\id COL 
\ide UTF-8
\h Kolosia
\toc1 Kolosia
\toc2 Kolosia
\toc3 Kol
\mt1 Kolosia
\c 1
\p
\v 1 I Paoly, Firàhe’ \nd Iesoà\nd* Norizañey ty amy satrin’ Añaharey, naho i Timoty rahalahintika, 
\v 2 Ho a o noro’e naho longo migahiñe amy Norizañey e Kolosia añeo:
\p Hasoa naho Fañanintsiñe ama’areo boak’aman’Añahare Raentikañe.
\s1 Fañandriañañe naho Filolofañe
\p
\v 3 Mañandriañe ­an’­ An­dri­a­­na­ñahare Rae’ i Talèntika \nd Iesoà\nd* Norizañey zahay amo halali’ay ho anahareo nainai’eo, 
\v 4 fa tsinano’ay ty fatokisa’ areo \nd Iesoà\nd* Norizañeiy naho ty fikokoa’ areo ondaty noro’e iabio— 
\v 5 ty fitamàñe nahaja andindìñe añe ho anahareo, i jinanji’ areo ami’ty tsaran-katò’ i talili-soaiy, 
\v 6 i fa nitotsake ama’ areoy; manahake ty anoe’e ndra aia aia ami’ty voatse toy, ie mitolom-pamokatse vaho miraorao, hambañe amy nanoe’e ama’areo boak’ amy andro nijanjiña’ areo naho nahafohiñe ty hasoan’ Añahare an-katò, 
\v 7 manahake i jinanji’ areo ty ama’ay amy Epafra, mpitrao-pitoroñe noro’ay naho mpitoroñe migahi’ i Norizañey; 
\v 8 ie nitalily ama’ay ty fikokoa’ areo amy Arofoy.
\p
\v 9 Ie amy zao, boak’ amy andro nitsa­noña’ay, le tsy ado’ay ty miloloke ho anahareo, mihalaly te ho liforeñe am-paharendrehañe o satri’eo amy ze hihitse naho hilala atolo’ i Arofo iaby; 
\v 10 hañaveloa’ areo mañeva i \nd Talè\nd*, hañasìtra aze amy ze hene sata, hamokatse amy ze fitoloñan-tsoa, vaho hitombo ami’ty faharendrehañe an’Andrianañahare; 
\v 11 ie nampaozareñe an-ka­àmpon-kafa­trarañe amy haozara’e rengèñey ho am-pigahiñañe heneke vaho fifeahañe an-kaehake, 
\v 12 ro mañandriañ’ an-dRae nampañeva antika hitraoke ami’ty lova’ o noro’eo an-kazavàñe ao, 
\v 13 ie hinaha’e ami’ty fèhe’ i ieñey\f + \fr 1:13 \fr*\ft Lke 11:35, Jao 8:12, 12:46-50, Top 26:18, Efe 5:8\ft*\f* naho nasese’e mb’am-pifehea’ i Anake kokoa’ey; 
\v 14 ama’e ty fijebañañe antika amy lio’ey, ty fañahàn-kakeo.
\s1 Andikèrañe Añe i Norizañey
\p
\v 15 Ie ty vintan’ Añahare tsy ìsake, ty tañoloñolòña’ ze hene namboareñe\f + \fr 1:15 \fr*\ft Heb 2:6, Ben 3:14\ft*\f*, 
\v 16 ie ty namboarañe ze hene andindìñe añe naho an-tane atoy, o isakeo naho o tsy isakeo naho ze kobaiñe naho fifelehañe naho lohàñe vaho fandili­añe; ie naho ho aze ty namboarañe ie iaby rezay\f + \fr 1:16 \fr*\ft Jao 1:3\ft*\f*. 
\v 17 Ie ty taolo’ ze hene raha\f + \fr 1:17 \fr*\ft Rzs 9:22-31\ft*\f*; ama’e ty ifampireketa’ ze he’e. 
\v 18 Ie ty añambone’ i fañòvay, i Fivoriy; ty fifotorañe, ty tañoloñolòña’ o fitroarañe amy havilasiio, soa t’ie ty ho lohà’ ze he’e. 
\v 19 Fa satrin-dRae te ama’e ty himoneña’ ty haliforañe, 
\v 20 le ie ty fijebañañe ze he’e ho ama’e; o raha an-tane atoio naho o raha andindìñe añeo, nifampilongoe’e amy lio’e amy hatae ajaleiy.
\p
\v 21 Inahareo nialiheñe taolo, nihelofeñe am-pive­tsevetse, nitolon-tsata raty, le nifampilongoe’e henaneo, 
\v 22 amy fañòva’e nofotsey añamy havilasiy, hanolora’e anahareo fiavahañe, tsy aman-tahiñe tsy aman-kandra añatrefa’e, 
\v 23 ie toe mitoloñ’ am-patokisañe soa fioreñe naho mijadoñe tsy mivike amy fampitamàñe i talili-soa jinanji’ areo naho nitaroñeñe amy ze he’e ambane likerañe atoiy, i nampitoroñ’ ahiy, izaho Paoly.
\s1 Ty Fifanehafa’ i Paoly amo Fivorio
\p
\v 24 Aa le inahareo ro firebehako amo faloviloviako henaneo, ie imaneako heneke ami’ty nofoko ty amy fañò­va’eiy—i Fivoriy—ze tsy niheneke amy filofeha’ i Norizañey. 
\v 25 Ie ty nampitoroñe ahy amy nampamandroñen’ Añahare hañasoako anahareoy, hañeneke i tsaran’ Añaharey, 
\v 26 i tafatoño naetake amo saao naho amo tariratseoy, fe naboak’ amo noro’eo henane zao, 
\v 27 hampahafohinan’ Añahare ty hasarom-bolonahe’ i tafatoñoy amo kilakila ondatio: te ama’areo ao i Norizañey, i fitamàn’ engeñey. 
\v 28 Ie ty talily risihe’ay ze hene ondaty naho añoha’ay an-kihitse pea, hitolora’ay fonitse amy Norizañey. 
\v 29 Ie ty toloñeko, milozoke ami’ty faozara’e mitromake fatratse amako atoañe.
\c 2
\p
\v 1 Teako ho fohi’areo ty fimaneako ho anaharo naho o e Laodikia añeo vaho o mbe tsy nifañatre-daharañ’ amako iabio, 
\v 2 hañohòako ty arofo’ iareo, ie fa nampivandìreñe am-pikokoañe, amy hene vara vokare’ ty faharendrehañe pea, ie fohiñe mazava, i hatò mietake aman’ Añahare Rae aoy, i Norizañey; 
\v 3 ama’e ty ietaha’ ze fonga varan-kihitse naho hilala\f + \fr 2:3 \fr*\ft Ies 11:2, Kol 2:9\ft*\f*. 
\v 4 Itaroñako ‘nio, hera ao ty hamañahy am-bolam-pañèdre. 
\v 5 Aa ndra te tsy eo an-tsandrin-draho, mbe ama’ areo an-troke, mirebeke te mahatrea ty fitraofa’ areo rehake naho ty fatokisa’ areo i Norizañey.
\s1 Hamotsorañe mban-kavelo’ i Norizañey
\p
\v 6 Aa kanao rinambe’ areo i \nd Talè\nd* \nd Iesoà\nd* Norizañey, mañaveloa ama’e, 
\v 7 ie soa fivahatse naho nivoatse ama’e, naho niventèñe am-patokisañe ty amy naòke, vaho mandopatse fañandriañañe.
\p
\v 8 Mitaoa ke eo ty hañamengoke anahareo an-kilala miheotse naho famañahiañe kòake mirampy amo lili’ ondatio naho amo sata’ foto-ty tane toio\f + \fr 2:8 \fr*\ft Kol 1:20, Gal 4:3,9\ft*\f*, fa tsy amy Norizañey, 
\v 9 izay imo­neña’ ty haliforan’ Añahare am-pañòva, 
\v 10 le nifonireñe ama’e nahareo, amy t’ie ty lohà’ ze hene fifeheañe naho lily.
\p
\v 11 Ama’e ka nahareo ro sinavatse an-tsavatse tsy nanoem-pitàñe fa nampikorendahañe ty fandilia’ i haondaty hambo’ey amy sandriñey ami’ty fanavara’ i Norizañey, 
\v 12 ie nalenteke mindre ama’e amy lipo­tsey naho nindre natroatse ama’e am-patokisañe ami’ty fitoloñan’ Añahare nampitroats’ aze an-kavilasiy. 
\v 13 Ie nivetrake an-kakeo naho ami’ty tsy fanavara’ i nofotsey ro vinelo’e mindre ama’e, le fonga nafaha’e o tahin-tikañeo, 
\v 14 ie namaopaoke i takelan-tsongoy, o fepetse\f + \fr 2:14 \fr*\ft Kol 2:20, Efe 2:\ft*\f* nanisý antikañe naho nañamengoke antikañeo; nasita’e añe izay, amy nipehañ’ aze amy hatae ajaley, 
\v 15 ie nampikorendahe’e ty lili’ o mpifeleke naho o mpañadilio, vaho nampiborahe’e ho fisambàñe am-batraike eo, ie fa rineba’e amy hatae ajaley.
\p
\v 16 Asoao arè tsy iaia ty hapo’ areo hanìñe ty fikamañe ndra finomañe, naho o andro nifotoañañeo naho o jiri-bolañeo vaho o Sabatao\f + \fr 2:16 \fr*\ft Iek 45:17\ft*\f* 
\v 17 (toe fanalinjoa’ o raha ho avio irezay) —fa ty Fañova’ i Norizañey\f + \fr 2:17 \fr*\ft Mat 18:15-20; Kol 1:18,24\ft*\f*. 
\v 18 Asoao tsy hikatramoeñe ty tambe’ areo, ie sigiheñe hirè-batañe naho hitalaho amo anjelio; ie mitsibelezeñe amo raha nitrea’eo, naho mirengevoke am-pive­tsevetsen-kaondaty hambo’e, 
\v 19 naho tsy mitambozòtse amy Añamboney, i Mpamahañe i Fañòvay iabiy vaho mampirekets’ aze amo fange’eo naho amo lahin’ ozatseo, hitomboa’e ami’ty fampibodobodoan’ Añahare.
\p
\v 20 Ie nindre nivilasy amy Norizañey amo sata’ foto\f + \fr 2:20 \fr*\ft Kol 2:14; Efe 2:15; Kol 2:8, Gal 4:3,9\ft*\f*’ ty tane toio, akore te mbe manao hoe veloñe ami’ty voatse toy, mañorike o fañè’e manao ty hoe: 
\v 21 Ko mandrambe! ko mitsopeke! ko mitsapa. 
\v 22 Ie ho fonga modo am-pitoloñañe, amy te mifototse ami’ty lily naho fañòha’ ondaty\f + \fr 2:22 \fr*\ft Ies 29:13; Mat 15:8-9, Mar 7:6-7\ft*\f*. 
\v 23 Ie toe misare hilala am-pitalahoañe an-tsatrin-troke naho am-pirehañe vande naho fampalovilovian-tsandriñe; f’ie tsy vente’e, naho tsy mahasebañe ty hadrao’ o nofotseo.
\c 3
\s1 O Fañè ami’ty Haveloñe vaoo
\p
\v 1 Aa kanao nindre nitroatse amy Norizañey nahareo, imaneo pay o raha amboneo, amy iambesara’ i Norizañey am-pitàn-kavanan’ Añaharey\f + \fr 3:1 \fr*\ft Sab 110:1\ft*\f*. 
\v 2 Tsakoreo o raha an-dikerañeo, fa tsy o an-tane atoio. 
\v 3 Nivilasy nahareoo, le fa nahaja amy Norizañey aman’ Añahare ao ty fiai’ areo, 
\v 4 Naho miboake i Norizañey, ie havelo’o, le hiboake mindre ama’e an’engeñe ka nahareo.
\p
\v 5 Vonò arè o fangen-kaondati’ ty tane toy ama’oo; ze hakarapiloañe, fandratoañe, filomolorañe, fitsikirihan-draty, vaho fihàñañe—ie fiatoañe am-pahasive; 
\v 6 irezay ty hifetsaha’ ty fifombon’ Añahare amo anam-panjeharañeo\f + \fr 3:6 \fr*\ft Efe 2:2, 5:6\ft*\f*. 
\v 7 Ie nañaveloa’areo te mbe niveloñe ama’e, 
\v 8 fe apitsoho añe henaneo, fonga tsy aboak’ am-palie’ areo ty heloke, ty fifombo, ty inje, ty teratera, naho ty reha-timbo. 
\v 9 Ko mifandañitse, fa naitoa’ areo i haondaty hambo’ey\f + \fr 3:9 \fr*\ft Rom 6:6, Efe 4:22\ft*\f* rekets’ o sata’eo, 
\v 10 le fa natse­ta’ areo t’indaty vao, ze mihavao eri­ke am-paharendrehañe mihafonitse, mihahambam-bintañe amy Namboats’ azey. 
\v 11 Tsy te Grika ndra Jiosy, sinavatse ndra tsy sinavatse, ambahiny ndra sadia­vahe, ondevo ndra midada, fe halifora’e i Norizañey, ie ama’e iaby.
\p
\v 12 Aa kanao jinobon’ Añahare nahareo, miavake naho kokoañe, sikino ty arofo miferenaiñe, matarike, mirèke, tren­trañe, naho mahaliñe, 
\v 13 mifampivavea naho mifampihevea, ie eo ty aman-kabò ama’ ia’ia, le mifampihevea hambañe amy nañahà’ i \nd Talè\nd* anahareoy. 
\v 14 Lombolombo’ irezay ty fikokoañe, ie mamahotse am-pitraofan-kina fonitse. 
\v 15 Ehe ho fehè’ ty fañanintsi’ i Norizañey o arofo’ areoo fa izay ty nikanjiañe anahareo ho fañòva raike: vaho mañandriaña.
\p
\v 16 O tsara’ i Norizañeio\f + \fr 3:16 \fr*\ft Jao 12:48, Its 18:19, Ben 19:13\ft*\f* abey ty himo­neñe ama’ areo ao ami’ty halifora’e; mifañòha naho mifanoroa añ’ampon-kihitse; misaboa sabo, naho beko naho takasy miavake, mañandriañ’ an’ Andrianañahare añ’arofo. 
\v 17 Aa le ndra inoñ’inoñe anoe’ areo, ke an-tsaontsy he sata, le ami’ty tahina’ i \nd Talè\nd* \nd Iesoà\nd*, vaho mañandriañ’ an’ Andrianañahare Rae añama’e.
\s1 Fañè amo Savereñañeo
\p
\v 18 Ry roakembao, miandalia amo vali’ areoo, ami’ty eva’e amy \nd Talè\nd*. 
\v 19 Ry lahilahio, kokò o vali’ areoo fa tsy itorifihañe.
\p
\v 20 Ry ajajao, mivohora aman-droae amy ze he’e, fa izay ty no’ i \nd Talè\nd*. 
\v 21 Ry aba, ko mañìnje anake, hera hahamòhake aze. 
\v 22 Ry mpitoroñeo, mivohora amy ze he’e amo tompo’ areo amo haondati’eo, tsy t’ie misam­ba hipaia’o tsiriry, fa an-tso-tro mañeveñe amy \nd Talè\nd*, 
\v 23 aa ndra inoñe o tolon-draha’oo, ihembaño, hoe mpitoro’ i \nd Talè\nd* fa tsy ondaty, 
\v 24 le fohino t’ie ho tambeze’ i \nd Talè\nd* amy lovay, amy te \nd Iesoà\nd* \nd Talè\nd* ro toroñe’ areo. 
\v 25 Ho valeañe ty amo sata-rati’eo ka o lo-tserekeo fa tsy irihiañe.
\c 4
\p
\v 1 O rotompoo, anò an-katò naho hamiràñe o mpitoro’ areoo fohiñe te aman-Talé andindìñe ao ka nahareo.
\s1 Tovo’e fa tsy Liva’e
\p
\v 2 Mitoloña an-kalaly, mijilova ama’e, le mañandriaña; 
\v 3 naho mihalalia ho anay, hisokafan’ Añahare lalañe i tsaray, hitaroña’ay i mietake amy Norizañeiy, ze maha am-bahorañ’ ahiko; 
\v 4 t’ie halange, hahafitaroñako ami’ty evà’e.
\p
\v 5 Mañaveloa an-kihitse amo alafeo, rombaho ty andro. 
\v 6 Ampanintsiño nainai’e ty saontsi’ areo vaho hafirio an-tsira, hahafohina’ areo ty hanoiñe ze ondaty.
\s1 Fisalamañe Fara’e
\p
\v 7 Aa naho ty amako, le hitalilia’ i Tikiko, rahalahy kokoañe naho mpitoroñe migahiñe vaho mpitrao-pitoroñe amy \nd Talè\nd*. 
\v 8 Ie ty nahitriko, hitalily anay ama’areo vaho hañohò ty arofo’ areo. 
\v 9 Hindre ama’e ty Onesimosy, rahalahy migahiñe naho kokoañe, toe mpiama’ areo. Ho talilie’ iareo ze he’e atoy.
\p
\v 10 Salamae’ i Aristarko mpitrao-silisily amako, naho i Marka, longo’ i Barnabasy (toe nahazoa’ areo lily, rambeso t’ie pok’ ao), 
\v 11 naho Iesose atao ty hoe Josto. Iereo avao ty boak’ amy sava­tsey amo mpifanehake amako ho amy Fifehean’ Añahareio naho toe mpañosik’ ahiko. 
\v 12 Salamae’ i Epafra, i boak’ ama’ areoy, i toe mpitoro’ \nd Iesoà\nd* Norizañey naho mahimbañe nainai’e an-kalaly ho anahareo, hijadoña’ areo, fonitse\f + \fr 4:12 \fr*\ft Sor 22:21, Its 18:13, Sab 119:80\ft*\f* am-patokisañe heneke amo hene satrin’ Añahareo. 
\v 13 Le itaroñako t’ie mahimbañe ho anahareo naho ho a i Laodikia vaho i Hierapolia. 
\v 14 Salamae’ i Lioke mpanaha ìsoke naho i Demasy.
\p
\v 15 Salamao o roahalahy e Laodikia añeo naho i Nimfae naho i Fivory añ’ anjomba’ey. 
\v 16 Ie vinaky ama’ areo ty taratasy toy, le ampamakio ty Fivory e Laodikia añe ka vaho vakio’ areo i amy Laodikiay. 
\v 17 Le saontsio amy Arkipo ty hoe: Ehe tomiro i fitoloñañe rinambe’o amy \nd Talè\nd*y hañenek’ aze.
\p
\v 18 Aman-tañako ty añontaneako, Izaho, Paoly. Tiahio o rohikoo. Fañanintsiñe ama’areo.