\id JOB  
\h Job 
\toc1 Job Lekhabu 
\toc2 Job 
\toc3 Job 
\mt1 JOB  
\mt2 LEKHABU  
\mt3 Job Lekhabu Sung Thu Umdan  
\ip Phatkhat teng mihem hinkhoa thudoh hahsa tah ho toh ikibon jiuvin: Ipi dinga aphalou ahilouleh thilse leh thohgimna hohi vannoija umjia hintem? Ipi dinga midih ho thohgim jiu ham? Hahsatna aum teng Pathen hoiya umji ham? tin idong jiuve. Thudoh ho chungah bailamtah donbutna aum ji nan hinlah Pathen hina ho thudoh nasatah in aumden ji’e. Lunghem tah a Job in gimtah nat thohpum'a donbutna dihtah ahol chun, Pathen toh kimutoa kikhelna mun alhut in ahi. Ahintosa umchan chun thudoh nasatah inei hou donbutna neipa Pathen toh ei kimai ngat tosah un ahi.  
\ip Amavang eiho bou – asimhon – akiselguh hetdohna chu ineijun ahi. Job in ahet chasun chu phulou helouva ahinkhoa thilpha jouse suhmanga aum chu ahi. Ipijeh ahivang ahepoi. Hetdoh ding jong kinem lou ahi. Anat thohgim pet tah’a Pathen toh athahbeh’a akimuto kahse in thudoh tamtah aneiyin hilchetna angaichan ahi. Pathen toh akimuto chun ijakai akhelsoh tan ahi. Job in aseijin, “Nang hi masangin kana jah tho in, hinlah tun vang kamit tah in nang kamutai,” ati (Job 16). Job thusim nasim bangin nangin jong Pathen athahbeh’a namu nadin Pathen koma thum’in.  
\ip Lekhabu pumpia ogin jatchom chom kijaho ngaiton – hahsatna ito teng ikimaito pi jiho thakhat – Pathen, Satan, golphatah ho, insumgmi chuleh Job lungchang ahi. Hiche lekhabu’a thil kijih: kihoulimna, la a, thuchih, paochamtuh, lhasetna, gaosapna leh tekahna ho ahoplet dan vechen tem in; Job leh aloihon aneilou akiselguh dihtah hetdoh theina inei-u geldoh jing pum’in ching thei tah in sim’in.  
\is1 Lekhabu Jihpa, Akijih Kum Chule Akijih Lona  
\ip Hiche lekhabu hi koiyin, hetchet ahipoi. Chule Job lekhabu hi 2000 BC, Hebrew puluiho phat laiya kijih hidin ginchat ahi. Ajeh chu Job lekhabu hi Bible a-dia gollui lekhabu luipen hinte. Mi tampin Job thusim hi akhang khanga thusim seithoa, ana kisei jing hichu khonung’a hung kijih doh ahi tin, aseijun ahi.  
\ip Thohgimna chung changa thudoh ho seidohna dinga kijih ahi. Asimhon Lhagao leh Thudih kholgilna’a Job kiham bolna tobanga kigel theina dinga Job thusim hi kijih ahi. Hiche hin apha’a Pathen in ama ngailuho adih monge tia, aphon khontehna ahi thudol mudoh ahi.  
\c 1  
\s1 Job Hinkho, Ainsung Le Atahsanna  
\p
\v 1 Phatkhat hin Uz gam sunga Job kiti mikhat ana cheng in, amapa chu nolnabei leh lungtheng sel ahi. Amapan Pathen aging in thilphalou jousea kona kikangse jinga um ahi.  
\v 2 Joh hin chapa sagi le chanu thum aneiye.  
\v 3 Chule Job hin kelngoi sang sagi, sangongsao sang thum, bongchal kop janga, le sanganpi janga aneiye. Amapa hin soh jong tamtah anei ahi. Atahbeh in Job hi hiche gamkai sungse dinga ahaopen ahi.  
\v 4 Job chapate aphat lhingpen pen chun ainnuva nehkhom donkhom abol tenguleh, asopiu numei thumho jong chu golvah bolkhompi din akou jiuve.  
\v 5 Hiche golvah chu akichai teng nikho phabep jouleh Job chun achate athenso jin ahi. Job chu jingkah matah in athou jin khat cheh a din govam thilto abolpeh ji'e. Ajeh chu Job in hiti hin aseijin, “Kachate hi ana chonseuvin tin chule alungthim uva jong Pathen agaosap sao himai theijinte,” ati. Hiti hin Job in abol jing jenge.   
\s1 Satan In Job Patep Dia Thu Adoh  
\p
\v 6 Nikhat hi van thutanna in na thutanho ama ho cham chamin Pakai masanga ahung kikhomun chule hehhatpa Satan chu amaho toh ahung lhung khome. \x + \xo 1:6 \xt Semtilbu 6:2\x*  
\v 7 “Hoiya konna hung nahim?” tin Pakaiyin Satan adonge. Satan in Pakai adonbut in, Leiset chung kaga vet lhih lea, thilsoh jouse kaga vetle ahi.  
\v 8 Chuin Pakaiyin Satan jah a, “Kalhachapa Job khu nahet em? Leiset a dinga miphapen ahi. Amahi nolnabei, milungthengsel ahin, aman Pathen aging in chule thilphalou jousea konin akikangsen ahi,” ati.  
\v 9 Satan in Pakai adonbut in, “Henge Job in Pathen aginna ajeh hoitah anei ahi. \x + \xo 1:9 \xt Rev 12:10\x*  
\v 10 Ama ahin ain ahin chule anei jouse kulpi kikai khum banga, akim vella pal banga naum chahkheh’a nangin atohna jousea nakhan tousah jeh’a bou ahi. Ven ichan geija haosa hitam?  
\v 11 Nakhut lhangin lang anei jouse lahmang peh le chun; chuteng leh namai chang tah’a na gaosap jeng ding ahi,” ati.  
\v 12 Pakaiyin Satan jah’a aseijin. “Aphai, amapa khu napatep thei ahi. Chule anei jouse chunga nabol nom chan nabol thei ahinai, atahsa vang suhset peh hih in,” ati. Chuin Satan in jong Pakai umna adalhatai.  
\v 13 Nikhat Job achapate le achanuten aupa pen pao in’a an anehkhom adonkhom laitah un,  
\v 14 Thupole khat in Job in'ah hiche thusoh hi ahinpoi; “Nabongchal hon lou akhoijuva, akimvella sangan hon an aneh laijun,  
\v 15 Seba miten eihin bulhu tauvin, ganchaho jouse akiguh manguvin chule natong ho athat gamun, keima changseh hi nangma seipeh dia hung sohcha kahi,” ati.  
\v 16 Amapan hiche thuhi asei nalaijin thupole dang khat in hiche thusoh hi ahinpoi, “Vanna konin Pathen meikong ahung lhan kelngoite le achingho akavam gamtai; keima changseh hi nangma seipeh dinga hung sohcha kahi,” ati.  
\v 17 Amapan hiche thuhi asei nalaijin, thupole athum channa pa ahung lhungin, hiche thusoh hi ahinpon, “Chaldea mite loithum jenin ahin delkhumun sangongsao jouse agumang un; chule nasaohte athatgam tauve, keima changseh hi nangma seipeh dinga hung sohcha kahi,” ati.  
\v 18 Hichepan thu asei nalaijin, thupole adang khat in hiche thusoh hi ahinpo paijin, “Nachapate le nachanu ten aupa pen pao in na anekhom adonkhomun ahileh,  
\v 19 Photlot chang in, gammang lah a konin huipi hattah khat in aumnau in chu aninglang jousea ahin nuh leh in chu ahung chimlhan nachate jouse athigam soh tauve. Keima changseh hi nang seipeh dinga hung sohcha kahi,” ati.  
\v 20 Job adingdoh in thilsoh lunggim najeh in asangkhol chol chu abottel in, alu akivo chaijin, chule chibai boh din tolla akun lhatai.  
\v 21 Aman, “Kanu naobua konna kasagoh keuva hungdoh kahin, chule kadalhah teng sagoh keu kahi ding ahi. Kanei jouse Pakaiyin eipeh ahin, chule Pakaiyin akilah mang ahi; Pakai min chu vahchoijin umhen,” ati.  
\v 22 Hicheng jouse ahin Pathen themmo chansah nan achonsepoi.   
\c 2  
\s1 Satan In Job Patep Dia Thu Adoh Kit  
\p
\v 1 Nikhat van thutanna in na miho chu acham tah uvin Pakai masangah ahung kilah kit uvin, hiche a chun hehhatpa Satan chu amaho lah a ahung pange.  
\v 2 “Hoiya konna hung nahim?” tin Pakaiyin Satan adonge. Satan in Pakai chu adonbut in, “Keiman leiset kaga khollen; thilsoh jouse kaga velhan ahi” ati.  
\v 3 Hichun Pakaiyin Satan adongin, “Kasohpa Job khu namu tah em? Amahi leiset chunga dinga miphapen ahin, nolnabei, milung thengsel ahi, Pathen agingin thilse jouse a konna kikangse jing mi ahi, ajeh beija nangin amakhu chonset sah teidinga nagot vang'in tunjong lungtheng sellin aum jinge,” ati.  
\v 4 Satan in Pakai adonbut in “Vun dinga vun ahi, mihem khat in ahinkho ahuhdohna dinga anei agou jouse apeh doh teiding ahi.  
\v 5 Ahin, nakhut lhangin lang adamtheina khu lahmang peh le chun namaichang laitaha nagaosap tei ding ahi!” ati.  
\v 6 “Aphai, amapa chunga hin nalungdei tah boltan; ahin ahinkho vang khen peh in,” tin Pakaiyin Satan aseipeh e.   
\s1 Job Tahsa Chunga Natna  
\p
\v 7 Hijeh chun Satan chun Pakai angsung adalhan, chule Job chu nat hoisetah uilut alujanga kipat akengto geijin a onglai beihellin aphah sahtai.  
\v 8 Job in atahsa vun chu bel hallin akhot in vut bollah a atouve.  
\v 9 “Tuchan geija lungtheng sella naum jing nahlai ding ham? Pathen chu gaosap in lang thijengin,” tin ajinun Job jah a chun aseije.  
\v 10 Ahinlah Job in adonbut in, “Nangin numei ngol khat thusei bangin naseije, Pathen khutna konna chu einin thil pha jeng jeng ikisanna chule thilse kisan louva ium ding ham?” ati. Thilsoh hijat chunga jong hin Job in thilse aseipoi.   
\s1 Job Agolte Thum'in Alhamon  
\p
\v 11 Job agolte thum hon lungset umtah anat thohgim thu ajahdoh phat uvin ama ama in cheh a konin alhamon dingle alhembi dingin thakhat'in ahung kikhom uve. Amin hou chu Teman mi Eliphaz, Shuh mi Bildad chule Naamath mi Zophar ahiuve.  
\v 12 Amahon galla konna Job ahinmu u chun alim amel jong ahethei tapouve. Alung gentheihu nau vetsahna in akap loi loi jengun, aluchung uva huilah a chun leivui atheuvin ahi.  
\v 13 Chuti chun nisagi leh jan sagi tolla atou piuvin, anat genthei hoiset behseh amujeh u chun khatna khatcha jong Job koma thu chengkhat jeng cha seija jong aumpouve; ijeh inem itile anat chu hoise asah behseh jengu ahi.   
\c 3  
\s1 Job Leiset’a Ahung Pen Akisih  
\p
\v 1 Thilsoh hijat nung hin Job akamkan apen nikho agaosap tai. \x + \xo 3:1 \xt Jeremiah 20:14-18\x*  
\v 2 Job in aseijin,  
\v 3 “Kapen nikho le keima mihem a kahung kijil na jan chu chulmangin umhen,  
\v 4 Hiche nikho chu muthim soh jeng hen, Chung Pathen a ding jengin jong mang helhen, chule khovah in salvah hih helhen.  
\v 5 Hiche nikho chu muthim khojinin kitom mang jeng hen, meivomin khu jeng hen chule muthim chun kichat tijat sah hen.  
\v 6 Hiche jan chu nikho kisimna a konin kichop mang jeng hen, kum sunga nikho kisimna a avellin kisimtha kit tahih hel hen, lha kisimna holah a jong avellin hung kilang lut hihhen.  
\v 7 Hiche jan chu nao kijil theilouna jan hihen.  
\v 8 Gaosap them Leviathan suthou thei khop a gaosap them hon hiche ni chu gaosap uhen.  
\v 9 Hiche nikho chule jingvalpa jong thim den hen, vahding kinem hen lang ahinlah pannabei hihen lang jingkah khovah jong muhih beh hen.  
\v 10 Kanu naobu khah louva anakoi nikho chu gaosap in umhen, leiset gim gentheina jouse mudinga eina pen sah jeh chun.  
\v 11 Ipijeh a athisa a kanapen louham? Kanu naobu a konna kahung doh a chu kana thilou ham?  
\v 12 Ibola kanu phei chunga chu eina kilup sah ham? Ipi bolla kanun anoija eina vah ham?  
\v 13 Kahung pen chun ana thiden leng kei tua hi lungmong tah a kauma kaimutna kicholdo tadinga.  
\v 14 Leiset leng le prime minister oupe u oupe tah tah mangthahsa hotoh kicholdo khoma kium dinga.  
\v 15 Sana haotah tah le ain sungu dangka dimset ho chutoh kichodo khom tading.  
\v 16 Athisa a peng chapang holeh naosen khovah mukhalou ho banga eina kivui den lou ham?  
\v 17 Mithisa ho lah a chun miphalou in hahsatna asosah tah lou jeh chun thachol jouse aki choldo tai.  
\v 18 Thikhol khulla chun sohchang kihen ho jong angah a pangpa sapsetna ajatapouve.  
\v 19 Mihao leh migenthei aum khomun chule soh jong apupa a konin a ongthol tai.  
\v 20 Ipi dinga migentheipa hi khovah kimusah a migentheipa hi hinkho kipea ham?  
\v 21 Thiding angaicha lheh uvin ahinlah thina chu ahung lhung pon, gou kiselguh sangin ngahlel tah in ahol un ahi. \x + \xo 3:21 \xt Rev 9:6\x*  
\v 22 Gentheina jouse athoh chai uva athi teng uleh kipana adimset jiuvin lhankhuh amu teng uleh akipah jiuve.  
\v 23 Akhonung ding neilou Pathen in hahsatna dimsetna aumkhum ho chu hinkho kipeuva ham?  
\v 24 Khoisatna ding kanei theipon, kathoh hahsat hohi twi bangin akisung lhai.  
\v 25 Keiman kaki chat pen ipi ham khat kachunga asoh in, hatah a kakichat leh kalung gimna pen ahung lhung tai.  
\v 26 Lungmonna kanei poi, thipbeh cha umna kanei poi, choldona kanei pon, boina le hahsatna bou ahung ji'e.”   
\c 4  
\s1 Eliphaz Chun Job Jah’a Thohhat In Tia Apho  
\p
\v 1 Teman mi Eliphaz chun Job chu adonbut in;  
\v 2 Keiman thukhat seijinge, nangaida ding ham? Koiham thusei louva eikoi ding chu?  
\v 3 Phat chesa ho ah nangin mitam tah natil khoujin, alhasam ho nana hatdohsah jin ahi.  
\v 4 Alhu ding ho jong nangma thusei chun atilkhou jin ahi, akhup kithinghojong na tilkhou ji'e.  
\v 5 Ahinlah tua genthei nan nahin phah phat in lungthim nalhaso tai. Hiche hahsatnan nahin phah phat in kichat tijatnan nanei tai.  
\v 6 Na Pathen ginna chun tahsan detna napeh hilou ham? Nachon phatna chun kinepna napeh hilou ham?  
\v 7 Khongaijin lang chule ngaito temin, themona bei mi hithi ngaiji ham? Itih a milungtheng sel ho kisumang jiem?  
\v 8 Keithil hetna in vang hahsatna muchi tua kitu ho leh thilse bol hon thakhatna aga akilo cheh diu ahi.  
\v 9 Pathen hu haikhumchun asemgo jiuvin, alung hanna husa ginna chu mang del jiu ahi.  
\v 10 Keipi akitumin chule sangah in mi angih in ahin keipi thahattah hajouse kisubong ding ahi.  
\v 11 Sahing neh ding lhahsam jeh in keipi bahkai hang leiloijin kel athohjin chule keipi bahkai noute jong kithecheh diu ahi.  
\v 12 Hiche thutah hi guhthim chan kana benga mao hiuheu vin ei kisei peh e.  
\v 13 Mihem aimut lhuh pet tah jan laijin imut sunoh phah in hiche gaova mang thilmuna hi kahenga ahunge. \x + \xo 4:13 \xt Job 33:15\x*  
\v 14 Kichatnan eiphan chule kagu kachang ho akithinge.  
\v 15 Thilha hun kamai ahin jap in chule akichaijin katimul ahungkithou sotsotne.  
\v 16 Thilha chu adingin ahinla kenla agongso kamuthei pon, agongso kamit teni masang kamaija agongso aum denne. Phat thip laitah chun hitia kisei o khat kajai.  
\v 17 Thithei mihem hi mona beija Pathen anga umtheija, asempa masanga athenga umtheiding hinam?  
\v 18 Pathen in avantil ho jeng jong atahsan louva, athupole ho angol naova apho jia ahile,  
\v 19 Nikhatna kisem mihem hi ichan gei tahsan na anei lhom ding ham? Amaho chu leivuija kisem bailam tah a suhchip thei mitthah tobangbep ahi.  
\v 20 Amaho chu jingkah langleh ahing jiuvin ahinlah nilhah langleh athijiuvin, amelchihna beijin athiji tauve.  
\v 21 Aponbuh henna akibo lhuh teng leh apon buh u alhujin chule hetna lhasam in athiden ji tauve.   
\c 5  
\s1 Eliphaz In Pathen Panpina Angaichat  
\p
\v 1 Na kithopi ding kou temin mikhat beh in nahin donbut na dem? Vantil ho koipen in nahin kithopi ding ham?  
\v 2 Tahbeh in lung hanna hin mingol asuhmang jia chule thangsetna in chihna neilou ho asumang ji'e.  
\v 3 Keiman mingol ho chomkhat kahsung alolhin nao kamui ahinla vangset na chun hetman louvin alhunkhum jitai.  
\v 4 Achateo jong ajong ajellin gamsa chonin achonun amaho dingin panpina agamlan ahi, ahuhdoh diu umlouvin thutanna munna amehgoi jiuve.  
\v 5 Achang chu lingleh khauva akium jeng vang'in agilkel ten avallhum peh un, agou chu adangchah ten hai hot hot in adel uve.  
\v 6 Thilse hi leivui lah a konna hungput doh ahipoi chule hahsatna hi leisetna konna hung dondoh ahipoi.  
\v 7 Meilah a konna meisi chunglanga lengtou dinga gotsa aum banga mihem tehi ahahsa ding monga penga ahi.  
\v 8 Keihi nang chu hileng Pathen koma cheng ting chule kachung chang thu ama koma kase lhah ding ahi.  
\v 9 Aman thil oupe tah hetdoh jou hoi hilou ajat sim joulou thil kidang aboldoh e.  
\v 10 Aman leiset chunga go ajuh sah jin, chule loulaija jong twi alonsah soh keije.  
\v 11 Aman mivaichate khantouna apen chule genthei hesoh thohte ahuhdoh ji'e.  
\v 12 Athil gonu asuh nohphah peh in, hijeh chun akhut uva atoh jouseu amolso joulou diu ahi. \x + \xo 5:12 \xt 1 Crth 3:19\x*  
\v 13 Miching ho chu aki chihsah nauva amang jin hijeh chun aduha thuh nauva athil gonnu asuhbei pehji tai.  
\v 14 Amahon sun laijin muthim atoh khauvin sunkim laijin amaho chu janlai bangin aki mai le leuve.  
\v 15 Mikam hatte a konin mi vaichate ahuhdoh jin chule mithahat ten atuhchah kheh hou jong amaho a konin ahuhdoh ji'e.  
\v 16 Chule hiche ho a chun achaina leh mivaichan kinepna aneiyin, chule mihahem te kam jong ahuhbit jin ahi.   
\s1 Eliphaz In Pathen Akon Suhdih Nahi Phatthei Ahi-Ti  
\p
\v 17 Ahinla Pathen in asuhdih ho kipana khu ngaito temin, nachonset tengleh Hatchungung pan nahilna khu don louvin koi hih in. \x + \xo 5:17 \xt Thuchihbu 3:11,12; Heb 12:5,6\x*  
\v 18 Aman amavo jin chule boljong aboldam jin aman ajep jin ahinla akhut in asudam kitjin ahi. \x + \xo 5:18 \xt Hosea 6:1\x*  
\v 19 Vangsetna gupma konin nahuhdoh intin asagi veina teng jongleh thilse akonin nahoi doh inte.  
\v 20 Kellhah lai jongle thina akonin nahuhdoh intin gallai jongleh chemjama konin nahuh doh inte.  
\v 21 Misuminse nom te akonin hung hoidoh in natin chule manthahna ahung lhun teng kicha tapon nate.  
\v 22 Manthah nale kel alhah teng nangin nanuisat ding gamlah a gamsa jouse nagin louding ahitai.  
\v 23 Nangma gam lah a songho toh lungmong tah a naum khoma chule gamlah a gamsa ho toh lungmonga nalhat khom diu ahitai.  
\v 24 Nachenna nain abitne ti nakihetna, nanei nagou ho nagavet teng imacha akiholmo umlou ding ahi.  
\v 25 Nangin chate tamtah neijin natin, nason nachilhahte hampa banga hung tam diu ahi.  
\v 26 Nateh teng lhankhuh hin jonin natin, aphat cha changpholla changpal kichom khom nahung bah ding ahi.  
\v 27 Keihon hinkho hi kakhol uvin, chule hichehi dih din kamu doh uve, kahilna hi ngaijin chule nangma tah a dingin mangchan.   
\c 6  
\s1 Job Chun Pathen In Ajeh Beijin Igimsah’e Ti  
\p
\v 1 Hichun Job apaodoh kit in:  
\v 2 Kagenthei naho hi tedoh thei hihen lang ka natna hi kilep toh thei henlang hileh,  
\v 3 Twikhanglen'a neldi umjat sangin gih jonte, hiche ho jeh a chu khongai man louhella kaseidoh ji ahi.  
\v 4 Hat Chungungpa thal hanging eikap lhuh tah jeh chun athal gu chun kalhagao asukhan, Pathenna kon tijatna ho chu keidou din ahung kigoltoh tauve.  
\v 5 Kalunglhai louna thu seitheina tha kanei hilou ham? Gamlah sangan chun nehding hampa akimu jilou teng penglouva umjia chule bongchal ten jong neh ding aneilou teng buji hilou ham?  
\v 6 Chiso louna anneh chunga chu mihon alung lhailou nao aseiji louvu ham? A-alna bei ahtwi kang podal khu kon adu ding ham?  
\v 7 Kavet jiteng ka-an duna abei jitai, neh dinga kangaito najouse akikhah tansoh jitai.   
\s1 Job In Thi Ding Adeisah  
\p
\v 8 Oh, keiman kadei khat kaki thum thei ding hihen, Pathen chun kadei chu eipeh ding hileh,  
\v 9 Aman eisuh chip jeng ding kadeije, akhut ahin lhandoh a chule eitha jeng ding kadeije  
\v 10 Natgim genthei thoh'a kimusetna ho a konna hiche beh a hi lung monna kaneiding ahi. Athengpa thusei nahsahmon kabol khapoi.  
\v 11 Ahinlah athoh jou nading thahat kaneipoi, keiman hinpi ding imacha kaneipoi.  
\v 12 Songthahatna chu nei kahim? Katahsa hi sum eng kisem ham?  
\v 13 Ahipoi keima ahin lolhinnaphat gomkom neilou kithopi beihel kahi.   
\s1 Job In Themmo Beijin Nei Engbol’e Ti  
\p
\v 14 Agol apai lhasam khat dinga lungsetna nei mi hiding ahinla nangin Hatchungungpa kicha louvin themmo neichanne.  
\v 15 Kasopi teho aphat phat cha long ji vadung neocha banga tahsan theilou, khaltwi vadung neocha akam dima long tobang nahiu naphot chenu ahi.  
\v 16 Buhbang lhang le buhbang twi kikhol khom chu,  
\v 17 Kholum phat ahung lhun tengleh twi chua amangjin, vadung neucha chu asat jeh chun amang jitai.  
\v 18 Kholjin miho chu holdoh kitna ding in akihei doh jiuvin, ahin donding aum loujeh chun athiji tauve.  
\v 19 Tema a hung kholjin miho chun twi ahol jiuvin, Sheba a hung kholjin miho chun neiding akinem uve.  
\v 20 Akinep nao chu asim jiuvin ahinlah alunglhai jipouve, ahung lhun tengleh akinep nao akisudong jitauve.  
\v 21 Nanghon jong kithopina neipe pouve, kavang setna namuvin chule naki chauve.  
\v 22 Ahinlah ipijeh ham? Keiman thilpeh khattou kathum khah em? Keiman nanei ikhat tou keiding tuma kathum khah em?  
\v 23 Melma pa a konin nei huhdoh un tia kasei khah a, ahilouleh lungsetna neilou miho a konin nei huhdoh un tia kaseikhah em?  
\v 24 Neihillin, chutilehthipbeh in um inge, ipi kabol khel um'em neivetsah in?  
\v 25 Lungtheng sella kiseidoh thucheng hi itobanga thahat hitam? Ahin neidem nao ijat aphah hitam?  
\v 26 Kalung natna kakana ija naselou tenguleh nathusei houhin mi jouvinte natiuvem?  
\v 27 Chagate ahiloule nagol napaite jeng jong soh in naso jiuve.  
\v 28 Neihin vetan, namai chang tah a kajou ding ham?  
\v 29 Kachonsetna hi dih nante tin gelda tauvin, ijeh inem itile keiman bolkhel kaneipoi.  
\v 30 Thujou seidinga nei gelluvem? Aphale ase hekhen thei lou ding kahim?   
\c 7  
\s1 Job In Pathen Akinilpi  
\p
\v 1 Mihem jouse hinkho hi hahsatna toh kidel jing hilou ham? Ihinkho uhi kitha lah khut tobang hilou ham?  
\v 2 Liim ngaicha aum natong mi tobang ahin, soh atohna man ngah tobang ahi.  
\v 3 Keima jong lha phabep sunga chu phatchomna bei natoh eikipen ahi, lunggel gentheina dimset in jankho sot noijah genthei kathoh e.  
\v 4 Jalkhun chungah kalumin, itih tah le jingkah ahitadem tin kagel jin, ahinlah jan in eisu chol in khovah kahsen kaki pehle le jin ahi.  
\v 5 Kati chungla than leh akhih in atom dimin ka vun jong apohkeh gamin anai along longe.  
\v 6 Ka nikho ho jong pon khong ho patphei kilham sangin ging jon, kinepna beijin akichai ji'e.  
\v 7 O Pathen, kahin kho hi hai khat bep bou ahi ti nei geldoh peh in, chule keiman kipana hi kanei kit lou hel ding ahi.  
\v 8 Nangin tua hi neimu ahin, ahinlah nei musot pon nate, nangin neiven natin ahinlah keima ana chemang tange.  
\v 9 Meilhang akithecheh a aman hel bangin, athiho khu hung kile kit tapou vinte.  
\v 10 Amaho chu ainuva patna tonsotna mukit tah lou dinga chemang ahitauve.  
\v 11 Keima thusei louvin kaum theipoi, kalung genthei naho kasei doh a ka lhagao genthei jeh a kiphin ding kahi.  
\v 12 Keima hi twikhanglen'a kichat chat um ganhing len ahilouleh gullui kahia nahonbit nanoija chu neikoi jeng ding ham?  
\v 13 Keima kalupna in eilhamon intin, chule ka imut teng kanat genthei na ho olsah tante tin kagelle.  
\v 14 Ahinlah nangin mangse neimatsah jin, chule gaothil mu in nei kichat sah ji'e.  
\v 15 Hitia genthei thoh sang hin, eikimeh lih jeng hen lang thileng pha kasa joi.  
\v 16 Kahinkho kadei mon hitia hin hin ding hi kadei tapoi, O nikho lhomcha kanei sung hin kachangin nei dalha jengin.  
\v 17 Mihem hohi ipi hiuva, nangin hibanga hi na khohsah a chule nagel jing jeng ham? \x + \xo 7:17 \xt Labu 8:4; 144:3\x*  
\v 18 Ajeh chu nangin jingkah seh le nakhol chil soh in, chule phat jousen na patep jinge.  
\v 19 Kachil valna ding phatsung beh a ipi dinga nei dalhah lou ham?  
\v 20 Chonset kanei ahilehnang chunga ipi kabol khah ham? O mihem te vejing pa, keihi nanga dinga pohgih kahija, natup penna neisem ham?  
\v 21 Kachonsetna hi ngaidam jengin lang chule kathemmona ho nei lahmang peh tan, ajeh chu leivui lah a kijam a thivah ding kahitan, nangin hin ven natin chemang tange.   
\c 8  
\s1 Pathen Adih E, Tia Bildad In Asei  
\p
\v 1 Hichun Shuh mi Bildad in Job chu adonbut e:  
\v 2 Hitia hi itih chan naum nah lai ding ham? Nathusei chu kichat umtah huinung gin abange.  
\v 3 Pathenin thutah chu aletun ding ham? Hatchungnung pa chun adih chu aletun khah em?  
\v 4 Nachate chun ama douna a chonset anabollu hitei ding ahi, hiijeh a chu ahibep seuva ki engbollu ahi.  
\v 5 Ahinlah Pathen koma taova chule Hatchungnung pa lunglhaina naholla ahileh  
\v 6 Chule atheng nahija, lung thengsella nahin leh aman atahbeh a nakai thouva na inchen kipana a nasem phat peh ding ahi.  
\v 7 Chule lhomchan kipan jongle chun tamtah'a nachai ding ahi.  
\v 8 Khang masalai chu dongin lang pule paten ana mudoh sao hug ah ngaiton,  
\v 9 Ijeh inem itile eiho janhi bepma peng ihiuvin imacha ihepouve. Leisetna ihin nikho u jong nilim cheloi loi tobangbep ahi.  
\v 10 Ahin eiho masanga hunghon nahil uvintin, amahon gollui lai thu nahil diu ahi.  
\v 11 Doplah hilouva umping sangtah'a khang theija, doplah hampa chu twibeija khang theijem?  
\v 12 Satlhah phat lou laiya apah jing laijun jong hampa ho sanga gang jon agoplha ji tauve.  
\v 13 Chutobang chu Pathen sumil te chunga jong chu ji ahin, Pathen neiloute kinepna chu twihu banga mang ji ahi.  
\v 14 Atahsan nao jong patjanga kikhai ahin, amachu maimom panna kingai ahiuve.  
\v 15 Amahon ahoidoh nadiuvin ainnu atuh un ahinlah dding joupoi, amahon hatuh a tuh ding agot vangun adou jou deh poi.  
\v 16 Pathen neilou khu nisa noija khangdoh hampa abah ho honsung jamdoh a tobang ahiuve.  
\v 17 Song kise thom lah a ajung kholutna, songho kah a hing ahi.  
\v 18 Ahinlah akibodoh tengleh anaum khalou bangin te.  
\v 19 Hichu ahinkho kichaina ahitan, chule amun lo khel dingin adang hung kehdoh tante.  
\v 20 Ahin ven Pathen in milung thengho apaidoh lou ding, migilou dinga jong akhut alhan doh lou ding ahi.  
\v 21 Aman khatvei kipah tah a nanuisah kitna, chule nane tenia kipathu nasap doh ding ahi.  
\v 22 Nangma vetda ho chun jachatna ponsilla akisilluva chule migiloute chenna in chu kisumang ding ahi.   
\c 9  
\s1 Job In Pathen Donbut Ngam Talou  
\p
\v 1 Hichun job in asieikit in : \x + \xo 9:1 \xt Job 4:17\x*  
\v 2 Henge, keiman alhangpin hiche hi adih e ti kahei. Ahinlah Pathen mitmua mihem khat chu themmona neilou ahitai tia kiphong doh thei ding ham?  
\v 3 Mikhat touvin Pathen chu kiheh pi ding nom taleh ama chu khatveija sang khat vei kidonbut jou thei ding hinam?  
\v 4 Ijeh inem itile Pathen chu ha chih a chinga, chule thahattah ahi. Koipen in ama chu aphin doh a anel jou ding ham?  
\v 5 Aman hetsahna masat beijin molsang ho achon mang jin, alunghan teng leh aleh khup jin ahi.  
\v 6 Aman aumna munna konin leiset ahot ling jin chule abul akithing ji'e.  
\v 7 Aman thu apeh a ahile, nisa soh tapontin chule lha jong vah taponte.  
\v 8 Vanho jong aman achanga apha jal'a chule twikhanglen kinong jong gamgi asem peh ji ahi.  
\v 9 Ahsi somleng, Bombiel leh juhei suhtum, vantham jol lhanglang kaija ahsi ho jouse abonna aman asem ahi. \x + \xo 9:9 \xt Job 38:31; Amos 5:8\x*  
\v 10 Aman hetphah hoi hilou thil oupe tah tah ho asem in, sim senglou thil kidang aboldoh e.  
\v 11 Ahivangin, ahung naiji teng, kamu theipon, ache teng jongle ache kamu deh poi.  
\v 12 Mikhat chu ahinna alah peh a ahileh kon a suhtang thei ding ham? Ipi bolla nahim tin adong ngam dem?  
\v 13 Chutia chu Pathen in alung hanna chu atuhtang lou hileh twikhanglen'a ganhing tamtah tah ho jong akeng tonoija achilngim ding ahi.  
\v 14 Hijeh a chu kei koi kahija, Pathen chu donbut dia kagot ding ham? Ahilouleh kaki nelpi jeng ding ham?  
\v 15 Keima ana dih kha jeng jongleng kihonna ding kanei lou ding ahi. Eihepi nadinga bou katao thei ding ahi.  
\v 16 Chule keiman ama chu kouving lang, chule aman eihou nama jongleh aman kathusei angai ding kaging chapoi.  
\v 17 Ajeh chu aman huipi gopi a eino khuma chule ajeh beija tang louhella eisuh nat ding ahi.  
\v 18 Aman ei haijom sah theipon ahinlah gentheina khaveng vungin eisun dim khume.  
\v 19 Thahat sanna no ding hijeng jong leh, ama chu thahattah ahin thudih'a tanding kiti jongleh koipen in ama chu thutanna munna dinga akou ngam ding ham?  
\v 20 Keima hijeng jong leng, keima kamtah in themmo eichansah ding ahibouve, themmona neilou hijong leng chonse a eiki sim nalai ding ahi.  
\v 21 Keima nolna bei kahi, ahinla hichun keija dingin kikhelna eibolpeh deh pon, kahinna jong kadei tapoi.  
\v 22 Nolna bei mi hihen michonse hijong leng Pathen dingin abonchan akibang cheh in hijeh a chu themmona neilou le michonse ania asuhmang cheh ahi, kati.  
\v 23 Vangsetnan ahin lhun khuma nolna bei mi thina chu aman anuisat bepme.  
\v 24 Leiset pumpi hi migiloute khutna um ahin, chule Pathen in thutanho mit asuh chotji ahi. Ama bol ahiloule koibol ba hiding ham?  
\v 25 Milhai hat pa sangin kahinkho achegang jon kipana mukhalou hellin aleng mang jitai.  
\v 26 Pumpenga kisem kong bangin akitol mang jitai, muvanlai aneh ding kimat dinga gangtah a hung lenglha abange.  
\v 27 Keiman kakiphin naho sumil ingting, kalung gimna maiso pailhang ting, chule thanom tah in um inge tia kaki gelji vang'in,  
\v 28 Kanat thoh genthei naho hi nasatah a kichatna leh lunggimna kaneije, ajeh chu O Pathen, nolna beija neimu lou ding kahei.  
\v 29 Ipi iti henlang hijong leh themmo hange eikimu ding ahileh ipi phachom dinga ei kibol gim gim ham?  
\v 30 Kei le kei sabon in kisil ngim jeng jong leng chang-al in kakhut sop theng jong leng,  
\v 31 Nangin bon lhoh umna kotong sunga nei sonlut in natin chule keima vonnen hon jong eideimo diu ahi.  
\v 32 Pathen chu kei banga thibai hilou ahin, hijeh chun ama to kakinel theipoi, ahilou jongle thutanna munna kapuilut theipoi.  
\v 33 Keini eisucham theilhon khat anaum hihen lang, mikhat touvin thakhatna eipui khom thei lhon hihen,  
\v 34 Misuchampa chun Pathen chun eijep a asuhtang thei hileh ama bolgenthei kichatna chu kanei lou ding ahi.  
\v 35 Chutileh kichatna beihel a ama koma thu kasei thei ding ahin, ahinlah keiman keima thahat in hichu kabol theipoi.   
\c 10  
\s1 Job In Ahinkho Adeimo Cheh  
\p
\v 1 Kahinkho hi kahechen tai, lhangphong tah in kiphin inge, kahin gentheina jeh a hi kiphin ding ahi.  
\v 2 Pathen koma ima hilouvin nei themmo sah hih in kati ding ahi. Keidouna mona eihin lhut khum peh ding chu nei seipeh in.  
\v 3 Kei nei suhgenthei na chu ipi phatchomna naneijem? Nakhut monga nasemsa keihi ibola nei paidoh ham? Migilou thilgon chunga meheuva naumpet nahi.  
\v 4 Namit teni hi mihemte mit tobang hija, mihem hon amuthei hou bou hi namu thei ham?  
\v 5 Nahinkho hi mihem hinkho chanbep bou saova ham? Nahinkho hi chomlheh jenga ham?  
\v 6 Hijeh chun kathemmo naho kintah in neikhol chil peh in lang chule kachonsetna nahol hol jeng ding ham?  
\v 7 Themmona bei kahi nahet jeng vang'in nakhut teni a konin koiman eihuhdoh jou ponte.  
\v 8 Nakhut tenia neigonna neisem ahijeng vang'in tun nei sumang hel tai.  
\v 9 Leivuija konna neisem ahi, neigeldoh in lang, leivui nei nungso sah loi kit ding ham?  
\v 10 Nangin kathilgon hoa neipui hoijin, chule naobu a neigong in ahi.  
\v 11 Katahsa leh kavunin neitomin, kagu le kachang ho neijop mat peh in,  
\v 12 Nangin hinkho neipen chule nangailutna thonlou neimu sah in; ame hoidamna noija kahinkho neihoitup peh e.  
\v 13 Ahijeng vang'in nachaloh dan adih tah, nathilgon dihtah ho,  
\v 14 Nangin neivet lhih jinga chule kachonsetna ahileh kachonsetna chu nei ngaidam pon nate.  
\v 15 Kachonset khah a ahileh keija dinga phamo lheh jeng ahin, chule nolna bei hijeng jong leng kalu kadomsang theipoi. Ajeh chu jachatna leh gentheinan eikidip letset e.  
\v 16 Ijem tin kalu domsang taleng, nangin keipi bahkai sadel bangin neidellin natin, keidouna a kichat tijat naumna nathanei nachuneimu sah bep ding ahi.  
\v 17 Kei douna a nanatoh chu avel vellin nahet tohsah jin, nalung hanna khang toujing chun kachunga neisun khumin chule kei dou dingin sepai hon thah thah nahin puilut ji'e.  
\v 18 Chuti chu ahileh ipi dinga kanu naobua konna nei lahdoh ham? Kapenna chu ipi dinga nei thiden sah lou ham?  
\v 19 Chutile ahung peng khalou hel kabah a naobua konna jangkeija lhahkhuh anache tadinga,  
\v 20 Keiman nikho lhomcha bou kanei ahitan hijeh chun kachangin nei dalha tan phat chomcha khat beh nopsahna phat kanei nadingin,  
\v 21 Kile kit lou dinga kadalhah a khojin le muthim lhangkhal kiheh nagam kajot masangin,  
\v 22 Jan khangkim lai banga khojin nagam muthim leh nohphah nagam, khovah jeng jong jan khang kim lai khojin toh abah nagam chu!   
\c 11  
\s1 Zophar In Job Athemmosah  
\p
\v 1 Hichun Naamath mi Zophar chun Job adonbut in,  
\v 2 Twilon banga long thucheng hi mikhat beh in adonbut lou ding ham? Thu tamtah kisei hin mi khat chu nolna bei ahi ti aphotchet ding ham?  
\v 3 Nasei sei laijahi kei kamoh umthim jeng ding ham?  
\v 4 “Katahsan athenge, chule Pathen mitmun keima kangime,” tin naseije.  
\v 5 Pathen m among mongin seihen, m among mongin alunggel naseipeh ding hileh,  
\v 6 Ama mong mongin chihna thuguh ho chu naseipeh ding hihen, ajeh chu chihna dihtah chu thumai mai hilou ahi, ngaijin “Pathen in nathemmona sanga lhomjoa nabol genthei joh nahlai ahibouve.”  
\v 7 Pathen chihna thutah'a kisel guh chu naholdoh jou ding ham? Hat chungung ahina ho jouse chu naholdoh jou mong ding hinam?  
\v 8 Hiche tobang chihna hetna hi van sanga sangjo ahin chule nang koi nahija hiche hinoimigam sanga jong thuhjo ahi, nangin ipi nahet em?  
\v 9 Hiche hi leiset sangin alenjon, chule twikhanglen sangin alenjoi.  
\v 10 Pathen chu hunga mihem khat songkul'a koihen ahiloule thutanna munna kou taleh ama chu kon apho tang thei ding ham?  
\v 11 Ajeh chu aman midihlou ho chu ahet ahin chule achonsetna hou aboncha amelchih ji ahi.  
\v 12 Milhoh bei chu hung ching lou ding hicheng jouse chunga chu gamlah sangan in anou ahin thei joh ding ahi.   
\s1 Nachonset Phong In, Tia Zophar In Asei  
\p
\v 13 Ijemtia nangma tah in nalung nagel phatna, chule taona'a nakhut tenia amalam nasanna ahileh,  
\v 14 Pathenin nachonsetna abonna na onthol sah a, chule themmona jouse nanunga nadalhah sah ding ahi.  
\v 15 Chutengle nolna beija namai hung vahdoh ding ahin hung hatdoh in natin chule gin nanei tahlou ding ahi.  
\v 16 Nalung gentheina jouse sumil tan natin, twilong mang tobangbep hiding ahi.  
\v 17 Nahinkho chu sunlai nisa sangin hung vah hoijon tin, muthim jeng jong jingkah sangin vah hoi jonte.  
\v 18 Kinepna nanei chun hansanna napen tin nahuhdoh a chule lhamong tah a nekicholdo ding ahi.  
\v 19 Kichatna neilouvin umen natin chule mitam tah in kithopi noma navet diu ahi.  
\v 20 Ahinla migiloute vang amitnu kisucho a, amahon jamdohna anei lou diu, amaho akinep nau chu thina bou chu hiding ahitai.   
\c 12  
\s1 Job In Pathen Thahatna Le Achihna Avelsei  
\p
\v 1 Chujou chun Job in aseikit in,  
\v 2 Nangho mihem te hin thil ijakai nahet soh keiju hilou ham? Chule nathi teng uleh chihna jong nangma toh thitha ding ahi.  
\v 3 Aphai, kei matah in thil themkhat hetna kaneije, chule kei sangin nang naphajo deh poi; hitobang thilho hethei lou nangin thu nasei sei jeng ding ham?  
\v 4 Kagol kapai ten einuisat un, eidonbut ding kinema Pathen kakou jeh chun, keima hi midih nolnabei kahin; ahijeng vang'in einuisat uve.  
\v 5 Anop nopma um mihon, hahsat natoh ho chu ija selou tah in anuisat jiuvin, amaho chun akipal ho chu ason opden jiuve.  
\v 6 Ahinlah michom ho chu mong tah in aki dalhan, chule Pathen sulung hang ho bitsel in achengui.  
\v 7 Ganhing ho chudong jong le chun amahon nahil dingu ahi; van lai jolla vachate chu dong le chun amahon naseipeh unte.  
\v 8 Leiset chu kihoupi le chun abol ding dan nahil ding ahi, twikhanglen'a nga hon nakoma thu seijuhen.  
\v 9 Kamanthah nachu Pakai khutna hung kon ahi ti ahet sohkeiju ahi.  
\v 10 Ajeh chu thil ahing thei jouse hinkho leh mihem jouse haina hi ama khut a um ahibouve.  
\v 11 Kam in anneh ho atui a-al ahetkhen banga nakol in jong ajah ho hi apatep ji ahi.   
\s1 Pathen Akon Chihna Hung Ahi, Tia Job In Asei  
\p
\v 12 Chihna hi upa ho a ahin, chule thil hetkhenna hi tehseho a ahi.  
\v 13 Ahinlah chihna tahbeh leh thahatna chu Pathen koma bou kimu ahin, thumop themna le thil hetkhen thei nahi ama a ahi.  
\v 14 Ipi hijongleh aman asuh mangsa chu kisapha kit theilou hel ahi; aman mi khat chu songkul'a akhum teng jamdoh nading umthei lou ahi.  
\v 15 Aman go chu atuhtang teng leiset chu nelgam asohji tai, twi chu ahin lhadoh teng leiset chung ahin chup soh jitai.  
\v 16 Henge, thahatna leh chihna chu ama a ahin, milhem lhaho leh akilhem lhaho chu ania athaneina um lhon ahi.  
\v 17 Thumopma pangho ho apui mangin, athutan phatnao alah mang peh jin, thutan chingtah ho ahung ngol ji tauve.  
\v 18 Aman lengpa sangkhol chol asutlhah peh in, akong buh uva khao akiveijin puimangin aumji tauve.  
\v 19 Aman thempu ho apui mangjin, adinmun u alahmang peh in, kum tamtah thahatna pang ho chu aleh khup jin ahi.  
\v 20 Tahsan umtah thumopma pang ho asuthip in, upa ho thil hetkhen theina alahmang peh jitai.  
\v 21 Leng chapate chunga minsetna asunlhah khumin, mithahat manchah beijin akoije.  
\v 22 Muthim lah a kisel thil kidang ho ahohdoh jin khojin mang keina mun ahin salvah jin ahi.  
\v 23 Namtin vaipi atungdoh jin chule aman ama ho chu asu mang jin, namtin vaipi ho chu akikehjal sah jin chule don louvin akoi ji'e.  
\v 24 Leng ho thil hetkhenna alahmang peh jin, lampi umlouna gam phalou lah a vahle din adalha jitai.  
\v 25 Khovah beijin muthim lah a akimai leleuvin, jukhamma londang dang ho bangin aseme.   
\c 13  
\s1 Lunglha Louva Aum Jing, Job In Aphondoh  
\p
\v 1 Ven keiman hiche ho jouse hi kamit tah in kamun chule kanakol tah in kajan tun keiman kahetai.  
\v 2 Ken nathil boldoh jouseu kahenai, kei sangin nangho naphajo deh pouve.  
\v 3 Hatchungnung pa koma keija ding seh seh a jang keija thu kaseija kachung chang thua keiman Pathen ama tah chu kaki nelpi nom ahi.  
\v 4 Nanghon vang, jou le nallin kahinkho nei suhset peh un, thempu banga nangho hi pannabei kithemput sah nahiuve.  
\v 5 Thipbeh chan umthim thei leuchun, hichu nangho dinga nachih napen uva nabolthei sun u chu hiding ahi.  
\v 6 Mo kachansah nau hi ngaijuvin, kanelna hohi phaten ngaijuvin.  
\v 7 Pathen chu jouva nahonbit diu ham? Ama jeh a chu lungtheng lou puma nanel diu ham?  
\v 8 Naum chan hou chu ama nadei sah nau jeh a langnei nadeiju ham? Pathen chung chang thu a nanghon ama dinga nanel peh diu ham?  
\v 9 Nathil bol hou ahin mudoh tenguleh ipi iti ding hinam? Bailam tah a mihem ho nangol bol banguva ama chu nangol bol theidiu ham?  
\v 10 Ahipoi, guhthima ama langa lang neina naneijuva ahileh ama toh naboi dingu ahi.  
\v 11 Aloupina hin nakichat sah louvu ham? Nakichat nau chun nasun khum louvu ham?  
\v 12 Nathil geldoh theikit nau jong vutvai bep bou ahin, ami huhdoh nau jong leibel tobanga keh bai bep ahi.  
\v 13 Tun umthim unlang chule kachangseh in nei dalha tauvin, thu seijing ting, chule thil hung soh jouse kimaito pi tange.  
\v 14 Henge, ken kahin kho chu kakhut in kilah ing ting, chule kalunggel mong mong sei tange.  
\v 15 Pathen in eitha maithei ahin, ahinlah kinepna ding dang kanei poi. Ken kachung thua ama kakinelpi ding ahi.  
\v 16 Ahinla hiche hi eihuhdoh dinga chu ahin keima Pathen neilou kahipoi. Achuti loule ama masanga kadin jou lou ding ahi.  
\v 17 Kasei ding jouse hi naichan ngaiju vin, kasei hi ngaijun.  
\v 18 Kachung chang thu kaki gontoh soh in, nolna bei kahi ti eiki photchen peh ding ahi.  
\v 19 Hicheng ho chunga hi kon eikinelpi thei ding ham? Kathep mona naphotchen theijuva ahileh thipbeh chan um ingting thi tange.  
\v 20 O Pathen! Thilni seh seh neiphal peh in, chutile nangma toh kimaito dinga kadin jou thei ding ahi.  
\v 21 Kachunga konin nakhut ham tah chu neilah doh peh in, chule ame umpina kichat umtah chun nei kichat sah tahih in.  
\v 22 Tun neihin kouvin keiman nadonbut inge, ahiloule ken thu seijing ting chule nei donbut in,  
\v 23 Ipi themmona kanei ham? Neiseipeh in, kachonsetna leh nang kadouna nei vetsah temin.  
\v 24 Ipi dinga keija konna naki heimang ham? Ibola namelma khat banga nei bol ham?  
\v 25 Huimut lonle thingna banga nei kichat sah kit ding ham? Changpol gosa nadel ding ham?  
\v 26 Nangin keidou nan themmona thilse tah tah najihdoh in, chule kakhangdon laiya kachonsetna jouse nahin sulange.  
\v 27 Nangin kakeng teni nakoi khomin chule kalam lhah jouse navelhi jinge, kakhonung jouse naholdoh in namelchih jinge. \x + \xo 13:27 \xt Job 33:11\x*  
\v 28 Pannabei thingmotsa tobang apin anehchai sa to kabange.   
\c 14  
\s1 Job In Hinkho Chomdan Agelkhoh  
\p
\v 1 Mihem hinkho hi ichan a lhasam a hitam? Hinkho hi ichanna choma ichanna gentheina dimsetna hitam?  
\v 2 Pahcha bangin ahung pah doh un chule agop lhaji tai, nilim kihei banginamang loi jitai.  
\v 3 Hitobang bep hinkho lhasam tah thilsem hi namitna navet jing ding hija chule keija konna kahin nikho jat sutoh dinga nei ngeh ham?  
\v 4 Miboh a konna thenna kon apohdoh jou ding ham? Khat chan jong podoh thei ponte.  
\v 5 Kahin khou jong achom asau teptohsa nakoi ahin, lha ijat kahin diu ham tijong nahetsa ahi. Chule mitphet kah khat hin be ding jong neiphal peh pouve.  
\v 6 Hijeh chun kachangun nei dalhauvin chule kicholdo tauvinge. Keiho khut thalah tobang kahiuvin hijeh chun lung mongin kana toh u neitoh jou sah un.  
\v 7 Thingphung jengin jong keinepna tam jo aneiyin kisatlhu jeng ta jong leh hung don thah kit intin, chule abah tamtah hung dondoh kit inte.  
\v 8 Leinoiya ajung ho chu kikhan lhit henlang thi tajongle, chule aphung chu mot tajong leh,  
\v 9 Twi thalhin jallin hungdonthah kit intin akeh thah bangin hung itt hah inte.  
\v 10 Ahinlah mihem ho athi teng vangleh athahat nau chemang ji ahitan, ahainau akichai teng leh hoiya umjiu hitam?  
\v 11 Dilla konna twi ahua alen bangin, vadung jong nichangsat teng abeimang jitai.  
\v 12 Mihem hohi thoukit talou dingin choldo din akilup sah ji'e. Vanho abeihel kah sea amaho thoukit lou ding ahiuve.  
\v 13 Nangin lhankhuh a neisol mang ding kanome, chule nalung hanna achemang soh kahsen nei sumil hel jengin, ahinlah nei geldoh kit nadingin nikhosim na a namelchih in,  
\v 14 Mithi chu hing thei kit ding ham? Chuti ahileh hahsat gentheina kadouna kum ho a hi kinepna nei peh ding ahi. Chule ken thina a kilhadoh ding chu kanga jing ding ahi.  
\v 15 Nangin nei kouvin natin chule ken kadonbut ding nahi. Chule nakhut semsa keima neimu nom ding ahi.  
\v 16 Kachonsetna ho jouse navet khella nangin kakal son jousea neihonbit ding ahi.  
\v 17 Ka chonsetna jouse sakhao sunga nakhum tup a chule kathemmo na nakhu khum ding ahi.  
\v 18 Ahinlah molsang ho ahal halla akelhah a akitol lhah khella chule songho kola akitahlhah banga,  
\v 19 Twijin songho alhoh lhah a chule twisoh in leiset alhoh mang banga chu nangin mihemte kinepna nasuhmang pehji ahi.  
\v 20 Nangin amaho chu hunam in nabol in, chule amun adalha jitauve. Nangin amaho chu thina in nasu melsen chule nasol mang jitai.  
\v 21 Achateu atuteu jabol theija khangdoh hinauvem ti amahon ahepha naisai pouvin ahilouleh hetkham louvin a lhum mang jitauve.  
\v 22 Amahon natna nasatah athoh un ahinkhou chu gentheina adimset e.   
\c 15  
\s1 Eliphaz In Job Aphosal  
\p
\v 1 Hichun Teman mipa Eliphaz in adonbut in;  
\v 2 Michingin hitobang thu hom keu chu donbut ponte. Nang hi imacha hilou nahin chule khohui hungnung bep nahi.  
\v 3 Michingin tang louva thu homkeu sei din akigo jipon, hitobang thu a chu ipi phatchomna um'em?  
\v 4 Pathen ginna neilou nahim, ama dinga jana neilou nahi.  
\v 5 Nachonsetna ho chun nakama ipi seiding ham ti naseipeh untin, nathucheng hohi joulhep themtah chunga kingam ahi.  
\v 6 Nangma kam tah chun themmo nachan sah ahin, kei kahipoi; namuh mama chun nang douna a thu asei ahi.  
\v 7 Nanghi apeng masapen nahim? Molle lhang ho kisem masanga peng nahim?  
\v 8 Pathen in guhthima nahilna ho nangai hinam? Chihna chu nangma tum dinga nanei hinam?  
\v 9 Keihon kahet louvu ipi nahetna, keihon kahet khen theilouvu nangin nahet khen thei um'em?  
\v 10 Keiho langa hin upa tah tah samkangsa apangun amaho chu napa sanga hatah a tahjo ahiuve.  
\v 11 Pathen in nalhamon chu nang dinga neo behseh a ham? Nemma athusei chu lhing joulou ham?  
\v 12 Naki gellhah na chu ipin nalah mang peh ham? Na khomu theina chu ipin alhahsam sah ham?  
\v 13 Hiti chun Pathen dounan nakihei mangin, chule hitobang thuphalou hi naseije.  
\v 14 Thithei khat tou chu theng theijem? Numeija pengdoh mihem chu adih a umthei ding ham? \x + \xo 15:14 \xt Job 25:4-6\x*  
\v 15 Ven Pathen in vantil ho jeng jong atahsan joupoi, ama mitmu in vanho jeng jong athengsel poi.  
\v 16 Chonsetna dimho leh lheplhahna dimho leh gitlouna a dangchah ho chu ichan geijin thenna alhasam tadem?  
\v 17 Kathusei nangai dingle keiman navet sah inge, ken katahsa tah a kahet ho a kon in nadonbut inge.  
\v 18 Apa teuva konna hiche thu mama hi ajah uva, michingho hetsah dungjuija hiche hi kisudet ahi.  
\v 19 Gamdang miho hunglhun masang sot laipeh a chu koiham khat hitobang ho a konna gamkhat ana kipe ahi.  
\v 20 Migiloupa chu ahinkho lhum keijin nat gim genthei thoh in akipeh peh in lungsetna neilou ho dingin hahsat gentheina kum jat tamtah kikhol ahi.  
\v 21 Ama banga kichat tijatna O aging jingin chule nikho phaho jeng jong misumang hon ahin delkhum dio kichatnan aneiye.  
\v 22 Muthim lah a chedoh ding amahon angapcha pouve, kichatna jeh a amahon tol atha dingu ahi.  
\v 23 Gamtinah avahle leuvin changlhah hoiya kakimu ding ham tin aseijuve. Amahon amanthah nadiu nikho anaije ti aheuve.  
\v 24 Muthim nikhon amaho chu akichatsah uvin, galkon dinga kigong lengpa bangin lung gentheina leh lung natna dimset in ahing uve.  
\v 25 Hatchungnung pa asuhboh uva Pathen akhut u athin khum jeh u chun,  
\v 26 Alummu hattah chu akichoijun amadou nan isah loutah in anokhum jiuve.  
\v 27 Migiloute chu athaovun chule sumle paijin akhangtou cheh cheh un akongu jong athaovin apom doh sah uve.  
\v 28 Ahinlah akhopi hou hi kisumang thah ding ahin, amaho chu dalhahsa ingemma hung chenguva; sotlhuh ding sa a um cheh ahiuve.  
\v 29 Ahaosat nau jong sot tapontin, anei agou hou sot ponte; anei agouho jong kolmong geijin hung kikho khong soh taponte.  
\v 30 Muthim lah a konin jamdoh thei pouvin tin, ajih hung dondoh ho jong nisan halgop intin chule Pathen hu haikhum chun amaho asuhmang ding ahi.  
\v 31 Haosatna homkeu tahsanna chun amaho leh amaho kilhem lha sot tapou vintin, amaho dinga akipaman u chu ahomsa hiding ahi.  
\v 32 Ahinkhou hoilai tah le thingbah kilhamlha bangin kisat lhauvin tin abah hou jong avellin hung engdoh kit tapou vinte.  
\v 33 Amaho chu lengpi phung aga matah a kilou lha bangle Olive thingphung aga kisem masanga apah pullha bang diu ahi.  
\v 34 Ijeh inem itile Pathen neiloute chu ahomkeu ahiuvin, nehguh chahguh a haosa ho in chu kavam ding ahi.  
\v 35 Amahon boina naovop bangin avop un chule gitlouna ahing doh jiuve. Anaobu houvin joule nal asodoh uve.   
\c 16  
\s1 Pathen In Abolna, Job In Akiphinpi  
\p
\v 1 Chuin Job apaodoh kit in;  
\v 2 Hicheng ho jouse hi masanga kanajah sa ahitai, itobang genthei um milham nahiu hitam?  
\v 3 Hui sathethu nung hi nasuh tang theilouvu ham? Ipi hin tang louhella thu nasei sah sah jengu ham?  
\v 4 Keiumna munna hi um hileu chun ken jong hitobang hi kaseithei ding ahi. Ken vang douna thu twilon banga kalon doh sah a chule kalu kathin khum ding nahi.  
\v 5 Ahinlah kei chu ana hileng katil khouva nalengvai naho lahmang peh ding kagot ding ahi.  
\v 6 Hiche ho khel hin kathoh gimna in kei le kei kaki vengbit in chule thusei ding kada jongleh kathoh natna alhom chom deh poi.  
\v 7 O Pathen nangin tollhanga nei koilhan chule kachilhah nasugam tai.  
\v 8 Kana chonsetna ho photchet peh ding bang in, nangin kavun le kagu keuseh in neikoitai. Katahsa gong lhenglhung hin kei dounan aphochen tai.  
\v 9 Pathen in eivet dan chule lunghang tah in ahal hal in eibot tellin, aha eigel khum khume, chule amitchang sal tenin eihin vei.  
\v 10 Mihon eija piuvin chule einuisat uve, amahon isah loutah in kabengphe eibeh peh un kei dou dingin mipi ahung kikhom uve.  
\v 11 Pathen in michonse ho khutna eipedoh in, aman migiloute khutna eiseplut tai.  
\v 12 Aman eisat teldeh kahsen thipbeh in kaum in, kalol in eiman in ahal hal in eisuchip jengin chuti chun abidoi dingin eitung doh e.  
\v 13 Chule tun athalkap them hon eium kimvel un, athal chang uvin lungsetna beihel in eisun uvin tollhanga kathisan avei jenge.  
\v 14 Keidou nan avel vel in eisu teldeh jengin, gal hatpa mibolna bangin eino khume.  
\v 15 Kagenthei vetsahnan khaodip pon kakisil in kaki letsahna leivui lah a akijam tai.  
\v 16 Kaka kanan kamit asan lhatan, kamit teni athim sohtai.  
\v 17 Ahijeng vang'in thil dihlou kabolpon chule kataona athenge.  
\v 18 O leiset kathisan selmang hihbeh in, keikhellin hung kapdoh uhen.  
\v 19 Tu jengin jong eihetdoh sah ding vanna aume, kachung thu eiseipeh ding chu chung sanga aume. \x + \xo 16:19 \xt Job 19:25\x*  
\v 20 Kagol kapai ten eideimo uvin ahinlah ken kamitlhi Pathen a kasung lhai.  
\v 21 Gollepaiho sucham theipa banga Pathen le kei kikah eikicham sah thei ding mi khattou kangai chai.  
\v 22 Kahung kinung lekit tahlou nading lamlenna chu chesuh vahding kahitai.   
\c 17  
\s1 Job Akiphin  
\p
\v 1 Kalhagao akisuchip in, kahinkho haisam pai ding ahitan lhankhuh jong keima ngah a gotsa uma ahitai.  
\v 2 Mi nuisat nom hon eium kimvellun ichan geija gilouva eiphin lunghang uvem tia kavet vet jeng ahi.  
\v 3 O Pathen nangin nolnabei kahin neihon bit peh in koimacha keima dinga hung dingdoh ding umlou hel ahi.  
\v 4 Nangin amaho hi ima ahetkhen theilou nading uva alung mit u nakha peh ahin, ahinlah amaho hi lunglhaina pehih in.  
\v 5 Amaho phatchomna dingin aloi agol hou chu apedoh jiuvin hijeh chun achateu gilkel thoh in kho helouvin umsah in.  
\v 6 Aman mipi ho lah a konna einuisat ding chu asem ahin, kamaija chil eiset khumuve.  
\v 7 Kaka ka nan kamit apom doh joutai. Keima hi kana hinasa alie maimai bou chu kahi.  
\v 8 Michonpha hon eimu teng uleh atija soh ji tauve, nolna bei miho chu Pathen neilou miho dounan ahung kipat doh jiuve.  
\v 9 Michonpha ho chu malam jonin akitol jing uve. Chule akhut teni thengsel'a umho chu ahat cheh ahat cheh jiuve.  
\v 10 Nangho nabon Chauvin kinelna a phajep in hung kile kit uvin, nangho lah a miching khat beh kamu doh lou vang'in  
\v 11 Keima hin nikho aki chaitan, kakinepna amangthah tai. Kalung ngaichat jouse akeh gam tai.  
\v 12 Hiche miho hin jan hi sun ahi tin asei uvin, amahon muthim chu khovah ahi tin asei jiuve.  
\v 13 Lhankhuh a chu che taleng ipi itin tem? Chule muthim lah a chun lupna kisem leng?  
\v 14 Lhankhuh chu kappa nahi tin kou leng, ipi itin tem? Chule than chu kanu ahi loule kasopinu tileng;  
\v 15 Kakinepna hoilamba hita a mikhat touvin amu dem?  
\v 16 Ahipoi kakinepna chu keima toh lhankhuh a kumlha suh khom ding kahi lhone. Leivui lah a kaki choldo khom ding ahi.   
\c 18  
\s1 Bildad In Nathusei Itih Nangah Ding Hitam, Tia Asei  
\p
\v 1 Hichun Shuh mi Bildad chun adonbut in:  
\v 2 Nathusei nangah masang a ichan sauva nasei nahlai ding ham? Ka donbut diu nadeija ahile chihna thu seijin.  
\v 3 Nangin keiho gamsa ho sanga phajo maimaija neigel uham? Nangin keiho hi mingol a nei ngai tou ham?  
\v 4 Nalung han man in nalu jang sam chu botchai theijin nate, ahinlah hichun leiset asuhmang thei ding ham? Songpi ho akithin sah theiding ham?  
\v 5 Tahbeh in migilou te thaomei kimut mit peh intin ameikong jeng u jong vahdoh lou ding ahi. \x + \xo 18:5 \xt Job 21:17\x*  
\v 6 Aponbuh uva athaomei jengu jong hung thim ding ahi, achung lang uva kikhai thaomei jong kimutmit ding ahi.  
\v 7 Migilouvin ama kam'a kitahsan tah a akalson nau kisuhchom peh ding, amaho thilgon mama a chu kipal lhu diu ahi.  
\v 8 Migilou chu lenna a ohin kokhuh sunga alhalut jiuve.  
\v 9 Thang kikam chun akhotal jum u akhit khan thang chun akhit chah kheh e.  
\v 10 Khaokol chu tolla akisel den nalaijin, alampiuva khao akijung galkai peh e.  
\v 11 Migiloute chu kichat tijatnan aum kimvel un chule akalson jouse asuboi ji'e.  
\v 12 Akelthoh u chun athao asulhom in chuleh vangset nachun amaho kipal lhuh ding chu anga ahi.  
\v 13 Natna in ativun u anen, thinan atibah u aval lhum tai.  
\v 14 Ahoidoh nau ainuva konna kibotkhen uva, chule kichat umtah lengpa henga chun akipui lha tauve.  
\v 15 Migiloute in chu kihal lha a ain chung uva kath meikong akijuh lhah sah e.  
\v 16 Ajungu golha a abah u jong goplha ding ahi.  
\v 17 Aum ingo kihetna ho jouse leisetna konna mangthah ding ahin koima chan amaho min chu ageldoh kit lou ding ahi.  
\v 18 Khovah a konna muthim lah a kisep lut ding ahiuvin vannoi leiset a konna kidel manga ahi tauve.  
\v 19 Amahon chate hihen tute hijongle anei tahlou ding u ahi, achennau gamsung a hung cheng ding son leh pah hung beihel ding ahi.  
\v 20 Nilhum lam miten avangset diu akichat peh un, solam amite akichauve.  
\v 21 Hichehi migilou Pathen neiloute chenna mun ahi tin hin seiju vinte.   
\c 19  
\s1 Pathen Akon Them Achanding, Job In Tahsan  
\p
\v 1 Hiti hin Job in asei kit e:  
\v 2 Itih chan nei suhgenthei nahlai dingu ham? Itih chan nathu sei uva chu suhchip ding neigot nahlai diu ham?  
\v 3 Nanghon somvei jen neijumsou ahitai, aphalouva neibol u hi najachat pi louvu ham?  
\v 4 Keiman chonsetna nei jeng jong leng hichu keija bou ahin nangho a ahipoi.  
\v 5 Kei sanga phajo a nakigel u ham? Nei suh jachat nau hi kachonset hettohsahna a man ding natiu ham?  
\v 6 Themmo eichanna chu Pathen ahin, alenna eimat ahi.  
\v 7 Nei kithopiuvin tia kapen jah vang'in koima chan ei donbut poi, kanel kal in ahinlah thudih'a thu kitanna aum deh poi.  
\v 8 Pathen in kalampi akhotan jeh in kachat thei poi, kalampi muthim lah a eilhun lut peh e.  
\v 9 Aman kaloupina eilah mang peh in chule kalu chunga konin kalal lukhuuh eilahdoh peh tai.  
\v 10 Aman kasih lang jousea eikai lhun chuleh abeipai kahitai. Thingphung lhusa bangin kahinna jung jouse eibodoh peh tai.  
\v 11 Alunghanna chu kachunga ahung deujah jengin amelma khat bangin eisem e.  
\v 12 Asepai honpi amasan amahon kei bulu nading lampi asem uvin kaponbuh kimvella ngahmun asauve.  
\v 13 Kasopi jouse kakomma konin gamla tah a aum uvin chule kaloi kagol te jong kei doudin akihei gam tauve.  
\v 14 Ka inkote akichai soh tai, chule kakinai pi kagol ten jong eisumil tauve.  
\v 15 Kasohte le kasoh numei ten hetkhah lou mi danin eigel tauvin, keihi amaho dinga gamchom mi toh kabang tai.  
\v 16 Kasohpa kakou chun ama ahung tapoi, amapa koma katao ding angaije.  
\v 17 Kahai jong kajinu dinga theida um ahin, keihi kain koten eile mang u ahitai.  
\v 18 Chapang neucha cha ho jengin jong ija se louvin eibol uvin, thusei dinga kadin doh chun amahon anunglam eingat uve.  
\v 19 Kakinaipi kagolten eikidah uvin kangai tah tah hon jong eidou tauve.  
\v 20 Kavun leh kagu kachang bouseh a eikikoi ahitan, chule kanevun teni khu apang kaven maimai jeh a thina a kona jamdoh kahi.  
\v 21 Nei khotouvin, kagol kapai ho, nei khotuvin, ijeh inem itile Pathen khut in eitham khah ahi.  
\v 22 Pathen in eibolna banga nangin jong nei bolgim ding ham? Nei lhaingem lou jeh a hi chimlou nahim?  
\v 23 O kathusei hohi sahlut thei hihen, O hiche hohi hetjing nathei khat a kimin chon sah hile,  
\v 24 Thih paicha in kikhen doh hen lang chuleh ngen twi kisunkhum hen lang a itih a umjing ding songpi chunga kikhen doh hen.  
\v 25 Ahinlah keija dingin vang eilhandampu ahinge ti keiman kahei. Akhon naleh leiset chunga hung ding ding ahi.  
\v 26 Chule katahsa akemsuh jou nung hihen, hijeng jongle katahsa tah a Pathen kamu ding ahi.  
\v 27 Keima mong mongin ama chu kamu ding ahi.  
\v 28 Keima gimbolna dinga ichan geija hangsan nahim? Hiche hi ama thepmo ahi natijiu ham?  
\v 29 Nang chunga chu ding gimbolna chu naki chat ding ahi. Na chonna toh kitoh bep a gimbolna nachan kihet in.   
\c 20  
\s1 Zophar In Migilou Um Chan Avelsei  
\p
\v 1 Hichun Naamath mi Zophar chun adonbut in:  
\v 2 Kadonbut tei ding ahi, ijeh inem itile keima nasatah in eiki sunoh phah e.  
\v 3 Nami phosal nahi kahin thoh joulou ahitan, ahinlah ka lhagaovin donbut nomna eihin neisah ahitai.  
\v 4 Phat kipat tillai leiset chunga mihem te ana um masat pen laiju chu geldoh in,  
\v 5 Migilou te kichoisang nahi phat chomcha bou ahin, chule Pathen neiloute kipana jong chomkhat a ding bou ahi.  
\v 6 Pathen neiloute kiletsah nan van pha hen lang, chuleh alu uvin meibol ga tong kha jongleh,  
\v 7 Amaho chu tonsot'a mangthah ding ahiuvin, a eh u kipaimang banga amaho jong kipai mang ding ahiuve. Koi hijongle ahepha jousen dong uvin te.  
\v 8 Amahohi janmang bangin mangun tin chule kinung mukit lou diu ahin, amahohi jan a thil kimu aman bangin mangthah tauvinte.  
\v 9 Amaho chu amukha sa hon anungmu kit lou diu ahitan, ainkoten anungmu kit louhel diu ahi.  
\v 10 Achate houvin mivaichate komma akhut do uvinte, ijeh inem itile amahon aguh u haosat naho chu anung peh kit diu ahi.  
\v 11 Khangdong hijong leu agubuh u leivui lah a kijam ding ahi.  
\v 12 Amahon agitlou nau chu kipana ana neiju ahin, alei noi uva hung junlha ding ahi.  
\v 13 Amahon twi asauvin akamsung uva sottah akoi uve.  
\v 14 Ahinlah hetman louhel in a oisung uva a anneh u chu athuh jitai, a oisung uva thina thei gu aum jeh chun,  
\v 15 Amahon aval lhum sau anei agou hou chu alodoh un ahin Pathen in akoi lhahsah lou diu ahi.  
\v 16 Amahon gulsoh gu hin chop untin gulsen amaho ahintha dingu ahi.  
\v 17 Amahon olive thao twidung banga long ahiloule khoiju leh bongnoi vadung banga long amukhah kit louhel diu ahi.  
\v 18 Amahon atohman uva amu thil jouse anungpeh uva anei agou jouseuvin nopsahna hin lhut peh pouvin te.  
\v 19 Ijeh inem itile amahon vaichaho asu genthei un chule genthei lengvai jin adalhau vin amahon asah u hilou hel inho akilah uve.  
\v 20 Amaho akilose uvin chuleh lung nachimna anei pouve, aval beihella thil jouse nei cham kim ding bou agel gel uve.  
\v 21 Imacha khen neilou hellin amaho changseh in anei jou hel uvin hijeh a chu ahaosat nau jong umsot lou hel ding ahi.  
\v 22 Neng tah a aumlai tah ule hahsatnan ahin lhunkhum in hahsat gentheina achung'uva hunglhung ding ahi.  
\v 23 Pathen in amaho chu hahsat gentheina a a oisung dimset uvin peuhen Pathen in alunghanna achung'uva hin juhlhah sah hen.  
\v 24 Thih hemma konna jamdoh ding go jongle sum-eng a kisem thalchang in adot pai ding ahi.  
\v 25 Thalchang chun atungtun langa konna ki botdoh ding chule athalchang muh chu thisan nat dehduh a thina kichat umtah chu achung'uva chu ding ahi.  
\v 26 Agou jouse muthim lhangkal kiheh lah a kisep lut ding, athil keu jouseu akidalha beihel a gamlah meiyin akahvam gam hel ding ahi.  
\v 27 Vanho jousen athemmo nau ahin phon jal ding chule leiset in jong ama douna ahin phot chet ding ahi.  
\v 28 Ain jouseu twisoh in alhoh manga Pathen lung hanna chu twi hattah long banga hung longlha ding ahi.  
\v 29 Pathen in migilou apeh ding tohman hiche hi ahin, Pathen in achan diuva ateppeh sau chu ahi.   
\c 21  
\s1 Kathusei Ngaijun, Tia Job In Asei  
\p
\v 1 Chuphat in Job in asei kit in:  
\v 2 Kathusei hohi ipi ham ti naichan hin ngai uvin, hichu kilhamonna neipeh thei sun u chu ahi.  
\v 3 Neithoh piuvin chule ken thu sei inge, keiman thu kasei jou teng leh nanghon nei nuisat pan kit nauvin nate.  
\v 4 Pathen koma kiphin kahin, mihem ho koma ahipoi, kanga sot joulou nau ajeh hoitah kaneije.  
\v 5 Nei veuvin chule thipchet in um un, nakhut uvin nakam kisip cheh uvin,  
\v 6 Ken ipi kasei ding ham tia kagel teng, kaki thing tuntun in katahsa akihot hot e.  
\v 7 Ipi dinga migiloute hi khang tou touva ateh gei uva khang uva chule thahat hiuvem?  
\v 8 Chule amahohi achateu khantou leh a inchen uve dinga hing ahiuvin chule atuteu chunga akipah uve.  
\v 9 A in hou jong kichat tijat na a konin a ongdoh un chule Pathen in agimbol poi.  
\v 10 Abongchal hou jong nou neilou vin aum pouvin, abongpi houvin nou aneiyun athollha jong aumpoi.  
\v 11 Kelngoite bangin achateu akichop le sah uvin, achapang hou chu akichom un chule alam lam uve.  
\v 12 Amahon semjang saigin leh selang dah toh lhonin la a asauvin, theile kimut gin in kipa golnop abol'uve.  
\v 13 Amahon ahin nikho hou nopsah nan amangun, chuti chun lungmong tah in lhankhuh ajon ji tauve.  
\v 14 Amahon chemangin nathil imacha kadei pouvin, nalam lhah jong kadei pouve tin PAthen koma aseijuve.  
\v 15 Hatchungnung kitipa chu koi hija chule ipi dinga athu kangai diu ham?  
\v 16 Amahon ahausat najouseu hi amaho thahat a kilam doh danin agel un, ahinlah hitobang lunggel na a chu keiman imacha bol ding kanei lou ding ahi.  
\v 17 Ahijeng vang'in migilou thaomei jong akimumit peh khapoi. Amaho hin hahsatna anei khah uvem? Pathen in lunghang tah a lung genthei nahi amaho ana hoppeh khah em?  
\v 18 Changpol banga amaho huijin amasang amutmang khah hitam? Huipi hat in changvai alhohmang banga alhoh mang khah hitam?  
\v 19 Aphai Pathen in achateu beh agimbol ding ahi tin nasei juvin ahinlah chonset bol pen pen vang chu agim bol ding ahi tin kaseije. Chutile ama thutanna chu ahet thei diu ahi.  
\v 20 Amanthah nau amahon amit tah uvin veu hen hatchungnung pa lunghanna thuhtah chu twidon in don uhen.  
\v 21 Ijeh inem itile ama athi nung teng le ainkoteu iti dingu ham ti angaito pouve.   
\s1 Pathen Thilbol Koiman Ahethei Poi, Tia Job In Asei  
\p
\v 22 Ahinlah koipen in Pathen chu ahil thei ding ham? Mithahat chung thu jeng jong atan ji ahi.  
\v 23 Mikhat chu hausa tah le lungmong tah hin boina beihel in athi jin ahi.  
\v 24 Mithahat misalhing hole tahsa damthei ho lim chu ahi.  
\v 25 Mikhat kit chu nopsahna hepha louhel in vaichatna khonteh in athi jin ahi.  
\v 26 Ahinlah ani honna chu leivui lah a kivui cheh ahi lhonin, ani lhonna than hon aneh cheh lhon ding ahi.  
\v 27 Ven nangin ipi nagel kahen nangin kei douna a nathilgon kahen ahi.  
\v 28 Achonset jeh uva ain u mang hella migilou leh mihausatah thu neihin seipeh ding ahi.  
\v 29 Ahinlah akimvella um hohi dong le chun amahon adihtah chu naseipeh dingu ahi.  
\v 30 Vangset phat laileh amaho chu aki hing hoijin chule manthah na a konna ajamdoh diu jong akiphal peh e.  
\v 31 Koima chan amaho hi lhangphong tah in aseise ngam pouvin ahiloule anatoh athilbol hou jeh in jong lethuhna akipe pouve.  
\v 32 Lhankhuh jonna amaho akiput tengu le alhan u chu mihon nidan kah khat bep bou anga peh jiuve.  
\v 33 Lhanmol a chun mithi kivuina kin akimang in atahsa choldo dinga akilupsah namun a chun mihon ajanau apeuve, chule leiset in kicholdo na nomtah in apei.  
\v 34 Nanghon keihi iti dan a thu hom keuva nei lhamon diu ham? Nahil chet najouseu jong jou ahi.   
\c 22  
\s1 Job Gitlou Jeh’a Eliphaz In Aphosal  
\p
\v 1 Hichun Teman mi Eliphaz in adonbut in: \x + \xo 22:1 \xt Job 35:6-8\x*  
\v 2 Pathen kithopina dinga mikhat in abol thei ding um'em? Miching khat jeng jong chu Pathen ding a kithopi pha hithei ding ham?  
\v 3 Michonpha ana hile chun Hatchungnung pa a dinga phachom nana hikha dem? Mipha chamkim hile chun Hatchungnungpa a dinga phachom nahidem?  
\v 4 Pathen thengtah a nahou jeh a ama chun themmona chansah ham? Chule nang douna a thutan ahin pohlut ding ham?  
\v 5 Ahipoi nagitlou na jeh ahibouve. Nachonsetna angahna umlou ahi.  
\v 6 Vetsahnan nagolpa chu sumbat din pen lang nabat man dingin aponsil ho chu neipen tin lang henge agu achang geijin lahpeh jengin.  
\v 7 Nangin adangchah ho twi peh ding nom hih in lang chule agilkel an peh ding nom hih le chun,  
\v 8 Nangin gam chu athahatpa a ahi timai theijin natin ahinlah hiche a chu mikhat bouvin thaneina anei ding ahi.  
\v 9 Meithai khat tou chu khutgoh keuva nasol mang hikhat inte chule chagate kinepna jong nasuhkeh thei ahi.  
\v 10 Hiche ho jeh a chu thang’a naki umkimvel ahi, chule hetman louva kichat najeh a kitihot hot nahi.  
\v 11 Hiche ho jeh a chu muthim lah a namu theiji lou ahi. Chule twi kinong in achup ji ahi.  
\v 12 Pathen chu alen behseh in vanho sangin jong alen joi. Ahsite lah a agamla pen sangin jong agamla joi.  
\v 13 Hiche jeh a chu Pathen in kanatoh hohi amuthei jilou ahin, muthim jing lah a hi iti thu atan ding ham tin nadonbut e.  
\v 14 Ajeh chu meibol satah chun ana velkol lele a hiche jeh a chu aman eimu theilouvu ahi. Ama chung sangpeh a khun aumin vanna thilkholna mun ho a chu vahle ahi.  
\v 15 Migiloute lamlhahna lampi lui chu najot nahlai ding ham?  
\v 16 Ahinkho kibul patna twijin alhoh manga ahinkhou it um laitah le asalhah peh ji ahi.  
\v 17 Hatchungnungpachun kachung uva ipi abolthei ding ham? Kachangin nei dalhauvin tia Pathen koma asei jeh u chun,  
\v 18 Henge ama chu a insung uva thilpha tamtah dipset a chu ama ahi, hijeh a chu keiman hiche tobang lunggel a bolthei ding imacha kaneipoi.  
\v 19 Michonpha ho chun migiloute manthah na chu amuteng uleh kipah unte, chule nolna bei miho chun isah loutah a anuisat dingu ahi.  
\v 20 Veuvin melmate iti kisuhmang hija anukhah pen chu meiyin akavam tai tin sei uvinte.  
\v 21 Pathen a kipelut in chutile lungmong a naum ding ahi, chuteng leh nanga dinga ijakai phasoh kei ding ahi.  
\v 22 Ngaijuvin athuhil hi chuleh nalung chang ah khollin.  
\v 23 Hatchungnung pa komma nakile kitna ahile nakilepeh kit ding ahi. Ijeh inem itile nahinkho chu sutheng in.  
\v 24 Sum ngailutna napeh doh a ahile, chule nasana mantam tah chu vadunga naselut a ahile,  
\v 25 Hatchungnungpa amatah chu nagou hijeng ding ahin, ama tah chu nanga dinga dangka manlu tah hiding ahi.  
\v 26 Chutile Hatchungnungpa koma konin nomsahna kilah in natin, hiteng chule Pathen chu ven.  
\v 27 Amakoma taovin natin chule aman na taona najah peh ding ahi. Chule nangin ama koma nakitepna chu namolso ding ahi.  
\v 28 Ipi hijongle bol dinga nagot chan namolso ding ahi. Chuleh namasanga lamlen chu vah'in hinsal vah peh tan nate.  
\v 29 Mihemte chun hahsatna ahin nei teng ule kithopiu vin tin seijin natin, chule Pathen in ahuhdoh diu ahi.  
\v 30 Michonse ho jeng jong, huhdoh in um unte, nakhut thenna jeh a chu huhdoh a umdiu ahi.   
\c 23  
\s1 Job In Achungchang Thudol Pathen Henga Seiding Agot  
\p
\v 1 Hichun Job in aseikit in:  
\v 2 Kakiphinna tuni chan geijin akhoh cheh cheh in chule pendoh lou ding hatah in kagoi.  
\v 3 Keiman Pathen ama umna bouseh kahol doh thei hileh keima athutanna munna kache ding ahi.  
\v 4 Kachung chang thuhi kaluidoh a chuleh kaki phin a thu kasei ding ahi.  
\v 5 Chuteng leh keiman eidonbutna kangaija chuleh kakoma ipi asei ham ti kahetdoh ding ahi.  
\v 6 Athahatna jousea chu keima einel ding ham? Ahipoi aman ngainom umtah'a eidonbut ding ahi.  
\v 7 Milungtheng ho chun amatoh ngaito khom theijun tin hijeh a chu keima thutanna'a konna a itih a dinga lhadoh a kaum ding ahitai.  
\v 8 Solama kachen ahin hiche mun a chun ama anaumpon, lhumlam a kachen ahinlah ama kaga mu poi.  
\v 9 Sahlang gam kahol in kaga mu joupoi, ijeh inem itile ama kisel ah ahi. Keiman lhanglang gam kaven ahinlah ama akisel mangah ahitai.  
\v 10 Ahin aman hoiya kache ahen ahi, chuleh aman ei patep tengle sana thengsel banga kahung doh ding ahi.  
\v 11 Ijeh inem itile Pathen lampi a um kahin kihei mang louhel a alampi chu kajui ahi.  
\v 12 Athupeh a kon in kapotdoh khapon ahinlah niseh anneh twidon sangin athusei ho gou khol in kaki khol e.  
\v 13 Ahinlah aman khatvei kigel lhahna anei tengleh koipen in alungthim akhelsah thei ding ham? Aman abol nomchan chu ipi hijongle abol jing ding ahi.  
\v 14 Hijeh a chu ipi hijongle kachunga kathilgon jouse chu eibol doh peh a kavanga ana umsa chu aman athuneina noija akoi ding ahi.  
\v 15 Datmo louhel in ama aum tengle kaki cha behseh jin hiche ho kagel tengle kaki cha behseh ji e.  
\v 16 Pathen in kalung anat sah in lungchang nan eisem in Hatchungnung pa chun ei tijat sah e.  
\v 17 Muthim in ei umkim vellin athimdan seijou lou chu muntin a aume.   
\c 24  
\s1 Pathen In Migiloute Abolna Job In Anelkal  
\p
\v 1 Ipi dinga Hatchungung pan migiloute khu thutanna munna dinga ahin pui lou ham? Ipi dinga Pathen ging ten panna beija ama anga nga diu ham?  
\v 2 Miphalou ten gamgi melchihna achonun gam leiset agu jiuve. Amahon gancha akiguh uvin chuleh amaho gamsunga hamhing lah a alhalut uve.  
\v 3 Amahon chagate sangan akilah un meithai ho bangchal bat man na apeh diuvin angeh jiuve.  
\v 4 Mivaichate chu lampam ah asondoh un migiloute chu ahoidoh nadiuvin akisel khom jiuve.  
\v 5 Gamlah sangan ho gammang lah a aum bangin mivaichaten aphat jouseu neh ding holnan amangun achateu neh ding nelgam sanna aga hol uve.  
\v 6 Amaho a hilou loujau lah a chang a-at jiuvin chule migiloute lengpilei lah a akhai achomkhom uve.  
\v 7 Jan khovah vah'in daplah ah akeuvun ponbeijin ahiloule kikhukhum ding neilouvin alum jiuve.  
\v 8 Amaho chun molla konna hung phinlha gotwijin akot soh jiuvin chule chenna in ngaichan songpi bel din alhai khom jiuve.  
\v 9 Migilou ten meithai ho chasen chu anu oplhanga konin aloilhah peh un nausen ho chu thil manna tun din alahpeh jiuve.  
\v 10 Mivaichate chu ponsil beijin akeuvun acheleuvin amaho tah anngol pumin midang ding chang a atkhom peh uve.  
\v 11 Amahon Olive thau achil lhauvin ahinlah atep diu jong akiphal peh pouve, chule dangchah thohpum pumin lengpi thei hehna khol ah na atohsah uve.  
\v 12 Khopi a konin mithi ding kon ho ahung pengdoh uvin chule maha pu hon kithopi ngaichan akap uve. Ahivangin Pathen in ataonau imachan agelpeh poi.  
\v 13 Migiloute chun khovah adouvun, amahon alampi hetpeh ding anom pouvin ahiloule alampi a jong aum pouve.  
\v 14 Mivaicha ho leh mi genthei ho that dingin tolthat ho chu jingpi phal vah'in athou jiuvin jan teng amapa chu guchan apang jin ahi.  
\v 15 Numei jon pipan khomut chip chep angah jin hiche phat chuleh koiman eimu taponte atin koiman ahetdoh louna dingin amai asel jin ahi.  
\v 16 Migucha ho chun jan tengle mi in asuse jiuvin chuleh sun leh a ihmu jiuve. Amaho chu khovah toh kihekha lou ahiuve.  
\v 17 Jan muthim chu amaho din jingkah ahin amaho tah hi khojin kichatna toh kijopmat ahiuve.  
\v 18 Ahinlah amaho hi twinoi langa twihu bangin amang ji tauve, athilnei jouseu hi gaosapna ahi chule amaho alengpi lei uva alut diu jong akichauve.  
\v 19 Nichangsat leh sat in buhbang twi amanchah banga lhankhuh in jong michonse ho amanchah ahi.  
\v 20 Ahingnu tah'un jong hin sumil untin than hon amaho chu twitah in hin neuvin tin, koima chan amaho chu geldoh tapouvin te. Migiloute chu huipi gopin thingphung amutlhuh tobang hiuvinte.  
\v 21 Kithopi ding chapa neilou meithai ho alhemlha jiuvin meithai gentheiho kithopi ding amaho anom pouve.  
\v 22 Pathen thanei nan miho chu akaimang jin amaho chu kichoisang maithei unte, ahinlah ahinkhou iti ding ham ti hetchetna anei pouve.  
\v 23 Amahohi lungmong tah a ahin diu kiphal peh jeng jongleh Pathen in amaho chu avelhi jing jenge.  
\v 24 Chuleh tuhin amaho hi oupe lheh jong leu mitphet kah louvin adangho bangin che mang tauvin tin, changvui bangin satlhah in um uvinte.  
\v 25 Ahilou jongleh khat touvin achu thei ham? Koipen in kadih louna aphotchet thei ding ham?   
\c 25  
\s1 Pathen Thaneidol Job In Aphondoh  
\p
\v 1 Hiti chun Shuh mi Bildad in adonbut in:  
\v 2 Pathen hi thahattah le kichat umtah ahin, vanho a lungmon athaneina aumsah ahi.  
\v 3 Koipen in avan sepai ho asim thei dingham? Akhovah chun leiset chung pumpi asalvah hilou ham?  
\v 4 Thithei mihem hi Pathen masanga nolna bei a um thei ding ham? Numeija konna pengdoh mihem hi thengsel thei ding ham?  
\v 5 Pathen hi lhathah sanga loupijo ahin ahshi ho sangin jong aha vah joi.  
\v 6 Tekah pi dingin mihem tehi than tobangbep ahi. Eihohi than ho sanga lhasam jo ihiuve.   
\c 26  
\s1 Pathen Maija Mihem Them Chang Jou Ponte, Tia Bildad In Anelkal  
\p
\v 1 Hichun Job in thu aseikit in:  
\v 2 Thabei chu nangin iti nana kithopi ham? Atha lhasam chu iti naki thopi ham?  
\v 3 Kangolna hi iti nahetdoh sah thei ding ham? Ipi chihna chu neihil khah em?  
\v 4 Hitobang chihna thusei hohi hoiya nakilah ham? Koi lhagauvin nanga konna thu asei ham?  
\v 5 Athisa twitonoija umho chu akithinge.  
\v 6 Pathen masanga chun noimigam jong akeu ahi, manthahna mun chu akihol doh tai.  
\v 7 Pathen in van sahlang kai chu onghom laiya ahin khang doh in chule leiset chu imacha umlouna ah akhaije.  
\v 8 Aman go chu meilhang satah in atom in chule agih a chun apohkeh dehpoi.  
\v 9 Aman lha chu amai atompeh in ameilhang ho a chun akhumin ahi.  
\v 10 Aman leisetna konna twi achom khenna chu kolmong ana semdoh ahi. Sunle jan gamgi asempeh ahi.  
\v 11 Van khombul ho akiling in aman asapset teng akithing tuntun jin ahi.  
\v 12 Ama thahat in twikhang len thipchet in aumin athilbol theina in twikhanglen'a ganhing len chu asuhchip ahi.  
\v 13 Alhagauva vanho hoitah a asem ahi. Athaneina a gulpi kilap lele chu asutpai ahi.  
\v 14 Athilbol ho lah a hicheho hi akipatna mai mai bou ahi nalaije. Athilboltheina husa mai mai bou ahin kon hitia chu van kithin thahatna chu ahet thei ding ham?   
\c 27  
\s1 Job In Migilouho Chan Ding Asei  
\p
\v 1 Job in athusei ajom kit in:  
\v 2 Kathaneina eilah mang peh pa Pathen a kihahselna kaneijin kalhagao eisuhnatpeh Hatchungnung pachu,  
\v 3 Pathen a konna haina hu kaneija kahai laisung sea,  
\v 4 Kakama thuse kasei lou ding chuleh kalei jin jong thujou sei ponge.  
\v 5 Keiman nadihna kapom peh louhel ding ahi, kathi chan geija lung thengsel'a kaum na hi kahuh jing ding ahi.  
\v 6 Keiman nolnabei kahina hi lhaso louhela katuhchah jing ding kahin lai sung sea ka selepha hetna hi thengsel ah ahi.  
\v 7 Kamelma pachu migiloupa bangin kigim bolhen, kamelma te jong miphalou ho tobang hiuhen.  
\v 8 Pathen in asatlhah tengule Pathen neilou ten ipi kinepna anei nahlai diu ham? Chuleh ahinkhou akilah mang teng leh,  
\v 9 Hahsatna achung'uva ahunglhun tengle Pathen in akanau angai peh dem?  
\v 10 Hatchungnung pa komma kipana akimu diu hinam? Itih phat hijongle Pathen ahou thei diu ham?  
\v 11 Pathen thahatna chu keiman kahil ding nahi. Keiman Hatchungnung pa chungchang thu imacha im kanei lou ding ahi.  
\v 12 Hicheng ho jouse hi namusoh ahitan ahivangin pannabei thu jeng kakomah nasei nalaije.  
\v 13 Migilouvin Pathen komma konna amu ding chu hiche hi ahi, Hatchungnung pa a konna agou chan diu chu hiche hi ahi.  
\v 14 Chate tamtah nei maithei unte, ahinlah achateu chu gal kidouna ahiloule an ngolla thidiu ahi.  
\v 15 Ahingdoh nalai ho chu gamna hise a thidiu, chule ameithai hou jeng in jong apul u adou lou diu ahi.  
\v 16 Miphalou ten sum alom lomin nei maithei untin chule ponsil lhemlhung bangin sevum maithei unte.  
\v 17 Ahinlah hiche ponsil ho chu michonpha hon akivon diu chule nolna bei miho hiche sum chu kihom diu ahi.  
\v 18 Migilou hon mompan banga se baijin in kisah untin, thingbah kanga kisa bangin paset in kisah unte.  
\v 19 Migiloupa chu alupna ah hausa tah in chen tin ahin ahung khah doh teng anei jouse ana beisoh amu ding ahi.  
\v 20 Kichat nan twisoh bangin vuh khum untin chuleh amaho chu janna khopi hui nung chun amut mang tauve.  
\v 21 Solam hui chun amaho apomang un chule amaho chu achemang a kitheh anga hi tauve.  
\v 22 Dipdapna neilouvin apei lhu uvin, hiche thaneina a konna jamdohna ding akiha bol uve.  
\v 23 Ahinlah mijousen anuisat u chu iman agel pouve.   
\c 28  
\s1 Mihem In Chihna Ahol  
\p
\v 1 Mihem ten dangka kilaidohna aheuvin, chule iti kilhit theng ding ham ti aheuve.  
\v 2 Leisetna konna thih kilaidohna ding mun aheuvin, songpi a konna sum eng sontwi je aheuve.  
\v 3 Chule leiset a gambeh gamla pen pen jong akhol doh uvin, thih ahol nau muthim lah a khovah sah je aheuve.  
\v 4 Mihem ho chenna a kon gamla tah a leiset a kokhuh avut un, khaovin akumsuh uvin anung leh ama ah akivol leuve.  
\v 5 Neh le chah hi leiset chunga kitu ahin, ahinlah anoi langa leiset hi meiya kihal jun ji ahi.  
\v 6 Hiche a songho lah a chu songval mantam tah um ahin, chuleh leivui lah a chu sana umah ahi.  
\v 7 Hiche gou hohi chunga leng hingne hon jong amu theilou, chule vacha neo mit in jong amutheilou ahi.  
\v 8 Hiche gou ho chunga hi gamsa ho jengin jong ajot khah louhel ahin, keipi bahkai jengin jong atin a akhoi khah louhel ahi.  
\v 9 Mihem in songgel song keh soje aheuvin chuleh mol lekhup je jong aheuve.  
\v 10 Amahon songpi lah a kohom avut un chuleh song mantam manlu tah tah ho chu aladoh uve.  
\v 11 Valha chet chut a long luidung ating tan jiuvin chuleh akiselguh gou jouse khovah a ahin polut jiuve.  
\v 12 Ahinlah mihem ten chihna hi hoiya kimudoh ding ham ti ahet uvem? Thilhet khen theina hi hoiya amu thei diuvem?  
\v 13 Hoiya kimu ham ti koima chan ahepoi, ijeh inem itile hichehi mihing gamsunga kimulou ahi.  
\v 14 Hiche ah aumpoi tin twikhanglen in aseijin Twipi thuhtah in jong keikomma aumpoi ati.  
\v 15 Chihna chu sana a choh thei ahipon, dangka a choh thei jong ahipoi.  
\v 16 Ophir am asana jouse sanga jong manlu jo ahin, manlu tah onyx leh songval sanga jong thupi jo nalai ahi.  
\v 17 Chihna hi sana leh songval sanga mantam jo ahin, song mantam kijepna chung sana hoitah chonga jong choh thei hilou ahi.  
\v 18 Chihna chohna dingin coral leh jesper songmantam teni jong hi phachom lou ahin, chihna man ding chu hiche song mantam sang sanga jong sangjo nalai ahi.  
\v 19 Ethopia gam'a song mantam Peridot tojong lhet thei hilou ahin, sana theng pen pen sanga jong manlu jo ahi.  
\v 20 Ahinlah mihem ten chihna hi hoiya konna kimuthei ding ham ti ahe thei diuvem? Thil hettheina hi hoiya amu diu ham?  
\v 21 Mihem te mitmu a konin akisel tan chung leng vacha mit hat pen in jong amu doh joulou ahi.  
\v 22 Manthah nale thinan asei lhonin keinin jong chihna hi hoiya kimu ding ham tithu kithang bou kaja lhone.  
\v 23 Pathen ama changseh in bou chihna lampi hoiya kimu ding ham ti ahet ahi.  
\v 24 Ijeh inem itile aman leiset chung hi apumpia avet ji ahin, vannoija thil umjouse hi amusoh kei ahi.  
\v 25 Aman hui ichan hat a nunsah ding chule go ichan a juhsah ding ti agel lhuh sa ahi.  
\v 26 Aman gojuh ding dan asempeh in chule kolphe vahna ding lampi asempeh e.  
\v 27 Hiti chun aman chihna chu ana mun chule manlu tah ahi, ahin munkhat ah akoiyin hoitah in akhol chiljin ahi.  
\v 28 Chule aman mihem te jah a asei chu hiche hi ahi. Pakai gin kiti hi chihna chu ahin, thilse a konna kiheidoh kiti hi thil hetkhen theina chu ahi. \x + \xo 28:28 \xt Labu 111:10; Thuchihbu 1:7; 9:10\x*   
\c 29  
\s1 Job In Masang Anoplai Ageldoh  
\p
\v 1 Job in athusei ajom kit in:  
\v 2 Pathen in eina chin hoi jing lai kum chemangsa ho kagel doh kit e.  
\v 3 Kamasang lampi eivah peh a muthim lah a bitsel a kana vale lai.  
\v 4 Pathen toh golcha a ka in a apansah lai, aluboh pen a kapan lai chu hileh.  
\v 5 Hatchungnung pachu kakoma aum jing lai, chuleh kachate kakimvel a anaum laijin,  
\v 6 Kabongpi ten bongnoi ninglhing set a asosah thei laiju chuleh kahon na keh hon olive thao alondoh sah laiju chu hileh.  
\v 7 Khopi kelkot phung kajot a ja um tahtah le lamkai len leh lalte ho toh katou khomle lai nikho ho chu hileh,  
\v 8 Khangdong hon eimu teng ule eipel doh jiuva upa tehseho jengin jong akoma kahung tengle jana neitah a adindoh ji laiju.  
\v 9 Leng chapate jong thipbeh a aum uva chule akam uva akhut u akoi uva.  
\v 10 Khopi sung vaipo lenpen pen ho thipchet a adin uva jabolna a adin uva aleiju atuh chahkheh uva.  
\v 11 Kathu japha ho jousen eipahcha uvin, eimu kha jousen phatechan eihoupi jiuve.  
\v 12 Ijeh inem itile mivaicha ten angaichat nau leh chagate kithopina ngaicha ho chu kakithopi jin ahi.  
\v 13 Keiman kinepna beimi ho chu kaki thopin ahile amahon phatthei eiboh jiuve, chule meithai ho lungthim kakipa doh sah jin, chuteng amahon la asajiuve.  
\v 14 Kabol jouse chu lungtheng sellin kabol in chonphat nan sangkhol chol bangin eikhu khume, chule thutan dihna chu lukop bangin kakikop e.  
\v 15 Mitcho ho din mitchang tenin kapang in, chule elbai ho din akeng tenin kapange.  
\v 16 Chaga pabeite din mipan kapang in chuleh het khahlou hel miho jong kithopi angaichat nau vah kapanpi ji e.  
\v 17 Keiman Pathen neilou mi engse ho ha kasuhbal peh jin, chuleh gimbol a um chu aha a konin kasalhah peh ji'e.  
\v 18 Hinkho pha sautah kahin man nung hin tahbeh mongin kathi tengle kainko ten eikimvel unte tin kana gel’e.  
\v 19 Ijeh inem itile, thingphung ajung hon twi lah aphah a abah ho daitwi in achap nou jing tobang kahi.  
\v 20 Jabolna thah thah kachunga kilong louhel in eikipe jing jin, chuleh kathahatna jong tang louhel in akibelap jinge.  
\v 21 Amichang cheh in kathumopna angaijun kathusei ding hi amahon thipchet in angah uve.  
\v 22 Chuleh kasei chai tengle amahon belap ding anei ji pouve, Kathumop chun amaho alung lhai sah jeh u chun.  
\v 23 Mihem ten gojuh ding kinem tah a anga jing bangun amahon kathusei ding kinem tah in angah jiuvin, kathusei ho chu chavang gotwi bangin adon uve.  
\v 24 Amaho alunglhah teng uleh ken amaho chu nuiseuvin kave jin ahileh mailhai sel a kavet chu amaho a din manlu tah ahiji.  
\v 25 Haosapu bangin amahon atoh diu kaseipeh in sepai hon lah a chun lengpa bangin kacheng in chuleh lengvai ho kalhamon jin ahi.   
\c 30  
\s1 Tulai Agentheina Job In Akapi  
\p
\v 1 Ahinlah tun vang apateu kelngoi chinga pang kauicha ho toh lhaikhom dinga jong lhing joulou mihem, kasanga dong jo golhang khangdong ho nuisat bep in kaum doh tai.  
\v 2 Amaho khu keija dinga tamtah'a pha ahiuvin, hiche ho chu von sesa lungset um ahiuve.  
\v 3 Amaho chu akel thoh jeh uva gong ahiuvin, chuleh nel phai gam mihem chen louna leh gaso talou leiset muthim gam'a chu jam ah ahiuve.  
\v 4 Hiti chun amahon hamboh lah a konin gamlah a na eng ho chu akilo uvin chuleh muntheh phung jung ho chu akilah un anejiuve.  
\v 5 Amaho chu mihem kiloikhom na a konna kidel mangah ahiuvin, chuleh gucha ahijeh uvin mihem ten amaho chu asamse jiuvin ahi.  
\v 6 Hiti chun gom kokhuh thuhtah tah lah a timul thou pumin leiko lah leh songpi ho lah a chun ching uve.  
\v 7 Amaho chu hamboh lah a sa loupitah a aum bangun a ao chehchuh jiuvin thahpi ho noija chun alhaikhom jiuve.  
\v 8 Amaho chu kiloikhomna a kon kipaidoh mingol minbeiho ahiuve.  
\v 9 Chuleh tun amahon pao ngeilou louvin isah loutah in einuisat jiuvin eiphin phin jiuve.  
\v 10 Amahon iman eisep pouvin chuleh kamaija chil set khumpeh ding tailouvin kakomah ahung pouve.  
\v 11 Ijeh inem itile Pathen in kathal khao eisattan peh in aman eisuhnem ahin, hijeh a chu thuneina umnaho jouse chu apaimang u ahi.  
\v 12 Hiche akideldoh ho chun kamaichang tah a eidoudal un, kilhon changnam pet dingin eisol un chuleh kalampi ah thang eikampeh uve.  
\v 13 Amahon kalamlhah jouse eikha peh un chule keiman eikithopi ding koimacha kaneilou ahet jeh uvin eisuhmang nathei diuvin abolthei jouseu abol'un ahi.  
\v 14 Amaho muntinna konin kakomah ahungun keima kalhah suh pet in amaho kachungah akichom uve.  
\v 15 Tun vang kicha tah in kahingin eikijabol najouse huilah a akithe mangin kanei leh kagou jouse meilhang kitol mang bangin amangthah soh tai.  
\v 16 Chuleh tua hi kahinkho along mang ahitan, kanikho ho jong genthei hesoh nan eihen den tai.  
\v 17 Jan teng kagu kachang ho natnan alodim jin hichun tang louhel in eichip eichip ji'e.  
\v 18 Khuthat tah in Pathen in ka sangkhol eilah peh in ka sangkhol ngong ah eimanchah kheh in ahi.  
\v 19 Aman bonlhoh lah a eisep lut in keima hi leivui leh vutvam sanga jong panna beijo kahi.  
\v 20 Nahenga hung tao kahi O Pathen, ahinlah nangin nei donbut pon, namasang a ding kahin, ahin nangin vet ding'in jong neigo poi.  
\v 21 Keija dinga lungsetna beihel nahung hitai. Nathahat na chu kei engbol nan namange.  
\v 22 Nangin chimpei lah a neisep lut in chuleh huipi kinong in nei sumange.  
\v 23 Chuleh nangin mihing jouse lhunna kathina ding munna chu neisol ahi ti kahei.  
\v 24 Tahbeh mongin genthei hahsatna a kithopi ngaicha ahung tao tengule koima cha hiche genthei thoh ho lang ngan kihei pouvinte.  
\v 25 Hahsatna toh ho dinga kapji kahi lou ham? Vaicha genthei tedinga nasatah a ka genthei pi ji hilou ham?  
\v 26 Hijeh chun thilpha kave jin ahinlah hiche sang chun thilphalou joh chu ahung jin ahi.  
\v 27 Kalungthim agentheijin chuleh cholngahna kanei theipoi. Kagentheina nikho te hin eisu genthei lheh e.  
\v 28 Nisavah umlouna muthim lah a kavah len mipi kigol toh chet lah a kadingin kithopi ngaichan kakap e.  
\v 29 Hiche ho khellin keima gam-ui sopipa simbupi toh kikoppan eiki ngaiton ahi.  
\v 30 Kavun ho aduplha soh tan chule kagu kachang ho jouse khosih in kati apeh henhun e.  
\v 31 Ka selangdah gin in jong lungkham la ahin sa in katheile gin jong kana ogin in aginge.   
\c 31  
\s1 Lunglha Louva Aum, Job In Aseidoh  
\p
\v 1 Keiman kamit teni toh kigahna kasem in khangdong numei chu jon lunga vet lou dingin,  
\v 2 Ijeh inem itile chunga Pathen chun eiho ipi dinga eilhen u ham? Chungsang a um hatchungnung pa a konna goulo ding chu ipi ham?  
\v 3 Migiloute dinga vangsetna hilou hija chule thilphalou bolte dinga vangset umtah dinmun chu hilou ham?  
\v 4 Pathen in kabol katoh jouse amulou hija chuleh kakalse jat jong ahet hilou ham?  
\v 5 Mikhat tou koma jou kasei khah a chuleh mikhat tou kalhep khah em?  
\v 6 Thudih kitena chun Pathen in eitetoh hen, ijeh inem itile aman kalung thenna hi ahet ahi.  
\v 7 Alamlhah a konna ahilouva ijem tia kamu ji ho a kalungthim jon lung ngaichatna kanei khah a ahiloule chonsetna dang khat a themmona kanei khah a ahile,  
\v 8 Hiti chun mikhat touvin hange mim kaphu na ana nejeng hen, kaphu doh chengse abonchan kibotdoh soh jeng hen.  
\v 9 Ijem tia kalungthim in numei khat tou alheplhah a ahiloule ka inheng pa jinu jon lunga kavet khah a ahile,  
\v 10 Chuti chun kajinu jong pasal dang ji hijeng hen, pasal dang khat in luppi jeng hen.  
\v 11 Ijeh inem itile jon lung put hi jachat umtah chonset ahi, hiche dandih louva chon ho chu gimbol dinga lha ahi.  
\v 12 Hichu damun lampi lhung keija meiyin akah tobang ahin, kanei jouse kamang hel ding ahi.  
\v 13 Ijemtia kasohpa ham kasoh numei adih louva kabolla ahileh amahon akiphin nau kakoma ahinlhut teng uleh,  
\v 14 Pathen chu iti kakimaito pi ding hitam? Aman thu eihin doh teng ipi kasei tadem?  
\v 15 Ajeh chu Pathen in kei leh kasoh te kaniuva eisem kop u ahi.  
\v 16 Vaichate panpi ding kada khah a ahiloule meithai ho kinepna kasuh keh peh khah em?  
\v 17 Ka anneh chunga kachip khah a chaga pabeite toh nehkhom ding kada khah em?  
\v 18 Ahipoi, mipa khat bangin, kaneo laiya pat in chagate kahin hoitup in chule kahinkho lhumin meithaite hoitup nan kahin mange.  
\v 19 Itih lai hijongle chenna ding neilou ponbeija umho chule von ding neilou gentheiho kamu tengle  
\v 20 Akisillum diuva samul pon kapeh ji jeh a eipachat jiu hilou ham?  
\v 21 Thutanpa kalanga apan nadinga chaga khat douna a kakhut kadop khah a ahile,  
\v 22 Hiti chun kalengkou aumna a konin kisatlha jeng hen, kaban jang jong akisuhto na a konin kisatlha jeng hen.  
\v 23 Hichu Pathen thutanna kimaitopi sangin phajonte, ijemtia oupe Pathen chun einan chahkheh a ahile kinepna ipi kanei ding ham?  
\v 24 Keiman katahsanna summa kakoi khah a ahile, ahiloule kasana a hi kakison khah a ahile,  
\v 25 Kanei kagou jouse leh kakhol khom jouse jeh a kipah a kahile,  
\v 26 Vantham jol ho a vahpel a vah nisa leh lha alampia chesuh khu kavet a,  
\v 27 Chuleh aguh a kalungthim kalheplhah a amaho houna kaga galchop khah a ahile,  
\v 28 Achuti tah a ahile thutan vaihom hon eigim bol uhen, chuti chu ahi tah leh van Pathen thusei kangaipeh lou hiding tina ahi.  
\v 29 Kamelma techu manthah nan ahin phah tenga ahiloule alampiuva hahsatna ahung tengle, hetnom ten tena aum jeh uva kipah kahile,  
\v 30 Ahipoi, keiman mikhat tou kaspset a, ahiloule phulah ding kasei kha pon, hitobang chonsetna hi kabol khapoi.  
\v 31 Kasoh pan jong adangho chu gilkel in kachesah tai tin asei khapoi.  
\v 32 Hetkhah lou mi jong kakihei mangsan kha pon, ahinlah mijouse din kot kahonpeh ji bouve.  
\v 33 Midangho banga ken kachonsetna selmang ding kagot a, kasuhkhel kalung thima ka imden khah ham?  
\v 34 Mipiho kakichatna ahiloule kikhop khom naho kadeimo a hiche ho jeh a chu thipbeh a insunga kaum den khah ham?  
\v 35 Mikhat tou beh in kathusei eingai peh hen lang hileh ven kakihonna dinga kamin soi kakai ding ahi. Hatchungnungpa chun eidonbut hen lang eiheh pan kei douna thu sundoh hen.  
\v 36 Keiman themmo eichan sah nau chu kiloupi sah tah a kaki maitopi ding lallukhuh banga kakikhuh ding ahi.  
\v 37 Ijeh inem itile keiman kathilbol adihtah chu kaseipeh ding ahin, ama masanga chu leng chapate banga kahung ding ahi.  
\v 38 Kagam in themmo eichansah khah tah a tucha maha jouse kitoh tah a ahung ka soh keijuva,  
\v 39 Ahilouva achang leh mim kana guh khah a ahiloule anei ho kana tha khah tah a ahile,  
\v 40 Chuti chun gehu khellin ling leh khau agama chun keh henlang, chang khellin hampa keh hen. Job thusei ho akichaitai.   
\c 32  
\s1 Elihun Job Donbut Thei Kahi, Tia Adihna Aseidoh  
\p
\v 1 Job in nolna bei kahi tia apanchah kheh phat in aloi agolte thumho chun donbut be ding anom tapouve.  
\v 2 Hichun Ram phunga Buz mi Barakel chapa Elihu chu ahung lunghang tai. Job in chonset kana bol nai chuleh Pathen in eigim bolna hi adih e ti ding anop lou jeh a lunghangah ahi.  
\v 3 Job in anel nau adonbut thei uva Pathen joh chu dihmo dinga akilah jeh uva Job loile golte thum chunga jong kinga ahi.  
\v 4 Elihun adangho Job koma thu asei diu chu anga nga jeng ahi. Ijeh inem itile amaho chu ama sanga upajo ahiuve.  
\v 5 Ahinlah amahon adonbut be tahlou u amu phat in lunghang tah in ahung paodoh e.  
\v 6 Buz mi Barakel chapa Elihun aseitai. Keima khangdong kahin nangho upa nahiuve. Hijeh a chu nangho komma kalunggel kasei ding chu kakhongai ahi.  
\v 7 Keigel in ateh jep hon thu seiju hen, ijeh inem itile upa ho a hi chihna hung ahi.  
\v 8 Ahin mihem te sunga chu lhagao um ahi. Hatchungnungpa hu haikhuma amaho sunga um hiche chun achihsah u ahi.  
\v 9 Phatkhat tengle upa ho jong aching ji pouve. Khatvei vei teng thutan dihje ahe pouve.  
\v 10 Hijeh chun kasei ngaijun chuleh kalunggel seipeh uvinge.  
\v 11 Keiman nang thusei phat hitih chan sung hin kahin ngah in nakinel nahou lunglut tah in kahin ngaijin, khomulouva nathusei doh hou kangaije.  
\v 12 Nathusei hou kangaije, ahin khat chan jong nanel thei pouve. Ahiloule aminelna nadonbut thei pouve.  
\v 13 Amapa hi eiho dingin aching beh seh e, Pathen bouvin ama ajo ding ahi tin kakoma sei hih un.  
\v 14 Job chun keima einel hihen hileh nanghon namanchah u hettheina bangin donbut ponge.  
\v 15 Seibe ding helouva lunggimma tou nahiuve.  
\v 16 Tua nangho thipbeh a naum bang uva hi ken kanga nga nahlai dingu ham? Keijong thipbeh a kaum jing ding ham?  
\v 17 Ahipoi halkhat beh kaseija kalunggel kasei ding ahi.  
\v 18 Ijeh inem itile, kalung in adol joulou thu cheng tampi ho seidoh hi kasunga ka lhagaovin seidoh dingin eino tuntun e.  
\v 19 Keima ahom umlou jubom tobang kahin, jupohna thah pohkeh ding sa tobang kahi.  
\v 20 Kalung ol theina dinga kasei ding ahi. Hijeh chun ka donbutna penge.  
\v 21 Kadei tah in jong kichem ponge, ahiloule koimacha pachat lhem bol ponge.  
\v 22 Keiman joulhep ding kagot a ahile eisempan gangtah in eisumang jeng hen.   
\c 33  
\s1 Elihun Job Aphosal  
\p
\v 1 Job kathusei hohi ngaijin, kathusei dingho hi lunglut in ngaijin.  
\v 2 Tun kathusei hitihin pan kit ing ting banjom tange.  
\v 3 Kasei jouse hi lung thengsel'a kasei ahin, thutah kasei ahi.  
\v 4 Ijeh inem itile Pathen lhagauvin eina sem ahi. Chuleh Hatchungnung pa hu haikhumin kahinna hi eipeh ahi.  
\v 5 Naki ngachat leh nei donbut in, nachung chang thu kisem toh'in, chuleh nadin namun ah dingin.  
\v 6 Ven nang leh kei inia Pathen a ihicheh e. Keijong leingan a ana kisem ah kahi.  
\v 7 Hijeh a chu kei neikichat nading aumpoi, huham tah a kahung kumsuh lou ding ahi.  
\v 8 Nangin kajah ding thu naseisa ahitan, chule nathusei ho achang cheh a kajah ahi.  
\v 9 Nangin keima kathengin, kei chonsetna bei kahi, kei nolna bei themmona kaneipoi tin naseije.  
\v 10 Pathen in eikinah pin chuleh amelma in eingaito e.  
\v 11 Kakeng teni khaokol sung ei chotlut sah in chuleh kakholhahna jouse amelchih e. \x + \xo 33:11 \xt Job 13:27\x*  
\v 12 Ahinlah nang nadih poi, chuleh ipi jeh ham ti navet sah inge. Ijeh inem itile miching ho sanga oupe jo ahi.  
\v 13 Ijeh inem itile ipi dinga nadouna a nanokhum ham? Ipi dinga aman mihem te kiphinna adonbut poi nati ham?  
\v 14 Ijeh inem itile mihem ten ahet theilou vanga Pathen in avel vel'a asei ahitai.  
\v 15 Janmanga ahim, muneina ahim a mihemte ha imut a aimut pet u, ajalkhun chunga alup pet uva aman aseipeh u ahi. \x + \xo 33:15 \xt Job 4:13\x*  
\v 16 Aman anabeng tenia ol chakhat in aseije, chule kichat tijatna a agih ji ahi.  
\v 17 Athilse bolnau va konna akinungle sah ji a, akiletsah nau alahmang ji ahi.  
\v 18 Lhankhuh a konna ahuhdoh a thina lui agal kai diuva jong ahuhdoh jiu ahi.  
\v 19 Ahiloule Pathen in mihem tehi dammona jalkhun chunga natle sat toh tang louhel a agu achangin achi a hitia hi asuhdih ji ahi.  
\v 20 Chuteng leh amahon anneh twipen pen jong aduchatna mang ji ahitai.  
\v 21 Amaho tahsa agongsuh tan chule agu achang aki langdoh soh tai.  
\v 22 Amaho chu thina kotkhah gei ahitauvin, thina vantil chun amaho ana nga jiu ahitai.  
\v 23 Ahinlah vantil khat vanna kon in hung kilang hen, thupole chombeh khat chun mikhat dingin tao peh hen, chuleh amapa hi lungthengsel ahina phongdoh henlang,  
\v 24 Amapa chu milungset them hihen lang, lhankhuh a konin huhdoh tauvin, ijeh inem itile keiman ahinkhou kilhatdoh na man ding chu kamutai tin seihen hileh,  
\v 25 Chutileh atahsa chu chapang tahsa dehchet leh khangdong lai phat bangin hung damthei kit inte.  
\v 26 Pathen komma atau tengleh amachu kisan peh ding ahi. Chule Pathen in kipah in sang intin, chule adinmun hoitah in koi kit inte.  
\v 27 Amapan aloi agolte komma phongdoh intin keima kachonse tai chule thutah adihlou lamin kaheijin ahinlah hichu phatchomna bei ahi.  
\v 28 Pathen in lhankhuh a konin eihuhdoh in chule tun kahinkho hi avahdoh tai.  
\v 29 Henge, Pathen in hitobang thil hohi avel vella mihem tedinga abolji ahi.  
\v 30 Aman amaho chu lhankhuh a konin ahuhdoh in hijeh chun amaho chu hinna khovah a chun kipah tauvinte.  
\v 31 Job hiche hi phatechan melchih in, kathusei hi ngaijin. Ijeh inem itile keiman seiding kahaove.  
\v 32 Ahinlah seibe ding nanei nahlaija ahile seiben, seijin, ijeh inem itile keiman nathem channa chu mukal ngahlel a um kahi.  
\v 33 Chuti chu ahilouva ahile kathusei ngaijin, thipbeh chan um jingin, keiman chihna thu nahil inge.   
\c 34  
\s1 Elihun Pathen Them Achan  
\p
\v 1 Hiti chun Elihu in aseijin:  
\v 2 Miching hon kathusei hi ngai uvin, chihna themna neihon phatechan hin ngai uvin.  
\v 3 Ngaijuvin kam’in antwi leh twilou ahet khen bangin bilkol in jong thucheng ajah jouse hi apatep jin ahi, tin Job in aseije.  
\v 4 Ipihi adih ham ti eima cheh a din hekhen u hitin, ipi hi thilpha ham ti kihilkhom sohkei uhite.  
\v 5 Hijeh chun Job in jong aseijin keima hi nolna bei kahin ahinlah Pathen in kathusei eilah mang peh tai.  
\v 6 Keima nolnabei kahin ahinlah amahon mijou eitiuve. Kachonset lou vang'in kathoh gimna hi jendam thei ahipoi.  
\v 7 Dang goleuva daichat vaina leh nuisatna thoh jing Job tobang mi aum kha dem? Neiseipeh tem uvin.  
\v 8 Amapan kalhat khompi dingin thilse bolte alhengin aphat ho jouse migiloute toh amang khom e.  
\v 9 Ipi dinga Pathen lunghol na a phat jouse namoh manchai ding ham ti chanin amapan aseije.  
\v 10 Thilhet khen themna neihon ngaijuvin kathusei hi, Pathen in chonset abolpoi ti mi jousen ahet ahin, hatchungnungpa chun thil dihlou aboltheipoi.  
\v 11 Aman mihem hi atoh dungjui cheh a lethuhna apeh ji ahin, aman mihemte hi achonna dungjui a alethuh ji ahi. \x + \xo 34:11 \xt Labu 62:12\x*  
\v 12 Tahbeh mongin Pathen in thil dihlou abol louhel ding ahi. Hatchungnung pa chun thudoh chu aheimang lou ding ahi.  
\v 13 Mihem khat touvin leiset pumpi hi athu noija akoi khah em? Leiset pumpi hi kitup chetna koipen in akoi ham?  
\v 14 Pathen chun alhagao ana kinunglah khat tou hihen chuleh ahaina hu chu akinung lah hitaleh,  
\v 15 Hinkho jouse kichai ding ahitan, chule mihingte jouse hi leivui soh kit ding ahitai.  
\v 16 Tun miching hon kathusei hi ngai uvin, ipi kasei lunglut tah in ngai uvin.  
\v 17 Thudih deilouva Pathen in vai ahom ding ham? Hatchungnungpa thutan hum o nachan ding ham?  
\v 18 Ijeh inem itile aman leng ho jah a nang hi migilou nahin chuleh milen milal pa komah nanghi langnei nahi tin aseije.  
\v 19 Aman mihem chu itobangin oupe jongle iman agelpon chuleh mivaichapa sangin mihausa pachu akhohsah chompoi, aboncha ama khutsem ahi cheh e.  
\v 20 Mitphet kah louvin athi theijin, jankim lai teng jongle amangthah jiuvin, mithat hatpa jong chu mihem khat pang louvin akisumang jitai.  
\v 21 Ijeh inem itile Pathen in mihem tehi iti hin ham ti ave jingin, athilbolu amusoh keije.  
\v 22 Migiloupa kiselna ding chun muthim jong ama mitmun kiselna din alhing joupoi.  
\v 23 Pathen thutanna'a itih le idin diu ham ti eihon, gonsan ikoi pouve.  
\v 24 Aman mihat pachu koimacha dong louhel in asumang jin, chule ama munna chu adang khat atung doh ji'e.  
\v 25 Aman ipi abol'u ahet ahin, chuleh jan tengle alehkhup in chuleh asumang jitai.  
\v 26 Aman agitlou jeh uvin ajeplhu jin mijouse mu thei dingle ima jousen amu theidin abol ji'e.  
\v 27 Ijeh inem itile, ama nung ajui nauva konin akihei mangun alampi jeng jong donlouvin akoi tauve.  
\v 28 Amahon mivaichate chu aka sah un, akanau chu Pathen koma alhunge. Pathen in mi gentheite kana ho ajahpeh jin ahi.  
\v 29 Ahinlah ama chun thipbeh a um ding chu lheng jo tahen lang hileh kon amachu themmo achan thei ding ham? Aman amai aselmang teng mikhat ham ahiloule namkhat hijeng jongle koiman aholdoh joupoi.  
\v 30 Mihemte thanga a o louna diuvin aman Pathen neiloute vaihomin apansah jipoi.  
\v 31 Kachonse tai, ahin chonset bolkit taponge tia mihem ten ipi dinga Pathen koma aseikit jilou u ham?  
\v 32 Ahiloule ipi thilse kabol kahekha poi neisei peh in thilse kabol aum khah leh tutah hin ngai jeng inge.  
\v 33 Nathum najeh a chu Pathen in athudih nachu asemphat ding ham? Ijeh inem itile nangin ama chu napaidoh sa ahin, akilhen ding chu nang nahin, kei kahipoi, sei jomin lang nachihna chu keiho komma phong doh in.  
\v 34 Hicheng jou nungin milungval hon eiseipeh untin chuleh miching hon kathusei ngai uvinte.  
\v 35 Job in hetoh louva asei ahin, athucheng ho chu agilpoi.  
\v 36 Job migilou thuseija nathusei jeh a akhonna leh nachung thu kitan ding nakikhol khom ahi.  
\v 37 Ijeh inem itile nangin nachonset na chunga doumah nabol ben, nangin Pathen dounan lunghanna thu nasei lelen, jabolna nanei tapoi.   
\c 35  
\s1 Elihu Chun Mihem Chonchan In Pathen Akikhelsah Poi, Tia Sei  
\p
\v 1 Hichun Elihun aseijin:  
\v 2 Pathen masanga keima hi chonpha kahi tia sei ding hi dih nakisah ham?  
\v 3 Ijeh inem itile, chonphatna a hinkho aman hi ipi phatchomna kaneijem? Keija dinga phachom ipi um'em? tinjong nasei ji'e.  
\v 4 Ken nadonbut ing ting chuleh naloi nagolho jousen jong na donbut uhen.  
\v 5 Van thamjol khu ven lang, chule nachung langa meilhang ho khu ven.  
\v 6 Chonset bol ta le chun Pathen ichan geijin asuna dem? Avel vel in chonse ta le chun ama lungthim ichan gei asukha dem? \x + \xo 35:6 \xt Job 22:2,3\x*  
\v 7 Chonphat bol hile chun ama a dinga thilpeh loupi khat ahidem? Ama chu ipi nape tadem?  
\v 8 Ahipoi nang chonset chun nangma tobang mihem ho chun adoulel ahin, chule nathilpha bol jong chun mihem mama aphatchom pi sah ahi.  
\v 9 Mihem techu bol gentheija aum teng ule apeng jah jeng jiuvin, mithahat thaneina noija chun apeng peng jiuve.  
\v 10 Jan laileh la a hin saji pa eisempau Pathen chun hoiya umham ti jeng jong nadong kha pouve.  
\v 11 Ganchate sanga hoijo a eisem pau leh chunga leng vachate sanga chingjo a eisem pau chu hoiya umham?  
\v 12 Chule mihemte chu akiletsah jeh uvin aka teng uleh Pathen in adonbut jipoi.  
\v 13 Ahinlah Pathen in ajah peh pouvin hatchungnung pa chun ngaisah in aneipoi tia seiding chu dihlou ahi.  
\v 14 Nangin kamu theipoi tin naseije, ahinlah nanga hat le bou thudih chu hungdoh ding ahi.  
\v 15 Nangin michonse ho chu lunghang in alethuhpoi natin chule migiloute ngaisah in aneipoi tin naseije.  
\v 16 Ahinlah Job nangin thu homkeu jeng naseiyin, mingol khat bangin thu naseije.   
\c 36  
\s1 Elihun Pathen Loupina Achoisang  
\p
\v 1 Elihu in athusei ajom nalaijin:  
\v 2 Thutah muchet sah ding kanei nahlai jeh in seibe kit nalai inge, ijeh inem itile Pathen thalhenga seiding kanei nalaije.  
\v 3 Keiman eisempa chonphatna thu giltah a nelna kapeh ding ahi.  
\v 4 Keima hetna bukim nei kahi jeh in thutah tailou thudang imacha keiman kaseipoi.  
\v 5 Pathen chu hatchungnung pa ahin, ahinlah aman koima isah louvin abolpoi. Ama chu thanei naleh thil hetkhen themna akopto a hatchungnung pa ahi.  
\v 6 Aman migilou ahinghoi jipon, ahinlah suhgentheija umho chu them achan ji'e.  
\v 7 Aman nolna bei miho a konin amit ahei mang ngaipoi, ahinlah laltouna a leng ho toh atoukhom sah jin chuleh aimatih channa din achoisang ji'e.  
\v 8 Thihkol a ana kihen hihen lang chuleh gentheina a chu kha ana hijong leu,  
\v 9 Aman akiletsah nau amuchet sah jin, chuleh achonset nau avetsah ji'e.  
\v 10 Alungthim u alahmang peh in, chule thilse a konna akilehei nadiu thupeh apejin ahi.  
\v 11 Amahon thu ngaiju hen, chuleh athusei ngaipeh ule ahinkho lhum kei uva khantouna jousea phatthei kiboh diu ahi.  
\v 12 Ahinlah athusei ngai ding anoplou uleh amaho chemjam a kithat ding ahin, chuleh hetna lhahsam jeh a thidiu ahi.  
\v 13 Ijeh inem itile Pathen neiloute chu lunghan nan adimset un, aman a engbol teng u jongle nei kithopiuvin tia kou ding chu anom ji pouve.  
\v 14 Ahinkhou chonchatvai na a aman jou nung uleh khangdong cha chan athijiuvin ahi.  
\v 15 Ahinlah agenthei thoh jeh u chun aman ahuhdoh jiuvin ahi. Ijeh inem itile agenthei nauva kon thungaije ahiljin ahi.  
\v 16 Job Pathen in vangsetna ho a konin napui doh in lungnat naho a konin ongthol tah in nahoijin, nadokhang chungah anpha pha nalui doh peh e.  
\v 17 Ahinlah nangin Pathen neiloute thu kitan ding kichat nan nadim in, lungkham hih in thutanna leh thudih'a thutanna chu machal jing ding ahi.  
\v 18 Ahin kivephan, achuti louleh nei le gou vin nalhem lha khantin nehguh kilah jeh in nang leh nang chonse hih in.  
\v 19 Nanei leh nagou ahiloule thahattah'a nakihabol naho chun lung gentheina jouse a konna nahoidoh jou ding hinam?  
\v 20 Jan hunglhun kal ngahlel hih in, ijeh inem itile hichu mihem te kisuhmang nading jan ahibouve.  
\v 21 Kiging phan thilse a konin kileheijin, chonsetna hinkho a konna nahoidoh nadinga Pathen in hiche gentheina hohi ahin lhunsah ahi.  
\v 22 Ven Pathen hi thahat chungnung ahin ama tobang mihil thei ding koi um'em?  
\v 23 Koima chan hichehi nabol ding ahi atitheipon, ahilouleh nabolkhel tai tia seithei ding chu,  
\v 24 Hiche ho khel chun athil bolthei thahatna chu achoian un, vahchoina la ho asauve.  
\v 25 Gamla tah ahijeng vang'in hiche ho chu mijousen amucheh uve.  
\v 26 Ven Pathen hi eihon ihet sang uvin aloupi jon amakum ho chu sim jou hilou ahi.  
\v 27 Aman twi chu ahu in achop touvin chuleh chuti chun alhitheng in go asosah kit e.  
\v 28 Meilah a konin go ahin sung lhan, chuleh mi jousen aphatchom pi ji'e.  
\v 29 Meilom hung kijel ji khu kon ahet theija chule vanna vanging kithong jeju a akitol lele khu kon ahetdoh jou ding ham?  
\v 30 Ven ama kimvel a kolphe khu iti avahsah ji a, chule twikhanglen to geija avahsah khu iti ham?  
\v 31 Hiche athahat athil boltheina ho a hi mihem te avah khang ji a nehle chah neng jeng junga apeh ji ahi.  
\v 32 Aman akhut in keh chang aki choijin chuleh adoina laitah a chudin aseplha jin ahi.  
\v 33 Hiche van gin chun ahina aphondoh a huipi gopi chun alunghan alungsatna chu aphondoh ahi.   
\c 37  
\s1 Pathen Hi Gin Dinga Lom Ahi, Tia Elihun Asei  
\p
\v 1 Hicheng hohi kagel ji teng ka lungchang aphudot dot jeng jin, kasung a hin akithing thing jin ahi.  
\v 2 Pathen kamsung'a konna hung doh a ogin thong khu phaten ngai uvin.  
\v 3 Van dung lhungin agin akitol in chuleh kolphe vah'in ningtin asalvah phan ahi.  
\v 4 Chuti chun huipi gopi kitum gin in alal loupina ogin nasatah in ahung in thu asei teng jongle akituh tang deh poi.  
\v 5 Pathen Ogin chu van gin in aloupisah in athahat aloupina chu eigel phah hoi ahipoi.  
\v 6 Aman buhbang leisetna longlha din thu apejin, go jong leiset chunga longlha din thu apeji e.  
\v 7 Chuteng leh mijousen anatoh u angan hiti chun athaneina chu ave jiuve.  
\v 8 Gam'a gamsa ho akikhu khum un chuleh akosung uvah aum den ji tauve.  
\v 9 A indan sunga kon in huipi gopi ahungin chuleh hiche a kon chun huidap ahung nunge.  
\v 10 Pathen hu haikhum chun buhbang lhang asosah in chuin twi chu atebep bep chun akan den sah jin ahi.  
\v 11 Meiho chu twi akhumdim jin chule kolphen avahsah ji'e.  
\v 12 Ama thusah a meilhang hohi kitol leleuva, leiset chunga hi aman thu apeh jouse aboljiu ahi.  
\v 13 Hicheng ho jouse hi mihem engbolna ham ahiloule tang theilou ngailutna vetsahna a abolji ahi.  
\v 14 Job hiche hi phaten ngaijin, Pathen natoh thilbol kidang tah tah ho ngaito din khongaijin.  
\v 15 Itobang tah a Pathen in huipi gopi athua anunsah a chule meilah a konna kolphe ahung vahdoh sah ji hi nahet em?  
\v 16 Akhut themna leh akidanna chamkim keija meilhang ho atolle le ji hi iti dan ham ti nahet doh jou ding ham?  
\v 17 Nangin na-ul naponna nakitheh tengle lhanglam hui hung nung intin chule thil ijakai thipchet in aum jitai.  
\v 18 Sum-eng phatvet bangin van thamjolla konin asa chu akikhodoh sah jin ahi, hichu nangin nabol the idem?  
\v 19 Hijeh chun Pathen komma ipi kasei diu ham? Keihon imacha hetna kanei pouve.  
\v 20 Pathen in akomma thu kasei nom hi eihet peh dem? Mihem te jengin jong thil ahetkhen theilou teng ule thu akisei thei diu ham?  
\v 21 Huijin meibolho amut theng soh tengleh vantham jol'a nisa khu avah behseh jeh in eihon ive thei ji pouve.  
\v 22 Pathen hi molsang a konna sana lal loupina a kijemma hung'ah ahin ama chu alal loupina leh ahoina jousea kijemma ahi.  
\v 23 Hatchungnungpa thahat naho chu ei ngaito phah hoi hilou ahi. Ahijeng vang'in athudih in chuleh achonpha jinge. Aman eiho eisumang pouve.  
\v 24 Datmo umtah in muntinna mihem ten ama aging uvin, miching ho jouse ajanau avetsah uve.   
\c 38  
\s1 Job Chu Kho Photoh Lou Nahibouve, Tia Pakaiyin Athunun  
\p
\v 1 Chuti chun chimpei kipei lah a konin Pakaiyin Job chu ahin donbut tai:  
\v 2 Koi hiya hitobang hetna neilou chu chenga kachihna thu hin donga chu?  
\v 3 Pasal pha bangin nakong kigah in, ijeh inem itile keiman nangma thu kadoh ding nangin hiche ho chu nei donbut ding ahi.  
\v 4 Leiset bul kaphu a chu hoiya nana um'em? Nahet leh nei seipeh in.  
\v 5 Kon alet aneu dan aga te a chuleh ageigol hohi akaitoh ham?  
\v 6 Abul hi ipin atheh ham? Aninga songpi chu koi koiham?  
\v 7 Jingvalpa ten la asahkhom uva chuleh vantil jouse kipah a hung pengdoh diu ham?  
\v 8 Naobu sunga hung pengdoh banga twipihi gamgi chin kah khat sunga kon akoija? \x + \xo 38:8 \xt Jeremiah 5:22\x*  
\v 9 Chuleh meibol ponsilla kakisil a chuleh muthim lhangkhal a kakitoma,  
\v 10 Ajeh chu vapam kasem peh a, anunga kotpi akhel louna dinga kakam khum ahi.  
\v 11 Hichan a gamla chule hisanga gamlajo a nahung louna dinga hiche mun a hi kiloupi sah tah a nakinon nangah ding ahi tin kaseije.  
\v 12 Jingkah khovah nadinga thu napeh khah a khovah jong solama konna hung kipan dinga nahil khah em?  
\v 13 Khovah hin leiset kolmang geija asalvah nadinga nasema, gitlouna jan muthim changei bou vah dinga nasem khah em?  
\v 14 Khovah ahung nai tengle leingan chunga mahor kinam bangin leiset jong agong ahung kilang doh jitai.  
\v 15 Khovah hin migiloute asunoh phah in chuleh kihat sah tah a kidom sang ban lhang jong asuhai tai.  
\v 16 Twipi hung lon doh patna twinah phung nagahol doh khah a hem? athuh dan nakhol doh khah hitam?  
\v 17 Thina kelkot hoiya um'em ti nahet khah ta hem? Muthim lhangkhal kihehna kelkot namu khah ta hem?  
\v 18 Leiset letdan nagel doh khah a hicheng chu nahet leh nei seipeh in.  
\v 19 Khovah hoiya konna hung kipan doh ham? Chuleh muthim hoilanga cheji hitam?  
\v 20 Khat cheng chenga a in na napuilut theija chuleh amun lhunje chu nahet em?  
\v 21 Ahinlah hicheng chu nahet maithei ahi, ijeh inem itile thil ijakai kisem masanga penga nahi tan, hijeh a chu ijakai nahet themsoh ahitai.  
\v 22 Buhbang kikhol khomna mun naga chelut khah ta hem? ahiloule gelchang kikhol khomna mun naga mu khah ta hem?  
\v 23 Genthei hesoh nikho a gal manchah dinga kakhol ahin, kidou nikho leh kisat nikho a dinga kakhol khom ahi.  
\v 24 Khovah hung kondohna lampi chu hoilai hija, solam hui chenna chu hoilai ham?  
\v 25 Go hattah a hung long jung jung twilam chu kon asemma kolphevahna lampi kon adopeh ham?  
\v 26 Hampa ke louna gamgo lah leh nelgam mihem chenlouna gam'a chu kon go ajuhsah ham?  
\v 27 Tolgo lah sunouva dangchim sah dinga go juh sah chu koi hija chule hampa louhing kedohsah a koiham?  
\v 28 Go in pa aneijem? Daitwi kon ahin pen doh sah ham?  
\v 29 Buhbang lhang hingnu chu koiham? Vanna hung kon buhbang twihi kon ahin ham?  
\v 30 Ijeh inem itile twi chu song banga tah in akisoh jin chuleh twi chung chu akan den jin ahi.  
\v 31 Ahshi ho kitol ding dan khu nahil theija bombiel akoi ho khu alomma nakan theija, ahiloule juhei suhtum khu akhau nalhap kang thei ngaijem? \x + \xo 38:31 \xt Job 9:9; Amos 5:8\x*  
\v 32 Kum kiheichin hohi aban ban cha che dinga nahil theija ahiloule ahsi somleng chu anoute toh van jotpai dinga napuile theijem?  
\v 33 Thilsem jouse chondan hi nahet soh keija, leiset hi dan dungjuija naman chah thei ding ham?  
\v 34 Meibang lom chu nakouva chule go nasosah theijem?  
\v 35 Kolphe chu nakilah sah theija chule naseina mun chu navah sah thei ding ham?  
\v 36 Lungchang thil het jeng theina pea chu koi hija chule lungthim angaina a khohetna pe a chu koiham?  
\v 37 Meilhang ho sim jouna dinga chihna lhingsetna neikoi hija, vanna twi kikholna mun loukhoija khoilet jou ding koiham?  
\v 38 Tolla leiset hi akikoi got setna chule leiset chu leilhanga atahsah thei ding ham?  
\v 39 Keipi dinga neh ding namat khom peh a chule keipi bahkai noute gilkel chu alung nachim a navahva jouva,  
\v 40 Akosung uva alupnauva ahiloule nang noija abohmat pet tengule,  
\v 41 Vavomte khu kon an apeh a anoute khu Pathen jah dinga apenna chule gilkella amoh toilele tenguleh kon an apeh jiu ham?   
\c 39  
\s1 Kathilsem Kidang Ho Ngaito Temin, Tia Pathen In Asei  
\p
\v 1 Gamkel ho khun itih phat le nou anei jiuvem ti nahet em? sajuh ho gam lah a aso u khu namu khah tah em?  
\v 2 Lha ijat gai uvem ti nahet khah em? itih phat le soh diu ham ti nahet em?  
\v 3 Anou neina dingin tolla aboh mat jiuvin chule ason chu ahing doh jiuve.  
\v 4 Anou ho chu tollhanga akivah khang jiuvin chuti chun achennau adalhah teng ahung kinungle ji tapouve.  
\v 5 Gamlah sangan khu kon chamlhatna apeh a chule akihenna khao kon alhap peh ham?  
\v 6 Gamthip lah hi amaho umna dinga kapeh ahin achenna diuvin hamhing ke louna gam kepei.  
\v 7 Khopi sung husa atheinom pon chuleh ahohsal diu kangtalai tol jong aumpoi.  
\v 8 Molsang lah chu akivahnau mun ahin, hamhing don thah jouse ahol lelei.  
\v 9 Gamlah bongchal chu vahngoi din anop peh dem? Nagancha an koina huong sunga chun jan khat beh aum nadem?  
\v 10 Gam bong chu naloukhoi nalang konna chu nakhum theija nalou nakhoipeh ding hinam?  
\v 11 Athahat na chu eipente ti natahsan em? nadalhah a chule nana natoh peh ding chu natahsan em?  
\v 12 Nachang in langa po dinga nanganse ding ham? Chuleh na changphol a konna chang nahin pohpeh ding hinam?  
\v 13 Vangongchai jin alha ahin jap jin ahinlah nachakang toh tekah thei ahipoi.  
\v 14 Vangongchaijin atwi leiset chunga atha jin leivui khun akahlum dinga akoiji ahi.  
\v 15 Thilkhat touvin akengin chonkeh inte ahiloule gamsa khattouvin sumathah inte tijong agelpoi.  
\v 16 Anoute chunga jong a engse lheh jengin ama a hilou bang bangin athi diu jong khoh asapoi.  
\v 17 Ajeh chu Pathen in ama a konna chihna alahdoh peh a, thil hetkhen theina apehlou ahi.  
\v 18 Ahinlah itih phat hijongle lhai dinga ahung chopdoh phat phat uleh sakol lhaihat pen pen jong achunga toupa toh adalha tha jitai.  
\v 19 Sakol thahat khu nangin napeh hija ahiloule angonga amul bahkai khu nangin nakesah ham?  
\v 20 Khaokhopi kichop thei banga akichop theina khu nangin napeh ham? Anah khon gin khu tijat jat aum jenge.  
\v 21 Galsat dinga ahung kipatdoh tengle atin in leiset akhot in athahat in akipah jin ahi.  
\v 22 Chemjam masanga ajam pon, kichat kiti chu anuisat in chuleh kichatna aneipoi.  
\v 23 Thalchang amalam ngan aleng jeng jung in, chuleh tengcha leh tenglung aval lah lah jenge.  
\v 24 Lunghang tah in akengtin in tol akhot jal lah lah in chule kelngoi ki ahung kimut ging phat in galmun manon alhaikit jitai.  
\v 25 Saki kimut gin chun anah akhongin gamla tah a konin gal gimnam ajan, gal kisat gin thong leh captian pa thupeh ngah in akinuh nuh jenge.  
\v 26 Mu khu nangin nachihna a nahilla vanlama sangtah'a lengle le a chule alhaving teni khu lhanglam nga ajah ji ham?  
\v 27 Muvanlai sangtah'a alentouva chunglang peh a buh asah khu nangin nepeh ham?  
\v 28 Kolsong chunga achengin gamlatah songkuo hoa chenna in akiseme.  
\v 29 Hiche a konhin aneh ding sahing akihol in mitchim keuvin avelhi jingin ahi.  
\v 30 Anouten thisan achop chop un gancha thikam umna hiche munna chu ama namu ding ahi. \x + \xo 39:30 \xt Matt 24:28; Lk 17:37\x*   
\c 40  
\s1 Pakai Na Ansunga Kakisunem E, Tia Job In Asei  
\p
\v 1 Hichun Pakaiyin Job komma aseijin:  
\v 2 Hatchungnungpa chu nakinelpi nom nah laijam? Pathen thutan dihlouna podohpa nahin, ahileh donbutna ding nanei nahlai em?  
\v 3 Hichun Job in Pakai chu adonbut in,  
\v 4 Keima ima hilou kahi, adonbutna ding chu iti kaholdoh jou ding ham? Kakhut in kamuh kisip ing katin,  
\v 5 Thu tamtah kaseidoh ahitan, seibe ding kanei tapoi.  
\v 6 Hiti chun Pakaiyin chimpei lah a kon in Job ahin donbut in,  
\v 7 Pasal phatah bangin nakong kigah in, keiman nangma doh ding thudoh themkhat kaneijin, chuleh nangin hiche ho chu nadonbut ding ahi.  
\v 8 Kathutan dihna hi tahsan louva nakoija, chule nangma dihna photchetna dinga kei themmo neichan joh ding ham?  
\v 9 Pathen banga thahat nahin, Pathen ogin banga nangin van nagin sah thei ding ham?  
\v 10 Aphai naloupina leh nagun chenan kivon in lang, ja naumna leh aming than nan kivon temin.  
\v 11 Nalung hanna ngoh ding hol in lang, mikiletsah teho jouse chunga chuhen.  
\v 12 Mikiletsah techu namit hei chun jachat sah in lang, migiloute chu adin nauva chun chot phan.  
\v 13 Leivui lah a chun vui in lang, amaho chu mithigam songkul'a hunk hum den tan.  
\v 14 Chutia chu kei jengin jong kapachat ding nahi, ijeh inem itile nabangol thahat chun nahuhuhdoh ahitai.  
\v 15 Behemoth khu vetemin, nang kasem banga kasem ahin, bongchal bangin hampa ane e.  
\v 16 Akengphang athahat nale, a oipoh a aphe ho khu ven.  
\v 17 Amei jong khu Cedar thing bangin atah in, akhel teni a aphe ho khu detchet a kipheh khomahi.  
\v 18 Agu ho jong sum-eng long abangin atibah ho jong thihjol tobang ahi.  
\v 19 Pathen khutsem ho lah a vetkah theipen ahin, chuleh asempa bouvin agihsal thei ahi.  
\v 20 Gam'a gamsa jouse lhatle namun hiche molsang hohin amaho dinga anneh phapen pen chu apeh nom u ahi.  
\v 21 Thambal pahcha phung noija chun akol jin, pengphung boh lah a akisel jin ahi.  
\v 22 Vadung pang thingnem ho lah a pahcha phungho chu amadin lim in apange.  
\v 23 Vadung twisoh in ama asunoh phah pon, Jordan vadung soh hen lang chup jongle alungkham deh poi.  
\v 24 Koima chan amandoh joupoi, ahiloule anah avu a, thihkol abu peh a chuleh akaimang theilou ahi.   
\c 41  
\s1 Leviathan Nathujo Ding Hinam, Tia Pathen In Adoh  
\p
\v 1 Ngakoija Leviathan namat thei ding ham? Ahiloule aha a khaokol nabu peh thei ding ham? \x + \xo 41:1 \xt Labu 74:14; 104:26; Isa 27:1\x*  
\v 2 Anahhom sunga khao nathil lut theija, ahiloule akhalhang thihhem a nasut vang thei ding ham?  
\v 3 Nakhoto ding ngeh na a, hung taova ahiloule nalainat pi dinga hung tao tuntun nam?  
\v 4 Ahinkho a nasoh a panga nanatong dinga nanop peh ding hinam?  
\v 5 Nangin hiche khu vacha banga nangailut bol thei hiya, ahiloule nachapang neunu kichepna dinga napeh thei ding ham?  
\v 6 Kivei mihon athiljoh nau mun ho a joh dinga ahung kichoh diu hinam?  
\v 7 Avun khu tengcha a nasut khah theija, ahiloule aluchang ngathal a nakap khah thei ding ham?  
\v 8 Achunga nakhut ngam in lang hile chun kidounan ahin jui ding khu geldoh in natin, avel a nabol patep kit lou hel ding ahitai.  
\v 9 Ahipoi hiche mat ding got chu phatchomna bei ahin, sadel hatpa thiltup jong chu kisuhnem peh ding ahi.  
\v 10 Chuleh a itih a koima chan asuhnoh phah ngamlou ahin, koiham kamasanga ding ngam ding chu.  
\v 11 Kangaichat pet tah a kalepeh kit ding thil eipe chu koi ham? Vannoija thil umjouse hi keija ahi.  
\v 12 Leviathan tibah ho hoidan chuleh athahat oupe dan chule agongso hoidan ho kasei nomme.  
\v 13 Avun khu kon alahdoh peh theija chule athoa um agalvon khu kon amulet pai thei ding ham?  
\v 14 Akhalhang khu kon akal keh a ahondoh ding ham? Ajeh chu aha khu tijat jat um behseh jeng ahi.  
\v 15 Alip ho chu pho banga agol gol a detchet a mahor kinam banga thakhat'a kinam detchet ahi.  
\v 16 Kimatchet a umkhom ahijeh chun akah a hui jangkhat cha jong alut theipoi.  
\v 17 Alip khat chu aban'a alip chunga hub eh detchet a, khat leh khat kikam toa kimulet pai theilou ahi.  
\v 18 Anah akhon tengle avahlap lap jengin, amitchang teni jong jingkah nichangsat pet toh abange.  
\v 19 Akamsunga konin meisi apahlah lah jin, meikou ahung vahdoh ji'e.  
\v 20 Meichunga twibel kisonga, twihu pot bangin anahhomma konin meikhu ahung kitung doh ji'e.  
\v 21 Akamsunga konna meikou alendoh ji jeh chun, ahai husa chun meihol ahal kou jeng jin ahi.  
\v 22 Leviathan ngongchang thahatna chun chene jouse a kichat tijatna asosah e.  
\v 23 Aphe ho chu atah in chuleh adetchet in, akimulet thei poi.  
\v 24 Alungchang chu song bangin atah in sumhei song bangin atah e.  
\v 25 Ahung kithodoh tengle thahat chungnung ho akicha jiuvin, kichat tijatnan amanchah kheh jin ahi.  
\v 26 Chemjam, tengcha, thalchang ahiloule tengcha neoho khat chan asutang joupoi.  
\v 27 Thih jong imacha ahisah poi. Hiche thilsem ding hin changpol tobangbep bou ahin, chuleh sum-eng jong thing motsa tobangbep ahi.  
\v 28 Thalchang in adeljam joupon, song aboma kisep jong chu hampan ajepkhah abang bep e.  
\v 29 Akivoh ho jong chu ham donthah toh abahsah in chule tengcha neu euvel vul hung leng jong chu anuisat bep e.  
\v 30 A oipoh chu haihal hemtah tobang alip in atom in ama chena nung chu loukai nang pan lou akainangna nung abahsah ji'e.  
\v 31 Leviathan chun twi lah'a aum tengle twi chu belphul abahsah ji'e. Twikhanglen tojong thao kiloijol abahsah jin ahi.  
\v 32 Twi lah'a ache tengle twi kinong ho chu aval lah lah jin, gah vet ding'in twikhanglen chu akang in akilang ji'e.  
\v 33 Leiset chunga ama kibahpi aumpon, ama tobanga kichat neilou thilsem ganhing dang aumpoi.  
\v 34 Thilsem ganhing jouse lah a akiletsah pen ahin, amahi ganhing jouse leng ahi.   
\c 42  
\s1 Job In Akhelna Aphondoh’a Pathen Anga Akipehlut  
\p
\v 1 Chutah chun Job in Pakai chu adonbut tai.  
\v 2 Thil ijakai bolthei nahi naleh, nanatoh koiman nasuh tang theilou chu keiman kahei.  
\v 3 Thil hetkhen theina beija kathil hetkhen theina dongpa chu koiham? Tin nei donge. Hichepa chu kei kahi. Chule keiman kahet khah louhel thu kana sei kha tai. \x + \xo 42:3 \xt Job 38:2\x*  
\v 4 Ngaijin keiman nasei peh inge. Keiman nangma thu kadoh a chuleh nangin nei donbut ding ahi. \x + \xo 42:4 \xt Job 38:3\x*  
\v 5 Masanga chu nangma hi athu a bou kana jah tho ahin, ahinlah tun vang kamit tah in kamutai.  
\v 6 Kana thusei jouse kageldoh sohkei tai. Chuleh keima kakisih taiti vetsahnan, leivui leh vutvam lah a hin katouve.  
\v 7 Pakaiyin thu hijatpi hi Job koma asei nungin Teman mipa Eliphaz komah aseitai. Nangma leh nagol teni chunga kalung ahange. Kasohpa Job sei bangin kachungchang thu adihchet in nanghon nasei pouve.  
\v 8 Hijeh chun bongchal sagi leh kelngoichal sagi ma kikai unlang kasohpa Job koma cheuvin, chuleh nangma ho a dingin kilhaina govam thilto gabol un. Kasohpan nangho dingin nataopeh untin chuleh keiman taona chu nangho minna kasan peh a, natoh dungjui uva kalethuh tahlou ding ahi. Ijeh inem itile nanghon kasohpa Job bangin kachungchang thu adihchet in nasei pouve ati.  
\v 9 Hiti chun Teman mipa Eliphaz, Shuh mipa Bildad chule Naamat mi Zophar chun Pakai thupeh bangin agabol un chuleh Pakaiyin Job taona asanpeh tai.   
\s1 Pathen In Job Nei Le Gou Akilesah’a Phatthei Aboh  
\p
\v 10 Job chun aloi agolte dinga ataopeh phat in Pakaiyin vangphat nan akile sah in, tahbeh in Pakaiyin masanga aneijat sanga ajatni a tamjon apetai. \x + \xo 42:10 \xt Job 1:1-3\x*  
\v 11 Chutah chun asopi pasal holeh numeiho chuleh masanga akihetpi aloi agolte ahungun a in'ah an anehkhompi uvin ahi. Pakaiyin ama douna a achung hange thilse analhunsah ho jouse jal chun amapa chu alhem un chuleh alhamon un ahi. Chuleh amaho khat cheh chun amapa din thilpeh sum le sana khutjem ahin choipeh uve.  
\v 12 Hijeh chun Pakaiyin Job hinkho anukhat lang chu akipat tillai sangin phatthei aha boh jon, hijeh chun tun kelngoi sangsom le sangli aneiyin, sangong sao sang gup aneiyin, bongchal kop sangkhat aneiyin, chule sanganpi sangkhat aneitai.  
\v 13 Aman jong Job chu chapa sagi apeh ben, chule numei jong thum jen apeh bei.  
\v 14 Amapan achanu masapen chu Jemiah asah in, anina Keziah asah in, chule athumna Keremhappuch asah e.  
\v 15 Gamsung jouse a numei lah a Job Chanute banga melhoi dang aumpoi. Chuleh apaovin amaho chu asopi pasal ho toh alunglhaina bang tah in asem khomin ahi.  
\v 16 Hicheng nung hin Job chu kum jakhat le somli ahingin, achate leh atute khangli chan geijin amun ahi.  
\v 17 Chutah chun Job chu hinkho bulhingset in ahingin, tehse mong monga hingin atehthi tai.