\id 2PE 
\ide UTF-8
\h Petera II
\toc1 Petera II
\toc2 Petera II
\toc3 2Pe
\mt1 Petera II
\c 1
\p
\v 1 I Simeona Petera, fetrek’oro naho Firàhe’ \nd Iesoà\nd* Norizañey,
\p Ho amo fa nandrambe fatokisañe mirai-hasiñe ami’ty anay, añamy havantañan’ Añahare naho i Mpandrombak’ antikañeio—\nd Iesoà\nd* Norizañey:
\p
\v 2 Hasoa naho fañanintsiñe hiregorego ama’ areo handren­drehañe an’Andrianañahare naho \nd Iesoà\nd* Talèntikañey.
\s1 Ty Fikanjiañe naho ty Fijoboñañe
\p
\v 3 Oniñe te i haozaran’ Añaharey ty nanolotse antikañe ze hene paiaeñe ami’ty haveloñe toy naho ami’ty fiambenañe Hake am-paharendrehañe to ie nikanjy antika ho ami’ty enge’e naho ty hasoa’ey. 
\v 4 Ie ro nanolora’e an-tika o fampitamañe jabajaba naho sarotseo, soa t’ie ama’e ro hitraok’ ami’ty vintan’ Añahare naho fa nibolitits’ amo drao-lo’ ty voatse toio. 
\v 5 Ie amy zay, milozoha hatovon-kavañonañe ami’ty fatokisa’areo naho hilala amy havañonañey, 
\v 6 naho filieram-batañe amy hilalay naho fahaliñisañe amy filieram-batañey naho fiasian-Kake amy fahaliñisañey 
\v 7 naho firañetañe amy fiasiañey vaho fikokoañe amy firañetañey. 
\v 8 Aa ie ama’ areo vaho miraorao, ro isebaña’e tsy halejolejo tsy ho po-bokatse ami’ty faharendrehañe i Talèntika \nd Iesoà\nd* Norizañey. 
\v 9 F’ie tsy ama’e, le rìpeke, toe fey, amy te nandikofa’e ty nañeferañe aze amo hakeo taoloo. 
\v 10 Ie amy zao ry longo, imaneo an-joton-tro ty hañatò i fikanjiañe naho fijoboñañe\f + \fr 1:10 \fr*\ft Mat 20:16, 22:14, Ben 17:14\ft*\f* anahareoy, amy t’ie mitoloñe am’ irezay, le lia’e tsy hitsikapy, 
\v 11 vaho hatobake ama’areo ty fizilihañe am-Pifehea-tsy modo’ i \nd Talè\nd* naho Mpañàha an-tika, \nd Iesoà\nd* Norizañey.
\s1 Ty Fitokiañe amo Sokitse Masiñeo
\p
\v 12 Aa le tsy hapoko t’ie ho tiahieñe am’irezay ndra te fa fohi’ areo vaho ijohaña’ areo ami’ty hatò ze ama’ areo henaneo. 
\v 13 Eka ataoko mañeva ty hañetseketseke ty fitiahia’ areo, izaho mbe an-kiboho’ ty tsandriñe atoañe, 
\v 14 fa apotako te hadoko aniany ty kibohotse toy, amy nampalangesa’ i Talèntika \nd Iesoà\nd* Norizañey amakoy. 
\v 15 Aa le imaneako te izaho fa nonjoneñe añe, ty hahatiahia’areo nainai’e irezay.
\p
\v 16 Tsy nañorike talily finoromporom-pañahy te nampandrendreha’ay ama’areo ty haozarañe naho fitotsaha\f + \fr 1:16 \fr*\ft Mar 9:1\ft*\f*’ i Talèntika \nd Iesoà\nd* Norizañey, f’ie valolombeloñe nahaisake i enge’ey, 
\v 17 ie nandrambe hasiñe naho engeñe aman’ Añahare Rae, naho niheo ama’e i fiarañanañañe boak’ amy Engem-bolonahetseiy, nanao ty hoe:
\q1 Intoy ty Anak’ isoko, O toe norokoo.\f + \fr 1:17 \fr*\ft Mat 17.5\ft*\f*
\p
\v 18 Tsinano’ay i fiarañanañañe boak’ an­dindìñe ey, t’ie nindre ama’e amy vohitse miavakey.
\p
\v 19 Toe aman-tika o tsaram-pitoky niventeñeo, le mahasoa anahareo ty hitsendreñe, hoe t’ie jiro mireandreañe am-pimoromoroñañe ao, ampara’ te manjirike i àndroy vaho mionjoñe i misaron-kazavañey\f + \fr 1:19 \fr*\ft Mik 4:1-3, Mar 9:3\ft*\f*. 
\v 20 Le maharendreha hey añ’arofo ao te tsy amy sokitse masiñey ty fitokiañe niboak’ ami’ty fisafiria’ ondaty. 
\v 21 Amy te mbe lia’e tsy nanoeñe ami’ty zoton-tro’ ondaty ty fitokiañe, fe ondaty nentoe’ i Arofo-Masiñeio t’i ninday taroñe boak’ aman’ Añahare.
\c 2
\s1 O Mpañoke Sare’eo
\p
\v 1 Fe nitraoke am’ondatio o mpitoky sare’eo\f + \fr 2:1 \fr*\ft Pe II 2:7-8, 21, Mat 7:15-23\ft*\f*, manahake te ho ama’ areo ao o mpañoke sare’e hanjilike fañòhañe maharotsake añ’ etakeo, ho liere’ iareo i \nd Talè\nd* nivily iareoy, toly ndra hivovoan-karo­tsahañe masìka. 
\v 2 Le maro ty haño­rike o drao-tsivoka’ iareoo, le ho sirikae­ñe ty am’ iereo i lalan-katòy, 
\v 3 naho amy hatitia’ iareo, ho haramamoe’ iereo an-drehake manigike, fe tsy mihenekeneke i namàrañe iareo haehaey, vaho tsy miroro ty fandrotsahañe iareo. 
\v 4 Fa kanao tsy nengan’ Añahare o anjely nandilatseo, le nafetsa’e an-tsikeokeok’ ao, vaho nasese’e an-tsilisily mb’ an-kamoromoroñañe ao handiñe zaka; 
\v 5 tsy nihevea’e i voatse taoloy fe rinomba’e t’i Noe, ie valo, mpitaron-kavan­tañañe, le noempoempoe’e i tane-bey tsy aman-Kàkey; 
\v 6 toe nafà’e ho rotsake ka i rova Sodo­ma naho Gomora rey ie finorototo’e ho lavenoke, ho fañòhañe o ho veloñe tsy aman-Kake mandimbe iareoo; 
\v 7 le rinomba’e t’i Lota vañoñe, ze nembere’ ty halò-tseren-kavelo’ o tsivokatseo\f + \fr 2:7 \fr*\ft Pe II 3:17\ft*\f* 
\v 8 ie nahaisake naho nahajanjiñe o sata’ iareo tsivokatseo handro an-kandro nahalovilovy ty arofo-vaño’ indaty vantañe nimoneñe am’iereoy. 
\v 9 Arofoana’ i \nd Talè\nd* ty handrombake o vantañeo amo fitsohañeo vaho hañajà o tsivokatseo ho an-jaka, ho lilovañe, 
\v 10 mentsake o mampilomolotse i nofotsey ami’ty drao’e tiva malain-ko fehèñeo, ie mijaranjaràñe, manao tsi-nahi’e, vaho tsy mititititike te mañoratse o aman’ engèñeo; 
\v 11 fe ndra o anjelio, ie milikoatse an-kaozarañe naho hafatrarañe, tsy manisý iareo an-jaka añatrefa’ i \nd Talè\nd*. 
\v 12 F’ iretia, le hoe biby tsy mahatsakore, naterake ho tsepaheñe naho lentàñe, miteratera o amoea’ iareoo, ho mongoreñe ami’ty fandrotsahañ’ iareo, 
\v 13 ho valèm-boiñe mañeva ty hatsivokara’e. Tea’ iareo ty miagarègañe antoandro. Hàndra naho pepo, mitsotsefotse ami’ty famañahia’ iareo te mitrao-pikama ama’areo. 
\v 14 Ama-maso pea hakarapiloañe, le lia’e tsy etsa-pandilarañe; mpampandifike o maletroletroo, an-troke naòke am-patitia-mena, anake nafàtse! 
\v 15 Nado’ iereo i lalañe mahitiy, nitsile mb’an-dala’ i Balama ana’ i Beora mpitea ty tamben-katsivokarañe 
\v 16 F’ie nendahañe ty amy fandilara’ey, naho nivolañe am-peo’ ondaty i borìke moañey hanebañe ty hadagòla’ i mpitokiy.
\p
\v 17 Lohan-drano maike iereo, mika aronjen-tio-bey, nañajàñe añ’ieñe mimoromoroñe tsy modo. 
\v 18 Ie mivolan-kòak’ an-tsenge, misarike iareo an-drao-rati’ o nofotseo naho am-pañiriañe lo, o didý tsy nahabotitsike amo mañavelo an-tahiñeoo, 
\v 19 mampitamà fierañerañañe, te mone ondevon-katsivokarañe, amy te ondevoze’ ty mamahotse aze t’indaty 
\v 20 Aa ie nihaha amo haloloa’ ty voatse toio ami’ty faharendrehañe i Talè Iesoà naho Mpandrombake Norizañey, naho mbe mifehefehe amy rezay indraike vaho mivahotse ao, le lombolombo’ i tam-balòha’ey ty haloloañe henane zay. 
\v 21 Ho nisoa t’ie tsy naharendreke i lalan-kavañonañey, ta te nanjo vaho niamboho i lily\f + \fr 2:21 \fr*\ft Ti I 6:14, Its 17:20, Sab 19:\ft*\f* masiñe natolotsey. 
\v 22 Toe ho a iareo ty oha-drehake manao ty hoe.
\q1 Mimpoly ami’ty loa’e ty amboa\f + \fr 2:22 \fr*\ft Rzs 26:11\ft*\f*
\q1 naho mb’am-pilomolorañe am-potak’ ao i renen-dambo sinasay.
\c 3
\s1 Ty Andro’i \nd Talè\nd*
\p
\v 1 O rañetse, intoy ty taratasiko faharoe nisokirako hampitsekake an-tiahy ty fitsakorean’ arofo’ areo ki’e, 
\v 2 haniahy i saontsy nampisaontsieñe o mpitoky miavakeo taoloy naho i nandilia’ i \nd Talè,\nd* toe Mpandrombakey, añamo Firàhe’ areooy. 
\v 3 Maharendreha hey te hivotrake eo amo andro honka’eo o mpanivetiveo hanive­tive, hañorike ty drao-rati’e; 
\v 4 hanao ty hoe: Aia ze o fampitamañe i fitotsaha’e zao? fa sikal’ ami’ty nirotan-droae’ay le kila mitoloñe ami’ty fanoe’e hirik’ami’ty fifotora’ ty voatse toy. 
\v 5 Ie ifahara’e, le amoea’e te nampiboak’ o likerañeo haehae i tsaran’ Añaharey\f + \fr 3:5 \fr*\ft Heb 11:3\ft*\f*, naho boak’ an-drano vaho añivo rano ty nañoreñañe ty tane toy; 
\v 6 ie ty nandrotsahañe ty tane toy tañ’ andro izay, ie niepoepoen-drano. 
\v 7 Le ty amy tsaray, mihaja ho ami’ty afo o likerañeo naho ty tane toy henaneo, ho amy androm-pizakañe naho fandrotsahañe ondaty lo-tserekeoy. 
\v 8 O rañetse, ko amoea’ areo itoy,
\q1 te hoe arivo taoñe ty andro raike amy \nd Talè\nd*,
\q1 le hoe andro raike ty arivo taoñe.\f + \fr 3:8 \fr*\ft Sab 90:4\ft*\f* 
\v 9 Tsy malaoñe amy nampitamae’ey t’i \nd Talè\nd*, ami’ty fanoe’ ty ila’e ty hoe malaoñe; f’ie mahaliñe an-tika, tsy satri’e te ndra iaia ty ho momoke, fa te songa hisoloho\f + \fr 3:9 \fr*\ft Ti I 2:4\ft*\f*. 
\v 10 Ho tondroke hoe mpikizo an-kaleñe ty andro’ i \nd Talè\nd*, ie hihelañe añe o likerañeo am-pitraontraoñañe, le kila ho tomontoe’ ty hamae vaho ho forototoe’ ty afo ty tane toy naho o fitoloña’eo. 
\v 11 Aa kanao hene hiteno, h’ondaty manao akore v’inahareo am-pañaveloañe miavake vaho am-pañambenañe Hake? 
\v 12 ie mitamà naho manaentàeñe i andron’ Añaharey, ama’e ty hamorototoe’ ty afo o likerañeo, vaho fonga hitranak’ ami’ty hamae’e. 
\v 13 Fe ty amy nampitama’ey, le misalala likeram-bao naho tane vao\f + \fr 3:13 \fr*\ft Ies 65:17, 66:22\ft*\f* imoneñan-kavantañañe tika. 
\v 14 Ie amy zao ry rañetse, kanao liñisañe, imaneo ty hahavazohoa’e anahareo an-kazavan-troke tsy aman-kandra tsy aman-kakeo. 
\v 15 Itsakoreo te fandrombahañe ty fahaliñisa’ i Talèntikañey, hambañe amy nisokira’ i Paoly rahalahin-tika sarotsey amy hihitse natolots’ azey; 
\v 16 ie mitaroñe i entañe zay amo hene taratasi’eo. Toe ao ty tsy mora rendreke\f + \fr 3:16 \fr*\ft Ko II 11:6\ft*\f* ie vandibandire’ o bàdo naho mañali-foo, hambañe ami’ty fanoa’ iareo o sokitse masiñe ila’eo, himomoha’ iareo. 
\v 17 Aa kanao fohi’ areo aolo ry rañetse, le mitaoa tsy hikapotrake ty figahiña’areo, hampandridrihe’e ty fandilara’ o tsereheñeo, 
\v 18 F’ie mitomboa ami’ty hasoa naho ami’ty faharendrehañe i Talèntika \nd Iesoà\nd* Mpandrombake Norizañey. Ama’e ty engeñe henaneo naho pak’ an-tsa tsy modo! Amena.