\id HAG 
\ide UTF-8
\h Kagày
\toc1 Kagày
\toc2 Kagày
\toc3 Kag
\mt1 Kagày
\c 1
\p
\v 1 Tamy taom-paha-roe’ i Daria­vese\f + \fr 1:1 \fr*\ft Dareavase: mampaharendre-batañe\ft*\f* mpanjakay, amy volam-paha-eneñey, amy valoha’ i volañey, le niheo amy Zerobabele\f + \fr 1:1 \fr*\ft Zerobabele: renetane e Bavele\ft*\f* ana’ i Sealtiele\f + \fr 1:1 \fr*\ft Sealtiele: hinalaly ama’E, he natolo’E\ft*\f* mpifehe’ Iehodà naho am’ Iehosoa\f + \fr 1:1 \fr*\ft Iehosoa: mpandrombake; mpamotsotse\ft*\f* ana’ Iehotsadake\f + \fr 1:1 \fr*\ft Iehotsadake: natroatse; i mpihevey\ft*\f* mpisorombey ty tsara’ \nd Iehovà\nd* añamy Kagày\f + \fr 1:1 \fr*\ft Kagay; Sabadidake; takataka miavake\ft*\f* mpitokiy, nanao ty ti-hoe:
\p
\v 2 Hoe ty nafè’ \nd Iehovà\nd*’ i Màroy,
\p Manao ty hoe ondaty retoañe, Mboe tsy tondroke i àndroy, ty andro hamboareñe ty anjomba’ \nd Iehovà\nd*. 
\v 3 Niheo eo amy zao añamy Kagày mpitokiy ty tsara’ \nd Iehovà\nd* nanao ty hoe: 
\v 4 Sam-piagaregaña’ areo amo akiba’ areo soa tinemetseo hao henaneo, ie mangoakoake ty anjomba toy? 
\v 5 Aa le hoe ty nafè’ \nd Iehovà\nd*’ i màroy, Itsakoreo o sata’ areoo: 
\v 6 Bey ty tinongi’ areo fa kede ty nivokareñe; mikama fe tsy ànjañe; minoñe fe tsy etsake; misikiñe fe tsy mafana; vaho mandrambe tambe an-koroñe loadoake ty mpitoroñe. 
\v 7 Hoe ty nafè’ \nd Iehovà\nd*’ i Màroy, Vetsevetseo o sata’ areoo.
\p
\v 8 Mionjona mb’amy vohitsey mb’eo naho añandeso hatae le amboaro i anjombay hahafale ahy, hahazoako engeñe, hoe t’\nd Iehovà\nd*. 
\v 9 Mipay maro nahareo fe tsy ampeampe ty oniñe; ie endese’ areo moly le tiofeko añe. Akore arè? hoe t’\nd Iehovà\nd*’ i Màroy: Toe napoke ho kòake i kivohokoy, ie songa milay mb’añ’akiba’e mb’eo. 
\v 10 Toe ie ty añajà’ i likerañey zono, naho itambozora’ i taney havokarañe. 
\v 11 Nitokavako hasalikoañe ty tane toy naho o vohi­tseo naho o vare-boleo naho o divaio naho o menakeo naho o famokara’ ty tane toio, naho ondatio naho o hareo vaho ze fonga fitoloñam-pitàñe.
\p
\v 12 Aa le jinanji’ i Zerobabele, ana’ i Sealtiele, naho Iehosoa, ana’ Iehotsadake, mpisorom-bey, naho ze sehanga’ ondaty iaby ty fiarañanaña’ \nd Iehovà\nd* Andrianañahare’ iareo naho o tsara naboa’ i Kagày mpitoky, namantoha’ \nd Iehovà\nd* Andrianañahare’ iareoo, vaho nañeveñe am’ \nd Iehovà\nd* ondatio. 
\v 13 Le nitaroñe’ i Kagày ira’ \nd Iehovà\nd* am’ ondatio ty nafe’ \nd Iehovà\nd*: Ama’ areo iraho, hoe t’\nd Iehovà\nd*. 
\v 14 Nitroboe’ \nd Iehovà\nd* amy zao ty arofo’ i Zerobabele, ana’ i Sealtiele, mpifele’ Iehodà naho ty arofo’ Iehosoa, ana’ Iehotsadake, mpisorom-bey naho o tro’ ondaty sehanga’e iabio, Vaho niheo mb’eo nitoloñe amy anjom­ba’ \nd Iehovà\nd*’ i Màroy, Andrianañahare’ iareoy, 
\v 15 amy andro faha-roapolo-efats-ambi’ i volam-pah-ene’ i taom-paharoe’ i Dariavese mpanjakaiy.
\c 2
\p
\v 1 Niheo amy Kagày mpitokiy amy volam-pahafitoy, amy andro faha-roapolo-raik’ ambi’ i volañeiy, ty tsara’ \nd Iehovà\nd* manao ty hoe: 
\v 2 anò ty hoe amy Zerobabele, ana’ i Sealtiele, naho am’ Iehosoa, ana’ Iehotsadake, mpisorom-bey, vaho amo sehanga’ondatio: 
\v 3 Ia ty honka ama’ areo nahaisake ty anjomba toy amy enge’e taoloy? akore ty fahaoniña’ areo aze henanekeo? Hera tsy vente’e am-pihaino’ areo? 
\v 4 Fe mihaozara henane zao ry Zerobabele, hoe t’\nd Iehovà\nd*; le mihafatrara ry Iehosoa, ana’ Iehotsadake, mpisorom-bey, naho mihaozara ry hene ondati’ o taneo, hoe t’\nd Iehovà\nd* vaho mifanehafa, fa himbaeko, hoe t’\nd Iehovà\nd*’ i Màroy. 
\v 5 Kanao nampijadoñeko i tsara nifañinàko ama’ areo t’ie niavotse i Mitsraimey te mimoneñe ama’ areo ao ty Troko: le ko mirevendreveñe. 
\v 6 Fa hoe ty nafè’ \nd Iehovà\nd*’ i Màroy: Indraik’ avao, le anianike te hozoñozoñeko i likerañey naho ty tane toy, naho i riakey vaho o tamboho maikeo; 
\v 7 le hampi­ezeñezeñeko o kilakila’ ondatio, naho homb’atoy iaby ze vara soa’ o fifeheañeo vaho hatsafeko engeñe ty anjomba toy, hoe t’\nd Iehovà\nd*’ i Màroy. 
\v 8 Ahiko o volafotio, Ahiko ka o volamènao, hoe t’\nd Iehovà\nd*’ i Màroy. 
\v 9 Handikoatse ty enge’ i taoloy ty enge’ i anjomba manonjohiy, hoe t’\nd Iehovà\nd*’ i Màroy; vaho hampanintsiñeko ty toetse toy, hoe ty nafè’ \nd Iehovà\nd*’ i Màroy.
\p
\v 10 Niheo amy Kagày mpitoky amy faha-roapolo-efats’ambi’ i volam-paha-sivey, amy taom-paha-roe’ i Dariavesey ty tsara’ \nd Iehovà\nd* manao ty hoe: 
\v 11 Hoe ty nafè’ \nd Iehovà\nd*’ i Màroy: Añontaneo o mpisoroñeo ty amy Hàke, ty hoe: 
\v 12 Ie minday hena navaheñe an-kitambe’e ao vaho mioza ami’ty mofo ndra ampemba ndra divay ndra menake ndra amy ze atao mahakama i kitambey, hiavake hao re? Tsie, hoe ty natoi’ o mpisoroñeo. 
\v 13 Le hoe t’i Kagày: Aa ie tsapae’ ty nileoren-dolo i raha rezay, halio hao re? Haleotse re, hoe ty natoi’ o mpisoroñeo. 
\v 14 Nanoiñe amy zao t’i Kagày nanao ty hoe: Izay ka ondaty retoañe, naho ty fifeheañe miatrek’ ahy, hoe t’\nd Iehovà\nd*: hambañe ama’e ka o satam-pità’ iareo iabio; vaho maleotse o engae’ iereoo. 
\v 15 Ie henane zao, haraharao: taolo’ ty nampiningirañe ty vato ambone’ ty vato añ’ anjomba’ \nd Iehovà\nd* ao, 
\v 16 ie henane zay naho niheo-mb’am-pitoboroñañe aman-droapolo ondatio, folo avao ty nitendreke; ie nimb’am-pipiritañe mb’eo hañakara’e fitovy limampolo am-pipiritañe ao, le roa-polo avao ty tao; 
\v 17 linafako ty voreke o satam-pità’ areoo, naho tromambo, vaho havandra; fe tsy nitolike, hoe t’\nd Iehovà\nd*: 
\v 18 Ehe, vetsevetseo henane zao, mifototse amy andro faha-roapolo-efats’ ambi’ i volam-paha-siveiy, i andro nañoreñañe ty mananta’ i anjomba’ \nd Iehovà\nd*iy—itsa­koreo; 
\v 19 ke mbe aman-tabiry ty an-driha ao? Eka, mboe tsy namoa o vaheo, o sakoañeo, o raketao, naho o oliveo—fe henane zao, ho tahieko nahareo.
\p
\v 20 Niheo amy Kagày fañindroe’e amy andro faha-roapolo-efats’ambi’ i volañeiy ty tsara’ \nd Iehovà\nd* nanao ty hoe: 
\v 21 Saontsio amy Zerobabele, mpanjaka’ Iehodà ty hoe: hampiezeñezeñeko o likerañeo naho ty tane toy; 
\v 22 havalitsin­goreko ty fiambesa’ o fifeheañeo naho harotsa­ko ty haozaram-pifeleha’ o kilakila’ ndatio\f + \fr 2:22 \fr*\ft Dan 2:44\ft*\f* vaho hahohoko o sareteo rekets’ o mijoñe ama’eo; sindre hikorovoke o soavalao rekets’ o mpiningitseo, songa am-pibaran-dongo’e. 
\v 23 Ie amy andro zay, hoe t’\nd Iehovà\nd*’ i Màroy, ho rambeseko irehe ry Zerobabele, mpitoroko, toe ana’ i Sealtiele, hoe t’\nd Iehovà\nd*, hanoeko bangem-pitomboke; toe ihe ty jinoboko, hoe t’\nd Iehovà\nd*’ i Màroy.