho to aolon’Añahare ondatio?
\q1 Aia te halio ty nasaman-drakemba?
\q1
\v 5 Ndra i volañey tsy mazava
\q1 vaho tsy ki’e am-pivazohoa’e o vasiañeo,
\q1
\v 6 àntsake ondatio, fa oletse,
\q1 naho o ana’ ondatio, fa aisañe.
\c 26
\p
\v 1 Ty hoe ty natoi’ Iobe:
\q1
\v 2 Akore ty nañimba’o ty tsy aman’ ozatse?
\q1 ty nandrombaha’o ty sirañe
\q1 tsy an-kafatrarañe?
\q1
\v 3 Akore ty nanoroa’o ty tsy aman-kilala;
\q1 ty nitaroñe’o hasoa-anatse ami’ty maro?
\q1
\v 4 Ia ty nañakara’o saontsy?
\q1 Vaho fañahi’ ia ty nitroboeñe ama’o?
\q1
\v 5 Mihelohelo ambane rano ao o loloo,
\q1 naho o mpimoneñeo.
\q1
\v 6 Miboridañe añatrefa’e eo
\q1 ty Tsikeokeoke;
\q1 tsy aman-tsaro’e ty Fandrotsahañe.
\q1
\v 7 Alama’e an-dikerañe ambone’
\q1 i hoakoakey i avaratsey;
\q1 aradorado’e ambone
\q1 hakoahañe eo ty tane toy.
\q1
\v 8 Aholonkolo’e amo raho’eo ty rano,
\q1 fe tsy miporitsak’ ambane i rahoñey.
\q1
\v 9 Takona’e ty tarehe’ i zava-volañey,
\q1 alafi’e ama’e i raho’ey.
\q1
\v 10 Nañarikatoha’e sokitse
\q1 ty an-tarehe’ o ranoo
\q1 hañefera’e amy ieñey i hazavàñey.
\q1
\v 11 Miezeñezeñe o fahan-dikerañeo,
\q1 mianifañe ami’ty enda’e.
\q1
\v 12 An-kaozarañe ty nampipendreña’e i riakey;
\q1 aman-kihitse ty nitomboha’e i Rahàbe.
\q1
\v 13 I kofò’ey ty ampisava’e i likerañey;
\q1 trinofam-pità’e i mereñe mitsiritsiokey.
\q1
\v 14 Inay, romoromom-pitoloña’e irezay,
\q1 le volam-bisibisike ty ijanjiñañe, Fe ia ty mahafohiñe i figorogodoiña’e ra’elahiy?
\c 27
\p
\v 1 Tinovo’ Iobe amy lañona’ey ty hoe:
\q1
\v 2 Kanao veloñe t’i Andrianañahare,
\q1 nitavañe ty zoko;
\q1 naho i El-Sadai
\q1 nampafaitse ty troko,
\q1
\v 3 ie mbe amako ty fiaiko,
\q1 naho an-doak’ oroko ao
\q1 ty kofòn’ Añahare,
\q1
\v 4 le lia’e tsy hañoratse o soñikoo,
\q1 vaho tsy hiñeoñeo famañahiañe ty lelako.
\q1
\v 5 Sondia’e te hiantofako ho to ty anahareo; ampara’ te hivetrake,
\q1 tsy hapitsoko amako ty fahitiko.
\q1
\v 6 Ho faharako ty havañonako
\q1 vaho tsy havotsoko;
\q1 leo raik’ amo androkoo tsy inje’ ty troko.
\q1
\v 7 Ee te hanahake o tsereheñeo
\q1 o malaiñe ahikoo,
\q1 naho ho hambañe ami’ty tsivokatse
\q1 ty mitroatse amako.
\q1
\v 8 Ino ty fitamà’ ty tsy aman-Kake,
\q1 t’ie naito,
\q1 ie tsoahen’ Añahare ty fiai’e?
\q1
\v 9 Ho janjiñen’Añahare hao ty fikoia’e
\q1 ie mivovo ama’e ty hankàñe?
\q1
\v 10 Hifalea’e hao t’i El-Sadai?
\q1 Ho kanjie’e nainai’e
\q1 hao t’i Andrianañahare?
\q1
\v 11 Hampandrendreheko anahareo
\q1 ty fitàn’ Añahare;
\q1 tsy eo ty hapoko ty amy El-Sadai.
\q1
\v 12 Toe fonga nahaisake nahareo,
\q1 akore arè t’ie mitsingevongevo?
\q1
\v 13 Intoy ty toly tsaharen’ Añahare
\q1 amo tsereheñeo,
\q1 ty lova azotso’ i El-Sadai
\q1 amo mampangebahebakeo;
\q1
\v 14 Ndra firefire o ana’eo
\q1 le ho amy fibaray avao;
\q1 le lia’e tsy ho enen-kaneñe o tarira’eo.
\q1
\v 15 Halente’ ty kiria o sehanga’eo,
\q1 le tsy hahafandala o ramavoi’iareoo.
\q1
\v 16 Ndra te ampitoabore’e
\q1 hoe deboke ty volafoty,
\q1 naho avotri’e hoe lietse o saroñeo—
\q1
\v 17 ndra te ihentseña’e,
\q1 ho sikina’ o vantañeo,
\q1 vaho hifanjarà’ o malio-tahiñeo
\q1 i volafotiy.
\q1
\v 18 Tsene’e hoe fararotse ty akiba’e,
\q1 hoe kibohotse faorem-pigaritse.
\q1
\v 19 Reketse vara t’ie màndre,
\q1 fe tsy hamokatse ka;
\q1 ie mañente, tsy eo.
\q1
\v 20 Imbotraha’ ty firevendreveñañe
\q1 hoe sorotombake;
\q1 itavaña’ ty tangololahy haleñe.
\q1
\v 21 Ahela’ i tiok’ atiñanañey; le añe re;
\q1 naviovio’ i tiobeiy amy toe’ey.
\q1
\v 22 Eka mihiririñe mb’ama’e le tsy apo’e;
\q1 himanea’e ty hipoliotse am’pità’e.
\q1
\v 23 Ho tehafam-pitàñe,
\q1 ho kosasaheñe hiakatse i toe’ey.
\c 28
\q1
\v 1 Toe ao ty lakato fitsikaraham-bolafoty naho ty toem-pitranaham-bolamena.
\q1
\v 2 Akareñe an-debok’ ao ty viñe,
\q1 le tranaheñe am-bongam-bato
\q1 ty torisike.
\q1
\v 3 Fongore’e ty ieñe, tsikarahe’e pak’
\q1 am-para-piefera’e ao ty vato,
\q1 an-kamoromoroñañe naho
\q1 an-talinjon-kavilasy ao.
\q1
\v 4 Anokafa’e lalam-pigodañañe,
\q1 ­lavi-pimoneñañe; andikofam-pandia, ­miradorado ao, mitsikadròtse ­lavits’ ondaty.
\q1
\v 5 Ty tane toy, ama’e ty iboaha’ ty mahakama; ambane’e ao
\q1 hoe trobotroboen’ afo.
\q1
\v 6 Angalan-tsafira o vato’eo,
\q1 naho volamena an-debo’e ao.
\q1
\v 7 Tsy hay o voro-pamaokeo i lalañey;
\q1 tsy trea’ ty maso’ i hitikitikey.
\q1
\v 8 Tsy nilià’ o bibi-ly mpireñetseo;
\q1 mbe tsy nipiapia ambone’e eo ty liona.
\q1
\v 9 Ahiti’e mb’amo vato-pilakeo ty fità’e vaho avalitaboa’e reke-bahatse
\q1 o vohitseo.
\q1
\v 10 Kaohe’e amo vatoo ty talàha
\q1 vaho oni-pihaino’e ze atao vara.
\q1
\v 11 Sebaña’e o torahañeo tsy hiorike;
\q1 aboa’e mb’an-kazavàñe o raha nikafitseo.
\q1
\v 12 Fe aia ty hahaoniñañe hihitse?\f + \fr 28:12 \fr*\ft a.28\ft*\f*
\q1 Aia ka ty toe’ o hilalao?
\q1
\v 13 Tsy fohi’ondaty ty vili’e,
\q1 toe tsy tendrek’ an-tane’ o veloñeo.
\q1
\v 14 hoe i lalekey, Tsy amako atoa;
\q1 le hoe i riakey, Tsy amako etoa.
\q1
\v 15 Tsy ikaloam-bolamena,
\q1 vaho tsy andanjàm-bolafoty.
\q1
\v 16 Tsy añoharañe ami’ty
\q1 volamena’ i Ofire,
\q1 ndra an-tsohame sarotse
\q1 ndra safira.
\q1
\v 17 Tsy añirinkiriña’ ty volamena
\q1 ndra ty kristaly,
\q1 tsy tsalohem-panake volamena ki’e.
\q1
\v 18 Tsy ivolañañe
\q1 ty vaton-driake ndra vato-soa;
\q1 ambone’ o hangeo ty fikaloan-kihitse.
\q1
\v 19 Tsy oharañe ama’e ty pit-dae\f + \fr 28:19 \fr*\ft Pit-dae: karaza-vatosoa\ft*\f*’ i Kose,
\q1 tsy ibalibalihem-bolamena hiringiri’e.
\q1
\v 20 Hirik’ aia arè o hihitseo?
\q1 Vaho aia ty toe’ o hilalao?
\q1
\v 21 Ie mikafits’ am-pihaino’
\q1 ze atao veloñe,
\q1 vaho mietak’ amo voron-tiokeo.
\q1
\v 22 Hoe ty Tsikeokeoke naho i Havilasy:
\q1 fa nahatsanon-talily aze o sofi’aio.
\q1
\v 23 Arofoanan’ Añahare i lala’ey,
\q1 fohi’e ka i toe’ey.
\q1
\v 24 Jilove’e pak’ añ’olo’ ty tane toy,
\q1 vazoho’e ze he’e ambanen-dikerañe ao.
\q1
\v 25 Ie nanolora’e lanja o tiokeo,
\q1 vaho nanjara’e an-kapoake o ranoo;
\q1
\v 26 ie nafepè’e o orañeo,
\q1 naho ty lala’ o helats’ampiñeo;
\q1
\v 27 Le nivazohoe’e, nitseize’e;
\q1 najado’e vaho tsinikara’e.
\q1
\v 28 Le hoe re am’ondatio,
\q1 Inao: Ty fañeveñañe amy Talè,
\q1 Izay ro hihitse;
\q1 ty fisitahañe an-karatiañe ro hilala.
\c 29
\p
\v 1 Tinoi’Iobe i lañona’ey, ami’ty hoe:
\q1
\v 2 Ee t’ie nanahake o volañeo,
\q1 naho o andro narovan’ Añahare ahikoo;
\q1
\v 3 ie niiloilo ambone’ lohako eo ty failo’e,
\q1 naho i hazavà’ey ty nirangako añ’ieñe ao;
\q1
\v 4 ie tañ’andro naha añoñ’ay ahy,
\q1 vaho tambone’ kibohoko eo
\q1 ty firañetan’ Añahare;
\q1
\v 5 ie mbe tamako t’i El-Sadai,
\q1 naho niarikoboñ’ ahy o keleiakoo;
\q1
\v 6 ie nisasan-kendron-dronono o liakoo,
\q1 vaho nadoandoa’ o vatoo amako
\q1 ty menake!
\q1
\v 7 Ie niakatse mb’an-dalambein-drova mb’eo iraho,
\q1 ie rinambeko antameañe eo
\q1 i fitobohakoy.
\q1
\v 8 Nisitak’ ahiko o ajalahio te zoeñe,
\q1 songa niongake ty bey vaho nijohañe;
\q1
\v 9 Nitroatse ami’ty fivesoveso’e
\q1 o roandriañeo vaho nitàm-palie.
\q1
\v 10 Nianjiñe ty fiarañanaña’ o roandriañeo,
\q1 le nipitek’ an-dañilañy o famele’eo.
\q1
\v 11 Ie jinanjin-dravembia,
\q1 le natao’e haha iraho,
\q1 ie niisam-pihaino, le nitalily ahy;
\q1
\v 12 amy te rinombako ty rarake
\q1 nikai-drombake,
\q1 i bode-rae tsy amam-pañimbay.
\q1
\v 13 Nivotrak’ amako ty tata’ i nipetrokey,
\q1 vaho nampisaboeko an-kaehake
\q1 ty arofo’ o vantotseo.
\q1
\v 14 Niombeako ty havantañañe,
\q1 le nisalora’e;
\q1 nanahake ty sabaka reke-tsarimbo
\q1 ty havañonako.
\q1
\v 15 Ni-fihaino ami’ty fey iraho,
\q1 naho fandia amo kepekeo.
\q1
\v 16 Ni-rae’ o poie’eo,
\q1 vaho nitsikaraheko
\q1 ty nipaia’ i alik’amakoy.
\q1
\v 17 Pinekako ty famotsi’ o tsereheñeo naho tinavako amo nife’eo
\q1 i nitsindrohe’ey.
\q1
\v 18 Le hoe ty fitsakoreako,
\q1 t’ie hikenkañe añ’akibako ao,
\q1 naho hampimiràko amo faseñeo ty androko;
\q1
\v 19 mitsiriaria mb’an-drano o vahakoo vaho mialeñe amo tsampakoo ty zono.
\q1
\v 20 Vao amako nainai’e ty engeko,
\q1 vaoeñe an-tañako ao ty faleko.
\q1
\v 21 Nijanjiñe naho nandiñe ahy ondatio,
\q1 nianjiñe t’ie namereako.
\q1
\v 22 Ie nilañon-draho, tsy nisaontsy iereo,
\q1 nitsopatsopak’ am’iereo o entakoo.
\q1
\v 23 Hoe orañe ty nandiñisa’ iareo ahiko;
\q1 ie nipaña-palie
\q1 hoe aman’ oram-panjaka.
\q1
\v 24 Nisomilahako t’ie tsy niantoke;
\q1 le tsy nazè’ iereo ty filoeloean-tareheko.
\q1
\v 25 Jinoboko ty lala hombà’ iareo
\q1 vaho nitoboke hoe talè,
\q1 nimoneñe hoe mpanjaka ami’ty borizà’e,
\q1 manahake ty mpañohòm-pandala.
\c 30
\q1
\v 1 Fe itsikihan-jaiko henaneo,
\q1 ie tsy ho nimeiko hindrezan-droae’ iareo o amboan’ añondrikoo.
\q1
\v 2 Eka! hataoko ino’
\q1 ty herin-taña’ iareo?
\q1 Ie fa modo ty hagañ’oza’ iareo?
\q1
\v 3 Miheahea naho poie’e
\q1 vaho saliko iereo,
\q1 draote’ iereo ty tane kànkañe
\q1 ie nimontoñe naho tanan-taolo te omale.
\q1
\v 4 Tsindrohe’ iereo ty aña-mafaitse
\q1 miharo vahon-tsoy,
\q1 fihina’iareo ty vahan-jañapoly.
\q1
\v 5 Sinoik’ an-drolongo’e iareo,
\q1 nikoraheñe hoe t’ie malaso.
\q1
\v 6 Aa le mimoneñe am-bavatane
\q1 mampangebahebak’ ao iereo,
\q1 an-dakatom-bato
\q1 naho an-kadahan-tane ao.
\q1
\v 7 Mikoaike boak’an-drongoñe ao,
\q1 mihimpok’ añ’antak’ ao.
\q1
\v 8 Anan-dagola, anake po-tahinañe,
\q1 nasiotsiotse amy taney.
\q1
\v 9 Bekobekoe’ iareo iraho henaneo
\q1 toe fandrabioña’ iareo.
\q1
\v 10 Heje’ iereo vintañe,
\q1 ihankaña’ iareo,
\q1 tsy apo’ iareo ty mandrora an-tareheko.
\q1
\v 11 Amy te navotso’e ty tàlem-pale’e
\q1 le nitrofahe’e iraho,
\q1 vaho ahifi’ iereo laboridy
\q1 te miatrek’ ahy.
\q1
\v 12 Mitroatse an-kavanako eo o tora’eo;
\q1 fehefehè’ iereo o tombokoo
\q1 vaho atroa’ iareo amako ty satam-
\q1 pandrotsaha’ iareo.
\q1
\v 13 Trobotroboe’ iereo o lalakoo,
\q1 indrà’ iareo amako o feh’ ohatseo,
\q1 ndra t’ie tsy amam-pañolotse.
\q1
\v 14 Mizilike hoe mb’an-jeba’e
\q1 mitañataña ao iareo;
\q1 Iboroboñafa’ iareo i rinotsakey
\q1 le mikidiadia’ mb’etoy.
\q1
\v 15 Natolik’ amako o
\q1 fampirevendreveñañeo;
\q1 heañe’ iereo hoe tioke ty asiko;
\q1 fa nihelañe añe hoe rahoñe ty fandrombahako.
\q1
\v 16 Ie henaneo,
\q1 fa nadoañe amako ato ty fiaiko;
\q1 fa mifelek’ ahy o ­andro
\q1 nanotriañe ahikoo.
\q1
\v 17 Tsipohe’e haleñe o taolakoo,
\q1 vaho tsy mitofa ty fikotekotehañe ahy.
\q1
\v 18 Mampiroñaroña o sikikoo
\q1 i fañindra’e mafey vaho
\q1 vihine’e iraho manahake
\q1 i kolen’ akanjokoy.
\q1
\v 19 Fa navokovoko’e am-potak’ ao iraho,
\q1 le ninjare hoe lavenoke naho deboke.
\q1
\v 20 Mikaik’ imba ama’o raho
\q1 fe tsy toiñe’o;
\q1 miongake fe angarefa’o.
\q1
\v 21 Toe mpampisoañe ahy irehe:
\q1 an-kaozaram-pità’o ty isareraha’o.
\q1
\v 22 Ampionjone’o mb’amy tiokey mb’eo,
\q1 naho ampiningira’o,
\q1 fe atrana’o amy tio-beiy.
\q1
\v 23 Apotako t’ie hasese’o mb’an-kavetrahañe mb’eo,
\q1 mb’añ’anjombam-pifañaoña’ ze kila veloñe.
\q1
\v 24 Aa tsy hañity ty fità’e hao ty
\q1 am-botrim-piantoañe eo?
\q1 tsy hikoik’ imba hao
\q1 t’ie mizò hekoheko?
\q1
\v 25 Tsy nitañiako hao ty nian-kòheke?
\q1 Tsy nampihontoke
\q1 ty troko hao o rarakeo?
\q1
\v 26 Izaho nitama hasoa, pok’eo ty raty;
\q1 ie nandiñe hazavàñe nihohohe’ ty ieñe.
\q1
\v 27 Mikokèntrekokèntreñe ty añovako ao le tsy mitofa;
\q1 atreatrén-tsan-kasotriañe.
\q1
\v 28 Mijarabajaraba añ’ ieñe ao
\q1 tsy amam-panjirik’ andro,
\q1 miongak’ am-pivory naho mikaik’ imba.
\q1
\v 29 Fa rahalahim-panaloke iraho,
\q1 rañe’ o voron-tsatrañeo.
\q1
\v 30 Mikò-mainte amako ty holiko,
\q1 mitsovovoke o taolakoo ami’ty hasilo’e.
\q1
\v 31 Aa le mivali-ko feon-kontoke
\q1 ty marovaniko,
\q1 naho feom-pandala ty soliko
\c 31
\q1
\v 1 Fa nifañina amo masokoo iraho;
\q1 akore arè ty hikirofako ty somondrara?
\q1
\v 2 Inoñ’amy zao ty anjarako
\q1 aman’ Añahare ambone ao,
\q1 naho ty lovako amy El-Sadai
\q1 andikerañe añe?
\q1
\v 3 Tsy feh’ohatse ho a o lo-tserekeo hao, hekoheko ho a o mpitolon-karatiañeo?
\q1
\v 4 Tsy vazoho’e hao o lalakoo,
\q1 naho iahe’e iaby o liakoo?
\q1
\v 5 Aa naho nindrezako lia t’i Remborake,
\q1 ndra nalisa mb’am-pamañahiañe
\q1 mb’eo o tombokoo—
\q1
\v 6 Le ehe t’ie ho lanjaeñe
\q1 am-pandanjañe to,
\q1 hahàrofoanan’Añahare ty havantañako!
\q1
\v 7 Naho nitsile amy lalañey ty tomboko,
\q1 naho nañorike o masokoo ty foko,
\q1 naho nipiteha’ ty pepo o tañakoo;
\q1
\v 8 le soa iraho te hitongy hikamà’ ondaty;
\q1 vaho hombotañe ze mitiry ho ahy.
\q1
\v 9 Naho nisigihe’ ty rakemba ty foko,
\q1 naho nivoñoñe
\q1 an-dalan-drañeko eo;
\q1
\v 10 ee te ho hafa ty handisaña’ i valiko,
\q1 naho ami’ty ila’e ty hibaboha’e.
\q1
\v 11 Ie ho ni-hakeo mena,
\q1 tahiñe mañeva mpizaka,
\q1
\v 12 ho ni-afo namorototo
\q1 pak’an Tsikeokeok’ ao,
\q1 ho fonga nombota’e reke-bahatse
\q1 o nivokarekoo.
\q1
\v 13 Aa naho ninjèko ty zo’ ondevoko
\q1 lahy ndra ampela,
\q1 ie naneseke toreo ahy;
\q1
\v 14 le ino ty hanoeko naho mitroatse
\q1 t’i Andrianañahare?
\q1 ino ty havaleko aze naho ampamolilia’e?
\q1
\v 15 Tsy namboatse aze ka hao i nitsene
\q1 ahy an-koviñey?
\q1 Tsy Ie avao ty nandranjy anay
\q1 an-koviñ’ ao?
\q1
\v 16 Aa naho nitanako ami’ty poie’e ty nipaia’e, ndra nampaieñe
\q1 ty fihaino’ i vantotsey,
\q1
\v 17 naho niareñaren-draho te nitendre,
\q1 tsy nanisako ty bode—
\q1
\v 18 Toe ni-ajalahy iraho t’ie nibeizeko
\q1 manahake te ni-rae’e,
\q1 boak’an-kovin-dreneko ao
\q1 ty niaoloako i vantotsey—
\q1
\v 19 aa naho nitreako ty mpirererere
\q1 tsy aman-tsikiñe,
\q1 ndra ty rarake tsy aman-tsaroñe,
\q1
\v 20 naho tsy nitahy ahy o toha’eo,
\q1 vaho tsy nampafana aze ty
\q1 volon’ añondriko;
\q1
\v 21 naho nonjoñeko haoke ty bode,
\q1 ie nitreako an-dalambey ey
\q1 hañonjonako ty ahiko;
\q1
\v 22 le angao hikalatrake
\q1 an-tsoroko ao ty fangalin-tsoroko,
\q1 vaho hapitsok’ am-pikatsoha’e
\q1 ty sirako.
\q1
\v 23 Amy te mampangebahebak’ ahy
\q1 ty hankàñe boak’aman’ Añahare,
\q1 vaho tsy ho nanoeko ty amy enge’ey.
\q1
\v 24 Naho natokisako ty volamena,
\q1 ndra nataoko te fiatoako
\q1 ty volamena ki’e,
\q1
\v 25 aa naho nirebehako ty hamaro o varakoo, ty amy habey natonton-tañakoy;
\q1
\v 26 naho nijiloveko i àndroy
\q1 amy fipisaña’ey,
\q1 ndra i volañey te misitse an’ enge’ey,
\q1
\v 27 naho sinigìke añ’etake ty troko vaho nañifik’oroke boak’ am-bavako ty tañako;
\q1
\v 28 le ho ni-hakeo fikai-jaka ka!
\q1 ie ho nivalik’ aman’ Añahare
\q1 ambone ao.
\q1
\v 29 Naho nahafale ahy ty fiantoa’ o malaiñe ahikoo,
\q1 kera nitrehañe t’ie nivovoan-kankàñe.
\q1
\v 30 Tsie, tsy napoko hanan-tahiñe ty vavako hitake ty fiai’e am-pàtse—
\q1
\v 31 Tsy nanao ty hoe hao
\q1 o mpitoron-kivohokoo:
\q1 Ia ty mahatrea
\q1 ty tsy nanjañe’ i mahakama’ey!—
\q1
\v 32 Tsy nibabòfok’ alafe ao ty ambahiny,
\q1 fa nisokafeko amo mpañaveloo o lalakoo.
\q1
\v 33 Aa naho naetako manahake i Dame
\q1 ty fiolàko
\q1 ndra nakafiko añ’arañako ao o hakeokoo,
\q1
\v 34 ie nampiholibalà ahy i màroy,
\q1 nampianifaña’ ty inje’ o mpirofokoo,
\q1 le nitsiñe avao, tsy niakatse an-dalañe.
\q1
\v 35 Ee te eo ty hijanjiñe ahy!
\q1 Intoy ty soniako!
\q1 Ho toiñe’ i El-Sadai abey,
\q1 naho i taratasin-tsisý
\q1 sinokin-drafelahikoy!
\q1
\v 36 Toe ho ni-vavèko an-tsoroko Izay;
\q1 ho ni-vahoreko amako hoe sabaka;
\q1
\v 37 ho volilieko ama’e o liakoo;
\q1 ho niatrefako hoe roandriañe.
\q1
\v 38 Aa naho mitoreo amako ty taneko,
\q1 naho mitrao-pirovetse o vavahali’eo;
\q1
\v 39 naho nihaneko ty voka’e fa tsy nandoa drala vaho nampiselekaiñe ty tompo’e,
\q1
\v 40 le ee t’ie hitiriam-patike hasolo
\q1 ty ampemba,
\q1 hisatse hasolo ty tsako.
\p Nigadoñe amy zao ty lañona’Iobe.
\c 32
\p
\v 1 nAa le nijihetse tsy nanoiñe Iobe indaty telo rey, ie nivañoñe am-pihaino’e avao. 
\v 2 Niforoforo amy zao ty haboseha’ i Elihò\f + \fr 32:2 \fr*\ft Eliho: Ie t’i Andrianañahareko\ft*\f* ana’ i Barakele ana’ i Bozý\f + \fr 32:2 \fr*\ft Bozy: teratera\ft*\f* nte-Rame\f + \fr 32:2 \fr*\ft Rame: mandigiligy; naonjoñe\ft*\f*; niforoforoe’e t’Iobe amy t’ie mañatò-vatañe añatrefan’ Añahare, 
\v 3 nahabosek’ aze ka i rañe’ Iobe telo rey amy te tsy nahavale, fe ndra namatse Iobe. 
\v 4 Ie amy zao, nandiñe ty hazoke’ iareoy t’i Eliho vaho nisaontsy am’Iobe. 
\v 5 Aa ie nioni’ i Eliho te tsy aman-katoi’e ty falie’ indaty telo rey, le nifombo an-kaboseke. 
\v 6 Aa le nanoiñe ami’ty hoe t’i Eliho ana’ i Barakele ana’ i Bozý: Toe tora’e an-taoñe iraho, androa­navy nahareo; le nihemban-draho tsy nahavany hitaroñe ty heveko.
\q1
\v 7 Hoe iraho: O androo ro hilañoñe,
\q1 ty hamaro taoñe ro hañoke hihitse.
\q1
\v 8 Fe i arofo am’ondatioy,
\q1 naho i kofòn’ El-Sadaiy\f + \fr 32:8 \fr*\ft Andriampañotroñey, Kila lefe’e\ft*\f*
\q1 ty manolo-kilala am’iareo.
\q1
\v 9 Tsy t’ie antetse ro mahihitse,
\q1 tsy te zoke ro mahilala ty hatò.
\q1
\v 10 Aa le hoe iraho, Janjiño;
\q1 hitaroñe o entakoo ka.
\q1
\v 11 Ie zao, nahaliñe o asa’ areoo iraho,
\q1 tsinanoko o niereñerea’ areoo,
\q1 ie nitsikarahe’areo ty ho lañoneñe.
\q1
\v 12 Toe nitsendreñe anahareo iraho,
\q1 fe leo raike tsy nahafandietse Iobe,
\q1 ndra raik’ ama’ areo tsy nahavale
\q1 o enta’eo.
\q1
\v 13 Ko manao ty hoe:
\q1 Nitendreke hihitse zahay;
\q1 ho roahen’ Añahare, fa tsy ondaty.
\q1
\v 14 Tsy nalaha’e amako o saontsi’eo,
\q1 vaho tsy o lañona’areoo ty hatoiko.
\q1
\v 15 Angoae iereo, tsy mamale ka;
\q1 nijiañe ty saontsi’ iareo.
\q1
\v 16 Aa handiñe avao hao iraho?
\q1 ie nijohañe, tsy mahafanoiñe.
\q1
\v 17 Hivaleako ka ami’ty ahiko;
\q1 hitaroñe ty heveko.
\q1
\v 18 Toe lifo-bolan-draho;
\q1 manjitse ahy ty trok’ amako atoa.
\q1
\v 19 Toe manahake ty divay
\q1 tsy amam-pikofò’e ty troko,
\q1 fa hiporitsake hoe zonjòn-divay vao.
\q1
\v 20 Adono hivolan-draho hanintsiñako;
\q1 Apoho hanoka-tsoñy hitoiñako.
\q1
\v 21 Ehe te tsy eo ty ho rihieko,
\q1 ndra t’indaty ho lombofeko.
\q1
\v 22 Tsy haiko ty mitsiriry
\q1 fa ho nasintan’ Andrianamboatse aniany.
\c 33
\q1
\v 1 Ie amy zao, ry Iobe, janjiño o entakoo, tsendreño iaby o volakoo.
\q1
\v 2 Hehe t’ie misoka-bava;
\q1 mirehake ty lela am-bavako ao.
\q1
\v 3 Habeo’ ty havantañan-troko o volakoo,
\q1 le hitaron-kilala ki’e o soñikoo.
\q1
\v 4 Nitsene ahiko t’i Arofon’Añahare,
\q1 vaho mameloñe ahy ty kofò’ i El-Sadai.
\q1
\v 5 Toiño iraho naho mete’o;
\q1 alaharo añ’atrefako etoa; mitroara!
\q1
\v 6 Hehe t’ie aman’ Añahare manahake azo:
\q1 nitsenèñe am-bokon-dietse ka.
\q1
\v 7 Ehe, tsy hahafiriatsandry azo
\q1 ty fihembaña’o ahy,
\q1 mbore tsy havesatse ama’o te tindrieko.
\q1
\v 8 Toe nisaontsy am-pitsanoñako irehe,
\q1 tsinendreko i fiarañanañan-dañona’oy,
\q1
\v 9 nanao ty hoe:
\q1 Mikanitsoke iraho, tsy aman-kakeo;
\q1 ki’e tsy aman-tahiñe an-troko ao.
\q1
\v 10 Ie mipay lengo’e haneseha’e ahy,
\q1 Izaho atao’e ho rafelahi’e;
\q1
\v 11 Ajo’e an-dongòk’ ao o tombokoo, vandroñe’e iaby o lalakoo.
\q1
\v 12 Hete! ambarako azo:
\q1 Zao ty tsy maha-to ty azo:
\q1 Jabajaba te ama’ ondaty
\q1 t’i Andrianañahare.
\q1
\v 13 Ino ty atreatre’o aze, te inao,
\q1 Tsy hene volilie’e o anoe’eo?
\q1
\v 14 Indraike ty itsaràn’ Añahare, he indroe,
\q1 fe tsy haoñe’ ondaty.
\q1
\v 15 amo nofioo, añ’aroñaron-kaleñe,
\q1 naho milañake an-drotse ondatio,
\q1 ie mihity an-tihy ao;
\q1
\v 16 zay ty anokafa’e ty ravembia’ ondaty naho ampipiteha’e ao ty fanoroañe,
\q1
\v 17 soa te havi’e amo sata’eo t’indaty naho sebaña’e ty firengevohan-dRaolombelo,
\q1
\v 18 hitàn-ty tro’e tsy homb-
\q1 an’tsikeokeok’ ao
\q1 naho ty fiai’e
\q1 tsy ho mongorem-pibara.
\q1
\v 19 Liloveñe am-panaentaeñañe
\q1 an-tihi’e eo ondatio,
\q1 itoreova’e nainai’e o taola’eo,
\q1
\v 20 ampara te heje’e ty mahakama,
\q1 vaho tsy nom-pisafoa’e ty raha mafiry.
\q1
\v 21 Minik’ avao ty sandri’e,
\q1 le tsy trea;
\q1 o taola’eo tsy niisake taolo,
\q1 mirikiriky henaneo.
\q1
\v 22 Harivoe’ ty tro’e ty kibory,
\q1 naho ty fiai’e o mpamonoo.
\q1
\v 23 Aa naho eo ty anjely hañalañalañe ho aze, raik’ ami’ty arivo,
\q1 hañatoà’e ty havantaña’ ondaty,
\q1
\v 24 le ee te hiferenaiña’e, hanao ty hoe,
\q1 Hahao re tsy higodañe
\q1 mb’an-tsikeokeok’ ao;
\q1 fa nitreako ty vilin’ ai’e;
\q1
\v 25 le hanahake ty haleme’
\q1 ty nofon’ ajaja ty sandri’e,
\q1 Apoho himpolia’e o andron-katòra’eo.
\q1
\v 26 Mihalaly aman’ Añahare re, le no’e,
\q1 isa’e an-kafaleañe i lahara’ey,
\q1 vaho ampolie’e ama’ ondaty ty havañona’e.
\q1
\v 27 Hibekoa’e ondatio, ami’ty hoe:
\q1 Nandilatse iraho, nimengoheko
\q1 ty hahiti’e vaho tsy sazò ahy;
\q1
\v 28 toe jineba’e ty troko tsy hivariña’e
\q1 mb’an-koboñ’ao,
\q1 ho isa’ ty fiaiko i fireandreañey.
\q1
\v 29 Inao, fanoen’ Añahare iaby rezay,
\q1 in-droe, eka in-telo amy t’indaty,
\q1
\v 30 hampolie’e boak’an-tsikeokeok’ ao
\q1 ty tro’e, hiloeloe an-kazavàn-kavelo.
\q1
\v 31 Mitomira ry Iobe, janjiño iraho;
\q1 mianjiña le hivolañe.
\q1
\v 32 Ihe aman’ entañe, toiño;
\q1 mitaroña fa te hañatò azo iraho.
\q1
\v 33 Naho tsie, mitsatsiha, mianjiña,
\q1 vaho hanarako hihitse.
\c 34
\p
\v 1 Natovo’ i Eliho, ty hoe:
\q1
\v 2 Janjiño o entakoo
\q1 ry androanavy mahihitseo,
\q1 anokilaño ravembia,
\q1 ry mahafohiñeo.
\q1
\v 3 fa mitso-tsara ty ravembia manahake
\q1 ty fitsohan-dañilañy mahakama.
\q1
\v 4 Antao tika hijoboñe ty soa,
\q1 hisafirian-tika ty atao fanjàka.
\q1
\v 5 amy nanoe’ Iobey, ty hoe: Vañon-draho,
\q1 fe nasintan’ Añahare amako ty zoko;
\q1
\v 6 handañirako hao i zokoy;
\q1 tsy mete melañe i trinofan-defoñey,
\q1 ndra t’ie malio-tahiñe.
\q1
\v 7 Ondaty ia ty rahamba’ Iobe?
\q1 ie migenoke inje hoe rano,
\q1
\v 8 ie mpifañosoñe amo mpitolon-karatiañeo le mitrao-pañavelo
\q1 am’ondaty mengokeo?
\q1
\v 9 ie nanao ty hoe, Tsy vente’e ama’ondatio te ifalea’e t’i Andrianañahare.
\q1
\v 10 Aa le janjiño iraho, ry aman-kilálao,
\q1 Lavits’ an’ Andrianañahare
\q1 ty haratiañe,
\q1 naho amy El-Sadai ty fandilarañe.
\q1
\v 11 Fa o sata’eo ty hanambeza’e ondaty,
\q1 o fitoloña’eo ro hanoly aze
\q1 ami’ty eva’e.
\q1
\v 12 Toe tsy manao raty t’i Andrianañahare,
\q1 vaho tsy mañolake ty hatò
\q1 t’i El-Sadai.
\q1
\v 13 Ia ty nampamandroñ’ aze ty tane toy,
\q1 vaho ia ty nampivave aze
\q1 ty voatse bey toy?
\q1
\v 14 Aa naho nampoli’e ama’e ty fo’ ondaty naho natonto’e ama’e i tro’ey vaho i kofo’ey,
\q1
\v 15 le fonga ho nitrao-pihomahañe ze atao nofotse;
\q1 vaho kila ho nibalike
\q1 ho lemboke ondatio.
\q1
\v 16 Fe naho mahilala, janjiño,
\q1 tsendreño ty feo’ o entakoo.
\q1
\v 17 Hifehe hao ty malaiñe to?
\q1 Hafà’o hao i Fanalolahy Vañoñey?
\q1
\v 18 I manao ty hoe ami’ty mpanjaka:
\q1 Ry Votro,
\q1 naho amo ana-donakeo, Ty Piaroteñe!
\q1
\v 19 Ie tsy miasy roandriañe,
\q1 tsy mañaom-pañaleale
\q1 mandikoatse ty rarake,
\q1 ie fonga satam-pità’e.
\q1
\v 20 Mihomak’aniany iereo, te petsak’ale;
\q1 troboeñe ondatio le mihelañe añe,
\q1 asintake tsy am-pitàñe o maozatseo.
\q1
\v 21 Fa amo sata’ ondatio o fihaino’eo,
\q1 vazoho’e iaby o lia’eo.
\q1
\v 22 Tsy eo ty ieñe ndra ty
\q1 fimoromoroñañe hietaha’ o tsereheñeo.
\q1
\v 23 Le tsy ifotoañan’ andro ty hiatrefa’ ondaty aman’Añahare ho zakaeñe.
\q1
\v 24 Demohe’e tsy an-dohy o fatratseo,
\q1 le avotra’e an-toe’e eo ty handimbe aze.
\q1
\v 25 Aa kanao arofoana’e o sata’eo,
\q1 le avalitaboa’e te haleñe,
\q1 vaho dorodoroe’e.
\q1
\v 26 Lafà’e manahake o tsereheñeo
\q1 an-tameañe eo ho fisambàñe,
\q1
\v 27 amy t’ie nitsile tsy nañorik’ aze,
\q1 le tsy teo t’ie nañaoñe o lala’eo,
\q1
\v 28 toly ndra nampombae’ iareo mb’ama’e ty fitoreova’ o rarakeo
\q1 fa janji’e ty toreo’ o silofeñeo—
\q1
\v 29 naho mianjin-dre, ia ty hanìñe?
\q1 Ie aeta’e ty lahara’e,
\q1 ia ty hahaisak’ aze,
\q1 ndra t’ie foko ndra te ondaty—
\q1
\v 30 soa tsy hifehe ty tsi-aman-Kàke,
\q1 vaho tsy ho fandrik’ am’ ondatio.
\q1
\v 31 Ia ty nanao ty hoe aman’Añahare?
\q1 Fa nililoveñe, izaho tsy nandilatse;
\q1
\v 32 Anaro ahy o tsy treakoo;
\q1 naho niota faly, tsy hanoeko ka?
\q1
\v 33 I satri’oy hao ty hamalea’e Azo,
\q1 kanao liere’o?
\q1 Ihe ‘nio ty hijoboñe, fa tsy izaho;
\q1 aa le saontsio o fohi’oo.
\q1
\v 34 Hanao ty hoe amako ondaty mahilalao, Toe mahafijanjiñe ty androanavy mahihitse:
\q1
\v 35 Misaontsy tsy aman-kilala t’Iobe,
\q1 vaho tsy hinotsohotso’e o enta’eo.
\q1
\v 36 Ee te ho hereherèñe pak’am-para’e t’Iobe ie nanoiñe hoe ondaty lo-tsereke.
\q1
\v 37 Tompea’e fiolàñe o hakeo’eo;
\q1 miteha-pitàn-dre añivon-tikañe eo,
\q1 le manovon-tsaontsy hatreatre’e
\q1 t’i Andrianañahare.
\c 35
\p
\v 1 Le hoe ty natovo’ i Eliho:
\q1
\v 2 Atao’o mahity hao
\q1 i nanoe’o ty hoe,
\q1 Izaho ro vantañe te aman’ Añahare.
\q1
\v 3 Fa hoe irehe, Inoñe ty ho tombo’e ho azo? Ino ty ho tambeko mandikoatse
\q1 te tsy nandilatse?
\q1
\v 4 Hanoiñe azo naho o rañe’o
\q1 mindre ama’oo iraho.
\q1
\v 5 Mitalakesa mb’andikerañe ey
\q1 vaho Mahaisaha;
\q1 Heheke o rahoñeo, ambòne’o iereo.
\q1
\v 6 Ihe mandilatse, Mijoy aze hao? Ie bey hakeo, Inoñe ty anoe’o ama’e?
\q1
\v 7 Ie vantan-drehe, ino ty atolo’o aze,
\q1 ke ino ty rambese’e am-pità’o?
\q1
\v 8 Ho ama’ ondaty manahak’ azo
\q1 ty hatsivokara’o naho
\q1 amo ana’ ondatio ty havañona’o.
\q1
\v 9 O hamarom-pamorekekeañeo
\q1 ty itoreova’ iareo,
\q1 ty sira maoza’ i maroy ty ikaiha’iareo,
\q1
\v 10 fe tsy eo ty manao:
\q1 Aia t’i Andrianamboatse ahy,
\q1 i Mpañomey sabo an-kaleñey,
\q1
\v 11 i mañòke raha maro amantika
\q1 te amo bibi’ ty tane toioy,
\q1 vaho ampahihire’e ambone’
\q1 o voron-tiokeo?
\q1
\v 12 Eo ty mikaike,
\q1 f’ie tsy manoiñe
\q1 ty amy firengevoha’ ondaty
\q1 raty tserekeoy.
\q1
\v 13 Toe tsy janjin’ Añahare ty raha kafoake;
\q1 tsy haoñe’ i El-Sadai,
\q1
\v 14 Antsake t’ie manao te tsy mahaoniñe aze;
\q1 aolo’e eo ty enta’o, aa le liñiso;
\q1
\v 15 Ie henaneo, mbe tsy nitilihe’e an-kaviñera’e, tsy loho nihaoñe’e
\q1 o fandilarañeo.
\q1
\v 16 Aa le evoñe ty aakam-palie’ Iobe;
\q1 ampitomboa’e lañonañe tsy aman-kilala.
\c 36
\p
\v 1 Natovo’ i Eliho ty hoe:
\q1
\v 2 Iheveo hey iraho le hitoroako te mbe aman-ko volañeñe hañonjonañe an’Andrianañahare.
\q1
\v 3 Hitoha hilala tsietoitane añe iraho,
\q1 tolorako havantañañe i Mpitsene ahiy.
\q1
\v 4 Toe aman-kila o entakoo;
\q1 vaho ama’o i aman-kilala fonitsey.
\q1
\v 5 Inao maozatse t’i Andrianañahare,
\q1 naho tsy mirihy;
\q1 ie fatratse an-kaozaram-paharofoanañe.
\q1
\v 6 Tsy tana’e ho veloñe o tsereheñeo,
\q1 fe omei’e to ty tso-troke.
\q1
\v 7 Tsy asita’e amo vantañeo o fihaino’eo;
\q1 fa ampiambesare’e ho nainai’e
\q1 amo mpanjaka am-piambesa’eo,
\q1 vaho onjone’e.
\q1
\v 8 Aa ie mirohy an-tsilisily,
\q1 naho nivahoran-kasotriañe,
\q1
\v 9 le itaroña’e o sata’ iareoo
\q1 naho o fiolà’ iareoo, te mitakeboke.
\q1
\v 10 Sokafe’e hianatse o ravembiao,
\q1 vaho lilie’e te hiambohoa’ iareo
\q1 o tsy havokarañeo.
\q1
\v 11 Ie mañaoñe naho mitoroñ’aze,
\q1 le amam-bokatse ty higadoña’ o andro’eo vaho am-pierañerañañe o tao’eo.
\q1
\v 12 F’ie tsy mañaoñe,
\q1 le ho zamanem-pibara,
\q1 hiantantiritse tsy aman-kilala,
\q1
\v 13 ie mañaja si-manty,
\q1 tsy aman-Kàke an-troke;
\q1 tsy mikaike olotse te rohiza’e.
\q1
\v 14 Robak’ an-katora’e ty sandri’iareo,
\q1 ty fiai’ iareo an-karapiloan-do.
\q1
\v 15 Haha’e am-pisotria’e ty misotry;
\q1 anokafa’e ravembia i forekekeñey.
\q1
\v 16 Eka, tinao’e boak’ an-jitse irehe
\q1 mb’an-tameañe tsy aman-tindry;
\q1 naho lifo-tsafo’e ty hazotso
\q1 am-pandambaña’o eo.
\q1
\v 17 F’ie nañeneke ty fizakañe
\q1 o rati-tserekeo;
\q1 fiihine’ ty zaka naho ty hatò.
\q1
\v 18 Itaò tsy hanigìk’ azo hañivañiva
\q1 ty habosehañe,
\q1 vaho apoho tsy hampitsile azo
\q1 ty habeim-bokàñe.
\q1
\v 19 Hahatohañ’azo tsy ho am-poheke hao o vara’oo?
\q1 ndra ze hene hafatraran-kaozara’o?
\q1
\v 20 Ko salalaeñe ty haleñe,
\q1 ie aitoañe an-toe’e ondatio.
\q1
\v 21 Miambena, tsy hitoliha’o ty haratiañe;
\q1 toe ie ty nijoboñe’o,
\q1 fa tsy hasotriañe.
\q1
\v 22 Inao! onjoñe’ ty haozara’e t’i Andrianañahare
\q1 Ia ty mpañoke mañirinkiriñe Aze?
\q1
\v 23 Ia ty nanendre ty lala homb’e?
\q1 Ia ty mahafivolañe ty hoe:
\q1 Tsy soa o nanoe’oo?
\q1
\v 24 Tiahio hey ty hañonjonañe
\q1 o fitoloña’eo, o fisaboa’ ondatio.
\q1
\v 25 Hene nahaisake ondatio;
\q1 talakesa’ ondaty an-tsietoitaneo
\q1
\v 26 Inao! jabahinake
\q1 t’i Andrianañahare,
\q1 tsy taka’ ty hilalan-tika;
\q1 tsy hay volilieñe ty ia’ o tao’eo.
\q1
\v 27 Aonjo’e o pilipiton-dranoo;
\q1 ampanjaria’e orañe i evoñey;
\q1
\v 28 Le ampikojojoahe’ o rahoñeo,
\q1 hitsopatsopake, hañerek’ am’ondatio.
\q1
\v 29 Hete! Ia ty maharofoanañe
\q1 ty fiboelea’ o rahoñeo?
\q1 ty fangotroha’ i sokemitraha’ey?
\q1
\v 30 Oniño te ampivarakaihe’e ama’e o fitsipela’eo vaho ampoa’e
\q1 ty vaha’ i riakey.
\q1
\v 31 Ie ro izaka’e ondatio;
\q1 naho añeneña’e mahakama.
\q1
\v 32 Safora’e helatse o fità’eo,
\q1 naho lilie’e hitomboke.
\q1
\v 33 Mitalily aze i ampi’ey,
\q1 amo añombeo t’ie ho avy.
\c 37
\q1
\v 1 Inao ka, ty mampinevenevetse
\q1 ty troko
\q1 ty mampitsamboañe aze an-toe’e.
\q1
\v 2 Tsatsiho ty fipoñam-piarañanaña’e,
\q1 naho i hotroke miakatse am-palie’ey.
\q1
\v 3 Hahà’e ambanen-kaliforan-dikerañe eo naho i hela’ey pak’añ’olo-ty tane toy.
\q1
\v 4 Mandimbe aze ty fitroñam-peo,
\q1 mangotrok’ amy fiarañanañan’ enge’ey vaho tsy ho kalaña’e i helatsey t’ie janjiñeñe
\q1 i fiarañanaña’ey.
\q1
\v 5 Halatsàñe ty fangotrohan’ Añahare
\q1 i fiarañanaña’ey;
\q1 ra’elahy o fitoloña’eo,
\q1 tsy lefen-tika tsikaraheñe.
\q1
\v 6 Hoe re amy fanalay, Mifiafià an-tane eo; naho amy orañey, Milihira.
\q1
\v 7 Vihine’e iaby ty fità’ondatio
\q1 hahafohina’ ze kila ondaty ty fitoloña’e.
\q1
\v 8 Mimoak’ an-dakato ao amy zao o bibio,
\q1 miampitse am-pipalira’e ao.
\q1
\v 9 Boak’ atimo ao ty tangololahy,
\q1 boak’ avaratse añe i tsintsiñey.
\q1
\v 10 Ty kofòn’ Añahare ro anoloram-panala,
\q1 Ajihe’e ty fibanara’ o ranoo.
\q1
\v 11 Ampijinie’e halèñe
\q1 i rahoñe milodolodoy:
\q1 Ampiparaitahe’e mb’eo
\q1 o rahom-pihelara’eo.
\q1
\v 12 Mibalike re, añodiña’ ty fiteha’e,
\q1 hanoa’e ze andilia’e
\q1 ambone’ o tane fimoneñañeo.
\q1
\v 13 Ampahavia’e, ke t’ie kobaiñe,
\q1 ke ho an-tane’e, he te fiferenaiñañe.
\q1
\v 14 Inao! ry Iobe, mijohaña vaho haraharao
\q1 o fitoloñan’Añahare fanjakao.
\q1
\v 15 Fohi’o hao ty fampijadoñan’
\q1 Añahare iareo?
\q1 Ty fampipalipalitsie’e o raho’eo
\q1 himilemiletse.
\q1
\v 16 Fohi’o hao ty fandanjan-drahoñe,
\q1 o halatsañe amy Lifo-kilalaio?
\q1
\v 17 Ihe aman-tsaroñe matrovoke naho
\q1 ampitsiñe’ i tiok’atimoy ty tane toy?
\q1
\v 18 Lefe’o hao, ihe mitraok’ ama’e,
\q1 ty mamelatse i likerañey,
\q1 an-kagàn-ketsoro natranake.
\q1
\v 19 Añanaro anay ty ho saontsie’ay;
\q1 Fa tsy mahafandahatse
\q1 zahay ty amy ieñey.
\q1
\v 20 Hisaontsiañe hao
\q1 te izaho hivolañe?
\q1 Ihalalia’ t’indaty hao te hagedrañe.
\q1
\v 21 Tsy ho isa’e henaneo i hazavàñe mireandreañe an-kalo’ o rahoñeo;
\q1 naho tsy ampisavae’ i tioke mihelañey.
\q1
\v 22 Havolamenañe ty boak’ avaratse añe ;
\q1 aman’engeñe maharevendreveñe
\q1 t’i Andrianañahare.
\q1
\v 23 Tsy lefe’ay tsikaraheñe ‘nio i El-Sadai,
\q1 Jabahinak’ an’ ozatse,
\q1 fe tsy olañe’e ty zaka
\q1 naho ty havantañañe vokatse.
\q1
\v 24 Aa le mañeveñe ama’e ondatio;
\q1 leo raike tsy haoñe’e
\q1 t’ie manao kante an-troke.
\c 38
\q1
\v 1 Nanoiñe Iobe boak’ an-talio amy zao t’\nd Iehovà\nd*
\q1 ami’ty hoe:
\q1
\v 2 Ia ze o mampaieñe vere
\q1 añ’enta’e tsy aman-kilalao?
\q1
\v 3 Midiaña vania hoe ondaty;
\q1 le hañontaneako,
\q1 vaho ho toiñe’o.
\q1
\v 4 Taia v’iheo te ­najadoko
\q1 o faha’ ty tane toio?
\q1 Taroño kanao mahilala.
\q1
\v 5 Ia ty nisafiry o zehe’eo naho fohi’o?
\q1 he ia ty namavatse taly ama’e?
\q1
\v 6 Najadoñe ami’ty inoñ’ o faha’eo?
\q1 ia ka ty nampitsatoke ty vato-lahi’e?
\q1
\v 7 Ie hene nitrao-pisaboañe o vasia-maraiñeo vaho fonga nipoñak’ an-drebeke o anan’ Añahareo.
\q1
\v 8 Ke ia ty nampigabeñe i riakey
\q1 an-dalam-bey,
\q1 ie vaho niboloañe boak’an-koviñe ao.
\q1
\v 9 Ie nitseneako saroñe an-drahoñe,
\q1 naho sokotry an-kamoromoroñañe.
\q1
\v 10 Ie nafepèko o efe’eo vaho nampijadoñe ty sikada’e naho o lala’eo,
\q1
\v 11 Ami’ty hoe: Efets’ etoa ty homba’o,
\q1 le tsy ilikoarañe;
\q1 etoañe ty hanjirañe
\q1 o onja’o mitoabotseo.
\q1
\v 12 Fa linili’o hao i maraiñey,
\q1 sikal’am-pifotoran’ andro’o añe,
\q1 he nampahafohine’o
\q1 i fanjirik’androy hao i toe’ey,
\q1
\v 13 hamihina’e o indran-taneo,
\q1 hañifihañe ama’e o lo-tserekeo?
\q1
\v 14 Ie miova hoe lietse ambanem-boli-pitomboke,
\q1 miboake hoe volon-tsaroñe ty vinta’e.
\q1
\v 15 Fe tanañe amo tsereheñeo ty hazavà’iareo,
\q1 vaho ampipozaheñe ty sira mizonjoñe.
\q1
\v 16 Fa niziliha’o hao ty figoangoaña’
\q1 i riakey?
\q1 hera nijelanjelañe an-goledo’ i lalekey?
\q1
\v 17 Fa nibentareñ’ ama’o hao
\q1 o lalam-bein-kavilasio?
\q1 fa niisa’o hao
\q1 o lalan-talinjom-pihomahañeo?
\q1
\v 18 Apota’o hao ty fienene’ ty tane toy?
\q1 abejaño naho hene fohi’o?
\q1
\v 19 Aia ty lalam-bam-pimoneña’ i hazavàñey?
\q1 Naho i ieñey, aia ty akiba’e?
\q1
\v 20 Hanesea’o mb’am-pifaritsoha’e añe: hitinoña’o o lalam-ban-kiboho’e mb’eo?
\q1
\v 21 Fohi’o kanao Izay ty nisamahañ’ azo,
\q1 vaho tsivatse o andro’oo!
\q1
\v 22 Fa nimoaha’o hao
\q1 ty fañajañe i fanalay?
\q1 Nioni’o hao ty famandroñañe
\q1 o havandrao?
\q1
\v 23 I nahajako ho an-tsan-kasotriañey,
\q1 ho amy andron-kotakotake
\q1 naho fialiañey?
\q1
\v 24 Lalañe aia ty ifampirià’ i hazavàñey,
\q1 ty ifampitsiriaria’ i tiok’atiñanañey
\q1 an-tane atoy?
\q1
\v 25 Ia ty nihaly talaha ho a
\q1 i fisorotombahañey,
\q1 ndra ty lalan-kombà’
\q1 i àmpin-kotrokey?
\q1
\v 26 Hahavia’ ty orañe an-tane tsy ama’ondaty, ndra an-diolio
\q1 pok’ olombeloñe,
\q1
\v 27 hahaeneñe i fatram-bey mangoakoakey hitovoaña’ i ahetsey hitiry?
\q1
\v 28 Manan-drae hao i orañey?
\q1 Ke ia ty nampiareñe o tsopan-jonoo?
\q1
\v 29 Boak’ an-kovi’ ia o fanalao?
\q1 Le i pilitem-panalan-dikerañey,
\q1 ia ty nisamak’ aze?
\q1
\v 30 Ie mihagàñe hoe vato ty rano,
\q1 vaho mijihetse ty tarehe’ i lalekey?
\q1
\v 31 Lefe’ o feheñe hao
\q1 o silisili’ i \f + \fr 38:31 \fr*\ft Kimà: I vasiam-pito rey\ft*\f*Kimào,
\q1 ndra ampibalaheñe ty vahots’ i \f + \fr 38:31 \fr*\ft Kesile: Orion (ty ama’ i Bode ao)\ft*\f*Kesileo?
\q1
\v 32 Hampiakare’o an-tsà’e hao
\q1 t’i \f + \fr 38:32 \fr*\ft Mazarote: I vilon-dikera 12 rey.\ft*\f*Mazarote?
\q1 Ho tehafe’o hao t’i \f + \fr 38:32 \fr*\ft Aiise: ty viloñe sare bera avaratsey.\ft*\f*Aiìse
\q1 rekets’ o ana’eo?
\q1
\v 33 Fohi’o hao o fañèn-dikerañeo?
\q1 Ho lefe’o ajadoñe hao
\q1 ty fifehea’ iareo ty tane toy?
\q1
\v 34 Mahafipoña-peo mb’an-drahoñe
\q1 mb’eo v’iheo,
\q1 hahaliporañ’ azo an-drano bey?
\q1
\v 35 Mahafañirake hotroke v’iheo,
\q1 hihiririña’e mb’eo,
\q1 hanoa’iareo ty hoe: Intoan-jahay?
\q1
\v 36 Ia ty nampipoke hihitse an-troke ao?
\q1 Ia ka ty nanolotse hilala añ’ arofo?
\q1
\v 37 Ia ty mahafañiake o rahoñeo
\q1 ami’ty hihi’e?
\q1 ke mahafañiliñe o zonjon-dikerañeo,
\q1
\v 38 ie ampibokobokoeñe ty deboke,
\q1 vaho mifampipiteke o vonga’eo?
\q1
\v 39 Ho tsatsae’o haneñe hao ty liona?
\q1 Ho eneñe’o hao ty hatea-hane’
\q1 o liona tora’eo,
\q1
\v 40 Ie mikoloto an-dakato ao,
\q1 ie misimotse ami’ty mangongòñe ao?
\q1
\v 41 Ia ty mamahan-tsindroke o koàkeo,
\q1 ie mikoaik’ aman’Añahare o ana’eo,
\q1 naho mikariokariok’ avao
\q1 tsy aman-kaneñe?
\c 39
\q1
\v 1 Fohi’o hao te ombia ty faneraha’
\q1 o ose-lìm-bohitseo?
\q1 Ambena’o hao ty fitsongoa’ i fanalokey?
\q1
\v 2 Lefe’o iaheñe hao o volañe itohera’ iareoo? Rendre’o hao
\q1 ty andro faneraha’ iareo?
\q1
\v 3 Mivokoke iereo, hampipoke anake, hampigadoñe o fitsongoa’eo.
\q1
\v 4 Mihagañe o ana’eo,
\q1 mitombo an-kivoke ey;
\q1 ie mionjom-beo, tsy himpoly ka.
\q1
\v 5 Ia ty nañirake ty borìke ly hidada?
\q1 Ia ty nampibalake
\q1 ty rohi’ i borìke malisay?
\q1
\v 6 Nanoeko ho kiboho’e ty fatram-bey
\q1 naho ho fimoneña’e ty tane sira.
\q1
\v 7 Tsambolitio’e
\q1 ty fivalitsikotaha’ o rovao,
\q1 tsy rei’e ty fikoraha’ i mpiroakey.
\q1
\v 8 Tsikarahe’e amo vohitseo ty ho fihinana’e vaho tsoetsoehe’e ze hene atao antsetra.
\q1
\v 9 Hiantofa’ ty ndrimo hao
\q1 ty hitoroñe azo?
\q1 hialeña’e hao ty an-jolo’o ao?
\q1
\v 10 Lefe’o hao ty hamahotse i ndrimoy
\q1 aman-tàly am-bokavoka eo,
\q1 hiava o vavahalio am-pañorihañe azo?
\q1
\v 11 Hatokisa’o hao,
\q1 ty harà’elahin-kaozara’ey?
\q1 Hado’o ho aze hao o fitoloña’oo?
\q1
\v 12 Hiantofa’o hao te hampoli’e
\q1 o mahakama’oo,
\q1 te hatonto’e hirik’ am-pamofohañe ey?
\q1
\v 13 Mihepakepak’ an-kafalea’e o elam-boron-tsatrañeo,
\q1 ndra te matify o volon’ela’eo,
\q1
\v 14 Fa apo’e an-tane eo o atoli’eo,
\q1 ampamana’e i debokey?
\q1
\v 15 Amoea’e t’ie mete ho demohem-pandia,
\q1 hera ho lialiàm-bibi-ly.
\q1
\v 16 Ampisoañe’e o ana’eo, hoe t’ie tsy aze;
\q1 aa ndra te tsy vente’e o fitoloña’eo
\q1 tsy ahoa’e;
\q1
\v 17 Toe tsy natolon’Añahare hihitse,
\q1 vaho tsy nandivà’e hilala.
\q1
\v 18 Ie mitroatse hitoabora’e le tohafa’e
\q1 ty soavala reke-piningitse.
\q1
\v 19 Tinolo’o ozatse hao ty soavala?
\q1 Sinaro’o fineveneverañe hao
\q1 ty an-kàto’e ao?
\q1
\v 20 Ihe hao ty nampitsindrèko aze
\q1 hoe valala?
\q1 Mampañeveñe ty engem-pikofoha’e.
\q1
\v 21 Jaote’e ty am-bavatane,
\q1 irebeha’e i haozara’ey;
\q1 mionjomb’eo re hijoñe
\q1 mb’an-kotakotake.
\q1
\v 22 Iankahafa’e ty tahotse, tsy hemban-dre;
\q1 tsy iambohoa’e ty fibara.
\q1
\v 23 Mikantsakantsàñe ama’e
\q1 ty trañom-pale’e
\q1 i lefoñe mitsopelatsey,
\q1 naho i ana-defoñey.
\q1
\v 24 Abotse’e an-trotrofiake ty tane
\q1 naho an-doroloro;
\q1 tsy ampitsangane’ ty fivolan’ antsivay.
\q1
\v 25 Ndra mbia’mbia mipopò i antsivay
\q1 le hoe ty kofò’e: Hirity!
\q1 Antsoñe’e añe i hotakotakey, ty fihotrohotro’ o mpifeheo,
\q1 vaho i fikorahan’ aliy.
\q1
\v 26 Ami’ty hihi’o hao ty itiliña’
\q1 i tsimalahoy,
\q1 ty amelara’e mañatimo o ela’eo?
\q1
\v 27 Ami’ty taro’o hao ty fañambonea’
\q1 ty vantio
\q1 hañamboara’e traño andigiligy eñe?
\q1
\v 28 Himoneña’e an-kereretsak’ ey;
\q1 hañialoa’e an-tseram-bato tsy takatse eñe.
\q1
\v 29 Talakese’e boak’ao ty tsindro’e;
\q1 mahatrea lavitse o maso’eo.
\q1
\v 30 Misike lio o ana’e tora’eo;
\q1 Amy vinonoy ty toe’e.
\c 40
\p
\v 1 Tinovo’ \nd Iehovà\nd* am’Iobe ty hoe,
\q1
\v 2 Hatretrè’ ty mpandietse hao
\q1 t’i El-Sadai?
\q1 Manoiña, ry mpañeretse
\q1 an’ Andrianañahareo.
\q1
\v 3 Nanoiñe \nd Iehovà\nd* ami’ty hoe t’Iobe:
\q1
\v 4 Intoy o tsy manjofakeo;
\q1 ino ty hahatoiñako azo?
\q1 Hampikapefe’ ty tañako ty vavako.
\q1
\v 5 Indraike ty nivolañeko
\q1 fa tsy ho tovoñako;
\q1 eka, indroe, fa tsy ho losoreko.
\q1
\v 6 Aa le nanoiñe Iobe t’\nd Iehovà\nd* boak’
\q1 an-talio ao, ami’ty hoe,
\q1
\v 7 Midiaña hoe ondaty;
\q1 hañontaneako
\q1 le ihe ty hitaroñe amako.
\q1
\v 8 Hafote’o hao o zakakoo?
\q1 Hamatse ahy irehe, hahazoa’o to?
\q1
\v 9 Amam-pitàñe manahake
\q1 añ’Andrianañahare v’iheo?
\q1 Mahafañotrok’ am-peo
\q1 hambañ’ ama’e hao?
\q1
\v 10 Mihamina amañ’engeñe
\q1 naho havañonañe;
\q1 misaroña asiñe naho volonahetse;
\q1
\v 11 Adoaño o habose’o mandopatseo;
\q1 jilovo ze hene mpirengevoke
\q1 vaho afotsaho.
\q1
\v 12 Fonga rendreho ty mpibohaboha,
\q1 le arèho;
\q1 lialiao ambane o lo-tserekeo.
\q1
\v 13 Akafiro hitraofa’e an-debok’ ao;
\q1 vahoro añ’etak’ ao o lahara’ iareoo.
\q1
\v 14 Le hiantofako ama’o te mahafandrombak’ azo o fità’o havanao.
\q1
\v 15 Oniño hey ty Behemote,
\q1 i naharoko fitseneañe ama’oy;
\q1 mihinañe ahetse re manahake o añombeo.
\q1
\v 16 Heheke te am-poto-pe’e ao ty haozara’e, amo ozan-tro’eo
\q1 ty hafatrara’e.
\q1
\v 17 Atora-kitsi’e hoe talý ty ohi’e;
\q1 mifamanditse iaby o talin-ozan-toha’eo.
\q1
\v 18 Boda torisike o taola’eo,
\q1 hoe tsotsò-by o kitso’eo
\q1
\v 19 Ie ty lohàñe amo satan’ añahareo;
\q1 I namboatse azey
\q1 ro mahafitotok’ ama’e am-pibara.
\q1
\v 20 Toe mamahan-kaneñe aze o vohitseo,
\q1 amy fihisa’ o bibin-kivoke iabioy.
\q1
\v 21 Mandre ambane’ sohihy eo re,
\q1 am-pipaliram-binda
\q1 an-tane manginakinak’ ao.
\q1
\v 22 Mañalok’ aze ty talinjo’ o ­sohihio; miarikoboñ’ aze iaby
\q1 o bararata añ’olon-dranoo.
\q1
\v 23 Tsy ihondrahondrà’e
\q1 ty fandipora’ i sakay;
\q1 mahasibeke re ndra te isorotombaha’
\q1 Iordaney mb’am-bava’e.
\q1
\v 24 Eo hao ty hahatsepak’aze te mañente; eo hao ty hahafangirike i oro’ey
\q1 hampikavitse aze?
\c 41
\q1
\v 1 Mahatarike i \f + \fr 40:25 \fr*\ft Leviatane: fañanen-driake bey haehae\ft*\f*Leviatàne
\q1 am-bintañe v-iheo?
\q1 hatindri’o ambane an-tàly hao i lela’ey?
\q1
\v 2 Lefe’o hao ty mampikiviro i oro’ey,
\q1 ndra ty hangirike
\q1 i soma’ey am-pengoke?
\q1
\v 3 Hanao lako halaly ama’o hao re?
\q1 Ke hivolañe mora ama’o?
\q1
\v 4 Hifañina ama’o hao, handrambesa’o aze
\q1 ho fetrek’oro’o kitro katroke?
\q1
\v 5 Ho hisà’o hao hoe voroñe?
\q1 ke ho tantalie’o ho amo anak’ ampela’oo.
\q1
\v 6 Hifampihehetse ama’e hao
\q1 o mpanao balikeo?
\q1 Ho zarae’ iareo am’
\q1 o mpanao takinakeo hao re?
\q1
\v 7 Ho tsitsihem-pirango hao i holi’ey?
\q1 Ndra i loha’ey an-defom-piañe?
\q1
\v 8 Apaoho ama’e ty fità’o vaho tiahio i ho ali’oy te tsy hindroe’o.
\q1
\v 9 Hete! Toe tsy vente’e t’ie salalaeñe,
\q1 tsy ho tafahohoke hao te isahañe?
\q1
\v 10 I Tsy eo ty lahitsi’ay mahavany
\q1 hitsobore aze;
\q1 ia arè ty mahafiatreatre amako?
\q1
\v 11 Ia ty nanolotse ahy, te havahako?
\q1 ahiko ze hene ambanen-dikerañe ao.
\q1
\v 12 Tsy hitsiñeko o kitso’eo,
\q1 ty haozara’e ra’elahiy,
\q1 vaho i sandri’e tsaratseakey,
\q1
\v 13 Ia ty hañolitse o sisin-koli’eo?
\q1 Ia ty hahafizilik’
\q1 añivom-balañorà’e roe ao?
\q1
\v 14 Ia ty mahafisokake
\q1 o lalam-bein-tarehe’eo?
\q1 mampangetraketrake ty fañarikatoha’ o nife’eo.
\q1
\v 15 Fisengea’e o sisì’e fatratseo,
\q1 ie mikititse hoe linite;
\q1
\v 16 Akore ty fifampikiteha’e
\q1 kanao tsy mahafitsifitse ao ty tioke.
\q1
\v 17 Nifampireketeñe iereo,
\q1 mifampipiteke, tsy lefe akatrake.
\q1
\v 18 Mitsopela-kazavàñe o fihatsìhe’eo,
\q1 manahake ty holi-maso’
\q1 i maraindraiñey o maso’eo.
\q1
\v 19 Failo milebaleba ty miakatse am-bava’e, afo mipelatse ty mipitsike mb’eo.
\q1
\v 20 Mañatoeñe o loa-koro’eo,
\q1 hoe valàñe mamorotse
\q1 ambone vinda mirehetse.
\q1
\v 21 Mamiañe foroha ty kofò’e,
\q1 afo misodotse ty miboak’ am-bava’e ao.
\q1
\v 22 Mimoneñe an-kàto’e ty haozarañe,
\q1 vaho mitsinjak’ aolo’e eo ty miroreke.
\q1
\v 23 Mifampirekets’ ama’e i holi’e mifanosokeo, gañe ama’e Izay tsy mete asitse.
\q1
\v 24 Gañe hoe vato ty fo’e;
\q1 manahake ty hamafem-bato-lisañe ambane.
\q1
\v 25 Ie mivoalatse, miholi-tsandry
\q1 o fanalolahio; ie vereñe mamoe’ay.
\q1
\v 26 Tsy lefe t’ie liherem-pibara, ndra lefoñe, ndra ana-defo, ndra
\q1 baramino masioñe.
\q1
\v 27 Atao’e ho boka maike ty viñe,
\q1 naho hatae voroke ty torisìke.
\q1
\v 28 Tsy mahafandrifitse aze o ana-paleo;
\q1 atao’e forompotse o vato-piletseo.
\q1
\v 29 Tonton-drongoñe ama’e o kobaiñeo, tohafa’e o lefoñe mikaratsakaratsakeo.
\q1
\v 30 Silam-balañe-tane masioñe ty ambane’e, hoe mamofopofoke ampemba t’ie miranga fotake.
\q1
\v 31 Ampitroatroahe’e hoe valàñe i lalekey;
\q1 ampanahafe’e ami’ty fampitranahañe rano mañitse i riakey.
\q1
\v 32 Anoe’e lala-miloeloe ty am-boho’e ao
\q1 anoe’e hoe a maròy foty i lalekey.
\q1
\v 33 Tsy ambone-tane atoy
\q1 ty mañirinkiriñe aze,
\q1 ie nitsenèñe tsy ho aman-tahotse.
\q1
\v 34 Jilojilove’e iaby ze atao abo;
\q1 ie ty lohà’ ze hene anam-pirengevohañe.
\c 42
\p
\v 1 Natoi’ Iobe amy zao t’\nd Iehovà\nd*,
\q1
\v 2 Fantako te kila lefe’o,
\q1 le tsy azo sebañeñe ze safiri’o.
\q1
\v 3 Hoe irehe: Ia ze o mañeta-panoroañe
\q1 tsy aman-kilala zao?
\q1 Toe nivolañeko ty tsy nirendreko,
\q1 o raha loho mandikoatse ahy, tsy napotako.
\q1
\v 4 Ehe janjiño, [hoe irehe,]
\q1 le hivolan-draho,
\q1 hañontaneako vaho ho toiñe’o.
\q1
\v 5 Toe nahatsanoñe ty ama’o raho
\q1 am-pijanjiñan-dravembia,
\q1 fe mahatrea Azo o masokoo henaneo;
\q1
\v 6 Aa le hejeko ty troko vaho
\q1 misoloho an-deboke naho lavenoke.
\p
\v 7 Ie fa nilañone’ \nd Iehovà\nd* am’ Iobe i tsara rezay, le hoe t’\nd Iehovà\nd* amy Elifaze nte-Temane: Miforoforo ama’o naho amo rañe’o roe reo ty haboseko; amy te tsy nitaroña’ areo ty hatò, manahake ty nanoem-pitoroko Iobe. 
\v 8 Aa le andrambeso bania fito naho añondrilahy fito, le miheova mb’amy Iobe mpitoroko mb’eo naho mañengà soroñe ho anahareo; le hihalalia’ Iobe mpitoroko naho ho noko i halali’ey vaho tsy hanoeko ama’ areo ty mañeva i hanè’ areoy; amy t’ie tsy nilañoñe ahy an-katò, manahake ty nanoe’ i mpitoroko Iobey.
\p
\v 9 Aa le nimb’eo t’i Elifaze nte-Temane naho i Bildade nte Sohy naho i Tsofare nte-Naamà le nanoe’ iereo i tsi­nara’ \nd Iehovà\nd* am’ iereoy; le ninò’ \nd Iehovà\nd* ty halali’ Iobe. 
\v 10 Aa le nampoli’ \nd Iehovà\nd* o vara’ Iobeo, ie nihalaly ho a i rañe’e rey; vaho natolo’ \nd Iehovà\nd* am’ Iobe indroe’ ty nanaña’e taolo. 
\v 11 Nomb’ ama’e mb’eo amy zao o rahalahi’e iabio naho o rahavave’e iabio naho ze hene nahafohiñe aze taolo vaho nitrao-pikama ama’e añ’ anjomba’e ao; nitretreze’ iareo vaho nañohò aze amo fonga haoreañe nafetsa’ \nd Iehovà\nd* ama’eo; vaho songa nanolotse ty bogady ama’e naho ty bange volamena. 
\v 12 Nitahie’ \nd Iehovà\nd* o figadoñan’ andro’ Iobeo mandikoatse te amy nifotora’ey; ie nanañ’ añondry rai-ale tsy efats’ arivo naho rameva eneñ’ arivo naho katràka mpiharo-bao arivo vaho borìke-vave arivo. 
\v 13 Nanañ’ anadahy fito re naho anak’ ampela telo. 
\v 14 Natao’e Iemimae ty añara’ i valoha’ey naho Keziae ty faharoe vaho Keren-Kapokee ty fahatelo. 
\v 15 Tsy nañirinkiriñeñe amy tane iabiy ty hamozohozo’ i anak’ ampela’ Iobe rey vaho songa tinolon-drae’e lova miharo amo ana-dahi’eo. 
\v 16 Ie añe, mbe niveloñe zato-tsy-efapolo taoñe t’Iobe vaho niisa’e o ana’eo naho o zafe’eo pak’an-tariratse fah’efafatse. 
\v 17 Aa le nivilasy t’Iobe, androanavy bey, lifots’ andro.