\id 1TH Drafted by Boniface Msaswa, October 2005; TA checked by Jeremiah Okumu, September 2006, CC Piet Oct 2008 
\h 1 AWATHESALONIIKA 
\toc1 Ebaruwa esookere eya Paulo yajojera AWATHESALONIIKA 
\toc2 1 Awathesaloniika 
\toc3 1Thes 
\mt2 Ebaruwa esookere eya Paulo yajojera 
\mt1 AWATHESALONIIKA 
\imt1 Amangʼana ku owuimpi 
\ip Ebaruwa esookere eyagiira awa ekaniisa eya Thesaloniika yajojwa no *Omutumwa Paulo na ari ku omugizi omunene ogwa Korintho omwaka ogwa 51. Ekaniisa eya Thesaloniika yatanikwa no Omutumwa Paulo mu olugendo lwae olwa okuwiri olwa okulanzia *injiili. Thesaloniika nigwo ogwawanga omugizi omunene ogwa ekialo ekia Makedoonia. Olwa *Awayaudi waareeta erioga ku omugizi ogwo, Paulo yafuma omwo wuangu-wuangu agia Berea. Lunyima, na ari Atheene, Paulo yatuma omwina waae Timotheeo okugia Thesaloniika okukalangusia awa ekaniisa eri eyo no okuwagerera amangi, ni iye ataao na agia Korintho. Timotheeo yamuiranako na ari Korintho amureetra amangʼana amalootu aga awa ekaniisa eya Thesaloniika: kiomo wari no okuganya okuisimbiire ku Katonda kukawa mbwe waawonanga eminyako-nyaako okuema ku awantu awaawalwanianga. Kutio, Paulo yawajojera ebaruwa eno okuwa-ambia amaani no okuirania embuuzia ziawu zindi, ino-ino ku amangʼana aga okuirana okwa Yesu *Kristo okwa okuwiri. 
\ip Paulo yajojera Awathesaloniika okuwakalangusia mu okuganya na awalaga mbwe wamuwone ki ekilago. Nikulondokana ne embuuzia yaawu ku ekiiza okuikorra Awakristo awamiire okufwa, Paulo yawairania mbwe awaafwa ni wari no okuganya woona wariwa alala na awalamu ni Yesu ari-irana okutoola awantu waae. Kutio, wasikie emioyo giawu namba ni wawita mu eminyako-nyaako emilulu, namba egia olumbe. Katonda ari nawo kandi waaza okuwa awakire mu owutuuko olwa Kristo ari-irana okuwatoola. 
\c 1  
\s1 Amakeezio agasookere 
\p  
\v 1 Inze Paulo, ni ndi alala ni Siila\f + \fr 1:1 \ft Eriina rindi eria Siila ni Silfaano.\f* ni Timotheeo, mbajojera ebaruwa eno inywe awantu awa ekaniisa eya Katonda Ise no *Omwami Yesu *Kristo, eri Thesaloniika. Owusiza no owuolu owua Katonda wuwe ni inywe.\x - \xo 1:1 \xt Awat 15:22; 17:1; 1Kori 4:17; 2Kori 1:19; 2Thes 1:1; 1Pet 5:12\x* 
\s1 Paulo airania otioo ku okuganya okwa Awathesaloniika 
\p  
\v 2 Tuiranizia Katonda otioo enyinga ziona ni tuwasawira inywe mwona aa tutaluya, ni tuwaeta na amiina giinyu.  
\v 3 Amiire goona ni tusawa emberi wa Soifu Katonda, tukiari okulawira emirimo giinyu egiemera mu okuganya kwinyu ku Kristo, no okuinyaasia kwinyu ne emirimo emikalu okuema ku olugonzi olwa muri nalwo, alala no okusikia emioyo okureetwa no okuwa no okurindirra ku Omwami iifu Yesu Kristo. 
\p  
\v 4 Waamwifu awa Katonda agonziizie, tumanyire mbwe Katonda amiire okuwalowola,  
\v 5 aeniki amangʼana amalootu aga Katonda aga twawalanzizia ngagakawanga mala amangʼana masa, ni gaawanga na amaani aga *Omwoyo Omweru owagera ni muwa no owuene ku amangʼana ago. Mumanyire geeza kiomo twawanga ni tumenyere ni inywe kandi kiomo twawatunzianga.\x - \xo 1:5 \xt Awat 19:11; Awaru 1:16; 1Kori 2:4; 4:20; 1Thes 2:13\x* 
\v 6 Kandi mwalonda olunyaafwa lwifu no olwa Omwami Yesu aeniki mwaganya muingizia amangʼana ago no owusangaavu owua Omwoyo Omweru yawa-aa, kukawa mbwe mwalwaniwuanga wukalu.\x - \xo 1:6 \xt 1Kori 4:16; Awat 13:52\x* 
\v 7 Kutio, mwawa ekilago ekilootu ku awantu woona awari no okuganya ku Kristo awari mu ewialo ewia Makedoonia na Akaaya.  
\v 8 Aeniki ni kuemera ku inywe, amangʼana aga Omwami Yesu gamiire okuilanzia kandi gawurikana, ngʼani mala mu ekialo ekia Makedoonia na Akaaya engʼene, na amangʼana aga okuganya kwinyu ku Katonda ago gamiire okuilanzia asi-uasi, aa kiwulao ekintu kindi ekia tusugaane tusongeko kandi.\x - \xo 1:8 \xt Awaru 1:8\x* 
\v 9 Aeniki iwo aweene walaga awantu kiomo mwatuingizia geeza ni kiomo mwagaluka mulaga katonda ensaasa omugongo, ni muganya okukorra Katonda omulamu kandi owa kuwuene.\x - \xo 1:9 \xt Yowa 17:3; Awat 14:15\x* 
\v 10 Lwona wawoola kiomo murindirra okuuza okwa omuzia waae okuema ku igulu. Yesu nio Omuzia waae owa yaziusia okuema ku awafu kandi owatununula atutoola mu okusu okwa Katonda okuuza. 
\c 2  
\s1 Emirimo egia Paulo yakola Thesaloniika 
\p  
\v 1 Waamwifu, inywe aweene mumanyire geeza mbwe okuuza okwa twaza okuwawona eyo ngakukawa okwa owusa, yaaya.  
\v 2 Kukawa mbwe anyuma ao twawanga ni tumiire okuwona eminyako-nyaako kandi twakorrwa enkola embiiwi ku omugizi ogwa Filiipi, kiomo mumanyire. Ni twasianiya okuwalanzizia *injiili na amaani aga Katonda iifu, kukawa mbwe awantu awangi waatulwanianga.\x - \xo 2:2 \xt Awat 16:19–24; 17:1–9\x* 
\v 3 Mumanyire geeza mbwe amangʼana aga tuwoola ngagaema mu engerera ezia owuweeyi, okuagala okuwiiwi nakuwa engira eya okuwasemerezia, yaaya.\x - \xo 2:3 \xt 2Kori 2:17\x* 
\v 4 Ni owugawuuke, ifwe tugamba-gamba ki awantu awa Katonda aganyire nawo okuteerwa injiili mu amakono. Ifwe okuagala kwifu ngʼano okuomerezia awantu yaaya, ni no okuomerezia Katonda, owa nio omanyirizia ewintu ewiri mu emioyo giifu.\x - \xo 2:4 \xt Gala 1:10\x* 
\v 5 Mumanyire mbwe ifwe ngatukawaazako na amangʼana amanyunkuulu okuwavuwa kugere muganye ni ifwe, lwona Katonda ari omuwoni wiifu mbwe ngatukawaisemereziako okutuukra ekintu-ukintu ku inywe.\x - \xo 2:5 \xt Awat 18:3\x* 
\v 6 Ngatukaagala okutondowolwa na awantu yawa, wawe inywe namba awandi awasaasa.\x - \xo 2:6 \xt Yowa 5:41, 44\x* 
\p  
\v 7 Ki *awatumwa awa *Kristo, twawanga na amaani aga okuwaagalako ewintu. Ni twawa awasiza ni inywe mala kiomo ngʼina omwana orinda omwana waae omwene.\x - \xo 2:7 \xt 1Kori 9:12\x* 
\v 8 Twawagonzia ino, kutio ngatukawa-aa mala amangʼana amalootu aga Katonda gengʼene, ni twawafumizizia kugia owulamu wuifu wuona, aeniki mwawanga ni mumiire okuwa awiiko wiifu ekiweye ne engege.\x - \xo 2:8 \xt 2Kori 12:15\x* 
\v 9 Waamwifu, kuwuene inywe muesa okuingirizia emirimo emikalu egia tuakola no owuzito owua twawona ni twawanga agati iinyu. Twakolanga emirimo owuire no omuwasu kugere tutaweera omuntu ku inywe omusigo, ni twawalanzizianga amangʼana amalootu aga Katonda.\x - \xo 2:9 \xt Awat 18:3\x* 
\v 10 Aweene muri awawoni kandi Katonda oona ari omuwoni mbwe ifwe twawanga aweeru, awigolovu kandi awawula ne ekiwi ekia wakawoolwako, ni twawanga agati iinyu inywe awantu awaganyire ku Kristo.\x - \xo 2:10 \xt 2Kori 1:12\x* 
\v 11 Aeniki mwona mumanyire geeza mbwe twakorra omuntu ki omuntu mala ekia swawu awaana akakorra awaana waae,\x - \xo 2:11 \xt Awat 20:31; 1Kori 4:14–15; Gala 4:19; 1Timo 1:2; 2Timo 1:2; Tiit 1:4\x* 
\v 12 ni tuwakalangusia, ni tuwa-ambia amaani kandi ni tuwaisasaama mbwe mumenye owulamu owusugaane emberi wa Katonda owawaeta mu owuami wuae kandi mu owunene wuae.\x - \xo 2:12 \xt Awaru 5:2; Filiip 1:27\x* 
\p  
\v 13 Kandi tuikazia Katonda enyinga ziona aeniki olwa mwawurra amangʼana aga Katonda aga twaza okuwalanzizia, ngamukagatoola mala ki amangʼana aga awantu yaaya, ni mwagatoola ki amangʼana aga Katonda kiomo gari, kuwuene. Amangʼana ago nigo agakola mu owulamu wuinyu inywe awari no okuganya ku Kristo.\x - \xo 2:13 \xt Gala 1:11–12; 1Thes 1:5\x* 
\v 14 Waamwifu, mwafwana mala na awantu awa amakaniisa aga Katonda agari ku Kristo agari mu ekialo ekia Yudeea, aeniki mwatuukra eminyako-nyaako okuema ku awiinyu aweene mala kiomo woona waatuukra eminyako-nyaako okuema ku *Awayaudi awiina waawu.\x - \xo 2:14 \xt Awat 17:5\x* 
\v 15 Awayaudi niwo awaaita *Omwami Yesu na *awagambi awa Katonda kandi niwo awaaturumusia ale. Ngawaomerezia Katonda kandi wari awazigu awa awantu woona\x - \xo 2:15 \xt Math 5:12; Awat 2:23; 14:19; Awaru 11:28; 2Kori 11:23–29\x* 
\v 16 aeniki watuigarra okulaga awantu awatari Awayaudi amangʼana agareeta owuinunuzi. Mu engira eno, waongerezia amawi gaawu okutambuka omurengo. Owutuukre, okusu okwa Katonda kwona aa kuagana kuwatuukreko.\x - \xo 2:16 \xt Math 23:31–32\x* 
\s1 Paulo ari na amiiga aga okuirana Thesaloniika 
\p  
\v 17 Ni waamwifu, olwa twagawulwa ni inywe ku enyinga entono, mu omuwiri ni ngʼani mu amaingirizio, tuakola wukalu okuuza okuwonana ni inywe amiiso na amiiso aeniki twawanga na amiiga amangi ni inywe.\x - \xo 2:17 \xt 1Thes 3:10\x* 
\v 18 Kutio, tuagalanga okuwaazako okuwawona, ino-ino inze Paulo nyakola wukalu okuuza eyo kangi, ni *Sataani yatuigarra.  
\v 19 Kane katio awatusangaarre nawo kandi awatuteereko emioyo giifu awagawuuke ni inywe ni waawu anu? Ngʼani inywe awari ki ekigudu kiifu ekia owuyaayi ekia turi-itumbula nakio emberi wa Omwami Yesu olwa ari-irana?  
\v 20 Kuwuene, ni inywe awagera ni tutuukra owunene kandi ni tuwa awasangaavu.\x - \xo 2:20 \xt Filiip 2:16; 4:1\x* 
\c 3  
\s1 Paulo atumre Timotheeo Thesaloniika 
\p  
\v 1 Kutio, olwa okugia emberi okuwa ale ni inywe kwatukira, twakenga mu emioyo giifu mbwe inze ni Siila tusigale Atheene\x - \xo 3:1 \xt Awat 17:14\x* 
\v 2 ni tuwatumre Timotheeo, ori wamwifu kandi omukozi owa Katonda omwina iifu ku okulanzia amangʼana amalootu aga *Kristo. Twamutuma okuuza okuwakalangusia kandi okuwa-ambia amaani mu okuganya kwinyu,\x - \xo 3:2 \xt 1Kori 4:17\x* 
\v 3 kugere mutayunziwua ne eminyako-nyaako egia muwona gino. Kuwuene inywe aweene mumanyire geeza mbwe kwawanga mbwe paka tuwone eminyako-nyaako gino.\x - \xo 3:3 \xt Efee 3:13; 2Thes 1:4; 2Timo 3:12\x* 
\v 4 Aeniki ni twawanga ni inywe, twaweerako ni tuwalaga mbwe tuuza okuwona emidambo. Kandi kuwuene ekio nikio ekimiire okuikola, kiomo mwona mumanyire.\x - \xo 3:4 \xt Awat 14:22\x* 
\v 5 Kino nikio ekiagera ni nyatuma Timotheeo mbwe awaazeko eyo okuwona kiomo mugia emberi mu okuganya kwinyu, olwa okugia emberi okuwa ale ni inywe kwatukira. Nyawanga no owuti mbwe andi omugeezaani\f + \fr 3:5 \ft Omugeezaani ni *Sataani.\f* amiire okuwageezaania kandi emirimo egia tuakola eyo giweere egia owusa.\x - \xo 3:5 \xt 1Kori 15:2\x* 
\v 6 Ni, nyingeeno katio olwa Timotheeo atuiraaneko na awaemako eyo, atureetiire amangʼana amalootu ku okuganya okwa muri nakwo alala no olugonzi lwinyu. Lwona atulagre mbwe mukiari na amaingirizio amalootu, kandi mbwe kiomo turi na amiiga aga okuwawona, nintio mwona muri na amiiga aga okutuwona.\x - \xo 3:6 \xt Awat 18:5\x* 
\v 7 Kutio waamwifu, ku eminyako-nyaako ne emidambo giona egia turi nagio, amangʼana aga okuganya kwinyu okwo gatuambiizie amaani ino.  
\v 8 Aeniki okuimerra okwa muimerre wukalu ku Omwami okwo kutuwuluusie emioyo.  
\v 9 Ne engiraaki eya tuesa okuiranizia Katonda otioo owusugre, ku owusangaavu owua turi nawuo emberi waae, ku amangʼana giinyu?  
\v 10 Owuire no omuwasu tusawa Katonda ne emioyo giifu egia munsi mbwe tutuukre iwaga tuuze eyo tuwonane ni inywe amiiso na amiiso kandi tuwatunzie okuizuzia ekikiakeeyire mu okuganya kwinyu.\x - \xo 3:10 \xt 1Thes 2:17\x* 
\v 11 Katonda kandi Soifu omwene alala no *Omwami iifu Yesu, waganye watuigurreo engira eya okuuza okuwawona.  
\v 12 Omwami aganye aongerezie olugonzi olwa muri nalwo agati iinyu aweene ni ku awantu wandi woona luwe olungi ino, mala kiomo twona turi no olugonzi olungi ino ni inywe.\x - \xo 3:12 \xt Gala 6:10\x* 
\v 13 Nsawa mbwe Omwami akalangusie emioyo giinyu kugere muwe awantu aweeru awawula ne ekiwi ekia wakawoolwako emberi wa Katonda kandi Soifu, olwa Omwami iifu Yesu ariiza na awantu waae aweeru woona.\x - \xo 3:13 \xt Filiip 1:10\x* 
\c 4  
\s1 Owulamu owuomerezia Katonda 
\p  
\v 1 Kutio waamwifu, owutuukre, tuwaisasaama kandi tuwa-ambia amaani ku eriina eria *Omwami Yesu mbwe kiomo twawagerera engira eya okumenya owulamu owuomerezia Katonda, mala kiomo kuwuene mumiire okuwa ni mumenyere, musonge okukola otio ku owungi ino.\x - \xo 4:1 \xt Kolo 1:10\x* 
\v 2 Aeniki mumanyire geeza amangʼana aga twawalagirizia ku amaani aga Omwami Yesu mbwe mulonde.  
\v 3 No okuagala okwa Katonda mbwe muwe awantu awatengeekwe kandi awari ale no owuoni owua owusondo.\x - \xo 4:3 \xt 1Kori 6:13\x* 
\v 4 Omuntu ki omuntu ku inywe asugaane amanye kiomo akairinda mu omuwiri gwae omwene mu engira enzeru kandi eya owuti.  
\v 5 Ni ngʼani mu engira eya okukangatrwa no okuagala okwa omuwiri kiomo awatamanyire Katonda wakola.  
\v 6 Kutio, omuntu-umuntu ku inywe ataaza yawitra omwina waae ku ingʼana rino nakuwa okumusemerezia, aeniki Omwami aaza okuswawuka awantu ku amawi goona agafwana gatio mala kiomo twawalaga kandi tuwasiagizia.  
\v 7 Aeniki Katonda ngakatueta okumenya owulamu owumwamu yaaya, ni yatueta okumenya owulamu owueru.\x - \xo 4:7 \xt Filiip 1:27; 1Pet 1:15–16\x* 
\v 8 Kutio, omuntu olowa amangʼana gano, ngalowa mala amangʼana aga omuntu yaaya, na alowa amangʼana aga Katonda owawa-aa *Omwoyo gwae Omweru.\x - \xo 4:8 \xt 1Kori 6:19–20\x* 
\p  
\v 9 Ku amangʼana aga olugonzi agati eya awada ku *Kristo, ngʼambona ekia tukawalaga aeniki inywe aweene mwamala okugererwa ni Katonda okugonzania omuntu no omwina waae.\x - \xo 4:9 \xt Yere 31:33–34; Yowa 6:45; 1Yow 2:20, 27\x* 
\v 10 Kandi kuwuene mugonziizie waamwinyu ku Kristo woona awari mu ekialo ekia Makedoonia kiona. Kukawa kutio, waamwifu tuwakalangusia mbwe mugie emberi okukola otio ku owungi.  
\v 11 Mukole wukalu muwone mbwe mumenyere owulamu owuwulamo erioga. Omuntu ki omuntu awarre emirimo giae omwene kandi murie oluuya lwinyu aweene mala kiomo twawalaga,\x - \xo 4:11 \xt Efee 4:28; 1Thes 2:9; 2Thes 3:10, 12\x* 
\v 12 kugere awantu awa enze wawa-ee owuti ku owulamu wuinyu owua owuire ki owuire kandi kugere omuntu ki omuntu ku inywe atuusie okuagala kwae iye omwene.\x - \xo 4:12 \xt Kolo 4:5\x* 
\s1 Okuziuka okwa awantu awaafwa ku Kristo 
\p  
\v 13 Waamwifu, ngatuagala muwe awawula no okumanya ku amangʼana aga awantu awamiire okufwa kugere mutarra ki awantu awawula no okurindirra okwa mu omwoyo.\x - \xo 4:13 \xt 1Kori 15:19; Efee 2:12\x* 
\v 14 Turi no okuganya mbwe Yesu yafwa kandi aziuka, kutio turi no okuganya lwona mbwe Katonda ari-irania waamwifu ku Kristo awaagona woona, alala ni Yesu.\x - \xo 4:14 \xt Awaru 14:8–9; 1Kori 15:3–4, 12, 20\x* 
\v 15 Nikulondokana na amangʼana aga Omwami omwene yawoola, ifwe awariwa awalamu olwa Omwami ari-irana, ngaturikangatra waamwifu awaagona okugia okumuaganra.  
\v 16 Aeniki olwa awantu wariwurra *ensikirra ne efumiiwue wukalu, omwoyo ogwa omukangasi owa *enyankoi ni guduma kandi ekombi eya Katonda ne erra, Omwami omwene ariema ku igulu aike ansi. Nikuemao awantu awaagona ni wari ku Kristo warisooka okuziuka.\x - \xo 4:16 \xt Mari 13:26; 1Kori 15:51–52\x* 
\v 17 Nikuemao, ifwe awasigaale awarituukrwa ni tukiari awalamu, turitoolwa kalala ki olumesi alala nawo tuirwe kungulu mu amare okuagaana no Omwami mu omuyaga kandi, turiwa no Omwami amiire goona.\x - \xo 4:17 \xt Yowa 12:26; Awaru 5:17; Filiip 1:23\x* 
\v 18 Kutio muiorezanie emioyo na amangʼana ago. 
\c 5  
\s1 Okuuza okwa Omwami Yesu okwa okuwiri 
\p  
\v 1 Waamwifu, kiwulao ekia tusugaane tuwajojere ku owuire ne enyinga ezia okuirana okwa *Omwami Yesu.\x - \xo 5:1 \xt Mari 13:32\x* 
\v 2 Aeniki, mumanyire geeza ino mbwe owuire owua okuirana okwa Omwami Yesu wuri-izukirra mala kiomo omwiwi ooza owuire.\x - \xo 5:2 \xt Math 24:27, 43\x* 
\v 3 Mu enyinga ezia awantu waaza okuwoola mbwe, “Turi no owuolu kandi turindirwe geeza,” nizio ezia waaza okuonwa kalala mala kiomo ewisa wi-izukirra omukazi oluire ni isaai, kandi ngawarimizuka, yaaya.\x - \xo 5:3 \xt Yere 6:14–15; Math 24:39\x* 
\v 4 Ni waamwifu, inywe ngamuri mu ekierema yaaya, kutio owuire owua okuirana okwa Omwami Yesu ngawusugaane wuwaizukirre kiomo okuuza okwa omwiwi.  
\v 5 Aeniki, inywe mwona muri awaana awa owueru kandi awa omuwasu. Ngaturi awantu awa owuire nakuwa awa ekierema, yaaya.  
\v 6 Kutio kane, tutawa kiomo awantu wandi awagona, ni mutuazamuke kandi tuwe amiiso ameeru.  
\v 7 Aeniki awantu awagona, wagona owuire, kandi awadungʼa, wadungʼa owuire.  
\v 8 Ni aeniki ifwe turi awantu awa omuwasu, mutuwe amiiso ameeru. Mutuingizie okuganya no olugonzi ki ekia-iiye ekirinda ekifuwa, kandi tuingizie ku omutwe okurindirra okutuukra owuinunuzi ki ekigudu ekia-iiye.\x - \xo 5:8 \xt Awaru 13:11–12; Efee 5:8–9\x*\x - \xo 5:8 \xt 2Kori 10:4\x* 
\v 9 Ifwe Katonda ngakatulowola okuuza okutuswawuka no okusu kwae yawa, ni yatulowola kugere tutuukre owuinunuzi ni kuwitra ku Omwami iifu Yesu *Kristo,\x - \xo 5:9 \xt 1Thes 1:10\x* 
\v 10 owatufwira kugere kuwe mbwe turi awalamu namba ni tufwire, tumenye nae alala.\x - \xo 5:10 \xt Awaru 14:8–9; 1Thes 4:14\x* 
\v 11 Kutio, muiambanie amaani kandi muikalangusanie omuntu no omwina waae, mala kiomo mukola mutio. 
\s1 Ewilagirizio na amakeezio agatuukre 
\p  
\v 12 Waamwifu, nyingeeno katio tuwaisasaama mbwe mutie awakangasi wiinyu awakola emirimo wukalu agati iinyu kandi awawalagirizia engira eya Omwami.\x - \xo 5:12 \xt 1Kori 16:15–18; 1Timo 5:17\x* 
\v 13 Muwa-ee owuti owungi owutambuuke, no olugonzi olwa munsi ku emirimo giawu egia wakola. Mumenye no owuolu omuntu no omwina waae.\x - \xo 5:13 \xt Mari 9:50\x* 
\v 14 Waamwifu, tuwasawa mbwe musiagizie awantu awaikala-uikala awatakola emirimo, ni muambie amaani awantu awa emioyo giawu gifwa. Mutunzie awagata kandi musikie emioyo na awantu woona.\x - \xo 5:14 \xt 2Thes 3:6, 11–12, 15\x* 
\v 15 Muwone mbwe awulao omuntu o-oloola owuwi ku amawi aga akoriirwe. Ne enyinga ziona, muwone mbwe mukorra awiina wiinyu alala na awantu woona geeza.\x - \xo 5:15 \xt Awaru 12:17\x* 
\v 16 Muwe no owusangaavu enyinga ziona\x - \xo 5:16 \xt Filiip 2:18\x* 
\v 17 kandi musawe Katonda aa mutareka.\x - \xo 5:17 \xt Luuk 18:1\x* 
\v 18 Mukubre Katonda otioo ku ewintu wiona aeniki ekio nikio ekia Katonda aagala ku inywe awantu awaganyire ku Kristo Yesu.  
\v 19 Mutazimia omurro ogwa *Omwoyo Omweru ogwa Katonda.  
\v 20 Mutatoola amangʼana aga owugambi wutono,\x - \xo 5:20 \xt 1Kori 14:39\x* 
\v 21 ni mugeezaanie ewintu wiona. Muambirre wukalu ewintu ewilootu wiona,\x - \xo 5:21 \xt 1Kori 14:29; Efee 5:10; 1Yow 4:1\x* 
\v 22 ni muwe ale ne ewintu ewiwiiwi wiona.  
\v 23 Nsawa mbwe Katonda omwene, ori ngʼina owuolu, aganye muwe aweeru awatengeekwe mu engira ziona. Nawa kandi mbwe aganye arinde emioyo giinyu, enkolo ziinyu alala ne emiwiri giinyu giwe emieru egiwula ne ekiwi ekia gikawoolwako owuire owua okuirana okwa Omwami.\x - \xo 5:23 \xt 2Kori 13:11; Filiip 1:10\x* 
\v 24 Katonda owawaeta arindre endagano yaae kandi aaza okukola otio.\x - \xo 5:24 \xt 1Kori 1:8–9; Filiip 1:6; 2Thes 1:11; 3:3\x* 
\p  
\v 25 Waamwifu, mutusawire Katonda.\x - \xo 5:25 \xt Awaru 15:30\x* 
\v 26 Mutukeezizie waamwifu woona awari entulo eyo na amakeezio aga awada awagonzaanie.\x - \xo 5:26 \xt Awaru 16:16\x* 
\v 27 Mbasikirra, ku eriina eria Omwami, mbwe ebaruwa eno esomerwe awantu woona awaganyire ku Katonda.\x - \xo 5:27 \xt Kolo 4:16\x* 
\v 28 Owusiza owua Omwami iifu Yesu Kristo wuwe ni inywe.