\id JHN 
\ide UTF-8
\h Jaona
\toc1 Jaona
\toc2 Jaona
\toc3 Jao
\mt1 Jaona
\c 1
\s1 I Norizañey taolo t’ie Nitoly
\p
\v 1 Tam-pifotorañe añe t’i Tsara, le nindre aman’ Añahare i Tsaray\f + \fr 1:1 \fr*\ft Fot 1:1; Rzt 8:22-31\ft*\f* vaho Andrianañahare i Tsaray. 
\v 2 Ie taman’ Andrianañahare amy fifotorañey. 
\v 3 Ie ty nañamboarañe ze he’e; aa naho tsy ie, ndra loli’e tsy ho teo ze eo\f + \fr 1:3 \fr*\ft Efe 3:9; Kol 1:16; Heb 1:2; Heb 11:3; 2Pe 3:5; Sab 33:6\ft*\f*. 
\v 4 Tama’e o haveloñeo\f + \fr 1:4 \fr*\ft Haveloñe: fiaiñe (ze hene maha ondaty)\ft*\f*; le nañazavàñe ondatio i haveloñey; 
\v 5 mireandreañe añ’ieñe ao i Hazavàñey, le tsy nahatindry aze i ieñey.
\s1 Ty Mpiaolo’ i Norizañey
\p
\v 6 Teo t’indaty nirahen’ Añahare, Jaona ty tahina’e. 
\v 7 Pok’ eo re ho valolombeloñe hitalily i Hazavàñey, soa te hatokisa ze kila ondaty. 
\v 8 Tsy t’ie i Hazavàñey, f’ie ro hitaroñe i Hazavàñey.
\s1 Ty Falai’ Ondatio aze
\p
\v 9 Ie ty Hazavañe to mañazava ze hene ondaty mizilike an-tane atoy. 
\v 10 Tami’ ty voatse toy atoy re naho ie ty nañamboarañe ty voatse toy\f + \fr 1:10 \fr*\ft Sab 33:6\ft*\f*, fe tsy nahafohiñ’ aze ty voatse toy. 
\v 11 Nivotrak’ amo Azeo re, fe tsy nirambesa’ o Azeo.
\s1 Ty Natokisa’ Ondatio i Norizañey
\p
\v 12 Fe hene nimea’e lily ho anan’ Añahare ze nandrambe aze, ze miato amy tahina’ey, 
\v 13 ie tsy nareñen-dio, tsy nisatrie’ ty nofotse, tsy nisafirie’ ondaty, fa i Andrianañahare.
\s1 Ty Nisamahañe aze ho Ondaty
\p
\v 14 Ninjare nofotse i Tsaray, ie namoroñe ty sokemitraha’e aman-tika atoy. Nioni’ay ty enge’e, i volonahetse mañeva ty maha bako-tokañe nampiarenen-dRae azey, ie fonitse hasoa naho hatò. 
\v 15 Nita­lily aze t’i Jaona ie nikoi-dava ty hoe: Ie i nanoeko ty hoe, I manonjohy ahiy ro ambone ahy amy t’ie taoloko. 
\v 16 Songa nandrambe amy halifora’ey tika: hasoa atovon-kasoa. 
\v 17 Toe i Mosè ty nanolorañe Hake, le \nd Iesoà\nd* Norizañey ty nitotsaha’ ty falalañe naho ty hatò. 
\v 18 Tsy eo ty nahatrea an’Andrianañahare ndra mbia’ mbia; i bako tokañe añ’ arañan-dRae’ey, Ie ty mitaroñe\f + \fr 1:18 \fr*\ft Jao 5:37; 6:46; 1Jn 4:12\ft*\f*.
\s1 Talily i Jaona Mat 3.1-12; Mar 1.2-8; Lke 3.3-16
\p
\v 19 Zao ty enta’ i Jaona te nirahe’ o Tehodao ty mpisoroñe naho nte-Levy hirik’e Ierosaleme añe nañontane aze, ty hoe: Ia v’iheo? 
\v 20 Niantoke re, tsy nitety, fa ninà’e ty hoe: Tsy izaho i Norizañey. 
\v 21 Aa hoe ty ontane’ iareo: Ia arè? i Elia v’iheo? le hoe re: Tsy ie iraho, I mpitokiy hao? le hoe re: Aiy! 
\v 22 Le hoe ty nanoa’ iareo: Ia v’iheo, hahatoiña’ay o nañirak’ anaio? Akore ty anoñona’o ty vata’o? 
\v 23 Hoe re:
\q1 Izaho ty fiarañanaña’
\q1 i mikoik’ am-patrambey añey, Vantaño ty lala’ i \nd Talè\nd*,
\p amy nisaontsie’ Isaia mpitokiy.\f + \fr 1:23 \fr*\ft Ies 40:3\ft*\f*
\p
\v 24 Toe irake boak’ amo Fariseoo iereo, 
\v 25 ie nañontane ty hoe: Akore t’ie mampilipotse, ihe tsy i Norizañey, tsy i Elia, tsy i Mpitokiy? 
\v 26 Tinoi’ i Jaona ty hoe: Mampilipotse an-drano iraho, fe mijohañe añivo’ areo ao ty tsy fohi’ areo; 
\v 27 i manonjohy ahy nanoeñe aolokoy; tsy sazo ahy ty hañaha i talin-kana’ey. 
\v 28 Nanoeñe e Betania alafe’ Iordaney zay amy fampilipora’ i Jaonay.
\s1 Milipotse vaho Alipotse Mat 2.13-17; Mar 1.9-11; Lke 3.21, 22
\p
\v 29 Tamy loakandroy, nioni’e te nitotofa’ \nd Iesoà\nd*, le hoe re: Heheke o Vik’ añondrin’ Añahare mpañaha hakeo’ ty voatse toio\f + \fr 1:29 \fr*\ft Mat 1:21; Tit 2:14; 1Jn 3:5,8\ft*\f*. 
\v 30 Ie i nitaro­ñekoy ty hoe: Manonjohy ahy t’indaty ambone te amako amy t’ie taoloko. 
\v 31 Tsy napotako re: fe ty hampiboahañe aze am’ Israele ty nivo­trahako atoy hampilipotse an-drano.
\p
\v 32 Le hoe ty nitaroñe’ i Jaona: Nahatrea i Arofoy iraho, nizotso hoe deho boak’an-dindìñe ey nipetake ama’e. 
\v 33 Ninofiko re, fe nanao ty hoe amako i nañitrik’ ahy hampilipotse an-dranoy: Ty isa’o izotsoa’ i Arofoy vaho mipetak’ ama’e, ie ty mandipotse amy Arofo Masiñey. 
\v 34 Le nahatrea iraho vaho mitaroñe te Ie i Anak’ Andrianañaharey.
\s1 O Mpiama’e Valoha’eo
\p
\v 35 Nijohañ’eo mindre ami’ty mpiama’e roe t’i Jaona te loak’ andro. 
\v 36 Aa ie nahaisake \nd Iesoà\nd* nañavelo, le hoe re: Heheke o Vik’ añondrin’ Añahareo! 
\v 37 Jinanji’ i mpiama’e roe rey i saontsi’ey le nañorike \nd Iesoà\nd*. 
\v 38 Nitolike t’\nd Iesoà\nd*, nahavazoho t’ie nañorike vaho nanoa’e ty hoe: Ino ty ipaia’ areo? Le hoe iereo tama’e: O Raby, toe: Talè, aia ty imoneña’o? 
\v 39 Le nanoa’e ty hoe: Antao, hañisake: Aa le nimb’eo iereo nahaisake i nimoneña’ey le nitambatse ama’e ao amy àndroy, ie va’e tami’ty ora faha-folo\f + \fr 1:39 \fr*\ft Ora faha-10: folak’ andro maleme\ft*\f*.
\p
\v 40 Ty raik’ amy roe nahajanjiñe i Jaona naho nanonjohy aze rey le i Andrea, rahalahi’ i Simona Petera; 
\v 41 Tendrek’ aze hey t’i Simona rahalahi’e le nanoa’e ty hoe: Nioni’ay t’i Mesia, toe: i Norizañey. 
\v 42 Nindese’e mb’amy \nd Iesoà\nd* mb’eo, le ie nivazoho \nd Iesoà\nd* le nanoe’e ty hoe: Ihe ro Simona ana’ i Jaona. Hatao Kefasy irehe, toe: vato)\f + \fr 1:42 \fr*\ft Grika Petros (Petera); Heb Kefà : Vato\ft*\f*.
\s1 i Filipo naho i Natanaela
\p
\v 43 Ie amy loak’ androy te homb’ e Galilia ao t’\nd Iesoà\nd*, le nitendreke i Filipo vaho nanoa’e ty hoe: Oriho iraho. 
\v 44 Nte-Betsaida t’i Filipo, ty rova’ i Andrea naho i Petera. 
\v 45 Nirendre’ i Filipo t’i Natanaela vaho nanoa’e ty hoe: Fa nifanjo amy sinoki’ i Mosè amy Hake naho amo Mpitokioy zahay, \nd Iesoà\nd* nte-Nazareta, ana’ Iosefe! 
\v 46 Hoe t’i Natanaela tama’e: Mete iboahan-draha soa hao ty Nazareta? Antao hisary, hoe t’i Filipo ama’e.
\p
\v 47 Ie nivazoho’ \nd Iesoà\nd* t’i Natanaela nitotok’ aze, le hoe re ty ama’e: Heheke, ty toe ana’ Israele, ty tsy am-pamañahiañe! 
\v 48 Le hoe ty nanoa’ i Natanaela: Aia ty naharofoana’o ahy? Tinoi’ \nd Iesoà\nd* ty hoe: Ihe mbe tsy kinai’ i Filipo le nitreako ambane’ i sakoañey. 
\v 49 Aa le tinoi’ i Natanaela ty hoe: O Raby, Anan’ Añahare irehe; Ihe ro Mpanjaka’ Israele. 
\v 50 Le ty hoe ty natoi’ \nd Iesoà\nd* aze: Amy te nanoako t’ie nahatrea azo ambane’ i sakoañey hao ro nampiantok’ azo? Mbe ho oni’o ty lombolombo’e. 
\v 51 Le tinovo’e ty hoe: Eka! to t’itaroñako te mbe ho oni’ areo ty fisokafa’ i likerañey naho ty fionjonañe naho ty fizotsoa’ o anjelin’ Añahareo amy Ana’ ondatiy\f + \fr 1:51 \fr*\ft Fot 28:12\ft*\f*.
\c 2
\s1 Ninjare Divay ty Rano
\p
\v 1 Ie tongoa’ ty herone le tondroke e Kana e Galilia añe ty enga-valy naho teo ty rene’ \nd Iesoà\nd* 
\v 2 vaho songa nañambaràñe homb’ amy enga-vaoy t’\nd Iesoà\nd* naho o mpiama’eo.
\p
\v 3 Ie ho nikapioke ty divay le hoe i rene’ \nd Iesoà\nd* ama’e: Tsy aman-divay iereo. 
\v 4 Tinoi’ \nd Iesoà\nd* ty hoe: O Rakembao, inoñ’ ama’o naho amako izay? Mbe tsy tsatoke ty orako. 
\v 5 Fe hoe ty nafanton-drene’e amo mpitoroñeo: Anò ze ampanoa’e. 
\v 6 Nidoñe marine eo ty sajoa vato eneñe, fañaliova’ o Jiosio, songa naha­atseke fañaranañe telo ndra roe. 
\v 7 Hoe t’\nd Iesoà\nd* tam’ iareo: Atsafo rano o sajoao. Le nipeà’ iereo pak’an-tsoñi’e. 
\v 8 Le hoe re tam’ iereo: Anovizo henaneo vaho endeso amy talèn-engay. Le nandesa’ iareo; 
\v 9 aa naho nitso­peke i rano niova ho divaiy i talèn-tsabadidakey, ie tsy napota’e ty nihirifa’e, fa o mpitoroñe nanovy i ranoio avao ro nahafohiñe, le kinanji’ i talen-tsabadidakey i mpañengay 
\v 10 vaho nanoa’e ty hoe, Fanjotso’ ondatio aolo ty divay soa, ie nikamaeñe, vaho izay ty masay; fa ihe ka nañaja ty divay soa ampara henane. 
\v 11 Izay ty lengom-bilo’ \nd Iesoà\nd* nanoe’e e Kana’ i Galilia añe, nampiboake ty enge’e naho nampiantofa’e o mpiama’eo.
\p
\v 12 Ie modo izay le nizotso mb’e Kapernaome mb’eo, ie naho i rene’e naho o rahalahi’eo vaho o mpiama’eo, le nitoetse ao andro tsy ampeampe.
\s1 Pinio’e i Anjombay
\r (Mat 21.12; Mk 11.15-19; Lk 19.45-48)
\p
\v 13 Ie an-titotse i Fihelañ’ ambone’ o Jiosioy, le nionjomb’e Ierosaleme añe t’\nd Iesoà\nd*. 
\v 14 Naho nizoe’e an-kiririsan’ anjomban’ Añahare ao o nandetak’ añombe naho añondry naho dehoo, vaho o mpampikalo dralao mitoboke ey. 
\v 15 Aa le namboare’e firison-kafotse naho fonga sinoi’e hiakatse i anjombay mindre amo añondrio naho o añombeo, le nalonga’e o dralam-pampikalo dralao vaho navalihoho’e o talatalao, 
\v 16 le hoe re amo mpande­take dehoo: Akaro añe o rahao vaho ko anoeñe kibohon-kilankañe ty anjomban-dRaeko. 
\v 17 Le nitiahi’ o mpiama’eo i pinatetse, ty hoe:
\q1 Nampibotsek’ ahy
\q1 ty fahimbañako amy anjomba’oy.\f + \fr 2:17 \fr*\ft Sab 69:9\ft*\f*
\p
\v 18 Tinoi’ o Tehodao ty hoe: Inoñe ty viloñe hatoro’o anay, te ihe manao o raha retiañe? 
\v 19 Natoi’ \nd Iesoà\nd* ty hoe: Rotsaho ty anjomba toy le hatroako añate’ ty telo andro. 
\v 20 Aa le hoe o Tehodao: Efapolo eneñ’ amby taoñe ty namboareñe ty anjomba toy, vaho hatroa’o añ’ ate ty telo andro? 
\v 21 Fa i akibam-pañova’ey ty nienta’ey. 
\v 22 Aa ie nivañom-belon-dre le nitiahi’ o mpiama’eo i tsinara’e am’iereoy; le natokisa’ iareo o Sokitse Masiñeo naho ty entañe nisaontsie’ \nd Iesoà\nd*.
\p
\v 23 Ie te Ierosaleme ao amy Fihelañey, le maro ty niantoke i tahina’ey te nahaisake o raha tsitantane nanoe’eo. 
\v 24 F’ie tsy nampivave’ \nd Iesoà\nd*, amy te kila arofoana’e ondatio; 
\v 25 vaho tsy nipay mpitalily ondaty, fa arofoana’e ze am’ondatio.
\c 3
\s1 i Nikodemosy
\p
\v 1 Teo t’indaty mpiamo Fariseoo, i Nikodemosy ty tahina’e, mpifehe amo Jiosio, 
\v 2 niheo mb’amy \nd Iesoà\nd* mb’eo hàleñe, le nanoa’e ty hoe: O Talè, fohi’ay te mpañòke hirik’ aman’ Añahare irehe; amy te tsy eo ty hahatafe­tetse o viloñe anoe’oo naho tsy aman’ Añahare.
\p
\v 3 Hoe ty natoi’ \nd Iesoà\nd* aze: Eka! To o itaroñakoo, naho tsy asamake indraike\f + \fr 3:3 \fr*\ft ndra: boak’ ambone\ft*\f* t’indaty, le tsy hahaoniñe i Fifehean’ Añaharey re. 
\v 4 Aa hoe t’i Nikodemosy ama’e: Aia ty hahatolia’ ondaty, ie fa bey? Hahafimoake an-tron-drene’e ao fañindroe’e hao re hasamake?
\p
\v 5 Tinoi’ \nd Iesoà\nd*: Eka! to t’itaroñako t’ie tsy asamak’ ami’ty rano naho amy Arofoy le tsy hahazilike amy Fifehean’ Añaharey. 
\v 6 Ze nasama’ ty nofotse ro nofotse, fe ze nasama’ i Arofoy ro arofo. 
\v 7 Ko ilatsà’o i nitaroñakoy ty hoe: Tsy mahay tsy asamake boak’ añ’abo nahareo. 
\v 8 Mitiok’ amy ze nahi’e i tiokey, mahajanjiñe ty feo’e irehe, fe tsy oni’o ty nihirifa’e ndra ty handoaha’e; izay ka ze hene nasama’ i Arofoy. 
\v 9 Hoe ty natoi’ i Nikodemosy, Aia ty hahamete izay?
\p
\v 10 Hoe ty natoi’ \nd Iesoà\nd*: Ihe mpañoke Israele hao ro tsy maharen­dreke o raha zao? 
\v 11 Eka! to t’itaroñako te volañe’ay o fohi’aio vaho talilie’ay o nitrea’aio, fe tsy antofe’ areo o taro’aio. 
\v 12 Aa naho itaroñako raha an-tane atoio, fa tsy antofe’ areo, le aia ty hahatokisa’ areo te itaroñako rahan-dindìñe ao? 
\v 13 Toe tsy eo ty nionjoñe mb’andindìñe ey naho tsy i nizotso hirik’ andikerañey, toe i Ana’ Ondatiy. 
\v 14 Manahake ty nañonjona’ i Mosè i mereñe am-patrambey añey, ro tsi-mete tsy hañengañe i Ana’ Ondatiy. 
\v 15 Soa te, hanan-kaveloñe nai­nai’e iaby naho tsy ho momoke ze miato ama’e. 
\v 16 Akore ty hakokoan’ Añahare ty voatse toy, kanao nitolora’e i lahy bako-toka’ey, soa tsy haito ze miato ama’e fa hanan-kaveloñe nai­nai’e. 
\v 17 Tsy nirahen’ Añahare mb’ ami’ty voatse toy hamàtse ty voatse toy i Anakey; fa t’ie ho fandrombahañe ty voatse toy. 
\v 18 Tsy hafàtse ze miato ama’e; fa nafàtse ka ty tsi-miato, amy te tsy nato­kisa’e ty tahina’ i Ana-dahi-bako tokan’ Añaharey. 
\v 19 Zao o fàtseo, te nivo­trak’ an-tane atoy i hazavàñey fe nitea’ ondatio o ieñeo te amy hazavàñey, ie raty sata. 
\v 20 Heje’ ze hene mpanao ratio i hazavàñey, ie tsy miheo mb’amy hazavàñey tsy mone ho ventareñe o sata-rati’eo. 
\v 21 Fe mb’amo hazavàñeo ty manao to, hampidodeàñe o fitoloña’eo, t’ie nanoeñe aman’ Añahare.
\p
\v 22 Ie añe, le nomb’an-tane’ Iehodà mb’eo t’\nd Iesoà\nd* rekets’ o mpiama’eo le nitamañe añe miharo am’ iereo vaho nampilipotse. 
\v 23 Nampilipotse e Ainone marine i Saleime añe ka t’i Jaona, amy t’ie maro rano, le nimb’ama’e mb’eo iareo vaho nampiliporeñe. 
\v 24 Mbe tsy nafe­tsak’ an-drohy ao hey t’i Jaona.
\p
\v 25 Ie amy zao nifandietse amo fañaliovañeo o Tehodao naho o mpiamy Jaonao. 
\v 26 Aa le nimb’ amy Jaona iereo, nanao ty hoe: O Raby, i nindre ama’o alafe’ Iordaneiy, i nitalilie’oy, inao, ie ka ro mampilipotse, le kila mb’ama’e mb’eo. 
\v 27 Hoe ty natoi’ i Jaona: Tsy maha-rambe ndra inoñ’ inoñe t’indaty naho tsy natolots’aze boak’ andindìñe añe. 
\v 28 Inahareo ro valolombeloñe te nita­roñeko ty hoe, Tsy izaho i Norizañey, fa nahitrike ho fiaolo’e. 
\v 29 Talè’ ty enga-vao ty mpañenga; mijohañe eo naho mitsendreñe aze ty rañe’ i mpañengay, le mahavaranehake aze ty fiarañanaña’ i mpañengay; izay ty mañeneke o haehakoo. 
\v 30 Mahity te ie ty haonjoñe vaho izaho ty hareke. 
\v 31 Ambone’ ze he’e i hirik’ amboney. Le a ty tane toy ty hirik’an-tane atoy, vaho ty tane toy ro fisaontsie’e; lohà’ ze he’e i boak’ andindìñey. 
\v 32 Ze nivazoho’e naho nijanjiñe’e ro taroñe’e; fe tsy eo ty mandrambe i taro’ey. 
\v 33 I nian­toke i taro’eiy ty namolitomboke te to t’i Andrianañahare. 
\v 34 Saontsie’ i nahitrin’ Añaharey o tsaran’ Añahareo, amy te tsy arañen’ Añahare ty fanolorañe i Arofoy. 
\v 35 Kokoan-dRae i Anakey vaho kila natolo’e am-pità’e. 
\v 36 Aman-kaveloñe nainai’e ty miato amy Anakey; fe tsy hahaisake i haveloñey ty manjehatse i Anakey, ie mb’e fehe’ ty haviñeran’ Añahare.
\c 4
\s1 Ty Rakemba am-Bovoñe eo
\p
\v 1 Aa ie niarofoana’ i Talè te jinanji’ o Fariseoo te namory naho nandipotse mpioke maro te amy Jaona t’\nd Iesoà\nd*, 
\v 2 (Toe tsy nampilipotse t’\nd Iesoà\nd*, fa o mpiama’eo.) 
\v 3 le nienga Iehodà re nibalike mb’e Galilia añe, 
\v 4 f’ie tsi-mete tsy niranga i Samaria; 
\v 5 aa le nivotrak’ an-drova’ i Samaria atao Sikara re, marine’ ty toetse natolo’ Iakobe am’ Iosefe ana’e. 
\v 6 Teo ty vovo’ Iakobe. Nivozak’ amy fañavelo’ey t’\nd Iesoà\nd* le niambesatse amy vovoñey; ie fa ho oram-paheneñe.
\p
\v 7 Nimb’eo amy zao ty rakemba nte-Samaria hitari-drano, le hoe t’\nd Iesoà\nd* ama’e: Anjotsò rano iraho. 
\v 8 (fa nihitrik’ mb’an-drova añe o mpiama’eo hikalo mahakama.) 
\v 9 Aa hoe i rakemba nte-Sama­riay ama’e: Aa vaho akore te Ihe Jiosy, ro mipay rano amako: izaho ampela nte Samaria? (amy te tsy mifañaoñe amo nte-Samariao o Jiosio.) 
\v 10 Le hoe ty natoi’ \nd Iesoà\nd*, Naho nifohi’o ty falalàn’ Añahare naho o nanao ama’o ty hoe: Anjotsò rano, le ho nihalalia’o vaho ho nanjotsoa’e rano veloñe. 
\v 11 Hoe re tama’e: O Aba, tsy amam-pavintan-dRehe, laleke o vovoñeo, aia ty hahazoa’o ze o ranon-kaveloñe zao? 
\v 12 Ihe hao ro bey te am’ Iakobe raen-tika nanolots’ anay ty vovoñe tìañe, ie nikamae’ o ana’eo naho o hare’eo? 
\v 13 Natoi’ \nd Iesoà\nd* ty hoe, Ze minoñe ty rano toy mbe haran-drano avao, 
\v 14 fe tsy ho taliñiereñe ka ty mikama i rano homeiko azey; i rano hatoloko azey, le ho vovon-drano ama’e ao higoan­goañe mb’an-kaveloñe nainai’e. 
\v 15 Hoe i rakembay tama’e, O Aba, meo ahy i rano zay tsy haran-dranoako naho tsy hitohàko mb’etoa hitarike.
\p
\v 16 Hoe re tama’e: Akia, kanjio ty vali’o le mb’etoa. 
\v 17 Tinoi’ i rakembay ty hoe: Tsy amam-baly iraho. Hoe t’\nd Iesoà\nd* tama’e: To i asa’oy te tsy amam-baly; 
\v 18 ie nanam-baly lime naho tsy vali’o i ama’o henaneoy. Mahity i enta’oy.
\p
\v 19 Hoe i rakembay tama’e, O Aba, apotako te mpitoky irehe. 
\v 20 Fitala­hoan-droae’ay ty vohitse toy, fa hoe ka nahareo te e Ierosaleme ao ty toem-pitalahoa’ ondatio.
\p
\v 21 Hoe t’\nd Iesoà\nd* tama’e: O rakembao, atokiso, ho tondroke ty sa tsy hitalahoa’ areo aman-dRae, ke ami’ty vohitse toy he e Ierosaleme ao. 
\v 22 Tsy fohi’ areo ty iambanea’ areo fe fanta’ay ty italahoa’ay amy te boak’ amo Jiosio ty fandrombahañe\f + \fr 4:22 \fr*\ft Sab 147:19, Ies 2:3, 14:1, 56:6-8, Eze 47:22-23, Zek 8:23, Rom 2:20, 3:2, 9:4, Ben 21:12, 21:24\ft*\f*. 
\v 23 Fa ho tendreke ty ora, naho toe ie henaneo, te hitalaho aman-dRae an-troke naho an-katò o toe mpitalahoo; ie ro paian-dRae hita­laho ama’e. 
\v 24 Arofo t’i Andrianañahare, le tsi-mahay tsy hitalaho añ’ arofo naho an-katò o mpitalaho ama’eo.
\p
\v 25 Hoe i rakembay tama’e: Apotako te hitotsak’ atoy t’i Mesia (i atao Norizañey); ie avy ro ho taroñe’e amantika ze he’e. 
\v 26 Hoe t’\nd Iesoà\nd* tama’e: Ie izaho mirehak’ ama’o.
\s1 Mipoteake o Mpiama’eo
\p
\v 27 Niloneak’ amy zao o mpiama’eo le nilatsa te ie nifanaontsy ami’ty rakemba, fe leo raike tsy nañontane aze ty hoe: Ino ty paia’o? ndra: Akore te isaontsia’o? 
\v 28 Nado’ i rakembay i vatavo’ey vaho nienga mb’an-drova ao nitalily am’ondatio ty hoe: 
\v 29 Antao hahaoniñe t’indaty nitalily amako ze fonga satako. Hera ie i Norizañey? 
\v 30 Niakatse i rovay iereo, nimb’ama’e mb’eo.
\p
\v 31 Nanohiñ’ aze amy zao o mpi­ama’eo, nanao ty hoe: O Talè, mikamà. 
\v 32 Fe hoe ty nanoa’e: Aman-kànen-ko haneñe tsy fohi’ areo iraho. 
\v 33 Aa le nifamesoveso ty hoe o mpiama’eo: Hera teo ty nanjotso ama’e? 
\v 34 Hoe t’\nd Iesoà\nd* tam’ iereo, Ty haneko, le ty manao ze satri’ i nañitrik’ Ahiy vaho ty hañeneke o fitoloña’eo. 
\v 35 Tsy fisaontsi’ areo hao ty hoe: Mbe añe ty efa-bolañe vaho ho toly ty sabo? Inao ty itaroñako: ampiandrao fihaino, le taringìto o tetekeo t’ie rifo te ho tataheñe henanekeo. 
\v 36 Fa mitakatse ty rima’e o mpanatakeo, naho manontom-boa ho an-kaveloñe nainai’e, soa te hitrao-pirebeke ty mpitongy naho ty mpanatake. 
\v 37 Izay ty mahatò ty tsara manao ty hoe: Mitongy ty raike vaho manatake ty ila’e. 
\v 38 Nahitriko hanatake ty tsy nimokora’ areo; o ila’eo ty nifanehake vaho niziliha’areo i nivozaha’ iareoy.
\s1 Atokisa’ o nte Samariao
\p
\v 39 Aa le maro amo nte Samaria hirik’ amy rovaio ty niantok’ aze ty amy enta’ i rakembaiy nanao ty hoe: Natalili’e ahiko ze fonga sata nanoeko. 
\v 40 Aa le nimb’ ama’e mb’eo o nte Samariao nihalaly ama’e ty hañialo am’iereo, vaho niambesatse ao roe andro re. 
\v 41 Maro ka ty niantoke ty amo tsara’eo, 
\v 42 naho nanao ty hoe amy rakembay: Tsy i saontsi’oy avao ty mampiantok’ anay, fa nahajanjiñe ka izahay, vaho rendre’ay te toe ie i Norizañey, i Mpandrombake ty voatse toiy.
\s1 Rinambe’ o nte Galiliao Antalatalasaba
\p
\v 43 Ie heròne, le nienga mb’e Galilia añe. 
\v 44 (Toe fa natalili’ \nd Iesoà\nd* te tsi-vara an-tane’e ty mpitoky.) 
\v 45 Aa ie nandoake e Galilia ao le nampihovae’ o nte Galiliao —ie fa niisa’ iareo o raha iaby nanoe’e e Ierosaleme añe amy sabadidakeio, toe namonje’ i sabadidakey ka iereo.
\s1 ty Anadahi’ i Roandriañey
\p
\v 46 Aa le niherem-b’e Kana’ i Galilia t’\nd Iesoà\nd*, mb’amy nanoe’e rano ho divay añey. Teo ty roandriañe, te natindri’ ty rare e Kapernaome ao ty ana-dahi’e. 
\v 47 Aa ie jinanji’e te nienga Iehodà mb’e Galilia mb’eo t’\nd Iesoà,\nd* le niheo mb’eo le nihalalia’e ty hizotso mb’eo hañafake i ana’e fa heta’ey. 
\v 48 Le hoe t’\nd Iesoà\nd* tama’e: Naho tsy mahaonim-biloñe naho halatsàñe nahareo, le tsy miantok’ avao. 
\v 49 Fe nanoa’ i roandriañey ty hoe: O Aba, ehe mizotsoa, tsy mone hivetrake i anakoy. 
\v 50 Hoe t’\nd Iesoà\nd* ama’e: Akia, veloñe i ana’oy. Natokisa’ indatiy i nitsaràe’ \nd Iesoà\nd* ama’ey le nimpoly. 
\v 51 Ie nizotso mb’eo, le nifanalaka ama’e o mpitoro’eo, nitalily te veloñe i ana’ey. 
\v 52 Aa le nañontanea’e ty ora nitsaitsaihe’e, le hoe iereo ama’e: Omale amy ora faha-fitoy\f + \fr 4:52 \fr*\ft folakandro-maràñe : 1:00 ndra 13:00;\ft*\f* te niafak’ ama’e i firemporempoañey. 
\v 53 Nifohin-drae’e t’ie i ora nitsarà’ \nd Iesoà\nd* ty hoe: Veloñe i ana’oy. Le niantoke re rekets’ o añ’anjomba’e iabio. 
\v 54 Izay ty viloñe faha-roe nanoe’ \nd Iesoà\nd* sikal’ amy niakara’e Iehodà mb’e Galilia añey.
\c 5
\s1 Mañafak’ añ’Olon’ Antara eo
\p
\v 1 Nandimbe izay ty sabadidak’ o Jiosio le nionjoñe mb’e Ierosaleme mb’eo t’Iesoà. 
\v 2 Teo ty antara marine’ ty lalambein’ Añondry e Ierosaleme ao atao Beit-zatà\f + \fr 5:2 \fr*\ft Betesda: anjombam-palalàñe, rano mañidahìda;\ft*\f* ami’ty saontsy Hebreo; aman-alokaloke lime. 
\v 3 Maro ty matindry nandre ao, ty fey, ty kombo, ty kepeke nandiñe ty fihetse’ i ranoy. 
\v 4 Ie an-tsa’e le mizotso mb’amy antaray ty anjeli’ i Talè mitrobo i ranoy; ie troboe’e i ranoy le ze valoha’e milipotse an-drano ao ty ampijangañeñe amy ze hasilofa’e. 
\v 5 Teo ty lahilahy nikepeke telo-polo taoñe valo’ amby. 
\v 6 Ie nivazoho’ Iesoà te nidefoke eo, naho niarofoana’e te haehae ty do’e, le nanoa’e ty hoe: Te ho jangam-b’iheo? 
\v 7 Hoe ty natoi’ i kepekey: O Aba, izaho tsy ama’ ondaty hampijoroboñe ahy amo antarao ie ampihalingaliñeñe o ranoo; fa naho mb’eo iraho, le eo ty mizotso aolo. 
\v 8 Hoe t’Iesoà tama’e: Miongaha, rambeso o tihi’oo le mañaveloa. 
\v 9 Nijangañe amy zao indatiy le rinambe’e i tihi’ey vaho nitrantràñe mb’eo. Toe Sabotse ty andro.
\s1 Kanao \nd Sabotse\nd*
\p
\v 10 Aa le hoe ty asa’ o Tehodao amy jinangañey: \nd Sabata\nd* ‘nio; faly ty anikeleha’o tihy. 
\v 11 Tinoi’e ty hoe: I nampijangañe ahiy ty nanao amako ty hoe: Miongaha, rambeso o tihi’oo le akia. 
\v 12 Le hoe ty ontane’ iareo: Ia t’indaty nanao ama’o ty hoe: Rambeso o tihi’oo, le akia, zao? 
\v 13 F’ie tsy napota’ i nafahañey, fa nivik’ añe t’\nd Iesoà\nd*, le lahialeñe ty an-toetse ao. 
\v 14 Ie añe, nivazoho’ \nd Iesoà\nd* añ’anjomban’ Añahare ao re le nanoa’e ty hoe: Hehe, t’ie jangañe, ko mandilatse ka, tsy mone hanjo ty lombolombo’ i teoy\f + \fr 5:14 \fr*\ft Jao 8:11\ft*\f*. 
\v 15 Niavotse indatiy nitalily amo Tehodao te \nd Iesoà\nd* ro nampijangañe aze. 
\v 16 Aa le nampisoañe’ o Tehodao t’\nd Iesoà\nd*, nikilily hañè doza ama’e, amy t’ie nanoe’e amy \nd Sabotse\nd*y.
\s1 Hambañe aman’ Añahare
\p
\v 17 Fe hoe ty natoi’ \nd Iesoà\nd*: Mifanehake sikal’ amy zao t’i Raeko vaho mitoloñe ka iraho. 
\v 18 Aa le sandrake te nipaia’ o Tehodao ty hañoho-doza ama’e; tsy t’ie nandilatse amy \nd Sabata\nd*iy avao, fa t’ie nanao i Andrianañahare ho Rae’e, hifanahafa’e aman’ Añahare.
\s1 Hambañe ami’ty Haozara’e
\p
\v 19 Le hoe ty natoi’ \nd Iesoà\nd*: Eka! to t’itaroñako te, tsy mete manao inoñ’ inoñe am-bata’e i Anakey, naho tsy ty oni’e ano­en-dRae’e; amy te ze trea’e anoen-dRae’e, izay ro anoe’ i Anakey. 
\v 20 Kokoan-dRae t’i Anake le kila atoro’e aze ze anoe’e vaho ho toroa’e fitoloñañe ra’elahy te amy retoañe hilatsà’ areo. 
\v 21 Fa hambañe ami’ty ampitroaran-dRae o vilasio naho mameloñe iareo, ty ameloma’ i Anakey ze no’e.
\s1 Hambañe ami’ty Fanaña’e Lily
\p
\v 22 Toe tsy eo ty zakae’ i Rae, fa hene natolo’e amy Anakey ze fizakañe 
\v 23 soa te songa hiasy i Anakey, hambañ’ amy iasia’ iareo an-dRaey. Ze tsy miasy i ana’ey, tsy miasy an-dRae nañirak’aze.
\p
\v 24 Eka! To ty itaroñako te, ze mijanjiñe o volakoo naho matoky i nañirak’ Ahiy ro aman-kaveloñe nainai’e, vaho tsy mimoak’ an-jaka ao; f’ie nienga i havilasiy mb’an-kaveloñe mb’eo. 
\v 25 Itaroñako an-katò te, ho avy ty ora, toe fa ie henaneo, te ho janjiñe’ o vilasio ty fiarañanaña’ i Anan’ Añaharey, le ho veloñe o mahajanjiñe azeo. 
\v 26 Fa hambañe ami’te aman-kaveloñe am-pañova’e t’i Rae, ty nanolora’e amy Anakey ty hanañe haveloñe am-bata’e; 
\v 27 mbore tinolo’e lily hizaka, amy te ie i Ana’ ondatiy. 
\v 28 Ko idaba’ areo, fa ho tondroke ty ora ho janjiñe’ ze fonga an-donak’ ao i fiara­ñanaña’ey 
\v 29 vaho hiongake boak’ao: ze nanao soa ho amy fivañonam-beloñey; le ze nanao raty ho amy fitroaram-pizakañey. 
\v 30 Toe tsy mahatafe­tetse iraho te izaho avao. Ie mitsa­no­ñe ro mizaka, le to o zakakoo amy te tsy ty lahako ro paiako fa ty satrin-dRae nañirak’ ahy. 
\v 31 Aa naho mitalily vatan-draho, tsy ho tò i taliliy.
\s1 Ty Talili’ i Jaona Mpandipotse
\p
\v 32 Ao ty mitalily ahy, le apotako te to i taroñe talilie’e ahiy. 
\v 33 Fa nañitrik’ amy Jaona nahareo, le nitaroña’e ty hiti’e. 
\v 34 Tsy rambeseko ze talilie’ ondaty ahy, fe ivolañako o raha zao hahazoa’ areo rombake. 
\v 35 Jiro nirehetse naho nireandrean-dre vaho nisatrie’ areo ty hirebeke hey amy hazavà’ey.
\s1 Ty Mitaroñe aze
\p
\v 36 Amam-balolombeloñe ambone’ i Jaona iraho, fa o fitoloñañe nafanton-dRae amako ho henefañeo vaho i fitoloñañe fanoeko ro mitalily ahy te nirahen-dRae.
\s1 Ty Taroñe ty aman-dRae
\p
\v 37 I Rae nañirak’ Ahy, fa nita­roñe ahy. Mbe lia’ areo tsy nahajanjiñe ty fiarañanaña’e ndra nahaisake i vinta’ey\f + \fr 5:37 \fr*\ft Jao 1:18\ft*\f*, 
\v 38 vaho tsy mimoneñe ama’ areo ao o tsara’eo amy te tsy atokisa’ areo i nahitri’ey. 
\v 39 Hotsohotsò o Sokitse Masiñeo; fa atokisa’ areo te ama’e ao ty hanaña’ areo haveloñe nainai’e; eka, ie i mitalily ahikoy, 
\v 40 fe mifoneñe tsy homb’ amako nahareo hahazo haveloñe.
\s1 Mitaroñe i Sokitse Masiñey
\p
\v 41 Tsy rambeko ty fiasia’ ondatio, 
\v 42 le apotako nahareo, te tsy an-tro’ areo ao ty fikokoan’ Añahare. 
\v 43 Nimb’ atoa iraho ami’ty tahinan-dRaeko, fe tsy rinambe’ areo; naho eo ty miheo mb’ama’ areo ami’ty añara’e, le ampihovae’ areo. 
\v 44 Aia ty hahafatokisa’ areo, te mifampiasy avao fa tsy mipay ty engeñe boak’ aman’ Añahare tokañe?
\p
\v 45 Ko atao’ areo te izaho ty hanisý anahareo añatrefan-dRae; toe eo ty haneseke anahareo: i Mosè fitama’ areo. 
\v 46 Aa naho niantofa’ areo t’i Mosè le ho natokisa’ areo iraho amy te izaho i nanokira’ey.\f + \fr 5:46 \fr*\ft Its 18:18\ft*\f* 
\v 47 Aa naho tsy miantoke o soki’eo nahareo, aia ty hatokisa’ areo o volakoo?\f + \fr 5:47 \fr*\ft Lke 16:31\ft*\f*
\s1 ty Lime Arivo Lahy Mat 14.13-21; Mar 6.31-44; Lke 9 11-17
\c 6
\p
\v 1 Ie añe, le nitsake i riake Gali­liay (i atao Tiberiasiy) t’\nd Iesoà\nd*, 
\v 2 naho norihe’ ty lahialeñe amy te nioni’ iereo o viloñe nanoe’e amo marareoo. 
\v 3 Aa le nitroa-bohitse t’\nd Iesoà\nd* vaho niharo fiambesatse amo mpiama’eo. 
\v 4 An-titotse henane zay i Fihelañey, i sabadidak’ o Jiosioy.
\p
\v 5 Ie niandra t’\nd Iesoà\nd*, le nahaoniñe te nañarine aze i lahialeñey, le hoe re amy Filipo: Aia ty hikaloan-tika mofo hikamà’ o retoañe? 
\v 6 Ty hitsok’ aze ty nanoa’e izay, fa niarofoana’e ty hanoe’e. 
\v 7 Tinoi’ i Filipo ty hoe: ty mofo azom-bogady roan’ jato tsy hahaeneñe iareo t’ie songa hangala falitse. 
\v 8 Natovo’ i Andrea, mpiama’e, rahalahi’ i Simona Petera, ty hoe : 
\v 9 Atoañe ty ajajalahy ama’ mofo hordea\f + \fr 6:9 \fr*\ft karaza varem-bazaha kamae’ ty tsotra\ft*\f* lime naho fiañe kedekedeke roe, f’ie haha-inoñe ondaty maro iretoañe?
\p
\v 10 Le hoe t’\nd Iesoà\nd*: Ampiambesaro ondatio, (toe nisoa ahetse i toetsey). Aa le niambesatse ondatio—niha-lime arivo ty lahilahy. 
\v 11 Rinambe’ \nd Iesoà\nd* i mofo rey le nañandriañe vaho zinara’e amo mpiama’eo vaho nazotso’ o mpiama’eo amo niambesatseo; nanahake izay i fiañe rey; ndra fire-fire ty nipaiaeñe.
\p
\v 12 Ie nianjañe, le hoe re amo mpiama’eo: Atontòno o nisisa nifitafitao, soa tsy ama’e ty hianto. 
\v 13 Aa le nahoro’ iereo vaho nahapea haron-kisetse folo ro’amby ami’ty tsy nirì’ o nikamao amy mofo hordea lime rey. 
\v 14 Ie niisa’ ondatio i viloñe nanoe’ \nd Iesoày\nd*, le hoe iereo: Toe ie i mpitoky hizilik’ ami’ty voatse toy.
\p
\v 15 Ie niarofoana’ \nd Iesoà\nd* t’ie fa homb’eo hamihiñ’ aze an-tsenge hery hanao aze mpanjaka, le nivike indraike mb’am-bohitse mb’eo, ie raike.
\s1 Midraidraitse Ambone Rano Mat 14.22-33; Mar 6.45-52
\p
\v 16 Ie hariva, le nizotso mb’an-driake mb’eo o mpiama’eo, 
\v 17 nijon-dakañe hitsake i riakey mb’e Kapernaome añe. Ie maieñe, le mboe tsy niheo mb’am’iereo ey t’\nd Iesoà\nd*. 
\v 18 Nikabo-draha i riakey ami’ty habei’ i tioke nangofofokey. 
\v 19 Aa ie fa nivey telopolo ndra roapolo-lim’ amby stadia\f + \fr 6:19 \fr*\ft Stadione: taka-piletse: 185 metatse ndra lika, 60 stadione = 11 kilometatse; Stadia naho maro\ft*\f*, le naheo’ iereo te nandia ambone’ i riakey ey t’\nd Iesoà\nd* nitotok’ i lakañey, vaho nianifañe. 
\v 20 Aa hoe re tam’ iereo, Izaho ‘nio; ko hembañe. 
\v 21 Aa le nino’ iereo ty handrambe aze an-dakañe ao vaho tafatsak’ amy zao amy nanandrifeañey i lakañey.
\s1 Mofon-Kaveloñe
\p
\v 22 Amy loak’ àndroy, le niisa’ i maro nijohañe alafen-driakey te tsy eo ty lakañe ila’e naho tsy i raike niharoa’ o mpiama’eo fijoñe vaho tsy nitrao-pijoñe amo mpiama’eo amy lakañey t’\nd Iesoà\nd*, fa o mpiama’eo avao ty tao. 
\v 23 (Toe nitoly marine’ i nikamà’ iareo mofo amy nañandriaña’ i Talèiy ty lakañe ila’e hirike Tiberiasy.) 
\v 24 Aa ie nioni’ i màroy te tsy eo t’\nd Iesoà\nd* naho o mpiama’eo, le nijon-dakañe ka, nitsake mb’e Kapernaome mb’eo hitsoeke \nd Iesoà\nd*.
\p
\v 25 Ie nahaisak’ aze an-dafen-driake ey le nanoa’ iareo ty hoe: O Talè, mbia ty nitsaha’o atoy? 
\v 26 Hoe ty natoi’ \nd Iesoà\nd*: Itaroñako an-katò te, tsy o viloñe nioni’ areoo ty ipaia’ areo ahy, fa t’ie nikama amy mofoy vaho nianjañe. 
\v 27 Ko ifanehafañe ty mahakama mete momoke, fa i mahakama mahatañe pak’an-kaveloñe nainai’ey, i toe hazotso’ i Ana’ ondatiy\f + \fr 6:27 \fr*\ft Mat 4:4, Joa 6:35, 48, 51, 58\ft*\f*, fa ie ty vinoli-tombohen’ Añahare Rae.
\p
\v 28 Le hoe ty asa’ iareo tama’e: Inoñe ty hanoe’ay hitoloñe amo tolon-drahan’ Añahareo? 
\v 29 Hoe ty natoi’ \nd Iesoà\nd*: Zao ty fitoroñañe an’Andrianañahare, te hatokisa’ areo i nahitri’ey.
\p
\v 30 Aa le hoe iereo tama’e: Ino ty viloñe hatoro’o, hahaisaha’ay, hiantofa’ay azo? Inoñe ty ho toloñe’o? 
\v 31 Nikama mana\f + \fr 6:31 \fr*\ft Heb: nofi’ ay; Avo 13:31\ft*\f* an-dratraratra añe o roae’aio, amy pinatetse ty hoe:
\q1 Nanjotsoa’e mofo boak’ andin­dìñe añe hikama’ iereo.\f + \fr 6:31 \fr*\ft Sab 78:24, 105:40, Nek 9:15\ft*\f*
\p
\v 32 Le hoe t’\nd Iesoà\nd* tam’ iereo: Eka! to t’itaroñako te, tsy i Mosè ty nanjotso i mofo boak’ andin­dìñe añey, fa i Raeko ro mpanjotso ty toe mofo hirik’ andikerañe ao. 
\v 33 I mofon’ Añaharey, le i nizotso boak’ andindìñe añe manolo-kaveloñe ami’ty voatse toiy.
\p
\v 34 Le hoe iereo tama’e, O Talè, azotsò ama’ay nainai’e o mofo zao. 
\v 35 Hoe t’\nd Iesoà\nd* tam’ iereo: Izaho o mofon-kaveloñeo, tsy ho saliko ka ze mitotok’ ahy vaho tsy ho taliñiereñe ka ze miato amako. 
\v 36 Fa hoe ty nanoako, toe nahaisake ahy nahareo fe tsy mañaoñe. 
\v 37 Hene homb’amako ze atolon-dRaeko ahy vaho tsy ho farieko ka ze momb’amako. 
\v 38 Le tsy nivotrake boak’ andin­dìñe ao iraho hanao ty satriko, fa ty satri’ i nañitrik’ Ahiy. 
\v 39 Inao ty satrin-dRae nañirak’ ahy, te leo raike amy ze hene natolo’e, tsy hapoke, fa hatroako amy andro honka’ey. 
\v 40 Zao ty satrin’ arofo’ i nañitrik’ ahiy, te songa hanan-kaveloñe nainai’e ze miisake i Anakey naho miato ama’e; le izaho ty hañonjoñe aze amy andro honka’ey.
\p
\v 41 Niñeoñeoñe ama’e o Tehodao, ty amy asa’e ty hoe: Izaho i mofo nizotso hirik’andindìñe eiy, 
\v 42 le hoe iereo: Tsy \nd Iesoà\nd*, ana’ Iosefe v’itia, ie fohin-tika ty rae’e naho i rene’e? Akore arè i asa’e ty hoe, t’ie nizotso boak’ andindìñ’ añe?
\p
\v 43 Tinoi’ \nd Iesoà\nd* ty hoe: Ko mifampiñeoñeoñe avao. 
\v 44 Tsy eo ty mahalefe ty homb’ amako naho tsy akozozòn-dRae nañitrik’ ahy; ie amy zay, izaho ty hampitroatse aze amy andro honka’ey. 
\v 45 Pinatetse amo Mpitokio ty hoe:
\q1 Hene hanare’ \nd Iehovà\nd* iareo,\f + \fr 6:45 \fr*\ft Ies 54:13, Irm 31:34\ft*\f*
\p Sindre miheo amako ze nahajanjiñe naho niòke aman-dRae. 
\v 46 Toe ndra iaia tsy nahaoniñ’ an-dRae naho tsy i boak’ aman’ Añaharey, Ie ty nahavazoho an-dRae. 
\v 47 Eka! to t’itaroñako te aman-kaveloñe nainai’e ze miato amako. 
\v 48 Izaho o mofon-kaveloñeo. 
\v 49 Nikama mana am-patrambey añe o roae’ areoo, vaho nihomake. 
\v 50 Intoy ty mofo mizotso hirik’ andindìñe ao hikamà’ ondatio tsy hihomake. 
\v 51 Izaho o mofo veloñe nizotso hirik’ andin­dìñeo; ndra ia’ ia mikama i mofo zay ro ho veloñe nainai’e; eka, ty nofoko i mofo hatolokoy, i bana­banaeko ho ami’ty havelo’ ty voatse toiy.
\p
\v 52 Aa le hoe ty lie-droko’ o Tehodao: Aia ty hanjotsoa’ t’indaty tìa i sandri’ey ho hanen-tika? 
\v 53 Le nanoa’ \nd Iesoà\nd* ty hoe: Eka! to t’itaroñako, naho tsy ikamañe ty nofo’ i Ana’ ondatiy naho inomañe ty lio’e, le tsy aman-kaveloñe nahareo. 
\v 54 Ze mikama ty nofoko naho minoñe ty lioko ro aman-kaveloñe nainai’e, le honjoneko amy andro hengaha’ey. 
\v 55 Fa toe hàneñe o nofokoo naho toe finomeñe ty lioko. 
\v 56 Ze mikama ty nofoko naho ty lioko ro mimoneñe amako vaho izaho ama’e. 
\v 57 Hambañe amy nañitrifa’ i Rae veloñey ahiy, izaho veloñe aman-dRae, le ze mikama amako, izaho ty hiveloma’e. 
\v 58 Zao i mofo nizo­tso hirik’ andindìñey. Tsy manahake i mana \f + \fr 6:58 \fr*\ft Avo 16:31\ft*\f*nikamaen-droae’ iareo ie nihomakey; fa ho veloñe nainai’e ze mikama ty mofo toy. 
\v 59 I hoe zay ty tsinara’e te nañoke am-pitontonañe e Kapernaomy ao.
\s1 Mitety aze o ila’eo
\p
\v 60 Aa le maro amo mpiama’eo, ie nahajanjiñe izay, nanao ty hoe: Maràñe i tsaray, ia ty mahajanjiñe aze? 
\v 61 Ie nioni’ \nd Iesoà\nd* i ñeoñeo’ o mpiama’eoy, le nanoa’e ty hoe: Mahatorifik’ anahareo v’izay? 
\v 62 Akore arè naho isa’ areo mionjoñe mb’amy nitoe’e taoloy mb’eo i Ana’ ondatiy? 
\v 63 I Arofoy ty mahaveloñe, tsy mahasoa ndra loli’e o nofotseo; toe arofo naho haveloñe o saontsy itaroñako\f + \fr 6:63 \fr*\ft Jao 6:8, 1Ko 15:45\ft*\f*. 
\v 64 Fe tsy mañaoñe ty ila’ areo. Toe niarofoana’ \nd Iesoà\nd* am-baloha’e o tsi-hiatoo, naho i hañenga’ azey. 
\v 65 Le hoe re: Izay ty nitaroñako te, tsy eo ty homb’ amako naho tsy natolotse aze boak’ aman-dRae. 
\v 66 Ie amy zay, nifoneñe tsy nindre-lia ama’e ka ty maro amo mpiama’eo.
\s1 Ty taro’ i Petera
\p
\v 67 Aa le hoe t’\nd Iesoà\nd* amy folo ro’ amby rey, He te hisitake ka nahareo? 
\v 68 Hoe ty natoi’ i Simona Petera: O Talè, homb’ ama’ ia v’izahaio? Ama’o o tsaran-kaveloñe nainai’eo; 
\v 69 Fa natokisa’ay naho mahafohiñe te Ihe i Masin’ Añaharey. 
\v 70 Hoe ty nanoa’ \nd Iesoà\nd*: Tsy izaho hao ty nijoboñe anahareo folo-ro’ambio, fe kokolampa ty raike? 
\v 71 I Jodasy ana’ i Simona nte-Kariote, mpiamy folo ro’amby rey i tsinara’ey, ie fa hañeng’ aze.
\c 7
\s1 Tsy Niantofan-dRoahalahi’e
\p
\v 1 Añe izay le nañavelo e Galilia ao t’\nd Iesoà\nd*, f’ie tsy te homb’e Iehodà mb’eo amy te nipay hañè-doza ama’e o Tehodao. 
\v 2 Nitotoke henane zay i sabadida-kivoho’ o Jiosioy, 
\v 3 le hoe ty asa’ o rahalahi’eo ama’e: Isitaho ty eto, akia mb’e Iehodà añe, hahaoniña’ o mpiama’oo ka o fitoloñañe anoe’oo, 
\v 4 amy te tsy mitoloñ’ añetake ze te ho fohiñe, fa am-palangesañe. Kanao manao o raha rezao irehe, le atrefo i valobohòkey. 
\v 5 Toe tsy niantok’ aze ka o rahalahi’eo. 
\v 6 Le hoe t’\nd Iesoà\nd* am’ iareo: Mbe tsy tondroke ty androko, fe songa mete ama’ areo ze andro. 
\v 7 Tsy eo ty halaiña’ ty voatse toy anahareo fa heje’e ka iraho mpanesek’ aze ty amy hatsivokara’ey. 
\v 8 Mionjona mb’amy sabadidakey mb’eo, fe tsy homb’ amy famantañañey hey iraho amy te mbe tsy heneke o androkoo. 
\v 9 Ie nanoa’e izay le nitambatse e Galilia ao.
\s1 Nipiapia mb’an-tSabadidake mb’eo
\p
\v 10 Aa naho fa nionjom-ban-tsabadidake mb’eo o rahalahi’eo, le nimb’eo ka re, fe tsy nisorogodañe fa niampitsàmpitse. 
\v 11 Nipay aze amy sabadidakey o Jiosio, ie nifanao ty hoe: Aia re? 
\v 12 Lako firehoreho ty ama’e i màroy: hoe ty ila’e: Vañoñe indatiy, hoe ka ty ila’e: Aiy! toe ampandridrihe’e ty màro. 
\v 13 Fe tsy teo ty nahaboa-drehake aze ami’ty fihembañañe o Tehodao.
\s1 Boak’ Aman-dRae ty Lili’e
\p
\v 14 Ie ho nivaky mira i sabadidakey, le nionjomb’ añ’ anjomban’ Añahare mb’eo t’\nd Iesoà\nd*, nañoke. 
\v 15 Nilatsà’ o Tehodao le nanao ty hoe: Taia ty nampahilala indatiy o soki­tseo, ie tsy nianatse? 
\v 16 Tinoi’ \nd Iesoà\nd* ty hoe: Tsy ahy o fañòhakoo, fa a i nañitrik’ ahiy\f + \fr 7:16 \fr*\ft Impito amy Jaona ao i hoe zay: 3:34, 7:16, 8:28, 8:40, 12:49, 14:24, 17:8; Its 18:15-20\ft*\f*. 
\v 17 Ie no’ ondatio ty hanao o satri’eo le ho rendre’e i fañòhañey ke hirik’ aman’ Añahare, he te ahy o volañekoo. 
\v 18 Mipay tsiriry ty mivolañe ty aze; f’ie mipay hañomey engeñe amy nañitrik’ azey ro to vaho tsy aman-kakeo. 
\v 19 Tsy i Mosè hao ty nanolotse i Hake ama’ areo, fe tsy ama’areo ty mañorike i Hake? Akore t’ie mipay hampivetrak’ ahy? \f + \fr 7:19 \fr*\ft Mat 5:20\ft*\f*
\p
\v 20 Hoe ty natoi’ i màroy: Amañ’ anga-draty irehe, ia ze o mipay hañoho-doza ama’oo? 
\v 21 Hoe t’\nd Iesoà\nd* tam’ iereo: Nanao raha raike iraho, le hene latsa. 
\v 22 Nimea’ i Mosè anahareo o sava­tseo (tsy t’ie hirik’ amy Mosè, fa boak’ aman-droae); vaho manavatse ondaty ami’ty \nd Sabotse\nd* nahareo. 
\v 23 Aa naho savareñe ami’ty \nd Sabata\nd* t’indaty tsy handilara’e ty Hà’ i Mosè; mahaviñetse anahareo hao te nampijangañeko fonitse ami’ty \nd Sabata\nd* t’indaty? 
\v 24 Ko mizaka ami’ty vinta’e, fa mizakà an-jaka tò.
\s1 Hirik’ aman-dRae i Norizañey
\p
\v 25 Le hoe ty ila’ o nte Ierosalemeo: Tsy itoy hao i paia’ iereo ho vonoeñey? 
\v 26 Hehe t’ie milañoñe am-batraike eo fe tsy ivolaña’ iareo. Hera toe fohi’ o roandriañeo te ie ro toe i Norizañey? 
\v 27 Fohintika ty nihirifa’ indatiy; aa ie avy i Norizañey, tsy ho fohi’ ondaty ty niboaha’e. 
\v 28 Aa le nipoña-peo añ’anjomban’ Añahare ao t’\nd Iesoà\nd* te nañoke, nanao ty hoe: Eka! Fohi’ areo iraho mbore rendre’ areo ty nihirifako; Tsy nañira-batan-dRaho, fe vañoñe i nañitrik’ Ahiy, i amoea’ areoy. 
\v 29 F’ie fantako, amy te hirik’ ama’e, ie ty nañirak’ ahy. 
\v 30 Nipay hitsepak’ aze iereo, fe tsy teo ty hahagaoñ’ aze ie mbe tsy nitondroke i ora’ey. 
\v 31 Le maro am’ ondatio ty niantok’ aze vaho nanao ty hoe: Ie totsake eo i Norizañey, hanao viloñe maro te amo nanoe’ itìañeo hao?
\s1 Ty Hienga’e
\p
\v 32 Jinanji’ o Fariseoo i nivesovesoe’ i màroy, le nañitrike mpifeleke hitsepak’ aze o mpisorom-beio naho o Fariseoo. 
\v 33 Le hoe ty nanoa’ \nd Iesoà\nd*: Anianike avao iraho te ama’areo vaho hienga mb’amy nañirak’ ahiy añe. 
\v 34 Hipay ahy nahareo fe tsy hahaisake; toe tsy mete’ areo hombàñe ty hombako. 
\v 35 Le hoe ty fifanaontsi’ o Tehodao: Aia ty homba’e te tsy ho trea-tika? Hera homb’ amo miparaitak’ amo Grika añeoo, hañòke o Grikao; 
\v 36 Inoñe i enta’e ty hoe: Ho paiae’ areo iraho, fa tsy ho isa’ areo; naho, Tsy lefe areo ombañe ty hombako?
\s1 Rano Veloñe
\p
\v 37 Ie amy andro honka ra’elahi’ i sabadidakeiy, le niongake t’\nd Iesoà\nd* nipazake ty hoe: Ampomb’ amako mb’etoa hikama rano ze taliñiereñe. Ze miato amako, 
\v 38 hoe i Tsara Masiñey, le higoangoañe boak’ añ’arofo’e ao ty rano veloñe.\f + \fr 7:38 \fr*\ft Ies 44:3, Iir 2:13, 17:13, Zek 14:8, Sab 36:8-9, Rzd 14:7, Jao 4:10, 6:63, 1Ko 10:4, Ben 7:17, 21:6, 22:1,17\ft*\f* 
\v 39 (i Arofo ho rambese’ o mpiato ama’eo i nitsarae’e zay, fe mboe tsy ie i Arofoy, amy te mbe tsy nirengèñe t’\nd Iesoà\nd*.)\f + \fr 7:39 \fr*\ft Eze 36:26-27, Ioe 2:28-32, Top 1:4-8, 2:4,33, 10:44-47, 11:15-16, Efe 5:18\ft*\f*
\s1 Mifanao Añombelahi-Diba o Tehodao
\p
\v 40 Aa le maro amy lahialeñe nahajanjiñe i tsaray ro nanao ty hoe: Toe ie i Mpitokiy. 
\v 41 Hoe ty ila’e: Ie i Norizañey, fa hoe ka ty ila’e: Ho hirike e Galilia añe hao i Norizañey? 
\v 42 Tsy fa tsinara’ o Sokitse Masiñeo hao te ho hirik’ amo tiri’ i Davideo i Norizañey, naho ho boake Betleheme, rova’ i Davide?\f + \fr 7:42 \fr*\ft 2Sa 7:12, Sab 89:4; Mik 5:1\ft*\f* 
\v 43 Aa le nifampiria ty ama’e ondatio. 
\v 44 Teo o te hitsepak’ azeo, f’ie tsy nipaoham-pitañe.
\s1 Nifanointoiñe i Sinoday
\p
\v 45 Aa le nibalike mb’amo mpisorom-bey naho Fariseoo mb’eo o mpifelekeo, le hoe ty nanoa’ o beio: Akore t’ie tsy nasese’areo? 
\v 46 Le hoe ty natoi’ o mpifelekeo: Mbe lia’e tsy nahafilañoñe manahak’ indatiy t’indaty. 
\v 47 Le natoi’ o Fariseoo ty hoe: I nahareo ka hao ty nampandridrihe’e? 
\v 48 Ia amo roandriañeo naho amo Fariseoo ty miantok’ aze? 
\v 49 Fokom-pàtse i màroy, amy te tsy apota’e t’i Hake. 
\v 50 Hoe t’i nanoa’ i Nikodemosy (i mpiam’ iareo nitilike \nd Iesoà\nd* taoloy). 
\v 51 Mamàtse ondaty aolo’ te ijanjiñañe hahafohiñe i nanoe’ey hao i Han-tikañey? 
\v 52 Natoi’ iereo ty hoe: Nte-Galilia ka v-iheo? Hotsohotsò naho oniño te tsy itroaram-pitoky ty Galilia. 
\v 53 Le hene nimpoly mb’an-kiboho’e mb’eo.
\c 8
\s1 Vinamba ty Ampela
\p
\v 1 Nomb’am-bohi’ Oliva mb’eo t’\nd Iesoà\nd*. 
\v 2 Le nañaleñaleñe te nibalike mb’ añ’anjomban’ Añahare mb’eo, naho nihimpok’ ama’e i màroy vaho niambesatse re nañoke.
\p
\v 3 Nasese’ o mpanoki-dilio naho o Fariseoo ama’e ty rakemba nivamba, aa ie najarodo’ iereo añivo’ ondatio, 
\v 4 le hoe iareo tama’e: O Talè, tsinepake ty rakemba toy amy t’ie nivamba. 
\v 5 Toe nandily antika amy Hake ao t’i Mosè t’ie ifetsaham-bato; ino mb-arè ty asa’o? 
\v 6 Nanoe’ iereo izay hitsoke aze, hamente ty hanesehañe aze. F’ie nibotreke t’\nd Iesoà\nd*, nanoki­tsokitse an-drambom-pità’e an-tane eo, 
\v 7 Aa ie nimane ontane ama’e iareo, le niongake naho nanoa’e ty hoe: Ty tsy aman-tahiñe ama’areo, ee t’ie ty hametsa-bato aolo. 
\v 8 Niondreke indraike re, nanokitse an-tane eo\f + \fr 8:8 \fr*\ft Irm 17:13\ft*\f* 
\v 9 O nahajanjiñeo, ninankañe kiraikiraike, o zoke’eo aolo ampara’ t’ie vahiny le i rakembay ro añivo eo. 
\v 10 Niongake t’\nd Iesoà\nd*, le nanoa’e ty hoe: O Rakemba, aia ho o nanesek’ azo’o? Tsy eo hao ty namàtse azo? 
\v 11 Leo raike, Talè, hoe re. Le hoe t’\nd Iesoà\nd* ama’e: Izaho ka tsy hañozoñ’ azo, akia, ko mandilatse ka.
\p
\v 12 Tinovo’ \nd Iesoà\nd* am’iereo ty hoe: Failo’ ty voatse toy iraho; tsy hañavelo añ’ ieñe ao ze mañorike ahy, fa ho an-kazavàn-kaveloñe.
\p
\v 13 Aa hoe ty lie’ o Fariseoo aze: Ho nitò aia o talili’oo kanao mita­lily vatañe. 
\v 14 Tinoi’ \nd Iesoà\nd* ty hoe: Ndra te mitalily vatan-dRaho, to i talilikoy; amy te fantako ty nihirifako naho ty hombako; fe tsy fohi’ areo ty niboahako ndra ty hionjonako. 
\v 15 O nofo­tseo ro fizaka’areo; Izaho tsy mizaka ndra iaia. 
\v 16 Fe ndra t’ie mizaka, to ty fizakako; amy te tsy izaho avao, fa izaho naho i Rae nañitrik’ ahiy. 
\v 17 Toe pinatetse amy Hà’areoy te
\q1 to taroñe t’indaty roe.\f + \fr 8:17 \fr*\ft Its 19:15\ft*\f*
\p
\v 18 Izaho mitalily vatañey, ty raike, mita­lily ahy ka i Raeko nañirak’ ahiy. 
\v 19 Aa le hoe iareo tama’e: Aia v’o Rae’oo? Tinoi’ \nd Iesoà\nd*: Tsy mahafohiñ’ ahy ndra i Raeko nahareo; naho napota’ areo iraho le ho nahafohiñe an-dRaeko ka.
\p
\v 20 Sinaontsi’ \nd Iesoà\nd* amy fanontonan-dralay i hoe zay, ie nañoke añ’ anjomban’ Añahare ao; le tsy teo ty nipao tañañ’ ama’e; amy te mboe tsy nitsatoke ty ora’e. 
\v 21 Le hoe ty natovo’ \nd Iesoà\nd* am’iereo: Hienga iraho, ho paiae’ areo fe hivetrak’ amo hakeo’ areo. Tsy lefe’ areo hombañe i hombakoy. 
\v 22 Le hoe ty asa’ o Tehodao: Hera hamoe’ fain-dre? Ie manao ty hoe: Ze hombako tsy ho lefe’ areo hombañe. 
\v 23 Aa le hoe re tam’ iereo: Hirik’ ambane ao nahareo; boak’ ambone iraho. Ami’ty voatse toy nahareo; fe tsy ami’ty voatse toy iraho. 
\v 24 Aa le hoe ty nitaro­ñako, t’ie hikoromak’ amo hakeo’ areoo, fa naho tsy atokisa’ areo t’Ie Raho\f + \fr 8:24 \fr*\ft Avo 3:14, naho amy a.57\ft*\f*, le hihomake an-tahi’ areo. 
\v 25 Le hoe iareo tama’e: Ia v’Iheo? Hoe ty nanoa’ \nd Iesoà\nd*: I nitaro­ñako am-baloha’ey. 
\v 26 Mbe bey ty ho nitaroñako naho ty hizakako, fe to i nañirak’ Ahiy; le taroñeko ami’ty voatse toy o itsanoñakoo. 
\v 27 Tsy napota’ iereo t’ie nisaontsy i Rae. 
\v 28 Aa le hoe ty nanoa’ \nd Iesoà\nd*: Ie aonjo’ areo i Ana’ ondatiy, le ho fohi’ areo te ie iraho, le tsy eo ty anoeko an-tsatriko, fa ze ampandrendrehen-dRaeko ahy, izay o volañekoo. 
\v 29 Toe amako i nañitrik’ Ahiy, le tsy apo’e hiziozio iraho, amy te nai­nai’e fanoeko o raha tea’eo. 
\v 30 Ie nisaontsy izay, le maro ty niantok’ aze.
\p
\v 31 Aa le hoe t’\nd Iesoà\nd* tamo Jiosy mpiato ama’eo: Naho mitoloñe amo fivolakoo nahareo, le toe mpiamako; 
\v 32 le ho fohi’ areo ty hatò vaho ho hahà’ ty hatò. 
\v 33 Hoe ty natoi’ iareo aze: Tarira’ i Abraàme zahay, le mbe lia’e tsy rinohi’ ondaty; Akore arè ty natao’o te, Ho hahañe nahareo?
\p
\v 34 Tinoi’ \nd Iesoà\nd* ty hoe: Eka! to ty itaroñako te fonga ondevon-kakeo ze manao hakeo. 
\v 35 Tsy mipiteke añ’ anjomba ao ty ondevo, fe mimoneñe ao nainai’e ty anake. 
\v 36 Aa ie ihahà’ i Anakey, le ho vata’e votso­tse. 
\v 37 Apotako t’ie tiri’ i Abraàme; f’ie mipay ty hahavetrak’ ahy amy te tsy itoera’ o volakoo. 
\v 38 Taroñeko o nitreako te nindre aman-dRaekoo; vaho anoe’ areo ze jinanji’ areo aman-drae’ areo.
\p
\v 39 Tinoi’ iereo ty hoe: Rae’ay t’i Abraàme. Le hoe ty natoi’ \nd Iesoà\nd*: Naho àna’ i Abraàme, anò o fitoloña’ i Abraàmeo; 
\v 40 f’ie henaneo, mipay hamono ahy—ondaty mitaron-kavantañañe ama’ areo, o tsinanoko aman’ Añahareo. Tsy nanao izay t’i Abraàme. 
\v 41 Toe anoe’ areo ty satan-drae’ areo. Aa hoe iereo tama’e: Tsy anak’ amonton-jahay; raike ty Rae’ay, i Andrianañahare. 
\v 42 Hoe t’\nd Iesoà\nd* am’ iereo: Aa naho Rae’ areo t’i Andrianañahare, le ho nikoko ahy, amy te i Andrianañahare ty niboahako naho ty nivotrahako atoy; le tsy ty satriko ty nipotirako atoy, fa ie ty nañitrike ahy. 
\v 43 Akore te tsy apota’ areo o rehakoo? toe tsy maha­janjiñe o volakoo nahareo. 
\v 44 Ie mpiamy mpañinje rae’ areoy, vaho tea’ areo ty manao ze irìn-drae’ areo. Mpañoho-doza boak’ am-baloha’e re vaho tsy mijadoñe ami’ty hatò, amy t’ie tsy aman-katò ndra loli’e. Ie mivolam-bande, sata’e i fivola’ey, amy t’ie mpandañitse, toe raem-bande. 
\v 45 Fe kanao mitaroñe ty hatò iraho, tsy iantofa’ areo. 
\v 46 Ia ama’ areo ty manisý hakeo amako; fa naho mitaroñe ty hatò, akore te tsy atokisa’ areo? 
\v 47 Mahajanjiñe o saontsin’ Añahareo ze aman’ Añahare, f’ie tsy mahajanjiñe amy te tsy aman’Añahare. 
\v 48 Aa hoe ty natoi’ o Tehodao aze: Tsy to hao ty asa’ay te nte Samaria irehe naho tokoen’ anga-draty? 
\v 49 Hoe ty natoi’ \nd Iesoà\nd*: Tsy aman-kokolampan-draho, fa miasy an-dRaeko, fe tsy iasia’areo. 
\v 50 Tsy mipay engeñe ho ahy iraho, fe ao ty mitsoeke naho mizaka. 
\v 51 Eka! to ty itaroñako te tsy hahaonin-kavilasy ka ty miambeñe o volakoo.
\p
\v 52 Le hoe o Tehodao tama’e: Rendre’ay henaneo t’ie tokoen-draha. Nivilasy t’i Abraàme naho o mpitokio; le manao ty hoe irehe, Tsy hitsope-kavilasy ka ty mifahatse amo volakoo. 
\v 53 Ho bey te amy Abraàme rae’ay hao irehe, ie nihomake? nikoromake ka o mpitokio; aa le manao ho ia irehe? 
\v 54 Hoe ty natoi’ \nd Iesoà\nd*: Naho miasy vatan-draho le kòake i asikoy. Miasy ahy t’i Raeko, i atao’ areo ty hoe: Andrianañahare’ay. 
\v 55 Mbe’ mboe tsy fohi’ areo re, ie fohiko. Aa naho nataoko t’ie ninofiko, le ho nibodiake hambañ’ ama’ areo iraho. Toe fantako re vaho ambenako o tsara’eo. 
\v 56 Niankahake t’i Abraàme te nahaoniñe ty androko; niisa’e le niehake.
\p
\v 57 Le hoe o Tehodao tama’e: Tsy limampolo taon-dRehe, aa vaho ho niisa’o t’i Abraàme? 
\v 58 Hoe t’\nd Iesoà\nd* tam’ iereo: Eka! to ty Itaroñako te, taolo te nisamake t’i Abraàme, Izaho ro\f + \fr 8:58 \fr*\ft Avo 3:13\ft*\f*. 
\v 59 Nandrambe vato amy zao iereo haretsak’ aze, fe nietake t’\nd Iesoà\nd*, naho niavotse i anjomban’Añaharey.
\c 9
\s1 Nampibarabeake ty Fey
\p
\v 1 Ie niary mb’eo, le naha­vazoho ty lahilahy fey, nigoa boak’ amy t’ie nitoly. 
\v 2 Le hoe ty ontane’ o mpiama’eo: O Talè, ia ty nanao tahiñe: ondatio, ke o roae’eo te ie nisamake goa? 
\v 3 Tinoi’ \nd Iesoà\nd* ty hoe: Tsy te aman-kakeo t’indaty tia, ndra o roae’eo, fa te haboak’ añama’e ty fitoloñan’ Añahare. 
\v 4 Tsy mahay tsy manao ty fitoloña’ i nañitrik’ ahiy tikañe ie mbe antoandro, fa ho avy ty haleñe tsy hahafitoloña’ ondaty. 
\v 5 Kanao mbe ami’ty voatse toy iraho, le izaho ro failo’ ty voatse toy.
\p
\v 6 Ie nanao izay, le nandrora an-tane, le nilitsahe’e i fañerè’ey vaho natente’e am-pihaino’e eo i litsakey. 
\v 7 Le hoe re ama’e: Akia, misasà añ’ antara’ i Siloama (ze midika ‘niraheñe’). Aa le niheo mb’eo re nisasa, vaho nahaisake te nibalike.
\p
\v 8 Hoe o mparine azeo naho ze mpahaisak’ aze ie mbe nimpangatake: Tsy itoy hao i mpangatake nitozòkey? 
\v 9 Ty ila’e nanao ty hoe: Ie ‘nio. Hoe ka ty ila’e: Aiy! hambañ’ ama’e. Hoe re: Ie iraho. 
\v 10 Aa le hoe iareo tama’e: Aa vaho inoñe ty nampibarababeake o maso’oo? 
\v 11 Nanoiñe ty hoe re: Nikineke litsake t’indaty itokavañe ty hoe \nd Iesoà\nd*, le nafò’e amo masokoo vaho nanao amako ty hoe: Akia mb’añ’antara’ i Siloama añe le misasà. Aa le nomb’eo iraho nisasa, vaho mahatrea. 
\v 12 Le hoe iereo tama’e: Aia re? Nofiko, hoe re.
\p
\v 13 Nindese’ iereo mb’amo Fariseoo mb’eo indaty nigoay. 
\v 14 \nd Sabotse\nd* ‘nio i andro nanoe’ \nd Iesoà\nd* i litsakey naho nampibeake o fihaino’eoy. 
\v 15 Mbe nañontanea’ o Fariseoo indraike i nahaisaha’e. Le hoe re tam’iereo: Nifora’e litsake o masokoo naho nisasa iraho vaho mahatrea. 
\v 16 Le hoe ty asa’ o Fariseo ila’eo: Tsy aman’ Añahare indatiy kanao tsy ambena’e i \nd Sabatay\nd*. Hoe ka ty ila’e: Aia, ty hahatafetera’ ty mpanan-kakeo raha tsitantane hoe itia? Le nifampiria iareo. 
\v 17 Aa hoe iereo amy nigoay: Ino ty ho talilie’o aze, ie nanokake o maso’oo? Le hoe re: Mpitoky reke.
\p
\v 18 Fe tsy niantofa’ o Tehodao t’ie nigoa vaho nampahaisaheñe, naho tsy kinanji’ iareo hey ty roae’ i nampahatreavañey 
\v 19 vaho nañontane iareo ty hoe: Ana’ areo v’itoio, i natao’ areo te nitoly goay? Akore ty ahatreava’e henanekeo? 
\v 20 Le hoe ty natoin-droae’e: Apota’ay te ana’ay toke naho t’ie nitoly goa; 
\v 21 fe amoea’ay ty ahatreava’e henaneo, tsy fohi’ay ty nampibarababeak’ aze. Añon-taon-dre, añontaneo, ie ro hitali­ly vatañe. 
\v 22 Izay i sinaontsin-droae’ey amy te nihembañe amo Tehodao, ami’ty nifañinà’ o Tehodao te haitoañe amo fitontonañeo ze miantoke t’ie i Norizañey. 
\v 23 Izay ty nanoan-droae’e ty hoe: Añon-taon-dre, añontaneo.
\p
\v 24 Kinanji’ iereo fañindroe’e indaty nigoay, le nanoa’ iareo ty hoe: Toloro engeñe t’i Andrianañahare; fohi’ay te bey hakeo indatiy. 
\v 25 Hoe ty natoi’e: Ke bey hakeo re, tsy apotako. Raha raike ty fantako: nigoa iraho, fa mahatrea. 
\v 26 Nindrai’ iareo ontane: Ino ty nanoe’e ama’o? Akore ty nampibarababeahe’e o maso’oo? 
\v 27 Tinoi’e ty hoe, Fa vinolako! f’ie tsy nitsendreñe, ino ty hijanjiña’ areo indraike? va’e te ho mpiama’e ka? 
\v 28 Aa le nonjire’ iereo, ami’ty hoe: Ihe ro mpiam’ indatiy! mpiamy Mosè zahay. 
\v 29 Fohi’ay te nisaontsien’ Añahare t’i Mosè, fe ondaty zao, nofi’ay ty nihirifa’e.
\p
\v 30 Tinoi’ i lahiy ty hoe: Hete! mahavereñe te tsy fohi’ areo ty nihirifa’e, f’ie nampibeak’ o masokoo! 
\v 31 Fohintika te tsy mijanjiñe ty bey hakeo t’i Andrianañahare fe naho mitalaho aman’ Añahare t’indaty naho manao ty satrin’ arofo’e, le janji’e. 
\v 32 Boak’ami’ty fifotoran-tsa, mbe tsy nijanjiñeñe te nampibarababeaheñe t’indaty toly goa. 
\v 33 Aa naho tsy mpiaman’ Añahare indatiy, tsy ho nahatafete-draha. 
\v 34 Hoe ty natoi’ iareo aze, Fonitse hakeo irehe te nitoly, ihe ka ty mañòke anay? Le sinoi’ iereo añe.
\s1 Hagoàn-Arofo
\p
\v 35 Jinanji’ \nd Iesoà\nd* te rinoa’ iereo, le hoe re t’ie nitendreke, Atokisa’o hao i ana’ Ondatiy? 
\v 36 Tinoi’e ty hoe: Ia v’izay, Talè? hatokisako. 
\v 37 Hoe t’\nd Iesoà\nd* tama’e: Fa niisa’o, mbore ie o mirehak’ ama’oo. 
\v 38 Le hoe re: O Rañandria, miantoke iraho! Le niambanea’e.
\p
\v 39 Le hoe t’\nd Iesoà\nd*: Zaka ty nombàko mb’ami’ty voatse toy hampahaisa­ke o tsy mahaoniñeo, vaho hampigoa o mahaisakeo.
\p
\v 40 Nanoa’ o Fariseo nindre ama’e naho nahajanjiñe i hoe zaio, ty hoe: Goa ka v’izahay? 
\v 41 Hoe t’\nd Iesoà\nd* am’iereo: Tsy ho nanan-kakeo nahareo naho nifey; f’ie nanao ty hoe: Mahatrea zahay; le mbe tambatse an-kakeo.
\c 10
\s1 Mpiarak’ añondry Soa
\p
\v 1 Eka! to ty taroñako t’ie tsy mizilik’ amy lalam-bein-jolon’ añondriy, fa manganik’ an-dàlan-kafa ro mpikizo naho mpampikametse. 
\v 2 I mizilike mb’an-dalam-bei’ i goloboñeiy ty mpiarake o añondrio. 
\v 3 Ie ty sokafe’ i mpañambeñey, naho mahatsa­noñe i fiarañanaña’ey o añondrio, mbore tokave’e ami’ty añara’e o añondri’eo, vaho iaoloa’e boak’ao. 
\v 4 Ie hene akare’e o azeo le iaoloa’e vaho orihe’ o añondrio amy te mahazatse iareo i fiara­ña­naña’ey. 
\v 5 Toe tsy horihe’ iereo ty ambahiny, fe mandrife, amy te tsy mahazatse iareo ty feo’ o ambahinio. 
\v 6 Nirazañe’ \nd Iesoà\nd* am’iereo izay f’ie tsy naharendrek’ o tsinara’eo. 
\v 7 Le nitovoña’ \nd Iesoà\nd* ty hoe: Eka! to t’itaroñako te izaho o lalambein’ añondrio. 
\v 8 Mpampikametse naho mpikizo iaby o taolokoo vaho tsy itsanoña’ o añondrio. 
\v 9 Izaho i lalam-beiy: ndra iaia mizilik’ añamako ro ho rombaheñe, himoake ao re naho hiakatse vaho hitendreke fiandrazañe. 
\v 10 Kanao mikamoak’ ao ty mpikizo le ty hampikametse naho hañè-doza vaho hanjamañe. Avy iraho, hanaña’ iareo haveloñe, vaho hanañe aze am-bokatse.
\p
\v 11 Izaho i mpiarake soay, mahafoe ty fiai’e ho a o añondrio i mpiarake soay. 
\v 12 Tsy mpiarake i tsimañajay: tsy aze o añondrio, ie trea’e te mipoteake ty farasy, le apo’e o añondrio naho mibioñe naho itsepaha’ i farasiy vaho ampiparatsiahe’e. 
\v 13 Mirimatse re fa mpikarama, toe tsy darè’e o añondrio. 
\v 14 Izaho ro mpiarake soa, fantako o ahikoo vaho apota’ o ahikoo iraho, 
\v 15 hambañe ami’ty faharofoanan-dRaeko ahy naho ty fahafohinako an-dRae, vaho amoeako aiñe o añondrikoo. 
\v 16 Mbe aman’ añondry ila’e tsy mpiami’ ty zoloke toy iraho; tsi-mete tsy hendeseko mb’etoa iereo, ie hitsanoñe ty feoko vaho ho lia-raike reketse Mpiarake raike. 
\v 17 Zao ty ikokoan-dRaeko ahy, te amoeako ty fiaiko handrambesako aze indraike. 
\v 18 Tsy t’ie haloli’ ondaty amako, fa lahako ty hamoe aze. Amako ty lily hamoeako aze, naho amako ty lily handrambesako aze indraike. Rinambeko aman-dRaeko i lily zay.
\p
\v 19 Aa le nifanìmpa-kevetse indraike o Tehodao ty amy tsara zay. 
\v 20 Maro am’ iereo nanao ty hoe: Aman’ anga-draty re naho minèñe, ino ty ijanjiña’ areo aze? 
\v 21 Hoe ka ty ila’e: Tsy fisaontsi’ ty aman-kokolampa i tsara rezay. Mahabarababeake ty goa hao o kokolampao?’
\s1 Lie-Drokoñe amy Sabadidam-Pañorizañey
\p
\v 22 Tsatoke asotry e Ierosaleme ao i sabadida-pañorizañey\f + \fr 10:22 \fr*\ft Han’nakà (Heb) Faniahiañe ty nandrebaha’ t’Iehoda Makabeasy\ft*\f*, 
\v 23 le nidrai­draitse añ’anjomban’ Añahare an-kiri­risa’ i Solomona ao t’\nd Iesoà\nd* 
\v 24 vaho nihimpok’ ama’e o Tehodao nanao ty hoe: Pak’ ombia irehe te mbe hampitarik’ aiñe anay? Naho ihe i Norizañey, adodeo. 
\v 25 Tinoi’ \nd Iesoà\nd* ty hoe: Fa nitaroñako, fe tsy iantofa’areo; mita­lily ahy o raha tsitantane anoeko amy tahinan-dRaekoio. 
\v 26 Fe tsy iantofa’ areo amy t ‘ie tsy mpiamo añondrikoo. 
\v 27 Mitsanoñe ty feoko o añondrikoo naho fantako iereo naho orihe’ iereo, 
\v 28 naho itolo­rako haveloñe nainai’e, ie tsy hihomake ka, vaho tsy eo ty hanintake iareo an-tañako. 
\v 29 Toe natolon-dRaeko amako, ie ty bey te amy ze he’e; vaho leo raike tsy hahatavañe iareo am-pitàn-dRae. 
\v 30 Raike iraho naho i Raeko. 
\v 31 Nandrambe vato indraike o Tehodao, hafetsak’ ama’e. 
\v 32 Hoe ty natoi’ \nd Iesoà\nd*: Maro ty sata-soa nitoroako boak’ aman-dRaeko, aia amy rezay ty handretsaha’ areo vato? 
\v 33 Natoi’ o Tehodao ty hoe: Tsy t’ie sata soa ty ametsaha’ay vato, fa i terateray, naho amy te Ihe, ondaty, manao ho Andrianañahare.
\p
\v 34 Natoi’ \nd Iesoà\nd* ty hoe: Tsy pinatetse amy Hà’areoy hao ty hoe: Vinolako te ndrañahare nahareo\f + \fr 10:34 \fr*\ft Sab 82:6\ft*\f*? 
\v 35 Aa naho natao’e ndrañahare o nivotraha’ i tsaran’ Añahareio—toe tsy mete lilareñe i Sokitse Masiñey— 
\v 36 le akore te atao’ areo mpiteratera i nimasiñen-dRae naho nañitrike aze mb’ami’ty voatse toiy, amy nataoko te Anan’ Añahare Raho? 
\v 37 Ko miantok’ ahy naho tsy anoeko o fitoloñan-dRaekoo. 
\v 38 F’ie anoeko, ndra te tsy haoñe’ areo, iantofo o tolon-drahao, hahafohiñe naho haharendreke te amako t’i Rae, vaho ama’e iraho. 
\v 39 Aa le nipay hitsepak’ aze indraike iereo f’ie nibolititse am-pità’ iareo.
\p
\v 40 Nibalike mb’ an-dafe’ Iordaney añe re amy nampilipora’ i Jaona valoha’ey vaho nañialo eo. 
\v 41 Maro ty nimb’ ama’e, nanao ty hoe: Tsy nanao raha tsitantane t’i Jaona, fe hene to i nisaontsie’e indaty tìañe. 
\v 42 Maro am’iereo ty niantok’ aze.
\c 11
\s1 i Lazarosy
\p
\v 1 Teo t’indaty nisiloke, i Laza­rosy nte-Betania, an-drova’ i Marie naho i Marta raha­vave’e; 
\v 2 ie i Marie nañosotse solik’ amy Talè naho namaoke o fandia’eo amo maroi’eo. I Lazarosy rahalahi’ey ty nisiloke, 
\v 3 aa le nampihitrife’ i rahavave’e rey ama’e ty hoe: O Talè, Inao! siloke i rañe’oy. 
\v 4 Ie nahajanjiñe zay t’\nd Iesoà\nd*, le hoe re: Tsy higadoñe an-kamomohañe i hasilofañe zay, fa ho ami’ty engen’ Añahare, handrengeañe i Anan’ Añaharey. 
\v 5 Nikokoa’ \nd Iesoà\nd* t’i Marta naho i rahavave’ey vaho i Lazarosy. 
\v 6 Aa naho jinanji’e t’ie niheta’e le mbe nitamañe roe andro an-toe’e eo avao.
\p
\v 7 Ie añe le hoe re amo mpiama’eo, Antao hionjomb’e Iehodà indraike. 
\v 8 O Talè, hoe o mpiama’eo: anianike te nipay hametsa-bato ama’o o Tehoda, aa le hibalike mb’eo v’Iheo? 
\v 9 Tinoi’ \nd Iesoà\nd* ty hoe: Tsy ora folo-ro’amby hao o fangen’ antoandroo? Ie mañavelo an-tariñandroke ondatio le tsy hitsikapy amy te isa’e ty hazava’ ty voatse toy. 
\v 10 Fa ie manjotike haleñe t’indaty, le hitsikapy amy te tsy ama’e i hazavàñey. 
\v 11 Ie nanoe’e izay, le tinovo’e ty hoe: Fa mirotse i rañen-tika Laza­rosiy; fe homb’eo iraho hanohiñ’ aze amy firota’ey. 
\v 12 Aa hoe o mpiama’eo: O Talè, kanao mirotse re, tsy t ‘ie mihajangañe hao? 
\v 13 I havilasi’ey ty nitsarae’ \nd Iesoà\nd*; fe natao’ iereo te i fitofà’e am-piròtsey ty nienta’e. 
\v 14 Aa le nabeja’ \nd Iesoà\nd* ami’ty hoe: Toe fa nivetrake t’i Lazarosy. 
\v 15 Le ehake ty ama’areo iraho te tsy añe, hatokisa’ areo; antao homb’ ama’e mb’eo. 
\v 16 Le hoe t’i Tomasy (atao Didimo) amo mpifañosoñe ama’eo: Antao ka tika hitrao-pihomak’ ama’e.
\p
\v 17 Ie pok’eo t’\nd Iesoà\nd*, zoe’e t’ie fa efats’ andro an-donak’ ao. 
\v 18 Toe marine’ Ierosaleme ty Betania, miha folo-lim’ amby stadia avao; 
\v 19 maro amo Tehoda ty nomb’amy ­Marta naho i Marie mb’eo nañotroñe iareo ty amy rahalahi’ iareoy. 
\v 20 Ie nirendre’ i Marta te nimb’eo t’\nd Iesoà\nd* le niavotse nanalaka aze, fe tambatse añ’anjomba ao t’i Marie.
\p
\v 21 Le hoe t’i Marta amy \nd Iesoà\nd*: O Talè, naho teo irehe tsy ho nivilasy i rahalahikoy. 
\v 22 Fe apotako, ndra henanekeo te ze halalie’o aman’ Añahare, ro hatolon’ Añahare Azo. 
\v 23 Hoe t’\nd Iesoà\nd* tama’e: Hitroatse i rahalahi’oy. 
\v 24 Hoe t’i Marta: Fantako t’ie hivañom-beloñe amy fivañonam-belo’ i andro honka’eiy. 
\v 25 Hoe t’\nd Iesoà\nd* tama’e: Izaho o fivañonan-koveloñeo naho o haveloñeo; ho veloñe ze miato amako, ndra te vilasy. 
\v 26 Tsy ho vilasy ka ze veloñe miato amako. Atokisa’o v’izao? 
\v 27 Hoe re tama’e; Eñ’anio Talè, atokisako te Ihe i Norizañey, i Anan’ Añahare nivotrak’ ami’ty voatse toiy. 
\v 28 Ie nanoe’e izay, le nienga hikoike i Marie rahavave’e vaho natola’e, nanao ty hoe: F’atoy t’i Talè, mikanjy azo. 
\v 29 Ie jinanji’e izay le niongak’ amy zao vaho nimb’ama’e mb’eo. 
\v 30 Mbe tsy nigodañe an-tanàñe ao t’\nd Iesoà\nd*, fa tamy nanalakà’ i Martay avao. 
\v 31 Ie nioni’ o Jiosy naho mpañohò mindre amy Marie añ’anjomba’eo t’ie niongake masìka naho niavotse, le nanonjohy aze fa natao’ iareo t’ie nimb’an-donake mb’eo hirovetse. 
\v 32 Ie pok’ amy \nd Iesoà\nd* eo t’i Marie, le niisa’e naho nihohok’ am-pandia’e eo, nanao ty hoe: O Rañandria naho teo irehe tsy ho nihomake i rahalahikoy. 
\v 33 Ie nivazoho’ \nd Iesoà\nd* t’ie niharovetse naho te nirovetse ka o Jiosy nindre ama’eo, le niselekaiñe añ’arofo ao vaho nioremeñe, 
\v 34 nanao ty hoe: Aia ty nandrohota’ areo aze? Hoe iereo tama’e: O Talè, mb’etoañe hivazoho. 
\v 35 Nirovetse t’\nd Iesoà\nd*. 
\v 36 Le hoe o Tehodao, Hehe ty fikokoa’e aze! 
\v 37 Fa hoe ty ila’e: Aa vaho akore ondatio, ie nampibeake ty fihaino’ o feio, tsy ho nikalañe indatiy tsy ho nihomake?
\s1 Vineloñe t’i Lazarosy
\p
\v 38 Niroreke indraike t’\nd Iesoà\nd*, le nimb’ an-donake mb’eo, ie lakato ginabem-bato. 
\v 39 Le hoe t’\nd Iesoà\nd*: Adogeràto o vatoo. Fe nanoa’ i Marta, rahavave’ i nivilasiy, ty hoe : O \nd Talè\nd*, mitrotròtse re henaneo, fa efats’ andro! 
\v 40 Hoe t’\nd Iesoà\nd* ama’e: Tsy vinolako hao te ihe matoky ro hahaoniñe ty engen’ Añahare? 
\v 41 Aa le nadogera’ iereo i vatoy. Niandrandra t’\nd Iesoà\nd* nanao ty hoe: O Aba, mañandriañe Azo iraho fa jinanji’o. 
\v 42 Fantako te ijanjiña’o nainai’e, fe ondaty mijohanjohañ’ etoañeo ty nivolañako, hatokisa’e te ihe ro nañitrik’ ahy. 
\v 43 Ie nanao izay le nipazahe’e ty hoe: O Laza­rosy, miakara! 
\v 44 Niakatse i nivilasiy, nivahoren-damban-dolo o fità’e naho fandia’eo, mbore nibandieñe lamba-leny i lahara’ey; vaho hoe t’\nd Iesoà\nd* tam’ iereo: Draito, apoho hidraidraitse.
\s1 Te Hañè-doza Ama’e
\p
\v 45 Aa le maro amo Jiosy nitilike i Marieo, ie nahaisak’ i nanoe’ \nd Iesoày\nd*, ro niantok’ aze. 
\v 46 Fe niheo mb’amo Fariseoo mb’eo ty ila’e nitalily o nanoe’ \nd Iesoào\nd*. 
\v 47 Aa le nanontom-pivory o mpisorom-beio naho o Fariseoo vaho nanao ty hoe: Ino ty hanoen-tika? amy te maro ty viloñe anoe’ indatiy. 
\v 48 Ie apo-tika hitoloñe hoe izay, le hene hiantok’ aze, vaho hivotrak’eo o nte Romao hitavañe ty toen-tika naho ty fifehean-tika. 
\v 49 Aa hoe ty raik’ am’iereo, i Kaiafa, talèm-pisoroñe amy taoñe zay: Tsy maha-pi-draha nahareo! 
\v 50 Tsy aereñere’ areo hao te mahasoa anahareo te hivilasy ho a ondatio t’indaty raike, ta te fonga ho rotsaheñe i fifeheañey? 
\v 51 Tsy te aze i entañe zay, fa t’ie ni-talèm-pisoroñe amy taoñey ro nitoky te hivetrake ho a i fifeheañey t’\nd Iesoà\nd*, 
\v 52 vaho tsy ho a’ i fifeheañey avao, fa hatonto’e ho raike o anan’ Añahare miparaitakeo. 
\v 53 Nifototse amy andro zay, le nikinia ty hañoho-doza ama’e iareo
\p
\v 54 Aa le tsy nañavelo aivo’ o Tehodao ka t’\nd Iesoà\nd*, fa nivike mb’an-tane marine’ i fatram-beiy naho nimb’an-drova atao Efraime, vaho nañialo ao rekets’ o mpiama’eo. 
\v 55 An-titotse henane zay i Fihelañ’ ambone’ o Jiosioy, le niavotse hirik’ an-kalok’ao ty maro nionjoñe mb’e Ierosaleme mb’eo aolo’ i Fihelañey, hiefetse. 
\v 56 Aa ie nitsoetso­eke \nd Iesoà\nd* le nifamesoveso o nijohanjohañe añ’ anjomban’ Añahare aoo, ty hoe: Akore ty heve’ areo? Tsy homb’ an-tsàndalam-bey atoa hao re? 
\v 57 Ie amy zao, fa linili’ o mpisorom-beio naho o Fariseoo te tsi-mete tsy mitalily ze mahafohiñe ty anjoañ’ aze, hitsepaha’ iareo.
\s1 Nihosorañe i Norizañey Mat 26.6-12; Mar 14.3-9
\c 12
\p
\v 1 Ie eneñ’ andro taolo’ i Fihelañey, le nomb’e Betania mb’eo t’\nd Iesoà\nd*, amy nampivañoneñe i Lazarosy amy havilasiy. 
\v 2 Le nañalankaña’ iereo ty mahakama hariva, i Marta ty nitoroñe, le mpiamo nidegañe am-pandambañañe mindre ama’eo t’i Lazarosy.
\p
\v 3 Rinambe’ i Marie ty soli-drame\f + \fr 12:3 \fr*\ft Narda: soli-mañitse boak’am-baha-katae\ft*\f* rai-litatse saro-bily naho nahoso’e ty fandia’ \nd Iesoà\nd* vaho nifaohe’e ami’ty maroi’e o fandia’eo, le nañatseke i anjombay ty harifondrifo’ i solikey.
\p
\v 4 Le hoe t’i Jodasy nte-K’riote, raik’ amo mpiama’eo, i nikilily hifotetse azey: 
\v 5 Akore te tsy naletake bogady telon-jato i solikey hatolotse amo rarakeo? 
\v 6 Tsy t’ie ni-mpitretrè rarake te nanao izay, fa toe ni-mpikizo. Ie nimpitàn-koroñe vaho nampikamets’ ama’e. 
\v 7 Le hoe t’\nd Iesoà\nd*: Adono, fa nahaja’e ho ami’ty andro andeveñañe ahy o raha zao. 
\v 8 Mbe ama’ areo lomoñandro o rarakeo; fe izaho tsy ho ama’ areo nainai’e.
\p
\v 9 Aa le maro amo Tehodao ro nahafohiñe t’ie tao vaho nimb’eo, tsy ty amy \nd Iesoà\nd* avao, fa t’ie hahaisake i Lazarosy natroa’e amy havilasiy. 
\v 10 Aa le nikinia hañè-doza amy Lazarosy ka o mpisorom-beio. 
\v 11 amy t’ie ty nivevea’ ty Jiosy maro, vaho niato am’ \nd Iesoà\nd*.
\s1 Nigodañe mb’eo am-Pandrebahañe Mat 21.1-9; Mar 11.1-10; Lke 19.29-38
\p
\v 12 Amy loak’androy, ty valobohoke bey niavy hamonjy i sabadidakey, ie nahajanjiñe te fa hizilike am’Ierosalaime t’\nd Iesoà\nd*, 
\v 13 ro nandrambe ràn-tsatrañe naho niavotse hifanalaka ama’e vaho nisalale ty hoe:
\q1 Ehe rombaho!
\q1 Andriañeñe t’i Mpanjaka’ Israele!
\q1 I mitotsak’ ami’ty tahina’ \nd Iehovà\nd*y\f + \fr 12:13 \fr*\ft Sab 118:26\ft*\f*
\p
\v 14 Ie nahatendrek’ ana-borìke t’\nd Iesoà\nd* le niningitse, ty amy pinatetse, ty hoe:
\q1
\v 15 Ko hembañe, ry anak-ampela’ i Ziona;
\q1 Heheke! totsake i Mpanjaka’oy,
\q1 miningitse ana-borìke. \f + \fr 12:15 \fr*\ft \+nd Zek\+nd* 9:9\ft*\f*
\p
\v 16 Tsy nirendre’ o mpiama’eo hey izay; ie nirèngeñe t’\nd Iesoà\nd* vaho nitiahi’ iereo te pinatetse ty ama’e izay naho t’ie nanoeñe. 
\v 17 Aa le nivave talily, ondaty nindre ama’e t’ie nikanjy i Laza­rosy hiakatse i lonakey vaho nampitroare’e an-kavilasy. 
\v 18 Izay ka ty talim-panalakà’ i màroy aze, ie nahajanjiñe te nanoe’e i viloñe zay. 
\v 19 Aa le nifanao ty hoe o Fariseoo: Hehe te milesa nahareo, inao, mañorik’ aze iaby ty voatse toy. 
\v 20 Tamo nionjomb’eo hitalaho amy sabadidakeio ty nte-Grika 
\v 21 niheo mb’amy Filipo nte Betsa­ida’ i Galilia mb’eo nipay aze ami’ty hoe: O aba, te hahatrea \nd Iesoà\nd* zahay. 
\v 22 Nimb’amy Andrea mb’eo t’i Filipo amy entañe zay, le sinaontsi’ i Filipo naho i Andrea am’ \nd Iesoà\nd*.
\s1 Fañòhañe ty amy Norizañey
\p
\v 23 Hoe ty natoi’ \nd Iesoà\nd*: Fa tondroke ty ora te ho rengèñe i Ana’ ondatiy. 
\v 24 Eka! to t’itaroñako, naho tsy mipok’ an-tane eo ty tabirin’ ampemba vaho mate, le midoñe ho tokañe ao avao; fa ie mate ro hamokatse bey. 
\v 25 Ze mikoko ty fiai’e ro mampianto aze; f’ie malain-ty fiai’e ami’ty voatse toy ro mañaja aze ho amy haveloñe nainai’ey. 
\v 26 Naho eo ty hitoroñ’ ahy, soa re te hañorik’ ahy; fa amy itoerako ty hitoera’ i mpitorokoy; iasian-dRae ze mitoroñe ahy. 
\v 27 Embetse ty troko henaneo, inoñe ty ho volañeko? O Aba rombaho ami’ty ora toy iraho? fe toe talin-diako ty ora toy. 
\v 28 O Aba, rengeo ty tahina’o. Le niboak’ andindìñe ao ty fiarañanañañe nanao ty hoe: Fa nirengèko mbore ho rengèko. 
\v 29 Nahajanjiñe izay i màro nizorazoray, le hoe iereo: Nangotroke! hoe ka ty ila’e: Nisaontsia’ ty Anjely. 
\v 30 Hoe ty natoi’ \nd Iesoà\nd*: Tsy izaho ty niboaha’ i fiarañanañañey, fa inahareo. 
\v 31 Henane zao o fizakañe ty voatse toio; henaneo ty hañitoañe ty mpifehe’ ty voatse toy. 
\v 32 Aa ie ongaheñe ami’ty tane toy iraho le ho taoneko amako ze kila ondaty. 
\v 33 Ty hampahafohinañe i havilasy ho lià’ey i nisaontsie’ey. 
\v 34 Natoi’ i màroy ty hoe: Jinanji’ay amy Hake ao te ho veloñe nainai’e i Norizañey, aa vaho akore ty anoa’o ty hoe: Tsy mahay tsy hengaeñe i Ana’ ondatiy? Ia ze o Ana’ ondaty zao? 
\v 35 Le hoe t’\nd Iesoà\nd* am’iereo: Mbe tsitrà-pie ty hindrezan-kazavàñe ama’ areo. Mañaveloa t’ie an-kazavàñe, ke hivotrahañ’ ieñe; amy te tsy apota’ ty mpañavelo añ’ieñe ao ty homba’e. 
\v 36 Ie mbe ama’ areo i haza­vàñey, le iantofo i hazavañey, soa t’ie ho anan-kazavàñe. Ie tsi­nara’ \nd Iesoà\nd* le nienga vaho nietake. 
\v 37 Ndra te maro ty viloñe nanoe’ \nd Iesoà\nd* añatrefa’ iereo, tsy niantoke iereo, 
\v 38 hampahaheneke i enta’ Isaia mpitoky nitsarae’ey, ty hoe:
\q1 Ry \nd Iehovà\nd*, ia ty niantoke ty talili’ay?
\q1 Vaho nampalangeseñe ama’ia ty fità’ \nd Iehovà\nd*?\f + \fr 12:38 \fr*\ft Ies 53:1\ft*\f*
\p
\v 39 Aa le tsy mete nañaoñe iereo, amy tinovo’ Isaiay ty hoe:
\q1
\v 40 Nigoae’e ty fihaino’ iareo,
\q1 naho nampigañe’e ty arofo’ iareo,
\q1 soa tsy hahaisake ty fihaino’ iareo
\q1 ndra hahaoniñe ty arofo’ iareo,
\q1 himpolia’ iereo ho jangañeko.\f + \fr 12:40 \fr*\ft Ies 6:10\ft*\f*
\p
\v 41 Nitaroñe’ Isaia izay, ie nahaoniñe ty enge’e vaho nitalily aze. 
\v 42 Toe maro amo roandriam-beio ty niantok’ aze; f’ie tsy nita­lily aze ty amo Fariseoo, hera haitoañe amo fitontonañeo, 
\v 43 amy te ninò’ iareo ty fandrengea’ ondatio ambone’ ty fandrengean’ Añahare.
\p
\v 44 Nikoike ty hoe t’\nd Iesoà\nd*: Ze miato amako, tsy izaho ty atokisa’e, fa i Nañitrik’ Ahiy. 
\v 45 Mahaoniñe i nañirak’ Ahiy ty mahaisak’ ahy. 
\v 46 Pok’ etoa ho failo ami’ty voatse toy iraho, soa tsy hidoñe am-pimoromoroñañe ao o miato amakoo. 
\v 47 Naho eo ty mijanjiñe o volakoo fe tsy mañambeñe, tsy izaho ty hizak’ aze, amy te tsy t’ie hizaka ty voatse toy ty nombako mb’etoañe, fa ty handrombake ty voatse toy. 
\v 48 Ty mifary ahy naho tsy mandrambe o volakoo, ao ty hizaka aze; toe hizaka aze amy andro honka’ey o entañe vinolakoo. 
\v 49 Izaho tsy nivolañe an-joton-troke; fa i Raeko nañitrik’ Ahy, Ie ty nanolotse lily ahiko: ze ho volañeko naho ze ho taroñeko. 
\v 50 Apotako te haveloñe nainai’e o lili’eo; aa ie mivolan-draho, le taroñeko do’e ze tsaraen-dRaeko.
\c 13
\s1 Manasa ty Fandia’ o mpiama’eo
\p
\v 1 Taolo’ i sabadidak’ i Fihelañeiy, ie niarofoana’ \nd Iesoà\nd* te an-titotse ty ora hienga’e ty voatse toy mb’ aman-dRae’e, fa nikokoa’e o aze ami’ty voatse toio, le mbe nikokoa’e pak’am-para’e. 
\v 2 Ie fa nikama le napo’ i Ratiy an-tro’ i Jodasy nte-Keriote, ana’ i Simona, ty hifotera’e; 
\v 3 niarofoana’ \nd Iesoà\nd* te kila natolon-dRae’e aze am-pità’e naho t’ie nihitrike hirik’ aman’ Añahare naho himpoly aman’ Añahare añe, 
\v 4 aa le niongak’ amy fikamañey re naho nado’e eo o saro’eo naho nandrambe lamba famorañe vaho nidiañe. 
\v 5 Le nañilin-drano an-koveta re vaho nanasa o fandiam-piama’eo ze nifora’e amy lamba nidia’ey.
\p
\v 6 Aa ie niheo mb’amy Simona Petera, le hoe t’i Petera ama’e: O Rañandria, hanasa o tombokoo v’Iheo! 
\v 7 Natoi’ \nd Iesoà\nd* ty hoe: Tsy fohi’o hey o anoekoo, f’ie ho rendre’o te añe. 
\v 8 Hoe t’i Petera tama’e: Le lia’e tsy ho sasà’o o tombokoo! Tinoi’ \nd Iesoà\nd* ty hoe: Naho tsy isasako, tsy hanañ’ anjara’ amako irehe. 
\v 9 Le hoe ty nanoa’ i Simona Petera: O Rañandria, tsy o tombokoo avao arè, fa o tañako naho lohakoo ka. 
\v 10 Tinoi’ \nd Iesoà\nd* ty hoe: Tsy mipay ho sasañe ka ty nihariry, naho tsy o fandia’eo, fa hene malio. Malio ka nahareo, fe tsy ie iaby. 
\v 11 Amy te niarofoana’e i hifotetse azey, izay ty nanoa’e ty hoe: Tsy inahareo iaby ro malio.
\p
\v 12 Ie niharirie’e o fandia’ iareoo, le nisaroñe naho niambesatse indraike vaho nañontane ty hoe: Rendre’ areo i nanoakoy? 
\v 13 Anoe’ areo Talè, naho Androanavy, le mete i anoa’areoy, amy te ie iraho. 
\v 14 Aa kanao izaho, Talè naho androanavi’ areo ro manasa o fandia’ areoo, le mifampihariry fandia ka. 
\v 15 Amy te tinoloko fitsikombeañe, hanoa’ areo i nanoakoy. 
\v 16 Eka! to t’itaroñako, te tsy bey te amy mpifehe azey ty mpitoroñe, naho ty nahitrike te amy nañitrikey. 
\v 17 Ie fohi’ areo izay, le ho fale t’ie anoe’areo. 
\v 18 Tsy inahareo iaby ty itaroñako, amy te fantako o jinobokoo, fe tsi-mahay tsy ho heneke o Sokitse Masiñeo, te
\q1 Nañonjon-tomitse amako
\q1 i niharo nikama amy mofokoy.\f + \fr 13:18 \fr*\ft Sab 41:9\ft*\f*
\p
\v 19 Henane zao, italiliako aolo’ ty hitondroha’e, soa t’ie tondroke, le hatokisa’ areo t’ie iraho. 
\v 20 Eka! to t’itaroñako te ze mandrambe ndra iaia ahitriko, le mandrambe ahy, vaho i mandrambe ahiy ro mandrambe i nañitrik’ ahiy.
\s1 i Nifotetse azey Mat 26.21,22; Mar 14.18,19; Lke 22.21-23
\p
\v 21 Ie nanao izay t’\nd Iesoà\nd*, le nidabahorak’ añ’arofo’e, naho nanao ty hoe: Eka! to t’itaroñako te hifotera’ ty raik’ ama’ areo. 
\v 22 Aa le nifanolitolike o mpi­ama’eo, fa nofi’ iareo i tsara’ey. 
\v 23 Ie amy zao, nirampy añ’ araña’ \nd Iesoà\nd* i mpiama’e nikokoa’ I\nd esoày\nd*. 
\v 24 Aa le tsinikao’ i Simona Petera re hañontane i nisaontsie’ey. 
\v 25 Le ie niato añ’ araña’ \nd Iesoà\nd* ro nañontane ty hoe: O Talè, ia v’izay? 
\v 26 Hoe ty natoi’ \nd Iesoà\nd*: Ty ho tolorako ty pila’e toy naho fa najoko. Aa ie nalò’e i pila’ey le natolo’e amy Jodasy ana’ i Simona nte-Keriote. 
\v 27 Ie nandrambe i mofoy le nitsamoak’ ama’e i mpañìnjey. Le hoe t’\nd Iesoà\nd* tama’e: I hanoe’oy, anò masìka. 
\v 28 Ie amy zao, leo raik’ am-pandambañañe eo tsy nahafohiñe ty talim-pisaontsia’e. 
\v 29 Natao’ ty ila’e te, kanao mpitàn-koroñe t’i Jodasy, le va’e nanoa’ \nd Iesoà\nd* ty hoe: Kalò o paian-tika amy sabadidakeio; ke nampamahana’e o rarakeo. 
\v 30 Aa ie vata’e nandrambe i pila’ey le niavotse; fa haleñe.
\s1 Ty Ami’ ty Hionjona’e
\p
\v 31 Ie niakatse añe, le hoe t’\nd Iesoà\nd*: Henane zao ty andrengeañe i Ana’ ondatiy, vaho nahazo hasiñe ama’e t’i Andrianañahare, 
\v 32 aa naho mandrenge an’ Andrianañahare re, le ho rengen’ Añahare ka, vaho ho renge’e aniany. 
\v 33 O ry anakeo, aniany avao ty mbe hindrezako. Le hipaia’ areo, naho hambañe amy nitaroñeko amo Tehodaoy ty hitaroñako, te, Tsy ho lefe’ areo hombàñe ty hionjonako; 
\v 34 Lily vao ty itaroñako: mifampikokoa; manahake ty nikokoako anahareo ro hifampikokoa’ areo. 
\v 35 Zao ty hahafohina’ ie iaby te mpiamako nahareo: t’ie mifampikoko.
\s1 ty Hiteteza’ i Petera Mat 26.34,35; Mar 14.30,31; Lke 22.33,34
\p
\v 36 Hoe t’i Simona Petera tama’e: O Rañandria, homb’aia v’Iheo? Natoi’ \nd Iesoà\nd* ty hoe: I andenakoy tsy mete’ areo tonjohizeñe heike; f’ie hañorik’ avao te añe. 
\v 37 Hoe t’i Petera ama’e: O Rañandria, aia ty tsy anonjohizako azo henaneo? Hafoeko ho azo ty fiaiko. 
\v 38 Tinoi’ \nd Iesoà\nd* ty hoe: Hafoe’o ho ahy hao o fiai’oo? To t’itaroñako te mbe tsy hikekeo i akoholahiy naho tsy fa nitety ahy in-telo irehe.
\c 14
\s1 Ohoñe’e o Mpiama’eo
\p
\v 1 Ko mampihohokohok’ arofo; miatoa aman’ Añahare, iato ka iraho. 
\v 2 Maro ty traño añ’anjomban-dRaeko ao, naho tsy izay, ho nivolañako. Hionjoñe iraho hañalankañe toetse ho anahareo. 
\v 3 Aa kanao homb’eo iraho hañajariako toetse, le hibalihako, handrambe anahareo ho amako, soa te amy itoerakoy ty hitoera’ areo. 
\v 4 Apota’ areo ty hombako, naho fohi’areo ty lalañe mb’eo.
\p
\v 5 Hoe t’i Tomasy tama’e: O Rañandria, Tsy hai’ay ty homba’o; aia ty haha­fohina’ay ty lala homba’o? 
\v 6 Tinoi’ \nd Iesoà\nd* ty hoe: Izaho i lalañey naho ty hatò vaho ty haveloñe; leo raike tsy homb’ aman-dRaeko naho tsy añamako. 
\v 7 Aa naho fohi’ areo iraho, ho fohi’ areo ka t’i Raeko; ie henane zao fa mahafohiñe aze vaho mahaisak’ aze.
\s1 Mihalaly amy Tahina’ey
\p
\v 8 Hoe t’i Filipo tama’e: O Rañandria, atorò anay t’i Rae, fa mahaeneñe anay izay. 
\v 9 Tinoi’ \nd Iesoà\nd* ty hoe: Tsy fa ela hao ty nireketan-tika, te ihe mboe tsy mahafohiñe ahiko ry Filipo? Ze nahaisak’ ahy fa nahaoniñe an-dRae; aa vaho akore ty atao’o ty hoe: Atorò anay t’i Rae? 
\v 10 Tsy atokisa’o hao te izaho ro aman-dRae vaho amako t’i Rae? Tsy ahy o saontsy itaroñakoo, fa manao o tolon-draha’eo i Raeko mimoneñe an-troko ato. 
\v 11 Matokisa te aman-dRae iraho naho te amako t’i Rae; ke iantofo ty amo fitoloñañeo.
\p
\v 12 Eka! to t’itaroñako te hanoe’ ty mpiato amako o fitoloñakoo, vaho mandikoatse iretoañe ty hanoe’e, amy te homb’ aman-dRaeko mb’eo iraho. 
\v 13 Aa ndra inoñ’ inoñe ty ihalalia’ areo ami’ty añarako, le hanoeko, soa te ho rengèñe amy Anakey t’i Rae. 
\v 14 Ndra inoñ’ inoñe ihalalia’ areo ami’ty añarako, le hanoeko.
\s1 Ampitama’e i Arofo’ey
\p
\v 15 Kanao mikoko ahy nahareo, le hañambeñe o lilikoo; 
\v 16 naho hihalaly aman-dRae iraho, hitolora’e Mpañolotse tovo’e himoneñe ama’ areo nainai’e. 
\v 17 Ie i Arofon-kavantañañey; i tsy mete rambese’ ty voatse toiy amy te tsy fohi’e mbore nofi’e; fe mahafohiñe aze nahareo amy t’ie mitrao-pimo­neñe ama’ areo, toe hitraofa’e.
\p
\v 18 Tsy ho farieko ho bode nahareo fa homb’ ama’ areo mb’eo. 
\v 19 Tsipaepae’ zao tsy ho oni’ ty voatse toy ka iraho; f’ie ho oni’ areo: kanao velon-dRaho, ho veloñe ka nahareo. 
\v 20 Amy andro zay, ho fohi’ areo te izaho ro aman-dRaeko naho amako nahareo vaho ama’ areo iraho. 
\v 21 Ze mamolònkoñe o lilikoo naho mañambeñe aze, ie ty mikoko ahy; le ho kokoan-dRaeko i mikoko Ahiy naho hikokoako vaho hampandrendreheko ahy.
\p
\v 22 Le hoe t’i nanoe’ i Jodasy (tsy i nte-Keriotey): O Rañandria, akore te zahay ro hiboaha’o fa tsy ty voatse toy? 
\v 23 Tinoi’ \nd Iesoà\nd* ami’ty hoe: Hifahatse amo volakoo ty mikoko ahy le hikokoan-dRaeko naho homb’ama’e mb’eo zahay, vaho hanoe’ay ama’e ao ty akiba’ay. 
\v 24 Tsy mikoko ahy ty tsy mañambeñe o volakoo. Tsy ahiko i tsara janjiñe’ areo amakoy fa an-dRaeko nañitrik’ ahy.
\p
\v 25 Izaho mb’e mimoneñe ama’ areo atoy ty itaroñako i raha rezay. 
\v 26 Le hahitrin-dRaeko ami’ty añarako i Mpañohòy, i Arofo Masiñey; Ie ty hañoke anahareo ze he’e vaho haniahy ze hene tinaroko. 
\v 27 Hapoko ama’areo ty fañanintsiñe, hatoloko ty fierañerañako; tsy manahake ty fasozo’ ty voatse toy ty fanjo­tsoako. Ko adoke hiotsotse ty arofo’ areo, ko apoke ho hembañe. 
\v 28 Fa jinanji’ areo i nivolañekoy t’ie hiavotse vaho hibalike mb’ama’ areo mb’etoy. Naho nikokoa’areo le ho nirebeke t’ie homb’ aman-dRaeko añe fa bey te amako t’i Raeko. 
\v 29 Ie ty nivolañeko aolo’ te hifetsake, soa t’ie tondroke, le hiantofa’ areo. 
\v 30 Tsy hivolañe raha maro iraho; amy te momb’ etoañe i roandria’ ty voatse toiy, f’ie tsy manandily amako; 
\v 31 Aa soa ho fohi’ ty voatse toy te mikoko an-dRae iraho, le ze andilian-dRae ahy, ty anoeko do’e. Miongaha, antao hiavotse.
\c 15
\s1 Vahe to
\p
\v 1 Izaho ro vahe to, i Raeko ro mpañalahala. 
\v 2 Fonga afaha’e añe ze singa amako tsy mamoa vaho hene tsengoe’e ze mamoa, hampiegoego o voa’eo. 
\v 3 Fa malio nahareo ty amo tsara nitaro­ñekoo. 
\v 4 Mimoneña amako, le izaho ama’ areo. Toe tsy hamoa ty singa tsy mipitek’ ami’ty foto’e, àntsa­ke nahareo naho tsy mimoneñe amako. 
\v 5 Izaho ty vahe, singa’e nahareo. Ze mimoneñe amako naho izaho ama’e, ie ty hirotrarotra, fa tsy maha-pi-draha t’ie tsy amako. 
\v 6 Ndra ia’ ia tsy mimoneñe amako ro hahi­f­ik’ añe hoe singa, hiheatse, atontoñe naho ariañe añ’afo ao hiforototo. 
\v 7 Ie mimoneñe amako, naho mitobe añ’arofo’ areo ao o volakoo le ihalalio ze satrie’ areo vaho hanoañe. 
\v 8 Zao ty fandrengeañe an-dRaeko, t’ie mahavokatse bey hamen­te te mpiamako. 
\v 9 Manahake ty fikokoan-dRaeko ahy ty fikokoako anahareo. Aa le mimoneña amo fikokoakoo. 
\v 10 Ie ambena’ areo o lilikoo le himo­neñe am-pikokoako ao, manahake ty fiambenako o lilin-dRaekoo naho mimoneñe am-pikokoa’e ao.
\s1 Mpilongo Sarotse
\p
\v 11 Nitaroñako irezay soa te ho ama’areo ty hafaleako vaho ho eneñe ty haeha’ areo. 
\v 12 Zao o lilikoo: t’ie mifanao roakolahy ­hambañe amy nikokoakoy. 
\v 13 Tsy eo ty mikoko man­dikoatse zao t’ie hahafoe ty fiai’e ho an-drañe’e. 
\v 14 Rañeko nahareo naho manao ze andiliako. 
\v 15 Tsy t’ie hanoeko mpitoroñe ka, amy te tsy fohi’ ty mpitoroñe ty anoe’ i talè’ey; nataoko rañetse amy te nampandrendrehako ze hene tsinanoko aman-dRaeko.
\p
\v 16 Tsy inahareo ty nijoboñe ahy, fa izaho ty nijoboñe anahareo naho tinendreko homb’eo hamokatse vaho hañambeñe o nivokare’ areoo; le ndra inoñ’ inoñe ty halalie’ areo aman-dRaeko ami’ty añarako ro hatolo’e. 
\v 17 Zao ty andiliako anahareo: mifampikokoa.
\s1 ami’ty Voatse toy o Mpiatoo
\p
\v 18 Naho malaim-bintañe anahareo ty voatse toy, fohino t’ie nalaiñe ahy hey. 
\v 19 Ie nimpiami’ ty voatse toy, ho niteà’ ty voatse toy o azeo. F’ie tsy mpiami’ty voatse toy, amy te jinoboko boak’ ami’ty voatse toy, aa le malaiñe anahareo ty voatse toy. 
\v 20 Tiahio o tsara nivolañakoo, te: Tsy bey te amy talè’ey ty mpitoroñe. Aa naho nanoe’ iereo samporerake iraho, àntsake t’ie ho samporeraheñe. Aa naho folokokoe’ iereo o volakoo, le ho tambozore’ iereo ka ty anahareo. 
\v 21 Toe hanoe’ iereo ama’ areo i hene rezay ami’ty añarako, amy te nofi’ iereo i nañitrik’ Ahiy. 
\v 22 Naho tsy nipok’ eo iraho nitaroñe am’iereo, le tsy ho nanan-kakeo, fe tsy eo henaneo ty iveroha’e amo tahiñeo. 
\v 23 Ze malaiñe ahy, malaiñe an-dRaeko. 
\v 24 Aa naho tsy nanoeko am’iereo ao o fitoloñañe mbe tsy nanoe’ ondaty, tsy ho nanan-tahiñe, fe henaneo songa nahaoniñe mbore nañarinjeñe ahy naho an-dRaeko, 
\v 25 soa te ho heneke i pinatetse amy Hà’ iereoy manao ty hoe:
\q1 Tsy aman-tali’e ty nihejea’ iareo ahy.\f + \fr 15:25 \fr*\ft Sab 69:4; 109,3\ft*\f*
\s1 Ty Fampitama’e i Arofoy
\p
\v 26 Ie avy i Mpañolotsey, i hahitriko ama’ areo hirik’ aman-dRaey, i Arofon-kavantañañe miboak’ aman-dRaey; ie ty hitalily ahy. 
\v 27 Hitalily ka nahareo amy te nimpiamako boak’ am-pifotora’e añe.
\c 16
\p
\v 1 Nitaroñako irezay soa t’ie tsy hitsikapy. 
\v 2 Haitoañe amo fitontonañeo nahareo; eka, ho tondroke ty ora, te inao, ­mitoroñe an’An­drianañahare ze mamono anahareo. 
\v 3 Hanoe’ iereo amy te tsy nahafohiñe an-dRae naho ahy. 
\v 4 Fe nitaroñako, soa te, ie tsatoke ty ora’e, le ho tiahi’ areo te nivolañeko. Tsy nitaroñako hey i entañe zay am-pifotora’e, itika mbe nitraoke.
\s1 Ty Tolon-draha’ i Arofoy
\p
\v 5 Fe hionjoñe mb’amy nañitrik’ ahiy mb’eo iraho henaneo, le tsy ama’ areo ty mañontane ahy ty hoe: Aia ty homba’o? 
\v 6 F’ie mioremeñe añ’arofo ty amy entako ama’ areoy. 
\v 7 Fe ivolañako ty hato, te mahasoa anahareo t’ie hienga, fa naho tsy mienga le tsy hitotsaha’ i Mpañolotsey; aa naho mb’eo iraho le hahitriko mb’ama’areo mb’ etoan-dre. 
\v 8 Ie avy, ro hampiheve maso ty voatse toy ty ami’ty tahiñe naho ty havantañañe vaho ty fizakàñe. 
\v 9 O tahiñeo, amy te tsy miato amako iareo. 
\v 10 I havantañañey, fa homb’ aman-dRaeko mb’eo iraho vaho tsy hahaisak’ ahy ka nahareo. 
\v 11 I zakay, fa nafàtse ty mpifehe’ ty voatse toy.
\p
\v 12 Mbe maro ty hitaroñako fa tsy leo’ areo heike. 
\v 13 Ie pok’ atoy i Arofon-katòy le ie ty hiaolo anahareo amy ze hene hatò. Tsy hisaontsy ty aze, fa o janjiñe’eo avao ty ho taroñe’e vaho haboa’e ama’ areo o raha ho avio. 
\v 14 Handrenge ahy re naho handrambe amako vaho hañento ama’areo, 
\v 15 ahiko iaby ze aman-dRaeko, izay ty nitaroñako te hangalak’ amy ahikoy re le hentoe’e nahareo.
\s1 Hivalike ho Haehake ty Fihonto’areo
\p
\v 16 Tsy ho isa’ areo iraho te aniany; fa betebeteke le ho oni’ areo indraike. 
\v 17 Hoe ty vesoveso’ o mpiama’e ila’eo: Inoñe i tsarae’e amantikañey, ty hoe: Tsy ho oni’ areo iraho te aniany, le ho oni’ areo indraike te aniany, amy te homb’ aman-dRaeko mb’eo? 
\v 18 Nindrae’ iareo ty hoe: Inoñe ze o Anianike sinaontsi’e zao? Nofi’ay i saontsi’ey.
\p
\v 19 Niarofoana’ \nd Iesoà\nd* ty ho nañontanea’ iareo vaho nanoa’e ty hoe: Ifañontaneañe hao i asakoy ty hoe: Tsy ho oni’ areo iraho te aniany; naho ty hoe, Hahaisak’ ahy ka nahareo te aniany? 
\v 20 Eka, to t’itaroñako t’ie hirovetse naho hangololoike ty tañy, fe hitohàke ty voatse toy. Ho azo ty velo-mihontoke nahareo, fe hifotetse ho firebehañe ty fihonto’ areo. 
\v 21 Tsimboetse ty ampela mitsongo naho tsatoke i ora’ey; f’ie mahatoly ajajamena le haliño’e i ajale’ey, vaho isoloa’e haehake, amy te toly an-tane atoy t’indaty. 
\v 22 Aa le hiotsòtse hey nahareo henaneo, f’ie ho treako in­draike le hirebeke ty arofo’ areo vaho tsy hasinta’ ondaty ama’ areo ty haehake. 
\v 23 Tsy hañontane ahy ndra inoñ’ inoñe nahareo amy andro zay. Eka! to t’itaroñako te, ze halalie’ areo aman-dRaeko ami’ty añarako ro hatolo’e. 
\v 24 Pake henàne tsy eo ty nangataha’ areo ami’ty añarako. Mihalalia, le hahazo, hañeneke ty hafalea’ areo.
\p
\v 25 Nivolañako am-pandrazañañe irezay; fe antitotse ty andro t’ie tsy handrazañe, fa hitalily malange i Rae. 
\v 26 Hihalaly ami’ty añarako nahareo amy andro zay; tsy anoeko ty hoe: Izaho ty hihalaly aman-dRaeko ho anahareo; 
\v 27 Aiy! toe ikokoan-dRae ie nikoko ahy, naho natoky te nihirik’ aman’ Añahare iraho. 
\v 28 Niboak’ aman-dRae iraho, nizilik’ ami’ty voatse toy, vaho hiavotako ty voatse toy ho mb’ aman-dRae.
\p
\v 29 En! hoe o mpiama’eo tama’e, Malange o saontsi’o henaneo, amy te tsy mandrazan-drehake. 
\v 30 Rendre’ay henaneo te kila arofoana’o, naho tsy paia’o ty hañontanea’ ondaty; izay ty iantofa’ay t’ie hirik’ aman’ Añahare.
\p
\v 31 Tinoi’ \nd Iesoà\nd* ami’ty hoe: Miantoke hao henaneo? 
\v 32 Toe ho avy ty ora, eka fa tondroke t’ie hipara­tsiake, songa hamonje ty aze, le ho farie’ areo ho joriñe iraho; f’ie toe tsy ho bangiñe fa itraofan-dRae. 
\v 33 Nitaroñako irezay soa t’ie hierañerañe amako. Halovilovy ami’ty voatse toy nahareo; fe manintsiña, fa rinebako ty voatse toy.
\c 17
\s1 Mihalaly ho am-Pañova’e
\p
\v 1 Ie nitsarae’ \nd Iesoà\nd*, le niandrandra mb’andikerañe ey, nanao ty hoe: O Aba, fa tondroke ty ora; rengeo t’i Ana’o, handrengea’e Azo. 
\v 2 Fa nimea’o lily re hifehe ze kila nofotse, soa te ho tolora’e haveloñe nainai’e ze hene natolo’o aze. 
\v 3 Zao o haveloñe nainai’eo, t’ie ho fohi’ iereo ry Andrianañahare tokañe to, naho \nd Iesoà\nd* Norizañe nahitri’oy. 
\v 4 Fa nandrengeako an-tane atoy vaho nihenefako i nampitoloñe’o Ahiy. 
\v 5 O Aba itoloro engeñe añila’o eo henaneo amy engeñe nindrezan-tika taolo’ ty fifotora’ ty voatse toiy.
\s1 Mihalaly ho a o mpiama’eo
\p
\v 6 Fa nampahafohineko ondaty natolo’o ahy boak’ ami’ty voatse toio ty tahina’o, ie nifanaña’o, naho natolo’o ahiko vaho nambena’ iereo o tsara’oo. 
\v 7 Fa rendre’ iereo henaneo te boak’ ama’o ze hene natolo’o ahy, 
\v 8 ie natoloko o saontsy nimea’o ahikoo, naho rinambe’ iereo, naho rendre’ iereo to te boak’ ama’o iraho vaho antofa’ iereo te Ihe ro nañitrik’ ahy. 
\v 9 Ihalaliako; tsy ho ami’ty voatse toy ty ihalaliako, fa ho amo natolo’o ahikoo amy t’ie azo. 
\v 10 Kila azo o ahikoo, naho ahiko o azoo; vaho nahazoako engeñe. 
\v 11 Tsy ami’ty voatse toy ka iraho, fe ami’ty voatse toy o retoañe, vaho homb’ ama’o mb’eo iraho. Ry Aba masiñe, tambozoro an-tahina’o o natolo’o ahikoo, soa t’ie ho raike manahake itikañe. 
\v 12 Izaho nimpiam’ iereo, le nambenako an-tahina’o o natolo’o ahikoo; ni­tam­bozoreko o natolo’o ahikoo, tsy ia ty nipoke naho tsy i anan-kamomohañey hampañeneke o Sokitse Masiñeo. 
\v 13 Mb’ama’o mb’eo iraho henaneo; naho taroñeko ami’ty voatse toy o entañe zao, handiforañe am’iereo o haehakoo. 
\v 14 Fa natoloko iareo o tsara’oo le niheje’ ty voatse toy, amy t’ie tsy mpiami’ ty voatse toy, hambañe amy te izaho tsy mpiami’ ty voatse toy. 
\v 15 Tsy ihalaliako te hakareñe ami’ty voatse toy iereo, fa t’ie ho kalañeñe ami’ty raty. 
\v 16 Tsy mpiama’ ty voatse toy iereo, hambañe amy te izaho tsy mpiami’ ty voatse toy. 
\v 17 Ampiavaho an-katò iereo; o tsara’oo ro to. 
\v 18 Hambañe ami’ty nañiraha’o ahy mb’ami’ty voatse toy, ty nañitrifako iareo mb’ami’ty voatse toy. 
\v 19 Ie ro añamasiñako vatañe, hañavaheko iareo añami’ty hatò.
\s1 Mihalaly ho a o Mpiatoo
\p
\v 20 Tsy ho a iretoañe avao o ihalaliakoo, fa ho amo mbe hiato amako ami’ ty tsara’ iareoo; 
\v 21 soa te ho raike iaby iereo, hambañe amy te amako irehe Aba, naho ama’o iraho, vaho ho raik’ aman-tikañe iereo, hatokisa’ ty voatse toy te nañitrik’ ahy irehe. 
\v 22 Fa natoloko iareo i engeñe natolo’o ahikoy, soa t’ie ho raike, hambañe amy te itika ro raike: 
\v 23 Izaho am’iereo, naho Ihe amako, hamonirañe iareo ho raike; soa te ho fohi’ ty voatse toy te nañitrik’ ahy irehe vaho nikoko iareo, manahake ty fikokoa’o ahy. 
\v 24 O Aba, salalaeko te hindre amako ami’ty hitoerako o natolo’o ahikoo, hahaoniñe i engeñe natolo’o ahiy, amy t’ie nikokoa’o taolo’ ty nañoreña’o ty voatse toy. 
\v 25 Ry Aba vantañe, ihe tsy nifohi’ ty voatse toy, fe fohiko, naho fohi’ iretoañe te Ihe ro nañitrik’ ahy, 
\v 26 naho nampahafohineko iareo i tahina’oy, mbore hampandrendreheko, soa te ho am’ iareo i fikokoañe nikokoa’o ahiy vaho izaho am’ iareo.
\s1 Finotetse naho Tsinepake Mat 26.47-56; Mar 14.43-52; Lke 22.47-53
\c 18
\p
\v 1 Ie nitsarae’ \nd Iesoà\nd*, le nionjoñe mindre amo mpiama’eo nitsake ty saka Kedrone mb’amy goloboney mb’eo le nizilik’ ao rekets’ o mpiama’eo. 
\v 2 Nizatse i toetsey ka t’i Jodasy, i hifotetse azey, fa beteke nitolak’ ao t’\nd Iesoà\nd* naho o mpiama’eo. 
\v 3 Aa ie nahazo mpirim­bon-dahin-defoñe naho mpifeleke hirik’ amo mpisorom-beio naho o Fariseoo t’i Jodasy, le niheo mb’eo ninday failo naho jiro vaho fialiañe.
\p
\v 4 Kanao fonga niarofoana’ \nd Iesoà\nd* ty hifetsak’ ama’e, le nimb’ am’ iereo mb’eo nanao ty hoe: Ia ty paia’ areo? 
\v 5 Tinoi’ iereo ty hoe: \nd Iesoà\nd* nte Nazareta. Le hoe re tam’ iereo: Ie iraho. Nijagarodoñe am’iereo ao ka t’i Jodasy nifotetse ama’e. 
\v 6 Amy nanoa’e ty hoe: Ie iraho, le nidisa-voly iereo, nivaragidiñe an-tane eo. 
\v 7 Aa le nindrai’e i ontane’ey: Ia v’o paia’ areoo? Hoe iereo: \nd Iesoà\nd* nte Nazareta. 
\v 8 Le tinoi’ \nd Iesoà\nd* ty hoe: Fa nanoeko te Ie Raho, aa naho mipay ahy, adono hañavelo iretoañe, 
\v 9 hampañeneke i nitsarae’ey ty hoe: Leo raike tsy nipoke amo natolo’o ahikoo.
\p
\v 10 Kanao amam-pibara t’i Simona Petera; napontsoa’e le pinao’e ty mpitoro’ i talèm-pisoroñey, nañitsike ty ra­vembia’e havana. Malikò ty tahina’ i mpitoroñey. 
\v 11 Le hoe t’\nd Iesoà\nd* amy Petera: Aziliho an-traño’e o fibara’oo. Tsy hinomeko hao i fitovy nazotson-dRaeko amakoy?
\s1 Añatrefa’ i Anasy eo Mat 26.69-70; Mar 14.66-68; Lke 22.55-57
\p
\v 12 Aa le nifihine’ i mpirimbon-dahin-defoñey naho i mpiaolo’ey naho o mpifele’ o Tehodao t’\nd Iesoà\nd* vaho rinohy. 
\v 13 Kinozozò’ iereo mb’amy Anasy hey re, ie ty rafoza’ i Kaiafa talèm-pisoroñe amy taoñe zay. 
\v 14 I Kaiafay i nanoro o Tehodaoy ty hoe: Mahasoa te ho vilasy ho a’ ondatio t’indaty raike.
\s1 Ty Nijejoa’ i Petera Valoha’e
\p
\v 15 Nañorike \nd Iesoà\nd* t’i Simona Petera naho ty mpiamy \nd Iesoà\nd* raike. Fa nifohi’ i talèm-pisoroñey i mpiama’e zay, le nindre amy \nd Iesoà\nd* re nizilik’ an-kiririsan-talèm-pisoroñe ao. 
\v 16 Fe nijohañe an-dalam-bey alafe ao t’i Petera. Niakatse amy zao i mpiama’e nifohi’ i taleiy, le nilahatse ami’ty mpañamben-dalañe, vaho nampizilihe’e t’i Petera. 
\v 17 Le hoe i ampela mpitàn-dalañey amy Petera: Tsy mpiam’ indatiy ka v’iheo? Hoe re: Aiy! tsy izaho. 
\v 18 Nizorazora eo o mpitoroñeo naho o mpigaritseo, ie fa namiañe afo am-porohañe ao amy te nanara, le namindro; nindre nijohañe am’iereo t’i Petera, namindro.
\s1 Ontane’ i Talèm-Pisoroñey
\p
\v 19 Le nañontane \nd Iesoà\nd* ty amo mpi­ama’eo naho o fañòha’eo i talèm-pisoroñey. 
\v 20 Tinoi’ \nd Iesoà\nd* ty hoe: Nivolam-beo’ mbeo ami’ty voatse toy iraho, nainai’e nañoke amo fitontonañeo naho añ’an­jomban’ Añahare fivoria’ o Jiosy iabioo, vaho tsy eo ty nivolañeko añ’etake. 
\v 21 Ino ty añon­ta­nea’o ahy? Añontaneo o nahajanjiñe i vinolako am’ie­reoio, fohi’ iereo o nitaroñekoo.
\p
\v 22 Ie nanao izay t’\nd Iesoà\nd*, le tinampifi’ ty mpigaritse nijohañe eo, vaho nanoa’e ty hoe: Zao hao ty toi’o i talèm-pi­soroñey? 
\v 23 Tinoi’ \nd Iesoà\nd*: Naho nandilatse an-tsaontsy iraho, italilio ty tsy nimete; fe naho nitò, akore t’ie nanampifia’o? 
\v 24 Aa le nampanesè’ i Anasy an-drohy mb’amy Kaiafa talèm-pisoroñe mb’eo re.
\s1 Mitety I\nd esoà\nd* t’i Petera
\p
\v 25 Ie amy zao, namindro ey t’i Petera, le nañontanea’iereo ty hoe: Tsy mpiama’e ka v’iheo? Niliere’e ami’ty hoe: Tsy ie iraho. 
\v 26 Le hoe ty mpitoron-talèm-pisoroñe, longo’ i nikitsihe’ i Petera ravembiay: Tsy nitreako nindre ama’e amy ala vondroy v’iheo? 
\v 27 Nandietse indraike t’i Petera; vaho nikekeo i akoholahiy.
\s1 Ty Balíe añatrefa’ i Pilato Mat 27.2, 11-14; Mar 15.1-5; Lke 23.1-5
\p
\v 28 Ie nimaraindray, nendese’ iereo boak’ amy Kaiafa mb’ amy anjom­ba i mpizakaiy mb’eo t’\nd Iesoà\nd*, f’ie tsy nimoak’ añ’ anjombam-pizaka ao tsy mone haleotse tsy mete hikama i Fihelañey. 
\v 29 Aa le niakatse mb’am’iereo mb’eo t’i Pilato, nanao ty hoe: Inoñe ty anisìa’ areo t’indaty tìañe? 
\v 30 Le hoe ty natoi’ iereo: Naho tsy mpanan-tahin-dre, tsy ho nasese’ay ama’o. 
\v 31 Endeso re, hoe t’i Pilato, zakao an-dili’ areo. Aa le hoe o Tehodao tama’e: Tsy aman-jo hamono ondaty zahay, 
\v 32 hañeneke ty tsara’ \nd Iesoà\nd* nitaroñe’e ty havilasy hivetraha’ey.
\p
\v 33 Le nizilik’ añ’anjombam-pizakañ’ ao indraike t’i Pilato nitsikaotse \nd Iesoà\nd* naho nanoa’e ty hoe: Mpanjaka’ o Jiosio v’iheo? 
\v 34 Tinoi’ \nd Iesoà\nd* ty hoe: Saontsi’o hao, hera nisaontsie’ ty ila’e ahy? 
\v 35 Hoe t’i Pilato: Jiosy v-o ahoo? I foko’oy naho o mpisorom-beio ty nanese Azo amako; ino o nanoe’oo?
\p
\v 36 Tinoi’ \nd Iesoà\nd* ty hoe: Tsy ami’ty voatse toy ty fifeheako; fa naho ni-hirik’ ami’ty voatse toy ty fifeheako, le nialy ho ahy o mpitorokoo tsy hasese amo Tehodao; fe tsy boak’ atoañe ty fifeheako. 
\v 37 Aa le hoe t’i Pilato ama’e: Mpanjaka v’Iheo! Tinoi’ \nd Iesoà\nd*: Saontsi’o te mpanjaka; izay ty nisamahañ’ ahy, naho ty nivotrahako ami’ty voatse toy, hitaroñako ty hatò. Hene mahajanjiñe ty feoko ze mpiami’ ty hatò. 
\v 38 Hoe t’i Pilato tama’e: Ino ze o hatò zao? Ie nanao izay, le niavotse mb’ amo Tehodao indraike, nanao ty hoe: Tsy treako ty hakeo ama’e. 
\v 39 Fe aman-dily nahareo, ty hañahàko t’indaty amy Fihelañey. No’ areo arè te havotsoko ama’ areo t’i Mpanjaka’ o Jiosio? 
\v 40 Nindrai’ iareo an-tazataza ty hoe: Tsy t’indaty tia fa i Barabasy. Malaso i Barabasy izay.
\c 19
\p
\v 1 Aa le rinambe’ i Pilato t’\nd Iesoà\nd* vaho linapoa’e 
\v 2 le rinandra’ o lahin-defoñeo ty hàlam-patike nasa­bàka amy añambone’ey naho nisaroña’ iareo lamba lava malòmavo 
\v 3 vaho nitotok’ aze nanao ty hoe: Onjono! Mpanjaka’ o Jiosio! mbore rinarateha’ iereo.
\p
\v 4 Niakatse indraike t’i Pilato le hoe ty asa’e am’iereo: Ingo, ampañatrefeko ama’ areo hahafohina’ areo t’ie tsy nahatreavako tahiñe. 
\v 5 Le niakatse t’\nd Iesoà\nd*, ama’e i sabaka fatikey naho i lamba malòmavoy, vaho hoe t’i Pilato: Heheke, ondatio!
\p
\v 6 Ie niisa’ o mpisorom-beio naho o mpigaritseo, le hoe ty koi’ iareo: Peho amo hatae ajaleo re! Peho! Aa hoe t’i Pilato tam’ iereo: Rambeso, aradoradò, fa izaho tsy mahatrea ty tahi’e. 
\v 7 Tinoi’ o Tehodao ty hoe: Manan-dily zahay, t’ie tsi-mahay tsy vonoeñe ty amy liliy amy t’ie nanoñom-batañe ho Anan’ Añahare.
\p
\v 8 Akore amy zao ty firevendreveña’ i Pilato te nahajanjiñe izay, 
\v 9 le niheo mb’ añ’ anjombam-pizakañ’ ao indraike re nanao ty hoe am’ \nd Iesoà\nd*: Hirik’aia v’Iheo? fe ty tsi’ \nd Iesoà\nd* ro tsi’e. 
\v 10 Aa hoe t’i Pilato tama’e: Ifoneña’o hao ty tsy hivolañe amako? Tsy rendre’o hao t’ie aman-dily hañahañe Azo naho lily hampipehañe Azo amy hatae ajaley? 
\v 11 Tinoi’ \nd Iesoà\nd* ty hoe: Tsy ho nanan-dily amako irehe naho tsy natolotse azo hirik’ an-dindiñ’ añe, aa le i nanese ahy ama’oy ty bey hakeo.
\p
\v 12 Ty amy hoe zay le nipay ty hañaha aze t’i Pilato, fe tinazataza’ o Tehodao ty hoe: Naho hahà’o ondatio, le tsy rañe’ i Kaisara. Mpandietse i Kaisara ze hene misenge ho mpanjaka. 
\v 13 Ie jinanji’ i Pilato i entañe zay, le nakare’e t’\nd Iesoà\nd*, vaho niambesatse ami’ty fiambesam-pizakà’e eo ami’ty toetse atao Traintraiñe\f + \fr 19:13 \fr*\ft Gabatà: traintraiñe, tsahatse ondaty 100.\ft*\f*, ie atao Gabàta ami’ty Hebreo. 
\v 14 Ty ora faha-telo\f + \fr 19:14 \fr*\ft Eo ka ty boke peli’e manao “fah’eneñe”; Fe: Mar 15:25, 33-34\ft*\f* amy Fañalankañañe i Fihelañeiy, le hoe re amo Tehodao: Ingo t’i Mpanjaka’ Areo! 
\v 15 Kinorà’ iereo ami’ty hoe: Endeso añe, endeso añe, aradoradò. Hoe t’i Pilato am’iereo: Ho peheko hao ty Mpanjaka’ areo? Tinoi’ o mpisorom-beio ty hoe: Tsy amam-panjaka zahay naho tsy i Kaisara. 
\v 16 Aa le natolo’e iareo ho peheñe\f + \fr 19:16 \fr*\ft Pineke, ndra naradorado, amy hatae ajaley\ft*\f* amy hatae ajaley t’\nd Iesoà\nd*, naho rinambe’ iereo,
\s1 Pinatetse Mat 27.32-38, 48, 50; Mar 15.21-26, 36, 37; Lke 23.26-33, 38, 46
\p
\v 17 vaho niakatse nitarazo i hatae ajale’ey re mb’ ami’ty atao Ankarandoha, toe Golgota ami’ty saontsy Hebreo. 
\v 18 Teo ty nipehañ’ aze, nindre ami’ty roe ila’e; songa añ’ ila’e, naho añivo t’\nd Iesoà\nd*.
\p
\v 19 Nanokitse loham-bolañe t’i Pilato le pinè’e amy hataey vaho nabakabaka’e ty hoe:
\q1 \nd Iesoà\nd* nte Nazareta,
\q1 t’i Mpanjaka’ o Jiosio.
\p
\v 20 Aa le maro ty Jiosy nahavaky i soki­tsey, amy te marine i rovay ty nandradoradoañe \nd Iesoà\nd* ie nibakabaka an-tsaontsy Hebreo naho Latina vaho Grika. 
\v 21 Le hoe o mpisorom-bein-Jiosio amy Pilato: Ko sokire’o ty hoe: Mpanjaka’ o Jiosio, fa t’ie nanao ty hoe: Izaho ro Mpanjaka’ o Jiosio. 
\v 22 Tinoi’ i Pilato ty hoe: I pinatekoy ro pinateko.
\p
\v 23 Ie pinè’ o lahin-defoñeo t’\nd Iesoà\nd*, le rinambe’ iereo ty saro’e naho tinori-anja’ iareo efatse, sindre nahazo ama’e o lahin-defoñeo, fe i sarimbo’ey, ie tsy aman-tindrin-jaitse i sarimboy fa tinenoñe raike hirik’ ambone, 
\v 24 le nilahare’ iereo ty hoe: Antao tsy handrovitse aze, fa hanoeñe tsato-piso haharendreke ty ho tompo’e; hañenefañe i pinatetse amy Sokitse Masiñeiy, ty hoe:
\q1 Nifanjarà’ iereo ty sìkiko,
\q1 le nanoe’iereo tsato-piso ty saroko.\f + \fr 19:24 \fr*\ft Sab 22:18\ft*\f*
\p Izay ty nanoe’ o lahin-defoñeo.
\p
\v 25 Nijohañe marine’ i hatae ajale’ I\nd esoày\nd* eo ty rene’e naho ty rahavaven-drene’e naho i Marie vali’ i Klopa vaho i Miriame nte-Magdalà. 
\v 26 Ie nioni’ \nd Iesoà\nd* te marine eo ty rene’e naho i mpiama’e kokoa’ey, le hoe re aman-drene’e: O Rakemba, Ingo o ana-dahi’oo! 
\v 27 Le hoe re tamy mpiama’ey: Ingo ty rene’o. Mifototse amy oray le nampimoneñe’ i mpiama’ey ama’e ao re.
\p
\v 28 Añe izay, ie niarofoana’ \nd Iesoà\nd* te niheneke henane zay, le hoe re hañenefa’e o Sokitse Masiñeo: Maran-drano iraho. 
\v 29 Nidoke ey ty vatavo pea divay maseñe, le nilifore’ iereo amy divaiy ty voren-driake, naho natrofak’ ami’ty seva vaho natohotse am-palie’e. 
\v 30 Ie nandrambe i divay maseñey t’\nd Iesoà\nd* le hoe re: Fonitse izay! le nadrodrè’e i añambone’ey, vaho nafoe’e ty arofo’e.
\p
\v 31 Amy t’ie andro Fañalankañañe, le tsy azo adoñe ambone’ ty hatae ajale eo o loloo fa andro \nd Sabata\nd*, toe andro jabajaba i \nd Sabata\nd* zay\f + \fr 19:31 \fr*\ft \+nd Sabata\+nd*-Bey i Sabadidake Mofo po-Dalivy, Sor 23:5\ft*\f*, le nihalaly amy Pilato o Tehodao te havitsoke ty kitso’ iareo soa t’ie ho takoneñe. 
\v 32 Aa le nimb’eo o lahin-defoñeo le navitsoke ty kitso’ i valoha’ey naho i nindre niradorado ama’ey; 
\v 33 ie niavy amy \nd Iesoà\nd* eo, tendreke te vilasy vaho tsy navitsoke o fandia’eo; 
\v 34 te mone tinombo’ ty lahin-defoñe an-defoñe ty leme’e vaho nipororoake boak’ ao ty lio miharo rano.
\p
\v 35 Mitalily ty nahatrea, naho to i talili’ey naho fohi’e te mahity i enta’ey, hatokisa’ areo. 
\v 36 Ie nanoeñe hañenefañe i Sokitse Masiñe manao ty hoe:
\q1 Leo raike amo taola’eo tsy havitsoke.\f + \fr 19:36 \fr*\ft Avo 12:46; Sab 34:20\ft*\f*
\p
\v 37 Le hoe ka i Sokitse Masiñey:
\q1 Ho isa’ iereo i trinofa’iereoy.\f + \fr 19:37 \fr*\ft \+nd Zek\+nd* 12:10\ft*\f*
\s1 Nalenteke Mat 27.57-60; Mar 15.42-46; Lke 23.50-54
\p
\v 38 Ie añe, le nihalaly amy Pilato t’Iosefe nte-Arimatea, mpiamy \nd Iesoà\nd* (fe añ’etake, ie nihembañe amo Tehodao), ty hitakona’e ty fañòva’ \nd Iesoà\nd*. Ninò’ i Pilato izay. Aa le nomb’eo re nandrambe ty fañòva’ \nd Iesoà\nd*. 
\v 39 Nimb’eo ka t’i Nikodemosy, i nitilike \nd Iesoà\nd* tam-baloha’e amy haleñeiy, ninday miora miharo vahoñe zato litatse. 
\v 40 Nitakone’ iereo ty fañòva’ \nd Iesoà\nd* le nifolonkoñeñe lamba-leny mitraok’ amo raha mañi­tseo, an-tsata-pandenteha’ o Jiosio.
\p
\v 41 Marine’ i nipehañe azey ty goloboñe, le amy goloboñey ty kibory vao mbe lia’e tsy nandrohotan-dolo. 
\v 42 Aa, kanao Fañalankaña’ o Jiosio izay, naho te marìne eo i lonakey, le nirohote’ iereo ao t’\nd Iesoà\nd*.
\s1 Lonake Haran-kòake Mat 28.1-8; Mar 16.1-8; Lke 24.1-12
\c 20
\p
\v 1 Ie loak’ andro’ ty Sabotse le nañaleñaleñe mb’an-donake mb’eo t’i Miriame nte-Magdalà, ie mbe nimaieñe, vaho naheo’e te nasitak’ amy lonakey i vatoy. 
\v 2 Le nihitrihitry mb’amy Petera naho i mpiama’e nikokoa’ I\nd esoày\nd* mb’eo, nanao ty hoe: Fa tinava’ iereo boak’ an-donak’ ao t’i Talè, le tsy fohi’ay ty nandrohotañ’ aze. 
\v 3 Niavotse amy zao t’i Petera naho i mpi­ama’ey nimb’ an-donake mb’eo. 
\v 4 Sindre nilay, fe nilosore’ i mpiama’ey t’i Petera vaho niavy an-donake eo aolo. 
\v 5 Ie nibotreke, niisa’e o lamba-lenio nidoñe eo, f’ie tsy nizilik’ ao. 
\v 6 Pok’eo amy zao t’i Petera nanonjohy aze, le nimoak’ an-donak’ ao vaho nahaisake te nidoke eo o lamba lenio, 
\v 7 fe tsy nirekets’ amo lamba lenio ty lamba nakolopok’ i añambone’ey, f’ie niholoñe tokañe eo. 
\v 8 Nizilik’ ao amy zao i mpiama’e niavy aolo an-donakey, le nahatrea vaho niantoke. 
\v 9 Mbe tsy nirendre’ iereo hey i Sokitse Masiñe manao t’ie tsi-mahay tsy mitroatse amy havilasiy. 
\v 10 Le nimpoly mb’an-kiboho’ iareo añe i mpiama’e rey.
\s1 Nisodeha’e amy Miriame nte-Magdalà
\p
\v 11 Nijohañe alafe’ i lonakey avao t’i Marie, nirovetse; ie mbe niharovetse, nibokoke naho nitilihitse an-donak’ ao 
\v 12 vaho nahaoniñe ty anjely roe nisaroñe foty niambesatse ey, ty atondohà’e eo naho ty antimpahe’e eo, amy nandrohotañe ty fañòva’ I\nd esoày\nd*. 
\v 13 Le hoe iereo tama’e, O Rakembao, ino ty iroveta’o. Hoe re am’iereo: Nasinta’ iereo i Talèkoy, le tsy fantako ty nandrohotañ’ aze. 
\v 14 Ie nanoe’e izay le nitolike vaho nahaisake \nd Iesoà\nd* nijohañe eo, fe tsy napota’e t’ie \nd Iesoà\nd*. 
\v 15 Hoe t’\nd Iesoà\nd* tama’e: O Rakembao, inoñe ty angololoiha’o? Ia ty paia’o? Ie natao’e te mpañalahala goloboñe, le nanoa’e ty hoe: O androanavio, naho ninday aze boak’ etoan-drehe, taroño amako ty nandrohota’o aze, hitakonako añe. 
\v 16 Hoe t’\nd Iesoà\nd* tama’e: O Marie. Natrefa’e le nanoa’e ty hoe: O Rabony, ze midika ty hoe: Talèko. 
\v 17 Hoe t’\nd Iesoà\nd* tama’e: Ko mitsapa ahy, fa mboe tsy nionjoñe mb’ aman-dRaeko, akia mb’ aman-dro­longoko mb’eo vaho atalilio te: Mionjom-baman-dRaeko naho Rae’ areo, mb’ aman’ Añahareko naho Andrianañahare’ areo mb’eo.
\p
\v 18 Nienga t’i Miriame nte-Magdalà nita­roñe amo mpiama’eo t’ie nahaisak’ i Talè naho te nisaontsia’e irezay.
\s1 Mipoteak’ amo Mpiama’eo Mar 16.14; Lke 24.36-43
\p
\v 19 Ie hariva amy àndroy, ty loak’ andro’ i Sabotse naho nagabeñe o lalan’ anjomba’ niharoa’ o mpi­ama’eoo ie nihembañ’ amo Tehodaoy, le nisodehañe eo t’\nd Iesoà\nd*, nijohañe añivo’ iareo ao nanao ty hoe:
\p Fañanintsiñe ama’areo. 
\v 20 Ie nanoe’e izay, le nitoroa’e o fità’eo naho i leme’ey. Le nifale o mpiama’eo te nahaisake i Talè.
\p
\v 21 Nindrae’ \nd Iesoà\nd* am’iereo ty hoe: Fañanintsiñe ama’areo. Hambañe ami’ty nañitrifan-dRaeko ahy ty añirahako anahareo. 
\v 22 Ie nitsara izay le tinio’e iereo, nanao ty hoe: Rambeso i Arofo Masiñey; 
\v 23 Aa ndra hakeo’ iaia ty apo’ areo ro hafahañe ama’e; f’ie ho tanañe naho tana’ areo.
\p
\v 24 Tsy nitraok’ am’iereo t’i Tomasy, atao Didimo, mpiamy folo ro’amby rey, amy nivotraha’ \nd Iesoà\nd*y. 
\v 25 Aa le nitali­ly ty hoe ama’e o mpiama’e ila’eo: Fa niisa’ay t’i Talè. Fe hoe re: Lehe tsy treako am-pità’e eo o olam-pantsikeo, naho tsy aziliko amo olatseo ty rambo-tañako vaho atsorofoko an-deme’e ao ty tañako, izaho tsy hiantoke.
\s1 Ie teo t’i Tomasy 1Kor 15.5
\p
\v 26 Ie nimodo ty valo andro, le tao indraike o mpiama’eo rekets’ i Tomasy. Le nivotrak’ eo t’\nd Iesoà\nd*, ie nirindriñe o lalañeo, nijohañe añivo’ iereo eo, nanao ty hoe: Fañanintsiñe ama’areo. 
\v 27 Le hoe re tamy Tomasy: Atakaro mb’ etoañe ty rambo-pità’o, heheke o tañakoo; le amparo mb’etoañe o fità’oo naho ampiziliho an-demeko etoa, vaho ko mañaly tro fa matokisa. 
\v 28 Hoe ty natoi’ i Tomasy aze: Ry Talèko naho Andrianañahareko! 
\v 29 Hoe t’\nd Iesoà\nd* tama’e: Ihe nahaisak’ ahy ro natokisa’o; haha ze miato fa tsy nahaoniñe.
\p
\v 30 Mbe maro ty viloñe nanoe’ \nd Iesoà\nd* añatrefa’ o mpiama’eo ze tsy sinokitse ami’ty boke toy. 
\v 31 Sinoratse ka o retoañe hatokisa’ areo te \nd Iesoà\nd* Norizañey ro Anan’ Añahare vaho i tahina’ey ro anaña’areo mpiato haveloñe.
\c 21
\s1 Niboak’ ami’ty Mpiama’e Fito
\p
\v 1 Añe irezay, le niboak’ amo mpi­ama’eo indraike t’\nd Iesoà\nd* an-driake Tiberiasy eo; le zao ty niboaha’e: 
\v 2 Nifandrimboñe t’i Simona Petera naho i Tomasy atao Didimo, naho i Natanaela nte-Kana’ i Galilia miharo amy ana’ i Zebedio rey vaho ty mpiama’e roe ila’e. 
\v 3 Le hoe t’i Simona Petera tam’ iereo: Hikara fian-draho. Hoe iereo tama’e: Hindre ama’o zahay. Aa le nionjom-beo iereo vaho nijon-dakañe, fe tsy nahazo leo raik’ amy haleñey. 
\v 4 Aa ie nanjirike i àndroy, nijohañe añ’olotse ey t’\nd Iesoà\nd*, fe tsy napota’ o mpiama’eo t’ie \nd Iesoà\nd*. 
\v 5 Le hoe t’\nd Iesoà\nd* tam’ iereo: O Anake, nahazo fiañe v’inahareo? Hoe ty natoi’ iareo aze: Aiy. 
\v 6 Le nanoa’e ty hoe: Ahifiho an-kavana’ o lakañeo i haratoy handrendreke. Aa le nahifi’ iereo, fe tsy nahatarike i haratoy ami’ty fifamorohota’ o fiañeo. 
\v 7 Aa le hoe i mpiama’e nikokoa’ I\nd esoày\nd* amy Petera: I Talè ‘nio. Ie jinanji’ i Simona Petera t’ie i Talè, le nidiaña’e ty saro’e, (amy t’ie nihalo), le nijorobo an-driak’ ao. 
\v 8 Nanonjohy amy lakañey o mpiama’e ila’eo; tsy nilavitse i olon-driakey fa niha-roanjato kiho avao, le nikororohe’ iereo i harato vokatse fiañey.
\p
\v 9 Ie nitoly an’ tamboho ey iereo, ro nahaoniñe foroha mirekake naho fiañe misale ama’e vaho mofo. 
\v 10 Hoe t’\nd Iesoà\nd* tama’e: Andeso amo fiañe niazo’ areoo. 
\v 11 Niongake t’i Petera le nikororohe’e mb’an-tamboho mb’eo i harato vokatse fiañe jabajabay, toe zato tsy limampolo telo amby; fe tsy nianto i haratoy ndra te nimaro.
\p
\v 12 Hoe t’\nd Iesoà\nd* tam’ iereo: Antao hikama. Aa ndra iaia amo mpiama’eo tsy nahavany nañontane aze ty hoe: Ia v’iheo? fa nirendreke t’ie i Talè. 
\v 13 Nisitse mb’eo t’\nd Iesoà\nd* nandrambe i mofoy naho nazotso’e, vaho o fiañeo. 
\v 14 Izay ty nisodehà’ \nd Iesoà\nd* fañintelo’e amo mpiama’eo hirik’ amy nitroara’e an-kavilasiy.
\s1 Navere’ \nd Iesoà\nd* t’i Petera
\p
\v 15 Ie fa nitendre iereo, le hoe t’\nd Ie­soà\nd* amy Simona Petera: O Simona, ana’ i Jonà, tea’o mandikoatse o retoañe v’ irahoo? Hoe re tama’e: Eka, Talè, arofoana’o te ikokoako. Hoe re tama’e: Fahano o vik’ añondrikoo. 
\v 16 Nindrai’ \nd Iesoà\nd* ama’e fañindroe’e: Simona, ana’ i Jonà, tea ahy v’iheo? Hoe re tama’e: Eñ’anio, Talè, arofoana’o te ikokoako. Hoe t’\nd Iesoà\nd*: Andrazo o vik’ añondrikoo. 
\v 17 Mbe nanoe’e fañintelo: O Simona, ana’ i Jonà, kokoa’o v’Irahoo? Nangoae t’i Simona amy nanoa’e fañintelo’ey ty hoe: Ko­koa’o hao iraho? le hoe re tama’e: O Rañandria, kila arofoana’o; fohi’o t’ie kokoako. Hoe t’\nd Iesoà\nd* tama’e: Fahano o añondrikoo. 
\v 18 Ita­roñako an-katò t’ie nidiañe te ni-ajalahy, naho nandenà’o ze ni-tea’o, f’ie bey le hahiti’o o fità’oo hampidiaña’ ty ila’e hinday azo mb’ami’ty tsy tea’o hombañe. 
\v 19 I hoe zay ty nisaontsie’e ho fitaliliañe aze ty karazan-kavilasy handrengea’e an’ Andrianañahare. Ie sinaontsi’e, le hoe re tama’e: Oriho iraho.
\p
\v 20 Ie nitolike t’i Petera le niisa’e i mpiòke nikokoa’ \nd Iesoày\nd* nanonjohy ey—i nitoñoñe añ’araña’ \nd Iesoà\nd* amy sabadidakey, nañontane aze ty hoe: O Talè, ia ty hifotetse ama’o? 
\v 21 Ie nioni’ i Petera, le hoe re amy \nd Iesoà\nd*: O Talè, akore ondaty roañe? 
\v 22 Hoe t’\nd Iesoà\nd* tama’e: Naho satriko t’ie handiñe ty fibaliko, akore ama’o izay? Oriho iraho.
\p
\v 23 Aa le niboele amo longoo ty tsara te tsy hivetrake i mpiama’ey; fe tsy nanao ty hoe t’\nd Iesoà\nd* t’ie tsy ho vilasy, fa, Naho lahako t’ie handiñe ty fihereñako, akore ama’o vi’zay?
\s1 Ty Figadoña’ ty Talili’ i Jaona
\p
\v 24 Itoy ty mpiama’e mitalily irezay, naho nanokitse iretoañe. Fohi’ay te mahity i talili’ey. 
\v 25 Mbe maro ka ty raha nanoe’ Iesoà, t’ie ro hene sinokitse, ataoko te, ndra ty voatse toy tsy nahatsake o boke ho nisokireñeo. Amena.