\id 1PE First draft by Jeremiah, July 2002; TA check by Jeremiah Okumu, November 2005; distant CC by Con Dec 2006-July 2007; Face to face CC by Iver, March 2008 
\h 1 PETRO 
\toc1 Ebaruwa esookere eya PETRO 
\toc2 1 Petro 
\toc3 1Pet 
\mt2 Ebaruwa esookere eya 
\mt1 PETRO 
\imt1 Amangʼana ku owuimpi 
\ip Ebaruwa eno yajojwa no *Omutumwa Petro omwaka ogwa 65, andi ni yawanga ku omugizi ogwa Rooma, aa yaitwa no Omwami Niiro emiaka emitono egialondako. Amangʼana gandi amakalu aga Olugiriiki agari mu ebaruwa eno galagana mbwe andi Siila yatunzia Petro okugijoja, na agandi gafwana na amangʼana aga Paulo owa Siila yakola nae ku emiaka emiera. No olugambo olurimo lulagana amaingirizio aga Omuibrania agafwanana na agari mu ebuuki eya Yakoobo, nikulondokana ni kiomo *Omuyaudi Omukristo yaingirizianga. 
\ip Petro yajojeranga Awakristo awaawanga mu ekialo ekia *Eesia Ekitono kiona awaanyaasiwuanga, ni ino-ino yagamba-gambranga Awayaudi Awakristo awaawanga ni warumuuke wareka emigizi giawu. Waatuukra eminyako-nyaako emilulu okuema ku awandi awataganyire ku Yesu ni kandi waazanga okuwona eminyako-nyaako okukira ao. Kutio, Petro awajojera na awakalangusia kandi na awa-ambia amaani mbwe watareka okuganya kwawu ku *Kristo Yesu kukawa mbwe wageezaniwua okukola otio. Aa okukola otio, ni wasugaane wasangaale ni wawita mu enyinga enkalu ezia okugeezaniwua aeniki kino kiiza okukalangusia okuganya kwawu kandi okuwareeta owunene owuire owua Yesu ari-iranamo. Petro akola ne eminyako-nyaako egia Yesu yatuukra ki omufwano na awoola mbwe okugeezaniwua ne ekintu ekilala ekia Omukristo paka awone mu owulamu wuae. Awakristo woona wari *awoozia awa okuganya, kandi okuwurra kwawu kuuza okuwareetra ekisangaalo. 
\c 1  
\s1 Amakeezio 
\p  
\v 1 Ebaruwa eno eema ku inze Petro, *omutumwa owa Yesu *Kristo. Ku inywe awalowole awa Katonda awari awageni ku ekialo kuno, awatanyiike mu ewialo ewia Pontuusi, ni Galatia, Kapadookia, *Eesia ni Bitiinia.\x - \xo 1:1 \xt Yako 1:1; 1Pet 2:11\x* 
\v 2 Katonda Soifu yawalowola kiomo yamala okutaao kale, kandi awatengeka okuwa aweeru ni kuwitra ku *Omwoyo Omweru, kugere muwurre Yesu Kristo kandi mueruyiwue na amasaai gaae agaasulula. 
\p Owusiza no owuolu wuwe ni inywe kuwungi.\x - \xo 1:2 \xt Awaib 12:24; 1Pet 2:9\x* 
\s1 Okurindirra okuwa no owulamu owutawua 
\p  
\v 3 Katonda kandi Swawu *Omwami iifu Yesu Kristo atondowolwe! Ku owusiza wuae owunene, amiire okutu-aa owulamu owuyia ni kuwitra ku okuziuka okwa Yesu Kristo okuema ku awafu. Kuno kugera ni tuwa no okurindirra okulamu\x - \xo 1:3 \xt 2Kori 1:3; Tiit 3:5; 1Pet 1:23\x* 
\v 4 kandi kutio turindira okutuukra ensereki enyingi ezia Katonda awiikiire awantu waae ku igulu, aa ngawiiza okuwola, okuoneka namba okukiiriya.  
\v 5 Ku okuganya okwa muri nakwo, Katonda aaza okuwarinda na amaani gaae amangi nawuno mutuukre owuinunuzi owuri ampi okusasulwa mu enyinga ezia owutuuko.  
\v 6 Musugaane muwe awasangaavu ku ingʼana rino, kukawa mbwe ku enyinga zino kuuza okuwanigirizia okuwona eminyako-nyaako egigawuke-gawuuke.  
\v 7 Muuza okuwona eminyako-nyaako gino, kugere okuganya kwinyu okuri okukaate okukira edhaabu eoneka kukawa mbwe e-eruyiwua no omurro, kumanyike mbwe kuri kuwuene kandi kuwareetre okutondowolwa, okueewua owunene no okueewua owuti owuire owua Yesu Kristo ari-irana\x - \xo 1:7 \xt 2Kori 4:17; Yako 1:2–3\x*\x - \xo 1:7 \xt Zabu 66:10; Emfu 17:3; Isaa 48:10; 1Thes 2:19; 1Pet 4:13\x* 
\v 8 Kukawa mbwe mukiari okumuwona, mumugonziizie; lwona kukawa mbwe ngamumuwona ku enyinga zino, mumuganyireko kandi muizuziiwue no owusangaavu owunene owutawoolwa,\x - \xo 1:8 \xt Yowa 20:29; 2Kori 5:7\x* 
\v 9 aeniki mutuukra owuinunuzi owua owulamu wuinyu, owuri ensimbiiro eya okuganya kwinyu. 
\p  
\v 10 *Awagambi awaagamba-gamba ku owusiza owuazanga okuwaazra, waagarizia na amaani gaawu goona okumanya amangi ku owuinunuzi wuno.  
\v 11 Waagalanga okumanya enyinga ne ewintu ewiazanga okuikola, ewia Omwoyo ogwa Kristo owawawangamo yalagananga olwa yagamba mbwe Kristo yaazanga okuinyaasia kandi mbwe wurio owunene owuazanga okulondako.\x - \xo 1:11 \xt 2Pet 1:19–21\x* 
\v 12 Katonda yagera wamanya mbwe ngawakawanga ni wakola emirimo egia okuwatunzia iwo aweene yaaya, ni ni inywe awa waakorra emirimo egio. Ni nyingeeno mumiire okulagwa ewintu wino na awantu awamiire okuwalanzizia *injiili na amaani aga Omwoyo Omweru otumirwe okuema ku igulu. Namba *enyankoi woona warindirra okuwona ewintu wino ni wiikola!\x - \xo 1:12 \xt Luuk 24:49; Awat 1:5, 8\x* 
\s1 Owulamu owueru 
\p  
\v 13 Kutio, mugangamuke kandi muirinde mu enkola ziinyu. Mute okuganya kwinyu kuona ku owusiza owua muuza okueewua olwa Yesu Kristo ari-inana.  
\v 14 Kiomo muri awaana awari no owuti, mutalondokana no okuagala okuwiiwi okwa mwawanga nakwo olwa mwawanga ni mumenyere mu okutamanya.\x - \xo 1:14 \xt Awaru 12:2; Efee 4:17–19\x* 
\v 15 Ni kiomo Katonda owawaeta ari omweru, inywe mwona muwe aweeru ku ewintu wiona ewia mukola.  
\v 16 Aeniki kujojerwe otino, “Muwe aweeru mala kiomo noona ndi omweru.”\x † \xo 1:16 \xt Awal 11:44, 45; 19:2; 20:7\x* 
\p  
\v 17 Aeniki mueta Katonda mbwe Soinyu, iye otatiire amiiso aga omuntu enyinga ezia awarra emirimo egia omuntu ki omuntu, mumu-ee owuti owungi ni mukiari mu owulamu owuimpi owua ku ekialo kuno.\x - \xo 1:17 \xt Math 6:9; Awaru 8:15; 2:6, 11; 1Pet 2:11\x* 
\v 18 Mumanyire mbwe omurengo ogwa Katonda yawaoloorra okuwata owuyanga okuema ku enkola ezia owusa ezia mwatuukra ku waaguukwa wiinyu, ngagukawanga ogwa ewintu ewiwua wiateeka kiomo efeedha nakuwa edhaabu.\x - \xo 1:18 \xt Math 20:28; 1Kori 6:20; Mari 7:6–9\x* 
\v 19 Ni yakola otio na amasaai ameeru aga Kristo, Ekimaatwa ekiwula ne embala nakuwa itone.\x - \xo 1:19 \xt Yowa 1:29; 1Kori 5:7; Awaib 9:12\x* 
\v 20 Kristo yaloworrwa emirimo gino namba ekialo ni kiawanga ni kikiari okulukwa, ni kugere muwone owulootu, ngakaaza nawuno mu amiire aga owutuuko gano.\x - \xo 1:20 \xt Awat 2:23; Efee 1:4–5\x* 
\v 21 Ni kuwitra ku Kristo, muganya ku Katonda owamuziusia okuema ku awafu kandi amuta mu owunene, kandi kutio muri no okuganya no owuene mbwe muriwa no owulamu owutariwua ku Katonda. 
\p  
\v 22 Nyingeeno kiomo mumiire okuieruyia ku okulonda owuene, muri no olugonzi oluri kuwuene ku waamwinyu. Mugonzanie omuntu no omwina waae no olugonzi olwa munsi.\x - \xo 1:22 \xt Awaib 13:1; 1Pet 2:17; 3:8; 4:8; 2Pet 1:7\x* 
\v 23 Mumiire okuiwulwa okuiwulwa okuyia, ngʼani kuema ku emwo efwa yaaya, ni ni kuema ku emwo etaesa okufwa, ni kuwitra ku amangʼana amalamu agatariwua aga Katonda.\x - \xo 1:23 \xt Awaib 4:12; Yako 1:18; 1Pet 1:3\x* 
\v 24 Kiomo endagano ewoola mbwe, 
\q1 “Awantu woona wari ki owusuwi, 
\q2 kandi owulootu wuawu wufwanana no owua amauwa. 
\q1 Owusuwi wukala kandi amauwa gagondeera gaadodoka ansi, 
\q2  
\v 25 na Amangʼana aga Omwami gario amiire goona agawula ne entuuko.”\f + \fr 1:25 \ft Isaa 40:6–8 (okuema ku endagano eya Olugiriiki).\f* 
\m Kandi amangʼana amalootu aga mwalanziziwua, nigo amangʼana ago.\x - \xo 1:25 \xt Yako 1:10–11\x* 
\c 2  
\p  
\v 1 Kutio, muwe ale ne enkola embiiwi ziona kiomo owuweeyi, okuisemerezia, iyari no okuwoola awantu uwiiwi.\x - \xo 2:1 \xt Efee 4:25; Yako 1:21; 4:11\x* 
\v 2 Kiomo awaana awato, muagale amaweere aga omwoyo agari amangʼana aga Katonda, kugere gawakomie mu owuinunuzi wuinyu,\x - \xo 2:2 \xt 1Kori 3:2; Awaib 5:12–13\x* 
\v 3 aeniki, ku enyinga zino, mumiire okumanya mbwe Omwami ari omulootu.\x - \xo 2:3 \xt Zabu 34:8\x* 
\s1 Amawaale amalamu na awalowole awa Katonda 
\p  
\v 4 Muuze ku *Kristo, ori iwaale ilamu erialowua na awantu, ni rilowolwa ni Katonda ki iwaale ilootu erikirre amawaale goona.\x - \xo 2:4 \xt Zabu 118:22; Isaa 28:16; 42:1\x* 
\v 5 Inywe mwona muri amawaale amalamu agakolwa nago okuomboka *ekaalu eya *Omwoyo Omweru ki *awoozia awatengeke awafumizia Katonda emisango egia Omwoyo Omweru aagala ni kuwitra ku Yesu Kristo.\x - \xo 2:5 \xt Isaa 61:6; Awaru 12:1; 1Kori 3:16; Efee 2:21–22; 1Pet 2:9\x* 
\v 6 Aeniki Katonda awoola mu amangʼana gaae otino: 
\q1 “Muwarre muwone! Miire okuikazia iwaale *Sayuuni, 
\q2 iwaale eria mu ekoona ilowole kandi erikirre goona. 
\q1 Omuntu-umuntu omuganyireko 
\q2 ngariwona ensuuko, yaaya.”\x † \xo 2:6 \xt Isaa 28:16\x*\x - \xo 2:6 \xt Awaru 9:33\x* 
\m  
\v 7 Ku inywe awaganyire, iwaale rino riri ilootu okukira goona, ni ku awataganyire, 
\q1 “Iwaale eria awaomboki waalowa 
\q2 nirio eriaza riwa iwaale eria ekoona ilootu eriambiriire enzizi geeza okukira goona,”\x † \xo 2:7 \xt Zabu 118:22\x*\x - \xo 2:7 \xt Mari 12:10–11; Awat 4:11\x* 
\m  
\v 8 kandi, 
\q1 “Ni iwaale eria awantu waiguunyako 
\q2 kandi waagwa ansi.”\x † \xo 2:8 \xt Isaa 8:14\x* 
\m Wagwa aeniki ngawakawurra amangʼana, kandi ekio nikio ekia waateerwa kale mbwe kiwaikorre.\x - \xo 2:8 \xt Luuk 2:34; Awaru 9:33\x* 
\p  
\v 9 Ni, inywe muri awalowole awa Katonda, awoozia awakorra Omwami, oluganda olwa awantu awatengeke kandi awa Katonda omwene, kugere mulanzie ewintu ewikate-kaate ewia iye owawaeta na awatoola mu ekierema na awaingizia mu owueru wuae, amiire okukola.\x - \xo 2:9 \xt Okuf 19:5–6; Awal 19:2; Owuiz 14:2; Awat 26:18; 1Timo 1:17; 6:15; Tiit 2:14; 1Pet 2:5; 1:1–2\x* 
\v 10 Kale ngamukawanga oluganda, ni nyingeeno muri awantu awa Katonda; kale ngamukawanga ni mutuukiire owusiza ni nyingeeno mumiire okutuukra owusiza.\x - \xo 2:10 \xt Osea 2:23; Awaru 9:25\x* 
\s1 Owulamu owusugaane na awakurumu awa Katonda 
\p  
\v 11 Awiiko wange awa ngonziizie, kiomo muri awageni kandi awalugendwa ku ekialo kuno, mbasiagizia mbwe muwe ale no okuagala okuwiiwi okulwania emioyo giinyu.\x - \xo 2:11 \xt Awaru 13:14; Gala 5:16–21; Awaib 13:14; 1Pet 1:1, 17\x* 
\v 12 Kukawa mbwe awatamanyire Katonda wawawoolako ewintu ewiwiiwi, inywe mumenye owulamu owulootu agati yaawu kugere wawone enkola ziinyu endootu kandi watondowole Katonda owuire owua ariwaazako.\x - \xo 2:12 \xt Math 5:16\x* 
\p  
\v 13 Muwurre awantu woona awari mu owukangasi, awe omwami okangatiire ekialo kiona  
\v 14 nakuwa awakangasi awari ansi yaae awa atumre okuswawuka awantu awakola amawi no okutondowola awantu awakola geeza.\x - \xo 2:14 \xt Awaru 13:1\x* 
\v 15 Aeniki, kuri okuagala okwa Katonda mbwe enkola ziinyu endootu zigere awantu awamaya awawawoola uwiiwi mu okutamanya, wawule ne ekia wakawoola.\x - \xo 2:15 \xt 1Pet 3:16\x* 
\v 16 Mumenye kiomo awantu awari owuyanga, ni mutakola no owuyanga owuo okusanikira amawi. Mumenye kiomo awemirimo awa Katonda.\x - \xo 2:16 \xt Yowa 8:32; Awaru 6:22; 7:6; 8:2; Gala 5:13\x* 
\v 17 Mulagane owuti owusugaane ku awantu woona kandi mugonzie awiina wiinyu awaganyire ku Katonda. Mu-ee Katonda owuti kandi mutie omwami owa ekialo.\x - \xo 2:17 \xt Emfu 24:21; Mari 12:17; Filiip 2:12; 1Pet 1:22\x* 
\p  
\v 18 Inywe *awakurumu, muwurre awamukorra emirimo kandi muwalage owuti ino. Ni ngʼana awalootu na awaolu wengʼene, ni kugia awawanyaasia.  
\v 19 Ne ekintu ekiomerezia Katonda no omuntu asikia omwoyo namba na akorrwa uwiiwi na awula owuoni, aeniki amanyire okuagala okwa Katonda.  
\v 20 Ni no owulootuuki owua okatuukra no osikiizie omwoyo no okubrwe emfunzi ku amawi aga okorre? Ni, no osikiizie omwoyo namba no okorrwa amawi, okwo kuomerezia Katonda.\x - \xo 2:20 \xt 1Pet 5:12\x*\x - \xo 2:20 \xt 1Pet 4:14\x* 
\v 21 Mwaetwa okukola otio, aeniki Kristo yawanyaka-nyaakra inywe, kandi yawarekera omufwano kugere mulonde olunyaafwa lwae.\x - \xo 2:21 \xt Efee 6:5–8\x*\x - \xo 2:21 \xt Math 10:38–39; Filiip 2:5; 1Pet 3:18\x* 
\q1  
\v 22 Ngakakola owuoni, 
\q2 kandi ngakawoola owuweeyi, yaaya.\x † \xo 2:22 \xt Isaa 53:9\x*\x - \xo 2:22 \xt Yowa 8:46; Awaib 4:15\x* 
\m  
\v 23 Olwa waamurigizra amangʼana aga amanyego, ngakairania na amawi; kandi olwa yanyaasiwua ngakairania na amangʼana agatiisia. Ni, iye yata amaingirizio gaaye ku Katonda omukengi owa ekiina mu engira eri kuwuene.\x - \xo 2:23 \xt Isaa 53:7; Mari 14:48–49, 65; 15:5, 16–20; 1Pet 3:9\x* 
\v 24 Iye omwene yatoola amawi giifu ku omuwiri gwae *ogwawambwa ku omusalaaba kugere tutalonda okuagala okwa owuoni, ni tumenye owulamu owueru. Ku ewisonga wiae mumiire okulamiwua ku amalwire.\x - \xo 2:24 \xt Isaa 53:5; Awaru 6:10–11; Kolo 2:4\x* 
\v 25 Inywe mwafwananga amagondi agaateeka, ne enyinga zino mumiire okuirana ku Omwayi kandi Omurinzi owa emioyo giinyu.\x - \xo 2:25 \xt Isaa 53:6; Yere 50:6; Ezek 34:5–6, 16; Yowa 10:11\x* 
\c 3  
\s1 Awakazi na awasaaza waawu 
\p  
\v 1-2 Inywe awakazi mwona muwe awaiisiizie ansi ku awasaaza wiinyu, kugere na awandi ku iwo wataganyire ku amangʼana amalootu aga Katonda, wagaluke wagaingizie mala ku okuwona enkola ziinyu endootu, kandi ni wawona kiomo owulamu wuinyu wuri owueru alala no owuti owungi owua muri nawuo. Kuno kuuza okugera wawe awalala ku awaganyire, namba ni watalagrwe.\x - \xo 3:1-2 \xt 1Kori 7:16\x* 
\v 3 Owulootu wuinyu ngawusugaane wuwonwe mala ku okuiwoya okwa enze, kiomo okusuuka emvwiri, okuingizia ewikomo ewia edhaabu, no okuiwoya enguwo eziomerezia.\x - \xo 3:3 \xt 1Timo 2:9\x* 
\v 4 No owulootu wuinyu wusugaane wueme mu emioyo giinyu munsi. Wuno niwuo owulootu owutaoneka owuema mu omwoyo omusiza kandi omuolu. Owulootu wuno wuri owunene ino mu amiiso aga Katonda.  
\v 5 Aeniki, nintio awakazi aweeru awaawanga no okuganya ku Katonda mu amiire amakulu waalagananga owulootu wuawu. Waaiisia ansi ni wawurra awasaaza waawu  
\v 6 mala kiomo Saara, owa-aa Abraamu owuti kandi yamuetanga mbwe omwami waae. Mwona muri awaala waae, ni mukola ewintu ewisugaane kandi ni mutatiire ekintu-ukintu.\x - \xo 3:6 \xt Efee 5:22–24\x* 
\p  
\v 7 Inywe awasaaza, mumenye na awakazi wiinyu na amaganga ni mumanyire mbwe wari endukwa endewenyu okuwakira. Muwe nawo no owuti ki awaaza okutuukra empanwa eya owulamu ku owusiza alala kandi owuagani ni inywe, kugere Katonda airanie okusawa kwinyu ni mumusawa.\x - \xo 3:7 \xt Efee 5:25–33; 1Timo 2:8\x* 
\s1 Awaganyire wanyaasiziwua enkola endootu 
\p  
\v 8 Owutuukre, inywe mwona mumenye ne empurizanio endootu na awiina wiinyu. Muwe awa-ambra awandi amasaasra kandi mugonzanie no olugonzi olwa kuwuene. Muwe awasiza kandi muiisie ansi.\x - \xo 3:8 \xt Efee 4:2–3; Filiip 2:2–3; 1Pet 1:22\x* 
\v 9 Mutaaza mwairania amawi ku amawi nakuwa inyego ku inyego. Aa okukola otio, inywe muiranie ne ensereki aeniki mwaetwa okukola otio kugere mutuukre ensereki.\x - \xo 3:9 \xt Awaru 12:17; 1Pet 2:23\x* 
\v 10 Kutio, kiomo endagano ewoola, 
\q1 “Omuntu-umuntu oagala okumenya owulamu owulootu 
\q2 no okuwona amiire amalootu emberi, 
\q1 paka arinde olurimi lwae atawoola amawi 
\q2 kandi omunwa gwae gutawoola owuweeyi. 
\q1  
\v 11 Paka areke amawi kandi akole owulootu, 
\q2 paka aagale okuwa no owuolu mu engira ziona. 
\q1  
\v 12 Aeniki Omwami awona awantu awalongoole 
\q2 kandi ategerezia okusawa kwawu, 
\q1 na alowa awantu awakola amawi.”\x † \xo 3:12 \xt Zabu 34:12–16\x*\x - \xo 3:12 \xt Yako 1:26\x* 
\p  
\v 13 Naanu okaagala okukukorra uwiiwi, iwue no oagala mala okukola geeza?\x - \xo 3:13 \xt Awaru 13:3; Tiit 2:14\x* 
\v 14 Ni namba no owuine eminyako-nyaako ku okukola owulootu, osereekwe. Mutatia ewia watiire kandi mutainyaasia mu emioyo yawa.\x † \xo 3:14 \xt Isaa 8:12\x*\x - \xo 3:14 \xt 1Pet 4:14–16\x* 
\v 15 Ni mu emioyo giinyu, mute *Kristo awe Omwami. Muwe amankaga enyinga ziona okuirania awantu woona awawawuuzia ekigera ni muandre ku okurindirra okwa muri nakwo.\x - \xo 3:15 \xt Kolo 4:5–6; 1Pet 1:3–5\x* 
\v 16 Ni mukole mutio no owuolu kandi no owuti, emioyo giinyu ni gitawakengera ekiina, kugere awantu awagamba-gamba owuwiiwi ku enkola ziinyu endootu ku Kristo wasuuke no owuweeyi owua wawawoolako.\x - \xo 3:16 \xt 1Pet 2:15\x* 
\v 17 Kuri kulootu okuinyaasia ku okukola owulootu, ku okuagala okwa Katonda, okukira okuinyaasia ku okukola owuwiiwi.  
\v 18 Kristo yoona yafwira owuoni kalala kandi owutuukre. Iye omuntu omulongoole yafwira awooni, kugere awareete ku Katonda. Yaitwa afwa ku omuwiri, ni yawa omulamu kandi ku amaani aga *Omwoyo Omweru\x - \xo 3:18 \xt Awat 3:14; Awaru 5:6–8; Awaib 7:27; 1Pet 2:21\x* 
\v 19 owagera agia okulanzizia emioyo egia awantu awaawanga mu owusiwe.\x - \xo 3:19 \xt 1Pet 4:6\x* 
\v 20 Awantu awaalowa okuwurra olwa Katonda yarinda no owuoreevu mu amiire aga Noowa yaombokanga owuato. Awantu munaane wengʼene niwo awaanunulwa mu owuato owuo wamizula olumbe olwa omugera.\x - \xo 3:20 \xt Owut 6:5–22; 2Pet 2:5\x* 
\v 21 Amanzi gano gari omufwano ogwa *owubatiiso owua enyinga zino namba inywe muwitamo okununulwa. Owubatiiso wuno ngawuri mala okuozia ikwe ku omuwiri yaaya, ni wuri okuifumizizia Katonda no omwoyo ogutakukengra ekiina. Wuwanunula ni kuwitra ku okuziuka okwa Yesu Kristo\x - \xo 3:21 \xt Awat 22:16; Awaru 6:3–4; Efee 5:26\x* 
\v 22 omiire okugia ku igulu kandi aikaale nyakukono okusaaza okwa Katonda, aa *enyankoi ziona, owukangasi wuona alala na amaani goona wiri ansi eya owukangasi wuae.\x - \xo 3:22 \xt Awat 1:9; Efee 1:21; Awaib 4:14; Math 28:18\x* 
\c 4  
\s1 Okumenyira Katonda 
\p  
\v 1 Kutio ni *Kristo yainyaasia mu omuwiri gwae, mwena muwe na amaingirizio agafwa gatio, aeniki omuntu omiire okuinyaasia mu omuwiri, arekana no owuoni ilala.\x - \xo 4:1 \xt 2Kori 4:10\x* 
\v 2 Ngawamenya kandi mu okuagala okwa omuwiri, ni wamenya mu okuagala okwa Katonda mu owulamu wuawu wuona owua emberi.\x - \xo 4:2 \xt 1Pet 2:21\x* 
\v 3 Aeniki mwamala okutoola enyinga ezisugre enyima, ni mukola ewintu ewia awatamanyire Katonda walowola okukola. Mwamenya owulamu owua okuinyonkoonia, owusariimu owua omuwiri, okudungʼa, emigomo emiwiiwi alala no okusawa Katonda ensaasa.\x - \xo 4:3 \xt Gala 5:19–21; Efee 2:3; Tiit 3:3\x* 
\v 4 Ni nyingeeno waluguula ino ni watawawona ni muizogaana nawo alala mu owulamu owuwi owua owuteesani, ekintu ekigera ni wawarigizra amanyego.  
\v 5 Ni paka wari-irania amangʼana emberi wa Katonda ooza okukengera awalamu na awafu ekiina.\x - \xo 4:5 \xt Awat 10:42\x* 
\v 6 Kino nikio ekiagera ni *injiili elanziziwua namba awantu waamala okufwa. Kukawa mbwe emiwiri giawu giakengerwa ekiina mala kiomo awantu wandi, waalanziziwua injiili eno kugere emioyo giawu gimenye owulamu owutariwua kiomo Katonda ari.\x - \xo 4:6 \xt 1Pet 3:19\x* 
\p  
\v 7 Entuuko eya ewintu wiona eri ampi. Kutio muwe na amaingirizio ameeru kandi muirinde geeza mu enkola kugere muwe mu okusawa.\x - \xo 4:7 \xt 1Kori 7:29, 31; 10:11; Yako 5:8; 1Yow 2:18\x* 
\v 8 Owukirre goona, omuntu ki omuntu agonzie omwina waae no olugonzi olwa munsi aeniki olugonzi lusanikra amawi amangi.\x - \xo 4:8 \xt Yako 5:20; 1Pet 1:22\x* 
\v 9 Muwe awaingizia awageni geeza no owusiza mu amayumba giinyu aa mutairiizia.\x - \xo 4:9 \xt Awaib 13:2\x* 
\v 10 Omuntu ki omuntu asugaane akole ne empanwa eya Katonda yamu-aa okutunzia awandi, kugere atuusie owusiza owua Katonda mu engira ezigawuke-gawuuke.\x - \xo 4:10 \xt Awaru 12:4–8; 1Kori 12:4–11\x* 
\v 11 Na ario omuntu ogamba-gamba, asugaane agamba-gambe na amanyire mbwe awoola amangʼana aga Katonda. Ni no omuntu akola emirimo egia okutunzia awandi, asugaane akole na amaani aga Katonda aesana, kugere Katonda atondowolwe mu ewintu wiona ni kuwitra ku Yesu Kristo. Owunene na amaani wiwe ewiae amiire goona agawula ne entuuko. *Amin.\x - \xo 4:11 \xt Awaru 12:7; 1Kori 10:31; 12:8\x* 
\s1 Okuinyaasia ku okuwa Omukristo 
\p  
\v 12 Awiiko wange awa ngonziizie, mutaluguula ni mudambiiwue no okugeezaniwua okululu, ti ngera ekintu ekiwaikorra kigeni.\x - \xo 4:12 \xt 1Pet 1:6–7\x* 
\v 13 Ni muwe awasangaavu mbwe muri alala ni Kristo mu okunyaka-nyaaka kwae, kugere muuze muwe ne ekisangaalo nyanga olwa owunene wuae wurisasulwa.\x - \xo 4:13 \xt Awaru 5:2; 2Kori 4:10; 1Pet 5:1\x* 
\v 14 No onyegwa aeniki oganyire ku eriina eria Kristo, osereekwe aeniki Omwoyo ogwa Katonda owa owunene akuriko.\x - \xo 4:14 \xt Math 5:10–12; 1Pet 2:20; 3:14\x* 
\v 15 No otuukra eminyako-nyaako, kutaaza kwawa ki okwa omuntu owaita omuntu namba omwiwi, nakuwa omuntu oona *ensikirra erindre ekialo, nakuwa omuntu ofwa okuingira mu amangʼana aga awandi.  
\v 16 Ni, ni muinyaasia aeniki muri Awakristo, mutaaza mwawona ensuuko. Ni mutondowole Katonda aeniki muetwa ne eriina riae.\x - \xo 4:16 \xt 2Timo 1:8\x* 
\v 17 Enyinga ezia Katonda ezia okukengera awantu waae ekiina zimiire okutuuka. Ni kuri mbwe na awantu waae niwo aaza okutanika nawo, muingirizia mbwe kuuza okuweera awantu awalowa okuingizia injiili owululu owufwana wutie?\x - \xo 4:17 \xt Yere 25:29; 2Thes 1:8\x* 
\v 18 Kuri mala kiomo endagano ewoola mbwe, 
\q1 “Ni kuri kukalu ku awantu awalongoole okununulwa, 
\q2 niki ekiiza okuikorra awooni na awantu awatatiire Katonda?”\x † \xo 4:18 \xt Emfu 11:31\x* 
\p  
\v 19 Kutio, awainyaasia ku okuagala okwa Katonda wasugaane wate okuganya kwawu ku Omulusi waawu otagaluka kandi wasugaane wagie emberi okukola geeza. 
\c 5  
\s1 Ku awagaaka na awawuuka awaraaga 
\p  
\v 1 Ndi omulala ku *awagaaka awa ekaniisa owawona eminyako-nyaako egia *Kristo yawona, kandi omulala ku awaaza okutuukra omugawo mu owukaate owuuza okusasulwa. Mbaisasaama inywe awagaaka awa ekaniisa  
\v 2 mbwe muwe awaayi awalootu awa amagondi aga Katonda ateere mu amakono giinyu mbwe murinde. Mukole mutio ku okuagala kwinyu aweene kiomo Katonda aagala, ni ngʼani ku okunigiriziwua yaaya. Mutakola otio no okuagala mbwe mutuukremo ekintu, ni ki awari no okuagala okwa okukorra awandi.\x - \xo 5:2 \xt Yowa 21:15–17; 1Timo 6:5\x* 
\v 3 Muta-aa awantu awa murindre owuzito, ni muwaweere ekilago ekilootu.\x - \xo 5:3 \xt Math 20:25–28; 1Kori 4:16; 2Kori 1:24; 1Timo 4:12\x* 
\v 4 Kandi olwa Omwayi Omunene aaza okuuza, ariwa-aa omugawo ogwa owukire ogutaaza okukiiriya yaaya.\x - \xo 5:4 \xt 1Kori 9:24–25; 1Pet 1:4\x* 
\p  
\v 5 Inywe awawuuka mwona musugaane muwurre awakulu wiinyu. Omuntu ki omuntu ku inywe asugaane akorre omwina waae na aiisie ansi aeniki, “Katonda alowa awantu awaitumbula, na awa omusiza na awantu awaiisiizie ansi.”\x † \xo 5:5 \xt Emfu 3:34\x*\x - \xo 5:5 \xt Efee 5:21; Yako 4:6\x* 
\v 6 Kutio muiisie ansi inywe aweene emberi wa Katonda, kugere awaginge kungulu mu enyinga ezisugre.\x - \xo 5:6 \xt Yako 4:10\x* 
\v 7 Mute eminyako-nyaako giinyu giona mu amakono gaae aeniki owulamu wuinyu wumuambre.\x - \xo 5:7 \xt Zabu 37:5; 55:22; Filiip 4:6\x* 
\p  
\v 8 Muwe amiiso kandi muikage, aeniki omuzigu wiinyu ori *Ekikeeno ekuba eno ne eno ki endwe eduma ne eagala omuntu owa ekatandula wutono-tono.\x - \xo 5:8 \xt 2Kori 2:11; 1Thes 5:5–8\x* 
\v 9 Mumulowe ni muimerre wukalu mu okuganya, aeniki mumanyire mbwe waamwinyu ku Kristo awari ku ekialo kiona wawita mu eminyako-nyaako emifwanani gino.\x - \xo 5:9 \xt Efee 6:11–12; Yako 4:7\x* 
\p  
\v 10 Ni Katonda owa owusiza wuona, owawaeta mu owunene wuae owutawua ni kuwitra ku Kristo Yesu, ni mumiire okuwona eminyako-nyaako ku amiire amatono, omwene aaza okugera muwe awatuufu kandi awakalangufu, awaisimbiriire kandi awataiyunzia.\x - \xo 5:10 \xt 2Thes 2:17\x* 
\v 11 Amaani goona gari agaae amiire goona agawula ne entuuko. *Amin. 
\s1 Amakeezio agatuukre 
\p  
\v 12 Mbajojeere ebaruwa enyipi eno ni ntunziwua ni Siila ori wamwifu owa manyire mbwe arindre endagano. Njojere itu rino okuwa-ambia amaani, ni mfumia owuwoni wuange mbwe wuno niwuo owusiza owua Katonda owua kuwuene owua musugaane muimerreko wukalu.\x - \xo 5:12 \xt Awat 15:22; 1Thes 1:1\x* 
\v 13 Awari *Babulooni,\f + \fr 5:13 \ft Andi eriina rino rikorrwe nario okuwisa omugizi ogwa Rooma ogwawanga ne enkola efwanani ne eya *Babulooni.\f* awaalowolwa ni Katonda alala ni inywe, wawatumiire amakeezio alala ni Mariiko, omuzia wange ku Katonda.\x - \xo 5:13 \xt Awat 12:12\x* 
\v 14 Mukeezanie omuntu no omwina waae na amakeezio aga olugonzi. Owuolu wuwe ni inywe awari ku Kristo mwona.