\id 2TI  
\h २ तिमोथी 
\toc1 २ तिमोथी 
\toc2 २ तिमोथी 
\toc3 २ तिमो 
\mt1 पावलसे तिमोथीदा भ्रिबा न्‍हीरेमला चिठी 
\imt1 चु चिठीला बारेरी पाङ्‌तोःमा 
\ib  
\ili \bd भ्रिबा म्‍हि:\bd* येशूला मुल चेला पावलसे भ्रिबा मुबा (२ तिमोथी १:१)। 
\ib  
\ili \bd भ्रिबा ग्‍ला:\bd* रोमला झ्‍याल्‍खानग्‍याम भ्रिबा मुबा। 
\ib  
\ili \bd भ्रिबा साल:\bd* ओस्‍पन ईश्‍‍वी संवत् ६५-६७ (विक्रम संवत् १२२-१२४) सालला गुङरी भ्रिबा मुबा। 
\ib  
\ili \bd खाल्‍दा भ्रिबा:\bd* तिमोथी भिबा म्‍हिदा भ्रिबा मुबा। 
\ib  
\ip चु न्‍हीरेमला चिठी पावलसे थार्बा पिन्‍बा समाचार थेःना लबा ह्राङ भन्‍दा च्‍याङ्बा तिमोथीदा जे पिन्‍बा सल्‍लाह हिन्‍ना। चु चिठीला मुल ताम चा “नाबा” हिन्‍ना। चु चिठीरी तिमोथीदा जस्‍तोन दुख तसैनोन सेमहेन्‍सेन ख्रीष्‍ट येशूला बारेरी पाङ्‌बाला पाङ्‌बान लउ भिसी पाङ्बा मुला। ओच्‍छे परमेश्‍वरला थार्बा पिन्‍बा समाचारदेन पुरानो कबुलला सत्‍य तामगदेरी कोङ्‌सी चिउ भिसी पाङ्बा मुला। थेह्रङ् लसीन दुखदेन हेला नातोःमा लोप्‍बा म्‍हिदेन थार्बा पिन्‍बा समाचार थेःना लबा म्‍हिसे लतोःबा जम्‍मान गे लसीन चिबाला लागिरी आँट खबा सल्‍लाह पिन्‍बा मुला। 
\ip खास लसी तिमोथीदा चु चिठीरी “जम्‍बुलिङला मूर्ख तामगदेग्‍याम” जोगब तबाला लागिरी होशियार तना लबा मुला। चुह्रङ्बा मूर्ख तामसे ङ्‌यान्‍बागदेदा फाइदा आत, बरु न्‍होङ्ना लमुला। 
\ip चु जम्‍मान तामला बारेरी पावलसे तिमोथीदा ह्राङदेन ह्राङसे लबारी म्‍हाइबा गेगदेला बारेरी पाङ्बा मुला। पावलसे ह्राङलान विश्‍वासला बारेरी, ह्राङसे नाबा तामला बारेरी, ह्राङसे लबा मायाला बारेरीदेन दुखला धुइरी नाबा तामगदे ढन्‍ना लबा मुला। 
\iot मुल तामगदे 
\io1 फ्‍याफुल्‍बा १:१-२ 
\io1 स्‍याबासदेन आँट पिन्‍बा १:३–२:१३ 
\io1 सल्‍लाह पिन्‍बादेन होशियार तना लबा २:१४–४:५ 
\io1 पावलसे ह्राङलान बारेरी पाङ्बा ४:६-१८ 
\io1 चिठीला थुमरी भ्रिबा ताम ४:१९-२२ 
\mt1 पावलसे तिमोथीदा भ्रिबा न्‍हीरेमला चिठी 
\c 1  
\p  
\v 1-2 लास्‍सो, प्रभुरी सेम निबा ङाला झा तिमोथीदा ङा पावलग्‍याम फ्‍याफुल्‍ला। ङादा ख्रीष्‍ट येशूसे जुकजुकधोनाला जुनी पिन्‍ना भिसी लबा कबुल अन्‍छार परमेश्‍वरसे ख्रीष्‍ट येशूला मुल चेला दोबारी धम्‍बा हिन्‍ना। एदा परमेश्‍वर आबादेन य्‍हाङला प्रभु येशू ख्रीष्‍टग्‍याम मोलमदेन दया ओच्‍छे शान्‍ति तगै।\x * \xo 1:1-2 \xt मुल १६:१\x* 
\s1 प्रभुला गे लबारी दुख थाम्‍हन्‍गो 
\p  
\v 3 ङाला झा, ङाइ सदन धिन म्‍हुन प्रार्थना लबा धुइरी एदा ढन्‍सी परमेश्‍वरदा धन्‍यवाद पिन्‍बा मुला। ङाला आखे म्‍हेमेगदेसे तेन्‍बा ह्रङ् लसी ङाइ सेमहेन्‍सेन परमेश्‍वरदा तेन्‍बा मुला।  
\v 4 एला मीख्‍लीला धारा ढन्‍माम, ङादा सदन एदेन छ्‌याम ह्रुप तबा सेम खमुला, ओच्‍छे एदेन छ्‌याम ह्रुप तम्‍याङ्‌सम ङा ल्‍हानान ताङ्सेला मुबा।  
\v 5 एसे सेमहेन्‍सेन लबा एला ज्‍यबा विश्‍वास ङाइ ढन्‍बा मुला। थे विश्‍वास चा ङाच्‍छा एला मम लोइसदेन आमा युनिससेनोन लमुबा। एला ममदेन आमासे लबा ह्रङ्‌बान विश्‍वास एसेनोन लबा मुला भिबा तामरी ङा ढुक्‍क मुला।\x * \xo 1:5 \xt मुल १६:१\x* 
\p  
\v 6 थेतबासेलमा ङाइ एथोरी या थान्‍सी प्रार्थना लमा एसे परमेश्‍वरग्‍याम याङ्बा मोलमदा सदन सोना लसी थान्‍गो भिसी ङाइ एदा ढन्‍ना लला।  
\v 7 तिग्‍दा भिसम परमेश्‍वरला आत्‍मासे य्‍हाङदा लोङ्‌बा खबा आत्‍मा पिन्‍बा आरे, तर भङ, मायादेन ह्राङसे ह्राङदान तहरी थान्‍खम्‍बा आत्‍मा पिन्‍बा मुला। 
\p  
\v 8 थेतबासेलमा य्‍हाङला प्रभुला बारेरी पाङ्‌बारी थापेःगो, ओच्‍छे ङा झ्‍याल्‍खानरी मुला भिसीएनोन थापेःगो। तर परमेश्‍वरग्‍याम शक्ति याङ्सी थार्बा पिन्‍बा समाचार थेःना लसी ङादेन छ्‌यामनोन दुख नाबारी तयार तउ। 
\q1  
\v 9 परमेश्‍वरसे य्‍हाङदा थार्ना लबा मुला। 
\q1 थेसे य्‍हाङला गे म्राङ्सी आहिन, 
\q2 तर थेसे म्‍हन्‍बा अन्‍छार ह्राङलान दयामायाग्‍याम य्‍हाङदा ह्राङला म्‍हि स्‍होबारी ङ्‌योइबा हिन्‍ना। 
\q1 चु ताम थेसे दङबोरीन ख्रीष्‍ट येशूग्‍याम य्‍हाङदा पिन्‍बा मुबा। 
\q1  
\v 10 दान्‍दे थे दयामाया य्‍हाङला थार्बा पिन्‍बा ख्रीष्‍ट येशू फेप्‍खसी य्‍हाङदा उन्‍बा मुला। 
\q1 थेसे कालदा नाश लसी य्‍हाङदा थार्बा पिन्‍बा समाचारग्‍याम जुकजुकधोनाला जुनी उन्‍जी। 
\p  
\v 11 चुनोन थार्बा पिन्‍बा समाचार थेःना लबारीदेन लोप्‍बारी ङादा मुल चेला स्‍होसी धम्‍जी।\x * \xo 1:11 \xt १ तिमो २:७\x* 
\v 12 थेतबासेलमा ङाइ चु दुखएनोन नाबान मुला। तसैनोन ङा खाइमै आपेःनी। तिग्‍दा भिसम ङाइ खाल्‍दा विश्‍वास लबा मुला थे ताम ङादा था मुला। ओच्‍छे जुन गे थेसे ङादा जिम्‍मा पिन्‍बा मुला थे जम्‍मान गे थेसे पूरा लखम्‍ला। निसाफ लबा धिन आततेधोना थे गे पूरा लबारी ङादा भङ पिन्‍ना भिबा तामरी ङा ढुक्‍क मुला। 
\p  
\v 13 ख्रीष्‍ट येशूदेन छ्‌याम गिक तबा विश्‍वासदेन मायारी ङाग्‍याम लोप्‍बा सत्‍य तामगदे अन्‍छार एसे गे लउ।  
\v 14 एदा जिम्‍मा पिन्‍बा सत्‍य तामदा य्‍हाङ न्‍हङरी धन्‍छ्‌याबा परमेश्‍वरला आत्‍माग्‍याम जोगब लसी थान्‍गो। 
\p  
\v 15 एशिया अञ्‍चलरी मुबागदे जम्‍मान ङाग्‍याम फेसी निजी भिबा एदा थानोन मुला। फेसी निबागदे न्‍हङला फुगेलसदेन हर्मोगेनसएनोन हिन्‍ना। 
\p  
\v 16 प्रभुसे ओनेसिफरसला म्‍हेमेदा दया लगै, तिग्‍दा भिसम थेसे ङाला दुखरी ल्‍हानान रेम आँट पिन्‍मुबा, ओच्‍छे ङा झ्‍याल्‍खानरी मुसैनोन ङा म्राङ्सी थे आपेःमुबा।  
\v 17 तर थे रोमरी धोखमैछ्‌याम ङादा आस्‍याप्‍तेधोना थेसे म्‍हाइबाला म्‍हाइबान लजी।  
\v 18 निसाफ लबा धुइरी थेदा प्रभुसे दया लगै। थेसे एफिसस शहररी ङादा गाते ह्रो लजी भिबा ताम एदा थानोन मुला। 
\c 2  
\s1 येशू ख्रीष्‍टसे कुल्‍बा ताम ङ्‌यान्‍बा म्‍हि 
\p  
\v 1 थेतबासेलमा ङाला कोला, ए ख्रीष्‍ट येशूसे पिन्‍बा दयामायारी कोङ्‍गो।  
\v 2 ओच्‍छे ल्‍हानान म्‍हिगदेला गुङरी एसे ङाग्‍याम थेःबा ताम विश्‍वास लखम्‍बादेन लोप्‍बारी खम्‍बा म्‍हिदा जिम्‍मा पिन्‍गो। 
\p  
\v 3 ख्रीष्‍ट येशूला ज्‍यबा सिपाही दोसी ङन्‍देन छ्‌याम दुख नाबारी तयार तउ।  
\v 4 सिपाहीरी भर्ना तबा म्‍हि खाइमै अर्गु गेरी आकोल्‍मुला। तिग्‍दा भिसम थेला सेमरी ह्राङ भन्‍दा थोला म्‍हिदा ताङ्ना लतोःला भिबा जे तमुला।  
\v 5 ओच्‍छे खेलरी भो किन्‍सी खेलला ठिम अन्‍छार आक्‍लङ्‌बा खजिबै म्‍हिसे इनाम आयाङ्।  
\v 6 जुन म्‍हिसे दुख लसी खेती लला थेसेन ङाच्‍छा रोबा बाली याङ्‌तोःला।  
\v 7 ङाइ तिग पाङ्बा मुला, थे ताम म्‍हन्‍गो, तिग्‍दा भिसम जम्‍मान ताम एदा प्रभुसे घोना लला। 
\p  
\v 8 दाऊद वंशग्‍याम फेप्‍खबा येशू ख्रीष्‍टदा ढन्‍गो। थे सिबागदे न्‍हङ‍ग्‍याम सोबा मुला। ङाइ थेःना लबा थार्बा पिन्‍बा समाचार चा चुनोन हिन्‍ना।  
\v 9 थार्बा पिन्‍बा चुनोन समाचार थेःना लबासे लमा ङाइ दुख नाबान मुला, ओच्‍छे अझ अपराधीदा ह्रङ् लसी ङादा च्‍याल्‍दासे खीबा मुला। तर परमेश्‍वरला थार्बा पिन्‍बा समाचारदा खाइमै च्‍याल्‍दासे खीबारी आखम।  
\v 10 थेतबासेलमा परमेश्‍वरसे धम्‍बागदेला लागिरी ङाइ जम्‍मान दुख नाला। तिग्‍दा भिसम थेनीगदेसेनोन जुकजुकधोनाला य्‍हालदेन शक्ति ओच्‍छे ख्रीष्‍ट येशूग्‍याम थार्बा याङ्‌गै भिसी ङाइ चु दुख नाबा हिन्‍ना।  
\v 11 चुह्रङ् भिसी पाङ्बा चा सत्‍य हिन्‍ना, 
\q1 चुदे य्‍हाङ थेदेन छ्‌यामनोन सिबा मुला भिसम 
\q2 थेदेन छ्‌यामनोन सोला। 
\q1  
\v 12 य्‍हाङसे दुख नाबारी खम्‍जी भिसम 
\q2 य्‍हाङसेनोन थेदेन छ्‌यामनोन शासन लम्‍याङ्ला, 
\q1 तर य्‍हाङसे थेदा विश्‍वास लबा ख्‍लाजी भिसम 
\q2 थेसेनोन य्‍हाङदा ख्‍लाला।\x * \xo 2:12 \xt मत्ती १०:३३; लूका १२:९\x* 
\q1  
\v 13 य्‍हाङसे विश्‍वास लबा ख्‍लासैनोन, 
\q2 ख्रीष्‍ट सदन विश्‍वास लखम्‍बा तला, 
\q2 तिग्‍दा भिसम थेसे खाइमै ह्राङला बचन आपो। 
\s1 परमेश्‍वरसे ह्राङला गे लबारी धम्‍बा म्‍हि 
\p  
\v 14 चु ताम थेनीगदेदा घोना लउ ओच्‍छे आतोःबा तामरी कल थालउ भिसी प्रभुला ङाच्‍छा कुल्‍गो। चुह्रङ्बा तामसे खालैदा ज्‍यबा आत, तर ङ्‌यान्‍बागदेदा न्‍होङ्ना जे लला।  
\v 15 आपेःना परमेश्‍वरला सत्‍य बचन अन्‍छार ज्‍यना लसी गे लबा म्‍हिसे ह्रङ् एसेनोन ह्राङसे ह्राङदान परमेश्‍वरदा सेम निबा म्‍हि दोबारी भङ लउ।  
\v 16 ओच्‍छे परमेश्‍वरदा मान आतबादेन मूर्ख तामगदे ख्‍लागो। तिग्‍दा भिसम चुह्रङ्बा तामसे म्‍हिगदेदा झन परमेश्‍वरग्‍याम थारेङ तना लमुला।  
\v 17 थेनीगदेला ताम सइन तबा पोर ह्रङ् तसी निमुला। थेह्रङ्बा ताम लबा म्‍हिगदे न्‍हङला हुमेनियसदेन फिलेतसएनोन हिन्‍ना।  
\v 18 सत्‍य ताम ख्‍लाबा चुनोन म्‍हिगदेसे थेनीगदे ङाच्‍छान सिबाग्‍याम सोसी जिन्‍बा मुला भिसी पाङ्‌मुला। ओच्‍छे थेनीगदेसे विश्‍वास लबा कोइ कोइ म्‍हिगदेदा मी न्‍होङ्ना लबा मुला।  
\v 19 तर परमेश्‍वरसे थान्‍बा सत्‍यला जग सदन कोङ्‌सी चिला। ओच्‍छे थेथोरी चुह्रङ्बा छाप लबा मुला, “प्रभुसे ह्राङला म्‍हिगदेदा ङोसेमुला,” ओच्‍छे “प्रभुला मिन किन्‍बागदे पापग्‍याम थारेङ चिगै।”\x * \xo 2:19 \xt गन्‍ती १६:५\x* 
\p  
\v 20 फ्‍युक्‍पोला दिमरी म्‍हरदेन म्‍हुइला ताङ जे आहिन, तर सिङदेन साप्राला ताङएनोन तमुला। चु ताङगदे कोइ म्‍हिगदेदा क्‍योङ्बाला लागिरी तला भिसम कोइ ह्राङलान लागिरी चलब लबाला लागिरी हिन्‍ना।  
\v 21 खालै म्‍हिसे ह्राङदा पाप गेग्‍याम चोखो थान्‍जी भिसम थे म्‍हि चा डोन्‍बोदा क्‍योङ्बारी चलब लबा चोखो ताङ ह्रङ्‌बान तला। तिग्‍दा भिसम थेसे ह्राङदान चोखो थान्‍बासे लमा जम्‍मान ज्‍यबा गेरी चलब लबाला लागिरी मालिकदा थे सेम निबा तला। 
\p  
\v 22 थेह्रङ् लसीन भ्‍योन मुबा धुइरी सेमरी खबा नइबा तामगदे ख्‍लागो, ओच्‍छे परमेश्‍वरदा सेम निबा म्‍हि दोसी विश्‍वास, मायादेन शान्‍तिरी ज्‍यबा सेमसे प्रभुला मिन किन्‍बागदेदेन छ्‌याम भ्रउ।  
\v 23 तर एसे मूर्ख तामदेन गे आखेल्‍बा ताम ख्‍लागो, तिग्‍दा भिसम चुह्रङ्बा तामसे कल जे तमुला भिबा एदा थानोन मुला।  
\v 24 प्रभुला गे लबा म्‍हिसे चा कल लबारी आत, थे जम्‍मानदेन छ्‌याम ढिक्‍बा, लोप्‍बारी खम्‍बा, जस्‍तोन दुख तसै नाबारी खम्‍बादेन  
\v 25 जम्‍मान गेरी सोजो तसी ह्राङदा बिरोध लबागदेदा घोना लसी ज्‍यबा ग्‍याम उन्‍बारी खम्‍बा म्‍हि ततोःला। थेह्रङ् लजी भिसम परमेश्‍वरसे थेनीगदेदा थेन्‍से लबा पाप ख्‍लासी सत्‍य ताम घोसी परमेश्‍वरपट्टि दोःबा सेम पिन्‍ना तला,  
\v 26 जमाहेन्‍से होसरी खसी थेनीगदे शैतानना याग्‍याम स्‍योर्ला। तिग्‍दा भिसम शैतानसे कुल्‍बा अन्‍छार भ्रगै भिसी थेसे थेनीगदेदा खीसी थान्‍मुला। 
\c 3  
\s1 लिच्‍छाला धुइरी परमेश्‍वरदा ख्‍लाबा म्‍हिगदे 
\p  
\v 1 लिच्‍छाला धुइ चा ल्‍हानान दुखला धुइ तला भिबा ताम एसे था याङ्‍गो।  
\v 2 तिग्‍दा भिसम जमा धुइरी म्‍हिगदे ह्राङदा जे माया लबा, ओच्‍छे टाङगाला लिच्‍छा जे भ्रबा, ङा ह्रङ्‌बा खालै आरे भिसी भ्रबा, ङा जे चसे ङा जे भ्रसे भिसी भ्रबा म्‍हि, स्‍य्‍हान्‍दोदा बिरोध लबा, आबा आमासे पाङ्बा ताम आङ्‌यान्‍बा, गुण आम्राङ्बादेन परमेश्‍वरदा आतेन्‍बा,  
\v 3 ओच्‍छे दया आरेबा, ढिक्‍ना लबारी आखम्‍बा, तामगन लसी भ्रबा, ह्राङसे ह्राङदान तहरी आथान्‍बा, च्‍यामान लोङ्‌बा खबा, ज्‍यबा ताम सेम आनिबा,  
\v 4 धोका पिन्‍बा, तिगै वास्‍ता आलना मूर्ख गे लसी भ्रबा, ङा ह्रङ्‌बा खालै आरे भिसी भ्रबा, परमेश्‍वरदा ताङ्ना आलना मोजमजा लसी भ्रबा सेम लबा,  
\v 5 परमेश्‍वरदा तेन्‍बा स्‍होबा, तर परमेश्‍वरला शक्तिग्‍याम लबा गे चा आहिन भिबा चुह्रङ्बा म्‍हिगदेग्‍याम थारेङ तसी चिउ। 
\p  
\v 6 तिग्‍दा भिसम थेह्रङ्बा म्‍हिगदे न्‍हङला कोइ कोइ चा दिम दिमरी निसी पापी सेम थोबादेन पापसे नाङ्‌बा कमजोर म्रिङम्‍हेमेगदेदा ह्राङला तहरी थान्‍मुला।  
\v 7 थे म्रिङम्‍हेमेगदेसे सदन लोप्‍बारी मी म्‍हाइमुला, तर सत्‍य ताम तिग हिन्‍ना भिसी खाइमै आसेमुला।  
\v 8 यान्‍नेसदेन याम्‍ब्रेससे मोशादा बिरोध लबा ह्रङ्नोन चु म्‍हिगदेसे सत्‍य तामला बिरोध लमुला। चुह्रङ्बा म्‍हिगदेला बुद्धि न्‍होङ्बा मुला, ओच्‍छे विश्‍वास लबा स्‍होसी भ्रमुला।\x * \xo 3:8 \xt प्रस्‍था ७:११\x* 
\v 9 तर दाहेन्‍से थेनीगदे ल्‍हानान आटु, तिग्‍दा भिसम थेनीगदे गाते मूर्ख चीम भिबा ताम जम्‍मासेन म्राङ्ला। ओच्‍छे यान्‍नेसदेन याम्‍ब्रेसदा खाह्रङ् तमुबा थेनीगदेदाएनोन थेह्रङ्नोन तला। 
\s1 पावलसे तिमोथीदा कुल्‍बा ताम 
\p  
\v 10 तर ङाइ लोप्‍बा ताम, ङाला बानीबेहोर, ङाइ लबारी छ्‌याइबा गे, ङाला विश्‍वास, ङाइ दुख नाखम्‍बा, ङाला मायादेन ङा विश्‍वासरी गाते कोङ्‌सी चिबा मुला भिबा ताम एसेन म्राङ्बा मुला।  
\v 11 ओच्‍छे ङादा म्‍हिगदेसे पिन्‍बा दुखदेन ङाइ नाबा दुख एसे म्राङ्बा मुला। एन्‍टिओखिया, आइकोनियनदेन लुस्‍त्रा भिबा ग्‍लारी ङाइ गाते ल्‍हाना दुख नाजी। तसैनोन थे जम्‍मान दुखग्‍याम प्रभुसे ङादा जोगब लजी।\x * \xo 3:11 \xt मुल १३:१४-५२; १४:१-७, ८-२०\x* 
\v 12 पाङ्‌नोन तोःमा ख्रीष्‍ट येशूदा सेमहेन्‍सेन तेन्‍सी थेदेन छ्‌याम भ्रबागदे जम्‍मादान म्‍हिगदेसे दुख मी पिन्‍नोन पिन्‍ना।  
\v 13 तर पापी सेम थोबा म्‍हिगदे स्‍य्‍हान्‍दोदा ठगब लबारी म्‍हाइमा थेनीगदे ह्राङनोन झन झन न्‍होङ्‌सी निला। ओच्‍छे स्‍य्‍हान्‍दोदा धोका पिन्‍बागदे ह्राङसेन धोका याङ्ला।  
\v 14 तसैनोन ए चा ह्राङसे लोप्‍बा चु तामरी विश्‍वास लसी कोङ्‌सी चिउ। तिग्‍दा भिसम चु ताम खाल खालग्‍याम लोप्‍जी भिबा एदा थानोन मुला।  
\v 15 एदा जजाहेन्‍सेन परमेश्‍वरला बचन था मुला। थे बचनसे ख्रीष्‍ट येशूदा लबा विश्‍वासग्‍याम थार्बा याङ्बाला लागिरी एदा ज्ञान बुद्धि पिन्‍खम्‍ला।  
\v 16 चु बचनरी भ्रिबा जम्‍मान ताम चा परमेश्‍वरला आत्‍माग्‍यामनोन खबा हिन्‍ना। तिग्‍दा भिसम सत्‍य ताम लोप्‍बारी, आतोःबा तामला दोष उन्‍बारी, गल्‍ती तामगदेदा सोज्‍यब लबारी ओच्‍छे परमेश्‍वरसे म्‍हन्‍बा अन्‍छार भ्रबा लोप्‍बारी खम्‍गै भिसी हिन्‍ना।  
\v 17 थेह्रङ् लसीन परमेश्‍वरला म्‍हिगदेसे जम्‍मान ज्‍यबा गेगदे लबारी खम्‍गै भिसीन परमेश्‍वरला बचन पिन्‍बा हिन्‍ना। 
\c 4  
\p  
\v 1 ख्रीष्‍ट येशू ग्‍ले दोसी फेप्‍खमा सिबादेन सोबा जम्‍मालान निसाफ लला। थेतबासेलमा परमेश्‍वरदेन येशू ख्रीष्‍टला ङाच्‍छापट्टि ङाइ एदा चु ताम कुल्‍ला।  
\v 2 धुइ मुसै आरेसै ए खाइमादमान बचन थेःना लबारी तयार तउ, म्‍हिगदेदा अर्ती पिन्‍गो, बङ्‍‌गो, आँट पिन्‍गो, ओच्‍छे दुख तसै सेम नाबारीदेन लोप्‍बारी थाख्‍लागो।  
\v 3 तिग्‍दा भिसम चुह्रङ्बा धुइएनोन खबान मुला, जमा धुइरी म्‍हिगदेसे सत्‍य ताम ङ्‌यान्‍बा ख्‍लाला, थेनीगदे ह्राङला सेमसे तिग म्‍हन्‍बा थेनोन अन्‍छार जे भ्रला। थेह्रङ् लसीन थेनीगदेसे ह्राङदा सेम निबा ताम लोप्‍बा म्‍हिगदेदा जे ङ्‌योइला।  
\v 4 ओच्‍छे थेनीगदेसे सत्‍य ताम ङ्‌यान्‍बारी ख्‍लासी म्‍हिसे म्‍हन्‍सी पाङ्बा कथागदे चा ङ्‌यान्‍सी भ्रला।  
\v 5 तर एसे ह्राङसे ह्राङदान जम्‍मान तामरी तहरी थान्‍गो, ओच्‍छे जस्‍तोन दुख तसै नासी थार्बा पिन्‍बा समाचार थेःना लबा गे लउ। थेह्रङ् लसीन एसे परमेश्‍वरदा तेन्‍बा गे पूरा लउ। 
\p  
\v 6 ङाइ चा ङाला ल्‍हुइ परमेश्‍वरला ङाच्‍छा बलि फुल्‍सी एनीगदेग्‍याम फेबारी छ्‌याइबा मुला।  
\v 7 ङाइ दुख नासी लतोःबा जम्‍मान गे लसी जिन्‍बा मुला। ओच्‍छे ङाइ विश्‍वासदा जोगब लसी थान्‍बा मुला।  
\v 8 परमेश्‍वरदा सेम निबा म्‍हि हिन्‍ना भिसी उन्‍बा मुकुट याङ्बारी जे बाँकी मुला। थे मुकुट ठीक निसाफ लबा प्रभुसेन थे धिनकुनु ङादा कूसी पिन्‍ना। चु मुकुट ङादा जे आहिन, तर थे दोःसी फेप्‍खला भिसी थेदा माया लसी थेला ग्‍याम च्‍यासी चिबागदे जम्‍मादान पिन्‍ना। 
\p  
\v 9 ए खम्‍तेधोना ङादा ह्रुप तबारी योनान खउ।  
\v 10 तिग्‍दा भिसम डेमाससे जम्‍बुलिङरी मुबा स्‍हेगदेदा माया लसी ङादा ख्‍लासी थेसलोनिकेरी निजी। ओच्‍छे क्रेसेन्‍स चा गलातियारी, तीतस चा दलमातियारी निजी।\x * \xo 4:10 \xt कल ४:१४; फिले २४; २ कोर ८:२३; गला २:३; तीत १:४\x* 
\v 11 लूका जे ङादेन छ्‌याम मुला। ओच्‍छे मर्कूसदा म्‍हाइसी एदेन छ्‌यामनोन भसी खउ। तिग्‍दा भिसम थेसे ङादा ज्‍यना लसी ह्रो लमुला।\x * \xo 4:11 \xt कल ४:१४; फिले २४; मुल १२:१२, २५; १३:१३; १५:३७-३९; कल ४:१०\x* 
\v 12 ङाइ तुखिकसदा चा एफिससरी पुइबा मुला।\x * \xo 4:12 \xt मुल २०:४; एफि ६:२१-२२; कल ४:७-८\x* 
\v 13 ए खबा धुइरी त्रोआसरी ङाइ कार्पस मुबा ग्‍लारी ख्‍लासी थान्‍बा घदेन किताबगदे, ओच्‍छे ढिरी भ्रिबा परमेश्‍वरला बचन आम्‍लेःना भसी खउ।\x * \xo 4:13 \xt मुल २०:६\x* 
\p  
\v 14 स्‍हाङ्‌बोला ताङ स्‍होबा अलेक्‍जेन्‍डरसे ङादा ल्‍हानान दुख पिन्‍जी। थेसे लबा गे अन्‍छार प्रभुसेन थेदा खी किन्‍ना।\x * \xo 4:14 \xt १ तिमो १:२०; भजन ६२:१२; रोमी २:६\x* 
\v 15 थे म्‍हि म्राङ्सी एएनोन होशियार तसी चिउ। तिग्‍दा भिसम य्‍हाङसे थार्बा पिन्‍बा समाचार थेःना लमा थेसे ङन्‍दा ल्‍हानान बिरोध लजी। 
\p  
\v 16 ङाच्‍छा ङादा मुद्दा तमा ङाला लागिरी खालैसेन तिगै ताम पाङ्सी आपिन्‍नी, तर जम्‍मासेन ङादा ख्‍लासी निजी। चु तामला दोष थेनीगदेदा थातगै।  
\v 17 तर प्रभु ङादेन छ्‌याम तसी ङादा भङ पिन्‍जी। थेतबासेलमा ङाइ अर्गु य्‍हुलला म्‍हिगदेदा थार्बा पिन्‍बा समाचार ज्‍यना लसी थेःना लखम्‍जी। चुह्रङ् लसी परमेश्‍वरसे ङादा सिबाग्‍याम जोगब लजी।\f † \fr 4:17 \ft “सिबाग्‍याम जोगब लजी” भिबादा ग्रीक बाइबलरी च्‍यान्‍ना सुङग्‍याम जोगब तजी भिसी भ्रिबा मुला।\f* 
\v 18 हिन्‍ना, अझ प्रभुसेन ङादा जम्‍मान आज्‍यबा तामग्‍याम जोगब लला, ओच्‍छे प्रभुसेन ङादा जोगब लसी थेला य्‍हुल्‍सारी भोर्ला। थेला सदन मानदेन जयजयकार तगै। आमेन। 
\s1 चिठीला थुमरी भ्रिबा ताम 
\p  
\v 19 प्रिस्‍किलादेन थेला ह्रेम्‍बो अकिलासदा ओच्‍छे ओनेसिफरसला म्‍हेमेदा फ्‍याफुल्‍बा मुला भिसी पाङ्सी पिन्‍गो।\x * \xo 4:19 \xt मुल १८:२; २ तिमो १:१६-१७\x* 
\v 20 इरास्‍तस कोरिन्‍थरीन चिबा मुला, तर त्रोफिमस चा आखम्‍बासे लमा ङाइ थेदा मिलेटसरीन ख्‍लाजी।\x * \xo 4:20 \xt मुल १९:२२; रोमी १६:२३; मुल २०:४; २१:२९\x* 
\v 21 ए खम्‍तेधोना सेर्ख खबा भन्‍दा ङाच्‍छान खबारी भङ लउ, एदा युबुलससे फ्‍याफुल्‍ला भिसी पाङ्बा मुला, ओच्‍छे पुडेस, लिनस, क्‍लौडियादेन जम्‍मान आलेगदेसेनोन फ्‍याफुल्‍ला भिसी पाङ्बा मुला। 
\p  
\v 22 प्रभु एला आत्‍मादेन छ्‌याम तगै। ओच्‍छे एदेन छ्‌याम प्रभुला दयामाया तगै।