\id 1TH 
\ide UTF-8
\h Tesalonika I
\toc1 Tesalonika I
\toc2 Tesalonika I
\toc3 1Te
\mt1 Tesalonika I
\c 1
\p
\v 1 I Paoly naho i Silasy vaho i Timoty, Ho ami’ty Fivori’ o nte-Tesalonika aman’ Añahare Rae naho i \nd Talè\nd* \nd Iesoà\nd* Norizañeio: Fierañerañañe naho Fañanintsiñe
\p
\v 2 Andriañe’ay nainai’e t’An­dria­na­ñahare ty ama’ areo iaby, manoñoñe anahareo amo halali’aio; 
\v 3 le tiahi’ay lomoñandro ty fitoloña’ areo am-patokisañe naho ty fitromaha’ areo aman-koko naho ty figahiña’ areo mitamà i Talèntika \nd Iesoà\nd* Norizañey añatrefan’ Añahare Raen-tika. 
\v 4 Fohi’ay ry roahalahy kokoan’ Añahareo, te jinobo’e, 
\v 5 fa tsy nitotsake ama’ areo an-tsara avao i talili-soa’aiy; fa aman-kaozara’ i Arofo Masiñey vaho am-pireketan-tro añoñe. Fohi’ areo ka ty fañaveloa’ay ama’ areo. 
\v 6 Toe nitsikombe anay naho i \nd Talè\nd* nahareo; fa ndra te nanjoan-kaloviloviañe, le rinambe’ areo an-kafalea’ i Arofo Masiñey i tsaray. 
\v 7 Aa le nitsikombea’ ze hene mpiato e Makedonia naho Akaia añe. 
\v 8 Le tsy e Makedonia naho e Akaia añe avao ty nampiboelea’ areo ty saontsi’ i \nd Talè\nd*, fa toe nikatsaka­tsake an-toets’ aia’ aia o fatokisa’ areo an’ Andrianañahareo vaho tsy anovoña’ay rehake, 
\v 9 fa italilia’ iareo ty hasoam-pampihovà’ areo anay, ie nitolik’ aman’ Añahare naho niamboho ami’ty fahasive, mitoroñe an’ Andrianañahare veloñe naho to, 
\v 10 vaho mandiñe i Ana’e andindìñey, i natroa’e an-kavilasiy—\nd Iesoà\nd* mpañaha antika amy haviñerañe ho aviy\f + \fr 1:10 \fr*\ft Ben 3:10, Ies 26:20\ft*\f*.
\c 2
\s1 Ty Fitoroña’ i Paoly e Tesalonika
\p
\v 1 Inahareo, ry longo, ro toe mahafohiñe te tsy nianto i fitiliha’aiy. 
\v 2 Rendre’ areo ka t’ie nalovilovy naho nonjireñe e Filipy añe; fe nirearea aman’ Añaharen-tika nitaroñe i talili-soan’ Añaharey ama’areo ndra te niindra’ i fanjeharañey. 
\v 3 Toe tsy mifototse am-pandilarañe ndra haleorañe ndra famañahiañe ty fañosiha’ay; 
\v 4 fe ninòn’ Añahare ty fanolo­rañ’ anay i talili-soay; aa ie taroñe’ay le tsy t’ie hahaehake ondaty fa ho an’ Andrianañahare mpitsoke o tro’aio. 
\v 5 Fa fohi’ areo te le-lia tsy nanao kabeake an-drehake naho tsy nibatrake hanakona’ay fatitiañe (valolombeloñe t’i Andrianañahare), 
\v 6 mbore tsy nipay lomboke am’ondatio, ndra ama’ areo ndra amo ila’eo. Toe mete ho nañeva anay, kanao Firàhe’ i Norizañey ty nampivave anahareo, 
\v 7 te mone notroñe’ay hoe rakemba mampinono naho manombosombo i ana’ey. 
\v 8 Akore ty fikokoa’ay anahareo kanao nahaehake anay te tsy vaho handiva i talili-soan’ Añaharey fa hamoe-ay ami’ty fañisoha’ay. 
\v 9 Mete tiahi’ areo ry longo ty fitromaha’ay naho ty fifanehafa’ay; ie nitoloñe handro an-kaleñe tsy hiloetse ama’ ia’ia, nitaroñe i talili-soan’ Añaharey. 
\v 10 Valolombeloñe nahareo naho i Andrianañahare te niavake naho vañoñe vaho nalio-tahiñe ty fañaveloa’ay ama’areo mpiato. 
\v 11 Fohi’ areo ka t’ie nañosike naho nañohò vaho nandrisike anahareo kiraikiraike hambañe ami’ty rae amo ana’eo, 
\v 12 hañaveloa’ areo hañeva an’ Andrianañahare mpikanjy anahareo ho am-pifehea’e naho añ’enge’e ao.
\p
\v 13 Ie amy zao, tsy apo’ay ty mañandriañe an’ Andria­nañahare nainai’e, amy te rinambe’ areo i tsaran’ Añahare nitaroña’aiy le tsy nandrambe aze ho tsara’ ondaty, fa ami’ty vente’e t’ie tsaran’ Añahare mpifanehake ama’areo mpiato\f + \fr 2:13 \fr*\ft Heb 13:21\ft*\f*. 
\v 14 Vaho nitsikombe’ areo ry longo, o Fivorin’ Añahare am’ \nd Iesoà\nd* Norizañey e Iehodào, ie nifeake fampisoàñañe am-pità’ o mpitrao-borizàñe ama’eo toe o Tehodao, 
\v 15 ie songa vinono’ iareo t’\nd Iesoà\nd* \nd Talè\nd* naho o mpitokio, naho nandroake anay ka; ie tsy non’ Añahare vaho fonga mifandiets’ ama’ondaty, 
\v 16 ami’ty fisebaña’ iareo anay tsy hitaroñe amo kilakila ondatio handrombake iareo, ie manovon-kakeo nainai’e, fa ho takaren-kaviñerañe am-para’e.
\s1 Sinebaseba’ i mpañinjey t’i Paoly
\p
\v 17 Fe zahay, ry longo, naho fa nasitake ama’ areo hey, an-tsandriñe fa tsy añ’ arofo, le àntsake t’ie nirototse naho nisalala fatratse te hahaoniñe o lahara’ areoo, 
\v 18 fa sinda homb’ ama’ areo mb’eo; izaho Paoly mandikoatse te indraike, fe sineba’ i mpañìnjey. 
\v 19 Ia ty ho fitamà’ay, ty haèha’ay, ty kobay hiriñariñà’ay añatrefa’ \nd Iesoà\nd* Talèntika amy fito­tsaha’ey? tsy inahareo hao? 
\v 20 Eka, inahareo ro enge’ay naho haeha’ay.
\c 3
\s1 Nañitrike i Timoty
\p
\v 1 Aa zahay tsy nahafifeake ka, le nilahatse t’ie hadoñe am-bangiñe Atena añe, 
\v 2 vaho nahitri’ay mb’ama’ areo mb’eo t’i Timoty, rahalahintika naho mpitoron’ Añahare amy talili-soa’ i Norizañeiy, hamente naho hañosike anahareo amy fatokisa’ areo, 
\v 3 soa tsy ama’areo ty hembere’ o faloviloviañe zao; fe fohi’ areo te izay ty nanendreañ’ antika. 
\v 4 Ie mbe tama’ areo ao le nitaroña’ay te fa antitotse ty hampisarerahañe an-tikañe; ie o oni’ areo te zoeñeo. 
\v 5 Ie amy zay, tsy nahafeake ka iraho, le nahitriko ty handrendreke ty fatokisa’ areo, hera nazi’ i mpañìnjey, vaho ho nilesa i fitoloña’aiy.
\s1 Nahaosike ty Taro’ i Timoty
\p
\v 6 Fa ie pok’ eo hirik’ ama’ areo t’i Timoty, le nitalilie’e soa o fatokisa’ areo naho i fikokoañey, vaho t’ie nainai’e mitiahy anahareo an-kasoa, mañiry hahaisake anay hambañe ami’ty fisalala’ay hahatrea anahareo. 
\v 7 ie amy zao ry longo, amo faloviloviañe naho fanilofañe anaio fe nampanintsiñ’ anay ty fatokisa’ areo. 
\v 8 Velon-jahay henaneo, amy t’ie mijohañe amy \nd Talè\nd* ao. 
\v 9 Akore ty fañandriaña’ay an’ Andrianañahare hamale ty hafaleañe hirebeha’ay anahareo añatrefan’ Añaharen-tika, 
\v 10 aa le mitolon-kalaly handro an-kalen-jahay hahaisake ty lahara’ areo, hañeneke ze tsy eneñe ami’ty fatokisa’ areo.
\s1 Salalaeñe
\p
\v 11 I Andrianañahare Raentika vaho i Talèntika \nd Iesoà\nd* abey ro hañavantañe ty lala’ay mb’ama’ areo añe; 
\v 12 naho hampitomboe’ i \nd Talè\nd* nahareo naho o ila’e iabio hirao­rao an-koko, hambañe ami’ty anay ho anahareo, 
\v 13 hampijadoñe o arofo’ areoo tsy aman-tahy, miavake, añatrefan’ Añahare naho Raentikañe ami’ty fitotsaha’ i Talèntika \nd Iesoà\nd* rekets’ o hene noro’eo.
\c 4
\s1 Veloñe Hañasitra an’ Andrianañahare
\p
\v 1 Ie amy zao ry longo, ihalalia’ay, naho risihe’ay amy \nd Talè\nd* \nd Iesoà\nd*, ty hitomboa’ areo nainai’e amo fañaveloañe nañoha’aio, naho hañasìtra an’ Andrianañahare; 
\v 2 fa fohi’ areo o fanoroañe natolo’ay anahareo añam’ \nd Iesoà\nd* Talèo. 
\v 3 Inao ty satrin’ Añahare: t’ie hiavake, hisitak’ ami’ty fiolorañe tsy mañeva; 
\v 4 ie songa mahay milie-batañe ho ami’ty fiavahañe naho asiñe, 
\v 5 tsy hilomoloañe an-kadrao manahake o kilakila’ ondaty tsy mahafohiñe an’ Andrianañahareo; 
\v 6 sindre tsy handilatse naho hañaramamo an-drahalahi’e; fa i \nd Talè\nd* ro mpamale i hene rezay, hambañe amy nimanea’ay hatahata ama’ areoy. 
\v 7 Toe tsy nikanjy an-tika ho an-kaleorañe t’i Andrianañahare fa ho am-piavahañe. 
\v 8 Aa ze tsy mipaoke, le tsy t’ie mifary ondaty, fa an’ Andrianañahare nanolots’ anahareo i Arofo Masiñey.
\p
\v 9 Aa ty amy fifampirañetañe longo, tsy ipaia’ areo sokireñe, ie hohoen’ Añahare hifampikoko; 
\v 10 naho toe anoe’ areo amo hene longo e Makedoniao. Fe osihe’ay ry longo te hitolom-pitomambao, 
\v 11 hinozoha’areo fañavelo am-pianjiñañe, songa manao ty tolon-draha’e naho mitoloñe am-pità’e amy ni­toroa’aiy, 
\v 12 hañavelo an-kavantañañe amo alafe’eo naho tsy hipay inoñ’inoñe.
\s1 Ty Fitotsaha’ i \nd Talè\nd*
\p
\v 13 Aa tsy teako ho bahimo nahareo, ry longo, ty amo miròtseo, hera hihontoke manahake o ila’e tsy aman-ko tamàeñeo. 
\v 14 Aa kanao atokisantika te nivilasy t’\nd Iesoà\nd* vaho nitroatse, le izay ty hindesen’ Añahare mindre ama’e ze mirotse am’ \nd Iesoà\nd* ao. 
\v 15 Aa hoe ty fivola’ay ama’ areo ty amy tsara’ i Talèy, te tsy hiaolo o mirotseo tika mbe mañente ami’ty fitotsaha’ i \nd Talè\nd*, 
\v 16 fa i \nd Talè\nd* vata’e ro hizotso hirik’ an­dindìñe ey an-koike, am-piarañanañan-talèn’ anjely, naho amy antsivan’ Añaharey\f + \fr 4:16 \fr*\ft Ies 18:3, 27:13, Ioe 2:15, Amo 3:6, Zek 9:14, Mat 24:31, 1Ko 15:52, Ben 4:1\ft*\f*; naho hitroatse hey ze nivetrake amy Norizañey ao, 
\v 17 vaho ho rambeseñe mb’amo rahoñeo mb’eo tika mbe veloñe hifanampe am’iereo an-drahoñe ey, hifanalaka amy \nd Talè\nd* amy tiokey. Le ho nainai’e amy \nd Talè\nd* ao tikañe. 
\v 18 Aa le mifañohòa amy tsara zay.
\c 5
\s1 Ty Andro’i \nd Talè\nd*
\p
\v 1 Aa ty amo androo naho o sa-ao, ry longo, tsy ipaia’ areo ho sokireñe. 
\v 2 Fa toe fohi’ areo te ho tondroke manahake ty mpamaoke haleñe ty andro’ i \nd Talè\nd*. 
\v 3 Ie manao ty hoe, Fierañerañañe naho Fañanintsiñe! te mone hiambotrahan-karo­tsahañe, manahake ty fitsongoan-drakemba mivesatse, ie tsy hahabolititse. 
\v 4 Fe tsy añ’ieñe ao nahareo ry longo, hivovoa’ i andro zay hoe malaso. 
\v 5 F’ie songa an-kazavàñe naho ana’ ty atoandro, tsy mpiamo haleñeo ndra o fimoromoroñañeo. 
\v 6 Aa ee t’ie tsy hirotse, manahake o ila’eo, fa hitao naho hilie-batañe. 
\v 7 Mirotse haleñe o miro­tseo naho mamo haleñe o mpijikeo. 
\v 8 Aa kanao mpiamo atoandroo, antao ho marea, hampi­tsetake ty fikalañan’ arañam-patokisañe naho fikokoañe vaho hisabaka i fitamàm-pandrombahañey\f + \fr 5:8 \fr*\ft Ies 59:17\ft*\f*.
\p
\v 9 Tsy tinendren’ Añahare ho an-kaviñerañe tika, fa t’ie ho rombaheñe añamy Talèntika \nd Iesoà\nd* Norizañey, 
\v 10 ie nivilasy ho antikañe, le he mañente ke mirotse ro hitraofan-tika haveloñe. 
\v 11 Aa le mifañosiha, naho mifampiraoraòa, hambañe ami’ty fanoe’ areo avao.
\s1 Fañaveloañe Masiñe
\p
\v 12 Mihalaly ama’ areo zahay, ry longo, ty hiasia’ areo o mpifanehake ama’ areo naho mpifehe vaho mpanoro anahareoo amy \nd Talè\nd* ao. 
\v 13 Le aonjono am-pikokoañe o fitoloña’ iareoo, vaho mifampilongoa. 
\v 14 Risihe’ay nahareo ry longo, hatahatào o mañarinjeñeo, ohoño o mimoremo­retseo, imbao o midazidazìtseo vaho hene ilofiho. 
\v 15 Asoao tsy hamalean-draty ty raty ndra ama’ ia ia, fe paiao nainai’e ty hañasoa ty ila’e naho ze fonga ondaty. 
\v 16 Mirebeha avao, 
\v 17 Mihalalia nainai’e, 
\v 18 kila andriañeñe; fa izay ty satrin’ Añahare ho anahareo am’ \nd Iesoà\nd* Norizañey. 
\v 19 Ko akipeke ty Arofo. 
\v 20 Ko mavoeñe o fitokiañeo, 
\v 21 fa biribirio ze he’e; tambozoro ty soa. 
\v 22 Ifoneño ze atao haratiañe.
\s1 Figadoñañe
\p
\v 23 I Andrianañaharem-pañanintsiñey abey ro hañeneke ty fiavaha’areo, hañaro ty arofo naho ty fiaiñe vaho ty sandri’ areo ho fonitse tsy aman-kila amy fito­tsaha’ i Talèntika \nd Iesoà\nd* Norizañeiy. 
\v 24 Migahiñe t’i mikanjy anahareo, Ie ro hañeneke izay.
\p
\v 25 Ry rahalahio, mihalalia ho anay. 
\v 26 Añontaneo an’ oroke miavake o longo iabio, 
\v 27 Afantoko ama’ areo amy \nd Talè\nd* ty hamaky ty taratasy toy amo longo iabio. 
\v 28 Ho ama’ areo abey ty hasoa’ i Talèntika \nd Iesoà\nd* Norizañey.