\id 2TH  
\h २ थेसलोनिकी 
\toc1 २ थेसलोनिकी 
\toc2 २ थेसलोनिकी 
\toc3 २ थेस 
\mt1 पावलसे थेसलोनिकेला विश्‍वासीगदेदा भ्रिबा न्‍हीरेमला चिठी 
\imt1 चु चिठीला बारेरी पाङ्‌तोःमा 
\ib  
\io1 \bd भ्रिबा म्‍हि:\bd* येशूला मुल चेला पावलसे भ्रिबा मुबा। चु चिठी भ्रिबाला लागिरी पावलदा सिलासदेन तिमोथी भिबा म्‍हिसे ह्रो लबा मुबा (२ थेसलोनिकी १:१)। 
\ib  
\io1 \bd भ्रिबा ग्‍ला:\bd* कोरिन्‍थ शहररी भ्रिबा मुबा। 
\ib  
\io1 \bd भ्रिबा साल:\bd* ओस्‍पन ईश्‍‍वी संवत् ५१ (विक्रम संवत् १०८) सालरी भ्रिबा मुबा। 
\ib  
\io1 \bd खाल्‍दा भ्रिबा:\bd* थेसलोनिके शहररी मुबा विश्‍वासीगदेदा भ्रिबा मुबा। 
\ib  
\ip थेसलोनिके शहरला मण्‍डली न्‍हङरी ख्रीष्‍ट दोःसी फेप्‍खला भिबाला बारेरी ल्‍हानान तामगदे तबा मुबा। चु तामला बारेरी ल्‍हानान ताम तबासे लमा थेसलोनिके शहरला विश्‍वासीगदेला गुङरी लुसीला तामगदे थोन्‍जी। थेनीगदे न्‍हङला कोइ कोइसे ख्रीष्‍ट फेप्‍खबा धुइ मी ङाच्‍छान तसी जिन्‍बा मुला भिसी विश्‍वास लमुबा। थेनीगदेला चुह्रङ्बा विश्‍वास म्राङ्सी पावलसे थेनीगदेदा घोना लबाला लागिरी चु न्‍हीरेमला चिठी भ्रिबा मुबा। चु चिठीरी पावलसे ख्रीष्‍ट फेप्‍खबा भन्‍दा ङाच्‍छा ख्रीष्‍टला बिरोध लबा नइबा गे लबा म्‍हि खला, ओच्‍छे थेसे जम्‍मान नइबा तामगदे लबान निला भिसी भ्रिबा मुला। 
\ip पावलसे चु चिठी पढब लबागदेदा जस्‍तोन दुख तसैनोन ह्राङसे लबा विश्‍वास आख्‍लाना कोङ्‌सी चिउ। ओच्‍छे पावलसे ह्राङदेन ह्राङला ह्रोगदेसे ह्रङ् लसी सदन ज्‍यबा गे लतोःला भिसी थेनीगदेदा पाङ्बा मुला। 
\iot मुल तामगदे 
\io1 फ्‍याफुल्‍बा १:१-२ 
\io1 स्‍याबासदेन आँट पिन्‍बा १:३-१२ 
\io1 ख्रीष्‍ट दोःसी फेप्‍खबाला बारेरी घोना लबा २:१-१७ 
\io1 ख्रीष्‍टदा विश्‍वास लबागदेला बानीबेहोर ३:१-१५ 
\io1 चिठीला थुमरी भ्रिबा ताम ३:१६-१८ 
\mt1 पावलसे थेसलोनिकेला विश्‍वासीगदेदा भ्रिबा न्‍हीरेमला चिठी 
\c 1  
\p  
\v 1 लास्‍सो य्‍हाङला परमेश्‍वर आबादेन प्रभु येशू ख्रीष्‍टदा विश्‍वास लबा थेसलोनिकेरी मुबा जम्‍मान विश्‍वासीगदेदा ङा पावलदेन सिलास ओच्‍छे तिमोथीला फ्‍याफुल्‍ला!\x * \xo 1:1 \xt मुल १७:१\x* 
\v 2 परमेश्‍वर आबादेन प्रभु येशू ख्रीष्‍टग्‍याम एनीगदेदा दयामायादेन शान्‍ति तगै। 
\s1 धन्‍यवाददेन प्रार्थना 
\p  
\v 3 आलेगदे, एनीगदेला लागिरी परमेश्‍वरदा ङन्‍से सदन धन्‍यवाद पिन्‍तोःबा मुला। तिग्‍दा भिसम एनीगदेला विश्‍वास ल्‍हानान बढब तबा मुला, ओच्‍छे ह्राङ ह्राङ न्‍हङरी एनीगदेला माया बढब तबा मुला।  
\v 4 ओच्‍छे एनीगदे जम्‍मान दुख कष्‍ट नासी विश्‍वासरी याङयोङ आतना चिबा मुला। थेतबासेलमा एनीगदेला चुह्रङ्बा विश्‍वासला बारेरी ङन्‍से परमेश्‍वरला अर्गु मण्‍डलीगदेला गुङरीनोन ताङ्सी ताङ्सी पाङ्म्‍याङ्बा मुला।  
\v 5 एनीगदेसे दुख नाबासे लमा एनीगदे परमेश्‍वरला य्‍हुल्‍साला म्‍हि दोबा मुला। चु जम्‍मान तामग्‍याम परमेश्‍वरसे खालैला ली आच्‍याना ठीक निसाफ लबा मुला भिबा ताम था याङ्बा मुला।  
\v 6 एनीगदेदा दुख पिन्‍बादा परमेश्‍वरसेन दुख पिन्‍ना, तिग्‍दा भिसम परमेश्‍वर खालैला ली आच्‍याना ठीक निसाफ लबा परमेश्‍वर हिन्‍ना।  
\v 7 प्रभु येशू ख्रीष्‍ट शक्तिशाली स्‍वर्गदूतगदेदेन मेला ल्‍हामरी स्‍वर्गग्‍याम फेप्‍खला। ओच्‍छे दुख नाबा ङन्‍देन एनीगदेदा थे धुइरीन परमेश्‍वरसे य्‍हाङदा चु दुखग्‍याम फेला।  
\v 8 तर परमेश्‍वरदा ङोआसेबागदेदेन य्‍हाङला प्रभु येशूला थार्बा पिन्‍बा समाचार आङ्‌यान्‍बागदेदा परमेश्‍वरसे सजाय पिन्‍ना।  
\v 9 थेनीगदे प्रभुदेन प्रभुला घ्रेन य्‍हालदेन शक्तिग्‍याम फेसी चितोःला। ओच्‍छे थेनीगदेसे सदनना लागिरी नाश तबा सजाय याङ्ला।\x * \xo 1:9 \xt यशै २:१०\x* 
\v 10 चु ताम चा प्रभु येशू फेप्‍खबा धुइरी तला। थे धुइरी परमेश्‍वरला जम्‍मान विश्‍वास लबा म्‍हिगदेसे प्रभु येशूदा ल्‍हानान जयजयकार लला। जमा धुइरी एनीगदेएनोन थेनीगदेदेन छ्‌यामनोन तला, तिग्‍दा भिसम ङन्‍से पाङ्बा तामरी एनीगदेसे विश्‍वास लजी। 
\p  
\v 11 थेतबासेलमा य्‍हाङला परमेश्‍वरसे एनीगदेदा ङ्‌योइबा अन्‍छार ज्‍यना लसी भ्रखम्‍गै, ओच्‍छे एनीगदेसे लबारी म्‍हाइबा ज्‍यबा गेदेन एनीगदेला विश्‍वासग्‍याम लबा गे थेला शक्तिग्‍याम पूरा लगै भिसी ङन्‍से प्रार्थना लबा मुला।  
\v 12 थेह्रङ् लजी भिसम एनीगदेग्‍याम प्रभु येशूला मान तला ओच्‍छे प्रभु येशूएनोन एनीगदे म्राङ्सी ताङ्ला। तिग्‍दा भिसम एनीगदेसे य्‍हाङला परमेश्‍वर आबादेन प्रभु येशू ख्रीष्‍टग्‍याम दयामाया याङ्बा मुला। 
\c 2  
\s1 परमेश्‍वरला बचन आङ्‌यान्‍बा म्‍हि 
\p  
\v 1 ज्‍योज्‍यो आले नाना आङागदे, य्‍हाङला प्रभु येशू ख्रीष्‍ट दोःसी फेप्‍खबा धुइरी य्‍हाङ थेदेन छ्‌यामनोन ह्रुप तला भिबा तामला बारेरी ङन्‍से एनीगदेदा पाङ्बा मुला।\x * \xo 2:1 \xt १ थेस ४:१५-१७\x* 
\v 2 खालैसे एनीगदेदा प्रभु फेप्‍खबा धुइ तसी जिन्‍बा मुला भिसी पाङ्जी भिसम थेह्रङ्बा ताम ङनीग्‍याम खबा ताम हिन्‍ना भिसी एनीगदे थालोङ्‍गो। तिग्‍दा भिसम थेह्रङ्बा म्‍हिगदेसे ङन्‍ना मिन किन्‍सी तामग्‍याम, चिठीग्‍याम ओच्‍छे परमेश्‍वरला आत्‍माग्‍याम पाङ्बा हिन्‍ना भिसी एनीगदेदा फसब लबारी म्‍हाइमुला। तर एनीगदेसे थेनीगदेला ताम विश्‍वास थालउ भिबा ङन्‍ना बिन्‍ती मुला।  
\v 3 ओच्‍छे एनीगदेदा खालैसेन तिगै ताम लसी फसब थालगै। तिग्‍दा भिसम पाप गे लबादेन नाश ततोःबा म्‍हि खसी परमेश्‍वरदा ल्‍हानान बिरोध आलतेधोना प्रभु फेप्‍खबा धुइ आख।  
\v 4 थे म्‍हिसे ह्राङसे ह्राङदान घ्रेन स्‍होसी म्‍हिगदेसे परमेश्‍वर भिसी तेन्‍बा जम्‍मान स्‍हेला बिरोध लला। ओच्‍छे ङानोन परमेश्‍वर हिन्‍ना भिसी थे परमेश्‍वरला मन्‍दिररी चिला।\x * \xo 2:4 \xt दानि ११:३६; इज २८:२\x* 
\p  
\v 5 ङा एनीगदेदेन छ्‌याम मुबा धुइरी ङाइ पाङ्बा ताम एनीगदेसे ढन्‍बा आरे?  
\v 6 थे म्‍हि थेला धुइ आतमान थोन्‍ना भिसी परमेश्‍वरसे दान्‍देधोना थेदा रोकब लसी थान्‍बा मुला भिबा ताम एनीगदेदा थानोन मुला।  
\v 7 तिग्‍दा भिसम थे परमेश्‍वरला बचन आङ्‌यान्‍बा म्‍हिसे न्‍हङ न्‍हङ‌नोन गे लसी जिन्‍बा मुला। तर थेदा रोकब लसी थान्‍बा शक्तिसे थेदा आख्‍लातेधोना थेसे लबा नइबा गेगदे म्राङ्आखम।  
\v 8 थे परमेश्‍वरला बचन आङ्‌यान्‍बा म्‍हि थोन्‍ना। जमाहेन्‍से प्रभु येशू घ्रेन शक्तिरी फेप्‍खसी थेदा फू लसीन नाश लला।\x * \xo 2:8 \xt यशै ११:४\x* 
\p  
\v 9 परमेश्‍वरला बचन आङ्‌यान्‍बा थे म्‍हि शैतानना शक्ति थोसी खला। ओच्‍छे थेसे ल्‍हानान थरीला फट्टा चिनुगदेदेन उदेकला गेगदे लला।\x * \xo 2:9 \xt मत्ती २४:२४\x* 
\v 10 ओच्‍छे नाश तबागदेदा थेसे नइबा गे लसी फसब लला। तिग्‍दा भिसम थेनीगदेदा थार्बा पिन्‍बा सत्‍य ताम सेम आनिनी।  
\v 11 थेतबासेलमा थेनीगदेसे लुसीला तामरीन विश्‍वास लगै भिसी परमेश्‍वरसे थेनीगदेदा अलमल तबा शक्ति गिक थेनीगदे मुबा ग्‍लारी पुइखला।  
\v 12 तिग्‍दा भिसम थेनीगदेसे सत्‍य तामरी विश्‍वास आलना नइबा तामनोन ज्‍यबा भिसी म्‍हन्‍बासे लमा परमेश्‍वरसे थेनीगदेथोरी निसाफ लबा हिन्‍ना। 
\s1 थार्बा याङ्बाला लागिरी धम्‍बागदे 
\p  
\v 13 प्रभुसे माया लबा आलेगदे, एनीगदेला लागिरी ङन्‍से सदन परमेश्‍वरदा धन्‍यवाद पिन्‍नोन तोःबा मुला। तिग्‍दा भिसम एनीगदेदा तिगै दोष आरेबा म्‍हि स्‍होबारी परमेश्‍वरला आत्‍मादेन एनीगदेसे विश्‍वास लबा सत्‍य तामग्‍याम थार्बा याङ्‌गै भिसी परमेश्‍वरसे एनीगदेदा ङाच्‍छाहेन्‍सेन धम्‍बा हिन्‍ना।  
\v 14 ङन्‍से एनीगदेदा थेःना लबा थार्बा पिन्‍बा समाचारग्‍याम य्‍हालदेन शक्ति पिन्‍बारी य्‍हाङला परमेश्‍वरसे एनीगदेदा ङ्‌योइबा हिन्‍ना। थेतबासेलमा परमेश्‍वर प्रभु येशू ख्रीष्‍टदेन छ्‌याम ताङ्‍बा ह्रङ् एनीगदेदेन छ्‌यामएनोन ताङ्ला।  
\v 15 थेतबासेलमा ज्‍योज्‍यो आले नाना आङागदे, ङन्‍से ङाच्‍छा लोप्‍बा तामग्‍याम तसै ङन्‍से भ्रिबा चिठीग्‍याम तसै एनीगदेसे ङन्‍से लोप्‍बा ताम ङ्‌यान्‍सी कोङ्‌सी चिउ। 
\p  
\v 16 य्‍हाङदा माया लबा प्रभु येशू ख्रीष्‍टदेन परमेश्‍वर आबासे थेला दयामायाग्‍याम य्‍हाङदा जुकजुकधोनाला आँटदेन ज्‍यबा आश पिन्‍बा मुला।  
\v 17 थेतबासेलमा परमेश्‍वरसेन अझ सेमरी आँट पिन्‍सी एनीगदेदा जम्‍मान ज्‍यबा गेदेन ज्‍यबा ताम लबारी सदन भङ पिन्‍गै। 
\c 3  
\s1 प्रार्थना 
\p  
\v 1 ज्‍योज्‍यो आले नाना आङागदे, ङन्‍ना लागिरी प्रार्थना लसी पिन्‍गो, तिग्‍दा भिसम एनीगदेसे थेःबा ह्रङ् प्रभुला बचन अर्गु जम्‍मान ग्‍लाला म्‍हिगदेसे योनान थेःगै। ओच्‍छे थेनीगदेसेनोन एनीगदेसे ह्रङ्नोन प्रभुला बचनदा मान लगै।  
\v 2 ओच्‍छे परमेश्‍वरसे ङन्‍दा आज्‍यबा म्‍हिदेन पापी म्‍हिगदेग्‍यामसेनोन जोगब लसी पिन्‍गै भिसी प्रार्थना लसी पिन्‍गो। तिग्‍दा भिसम जम्‍मान म्‍हिगदेसे मी विश्‍वास आल।  
\v 3 तर प्रभु मी विश्‍वास लखम्‍बा प्रभु हिन्‍ना। थेसे एनीगदेदा विश्‍वासरी कोङ्‌ना लला ओच्‍छे शैतानग्‍याम जोगब लसी थान्‍ना।  
\v 4 ङन्‍से कुल्‍बा ताम अन्‍छारनोन एनीगदेसे गे लबान मुला। ओच्‍छे थेह्रङ् लसीन सदन गे लला भिबा ताम ङन्‍से प्रभुग्‍यामनोन था याङ्बा मुला।  
\v 5 परमेश्‍वरसे एनीगदेदा लबा मायादेन ख्रीष्‍टसे नाबा दुख एनीगदेसेनोन लबारीदेन नाबारी खम्‍गै भिसी प्रभुसेन उन्‍गै। 
\s1 ब्‍लेगुगदेदा पाङ्बा ताम 
\p  
\v 6 ज्‍योज्‍यो आले नाना आङागदे, य्‍हाङला प्रभु येशू ख्रीष्‍टला अधिकारग्‍याम ङन्‍से एनीगदेदा चु ताम कुल्‍ला। ङन्‍से लोप्‍बा ताम अन्‍छार आभ्रबादेन ब्‍लेगु विश्‍वासीगदेग्‍याम थारेङ तसी चिउ।  
\v 7 तिग्‍दा भिसम ङन्‍से लबा ह्रङ्नोन लतोःला भिबा ताम एनीगदेदा थानोन मुला। एनीगदेदेन छ्‌याम मुबा धुइरी ङनी खाइमै ब्‍लेगु दोसी आचिनी।  
\v 8 ङन्‍से टाङगा आफाना खालैला तिगै आचनी, बरु एनीगदेदा दुख थातगै भिसी ङन्‍से धिन म्‍हुननोन दुख लसी गे लजी।  
\v 9 एनीगदेग्‍याम ङन्‍से टाङगा किन्‍बा अधिकार आरे भिसी आहिन, तर एनीगदेसेनोन ङन्‍से ह्रङ्नोन लगै भिसी ङन्‍से चुह्रङ् लबा हिन्‍ना।  
\v 10 एनीगदेदेन छ्‌याम मुबा धुइरी ङन्‍से एनीगदेदा “खालैसे गे आलनी भिसम थेसे चबा थुङ्बा थालगै” भिसी पाङ्मुबा।  
\v 11 तिग्‍दा भिसम एनीगदे न्‍हङरी कोइ कोइ म्‍हिसे ब्‍लेगु दोसी तिगै गे आलना म्‍हिसे लबा गेरी ओह्रङ्नोन या झाङ्मुला भिबा ताम ङन्‍से थेःमुला।  
\v 12 थेतबासेलमा थेह्रङ्बा म्‍हिगदेदा प्रभु येशू ख्रीष्‍टला अधिकारग्‍याम ङाइ चुह्रङ् लसी कुल्‍ला। थेनीगदे कुटिसी ह्राङ ह्राङला गे लगै ओच्‍छे ह्राङ ह्राङलान यासे स्‍होसी चउ।  
\v 13 तर ज्‍योज्‍यो आले नाना आङागदे, एनीगदे चा ज्‍यबा लबारी खाइमै दुख थाम्‍हन्‍गो। 
\p  
\v 14 ङन्‍से भ्रिबा चु चिठीला ताम चुदे खालैसे आङ्‌यान्‍नी भिसम थे म्‍हिदा ङोसेसी थान्‍गो, ओच्‍छे थेह्रङ्बा म्‍हिला संगतनोन थालउ। थेह्रङ् लसम थे ह्राङनोन पेःला।  
\v 15 तसैनोन थेदा शत्रु ह्रङ्‌बा थाम्‍हन्‍गो, तर ज्‍योज्‍यो आलेदा ह्रङ् लसी थेदा अर्ती पिन्‍गो। 
\s1 चिठीला थुमरी भ्रिबा ताम 
\p  
\v 16 य्‍हाङदा शान्‍ति पिन्‍बा प्रभुसे एनीगदेदा जस्‍तोन तसै सदन शान्‍ति पिन्‍गै। ओच्‍छे प्रभु सदन एनीगदेदेन छ्‌याम तगै। 
\p  
\v 17 ङा पावल ह्राङलान यासे फ्‍याफुल्‍ला भिसी भ्रिबा मुला। ओच्‍छे ङाला जम्‍मान चिठी ङोसेबाला लागिरी सदन ङाइ चुह्रङ् लसी भ्रिबा मुला। 
\p  
\v 18 य्‍हाङला प्रभु येशू ख्रीष्‍टला दयामाया एनीगदे जम्‍मानदेन छ्‌याम तगै।