\id 1CH di13.all Novembre 1998 BJ Parakou B{enin \ide UTF-8 \h 1 Bɛkpɑ̀ɑ̀tìbɛ̀ Tɔ̃mmú \toc1 Bɛkpɑ̀ɑ̀tìbɛ̀ tɔ̃mmú pɑ́tíri ketirì \toc2 1 BƐKPÀÀTÌBƐ̀ TƆ̃MMÚ \mt1 Bɛkpɑ̀ɑ̀tìbɛ̀ tɔ̃mmú pɑ́tíri ketirì \imt1 Di mpɑ́tíri tɔ tìì nɑ́ɑǹtì \ip Bɛkpɑ̀ɑ̀tìbɛ̀ tɔ̃mmú pɑ́tíri ketirì nɛ̀ didɛ́rì yɛ̀ wɛ̃̀tɛ kɛ kòńtɛ́ tìì nɑ̀kɛ́ tìnti Sɑmmuyɛɛri pɑ́tíri ketirì nɛ̀ didɛ́rì yɛ miɛkɛ nɛ̀ bɛkpɑ̀ɑ̀tìbɛ̀ pɑ́tíri diketirì nɛ̀ didɛ́rì yɛ miɛkɛ. Bɛkpɑ̀ɑ̀tìbɛ̀ tɔ̃mmú pɑ́tɛ yɛdɛ́ miɛkɛ kɛ nɛ́ nɑ̀kɛ́ kɛ̀ dɛ̀ ntukúnɛ̀ Isidɑyɛɛribɛ nɛ̀ Kuyie mbɛ kó mɛtɑummɛ̀. \ip Dɛ kó yɛpɑ́tɛ yɛɛ̀ ti bɛnkú kɛ dò mbɑ́ nɛ̀ mɛyɛi mmɛ̀ɛ̀ do Isidɑyɛɛri kó dikpɑ̀ɑ̀tìyuu nɛ̀ Sudɑɑ kpɛri, Kuyie nyí yɛ̃̀ ndinùù kù do bɛ̀ dɔúnnɛ̀ dì, kɛ dɔɔri kù bo yĩ́mɛ̀ kɛ́ bɛ̀ dɛɛtɛ́ bɛmbɛ ku nìtìbɛ̀ bɛ̀ɛ̀ bo Sudɑɑ tenkɛ̀. Dɛ kó kucɛ kuù tu Dɑfiti nɛ̀ Sɑdomɔɔ nɛ̀ Sosɑfɑti nɛ̀ Esekiɑsi nɛ̀ Sosiɑsi nɛ̀ bɛtɔbɛ̀ bɛtɔbɛ̀ bɛ̀ɛ̀ do dɔɔri Kuyie ndɔ́mɛ̀. Bɛ kó mɛdɔɔ̀rìmɛ̀ mɛɛ̀ bɛnkú Kuyie nkuù dɔ́mɛ̀ kɛ́dɔ̀ɔ̀ kù do dɔúnnɛ̀ dìì nùù ku nìtìbɛ̀ \ip Diì pɑ́tíri ti bɛnkú Kuyie nkuɔ́ tɔ̃mmú ketɛ́mɛ̀ ku cĩ́ɛ̃̀tɛ̀ nɛ̀ bɛ̀ kɑ̀nnɛmɛ̀ ikuɔ́ nìùbɛ̀ nɛ̀ Defiibɛ. Dɛ kó dipɑ́tíri diì ti nɑ́ɑ́ nDɑfiti weè do yɑ̀mɛ̀ bɛ̀ dòmmɛ̀ kɛ́mɑɑ́ Kuyie ncĩ́ɛ̃̀tɛ̀, weè dɔú nyikuɔ́ tɔ̃mmú. Kɛ̀ Sɑdomɔɔ weè nɛ́ mɑɑ́ Kuyie ncĩ́ɛ̃̀tɛ̀. \is1 Di mpɑ́tíri nɑ́ɑǹtì duɔ́ kɛ dòmmɛ̀ \io1 1. Isidɑyɛɛribɛ kó iwuɔ 1-9 \io1 2. Sɑuri kó mukṹṹ 10 \io1 3. Dɑfiti kó tikpɑ̀tì 11-29 \c 1 \ms1 ISIDAYƐƐRIBƐ KÓ IWUƆ NDUƆ́ KƐ DÒMMƐ̀ \s1 Adɑmmu kɛ́ntɔ kɛ́tuɔkɛnɛ̀ Esɑyuu kó iyɑɑ̀bí \p \v 1 Adɑmmu weè do pɛitɛ́ Sɛti kɛ̀ Sɛtii pɛitɛ́ Enɔsi. \v 2 Kɛ̀ Enɔsii pɛitɛ́ Kenɑɑ, kɛ̀ Kenɑɑ pɛitɛ́ Mɑtɑdeyɛɛdi, kɛ̀ Mɑtɑdeyɛɛdii pɛitɛ́ Yederi. \v 3 Kɛ̀ Yederii pɛitɛ́ Enɔki, kɛ̀ Enɔkii pɛitɛ́ Mɑtusɑdɛmmu, kɛ̀ Mɑtusɑdɛmmuu pɛitɛ́ Demɛki, \v 4 kɛ̀ Demɛkii pɛitɛ́ Nɔwee kɛ̀ Nɔwee pɛitɛ́ ibí ìtɑ̃ɑ̃ti: Sɛmmu nɛ̀ Kɑmmu nɛ̀ Sɑfɛti. \p \v 5 Kɛ̀ Sɑfɛtii pɛitɛ́ Komɛɛ nɛ̀ Mɑkɔku nɛ̀ Mɑdɑii nɛ̀ Sɑfɑ̃ɑ̃ nɛ̀ Tubɑɑdi nɛ̀ Mɛsɛki nɛ̀ Tidɑɑsi. \v 6 Kɛ̀ Komɛɛ pɛitɛ́ Asekenɑɑsi nɛ̀ Difɑti nɛ̀ Tokɑdimɑ. \v 7 Kɛ̀ Sɑfɑ̃ɑ̃ pɛitɛ́ Edisɑɑ nɛ̀ Tɑdisɑ nɛ̀ Kitimmu nɛ̀ Dodɑnimmu. \p \v 8 Kɛ̀ Kɑmmu pɛitɛ́ Kuusi nɛ̀ Misidɑimmu nɛ̀ Puti nɛ̀ Kɑnnɑhɑ̃ɑ̃. \v 9 Kɛ̀ Kuusi pɛitɛ́ Sebɑɑ nɛ̀ Afidɑɑ nɛ̀ Sɑbutɑ nɛ̀ Dɑkimɑ nɛ̀ Sɑbutekɑɑ. Kɛ̀ Dɑkimɑ kó ìbí ntú: Sɑbɑ nɛ̀ Dedɑnni. \v 10 Kɛ̀ Kuusi yíɛ́ kɛ́pɛitɛ́ Nɛmudodi, weè do tú okpɑ̀rìteu ketiwè kɛtenkɛ̀ ĩ́nkɛ̀. \v 11 Misidɑimmu, weè do tú Dudimmu kɔbɛ nɛ̀ Anɑmimmu kɔbɛ nɛ̀ Deɑbu kɔbɛ nɛ̀ Nɑfutuyimmu kɔbɛ, bɛ yɑ̀ɑ̀rì. \v 12 Pɑtidoosi nɛ̀ Kɑsiduimmu nɛ̀ Kɑfutɔɔ, bɛɛ̀ do tú Fidisitɛ̃ɛ̃bɛ yɑ̀ɑ̀rìbɛ̀. \v 13 Kɛ̀ Kɑnnɑhɑ̃ɑ̃ pɛitɛ́ o kóo po Posidonni nɛ̀ Ɛti. \v 14 Kɑnnɑhɑ̃ɑ̃ weè do tú Sebusiibɛ nɛ̀ Amɔriibɛ nɛ̀ Kidikɑsiibɛ \v 15 nɛ̀ Efiibɛ nɛ̀ Adikiibɛ nɛ̀ Sidoniibɛ, \v 16 nɛ̀ Adifɑdiibɛ nɛ̀ Semɑdiibɛ nɛ̀ Amɑtiibɛ bɛ yɑ̀ɑ̀rì. \p \v 17 Kɛ̀ Sɛmmu kó ibí ntú Edɑmmu nɛ̀ Asuu nɛ̀ Adipɑkisɑdi nɛ̀ Dudi nɛ̀ Arɑmu nɛ̀ Uusi nɛ̀ Udi nɛ̀ Ketɛɛ nɛ̀ Mɛsɛki. \v 18 Kɛ̀ Adipɑkisɑdii pɛitɛ́ Sedɑɑ, kɛ̀ Sedɑɑ pɛitɛ́ Ebɛɛ. \v 19 Kɛ̀ Ebɛɛ pɛitɛ́ ibí ìdɛ́ì. O kóo po yètìrì do tú Mɛyɑtimɛ̀. Nɛ̀ bɛ kó tinɑ́ɑǹtì Pedɛki, kɛ yɛ̃́ dɛ kó dimɔ̀nnì ndi bɛnìtìbɛ̀ yɑ̀tɛmɛ̀. Kòo nɑntɛ̀ yètìrì ntú Yokitɑnni. \v 20 Kɛ̀ Yokitɑnnii pɛitɛ́ Adimɔdɑdi nɛ̀ Sedɛfu nɛ̀ Asɑdimɑfɛti nɛ̀ Yedɑki, \v 21 nɛ̀ Adodɑmmu nɛ̀ Usɑdi nɛ̀ Diidɑ, \v 22 nɛ̀ Ebɑɑdi nɛ̀ Abimmɑyɛɛdi nɛ̀ Sebɑɑ, \v 23 nɛ̀ Ofidi nɛ̀ Afidɑɑ nɛ̀ Yobɑbu. Yokitɑnni bí nyi mɛmmɛ. \p \v 24 Kɛ̀ Sɛmmuu pɛitɛ́ Adipɑkisɑdi, kɛ̀ Adipɑkisɑdii pɛitɛ́ Sedɑ. \v 25 Kɛ̀ Sedɑɑ pɛitɛ́ Ebɛɛdi, kɛ̀ Ebɛɛdii pɛitɛ́ Pedɛki, kɛ̀ Pedɛkii pɛitɛ́ Deu. \v 26 Kɛ̀ Deuu pɛitɛ́ Seduku, kɛ̀ Sedukuu pɛitɛ́ Nɑɔɔ, kɛ̀ Nɑɔɔ pɛitɛ́ Tedɑ, \v 27 kɛ̀ Tedɑɑ pɛitɛ́ Abɑrɑmmu. Kɛ̀ dɛ̀ mboní kɛ̀ Kuyie nhò yu kɛ dɔ̀ Abɑrɑhɑmmu. \b \p \v 28 Kɛ̀ Abɑrɑhɑmmuu pɛitɛ́ Isɑki nɛ̀ Isimɑyɛɛri. \v 29 Ntɛ Abɑrɑhɑmmu yɑɑ̀bí yètɛ̀. Kɛ̀ Isimɑyɛɛri pɛitɛ́ Nɛbɑyɔti o kóo po, nɛ̀ Kedɑɑ nɛ̀ Adeberi nɛ̀ Mibisɑmmu, \v 30 nɛ̀ Misemɑɑ nɛ̀ Dumɑ nɛ̀ Mɑsɑ nɛ̀ Adɑdi nɛ̀ Temɑɑ, \v 31 nɛ̀ Yetudi nɛ̀ Nɑfisi nɛ̀ Kedimɑɑ. Isimɑyɛɛri bí nyi mɛmmɛ. \p \v 32 Kɛ̀ Ketudɑɑ, Abɑrɑhɑmmu do yìɛ́ kɛ́túótɛ́ wèè nitipòkù kòo ò pɛitɛ́ Simidɑnni nɛ̀ Yokisɑnni nɛ̀ Mɛdɑnni nɛ̀ Mɑndiyɑ̃ɑ̃ nɛ̀ Isebɑki nɛ̀ Suɑɑ. Kɛ̀ Yokisɑnnii pɛitɛ́ Sebɑɑ nɛ̀ Dedɑnni. \v 33 Kɛ̀ Mɑndiyɑ̃ɑ̃ pɛitɛ́ Efɑɑ nɛ̀ Efɛɛ nɛ̀ Enɔki nɛ̀ Abidɑɑ nɛ̀ Edidɑɑ, Ketudɑɑ bí nyi nɛ̀ o yɑɑ̀bí. \p \v 34 Kɛ̀ Abɑrɑhɑmmu birɛ Isɑkii pɛitɛ́ Esɑyuu nɛ̀ Isidɑyɛɛri. \v 35 Kɛ̀ Esɑyuu pɛitɛ́ Edifɑsi nɛ̀ Deuyɛɛdi nɛ̀ Yeusi nɛ̀ Yɑedɑmmu nɛ̀ Kodɑɑ, \v 36 kɛ̀ Edifɑsii pɛitɛ́ Temɑɑ nɛ̀ Omɑɑdi nɛ̀ Sefi nɛ̀ Kɑtɑmmu nɛ̀ Kenɑsi nɛ̀ Timunɑ nɛ̀ Amɑdeki. \v 37 Kɛ̀ Deuyɛɛdii pɛitɛ́ Nɑɑti nɛ̀ Sedɑ nɛ̀ Sɑmɑɑ nɛ̀ Misɑɑ. \v 38 Kɛ̀ Seii kó ibí ntú: Dotɑnni nɛ̀ Sobɑdi nɛ̀ Sibeɔ̃ɔ̃ nɛ̀ Anɑ nɛ̀ Disɔ̃ɔ̃ nɛ̀ Esɛɛ nɛ̀ Disɑ̃ɑ̃\f + \fr 1:38 \fr*\ft Wéntɛ́ Tenketɛ́ 36:19-21.\ft*\f*. \v 39 Kɛ̀ Dotɑ̃ɑ̃ pɛitɛ́ Ɔdi nɛ̀ Omɑmmu. Kɛ̀ Dotɑ̃ɑ̃ tɑ̃ũ̀ yètìrì ntú Timunɑ, \v 40 kɛ̀ Sobɑdi pɛitɛ́ Adiyɑnni Mɑnɑti nɛ̀ Ebɑɑdi Sefi nɛ̀ Onɑmmu kɛ̀ Sibeɔ̃ɔ̃ pɛitɛ́ Ayɑ nɛ̀ Anɑ. \v 41 Kɛ̀ Anɑ pɛitɛ́ Disɔ̃ɔ̃. Kɛ̀ Disɔ̃ɔ̃ pɛitɛ́ Amidɑnni nɛ̀ Esibɑnni nɛ̀ Itidɑnni nɛ̀ Kedɑnni. \v 42 Kɛ̀ Esɛɛ pɛitɛ́ Bideɑnni nɛ̀ Sɑfɑ̃ɑ̃ nɛ̀ Yɑkɑ̃ɑ̃, kɛ̀ Disɑ̃ɑ̃ pɛitɛ́ Usi nɛ̀ Adɑnni. \s1 Edɔmmu ɛì kó bɛkpɑ̀ɑ̀tìbɛ̀ \r (Wéntɛ́ Tenketɛ́ 36:31-43) \p \v 43-50 Ntɛ bɛkpɑ̀ɑ̀tìbɛ̀ bɛ̀ɛ̀ do di tikpɑ̀tì Edɔmmu ɛì kɛ́feí mbɛtɔbɛ̀ kɛ̀ Isidɑyɛɛribɛ mu nyí mɔkɛ okpɑ̀ɑ̀tì. Dinɑbɑɑ ɛì kou Beɔɔ birɛ Bedɑɑ weè do bɑkɛ́ Edɔmmu kɛ́kú kɛ̀ Bosedɑɑ ɛì kou Sedɑɑ birɛ Yobɑbuu cɔutɛ́ tikpɑ̀tì, kɛ́kú, kɛ̀ Temɑnni ɛì kou Usɑmmu túótɛ́ tikpɑ̀tì, kɛ́kú kɛ̀ Afiti ɛì kou Bedɑdi birɛ Adɑdii di tikpɑ̀tì, weè do dokɛ́nɛ̀ Mɑndiyɑ̃ɑ̃ ɛì kɔbɛ Mɔɑbu ɛì, kɛ́ bɛ̀ nɑ. Ò ku dìì mɔ̀nnì kɛ̀ Mɑsedekɑɑ ɛì kou Sɑmmudɑɑ di tikpɑ̀tì kɛ́kú. Kɛ̀ Sɑuri wèè do bo Deobɔti ɛì kó kukó mborɛ̀ kòo di tikpɑ̀tì. Ò ku dìì mɔ̀nnì kɛ̀ Akibɔɔ birɛ Bɑɑdi-Anɑnni sɔɔtɛ́ tikpɑ̀tì. Ò ku dìì mɔ̀nni kɛ̀ Pɑuu ɛì kou Adɑdi cɔutɛ́ tikpɑ̀tì kɛ́mpo Mɑsɑbu birɛ Mɑtedɛdi kó dɛbirɛ Mɛtebeyɛɛdi. \p \v 51 Okpɑ̀ɑ̀tì Adɑdii ku dìì mɔ̀nnì kɛ̀ Edɔmmu nɑɑ̀mùnkù kó bɛkótíbɛ̀ bɛɛ̀ mbɑkɛ́. Ntɛ bɛ yètɛ̀: Timunɑ nɛ̀ Adifɑ nɛ̀ Yetɛti \v 52 nɛ̀ Odibɑmɑɑ nɛ̀ Edɑɑ nɛ̀ Pinɔɔ \v 53 nɛ̀ Kenɑsi nɛ̀ Temɑɑ nɛ̀ Mibisɑɑ \v 54 nɛ̀ Mɑkidiyɛɛdi nɛ̀ Idɑmmu bɛɛ̀ do tú Edɔmmu nɑɑ̀mùntì kó bɛkótíbɛ̀ kɛ bɑkɛ́. \c 2 \s1 Sɑkɔbu birɛ Sudɑɑ yɑɑ̀bí \p \v 1 Ntɛ Sɑkɔbu bɛ̀ do yu wè kɛ tú Isidɑyɛɛri o bí yètɛ̀: Dubɛnni nɛ̀ Simmɛɔ̃ɔ̃ nɛ̀ Defi nɛ̀ Sudɑɑ nɛ̀ Isɑkɑɑ nɛ̀ Sɑbunɔɔ, \v 2 nɛ̀ Dɑnni nɛ̀ Sosɛfu nɛ̀ Bɛnsɑmɛɛ nɛ̀ Nɛfutɑdii nɛ̀ Kɑti nɛ̀ Asɛɛ. \p \v 3 Kɛ̀ Sudɑɑ puokɛ Kɑnnɑhɑ̃ɑ̃ ɛì kóo sɑpɑ̀ɑ̀ Suɑɑ, kòo ò pɛitɛ́ initidɑbí ìtɑ̃ɑ̃ti: Ɛɛ nɛ̀ Onɑnni nɛ̀ Sedɑ. Ɛdi weè do tú Mpo, kɛ́dɔɔ̀ ti Yiɛ̀ nKuyie nyí dɔ́ dɛ̀ kɛ̀ kùu ò kùɔ. \v 4 Kɛ̀ dɛ̀ mboní kɛ̀ Sudɑɑ kóo dɑpɑ̀ɑ̀ mpokù Tɑmɑɑ\f + \fr 2:4 \fr*\fk Tɑmɑɑ: \fk*\ft Wéntɛ́ Tenketɛ́ 38.\ft*\f* ò pɛitɛ́ initidɑbí tɛì ìdɛ́ì, kɛ̀ bɛ̀ mbɛ̀ yu kɛ tú Pedɛsi nɛ̀ Sedɑ. O bí imɔu kɛ̀ ìi wɛ̃nnɛ́ kɛ́mbo initidɑbí ìnùmmù. \v 5 Kɛ̀ Pedɛsi kó ibí ntú Ɛtisidonni nɛ̀ Amudi. \v 6 Kɛ̀ Sedɑɑ pɛitɛ́ Simudi nɛ̀ Etɑnni nɛ̀ Emɑnni nɛ̀ Kɑdikɔɔdi nɛ̀ Dɑdɑ kɛ̀ bɛ̀ mbo initidɑbí ìnùmmù. \v 7 Kɛ̀ Kɑdimii pɛitɛ́ Akɑɑ\f + \fr 2:7 \fr*\fk Akɑɑ: \fk*\ft Sosuwee pɑ́tíri miɛkɛ bɛ̀ we nyu kɛ tú Akɑ̃ɑ̃.\ft*\f* weè do te kɛ̀ Kuyie mmiɛkɛɛ do Isidɑyɛɛribɛ, kɛ yɛ̃́ ò do sɔnnɛmɛ̀ Kuyie nyɛ̃ mbɛ̀ bɑ́ɑ́ túótɛ́ dɛ̀ kɛ́tiekɛ. \v 8 Kɛ̀ Etɑnnii pɛitɛ́ Asɑdiɑ, \v 9 kɛ̀ Ɛtisidonnii pɛitɛ́ Yedɑmɛyɛɛdi nɛ̀ Dɑmmu nɛ̀ Kɑdɛbu, kòo yètìrì tɛrì ntú Kedubɑii. \p \v 10 Kɛ̀ Dɑmmuu pɛitɛ́ Amminnɑdɑbu kɛ̀ Amminnɑdɑbuu pɛitɛ́ Nɑsɔ̃ɔ̃ weè do tú Sudɑɑ nɑɑ̀mùnkù kóo kótì. \v 11 Kɛ̀ Nɑsɔ̃ɔ̃ pɛitɛ́ Sɑdimɑ kɛ̀ Sɑdimɑɑ pɛitɛ́ Boɑsi, \v 12 kɛ̀ Boɑsii pɛitɛ́ Obɛdi, kɛ̀ Obɛdii pɛitɛ́ Sɛsee, \v 13 kɛ̀ Sɛsee pɛitɛ́ ibí ìyiekɛ̀. Kòo kóo po ntú Ediɑbu kòo nɑntɛ Abinnɑdɑbu kɛ̀ Aminnɑdɑbuu nɑntɛ Simmeɑ, \v 14 kɛ̀ Sɑmɑɑ nɑntɛ Nɛtɑnnɛyɛɛdi, kɛ̀ Nɛtɑnnɛyɛɛdii nɑntɛ Dɑdɑii. \v 15 Kòò mɛ ntó nɑntɛ Osɛmmu, kòo nɑntɛ Dɑfiti, \v 16 kɛ̀ bɛ tɑ̃bɛ̀ ntú Seduyɑ nɛ̀ Abikɑyɛɛdi, kɛ̀ Seduyɑɑ pɛitɛ́ Abikɑii nɛ̀ Soɑbu nɛ̀ Asɑyɛɛdi kɛ̀ bɛ̀ɛ wɛ̃nnɛ́ bɛ̀tɑ̃ɑ̃ti. \v 17 Kɛ̀ Abikɑyɛɛdii pɛitɛ́ dɛnitidɑbirɛ kɛ̀ bɛ̀ɛ dɛ̀ yu kɛ dɔ̀ Amɑsɑ o cicɛ do tú Yetɛɛ Isimɑyɛɛri wuɔ kou. \p \v 18 Kɛ̀ Ɛsidonni birɛ Kɑdɛbu pokù Asubɑ pɛitɛ́ ibí ìnɑ̀ɑ̀ kɛ̀ dɛnitipobirɛ yètìrì ntú Yediyoti nɛ̀ initidɑbí ìtɑ̃ɑ̃ti Yesɛɛ nɛ̀ Sobɑbu nɛ̀ Adidonni. \v 19 Asubɑ ku dìì mɔ̀nnì kɛ̀ Kɑdɛbuu puokɛ Efɑdɑti kɛ̀ Efɑdɑtii pɛitɛ́ Uuri. \v 20 Kɛ̀ Uuri pɛitɛ́ Udi kɛ̀ Udii pɛitɛ́ Besɑdɛdi. \p \v 21 Ɛtisidonni mɔ̀kɛ dìì mɔ̀nnì yɛbie nsipísìkuɔ̀, kɛ́puokɛ Kɑdɑɑdi cicɛ Mɑkidi kóo sɑpɑ̀ɑ̀ nkòo ò pɛitɛ́ Sekubu. \v 22 Kɛ̀ Sekubuu pɛitɛ́ Yɑii weè do tiekɛ yɛhɛkɛ̀ sipísìdɛ́ nɛ̀ yɛ̀tɑ̃ɑ̃ti Kɑdɑɑdi tempɛ̃ mmiɛkɛ. \v 23 Kesuu ɛì nɛ̀ Adɑmu ɛì kɛ̀ yɛ kpɑ̀ɑ̀tìbɛ̀ɛ fietɛ Yɑii kɛ́tiekɛ yɛhɛkɛ̀ nɛ̀ Kenɑti ɛidiɛ̀, nɛ̀ yɛhɛkɛ̀ yɛ̀ɛ̀ yɛ̀ tɔ̀kɛ́nɛ̀ yɛmɔu kɛ̀ yɛ̀ɛ wɛ̃nnɛ́ yɛhɛkɛ̀ sipísìkuɔ̀. Bɛ̀ɛ̀ do bo yɛ miɛkɛ bɛmɔu bɛ̀ do tú Kɑdɑɑdi cicɛ Mɑkiidì yɑɑ̀bí nyi. \v 24 Ɛtisidonni weè do po Abiyɑ kɛ́kú kɛ̀ Kɑdɛbuu duɔ́nɛ̀ o pokù tɔù Efɑdɑtɑ kòo ò pɛitɛ́ dɛnitidɑbirɛ, kɛ̀ bɛ̀ɛ dɛ̀ yu kɛ dɔ̀ Asuu, weè do ketɛ́ Tekoɑ ɛì. \p \v 25 Kɛ̀ Ɛtisidonni kóo po Yedɑmɛyɛɛdi piɛ́ ibí pɛ́u kɛ̀ Dɑmmu ntú o kóo po kɛ́nɑntɛ Bunɑ, kɛ̀ Bunɑ nɑntɛ Odɛni, kɛ̀ Odɛnii nɑntɛ Osemmu, kɛ̀ Osemmuu nɑntɛ Aiyɑ. \v 26 Kɛ̀ Yedɑmɛyɛɛdi puokɛ onitipòkù tɔù Atɑdɑ kòo ò pɛitɛ́ Onɑmmu. \v 27 Kɛ̀ Yedɑmɛyɛɛdi kóo po pɛitɛ́ Mɑsɑsi nɛ̀ Yɑminni nɛ̀ Ekɛɛ. \v 28 Kɛ̀ Onɑmmuu pɛitɛ́ Sɑmmɑii nɛ̀ Yɑdɑ. Kɛ̀ Sɑmmɑii pɛitɛ́ Nɑdɑbu nɛ̀ Abisuu. \v 29 Kɛ̀ Abisuu puokɛ Abiyɑii kòo ò pɛitɛ́ Abɑnni nɛ̀ Mɔdidi. \v 30 Kɛ̀ Nɑdɑbuu pɛitɛ́ Sedɛdi nɛ̀ Apɑyimmu, kɛ̀ Sedɛdii kú bɑ́ ò í mɔ̀ɔ̀tɛ dɛbirɛ. \v 31 Kɛ̀ Apɑyimmuu pɛitɛ́ Iseii, kɛ̀ Iseii pɛitɛ́ Sesɑ̃ɑ̃, kɛ̀ Sesɑ̃ɑ̃ pɛitɛ́ Adɑii. \v 32 Kɛ̀ Sɑmmɑii nɑntɛ̀ Yɑdɑ pɛitɛ́ Yetɛɛ nɛ̀ Sonnɑtɑ̃ɑ̃, kɛ̀ Yetɛɛ kú bɑ́ ò í mɔ̀ɔ̀tɛ dɛbirɛ. \v 33 Kɛ̀ Sonnɑtɑ̃ɑ̃ pɛitɛ́ Pedɛti nɛ̀ Sɑsɑ. Yedɑmɛyɛɛdi yɑɑ̀bí nyi mɛmmɛ. \p \v 34 Sesɑ̃ɑ̃ í mpɛitɛ́ initidɑbí, kɛ́pɛitɛ́ initipobí mɑ́ɑ̀, kɛ́mmɔkɛ o tɔ̃ntì Esibiti ɛì kou mɔù kɛ̀ bɛ̀ ò yu kɛ tú Yɑdɑ, \v 35 kòo ò duɔ́ nho kóo sɑpɑ̀ɑ̀ mmɔù kòo ò puokɛ kòo pɛitɛ́ dɛnitidɑbirɛ, kɛ̀ bɛ̀ɛ dɛ̀ yu kɛ dɔ̀ Atɑii. \v 36 Kɛ̀ Atɑii pɛitɛ́ Nɑtɑ̃ɑ̃, kɛ̀ Nɑtɑ̃ɑ̃ pɛitɛ́ Sɑbɑdi. \v 37 Kɛ̀ Sɑbɑdi pɛitɛ́ Efudɑdi, kɛ̀ Efudɑdii pɛitɛ́ Obɛdi. \v 38 Kɛ̀ Obɛdii pɛitɛ́ Yeu, kɛ̀ Yeuu pɛitɛ́ Asɑdiɑ. \v 39 Kɛ̀ Asɑdiɑ pɛitɛ́ Edɛsi, kɛ̀ Edɛsii pɛitɛ́ Edɑsɑɑ. \v 40 Kɛ̀ Edɑsɑɑ pɛitɛ́ Sisimɑii, kɛ̀ Sisimɑii pɛitɛ́ Sɑdummu. \v 41 Kɛ̀ Sɑdummuu pɛitɛ́ Yekɑmmiɑ, kɛ̀ Yekɑmmiɑ pɛitɛ́ Edisɑmɑɑ. \p \v 42 Kɛ̀ Kɑdɛbuu pɛitɛ́ o kóo po Mɛsɑ kòo nɑntɛ Yedɑmɛyɛɛdi, kɛ̀ Mɛsɑɑ pɛitɛ́ Sifi nɛ̀ Mɑdesɑ, kɛ̀ Mɑdesɑɑ pɛitɛ́ Ebunɔɔ. \v 43 Kɛ̀ Ebunɔɔ pɛitɛ́ Kodɑɑ nɛ̀ Tɑpuɑ nɛ̀ Dekɛmmu nɛ̀ Semɑ. \v 44 Kɛ̀ Semɑɑ pɛitɛ́ Dɑɑmmu, kɛ̀ Dɑɑmmuu pɛitɛ́ Yodikoɑmmu, kɛ̀ Dekɛmmuu pɛitɛ́ Sɑmmɑii. \v 45 Kɛ̀ Sɑmmɑii pɛitɛ́ Mɑɔ̃ɔ̃, kɛ̀ Mɑɔ̃ɔ̃ pɛitɛ́ Bɛti-Sudi. \v 46 Kɛ̀ Kɑdɛbuu puokɛ onitipòkù tɔù kɛ̀ bɛ̀ ò yu kɛ tú Efɑɑ, kòo ò pɛitɛ́ Anɑɑ nɛ̀ Mɔsɑ nɛ̀ Kɑsɛsi. Kɛ̀ Adɑɑ pɛitɛ́ dɛnitidɑbirɛ kɛ́ dɛ̀ yu kɛ dɔ̀ Kɑsɛsi. \v 47 Kɛ̀ Yɑdɑii pɛitɛ́ Dekɛmmu nɛ̀ Yotɑmmu nɛ̀ Kesɑ̃ɑ̃ nɛ̀ Pedɛti nɛ̀ Efɑɑ nɛ̀ Sɑɑfu. \v 48 Kɛ̀ Kɑdɛbuu yíɛ́ kɛ́puokɛ onitipòkù tɔù, kòo yètìrì tu Mɑɑkɑ, kòo pɛitɛ́ Sebɛɛ nɛ̀ Tidɑnɑ. \v 49 Kɛ̀ dɛ̀ m boní kòo yíɛ́ kɛ́pɛitɛ́ Sɑɑfu, kɛ̀ Sɑfuu pɛitɛ́ Mɑdimɑnɑ nɛ̀ Sefɑɑ, kɛ̀ Sefɑɑ pɛitɛ́ Mɑkibenɑ, kɛ̀ Mɑkibenɑɑ pɛitɛ́ Kibeɑ. Bɛ kó di fɔ̃̀nkúò kɛ̀ Kɑdɛbuu yíɛ́ kɛ́pɛitɛ́ dɛnitipobirɛ kɛ́ dɛ̀ yu kɛ dɔ̀ Akisɑɑ. \p \v 50 Ntɛ Kɑdɛbu yɑɑ̀bí kó yɛyètɛ̀: O pokù Efɑdɑtɑ kóo po do tú Uuri, kòo nɑntɛ Sobɑdi, weè do ketɛ́ Kidiyɑ-Yeɑdimmu kó dihɛì, bɛ yɔ̃fũ̀ɔ̃̀ bɛ̀ do bo bɛ̀tɑ̃ɑ̃ti ndi. \v 51 Sɑdimɑ weè do ketɛ́ Bɛtideɛmmu ɛì. Kɛ̀ Adɛfuu ketɛ́ Bɛti Kedɛɛ ɛì. \v 52 Kɛ̀ Sobɑdii ketɛ́ Kidiyɑ-Yeɑdimmu ɛì. Kɛ̀ Sobɑdi yɑɑ̀bí mbo Adowɛɛ nɛ̀ Mɛnuɔti kɔbɛ ɛì kó dikéè. \v 53 Bɛɛ̀ kó tinɑɑ̀mùntì do tú Iditiibɛ nɛ̀ Putibɛ nɛ̀ Sumɑtiibɛ nɛ̀ Misedɑiibɛ bɛ̀ɛ̀ do bo Sodɑɑ ɛì nɛ̀ Esitɑɔdi kpɛri yɛ miɛkɛ. \p \v 54 Sɑdimɑ yɑɑ̀bí do tú Bɛtideɛmmu ɛì kɔbɛ nɛ̀ Nɛtofɑɑ ɛì kɔbɛ nɛ̀ Adidoti-Bɛti-Yoɑbu ɛì kɔbɛ nɛ̀ Mɑnɑɑti ɛì kɔbɛ kó dikéè nɛ̀ Sodɑɑ ɛì kɔbɛ, \v 55 kɛ́yíɛ́nɛ̀ bɛ̀ɛ̀ yɛ̃́ yɛpɑ́tɛ bɛ kó tinɑɑ̀mùntì. Bɛ̀ɛ̀ do tú Yɑbɛsi ɛì kɔbɛ bɛɛ̀ do tú Tidɑtiibɛ nɛ̀ Simɑtiibɛ nɛ̀ Sukɑtiibɛ nɛ̀ bɛ̀ tu bɛ̀ Keniibɛ Amɑti kó kuwuɔ nkɔbɛ, bɛɛ̀ piɛ́ Dekɑbiibɛ. \c 3 \s1 Dɑfiti bí kó yɛyètɛ̀ \p \v 1 Ntɛ Dɑfiti kó initidɑbí ò pɛitɛ́ ì Ebunɔɔ i kó yɛyètɛ̀: Amunɔɔ weè do tú Mpo, kòo yɔ̃ tú Ainɔɑmmu Sisedɛɛdi ɛì kou. Kòo dɛ́rì ntú Dɑnniyɛɛdi, kòo yɔ̃ tú Abikɑyɛɛdi, Kɑdimɛɛdi ɛì kou. \v 2 Kòo tɑ̃ɑ̃́nwè ntú Abusɑdɔmmu Kesuu ɛì kóo kpɑ̀ɑ̀tì Tɑdimɑii kóo sɑpɑ̀ɑ̀ Mɑɑkɑ ò pɛitɛ́ wè. Kɛ̀ onɑɑnwè ntú Adonniyɑ, kòo yɔ̃ yètìrì tu Akiti. \v 3 Kòo nummuwè ntú Sefɑtiɑ, kòo yɔ̃ yètìrì tu Abitɑdi. Kòo kuɔ́nwè ntú Itediɑmmu, kòo yɔ̃ tú Ekidɑɑ. \v 4 Dɑfiti tɔ dìì mɔ̀nnì tikpɑ̀tì kɛ́mbo Ebunɔɔ yɛbie nyɛ̀yiekɛ̀ nɛ̀ dikéè. Diì mɔǹnì ndi ò piɛ́mɛ̀ dɛ kó initidɑbí ikuɔ̀. Dɛ kó difɔ̃nkúò kɛ̀ Dɑfiti ntɔ tikpɑ̀tì kɛ́kɔtɛ Sedisɑdɛmmu kɛ dɔ̀ yɛbie sipísìtɑ̃ɑ̃ti nɛ̀ yɛ̀tɑ̃ɑ̃ti. \v 5 Ò dɛ mbo, kòo pokù Bɑtisebɑɑ Amiyɛɛdi kóo sɑpɑ̀ɑ̀ nhò pɛitɛ́ initidɑbí ìnɑ̀ɑ̀: Simɑɑ nɛ̀ Sobɑbu nɛ̀ Nɑtɑ̃ɑ̃ nɛ̀ Sɑdomɔɔ. \v 6-8 Kɛ̀ Dɑfitii yíɛ́ kɛ́pɛitɛ́ ibí tɛì ìwɛi: Ibɑɑ nɛ̀ Edisuɑ nɛ̀ Edifedee nɛ̀ Nɔkɑ nɛ̀ Nɛfɛki nɛ̀ Yɑfiɑ nɛ̀ Edisɑmɑɑ nɛ̀ Ediɑdɑ nɛ̀ Edifedee. Kɛ̀ bɛ tɑ̃ũ̀ ntú Tɑmɑɑ, \v 9 kɛ́ nɛ́ mbúútí initidɑbí o pobɛ̀ tɔbɛ̀ ò piɛ́ ì. \p \v 10 Ntɛ Sɑdomɔɔ bí nɛ̀ o yɑɑ̀bí: Weè do pɛitɛ́ Odoboɑmmu kɛ̀ Odoboɑmmuu pɛitɛ́ Abiyɑ, kɛ̀ Abiyɑɑ pɛitɛ́ Asɑɑ, kɛ̀ Asɑɑ pɛitɛ́ Sosɑfɑti. \v 11 Kɛ̀ Sosɑfɑtii pɛitɛ́ Yodɑmmu kɛ̀ Yodɑmmuu pɛitɛ́ Aɑsiɑ, kɛ̀ Aɑsiɑɑ pɛitɛ́ Soɑsi, \v 12 kɛ̀ Soɑsii pɛitɛ́ Amɑsiɑ, kɛ̀ Amɑsiɑɑ pɛitɛ́ Asɑdiɑ, kɛ̀ Asɑdiɑɑ pɛitɛ́ Yotɑmmu. \v 13 Kɛ̀ Yotɑmmuu pɛitɛ́ Aɑsi, kɛ̀ Aɑsii pɛitɛ́ Esekiɑsi, kɛ̀ Esekiɑsii pɛitɛ́ Mɑnɑnsee, kɛ̀ Mɑnɑnsee pɛitɛ́ Amɔɔ, \v 14 kɛ̀ Amɔɔ pɛitɛ́ Sosiɑsi. \v 15 Kɛ̀ Sosiɑsi kóo po ntú Yoɑnɑnni, kòo nɑntɛ Sosɑkimmu, kɛ̀ Sosɑkimmuu nɑntɛ Sedesiɑsi, kɛ̀ Sedesiɑsii nɑntɛ Sɑdummu, \v 16 kɛ̀ Sosɑkimmuu pɛitɛ́ Yekonniɑsi nɛ̀ Sedesiɑsi. \p \v 17 Yekonniɑsi bɛ̀ do pĩ n wè kɛ́kònnɛ̀ Bɑbidɔnni o kó ibí do tú Seditiɛri \v 18 nɛ̀ Mɑdikidɑmmu nɛ̀ Pedɑyɑ nɛ̀ Sennɑsɑɑ nɛ̀ Yekɑmmiɑ nɛ̀ Osɑmɑ nɛ̀ Nɛdɑbiɑ. \v 19 Kɛ̀ Pedɑyɑ kó ibí ntú Sodobɑbɛɛdi nɛ̀ Simmɛii, kɛ̀ Sodobɑbɛɛdi pɛitɛ́ ibí ìdɛ́ì: Mɛsudɑmmu nɛ̀ Anɑnniyɑ nɛ̀ dɛnitipobirɛ Sedomiti, \v 20 kɛ́yíɛ́nɛ̀ initidɑbí ìnùmmù Asubɑ nɛ̀ Oɛdi nɛ̀ Bedekiɑ nɛ̀ Asɑdiɑ nɛ̀ Yusubɑ Esɛdi. \p \v 21 Kɛ̀ Anɑnniyɑ pɛitɛ́ ibí ìdɛ́ì: Pedɑtiɑ nɛ̀ Yesɑyɑ, kɛ̀ Yesɑyɑɑ pɛitɛ́ Defɑyɑ, kɛ̀ Defɑyɑɑ pɛitɛ́ Adinɑnni, kɛ̀ Adinɑnnii pɛitɛ́ Abudiɑsi, kɛ̀ Abudiɑsii pɛitɛ́ Sekɑnniyɑ. \v 22 Kɛ̀ Sekɑnniyɑ pɛitɛ́ ibí ìkuɔ̀: Semmɑyɑ nɛ̀ Atuusi nɛ̀ Ikɑdi nɛ̀ Bɑdiɑ nɛ̀ Nɛɑdiɑ nɛ̀ Sɑfɑti. \v 23 Kɛ̀ Nɛɑdiɑ pɛitɛ́ ibí ìtɑ̃ɑ̃ti Edioyennɑii nɛ̀ Isikiɑ nɛ̀ Asidikɑmmu. \v 24 Edioyennɑii do pɛitɛ́ initidɑbí ìyiekɛ̀ ndi. Odɑfiɑ nɛ̀ Ediɑsibu nɛ̀ Pedɑyɑ nɛ̀ Akubu nɛ̀ Yoɑnɑnni nɛ̀ Dedɑyɑ nɛ̀ Anɑnni. \c 4 \s1 Sudɑɑ bí nɛ̀ o yɑɑ̀bí \p \v 1 Sudɑɑ pɛitɛ́ ìì bí do tú: Pedɛsi nɛ̀ Ɛtisibonni nɛ̀ Kɑdimii nɛ̀ Uuri nɛ̀ Sobɑdi. \v 2 Kɛ̀ Sobɑdii pɛitɛ́ Deɑyɑɑ kɛ̀ Deɑyɑɑ pɛitɛ́ Yɑɑti kɛ̀ Yɑɑtii pɛitɛ́ Aummɑii nɛ̀ Dɑɑdu bɛɛ̀ do tú Sodɑɑ nɑɑ̀mùnkù kɔbɛ kó bɛyɑ̀ɑ̀rìbɛ̀. \p \v 3-4 Efɑdɑtɑ kóo po do tú Uuri, weè ketɛ́ Betideɛmmu ɛì kɛ́piɛ́ initidɑbí: Etɑmmu nɛ̀ Sisedɛɛdi nɛ̀ Isemɑ nɛ̀ Idibɑsi nɛ̀ dɛnitipobirɛ Asɛdɛponni, kɛ́yíɛ́ kɛ́pɛitɛ́ Pennuyɛɛdi wèè ketɛ́ Kedɔɔri ɛì, kɛ́yíɛ́ kɛ́pɛitɛ́ Esɛɛ wèè ketɛ́ Usɑɑ ɛì. \p \v 5 Asuu weè ketɛ́ Tekoɑ ɛì kɛ́mpo bɛnitipòbɛ̀ bɛ̀dɛ́bɛ̀ Edɑɑ nɛ̀ Nɑɑdɑ. \v 6 Kɛ̀ Nɑɑdɑ pɛitɛ́ initidɑbí ìnɑ̀ɑ̀ Ausɑmmu nɛ̀ Efɛɛ kɛ̀ Efɛɛ nɑntɛ Teminni kɛ̀ Teminnii nɑntɛ Aɑsitɑdi. Nɑɑdɑɑ kó ibí nyi mɛmmɛ. \v 7 Kɛ̀ Edɑɑ pɛitɛ́ ibí ìtɑ̃ɑ̃ti Sedɛti nɛ̀ Soɑɑ nɛ̀ Etinɑ. \p \v 8 Kɛ̀ Kɔtii pɛitɛ́ Anubi nɛ̀ Sobebɑ weè do tú Adummu Adɑdeyɛɛdi birɛ nɑɑ̀mùnkù kɔbɛ yɑ̀ɑ̀rì. \p \v 9 Yɑbɛsi do tú onìtì nwe bɛ̀ bùɔ́ wè kɛ̀ dɛ̀ pɛ̃ɛ̃tɛ́ o tebìí. O yɔ̃ do ò pɛí kɛ́fɛ̃́ṹtɛ́ mɛdiɛ̀ mmɛ kɛ̀ dɛɛ̀ nte kòo ò yu kɛ dɔ̀ Yɑbɛsi. \p \v 10 Weè do bɑ̀ńtɛ̀ Kuyie nkɛ dɔ̀: Kuyie nyIsidɑyɛɛribɛ tũ nkù ɑ́ m pɑ̃ mɛsɑ̀ɑ̀, n yíɛ́ m mɔkɛ dɛ̀, nni nkɑ̃nkɛ́ mɛyɛi nnɛ̀ mɛfɛ̃́ṹtímɛ̀ mɛmɔu. Kɛ̀ Kuyie nhò duɔ́ nhò kù mɔɔ dɛ̀. \v 11 Suɑɑ kóo kótì Kedubu weè pɛitɛ́ Mɛii, kɛ̀ Mɛii pɛitɛ́ Ɛsitɔ̃ɔ̃. \v 12 Kɛ̀ Ɛsitɔ̃ɔ̃ mbo Bɛti-Dɑfɑɑ kɛ́pɛitɛ́ Pɑseɑ̃ɑ̃ nɛ̀ Teinɑ kòo ketɛ́ Nɑɑsi ɛì kɛ̀ bɛ yɑɑ̀bí mbo Dekɑɑ ɛì. \p \v 13 Kɛ̀ Kenɑɑi pɛitɛ́ Otinniyɛɛdi nɛ̀ Sedɑyɑ. Kɛ̀ Otinniyɛɛdi pɛitɛ́ Atɑti nɛ̀ Mɛonɔtɑii. \v 14 Kɛ̀ Mɛonɔtɑii pɛitɛ́ Ofidɑɑ, kɛ̀ Sedɑyɑɑ pɛitɛ́ Yoɑbu weè do tú bɛyɑ́ntìbɛ̀ yɑ̀ɑ̀rì, bɛ̀ɛ̀ do bo kubiriku bɛ̀ tu kù bɛyɑ́ntìbɛ̀ biriku. \p \v 15 Kɛ̀ Yefundee birɛ Kɑdɛbuu pɛitɛ́ initidɑbí ìtɑ̃ɑ̃ti: Idu nɛ̀ Edɑɑ nɛ̀ Nɑɑmmu. Kɛ̀ Edɑɑ pɛitɛ́ Kenɑsi. \p \v 16 Kɛ̀ Yɑdeyɛɛdii pɛitɛ́ Sifi nɛ̀ Sifɑɑ nɛ̀ Idiyɑɑ nɛ̀ Asɑdeyɛɛdi. \p \v 17-18 Kɛ̀ Esidɑ pɛitɛ́ Yetɛɛ nɛ̀ Mɛdɛdi nɛ̀ Efɛɛ nɛ̀ Yɑnɔɔ, kɛ̀ Mɛdɛdii puokɛ Esibiti kóo kpɑ̀ɑ̀tì kóo sɑpɑ̀ɑ̀ Bitiyɑ, kòo pɛitɛ́ Midiyɑmmu nɛ̀ Sɑmmɑii nɛ̀ Isebɑ wèè ketɛ́ Esitemɔɑ ɛì. Kɛ̀ Mɛdɛdii yíɛ́ kɛ́puokɛ Sudɑɑ kó kuwuɔ kou, kòo ò pɛitɛ́ Yedɛdi nɛ̀ Ebɛɛ nɛ̀ Yekutiyɛɛdi. Kɛ̀ Yedɛdii ketɛ́ Kedɔɔ ɛì, kɛ̀ Ebɛɛ ketɛ́ Sokoo ɛì, kɛ̀ Yekutiyɛɛdii ketɛ́ Sɑndoyɑɑ ɛì. \p \v 19 Kɛ̀ Odiyɑ puokɛ Nɑɑmmu tɑ̃ũ̀. Weè kó iyɑɑ̀bí do tú Kɑdimiibɛ nɛ̀ Mɑkɑtiibɛ, kɛ̀ Kɑdimiibɛ mbo Keidɑɑ ɛì kɛ̀ Mɑkɑtiibɛ bo Esitemɔɑ ɛì. \p \v 20 Kɛ̀ Simɔɔ pɛitɛ́ Amunɔɔ nɛ̀ Dinnɑ nɛ̀ Bɛnni-Anɑɑ nɛ̀ Tinɔɔ. Kɛ̀ Iseii nɑɑ̀mùnkù kɔbɛ ntú Soɛti nɛ̀ o birɛ. \p \v 21-22 Kɛ̀ Sudɑɑ birɛ Sedɑɑ pɛitɛ́ Ɛɛ nɛ̀ Dɑdɑ nɛ̀ Yokimmu nɛ̀ Soɑsi nɛ̀ Sɑdɑfi, kɛ̀ Ɛdii ketɛ́ Dekɑ ɛì, kɛ̀ Dɑdɑ ketɛ́ Mɑdesɑ ɛì kɛ́yíɛ́nɛ̀ bɛyɑɑ̀dùɔ̀bɛ̀ bɛ̀ɛ̀ do duɔ̀kù tiyɑɑ̀kpetì bɛ kó tinɑɑ̀mùntì bɛɛ̀ do bo Isɛti Asebeɑɑ ɛì. Kɛ̀ Yokimmuu kɔbɛ ḿbo Kosebɑ. Soɑsi nɛ̀ Sɑdɑfi kɛ̀ bɛ̀ɛ puokɛ Mɔɑbiibɛ kɛ̀ mu nyí konní Deɛmmu. Dɛ kó tinɑ́ɑǹtì tu tìì dɔ̀ɔ̀ tìnti nɛ̀ dimɔ̀nnì. \v 23 Bɛ̀ do tú bɛyɑɑmɑribɛ̀ mbɛ kɛ́mbo Nɛtɑimmu ɛì nɛ̀ Kededɑɑ ɛì okpɑ̀ɑ̀tì borɛ̀ koò mɑɑ̀ tiyɑɑtì. \s1 Simmɛɔ̃ɔ̃ kó ibí \p \v 24 Kɛ̀ Simmɛɔ̃ɔ̃ pɛitɛ́ Nɛmmuyɛɛdi nɛ̀ Yɑminni nɛ̀ Yɑdibu nɛ̀ Sedɑ nɛ̀ Sɑuri. \v 25 Kɛ̀ Sɑurii pɛitɛ́ Sɑdummu, kɛ̀ Sɑdummuu pɛitɛ́ Mibisɑmmu, kɛ̀ Mibisɑmmuu pɛitɛ́ Misemɑɑ. \v 26 Kɛ̀ Misemɑɑ pɛitɛ́ Amuyɛɛdi kɛ̀ Amuyɛɛdii pɛitɛ́ Sɑkuu kɛ̀ Sɑkuu pɛitɛ́ Simmɛii. \v 27 Kɛ̀ Simmɛii pɛitɛ́ initidɑbí tɛpíítɛ̀ nɛ̀ ìkuɔ̀ initipobí ìkuɔ̀. O tebìí í mpɛitɛ́ kɛ̀ dɛ̀ nsũ dɛɛ̀ te kɛ̀ Simmɛɔ̃ɔ̃ kó kuwuɔ nyí nsũ kɛ mɑ̀nnɛ̀ Sudɑɑ kɔku mɑmɛ̀. \p \v 28-32 Dɑfiti mu nyí cɔutɛ́ dìì mɔ̀nnì tikpɑ̀tì kɛ̀ Simmɛɔ̃ɔ̃ kó kuwuɔ nkɔbɛ bo yɛ̀ɛ̀ ɛkɛ̀ tu yiɛ nɛ̀ siì ɛkɛsí kɛ́ntɔ kɛ́tuɔkɛnɛ̀ Dɑfiti cɔutɛ́ dìì mɔ̀nnì tikpɑ̀tì: Bɛɛrisebɑɑ nɛ̀ Mɔdɑdɑ nɛ̀ Asɑɑ-Suɑdi nɛ̀ Bidɑɑ nɛ̀ Esɛmmu nɛ̀ Todɑdi nɛ̀ Betuyɛɛdi nɛ̀ Ɔdimɑɑ nɛ̀ Sikidɑki nɛ̀ Bɛti-Mɑdikɑboti nɛ̀ Atisɑɑ-Susimmu nɛ̀ Bɛtibidii nɛ̀ Sɑdɑimmu nɛ̀ Etɑmmu nɛ̀ Ainni nɛ̀ Dimɔɔ nɛ̀ Tokɛnni nɛ̀ Asɑ̃ɑ̃. \v 33 Nɛ̀ sihɛkɛsí sìì yɛ̀ tɔ̀kɛ́nɛ̀, kɛ́tuɔkɛnɛ̀ Bɑdɑti yɛhɛkɛ̀ bɛ̀ do bo yɛ̀nyɛ. Bɛ̀ cɛ̃́ĩ kó yɛyètɛ̀ bomu dihɛikɛ̀mpɑ́tíri miɛkɛ. \p \v 34-38 Ntɛ Simmɛɔ̃ɔ̃ kó kuwuɔ nkó tinɑɑ̀mùntì kó bɛkótíbɛ̀: Amɑsiɑ bí do tú Mɛsobɑbu nɛ̀ Yɑmmidɛki nɛ̀ Yosɑɑ. Asiɑdi weè do pɛitɛ́ Sedɑyɑ, kɛ̀ Sedɑyɑɑ pɛitɛ́ Yosibiɑ, kòo nɛ́ pɛitɛ́ Yeu nɛ̀ Sowɛɛri. Semmɑyɑ weè do pɛitɛ́ Simidi kɛ̀ Simidii pɛitɛ́ Yedɑyɑɑ kɛ̀ Yedɑyɑɑ pɛitɛ́ Anɔɔ, kɛ̀ Anɔɔ pɛitɛ́ Sifei, kɛ̀ Sifei kó ibí ntú Sisɑ nɛ̀ Bennɑyɑ nɛ̀ Yesimiyɛɛdi nɛ̀ Adiyɛdi nɛ̀ Asɑyɑɑ nɛ̀ Yekoɑyɑ nɛ̀ Yɑkobɑ nɛ̀ Edioyennɑii. Bɛ kó kuwuɔ ndo sũ̀ṹ mmɛdiɛ̀ mmɛ. \v 39 Kɛ̀ bɛ̀ɛ cíɛ́tɛ́ kɛ́tuɔkɛ Kedɔɔ tenkɛ̀ mɑ̀nku diyiè yìɛ̀ní kɛ̀ɛ̀ bíɛ́kɛ̀ kó kubiriku kɛ wɑnti bɛ̀ bo ncɛ̃mmù dɛ̀ bɛ wũɔ̃, \v 40 kɛ́pɛ́tɛ́ dinɑɑcɛ̃nni sɑ̀ɑ̀rì kɛ̀ dì ndɛu mɛsɑ̀ɑ̀ mbɑ́ òmɔù í mbɛ̀ kɔɔ́nnɛ̀. Kɑmmu yɑɑ̀bí do dɛ mbo nɛ̀ dimɔ̀nnì. \v 41 Sudɑɑ kóo kpɑ̀ɑ̀tì Esekiɑsi tɔ dìì mɔ̀nnì tikpɑ̀tì, dɛ mɔ̀nnì ndi bɛkpɑ̀ɑ̀tìbɛ̀ ti bo kɛ yu bɛ̀ɛ̀ yètɛ̀ bɛ̀ domɛ̀ dɛ kó kutempɛ̃, kɛ́puɔ ntitouti nɛ̀ yɛfɛ Kɑmmu yɑɑ̀bí do borɛ̀, kɛ́kuɔ bɛnìtìbɛ̀ bɛ̀ɛ̀ do dɛ̀ bo bɛmɔu kɛ́deè kɛ́kɑri dɛborɛ̀ kɛ kpɑɑ́ kɛ dɛ̀ bo nɛ̀ yíenní. Kɛ yɛ̃́ dinɑɑcɛ̃nni sɑ̀ɑ̀rì dɛ̀ bomɛ̀ bɛ̀ bo ncɛ̃mmù dɛ̀ bɛ pe. \p \v 42 Kɛ̀ Simmɛɔ̃ɔ̃ kó kunɑɑ̀mùnkù kɔbɛ mɑbɛ̀ sikɔusìnùmmùu (500) kɔtɛ Edɔmmu tempɛ̃ nyɛtɑ̃rɛ̀ kɔku, kɛ̀ Iseii bí ìnɑ̀ɑ̀ mbɛ̀ ni bɛɛ̀ tu: Pedɑtiɑ nɛ̀ Adiɑ nɛ̀ Defɑyɑ nɛ̀ Usiyɛɛdi. \v 43 Kɛ̀ bɛ̀ɛ kuɔ Amɑdesiibɛ, bɛ̀ɛ̀ do yentɛ́ kɛ́nkpɑɑ́ kɛ dɛ̀ bo kɛ́deè kɛ́kɑri. Kɛ̀ bɛ yɑɑ̀bí kpɑɑ́ dɛ̀ bo nɛ̀ yíenní. \c 5 \s1 Dubɛnni kó kuwuɔ \p \v 1 Dubɛnni weè do tú Sɑkɔbu kóo po kɛ nɛ́ duɔ́nɛ̀ o cicɛ pokù mɔù, kɛ̀ dɛɛ̀ nte kòo pɑɑ̀ Mpo dò nkɛ́tiekɛ dɛ̀. Kɛ̀ bɛ̀ɛ dɛ̀ duɔ́ nSosɛfu kó ibí, bɑ́ ò tɛ̃́nkɛ í ncómmú o fɔ̃̀tìrì. \v 2 Kɛ̀ Sudɑɑ kó kuwuɔ nkpenkɛ kɛ́pɛ̃ɛ̃tɛ́ o tebìí kpɛyi. Weè kó kuwuɔ mmiɛkɛ nkɛ okpɑ̀ɑ̀tì do yɛ̀nnímɛ̀ kɛ́mbɑkɛ́ Isidɑyɛɛribɛ. Kɛ̀ Sosɛfu bí iì bɑɑ nɛ́ nte Mpo ɔ̃ nte dɛ̀. \v 3 Kɛ̀ Sɑkɔbu kóo po Dubɛnnii pɛitɛ́ initidɑbí ìnɑ̀ɑ̀. Enɔki nɛ̀ Pɑduu nɛ̀ Ɛtisibonni nɛ̀ Kɑdimii. \p \v 4 Kɛ̀ Sowɛɛrii pɛitɛ́ Semmɑyɑ kɛ̀ Semmɑyɑɑ pɛitɛ́ Kɔku kɛ̀ Kɔkuu pɛitɛ́ Simɛii, \v 5 kɛ̀ Simɛii pɛitɛ́ Misee kɛ̀ Misee Deɑyɑ kɛ̀ Deɑyɑ pɛitɛ́ Bɑɑdi, \v 6 kɛ̀ Bɑɑdii pɛitɛ́ Beedɑɑ. Beedɑɑ do tú Dubɛnni kó kuwuɔ nkóo kpɑ̀ɑ̀tì nwe. Kɛ̀ Asidii ɛì kóo kpɑ̀ɑ̀tì Tikidɑɑ Fɑdɑsɑɑ ò pĩ nkɛ́kònnɛ̀ Asidii tenkɛ̀. \p \v 7 Ntɛ Beedɑɑ tebìí nɑɑ̀mùntì miɛkɛ bɛ̀ɛ̀ do tú bɛnìùbɛ̀ bɛ̀ do bɛ̀ kɑ̀ɑ̀ nkɛ̀ bɛ̀ ntũmmɛ̀ bɛtɔbɛ̀. Yeiyɛɛdi weè do tú oketiwè. Kɛ̀ Sɑkɑrii ntú odɛ́rì. \v 8 Bɛ kó difɔ̃nkúò kɛ̀ Bedɑɑ ntũnní. Ò do tú Sowɛɛri nɑɑ̀mùnkù kou nwe, Semɑ yɑɑ̀birɛ. Kòo cicɛ tú Asɑɑi. \p Bɛɛ̀ kó tinɑɑ̀mùntì kɔbɛ do bo kɛtenkɛ̀ kɛ̀ɛ̀ bo Adowɛɛ tempɛ̃ nkubɑkù cɑ̃̀nku bíɛ́kɛ̀ kɛ́ntɔ kɛ́tuɔkɛnɛ̀ Nɛbo tɑ̃rì nɛ̀ Bɑɑdi-Nɛɔɔ ɛì kubɑkù yoú bíɛ́kɛ̀. \v 9 Bɛ kó kɛtenkɛ̀ do ketɛ́ diyiè yìɛ̀ní kɛ̀ɛ̀ bíɛ́kɛ̀ kó dikpɑ́ɑ̀ ndi kɛ́ntɔ kɛ́dítɛ́nɛ̀ kukó nhEfɑdɑti kɛ yɛ̃́ bɛ̀ do mɔkɛmɛ̀ iwũɔ̃ pɛ́u Kɑdɑɑdi ɛì. \v 10 Sɑuri do tú dìì mɔ̀nnì okpɑ̀ɑ̀tì kɛ̀ bɛ̀ɛ dokɛ́nɛ̀ Akidiibɛ kɛ́ bɛ̀ nɑ kɛ́fietɛ bɛ ɛì Kɑdɑɑdi tempɛ̃ diyiè yìɛ̀ní kɛ̀ɛ̀ bíɛ́kɛ̀. \s1 Kɑdi kó kufuku do duɔ́ kɛ́ dò mmɛ̀ɛ̀ botí \p \v 11 Kɛ̀ Kɑdi yɑɑ̀bí mbo Bɑsɑ̃ɑ̃ kó kubiriku kɛ́ntɔ kɛ́tuɔkɛnɛ̀ Sɑdikɑɑ diyiè yìɛ̀ní kɛ̀ɛ̀ bíɛ́kɛ̀ kɛ bɛ̀ ɛ̀rínɛ̀. \v 12 Kɛ̀ Sowɛɛri kó kunɑɑ̀mùnkù kuù mbɑkɛ́ tisɔnti kɛ̀ bɛ̀ mbo Bɑsɑ̃ɑ̃, kɛ̀ Sɑfɑ̃ɑ̃ kɔku mbɛ̀ pòkoo kɛ́yíɛ́nɛ̀ Yɑnɑii kɔku nɛ̀ Sɑfɑti kɔku. \v 13 Bɛ kó difɔ̃nkúò kɛ̀ tinɑɑ̀mùntì tɛtì ḿbo tìyiekɛ̀ Mikɑyɛɛri kɔku nɛ̀ Mɛsudɑmmu kɔku nɛ̀ Sebɑɑ kɔku nɛ̀ Yodɑii kɔku nɛ̀ Mɛyɑkɑ̃ɑ̃ kɔku nɛ̀ Sebɑɑ kɔku nɛ̀ Siyɑɑ kɔku nɛ̀ Ebɛɛ kɔku. \v 14 Bɛ kó kunɑɑ̀mùnkù kó bɛyɑ̀ɑ̀rìbɛ̀ do tú Abiyɑi nɛ̀ Uuri nɛ̀ Yɑdoɑɑ nɛ̀ Kɑdɑɑdi nɛ̀ Mikɑyɛɛri nɛ̀ Yesisɑii nɛ̀ Yɑdo nɛ̀ Buusi. \v 15 Kunni yɑɑbirɛ Abidɑyɛɛdi birɛ Aii weè do bɛ̀ bɑkɛ́, \v 16 kɛ́mbo Kɑdɑɑdi tempɛ̃ Bɑsɑ̃ɑ̃ tenkɛ̀ kɛ nɛ́ yíɛ́nɛ̀ yɛhɛkɛ̀ yɛ̀ɛ̀ dɛ̀ tɔ̀kɛ́nɛ̀, kɛ̀ bɛ nɑɑcɛ̃nni ntú Sɑdonni kó kubiriku kɛ́ntɔ kɛ́tuɔkɛnɛ̀ bɛ tenkɛ̀ mɑ̀nku. \p \v 17 Kɛ̀ bɛ̀ɛ wɑ̃ri bɛ̀ yètɛ̀ dihɛì kó yɛpɑ́tɛ miɛkɛ Yotɑmmu tu dìì mɔ̀nnì Sudɑɑ kɔbɛ kóo kpɑ̀ɑ̀tì nɛ̀ Sedoboɑmmu tu dìì mɔ̀nnì Isidɑyɛɛribɛ kóo kpɑ̀ɑ̀tì. \p \v 18 Dubɛnni nɛ̀ Kɑdi nɛ̀ Mɑnɑnsee nɑɑ̀mùnkù kɔbɛ kó dikéè tɛrì bɛ̀ do mɔkɛ bɛhɑ̃ɑ̃pɔ̀mbɛ̀ sikɔupípísìnɑ̀ɑ̀ nɛ̀ sikɔupísìnɑ̀ɑ̀ nɛ̀ sikɔusìyiekɛ̀ nɛ̀ sipísìkuɔ̀ (44760) bɛ̀ do tú bɛ̀ɛ̀ nɔ mbɛ̀mbɛ mudoò mɛsɑ̀ɑ̀ kɛ tɔu tidɔpììtì nɛ̀ yɛkpɑ̀rìse nɛ̀ dɛtɑ̃nnɛ̀. \v 19 Kɛ̀ bɛ̀ɛ dokɛ́nɛ̀ Akidiibɛ nɛ̀ Ayetuu botí kɔbɛ nɛ̀ Nɑfisi botí kɔbɛ nɛ̀ Nɑdɑbu botí. \v 20 Dɛ kó mudoò miɛkɛ kɛ̀ bɛ̀ɛ bɑntɛ́ kɛ dò nKuyie mbo tee, kɛ́ kù bɑ̀ńtɛ̀ kɛ́ kù mɔɔ mɛteèmmɛ̀. Kɛ̀ kùu bɛ̀ teennɛ̀ kɛ̀ bɛ̀ɛ nɑ Akidiibɛ nɛ̀ bɛ̀ɛ̀ bɛ̀ kòḿmú, \v 21 kɛ́pĩ́mmú bɛ wũɔ̃ ìì tu: Yòyóbɛ̀ sikɔupípísìnùmmù (50000) ipe nɛ̀ sibɔɔ́ sikɔupíkɔ̀ùpísìdɛ́ nɛ̀ sikɔupípísìnùmmù (250000) nɛ̀ sɑ̃mmɑrímú sikɔupísìdɛ́ (2000) kɛ́pĩ́mmúnɛ̀ bɛnìtìbɛ̀ tɛkɔupíkɔ̀ùtɛ̀ kɛ́kònnɛ̀ (100000). \v 22 Kɛ̀ bɛ̀ɛ kuɔ bɛ dootitɔbɛ̀ pɛ́u kɛ yɛ̃́ dɛ kó mudoò do túmɛ̀ Kuyie nkɔ̃mu mmu, kɛ́deè kɛ́kɑri bɛ tenkɛ̀ kɛ́mbo kɛ̀ Asidii kóo kpɑ̀ɑ̀tì yɑ̀ɑ bɛ̀ pĩ̀ḿmúnɛ̀ kɛ́kònnɛ̀ o ɛì. \s1 Mɑnɑnsee kó kuwuɔ ndikéè tɛrì kɔbɛ \p \v 23 Kɛ̀ Mɑnɑnsee kó kuwuɔ ndikéè sɔnnii kɔtɛ kɛ́kɑri Bɑsɑ̃ɑ̃ tenkɛ̀, kɛ́ntɔ kɛ́tuɔkɛnɛ̀ Bɑɑdi-Ɛdimɔɔ nɛ̀ Senii nɛ̀ Ɛdimɔɔ tɑ̃rɛ̀. Kɛ̀ bɛ wuɔ nsṹṹ. \v 24 Ntɛ bɛ̀ɛ̀ do ni bɛ cɛ̃́ĩ bɛ yètɛ̀: Efɛɛ nɛ̀ Iseii nɛ̀ Ediyɛɛdi nɛ̀ Asidiyɛɛdi nɛ̀ Idimmɛyɑ nɛ̀ Odɑfiɑ nɛ̀ Yɑdiyɛɛdi. Bɛmɔu bɛ̀ do tú bɛ̀ɛ̀ yètɛ̀ feí bɛ̀mbɛ, yɛkɔ̃m̀bɔ̀ yɛmbɛ̀. \p \v 25 Dubɛnni kó kuwuɔ nnɛ̀ Kɑdi kɔku nɛ̀ Mɑnɑnsee kɔku dikéè, kɛ̀ bɛ̀ɛ yetɛ Kuyie mbɛ yɛmbɛ̀ do tũ nkù, kɛ́ kù bùtínnɛ́ kɛ́fíé iwũɔ̃ yɛbɔkɛ̀ ibotí tɛì do feu yɛ̀, kɛ̀ Kuyie nyì kùɔ kɛ́ bɛ̀ kɑ̀nnɛ. \v 26 Mɛm̀mɛ kɛ̀ Kuyie nyIsidɑyɛɛribɛ tũ nkùu íi nhAsidii kpɑ̀ɑ̀tìbɛ̀ Pudi nɛ̀ Tekidɑti-Fɑdɑsɑɑ bɛ miɛkɛ, kɛ̀ bɛ̀ɛ bɛ̀ do mudoò kɛ́ bɛ̀ nɑ kɛ́ bɛ̀ pĩ̀ḿmú kɛ́kònnɛ̀ Adɑɑ ɛì nɛ̀ Abɔɔ kpɛri nɛ̀ Adɑ yɛ tenkɛ̀. Kɛ̀ bɛ̀ mpɛkɛ́nɛ̀ Kosɑ̃ɑ̃ kó kukó nkɛ kpɑɑ́ dɛ̀ bo nɛ̀ yíenní. \c 6 \s1 Defii kó kufuku duɔ́ kɛ dòmmɛ̀ \p \v 1 Defii kó ibí iì tu: Kɛrisonni nɛ̀ Keɑti nɛ̀ Mɛdɑdi. \v 2 Kɛ̀ Keɑtii pɛitɛ́ Amidɑmmu nɛ̀ Yeseɑ nɛ̀ Ebunɔɔ nɛ̀ Usiyɛɛdi. \v 3 Kɛ̀ Amidɑmmu pɛitɛ́ Anɔɔ nɛ̀ Mɔyiisi nɛ̀ bɛ tɑ̃ũ̀ Midiyɑmmu. Kɛ̀ Anɔɔ pɛitɛ́ Nɑdɑbu nɛ̀ Abiu nɛ̀ Edɑsɑɑ nɛ̀ Itɑmɑɑ. \v 4 Kɛ̀ Edɑsɑɑ pɛitɛ́ Pinɑsi kɛ̀ Pinɑsii pɛitɛ́ Abisuɑ. \v 5 Kɛ̀ Abisuɑ pɛitɛ́ Buki kɛ̀ Bukii pɛitɛ́ Usi, \v 6 kɛ̀ Usii pɛitɛ́ Sedɑyɑ kɛ̀ Sedɑyɑɑ pɛitɛ́ Mɛdɑyɔti. \v 7 Kɛ̀ Mɛdɑyɔtii pɛitɛ́ Amɑdiɑ kɛ̀ Amɑdiɑ pɛitɛ́ Aitubu. \v 8 Kɛ̀ Aitubuu pɛitɛ́ Sɑdɔki kɛ̀ Sɑdɔkii pɛitɛ́ Aimɑsi \v 9 kɛ̀ Aimɑsii pɛitɛ́ Asɑdiɑ kɛ̀ Asɑdiɑɑ pɛitɛ́ Yoɑnɑnni \v 10 kɛ̀ Yoɑnɑnnii pɛitɛ́ Asɑdiɑ weè do tú ikuɔ́ nìùtì Kuyie ncĩ́ɛ̃̀tɛ̀ miɛkɛ Sɑdomɔɔ do mɑɑ́ tɛ̀ Sedisɑdɛmmu. \v 11 Kɛ̀ Asɑdiɑ pɛitɛ́ Amɑdiɑ kɛ̀ Amɑdiɑɑ pɛitɛ́ Aitubu \v 12 kɛ̀ Aitubuu pɛitɛ́ Sɑdɔki kɛ̀ Sɑdɔkii pɛitɛ́ Sɑdummu \v 13 kɛ̀ Sɑdummuu pɛitɛ́ Idikiyɑ kɛ̀ Idikiyɑɑ pɛitɛ́ Asɑdiɑ \v 14 kɛ̀ Asɑdiɑɑ pɛitɛ́ Sedɑyɑ kɛ̀ Sedɑyɑɑ pɛitɛ́ Yosɑdɑki. \v 15 Kuyie ndo duɔ́ ndìì mɔ̀nnì kɛ̀ okpɑ̀ɑ̀tì Nɛbukɑnnɛsɑɑ pĩ́ nSudɑɑ kɔbɛ nɛ̀ Sedisɑdɛmmu kɔbɛ kɛ́ we nwɛ̃nnɛ́nɛ̀ Yosɑdɑki kɛ́kònnɛ̀ Bɑbidɔnni. \s1 Defii kó kuwuɔ nkɔbɛ tɔbɛ̀ \p \v 16 Defii kó ibí do tú: Kɛrisonni nɛ̀ Keɑti nɛ̀ Mɛdɑdi. \v 17 Kɛ̀ Kɛrisonni kó ibí ntú Dibini nɛ̀ Simmɛii. \v 18 Kɛ̀ Keɑti kpɛyi tú: Amudɑmu nɛ̀ Isɑɑdi nɛ̀ Abunɔɔ nɛ̀ Usiyɛɛdi. \v 19 Kɛ̀ Mɛdɑdi kpɛyi ntú Mɑdi nɛ̀ Musii. Bɛɛ̀ do tú Defii kó kuwuɔ nkó tinɑɑ̀mùntì kó bɛyɑ̀ɑ̀rìbɛ̀. \p \v 20 Ntɛ Kɛrisonni kó kunɑɑ̀mùnkù do duɔ́ kɛ dòmmɛ̀: Kɛrisonni weè do pɛitɛ́ Dibini, kɛ̀ Dibinii pɛitɛ́ Yɑɑti, kɛ̀ Yɑɑtii pɛitɛ́ Simmɑ, \v 21 kɛ̀ Simmɑ pɛitɛ́ Yoɑ kɛ̀ Yoɑ pɛitɛ́ Ido kɛ̀ Idoo pɛitɛ́ Sedɑ, nɛ̀ Yeɑtidɑii. \p \v 22 Ntɛ Keɑti kó kunɑɑ̀mùnkù duɔ́ kɛ dòmmɛ̀: Keɑti weè do pɛitɛ́ Aminnɑdɑbu kɛ̀ Aminnɑdɑbuu pɛitɛ́ Kodee kɛ̀ Kodee pɛitɛ́ Aitubu. \v 23 Kɛ̀ Aitubuu pɛitɛ́ Ɛdikɑnɑɑ kɛ̀ Ɛdikɑnɑɑ pɛitɛ́ Abiyɑsɑfu, kɛ̀ Abiyɑsɑfuu pɛitɛ́ Aimɑsi, \v 24 kɛ̀ Aimɑsii pɛitɛ́ Tɑɑti kɛ̀ Tɑɑtii pɛitɛ́ Udiyɛɛdi kɛ̀ Udiyɛɛdii pɛitɛ́ Osiɑsi, kɛ̀ Osiɑsii pɛitɛ́ Sɑuri. \p \v 25 Ɛdikɑnɑɑ do pɛitɛ́ initidɑbí ìdɛ́ì ndi, Amɑsɑii nɛ̀ Aimɔti. \v 26 Kɛ̀ Aimɔtii pɛitɛ́ Ɛdikɑnɑɑ, kɛ̀ Ɛdikɑnɑɑ pɛitɛ́ Sɑfɑii, kɛ̀ Sɑfɑii pɛitɛ́ Nɑɑti \v 27 kɛ̀ Nɑɑtii pɛitɛ́ Sɑmmuyɛɛri, \v 28 kɛ̀ Sɑmmuyɛɛrii pɛitɛ́ o kóo po Sowɛɛri nɛ̀ o nɑntɛ̀ Abiɑ. \p \v 29 Ntɛ Mɛdɑdi kó kunɑɑ̀mùnkù duɔ́ kɛ dòmmɛ̀: Mɛdɑdi weè do pɛitɛ́ Mɑdi, kɛ̀ Mɑdii pɛitɛ́ Dibini, kɛ̀ Dibinii pɛitɛ́ Simmɛii, kɛ̀ Simmɛii pɛitɛ́ Usɑɑ, \v 30 kɛ̀ Usɑɑ pɛitɛ́ Simɑ kɛ̀ Simɑɑ pɛitɛ́ Akiyɑ, kɛ̀ Akiyɑɑ pɛitɛ́ Asɑyɑ. \p \v 31 Bɛ̀ tɑnnɛ́ dìì mɔ̀nnì Kuyie ntɑummɛ̀ tɔu ku cĩ́ɛ̃̀tɛ̀ miɛkɛ, kɛ̀ Dɑfiti duɔ́ nkɛ̀ Defii yɑɑ̀bí iì nte mudèmmù. \v 32 Sɑdomɔɔ mu ndo í mɑɑ́ Kuyie ncĩ́ɛ̃̀tɛ̀ Sedisɑdɛmmu kɛ̀ bɛɛ̀ te mudèmmù Kuyie ntɑummɛ̀ tɔu ììkɛ̀ ikuɔ́ yɛ̃ ndɛ̀ ndòmmɛ̀. \p \v 33 Ntɛ bɛ̀ɛ̀ do te mudèmmù nɛ̀ bɛ bío: Keɑti nɑɑ̀mùnkù miɛkɛ Sɑmmuyɛɛri yɑɑ̀birɛ Emɑnni Sowɛɛri birɛ. \v 34 Ntɛ o kó kuwuɔ ndo duɔ́ kɛ dòmmɛ̀: Sɑkɔbu weè pɛitɛ́ Defii kɛ̀ Defii pɛitɛ́ Keɑti kɛ̀ Keɑtii pɛitɛ́ Isɑɑdi, kɛ̀ Isɑɑdi pɛitɛ́ Kodee kɛ̀ Kodee pɛitɛ́ Ebiyɑsɑfu kɛ̀ Ebiyɑsɑfuu pɛitɛ́ Asii kɛ̀ Asii pɛitɛ́ Tɑɑti kɛ̀ Tɑɑtii pɛitɛ́ Sefɑnniyɑ kɛ̀ Sefɑnniyɑɑ pɛitɛ́ Asɑdiɑ kɛ̀ Asɑdiɑɑ pɛitɛ́ Sowɛɛri kɛ̀ Sowɛɛrii pɛitɛ́ Ɛdikɑnɑɑ kɛ̀ Ɛdikɑnɑɑ pɛitɛ́ Amɑsɑii kɛ̀ Amɑsɑii pɛitɛ́ Mɑɑti kɛ̀ Mɑɑtii pɛitɛ́ Ɛdikɑnɑɑ kɛ̀ Ɛdikɑnɑɑ pɛitɛ́ Sufu kɛ̀ Sufuu pɛitɛ́ Toɑɑ kɛ̀ Toɑɑ pɛitɛ́ Pediyɛɛdi kɛ̀ Pediyɛɛdi pɛitɛ́ Yeodɑmmu kɛ̀ Yeodɑmmuu pɛitɛ́ Ɛdikɑnɑɑ kɛ̀ Ɛdikɑnɑɑ pɛitɛ́ Sɑmmuyɛɛri. \p \v 39 Kɛ̀ Emɑnni tebitɛ Asɑfu ncómmú o bɑkù yoú kɛ ni didentĩ̀nnì tɛrì, ò do tú Simmɛɑɑ yɑɑ̀birɛ Bedikiɑ birɛ ndɛ. \v 40 Ntɛ o kó kuwuɔ ndo duɔ́ kɛ̀ dòmmɛ̀: Defii weè do pɛitɛ́ Kɛrisonni, kɛ̀ Kerisonni pɛitɛ́ Yɑɑti kɛ̀ Yɑɑtii pɛitɛ́ Simmɛii kɛ̀ Simmɛii pɛitɛ́ Simɑ kɛ̀ Simɑɑ pɛitɛ́ Etɑ̃ɑ̃ kɛ̀ Etɑ̃ɑ̃ pɛitɛ́ Adɑyɑ kɛ̀ Adɑyɑɑ pɛitɛ́ Sedɑ kɛ̀ Sedɑɑ pɛitɛ́ Etinii kɛ̀ Etinii pɛitɛ́ Mɑdikiɑ kɛ̀ Mɑdikiɑɑ pɛitɛ́ Bɑsiyɑ kɛ̀ Bɑsiyɑɑ pɛitɛ́ Mikɑyɛɛri kɛ̀ Mikɑyɛɛrii pɛitɛ́ Simɑ kɛ̀ Simɑɑ pɛitɛ́ Bedikiɑɑ kɛ̀ Bedikiɑɑ pɛitɛ́ Asɑfu. Kɛ̀ Defii weè ntú bɛ yɑ̀ɑ̀rì. \p \v 44 Kɛ̀ Emɑnni nɛ̀ Asɑfu bɛ tebitɛ Etɑ̃ɑ̃ còḿmú o bɑkù cɑ̃̀nku kɛ ni didentĩ̀nnì tɛrì. Ò do tú Abudi yɑɑ̀birɛ Kisi birɛ ndɛ. Ntɛ o kó kuwuɔ ndo duɔ́ kɛ dòmmɛ̀: Defii weè do pɛitɛ́ Mɛdɑdii kɛ̀ Mɛdɑdii pɛitɛ́ Muusi kɛ̀ Muusii pɛitɛ́ Mɑdi kɛ̀ Mɑdii pɛitɛ́ Semmɛɛdi kɛ̀ Semmɛɛdii pɛitɛ́ Bɑni kɛ̀ Bɑnii pɛitɛ́ Amisi kɛ̀ Amisii pɛitɛ́ Idikiyɑ kɛ̀ Idikiyɑ pɛitɛ́ Amɑsiɑ kɛ̀ Amɑsiɑɑ pɛitɛ́ Asɑbiɑ kɛ̀ Asɑbiɑɑ pɛitɛ́ Mɑduki kɛ̀ Mɑdukii pɛitɛ́ Abudi kɛ̀ Abudii pɛitɛ́ Kiisi, kɛ̀ Kiisi pɛitɛ́ Etɑnni. \b \p \v 48 Kɛ̀ Defii kó kuwuɔ nkɔbɛ mpĩ́ mmutɔ̃mmú tɛ̃mù mumɔu Kuyie ncĩ́ɛ̃̀tɛ̀ miɛkɛ. \p \v 49 Anɔɔ nɛ̀ o bí bɛɛ̀ do te bɛ̀ bo mbɛnkúmɛ̀ Kuyie nyiwũɔ̃ bɛnìtìbɛ̀ kù pɑ̃ɑ̃ nyì, kɛ ì tùɔ̀ ndiwũɔ̃tɔ̀nnì ĩ́nkɛ̀, kɛ tuɔ̀ ntihúúntì dihúúntɔ̀nnì ĩ́nkɛ̀. Bɛɛ̀ do te bɛ̀ bo mpĩ́mmɛ̀ mutɔ̃mmú mumɔu mùù tu Kuyie ncĩ́ɛ̃̀tɛ̀ kɔ̃mu. Bɛɛ̀ do te bɛ̀ bo ndɔɔrimɛ̀ mɛyɛi ncĩ́ɛ̃́mmɛ̀ kó ikuɔ́ Isidɑyɛɛribɛ Kuyie ndo tì nɑ̀kɛ́ ku kóo tɔ̃ntì Mɔyiisi kɛ yɛ̃ ndɛmɔu dɛ̀ dò nkɛ́ndòmmɛ̀. \v 50 Ntɛ Anɔɔ yɑɑ̀bí: Anɔɔ weè do pɛitɛ́ Edɑsɑɑ kɛ̀ Edɑsɑɑ pɛitɛ́ Pinɑsi kɛ̀ Pinɑsii pɛitɛ́ Abisuɑ. \v 51 Kɛ̀ Abisuɑɑ pɛitɛ́ Buki kɛ̀ Bukii pɛitɛ́ Usi kɛ̀ Usii pɛitɛ́ Sedɑyɑ, \v 52 kɛ̀ Sedɑyɑɑ pɛitɛ́ Mɛdɑyɔti. Kɛ̀ Mɛdɑyɔtii pɛitɛ́ Amɑdiɑ kɛ̀ Amɑdiɑ pɛitɛ́ Aitubu, \v 53 Kɛ̀ Aitubuu pɛitɛ́ Sɑdɔki kɛ̀ Sɑdɔkii pɛitɛ́ Aimɑsi. \s1 Bɛ̀ do duɔ́ nyɛ̀ɛ̀ ɛkɛ̀ Defii yɑɑ̀bí \p \v 54 Ntɛ bɛ̀ do totí mɛ̀ɛ̀ botí yɛhɛkɛ̀ Anɔɔ yɑɑ̀bí: Bɛ̀ do tɑ̃ũ tɛ́tɛ́ kɛ̀ Keɑti kó kunɑɑ̀mùnkù kɔbɛ bɛɛ̀ ntú bɛketibɛ̀ kɛ́cɔutɛ́ bɛ kó kɛtenkɛ̀. \v 55 Yɛɛ̀ ɛkɛ̀ do tú Ebunɔɔ ɛì Sudɑɑ tempɛ̃ mmiɛkɛ nɛ̀ bɛ wũɔ̃ yó ncentì dɛ̀, \v 56 kɛ́duɔ́ ndɛpɑɑ nnɛ̀ dɛ kó sihɛkɛsí Yefundee birɛ Kɑdɛbu. \v 57 Kɛ̀ bɛ̀ɛ duɔ́ nyikuɔ́ nìùtì Anɔɔ yɑɑ̀bí Ebunɔɔ disɔ̀rì kó yɛhɛkɛ̀. Ebunɔɔ nɛ̀ Dibunɑɑ nɛ̀ Yɑtiidi nɛ̀ Ɛsitemmɔɑ nɛ̀ Idenni nɛ̀ Debii nɛ̀ Asɑ̃ɑ̃ nɛ̀ Bɛti-Semɛsi. Kɛ̀ Bɛnsɑmɛɛ kó kutempɛ̃ nkpɛyɛ ntú Kebɑɑ nɛ̀ Adimɛti nɛ̀ Anɑtɔti, kɛ̀ dɛ kó yɛhɛkɛ̀ɛ wɛ̃nnɛ́ tɛpíítɛ̀ nɛ̀ yɛ̀tɑ̃ɑ̃ti nɛ̀ bɛ̀ wũɔ̃ yó ncentì dɛ̀. \p \v 61 Kɛ̀ bɛ̀ɛ tɑ̃ũ tɛ́tɛ́ kɛ́duɔ́ nKeɑti kó kunɑɑ̀mùnkù kɔbɛ tɔbɛ̀ bɛ kó yɛhɛkɛ̀ Efɑdɑimmu tempɛ̃ mmiɛkɛ, nɛ̀ Dɑnni kó kutempɛ̃ mmiɛkɛ, nɛ̀ Mɑnɑnsee kó kuwuɔ ndikéè kùù bo diyiè yìɛ̀ní kɛ̀ ku miɛkɛ. \v 62 Kɛ̀ bɛ̀ɛ duɔ́ nKedisɔ̃ɔ̃ kó kunɑɑ̀mùnkù kɔbɛ bɛ kó yɛhɛkɛ̀ tɛpíítɛ̀ nɛ̀ yɛ̀tɑ̃ɑ̃ti Isɑkɑɑ nɛ̀ Asɛɛ nɛ̀ Nɛfutɑdii nɛ̀ Mɑnɑnsee kó kuwuɔ itempɛ̃ mmiɛkɛ ìì bo Bɑsɑ̃ɑ̃ tenkɛ̀ miɛkɛ. \v 63 Kɛ̀ bɛ̀ɛ tɑ̃ũ tɛ́tɛ́ kɛ́duɔ́ Mɛdɑdi kó kunɑɑ̀mùnkù kɔbɛ bɛ kó yɛhɛkɛ̀ tɛpíítɛ̀ nɛ̀ yɛ̀dɛ́ɛ̀, Dubɛnni nɛ̀ Kɑdi nɛ̀ Sɑbunɔɔ bɛ tenkɛ̀ miɛkɛ. \v 64 Isidɑyɛɛribɛ do duɔ́ ndɛ kó yɛhɛkɛ̀ Defiibɛ, kɛ́ bɛ̀ duɔ́nnɛ̀mu bɛ wũɔ̃ yó ncentì dɛ̀. \v 65 Yɛhɛkɛ̀ ti nɑ̀kɛ́ yɛ̀ɛ̀ kpɛ́í yɛ̀ do bo Sudɑɑ nɛ̀ Simmɛɔ̃ɔ̃ nɛ̀ Bɛnsɑmɛɛ bɛ kó itempɛ̃ mmiɛkɛ nkɛ, bɛ̀ do tɑ̃ũ tɛ́tɛ́ nwe kɛ́ yɛ̀ mbɛ̀ duɔ́. \p \v 66 Ntɛ disɔ̀rì kó yɛhɛkɛ̀ bɛ̀ do duɔ́ nyɛ̀ Keɑti kó kunɑɑ̀mùnkù kɔbɛ Efɑdɑimmu tempɛ̃ mmiɛkɛ nɛ̀ Sisɛmmu tɑ̃rɛ̀ kɔku miɛkɛ, yɛ̀ɛ̀ tu: Kesɛɛ nɛ̀ Yokimɛɑmmu nɛ̀ Bɛti-Onɔɔ nɛ̀ Ayɑnɔɔ nɛ̀ Kɑti-Dimɔɔ kɛ́ bɛ̀ duɔ́nnɛ̀ Mɑnɑnsee kó kuwuɔ ndikéè tɛrì, dìì bo diyiè tɑɑ̀ kɛ̀ɛ̀ bíɛ́kɛ̀ dɛ kó yɛhɛkɛ̀ yɛ̀ɛ̀ tu: Anɛɛ nɛ̀ Bideɑmmu, bɛ̀ do yɛ̀ mbɛ̀ duɔ́, kɛ́ bɛ̀ duɔ́nnɛ̀mu bɛ wũɔ̃ yó ncentì dɛ̀. \p \v 71 Ntɛ bɛ̀ do duɔ́ nyɛ̀ɛ̀ ɛkɛ̀ Kɛrisonni kó kunɑɑ̀mùnkù kɔbɛ, Mɑnɑnsee kó kuwuɔ ndikéè dìì bo diyiè yìɛ̀ní kɛ̀ɛ̀ bíɛ́kɛ̀ kó kutempɛ̃ mmiɛkɛ Konɑɑ ɛì nɛ̀ Asitɑdoti yɛ̀ɛ̀ bo Bɑsɑ̃ɑ̃ tenkɛ̀ miɛkɛ. Isɑkɑɑ kó kutempɛ̃ mmiɛkɛ kɛ́ bɛ̀ duɔ́nnɛ̀ Kedɛsi nɛ̀ Dɑbedɑti nɛ̀ Dɑmɔti nɛ̀ Anɛmmɛii. Asɛɛ tempɛ̃ mmiɛkɛ kɛ́ bɛ̀ duɔ́ Mɑsɑdi nɛ̀ Abudonni nɛ̀ Ukoki nɛ̀ Deɔbu. Nɛfutɑdii tempɛ̃ mmiɛkɛ kɛ́ bɛ̀ duɔ́ Kedɛsi ɛì dìì bo Kɑdidee nɛ̀ Amɔɔ nɛ̀ Kidiyɑtɑimmu. Bɛ̀ do yɛ̀ mbɛ̀ duɔ́ nkɛ́ bɛ̀ duɔ́nnɛ̀mu bɛ wũɔ̃ yó ncentì dɛ̀. \p \v 77 Ntɛ bɛ̀ do duɔ́ nyɛ̀ɛ̀ ɛkɛ̀ Mɛdɑdi kó kunɑɑ̀mùnkù kɔbɛ, Sɑbunɔɔ kó kutempɛ̃ mmiɛkɛ, dɛ kó yɛhɛkɛ̀ tu yiɛ: Dimmɔnɔɔ nɛ̀ Tɑbɔɔ, kɛ́ bɛ̀ duɔ́ nDubɛnni kó kutempɛ̃ nkùù bo kukó nSuditɛ̃ɛ̃ diyiè yìɛ̀ní kɛ̀ɛ̀ bíɛ́kɛ̀ kɛ tɔ́kɛ́nɛ̀ Sedikoo dɛ kó yɛhɛkɛ̀ yɛ̀ɛ̀ tu: Dikpɑ́ɑ̀ kó dihɛì Besɛɛ Yɑɑsi nɛ̀ Kedemɔti nɛ̀ Mɛtɑɑti. Kɑdi tempɛ̃ mmiɛkɛ kɛ́ bɛ̀ duɔ́ Dɑmɔti ɛì dìì bo Kɑdɑɑdi tenkɛ̀ miɛkɛ nɛ̀ Mɑdɑimmu nɛ̀ Ɛsibonni nɛ̀ Yɑsɛɛ, kɛ́ɑ̃nnɛ́ bɑ́ dìì ɛì nɛ̀ bɛ wũɔ̃ yó ncentì dɛ̀. \c 7 \s1 Isɑkɑɑ kó kuwuɔ ndo duɔ́ kɛ dòmmɛ̀ \p \v 1 Kɛ̀ Isɑkɑɑ kó ibí mbo ìnɑ̀ɑ̀: Todɑ nɛ̀ Puɑ nɛ̀ Yɑsubu nɛ̀ Simmudonni. \v 2 Kɛ̀ Todɑ kpɛyi ntú: Usi nɛ̀ Defɑyɑ nɛ̀ Yediyɛɛdi nɛ̀ Yɑmmɑii nɛ̀ Ibusɑmmu nɛ̀ Sɑmmuyɛɛri, bɛɛ̀ do tú bɛkótíbɛ̀ Todɑ nɑɑ̀mùnkù miɛkɛ, kɛ tú yɛkɔ̃m̀bɔ̀ yɛmbɛ̀. Okpɑ̀ɑ̀tì Dɑfiti bɑkɛ́ dìì mɔ̀nnì bɛ̀ do bo sikɔupípísìdɛ́ nɛ̀ sikɔupísìdɛ́ nɛ̀ sikɔusìkuɔ̀ ndi (22600). \v 3 Kɛ̀ Usii kpɛyi ntú Isidɑyɑ kɛ̀ Isidɑyɑɑ pɛitɛ́ Mikɑyɛɛri nɛ̀ Abudiɑsi nɛ̀ Sowɛɛdi nɛ̀ Isiyɑ bɛmɔu mɛmmɛ bɛ̀ do tú bɛ̀ɛ̀ kòtí bɛ̀mbɛ bɛ cɛ̃́ĩ miɛkɛ. \v 4 Bɛ kó tinɑɑ̀mùntì miɛkɛ kɛ̀ bɛnitidɑɑbɛ̀ bɛ̀ɛ̀ dò nkɛ́nɑ kɛ́kɔtɛ mudoò kɛ̀ bɛ̀ mbo sikɔupípísìtɑ̃ɑ̃ti nɛ̀ sikɔupísìkuɔ̀ (36000), kɛ yɛ̃́ bɛ̀ do mɔkɛmɛ̀ bɛnitipòbɛ̀ pɛ́u kɛ̀ bɛ̀ɛ bɛ̀ piɛ́ ibí. \p \v 5 Kɛ̀ bɛ̀ɛ kɑɑ nyIsɑkɑɑ kó kunɑɑ̀mùnkù miɛkɛ bɛ̀ɛ̀ nɔ mmudoò kɛ tú yɛkɔ̃m̀bɔ̀ yɛmbɛ̀ kɛ̀ bɛ̀ mbo sikɔupípísìni nɛ̀ sikɔupísìyiekɛ̀ (87000). \s1 Bɛnsɑmɛɛ kó kuwuɔ ndo duɔ́ kɛ dòmmɛ̀ \p \v 6 Kɛ̀ Bɛnsɑmɛɛ kó ibí mbo ìtɑ̃ɑ̃ti Bedɑɑ nɛ̀ Bekɛɛ nɛ̀ Yediyɑyɛɛdi. \v 7 Kɛ̀ Bedɑɑ pɛitɛ́ inùmmù Etisibonni nɛ̀ Uusi nɛ̀ Usiyɛɛdi nɛ̀ Yedimɔti nɛ̀ Idi, bɛ̀ do tú yɛkɔ̃m̀bɔ̀ yɛmbɛ̀ mbɛ kɛ bɑkɛ́ bɛ nɑɑ̀mùntì, bɛmɔu kɛ̀ bɛ̀ mbo sikɔupípísìdɛ́ nɛ̀ sikɔupísìdɛ́ nɛ̀ sipísìtɑ̃ɑ̃ti nɛ̀ bɛ̀nɑ̀ɑ̀ (22034). \v 8 Kɛ̀ Bekɛɛ pɛitɛ́ Semidɑɑ nɛ̀ Yoɑsi nɛ̀ Ediesɛɛ nɛ̀ Edioyennɑii nɛ̀ Omudi nɛ̀ Yedemɔti nɛ̀ Abiyɑ nɛ̀ Anɑtɔti nɛ̀ Ademɛti. Bekɛɛ kó ibí nyì mɛmmɛ. \v 9 Kɛ̀ bɛ̀ɛ kɑɑ mbɛ kó tinɑɑ̀mùntì kɔbɛ kɛ̀ bɛ̀ mbo bɛnìtìbɛ̀ sikɔupípísìdɛ́ nɛ̀ sikɔusìdɛ́ (20200) bɛ̀ɛ̀ nɔ mmudoò kɛ tú yɛkɔ̃m̀bɔ̀ yɛmbɛ̀. \v 10 Yediyɑyɛɛdi weè do pɛitɛ́ Bideɑnni kɛ̀ Bideɑnni bí ntú Seusi nɛ̀ Bɛnsɑmɛɛ nɛ̀ Eudi nɛ̀ Kennɑnɑɑ nɛ̀ Setɑ̃ɑ̃ nɛ̀ Tɑdisisi nɛ̀ Aisɑyɑɑ. \v 11 Yediyɑyɛɛdi yɑɑ̀bí nyi mɛmmɛ. Bɑ́ wè koò nkótí o nɑɑ̀mùnkù miɛkɛ, kɛ̀ bɛ̀ɛ bɛ̀ kɑɑ nkɛ̀ bɛ̀ mbo tɛkɔupípíítɛ̀ nɛ̀ sikɔupísìyiekɛ̀ nɛ̀ sikɔusìdɛ́ (17200). Bɛɛ̀ nɔ mmudoò kɛ tú yɛkɔ̃m̀bɔ̀ yɛmbɛ̀. \p \v 12 Idi weè do pɛitɛ́ Supimmu nɛ̀ Upimmu, Kɛ̀ Aɛɛ pɛitɛ́ Usimmu. \p \v 13 Kɛ̀ Nɛfutɑdii bí ntú Yɑsiyɛɛdi nɛ̀ Kunni nɛ̀ Yesɛɛ nɛ̀ Sɑdummu. Bɛ̀ do tú Bidɑɑ yɑɑ̀bí nyi. \s1 Mɑnɑnsee kó kuwuɔ nduɔ́ kɛ dòmmɛ̀ \p \v 14 Mɑnɑnsee pocɛ̃nnì ò do tùótɛ́ dì Asidii kɔbɛ miɛkɛ weè do ò pɛitɛ́ Asidiyɛɛdi nɛ̀ Mɑkiidi, kɛ̀ Mɑkiidii pɛitɛ́ Kɑdɑɑdi, \v 15 kɛ̀ Mɑkiidi wɑɑ́ nhonitipòkù kɛ́puó Supimmu kɛ́wɑɑ́ nhotɔù kɛ́puó Upimmu, kɛ́mmɔkɛ o tɑ̃ũ̀ mɔù kòo yètìrì tu Mɑɑkɑ. Mɑkiidi birɛ tɛrɛ̀ do tú Sedofɑdi, kɛ̀ Sedofɑdii piɛ́ initipobí mɑ́ɑ̀. \v 16 Kɛ̀ Mɑkiidii puokɛ Mɑɑkɑ kòo ò pɛitɛ́ dɛnitidɑbirɛ kɛ́ dɛ̀ yu kɛ dɔ̀ Pɛdɛsi, kɛ́yíɛ́ kɛ́pɛitɛ́ dɛtɛrɛ̀ kɛ́ dɛ̀ yu kɛ dɔ̀ Sedɛsi kɛ̀ Sedɛsii pɛitɛ́ Udɑmmu nɛ̀ Dekɛmmu, \v 17 kɛ̀ Udɑmmuu pɛitɛ́ Bedɑnni. \p Kɑdɑɑdi nɑɑ̀mùnkù kɔbɛ mbɛ mɛmmɛ. Kɑdɑɑdi do tú Mɑkiidi birɛ ndɛ Mɑnɑnsee yɑɑ̀birɛ. \p \v 18 Kɛ̀ Kɑdɑɑdi tɑ̃ũ̀ Amɔdekɛtii pɛitɛ́ Isehɔɔdi nɛ̀ Abiesɛɛ nɛ̀ Mɑdɑ. \v 19 Kɛ̀ Semidɑɑ bí ntú: Ayɑnni nɛ̀ Sisɛmmu nɛ̀ Dikii nɛ̀ Anniyɑmmu. \s1 Efɑdɑimmu kó kuwuɔ nduɔ́ kɛ dòmmɛ̀ \p \v 20 Kɛ̀ Efɑdɑimmuu pɛitɛ́ Sutedɑɑ kɛ̀ Sutedɑɑ pɛitɛ́ Bedɛdi kɛ̀ Bedɛdii pɛitɛ́ Tɑɑti kɛ̀ Tɑɑtii pɛitɛ́ Edeyɑdɑ kɛ̀ Edeyɑdɑɑ pɛitɛ́ Tɑɑti. \v 21 Kɛ̀ Tɑɑtii pɛitɛ́ Sɑbɑdi nɛ̀ Sutedɑɑ. Kɛ̀ Efɑdɑimmu bí tɛì ìdɛ́ì Esɛɛ nɛ̀ Edeyɑɑdi kɛ̀ bɛ̀ ndɔ́ kɛ́fietɛ Kɑdi ɛì kɔbɛ kó iwũɔ̃ kɛ̀ bɛ̀ɛ bɛ̀ kùɔ. \v 22 Kɛ̀ bɛ̀ cicɛ Efɑdɑimmu nkuɔ̀ mbɛ kṹṹ nkɛ dɔ̀ yɛwe pɛ́u, kòo tebìí ò bɑ̀ńtɛ̀. \v 23 Dɛ kó difɔ̃nkúò kòo duɔ́nɛ̀ o pokù kòo púó nkɛ́pɛitɛ́ dɛnitidɑbirɛ kɛ́ dɛ̀ yu kɛ dɔ̀: Bediyɑ, kɛ yɛ̃́ mɛyɛǹcɑɑ̀rìmɛ̀ do bomɛ̀ o cĩ́ɛ̃̀tɛ̀. \v 24 Kòo yíɛ́ kɛ́pɛitɛ́ dɛnitipobirɛ kɛ́ dɛ̀ yu kɛ dɔ̀: Seedɑ, dɛɛ̀ do mɑɑ́ Bɛti-Onɔɔ tennì ĩ́nkɛ̀ nɛ̀ Bɛti-Onɔɔ biriku nɛ̀ dihɛì bɛ̀ tu dì Usenni Seedɑ. \v 25 Kɛ̀ Bedɑ pɛitɛ́ Defɑɑ kòò pɛitɛ́ Desɛfu kɛ̀ Desɛfuu pɛitɛ́ Tedɑɑ kɛ̀ Tedɑɑ pɛitɛ́ Tɑɑmmu, \v 26 kɛ̀ Teɑnnii pɛitɛ́ Dɑedɑnni kɛ̀ Dɑedɑnnii pɛitɛ́ Ammiudi kɛ̀ Ammiudii pɛitɛ́ Edisɑmɑɑ, \v 27 kɛ̀ Edisɑmɑɑ pɛitɛ́ Nunni kɛ̀ Nunnii pɛitɛ́ Sosuwee. \p \v 28 Bɛɛ̀ do te Betɛɛdi ɛì nɛ̀ bɛ wũɔ̃ yó ncentì dɛ̀, Nɑdɑɑ diyiè yìɛ̀ní kɛ̀ɛ̀ bíɛ́kɛ̀, kɛ́nte Kesɛɛ ɛì nɛ̀ Sisɛmmu ɛì nɛ̀ bɛ wũɔ̃ yó ncentì dɛ̀ diyiè tɑɑ̀ kɛ̀ɛ̀ bíɛ́kɛ̀ kɛ́ntɔ kɛ́tuɔkɛnɛ̀ Ayɑ ɛì nɛ̀ bɛ̀ wũɔ̃ yó ncentì dɛ̀. \p \v 29 Mɑnɑnsee kó ibí iì do te Bɛti-Seɑnni ɛì nɛ̀ Tɑɑnɑki kpɛri nɛ̀ Mɛkidoo ɛì nɛ̀ Dɔdiɑ nɛ̀ bɛ wũɔ̃ yó ncentì dɛ̀. \p Dɛ kó yɛhɛkɛ̀ Isidɑyɛɛri birɛ Sosɛfu yɑɑ̀bí iì do yɛ̀ ɑ̃. \s1 Asɛɛ kó kufuku duɔ́ kɛ dòmmɛ̀ \p \v 30 Kɛ̀ Asɛɛ pɛitɛ́ Imunɑ nɛ̀ Isifɑ nɛ̀ Isifi nɛ̀ Bediyɑ nɛ̀ bɛ tɑ̃ũ̀ Sedɑɑ. \v 31 Kɛ̀ Bediyɑ pɛitɛ́ Ebɛɛ nɛ̀ Mɑdikiyɛɛdi, weè do pɛitɛ́ Bidisɑiti, \v 32 kɛ̀ Ebɛɛ pɛitɛ́ Yɑfidɛti nɛ̀ Somɛɛ nɛ̀ Otɑmmu nɛ̀ bɛ tɑ̃ũ̀ Suɑɑ. \v 33 Kɛ̀ Yɑfidɛtii pɛitɛ́ Pɑsɑki nɛ̀ Bimɑdi nɛ̀ Asefɑti. Yɑfiti pɛitɛ́ bɛ̀mbɛ. \v 34 Semɛɛ weè do pɛitɛ́ Dokɑ nɛ̀ Ububɑ nɛ̀ Arɑmu, \v 35 Edɛmmu weè do pɛitɛ́ Sofɑɑ nɛ̀ Imunɑ nɛ̀ Sedɛsi nɛ̀ Amɑdi. \v 36 Kɛ̀ Sofɑɑ pɛitɛ́ Suɑɑ nɛ̀ Adinɛfɛɛ nɛ̀ Suɑdi nɛ̀ Bedi nɛ̀ Imidɑ, \v 37 nɛ̀ Besɛɛ nɛ̀ Udi nɛ̀ Sɑmɑɑ nɛ̀ Sidisɑ nɛ̀ Itidɑnni nɛ̀ Beedɑ. \v 38 Kɛ̀ Itidɑnnii pɛitɛ́ Yefundee nɛ̀ Pisipɑ nɛ̀ Adɑ. \p \v 39 Kɛ̀ Udɑɑ pɛitɛ́ Adɑ nɛ̀ Anniyɛɛdi nɛ̀ Disiɑ. \p \v 40 Bɛmɔu mɛmmɛ bɛ̀ do tú Asɛɛ yɑɑ̀bí nyi mɛmmɛ. Bɛɛ̀ do tú bɛ cɛ̃́ĩ kó bɛkótíbɛ̀, kɛ tú bɛkpɑ̀rìnuɔmbɛ nɛ̀ yɛkɔ̃m̀bɔ̀ yɛmbɛ̀. Kɛ̀ bɛ̀ɛ kɑɑ Asɛɛ nɑɑ̀mùnkù kɔbɛ bɛ̀ɛ̀ nɔ mmudoò kɛ̀ bɛ̀ mbo sikɔupípísìdɛ́ nɛ̀ sikɔupísìkuɔ̀ (26000). \c 8 \s1 Bɛnsɑmɛɛ kó kuwuɔ nkɔbɛ bɛ̀ɛ̀ do bo Sedisɑdɛmmu \p \v 1 Ntɛ Bɛnsɑmɛɛ pɛitɛ́ ibí ìnùmmù kɛ̀ ì ntũmmɛ̀ itɔbɛ̀: \v 2 Bedɑɑ nɛ̀ Asebɛɛdi nɛ̀ Aɑdɑ nɛ̀ Nɔo nɛ̀ Dɑfɑ. \v 3 Kɛ̀ Bedɑɑ pɛitɛ́ Adɑri nɛ̀ Kedɑ nɛ̀ Ayiudi \v 4 nɛ̀ Abisuɑɑ nɛ̀ Nɑɑmɑ nɛ̀ Aoɑ, \v 5 nɛ̀ Kedɑ nɛ̀ Sefɑmmu nɛ̀ Udɑmmu. \p \v 6-7 Kɛ̀ Eudii pɛitɛ́ Nɑɑmɑɑ nɛ̀ Aiyɑ nɛ̀ Kedɑ. Bɛ̀ɛ̀ do tú bɛ cɛ̃́ĩ kó bɛkótíbɛ̀ kɛ́mbo Kebɑɑ kɛ̀ bɛ̀ɛ bɛ̀ bɛ̀ti kɛ̀ bɛ̀ɛ kɔtɛ kɛ́mbo Mɑnnɑɑti ɛì. Usɑɑ cicɛ Kedɑ nɛ̀ Ahiudi bɛɛ̀ do bɛ̀ niitɛ́ dɛ kó dihɛì. \p \v 8-9 Kɛ̀ Sɑdɑimmuu bɛti o pobɛ̀ bɛdɛ́ Usimmu nɛ̀ Bɑɑdɑ. Bɛ kó difɔ̃nkúò kòo ḿbo Mɔɑbu tempɛ̃ nkɛ́yíɛ́ kɛ́túótɛ́ Odɛsi, kòo pɛitɛ́ initidɑbí ìyiekɛ̀: Yobɑbu nɛ̀ Sibiɑ nɛ̀ Mɛsɑ nɛ̀ Mɑdikɑmmu \v 10 nɛ̀ Yesusi nɛ̀ Sɑkiɑ nɛ̀ Midimɑ, bɛɛ̀ do kótí bɛ cɛ̃́ĩ miɛkɛ. \v 11 O pokù Usimmu weè do pɛitɛ́ Abitubu nɛ̀ Edipɑdi. \v 12 Kɛ̀ Edipɑdii pɛitɛ́ Ebɛɛ nɛ̀ Miseɑmmu nɛ̀ Semmɛɛdi. Weè do mɑɑ́ Onɔɔ nɛ̀ Dɔdi ɛkɛ̀ nɛ̀ sihɛkɛsí sìì dɛ̀ tɔ̀kɛ́. \p \v 13 Bediyɑ nɛ̀ Semmɑ bɛɛ̀ do tú Ayɑnɔɔ ɛì kɔbɛ cɛ̃́ĩ kó bɛkótíbɛ̀. Bɛɛ̀ do bɛ̀ti Kɑdi ɛì kɔbɛ. \v 14-16 Kɛ̀ Bediyɑ kó ibí ntú: Aiyo nɛ̀ Sɑɑsɑki nɛ̀ Yedemɔti nɛ̀ Adɑdi nɛ̀ Edɛɛ nɛ̀ Mɑkɑyɛɛdi nɛ̀ Isepɑ nɛ̀ Yoɑ. \p \v 17-18 Kɛ̀ Edipɑdi kó ibí ntú: Sebɑdiɑ nɛ̀ Mɛsudɑmmu nɛ̀ Isikiɑ nɛ̀ Ebɛɛ nɛ̀ Isimɛdiɑ nɛ̀ Isidiɑ nɛ̀ Yobɑbu. \p \v 19-21 Kɛ̀ Simmɛii kó ibí ntú: Yɑkimmu nɛ̀ Sikidi nɛ̀ Sɑbudi nɛ̀ Edienɑii nɛ̀ Sidetɑii nɛ̀ Ediyɛɛri nɛ̀ Adɑyɑ nɛ̀ Bedɑyɑ nɛ̀ Simmudɑ. \p \v 22-25 Kɛ̀ Sɑsɑki kó ibí ntú: Isepɑ̃ɑ̃ nɛ̀ Ebɛɛ nɛ̀ Ediyɛɛri nɛ̀ Abudonni nɛ̀ Sikidi nɛ̀ Anɑnni nɛ̀ Anɑnniyɑ nɛ̀ Edɑmmu nɛ̀ Anɛtotiɑ nɛ̀ Ifideɑ nɛ̀ Pennuyɛɛdi. \p \v 26-27 Kɛ̀ Yedoɑmmu kó ibí ntú: Sɑmmɛsedɑii nɛ̀ Seɑdiɑ nɛ̀ Atɑdii nɛ̀ Yɑdesiɑ nɛ̀ Ediɑ nɛ̀ Sikidi. \p \v 28 Bɛɛ̀ do tú bɛ̀ɛ̀ kòtí bɛ nɑɑ̀mùntì duɔ́ kɛ dòmmɛ̀ kɛ́mbo Sedisɑdɛmmu. \p \v 29 Kɑbɑɔ̃ɔ̃ weè do ketɛ́ Kɑbɑɔ̃ɔ̃ ɛì kɛ́mbo di miɛkɛ kòo pokù yètìrì tu Mɑɑkɑ. \v 30 Kòo bísɑpo tu Abudonni kòo nɛi ntú Tisuu nɛ̀ Kiisi nɛ̀ Bɑɑdi nɛ̀ Nɑdɑbu, \v 31 nɛ̀ Kedɔɔri nɛ̀ Aiyo nɛ̀ Kesɛɛ, \v 32 kɛ̀ Mitidotii pɛitɛ́ Simmɑ kɛ̀ bɛ̀ mbo Sedisɑdɛmmu nɛ̀ bɛ tebìí. \s1 Sɑuri yɑɑ̀bí \r (Wéntɛ́ 9:39-44) \p \v 33 Nɛɛ weè do pɛitɛ́ Kiisi kɛ̀ Kiisii pɛitɛ́ Sɑuri kɛ̀ Sɑurii pɛitɛ́ Sonnɑtɑ̃ɑ̃ nɛ̀ Mɑdikisuɑ nɛ̀ Abinnɑdɑbu nɛ̀ Esibɑdi. \v 34 Kɛ̀ Sonnɑtɑ̃ɑ̃ pɛitɛ́ Mɛdibɑɑdi, kɛ̀ Mɛdibɑɑdi pɛitɛ́ Misee. \v 35 Kɛ̀ Misee pɛitɛ́ Pitɔ̃ɔ̃ nɛ̀ Mɛdɛki nɛ̀ Tɑdeɑ. \v 36 Kɛ̀ Aɑsii pɛitɛ́ Yoɑdɑ kɛ̀ Yoɑdɑɑ pɛitɛ́ Ademɛti nɛ̀ Asimɑfɛti nɛ̀ Simidi, kɛ̀ Simidii pɛitɛ́ Mɔsɑ. \v 37 Kɛ̀ Mɔsɑɑ pɛitɛ́ Binnɛɑ, kɛ̀ Binnɛɑɑ pɛitɛ́ Defɑyɑɑ kɛ̀ Defɑyɑɑ pɛitɛ́ Edɑsɑɑ kɛ̀ Edɑsɑɑ pɛitɛ́ Asɛɛdi. \v 38 Kɛ̀ Asɛɛdii pɛitɛ́ initidɑbí ìkuɔ̀: Asidikɑmmu nɛ̀ Bokedu nɛ̀ Isimɑyɛɛri nɛ̀ Seɑdiɑ nɛ̀ Abudiɑsi nɛ̀ Annɑni. Bɛmɔu Asɛɛdi bí nyi mɛmmɛ. \v 39 Kɛ̀ Asɛɛdi mmɔkɛ o tebitɛ kɛ̀ tɛ yètìrì tu Esɛki, kòo pɛitɛ́ o kóo po Udɑmmu nɛ̀ o nɛi Yeusi nɛ̀ Edifedee. \v 40 Kɛ̀ Udɑmmu kó ibí ntú yɛkɔ̃m̀bɔ̀ yɛmbɛ̀ bɛtɑ̃ntɑ̃ũbɛ̀, kɛ̀ bɛ̀ mmɔkɛ initidɑbí pɛ́u nɛ̀ bɛ yɑɑ̀bí bɛmɔu kɛ̀ bɛ̀ mbo tɛkɔ̀ùtɛ̀ nɛ̀ sipísìnùmmù (150). \p Bɛmɔu Bɛnsɑmɛɛ kó kuwuɔ nkɔbɛ mbɛ mɛmmɛ. \c 9 \s1 Isidɑyɛɛribɛ bɛ̀ɛ̀ do niitɛ́ kɛ́konní Sedisɑdɛmmu \p \v 1 Kɛ̀ bɛ̀ɛ kɑɑ nyIsidɑyɛɛribɛ bɛ wuɔ ntũ̀ nyitɔbɛ̀ kɛ dòmmɛ̀ kɛ́wɑ̃ri bɛ yètɛ̀, Isidɑyɛɛribɛ kpɑ̀ɑ̀tìbɛ̀ nɛ̀ Sudɑɑ kɔbɛ bɛ pɑ́tɛ miɛkɛ. Dɛ mɔ̀nnì ndi bɛ̀ pĩ̀ḿmúmɛ̀ Sudɑɑ kɔbɛ kɛ́kònnɛ̀ Bɑbidɔnni, bɛ̀ yetɛ mɛ̀ɛ̀ kpɛ́í nKuyie nkpɛti. \v 2 Isidɑyɛɛribɛ nɛ̀ ikuɔ́ nìùbɛ̀ nɛ̀ Defiibɛ nɛ̀ bɛ̀ɛ̀ do teénnɛ̀ Defiibɛ Kuyie ncĩ́ɛ̃̀tɛ̀ kó mutɔ̃mmú, bɛɛ̀ do tú bɛketibɛ̀ kɛ́niitɛ́ kɛ́konní kɛ́kɑri bɛ ɛkɛ̀. \p \v 3 Sudɑɑ kɔbɛ mɑbɛ̀ nɛ̀ Bɛnsɑmɛɛ kɔbɛ mɑbɛ̀ nɛ̀ Efɑdɑimmu kɔbɛ mɑbɛ̀ nɛ̀ Mɑnɑnsee kɔbɛ mɑbɛ̀ kɛ̀ bɛ̀ɛ kɔtɛní kɛ́kɑri Sedisɑdɛmmu. \p \v 4 Sudɑɑ kó kuwuɔ mmiɛkɛ Utɑii weè do ni Pɛdɛsi kó kunɑɑ̀mùnkù. Ntɛ o yɑ̀ɑ̀rìbɛ̀ kó kufuku do duɔ́ kɛ dòmmɛ̀: Sudɑɑ weè pɛitɛ́ Pɛdɛsi kɛ̀ Pɛdɛsii pɛitɛ́ Bɑni kɛ̀ Bɑnii pɛitɛ́ Immuri kɛ̀ Immurii pɛitɛ́ Omudi kɛ̀ Omudi pɛítɛ́ Ammiudi kɛ̀ Ammiudii nɛ́ pɛitɛ́ Utɑii. \v 5 Sedoniibɛ kó kunɑɑ̀mùnkù miɛkɛ bɛ kóo po Asɑyɑɑ weè do bɛ̀ ni nɛ̀ o bí. \v 6 Sedɑɑ kó kunɑɑ̀mùnkù miɛkɛ kɛ̀ Yeuyɛɛdi mbɛ̀ ni. Sudɑɑ kó kuwuɔ nkumɔu kɛ̀ bɛ̀ɛ wɛ̃nnɛ́ kɛ́mbo sikɔusìkuɔ̀ nɛ̀ sipísìwɛi (690). \p \v 7 Sɑduu weè do ni Bɛnsɑmɛɛ kó kuwuɔ. Ntɛ o yɑ̀ɑ̀rìbɛ̀ kó kufuku do duɔ́ kɛ dòmmɛ̀: Asennuyɑɑ weè do pɛitɛ́ Odɑfiɑ kɛ̀ Odɑfiɑɑ pɛitɛ́ Mɛsudɑmmu kɛ̀ Mɛsudɑmmu nɛ́ pɛitɛ́ Sɑduu. \v 8 Yedoɑmmu birɛ Ibinniyɑɑ weè do ni o kó tɛcĩ́ɛ̃̀tɛ̀, kɛ̀ Uusi birɛ Edɑnni nni o kpɛtɛ. Mikidi weè pɛitɛ́ Uusi kòo pɛitɛ́ Edɑɑ kòo nni bɛ̀ cĩ́ɛ̀tɛ̀. Ibinnɛyɑɑ weè do pɛitɛ́ Deuyɛɛdi, kòo pɛitɛ́ Sefɑtiɑ, kɛ̀ Sefɑtiɑɑ pɛitɛ́ Mɛsudɑmmu kòo nni bɛ kó tɛcĩ́ɛ̃̀tɛ̀. \v 9 Dɛ kó bɛnìtìbɛ̀ do tú bɛ̀ɛ̀ kòtí bɛ̀mbɛ bɛ cɛ̃́ĩ. Bɛmbɛ nɛ̀ bɛ tebìí bɛmɔu kɛ̀ bɛ̀ɛ wɛ̃nnɛ́ kɛ́mbo sikɔusìwɛi nɛ̀ sipísìnùmmù nɛ̀ bɛ̀kuɔ̀ (956). \p \v 10 Ntɛ ikuɔ́ nìùbɛ̀ miɛkɛ bɛ̀ɛ̀ do konní bɛ yètɛ̀: Yedɑyɑ nɛ̀ Yoyɑdibu nɛ̀ Yɑkinni. \v 11 Asɑdiɑɑ weè do kótí Kuyie ncĩ́ɛ̃̀tɛ̀ kó mutɔ̃mmú. Ntɛ o yɑ̀ɑ̀rìbɛ̀ do tũ̀nnɛmɛ̀ bɛtɔbɛ̀: Aitubu weè do pɛitɛ́ Mɛdɑyɔti kɛ̀ Mɛdɑyɔtii pɛitɛ́ Sɑdɔki kɛ̀ Sɑdɔkii pɛitɛ́ Mɛsudɑmmu kɛ̀ Mɛsudɑmmuu pɛitɛ́ Idikiyɑ kɛ̀ Idikiyɑɑ nɛ́ pɛitɛ́ weè Asɑdiɑ. \v 12 Kòo tɔù ntú Adɑyɑ ntɛ o yɑ̀ɑ̀rìbɛ̀ do tũ̀nnɛ̀mɛ̀ bɛtɔbɛ̀: Mɑdikiyɑɑ weè pɛitɛ́ Pɑsuu kɛ̀ Pɑsuu pɛitɛ́ Yedoɑmmu kòò nɛ́ pɛitɛ́ weè Adɑyɑ. Kòo tɔù ntú Mɑsɑii, ntɛ o yɑ̀ɑ̀rìbɛ̀ do tũ̀nnɛmɛ̀ bɛtɔbɛ̀: Imɛɛ weè do pɛitɛ́ Mɛsidomiti kɛ̀ Mɛsidomitii pɛitɛ́ Mɛsudɑmmu kɛ̀ Mɛsudɑmmuu pɛitɛ́ Yɑsedɑ kɛ̀ Yɑsedɑɑ pɛitɛ́ Adiyɛɛri kɛ̀ Adiyɛɛri nɛ́ pɛitɛ́ weè Mɑsɑii. \v 13 Nɛ̀ ikuɔ́ nìùbɛ̀ bɛ̀ɛ̀ kòtí bɛ kó sicɛ̃́ĩ kɛ̀ bɛ̀ mbo bɛnìtìbɛ̀ tɛkɔupíítɛ̀ nɛ̀ sikɔusìyiekɛ̀ nɛ̀ sipísìkuɔ̀ (1760) bɛmɔu bɛ̀ do tú bɛdiɛbɛ̀ mbɛ Kuyie ncĩ́ɛ̃̀tɛ̀ tɔ̃mmú miɛkɛ. \p \v 14 Defiibɛ kó kuwuɔ mmiɛkɛ Semmɑyɑ weè do ni Mɛdɑdi kó kunɑɑ̀mùnkù. Ntɛ o yɑ̀ɑ̀rìbɛ̀ do tũ̀nnɛmɛ̀ bɛtɔbɛ̀: Mɛdɑdi weè do pɛitɛ́ Asɑbiɑ, kòo pɛitɛ́ Asidikɑmmu, kòo pɛitɛ́ Asubu, kɛ̀ Asubuu nɛ́ pɛitɛ́ weè Semmɑyɑ, \v 15 Asɑfu kó kunɑɑ̀mùnkù miɛkɛ Bɑkibɑkɑɑ weè do ni. Asɑfu weè do pɛitɛ́ Sikidi kɛ̀ Sikidii pɛitɛ́ Misee kɛ̀ Misee pɛitɛ́ Mɑtɑnniyɑ kɛ̀ Mɑtɑnniyɑɑ pɛitɛ́ Kɑdɑɑdi kɛ̀ Kɑdɑɑdii pɛitɛ́ Edɛsi kòò nɛ́ pɛitɛ́ weè Bɑkibɑkɑɑ. \v 16 Yedutunni kó kunɑɑ̀mùnkù Abudiɑsi weè do kù ni. Kɛ̀ Yedutunnii pɛitɛ́ Kɑdɑɑdi kɛ̀ Kɑdɑɑdii pɛitɛ́ Semmɑyɑ kɛ̀ Semmɑyɑɑ nɛ́ pɛitɛ́ weè Obudiɑsi. Ɛdikɑnɑɑ weè do pɛitɛ́ Asɑɑ kɛ̀ Asɑɑ nɛ́ pɛitɛ́ weè Bedekiɑ. Kɛ̀ bɛ̀ mbo Nɛtofɑɑ ɛì kó kutempɛ̃ mmiɛkɛ. \p \v 17 Ntɛ yɛbòrɛ̀ kó bɛbɑ̀rìbɛ̀ kó yɛyètɛ̀: Sɑdummu nɛ̀ Akubu nɛ̀ Tɑdimɔɔ nɛ̀ Aimɑnni kɛ nɛ́ yíɛ́nɛ̀ bɛ tebìí, kɛ̀ Sɑdummu ntú bɛ kóo kótì. \v 18 Nɛ̀ yíenní bɛɛ̀ bɑ̀ɑ̀ okpɑ̀ɑ̀tì kó yɛbòrɛ̀ diyiè yìɛ̀ní kɛ̀ɛ̀ bíɛ́kɛ̀ kpɛyɛ. Bɛɛ̀ do tú bɛ̀ɛ̀ bɑ̀ɑ̀ Defiibɛ kɑrì kó yɛbòrɛ̀. \v 19 Abiyɑsɑfu yɑɑ̀birɛ Sɑdummu Kodee birɛ nɛ̀ o tebìí bɛɛ̀ do bɑɑ̀ Kuyie ncĩ́ɛ̃̀tɛ̀ kó dibòrì nɛ̀ dimɔ̀nnì bɛ cicɛbɛ̀ bɛɛ̀ do tú bɛ̀ɛ̀ bɑ̀ɑ Kuyie ncĩ́ɛ̃̀tɛ̀ kó dibòrì. \v 20 Edɑsɑɑ birɛ Pinɑsi nɛ̀ dimɔ̀nnì weè do tú bɛ kóo nìùtì kɛ̀ ti Yiɛ̀ nKuyie nni nhò bonɛ̀. \v 21 Kɛ̀ Mɛsedemiɑ birɛ Sɑkɑrii mbɑɑ̀ mɛtɑummɛ̀ tou kó dibòrì. \p \v 22 Bɛ̀ do bɛ̀ tɑ̃ɑ̃tɛ́ bɛ ɛkɛ̀ miɛkɛ nkɛ kɛ̀ bɛ̀ bo mbɑɑ̀ yɛbòrɛ̀ bɛ̀ do bɛ̀ kɑ̀ɑ mbɛmɔu kɛ̀ bɛ̀ mbo sikɔusìdɛ́ nɛ̀ tɛpíítɛ̀ nɛ̀ bɛ̀dɛ́bɛ̀ (212). Dɑfiti nɛ̀ Kuyie mpɑ̃ɑ̃nɑ́ɑǹtì nɑ́ɑǹtò Sɑmmuyɛɛri bɛɛ̀ do bɛ̀ duɔ́ ndɛ kó mutɔ̃mmú. \v 23 Bɛmbɛ nɛ̀ bɛ bí bɛɛ̀ do te bɛ̀ bo mbɑɑ̀mɛ̀ ti Yiɛ̀ nKuyie ncĩ́ɛ̃̀tɛ̀ kó yɛbòrɛ̀ bɛɛ̀ do bɑɑ̀nɛ̀ mɛtɑummɛ̀ tou nɛ̀ dimɔ̀nnì. \p \v 24 Bɛbɑ̀rìbɛ̀ do ɔ̃ mbo tipíìtì tìnɑ̀ɑ̀ ndi. Diyiè yiɛ̀ní kɛ̀ɛ̀ bíɛ́kɛ̀ nɛ̀ di tɑɑ̀ kɛ̀ɛ̀ bíɛ́kɛ̀ nɛ̀ kubɑkù yoú nɛ̀ kucɑ̃̀nku. \v 25 Kɛ̀ bɛ tebìí sìì kpɑɑ́ bɛ ɛkɛ̀ kɛ̀ sì níí kɔtɛní bɛ borɛ̀ kɛ dɔ̀ yɛwe yɛ̀yiekɛ̀. \v 26 Bɛ̀ɛ̀ do kótí yɛbòrɛ̀ bɑ̀rìmù bɛ̀ do bo bɛ̀nɑ̀ɑ̀ ndi kɛ níí ndɛ̀ bo sɑ̃́ɑ̃̀. Defiibɛ bɛɛ̀ do te bɛ̀ bo mbɑɑ̀mɛ̀ Kuyie ncĩ́ɛ̃̀tɛ̀, nɛ̀ tidieti ku cĩ́ɛ̃̀tɛ̀ kpɑ̀tì borɛ̀. \v 27 Bɛ̀ do wentí Kuyie ncĩ́ɛ̃̀tɛ̀ píìtì nti, bɛɛ̀ do te bɛ̀ bo ntɛ̀ bɑ̀ɑmɛ̀ kɛ tɛ̀ kpetírí bɑ́ dìì kṹnweńnì. \p \v 28 Bɛ̀mɑbɛ̀ bɛ miɛkɛ bɛɛ̀ do te bɛ̀ bo ndɑkɛmɛ̀ Kuyie ncĩ́ɛ̃̀tɛ̀ nɛntì kpɛ́í. Kɛ níí nyóó tì dènnɛní kɛ́ tì kɑ̀ɑ, kɛ nyóó tì tɑnnɛ́ kɛ́ tì kɑ̀ɑ. \v 29 Kɛ̀ bɛ̀ɛ tɑ̃ɑ̃tɛ́ bɛtɔbɛ̀ mɑbɛ̀ bɛ miɛkɛ kɛ̀ bɛ̀ ndɑkɛ ikuɔ́ nɛntì kpɛ́í nnɛ̀ muyuo nsɑ̀ɑ̀mù nɛ̀ mɛnɑɑ̀ nnɛ̀ mɛkùɔ̀ nnɛ̀ tihúúntì nɛ̀ mɛteniɛ nfɔ̃ɔ̃mɛ. \v 30 Ikuɔ́ nìùbɛ̀ bí iì do te ì bo ndɔɔrimɛ̀ mɛteniɛ nfɔ̃ɔ̃mɛ. \p \v 31 Defiibɛ miɛkɛ Kodee nɑɑ̀mùnkù kou Sɑdummu bísɑpo Mɑtitɑɑ weè do te ò bo nkɑɑtimɛ̀ yɛkɑ̀tìndɑ̀ bɛ̀ pɑ̃ɑ̃ nyɛ̀ Kuyie. \v 32 Keɑti nɑɑ̀mùnkù kɔbɛ mɑbɛ̀ bɛɛ̀ do te bɛ̀ bo mpũũmɛ̀ pɛ̃́ɛ̃̀bɛ̀ bɛ̀ pɑ̃ɑ̃ mbɛ̀ Kuyie mbɑ́ tɛ̀ɛ̀ om̀pùtɛ̀. \p \v 33 Defiibɛ bɛ̀ɛ̀ do tú bɛdèmbɛ̀ kɛ kótí bɛ cɛ̃́ĩ kɛ̀ bɛ̀ nhɑ̃ Kuyie ncĩ́ɛ̃̀tɛ̀ kó tidieti, bɛ̀ do í pĩ́ mmutɔ̃mmú tɛ̃mù mɑmù, bɛ kó mutɔ̃mmú do tú mudèmmù mɑ́ɑ̀ ndi kuyie nnɛ̀ kɛyènkɛ̀. \p \v 34 Bɛɛ̀ do tú bɛ̀ɛ̀ kòtí bɛ cɛ̃́ĩ miɛkɛ bɛ yɑ̀ɑ̀rìbɛ̀ wuɔ ntũmmɛ̀ itɔbɛ̀, kɛ̀ bɛ̀ mbo Sedisɑdɛmmu. \s1 Bɛ̀ bɑ̀tɛmɛ̀ Sɑuri yɑ̀ɑ̀rìbɛ̀ \r (Wéntɛ́ Mukɑ̀mmù 8:29-38) \p \v 35 Yeiyɛɛdi weè do ketɛ́ Kɑbɑɔ̃ɔ̃ ɛì kɛ́mbo di miɛkɛ kòo pokù yètìrì ntú Mɑɑkɑ. \v 36 Kɛ̀ bɛ bísɑpo yètìrì ntú Abudonni nɛ̀ Tisuu nɛ̀ Kiisi nɛ̀ Bɑɑdi nɛ̀ Nɛɛ nɛ̀ Nɑdɑbu, \v 37 nɛ̀ Kedɔɔ nɛ̀ Aiyo nɛ̀ Sɑkɑrii nɛ̀ Mikidoti. \v 38 Kɛ̀ Mikidoti pɛitɛ́ Simmɑmmu kɛ̀ bɛ̀ mbo Sedisɑdɛmmu nɛ̀ bɛ tebìí. \b \p \v 39 Nɛɛ weè do pɛitɛ́ Kiisi, kɛ̀ Kiisi pɛitɛ́ Sɑuri. Kɛ̀ Sɑurii pɛitɛ́ Sonnɑtɑ̃ɑ̃ nɛ̀ Mɑdikisuɑɑ nɛ̀ Abinnɑdɑbu nɛ̀ Esibɑdi. \v 40 Kɛ̀ Sonnɑtɑ̃ɑ̃ pɛitɛ́ Mɛdibɑɑdi, kɛ̀ Mɛdibɑɑdi pɛitɛ́ Misee. \v 41 Kɛ̀ Misee pɛitɛ́ Pitɔ̃ɔ̃ nɛ̀ Mɛdɛki nɛ̀ Tɑdeɑ. \v 42 Kɛ̀ Aɑsii pɛitɛ́ Yɑdɑ, kɛ̀ Yɑdɑɑ pɛitɛ́ Ademɛti nɛ̀ Asimɑfɛti nɛ̀ Simidi kɛ̀ Simidii pɛitɛ́ Mɔsɑ. \v 43 Kɛ̀ Mɔsɑɑ pɛitɛ́ Binnɛɑ kɛ̀ Binnɛɑɑ pɛitɛ́ Defɑyɑɑ kɛ̀ Defɑyɑɑ pɛitɛ́ Edeyɑsɑɑ kɛ̀ Edeyɑsɑɑ pɛitɛ́ Asɛɛdi. \v 44 Kɛ̀ Asɛɛdii pɛitɛ́ initidɑbí ìkuɔ̀: Asidikɑmmu nɛ̀ Bokedu nɛ̀ Isimɑyɛɛri nɛ̀ Seɑdiɑ nɛ̀ Abudiɑsi nɛ̀ Annɑni. \c 10 \ms1 DAFITI, ISIDAYƐƐRIBƐ KPÀÀTÌ KÓ TINÁAŃTÌ \s1 Sɑuri kó mukṹṹ \r (Wéntɛ́ 1 Sɑmmuyɛɛri 31:1-13) \p \v 1 Fidisitɛ̃ɛ̃bɛ bɛɛ̀ do do Isidɑyɛɛribɛ mudoò, kɛ̀ Isidɑyɛɛribɛ kó bɛhɑ̃ɑ̃pɔ̀mbɛ̀ ncokù kɛ̀ bɛ̀ bɛ̀ puotì ditɑ̃rì Kidiboɑ kɛ kɔù. \v 2 Bɛ̀ mɛ nyĩ kɛ́cɛ̃tinnɛ Sɑuri nɛ̀ o bí kɛ́kuɔ o bí: Sonnɑtɑ̃ɑ̃ nɛ̀ Abinnɑdɑbu nɛ̀ Mɑdikisuɑɑ. \v 3 Kɛ̀ mudoò fuutɛ kɛ̀ bɛtɑ̃ntɑ̃ũbɛ̀ɛ kɔutɛ Sɑuri. \v 4 Kɛ̀ Sɑurii nɑ́kɛ́ wèè tɔ o kpɑ̀rìnɛntì kɛ dɔ̀: Kpɑtɛ ɑ kpɑ̀rìsiè kɛ́ n kuɔ n yí dɔ́ itɑyéí yɛmbɛ̀ n kuɔ kɛ́ nni ndɑú. \p Wèè tɔ o kpɑ̀rìnɛntì kòo yɔtɛ kɛ í nyie. Kɛ̀ Sɑuri cɔ́ɔ́ nho kpɑ̀rìsiè kɛ́do di ĩ́nkɛ̀. \v 5 Wèè tɔ o kpɑ̀rìnɛntì kòo yɑ̀ ò kumɛ̀ kɛ múnkɛɛ cɔ́ɔ́ nho kpɛri kɛ́do di ĩ́nkɛ̀ kɛ́kú. \p \v 6 Mɛm̀mɛ Sɑuri nɛ̀ o bí ìtɑ̃ɑ̃ti bɛ̀ kumɛ̀, bɛ cĩ́ɛ̃̀tɛ̀ bɛ mɔu. \v 7 Kɛ̀ Isidɑyɛɛribɛ bɛ̀ɛ̀ kó dimɑ̀ɑ̀ do bo kubiriku kɛ̀ bɛ̀ɛ yɑ̀ Isidɑyɛɛribɛ cokùmɛ̀, kɛ̀ mudoò kònnɛ̀ Sɑuri nɛ̀ o bí, kɛ yóu bɛ ɛkɛ̀ kɛ́cokɛ́, kɛ̀ Fidisitɛ̃ɛ̃bɛɛ kɔtɛní kɛ yɛ̀ kɑ̀ri. \p \v 8 Mɛm̀mɛ kɛ̀ dɛ̀ɛ wentɛ́ kɛ̀ Fidisitɛ̃ɛ̃bɛɛ kɔtɛ kɛ́nkutiri bɛcíríbɛ̀ kɛ́yɑ̀ Sɑuri nɛ̀ o bí kɛ̀ bɛ̀ ku kɛ duɔ́ Kidiboɑ tɑ̃rì ĩ́nkɛ̀. \v 9 Kɛ̀ bɛ̀ɛ kuti Sɑuri kɛ́kéétɛ́ o yuu kɛ́wɛ̃nnɛ́nɛ̀ o kpɑ̀rìnɛntì kɛ́túótɛ́ kɛ́kònnɛ̀, kɛ́ tì pĩɛ̃kɛ́ Fidisitɛ̃ɛ̃bɛ ɛì dimɔu kɛ́nɑ́kɛ́ bɛnìtìbɛ̀ nɛ̀ yɛbɔ̀kɛ̀ bɛ̀ nɑmɛ̀ Isidɑyɛɛribɛ. \v 10 Kɛ̀ bɛ̀ɛ túótɛ́ Sɑuri kpɑ̀rìnɛntì kɛ́tɑnnɛ́ bɛ kó tɛbɔɔcĩ́ɛ̃̀tɛ̀, kɛ́túótɛ́ o yukɔ̃́ṹ kɛ́núnnɛ́ bɛ kó dibɔɔ̀ bɛ̀ tu dì Dɑkɔ̃ɔ̃ di kó ditou miɛkɛ. \p \v 11 Yɑbɛsi ɛì kɔbɛ bɛmɔu bɛ̀ɛ̀ bo Kɑdɑɑdi tempɛ̃ mmiɛkɛ bɛ̀ kèè dìì mɔ̀nnì Fidisitɛ̃ɛ̃bɛ dɔ̀ɔ̀ dɛ̀ Sɑuri dɛmɔu, \v 12 kɛ̀ bɛnitidɑɑbɛ̀ yɛkɔ̃m̀bɔ̀ yɛmbɛ̀ bɛmɔu ítɛ́ kɛ́kɔtɛ kɛ́túótɛ́ Sɑuri nɛ̀ o bí kɛ́ bɛ̀ kònnɛ̀ Yɑbɛsi ɛì kɛ́kũnnɛ́ bɛ kṹɔ̃̀ Yɑbɛsi ɛì kó mutie bɛ̀ yu mù kɛ tú tedemɛ́ntì mu tɑkɛ́. \p \v 13 Sɑuri do yetɛ ti Yiɛ̀ nKuyie nkpɛti nti kɛ̀ dɛɛ̀ nte kòo kú. Ò do í yie nkɛ́tũnnɛ ti Yiɛ̀ nKuyie nkpɛti, ò do bùtínnɛ́ ku kuɔ́ nyi kɛ́mbourí tinùbootì, \v 14 kɛ́yetɛ ò bo mbekùmɛ̀ ti Yiɛ̀ nKuyie. Kɛ̀ ti Yiɛ̀ nKuyie nyóu kòo kú kɛ̀ kùu duɔ́ ntikpɑ̀tì Sɛsee birɛ Dɑfiti. \c 11 \s1 Bɛ̀ pĩ̀ḿmɛ̀ Dɑfiti tikpɑ̀tì \r (Wéntɛ́ 2 Sɑmmuyɛɛri 5:1-3) \p \v 1 Kɛ̀ Isidɑyɛɛribɛ bɛmɔu tíí nDɑfiti borɛ̀ Ebunɔɔ kóò nɑ̀kɛ́ kɛ dɔ̀: Ntɛ tínti ti tú ɑ botí kɔbɛ mbɛ kɛ̀ ti wɛ̃ mmɛyĩ̀ĩ̀ mmɛmɑ́ɑ̀. \v 2 Nɛ̀ dimɔ̀nnìní Sɑuri do tú dìì mɔ̀nnì okpɑ̀ɑ̀tì kɛ̀ fɔ̃́ɔ̃̀ niù Isidɑyɛɛribɛ mudoò. Ti Yiɛ̀ nKuyie ndɑ nɑ̀kɛ́mu fɔ̃́ɔ̃̀ yó mbɑkɛ́mɛ̀ ku nìtìbɛ̀ Isidɑyɛɛribɛ, fɔ̃́ɔ̃̀ yó ntúmɛ̀ bɛ̀ kóo kpɑ̀ɑ̀tì. \p \v 3 Mɛm̀mɛ kɛ̀ Isidɑyɛɛribɛ kó bɛkótíbɛ̀ bɛmɔu kɔtɛ kɛ́sɔ̃́nkɛ́ Dɑfiti Ebunɔɔ. Kòo bɛ̀ dɔ̀ɔ̀nɛ̀ mɛtɑummɛ̀ ti Yiɛ̀ nKuyie nyììkɛ̀ Ebunɔɔ. Kɛ̀ bɛ̀ɛ ò còú mmɛkùɔ̀ nkóò pĩ ntikpɑ̀tì kòò bo mbɑkɛ́ Isidɑyɛɛribɛ ti Yiɛ̀ nKuyie ndo tì nɑ̀kɛ́ Sɑmmuyɛɛri kɛ́nyɛ̃ ndɛ̀ ndòmmɛ̀. \s1 Dɑfiti tiekɛmɛ̀ Sedisɑdɛmmu \r (Wéntɛ́ 2 Sɑmmuyɛɛri 5:6-10) \p \v 4 Dɑfiti nɛ̀ o kɔbɛ Isidɑyɛɛribɛ bɛmɔu, kɛ̀ bɛ̀ɛ bɑ́ɑ́tí kɛ bo do Sebusiibɛ bɛ̀ɛ̀ do bo Sedisɑdɛmmu. \v 5 Kɛ̀ Sebusiibɛ bɛ̀ɛ̀ bo dɛ kó dihɛì miɛkɛ kɛ̀ bɛ̀ɛ nɑ́kɛ́ Dɑfiti kɛ dɔ̀: A í tɑtiní di nhɛì! \p Nɛ̀ mɛmmɛ kɛ̀ Dɑfitii fietɛ dihɛì kperì iduotí fitɛ́ dì Siyɔ̃ɔ̃. Kɛ̀ bɛ̀ɛ dɛ̀ yu kɛ dɔ̀ Dɑfiti ɛì Siyɔ̃ɔ̃. \v 6 Dɑfiti do bɛ́immu kɛ dɔ̀: wèè bo niitɛ́ kɛ́potɛ́ Sebusiibɛ weè yóó niitɛ́ bɛhɑ̃ɑ̃pɔ̀mbɛ̀ kɛ̀ Seduyɑɑ birɛ Soɑbuu niitɛ́ kɛ́potɛ́ Sebusiibɛ kɛ́niitɛ́ bɛhɑ̃ɑ̃pɔ̀mbɛ̀. \p \v 7 Kɛ̀ Dɑfiti ḿbo dɛ kó dihɛì kperì iduotí fitɛ́ dì. Dɛɛ̀ te kɛ̀ bɛ̀ dì yu kɛ tú Dɑfiti ɛì. \v 8 Kòo mɑɑ́ iduotí kɛ́fitɛ́ kutɑ̃dɛ̀ìkù bɛ̀ ĩ̀tínnɛ́ kù, kɛ́ kù yu kɛ dɔ̀ Midoo kɛ̀ Soɑbuu tũntɛ dihɛì sɔnni. \p \v 9 Mɛm̀mɛ kɛ̀ Dɑfiti yètìrì nfeirí, kɛ̀ ti Yiɛ̀ nKuyie Mpɑkɛdɑɑ ní nhò bonɛ̀. \s1 Dɑfiti kó bɛhɑ̃ɑ̃pɔ̀mbɛ̀ yɛkɔ̃m̀bɔ̀ yɛmbɛ̀ \r (Wéntɛ́ 2 Sɑmmuyɛɛri 23:8-39) \p \v 10 Ntɛ bɛhɑ̃ɑ̃pɔ̀mbɛ̀ yɛkɔ̃m̀bɔ̀ yɛmbɛ̀ bɛ̀ɛ̀ do bonɛ̀ Dɑfiti o kpɑ̀tì timɔu miɛkɛ, bɛɛ̀ do wɛ̃nnɛ́nɛ̀ Isidɑyɛɛribɛ sɔmbɛ kɛ̀ bɛ̀ɛ pĩ́ nDɑfiti tikpɑ̀tì kɛ́ntũ mbɛ Yiɛ̀ nKuyie mbɛ̀ nɑ̀kɛ́ tì. \v 11 Ntɛ dɛ kó bɛhɑ̃ɑ̃pɔ̀mbɛ̀ yètɛ̀: Yɑsobeɑmmu, Akimɔniibɛ botí kou mɔù kó dɛbirɛ weè do kótí yɛkɔ̃m̀bɔ̀ yɛmbɛ̀ bɛ̀tɑ̃ɑ̃ti tĩ̀nnì, weè do ɛ̀ì nho kpɑ̃nnì kɛ́kuɔ bɛnìtìbɛ̀ sikɔusìtɑ̃ɑ̃ti (300) dimɔ̀nnì dìmɑ́ɑ̀. \p \v 12 O kó difɔ̃nkúò kɛ̀ Edeɑsɑɑ Dodo Ahoɑ ɛì kou kó dɛbirɛ nhò tũ̀nko, ò do kɔkɛ́ yɛkɔ̃m̀bɔ̀ yɛmbɛ̀ bɛ̀tɑ̃ɑ̃ti tĩ̀nnì miɛkɛ nkɛ. \v 13 Ò do bonɛ̀mu Dɑfiti Pɑsi-Dɑmimmu Fidisitɛ̃ɛ̃bɛ do tìí ndìì mɔ̀nnì kɛ bo dokɛ́nɛ̀ Isidɑyɛɛribɛ, kɛ̀ Isidɑyɛɛribɛ kó bɛhɑ̃ɑ̃pɔ̀mbɛ̀ɛ cokɛ́, kɛ sɔ̃́ ntidiitì bɛ̀ tú tì ɔ́dìsì ti kó kupɑku dɛ̀ bo. \v 14 Edɑsɑɑ nɛ̀ o kɔbɛ kɛ̀ bɛ̀ɛ cómmú kɛ́ kù fìètɛ kɛ́potɛ́ Fidisitɛ̃ɛ̃bɛ, kɛ̀ ti Yiɛ̀ nKuyie nduɔ́ nkɛ̀ Isidɑyɛɛribɛɛ bɛ̀ nɑ kɛ́ bɛ̀ ɑutɛ́ mɛdiɛ̀. \p \v 15 Mɛm̀mɛ kɛ̀ bɛnìtìbɛ̀ bɛ̀tɑ̃ɑ̃ti bɛmbɛ bɛ̀ɛ̀ ni bɛnìtìbɛ̀ sipísìtɑ̃ɑ̃ti, kɛ̀ bɛ̀ɛ kɔtɛní kɛ bo yɑ̀ Dɑfiti dipèrì dìì bo Adudɑmmu tɑ̃dènkù borɛ̀. Dɛ kó dimɔ̀nnì kɛ̀ Fidisitɛ̃ɛ̃bɛ bɑ̀tɛ́ Defɑimmu biriku kɛ kɑri. \v 16 Kɛ̀ Dɑfiti mbo tɛcɛ̃kpetɛ̀ miɛkɛ kɛ sɔri, kɛ̀ Fidisitɛ̃ɛ̃bɛ kó dikɑrì mɑrì bo Bɛtideɛmmu. \v 17 Kɛ̀ Bɛtideɛmmu ɛì bòrì kó tɛbintɛ niɛ nkó kudɔ́kùu pĩ́ nDɑfiti, kòo sɑutɛ kɛ dɔ̀: We mbo ndónní Bɛtideɛmmu ɛì bòrì kó tɛbintɛ niɛ kɛ̀ n yɑ̃̀? \p \v 18 Ò yĩ mɛmmɛ kɛ̀ bɛkpɑ̀rìnuɔmbɛ bɛ̀tɑ̃ɑ̃ti bɛmbɛ kɛ̃tɛ́ Fidisitɛ̃ɛ̃bɛ kó dihɑ̃ɑ̃pɔ̀nkɑrì kɛ́kɔtɛ kɛ́dóní mɛniɛ Bɛtideɛmmu kɛ́ mɛ̀ tɔní kóò duɔ́ nkòo yetɛ ò bo yɑ̃mɛ̀, kɛ́ mɛ pɑ̃ ti Yiɛ̀ nKuyie kɛ́ mɛ̀ còúnko ku ììkɛ̀. \v 19 Kɛ bɛ́i nkɛ dɔ̀: Ti Yiɛ̀ nKuyie mbɑ́ɑ́ yie nkɛ̀ n yɑ̃̀ dɛ kó mɛniɛ, mɛ̀ n dò mmɛyĩ̀ĩ̀ mmɛ kɛ yɛ̃́ dɛ kó bɛnìtìbɛ̀ cĩ̀nnɛmɛ̀ bɛ bɔ nyɛ, kɛ kɑ̀ɑ́tɛ́ mukṹṹ nkɛ kɔ̀tɛ kɛ mɛ̀ dòńní. Kòo yetɛ ò bo mɛ̀ yɑ̃̀mɛ̀. Dɛ kó bɛkpɑ̀rìnuɔmbɛ bɛtɑ̃ɑ̃ti bɛɛ̀ do pĩ ndɛ kó mutɔ̃mmú. \b \p \v 20 Soɑbu tebitɛ Abikɑii weè do ni bɛnìtìbɛ̀ sipísìtɑ̃ɑ̃ti, kɛ́kuɔnɛ̀ o kpɑ̃nnì bɛ dootitɔbɛ̀ sikɔusìtɑ̃ɑ̃ti (300), kòo yètìrìi feitɛ́ bɛnìtìbɛ̀ sipísìtɑ̃ɑ̃ti sinsi miɛkɛ. \v 21 Kɛ̀ bɛ̀ɛ ò dɛ̀úkùnnɛ kɛ̀ dɛ̀ɛ pɛ̃ɛ̃tɛ́ sipísìtɑ̃ɑ̃ti sinsi, o yètìrì mɛ nyí nfeitɛ́ kɛ tùɔ̀kɛ bɛketibɛ̀ bɛ̀tɑ̃ɑ̃ti kpɛyɛ, kòo bɛ̀ bɑɑtɛ́. \p \v 22 Yoyɑdɑ dikɔ̃m̀bùɔ̀ yiɛ̀ nweè do pɛitɛ́ Bennɑyɑ, o yɑ̀ɑ̀rì do tú Kɑbuseyɛɛdi ɛì kou nwe, kòò mbɑkɛ́ bɛnìtìbɛ̀ pɛ́u, weè Bennɑyɑ do kùɔ Mɔɑbu ɛì kó bɛkpɑ̀rìnuɔmbɛ bɛ̀dɛ́, weè do kùɔ Mɔɑbu ɛì kó kubinku kó dicìrícìrì muséé diɛmù kó diyiè. \v 23 Weè do wɛ̃̀tɛ kɛ́kuɔ Esibiti kou mɔù kòo okùmɛ̀ bo mɛ́tìrì bɛ̀dɛ́ nɛ̀ dikéè, kòo tɔ dikpɑ̃nnì kɛ̀ dikpɑ̃ndɔú mɑnnɛ̀ kupɑ̀ɑ̀kondùɔ̀dɔú, kɛ̀ Bennɑyɑ fietɛ o kpɑ̃nnì kóò kùɔnɛ̀. \v 24 Ntɛ Yodɑyɑdɑ birɛ Bennɑyɑ dɔ̀ɔ̀ dɛ̀, kòo yètìrìi feitɛ́ bɛkpɑ̀rìnuɔmbɛ sipísìtɑ̃ɑ̃ti bɛmbɛ miɛkɛ. \v 25 Ò do tú wèè yètìrì feí wènwe bɛnìtìbɛ̀ sipísìtɑ̃ɑ̃ti bɛmbɛ miɛkɛ, ò mɛ nnɛ́ í ntùɔ̀kɛ bɛ̀tɑ̃ɑ̃ti bɛmbɛ, kòo kpɑ̀ɑ̀tì Dɑfitii duɔ́ nkɛ̀ wè mbɑkɛ́ bɛhɑ̃ɑ̃pɔ̀mbɛ̀ bɛ̀ɛ̀ bɑ̀ɑ̀ wenwe okpɑ̀ɑ̀tì. \p \v 26 Bɛhɑ̃ɑ̃pɔ̀mbɛ̀ yɛkɔ̃m̀bɔ̀ yɛmbɛ̀ tɔbɛ̀ do tú: Asɑɛdi Soɑbu nɑntɛ̀ nɛ̀ Edɑnɑnni Dodo Bɛtideɛmmu ɛì kou kó dɛbirɛ. \v 27 Nɛ̀ Sɑmɔti Adodi ɛì kou nɛ̀ Edɛsi Pɑdonni ɛì kou. \v 28 Nɛ̀ Idɑɑ Ekɛsi Tekoɑ ɛì kou kó dɛbirɛ, nɛ̀ Abiesɛɛ Anɑtɔti ɛì kou. \v 29 Nɛ̀ Sibekɑii Usɑɑ ɛì kou, nɛ̀ Idɑii Ahoɑ ɛì kou. \v 30 Nɛ̀ Mɑdɑii Nɛtofɑɑ ɛì kou, nɛ̀ Edɛdi Nɛtofɑɑ ɛì kou Bɑɑnɑ kó dɛbirɛ. \v 31 Nɛ̀ Itɑii Dibɑii Kibeɑ ɛì kou kó dɛbirɛ Bɛnsɑmɛɛ kó kutempɛ̃ nkou, nɛ̀ Bennɑyɑ Pidɑtonni ɛì kou, \v 32 nɛ̀ Kɑsi ɛì kó ikó mpɛɛ́mmɛ̀ kou Udɑii nɛ̀ Abiyɛɛdi nɛ̀ Bɛtii Adɑbɑ ɛì kou, \v 33 nɛ̀ Bɑodimmu ɛì kou Asimɑfɛti nɛ̀ Sɑdibonni ɛì kou Ediɑbɑ. \v 34 Kisɔ̃ɔ̃ ɛì kou Asɛmmu kó ibí tú: Sɑkee birɛ Sonnɑtɑ̃ɑ̃ Adɑdii ɛì kou \v 35 nɛ̀ Adɑdii ɛì kou Sɑkɑɑ birɛ Aiyɑmmu nɛ̀ Udii birɛ Edifɑdi, \v 36 nɛ̀ Mɛkedɑ ɛì kou Efɛɛ nɛ̀ Pɑdonni ɛì kou Aiyɑ \v 37 nɛ̀ Kɑdimɛɛdi ɛì kou Esido nɛ̀ Esebɑii birɛ Nɑɑdɑii. \v 38 Nɑtɑ̃ɑ̃ tebitɛ Sowɛɛri nɛ̀ Akiditi botí kou Mikɑɑdi. \v 39 Nɛ̀ Amɔniibɛ botí kou Sedɛki, nɛ̀ Bedɔti ɛì kou Nɑdɑii wèè do tɔu Seduyɑ birɛ Soɑbu kpɑ̀rìnɛntì. \v 40 Nɛ̀ Yetɛɛ cĩ́ɛ̃̀tɛ̀ kou Idɑɑ nɛ̀ Kɑɑrɛbu bɛ cĩ́ɛ̃̀tɛ̀ tɛmɑ́ɑ̀ ndi, \v 41 Itiibɛ kó kunɑɑ̀mùnkù Udii Adɑii birɛ Sɑbɑdi, \v 42 nɛ̀ Dubɛnni kó kuwuɔ nkou Sisɑ birɛ Adinnɑ weè do nɛinɛ̀ bɛhɑ̃ɑ̃pɔ̀mbɛ̀ sipísìtɑ̃ɑ̃ti. \v 43 Nɛ̀ Mɑɑkɑ birɛ Annɑni nɛ̀ Mɛtenni ɛì kou Sosɑfɑti. \v 44 Nɛ̀ Asetɑdo ɛì kou Usiɑ nɛ̀ Adowɛɛ ɛì kou Otɑmmu bí Sɑmmɑ nɛ̀ Yeyɛɛdi, \v 45 nɛ̀ Semudii birɛ Yediɑyɛɛdi nɛ̀ o tebitɛ Tisi ɛì kou Yoɑ. \v 46 Nɛ̀ Mɑtɑɑ ɛì kou Ediɛdi nɛ̀ Edinɑmmu bí Yedibɑii nɛ̀ Sosɑfiɑ nɛ̀ Mɔɑbu ɛì kou Itimɑ, \v 47 kɛ́yíɛ́nɛ̀ Tisobɑ ɛì kɔbɛ Ediyɛɛri, nɛ̀ Obɛdi nɛ̀ Yɑsiɛdi. \c 12 \s1 Bɛnìtìbɛ̀ ketibɛ̀ bɛ̀ɛ̀ do wɛ̃nnɛ́nɛ̀ Dɑfiti \p \v 1 Ntɛ bɛ̀ɛ̀ do kɔ̀tɛ kɛ́wɛ̃nnɛ́nɛ̀ Dɑfiti kɛ sɔ̃́ nhò bo Sikidɑ kɛ sɔri Kiisi birɛ Sɑuri kpɛ́í, dɛ yɛmbɛ̀ do tú yɛkɔ̃m̀bɔ̀ yɛmbɛ̀ mbɛ, bɛkpɑ̀rìnuɔmbɛ, bɛɛ̀ do ɔ̃ɔ̃ ò teennɛ̀ mudoò. \v 2 Kɛ nɔ nkɛ tɑ̃ũ kucɑ̃̀nku nɛ̀ kuyoú, kɛ si dokùnɛ̀ dɛtɑ̃́ntɛ́ndìtìrɛ̀. \p Bɛnsɑmɛɛ nɑɑ̀mùnkù kou Sɑuri tebìí nsi, sìì yètɛ̀ tu yiɛ: \v 3 Kibeɑ ɛì kou Simɑɑ bí, Soɑsi nɛ̀ o tebitɛ Ayesɛɛ wèè do ni bɛ kó kunɑɑ̀mùnkù nɛ̀ Asimɑfɛti bí Yesiɛdi nɛ̀ Pedɛti nɛ̀ Anɑtɔti ɛì kɔbɛ Bedɑkɑɑ nɛ̀ Yeuu. \v 4 Isimɑyɑɑ Kɑbɑɔ̃ɔ̃ ɛì kou, ohɑ̃ɑ̃pɔ̀nkperì weè do ni bɛhɑ̃ɑ̃pɔ̀mbɛ̀ sipísìtɑ̃ɑ̃ti, nɛ̀ Kededɑɑ ɛì kɔbɛ Sedemii nɛ̀ Yɑyɛɛdi nɛ̀ Yoɑnnɑ nɛ̀ Yosɑbɑdi, \v 5 nɛ̀ Adufu ɛì kɔbɛ Edusɑii nɛ̀ Yedimɔti nɛ̀ Beɑdiɑ nɛ̀ Semmɑdiɑ nɛ̀ Sefɑtiɑ, \v 6 nɛ̀ Kodɑ nɑɑ̀mùnkù kɔbɛ Ɛdikɑnɑɑ nɛ̀ Isiɑ nɛ̀ Asɑdɛɛdi nɛ̀ Yoesɛɛ nɛ̀ Yɑsobeɑmmu \v 7 nɛ̀ Kedɔɔ ɛì kɔbɛ Sedoɑmmu bí Yoedɑ nɛ̀ Sebɑdiɑ. \p \v 8 Bɛ kó difɔ̃nkúò kɛ̀ Kɑdi kó kuwuɔ nkɔbɛɛ tũnnɔɔ kɛ́wɛ̃nnɛ́nɛ̀ Dɑfiti ò sɔ̀ri dɛ̀ dikpɑ́ɑ̀ miɛkɛ. Yɛkɔ̃m̀bɔ̀ yɛmbɛ̀ do mbɛ bɛkpɑ̀rìnuɔmbɛ bɑ́ wè kòò nɔ nkɛ kɛ́í kudɔpìkù, kɛ nɔ nkɛ tɑ̃ũ yɛkpɑ̃ɑ̃̀ nkɛ mɔkɛ yɛcìrícìrɛ̀ kó yɛkɔ̃m̀bɔ̀ kɛ cɑ̃ɑ̃́ nsiweí cɑ̃ɑ̃mɛ̀ yɛtɑ̃rɛ̀ ĩ́nkɛ̀. \v 9 Bɛ̀ do bo tɛpíítɛ̀ nɛ̀ òmɑ́ɑ̀ ndi, Esɛɛ weè do tú oketiwè kɛ̀ Abudiɑsi ntú odɛ́ríwè, kɛ̀ Ediɑbu ntú otɑ̃ɑ̃́nwè, \v 10 kɛ̀ Mɑsemmɑnɑ ntú onɑɑnwè kɛ̀ Sedemii ntú onummuwè, \v 11 kɛ̀ Atɑii ntú okuɔ́nwè kɛ̀ Ediyɛɛri ntú oyiénwè, \v 12 kɛ̀ Yoɑnɑ ntú oniínwè, kɛ̀ Edisɑbɑdi ntú owɛínwè, \v 13 kɛ̀ Immɛyɑu ntú opíínwè, kɛ̀ Mɑkemɑnɑii ntú tɛpíítɛ̀ nɛ̀ oketiwè. \v 14 Kɑdi kó kuwuɔ nkɔbɛ mɑbɛ̀ do mbɛ, bɛ̀ɛ̀ bɑkɛ́ yɛhɑ̃ɑ̃pɔ̀ntĩ̀rɛ̀ bɛ miɛkɛ, wèè tu osɑ́m̀pɔ́ù kòo wɛ̃rímú mmɑ̀nnɛ̀ bɛhɑ̃ɑ̃pɔ̀mbɛ̀ tɛkɔ̀ùtɛ̀ (100) kɔ̃mu, kòo diɛwè kɔ̃mu mɑ̀nnɛ̀ tɛkɔupíítɛ̀ (1000) kɔ̃mu. \v 15 Bɛɛ̀ do sèńtɛ́ kukó nSuditɛ̃ɛ̃ dibenni kóo tɑ̃̀nkù ketiwè miɛkɛ, kɛ sɔ̃́ mɛniɛ mpíɛ kɛ yɛ̀nnɛ̀ yɛkonnɛ́bìɛ̀ kɛ́bɛti bɛ̀ɛ̀ mɑɑ́ ku tɑkɛ́ diyiè yìɛ̀ní kɛ̀ɛ̀ bíɛ́kɛ̀ nɛ̀ di tɑɑ̀ kɛ̀ɛ̀ bíɛ́kɛ̀. \p \v 16 Bɛnsɑmɛɛ kó kuwuɔ nkɔbɛ mɑbɛ̀ nɛ̀ Sudɑɑ kó kuwuɔ nkɔbɛ mɑbɛ̀ kɛ̀ bɛ̀ɛ wɛ̃nnɛ́ kɛ́kɔtɛ kɛ́sɔ̃́nkɛ́ Dɑfiti ò sɔ̀ri dɛ̀. \v 17 Kɛ̀ Dɑfitii ítɛ́ní kɛ́ bɛ̀ co kɛ́bɛ́i nkɛ dɔ̀: Kɛ̀ di kɔ̀tɛní m borɛ̀ nɛ̀ kunɑɑtí nku kɛ bo n teennɛ̀ n yóó yiémmu kɛ̀ ti yɛ̀mmɛ̀ɛ wɛ̃nnɛ́, kɛ̀ di mɛ nkɔ̀tɛní kɛ bo n soutɛ́mu kɛ́ n fítɛ́nɛ̀ n dootitɔbɛ̀, m mɛ nyí cɑ̀ɑ̀rɛ̀ mùmɑmù, ti Yiɛ̀ nKuyie nti yɛmbɛ̀ do tũ nkù ti wúómmu kɛ bo ti pútɛ́. \v 18 Kɛ̀ ti Yiɛ̀ nKuyie nYɑɑ́ ntɑ Amɑsɑii wèè do ni bɛnìtìbɛ̀ sipísìtɑ̃ɑ̃ti kòò bɛ́i nkɛ dɔ̀: \q1 Ti dɑ wɛ̃nnɛ̀mu. \q1 Fɔ̃́ nDɑfiti Sɛsee birɛ ti dɑ kómmúmu \q1 kunɑɑtí ndɑ bonɛ̀ kɛ́mbonɛ̀ bɛ̀ɛ̀ dɑ teénnɛ̀. \q1 A kóo teèntì tu ti Yiɛ̀ nKuyie nku. \b \p Kɛ̀ Dɑfitii yie nkɛ́ bɛ̀ cɔutɛ́, kɛ̀ bɛ̀ nwɛ̃ńnɛ̀ bɛ̀ɛ̀ bɑkɛ́ yɛhɑ̃ɑ̃pɔ̀ntĩ̀rɛ̀. \p \v 19 Mɛm̀mɛ kɛ̀ Mɑnɑnsee kó kuwuɔ nkɔbɛɛ kɔtɛ Dɑfiti borɛ̀ kɛ sɔ̃́ nhò kɔ̀tɛ Fidisitɛ̃ɛ̃bɛ dokù ndɛ̀ Sɑuri kɛ bo bɛ̀ wɛ̃nnɛ́nɛ̀. Ò mɛ nyí mbɛ̀ wɛ̃nnɛ́nɛ̀ kɛ yɛ̃́ Fidisitɛ̃ɛ̃bɛ kó bɛkpɑ̀ɑ̀tìbɛ̀ do nɑ̀kɛ́mɛ̀ bɛ mɑ́ɑ̀ kóò bɛ̀ti kɛ dɔ̀ ò yɑ̀ɑ̀ bo kóntɛ́ kɛ́wɛ̃nnɛ́nɛ̀ o yiɛ̀ nSɑuri kɛ́ bɛ̀ kùɔ. \v 20 Mɛm̀mɛ Dɑfiti ìtɛ́mɛ̀ kɛ́nwɛ̃ti Sikidɑɑ kɛ̀ Mɑnɑnsee kó kuwuɔ nkɔbɛ bɛmbɛ nhò nɛínɛ̀. Bɛɛ̀ yètɛ̀ tu: Adinɑɑ nɛ̀ Yosɑbɑdi nɛ̀ Yediyɑyɛɛri nɛ̀ Mikɑyɛɛdi, nɛ̀ Yosɑbɑdi, nɛ̀ Ediu nɛ̀ Sidetɑii. Bɛ̀ do tú bɛ̀ɛ̀ ni bɛ̀mbɛ Mɑnɑnsee kó kuwuɔ nkɔbɛ bɑ́ wè tɛkɔupíítɛ̀ (1000). \v 21 Kɛ̀ bɛ̀ nteénnɛ̀ Dɑfiti kɛ bɑkɛ́ dihɑ̃ɑ̃pɔ̀ntĩ̀nnì, kɛ yɛ̃́ bɛ̀ do túmɛ̀ bɛmɔu bɛkpɑ̀rìnuɔmbɛ mbɛ, kòo bɛ̀ bɑɑ́ mbɛhɑ̃ɑ̃pɔ̀mbɛ̀. \v 22 Bɑ́ dìì yiè kɛ̀ Dɑfitii mpiɛti bɛteèmbɛ̀ kòo kó dihɑ̃ɑ̃pɔ̀ntĩ̀nnì dɛ̀úkú kɛ kpeńnì. \s1 Bɛhɑ̃ɑ̃pɔ̀mbɛ̀ bɛ̀ɛ̀ do pĩ nDɑfiti tikpɑ̀tì \p \v 23 Ntɛ bɛhɑ̃ɑ̃pɔ̀mbɛ̀ bɛ̀ɛ̀ do bɑ̀ɑ́tí kɛ́sɔ̃́nkɛ́ Dɑfiti Ebunɔɔ kɛ bo ò cɛ̃́ĩ nSɑuri kpɑ̀tì ti Yiɛ̀ nKuyie ndo yɛ̃ ndɛ̀ ndòmmɛ̀. \p \v 24 Sudɑɑ kó kuwuɔ mmiɛkɛ bɛhɑ̃ɑ̃pɔ̀mbɛ̀ bɛ̀ɛ̀ do tɔ tidɔpììtì nɛ̀ yɛkpɑ̃ɑ̃̀ bɛ̀ do bo sikɔupísìkuɔ̀ nɛ̀ sikɔusìni ndi (6800). \v 25 Simmɛɔ̃ɔ̃ kó kuwuɔ mmiɛkɛ kɛ̀ bɛkpɑ̀rìnuɔmbɛ ḿbo sikɔupísìyiekɛ̀ nɛ̀ tɛkɔ̀ùtɛ̀ (7100). \v 26 Defii kó kuwuɔ mmiɛkɛ kɛ̀ sinitidɑbíí ḿbo sikɔupísìnɑ̀ɑ̀ nɛ̀ sikɔusìkuɔ̀ (4600), \v 27 kɛ́yíɛ́nɛ̀ Yoyɑdɑ wèè do bɑkɛ́ Anɔɔ yɑɑ̀bí nɛ̀ o kɔbɛ kɛ̀ bɛ̀ mbo sikɔupísìtɑ̃ɑ̃ti nɛ̀ sikɔusìyiekɛ̀ (3700), \v 28 nɛ̀ odɑpɑ̀ɑ̀ nSɑdɔki okpɑ̀rìnuɔnti nɛ̀ o cĩ́ɛ̃̀tɛ̀ kó bɛhɑ̃ɑ̃pɔ̀nkótíbɛ̀ sipísìdɛ́ nɛ̀ bɛ̀dɛ́bɛ̀. \v 29 Bɛnsɑmɛɛ kó kuwuɔ nkɔbɛ Sɑuri tebìí sikɔupísìtɑ̃ɑ̃ti (3000) siì do wɛ̃nnɛ́ kɛ yɛ̃́ bɛsṹkùbɛ̀ bɛ miɛkɛ do kpɑɑ́ tũmmɛ̀ Sɑuri fɔ̃nkúò ndi. \v 30 Efɑdɑimmu kó kuwuɔ mmiɛkɛ bɛkpɑ̀rìnuɔmbɛ bɛ̀ɛ̀ yètɛ̀ do feí bɛ nɑɑ̀mùntì miɛkɛ kɛ̀ bɛ̀ ḿbo sikɔupípísìdɛ́ nɛ̀ sikɔusìni (20800). \v 31 Kɛ̀ Mɑnɑnsee wuɔ nkó dikéè miɛkɛ kɛ̀ bɛ̀ɛ tɑ̃ɑ̃tɛ́ tɛkɔupípíítɛ̀ nɛ̀ sikɔùpísìni (18000) kɛ̀ bɛ̀ bo kɔtɛ kɛ́pĩɛ̃kɛ́ Dɑfiti tumɛ̀ okpɑ̀ɑ̀tì. \v 32 Isɑkɑɑ kó kuwuɔ mmiɛkɛ kɛ̀ bɛkpɑ̀rìnuɔmbɛ ḿbo sikɔusìdɛ́ (200) kɛ́mbɑkɛ́ bɛ tebìí bɛ̀ do tú bɛ̀ɛ̀ yɛ̃ bɛ̀mbɛ Isidɑyɛɛribɛ dò nkɛ́dɔɔ̀ tì nɛ̀ bɛ̀ dò nkɛ́ tì dɔ̀ɔ̀ dìì mɔ̀nnì. \v 33 Sɑbunɔɔ kó kuwuɔ mmiɛkɛ kɛ̀ bɛhɑ̃ɑ̃pɔ̀mbɛ̀ ḿbo sikɔupípísìnùmmù (50000) kɛ yɛ̃́ mudoò, kɛ wɑ̃kɛ́ mudoò kpɛ́í nkɛ mɔkɛ tikpɑ̀rìnɛntì timɔu kɛ dokùnɛ̀ bɛ yɛ̀mmɛ̀ mɛmɔu. \v 34 Nɛfutɑdii kó kunɑɑ̀mùnkù miɛkɛ kɛ̀ bɛhɑ̃ɑ̃pɔ̀nkótíbɛ̀ ḿbo tɛkɔupíítɛ̀ (1000) nɛ̀ bɛhɑ̃ɑ̃pɔ̀mbɛ̀ sikɔupípísìtɑ̃ɑ̃ti nɛ̀ sikɔupísìyiekɛ̀ (37000) kɛ bɑ́ɑ́tí tidɔpììtì nɛ̀ yɛkpɑ̃ɑ̃̀. \v 35 Dɑnni kó kuwuɔ mmiɛkɛ kɛ̀ bɛhɑ̃ɑ̃pɔ̀mbɛ̀ bɛ̀ɛ̀ wɑ̃kɛ́ mudoò kpɛ́í, kɛ̀ bɛ̀ ḿbo sikɔupípísìdɛ́ nɛ̀ sikɔupísìni nɛ̀ sikɔùsìkuɔ̀ (28600). \v 36 Asɛɛ kó kuwuɔ mmiɛkɛ kɛ̀ bɛhɑ̃ɑ̃pɔ̀mbɛ̀ ḿbo sikɔupípísìnɑ̀ɑ̀ (40000) bɛ̀ɛ̀ nɔ mmudoò kɛ wɑ̃kɛ́ mudoò kpɛ́í \v 37 nɛ̀ iwuɔ ntɛì ìì bo kukó nSuditɛ̃ɛ̃ yɑ́ɑ̀ diyiè yìɛ̀ní kɛ̀ɛ̀ bíɛ́kɛ̀ Dubɛnni kɔbɛ nɛ̀ Kɑdi kɔku nɛ̀ Mɑnɑnsee kɔku dikéè tɛrì, kɛ̀ bɛ̀ ḿbo tɛkɔupíkɔ̀ùtɛ̀ nɛ̀ sikɔupípísìdɛ́ (120000) kɛ mɔkɛ tikpɑ̀rìnɛntì timɔu. \p \v 38 Bɛhɑ̃ɑ̃pɔ̀mbɛ̀ ti mɛ̀ nnɑ̀kɛ́ bɛ̀ɛ̀ kpɛ́í bɛmɔu bɛ̀ɛ̀ do wɑ̃kɛ́ bɛ̀mbɛ mudoò kpɛ́í nkɛ́dɔ́ɔ́tɛ́ nɛ̀ mɛyɛ̀mmɛ̀ mɛmɑ́ɑ̀ kɛ́kɔtɛ Ebunɔɔ kɛ́pĩ́ nDɑfiti tikpɑ̀tì. Bɛsɔmbɛ bɛmɔu kɛ̀ bɛ̀ɛ bɛ̀ wɛ̃nnɛ́nɛ̀ mɛyɛ̀mmɛ̀ kɛ̀ bɛ̀ɛ pĩ́ ntikpɑ̀tì Dɑfiti. \v 39 Kɛ̀ bɛ̀ nkɛ́ bo kɛ dɔ̀ yɛwe yɛ̀tɑ̃ɑ̃ti kɛ wɛ̃nnɛ̀ Dɑfiti kɛ yo nkɛ yɔ̃̀. Bɛ̀ tebìí siì do bɛ̀ bèńnɛ́ mudiì. \v 40 Kɛ̀ bɛ̀ pɛɛtitɔbɛ̀ɛ bɛ̀ yìɛ́ tidiitì, kɛ́túótɛ́ Isɑkɑɑ kó kutempɛ̃ nɛ̀ Sɑbunɔɔ kɛ́ntɔ kɛ́tuɔkɛnɛ̀ Nɛfutɑdii kɔku. Kɛ̀ bɛ̀ ntoummu sɑ̃mmɑrímú nɛ̀ yòyóbɛ̀ nɛ̀ yɛsɑ̃mmɑrínnɑrɛ̀\f + \fr 12:41 \fr*\fk yɛsɑ̃mmɑrínnɑrɛ̀: \fk*\ft Dɛ̀ɛ̀ nɑɑ́ ndɛ̀ndɛ sɑ̃mmɑrímú dɛ̀ mɛ nyí tú sɑ̃mmɑrímú, sisɛ̃ĩ́ nɛ̀ sɑ̃mmɑrímú dɛ̀ wɛ̃nnɛ́ kɛ pɛitɛ́ dɛ̀ndɛ, kɛ̀ dɛ̀ cɛ̃́nkɛ bo dɛ cuokɛ̀ dɛ̀ mɛ nyí tú sɑ̃mmɑrímú yoo tɛsɑ̃ntɛ̀.\ft*\f* nɛ̀ inɑ̀ɑ̀kɛ, tidiitì tibotí tibotí, muyuo nnɛ̀ yɛkɑ̀tìndɑ̀ bɛ̀ dɔ̀ɔ̀nɛ̀ yɛ̀ fìkíè kó yɛbɛ nɛ̀ fínyĩ̀ kó yɛbɛ kperɛ̀ nɛ̀ mɛnɑɑ̀ nnɛ̀ mɛkùɔ̀ nnɛ̀ inɑ̀ɑ̀kɛ nɛ̀ ipe pɛ́u. Dɛ̀ do tú dibɑnni diɛrì ndi Isidɑyɛɛribɛ bɛmɔu kpɛ́í. \c 13 \s1 Dɑfiti dɔ́mɛ̀ kɛ́konnɛ̀nní Kuyie ntɑummɛ̀ tɔu \r (Wéntɛ́ 2 Sɑmmuyɛɛri 6:1-11) \p \v 1 Kɛ̀ Dɑfitii tíí nyIsidɑyɛɛribɛ kó bɛnìùbɛ̀ bɛ̀ɛ̀ ni bɛnìtìbɛ̀ biɛ nsikɔùpí, bɛtɔbɛ̀ sikɔu nɛ̀ bɛhɑ̃ɑ̃pɔ̀mbɛ̀ iwɛ̃ĩ yɛmbɛ̀. \v 2 Kòo bɛ̀ nɑ̀kɛ́ kɛ dɔ̀: Kɛ̀ di wèńtɛ́ kɛ̀ dɛ̀ wenni, kɛ̀ dɛ̀ bonní tí Yiɛ̀ nKuyie mborɛ̀, tí tɔ̃ nkɛ̀ ti tebìí sìì kpɑɑ́ Isidɑyɛɛribɛ tempɛ̃ nyimɔu nɛ̀ ikuɔ́ nìùbɛ̀ nɛ̀ Defiibɛ bɛ̀ɛ̀ bo Isidɑyɛɛribɛ ɛkɛ̀ kɛ̀ bɛ̀ɛ kɔtɛní ti borɛ̀. \v 3 Kɛ̀ tí kɔtɛ kɛ́tɔní ti Yiɛ̀ nKuyie nti tũ nkù tɑummɛ̀ tɔu, kɛ yɛ̃́ ti do í dɑkɛmɛ̀ di kpɛ́í Sɑuri kó dimɔ̀nnì. \p \v 4 Kɛ̀ ditĩ̀nnì dimɔuu tì yie nkɛ yɛ̃́ dì wùómmɛ̀ kɛ̀ dɛ̀ wennimu kɛ dò nkɛ́dɔɔ̀. \v 5 Kɛ̀ Dɑfitii tíí nyIsidɑyɛɛribɛ bɛmɔu, kɛ́túótɛ́ bɛmbɛ nɛ̀ Esibiti kɔbɛ bɛ temmɑ̀nku kɛ́ntɔ kɛ́tuɔkɛnɛ̀ Debo-Amɑti kɛ̀ bɛ̀ bo kɔtɛ Kidiyɑ-Yeɑdimmu kɛ́tɔní ti Yiɛ̀ nKuyie ntɑummɛ̀ tɔu. \v 6 Dɑfiti nɛ̀ Isidɑyɛɛribɛ bɛmɔu kɛ̀ bɛ̀ɛ tíí Bɑdɑɑ ɛì Kidiyɑ-Yeɑdimmu dìì bo Sudɑɑ tempɛ̃ kɛ̀ bɛ̀ bo túótɛ́ní ti Yiɛ̀ nKuyie ntɑummɛ̀ tɔu. Kuyie ntɔ̃rɛ̀ yɛ̀dɛ́ɛ̀ bɛ̀ tu yɛ̀ bɛĩ́nkɛ̀mbɑ̀rìbɛ̀ yɛ fèntì còḿmú dìì ĩ́nkɛ̀ ti Yiɛ̀ nKuyie mborɛ̀. \v 7 Mɛm̀mɛ bɛ̀ tùótɛ́mɛ̀ ti Yiɛ̀ nKuyie ntɑummɛ̀ tɔu Abinnɑdɑbu cĩ́ɛ̃̀tɛ̀ kɛ́ dì ɑ̃nnɛ́ tɛnɑɑsɑ̃ntɛ̀ pɑ̀ntɛ̀ miɛkɛ Usɑɑ nɛ̀ Aiyo kɛ̀ bɛ̀ ndɛri inɑ̀ɑ̀kɛ ìì dì tɔ. \v 8 Dɑfiti nɛ̀ Isidɑyɛɛribɛ bɛmɔu kɛ̀ bɛ̀ nyɑ̃nku ti Yiɛ̀ nKuyie nyììkɛ̀ nɛ̀ bɛ wɛ̃rímú mumɔu kɛ diè nkɛ bie ntibómbonti nɛ̀ tikùtìdùùtì nɛ̀ yɛbɑ̀rɛ̀ nɛ̀ tikɑ̃penti nɛ̀ yɛtɑ̃tɛhe. \v 9 Bɛ̀ tùɔ̀kɛ dìì mɔ̀nnì Kidonni yiɛ́ borɛ̀ kɛ̀ inɑ̀ɑ̀kɛ ndɔ́ kɛ́bɔ ti Yiɛ̀ nKuyie ntɑummɛ̀ tɔu kɛ̀ Usɑɑ youtɛ o nɔ̀ùtɛ̀ kɛ bo dì cɔ̀útɛ́, \v 10 kɛ̀ ti Yiɛ̀ nKuyie mmiɛkɛ ò cɔ̀útɛ́, kɛ̀ kùu ò potɛ́ ò yòutɛ mɛ̀ɛ̀ kpɛ́í nho nɔ̀ùtɛ̀ kɛ kɑ̀ɑ́kɛ́ mɛtɑummɛ̀ tɔu. Kɛ̀ Usɑɑ kú dɛndɛ ti Yiɛ̀ nKuyie nyììkɛ̀. \p \v 11 Kɛ̀ dɛ̀ɛ yonkɛ Dɑfiti ti Yiɛ̀ nKuyie mpotɛ́mɛ̀ Usɑɑ kòo yú dɛborɛ̀ kɛ dɔ̀: Pedɛsi-Usɑɑ kɛ̀ bɛ̀ kpɑɑ́ mɛ ndɛ̀ yu nɛ̀ yíenní. \v 12 Dɛ yiè kɛ̀ Dɑfitii yɔtɛ ti Yiɛ̀ nKuyie nkɛ bɛ́i nkɛ dɔ̀: M bo dɑ́ɑ́tí kɛ̀ ti Yiɛ̀ nKuyie ntɑummɛ̀ tɔuu tɑ n cĩ́ɛ̃̀tɑ̀ɑ̀? \p \v 13 Mɛm̀mɛ kɛ̀ Dɑfiti í nyie nkɛ bo kònnɛ̀ ti Yiɛ̀ nKuyie ntɑummɛ̀ tɔu o ciɛ, kɛ́duɔ́ nkɛ̀ bɛ̀ɛ dì kɔ̀tɛnɛ̀ Kɑti ɛì kou Obɛdi-Edɔmmu cĩ́ɛ̃̀tɛ̀. \v 14 Kɛ̀ dì ḿbo o cĩ́ɛ̃̀tɛ̀ kɛ dɔ̀ bɛtɑ̃̀ɑ̃̀bɛ̀ bɛ̀tɑ̃ɑ̃ti, kɛ̀ ti Yiɛ̀ nKuyie nhò dɔ̀ɔ̀ mɛsɑ̀ɑ̀ nnɛ̀ o cĩ́ɛ̃̀tɛ̀ tɛmɔu nɛ̀ ò mɔ̀kɛ dɛ̀ dɛmɔu. \c 14 \s1 Dɑfiti kɑ̀rimɛ̀ Sedisɑdɛmmu \r (Wéntɛ́ 3:5-9 nɛ̀ 2 Sɑmmuyɛɛri 5:11-16) \p \v 1 Kɛ̀ Tiiri kóo kpɑ̀ɑ̀tì Idɑmmuu tɔ̃nnɛ̀ bɛnìtìbɛ̀ dɛtekperɛ̀ kó idɛí nɛ̀ bɛdɑbɛɛsṹɔ̃̀bɛ̀ nɛ̀ bɛtɑ̃́cíɛ̀bɛ̀ kɛ̀ bɛ̀ bo mɑɑ́ Dɑfiti tɛkpɑ̀ɑ̀tìcĩ́ɛ̃̀tɛ̀. \v 2 Mɛm̀mɛ kɛ̀ Dɑfitii bɑntɛ́ ti Yiɛ̀ nKuyie nkuù ò duɔ́mmɛ̀ tikpɑ̀tì kòò bɑkɛ́ Isidɑyɛɛribɛ kɛ̀ kù dɛ̀úkùnko o kpɑ̀tì kù dɔ́ mɛ̀ɛ̀ kpɛ́í nyIsidɑyɛɛribɛ. \p \v 3 Kɛ̀ Dɑfiti ḿbo Sedisɑdɛmmu kɛ́wɛ̃tɛ kɛ́puokɛ bɛnitipòbɛ̀ tɔbɛ̀ kɛ̀ bɛ̀ɛ ò piɛ́ initidɑbí nɛ̀ initipobí. \v 4 Ntɛ bɛ̀ do piɛ́ ìì bí Sedisɑdɛmmu i yètɛ̀: Sɑmmuɑ nɛ̀ Sobɑbu nɛ̀ Nɑtɑ̃ɑ̃ nɛ̀ Sɑdomɔɔ, \v 5 nɛ̀ Ibɑɑ nɛ̀ Ediisuɑ nɛ̀ Edipedɛti \v 6 nɛ̀ Nɔkɑɑ nɛ̀ Nɛfɛki nɛ̀ Sɑfiɑ, \v 7 nɛ̀ Edisɑmɑɑ nɛ̀ Beediyɑdɑ nɛ̀ Edifedee. \s1 Dɑfiti nɑmɛ̀ Fidisitɛ̃ɛ̃bɛ \r (Wéntɛ́ 2 Sɑmmuyɛɛri 5:17-25) \p \v 8 Kɛ̀ Fidisitɛ̃ɛ̃bɛɛ keè Isidɑyɛɛribɛ còúmmɛ̀ mɛkùɔ̀ Dɑfiti, koò pĩ ntikpɑ̀tì kòò bo mbɛ̀ bɑkɛ́ bɛmɔu. Kɛ̀ Fidisitɛ̃ɛ̃bɛɛ ítɛ́ bɛmɔu kɛ́nwɑnti Dɑfiti kɛ bo ò pĩ nkɛ̀ Dɑfitii tì kèè kɛ́bɑ́ɑ́tí kɛ́yɛ̀roo kɛ́ bɛ̀ co. \v 9 Kɛ̀ Fidisitɛ̃ɛ̃bɛɛ tuɔkoo kɛ́pitɛ́ Defɑimmu biriku miɛkɛ. \v 10 Kɛ̀ Dɑfiti beé nti Yiɛ̀ nKuyie nkɛ dɔ̀: Kɛ̀ ń kɔ̀tɛ kɛ dokɛ́nɛ̀ Fidisitɛ̃ɛ̃bɛ ɑ́ bɛ̀ ɑ̃nnɛ́ n nɔu miɛkɑɑ̀? Kɛ̀ ti Yiɛ̀ nKuyie nhò tɛ̃̀ńnɛ́ kɛ dɔ̀: Kɔtɛ! N yóó bɛ̀ ɑ̃nnɛ́mu ɑ nɔu miɛkɛ. \p \v 11 Kɛ̀ Dɑfitii kɔtɛ kɛ́ bɛ̀ do Bɑɑdi-Pedɑsimmu kɛ́nɑ Fidisitɛ̃ɛ̃bɛ kɛ́bɛ́i nkɛ dɔ̀: Nɛ̀ n nɔ̀ùtɛ̀ ntɛ Kuyie mpètɛ́mɛ̀ n dootitɔbɛ̀ mɛniɛ nhɔ̃ɔ̃ kpɛ̃́tɛ́ mɛ̀ɛ̀ botí kukpɛ̃́roo. \p Dɛɛ̀ te kɛ̀ bɛ̀ yu dɛ kó dibòrì kɛ tú Bɑɑdi-Pedɑsimmu. \v 12 Kɛ̀ Fidisitɛ̃ɛ̃bɛɛ cokɛ́ kɛ́buɔ́nko bɛ̀ bɔkɛ̀, kɛ̀ Dɑfitii duɔ́ nkɛ̀ bɛ̀ɛ yɛ̀ cɔ́u. \p \v 13 Kɛ̀ dɛ̀ɛ yíɛ́ kɛ̀ Fidisitɛ̃ɛ̃bɛ ítɛ́ní kɛ́pitɛ́ Defɑiibɛ biriku. \v 14 Kɛ̀ Dɑfiti wɛ̃tɛ kɛ́beé ti Yiɛ̀ nKuyie nkɛ̀ kùu ò nɑ̀kɛ́ kɛ dɔ̀: A bɑ́ɑ́ bɛ̀ do bɛ fɔ̃nkúò bíɛ́kɛ̀, ɑ́ kɔ́ntɛ́ mɛdɛ́timɛ̀ kɛ́ bɛ̀ dintɛ́, dɛtie mbɛ̀ tu dɛ̀ mukokudiè dɛ kó kubiriku pɛɛ́mmɛ̀. \v 15 Kɑ̀ɑ kèè dìì mɔ̀nnì kunɑmpoo mɑkù dɛtie nyómmɛ̀ ɑ́ kétóo kɛ́ bɛ̀ do, kɛ yɛ̃́ dɛ mɔ̀nnì ndi n kèróomɛ̀ kɛ bo do Fidisitɛ̃ɛ̃bɛ ɑ̃ɑ̃pɔ̀mbɛ̀ kɛ́ bɛ̀ potɛ́. \p \v 16 Kɛ̀ Dɑfitii dɔɔ̀ ti Yiɛ̀ nKuyie nhò nɑ̀kɛ́ tì, kɛ̀ bɛ̀ɛ potɛ́ Fidisitɛ̃ɛ̃bɛ kó bɛhɑ̃ɑ̃pɔ̀mbɛ̀, kɛ́ bɛ̀ bɛ̀ti Kɑbɑɔ̃ɔ̃ kɛ́ntɔ kɛ́tuɔkɛnɛ̀ Kesɛɛ. \v 17 Dɛ mɔ̀nnì kɛ̀ Dɑfiti yètìrìi feitɛ́ dihɛì dimɔu miɛkɛ, kɛ̀ ti Yiɛ̀ nKuyie nduɔ́ nkɛ̀ ibotí tɛìi ò yɔ̀tɛ. \c 15 \s1 Dɑfiti bɑ̀ɑ́tímɛ̀ kɛ bo kɔtɛ kɛ́túótɛ́ Kuyie ntɑummɛ̀ tɔu \p \v 1 Kɛ̀ Dɑfitii mɑɑ́ sicɛ̃́ĩ dihɛì bɛ̀ tu dì Dɑfiti ɛì, kɛ́deè kɛ́tũntɛ ti Yiɛ̀ nKuyie ntɑummɛ̀ tɔu yó nyĩ́ĩ́kú dɛ̀ kɛ́dɔɔ̀ ditou. \v 2 Kɛ̀ Dɑfitii bɛ́i nkɛ̀ dɔ̀: Kɛ̀ dɛ̀ í tú Defiibɛ ti í do nkɛ́nɑ kɛ́túótɛ́ ti Yiɛ̀ nKuyie ntɑummɛ̀ tɔu, kɛ yɛ̃́ ti Yiɛ̀ nKuyie mbɛ ntɑ̃ɑ̃tɛ́mɛ̀ kɛ̀ bɛ̀ bo ndì tɔu, kɛ pĩ́ ndì kó mutɔ̃mmú sɑ̃́ɑ̃̀. \p \v 3 Kɛ̀ Dɑfitii tíí nyIsidɑyɛɛribɛ bɛmɔu Sedisɑdɛmmu miɛkɛ, kɛ̀ bɛ̀ bo kɔtɛ kɛ́konnɛ̀nní ti Yiɛ̀ nKuyie ntɑummɛ̀ tɔu kɛ́ dì tɑnnɛ́ kɛ́ĩ́nnɛ́ kudieku ò tũ̀ntɛ kù di kpɛ́í. \v 4 Kòo tíí nhAnɔɔ yɑɑ̀bí ikuɔ́ nìùbɛ̀ nɛ̀ Defiibɛ bɛmɔu, \v 5 kɛ̀ Udiyɛɛdi mbɑkɛ́ Keɑti kó kunɑɑ̀mùnkù nɛ̀ o tebìí kɛ̀ bɛ̀ɛ wɛ̃nnɛ́ kɛ́mbo tɛkɔ̀ùtɛ̀ nɛ̀ sipísìdɛ́ (120). \v 6 Kɛ̀ Asɑyɑ mbɑkɛ́ Mɛdɑdi kɔku nɛ̀ o tebìí kɛ̀ bɛ̀ mbo sikɔusìdɛ́ nɛ̀ sipísìdɛ́ (220). \v 7 Kɛ̀ Sowɛɛri mbɑkɛ́ Kɛrisonni kó kunɑɑ̀mùnkù nɛ̀ o tebìí kɛ̀ bɛ̀ mbo tɛkɔ̀ùtɛ̀ nɛ̀ sipísìtɑ̃ɑ̃ti (130). \v 8 Kɛ̀ Semmɑyɑ mbɑkɛ́ Edisɑfɑ̃ɑ̃ kó kunɑɑ̀mùnkù nɛ̀ o tebìí kɛ̀ bɛ̀ ḿbo sikɔusìdɛ́ (200). \v 9 Kɛ̀ Ediyɛɛri mbɑkɛ́ Ebunɔɔ kó kunɑɑ̀mùnkù nɛ̀ o tebìí kɛ̀ bɛ̀ ḿbo sipísìni. \v 10 Kɛ̀ Amminɑdɑbu mbɑkɛ́ Usɑyɛɛdi kó kunɑɑ̀mùnkù miɛkɛ nɛ̀ o tebìí kɛ̀ bɛ̀ ḿbo tɛkɔ̀ùtɛ̀ nɛ̀ tɛpíítɛ̀ nɛ̀ bɛ̀dɛ́bɛ̀ (112). \v 11 Kɛ̀ Dɑfitii yú ikuɔ́ nìùbɛ̀ Sɑdɔki nɛ̀ Abiɑtɑɑ kɛ́yúnɛ̀ Defiibɛ bɛ̀kuɔ̀, Udiɛdi nɛ̀ Asɑyɑ nɛ̀ Sowɛɛri Semmɑyɑ Ediyɛɛri Amminɑdɑbu. \v 12 Kòò dɔ̀: Díì tu bɛ̀ɛ̀ bɑkɛ́ Defiibɛ nɑɑ̀mùntì, dɔɔ̀nɛ̀ dimɑ́ɑ̀ mɛwénkùmɛ̀ kó ikuɔ́, díndi nɛ̀ di tebìí kɛ́kɔtɛ kɛ́túótɛ́ní ti Yiɛ̀ nKuyie tinti nyIsidɑyɛɛribɛ tũ nkù tɑummɛ̀ tɔu kɛ́ dì tɑnnɛ́ n tũ̀ntɛ dìì bòrì di kpɛ́í. \v 13 Ti do yóó dì tɔní mɛketimɛ̀ mɔ̀nnì kɛ̀ dì í bo, kɛ̀ dɛɛ̀ nte kɛ̀ ti Yiɛ̀ nKuyie nti potɛ́, ti í tũ̀nnɛ mɛ̀ɛ̀ kpɛ́í nku kuɔ́ yɛ̃ ndɛ ndòmmɛ̀. \p \v 14 Dɛ mɔ̀nnì kɛ̀ ikuɔ́ nìùbɛ̀ nɛ̀ Defiibɛ kɛ̀ bɛ̀ɛ dɔɔ̀ bɛmɑ́ɑ̀ mɛwénkùmɛ̀ kó ikuɔ́ kɛ bo túótɛ́ní ti Yiɛ̀ nKuyie nyIsidɑyɛɛribɛ tũ nkù tɑummɛ̀ tɔu. \v 15 Defiibɛ bɛɛ̀ do dì tɔunɛ̀ ipɑ̀ɑ̀ti kɛ níí ndì bukú ti Yiɛ̀ nKuyie ndo nɑ̀kɛ́ Mɔyiisi kɛ yɛ̃ ndɛ̀ ndòmmɛ̀. \v 16 Kɛ̀ Dɑfitii nɑ́kɛ́ Defiibɛ kó bɛnìùbɛ̀ kɛ̀ dɔ̀ bɛ̀ɛ tɑ̃ɑ̃tɛ́ bɛ tebìí miɛkɛ bɛdèmbɛ̀ bɛ̀ɛ̀ nɔ nkɛ bie ntikùtìdùùtì nɛ̀ tibómbonti nɛ̀ tikɑ̃penti. Kɛ̀ bɛ̀ ndiè nkɛ dɛ́úkùnko ti Yiɛ̀ nKuyie nyètìrì nɛ̀ diwɛ̀ì. \v 17 Kɛ̀ Defiibɛɛ tɑ̃ɑ̃tɛ́ Sowɛɛri birɛ Emɑnni nɛ̀ Bedekiɑ birɛ Asɑfu, kɛ́tɑ̃ɑ̃tɛ́ Mɛdɑdi kó kunɑɑ̀mùnkù miɛkɛ Kusɑyɑ birɛ Edɑnni. \v 18 Kɛ nɛ́ yíɛ́nɛ̀ bɛ tebìí sìì do bɛ̀ teénnɛ́ mutɔ̃mmú kɛ bɑɑ̀nɛ̀ yɛbòrɛ̀ Sɑkɑrii nɛ̀ Bɛnnii nɛ̀ Yɑɑsiɛdi nɛ̀ Semidɑmɔti nɛ̀ Yeiyɛɛdi nɛ̀ Unni nɛ̀ Ediɑbu nɛ̀ Bennɑyɑ nɛ̀ Mɑseyɑ nɛ̀ Mɑtitiɑ nɛ̀ Edifedeu nɛ̀ Mikinɛyɑ nɛ̀ Obɛdi Edɔmmu nɛ̀ Yeiyɛɛdi. \v 19 Bɛ miɛkɛ Emɑnni nɛ̀ Asɑfu nɛ̀ Etɑnni bɛɛ̀ do nɔ nkɛ bie ntikɑ̃penti disɔɔwũɔ̃̀ kpɛti tìì kuɔ̀ mmɛdiɛ̀. \v 20 Sɑkɑrii nɛ̀ Asiyɛɛdi nɛ̀ Semidɑmɔti nɛ̀ Yeyɛɛdi nɛ̀ Unni nɛ̀ Ediɑbu nɛ̀ Mɑseyɑ nɛ̀ Bennɑyɑ kɛ̀ bɛ̀ mbie ntikùtìdùùtì mɛtɑmmɛ̀ dɑɑmɛ̀ kpɛti. \v 21 Kɛ̀ Mɑtitiɑ nɛ̀ Edifedeu nɛ̀ Mikinɛyɑ nɛ̀ Obɛdi Edɔmmu nɛ̀ Yeiyɛɛdi nɛ̀ Asɑsiɑɑ bɛɛ̀ do bie ntikùtìdùùtì iwɛ̃ĩ ìni kpɛti, bɛɛ̀ do niù iyiɛ. \v 22 Defiibɛ kó bɛkótíbɛ̀ miɛkɛ Kenɑnniɑ weè do ni bɛ̀ɛ̀ tɔu mɛtɑummɛ̀ tɔu, ò yɛ̃ mɛ̀ɛ̀ kpɛ́í dɛ kó mutɔ̃mmú. \v 23-24 Bedekiɑ nɛ̀ Ɛdikɑnɑɑ nɛ̀ Obɛdi-Edɔmmu nɛ̀ Sesiɑ bɛɛ̀ do te yɛbòrɛ̀ kó mubɑ̀rìmù kɛ̀ bɛɛ̀ mbɑɑ̀ mɛtɑummɛ̀ tɔu. Ikuɔ́ nìùbɛ̀ Sebɑnniyɑ nɛ̀ Sosɑfɑti nɛ̀ Nɛtɑnnɛyɛɛdi nɛ̀ Amɑsɑii nɛ̀ Sɑkɑrii nɛ̀ Bennɑyɑ nɛ̀ Ediesɛɛ bɛɛ̀ do eu siheú ti Yiɛ̀ nKuyie ntɑummɛ̀ tɔu ììkɛ̀. \s1 Kuyie ntɑummɛ̀ tɔu konnímɛ̀ Sedisɑdɛmmu \r (Wéntɛ́ 2 Sɑmmuyɛɛri 6:12-19) \p \v 25 Dɑfiti nɛ̀ Isidɑyɛɛribɛ kó bɛkótíbɛ̀ nɛ̀ bɛ̀ɛ̀ ni bɛhɑ̃ɑ̃pɔ̀mbɛ̀ tɛkɔupíítɛ̀ (1000) kɛ̀ bɛ̀ɛ ítɛ́ kɛ́kɔtɛ kɛ bo túótɛ́ní ti Yiɛ̀ nKuyie ntɑummɛ̀ tɔu Obɛdi Edɔmmu cĩ́ɛ̃̀tɛ̀ kɛ́ ndì kũntinní kɛ̀ dɛ̀ dò ndibɑnni mɛdiɛ̀. \v 26 Kɛ̀ bɛ̀ɛ fíé yɛnɑɑdɑkɛ̀ yɛ̀yiekɛ̀ nɛ̀ yɛpedɑkɛ̀ yɛ̀yiekɛ̀ kɛ̀ dɛ̀ bo yie nkɛ̀ ti Yiɛ̀ nKuyie nteennɛ̀ Defiibɛ bɛ̀ɛ̀ tɔu ti Yiɛ̀ nKuyie ntɑummɛ̀ tɔu. \v 27 Dɑfiti do nií mmupɑ̀ɑ̀konkperímù kó diyɑɑ̀bòrì ndi kɛ́nɔ́ɔ́ ntɛkɔutɛ́yɑɑ̀bòtɛ̀ pɛ́ítɛ̀, bɛ̀ dùɔ̀kɛnɛ̀ tɛ̀ mupɑ̀ɑ̀kommú sɑ̀ɑ̀mù. Kɛ̀ Defiibɛ bɛ̀ɛ̀ do tɔu ti Yiɛ̀ nKuyie ntɑummɛ̀ tɔu nɛ̀ Kɑnniɑ wèè do bɛ̀ ni dɛ kó mutɔ̃mmú miɛkɛ kɛ̀ bɛ̀ dɑ̀ɑ́tí yɛ̀ɛ̀ yɑɑ̀bòrɛ̀ botí. \v 28 Kɛ̀ Isidɑyɛɛribɛ bɛmɔu ntɔní ti Yiɛ̀ nKuyie ntɑummɛ̀ tɔu kɛ íútí nɛ̀ diwɛ̀ì kɛ eu ditɑ̃tɛheù nɛ̀ sihɑ̃ɑ̃pɔ̀nheú kɛ bie nyɛbɑ̀rɛ̀ nɛ̀ tikɑ̃penti nɛ̀ tikùtìdùùtì nɛ̀ tibómbonti. \p \v 29 Ti Yiɛ̀ nKuyie ntɑummɛ̀ tɔu tùɔ̀kɛní dìì mɔ̀nnì Dɑfiti ɛì kɛ̀ Sɑuri kóo sɑpɑ̀ɑ̀ Mikɑɑdi nsíékɛ́ní tɛbòtɛ̀ kɛ́yɑ̀ okpɑ̀ɑ̀tì Dɑfiti ɑumɛ̀ kɛ puù. Kòo sènkɛ̀rì Dɑfiti. \c 16 \p \v 1 Kɛ̀ bɛ̀ɛ tuɔkɛnɛ̀ ti Yiɛ̀ nKuyie ntɑummɛ̀ tɔu kɛ́ dì tɑnnɛ́ ditou Dɑfiti do dɔ̀ɔ̀ dì, kɛ́ dì ĩ̀ńnɛ́ dɛ cuokɛ̀ kɛ̀ Dɑfitii fíé ti Yiɛ̀ nKuyie nyiwũɔ̃ kɛ́tuɔ kɛ́fíé itɛì mɛtɑummɛ̀ kpɛyi. \v 2 Ò dèè dìì mɔ̀nnì kɛ́mɔɔ ti Yiɛ̀ nKuyie nkó mɛsɑ̀ɑ̀ Isidɑyɛɛribɛ ĩ́nkɛ̀, \v 3 kɛ́deè kɛ́ bɛ̀ totí tidiitì, bɛnitidɑɑbɛ̀ nɛ̀ bɛnitipòbɛ̀, kɛ́duɔ́ mbɑ́ wè pɛ̃́ɛ̃̀ nɛ̀ dikɑ̀tìndɑ̀ɑ̀ bɛ̀ dɔ̀ɔ̀nɛ̀ dì yɛtebɛ bɛ̀ tu yɛ̀ dɑ́tì, nɛ̀ dikɑ̀tìndɑ̀ɑ̀ bɛ̀ dɔ̀ɔ̀ nɛ̀ dì fínyĩ̀ kó yɛtebɛ̀ kperɛ̀. \s1 Defiibɛ dìèmmɛ̀ kɛ sɑ̃ntí ti Yiɛ̀ nKuyie \r (Wéntɛ́ Yɛsɑ̃ɑ̃ 105:1-15 nɛ̀ 76 nɛ̀ 106:1, 47-48) \p \v 4 Bɛ̀ dèè mɛmmɛ kɛ̀ Dɑfitii cónnɛ́ ti Yiɛ̀ nKuyie ntɑummɛ̀ tɔu ììkɛ̀ Defiibɛ, kɛ̀ bɛ̀ bo nkù dònti kɛ kù sɑ̃ntí, kɛ dɛ́úkùnko ku yètìrì, kunku ti Yiɛ̀ nKuyie nyIsidɑyɛɛribɛ tũ nkù. \v 5 Asɑfu weè do bɛ̀ bɑkɛ́ kɛ̀ Sɑkɑrii ò pòkoo, kɛ́yíɛ́nɛ̀ Yɑsiɛdi nɛ̀ Semidɑmɔti nɛ̀ Yeiyɛɛdi nɛ̀ Mɑtitiɑ nɛ̀ Ediɑbu nɛ̀ Bennɑyɑ nɛ̀ Obɛdi Edɔmmu nɛ̀ Yeiyɛɛdi, kɛ̀ bɛ̀ mbie ntibómbonti nɛ̀ tikùtìdùùtì, kɛ̀ Asɑfu bie ntikɑ̃penti. \v 6 Kɛ̀ ikuɔ́ nìùbɛ̀ Bennɑyɑ nɛ̀ Yɑyɛɛdi kɛ̀ bɛ̀ eu sihɑ̃ɑ̃pɔ̀nheú ti Yiɛ̀ nKuyie ntɑummɛ̀ tɔu ììkɛ̀ bɑ́ bɛ̀ í ompu. \v 7 Dɛ kó diyiè do tú diketìrì ndi Dɑfiti duɔ́mmɛ̀ kɛ̀ Asɑfu nɛ̀ o kɔbɛ kɛ̀ bɛ̀ bo sɑ̃ntɛ ti Yiɛ̀ nKuyie. \s1 Bɛ̀ dèntɛ̀mɛ̀ fɛyɛ̀nfɛ̀ \p \v 8 Dɛ́úkùnnɛnɛ̀ ti Yiɛ̀ nKuyie nyètìrì, \q1 ndontinɛ̀ ku. \q1 Nɑ́kɛ́nɛ̀ ibotí miɛkɛ tidiɛtì kù dɔ̀ɔ̀ tì. \q1 \v 9 Ndiènnɛ̀ kɛ kù sɑ̃ntí \q1 mbiennɛ̀ dɛbémbénnɛ̀ ku kpɛ́í. \q1 Totínɛ̀ di yɛ̀mmɛ̀ tidiɛtì kù dɔ̀ɔ̀ tì kpɛ́í. \q1 \v 10 Mpɔtìnɛ̀ ku, kunku kùù kpɑ mɛyɛi, \q1 kɛ̀ diwɛ̀ì ndi bo díndi bɛ̀ɛ̀ wɑnti ti Yiɛ̀ nKuyie. \q1 \v 11 Wɛ̃tɛ kɛ́wɑmmúnɛ̀ ti Yiɛ̀ nKuyie nɛ̀ ku wɛ̃rímú \q1 nɛ̀ ku kpetì, \q1 nwɑntinɛ̀ di bo nkù tɔ̀kɛ́nɛ̀mɛ̀ sɑ̃́ɑ̃̀. \q1 \v 12 Dentɛnɛ̀ní tidiɛtì kù dɔ̀ɔ̀ tì \q1 nɛ̀ ku tɔ̃mmú cɑ̀ncɑ̀mmù, \q1 Dentɛnɛ̀ní tibeéntì kù nɑ̀kɛ́ tìì kpɛ́í. \q1 \v 13 Díndi ku kóo tɔ̃ntì Isidɑyɛɛri kó fɛyɑnfɛ̀ \q1 díndi Sɑkɔbu yɑɑ̀bí kù tɑ̃ɑ̃tɛ́ ì. \q1 \v 14 Kuù tu ti Yiɛ̀ nKuyie, \q1 kuù bekùnɛ̀ kɛtenkɛ̀ kɛmɔu. \q1 \v 15 Di bɑ́ɑ́ yɛ̃̀ nku tɑummɛ̀ kpɛ́í. \q1 Di bɑ́ɑ́ yɛ̃̀ ku tɑnnɔ̀ kù dɔú nyɛ̀ yó mbomu sɑ̃́ɑ̃̀ \q1 nɛ̀ ti bo mbomɛ̀. \q1 \v 16 Bɑ́ɑ́ yɛ̃̀nnɛ̀ mɛtɑummɛ̀ \q1 kù do dɔ̀ɔ̀nɛ̀mɛ̀ Abɑrɑhɑmmu \q1 nyɛ̃́nɛ̀ kù dɔúnnɛ̀ dìì nùù Isɑki. \q1 \v 17 Kù tɑ̃ɑ̃tɛ́ kɛ yóó dɔɔ̀ tì Sɑkɔbu, \q1 kù dɔ̀ɔ̀ mɛ̀ɛ̀ tɑummɛ̀ nɛ̀ Isidɑyɛɛribɛ \q1 mɛ̀ í yóó deè. \q1 \v 18 Kù bɛ́immu kɛ tú: \q1 n yóó dɑ duɔ́mmu Kɑnnɑhɑ̃ɑ̃ kó kɛtenkɛ̀. \q1 N duɔ́mmu dɛ kó kɛtenkɛ̀ fɔ̃́ nnɛ̀ ɑ yɑɑ̀bío. \b \q1 \v 19 Bɑ́ nɛ̀ di í mɛ nsũmɛ̀, kɛ í tú bɛ̀mɑbɛ̀, \q1 kɛ tú bɛpɔ̀ɔ̀bɛ̀. \q1 \v 20 Di do ɔ̃ɔ̃ tɑ ku mbotí kɛ́yɛ̀ kɛ́tɑ kutɛkù nku, \q1 kɛ́tɑ di nkpɑ̀ɑ̀tìyuu kɛ́cɑ̃́ntɛ́ ditɛrì. \q1 \v 21 Kuyie mmɛ nyí yóu kɛ̀ bɛ̀ di fɛ̃́ũ \q1 kù do puotìmu bɛkpɑ̀ɑ̀tìbɛ̀ di kpɛ́í. \q1 \v 22 Kɛ tú bɛ̀ bɑ́ɑ́ kɑ́ɑ́kɛ́ ku nìtìbɛ̀ kù tɑ̃ɑ̃tɛ́ bɛ̀ \q1 ku pɑ̃ɑ̃nɑ́ɑǹtì nɑ́ɑm̀bɛ̀ mbɛ bɛ̀ bɑ́ɑ́ bɛ̀ cɑ̀ɑ̀rɛ̀. \b \q1 \v 23 Kɛtenkɛ̀ kɛmɔu kɔbɛ, \q1 ndiènnɛ̀ ti Yiɛ̀ nKuyie nkpɛ́í. \q1 Mpĩɛ̃kùnɛ̀ yɛwe duɔ́mɛ̀ tinɑ́ɑǹsɑ̀ɑ̀tì \q1 ku dɛɛtímɛ̀ kpɛti. \q1 \v 24 Nɑ́kɛ́nɛ̀ yɛbotɛ̀ ku kó tikpetì kpɛ́í, \q1 nɑ́kɛ́nɛ̀ ibotí tidiɛtì kù dɔ̀ɔ̀ tì. \q1 \v 25 Kɛ yɛ̃́ ti Yiɛ̀ nKuyie ndɛumɛ̀, \q1 kɛ dò nti nkù sɑ̃ntí, \q1 kuù pɛ̃ɛ̃tɛ́ yɛbɔkɛ̀ yɛmɔu kɛ dò nti nkù dé. \q1 \v 26 Yɛbotɛ̀ tũ nyɛbɔkɛ̀ nyɛ, \q1 ti Yiɛ̀ nKuyie nkuù dɔ̀ɔ̀ kɛĩ́nkɛ̀. \q1 \v 27 Tikpetì nɛ̀ kuwenniku diɛkù dɛ̀ bo ku borɛ̀ ndɛ. \q1 Muwɛ̃rímú nɛ̀ diwɛ̀ì dɛ̀ bo kuù borɛ̀. \q1 \v 28 Kutenkù kumɔu kɔbɛ, \q1 ńsɑ̃ntínɛ̀ ti Yiɛ̀ nKuyie, \q1 ndontinɛ̀ ku, \q1 ku kpetì nɛ̀ ku wɛ̃rímú dɛ kpɛ́í. \q1 \v 29 Ndɛ́úkùnkonɛ̀ ti Yiɛ̀ nKuyie nyètìrì. \q1 Tɔnɛ̀ní yɛpɑ̃rɛ̀ kɛ́kɔtɛnɛ̀ní ku borɛ̀. \q1 Kɔ̃nkɛnɛ̀ ku ììkɛ̀, \q1 kɛ́ nkù sɑ̃ntí kù dò mpɑ́í pɑ́í nwe. \q1 \v 30 Kutenkù kumɔu kɔbɛ, ńkpeutínɛ̀! \q1 Kɛtenkɛ̀ fìíkúmu kɛ í nɑmpú. \q1 \v 31 Kɛĩ́nkɛ̀ kɔbɛ diwɛ̀ì ndi bo, \q1 kɛtenkɛ̀ kɔbɛ, ńyɑ̃nkunɛ̀! \q1 Nɑ́kɛ́nɛ̀ yɛbotɛ̀ miɛkɛ ti Yiɛ̀ nKuyie nkuù bɑkɛ́mɛ̀. \q1 \v 32 Dɑ̀mɛ́ɛ̀rì nɛ̀ dɛ̀ɛ̀ bo o miɛkɛ, nyɔ̃ɔ̃tinɛ̀! \q1 Dikpɑ́ɑ̀ nɛ̀ dɛ̀ɛ̀ kó dimɑ̀ɑ̀ bo di miɛkɛ, nyɑ̃nkunɛ̀! \q1 \v 33 Titúútì kó dɛtie nyíútínɛ̀ ti Yiɛ̀ nKuyie nkpɛ́í. \q1 Kù kèrínímu kɛ yóó bekɛ́nɛ̀ kɛtenkɛ̀ kɛmɔu. \b \q1 \v 34 Nsɑ̃ntínɛ̀ ti Yiɛ̀ nKuyie, \q1 kù wennimu, kɛ̀ ku sémmɛ̀ bo sɑ̃́ɑ̃̀. \q1 Di kù kuɔ́nnɛ̀ kɛ dɔ̀: \q1 \v 35 Ti dɛɛtɛ́! \q1 Fɔ̃́ɔ̃̀ tú ti Yiɛ̀ nKuyie nkùù ti dɛɛrí, \q1 ti fietɛ yɛbotɛ̀ nɔu miɛkɛ, \q1 ti tíí nkɛ̀ tí ndɛ́úkùnko ɑ yetìsɑ̀ɑ̀rì, \q1 kɛ̀ tí ndɑ pɔtìnɛ̀ kɛ dɑ sɑ̃ntí. \q1 \v 36 Ti Yiɛ̀ nKuyie nyIsidɑyɛɛribɛ tũ nkù \q1 ku yètìrì dɛumu nsɑ̃́ɑ̃̀. \b \m Kɛ̀ Isidɑyɛɛribɛ bɛmɔuu cɔ́útɛ́ kɛ dɔ̀: Dɛ̀ mmɛ ndò ti Yiɛ̀ Kuyie nyètìrì ndɛu! \b \p \v 37 Kɛ̀ Dɑfiti yóu Asɑfu nɛ̀ o tebìí kɛ̀ bɛ̀ nkpɑɑ́ ti Yiɛ̀ nKuyie ntɑummɛ̀ tɔu borɛ̀ kɛ bo mpĩ́ mmutɔ̃mmú bɛ̀ dò nkɛ́ mmù pĩ̀ḿmɛ̀ bɑ́ dìì yiè. \v 38 Kɛ̀ Yedutunni birɛ Obɛdi Edɔmmu nɛ̀ Osɑɑ nɛ̀ bɛ tebìí sipísìkuɔ̀ nɛ̀ bɛ̀ni kɛ̀ bɛ̀ mbɑɑ̀ yɛbòrɛ̀. \p \v 39 Kɛ̀ Dɑfitii duɔ́ nyikuɔ́ nìùtì Sɑdɔki nɛ̀ o tebìí ikuɔ́ nìùbɛ̀ tɔbɛ̀ kɛ̀ bɛ̀ bo mpĩ́ Kuyie ntɑummɛ̀ tou dìì bo Kɑbɑɔ̃ɔ̃ kó ditɔ̀nnì di kó mutɔ̃mmú. \v 40 Kɛ̀ bɛ̀ nfeu iwũɔ̃ ti Yiɛ̀ nKuyie nkɛ tuɔ̀ ndiwũɔ̃tɔ̀nnì ĩ́nkɛ̀, bɑ́ dìì kṹnweńnì nɛ̀ kuyuoku, kɛ́ntũ nyikuɔ́ ti Yiɛ̀ nKuyie nduɔ́ nyì Isidɑyɛɛribɛ, \v 41 kɛ́yíɛ́nɛ̀ Emɑnni nɛ̀ Yedutunni nɛ̀ bɛsɔmbɛ bɛ̀ do yu bɛ̀ɛ̀ yètɛ̀ kɛ́ bɛ̀ tɑ̃ɑ̃tɛ́ kɛ̀ bɛ̀ bo nsɑ̃ntí ti Yiɛ̀ nKuyie kɛ yɛ̃́ kù sémmɛ̀ dɛumɛ̀ sɑ̃́ɑ̃̀. \v 42 Emɑnni nɛ̀ Yedutunni bɛɛ̀ do eu sihɑ̃ɑ̃pɔ̀nheú kɛ biennɛ̀ tikɑ̃penti kɛ biennɛ̀ ti Yiɛ̀ nKuyie nkó iyiɛ nkó dɛbémbénnɛ̀ kɛ̀ Yedutunni bí bɑɑ dibòrì. \p \v 43 Dɛndɛ kó difɔ̃nkúò kɛ̀ bɛ̀ɛ kũṹ mbɛ cɛ̃́ĩ. Kɛ̀ Dɑfitii kò nho cĩ́ɛ̃̀tɛ̀ kɛ bo pɑ̃ o kɔbɛ mɛsɑ̀ɑ̀. \c 17 \s1 Kuyie ndɔúnnɛ̀mɛ̀ dinùù Dɑfiti nɛ̀ o yɑɑ̀bí \r (Wéntɛ́ 2 Sɑmmuyɛɛri 7:1-17) \p \v 1 Kɛ̀ Dɑfiti ḿbo o cĩ́ɛ̃̀tɛ̀ kɛ́nɑ́kɛ́ Kuyie mpɑ̃ɑ̃nɑ́ɑǹtì nɑ́ɑǹtò Nɑtɑ̃ɑ̃ kɛ dɔ̀: Ntɛ mí nkɛ ɑ̃ dɛtekperɛ̀ kó tɛcĩ́ɛ̃̀tɛ̀, kɛ̀ ti Yiɛ̀ nKuyie ntɑummɛ̀ tɔu ĩ́ĩ́kú ditou bɛ̀ dɔ̀ɔ̀nɛ̀ dì tiyɑ̀ɑ̀tì. \v 2 Kɛ̀ Nɑtɑ̃ɑ̃ ò tɛ̃̀ńnɛ́ kɛ dɔ̀: A yɛ̀mmɛ̀ dò nhɑ́ dɔɔ̀ tìì kó dimɑ̀ɑ̀, dɔɔ̀ tì, Kuyie ndɑ bonɛ̀mu. \p \v 3 Dɛ kó kɛyènkɛ̀ kɛ̀ Kuyie nnɑ́kɛ́ Nɑtɑ̃ɑ̃ kɛ dɔ̀: \v 4 Kɔtɛ kɛ́nɑ́kɛ́ n kóo tɔ̃ntì Dɑfiti kɛ dɔ̀: Mí ndi Yiɛ̀ nKuyie n tú, weè í yó m mɑɑ́ tɛcĩ́ɛ̃̀tɛ̀ n yó nhɑ̃ tɛ̀. \v 5 Nɛ̀ n dènnɛní dìì yiè Isidɑyɛɛribɛ Esibiti ɛì miɛkɛ n yí tɑ tɛcĩ́ɛ̃̀tɛ̀ mɑtɛ̀ miɛkɛ nɛ̀ yíenní. N do bɛ̀ nɛínɛ̀, kɛ ɑ̃ mɛtɑummɛ̀ tou ndi. \v 6 Nɛ̀ m bonɛ̀ dìì dɑɑ̀ Isidɑyɛɛribɛ bɛ cèmmu miɛkɛ kɛ bɛ̀ duɔ̀ mbɛbɑɑtíbɛ̀, m bɑ́ mbekɛ Isidɑyɛɛribɛ kóo nìùtì mɔù, kɛ tú ò m mɑɑ́ tɛcĩ́ɛ̃̀tɛ̀ nɛ̀ dɛtekperɛ̀ kó idɛí? \p \v 7 Á kɔtɛ kɛ́nɑ́kɛ́ n kóo tɔ̃ntì Dɑfiti kɛ dɔ̀: Mí ndi Yiɛ̀ nKuyie Mpɑkɛdɑɑ míì tu ò do cɛ̃mmù ipe nyi kɛ̀ nh ò tɑ̃ɑ̃tɛ́ kòò nɑɑ́ nyIsidɑyɛɛribɛ kóo kpɑ̀ɑ̀tì. \v 8 Kɛ̀ nní nhò niɛ̀nɛ̀ ò kɔ̀rì yɛ̀ɛ̀ bòrɛ̀ yɛmɔu, kɛ̀ míì kùɔ o dootitɔbɛ̀ bɛ̀ɛ̀ do ò wetí bɛmɔu. Kɛ dɛ̀úkùnnɛ o yètìrì kɛ̀ dì mɑ̀ɑtɛnɛ̀ kɛtenkɛ̀ kó bɛkpɑ̀ɑ̀tìbɛ̀ kpɛyɛ. \v 9 N yóó duɔ́mmu n nìtìbɛ̀ Isidɑyɛɛribɛ dikɑrì kɛ́ bɛ̀ kɑ̀nnɛ kɛ̀ bɛ̀ ndɛ̀ bo kɛ í yĩɛ̃̀kù, kɛ̀ ibotí yɛiyi kó bɛnìtìbɛ̀ tɛ̃́nkɛ bɑ́ɑ́ bɛ̀ fɛ̃́ũ, bɛ̀ do bɛ̀ fɛ̃́ũnko mɛ̀ɛ̀ botí. \v 10 N kɑ̀nnɛ dìì mɔ̀nnì bɛbɑɑtíbɛ̀ kɛ̀ bɛ̀ mbɛ bɑkɛ́. N yóó duɔ́mmu kòo dootitɔbɛ̀ɛ ò bɔ̀útɛ́. M bɛ́immu kɛ tú n yóó ò duɔ́mmu tɛcĩ́ɛ̃̀tɛ̀. \v 11 Ò we bo tuɔkɛ dìì mɔ̀nnì, kòo kò nho yɛmbɛ̀ kũũ̀ nkɛ̀, o kó difɔ̃nkúò m bo tɑ̃ɑ̃tɛ́ o bí o pɛitɛ́ ì miɛkɛ o birɛ mɑrɛ̀ kɛ̀ dɛ̀ɛ sɔɔtɛ́ o kpɑ̀tì kɛ̀ n tì fìí. \v 12 Dɛɛ̀ yó m mɑɑ́ tɛcĩ́ɛ̃̀tɛ̀ kɛ̀ n fíí ndɛ kpɑ̀ɑ̀tìkɑ̀rì, kɛ̀ dì mbo sɑ̃́ɑ̃̀. \v 13 Kɛ̀ nni ntú dɛ cicɛ kɛ̀ dɛ̀ tu m birɛ, n yí yóó nɔ́ɔ́tɛ́ n kó mɛsɑ̀ɑ̀ ndɛ ĩ́nkɛ̀ n do mɛ̀ nɔ̀ɔ́tɛ́ mɛ̀ɛ̀ botí okpɑ̀ɑ̀tì wèè ò niitɛ́nɛ̀ kɛ di tikpɑ̀tì. \v 14 Dɛɛ̀ yó mbɑkɛ́ n nìtìbɛ̀ sɑ̃́ɑ̃̀ nɛ̀ n kpɑ̀ɑ̀tìyuu kɛ̀ dɛ kpɑ̀tì mbo sɑ̃́ɑ̃̀. \p \v 15 Mɛm̀mɛ Nɑtɑ̃ɑ̃ nɑ̀kɛ́mɛ̀ Dɑfiti Kuyie nhò bɛnkɛ tì timɔu. \s1 Dɑfiti bɑ̀ńtɛ̀mɛ̀ Kuyie \r (Wéntɛ́ 2 Sɑmmuyɛɛri 7:18-29) \p \v 16 Kɛ̀ Dɑfitii kɔtɛ Kuyie ntɑummɛ̀ tou borɛ̀ kɛ́tɑ kɛ́ kù bɑ́ntɛ̀ kɛ dɔ̀: Áú n Yiɛ̀ nKuyie, n tú we? N cĩ́ɛ̃̀tɛ̀ tu ɔ̃̀ntɛ, kɑ̀ɑ n dɔ̀ɔ̀ mɛsɑ̀ɑ̀ ɑ mɛ̀ nni ndɔ̀ɔ̀ mɛ̀, \v 17 kɛ wúó nkɛ̀ dɛ̀ í sɑ̀nnɛ̀ kɑ̀ɑ nɑ̀ɑ́ ndɛ̀ yó mboní kɑ̀ɑ dɔɔ̀ dɛ̀ mí nhɑ kóo tɔ̃ntì n cĩ́ɛ̃̀tɛ̀. N Yiɛ̀ nKuyie ɑ n wèńtɛ́ kɛ̀ dɛ̀ dò n tú onitidiɛwè mɔù nwe. \v 18 Mí nDɑfiti n tɛ̃́nkɛ nɛ́ bo dɑ bɛ́innɛ̀ ɔ̃̀nti? A n yɛ̃́mɛ̀mu mí nhɑ kóo tɔ̃ntì kɛ bɑɑ nɛ́ dɔ́ kɛ́ n dɛ́úkùnnɛ. \v 19 Ti Yiɛ̀ nKuyie! A n dɔ́ mɛ̀ɛ̀ kpɛ́í nte kɑ̀ɑ pĩ ndɛ kó mutɔ̃ndiɛmù kɛ bo bɛnkɛ ɑ dɛumɛ̀ kɛ í mɔkɛ kumɑ̀nku. \v 20 Ti Yiɛ̀ nKuyie! Òmɔù í bo wèè dɑ dònnɛ̀. Bɛ̀ ti nɑ̀kɛ́mu ɑ dɔ̀ɔ̀ dɛ̀ɛ̀ kó dimɑ̀ɑ̀, òmɔù í bo wèè dɑ dònnɛ̀. \v 21 Kubotí mɑkù í bo kɛtenkɛ̀ kiɛ nyĩ́nkɛ̀ kùù dònnɛ̀ ɑ nìtìbɛ̀ Isidɑyɛɛribɛ ɑ kɔ̀tɛní kɛ dɛɛtɛ́ bɛ̀ Esibiti kɛ bɛ̀ dɔ̀ɔ̀ ɑ nìtìbɛ̀ kɛ ni kɛ̀ bɛtì ibotí tɛì. A yètìrì bo dɛukɛ mɛ̀ɛ̀ kpɛ́í nkɛ̀ bɛ̀ dɑ yɔtɛ dɛɛ̀ te kɑ̀ɑ pĩ ndɛ kó mutɔ̃ndiɛmù. \v 22 A tɑ̃ɑ̃tɛ́ ɑ nìtìbɛ̀ Isidɑyɛɛribɛ kɛ̀ bɛ̀ bo ntú ɑ nìtìbɛ̀ mbɛ sɑ̃́ɑ̃̀. Fɔ̃́ nti Yiɛ̀ nKuyie nkɑ̀ɑ bɛ̀ te. \v 23 Ti Yiɛ̀ nKuyie, ɑ bɛ́i ntì mí nhɑ kóo tɔ̃ntì n kpɛ́í nnɛ̀ ɑ dɔúnnɛ̀ dìì nùù n cĩ́ɛ̃̀tɛ̀ kpɛ́í ndì pĩ nsɑ̃́ɑ̃̀ kɛ́ dì dɔ̀ɔ̀, ɑ bɛ́i nkɛ yɛ̃ ndɛ̀ ndòmmɛ̀. \v 24 Á ntì pĩ nkɛ̀ dɛ̀ɛ yie nkɑ̀ɑ yètìrì ndɛu, kɛ̀ bɛnìtìbɛ̀ bɛ́i nkɛ dɔ̀: Ti Yiɛ̀ nKuyie Mpɑkɛdɑɑ weè te Isidɑyɛɛribɛ, kɑ̀ɑ fíí mmí nhɑ kóo tɔ̃ntì Dɑfiti n cĩ́ɛ̃̀tɛ̀. \v 25 Kɛ yɛ̃́ fɔ̃́ nhɑ mɔ́mmuɔ fɔ̃́ɔ̃̀ bɛ́i nkɛ tú ɑ bo n duɔ́ ntɛcĩ́ɛ̃̀tɛ̀ bɛ̀ɛ̀ yóó sɔɔtɛ́ n kpɑ̀tì, kɛ̀ dɛɛ̀ te kɛ̀ n dɑ̀ɑ́tí kɛ dɑ bɑ́ɑ́. \v 26 Áú! Ti Yiɛ̀ nKuyie fɔ̃́ɔ̃̀ tu Kuyie, kɛ bɛ́i mmɛsɑ̀ɑ̀ ɑ yó n dɔɔ̀ mɛ̀ mí nhɑ kóo tɔ̃ntì. \v 27 A dɔ́mu kɛ́dɔɔ̀ ɑ kóo tɔ̃ntì cĩ́ɛ̃̀tɛ̀ mɛsɑ̀ɑ̀ kɛ̀ dɛ̀ɛ yie nkòo cĩ́ɛ̃̀tɛ̀ nsɔkɛ́ tikpɑ̀tì sɑ̃́ɑ̃̀. Kɛ yɛ̃́ ti Yiɛ̀ nKuyie nhɑ ɔ̃ nkɑ̀ɑ pɑ̃ dɛ̀ mɛsɑ̀ɑ̀ mɛ̀ ɔ̃ mbomu sɑ̃́ɑ̃̀. \c 18 \s1 Dɑfiti nɑmɛ̀ bɛ pɛɛtitɔbɛ̀ \r (Wéntɛ́ 2 Sɑmmuyɛɛri 8:1-14) \p \v 1 Kɛ̀ Dɑfitii nɑ Fidisitɛ̃ɛ̃bɛ kɛ́fietɛ Kɑdi kó dihɛì nɛ̀ yɛhɛkɛ̀ yɛ̀ɛ̀ bɛ̀ tɔ̀kɛ́nɛ̀. Kɛ̀ Fidisitɛ̃ɛ̃bɛɛ ò bɔ̀útɛ́. \v 2 Kòo nɑnɛ̀ Mɔɑbu ɛì kɔbɛ kɛ̀ bɛ̀ɛ ò bɔ̀útɛ́ kɛ́ nhò yietì dɑ̀mpóò. \v 3 Kòo yíɛ́ kɛ́nɑ Tisobɑ ɛì dìì bo Amɑti tempɛ̃ mbíɛ́kɛ̀ di kóo kpɑ̀ɑ̀tì Adɑdesɛɛ kɛ sɔ̃́ nhò dɔ́ kɛ́bɑɑtɛ́ kukó nhEfɑdɑti pɛɛ́mmɛ̀ kɔbɛ. \v 4 Kɛ̀ Dɑfitii fietɛ sikpɑ̀rìnɑɑsɛ̃ĩ́ tɛkɔupíítɛ̀ (1000) nɛ̀ bɛhɑ̃ɑ̃pɔ̀nsɑ̃ndèèbɛ̀ sikɔupísìyiekɛ̀ (7000) nɛ̀ bɛhɑ̃ɑ̃pɔ̀mbɛ̀ bɛ̀ɛ̀ cèntì nɛ̀ bɛ nɑɑ̀cɛ̀i sikɔupípísìdɛ́ (20000) kɛ́kékɛ́ sikpɑ̀rìsɛ̃ĩ́ duɔti kɛ́súɔ́ nhomɑ́ɑ̀ tɛkɔ̀ùtɛ̀ (100). \v 5 Kɛ̀ Sidii kɔbɛ bɛ̀ɛ̀ bo Dɑmɑɑsi kɛ̀ bɛ̀ɛ kɔtɛní kɛ́tee Tisobɑ kóo kpɑ̀ɑ̀tì Adɑdesɛɛ kɛ̀ Dɑfitii kuɔ bɛnìtìbɛ̀ sikɔupípísìdɛ́ nɛ̀ sikɔupísìdɛ́ (22000), \v 6 kɛ́kɑnnɛ kùmɑ̀ndɑ́ɑ̀bɛ̀ dɛ kó kutempɛ̃ mmiɛkɛ kɛ̀ bɛ̀ɛ ò bɔ̀útɛ́ kɛ́ nhò yietì dɑ̀mpóò. Kɛ̀ ti Yiɛ̀ nKuyie nduɔ́ nDɑfiti muwɛ̃rímú, bɑ́ kòò kɔ̀tɛ kɛ̀ɛ̀ bíɛ́kɛ̀ wèe nɑ. \v 7 Kòo fietɛ Adɑdesɛɛ ɑ̃ɑ̃pɔ̀mbɛ̀ dɔpììtì mɛsɔɔ nkpɛti kɛ́kònnɛ̀ Sedisɑdɛmmu, \v 8 kɛ́hɛí disɔɔwũɔ̃̀ mɛdiɛ̀ Adɑdesɛɛ kó yɛhɛkɛ̀ yɛ̀dɛ́yɛ̀ Tibɑti nɛ̀ Kũnni yɛ miɛkɛ. Kɛ̀ dɛ̀ mboní kɛ̀ Sɑdomɔɔ túótɛ́ dɛ kó disɔɔwũɔ̃̀ kɛ́dɔɔ̀nɛ̀ kunɑnkú nɛ̀ yɛsɑ̃ǹkɛ̀ nɛ̀ ti Yiɛ̀ nKuyie ncĩ́ɛ̃̀tɛ̀ kó tinɛntì. \p \v 9 Kɛ̀ Amɑti kóo kpɑ̀ɑ̀tì Touu keè Dɑfiti nɑmɛ̀ Tisobɑ ɛì kóo kpɑ̀ɑ̀tì Adɑdesɛɛ ɑ̃ɑ̃pɔ̀mbɛ̀ bɛmɔu, \v 10 kɛ́tɔ̃ nho birɛ Adodɑmmu okpɑ̀ɑ̀tì Dɑfiti borɛ̀ kòò bo ò dɔu nkóò sɑ̃ntɛnɛ̀ ò nɑmɛ̀ Adɑdesɛɛ, kóò pɑ̃ nɛ̀ mɛsɔɔ nkó tinɛntì nɛ̀ timɑ́tì pɛ́ítì kpɛti nɛ̀ disɔɔwũɔ̃̀ kpɛti. Kɛ yɛ̃́ Tou dootitɔù do túmɛ̀ Adɑdesɛɛ. \v 11 Kòo kpɑ̀ɑ̀tì Dɑfiti dɛ pɑ̃ ti Yiɛ̀ nKuyie nnɛ̀ timɑ́tì pɛ́ítì nɛ̀ mɛsɔɔ nhò do ɛí dɛ̀ ibotí tɛì miɛkɛ, Edɔmmu ɛì nɛ̀ Mɔɑbu ɛì nɛ̀ Amɔniibɛ ɛì nɛ̀ Fidisitɛ̃ɛ̃bɛ ɛì nɛ̀ Amɑdeki kpɛri. \p \v 12 Kɛ̀ Seduiɑ birɛ Abikɑii do Edomiibɛ kɛ́kuɔ bɛnìtìbɛ̀ tɛkɔupípíítɛ̀ nɛ̀ sikɔupísìni (18000) kubiriku bɛ̀ tu kù mukɔ́kúɔ́ nkó kubiriku miɛkɛ, \v 13 kɛ́kɑnnɛ kùmɑ̀ndɑ́ɑ̀bɛ̀ Edɔmmu kó kutempɛ̃ nkumɔu miɛkɛ, kɛ̀ Edɔmmu kɔbɛ bɛmɔuu nɑɑ́ nDɑfiti kó bɛtɔ̃mbɛ̀, kɛ̀ ti Yiɛ̀ nKuyie nhò duɔ́ muwɛ̃rímú bɑ́ kòò kɔtɛ́ kɛ̀ mudoò wèe nɑ. \s1 Okpɑ̀ɑ̀tì Dɑfiti tɔ̃mbɛ̀ kó yɛyètɛ̀ \r (Wéntɛ́ 2 Sɑmmuyɛɛri 8:15-18) \p \v 14 Kɛ̀ Dɑfiti mbɑkɛ́ Isidɑyɛɛribɛ bɛmɔu, kɛ bɛ̀ dɔ̀ɔ̀ri dɛ̀ɛ̀ wenni kɛ bɛ̀ bekùnɛ̀ kɛ̀ dɛ̀ wenni. \v 15 Seduyɑ birɛ Soɑbu weè do bɑkɛ́ bɛhɑ̃ɑ̃pɔ̀mbɛ̀, kɛ̀ Aidudi birɛ Yosɑfɑti tu wèè tɔ dihɛì kó yɛpɑ́tɛ. \v 16 Kɛ̀ Aitubu birɛ Sɑdɔki nɛ̀ Abiɑtɑɑ birɛ Abimɛdɛki kɛ̀ bɛ̀ tu ikuɔ́ nìùbɛ̀, kɛ̀ Sɑfesɑɑ tu opɑ́tíwɑ̃ɑ̃̀tì. \v 17 Kɛ̀ Yoyɑdɑ birɛ Bennɑyɑ bɑkɛ́ Kedetiibɛ nɛ̀ Pedesiibɛ bɛ̀ɛ̀ bɑ̀ɑ tɛkpɑ̀ɑ̀tìcĩ́ɛ̃̀tɛ̀ kɛ̀ Dɑfiti bí o tũ̀nko. \c 19 \s1 Bɛ̀ diímmɛ̀ Dɑfiti kó bɛtũ̀mbɛ̀ ifɛi \r (Wéntɛ́ 2 Sɑmmuyɛɛri 10:1-5) \p \v 1 Dɛndɛ kó difɔ̃nkúò kɛ̀ Amɔniibɛ kóo kpɑ̀ɑ̀tì Nɑɑsii kú kòo birɛɛ sɔɔtɛ́ o kpɑ̀tì. \v 2 Kɛ̀ Dɑfiti dɔ̀: M bo dɔɔ̀ Nɑɑsi birɛ Anunni mɛsɑ̀ɑ̀, kɛ yɛ̃́ o cicɛ do n dɔ̀ɔ̀mɛ̀ mɛsɑ̀ɑ̀. Mɛm̀mɛ ò tɔ̃mmɛ̀ bɛnìtìbɛ̀ kɛ̀ bɛ̀ bo ò dɔu nho cicɛ kṹṹ kóò bɑ̀ńtɛ̀. Kɛ̀ bɛtɔ̃mbɛ̀ɛ tuɔkoo Amɔniibɛ ɛì Anunni borɛ̀ kɛ bo ò bɑ̀ńtɛ̀. \v 3 Kɛ̀ Amɔniibɛ kóo kpɑ̀ɑ̀tì tũ̀mbɛ̀ɛ nɑ́kɛ́ Anunni kɛ dɔ̀: A yɛ̀mmɛ̀ dò nDɑfiti dɔ́ kɛ́dɛ́úkùnnɛ ɑ cicɛ yètìrì ndi kɛ tɔ̃nní kɛ̀ bɛ̀ bo dɑ bɑ́ntɑ̀ɑ̀? Ò í bɛ̀ tɔ̃nní kɛ̀ bɛ̀ bo pɑɑtɛ́ dihɛì ndi kɛ́wɛ̃tɛní kɛ́ dì pɔ̀ntɑɑ̀? \b \p \v 4 Kɛ̀ Anunni duɔ́ nkɛ̀ bɛ̀ɛ pĩ́ nDɑfiti tɔ̃mbɛ̀ kɛ́kuó bɛ dɛɛ̀mbìi kɛ́kékɛ́ bɛ yɑɑ̀bòrɛ̀ kɛ́bennɛ́nɛ̀ bɛ fɔ̃̀ kɛ nɛ́ bɛ̀ bɛ̀ti. \v 5 Kɛ̀ ifɛii bɛ̀ ɑutɛ́ mɛdiɛ̀ nkɛ̀ Dɑfitii keè tìì tùɔ̀kɛní o tɔ̃mbɛ̀ kɛ́tɔ̃ mbɛnìtìbɛ̀ kɛ̀ bɛ̀ɛ bɛ̀ co, kɛ́ bɛ̀ nɑ̀kɛ́ kɛ dɔ̀: Dɑfiti yɛ̃ ndi nkpɑɑ́o Sedikoo kɛ kémmúnɛ̀ di dɛɛ̀mbìi bo yɛ̀nnímɛ̀ kɛ̀ dì nɛ́ nɑ kɛ́konní. \s1 Dɑfiti kpɑnnɛ̀mɛ̀ Amɔniibɛ nɛ̀ Asidii ɛì kɔbɛ \r (Wéntɛ́ 2 Sɑmmuyɛɛri 10:6-19) \p \v 6 Kɛ̀ Amɔniibɛɛ bɑntɛ́ bɛ̀ wɛ̃̀ńtɛ́mɛ̀ Dɑfiti, kɛ̀ Anunni nɛ̀ o kɔbɛ Amɔniibɛ kɛ̀ bɛ̀ɛ yietí mɛdítíbii tɛkɔupípíítɛ̀ (10000) Sidii ɛì kɔbɛ bɛ̀ɛ̀ bo Mɛsopotɑmii, nɛ̀ Mɑɑkɑ kɔbɛ nɛ̀ Tisobɑ kɔbɛ kɛ̀ bɛ̀ bo bɛ̀ duɔnní bɛhɑ̃ɑ̃pɔ̀mbɛ̀ nɛ̀ bɛhɑ̃ɑ̃pɔ̀nsɑ̃ndèèbɛ̀ nɛ̀ sikpɑ̀rìnɑɑsɛ̃ĩ́. \v 7 Kɛ̀ bɛ̀ɛ túótɛ́ sikpɑ̀rìnɑɑsɛ̃ĩ́ sikɔupípísìtɑ̃ɑ̃ti nɛ̀ sikɔupísìdɛ́ (32000) nɛ̀ okpɑ̀ɑ̀tì Mɑɑkɑ nɛ̀ o kɔbɛ kɛ̀ bɛ̀ɛ kɔtɛní kɛ́bɑ́tɛ́ Mɛdebɑɑ ììkɛ̀. Kɛ̀ Amɔniibɛ yɛ̀nní bɛ ɛkɛ̀ kɛ̀ bɛ̀ɛ wɛ̃nnɛ́ kɛ bo do Dɑfiti nɛ̀ o kɔbɛ mudoò. \p \v 8 Kɛ̀ Dɑfiti tì kèè kɛ́duɔ́nko o ɑ̃ɑ̃pɔ̀nkótì Soɑbu nɛ̀ bɛhɑ̃ɑ̃pɔ̀mbɛ̀ bɛmɔu bɛ̀ɛ̀ nɔ mmudoò. \v 9 Kɛ̀ Amɔniibɛ yɛ̀nní kɛ́pénnɛ́ kudookɔti dihɛì kó dibòrìnùù kɛ̀ bɛkpɑ̀ɑ̀tìbɛ̀ bɛ̀ɛ̀ do kɔ̀tɛní kɛ bo bɛ̀ tee kɛ̀ bɛmbɛ nhokɛ dikpɑ́ɑ̀ miɛkɛ. \v 10 Kɛ̀ Soɑbu yɑ̀ ò yóó bootɛmɛ̀ o dootitɔbɛ̀ tipíìtì tìdɛ́tì biɛ nho ììkɛ̀, bɛtɔbɛ̀ o fɔ̃̀nkúò, kɛ́tɑ̃ɑ̃tɛ́ Isidɑyɛɛribɛ ɑ̃ɑ̃pɔ̀mbɛ̀ miɛkɛ bɛ̀ɛ̀ nɔ mmudoò kɛ̀ bɛ̀ɛ wetínnɛ́ Sidii kɔbɛ. \v 11 Kɛ̀ Soɑbuu túótɛ́ bɛhɑ̃ɑ̃pɔ̀mbɛ̀ sɔmbɛ kɛ́duɔ́ nho tebitɛ Abikɑii kɛ̀ wenwe nɛ̀ bɛtɔbɛ̀ kɛ̀ bɛ̀ɛ wetínnɛ́ Amɔniibɛ. \v 12 Kòo nɑ́kɛ́ Abikɑii kɛ dɔ̀: Kɑ̀ɑ yɑ̀ kɛ̀ Sidii kɔbɛ bo n nɑ, ɑ́ kɔtɛní kɛ́ n teennɛ̀. Kɛ̀ Amɔniibɛ bɛɛ̀ mɛ ndɔ́ kɛ́ dɑ nɑ, n kɔtoo kɛ́ dɑ teennɛ̀. \v 13 Yɑ́úkùnnɛ ɑ kɔ̃̀ntì kɛ̀ tí dokɛ́nɛ̀ dikɔ̃m̀bùɔ̀ kɛ́dɛɛtɛ́ ti nìtìbɛ̀ nɛ̀ ti Yiɛ̀ nKuyie nti tũ nkù kó yɛhɛkɛ̀. Kùu dɔɔ̀ kù dɔ́mɛ̀. \p \v 14 Soɑbu nɛ̀ o kó dihɑ̃ɑ̃pɔ̀ntĩ̀nnì kɛ̀ bɛ̀ɛ kétɛ́ kɛ bo dokɛ́nɛ̀ Sidii kó bɛhɑ̃ɑ̃pɔ̀mbɛ̀ kɛ̀ bɛ̀ɛ cokɛ́. \v 15 Amɔniibɛ yɑ̀ dìì mɔ̀nnì Sidii kɔbɛ cokɛ́mɛ̀, kɛ́cokɛ́ Soɑbu tebitɛ Abikɑii kɛ́kò mbɛ ɛì. Kɛ̀ Soɑbuu kò nSedisɑdɛmmu. \b \p \v 16 Kɛ̀ Sidii kɔbɛɛ yɑ̀ Isidɑyɛɛribɛ bɛ̀ nɑmɛ̀, kɛ́tɔ̃ nkɛ̀ bɛ̀ɛ íinní bɛ kɔbɛ bɛ̀ɛ̀ bo kukó nhEfɑdɑti kó diyɑ́ɑ̀. Kɛ̀ Adɑdesɛɛ kóo ɑ̃ɑ̃pɔ̀nkótì Sofɑki mbɛ̀ ni. \v 17 Kɛ̀ bɛ̀ɛ ti nɑ̀kɛ́ Dɑfiti kòò tìí nyIsidɑyɛɛribɛ bɛmɔu kɛ́séntɛ́ Suditɛ̃ɛ̃ kɛ́tuɔkɛ kɛ́cómmú kɛ́ bɛ̀ wetínnɛ́ kɛ́ bɛ̀ do mudoò. \v 18 Dɑfiti nɛ̀ o kó bɛhɑ̃ɑ̃pɔ̀mbɛ̀ kɛ̀ bɛ̀ɛ bɛ̀ nɑ kɛ̀ bɛ̀ɛ cokɛ́ kɛ̀ Dɑfiti nɛ̀ o kɔbɛ kɛ̀ bɛ̀ɛ kuɔ bɛ̀ɛ̀ dèkɛ sikpɑ̀rìnɑɑsɛ̃ĩ́ sikɔupísìyiekɛ̀ (7000) nɛ̀ bɛ̀ɛ̀ cèntì sinɑɑ̀cɛ̀i sikɔupípísìnɑ̀ɑ̀ (40000) kɛ́kuɔnɛ̀ ohɑ̃ɑ̃pɔ̀nkótì Sofɑki wèè do bɛ̀ ni. \p \v 19 Kɛ̀ bɛkpɑ̀ɑ̀tìbɛ̀ bɛ̀ɛ̀ do teénnɛ̀ Adɑdesɛɛ kɛ̀ bɛ̀ɛ yɑ̀ Isidɑyɛɛribɛ bɛ̀ nɑmɛ̀ kɛ̀ bɛ̀ɛ yie Dɑfiti kpɛti kɛ́mpĩ́ nho tɔ̃mmú bɑ́ Sidii kɔbɛ tɛ̃́nkɛ í nyie nkɛ teennɛ̀ mudoò Amɔniibɛ. \c 20 \s1 Dɑfiti cɔutɛ́mɛ̀ Dɑbɑɑ ɛì \r (Wéntɛ́ 2 Sɑmmuyɛɛri 11:1. 12:26-31) \p \v 1 Kɛ̀ dibenni tɛrìi yɛ̀nní, bɛkpɑ̀ɑ̀tìbɛ̀ ɔ̃ɔ̃ ketɛ́ dìì mɔ̀nnì mudoò, kɛ̀ Soɑbuu niitɛ́ dihɑ̃ɑ̃pɔ̀ntĩ̀nnì diɛrì, kɛ̀ bɛ̀ɛ do Amɔniibɛ tempɛ̃ nkɛ́ bɛ̀ pɔ̀ntɛ, kɛ́pi Dɑbɑɑ ɛì. \p Dɛ mɔ̀nnì kɛ̀ Dɑfiti wenwe bo Sedisɑdɛmmu, kɛ̀ Soɑbuu potɛ́ Dɑbɑɑ ɛì kɔbɛ kɛ́ bɛ̀ pɔ̀ntɛ. \v 2 Kɛ̀ Dɑfitii túótɛ́ bɛ kóo kpɑ̀ɑ̀tì òkɛ́ dìì sɔɔpìì, kɛ̀ di cɛ̃́ɛ̃́kù tùɔ̀kɛ cìdóòbɛ̀ sipísìtɑ̃ɑ̃ti kɛ̀ dì dɑ̀ri ditɑ̃́sɑ̀ɑ̀rì dìì donku kpeńnì kɛ dì òkù, kɛ́hɛínɛ̀ tinɛntì tɛtì pɛ́u kɛ́konnɛ̀nní. \v 3 Kòo pĩ́mmúnɛ̀ bɛnìtìbɛ̀ bɛ̀ɛ̀ do bo dihɛì kɛ́kònnɛ̀ kɛ́ bɛ̀ pĩ̀ńnɛ́ tidɑɑtì kó mutɔ̃mmú, kɛ̀ bɛ̀ nsɔ̃́ṹ tidɑbɛɛtì, kɛ duɔ̀, kɛ kɔ̃ũ idɛí, kɛ mɛ nyĩ́ Amɔniibɛ ɛkɛ̀ kɔbɛ tɔbɛ̀. Mɛm̀mɛ Dɑfiti kòmmɛ̀ Sedisɑdɛmmu nɛ̀ o ɑ̃ɑ̃pɔ̀mbɛ̀ bɛmɔu. \s1 Dɑfiti dokɛ́nɛ̀mɛ̀ Fidisitɛ̃ɛ̃bɛ \r (Wéntɛ́ 2 Sɑmmuyɛɛri 21:18-22) \p \v 4 Dɛ kó mudoò kó difɔ̃nkúò kɛ̀ mudoò tɛ̃mùu ɑ̃nnɛ́ Kesɛɛdi ɛì Isidɑyɛɛribɛ nɛ̀ Fidisitɛ̃ɛ̃bɛ bɛ cuokɛ̀, muù miɛkɛ nkɛ Sibekɑii Usɑɑ ɛì kou kùɔmɛ̀ Defɑii botí kou mɔù Sipɑii. Kɛ̀ Fidisitɛ̃ɛ̃bɛɛ bɔ́útɛ́ Isidɑyɛɛribɛ. \v 5 Kɛ̀ mudoò tɛ̃mùu wɛ̃tɛ kɛ́ɑ̃nnɛ́nɛ̀ Fidisitɛ̃ɛ̃bɛ bɑkɛ. Kɛ̀ Yɑii birɛ Edɑnɑnni kuɔ Dɑmi Kɑdi ɛì kou, Kodiyɑti nɑntɛ̀, kòo kpɑ̃nnì kó kudɔú cɛ̃́ɛ̃́kù mɑ̀nnɛ̀ kuyɑɑ̀dùɔ̀dɔú. \v 6 Kɛ̀ mudoò tɛ̃mùu yíɛ́ kɛ́ɑ̃nnɛ́ Kɑdi, kòo nìtì mɔù dɛ̀ bo kɛ okù mɛdiɛ̀, kɛ mɔkɛ inɔ́mbí ìkuɔ̀ ìkuɔ̀ o nɑɑ̀cɛ̀i nɛ̀ o nɔu kɛ̀ ì wɛ̃nnɛ́ sipísìdɛ́ nɛ̀ ìnɑ̀ɑ̀. Ò do tú Adɑfɑɑ nɑɑ̀mùnkù kou nwe. \v 7 Kòo sɑ̃́ɑ̃́ nyIsidɑyɛɛribɛ kɛ̀ Dɑfiti tebitɛ Simmɑ birɛ Yonnɑtɑ̃ɑ̃ ò kùɔ. \p \v 8 Dɛ kó bɛnìtìbɛ̀ do tú Kɑdi ɛì kou Adɑfɑɑ nɑɑ̀mùnkù kɔbɛ mbɛ, Dɑfiti nɛ̀ o ɑ̃ɑ̃pɔ̀mbɛ̀ kɛ̀ bɛ̀ɛ bɛ̀ kùɔ. \c 21 \s1 Dɑfiti do kɑ̀ɑ̀mmɛ̀ Isidɑyɛɛribɛ \r (Wéntɛ́ 2 Sɑmmuyɛɛri 24:1-9) \p \v 1 Kɛ̀ dibɔɔ̀ ndɔ́ kɛ́dɔɔ̀ Isidɑyɛɛribɛ mɛyɛi, kɛ́nɑmpɛ Dɑfiti yɛ̀mmɛ̀ kòo bo kɑɑ nyIsidɑyɛɛribɛ. \v 2 Kɛ̀ Dɑfitii nɑ́kɛ́ Soɑbu nɛ̀ o tũ̀mbɛ̀ kɛ dɔ̀: Kɔtɛnɛ̀ kɛ́kɑɑ nyIsidɑyɛɛribɛ kɛ́túótɛ́ Bɛɛrisebɑɑ ɛì kɛ́ntɔ kɛ́tuɔkɛnɛ̀ Dɑnni kpɛri. Kɛ̀ di dèè di n nɑ́kɛ́ kɛ̀ nní nyɛ̃́ bɛ̀ mɑ̀mɛ̀. \p \v 3 Kòo ò tɛ̃̀ńnɛ́ kɛ dɔ̀: N dɔ́mu ti Yiɛ̀ nKuyie nduɔ́ nkɛ̀ ku nìtìbɛ̀ɛ sṹṹ nkɛ́pɛ̃ɛ̃tɛ́ miɛ nkucɛ tɛkɔ̀ùtɛ̀ (100). N yiɛ̀ nhokpɑ̀ɑ̀tì, bɛmɔu bɛ̀ í tú ɑ kó bɛtɔ̃mbɑ̀ɑ̀? Dɛ̀ dòmmɛ kɑ̀ɑ dɔ́ kɛ́ bɛ̀ kɑ̀ɑ? Bɑ nte kɑ̀ɑ dɔ́ kɛ́tɑnnɛ́ Isidɑyɛɛribɛ mɛyɛi mmiɛkɛ? \p \v 4 Kòo kpɑ̀ɑ̀tì bɑɑ mpĩ́ nho bɛ́i ntì, kɛ̀ Soɑbuu ítɛ́ kɛ́ce nyIsidɑyɛɛribɛ tenkɛ̀ kɛmɔu, kɛ́wɛ̃tɛní Sedisɑdɛmmu, \v 5 kɛ́nɑ́kɛ́ Dɑfiti ò kɑ̀ɑ mbɛnìtìbɛ̀ kɛ̀ bɛ̀ mɑ̀mɛ̀. Kɛ̀ Isidɑyɛɛribɛ kó bɛhɑ̃ɑ̃pɔ̀mbɛ̀ bɛmɔu mbo tɛkɔupíkɔ̀ùpíítɛ̀ nɛ̀ tɛkɔupíkɔ̀ùtɛ̀ (1100000). Kɛ̀ Sudɑɑ kɔbɛ mbo sikɔupíkɔ̀ùsìnɑ̀ɑ̀ nɛ̀ sikɔupípísìyiekɛ̀ (470000). \p \v 6 Soɑbu í nkɑ̀ɑnnɛ̀ Defii kó kuwuɔ nkɔbɛ, nɛ̀ Bɛnsɑmɛɛ kɔku kɔbɛ kɛ yɛ̃́ ò do wúómmɛ̀ okpɑ̀ɑ̀tì bɛ́i ndìì nùù isɔkɛ nyi. \s1 Kuyie mpotɛ́mɛ̀ Isidɑyɛɛribɛ Dɑfiti cɑɑ̀rìmɛ̀ kpɛ́í \r (Wéntɛ́ 2 Sɑmmuyɛɛri 24.10-17) \p \v 7 Mɛm̀mɛ kɛ̀ dɛ̀ɛ yonkɛ Kuyie nkɛ̀ kùu potɛ́ Isidɑyɛɛribɛ. \v 8 Kɛ̀ Dɑfitii kù kuɔ́nnɛ̀ kɛ dɔ̀: N cɑ̀ɑ̀rɛ̀ mɛdiɛ̀ mmɛ m bɑntɛ́mu n dɔ̀ɔ̀mɛ̀ tiyɛìntì nti, n cĩ́ɛ̃́ ndɛ kó mɛcɑɑ̀rìmɛ̀. \p \v 9 Kɛ̀ ti Yiɛ̀ nKuyie mbɛ́innɛ̀ ku pɑ̃ɑ̃nɑ́ɑǹtì nɑ́ɑǹtò wèè do bonɛ̀ Dɑfiti kɛ dɔ̀: \v 10 Kɔtɛ kɛ́nɑ́kɛ́ Dɑfiti kɛ dɔ̀: Mí ndi Yiɛ̀ nKuyie n tú nh ò duɔ́ ntiyɛ̃ĩti nti tìtɑ̃ɑ̃ti kɛ́ tú wèe tɑ̃ɑ̃tɛ́ ò dɔ́ kù, kɛ̀ n kù nhò potɛ́. \p \v 11 Kɛ̀ Kɑdii kɔtɛ kɛ́nɑ́kɛ́ Dɑfiti kɛ dɔ̀: Ti Yiɛ̀ nKuyie ntu: \v 12 Kɑ̀ɑ dɔ́ dikònnì diì bo tɑnnímɛ̀ yɛbie nyɛ̀tɑ̃ɑ̃ti, ɑ́ tɑ̃ɑ̃tɛ́, kɑ̀ɑ mɛ ndɔ́ di dootitɔbɛ̀ bɛɛ̀ bo di nɑmɛ̀ kɛ́ ndi kɔù kɛ dɔ̀ bɛtɑ̃̀ɑ̃̀bɛ̀ bɛ̀tɑ̃ɑ̃ti ɑ́ tɑ̃ɑ̃tɛ́, kɑ̀ɑ mɛ ndɔ́ ti Yiɛ̀ nKuyie mbo di potɛ́mɛ̀ mmɛ yɛwe yɛ̀tɑ̃ɑ̃ti kɛ̀ bɛnìtìbɛ̀ nkɔ̃ dihɛì, kɛ̀ ti Yiɛ̀ nKuyie ntɔ̃nnìi duɔ́nní mutenkṹṹ nyIsidɑyɛɛribɛ tempɛ̃ nkumɔu miɛkɛ, ɑ́ tɑ̃ɑ̃tɛ́. Totí ɑ yɛ̀mmɛ̀ kɛ́ n nɑ́kɛ́ n yóó nɑ́kɛ́ tì wèè n tɔ̃nní. \p \v 13 Kɛ̀ Dɑfitii tɛ̃́nnɛ́ Kɑdi kɛ dɔ̀: N yɛ̀mmɛ̀ cɑ̀ɑ̀rɛ̀ mɛdiɛ̀ mmɛ, kɛ̀ ti do ti Yiɛ̀ nKuyie nnɔ̀ùtɛ̀ miɛkɛ dɛ̀ ntɔ̃ũmu, kɛ yɛ̃́ kù sémmɛ̀ dɛumɛ̀. N yí dɔ́ kɛ́do n nititɔù nɔu miɛkɛ. \p \v 14 Kɛ̀ ti Yiɛ̀ nKuyie nduɔnní mutenkṹṹ nyIsidɑyɛɛribɛ. Kɛ̀ bɛnìtìbɛ̀ɛ kú sikɔupípísìyiekɛ̀ (70000). \v 15 Kɛ̀ ti Yiɛ̀ nKuyie ntɔ̃ nku tɔ̃nnì mɑrì kɛ̀ dì bo pɔntɛ Sedisɑdɛmmu. Ti Yiɛ̀ nKuyie nyɑ̀ dìì mɔ̀nnì ku tɔ̃nnì kɔ̀ùmɛ̀ bɛnìtìbɛ̀ kɛ̀ mɛsémmɛ̀ɛ kù pĩ, nkɛ̀ kù dɔ̀: Dɛ̀ sɑ̀nnɛ̀mu mɛmmɛ tɛ̃́nkɛ bɑ́ɑ́ potɛ́. \p Kɛ sɔ̃́ ndì berínɛ̀ Sebusiibɛ botí kou mɔù bɛ̀ tu wè Odinɑnni o kó kuyiɛ́ borɛ̀. \v 16 Kɛ̀ Dɑfitii wéntɛ́ kɛ́yɑ̀ ti Yiɛ̀ nKuyie ntɔ̃nnì ɛ̀intɛmɛ̀ kɛ pikú mɛsebii nkɛ wetí Sedisɑdɛmmu. Kɛ sɔ̃́ Dɑfiti nɛ̀ Isidɑyɛɛribɛ kó bɛkótíbɛ̀ bɛ̀ dɑ̀ɑ́tí tifɔ̀ɔ̀tɔ̃̀ntì kɛ bo bɛnkɛ bɛ yɛǹcɑɑ̀rìmɛ̀ kɛ́do kɛ́nínkóo kɛtenkɛ̀. \v 17 Kɛ̀ Dɑfitii kuɔ́nnɛ̀ ti Yiɛ̀ nKuyie nkɛ dɔ̀: Míì duɔ́ nkɛ̀ bɛ̀ kɑ̀ɑ mbɛnìtìbɛ̀, míì cɑ̀ɑ̀rɛ̀, míì dɔ̀ɔ̀ dɛ̀ɛ̀ í wenni, bɛnìtìbɛ̀ í cɑ̀ɑ̀rɛ̀ mùmɑmù! N Yiɛ̀ nKuyie nkùù n te potɛ́ mí nwe nɛ̀ n cĩ́ɛ̃̀tɛ̀, bɑ́ɑ́ potɛ́ kuyɛ̃ĩku mɑkù ɑ nìtìbɛ̀. \s1 Dɑfiti mɑɑ́mɛ̀ diwũɔ̃tɔ̀nnì Kuyie nkpɛ́í \r (Wéntɛ́ 2 Sɑmmuyɛɛri 24:18-25) \p \v 18 Kɛ̀ ti Yiɛ̀ nKuyie ntɔ̃nnìi nɑ́kɛ́ Kɑdi kɛ dɔ̀: Nɑ́kɛ́ Dɑfiti kòo dekɛ Yebusiibɛ botí kou Odinɑnni yiɛ́ borɛ̀ kɛ́ m mɑɑ́ diwũɔ̃tɔ̀nnì. \p \v 19 Kɛ̀ Dɑfitii tũnnɛ ti Yiɛ̀ nKuyie nnɑ̀kɛ́ tì Kɑdi kòò tì nhò nɑ̀kɛ́. \v 20 Kɛ̀ Odinɑnni mpuotì o diitì bɛ̀ tu tì bèdéè kɛ́wɛ̃ɛ̃tɛ kɛ́yɑ̀ní Kuyie ntɔ̃nnì, kòo dɑpùmbí ìnɑ̀ɑ̀ ìì do ò bonɛ̀, kɛ̀ ìì sɔri. \v 21 Dɑfiti duunní dìì mɔ̀nnì Odinɑnni borɛ̀, kɛ̀ Odinɑnnii wéntɛ́ kóò yɑ̀ kɛ́yɛ̀nní o yiɛ́ miɛkɛ kɛ́nínkú Dɑfiti ììkɛ̀ kɛ́sĩ́nnɔ́ɔ kɛtenkɛ̀. \v 22 Kɛ̀ Dɑfitii nɑ́kɛ́ Odinɑnni kɛ dɔ̀: N dɔ́ ɑ́ n duɔ́ ɑ yiɛ́ nku kɛ̀ m mɑɑ́ diwũɔ̃tɔ̀nnì ti Yiɛ̀ nKuyie nkpɛ́í, ɑ́ kù nni nfítɛ́nɛ̀ kudonku dò nkɛ́mmɑ̀mɛ̀, kɛ̀ dɛ̀ɛ yie nkɛ̀ ti Yiɛ̀ nKuyie mpotɛ́ kùù yɛ̃ĩku Isidɑyɛɛribɛ kɛ̀ kùu deè. \v 23 Kɛ̀ Odinɑnnii ò tɛ̃̀ńnɛ́ kɛ dɔ̀: N yiɛ̀ nhokpɑ̀ɑ̀tì túótɛ́ ku kɛ́dɔɔ̀nɛ̀ ɑ dɔ́mɛ̀. Ntɛ inɑ̀ɑ̀kɛ n yì ndɑ duɔ́mmu nɛ̀ tɛnɑɑsɑ̃ntɛ̀ kó idɛí kɑ̀ɑ bo féútɛ́ inɑ̀ɑ̀kɛ kɛ́tuɔnnɛ̀, kɛ dɑ duɔ́nnɛ̀ bèdéè kɑ̀ɑ bo kù pɑ̃, n dɛ̀ ndɑ duɔ́mmu dɛmɔu. \p \v 24 Kòo kpɑ̀ɑ̀tìi nɑ́kɛ́ Odinɑnni kɛ dɔ̀: Bìtì n dɔ́ kɛ́ kù dontɛ́mu kudonku dò nkɛ́mmɑ̀mɛ̀, n yí dɔ́ kɛ́pɑ̃ n Yiɛ̀ nKuyie dɛ̀ɛ̀ tu ɑ kpɛrɛ, dɛ̀mɑrɛ̀ n yí fɛ̃̀ṹtɛ́ dɛ̀ɛ̀ kpɛ́í. \p \v 25 Mɛm̀mɛ kɛ̀ Dɑfitii dontɛ́ kuyiɛ́ nɛ̀ inɑ̀ɑ̀kɛ, mɛsɔɔ mmɛdítíbii nsikɔusìkuɔ̀ (600), \v 26 kɛ́mɑɑ́ dɛborɛ̀ diwũɔ̃tɔ̀nnì, kɛ́kuɔ iwũɔ̃ nkɛ́tuɔ nkɛ́fíénɛ̀ mɛtɑummɛ̀ kpɛyi, kɛ́yú ti Yiɛ̀ nKuyie nkɛ̀ kùu yie nkɛ́cṹũnní muhɑ̃ɑ̃́ ndiwũɔ̃tɔ̀nnì ĩ́nkɛ̀ kɛ́ mùu cɔ́útɛ́ ò fèútɛ́ ìì wũɔ̃. \v 27 Kɛ̀ ti Yiɛ̀ nKuyie mbɛ́innɛ̀ ku tɔ̃nnì kɛ̀ dìì nɔnnɛ disiè. \b \p \v 28 Dɑfiti yɑ̀ ti Yiɛ̀ nKuyie nhò tɛ̃̀ńnɛ́mɛ̀ ò kù mɔɔ tì Sebusiibɛ botí kou Odinɑnni yiɛ́ miɛkɛ, kɛ́ ndɛ̀ nkù feu iwũɔ̃. \v 29 Mɔyiisi do dɔ̀ɔ̀ ti Yiɛ̀ nKuyie ntou dì dikpɑ́ɑ̀ miɛkɛ nɛ̀ diwũɔ̃tɔ̀nnì, kɛ̀ dɛ̀ bomu Kɑbɑɔ̃ɔ̃ ɛì kó ditɔ̀nnì borɛ̀. \v 30 Dɑfiti mɛ nyí ndɑ̀ɑ́tí kɛ bo kɛ̀ kɔ̀tɛ kɛ́bɑ́ntɛ̀ Kuyie, ò do depɛ ti Yiɛ̀ nKuyie ntɔ̃nnì tɔ dìì siè ndi. \c 22 \p \v 1 Kɛ̀ Dɑfitii bɛ́i nkɛ dɔ̀: Ti Yiɛ̀ nKuyie ncĩ́ɛ̃̀tɛ̀ yó mbo diɛ ndɛ, diɛ ndɛ Isidɑyɛɛribɛ kó diwũɔ̃tɔ̀nnì yó mbomɛ̀. \s1 Dɑfiti bɑ̀ɑ́tímɛ̀ kɛ̀ bo mɑɑ́ ti Yiɛ̀ nKuyie ncĩ́ɛ̃̀tɛ̀ \p \v 2 Kɛ̀ Dɑfitii duɔ́ nkɛ̀ bɛ̀ɛ tíí mbɛpɔ̀ɔ̀bɛ̀ bɛ̀ɛ̀ bo Isidɑyɛɛribɛ tenkɛ̀ miɛkɛ, kòo tɑ̃nkɛ́ bɛ̀ɛ̀ bo cíɛ́kɛ́ yɛtɑ̃́rɛ̀ kòo mɑɑ́ Kuyie ncĩ́ɛ̃̀tɛ̀. \v 3 Kɛ̀ Dɑfiti wɑɑ́ ntimɑ́tì mɛdiɛ̀, bɛ̀ yóó dɔɔ̀nɛ̀ tì sikɑ̃ũ kɛ́bɑɑkɛ́ yɛcɑ̀kɛ̀, nɛ̀ sinɛí, bɑ́ disɔɔwũɔ̃̀ í ndò nkɛ́kɑɑ nkɛ́deè, \v 4 nɛ̀ dɛtekperɛ̀ kó idɛí bɑ́ ì í ndò nkɛ́nɑ kɛ́kɑɑ nkɛ́deè, kɛ yɛ̃́ Sidoniibɛ nɛ̀ Tiiri ɛì kɔbɛ bɛ̀ ò tɔnímɛ̀ dɛtekperɛ̀ kó idɛí mɛdiɛ̀. \v 5 Mɛm̀mɛ kɛ̀ Dɑfitii bɛ́i nkɛ dɔ̀: M birɛ Sɑdomɔɔ kpɑɑ́ bɛnnɛ̀mu dɛ kó mutɔ̃mmú weè mɛ ndò nkɛ́mɑɑ́ ti Yiɛ̀ nKuyie ntɛcĩ́ɛ̃̀tɛ̀ kɛ̀ tɛ̀ ndɛu kɛ wenni kɛ̀ bɛ̀ɛ fei ntɛ yètìrì kɛ̀ dìì feítɛ́ dihɛì dimɔu. M bo ò wɑɑ́ ntinɛntì. Mɛm̀mɛ kɛ̀ Dɑfitii wɑɑ́ ntinɛntì mɛdiɛ̀ nkɛ́ nɛ́ nɑ kɛ́kú. \s1 Dɑfiti duɔ́mmɛ̀ Sɑdomɔɔ Kuyie ncĩ́ɛ̃̀tɛ̀ mɑrimù \p \v 6 Kɛ̀ Dɑfitii yú o birɛ Sɑdomɔɔ kóò nɑ̀kɛ́ kòò bo mɑɑ́ ti Yiɛ̀ nKuyie nyIsidɑyɛɛribɛ tũ nkù tɛcĩ́ɛ̃̀tɛ̀. \v 7 Kɛ̀ Dɑfiti dɔ̀: M birɛ n do dɔ́mu m mɔ́mmuɔ nkɛ́mɑɑ́ ti Yiɛ̀ nKuyie nkùù n te tɛcĩ́ɛ̃̀tɛ̀. \v 8 Kɛ̀ kù nɛ́ n nɑ̀kɛ́ kɛ tú n dokɛ́ mɛdiɛ̀, kɛ còú mmɛnitiyĩ̀ĩ̀ nkɛ̀ mɛ̀ sũ, m bɑ́ɑ́ kù mɑɑ́ tɛcĩ́ɛ̃̀tɛ̀ bɛ̀ yó nkɔrì dɛ̀ kɛ kù bɑ̀ɑ́, n còú mmɛ̀ɛ̀ kpɛ́í mmɛnitiyĩ̀ĩ̀ mmɛdiɛ̀. \v 9 Kù nɛ́ n nɑ̀kɛ́mu kɛ tú m pɛitɛ́ dɛ̀ɛ̀ birɛ yó mbɑkɛ́ dìì mɔ̀nnì mudoò í yó mbo, nɛ̀ dɛ dootitɔbɛ̀ dɛ̀ yóó nɑrikɛmu. Bɛ̀ bo ndɛ̀ yu kɛ tú Sɑdomɔɔ. Diyètìrì dìì tu mɛom̀pùmɛ̀. Kɛ̀ kùu duɔ́ nyIsidɑyɛɛribɛ mɛom̀pùmɛ̀ dɛ kpɑ̀tì timɔu miɛkɛ, \v 10 dɛɛ̀ yóó kù mɑɑ́ tɛcĩ́ɛ̃̀tɛ̀ kɛ́ntú ku birɛ kɛ̀ kù tu dɛ cicɛ. Kɛ̀ kùu fíí ndɛ kpɑ̀ɑ̀tìkɑ̀rì, kɛ̀ dɛ̀ mbɑkɛ́ Isidɑyɛɛribɛ sɑ̃́ɑ̃̀. \v 11 Mɛm̀mɛ kɛ̀ Dɑfitii bɛ́i nkɛ dɔ̀: M birɛ ti Yiɛ̀ nKuyie nní ndɑ bonɛ̀, kɑ̀ɑ nɑ kɛ́ kù mɑɑ́ tɛcĩ́ɛ̃̀tɛ̀. Kù dɔú ndinùù ɑ kpɛ́í kɛ yɛ̃ mmɛ̀. \v 12 Kù dɑ duɔ́ mmɛciì nkɑ̀ɑ nnɔ nkɛ bɑɑ̀tì mɛsɑ̀ɑ̀ nnɛ̀ mɛyɛi, kù bo dɑ duɔ́ ndìì mɔ̀nnì kɑ̀ɑ mbɑkɛ́ Isidɑyɛɛribɛ kɛ́ntũ nku kuɔ́ kunku kùù dɑ te. \v 13 Kɑ̀ɑ tũ nku kuɔ́ nɛ̀ ku tié nkù duɔ́ ndɛ̀ Mɔyiisi Isidɑyɛɛribɛ kpɛ́í, ɑ tɔ̃mmú mumɔu bo nyíé! Cómmú kɛ́tɛ̃ĩ́ nkɛ́mɔɔtɛ dikɔ̃m̀bùɔ̀. Bɑ́ nyĩɛ̃̀kù, kufɔ̃wɑɑ́ mbɑ́ ndɑ bo. \v 14 N yetoomu kɛ wɑɑ́ mmɛsɔɔ ntɔ́nnì sikɔupísìtɑ̃ɑ̃ti (3000) ntimɑ́tì pɛ́ítì, tɔnnì sikɔupípísìtɑ̃ɑ̃ti (30000), kɛ yìɛ́nɛ̀ disɔɔwũɔ̃̀ nɛ̀ timɑ́tì, bɑ́ dɛ̀ í dò nkɛ́kɑɑ nkɛ́deè, kɛ wɑɑ́nnɛ̀ idɛí nɛ̀ yɛtɑ̃́rɛ̀ ti Yiɛ̀ nKuyie ncĩ́ɛ̃̀tɛ̀ mɑrimù kpɛ́í, kɑ̀ɑ nɛ́ yóó wɛ̃tɛ kɛ́yíɛ́. \v 15 A mɔkɛmu bɛtɔ̃mbɛ̀ pɛ́u: Bɛtɑ̃́cíɛ̀bɛ̀ nɛ̀ bɛmɑribɛ̀ nɛ̀ bɛdɑbɛɛsṹɔ̃̀bɛ̀ nɛ̀ bɛyɑ́ntìbɛ̀, bɛmɔu kɛ̀ bɛ̀ yɛ̃́ mutɔ̃mmú mumɔu. \v 16 Mɛsɔɔ nnɛ̀ timɑ́tì pɛ́ítì nɛ̀ timɑ́tì, dɛ̀ í dò nkɛ́kɑɑ nkɛ́deè. Ítɛ́ kɛ́ketɛ́ mutɔ̃mmú. Ti Yiɛ̀ nKuyie nní ndɑ bonɛ̀! \p \v 17 Mɛm̀mɛ kɛ̀ Dɑfitii duɔ́ ndinùù Isidɑyɛɛribɛ kó bɛkótíbɛ̀ bɛmɔu kɛ dɔ̀: Dí teennɛ̀ m birɛ Sɑdomɔɔ. \v 18 Ti Yiɛ̀ nKuyie nkùù di te kù di bonɛ̀mu. Kuù di duɔ́ mmɛom̀pùmɛ̀ tipíìtì timɔu, kuù ɑ̃nnɛ́ bɛ̀ɛ̀ bo dihɛì diì mmiɛkɛ n nɔ̀ùtɛ̀ miɛkɛ, kɛ̀ bɛ̀ bɔ̀útɛ́ ti Yiɛ̀ nKuyie nnɛ̀ ku nìtìbɛ̀. \v 19 Duɔ́nnɛ̀ dimɑ́ɑ̀ ti Yiɛ̀ nKuyie nnɛ̀ di yɛ̀mmɛ̀ mɛmɔu kunku kùù di te. Ítɛ́nɛ̀ kɛ́ kù mɑɑ́ tɛcĩ́ɛ̃̀tɛ̀, kɛ́tɔní ti Yiɛ̀ nKuyie ntɑummɛ̀ tɔu nɛ̀ ku kuɔ́ nɛntì kɛ́ĩ́nnɛ́ tɛcĩ́ɛ̃̀tɛ̀ di mɑɑ́ tɛ̀ ku kpɛ́í ntɛ miɛkɛ. \c 23 \s1 Bɛ̀ kɑ̀ɑmmɛ̀ Defiibɛ kɛ bɛ̀ duɔ́ mbɛ tɔ̃mmú \p \v 1 Dɑfiti kòtɛ́ dìì mɔ̀nnì mɛsɑ̀ɑ̀, kɛ́ nyóó kú kɛ́duɔ́ nho birɛ Sɑdomɔɔ tikpɑ̀tì kòò bo sɔɔtɛ́ kɛ́mbɑkɛ́ Isidɑyɛɛribɛ. \v 2 Kòo tíí nyIsidɑyɛɛribɛ kó bɛkótíbɛ̀ nɛ̀ ikuɔ́ nìùbɛ̀ Defiibɛ. \p \v 3 Kɛ̀ bɛ̀ɛ kɑɑ nDefiibɛ bɛ̀ɛ̀ mɔ̀kɛ yɛbie nsipísìtɑ̃ɑ̃ti kɛ́ndeètìnko, kɛ̀ bɛ̀ mbo bɛnìtìbɛ̀ sikɔupípísìtɑ̃ɑ̃ti nɛ̀ sikɔupísìni (38000). \v 4 Kɛ̀ Dɑfiti dɔ̀ bɛ̀ɛ tɑ̃ɑ̃tɛ́ bɛnìtìbɛ̀ sikɔupípísìdɛ́ nɛ̀ sikɔupísìnɑ̀ɑ̀ (24000) bɛ̀ɛ̀ bo nni mutɔ̃mmú mùù bo ndo nkɛ́dɔɔ̀ ti Yiɛ̀ nKuyie ncĩ́ɛ̃̀tɛ̀ miɛkɛ, kɛ́tɑ̃ɑ̃tɛ́ bɛnìtìbɛ̀ sikɔupísìkuɔ̀ (6000) bɛ̀ɛ̀ tu bɛhɛikɛ̀mpɑ́tíwɑ̃ɑ̃̀bɛ̀ nɛ̀ bɛbeémbɛ̀, kɛ́tɑ̃ɑ̃tɛ́ bɛ̀ɛ̀ bo mbɑɑ̀ yɛbòrɛ̀ kɛ̀ bɛ̀ mbo sikɔupísìnɑ̀ɑ̀ (4000), \v 5 kɛ́tɑ̃ɑ̃tɛ́ bɛ̀ɛ̀ yó ndiè nkɛ bie ntikùtìdùùtì nɛ̀ dɛbémbénnɛ̀ Dɑfiti do dɔ̀ɔ̀ dɛ̀ kɛ̀ bɛ̀ bo nsɑ̃ntínɛ̀ ti Yiɛ̀ nKuyie, kɛ̀ bɛ̀ mbo sikɔupísìnɑ̀ɑ̀ (4000). \v 6 Kɛ̀ Dɑfitii totí Defii bí i nɑɑ̀mùntì duɔ́ kɛ dòmmɛ̀. Kɛrisonni kɔbɛ bɛ kɔku. Keɑdi kɔbɛ bɛ kɔku. Mɛdɑdi kɔbɛ bɛ kɔku. \p \v 7 Kɛ̀ Kɛrisonni pɛitɛ́ ibí ìdɛ́ì, Dɑedɑnni nɛ̀ Simmɛii. \v 8 Kɛ̀ Dɑedɑnnii pɛitɛ́ ibí ìtɑ̃ɑ̃ti, Yeyɛɛdi nɛ̀ Setɑmmu nɛ̀ Sowɛɛri. Kɛ̀ Yeyɛɛdii mbɛ̀ kòtí. \v 9 Kɛ̀ Simmɛii pɛitɛ́ ibí ìtɑ̃ɑ̃ti Sedomɔti nɛ̀ Asiyɛɛdi nɛ̀ Adɑɑ bɛɛ̀ do bɑkɛ́ Dɑedɑnni kó sicɛ̃́ĩ. \v 10 Kòo bí tɛì mbo ìnɑ̀ɑ̀, Yɑɑti nɛ̀ Sisɑ nɛ̀ Yeusi nɛ̀ Bediyɑ. \v 11 Yɑɑti weè do bɛ̀ kòtí, kɛ̀ Sisɑɑ nhò pòkoo, Yeusi nɛ̀ Bediyɑ bɛ̀ í mmɔkɛ ibí pɛ́u, kɛ̀ bɛ̀ɛ bɛ̀ kɑ̀ɑ nkɛ́wɛ̃nnɛ́ tɛcĩ́ɛ̃̀tɛ̀ tɛ̀mɑ́ɑ̀. \b \p \v 12 Kɛ̀ Keɑti kó ibí mbo ìnɑ̀ɑ̀, Amudɑmu nɛ̀ Isɑɑdi nɛ̀ Ebunɔɔ nɛ̀ Usiyɛɛdi. \v 13 Kɛ̀ Amudɑmuu pɛitɛ́ Anɔɔ nɛ̀ Mɔyiisi. Kɛ̀ bɛ̀ɛ cɑ̃́nnɛ́ Anɔɔ nɛ̀ o bí ti Yiɛ̀ nKuyie ncĩ́ɛ̃̀tɛ̀ kó mutɔ̃mmú kpɛ́í n sɑ̃́ɑ̃̀. Bɛɛ̀ do dò kɛ́ntuɔ̀ ntihúúntì ti Yiɛ̀ nKuyie, kɛ pĩ́ nku tɔ̃mmú, kɛ níí yú Kuyie nyètìrì kɛ́pɑ̃ bɛnìtìbɛ̀ mɛsɑ̀ɑ̀. \v 14 Mɔyiisi do tú Kuyie nkóo nìtì nwe, kòo bí nwɛ̃nnɛ́ Defii kó kuwuɔ. \v 15 Kɛ̀ Mɔyiisi bí ntú Kɛrisonni nɛ̀ Ediesɛɛ. \v 16 Kɛ̀ Kɛrisonni pɛitɛ́ Sebuyɛɛdi kòo ńkótí o nɑɑ̀mùnkù. \v 17 Kɛ̀ Ediesɛɛ pɛitɛ́ Deɑbiɑ omɑ́ɑ̀, kòo nkótí o nɑɑ̀mùnkù Ediesɛɛ do í pɛitɛ́ kɛ̀ dɛ̀ nsũ. Kòo birɛ Deɑbiɑ nɛ́ pɛitɛ́ kɛ̀ dɛ̀ nsũ mɛdiɛ̀. \v 18 Kɛ̀ Isɑɑdi pɛitɛ́ Sedomiti kòò ntú okótì o nɑɑ̀mùnkù miɛkɛ. \v 19 Kɛ̀ Ebunɔɔ pɛitɛ́ Yediyɑu kòò nkótí o nɑɑ̀mùnkù. Kòo nɛi ntú: Amɑdiɑ nɛ̀ Yɑsiɑɛdi nɛ̀ Yekɑmɑmmu. \v 20 Kɛ̀ Usiyɛɛdii pɛitɛ́ Misee kòo nkótí o nɑɑ̀mùnkù miɛkɛ, kɛ̀ Isiɑ nhò pòkoo. \b \p \v 21 Kɛ̀ Mɛdɑdii pɛitɛ́ ibí idɛ́ì: Mɑdi nɛ̀ Muusi. Kɛ̀ Mɑdii pɛitɛ́ Edeɑsɑɑ nɛ̀ Kiisi. \v 22 Kɛ̀ Edeɑsɑɑ kú bɑ́ ò í mmɔkɛ initidɑbí. Ò do pɛitɛ́ initipobí mɑ́ɑ̀ ndi, kòo nɑntɛ̀ Kiisi kó ibí ì puokɛ. \v 23 Kɛ̀ Muusii pɛitɛ́ Mɑdi nɛ̀ Edɛɛ nɛ̀ Yedemɔti bɛ̀tɑ̃ɑ̃ti. \b \p \v 24 Bɛɛ̀ do tú Defii yɑɑ̀bí kɛ́nkótí bɛ nɑɑ̀mùntì miɛkɛ. Kɛ̀ bɛ̀ɛ bɛ̀ kɑɑ mbɛ̀ mɔ̀kɛ dìì mɔ̀nnì yɛbie nsipísìdɛ́ kɛ́ndeètìnko kɛ́ bɛ̀ duɔ́ ti Yiɛ̀ nKuyie ncĩ́ɛ̃̀tɛ̀ kó mutɔ̃mmú. \v 25 Dɑfiti do bɛ́immu kɛ dɔ̀: Ti Yiɛ̀ nKuyie nduɔ́mmu mɛom̀pùmɛ̀ ku nìtìbɛ̀ Isidɑyɛɛribɛ, ku mɔ́mmɔnku kɛ yó mbo Sedisɑdɛmmu sɑ̃́ɑ̃̀. \v 26 Defiibɛ tɛ̃́nkɛ í yó ntɔu mɛtɑummɛ̀ tou nɛ̀ ikuɔ́ nɛntì. \v 27 Dɑfiti weè do yɛ̃ mbɛ̀ níí wɑ̃ri Defiibɛ bɛ̀ mɔ̀kɛ dìì mɔ̀nnì yɛbie nsipísìdɛ́ kɛ́ndeètìnko kɛ́ bɛ̀ duɔ́ mmutɔ̃mmú Kuyie ncĩ́ɛ̃̀tɛ̀ miɛkɛ. \v 28 Bɛɛ̀ do te bɛ̀ bo nteénnɛ̀mɛ̀ ikuɔ́ nìùbɛ̀, Anɔɔ bí ti Yiɛ̀ nKuyie ncĩ́ɛ̃̀tɛ̀ kó mutɔ̃mmú, kɛ́ndɑkɛ tɛ dɑ̀ntì nɛ̀ tɛ dieti dɛ kpɛ́í. Bɛɛ̀ do te bɛ̀ bo ndɔɔrimɛ̀ ikuɔ́ nɛntì, mɛwénkùmɛ̀ kó ikuɔ́. Bɛɛ̀ do te Kuyie ncĩ́ɛ̃̀tɛ̀ kó mutɔ̃mmú. \v 29 Bɛɛ̀ dò nkɛ́ndɑkɛ bɛ̀ pɑ̃ɑ̃ ndɛ̀ Kuyie ndɛ kpɛ́í, pɛ̃́ɛ̃̀ bɛ̀ pɑ̃ɑ̃ nwè Kuyie nnɛ̀ muyuo nsɑ̀ɑ̀mù bɛ̀ pɑ̃ɑ̃ mmù Kuyie nnɛ̀ yɛkɑ̀tìndɑ̀ yɛ̀ɛ̀ í kɔɔrɛnɛ̀ mutie mùù muuti, nɛ̀ yɛkɑ̀tìndɑ̀ nɛ̀ tipɛ̃́mpɛ̃ńtì, kɛ́mbeú bɛ̀ pɑ̃ɑ̃ ndɛ̀ Kuyie, dɛ cɛ̃́ɛ̃́kù nɛ̀ dɛ okùmɛ̀. \v 30 Bɛ̀ do dò nkɛ́nsɑ̃ntímu ti Yiɛ̀ nKuyie mbɑ́ dìì kṹnweńnì nɛ̀ kuyuoku, \v 31 kɛ́ntuɔ̀ nyiwũɔ̃ bɛ̀ feu ì ti Yiɛ̀ nKuyie, siom̀pùsi kó yɛwe nɛ̀ bɛtɑ̃̀ɑ̃̀bɛ̀ kó yɛwe ketiyɛ̀ nɛ̀ Kuyie nkó yɛbɑɑ, kɛ́ntũ mbɛ̀ dɔú nyikuɔ́ kɛ kèétɛ́ mɛ̀ɛ̀ fíè mmɛ̀ duɔ́ kɛ mɑmɛ̀. \v 32 Bɛɛ̀ do te bɛ̀ bo ndɑkɛmɛ̀ ti Yiɛ̀ nKuyie ntɑummɛ̀ tou kpɛ́í, nɛ̀ ikuɔ́ nɛntì bo kùù fɑ̃́ɑ̃́. Kɛ̀ bɛ̀ ntũ mbɛ tebìí Anɔɔ bí bɛ̀ nɑ̀ɑ́ ntì kɛ pĩ́ ti Yiɛ̀ nKuyie ncĩ́ɛ̃̀tɛ̀ tɔ̃mmú. \c 24 \s1 Ikuɔ́ nìùbɛ̀ kó yɛtĩ̀rɛ̀ \p \v 1 Ntɛ Anɔɔ bí kó yɛtĩ̀rɛ̀: Anɔɔ weè pɛitɛ́ Nɑdɑbu nɛ̀ Abiu nɛ̀ Edeɑsɑɑ nɛ̀ Itɑmɑɑ. \v 2 Nɑdɑbu nɛ̀ Abiu kɛ̀ bɛ̀ɛ niitɛ́nɛ̀ bɛ cicɛ kɛ́kú, bɑ́ bɛ̀ í mɔ̀ɔ̀tɛ initidɑbí. Edeɑsɑɑ nɛ̀ Itɑmɑɑ kɛ̀ bɛ̀ɛ sɔɔtɛ́ bɛ tɔ̃mmú bɛ̀ do pĩ́ mmù ti Yiɛ̀ nKuyie ncĩ́ɛ̃̀tɛ̀ miɛkɛ. \v 3 Edeɑsɑɑ yɑɑ̀birɛ Sɑdɔki nɛ̀ Itɑmɑɑ yɑɑ̀birɛ Aimmɛdɛki bɛɛ̀ do teennɛ̀ Dɑfiti kɛ̀ bɛ̀ɛ bɛ̀ totí yɛtĩ̀rɛ̀ kɛ́ bɛ̀ duɔ́ mbɛ tɔ̃mmú. \v 4 Kɛ̀ Edeɑsɑɑ kó iyɑɑ̀bí nsũ kɛ́pɛ̃ɛ̃tɛ́ Itɑmɑɑ kpɛyi kɛ̀ dɛɛ̀ nte kɛ̀ bɛ̀ɛ totɛ́ Edeɑsɑɑ kó iyɑɑ̀bí kó yɛtĩ̀rɛ̀ tɛpíítɛ̀ nɛ̀ yɛ̀kuɔ̀, bɑ́ dìì tĩ̀nnì kɛ̀ dì mmɔkɛ wèè dì bɑkɛ́, kɛ́totɛ́ Itɑmɑɑ kó iyɑɑ̀bí kó yɛtĩ̀rɛ̀ yɛ̀ni bɑ́ dìì tĩ̀nnì kɛ̀ dì mmɔkɛ wèè dì bɑkɛ́. \v 5 Kɛ̀ bɛ̀ɛ tɑ̃ɑ̃́ tɛ́tɛ́ kɛ́ bɛ̀ totí kɛ yɛ̃́ Edeɑsɑɑ kó iyɑɑ̀bí kó yɛtĩ̀rɛ̀ do mɔkɛmɛ̀mu bɛ̀ɛ̀ kòtí ikuɔ́ tɔ̃mmú nɛ̀ bɛ̀ɛ̀ kòtí Kuyie ncĩ́ɛ̃̀tɛ̀ kɔ̃mu. Kɛ̀ Itɑmɑɑ kó iyɑɑ̀bí kó yɛtĩ̀rɛ̀ m mɔkɛ yɛ kɔbɛ. \b \p \v 6 Defii kó kuwuɔ nkou Nɛtɑnnɛyɛɛdi birɛ Semmɑyɑ opɑ́tíwɑ̃ɑ̃̀tì weè do wɑ̃̀ũ bɛ yètɛ̀, kɛ́ nyɛ̀ wɑ̃̀ũ kòo kpɑ̀ɑ̀tì Dɑfiti nɛ̀ o tũ̀mbɛ̀ kɛ̀ bɛ̀ bo nɛ̀ ikuɔ́ nìùbɛ̀ Sɑdɔki nɛ̀ Abiɑtɑɑ birɛ Aimmɛdɛki nɛ̀ ikuɔ́ nìùbɛ̀ Defiibɛ kó sicɛ̃́ĩ kó bɛkótíbɛ̀. Kɛ̀ bɛ̀ níí tɑ̃ũ tɛ́tɛ́ Edeɑsɑɑ kó yɛtĩ̀rɛ̀ kucɛ mɛ̀dɛ́mɛ̀ Itɑmɑɑ kó yɛtĩ̀rɛ̀ kucɛ mɛ̀mɑ́ɑ̀. \v 7 Kɛ̀ bɛ̀ɛ tɑ̃ũ mɛketimɛ̀, kɛ̀ tɛ́tɛ́ɛ do Yoyɑdibu ĩ́nkɛ̀, kɛ̀ bɛ̀ɛ tɑ̃ũ mɛdɛ́rímmɛ̀, kɛ̀ dɛ̀ɛ do Yedɑyɑ ĩ́nkɛ̀. \v 8 Kɛ̀ bɛ̀ɛ tɑ̃ũ mɛtɑ̃ɑ̃́mmɛ̀, kɛ̀ tɛ́tɛ́ do Adimmu ĩ́nkɛ̀, kɛ̀ bɛ̀ɛ tɑ̃ũ mɛnɑɑmmɛ̀, kɛ̀ dɛ̀ɛ do Seodimmu ĩ́nkɛ̀. \v 9 Kɛ̀ bɛ̀ɛ tɑ̃ũ mɛnummumɛ̀, kɛ̀ dɛ̀ɛ do Mɑdikiyɑɑ ĩ́nkɛ̀, kɛ̀ mɛkuɔ́mmɛ̀ɛ do Minyɑminni ĩ́nkɛ̀. \v 10 Kɛ̀ bɛ̀ɛ tɑ̃ũ mɛyiémmɛ̀, kɛ̀ dɛ̀ɛ do Akikoti ĩ́nkɛ̀, kɛ̀ bɛ̀ɛ tɑ̃ũ mɛniímmɛ̀, kɛ̀ dɛ̀ɛ do Abiyɑ ĩ́nkɛ̀. \v 11 Kɛ̀ bɛ̀ɛ tɑ̃ũ mɛwɛímmɛ̀, kɛ̀ dɛ̀ɛ do Yesuwɑ ĩ́nkɛ̀, kɛ̀ bɛ̀ɛ tɑ̃ũ mɛpíímmɛ̀, kɛ̀ dɛ̀ɛ do Sekɑnniyɑ ĩ́nkɛ̀. \v 12 Kɛ̀ bɛ̀ɛ tɑ̃ũ tɛpíítɛ̀ nɛ̀ mɛ̀mɑ́ɑ̀, kɛ̀ dɛ̀ɛ do Ediɑsibu ĩ́nkɛ̀, kɛ̀ bɛ̀ɛ tɑ̃ũ tɛpíítɛ̀ nɛ̀ mɛdɛ́rímmɛ̀, kɛ̀ dɛ̀ɛ do Yɑkimmu ĩ́nkɛ̀. \v 13 Kɛ̀ bɛ̀ɛ tɑ̃ũ tɛpíítɛ̀ nɛ̀ mɛtɑ̃ɑ̃́mmɛ̀, kɛ̀ dɛ̀ɛ do Upɑ ĩ́nkɛ̀, kɛ̀ bɛ̀ɛ tɑ̃ũ tɛpíítɛ̀ nɛ̀ mɛnɑɑmmɛ̀, kɛ̀ dɛ̀ɛ do Yesebɑbu ĩ́nkɛ̀, \v 14 kɛ̀ bɛ̀ɛ tɑ̃ũ tɛpíítɛ̀ nɛ̀ mɛnummumɛ̀, kɛ̀ tɛ́tɛ́ɛ do Bidikɑɑ ĩ́nkɛ̀, kɛ̀ bɛ̀ɛ tɑ̃ũ tɛpíítɛ̀ nɛ̀ mɛkuɔ́mmɛ̀, kɛ̀ dɛ̀ɛ do Imɛɛ ĩ́nkɛ̀. \v 15 Kɛ̀ bɛ̀ɛ tɑ̃ũ tɛpíítɛ̀ nɛ̀ mɛyiémmɛ̀, kɛ̀ dɛ̀ɛ do Esii ĩ́nkɛ̀, kɛ̀ bɛ̀ɛ tɑ̃ũ tɛpíítɛ̀ nɛ̀ mɛniímmɛ̀, kɛ̀ dɛ̀ɛ do Apitisɛti ĩ́nkɛ̀. \v 16 Kɛ̀ bɛ̀ɛ tɑ̃ũ tɛpíítɛ̀ nɛ̀ mɛwɛímmɛ̀, kɛ̀ dɛ̀ɛ do Petɑyɑɑ ĩ́nkɛ̀, kɛ̀ bɛ̀ɛ tɑ̃ũ sipísìdɛ́ kɔ̃mɛ, kɛ̀ dɛ̀ɛ do Esekiɛri ĩ́nkɛ̀. \v 17 Kɛ̀ bɛ̀ɛ tɑ̃ũ sipísìdɛ́ nɛ̀ mɛ̀mɑ́ɑ̀, kɛ̀ dɛ̀ɛ do Yɑkinni ĩ́nkɛ̀, kɛ̀ bɛ̀ɛ tɑ̃ũ sipísìdɛ́ nɛ̀ mɛdɛ́rímmɛ̀, kɛ̀ dɛ̀ɛ do Kɑmudi ĩ́nkɛ̀. \v 18 Kɛ̀ bɛ̀ɛ tɑ̃ũ sipísìdɛ́ nɛ̀ mɛtɑ̃ɑ̃́mmɛ̀, kɛ̀ dɛ̀ɛ do Dedɑyɑ ĩ́nkɛ̀, kɛ̀ bɛ̀ɛ tɑ̃ũ sipísìdɛ́ nɛ̀ mɛnɑɑmmɛ̀, kɛ̀ dɛ̀ɛ do Mɑɑsiɑ ĩ́nkɛ̀. \p \v 19 Mɛm̀mɛ kɛ̀ bɛ̀ɛ tũnnɛ ti Yiɛ̀ nKuyie nyIsidɑyɛɛribɛ tũ nkù do duɔ́ nyìì tié mbɛ yɑ̀ɑ̀rì Anɔɔ, kɛ́ bɛ̀ totí yɛtĩ̀rɛ̀ kɛ́ bɛ̀ duɔ́ mbɛ tɔ̃mmú ti Yiɛ̀ nKuyie ncĩ́ɛ̃̀tɛ̀ miɛkɛ. \s1 Defiibɛ tɔbɛ̀ kó yɛyètɛ̀ \p \v 20 Defiibɛ sɔmbɛ bɛ̀ɛ̀ do kpɑɑ́ bɛ miɛkɛ bɛ̀ɛ̀ do ni bɛɛ̀ yètɛ̀ tu: Amudɑmu kó kunɑɑ̀mùnkù kɛ̀ Subɑyɛɛdi nkótí. \p Kɛ̀ Yediɑ kòtí Subɑyɛɛdi kɔku miɛkɛ. \v 21 Kɛ̀ Isiɑ kòtí Deɑbiɑ kó kunɑɑ̀mùnkù miɛkɛ. \v 22 Kɛ̀ Sedomɔti kòtí Isiɑ kó kunɑɑ̀mùnkù kɛ̀ Yɑɑti kòtí Sedomɔti kó kunɑɑ̀mùnkù. \v 23 Ebunɔɔ nɑɑ̀mùnkù miɛkɛ kɛ̀ Yediyo nkótí kɛ̀ Amɑdiɑ ò pòkoo kɛ̀ Yɑsɛɛdi ntú otɑ̃ɑ̃́nwè kɛ̀ Yekɑmɑmmu tu onɑɑnwè. \v 24 Usiyɛɛdi kó kunɑɑ̀mùnkù miɛkɛ kɛ̀ Misee mbɑkɛ́. O kó ibí miɛkɛ kɛ̀ Sɑmiidi mbɑkɛ́. \v 25 Kɛ̀ Sɑkɑrii bɑkɛ́ Misee tebitɛ Yesiyɑ kó kunɑɑ̀mùnkù. \v 26 Kɛ̀ Mɛdɑdi bí ntú: Mɑdi nɛ̀ Musi nɛ̀ Yɑɑsiyɑu, kɛ̀ bɛ̀ nkótí o kó kunɑɑ̀mùnkù miɛkɛ. \v 27 Kɛ̀ Mɛdɑdi birɛ Yɑɑsiyɑu bí ntú: Soɑmmu nɛ̀ Yɑkudi nɛ̀ Ibidi kɛ̀ bɛ̀ nkótí o kó kunɑɑ̀mùnkù. \v 28 Mɑdi kó kunɑɑ̀mùnkù miɛkɛ kɛ̀ Edeɑsɑɑ kòtí. Ò í mpɛitɛ́ initidɑbí. \v 29 Kiisi nɑɑ̀mùnkù miɛkɛ kɛ̀ Yedɑmɛyɛɛdi mbɑkɛ́. \v 30 Kɛ̀ Muusi bí ntú: Mɑdi nɛ̀ Edɛɛ nɛ̀ Yedemɔti kɛ̀ bɛ̀ mbɑkɛ́ bɛ kó kunɑɑ̀mùnkù. \p Defiibɛ bí nɑɑ̀mùntì kó bɛkótíbɛ̀ mbɛ. \v 31 Kɛ̀ bɛ̀ɛ bɛ̀ tɑ̃ũ tɛ́tɛ́ bɛ̀ dɔ̀ɔ̀mɛ̀ bɛ tebìí Anɔɔ yɑɑ̀bí, kɛ́ mbɛ̀ tɑ̃ũ kòo kpɑ̀ɑ̀tì Dɑfiti dɛ̀ bo, nɛ̀ ikuɔ́ nìùbɛ̀ Sɑdɔki nɛ̀ Aimmɛdɛki nɛ̀ ikuɔ́ nìùbɛ̀ cɛ̃́ĩ kó bɛkótíbɛ̀ nɛ̀ bɛ̀ɛ̀ bɑkɛ́ ti Yiɛ̀ nKuyie ncĩ́ɛ̃̀tɛ̀ tɔ̃mmú. Bɛ̀ dɔ̀ɔ̀mɛ̀ Mpo kó tɛcĩ́ɛ̃̀tɛ̀ kɛ́ bɛ̀ɛ mɛ ndɔɔ̀ tɛyɑ̃ɑ̃tɛ̀ kpɛtɛ. \c 25 \s1 Kuyie ncĩ́ɛ̃̀tɛ̀ kó bɛdèmbɛ̀ kó yɛtĩ̀rɛ̀ \p \v 1 Dɑfiti nɛ̀ bɛ̀ɛ̀ bɑkɛ́ Kuyie ncĩ́ɛ̃̀tɛ̀ tɔ̃mmú kɛ̀ bɛ̀ɛ cɑ̃́nnɛ́ Asɑfu nɛ̀ Emɑnni nɛ̀ Yedutunni bɛ nɑɑ̀mùntì kɔbɛ, kɛ̀ bɛ̀ bo ndonti Kuyie nkɛ nɑ́ɑ́ kù bɛ̀ bɛnkɛ tì, kɛ́mbie ntikùtìdùùtì nɛ̀ tibómbonti nɛ̀ tikɑ̃penti. \p \v 2 Ntɛ bɛnìtìbɛ̀ bɛ̀ do tɑ̃ɑ̃tɛ́ bɛ̀ dɛ kó mutɔ̃mmú kpɛ́í mbɛ yètɛ̀, bɛɛ̀ tu Asɑfu kó ibí: Sɑkuu nɛ̀ Sosɛfu nɛ̀ Nɛtɑnniyɑ nɛ̀ Asɑdedɑ. Bɛɛ̀ do tú bɛdèmbɛ̀, kɛ̀ bɛ cicɛ bɛ̀ ni kɛ donti Kuyie nkɛ nɑ́ɑ́ nkù ò bɛnkɛ tì kɛ tũ Dɑfiti kó itié. \p \v 3 Kɛ̀ Yedutunni kó ibí ntú: Kedɑdiɑ nɛ̀ Sedi nɛ̀ Yesɑyɑɑ nɛ̀ Semɛii nɛ̀ Asɑbiɑ nɛ̀ Mɑtitiɑ bɛkuɔ̀. Bɛɛ̀ do tú bɛdèmbɛ̀ kɛ̀ bɛ cicɛ Yedutunni bɛ̀ ni kɛ dɛ́úkùnko ti Yiɛ̀ nKuyie nyètìrì kɛ kù dònti kɛ nɑ́ɑ́ nkù ò bɛnkɛ tì, kɛ bie nkukùtìdùkù. \p \v 4 Emɑnni kó initidɑbí do tú: Bukiyɑu nɛ̀ Mɑtɑnniyɑ nɛ̀ Usɛɛdi nɛ̀ Sebuyɛɛdi nɛ̀ Yedimɔti nɛ̀ Amɑnniyɑ nɛ̀ Anɑnni nɛ̀ Ediɑtɑɑ nɛ̀ Kidɑditi nɛ̀ Dommɑmɛti nɛ̀ Esɛɛ nɛ̀ Yosebekɑsɑ nɛ̀ Mɑdoti nɛ̀ Otii nɛ̀ Mɑɑsioti. \v 5 Emɑnni bí nyi mɛmmɛ weè do nɑ́ɑ́ nhokpɑ̀ɑ̀tì Kuyie nhò bɛnkɛ tì, kɛ bo dɛ́úkùnnɛ ku yètìrì kunku kùù ò duɔ́ nyinitidɑbí tɛpíítɛ̀ nɛ̀ ìnɑ̀ɑ̀ nɛ̀ initipobí ìtɑ̃ɑ̃ti. \p \v 6 Bɛmɔu bɛɛ̀ do tú bɛdèmbɛ̀ ti Yiɛ̀ nKuyie ncĩ́ɛ̃̀tɛ̀ miɛkɛ, kɛ bie ntikùtìdùùtì nɛ̀ tibómbonti nɛ̀ tikɑ̃penti, kɛ̀ bɛ cicɛ bɛ̀ ni. Kɛ̀ bɛ̀ mpĩ́ nhokpɑ̀ɑ̀tì tɔ̃mmú, Asɑfu nɛ̀ Yedutunni nɛ̀ Emɑnni kɛ̀ bɛ̀ bɑkɛ́. \v 7 Bɛmɔu bɛ̀ do tú bɛ̀ɛ̀ nɔ mbɛ̀mbɛ mudèmmù mɛsɑ̀ɑ̀ kɛ dɛ́úkùnko ti Yiɛ̀ nKuyie nyètìrì, bɛmbɛ nɛ̀ bɛ tebìí kɛ̀ bɛ̀ mbo sikɔusìdɛ́ nɛ̀ sipísìni nɛ̀ bɛ̀ni (288). \p \v 8 Kɛ̀ bɛ̀ɛ tɑ̃ũ tɛ́tɛ́ kɛ bo yɑ̀ bɛ̀ dò nkɛ́mpĩ́ mmɛ̀ɛ̀ botí mutɔ̃mmú, bɑ́ bɛ̀ í mbɑɑ̀tì bɛdènkótíbɛ̀ nɛ̀ bɛpɑ̀mbɛ̀. \p \v 9 Ntɛ bɛ̀ do tɑ̃ũ tɛ́tɛ́ kɛ́dɛi bɛ̀ɛ̀ kótíbɛ̀, kɛ̀ bɛ̀ bo nni bɛ yètɛ̀: Kɛ̀ bɛ̀ɛ tɑ̃ũ tɛ́tɛ́ Asɑfu kó kunɑɑ̀mùnkù kɛ̀ dɛ̀ɛ do Sosɛfu ĩ́nkɛ̀, kɛ̀ bɛ̀ɛ yíɛ́ kɛ́tɑ̃ũ kɛ̀ tɛ́tɛ́ɛ do Kedɑdiɑ ĩ́nkɛ̀, wenwe nɛ̀ o tebìí nɛ̀ bɛ bí kɛ̀ bɛ̀ɛ wɛ̃nnɛ́ tɛpíítɛ̀ nɛ̀ bɛ̀dɛ́bɛ̀. \m \v 10 Kɛ̀ bɛ̀ɛ tɑ̃ũ mɛtɑ̃ɑ̃́mmɛ̀ kɛ̀ dɛ̀ɛ do Sɑkuu ĩ́nkɛ̀, wenwe nɛ̀ o bí nɛ̀ o tebìí kɛ̀ bɛ̀ mbo tɛ̀píítɛ̀ nɛ̀ bɛ̀dɛ́bɛ̀. \m \v 11 Kɛ̀ bɛ̀ɛ tɑ̃ũ mɛnɑɑmmɛ̀ kɛ̀ tɛ́tɛ́ɛ do Isidi ĩ́nkɛ̀ wenwe nɛ̀ o bí nɛ̀ o tebìí kɛ̀ bɛ̀ mbo tɛpíítɛ̀ nɛ̀ bɛ̀dɛ́bɛ̀. \m \v 12 Kɛ̀ bɛ̀ɛ tɑ̃ũ mɛnummumɛ̀ kɛ̀ tɛ́tɛ́ɛ do Nɛtɑnniyɑ ĩ́nkɛ̀ wenwe nɛ̀ o bí nɛ̀ o tebìí kɛ̀ bɛ̀ mbo tɛpíítɛ̀ nɛ̀ bɛ̀dɛ́bɛ̀. \m \v 13 Kɛ̀ bɛ̀ɛ tɑ̃ũ mɛkuɔ́mmɛ̀ kɛ̀ dɛ̀ɛ do Bukiyɑu ĩ́nkɛ̀, wenwe nɛ̀ o bí nɛ̀ o tebìí, kɛ̀ bɛ̀ mbo tɛpíítɛ̀ nɛ̀ bɛ̀dɛ́bɛ̀. \m \v 14 Kɛ̀ bɛ̀ɛ tɑ̃ũ mɛyiémmɛ̀ kɛ̀ tɛ́tɛ́ɛ do Yesɑdedɑ ĩ́nkɛ̀ wenwe nɛ̀ o bí nɛ̀ o tebìí, kɛ̀ bɛ̀ mbo tɛpíítɛ̀ nɛ̀ bɛ̀dɛ́bɛ̀. \m \v 15 Kɛ̀ bɛ̀ɛ tɑ̃ũ mɛniímmɛ̀ kɛ̀ tɛ́tɛ́ɛ do Yesɑyɑ ĩ́nkɛ̀ wenwe nɛ̀ o bí nɛ̀ o tebìí, kɛ̀ bɛ̀ mbo tɛpíítɛ̀ nɛ̀ bɛ̀dɛ́bɛ̀. \m \v 16 Kɛ̀ bɛ̀ɛ tɑ̃ũ mɛwɛímmɛ̀ kɛ̀ tɛ́tɛ́ɛ do Mɑtɑnniyɑ ĩ́nkɛ̀ wenwe nɛ̀ o bí nɛ̀ o tebìí, kɛ̀ bɛ̀ mbo tɛpíítɛ̀ nɛ̀ bɛ̀dɛ́bɛ̀. \m \v 17 Kɛ̀ bɛ̀ɛ tɑ̃ũ mɛpíímmɛ̀ kɛ̀ tɛ́tɛ́ɛ do Simmɛii ĩ́nkɛ̀ wenwe nɛ̀ o bí nɛ̀ o tebìí kɛ̀ bɛ̀ mbo tɛpíítɛ̀ nɛ̀ bɛ̀dɛ́bɛ̀. \m \v 18 Kɛ̀ bɛ̀ɛ tɑ̃ũ tɛpíítɛ̀ nɛ̀ mɛ̀mɑ́ɑ̀ kɛ̀ tɛ́tɛ́ɛ do Asɑdɛɛdi ĩ́nkɛ̀ wenwe nɛ̀ o bí nɛ̀ o tebìí kɛ̀ bɛ̀ mbo tɛpíítɛ̀ nɛ̀ bɛ̀dɛ́bɛ̀. \m \v 19 Kɛ̀ bɛ̀ɛ tɑ̃ũ tɛpíítɛ̀ nɛ̀ mɛdɛ́rímmɛ̀ kɛ̀ tɛ́tɛ́ɛ do Asɑbiɑ ĩ́nkɛ̀ wenwe nɛ̀ o bí nɛ̀ o tebìí, kɛ̀ bɛ̀ mbo tɛpíítɛ̀ nɛ̀ bɛ̀dɛ́bɛ̀. \m \v 20 Kɛ̀ bɛ̀ɛ tɑ̃ũ tɛpíítɛ̀ nɛ̀ mɛtɑ̃ɑ̃́mmɛ̀ kɛ̀ tɛ́tɛ́ɛ do Subɑyɛɛdi ĩ́nkɛ̀ wenwe nɛ̀ o bí nɛ̀ o tebìí, kɛ̀ bɛ̀ mbo tɛpíítɛ̀ nɛ̀ bɛ̀dɛ́bɛ̀. \m \v 21 Kɛ̀ bɛ̀ɛ tɑ̃ũ tɛpíítɛ̀ nɛ̀ mɛnɑɑmmɛ̀ kɛ̀ tɛ́tɛ́ɛ do Mɑtitiɑ ĩ́nkɛ̀ wenwe nɛ̀ o bí nɛ̀ o tebìí kɛ̀ bɛ̀ mbo tɛpíítɛ̀ nɛ̀ bɛ̀dɛ́bɛ̀. \m \v 22 Kɛ̀ bɛ̀ɛ tɑ̃ũ tɛpíítɛ̀ nɛ̀ mɛnummumɛ̀ kɛ̀ tɛ́tɛ́ɛ do Yedemɔti ĩ́nkɛ̀ wenwe nɛ̀ o bí nɛ̀ o tebìí kɛ̀ bɛ̀ mbo tɛpíítɛ̀ nɛ̀ bɛ̀dɛ́bɛ̀. \m \v 23 Kɛ̀ bɛ̀ɛ tɑ̃ũ tɛpíítɛ̀ nɛ̀ mɛkuɔ́mmɛ̀ kɛ̀ tɛ́tɛ́ɛ do Anɑnniyɑ ĩ́nkɛ̀ wenwe nɛ̀ o bí nɛ̀ o tebìí kɛ̀ bɛ̀ mbo tɛpíítɛ̀ nɛ̀ bɛ̀dɛ́bɛ̀. \m \v 24 Kɛ̀ bɛ̀ɛ tɑ̃ũ tɛpíítɛ̀ nɛ̀ mɛyiémmɛ̀ kɛ̀ tɛ́tɛ́ɛ do Yosebekɑsɑɑ ĩ́nkɛ̀ wenwe nɛ̀ o bí nɛ̀ o tebìí, kɛ̀ bɛ̀ mbo tɛpíítɛ̀ nɛ̀ bɛ̀dɛ́bɛ̀. \m \v 25 Kɛ̀ bɛ̀ɛ tɑ̃ũ tɛpíítɛ̀ nɛ̀ mɛniímmɛ̀ kɛ̀ tɛ́tɛ́ɛ do Anɑnni ĩ́nkɛ̀ wenwe nɛ̀ o bí nɛ̀ o tebìí kɛ̀ bɛ̀ mbo tɛpíítɛ̀ nɛ̀ bɛ̀dɛ́bɛ̀. \m \v 26 Kɛ̀ bɛ̀ɛ tɑ̃ũ tɛpíítɛ̀ nɛ̀ mɛwɛímmɛ̀ kɛ̀ tɛ́tɛ́ɛ do Mɑdoti ĩ́nkɛ̀ wenwe nɛ̀ o bí nɛ̀ o tebìí, kɛ̀ bɛ̀ mbo tɛpíítɛ̀ nɛ̀ bɛ̀dɛ́bɛ̀. \m \v 27 Kɛ̀ bɛ̀ɛ tɑ̃ũ sipísìdɛ́ kɔ̃mɛ kɛ̀ tɛ́tɛ́ɛ do Ediɑtɑɑ ĩ́nkɛ̀ wenwe nɛ̀ o bí nɛ̀ o tebìí kɛ̀ bɛ̀ mbo tɛpíítɛ̀ nɛ̀ bɛ̀dɛ́bɛ̀. \m \v 28 Kɛ̀ bɛ̀ɛ̀ tɑ̃ũ sipísìdɛ́ nɛ̀ mɛ̀mɑ́ɑ̀ kɛ̀ tɛ́tɛ́ɛ do Otii ĩ́nkɛ̀ wenwe nɛ̀ o bí nɛ̀ o tebìí kɛ̀ bɛ̀ mbo tɛpíítɛ̀ nɛ̀ bɛ̀dɛ́bɛ̀. \m \v 29 Kɛ̀ bɛ̀ɛ tɑ̃ũ sipísìdɛ́ nɛ̀ mɛdɛ́rímmɛ̀ kɛ̀ tɛ́tɛ́ɛ do Kidɑditi ĩ́nkɛ̀ wenwe nɛ̀ o bí nɛ̀ o tebìí kɛ̀ bɛ̀ mbo tɛpíítɛ̀ nɛ̀ bɛ̀dɛ́bɛ̀. \m \v 30 Kɛ̀ bɛ̀ɛ tɑ̃ũ sipísìdɛ́ nɛ̀ mɛtɑ̃ɑ̃́mmɛ̀ kɛ̀ tɛ́tɛ́ɛ do Mɑɑsioti ĩ́nkɛ̀ wenwe nɛ̀ o bí nɛ̀ o tebìí kɛ̀ bɛ̀ mbo tɛpíítɛ̀ nɛ̀ bɛ̀dɛ́bɛ̀. \m \v 31 Kɛ̀ bɛ̀ɛ tɑ̃ũ sipísìdɛ́ nɛ̀ mɛnɑɑmmɛ̀ kɛ̀ tɛ́tɛ́ɛ do Dommɑmɛti Esɛɛ ĩ́nkɛ̀ wenwe nɛ̀ o bí nɛ̀ o tebìí kɛ̀ bɛ̀ mbo tɛpíítɛ̀ nɛ̀ bɛ̀dɛ́bɛ̀. \c 26 \s1 Bɛ̀ɛ̀ do bɑɑ̀ Kuyie ncĩ́ɛ̃̀tɛ̀ kó yɛbòrɛ̀ \p \v 1 Bɛ̀ɛ̀ do bɑɑ̀ Kuyie ncĩ́ɛ̃̀tɛ̀ kó yɛbòrɛ̀ bɛ̀ do bɛ̀ totɛ́mu yɛtĩ̀rɛ̀, Asɑfu birɛ Kodee kó dɛbirɛ Mɛsedemiɑ kó ibí iì do bɑkɛ́ Kodee kó kunɑɑ̀mùnkù. \v 2 Kɛ̀ Sɑkɑrii ntú oketiwè kɛ̀ Yesɑyɛɛdi ntú odɛ́ríwè kɛ̀ Sebɑdi tu otɑ̃ɑ̃́nwè kɛ̀ Yɑtinniyɛɛdi tu onɑɑnwè. \v 3 Kɛ̀ Edɑmmu tu onummuwè kɛ̀ Yeoɑnɑnni tu okuɔ́nwè kɛ̀ Ediyoyennɑii tu oyiénwè. \p \v 4-5 Kɛ̀ Kuyie ndɔɔ̀ mɛsɑ̀ɑ̀ Obɛdi-Edɔmmu kòò pɛitɛ́ initidɑbí ìni. Semmɑyɑ nɛ̀ o nɛí, Yoɑ nɛ̀ Sɑkɑɑ nɛ̀ Nɛtɑnnɛyɛɛdi nɛ̀ Amiyɛɛdi nɛ̀ Isɑkɑɑ nɛ̀ Peudetɑii. \v 6 Kɛ̀ Obɛdi-Edɔmmu kóo po Semmɑyɑ kó ibí mbɑkɛ́ bɛ nɑɑ̀mùntì kɛ yɛ̃́ bɛ̀ tumɛ̀ yɛkɔ̃m̀bɔ̀ yɛmbɛ̀ mbɛ. \v 7 Bɛɛ̀ yètɛ̀ tu Otinni nɛ̀ Defɑyɛɛdi nɛ̀ Obɛti nɛ̀ Edisɑbɑdi nɛ̀ o nɛí, sìì yètɛ̀ do feí mɛsɑ̀ɑ̀ Ediu nɛ̀ Semmɑsiɑ. \v 8 Obɛdi Edommu kó ibí nyi mɛmmɛ. Bɛ̀ do tú yɛkɔ̃m̀bɔ̀ yɛmbɛ̀ mbɛ kɛ̀ bɛ kɔ̃̀ntì yɑunɛ̀ bɛ tɔ̃mmú. Bɛmɔu kɛ̀ bɛ̀ mbo sipísìkuɔ̀ nɛ̀ bɛ̀dɛ́bɛ̀. \p \v 9 Kɛ̀ Mɛsedemiɑ bí nɛ̀ o tebìí kɛ̀ bɛ̀ mbo bɛnìtìbɛ̀ tɛpíítɛ̀ nɛ̀ bɛ̀ni, kɛ tú yɛkɔ̃m̀bɔ̀ yɛmbɛ̀. \p \v 10 Kɛ̀ Mɛdɑdi kó kunɑɑ̀mùnkù kou Osɑɑ mmɔkɛ ibí inɑ̀ɑ̀ Simidi weè do tú Mpo. O cicɛ weè do ò duɔ́ ndɛ kó difɔ̃̀tìrì, weè do í tú Mpo. \v 11 Kɛ̀ Idikiyɑ nhò pòkoo kɛ̀ Tebɑdiyɑ tu otɑ̃ɑ̃́nwè kɛ̀ Sɑkɑrii tu onɑɑnwè. Osɑɑ kó kunɑɑ̀mùnkù kɔbɛ do tú o bí nyi, nɛ̀ o tebìí kɛ̀ bɛ̀ɛ wɛ̃nnɛ́ kɛ́mbo tɛpíítɛ̀ nɛ̀ bɛ̀tɑ̃ɑ̃ti. \p \v 12 Bɛɛ̀ do ni bɛ̀ɛ̀ bɑ̀ɑ̀ yɛbòrɛ̀ bɛ kó yɛtĩ̀rɛ̀ kɔbɛ, bɛmɔu bɛ̀ do wɛ̃mmu kɛ pĩ́ mbɛ tɔ̃mmú ti Yiɛ̀ nKuyie ncĩ́ɛ̃̀tɛ̀ miɛkɛ, bɛ tebìí kɔ̃mɛ. \v 13 Bɛ̀ do tɑ̃ũ tɛ́tɛ́ nwe kɛ bo yɑ̀ bɑ́ tɛ̀ɛ̀ cĩ́ɛ̃̀tɛ̀ tɛ̀ dò nkɛ́mbɑɑ̀ dìì bòrì, bɛ̀ tɑ̃ũ tɛcɛ̃diɛtɛ̀ kɛ̀ dɛ̀ dòmmɛ̀ bɛ̀ɛ tɑ̃ũ tɛsɑ́m̀pɔ́tɛ̀ kɛ̀ dɛ̀ mmɛ ndò. \p \v 14 Kɛ̀ bɛ̀ɛ tɑ̃ũ tɛ́tɛ́ kɛ bo yɑ̀ tɛ̀ɛ̀ cĩ́ɛ̃̀tɛ̀ kɔbɛ yó mbɑɑ̀ diyiè yìɛ̀ní kɛ̀ɛ̀ bíɛ́kɛ̀ kó dibòrì, kɛ̀ tɛ́tɛ́ɛ do Sedemmiyɑ ĩ́nkɛ̀, kɛ̀ bɛ̀ɛ yíɛ́ kɛ́tɑ̃ũ tɛ́tɛ́ kɛ bo yɑ̀ bɛ̀ɛ̀ yó mbɑɑ̀ kubɑkù yoú bíɛ́kɛ̀ kó dibòrì, kɛ̀ tɛ́tɛ́ɛ do o birɛ Sɑkɑrii ĩ́nkɛ̀, Sɑkɑrii do tú wèè ciì wènwe kɛ nɔ nkɛ tiè. \v 15 Kɛ̀ bɛ̀ɛ tɑ̃ũ tɛ́tɛ́ kɛ bo yɑ̀ bɛ̀ɛ̀ yó mbɑɑ̀ kubɑkù cɑ̃̀nku bíɛ́kɛ̀ kó dibòrì, kɛ̀ tɛ́tɛ́ɛ do Obɛdi-Edɔmmu ĩ́nkɛ̀, kòo bí nte ì bo mbɑɑ̀mɛ̀ tidiitì kó tidieti. \v 16 Kɛ̀ bɛ̀ɛ tɑ̃ũ tɛ́tɛ́ kɛ bo yɑ̀ bɛ̀ɛ̀ yó mbɑɑ̀ diyiè tɑɑ̀ kɛ̀ɛ̀ bíɛ́kɛ̀ kó dibòrì nɛ̀ dibòrì bɛ̀ tu dì Sɑdikɛti, kɛ̀ dì pɛ̀kɛ́nɛ̀ ditennì kó kucɛ. Kɛ̀ tɛ́tɛ́ɛ do Supimmu nɛ̀ Osɑɑ bɛ ĩ́nkɛ̀ kɛ̀ bɛ̀ɛ yɛ̀ mbɛ̀ totɛ́. \p Bɑ́ dìì tĩ̀nnì kɛ̀ di mbɑɑ̀ kɛ wetí ditɛrì. \v 17 Kɛ̀ Defiibɛ níí mbɑɑ̀ diyiè tɑɑ̀ kɛ̀ɛ̀ bíɛ́kɛ̀ kó dibòrì bɛ̀kuɔ̀ bɛ̀kuɔ̀ kɛ feimmu bɛtɔbɛ̀, bɑ́ dìì yiè kɛ̀ bɛ̀nɑ̀ɑ̀ níí mbɑɑ̀ kubɑkù yoú bíɛ́kɛ̀ kó dibòrì kɛ feimmu bɛtɔbɛ̀. Kɛ̀ bɛ̀nɑ̀ɑ̀ níí mbɑɑ̀ kubɑkù cɑ̃̀nku bíɛ́kɛ̀ kó dibòrì bɛ̀nɑ̀ɑ̀ bɛ̀nɑ̀ɑ̀ kɛ feimmu bɛtɔbɛ̀ bɑ́ dìì yiè. Kɛ̀ bɛ̀dɛ́bɛ̀ bɛ̀dɛ́bɛ̀ mbɑɑ̀ tidiitì ɑ̃ tìì dieti kó yɛbòrɛ̀ kɛ feimmu bɛtɔbɛ̀. \v 18 Bɛ̀ mɑɑ́ kùù dieku kɛ kpeénnɛ̀ Kuyie ncĩ́ɛ̃̀tɛ̀ tɛ ììkɛ̀, Defiibɛ bɛɛ̀ do tɛ̀ bɑ̀ɑ̀, bɛ̀nɑ̀ɑ̀ kucɛ bíɛ́kɛ̀, bɛ̀dɛ́bɛ̀ tɛ miɛkɛ. \b \p \v 19 Kodee nɛ̀ Mɛdɑdi bɛ kó tinɑɑ̀mùntì kɔbɛ kó yɛtĩ̀rɛ̀ nyɛ yɛ̀ɛ̀ do bɑɑ̀ yɛbòrɛ̀. \s1 Defiibɛ tɔbɛ̀ do pĩ́ mmùù tɔ̃mmú \p \v 20 Kɛ̀ bɛ tebìí Defiibɛ tɔbɛ̀ kó mutɔ̃mmú ntú bɛ̀ bo mbɑɑ̀mɛ̀ Kuyie ncĩ́ɛ̃̀tɛ̀ kó tikpɑ̀tì nɛ̀ ikuɔ́ nɛntì. \p \v 21 Kɛ̀ Kɛrisonni kó kunɑɑ̀mùnkù kou Dɑedɑnni birɛ Yeyɛɛdi weè mbɑkɛ́ bɛ kó sicɛ̃́ĩ. \v 22 Yeyɛɛdi nɛ̀ Setɑmmu nɛ̀ bɛ tebitɛ Sowɛɛri bɛɛ̀ kó ibí do te ì bo mbɑɑ̀mɛ̀ Kuyie ncĩ́ɛ̃̀tɛ̀ kó tikpɑ̀tì. \v 23 Amudɑmu nɛ̀ Isɑɑ nɛ̀ Ebunɔɔ nɛ̀ Usiyɛɛdi bɛ yɑɑ̀bí múnkɛ do pĩ́ mmuù tɔ̃mmú. \v 24 Mɔyiisi birɛ Kɛrisonni kó dɛbirɛ Sebɑyɛɛdi weè do bɑkɛ́ bɛ̀ɛ̀ bɑ̀ɑ̀ Kuyie ncĩ́ɛ̃̀tɛ̀ kpɑ̀tì. \v 25 Kɛ̀ Mɔyiisi birɛ tɛrɛ̀ Ediesɛɛ pɛitɛ́ Deɑbiɑ kɛ̀ Deɑbiɑɑ pɛitɛ́ Yesɑyɑ kɛ̀ Yesɑyɑɑ pɛitɛ́ Yodɑmmu kɛ̀ Yodɑmmuu pɛitɛ́ Sikidi, kɛ̀ Sikidii pɛitɛ́ Sedomɔti. \v 26 Sedomɔti nɛ̀ o tebìí bɛɛ̀ do te bɛ̀ bo ndɑkɛmɛ̀ okpɑ̀ɑ̀tì Dɑfiti nɛ̀ sicɛ̃́ĩ kó bɛkótíbɛ̀ nɛ̀ kùmɑ̀ndɑ́ɑ̀bɛ̀ bɛ̀ɛ̀ bɑkɛ́ bɛhɑ̃ɑ̃pɔ̀mbɛ̀ sikɔupí nɛ̀ sikɔu nɛ̀ bɛhɑ̃ɑ̃pɔ̀nkótíbɛ̀ tɔbɛ̀ bɛ̀ do cɑ̃̀ńnɛ́ dɛ̀ Kuyie nkpɛ́í. \v 27 Bɛ̀ do dokɛ́mu kɛ́ dɛ̀ ɛí kɛ́ dɛ̀ duɔ́ ti Yiɛ̀ nKuyie kɛ̀ bɛ̀ bo ntũnninɛ̀ ku cĩ́ɛ̃̀tɛ̀. \v 28 Kuyie mpɑ̃ɑ̃nɑ́ɑǹtì nɑ́ɑǹtò Sɑmmuyɛɛri nɛ̀ Kiisi birɛ Sɑuri nɛ̀ Nɛɛ birɛ Abunɛɛ nɛ̀ Seduyɑ birɛ Soɑbu bɛ̀ do cɑ̃̀ńnɛ́ dɛ̀ Kuyie nkpɛ́í. Sedomii nɛ̀ o tebìí bɛɛ̀ do dɛ̀ bɑ̀ɑ̀ dɛmɔu mɛmmɛ. \p \v 29 Iseyɑri yɑɑ̀birɛ Kenɑniɑ nɛ̀ o bí, kɛ̀ bɛ̀ tɔ̃mmú ntú bɛ̀ bo nwɑ̃ũmɛ̀ dihɛì kó yɛpɑ́tɛ kɛ bekù bɛnìtìbɛ̀ bɛ̀ tɔuní tì. \p \v 30 Ebunɔɔ birɛ Asɑbiɑ nɛ̀ o tebìí tɛkɔupíítɛ̀ nɛ̀ sikɔusìyiekɛ̀ (1700) bɛmɔu bɛ̀ do tú yɛkɔ̃m̀bɔ̀ yɛmbɛ̀ mbɛ, kɛ̀ bɛ tɔ̃mmú ntú bɛ̀ bo ndɑkɛmɛ̀ ti Yiɛ̀ nKuyie ntɔ̃mmú kpɛ́í nnɛ̀ okpɑ̀ɑ̀tì kɔ̃mu kpɛ́í, nyIsidɑyɛɛribɛ tempɛ̃ Suditɛ̃ɛ̃ diyiè tɑɑ̀ kɛ̀ɛ̀ bíɛ́kɛ̀. \v 31 Kɛ̀ Yedeyɑ weè mbɑkɛ́ Ebunɔɔ kó kunɑɑ̀mùnkù, Dɑfiti kpɑ̀tì benni sipísìnɑ̀ɑ̀ kpɛri miɛkɛ kɛ̀ bɛ̀ɛ fiɛ́ bɛ nɑɑ̀mùnkù miɛkɛ kɛ́nsɔ̃́ nyɛkɔ̃m̀bɔ̀ yɛmbɛ̀ bɛɛ̀ bo Yɑsɛɛ ɛì dìì bo Kɑdɑɑdi tempɛ̃. \v 32 Yediyɑɑ tebìí do nsi kɛ̀ bɛ̀ ntú yɛkɔ̃m̀bɔ̀ yɛmbɛ̀ kɛ kótí bɛ cɛ̃́ĩ, kɛ̀ bɛ̀ mbo sikɔupísìdɛ́ nɛ̀ sikɔusìyiekɛ̀ (2700) kɛ̀ okpɑ̀ɑ̀tì Dɑfitii bɛ̀ bɑɑ́ nkɛ̀ bɛ̀ mbɑkɛ́ Dubɛnni kɔbɛ nɛ̀ Kɑdi kɔbɛ nɛ̀ Mɑnɑnsee kó kuwuɔ ndikéè kɔbɛ, kɛ dɑkɛ ti Yiɛ̀ nKuyie ntɔ̃mmú kpɛ́í nɛ̀ okpɑ̀ɑ̀tì kɔ̃mu kpɛ́í. \c 27 \s1 Bɛ̀ bɑ̀ɑtimɛ̀ bɛhɑ̃ɑ̃pɔ̀ntĩ̀rɛ̀ bɛ̀ɛ̀ yó mpĩ́ nhokpɑ̀ɑ̀tì tɔ̃mmú \p \v 1 Kɛ̀ bɛ̀ɛ bɑtɛ Isidɑyɛɛribɛ bɛ̀ mɑ̀mɛ̀. Bɛ̀ cɛ̃́ĩ kó bɛkótíbɛ̀ nɛ̀ bɛhɑ̃ɑ̃pɔ̀nkótíbɛ̀ bɛ̀ɛ̀ bɑkɛ́ bɛhɑ̃ɑ̃pɔ̀mbɛ̀ sikɔupí nɛ̀ sikɔu nɛ̀ bɛpɑ́tíwɑ̃ɑ̃̀bɛ̀ kɛ̀ bɛ̀ bo mpĩ́ nhokpɑ̀ɑ̀tì tɔ̃mmú kɛ̀ bɛ kó mutɔ̃mmú ntú bɛ̀ bo nnimɛ̀ yɛtĩ̀rɛ̀ yɛ̀ɛ̀ bo mpĩ́ mmutɔ̃mmú. Bɑ́ dìì tĩ̀nnì otɑ̃̀nkù kɛ́ mɛ nhɔ̃ ndibenni dimɔu kɛ feimmu bɛtɔbɛ̀. Bɑ́ dìì tĩ̀nnì kɛ̀ bɛnìtìbɛ̀ mbo sikɔupípísìdɛ́ nɛ̀ sikɔupísìnɑ̀ɑ̀ (24000). \m \v 2 Kɛ̀ Sɑbudiyɛɛdi birɛ Yɑsobeɑmmu nni ditĩ̀nnì ketirì dìì do te otɑ̃̀nkù ketiwè, kɛ̀ bɛ̀ mbo bɛnìtìbɛ̀ sikɔupípísìdɛ́ nɛ̀ sikɔupísìnɑ̀ɑ̀ (24000). \m \v 3 Ò do tú Pɛdɛsi nɑɑ̀mùnkù kou nwe kɛ́mbɑkɛ́ bɛhɑ̃ɑ̃pɔ̀nkótíbɛ̀ otɑ̃̀nkù ketiwè kɔbɛ. \m \v 4 Kɛ̀ Ahoɑ ɛì kou Dodɑii kó ditĩ̀nnì ntú otɑ̃̀nkù dɛ́rínwè kɔbɛ kɛ̀ bɛ̀ mbo bɛnìtìbɛ̀ sikɔupípísìdɛ́ nɛ̀ sikɔupísìnɑ̀ɑ̀ (24000) kɛ̀ Mikudoti nhò pòkoo. \m \v 5 Kɛ̀ dihɑ̃ɑ̃pɔ̀ntĩ̀nnì tɑ̃ɑ̃́nnì ntú otɑ̃̀nkù tɑ̃ɑ̃́nwè kɔbɛ, kɛ̀ ikuɔ́ nìùtì diɛwè Yoyɑdɑ birɛ Bennɑyɑ mbɑkɛ́ dɛ kó bɛnìtìbɛ̀ sikɔupípísìdɛ́ nɛ̀ sikɔupísìnɑ̀ɑ̀ (24000). \m \v 6 Dɛ kóo Bennɑyɑ do tú okpɑ̀rìnuɔnti nwe bɛkpɑ̀rìnuɔmbɛ sipísìtɑ̃ɑ̃ti tĩ̀nnì miɛkɛ. Kòo birɛ Amisɑbɑdi bo o kó ditĩ̀nnì miɛkɛ. \m \v 7 Kɛ̀ dihɑ̃ɑ̃pɔ̀ntĩ̀nnì nɑɑnnì ntú otɑ̃̀nkù nɑɑnwè kɔbɛ kɛ̀ Soɑbu nɑntɛ̀ Asɑyɛɛdi nɛ̀ o birɛ Sebɑdiɑ mbɛ̀ bɑkɛ́, kɛ̀ bɛ̀ mbo bɛnìtìbɛ̀ sikɔupípísìdɛ́ nɛ̀ sikɔupísìnɑ̀ɑ̀ (24000). \m \v 8 Kɛ̀ dihɑ̃ɑ̃pɔ̀ntĩ̀nnì nummurì ntú otɑ̃̀nkù nummuwè kpɛri kɛ̀ bɛ̀ mbo bɛnìtìbɛ̀ sikɔupípísìdɛ́ nɛ̀ sikɔupísìnɑ̀ɑ̀ (24000) kɛ̀ Isidɑɑ nɑɑ̀mùnkù kou Sɑmuti mbɛ̀ bɑkɛ́. \m \v 9 Kɛ̀ dihɑ̃ɑ̃pɔ̀ntĩ̀nnì kuɔ́nnì ntú otɑ̃ɑ̃kuɔ́nwè kpɛri kɛ̀ bɛ̀ mbo bɛnìtìbɛ̀ sikɔupípísìdɛ́ nɛ̀ sikɔupísìnɑ̀ɑ̀ (24000) kɛ̀ Tekoɑ ɛì kou Ikɛsi birɛ Idɑɑ mbɛ̀ bɑkɛ́. \m \v 10 Kɛ̀ dihɑ̃ɑ̃pɔ̀ntĩ̀nnì yiénnì ntú otɑ̃ɑ̃yiénwè kpɛri, kɛ̀ bɛ̀ mbo bɛnìtìbɛ̀ sikɔupípísìdɛ́ nɛ̀ sikɔupísìnɑ̀ɑ̀ (24000), kɛ̀ Efɑdɑimmu kó kuwuɔ nkou Edɛsi wèè bo Pɑdonni ɛì kòò mbɛ̀ bɑkɛ́. \m \v 11 Kɛ̀ dihɑ̃ɑ̃pɔ̀ntĩ̀nnì niínnì ntú otɑ̃ɑ̃niínwè kpɛri kɛ̀ bɛ̀ mbo bɛnìtìbɛ̀ sikɔupípísìdɛ́ nɛ̀ sikɔupísìnɑ̀ɑ̀ (24000). Kɛ̀ Sedɑɑ nɑɑ̀mùnkù kou Sebekɑii wèè bo Usɑɑ ɛì kòò mbɛ̀ bɑkɛ́. \m \v 12 Kɛ̀ dihɑ̃ɑ̃pɔ̀ntĩ̀nnì wɛínnì ntú otɑ̃ɑ̃wɛínwè kpɛri kɛ̀ bɛ̀ mbo bɛnìtìbɛ̀ sikɔupípísìdɛ́ nɛ̀ sikɔupísìnɑ̀ɑ̀ (24000). Kɛ̀ Bɛnsɑmɛɛ kó kuwuɔ nkou Abiesɛɛ wèè bo Annɑtɔti ɛì kòò mbɛ̀ bɑkɛ́. \m \v 13 Kɛ̀ dihɑ̃ɑ̃pɔ̀ntĩ̀nnì píínnì ntú otɑ̃ɑ̃píínwè kpɛri kɛ̀ bɛ̀ mbo bɛnìtìbɛ̀ sikɔupípísìdɛ́ nɛ̀ sikɔupísìnɑ̀ɑ̀ (24000). Kɛ̀ Sedɑɑ nɑɑ̀mùnkù kou Mɑdɑii Nɛtofɑɑ ɛì kou mbɛ̀ bɑkɛ́. \m \v 14 Kɛ̀ dihɑ̃ɑ̃pɔ̀ntĩ̀nnì tɛpíítɛ̀ nɛ̀ dìmɑ́ɑ̀ ntú otɑ̃̀nkù tɛpíítɛ̀ nɛ̀ omɑ́ɑ̀ kpɛri kɛ̀ bɛ̀ mbo bɛnìtìbɛ̀ sikɔupípísìdɛ́ nɛ̀ sikɔupísìnɑ̀ɑ̀ (24000). Kɛ̀ Efɑdɑimmu kó kuwuɔ nkou Bennɑyɑ Pidɑtonni ɛì kou mbɛ̀ bɑkɛ́. \m \v 15 Kɛ̀ dihɑ̃ɑ̃pɔ̀ntĩ̀nnì tɛpíítɛ̀ nɛ̀ didɛ́rì ntú otɑ̃̀nkù tɛpíítɛ̀ nɛ̀ odɛ́ríwè kpɛri, kɛ̀ bɛ̀ mbo bɛnìtìbɛ̀ sikɔupípísìdɛ́ nɛ̀ sikɔupísìnɑ̀ɑ̀ (24000). Kɛ̀ Otinniyɛɛdi nɑɑ̀mùnkù kou Nɛtofɑɑ ɛì kou Edidɑii mbɛ̀ bɑkɛ́. \s1 Bɛ̀ bɑ̀tɛmɛ̀ Isidɑyɛɛribɛ wuɔ nkó bɛkótíbɛ̀ \p \v 16 Ntɛ bɛ̀ɛ̀ do bɑkɛ́ Isidɑyɛɛribɛ wuɔ: \m Sikidi birɛ Ediesɛɛ weè do bɑkɛ́ Dubɛnni kó kuwuɔ, \m kɛ̀ Mɑɑkɑ birɛ Sefɑtiɑ bɑkɛ́ Simmɛɔ̃ɔ̃ kɔku. \m \v 17 Kɛ̀ Kemmuyɛɛdi birɛ Asɑbiɑ bɑkɛ́ Defiibɛ kó kuwuɔ, \m kɛ̀ Sɑdɔki bɑkɛ́ Anɔɔ kɔku. \m \v 18 Kɛ̀ Dɑfiti tebitɛ Ediuu mbɑkɛ́ Sudɑɑ kó kuwuɔ, \m kɛ̀ Mikɑyɛɛri birɛ Omidi bɑkɛ́ Isɑkɑɑ kó kuwuɔ. \m \v 19 Sɑbunɔɔ kó kunɑɑ̀mùnkù kɔbɛ, \m kɛ̀ Abudiɑsi birɛ Semmɑyɑ mbɑkɛ́, Nɛfutɑdii kó kunɑɑ̀mùnkù, \m kɛ̀ Asidiyɛɛdi birɛ Yedemɔti mbɛ̀ bɑkɛ́. \m \v 20 Efɑdɑimmu kó kunɑɑ̀mùnkù, \m kɛ̀ Asɑdiɑ birɛ Oseɑ mbɛ̀ bɑkɛ́, \m kɛ̀ Pedɑyɑ birɛ Sowɛɛri mbɑkɛ́ Mɑnɑnsee kó kuwuɔ ndikéè kɔbɛ bɛ̀ɛ̀ bo diyiè tɑɑ̀ kɛ̀ɛ̀ bíɛ́kɛ̀. \m \v 21 Kɛ̀ Mɑnɑnsee kó kuwuɔ ndikéè kɔbɛ bɛ̀ɛ̀ bo Kɑdɑɑdi diyiè yiɛ̀ní kɛ̀ɛ̀ bíɛ́kɛ̀, \m kɛ̀ Sɑkɑrii birɛ Ido mbɛ̀ bɑkɛ́ Bɛnsɑmɛɛ kó kuwuɔ nkɔbɛ, \m kɛ̀ Abunɛɛ birɛ Yɑsiɛdi mbɛ̀ bɑkɛ́. \m \v 22 Dɑnni kó kuwuɔ nkɔbɛ, kɛ̀ Yedoɑmmu birɛ Asɑdɛɛdi mbɛ̀ bɑkɛ́. Bɛɛ̀ do tú bɛ̀ɛ̀ bɑkɛ́ Isidɑyɛɛribɛ kó iwuɔ. \b \p \v 23 Dɑfiti do í kɑ̀ɑ mbɛdɑpɑ̀mbɛ̀ bɛ̀ɛ̀ mɔ̀kɛ yɛbie nsipísìdɛ́ kɛ́ntɔ kɛ́cutinko, kɛ yɛ̃́ ti Yiɛ̀ nKuyie ndo nɑ̀kɛ́mɛ̀ kɛ dɔ̀, kù yóó duɔ́ nkɛ̀ Isidɑyɛɛribɛɛ sṹṹ nsiwɑ̃̀ɑ̃ dòmmɛ̀ kɛĩ́nkɛ̀. \v 24 Seduɑ birɛ Soɑbu do ketɛ́mu bɛ kɑ̀mmù, ò mɛ nyí mpṹɔ̃, kɛ yɛ̃́ ti Yiɛ̀ nKuyie mmiɛkɛ do yɛ̀mɛ̀ Isidɑyɛɛribɛ dɛ kó mukɑ̀mmù kpɛ́í, dɛɛ̀ te kɛ̀ bɛ̀ í wɑ̃̀ri bɛ̀ mɑ̀mɛ̀ okpɑ̀ɑ̀tì Dɑfiti dɔɔ̀rìmɛ̀ pɑ́tíri miɛkɛ. \s1 Bɛ̀ɛ̀ do dɑkɛ tɛkpɑ̀ɑ̀tìcĩ́ɛ̃̀tɛ̀ kó tinɛntì kpɛ́í \p \v 25 Adiyɛɛdi birɛ Asimɑfɛti weè do te ò bo ndɑkɛmɛ̀ tikpɑ̀tì tìì bo tɛkpɑ̀ɑ̀tìcĩ́ɛ̃̀tɛ̀ miɛkɛ tì kpɛ́í. \p Kɛ̀ Osiɑsi birɛ te dɛ̀ bo ndɑkɛmɛ̀ dihɛì dimɔu, yɛhɛkɛ̀ diɛyɛ̀ nɛ̀ yɛsɑ́m̀pɔ́yɛ̀, nɛ̀ yɛhɑ̃ɑ̃pɔ̀nkɑrɛ̀ kó yɛbuɔ kpɛ́í. \p \v 26 Kɛ̀ Kedubu birɛ Esidi te ò bo ndɑkɛmɛ̀ bɛ̀ɛ̀ tu bɛtenkútíbɛ̀ bɛ ɛì miɛkɛ bɛ kpɛ́í. \p \v 27 Kɛ̀ Simɛii Dɑmɑɑ ɛì kou nte ò bo ndɑkɛmɛ̀ fínyĩ̀ kó dɛpɑɑ nkpɛ́í. \p Kɛ̀ Sɑbudi nte ò bo ndɑkɛmɛ̀ mɛnɑɑ̀ mbɛ̀ kùɔ̀tìmɛ̀ nɛ̀ fínyĩ̀ kó yɛbɛ mɛ kó tidieti kpɛ́í. \p \v 28 Kɛ̀ Bɑɑdi-Anɑnni Bɛti-Kedɛɛdi ɛì kou te ò bo ndɑkɛmɛ̀ odìfíè kó dɛtie nnɛ̀ dɛtie mbɛ̀ tu dɛ̀ sikomɔ́ɔ̀ kɛ̀ dɛ̀ yìɛ̀ Mɛditedɑndee kó kubiriku dɛ kpɛ́í. \p Kɛ̀ Yoɑsi te ò bo ndɑkɛmɛ̀ mɛkùɔ̀ nkó tidieti kpɛ́í. \v 29 Kɛ̀ Sitɑdɑyii Sɑdonni ɛì kou ndɑkɛ bɛ̀ɛ̀ cɛ̃mmù inɑ̀ɑ̀kɛ Sɑdonni bɛ kpɛ́í. \p Kɛ̀ Adidɑyii birɛ Sɑfɑti nte ò bo ndɑkɛmɛ̀ iwũɔ̃ cɛ̃mbɛ bɛ̀ɛ̀ bo kubiriku bíɛ́kɛ̀ bɛ kpɛ́í. \p \v 30 Kɛ̀ Isimɑyɛɛribɛ botí kou Obidi nte ò bo ndɑkɛmɛ̀ yòyóbɛ̀ kpɛ́í. \p Kɛ̀ Yediɑ Mɛdonɔti ɛì kou nte ò bo ndɑkɛmɛ̀ sɑ̃mɑrímúbɛ̀ kpɛ́í. \p \v 31 Kɛ̀ Yɑsisi Akiditi ɛì kou nte ò bo ndɑkɛmɛ̀ ipe nɛ̀ sibɔɔ́ dɛ kpɛ́í. \p Bɛmbɛ kó dimɑ̀ɑ̀ do tú bɛ̀ɛ̀ dɑ̀kɛ bɛ̀mbɛ okpɑ̀ɑ̀tì Dɑfiti kpɛrɛ kpɛ́í. \s1 Bɛ̀ɛ̀ do ɔrí okpɑ̀ɑ̀tì Dɑfiti \p \v 32 Kɛ̀ Sonnɑtɑ̃ɑ̃ Dɑfiti yɔ̃ tɑ̃ũ̀, onìtì mɛciì mpìɛ́kɛ́ wè mɛsɑ̀ɑ̀ nkòò yɛ̃́ mɛciì, kòò ntú wèè duɔ̀ nhokpɑ̀ɑ̀tì itié. Kɛ̀ Yeyɛɛdi Akimɔnniibɛ botí kou mɔù kó dɛbirɛ te ò bo nduɔ́mmɛ̀ okpɑ̀ɑ̀tì bí itié. \v 33 Kɛ̀ Aitofɛɛdi ntú wèè múnkɛ duɔ́ nhokpɑ̀ɑ̀tì itié, nkɛ Usɑii Adikiti ɛì kou ntú okpɑ̀ɑ̀tì nɛ́po. \v 34 Aitofɛɛdi kó difɔ̃nkúò, kɛ̀ Bennɑyɑ birɛ Yoyɑdɑɑ bɛ̀ cɔutɛ́ wenwe nɛ̀ Abiɑtɑɑ. Kɛ̀ Soɑbu weè ntú wèè bɑkɛ́ bɛhɑ̃ɑ̃pɔ̀mbɛ̀ okpɑ̀ɑ̀tì kɔbɛ. \c 28 \s1 Dɑfiti duɔ́mmɛ̀ itié nSɑdomɔɔ kòo bo mɑɑ́ Kuyie ncĩ́ɛ̃̀tɛ̀ \p \v 1 Kɛ̀ Dɑfitii tíí nyIsidɑyɛɛribɛ kó bɛkótíbɛ̀ bɛmɔu Sedisɑdɛmmu. Bɛ̀ɛ̀ bɑkɛ́ bɛ wuɔ nnɛ̀ bɛ̀ɛ̀ bɑkɛ́ bɛ̀ɛ̀ bɑ̀ɑ̀ okpɑ̀ɑ̀tì bɛ kó yɛtĩ̀rɛ̀ nɛ̀ bɛ̀ɛ̀ bɑkɛ́ bɛhɑ̃ɑ̃pɔ̀mbɛ̀ sikɔupípí nɛ̀ sikɔu nɛ̀ bɛ̀ɛ̀ bɑ̀ɑ̀ o kpɑ̀tì ò mɔ̀kɛ tì. Nɛ̀ bɛ̀ɛ̀ dɑ̀kɛ wenwe okpɑ̀ɑ̀tì nɛ̀ o bí bɛ wũɔ̃ kpɛ́í nɛ̀ bɛ̀ fɔ̃̀mmu bɛ̀ kɛ̀ bɛ̀ tu tɛkpɑ̀ɑ̀tìcĩ́ɛ̃̀tɛ̀ kó bɛkótíbɛ̀ nɛ̀ bɛkpɑ̀rìnuɔmbɛ nɛ̀ bɛnitimɔ́mmɔmbɛ. \v 2 Kòo kpɑ̀ɑ̀tìi ítɛ́ kɛ́cómmú kɛ́bɛ́i nkɛ dɔ̀: n tebìí nɛ̀ n nìtìbɛ̀ kémmúnɛ̀ n tú mù: N yɛ̀mmɛ̀ mɛɛ̀ n duɔ́ nkɛ dò m mɑɑ́ ti Yiɛ̀ nKuyie ntɛcĩ́ɛ̃̀tɛ̀ ku tɑummɛ̀ tɔu yó mborɛ̀, nɛ̀ kunku ti Yiɛ̀ nKuyie nti tũ nkù nɑɑ̀cɛ̀tɛ̀ yó nnɑ dɛ̀, kɛ̀ nní mbɑɑti kɛ bo tɛ̀ mɑɑ́. \v 3 Kɛ̀ Kuyie nnɛ́ n nɑ̀kɛ́ kɛ tú m bɑ́ɑ́ kù mɑɑ́ tɛcĩ́ɛ̃̀tɛ̀ ku yètìrì yó nyu dɛ̀, kɛ yɛ̃́ n dokɛ́mɛ̀ kɛ còú mmɛnitiyĩ̀ĩ̀. \v 4 Ti Yiɛ̀ nKuyie nyIsidɑyɛɛribɛ tũ nkù kuù n tɑ̃ɑ̃tɛ́ n cicɛ cĩ́ɛ̃̀tɛ̀ miɛkɛ kɛ̀ m bo ntú Isidɑyɛɛribɛ kóo kpɑ̀ɑ̀tì sɑ̃́ɑ̃̀. Kuù do tɑ̃ɑ̃tɛ́ Sudɑɑ kó kuwuɔ kɛ̀ kù bo mbɛ̀ ni, Sudɑɑ kó kuwuɔ mmiɛkɛ kɛ tɑ̃ɑ̃tɛ́ n cicɛ cĩ́ɛ̃̀tɛ̀, n cicɛ cĩ́ɛ̃̀tɛ̀ miɛkɛ kɛ n tɑ̃ɑ̃tɛ́ kɛ̀ m bo mbɑkɛ́ Isidɑyɛɛribɛ. \v 5 Ti Yiɛ̀ nKuyie nni nduɔ́ nyibí pɛ́u nwe, dɛ kó ibí miɛkɛ kɛ tɑ̃ɑ̃tɛ́ m birɛ Sɑdomɔɔ kòò bo kɑri dikpɑ̀ɑ̀tìkɑ̀rì kɛ́mbɑkɛ́ Isidɑyɛɛribɛ bɛ̀ɛ̀ tu Kuyie nkó dikpɑ̀ɑ̀tìyuu. \v 6 Kù n nɑ̀kɛ́mu kɛ tú m birɛ Sɑdomɔɔ weè yóó kù mɑɑ́ tɛcĩ́ɛ̃̀tɛ̀ nɛ̀ tɛ dɑ̀ntì, kɛ yɛ̃́ kù we ntɑ̃ɑ̃tɛ́mɛ̀ kòò tu ku birɛ, kɛ̀ kù tu o cicɛ. \v 7 Kù bo fíí nho kpɑ̀tì kɛ̀ tì mbo sɑ̃́ɑ̃̀, kɛ̀ nsɑ̀ kòò tũ̀ nku tié nnɛ̀ ku tɑnnɔ̀ ò dɛ̀ tũ̀mmɛ̀ yíe. \v 8 Ti cómmú Isidɑyɛɛribɛ ti Yiɛ̀ nKuyie nkó bɛnìtìbɛ̀ ììkɛ̀ nkɛ kɛ̀ Kuyie nti tũ nkù bo kɛ ti kémmú. Tũnnɛnɛ̀ weti weti ti Yiɛ̀ nKuyie nti tũ nkù kuɔ́ imɔu, kɛ̀ dɛ̀ɛ yie nkɛ̀ di tiekɛ dihɛì sɑ̀ɑ̀rì kɛ̀ di bí ndi sɔkɛ́ sɑ̃́ɑ̃̀. \p \v 9 Fɔ̃́ m birɛ Sɑdomɔɔ nyɛ̃́ Kuyie nhɑ cicɛ tũ nkù, kɛ́mpĩ́ nku tɔ̃mmú nɛ̀ mɛyɛ̀mmɛ̀ mɛ̀mɑ́ɑ̀, kɛ́ kù duɔ́ nhɑ yɛ̀mmɛ̀ mɛmɔu. Kɛ yɛ̃́ ti Yiɛ̀ nKuyie kuù wèímɛ̀ bɛnìtìbɛ̀ miɛkɛ dòmmɛ̀ nɛ̀ bɛ dɔ́ kɛ́dɔɔ̀ tì nɛ̀ bɛ yɛntotí imɔu. Kɑ̀ɑ kù wɑnti kù bo dɑ bɛnkɛ kumɑ́ɑ̀, kɑ̀ɑ mɛ nkù bùtínnɛ́ kù dɑ dootóo sɑ̃́ɑ̃̀. \v 10 A nyɛ̃́ kɛ dò nti Yiɛ̀ nKuyie nkuù dɑ tɑ̃ɑ̃tɛ́ kɑ̀ɑ bo kù mɑɑ́ tɛcĩ́ɛ̃̀tɛ̀ kù yó nte tɛ̀. Yɑ́úkùnnɛ ɑ kɔ̃̀ntì kɛ́pĩ́ mmutɔ̃mmú. \s1 Dɑfiti bɛnkɛmɛ̀ Sɑdomɔɔ ò yóó mɑɑ́ Kuyie ncĩ́ɛ̃̀tɛ̀ kɛ̀ tɛ̀ ndòmmɛ̀ \p \v 11 Kɛ̀ Dɑfitii bɛnkɛ o birɛ Sɑdomɔɔ ò yóó mɑɑ́ Kuyie ncĩ́ɛ̃̀tɛ̀ kɛ̀ tɛ̀ ndòmmɛ̀. Dɛ fũ̀ɔ̃̀ kó kukpɑ̃́nkpɑ̃́nkù nɛ̀ tidieti, nɛ̀ ku cĩ́ɛ̃̀tɛ̀ kó tikpɑ̀tì yó mborɛ̀, nɛ̀ tidieti tìì mùmmu nɛ̀ dɛ miɛkɛ kpɛti, nɛ̀ mɛtɑummɛ̀ tɔu yó mborɛ̀. \v 12 Kòo ò nɑ̀kɛ́nɛ̀ o yɛ̀mmɛ̀ do dò nwèè mɑɑ́ ti Yiɛ̀ nKuyie ncĩ́ɛ̃̀tɛ̀ kɛ̀ tɛ̀ ndòmmɛ̀, ti Yiɛ̀ nKuyie ncĩ́ɛ̃̀tɛ̀ kó kucuudɑ̀nkù nɛ̀ tidieti tìì tɛ̀ fitɛ́, nɛ̀ ku cĩ́ɛ̃̀tɛ̀ kpɑ̀tì yó mborɛ̀, nɛ̀ tinɛntì bɛ̀ kù pɑ̃ɑ̃ ntì yó mborɛ̀. \v 13 Kòo ò bɛnkɛ ikuɔ́ nìùbɛ̀ nɛ̀ Defiibɛ bɛ tĩ̀rɛ̀ yó ndòmmɛ̀ nɛ̀ bɛ̀ yó mpĩ́ mmùù tɔ̃mmú ti Yiɛ̀ nKuyie ncĩ́ɛ̃̀tɛ̀ miɛkɛ. Nɛ̀ tinɛntì timɔu tìì dò nkɛ́mpĩ́nnɛ̀ ti Yiɛ̀ nKuyie ncĩ́ɛ̃̀tɛ̀ tɔ̃mmú. \v 14 Kòo ò nɑ̀kɛ́ bɑ́ kùù nɛnkù ò dò nkɛ́bennɛ́ mɛsɔɔ nkɛ̀ mɛ̀ mmɑmɛ̀ kòo kù dɔ̀ɔ̀nɛ̀, kóò nɑ̀kɛ́ ò dò nkɛ́bennɛ́ timɑ́tì pɛ́ítì kɛ̀ tì mmɑmɛ̀ kòo kù dɔ̀ɔ̀nɛ̀ tinɛntì, kóò nɑ̀kɛ́ bɑ́ kùù nɛnkù ku tɔ̃mmú yó ntú mù. \v 15 Kɛ mɛ ndɔɔ̀nɛ̀ sisɔɔfitíkɛ̀kɛ̀ɛ nɛ̀ sì kó isɔɔfìtíì, kɛ mɛ ndɔɔ̀ timɑ́tì pɛ́ítì kó sifitíkɛ̀kɛ̀ɛ nɛ̀ si kó ifìtíì, kɛ́ntũ mbɑ́ kùù nɛnkù dò nkɛ́mpĩ́nnɛ̀ mùù tɔ̃mmú. \v 16 Kòò ò nɑ̀kɛ́nɛ̀ mɛsɔɔ nkóo tɑ́bùrì bɛ̀ yó ndɑkù wè pɛ̃́ɛ̃̀ bɛ̀ pɑ̃ɑ̃ nwè Kuyie nkó mɛsɔɔ nkó kucɛ̃́ɛ̃́kù yó mmɑmɛ̀, nɛ̀ timɑ́tì pɛ́ítì kó tɑ́bùrì kó timɑ́tì kó kucɛ̃́ɛ̃́kù yó mmɑmɛ̀. \v 17 Kòo ò nɑ̀kɛ́nɛ̀ simɑ́tìpeé yɛnìì nkpɛsi nɛ̀ yɛbɔ nɛ̀ ibòòkɛ, dɛmɔu kɛ̀ dɛ̀ ntú mɛsɔɔ nsɑ̀ɑ̀mɛ̀ mɑ́ɑ̀, nɛ̀ mɛsɔɔ nkó ibòòkɛ nɛ̀ timɑ́tì pɛ́ítì kpɛyi, bɑ́ dɛ̀ nɛ̀ dɛ cɛ̃́ɛ̃́kù yó mmɑmɛ̀. \v 18 Kòo ò nɑ̀kɛ́nɛ̀ bɛ̀ yó mɑɑ́ dihúúntɔ̀nnì kɛ̀ dì ńdòmmɛ̀, nɛ̀ mɛsɔɔ nsɑ̀ɑ̀mɛ̀ mɛ̀ɛ̀ yóó dɛ̀ dɔ̀ɔ̀nɛ̀ mɛ cɛ̃́ɛ̃́kù dò nkɛ́mmɑ̀mɛ̀. Nɛ̀ tɛnɑɑsɑ̃ntɛ̀ dò nkɛ́ndòmmɛ̀, nɛ̀ mɛsɔɔ mmɛ̀ɛ̀ yóó dɔɔ̀nɛ̀ bɛĩ́nkɛ̀mbɑ̀rìbɛ̀ bɛ̀ɛ̀ fìɛ̀ti díɛ́kɛ́ ti Yiɛ̀ nKuyie ntɑummɛ̀ tɔu mɛ cɛ̃́ɛ̃́kù dò nkɛ́mmɑ̀mɛ̀. \v 19 Kɛ̀ Dɑfiti bɛ́i nkɛ dɔ̀: Ti Yiɛ̀ nKuyie nkuù wɑ̃̀ri n do nkɛ́mɑɑ́ ku cĩ́ɛ̃̀tɛ̀ kɛ̀ tɛ̀ ndòmmɛ̀ nɛ̀ n dò nkɛ́pĩ́ mmùù tɔ̃mmú, kɛ m bɛnkɛ kɛ̀ n dɛ̀ yĩ̀ɛ̃́tɛ́. \p \v 20 Kɛ̀ Dɑfitii nɑ́kɛ́ o birɛ Sɑdomɔɔ kɛ dɔ̀: Tɛ̃ĩ́ nkɛ́yɑ́úkùnnɛ ɑ kɔ̃̀ntì, kɛ pĩ́ mmutɔ̃mmú. A bɑ́ ndé, kufɔ̃wɑɑ́ bɑ́ ndɑ bo kɛ yɛ̃́ n Yiɛ̀ nKuyie n tũ nkù yó ndɑ bonɛ̀mɛ̀. Kù í yóó dɑ yóu, kù bɑ́ɑ́ dɑ bútínnɛ́ nɛ̀ ti Yiɛ̀ nKuyie ncĩ́ɛ̃̀tɛ̀ kó mutɔ̃mmú bo deèmɛ̀. \v 21 Sɑdomɔɔ ɑ bɑ́ ndé ikuɔ́ nìùbɛ̀ nɛ̀ Defiibɛ bɛ̀ bomu bɛ kó mutɔ̃mmú kpɛ́í, bɛnìtìbɛ̀ bɛ̀ɛ̀ duɔ́ mbɛ mɑ́ɑ̀ dɛ kó mutɔ̃mmú kpɛ́í, kɛ yɛ̃́ bɛ tɔ̃mmú, bɛ̀ dɑ bonɛ̀mu. Isidɑyɛɛribɛ kó bɛkótíbɛ̀ nɛ̀ Isidɑyɛɛribɛ bɛmɔu bɛ̀ yó ntũmmu ɑ bɛ̀ nɑ̀ɑ́ ntì. \c 29 \s1 Isidɑyɛɛribɛ pɑ̃mmúmɛ̀ bɛ yɛ̀mmɛ̀ kó yɛpɑ̃rɛ̀ Kuyie ncĩ́ɛ̃̀tɛ̀ kó mumɑrimù kpɛ́í \p \v 1 Kòo kpɑ̀ɑ̀tì Dɑfitii nɑ́kɛ́ ditĩ̀nnì dimɔu kɛ dɔ̀: M birɛ Sɑdomɔɔ nwe ti Yiɛ̀ nKuyie ntɑ̃ɑ̃tɛ́mɛ̀ kòò nɛ́ kpɑɑ́ bɛnnɛ̀ dɛ kó mutɔ̃mmú. Dɛ kó mutɔ̃mmú mɛ ndɛumu kɛ yɛ̃́ dɛ kó tɛcĩ́ɛ̃̀tɛ̀ í túmɛ̀ onìtì kpɛtɛ, ti Yiɛ̀ nKuyie nkpɛtɛ ntɛ. \v 2 Nɛ̀ n wɛ̃rímú mumɔu ndi m bɑ̀ɑ́tímɛ̀ Kuyie ncĩ́ɛ̃̀tɛ̀ kó mumɑrimù kpɛ́í, kɛ wɑɑ́ mmɛsɔɔ ndɛ̀ɛ̀ dò nkɛ́dɔɔ̀nɛ̀ mɛsɔɔ ndɛ kpɛ́í timɑ́tì pɛ́ítì dɛ̀ɛ̀ dò nkɛ́dɔɔ̀nɛ̀ timɑ́tì pɛ́ítì dɛ kpɛ́í, disɔɔwũɔ̃̀ dɛ̀ɛ̀ dò nkɛ́dɔɔ̀nɛ̀ disɔɔwũɔ̃̀ dɛ kpɛ́í, timɑ́tì dɛ̀ɛ̀ dò nkɛ́dɔɔ̀nɛ̀ timɑ́tì dɛ kpɛ́í, idɛí dɛ̀ɛ̀ dò nkɛ́dɔɔ̀nɛ̀ idɛí dɛ kpɛ́í, yɛtɑ̃́sɑ̀ɑ̀yɛ̀ dɛ̀ɛ̀ dò nkɛ́dɔɔ̀nɛ̀ yɛtɑ̃́sɑ̀ɑ̀yɛ̀ dɛ kpɛ́í nɛ̀ yɛtɛyɛ̀ yɛ̀ɛ̀ yóó dɑri imɑrí nɛ̀ yɛtɑ̃́sɔ̀ùyɛ̀ nɛ̀ mɛɔ̃̀rìmɛ̀ mɛbotí mɛbotí kpɛyɛ yɛ̀ɛ̀ donku kpeńnì nɛ̀ yɛtɑ̃́rɛ̀ yɛ̀ɛ̀ dò ndoii pɛ́u. \v 3 N dɔ́ mɛ̀ɛ̀ kpɛ́í nti Yiɛ̀ nKuyie ncĩ́ɛ̃̀tɛ̀ɛ mɑɑ́, m bo duɔ́ mmɛsɔɔ nnɛ̀ timɑ́tì pɛ́ítì, m mɔ́mmuɔ m mɔkɛ dɛ̀ Kuyie n tũ nkù cĩ́ɛ̃̀tɛ̀ kpɛ́í, kɛ́ nɛ́ yíɛ́nɛ̀ n wɑɑ́ dɛ̀ ku cĩ́ɛ̃̀tɛ̀ mɑrimù kpɛ́í. \v 4 M bo duɔ́ mmɛsɔɔ mmɛ̀ɛ̀ yɛ̀nní Ofii tempɛ̃ nkɛ̀ mɛ cɛ̃́ɛ̃́kù mbo tɔ́nnì tɛkɔ̀ùtɛ̀ (100), timɑ́tì pɛ́ítì bɛ̀ pũ̀ńnɛ́ tì kɛ̀ ti wénkùnnɛ tɔ́nnì sikɔusìdɛ́ (200) kɛ̀ bɛ̀ bo dɑri Kuyie ncĩ́ɛ̃̀tɛ̀. \v 5 N duɔ́mmu mɛsɔɔ nnɛ̀ timɑ́tì pɛ́ítì kɛ̀ bɛyɑ́ntìbɛ̀ bo dɔɔ̀nɛ̀ mɛsɔɔ ndɛ̀ɛ̀ dò nkɛ́dɔɔ̀nɛ̀ mɛsɔɔ, timɑ́tì pɛ́ítì dɛ̀ɛ̀ dò nkɛ́dɔɔ̀nɛ̀ timɑ́tì pɛ́ítì. Díndi, di miɛkɛ we nyɛ̀mmɛ̀ ò pɑ̃ kɛ dò nwèe pɑ̃ o yɛ̀mmɛ̀ dɔ́mɛ̀ yíe. \p \v 6 Kɛ̀ Isidɑyɛɛribɛ botí kó bɛkótíbɛ̀ nɛ̀ bɛ cɛ̃́ĩ kó bɛkótíbɛ̀ nɛ̀ bɛ̀ɛ̀ pĩ nhokpɑ̀ɑ̀tì tɔ̃mmú nɛ̀ bɛ̀ɛ̀ bɑkɛ́ bɛhɑ̃ɑ̃pɔ̀mbɛ̀ sikɔupí nɛ̀ sikɔu kɛ̀ bɛ̀ɛ pɑ̃ bɛ yɛ̀mmɛ̀ kó yɛpɑ̃rɛ̀. \v 7 Kuyie ncĩ́ɛ̃̀tɛ̀ kó mutɔ̃mmú kpɛ́í mɛsɔɔ ntɔ́nnì tɛkɔ̀ùtɛ̀ nɛ̀ sipísìyiekɛ̀ (170) nɛ̀ mɛsɔɔ nkó mɛdítíbii ntɛkɔupípíítɛ̀ (1000), timɑ́tì pɛ́ítì tɔ́nnì sikɔusìtɑ̃ɑ̃ti (300) nɛ̀ disɔɔwũɔ̃̀ tɔ́nnì sikɔusìkuɔ̀ (600), timɑ́tì tɔ́nnì sikɔupísìtɑ̃ɑ̃ti (3000). \v 8 Kɛ̀ di túótɛ́ dɛ̀ɛ̀ kó dimɑ̀ɑ̀ tu yɛtɑ̃́sɑ̀ɑ̀yɛ̀ kɛ́ dɛ̀ duɔ́ nKerisɔ̃ɔ̃ kunɑɑ̀mùnkù kou Yeyɛɛdi, kòò yɛ̀ ɑ̃nnɛ́ ti Yiɛ̀ nKuyie ncĩ́ɛ̃̀tɛ̀ kó tikpɑ̀tì borɛ̀. \v 9 Kɛ̀ diwɛ̀ì mbo Isidɑyɛɛribɛ bɛmɔu bɛ yɛ̀mmɛ̀ kó yɛpɑ̃rɛ̀ bɛ̀ pɑ̃ yɛ̀ kpɛ́í, kɛ yɛ̃́ bɛ̀ do yɛ̀ pɑ̃mɛ̀ nɛ̀ bɛ yɛ̀mmɛ̀ mɛmɔu ndi bɛ Yiɛ̀ nKuyie ncĩ́ɛ̃̀tɛ̀ kpɛ́í. Kɛ̀ diwɛ̀ì diɛrì pĩ́ nhokpɑ̀ɑ̀tì Dɑfiti. \s1 Dɑfiti sɑ̃ntɛmɛ̀ Kuyie \p \v 10 Kɛ̀ Dɑfitii sɑ̃ntɛ ti Yiɛ̀ nKuyie nyIsidɑyɛɛribɛ bɛmɔu ììkɛ̀, kɛ dɔ̀: A yètìrì dɛumu sɑ̃́ɑ̃̀, fɔ̃́ nti Yiɛ̀ nKuyie nSɑkɔbu do tũ nkù. \v 11 Fɔ̃́ nti Yiɛ̀ nKuyie nhɑ dɛumu kɛ kpeńnì kɛ wenni mɛdiɛ̀ nkɛ bo sɑ̃́ɑ̃̀ nkɛ tú tikpetì timɔu yiɛ̀, kɛ yɛ̃́ dɛ̀ɛ̀ kó dimɑ̀ɑ̀ bo kɛĩ́nkɛ̀ nɛ̀ kɛtenkɛ̀ fɔ̃́ɔ̃̀ dɛ̀ temɛ̀. \v 12 Tikpɑ̀tì nɛ̀ tikpetì bonní ɑ borɛ̀ ndɛ, fɔ̃́ɔ̃̀ bɑkɛ́ dɛmɔu, fɔ̃́ɔ̃̀ kpeńnì, kɛ mɔkɛ muwɛ̃rímú, fɔ̃́ɔ̃̀ ɔ̃ɔ̃ dɛ́úkùnnɛ ɑ dɔ́ wè kɛ́nte koò kpenkɛ. \v 13 Dɛɛ̀ kpɛ́í nte fɔ̃́ nKuyie nti tũ nkù kɛ̀ ti dɑ sɑ̃ntí, kɛ dɛ́úkùnko ɑ yetidiɛrì. \v 14 N yí tú òmɔù, n kɔbɛ mɛ nyí tú bɛ̀mɑbɛ̀, dɛ̀ í tú nɛ̀ ti mɔ́mmɔmbɛ kó muwɛ̃rímú mmu ti dɑ pɑ̃ɑ̃mmɛ̀ ti yɛ̀mmɛ̀ kó yɛpɑ̃rɛ̀, dɛmɔu dɛ̀ bonní ɑ borɛ̀ ndɛ ti dɑ pɑ̃ɑ̃ ndɛ̀ tu ɑ nɔu kpɛrɛ ndɛ. \v 15 Kɛ yɛ̃́ ti tú mɛ̀ bɛpɔ̀ɔ̀bɛ̀ mbɛ ɑ ììkɛ̀, ti yóó pɛ̃ɛ̃tɛ́mu ti yɛmbɛ̀ yĩmɛ̀, ti we diɛ nkɛtenkɛ̀ ĩ́nkɛ̀ yɛ̀ pɛ̃nkù mɛdɛ́ɛ̀ ndòmmɛ̀ mmɛ. Ti bɑ́ɑ́ nɑ kɛ́yíɛ́ ti fòmmu kó yɛwe. \v 16 Ti Yiɛ̀ nKuyie nti tũ nkù ti tíímmu dɛ̀ɛ̀ kó dimɑ̀ɑ̀ dò nkɛ́mɑɑ́nɛ̀ ɑ cĩ́ɛ̃̀tɛ̀ ti yó ndɛ́úkùnko tɛ̀ɛ̀ miɛkɛ ɑ yetìsɑ̀ɑ̀rì dɛmɔu dɛ̀ tu ɑ nɔ̀ùtɛ̀ kpɛrɛ ndɛ, fɔ̃́ɔ̃̀ dɛ̀ te. \v 17 Áú! Ti Yiɛ̀ nKuyie n tũ nkù n yɛ̃́mu kɛ dò nhɑ wúó nhonìtì yɛ̀mmɛ̀, ɑ dɔ́ wèè yɛ̀mmɛ̀ wenni wènwe, m mɛ ndɑ pɑ̃nɛ̀ mɛyɛnwennimɛ mmɛ yɛpɑ̃rɛ̀ yiɛ nkó dimɑ̀ɑ̀, kɑ̀ɑ wùó nhɑ nìtìbɛ̀ bɛ̀ɛ̀ bo diɛ mbɛ̀ dɑ pɑ̃mɛ̀ bɛ yɛ̀mmɛ̀ kó yɛpɑ̃rɛ̀ nɛ̀ diwɛ̀ì. \v 18 Ti Yiɛ̀ nKuyie ti yɛmbɛ̀ Abɑrɑhɑmmu nɛ̀ Isɑki nɛ̀ Sɑkɔbu bɛ̀ do tũ nkù, yóu kɑ̀ɑ nìtìbɛ̀ mmɔkɛ dɛ kó iyɛntotí botí kɛ́mbo ɑ bíɛ́kɛ̀ sɑ̃́ɑ̃̀. \v 19 Duɔ́ m birɛ Sɑdomɔɔ mɛyɛ̀mmɛ̀ mɛ̀mɑ́ɑ̀ kòo tũnnɛ ɑ tɑnnɔ̀, nɛ̀ ɑ tié nnɛ̀ ɑ kuɔ́. Kɛ̀ dɛ̀ɛ yie nkòo mɑɑ́ ɑ cĩ́ɛ̃̀tɛ̀ n wɑɑ́ ntinɛntì tɛ̀ɛ̀ kpɛ́í. \p \v 20 Kɛ̀ Dɑfitii bɛ́innɛ̀ ditĩ̀nnì kɛ dɔ̀: Dɛ́úkùnnɛ ti Yiɛ̀ nKuyie nyètìrì. \p Kɛ̀ ditĩ̀nnì dimɔu dɛ́úkùnnɛ ti Yiɛ̀ nKuyie mbɛ yɛmbɛ̀ do tũ nkù, kɛ sĩ́nnɔ́ɔ kɛ́kɔ̃nkɛ ti Yiɛ̀ nKuyie nyììkɛ̀ nɛ̀ okpɑ̀ɑ̀tì ììkɛ̀. \s1 Sɑdomɔɔ dimɛ̀ tikpɑ̀tì \p \v 21 Kɛ̀ dɛ̀ɛ wentɛ́ kɛ̀ bɛ̀ɛ fíé ti Yiɛ̀ nKuyie nyiwũɔ̃ ìì yóó tuɔ: Nyɛnɑɑdɑkɛ̀ tɛkɔupíítɛ̀ (1000), yɛpedɑkɛ̀ tɛkɔupíítɛ̀ (1000), nɛ̀ mɛtɑummɛ̀ kpɛyi tɛkɔupíítɛ̀ (1000) nɛ̀ mɛnɑɑ̀ mbɛ̀ yóó yɔɔrɛ mɛ̀ kɛ́tuɔ, kɛ́fíénɛ̀ iwũɔ̃ tɛì pɛ́u, Isidɑyɛɛribɛ bɛmɔu yóó di ì. \v 22 Dɛ yiè kɛ̀ bɛ̀ɛ di kɛ́yɑ̃̀ ti Yiɛ̀ nKuyie nyììkɛ̀, kɛ̀ diwɛ̀ì diɛrì mbɛ̀ bo. Kɛ̀ bɛ̀ɛ wɛ̃tɛ kɛ́pĩɛ̃kɛ́ Dɑfiti birɛ Sɑdomɔɔ weè tumɛ̀ okpɑ̀ɑ̀tì, kóò còú mmɛkùɔ̀, nkòò bo mbɑkɛ́. Kɛ mɛ ndɔɔ̀ Sɑdɔki kòò bo ntú ikuɔ́ nìùtì. \v 23 Kɛ̀ Sɑdomɔɔ sɔɔtɛ́ o cicɛ Dɑfiti kpɑ̀ɑ̀tìkɑ̀rì ti Yiɛ̀ nKuyie nhò duɔ́ ndì, kɛ̀ tikpɑ̀tìi ò yie nkɛ̀ Isidɑyɛɛribɛ bɛmɔu nyíe nhò yɛ̃ mmù. \v 24 Kɛ̀ bɛhɑ̃ɑ̃pɔ̀mbɛ̀ iwɛ̃ĩ yɛmbɛ̀ nɛ̀ yɛkɔ̃m̀bɔ̀ yɛmbɛ̀, nɛ̀ okpɑ̀ɑ̀tì Dɑfiti bí tɛì imɔu kɛ̀ bɛ̀ mbuɔ́ Sɑdomɔɔ. \v 25 Kɛ̀ ti Yiɛ̀ nKuyie ndɛ́úkùnnɛ Sɑdomɔɔ Isidɑyɛɛribɛ bɛmɔu ììkɛ̀. Kòo kpɑ̀tìi dɛukɛ kɛ́pɛ̃ɛ̃tɛ́ bɛ̀ɛ̀ ò niitɛ́nɛ̀ kɛ di tikpɑ̀tì. \b \p \v 26 Sɛsee birɛ Dɑfiti do bɑkɛ́ Isidɑyɛɛribɛ bɛmɔu ndi. \v 27 Ò do bɛ̀ bɑkɛ́ yɛbie nsipísìnɑ̀ɑ̀ ndi, kɛ́mbo Ebunɔɔ kɛ dɔ̀ yɛbie nyɛ̀yiekɛ̀, Sedisɑdɛmmu yɛbie nsipísìtɑ̃ɑ̃ti nɛ̀ yɛ̀tɑ̃ɑ̃ti. \v 28 Dɑfiti do mɔkɛmu tikpɑ̀tì kòo yètìrì feí, kòo kótɛ́ mɛsɑ̀ɑ̀ nkɛ́tuɔkɛ o mɔ̀nnì kɛ́kúnɛ̀ kunɑɑtí, kòo birɛ Sɑdomɔɔ sɔɔtɛ́ o kpɑ̀tì. \p \v 29 Okpɑ̀ɑ̀tì Dɑfiti tɔ̃mmú ò mù ketɛ́mɛ̀ nɛ̀ ò mù dèèmɛ̀ dɛ̀ wɑ̃̀rimu Kuyie mpɑ̃ɑ̃nɑ́ɑǹtì nɑ́ɑǹtò Sɑmmuyɛɛri pɑ́tíri miɛkɛ nɛ̀ Kuyie mpɑ̃ɑ̃nɑ́ɑǹtì nɑ́ɑm̀bɛ̀ Nɑtɑ̃ɑ̃ nɛ̀ Kɑdi bɛ kpɛyɛ\f + \fr 29:29 \fr*\fk Nɑtɑ̃ɑ̃ nɛ̀ Kɑdi bɛ kó yɛpɑ́tɛ: \fk*\ft Bɛ̀ nɑ̀ɑ́ mbɛ kó yɛpɑ́tɛ yɛ̀ɛ̀ kpɛ́í diɛ nyɛ̀ fetimu. Bɛ̀ nɑ̀ɑ́ mbɛ̀ɛ̀ kpɛ́í 1, 2 Sɑmmuyɛɛri kó yɛpɑ́tɛ miɛkɛ.\ft*\f* miɛkɛ. \v 30 Dɛ kó yɛpɑ́tɛ yɛɛ̀ nɑ̀ɑ́ nhò do tɔ mɛ̀ɛ̀ botí tikpɑ̀tì nɛ̀ o wɛ̃rímú do dɛu mɛ̀ɛ̀ botí nɛ̀ tìì do ò tùɔ̀kɛní, nɛ̀ tìì do tùɔ̀kɛní Isidɑyɛɛribɛ, nɛ̀ yɛhɛkɛ̀ tɛyɛ̀ kó yɛkpɑ̀ɑ̀tìyɔ yɛmɔu miɛkɛ.