\id GAL 
\ide UTF-8
\h Galate
\toc1 Galate
\toc2 Galate
\toc3 Gal
\mt1 Galate
\c 1
\s1 Ty Foto’ ty Hasoa
\p
\v 1 I Paoly, Firàheñe, (tsy nirahe’ ondatio, ndra t’indaty, fa \nd Iesoà\nd* Norizañey naho i Andrianañahare Rae nampitroatse aze an-kavilasy) 
\v 2 naho o longo amako atoa iabio,
\p Ho amo Fivory e Galate añeo:
\p
\v 3 Hasoa naho Fañanintsiñe boak’ aman’ Añahare Rae naho i Talèntika \nd Iesoà\nd* Norizañey, 
\v 4 ie nanolo-piaiñe ty amo hakeon-tikañeo, handrombake antika ami’ty sa raty henaneo, ty amy satrin’ Añahare Raen-tikañe; 
\v 5 ama’e abey ty engeñe nainai’e donia. Amena
\s1 Raike—Tsy Roe Tsy Telo—i Talili-soay,
\p
\v 6 Mahalatsa ahy te nifarie’ areo aniany i nikanjy anahareo mb’amy hasoa’ i Norizañeiy, hitolik’ amy ze o talili-soa\f + \fr 1:6 \fr*\ft Ko II 11:4\ft*\f* ila’e zao, 
\v 7 tsy t’ie aman’ ila’e, fe ao ty mitsibore anahareo hañamengoke ty talili-soa’ i Norizañey 
\v 8 Aa ndra te zahay, ndra te anjely hirik’ andindìñe añe ty mitaroñe ama’ areo ty talily ila’ te amy nitaroñe’aiy, le sira naho molale. 
\v 9 Hambañe amy fivola’ay teoy, le indraeko henaneo, ndra ia t’indaty minday talili-soa ama’ areo mandietse i rinambe’ areoy, le fatra an-tane.
\p
\v 10 Mipay fañisohañe am’on­datio hao iraho henaneo he aman’ Añahare? Ke mipay hahafale ondaty? F’ie te ho nanitra ondaty, le tsy ho ni-fetrek’oro’ i Norizañey.
\s1 Kinanjin’Añahare t’i Paoly
\p
\v 11 Hampahafohineko anahareo ry longo, te tsy nifototse am’ondaty i talili-soa itaroñakoy. 
\v 12 Tsy rinam­beko ama’ ondaty, naho tsy nanarañ’ ahiko, fa amy namentabentara’ \nd Iesoà\nd* Norizañey ahiy.
\p
\v 13 Toe jinanji’areo i fanoeko taolo amo Tehodaoy, te loho nampisoañeko i Fivorin’ Añaharey, naho nimaneako rotsake, 
\v 14 vaho nionjoñe amy fitalahoa’ o Jiosioy mandikoatse o longoko maro mpirai-nono amakoo, ie nilozoheko o lilin-droaekoo. 
\v 15 Aa kanao ninòn’ Añahare nañambak’ ahy boak’ an-tron-dreneko ao, le nikanjie’e ty amy hasoa’ey, 
\v 16 hampalangese’e amako i ana’ey, hitaroñako aze amo kilakila’ ondatio; ie henane zay tsy niharoako safiry ty nofotse aman-dio 
\v 17 naho tsy nionjomb’e Ierosaleme mb’ amo Firàheñe taolokoo mb’eo f’ie nifokofoko mb’ Arabia añe; vaho nimpoly mb’e Damaskose ao.
\p
\v 18 Ie niritse ty telo taoñe le nionjomb’e Ierosaleme mb’eo hifandrèndreke amy Kefasy, vaho nitoboke ama’e ao folo andro lim’ amby. 
\v 19 Le tsy nahatrea Firàheñe ila’e iraho naho tsy Iakobe, zai’ i Talè avao. 
\v 20 (Aa ty amo sokireko ama’ areoo, le ifantàko añatrefan’ Añahare te tsy mandañitse.) 
\v 21 Ie añe, le nimb’am-paripari’ i Sirià naho i Kilkia mb’eo; 
\v 22 ie mb’e namoea’ o Fivory amy Norizañey e Iehodào ty tareheko. 
\v 23 Toe jinanji’ iereo avao te, i nampisoañe antika taoloy ro mone mitsey i fatokisañe nimanea’e rotsake heikey. 
\v 24 Le nandrenge an’ Andrianañahare ty amako.
\c 2
\s1 No’ o Firaheñeo t’i Paoly
\p
\v 1 Ie folo taoñe efats’ amby añe, le nionjomb’e Ierosaleme mb’eo indraike iraho nindre amy Barnabasy; nindese’ay ka t’i Titosy. 
\v 2 Nionjoñe mb’eo te nen­toeñe, aa ie natolako ze atao bey am’ iereo le nampalangeseko am’iereo ty talili-soa fitaroñako amo kilakila ondatio, ke tsy jefa’e i filaisakoy ndra i nilaisakoy. 
\v 3 Fe ndra i Titosy, Grika, mpiamakoy tsy nazi’ iereo ho savareñe. 
\v 4 Ie amy zao pok’eo o roahalahi-anifeo, nijekejeke, nifilo ty fidadàn-tika am’ \nd Iesoà\nd* Norizañey, handrohy an-tika. 
\v 5 Fe tsy nimete niandaly am’iereo ndra ora raike zahay, soa te hirekets’ ama’ areo nainai’e ty hatò’ i talili-soay. 
\v 6 Aa le o atao mpiaoloo, (toe tsy ahoako t’ie inoñe, amy te tsy mirihy t’i Andrianañahare)—toe tsy nahatovoñe inoñ’ inoñ’ amako i mpiaolo rey, 
\v 7 te mone, ie nahaoniñe te nafantoke amako i talili-soa’ o tsy sinavatseoy, manahak’ i Petera amo sinavatseo, 
\v 8 (amy te i nifanehake amy Petera ho Firàheñe amo sinavatseoy ro nifanehake amako ka ho amo kilakila ondatio), 
\v 9 le ie nioni’ Iakobe naho i Kefasy vaho i Jaona, i atao fàhañe rey, i falalàñe natolotse ahikoy, le nañity fitàn-kavanam-pilongoañe amako naho amy Barnabasy, te zahay ro homb’ amo kilakila ondatio, naho iereo mb’amo sinavatseo, 
\v 10 vaho t’ie hahatiahy o rarakeo, fa toe malisa amy zay iraho.
\s1 Mifañatreatre amy Petera
\p
\v 11 Aa ie nivotrake Antiokia ao t’i Kefasy, le natreatreko an-dahara’e fa namà-batañe: 
\v 12 amy t’ie taolo’ ty nivotraha’ ondaty boak’ am’ Iakobe añe le nitrao-pikama amo kilakila ondatio, fa naho niloneake eo iereo. nihankan-dre, nivìke amy fihembaña’e o mpiamo sinava­tseoo. 
\v 13 Nitrao-pamañahiañe ama’e o Jiosy ila’eo, kanao sinoike añe amy famañahiañey ka t’i Barnabasy. 
\v 14 Aa naho nitreako t’ie tsy nañavelo an-kavantañañe amy hatò’ i talili-soaiy, le hoe iraho amy Kefasy añatrefa’ iareo iaby: Naho ihe Jiosy ro mañori­ke ty fanao’ o kilakila ondatio fa tsy o Jiosio, le ino ty anoroa’o amo kilakila ondatio ty hañavelo manahake o Jiosio?
\s1 Rombaheñe am-Patokisañe
\p
\v 15 Jiosy tika ami’ty nofotse fa tsy mpanan-kakeo boak’ amo kilakila ondatio, 
\v 16 fohiñe te tsy mahavantañe ondaty ty fimanemaneañe Hake, fa ty figahiña’ \nd Iesoà\nd* Norizañey. Aa le niantoke \nd Iesoà\nd* Norizañey tika naho nivantañeñe amy figahinam-patokisa’ i Norizañeiy, le tsy am-pimanemanean-Kake, fa tsy eo ty ama’ nofotse ty ho vantañe’ ty fimanemaneañe Hake. 
\v 17 Aa naho ie mipay ho vantañeñe amy Norizañey ro zoeñe te aman-kakeo; mahampitoron-kakeo i Norizañey hao zay? Sondo’e! 
\v 18 Fa naho atroako indraike i narotsakoy, le ma­men­te-vatañe te mpiola. 
\v 19 I Hake ty namono i fimanemanean-diliy amako\f + \fr 2:19 \fr*\ft Rom 7:1-25\ft*\f*, hivelomako aman’ Añahare, 
\v 20 niharo niradorado amy Norizañey iraho fe tsy izaho ty veloñe, fa mimo­neñe amako ato i Norizañey\f + \fr 2:20 \fr*\ft Rom 8:10, Ko II 6:16, 13:5, Efe 3:17, Kol 1:27, Jn 1 3:24\ft*\f*, vaho ty fivelomako ami’ ty nofotse toy henaneo ro ivelomako amy fatokisañe te velome’ i Anan’ Añahare nikoko vaho namoe-ay ho ahikoy. 
\v 21 Tsy apoko ty falalàn’ Añahare, fa naho nivantañe’ ty fimanemanean-Kake, le tsy vente’e ty nivetraha’ i Norizañey.
\c 3
\s1 Ke o Fepètseo he ty Fatokisañe
\p
\v 1 O ry nte-Galate gegeo! Ia ty namoreke anahareo tsy hatokisa’ areo ty hatò? ie añatrefam-pihaino’ areo ty nampalangesañe ty fipehañe \nd Iesoà\nd* Norizañey. 
\v 2 Inao ty teako hatoro’ areo ahiko: Rinambe’ areo ami’ty fimanean-Kake hao i Arofoy? Ke natokisañe i nijanjiñañey? 
\v 3 Minè v’inahareoo? Ie namototse amy Arofoy, ho fonireñe amy nofotsey hao henaneo? 
\v 4 Tsy vente’e hao o raha maro nijalea’ areoo, toe tsy jefa’e hao? 
\v 5 I nanolotse anahareo i Arofoy naho mitolon-draha tsitantane añivo’ areoy; itoloña’e am-pimanean-Kake hao, ke am-patokisañe i jinanjiñey?
\p
\v 6 Hambañe amy Abraàme;
\q1 Natokisa’e t’i Andrianañahare
\q1 vaho vinolili’e ho havañonañe ama’e.\f + \fr 3:6 \fr*\ft Fot 15:6\ft*\f*
\p
\v 7 Arendreho arè te toe ana’ i Abraàme o amam-patokisañeo. 
\v 8 Aa kanao nitokie’ o Sokitse Masiñeo te hampivantañen’ Añahare ami’ ty fatokisa’e o kilakila ondatio, le tsinara’e amy Abraàme aolo’ i talili-soay, ty hoe:
\q1 Ama’o ty hitahiañe ze hene fifeheañe,\f + \fr 3:8 \fr*\ft Fot 12:3, 18:18, 22:18\ft*\f*
\p
\v 9 Aa le mindre tahi­eñe amy Abraàme mpiàtoy o mpiatoo.
\p
\v 10 Songa nafàtse ze mpimane Hake, fa hoe ty pinatetse:
\q1 Sindre afàtse ze tsy mitolom-panao
\q1 ze hene pinatetse amy Boke Hakey.\f + \fr 3:10 \fr*\ft Its 27:26\ft*\f*
\p
\v 11 Malange te tsy ia ty ho vantañe’ i Hake añatrefan’ Anañahare, fa,
\q1 Veloñe amy fatokisa’ey ty vantañe.\f + \fr 3:11 \fr*\ft Kab 2:4\ft*\f*
\p
\v 12 Tsy fatokisañe ty fimanemanean-dily, fe
\q1 Iveloma’ ty manao irezay.\f + \fr 3:12 \fr*\ft Sor 18:5\ft*\f*
\p
\v 13 Jineba’ i Norizañey amy fatse amy Hake aoiy tika, ie nafàtse ho antika, fa hoe ty pinatetse:
\q1 Fonga afàtse ze aradorado an-katae\f + \fr 3:13 \fr*\ft Its 21:23\ft*\f*
\p
\v 14 soa te am’ \nd Iesoà\nd* Norizañey ty hitotsaha’ ty fitahia’ i Abraàme amo kilakila ‘ndatio, handrambesa’e am-patokisañe i Arofo nitamañey.
\s1 Ty Lily naho ty Fampitamañe
\p
\v 15 O ry longo, ho razañeko ami’ty fanoe’ ondatio: Ndra t’ie fañina’ ondaty, naho fa najadoñe, le tsy eo ty mamao­paoke aze ndra manovoñe fepetse ama’e; 
\v 16 ie amy zao, nanoeñe amy Abraàme naho amy tiri’ey o fampitamañeo. Tsy natao ty hoe: Naho amo tiri’eo, hoe t’ie maro, fa ami’ty raike, ami’ty hoe:
\q1 Naho amy tiri’oy,\f + \fr 3:16 \fr*\ft Fot 12:7; 13:5,22,18, 17:7, 24:7\ft*\f*
\p toe i Norizañey. 
\v 17 Zao o taroñekoo: Tsy mahafaoke i fañina nititihen’ Añahare hampikoaha’e i fampitamañeiy i Hake nanoeñe efa-jato-tsi-telo-polo taoñe mb’atoiy. 
\v 18 Fa naho miato aman-Kake ty lova, le tsy miato amy fampitamañey, fe fampitamañe ty nanoloran’ Añahare aze amy Abraàme.
\p
\v 19 Inoñ’ arè ty asa’ i Hake? Natovoñe ty amo hakeoo, ie norizañe amo anjelio am-pitàm-pañalañalañe ampara’ te nivotrake i Tiry nampitamañey. 
\v 20 Tsy mañila t’indaty añivo, fe raike t’i Andrianañahare.
\p
\v 21 Aa vaho mifandietse amo fampitamàn’ Añahareo hao t’i Hake? Sondo’e! Fa naho eo ty hake nitolorañe ze ho nahaveloñe, le i hake zay ty ho nahavantañe. 
\v 22 Fe kila nagabe’ i Sokitse Masiñey ambanen-kakeo ao, soa te hatolotse amo mahafiatoo i nampitamañey, añamy fatokisa’ \nd Iesoà\nd* Norizañeiy.
\p
\v 23 Ie mbe tsy pok’ atoy i fatokisañey, le rinohy ambane’ i Hake tikañe, narindriñ’ ao ampara’ te naboake o fatokisañeo. 
\v 24 Aa le nimpañoke antika homb’ amy Norizañey mb’eo t’i Hake, soa te hivantaña’ i fatokisañey. 
\v 25 Kanao eo i fatokisañey, le tsy fehè’ i mpañokey ka tika.
\s1 Anak’ Andrianañahare
\p
\v 26 Songa anan’ Añahare nahareo amy fatokisa-migahi’ \nd Iesoà\nd* Norizañeiy, 
\v 27 le inahareo nalipotse amy Norizañey ro misikiñe i Norizañey. 
\v 28 Tsy eo ndra Jiosy ndra Grika, tsy eo ndra ondevo ndra midada, tsy eo ndra lahilahy ndra ampela; amy te hene raike am’ \nd Iesoà\nd* Norizañey. 
\v 29 Aa ie amy Norizañey, le tarira’ i Abraàme, mpandova ty amy nampitamàñey.
\c 4
\p
\v 1 Hoe ty hatovoko: Tsy mifañòva ami’ty ondevo ty mpandova mbe ajaja, ndra t’ie ty tompo’ ze he’e; 
\v 2 amy t’ie fehè’ o mpañabeio naho o mpañokeo ampara’ ty andro tinendren-drae’e. 
\v 3 Itikañe ka, naho mbe ni-ajaja ro nondevoze’ o fañè’ ty voatse toio. 
\v 4 Fa naho ni­tsatoke ty fañenefañe i saay, le nahitrin’ Añahare t’i Ana’e, sinama’ ty Rakemba, toly ambane’ Hake, 
\v 5 hijebañe o ambane’ Hake aoo, hameloñe an-tika ho anake. 
\v 6 Aa kanao anake, le fa nahitrin’ Añahare añ’arofo’ areo ao t’i Arofo’ i Ana’ey, mikoike: Aba, Rae. 
\v 7 Aa le tsy ondevo ka irehe, fa anake; aa kanao anake, le mpandova aman’ Añahare, añamy Norizañey.
\s1 Endaha’ i Paoly
\p
\v 8 Ie taolo, mbe tsy nahafohiñe an’Andrianañahare, naho niondevo’ o toe tsy ndrañahareo; 
\v 9 f’ie mahafohiñe an’ Andrianañahare henaneo—toe i Andrianañahare ty maharofoanañe anahareo—aa mañino te tolihe’ areo indraike o fañè maleme naho votroo\f + \fr 4:9 \fr*\ft Gal 4:3, Kol 2:8,20\ft*\f*? Te hiheren-ko ondevo’ irezay indraike v’inahareo? 
\v 10 hañorik’ andro naho volañe naho sa vaho taoñe? 
\v 11 Imarimarihako he kafoake ty nifanehafako ama’ areo.
\p
\v 12 O ry longo, mihalaly ama’ areo, misoloa ahy, manahake ty nisoloako anahareo—ie tsy nanao raty ahy. 
\v 13 Fohi’ areo te an-kasilofan-tsandriñe ty nitaroñako i talili-soay tam-baloha’e. 
\v 14 Le tsy nisirikaeñe naho tsy nampangorì’ areo, i nañembetse ahy amy hasilofan-tsandrikoy, fe nampihovae’ areo hoe t’ie ni-anjelin’ Añahare, toe nanahake \nd Iesoà\nd* Norizañey. 
\v 15 Aia i fañanintsiñe tama’ areoy? Mahavolan-draho naho nimete, te ho napoliti’ areo o fihaino’ areoo vaho natolots’ ahiko. 
\v 16 Aa vaho rafelahi’ areo hao iraho kanao ivolañako ty hatò?
\p
\v 17 Malisa mipay anahareo iereo, tsy te hañasoa, fa ty hampiria an-tikañe, hipiteha’ areo ama’e. 
\v 18 Soa avao te paiañe t’ie hahimbañe nainai’e ho ami’ty hasoa, fa tsy t’ie miatreke avao. 
\v 19 Ry anake, hoe mitsongo te hiterake in­draike iraho ampara’ te miforoñe ama’ areo ao i Norizañey. 
\v 20 Sinda te ho ama’ areo iraho henaneo hiovà’ ty feoko fa mahasekatse ahy.
\s1 I Hagara naho i Saraha
\p
\v 21 Mitalilia, ie te ho fehè’ i Hake, ke tsy janji’ areo t’i Hake? 
\v 22 Toe pinatetse te nanañ’ anake roe t’i Abraàme, teo ty a i ondevo ampelay, teo ty a i rakemba hahay. 
\v 23 Naterake amo haondatio i anak’ ondevoy, fe amy nampitamañey i anan-drakemba hahay; 
\v 24 fandrazañañe ami’ty fañina roe iereo: ty raike hirike am-bohi-Sinaiy miterake fañondevozañe, i Hagara zay. 
\v 25 Vohi-Sinay e Arabia añey t’i Hagara, ie manoiñe ho Ierosaleme henaneo, amy t’ie mitoroñe hoe ondevo miharo amo ana’eo. 
\v 26 Fe haha t’Ierosaleme ambone ao, ie ty renen-tikañe. 
\v 27 Hoe ty pinatetse:
\q1 Mirebeha ry betsiterake tsy mahatoly!
\q1 Mipoñafa an-koiake, ry tsy mitsongoo!
\q1 Fa maro ty ana’ i bangiy,
\q1 te amy amam-baliy.\f + \fr 4:27 \fr*\ft Ies 54:1\ft*\f*
\p
\v 28 Le manahak’ Isaka, ana’ i fampitamañey, tika ry longo. 
\v 29 F’ie henane zay, nampisoañe’ i naterake amy nofotseiy i amy Arofoy, le ie ka henaneo. 
\v 30 Aa vaho ino ty pinatetse amy Sokitse Masiñey ao?
\q1 Aitò i ondevo ampelay naho i ana’ey,
\q1 fa tsy hitrao-dova amy ana’ i rakembaiy ty ana’ i ondevoy.\f + \fr 4:30 \fr*\ft Fot 21:10\ft*\f*
\p
\v 31 Ie amy zao ry longo, tsy ana’ i ondevo ampelay tika, fa amy hahay.
\c 5
\s1 Fierañerañañe amy Norizañey
\p
\v 1 Fidadàñe ty nañahà’ i Norizañey antika, aa le mijadoña, soa tsy ho fandrihe’ i jokam-pañondevozañey ka.
\p
\v 2 Intoy, izaho Paoly o mivolañe ama’ areoo, t’ie miafa-boy, le tsy hahasoa anahareo i Norizañey. 
\v 3 Ataliliko indraike ze hene lahilahy mamotso-boiñe, t’ie mpisongo, ro voalily hañambeñe ze he’e amy Hake ao. 
\v 4 Fa nifampiria amy Norizañey nahareo, mipay havantañañe amo fañèo, vaho fa nitraboke amy hasoay. 
\v 5 F’ie amy Arofoy ro mandiñe am-patokisañe te ho heneke i havantañañe tamàñey. 
\v 6 Ie am’ \nd Iesoà\nd* Norizañey ao, le songa tsy vente’e ty fisavarañe naho ty tsi-fisavarañe, fa ty fatokisañe mifanehake am-pikokoañe.
\p
\v 7 Nisoa ty filaisa’ areo, fa ia ty nanebañe anahareo tsy hañambeñe ty hatò? 
\v 8 Tsy boak’ amy mpikanjy anahareoy o manigìke anahareo zao. 
\v 9 Mahaatseke ty boko’e iaby ty lalivay kede. 
\v 10 Iantofako amy \nd Talè\nd*, t’ie tsy hivetsevetse raha ila’e; fa i mampitsiborehetoke anahareoy ty hivave i fizakàñe azey, ndra te ia. 
\v 11 Izaho ka ry longo, naho mbe mitaroñe fisavarañe, inoñe ty ampisoañañe ahy? amy t’ie ho nampikòake ty sirìka’ i hatae ajaley. 
\v 12 Ee te ho vosireñe ka o mañembetse anahareoo.
\p
\v 13 Toe kinanjy ho haha nahareo ry longo, aa le ko afotetse ho filomolorañe amo nofotseo ty fidadà’ areo, fe mifañasoà an-koko. 
\v 14 Toe mahaeneñe i Hake ty tsara raike manao ty hoe:
\q1 Kokò ondatio manahake ty vata’o.\f + \fr 5:14 \fr*\ft Sor 19:18\ft*\f*
\p
\v 15 Fa naho mifandrimitse naho mifamotseke, mitaoa, hera hifampigodrañe!
\s1 Haveloñe amy Arofoy
\p
\v 16 Aa hoe iraho: Mihaveloa amy Arofoy, le tsy ho haoñe’ areo ty hadrao’ i nofotsey. 
\v 17 Mpandietse i Arofoy i nofotsey, naho i nofotsey i trokey; mifandietse iereo soa tsy hanoe’ areo ze satri’areo, 
\v 18 f’ie iaolòa’ i Arofoy, le tsy ambane’ i Hake.
\p
\v 19 Malange ty sata’ o nofotseo: ty hakarapiloañe, fandratoañe, hameñarañe, 
\v 20 fiatoañe am-pahasive, famorehañe, fifalaiñañe, filie-drokoñe, fitsikirihañe, filoa-tiñake, fifandierañe, fifampiambahañe, fifampiriàñe, 
\v 21 fihàñañe, hamamoañe, fihi­sàn-draty vaho o manahake irezaio; inao indraike i hatahata hinatahatako anahareoy, te tsy handova i Fifehean’ Añaharey o manao irezaio\f + \fr 5:21 \fr*\ft Ko I 6:10\ft*\f*.
\p
\v 22 Le ty voka’ i Arofoy: fikokoañe, firebehañe, fañanintsiñe, fahaliñisañe, havantañañe, fatarihañe, figahiñañe, 
\v 23 trentram-po, filieram-batañe. Tsy amy Hake ty man­drara irezay. 
\v 24 Fa naradorado’ o mpiamy \nd Iesoà\nd* Norizañeio i haondaty hambo’ey rekets’ o fañiria’e naho hadrao’eo.
\p
\v 25 Kanao veloñe amy Arofoy tikañe, antao hañavelo amy Arofoy ka. 
\v 26 Asoao tsy hirengevoke, hifanikisìky naho hifampitsikirìke.
\c 6
\s1 Soao Ondaty iabio
\p
\v 1 O ry longo, ie tsikapien-kakeo t’indaty, le ihe aman’ arofo ro mañareñe aze ami’ty hatsò-po, mitaoa tsy mone ho zizieñe ka. 
\v 2 Mifampivavea kilankañe, hañenefañe i Ha’ i Norizañeiy.
\p
\v 3 Naho eo ty mieva-vatañe ho inoñe, ie tsy vente’e, le mamañahy vatañe. 
\v 4 Ee te songa hamente o fitoloña’eo, hanaña’e ty ho rengè’e an-troke fe tsy ami’ty ila’e, 
\v 5 fa sindre hinday ty kilanka’e.
\p
\v 6 Handìva’ i mioke amy tsaray amy mpañokey ze hene hasoa.
\p
\v 7 Asoao tsy ho fañahieñe, tsy vere­vereñe t’i Andrianañahare, fa ho tatahe’ ondatio i nitongise’ey. 
\v 8 I mitongy amy haondati’eiy, ro hanatake hamomohañe amy haondati’ey; fa i mitongy amy Arofoy, le i Arofoy ty hanataha’e haveloñe nainai’e. 
\v 9 Asoao tika tsy hilesa ami’ty fanoan-tsoa, fa hamokatse an-tsa mañeva naho tsy mamoe aiñe. 
\v 10 Aa kanao mbe mete, antao hañasoa ze hene ondaty, àn­tsake o an-kasavereñam-patokisañeo.
\s1 Tsy Votso-boy fa Voatse Vao
\p
\v 11 Hehe ty fibakabaka’ o sokin-tañako ho ama’ areoo.
\p
\v 12 O te hisenge hasoa-vintañe amy nofotseio ro manjitse anahareo hañofoke, iholiara’ iareo ty fampisoañañe ty amy hatae-ajale’ i Norizañeiy. 
\v 13 Toe tsy ambena’ o sinavatseo t’i Hake, fa mipay anahareo hiofoke, hievoñevoña’ iareo amo nofo’ areoo. 
\v 14 Sondo’e te hirengeako naho tsy amy hatae ajale’ i Talèntika \nd Iesoà\nd* Norizañeiy, i nampipehañe ty voatse toy amako, naho izaho ami’ty voatse toiy. 
\v 15 Songa tsy manjofake ndra o fisavarañeo ndra o tsi-fisavarañeo; fa ty fiovàn-ko vao\f + \fr 6:15 \fr*\ft Kor I 7:19, Rom 2:26-29, Kor II 5:17\ft*\f*.
\p
\v 16 Fañanintsiñe naho fiferenaiñañe amo mañorike i fañè zaio, vaho am’ Israelen’ Añaharey.
\p
\v 17 Ie henane zao, ee te tsy ho tsiborehetohe’ ondaty, izaho minday am-batako etoa o tombok’ alama’ \nd Iesoà\nd*o. 
\v 18 Ry longo, ho amo arofo’ areoo abey ty hasoa’ i Talèntika \nd Iesoà\nd* Norizañey. Amena.