\id PHP - SUBA TR EmfuJ Suba Philippians 
\h AWAFILIIPI 
\toc1 Ebaruwa eya Paulo yajojera AWAFILIIPI 
\toc2 Awafilipi 
\toc3 Filip 
\mt2 Ebaruwa eya Paulo yajojera 
\mt1 AWAFILIIPI 
\imt1 Amangʼana ku owuimpi 
\ip Ebaruwa eya Awafiliipi yajojwa no *Omutumwa Paulo ni yawanga na ari mu owusiwe ku omugizi ogwa Rooma, mu omwaka ogwa 60–61. Ebaruwa eno yajojerwa Awakristo awa ekaniisa eya ku omugizi ogwa Filiipi, eya Paulo yatanika. Paulo atanika no okuwairanizia otioo ku empanwa eya amasendi eya waamutumra ni kuwitra ku omwina waawu oetwa Epafraasi. 
\ip Paulo atanika ebaruwa eno na ari no owusiani ku ekaniisa eno na awalaga eminyako-nyaako egia yatuukra ku omugizi ogwa Rooma. Awa-ambia amaani na awalaga mbwe wagie emberi no okuganya kwawu kukawa mbwe wanyaasiwua kandi wawita mu ewigazio ewikalu. Awalaga mbwe warekane no okuagala ewiawu aweene, ni wamenye ni waiisiizie ansi kandi ni wari no owulala. Owutuukre, awaizurizia mbwe waanunulwa ni kuwitra ku okuganya ku *Kristo ni ngʼani ku okurinda endagirra ezia *Awayaudi. 
\ip Paulo alagana owusangaavu mu ebaruwa eno kukawa mbwe ari mu owusiwe kandi ngamanyire ekiiza okumuikorra. Awalaga mbwe na afumre mu owusiwe omulamu, aaza okusangaala ku olugonzi olwa Katonda. Ni, ni kuri mbwe afwire, aaza okuwa na atuukiire iwaga eria okugia okuwa ni Yesu ku igulu. Kutio, tuigerera mbwe ki Awakristo aiifu ni ku igulu, kutio tuesa okuwa no owusangaavu no owusiani namba ni tuwita mu eminyako-nyaako egia ku ekialo. 
\c 1  
\s1 Amakeezio agasookere 
\p  
\v 1 Ni inze Paulo alala ni Timotheeo, *awakurumu awa Yesu *Kristo. Ebaruwa eno mbajojera inywe awantu awa Katonda okuwitra ku Yesu Kristo woona awamenyere Filiipi, na awakangasi awawarra owulala owua Awakristo alala na awatunzia awakangasi awo.\x - \xo 1:1 \xt 1Kori 4:17\x* 
\p  
\v 2 Muwe no owusiza no owuolu owuema ku Soifu Katonda no *Omwami Yesu Kristo. 
\s1 Okwikazia no okusawa okwa Paulo 
\p  
\v 3 Nyiranizia Katonda wange otioo ino enyinga ziona ezia mbaingiriizie,  
\v 4 kandi lwona enyinga ziona ni nsawa, mbasawira ni ndi no owusangaavu ino  
\v 5 ku emirimo egia okulanzia *injiili egia mumiire okuwa ni mukola alala ni inze okuemera owuire owua mwatuukra amangʼana gano kutuuka nyingeeno.  
\v 6 Kandi ndi no owusiani owua okuwoola mbwe Katonda owatanika emirimo emilootu gino ni inywe, aaza okugia nagio emberi nawuno agituusie owuire owua Yesu Kristo ari-irana.\x - \xo 1:6 \xt Filiip 2:13; 1Thes 5:24\x* 
\v 7 Omwene mbona mbwe kuri kulootu ni mbawurra otio, aeniki mutoorre iwaga inene ino mu omwoyo gwange.\f + \fr 1:7 \ft Nakuwa \fq aeniki ntoorre iwaga inene ino mu emioyo giinyu.\f* Inywe alala ni ifwe Katonda amiire okutu-aa owusiza owua okulwanra owuene no okulanzia amangʼana amalootu ni nyawanga mu owusiwe kandi ni nyawanga owuyanga.  
\v 8 Katonda omwene amanyire kiomo amiiga gandia ni inywe kandi kiomo mbagonziizie no olugonzi olwa Kristo Yesu.\x - \xo 1:8 \xt 2Kori 5:14\x* 
\p  
\v 9 Okusawa kwange kuri mbwe olugonzi lwinyu luisonge lutairana enyima kandi mbwe okumanya no okuwurra okwa muri nakwo wisonge okuniina kungulu,  
\v 10 kugere muwe awantu awaesa okugawula ewintu ewilootu kandi awantu aweeru awawulako embala, nawuno Yesu airane.\x - \xo 1:10 \xt Awaru 12:2; 1Kori 1:8; 2Kori 5:10; Efee 5:27; Filiip 1:6; 2:16; 1Thes 3:13; 5:23\x* 
\v 11 Ee, awantu awa-amia ensaafu ezia owuigolovu ezigera ni Katonda atondowolwa kandi aeewua owunene, ni kuwitra ku Yesu Kristo.\x - \xo 1:11 \xt Yowa 15:8\x* 
\s1 Owusiwe owua Paulo wusongere okulanzia Injiili 
\p  
\v 12 Waamwifu, nyagala mumanye mbwe ewintu ewianyikoriire wino wiatunziizie ino mu okulanzia kwange amangʼana amalootu aga Katonda.\x - \xo 1:12 \xt Awat 28:17–20; Efee 3:1\x* 
\v 13 Aeniki awantu woona alala na awarinzi awa owumenyo owua omwami woona wamanyire mbwe ndi mu owusiwe muno ku amangʼana aga Yesu.  
\v 14 Kandi okusiwua okwa nyasiwirwe okwo, kwa-ambiizie owungi owua waamwifu ku Kristo amaani ino kandi wari no owusiani owua okulanzia amangʼana aga Katonda owungi okukira okwa waawanga nakwo oluweri, aa watatia. 
\p  
\v 15 Kuwuene wario awalanzia amangʼana aga Kristo ne endandulu kandi ni iyari, na awandi iwo wagalanzia ne emioyo emieru egiagala owulootu.  
\v 16 Awantu awalanzia ne emioyo emieru wano wakola otio aeniki wangonziizie kandi wamanyire mbwe nyateerwe mu owusiwe muno ku amangʼana amalootu aga Katonda aga ndwanra wukalu.  
\v 17 Na awandi awalanzia amangʼana aga Kristo ne emioyo emiwiiwi wano, okuagala kwawu ngakulootu yaaya aeniki iwo wakola otio kugere nyingiziwue mu emidambo emingi mu owusiwe muno.\x - \xo 1:17 \xt 2Kori 2:17\x* 
\v 18 Ni kukawa mbwe wari ne emioyo emiwiiwi nakuwa emieru, ekineene ni mbwe mu engira ezio ziona amangʼana aga Yesu Kristo galanziwua kandi ekio nikio ekisangaalo kiange. 
\p Kuwuene nyiza okugia emberi okuwa omusangaavu ino  
\v 19 aeniki manyire mbwe ni kuwitra ku okusawa okwa munsawira no owuitunzi owua ntuukra okuema ku *Omwoyo Omweru ogwa Yesu Kristo, ewintu ewimiire okunyiikorra wino wiiza okugaluka wiwe owuinunuzi wuange.\x - \xo 1:19 \xt Awaru 15:30\x* 
\v 20 Ekintu ekineene ekia nteereko omwoyo gwange ni mbwe nyanga ntaaza nyawona ensuuko ku ekintu-ukintu. Ni kuwe mbwe enyinga ziona mbe no owusiani kiomo ndi nyingeeno otino, kugere mbe mbwe ndio omulamu nakuwa mbwe mfwire, omulamu wuange wugingirizie Yesu Kristo kungulu.  
\v 21 Aeniki inze okuwa kwange omulamu, ni iwaga eria okugia emberi okukorra Kristo, no okufwa katio kulootu kwange okukira.\x - \xo 1:21 \xt Gala 2:20; Kolo 3:3–4\x* 
\v 22 Ni kuri mbwe okugia emberi okuwa omulamu mu omuwiri guno, kuri mala iwaga eria okukola ewintu ewingi ewilootu, kane katio ekia nsugaane ndowole agati ya ewintu wiwiri ewio namanyire.  
\v 23 Nkululwa eno ne eno aeniki okuagala mbwe nyeme mu owulamu wuno ngie mpuluuke ni Kristo ne ekintu ekilootu ekimpomerezia ino;\x - \xo 1:23 \xt 2Kori 5:8–9\x* 
\v 24 ni ku inywe kuri kulootu okukira ni mbeere omulamu mu omuwiri guno.  
\v 25 Ee, noona nganyire otio kandi manyire mbwe nyiza okusonga okuwa ni inywe mwona kugere musonge okukoma mu okuwa ne ekisangaalo mu okuganya kwinyu ku Yesu Kristo.  
\v 26 Kutio okuirana kwange okuwa ni inywe kuuza okugera ekisangaalo kiinyu ku Kristo Yesu kiizule du, ku amangʼana gange. 
\p  
\v 27 Owukirre wiona, paka muwone mbwe owulamu wuinyu owua owuire ki owuire wu-aa injiili eya Kristo eriina ilootu. Ni mukorre mutio, namba ni nyizre mbawone nakuwa ni mpuriire-uwurra amangʼana giinyu ni ndi ale, nyiza okumanya mbwe kuwuene muaimeriire no omwoyo omulala kandi mwona mulwanra okuganya okuiyegeeke ku amangʼana amalootu, ni muri ekintu ekilala\x - \xo 1:27 \xt Kolo 1:10; 1Thes 2:12; 4:1, 7\x* 
\v 28 aa mutatiire awazigu wiinyu awawalwania namba wutono. Kino kiiza okuwa ekilago ku iwo mbwe Katonda omwene aaza okuwanunula, ni iwo waaza okuonwa wawue chwe.  
\v 29 Aeniki mumiire okueewua iwaga ilootu ngʼane eria okuta okuganya kwinyu ku Yesu riengʼene yaaya, ni kugia eria okumunyaka-nyaakra riona.  
\v 30 Turi ni inywe mu okulwana iye rino. Aweene mwamiire okuwona emidambo giange kandi na reero nkiawona emidambo.\x - \xo 1:30 \xt Awat 16:19–40\x* 
\c 2  
\s1 Owunene no okuiisia ansi okwa Kristo 
\p  
\v 1 Mureke mbawuuzieko, mberi mwaomereziwua ni *Kristo? Mberi mwaoreeziwua ku okumanya mbwe awagonziizie? Mberi mwawa mu owulala no *Omwoyo Omweru ogwa Katonda kandi muwa no olugonzi na amagongi omuntu no omwina waae?  
\v 2 Ee, aeniki nintio muri, muizuzie omwoyo gwange du ne ekisangaalo ku okuwa na amaingirizio amafwananani, okuwa no olugonzi agati iinyu, okuwa no omwoyo omulala no okuagala okulala.\x - \xo 2:2 \xt 1Kori 1:10–11; Efee 5:2\x* 
\v 3 Mutaaza mwakola ekintu-ukintu okutuusia mala okuagala kwinyu inywe aweene namba okuwa no okuitumbula okuwula ne emirimo. Aa okukola otio, muiisie ansi kandi mutoole awiina wiinyu ki awalootu okuwakira.\x - \xo 2:3 \xt Awaru 12:10; Gala 5:26\x* 
\v 4 Mutawa awantu awaagarra mala mu enkanga ziawu aweene yaaya, ni muwe awantu awaagarra awiina waawu woona.\x - \xo 2:4 \xt 1Kori 10:24\x* 
\p  
\v 5 Amaingirizio no okuagala okwa mu emioyo giinyu kusugaane kuwe kiomo okwa Yesu Kristo:\x - \xo 2:5 \xt Yowa 13:15; Awaru 15:5; 1Pet 2:21\x* 
\v 6 Iye kukawa mbwe yawanga mu embonekano eya Katonda, ni ngakatoola owuagani ni Katonda owuo ki ekintu ekia asugaane a-andeko na amakono awiri yaaya.\x - \xo 2:6 \xt Yowa 1:1–2; 17:5; Awaib 1:3\x* 
\v 7 Ni yaitoola ki owusa, aiisia ansi awa kiomo owemirimo, na atoola omuwiri ogwa omuntu.\x - \xo 2:7 \xt Yowa 1:14; 2Kori 8:9\x* 
\v 8 Kandi mu okuwa kwae mu embonekano eya omuntu otio, yaiisia ansi kandi alaga Katonda owuti nawuno mu okufwa. Ee, okufwa olumbe olwa *omusalaaba!\x - \xo 2:8 \xt Awaib 5:8; 12:2\x* 
\v 9 Kutio Katonda yamugingirizia kungulu okukira kandi amu-aa eriina erikirre amiina goona.\x - \xo 2:9 \xt Awat 2:33; Efee 1:21; Awaib 1:4\x* 
\v 10 Kugere ku oku-aa Yesu owuti, amasigamo goona ku igulu, ku ekialo ni ansi eya ekialo gakubwe ansi,  
\v 11 kandi endimi ziona ziwoole mbwe Yesu Kristo no Omwami kugere Katonda Ise atuukre owukaate.\x - \xo 2:11 \xt Isaa 45:23; Yowa 5:23; Owus 5:13\x* 
\p  
\v 12 Kutio awiiko wange awa ngonziizie, kiomo mumiire okuwa ni mutiire amangʼana gange ni ndi ni inywe ampi, nyingeeno kiomo mbula ampi ni inywe otino, musugaane mukole otio okukira. Muambe wukalu muwone mbwe mumenyere owulamu owusugre no owuinunuzi, ni mueere Katonda owuti owungi kandi ni muadada emberi waae.  
\v 13 Aeniki Katonda nio ota mu emioyo giinyu okuagala okwa okumu-aa owuti na amaani aga okukola okuagala kwae.\x - \xo 2:13 \xt Yowa 15:5; Awaru 7:18; Filiip 1:6\x* 
\p  
\v 14 Mu ekintu-ukintu ekia mukola, mutawa ne emioyo egia okuirizia, no okukululana mu amangʼana,  
\v 15 nikwo mukawa awaana awa Katonda aweeru awawula ne ekintu ekiwiiwi ekia omuntu akawawoolako mu ekialo ekiwiiwi ekiizuule na awantu awooni kandi awaoneeke kino. Owulamu wuinyu wusugaane wuwale ki engʼeni-ngʼeni ni muwarimo.\x - \xo 2:15 \xt Owuiz 32:5; Dani 12:3; Math 5:14; Efee 5:8\x* 
\v 16 Muambe amangʼana agareeta owulamu wukalu, kugere ni Yesu ari-irana, mbe omusangaavu aeniki emirimo egia nyakola ne embiro ezia nyarumuka ngawikawanga ewia owusa, yaaya.\x - \xo 2:16 \xt 1Kori 1:31; 15:2; 2Kori 1:14; 5:12; Filiip 1:10; 1Thes 2:19; 2Thes 1:4\x* 
\v 17 Namba ni kuri mbwe owulamu wuange wufugika ansi ki omusango, ni ndekere omusango ogwa emirimo egia nyakola kugere muwe no okuganya okwa muri nakwo ku Kristo kuno, mbona geeza kandi ndi omusangaavu alala ni inywe mwona.\x - \xo 2:17 \xt 2Timo 4:6; 1Yow 3:16\x* 
\v 18 Kutio inywe mwona musugaane musangaale alala ni inze ku ekintu ekilala kino.\x - \xo 2:18 \xt Filiip 3:1; 4:4\x* 
\s1 Emirimo egia Timotheeo ni Epafraasi 
\p  
\v 19 Ni Katonda aganyire, nyingirizia okutuma Timotheeo ku inywe wuangu ano, aaze andage kiomo mugia kugere noona mbe no owusangaavu.\x - \xo 2:19 \xt 1Kori 4:17\x* 
\v 20 Mbula no omuntu wundi owa owulamu wuinyu wuambre ino ki iye.  
\v 21 Awandi awasigaale, iwo amangʼana gaawu aweene nigo agawa-ambre emioyo, na amangʼana aga Yesu Kristo igo ngagawa-ambre ino.  
\v 22 Ni inywe aweene mumanyire kiomo Timotheeo amiire okulagana geeza ekia ari, ku okukola ni inze emirimo egia okulanzia *injiili, ki omuzia ni swae.  
\v 23 Nyingirizia okumutuma ku inywe eyo wuangu ino, ni miire okumanya kiomo amangʼana gange gaaza okuwa.  
\v 24 Ndi no okuganya mbwe Katonda aaza okumpa iwaga, kugere noona nyize mbawoneko eyo, wuangu ano. 
\p  
\v 25 Ni nyingirizia mbwe kuri kulootu ni ntumre Epafraasi, ori wamwifu ku Kristo, owemirimo kandi owa-iiye alala ni inze, awairaneko wuangu. No *omutumwa wiinyu owa mwatuma okuuza okuntunzia mu eminyako-nyaako giange.\x - \xo 2:25 \xt Filiip 4:18\x* 
\v 26 Nyagala mbwe awairaneko aeniki amiiga gamuria ni inywe kandi omwoyo gwae guinyaasia aeniki mwawurra mbwe yalwala.  
\v 27 Kuwuene yalwala awona namba okufwa. Ni Katonda yamusaasra, kandi ngʼani iye engʼene, ni kugia inze noona, kugere ntaaza nyawona owululu kawiri. 
\p  
\v 28 Kutio nyagala okumutuma eyo ino, kandi manyire mbwe ni muuza okumuwona, muuza okusangaala kandi okuinyaasia kwange okwa mu omwoyo kuuza okuirana enyima.  
\v 29 Mumuingizie no olugonzi olwa Katonda kandi no owusangaavu owungi. Ee, mu-ee awantu awafwana ni iye owuti ino,\x - \xo 2:29 \xt 1Kori 16:16, 18\x* 
\v 30 aeniki yawona okufwa atoono ku emirimo egia Kristo. Yaganya okuwona emidambo kugere ampe owuitunzi owua ni inywe awakampeere, ni muri ale. 
\c 3  
\s1 Owuigolovu owua kuwuene wutuukrwa ku okuganya 
\p  
\v 1 Waamwifu, owutuukre, musangaale mu owulala owua muri nawuo no *Omwami Yesu. Okuinuula okuwajojera amangʼana amalala, ngʼane eminyako-nyaako ku inze yaaya, aeniki okukola otio kuuza okuwatunzia inywe.\x - \xo 3:1 \xt Filiip 2:18\x* 
\p  
\v 2 Muirinde ku awantu awooni awafwana ne embwa awo. Awantu awawanigirizia mbwe ni muirwe *enyangu nikwo mununuulwe.\x - \xo 3:2 \xt 2Kori 11:13; Gala 5:12\x* 
\v 3 Aeniki, ifwe awasawa Katonda ni tukangatiirwe no *Omwoyo Omweru, ni ifwe awairrwe enyangu kuwuene wengʼene. Owusiani owua turi nawuo ngawuiyegeeke ku enkola ezia ediini namba wutono, ni tuitumburra mala ewintu ewia Yesu *Kristo yatukorra,\x - \xo 3:3 \xt Yowa 4:21–24; Awaru 2:28–29; Gala 6:15; Kolo 2:11\x* 
\v 4 kukawa mbwe omwene ndi ne ewintu ewingi okukira, ewikagera nte owusiani wuange ku enkola ezifwana ezio, kiomo awandi waingirizia.\x - \xo 3:4 \xt 2Kori 11:18, 21\x* 
\v 5 Inze nyairwa enyangu ni ndi omwana awa amiire munaane, ndi Omuisraeli oema ku oluganda olwa Benjamiini, Omuibrania iwaale, kandi ku okurinda *ensikirra, inze nyazirinda wukalu ki *Omufarisaayo.\x - \xo 3:5 \xt Owut 17:9–14; Awaru 11:1\x* 
\v 6 Nyata omwoyo gwange okunyaasia awantu awa amakaniisa owululu, ni ku owuigolovu mu engira eya okurinda ensikirra, inze nyawulanga owuoni.\x - \xo 3:6 \xt Awat 8:3; 21:20; 22:4; 26:9–11\x* 
\p  
\v 7 Ne ewintu wiona ewia nyatoolanga ki emfuno, nyingeeno mbiwona ki owusa ni mbigeraania ne ewintu ewia Yesu Kristo yankorra.  
\v 8 Owukirre ago, mbona ewintu ewia nyakola mu owulamu wuange owukulu wiona ki owusa, ni mbigeraania no owulootu owuluguulwa mu okumanya Yesu Kristo Omwami wange. Mbiwona ki enyoori, kugere ntuukre Kristo,  
\v 9 kandi mbe mu owulala nae, ni mbula no owuigolovu owuange omwene owuema ku okurinda ensikirra. Ni mbe no owuigolovu owutuukrwa ku okuganya ku Kristo. Owuigolovu owuema ku Katonda kandi owutuukrwa ku okuganya kwengʼene.\x - \xo 3:9 \xt Awaru 1:17\x* 
\v 10 Nyagala okumanya Kristo, na amaani agaamuziusia aema ku awafu, okuwona eminyako-nyaako egia omwene yawona kandi okufwa olumbe olwa yafwa,  
\v 11 kugere ni kuesekana, noona ntuuke ku okuziuka okuema ku awafu.\x - \xo 3:11 \xt Awaru 6:5, 8–11; 2Kori 4:10\x* 
\s1 Okulawira ewiri enyima no okuta omwoyo ku ewiri emberi 
\p  
\v 12 Ngʼani mbwe omwene miire okusuga mu ewintu wino wiona, namba mbwe miire okueruyiwua mba omweru owulako embala, yaaya. No omwene ndwanagana wukalu ni ngia emberi kugere ntuukre ekiagera ni Kristo Yesu yandowola.\x - \xo 3:12 \xt 1Kori 9:24–25\x* 
\v 13 Waamwifu, ngʼantoola mbwe inze omwene miire okutuusia wiona ewiagalana, yaaya. Ne ekintu kilala ekia nkola inze, no okulawira ewimiire okuwita, no okulwanaganra ewiri emberi.  
\v 14 Ndwanagana wukalu ni mbariire entuuko kugere nkire kandi ntuukre omugawo ogwa Katonda yanyetera ni kuema ku igulu, okuwitra ku Yesu Kristo.\x - \xo 3:14 \xt 1Kori 9:24–25\x* 
\p  
\v 15 Awantu woona awamiire okukoma mu amangʼana aga Katonda, wasugaane waingizie amangʼana gano. Ni, ni gario aga mutaganyaane nago, ni ndi no okuganya mbwe Katonda aaza okugawasasuurra.  
\v 16 Ekineene ni mbwe tusugaane tulondokane no okumanya kwona okwa tumiire okutuukra. 
\p  
\v 17 Waamwifu, muizoge na awandi okulonda omufwano omulootu ogwa owulamu wuange kandi muigerere ku awantu awamenyere owulamu owufwana no owua twawalaga.\x - \xo 3:17 \xt 1Kori 4:16\x* 
\v 18 Aeniki mala kiomo miire okuwa ni mbalaga kasaazo, kandi nyingeeno nkiawalaga na amaziga gayooka, wario awantu awangi awa enkola ziawu zilagana geeza mbwe wari awazigu awalwania ekiagera ni Kristo afwa ku *omusalaaba.\x - \xo 3:18 \xt Gala 6:12\x* 
\v 19 Owutuuko owua awantu wano wuri mbwe waaza okuteeka wawue chwe. Iwo enda ziawu nio katonda waawu, kandi ewintu ewia ensuuko niwio ewia waeere owunene. Iwo wateere amaingirizio gaawu mala ku ewintu ewia ku ekialo kuno.\x - \xo 3:19 \xt Awaru 16:18\x* 
\v 20 Ni ifwe owumenyo wuifu wuri ku igulu, aa turinda ne emioyo egiangiriire, Omununuzi iifu Omwami Yesu Kristo okuema.\x - \xo 3:20 \xt Efee 2:6; Awaib 13:14\x* 
\v 21 Aaza okugalusia emiwiri giifu emigata giwe ki ogwae omwene oguri no owunene, na amaani aga akola nago okureeta ewintu wiona mu amakono gaae.\x - \xo 3:21 \xt Awaru 8:29; 1Kori 15:25, 28, 43–53; Kolo 3:4\x* 
\c 4  
\p  
\v 1 Kutio waamwifu awa ngonziizie kandi awa amiiga gandia nawo ino okuuza okuwona, nintio nyagala muimerre wukalu ku *Kristo, awiiko wange awa ngonziizie. Inywe ni inywe ekisangaalo kiange kandi ni inywe awaaza okugera ntuukre omugawo ku emirimo giange.\x - \xo 4:1 \xt 1Thes 2:17–20\x* 
\s1 Kiomo Paulo agala Awakristo wawe 
\p  
\v 2 Nyisasaama Yudia ni Sintiike mbwe wawe ne empurizanio endootu agati yaawu ki awantu awa Katonda.  
\v 3 Ee, nkusawa iwue owemirimo omwina wange owa kuwuene, mbwe ganya otunzie awakazi wano aeniki wamiire okuimerra ni inze wukalu mu emirimo egia okulanzia *injiili. Awandi awamiire okuimerra ni inze ni kugia Kilementi, na awemirimo awiina wange wandi awa amiina gaawu gari mu ebuuki eya owulamu.\x - \xo 4:3 \xt Owus 3:5\x* 
\p  
\v 4 Musangaale mu owulala owua muri nawuo no *Omwami Yesu enyinga ziona, kandi nyiinuula ni mboola mbwe musangaale!\x - \xo 4:4 \xt Filiip 2:18\x* 
\v 5 Mureke owuolu wuinyu wuwonekanre awantu woona, ni mumanyire mbwe Omwami Yesu ari ampi okuirana.\x - \xo 4:5 \xt Awaru 13:11–12; 1Kori 16:22; Awaib 10:25; Yako 5:8; Owus 22:20\x* 
\v 6 Emioyo giinyu gitainyaasizia ekintu-ukintu, ni ku ewintu wiona ewiwaazra, mute okuagala okwa muri nakwo emberi wa Katonda ni musawa kandi ni mumuikazia ku wiona ewia amiire okuwakorra.\x - \xo 4:6 \xt Zabu 37:5; Math 6:25; 1Pet 5:7\x* 
\v 7 Ni mukorre mutio, owuolu owua Katonda owukirre amaganga aga omuntu okumanya, wuuza okusimbiizia emioyo giinyu na amaingirizio giinyu ku Yesu Kristo.\x - \xo 4:7 \xt Yowa 14:27; Kolo 3:15\x* 
\p  
\v 8 Owutuukre waamwifu, nyagala mute amaingirizio giinyu ku ewintu ewiri kuwuene, ewintu ewilootu, ewintu ewisugaane, ewintu ewieru, ewintu ewigonziiwue, ewintu ewiria awantu amiiga, ewintu ewilongoole alala ne ewintu ewireeta eriina ilootu.  
\v 9 Muwone mbwe muteere ewintu ewia mumiire okuigerera namba okutuukra ku inze wiona mu enkola. Ni mukorre mutio, Katonda owa owuolu wuemako, aaza okuwa ni inywe.\x - \xo 4:9 \xt 1Kori 4:16\x* 
\s1 Paulo aikaziizie Katonda ku empanwa ezia yatuukra 
\p  
\v 10 Nsangaala ino ku Omwami Yesu aeniki mbona nyingeeno no omwoyo ogwa mwawanga nagwo no owulamu wuange guiraane. Ni kuwuene mbwe owulamu wuange wumiire okuwa ni wuwa-ambre, ni iwaga eria okulagana ekia muri ni inze mu enkola nirio erimiire okuwakeeya.  
\v 11 Ngʼamboola otio mbwe katio ndi amakono amasa yaaya, aeniki omwene miire okuigerera okusuga mu engira ziona.\x - \xo 4:11 \xt 1Timo 6:6–8\x* 
\v 12 Manyire kiomo menya ni ndi nawio ewitono nakuwa ni ndi nawio ewingi. Miire okumanya kiomo nkamenya mu owulamu owufwana wutie. Kukawa mu amiire aga enzala namba mu amiire aga enziguta, mu okuwa ne ewintu ewitoono nakuwa ni ndi nawio ewingi.\x - \xo 4:12 \xt 2Kori 6:10\x* 
\v 13 Aeniki nyesa okukola ewintu wiona na amaani aga Yesu Kristo ampa.\x - \xo 4:13 \xt 2Kori 12:9–10\x* 
\v 14 Ni kukawa kutio mwakola geeza ino okuwa ni inze ampi mu eminyako-nyaako giange gino. 
\p  
\v 15 Owukirre ago, kiomo mumanyire inywe Awafiliipi, mu amiire aga nyawalanzizia injiili oluweri nikuemao nyema mu ekitemo kiinyu ekia Makedoonia, ewulao ekaniisa indi egawuuke ni inywe eyantunzia mu okumfumizia amasendi.\x - \xo 4:15 \xt 2Kori 11:8–9\x* 
\v 16 Namba ni nyawanga no okuagala ni ndi Thesaloniika, mwantumra amasendi owukirre kalala.\x - \xo 4:16 \xt Awat 17:1\x* 
\v 17 Ngʼamboola otio kugere mumpe ewintu yaaya, ni nyagala muwe mbwe ni inywe awatuukra ensereki enyingi eziema ku owu-aani.\x - \xo 4:17 \xt 1Kori 9:11–12\x* 
\p  
\v 18 Inze omwene ndi ne ewintu wiona kandi ewingi okukira kiomo nyagala. Ni kutio aeniki ntuukiire ewintu ewia mwantumiire ni kuwitra ku Epafraasi. Wifwana ne emisango emilootu kandi egiwunya esaami, emisango egia Katonda aganyire kandi asangaarre nagio.\x - \xo 4:18 \xt Awal 3:5; Filiip 2:25; Awaib 13:16\x* 
\v 19 Kandi Katonda owa nsawa aaza okutuusia okuagala kwinyu kwona ni kuema ku owunyazi owua ewintu wiae, ni kuwitra ku Yesu Kristo.  
\v 20 Katonda ori Soifu aeewue owukaate amiire goona agatariwua. *Amin. 
\s1 Amakeezio aga Paulo agatuukre 
\p  
\v 21 Munkeezizie awantu woona awa Katonda ni kuwitra ku Yesu Kristo. Waamwifu awari ni inze eno wawakeeziizie.  
\v 22 Awantu awa Katonda ni kuwitra ku Yesu Kristo, awari eno woona wawakeeziizie, ino-ino awa mu enyumba eya *Kaisaari.  
\v 23 Owusiza owua Omwami Yesu Kristo wuwe ni inywe mu emioyo. Amin.\f + \fr 4:23 \ft Amatu gandi gawula ni \fq Amin.\f*