\id EXO 
\ide UTF-8
\h Avotse
\toc1 Avotse
\toc2 Avotse
\toc3 Avo
\mt1 Avotse
\c 1
\p
\v 1 Iretoañe ty tahina’ o ana’ Israele nivotrake e Mitsraime ao nindre amy Iakòbeo songa an-kasavereña’e: 
\v 2 i Reòbene, i Simone, i Levy naho Iehodà, 
\v 3 Isakare, i Zebolone naho i Beniamene, 
\v 4 i Dane naho i Naftalý, i Gade naho i Asere. 
\v 5 Fitom-polo ty ia’ ondaty nasama’ Iakòbeo. Fa te Mitsraime añe ka t’Iosefe. 
\v 6 Ie nivilasy t’Iosefe naho i rahalahi’e rey iaby naho ze hene nimpirai-nono ama’e, 
\v 7 le niraorao o ana’ Israeleo, nanarànake naho nitombo ho maro naho toe niha-ra’elahy vaho nahatsitsike i taney.
\s1 Niforekekeñe
\p
\v 8 Ie amy zao, nitroatse hifehe i Mitsraime ty mpanjaka tsy naha­fohiñe Iosefe. 
\v 9 Hoe re am’ondati’eo. Heheke, mandikoatse naho maozatse te aman-tika o ana’ Israeleo. 
\v 10 Antao arè hinday iareo an-kihitse ke hitombo, hera mifetsak’ atoy ty aly le mete hirekets’ amo rafelahintikañeo iereo hialy aman-tika hienga an-tane atoy. 
\v 11 Aa le nampijadoña’ iareo mpifelek’ ondevo, hamorekeke iareo an-kilankañe, le namboara’ iereo rova famandroñañe t’i Parò: i Pitòme naho i Raamèse. 
\v 12 Aa ndra te nañindra i fampisilofañey, mbe nitombo naho nange­tse­ketseke avao ondatio; toly ndra nampangebahebake iareo o ana’ Israeleo, 
\v 13 le nampitoroñe’ o nte-Mitsraimeo an-kabodongero’e o ana’ Israeleo. 
\v 14 Naho nanoeñe afero ty fiai’iareo, am-pifanehafañe mafe ami’ty birìke naho làlotse vaho amy ze hene fitoloñañe an-kivoke ey, le fonga an-tsenge-hery ty fampitromahañe nampanoeñe iareo.
\p
\v 15 Le hoe ty mpanjaka’ i Mitsraime amo mpanaha-mampiterake o nte-Evreoo (i Siprahae ty añara’ ty raike naho i Poahae ty añara’ ty raike): 
\v 16 Hoe re: Ie mampite­rake ty rakemba nte-Evre naho mahaisak’ aze am-pitoboham-pisamahañe, ie lahilahy, vonò; fa naho ampela, apoho ho veloñe. 
\v 17 Fe nimpañeveñe aman’ Añahare o mpanàhao, le tsy nanoe’ iareo i nandilia’ i mpanjaka’ i Mitsraimeiy, fa nenga’ iareo veloñe o lahilahio. 
\v 18 Aa le kinoi’ i mpanjaka’ i Mitsraimey i mpanaha rey naho nanoa’e ty hoe, Akore ty anoa’ areo zao, te apo’ areo veloñe o lahilahio? 
\v 19 Hoe i mpanaha rey amy Parò, Toe tsy hambañe amo rakemba nte-Mitsraimeo o rakemba ana’ Israeleo fa mavitrike mahatoly aolo’ ty ivotraha’ ty mpanaha. 
\v 20 Aa le nanoan’ Añahare soa o mpanahao; vaho niha-tsiefa naho nitombo an-kaozarañe ondatio. 
\v 21 Aa kanao nañeveñe aman’ Añahare o mpanahao le nampisavereñe’e. 
\v 22 Le hoe ty nafanto’ i Parò am’ondati’e iabio: Afetsaho amy Nailey ze hene anadahy samake, fa tano ho veloñe o anak’ampelao.
\c 2
\s1 Tinarike boak’ ao
\r Heb.11.23
\p
\v 1 Ie amy zao, nañenga ty anak’ ampela’ i Levy t’indaty boak’ añ’ anjomba’ i Levy. 
\v 2 Niareñe i rakembay, nitoly ana-dahy, le nioni’e te soa i ajajamenay vaho naeta’e telo volañe. 
\v 3 Aa ie tsy nahafañetak’ aze ka, le nangala’e vakoa-vinda naho nipakora’e mozòtse naho lite-laka vaho najo’e ao i anak’ ajajay vaho natsorofo’e am-binda añolon-drano ey. 
\v 4 Nijohañe ey ty zoke’e ampela nisamba ze hanoañe aze. 
\v 5 Nizotso mb’an-tsaka mb’eo amy zao ty anak’ ampela’ i Parò hiandro, le nijelanjelañe añ’olotse ey o somondrara’eo. Aa naho nitrea’e añate-vinda ao i vakoay le nirahe’e hangalak’ aze ty mpitoro’e ampela, 
\v 6 vaho sinoka’e le nahaisake i anak’ ajajay. Nitañy i ajajamenay vaho niferenaiña’e, ami’ty hoe: Toe anan-te-Evre toke. 
\v 7 Le hoe i rahavave’ey amy ana’ i Paròy, Akore t’ie añitrifako mpampinono amo rakemba nte-Evreo ham­pinono i ajajay? 
\v 8 Akia, hoe i anak’ ampela’ i Paròy; aa le nimb’eo i ajajampelay nitoka ty rene’ i ajajay. 
\v 9 Hoe i ana’ i Paròy ama’e, Endeso ty ajaja toy le ampinonò ho ahiko vaho ho tambezeko irehe. Aa le nendese’ i rakembay i anak’ ajajay vaho nampinonoe’e. 
\v 10 itombo i ajajay le nendese’e mb’amy anak’ampela’ i Paròy añe vaho rinambe’e ho ana-dahi’e. Natao’e Mosè\f + \fr 2:10 \fr*\ft Mosè: Tinarike boak’ ao\ft*\f* ty añara’e amy ty hoe, Tinariko boak’an-drano.
\s1 Nibotatsake mb’e Midiane mb’eo
\p
\v 11 Ie te indraik’ andro naho fa niañoñ’ ay t’i Mosè, le niakatse mb’ am’ ondati’eo nahaoniñe ty nijinia’iareo naho nioni’e ty nte-Mitsraime namofoke ty nte-Evre, raik’ amo longo’eo. 
\v 12 Nijilojilo mb’ etia mb’ eroy, aa ie tsy nahatrea ondaty, le nañohofa’e loza i nte-Mitsraimey vaho naeta’e am-paseñe ao. 
\v 13 Ie niakatse mb’eo naho loak’ andro le nanjo ty nte-Evre roe nifandrapake ty aly, le hoe re ami’ty aman-kakeo, Ino ty andafà’o o longo’oo? 
\v 14 Le hoe re. Ia ty nañoriñ’ azo ho mpifehe naho mpizaka anay? Hañe-doza amako ka hao irehe manahake i namonoa’o i nte-Mitsraimeiy? Nihembañ’ amy zao t’i Mosè nitsa­kore ty hoe, Toe nirendreke i rahay. 
\v 15 Jinanji’ i Parò, le nipay ty hañe-doza amy Mosè.
\p Le nibioñe ami’ty tarehe’ i Parò t’i Mosè, noly mb’an-tane Midiane añe vaho niambesatse am-bovoñe eo. 
\v 16 Aman-anak’ ampela fito ty mpisoro’ i Midiane. Nimb’ eo iereo nitari-drano naña­tsake o dabaogao hampinomeñe ty lia-rain-drae’e. 
\v 17 Pok’eo amy zao o mpiarak’ añondrio nanao soike iareo. Niongake t’i Mosè le rinomba’e le nampinome’e i lia-rai’iareoy. 
\v 18 Ie nimpoly mb’an-drae’e Reoele\f + \fr 2:18 \fr*\ft Itro: Roandria\ft*\f* mb’eo le hoe re, Ino ty nampasika ty fimpoli’ areo androany?
\p
\v 19 Hoe iereo, Nañolots’ anay amo mpiarak’ añondrio ty nte-Mitsraime vaho nitariha’e rano mbore nampinome’e i lia-raikey. 
\v 20 Hoe re amo anak’ ampela’eo, Aia re? Ino ty nienga’ areo indatiy? Ambarao hikama. 
\v 21 Niantofa’ i Mosè t’ie holy amy ‘ndatiy vaho natolo’e amy Mosè t’i Tsiporàe anak’ ampela’e ho vali’e. 
\v 22 Nahatoly ana-dahy ho aze re vaho natao’e Geresòme, ami’ty hoe, Renetane iraho mañialo an-tanen’ ambahiny.
\p
\v 23 Ie roñoñe añe, nihomake i mpanjaka’ i Mitsraimey naho nampiselekaiñe o ana’ Israeleo i fandrohizañey, le nirohadrohake vaho nionjoñe mb’ aman’ Añahare boak’ amy fitromahañey ty fitoreo’ iareo. 
\v 24 Jinanjin’ Añahare ty toreo’ iareo vaho nitiahin’ Añahare i fañìna’e amy Avrahame naho am’ Ietsàke vaho am’ Iakòbey. 
\v 25 Nivazohon’ Añahare o ana’ Israeleo vaho nihaoñen’ Andrianañahare.
\c 3
\s1 I Rongoñe Nisodotsey
\p
\v 1 Ie niarake ty lia-rai’ Iit’rò, rafoza’e, mpisoro’ i Midiane, t’i Mosè, le niaoloe’e mb’an-kalo’ i ratraratray mb’eo i lia-raikey vaho pok’ e Korèbe vohin’ Añahare eo. 
\v 2 Nisodehañe ama’e an-delan’afo an-drongoñe ao ty anjeli’ \nd Iehovà\nd*; nisaria’e, le ndra te nirebarebaen’ afo i rongoñey tsy naha­tomontoñe aze. 
\v 3 Le hoe t’i Mosè, Het! hitsile iraho hisamba o raha fanjaka eroan-koekeo, handrendreke ty tsy mahamae o rongoñeo. 
\v 4 Nivazoho’ \nd Iehovà\nd* t’ie nitsile mb’eo hisamba, le nikanjien’ Añahare boak’ amy rongoñey, ami’ty hoe: O Mosè, Mosè! Hoe re, Intoy iraho, 
\v 5 Le hoe re, Ko mañarivo mb’etoañe, afaho hey o hana am-pandia’oo amy te masiñe o tane ijohaña’oo. 
\v 6 Tinovo’e ty hoe, Izaho t’i Andrianañaharen-droae’o, t’i Andrianañahare’ i Avrahame naho t’i Andrianañahare’ Ietsàke vaho t’i Andrianañahare’ Iakòbe. Le nanakon-daharañe t’i Mosè fa nihembañe tsy te hahaisak’ an’ Andrianañahare.
\p
\v 7 Le hoe t’\nd Iehovà\nd*, Toe nisarieko ty hasotria’ ondatiko e Mitsraimeo; le tsinanoko ty fitoreo’ iareo ty amo mpanao bozizy iareoo; toe apotako ty halovilovia’ iareo, 
\v 8 le nizotsoako handrombak’ iareo amo nte-Mitsraimeo, hañakatse iereo amy taney naho hendeseko mb’ am-patram-bey soa, mb’ an-tane orikorihen-dronono naho tantele, mb’ an-tane’ o nte-Kanàneo naho o nte-Kheteo naho o nte-Emoreo naho o nte-Peri­zeo naho o nte-Kiveo vaho o nte-Iebosìo. 
\v 9 Ie amy zao, inao! fa pok’ amako ty fibabababa’ o ana’ Israeleo; vaho nitreako ty famorekekea’ o nte-Mitsraime manindry iareoo. 
\v 10 Akia, mamantok’ azo iraho homb’ amy Parò mb’eo hañavotse o ana’ Israele ondatikoo amy Mitsraime. 
\v 11 Aa hoe t’i Mosè aman’ Añahare, Ia v-iraho te homb’ amy Parò hañakatse o ana’ Israeleo boake Mitsraime ao? 
\v 12 Hoe re, Toe hindrezako; vaho zao ty haha­rendreha’o an-kató te Izaho ty nañirak’ azo: naho navota’o boake Mitsraime ao ondatio, le hitalaho aman’ Añahare ami’ty vohitse toy nahareo.
\s1 Nibentareñe i Tahinañey
\p
\v 13 Aa hoe t’i Mosè aman’ Añahare, Ingo, homb’ amo ana’ Israeleo mb’eo iraho hanao ty hoe, Nirahen’ Añaharen-droae’ areo homb’ ama’ areo mb’ etoan-draho, vaho hañontanea’ iereo ty hoe, Ia ty tahina’e? aa le inoñe ty havaleko? 
\v 14 Hoe t’i Andrianañahare amy Mosè, \nd Ehiè ze Ehiè\nd*,\f + \fr 3:14 \fr*\ft Ehiè-Aser-Ehiè : Izaho eo Izaho eo’,\ft*\f* Le tinovo’e ty hoe, Hoe ty ho saontsie’o amo ana’ Israeleo, \nd Ehiè\nd*, ty nañitrik’ ahy homb’ama’ areo mb’etoa. 
\v 15 Hoe ka t’i Andrianañahare amy Mosè, Hoe ty hatao’o amo ana’ Israeleo, \nd Iehovà\nd*, Andrianañaharen-droae’ areo, t’i Andrianañahare’ i Avrahame, i Andrianañahare’ Ietsàke naho i Andrianañahare’ Iakòbe ro nañirak’ ahy homb’ama’ areo mb’etoa.
\q1 Izay ty añarako nainai’e,
\q1 vaho izay ty fanoñonañe ahy
\q1 nainai’e an-tsà an-tsà.
\p
\v 16 Akia, atontono o androanavi’ Israeleo vaho ano ty hoe, Nisodehañe’ amako t’\nd Iehovà\nd* Andrianañaharen-droae’ areo, t’i Andrianañahare’ i Avrahame naho Ietsàke vaho Iakòbey, nanao ty hoe: Toe nitilik’ anahareo iraho naho nitreako o anoañe e Mitsraimeo. 
\v 17 Le hoe iraho: havotako ami’ty halovilovia’ i Mitsraime nahareo, homb’ an-tane’ i nte-Kanàney naho i nte-Khetey naho i nte-Emorey naho i nte-Periziy naho i nte-Kivey vaho i nte-Iebosìy, mb’tane orikorihen-dronono naho tantele añe. 
\v 18 Ho haoñe’ iareo ty fiarañanaña’o le hiheo mb’amy mpanjaka’ i Mitsraimey irehe rekets’ o androanavi’ Israeleo hanao ty hoe, Fa nifañaoñe ama’ay t’\nd Iehovà\nd* Andrianañahare’ o nte-Evreo, aa le angao hañavelo lia telo andro am-patram­bey añe hañenga soroñe am’ \nd Iehovà\nd* Andria­nañahare’ay. 
\v 19 Toe fantako t’ie tsy hapo’ ty mpanjaka’ i Mitsraime hañavelo naho tsy am-pitàñe maozatse. 
\v 20 Aa le hahitiko ty tañako hipaoke i Mitsraime amy ze hene fitoloñañe mahalatsa hanoeko ao. Mandimbe izay t’ie hapo’e hienga. 
\v 21 Toe hampañisohako am-pihaino’ o nte-Mitsraimeo ondatio, aa ie mienga, le tsy hañavelo an-tañam-polo; 
\v 22 fa songa hihalaly fanake volafoty naho volamena naho saroñe amo mpiharo tanàñe ama’eo naho amy ze ambahiny añ’ anjomba’e ao ze rakemba vaho haombe’ areo amo ana-dahy naho anakampela’ areoo vaho ho volose’ areo o nte-Mitsraimeo.
\c 4
\s1 O Raha Tsitantane Nampanoeñe i Mosè
\p
\v 1 Le hoe ty natoi’ i Mosè, Aa naho tsy miantok’ ahy iereo, tsy mijanjiñe ty feoko, fe hanao ty hoe, Tsy niheo ama’o t’\nd Iehovà\nd*? 
\v 2 Hoe t’\nd Iehovà\nd* ama’e, Ino o am-pità’oo? Hoe re, Kobaiñe. 
\v 3 Le hoe re, Afetsaho an-tane eo. Aa le nafetsa’e an-tane naho ninjare mereñe vaho nidisaha’ i Mosè. 
\v 4 Le hoe t’\nd Iehovà\nd* amy Mosè, Ampitakaro ty fità’o, tsepaho añ’ohi’e—aa le nahiti’e ty fità’e nitsi­paok’ aze vaho niheren-ko kobaiñe am-pità’e ao— 
\v 5 hiantofa’ iareo te niheo ama’o t’\nd Iehovà\nd*, Andrianañaharen-droae’ iareo, t’i Andrianañahare’ i Avrahame, i Andrianañahare’ Ietsàke vaho i Andrianañahare’ Iakòbe.
\p
\v 6 Natovo’ \nd Iehovà\nd* ama’e ty hoe, Azi­liho añ-araña’o ao ty fità’o, le nazili’e añ-araña’e ao ty fità’e le ie nakare’e; hehe te angamae i fità’ey, hafotim-bolovaso. 
\v 7 Le hoe re, Ampolio añ-araña’o ao o fità’oo; aa le nazili’e añ-araña’e ao in­draike i fità’ey naho nakare’e boak’ añ-araña’e ao, ie fa nibali-ko hambañe ami-ty sandri’e. 
\v 8 Aa naho tsy miantok’ azo ndra mijanjiñe ty feo’ i viloñe valoha’ey le hiantofe’iereo ty feo’ i viloñe faharoey. 
\v 9 Ie mboe tsy miantoke i viloñe roe rey naho tsy mañaoñe ty feo’o le anovizo rano boak’ amy Nailey naho adoaño an-tane maike eo, fa hinjare lio an-tane maike eo i rano rinambe’o amy sakaiy.
\p
\v 10 Aa hoe t’i Mosè amy \nd Iehovà\nd*, Ry Talèko, tsy mahafilañon-draho; ndra taolo ndra hirik’ amy nitsara’o amo mpitoro’oo, te mone midàm-bolañe vaho bedo-lela. 
\v 11 Aa le hoe t’\nd Iehovà\nd* ama’e, Ia ro namboatse ty falie’ ondaty? Ia ro mamboatse ty bobo, ty giñe, ty mahaisake, vaho ty fey? Tsy Izaho \nd Iehovà\nd* hao? 
\v 12 Akia arè; himbaeko ty falie’o vaho hanareko azo ze ho saon­tsie’o. 
\v 13 Fe hoe re, Ry Talèko, ehe iraho am-pità’ i hirahe’oy. 
\v 14 Niviañe amy Mosè amy zao ty haviñera’ \nd Iehovà\nd*, le hoe re, Tsy apotako hao i rahalahi’o Aharone nte-Leviy, t’ie mahafirehake? Inao, mionjomb’ ama’o mb’etoa re hifañaoñe ama’o vaho hifale añ’arofo’e te mahaoniñe azo. 
\v 15 Hisaontsy ama’e irehe vaho hajo’o am-palie’e o tsarao. Himbaeko ty falie’o naho i falie’ey vaho hañohako ama’ areo ze hanoe’ areo. 
\v 16 Ie ty hisolo-falie azo am’ ondatio; ie ty ho falie ama’o vaho ho fanalolahy ama’e irehe. 
\v 17 Rambeso am-pità’o o kobaiñeo, fa ama’e ty hanoe’o o viloñeo.
\s1 Mimpoly mb’e Mitsraime mb’eo
\p
\v 18 Nienga t’i Mosè naho nibalike mb’ aman-dra­foza’e Iitrò mb’eo nanao ty hoe, Ehe angao himpoly mb’amo rolongoko e Mitsraimeo handrèndreke hera mbe veloñe. Le hoe t’i Iitrò amy Mosè, Akia am-panintsiñañe, 
\v 19 Hoe t’\nd Iehovà\nd* amy Mosè e Midiane ao, Akia, mimpolia mb’e Mitsraime mb’eo fa fonga nihomake ondaty nipay ty fiai’oo. 
\v 20 Aa le nendese’ i Mosè i vali’ey naho o ana-dahi’eo naho nampiningire’e ami’ty borìke, le nimpoly mb’ an-tane Mitsraime mb’eo; le nitintiñe’ i Mosè am-pità’e i kobain’Añaharey.
\p
\v 21 Aa hoe t’\nd Iehovà\nd* amy Mosè, Ie miheo mb’e Mitsraime añe, asoao te hanoe’o añ’atrefa’ i Parò ze hene viloñe napoko am-pita’o, fa hampandiereko ty arofo’e tsy hapo’e hañavelo ondatio. 
\v 22 Le hoe ty hanoa’o amy Parò, Hoe t’\nd Iehovà\nd*: Anako naho tañoloñoloñako t’Israele; 
\v 23 le hoe iraho ama’o, Angao hañavelo i anakoy hitoroñe\f + \fr 4:23 \fr*\ft Heb: mitoroñe, miava; mitalaho\ft*\f* ahy. F’ie mifoneñe tsy hampañavelo aze, inao arè: havetrako ty ana-dahi’o, i tañoloñoloña’oy.
\p
\v 24 Ie amy liay, amy nialeña’ iareoy, le nifanampe ama’e t’\nd Iehovà\nd*, ho nañè-doza ama’e. 
\v 25 Le rinambe’ i Tsiporàe ty vato masioñe le tinampa’e ty ofon’ ana-dahi’e naho nahifi’e am-pandia’eo vaho hoe re, Toe mpañenga-an-dio amako irehe! 
\v 26 Aa le na­votso’e vaho nanao ty hoe i rakembay, Ty valiko an-dio ty amy savatsey.
\p
\v 27 Hoe t’\nd Iehovà\nd* amy Aharone, Akia mb’ am-patram­bey añe hifanalaka amy Mosè. Aa le nimb’eo re nifanalaka ama’e am-bohin’ Añahare eo vaho norofa’e. 
\v 28 Nita­roñe’ i Mosè amy Aharone ze hene nitsarae’ \nd Iehovà\nd* nañirak’ azey vaho i viloñe iaby nafanto’e ama’e rezay. 
\v 29 Nimb’ eo amy zao t’i Mosè naho i Aharone nanontoñe ze hene androanavi’ o ana’ Israeleo; 
\v 30 le nisaontsie’ i Aharone o nitsa­rae’ \nd Iehovà\nd* amy Mosè iabio vaho nanoe’e am-pahaisaha’ ondatio o viloñeo. 
\v 31 Niantoke ondatio, aa naho jinanji’ o ana’ Israeleo te nisary iareo t’\nd Iehovà\nd* naho nivazohoe’e ty fisotria’ iareo, le niondreke vaho nitalaho.
\c 5
\s1 Tsy Vatien’ ahetse o Birikeo
\p
\v 1 Tampetse izay le niheo mb’amy Parò mb’eo t’i Mosè naho i Aharone, nanao ty hoe, Hoe t’\nd Iehovà\nd* Andrianañahare’ Israele: Angao haña­velo mb’eo ondatikoo hanoe’ iereo sabadidak’ amako am-patrambey añe. 
\v 2 Aa hoe t’i Parò, Ia ze o \nd Iehovà\nd* zao te ho haoñeko ty feo’e hampiavotako Israele. Amoeako ze o \nd Iehovà\nd* zao vaho tsy hapoko hionjoñe ka t’Israele. 
\v 3 Le hoe iereo, Nifañaoñe ama’ay t’i Andrianañahare’ o nte-Evreo; aa le hañavelo lia telo andro mb’ ampatrañe añe zahay hisoroñe am’ \nd Iehovà\nd* Andria­nañahare’ay, tsy mone hampiambotraha’e am’ angorosy ndra fibara. 
\v 4 Fe hoe ty mpanjaka’ i Mitsraime am’ iereo. O Mosè naho Aharone, inom-bao ty ham­pi­sitahañe ondatio amo fitoloña’eo? Mimpolia amo fijinia’areoo! 
\v 5 Tinovo’ i Parò ty hoe, Ingo te maro t’indaty an-tane ao henaneo vaho ipaia’ areo hitroatse tsy hitoloñe! 
\v 6 Aa le linili’ i Parò amy andro zay amo mpanao bozizi’ iareoo naho amo mpisari’ iareoo, ty hoe: 
\v 7 Tsy hatolotse ahetse ka ondatio fe hamboatse birike mira amy teoy; angao hatonto’ iareo ze ahetse paiaeñe. 
\v 8 Le ­ampano’ areo birike mira amy nanoeñe taoloy, tsy haketrake, amy t’ie votro, izay ty mampitoreo iareo ami’ty hoe: Apoho hiavotse añe hisoroñe aman’ Añahare’ay. 
\v 9 Anovoño asa ondatio, hifanehafa’ iareo tsy hi­tsa­nom-bolam-bande.
\p
\v 10 Aa le niakatse mb’eo o mpanao bozizio naho o mpisari’ ondatioo, nanao ty hoe am’ondatio, Hoe t’i Parò, Tsy hitolorako ahetse. 
\v 11 Akia, atontono ahetse amy ze hahatendreha’ areo, fe tsy haketrake ty fitoloña’ areo. 
\v 12 Aa le fonga niparaitak’ an-tane Mitsraime ao ondatio nanontone tain-ava hasolo i bokay. 
\v 13 Tinaentae’ o mpanao bozizio ka ami’ty hoe, Henefo ty fitoloña’ areo lomoñandro ho mira amy fasiañ’ ahetse teoy. 
\v 14 Finofoke ka o talèm-pitoloña’ o ana’ Israele najado’ o mpanao bozizi’ i Paròo am’ iareoo, ami’ty hoe, Akore te tsy nihenefa’ areo anindroany naho omale ty lili’areo amo birike manahake te taoloo?
\p
\v 15 Aa le niheo mb’amy Parò mb’eo o talè ana’ Israeleo nitoreo ty hoe, Ino ty anoa’o hoe zao o mpitoro’oo? 
\v 16 Tsy ho tolorañe boka o mpitoro’oo, fa hoe iereo ama’ay, Mañamboara birike! Hehe te finofoke zahay vaho manao hakeo ondati’oo. 
\v 17 Hoe re, Mikopiso avao ty tembo retia, izay ty atao’ areo ty hoe, Angao hisoroñe amy \nd Iehovà\nd*. 
\v 18 Akia, arè, mitromaha fe tsy homeañe ahetse vaho mbe hasese’ areo ty anjara’ birike. 
\v 19 Nirendre’ o talè, ana’ Israeleo, t’ie am-poheke amy saontsi’ey, ty hoe, Tsy haketra’ areo ty anjara birike lomoñandro. 
\v 20 Ie nienga i Parò, le nifanjò amy Mosè naho i Aharone nijohañe ey hifanalaka am’iereo, 
\v 21 vaho hoe ty nanoa’ iareo, Ee t’ie ho vazohoe’ \nd Iehovà\nd* naho hizaka! Akore ty nañaimboa’ areo anay am-pihaino’ i Parò naho am-pihaino o mpitoro’eo, hanolorañe fibara am-pità’ iareo hañohofa’e loza.
\p
\v 22 Nitolik’ am’ \nd Iehovà\nd* indraike t’i Mosè nanao ty hoe, Ry Talè, akore ty fanilofañe ondaty retoañe? Ino o namantoha’o ahio? 
\v 23 Fa boak’ ami’ty niheovako amy Parò hivolañe amy tahina’oy, le nanoe’e samporerake ondaty retoa vaho tsy rinomba’o ondati’oo.
\c 6
\s1 Ty Famotsorañe o ana’ Israeleo
\p
\v 1 Aa le hoe t’\nd Iehovà\nd* amy Mosè, Mahaoniña henaneo ty hanoako amy Parò. Eka, fitàñe maozatse ty hampienga’e iareo, sirañe ­fatratse ty handroaha’e an-tane’e.
\p
\v 2 Mbe nitsara amy Mosè t’i Andria­nañahare nanao ty hoe: Izaho \nd Iehovà\nd*, 
\v 3 ty niboak’ amy Avrahame naho am’ Ietsàke naho amy Iakòbe ami’ty hoe El-Sadai\f + \fr 6:3 \fr*\ft Andriampañotroñe, kila lefe’e\ft*\f*, fe tsy nitoñom-batañe am’iareo ami’ty hoe: \nd Iehovà\nd*’\f + \fr 6:3 \fr*\ft Heb: i, he, o ndra v, he: \+nd Iehovà\+nd*\ft*\f*. 
\v 4 Toe norizako am’ iereo ty fañinako, hano­lorako ty tane Kanàne, i tane fañaveloa’ iareo toe nañialoa’ iareo. 
\v 5 Fe tsinanoko ty fiñeoñeo’ o ana’ Israeleo ty amy fañondevoza’ o nte-Mitsraimeoy vaho nitiahiko i fañinakoy. 
\v 6 Anò ty hoe arè amo ana’ Israeleo: Izaho \nd Iehovà\nd*, le havotsoko boak’ ambane’ ty fampijinia’ o nte-Mitsraimeo naho habalako o fandrohizañeo vaho ho jebañeko an-tsira natora-kitsy, an-jaka ra’elahy. 
\v 7 Ho rambeseko h’ondatiko vaho ho Andrianañahare’ areo iraho. Ho fohi’ areo te izaho \nd Iehovà\nd* Andrianañahare’ areo, ty mampienga anahareo ami’ty fampijinia’ o nte Mitsraimeo. 
\v 8 Le hendeseko mb’ an-tane nañonjonako sirañe hanolorako aze amy Avrahame naho am’ Ietsàke vaho am’ Iakòbe añe; le hatoloko anahareo ho fanañañe, Izaho \nd Iehovà\nd*. 
\v 9 Le nisaontsy amo ana’ Israeleo t’i Mosè, fa tsy nihaoñe’ iareo t’i Mosè, ty amy fikoretan’ arofo naho i fampisoañam-pañondevozañey.
\p
\v 10 Aa hoe t’\nd Iehovà\nd* amy Mosè, 
\v 11 Akia, saontsio amy Parò, mpanjaka’ i Mitsraime, ty hampiavota’e an-tane’e o ana’ Israeleo. 
\v 12 Aa hoe ty asa’ i Mosè am’ \nd Iehovà\nd*, Kanas tsy nañaoñe ahiko o ana’ Israeleo, akore ty hijanjiña’ i Parò, izaho aman-tsoñy tsy nisavareñe? 
\v 13 Aa le nitsara amy Mosè naho i Aharone t’\nd Iehovà\nd*, nanolotse lily ho amo Ana’ Israeleo naho ho amy Parò mpanjaka’ i Mitsraime, hampiavotañe an-tane Mitsraime ao o ana’ Israeleo.
\s1 Ty Toñon-draza’ i Mosè naho i Aharone
\r Fot 46.8-27
\p
\v 14 Inao o talèn’ anjomban-droaeo: o ana’ i Reòbene, tañoloñoloña’ Isra­eleo: i Kanòke naho i Palò naho i Ketsròne vaho i Karemý; irezay ro fifokoa’ i Reòbene. 
\v 15 O ana’ i Simoneo: Iemoèle naho Iamìne naho i Ohade naho Iakìne naho i Tsòkare vaho i Saòle ana’ ty rakemba nte-Kanàne; ie ro fifokoa’ i Simone. 
\v 16 Irezao ka o tahinan’ ana’ i Levio ty amo fifokoa’eo: i Geresòne\f + \fr 6:16 \fr*\ft Ndra: Gersome : ambahiny atoy\ft*\f* naho i Kehàte vaho i Merarý; le ni-zato tsy telopolo fito amby taoñe ty halava havelo’ i Levy. 
\v 17 O ana’ i Geresoneo: i Libný naho i Semý, amo fifokoa’eo. 
\v 18 O ana’ i Kehàteo: i Amràme naho Iitshàre naho i Kebrone vaho i Ozièle le ni-zato-tsi-telopolo-telo amby ty taon-kavelo’ i Kehàte. 
\v 19 O ana’ i Merarìo: i Maklý naho i Mosý, ie ro fifokoa’ i Merarý hasavereña’ i Levý. 
\v 20 Nañenga’ Iokèbede rahavaven-drae’e t’i Amrame vaho nahatoly i Aharone naho i Mosè, le niveloñe zato-tsi-telopolo taoñe fito amby t’i Amrame. 
\v 21 O ana’ Iitshàreo: i Koràke, i Nèfege vaho i Zikrý. 
\v 22 O ana’ i Ozièleo, i Misaèle naho i Elitsafàne vaho i Sitrý. 
\v 23 Nañenga i Elisèbae ana’ i Aminadabe, rahavave’ i Naksòne t’i Aharone le nisamaha’e i Na­dabe naho i Abihò, i Elazare vaho Itamare. 
\v 24 O ana’ i Korakeo: i Asire naho i Elkanà vaho i Abiasàfe; ie ro hasavereña’ o nte-Koràkeo. 
\v 25 Nañenga amo ana’ i Potièleo t’i Elazare ana’ i Aharone, le nisamaha’e t’i Pinekase\f + \fr 6:25 \fr*\ft Pinekase: amam-binta mirearea\ft*\f*. Ie ro anjomban-droae’ o nte-Levio amo fifokoa’eo.
\p
\v 26 Ie i Aharone naho i Mosè nitsa­rà’ \nd Iehovà\nd* ty hoe, Ampiengao an-tane Mitsraime ampoko-ampoko o ana’ Israeleo. 
\v 27 Ie ro nisaontsy amy Parò mpanjaka’ i Mitsraime hampiavotse o ana’ Israeleo an-tane Mitsraime, toe i Mosè naho i Aharone izay.
\s1 Ie Mañeneke ty Linilin’Añahare
\p
\v 28 Ie amy andro nitsarà’ \nd Iehovà\nd* amy Mosè an-tane Mitsraimey, 
\v 29 le nanao ty hoe amy Mosè t’\nd Iehovà\nd*: Izaho \nd Iehovà\nd*, hene saontsio amy Parò mpanjaka’ i Mitsraime ze taroñeko ama’o. 
\v 30 Aa hoe t’i Mosè añatrefa’ \nd Iehovà\nd*, Ino ty hijanjiña’ i Parò ahiko, izaho aman-tsoñy tsy afa-boiñeo?
\c 7
\p
\v 1 Hoe t’\nd Iehovà\nd* amy Mosè, Hehe t’ie najadoko ho fanalolahy amy Parò, vaho ho mpitoki’o t’i Aharone rahalahi’o. 
\v 2 Hene isaontsio ze taroñeko ama’o, le i Aharone rahalahi’o ty hisaontsy amy Parò hampiavote’e an-tane’e o ana’ Israeleo. 
\v 3 Fe ho gàñeko hey ty arofo’ i Parò hampitomboako an-tane Mitsraime ao o vilokoo naho o hala­tsàko. 
\v 4 Toe tsy hañaoñe anahareo t’i Parò, le hapaoko amy Mitsraime ty tañako vaho hampiavoteko an-tane Mitsraime an-jaka ra’elahy o valobohòkoo, ondatikoo, o ana’ Israeleo. 
\v 5 Ho fohi’ o nte-Mitsraimeo te Izaho \nd Iehovà\nd*, naho ahitiko amy Mitsraime ty sirako hampiavoteko boak’ am’ iereo ao o ana’ Israeleo. 
\v 6 Aa le nanoe’ i Mosè naho i Aharone; ze nandilia’ \nd Iehovà\nd* iareo ty nanoe’ iereo. 
\v 7 Ni-valom-polo taoñe t’i Mosè naho aman-taoñe valom-polo-telo’ amby t’i Aharone t’ie nisaontsy amy Parò.
\s1 I Kobay Tsitantaney
\r 4.1-5
\p
\v 8 Hoe ty tsara’ \nd Iehovà\nd* amy Mosè naho i Aharone, 
\v 9 Ie anoa’ i Parò ty hoe, Ampiboaho raha tsitantane, le hoe ty ho asa’o amy Aharone, Rambeso ty kobai’o vaho afetsaho añatrefa’ i Parò hinjarea’e fañaneñe. 
\v 10 Aa le nimb’ amy Parò mb’eo t’i Mosè naho i Aharone, le nanoe’ iereo i nandilia’ \nd Iehovà\nd*y; nafetsa’ i Aharone añatrefa’ i Parò naho aolo’ o mpitoro’eo i kobai’ey vaho ninjare bajy. 
\v 11 Kinai’ i Parò amy zao ondaty mahihitseo naho o mpamorekeo vaho nitoloñe an-tsahàtse o ambiasa’ i Mitsraimeo. 
\v 12 Songa nañifi-kobaiñe ambane eo vaho ninjare mereñe, le sindre natele’ ty kobai’ i Aharone o kobai’ iareoo. 
\v 13 Fe niha­gàñe avao ty arofo’ i Parò, tsy hinao’e iareo, amy nitsarae’ \nd Iehovà\nd*y.
\s1 1. Nampañovaeñe ho lio ty rano
\p
\v 14 Le hoe t’\nd Iehovà\nd* amy Mosè, gañe ty arofo’ i Parò; ie mifoneñe tsy hampienga ondatio. 
\v 15 Aa le akia, mb’ amy Parò mb’eo maraindray t’ie miavotse mb’an-drano mb’eo, le tintino am-pità’o i kobaiñe nampanjarieñe fañaneñey, 
\v 16 le isaontsio ty hoe, Nañirak’ ahy homb’ ama’o mb’ etoa t’\nd Iehovà\nd*, Andrianañahare’ o nte-Evreo hinday o entañe zao: Apoho hañavelo ondatikoo, hitoroñe ahy am-patrambey añe. Inao t’ie mbe tsy nañaoñe pake henane. 
\v 17 Aa hoe ty nitsarae’ \nd Iehovà\nd*, Zao ty hahafohina’o te izaho \nd Iehovà\nd*. Inao, havangoko amo rano amy sàkaio ty kobaiñe an-tañako toy, hiova’e ho lio. 
\v 18 Ho mate ze fiañe amo sàkao le hitrotròtse i sàkay vaho hampangorý o nte-Mitsraimeo ty hinon-drano amy sàkay. 
\v 19 Aa hoe t’\nd Iehovà\nd* amy Mosè, Saontsio t’i Aharone, Rambeso o kobai’oo le ahitio ambone’ o rano’ i Mitsraimeo ty fità’o, ambone’ o saka’eo naho o talaha’eo naho o sihana’eo vaho ze hene kiantara-antaran-drano’e, hiova’e ho lio, le lio avao ty hanitsike ty tane Mitsraime, ndra an-tsajoa hatae ndra am-bato.
\p
\v 20 Nanoe’ i Mosè naho i Aharone hambañe amy nandilia’ \nd Iehovà\nd*y. Naon­jo’e am-pahaisaha’ i Parò naho o mpi­toro’eo i kobai’ey vaho trinàbo’e ty rano amy sakay, le niova ho lio ze hene rano amy sakay; 
\v 21 nimate o fiañe amy sakaio, le nañantifofotse i sakay naho tsy nahay nikama ty rano’ i sàkay o nte-Mitsraimeo fa nitsitsike lio ty tane Mitsraime. 
\v 22 Fe tsinikombe’ o ambiasa’ i Mitsraimeo an-tsahàtse, le nihagàñe ty arofo’ i Parò naho nihiritsirita’e, amy ni­tsarae’ \nd Iehovà\nd*y. 
\v 23 Te mone nitolike t’i Parò, nimoak’ añ’anjomba’e ao, tsy nihaoñe’ ty arofo’e i raha zay. 
\v 24 Aa le fonga nihaly vovoñe añ’olo’ i sàkay o nte-Mitsraimeo, fa tsy nimete nòmeñe ty rano’ i sàkay.
\s1 2. Sahoñe
\p
\v 25 Ie nimodo ty fito andro le nipaoha’ \nd Iehovà\nd* i sàkay,
\c 8
\p  
\v 1 le ni­tsara amy Mosè t’\nd Iehovà\nd*, Akia miheova mb’ amy Parò mb’eo vaho ano ty hoe ama’e, Hoe ty tsinara’ \nd Iehovà\nd*: Ampiavoto ondatikoo, hitoroñe ahiko. 
\v 2 Aa ie mitoky, tsy hampienga, le inao, ho tsitsifeko sahoñe o tane’oo. 
\v 3 Hifamorohotse amy Nailey o sahoñeo. Hiakatse boak’ao hizilik’ añ’ anjomba’o ao naho an-traño firota’o ao naho am-pandrea’o ao naho añ’ anjomba’ o mpitoro’oo naho amo ondati’oo naho amo fanokona’oo vaho amo finga fitroboan-kobao. 
\v 4 Hanganik’ ama’o naho am’ondati’oo vaho amo mpitoro’oo o sahoñeo.
\p
\v 5 Le hoe t’\nd Iehovà\nd* amy Mosè, Saon­tsio t’i Aharone, Ahitio ambone’ o torahañeo naho o talahao vaho o antarao ty fità’o rekets’ i kobai’oy hampiakatse o sahoñeo mb’an-tane Mitsraime mb’eo. 
\v 6 Aa le natora-kitsi’ i Aharone ambone’ o rano’ i Mitsraimeo ty fità’e vaho nitroatse mb’an-tamboho mb’eo o sahoñeo nanafotse ty tane Mitsraime. 
\v 7 Fe tsinikombe’ o ambiasao amo sahà’ iareoo, le nañakatse sahoñe an-tane Mitsraime ka.
\p
\v 8 Nikanjie’ i Parò t’i Mosè naho i Aharone le nanao ty hoe: Mihalalia am’\nd Iehovà\nd* te hakareñe amako naho am’ ondatikoo o sahoñeo vaho hengako homb’eo ondatio hisoroñe am’ \nd Iehovà\nd*.
\p
\v 9 Hoe ty Mosè amy Parò, Inao ty engeñe atoloko azo: Ombia ty hihalaliako ho azo naho o mpitoro’oo naho ondati’oo te hasoike ama’ areo vaho añ’ anjomba’ areo o sahoñeo, hampipoke iareo amy sàkay avao? 
\v 10 Le hoe re, Hamaray. Hoe t’i Mosè, Ie o sinaontsi’oo! Hahafohina’o te tsy amam-pañirinkiriñe aze t’\nd Iehovà\nd* Andria­nañahare’ay. 
\v 11 Ie misitak’azo naho o anjomba’oo naho o mpitoro’oo naho ondati’oo, le hidok’ amy sàkay avao. 
\v 12 Nienga i Parò amy zao t’i Mosè naho i Aharone vaho nikaike \nd Iehovà\nd* t’i Mosè ty amo sahoñe nitsobore’ i Paròo. 
\v 13 Le nanoe’ \nd Iehovà\nd* i nihalalie’ i Mosèy, nimate añ’ anjomba ao o sahoñeo naho an-kiririsa ey naho an-tetek’ ao. 
\v 14 Aa le natonto’ iareo an-kivotri-kivotry ampara’ te nitrotròtse i taney. 
\v 15 Aa naho nioni’ i Parò t’ie nikepake le nampientetse arofo, nihiri­tsiritse am’ iereo, amy nitsara’ \nd Iehovà\nd*y.
\s1 3. Boròm-pìhetse
\p
\v 16 Le hoe t’\nd Iehovà\nd* amy Mosè, Anò ty hoe amy Aharone, Ahitio o kobai’oo vaho paoho ty lembo’ o taneo, hanjaria’e boròm-pìhetse hanitsike ty tane’ i Mitsraime. 
\v 17 Nanoe’ iereo; nahiti’ i Aharone ty fità’e reke-kobaiñe vaho pinao’e ty debo’ i taney, le nirodañe am’ ondatio naho amo hàreo ty boròm-pìhetse, ze atao debok’ an-tane eo fonga ninjare boròm-pìhetse nanitsike ty tane Mitsraime. 
\v 18 Nimanea’ o ambiasao ty hañakatse boròm-pìhetse amo sahà’ iareoo fe tsy nahalefe. Nipetak’ am’ondatio naho amo hareo o boròm-pìhetseo. 
\v 19 Le hoe o ambiasao amy Parò, Rambom-pitàn’ Añahare toy! fe nihagàñe avao ty arofo’ i Parò le tsy nihaoña’e, izay ty nitsara’ \nd Iehovà\nd*.
\s1 4. Laletse
\p
\v 20 Le hoe t’\nd Iehovà\nd* amy Mosè, Maña­leñaleña le mijohaña añatrefa’ i Parò, t’ie miavotse mb’an-drano mb’eo vaho ano ty hoe, Hoe ty tsi­nara’ \nd Iehovà\nd*: Angao hiavotse mb’eo ondatikoo hitalaho amako. 
\v 21 Aa hera tsy hengà’o homb’eo ondatikoo, le haropako ama’o ty laletse mifamorohotse naho amo mpitoro’oo naho am’ondati’oo naho añ’anjomba’ areo ao, le hifamorohotse añ’ anjomba’ o nte-Mitsraimeo o laletseo vaho an-tane ijohaña’ iareo. 
\v 22 Fe haviko amy andro zay ty tane Gosena imoneña’ ondatikoo, tsy hiropahan-daletse, hahafohina’o te añivo ty tane atoy iraho, \nd Iehovà\nd*. 
\v 23 Eka, hampijadoñako jebañe añivo’ ondatikoo naho on­dati’oo. Hipoteake maray i viloñe zay. 
\v 24 Nanoe’ \nd Iehovà\nd*, le havasiañan-dale-dero ty nifoak’ añ’ anjomba’ i Parò naho añ’ an­jomba’ o mpitoro’e iabio; vaho hene nampiantoe’ i fifamorohotan-daletsey ty tane Mitsraime.
\p
\v 25 Kinoi’ i Parò amy zao t’i Mosè naho i Aharone le nanao ty hoe, Akia, misoroña aman’ Añahare’ areo an-tane atoy. 
\v 26 Aa hoe t’i Mosè, Tsy mete t’ie hanoe’ay fa sirika amo nte-Mitsraimeo o fisoroña’ay am’ \nd Iehovà\nd* Andrianañahare’aio. Aa naho isoroña’ay am-pahaisaha’ o nte-Mitsraimeo ty raha tiva, tsy ho fetsahe’ iareo vato hao? 
\v 27 Hañavelo telo andro mb’ am-patrambey añe zahay, hisoroñe am’ \nd Iehovà\nd* Andria­nañahare’ay, amy ze hitsarae’e ama’ay. 
\v 28 Aa le hoe t’i Parò, Hengako hiavotse mb’ am-patram­bey ao nahareo hisoroñe am’ \nd Iehovà\nd* Andrianañahare’ areo naho tsy loho lavitse ty añaveloa’ areo. Mihalalia ho ahiko. 
\v 29 Le hoe t’i Mosè, Vata’e mienga azo iraho le hihalaly am’ \nd Iehovà\nd* te hasitake amy Parò naho amo mpitoro’eo vaho am’ondati’eo hamaray o laletse mifamoroho­tseo le asoao tsy ho fañahie’ i Parò avao, tsy hampienga’e hisoroñe am’ \nd Iehovà\nd* ondatio.
\p
\v 30 Aa le nienga i Parò t’i Mosè vaho nihalaly am’ \nd Iehovà\nd*. 
\v 31 Le nanoe’ \nd Iehovà\nd* i nihalalie’ey: nafaha’e amy Parò naho amo mpitoro’eo naho am’ on­dati’eo o laletse nifamoroho­tseo, leo raike tsy napoke. 
\v 32 Le mbe nampientere’ i Parò ty arofo’e henane zay, tsy nenga’e hiavotse ondatio.
\c 9
\s1 5. Angorosim-biby
\p
\v 1 Le hoe t’\nd Iehovà\nd* amy Mosè, Miziliha amy Parò ao le ano ty hoe, Hoe t’\nd Iehovà\nd* Andrianañahare’ o nte-Evreo: Ampiengao ondatikoo hitoroñe ahy. 
\v 2 Aa naho tsy apo’o hañavelo, fa mbe itambozore’o, 
\v 3 le ingo ho amo hare’oo ty fità’ \nd Iehovà\nd*, amo an-kivokeo, amo soavalao, amo borìkeo, amo ramevao, amo lia-raikeo naho amo añombeo ty kolàñe mandrokènkañe. 
\v 4 Fe hampi­am­bahe’ \nd Iehovà\nd* o hare’ Isra­eleo, amo hare’ i Mitsraimeo, le ndra inoñ’ inoñ tsy ho mate amo ana’ Israeleo. 
\v 5 Nifotoañe’ \nd Iehovà\nd* ami’ty hoe, Hamaray te hanoe’ \nd Iehovà\nd* i hoe zay an-tane atoy. 
\v 6 Aa le nanoe’ \nd Iehovà\nd* amy loak’androy; fonga niatantiry ty hare’ i Mitsraime, fe leo raik’ amo hare’ o ana’ Israeleo tsy nimate.
\p
\v 7 Nampañontane t’i Parò le nirendre’e te ndra raik’ amo haren’ ana’ Israeleo tsy nimate; fe nientetse ty arofo’ i Parò vaho tsy nampiengae’e mb’eo ondatio.
\s1 6. Bae-tovoa
\r Its 28.27
\p
\v 8 Le hoe t’\nd Iehovà\nd* amy Mosè naho amy Aharone, Songa mangalà lavenoke mahapea fitàñe boak’ an-toñak’ ao le habobò’ i Mosè mb’ andikeram-beo am-pahaisaha’ i Parò; 
\v 9 le hinjare deboke era’ i tane Mitsraimey, le hampitovoañe bae mangorakorake amy ze ondaty naho biby hanitsike an-tane Mitsraime. 
\v 10 Aa le nandrambe lavenok’ an-toñak’ ao iareo naho nijohañe añatrefa’ i Parò naho nadoveve’ i Mosè an-tioke izay vaho nampitovoañe bae am’ondatio naho amo bibio. 
\v 11 Tsy nahafijohañe añatrefa’ i Mosè o ambiasao ty amo baeo, fa nipetak’ amo ambiasao naho amo nte-Mitsraime ila’eo ka o baeo. 
\v 12 Fe nampijadiriñe’ \nd Iehovà\nd* ty arofo’ i Parò vaho tsy nihaoña’e, amy tsinara’ \nd Iehovà\nd* amy Mosèy.
\s1 7. Ampiñe naho Havandra
\p
\v 13 Le hoe t’\nd Iehovà\nd* amy Mosè, Mañaleñalèña, le mijohàña añatrefa’ i Parò vaho anò ty hoe, Hoe t’\nd Iehovà\nd*, Andrianañahare’ o nte-Evreo: Ampiengao ondatikoo, hitalaho amako. 
\v 14 Aa ie henane zao, hahitriko an-tro’o ao naho amo roan­dria’oo vaho amo on­dati’oo ze hene tolom-boiñe amako, haha­fohina’o te tsy eo ty mañirin­kiriñe ahy an-tane-bey atoy. 
\v 15 Aa naho nahitiko henaneo ty tañako, hipaok’ azo naho ondati’oo ami’ty angorosy le ho naito an-tane atoy, 
\v 16 fe toe nadoko, soa te ihe ty hampiboahañe ty haozarako le hanitsike ty tane toy ty fitaroñañe ty añarako. 
\v 17 Ie amy zao, hiebotsebotse am’ ondatikoo hao? tsy hampiengà’o. 
\v 18 Aa ie hamaray hoe zao, le hampigada­boñeko havandra jabajaba te amy ze mbe lia’e tsy nizoeñe e Mitsraime ao mifototse ami’ty andro nañorizañe aze pake henaneo 
\v 19 Mampihitrifa arè, le ampipaliro ze hare’o naho ze raha’o an-kivok’ ao, fa hivalenkañe ze ondaty ndra biby zoeñe an-diolio ey tsy nampolieñe, t’ie idoindoiña’ i havandray. 
\v 20 Ze mpitoro’ i Parò nihembañe amy tsara’ \nd Iehovà\nd*y, songa nihenekeneke nampipalitse o mpitoro’eo naho o hàre’eo. 
\v 21 Fe ze tsy nañaoñe ty tsara’ \nd Iehovà\nd* ka, le nado’e an-kivok’ añe avao o mpitoro’eo naho o hàre’eo.
\p
\v 22 Hoe t’\nd Iehovà\nd* amy Mosè, Ahitio mb’ an­dikerañe ey ty fità’o hampiponake havandra era’ ty tane Mitsraime, amy ze ondaty naho biby vaho ze hene hatae an-kivok’ ey, an-tane Mitsraime ao. 
\v 23 Aa le nampitakare’ i Mosè mb’ andikerañey ty kobai’e le nampidoindoiñe’ \nd Iehovà\nd* ty àmpiñe naho havandra vaho nirifatse mb’an-tane mb’eo ty afo. Le nampigadabòñe’ \nd Iehovà\nd* havandra an-tane Mitsraime ao; 
\v 24 havandra nibilobiloen-kelatse añivo’e ao, figada­bon-kavandra mbe lia’e tsy nideboñe an-tane Mitsraime ao sikal’ amy te nififeheañe. 
\v 25 Zinama’ i havandray ze hene an-tameañe an-tane Mitsraime ao ndra ondaty ndra hare; fonga navita­vita’e ze rongoñe a montoñe ao vaho fonga pinozapoza’e o hatae an-kivokeo. 
\v 26 Fe tsy nipaohen-ka­vandra o Ana’ Israeleo an-tane Gosenao.
\p
\v 27 Aa le kinoi’ i Parò t’i Mosè naho i Aharone le nanoa’e ty hoe, Toe nandilatse iraho henaneo; \nd Iehovà\nd* ro vantañe vaho aman-tahin-draho naho ondatikoo. 
\v 28 Mihalalia am’ \nd Iehovà\nd*! Ampihankaño o hotroke naho havandran’ Añahareo! Le hampiengako, le tsy hampitam­batse anahareo ka. 
\v 29 Hoe t’i Mosè ama’e, Ie vata’e miakatse ty rova toy le hahitiko mb’ am’ \nd Iehovà\nd* o tañakoo vaho hijihetse i àmpiñey le tsy ho eo i havandray, haharendreha’o te a \nd Iehovà\nd* ty tane toy. 
\v 30 Fa ihe naho o mpitoro’oo, apotako te mboe tsy mañeveñe am’ \nd Iehovà\nd* Andrianañahare avao. 
\v 31 (Ie amy zao, fa nianto iaby ty \f + \fr 9:31 \fr*\ft Vare-leny: karaza’bare ahazoañe fole leny\ft*\f*vare-leny naho ty vare-hordea, fa niregorego i hordeay vaho namòñe i vare-leniy. 
\v 32 Fe tsy nijoieñe ty vare-bolè naho ty bolè-lahi’e fa malaom-pitovoañe.) 
\v 33 Aa le niavotse boak’ amy Parò t’i Mosè, niakatse i rovay. Nahiti’e mb’ amy \nd Iehovà\nd* o fità’eo le songa nijihetse i àmpiñey naho i havandray vaho tsy nampikojojoahañe an-tane i orañey. 
\v 34 Aa vata’e nioni’ i Parò te nijihetse i orañey naho i havandray naho i àmpiñey le mbe nanovon-kakeo; nampigañe’e ty arofo’e, ie naho o mpitoro’eo. 
\v 35 Aa le niha-jadiriñe ty arofo’ i Parò le tsy nampiengae’e o ana’ Israeleo, amy tsinara’ \nd Iehovà\nd* amy Mosèy.
\c 10
\s1 8. O Valalao
\r Joe 1.2-4
\p
\v 1 Le hoe t’\nd Iehovà\nd* amy Mosè, Akia mb’ amy Parò mb’eo, amy te nampigañeko ty arofo’e naho ty tro’ o mpitoro’eo, hampipohako añivo’ iareo ao o viloko retoañe, 
\v 2 haha­fitalilia’o amo ana’oo naho amo àfe’oo o raha nanoeko e Mitsraimeo naho o viloñe nitoloñeko añivo’ iereoo, hahafohina’ areo te izaho \nd Iehovà\nd*.
\p
\v 3 Aa le niheo mb’amy Parò mb’eo t’i Mosè naho i Aharone, le nanao ty hoe ama’e, Hoe ty tsara’ \nd Iehovà\nd*, Andria­nañahare’ o nte-Evreo, Pak’ ombia ty mbe hitokia’o tsy hirèke añatrefako? Ampiengao ondatikoo hitoroñe ahiko. 
\v 4 Fa naho mifonen-drehe tsy hampiavotse ondatikoo, le hampi­votrahako valala an-tane’ areo etoy te maray. 
\v 5 Ho kopofe’e ty maso’ i taney tsy hahaisaha’ iaia o taneo, le habotse’e ty sisa nahafipoliotse, o nasisa’ i havandraio vaho havorembore’e ze hatae’areo mamoa an-kivoke ey. 
\v 6 Hatsefe’e amo anjomba’oo naho o anjom­bam-pitoro’e naho ty amo hene nte-Mitsraimeo, ie mboe tsy niisan-droae’o ndra o roaen-droae’oo mifototse ami’ty andro naha-tan-tane atoy iareo pake henaneo. Nitolik’ amy zao re nienga i Parò.
\p
\v 7 Hoe o mpitoro’’ i Paròo ama’e, Pak’ ombia t’ie mbe ho fandrik’ aman­tika? Ampiengao ondatio hitoroñe \nd Iehovà\nd* Andrianañahare’e; mbe tsy rendre’o hao te mianto t’i Mitsraime? 
\v 8 Aa le nampibaliheñe mb’amy Parò mb’eo t’i Mosè naho i Aharone vaho hoe re tama’e, Akia, toroño t’\nd Iehovà\nd* Andria­nañahare’ areo! Le ia naho ia ty homb’eo? 
\v 9 Hoe t’i Mosè, Hindre lia ama’ay o keleia’aio naho o bei’aio; rekets’ o ana-dahi’aio naho o anak’ampela’aio vaho hitraok’ ama’ay o mpirai-lia’aio naho o añombe’aio, hanoe’ay sabadidak’ am’ \nd Iehovà\nd*. 
\v 10 Hoe re tam’ iereo, Toe hitahy anahareo t’\nd Iehovà\nd* naho hengako hindre lia ama’ areo o keleia’ areoo! Hehe ty fikitrohan-draty aolon-dahara’ areo. 
\v 11 Aiy avao! O lahilahio avao ty hañavelo mb’eo henaneo hitoroñe \nd Iehovà\nd*, fa izay ty nipaia’ areo. Le sinoike mb’eo iereo hidisak’ ami’ty fiatrefañe i Parò.
\p
\v 12 Le hoe t’\nd Iehovà\nd* amy Mosè, Ahitio ambone’ o tane Mitsraimeo ty fità’o, hivotraha’ o valalao, hipetaha’ iareo an-tane Mitsraime, hampibotseke ze he’e mitiry an-tane eo, ze nisisa’ i havandray. 
\v 13 Aa le nahiti’ i Mosè ambone’ tane Mitsraime i kobai’ey vaho ninday tiok’ atiñanañe amy taney amy lomoñàndroy naho amy haleñe iabiy t’\nd Iehovà\nd*; ie nanjirike i àndroy le fa nonjone’ i tiok’ ati­ñanañey mb’eo o valalao. 
\v 14 Le nionjoñe nanitsike ty tane Mitsraime o valalao, nandrambañe ty fifaritsoha’ i Mitsraime ty nipetaha’ iareo, nitozantozañe; mboe lia’e tsy nizoem-pifamorohotam-balala hoe zay vaho tsy ho zoeñe ka. 
\v 15 Natsahe’e ty maso’ i taney, le nikò-maieñe i taney; naho fonga nabotse’e ze niniñaniña amy taney naho ze voan-katae nisisa’ i havandray vaho tsy nanisa raha antsetra an-katae ndra an-drongoñe an-kivoke ndra aia’aia an-tane Mitsraime ao iaby. 
\v 16 Kinoi’ i Parò amy zao t’i Mosè naho i Aharone le nanao ty hoe, Toe nanao hakeo amy \nd Iehovà\nd* Andrianañahare’ areo naho ama’ areo iraho. 
\v 17 Aa le miambane ama’o ty hiheve ami’ty henane toy i hakeokoy vaho halalio am’ \nd Iehovà\nd* Andrianañahare’ areo te ha­fahañe amako ty fihomahañe toy avao. 
\v 18 Nienga i Parò re, nihalaly am’ \nd Iehovà\nd*; 
\v 19 Nafote’ \nd Iehovà\nd* i tiokey ho tio-bey hirik’ ahandrefañe; nongaha’ i tiokey o valalao vaho sinoi’e mb’amy Riam-Binday añe; leo raike amo valalao tsy napoke an-tane Mitsraime ao iaby. 
\v 20 Fe nampi­entere’ \nd Iehovà\nd* ty arofo’ i Parò, le tsy nampi­engae’e mb’eo o ana’ Israeleo.
\s1 9. Haieñe
\p
\v 21 Aa le hoe t’\nd Iehovà\nd* amy Mosè, Ahitio mb’andikeram-b’eo ty fità’o hañatseke ty hamoromoroñe an-tane Mitsraime ao, ieñe mete tsapaeñe. 
\v 22 Aa le nahiti’ i Mosè mb’andindìñey ty fità’e, le nandrambañe ty tane Mitsraime telo andro ty hamoromoroñe. 
\v 23 Songa tsy nahay nifañisake, naho sindre tsy naha-ongake telo andro amy nidona’ey; fe amo hene ana’ Israeleo le nazava amo kiboho’ iareoo. 
\v 24 Aa le kinoi’ i Parò t’i Mosè nanao ty hoe, Akia, toroño t’\nd Iehovà\nd*. Fe apoho atoy o lia-rai’ areoo naho o mpirai-tro areoo. Mete hindre ama’o o keleia’ areoo. 
\v 25 Aa hoe t’i Mosè, Tsi-mete tsy hatolo’o ty hisoroñañe naho ty ho èngan-koroañe, hañalankaña’ay ho am’ \nd Iehovà\nd* Andrianañahare’ay. 
\v 26 Aa le hindre lia ama’ay o hare’aio; leo tombo’e raike tsy hapo’ay, fa hendese’ay hitoroñe \nd Iehovà\nd* Andrianañahare’ay, tsy apota’ay te inoñe ty hitoroña’ay \nd Iehovà\nd* naho tsy fa pok’añe. 
\v 27 Fe nampigañe’ \nd Iehovà\nd* ty arofo’ i Parò vaho tsy nisatrie’e ty hampienga iareo. 
\v 28 Le hoe ty Parò tama’e, Soik’ añe! Misitaha amako! Mitaoa tsy ho isa’o ka ty tareheko, fa amy andro hahaisaha’o azey ty hihomaha’o. 
\v 29 Hoe ty Mosè, Soa i saontsi’oy! Tsy ho treako ka o lahara’oo.
\c 11
\s1 Hatahata ami’ty Tolom-boiñe Fara’e
\r Avo. 3.21-22; 12.35-60
\p
\v 1 Hoe t’\nd Iehovà\nd* amy Mosè, Ho tovoñako feh’ohatse raike amy Parò naho i Mitsraime, izay vaho hapo’e hienga nahareo, eka, hampiavote’e vaho vata’e hatao’e soike. 
\v 2 Saontsio an-dravembia ondatio te songa hihalaly, sindre ondaty amo mpirai-tanañe ama’eo, fanake volafoty naho fanake volamena. 
\v 3 Toe nampañisohe’ \nd Iehovà\nd* ampahaisaha’ o nte Mitsraimeo ondatio. Mbore nilahitsiay an-tane Mitsraime ao t’i ondaty Mosè am-pihaino’ o mpitoro’ i Paròo naho ampahaisaha’ondatio.
\p
\v 4 Hoe t’i Mosè, Inao ty tsara’ \nd Iehovà\nd*, Hiakatse petsakalen-dRaho haneña­teña i Mitsraime. 
\v 5 Le fonga hivetrake ze hene valohan’ anak’ an-tane Mitsraime ao, boak’ amy tañoloñoloña’ i Parò mpiambesatse am-piambesam-panjaka’ey, pak’ ami’ ty tañoloñoloñan’ ondevo ampela amboho’ i fandisanañey vaho ty valohan’ anan-kare. 
\v 6 Hanitsike ty tane Mitsraime ty fikoaihañe mbe lia’e tsy ni-añ’ ohatse vaho le lia’e tsy hanahafañe ka. 
\v 7 Fe amo ana’ Israeleo, le tsy hihiake ama’ondaty ndra aman-kare ty amboa, hahafohina’ areo te ampiambahe’ \nd Iehovà\nd* amy Mitsraime t’Israele. 
\v 8 Ie amy zay hizotso mb’amako o mpitoro’o retoañe hibokoboko amako hanao ty hoe, Miengà anay, ihe naho ze hene ondaty am-pandia’o. Izay iraho vaho hiavotse, le nienga i Parò am-piforoforoan-keloke.
\p
\v 9 Hoe t’\nd Iehovà\nd* amy Mosè, Tsy hañaoñe azo t’i Parò soa te hampitomboañe an-tane Mitsraime ao o halatsàñe hanoekoo.
\p
\v 10 Nanoe’ i Mosè naho i Aharone añ’ atrefa’ i Parò i hene raha tsitantane rezay; fe nampientere’ \nd Iahoé\nd* ty arofo’ i Parò vaho tsy nampiengae’e an-tane’e o ana’ Israeleo.
\c 12
\s1 Ty Pèsake Valoha’e
\r Vol 9.1-14; Ezek 45.21-25
\p
\v 1 Hoe ty tsara’ \nd Iehovà\nd* amy Mosè naho Aharone an-tane Mitsraime ao: 
\v 2 Hatao’ areo fifotoram-bolañe ty volañe toy; ie ty hatao’ areo valoham-bolan-taoñe. 
\v 3 Aa le tseizo amy valobohò’ Israeley te, amy fahafolo’ ty volañe toy, songa handrambe ty vi’e ho añ’anjomban-drae’e ze lahilahy, ty vi’e ze hasavereñañe. 
\v 4 Aa naho loho kede te ami’ty vi’e raike ty hasavereñañe, le hangala’e raike hatraok’ amo marine’ i anjomba’eio ty ami’ty ia’ ondaty, ze hahafikamà’ ondatio ty hamolilia’o ty vi’e. 
\v 5 Tsy hanan-kandra i vi’ey; lahi’e an-tao’e valoha’e ty ho rambeseñe ke amo añondrio he amo oseo. 
\v 6 Ho tana’o pak’ ami’ty andro fahafolo-efats’ ambi’ i volañey; le songa hamono ty aze amy folak’ àndroy\f + \fr 12:6 \fr*\ft Folakandro do’e: añivo’ i mandialohay naho i tsofots’androy;\ft*\f* ze amy valobohò’ Israele. 
\v 7 Handrambesa’ iareo ty lio’e vaho hafitse ami’ty lahindalañe roe naho ami’ty ambone’e amy ze anjomba ikamañe azey. 
\v 8 Ho kamae’ iereo amy haleñey i hena natono añ’afoy naho ty mofo po-dalivay, le ampitraofo àña-mafaitse t’ie kamaeñe. 
\v 9 Tsy ho kamaeñe manta, tsy ho sambaiheñe, fa atono añ’ afo ty loha’e naho o tombo’eo vaho o aova’eo. 
\v 10 Tsy ho sisaeñe ami’ty maraiñe; fa fonga horoañe amy maraiñey ze sisa. 
\v 11 Zao ty hikama’o aze: misikiñe ty vania’o, mihana o fandia’oo, naho am-pità’o ty kobaiñe; le ikamañe masika. I Fihelañ’Ambone\f + \fr 12:11 \fr*\ft Ndra: Pèsake\ft*\f*’ \nd Iehovà\nd* izay. 
\v 12 Fa hiranga an-tane Mitsraime iraho te haleñe, le ho lihiñeko kàboke ze valohan’ anak’ an-tane Mitsraime ao ndra ondaty ndra hare vaho hametsa­ke zaka amo ndrahare’ i Mitsraimeo: Izaho Ieh\nd ovà\nd*. 
\v 13 Viloñe ho anahareo amo anjomba’ imoneña’ areoo i lioy; aa naho treako ty lio, le hiary ambone’ areo iraho vaho tsy ho zevoñe’ ty angorosy te lihiñeko ty an-tane Mitsraime.
\p
\v 14 Ho andro faniahiañe anahareo ty andro toy. Hambena’ areo ho sabadidak’ am’ \nd Iehovà\nd*; amo hene tarira’ areoo ty hañambena’ areo aze ho fañè tsy modo nainai’e. 
\v 15 Fito andro ty hikamà’ areo mofo po-dalivay; le fonga hafaha’ areo añ’ anjomba’ areo ze atao lalivay aolo’ i andro valoha’ey; amy t’ie mikama lalivay amy andro valoha’ey pak’ami’ty andro faha-fito, le haitoañe am’ Israele indatiy. 
\v 16 Amantaño fivory miavake i andro valoha’ey, naho fivory miavake ho anahareo ka i andro fahafitoy, le tsy mitoloñe ndra inoñ’inoñe amy andro rey naho tsy amy ho kamaeñe: izay avao ty ho fitoloña’ areo. 
\v 17 Ambeno i sabadidake mofo po-dalivaiy amy t’ie ty andro nampiengàko amy Mitsraime i valobohò’ areoy: aa le hambena’ areo amo hene tarira’ areoo ty andro toy ho fañè tsy modo kitro añ’afe’e. 
\v 18 Amy volam-baloha’ey, amy andro faha folo-efats’ambi’ i volañeiy naho hariva, ty hikama’ areo mofo po-dalivay pak’ ami’ty hariva’ i andro faha-roapolo-raik’ ambiy. 
\v 19 Fito andro te tsy hanjoan-dalivay ty añ’ anjomba’ areo ao, amy t’ie mikama raha nanoen-dalivay ro haitoañe amy valobohò’ Israeley indatiy, ndra t’ie mpañialo ndra te nitoly amy taney. 
\v 20 Tsy hikama raha aman-dalivay fa mofo po-dalivay ty ho kamae’ areo amo hene akiba’ areoo.
\p
\v 21 Aa le fonga kinoi’ i Mosè o roandria’ Israeleo, nanoa’e ty hoe, Añakaro vi’e le andrambeso ty amo hasavereña’ areoo vaho lentao i Fihelañ’ amboney. 
\v 22 Rambeso ty tsampan-tseva\f + \fr 12:22 \fr*\ft Heb: Hyssop\ft*\f*, le aloño amy lio am-panakey; naho afitsezo an-dahin-dalañe roe eo naho an-tokonañe ambone eo i lio am-panakey vaho tsy ia ty hiakatse an-dalañ’ anjomba’e ampara’ te maray. 
\v 23 Amy te hitoañe mb’eo t’\nd Iehovà\nd* hanjevoñe o nte-Mitsraimeo; aa ie mahavazoho ty lio amy tokonañe amboney naho amy lahindalañe roe rey, le hiary ambone’ i lalañey t’\nd Iehovà\nd* vaho tsy henga’e hizilik’ an-kiboho’ areo ao i mpandro­tsakey hanjevoñe.
\p
\v 24 Hambena’ areo nainai’e izay, ho fañè tsy modo ama’o naho amo tarira’oo. 
\v 25 Ie mivotrake an-tane hatolo’ \nd Iehovà\nd* anahareo ty amy tsara’ey le ho henefe’ areo ty fitoroñañe toy. 
\v 26 Aa naho añontanea’ o ana’ areoo ty hoe: Ino ty fitoroñ’areo toy? 
\v 27 Le hanoa’ areo ty hoe, Ie ty fisoroñañe i Fiariañ’ Ambone’ \nd Iehovà\nd*y, amy t’ie niary ambone’ o kibohon’ ana’ Israele e Mitsraimeo naho zinevo’e o nte-Mitsraimeo vaho nado’e o kibohon-tikañeo. Aa le niondreke ondatio, nitalaho.
\p
\v 28 Nimb’eo o ana’ Israeleo nanao hambañe amy nandilia’ \nd Iehovà\nd* i Mosè naho i Aharoney; izay ty nanoe’ iareo.
\s1 10. Ty Fihomaha’ o Valohan’anakeo
\r Avo. 11.1-10
\p
\v 29 Ie petsakaleñe, le linihi’ \nd Iehovà\nd* ze hene valohan’ anak’ an-tane Mitsraime ao, mifototse amy tañolo­ñoloña’ i Parò niambesatse amy fiambesam-pifehea’ey pak’ami’ty mpirohy amy nampigabeñañe azey naho ze valohan’ anan-kàre iaby. 
\v 30 Nitroatse haleñe t’i Parò, ie naho ze hene mpitoro’e naho o nte-Mitsraime iabio vaho akore ty fangololoihañe e Mitsraime ao, kanao tsy eo ty anjomba tsy aman-dolo. 
\v 31 Aa le kinoi’e t’i Mosè naho i Aharone amy haleñey le nanao ty hoe, Miongaha, Iengao ondatikoo, inahareo naho o ana’Israeleo! Akia, toroño t’\nd Iehovà\nd*, amy nisaontsie’ areoy. 
\v 32 Endeso o mpirai-lia’ areoo naho o añombe’ areoo, amy nisaontsie’ areoy vaho mañaveloa. Le tatao ka iraho!
\s1 Ramsese pak’e Sokote
\p
\v 33 Tinaentae’ o nte-Mitsraimeo ondatio hampalisa ty hampiakarañe iareo amy taney, fa hoe iereo, Fonga mate zahay. 
\v 34 Aa le rinambe’ ondatio o koba’ iareo po-dalivaio, ie nikolopofeñe saroñe an-tsoro’e ao miharo amo fanake fampikobàñeo. 
\v 35 Norihe’ o ana’ Israeleo ty saontsi’ i Mosè le nihalaly bange volafoty naho volamena vaho sikiñe amo nte-Mitsraimeo, 
\v 36 le nosihe’ \nd Iehovà\nd* o nte-Mitsraimeo t’ie hatarike am’ iereo, le nomei’ iareo ze hene nihalalieñe. Aa le nifongane’ iareo o nte-Mitsraimeo.
\p
\v 37 Nañavelo boak’ e Ramesèse pak’ e Sokòte o ana’ Israeleo, ondaty enen-ketse am-pandia fa tsy niaheñe o keleiañeo. 
\v 38 Valobohòke mifangaro ty nitrao-pienga am’ iereo naho o lia-raikeo naho o mpirai-trokeo naho ty hanañañe tsy fotofoto. 
\v 39 Natoña’ iareo i mofo po-dalivay amy koba nen­dese’ iereo boake Mitsraimey, Tsy nian-dalivay i kobay amy t’ie natao’ o nte-Mitsraimeo soike le nihepakepake fa tsy eo ty hañalankaña’ iareo vaty.
\p
\v 40 Ty fitaveaña’ o ana’ Israele nimoneñe e Mitsraimeo le efa-jato-tsi-telopolo taoñe. 
\v 41 Ie nimodo i 430 taoñe rezay amy andro zay, le hene nienga an-tane Mitsraime o lahiale’ \nd Iehovà\nd* o. 
\v 42 Halem-pijilova’ \nd Iehovà\nd* toy, i nampiengà’e iareo an-tane Mitsraimey, aa le ho fijilova’ o ana’ Israele iabio naho ze hene tarira’ iareo, am’ \nd Iehovà\nd* ami’ ty haleñe toy.
\s1 Fañè amy Fiariañ’ Amboney
\r Fot. 17.9-14; Avo. 12.1-13
\p
\v 43 Hoe t’\nd Iehovà\nd* amy Mosè naho i Aharone: Zao ty fañè’ i Fiariañ’ Amboney: Tsy ho kamae’ ty ambahiny, 
\v 44 fe azo kamae’ ze ondevo vinily; o nisavare’oo ty hihinañe aze. 
\v 45 Tsy ho kamae’ ty mpañialo ndra ty mpikarama. 
\v 46 Añ’ anjomba raike ty ikamañe aze, tsy añakarañe amy anjombay i henay vaho tsy hapènkañe o taola’eo. 
\v 47 Hambena’ ty valobohò’ Israele izay. 
\v 48 Aa naho te hitraok’ amy sabadi­dam-Pihelaña’ \nd Iehovà\nd*y ka ty renetane ama’ areo, le tsy mahay tsy ho savareñe hey ze fonga lahilahi’e; ie amy zay ro mete mitotoke mb’eo hañambeñe aze; hanahake t’ie nisamak’ amy taney. Fe tsy mete ikama ze ondaty tsy votso-boiñe; 
\v 49 raike ty fetse amo renetane mañialo ama’ areoo naho amo nisamak’ amy taneio.
\p
\v 50 Le nanoe’ o ana’ Israeleo, nihenefa’ o ana’Israeleo ze nandilia’ \nd Iehovà\nd* i Mosè naho i Aharoney. 
\v 51 I àndroy avao ty nampiengà’ \nd Iehovà\nd* an-tane Mitsraime ao o ana’ Israeleo am-poko am-poko.
\c 13
\p
\v 1 Nitsara ty hoe amy Mosè t’\nd Iehovà\nd*: 
\v 2 Avaho ho ahy ze hene lahilahy valohan’ anake. I manoka-koviñe amo ana’ Israeleo, ke ondaty he hare, ahiko irezay.
\s1 Ty Sabadidak’ i Mofo po-Dalivaey
\r Avo. 12.14-20
\p
\v 3 Hoe t’i Mosè am’ondatio, Tiahio ty andro toy, ty niavota’ areo i Mitsraime, boak’ an-trañom-pañondevozañe ao; amy t’ie nampiengà’ \nd Iehovà\nd* atoy an-kaozaram-pità’e; le tsy ho kamaeñe ty mofo aman-dalivay. 
\v 4 Androany ami’ty volan-\f + \fr 13:4 \fr*\ft Volankofahofa: Abibe: Volam-balohan’A’hare\ft*\f*kofahofa, ty niavota’ areo. 
\v 5 Aa naho minday azo mb’an-tane’ o nte-Kanàneo naho o nte-Kheteo naho o nte-Emòreo naho o nte-Kiveo vaho mb’amo nte-Iebosìo añe t’\nd Iehovà\nd*, ie nampitamae’e an-droae’o am-pànta hatolots’ azo; tane orikorihen-dronono naho tantele, le hambena’o ami’ty volañe toy o fitalahoañe zao. 
\v 6 Fito andro ty hikama’o mofo po-dalivay vaho ano Sabadidake.am’ \nd Iehovà\nd* amy andro faha-fitoy. 
\v 7 Ho kamaeñe fito andro ty mofo po-dalivay, le tsy ho tendrek’ ama’o ty mofo aman-dalivay vaho tsy ho zoeñe ama’o, an-toe’o iaby ty lalivay. 
\v 8 Ty hoe ty hatoro’o ami’ty ana-dahi’o amy andro zay, Ie i nanoe’ \nd Iehovà\nd* ho ahikoy, t’ie niavotse i Mitsraime. 
\v 9 Ho viloñe ama’o am-pità’o naho tiahy añivom-pihaino’o eo soa te ho am-palie’o ty Ha’ \nd Iehovà\nd*y, amy te am-pitàñe maozatse ty nampiavota’ \nd Iehovà\nd* azo amy Mitsraime. 
\v 10 Aa le hambena’o amy namotoaña’e azey boa-taoñe o fañè zao.
\s1 Ty Fañorizañe o Tañoloñoloñañeo
\p
\v 11 Naho ninday azo an-tane’ o nte-Kanàneo t’\nd Iehovà\nd*, ie nifañina ama’o naho an-droae’o vaho fa natolo’e azo, 
\v 12 le havì’o ho a \nd Iehovà\nd* ze hene manoka-koviñe naho ze fonga valohan’ anan-kare’o, a \nd Iehovà\nd* o lahi’eo. 
\v 13 Fa ho jebañe’o ami’ty añondry ka ty valohan’ ana-borìke, aa naho tsy lefe’o jebañeñe, le tsi-mete tsy kitsihe’o ty loha’e. Aa le ho jebañe’o ty tañoloñoloñan-anadahi’o. 
\v 14 Ie añe naho mañontane azo ty ana’o ami’ty hoe: Ino zao. Le hatoi’o ty hoe, An-kaozaram-pità’e ro nampiengà’ \nd Iehovà\nd* anay i Mitsraime, boak’ an-trañom-pañondevozañe ao. 
\v 15 Ie nifoneñe tsy hampienga anay t’i Parò, le vinono’ \nd Iehovà\nd* ze fonga valohan’ anake an-tane Mitsraime ao, ty tañoloñoloña’ ondaty naho ty valohan’ anan-kare. Aa le soroñeko am’ \nd Iehovà\nd* ze lahi’e manokake ty hoviñe, fe ho jebañeko ze tañoloñoloñan’ anadahiko. 
\v 16 Le ho sokitse am-pità’o eo zay vaho alama aolo’ o maso’oo te ninday antika niavotse e Mitsraime am-pità’e maozatse t’\nd Iehovà\nd*.
\s1 Fitsahañe
\p
\v 17 Naho nampienga’ i Parò ondatio, le tsy niaoloan’ Añahare mb’an-tane o nte-Pilistio mb’eo ndra t’ie narine. Fa hoe t’i Andrianañahare, hera hibalintoa ondatio te miatrek’ aly naho hibalike mb’e Mitsraime añe. 
\v 18 Te mone nampiarien’ Añahare mb’ an-dalan-diolio’ i Riake Menay ondatio. Le nangovovoke boake Mitsraime o ana’ Israeleo.
\p
\v 19 Le nendese’ i Mosè mindre ama’e ty taola’ Iosefe amy nampifantà’e o ana’ Israeleo ty hoe: Toe hitilik’ anahareo t’i Andria­nañahare vaho hampindreze’ areo ama’areo boak’ atoa o taolakoo.\f + \fr 13:19 \fr*\ft Fot. 50.25\ft*\f*
\p
\v 20 Ie niavotse i Sokote iereo le nitobe Etame añ’olo’ i ratraratray. 
\v 21 Niaoloa’ \nd Iehovà\nd* an-drahoñe mitiotiotse te antoandro nitarike i liay vaho an’afo mijoala te haleñe hañomea’e hazavàñe hañaveloañe handro naho haleñe. 
\v 22 Tsy nisitak’ ami’ty fiaoloa’e ondatio i rahoñe nitiotiotsey te antoandro, ndra i afo nijoalay te haleñe.
\c 14
\p
\v 1 Hoe ty nitsarae’ \nd Iehovà\nd* amy Mosè, 
\v 2 Misaontsia amo ana’ Israeleo ty hiba­like naho hitobe aolo’ i Pi-Hakiròte; añivo’ i Migdòle naho i riakey, tandrife i Baal’ Tsefone; eo ty hitobea’ areo marine i riakey. 
\v 3 Le hatao’ i Parò te mikariokariok’ an-tamberen-tane ey avao ana’ Israeleo fa arikatoha’ i ratraratray. 
\v 4 Aa le ho gañeko ty arofo’ i Parò vaho hihoridaña’e. Fe hahazo engeñe amy Parò naho amo fonga lahindefo’eo iraho, le ho fohi’ o nte-Mitsraimeo te Izaho \nd Iehovà\nd*. Aa le nanoe’ iereo izay.
\p
\v 5 Ie nampandrendreheñe i mpanjaka’ i Mitsraimey te nibotatsak’ añe ondatio, le nibalintoa am’ ondatio ty five­tsevetse’ i Parò naho o mpitoro’eo vaho hoe iereo, Inoñe i nanoentika namotsotse o ana’ Israeleo tsy hitoroñ’ antikañey? 
\v 6 Aa le nampihentseñe’e i sarete’ey vaho nampindreza’e ondati’eo. 
\v 7 Ninday sarete enen-jato nijoboñen-dre vaho ze kila sarete’ i Mitsraime rekets’ o mpifehe’eo iaby. 
\v 8 Le nampientere’ \nd Iehovà\nd* ty arofo’ i Parò mpanjaka’ i Mitsraime vaho nihoridañe’e o ana’ Israeleo, ie fa nienga am-pitañ’ abo o ana’Israeleo. 
\v 9 Nihoridañe’ o nte-Mitsraimeo amy ze hene soavala naho sarete’ i Parò, o mpiningi-tsoavalao naho o lahindefo’e iabio vaho nitrà’iareo nitobe marine’ i riakey iereo marine i Pi-Hakiròte tandrife i Baal’ Tsefone.
\p
\v 10 Ie nañarivo mb’eo t’i Parò, le nampiandra fihaino o ana’ Israeleo, le indroy, nionjoñe mb’am’ iereo o nte-Mitsraimeo. Vata’e nirevendreveñe iereo vaho nikoiak’ am’ \nd Iehovà\nd* o ana’ Israeleo. 
\v 11 Le nanao ty hoe amy Mosè, Ie tsy aman-kibory e Mitsraime ao hao ty nanesea’o anay mb’etoa hikoromak’ am-patrambey atoy? Ino o nanoa’o anaio, ihe nampiakatse anay amy Mitsraime! 
\v 12 Tsy zao hao ty vinola’ay ama’o e Mitsraime añe t’ie apoke hitoroñe o nte-Mitsraimeo? fe hàmake mitoroñe o nte-Mitsraimeo ta t’ie hivetrak’ an-jerezere tane atoy. 
\v 13 Aa hoe t’i Mosè am’ondatio, Ko hembañe, mijadoña vaho isaho ty fandrombaha’ \nd Iehovà\nd* hatoro’e anahareo anito, fa o nte-Mitsraime isa’ areo androany tsy ho isa’ areo kitro-katroke ka. 
\v 14 Hialy ho anahareo t’\nd Iehovà\nd*, aa le mianjiña.
\p
\v 15 Le hoe t’\nd Iehovà\nd* amy Mosè, Ino ty ikoiha’o ahy? Misaontsia amo ana’ Israeleo ty hionjom-b’eo. 
\v 16 Le aonjono o kobai’oo vaho ahitio ambone’ o riakeo ty fità’o, le isalahao, hitsaha’ o ana’ Israeleo añivo’ o riakeo an-tane maike. 
\v 17 Inao, hampigañeko ty tro’ o nte-Mitsraimeo, ie hañorike, hahazoako engeñe amy Parò naho i valobohò’ey naho amo sarete’eo naho amo mpiningi-tsoavala’eo. 
\v 18 Ho fohi’ o nte-Mitsraimeo te izaho \nd Iehovà\nd*, naho ahazoako engeñe amy t’i Parò naho o sarete’eo vaho o mpiningi-tsoavala’eo.
\p
\v 19 Ie amy zao, nisitake i anjelin’ Añahare niaolo’ i tobe’ Israeleiy, nivike mb’ am-boli’ iareo ao. Toe nisitsitse boak’ aolo’ iareo i rahoñe nijoalay le nijohañe am-boho’e ao 
\v 20 nitsatoke añivo’ o lahindefo’ i Mitsraimeo naho i tobe’ Israeley; naho ninday ieñe mb’aroa i rahoñey fe nihazavae’e atoa i haleñey, soa tsy nifankarine amy haleñe iabiy ty raike mb’ami’ty ila’e.
\p
\v 21 Aa le nahiti’ i Mosè ambone’ i riakey ty fità’e, le nampivevè’ \nd Iehovà\nd* amy haleñe iabiy an-tiobey atiña­nañe i riakey naho navali’e ho tane maike i riakey vaho nizara o ranoo, 
\v 22 le nijoñe amy riakey an-tane maike o ana’ Israeleo, ty rindrin-drano an-kavana’ iereo naho an-kavia’e.
\p
\v 23 Hinorida’ o nte-Mitsraimeo iereo, mb’an-teñateña’ i riakey, o soavala’ i Parò iabio, ze hene sarete’e naho o mpi­ningi-tsoavala’eo. 
\v 24 Ie amy fijilovañe marain-draiñey, le nijilove’ \nd Iehovà\nd* boak’ amy afo nijoalay naho amy rahoñey ty valobohò’ i Mitsraime vaho navalitsikota’e i valobohò’ i Mitsraimey. 
\v 25 Nakatra’e o laron-tsarete’eo nanebatsebañe ty fionjona’ iareo vaho hoe ty asa’ o nte-Mitsraimeo, Antao hibioñe ami’ty lahara’ Israele! amy te mialy amy Mitsraime ho a iareo t’\nd Iehovà\nd*.
\p
\v 26 Le hoe t’\nd Iehovà\nd* amy Mosè, Ahitio ambone’ i riakey ty fità’o hibaliha’ o ranoo amo nte-Mitsraimeo, amo sarete’eo vaho amo mpiningi-tsoavala’eo. 
\v 27 Nahiti’ i Mosè ambone’ i riakey amy zao ty fità’e le nimpoly amy fikararaha’e taoloy i riakey te nanjirike i àndroy. Nitriban-day ama’e o nte-Mitsraimeo fe navalitaboa’ \nd Iehovà\nd* añivo’ i riakey. 
\v 28 Nitaba­troake mb’eo i ranoy nañàmpo o sareteo naho o mpiningitseo naho i valobohò’ i Parò nañorike o ana’ Israeleo mb’an-driake mb’eo iabiy, ie tsy nengan-tsehanga’e.
\p
\v 29 Fe nitsake i riakey an-tane maike ka o ana’ Israeleo añivo i riakey amy te nirindriñe am’iereo i ranoy, ankavana’e naho ankavia’e eo. 
\v 30 Izay ty nandrombaha’ \nd Iehovà\nd* am-pità’ o nte-Mitsraimeo t’Israele amy andro zay vaho niisa’ Israele nifitak’ añ’ olon-drano ey o fàten-te Mitsraimeo. 
\v 31 Nahaisake i hara’ elahin-kaozara’ \nd Iehovà\nd* naboa’e amo nte-Mitsraimeoy t’Israele, le nañeveñe am’ \nd Iehovà\nd* ondatio vaho niantoke amy \nd Iehovà\nd* naho i Mosè mpitoro’ey.
\c 15
\s1 Ty Sabo’ i Mosè naho i Miriamae
\p
\v 1 Le nisabo ty takasy toy am’ \nd Iehovà\nd* t’i Mosè naho o ana’ Israeleo, nipoña-peo ami’ty hoe:
\q1 Ho saboeko t’\nd Iehovà\nd*,
\q1 onjono an-tiotiotse ey,
\q1 Nafetsa’e an-driak’ ao
\q1 ty soavala reke-mpiningi’e. 
\v 2 Haozarako naho saboko t’\nd Iehovà\nd*,
\q1 Ie fandrombahañe\f + \fr 15:2 \fr*\ft Sab 118:14, Ies 12:2\ft*\f* ahiko henaneo.
\q1 Andrianañahareko re, le ho rengeko,
\q1 Andrianañaharen-draeko,
\q1 vaho honjoñeko.
\q1
\v 3 Fanalolahy añ’ aly t’\nd Iehovà\nd*,
\q1 \nd Iehovà\nd* ty Tahina’e.
\q1
\v 4 Navokovoko’e an-driak’ ao
\q1 o sarete’ i Paròo naho i valobohò’ey.
\q1 Nampiopoe’e an-dRia-Binda ao
\q1 o roandria jinobo’eo.
\q1
\v 5 Manafots’iareo i lalekey,
\q1 nilempotse an-dalek’ ao hoe vato.
\q1
\v 6 Toe engeñe an-kaozarañe o fità’o havanao, ry \nd Iehovà\nd*.
\q1 Fa dinorodemom-pitàn-kavana’o
\q1 i rafelahiy, ry \nd Iehovà\nd*.
\q1
\v 7 Ami’ty hajabahinam-bolonahe’o
\q1 ty anjevoña’o ambane o mivoala ama’oo.
\q1 Ampihitrife’o mb’eo ty haviñera’o
\q1 mahatomonto iareo hoe tain’ ava.
\q1
\v 8 Ami’ty fikofòm-piantsona’o ty nivotria’ i ranoy.
\q1 Nitroatse hoe rindriñe i sorotombahañey;
\q1 Nizitse an-tro’ i riakey o lalekeo.
\q1
\v 9 Hoe ty asa’ i rafelahiy:
\q1 Ho horidañeko, ho trako,
\q1 Ho zaraeko o dinohitseo;
\q1 ie hañeneke ty haveloko.
\q1 Hapontsoako ty fibarako,
\q1 handrotsaha’ ty tañako.
\q1
\v 10 Fe nitiofe’o an-kofò’o
\q1 Le nandipotse iareo i riakey.
\q1 Nilempotse hoe firake
\q1 An-drano nitabohazake ao.
\q1
\v 11 Ia amo ndrahareo ty mañirinkiriñe Azo ry \nd Iehovà\nd*? Ia ty hambañe ama’o?
\q1 Tsomerentsereñe an-kamasiñañe,
\q1 mampañeveñe an-drenge,
\q1 ry mpitolon-kalatsàñeo!
\q1
\v 12 Nahiti’o ty fità’o havana
\q1 vaho nabea’ i taney iereo.
\q1
\v 13 Am-pikokoa-migahiñe
\q1 ty niaoloa’o ondaty nijebañe’oo.
\q1 An-kafatrara’o ty nitehafa’o
\q1 mb’añ’akiban-kamasiña’o mb’eo.
\q1
\v 14 Nahajanjiñe o kilakila ondatio
\q1 vaho nititititike;
\q1 Fineveneverañe ty nametreke o nte-Pilistio
\q1
\v 15 Nirevendreveñe o mpifehe’ i Edomeo
\q1 nihondrahondra o roandria’ i Moabeo,
\q1 fonga nitranake o nte-Kanàneo;
\q1
\v 16 nivotraha’ ty havorombeloñe
\q1 naho ty hetraketrake,
\q1 ami’ty haozaram-pità’o
\q1 nizitse hoe vato iereo—
\q1 Ampara’ te nitsake ondati’oo ry \nd Iehovà\nd*, ampara’ te nitsake ondaty vinili’oo.
\q1
\v 17 Hampimoahe’o ao iereo vaho haore’o am-bohi’ i lova’oy—
\q1 i toem-pimoneña’o hinalanka’oy,
\q1 ry \nd Iehovà\nd*,
\q1 i fipalirañe naorem-pità’oy ry Talè.
\q1
\v 18 Mifehe nainai’e donia t’\nd Iehovà\nd*.
\p
\v 19 Fa nisorogodañ’ an-driak’ ao o soavala i Paròo rekets’ o sarete’eo naho o mpiningi’eo, le nampoli’ \nd Iehovà\nd* am’ iereo o ranon-driakeo, vaho nitsake añivo’ i riakey an-tane maike o ana’ Israeleo. 
\v 20 Nandrambe kantsàñe amy zao t’i Miriamae mpitoky, rahavave’ i Aharone, le nañorik’ aze an-kantsàñe naho tsinjake o rakemba iabio 
\v 21 vaho nitakasie’ i Miriamae:
\q1 Misaboa am’ \nd Iehovà\nd*
\q1 fa nandreketse am-pandreketam-bolonahetse.
\q1 Navokovoko’e an-driak’ ao ty soavala reke-piningi’e.
\s1 O Rano i Marà naho i Elima
\p
\v 22 Aa le nendese’ i Mosè nienga i Ria-Binday t’Israele naho nionjomb’ an-dRatraratra’ i Sore. Nañavelo telo andro am-patrambey ao iereo fe tsy nahatendreke rano. 
\v 23 Ie pok’e Marà\f + \fr 15:23 \fr*\ft Marà: mafaitse\ft*\f* ao, le tsy nihay kamaeñe i rano’ i Marày fa nafaitse. (Izay ty nanoañe ty hoe Marà i aoy.) 
\v 24 Aa le niñeoñeo amy Mosè ondatio ami’ty hoe: Ino ty hinome’ay? 
\v 25 Le nitoreo am’\nd Iehovà\nd* re naho nitoroa’ \nd Iehovà\nd* ty hatae, ze nahifi’e an-drano ao nahamamy i ranoy.
\p Teo ty nanoa’ \nd Iehovà\nd* fañè naho zaka vaho teo ty nitsoha’e iareo. 
\v 26 Hoe re: Naho imanea’o haoñe ty fiarañanaña’ \nd Iehovà\nd* Andria­nañahare’o naho manao ty hahiti’e am-pivazohoa’e naho mijanjiñe o fandilia’eo vaho miambeñe o fañè’e iabio, le tsy hapoko ama’o o areteñe nafetsako amo nte-Mitsraimeoo, fa Izaho \nd Iehovà\nd* Mpampijangañe azo.
\p
\v 27 Le nitotsake Elìme ao iereo, toetse an-dohan-drano manganahana folo ro’ amby naho satrañe fitom-polo; vaho nañialo marine’ o ranoo eo.
\c 16
\s1 Mahakama hirik’ andikerañey
\p
\v 1 Ami’ty andro fahafolo lime ambi’ i volam-paha-roe niavota’ iareo an-tane Mitsraimey, le nañavelo boak’ Elime ty valobohò’ Israele vaho nivo­trak’ am-patrambei’ i Sine añivo’ i Elime naho i Sinày. 
\v 2 Nitoreo amy Mosè naho i Aharone am-patrambey ao i valobohò’ Israeley; 
\v 3 le nanoa’ o ana’ Israeleo ty hoe, Hamake te nave­tram-pità’ \nd Iehovà\nd* an-tane Mitsraime ao, ie nitoboke marine’ o valañen-kenao vaho nikama mahakama ampara’ te nietsake; fe nasese’o ampatrambey atoy ty fivoribey toy ho zamane’o an-kasalikoañe.
\p
\v 4 Le hoe t’\nd Iehovà\nd* amy Mosè, Ingo, hampikojojoahako mahakama boak’ andikerañe añe vaho hiavotse mb’eo boak’ andro ondatio hanontoñe i tsaraeñey, ze mahatsàke i àndroy, hitsohako iareo, ke hañaveloa’ iareo i Hake natolokoy ke ts’ie. 
\v 5 Ie amy andro fah’ eneñey le halankañe’ iereo o natonto’eo, fa ho indroe’ty famoria’ iareo boak’ andro. 
\v 6 Aa le hoe t’i Mosè naho i Aharone amo hene ana’ Israeleo, Ho fohi’ areo hariva te \nd Iehovà\nd* ty nañavotse anahareo an-tane Mitsraimey, 
\v 7 le ie maraindray ho isa’ areo ty enge’ \nd Iehovà\nd*, fa jinanji’e ty fitoreo’ areo am’ \nd Iehovà\nd*. Aa inon-jahay te itoreova’ areo? 
\v 8 Le hoe t’i Mosè, hanjotsoa’ \nd Iehovà\nd* hena ho kamae’ areo te hariva naho mahakama mahaanjañe te maraindraiñe, amy te janji’ \nd Iehovà\nd* ty fimenomeno’ areo te miñeoñeoñe—fa inon-jahay? Tsy ama’ay ty fiñeoñeo’ areo fa am’ \nd Iehovà\nd*.
\p
\v 9 Le hoe t’i Mosè amy Aharone, Saon­tsio o valobohò’ Israeleo, Miharinea am’ \nd Iehovà\nd*, fa jinanji’e ty fitoreo’ areo. 
\v 10 Aa naho nilañoñe amy valobohò’ Israeley t’i Aharone, ie nitolike mb’ ampatrambey eñe, ingo, niboak’ amy rahoñey ty enge’ \nd Iehovà\nd*. 
\v 11 Nitsara amy Mosè t’\nd Iehovà\nd* nanao ty hoe, 
\v 12 Fa tsinanoko ty fitoreova’ o ana’ Israeleo; aa le taroño am’ iereo ty hoe, hikama hena iereo te hariva, naho ho ànja-mahakama iereo te maraindray vaho hapota’ areo te Izaho \nd Iehovà\nd* Andrianañahare’ areo.
\p
\v 13 Ie amy harivay, nionjom-b’eo o hatra­katrakeo nañatseke i tobey; le ie maraindraiñe hoe nizotsoan-jono ty añ’ariari’ i tobey. 
\v 14 Ie nionjoñe i zonoy, le ingo ty raha bory nilamak’ am-patrambey ey, hoe sisi’e, matify hoe tihin-tà\f + \fr 16:14 \fr*\ft Heb: fanala\ft*\f* an-tane eo. 
\v 15 Ie niisa’ o ana’ Israeleo i raha zay, le hoe ty nifanoiña’ iereo, Ino zao?\f + \fr 16:15 \fr*\ft Mane ho: Ino zao?\ft*\f* Amy t’ie nahaalik’ iareo. Le hoe t’i Mosè am’ iereo, Ie ty mahakama nazotso’ \nd Iehovà\nd* ama’ areo ho kamaeñe. 
\v 16 Inao ty nandilia’ \nd Iehovà\nd*: Atontono ty hikama’areo, sindre omere raike, ty ami’ty ia’ ondati’o, sindre hangalake ty mahaeneñe. 
\v 17 Nanoe’ o ana’ Israeleo izay, le namory, teo ty nanontoñe maro, teo ty nanontoñe kede. 
\v 18 Aa ie nikapoahe’ iareo ami’ty omere, le tsy nanisa ty nanontoñe maro vaho tsy niereñe ty nanontoñe potrapotra’e, songa nanontoñe ty naha­eneñe aze. 
\v 19 Le hoe ty nanoa’ i Mosè, Asoao tsy hanisaeñe ty maraiñe. 
\v 20 Fe tsy hinao’ iareo t’i Mosè, teo ty nanisa ami’ty maraiñe, le nipoahan’ oletse vaho nitrotròtse. Aa le niviñera’ i Mosè. 
\v 21 Boa-maraiñe ty natonto’ iareo, ty amo falie mikamao; ie nipisañe ty àndro le nimosaoñe. 
\v 22 Fa ami’ty andro fah’ eneñe, songa nitoha indroe’ ty mahakama’e, sindre omere roe vaho hene niheo mb’eo o androanavi’ i fivoribeiio nitalily amy Mosè, 
\v 23 le hoe re am’ iereo, Hoe ty nitsarae’ \nd Iehovà\nd*: Fitofàñe ty hamaray, \nd Sabata\nd* masiñe am’ \nd Iehovà\nd*; atoñaho ze hatoña’ areo naho ahandrò ze ahandroeñe te anito, le amiho ho ami’ty maraiñe. 
\v 24 Aa le namike ho ami’ty maraiñe, amy nitoroa’ i Mosèy fa tsy nimantiñe vaho tsy aman-oletse. 
\v 25 Hoe t’i Mosè, Mikama anito, fa Fitofañe am’ \nd Iehovà\nd* ty androany vaho tsy ho zoeñe an-kivok’ añe izay te anito.
\p
\v 26 Eneñ’ andro ty hanontona’ areo, f’ie tsy ho tendreke ami’ty andro fahafito, ie Sabata. 
\v 27 Ie amy andro fahafitoy, teo t’in­daty nitoha fe tsy naharendreke. 
\v 28 Hoe t’\nd Iehovà\nd* amy Mosè, Pak’ ombia ty mbe hifoneña’ areo tsy hañorike o lilikoo naho i Fetsekoy? 
\v 29 Inao, te natolo’ \nd Iehovà\nd* anahareo ty Sabotse; izay ty anjotsoa’e amy andro fahaeneñey ty mofo mahatsàk’ andro roe. Songa midok’ an-toe’e, Ko apo’o ndra iaia hiavotse amy toe’e ami’ty andro faha-fito. 
\v 30 Aa le songa nitofa ami’ty andro faha-fito\f + \fr 16:30 \fr*\ft Fot 2:2-3\ft*\f* ondatio. 
\v 31 Natao’ o ana’ Israeleo màne i mofoy. Nifoty hoe kabaro maike naho hoe mofo pisake nanoeñe an-tantele.
\p
\v 32 Hoe t’i Mosè, Zao ty linili’ \nd Iehovà\nd*, Añatsafo omere raik’ ama’e, hahaja ho amo tarira’areo mifandimbeo, hahaoniña’ iereo i mahakama namahanako anahareo am-patrambey ao t’ie nampiengàko an-tane Mitsraimey. 
\v 33 Le hoe t’i Mosè amy Aharone, Andrambeso korojy le agodoño ao ty màne mahatsàke ty omere vaho ahajao añatrefa’ \nd Iehovà\nd* ho fihaja amo tarira’areoo. 
\v 34 Amy nandilia’ \nd Iehovà\nd* i Mosèy, ty nampipoha’ i Aharone aze aolo’ i fañinay ho fihaja. 
\v 35 Nikama màne efapolo taoñe o ana’ Israeleo, ampara’ te nivotrak’ an-tane fimoneñañe añe; nikama màne ampara’ t’ie nitotsake añ’efetane Kanàne ao.
\p
\v 36 Toe fahafolo ty efà ty omere.
\c 17
\s1 ty Vato Fidoañan-drano
\r Vol. 20.1-13
\p
\v 1 Nienga i fatrambey Siney mb’ ami’ty lia’ iareo ty valobohò’ o ana’ Israeleo ty ami’ty falie’ \nd Iehovà\nd* vaho nañialo e Refidìme fe tsy aman-drano ho kamae’ ondatio. 
\v 2 Le nidoha raha amy Mosè ondatio nanao ty hoe, Meo rano hinome’ay. Hoe t’i Mosè am’ iereo, Ino ty idabasidà’ areo amako? Ino ty itsoha’ areo t’\nd Iehovà\nd*? 
\v 3 Fe nifeake hataliñiereñe ondatio vaho nitoreo amy Mosè ami’ty hoe, Ino ty nampiavota’o anay amy Mitsraime hamonoa’o anay naho o keleia’aio naho o hare’aio an-karan-dranoañe? 
\v 4 Aa le nitoreo am’ \nd Iehovà\nd* t’i Mosè, ami’ty hoe: Ino ty hanoeko am’ondaty retoañe? Didý tsy ametsaha’ iareo vato. 
\v 5 Hoe t’\nd Iehovà\nd* amy Mosè, Miaria aolo’ ondatio, le ampindrezo o androanavi’ Israeleo; tintino am-pitañe i kobay napao’o i Naileiy, le akia. 
\v 6 Inao, hijohañe añatrefa’o ambone’ i vato’ i Korèbey iraho. Paoho i vatoy, le hiakaran-drano, hikamà’ ondatio. Nanoe’ i Mosè izay, ampahaisaha’ o androanavi’ Israeleo. 
\v 7 Natao’e \f + \fr 17:7 \fr*\ft Masà: zizy; Meribà: fifandierañe\ft*\f*Masà naho Meribà i toetsey amy te nidoha raha naho nitsoke \nd Iehovà\nd* o ana’Israeleo ami’ ty hoe, Amantika hao t’\nd Iehovà\nd* ke ts’ie?
\s1 Hinorida’ i Amalèke
\r Fot 14.7; Vol. 13.29; 14.25
\p
\v 8 Niheo mb’eo amy zao t’i Amalèke nifañotak’ am’Israele e Refidime eo. 
\v 9 Hoe t’i Mosè am’ Iehosoa, Joboño ondaty ho antika, le mionjona hialy amy Amalèke. Hijohañe ambone’ o vohitseo iraho te hamaray le ho an-tañako i kobain’ Añaharey. 
\v 10 Le nanoe’ Iehosoa i nampanoe’ i Mosèy vaho nialy amy Amalèke, le nañambone’ i vohitsey t’i Mosè naho i Aharone vaho i Khòre. 
\v 11 Aa ndra mbiambia te nahafañonga-pitàñe t’i Mosè le nahagioke t’Israele, fa ie nazè’e i fitàñey le nahareketse ka t’i Amalèke. 
\v 12 Nihamokotse amy zao o fità’ i Mosèo le nandrambe vato naho napo’ iereo ambane’e hiambesara’e, naho nongahe’ i Aharone naho i Khòre o fità’eo, ty raik’ añ’ ila’e etia le ty raik’ atia vaho tsy nitroetroe o fità’eo ampara’ te ni­tsofotse i àndroy. 
\v 13 Le ginio’ Iehosoa am-bavam-pibara t’i Amalèke naho ondati’eo.
\p
\v 14 Le hoe t’\nd Iehovà\nd* amy Mosè, Sokiro am-boke ao izay ho tiahy vaho apoho an-dravembia’ Iehosoa te ho faoheko ambanen-dikerañe ty fitiahiañe i Amalèke. 
\v 15 Le nandrafitse kitrely t’i Mosè vaho natao’e ty hoe, \nd Iehovà\nd* Nissy\f + \fr 17:15 \fr*\ft Nissy: Vorovoro fañelahelañe\ft*\f*, 
\v 16 le hoe re, Aa kanao nañonjom-pitàñe amy fiambesa’ \nd Iehovà\nd*y t’i Amalèke, le hifañotak’ ama’e t’\nd Iehovà\nd*, tarirats’ an-tariratse.
\c 18
\s1 Ty Fanoroa’ Iitrò
\r Its 1.9-18
\p
\v 1 Aa naho jinanji’ i Iitrò mpisoro’ i Midiane, rafoza’ i Mosè, ze hene nanoen’ Añahare ho a i Mosè naho ho a ondati’e Israeleo vaho ty nampiengà’ \nd Iehovà\nd* boake Mitsraime ao t’Israele, 
\v 2 le rinambe’ Iitrò t’i Tsiporàe, vali’ i Mosè, ie fa nampolie’e, 
\v 3 naho i ana’e roe rey. I Geresòme ty añara’ ty raike (amy asa’e ty hoe: Fa niambahiny\f + \fr 18:3 \fr*\ft Ger: ambahiny\ft*\f* an-tanen’ ambahiny raho), 
\v 4 le natao’e Elièzere\f + \fr 18:4 \fr*\ft Eli: A’hareko, Ezera: Mpañomba\ft*\f* ka ty añara’ ty raike (fa hoe re, Nañimb’ahy t’i Andrianañaharen-draeko vaho rinomba’e ami’ty fibara’ i Parò.) 
\v 5 Nimb’am-patrambey nitobea’ i Mosè marine’ i vohin’ Añaharey mb’eo t’Iitrò rafoza’ i Mosè naho i ana’ i Mosè rey vaho i vali’ey. 
\v 6 Nampañitrife’e amy Mosè ty hoe, Fa tsatok’ama’o iraho, Iitrò, rafoza’o, rekets’ i vali’oy naho i ana’o roe rey. 
\v 7 Nimb’eo amy zao t’i Mosè nifanalaka amy rafoza’ey le nibokobokoa’e naho norofa’e naho nifañontane fanintsiñañe vaho nimoak’ an-kibohots’ ao. 
\v 8 Aa le hene natalili’ i Mosè aman-drafoza’e ty nanoe’ \nd Iehovà\nd* amy Parò naho amo nte-Mitsraimeo ty amo ana’ Israeleo, le o fonga hao­reañe nizo’ iareo amy lalañeio naho ty nandrombaha’ \nd Iehovà\nd*. 
\v 9 Nahafale’ Iitrò ze hene hasoa nanoe’ \nd Iehovà\nd* am’ Israele ie nihaha’e am-pita’ i Mitsraimeoy.
\p
\v 10 Hoe t’Iitrò, Andriañeñe t’\nd Iehovà\nd* nañaha anahareo am-pità’ i Mitsraime naho am-pità’ i Parò, ie namotsotse ondatio ambanem-pità’ i Mitsraime. 
\v 11 Apotako to henaneo te lombolombo ze atao ‘ndrahare iaby t’\nd Iehovà\nd*, ami’ty nandrombaha’e amo nanotra­tsotrake iareoo. 
\v 12 Aa le nañenga horoañe naho soroñe aman’ Añahare t’Iitrò rafoza’ i Mosè, le niheo mb’eo t’i Aharone reketse ze hene roandria’ Israele nitrao-pikama amy rafoza’ i Mosèy aolon’ Añahare.
\p
\v 13 Ie loakandro, le niambesatse nizaka añivo’ ondatio t’i Mosè, le nijohañe aolo’ i Mosè ey ondaty iabio ami’ty maraindray pak’ amy harivay. 
\v 14 Ie hene niisa’ i rafoza’ i Mosèy o nanoe’e am’ ondatioo le hoe ty asa’e, Inoñe ze o anoe’o am’ondatio? Inoñe ty iambesara’o, ihe avao, vaho mizorazora aolo’o ey ondaty iabio boak’ andro ampara’ te hariva? 
\v 15 Hoe t’i Mosè aman-drafoza’e, Amy te miheo mb’ amako mb’ etoa ondatio hañontane aman’ Añahare. 
\v 16 Naho ie mifandietse le mb’ amako mb’etoy, hizakako añivo’ ty raike naho ty ila’e, le ampandrendrehako o fañèn’ Añahareo naho o Nafe’eo. 
\v 17 Hoe ty rafoza’ i Mosè ama’e, Tsy mete o anoe’oo. 
\v 18 Toe mamoza-batan-drehe, ihe naho ondaty ama’o retoañe, amy t’ie loho mavesatse ama’o, le tsy lefe’o toloñeñe, ihe raike. 
\v 19 Aa le haoño ty feoko, fa ho toroako, le hañimb’ azo t’i Andrianañahare! Solò añ’ atrefan’ Añahare ondatio, hanolora’o aman’ Añahare o fitoreo’ iareoo. 
\v 20 Ianaro o fañèo naho i Hake vaho ampahafohino iareo ty lalan-kombàñe naho ze fitoroñañe hanoeñe. 
\v 21 Le paiao ondaty mahimbañe añivo’ ondatio, mpañeveñe aman’ Añahare, ondaty vantañe, malaimbokañe; ajadoño hifehe indaty rezay ho mpamelek’ arivo naho mpin­day zato naho mpiaolo limampolo vaho mpifehe-folo. 
\v 22 Le adono iareo hizaka ondatio nainai’e, ie amy zao hasese’ iareo mb’ama’o ze enta-mavesatse le o maivañivañeo ro ho tampahe’ iareo. Haivañe ama’o henane izay ie hindre hivave ama’o. 
\v 23 Naho anoe’o izay, vaho andilian’ Añahare azo, le ho lefe’o vaho himpoly mb’an-kiboho’ iareo am-panintsiñañe ondaty retoa.
\p
\v 24 Nihaoñe’ i Mosè i rafoza’ey vaho hene nihenefe’e i natoro’ey. 
\v 25 Jinobo’ i Mosè amo ana’ Israele iabio ty ondaty mahimbañe le nampifehe’e ondatio, ho mpamelek’ arivo naho mpifehe zato naho mpifehe limam­polo vaho mpifehe folo.
\p
\v 26 Le nizaka ondatio boak’ andro amy zao iereo naho nasese’ iareo amy Mosè ze zaka tsy nileo vaho nitampa’ iereo o raha maivañeo. 
\v 27 Aa le tinata’ i Mosè i rafoza’ey ie nienga mb’an-tane’e añe.
\c 19
\s1 Israele am-Bohi-Sinay Ey
\p
\v 1 Amy volam-paha-telo niengà’ o ana’ Israeleo an-tane Mits­raimey, le tsatok’ amy àndro zay t’ie nivotrake am-patrambei’ i Sinay eo. 
\v 2 Fa niakara’ iareo ty Refidime le nipok’ am-patrambei’ i Sinay vaho nitobe an-dratraratra ey. Aa le nañialo aolo’ i vohitsey t’Israele. 
\v 3 Niañambone mb’ aman’ Añahare mb’eo amy zao t’i Mosè, le nikanjy aze boak’ am-bohitsey t’\nd Iehovà\nd* ami’ty hoe, Ty hoe ty ho saon­tsie’o amy hasavereña’ Iakòbey vaho ty hatao’o amo ana’ Israeleo: 
\v 4 Fa niisa’ areo ty nanoeko amy Mitsraime naho nibabeako añ’elam-bantio ninday anahareo mb’amako mb’atoy. 
\v 5 Ie amy zao naho toe janjiñe’ areo ty feoko naho mañambeñe i fañinakoy, le ho vàrako miambake te amy ze hene ondaty. Fonga ahiko ty tane toy. 
\v 6 Le ho fifeheam-pisoroñe amako naho fifelehañe miavake nahareo. Izay ty entañe ho saontsie’o amo ana’ Israeleo.
\p
\v 7 Aa le nimb’eo t’i Mosè nikoike o androanavi’ ondatio vaho natrefe’e am’ iereo i nampitsara’ \nd Iehovà\nd* azey. 
\v 8 Le fonga nanoiñe an-kapindre ondatio, ty hoe, Ho henefa’ay ze tsinara’ \nd Iehovà\nd*. Aa le nabali’ i Mosè am’ \nd Iehovà\nd* i saontsi’ ondatioy. 
\v 9 Le hoe t’\nd Iehovà\nd* amy Mosè, Hehe, te miheo mb’ama’o an-drahoñe milodolodo ao iraho, soa t’ie mivolañe, le ho janjiñe’ ondatio irehe vaho hatokisa’ iareo nainai’e.
\s1 Ty Nampiavahañe Ondatio
\p Ie tinaro’ i Mosè am’ \nd Iehovà\nd* i saontsi’ ondatioy, 
\v 10 le hoe t’\nd Iehovà\nd* amy Mosè, Akia mb’ am’ ondatio mb’eo naho ampiavaho te anito naho hamaray vaho ampanasao iareo o lamba’eo. 
\v 11 Le ampihentseño ho ami’ty andro faha-telo fa herone ty hizo­tsoa’ \nd Iehovà\nd* am-Bohi-Sinay am-pahaisaha’ ze hene ondaty. 
\v 12 Ampiarikoboño efetsefetse ty am’ondatio ty vohitse toy vaho ano ty hoe, Mitaoa tsy hiañambone mb’ambohitsey le ko tsapaeñe ty indra’e, fa havetrake ze mitsapa o vohi­tseo. 
\v 13 Tsy ho tsapaem-pitàñe, fa ho fetsaham-bato ndra tomboheñe ndra t’ie ondaty ndra biby, fa tsy ho veloñe. Naho mivolañe i antsivay le hitotoke amy vohitsey iereo. 
\v 14 Aa le nizotso i vohitsey mb’ am’ ondatio t’i Mosè naho nampiavahe’e ondatio vaho nanasa lamba iereo. 
\v 15 Le hoe re am’ ondatio, Mihentseña ho ami’ ty herone, le ko mitotoke ami’ty valy.
\p
\v 16 Ie maraindrai’ i andro faha­teloy, le niparapapiake ty àmpiñe miharo helatse vaho ty rahoñe jabajaba amy vohitsey, le akore ty fipoñafa’ i antsivay kanao hene nihondrahondra ondaty an-tobeo. 
\v 17 Nendese’ i Mosè niakatse i tobey ondatio hifañaoñ’ aman’ Añahare le nijohañe \f + \fr 19:17 \fr*\ft nonjonen’ A’re ambone’ i màroy i vohitsey.\ft*\f*ambane’ i vohitsey.
\p
\v 18 Kinolopon-katoeñe amy zao i vohi­tsey amy te nizotso ama’e ami’ty afo t’\nd Iehovà\nd*; le nifororoake nañambone manahake ty hatoe’ o votrim-birìke sodorañeo ty hatoeñe vaho niozoñozoñe mafe i vohitsey. 
\v 19 Ie nitolom-pipopo ty feo i antsivay, nihamatsiañe, le nisaontsy t’i Mosè vaho nanoiñe an-kotroke t’i Andria­nañahare. 
\v 20 Ie nizotso mb’amy Vohi-Sinaiy mb’eo t’\nd Iehovà\nd*, ambone’ i vohitsey eo, le kinanji’ \nd Iehovà\nd* t’i Mosè hiañambone’ i vohitsey vaho niañambone mb’eo t’i Mosè. 
\v 21 Le hoe t’\nd Iehovà\nd* amy Mosè, Mizotsoa mb’eo le hatahatao ondatio tsy mone hisosoke mb’eo hisamba \nd Iehovà\nd*; vaho hifitafita eo ty maro. 
\v 22 Le tsi-mete tsy mañefe-batañe hey o mpisoroñeo te hañarine \nd Iehovà\nd* hera hiboroboñak’ ama’e t’\nd Iehovà\nd*. 
\v 23 Hoe t’i Mosè amy \nd Iehovà\nd*, Tsy mete ondatio ty homb’ am-Bohi-Sinay mb’ atoy; amy te Ihe ro nañatahata anay ami’ty hoe, Ampijadoño efetse hañarikatoke i vohi­tsey vaho ampiambaho. 
\v 24 Hoe t’\nd Iehovà\nd* ama’e, Akia, mizotsoa, le mañambonea mb’ etoy, ihe mindre amy Aharone; le ko ado’o hiboroboñake hiañambone mb’am’ \nd Iehovà\nd* o mpiaoloo ndra ondatio; tsy mone hitorotosira’e. 
\v 25 Aa le nizotso mb’am’ ondatio mb’eo t’i Mosè ninday i tsaray.
\c 20
\s1 Ty Tsara Folo
\r Its. 5.1-22
\p
\v 1 Le nanao o hene tsara zao t’i Andrianañahare:
\q1
\v 2 Izaho \nd Iehovà\nd* Andrianañahare’o nampieng’ azo an-tane Mitsraime boak’ an-trañom-pandrohizañe ao.
\q1
\v 3 Ko ho aman-drahare hatovoñ’ ahy irehe. 
\v 4 Ko mandranjy raham-pahasive, ndra saren’ inoñ’ inoñe andikerañe ambone eñe, ndra an-tane ambane atoy, ndra an-drano ambane tane ao. 
\v 5 Ko ibokobokoa’o ndra itoroña’o; fa Andrianañahare mpamarahy iraho \nd Iehovà\nd* Andrianañahare’o, mpandilo anake ty amo hakeon-drae’eo pak’ an-tarira’e fahefatse naho faha­telo’ o tsy mañaoñe Ahikoo, 
\v 6 vaho mampiboake fikokoa-migahiñe ami’ ty tariratse fah’ arivo’ o mpikoko ahiko naho mañàmbeñe o lilikoo.
\q1
\v 7 Ko vavè’o tsy vente’e ty tahina’ \nd Iehovà\nd* Andrianañahare’o,
\q1 amy te tsy hihevea’ \nd Iehovà\nd*
\q1 ze mivave i tahina’ey
\q1 ami’ty tsy fanjofaha’e.
\q1
\v 8 Tiahio ty andro Sabotse
\q1 hañavaheñe aze.
\q1
\v 9 Eneñ’ andro ty hitoloña’o
\q1 hanao ze hene tolon-draha’o.
\q1
\v 10 Fe Fitofàñe am’ \nd Iehovà\nd* Andrianañahare’o ty andro fahafito; ko mitoloñ’ ama’e irehe;
\q1 ihe, ndra ty ana-dahi’o
\q1 ndra ty anak’ampela’o
\q1 ndra ty ondevo’o lahy naho ampela,
\q1 ndra o hare’oo ndra o renetane mpimoneñe an-dalambei’oo.
\q1
\v 11 Amy te eneñ’ andro ty namboare’ \nd Iehovà\nd* o like­rañeo naho ty tane toy
\q1 naho i riakey naho ze hene am’ iereo ao
\q1 vaho nitroatse ami’ty andro faha-fito;
\q1 le nitahie’ \nd Iehovà\nd* ty andro Sabotse
\q1 vaho nimasiñe’e.
\q1
\v 12 Miasia an-drae’o naho an-drene’o soa t’ie ho lava ohatse
\q1 an-tane hatolo’ \nd Iehovà\nd* Andrianañahare’o azo.
\q1
\v 13 Ko mañe-doza.
\q1
\v 14 Ko mañarapilo.
\q1
\v 15 Ko mampikametse.
\q1
\v 16 Ko mitalily vilañe ondaty.
\q1
\v 17 Ko mihàñe ty anjomba’ ondaty; ko mikiroke ty vali’ondaty,
\q1 ndra ty mpitoro’e lahilahy ndra ampela, ndra ty añombe’e ndra ty birike’e
\q1 ndra inoñ’inoñe amo fanaña’ ondatio.
\p
\v 18 Niisa’ ondatio o fipazakeo naho o helatseo naho ty hamatsiaña’ i an­tsivay naho i vohitse nañatoeñey, toe nahaisake ondatio le nititititike naho nijohañe ey avao, 
\v 19 vaho nanao ty hoe amy Mosè, Misaontsia ama’ay, le ho janjiñe’ay, fe ko ampitsarae’o ama’ay t’i Andrianañahare tsy mone hikoromake. 
\v 20 Aa hoe t’i Mosè am’ondatio, Ko hembañe; ie hitsok’ anahareo ty nivo­trahan’ Añahare, hañeveña’ areo, tsy handilara’ areo. 
\v 21 Fe nijohañe ey avao ondatio vaho nitotoke mb’amy filodolodoan-drahoñe nitoeran’ Anaharey ao t’i Mosè.
\p
\v 22 Hoe t’\nd Iehovà\nd* amy Mosè: Ty hoe ty hatao’o amo ana’ Israeleo, Toe nioni’ areo ty nivolañako boak’ amo likerañeo: 
\v 23 Ko mamboatse saren-drahare volafoty hatovoñ’ ahy ndra mitsene saresaren-drahare volamena ho anahareo.
\s1 Ty Lili’ o Kitrelio
\p
\v 24 Kitrely tane ty hamboara’o ahy, le ama’e ty hisoroña’o o enga horoa’o naho o sorom-panintsiña’oo, o añondri’oo naho o añombe’oo; amy ze tane ampitiahiako ty añarako, le homb’ ama’o mb’eo iraho hitahy azo. 
\v 25 Aa naho amboara’o kitrelim-bato le ko anoe’o am-bato finandrake; amy te mahativa aze te añoharam-pàndrake. 
\v 26 Vaho ko mitroatse am-panongañe tsy mone hiboake ty heña’o.
\c 21
\s1 O Lili’ Ondevoo
\r Its 15.12-18
\p
\v 1 Iretoañ’ o fètse ho taroñe’o am’ iereoo: 
\v 2 Ie mivily ondevo lahilahy nte-Evre le enen-taoñe ty hitoroña’e, f’ie hiavotse hidada ami’ty fahafito, afa-tsongo. 
\v 3 Ie dogalahy te mizilik’ ao le i hadogà’ey ty hiakara’e; ie manam-baly te mizilike le amam-bali’e ka te hiavotse. 
\v 4 Ie tolora’ ty talè’e valy vaho mahatoly ana-dahy ndra anak’ ampela ama’e le ho a i talè’ey i vali’ey naho o ana’eo, le doga re te hiakatse ao. 
\v 5 Fe naho mitsey ty hoe i mpitoro’ey, Koko­ako ty talèko naho ty valiko vaho o anakoo; tsy te hiakatse ampidadàn-draho, 
\v 6 le hasese’ i talè’ey añatrefan’ Añahare\f + \fr 21:6 \fr*\ft Mpizaka misolo an’Andrianañahare\ft*\f*. Hendeseñe mb’an-tsarirañe mb’eo ndra am-pikalan-dalañe eo le ho trofahe’ ty talè’e fañity ty ravembia’e vaho ho toroñe’e kitro añ’afe’e.
\p
\v 7 Ie aleta’ t’in­daty ho ondevo ty anak’ ampela’e, le tsy hanahake ondevo lahi­lahy ty hiakara’e. 
\v 8 Naho heje’ ty talè’e, ie jinobo’e ho am-bata’e, le azo jebañeñe; fe tsy hanan-jo handetak’ aze ami’ty ambahiny naho heje’e, ie nifañahia’e. 
\v 9 Aa naho fofoe’e ho a i ana-dahi’ey le hampanahafe’e amo anak’ ampelao. 
\v 10 Ie mañenga valy tovo’e le tsy aketrake ty mahakama’e ndra ty lamba’e ndra ty fialoza’e. 
\v 11 F’ie tsy hañeneke i telo rezay le hiakatse ampidadàñe re tsy an-tsongo, tsy mandoa vola-foty.
\s1 Ty Lili’ o Firombahañeo
\p
\v 12 Tsi-mete tsy havetrake ty namofoke ondaty nampikoromak’ aze. 
\v 13 Aa naho tsy nikililieñe, fe nasesen’ Añahare am-pità’e, le ho toroako toetse hirombaha’e. 
\v 14 Fe naho iambotraha’ t’in­daty am-pamañahiañe t’in­daty hamonoa’e am-pitak’ate, le hasita’ areo amy kitrelikoy re hivetrake.
\p
\v 15 Tsi-mete tsy havetrake ze mandafa rae ndra rene. 
\v 16 Tsi-mete tsy havetrake ze mampikametse ondaty, he t’ie naleta’e ke te zoeñe am-pità’eo. 
\v 17 Tsi-mete tsy havetrake ze mamàtse rae ndra rene.
\p
\v 18 Naho mifañotake t’in­daty vaho dasire’ ty raike am-bato ty raike ndra lihiñe’e an-toto-fetreke, f’ie tsy mivetrake, fa mikopake an-tihy, 
\v 19 aa naho mitroatse indatiy naho midraidraitse alafe’e ao am-pitoñoñe, le avotsotse i nandafay, fe havaha’e i fitoboha’ey vaho tsi-mete tsy hatrafe’e ampara’ t’ie jangañe.
\p
\v 20 Naho fofohe’ ondaty an-kobaiñe ty ondevo’e lahilahy ndra ampela, ie mikoromak’ am-pità’eo, le toe ho lilovañe. 
\v 21 Fa naho mbe mitam­beloñe andro roe ndra raike re le tsy ho liloveñe ka, kanao fanaña’e.
\p
\v 22 Naho mijoy ty ampela mivesatse t’in­daty mifandrapake vaho mahaboloañe ty ana’e tsy añom-bolañe, fe tsy orihem-boy, le toe ho liloveñe re ami’ty hampanoa’ ty vali’ i rakembay vaho hampañondrohe’ o mpizakao. 
\v 23 F’ie orihem-boy le soloam-piay ty fiay, 
\v 24 fihaino ty fihaino, famotsy ty famotsy, fitàñe ty fitàñe, fandia ty fandia, 
\v 25 soba ty soba, fere ty fere, fofoke ty fofoke.
\p
\v 26 Aa naho trofahe’ ty talè’e ty maso’ ondevo’e lahilahy ndra ampela vaho mijoy aze, le havotso’ i talè’ey hidada i ondevoy, ho solo’ i masoy. 
\v 27 Naho apiro’ ty talè ty nife’ ondevo’e ke lahi­lahy he ampela, le havotsotse i ondevoy; hasolo i nifey ty fihahà’e.
\s1 Lili’ o Varao
\p
\v 28 Naho mitomboke ondaty ty añombe naho mampihomak’ aze le tsi-mete tsy ho retsahem-bato i añombey vaho tsy ho kamaeñe ty nofo’e; fa votsotse ty tompo’ i añom­bey. 
\v 29 Aa naho nilili’ i añombey omale ndra fak’omale ty mandronjeronje amo tsifa’eo ie nampandrendreheñe i tompo’ey, fe tsy kinala’ i tompo’ey am-pahetse vaho mañe-doza amy t’in­daty ndra rakemba i añombey, le ho fetsahem-bato i añombey vaho havetrake i tom­po’ey. 
\v 30 Fa naho ampañondroheñe drala ka i tompo’ey, le havaha’ i tompo’ey ho fijebañam-piai’e i ampañavahañ’azey iaby. 
\v 31 Ie mitombok’ ajalahy ndra ampela, le hampañavaheñe an-jaka. 
\v 32 Naho mitomboke ondevo lahilahy ndra ampela ka i añombey le ampañavaheñe volafoty sekele 30 i tompo’ey vaho retsahem-bato i añombey.
\p
\v 33 Naho sokafe’ t’in­daty ty koboñe, he mihaly kadaha fa tsy kapefa’e vaho mikorovok’ ao ty añombe ndra birìke, 
\v 34 le ty tompo’ i haliy ro hañavake vaho hañondroke drala ami’ ty tompo’ i harey, fe aze i matey.
\p
\v 35 Naho joie’ ty añombe’ ondaty ty aze, le haleta’ iareo i veloñey naho ho zarae’ iereo roe i vili’ey vaho ifanjarañe i matey. 
\v 36 Fe naho nifohiñe te lili’ i añombey ty mandronje, fe tsy kinala’ i tompo’ey am-pahetse, le havaha’ i tompo’ey añombe i añombey vaho aze i matey.
\c 22
\p  
\v 1 Naho mampikametse añombe ndra ose t’in­daty he alèta’e ke lentae’e, le hampañavaheñe añombe lime ty añombe raike naho ose efatse ty ose raike.
\s1 Lili’ o Fañavahañeo
\p
\v 2 Naho zoeñe te mampipoñake ty mpampikametse ie trinabotraboke vaho navetrake, le tsy havahan-dio. 
\v 3 F’ie nanjiriha’ i àndroy le ho valeam-pate ty lio. Tsi-mete tsy avahañe, aa ie poi’e, le haletake hasolo i finao’ey. 
\v 4 Aa naho tendrek’ am-pità’e ty nikamere’e, ke te añombe, ke borìke, he añondry: le havaha’e roe.
\p
\v 5 Ie iandraza’ ondaty ty teteke ndra ty tanem-bahe naho adare’e ama’e o hare’eo vaho iandraza’e ty tonda’ondaty, le tsi-mete tsy avaha’e boak’an-tete’e ami’ty soa an-tete’e ao naho an-tanem-bahe’e ao.
\p
\v 6 Naho mirehetse naho mandakak’ an-drongoñe ty afo vaho mamorototo tsako navotry ndra mizorazora ke mampianto teteke, le toe havaha’ i namiañe i afoiy.
\p
\v 7 Naho andivà’ t’indaty an-drañetse ty drala ndra vara hahaja’e; aa ie kamereñe amy anjomba’ey, le havaha’ i nampikametsey roe t’ie oniñe. 
\v 8 Naho tsy oniñe ka i nampikametsey le hasese mb’an-jaka i tompo-trañoy handohiañe, hera ie ty nampijom-pitàñe am-baran-drañe’e ao.
\p
\v 9 Naho eo ty mifandietse ty ami’ ty añombe, he borìke, ke añondry, ke lamba, he inoñ’ inoñe nimotso, ie atao ty raike te aze, le songa hiatreke mpizaka; vaho hañavake in-droe amy rañe’ey i nafàm-pizakay\f + \fr 22:8 \fr*\ft Toe mpizaka misolo an’A’hare\ft*\f*.
\p
\v 10 Aa naho atolo’ ondaty an-drañetse hambena’e ty borìke ndra añombe, ke añondry he ze hare, le ie mate, he fere, ke rinoak’ añe tsy nioni’ ondaty, 
\v 11 le hanoeñe fanta am’ \nd Iehovà\nd*, añivo iereo roe, te tsy nikamere’ i rañetsey ty hare’ indatiy naho ho no’ ty tompo’e i fantay vaho tsy hañavake re. 
\v 12 Fe naho nikamerañe i rahay le havaha’e amy tompo’ey. 
\v 13 Naho nirimitem-biby, le tsi-mete tsy hendese’e i matey ho rendreke, fa tsy havaha’e i nijoy.
\p
\v 14 Naho mìndran-draha an-drañetse t’in­daty, he mianto ke te mate, ie tsi-ao-tompo, le havaha’ i mpìndrañey. 
\v 15 Fa naho eo tompo’e le tsy havahañe; naho nifondroeñe le avaha’ i fondroy.
\p
\v 16 Naho mañedre somondrara\f + \fr 22:15 \fr*\ft Somondra: Tsy nahavany lahy atoy.\ft*\f* mboe tsy nifofoeñe t’in­daty, ie miolots’ ama’e, le tsy mahay tsy engae’e ho valie’e. 
\v 17 Aa naho ifoneñan-drae’e tsy hanolotse aze, le tsi-mete tsy hondrohe’e ty fañengan-tsomondrara.
\p
\v 18 Ko adoke ho veloñe ty mpamòreke.
\p
\v 19 Ho vonoeñe ze misàhe biby. 
\v 20 Havetrake ze manao soroñe amy ze atao ndrahare naho tsy am’ \nd Iehovà\nd* avao.
\p
\v 21 Ko mamorefore ty renetane ndra mamorekeke aze, amy te niambahiny an-tane Mitsraime añe ka nahareo.
\p
\v 22 Ko silofe’ areo ze atao vantotse ndra bode. 
\v 23 Aa ie helofe’o vaho mitoreo amako, le toe ho tsanoñeko ty fitoreo’ iareo; 
\v 24 hisolebotse ty haboseko le ho zevoñeko fibara, le ho remavoiñe o vali’ areoo vaho ho bode o ana’ areoo.
\p
\v 25 Naho ampisongoe’o ondatikoo ndra ami’ty rarake ama’o ao, ko manao mpampisongo ama’e, le ko angala’o ana’e. 
\v 26 Ndra mbia ty andrambesa’o ho tsoake ty saro’ ondaty le abaliho aolo’ ty tsofots’ andro, 
\v 27 hera izay avao ty fisafora’e naho ty filafin-tsandri’e te mirotse. Le ie mitoreo amako, hitsanon-dRaho fa mpiferenaiñe.
\p
\v 28 Ko onjirañe o mpizakao, le ko mamàtse ty mpifehe’ ondati’oo.
\p
\v 29 Ko mihenekeneke tsy hibanabana ty lengom-boan-kavokaran-tete’o naho ty lengom-pipineha’o. Atoloro ahiko ty tañoloñoloña’o. 
\v 30 Ano izay ka o añombe’oo naho o añondri’oo: ho fito andro an-drene’e re vaho atoloro ahiko ami’ty andro faha-valo.
\p
\v 31 Hondaty miavake amako nahareo; aa le ko kamae’ areo ze nofotse rinimitem-biby an-kivoke ey, fa ahifiho amo amboao.
\c 23
\p
\v 1 Ko minday tolom-boetse, ko manò-pitàñe ami’ty tsereheñe hitaroña’o entam-bìlañe.
\p
\v 2 Ko orihe’o ty maro hikabo-draha; naho ko mireketse amy màroy handesa’o talily mampiolake ty hato; 
\v 3 vaho ko osihe’o ami’ty kabò’e ty rarake.
\p
\v 4 Ihe mifanojeha ami’ty añomben-drafe­lahi’o, ndra ami’ty borìke’e nandifike, le tsi-mete tsy hampolia’o. 
\v 5 Naho mifanjò ami’ty borì’ i mpalaiñ’ azoy tafahohok’ ambane’ o kilanka’eo, ko rioñeñe, fa tsi-mahay tsy holora’o hampibalak’ aze.
\p
\v 6 Ko mengohe’o ty fizakañe i rarake ama’oy amy naneseha’ey.
\p
\v 7 Mihankaña ami’ty raha tsy to; ko mañoho-doza amo vantañeo naho amo vañoñeo. Fe tsy ho meako to i tsereheñey.
\p
\v 8 Ko mandrambe vokañe, fa mahagoa ty mahavazoho ty ravoravo, naho mañamengoke ty saontsi’ o mahitio.
\p
\v 9 Ko forekeke’o ty renetane amy te fohi’ areo ty tron-drenetane, fa ni-renetane an-tane Mitsraime añe ka nahareo.
\s1 O Hafitoañeo
\p
\v 10 Enen-taoñe ty hambolea’o ty tane’o hanontoñe ty voka’e, 
\v 11 fe ko irangàm-pangaly amy faha-fitoy, hitofà’e, hikamà’ ondaty rarake ama’oo; le ho hane’ o bibin-kivokeo ty nasisa. Ampanahafo amy zay ty tanem-balobo’o naho ty golobon-olive’o.
\p
\v 12 Eneñ’ andro ty hitoloña’o, le hitofa ami’ty andro fahafito, soa te hitofa ka ty añombe’o naho ty borìke’o vaho ho haha ka ty anam-pitoro’o ampela naho ty renetane.
\p
\v 13 Ambeno i vinolako rezay, le ko toñone’ areo ty añara’ ze o ndrahare ila’e zao vaho ko apo’o ho janjiñeñe am-palie’o.
\s1 Takataka Telo
\p
\v 14 In-telo ami’ty taoñe ty hanoa’o takataka amako: 
\v 15 Hambena’o ty Sabadidake Mofo po-Dalivay; fito andro ty hikama’o mofo po-dalivay, amy nandiliako azoy, amy namantañako aze am-bolan-Kofahofay, fa ama’e ty nienga’o i Mitsraime: vaho tsy hatrefeñe an-tañam-polo iraho; 
\v 16 le i Sabadidam-pitatahañey, ty lengom-boa’ o fitoloña’oo, o nambole’o antetekeo; vaho i Takataka-Panontonañey, amy figadoñan-taoñe anontona’o sabo an-tete’o ao. 
\v 17 Homb’ añatrefa’ \nd Iehovà\nd* Talè in-telo ami’ty taoñe ze hene lahilahy.
\p
\v 18 Ko atraok’ an-dio soroñeñe amako ty mofo aman-dalivay le tsy hampialeñeñe ho sisaeñe hamaray ty havondra’ o famantañakoo.
\p
\v 19 Aseseo mb’añ’anjomba’ ­\nd Iehovà\nd* An­dria­nañahare’o ty loha’e, toe ty lengom-boan-tane’o.
\p Ko ahandroeñe an-drononon-drene’e ty anak’ose.
\s1 Ty Anjely naho o Fampitamañeo
\p
\v 20 Ingo, hampiaolòeko ty anjely hañimb’ azo amy lalañey, hanese azo mb’ amy tane nihalankañekoy. 
\v 21 Itaò vaho oriho ty fiarañanaña’e, le ko iolañe, toe tsy hapo’e o fandilara’ areoo fa ama’e ty añarako. 
\v 22 Aa naho toe ambena’o i fiarañanaña’ey naho anoe’o o itaroñako iabio, le ho rafelahiko o rafelahi’oo vaho hifankalaiñe amo mpifankalaiñe ama’o iraho. 
\v 23 Le hiaolo azo i Sorotàkoy hanese azo mb’ amo nte-Emoreo naho amo nte-Kheteo naho amo nte-Perizeo naho amo nte-Kanàneo naho amo nte-Kiveo vaho amo nte-Iebòseo mb’eo, fa haitoako.
\p
\v 24 Ko milokoloko amo ‘ndrahare’eo, le ko itoroña’o, ndra mitsikombe o sata’eo; fa toe ho fonga rotsahe’o vaho ho firae’o o hazomanga’eo.
\p
\v 25 Toroño t’\nd Iehovà\nd* Andrianañahare’ areo, le ho tahie’e ty mahakama’o naho ty rano’o vaho hampihankàñeko ze atao hasilofañe añivo’o ao, 
\v 26 le tsy ho aman-drakemba hañafake ndra ty ho betsite­rak’ an-tane’o ao; vaho ho henefeko o andro’oo. 
\v 27 Ham­pi­hitrifeko hiaolo azo ty fihembañañe ahy, le hampitsamborohotaheko iaby t’in­daty hivotraha’o vaho fonga hampiambohoeko azo o rafelahi’oo. 
\v 28 Hiraheko fanene-bola hiaolo azo hampibaibay o nte-Kiveo naho o nte-Kanàneo naho o nte-Kheteo aolo’o ey. 
\v 29 F’ie tsy hataoko soik’ ami’ty taoñe raike tsy mone hangoakoake i taney vaho hifamorohotse ama’o o biby hakoo. 
\v 30 Ho roaheko boak’ ama’o erike ampara’ te nihamaro irehe hahalova i taney.
\p
\v 31 Hajadoko boak’ amy Riake Menay pak’ an-dRia’ o nte-Pilistio ty efe-tane’o naho boak’ amy fatrambeiy pak’amy sakay; le ha­seseko am-pità’ areo ty mpimoneñe amy taney haronje’o mb’aolo’o mb’eo. 
\v 32 Tsy hifañina ama’e ndra amo ndrahare’eo irehe. 
\v 33 Tsy himoneña’e ty tane’o, hera hampanan-kakeo azo amako, fa naho toroñe’o o ‘ndrahare’eo, le toe ho fandrik’ ama’o.
\c 24
\s1 No’ Israele ty Fañina’ \nd Iehovà\nd*
\p
\v 1 Le hoe re amy Mosè, Mionjona mb’ am’ \nd Iehovà\nd* mb’etoy, ihe naho i Aharone, i Nadabe naho i Abiho naho ty fitompolo amo androanavi’ Israeleo vaho mitalahoa ey nahareo. 
\v 2 I Mosè avao ty hañarivo \nd Iehovà\nd*, le tsy hañarine ey iereo vaho tsy hindre ama’e hañambone mb’eo ondatio.
\p
\v 3 Nomb’eo amy zao t’i Mosè nita­lily am’ondatio ze hene tsara’ \nd Iehovà\nd* naho o fañè’eo; le songa nanoiñe am-piarañanañañe raike ondatio, ty hoe, Ho henefa’ay ty tsara iaby nanoe’ \nd Iehovà\nd*.
\p
\v 4 Aa le sinoki’ i Mosè o hene tsara’ \nd Iehovà\nd*o naho nañaleñaleñe namboatse kitrely am-poto’ i vohitsey vaho nampitroatse anakòreñe folo-ro’amby ty ami’ty ia’ o rofoko folo-roe-ambi’ Israeleo, 
\v 5 le nañiraha’e ajalahy ana’ Israele hibanabana enga horoañe naho añombe ho sorom-panintsiñañe am’\nd Iehovà\nd*.
\p
\v 6 Navì’ i Mosè am-pinga ao ty vaki’ i lioy vaho naretsa’e amy kitreliy ty ila’e. 
\v 7 Rinambe’e amy zao i bokem-pañinay le vinaki’e am-pijanjiña’ ondatio; le hoe iereo, Hanoe’ay ze hene tsara’ \nd Iehovà\nd*o vaho ho haoñe’ay.
\p
\v 8 Le rinambe’ i Mosè i lioy naho nafitse’e am’ondatio vaho nanao ty hoe, Ingo ty liom-pañina nanoe’ \nd Iehovà\nd* ama’ areo amy hene tsara rezay.
\s1 Mindre aman’Añahare ambone’ i Vohitsey
\p
\v 9 Niañambone amy zao t’i Mosè naho i Aharone, i Nadabe naho i Abiho vaho ty androanavy fitompolo’ Israele; 
\v 10 le niisa’ iereo t’i Andrianañahare’ Israele; le hoe linamike safira ty ambane’ o fandia’eo vaho nanahake o likerañeo ami’ ty fikantsokantsoña’e. 
\v 11 Le ie tsy napao-pitàñe amo androanavi’ Israeleo, f’ie nahaisake i Andrianañahare naho nikama vaho ninoñe.
\p
\v 12 Hoe t’\nd Iehovà\nd* amy Mosè, Miañambonea mb’amako mb’etoa, le mitambara atoy, fa ho tolo­rako ravem-bato reketse Hake naho lily sinokiko hañòhañe iareo.
\p
\v 13 Aa le niongake t’i Mosè naho Iehosoa mpitoro’e vaho nionjoñe mb’ amy vohin’ Añahare amboney mb’eo t’i Mosè. 
\v 14 Le hoe re amy androanavy rey, Liñiso etoan-jahay, ampara’ ty impolia’ay; ama’ areo t’i Aharone naho i Khòre, hiheova’ ze aman-kalahatse.
\p
\v 15 Aa le niañambone’ i vohi­tsey t’i Mosè vaho kinolopo’ ty rahoñe i vohi­tsey. 
\v 16 Nivotrak’ ambohi-Sinay eo ty enge’ \nd Iehovà\nd*, le nanaroñe aze eneñ’ andro i rahoñey; ie ami’ty andro fahafito, nikanjie’e boak’amy rahoñey t’i Mosè. 
\v 17 Le nihoe afo nisolebotse ambone’ i vohitsey ty Enge’ \nd Iehovà\nd* am-pihaino’ o ana’Israeleo. 
\v 18 Nizilik’ amy rahoñey t’i Mosè, niañambone i vohitsey. Le tambatse am-bohitse ao efapolo andro naho efapolo haleñe t’i Mosè.
\c 25
\s1 Banabana ho a i Kivohoy
\p
\v 1 Nitsara amy Mosè t’\nd Iehovà\nd* nanao ty hoe, 
\v 2 Misaontsia amo ana’ Israeleo, ty hañenga raha amako. Toe ze ondaty manolotse an-tsatri’e ro andrambesañe enga ho amakoy. 
\v 3 Zao ty enga ho rambese’o am’iareo : volamena naho volafoty vaho torosìke; 
\v 4 le manga naho malòmavo naho mena mañabarà naho leny marerarera vaho volon-ose; 
\v 5 le holin’ añondri-lahy linoko mena naho holin-trozofisoitse vaho mendoraveñe; 
\v 6 solike ho amy jiroy, emboke ho amy menake fañorizañey naho ho amy fañembohañe mandrifondrifoñey; 
\v 7 vato sohàme\f + \fr 25:7 \fr*\ft Sohame: vato soa bandieñe\ft*\f* naho vato soa hapetake ami’ty kitambe naho ami’ty takon’ araña. 
\v 8 Le ampandranjio kivoho himoneñako am’ iereo ao, 
\v 9 hilahatse amy ze he’e hatoroko azo, le ty sare’ i kivohoy naho ty sare’ o harao’e iabio ty handranjia’o aze.
\s1 Ty Vatam-Pañina
\p
\v 10 Ho tsenè’ iereo ami’ty mendoraveñe ty vata; kiho roe naho tampa’e ty ho andava’e le kiho raike naho tampa’e ty ho ampohe’e vaho kiho raike naho tampa’e ty haabo’e. 
\v 11 Ipakoro volamena ki’e, ao naho eo ty ampipakora’o aze, le ampiarikoboño soñi’e volamena ty andrira’e. 
\v 12 Iramerameo ravake volamena efatse, le ampireketo an-kotso’e efatse; ravake roe etia vaho ravake roe atia. 
\v 13 Le andranjio baoñe mendoraveñe vaho ipakoro volamena. 
\v 14 Atsorofoto amy ravake añ’ ila’ i vatay rey i baoñe rey hitarazoañe i vatay. 
\v 15 Hadoñe amo ravakeo avao i baoñe rey le tsy hafahañe. 
\v 16 Hajo’o amy vatay i Fañinay, i hatoloko azoy.
\p
\v 17 Itseneo toem-pijebañañe volamena ki’e; kiho roe naho tampa’e ty andava’e vaho kiho raike naho tampa’e ty ampohe’e. 
\v 18 Le andranjio kerobe volamena roe, am-pipepehañe añ’ ila roe i toem-pijebañañey; 
\v 19 kerobe raike etoañe naho kerobe raike eroañe. Tseneo am-bongam-bolamena raike i toem-pijebañañey naho i kerobe rey. 
\v 20 Hamelatse elatse ambone’e i kero­be rey, hanakoñe i toem-pijebañañey an-elatse, sindre hifañatre-daharañe naho hitolike amy toem-pijebañañey ty lahara’ i kerobe rey. 
\v 21 Apoho ambone’ i vatay boak’ ambone i toem-pijebañañey, le ajoño amy vatay i Fañinay, i hatoloko azoy, 
\v 22 le hihaoñe ama’o iraho ambone’ i toem-pijebañañey, boak’ añivo’ i kerobe roe ambone’ i vatam-pañinay rey naho ho taroneko ze hene ho lilieko amo ana’ Israeleo.
\s1 Ty Rairay
\p
\v 23 Mandranjia rairay ami’ty roy, kiho roe ty andava’e naho kiho raike ty ampohe’e vaho kiho raike naho tampa’e ty haabo’e. 
\v 24 Ipakoro volamena ki’e vaho itseneo soñy ty andrira’e hañarikatok’ aze. 
\v 25 Le andranjio rira’e mizehe treham-pitàñe hañarikatofa’e fehe, vaho tseneo soñy andrira’e hañariary aze. 
\v 26 Itseneo ravake volamena efatse, le areketo an-ko­tso’e efatse, toe an-tombo’e efa­tse i ravake rey, 
\v 27 ho marine i rira’ey o ravake fitana’ o bao-pitakonañe i rairaiio. 
\v 28 Ranjio ami’ty mendoraveñe i baoñe rey vaho ipakoro volamena ho fitakonañe i rairaiy. 
\v 29 Le itseneo fanake volamena ki’e: fioke, endraendra naho fitovy. 
\v 30 Le hapoke ambone’ i rairay añatrefako nainai’ey i mofo miatrekey.
\s1 Ty Fitàn-Jiro
\p
\v 31 Tseneo am-bolamena ki’e ty fitàn-jiro; pepeheñe i fitàn-jiroy; ho raik’ ama’e ty foto’e rekets’ i taho’ey, o korobo’eo, o rava-drave’eo vaho o voñe’eo; 
\v 32 ho eneñe ty tsampa miakatse amo ila’eo, ty tsampa telo’ i fitàn-jiroy ty hilosìtse ami’ty ila’e raike naho ty tsampa telo’ i fitàn-jiroy ty hilosìtse añ’ila’e ka; 
\v 33 korobo telo hoe boti-mahabibo ty an-tsampa’e raike songa aman-drava-draveñe naho ravem-boñe, le korobo telo hoe boti-mahabibo sindre aman-drava-draveñe naho ravem-boñe amy tsampa tandrife azey; sambe hoe izay i tsampa’e eneñe miakatse ami’ty taho’ i fitàn-jiroy rey.
\p
\v 34 Amy taho’ i fitàn-jiroiy ty ho korobo efatse nitsenen-ko sarem-boti-mahabibo rekets’ o rava-drave’eo naho o ravem-boñe’eo. 
\v 35 Ami’ty fireketa’ ty tsempa’e ki-roe-roe amy taho’ey ty ho rava-draveñe miray ami’ty tsampa’e roe, ho amy tsampa’e eneñe rey. 
\v 36 Ho raik’ amy taho’ey o rava-drave’eo naho o tsampa’eo, aa le ho vongam-bolamena ki’e raike nipepeheñe i fitàn-jiro fonitsey. 
\v 37 Itseneo jiro fito, le hatsatoke hipasàk’ aolo’e mb’eo i jiro rey. 
\v 38 Ho volamena ki’e o fiharata’eo naho o sadrò’eo. 
\v 39 Talènta\f + \fr 25:39 \fr*\ft talenta raike = 30 kilao\ft*\f* volamena ki’e raike ty itseneañe aze naho i harao’e iaby rezay. 
\v 40 Henteo arè, le itseneao hambañe amy sare’e natoro azo ambohitsey.
\c 26
\s1 I Lamba Fikopokey
\r Avo 36.8-38
\p
\v 1 Tovo’e izay le hanoa’o lamba fañefetse folo i kivohoy, am-pole leny rinorotse matify naho manga malòmavo naho mena mañabasà; vaho kerobe satam-pamahotse. 
\v 2 Sindre ho kiho roapolo-valo’ amby ty halava’ ty lamba-fañefetse le songa kiho efatse ty ampohe’e; hamban-jehe’e iaby o fañefe’eo. 
\v 3 Lamba-firindry lime ty hifamitrañe naho lamba-firindry lime ka ty hifamitrañe. 
\v 4 Tseneo ravake manga ty andrira fara’ ty namitrañeñe valoha’e naho ravake manga ty andrira fara’ ty namitrañeñe faharoe. 
\v 5 Tseneo ravake limampolo ty lamba-firindriy raike vaho tseneo ravake limampolo andrira fara’ i fiharoa’e faharoey, ampanandrifeo o ravakeo. 
\v 6 Itseneo famitrañe volamena limampolo, le ampivitraño amy ravake rey i lamba-firindry rey le hifampikatoke ho raike i kivohoy.
\p
\v 7 Anjairo lamba-fikopoke am-bolon-ose ho kibohotse hakopoke i kivohoy; ano lamba-fikopoke folo raik’ amby. 
\v 8 Sindre telopolo kiho ty halava’ ty lamba-fikopoke vaho songa efatse kiho ty ampohe’e; hindray habey i lamba-fikopoke folo-ro’amby rey. 
\v 9 Ampivitraño ty lamba-fikopoke lime naho ampivitrañeñe ty lamba-fikòpoke eneñe vaho avaloño mira i fah’ eneñey an-tsarira’ i kiboho­tsey. 
\v 10 Itse­neo ravake limampolo ty andrira’ i lamba-fikopoke fara’e amy fifamitrañañe raikey vaho ravake limam­polo andrira’ i lamba-fañefetse fara’ i faharoey. 
\v 11 Tseneo famitrañe torisìke limampolo le areketo amy ravake rey i famitrañe rey vaho hikatoke ho raike i kibohotsey. 
\v 12 Ty ila’ i fikopa’ i kibohotsey milapiy, ty vaki’ i lamba-fikopoke sisay, le haraviravy amboho’ i kivohoy. 
\v 13 Ty kiho’e etoy naho ty kiho’e eroy, ty sisa’ amy halava’ o lamba-fakopa’ i kibohotseio ro haraviravy andrindri’ i kivohoy etia naho aroa hañalok’ aze. 
\v 14 Tseneo rakok’ an-kolits’ añondrilahy linoko mena i kibohotsey le ano holin-trozofisoitse handrakoke ambone’e ka.
\s1 I Rafitsey
\p
\v 15 Mandranjia varambañe ami’ty mendo­raveñe hitroatse amy kivohoy. 
\v 16 Folo kiho ty halava’ ty varambañe vaho kiho raike naho tampa’e ty ampohe’ ty varambañe. 
\v 17 Songa aman-tsatoke roe ty varambañe hamitrañe aze amy rahavave’ey, izay ty anoañe ze hene varamba’ i kivohoy. 
\v 18 Aa le andranjio varambañe i kivohoy: varambañe roapolo ami’ty atimo mañatimo; 
\v 19 le tseneo vave’e efapolo volafoty ho ambane’ i varambañe roapolo rey; vave’e roe ty ambane’ ty varambañe ho amy tsato’e roe rey vaho vave’e roe ambane’ ty varambañe ila’e ho amy tsato’e roe rey. 
\v 20 Ami’ty ila faharoe i kivohoy, i avara’ey, le ty varambañe roapolo, 
\v 21 naho ty vave’e volafoty efapolo; vave’e roe ambane’ ty varambañe raike naho vave’e roe ambane’ ty varambañe ila’e. 
\v 22 Le tseneo varambañe eneñe ty añ’ ila’ i kivoho ahandrefañey. 
\v 23 Ranjio varambañe roe an-kotso’ i kivoho ila’e roe rey; 
\v 24 le ifandreketo boak’ ambane pak’ ambone, fa hifampipiteke ami’ty ravake raike; songa anoeñe hoe izay iereo roroe; izay ty ho rafi’ i kotso’e roe rey. 
\v 25 Aa le valo ty varambañe naho o vave’e volafotio, vave’e folo eneñ’ amby; vave’e roe ambane’ ty varambañe valoha’e vaho vave’e roe ami’ty varambañe manonjohy.
\p
\v 26 Ranjio saka’e mendoraveñe lime ho amo varambañe añ’ila raike i kivohoio, 
\v 27 naho saka’e lime ty varambañe añ’ila faharoe’ i kivohoy vaho saka’e lime o varambañe amboho’ i kivohoy ahandrefañeo. 
\v 28 Haneñateña boak’ ami’ty ila’e pak’ ami’ty ila’e ty saka’e añivo’e ao, añivo’ o varambañeo. 
\v 29 Pakoro volamena o varambañeo, le itseneo ravake volamena hiziliha’ o saka’eo vaho pakoro volamena o saka’eo.
\p
\v 30 Aa le hatroa’o amy lili’e nanoroañe azo ambohitse eiy i kivohoy.
\p
\v 31 Le trebeho lamba fañefetse am-pole leny niroroteñe matify: manga naho malòmavo naho mena mañabarà; vaho kerobe an-tsatam-pamahotse. 
\v 32 Iradora­dò ami’ty anakòreñe mendorave efatse pinakotse volamena; volamena o porengo’eo, mitsatoke am-bave’e volafoty efatse. 
\v 33 Aradoradò amo porengo’eo i lamba fañefetsey naho aziliho an-kalo’ i lambay i vatam-pañinay, le ho fahera’ i lambay ho anahareo i toe-miavakey amy masi-do’ey. 
\v 34 Le hakape’o amy vatam-pañinay i toem-pijebañañey amy masi-do’ey.
\p
\v 35 Apoho alafe’ i lambay i rairaiy vaho tandrife i rairaiy i fitàn-jiroy ami’ty ila atimo’ i kivohoy le hapo’o ami’ty ila’e avaratse i rairaiy.
\p
\v 36 Le tseneo lala-miradorado i kiboho­tsey ami’ty manga naho malòmavo naho mena mañabasà am-pole leny rinorotse matify nivahorem-pitrebeke. 
\v 37 Le ranjio anakòreñe mendoraveñe lime i miradoradoy, ipakoro volamena, ho volamena ka o fiporengo’eo; vaho ampitranaho vave’e lime torisìke.
\c 27
\s1 Ty Kitrelim-Pisoroñañe
\p
\v 1 Tseneo kitrely am-barama mendoraveñe, lime kiho ty halava’e naho lime kiho ty ampohe’e; hatao efa-mira i kitreliy vaho telo kiho ty haabo’e. 
\v 2 Le itseneo tsifa i hotso’e efatse rey; ho raik’ ama’e i tsifa’e rey vaho ipakoro torisìke­. 
\v 3 Le andranjio ty fana’e fañafahan-davenoke naho o sadròm-poroha’eo naho o antova’eo, o firango’eo naho o finga’eo; ano torisìke o harao’e iabio. 
\v 4 Le andranjio harato torisike tsingarakarake; le tseneo ravake torisìke efatse i tsingarakarakey ankotso’e efatse. 
\v 5 Reketo ambane’ ty soñi’ i kitreliy i tsingarakarakey hahatakara’e ty havaki-miran-kaabo’ i kitreliy mañambane. 
\v 6 Andranjio baoñe i kitreliy, baoñe ami’ty mendoraveñe, le ipakoro torisìke. 
\v 7 Aziliho amo ravakeo i bao’e rey le songa hifamalahañe añ’ila’ roe’ i kitreliy i bao rey hitarazo­añe aze. 
\v 8 Itseneo koake am-barambañe, amy nanoroañ’ azo ambohitse eiy ty handranjiañ’ aze.
\s1 Ty Kiririsa i Kivohoy
\p
\v 9 Itseneo kiririsa i kivohoy: mb’amy Negeve mañatimo le lamba tinenon-kèreñe am-pole leny matify ty hiradorado amy kiririsay; zato kiho ty halava’e ami’ty lafe’e raike; 
\v 10 ty anakòre’e roapolo naho ty vave’e torisìke roapolo; ty porengo volafoty amo anakòreñe naho bandi’eo. 
\v 11 Ie ka ty avaratse ami’ty andava’e: ty firadoradoa’e zato kiho, ty anakòre’e roapolo naho ty vave’e torisìke roapolo vaho o fiporengon’ anakòreñeo naho o bandi’eo am-bolafoty. 
\v 12 Le ty ampohe’ i kiririsay ahandrefañey, limampolo kiho ty firadorado’e, folo ty anakòre’e naho folo ty vave’e. 
\v 13 Le ty andava’ i kiririsay, limampolo kiho ty añ’ila’ i fanjirihañey mianiñànañe. 
\v 14 Ty firadoradoa’e ami’ty ila’ i lalambeiy, folo-lime amby kiho, ty anakòre’e telo vaho ty vave’e telo. 
\v 15 Le ty firadorado’e añ’ ila’e ka, folo-lime amby naho ty anakòre’e telo vaho ty vave’e telo. 
\v 16 Ty lalambei’ i kiririsay, firadoradoañe roapolo kiho: ami’ty manga, malòmavo naho mena mañabasà vaho leny rinorotse am-pole matify nivahorem-pitrebeke; ty anakòre’e efatse naho ty vave’e efatse. 
\v 17 Songa bandieñe volafoty o anakòre’e mañohoke i kiririsaio, volafoty o porengo’eo vaho tori­sìke o vave’eo. 
\v 18 Kiho zato ty andava’ i kiririsay naho limampolo ty ampohe’e etoa naho eroa naho kiho lime ty haabo’ o aman-deny rinorotse matifio, vaho o vave’e torisìkeo. 
\v 19 Hene torisìke o fana’ i kivohoio amy ze fitoloñañe aze naho o tsato’eo vaho o tsato’ i kiririsaio.
\s1 Ty Fañalahalañe i Jiroy
\p
\v 20 Amantoho amo ana’Israeleo ty hinday menak’olive ki’e finofoke hireheta’ i jiroy nainai’e 
\v 21 amy kibohom-pamantañañey alafe’ i lamba-fañefetse aolo’ i fañinaiy, le ho hajarie’ i Aharone naho o ana’eo ty hireheta’e añatrefa’ \nd Iehovà\nd* boa-kariva ampara’ te porea’ ty maraindray: ho fañè amo hene’ tariran’ ana’ Israeleo.
\c 28
\s1 Saro’ o Mpisoroñeo
\p
\v 1 Le ampiharineo ama’o t’i Aharone rahalahi’o rekets’ o ana’eo boak’ amo ana’ Israeleo hitoroñe amako ho mpisoroñe: i Aharone, i Na­dabe naho i Abiho, i Elazare naho Itamare—i ana’ i Aharone rey.
\p
\v 2 Anjairo saroñe miavake aman’ engeñe naho volonahetse t’i Aharone rahalahi’o. 
\v 3 Le misaontsia amo mahimbañeo, o nikofohako haliforan-kihitseo, hitsene o saro’ i Aharoneo hañorizañe aze hitoroñe ahy ho mpisoroko. 
\v 4 Le o saroñe hanoe’ iereoo: ty takon’ araña, ty kitambe naho ty saroñ’ alafe, ty saroñ’ añate vinahotse naho ty sabaka vaho ty koloty; le hitsenea’ iareo saroñe miavake t’i Aharone rahalahi’o naho i ana’e rey hitoroñ’ ahy ho mpisoroñe.
\s1 Ty Kitambe
\p
\v 5 Ho rambese’ iereo ty volamena naho ty fole manga naho ty malòmavo naho ty mena mañabarà vaho ty leny matify, 
\v 6 le ho tsenè’ iareo am-bolamena naho fole manga naho malòmavo naho mena mañabarà vaho leny rinorotse matify an-tsatam-pamahotse i kitambey. 
\v 7 Le hanoeñe sazoke ty an-tsoro’e roe mirekets’ ankotso’e roe, hampipitehañe aze. 
\v 8 Le ty fiè’ i kitambe soa vahotsey ro hindray sata ama’e : volamena naho manga naho malòmavo naho mena mañabasà vaho fole leny rinorotse matify. 
\v 9 Le angalao vato sohàme roe naho anokiro ty tahina’ i ana’ Israele rey; 
\v 10 ty tahina’ iareo eneñe ami’ty raike le ty tahinañe eneñe sisa ami’ty ila’e, ty amo hazoke’eo, 
\v 11 le sokireñe amy vato roe rey an-tsatam-panoki-bato manahake ty fanokirañe voli-fitomboke, ty tahina’ i ana’ Israele rey vaho ampivontitiram-bolamena. 
\v 12 Le apiteho amy sazo’ i kitambeiy i vato roe rey ho vato faniahiañe o ana’ Israeleo, le hanoe’ i Aharone ega an-tsoro’e roe añatrefa’ \nd Iehovà\nd* o tahina’ iareoo ho tiahy.
\p
\v 13 Le itseneo fampireketañe volamena an-tsata vanditse, 
\v 14 naho anan-tsilisily volamena ki’e roe an-tsata vanditse ty itsenea’o iareo vaho hareketse amo famon­titira’eo i silisili’ vinanditse rey.
\s1 Ty Takon’ arañañe
\p
\v 15 Itseneo takon’ arañam-pizakàñe; manahake ty nanoeñe i kitambey ty anoeñ’ aze: le volamena naho fole manga naho malòmavo naho mena mañabaràñe vaho leny rinorotse matify ty itenoñañ’ aze. 
\v 16 Efa-mira t’ie avaloñe; zehe raike ty andava’e naho zehe raike ty ampohe’e; 
\v 17 le itsitsiho firiritam-bato efatse; ahiriritse ami’ty fidadaña’e valoha’e ty odème\f + \fr 28:17 \fr*\ft Va’e robie, ami’ty hamena’e\ft*\f*, ty pitedà\f + \fr 28:17 \fr*\ft Va’e topaze\ft*\f* naho ty barèkete\f + \fr 28:17 \fr*\ft Va’e emarode\ft*\f*; 
\v 18 le ty fidadaña’e faharoe: ty nòfeke\f + \fr 28:18 \fr*\ft Va’e garnete\ft*\f*, ty safìra naho ty iàhalòme\f + \fr 28:18 \fr*\ft Va’e diamondra\ft*\f*; 
\v 19 le ty fidadaña’e faha-telo: ty lèseme\f + \fr 28:19 \fr*\ft Va’e jasinte\ft*\f*, ty sebò\f + \fr 28:19 \fr*\ft Va’e agate\ft*\f* naho ty aklàma\f + \fr 28:19 \fr*\ft Va’e ametiste\ft*\f*; 
\v 20 le ty fidadaña’e fahefatse: ty tarsìse\f + \fr 28:20 \fr*\ft Va’e berìle\ft*\f* ty sòhame\f + \fr 28:20 \fr*\ft Va’e onìkse\ft*\f* vaho ty iasefà\f + \fr 28:20 \fr*\ft Jaspera\ft*\f*: le ampireketañe am-bolamena hampi­vontititse irezay. 
\v 21 Le i tahinan’ ana’ Israele folo-ro’ amby rey ro amy vato rey; an-tsatan-tsòki-bangem-pitomboke, songa milahatse ami’ty tahina’ ondaty amy rofoko folo-ro’ amby rey.
\p
\v 22 Le tseneo añ’ila’ i takon’ arañañey ty silisily volamena hiringiri’e mifamandibanditse. 
\v 23 Anefeo ravake volamena roe i takon’ arañañey vaho apiteho añ’ ila’e roe’ i takon’arañañey i ravake roe rey. 
\v 24 Le aziliho amy ravake roe rey i silisily roe rey añ’ ila’ roe’ i takon’ arañañey; 
\v 25 le areketo ami’ty fiatrefa’ i kitambey, an-tsazo’e, ty ila’e roe’ i silisily roe nivandireñe rey. 
\v 26 Anefeo ravake volamena roe vaho areketo añ’ila roe’ i takon’ arañañey, an-drira’e, añ’indra’e miatreke i kitambey. 
\v 27 Anefeo ravake volamena roe le areketo ambane’ i sazoke roe’ i kitambe rey amy fiatrefa’ey tandrife ty fivitraña’e, ambone’ ty fiè’ i kitambey. 
\v 28 Le rohizo ami’ty fole manga amo rava’eo amy rava’ i kitambey rey i takon’ arañañey, hipiteha’e amy fièn-kitambey soa tsy haba­lak’ amy kitambey i takon’ arañañey.
\p
\v 29 Aa le hendese’ i Aharone ty tahina’ i ana’ Israele rey amy takon’ arañam-pizakàñey ambone’ ty arofo’e, ie mizilik’ amy toe-miavakey, ho faniahiañe nainai’e añatrefa’ \nd Iehovà\nd*.
\p
\v 30 Ajò amy takon’ arañam-pizakañey ty Orimae\f + \fr 28:30 \fr*\ft Orimae: ty fireandream-baton-takon’araña’ i Aharone.\ft*\f* naho ty Tomimae\f + \fr 28:30 \fr*\ft Tomimae: vilo’ ty toe hatò\ft*\f*; le ho añ’ arofo’ i Aharone izay ie mizilik’ añatrefa’ \nd Iehovà\nd*: le ho vavè’ i Aharone añ’arofo’e añatrefa’ \nd Iehovà\nd* nainai’e ty fizakàñe o ana’Israeleo.
\s1 O Saro-Mpisoroñañe Ila’eo
\p
\v 31 Hanoe’o ami’ty manga avao ty saro’ i kitambey; 
\v 32 añivo’e ty loa’ i añamboney; le ho fahareñe am-pitenoñe miariari’ i loakey ty lifi’e manahake ty loake an-tsarom-piaro, soa tsy ho riatse. 
\v 33 Le itseneo sare-voan-dagoa\f + \fr 28:33 \fr*\ft voa: toe ampongambeindañitse\ft*\f* manga naho malòmavo naho mena mañabarà hiariary an-drira’e ambane isabadidahañe fikorìñe volamena. 
\v 34 Fikoriñe volamena naho ty dagoa vaho ty fikoriñe volamena naho ty dagoa; izay ty fiariaria’e amy lifin-tsaroñey, 
\v 35 le haombea’ i Aharone izay naho mitoroñe vaho ho janjiñeñe ty fikoriña’e ami’ty fiziliha’e an-toe-miavake ao añ’ atrefa’ \nd Iehovà\nd* naho amo fiakara’eo tsy mone hivetrake.
\p
\v 36 Le itseneo takelake volamena ki’e vaho isokiro an-tsatan-tsokim-pitomboke, ty hoe: Miavake am’ \nd Iehovà\nd*. 
\v 37 Ampi­reketo amy sabakay an-taly manga; am-piatrefa’ i sabakay ty andreketañ’ aze. 
\v 38 Ie ho an-dahara’ i Aharone, le hivave ze hakeo’ o raha miavake havì’ o ana’ Israeleo ho enga masi’ iareoo t’i Aharone vaho ho nainai’e an-dahara’e izay soa t’ie ho fankatoavañe iareo añatrefa’\nd Iehovà\nd*.
\p
\v 39 Tenoño an-deny marerarera vinahotse i saroñe añate’ey, le tenoño an-deny maeratseratse i sabakay vaho an-tsatam-pitenoñe ty fiè’e. 
\v 40 Amboara’o saroñe ka o ana’ i Aharoneo, le hamboara’o fiètse naho itsenea’o satro-bory ho amam-bolonahetse naho hatso­meren­tsereñe. 
\v 41 Le aombeo amy Aharone rahalahi’o naho amo ana’eo; le orizo naho atokaño vaho ambaho, hitoroñe ahiko ho mpisoroñe. 
\v 42 Le amboaro koloty leny hanaroñe ty fimeñara’ iareo boak’ an-tohake pak’ am-pè. 
\v 43 Ie ho sikine’ i Aharone naho o ana’eo naho mimoak’ an-kibohom-pamantañañe ao naho miharine i kitreliy hitoroñe amy miavakey, soa tsy hivave ty fandilovañe mahavetrake: fañè tsy ho modo ama’e izay naho amo tarira’e mandimbe azeo.
\c 29
\s1 Ty Fañorizañe i Aharone naho o Ana’eo
\p
\v 1 Le zao ty hanoe’o hañeferañe iareo hitoroñe ahy ho mpisoroñe. Andrambeso bania naho añondrilahy roe tsy aman-kandra; 
\v 2 le mofo po-dalivay naho mofo vonga’e po-dalivay nilaroañe menake vaho mofo pisake po-dalivay hinosotse menake: nanoeñe ami’ty monam-bare-bolè. 
\v 3 Ajoñe ami’ty hàroñe irezay le aseseo mb’etoa an-karoñe naho i baniay vaho i añondrilahy roe rey.
\p
\v 4 Endeso mb’ an-dalan-kibohom-pamantañam-b’ etoy t’i Aharone naho o ana’eo vaho isasao an-drano. 
\v 5 Le rambeso i saroñe rey vaho aombeo amy Aharone i sikiñey naho ty saro’ i kitam­bey naho i kitambey naho i takon’ arañañey vaho aombeo ama’e i fièn-kitambe vinahotsey; 
\v 6 le aombeo añ’ ambone’e i sabakay vaho asampezo amy sabakay i viloñe miavakey. 
\v 7 Rambeso i mena-pañorizañey le adoaño añ’ambone’e vaho orizo.
\p
\v 8 Aseseo mb’eo ka i ana’e rey le aombeo am’ iereo o saro’iareoo; 
\v 9 le ampidiaño fiètse t’i Aharone naho o ana’eo, le feheo am’ iereo o sabakao; ie fañe nainai’e tsy modo ho a iareo i fisoroñañey.
\p Le orizo t’i Aharone naho o ana’eo. 
\v 10 Aseseo aolo’ i kibohom-pamantañañey i baniay le hanampe fitàñe andoha’ i baniay t’i Aharone naho o ana’eo. 
\v 11 Le lentao añatrefa’ \nd Iehovà\nd* i baniay, an-dalan-kibohom-pamantañañe eo. 
\v 12 Andrambeso ty lio’ i baniay le apetaho an-drambo-pità’o amo tsifan-kitrelio vaho adoaño am-poto’ i kitreliy iaby ze lio sisa. 
\v 13 Le rambeso o safo’e mañohoñe o aova’eoo naho ty ova mipetak’ ambone’ i ate’ey, ty tsapavoa’e roe reke-tsafo’e vaho orò amy kitreliy. 
\v 14 Le sodoro añ’afo alafe’ i tobey ty vata’ i baniay naho ty holi’e vaho ty tai’e. Soron-kakeo izay.
\p
\v 15 Rambeso amy zao ty añondri­lahy, le hampitongoa fitàñe ami’ty loha’ i añondrilahiy t’i Aharone naho o ana’eo; 
\v 16 Le lentao i añondrilahiy naho rambeso ty lio’e vaho afitsezo amy kitreliy añariary aze. 
\v 17 Lilio i añondrilahiy, sasao o aova’eo naho o tombo’eo le asampezo amo linilio naho amy loha’ey, 
\v 18 fonga soroño amy kitreliy i añondrilahiy, ho enga horoañe am’ \nd Iehovà\nd*; hàñitse mandrifondrifoñe, nisoroñañe añ’afo am’ \nd Iehovà\nd*.
\p
\v 19 Rambeso ka i añondrilahy raikey, le hanampe-pità’ amy añondrilahiy t’i Aharone naho o ana’eo. 
\v 20 Lentao amy zao i añondrilahiy; le andrambeso ty lio’e naho atenteno andengon-dravembia havana’ i Aharone naho andengon-dravembia havana’ o ana’eo naho an-tondrobeim-pitàn-kavana naho an-tondrobeim-pandia havana’ iareo vaho afitsezo añ’ariari’ i kitreliy i lio’ey. 
\v 21 Andrambeso ty lio amy kitreliy naho i menake fañorizañey, le afi­tsezo amy Aharone naho an-tsaro’e naho amo ana’eo naho an-tsaro’ o ana’e mindre ama’eo; le hiavake re naho o saro’eo naho o ana’e mindre ama’eo vaho o saron’ ana’eo.
\p
\v 22 Rambeso ka ty safo’ i añondrilahiy naho ty hofa’e naho ty safo’e mañohok’ o ova’eo naho ty lengon’ ate’e, ty voa’e roe reketse ty solik’ ama’e vaho ty tso’e havana, ie añondrilahy fitokanañe; 
\v 23 le ty mofo vonga’e naho ty mofomamy nihosorañe menake vaho ty mofo pisake boak’ an-karo’ o mofo po-dalivay añatrefa’ \nd Iehovà\nd*o; 
\v 24 le apoho am-pità’ i Aharone naho an-tañan’ ana’e irezay vaho ahelakelaño ho engan-kelahela añ’ atrefa’ \nd Iehovà\nd*. 
\v 25 Rambeso am-pità’ iareo izay vaho orò amy kitreliy ambone’ i enga horoañey ho hàñitse mandrifondrifoñe añ’atrefa’ \nd Iehovà\nd* ho soroñe añ’afo amy \nd Iehovà\nd*.
\p
\v 26 Le rambeso ty tratra’ i añondrilahim-pitokana’ i Aharoney vaho ahelakelaño ho engan-kelahela añ’atrefa’ \nd Iehovà\nd*, ie o anjara’oo. 
\v 27 Aa le aviho ty tratra’ i engan-kelahelay naho i feim-pitokanañey, i nahelahelay vaho i navoañe boak’ amy añondrilahim-pitokanañeiy, ho anjara’ i Aharone naho o ana’eo; 
\v 28 ie ty anjara’ i Aharone naho o ana’eo, ho fañè nainai’e boak’ amo ana’ Israeleo, izay ty fanolora’ o ana’ Israeleo boak’ amo engam-panintsiña’ iareoo, toe o engan-kavoa’ iareo am’ \nd Iehovà\nd*o.
\p
\v 29 Le ho limbezañe amo ana’e manonjohy azeo o saro-masi’ i Aharoneo, horizañ’ ama’e iereo vaho ho tokanañ’ ama’e. 
\v 30 Ho sikina’ i anadahy mandimbe aze ho mpisoroñe fito àndroy izay, ie mimoak’ amy kibohom-pamantañañey hitoroñe amy miavakey.
\p
\v 31 Rambeso i añondrilahim-pitokanañey le ahandrò an-toe-miavake ao o hena’eo; 
\v 32 vaho ho kamae’ i Aharone naho o ana’eo ty hena’ i añondrilahiy naho i mofo an-karoñey, an-dalan-kibohom-pamantañañe ao. 
\v 33 Ho kamae’ iereo o raha nanoeñe ho fijebańañe, hanokanañe naho hampiavahañe iareo; fe tsy hikama’ ze alafe’e ao amy te miavake. 
\v 34 Aa naho eo ty tsy ri’e amy henam-pañorizañey, ndra amy mofoy, ie miporea’ ty maraindray, le horoa’o añ’afo ao i sisay; tsy ho kamaeñe fa miavake.
\p
\v 35 Izay ty hanoe’o amy Aharone naho amo ana’eo, i hene nandiliako azoy. Fito andro ty hanokanañe iareo. 
\v 36 Le hentseño boak’ andro ty bania ho soron-kakeo fijebańañe. Ho lioveñe i kitreliy, le ijebaño vaho orizo hampiavahañe aze. 
\v 37 Fito andro ty hijebaña’o i kitreliy hañavak’ aze vaho hiava-do’e i kitreliy. Hiavake ze hene mitsapa i kit relit.
\s1 O Soroñe Boak’ Androo
\p
\v 38 Zao ty hisoroña’o amy kitreliy: vik’añondry roe boak’ andro nainai’e. 
\v 39 Hengae’o maraindraiñe ty vi’e, le hisoroñañe folakandro ka ty vi’e. 
\v 40 Hampindreze’o soroñe amy vi’e valoha’ey ty mona’e faha-folo ty \f + \fr 29:40 \fr*\ft efà raike=2,5 litatse\ft*\f*efà linaro menake linisañe fahefa’ ty \f + \fr 29:40 \fr*\ft hine = 5,6 litatse\ft*\f*hine vaho divay fahefa’ ty hine ho enga-rano. 
\v 41 Le hisoroña’o folakandro ka ty vi’e raike; le ampanahafo amy enga-mahakama naho amy enga-rano’ i marain­draiñeiy, ho hàñitse mandrifondrifoñe, enga horoañe am’ \nd Iehovà\nd*.
\p
\v 42 Ho enga horoañe nainai’e izay amo hene tarira’ areo mifandimbeo, amy lalan-kibohom-pamantañañey, añatrefa’ \nd Iehovà\nd*, amy hifañaoñan-tikañe naho fitaroñako ama’oy. 
\v 43 Eo ty hifañaoñako amo ana’ Israeleo le hampiavahe’ ty engeko i toetsey. 
\v 44 Ho tokaneko i kibohom-pamantañañey naho i kitreliy vaho horizako ka t’i Aharone naho o ana’eo hitoroñ’ ahy ho mpisoroñe.
\p
\v 45 Le himoneñe amo ana’Israeleo iraho vaho ho Andrianañahare’ iareo. 
\v 46 Le ho fohi’ iareo te Izaho \nd Iehovà\nd* Andrianañahare’ iareo ro nañavotse iareo an-tane Mitsraime añe himoneñako am’ iereo ao. Izaho \nd Iehovà\nd* Andrianañahare’ iareo.
\c 30
\s1 Kitrelin’ emboke
\p
\v 1 Andrafito kitrely, toem-pañembohañe; mendoraveñe ty itsenea’o aze. 
\v 2 Ho kiho raike ty andava’e naho kiho raike ty ampohe’e, ho efa-mira, kiho roe ty haabo’e vaho raik’ ama’e o tsifa’eo. 
\v 3 Ipakoro am-bolamena ki’e: ty ambone’e naho o ila’e mañarikatok’ azeo naho o tsifa’eo vaho itefeo soñi’e volamena hamahetse aze. 
\v 4 Anefeo ravake volamena roe ambane’ i soñi’ey, le añ’ila’e roe ty itsenea’o iareo ho fitanañe o bao-pitakonañeo. 
\v 5 Rafito ami’ty mendoraveñe o bao’eo le ipakoro volamena; 
\v 6 le apoho aolo’ i lamba-fañefe’ i vatam-pañinay aolo’ i toem-pijebañañe fikape’ i fañinay, amy hifañaoñako ama’oiy.
\p
\v 7 Hañoro emboke mañitse ama’e boa-maraindray t’i Aharone; ie mañalahala jiro ro hañemboke ama’e. 
\v 8 Hañembok’ ama’e ka t’i Aharone amy fameloman-jiro harivay, le ho nainai’e añatrefa’ \nd Iehovà\nd* amo hene tarira’ areo mifandimbeo i embokey. 
\v 9 Ko mañenga emboke ila’e ama’e, ndra enga horoañe, he mahakama, le ko añiliña’o engan-drano.
\p
\v 10 Le hanao fijebańañe amo tsifa’eo boa-taoñe t’i Aharone ami’ty lion-tsoron-kakeo-pijebañañe, indraike boa-taoñe amo tarira’ areo mifandimbe iabio, t’ie ijebañañe. Miava-do’e amy \nd Iehovà\nd* izay.
\s1 Drala Vili-aiñe
\p
\v 11 Le nanao ty hoe amy Mosè t’\nd Iehovà\nd*: 
\v 12 Ihe mamolily o ana-dahi’ Israeleo ami’ty ia’ iareo, le songa hanolotse ty vilin’ai’e amy \nd Iehovà\nd* amy fañiahañey, tsy mone hisilofañ’ angorosy ty amy famoliliañey. 
\v 13 Sindre hanolotse zao te iaheñe: ty vakin-tsekele amy\f + \fr 30:13 \fr*\ft Sekele raike = 10 grama\ft*\f* sekelen-toe-mivakeiy (roapolo gerà ty sekele raike). Ho banabana am’ \nd Iehovà\nd* i vakin-tsekeley. 
\v 14 Ze hene niaheñe roapolo taoñe mañambone ro hañenga am’ \nd Iehovà\nd*. 
\v 15 Ie mañenga i vilin’ aiñey am’ \nd Iehovà\nd*, le tsy hanolotse maro ty mpañaleale vaho tsy hanolotse ambane’ i vakin-tsekeley ty rarake.
\p
\v 16 Ho rambese’o amo ana’ Israeleo i bogadim-bilin’ aiñey vaho havì’o ho fitoroñañe i kibohom-pamantañañey; le ho tiahy amo ana’ Israeleo añatrefa’ \nd Iehovà\nd*, hijebañañe anahareo.
\s1 I Fanasañey
\p
\v 17 Le nanao ty hoe amy Mosè t’\nd Iehovà\nd*, 
\v 18 Anefeo fanasàñe torisìke reke-poto’e torisìke, ho fisasàñe, le apoho añivo’ i kibohom-pamantañañey naho i kitreliy izay vaho añiliño rano, 
\v 19 le boak’ ama’e ty hanasà’ i Aharone miroanake fitàñe naho fandia. 
\v 20 Ie mimoak’ amy kibohom-pamantañañey ndra mañarine i kitreliy hitoroñe, hañoro enga am’ \nd Iehovà\nd*, ro hisasa an-drano hey tsy mone hikenkañe; 
\v 21 hanasa fitàñe naho fandia tsy mone hivetrake. Ho fañè tsy modo ho a iareo—ho aze naho o hene tarira’e mifandimbeo.
\p
\v 22 Nitsara amy Mosè t’\nd Iehovà\nd*, nanao ty hoe: 
\v 23 Rambeso ty emboke soa jinoboñe: ty ron-drame\f + \fr 30:23 \fr*\ft Heb; miora\ft*\f* limanjato naho ty kanely mañitse vaki’ izay: roan-jato tsy limampolo, le varemañitse roan-jato tsy limampolo, 
\v 24 le ty roi-mañitse limanjato amy sekelen-toe-miavakey vaho menak’ olive hine raike. 
\v 25 Le ano menake fañorizañe miavake i raha rey, raha mañitse aharo an-tsata’ o mpanao tsòtseo, ho mena-pañorizañe miavake. 
\v 26 Ie ty hañoriza’o i kibohom-pamantañañey naho i vatam-pañinay, 
\v 27 i rairaiy naho ze hene fanake naho i fitàn-jiroy naho o harao’eo vaho i kitrelim-pañoroañ’ embokey, 
\v 28 ty kitrelim-pisoroñañe naho o harao’e iabio vaho i fanasàñey rekets’ i foto’ey. 
\v 29 Atokano ho loho masiñ’ irezay; miavake ze mitsapa aze. 
\v 30 Le horiza’o ty Aharone naho o ana’eo hamìha’o hitoroñe ahy ho mpisoroko.
\p
\v 31 Le ty hoe ty hatao’o amo ana’ Israeleo: Itoy ty mena-pañorizañe miavake amako amo hene tarira’ areo mifandimbeo. 
\v 32 Tsy ailiñe an-tsandri’ ondaty, le tsy tsikombeñe ty fampitraofañe aze, fa miavake, vaho havahe’ areo. 
\v 33 Ze mampilaro mana­hak’ aze, ndra mañiliñ’ aze am’ondaty ila’e, ro haitoañe am’ondatio.
\s1 I Embokey
\p
\v 34 Aa hoe t’\nd Iehovà\nd* amy Mosè: Rambeso o emboke mañitse zao: \f + \fr 30:34 \fr*\ft sike-mañitse: natafa\ft*\f*sike-mañitse naho \f + \fr 30:34 \fr*\ft sabiba: sekehailete\ft*\f*sabiba naho \f + \fr 30:34 \fr*\ft taven-tsike: kelbenaha\ft*\f*taven-tsike; naho \f + \fr 30:34 \fr*\ft tsotse-foty: lebonaha\ft*\f*tsotse-foty ki’e, i raha mañitse rezay; le ampimirao lanja. 
\v 35 Le mitsenea emboke, am-pilaroañe, satam-panao emboke, siraeñe, malio naho miavake. 
\v 36 Lisano ho bo’e ty ila’e, le ano aolo’ i fañinay an-kibohom-pamantañañ’ ao ty ila’e, amy hifañaoñako ama’oy, loho miavake ama’ areo izay. 
\v 37 Le i emboke tsenè’oy, tsy hanoe’ areo ho am-batañe amy filaroa’ey, fa miavake am’ \nd Iehovà\nd* ho anahareo izay. 
\v 38 Haitoañe am’ondati’eo ze mitsene ty hambañ’ ama’e hañantsoña’e.
\c 31
\s1 O Mpamboatseo
\p
\v 1 Le nanao ty hoe amy Mosè t’\nd Iehovà\nd*: 
\v 2 Ingo, fa kinoiko amy tahina’ey ty Betsalale ana’ i Ory, ana’ i Kore, fifokoa’ Iehodà; 
\v 3 le niliforako amy Arofon’ Añaharey, aman-kihitse naho hilala hahafohina’e ze hene satam-pitoloñañe, 
\v 4 ie hamoroñe sarem-pitoloñañe naho hitoloñe ami’ty volamena naho volafoty vaho torisìke; 
\v 5 le hampireketse vato vinàñe naho handranjy an-katae vaho hifa­nehake amy ze hene tolon-draha.
\p
\v 6 Inao te izaho, le izaho ty nanolotse aze ho mpiama’e t’i Oholiabe ana’ i Akisamake, fifokoa’ i Dane; le songa tinoloko hihitse an-troke ze mahihi-tro, hitsene i nandiliako azo rezao: 
\v 7 i kibohom-pamantañañey, i vatam-pañinay rekets’ i toem-pijebañañe mitakoñe azey naho o harao’ i kivohoio 
\v 8 le i rairaiy rekets’ o fanakeo, i fitàn-jiro ki’ey rekets’ o harao’e iabio vaho i kitrelim-pañembohañey; 
\v 9 naho i kitrelim-pisoroñañey reketse ze hene harao’e naho i fanasàñe reke-poto’ey, 
\v 10 le o fisikiñe vinahotseo; o saro-miava’ i Aharone mpisoroñeo naho o saro’ o ana’eo hitoloña’ iareo ho mpisoroñeo, 
\v 11 le i mena-pañorizañey vaho i emboke mandrifondrifoñe ho a i miavakeiy vaho hanoe’ iareo ze hene nandiliako azo.
\s1 O Sabatao
\p
\v 12 Hoe ty natovo’ \nd Iehovà\nd* amy Mosè: 
\v 13 Saontsio amo ana’ Israeleo ty hoe:
\q1 Toe hambena’areo o \nd Sabata\nd*­koo,
\q1 amy te ie ty viloñe\f + \fr 31:13 \fr*\ft Iek 20:12,20\ft*\f* añivontika
\q1 amy ze hene sa’ areo.
\q1 hahafohina’ areo te Izaho, \nd Iehovà\nd*
\q1 ro Mpamike anahareo ho ahiko.
\q1
\v 14 Aa le tambozoro o \nd Sabata\nd*o
\q1 amy t’ie miavake ama’ areo.
\q1 Havetrake ze manivativa aze,
\q1 haitoañe am’ondatio ze mitolon-draha ama’e.
\q1
\v 15 Eneñ’ andro ty fitoloñañe
\q1 fa masiñe am’ \nd Iehovà\nd* ty andro fahafito,
\q1 ty \nd Sabotse\nd*m-pitofàñe;
\q1 toe havetrake ze manao tolon-draha
\q1 ami’ty andro Sabotse.
\q1
\v 16 Aa le hitàñe o \nd Sabata\nd*o o ana’ Israeleo; hambena’ iareo o \nd Sabotse\nd*o
\q1 amo hene tarira’ iareo mifandimbeo
\q1 ho fañina nainai’e tsy modo.
\q1
\v 17 Viloñe nainai’e añivoko naho o ana’ Israeleo izay
\q1 amy te eneñ’ andro ty nitsene’ \nd Iehovà\nd*
\q1 o like­rañeo naho ty tane toy
\q1 naho nitroatse amy andro fahafitoy
\q1 naho nitofa vaho nitomambao.
\p
\v 18 Aa ie nagado’e i nitsara’ey le natolo’e amy Mosè ambohi-Sinay i rave’ i Fañinay roe rey, ravem-bato sinoki’ ty rambom-pitàn’Añahare.
\c 32
\s1 I Bania Volamenay
\p
\v 1 Aa naho nirendre’ ondatio te nalaom-pizotso boak’ ambohitse añe t’i Mosè, le niropak’ amy Aharone ondatio nanao ty hoe, Miongaha, andranjio ndrahare zahay, hiaolo anay; fa i Mosè zay, indaty ninday antika niavotse an-tane Mitsraimey, nofi’ay ty nizò aze.
\p
\v 2 Aa hoe t’i Aharone am’ iereo, Apitsoho an-tsofim-bali’ areo naho amo ana-dahy naho anak’ ampela’ areoo o bange volamenao, le endeso amako. 
\v 3 Aa le napitso’ ondaty iabio o bange volamena an-dravembia’ iareoo vaho nendese’ iereo mb’ amy Aharone mb’eo. 
\v 4 Rinambe’e am-pità’ iareo naho nitsene’e amam-pisokirañe naho namboare’e bania nitranaheñe, vaho hoe iereo, Intoy o ndrahare’oo, ry Israele, i ninday azo niakatse an-tane Mitsraimey.
\p
\v 5 Aa naho nioni’ i Aharone, le nan­dranjy kitrely aolo’eo vaho nikoike ty hoe: Hamaray ty ho takataka am’ \nd Iehovà\nd*. 
\v 6 Le nitroatse maraindrain-tsikiake iereo te loak’ andro nisoroñe naho nanese engam-panintsiñañe; le niambesatse ondatio nikama naho ninoñe vaho niongake le nihisa.
\p
\v 7 Le hoe t’\nd Iehovà\nd* amy Mosè, Akia mizotsoa! Fa naniva vatañe ondaty nendese’o niavotse an-tane Mitsraimeo 
\v 8 fa nivike aniany amy làlañe linilikoy; ie nampitranake sare bania naho nitalahoa’e naho nisoroña’e vaho nanao ty hoe, Intoy o ndrahare’oo, ry Israele, i ninday azo nienga an-tane Mitsraimey!
\p
\v 9 Hoe t’\nd Iehovà\nd* amy Mosè, Fa nitreako ondatio; inao! toe ondaty gam-pititia! 
\v 10 Ie amy zao, angao iraho, hiforoforoa’ ty haboseko, ho forototoeko, vaho ihe ty hanoeko foko ra’elahy.
\p
\v 11 Fe niambane am’ \nd Iehovà\nd* Andria­nañahare’e t’i Mosè nanao ty hoe: Ry \nd Iehovà\nd*, ino ty isolebora’ ty fifombo’o am’ondati’o nindese’o niakatse an-tane Mitsraime añe an-kaozaran-dra’elahy vaho an-kafatraram-pitàñeo. 
\v 12 Aa vaho tsy hatao’ o nte-Mitsraimeo ty hoe te Nakare’e hijoia’e, hañohofa’e loza ambohitseo vaho ho mongore’e an-tane atoy? Iambohò o fifombo’o miloroloroo vaho ferenaiño tsy hampianto ondati’oo. 
\v 13 Tiahio i Avrahame, Ietsàke vaho Israele mpitoro’o nifantà’o am-pañova’o naho nitsara’o ty hoe: Hampitomboeko ho mira amo vasian-dikerañeo ty ia’ o tarira’ areoo naho ze hene tane nivolañeko te hatoloko an-tarira’ areo vaho ho lovae’ iareo nainai’ey.
\p
\v 14 Aa le niheve’ \nd Iehovà\nd* ty fandrotsahañe nisafirie’e hanoeñe am’ondati’eo.
\p
\v 15 Nitolik’ amy zao t’i Mosè nizotso amy vohitsey, am-pità’eo i ravem-bato roe’ i fañinay rey, rave’e sinokitse ami’ty lafe’e roe, aolo’e vaho amboho’e. 
\v 16 Sàtan’ Añahare i rave’e rey vaho sokin’ Añahare i sokitse finandrak’ amo rave’eoy.
\p
\v 17 Ie jinanji’ Iehosoa ty korà’ ondatio ami’ty fikontsiaña’e le hoe re amy Mosè: Hoe fikorahan’aly ty an-tobe ao. 
\v 18 Fa hoe re, Tsy ty fitreñam-pandrebake naho tsy ty fangoihoia’ o giokeo, fa ty fivolam-pihisa ty tsanoñeko.
\p
\v 19 Aa ie narine i tobey naho naha­isake i baniay naho i tsinjakey, le niforoforo ty haviñera’ i Mosè naho navokovokom-pità’e i rave’e rey le nivolentsa am-poto’ i vohitsey. 
\v 20 Rinambe’e i bania tsinène’ iereoy le tineno’e añ’afo ao naho nilisane’e ho deboke naho nafitse’e an-tarehe’ i ranoy vaho nampinome’e o ana’ Israeleo.
\p
\v 21 Le hoe t’i Mosè amy Aharone, Ino ty nanoa’ ondaty retia te nampanoe’o hakeo jabajaba hoe zao. 
\v 22 Aa hoe t’i Aharone, Ko anga’o hangosasàke ty fifombo’ i talèkoy; fohi’o ondatio, te raty tsereke. 
\v 23 Ie nanao ty hoe amako, Itseneo ndrahare hiaolo anay; fa i Mosè zay, indaty ninday anay niavotse an-tane Mitsraimey, nofi’ay ty nizo aze. 
\v 24 Le nanoako ty hoe, Ze am-bolamena, afaho; natolo’ iereo le nafetsako añate-afo ao vaho niboake ty bania tia.
\p
\v 25 Aa naho nioni’ i Mosè te nitsam­boro­­hotake ondatio (amy t’ie nampidadae’ i Aharone hitsikiha’ o rafelahi’ iareoo), 
\v 26 le nijohañe am-pizi­lihañe an-tobe ao t’i Mosè nanao ty hoe, Ze mpiam’ \nd Iehovà\nd*, mb’ amako mb’ etoa! Le hene nifanontoñe ama’e o ana’ i Levio. 
\v 27 Le hoe re am’ iereo, Hoe t’\nd Iehovà\nd* Andrianañahare’ Israele: Songa mañombea fibara añ’ila’e, le mibelobeloa boak’ an-dalambey pak’ an-dalambei’ ty tobe toy le manjevoña: sindre an-drahalahi’e, songa an-drañe’e vaho fonga an-dongo’e. 
\v 28 Aa le nanoe’ o ana’ i Levio i nisaontsia’ i Mosèy vaho miha-telo arivo t’in­daty nikoromak’ amy andro zay. 
\v 29 Aa hoe t’i Mosè, Fa nanokam-batañe am’ \nd Iehovà\nd* nahareo anindraoany, amy te fonga niatreatre anadahy naho rahalahy, hanoloram-pitahiañe ama’ areo anito.
\p
\v 30 Ie amy loak’ àndroy, hoe t’i Mosè am’ ondatio, Inao! Inahareo ’nio, fa nandilatse an-kakeo jabajaba! aa le hiañambone mb’ am’ \nd Iehovà\nd* mb’eo hey iraho; hera hahafijebañe i tahi’ areoy. 
\v 31 Aa le nibalike mb’am’ \nd Iehovà\nd* mb’eo t’i Mosè nanao ty hoe, Hoy Aba! ty habey hakeo’ ondatio te namboatse ndrahare volamena. 
\v 32 Aa ie henane zao naho mete, apoho ty tahi’ iareo, fa naho tsie, faopaoho amy boke sinoki’oy ty añarako. 
\v 33 Le hoe t’\nd Iehovà\nd* amy Mosè, Ze nandilatse amako, ie ty ho faoheko amy bokekoy. 
\v 34 Aa le akia hey, Iaolò mb’ amy toetse natoroko azoy mb’eo ondatio; hehe, hiaolo azo i irakoy vaho amy andro fitilihañey ty hampitilihako i tahi’ iareoy. 
\v 35 Aa le nahitri’ \nd Iehovà\nd* am’ondatio ty angorosy ty amy bania namboare’ iereoy, i tsinene’ i Aharoney.
\c 33
\s1 Linily Hienga i Sinay
\p
\v 1 Le hoe t’\nd Iehovà\nd* amy Mosè, Mionjona, angao ty atoy, ihe naho ondaty nampiavote’o an-tane Mitsraimeo, homb’ an-tane nifantàko amy Avrahame, am’ Ietsàke naho am’ Iakòbe ami’ty hoe: Hatoloko amo tarira’oo izay. 
\v 2 Le hahitriko hiaolo anahareo t’i Sorotàko, handroahako i nte-Kanàney, i nte-Amòrey naho i nte-Kìtey naho i nte-Perìzey, i nte-Kìvey vaho i nte-Iebòsey, 
\v 3 mb’an-tane kararahen-dronono naho tantele añe; fa tsy hionjom-beo añivo’o ao iraho kera habotseko an-dalambey, ie ondaty gan-katoke.
\p
\v 4 Ie nahajanjiñe i tsara maràñe zay ondatio le nangoihoy vaho tsy ama’e ty niravake, 
\v 5 amy natao’ \nd Iehovà\nd* amy Mosè ty hoe, Ano ty hoe o ana’ Israeleo: Ondaty gam-pititia nahareo; aa naho nihelatse añivo’ areo ao iraho tsy ho nagodrako aniany hao? Ko miravak’ arè, hisafiriako ty hanoako. 
\v 6 Aa le hinalo’ o ana’ Israeleo am’iereo ze ravake naho bange ambohi-Koreba.
\s1 Ty Kivoho Alafe’ i Tobey Ey
\p
\v 7 Ie amy zay, nendese’ i Mosè i kibohoy vaho naore’e alafe’ i tobey, lavitse i tobey eñe, le nitokave’e ty hoe kibohom-pamantañañe. Aa le songa niavotse mb’ amy kivohom-pamantañañe alafe’ i tobey eiy ze nipay \nd Iehovà\nd*.
\p
\v 8 Aa naho nienga mb’amy kibohotsey mb’ eo t’i Mosè, le hene niongake ondatio sambe nijohañe an-dala’ i kiboho’ey nandrèndreke i Mose ampara-piziliha’e an-kibohotse ao. 
\v 9 Aa naho nizilik’ an-kibohotse ao t’i Mosè, le nizotso mb’eo i rahoñe nijoalay nijohañe an-dala’ i kibohotsey, le nifanaontsy amy Mosè t’\nd Iehovà\nd*. 
\v 10 Ie hene nahaisake i rahoñe nijoalay nijohañe an-dala’ i kibohotsey ondatio le sindre niongake ondatio vaho songa niambane an-dalan-kiboho’e. 
\v 11 Vaho nifanaontsy am-piatrefan-daharañe t’\nd Iehovà\nd* naho i Mosè, manahake ty fifañòhahohàm-pirañetse. Aa ie nimpoly mb’an-tobe mb’eo, tsy nienga i kibohoy ty ajalahy atao Iehosoa ana’ i None mpitoro’e.
\s1 Ty Fañalañalaña’ i Mosè
\p
\v 12 Hoe t’i Mosè am’ \nd Iehovà\nd*: Ingo, i tsinara’o amako ty hoe: Ampionjono ondaty retoa; fa tsy nampandrendrehe’o ahy o hampindreze’o amakoo. Fa nanao ty hoe irehe, Fantako ami’ty tahina’o irehe vaho isoheñe am-piva­zohoako. 
\v 13 Aa naho nitendreke fañisohañe am-pihaino’o iraho le mihalaly ama’o, Atorò ahy o lala’oo, haharendrehako Azo, hahazoako falalàñe am-pihaino’o vaho ereñerèño te ondati’o ty fifeheañe toy.
\p
\v 14 Le hoe re: Hindre lia ama’o ty fiatrefako vaho hampitofàko. 
\v 15 Aa le hoe ty navale’e: Naho tsy hiaolo anay ty fiatrefa’o le ko ampi­onjone’o boak’ etoa. 
\v 16 Aa ino ty hahafohinako henaneo t’ie nitendreke fañisohañe am-pihaino’o, izaho naho ondati’oo, lehe tsy mindre ama’ay irehe? ie hampiavaheñe amy ze hene ondaty ambone’ ty tane atoy, izaho naho ondati’oo?
\p
\v 17 Hoe t’\nd Iehovà\nd* amy Mosè, Toe hanoeko ka o sinaontsi’o anianio; amy te ihe nahaisa-pañosihañe am-pañenteako, toe fantako ami’ty añara’o.
\p
\v 18 Le hoe re, Mihalaly ama’o, Ehe aboaho amako ty asi’o.
\p
\v 19 Le hoe re: Hene hampiarieko aña­trefa’o ty hasoako naho ho taroñeko aolo’o eo ty tahinañe ty hoe \nd Iehovà\nd*; le hisoheko ze hisoheko vaho ho tretrezeko ze ho tretrezeko. 
\v 20 Hoe ka re: Tsy mete hañisake ty tareheko irehe; amy te tsy ho veloñe t’in­daty mahaisak’ aze. 
\v 21 Aa hoe t’\nd Iehovà\nd*, Ingo ty toetse marine’ ahy etia, mijohaña amo vatoo; 
\v 22 vaho ie miary eo ty engeko le hifireko an-tsifitsifi’ o vatoo irehe naho ho lombofa’ ty tañako t’ie miary; 
\v 23 le hasintako amy zao ty tañako vaho ho isa’o ty vòhoko fe tsy isaheñe ty tareheko.
\c 34
\s1 Ravem-bato Vao
\r Its 10.1-5
\p
\v 1 Hoe t’\nd Iehovà\nd* amy Mosè, Amakio ravem-bato roe hambañe amy teo rey, le ho sokireko amy rave’e rey i tsara sinokitse amy rave’e valoha’e nifoie’o rey. 
\v 2 Aa le mihentseña ho ami’ty maraindray naho mañambonea mb’ambohi’ Sinay mb’etoa te maray vaho miatrefa amako andengo’ i vohi­tsey. 
\v 3 Le tsy hindreze’ on­daty t’ie miañambone, le ko anga’o ho isake ndra aia’ aia ambohitse ey t’indaty, le ko ampiandrazeñe aolo’ i vohi­tsey o mpirai-liao naho o añombeo.
\p
\v 4 Aa le nampitsilake ravem-bato roe hambañe amy teo rey vaho nitroatse maraindrai-tsikiake t’i Mosè niañambone’ i Vohi-Sinay mb’eo, amy nandilia’ \nd Iehovà\nd* azey le notroñe’e am-pità’e ao i ravem-bato roe rey.
\p
\v 5 Nizotso an-drahoñ’ ao t’\nd Iehovà\nd* vaho nitrao-pijohañe ama’e nikoike ty tahina’ \nd Iehovà\nd*. 
\v 6 Le niary aolo’e t’\nd Iehovà\nd* nikoike ty hoe: \nd Iehovà\nd*, \nd Iehovà\nd*, Andrianañahare, mpiferenaiñe naho matarike, malaon-kaboseke, miotrotro an-kasoa naho hatò, 
\v 7 mitan-kafatraram-pikokoañe ami’ty arivo’e, le mampipoke hila naho tahiñe vaho fiolàñe, f’ie tsy hadoko tsy ho liloveñe\f + \fr 34:7 \fr*\ft Vol 4:18, Iir 30:11\ft*\f*, fa hafetsako amo anakeo naho amo ana’ o anakeoo ty hakeon-droae pak’ ami’ty faha telo naho fahefatse.
\p
\v 8 Aa le nalisa nibokok’ an-tane t’i Mosè niambane. 
\v 9 Le hoe re: Naho nahatendreke hasoa am-pivazohoa’o, ry Talè, le mihalaly aman-Talèko t’ie hañavelo añivo’ay ao. Toe gam-pititia ondaty retiañe, fe apoho o hakeo’aio naho o tahi’aio vaho rambeso ho hanaña’o.
\p
\v 10 Le hoe re, Ingo, te manao fañina añ’atrefa’ ondati’o iabio iraho; Hanoako raha tsitantane mboe lia’e tsy nanoeñe an-tane atoy ndra am-pifeheañe aia; le songa hahaisake ty fitoloña’ \nd Iehovà\nd* ama’ areo ondaty mañohok’ azoo, fa ho raha mampañeveñe ty hanoeko añama’o.
\p
\v 11 Ambeno koahe o andiliako azo anitoo. Inao! ho roaheko añatrefa’o i nte-Emorey naho i nte-Kanàney naho i nte-Khetey naho i nte-Perizey naho i nte-Kivey vaho i nte-Iebosey. 
\v 12 Mitomira, tsy mone hanao fañina amo mpimone’ i tane añaveloa’oio kera ho fandrik’ añivo’o ao. 
\v 13 Fe rotsaho ty kitreli’ iareo, le pozaho o hazomanga’eo vaho firao o Aserà\f + \fr 34:13 \fr*\ft Aserà: a’hare ampela’ o nte-Pilistio\ft*\f*’ iareoo 
\v 14 le ko mitalaho aman-drahare ila’e, amy te Andrianañahare mpamarahy t’\nd Iehovà\nd*, toe Mpamarahy ty tahina’e. 
\v 15 Kera hifañina amo mpimone’ i taneio irehe, le hañara­pilo amo ndrahare’eo iereo naho hisoroñe amo ndrahare’ iareoo naho hañambara azo hikama’o i nisoroñañey, 
\v 16 naho hangala’o amo anak’ ampela’ iareoo ho amo anadahi’oo naho hañarapilo amo ndrahare’ iareoo o anak’ ampela’ iareoo, hampañarapilo o anadahi’oo amo ndrahare’ iareoo.
\p
\v 17 Ko ampitranaha’o saren-drahare,
\p
\v 18 Ambeno ty Sabadidake Mofo Po-dalivay: Fito andro ty hikama’o mofo tsy aman-dalivay; i nandili­ako azoy, amy namantañañe aze am-bolan-kofahofay; fa amy volan-kofay ty nia­kara’o i Mitsraime. 
\v 19 Hene ahiko ze manoka-koviñe naho ze valohan-dahin’ anan-kare’o, amo añombeo naho amo añondrio. 
\v 20 Ho so­loa’o fiay ami’ty vik’ añondry ty valohan’ anam-borìke. Aa naho tsy soloa’o fiaiñe le folaho ty hàto’e. Ho hene soloam-piay o ana’oo. Vaho tsy hatrefeñe an-tañam-polo iraho.
\p
\v 21 Eneñ’ andro ty hitoloña’o naho hitofa ami’ty andro faha-fito, ndra t’ie sam-pitrobahan-tane ndra te san-kavokarañe le hitofa irehe.
\p
\v 22 Le hambena’o ty Sabadi­dan-kereñandro ie manese lengom-boam-bare-bolè, vaho ty sabadida-panontonan-tsabo ami’ty fivariña’ i taoñey.
\p
\v 23 In-telo ami’ty taoñe ty hiatrefa’ o lahilahi’oo am’ \nd Iehovà\nd* Talè, Andrianañahare’ Israele. 
\v 24 Le ho roaheko añ’ atrefa’o o kilakila ondatio; naho hitàreko ty faritso’o; vaho tsy eo ty hikirañe ty tane’o te ionjona’o hiatreke \nd Iehovà\nd* Andria­nañahare’o in-telo ami’ty taoñe.
\p
\v 25 Ko alaro lalivay ty liom-pisoroñañe amako, le ko sisañe ami’ ty maraiñe i soron-tSabadidam-Pihelañey.
\p
\v 26 Ho banabanae’o mb’añ’anjomba’ \nd Iehovà\nd* Andrianañahare’o ao ze lengom-boa’ ty tane’o.
\p Ko ahandroeñe an-drononon-drene’e ty anak’ose.
\p
\v 27 Hoe t’\nd Iehovà\nd* amy Mosè: Sokiro i tsara zay, fa ami’ty fanoñonañe i tsaray ty nifañinàko ama’o naho am’ Israele.
\p
\v 28 Efapolo andro naho efapolo haleñe ty nitraofa’e am’ \nd Iehovà\nd*; tsy nikama mofo tsy nikama rano; vaho sinoki’e amy ravem-bato rey o tsara’ i fañinaio: i Tsara Folo rey.
\s1 Ty Fireandrea’ ty Lahara’ i Mosè
\p
\v 29 Aa naho nizotso boak’ambohi-Sinay t’i Mosè, (ie tam-pità’ i Mosè i fañina an-dravem-bato roe rey t’ie nizotso amy vohitsey), le tsy nifohi’e te nireandreañe ty holin-dahara’e amy nifanaontsia’ey. 
\v 30 Aa naho nahaoniñe i Mosè t’i Aharone naho o hene ana’ Israeleo, hehe te nireandreañe ty holin-dahara’e le nihembañe iereo tsy nahasibeke hañarivo aze. 
\v 31 Kinoi’ i Mosè amy zao iereo, le nibalike mb’ama’e mb’eo t’i Aharone naho o mpiaolo’ i valobohòkeio vaho nifanaontsy am’iereo t’i Mosè. 
\v 32 Niharine mb’eo amy zao o ana’ Israele iabio vaho hene nandilia’e i nitsa­rae’ \nd Iehovà\nd* ama’e ambohi-Sinaiy.
\p
\v 33 Ampara’ te heneke ty nilañonaña’ i Mosè le kinolopo’e ty lahara’e. 
\v 34 Fa naho nizilik’ añatrefa’ \nd Iehovà\nd* ao t’i Mosè hifanaontsy, le nafaha’e i lamba marerareray ampara’ te niakatse; ie niakatse le nilañoñe amo ana’ Israeleo o raha nafantok’ ama’eo. 
\v 35 Aa naho niisa’ o ana’ Israeleo ty lahara’ i Mosè, te ni­tso­pelatse i holin-dahara’ey le kinolopo’ i Mosè indraike ty lahara’e ampara’ t’ie nizilik’ ao hifanaontsy ama’e.
\c 35
\s1 Fañè’ o \nd Sabata\nd*o
\p
\v 1 Natonto’ i Mosè i valobohò’ Israele iabiy vaho nanoa’e ty hoe, Hoe ty tsara linili’ \nd Iehovà\nd* hanoe’ areo. 
\v 2 Eneñ’ andro ty fitoloñan-draha, fe andro havahe’ areo ty andro fahafito, i \nd Sabata\nd*m-pitofà am’ \nd Iehovà\nd*y. Hakoromake ze ondaty mifanehak’ ama’e. 
\v 3 Ko mamiañe afo ndra aia’aia amo kivoho’ areoo ami’ty andro Sabotse.
\s1 Mihentseñe Hamboatse i Kivohoy
\p
\v 4 Le nisaontsie’ i Mosè i hene valobohò’ Israeley: Inao ty nandilia’ \nd Iehovà\nd*: 
\v 5 Aneseo boak’ ama’ areo ao, le ibanabanao am’ \nd Iehovà\nd*; ze mirearea an-troke ro hañenga am’ \nd Iehovà\nd*: ty volamena naho volafoty vaho torisìke; 
\v 6 naho manga naho malòmavo naho mena mañabarà naho leny marerarera vaho volon’ ose; 
\v 7 le holi’ añondrilahy linoko mena naho holin-trozofisoitse naho mendorave; 
\v 8 naho solike ho ami’ty hazavañe naho hafiriañe ho ami’ty menake fañorizañe naho ho ami’ ty emboke mandrifondrifoñe; 
\v 9 naho vato sohàme naho vatosoa ho reketeñe amy kitam­bey naho amy takon’ arañañey.
\p
\v 10 Le homb’etoañ’ iaby ze mahihi-tro hi­tsene o raha linili’ \nd Iehovà\nd* iabio: 
\v 11 i kivohoy, i kibohotsey naho i rako’ey, o vitra’eo naho o varambañeo, o saka’eo, o ana-kòre’eo naho o vave’eo; 
\v 12 i vatam-pañinay naho o bao-pitakona’eo, i toem-pijebañañey naho i lamba fañefetsey; 
\v 13 i rairaiy naho o bao’eo naho o harao’eo naho o mofo-miatrekeo; 
\v 14 le i fitàn-jiroy ho amy hazavàñey naho o harao’eo naho o jiro’eo naho ty mena’ i hazavàñey; 
\v 15 naho i kitrelim-pañembohañey naho o bao’eo naho i mena-pañorizañey naho i menake mañitsey naho i lamba fañefe’ i lala-pizilihañe amy kivohoiy; 
\v 16 ty kitrely fisoroñañe rekets’ i tsingarakara’e torisìkey, o bao’eo naho o hene fanakeo, i fanasàñey rekets’ i foto’ey; 
\v 17 o firadoradoañe an-kiririsao, o anakòre’eo naho o vave’eo naho ty lamba fañefe’ i lalambein-kiririsay; 
\v 18 o tsato’ i kivohoio naho o tsato’ i kiririsaio vaho o tali’ iareoo; 
\v 19 o fisiky hitoloñañe amy toe-miavakeio: o saro-miava’ i Aharone mpisoroñeo; ty fisaro’ o ana’eo hitoloña’ iareo ho mpisoroñeo.
\s1 Banabana amy Kivohoy
\p
\v 20 Aa le nienga boak’ aolo’ i Mosè o ana’ Israele iabio. 
\v 21 Le nimb’eo ze hene niroroten-troke naho ze nampirea­rean-arofo, nanese banabana am’ \nd Iehovà\nd* ho ami’ty fitoloñañe i kibo­hom-pamantañañey naho ho amy ze hene fitoroñañe ama’e vaho amo saro-miavakeo. 
\v 22 Songa nimb’eo an-joton-troke ty lahilahy naho ampela, ninday ravake naho kiviron-oroñe naho kiviron-tsofy, bange fitomboke naho hareañe, ze bijim-bolamena iaby; vaho ze nanokañe engam-bolamena am’ \nd Iehovà\nd*. 
\v 23 Ze ondaty amam-pole manga ndra malòmavo ndra mena mañabarà ndra fole leny matify ndra volon’ ose ndra holin’ añondrilahy linoko mena ndra holin-trozofisoitse, le sambe ninday. 
\v 24 Ze ondaty nañenga volafoty ndra torisìke songa nibanabana aze am’ \nd Iehovà\nd*; naho ze nahatendrehañe mendoraveñe ho amy fitoloñañe i asaiy, sindre ninday.
\p
\v 25 Nandrorotse fole am-pità’e ze rakemba nahihi-tro, le nendese’e i nirorote’ey, ty manga naho ty malòmavo naho ty mena mañabarà vaho ty leny matify. 
\v 26 Le nandrorotse volon-ose ze rakemba nonjone’ ty tro’e an-kihitse.
\p
\v 27 O mpifeheo ninday vato sohàme naho vato soa harekets’ amy kitam­bey naho amy kalan’ arañañey; 
\v 28 ty emboke; naho ty menake ho amy hazavàñey, ho amy mena-pañorizañey vaho ho amy emboke mañitsey. 
\v 29 Nibanabana enga an-tsatrin’ arofo am’ \nd Iehovà\nd* ze hene ana’ Israele ndra lahi­lahy ndra rakemba nihavàtse añ’ arofo, hanolora’e amo tolon-draha linili’ \nd Iehovà\nd* hanoeñe am-pità’ i Mosèo.
\s1 Kinanji’e o Mavitrikeo
\p
\v 30 Le hoe t’i Mosè amo ana’ Israeleo: Ingo te kinanji’ \nd Iehovà\nd* ami’ty tahina’e t’i Betsalale, ana’i Orý, ana’ i Kore, fifokoa’ Iehodà; 
\v 31 naho nilifore’e ami’ty Arofon’ Añahare an-kihitse naho faharendrehañe, an-kilala naho amy ze satam-pitoloñañe iaby, 
\v 32 hisafiry naho hamoroñe, hitoloñe am-bolamena naho volafoty vaho torisìke 
\v 33 naho hampisilake vatosoa ho reketeñe naho hanokitse an-katae vaho hitoloñe amy ze hene karaza satam-pitàñe. 
\v 34 Le napo’e añ’arofo’e ao ty hañòke, ie naho i Oholiabe ana’ i Ahisamake, fifokoa’ i Dane. 
\v 35 Ie songa lilifore’e hihitse añ’arofo hanoa’e ze satam-panokitse naho mpamoroñe, le hamahotse am-pole manga naho malò mavo naho mena mañabarà naho leny matify hitoloñe am-panenoñañe; hitoloñe amy ze hene tolon-draha vaho hamoroñe o nisafirieñeo.
\c 36
\p
\v 1 Aa le nitoloñe amo he’e linili’ \nd Iehovà\nd*o t’i Betsalale naho i Oholiabe naho ze ondaty nahihi-troke tinolo’ \nd Iehovà\nd* hilala naho faharendrehañe hahafitoloña’e ze fonga karaza fitse­neañe am-pitoroñañe amy toe-miavakeiy.
\p
\v 2 Aa le kinai’ i Mosè t’i Betsalale naho i Oholiabe naho ze ondaty mahihits’ arofo nitolora’ \nd Iehovà\nd* hilala naho ze nentoe’e añ’arofo’e ty homb’eo hifanehake, 
\v 3 vaho rinambe’ iareo añatrefa’ i Mosè ze fonga raha binanabana’ o ana’ Israeleo hitoloña’ iareo ami’ty fandranjiañe i toe-miavakey.
\p Mbe nitolom-panese banabana ama’e boa-maraiñe ondatio. 
\v 4 Aa akore ty hamaro’e kanao nijohañe hey o mahihitse nifanehak’ amo tolon-draha’ i toe-miavake nitoloñe’e iabiio, 
\v 5 le ninday o saontsy zao amy Mosè, Fa ninday loho mandikoatse ze hahatsake i fitoloñañe o tolon-draha’ linili’ \nd Iehovà\nd* anay hanoeñeoy ondatio. 
\v 6 Aa le nandily t’i Mosè naho nikoiheñe amy tobey ty hoe, Ehe te tsy hitsene raha hengaeñe amy toe-miavakey ka t’in­daty ndra rakemba. Aa le nisebañeñe ondatio tsy hanese ka; 
\v 7 fa nahaheneke vaho nandikoatse ty hahafonirañe ze hene fitoloñañe o raha tam’ iereoo.
\s1 Fañamboarañe i Kivohoy
\r Avo 26.1-37
\p
\v 8 Ie amy zao, tsinene’ o mahihitse amo mpifanehak’ amy kivohoioo i lamba folo fañefetse am-pole leny rinorotse ma­tify rey ami’ty manga naho malòmavo naho mena mañabarà, vinahotse an-tsare kerobe; 
\v 9 songa kiho roapolo-valo’ amby ty andava’ i lamba rey, sindre kiho efatse ty ampohe’e, mira habey i lamba rey. 
\v 10 Nifampivitrañe’e ho raike ty lamba lime le nifampivitrañe’e i lime ila’e rey. 
\v 11 Nitsene’e ravake manga añ’ indra’ ty lamba fañefetse añ’ila’ i tolà’e valoha’ey; mindray amy zay ty nitsene’e añ’indra’ i lamba añ’ila’ i tolà’e faharoey; 
\v 12 ravake limampolo ty nanoe’e amy lamba fañefetse raikey, le ravake limampolo ty nanoe’e añ’ indra’ i lamba fañefetse añ’ila’ i tolà’e faharoey; nifañatreke i ravake rey. 
\v 13 Tsinene’e ty fikavitse volamena limampolo, le nampirekete’e amy fikavitse rey i lamba fañefetse rey, hampikatohañe i kivohoy ho raike.
\p
\v 14 Nitsenè’e lamba-lava ambolon’ ose ho fandombohañe i kivohoy; folo-raik’amby ty lamba-lava nanoe’e. 
\v 15 Kiho telo-polo ty andava’ i lambalava rey, kiho efatse ty ampohe’e; le mira i lambalava folo-raik’ amby rey. 
\v 16 Navitra’e ho raike ty lambalava lime naho ho raike ty lambalava eneñe. 
\v 17 Nitsene’e ravake limampolo ho añ’indra’ ty lamba-lava añ’ ila’ i valoha’ey; le ravake limam-polo añ’indra’ i lambalava añ’ila’ i tolà’e faharoey. 
\v 18 Nitsenè’e fikavitse torisìke limampolo hifampi­reketañe i kibohotsey ho raike.
\p
\v 19 Le nitsenea’e rakoke an-kolin’ añondrilahy linoko mena i kibohotsey vaho holin-trozofisoitse ty ambone’e.
\p
\v 20 Nandranjia’e rafi-tolàñe i kivohoy, varambañe mendoraveñe mitroatse. 
\v 21 Folo kiho ty andava’ o varambañeo naho kiho raike naho tampa’e ty ampohe’e. 
\v 22 Songa aman-dahi’e roe o varambañeo hifamitrañe. Hene nanoe’e hoe izay ty rafi’ i kivohoy. 
\v 23 Le nitsenea’e rafi-tolàñ’ i kivohoy: roapolo ty varambañe atimo, miatrek’ atimo, 
\v 24 le nitsene’e vave’e volafoty efapolo ho ambane’ i varambañe roapolo rey; vave’e roe ambane’ ty varambañe raike ho ami’ty lahi’e roe vaho vave’e roe ambane’ ty varambañe raike ka ho a ty lahi’e roe. 
\v 25 Nandranjia’e rafi-tolàñe roapolo añ’ila’ i kivohoy avaratse. 
\v 26 naho ty vave’e volafoty efa-polo: vave’e roe ambane’ ty varambañe le vave’e roe ami’ty varambañe ila’e. 
\v 27 Niranjie’e varambañe eneñe ho añ’ila’ i kivohoy ahandrefañe. 
\v 28 Nandranjia’e varambañe roe an-kotsoke roe amboho’ i kivohoy, 
\v 29 le nifampireketse pak’ ambone iereo vaho nampivitrañe’ ty ravake raike; izay ty nanoe’e ty roe amy hotso’e roe rey. 
\v 30 Nivalo ty varambañe, naho folo-eneñ’amby ty vave’e volafoty— sindre amam-bave’e roe ambane’e ty varambañe.
\p
\v 31 Niranjie’e saka ami’ty mendoraveñe: lime ho amo varambañe añ’ila’ i kivohoy etoa, 
\v 32 naho saka lime ho amo varambañe añ’ ila’ i kivohoy eroa vaho saka lime ho amo varambañe amboho ahandrefa’ i kivohoio. 
\v 33 Nanoe’e saka raike hi­tsorofotse añivo’ o varambañeo boak’ añ’ ila’e pak’ añ’ ila’e. 
\v 34 Le ni­pa­kora’e volamena o varambañeo, naho nitsene’e ravake volamena hitañe o sakao vaho nipakora’e volamena o saka’eo.
\p
\v 35 Le manga naho malò­mavo naho mena mañabarà vaho leny rinorotse matify ty nanoe’e i lam­ba-lavay; naho nanoa’e sare kerobe an-tsatam-pamahotse; 
\v 36 le nan­dranjie’e anakòreñe efatse ami’ty ­mendoraveñe naho nipakora’e volamena; le vola­mena o porengo’eo; vaho nam­pi­tra­naha’e foto­tse volafoty efatse. 
\v 37 Mbore fole manga naho malòmavo naho mena mañabarà naho leny rinorotse matify, an-tsatam-panenoñe mahay, maro-volo ty nanoe’e ty lamba fañefe’ i lalam-bein-kibohotsey, 
\v 38 miharo ami’ty anakòre’e lime rekets’ o po­ren­go’eo. Nipakora’e volamena o to­ko­na’e ambone naho o ana-tolà’eo le nanoeñe torisìke i vave’e lime rey.
\c 37
\s1 I Vatam-Pañinay
\r Avo 25.10-22
\p
\v 1 Rinanji’ i Betsalale ami’ty mendoraveñe i vatam-pañinay: kiho roe naho tampa’e ty andava’e le kiho raike naho tampa’e ty ampohe’e vaho kiho raike naho tampa’e ty haabo’e. 
\v 2 Pinako’e volamena ki’e, añate’e naho alafe’e vaho nitsenea’e soñy volamena nañarikatok’ aze. 
\v 3 Nampi­tra­naha’e ravake volamena efatse, harekets’ an-kotso’e efatse: ravake roe etoa vaho ravake roe eroa. 
\v 4 Nandranjia’e bao-pitakonañe ami’ty mendoraveñe vaho pinako’e volamena, 
\v 5 le natsorofo’e amo ravake añ’ ila’ i vatam-pañinaio i baoñe rey hitakonañe i vatam-pañinay. 
\v 6 Tsinene’e volamena ki’e i toem-pijebañañey; kiho roe naho tampa’e ty andava’e naho kiho raike naho tampa’e ty ampohe’e. 
\v 7 Niranjie’e kerobe volamena roe; pinepè’e ami’ty vonga’e raike, ho añ’ ila roe’ i toem-pijebañañeio: 
\v 8 ty kerobe etoa, le ty ke­ro­be eroa; rinanji’e ho raik’ amy toem-pijebañañey i kerobe rey songa añ’ila’e. 
\v 9 Navela’ i kerobe rey mañambone o ela’eo; nañaloke i toem-pijebañañey o ela’eo; nifañatre-daharañe iereo, nitolike mb’ amy toem-pijebañañey ty tarehe’ i kerobe rey.
\s1 Ty Rairai’ i Mofo-Piatrefañey
\r Avo 25.23-30
\p
\v 10 Rinanji’e ami’ty mendoraveñe i rairaiy: kiho roe ty andava’e, kiho raike ty ampohe’e naho kiho raike naho tampa’e ty haabo’e. 
\v 11 Nipakora’e volamena ki’e vaho nandrafeta’e fiètse vola-mena hañarikoboñe aze. 
\v 12 Mbore nitsenea’e rira ampohe-pitàñe hañarikatok’ aze vaho nanoa’e indram-bolamena añ’olo’e hañariary aze. 
\v 13 Le nampitranaha’e ravake volamena efatse vaho nampirekete’e ankotso’e efatse tandrife i tombo’e efatse rey. 
\v 14 Nanoeñe marine i rira’ey i ravake rey hitàñe i bao-pitakonan-drairay rey. 
\v 15 Rinanji’e ami’ty mendoraveñe i bao-pitakonan-drairay rey le pinako’e volamena. 
\v 16 Volamena ki’e ty nitsenea’e o fanak’ ambone’ i rairaiio: o fingao, o fitovio, o soakazoo vaho o tako’eo hanakonañe irezay.
\s1 I Fitàn-Jiroy
\r Avo. 25.31-40
\p
\v 17 Le tsinene’e i fitàn-jiro volamena ki’ey; am-pipepe­hañe ty nanoa’e i fitàn-jiroy. Songa nanoen-ko raik’ ama’e ty taho’e, o tsampa’eo, o vatavo’eo, o rava-drave’eo naho o voñe’eo. 
\v 18 Eneñe ty tsampa’e niakatse amo ila’eo: tsampa’e telo ty niakatse am-pitàn-jiro etia naho tsampa’e telo ty niakatse am-pitàn-jiro atia. 
\v 19 Le an-tsampa’e etia ty vatavo telo sarem-boti-mahabibo, ty rava-draveñe naho ty ravem-boñe vaho an-tsampa’e tandrife atia ty vatavo telo sarem-boti-mahabibo sindre aman-drava-draveñe naho ravem-boñe’e; irezay ty ho a’ i tsampa’e eneñe miakatse ty taho’ i fitàn-jiroy rey. 
\v 20 Le nanoeñe vatavo efatse misare boti-mahabibo, sindre reketse rava-draveñe naho ravam-boti’e, an-taho’ i fitàn-jiroy; 
\v 21 le ty rava-draveñe miray ami’ty fireketa’ ty tsempa’e roe amy tahoy, ie ho amy tsampa’e eneñe miakatse ama’e rey. 
\v 22 Raik’ amy taho’ey o rava-drave’eo naho o tsampa’eo, hene pinepèke am-bongam-bola­mena ki’e raike. 
\v 23 Le tsinene’e volamena ki’e ty jiro’e fito naho o fiharatan-tsokotsoko’eo vaho o sadròm-baen’ afo’eo. 
\v 24 Nanoe’e am-bongam-bolamena ki’e ­talenta raike, ie naho o fana’e iabio.
\s1 I Kitrelim-pañembohañey
\r Avo 30.1-5
\p
\v 25 Rinanji’e ami’ty mendoraveñe ty kitrelim-pañembohañe: kiho raike ty andava’e, kiho raike ty ampohe’e, efa-mira, vaho kiho roe ty haabo’e. Raik’ ama’e o tsifa’eo. 
\v 26 Nipakora’e volamena ki’e, ty tako’e naho o ila’e niarifehe azeo vaho o tsifa’e miariary azeo. Le nitsenea’e soñy volamena nañarikatok’ aze. 
\v 27 Nitsene’e ravake volamena roe ho ambane’ i soñi’ey, an-kotso’e roe atoy naho ami’ty roe aroy, hitañe o bao-pitakonañ’azeo. 
\v 28 Rinanji’e ami’ty mendoraveñe o bao’eo le nipakora’e volamena.
\s1 Ty Mena-pañorizañe naho ty Emboke
\p
\v 29 Nanoe’e i mena-pañorizañe miavakey naho i emboke ki’e marifondrifoñe an-kafiriañe an-tsatam-panao embokey.
\c 38
\s1 I Kitrelim-Pisoroñañey
\p
\v 1 Rinanji’e ami’ty mendoraveñe i kitrelim-pisoroñañey: kiho lime ty andava’e; naho kiho lime ty ampohe’e, efa-mira; vaho telo kiho ty haabo’e. 
\v 2 Tsinene’e ankotso’e efatse o tsifa’eo; raik’ ama’e i tsifa’e rey, le nipakora’e torisìke. 
\v 3 Tsinene’e iaby ty fana’ i kitreliy: o valàñe’eo naho o sadrò’eo naho o koveta’eo naho o firango’eo vaho o endra­endra’eo; hene nanoeñe torisike o fana’eo. 
\v 4 Le nanoa’e tsikarakarake torisìke i kitreliy, mifototse ambane’ i soñi’ey miefetse ami’ty fivaki-mirà’ ty haabo’e. 
\v 5 Nampitranaha’e ravake efatse ho an-kotso’e efa’ i tsikarakarake torisìkey hitañe o bao’eo. 
\v 6 Le rinanji’e ami’ty mendoraveñe o bao’eo vaho nipakora’e torisìke. 
\v 7 Le nazili’e amo ravake añ’ ila’ i kitreliio o bao-pitakonaño. Nanoe’e koake am-barambañe.
\p
\v 8 Tsinene’e an-torisìke i fanasàñey naho torisìke i foto’ey, boak’ amo hetsoro natolo’ o rakemba mpitoroñe an-dalan-kibohom-pamantañañeo.
\p
\v 9 Le nihajarie’e ty kiririsa; naradorado’e añ’ ila’e atimo ty lamba leny rinorotse marerarera; zato kiho. 
\v 10 Roapolo ty anakòre’e naho roapolo ty foto’e torisìke. Volafoty ty porengo’ o ana-koreñeo naho o bandi’eo. 
\v 11 Zato kiho ka ty avaratse; ty anakòre’e roapolo naho ty tombo’e torisìke roapolo vaho volafoty ty porengo’ o anakòreñeo naho o bandi’eo. 
\v 12 Limampolo kiho ty firadoradoañe ahandrefañey; folo ty anakòre’e naho folo ty tombo’e. Volafoty ty porengo’ i anakòre’e rey naho o bandi’eo. 
\v 13 Le atiñana miatrek’ atiñanañe: limampolo kiho. 
\v 14 Folo lime-amby kiho ty andava’ ty firadoradoañe etoa, telo ty anakòre’e naho telo ty foto’e. 
\v 15 Añ’ila’ i lalan-kiririsay eroa ty firadoradoañe folo lime amby kiho, etoa naho eroa naho ty anakore’e telo naho tombo’e telo. 
\v 16 Sindre aman-deny rinorotse matify o firadoradoan-dambalava nañarikatoke i kiririsaio. 
\v 17 An-torisìke ty vave’ o anakòre’eo; volafoty ty porengo’ o anakòreñeo naho o bande’eo, pinakotse volafoty ka o honko’eo; songa amam-bandy volafoty o anakòre’ i kiririsaio. 
\v 18 Satam-pamahotse i lambalamba fañefetse an-dalambein-kiririsay: am-pole manga naho malòmavo naho mena mañabarà vaho leny rinorotse marerarera; roapolo kiho ty andava’e naho lime kiho ty haabo’e manahake ty am-pohe’ o firadoradoañe an-kiririsao. 
\v 19 Efatse ty anakòre’e reketse ty vave’e torisìke efatse; volafoty o porengo’eo, naho nipakorañe volafoty o honko’eo naho o bandi’eo. 
\v 20 Songa torisìke ty tsato’ i kivohoy naho i kiririsa mañarikatok’ azey.
\s1 Ty Haraotse Nanoañe amy Kivohoy
\p
\v 21 Intoy ty famolilañe’ i kivohoy, i kivohom-pañinay, amy namantoha’ i Mosèy, nisokire o nte-Levio, ambanem-pità’ Itamare ana’ i Aharone mpisoroñe.
\p
\v 22 Namboare’ i Betsalale ana’ i Ory, ana’ i Kore, fifokoa’ Iehodà, ze hene nandilia’ \nd Iehovà\nd* amy Mosè hamboareñe. 
\v 23 Nañolotse aze t’i Oholiabe ana’ i Ahisamake, fifokoa’ i Dane, mpandranjy naho mpanao sare naho mpanenoñe mahay volo: ami’ty manga naho ty malòmavo naho ty fole mena mañabarà vaho ty leny matify.
\p
\v 24 Nahatakatse talenta roapolo-sive’ amby naho sekele fitonjato-tsi-telopolo, toe sekele’ i toe-miavakey, ty volamena nitseneñe ze hene raha amy toe-miavakey, amy volamena binanabanay.
\p
\v 25 Le talenta\f + \fr 38:25 \fr*\ft 3000 sekele = Talènta 1: aa le 877kg i eoy.\ft*\f* zato naho sekele arivo-tsi-fitonjato-tsi-fitompolo lime amby, toe sekele’ i toe-miavakey, ty volafoty amo niaheñe amy fivoribeiio; 
\v 26 bèka raike ty vili-loha’ (toe vakin-tsekele’ i toe-miavakey raike), ze hene on­daty nitsake mb’amo niaheñeo amo niroapolo taoñe mañamboneo, aa le enen-ketse-tsi-telo-arivo-tsi-limanjato-tsi-limam­polo. 
\v 27 Volafoty zato talenta ty natranake ho a o vave’ i toe-miavakeio naho o vave’ i lamba fañefetse reio: talenta zato ty vave’e zato, talenta raike ty vave’e raike. 
\v 28 Le amy sekele arivo-tsi-fiton-jato-tsi-fitompolo lime amby rey ty nitsenea’e ty porengo’ o anakòreñeo naho nipakora’e o honko’eo vaho nanoe’e o bandi’eo. 
\v 29 Fitompolo talenta naho ro-arivo-tsi-efajato sekele\f + \fr 38:29 \fr*\ft 2124 kg izay.\ft*\f* ty torisìke nengaeñe; 
\v 30 ama’e ty nitsenea’e o vave’ i lalan-kibohom-pamantañañeio, i kitrely torisìkey, i tsikarakara’e torisìkey naho o fana’ i kitreliy iabio, 
\v 31 naho ty vave’ i kiririsa miarikatokey, o foto’ i lalambein-kiririsaio, ze hene tsato’ i kivohoy vaho ze fonga tsatoke amy kiririsa miarifehe azey.
\c 39
\s1 O Sarom-Pisoroñeo
\r Avo 28.1-43
\p
\v 1 Nanao sarom-pitoroñañe am-pole manga naho malòmavo naho mena mañabarà ho ami’ty fitoloñañe amy toe-miavakey, izay ty nanjairañe o saroñe miava’ i Aharoneo ami’ty nandilia’ \nd Iehovà\nd* i Mosè.
\p
\v 2 Tineno’e am-pole volamena naho manga naho malòmavo naho mena mañabasà vaho leny rinorotse matify i kitambey. 
\v 3 Pinepè’ iereo i volamenay ho endraendra matify le linily ho fole hitraoke amy fole mangay naho i malòmavoy naho i mena mañabaràñey vaho i leny matifiy; an-tsatam-pamahotse. 
\v 4 Tsinene’ iareo i an-tsoro’e rey hifampireketse: ami’ty indra’e roe t’ie nampireketañe. 
\v 5 Le nindray fitenoñe amy kitambey i sadia ama’ey, am-bolamena naho fole manga naho malòmavo naho mena mañabarà vaho leny rinorotse matify, ami’ty nandilia’ \nd Iehovà\nd* i Mosè.
\p
\v 6 Tsinene’ iareo o vato sohàmeo, nireketañe am-bolamena vinanditse vaho nisokirañe i tahinan’ ana’ Israele rey manahake ty fisokiram-boli-pitomboke. 
\v 7 Napeta’e an-tsoro’ i kitambey irezay ho vato faniahiañe o ana’ Israeleo, amy nandilia’ \nd Iehovà\nd* amy Mosèy.
\p
\v 8 Le tsinene’e an-tsatam-pamahotse i takon’ arañañey hambañe ami’ty sata’ i kitambey ami’ty fole volamena naho manga naho malòmavo naho mena mañabarà vaho leny rinorotse matify. 
\v 9 Efa-mira izay, le nanoe’ iereo roe mikopoke i takon’ arañañey, zehe raike ty andava’e naho zehe raike ty ampohe’e t’ie akopake. 
\v 10 Napeta’ iereo ama’e am-piriritañe efatse o vatoo: ty firirita’e valoha’e, le ty òdeme, ty pitdà vaho ty barèkete. 
\v 11 Ty firirita’e faharoe: ty nofèke, ty safira vaho ty iahalòme. 
\v 12 Ty firirita’e fahatelo: ty lèseme, ty sebò vaho ty aklàma; 
\v 13 le ty firirita’e fah’efatse: ty tarsise, ty sohàme vaho ty iasefày; sindre nivontitire’ ty volim-boñe volamena tsingarakarake. 
\v 14 Nilahatse ami’ty tahina’ o ana’ Israeleo i vato rey, folo-ro’amby ty amo tahina’eo; nisokireñe an-tsatan-tsokim-pitom­boke, songa ninday ty tahinañe raik’ amy fifokoa folo-ro’ambi’ Israele rey.
\p
\v 15 Nitsenea’ iereo silisily volamena ki’e vinandivanditse ty añ’ ila’ i takon’ arañañey. 
\v 16 Le tsinene’ iareo ty volim-boñe volamena roe naho bange volamena roe vaho napite’ iareo ami’ty ila’ i takon’ arañañe roey i bange roe rey. 
\v 17 Le nazili’ iareo amy bange añ’ ila’ i takon’ arañañeiy i silisily volamena vinanditse roe rey. 
\v 18 Nampirekete’ iareo amy volim-boñe roe rey ty ila’ i silisily vinanditse roe rey vaho napeta’ iareo an-tsoro’ i kitambey, aolo’e eo. 
\v 19 Le nitsene’ iereo bange volamena roe vaho napetak’ ami’ty ila’e roe’ i takon’ arañañey, andrira’e ambane’ i kitambey. 
\v 20 Le nitsene’ iareo bange volamena roe napetak’ ambane’ i talin-tsoro’ey aolo i ki­tambey, an-difi’e ambone’ ty fireketañe i fièn-kitambe vinahotsey. 
\v 21 Aa le finehe’ iereo i takon’ arañañey amy bange’ rey amy bange’ i kitambey rey ami’ty fole manga, soa t’ie ho ambone’ i fièn-kitambey vaho tsy hibalak’ amy kitambey i takon’ arañañey; amy nandilia’ \nd Iehovà\nd* i Mosèy.
\p
\v 22 Le tsinene’e an-tsatan-tenoñe ty saro’ i kitambey, fonga manga, 
\v 23 le añi­vo’e ty fisokafañe i saroñey, manahake ty loak’ an-tsarom-pikalañe, nifahareñe am-pitrebeke ty lifi’e añ’ariary aze tsy ho riatse. 
\v 24 Le vinaho’ iereo an-difi’ i saroñey ty sarem-boan-dagoa ami’ty manga naho malòmavo naho mena mañabarà vaho leny rinorotse. 
\v 25 Le nitsene’ iereo fikorin­tsañe volamena ki’e nasabadiga amo dagoao an-difi’ i sarom-pitoro­ñañey miariary aze, añivo’ o voan-dagoao. 
\v 26 Fikorintsañe naho voan-dagoa, fikorintsañe naho voan-dagoa añariary ty lifi’ i saroñey, ho amy fitoroñañey, amy nandilia’ \nd Iehovà\nd* i Mosèy.
\p
\v 27 Le trinebe’ iareo o saron-deny tinenoñe matify ho a i Aharone naho o ana’eoo 
\v 28 naho i sabaka leny marerareray naho i fikolopoke leny matifiy vaho o kiloty leny rinorotse matifio, 
\v 29 le i fiè­tsey leny rinorotse matify am-pole manga naho malòmavo vaho mena mañabarà nivahorem-pitrebeke; ami’ty nandilia’ \nd Iehovà\nd* i Mosè.
\p
\v 30 Le nitsenè’ iereo i vilon-daharañe volamena ki’e miavakey vaho nisokirañe an-tsatan-tsokim-pitomboke ty hoe: ­Miavak’ am’ \nd Iehovà\nd*. 
\v 31 Le name­taha’ iareo talimanga handreketse aze amy sabakay, ambone’e; amy nandilia’ \nd Iehovà\nd* i Mosèy.
\s1 Fonitse
\p
\v 32 Aa le hene nifonitse i fitoloñañe amy kivohoiy, amy kibohom-pamantañañey; ie nanoe’ o ana’ Israeleo hambañe amy nandilia’ \nd Iehovà\nd* i Mosèy, izay ty nanoe’ iareo. 
\v 33 Le nendese’ iareo mb’amy Mosè mb’eo i kivohoy, i kibohotsey rekets’ o harao’e iabio: o fikavitseo, o varambañeo, o saka’eo, o anakòre’eo naho o vave’eo; 
\v 34 i rakoke holits’ añondrilahy linoko menay naho i fikopo’e holin-trozofisoitsey naho i lamba marerarera fañefetsey; 
\v 35 i vatam-pañinay rekets’ o bao’eo naho i toem-pijebañañey; 
\v 36 i rairaiy naho o fana’e iabio naho i mofo-piatrefañe rey; 
\v 37 i fitàn-jiro ki’ey rekets’ o jiro’eo, i jiro’e ho hajarieñe rey, o harao’e iabio naho ty mena’ o jiroo; 
\v 38 i kitrely volamenay, i mena-pañorizañey, i emboke mañitsey, i lamba fañefe’ ty lalambein-kibohotsey; 
\v 39 i kitrely torisìkey, i tsingarakara’e torisìkey, i bao’e rey, o harao’e iabio, i fana­sàñey naho i tombo’ey; 
\v 40 o lamba firadorado an-kiririsa eio, o anakòre’eo naho o vave’eo; i lamba fañefe’ i lalambein-kiririsaiy; o tali’eo, o tsato’eo, o haraotse iaby fitoroñañe amy kivohoy, amy kibohom-pamantañañeio; 
\v 41 le o saroñe tinenoñeo, hitoroñañe amy toe-miavakeio: o saroñe miava’ i Aharone mpisoroñe naho o saron’ anadahi’eo hitoroñe ho mpisoroñeo.
\p
\v 42 Nanoe’ o ana’ Israeleo iaby i fitoloñañey hambañe amy ze hene linili’ \nd Iehovà\nd* amy Mosè. 
\v 43 Fonga nisarie’ i Mosè i fitoloñañey, le ingo nifonire’ iereo hambañe amy nandilia’ \nd Iehovà\nd*y\nd ,\nd* ie i nanoañey. Le nandriaña’ i Mosè.
\c 40
\s1 Ty Fitroara’ i Kivohoy
\p
\v 1 Nitsara amy Mosè t’\nd Iehovà\nd* nanao ty hoe: 
\v 2 Atroaro ami’ty andro valoha’ i volam-baloha’ey i kivohon-kibohom-pamantañañey. 
\v 3 Apoho ao i vatam-pañinay vaho ampiavaho amy lamba fañefetsey i vatay. 
\v 4 Aziliho ao i rairaiy le hajario ama’e o harao’eo naho endeso ao i fitàn-jiroy vaho areheto i jiro’e rey. 
\v 5 Apoho aolo’ i vatam-pañinay i kitreli-pañembohañe volamenay vaho apetaho ami’ty lala’ i kivohoy i lamba-fañefe’ey. 
\v 6 Le apoho aolo’ ty lala’ i kivohon-kibohom-pamantañañey i kitrely fisoroñañey. 
\v 7 Le apoho añivo’ i kibohom-pamantañañey naho i kitreliy i fanasàñey vaho ampidoaño rano; 
\v 8 hajario ty añ’ariari’ i kiririsay vaho aradoradò amy lalan-kiririsay i lamba fañefe’ey.
\p
\v 9 Rambeso amy zao i mena-pañorizañey naho hene orizo i kivohoy naho ze ama’e ao vaho tokano rekets’ o fana’e iabio hiavake; 
\v 10 le orizo i kitrely fisoroñañey naho ze hene harao’e vaho tokano i kitreliy, hiavahe’ i kitreliy do’e. 
\v 11 Le orizo ka i fanasàñey naho o tombo’eo vaho ampiavaho.
\p
\v 12 Endeso mb’amy lalan-kibohom-pamantañañey mb’eo t’i Aharone naho o anadahi’eo vaho ampandrò an-drano; 
\v 13 le aombeo amy Aharone o saro miavakeo naho orizo vaho ampiavaho hitoroñ’ ahy ho mpisoroñe. 
\v 14 Ampombao mb’eo o ana’eo vaho añombeo saroñe. 
\v 15 Orizo mana­hake i nañoriza’o an-drae’ iareoy hitoroñ’ ahy ho mpisoroñe; fa ho fisoroñañe tsy modo amo fifokoa’ iareo mifandimbeo ty fañorizañe iareo. 
\v 16 Nanoe’ i Mosè irezay hambañe amy nandilia’ \nd Iehovà\nd* azey.
\p
\v 17 Aa le natroatse ami’ty andro valoha’ i volam-baloha’ i taoñe faha-roey i kivohoy. 
\v 18 Natroa’ i Mosè i kivohoy naho najado’e an-toe’e o tombo’eo, hinalanka’e o varambañeo, nazili’e o saka’eo vaho natroa’e o anakòre’eo. 
\v 19 Le vinela’e ambone’ i kivohoy i kibohotsey naho nalafi’e ambone’ izay i rakokey, amy nandilia’ \nd Iehovà\nd* amy Mosèy.
\p
\v 20 Rinambe’e i fañinay le najo’e amy vatay, le nazili’e amo ravake amy vataio i baoñe rey vaho napo’e ambone’ i vatay i toem-pijebañañey; 
\v 21 le nendese’e amy kivohoy i vatay, nahanto’e i lamba fañefetsey vaho nefera’e i vatam-pañinay amy nandilia’ \nd Iehovà\nd* i Mosèy.
\p
\v 22 Napo’e amy kibohom-pamantañañeio i rairaiy, avara’ i kivohoy, alafe’ i lamba fañefetsey, 
\v 23 le hinajari’e hiriritse ama’e ty mofo añatrefa’ \nd Iehovà\nd*, amy nandilia’ \nd Iehovà\nd* i Mosèy.
\p
\v 24 Napo’e amy kibohom-pamantañañeio i fitàn-jiroy, tandrife i rairaiy, añ’ila atimo’ i kivohoy, 
\v 25 le narehe’e i jiro rey añatrefa’ \nd Iehovà\nd* ami’ty nandilia’ \nd Iehovà\nd* i Mosè.
\p
\v 26 Napo’e aolo’ i lamba fañefetsey amy kibohom-pamantañañeio i kitrely volamenay 
\v 27 le na­tsotse ama’e i emboke aman-kafiriañe mañitsey, amy nandilia’ \nd Iehovà\nd* amy Mosèy.
\p
\v 28 Natroa’e an-dalambei’ i kivohoy i lamba fañefetsey. 
\v 29 Napo’e an-dalam-pimoahañe amy kivohoy—i kibohom-pamantañañey—i kitreli-pisoroñañey, le nañenga soroñe naho enga-mahakama ama’e, amy nandilia’ \nd Iehovà\nd* amy Mosèy.
\p
\v 30 Napo’e añivo’ i kibohom-pamantañañey naho i kitreliy i fanasàñey vaho nañiliña’e rano fanasàñe; 
\v 31 hanasa’ i Mosè naho i Aharone vaho o ana’eo fitàñe naho fandia; 
\v 32 hisasa’ iareo naho hizilike amy kibohom-pamantañañeio ndra hañarine i kitreliy, amy nandilia’ \nd Iehovà\nd* amy Mosèy.
\p
\v 33 Vaho, natroa’e ty fahe’ i kiririsa añariari’ i kivohoy naho i kitreliy vaho naradorado’e i lamba fañefetse an-dalambein-kiririsaiy. Aa le nifonira’ i Mosè i fitoloñañey.
\s1 Ty Rahoñe naho ty Engeñe
\r Avo 13.21,22; Vol 9.15-23
\p
\v 34 Nakopo’ i rahoñey amy zao i kibohom-pamantañañey vaho nandifotse i kivohoy ty enge’ \nd Iehovà\nd*. 
\v 35 Aa le tsy nimete nizilik’ amy kibohom-pamantañañeio t’i Mosè amy te nivotrak’ ama’e i rahoñey vaho nandifotse i kivohoy ty enge’ \nd Iehovà\nd*.
\p
\v 36 Ndra mbia’mbia nionjoñe ambone’ i kivohoy i rahoñey, le nionjoñe mb’amo hene fañaveloa’ iareoo mb’eo o nte’ Israeleo. 
\v 37 Fa naho tsy nionjoñe i rahoñey le tsy nionjon-dia ka iereo ampara’ ty andro ionjona’e. 
\v 38 Tambone’ i kivohoy ty raho’ \nd Iehovà\nd* naho antoandro, le afo ty tama’e naho haleñe aolom-pihaino ze hene anjomba’ Israele amo fiavota’ iareo iabio.