\id 1TI 
\ide UTF-8
\h Timoty I
\toc1 Timoty I
\toc2 Timoty I
\toc3 1Ti
\mt1 Timoty I
\c 1
\p
\v 1 I Paoly, Firàhe’ \nd Iesoà\nd* Norizañey, ty amy lilin’ Añahare Mpandrom­bake antikañe naho ­\nd Iesoà\nd* Norizañe fitamàn-tikañey,
\p
\v 2 Ho a i Timoty, toe anako am-patokisañe: Hasoa naho fiferenaiñañe vaho fañanintsiñe boak’ aman’ Añahare Rae naho i Talèntika \nd Iesoà\nd* Norizañey.
\s1 Hatahata amo Mpañana-Kake Sare’eo
\p
\v 3 Inay i nañosihako azoy, izaho nionjoñe mb’e Makedonia añe, le t’ihe hitoboke e Efesosy ao heike, handily o ila’eo tsy hañoke fañòhañe hafa, 
\v 4 naho tsy ho haoñe’o o talilin-taoloo naho o toñon-droae tsy migadoñeo fa mampifandietse avao, he ho soloa’e i fañòhan’ Añahare mitoloñe am-patokisañey. 
\v 5 Fa ty firefea’ o fanoroañeo le fikokoañe boak’ añ’arofo hiringiri’e naho hazavàn-troke miharo fatokisañe to; 
\v 6 teo ty nitsile ami’ty hiti’e naho nidrikiñe mb’ an-drehake borosode añe, 
\v 7 ie te ho mpañoke Hake, fe tsy apota’e ndra ze rehafe’e ndra o raha vontitire’eo.
\p
\v 8 Fohintika te soa t’i Hake naho oriheñe ami’ty lili’e, 
\v 9 tsapa te tsy afetsake ami’ty vantañe t’i Hake fa ami’ty tsy mañaon-Kàke, o mpanjeha­tseo, o mpiolao naho o tsivokatseo; o aman-tahiñeo naho o mitera­terao, ho amo mpamono rae naho reneo, o mpañoho-dozao, 
\v 10 o mpañarapiloo, o sambe-lahy mpifandeotseo, o mpañovok’ ondatio, o mpandañitseo, o mpitalily vilañeo, vaho ze mpandie­tse fañòhañe to, 
\v 11 ty amy talili-soan’ Añahare rengeñe nafantoke amakoy.
\s1 Ty Falalà i \nd Talè\nd* i Paoly
\p
\v 12 Andriañeko i Talèntika \nd Iesoà\nd* Norizañey mampaozatse ahikoy, amy te natao’e ho migahiñe, vaho najado’e amy fitoroñañey, 
\v 13 zaho nimpite­ratera naho mpampisoañe vaho nimpijoy heike; fe niferenaiñañe amy te nanoeko tsy aman-kilala tsy am-patokisañe, 
\v 14 le nidobañe amako ty hasoa’ i Talèn-tikañey reketse ty fatokisañe naho fikokoañe am’ \nd Iesoà\nd* Norizañey. 
\v 15 Taroñe atokisañe naho mañeva fiantofañe pea, te,
\q1 Nivo­trake an-tane atoy
\q1 t\nd ’Iesoà\nd* Norizañe
\q1 handrombake o aman-­kakeoo,
\q1 izaho ty lombolombo’e;
\p
\v 16 fe zao ty nitretrezañe ahy, ty amy hoe zay, soa te amako hey ty nampalangesa’ \nd Iesoà\nd* Norizañey ty fahaliñisa’e do’e, hitsikombea’ o hiato ama’eo, hiveloma’e nainai’ey. 
\v 17 Ho amy Mpanjaka tsy ho modo, tsy ho momoke, tsy isakey, i Andrianañahare mahihitse tsy roe tsy teloy abey, ty asiñe naho ty engeñe nainai’e donia. Amena.
\s1 Fantoke Valoha’e: Mifanehafa ami’ty Aly Soa
\p
\v 18 Inao ty fanoroañe hafantoko ama’o, ry Timoty anake, ty amo nitokiañe ama’oo, t’ie mañorike irezay ro hifañotak’ amy aly soay, 
\v 19 hifahatse am-patokisañe naho an-kazavàn-troke; ie fa namoea’ o ila’eo, le nanao ty fatokisa’ iareo ho làka-nijoroboñe. 
\v 20 Mpiam’ iereo t’i Himeneo naho i Aleksandro ze natoloko hioke amy mpañìnjey, tsy hiteratera.
\c 2
\s1 ty amo Fitalahoañeo
\p
\v 1 Ty añosihako valoha’e le te hanoeñe ho a ondaty iabio ty fihalaliañe, filolohañe, fañalañalañañe naho fañandriañañe, 
\v 2 naho amo mpanjakao naho o fonga mpifeheo, hiveloman-tika am-pianjiñañe naho fanintsiñañe, mañambeñe Hake vaho migahiñe. 
\v 3 Fa izay ty soa naho mete am-pivazohoan’ Añahare Mpan­drombak’ antika, 
\v 4 ie satri’e te ho hene tra-drombake ondatio hahatendreke ty faharendrehañe ty hatò. 
\v 5 Raike\f + \fr 2:5 \fr*\ft Ko I 8:6, Efe 4:6, Mar 12:29-34\ft*\f* t’i Andrianañahare, naho raike ty Mpañalañalañe añivon’ Añahare naho ondatio, indaty atao \nd Iesoà\nd* Norizañey, 
\v 6 i nanolotse ty fañòva’e ho vilin’ ai’ ze he’ey, ho fitaliliañe an-tsa do’e. 
\v 7 Izay ty nanendreañe ahy ho mpitaroñe naho Firàheñe—mivolan-katò iraho fa tsy mandañitse—ho mpañoke to naho migahiñe amo kilakila’ ndatio.
\p
\v 8 Aa le salalàeko te hene hitalaho ondatio ndra aia’ aia am-pañonjoñam-pitàñe miavake, tsy an-kaboseke ndra lietse. 
\v 9 Manahake izay, te hisaroñe ami’ty eva’e o rakembao, ho hendre naho tsò-po, tsy a-maròy mirandrañe tsy am-bolamena ndra hange, vaho tsy misikin-damba marerarera, 
\v 10 fa mitolon-tsoa\f + \fr 2:10 \fr*\ft Mat 16:27\ft*\f* mañeva o rakemba manao ho mpitalaho aman’ Añahareo. 
\v 11 Ehe te hianjiñe naho hiandaly o rakembao t’ie mioke. 
\v 12 Tsy meiko hañòke ndra hanan-dily ami’ty lahilahy ty rakemba, fa hianjiñe. 
\v 13 Amy te namboareñe hey t’i Dame, vaho izay i Haova. 
\v 14 Le tsy i Dame ty ni-fañahieñe, fa i rakembay ty finitake vaho nikorovoke an-kakeo. 
\v 15 Ie amy zao, ho rombahen-dre amo fisamahañeo, ie milozoke am-patokisañe naho fikokoañe vaho fiavahañe mitrao-pilieram-batañe.
\c 3
\s1 Mpifehe naho Mpañolotse
\p
\v 1 Inao ty tsara to: Ie mipay ho mpiaolo t’indaty, ro misalala fitoloñan-tsoa. 
\v 2 Aa le tsy mahay tsy halio tahiñe i mpiaoloy, migahiñe amy rakemba’ey, tsy mpijike, hendre, vañoñe, mpitoka-pandrioñe, mahay mañoke; 
\v 3 tsy mpitolon-divay, tsy mpandafa, fa mpiheve, trentram-po, vo­tsotse ami’ty hatea drala, 
\v 4 mahay mandahatse ty anjomba’e, tsy manjehatse o keleia’eo fa miandaly ama’e; 
\v 5 (aa naho tsy mahafehe ty anjomba’e t’indaty, aia ty hahafiatraha’e ty Fivorin’ Añahare?) 
\v 6 le tsy t’ie vaho namototse ho mpiato, hera hirengevoke vaho hifotsake ami’ty fa’ i mpañìnjey. 
\v 7 Paiañe t’ie ho to-rehake am’ondaty alafe’eo, tsy mone hikorovoke ami’ty inje naho ty fandri’ i mpañìnjey.
\p
\v 8 Hambañe amy zay o mpitoroñeo, t’ie higahiñe, tsy mpitolom-bolañe, tsy mpigeno-divay, tsy mpipay vokàñe, 
\v 9 fe tambozore’e an-kazavàm-po o raha mietake amy fatokisañeio. 
\v 10 Soa re te tsoheñe hey, le ie ventèñe te tsy aman-kandra ro ampitoloñeñe.
\p
\v 11 Tsy mete tsy ho hendre ka o rakembao, tsy mpikanifoke, fa mahalie-batañe, naho malili-po amy ze he’e. 
\v 12 Raike avao ty vali’ i mpitoroñey, ie mahafehe o keleia’eo naho i anjomba’ey, 
\v 13 fa mitaka-kavañonañe ty mpitoroñe mitolon-tsoa, naho mahasibek’ am-patokisañe, ie amy \nd Iesoà\nd* Norizañey ao.
\s1 Ty Mañeva añ’Anjomban’Añahare ao
\p
\v 14 Sokireko ama’o hey o raha zao, amy te salalaeko ty homb’ama’o mb’eo te aniany; 
\v 15 fe ke malaoñe, le ho fohi’o ty fanao añ’anjomban’ Añahare ao, i Fivorin’ Añahare veloñey, ty fahañe naho manantan-katò. 
\v 16 Fonga miantoke te ra’elahy ty tafatoñom-pañambenañe Hake:
\q1 Ie naboak’ an-tsandriñe\f + \fr 3:16 \fr*\ft Heb 10:5\ft*\f*,
\q1 Nampivantañeñe añ’arofo\f + \fr 3:16 \fr*\ft Ies 42:1, Iek 36:27, Mik 3:8\ft*\f*,
\q1 Niisa’ o anjelio\f + \fr 3:16 \fr*\ft Sab 91:11\ft*\f*,
\q1 Nitaroñeñe amo kilakila ondatio\f + \fr 3:16 \fr*\ft Ies 62:11, Mat 24:14, Mar 13:10, Kol 1:23\ft*\f*,
\q1 Natokisañe ami’ty voatse toy\f + \fr 3:16 \fr*\ft Jao 8:30, Top 2:44, 14:12\ft*\f*,
\q1 Rinambe añ’engeñe ao.
\c 4
\s1 O Mpañoke Sare’eo
\p
\v 1 Tsara nadodea’ i Arofoy te hifampiria amy fatokisañey ty ila’e an-tsan-kònka’e añe, ie hañaoñe fañahim-pamañahiañe naho fañòhan-kokolampa, 
\v 2 boak’ ami’ty hasoa-fiatrefam-pandañitse, naho hoe sinodom-by mae o ereñeren-tro’ iareoo; 
\v 3 ie mandrara fañengam-baly, vaho mandily te tsy kamaeñe ty mahakama nanoen’ Añahare ho rambese’ o matoky naho mahafohiñe ty hato am-pañandriañañeo. 
\v 4 Hene soa ze namboaren’ Añahare, le tsy ao ty ho làneñe fa rambeseñe am-pañandriañañe, 
\v 5 ie fa neferañe amy Tsaran’ Añaharey\f + \fr 4:5 \fr*\ft Sor 11:1-47, Its 14:1-29\ft*\f* naho an-kalaly\f + \fr 4:5 \fr*\ft Ko I 10:31\ft*\f*.
\s1 Fanolorañe o Mpañoke Too
\p
\v 6 Ie toroa’o aman-drolongo, le ho mpitoron-tsoa’ \nd Iesoà\nd* Norizañey, finahañe an-tsaram-patokisañe naho amy fañòhañe do’e fañoriha’oy. 
\v 7 Fe ifoneño o talily borosode mañeva takàhon-dra­kembao, le mifanehafa ami’ty fañambenan-Kake. 
\v 8 Fa ndra te ahazoañe tombo’e kede o fampipoahañ’ ozatseo, mahasoa amy ze he’e ty fañorihan-Kake, ie minday fampitamàñe ami’ty haveloñe toy naho amy ho tendreke añey. 
\v 9 Inao ty tsara to, toe mañeva iantofañe: 
\v 10 (toe ifanehafa’ay naho inozoha’ay), t’ie
\q1 Miato aman-Añahare veloñe,
\q1 Mpandrombake ze kila ondaty,
\q1 sandrake o amam-patokisañeo.
\s1 Ko Adoñe o Falalàñeo
\p
\v 11 Tseizo naho anaro i tsara­eñey. 
\v 12 Ko apo’o ho mavoe’ ondaty ty hazatovo’o, fe anò ze hitsikombea’ o mpiatoo azo an-tsara naho fañaveloañe naho fikokoañe naho fatokisañe vaho halio-tahiñe. 
\v 13 Ampara’ te pok’eo iraho, imaneo famakiañe, fanoroañe, naho fañohañe. 
\v 14 Ko ado’o i falalàñe ama’oy, i natolots’ azo am-petsem-pitoky am-panampezam-pità’ o androanavioy. 
\v 15 Imaneo i raha rezay naho tsatsiho, soa te halange amy màroy ty firaoraòa’o. 
\v 16 Mitaò ami’ty vata’o naho amo fañò­ha’oo. Itoloño, amy t’ie manao ro mandrombake ty vata’o naho o mijanjiñ’ azoo.
\c 5
\s1 O Vantotseo, O Andranavio, Ondevoo
\p
\v 1 Ko mitrevoke androanavy, fa ahitio hoe rae naho o gaon-dahio hoe rahalahy, 
\v 2 o rakembao hoe rene, o somondrarao hoe rahavave, ami’ty hakanitso’e do’e.
\p
\v 3 Iasio o ramavoiñeo, o toe vantotseo. 
\v 4 Aa naho aman’ anake ndra afe ty vantotse, le soa re te hioke he ty hitoloñe ami’ty lilim-pitalahoañe añ’anjomba’e ao, hañavaha’e ty nisongoeñe aman-droae’e, fa izay ty non’ Añahare am-pivazohoa’e. 
\v 5 Fa mitamà an’ Andrianañahare ka i toe vantotsey i nen­gañe ho vahiniy, ie mitolom-piloloke naho mihalaly handro an-kaleñe; 
\v 6 fe mikoromake o mie­rañerañe añ’ arimoeñeo ndra t’ie veloñe. 
\v 7 Afantoho ka irezay soa tsy hinjeañe. 
\v 8 Aa naho eo ty tsy mamahañe o azeo, àntsa­ke o keleia’eo, le fa nifary i fatokisañey vaho lombolombo’ ty tsi-miato.
\p
\v 9 Ampivolilieñe ho vantotse ze ambone’ ty enem-polo taoñe, migahiñe amy tañanjomba’e, 
\v 10 mbore aman’ engeñe amo tolon-draha soa’eo, ie fa nahabey anake, naho fa nampiantraño ambahiny, naho fa nanasa ty fandia’ o noro’eo, naho fa nanaha o miso­trio, vaho fa nahimbam-pañorike ty fitoloñan-tsoa. 
\v 11 Fe liero ty vantotse tora’e, hera ho likoare’ ty hadraom-bata’e ty fiatoa’e amy Norizañey, vaho hisalala hanambaly; 
\v 12 mamà-batañe iereo amy te napoke i fatokisa’ iareo valoha’ey. 
\v 13 Ie amy zay, mizatse mikopiso, mitsa­tsà-traño; le tsy vaho mihànitse avao fa toe matsindrañe naho mitolom-bolañe; mivolan-draha tsy mañeva. 
\v 14 Aa le osiheko hangala-baly o vantotse tora’eo, hiterake, hañalahala anjomba, soa tsy omen-dalañe i rafelahiy hañìnje. 
\v 15 Toe fa nitsile nanonjohy i mpañìnjey o ila’eo. 
\v 16 Aa naho aman-dongo vantotse ty rakemba mpiato, soa re te atrafe’e, le tsy i Fivoriy ty hiloetse ama’e, fa o toe vantotseo ro fahana’e.
\s1 O Andranavio
\p
\v 17 Mañeva asiñe indroe o androa­navy mifehe soao, àntsake o mpifanehake amo tsarao naho amo fañòhañeoo. 
\v 18 Fa hoe i Sokitse Masiñey:
\q1 Ko vihine’o ty vavan’añombe mandisañe\f + \fr 5:18 \fr*\ft Its 25:4; 2 Kor 9:9\ft*\f*,
\p naho,
\q1 Mañeva ty rima’e ty mpièke\f + \fr 5:18 \fr*\ft Sor 19:13; Its 24:15\ft*\f*.
\p
\v 19 Ko mañaon-tsisý amy t’indaty bey naho tsy telo ndra roe ty valolombeloñe\f + \fr 5:19 \fr*\ft Its 17:6, 19:15\ft*\f*. 
\v 20 Endaho aolo’ i màroy ty mitolom-pandilatse, hihembaña’ o ila’eo.
\s1 Oriheñe fa tsy Irihiañe
\p
\v 21 Afantoko añatrefan’ Añahare naho \nd Iesoà\nd* Norizañey vaho o anjely jinoboñeo irehe ty hañambeñe irezay, le ko mirihy, ko mañisokisoke aman-dra inoñ’ inoñe. 
\v 22 Ko meke hanampe fitàñe ama’ ondaty, vaho ko mitraoke ami’ty hatsivokara’ o ila’eo; vontitiro ty halio-tahi’o. 
\v 23 Ko minon-drano avao fa ano divay kede ty ami’ty fisafoa’o naho o fangonora’oo.
\p
\v 24 Malange ty hakeo’ ondaty ila’e ie miaolo iareo mb’an-jaka mb’eo, fe mañorike afara ty ila’e. 
\v 25 Midodea ka o sata soao, fe ndra tsy izay, tsy hay aetake avao.
\c 6
\s1 Osike am’ ondevoo
\p
\v 1 Soa re te songa hanao ty tompo’e ho mañeva asiñe o ambanen-jokam-pañondevozañeo, soa tsy injeñe ty tahinan’ Añahare naho o fañòhañeo. 
\v 2 Le o aman-tompo mpiatoo, ehe tsy haketra’e ty asiñe ama’e katao mpilon­go, fe antsake te itoroñañe soa, amy te mpiato kokoañe o mpitraoke amy vokatseio. Ianaro naho osiho.
\s1 Hatea-vara
\p
\v 3 Aa naho eo ty mañoke raha hafa, tsy miantoke ty venten-tsaontsy ni­tsarae’ i Talèntika \nd Iesoà\nd* Norizañey, naho ty fañòhañe milahatse aman-Kake, 
\v 4 ie mpibohabo­ha naho bahimo, mitolom-pañontane raha mampitrabike, mpifandietse saon­tsy, le mivariñ’ am-piriàñe, naho ali-troke naho teratera vaho kilily, 
\v 5 ie mifamotepotetse tsy vente’e am’ondaty aman-kilala vìlañeo, o kòake tsy aman-katòo, vaho atao’e te fanontonam-bara ty fañambenan-Kake. 
\v 6 Toe mampiraorao ty fañorihañe Hake an-kaehake. 
\v 7 Amy te tsy eo ty nindesen-tikañe ami’ty voatse toy, vaho tsy eo ty hindesen-tika hiakatse ama’e. 
\v 8 Ie aman-ko kamaeñe naho saroñe tika, le tsy iereñañe. 
\v 9 Fe mijoñe am-panjiziañe naho am-pandrike naho am-pipaian-katsivokarañe naho amo raha mavoiñe mampijoro t’indaty an-karotsahañe naho an-koromahañe ao ze misalala ho mpañaleale. 
\v 10 Toe vaha’ ze atao haratiañe i hatea varay, le fa nisitak’ amy fatokisañey ty ila’ o mañiriñe azeo, ie mampi­tsipo-batañe an-kaoreañe maro.
\p
\v 11 Aa ihe, zatovon’ Añahare, ibotitsiho le heaño ty havantañañe, ty fañorihañe Hake, ty figahiñañe, ty fikokoañe, ty fifeahañe vaho ty hamoràn-troke. 
\v 12 Mifanehafa amy aly soa’ i fatokisañeiy, tambozoro i haveloñe nainai’e nikanjiañe azoy, i nitaroñe’o soa añatrefam-balolombeloñe màroy. 
\v 13 Le afantoko ama’o am-pivazohoan’ Añahare mpameloñe ze he’e naho \nd Iesoà\nd* Norizañe nitaroñe o talili-soa aolo’ i Pontio Pilatoo, 
\v 14 ty hambena’o tsy aman-kandra ndra fitsikoañe i nafantokey\f + \fr 6:14 \fr*\ft Hake izay, Its 17:20, Sab 19:8\ft*\f*, ampara’ ty fitotsaha’ i Talèntika \nd Iesoà\nd* Norizañey, 
\v 15 fa an-tsa do’e ty hampibentara’ i Tsitongerè tokañe andriañeñey, Mpanjaka’ o mpanjakao, Talèn-talè, 
\v 16 Ie avao ro tsy aman-kamodoañe, mimoneñe an-kazavàñe tsy lefe harineañe, mboe tsy niisa’ ondaty naho tsy mete isaheñe; ama’e ty asiñe naho ty haozarañe nainai’e. Amena.
\s1 Fañòhañe o Mpañalealeo
\p
\v 17 Lilio o mpañaleale ami’ty haveloñe toio ty tsy hiebotsebotse, tsy hiato vara tsy azo antoke, fa aman’ Añahare veloñe mpandogologo amantika ze hene mahaehake antikañe. 
\v 18 Le ty hanao soa, t’ie ho mpañaleale am-pitoloñan-tsoa\f + \fr 6:18 \fr*\ft Mat 16:27\ft*\f*, matarike, naho veka’e hanolotse, 
\v 19 mamandroñe manantañe soa mihaja ho amy añey, hamejañe i toe haveloñey.
\p
\v 20 O Timoty! ambeno i nafantoke ama’oy, iholiaro ze rehake boro­sode naho kòake naho o fifandierañe tsy vente’e atao hilalao. 
\v 21 Ie niantofa’ ty ila’e le fa nandrìke amo fatokisañeo. Hasoa ama’o. Amena