\id HEB 
\ide UTF-8
\h Hebreo
\toc1 Hebreo
\toc2 Hebreo
\toc3 Heb
\mt1 Hebreo
\c 1
\s1 Ty Fandikoara’ i Norizañey o Mpitokio
\p
\v 1 Haehae izay, nitsara beteke naho an-tsata maro amo roaentikañeo añamo mpitokio t’i Andrianañahare, 
\v 2 le an-tsa honka’e zao ro nisaontsie’e aman-tika añamy Ana’ey, i tinendre’e handova ze he’ey, ie ty nanoa’e ty voatse toy\f + \fr 1:2 \fr*\ft Jao 1:3\ft*\f*; 
\v 3 Ie ty fireandrea’ i enge’ey naho ty vinta-to’ i fañòva’ey, mpanohañe ze he’e ami’ty haozara’ o tsara’eo, ie nañefetse o hakeon-tikañeo amy fañòva’ey vaho miambesatse am-pitàn-kavana\f + \fr 1:3 \fr*\ft Sab 110:1\ft*\f*’ i Andindimoneñe andikerañ’ añey.
\s1 Milikoatse o Irakeo i Anakey
\p
\v 4 Ie nampilikoareñe an-tiotio’ o anjelio, le nampandovaeñe tahinañe ra’elahy te am’ iareo. 
\v 5 Fa ia amo anjelio ty nisaontsia’e ndra mb’ia mb’ia ty hoe:
\q1 Anako irehe;
\q1 anindroany ty nisamahako Azo\f + \fr 1:5 \fr*\ft Sab 2:7\ft*\f*
\p naho ty hoe:
\q1 Ho Rae’e iraho, le ho Anako re\f + \fr 1:5 \fr*\ft Sa II 7:14; Oni Ko II: 17:13\ft*\f*?
\p
\v 6 Ie ninday ty tañoloñolòña’e ami’ty voatse toy, le hoe ty natovo’e:
\q1 Ee te hene hitalaho ama’e
\q1 o anjelin’ Añahareo.\f + \fr 1:6 \fr*\ft Sab 97:7\ft*\f*
\p
\v 7 Aa hoe ty nanoe’e o anjelio:
\q1 Anoe’e tioke o anjeli’eo, vaho lelan’ afo o mpitoro’eo.\f + \fr 1:7 \fr*\ft Sab 104:4\ft*\f*
\p
\v 8 Fe hoe re amy Anakey:
\q1 Nainai’e donia ry Andrianañahare ty fiambesa’o;
\q1 Naho kobain-kavantañañe
\q1 ty kobaim-pifehea’o.
\q1
\v 9 Fa nikokoa’o ty havantañañe
\q1 naho nalaiñe ty tsy fañambenan-Kake;
\q1 Aa le norizen’ Añahare,
\q1 Andrianañahare’o irehe
\q1 an-tavon-kaehake ambone’ o rañe’oo,\f + \fr 1:9 \fr*\ft Sab 45: 6,7\ft*\f*
\p
\v 10 naho :
\q1 Ihe ry \nd Talè\nd*, tam-pifotorañe añe ro nañoreñe o mananta’ ty tane toio naho satam-pità’o o likerañeo.
\q1
\v 11 Ho momoke iereo, fe nainai’e eo irehe;
\q1 fonga hihamodo hoe saroñe iereo;
\q1
\v 12 le hambañe ami’ty sarimbo
\q1 ty hañoronkoroña’o iareo,
\q1 eka, hoe sikiñe ty handimbezañe iareo.
\q1 F’ihe tsy mihotike,
\q1 naho tsy higadoñe o tao’oo.\f + \fr 1:12 \fr*\ft Sab 102: 25-27\ft*\f*
\p
\v 13 Le ia amo anjelio ndra mb’ia mb’ia ty nanoa’e ty hoe:
\q1 Mitoboha an-tañan-kavanako etoa
\q1 ampara’ te anoeko fitongoàm-pandia’oo rafelahi’oo.\f + \fr 1:13 \fr*\ft Sab 110: 1\ft*\f*?
\p
\v 14 Aa vaho tsy songa arofo mitoroñe hao iereo, nahitrike hitoroñe o handova fandrombahañeo?
\c 2
\s1 Hatahata Valoha’e: Mitaoa
\p
\v 1 Ie amy zay, tsy mahay tsy tomiren-tika am-pininihañe o jinanjin-tikañeo, tsy mone handifike. 
\v 2 Aa kanao niventeñe te soa oreñe i tsara nisaontsie’ anjeliy, naho fonga nandilovañe ami’ty evae’e o fiolàñe naho fanjeharañeo, 
\v 3 le aia ty hipolitiran-tika naho amoean-tikañe i rombake jabajaba zay? ie tam-pifotora’e añe ty namotora’ i \nd Talè\nd* fitaroñe, naho niventè’ o nahajanjiñeo; 
\v 4 mbore nitaroñen’ Añahare am-biloñe naho halatsàñe naho sata tsitantane ankafankafa, vaho amo falalàn’ Arofo Masiñeo an-satri’ey.
\s1 Onjoneñe am-Pirekeañe\f + \fr 2:5 \fr*\ft Sab 8:1-9\ft*\f*
\p
\v 5 Tsy o anjelio ty nampiambaneañe i voatse ho avy isaontsian-tikañey 
\v 6 fa teo ty nitsaraeñe ty hoe:
\q1 Ino ondatio, te ahoa’o, naho ty ana’ ondaty te tilihe’o?
\q1
\v 7 Nanoe’o ambanevanen’Añahare\f + \fr 2:7 \fr*\ft Sab 8:5 Gr: ambane’ o anjelio\ft*\f* heike, mbore sinabaka’o engeñe naho hasiñe
\q1 naho tinendre’o ambone’ o satam-pità’oo,
\q1
\v 8 vaho nampivohore’o
\q1 ambanem-pandia’e eo ze he’e.\f + \fr 2:8 \fr*\ft Sab 8:4-6\ft*\f*
\p Aa kanao kila nampiambaneañe ama’e, le tsy ao ty napo’e tsy hivohotse ama’e. F’ie henanekeo mbe tsy onin-tika te hene nampiambaneañe. 
\v 9 Fe fohin-tikañe i nanoeñe ambanevane’ o anjelio heikey, toe \nd Iesoà\nd*, ie nalovilovin-kavilasy ro sinabakan’ engeñe naho hasiñe, soa t’ie ami’ty fatarihan’ Añahare ro hitsope-kavilasy ho a ze he’e.
\p
\v 10 Amy t’ie nañeva, le nanoañe ze he’e, naho toe ie ty talim-pisia’ ze haliforañe, ie minday anake maro mb’an-drenge, ro nifonireñe an-kaloviloviañe ho Talèm-pandrombahañe iareo. 
\v 11 Aa kanao songa boak’ amy Raikey i mpañamasiñey naho o nefera’eo, le tsy mana­latse aze te anoa’e longo, 
\v 12 ami’ty hoe
\q1 Ho taroñeko amo rolongokoo
\q1 ty tahina’o\f + \fr 2:12 \fr*\ft Oni: Sab 45:17, Jao 17:6,26\ft*\f*;
\q1 ho bangoeko añivo’ o fivorio.\f + \fr 2:12 \fr*\ft Sab 22.22\ft*\f*
\p
\v 13 tovo’e: Hatokisako re.
\p vaho indraike: Intoy iraho, naho o amory natolon’ Añahare ahikoo.\f + \fr 2:13 \fr*\ft Ies 8.17,18\ft*\f*
\p
\v 14 Aa kanao itraofa’ o anakeo ty nofotse aman-dio, le rinambe’e ty hifana­hake am’ iereo, handro­tsake amy havilasi’ey i mpanandily amy havilasiy—toe i mpañìnjey; 
\v 15 vaho ho haha’e ze nondevoze’ ty fihembañañe amo havilasio amo hene andro niveloma’eo. 
\v 16 Toe tsy nandrambe anjely, fa o tarira’ i Abraàmeo ty nandrambesa’e\f + \fr 2:16 \fr*\ft Ies 41:8-9\ft*\f*. 
\v 17 Aa le tsy mete tsy nihambañeñe amo longo’eo amy ze he’e re, soa te ho mpisorom-bey miferenaiñe naho migahiñe aman’ Añahare, hañefetse o tahi’ ondatioo. 
\v 18 Aa kanao nitsoheñe an-kalovilovian-dre le lefe’e ty mañìmba o tsoheñeo.
\c 3
\s1 Mpitoroñe t’i Mosè, Anake t’\nd Iesoà\nd*
\p
\v 1 Ie amy zao ry longo noro’e, mpi­traok’ amy fikoihan-dindìñeio, haraharao t’\nd Iesoà\nd*, Sorotà naho Mpisorom-Bey fitaroñan-tikañey, 
\v 2 i nigahiñe amy nanendreañ’ azey hambañe amy figahiña’ i Mosè amy hene anjomba’eiy\f + \fr 3:2 \fr*\ft Vol 12:7\ft*\f*. 
\v 3 F’ie vinolily hañeva àsiñe ambone’ i Mosè, hambañe ami’ty anaña’ ty mpan­dranjy traño àsiñe ambone’ i trañoy. 
\v 4 Songa manañe ty mpandrafi’e ze anjomba, fa i Andrianañahare ty Mpamboatse ze he’e. 
\v 5 Toe nigahiñe amy hene anjomba’ey t’i Mosè, ie nimpitoroñe nitaroñe o mbe ho tsara­eñeo. 
\v 6 Fa Anake mifehe’ i Anjomba’ey i Norizañey; itikañe o añanjomba’eo naho tambozoren-tika ty fahasibehañe naho fatokisañe osihe’ i fitamañey,
\s1 Hatahata ami’ty Tsy Fatokisañe
\p
\v 7 ie anoe’ i Arofo Masiñey ty hoe:
\q1 Anito, naho janji’ areo i fiarañanaña’ey,
\q1
\v 8 ko mampientetse arofo
\q1 manahake tamy fanigihañe
\q1 añ’andro fitsohañe an-dratraratra añey,
\q1
\v 9 ie nisombean-droae’ areoy, naho
\q1 namente vaho nahaisake o fitoloñako efa-polo taoñeo.
\q1
\v 10 Izay ty nibosehako ami’ty tariratse toy, le hoe iraho,
\q1 Mandifik’ añ’arofo ao nainai’e iereo, mbore tsy fohi’ iareo o lalakoo,
\q1
\v 11 Aa le nifantàko an-keloke t’ie
\q1 tsy himoak’ amy fitofàkoy.\f + \fr 3:11 \fr*\ft Sab 95: 7-11\ft*\f*
\p
\v 12 Mitaoa ry longo, he te ho zoeñe ama’areo ty troke miola, mifañito aman’ Añahare veloñe. 
\v 13 Aa le mifañosiha boak’ andro, ampara’ i atao ty hoe Anitoy, tsy mone ama’ areo ty hampientere’ ty famañahian-kakeo. 
\v 14 Fa mpitrao-dova amy Norizañey tika naho vontitireñe i fifotoram-patokisañey ampara’ i hahenefañey, 
\v 15 amy ho tsaraeñe ty hoe:
\q1 Anito, naho janji’ areo i fiarañanaña’ey
\q1 ko mampientents’ arofo
\q1 manahake tamy fanigihañey.\f + \fr 3:15 \fr*\ft Sab 95: 7,8\ft*\f*
\p
\v 16 Ty ila’e nahajanjiñe ro niola, fa tsy ze hene nampiavote’ Mose amy Egipte. 
\v 17 Aa ia ty niviñera’e efa-polo taoñe? Tsy o nandilatseo hao? ie nihotrak’ an-dratraratra añe o lolo’ iareoo. 
\v 18 Ia ka ty nifantà’e te tsy himoak’ amy fitofà’ey ao? toe o tsy niantokeo? 
\v 19 Aa le onin-tika te i tsy fatokisañey ty tsy niziliha’ iareo.
\c 4
\s1 Fitofañe ho a Ondatin’Añahareo
\p
\v 1 Antao arè hañeveñe, hera ho zoeñ’ ama’ iaia ama’areo, t’ie nilesa amy fampitamañe mbe añey: ty fizilihañe amy fitofà’ey ao. 
\v 2 Toe nitaroñeñe aman-tika manahake te tam’ iereo i talili-soay; fe tsy nahasoa iareo i tsara nitaroñeñey, amy t’ie tsy natrao’ o nijanjiñeo fatokisañe. 
\v 3 Itika miantokeo ro mizilik’ amy fitofàñey, (ty amy tsinara’e ty hoe,
\q1 Ie nifantàko an-kabosehañe
\q1 t’ie tsy himoak’ amy fitofakoy ao.\f + \fr 4:3 \fr*\ft Sab 95:11\ft*\f*)
\p ndra te nifanehafeñe boak’ am-pifotora’ ty voatse toy o fitoloñañeo\f + \fr 4:3 \fr*\ft Jao 5:17\ft*\f*. 
\v 4 Fa eo ty tsa­raeñe ty amy faha-fitoy ty hoe:
\q1 Nitroatse amo hene fitoloña’eo, ami’ty andro faha-fito
\q1 t’i Andrianañahare.\f + \fr 4:4 \fr*\ft Fot 2:2\ft*\f*
\p
\v 5 Le tinovo’e ty hoe:
\q1 Tsy himoak’ amy fitofàkoy iereo.\f + \fr 4:5 \fr*\ft Sab 95:11\ft*\f*
\p
\v 6 Aa kanao mbe hizilike ao ty ila’e, naho nilesa ka tsy nizilik’ ao ty amy fanjeharañey o nitaro­ñeñe valoha’eo, 
\v 7 le nañoriza’e andro indraike atao Anito amy nampisaontsie’e i Davide haehae atoiy amy tsara’ey ty hoe:
\q1 Anito, naho janji’areo ty fiarañanaña’e
\q1 ko mampientetse arofo.\f + \fr 4:7 \fr*\ft Sab 95: 7,8\ft*\f*
\p
\v 8 Aa naho nitolora’ i Josoa fitofàñe, tsy ho nitalilie’e andro ila’e afara. 
\v 9 Inao, toe mbe eo ho a ondatin’ Añahareo ty fañambenañe \nd Sabotse\nd*\f + \fr 4:9 \fr*\ft Grika: Sabattismos: fañambenañe Sabata\ft*\f*; 
\v 10 amy te mitofa amo fitoloña’eo ty mizilik’ amy \nd Sabotse\nd*’ey, hambañe aman’ Añahare amy azey\f + \fr 4:10 \fr*\ft Pe II 3:8\ft*\f*. 
\v 11 Antao arè himane fizilik’ amy fitofàñey, tsy mone hikapotrake am-pitsikombeañe i fanjeharañey.
\p
\v 12 Toe veloñe naho mahatafetetse o tsaran’ Añahareo, masioñe te amy ze fibara sambelela’e, mitrofake pak’ ami’ty fifamitraña’ ty fañova ami’ty arofo, naho o fangeo amo betro’eo; naho mahatsikarake o fivetsevetse naho safirin’ arofoo, 
\v 13 vaho tsy eo ty namboareñe ze mietake ama’e; fa kila miborake naho mivendratse am-pihaino’ i hamolily an-tikañey.
\s1 i Mpisorom-bey Ra’elahiy
\p
\v 14 Aa kanao amam-Pisorom-bey nahafiranga o likerañeo tika, toe \nd Iesoà\nd* Anan’ Añahare, le antao hifahatse ami’ty iantofan-tikañe. 
\v 15 Amy t’ie tsy amam-Pisorombey tsy mahay milèñ’ arofo amo halemèn-tikañeo, ie nizizieñe amy ze he’e manahak’ itika, fe tsy aman-tahiñe. 
\v 16 Antao arè hahasibeke hitotoke mb’amy fiambesan-kasoay, hiferenaiñañe, naho hitretrezañe an-tsan-kasotriañe.
\c 5
\p
\v 1 Toe tinendre hitoloñe ty am’ondatio, amo raha mioza aman’ Añahareo, ze hene mpisorom-bey rinambe am’ ondatio, hibanabana naho hisoroñe, hañefetse hakeo. 
\v 2 Maha-fitretrè o tsy mahilalao naho o mandrìkeo re, amy t’ie arisehoan-kaosañe ka. 
\v 3 Izay ty isoroña’e ty amo hakeo’ ondatio, naho o azeo ka. 
\v 4 Le tsy ia ty mandrambe i engeñey am-bata’e, fe rambese’ ze kanjien’ Añahare, manahak’ i Arone. 
\v 5 Toe tsy nisenge ho mpisorom-bey ka i Norizañey, fe eo t’ie nanoeñe ty hoe:
\q1 Anako irehe, Anindroany
\q1 ty nisamahako azo.\f + \fr 5:5 \fr*\ft Sab 2:7\ft*\f*
\p
\v 6 mbore teo ty nanovoña’e ty hoe:
\q1 Mpisoroñe nainai’e irehe ami’ty famosora’ i Melkizedeke.\f + \fr 5:6 \fr*\ft Sab 110:4,17,21\ft*\f*
\p
\v 7 Ie tañ’ andro ama’ nofotse aze, le nibanabana halaly naho hatak’ an-toreo miharo ranom-pihaino amy mahahah’ aze an-kavilasiy, vaho jinanjin-dre ty amy fiambanea’ey. 
\v 8 Aa ndra t’ie Anake, niohe’ i halovilovia’ey te hivohotse. 
\v 9 Le ie nifonireñe ro nanoeñe lohàm-pandrombahañe tsy modo ho amo mivohotse ama’eo\f + \fr 5:9 \fr*\ft Jao 3:36, 14:14,23, 15:10, Top 3:22-23\ft*\f* 
\v 10 naho kinanjin’ Añahare ho Mpisorom-bey am-pamosora’ i Melkizedeke.
\s1 Fañosihañe Hioke amy Arofoy
\p
\v 11 Mbe maro ty ho tsaraeñe ty ama’e, f’ie ho saro-pampidodeañe ty amy hakarèña’ areo. 
\v 12 Tsy ho ni-mpañoke hao nahareo henaneo? te mone mipay haòke amo manantam-petsen’ Añahareo indraike, vaho mipay ronono fa tsy mahakama vente’e, 
\v 13 toe tsy zatse o tsaran-kavantañañeo ze veloñe an-dronono, fa mbe anak-ajaja; 
\v 14 toe ho a o matoeo ty mahakama vente’e, ie fa niòke am-pitoloñañe haha-fañavake ty soa ami’ty raty.
\c 6
\p
\v 1 Aa le apòn-tikañe o fañòheñe i Norizañey fototseo vaho hitoañe mb’ami’ty haañonañe\f + \fr 6:1 \fr*\ft Mat 5:48\ft*\f*, tsy haoreñe indraike i manantam-pisolohoañe amo sata mateo, naho ty fatokisañe aman’ Añahare, 
\v 2 naho ty fañòheñe i filiporañey, i fanampezam-pitàñey, i fivañonan-ko veloñey, vaho i zaka tsy modoy. 
\v 3 Le ie ty hanoen-tika naho sitran’ Añahare. 
\v 4 Aa naho nihazavaeñe, fa nitsopeke i falalàn-dikerañey, fa nanoen-ko mpi­traok’ amy Arofo Masiñey, 
\v 5 nikama amy saontsin’ Añahare soay naho amo haozara’ i sa ho aviio, 
\v 6 f’ie midisa-voly: le tsy ho lefe’e ty himpoly hisoloho, ie nampipeke ho am-bata’e indraike i Anan’ Añaharey, hamoraborak’ aze ho salareñe\f + \fr 6:6 \fr*\ft Heb 10:26-31\ft*\f*. 
\v 7 Toe tahien’ Añahare i tane isiha’ i orañe mifiafia betek’ ama’ey hitiria’ ty àñañe mañasoa o nañalahalàñe azeoy. 
\v 8 F’ie mamoa fatike naho hisatse\f + \fr 6:8 \fr*\ft Fot 3:18\ft*\f*, le tsy jefa’e, antitotse hafatse, hagadon-ko forototoeñe. 
\v 9 Aa ndra te taroñeñe, ry rañetse, iantofa’ay raha soa te amy zay, toe raha minday fandrombahañe. 
\v 10 Tsy atao tsy to t’i Andrianañahare handikofa’e o fitoloña’ areo aman-koko amy tahina’eio, ie miatrake o noro’eo naho toe mbe mañolotse. 
\v 11 Le salalae’ay t’ie songa anjoañe fahimbañañe hoe izay, pak’ amy nitilifireñey hañenefañe i fitamàñey, 
\v 12 aa soa re te tsy mihenekeneke, fa mitsikombe o mpandova’ o fitamàñeo am-patokisañe naho am-pahaliñisañe.
\s1 To o Fampitaman’Añahareo
\p
\v 13 Amy t’ie nampitamaen’ Añahare t’i Abraàme, naho tsy teo ty ambone’e hitangea’e, le nifanta amy fañova’ey\f + \fr 6:13 \fr*\ft Fot 22:16\ft*\f*, 
\v 14 ty hoe:
\q1 Toe fitahiañe, ty hitahiako azo
\q1 naho fangitsikitsihañe
\q1 ty hampanaranàhako azo.\f + \fr 6:14 \fr*\ft Fot 22.17\ft*\f*
\p
\v 15 Aa ie nitamà am-pahaliñisañe, ro nahazo i nampitamaeñey. 
\v 16 Toe mititik’ aman-joke ondatio, le am-panta hamenteañe aze, soa t’ie higadoñe tsy am-pandierañe. 
\v 17 Izay ka t’i Andrianañahare, ie te hampalange amo mpan­dova’ i nampitamañeio te tsy miova i nisafiria’ey, le nivente’e am-panta, 
\v 18 soa te ami’ty raha roe tsy mihotike—ie tsy mahay mandañitse t’i Andrianañahare, le mahazo fañosihañe fatratse tika nibota­tsake mb’am-pipalirañe ao hivontititse amy fitamàñe nitaroñeñe aman-tikañey 
\v 19 ie miòreñe naho fatratse hoe vato-fantsike añ’ arofon-tikañ’ ao, naho mimoake an-kalo’ i tsingarakarakeiy, 
\v 20 i niziliha’ \nd Iesoà\nd* fiaolon-tikañey, ie nanoeñe Mpisorom-bey nainai’e amy famosora’ i Melkizedekey\f + \fr 6:20 \fr*\ft Sab 110:4\ft*\f*.
\c 7
\s1 I Melkizedeke Mpisoroñe
\p
\v 1 I Melkizedeke ‘nio, nimpanjaka’ i Salema, mpisoron’ Añahare Andindimoneñey, ie ty nifanalaka amy Abraàme nimpoly amy nandrebaha’e i mpanjaka rey naho nitata’e\f + \fr 7:1 \fr*\ft FFt 14:17-20\ft*\f*, 
\v 2 le nitolora’ i Abraàme ty fahafolo’ ze he’ey—ie atao Mpanjakan-kavantañañe hey, ty amy dika i tahina’ey, vaho Mpanjaka’ i Salema ndra Mpanjakam-panintsiñañe; 
\v 3 ie tsy aman-drae, tsy aman-drene, tsy aman-toñon-droae, tsy aman’ androm-pifotora’e, tsy amam-pitamperan-kaveloñe, fe nampanahafeñe amy Anan’ Añaharey, mitoetse ho mpisoroñe nainai’e tsy modo.
\p
\v 4 Haraharao heike ty hara’ elahi’ indatiy kanao nitolora’ i Abraàme raentika ty faha-folo’ o kino­pa’eo. 
\v 5 Le toe lilie’ i Hake o tarira’ i Levy norizan-ko mpisoroñeo ty hanontoñe am’ondatio, toe amo longo’eo, i faha-foloy, ie boak’ am-pisafoa’ i Abraàme. 
\v 6 Le i tsy toñoneñe aman-droae’ iareoy ty nandrambe ty faha-folo amy Abraàme vaho nitata i nampitamàñey. 
\v 7 Tsy kalafo te mitata ty zay ty zoke. 
\v 8 Naho atoy re le rambese’ ondaty mbe hihomakeo i faha-foloy, fe i añey ro taroñeñe te veloñe. 
\v 9 Aa ie tsaraeñey, i Levy mpandrambe i fahafoloy, ro nandoa ty faha-folo añamy Abraàme, 
\v 10 amy t’ie tampisafoan-droae’e ao te nifanalaka amy Melkizedeke.
\s1 Mpisoroñe manahake i Melkizedeke
\p
\v 11 Aa naho nahafonitse ty fisoroña’ i Levy (toe ama’e ty nandrambesa’ ondatio Hake) le inoñe amy zao ty ipaiañe mpisoroñe hitroatse amy famosora’ i Melkizedekey, fa tsy amy famosora’ i Aroney? 
\v 12 Aa kanao vaoeñe i famosorañey, tsy mahay tsy vaoeñe ka t’i Hake. 
\v 13 Amy te foko hafa i tsaraeñey, le tsy ama’e ty nito­ron-kitrely. 
\v 14 Toe fohiñe te tarira’ i Joda i Talèn-tika, fe tsy nisaontsie’ i Mosè fisoroñañe t’i Joda, 
\v 15 miha-malange te mpi­soroñe manahak’ i Melkizedeke ty nitroatse, 
\v 16 ie tsy nanoeñe am-pepè’ i Hake ty am-panoñonan-drae, fa an-kaozaran-kaveloñe tsy modo. 
\v 17 Ty hoe ty nitaroñe’e:
\q1 Mpisoroñe nainai’e irehe
\q1 Amy famosora’ i Melkizedekey\f + \fr 7:17 \fr*\ft Sab 110:4\ft*\f*.
\p
\v 18 Toe miha-modo i fepetse taoloy ami’ty hamavazoa’e naho ty tsy fahalefea’e, 
\v 19 (amy te tsy eo ty nahatafetere’ i Hake), fe nipoteake ty fitamàn-tsoa, hitotofan-tika aman’ Añahare; 
\v 20 mbore nanoeñe am-panta, 
\v 21 (toe tsy fanoeñ’ am-panta o mpisoroñeo, f’itoy ro am-panta, ie nanoeñe ty hoe:
\q1 Toe nifanta t’\nd Iehovà\nd* vaho tsy hihotike:
\q1 Mpisoroñe nainai’e irehe.\f + \fr 7:21 \fr*\ft Sab 110:4\ft*\f*)
\p
\v 22 Antsake t’ie ho fañina soa, amy te mitsoak’ aze t’\nd Iesoa\nd*.
\p
\v 23 Maro i mpisoroñe rezay, ie tsy mijadoñe am-pitoloña’e fa agadon-kavilasy. 
\v 24 Fa itìañe ka, kanao mitoloñe nainai’e, ro am-pisoroñañe tsy ifandimbezañe. 
\v 25 Izay ty talim-pahahenefa’e rombake do’e o mitotok’ aman’ Añahare añama’eo, ie veloñe nainai’e hihalaly ho a iareo. 
\v 26 Mañeva an-tika i Mpisorombey zay: ie masiñe, tsy aman-tahiñe, tsy aman-kila, miavak’ amo aman-kakeoo, vaho nonjoneñe ambone’ o likerañeo. 
\v 27 Ie tsy mipay boak’ andro, manahake o mpisoroñe taoloo, ty hañenga soroñe ho amo tahi’eo hey vaho ho amo hakeo’ ondatio\f + \fr 7:27 \fr*\ft Boak’ Andro: toe Yom Kipore, 10 Sa’tse.\ft*\f*. Fa nanoe’e indraik’ avao ie nañenga i fañòva’ey. 
\v 28 Oriza’ i Hake t’indaty aman-kila ho mpisorom-bey; fe i tsara am-panta sinokitse tafara’ i Hake ty nañorizañe i Anake nifonireñe ho nainai’ey.
\c 8
\s1 Mpañalañalañe ami’ty Fañina Soa
\p
\v 1 Aa naho boreñe i nitaroñeñe rezay: Inao ty tali’e: Aman-tika i Mpisorom-bey zay, i nampiambesareñe an-kavanam-piambesa’ i Andindimoneñe andikerañe añey, 
\v 2 mitoroñe amy efetse masiñey naho ami’ty kivoho to naore’ i \nd Talè\nd* fa tsy ondaty. 
\v 3 Toe songa tinendre hañenga banabana naho soroñe o mpisorom-beio; aa le tsy mahay tsy amam-pañenga ka itoy. 
\v 4 Mbore, ie tan-tane atoy, tsy ho nimpisoroñe, amy te mbe eo ty mpisoroñe maro mañenga banabana ty amy Hàke, 
\v 5 mitsikombe naho manalinjo o andindìñeo; toe nihatahataeñe t’i Mosè, ie ho nañoreñe i kivohoy, ami’ty hoe:
\q1 Inao, hoe re, te hene ampanahafe’o amy sare natoro azo am-bohitsey.\f + \fr 8:5 \fr*\ft Avo 25:40\ft*\f*
\p
\v 6 Fe nahazo fitoroñañe fanjàka te amy zay re henaneo amy te ie ty mpañalañalam-pañina soa\f + \fr 8:6 \fr*\ft Heb 9:15, 12:24 (in telo ato)\ft*\f*, mifototse am-pitamàñe soa te ama’e. 
\v 7 Aa naho tsy nanan-kila i fañina valoha’ey, le tsy nipaiaeñe ty faharoe. 
\v 8 Fa ninjè’e ami’ty hoe:
\q1 Inao, ho tondroke ty andro, hoe t’\nd Iehovà\nd*,
\q1 te hilaharako fañina vao
\q1 amy anjomba’ Israeley
\q1 naho amy anjomba’ i Joday—
\q1
\v 9 tsy manahake i fañina nanoeko
\q1 aman-droae’ iareo
\q1 amy andro nitanatanàko
\q1 vaho niaolòako iareo
\q1 niakatse an-tane Mitsraimeiy;
\q1 amy t’ie tsy nahatañe i fañinakoy,
\q1 le niambohoako, hoe t’\nd Iehovà\nd*.
\q1
\v 10 Zao ka ty fañina horizako
\q1 ami’ty anjomba’ Israele,
\q1 naho fa añe i andro rey,
\q1 hoe t’\nd Iehovà\nd*.
\q1 Hajoko an-tro’ iareo ao i Hà-koy
\q1 naho ho sokireko añ’arofo’ iareo ao:
\q1 le ho Andrianañahare’ iareo iraho,
\q1 vaho h’ondatiko iereo.
\q1
\v 11 Le tsy songa hifañoke o mpitrao-pimoneñeo, naho tsy sindre hanao aman-drahalahi’e,
\q1 ty hoe: Mahafohìna \nd Iehovà\nd*,
\q1 amy te fonga hahafohiñe ahy,
\q1 ty kede pak’ an-joke’e.
\q1
\v 12 Fa ho ferenaiñako ty hatsivokara’iareo,
\q1 vaho tsy ho tiahiko ka o tahi’ iareoo.\f + \fr 8:12 \fr*\ft Irm 31:31-34, Oni: Heb 10:16-17\ft*\f*
\p
\v 13 Ie nanao ty hoe: Vaoeñe, le fa nampiantere’e i taoloy, le fa himosaoñe o raha mihamodo naho miha-antetseo.
\c 9
\s1 Fitalahoañe amy Kija’ ty Tane toiy
\p
\v 1 Toe amam-pañèm-pitalahoañe miavake i fañina taoloy, naho toetse miavake an-tane atoy. 
\v 2 Nihajarieñe ty kibohotse, amy valoha’ey ao i mpitàm-pailoy naho i talatalay, vaho i fampiatrefañe mofoy; ie i efetse miavakey. 
\v 3 An-kalo’ i lamba fañefetse faharoey ty kivoho atao : i Masiñe do’ey, 
\v 4 ama’e ao i fañembohañe volamenay naho i vatam-pañina nohoñem-bolamena ami’ty lafe’e iabiy, tama’e ao i korojy volamena nañajàñe maney, naho i kobai’ i Arone nibotibotiy, vaho i takelam-pañina rey; 
\v 5 nitongoa ama’e eo i kerobe aman-engeñe rey nañaloke i kapem-pañeferañey, fe tsy sindre habeja’ay i tsaraeñey.
\p
\v 6 Ie nihajarieñe hoe izay i raha rey, le mimoake boak’ andro amy efetse valoha’ey o mpisoroñeo mitoloñe amy fitalahoañey. 
\v 7 Fe amy faha-roey, le indraike boa-taoñe ty iziliha’ ty mpisorom-bey avao, naho tsy mahay tsy minday lio ho banabanaeñe ty amo tahi’eo vaho ty amo hakeo’ ondatio\f + \fr 9:7 \fr*\ft Vol 15:15-28\ft*\f*. 
\v 8 Abeja’ i Arofo-Masiñey te mbe tsy misokake ty homb’ amy toetse masiñey ao naho mbe mijadoñe i kibohotse valoha’ey. 
\v 9 (Fañòharañe ami’ty henaneo izay,) ama’e ty banabanaeñe o enga naho soroñe tsy mahaheneke ty mpitalaho am-pitsakorea’e ao, 
\v 10 amy t’ie mahakama naho finomeñe vaho fisasàñe avao—fañè amo nofotseo, najadoñe ampara’ ty sa fañavaoañe.
\p
\v 11 Aa ie totsake eo i Norizañey, mpisorom-bei’ o raha fanjàka ho avio, aman-kivoho soa naho fonitse te amy teoy, ie tsy nanoem-pitàñe, vaho tsy ami’ty voatse toy, 
\v 12 le tsy ami’ty lion’ose ndra temboay fa amy lio’ey ty niziliha’e amy toetse masiñey indraike nahafonitse, ie fa ama’e ty fañahàñe tsy modo. 
\v 13 Aa naho ty lio’ o oseo naho o baniao vaho ty lavenon-kiloa nafitse amo maleotseo ro mañefetse ho ami’ty fañaliovañe o nofotseo, 
\v 14 sandrake ty lio’ i Norizañey añamy Arofo tsy modoy, ie nengae’e tsy aman-kila aman’ Añahare i fañòva’ey, ro hahalio ty arofo’ areo amo sata-mateo, hitoroñe an’ Andrianañahare veloñe.
\p
\v 15 Izay ty maha mpañalañala’ i fañina vaoy aze, handrambesa’ o kinanjio i lova nainai’e nampitamañey—ty amy fañorihan-dio mijebañe iareo amo fandilarañe ambane’ i fañina valoha’ey. 
\v 16 Fa amo fañinao, tsy mete tsy henefañe te mate i raha mamente i fañinay. 
\v 17 Toe agado’ i raha linentay i fañinay, Amy t’ie tsy mijadoñe naho tsy fa mate heike i raha mamente azey. 
\v 18 Toe tsy niventèñe ka i fañina valoha’ey naho tsy an-dio. 
\v 19 Aa ie nitaròñe’ i Mosè am’ondaty iabio ze hene fañè’ i Hake, le rinambe’e ty lion-temboay naho ose miharo rano naho hasiñe mena naho seva vaho nafitse’e amy bokey vaho am’ondaty iabio, 
\v 20 ami’ty hoe:
\q1 Intoy ty liom-pañina
\q1 linilin’ Añahare ama’ areo.\f + \fr 9:20 \fr*\ft Avo 24.8\ft*\f*
\p
\v 21 Mbore nafitse’e amy kivohoy naho amy ze hene voròvom-pitalahoañe i lioy. 
\v 22 Aa naho amy Hake, didý tsy fonga eferan-dio, vaho tsy eo ty fañahàn-kakeo naho tsy ampiorihan-dio.
\s1 Ty lio’ i Norizañey
\p
\v 23 Aa le tsy mahay tsy neferañe amy rezay o saren-drahan-dikerañeo, fe nanao soroñe ambone’ izay o raha an-dikerañeo. 
\v 24 Tsy nizilik’ an-toetse masiñe namboarem-pitàñe i Norizañey, (i nitsikombe i toe iey) fa an-dike­rañe ao, hiatrefa’e aman’ Añahare henaneo ho an-tika. 
\v 25 Ie ka tsy hitolom-pañenga i fañòva’ey (manahake ty fimoaham-pisorombey boa-taoñe reketse ty lio tsy aze); 
\v 26 Naho tsy izay, tsy mete tsy nitolom-pilofeke re boak’ ami’ty fañamboareñe ty voatse toy. F’ie henaneo an-tsàn-konka’e toy te niboake in­draik’ avao hañefetse o tahiñeo amy nisoroña’ey i fañòva’ey. 
\v 27 Fa manahake te linahatse ho a ondatio ty hivetrake in­draik’ avao, vaho i zakay, 
\v 28 zay ka i Norizañey, ie nisoroñañe indraik’ avao hivave ty hakeo’ i màroy\f + \fr 9:28 \fr*\ft Ies 53:12\ft*\f* ro mbe hitotsake fañindroe’e, tsy ty amo hakeoo, fa ty handrombake o mitamà azeo.
\c 10
\s1 Ty Fisoroña’e Indraike avao
\p
\v 1 Amy Hake ao ty fanalinjoañe o raha fanjàka ho avio, fe tsy ty vintan-to’ o rahao, ie le lia’e tsy fonireñe an-tsoroñe engaeñe boa-tao-boa-taoñe o mitotoke mb’eoo. 
\v 2 Naho tsy izay, tsy ho nijihetse hao o fisoroñañeo? amy te tsy ho nioveovèn-tahiñe ka o fa neferañeo. 
\v 3 Fe amy fisoroñañey ty faniahian-kakeo boa-taoñe, 
\v 4 fa tsy ‘mbia mahahaha hakeo ty lio’ o baniao naho o mpirai-liao. 
\v 5 Aa le hoe re te mizilik’ an-tane atoy:
\q1 Tsy nipay soroñe naho enga irehe,
\q1 fa sandriñe ty añajaria’o ho ahiko;
\q1
\v 6 Tsy nirei’o tave o enga noroañeo
\q1 naho o soron-kakeoo.
\q1
\v 7 Le hoe iraho:
\q1 Intoy iraho, ry Andrianañahare,
\q1 nimb’etoan-draho hanao ty satri’o,
\q1 fa amy boke-pelekey ty nanokirañe ahy.\f + \fr 10:7 \fr*\ft Sab 40,6-8\ft*\f*
\p
\v 8 Ie nanao ty hoe heike: Tsy paia’o o soroñeo naho o banabanao naho o enga oroañeo vaho o engan-kakeoo, toe tsy rei’o tave (ze engaeñe ty amy Hàke)\f + \fr 10:8 \fr*\ft Sab 40:6\ft*\f* 
\v 9 le tinovo’e ty hoe: Intoy! nimb’ etoan-dRaho hanao ty satri’o\f + \fr 10:9 \fr*\ft Sab 40:8\ft*\f*. Nasita’e i valoha’ey hampijadoña’e i faharoey; 
\v 10 ie an-tsatri’e ty nañefetse antika amy nañengàñe indraike mahaheneke ty fañòva’ \nd Iesoà\nd* Norizañey.
\p
\v 11 Mijohañe eo mitoroñe boak’ andro ze hene mpisoroñe mitolom-pañenga i soroñey avao, ze tsimbia mahahaha hakeo. 
\v 12 Fa ie ka, naho fa nañenga soroñe raike, le nahaheneke efe-tahiñe ho nainai’e donia, niambesatse am-pitàn-kavanan’ Añahare eo, 
\v 13 mandiñe, ampara’ te hanoeñe fitongoà-pandia’e o rafelahi’eo\f + \fr 10:13 \fr*\ft Sab 110:1\ft*\f*. 
\v 14 Fa i banabana raikey ty namonira’e ho nainai’e tsy modo o nefera’eo. 
\v 15 Taroñe’ i Arofo-Masiñey aman-tika ka ty hoe:
\q1
\v 16 Intoy ty fañina hanoeko am’ iereo
\q1 naho modo i andro rezay, hoe t’i \nd Talè\nd*;
\q1 Hajoko añ’arofo’ iareo ao i Ha-koy
\q1 naho ho sokireko
\q1 am-pivetsevetse’ iareo ao,
\q1
\v 17 vaho tsy ho tiahiko ka
\q1 o hakeo naho tahi’ iareoo.\f + \fr 10:17 \fr*\ft Irm 31:33,34; Oni Heb 8:8-12\ft*\f*
\p
\v 18 Ie nafahañe o fandilarañeo, le tsy paiañe ka ty engan-kakeo.
\s1 Fikanjiañe Hivontitise
\p
\v 19 Ie amy zao, ry longo, kanao maha­sibeke fimoak’ amy toetse loho-masiñey tika amy lio’ I\nd esoày\nd*, 
\v 20 amy lalañe vao naho veloñe noriza’e ho antikañe misoroke i lamba fañefetsey—toe i fañòva’ey; 
\v 21 itika amam-Pisoroñe Bey mpifehe i anjomban’ Añaharey, 
\v 22 le antao hitotok’ aze añ’ arofo mazava, lifo-patokisañe mahafiato, naho namitsezañe ty amo vetsevetse ratio o tron-tikañeo vaho nampandroañe an-drano mikanitsoke\f + \fr 10:22 \fr*\ft Iek 36:25\ft*\f* o sandrin-tikañeo, 
\v 23 antao hilozohan-tika taroñe i fitaman-tikañey, tsy hitroetroe, (amy te migahiñe ty Nampitama). 
\v 24 Le antao hifañaoñe naho hifampañosike hikoko vaho hanao sata soa\f + \fr 10:24 \fr*\ft Mat 16:27\ft*\f*, 
\v 25 le tsy hapoke o fivorintikañeo, manahake ty fanoe’ o ila’eo, fe mifañosiha, àn­tsake te oni’ areo mitotoke i andro zay.
\s1 Hatahata 4 : Hankàñe te Misitake
\p
\v 26 Aa naho mitolom-pandilatse avao tika, ie mahafohiñe ty hatò, le tsy eo ka ty isoroñan-kakeo\f + \fr 10:26 \fr*\ft Heb 6:6, 9:7, Vol 15:15-28\ft*\f*, 
\v 27 te mone fandiñisañe zaka an-karevendreveñañe, naho fisoloborañ’ afo mampitomontoñe o rafelahio\f + \fr 10:27 \fr*\ft Ies 26:11\ft*\f*. 
\v 28 Vonoeñe tsy an-tretrè ty tsy mañaoñe ty Hà’ i Mosè ami’ty valolombeloñe telo ndra roe. 
\v 29 Lombolombo izay ty fandilovañe mañeva ze mandialia i Anan’ Añaharey ambanem-pandia’e, naho manao ty lio’ i fañina nañefets’ azey ho tsy malio, vaho miteratera i Arofon-kasoay? 
\v 30 Fohin-tikañe i nanao ty hoe:
\q1 Ahy o famaleañeo, izaho ty hañavake
\q1 le ty hoe:
\q1 Hizaka on\f + \fr 10:30 \fr*\ft Its 32.35-36\ft*\f*dati’eo t’\nd Iehovà\nd*.
\p
\v 31 Maharevendreveñe te mijoñe am-pitàn’ Añahare veloñe ao.
\p
\v 32 Tiahio o andro taoloo, inahareo nihazavaeñe ro nahafeake fihotakotahan-kaloviloviañe, 
\v 33 beteke nisambàeñe t’ie nonjirañe naho nampisoañeñe, beteke nireketse amo nanoañe i hoe zaio. 
\v 34 Amy te niferenaiña’ areo, izaho an-drohy, vaho nahaehak’ anahareo te nikopaham-bara, fa nahafohiñe an-troke t’ie amam-bara fanjàka tsy ho modo an-dindiñe ao. 
\v 35 Aa le ko farieñe ty fatokisa’ areo, fa bey ty tambe ama’e. 
\v 36 Imaneo fahaliñisañe, soa t’ie manao o satrin’ Añahareo ro handrambe i nampitamaeñey. 
\v 37 Amy te
\q1 aniany ty hitotsaha’e
\q1 le tsy hihenekeneke.
\q1
\v 38 Ho veloñ’ am-patokisa’e ty vantañe,
\q1 F’ie misitake, le tsy ho no’ ty troko.\f + \fr 10:38 \fr*\ft Kab 2,3-4\ft*\f*
\p
\v 39 Toe tsy mpiamo mitsilofìñe ho rotsaheñeo tika, fa mpiamo mahafiatoo, hañarovam-piaiñe.
\c 11
\s1 O Fatokisañeo
\p
\v 1 Fatokisañe ty mamente o raha tamaeñeo, ty fampibentarañe o raha tsy oniñeo. 
\v 2 Ie ty nahazoa’ o taoloo to. 
\v 3 Fatokisañe ty ahaoniñan-tika amy Tsinaran’ Añaharey, te tsy nalaha’e amo raha oniñeo o raha miboake amo sào.
\s1 Ty Abela, i Enoke, i Noe
\r (Fot. 4.1-16; 6,6-8.22)
\p
\v 4 Fatokisañe ty nañengà’ i Abela aman’ Añahare soroñe soa te amy Kaina, vaho nitaroñeñe te vantañe, ie nitsa­raen’ Añahare i banabana’ey, toe misaontsy re ndra te nihomake. 
\v 5 Fatokisañe ty nampionjoneñe i Enoke tsy handia havilasy, ie tsy nitendreke fa rinamben’ Añahare\f + \fr 11:5 \fr*\ft Fot 5:24\ft*\f*; ie nitaroñeñe taolo’ ty nampionjonañe aze te nisohen’ Añahare. 
\v 6 Tsy mahafale Aze t’ie tsy amam-patokisañe. Amy te ze hañarine aman’ Añahare, tsy mete tsy matoky t’ie eo, naho manambe ty mitsoek’ aze. 
\v 7 Fatokisañe am-pañeveñañe ty nandranjia’ i Noe lakan-katae ty amy hatahatan’ Añaharey o raha mbe tsy rendrekeo, handrombaha’e i hasavereña’ey, ie ty namarañe ty tane bey toy, naho nampandovañe i havantañam-patokisañey.
\s1 Ty Fatokisa’i Abraàme
\r (Fot 15.1-6;21.1-7;22.1-14; 48.8-16; 50.22-15)
\p
\v 8 Fatokisañe ty niantofa’ i Abra­àme, ie kinanjy hienga mb’an-tane ho ram­bese’e afara ho lova, vaho nionjoñe mb’eo tsy nahafohiñe ty hombà’e. 
\v 9 Fatokisañe ty nañialoa’e an-tane nampitamaeñey, hoe ambahiny, ie nimoneñe an-kivoho mindre am’ Ietsa­ke naho Iakobe, mpitrao-lova ama’e amy fampitamàñey. 
\v 10 Toe i rova reke-manantañey ty nitamà’e, i rinanjin’ Añahare naho tsinene’ey. 
\v 11 Fatokisañe ka, ty nampaozatse i Saràe hiareñe, naho nahasamak’ anake ndra te losotse o taoñe nahampela azeo, ie niantoke te migahiñe i Nampitàmay. 
\v 12 Aa le sinama’ i fa hihomakey, ty mira ami’ty hatozantoza’ o vasian-dikerañeo naho o faseñe añ’ olon-driake tsy lefe iaheñeo\f + \fr 11:12 \fr*\ft Fot 15:5, 22:17\ft*\f*.
\p
\v 13 Songa nivilasy am-patokisañe, tsy tam’ iereo o nampitamañeo\f + \fr 11:13 \fr*\ft Heb 11:39\ft*\f*; fe nioni’ iereo tsietoimoneñe añe, le nisalalaeñe, vaho niantofa’ iereo t'ie renetane, mpañialo an-tane atoy. 
\v 14 Ampalangese’ o mitaroñe izaio te mitamà tanen-droae. 
\v 15 Aa naho nimaniña’ iareo i tane niboahañey, le nalalake t'ie ho nimpoly. 
\v 16 F’ie nitamà ty soa—toe i andindìñe añey. Ie amy zay, tsy mahasalatse an’ Andrianañahare ty atao Andrianañahare’ iareo vaho nihalankàña’e rova.
\p
\v 17 Fatokisañe ty nañengà’ i Abraàme t’Ietsake, ie nitsoheñe; nen­gae’ i nandrambe i fitamañeiy i bako toka’ey, 
\v 18 ie nanoañe ty hoe:
\q1 Am’ Isaka ty hikanjiañe o tarira’oo.\f + \fr 11:18 \fr*\ft Fot 21,12\ft*\f*
\p
\v 19 Natokisa’e te lefen’ Añahare ty hampitroatse ty nihomake, le ao ty nandrambesa’e aze am-pandrazañañe. 
\v 20 Fatokisañe ty nitatà’ Isaka t’Iakobe naho i Esave amo raha ho avio. 
\v 21 Fatokisañe ty nitatà’ Iakobe fa hihomakey i ana’ Iosefe rey vaho nitalaho t’ie niato andoham-pitoño’e. 
\v 22 Fatokisañe ty nitokia’ Iosefe, ie fa hèta’ey, ty hiavota’ o nte-Israeleo vaho toe nafè’e o taola’eo.
\s1 Ty Amy Mosè
\r Ftv 2.1-10; 12.31-51
\p
\v 23 Fatokisañe ty nañetahan-droae’ i Mosè aze te nitoly, naho nioni’ iareo t’ie ajaja soa\f + \fr 11:23 \fr*\ft Avo 2:2\ft*\f*, vaho tsy nahahembañe iareo ty nafè’ i mpanjakay. 
\v 24 Fatokisañe ty nifoneña’ i Mosè tsy hatao ana’ ty anak’ ampela’ i Farao, ie fa niañoñ’ay, 
\v 25 te mone jinobo’e ty hifeake fampisoañañe mindre am’ondatin’ Añahareo, ta t’ie hanañ’andro hieranerañe an-kakeo; 
\v 26 natao’e te vara mandikoatse ty harea’ i Egipte ty ìnje’ i Norizañey, amy te nitalakese’e i tambe’ey. 
\v 27 Fatokisañe ty niengà’e i Egipte, tsy nihembaña’e ty haviñera’ i mpanjakay; fe nifeake hoe te niisa’e i tsy isakey. 
\v 28 Fatokisañe ty nahahenefa’e i Fihelañey, naho i fitse-lioy, tsy hipaoha’ i mpanjaman-tañoloñolòñañey iareo.
\s1 Ty Fatokisa’o nte-Israele ila’eo
\p
\v 29 Fatokisañe ty nitoaña’ iareo i Riake Menay hoe an-tane maike, fe nagedra’e o nte Egipte nahavany nisoroke ama'eo. 
\v 30 Fatokisañe ty nampiforetrake o kijoli’ i Jerikòo, ie niariaria’ iareo fito andro. 
\v 31 Fatokisañe ty tsy nitraofa’ i Rahaba karapilo fivetrak’ amo nanjehatseo ie nandrambe i mpifilo rey am-panintsiñañe.
\p
\v 32 Aa inon-ka ty hataliliko? Fa hilesa ty andro naho taroñeko i Gideona naho i Baraka naho i Samsone naho i Jefta, i Davide ka, naho i Samoela vaho o mpitokio, 
\v 33 ie am-patokisañe ro nampiambane fifeheañe, nitolon-kavantañañe, nahazo fampitamàñe, nampitsiteke ty vavan-diona, 
\v 34 namono ty afo nisotratràke, nibolititse ami’ty lelam-pibara, ni-haozareñe te naifo­ifo, nifanalolahy añ’aly vaho nampitriban-day o lahin-defon’ ambahinio. 
\v 35 Rinambe’ o rakembao o vilasi’ iareoo te vinañon-ko veloñe; nisamporeraheñe ty ila’e nitoky tsy hahañe, handrambesa’ iareo ty fitroarañe soa, 
\v 36 nitsoehem-pañinjeañe naho firiso ty ila’e, mbore vinahotse vaho najo am-pandrohizañe ao. 
\v 37 Finetsa-bato iereo, linily lasý, nizizieñe, vinono am-pibara, nirere­rere an-kolits’ añondry naho holits’ ose, nibangý, niforekekèñe, nivolevolèñe— 
\v 38 tsy nañeva iareo ty voatse toy—nisariosario an-dratraratra añe naho am-bohitse ao naho an-dakato vaho an-kobo’ ty tane toy ao.
\p
\v 39 Ie iaby rezay, niventem-patokisañe, fe tsy nandrambe i nampitamaeñey\f + \fr 11:39 \fr*\ft Heb 11:13\ft*\f*. 
\v 40 Amy te lombolombon-kasoa ty natolon’ Añahare aman-tika, te tsy ho fonireñe iereo naho tsy itika.
\c 12
\s1 Mamere o Ana’eo t’i Andrianañahare
\r (Oha 3.11-12)
\p
\v 1 Aa kanao oniñe t’ie iarisehoa’ ty fandrahoñam-balolombeloñe ra’elahy, antao hampipoke ze ilogologoañe naho o hakeo mamehefehe antikañeo, le antao hilay am-pisalalañe i tsikiaviavy nalahatse aolon-tikañey, 
\v 2 Aa naho mifatse am’\nd Iesoà\nd* o fihainon-tikañeo, ie mpañoreñe naho mpampañeneke i fatokisan-tikañey, ty amy hafaleañe ho azo’e, nifeake i hatae ajaleiy, nanirika i hasalarañey vaho miambesatse am-pitàn-kavanam-piambesan’ Añahare eo.
\p
\v 3 Tsakoreo i nahafeake ty fanjehara’ o lo-tserekeoy, tsy mone ho mamak’ an-troke nahareo vaho hamoe’ay. 
\v 4 Mboe tsy nidrikiñe pak’ am-piorihan-dio nahareo nigarabiñe amo tahiñeo, 
\v 5 mbore nihaliño’ areo i vere tinaroñe ama’ areo hoe aman’ amory:
\q1 O anake, ko sirikae’o ty fandilova’ i \nd Iehovà\nd*
\q1 ndra mamoe’ay te endaha’e,
\q1
\v 6 fa lilove’ \nd Iehovà\nd* o kokoa’eo,
\q1 vaho lafae’e ze anake no’e.\f + \fr 12:6 \fr*\ft Rzs 3:11,12\ft*\f*
\p
\v 7 Aa le mifeaha’e lafa; amy te ibeizan’ Añahare ho anake, fa ia ty anake tsy lafaen-drae’e? 
\v 8 Aa naho tsy liloveñe nahareo, ie hene itraofañe, le anak’ amontoñe fa tsy anake. 
\v 9 Toe nanan-droae’e am-batañe tika, ie nandafa naho niambanean-tika; tsy kitra’e hiandaly aman-dRaen’ arofo tika soa te ho veloñe! 
\v 10 Toe nilafae’ iereo betebetek’ avao tika ami’ty natao’ iareo hahasoa, an­tsake te an-kasoa i azey hitraofan-tika an-kamasiña’e. 
\v 11 Toe tsy mahafale heike ze fandilovañe, fa manaintaiñe; F’ie añe, mamoa havantañañe naho fanintsiñañe o niok’ ama’eo\f + \fr 12:11 \fr*\ft Its 8:2\ft*\f*. 
\v 12 Aa le
\q1 onjono o fitàñe migebañeo,
\q1 naho o ongotse malejolejoo\f + \fr 12:12 \fr*\ft Ies 35:3\ft*\f*,
\q1
\v 13 le avantaño ty fañaveloam-pandia’ areo\f + \fr 12:13 \fr*\ft Rzs 4.26\ft*\f*
\q1 tsy hakatsoke i hakepehañey,
\q1 fa ho jangañeñe\f + \fr 12:13 \fr*\ft Iob 5:18, Rzs 3:8\ft*\f*.
\s1 Hatahata tsy Hifankalaiñe
\p
\v 14 Mimanea fifampilongoañe amy ze hene ondaty, naho fiavahañe, fa tsy ia ty hahaoniñe i \nd Talè\nd* t’ie tsy ama’e. 
\v 15 Mijilova, tsy mone hilesa ami’ty hasoan’ Añahare, hera hitiriam-baha-mafaitse hañembetse, hanìva ty maro. 
\v 16 He ao ty mañarapilo, ke ty votro manahak’ i Esave nandetake i hatañoloñoloña’ey hikama hanen-kedekedeke\f + \fr 12:16 \fr*\ft Fot 25:32-33\ft*\f*. 
\v 17 Toe fohi’ areo t’ie añe, nipay handova i tatay fe niarinjeñe, tsy tendrek’ aze ty hisoloho ndra te nimanea’e an-drano-maso.
\p
\v 18 Tsy nivotrak’ amy vohitse tsy hay tsapaeñey nahareo, i misotratrake afoy, ndra amy fimoromoroñañe naho figoboñañey naho amy talio-beiy; 
\v 19 naho amy fipopòn’ antsivay, vaho amy feon-tsaray, i nitoreova’ o nijanjiñeo te tsy hisaontsiañe i tsaray ka\f + \fr 12:19 \fr*\ft Avo 20:19\ft*\f*, 
\v 20 amy te tsy nileo’ iareo i nandiliañe ty hoey:
\q1 ndra te biby ty mitsapa i vohitsey
\q1 le haretsam-bato.\f + \fr 12:20 \fr*\ft Its 5:6 ; Avo 19:12-13\ft*\f*
\p
\v 21 Aa akore ty harevendreveñañe nizoeñe eo, kanao nanao ty hoe t’i Mosè:
\q1 Mititititik’ an-kanìfan-draho.\f + \fr 12:21 \fr*\ft Its 9:19\ft*\f*
\p
\v 22 Fe nimb’am-bohi-Ziona mb’ etoa nahareo, mb’ an-drovan’ Añahare veloñe, Ierosaleman-dikerañey, naho mb’ an-dahialen’ anjely, 
\v 23 mb’ amy fivorin-tañoloñoloñañe misokitse añarañe andindìñe ao naho mb’ aman’ Añahare mpizaka ie iabiy, naho mb’ amo arofo’ o vantañe nifonirañeo, 
\v 24 naho mb’ amy \nd Iesoà\nd*, mpañalañalam-pañina vao, vaho mb’ amy lio nafitse mivolan-draha soa te amy Abelaiy.
\p
\v 25 Asoao tsy ho làne’ areo i misaontsiy. Fa naho tsy nahabolititse o nikiho i nañatahata iareo an-tane atoiy, sandrake o mitsambolitioke i mampitao boak’ andindìñe aoio. 
\v 26 Toe nampiozoñozòñe ty tane toy i fiarañanaña’ey, fa hoe ty nampitamae’e henaneo,
\q1 Ho tovoñako indraike:
\q1 te tsy ty tane toy avao
\q1 ty hampiezeñezeñeko, fa o likerañeo ka.\f + \fr 12:26 \fr*\ft Kag 2:6\ft*\f*
\p
\v 27 I hoe: Ho tovoñañe indraike, mampalange te haveve o mete ezeñezeñeñeo, o raha namboareñeo, soa te hidoñe eo o tsy mete ezeñezeñeñeo. 
\v 28 Aa kanao mandrambe fifeheañe tsy mete hasitse tika, le manintsiña, hitoroñe an’ Andrianañahare ami’ty fañevà’e am-piambaneañe naho fañevèñañe, 
\v 29 amy te
\q1 Afo mamorototo
\q1 t’i Andrianañaharen-tika.\f + \fr 12:29 \fr*\ft Its 4:24\ft*\f*
\c 13
\s1 Fitoroñañe Non’ Andrianañahare
\p
\v 1 Mitoloña am-pikokoan-dongo. 
\v 2 Ko ado’ areo ty fampiantrañoañe ambahiny, amy t’ie ro nampiantrañoa’ ty ila’e anjely fe tsy nahafohiñe. 
\v 3 Tiahio o an-drohio hoe te mindre mirohy ama’e, naho o samporeraheñeo kanao an-tsandriñe ka nahareo. 
\v 4 Ee te hene hiasy o fanambaliañeo vaho tsy ho leoreñe i tihiy amy te zakaen’ Añahare o mpañarapiloo naho o manao fioloram-palio. 
\v 5 Le asoao tsy ho an-troke ao ty fikiràñe, mierañeràña amo fanaña’ areoo, ty amy tsara’e ty hoe:
\q1 Le lia’e tsy hienga azo raho
\q1 vaho tsy haforintseko.\f + \fr 13:5 \fr*\ft Its 31:6\ft*\f*
\p
\v 6 Le hahavany hanao ty hoe tika:
\q1 I \nd Talè\nd* ro mpañimb’ahiko;
\q1 tsy ho hemban-draho
\q1 ino ty hanoe’ ondaty amako\f + \fr 13:6 \fr*\ft Sab 118:6\ft*\f*
\p
\v 7 Tiahio o manan-dily ama’areoo, ie nisaontsy ty tsaran’ Añahare ama’ areo, naho ty havokaram-pañaveloa’ iareo vaho tsikombeo ty fatokisa’ iareo. 
\v 8 Tsy mihotike t’\nd Iesoà\nd* Norizañe, ndra omale, ndra androany, ndra nainai’e donia. 
\v 9 Asoao tsy hampitsilè’ o fañòhañe ankafankafa mañembetseo\f + \fr 13:9 \fr*\ft Efe 4:14\ft*\f*. Mahasoa ty arofo te ampaozareñe am-patarihañe fa tsy amo raha kamaeñe, ie tsy nahasoa o nitoloñe ama’eo. 
\v 10 Aman-kitrely tika tsy anaña’ o mpitoron-kivohoo zo ikamañe. 
\v 11 Fa oroañe alafe’ i tobey ty vata’ o biby angala’ o mpisorom-beio lio hendese’e amy toetse masiñey ao ty amo hakeoo. 
\v 12 Toe nijale alafen-dalam-bey ao ka t’\nd Iesoà\nd*, hañefera’e ondatio amy lio’ey. 
\v 13 Antao arè, homb’ama’e, alafe’ i tobey añe, hivave o fañinjeañ’ azeo. 
\v 14 Tsy aman-drova tsy ho modo atoy tika, fe misalala i hitotsakey. 
\v 15 Aa le ie abey ty hibanabanàn-tika engan-tsabo nainai’e aman’ Añahare, ty vokam-pivimby\f + \fr 13:15 \fr*\ft Hos 14:2\ft*\f* mibango i tahina’ey. 
\v 16 Le ko apo’ areo ty fanoan-tsoa, naho ty fifañaoñañe, fa non’ Añahare t’ie banabanaeñe.
\p
\v 17 Mivohora amo mpiaolo’ areoo, le iambaneo, fa iereo ro mpañambem-piai’areo hoe ondaty tsy mahay tsy hamolily. Efao abey iereo hitoloñe an-kaehake, fa tsy aman’ anahelo tsy hahasoa anahareo.
\p
\v 18 Mihalalia ho anay, fa iantofa’ay te mazava ty tro’ay, toe satri’ay ty hañavelo an-kavañonañe amy ze he’e. 
\v 19 Aa le onjoneko ama’ areo ty osike hanao izay, soa te hampolieñe ama’ areo masìka iraho.
\p
\v 20 I Andrianañaharem-panintsiñañey abey, i nampitroatse i Mpiarak’ añondry ra’elahy boak’an-kavilasiy, amy liom-pañina tsy modo’ \nd Iesoà\nd* Talèn-tika, 
\v 21 ro hampañeneke\f + \fr 13:21 \fr*\ft Mat 5:48\ft*\f* anahareo amy ze hene sata soa hitoroña’areo amo satrie’eo, ie hitoloñe aman-tika\f + \fr 13:21 \fr*\ft Gal 2:20, Fil 2:13\ft*\f* ze no’e am-pivazohoa’e, añam’ \nd Iesoà\nd* Norizañey: aze ty engeñe nainai’e tsy modo. Amena.
\p
\v 22 O ry longo, ehe iantofo ty fañisohañe sinokiko bòry toy. 
\v 23 Fohino te navotsotse t’i Timoty rahalahin-tika; aa ie pok’ atoy aniany, le hindrezako hitilik’ anahareo. 
\v 24 Salamao iaby o mpifehe’ areoo naho o noro’e iabio. Mañontane anahareo o nte-Italio. 
\v 25 Hasoa ama’ areo iaby. Amena.