\id 2TI 
\ide UTF-8
\h Timoty II
\toc1 Timoty II
\toc2 Timoty II
\toc3 2Ti
\mt1 Timoty II
\c 1
\s1 Fiaolo
\p
\v 1 I Paoly, Firàhe’ \nd Iesoà\nd* Norizañey ami’ty satrin’ arofon’ Añahare, amam-pitamàn-kaveloñe am’ \nd Iesoà\nd* Norizañey. 
\v 2 Ho a i Timoty, anake kokoako: Hasoa naho tretre vaho ty fañanintsin’ Añahare Rae naho i Talèntika \nd Iesoà\nd* Norizañey.
\s1 Fañandriañañe i Fatokisa’e
\p
\v 3 Andriañeko t’Andria­na­ñahare italahoako manahak’ an-droaeko an-kazavan-troke, le mahatiahy azo nainai’e iraho am-pilolofako handro an-kaleñe; 
\v 4 le misalala hahatrea azo amy fitiahiako i ranomaso’oy, hahaliforañ’ ahy an-kaehake, 
\v 5 ie tiahiko ty fatokisan-tò an-tro’o ao, ze nimoneñe heike tañova’ i Loizae renebei’o naho amy Eonikae rene’o vaho atokisako te ama’o ka. 
\v 6 Izay ty añosihako azo ty hampibelañe i falalàn’ Añaharey ama’o añamy nanampezan-tañakoy. 
\v 7 Toe tsy tinolon’ Añahare troke mimalimalitse tika, fa ty arofon-kaozarañe naho ty fikokoañe, vaho ty filieram-batañe.
\p
\v 8 Aa le ko salareñe ty talili’ i Talèntikañey, naho izaho mpirohi’e, fe mitraofa amako ami’ty falovilovia’ i talili-soay amy haozaran’ Añaharey, 
\v 9 i fa nandrombake antika naho nikanjy antika am-pikanjiañe miavake, tsy ty amo fitoloñan-tikañeo, fa amy satrin’ arofo’ey naho i falalàñe natolotse antika am’ \nd Iesoà\nd* Norizañey taolo’ ty fifotora’ o sàoy, 
\v 10 f’ie naboake henane zao ami’ty fitotsaha’ i Mpandrombak’ antika \nd Iesoà\nd* Norizañey, i nandrotsake i havilasiiy vaho ninday haveloñe naho tsi-fihomahañe mb’ an-kazavàñe mb’eo amy talili-soay, 
\v 11 i nanendreañe ahy ho mpitaroñe naho Firàheñe naho mpañokey. 
\v 12 I hoe zay ty isotriako o raha zao; fe tsy salatse, fantako i Fiatoakoy, vaho atokisako t’ie mahafihaja i nampañajako azey ampara’ i àndroy. 
\v 13 Tambozoro ami’ty fatokisa’o naho fikokoa’o am’ \nd Iesoà\nd* Norizañey ty vente’ o tsara-kanintsiñe tsinano’o tamakoo. 
\v 14 Vontitiro o raha soa natolotse azoo ami’ ty fañimbà’ i Arofo Masiñe mimoneñe añovan-tikañey.
\p
\v 15 Apota’o te fonga niamboho ahy i e Asia añe rey miharo amy Figelo vaho i Hermogena. 
\v 16 Ehe te ho tretreze’ i \nd Talè\nd* o añ’anjomba’ i Onesiforoseo, fa beteke nampanintsiñe ahiko vaho tsy nahameñatse aze o silisilikoo, 
\v 17 f’ie te Roma le nitsoek’ ahy ampara’ te nioni’e. 
\v 18 Hatolo’ i \nd Talè\nd* aze abey ty hahaoniña’e tretrè amy \nd Talè\nd* amy andro zay! Ie fohi’o soa o sata maro nitoroña’e ahiko e Efesosy añeo.
\c 2
\s1 Fañosihañe
\p
\v 1 F’ihe, anako, maozara amy hasoa’ \nd Iesoà\nd* Norizañeiy. 
\v 2 Le o tsinano’o amako aolo’ ty valolombeloñe maroo ro afantoho ama’ondaty migahiñe hahafañoke o ila’eo ka. 
\v 3 Mindreza hasilofañe amako hoe lahin-defo’ soa’ \nd Iesoà\nd* Norizañey. 
\v 4 Tsy ia ty mitolon-ko lahindefo ze mifehefehe an-tsata’ ty tane toio; fa ty hahafale i nanendre aze ho lahin-defoñey. 
\v 5 Le i mpimane tsikiaviaviy, tsy tambezen-dre naho tsy ilozoha’e o fañèn-tsikiaviavio.
\s1 Mpambole Mahafeake
\p
\v 6 Tsy mete tsy mandrambe amy voka’ey hey i mpambole nifanehake ama’ey. 
\v 7 Kinàño o volakoo, le i \nd Talè\nd* ro hampaharendreke azo amy halifora’ey. 
\v 8 Tiahio t’\nd Iesoà\nd* Norizañe, nampivañoneñe an-kavilasy naho tiri’ i Davide, ty amy taliliko soa 
\v 9 isotriako falilovañe naho nampijorobo ahy an-drohy atoa hoe mpanao ratiy; fe tsy mirohy ty tsaran’ Añahare. 
\v 10 Izay ty ifeahako ze he’e ho amo jinoboñeo, handrambesa’ iareo i fandrombahañe am’ \nd Iesoà\nd* Norizañey rekets’ engeñe tsy ritsey. 
\v 11 Inao ty entañe to:
\q1 Kanao nindre nivilasy ama’e tikañe,
\q1 le ho veloñe mindre ama’e ka.
\q1
\v 12 Naho mahatañe tikañe,
\q1 le hindre hifehe ama’e ka.
\q1 F’ie lànen-tika, le ho farie’e ka.
\q1
\v 13 Naho tsy mahafiato tika,
\q1 migahiñe re, fa tsy mete miteti-vatañe.
\s1 Mpifanehake Mahimbañe
\p
\v 14 Aniahio o raha zao, naho imaneo taroñe añatrefan’ Añahare le ko mifandietse an-tsaontsy, fa tsy manjofake naho mampivalitaboak’ o mpijanjiñeo. 
\v 15 Ilozoho ty hiatrefa’o aman’ Añahare ho mpifanehake no’e, tsy aman-ko salareñe, naho mahasalàhañe o tsaran-katòo; 
\v 16 le iholiaro ty reham-borosode, fa mampihànkañe ondaty ami’ty Hake, 
\v 17 fa handramban-tane hoe angorosy o reha’ iareoo. Mpiama’ iareo t’i Himeneo naho i Fileto; 
\v 18 songa nandrìke ami’ty hahiti’e, ie nivolañe te fa nifetsake i fivañonan-ko-veloñey, ze mamalike ty fatokisa’ o ila’eo, 
\v 19 fe mijadoñe ty mananta-maozan’ Añahare, le pinatetse ama’e ty hoe: Arofoana’ i Talè o azeo\f + \fr 2:19 \fr*\ft Vol 16:5\ft*\f*, naho Tsy mahay tsy hiamboho ty raty\f + \fr 2:19 \fr*\ft Sab 34:14, 37:27, Rzs 3:7, 4:24, 14:27, 16:17\ft*\f* ze manoñoñe ty tahina’ i Talè.
\s1 Fitovy Miavake
\p
\v 20 Tsy fitovy volafoty naho volamena avao ty ìsake amo anjomba jabajabao fa eo ka o aman-katae naho lietseo, eo ty amam-piasiañe, naho ty aman-katsorañe. 
\v 21 Aa ze miefe-batañe amy rezay ty ho fitovim-piasiañe, miavake naho mañeva ho fitoloña’ i \nd Talè\nd*, veka’e amy ze hene sata soa. 
\v 22 Mibolitira amo draon’ ajalahio, le imaneo havantañañe, figahiñañe, fikokoañe, vaho fifampilongoañe mitraoke amo mpikanjy i \nd Talè\nd* añ’ arofo hiringiri’eo. 
\v 23 Mihankaña amo fifanjeharañe minè, tsy aman-kilalao, ie oniñe te minday fifanjomorañe avao.
\s1 Mpitoroñe ami’ty Hamora-fo
\p
\v 24 Tsy hanotratsotrake ka ty mpitoro’ i Talè, fa ho lem-po am’ ie iabiy, mahay mañoke, naho mahafifeake tivetive, 
\v 25 mañity o mpandietseo an-kamoràn’ troke, ke ho metean’ Añahare ty hisolohoa’ iareo, handrendreke ty hatò, 
\v 26 hisotraha’ iareo hibolititse ami’ty fandri-bo’ i mpañìnje nandrohy iareo hanao ze nahin-troke.
\c 3
\s1 Ty tsy Fatokisañe amo Andro Honka’eo
\p
\v 1 Rendreho te ho tondroke an-tsa sehanga’e añe ty hasotriañe. 
\v 2 Le ho mpikoko-teña naho mpitea vola ondatio, hibohaboha, hirengevoke, hiteratera, hanjehatse roae, tsy hañandriañe, tsy ho aman-kasy, 
\v 3 tsy ho aman-katea, tsy handrae raven-de, ho mpañinje, tsy maha-lie-batañe, tsy mirèke, mpa­lain-kasoa, 
\v 4 mpifotetse, mpanao ty tsy nahi’e, mpi­ebotsebotse, mpitea ty mahafalefale fe tsy mpikoko an’ Andrianañahare, 
\v 5 misare te aman-Kake f’ie mandietse ty hao­zara’e\f + \fr 3:5 \fr*\ft Ti II 3:13, Ies 24:5-6, Mat 24:12, Rom 1:30-31, Te II 2:3-11\ft*\f*. Iholiaro! 
\v 6 Am’ iereo ty mipiapia an-kivoho ao hitsepake ty rakemba sere­tse milogologo hakeo naho avio­vio’ ty drao raty, 
\v 7 nainai’e mioke, fa le lia’e tsy maharendreke ty hatò. 
\v 8 Hambañe amy nitambolitritria’ i Jana naho i Jambra i Mosèy, ty andiera’ iretia ty hatò; ondaty maleo-betsevetse; zoeñe koake tsy amam-patokisañe. 
\v 9 Tsy hiraorao, fa halange amy màroy t’ie tsivokatse, manahake ty nizoeñe amy nitsaraeñe rey.
\s1 Fañaveloañe an-kake
\p
\v 10 F’ie nañorike i fañòhakoy, ty satan-kaveloko, ty firefeako, ty fatokisako, ty fifeahako, ty fikokoako, ty fahaliñisako, 
\v 11 ty fampisoañañe, ty faloviloviañe manahake i nitendreke amako e Antioka naho e Ikonioma naho e Listra añe rezay—Akore o samporerahañe nifeahakoo, fe rinomba’ i \nd Talè\nd* amy iabiy. 
\v 12 Eka, toe fonga ho samporeraheñe ze te hañorike i Hake am’ \nd Iesoà\nd* Norizañey\f + \fr 3:12 \fr*\ft Mat 5:10\ft*\f*, 
\v 13 fe hiharaty avao ondaty lo-tserekeo naho o mpamorekeo\f + \fr 3:13 \fr*\ft Mat 24:12, Ben 22:11\ft*\f*; mamañahy mbore ifañahiañe. 
\v 14 Ihe ka, toloño o nioha’o naho niantofa’oo, fohiñe o nandrendreha’o azeo, 
\v 15 naho te nifohi’o boak’ amy naha’ ajaja azoy o Sokitse Masiñe mete mampahihitseo, hitaoñe azo mb’ am-pandrombahañe t’ie miato am’ \nd Iesoà\nd* Norizañey. 
\v 16 Nikofòn’ Añahare ze hene Sokitse Masiñe, le mahasoa ami’ty fañòhañe, fañendahañe, fañitiañe vaho fanoroan-kavantañañe, 
\v 17 hahafonirañe ondatin’ Añahareo ho veka’e amy ze fitoloñan-tsoa iaby.
\c 4
\s1 Nafantoke Hitaroñe i Hake
\p
\v 1 Aa le afantoko ama’o añatrefan’ Añahare naho \nd Iesoà\nd* Norizañey, i hizaka o veloñeo naho o nivilasio amy fitotsaha’ey naho amy fifehea’eiy, 
\v 2 ty hitaroñe i tsaray! ho veka’e he an-tsà’e ke tsy an-tsà’e ty hampiantoke, hañatahata, naho hañosike am-pañohañe pea fahaliñisañe. 
\v 3 Toe ho tondroke ty sa’ tsy hiantofañe ty mpañohañe vantañe, fa an-draven-tsofiñe mangilingily ty hanontona’ iareo mpañoke tsahatse o drao’ iareoo\f + \fr 4:3 \fr*\ft Ies 30:10, Iir 5:31, Rom 16:18\ft*\f*, 
\v 4 naho hongañe’ ty ravembia’ iareo ty hatò, hitolike mb’an-dantom-bolañe. 
\v 5 F’ihe! migahiña amy ze he’e, feaho ty sarotse, toloño an-tsatam-pitaroñe, henefo i fitoroña’oy.
\s1 Ty Fitama’i Paoly Hivetrake
\p
\v 6 Toe ailin-koe enga-rano iraho henaneo, naho an-titotse ty fiengako. 
\v 7 Fa nihotakotaheko i aly soay, nihenefeko i tsikiaviaviy, nivontitireko i fatokisañey. 
\v 8 Mihaja ho ahy henane zao ty sabakan-kavantañañe hatolo’ i \nd Talè\nd* Mpizaka Mahitiy ahy amy andro zay, le tsy amako avao, fa amy ze hene hifale amy fitotsaha’ey.
\s1 I Paoly am-Porozo ao
\p
\v 9 Milozoha homb’amako mb’ atoa aniany; 
\v 10 fa naforintse’ i Demasy, ie loho mpitea ty voatse toy ro nienga mb’e Tesalonika añe; naho nimb’e Galate añe t’i Kreska vaho nimb’e Dalmatia mb’eo t’i Titosy. 
\v 11 I Lioke avao ro amako atoy. Hitrifo t’i Marka vaho ampitraofo ama’o mb’etoa, amy t’ie mahasoa ahy amy fitoroñañey. 
\v 12 Fa nahitriko mb’ Efesosy añe t’i Tikiko. 
\v 13 Ihe mb’etoa, endeso i saroñe nengako añ’anjomba’ i Karpo e Troasy añey, naho o bokeo, àntsake o an-kolitseo. 
\v 14 Loho nijoy ahy t’i Aleksandro mpanefe saba, fa hivalea’ i \nd Talè\nd* mañeva o sata’eo\f + \fr 4:14 \fr*\ft Sab 28:4, 62:12\ft*\f*. 
\v 15 Itaò, fa niliere’e mafe o enta’aio.
\p
\v 16 Tsy eo ty nanozañe ahy amy fikòm-bolako valoha’ey, fonga nifary ahy. Ee t’ie tsy hasesek’ am’ iereo. 
\v 17 Fe nijohañe amako eo t’i \nd Talè\nd* nampaozatse ahy, hañenefako i fitaroñañey, hahajanjiña’ ze kila fifeheañe. Toe rinombake am-bava’ i lionay raho\f + \fr 4:17 \fr*\ft Sab 22:21\ft*\f*. 
\v 18 I \nd Talè\nd* ro hamotsots’ ahy amy ze hene sata-raty, handrombake ahy ho am-pifehean-dikera’ey. Aze ty engeñe an-tsa mb’an-tsa. Amena!
\s1 Fisalama’ i Paoly Honka’e
\p
\v 19 Añontaneo t’i Prisilae naho i Akoila, vaho o añ’anjomba’ i Onesiforosio. 
\v 20 Nitambatse e Korinto añe t’i Erasto, fa nengako siloke e Mileto añe t’i Trofimo. 
\v 21 Imaneo fiavy aolo’ ty asotry. Mañontane azo t’i Eobolo naho i Poda, naho i Lino naho i Klaodia vaho o longo iabio. 
\v 22 I Talè ro hañimba ty tro’o. Ho ama’ areo abey ty hasoa. Amena.