\id 2TH - SUBA TR EmfuJ 
\h 2 AWATHESALONIIKA 
\toc1 Ebaruwa eya okuwiri eya Paulo yajojera AWATHESALONIIKA 
\toc2 2 Awathesoloniika 
\toc3 2Thes 
\mt2 Ebaruwa eya okuwiri eya Paulo yajojera 
\mt1 AWATHESALONIIKA 
\imt1 Amangʼana ku owuimpi 
\ip Ebaruwa eya okuwiri eya Paulo yajojera awa ekaniisa eya Thesaloniika yalonda ebaruwa eyasooka ampi, owukasuga emienzi mukaaga. (Warrako owutanikro owua 1 Awathesaloniika.) Kuwonekana mbwe ebaruwa eyasooka ngekatunzia Awathesaloniika, aeniki waawa na amiiga aga okuwona Yesu aa ngawaagalanga okukola ekintu-ukintu ni waingirizia mbwe okuuza okwa Yesu kumiire okutuuka. Kutio, Paulo yawajojera na awagaania ku amaingirizio agafwana gatio. 
\ip Awathesaloniika wandi waaingirizianga mbwe okuirania okwa Yesu kwawanga ni kumiire okuikola, na awandi woona waawona mbwe wuri ampi ino, kutio kiwulao ekigera ni wakakola emirimo-umirimo. Kutio, Paulo awalaga mu ebaruwa eya okuwiri eno mbwe, okuirana okwa *Kristo ni kutuukre ampi, owuoni wuuza okuisonga ku ekialo kandi omuntu olwania Kristo aaza okureeta erioga. Awalaga mbwe ewintu ewio wikiari okuikola, ni wiesa okuikola enyinga-unyinga. 
\ip Paulo a-ambia Awathesaloniika amaani na awalaga mbwe waimerre wukalu ku okuganya kwawu, kukawa mbwe wawona eminyako-nyaako kandi warindirre okuwona ewintu wino, owutuuko ni wukiari. Walagwa mbwe wasugaane wagie emberi ni wakola emirimo giawu, kandi wakalawane okukola geeza. 
\c 1  
\s1 Amakeezio agasookere 
\p  
\v 1 Ku awantu awari no kuganya ku Katonda Soifu no *Omwami Yesu *Kristo awari Thesaloniika, mbajojera ebaruwa eno inze Paulo ni ndi alala ni Siila ni Timotheeo.\x - \xo 1:1 \xt 1Thes 1:1\x* 
\v 2 Tusawa mbwe muwe no owusiza no owuolu owuema ku Katonda Soifu no Omwami Yesu Kristo. 
\s1 Paulo asangaala na Awathesaloniika kandi awa-ambia amaani 
\p  
\v 3 Waamwifu, kuri kulootu ni tuiranizia Katonda otioo enyinga ziona ku inywe; kuwuene tusugaane tukole tutio aeniki okuganya kwinyu ku Katonda kukoma ni kugia emberi kandi olugonzi lwinyu mwona ku awiina wiinyu lwona lugia emberi okuiongerezia.  
\v 4 Olutuunyo olwa mumiire okuwa nalwo no okuganya kwinyu okutadenga-denga ku eminyako-nyaako ne emidambo egia muwitamo no owusiani, kugera ni tuitumbula na amiina giinyu ku amakaniisa aga Katonda gandi.\x - \xo 1:4 \xt Filiip 2:16; 1Thes 3:3\x* 
\v 5 Kuwuene wino ne ewilago ewilagana mbwe Katonda akenga ekiina owuigoloole kandi wiiza okugera muwalwe ki awantu awasugaane okuwa mu *Owuami owua Katonda, owua mwona mumiire okuwa ni munyaka-nyaakra.\x - \xo 1:5 \xt Filiip 1:28\x* 
\v 6 Kuwuene, Katonda ari omuigolovu kandi okwo kulagana mbwe awantu woona awatureetra emidambo ku okuganya kwifu, aaza akuwaoloola na awa-aa emidambo.\x - \xo 1:6 \xt Awaru 12:19; Owus 18:6\x* 
\v 7 Ni ifwe alala ni inywe awawona eminyako-nyaako aaza okutuwuluusia olwa Omwami Yesu arisasulwa na aema ku igulu na ari alala ne *enyankoi waae awari na amaani.\x - \xo 1:7 \xt Math 25:31; 1Thes 4:16–17\x* 
\v 8 Awantu awataeere Katonda owuti alala na awataeere amangʼana amalootu aga Katonda ku Omwami Yesu owuti, wariswawuka mu omurro oguakaka.\x - \xo 1:8 \xt Awaru 2:8\x* 
\v 9 Awantu wano wariwona eminyako-nyaako egiriwamala egitariwua kandi wariteewua ale na asi aa Omwami ari, kandi na aa owunene owua amaani gaae gari.  
\v 10 Gano gari-ikola *Owuire owua Omwami ari-irana okueewua owunene na awalowole waae kandi na agingiriziiwue kungulu agati ya awantu awamuganyireko alala ni inywe aeniki mwona mwaganya ku amangʼana aga twawalaga.  
\v 11 Gano nigo amangʼana agagera ni tuwasawira enyinga ziona mbwe Katonda awate muwe awantu awasugre no okuetwa okwa awantu waae kandi mbwe atuusie okuagala kwinyu okulootu ne ewintu ewilootu ewia okuganya kwinyu kuagala mbwe mukole.  
\v 12 Ni kuweere kutio eriina eria Omwami iifu Yesu rirituukra owunene okuwaemako kandi mwona murituukra owunene okumuemako nikulondokana no owusiza owua Katonda no Omwami Yesu Kristo. 
\c 2  
\s1 Okuirana okwa Omwami Yesu 
\p  
\v 1 Waamwifu, ku amangʼana aga okuuza okwa *Omwami iifu Yesu *Kristo no okuikumia kwifu okuwa nae, ifwe tuwasawa mbwe  
\v 2 mutafwa okuadada-uadada namba okuluguuziwua na amangʼana agawoolwa mbwe gaemere ku *Omwoyo Omweru ogwa Katonda namba mbwe gaemere ku omunwa ogwa omuntu namba mbwe gasomerwe mu ebaruwa ziifu, agawoola mbwe owuire owua okuirana okwa Omwami Yesu wumiire okutuuka.\x - \xo 2:2 \xt 1Thes 4:15—5:3\x* 
\v 3 Mutaganya omuntu wundi awasemerezie ne engira zindi yaaya, aeniki owuire owuo ngawurituuka ne erioga rikiari okuwaao owukangaate, kandi no omuntu omwoni, owa Katonda aaza okuona amale, akiari okusasulwa awonekane kuwueru.\x - \xo 2:3 \xt Dani 8:23–25; 1Yow 2:18\x* 
\v 4 Omuntu omwoni oyo aaza okulowa kandi aaza okuitumbula no okuigingirizia omwene kungulu okukira ekintu-ukintu ekietwa mbwe katonda namba ekisawua. Kutio aaza okuikala ku entewe eya mu *ekaalu eya Katonda kandi aaza okuieta omwene mbwe ni iye Katonda.\x - \xo 2:4 \xt Isaa 14:13–14; Ezek 28:2\x* 
\v 5 Mberi muesa okuingirizia mbwe ni nyawanga ni nkiari ni inywe, nyawalaganga amangʼana gano?  
\v 6 Kandi mumanyire ekikiamuambiriire, kugere asasulwe awoneke ne enyinga ziae zituukre.  
\v 7 Amaani gaae ago gario kandi gakola emirimo owuiwisi nyingeeno; ni mala no omuntu okiamuambiriire nyingeeno aaza okumurekera engira nikwo aaza okusasulwa awoneke.  
\v 8 Nikuemao, omwoni aaza okusasulwa, no Omwami Yesu aaza okumutoola ku entewe amumale mala no omuuka oguema mu omunwa gwae. Lwona aaza okumuona awue chwe no owunene owua aaza okuirana nawuo.\x - \xo 2:8 \xt Isaa 11:4; Owus 19:15\x* 
\v 9 Okuuza okwa omwoni oyo kuuza okuambaana ne emirimo egia *Sataani egiiza okuilagana na amaani goona alala ne ewilago na amankono aga owuweeyi,\x - \xo 2:9 \xt Math 24:24\x* 
\v 10 kandi ne engira ziona ezia *Ekikeeno ezia okusemerezia awantu awateeka, aeniki waalowa okugonzia owuene kugere wanunulwe.  
\v 11 Kutio, Katonda aaza okuganya amaingirizio gaawu gateeke chwe kugere wawe no okuganya ku ewintu ewia owuweeyi.  
\v 12 Kugere awantu woona awawula no okuganya ku owuene, ni waaomereziwua mala ne ewintu ewitari ewiigolovu wakengerwe ekiina.  
\v 13 No okuwa kwinyu mbwe muri awantu awa Katonda yalowola okuemera mu owutanikro kugere mununulwe ni kuwitra mu okueruyiwua no Omwoyo Omweru ogwa Katonda no okuganya ku owuene, kutunigirizia mbwe paka tuiranizie Katonda otioo enyinga ziona.\x - \xo 2:13 \xt Awaru 8:30\x* 
\v 14 Yawaeta okuwa otio ni kuwitra mu *injiili eya twalanzianga kugere mwona mutuukre omugawo mu owunene owua Omwami iifu Yesu Kristo.\x - \xo 2:14 \xt 1Thes 5:9\x* 
\v 15 Kutio waamwifu, muambe wukalu engerera eya twawagerera, ewe eya twawagerera ne eminwa giifu nakuwa eya twawagerera ne ebaruwa ezia twawajojera.  
\v 16 Omwami iifu Yesu Kristo omwene alala ni Katonda Soifu owatugonzia kandi owa ku owusiza wuae yatu-aa okuoreziwua okwa omwoyo okutawua no okuwa no okurindirra okulootu,\x - \xo 2:16 \xt Awaru 8:39; 1Thes 1:4\x* 
\v 17 aoreezie emioyo giinyu, kandi awakalangusie mu enkola ziona na amangʼana goona amalootu. 
\c 3  
\s1 Paulo asawire mbwe wasawirwe Katonda 
\p  
\v 1 Owutuukre, waamwifu, mbasawa mbwe mutusawire Katonda kugere amangʼana aga *injiili gailanzie wuangu kandi mbwe awantu waga-ee owuti mala kiomo inywe mwona mwaga-aa owuti.\x - \xo 3:1 \xt Awaru 15:30\x* 
\v 2 Kandi mbwe Katonda aturinde ni turi agati ya awantu awooni kandi awa ekikeeno aeniki ngʼani mbwe awantu woona wari no okuganya ku Katonda yaaya.  
\v 3 Ni Katonda iye ngari omuweeyi yaaya. Aaza okuwakalangusia kandi awarinde okuema ku omwoni.\x - \xo 3:3 \xt Math 5:37; 6:13; Yowa 17:15; 1Kori 10:13; 1Thes 5:24\x* 
\v 4 Ni ifwe turi no owusiani ku inywe owuemera ku Omwami mbwe mukola kandi mukiaza okugia emberi okukola ewintu ewia twawasikirra mbwe mukole.  
\v 5 Katonda na aganyire alagirizie, emioyo giinyu giwe egia olugonzi kiomo olwa Katonda, kandi muwe no olutuunyo kiomo olwa *Kristo.  
\v 6 Kutio, waamwifu, ku eriina eria Omwami iifu Yesu Kristo, tuwasikirra mbwe muwe ale na awantu awaikaale-uikala awatakola emirimo kandi awa owulamu wuawu wutalondokana ne engerera ezia mwatutuukrako.\x - \xo 3:6 \xt 1Thes 5:14; 2Thes 3:12; Awaru 16:17; 1Kori 11:2\x* 
\v 7 Aeniki inywe aweene mwona mumanyire kiomo kiri ekintu ekisugaane mbwe mulonde olunyaafwa olwa owulamu wuifu: ifwe ni twawanga ni inywe ngatukawanga ni tuikaale-uikala yaaya.  
\v 8 Lwona, kuwulao okuria okwa omuntu okwa twaria tureka okuoloola; ni aa okukola otio, ifwe tuakolanga emirimo emikalu owuire no omuwasu kugere tutaaza twawaweera ki emisigo egiwa-aa owuzito.\x - \xo 3:8 \xt Awat 18:3\x* 
\v 9 Ngatukakolanga emirimo otio mbwe twawulanga amaani aga okureka okukola yaaya, ni tuakola otio kugere tuwaweere ekilago ekilootu ekia okulonda.\x - \xo 3:9 \xt 1Kori 9:4, 15; 4:16\x* 
\v 10 Ni twawanga ni inywe twawa-aa namba *ensikirra ewoola mbwe “Omuntu oikaale-uikala otakola emirimo, ataganyirwa okuria.”  
\v 11 Ni, tuwurra mbwe awantu wandi ku inywe wamenyere owulamu owua okuikala-uikala ngawakola emirimo. Iwo ngawanyigire ne emirimo-umirimo ni wakola ewintu ewiwula ne emirimo.\x - \xo 3:11 \xt 1Timo 5:13\x* 
\v 12 Ku eriina eria *Omwami Yesu Kristo tuwasikirra kandi tuambia awantu awafwana watio amaani mbwe wamenye owulamu owulootu kandi warie oluuya lwawu.\x - \xo 3:12 \xt 1Thes 4:11\x* 
\v 13 Ni inywe waamwifu, mutaaza mwaluya no okukorra awantu wandi geeza.\x - \xo 3:13 \xt Gala 6:9\x* 
\v 14 Na ario omuntu olowa okulonda amangʼana aga tuwalagiriizie mu ebaruwa eno, ni mumumanyirizie geeza kandi mureke okuizogana nae kugere ensuuko zimurie.  
\v 15 No omuntu ofwana otio otaaza waamutoola ki omuzigu waao, ni mumusiagizie ki wamwinyu.\x - \xo 3:15 \xt Math 18:15–17; 1Thes 5:14\x* 
\v 16 Mbasawira mbwe Omwami owa owuolu omwene awa-ee owuolu enyinga ziona mu engira ziona. Omwami awe ni inywe mwona.\x - \xo 3:16 \xt 2Kori 13:11\x* 
\v 17 Inze Paulo, ni inze owajojera amakeezio gano na amakono gange omwene. Kino nikio ekilago mu ebaruwa ziange ziona, ni ntino inze njoja.\x - \xo 3:17 \xt 1Kori 16:21\x* 
\v 18 Owusiza owuema ku Omwami iifu, Yesu Kristo, wuwe ni inywe mwona.