\id EPH 
\ide UTF-8
\h Efesosy
\toc1 Efesosy
\toc2 Efesosy
\toc3 Efe
\mt1 Efesosy
\c 1
\p
\v 1 I Paoly, Firàhe’ \nd Iesoà\nd* Norizañey ty amy satrin’ Añahare. Ho amo noro’e Efesosy añe naho migahiñe am’ \nd Iesoà\nd* Norizañeio.
\p
\v 2 Hasoa ama’ areo naho Fañanintsiñe boak’ aman’ Añahare Raentika naho \nd Iesoà\nd* \nd Talè\nd* Norizañey.
\s1 Jinobon-dRae
\p
\v 3 Andriañeñe t’i Andrianañahare naho Rae’ i Talèntika \nd Iesoà\nd* Norizañey, i mitahy antika amy Norizañey amy ze hene falalàn’ arofo andin­dìñe ao, 
\v 4 ie nijoboñe’e ho ama’e taolo’ o mananta’ ty voatse toio, am-pikokoañe ho masiñe tsy aman-kakeo añatrefa’e\f + \fr 1:4 \fr*\ft Te I 2:13\ft*\f*, 
\v 5 ie nisafiry haehae ho antika te ho beize’e ho ana’e añam’ \nd Iesoà\nd* Norizañey, ty amy hasoam-pisafiria’ey. 
\v 6 Ho fandrengeañe ty volonahem-patarihañe nañisoha’e antika amy Ikokoañey.
\s1 Jineba’ i Anakey
\p
\v 7 Ama’e ty fañeferañe antika amy lio’ey, ty fañahan-kakeo ty amy hasoam-pañisoha’e 
\v 8 nampitoabore’e aman-tika an-kaliforan-kihitse naho faharofoanañe, 
\v 9 ie nampahafohine’e i safiry nisatrie’e añ’etake ao, 
\v 10 ze ho henefe’e an-tsà añoñe: ty fanontonañe amy Norizañey ze he’e andi­ndìñe añe naho an-tane atoy. 
\v 11 Ie ka ty nahazoan-tika lova—itika nijoboñeñe haehae ami’ty fandrefea’ i mañeneke ze he’e ami’ty ereñeren-tsatrin’ arofo’ey, 
\v 12 soa te ho fandrengeañe i asi’ey tika nitamà i Norizañey valoha’e.
\s1 Pinate’i Arofoy
\p
\v 13 Ama’e ao ka nahareo ie jinanji’ areo ty tsaran-katò, i talili-soa nandrombahañe anahareoy, ie niatoa’ areo ro vinoli-fitomboke amy Arofo Masiñe nampitamaeñey; 
\v 14 i natolotse ho tsoa’ i lovantikañeiy ampara’ ty fijebañañe o azeo, ho ami’ty fandrengeañe mañeva i asi’ey.
\s1 Fañandriañañe naho Halaly
\p
\v 15 Aa izaho ka, ie tsinanoko ty fatokisañe \nd Iesoà\nd* \nd Talè\nd* ama’ areo, naho ty fikokoa’ areo o noro’e iabio, 
\v 16 le tsy adoko ty fañandriañañe ty ama’ areo, ie toñonako an-kalàliko 
\v 17 te ho toloran’ Añaharen-Talèntika \nd Iesoà\nd* Norizañey, i Raem-bolonahetsey, ty Arofon-kihihitse naho famentabentarañe hahafohinañe aze, 
\v 18 naho te ho hazavaeñe o fihainon’ arofo’ areoo\f + \fr 1:18 \fr*\ft Lke 24:45\ft*\f*, hahafohina’ areo i fampitamàñe nikanjiañe anahareoy, naho ty vara aman’ enge’ i lova’e amo noro’eoy, 
\v 19 vaho ty hajabahinan-kaozara’e amantika mpiato, ty amy fitoloña’ i hafatraran-kaozara’e 
\v 20 nifanehafa’e amy Norizañeiy, ie vinaño’e an-kavilasy vaho nampiambesare’e am-pitàn-kavana’e andindìñe ao, 
\v 21 ambone andikera’ ze hene lily naho haozarañe naho fifeheañe vaho ze kila tahinañe toñoneñe, tsy ami’ty sa toy avao, fa amy ho aviy ka. 
\v 22 Mbore napo’e ambanem-pandia’e ao ze he’e\f + \fr 1:22 \fr*\ft Sab 8:6\ft*\f*, vaho natolo’e aze ty ho lohà’ ze halifora’e amo Fivorio — 
\v 23 i fañòva’ey, ty hahenefa’ i mañatseke ze he’e an-kalifora’ey.
\c 2
\s1 Sata Hambo’e: Mate aman’ Añahare
\p
\v 1 Fa nivilasy amo tahiñe naho hakeo’ areoo nahareo\f + \fr 2:1 \fr*\ft Efe 2:5, Mat 8:22, Rom 8:6, Kol 2:13, Ti I 5:6, Jn I 3:14, Ben 3:1\ft*\f*, 
\v 2 ie nañavelo an-tsata’ ty voatse toy te taolo, nañorike ty ana-dovàn-kaozara’ i tiokey, i fañahy mifanehake an-tro’ o anam-panjeharañeoy\f + \fr 2:2 \fr*\ft Efe 5:6, Kol 3:6\ft*\f*. 
\v 3 Toe hene nimpiam’ iereo ka tika taolo amo hadraom-batan-tikañeo, ie nañeneke o nipaia’ o nofotseoo naho o fivetsevetseo vaho ni-anan-kabosehañe amo satan-tikañeo, manahake o ila’eo.
\s1 Sata Vao: Veloñe aman’ Añahare
\p
\v 4 Fe i Andrianañahare, mpañaleale am-piferenaiñañe, ty amy fikokoa’e jabajaba nikokoa’e antikañey, 
\v 5 itika nikoromake an-kakeo ro nampitroara’e ho veloñe mindre amy Norizañey (i hasoa’ey ro mandrombake anahareo), 
\v 6 le naharo’e fionjoñe ama’e tika, naho nampindreze’e fiambesatse andindìñe añe am’ \nd Iesoà\nd* Norizañey, 
\v 7 hampalangesa’e amo sa añeo ty hajabahinan-kasaron-kasoa’e ami’ty fatariha’e aman-tika am’ \nd Iesoà\nd* Norizañey. 
\v 8 I hasoa’ey ty mandrombake anahareo am-patokisañe, toe tsy inahareo, fa ty falalàn’ Añahare, 
\v 9 le tsy o fitoloñañeo, tsy mone ao ty hiebotsebotse. 
\v 10 Satam-pità’e tikañe: naoreñe am’ \nd Iesoà\nd* Norizañey hitoloñe o raha soa hinalankan’ Añahare aolo hañaveloan-tikañe ama’eo.
\s1 Raike amy Norizañey
\p
\v 11 Aa le tiahio t’ie nimpiamo kilakila ondaty a nofotseo te taolo\f + \fr 2:11 \fr*\ft Ko I 12:2\ft*\f*, ie atao’ o sinavatseo ty hoe: tsy sinavatse (o fanoeñe an-tsandriñe am-pitàñeo), 
\v 12 mbore tsy tamy Norizañey nahareo henane zay, ni-renetane amy valobohò’ o nte-Israeleoy naho ambahiny amo fañìnam-pampitamañeo, tsy nanan-ko tamaeñe, vaho tsy aman’ Añahare ami’ty voatse toy. 
\v 13 F’ie henaneo ro am’ \nd Iesoà\nd* Norizañey ao, ie ni-tsietoitane añe ro nampañarinea’ ty lio’ i Norizañey.
\p
\v 14 Ie ty fifampilongoan-tika, ie nanoen-ko raike i roey, naho rinotsa’e i kijoly nanebañey, 
\v 15 ie finongo’e am-pañòva’e ao i fifampirafelahiañey\f + \fr 2:15 \fr*\ft Kol 2:14, 2:20, Top 11:1-3\ft*\f*—toe ty Ha’ o fañè’e nalahatse ho fepètseo—hamitraña’e ama’e ty ondaty vao boak’ amy roe rey, hampanintsiña’e, 
\v 16 songa ho jebañe’e am-pañova raike aman’ Añahare, ie nandrotsake i fifampirafelahiañey ami’ty vata’e an-katae ajale eo. 
\v 17 Nimb’ atoa re nitaroñe fifampilongoañe amo tsietoitane añeo naho fañanintsiñe amo marineo\f + \fr 2:17 \fr*\ft Ies 57:19\ft*\f*, 
\v 18 ie ro anañan-tika roe lalañe mb’aman-dRae amy Arofo raikey.
\p
\v 19 Aa le tsy ambahiny, tsy aliheñe ka nahareo, fa borizañe mindre amo noro’eo, naho hasavereñan’ Añaharey\f + \fr 2:19 \fr*\ft Rom 11:17-24, Ies 54:1\ft*\f*, 
\v 20 mioreñe ami’ty mananta’ o Firàheñe naho mpitokio: \nd Iesoà\nd* Norizañe talèm-bato-kotsokey, 
\v 21 ama’e ty andrafetañe i anjombay iaby hitomboa’e ho anjomba Masiñe amy \nd Talè\nd* ao. 
\v 22 Ama’e ao ka ty andranjiañe anahareo ho fitobean’ Añahare añamy Arofoy.
\c 3
\s1 O Raha Mietake amo Fivorio
\p
\v 1 Izay ty maha mpirohi’ \nd Iesoà\nd* Norizañey ahy, Paoly, ty ama’ areo kilakila ondatio; 
\v 2 naho toe jinanji’ areo i famandroñam-palalàn’ Añahare natolots’ ahy ho anahareoy, 
\v 3 ie nentoeñe le nampahafohineñe i raha mietakey (i sinokiko bòry teoy, 
\v 4 ie vakie’ areo, ro mete maharendreke ty nioniko amy mietake amy Norizañeiy), 
\v 5 ze tsy nampaharen­dreheñe o ana’ ondatio amo sa ila’eo, manahake ty androrota’ i Arofoy aze henaneo amo Firàhe’e naho mpitoki’e miavakeo, 
\v 6 t’ie mpitrao-dova naho mpi­rimboñe amy fañòvay naho mpiharo\f + \fr 3:6 \fr*\ft Rom 11:17-24, Ies 14:1\ft*\f* amy fampitamà’e amy \nd Iesoà\nd* Norizañeiy añamy talili-soay o kilakila ondatio. 
\v 7 i nanoañe ahy mpitoro’ey amy falalàn-kasoan’ Añahare natolotse ahy ami’ty fitoloñan-kaozara’ey, 
\v 8 eka, izaho, tsitso’e amo noro’e iabio, ty nitolorañe ty hitaroñe amo kilakila ondatio ty vara’ i Norizañey tsi-añ’ohatsey, 
\v 9 hampalangesañe ty fitraofan-kina mietake, fa nikafitse haehae aman’ Añahare Andrianamboatse ze he’e añamy \nd Iesoa\nd* Norizañey\f + \fr 3:9 \fr*\ft Jao 1:3\ft*\f*; 
\v 10 le o Fivorio ro haharofoana’ o fifeheañe naho haozarañe andindìñeo henaneo, ty haliforan-kihin’ Añahare, 
\v 11 i nisafiria’e haehae naho nihenefa’e amy Talèntika \nd Iesoà\nd* Norizañeiy, 
\v 12 ie naho i figahiña’ey ro hahavanian-tika hañarìne aze am-patokisañe. 
\v 13 Aa le ihalaliako te tsy ho monjetse amo faloviloviako ho anahareoo, ie toe ho ami’ty enge’areo.
\s1 Halaly ho a o nte-Efesosio
\p
\v 14 Izay ty itongalefako aman-dRae, 
\v 15 boak' ama'e ty fitokavañe ze hene hasavereñañe andindìñe añe naho an-tane atoy tahinañe, 
\v 16 hanolora’e anahareo amo varam-bolonahe’eo ty hafatraran-troke naho haozarañe amy Arofo’ey, 
\v 17 le fatokisañe\f + \fr 3:17 \fr*\ft Gal 2:20\ft*\f* ty hahafimoneña’ i Norizañey añ’arofo’areo ao; ie mivahatse naho mioreñe am-pikokoañe, 
\v 18 hampaharendreha’ areo naho o noro’e iabio, ty ampohe’e naho ty halava’e naho ty halale’e vaho ty haabo’e, 
\v 19 hahafohina’ areo i fikokoa’ i Norizañey tsy takam-paha­rendrehañey soa t’ie ho pèa’ ty haporean’ Añahare.
\p
\v 20 Aa. ho amy mahafonitse loho maro te amo ihalaliañe naho itsakorean-tikañeoy, ie mitoloñe aman-tika i haozara’ey, 
\v 21 ama’e ty engeñe amy Fivoriy naho am’ \nd Iesoà\nd* Norizañey ao pak’ an-tariratse tsitso’e, nainai’e donia! Amena.
\c 4
\s1 Fitraofañ’ Ina amy Fañòva’ey
\p
\v 1 Aa le ihalaliako, izaho mpirohi’ i \nd Talè\nd*, t’ie hañavelo mañeva i koike nikanjiañe anahareoy, 
\v 2 nainai’e mireke an-trentram-po naho mifampiheve am-pikokoañe, 
\v 3 ie ilozoha’ areo tambozotse ty fitraofan-kina’ i Arofoy, mifampipiteke am-pilongoañe. 
\v 4 Raike i fañòvay, naho raike i Arofoy—manahake t’ie kinoike ho amam-pitamàñe raike te nikanjieñe: 
\v 5 \nd Talè\nd* raike, fatokisañe raike, filiporañe raike, 
\v 6 naho Andrianañahare raike, Rae’ iabikey, lohà’ ze he’e\f + \fr 4:6 \fr*\ft Mar 12:32,34, Ko I 8:6, Ti I 2:5, Mar 12:29-34\ft*\f*, kila añama’e, vaho hene ama’e. 
\v 7 F’ie songa nitoloreñ’ arofo ami’ty nanokantsokaña’ i Norizañey falalàñe. 
\v 8 Izay ty nipatera’e ty hoe:
\q1 Ie nionjoñe mb’añ’abo añe,
\q1 kinozozò’e an-drohy i fandrohizañey
\q1 vaho tinolo’e falalàñe ondatio.\f + \fr 4:8 \fr*\ft Sab 68:18\ft*\f*
\p
\v 9 Aa kanao nionjon-dre, ino i tsarae­ñey naho tsy t’ie nizotso hey mb’ an-tsikeokeo’ ty tane toy ao? 
\v 10 I nizotsoy, le i nionjoñe andindi’ ze hene likerañe, hañenefa’e ze he’ey. 
\v 11 Natolo’e ho Firàheñe ty ila’e naho mpitoky ty ila’e naho venje ty ila’e vaho mpiarake naho mpañoke ty ila’e, 
\v 12 hañoke o noro’eo hitoloñe am-pito­roñañe, handranjy ty fañòva’ i Norizañey 
\v 13 ampara’ t’ie hene maha-pitrao-kina am-patokisañe, haharendreke i Anan’ Añaharey, hitombo ho añoñ’ay, amy havañonañe nihenefa’ i Norizañeiy; 
\v 14 ie amy zao tsy ho anak’ ajaja ka, havoamboa’ ty onja, naho hasio­tsio’ ze fonga tiom-pañohañe, ami’ty famañahia’ ondaty kante an-kalìtake naho kilily\f + \fr 4:14 \fr*\ft Efe 5:6; Ko II 10:5, 11:3-14, Gal 1:6-9, Ti II 3:1-8, 4:2-4, Pe II 2:2-22, Jod 1:10-19\ft*\f*, 
\v 15 fe am-pitaroñañe ty hatò am-pikokoañe, ty hitomboan-tika ami’ty halifora’e amy Loha’ey ao, toe i Norizañey. 
\v 16 Ie ty andrafetañe i fañòvay iaby hifam­pi­katoke, naho hifandreketa’ ze hene fange’e amy fifanozaña’ey, songa mañeneke i fitoroña’ey, hampi­tomboa’e naho hampiraoraoa’e am-pikokoañe i fañòvay.
\s1 Apoho i Hambo’ey
\p
\v 17 Aa le hoe iraho, eka afanto’ay naho i \nd Talè\nd*, ama’areo te tsy hañavelo ami’ty fañaveloa’ o kilakila ondatio ka\f + \fr 4:17 \fr*\ft Ko I 12:2, Iir 10:2\ft*\f*, ami’ty hakoaham-pivetsevetse’ iareoo, 
\v 18 fa maieñe ty fahafohina’ iareo, tsy mpiami’ ty havelon’ Añahare ty amy habahimoañe an-tro’ iereo ao, ami’ty hagañ’ arofo’ iareo; 
\v 19 ie fa dridra an-troke, nijoroboñe an-kadrao-lo, hitoloñe ze fonga hameñarañe vaho fatiti-mena. 
\v 20 Tsy izay ty nioha’ areo amy Norizañey, 
\v 21 ie toe jinanji’ areo naho nandrèndreke ama’e, ty amy hatò am’ \nd Iesoà\nd* ao, 
\v 22 le o satan-kavelo’ areo taoloo, korendaho i haondaty hambo’e mihamomoke ty amo drao’e mamañahio, 
\v 23 le mivaoa am-pitsakorean-troke ao, 
\v 24 vaho atsetaho indaty nivaoeñey\f + \fr 4:24 \fr*\ft Rom 8:1\ft*\f*, tsinene hambam-bintañe aman’ Añahare an-kavantañañe naho an-katò miavake.
\p
\v 25 Aa le apitsoho ty fandañirañe, songa mifanaontsia an-kahiti’e\f + \fr 4:25 \fr*\ft Zek 8:16\ft*\f*, fa mpifampipiteke tika. 
\v 26 Miboseha fe ko mandilatse\f + \fr 4:26 \fr*\ft Sab 4:4\ft*\f*, asoao tsy ho tra ty motak’ andro ty haviñera’ areo\f + \fr 4:26 \fr*\ft Its 24:15\ft*\f*, 
\v 27 tsy mone hañomey lalañe i mpañìnjey. 
\v 28 Asoao tsy hampikametse ka i mpikizoy, fe hitromake am-pità’e amy ze mahasoa, hanaña’e ty hazòtso ami’ty mipay.
\s1 Ko Mampioje’ i Arofo Masiñey
\p
\v 29 Ehe te tsy hakarem-palie’ areo ze entañe tsy vente’e fa ze hampiraorao o ila’eo ami’ty fañeva’e, hañasoa o mpijanjiñeo. 
\v 30 Ko ampanaheloe’ areo i Arofo Masin’ Añaharey, i namoli-fitomboke anahareo ho amy andro fijebañañeiy. 
\v 31 Apitsoho ama’ areo ty afero, ty fombo, ty haviñerañe, ty fihorentseñañe naho ty fanambaitambaiñañe vaho ty halo-tserehañe, 
\v 32 fe mifampiferenaiña naho mifampilendèña an-troke vaho mifampihevea manahake ty nañahan’ Añahare anahareo amy Norizañey.
\c 5
\p
\v 1 Aa le mitsikombea an’ Andrianañahare hoe anakisoke; 
\v 2 naho mañaveloa am-pikokoañe, hambañe amy fikokoa’ \nd Iesoà\nd* antikañey, ie namoea’e aiñe ho enga naho soroñe mandrifondrifoñe aman’ Añahare.
\p
\v 3 Le asoao tsy ho toñoneñe ama’ areo ze atao fiolorañe tsy mañeva; naho ze haleorañe ndra fihañañe, amy t’ie tsy mañeva o noro’eo; 
\v 4 apoho ka ze timbo, naho hakanìfoke naho sole maràñe, fa fonga tsy mete; vaho mañandriàña. 
\v 5 Mahafohina an-katò te tsy aman-anjara amy fifehea’ i Norizañey naho aman’ Añahare ty mpiolotse ami’ty tsy evà’e naho ty mpanao haloloañe, vaho ty mihàñe (ie fiatoañe am-bara).
\p
\v 6 Ko mete fañahieñe an-tsaontsy kòake\f + \fr 5:6 \fr*\ft Efe 4:14\ft*\f*; ie mikaike ty haviñeran’ Añahare amo anam-panjeharañeo. 
\v 7 Le ko ireketañe.
\p
\v 8 Ni-hamoromoroñañe\f + \fr 5:8 \fr*\ft Efe 2:2, 4:18, Kol 3:7\ft*\f* nahareo te taolo, fe hazavàñe amy \nd Talè\nd* ao henaneo. Mañaveloa hoe anan-kazavàñe, 
\v 9 (Ty voka’ o Hazavàñeo\f + \fr 5:9 \fr*\ft Fil 1:11\ft*\f* le ze hene hasoa naho havantañañe vaho hatò), 
\v 10 mamente ze mahafale’ i \nd Talè\nd*. 
\v 11 Ko mitrao-baoñe amo satan-kaieñe tsy vokatseo, fa aboaho\f + \fr 5:11 \fr*\ft Jao 16:8\ft*\f* ambatraike, 
\v 12 toe manalatse, tsy talili­eñe o anoe’ iereo añ’etakeo.
\s1 Mañaveloa mañeva Anan-Kazavañe
\p
\v 13 Malange ze he’e ­aborake an-kazavàñe eo, naho toe mazava ze nampidodeañe; 
\v 14 zay ty nampisaontsie’e ty hoe:
\q1 Mivañona ry mirotseo\f + \fr 5:14 \fr*\ft Ies 26:19\ft*\f*,
\q1 mitroara an-kavilasy,
\q1 hitsavavàha’ i Norizañey.
\p
\v 15 Itaò arè ty fañaveloa’ areo tsy hanahake o tsy aman-kilalao, fe tsikombeo o mahihitseo, 
\v 16 rombaho o nifotoañañeo, fa raty o androo. 
\v 17 Aa le ko misare gege, fa arendreho ze satri’ i \nd Talè\nd*.
\s1 Milifora amy Arofoy
\p
\v 18 Ko manao jike an-divay ie minday haloloañe; fa mihalifora amy Arofoy, 
\v 19 mifampi­saontsia an-jejo naho sabo, naho an-takasy miavake, bekò naho titihò añ’arofo ao t’i \nd Talè\nd*, 
\v 20 kila raha ro andriañeñe nainai’e aman’ Añahare Rae, amy tahina’ i Talèntika \nd Iesoà\nd* Norizañeiy, 
\v 21 vaho mifampiambanea am-pañeveñañe\f + \fr 5:21 \fr*\ft Avo 20:20\ft*\f* i Norizañey.
\s1 Rakemba: Miandalia ami’ty Vali’o
\p
\v 22 O roakembao, miandalia amo vali’ areoo, hoe amy \nd Talè\nd*. 
\v 23 Toe lohà’ i vali’ey ty lahilahy, hambañe ami’ty maha lohà’ i Fivoriy i Norizañe mpandrombak’ i Fañòvaiy. 
\v 24 Aa le hambañe ami’ty fiambanea’ o Fivorio amy Norizañey, ty rakemba amy vali’ey amy ze he’e.
\s1 Lahilahy: Ikoko ty Vali’o
\p
\v 25 O ry lahilahio, kokò ty vali’ areo, hambañe ami’ty nikokoa’ i Norizañey i Fivoriy naho namoea’e aiñe, 
\v 26 ie navahe’e naho nikotriñe’e amy fampandroañe rano añamy tsaray\f + \fr 5:26 \fr*\ft Ben 19:8-9\ft*\f*, 
\v 27 hampiatrefa’e ho Fivory lifots’ engeñe, tsy amam-pepo ndra komake ndra loli’e hoe izay, f’ie hiavake tsy aman-kila. 
\v 28 Ehe mikokoa valy manahake ty vata’o ry lahilahio; mikoko vatañe ty mikoko valy. 
\v 29 Toe tsy eo ty malaim-batañe, fa fahana’e naho beize’e hambañe amy Norizañey o Fivorio, 
\v 30 amy t’ie mpi­traok’ am-pañova’e ao:
\q1
\v 31 Izay ty isitaha’ ondaty aman-drae’e naho rene hipiteke ami’ty vali’e, vaho ho fañova raike i roroey.\f + \fr 5:31 \fr*\ft Fot 2:24\ft*\f*
\p
\v 32 Tafatoño jabajaba izay, fa i Norizañey naho i Fivoriy ro ivolañako. 
\v 33 F’ie, sindre mikokoa tañanjomba manahake ty vata’e, vaho miasia valy ry rakembao.
\c 6
\s1 Ry Anake: Ko Manjehan-dRoae
\p
\v 1 Ry ajajao, mivohora aman-droae’ areo amy \nd Talè\nd* ao, fa izay ty hìti’e. 
\v 2 Miasia an-drae’o naho rene’o—ty lily valoha’e minday fampitamañe, 
\v 3 soa te ho tahie’e naho ho lava haveloñ’ amy Taney ao.\f + \fr 6:3 \fr*\ft Avo 20:12, Its 5:16\ft*\f* 
\v 4 O ry rae, ko bo­sehañe ty anake, fe beizo amy fañohoañe naho famerea’ i \nd Talè\nd*.
\s1 Mpitoroñe
\p
\v 5 O ry ondevoo, mivohora ami’ty mpifehe’ areo amy haondati’ey, le ihembaño naho ititititiho an-tsò-po, manahake t’ie i Norizañey; 
\v 6 le ko mitoroñe am-pihainom-bei-lomboke, fe hoe ondevo’ i Norizañey, mitoloñe añ’ arofo ze satrin’ Añahare\f + \fr 6:6 \fr*\ft Rom 6:16-23\ft*\f*, 
\v 7 mitoroña am-pilozohañe hoe amy \nd Talè\nd* fa tsy am’ondaty, 
\v 8 ie fohiñe te ndra iaia manao soa, ro ho valè’ i \nd Talè\nd*, ke t’ie ondevo, he midada. 
\v 9 Ry talèo! ano manahak’ izay iereo; apoho ty fañembàñañe. Tiahio te andindìñe ao t’i \nd Talè\nd*’ iareo naho ty azo, ie tsy mirihy.
\s1 Aombeo o Fikalañeo
\p
\v 10 Hengaha’e, mihaozara amy \nd Talè\nd* naho ami’ty hafatrara’ i haozara’ey. 
\v 11 Aombeo ty fikalañan’ Añahare fonitse, hatreatrè’areo ty famañahia’ i mpañìnjey; 
\v 12 amy te tsy mifandrapake ami’ty nofotse naho lio tika, fa amo mpifelekeo, amo aman-dilio, amo mpifeleke an-kamoromoroña’ ty voatse toio, vaho amo fañahin-karatiañe añ’aboo. 
\v 13 Aa le rambeso ze hene fikalan’ Añahare, hahafijohaña’o amy andro ratiy, le ie fonga nanoeñe, mijadoña. 
\v 14 Mijohaña arè, ie fa nisadia ty hatò\f + \fr 6:14 \fr*\ft Ies 11:5\ft*\f*, naho niombe ty fikalañan’ arañan-kahitiañe\f + \fr 6:14 \fr*\ft Ies 59:17\ft*\f*, 
\v 15 vaho nihana ty fihentseñañe i talili-soam-pañanintsiñey\f + \fr 6:15 \fr*\ft Ies 52:7\ft*\f*, 
\v 16 tovo’e, rambeso ty fikalandefom-patokisañe\f + \fr 6:16 \fr*\ft Sab 28:7\ft*\f*, hampikipefañe o ana-pale mibela’ i Ratio, 
\v 17 endeso ka ty sabakam-pandrombahañe\f + \fr 6:17 \fr*\ft Ies 59:17\ft*\f* naho ty fibara’ i Arofoy, toe i saontsin’ Añaharey\f + \fr 6:17 \fr*\ft Ies 11:4\ft*\f*, 
\v 18 vaho nainai’e mihalalia añ’arofo, an-doloke naho halaly iaby. Mijilova am-pigahiñañe naho am-pihalaliañe heneke ho a o fonga noro’eo. 
\v 19 Mihalalia ho ahy ka, t’ie ho tolorañe ty hahafitaroñe am-palie misokake, hahavany hampandrendreke ty tafatoño’ i talili-soay, 
\v 20 ie sorotà’e an-drohy; ihalalio te hahasibeke fita­roñe ami’ty fañeva’e.
\s1 Figodañañe
\p
\v 21 Aa, ty haharendreha’areo o fitoloñakoo naho ty amako, le i Tikiko, rahalahy sarotse naho mpitoroñe migahi’ i Talèy ro hampahafohiñe anahareo ze he’e. 
\v 22 Izay ty nañitrifako aze mb’ama’ areo añe, hitalilia’e anay naho hañoho o arofo’ areoo.
\p
\v 23 Fañanintsiñe amo rolongoo, naho fikokoañe am-patokisañe boak’ aman’ Añahare Rae naho \nd Iesoà\nd* \nd Talè\nd* Norizañey. 
\v 24 Hasoa amy ze hene mpikoko i Talèntika \nd Iesoà\nd* Norizañey an-koko tsy modo. Amena.