\id HOS 
\ide UTF-8
\h Hosèa
\toc1 Hosèa
\toc2 Hosèa
\toc3 Hos
\mt1 Hosèa
\c 1
\p
\v 1 Niheo amy Hosea\f + \fr 1:1 \fr*\ft Hosea: mpandrombake; fitsolohañe\ft*\f* ana’ i Bierý\f + \fr 1:1 \fr*\ft Bierý: ty vovoko\ft*\f* ty tsara’ \nd Iehovà\nd* faha’ i Ozià naho Iotame naho i Akhaze\f + \fr 1:1 \fr*\ft Akhaze: mpitavañe\ft*\f* naho Khizkiia\f + \fr 1:1 \fr*\ft Khizkiia: haozara’ \+nd Iehovà\+nd*\ft*\f* mpanjaka Iehodà, vaho Iarobàme\f + \fr 1:1 \fr*\ft Iarobàme: mpandietse ondaty\ft*\f* ana’ Ioàse\f + \fr 1:1 \fr*\ft Ioàse: ty mamoe’ay, he miforehetse\ft*\f*, mpanjaka’ Israele\f + \fr 1:1 \fr*\ft Israele: mpifanehak’ aman’Añahare\ft*\f*.
\p
\v 2 Ie namotsotse nitsara amy Hosea t’\nd Iehovà\nd*, le hoe t’\nd Iehovà\nd* amy Hosea, Akia mañengà karapilo ho vali’o, ty anak’ ampela boak’ an-kàrapiloañe ao; fa toe mpanao hakarapiloan-kalalijake naho miamboho am’ \nd Iehovà\nd* o taneo. 
\v 3 Aa le nimb’eo re nañenga i Gomere\f + \fr 1:3 \fr*\ft Gomere: mahafonitse; mahaheneke\ft*\f*, ana’ i Diblaime\f + \fr 1:3 \fr*\ft Diblaime: Sakoañe maroan-tsinga’e\ft*\f*, le niaren-dre vaho nisamaha’e anadahy. 
\v 4 Le hoe t’\nd Iehovà\nd* ama’e, Toñono ty hoe Iezreèle\f + \fr 1:4 \fr*\ft Iezreèle: Miongake t’\+nd Iehovà\+nd*\ft*\ft ; ty hazavà’e\ft*\f* ty añara’e; fa tsy ho ela te havaleko ami’ty anjomba’ Iehò\f + \fr 1:4 \fr*\ft Iehò: Ie ze Ie\ft*\f* ty lio’ Iezreèle, vaho hagàdoko ty fifehean’ anjomba’ Israele. 
\v 5 Ie amy andro zay, ho pozaheko ty fale’ Israele am-bavatane’ Iezreèle ao. 
\v 6 Niareñe indraike re nahatoly anak’ ampela, le hoe re tama’e, Toñono ty hoe Lorokamà\f + \fr 1:6 \fr*\ft Lorokamà: tsy nitretrezañe\ft*\f* ty añara’e: fa tsy ho ferenaiñako ka ty anjomba’ Israele, toe tsy iheveako. 
\v 7 Fe ho tretrezeko ty anjomba’ Iehodà le ho rombaheko añam’ \nd Iehovà\nd* Andrianañahare’ iareoy, fa tsy ho rombaheko am-pale ndra fibara ndra hotakotake ndra soavala ndra mpiningi-tsoavala.
\p
\v 8 Aa ie notañe’e t’i Lorokamà, le niareñe indraike nisamak’ anadahy. 
\v 9 Le hoe re, Toñono ty hoe Loamý\f + \fr 1:9 \fr*\ft Loamý: tsy ondatiko\ft*\f* fa tsy ondatiko nahareo vaho tsy ho Andrianañahare’ areo iraho.
\p
\v 10 Fe mbe ho mira amo fasen-driakeo ty ia’ o ana’ Israeleo, ze tsy ho mete zeheñe ndra iaheñe; ie amy zay, amy tane nanoañe ama’ areo te Tsy ondatiko nahareoy, ty hafetse am’ iereo te Anan’ Añahare Veloñe. 
\v 11 Le hifanontoñe o ana’ Iehodào naho o ana’ Israeleo, naho ho tendrè’ iareo ty mpiaolo raike ho a iareo, vaho hitombo an-tane eo: fa jabajaba ty andro’ Iezreèle.
\c 2
\p
\v 1 Anò amo roahalahi’ areoo ty hoe: Amý\f + \fr 2:3 \fr*\ft Amý: ondatikoo\ft*\f*, naho aman-droahavave’ areo ty hoe; Rohamà\f + \fr 2:3 \fr*\ft Rohamà: niferenaiñañe\ft*\f*
\q1
\v 2 Mifanjomora aman-drene’ areo;
\q1 mifangatora;
\q1 fa tsy tañanjombako,
\q1 vaho tsy vali’e iraho.
\q1 Aa le ampañafaho an-tarehe’e eo
\q1 o hakarapiloa’eo naho
\q1 añivo’ o fatroa’eo
\q1 o hatsirimira’eo;
\q1
\v 3 tsy mone ho holireko,
\q1 naho hapoko manahake
\q1 i andro nahatoly azey,
\q1 naho hanoeko hoe tane ratraratra,
\q1 naho hadoko an-tane maik’ añe
\q1 vaho havetrako an-karan-dranoañe.
\q1
\v 4 Tsy hiferenaiñako ka o ana’eo
\q1 fa anak’amontoñe.
\q1
\v 5 Toe nanao satan-tsimirira ty rene’iareo
\q1 nimeñatse i nampiareñe iareoy;
\q1 ie nanao ty hoe,
\q1 ho paiako añe o sakezako
\q1 mamahañe ahy mofo naho rano,
\q1 ty volon’añondry naho ty leniko,
\q1 ty menake vaho ty finomakoo.
\q1
\v 6 Aa le ingo, ho faherako fatike ty lala’o,
\q1 vaho hañoreñako kijoly
\q1 tsy hahatreava’e ty homba’e.
\q1
\v 7 Himanea’e orik’ amy zao o sakeza’eo
\q1 fe tsy ho tra’e;
\q1 ho paia’e iereo fa tsy ho trea’e;
\q1 hanao ty hoe amy zao re,
\q1 Homb’eo iraho himpoly
\q1 mb’amy valiko valoha’ey mb’eo,
\q1 fa nisoa te amo henaneo i henane zay.
\q1
\v 8 Fa namoea’e te nanjotsoako
\q1 ampemba naho divay vaho menake;
\q1 le nampitomboeko ama’e
\q1 ty volafoty naho volamena
\q1 nañamboare’ iareo Baaleo.
\q1
\v 9 Hibalike iraho le hendeseko
\q1 ty ampembako añ’andro’e
\q1 naho ty divaiko an-tsa’e,
\q1 vaho hasintako i volon’añondrikoy
\q1 naho i leny natoloko aze
\q1 hanaroña’e ty fihaloa’ey.
\q1
\v 10 Ie henane zao, le ho boraheko ty fimeñara’e am-pahaisaha’ o sakeza’eo,
\q1 le tsy eo ty hahavo­tsots’ aze an-tañako.
\q1
\v 11 Fonga hajiheko o hafalefalea’eo,
\q1 o sabadidam-pitontona’eo\f + \fr 2:13 \fr*\ft Sabadidam-pitontonañe: P’sake, Halimampolo, Kibohotse\ft*\f*,
\q1 naho o pea-bola’eo, naho o fitofa’eo
\q1 vaho o hene androm-pamantaña’eo.
\q1
\v 12 Ho firaeko añe o vahe’eo
\q1 naho o sakoa’eo;
\q1 i natao’e ty hoey, Tàngeko ‘nio,
\q1 natolo’ o sakezakoo ahiko;
\q1 aa le hafotsako ho ratraratra izay
\q1 ho fihina’ o bibin-kivokeo.
\q1
\v 13 Hampitiliheko ama’e ty andro’ o Baaleo,
\q1 i nañoroa’e tsotse rezay,
\q1 ie niravake o bange’eo naho o fomela’eo,
\q1 naho nitsoeke o sakeza’eo
\q1 vaho nandikok’ ahy, hoe t’\nd Iehovà\nd*.
\q1
\v 14 Aa le ingo t’ie ho sigiheko,
\q1 naho hendeseko mb’am-patrambey
\q1 mb’eo vaho hidiby aze an-troke.
\q1
\v 15 Le hatoloko aze ty tanem-bahe boak’añe,
\q1 naho ty vavatane’ i Akore\f + \fr 2:17 \fr*\ft Akore: am-poheke\ft*\f*
\q1 ho lalam-pampitamàñe;
\q1 ie hisabo añe manahake
\q1 tañ’andron-katora’e,
\q1 hambañe amy andro niakara’e
\q1 an-tane Mitsraime\f + \fr 2:17 \fr*\ft Mitsraime: Mpamorekeke; hasotriañe\ft*\f* añey.
\p
\v 16 Amy andro zay, hoe t’\nd Iehovà\nd*, le ho kanjie’o iraho ami’ty hoe Valiko, vaho tsy hatao’o Baale ka. 
\v 17 Fa hasintako am-bava’e ao ty añara’ o Baaleo, vaho tsy ho toñoneñe ka o añara’eo. 
\v 18 Ie amy andro zay, hanoeko fañina añivo’ iereo naho o bibin-kivokeo naho o voron-dikerañeo, naho o milaly an-tane eoo; le ho pozaheko ty fale naho ty fibara naho ty fihotakotaha’ ty tane toy vaho hampiroteko am-pierañerañañe. 
\v 19 Le ho fofoeko ho ahy nainai’e; eka ho fofoeko ho ahy an-kavantañañe naho an-katò naho an-kafatra­ram-pikokoañe naho fiferenaiñañe; 
\v 20 ie fofoeko ho ahy am-pigahiñañe, le ho fohi’o t’\nd Iehovà\nd*.
\q1
\v 21 Ie amy andro zay, hoe t’\nd Iehovà\nd*,
\q1 le hamale iraho, ho toiñeko o likerañeo,
\q1 vaho ho valè’ iereo i taney;
\q1
\v 22 le hamale i ampembay
\q1 naho i divaiy naho i menakey ty tane;
\q1 vaho ho valè’ iareo t’Iezreèle.
\q1
\v 23 Le ho tongiseko ho ahy an-tane ao re;
\q1 naho ho ferenaiñako i tsy niferenaiñañey
\q1 naho hataoko amo tsy ni-ondatikoo ty hoe : Ondatiko irehe;
\q1 vaho hanoa’ iareo ty hoe:
\q1 Andrianañahareko.
\c 3
\p
\v 1 Le hoe t’\nd Iehovà\nd* amako; Akia irehe: Ikokò ty rakemba ikokoan-tsakeza’e, ie toe karapilo, manahake ty fikokoa’ \nd Iehovà\nd* o ana’ Israeleo, ie mitolik’ aman-drahare ila’e vaho mpitea mofom-balòboke. 
\v 2 Aa le viniliko ho ahiko re ami’ty volafoty folo-lim’amby naho ampemba omere raike naho tampa’e; 
\v 3 le hoe iraho ama’e, Himoneñe amako andro maro irehe; fa tsy hihisa ankarapiloañe ka, naho tsy hiharo amy t’indaty ila’e; le hoe izay ka izaho ama’o. 
\v 4 Amy te himoneñe andro maro tsy amam-panjàka tsy aman-Talè, tsy aman-tsòroñe, tsy aman-tsamposampo, tsy aman’efode\f + \fr 3:4 \fr*\ft Efode: hareañe\ft*\f* vaho tsy aman-terafeme\f + \fr 3:4 \fr*\ft Terafime: sare fihalaliañe\ft*\f* o nte-Israeleo. 
\v 5 Ie modo izay, le himpoly o ana’ Israeleo, hipay \nd Iehovà\nd* Andrianañahare’ iareo, naho i Davide mpanjaka’ iareo; vaho hañeveñe am’ \nd Iehovà\nd* naho i fatariha’ey amo andro sehanga’eo.
\c 4
\q1
\v 1 Janjiño ty tsara’\nd Iehovà\nd*: ry ana’ Israeleo;
\q1 amy te atreatré’ \nd Iehovà\nd* o mpimoneñe an-tane atoio.
\q1 Fa tsy aman-katò,
\q1 tsy mitretrè, tsy mahafohiñe
\q1 an’ Andrianañahare ty an-tane ao.
\q1
\v 2 Te mone fàtse, naho lañitse,
\q1 naho hohodan-doza,
\q1 naho kametse,
\q1 vaho hakarapiloañe ty itoloña’ iareo,
\q1 le mifanoitoy ami’ty lio ty lio.
\q1
\v 3 Aa le handala ty tane, naho
\q1 fonga hinìke ze mpimoneñe ao,
\q1 naho o bibin-kivokeo
\q1 naho o voron-dikerañeo;
\q1 vaho hasese añe ka o fian-driakeo.
\q1
\v 4 Asoao tsy ho liereñe
\q1 tsy ho endakendaheñe,
\q1 fa manahake ty mpifandietse
\q1 ami’ty mpisoroñe ondatikoo.
\q1
\v 5 Aa le hikorovoke antoandro irehe,
\q1 le hindre hihotrak’ ama’o ty mpitoky
\q1 naho haleñe, vaho havetrako ty rene’o.
\q1
\v 6 Rotsake ondatikoo fa po-hilala,
\q1 aa kanao narinjèñe’o ty hihitse
\q1 le hariako amo fisoroñañeo irehe;
\q1 kanao nandikofa’o
\q1 o Tsaran’Añahare’oo,
\q1 le ho haliñoko ka o ana’oo.
\q1
\v 7 Ie nampitoaboreñe iereo
\q1 àntsake t’ie nandilatse amako;
\q1 aa le hafoteko ho fisalarañe ty asi’ iareo.
\q1
\v 8 Fihinana’ iareo o engan-kakeo’ ondatikoo,
\q1 vontitire’ iereo an-tro’e ao o tahi’ iareoo.
\q1
\v 9 Le zao ty ho ie te
\q1 hiray ami’ty ondaty ty mpisoroñe;
\q1 sindre ho liloveko ty amo sata’eo,
\q1 vaho hondroheko ty amo fitoloña’eo.
\q1
\v 10 Hikama iereo fe tsy ho anjañe;
\q1 hanao hakarapiloañe fe tsy hitombo,
\q1 amy te napo’ iereo ty hañaoñe
\q1 am’ \nd Iehovà\nd*
\q1
\v 11 Mitavañe arofo ty hakarapiloañe,
\q1 naho ty divay, vaho i divay vaoy.
\q1
\v 12 Mihalaly hevetse am-poto-katae’eo ondatikoo,
\q1 vaho manoiñe ty kobai’ iareo;
\q1 fa nampandilatse iareo
\q1 ty fañahin-kakarapiloañe,
\q1 vaho nifarie’iereo t’i Andrianañahare’iareo.
\q1
\v 13 Mañenga soroñe am-bohitse ey iereo
\q1 naho mañembok’ an-kaboañe ey,
\q1 ambane’ o kileo naho o talìo,
\q1 vaho o mendoraveñeo,
\q1 o mañaloke soao;
\q1 aa le handrato o anak’ ampela’ areoo,
\q1 vaho hanao hakarapiloañe
\q1 o ana-drahavavem-bali’ areoo.
\q1
\v 14 Tsy ho tiliheko o anak’ampela’ areoo
\q1 t’ie manao hakarapiloañe,
\q1 naho o ana-drahavavem-bali’ areoo, t’ie mandranto
\q1 fa mitrao-pañenga amo tsimirirañeo iereo, vaho miharo soroñe amo kalalijakeo;
\q1 toe hihotrake ondaty tsy aman-kilalao.
\q1
\v 15 Aa ndra te manao hakarapiloan-drehe Israele, ko ampandilare’o t’Iehodà;
\q1 ko migodañe mb’e Gilgale, naho
\q1 ko mionjomb’e Bet’avène\f + \fr 4:15 \fr*\ft Bet’avene: trañon-kakoahañe\ft*\f* mb’eo,
\q1 vaho ko mifanta ty hoe
\q1 Kanao veloñe t’\nd Iehovà\nd*.
\q1
\v 16 Fa midisa-voly manahake
\q1 ty fidisa-volin-kiloa t’Israele;
\q1 aa vaho ho fahana’ \nd Iehovà\nd*
\q1 hoe añondri-lahy midada iereo?
\q1
\v 17 Kanao mitolon-tsamposampo
\q1 t’i Efraime\f + \fr 4:17 \fr*\ft Efraime: mahavokatse; mitombo\ft*\f*; adono ey.
\q1
\v 18 Fa maseñe ty divai’ iareo;
\q1 ie mitoloñe hakarapiloañe avao;
\q1 tea’ o mpifehe’oo ty haloloañe
\q1 te ami’ty engeñe.
\q1
\v 19 Fa kinolopo’ i tiokey añ’ela’e ao iereo
\q1 le ho salatse ty amo fisoroña’ iareoo
\c 5
\q1
\v 1 Inao, ry mpisoroñeo,
\q1 mitsendreña ry anjomba’ Israeleo,
\q1 manokilaña ravembia ry anjomba’
\q1 i mpanjakay, fa ama’ areo i zakay;
\q1 amy t’ie fandrik’ amy Mitspà\f + \fr 5:1 \fr*\ft Mitspa: fitilik’abo; anjoanjo\ft*\f*
\q1 naho harato nalafike ho amy Tabore\f + \fr 5:1 \fr*\ft Tabore: talango’e; hiringiry;\ft*\f*;
\q1
\v 2 vaho mpiola miheotse t’ie mandenta
\q1 ndra te nendahako.
\q1
\v 3 Fàntako t’i Efraime naho
\q1 tsy mietak’ amako t’Israele;
\q1 fa manao hakarapiloan-drehe Efraime,
\q1 vaho maleotse t’Israele.
\q1
\v 4 Tsy ho safirie’ iareo ty himpoly aman’Añahare’ iareo;
\q1 fa añivo’ iareo ao ty fañahin-kakarapiloañe,
\q1 vaho tsy fohi’ iereo t’\nd Iehovà\nd*.
\q1
\v 5 Mitalily an-dahara’e
\q1 ty fiebotsebora’ Israele;
\q1 toly ndra hitsikapy an-kakèo
\q1 t’Israele naho i Efraime;
\q1 hiharo hihotrak’ am’ iereo ka t’Iehodà.
\q1
\v 6 Hendese’ iereo ty lia-rai’ iareo
\q1 naho o mpirai-tro’ iareoo
\q1 ho paia’ iereo t’\nd Iehovà\nd*,
\q1 fe tsy ho oniñe, fa nisitake.
\q1
\v 7 Fa niola am’ \nd Iehovà\nd* iereo,
\q1 naho nahatoly anak’amontoñe;
\q1 aa le habotse’ ty pea-bolañe
\q1 reke-panañañe.
\q1
\v 8 Tiofo e Gibà\f + \fr 5:8 \fr*\ft Gibà; haboañe\ft*\f* i antsivay
\q1 naho e Ramà\f + \fr 5:8 \fr*\ft Ramà: ambone, miereñereñe\ft*\f* i soliy;
\q1 koiho e Bet’avene ty hankàñe:
\q1 mitoliha ry Beniamine\f + \fr 5:8 \fr*\ft Beniamine: am-pitan-kavana\ft*\f*.
\q1
\v 9 Ho koaheñe t’i Efraime
\q1 amy andro fandilovañey;
\q1 fa nampahafohineko o fifokoa’
\q1 Israeleo ze toe hifetsake.
\q1
\v 10 Manahake ty mpameve vorovoro
\q1 o roandria’ Iehodào;
\q1 hadoandoako am’ iereo hoe rano
\q1 ty habosehako.
\q1
\v 11 Forekekèñe t’i Efraime demok’ an-jaka;
\q1 ie nañorike haloloañe an-tsatri’e.
\q1
\v 12 Aa le ho bararaok’ amy Efraime iraho,
\q1 naho haloloañe amy anjomba’ Iehodày.
\q1
\v 13 Ie nahaoniñe i arete’ey t’i Efraime,
\q1 naho i fere’ey t’Iehodà,
\q1 le nihitrike mb’ Asorey mb’eo,
\q1 naho nisangitrife’e i mpanjaka Iaribey\f + \fr 5:13 \fr*\ft Iaribe: mpamale fate\ft*\f*;
\q1 f’ie tsy hahajangañ’ azo,
\q1 vaho tsy ho melañe’e i fere’oy.
\q1
\v 14 Ho liona amy Efraime iraho,
\q1 naho liona tora’e amy anjomba’ Iehodày;
\q1 Izaho le Izaho avao ty handrimitse
\q1 vaho hienga;
\q1 hinday iraho le ia ty haharombake.
\q1
\v 15 Homb’eo iraho himpoly
\q1 mb’añ’akibako añe,
\q1 ampara’ t’ie miantoke o hakeo’eo,
\q1 naho mipay ty tareheko;
\q1 ie am-poheke ro hitsoek’ahy.
\c 6
\q1
\v 1 Antao, himpoly am’ \nd Iehovà\nd* tika;
\q1 Ie ty nandrimitse,
\q1 naho ie ty hampijangañe antika,
\q1 Ie ty namofoke, naho ie ty hampidiañe antika.
\q1
\v 2 Afake roe andro le hampiveloma’e, amy andro fahateloy ro hampitroara’e, himoneñan-tika am-pivazohoa’e eo.
\q1
\v 3 Le hahafohiñe tika,
\q1 naho himane hahafohiñe \nd Iehovà\nd*;
\q1 Mionjoñe re manahake ty manjirik’àndro;
\q1 le hivotrak’ amantika
\q1 manahake o orañeo,
\q1 i oram-pigadoñañey,
\q1 naho i orañe aolo an-tane atoiy.
\q1
\v 4 Ry Efraime, ino ty hanoako ama’o?
\q1 Ry Iehodà, ino ty hanoako azo?
\q1 Hoe mika ty hasoa’o;
\q1 mimeatse añe te maraindray
\q1 manahake o misafononokeo.
\q1
\v 5 Aa le nihatsafeko amo mpitokio,
\q1 nizamaneko am-pivolam-bavako;
\q1 hoe fipelaran-kelatse ty fizakañ’ azo.
\q1
\v 6 Toe fiferenaiñañe ty paiako,
\q1 fa tsy soroñe;
\q1 naho ty fahafohinañe an’Andrianañahare
\q1 te amo engan-koroañeo.
\q1
\v 7 Fe manahake i Dame
\q1 t’ie nivalike amy fañinay;
\q1 izay ty niolà’ iareo amako.
\q1
\v 8 Rova’ o mpikitro-draha ratio t’i Gilade\f + \fr 6:8 \fr*\ft Gilade: fitoaboran-talily (sisie)\ft*\f*,
\q1 tsitsike lian-dio.
\q1
\v 9 Hoe firimbo-malaso mivoñoñe ondaty,
\q1 ty fañohofa’ i fivorim-pisoroñey
\q1 loza an-tevan-dala’ i Sekème\f + \fr 6:9 \fr*\ft Sekeme: tevan-kaboa, hatoke; anjara\ft*\f* eo;
\q1 toe haloloañe ty anoe’ iereo;
\q1
\v 10 Naharendreke haleorañe añ’anjomba’
\q1 Israele ao iraho;
\q1 zoeñe e Efraime ao ty hatsimirirañe,
\q1 naho naniva vatañe t’Israele.
\q1
\v 11 F’ie nifotoañeko san-kavokaran-
\q1 drehe r’Iehodà,
\q1 ie hampoliko ty fandrohizañe ondatikoo.
\c 7
\q1
\v 1 Ie ho nanàha Israele iraho,
\q1 le niafa-takoñe ty hakeo’ i Efraime,
\q1 naho ty halò-tsere’ i Somerone\f + \fr 7:1 \fr*\ft Somerone: vohi-fitalakesañe\ft*\f*;
\q1 fa nitolom-pamañahiañe;
\q1 mimoak’ ao ty mpikizo
\q1 vaho mitavañe alafe eo
\q1 ty malaso mpifañosoñe.
\q1
\v 2 Toe tsy tsakoré’ iareo añ’arofo ao
\q1 te hene tiahiko ty halò-tsere’ iareo;
\q1 miarikoboñe iareo ty sata’ iareo,
\q1 aolo’ ty tareheko eo.
\q1
\v 3 Ampifalea’ iareo i mpanjakay
\q1 amo sata-rati’ iareoo,
\q1 naho o roandriañeo amo fandañira’eo.
\q1
\v 4 Fonga mpañarapilo
\q1 manahake ty toñake finana’ i mpanoñakey
\q1 ie tsy nasoro’e sikal’ami’ty fibokobokoan-kòba ampara’ ty fiboenara’e.
\q1
\v 5 Tañ’ andro’ i mpanjakan-tikañey,
\q1 nisilofe’ ty hamaen-divay o roandriañeo,
\q1 ie nañoho-pitañe amo mpandrabioñeo.
\q1
\v 6 Fa hinalankañe hoe toñake
\q1 ty arofo’ iareo,
\q1 ie mirekak’ avao te haleñe ie mirotse avao i mpanoñakey;
\q1 le ie maraindray, miforehetse
\q1 hoe afo milebaleba.
\q1
\v 7 Manao hamaen-toñake iaby,
\q1 fa finorototo’ iareo o mpizaka’eo;
\q1 le fonga nihotrake o mpanjaka’eo;
\q1 leo raike tsy mikanjy ahy.
\q1
\v 8 Efraime: mpitraok’ amo ambahinio,
\q1 hoe mokary tsy navalike t’i Efraime.
\q1
\v 9 Nabotse’ o ambahinio ty haozara’e,
\q1 fe amoea’e;
\q1 eka etia naho atia ama’e ty maròy foty,
\q1 fe tsy rendre’e.
\q1
\v 10 Mitalily an-dahara’e ty fisengea’ Israele,
\q1 fe mboe tsy nimpoly am’ \nd Iehovà\nd*
\q1 Andrianañahare’e,
\q1 vaho mb’e mboe tsy mipay Aze iereo
\q1 amy hoe zay iaby.
\q1
\v 11 Manahake deho minè t’i Efraime,
\q1 tsy mahafohiñe;
\q1 koihe’ iereo ty Mitsraime
\q1 vaho mionjomb’e Asore mb’eo.
\q1
\v 12 Handafihako harato iereo te mañavelo;
\q1 ho tariheko mañambane
\q1 manahake o voron-dikerañeo;
\q1 ho liloveko iereo amy
\q1 nitalilieñe amy fivori’ iareoy.
\q1
\v 13 Hankàñe ama’e! fa nandripàke amako;
\q1 firotsahañe am’ iereo fa niola amako!
\q1 Ho nijebañeko
\q1 f’ie nifosa vande.
\q1
\v 14 Mboe tsy nitoreo amako
\q1 boak’añ’arofo iereo,
\q1 ndra t’ie mangolalaik’ am-pandreañ’ao;
\q1 nifanontoñe ty amy ampembay
\q1 naho i divay vaoy,
\q1 fe iambohoa’ iareo iraho.
\q1
\v 15 Ndra t’ie naòko, naho
\q1 nampifatrareko o sira’ iareoo,
\q1 mbe ikinia’ iareo haratiañe avao.
\q1
\v 16 Nibalike iereo, fe tsy mañambone
\q1 hoe fale am-pañahy;
\q1 ho tsingoroem-pibara o roandria’eo
\q1 ami’ty firengevoham-pamele’ iareo,
\q1 izay ty ho fandrambioñañe
\q1 iareo an-tane Mitsraime añe.
\c 8
\q1
\v 1 Ano am-palie’o eo i antsivay,
\q1 hihelañe mb’añ’anjomba’ \nd Iehovà\nd*
\q1 mb’eo re hoe vantio,
\q1 amy t’ie nivalik’ amy fañinakoy
\q1 vaho niola amo Fanoroakoo.
\q1
\v 2 Hitoreo amako hao t’Israele:
\q1 Ry Andrianañahare,
\q1 fa nahafohiñ’Azo zahay.
\q1
\v 3 Fa nahifi’ Israele añe ty soa;
\q1 horidañe’ o rafelahio iereo.
\q1
\v 4 Nampijadoñe mpifeleke iereo,
\q1 fe tsy boak’ amako;
\q1 manam-pifehe, fe nofiko;
\q1 nanoe’ iereo ndrahare avao o volafoty naho volamena’ iareoo, soa te haitoañe.
\q1
\v 5 I bania’oy ry Somerone, ty nañitoañ’ azo;
\q1 misolebotse ama’o ty habosehako;
\q1 ampara’ te ombia t’ie hahatakatse
\q1 lio-hakeo?
\q1
\v 6 F’ie boak’ am’ Israele;
\q1 rinanjim-pitoroñe;
\q1 toe tsy Andrianañahare;
\q1 le ho demoheñe i bania’ i Somerone rey.
\q1
\v 7 Nitongy i tiokey iereo,
\q1 vaho ho tatahe’ iereo ty tangololahy;
\q1 tsy hanam-bokatse iereo;
\q1 tsy hiborake ty taho’e
\q1 fe ndra t’ie hamokatse,
\q1 habotse’ ty ambahiny.
\q1
\v 8 Fa nagodrañe t’Israele;
\q1 le hoe fanake tsy vara
\q1 amo kilakila’ ondatio,
\q1
\v 9 amy te nionjomb’Asore mb’eo,
\q1 i borìke lý mirerererey;
\q1 manambe sakeza t’i Efraime.
\q1
\v 10 Aa ndra t’ie nandeta-­vatañe amo fifeheañeo, hatontoko henaneo,
\q1 ie fa ninìke ty amy nampijiniam-panjaka
\q1 naho o roandriañeo.
\q1
\v 11 Nampitombo kitrely handilara’e
\q1 t’i Efraime; hakeo ama’e i kitrely rey.
\q1
\v 12 Sinokiko ama’e ty raha maro amy
\q1 Fanoroakoy
\q1 fe natao’e ho raha ankafaankafa.
\q1
\v 13 Banabanae’ iereo soron-draho,
\q1 isoroña’ iareo hena naho kamae’e;
\q1 fe tsy no’ \nd Iehovà\nd*;
\q1 ho tiahi’e o tahi’ iareoo,
\q1 vaho ho vale’e o hakeo’ iareoo;
\q1 himpoly mb’e Mitsraime mb’eo iereo.
\q1
\v 14 Amy te nandikofa’Israele i Mpitsene azey, vaho nandranjy anjomba bey;
\q1 fa nampitombo kijoly t’Iakobe\f + \fr 8:14 \fr*\ft Iakobe: tomitse; misolo am-pitake\ft*\f*;
\q1 aa le hañirahako afo o rova’eo,
\q1 fonga habotse’e o anjomba’eo.
\c 9
\q1
\v 1 Ko mirebeke ry Israele,
\q1 ko miriñariña an-kobaiñe
\q1 manahake ondatio;
\q1 nisitak’ aman’Añahare’o irehe,
\q1 nitea’o ty tamben-karapilo
\q1 an-toe-panongàñe eo.
\q1
\v 2 Tsy hahaeneñe iareo o toe-
\q1 pamofoha’eo naho o fipiritan-divaio,
\q1 vaho hifotetse ama’e ty divay vao.
\q1
\v 3 Tsy ho tambatse an-tane’ \nd Iehovà\nd* ao;
\q1 fa hibalike mb’e Mitsraime mb’eo
\q1 t’i Efraime,
\q1 naho hilintseñe hàneñe tsy malio
\q1 e Asore añe.
\q1
\v 4 Ie tsy mañilin-divay am’ \nd Iehovà\nd*,
\q1 naho tsy ho no’e ka o fisoroña’ iereoo,
\q1 fa hoe mofom-pandala,
\q1 fonga tiva ze mikama ama’e:
\q1 a’ iareo avao izay,
\q1 fe tsy mete mimoak’ amy anjomba’
\q1 \nd Iehovà\nd*y ao ty mahakama’ iareo
\q1 ty amo arofo’ iareoo.
\q1
\v 5 Ino ty hanoe’ areo amo
\q1 sabadidam-pitontonañeo?
\q1 naho amo andro namantaña’ \nd Iehovà\nd*o?
\q1
\v 6 Ingo te nisitaha’ iereo ty fandrotsahañe;
\q1 fe hatonto’ i Mitsraime, haleve’ i Mofe\f + \fr 9:6 \fr*\ft Mofe: akiba o vañoñeo\ft*\f*
\q1 ho lovae’ o hisatseo ze nisoa amo
\q1 volafoti’ iareoo;
\q1 fatike ty hitiry amo kivoho’ iareoo.
\q1
\v 7 Fa tondroke o androm-pitilihañeo
\q1 fa pok’eo o androm-pamaleañeo;
\q1 hapota’ Israele izay;
\q1 dagola ty mpitoky,
\q1 minè t’indaty entoen-troke,
\q1 ty amy fitoabora’ o hakeo’oo,
\q1 bey ty falaiñañe azo.
\q1
\v 8 Mpijilojilon’ Añahareko t’i Efraime
\q1 fe fandri-bom-pitsindroke
\q1 o sata’ i mpitokiy iabio, toe falaiñañe añ’anjomban’Añahare’e ao.
\q1
\v 9 Fa pok’ an-dalek’ ao iereo,
\q1 naniva vatañe manahake
\q1 tañ’andro’ i Gibà;
\q1 toly ndra ho tiahi’e o hakeo’eo
\q1 vaho ho tilihe’e o tahi’eo.
\q1
\v 10 Tendrek’ ahy hoe valòboke
\q1 an-dratraratra añe t’Israele;
\q1 nitreako o rae’eo hoe loham-boan-tsakoa amy fifotora’ey;
\q1 fe nimoake e Baal-peore\f + \fr 9:10 \fr*\ft Baal-Peore: Talen-kirike, Andrian-davake\ft*\f*
\q1 ie nitokañe ho amity raha mahameñatse,
\q1 vaho naniva vatañe
\q1 mira amo raha kokoa’ iareoo.
\q1
\v 11 I Efraime: hitiliñe añe hoe voroñe
\q1 ty enge’ iareo,
\q1 ho po-pisamahañe,
\q1 naho hakoahañe an-koviñe ao
\q1 vaho tsy am-piareñañe.
\q1
\v 12 Ndra t’ie mañabey anake, hampandalàko,
\q1 tsy hahatoly lahilahy raike;
\q1 Eka! hankàñe am’iereo ka te isitahako.
\q1
\v 13 I Efraime, manahake ty nahatreavako
\q1 i Tsore, ie tinongy an-tane fanjàka;
\q1 fe hakare’ i Efraime ho amy
\q1 mpanjamañey o ana-dahi’eo.
\q1
\v 14 Atoloro iareo, ry \nd Iehovà\nd*
\q1 ze satri’o hatolotse:
\q1 toloro hòviñe mampiboloañe
\q1 naho fatroa kapaike.
\q1
\v 15 E Gilgale iaby o hakeo’eo,
\q1 tañe ty namotorako falaiñañe am’ iareo,
\q1 ami’ty halò-tsere’ o sata’eo ty
\q1 handroahako iareo amy anjombakoy,
\q1 tsy hikokoako ka;
\q1 fonga mpiola o roandria’eo.
\q1
\v 16 Linafa t’i Efraime, maike o vaha’eo,
\q1 tsy hamokatse voa ka iereo;
\q1 aa ndra t’ie mahatoly,
\q1 haitoako ty sabon-koviñe noro’ iareo.
\q1
\v 17 Hahifin’Añahare añe iereo,
\q1 ami’ty tsy fañaoña’ iareo Aze;
\q1 vaho ho mpirererere amo
\q1 kilakila’ondatio añe\f + \fr 9:17 \fr*\ft Its 28:36\ft*\f*.
\c 10
\q1
\v 1 Vahe nandrevake t’Israele,
\q1 niregorego o voa’eo,
\q1 ie nitombo o famokara’eo,
\q1 le nampitomboe’e ka o kitreli’eo;
\q1 mira ami’ty havokara’ i tane’ey
\q1 ty nampisomontie’e o samposampo’eo.
\q1
\v 2 Fa mizara ty arofo’ iareo;
\q1 fa hivave hakeo iereo;
\q1 ho hatsafe’e o kitreli’ iareoo,
\q1 ho rotsahe’e o samposampo’eo.
\q1
\v 3 Hanao ty hoe iereo te aniany,
\q1 Tsy amam-panjàka zahay,
\q1 ami’ty tsy fañeveña’ay am’ \nd Iehovà\nd*;
\q1 fa ho nanao inoñe ho antika
\q1 ty mpanjaka?
\q1
\v 4 Mivolambolañe avao iereo,
\q1 manao fanta vìlañe naho mifañìna;
\q1 aa le hitiry hoe lombiry
\q1 am-bavahalin-tete’ iareo ty zaka.
\q1
\v 5 Mihondrahondra o mpimone’
\q1 i Someroneo ty amo bania’ i Bet’aveneo;
\q1 handala i baniay ondatio,
\q1 naho o mpisoroñe
\q1 nañonjoñe azeo, ty amy enge’ey,
\q1 fa niakatse añe izay.
\q1
\v 6 Ie hasese mb’e Asore añe
\q1 ho ravoravo am’ Iarebe mpanjaka;
\q1 ho salareñe t’i Efraime,
\q1 vaho ho meñatse t’Israele
\q1 ty amo fañòha’eo.
\q1
\v 7 I Somerone: fa naitoañe i mpanjaka’ey,
\q1 manahake ty vore
\q1 mihafoñ’ ambone rano eo.
\q1
\v 8 Ho rotsaheñe o kitreli’ i Aveneo,
\q1 ty hakeo’ Israele;
\q1 hitiry amo kitreli’e iabio ty fatike
\q1 naho ty hisatse,
\q1 le hanoeñe ty hoe o vohitseo,
\q1 Lembefo zahay;
\q1 naho o haboañeo,
\q1 Mitraboha ama’ay.
\q1
\v 9 Ry Israele, fa nandilatse
\q1 hirik’añ’andro’ i Gibà irehe;
\q1 nijihetse ey avao iereo;
\q1 Tsy nahafivohotse ondaty mirengevoke e Gibà ao i hotakotakey.
\q1
\v 10 Ho liloveko an-tsatriko;
\q1 vaho hifanontoñe haname iareo
\q1 o kilakila’ ondatio,
\q1 le ho rohizeñe ty amy
\q1 hakeo roe zay iereo.
\q1
\v 11 Kiloa finolake t’i Efraime,
\q1 tea’e ty mandisañe;
\q1 le nampiariako ambone’ i hàto’e fanjàkay
\q1 ty ana-joka, hitariha’ i Efraime,
\q1 hitan-dasarý t’Iehodà, vaho
\q1 ho bonabonahe’ Iakobe o boko’eo.
\q1
\v 12 Mitongisa havantañañe,
\q1 mitataha fiferenaiñañe;
\q1 bonabonaho o moka’ areoo;
\q1 fa tondroke ty fipaiañe \nd Iehovà\nd*,
\q1 ampara’ t’ie totsake eo
\q1 hampidoañe havañonañe ama’ areo.
\q1
\v 13 Navae’ areo ty halò-tsereke,
\q1 nitatahe’ areo ty hakeo,
\q1 ho kamae’ areo ty vokam-pandañirañe,
\q1 amy te niatoa’o o sata’oo,
\q1 naho ty hatsifotofoto’ o fanalolahi’oo.
\q1
\v 14 Aa le hitroatse añivo’ ondati’oo
\q1 ty fifandragaragàñe;
\q1 fonga ho rotsake o rova fatratseo,
\q1 manahake ty nandrotsaha’
\q1 i Salmane\f + \fr 10:14 \fr*\ft Salmane: mampilongo; fonitse; tambe\ft*\f* i Bet’arbele\f + \fr 10:14 \fr*\ft Bet’arbele: Filonadonan’Andrianañahare\ft*\f*,
\q1 tañ’andro’ i hotakotakey;
\q1 dinemoke rekets’ an-drene’e o ana’eo.
\q1
\v 15 Hambañe amy zay ty hanoa’ i Betele o halò-tsere’ areoo;
\q1 ho vata’e aitoañe ty mpanjaka’ Israele
\q1 te maraindray.
\c 11
\q1
\v 1 Ie mbe ni-ajaja t’Israele, le nikokoako vaho tinokako hiakats’ i Mitsraime i ana-dahikoy.
\q1
\v 2 Ie nikanjieko iereo
\q1 àntsake te nihànkañe,
\q1 nisoroñe amo Baaleo, vaho
\q1 nañembok’ amo samposampoo.
\q1
\v 3 Izaho ty nañoke i Efraime hitekeñe,
\q1 rinambeko an-tañañe,
\q1 fe tsy napota’iereo te
\q1 izaho ty nampijangañe.
\q1
\v 4 Tinariko an-tali’ondaty,
\q1 am-bahem-pikokoañe,
\q1 le nanahake ty mpañaka-joka
\q1 an-kàto’ iareo raho
\q1 vaho finahako mora.
\q1
\v 5 Apoho himpoly mb’an-tane Mitsraime re,
\q1 naho ho mpanjaka’e t’i Asore,
\q1 amy t’ie mifoneñe tsy himpoly amako.
\q1
\v 6 Hininininike amo rova’eo i fibaray,
\q1 handrotsake ty sakan-dala’e,
\q1 naho hampibotseke, ty amy fikililia’iareo.
\q1
\v 7 Imanea’ ondatikoo ty hiola amako,
\q1 ndra t’ie mikaike mb’ añ’Abo-Tia,
\q1 leo raike tsy mañonjoñ’ Aze.
\q1
\v 8 Akore ty hampipohako azo, ry Efraime?
\q1 Akore ty hanolorako azo, ry Israele?
\q1 Akore te hampanahafeko
\q1 amy Admà\f + \fr 11:8 \fr*\ft Admà: hamenañe; hoe lio\ft*\f* ?
\q1 ndra t’ie hanoeñe hoe Tsibiìme\f + \fr 11:8 \fr*\ft Tsibiìme: biby lý hoe añondry\ft*\f*?
\q1 mikoretse ty an-troko ao,
\q1 naho hene niviañeñe o fiferenaiñakoo.
\q1
\v 9 Tsy hafetsako ty hasiahan-kaviñerako,
\q1 tsy hibalike mb’amy Efraime handrotsake;
\q1 amy te Andrianañahare iraho,
\q1 fa tsy ondaty;
\q1 t’i Masiñe añivo’ areo ao;
\q1 tsy ho pok’eo an-kabosehañe iraho.
\q1
\v 10 Hañavelo am-pañorihañe \nd Iehovà\nd* iereo;
\q1 hitroñe manahake o lionao re;
\q1 aa ie mitromoroñe,
\q1 le hititititike boak’ ahandrefañ’añe
\q1 ty ana’dahy maro.
\q1
\v 11 Hanahake o voroñeo
\q1 ty hiborofota’ iareo
\q1 boake Mitsraime añe,
\q1 naho hoe deho hirik’ an-tane Asore añe;
\q1 ie hapoko añ’anjomba’ iareo ao,
\q1 hoe t’\nd Iehovà\nd*.
\q1
\v 12 Mañarikatoke ahy an-dañitse
\q1 t’i Efraime, naho am-pamañahiañe
\q1 ty anjomba’ Israele;
\q1 Fa mbe mifehe aman’Añahare t’Iehoda,
\q1 naho migahiñe amo raha miavakeo.
\c 12
\q1
\v 1 Mandrazan-tioke t’i Efraime,
\q1 mañeañe tiok’atiñanañe;
\q1 ampitoabore’e vande naho joy
\q1 lomoñandro,
\q1 mbore milahatse amy Asore,
\q1 mbore mañondrañe menake amy Mitsraime.
\q1
\v 2 Manan-kabò am’ Iehodà ka t’\nd Iehovà\nd*,
\q1 o sata’eo ro hitiliha’ Iakobe;
\q1 o fitoloña’eo ro hañondroha’e aze.
\q1
\v 3 Rinambe’e an-tomi’e an-koviñe ao
\q1 i zoke’ey,
\q1 le nifanehak’ aman’ Añahare an-kaozara’e;
\q1
\v 4 Eka nigore’e i anjeliy vaho nahatañe\f + \fr 12:5 \fr*\ft Fot 32:28\ft*\f*;
\q1 nirovetse re naho nitoreova’e;
\q1 i nioni’e e Betele\f + \fr 12:5 \fr*\ft Betele: Anjomban’Añahare\ft*\f* añey,
\q1 le ao ty nitsara’e aman-tika.
\q1
\v 5 Eka, \nd Iehovà\nd*, Andrianañahare’ i màroy; \nd Iehovà\nd* ty tahina’e.
\q1
\v 6 Aa le mimpolia mb’aman’Añahare’o;
\q1 tambozoro ty fatarihañe naho ty hatò,
\q1 vaho itamao nainai’e t’i Andrianañahare’o.
\q1
\v 7 I mpampibalibalikey,
\q1 balantsim-­pamañahiañe ty am-pità’e ao; tea’e ty mikatramo.
\q1
\v 8 Hoe t’i Efraime,
\q1 Toe fa mpañaleale iraho,
\q1 nahatrea vara maro;
\q1 tsy eo ty haharendreke tahiñe amako,
\q1 ndra hakeo amo fitoloñakoo.
\q1
\v 9 Izaho \nd Iehovà\nd* Andrianañahare’o
\q1 boak’ an-tane’ i Mitsraime añe;
\q1 mbe hampimoneñeko an-kibohotse irehe
\q1 manahak’ amo andro namantañañeo.
\q1
\v 10 Nisaontsieko o mpitokio,
\q1 nampitomboeko aroñaroñe,
\q1 vaho nandrazañe am-pitàm-pitoky.
\q1
\v 11 Aman-tahiñe hao t’i Gilade?
\q1 toe hakoahañe,
\q1 ie nañenga bania e Gilgale ao;
\q1 eka, votrim-bato
\q1 am-bavahali’ o hatsakeo o kitreli’eo.
\q1
\v 12 F’ie nilay mb’an-tete’ i Arame\f + \fr 12:13 \fr*\ft Arame: haabo; soa; mpamañahy; fatse\ft*\f* añe t’Iakobe,
\q1 nitoroñe ho a i tañamjomba’ey,
\q1 eka nimpiarake ty amy vali’ey.
\q1
\v 13 Mpitoky ty nañendesa’ \nd Iehovà\nd* t’Israele boake Mitsraime ao,
\q1 vaho mpitoky ty nañarovañ’ aze; 
\v 14 nikai-jaka añ’afero t’i Efraime;
\q1 aa le hapoke ama’e ty lio’e;
\q1 vaho hondrohe’ i Talè’e ama’e ty inje’e.
\c 13
\q1
\v 1 Ie nisaontsy ama-nevenevetse t’i Efraime
\q1 le nonjoneñe e Israele ao,
\q1 fe nizoeñe te aman-kakeo
\q1 ty amy Baale, vaho nihomake.
\q1
\v 2 Ie henanekeo, mitolom-pandilatse avao,
\q1 nampitranake saren-draha ami’ty volafoti’ iareoo, ty amo hilala’ iareo, toe samposampon-draha,
\q1 fitoloña’ ty kante;
\q1 anoa’iareo ty hoe: Angao horofa’
\q1 o mpanao soroñeo i bania rey.
\q1
\v 3 Aa le hanahake
\q1 ty zono maraindray iereo,
\q1 naho i mika am-pangoàñ’andro
\q1 mihelañey;
\q1 hambañe an-kàfo’e asiotsion-talìo boak’an-toe-pifofohañe eo,
\q1 vaho hatoeñe boak’an-toñak’ ao.
\q1
\v 4 Fa izaho \nd Iehovà\nd* Andrianañahare’o
\q1 boak’ an-tane’ i Mitsraime añe;
\q1 aa le tsy hahafohin-drahare ila’e nahareo naho tsy Izaho;
\q1 fa tsy eo ty mpandrombake
\q1 naho tsy Izaho avao.
\q1
\v 5 Napotako an-dratraratra añe irehe,
\q1 an-tane kankañe añe.
\q1
\v 6 Ie nifahanañe le niboboke, toe nianjañe, le nikavokavok’ an-troke,
\q1 izay ty nandikofa’ iareo ahy.
\q1
\v 7 Aa le liona am’ iereo iraho henaneo,
\q1 hanampohako hoe farasy añ’olon-dalañeo.
\q1
\v 8 Hipoke am’iereo iraho hoe dòbe mandala
\q1 handrimitse ty saron’arofo’ iareo;
\q1 vaho habotseko hoe liona;
\q1 ho rimiteko hoe biby hako.
\q1
\v 9 Ry Israele, mampianto vatan-drehe,
\q1 fa amako ty fañolorañ’azo.
\q1
\v 10 Aia ty mpanjaka’o
\q1 handrombak’ azo an-drova’o iaby?
\q1 Naho o mpizaka’oo nanoe’o ty hoe :
\q1 Añomezo mpanjaka naho roandriañe?
\q1
\v 11 Tinoloko mpanjaka irehe ami’ty habosehako;
\q1 vaho nasintako ami’ty fifomboko.
\q1
\v 12 Mifamahotse ty tahi’ i Efraime,
\q1 mihaja ao o hakeo’eo.
\q1
\v 13 Hivotrak’ama’e
\q1 ty fitsongoan’ ampela;
\q1 ie ana-dahy tsy mahilala,
\q1 tsy ho nihenekenek’ ambavan-koviñe ao.
\q1
\v 14 Ho jebañeko ami’ty haozara’
\q1 i Tsikeokeokey hao?
\q1 ho vilieko aiñe amy Havilasiy?
\q1 O Havilasio, aia o angorosi’oo?
\q1 O Tsikeokeokeo,
\q1 aia o fandrotsaha’oo?\f + \fr 13:14 \fr*\ft Ko I 15:55\ft*\f*
\q1 Mietak’ amo masokoo ty tretre.
\q1
\v 15 Ndra te ie mibodobodo amo vindao,
\q1 ho avy ty tiok’atiñanañe;
\q1 hivovo boak’ am-patram-bey ao
\q1 ty tio’ \nd Iehovà\nd*,
\q1 le ho maike i rano’e manganahanay,
\q1 ho ritse i loha-rano’e nigoangoañey,
\q1 ho haofe’e ty an-driha’e ao
\q1 hañakatse ze hene vara’e sarotse.
\q1
\v 16 Ho vave’ i Somerone o tahi’eo,
\q1 amy t’ie niody aman’Añahare’e;
\q1 hampikorovohem-pibara;
\q1 ho demoheñe an-damilamy
\q1 o anak’ ajaja’ iareoo,
\q1 ho boraheñe an-drimitse
\q1 o rakemba mivesatseo.
\c 14
\q1
\v 1 Ry Israele, mimpolia mb’am’ \nd Iehovà\nd*
\q1 Andrianañahare’o;
\q1 fa nampihotrake azo o hakeo’oo.
\q1
\v 2 Andeso saontsy, le mibaliha mb’am’\nd Iehovà\nd*: ano ty hoe:
\q1 Fonga afaho o hakeoo, rambeso an-kasoa,
\q1 vaho hengae’ay ty banian-tsoñi’ay\f + \fr 14:3 \fr*\ft Heb 13:5\ft*\f*.
\q1
\v 3 Tsy haharombak’ anay t’i Asore;
\q1 izahay tsy hiningitse an-tsoavala,
\q1 le tsy hanao ty hoe amo sata-pità’aio:
\q1 Ry ndrahare’ay.
\q1 Fa ama’o ty hahaoniña’
\q1 ty bode-rae fiferenaiñañe.
\q1
\v 4 Ho jangañeko ty fidisa-voli’ iareo;
\q1 hikokoako an-tsatrin-tro,
\q1 fa mitolike ty habosehako.
\q1
\v 5 Hanahake ty zono am’ Israele iraho;
\q1 ie hidorenake hoe antake mandriake,
\q1 vaho hirifondrifoñe hoe Libanone.
\q1
\v 6 Handrevake o ra’eo,
\q1 naho hanahake ty andramahe ty enge’e,
\q1 vaho hoe Libanone ty harifondrifo’e.
\q1
\v 7 Himpoly iaby o mialok’ ama’eo;
\q1 ho tolorañ’ aiñe manahake i ampembay,
\q1 le hiraorao hoe vahe,
\q1 vaho handrifondrifoñe
\q1 hoe ty hamañiran-divai’ i Libanone.
\q1
\v 8 Le hanao ty hoe t’i Efraime:
\q1 Hanoeko inoñe ka o samposampoo?
\q1 Fa nitsanoñeko naho nijiloveko,
\q1 Manahake ty kile maindoñe ama’o iraho,
\q1 amako ty aharendreha’o voa.
\q1
\v 9 Ee te hahafohiñe o raha zao ty mahihitse,
\q1 naho haharendreke o mahilalao.
\q1 Amy te vantañe o lala’ \nd Iehovà\nd*o,
\q1 ie orihe’ o vañoñeo,
\q1 fe itsikapia’ o miolao.