\id 2CO 
\ide UTF-8
\h Korinto II
\toc1 Korinto II
\toc2 Korinto II
\toc3 2Ko
\mt1 Korinto II
\c 1
\p
\v 1 I Paoly, Firàhe’ \nd Iesoà\nd* Norizañey ami’ty satrin’ Añahare, naho i Timoty rahalahintika. Ho ami’ty Fivorin’ Añahare e Korinto ao mitraoke amo noro’e iaby miparaitake Akaia añeo. 
\v 2 Hasoa naho fañanintsiñe ama’areo boak’ aman’ Añahare Raentika naho \nd Iesoà\nd* \nd Talè\nd* Norizañey.
\s1 Andrianañahare-Mpañohò
\p
\v 3 Andriañeñ’ abey t’i Andrianañahare Rae’ i Talèntika \nd Iesoà\nd* Norizañey, i Raem-pitretrezañe naho Andrianañahare’ ze hene fañohoañey, toe Andrianañahare. 
\v 4 Ie ty mañohò anay amo hasotria’ay iabio, hañohoa’ay ka o mioremèñeo, amy fañohoañe añohoan’ Añahare anaiy, 
\v 5 Hambañe amy te mitobake ama’ay o hasotria’ i Norizañeio, ty andoparam-pañohoañe añamy Norizañey. 
\v 6 Naho ampalovilovien-jahay, le ho ami’ty fañosihañe naho fandrombahañe anahareo; ie ohòñen-jahay le ho fañosihañe anahareo kanao mifeake ami’ty fijaleañe nijalea’ay. 
\v 7 Tsy mihilotse ty fisalalà’ay anahareo, fohiñe t’ie mitraok’ amo fisotria’aio le manahake izay ka amy fañohòañey.
\p
\v 8 O ry longo, tsy tea’ay te tsy hapota’ areo o feh’ ohatse nanoañe anay Asia añeo, izahay nampilogolgoeñe mandikoatse ty haozara’ay\f + \fr 1:8 \fr*\ft Ko II 4:8-9, 17\ft*\f*, vaho ho namoe aiñe. 
\v 9 Eka, an-tro’ay ao ‘nio te voa-fatse havetrake, soa tsy hiato-batañe, fa aman’ Añahare mpampitroatse o vilasio; 
\v 10 ie nañaha anay ami’ty fihomaham-bey, toe mamotsotse, naho itama’ay te mbe hañafake anay. 
\v 11 Tovo’e ty fañolora’areo: mifanehake ho anay an-kalaly; fa kanao maro ty mihalaly, maro ka ty hañandriañe t’ie voavale.
\s1 Mamotoañe t’i Paoly
\p
\v 12 Inao ty fisengea’ay, ie ventem-pitsakoreañe, te o fitoloña’ay an-tane atoy, antsake ama’areo, le nanoeñe ankazavan-troke naho an-kalio-tahiñe—tsy ami’ty hakante’ ty tane toy, fa ami’ty hasoa natolon’ Añahare. 
\v 13 Toe tsy anokira’ay naho tsy o vaki’ areo naho fohi’ areoo, fe atokisako t’ie haharendreke pak’am-pigadoña’e henaneo, 
\v 14 toe eo ty nirendre’ areo ama’ay, te inahareo ro foto’ ty fisengea’ay, naho zahay anahareo amy andro’ \nd Iesoà\nd* Talèntikañey.
\p
\v 15 Amy fatokisañe zay, ty nilaharako te hiheo mb’ama’ areo mb’eo heike, hahazoa’ areo tilike fañindroe’e, 
\v 16 Eka, hiary mb’ama’ areo iraho naho mb’e Makedonia ao vaho hibalike, hampionjona’ areo mb’e Iehodà añe.
\p
\v 17 Nifejofejo hao iraho amy nilaharakoy? He i italifirakoy ro nisafirieko amy haondaty hambo’ey ao? soa te songa hanoeko ty hoe Eka, Eka naho Aiy avao? 
\v 18 Fe manahake te migahiñe t’i Andrianañahare, le tsy Eka naho Aiy o fivola’ay ama’ areoo. 
\v 19 Amy te tsy Eka naho Aiy i Anan’ Añahare, \nd Iesoà\nd* Norizañe nitaroñe’ay naho i Silasy vaho i Timoty ama’ areoy, fa Eka avao ty ama’e ao. 
\v 20 Aa ndra fire-fire ty fampitamàn’ Añahare, le hene Eka o ama’eo; vaho ie ty anoa’ay Amena amy fandrengea’ay an’ Andrianañaharey.
\p
\v 21 Fa mampipitike antikañe amy Norizañey t’i Andrianañahare, ie hinoso’e 
\v 22 naho vinoli-tombo’e vaho natolo’e an-tron-tikañ’ ao i Aro­fo’ey ho tsaloke. 
\v 23 Aa le koiheko ho valolom­belon-troko t’i Andrianañahare te i fiheveako anahareoy ty tsy nombako mb’e Korinto mb’eo heike. 
\v 24 Tsy te senge’ay hery o fatokisa’ areoo, f’ie mpifanehake ama’ areo ho ami’ty hafalea’ areo, amy t’ie mijadoñe soa am-patokisañe.
\c 2
\s1 Iheveo i Niotay
\p
\v 1 Ie amy zao, tampakevetse amako t’ie tsy homb’ama’areo mb’eo aman’anahelo; 
\v 2 fa naho izaho ty mampihontoke anahareo, ia ka ty hampiehake ahy naho tsy i nampanaheloekoo? 
\v 3 Ty nanokirako izay, le he te izaho homb’eo, ro mioremeñe amo ho nampirebek’ ahikoo; fa atokisako ama’areo iaby te ze mahafale ahy ro mahafale anahareo iaby. 
\v 4 Toe an-kaloviloviañe naho fikoretan-tro naho ranomaso maro ty nanokirako, tsy te hampañore, fa ty hampandrendreke anahareo ty fikokoako miheotse.
\p
\v 5 Aa naho teo ty nampañore, le tsy izaho ty nampanaheloe’e, fe, (tsy mone ho losoreko) mete niorea’ areo iaby. 
\v 6 Fa nahaeneke indatiy i fandilovañe nipaoha’ i màroy azey. 
\v 7 Ie amy zao, soa re te ihevèa’ areo naho añohòa’ areo, tsy mone t’ie ho opoe’ ty hontoke. 
\v 8 Aa le osiheko, te ho vente’areo ama’e ty fikokoa’ areo. 
\v 9 Ty nisokirako, le ty hitsoke anahareo hera mete mivohotse ndra aman’ inoñ’ inoñe. 
\v 10 Aa le ze ihevea’ areo ro iheveako ka. Le ze napoko—naho toe eo ty ho niheveañe, le fa niheveako añatrefa’ i Norizañey ty ama’ areo, 
\v 11 tsy mone hamañahy antika i mpañìnjey, itika tsy bahimo amo sata’eo.
\s1 Marifondrifoñe
\p
\v 12 Ie nivotrake e Troasy añe iraho ty amy talili-soa’ i Norizañeiy, le nisokake ho ahiko, amy \nd Talè\nd* ao, i lalañey, 
\v 13 fe tsy nazava ty troko, amy te tsy nitreako t’i Titosy rahalahiko. Aa le nangata-dalañe am’iereo vaho nionjomb’e Makedonia mb’eo.
\p
\v 14 Andriañeñe t’i Andrianañahare, mpiaolo anay am-pandrebahañe nainai’e amy Norizañey, naho aboele’e aña­ma’ay ty harifondrifo’ ty fahafohinañe aze tok’ aia tok’ aia. 
\v 15 Fa aman’ Añahare zahay ro hamañi’ i Norizañey amo mirombakeo naho amo mikoromakeo; 
\v 16 amy raikey ty haimbon-kavilasy ho am-pihomahañe, le amy raikey ty harifondrifon-kavelo ho aman-kaveloñe vaho ia ty mahatafe­tetse izay? 
\v 17 Tsy manahake i maro mandetake i tsaran’ Añahareiy zahay; fe ami’ty do’e aman’ Añahare naho amy Norizañey, añatrefan’ Añahare ro itaroña’ay.
\c 3
\s1 Sinokitse añ’Arofo ao
\p
\v 1 Mamototse maniom-batañe in­draike hao zahay? ke t’ie, manahake o ila’eo, mipay taratas-pañiniañe ho ama’areo, he taratas-pañiniañe boak’ ama’areo? 
\v 2 Inahareo ro taratasi’ay pinatetse añ’ arofo’ay atoañe, fohiñe naho vakie’ ze kila ondaty, 
\v 3 ie malange te taratasi’ i Norizañe toroñe’aiy, tsy sinokitse an-dranomainte fa amy Arofon’ Añahare veloñey, tsy an-takelam-bato fa an-takelan-tro’ ondaty.
\p
\v 4 Izay ty fatokisa’ay aman’ Añahare añamy Norizañey. 
\v 5 Tsy te zahay ro mañeva hivolañe t’ie maha-pi-draha, fa boak’ aman’ Añahare ty faha­lefea’ay, 
\v 6 Ie ka ty nampahafaritse anay ho mpitoro’ i fañina vaoy; ie tsy an-tsokitse, fa amy Arofoy; mahafate i sokitsey, fe mahaveloñe i Arofoy.
\p
\v 7 Aa naho an’ engeñe ty nitotsaha’ i fitoroñam-pihomahañe an-tsokitse pinatetse am-batoy, ie tsy nahafitalatse ty lahara’ i Mosè o ana’ Is­ra­eleo ty amy engen-dahara’ey—ie nipoa-mavo, 
\v 8 aa tsy handikoatse izay ty enge’ o fitoroñan’ arofoo? 
\v 9 Ie nanañ’ engeñe ty fitoroñam-pañozoñañe, sandrake te itoboaran’ engeñe ty fitoroñan-kavañonañe. 
\v 10 Aa naho oharañe ami’ty engeñe mitoabotse toy, le tsy aman’ engeñe henaneo i nirengèñe taoloy. 
\v 11 Fa naho nanañ’ engeñe i mipoa-mavoy, antsake te hanam-bolonahetse i tsy mete modoy.
\p
\v 12 Aa kanao izay o fitamà’aio, le ra’e­lahy ty fahavania’ay, 
\v 13 f’ie tsy manahake i Mosè nikolopofa’ ty lamba marerarera an-dahara’e\f + \fr 3:13 \fr*\ft Avo 34:33-35\ft*\f* tsy mone hitolom-pangareke aze o ana’ Israeleo ampara’ t’ie nimavo, 
\v 14 fe nihagàñe ty fivetsevetse’ iareo, naho mbe tsy miafake henanekeo amy famakiañe i fañina taoloy i marerareray, fa amy Norizañey ty fañahañe aze. 
\v 15 Aa ndra henaneo, ndra mb’ia mb’ia vakieñe t’i Mosè le kolopofa’ i marerareray ty arofo’ iareo. 
\v 16 Fe naho mitolike amy \nd Talè\nd* t’indaty, le miafake i marerareray\f + \fr 3:16 \fr*\ft Avo 34:34\ft*\f*. 
\v 17 I \nd Talè\nd* ‘nio i Arofoy, le añ’Arofo’ i \nd Talè\nd* ao ty fidadàñe. 
\v 18 Fe itikañe iaby, an-daharañe tsy mikolopoke, mañisake hoe an-ketsoro ty enge’ i Talè, ro hovaeñe ho hambam-bintañe ama’e aman’ engeñe itoaboran’ engeñe añamy \nd Talè\nd*, i Arofoy.
\c 4
\s1 Vara an-Tsajoa
\p
\v 1 Aa kanao anay o fitoroñañe zao, ie niferenaiñañe, le tsy mamoe’ay. 
\v 2 Toe rarà’ay ze sata naetake ty amy hasalara’ey; tsy mipiapia am-pamañahiañe vaho tsy mengohe’ay o tsaran’ Añahareo, fe am-palangesañe ty hatò ro anolora’ay vatañe mb’am-pitsakorea’ ze hene ondaty am-pivazohoan’ Añahare. 
\v 3 Aa naho toe mikolopoke ty talili-soa’ay, le mikolopoke amo mikoromakeo, 
\v 4 fa nampigoa’ ty ndrañaharen-tsa toy\f + \fr 4:4 \fr*\ft Lke 4:6\ft*\f* ty fivetsevetse’ o tsi-miantokeo, tsy hahaisake ty fireandrea’ ty talili-soan’ enge’ i Norizañey, i vintan’ Añaharey. 
\v 5 Tsy ty vata’ay ro taroñe’ay, fa \nd Iesoà\nd* Norizañey ho \nd Talè\nd*, le zahay ro fetrek’oro’ areo ty am’ \nd Iesoà\nd*. 
\v 6 I Andrianañahare nanao ty hoe: Hipasasàke amo ieñeo ty zava ro mampireandreañe añ’arofo’ay ao i hazavam-paharendrehañe ty engen’ Añahare mitapasàke an-dahara’ \nd Iesoà\nd* Norizañey. 
\v 7 Ie ty vara’ay mihaja an-tsajoa-tane ao, hampidodea te boak’ aman’ Añahare ty hara’elahi’ i haozarañey fa tsy hirik’ ama’ay. 
\v 8 Mañari­katoke anay ty famorekekeañe\f + \fr 4:8 \fr*\ft Ko I 1:8\ft*\f*, fe tsy demoke; malovilovy, fe tsy mamoe aiñe, 
\v 9 samporeraheñe fa tsy naforintse­ñe; zinevo, fa tsy rotsake— 
\v 10 nainai’e endese’ay am-batañe ty havilasi’ \nd Iesoà\nd*, soa te halange an-tsandri’ay ka ty havelo’ \nd Iesoà\nd*. 
\v 11 Le nai­nai’e seseheñe havetrake ty amy \nd Iesoà\nd* zahay veloñe, soa te hiboak’ an-tsandri’ay mora mihomakeo ka ty havelo’ \nd Iesoà\nd*.
\p
\v 12 Aa le mitromake ama’ay ao ty fihomahañe, le ama’areo ty haveloñe. 
\v 13 Manahake ty nisokirañe ty hoe:
\q1 Niantoke iraho, vaho nivolañe,\f + \fr 4:13 \fr*\ft Sab 116:10\ft*\f*
\p Toe miato ka zahay nampatokisa’ i Arofoy vaho mitaroñe, 
\v 14 fohiñe te i Nampitroatse i \nd Talè\nd* \nd Iesoà\nd*y ro hampitroatse anay miharo amy \nd Iesoà\nd* ka, vaho hampiatrefe’e mitraoke ama’ areo zahay. 
\v 15 Inahareo ty nanoañe i he’e rezay, soa t’ie fa niboele ami’ty maro ty hasoa le handopatse ho ami’ty engen’ Añahare ty fañandriañañe.
\p
\v 16 Aa le tsy milesa zahay, fa ndra te mihamomoke ty sandri’ay alafe’e, mihavao boak’ andro ty an-tro’ay ao. 
\v 17 Le i hasotriañe maivañe tsy maremaretse toiy ro mamokatse engeñe tsy ri’e mavesatse tsy amañ’ohatse. 
\v 18 Le tsy o isam-pihainoo ty biribirie’ay fa o tsy isakeo, amy te mihelañe o raha isakeo, fe tsy ho modo nainai’e o tsy isam-pihainoo\f + \fr 4:18 \fr*\ft Ko II 5:7, Rom 8:24, Heb 11:1,13\ft*\f*.
\c 5
\s1 Ty Akiba andindìñey añe
\p
\v 1 Fohin-tikañe te, ie arotsake ty kijà imoneñan-tikañ’ an-tane atoy, le manañe ty nitsenen’ Añahare, anjomba tsy nanoem-pitàñe, ie tsy ho modo nainai’e andindìñe ao. 
\v 2 Toe mampitoreotoreo antika ty atoy: ie misalala hisaroñe i kibohon-tika boak’ andindìñe añey, 
\v 3 ie iombean-tika, le tsy ho zoeñe mihalo. 
\v 4 Eka miselekaiñe tika ami’ty kijà toy, miatra-draha tsy te hihalo, fa te hisaroñe, soa te hagedran-kaveloñe i fa hihomakey. 
\v 5 I Andrianañahare ty nañòke antika ho amo raha zao, ie nañomey antika i Arofo Masiñey ho tsòake. 
\v 6 Aa le nainai’e maharototse tika, fohiñe t’ie mimoneñe ami’ty sandriñe toy ro mboe tsy amy \nd Talè\nd* ao. 
\v 7 Toe mañavelo am-patokisañe tika fa tsy t’ie mahaisake\f + \fr 5:7 \fr*\ft Ko II 2:14, 4:18\ft*\f*. 
\v 8 Toe matoky tika, t’ie veka’e hisitake amy sandriñey himoneñe amy \nd Talè\nd* ao. 
\v 9 Aa ke mimoneñe he añe, ilozohan-tika ty hahasitrak’ aze. 
\v 10 F’ie tsy mahay tsy hiheo añatrefa’ i fiambesam-pizakà’ i Norizañey, songa handrambe ty valem-pitoloña’e an-tsan­dri’e, ty amo nanoe’eo, ke te nisoa he niraty\f + \fr 5:10 \fr*\ft Mat 16:27, Jao 5:29\ft*\f*.
\s1 Ty Fifampilongoañe
\p
\v 11 Aa kanao fohiñe ty fañeveñañe amy \nd Talè\nd*, le osihe’ay ondatio; toe midodea aman’ Añahare zahay vaho misalala t’ie halange am-pitsakorea’ areo ka. 
\v 12 Tsy t’ie hirenge indraike, fe hirengea’ areo, soa te hahavale o misenge an-tarehe fa tsy an-trokeo nahareo. 
\v 13 Aa naho mivali-jere zahay, le aman’ Añahare; ie miaren-jahay, le inahareo. 
\v 14 Toe azì’ ty fikokoa’ i Norizañey zahay; aa kanao zao, ie nivilasy ho a i màroy i Raikey, le fonga nihomake. 
\v 15 Kila nivetraha’e, soa te tsy ho veloñe am-bata’e ka o veloñeo\f + \fr 5:15 \fr*\ft Rom 14:7-8, Gal 2:20\ft*\f*, fa ho amy nivilasy vaho nivañombelo ho a’ iareoy.
\p
\v 16 Aa ie henane zao, tsy mahaoniñe ndra iaia amy ha­ondati’ey tika, eka, toe nionin-tika amy haondati’ey i Norizañey, fe tsy zay ty hahafohinañ’ aze henaneo. 
\v 17 Ie amy zao, ndra iaia ro amy Norizañey ao, ro voatse vao, fa nihelañe añe o hambo’eo, heheke, kila nivaoeñe\f + \fr 5:17 \fr*\ft Rom 6:2-22, Gal 2:20, Efe 4:22-24, Kol 3:10, Jn I 3:9-10\ft*\f*, 
\v 18 toe hene raha ro boak’ aman’ Añahare nifampilongo aman-tika añamy Norizañey, vaho natolo’e antika ty fitoroñañe i fijebañañey; 
\v 19 le zao nifampilongo ami’ty voatse toy t’i Andrianañahare añamy Norizañey, naho tsy vinolili’e am’iereo o hakeo’ iereoo, vaho nafanto’e ama’ay i tsaram-pifampilongoañey.
\p
\v 20 Toe sorotà’ i Norizañey zahay, le hoe te zahay ro fikanjian’ Añahare. Aa le ihalalia’ay ty amy Norizañey: Mifampilongoa aman’ Añahare. 
\v 21 Fa nanoen’ Añahare soron-tahiñe ho an-tika i tsy nanan-kakeoy, soa te ho an-kavantañan’ Añahare tika ama’e ao.
\c 6
\p
\v 1 Aa kanao mifanehake, risihe’ay anahareo ty tsy handrambe ty hasoan’ Añahare vaho hilesa. 
\v 2 Fa hoe re:
\q1 Nitsanoñ’ azo iraho ami’ty andro mete
\q1 vaho nañolotse azo
\q1 ami’ty androm-pandrombahañe.\f + \fr 6:2 \fr*\ft Ies 49:8\ft*\f*
\p Inao, henaneo ty sa mete; Henanekeo i androm-pandrombahañey.
\s1 Ty Hasotria’ i Paoly
\p
\v 3 Tsy anoe’ay ty hampitsikapy iaia ama-ndra inoñ’ inoñe, kera ho tiñeañe i fitoroñañey. 
\v 4 Fe, ventè’ay amy ze he’e t’ie mpitoron’ Añahare: am-pifeahañe mañore, an-kaloviloviañe, an-koheke, am-pamorekekeañe, 
\v 5 am-pofoheñe, am-porozò ao, am-pandragaragàñe, an-kamokorañe, ie azo ty tsa­reke, le an-kasalikoañe, 
\v 6 an-kalio-tahiñe, am-paharendrehañe, am-pahaliñisañe, an-tretre amy Arofo Masiñey vaho an-koko tsy voroteñe, 
\v 7 an-tsara vantañe, an-kaozaran’ Añahare, am-pialian-kavañonañe am-pitàn-kavana naho havia, 
\v 8 he asiñeñe ke mavoeñe, he fosaeñe ke rengèñe; atao mpamañahy f’ie mahity; 
\v 9 hoe tsy fohiñe fe arofoanañe; hoe mikenkañe fe hehe t’ie veloñe; nililoveñe fe tsy vinono; 
\v 10 hoe mandala f’ie nainai’e mandia taroba; hoe rarake fe mampañaleale ty maro; hoe poi’e te mone kila anay.
\p
\v 11 O ry nte-Korinto! manoka-palie ama’ areo zahay, mivañavaña o tro’aio. 
\v 12 Tsy t’ie manebañe anahareo, fe azi’ ty añova’ areo ao. 
\v 13 Antao hifampira—hoe mirehake aman’ ajaja raho—midañadañà troke ka.
\s1 Tsy Iharoan-joka ty tsy Mpiato
\p
\v 14 Ko miharo joka amo tsy miatoo. Fa ino ty itraofa’ ty havantañañe ami’ty tsi-fañorihan-Kake? ke ino ty iharoa’ ty zava ami’ty ieñe? 
\v 15 He akore ty hitraofa’ i Norizañey saontsy amy Beliale? ke ino ty iharoa’ ty mpiato ami’ty tsy miato? 
\v 16 Aia ty hitraofa’ i anjomban’ Añaharey amo sampon-drahao? toe Anjomban’ Añahare veloñe tika. Fa hoe t’i Andrianañahare:
\q1 Himoneñe am’ iareo ao iraho,
\q1 naho ho mbeo’mbeo am’ iereo,
\q1 le ho Andrianañahare’ iareo iraho,
\q1 vaho h’ondatiko iereo. \f + \fr 6:16 \fr*\ft Sor 26,11,12; Avo 29:45, Iir 31:1, Iek 37:27\ft*\f*
\q1
\v 17 Aa le miakara am’iereo,
\q1 vaho miavaha, hoe t’i \nd Talè\nd*.
\q1 Ko mitsapa raha faly,
\q1 le hampihovaeko nahareo. \f + \fr 6:17 \fr*\ft Ies 52:11; Iek: 20:34,41\ft*\f*
\q1
\v 18 Ho Rae’ areo iraho, vaho ho ana-dahiko
\q1 naho anak-ampelako nahareo,
\q1 hoe t’i \nd Talè\nd* Tsitongerèñe. \f + \fr 6:18 \fr*\ft Sa II 7:14; 7:8; Ies 43:6, Hos 1:10\ft*\f*
\c 7
\p
\v 1 Kanao an-tikañe o fampitamañe zao ry longo sarotse, le ehe miefera amy ze raha mahativa sandriñe naho troke, mañeneke fiavahañe am-pañeveñañe aman’ Añahare\f + \fr 7:1 \fr*\ft Fot 12:1, Avo 19:5-6, Ben 18:4\ft*\f*.
\s1 Mandia Taroba
\p
\v 2 Ampihovao an troke zahay! fa tsy anaña’ iaia hakeo, tsy nimengohe’ay, tsy nikatramoe’ay. 
\v 3 Tsy te hamàtse anahareo ty nanoako izay, ie fa nivolañeko taolo t’ie an-tro’ay ao, ke te hiharo hivetrake he hitrao-kaveloñe. 
\v 4 Bey ty fatokisako anahareo naho jabajaba ty fisengeako. Toe enem-panintsiñan-draho, tsipike ty hafaleañe amo hene falovilovia’aio. 
\v 5 Ie nipoke e Makedonia añe le tsy nahafitofa o sandri’aio, fa nitokoen-draha mb’etia mb’ eroa—fihotakotahañe ey naho fihakahakàñe ao. 
\v 6 Fe, i Andrianañahare Mpañohò o voretrao, ro nañohò anay ami’ty fiavi’ i Titosy, 
\v 7 toe tsy amy fiavi’ey avao, fa amy fañohòañe nañohoa’ areo azey, ie nitalily ty fisalalà’ areo, ty firoveta’ areo, naho ty zoton-tro’ areo ho ahy; ie nonjoneko an-drebeke.
\p
\v 8 Aa ndra t’ie nampioremeñako amy taratasiy, tsy aneñenako; (toe naneñeñe hey fe nitreako te tsy nimaremàretse ty nampilendèña’ i taratasiy.) 
\v 9 Mirebeke henaneo, tsy t’ie nampioremeñe, fa te ninday anahareo hisoloho i fanaheloy. Toe nanao fanaheloan’ Añahare nahareo vaho tsy nijoie’ay. 
\v 10 Minday fisolohoañe tsy aneñenañe mb’an-drombake ty anahelo satrin’ Añahare; fe maha-vetrake ty fandalà’ ty voatse toy.
\p
\v 11 Oniño ty fahimbañañe nivokare o raha zao, o fiorèmeñan’ Añahare ama’ areoo, ty fiveroha’ areo, ty fitorifihañe, ty fihembañañe, ty fisalalàñe, ty zoton-tro vaho ty fipaiàn-to! Hene namente ty halio-tahi’ areo amy rahay. 
\v 12 Aa ndra t’ie nisokirako, tsy i nandilatsey ndra i nandilarañey, fa t’ie halange ama’ areo am-pivazohoan’ Añahare ty fiasia’ areo anay.
\p
\v 13 Izay ty nampanintsiñe anay, le tsy vaho i fañohòañey fa nilosore’ay rebeke ty hafalea’ i Titosy amy nampibodaña’ areo i arofo’eiy. 
\v 14 Aa ndra inoñe ty nandrengeako anahareo ama’e, tsy nahasalatse ahy. Fa an-katòn-drehake avao ty nitaroña’ay, le nizoen-ko mahity ty nirengea’ay amy Titosy. 
\v 15 Toe nionjoñe ty fiferenaiña’e anahareo te nahatiahy ty tsy fanjehara’ areo iaby, vaho t’ie nandrambe aze añ’eveñe naho an-titititike. 
\v 16 Aa le irebehako te atokisako amy ze he’e nahareo.
\c 8
\s1 o Fatarihañeo
\p
\v 1 Ie amy zao, ry longo, tea’ay ho fohi’ areo ty falalàn’ Aña­hare natolotse amo Fivory e Makedoniao, 
\v 2 ndra t’ie mifeake haloviloviañe, le nandoparem-patarihañe ty haliforan-kaeha’ iareo naho ty halosoran-karahara’iareo. 
\v 3 Eka taroñeko ty fahalefea’ iareoy, te nandikoatse ty oza’ iareo, ie nanolotse an-tsatrin-troke; 
\v 4 naho nihalaly ama’ay an-drakadrakake te hitraoke amy fiatrafañe o noro’eoy. 
\v 5 Le nanoe’ iereo, fe tsy ami’ty na­tao’ay ho mete, te mone nanolo-tsandry amy \nd Talè\nd* heike iereo vaho ama’ay ty amy satrin’ Añaharey. 
\v 6 Aa le nosihe’ay t’i Titosy; ie fa namototse ro hañeneke ama’ areo ka ty fanoloram-palalàñe toy.
\p
\v 7 Aa, hambañe amy t’ie miraorao amy ze he’e—am-patokisañe naho tsara, an-kilala naho fahimbañañe, vaho amy fikokoa’areo anaiy—le milikoara amo falalàñe zao ka. 
\v 8 Tsy ivolañako t’ie lily, fe ty amo fahimbaña’ o ila’eoo, naho ty hamenteako ty fikokoa’ areo. 
\v 9 Fohi’ areo ty fatariha’ i Talèntika Iesoà Norizañey, ie ni-mpañaleale ro nirèke ho rarake ty ama’ areo, soa te i hararaha’ey ro hampañarivo anahareo. 
\v 10 Inao ty heveko ty amy rahay: Tombo’e ho anahareo te namototse amy taoñey, le tsy vaho nanao fa nisalalaeñe. 
\v 11 Aa le henefo i fitoroñañey henaneo, soa te hambañe ami’ty falisà’ areo hanao, ty hañenefa’ areo amy ze lefe’ areo; 
\v 12 fa naho eo ty hasindàñe, le ho no’e ty amy hanaña’ ondaty fa tsy ty amy tsy fanaña’e.
\p
\v 13 Tsy te hampijinieñe ty ila’e le hamaivañeñe ty ila’e, fa t’ie hampitsahareñe; 
\v 14 ie henaneo, ty havokara’ areo ro ho amy ze paia’ iareo, soa te ho amy ze paia’ areo ka ty hanolora’ iareo amo havokara’eo, vaho ho mira. 
\v 15 Hoe ty pinatetse:
\q1 Tsy nilosoreñe ty nanontoñe maro,
\q1 le tsy niereñe ty nanontoñe kede.\f + \fr 8:15 \fr*\ft Avo 16:18\ft*\f*
\s1 Ty Lili’ o Falalañeo
\p
\v 16 Andriañeñe t’i Andrianañahare, te nazili’e añ’arofo’ i Titosy ao ty fahimbañañe ho anahareo hambañe ami’ty ahiko. 
\v 17 Tsy vaho i halali’aiy ty ninò’e, fa amy hasindà’ey ty nihitrifa’e mb’ama’ areo mb’eo an-tsatri’e, 
\v 18 le na­hi­tri’ay hitraok’ama’e ty rahalahy rengè’ o hene Fivorio ty amy talili-soay; 
\v 19 Tsy izay avao, fa tinendre’ o Fivorio t’ie hindre lia ama’ay amo falalàñe zao, o vandroñe’aio ho ami’ty enge’ i \nd Talè\nd* naho hampidodea ty hatsotseha’ay hañimba; 
\v 20 ie mitao tsy ho tiñeñe amy famandroña’ay o ravoravo jabajaba zaoy, 
\v 21 fa anolora’ay ty mañeva, am-pivazohoa’ i \nd Talè\nd*, vaho am-pahaisaha’ ondatio\f + \fr 8:21 \fr*\ft Rzs 3:4\ft*\f*; 
\v 22 vaho nam­pindreze’ay am’iereo ty rahalahy beteke ni­ventè’ay naho nioni’ay t’ie maringatse amy ze he’e, mentsake henaneo te mampahimbañ’ aze ty fatokisa’e anahareo. 
\v 23 Le i Titosy, Mpirekets’ amako naho mpifanehake ama’ areo; naho o roahalahio, ie nampihitrife’ o fivorio, enge’ i Norizañey. 
\v 24 Aa le aboaho am’ iereo aolo’ o Fivorio ty ventem-pikokoa’ areo naho ty talim-pirengea’ay anahareo.
\c 9
\s1 Fampihentseñañe o Falalàñeo
\p
\v 1 Ty fiatrahañe o noro’eo, le tsy loho paiañe ty hanokirañe ama’ areo. 
\v 2 Amy te apotako ty fahimbaña’ areo, le isengeako amo nte-Makedoniao, te fa niveka’e tamy taoñe teoy ty Akaia, vaho maro ty nosiheñe ami’ty zoton-tro’ areo. 
\v 3 Fe nahitri’ay o roahalahio tsy mone ho kòake ty nisengea’ay anahareo amo raha zao, ie fa nanoako ty hoe te mete ho veka’e. 
\v 4 Hera hindre lia amako mb’eo t’i nte Makedonia hanjo anahareo tsy veka’e, hanalats’ anay (tsy nataoko: Nahareo) ie natokisañe. 
\v 5 Aa le nataoko ho mete te hosiheñe homb’ama’ areo mb’eo hey i rahalahy rey hañajary i falalàñe nampitama’ areoy, hañentseña’e ho ravoravo fa tsy fatitiañe.
\s1 Fañè amo Fanolorañeo
\p
\v 6 Inao ty lengo’e: hanatake tsy ampe­ampe i mitongy kedekedekey, vaho hanatake tsi-fotofoto ty mitongy maro. 
\v 7 Songa hanolotse ty amy fisafirin’ arofo’ey, le tsy am-parahy, tsy an-jizy; amy te non’ Añahare ty mpañolotse an-kaehake.\f + \fr 9:7 \fr*\ft Rzs 22:8\ft*\f* 
\v 8 Le meten’ Añahare ty handipora’e ze atao hasoa, le ie eneñe nainai’e amy ze hene paiae’ areo ro hiraorao amy ze fonga tolon-draha soa. 
\v 9 Hoe ty pinatetse:
\q1 Naboele’e mbeo’ mbeo,
\q1 Nifahana’e o rarakeo;
\q1 Nainai’e ty havantaña’e.\f + \fr 9:9 \fr*\ft Sab 112:9\ft*\f*
\p
\v 10 Le i mpanolotse tabiry amo mpitongio naho mahakama ho kamaeñey abey ro hanolotse naho hampitombo ty tabiry tongise’ areo vaho hampitoabotse ty tolin-tsabon-kavantaña’ areo.\f + \fr 9:10 \fr*\ft Isa 55:10-11\ft*\f* 
\v 11 Le hampitomboeñe amy ze he’e ho am-patari­hañe heneke, am-pañandriañañe an’An­drianañahare añama’ay. 
\v 12 Amy te tsy vaho hamahañe ze paia’ o noro’eo avao ty famandroñañe o fiatrahañe zao, ie mandopatse ty amo fañandriañañe maro an’ Andrianañahareo. 
\v 13 Ty fanolorañe o fiatrahañe zao mamente am’ondati-reo t’ie mandrenge an’Andrianañahare ami’ty anoe’ areo ze iantofa’ areo te nafe’ i talili-soa’ i Norizañey, naho t’ie am-patarihañe ty andivañe am’iereo vaho am’ iabikey. 
\v 14 Le amo filolofa’ iareoo ty himaniña’e anahareo ty amy hasoan’ Añahare ama’ areo. 
\v 15 Andriañeñe abey t’i Andrianañahare ty amy fatariha’e tsi-amañ’ohatsey.
\c 10
\s1 Ty Nañarova’e i Fitoroña’e
\p
\v 1 Izaho Paoly ty midrakadrakake ama’ areo amy tretran’ arofo naho fiferenaiñañe amy Norizañey—zaho atao mimalimalitse te mifañatreke, f’ie mahasibeke te añe!— 
\v 2 Mihalaly te tsy hazi’ areo hiatreatre t’ie ao, ie mahasibeke fiatreke o ila’e manao anay ho mpañavelo ami’ty haondaty hambo’eo.
\p
\v 3 Fa ndra t’ie mañavelo amy hambo’ey, tsy i hambo’ey ty fialia’ay. 
\v 4 Toe tsy boak’ amy hambo’ey o fialia’eo fe an-kaozaran’ Añahare maharo­tsake kijoly fatratse; 
\v 5 afetsa’ay ambane o fitsakoreañeo naho ze hene raha mionjoñe hiatreatre ty fahafohinañe an’ Andrianañahare vaho rohize’ay ze fonga vetsevetse hivohora’e amy Norizañey, 
\v 6 ie heneke ty fivohora’ areo, le veka’e zahay handilo ze atao fanjeharañe\f + \fr 10:6 \fr*\ft Jao 3:36\ft*\f*.
\p
\v 7 Isaho o atrefe’areo henaneo? Naho eo ty matoky te a i Norizañey, ee t’ie hitsibo-batañe, he manahake ty maha amy Norizañey aze ty maha amy Norizañey anay. 
\v 8 Aa ndra t’ie mitolom-pirenge amy nampifeleha’ i \nd Talè\nd* anay hampiraorao anahareoy, fa tsy handrotsake, le tsy isalarako. 
\v 9 Tsy teako hatao fañembañañe anahareo o taratasikoo. 
\v 10 Peha’e naho maozatse o taratasi’eo, hoe ty ila’e, f’ie mavo-vintañe te miatreke naho sirikaeñe o filañonaña’eo. 
\v 11 Soa re te hitsakore te hambañe ami’ty enta’ay an-taratasy ty fitoloña’ay te miatreke.
\p
\v 12 Tsy mahavany hitrao-lohàñe ndra hifañòhatse amo ila’e mirengeo zahay. Ie po-hilala kanao mifanjehe vatañe naho mifañòhatse avao. 
\v 13 Le tsy ho senge’ay ze alafe’ o nafaritsoke ho anaio, fa amy nanendrean’ Añahare anaiy, ze mahatakatse pak’ ama’ areo ka. 
\v 14 Tsy ho losore’ay fisengeañe hoe t’ie tsy nitakare’ay, amy te toe nahitri’ay pak’ama’ areo añe i talili-soa’ i Norizañey; 
\v 15 tsy ho sengè’ay ka o alafem-balavala’aio, ami’ty fitoloña’ o ila’eo. Fe itamà’ay, ami’ty fitomboa’ ty fatokisa’ areo, te hielatse ty vala­vala’ay, hionjoñe ho amy ze lefe, 
\v 16 hitaroña’ay i talili-soay ankàlo’ areo ao, fa tsy t’ie hirenge ami’ty fitoloñañe nihenefa’ ty ila’e. 
\v 17 Le,
\q1 Ze hirenge, ee te amy Talè ty hirengea’e.\f + \fr 10:17 \fr*\ft Iir 9:23\ft*\f*
\p
\v 18 Toe tsy i mirengey ty no’e, fa ze rengè’ i \nd Talè\nd*.
\c 11
\s1 o Firàheñe Sare’eo
\p
\v 1 Ee te ho vave’ areo hey o hagegeako—ehe ivaveo. 
\v 2 Ie farahieko am-parahin’ Añahare, naho nampañengaeko ty Rañandria, hitolo­rako ho somondrara miehañe amy Norizañey. 
\v 3 Fe mahahembañe ahy, ke, hambañe amy namañahia’ i mereñey t’i Haova amy hakalitaha’eiy ty hañamengoha’e ty hatso-po’areo mañeva i Norizañey. 
\v 4 Aa naho miheo mb’eo ty mitsey \nd Iesoà\nd* ila’ i nitaroña’aiy\f + \fr 11:4 \fr*\ft Mat 24:5,23-24, Jao 5:43\ft*\f*, ndra andrambesa’ areo fañahy tsy nirambese’ areo ndra talili-soa ila’ i natokisa’ areoy, hera hiantoke. 
\v 5 Ataoko te tsy ambane’ o Firàheñe mitiotiotseo aman-dra’ inoñe iraho, 
\v 6 fa ndra te tsy mahafilañoñe, tsy zay an-kahilala, toe fa nam­palangese’ay ama’ areo ze he’e. 
\v 7 Hera nandilatse t’ie nirèke hañonjonañe anahareo, amy nitaroñako tsy amam-bily i talili-soan’ Añaharey? 
\v 8 Toe nikamereko o Fivory ila’eo, ie nandrambesam-pañehañe hitoroñako anahareo. 
\v 9 Naho teo ty nipaiako ama’ areo, tsy ho nampi­vavèko ndra ia’ia, fa ie nihirik’ e Makedonia añe o rolongoo, le hene nihenefa’ iareo i nipaiakoy. Toe fonga nifoneñako tsy hampijiny anahareo vaho mbe hambenako. 
\v 10 Kanao amako ty hatò’ i Norizañey le tsy hampitsiñeñe am-paripari’ i Akaia ao i firen­getañe amakoy. 
\v 11 Fa manao akore? Tsy kokoako hao nahareo? Arofoanan’ Añahare! 
\v 12 Fa ho toloñeko avao o fanoekoo, soa te haitoko ty fijohaña’ o mpieva ho hambañe ama’ay amy firoharohà’ iareoio. 
\v 13 Toe firàhem-bande, mpamañahy an-tsata, misare Firàhe’ i Norizañey. 
\v 14 Tsy ilatsañe! Fa misare anjelin-kazavàñe ka i mpañìnjey. 
\v 15 Aa le tsy maha­sovoke te mi­sare mpitoron-kavantañañe o mpitoro’eo, fa hañeva o sata’eo ty figadoña’ iareo\f + \fr 11:15 \fr*\ft Mat 7:15-23, Pe II 2:1-22; Mat 13:41-42\ft*\f*.
\s1 Mirengetse i Fisotria’ey
\p
\v 16 Indraeko ty hoe: Ee t’ie tsy hatao seretse, fe naho tsie, le ndra te minè, rambeso avao hisengeako betebeteke. 
\v 17 O volañeko zao, tsy ty amy \nd Talè\nd* fa am-pirengean-dagola o fahavaniako mitreñeo. 
\v 18 Kanao maro ty mirenge amy haondati’ey, le hirenge ka. 
\v 19 Toe leo’ areo mahihitseo an-kafaleañe ty minè. 
\v 20 Lefe’ areo ka te ondevozeñe, te abotseke, te haramamoeñe, te irengevohañe, te tampifieñe am-piambina.
\p
\v 21 An-kasalarañe ty iantofako te naleme; f’ie amy ze ahavania’ ondaty hirenge aman-dra inoñ’ inoñe, (toe mivavañoake) le mahasibeke ka. 
\v 22 Hebreo v’iereo? Izaho ka! Nte Israele hao? Izaho ka! Tarira’ i Abraàme hao? Izaho ka! 
\v 23 Mpitoro’ i Norizañey v’iereoo? (reha’ ty tondreñe), lombolombo’ iareo iraho: nilosoreko am-pitromahañe, nilikoareko am-pandrohizañe, pinisopiso tsy amañ’ohatse; beteke am-pihembañem-pihomahañe; 
\v 24 In-dime te niazoko amo Tehodao i efa-polo-poke-raikey\f + \fr 11:24 \fr*\ft Its 25:3\ft*\f*. 
\v 25 Dinabo’ ty doda in-telo; fine­tsa-bato indraike; nijon-dakañe naho nijoroboñe in-telo; nahamodo ty andro naho haleñe raike an-driak’ ao; 
\v 26 beteke, an-dia lava; niatre feh’ ohatse an-tsaka ao; nampihembañe’ o malasoo, niatre-boiñe aman-drofokoko; niatre-doza amo kilakila ondatio, tendre-kankàñe an-drova, hekoheko am-patrambey, varata an-driak’ ao, naho feh’ ohatse amo longo anìfe’eo; 
\v 27 nimokotse am-pitromahañe naho nanivontivoñe; haleñe maro an-tsareke, naran-drano naho kerè, beteke nifeake tsy aman-kàne, nilonjetse vaho nihalo; 
\v 28 mandikoatse i alafe’e rezay, le manindry ahy lomoñandro ty fiatrafako o hene Fivorio. 
\v 29 Ia ty maifoifo te izaho tsy midazidazitse? Ia ty azizin-draha t’ie tsy mipolepoletse?
\p
\v 30 Aa naho tsy mahay tsy hirengetse iraho, le hisengèko o hakepehakoo. 
\v 31 Arofoanan’ Añahare Rae’ i \nd Talè\nd* \nd Iesoà\nd* Norizañey, i andriañeñe nainai’ey, te tsy mavande iraho. 
\v 32 Ie te Damaskose ao, le nampamandroñe’ ty ragova fehe’ i Areta mpanjakay i rova Damaskosey, hitsepak’ ahy; 
\v 33 le nazotso an-kàroñe boak’an-dalan-kede amy mànday iraho vaho nipoliotse am-pità’e.
\c 12
\s1 Ty Aroñaro’i Paoly
\p
\v 1 Mbe hitolom-pitrèñe iraho, ndra te tsy vente’e, fe honjoneko o aroñaroñeo naho o famentabentara’ i Talèo. 
\v 2 Fantako t’indaty amy Norizañey, ie folo taoñe efats’ amby izay, (ke am-bata’e, tsy haiko, he tsy am-bata’e, amoeako, fa arofoanan’ Añahare), ie nonjoneñe mb’an-dikeram-pahatelo mb’eo. 
\v 3 Ty fohiko am’indatiy—ie nofiko ke niam-bata’e he tsy niambata’e, fa arofoanan’ Añahare— 
\v 4 ie nampionjoneñe mb’ an-tanen-kavelom-b’eo vaho nahajanjiñe saontsy tsy mete volañeñe, fa faly tsy azo saontsie’ ondaty. 
\v 5 Ho rengeko i nitalilieñey, fe tsy hisenge ty vatako naho tsy amy hakepehakoy. 
\v 6 Aa ndra t’ie hirenge, tsy hanao minè, fa ty hatò avao ty ho volañeko; fe ifoneñako, kera hañonjona’e ahy ambone’ ty isa’ondaty amako naho ze janji’e amako.
\s1 Fatike ami’ty Nofotse
\p
\v 7 Aa ke ho rengevoheko ty hara’elahi’ o famentabentarañeo, le nampitsipohem-patike ty nofoko, ìra’ i mpañìnjey hamolevole ahiko, hikalañ’ ahy tsy hiebotsebotse. 
\v 8 Fa in-telo ty nihalalieko amy \nd Talè\nd* t’ie hasitake amako. 
\v 9 Fe hoe re tamako: Mahaeneñe azo o hasoako, vaho fonireñe an-kavozoañe o haozarakoo. Aa le ho sengeko an-kaehake i falejolejokoy, soa te himoneñe amako ato ty faozara’ i Norizañey. 
\v 10 Aa le mahafale ahy o haifoifoko, o fañinjeañeo, o haemberañeo, o fampisoañañeo, vaho o faloviloviañe ty amy Norizañeio, toe maozatse iraho te màmake.
\s1 Ty Fidarea’e amo nte-Korintoo
\p
\v 11 Misare gege iraho, fe nizizie’ areo. Toko’e inahareo ty nandrenge ahiko; amy te, tsy zai’ o Firàheñe mitiotiotseo ndra ami’ty inoñ’ inon-draho, ndra te tsy manjofake. 
\v 12 Fa nimaneañe am-pahaliñisañe añatrefa’ areo o vilom-Piràheñe too—o famantarañeo naho o halatsañeo naho o raha tsitantaneo. 
\v 13 Aa vaho inoñe ty nahamasay anahareo amo Fivory ila’eo, naho tsy te izaho tsy naloetse ama’ areo? Iheveo i nandilarakoy!
\p
\v 14 Oniño, t’ie veka’e henaneo ty homb’ ama’ areo añe fañintelo’e; tsy te hampivaveako vaho tsy ipaiako vara, fa inahareo, amy te tsy o ajajao ty mañaja ho aman-droae, fa o roae’eo ho a o ana’eo. 
\v 15 Mahaehake ahy ty hañenga naho hengaeñe ho anahareo, aa naho losoreko ty fikokoako, hazetse hao ty fikokoañe ahiko?
\p
\v 16 Ndra te izay, tsy niloerako. F’ie mahay fañahy le nitsepake anahareo an-ka’kalitahañe. 
\v 17 He nañaramamoako amo nañirahakoo? 
\v 18 Nosiheko t’i Titosy vaho nampindrezako ty rahalahy. Nañaramamo anahareo hao t’i Titosy? Tsy añ’ arofo raike naho an-dia raike hao o fañaveloa’aio?
\p
\v 19 Atao’ areo t’ie nitolom-piveroke ama’ areo hao hatrela izay? Toe añatrefan’ Añahare, amy Norizañey ty nitaroña’ay, ry rañetse, hampiraorao anahareo. 
\v 20 Ty maha-mahimahiñ’ahy, izaho hiheo mb’eo, he tsy ho treako ami’ty fisalalàko, vaho tsy ho isa’ areo ami’ty fañiria’ areo ahy; ke eo ty liedietse, ty tsikirìke, ty loa-tiñake, ty firahambañe, ty fandrabioñe, ty fitsikotsikoañe, ty evoñevoñe, vaho ty havalitsikotahañe. 
\v 21 Hera te hombako mb’eo indraike, le haketran’ Añahareko añatrefa’ areo, vaho hirovetako o maro nandilatse mbe tsy nisoloho amy leotseio, o hakarapiloañeo naho ze hasalarañe nanoeñe.
\c 13
\s1 Ty Hatahata Honka’e
\p
\v 1 Ho lìako fahatelo mb’ama’ areo mb’eo itoy: Am-paliem-balolombeloñe telo ndra roe ty hampijadoñeñe ze hene saontsy\f + \fr 13:1 \fr*\ft Its 19:15\ft*\f*. 
\v 2 Le o nandilatseo naho o ila’eo, toe ho taroñeko miaolo, t’ie mbe tsy añe, te hambañe amy vinolako amy fañindroeko teoy, t’ie homb’eo indraike, le tsy ia ty hapoko, 
\v 3 amy te paia’areo hamenteañe i Norizañe misaontsy añamakoy; ie tsy maleme ama’ areo, fa toe maozatse ama’ areo. 
\v 4 Toe pinèke amy halemea’ey re fe veloñe an-kaozaran’ Añahare. Maleme ama’e ao zahay, fe ho veloñe ama’e ty amy haozaran’ Añahare mitoloñe ho anahareo.
\p
\v 5 Mitsohà vatañe hera amam-patokisañe. Miventea! Tsy fohi’ areo hao te añ’arofo’ areo ao t’\nd Iesoà\nd* Norizañe\f + \fr 13:5 \fr*\ft Rom 8:10, Gal 2:20, Efe 3:17 Kol 1:27 Jn I 4:4\ft*\f*?—naho tsy t’ie nilesa amy fitsohañey. 
\v 6 Isalalako te ho fohi’ areo te tsy milesa zahay. 
\v 7 Aa le halalie’ay aman’ Añahare te tsy handilatse nahareo, tsy te hampiboake anay ho nahatafetetse, fa te hanoe’ areo ze mahity, ndra te hatao naito zahay. 
\v 8 Tsy lefe’ay ty mandietse ty hatò, te mone honjone’ay ty hatò. 
\v 9 Ifalea’ay ty haleme’ay naho te inahareo ro maozatse; eka ihalalia’ay t’ie ho fonireñe\f + \fr 13:9 \fr*\ft Mat 5:48\ft*\f*. 
\v 10 Izay i nisokirakoy, izaho tsy ama’ areo, soa tsy hisenge hery ama’areo te miatreke, ty amy lily natolo’ i \nd Talè\nd* ahiko ho ami’ty fañasoàñe, fa tsy ho ami’ty fandrobahañe.
\s1 Figadoña’e
\p
\v 11 Ie amy zao, ry longo, mirebeha, mihafonira\f + \fr 13:11 \fr*\ft Mat 5:48\ft*\f*, manintsiña, miharoa rehake, mifampilongoa; lonike ho ama’ areo i Andriam-pilongoañe naho fikokoañey. 
\v 12 Mifañontanea añ’ oroke miavake. 
\v 13 Songa mañontane anahareo o noro’eo.
\p
\v 14 Ho ama’ areo iaby abey ty hasoa’ \nd Iesoà\nd* \nd Talè\nd* Norizañey, naho ty fikokoan’ Añahare, vaho ty fitraofañ’ ìna amy Arofo Masiñey. Amena.