\id HAB 
\ide UTF-8
\h Kabakòke
\toc1 Kabakòke
\toc2 Kabakòke
\toc3 Kab
\mt1 Kabakòke
\c 1
\p
\v 1 Ty entañe nioni’ i Kabakòke\f + \fr 1:1 \fr*\ft Kabakòke: mpanazoke; mpanao ringa\ft*\f* mpitoky. 
\v 2 O ry \nd Iehovà\nd*, pak’ombia
\q1 ty hitoreovako, Ihe tsy mijanjiñeo?
\q1 naho ipoñafako feo, ami’ty hoe: Varata! Tsy rombahe’o!
\q1
\v 3 Ino ty ampahaisaha’o ahy
\q1 o tsy fanjofahañeo,
\q1 naho ampandrendreha’o ty
\q1 halonjerañe, naho ty harotsahañe,
\q1 vaho ty halò-tserehañe aoloko ey?
\q1 eo ka o mpiolao naho o mpandietseo.
\q1
\v 4 Aa le repake t’i Hake,
\q1 vaho tsy miboake ho vantañe o zakao;
\q1 fa arikoboña’ o tsivokatseo o vañoñeo,
\q1 aa le zaka vìlañe avao ty mandeha.
\q1
\v 5 Sambao o kilakila’ ondatio,
\q1 le maharendreha naho mañaraharà,
\q1 Ilatsao fa hanoeñe amo andro’ areoo
\q1 ty fitoloñañe tsy hiantofa’ areo,
\q1 ndra t’ie italilañe.
\q1
\v 6 Inao! te hampitroareko o nte-Kasdìo,
\q1 i fifeheañe mafaitse naho malìsay,
\q1 o hangovovoke hitsaha’e
\q1 i tane bey heneheneio
\q1 hitavana’e o akiba tsy a iareoo.
\q1
\v 7 Ie mampangebahebake naho
\q1 mampirevendreveñe;
\q1 miboak’ am-bata’e ty hionjona’
\q1 ty zaka naho ty enge’e.
\q1
\v 8 Masika te amo farasio o soavala’eo,
\q1 ie maola te amo amboa-hako
\q1 an-kaleñeo,
\q1 mitsapiotsapioke o mpiningitseo,
\q1 boake tsietoitane añe o mpiningi’eo;
\q1 miherereake hoe hondria
\q1 malisa t’ie hanao revozeake.
\q1
\v 9 Fonga hihofike mb’eo am-bodongero’e o azeo, miatre-daharañe manahake i tiok’ atiñanañey hanontom-pirohy hoe faseñe.
\q1
\v 10 Ie mpanivetive mpanjaka,
\q1 inje’ iareo o roandriañeo,
\q1 itohafa’ iareo ze rova fatratse,
\q1 ampirampia’ iereo tane le mitavañe.
\q1
\v 11 Mihelañe hoe tioke ty arofo’iareo,
\q1 fa voa hakeo, amy te samposampo’e ty haozara’e.
\q1
\v 12 Tsy taolo’ ty atao andro hao irehe
\q1 ry \nd Iehovà\nd* Andrianañahareko masiñe?
\q1 tsy ho mongotse zahay.
\q1 Ry \nd Iehovà\nd*, toe tinendre’o ho zakaeñe re,
\q1 Ihe Lamilamy, ro nañory aze ho liloveñe.
\q1
\v 13 Amam-pihaino mikotritriake irehe,
\q1 tsy mañeva azo ty hivazoho haratiañe;
\q1 tsy mete mioniñe hatsivokarañe;
\q1 akore te metea’o o mañoho-dozao?
\q1 Ihe mianjiñe avao, t’ie abotse’ i lo-tserekey t’indaty vantañe te ama’e;
\q1
\v 14 Ie anoe’o hoe fian-driake ondatio,
\q1 hoe raha milalilaly tsy amam-pifehe.
\q1
\v 15 Fonga tarihe’e am-porengotse,
\q1 kozozote’e an-karato,
\q1 naho manontoñe an-jarifa,
\q1 vaho mirebeke am-pitreñañe,
\q1
\v 16 Misoroñe amo harato’eo,
\q1 naho mañemboke amo jarifa’eo,
\q1 amy t’ie ro mahavondrake ty anjara’e,
\q1 naho mahatobàke o mahakama’eo.
\q1
\v 17 Aa ho koahe’e hao o harato’eo?
\q1 ho zamane’e nainai’e hao o fifeheañeo
\q1 fa tsy hanisa?
\c 2
\q1
\v 1 Hijohañe am-pijilovako eo iraho,
\q1 hijadoñe am-pitalakesañ’ abo ey,
\q1 hañilo mb’alafe’e mb’eo
\q1 handrèndreke ze ho tsarae’e amako,
\q1 naho ze hatoiko t’ie hiveroke.
\q1
\v 2 Nanoiñe ahy t’\nd Iehovà\nd* ami’ty hoe:
\q1 Sokiro i aroñaroñey,
\q1 bakabakafo an-takelake,
\q1 hahavakia’ondaty milay.
\q1
\v 3 Ho amy andro namantañañ’ azey i tokiy,
\q1 i figadoñañey ro enta’e,
\q1 le tsy handañitse
\q1 ndra t’ie tambatse, liñiso,
\q1 toe ho tondroke le tsy hihenekeneke.
\q1
\v 4 Heheke ty miebotsebots’ an-troke,
\q1 tsy vañoñe ty ama’e ao;
\q1 fe veloñe amy fatokisa’ey ty vantañe.
\q1
\v 5 Mbore fañahie’ ty divay ty mpirengevoke
\q1 tsy ho tamàñe añ’akiba’e ao,
\q1 fa ampienare’e hoe i Tsikeokeokey
\q1 ty fañiria’e, manahake o vilasio
\q1 t’ie tsy mb’ia tsy etsake,
\q1 fa atonto’e ama’e ze hene fifeheañe,
\q1 ampitoabore’e ama’e ze kila ondaty.
\q1
\v 6 Aa vaho tsy songa handrambe
\q1 razan-drehake ama’e irezay,
\q1 handrabioñe aze an-titse,
\q1 ami’ty hoe: Hankàñe
\q1 amy nanontoñe ty tsy azey!
\q1 akore ty hatrela’ ty nilogologoa’e tsoake!
\q1
\v 7 Tsy hitroatse amy zao hao
\q1 o mipay avak’ ama’oo?
\q1 tsy ho tsekake hao o mampi­nevenevetse azo?
\q1 ihe ho fikopaha’e.
\q1
\v 8 Aa kanao nikopahe’o o kilakila’ondatio,
\q1 le ho volose’ o sehanga’ ondatio ka irehe;
\q1 ty amo lio’ ondatio,
\q1 naho i heloke nanoañe amy taney,
\q1 naho amy rovaiy,
\q1 vaho amo hene mpimoneñeo.
\q1
\v 9 Hekoheko amy mpikatramo vara
\q1 ho a i anjomba’eiy,
\q1 hañonjona’e ambone ey i kiboho’ey,
\q1 hivotsora’e ami’ty haozara’ o ratio!
\q1
\v 10 fa nikinia’o hasalarañe ty akiba’o
\q1 hañitoa’o t’indaty maro,
\q1 vaho amam-kakeo am-bata’o.
\q1
\v 11 Hikoike boak’an-drindriñe ao ty vato,
\q1 hanoiñe aze i tsotsòke boak’ an-katae aoy:
\q1
\v 12 Hankàñe! ty mpamboatse rova an-dio,
\q1 ie mañoren-tanàñe an-tahiñe.
\q1
\v 13 Inao! tsy \nd Iehovà\nd*’ i Màroy
\q1 ty amokora’ ondaty ho ami’ty afo,
\q1 naho ty amozaha’ o fifeheañeo
\q1 ho an-kakoahañe.
\q1
\v 14 Toe ho lifotse ty fahafohinañe
\q1 ty enge’ \nd Iehovà\nd* ty tane toy,
\q1 manahake ty fañampoan-drano i riakey\f + \fr 2:14 \fr*\ft Ies 11:9\ft*\f*.
\q1
\v 15 Hankàñe ami’ty mampigenoke i rañe’ey,
\q1 ie izonjoña’e i zonjòñey, hampijik’ aze am-bòreke, hisamba’e i heña’ey!
\q1
\v 16 Àtsan-kasalaran-drehe fa tsy engeñe, minoma ka, ho zoeñe t’ie tsy sinavatse,
\q1 hitoliha’ ty fitovim-pitàn-kavana’ \nd Iehovà\nd*,
\q1 ho losore’ ty hameñarañe ty enge’o.
\q1
\v 17 Hanaroñ’ azo ty fijoiañe i Libanone,
\q1 naho ty fanjamanañe biby
\q1 nampalý iareo;
\q1 ty ami’ty lio’ ondatio naho
\q1 ty fampiantoañe i taney, i rovay,
\q1 vaho o mpimoneñe ao iabio.
\q1
\v 18 Ino ty tombo’ i sare-sokitsey,
\q1 ie tsinene ty nanao aze, sare nitranaheñe naho mpañoke vande;
\q1 t’ie iatoa’ i mpandranjy azey
\q1 hanoe’e samposampo moañe?
\q1
\v 19 Hekoheko ami’ty manao ty hoe
\q1 ami’ty hatae: Mañentea!
\q1 naho amy vato moañey: Miongaha!
\q1 Mahafanoro hao izay?
\q1 Hehe t’ie nohoñem-bolamena naho
\q1 volafoty, fe tsy aman-kofòke.
\q1
\v 20 Añ’anjomba’e masiñe ao t’\nd Iehovà\nd*;
\q1 mianjìña añatrefa’e eo ry an-tane-bey atoy.
\c 3
\q1
\v 1 Ty fikora’ i Kabakoke mpitoky,
\q1 nanoeñe añ’onin-tsabo\f + \fr 3:1 \fr*\ft Sigionote: onin-tsabo\ft*\f*.
\q1
\v 2 Ry \nd Iehovà\nd*, fa tsinanoko i nilañona’oy
\q1 vaho hemban-draho; sotraho o fitoloña’oo
\q1 ry \nd Iehovà\nd*, añivon’andro zao;
\q1 ampahafohino anteñateñan-tsa,
\q1 ihe viñetse mahatiahia fiferenaiñañe.
\q1
\v 3 Niboak’ amy Temane\f + \fr 3:3 \fr*\ft Temane: atimo, Afrika; fonitse\ft*\f*
\q1 t’i Andrianañahare,
\q1 hirik’am-bohi-Parane\f + \fr 3:3 \fr*\ft Parane: soa vinta; engeñe; fihaminañe\ft*\f* i Masiñey. Selah
\q1 nanitsike o likerañeo ty volonahe’e,
\q1 nandramban-tane ty enge’e.
\q1
\v 4 Mireandreañe hoe i àndroy;
\q1 mitsipelatsipelatse ty fità’e;
\q1 mikafitse ao i haozara’ey.
\q1
\v 5 Miaolo Aze ty angorosy,
\q1 mimilemiletse am-pandia’eo ty afo.
\q1
\v 6 Ie mijohañe, manginikinike i taney,
\q1 Ie mivazoho, minevenevetse o fifeheañeo;
\q1 mikoromak’ amy zao o vohitse nainai’eo,
\q1 mibokoke o haboañe haehaeo,
\q1 aze o lalañe haehae’eo.
\q1
\v 7 Treako te misotry o kiboho’ i Kosìo,
\q1 nititititike o lamban-dalan-kiboho’
\q1 i Midianeo.
\q1
\v 8 Ry \nd Iehovà\nd*, ­nañatsembe Azo hao o sakao?
\q1 Niviñera’o hao o torahañeo?
\q1 Nampiforoforo Azo hao i riakey?
\q1 t’ie miningitse soavala naho
\q1 saretem-pandrombahañe.
\q1
\v 9 Zonjoñe’o ty taram-pale’o,
\q1 lilie’o ho liforen’ ana-pale. Selà
\q1 Torie’o amo sakao ty tane toy.
\q1
\v 10 Nahaisak’ azo o vohitseo le nihembañe, nanginahina i sorotombakey,
\q1 nampipoña-peo i lalekey,
\q1 vaho naonjo’e mb’añ’abo o taña’eo.
\q1
\v 11 Nijihetse añ’akiba’e eo i àndroy
\q1 naho i volañey,
\q1 ami’ty filoeloea’ o ana-pale’o
\q1 nihiririñe mb’eoo,
\q1 naho ami’ty fimilomiloran-defo’o.
\q1
\v 12 Linialia’o an-kaviñerañe i taney;
\q1 trinabotrabo’o an-keloke o kilakila’ndatio.
\q1
\v 13 Nionjomb’eo irehe handrombake ondati’oo,
\q1 hamotsotse i Noriza’oy;
\q1 dinemo’o ty loha-traño’ o tsivokatseo,
\q1 nampikorendahe’o boak’
\q1 ami’ty manàntañe pak’am-bozo’e. Selà
\q1
\v 14 Trinofa’o amo kobai’eo avao
\q1 ty loha’ o mpifehe’eo,
\q1 o mpivovo amako hoe tangololahio;
\q1 ie miankahake hampibotseke
\q1 o mahaferenaiñeo añ’etake ao.
\q1
\v 15 Linialia’o amo soavala’oo i riakey
\q1 amy fitoaboran-drano bey heneheney.
\q1
\v 16 Tsinanoko le ninevenevetse ty troko,
\q1 nampititititike o soñikoo
\q1 i fiarañanañañey,
\q1 nizilik’ an-taolako ao ty fimomohañe,
\q1 nihondrahondra iraho am-pijohañako eo
\q1 handiñisako i andro hankàñey,
\q1 ty hitroara’ o haname anaio.
\q1
\v 17 Aa ndra te tsy mamòñe i sakoañey,
\q1 naho tsy mamoa o vaheo;
\q1 mianto te mitoloñe amo oliveo,
\q1 tsy mamokatse haneñe o tetekeo,
\q1 aitoañe amo golobo’eo o añondrio,
\q1 vaho po-pirai-tròke ty an-jolok’ ao,
\q1
\v 18 mbe hirebek’am’ \nd Iehovà\nd* nainai’e raho
\q1 handia-taroba aman’
\q1 Añaharem-pandrombahañ’ ahy.
\q1
\v 19 Haozarako t’\nd Iehovà\nd* Andrianañahareko hanoe’e tombon-tsarake o tombokoo,
\q1 hanjotike an-kaboañe ey.
\q1 Ho amy talèn-tsakèray: anoeñe am-pititihañe.