\id 1TI - My Project 1; Proofreading changes by Jeremiah, 1st Oct 2009 
\h 1 TIMOTHEEO 
\toc1 Ebaruwa esookere eya Paulo yajojera TIMOTHEEO 
\toc2 1 Awatimtheeo 
\toc3 1Timo 
\mt2 Ebaruwa esookere eya Paulo yajojera 
\mt1 TIMOTHEEO 
\imt1 Amangʼana ku owuimpi 
\ip Ebaruwa eno ne endala ku ebaruwa ezia Paulo yajoja na amiire okufuma mu owusiwe Rooma mu emiaka egia 60–62. Ni yawanga ku olugendo lwae olwa okune olwa okulanzia *injiili, yareka Tiito ku omugizi ogwa Kireete na awarra ekaniisa eri ao, ni Timotheeo iye yawanga Efeeso na atunzia ekaniisa eri eyo. Paulo iye yagia ku omugizi ogwa Filiipi oguri Makedoonia kandi eyo nio yajojera ebaruwa eno. 
\ip Paulo yalaganga Timotheeo okuwa amankaga na amanyire mbwe no omuntu awurra engerera embiiwi, aaza yagilonda. Kutio paka tumanye owuene kugere tuwuimerreko ni tulowa engerera embiiwi eya *Sataani areeta agati eya awantu awa Katonda kugere aone owulamu wuawu. Ekaniisa eya Efeeso yawanga ne eteekere mu amangʼana aga *Awayaudi aga okulonda endagirra ziawu, alala no okuganya mbwe ekialo ne ewintu ewirimo wiri ewiwiiwi, kandi mbwe oagala okugia ku igulu paka azire ewiokuria windi ne ewintu windi ewinywewua alala no okuwa alala no omukazi waao. Paulo agaania Timotheeo ku engerera zino kandi omuambia amaani awe *omukurumu owa *Kristo Yesu orindre amangʼana gaae. Lwona amusikirra ku ewintu ne enkola eya omukangasi owa ekaniisa asugaane awe nawio. 
\c 1  
\s1 Amakeezio agasookere 
\p  
\v 1-2 Ku Timotheeo omwana wange mu okuganya okwa turi nakwo ku *Kristo. Nkujojera ebaruwa eno, inze Paulo, *omutumwa owa Yesu Kristo nikulondokana no okuagala okwa *Omwami Katonda omununuzi iifu alala no okwa Yesu Kristo, omuntu owa tuteereko emioyo giifu giona. Nyagala mbwe Soifu Katonda no Omwami iifu Yesu wawe awasiza ni iwue, wakuambre amagongi kandi wakulage owuolu wuawu. 
\s1 Okusiagizia awagerezi awa owuweeyi 
\r (1Timo 4:1–7; Tiit 1:10–11; 3:8–11) 
\p  
\v 3 Kiomo nyakulagirizia olwa nyawanga ni ngia Makedoonia mbwe oweere Efeeso, nyagala mbwe okole okuweera eyo, kugere osikirre awantu wandi eyo wareke okugerera engerera indi egawuuke ne eiifu.\x - \xo 1:3 \xt 1Kori 4:17; 1Thes 2:11; Tiit 1:4\x* 
\v 4 Lwona wagaanie wataaza wata amaingirizio gaawu ku eminayo, no okuwala waaguukwa okutawua. Wino wireeta mala okuikululana mu amangʼana okutatunzia omuntu-umuntu kandi okutatuusia okuagala okwa Katonda, okwa awari no okuganya ku Kristo engʼene niwo awaesa okutuusia.\x - \xo 1:4 \xt 1Timo 4:7; 2Timo 4:4; Tiit 1:14; 3:9\x* 
\v 5 Ekineene ekia owulagirizio wuifu wuno wureeta, no okuwa no olugonzi oluema mu omwoyo omulootu, omwoyo ogumanyire okugawula ewilootu ne ewiwiiwi, alala no okuwa no okuganya okuri kuwuene.\x - \xo 1:5 \xt Awaru 12:9; 1Timo 1:19; 2Timo 1:3; 2:22; Tiit 1:15\x* 
\v 6 Awantu wandi wamiire okureka engerera zino, wagaluka waingira mu entaka eziwula ne emirimo.\x - \xo 1:6 \xt 1Timo 6:4, 20; Tiit 1:10\x* 
\v 7 Wagala okuwa awagerezi awa *ensikirra ezia Katonda, kukawa mbwe ngawamanyire ewintu ewia wagamba-gambako nakuwa amangʼana aga wawoola no owusiani.\x - \xo 1:7 \xt 1Timo 4:1–10; 6:3–5, 20–21; 2Timo 2:16–18, 23–26; Tiit 1:10–16; 3:9–11\x* 
\p  
\v 8 Ni tumanyire mbwe ensikirra ndootu ne ekorrwe nayo mu engira endootu.\x - \xo 1:8 \xt Awaru 7:12\x* 
\v 9 Lwona tumanye mbwe ensikirra ngazikateerwao awantu awigolovu, ni ziateerwao awantu awatatiire ensikirra na awa ekimage, awatatiire Katonda na awooni. Kandi ziateerwao awataganyire ku Katonda na awagamba-gamba uwiiwi ku Katonda, awaita waaswawu ni waangʼinwawu, awiisi na  
\v 10 awasondo. Lwona ziateerwao awantu awaitala na awakazi nakuwa na awasaaza awiina waawu, awaguzi awa awantu na awaweeyi, awaifuuwa wusaasa alala na awakola ewindi wiona ewitalondokana ne engerera endootu eya Kristo.\x - \xo 1:10 \xt Gala 3:19; 5:19–21\x*\x - \xo 1:10 \xt 1Timo 6:3; 2Timo 1:13; 4:2–3; Tiit 1:9; 2:1, 7–8\x* 
\v 11 Engerera eituukrana mu amangʼana amalootu agalagana owunene owua Katonda osugre no okutondowolwa. Katonda yata amangʼana amalootu gano mu amakono gange kugere ngalage awantu. 
\s1 Paulo aikaziizie Katonda ku owusiza wuae 
\p  
\v 12 Nyiranizia Omwami iifu Yesu Kristo, omiire okumpa amaani, otioo ino aeniki yantoola ki omuntu osugre, okwagera anta mu emirimo giae.  
\v 13 Yankorra otio kukawa mbwe kale nyawanga ni mugamba-gambako uwiiwi, ni nyaasia awaawanga ni wamuganyireko kandi nyawanga omululu pe. Kukawa kutio, nya-ambrwa amagongi aeniki nyakolanga ewio mu okutamanya ni mbula okuganya ku Yesu.\x - \xo 1:13 \xt Awat 8:3\x* 
\v 14 Omwami Katonda yandaga owusiza wuae owungi owuluguulwa kandi yampa omwoyo ogwa okugonzia awantu alala no okuwa no okuganya ku iye. Wino wituuzra ni turi mu owulala ni Kristo Yesu.  
\v 15 Olugambo oluwoola mbwe, “Yesu Kristo yaaza ku ekialo kugere anunule awooni” luri kuwuene kandi awantu woona wasugaane waganye nalwo. Inze omwene ni inze omwoni omunene okukira awooni wandi woona.\x - \xo 1:15 \xt Luuk 15:2; 19:10; Awaru 5:8\x* 
\v 16 Ni Katonda yampambra amagongi kugere ni kuwitra ku inze, omuntu omwoni omunene okukira awooni wandi woona, Yesu Kristo alagane owuorevu wuae na awooni, awaazanga okumuganyako kugere woona watuukre owulamu owutariwua ku iye.\x - \xo 1:16 \xt 1Kori 15:9–10\x* 
\v 17 Katio Katonda Omwami owa amiire goona, Katonda omulala engʼene otafwa kandi otawonwa aeewue owunene no owuti amiire goona. *Amin. 
\p  
\v 18 Timotheeo mwana wange, nku-aa ensikirra eno, ewurzania na amangʼana aga *awagambi waakugamba-gambako mbwe gaaza okukuikorra. Gaingizie kandi londokana nayo kugere olwanagane geeza na awagerezi awa owuweyi.\x - \xo 1:18 \xt 1Kori 9:24–25; 1Timo 4:14; 6:12; 2Timo 4:7–8\x* 
\v 19 No okola otio, otareka okuwa no okuganya alala no omwoyo ogutakukengera ekiina. Wario awantu awamiire okulowa amangʼana gano kandi waona okuganya okulootu okwa waawanga nakwo.\x - \xo 1:19 \xt 1Timo 1:5\x* 
\v 20 Walala ku awantu awo ni Imanuusi ni Aleksanda, awantu awa miire okureka mu amakono aga *Sataani kugere waigerere owuwi owua okugamba-gamba uwiiwi ku Katonda.\x - \xo 1:20 \xt 1Kori 5:5; 2Timo 2:17; 4:14\x* 
\c 2  
\s1 Kiomo Awakristo wasugaane wasawe Katonda 
\p  
\v 1-2 Kutio, owusookere, nyagala mbwe muwe ni muingirizia awantu woona, ni ino-ino awaami alala na awakangasi woona. Muwaisasaamre ni muwasawira, lwona muwaiembere ni muwaikazizia Katonda. Okwo kuuza okugera tumenye mu owulamu owuolu owuwulamo erioga mu owulongoole no owuti.\x - \xo 2:1-2 \xt Efee 6:18–19\x* 
\v 3 Kuno kulootu kandi kusangaazia Katonda omununuzi iifu,\x - \xo 2:3 \xt Ezra 6:10\x* 
\v 4 oagala mbwe awantu woona wanunulwe kandi wamanye igerera eria kuwuene ku Yesu *Kristo.\x - \xo 2:4 \xt Ezek 18:23, 32; 2Timo 2:25; 2Pet 3:9\x* 
\v 5 Katonda ari omulala engʼene kandi omuntu oreeta empurizanio agati ya Katonda na awantu ari omuntu omulala engʼene.\x - \xo 2:5 \xt 1Kori 8:6\x* 
\v 6 Omuntu ono ni Kristo Yesu, owaifumia iye omwene okufwira ekialo kugere awantu woona wasiwulwe mu amawi. Kino ne ekilagano mbwe Katonda yagalanga okununula awantu woona, ekiaikola olwa enyinga ezia Katonda yataao ziatuuka kuwuene.\x - \xo 2:6 \xt Gala 1:4; Awaib 9:28\x* 
\p  
\v 7 Kandi nikio ekiagera ni ndowolwa ki *omutumwa owa Yesu Kristo kandi omulanzi, kugere mbe omugerezi owa awatari *Awayaudi, ogerera amangʼana agari kuwuene aga okuwa no okuganya ku Kristo. (Ni mboola otio ngʼambeeya, ni mboola ekiri kuwuene.)\x - \xo 2:7 \xt Awat 9:15; Awaru 1:5; 9:1; 2Timo 1:11\x* 
\p  
\v 8 Kutio asi-uasi aa muikumiizie okusawa Katonda, nyagala mbwe awekisaaza wasawe Katonda ni wagingre kungulu amakono ameeru agatakola owuoni ni wawula no okusu namba olusoolo no omuntu.\x - \xo 2:8 \xt Zabu 63:4; 134:2; 141:2\x* 
\v 9 Nintio lwona nyagala mbwe awekikazi waiwoye mu engira endootu elagana owuti. Watawa-uwa awantu awasuka emvwiri nakuwa awaiwooye enguwo ezia iguzi eria kungulu namba awaiwoya ewintu ewia edhaabu ne ewindi ewingʼena-ngʼena ewia amasendi amangi.\x - \xo 2:9 \xt 1Pet 3:3–5, 7\x* 
\v 10 Ni, wasugaane waingizie enkola endootu ezisugre na awakazi awaieta mbwe wari awalongoole.\x - \xo 2:10 \xt 1Timo 5:10\x* 
\p  
\v 11 Omukazi asugaane ategerezie kandi asarigire enyinga ezia amangʼana aga Katonda gagererwa, na aiisiizie ansi.  
\v 12 Inze omwene ngʼanganyire omuntu owekikazi okugerera nakuwa okuwa na amaani ku awasaaza ni paka wasarigire.  
\v 13 Kane Adaamu ngʼanio owasooka okulukwa, Aawa na akiari?\x - \xo 2:13 \xt 1Kori 11:3–16; 14:34–35\x*\x - \xo 2:13 \xt Owut 2:7, 21–22\x* 
\v 14 Lwona ngʼano omukazi, otari Adaamu, nio owasemereziwua nawuno agwa mu owuoni?\x - \xo 2:14 \xt Owut 3:1–6, 13; 2Kori 11:3\x* 
\v 15 Ni kukawa kutio, omukazi aaza okununulwa na arindre omugawo ogwa omwiwuzi owa awaana, na akorre olutuunyo mu okuwa no okuganya, okuwa no olugonzi na awantu no owulamu owuitengeeke, alala no okumenya owulamu owulagana owuti.\x - \xo 2:15 \xt 1Timo 5:10, 14; Tiit 2:4–5\x* 
\c 3  
\s1 Awakangasi awawarra owulala owua Awakristo 
\r (Tiit 1:5–9) 
\p  
\v 1 Ni kuwuene mbwe omuntu oagala okuwa omukangasi owarra owulala owua Awakristo, aagala emirimo emilootu ino.  
\v 2 Kutio, owarra owulala owua Awakristo paka awe omuntu owula ne ekintu-ukintu ekiwiiwi ekia akawoolwako. Asugaane awe omusaaza owa omukazi omulala kandi omanyire okugawula amangʼana geeza. Lwona asugaane awe omuntu oirindre mu enkola ziae, ogonziizie okuingizia awageni kandi oeerwe owuti. Paka awe omuntu omanyire okugerera geeza.\x - \xo 3:2 \xt Tiit 2:2; Awaru 12:13; Awaib 13:2\x* 
\v 3 Ataaza yawa omuntu omunywi nakuwa omuntu ogonziizie iiye, na asugaane awe omuntu omuolu, otagonziizie okusoolana na awantu kandi otagonziizie amasendi.  
\v 4 Lwona paka awe omuntu orindre omugizi gwae geeza, owona mbwe awaana waae wamuwurra mu engira ziona kandi mbwe wari no owuti ino.  
\v 5 Aeniki omuntu otarindre omugizi gwae geeza akarinda otie owulala owua awantu awa Katonda?  
\v 6 Ataaza yawa omuntu onunuulwe ampi, aeniki omuntu ki oyo aesa yawa no okuitumbula mu omwoyo gwae, mala yakengerwa ekiina ekia *Sataani yakengerwa.  
\v 7 Asugaane awe omuntu ori ne eriina ilootu namba ku awantu awatari Awakristo kugere watamurega. Okwo kuuza okugera areke okuingra mu emiweto egia Sataani.\x - \xo 3:7 \xt Tiit 1:6–9; 1Pet 5:1–4\x* 
\s1 Awatunzia awakangasi awa owulala owua Awakristo 
\p  
\v 8 Awantu awatunzia awakangasi awawarra owulala owua Awakristo woona wasugaane wawe awantu awaeerwe owuti, awatari awa endimi iwiri, nakuwa awanywi. Watawa awantu awagonziizie okutuukra ewintu nakuwa amasendi mu engira embiiwi.  
\v 9 Lwona wasugaane wawe awantu awa-ambiriire owuene owua okuganya ku *Kristo ne emioyo emiigolovu.  
\v 10 Ni wakiari okueewua emirimo, wasugaane wawarrwe geeza, aa ni wawula ekintu-ukintu ekiwiiwi, nikwo waeewue emirimo egio. 
\p  
\v 11 Awakazi waawu woona nintio wasugaane wawe awakazi awa enkola endootu awatawoola-woola awantu, ni wawe awamanyire okugawula amangʼana geeza kandi awa awantu waganyire nawo.\x - \xo 3:11 \xt Tiit 2:3\x* 
\p  
\v 12 Awantu awatunzia awakangasi awawarra owulala owua Awakristo wasugaane wawe awasaaza awa awakazi walala-lala, kandi awarindre awaana ne emigizi giawu geeza.  
\v 13 Awatunzi awakola emirimo giawu geeza wawa na amiina amalootu kandi wawa no owusiani mu okuganya okwa wari nakwo ku Yesu Kristo. 
\s1 Ekintu ekinene mu okuganya kwifu 
\p  
\v 14 Kukawa mbwe nyingirizia okukuuzako eyo wuangu ano,  
\v 15 ni nkujojera ebaruwa eno kugere namba ni nkindre okutuuka, awa mu enyumba eya Katonda wawe ni wamanyire kiomo wasugaane wamenye. Awa mu enyumba eya Katonda niwo ekaniisa eya Katonda omulamu, eri ensimbirro kandi empango eya amangʼana aga Katonda agari kuwuene.\x - \xo 3:15 \xt Efee 2:19–22\x* 
\p  
\v 16 Kuwuene, amangʼana aga Katonda amiire okutusasurra gari amakaate kandi gari kuwuene aa awulao omuntu oesa okulowa mbwe: 
\q1 Kristo yaaza no omuwiri ogufwanana no ogwa omuntu, 
\q2 Yalaganiwua no *Omwoyo Omweru ki owula no owuoni. 
\q1 *Enyankoi ziamuwona 
\q2 kandi eriina riae rialanziwua asi-uasi mu ekialo, 
\q1 kugera awantu wamuganyako mu ekialo. 
\q2 Owutuukre, yatoolwa airwa ku igulu no owunene.\x - \xo 3:16 \xt Math 28:18–19; Mari 16:20; Luuk 24:50–51; Yowa 1:14; Awat 2:33, 36; Awaru 1:3–4; Efee 1:20–21; Filiip 2:6–11; Kolo 1:6, 23; 1Timo 2:7; 2Timo 4:17; Awaib 1:6, 13; 2:9\x* 
\c 4  
\s1 Engerera ezia owuweeyi 
\p  
\v 1 *Omwoyo Omweru awoola geeza mbwe mu owutuuko, wario awantu wandi awaaza okugaluka wareke okuganya okwa wari nakwo ku *Kristo, ni walonda engerera ezia owuweeyi eziema ku *ewikeeno.\x - \xo 4:1 \xt Math 24:10; 2Timo 3:1\x* 
\v 2 Engerera zino zilanziwua na awaweeyi awasemerezia awantu, awa emioyo giawu egia okugawula ewiwiiwi ne ewilootu giaoneka ki egizinrwe ne ewiuma ewiyu le.  
\v 3 Wagaania awantu mbwe watakwezana lwona wataria ewiokuria windi ewia Katonda omwene yalukra awantu awari no okuganya kandi awamanyire owuene owuri mu amangʼana gaae okuria, ni wamuiranizia otioo.\x - \xo 4:3 \xt 1Kori 10:30; Awaib 13:9\x* 
\v 4 Ewintu wiona ewia Katonda yaluka wilootu, kutio kiwulao ekia omuntu asugaane azire na aikaziizie Katonda na akiari okuwiria,\x - \xo 4:4 \xt Owut 1:31; Mari 7:15\x* 
\v 5 aeniki amangʼana aga Katonda alala no okusawa kuwieruyia kugere witazirwa. 
\s1 Owemirimo omulootu owa Yesu Kristo 
\p  
\v 6 No ogereere awari no okuganya ku Yesu ewintu wino, ooza okuwa owemirimo owa Yesu Kristo omulootu ino. Ooza okukalanguka mu okuganya okuri kuwuene ne engerera endootu eya omiire okuwa no olonda.  
\v 7 Wa ale ne entaka ensaasa ne eminayo egia awakungu egiwula ne emirimo, ni kola wukalu owe no owulamu owusugre emberi wa Katonda.\x - \xo 4:7 \xt 1Timo 1:4\x* 
\v 8 Kukawa mbwe okudaanyuula omuwiri kulootu mu engira zindi, owulamu owuigolovu wulootu mu engira ziona aeniki wuri no omugawo mu owulamu owua reero kandi mu owulamu owuuza wuona.\x - \xo 4:8 \xt 1Timo 6:6\x* 
\v 9 Amangʼana gano gari kuwuene kandi awantu woona wasugaane waganye nago.  
\v 10 Kutio twona tukola wukalu okugalonda, aeniki tuteere emioyo giifu ku Katonda omulamu ori Omununuzi owa awantu woona, ni ino-ino awantu awamuganyireko.\x - \xo 4:10 \xt Tiit 3:4\x* 
\p  
\v 11 Sikirra kandi gerera awantu amangʼana gano.  
\v 12 Otaganya omuntu akurege mbwe aeniki okiari omuwuuka. Ni kola wukalu owe omufwano omulootu ku awaganyire ku Yesu mu okugamba-gamba kwao, enkola yaao, olugonzi, okuganya kwao, ni mu owulamu owueru.\x - \xo 4:12 \xt Tiit 2:7\x* 
\v 13 Toola enyinga ziao okusomera awantu amangʼana aga Katonda owuyanga, okulanzia alala no okugerera amangʼana amalootu aga Katonda. Kola otio nawuno nyize.\x - \xo 4:13 \xt 2Timo 3:15\x* 
\p  
\v 14 Otaaza waareka okukola ne empanwa eya waeewua olwa wagambwako olwa owulala owua *awagaaka awa Awakristo waakutaako amakono.\x - \xo 4:14 \xt Awat 6:6; 1Timo 1:18; 2Timo 1:6; Awaib 6:2\x* 
\v 15 Kola ewintu wino no owiteereko omwoyo kugere awantu woona wawone no ogia emberi geeza.  
\v 16 Iwarra kandi owarre ewintu ewia ogerera geeza, aeniki no okorre otio ooza okuinunula iwue omwene na awantu woona awategerezia ewintu ewia ogerera. 
\c 5  
\s1 Igerera ku awakazi awafwire, awagaaka na awagule 
\p  
\v 1 Otaaza wasiagizia omuntu mukulu no okusu, ni mugamba-gambre mpoola kiomo okagamba-gambra swao. Toola awazia na awaala ki waamwinyu,\x - \xo 5:1 \xt Awal 19:32\x* 
\v 2 na awakazi awakulu ki waangʼinwao, no olagana owueru owuwulamo okuikonya-konya. 
\p  
\v 3 Awakazi awafwire, awari awafwire kuwuene aeniki wawula no okawatunzia, wa-ee owuti ino.  
\v 4 No omukazi omufwire ori na awaana nakuwa awiizukulu, awaana awo wasugaane waigerere okukola emirimo egia okutunzia awakazi awafwire awari mu emigizi giawu, kiomo awaganyire ku Katonda wasugaane wakole. Ku okukola otio waoloola awiiwuzi waawu namba waaguukwa waawu ku okuwakomia, kandi ekio kisangaazia Katonda ino.  
\v 5 Omukazi omufwire kuwuene, no osigaale omwene owula okamutunzia. Iye atoola amaingirizio gaae goona yata ku Katonda, kutio owuire no omuwasu awa na asawa na aisasaama Katonda, aa atareka.\x - \xo 5:5 \xt Luuk 2:37\x* 
\v 6 No omukazi omufwire ogonziizie mala ewintu ewimu-aa owusangaavu iye omwene enyinga ziona, iye kukawa mbwe akiari omulamu agenda-genda, ni yamala okufwa kale.  
\v 7 Laga awantu amangʼana gano kugere nyanga watatuukrwa no owuwi. 
\p  
\v 8 No omuntu olowere okutunzia awaganda waae, ino-ino awa mu enyumba yaae omwene, amiire okulowa okuganya okwa turi nakwo kandi ari omuwiiwi okukira namba omuntu otaganyire ku Katonda. 
\p  
\v 9 Otaaza wata omukazi-umukazi okiari okutuusia emiaka amakumi mukaaga mu embala eya awakazi awafwire. Lwona paka awe omukazi owa olugendo olulootu kandi owakwewua no omusaaza omulala engʼene kandi owa enkola endootu.  
\v 10 Omukazi oyo paka awe owa awantu wamanyire mbwe yanala mu enkola endootu kiomo okukomia awaana waae geeza, okugonzia okuingizia awageni, okukorra Awakristo emirimo egia ansi kiomo egia okuozia amagulu kandi okutunzia awiina waae awari ne emidambo. Paka awe ori owuyanga okukola ewintu ewilootu mu engira ziona.\x - \xo 5:10 \xt Yowa 13:14; 1Timo 2:10; Awaib 13:2\x* 
\p  
\v 11 Otaganya waingizia amiina aga awakazi awafwire awakiari awatono mu ebuuki egingre amiina aga awakazi awafwire, aeniki wano, no okuagala okwa omuwiri kuwakirre, wareka engira ezia *Kristo waagwa okuagala awasaaza kandi.  
\v 12 Okwo kugera Katonda awaswawuka aeniki waona endagano eya waamala okuingiramo.  
\v 13 Owugawuuke na ago, waigerera okukola-ukola wusaasa ni waluga-luga mu amayumba. Ngʼane ekio kiengʼene, ni waweerako ni wawoola-woola awantu kandi waingira mu amangʼana agatari agaawu. Lwona wafwa okuwoola amangʼana agawatasugre okuwoola.\x - \xo 5:13 \xt 2Thes 3:11\x* 
\v 14 Kutio inze omwene mbona mbwe awakazi awafwire awakiari awatono, kulootu ni wakwerwe, waiwule awaana kandi waikale wawarre emigizi giawu geeza. Okwo kuuza okuima omuzigu iwaga eria okutuingirra ifwe awaganyire ku Kristo.\x - \xo 5:14 \xt 1Kori 7:9; 1Timo 2:15\x* 
\v 15 Ee, awandi wamiire okureka engira, walonda *Sataani. 
\p  
\v 16 Na ario omukazi Omukristo ori no omukazi omufwire engo waae, asugaane amuwarre kugere owulala owua awantu awa Katonda wutawona owuzito, ni wuwarre awakazi awari awafwire kuwuene, awawula na awantu awaesa okuwatunzia.  
\v 17 *Awagaaka awa owulala owua Awakristo awakangatra awantu geeza, ino-ino awakola emirimo egia okulanzia no okugerera amangʼana amalootu aga Katonda, wasugre no okuoloolwa kawiri.\x - \xo 5:17 \xt 1Thes 5:12\x* 
\v 18 Kuri kutio aeniki namba *endagano ewoola etino, “Enyinga ezia okola ne engʼombe mu okuwuula emere, otagisiwa omunwa.”\x † \xo 5:18 \xt Owuiz 25:4\x* Lwona ewoola mbwe, “Owemirimo asugaane okuoloolwa ku emirimo giae.”\x † \xo 5:18 \xt Luuk 10:7\x*\x - \xo 5:18 \xt Math 10:10; 1Kori 9:9, 12–14\x* 
\p  
\v 19 Otaaza watoola ekintu-ukintu ekiwiiwi ekiwoorrwe ku omukangasi owa awantu awa Katonda mbwe kiri kuwuene, no okiari okukiwurra ku awantu awatakeeyire wawiri nakuwa wasatu.\x - \xo 5:19 \xt Math 18:16\x* 
\v 20 Ni na ario omukangasi ogia-ugia emberi okukola owuoni, musiagizie emberi wa awantu kugere awandi watie.\x - \xo 5:20 \xt Gala 2:14\x* 
\v 21 Nkusikirra emberi wa Katonda ni Yesu Kristo alala ne emberi wa *enyankoi waae awalowole mbwe orinde amangʼana gano kandi okorre awantu owuagani, aa otatiire amiiso aga omuntu. 
\p  
\v 22 Ota-azakana okuta amakono gaao ku omuntu kugere otaingira mu owuoni owua omuntu wundi wusaasa. Irinda owe omweru mu ekintu-ukintu ekia okola. 
\p  
\v 23 Otaweerako no onywa-unywa amanzi gengʼene, ni toolangako edivaai esugre waanywa kugere ekutunzie ku enda ekunyaasia alala na amalwire aga kusa-kusa. 
\p  
\v 24 Amawi aga awantu wandi gamanyika wuangu kandi awantu wamanyire mbwe gasugre ne ekiina, na amawi aga awandi gatoola amiire okumanyika.  
\v 25 Nintio lwona enkola endootu zimanyika, ni namba ni zitamanyiike, ngaziesa okuiwisa ku amiire amangi. 
\c 6  
\nb  
\v 1 Awagule Awakristo woona wasugaane wa-ee awantu awawakorra emirimo owuti ino kugere awantu watagamba-gamba uwiiwi ku eriina eria Katonda alala ni igerera riifu.  
\v 2 Awakorra Awakristo wataaza waareka okuwalaga owuti aeniki awawakorra wari Awakristo, ni wasugaane wawakorre emirimo namba geeza okukira, aeniki emirimo giawu egio gitunzia awada waawu ku Katonda awa wagonziizie. Gano nigo amangʼana aga iwue osugaane ogerere kandi olagirizie awantu.\x - \xo 6:2 \xt Efee 6:5–8\x* 
\s1 Igerera eria owuweeyi no owunyazi owuri kuwuene 
\p  
\v 3 Na ario omuntu ogerera amangʼana agagawuuke kandi otaganyana na amangʼana aga *Omwami iifu Yesu *Kristo agari kuwuene, igerera eri-ira awantu mu okumenya owulamu owulootu\x - \xo 6:3 \xt 1Timo 1:3, 10\x* 
\v 4 emberi wa Katonda, omuntu oyo aizuule no okuitumbula kandi ngamanyire ekintu-ukintu. Ari no okuagala okuwiiwi okwa okuingra mu ensoolo ne entaka enkalu bere. Ni wino wireeta mala, iyari, na amae, na amanyego, no okuingirizia okuwiiwi ku omuntu,\x - \xo 6:4 \xt 2Timo 2:14\x* 
\v 5 no okutawurizania okutawua agati ya awantu, no okuingirizia okuoneeke, alala no okutamanya ekiri kuwuene. Iwo waingirizia mbwe okumanya Katonda ne engira eya okutuukra owunyazi. 
\p  
\v 6 No okumenya owulamu owulootu emberi wa Katonda, no owunyazi ino, ku omuntu owa omwoyo gwae gusugre ne ewia ari nawio.\x - \xo 6:6 \xt 1Timo 4:8; Awaib 13:5\x* 
\v 7 Kane ekia twaza nakio ku ekialo kuno, nakuwa ekia turigia nakio niki?\x - \xo 6:7 \xt Ayub 1:21\x* 
\v 8 Kutio ifwe ni turi no okuria ne enguwo ezia okuiwoya, ewio witusugre.  
\v 9 Awantu awagala owunyazi owungi, iwo wakirwa ni waingiire mu okugeazaaniwua, kandi wagwa mu omuweto. Wakola ewintu ewia owumaya lwona wawa no okuagala okuwiiwi ino. Wino wiona ne ewintu ewireeta mala okuoneka ilala.\x - \xo 6:9 \xt Emfu 15:27; 28:22\x* 
\v 10 Aeniki okugonzia amasendi niwuo owutanikro owua amawi goona. Wario awantu awangi awa ku okuagala amasendi, wamiire okureka namba okuganya kwawu ku Katonda kandi waireetra emidambo egiluguulwa. 
\s1 Paulo akengeere Timotheeo amagezi 
\p  
\v 11 Ni iwue Timotheeo omuntu owa Katonda, rumuka oeme mu ewintu wino wiona. Ta omwoyo gwao ku okuagala okuwa omuigolovu, kandi ku okuwa omuntu omenyere owulamu owulootu emberi wa Katonda. Lwona aagala okuwa no okuganya no olugonzi, okuwa omuntu owa olutuunyo kandi omuolu.\x - \xo 6:11 \xt 2Timo 3:17\x* 
\v 12 Lwanagana geeza mu okuganya, okire amaye agaazra awantu awari no okuganya ku Kristo kugere otuukre owulamu owutariwua. Owulamu owuo niwuo owua waeterwa olwa wawoola emberi wa awantu awangi mbwe ori no okuganya ku Yesu.\x - \xo 6:12 \xt 1Timo 1:18; 4:14\x* 
\v 13 Kutio nkusikirra emberi owa Katonda oesania ewintu wiona mu owulamu, kandi emberi wa Yesu Kristo owawoola geeza ekiayawanga emberi wa Pontias Pilaato,\x - \xo 6:13 \xt Math 27:11–26; Yowa 18:28—19:16\x* 
\v 14 mbwe paka orinde *ensikirra zino geeza, zitawa ne embala namba ekintu-ukintu ekiwiiwi ekia omuntu akaziwoolako. Gia emberi okukola otio nawuno okuirana okwa Omwami iifu Yesu Kristo kutuuke.\x - \xo 6:14 \xt 1Timo 1:3, 18\x* 
\v 15 Katonda osugre no okutondowolwa, omunene otuukre, Omwami owa awaami kandi omukangasi okirre woona, aaza okugera kino kiikole mu enyinga ezia yamala okutaao.\x - \xo 6:15 \xt Awat 1:7\x* 
\v 16 Katonda, owa engʼene nio ori no owulamu owutariwua, omenyere mu owueru owudangaazia kandi owa awulao omiire okumuwona namba orimuwona, aeewue owuti no owunene. *Amin.\x - \xo 6:16 \xt Okuf 33:20; Zabu 104:2; Yowa 1:18\x* 
\p  
\v 17 Laga awanyazi mu ekialo ekia nyingeeno kino mbwe wataitumbula, lwona watata emioyo giawu ku owunyazi owuwua wuno. Aa okukola otio, wasugaane wate emioyo giawu ku Katonda otu-aa ewintu ewigera ni tuwa awantu awasangaavu mu owulamu wuifu.\x - \xo 6:17 \xt Zabu 62:10; Luuk 12:15, 20; Yako 5:1\x* 
\v 18 Walagirizie wakole ewintu ewilootu kandi wawe awanyazi mu enkola endootu. Wawe awaani kandi awari owuyanga okusangirizia ewintu na awiina waawu.  
\v 19 Ni wakorre watio, waiwiikra ewilootu ewiriwaweera ki ensimbirro mu amiire agaaza. Ekio kirigera watuukre owulamu, owuri owulamu kuwuene.\x - \xo 6:19 \xt Math 6:20; Luuk 16:9\x* 
\p  
\v 20 Ee, Timotheeo, rinda ewintu wiona ewimiire okuteewua mu amakono gaao. Rekana ilala na amangʼana amasaasa aga ekialo alala no okuikululana mu amangʼana amakalu bere okwa awandi watoola mbwe no owuganga, ni ngakuri kutio yaaya.\x - \xo 6:20 \xt 1Timo 1:4; 6:4; 2Timo 1:14\x* 
\v 21 Awantu wandi wamiire okuteesia okuganya kwawu okulootu ni walonda engerera embiiwi eno. Owusiza owua Katonda wuwe ni inywe.\x - \xo 6:21 \xt 1Timo 1:6; 2Timo 2:18\x*